1
00:00:05,000 --> 00:00:29,020
Ti ucwe fam ku yae aba nwunn kununn Kayafas u pu Yesu ru yi ofis na gomna. Awu si urae Roma. Aba ande ndufu Mbayawuda sang-ba uwae kusog atang be, ikyaen ti, aba ku cwe unju risu ira ukwab-ba ti ku ba.

2
00:00:29,020 --> 00:00:44,260
Ikyaen yine Bilatus ruye ba tu ba ise u rang ba baa, “Ani ye unde wune ti riraen na imi?”

3
00:00:44,260 --> 00:00:54,580
Aba ri baa, “A baa, awu na raen-wu ira iki be, ati ú ye wu ru ba-ti ike be.”

4
00:00:54,580 --> 00:01:11,900
Bilatus ri te ba baa, “Ni pu wu ru ti ni ka pwen wu rikwen risu iken ti Icwe-ni ri.” Mbayawuda aba ri te wu baa, “A cwe na-ba ati ti ti na pwen unde rikwen iticwu be.”

5
00:01:11,900 --> 00:01:29,260
Iken yine nde ikyaen ti ayi ā kumunn ira ti Yesu ri risu iticwu-wu, ti itso iticwu ti awu u cwu.

6
00:01:29,260 --> 00:01:43,900
Bilatus kafe ba sang yi kusog gwamna u nda dogari pu Yesu ru ba tsi uwe-wu u byib wu baa, “Afu ti si ukwe na Mbayawuda a?”

7
00:01:43,900 --> 00:01:53,740
Yesu ri te wu baa, “Ira ti rang ayine si ana-fu ti risu-fu ree, re ande iki ti ri ira risu-m te fu?”

8
00:01:53,740 --> 00:02:15,780
Bilatus ri te wu baa, “Ame na si urae Yawudiya a. I si ande-fu ti aba kukwen tiyang-ba ti ye fu ru ba sang kujwo-m. Ri te m, imi ti afu nde?”

9
00:02:15,780 --> 00:02:36,220
Yesu ri te wu baa, “Kujwokwe-m si-yi ana utense ike be. A baa kujwokwe-m na si ti utense ike ande ti imbyi-m ú ta rika ikyaen ti ame na sang-m kujwo ande ndufu Mbayawuda be. Kujwokwe-m si ana uwog iki.”

10
00:02:36,220 --> 00:03:03,020
Bilatus rang wu baa, “Ayi a si ahan, afu si ukwe a?” Yesu ri te wu baa, “Afu ti ri ira yi. Iken ti nde titawe a mbae m sang ba uwae utense wune si ikyaen ti m na ri ira ti kubenti. Unde titini ti si unde ti kubenti, awu ku naa kutong ku fxen m.”

11
00:03:03,020 --> 00:03:22,500
Bilatus rang wu baa, “Imi ti si kubenti?” Ti Bilatus ri tag ira yine, awu nwunn u kafe ruye yi ise uwog ande ndufu Mbayawuda u ri te ba baa, “Ame tu-m unde wune ti riraen iki be.

12
00:03:22,500 --> 00:03:43,340
Amaa pangma ti ani Mbayawuda ku nde ko kusang ti kusang, kiye na Ukwab Itiyafe, ame u saen ta na ni unde kinjo ti ta pursuna. Ani ku sha ti m na saen ta na ni ukwe-ni a”

13
00:03:43,340 --> 00:04:07,740
Ama aba taen ira ti ribom-ba meme baa, “Iyee! Si-yi unde wune be! Nda ti Barabas.” Barabas ta uwae ande iki ti nwunn u tsi ikub ti gomnati.