1
00:00:05,000 --> 00:00:08,900
Běcǎ Yeshǔ hî̌ sô̌ kòyò nutokhlǒ kû̌,

2
00:00:08,900 --> 00:00:12,200
“He mî̌ hǎkhû̌ ata̤lî.

3
00:00:12,200 --> 00:00:16,100
Kòyò dǒ a gû̌ hekò tôpwa̤pwa̤nu,

4
00:00:16,100 --> 00:00:20,640
a cû̌ pe dǒ ta̤khǐsiwi̤ akla tôkhò̌꤮ tô̤̌.

5
00:00:20,640 --> 00:00:27,060
A gǔ nǐ̤bǎ ta̤lî dǒ a ǐ lû̌û ta̤htûpwa̤ asanu pě.”

6
00:00:27,060 --> 00:00:30,180
Pharishè̌phû̌ tokhlǒ hî̌ lû̌û kû̌,

7
00:00:30,180 --> 00:00:40,780
“Na shôbǐǐlṳ̌ nawe̤nakè tokhlǒnu lǎ̤yṳ̌nǐ̤nǎ̤nǐ̤ agûlǎ̤ ô̌ bǎtô̤̌.

8
00:00:40,780 --> 00:00:50,740
Ma̤titèdě pa yṳ̌ǎnṳ̌ na ta̤hî̌bǎ tô̤̌ hî̌dě na hî̌bǎ ǐtû̌ bò pwǎ nawe̤nakè pwǎ,”

9
00:00:50,740 --> 00:00:53,220
Asî hî̌ lû̌û pô̤̌nu.

10
00:00:53,220 --> 00:00:57,180
Běcǎ Yeshǔ hî̌shěshu asî kû̌,

11
00:00:57,180 --> 00:01:03,860
“He hî̌ ǐtû̌ hewe̤hekè bǎbǎkǎlè he hî̌ tokhlǒ numî̌ a tô pwǎ,

12
00:01:03,860 --> 00:01:08,980
ma̤titèhî̌dě he ô̌bǎtèhènu he sî̌ganǎ̤ ǐtûû̌,

13
00:01:08,980 --> 00:01:14,100
he glè̌ cû̌ bǎtè pěnu he sî̌ganǎ̤ ǐtûû̌ pwǎ.

14
00:01:14,100 --> 00:01:17,020
Bǎbǎkǎlè he ô̌bǎtèhè,

15
00:01:17,020 --> 00:01:18,380
mè̤̌tô̤̌mî̌,

16
00:01:18,380 --> 00:01:22,660
he glè̌ cû̌ bǎtè pěnu sî sî̌ganǎ̤ tô̤̌.

17
00:01:22,660 --> 00:01:32,500
Sî cî̌htò̌ kòyò kè̌hî̌dě sî cî̌htò̌ kòyò pô̤̌ kòyò hǎkhû̌phû̌ alǎ̤klô ma̤nu pwǎ.

18
00:01:32,500 --> 00:01:36,940
He dě he cî̌htò̌ kòyò tôpwǎ̤꤮ tô̤̌.

19
00:01:36,940 --> 00:01:41,700
Bǎbǎkǎlè he kè̌ cî̌htò̌ kòyò hî̌nu,

20
00:01:41,700 --> 00:01:45,740
he gǔ cî̌htò̌ cǒcǒtè̤tè̤ kòyò pwǎ,

21
00:01:45,740 --> 00:01:51,180
ma̤titèhî̌dě he cî̌htò̌ tû̌ tôpwa̤ nô̤̌ mè̤̌tô̤̌.

22
00:01:51,180 --> 00:01:56,180
He ma̤ kû̌ hepha dǒ a nohè he nutôpwa̤.

23
00:01:56,180 --> 00:01:59,780
Dǒ sî ta̤sû̌ta̤tòwò akûnu,

24
00:01:59,780 --> 00:02:05,780
kòyò wě̤ kû̌ kè̌ kòyò sò̌ginǐ̤ hî̌bǎhtò̌ sô̌sô̌ lû̌ hî̌dě,

25
00:02:05,780 --> 00:02:12,340
asî ta̤hî̌bǎ tokhlǒnu kòyò bè̌ yǎ kû̌ a tô hǒ.

26
00:02:12,340 --> 00:02:16,740
He hî̌bǎ ǐtûû̌ hewe̤hekè kǎ.

27
00:02:16,740 --> 00:02:19,740
Hepha dǒ a nohè he nutôpwa̤,

28
00:02:19,740 --> 00:02:23,660
a shôbǐǐlṳ̌ bǎ hewe̤hekè pwǎlè,

29
00:02:23,660 --> 00:02:29,660
pô̤̌nudě pa sò̌ginǐ̤ hî̌hǎhtò̌ sô̌sô̌ lû̌ pwǎ.”

30
00:02:29,660 --> 00:02:32,780
A hî̌ asî pô̤̌nu.

31
00:02:32,780 --> 00:02:35,420
“Napha ô̌ bǎtè?”

32
00:02:35,420 --> 00:02:39,620
Asî gwè̌ lû̌û pô̤̌nu.

33
00:02:39,620 --> 00:02:42,340
Dě a hî̌shěshu asî kû̌,

34
00:02:42,340 --> 00:02:45,340
“He mî̌ sî sî̌ganǎ̤ tô̤̌tô̤̌,

35
00:02:45,340 --> 00:02:50,020
hepha mî̌mî̌ sî sî̌ganǎ̤ nô̌ tô̤̌tô̤̌.

36
00:02:50,020 --> 00:02:55,820
Sî kè̌ sî̌ganǎ̤ he kè̌hî̌dě sî sî̌ganǎ̤ hepha pwǎ.”

37
00:02:55,820 --> 00:02:59,460
A hî̌shěshu asî pô̤̌nu.

38
00:02:59,460 --> 00:03:04,580
Bǎ a sû̌ǐ kòyò dǒ ta̤lṳhtò̌hôkû akhanu,

39
00:03:04,580 --> 00:03:06,220
a hî̌ asî pô̤̌nu.

40
00:03:06,220 --> 00:03:12,820
Agûlǎ̤ lǎ̤sû̌ kòyò dǒ ta̤lṳhtò̌hôkû numî̌,

41
00:03:12,820 --> 00:03:19,500
a ô̌phǔ kû̌ lǎ̤bè̌ô̌plǒ ta̤ma̤lṳtǒ akòshî̌.

42
00:03:19,500 --> 00:03:29,540
Bǎbǎkǎlè dǒ Cǒmara tîwî̌tòwò nǎ bǎ Yeshǔ dǒ kòyò gǔ ma̤si lû̌û ayanu,

43
00:03:29,540 --> 00:03:32,500
a tǒ̤khôtô̤̌ akhû̌akhî,

44
00:03:32,500 --> 00:03:35,900
kòyò pṳ̂̌ yǎ tôpwǎ̤꤮ tô̤̌.

45
00:03:35,900 --> 00:03:41,780
Bǎ he glè̌ cû̌ agûlǎ̤nu sî cû̌jòtô̤̌

46
00:03:41,780 --> 00:03:45,940
Běcǎ Yeshǔ hî̌ bǎ pô̤̌ asî kû̌,

47
00:03:45,940 --> 00:03:48,460
“He gǔ hǎhtò̌cû̌ pě,

48
00:03:48,460 --> 00:03:51,260
dě sî gǔ kè̌lǎsǔ he pě.

49
00:03:51,260 --> 00:03:59,220
Sî gǔ si pě bǎbǎkǎlè Cǒmara plûkè sî ta̤sǔ nutokhlǒ tô̤̌.

50
00:03:59,220 --> 00:04:03,660
Bǎ he lǎ̤cû̌ gûlǎ̤nu sî cû̌jòtô̤̌,”

51
00:04:03,660 --> 00:04:06,980
A hî̌ asî pô̤̌nu.

52
00:04:06,980 --> 00:04:11,060
Pô̤̌nudě Yǔdaphû̌ ikǒlǒkòdû̌ tokhlǒ hî̌ lû̌û kû̌,

53
00:04:11,060 --> 00:04:17,060
“A hî̌ kû̌ bǎ alǎ̤cû̌ agûlǎ̤nu,

54
00:04:17,060 --> 00:04:24,180
pa cû̌jòtô̤̌ a hî̌ pô̤̌numî̌ a glè̌ ma̤si tûû̌ anǎ̤ pě ya?”

55
00:04:24,180 --> 00:04:26,620
A hî̌ lô̌khô pô̤̌nu.

56
00:04:26,620 --> 00:04:30,020
Běcǎ Yeshǔ hî̌ asî kû̌,

57
00:04:30,020 --> 00:04:34,460
“He mî̌ mǒkhû̌ a shiphû̌gǎphû̌ tôpwa̤,

58
00:04:34,460 --> 00:04:38,620
bǎbǎkǎlè sî mî̌ hǎkhû̌ a shiphû̌gǎphû̌ pwǎ.

59
00:04:38,620 --> 00:04:43,060
Lǒ̤꤮ bò sî ta̤gènè̤ tokhlǒnu,

60
00:04:43,060 --> 00:04:47,540
a icu bò kû̌ hǎkhû̌ pwǎ.

61
00:04:47,540 --> 00:04:50,260
Lǒ̤꤮ bò he ta̤gènè̤ tokhlǒnu,

62
00:04:50,260 --> 00:04:52,500
a icu kû̌ mǒkhû̌.

63
00:04:52,500 --> 00:05:01,180
He hî̌ hto sî kû̌ sî gǔ si pě bǎbǎkǎlè Cǒmara plûkè sî ta̤sǔ nutokhlǒ tô̤̌.

64
00:05:01,180 --> 00:05:09,500
Ma̤titèhî̌dě he mî̌ mò̌pènu he shôbǐǐ hto sî hǒ dě,

65
00:05:09,500 --> 00:05:12,260
sî kè̌ yṳ̌tô̤̌ hî̌nu,

66
00:05:12,260 --> 00:05:17,740
sî si pěnu Cǒmara plûkè nô̌ sî ta̤sǔ tokhlǒ tô̤̌.”

67
00:05:17,740 --> 00:05:20,300
Asî gwè̌ lû̌û kû̌,

68
00:05:20,300 --> 00:05:23,780
“Na mî̌ mò̌pè?”

69
00:05:23,780 --> 00:05:26,620
Dě Běcǎ Yeshǔ hî̌shěshu asî kû̌,

70
00:05:26,620 --> 00:05:29,180
“He mî̌ mò̌pènu,

71
00:05:29,180 --> 00:05:33,460
he hî̌hto sî dǒ asakhû̌lû̌nu pehǒ.

72
00:05:33,460 --> 00:05:37,140
He kè̌ hî̌ sîwe̤sîkè numî̌,

73
00:05:37,140 --> 00:05:40,300
a lǎ̤hî̌ ô̌dû̌wî̤pe,

74
00:05:40,300 --> 00:05:43,420
htokhôtô̤̌ he lǎ̤bè̌ sî ta̤sǔnu,

75
00:05:43,420 --> 00:05:45,820
a ô̌dû̌wî̤pepe.

76
00:05:45,820 --> 00:05:53,060
Bǎbǎkǎlè yô̤̌ dǒ he hî̌ bǎ kòyò hǎkhû̌phû̌ tokhlǒ numî̌,

77
00:05:53,060 --> 00:06:03,660
amè̤̌pwǎ kû̌ he ganǎ̤de dǒ kòyò nohè he nutôpwa̤ a ô̌ dě ta̤ dǒ a hî̌ tokhlǒ numî̌ a tôpwǎ,”

78
00:06:03,660 --> 00:06:06,540
A hî̌shěshu asî pô̤̌nu.

79
00:06:06,540 --> 00:06:12,220
Běcǎ Yeshǔ hî̌ bǎ asî kû̌ apha awe̤akènu,

80
00:06:12,220 --> 00:06:15,420
asî sî̌yaphlô lô̌khô tô̤̌.

81
00:06:15,420 --> 00:06:19,900
Dǒ asî sî̌ganǎ̤phlôtô̤̌ akhû̌akhî,

82
00:06:19,900 --> 00:06:23,020
Běcǎ Yeshǔ hî̌ asî kû̌,

83
00:06:23,020 --> 00:06:31,260
“Htû̌꤮ sî ma̤sihtò̌ Kòyòphû̌khû mî̌ he dǒ nò̌dò̌htǔlô̤ akhapěnu,

84
00:06:31,260 --> 00:06:39,180
sî gǔ sî̌ganǎ̤ nô̌ kû̌ he mî̌ kòyò dǒ he shôbǐǐlṳ̌ hto sî nutôpwa̤ pě.

85
00:06:39,180 --> 00:06:48,020
Htokhôtô̤̌ sî gǔ sî̌ganǎ̤hè kû̌ he ma̤ jû̌꤮ tû̌ he sǎphlǒ mè̤̌tô̤̌,

86
00:06:48,020 --> 00:06:56,780
dě he hî̌bǎpwǎ ta̤ dǒ hepha sû̌ǐtòwòǐ he nutokhlǒ pwǎnu sî sî̌ganǎ̤tû̌ pě.

87
00:06:56,780 --> 00:07:01,620
Htodě kòyò dǒ a nohè he tôpwa̤nu,

88
00:07:01,620 --> 00:07:03,660
a ô̌cu kû̌ he.

89
00:07:03,660 --> 00:07:08,140
He ma̤tô asǎphlǒ pṳ̂̌꤮ taplǎ akhû̌akhî,

90
00:07:08,140 --> 00:07:10,440
a wîkè he tô̤̌.”

91
00:07:10,440 --> 00:07:14,580
Bǎ kòyò ganǎ̤de a hî̌ pô̤̌o akhanu,

92
00:07:14,580 --> 00:07:18,580
kòyò yṳ̌nǐ̤nǎ̤nǐ̤ dû̌wî̤ yǎ.