1
00:00:05,000 --> 00:00:11,140
Kòyòmi̤ kû̌ Khûlasôrǔ tôpwa̤ nî̌ ashǐasha.

2
00:00:11,140 --> 00:00:22,420
A kû̌ a wè̤̌pwa̤mǒ̤ Mǒ̤ma̤rǐ kû̌ Mǒ̤matǎ mî̌ a ô̌ lô̌khô dǒ Dobetanǐ.

3
00:00:22,420 --> 00:00:33,260
Mǒ̤ma̤rǐ tôpwa̤ mî̌ a lò̌lò̤ shinumû̌ dǒ Běcǎ a khǎlǎlô̤ dě a htǔplî kû̌ akhǔlṳ nutôpwa̤ hǒ.

4
00:00:33,260 --> 00:00:40,780
Khûlasôrǔ dǒ asha tôpwa̤ numî̌ a pṳ̌pwa̤khû hǒ.

5
00:00:40,780 --> 00:00:47,260
A wè̤̌pwa̤mǒ̤ nusò̌ginǐ̤ nocû̌ shôbǐǐ kòyò kû̌ Yeshǔ,

6
00:00:47,260 --> 00:00:49,380
dě asî cû̌ hî̌ Yeshǔ kû̌,

7
00:00:49,380 --> 00:00:51,500
“Běcǎ,

8
00:00:51,500 --> 00:00:54,460
na khô Khûlasôrǔ shǐsha.”

9
00:00:54,460 --> 00:00:59,100
Bǎ Yeshǔ ganǎ̤de ta̤we̤ta̤kè akhanu,

10
00:00:59,100 --> 00:01:01,660
a hî̌ kû̌,

11
00:01:01,660 --> 00:01:04,260
“Dǒ ta̤shanu akhû̌akhî,

12
00:01:04,260 --> 00:01:10,180
kòyò kè̌shǐ Cǒmara a ta̤bwǐdû̌sîrîhtû pě.

13
00:01:10,180 --> 00:01:13,580
Htokhôtô̤̌ dǒ ta̤sha akhû̌akhî,

14
00:01:13,580 --> 00:01:18,580
dě Cǒmara aphû̌khû gǔ nǐ̤bǎ ta̤bwǐdû̌sîrîhtû pě.”

15
00:01:18,580 --> 00:01:23,300
Yeshǔ mô̤nṳ̌ bò Mǒ̤matǎ kû̌ apṳ̌pwa̤mǒ̤,

16
00:01:23,300 --> 00:01:28,820
kû̌ a pṳ̌pwa̤khû Khûlasôrǔ bò̌bòsû̌su.

17
00:01:28,820 --> 00:01:39,240
Dě a ganǎ̤de kû̌ Khûlasôrǔ sha bǎbǎkǎlè a ô̌ kudǔdǔ hèpe bǎnu ginǐ̤ni̤.

18
00:01:39,240 --> 00:01:42,980
Htodě a hî̌ akhôphijǎ tokhlǒ kû̌,

19
00:01:42,980 --> 00:01:46,740
“Pa ge dǒ Yǔdagǎ tǎ꤮.”

20
00:01:46,740 --> 00:01:51,220
Bǎbǎkǎlè akhôphijǎ tokhlǒ hî̌ lû̌û kû̌,

21
00:01:51,220 --> 00:01:53,180
“Sara,

22
00:01:53,180 --> 00:02:03,420
dǒ hěpenô̤̌ pwǎ nî̌ Yǔdaphû̌ tokhlǒ sǎyṳ kè̌lǎ wî na kû̌ lǒ̤ dě na glè̌ getîkhî sô̌ asî bǎnu ya.”

23
00:02:03,420 --> 00:02:06,660
Yeshǔ hî̌shěshu asî kû̌,

24
00:02:06,660 --> 00:02:10,580
“Tôni̤ mî̌ a ô̌ shǐginǐ̤narî mè̤tô̤̌ya?

25
00:02:10,580 --> 00:02:18,660
Kòyò tôpwa̤pwa̤ dǒ a cû̌klè̌ dǒ lṳmṳ̌shanu,

26
00:02:18,660 --> 00:02:22,220
a htò̌tukhu lò̤khǔpo̤ bǎtô̤̌,

27
00:02:22,220 --> 00:02:27,220
ma̤titèhî̌dě a kè̌shǐ cǎkǎ hǎkhû̌ ata̤lî nǒ̤.

28
00:02:27,220 --> 00:02:34,180
Bǎbǎkǎlè kòyò tôpwa̤pwa̤ a kè̌ cû̌ dǒ lṳmṳ̌khǐ hî̌dě,

29
00:02:34,180 --> 00:02:38,540
a gǔ htò̌tukhu lò̤khǔpo̤ pě,

30
00:02:38,540 --> 00:02:42,260
ma̤titèhî̌dě a khǐsiwi̤ cǎkǎ no̤.”

31
00:02:42,260 --> 00:02:45,460
A hî̌hto pô̤̌o dě,

32
00:02:45,460 --> 00:02:47,740
a hî̌ sělě pô̤̌ asî kû̌,

33
00:02:47,740 --> 00:02:52,460
“Pa khô Khûlasôrǔ hǎmôô̌ shôpe̤kè hǒ,

34
00:02:52,460 --> 00:02:58,940
bǎbǎkǎlè he gǔ cû̌ htû̌wṳ̂̌ ihtǒ yǎ.”

35
00:02:58,940 --> 00:03:01,220
A hî̌ asî pô̤̌nu.

36
00:03:01,220 --> 00:03:04,620
“A kè̌ hǎmôô̌ shôpe̤ pwǎ hî̌dě,

37
00:03:04,620 --> 00:03:08,940
a ô̌shû̌ô̌mô̤ hèsô̌ tûû̌ pě,”

38
00:03:08,940 --> 00:03:12,260
akhôphijǎ hî̌shěshu lû̌û pô̤̌nu.

39
00:03:12,260 --> 00:03:24,780
Yeshǔ sǎyṳ hî̌ yô̤̌mûyô̤̌sǎ kû̌ Khûlasôrǔ si hǒ bǎbǎkǎlè asî gènè̤pwǎ kû̌ a hǎmôô̌ shôpe̤ pô̤̌nupwǎ.

40
00:03:24,780 --> 00:03:29,340
Hǒtaplǎdě a hî̌ lṳ̌lî bǎ asî kû̌,

41
00:03:29,340 --> 00:03:31,620
“Khûlasôrǔ sihǒ,

42
00:03:31,620 --> 00:03:34,100
Bǎbǎkǎlè,

43
00:03:34,100 --> 00:03:40,140
he ô̌cu kû̌ Khûlasôrǔ bǎnu tô̤̌ dě he sǎlě̤ pwǎ,

44
00:03:40,140 --> 00:03:44,980
ma̤titèhî̌dě dǒ a htûhtò̌ pô̤̌o akhû̌akhî,

45
00:03:44,980 --> 00:03:49,660
sî ta̤yṳ̌ǎ he sǔsǔ a gǔ dû̌htò̌ pě.

46
00:03:49,660 --> 00:03:54,220
Ta̤hǒo tokhlǒ htûhtò̌ pô̤̌o numî̌,

47
00:03:54,220 --> 00:03:59,100
a htûhtò̌ dǒ a gǔ htûbwǐhtûsîrî dǒ sîya pwǎ.

48
00:03:59,100 --> 00:04:01,660
Pô̤̌nudě cû̌꤮,

49
00:04:01,660 --> 00:04:05,140
pa cû̌ dǒ a ô̌ tǎ꤮.”

50
00:04:05,140 --> 00:04:14,300
Khûtû̌mǎ dǒ kòyò kaǎpô̤̌ lû̌mi̤ kû̌ Khûdǐdimǔ Hǒtôpwa̤ hî̌ Yeshǔ akhôphijǎ tokhlǒ kû̌,

51
00:04:14,300 --> 00:04:19,300
“Pa cû̌si wô̤̌wô̤̌ kû̌ pa Běcǎ tǎ!”

52
00:04:19,300 --> 00:04:21,900
A hî̌ pô̤̌nu.

53
00:04:21,900 --> 00:04:26,640
Běcǎ Yeshǔ ô̌ dǒ Dobetanǐ

54
00:04:26,640 --> 00:04:32,140
Bǎ Běcǎ Yeshǔ cû̌tǒ̤ dǒ Dobetanǐ akhanu,

55
00:04:32,140 --> 00:04:37,620
kòyò lǔǐ Khûlasôrǔnu a ô̌ lǐ̤ni̤ hǒ.

56
00:04:37,620 --> 00:04:46,500
Dobetanǐ nî̌ a ô̌yî̤ kû̌ Wî̤̌yarǔshôle a phǔ ô̌ ginǐ̤mi̤la.

57
00:04:46,500 --> 00:04:52,580
Mǒ̤matǎ kû̌ Mǒ̤ma̤rǐ nî̌ a pṳ̌pwa̤khû si akhû̌akhî,

58
00:04:52,580 --> 00:04:54,740
kòyò hè ma̤lè asî,

59
00:04:54,740 --> 00:04:58,740
kòyò hè ô̌gû̌ jûgrû kû̌ asî.

60
00:04:58,740 --> 00:05:04,620
Bǎ Mǒ̤matǎ ganǎ̤de kû̌ Běcǎ Yeshǔ hè akhanu,

61
00:05:04,620 --> 00:05:07,900
a hǎhtò̌cû̌ kè̌shuǐ lû̌û.

62
00:05:07,900 --> 00:05:09,420
Bǎbǎkǎlè,

63
00:05:09,420 --> 00:05:13,300
Mǒ̤ma̤rǐ dě a ô̌kè dǒ hǐ pwǎ.

64
00:05:13,300 --> 00:05:17,900
Mǒ̤matǎ hî̌ Běcǎ Yeshǔ Khrǐ kû̌,

65
00:05:17,900 --> 00:05:19,060
“Běcǎ,

66
00:05:19,060 --> 00:05:22,060
na kè̌ ô̌cu kû̌ pa bǒo numî̌,

67
00:05:22,060 --> 00:05:25,280
he pṳ̌pwa̤khû si jò hî̌tè.

68
00:05:25,280 --> 00:05:27,540
Bǎbǎkǎlè,

69
00:05:27,540 --> 00:05:29,620
khònò̤̌nu bǎbǎ,

70
00:05:29,620 --> 00:05:34,220
he sî̌ganǎ̤ kû̌ na kwi Cǒmara titètè̌꤮ nu,

71
00:05:34,220 --> 00:05:35,980
a gǔ ǐ na pě.”

72
00:05:35,980 --> 00:05:38,980
Yeshǔ hî̌shěshu lû̌û kû̌,

73
00:05:38,980 --> 00:05:43,780
“Napṳ̌ gǔ htûpwa̤ getîkhî sô̌ pě.”

74
00:05:43,780 --> 00:05:47,860
Dě Mǒ̤matǎ hî̌shěshu lû̌û kû̌,

75
00:05:47,860 --> 00:05:57,220
“Bǎ kòyò pṳ̂̌꤮ tôpwa̤ ihtǒhtûpwa̤ bò sô̌ dǒ ta̤si dǒ nô̌kòlǒ tôni̤ pěnu,

76
00:05:57,220 --> 00:06:03,020
a gǔ si ihtǒ ge pěnu he sî̌ganǎ̤ pwǎ,”

77
00:06:03,020 --> 00:06:05,940
A hî̌shěshu lû̌û pô̤̌nu.

78
00:06:05,940 --> 00:06:09,740
Běcǎ Yeshǔ hî̌ lû̌û kû̌,

79
00:06:09,740 --> 00:06:19,740
“He mî̌ kòyò dǒ a ma̤htûpwa̤ getîkhî kòyòsi tokhlǒ.

80
00:06:19,740 --> 00:06:24,060
He mî̌ kòyò dǒ a ǐ kòyò ta̤htûpwa̤.

81
00:06:24,060 --> 00:06:27,100
Kòyò dǒ a yṳ̌ǎ he tokhlǒnu,

82
00:06:27,100 --> 00:06:32,180
a si bǎbǎkǎlè a gǔ htûpwa̤ getîkhî pě.

83
00:06:32,180 --> 00:06:37,260
Ma̤titèhî̌dě kòyò dǒ a yṳ̌ǎ he tokhlǒnu,

84
00:06:37,260 --> 00:06:44,860
a gǔ nǐ̤bǎ ta̤htûpwa̤ tûjû̌pwa̤ pě,

85
00:06:44,860 --> 00:06:46,340
a sipe tôkhò̌꤮ tô̤̌.

86
00:06:46,340 --> 00:06:47,860
He hî̌hǒo na yṳ̌ǎ ya,

87
00:06:47,860 --> 00:06:49,780
Mǒ̤matǎ?”

88
00:06:49,780 --> 00:06:51,340
“O,

89
00:06:51,340 --> 00:06:52,220
he yṳ̌ǎ kǎ,

90
00:06:52,220 --> 00:06:53,380
Běcǎ,”

91
00:06:53,380 --> 00:06:55,980
A hî̌shěshu pô̤̌nu.

92
00:06:55,980 --> 00:07:08,700
“He yṳ̌ǎ mè̤̌mî̌ca kû̌ na mî̌ Me̤shǐya amè̤̌kû̌ Cǒmara a phû̌pwa̤khû dǒ a glè̌ hè dǒ hǎkhû̌ tôpwa̤ nuhǒ.”

93
00:07:08,700 --> 00:07:11,040
Yeshǔ hǎ

94
00:07:11,040 --> 00:07:20,460
Mǒ̤matǎ hî̌hto pô̤̌nudě a ge dǒ apṳ̌ Mǒ̤ma̤rǐ ô̌ dě a ge hî̌bǎhǔ lû̌û kû̌,

95
00:07:20,460 --> 00:07:23,180
“Sara hètǒ̤ bǒo hǒ,

96
00:07:23,180 --> 00:07:25,700
dě a gwè̌lǎ na.”

97
00:07:25,700 --> 00:07:33,420
Mǒ̤marǐ ganǎ̤de dě a tṳplṳ̌te̤wě̤ hǎhtò̌cû̌tô dǒ Běcǎ Yeshǔ ô̌.

98
00:07:33,420 --> 00:07:36,740
Bǎbǎkǎlè banukhanu,

99
00:07:36,740 --> 00:07:39,660
Yeshǔ nṳ̌ dǒ dokû tô̤̌.

100
00:07:39,660 --> 00:07:48,420
A ô̌pepwǎ bǎ Mǒ̤matǎ lǎ̤cû̌ kè̌shǐ shǐshu lû̌û nutûkû pwǎ.

101
00:07:48,420 --> 00:07:52,220
Bǎ Yǔdaphû̌ dǒ a hè ô̌,

102
00:07:52,220 --> 00:08:00,580
a hè ma̤lè Mǒ̤ma̤rǐ sîtokhlǒ kè̌shǐ kû̌ Mǒ̤ma̤rǐ ihtǒ hǎhtò̌cû̌ tṳplṳ̌tewě̤ akha,

103
00:08:00,580 --> 00:08:04,180
asî gû̌cû̌ kû̌ lû̌û kò.

104
00:08:04,180 --> 00:08:09,540
Asî gènè̤ kû̌ a glè̌ hèhǎ dǒ lṳ̌kû.

105
00:08:09,540 --> 00:08:13,860
Bǎ Mǒ̤ma̤rǐ cû̌kè̌shǐ kû̌ Yeshǔ akhanu,

106
00:08:13,860 --> 00:08:20,420
a hèdô̌gînî̤lò̤ dě akhò̌pô̤ kòshî̌ dě a hî̌ lû̌û kû̌,

107
00:08:20,420 --> 00:08:24,060
“Běcǎ kè̌ na ô̌cu kû̌ pa bǒo numî̌,

108
00:08:24,060 --> 00:08:27,460
he pṳ̌pwa̤khû si jò hî̌tè?”

109
00:08:27,460 --> 00:08:36,980
Bǎ Yeshǔ kè̌shǐ Mǒ̤ma̤rǐ kû̌ Yǔdaphû̌ dǒ a gû̌ hè kû̌ lû̌û tokhlǒ hǎ akhanu,

110
00:08:36,980 --> 00:08:38,980
a sǎplǎ̤,

111
00:08:38,980 --> 00:08:43,260
a sǎbò̌htò̌ dě a sǎphlǒmô̤petô̤̌.

112
00:08:43,260 --> 00:08:45,660
A gwè̌ asî kû̌,

113
00:08:45,660 --> 00:08:49,940
“Sî cû̌ lǔ yǎ bǎtè?”

114
00:08:49,940 --> 00:08:53,340
Dě asî hî̌shěshu lû̌û kû̌,

115
00:08:53,340 --> 00:08:54,340
“Běcǎ,

116
00:08:54,340 --> 00:08:56,260
hèkè̌mò̌.”

117
00:08:56,260 --> 00:08:59,660
Dě Yeshǔ hǎ.

118
00:08:59,660 --> 00:09:03,260
Dě Yǔdaphû̌ tokhlǒ hî̌ lô̌khô kû̌,

119
00:09:03,260 --> 00:09:03,860
“Kè̌mò̌,

120
00:09:03,860 --> 00:09:07,540
a mô̤nṳ̌ lû̌û pwǐtè.”

121
00:09:07,540 --> 00:09:11,580
Bǎbǎkǎlè tokhlǒkhlǒ dě a hî̌ kû̌,

122
00:09:11,580 --> 00:09:15,260
“A ma̤ lî jò kòyòmǐ̤sǎkhǐ yahî̌,

123
00:09:15,260 --> 00:09:20,200
dě a cû̌ plûsitǒ̤ kòyò hǒtôpwa̤ hî̌tè?”

124
00:09:20,200 --> 00:09:26,760
Běcǎ Yeshǔ ma̤ ihtǒhtûpwa̤sô̌ Khûlasôrǔ dǒ ta̤si

125
00:09:26,760 --> 00:09:38,460
Yeshǔ sǎplǎ̤bò̌htò̌ dě a cû̌tǒ̤ dǒ kòyò lǎ̤lǔǐnṳ̌ Khûlasôrǔ lǒ̤kûnu a ô̌.

126
00:09:38,460 --> 00:09:44,540
Lṳ̌kûnu kòyò htǔbǐ lû̌û kû̌ lǒ̤dû̌ tômè.

127
00:09:44,540 --> 00:09:47,140
Dě a hî̌ kòyò kû̌,

128
00:09:47,140 --> 00:09:50,380
“Shò̌ tephekè lǒ̤dû̌nu.”

129
00:09:50,380 --> 00:09:58,980
Bǎbǎkǎlè kòyòsi tôpwa̤ a wè̤̌pwa̤mǒ̤ Mǒ̤matǎ hî̌shěshu lû̌û kû̌,

130
00:09:58,980 --> 00:09:59,860
“Běcǎ,

131
00:09:59,860 --> 00:10:02,260
tǒ̤lò̤ khònò̤̌nu,

132
00:10:02,260 --> 00:10:05,140
a si behtò̌ lǐ̤sahǒ.

133
00:10:05,140 --> 00:10:09,580
A numò̤̌nuso bòkè hǒ,”

134
00:10:09,580 --> 00:10:11,720
A hî̌ lû̌û pô̤̌nu.

135
00:10:11,720 --> 00:10:13,980
“He hî̌hto na kû̌,

136
00:10:13,980 --> 00:10:20,220
na kè̌ yṳ̌ǎ dě na gǔ kè̌shǐ Cǒmara a ta̤bwǐdû̌sîrîhtû pě,

137
00:10:20,220 --> 00:10:21,900
yahě?”

138
00:10:21,900 --> 00:10:25,260
Běcǎ Yeshǔ hî̌ asî pô̤̌nu.

139
00:10:25,260 --> 00:10:32,980
Pô̤̌nudě asî shò̌ tephekè lǒ̤dû̌ nutômè.

140
00:10:32,980 --> 00:10:35,780
Dě Yeshǔ kè̌htò̌ dǒ mǒlǎ̤ dě a hî̌ kû̌,

141
00:10:35,780 --> 00:10:36,580
“Ǒ pha,

142
00:10:36,580 --> 00:10:41,860
na ganǎ̤de he ta̤kwicaba akhû̌akhî,

143
00:10:41,860 --> 00:10:44,540
he hî̌bwǐhî̌sîrî na.

144
00:10:44,540 --> 00:10:51,740
He sî̌ganǎ̤ kû̌ na ganǎ̤de he ta̤kwicaba pṳ̂̌꤮ plǎ.

145
00:10:51,740 --> 00:11:01,220
Bǎbǎkǎlè he kè̌ dǒ a gǔ htûbwǐ htûsîrî bǎ kòyò dǒ a ihtǒ bǒo tokhlǒ aya,

146
00:11:01,220 --> 00:11:06,620
dě pô̤̌khô asî gǔ yṳ̌ǎ kû̌ na nohè he ayanudě,

147
00:11:06,620 --> 00:11:09,780
he hî̌ pô̤̌o pwǎ.”

148
00:11:09,780 --> 00:11:13,780
Bǎ Běcǎ Yeshǔ kwicaba htonu,

149
00:11:13,780 --> 00:11:15,260
a yî̤̌kǒhtò̌ kû̌,

150
00:11:15,260 --> 00:11:17,940
“Khûlasôrǔ!

151
00:11:17,940 --> 00:11:19,060
Hǎhtò̌mò̌!”

152
00:11:19,060 --> 00:11:23,620
Dě kòyò si nutôpwa̤ hǎhtò̌.

153
00:11:23,620 --> 00:11:36,500
Acǔkhò̌lôpô̤̌ tokhlǒnu a tûlûmě bòpe kû̌ hugò̌pwǐ plî dě amǐ̤sǎnu a bô̌ te̤we̤bǐ bòpe kû̌ hugò̌pwǐ.

154
00:11:36,500 --> 00:11:37,940
Dě Yeshǔ hî̌ asî kû̌,

155
00:11:37,940 --> 00:11:43,280
“Bôphlǔkè bǎ yǎ dě nocû̌ anu.”

156
00:11:43,280 --> 00:11:46,880
Kòyò gǔ ma̤si Yeshǔ

157
00:11:46,880 --> 00:11:59,760
Yǔdaphû̌ dǒ a hè ô̌lè gû̌ Mǒ̤ma̤rǐ tokhlǒ kè̌shǐ Yeshǔ ma̤hǒonu akhû̌akhî a yṳ̌nǐ̤nǎ̤nǐ̤ dû̌ Yeshǔ.

158
00:11:59,760 --> 00:12:12,180
Bǎbǎkǎlè tokhlǒkhlǒnu a cû̌ dǒ Pharishè̌phû̌ tokhlǒ a ô̌ dě a cû̌ shôbǐǐlṳ̌ bǎ asî kû̌ Yeshǔ ma̤ta̤nu.

159
00:12:12,180 --> 00:12:30,260
Pô̤̌nudě pwa̤shû̌gǎ ikǒlǒkòdû̌ tokhlǒ kû̌ Pharishè̌phû̌ tokhlǒ kaǎplǒ Yǔdaphû̌ ikǒlǒkòdû̌ dǒ ashǔshawa̤ tokhlǒ dě ô̌plǒhî̌bǎcu ǐtû̌ lû̌û.

160
00:12:30,260 --> 00:12:33,540
Dě asî hî̌ kû̌,

161
00:12:33,540 --> 00:12:36,540
“Hǒonunî̌ pa gǔ ma̤hî̌tè?

162
00:12:36,540 --> 00:12:44,900
Kòyò nutôpwa̤ ma̤lṳ̌ bǎ kòyò ta̤cô̌klǐcô̌sè dû̌ hǒ.

163
00:12:44,900 --> 00:12:49,140
Pa kè̌ dǐô̌ gutṳ̌ a pô̤̌o numî̌,

164
00:12:49,140 --> 00:12:52,820
kòyò yṳ̌ǎ bò lû̌û hǒ.

165
00:12:52,820 --> 00:13:01,620
Htopědě Rṳ̂̌me̤ kliphû̌ tokhlǒ gǔ hè pě dě hè ma̤tě̤pro̤kèbò pa ta̤lṳhtò̌hô,

166
00:13:01,620 --> 00:13:06,020
pa khlilèphû̌ ginǐ̤cǒ bò pě.”

167
00:13:06,020 --> 00:13:09,500
Hǒtaplǎdě dǒ asî aklanu,

168
00:13:09,500 --> 00:13:13,780
kòyòmi̤ ô̌kû̌ Phakayaphǎ ô̌tôpwa̤.

169
00:13:13,780 --> 00:13:22,020
Bǎnu tôně mî̌ a htû pwa̤shû̌gǎ ikǒdû̌lǒ.

170
00:13:22,020 --> 00:13:23,500
Dě a hî̌htò̌ kû̌,

171
00:13:23,500 --> 00:13:28,940
“Sî sî̌ganǎ̤ lô̌khô tocǒ꤮ tô̤̌.

172
00:13:28,940 --> 00:13:35,820
Dǒ Yǔdaphû̌ khlilèphû̌ hǒtômṳ̌ glèhǎpî̌ kèbò ayanu,

173
00:13:35,820 --> 00:13:43,780
kòyò hǒtôpwa̤ gǔ sikè dǒ Yǔdaphû̌ tokhlǒ ayanu awô̌khlo numî̌,

174
00:13:43,780 --> 00:13:46,700
sî sî̌ganǎ̤tô̤̌ ya?”

175
00:13:46,700 --> 00:13:54,460
A hî̌ pô̤̌o numî̌ a hî̌ tûû̌ kû̌ a ta̤sî̌ta̤jò̌ numè̤̌tô̤̌.

176
00:13:54,460 --> 00:13:58,260
Cǒmara nohî̌bǎ lû̌û pwǎ.

177
00:13:58,260 --> 00:14:00,260
Bǎnu tôně akûnu,

178
00:14:00,260 --> 00:14:11,220
a htû pwa̤shû̌gǎ ikǒdû̌lǒ dě a hî̌pô̤ ô̌nǎwǐ kû̌ Yeshǔ gǔ si dǒ Yǔda khlilèphû̌ tokhlǒ aya pě,

179
00:14:11,220 --> 00:14:13,780
pô̤̌nupwǎ.

180
00:14:13,780 --> 00:14:17,060
Htodě a ta̤hî̌pô̤nu,

181
00:14:17,060 --> 00:14:22,980
a tôpwǎtǒ̤ Yeshǔ gǔ si bǎ dǒ Yǔdaphû̌ tokhlǒ aya numè̤̌tô̤̌,

182
00:14:22,980 --> 00:14:30,580
a gǔ si padô̌ Cǒmara aphû̌ali̤ dǒ a ô̌ lô̌khô dǒ shigǎ ashǔshawa̤ tokhlǒ ayaya.

183
00:14:30,580 --> 00:14:39,780
Pô̤̌khô a gǔ ma̤htûhtò̌ kòyò nutokhlǒ tômṳ̌nô̤̌ pě ayanu,

184
00:14:39,780 --> 00:14:43,260
kòyò bǎ ma̤si lû̌û pě.

185
00:14:43,260 --> 00:14:45,380
Pô̤̌nudě,

186
00:14:45,380 --> 00:14:52,780
sahtò̌ bǎnu tôni̤ hènè dě kòyò htû Yǔdaphû̌ ikǒlǒkòdû̌ tokhlǒnu,

187
00:14:52,780 --> 00:14:55,980
a gǔma̤si lô̌khô Yeshǔ.

188
00:14:55,980 --> 00:14:58,140
Pô̤̌nudě,

189
00:14:58,140 --> 00:15:04,500
Yeshǔ cû̌ nṳ̌lîtîklî̌ pe dǒ Yǔdaphû̌ tokhlǒ akla tô̤̌.

190
00:15:04,500 --> 00:15:11,220
A cû̌ ô̌khô̌kè dǒ lǒ̤mî̌shô̌kla akòshî̌ ta̤lǎ̤ tûkû.

191
00:15:11,220 --> 00:15:18,060
A cû̌ ô̌ ǐtûû̌ do nutôdo mî̌ kòyò kaǎ kû̌ Doěbarě,

192
00:15:18,060 --> 00:15:21,660
a cû̌ ô̌ kû̌ akhôphijǎ tokhlǒ bǎnu.

193
00:15:21,660 --> 00:15:31,420
Yǔdaphû̌ pwè dǒ kòyò kaǎ kû̌ ta̤cû̌bò̌tûlû̌pwè dû̌ hǒo a phǔhèhǒ dě,

194
00:15:31,420 --> 00:15:40,540
kòyò dophû̌shô̌phû̌ ô̌te̤we̤lû̌ bǎnu tokhlǒ htò̌wô̤̌ dû̌wî̤ lô̌khô dǒ Wî̤̌yarǔshôle.

195
00:15:40,540 --> 00:15:43,900
Bǎ pwè lò̤bǎkhôtô̤̌ akhanu,

196
00:15:43,900 --> 00:15:57,460
pô̤̌khô asî gǔ ma̤ mṳ̂̌plîkṳ̂mṳ̂̌ lô̌khô asǎphlǒ pô̤̌ ta̤caba lǎ̤klô ô̌nu dě a cû̌ wǐ lô̌khô dǒ Wî̤̌yarǔshôle pwǎ.

197
00:15:57,460 --> 00:16:00,260
Asî kè̌lǎ lô̌khô Yeshǔ.

198
00:16:00,260 --> 00:16:06,020
Dě bǎ asî ô̌plǒcu lû̌û dǒ ta̤lṳhtò̌hôkû akhanu,

199
00:16:06,020 --> 00:16:12,060
a gwè̌ ǐ kè̌khîlû̌û tôpwa̤ kû̌ tôpwa̤ dě a hî̌ kû̌,

200
00:16:12,060 --> 00:16:14,660
“Sî gènè̤ hî̌tè?

201
00:16:14,660 --> 00:16:18,980
A hè pwè pě mè̤̌tô̤̌ya?”

202
00:16:18,980 --> 00:16:29,300
Bǎnuakha pwa̤shû̌gǎ ikǒdû̌ tokhlǒ kû̌ Pharishè̌phû̌ tokhlǒnu a hî̌bǎhtò̌ lô̌khô ayô̤̌ kû̌,

203
00:16:29,300 --> 00:16:33,140
pô̤̌khô pa gǔ pṳ̂̌nǐ̤ Yeshǔ nu dě,

204
00:16:33,140 --> 00:16:36,260
kòyò dǒ a kè̌shǐ lû̌û tôpwa̤pwa̤ nu,

205
00:16:36,260 --> 00:16:41,420
a tôbǎ pwe̤ǐlṳ̌ bǎ pa.