1
00:00:05,000 --> 00:00:17,280
Sasi de siko si auŋ olib ŋa nuwaŋ, auŋ aneŋ sitaleŋ ŋgu Getsemani, ma Yisu guŋguŋ ndi aŋa ŋaseŋomi, “Monoŋ deneŋ ma yoŋguŋ mokeŋ.”

2
00:00:17,280 --> 00:00:31,860
Ma aiga Pita, Jems ma Jon siŋ ae si, ma silowai ŋaseŋomi sakalaŋ i. Ndi no danaŋ Yisu ŋa ŋalaloŋ ŋapuŋa gabo ma aŋa taeŋgili siya aŋoŋ.

3
00:00:31,860 --> 00:00:41,120
Aŋguŋ ndi siya, “Yowaŋ ŋalaloŋ kizai ŋapuŋa gabo, kobo ŋgu kiya waŋgawiŋ. Mamonoŋ deneŋ ma monoŋ tamboaŋ lali.”

4
00:00:41,120 --> 00:00:54,340
Ma akilowai siya i ma si ŋasawati gi. Agembe su pu gi ma guŋguŋ mokeŋ ŋgu, gindiŋ ŋgu Potaŋ ŋgi ae sa ŋgu kasiŋ no aga ŋawasaŋ ŋa aneŋ wa mbo si ae.

5
00:00:54,340 --> 00:01:09,140
Aŋguŋ, “Azi, O Azi, kai gindiŋ ŋgu nuŋ gele kalibe. Ga mbi ŋapuŋa ŋa deneŋ i ŋeŋ kiya. Tiyaŋoŋ kambuliye yowaŋ taeŋgiŋ taŋ, nuŋ indiŋ kai ta miŋ taeŋgiŋ ŋgu nuŋ.”

6
00:01:09,140 --> 00:01:26,320
Aguŋguŋ mokeŋ mbai, de kuyumbuliŋ gi ma gugu ŋgu ŋaseŋomi seŋ tamboaŋ seŋ. Ma agili siya si ma guŋguŋ ndi Pita, “Saimon, dedele de kagweŋ tamboaŋ? Kai gindiŋ taŋ ŋgu moaŋ tamboaŋ lali ŋindiŋ yakatu ŋasawa nuwaŋ, ma?

7
00:01:26,320 --> 00:01:35,740
Tamboaŋ lali ma muŋguŋ mokeŋ ŋgu gele zai mbiya ŋa tapi mbiya sa taŋ. Mamiŋ ŋalau ŋa taeŋgiŋ solobe, tiyaŋoŋ masaloŋ ŋapuŋa.”

8
00:01:35,740 --> 00:01:40,440
Ma Yisu sigi, ma guŋguŋ mokeŋ tiyaŋoŋ danaŋ gumbau.

9
00:01:40,440 --> 00:01:51,500
Mbai, ma akuyumbuliŋ gi ma gugu saseŋ tamboaŋ, ŋgu saŋiŋ tamboaŋ gibi siya sa aŋoŋ. Ma sasiŋziliŋ biŋ ŋgu suŋguŋ ndi ae ŋa.

10
00:01:51,500 --> 00:02:11,400
Ma agi ma guŋguŋ mokeŋ gudinaŋ talawa ŋa. Ma ndi no akuyumbuliŋ ndi siya gumbau, ma aguŋguŋ, “Gu sasaŋaŋ ŋa mameŋ tamboaŋ tu molowe ataŋ ŋapaŋ mbe? Gindiŋ! No mbo si mbai ŋgu suŋguŋ Talameŋ ŋa Kole ko ma siki ae ndi lau yamba ŋiŋ maŋgeŋ.

11
00:02:11,400 --> 00:02:18,280
Mimisa ma taminaŋ! Mugu, tambu aneŋ waŋguŋ kiya ko di agombo i.”

12
00:02:18,280 --> 00:02:22,020
Siga Yisu to

13
00:02:22,020 --> 00:02:41,880
Yisu guŋguŋ biŋ danaŋ moaŋ, ma Judas, ŋaseŋomi 12 ŋiŋ nuwaŋ mbo si giŋ lau gabo aneŋ siga biyaŋ baliŋ tu gele lawiŋ ŋa. Dabuŋsiga babo tu kuduwaga biŋtuaŋ ŋa ma lau babo siki lau toŋ danaŋ siŋ Judas sombo.

14
00:02:41,880 --> 00:03:00,340
Judas, tambu aneŋ guŋguŋ Yisu ko, kiki pu lau ta kunuŋgwaŋ mbe mbai, ma guŋguŋ, “Tambu aneŋ mamiŋziliŋ, di kiya wambulodoŋ ae ŋgu watu ae ko ndi mbiya. Miga ae to ma miki lau ŋgu soŋgo ae, ma miga ae sa minaŋ.”

15
00:03:00,340 --> 00:03:10,260
Gudeneŋa ndi no Judas mbo si, di solobe ndi Yisu gi ma guŋguŋ, “Kuduwaga,” ma gumbulodoŋ ae.

16
00:03:10,260 --> 00:03:14,640
Ma lau aneŋ siŋ Judas, si siga Yisu to.

17
00:03:14,640 --> 00:03:26,560
Yisu ŋa lau sitaŋ kobo ae, de saŋiŋ nuwaŋ guyu aŋa biyaŋ sa ma kitawe dabuŋsiga gabo ŋa tambu kuluku ŋa, ŋa towaŋguŋ nuwaŋ ndei gi.

18
00:03:26,560 --> 00:03:35,480
Ma Yisu guŋguŋ, “Dedele de mamiga biyaŋ tu gele lawiŋ ŋa ma misi mombo ŋgu miga kiya to gindiŋ tambu aŋgasiŋa nuwaŋ?

19
00:03:35,480 --> 00:03:50,880
Ndi bi godobe yogomoaŋ giŋ mbiya ma kwadoŋ lau geŋ Limiŋ Dabuŋ ŋa ŋaoŋ ŋa, tiyaŋoŋ mamiga kiya taŋ. Ma gele aneŋ mamunuŋ talati, de kunuŋ Potaŋ ŋa biŋ aneŋ soto geŋ, de ŋaŋoŋ si.”

20
00:03:50,880 --> 00:03:56,360
Ndi danaŋ Yisu ŋa lau kalibe silowai ae i ma sendeleŋ i.

21
00:03:56,360 --> 00:04:10,080
Tambu wauŋ nuwaŋ gumbuliye Yisu ma moaŋ giŋ ae tu aŋa lau ndi kiziŋ danaŋ, ma akoso kau be. Lau lawiŋ ŋa sunuŋ ŋgu sulu ae to,

22
00:04:10,080 --> 00:04:18,060
tiyaŋoŋ akilowai aŋa kau i geŋ saŋiŋ maŋgeŋ, ma gendeleŋ masaloŋ molaŋ mbe gi.

23
00:04:18,060 --> 00:04:22,580
Lau babo Juda ŋa sumutu Yisu

24
00:04:22,580 --> 00:04:40,040
Dabuŋsiga babo Juda ŋa, tu lau babo ma kuduwaga biŋtuaŋ ŋa kalibe sili ataŋ sa sumoaŋ dabuŋsiga ŋamataŋ ŋa, ŋa za. Ma lau aneŋ siga Yisu to di siminaŋ sindi za ta si.

25
00:04:40,040 --> 00:04:55,440
Pita giminaŋ moaŋ ŋasawati gumbuliye Yisu, de giminaŋ to dabuŋsiga ŋamataŋ ŋa, ŋa za ŋa talabaŋ gi. Ma agonoŋsi giŋ lau soŋgo Limiŋ Dabuŋ ŋasakalaŋ ma kimazi ya.

26
00:04:55,440 --> 00:05:14,060
Dabuŋsiga babo tu lau babo kalibe aneŋ sonoŋ Juda ŋiŋ Lau Si Guliŋ ŋa ŋiŋ Toŋ, di siga lau sakalaŋ ŋgu sidiŋ biŋ pi Yisu ma siki ae su lau Rom ŋa ŋiŋ maŋgeŋ ŋgu sili ae u. Tiyaŋoŋ sitapi biŋ nuwaŋ sa taŋ.

27
00:05:14,060 --> 00:05:23,060
De lau kilili simisa ma suŋguŋ biŋ biyagala pi Yisu, tiyaŋoŋ siya kalibe saŋiŋ biŋ koso ataŋ.

28
00:05:23,060 --> 00:05:29,800
Sumbuliya lau ŋasakalaŋ simisa, ma sitiŋ biŋ biyagala pi ae dedeneŋ ŋgu,

29
00:05:29,800 --> 00:05:44,600
“Yamagu tambu ta guŋguŋ ŋgu, ‘Limiŋ Dabuŋ aneŋ talameŋ siti sa, di kiya waze ndei ŋa. Ma ndi bi talawabe kiya wati za wauŋ nuwaŋ sa, di gindiŋ za aneŋ talameŋ siti ŋa taŋ.’”

30
00:05:44,600 --> 00:05:48,480
Ma siya tiyaŋoŋ tiyaŋoŋ ŋiŋ biŋ koso ataŋ gumbau.

31
00:05:48,480 --> 00:05:58,460
Ma dabuŋsiga ŋamataŋ ŋa kimisa taŋ ŋawalaŋ, ma kisi Yisu, “Kaugu biŋ deneŋ sitiŋ pi kai, ma? Kai wa wi biŋ, ma mba?”

32
00:05:58,460 --> 00:06:09,620
Tiyaŋoŋ Yisu gitato ma guwi biŋ taŋ. Ma dabuŋsiga ta kisi ae gumbau, “Kai Misia ta, Potaŋ ŋa Kole aneŋ yamato sa, ma mba?”

33
00:06:09,620 --> 00:06:20,000
Ma Yisu guŋguŋ, “Kiya ta deneŋ. Ma sumbuliya mbiya wa mugu Talameŋ ŋa Kole wa noŋ Potaŋ Ŋayaŋga Ŋataŋ ŋa maŋgeŋ aŋoŋ, ma su mbo ŋiŋ tao.”

34
00:06:20,000 --> 00:06:31,140
Ndi no dabuŋsiga ŋamataŋ ŋa gugu biŋ danaŋ, de taeŋ ŋawasaŋ gabo ma giŋgaŋ ae ta ŋa kwi ko ma guŋguŋ, “Kala biŋ mba ŋgu tatiŋ pi ae ŋa.

35
00:06:31,140 --> 00:06:44,320
Biŋ aneŋ aŋguŋ pi ataŋ, de akunuŋ ŋgu ga Potaŋ ŋa baŋaŋ! Mamugu mbai, ma mamiŋ kau edele?” Ma siya kalibe suŋguŋ pitiyaŋoŋ ŋgu aŋgawiŋ.

36
00:06:44,320 --> 00:07:04,080
Lau ŋasakalaŋ sulusu wasuluwaŋ pi ae. Sasebe aŋa tamboaŋ boŋ ŋa kau, ma sita ae ma suŋguŋ, “Ŋgu kai propet, di ŋguŋ ko ŋgu sasae gili kai.” Ma lau soŋgo Limiŋ Dabuŋ ŋa siga ae sisi si, ma sili ae.

37
00:07:04,080 --> 00:07:08,940
Pita kipa ataŋ ŋgu akiliya Yisu giŋ

38
00:07:08,940 --> 00:07:17,800
Ndi no danaŋ Pita moaŋ za ta ŋa talabaŋ, ma dabuŋsiga ŋamataŋ ŋa iye kuluku ŋa nuwaŋ giminaŋ mbo.

39
00:07:17,800 --> 00:07:26,900
Agugu Pita kimazi ya moaŋ, ma kikanoŋ ae ma guŋguŋ, “Kai tambu aneŋ gumbuliye Yisu Nasaret ŋa giŋ.”

40
00:07:26,900 --> 00:07:38,500
Tiyaŋoŋ Pita kipa ataŋ ma guŋguŋ, “Mba, yogwagu kamiŋ biŋ ŋalabolaŋ i taŋ.” De akimisa gi taŋ kobo talabaŋ ŋa zaŋgawaŋ ma kugwa kitaŋ.

41
00:07:38,500 --> 00:07:51,020
Balobe de iye kuluku ŋa ta gugu ae gumbau, ma guŋguŋ biŋ kaiŋ tiyaŋoŋ ndi lau aneŋ sitaŋ kobo, “Mugu tambu diniŋ. Ae Yisu ŋa lau ŋiŋ nuwaŋ.”

42
00:07:51,020 --> 00:08:03,800
Tiyaŋoŋ Pita kipa ataŋ gumbau. Ŋasawati ma lau aneŋ sitaŋ diniŋ, de suŋguŋ, “Kai tambu Galili ŋa. Biaŋoŋ, kai saŋiŋ nuwaŋ.”

43
00:08:03,800 --> 00:08:16,060
Tiyaŋoŋ Pita guŋguŋ tu ŋayaŋga, “Mba! Ŋgu yoŋguŋ wanuŋ biŋ biyagala, di Potaŋ wa li kiya. Tambu aneŋ mamuŋguŋ biŋ pi ae gi, di yogwagui taŋ!”

44
00:08:16,060 --> 00:08:35,240
Ma sebebe kugwa kitaŋ guluwa ŋa, ma Pita ŋa taeŋgi Yisu ŋa biŋ ŋgu ae wa pa ataŋ ŋgu aewalia Yisu ŋiŋ udinaŋ talawa, ma kugwa wa taŋ udinaŋ luwa. Ma akitaŋ ataŋ aŋoŋ.