1
00:00:05,000 --> 00:00:13,300
Nô̌kò tôni̤nu Khûyṳ̂ha ihtǒ ô̌wô̤̌wô̤̌ sô̌ kû̌ akhôphijǎ sò̌ginǐ̤.

2
00:00:13,300 --> 00:00:17,120
A kè̌shǐ Yeshǔ cû̌ dǒ klè̌lô̤ dě a hî̌ kû̌,

3
00:00:17,120 --> 00:00:18,640
“Kè̌mò̌ lô̌khô,

4
00:00:18,640 --> 00:00:23,520
Cǒmara a sû̌phû̌ dǒ kòyò gǔ lṳhtò̌ apě nutôpwa̤.”

5
00:00:23,520 --> 00:00:32,080
A khôphijǎ nusò̌ginǐ̤ ganǎ̤de Khûyṳ̂ha hî̌bǎ pô̤̌o dě a gû̌cû̌kû̌ Yeshǔ kò.

6
00:00:32,080 --> 00:00:35,960
Bǎ Yeshǔ htû̌tiwǐ kè̌tîkhî akha,

7
00:00:35,960 --> 00:00:44,480
a kè̌shǐ asî gû̌ cû̌kû̌ lû̌û kò dě a gwè̌ asî kû̌,

8
00:00:44,480 --> 00:00:45,080
“Sî kè̌lǎ mî̌titè?”

9
00:00:45,080 --> 00:00:46,480
Asî hî̌shǐshu kû̌,

10
00:00:46,480 --> 00:00:47,440
“Rabǐ,

11
00:00:47,440 --> 00:00:50,680
na hǎmôô̌ hǐ bǎtè tômè ya?”

12
00:00:50,680 --> 00:00:56,480
(Rabǐ yô̤̌mûyô̤̌sǎ mî̌ sara.)

13
00:00:56,480 --> 00:00:59,920
Dě a hî̌shǐshu asî kû̌,

14
00:00:59,920 --> 00:01:01,960
“Gû̌cû̌kè̌ kû̌ he.”

15
00:01:01,960 --> 00:01:12,080
Dě kòyò nusò̌ginǐ̤ gû̌cû̌kè̌ kû̌ lû̌û a lǎ̤môô̌ gûlǎ̤.

16
00:01:12,080 --> 00:01:21,400
Asî cû̌kè̌shǐ lû̌û lǎ̤ô̌ dě asî ô̌cu lû̌û bǎnu tǒ̤dǒ lṳmṳ̌khǐpôlô̤̌.

17
00:01:21,400 --> 00:01:29,240
Yeshǔ kaǎ asî akhanumî̌ a tôbǎ lṳmṳ̌gwî̌lò̤ lǐ̤narî akhanu.

18
00:01:29,240 --> 00:01:34,320
Asî ganǎ̤de hto pwa̤jushi Khûyṳ̂ha hî̌ kû̌,

19
00:01:34,320 --> 00:01:35,960
“Kè̌mò̌ lô̌khô,

20
00:01:35,960 --> 00:01:42,000
Cǒmara asû̌phû̌ dǒ kòyò gǔ lṳhtò̌ a pě nutôpwa̤,”

21
00:01:42,000 --> 00:01:46,720
Pô̤̌nu htodě asî gû̌cû̌kû̌ Yeshǔ akò.

22
00:01:46,720 --> 00:01:51,880
Dǒ a gû̌cû̌kû̌ Yeshǔ akò nusò̌ginǐ̤ aklanu,

23
00:01:51,880 --> 00:01:57,460
tôpwa̤ mî̌ Khûshǐmû Petarǔ apṳ̌ Khûîdru pwǎ.

24
00:01:57,460 --> 00:02:04,040
A cû̌ kè̌lǎ wǐ awè̤̌ Khûshǐmû dě a shôbǐǐ bǎ lû̌û kû̌,

25
00:02:04,040 --> 00:02:09,600
“Pa kè̌shǐ Me̤shǐya hǒ” (Me̤shǐya yô̤̌mûyô̤̌sǎ mî̌ Khrǐ)

26
00:02:09,600 --> 00:02:16,720
Hǒtôplǎdě a sûcû̌ Khûshǐmû dǒ Yeshǔ a ô̌.

27
00:02:16,720 --> 00:02:19,720
Yeshǔ kè̌ lû̌û dě a hî̌ lû̌û kû̌,

28
00:02:19,720 --> 00:02:25,560
“Na mî̌ Phayṳ̂ha aphû̌khû Khûshǐmû.

29
00:02:25,560 --> 00:02:31,000
Kòyò gǔ kaǎ nami̤ kû̌ Khûkephǎ pě,”

30
00:02:31,000 --> 00:02:34,620
(Khûkephǎ yô̤̌mûyô̤̌sǎ mî̌ Khûpetarǔ).

31
00:02:34,620 --> 00:02:41,640
Yeshǔ kaǎnǐ̤ Khûphǐlǐpǔ kû̌ Khûnasaněla

32
00:02:41,640 --> 00:02:43,280
Nô̌kò tôni̤ lṳmṳ̌lî akhanu,

33
00:02:43,280 --> 00:02:46,560
Yeshǔ bè̌lò̤ asǎphlǒ dǒ a gǔ cû̌ dǒ Galilè̤̌gǎ.

34
00:02:46,560 --> 00:02:54,240
A kè̌shǐ Khûphǐlǐpǔ dě a hî̌ lû̌û kû̌,

35
00:02:54,240 --> 00:02:55,640
“Cû̌!

36
00:02:55,640 --> 00:03:00,520
Gû̌kû̌ hekò dě htûhtò̌ gû̌ he khôphijǎ.”

37
00:03:00,520 --> 00:03:04,400
Khûphǐlǐpǔ mî̌ Wî̤̌bètôsè̌da phû̌,

38
00:03:04,400 --> 00:03:12,460
a ô̌ sô̌sô̌ kû̌ Khûîdru kû̌ Khûpetarǔ ô̌ ǐtûû̌ Wî̤̌nu tôwî̤̌ hǒ.

39
00:03:12,460 --> 00:03:18,560
Khûphǐlǐpǔ kè̌shǐ Khûnasaněla dě a hî̌ lû̌û kû̌,

40
00:03:18,560 --> 00:03:31,000
“Pa kè̌shǐ kòyò dǒ Khûmṳ̂shě wě̤ a awe̤akè dǒ lî̤ ta̤sû̌ta̤tòwò akûnu kû̌ piwi̤pèshè tokhlǒ wě̤ a awe̤akènu tôpwa̤ hǒ.

41
00:03:31,000 --> 00:03:38,800
A mî̌ Phayṳ̂tǎ aphû̌khû Yeshǔ dě a mî̌ Wî̤̌na̤sôrè̤̌phû̌.”

42
00:03:38,800 --> 00:03:44,400
Dě Khûnasaněla gwè̌ Khûphǐlǐpǔ kû̌,

43
00:03:44,400 --> 00:03:52,680
“Ta̤wî̤ta̤wô̌ tôcǒcǒ ô̌htò̌ jò dǒ Wî̤̌na̤sôrè̤̌ akû ya?”

44
00:03:52,680 --> 00:03:54,480
Dě Khûphǐlǐpǔ hî̌shǐshu lû̌û kû̌,

45
00:03:54,480 --> 00:03:55,480
“Cû̌,

46
00:03:55,480 --> 00:03:56,680
he cû̌nè̌nṳ̌ na.”

47
00:03:56,680 --> 00:04:02,920
Bǎ Yeshǔ kè̌shǐ Khûnasaněla hè dǒ aô̌ akhanu,

48
00:04:02,920 --> 00:04:06,760
a hî̌ Khûnasaněla awe̤akè kû̌,

49
00:04:06,760 --> 00:04:15,520
“A mî̌ Isôrělaphû̌ mè̤̌mî̌ca tôpwa̤.

50
00:04:15,520 --> 00:04:15,620
A lòhǎlòhô gû̌ kòyò tôkhò̌꤮ tô̤̌.”

51
00:04:15,620 --> 00:04:19,220
Dě Khûnasaněla gwè̌ lû̌û kû̌,

52
00:04:19,220 --> 00:04:21,960
“Na cû̌ sî̌ganǎ̤ jò he hî̌tè?”

53
00:04:21,960 --> 00:04:26,720
A hî̌ dě Yeshǔ hî̌shěshu lû̌û kû̌,

54
00:04:26,720 --> 00:04:30,840
“Bǎ Khûphǐlǐpǔ kaǎ na khôtô̤̌ akhanu,

55
00:04:30,840 --> 00:04:34,280
he kè̌shǐ na ô̌ bǎ dǐshimṳ̌lǎ̤nu.”

56
00:04:34,280 --> 00:04:37,840
Khûnasaněla hî̌shěshu lû̌û kû̌,

57
00:04:37,840 --> 00:04:43,320
“Rabǐ na mî̌ Cǒmara aphû̌khû mè̤̌nò hǒ,

58
00:04:43,320 --> 00:04:47,440
na mî̌ Isôrěla a côphǎ mè̤̌mî̌ca hǒ.”

59
00:04:47,440 --> 00:04:50,640
Yeshǔ hî̌ lû̌û kû̌,

60
00:04:50,640 --> 00:05:01,600
“He hî̌ na kû̌ he kè̌shǐ na dǒ dǐshimṳ̌lǎ̤ numî̌ na yṳ̌ǎ mè̤̌mî̌ca he kû̌ he mî̌ Cǒmara aphû̌khû,

61
00:05:01,600 --> 00:05:06,400
Isôrěla acôphǎ tôpwa̤nu nayṳ̌ǎ ya?

62
00:05:06,400 --> 00:05:13,440
Na gǔ kè̌shǐpô̤̌ ta̤cô̌klǐcô̌sè dû̌khlo kû̌ hǒtokhlǒnu pě.”

63
00:05:13,440 --> 00:05:18,080
Htodě Yeshǔ hî̌ asî kû̌,

64
00:05:18,080 --> 00:05:18,600
“He hî̌cǒcǒ sî,

65
00:05:18,600 --> 00:05:32,840
sî gǔ kè̌shǐ mǒkhû̌ bǔmô dě Cǒmara tanaphû̌ tokhlǒ gǔ gehtò̌ gelò̤ dǒ kòyòphû̌khû mî̌ he alô̤nu pě.”