1
00:00:05,000 --> 00:00:28,900
u ye kutuku ti a u kwer wu atang nae tsa wu ukwae. Awu nwunn u su wu ru yi kumbukunn iki ti a ku kunn wu baa, Uwog Kukoto Risu. (Yi unju Mbaibrane, a ku kunn wu baa, Golgota.)

2
00:00:28,900 --> 00:00:44,740
Atang a kwer Yesu fa kutuku tsi si kutampwa ande ifaen iki ti a kwer ba fa ituku ama. Kinjo ta kujwo ife-wu, ti ifaen ama ta kujwo rici-wu.

3
00:00:44,740 --> 00:01:01,420
Ama Bilatus bae ira ijwe iken iki u sa bae ijwe kutuku wu. Ira yi ti awu bae si, “Yesu unde ti Nazareti, Ukwe Mbayawuda.”

4
00:01:01,420 --> 00:01:21,980
Mbayawuda yang-ba ru ba sae ira yine, ikyaen ti, uwog ti a kwer Yesu atang ta fifer ti uwae uka. A bae ira yi ti unju Mbayawuda, ti unju ande ti Roma, te kyi unju Mbahelene.

5
00:01:21,980 --> 00:01:41,300
Kiye ti akwen Rimam tiyang nung ira yi, aba ri te Bilatus baa, “Bae-fu baa, Ukwe Mbayawuda be. Bae baa, unde wune ri baa, awu na si Ukwe Mbayawuda.”

6
00:01:41,300 --> 00:01:47,820
Bilatus ri baa, “Iken ti ame bae, ame bae pu m.”

7
00:01:47,820 --> 00:02:11,220
Isim ti akyirten aba ye Yesu kwer mam pu ba risu kutuku, aba pu atupwa-wu u kata yi kumbub inje, unde titini uwae-ba tu ana-wu. Amaa, kutupwa-wu ti uwae, a ndxob wu ndxob. Unju kutupwa wu uwog ti a kob ren wu atang ama ta-wu be.

8
00:02:11,220 --> 00:02:48,540
Ikyaen yine, akyirten aba ri tetso baa, “Ti shir yaen-ti ayi be. I nyang skeb ti ti caen iticaen ti ti nung unde ti u sa wu.” Iken yine nde ikyaen ti ayi ā kumunn iken ti a bae uwae kutsingken Rimam baa, “Aba kata atupwa-m tetso u pu atupwa-m ka na atso yi fengo na iticaen.” Ayine si si iken ti akyirten bane nde.

9
00:02:48,540 --> 00:03:03,620
Ariki tsi fer ti kutuku ti a kwer Yesu fa atang. Aba si iya Yesu ti kaya iya-wu, ti Mberimu uwa Kiliyobas, ti Mberimu Magadalen.

10
00:03:03,620 --> 00:03:18,420
Yesu nung iya-wu tsi atang, ti kinjo uwae atugbug-wu – awu ti Yesu cwe ira-wu timambe. Yesu ri te iya-wu baa, “Iya, nung umbae-fu ta re.”

11
00:03:18,420 --> 00:03:31,680
Awu ri te unde wu baa, “Nung iya-fu ta re.” Tsi ti usir wu, awu unde ti putsa Yesu wune pu Mberimu ru ka som uwae kununn-wu.

12
00:03:31,680 --> 00:03:48,720
Isim ayine, Yesu nung pu wu baa, wande-wu meme na mam tag pu yi. Ama ikyaen ti ira ti a bae uwae Kutsingken Rimam ā kumumunn, awu ri baa, “Ame ku fxen ti unwaen.”

13
00:03:48,720 --> 00:04:06,460
Kitutong iki tsi atang ti munn te ambyi awaen anam ti fifab. Aba sa soso ru ka tsi si uwae ambyi yine u sa wu fae si ukum u sa tso yi unju-wu baa, awu na shib ngwa.

14
00:04:06,460 --> 00:04:17,020
Kiye ti wu shib ambyi ti fifab yine, awu ri baa, “Wande-m mam pu yi!” Tiri awu fur risu-wu si riben u sa cwu.

15
00:04:17,020 --> 00:04:52,620
Tiri Mbayawuda aba kafe ru ka jwam Bilatus baa, awu a cwe ira aba na u mber afxen ande ba ti aba ye kukwer ikyaen ti a na u nghang ba si yi riben. Aba nde iken yine ikyaen ti, usir wu si riben usir ikyinn-ba. Aba ku sha-ba ti akom ande bane na tsi ti atang ru ba ti usir ikyinn be. Usir ikyinn wune ama site rurob skeb tag ti tsitsi.

16
00:04:52,620 --> 00:05:03,420
Ikyaen na yine akyirten aba ru ka mber afxen unde wu ti kucang, ti ana unde ti ifaen ti aba ye wu kwer te Yesu.

17
00:05:03,420 --> 00:05:15,460
Ama kiye ti aba ru ba fob uwog Yesu, ti aba u nunung, awu cwu mam pu wu. Ikyaen yine aba mber-ba afxen-wu cwucwo be.

18
00:05:15,460 --> 00:05:26,340
Amaa, kinjo uwae akyirten ba sa uti-wu ter kang Yesu ti ishi. Ti ritsen, anying ti ambyi kyebkyi.

19
00:05:26,340 --> 00:05:46,100
Ira yine si ana unde ti sae iken yi te ayib u ku ri kubenti iken ti nde. Ira-wu ayi si kubenti ama awu ku ri te ni ira yine ti ni na ru uwae kinjo atang.

20
00:05:46,100 --> 00:05:58,960
Iken yine nde ikyaen ti ira ti a bae uwae Kutsingken Rimam ā kumunn. Ikyaen ti, a bae baa, “Kukub rimenn-wu iki u mber-wu mber be.”

21
00:05:58,960 --> 00:06:06,680
A bae kyi atang cwucwo baa, “Ande u sae unde wu ti a ter wu uti.”