Uunt Yus Israeran aṉkant awajsattawai
130
Maa Uunt Yusá, takamtsuk meṉkakamnianum pujusan Ámin untsúajme.2 Uunt Yusá, winia chichamur antukta,
tura wi untsumma antuktaj tusam
antú antut ajasam pujusta.
3 Maa Uunt Yusá, tunáa tuke enentáimtusam pujuwitkiumni̱ṉkia,
maa Uuntá ¿yaki naka wajasaint?
4 Túrasha Ámeka tsaṉkukratniuitme,
shiir awajtai̱ ámij tusam túriniaitme.
5 Wi Uunt Yusan nákajai, tura winia wakantrusha núnisaṉ nákawai.
Wi Ni chichame̱n enentáimtamurnaka ikiusjai.
6 Kame jintia iistá tusar awajsámuja̱i̱ naṉkaamas
winia wakaniur Uunt Yusan nákawai,
ee jintia iin káshik wajana nuja̱i̱ naṉkaamas nákawai.
7 Maa Israerá, ame enentáimmiarmeka Uunt Yusai̱n ikiusta.
Warí, Uunt Yuska waitnenkartiniaiti tura Niinkia tí nukap aṉkant ajastin awai.
8 Uunt Yus Israernaka ni tunaarí̱ya̱ aṉkant awajsártatui.a