Uunt Yusa ashama nuka warasti
128
Kame yaaksha Uunt Yusan ashamaktura Ni jintin wekaana nuka ti shiir enentáimsamniaiti.
2 Ame uwejmiji̱a̱i̱ takakmasam yurumkumka
warasam péṉker pujustatme.
3 Ame núwemka uwa ame je̱e̱min ayamach wajas nereana
tura ame uchirmesha je̱e̱min ayamach wajas uriwiu yama nereana núnis ártatui.
4 Aents Uunt Yusan ashamana nuka
jú̱nisar péṉkernum yumiṉkramu ártatui.
5 Kame Uunt Yuska Seúnnumia̱ṉ péṉker pujutnum yumiṉkramprati.
Tura ashí tsawant iwiaaku pujuttamna nui̱ṉkia Jerusaréṉka péṉkeri̱ṉkia tuke waintiá.
6 Tura ame uchirmi uchirí̱sha wáinkiarta.
Israernumka aṉkant pujustin atí.