1
00:00:05,000 --> 00:00:17,260
Sawulu tsi kukunn ti ti ku nda ande na Yesu kyen ricwu baa, awu na u wen ba. Awu ru ka uwog kukwen Rimam tiyang

2
00:00:17,260 --> 00:00:43,520
u ka jwam wu baa, awu na nda wu kuko yi fengo na atsingken ti awu u nda andufu asog Rimam na Mbayawuda ti ta uwae uka na Damasiku, ikyaen ti wu na ka u ye ande ti putsa rifab Yesu, arom ti anda, u pu ba ba Urushelima.

3
00:00:43,520 --> 00:00:56,580
Ti awu ta fengo ku ba Damasiku, fer ti uten wu, iken iki ti pangma imam jaen wur si apupwen ba uwog ti awu ta atang.

4
00:00:56,580 --> 00:01:07,860
Awu jwunnsi riben u fxen unde ku kunn wu ira baa, “Sawulu! Sawulu! Imi ti nde ne afu ku nde m rikaen?”

5
00:01:07,860 --> 00:01:22,540
Sawulu ri baa, “Itsekuru, afu aye ti ku kunn me ira?” Awu fxen afxenjwin wu cwucwo ri baa, “Ame si Yesu ti afu ku nda m rikaen.

6
00:01:22,540 --> 00:01:32,580
Nwunn ti tsi ritsen. Sang uwae uka ne. Afu a ka pu fu atang, a u ri te pu ba afu iken ti fu u nde.”

7
00:01:32,580 --> 00:01:48,960
Ande ba ti putsa Sawulu kya tsi. A tsi skirr, a ri fob-ba ira iki be. Aba fxen afxenjwin yi, amaa a nung-ba unde iki be.

8
00:01:48,960 --> 00:02:04,900
Sawulu fa sunwunn u baa, awu na nunung, ayib-wu bur kyi. Awu ku sae tu-wu uwog cwucwo be. A tae wu tae ahan ka sang uka ti Damasiku.

9
00:02:04,900 --> 00:02:14,000
Fob usir ita, awu sae tu-wu uwog be, u ci-wu be, u ngwa-wu be.

10
00:02:14,000 --> 00:02:39,500
Kinjo uwae ande na Yesu ta uwae Damasiku atang, rinyi-wu si Ananiya. Kiye wu, Rimam nda wu sunn iken iki pangma kurwa. Uwae-yi, awu nung Yesu kunn wu ira baa, “Ananiya!” Ananiya cwe baa, “Ame ta ri, Itsekuru-m.”

11
00:02:39,500 --> 00:03:01,620
Yesu ri baa, “Nwunn, si fengo ti a ku kunn wu baa, Fengo ti Ndabta. Ru ka kununn Yawuda. Afu a ka pu fu, rang rifab unde iki ti ru uten Tarsus ba atang. Rinyi-wu baa, Sawulu. Awu ku jwam Rimam.

12
00:03:01,620 --> 00:03:13,300
Awu ama sunn kurwa baa, awu na nung unde iki ti rinyi-wu baa, Ananiya na sang ba u ba pu ajwo cwu tsa wu risu, ayib-wu na mbubta.”

13
00:03:13,300 --> 00:03:26,980
Ananiya ri baa, “Itsekuru, ande yang-ba akwen ri te pu ba ame ira risu unde wune. Meme iken ti awu nde te ande-fu uwae Urushelima nyang-yi be.

14
00:03:26,980 --> 00:03:38,580
Tine awu tu pu wu kuko uwog andufu Rimam tiyang ti wu na ye ande-fu uwae Damasiku ike.”

15
00:03:38,580 --> 00:03:54,700
Yesu ri te wu baa, “Ru! Ame tsab ra pu m awu ti wu na nde na m wande. Awu u sa rinyi-m ri te ande ti nung-ba ira-m be, te akwe-ba te ande na Isirela.

16
00:03:54,700 --> 00:04:01,340
Ame ti risu-m, ame u tatso wu meme rikaen ti awu u ngwa ikyaen na me.”

17
00:04:01,340 --> 00:04:33,180
Ikyaen yine, Ananiya ru ka tu Sawulu kununn atang u ka pu ajwo cwu tsa wu risu. Awu ri baa, “Inja-m Sawulu, Itsekuru-m Yesu ti tso risu-wu uwog-fu fengo kiye ti afu ku ba né awu ti tom m ba uwog-fu. Awu tom m ba ikyaen ti fu na tu itinung uwog, cwucwo ti fu na tu Kusung ti Saen Kyag.”

18
00:04:33,180 --> 00:04:48,900
Ti ritsen, iken iki pangma afob iwag bong ru ayib-wu. Ayib-wu mbubta, awu tu uwog ti nung cwucwo. Awu fa sunwunn, a nde na wu batisma.

19
00:04:48,900 --> 00:05:02,420
Isim yine, awu ci wuci, ama rimenn ijwe-wu kafe ba. Uwae uka na Damasiku, Sawulu som te ande na Yesu fob usir kpang.