1
00:00:05,000 --> 00:00:07,260
Nô̌kò tôwô̤dě,

2
00:00:07,260 --> 00:00:19,060
kòyò saprṳ̂ ô̌kè bǎ lô̤̌bò tôkhô pahǎnô̤̌ tokhlǒnu a sî sî̌ganǎ̤ lô̌khô kû̌ sǒkhli ô̌kè tôbǎ nô̤̌pwǎ.

3
00:00:19,060 --> 00:00:27,820
Dě Běcǎ akhôphijǎ tokhlǒ dò̌ lô̌khô sǒkhli nutôbǎ dě a hǎhtò̌cû̌ tû̌ lô̌khô.

4
00:00:27,820 --> 00:00:35,700
Kòyò saprṳ̂ tokhlǒ sî̌ganǎ̤ kû̌ Běcǎ Yeshǔ dò̌cû̌ kû̌ akhôphijǎ nutokhlǒ tô̤̌,

5
00:00:35,700 --> 00:00:38,720
asî hǎhtò̌cû̌ tû̌ lô̌khô pwǎ.

6
00:00:38,720 --> 00:00:44,780
Htodě sǒkhli ô̌ dǒ Wî̤̌tǐberǐ dě a hè tokhlǒnu,

7
00:00:44,780 --> 00:00:56,300
a hè ô̌kǔ phǔ lô̌khô bǎ Běcǎ lǎ̤ hî̌bwǐhî̌sîrî htò̌ Cǒmara dě a dǐǎ kòyò saprṳ̂ tokhlǒ kû̌ mû̌ agûlǎ̤ nutûkû.

8
00:00:56,300 --> 00:01:03,860
Bǎ kòyò saprṳ̂ tokhlǒ kè̌shǐ Běcǎ Yeshǔ kû̌ akhôphijǎ tokhlǒ bǎnu tô̤̌ akha,

9
00:01:03,860 --> 00:01:09,580
pô̤̌khô asî gǔ cû̌ kè̌lǎ kè̌shǐ Běcǎ Yeshǔ ayanu,

10
00:01:09,580 --> 00:01:17,740
asî nṳ̌ lô̌khô dǒ sǒkhli tokhlǒ akû dě hǎhtò̌cû̌ lô̌khô dǒ Wî̤̌kaperanò̤.

11
00:01:17,740 --> 00:01:24,880
Běcǎ Yeshǔ mî̌ shǎǎ dǒ a ǐ kòyò ta̤htûpwa̤

12
00:01:24,880 --> 00:01:31,780
Bǎ asî cû̌ kè̌shǐ Yeshǔ dǒ shikoǒdû̌ lô̤̌bò̌ akhanu,

13
00:01:31,780 --> 00:01:33,900
a gwè̌ lû̌û kû̌,

14
00:01:33,900 --> 00:01:34,980
“Rabǐ,

15
00:01:34,980 --> 00:01:38,900
na hètǒ̤ bǒo bǎkhò̌tè?”

16
00:01:38,900 --> 00:01:42,340
Běcǎ Yeshǔ hî̌shěshu asî kû̌,

17
00:01:42,340 --> 00:01:43,500
“He hî̌cǒcǒ sî,

18
00:01:43,500 --> 00:01:48,420
sî kè̌shǐ he ma̤ ta̤cô̌klǐcô̌sè dě sî kè̌lǎ he mè̤̌tô̤̌.

19
00:01:48,420 --> 00:01:54,060
Sî ǎkǒ mû̌ dě sî kè̌lǎ he pwǎ.

20
00:01:54,060 --> 00:02:03,820
Jî̌pwǐ̤ ma̤pû shǎǎ lǎ̤ǎlǎ̤ô dǒ a nuso jò nutokhlǒ aya tǎ̤mǎ̤.

21
00:02:03,820 --> 00:02:12,420
Jî̌pwǐ̤ ma̤pû shǎǎshǎô dǒ a gǔ ǐ sî yôla htûpwa̤ tûjû̌pwa̤ tokhlǒ ayanu.

22
00:02:12,420 --> 00:02:13,980
Kòyòphû̌khû nî̌,

23
00:02:13,980 --> 00:02:17,260
a gǔ ǐ kòyò shǎǎ pô̤̌nu tokhlǒ pě,

24
00:02:17,260 --> 00:02:25,140
ma̤titèhî̌dě pha Cǒmara dǔlè̌lṳ̌ hto kû̌ a sǎphlǒô̌ lû̌û hǒ.”

25
00:02:25,140 --> 00:02:28,140
Dě asî gwè̌ lû̌û kû̌,

26
00:02:28,140 --> 00:02:29,980
“Kè̌ ahî̌pô̤̌nu dě,

27
00:02:29,980 --> 00:02:38,980
pô̤̌khô pa gǔ ma̤tôma̤bǎ Cǒmara asǎphlǒ dě pa bǎma̤ kwè̌ mî̌titè?”

28
00:02:38,980 --> 00:02:43,060
Dě Běcǎ Yeshǔ hî̌shěshu asî kû̌,

29
00:02:43,060 --> 00:02:46,700
“Yṳ̌ǎ lô̌khô he dǒ Cǒmara nohè anu.”

30
00:02:46,700 --> 00:02:50,460
Pô̤̌nudě asî gwè̌ lû̌û kû̌,

31
00:02:50,460 --> 00:02:56,020
“Pô̤̌khô pa gǔ kè̌shǐ ta̤cô̌klǐcô̌sè dě pa gǔ yṳ̌ǎ ayanu,

32
00:02:56,020 --> 00:03:01,540
na gǔ dǔlè̌lṳ̌ bǎ pa ta̤cǒklǐ titèpěya?

33
00:03:01,540 --> 00:03:05,700
Na gǔ ma̤ bǎ pa mî̌titèpě ya?

34
00:03:05,700 --> 00:03:09,220
Pô̤̌khô lî̤plò̌shǐkû hî̌ kû̌,

35
00:03:09,220 --> 00:03:14,780
‘A dǐǎ asî kû̌ shǎǎ ô̌ dǒ mǒkhû̌ hèlò̤ tokhlǒ,’

36
00:03:14,780 --> 00:03:17,580
lî̤plò̌shǐkû ahî̌pô̤̌nu dě,

37
00:03:17,580 --> 00:03:28,900
paphipaphu dǒ awǐkhanu tokhlǒ ǎ lô̌khô mû̌ dǒ kòyò kaǎ kû̌ ma̤nǎ dǒ lǒ̤mî̌shô̌klanu.”

38
00:03:28,900 --> 00:03:32,980
Běcǎ Yeshǔ hî̌shěshu asî kû̌,

39
00:03:32,980 --> 00:03:34,660
“He hî̌cǒcǒ sî,

40
00:03:34,660 --> 00:03:38,180
shǎǎ ô̌dǒ mǒkhû̌ hèlò̤ numî̌,

41
00:03:38,180 --> 00:03:42,260
Khûmṳ̂shě dǐǎ asî mè̤̌tô̤̌.

42
00:03:42,260 --> 00:03:44,540
Hepha dǐǎ asî pwǎ.

43
00:03:44,540 --> 00:03:53,340
Khònò̤̌dě a dǐǎ sî shǎǎ mè̤̌caca dǒ a ô̌ dǒ mǒkhû̌ hèlò̤ nuhǒ.

44
00:03:53,340 --> 00:04:06,100
Ma̤titèhî̌dě Cǒmara ashǎǎ mè̤̌mî̌ca mî̌ a ô̌ dǒ mǒkhû̌ hèlò̤ dě a ǐ kòyò hǎkhû̌phû̌ ta̤htûpwa̤ nutôpwa̤ hǒ,”

45
00:04:06,100 --> 00:04:08,940
A hî̌ asî pô̤̌nu.

46
00:04:08,940 --> 00:04:11,420
Dě asî hî̌ kû̌,

47
00:04:11,420 --> 00:04:12,300
“Běcǎ,

48
00:04:12,300 --> 00:04:16,540
pṳ̂̌꤮ ni̤ni̤ ǐ mò̌ pa shǎǎnu.”

49
00:04:16,540 --> 00:04:20,380
Dě Běcǎ Yeshǔ hî̌shěshu asî kû̌,

50
00:04:20,380 --> 00:04:24,180
“He mî̌ shǎǎ dǒ a ǐ kòyò ta̤htûpwa̤ hǒ.

51
00:04:24,180 --> 00:04:27,460
Kòyò dǒ a hètǒ̤ dǒ heô̌ nu,

52
00:04:27,460 --> 00:04:30,540
a sǎwǐsǎô pe tôkhò̌꤮ tô̤̌.

53
00:04:30,540 --> 00:04:32,540
Kòyò dǒ a yṳ̌ǎ he nu,

54
00:04:32,540 --> 00:04:37,580
a sǎôpe tôkhò̌꤮ tô̤̌.

55
00:04:37,580 --> 00:04:39,960
Bǎbǎkǎlè,

56
00:04:39,960 --> 00:04:42,460
pô̤̌ he hî̌hto sînu,

57
00:04:42,460 --> 00:04:47,060
sî kè̌shǐ he bǎbǎkǎlè sî yṳ̌ǎ he tô̤̌.

58
00:04:47,060 --> 00:04:51,340
Kòyò lǒ̤bò dǒ hepha ǐ he tokhlǒnu,

59
00:04:51,340 --> 00:04:55,060
a gǔ hè dǒ heô̌ pě.

60
00:04:55,060 --> 00:04:57,420
Kòyò mò̌pèpè̌꤮ bǎbǎ,

61
00:04:57,420 --> 00:04:59,500
a kè̌ hè dǒ heô̌ nu,

62
00:04:59,500 --> 00:05:04,260
he wṳ̂̌hǎhtò̌kè nô̌ a tîkî̌꤮ tô̤̌.

63
00:05:04,260 --> 00:05:10,660
Ma̤titèhî̌dě he ô̌dǒ mǒkhû̌ hèlò̤ dě he hèma̤ jû̌ tûû̌ he sǎphlǒ pô̤̌nu mè̤̌tô̤̌.

64
00:05:10,660 --> 00:05:23,260
He hèma̤ pô̤̌ pwa̤ dǒ a nohè he nutôpwa̤ a ta̤sǎyṳ nupwǎ.

65
00:05:23,260 --> 00:05:29,660
Ta̤ dǒ atô pwǎ dǒ a nohè he tôpwa̤ asǎphlǒ mî̌ ma̤titè numî̌,

66
00:05:29,660 --> 00:05:36,220
kòyò lǒ̤bò dǒ a ǐ he nutokhlǒ he bǎplû hǎmǎkè asî tô̤̌.

67
00:05:36,220 --> 00:05:39,180
Htû̌ lṳmṳ̌ni̤ gutṳ̌kò tôni̤ pěnu,

68
00:05:39,180 --> 00:05:46,140
he bǎma̤ ihtǒhtûpwa̤ getîkhî asî pě.

69
00:05:46,140 --> 00:05:48,980
Ma̤titèhî̌dě,

70
00:05:48,980 --> 00:05:57,900
hepha a ta̤sǎyṳ mî̌ amè̤̌kû̌ lǒ̤bò kòyò dǒ a kè̌shǐ aphû̌khû nudě a yṳ̌ǎ tokhlǒnu,

71
00:05:57,900 --> 00:06:02,340
a gǔ nǐ̤bǎ yôla htûpwa̤ tûjû̌pwa̤,

72
00:06:02,340 --> 00:06:09,740
dě he gǔ ma̤ ihtǒhtûpwa̤ getîkhî asî htû̌ lṳmṳ̌ni̤ gutṳ̌ nutini̤ pě.”

73
00:06:09,740 --> 00:06:13,820
“He mî̌ shǎǎ ô̌dǒ mǒkhû̌ hèlò̤,”

74
00:06:13,820 --> 00:06:16,620
Běcǎ Yeshǔ hî̌ pô̤̌nu akhû̌akhî,

75
00:06:16,620 --> 00:06:21,620
Yǔdaphû̌ tokhlǒ tûmṳ̂̌ta̤ma̤bò lû̌û.

76
00:06:21,620 --> 00:06:23,500
Asî hî̌ lô̌khô kû̌,

77
00:06:23,500 --> 00:06:28,620
“A mî̌ Phayṳ̂tǎ aphû̌khû Yeshǔ hî̌nu tôpwa̤ pwǎ yahě?

78
00:06:28,620 --> 00:06:33,180
Amǒ̤apha mî̌ pa sî̌ganǎ̤ pwǎ mè̤tô̤̌ya?

79
00:06:33,180 --> 00:06:38,940
Ma̤titèdě a cû̌ hî̌ǐtǒ̤ tû̌ anǎ̤ kû̌,

80
00:06:38,940 --> 00:06:42,620
‘he ô̌ dǒ mǒkhû̌ hèlò̤’ hî̌tè?”

81
00:06:42,620 --> 00:06:45,700
Běcǎ Yeshǔ hî̌shěshu asî kû̌,

82
00:06:45,700 --> 00:06:49,240
“Tûmṳ̂̌ta̤ma̤ pe tǎ̤ lô̌khô tǎ̤mǎ̤.

83
00:06:49,240 --> 00:06:55,820
Kè̌ mè̤̌ kû̌ hepha dǒ a nohè he tôpwa̤ gǔ nohè kòyò dǒ heô̌ tô̤̌ hî̌nu,

84
00:06:55,820 --> 00:07:01,900
kòyò hèbò̌ dǒ he ô̌ tôpwa̤꤮ tô̤̌.

85
00:07:01,900 --> 00:07:05,100
Kòyò dǒ a hè dǒ heô̌ tokhlǒnu,

86
00:07:05,100 --> 00:07:11,980
he gǔ ma̤ ihtǒhtûpwa̤ getîkhî asî htû̌ lṳmṳ̌ni̤ gutṳ̌ tôni̤ pě.

87
00:07:11,980 --> 00:07:14,660
Piwi̤pèshè tokhlǒ wě̤nǎ kû̌,

88
00:07:14,660 --> 00:07:20,140
‘Cǒmara gǔ sû̌ǐtòwòǐ asî bò̌꤮ bò pě.’

89
00:07:20,140 --> 00:07:30,260
Lǒ̤bò kòyò dǒ a ganǎ̤de pha a ta̤sû̌ǐtòwòǐ dě a hè sû̌ǐtòwòǐ ta̤ dǒ lû̌ô̌ tokhlǒnu,

90
00:07:30,260 --> 00:07:32,580
a gǔ hè dǒ heô̌ pě.

91
00:07:32,580 --> 00:07:36,660
Kòyò kè̌shǐbǎ pha Cǒmara tôpwa̤pwa̤,

92
00:07:36,660 --> 00:07:40,880
he sǎyṳ hî̌ pô̤̌nu mè̤̌tô̤̌.

93
00:07:40,880 --> 00:07:44,140
Kòyò kè̌shǐbǎnô̌ pha tôpwǎ̤꤮ tô̤̌,

94
00:07:44,140 --> 00:07:53,180
kè̌shǐbǎ pha mî̌ tǒ̤pwǎ a ô̌ dǒ Cǒmara a ô̌ dě a hèlò̤ nutôpwa̤ pwǎ.

95
00:07:53,180 --> 00:07:54,460
He hî̌cǒcǒ sî,

96
00:07:54,460 --> 00:07:58,300
kòyò dǒ a yṳ̌nǐ̤nǎ̤nǐ̤ he tôpwa̤pwa̤nu,

97
00:07:58,300 --> 00:08:01,980
a gǔ nǐ̤bǎ yôla htûpwa̤ tûjû̌pwa̤ hǒ.

98
00:08:01,980 --> 00:08:07,100
He mî̌ shǎǎ dǒ a ǐ kòyò ta̤htûpwa̤.

99
00:08:07,100 --> 00:08:15,780
Sî phiphu dǒ awǐkha tokhlǒ ǎ ma̤nǎmû̌ bǎbǎkǎlè a sipe lô̌khô pwǎ.

100
00:08:15,780 --> 00:08:17,100
Bǎbǎkǎlè,

101
00:08:17,100 --> 00:08:22,060
shǎǎ ô̌ dǒ mǒkhû̌ hèlò̤ he hî̌ sî numî̌,

102
00:08:22,060 --> 00:08:24,460
a ô̌ bǒo.

103
00:08:24,460 --> 00:08:28,620
Mòpèpè̌꤮ bǎbǎ a kè̌ ǎ shǎǎ numî̌,

104
00:08:28,620 --> 00:08:29,940
a si petô̤̌.

105
00:08:29,940 --> 00:08:35,820
He mî̌ shǎǎ dǒ a ǐ kòyò ta̤htûpwa̤ dě a ô̌ dǒ mǒkhû̌ hèlò̤.

106
00:08:35,820 --> 00:08:39,660
Mòpèpè̌꤮ bǎbǎ,

107
00:08:39,660 --> 00:08:42,060
a kè̌ ǎ shǎǎnu,

108
00:08:42,060 --> 00:08:45,580
a gǔ htûpwa̤ tûjû̌pwa̤ pě.

109
00:08:45,580 --> 00:08:47,340
Shǎǎ numî̌ amè̤̌kû̌ heyî̌ nuhǒ.

110
00:08:47,340 --> 00:08:55,100
Pô̤̌khô kòyò hǎkhû̌phû̌ gǔ htûpwa̤ ayanu,

111
00:08:55,100 --> 00:08:58,980
he ǐlò̤kè he nǎ̤glǒnu dǒ asîya hǒ.”

112
00:08:58,980 --> 00:09:03,260
Yǔdaphû̌ tokhlǒ ahtè̌ǐ kè̌khî lû̌û kû̌,

113
00:09:03,260 --> 00:09:07,460
“A cû̌ dǐǎ jò pa kû̌ ayî̌ hî̌tè?”

114
00:09:07,460 --> 00:09:11,060
Dě Běcǎ Yeshǔ hî̌shěshu asî kû̌,

115
00:09:11,060 --> 00:09:12,220
“He hî̌cǒcǒ sî,

116
00:09:12,220 --> 00:09:16,380
sî kè̌ ǎ Kòyòphû̌khûnu ayî̌ tô̤̌,

117
00:09:16,380 --> 00:09:19,660
sî kè̌ ô asǐ tô̤̌ hî̌nu,

118
00:09:19,660 --> 00:09:23,300
ta̤htûpwa̤ ô̌ dǒ sîkû tô̤̌.

119
00:09:23,300 --> 00:09:26,540
Bǎbǎkǎlè kòyò dǒ a ǎ heyî̌,

120
00:09:26,540 --> 00:09:28,300
ô hesǐ tokhlǒnu,

121
00:09:28,300 --> 00:09:31,460
a nǐ̤bǎ yôla htûpwa̤ tûjû̌pwa̤,

122
00:09:31,460 --> 00:09:36,980
dě htû̌ lṳmṳ̌ni̤ gutṳ̌ dǒ nô̌kòlǒ tôni̤ pěnu,

123
00:09:36,980 --> 00:09:41,100
he gǔ ma̤ihtǒhtûpwa̤ gesô̌ lû̌û pě.

124
00:09:41,100 --> 00:09:46,060
Ma̤titèhî̌dě heyî̌ mî̌ lǎ̤ǎ mè̤̌mî̌ca,

125
00:09:46,060 --> 00:09:49,060
hesǐ mî̌ lǎ̤ô mè̤̌mî̌ca hǒ.

126
00:09:49,060 --> 00:09:54,460
Kòyò dǒ a ǎ heyî̌ ô hesǐ tôpwa̤pwa̤nu,

127
00:09:54,460 --> 00:09:56,660
a ô̌htûpwa̤ dǒ hekû,

128
00:09:56,660 --> 00:10:00,240
dě he ô̌htûpwa̤ dǒ akû hǒ.

129
00:10:00,240 --> 00:10:06,020
Phadǒ a nohè he nutôpwa̤ a htûpwa̤ akhû̌akhî,

130
00:10:06,020 --> 00:10:08,160
he htûpwa̤ kû̌yǎ.

131
00:10:08,160 --> 00:10:12,940
Pô̤̌nudě kòyò dǒ a ǎ heyî̌ tôpwa̤pwa̤nu,

132
00:10:12,940 --> 00:10:17,140
dǒ hekhû̌khî dě a gǔ htûpwa̤ pě.

133
00:10:17,140 --> 00:10:22,180
Phadǒ a nohè he nutôpwa̤ a htûpwa̤ akhû̌akhî,

134
00:10:22,180 --> 00:10:24,100
he htûpwa̤ kû̌ yǎ.

135
00:10:24,100 --> 00:10:29,740
Hǒomî̌ shǎǎ ô̌dǒ mǒkhû̌ hè hǒ.

136
00:10:29,740 --> 00:10:37,220
Sîphisîphu dǒwǐkha tokhlǒ ǎ ma̤nǎmû̌ bǎbǎkǎlè a si lô̌khô pwǎ.

137
00:10:37,220 --> 00:10:48,020
Bǎbǎkǎlè kòyò dǒ a ǎ shǎǎ dǒ he hî̌ bǎ sî khònò̤̌ tokhlǒnu a gǔ htûpwa̤ tûjû̌pwa̤ pě.”

138
00:10:48,020 --> 00:10:55,940
Bǎ a sû̌ǐtòwòǐlò̤ kòyò dǒ Wî̤̌kaperanò̤ ta̤cabahǐkû akhanu,

139
00:10:55,940 --> 00:10:58,400
a hî̌ kòyò pô̤̌nu.

140
00:10:58,400 --> 00:11:02,160
A khôphijǎ tôprṳ̂ wîkè yǎ

141
00:11:02,160 --> 00:11:07,020
Asî ganǎ̤de Běcǎ Yeshǔ ahî̌pô̤̌nu dě,

142
00:11:07,020 --> 00:11:10,420
akhôphijǎ saprṳ̂ hî̌ lô̌khô kû̌,

143
00:11:10,420 --> 00:11:14,900
“A ta̤sû̌ǐnu apò̤̌ jî̌jî̌.

144
00:11:14,900 --> 00:11:20,860
Mò̌pè tôpwa̤ glè̌ yṳ̌ǎ phî̌shǐshu bò̌ a ta̤sû̌ǐ ya?”

145
00:11:20,860 --> 00:11:29,220
A khôphijǎ tokhlǒ tûmṳ̂̌ta̤ma̤ lô̌khô pô̤̌onu a sî̌ganǎ̤ akhû̌akhî,

146
00:11:29,220 --> 00:11:30,940
a hî̌ asî kû̌,

147
00:11:30,940 --> 00:11:37,860
“He hî̌ pô̤̌o dě sî sǎphlǒpî̌ bò lô̌khô kû̌ he ta̤sû̌ǐ nutokhlǒ ya?

148
00:11:37,860 --> 00:11:39,940
Kè̌ ma̤pô̤̌nu hî̌dě,

149
00:11:39,940 --> 00:11:46,140
sî kè̌shǐ Kòyòphû̌khû gǔ gehtò̌ sô̌ dǒ agûlǎ̤ lǎ̤ô̌ pě hî̌dě,

150
00:11:46,140 --> 00:11:49,700
sî gǔ gènè̤ lô̌khô hî̌tè pě ya?

151
00:11:49,700 --> 00:11:56,700
Yôla Plò̌shǐ Běcǎnu a ǐ ta̤htûpwa̤ tûjû̌pwa̤.

152
00:11:56,700 --> 00:11:57,900
Kòyò hǎkhû̌phû̌nu,

153
00:11:57,900 --> 00:12:02,860
a ǐ jò ta̤htûpwa̤ tûjû̌pwa̤ tô̤̌.

154
00:12:02,860 --> 00:12:05,500
Yô̤̌ dǒ he hî̌bǎ sî tokhlǒ numî̌,

155
00:12:05,500 --> 00:12:13,660
Yôla Plò̌shǐ Běcǎ a ta̤hî̌bǎ tokhlǒ dě a ǐbò̌ kòyò ta̤htûpwa̤ tûjû̌pwa̤.

156
00:12:13,660 --> 00:12:16,940
Bǎbǎkǎlè dǒ sîklanu,

157
00:12:16,940 --> 00:12:22,260
kòyò dǒ a yṳ̌ǎ gû̌ kòyò tô̤̌nu a ô̌ tokhlǒ.”

158
00:12:22,260 --> 00:12:27,460
Ma̤titèhî̌dě Běcǎ Yeshǔ sî̌ganǎ̤ dǒ akòshî̌ kû̌,

159
00:12:27,460 --> 00:12:30,740
dǒ asîklanu a yṳ̌ǎ lû̌û tô̤̌,

160
00:12:30,740 --> 00:12:36,100
dě a gǔ shaǎlò̤kè lû̌û pěnu a ô̌tôpwa̤nu,

161
00:12:36,100 --> 00:12:41,380
a sî̌ganǎ̤ dě a hî̌ asî pô̤̌nu pwǎ.

162
00:12:41,380 --> 00:12:43,380
A hî̌ sělě pô̤̌ kû̌,

163
00:12:43,380 --> 00:12:46,980
“Dǒ sîklanu kòyò yṳ̌ǎ he tô̤̌ ô̌ tokhlǒ,

164
00:12:46,980 --> 00:12:50,180
htodě he hî̌ sî kû̌,

165
00:12:50,180 --> 00:12:53,740
pha kè̌ nohè kòyò dǒ he ô̌ tô̤̌ hî̌nu,

166
00:12:53,740 --> 00:12:58,180
kòyò hèbò̌ dǒ heô̌ tôpwa̤꤮ tô̤̌,

167
00:12:58,180 --> 00:12:59,680
pô̤̌nu hǒ.”

168
00:12:59,680 --> 00:13:08,760
Sahtò̌ bǎnu dě akhôphijǎ tokhlǒ gekè dû̌wî̤ dě gû̌ kû̌ pe lû̌kò tô̤̌.

169
00:13:08,760 --> 00:13:13,180
Dě a gwè̌ akhôphijǎ shǐsò̌ginǐ̤ tokhlǒ kû̌,

170
00:13:13,180 --> 00:13:14,340
“Sîlè,

171
00:13:14,340 --> 00:13:19,760
sî sǎyṳ hǎhtò̌gekè helǎ̤ pô̤̌nu ya hě?”

172
00:13:19,760 --> 00:13:22,960
A hî̌ asî pô̤̌nu.

173
00:13:22,960 --> 00:13:27,060
Khûshǐmû Petarǔ hî̌ geshěshu lû̌û kû̌,

174
00:13:27,060 --> 00:13:28,420
“Běcǎ,

175
00:13:28,420 --> 00:13:31,360
pa glè̌ cû̌ dǒ mò̌pè ô̌?

176
00:13:31,360 --> 00:13:41,060
Ta̤sû̌ǐtòwòǐ dǒ a ǐ pa yôla htûpwa̤ tûjû̌pwa̤nu a ô̌ pwǎtǒ̤ dǒ naô̌nô̤̌ pwǎ.

177
00:13:41,060 --> 00:13:48,060
Pa yṳ̌ǎ dě pa sî̌ganǎ̤ kû̌ na mî̌ Cǒmara a pwa̤plò̌shǐ tôpwa̤,

178
00:13:48,060 --> 00:13:51,540
dě a nohèlò̤ na hǒ.”

179
00:13:51,540 --> 00:13:55,260
Htodě Běcǎ Yeshǔ hî̌shěshu asî kû̌,

180
00:13:55,260 --> 00:13:58,780
“He rû̌htò̌ hto sî shǐsò̌ginǐ̤hǒ,

181
00:13:58,780 --> 00:14:01,100
mè̤̌tô̤̌ ya?

182
00:14:01,100 --> 00:14:03,300
Bǎbǎkǎlè,

183
00:14:03,300 --> 00:14:05,460
dǒ sîklanu,

184
00:14:05,460 --> 00:14:07,540
hǎkhû̌tana ô̌ tôdo,”

185
00:14:07,540 --> 00:14:09,740
A hî̌ asî pô̤̌nu.

186
00:14:09,740 --> 00:14:18,780
(A hî̌ pô̤̌numî̌ a sǎyṳ hî̌ Phashǐmṳ̂ Isakariyû aphû̌khû Khûyǔda.

187
00:14:18,780 --> 00:14:31,260
A mî̌ a ô̌plǒ dǒ shǐsò̌ginǐ̤ akla bǎbǎkǎlè dǒ nô̌kònu a shaǎlò̤kè Běcǎ Yeshǔ.)