1
00:00:05,000 --> 00:00:25,760
Ama Siman Bitrus ti atugbug Yesu iki putsa Yesu. Awu atugbug ti ifaen ne si unde ti kukwen Rimam tiyang nung pu wu awu, ikyaen yine awu ti Yesu sang fe yi uwae tabshi kununn kukwen Rimam tiyang.

2
00:00:25,760 --> 00:00:44,240
Amaa Bitrus tsi ti ise unju ufu tabshi. Awu atugbug Yesu ti kukwen Rimam tiyang nung pu wu awu kafe ba u ba ri ira te mbawandab ti ku nungkyi ufu atang u pu Bitrus sang yi uwae tabshi.

3
00:00:44,240 --> 00:01:00,320
Ama mbawandab wu rang Bitrus baa, “Afu si-fu kinjo uwae ande ti putsa Yesu wu be a.” Bitrus ri te wu baa, “Ei! Ame fa-m atang be.”

4
00:01:00,320 --> 00:01:12,200
Kiye wu rijwen ku nde timambe ama apyi aba ti dogari kyae urwa tsi u ku wē. Bitrus ru ka tsi fer ba atang u ku wē urwa ama.

5
00:01:12,200 --> 00:01:25,560
Uwog wune, awu kukwen Rimam tiyang byib Yesu ira risu ande ti ku putsa wu ti risu iken ti awu ku kwen na ande.

6
00:01:25,560 --> 00:01:50,520
Yesu ri te wu baa, “Ame ku ri ira-m uwe ande meme ko kiye titini. Iken ti kwen-m meme, ame nde yi uwae asog Rimam ko aka, ti uwae Kusog Rimam Tiyang ike, uwog ti meme Mbayawuda ku funn kob atang. Ame ri fob-m ira iki uwae kitam be.

7
00:01:50,520 --> 00:02:03,640
Imi ti nde titawe afu ku rang me ira risu iken ti kwen-m? Rang ande ti fxen iken ti m kwen na aba. Rang ba iken ti ame ri te ba. Aba nung pu ba yi.”

8
00:02:03,640 --> 00:02:18,280
Kiye ti Yesu ri ira yine, dogari iki ti tsi atang tae wu kujwo u ri baa, “Afu nde rimang u ku ri itso ira yine te kukwen Rimam tiyang?”

9
00:02:18,280 --> 00:02:35,160
Yesu ri te wu baa, “Asiti ame a ri raen ira uwae ira ti m ri ne, ri te ande ti ta ike riraen yi. Asiti ame a ri kubenti ama, imi ti nde titawe afu tae me kujwo?”

10
00:02:35,160 --> 00:02:45,240
Ama Anas tom wu ru yi uwog Kayafas, kukwen tiyang. Iji ti a cwong wu ajwo ta ti atang bwe.

11
00:02:45,240 --> 00:03:08,720
Ti Bitrus tsi ti atang bwe ku wē urwa, ande ti tsi te wu atang rang wu baa, “Afu si-fu kinjo uwae ande ba ti ku putsa unde wu be a” Amaa, Bitrus shaen ishaen risu-yi baa, “Iyee, m fa-m uwae-ba be.”

12
00:03:08,720 --> 00:03:29,900
Kinjo uwae apyi na kukwen tiyang ta atang ama, awu si inja na unde ti Bitrus pyera kutong-wu. Awu rang Bitrus baa, “Ame nung fu uwae rukong akwen, afu te wu tetso ree, re si-yi afu be?”

13
00:03:29,900 --> 00:03:40,980
Bitrus pyir kyi cwucwo baa, ayi na si-yi awu be. Ti ira unju-wu ne, mbakunn ta ira tiri.