1
00:00:05,000 --> 00:00:11,480
Bǎ ta̤cû̌bò̌tûlû̌pwè bǎ nò̌khôtô̤̌ ani̤ susô̌ akhanu,

2
00:00:11,480 --> 00:00:17,920
Yeshǔ cû̌ dǒ Khûlasôrǔ ô̌ǐ Dobetanǐnu.

3
00:00:17,920 --> 00:00:28,000
Khûlasôrǔ tôpwa̤ numî̌ amè̤̌kû̌ Yeshǔ ma̤ ihtǒhtûpwa̤ getîkhî lû̌û nutôpwa̤ hǒ.

4
00:00:28,000 --> 00:00:40,800
Kòyò tîwî̌tòwò dǐǎdǐô Běcǎ Yeshǔ kû̌ lṳmṳ̌hǎ ta̤ǎ dě Mǒ̤matǎ dǐǎdǐô kû̌ kòyò bǎnu.

5
00:00:40,800 --> 00:00:50,560
Khûlasôrǔ hǎnòò̌ ô̌plǒ dǒ kòyò hǎnòò̌ ǎ lô̌khô dî bǎ dîgògǒ kòshî̌ akla nutokhlǒ.

6
00:00:50,560 --> 00:01:02,360
Bǎnuakha Mǒ̤ma̤rǐ phî̌hènǐ̤ shinumû̌ cè̌cè̌ dǒ kòyò kaǎ kû̌ Na̤dǔ nutôpò̤̌.

7
00:01:02,360 --> 00:01:10,320
Shinumû̌ numî̌ apwî̤dû̌ shû̌lě dě a phǔ lò̤jwè̌ tôjî̌ gûlǎ̤.

8
00:01:10,320 --> 00:01:19,480
A hè lò̌lò̤ dǒ Běcǎ Yeshǔ khǎlǎlô̤ dě a htǔsûkè kû̌ akhǔlṳ.

9
00:01:19,480 --> 00:01:22,280
Shinumû̌nu,

10
00:01:22,280 --> 00:01:24,640
a numû̌ cû̌ bòkè hǐ tômè.

11
00:01:24,640 --> 00:01:27,000
Bǎbǎkǎlè,

12
00:01:27,000 --> 00:01:30,000
dǒ akhôphijǎ aklanu,

13
00:01:30,000 --> 00:01:33,600
ami̤ kû̌ Khûyǔda Isakarûnu ô̌tôpwa̤.

14
00:01:33,600 --> 00:01:41,560
Dǒ nô̌kò dě a shaǎkè Běcǎ nutôpwa̤ hǒ,

15
00:01:41,560 --> 00:01:42,900
dě a hî̌ kû̌,

16
00:01:42,900 --> 00:01:53,060
“Shaǎkè shinumû̌ dě a nǐ̤bǎ runu cû̌ǐ kû̌ kòyò pwa̤shèwè̤phû̌ nutokhlǒ tô̤̌ ma̤titè?

17
00:01:53,060 --> 00:01:59,840
Na kè̌ shaǎkè mî̌ a nǐ̤ ruyî̌ Denari sujwè̌ mè̤̌yahî̌!”

18
00:01:59,840 --> 00:02:07,320
A gwèbǎǐ mè̤̌mî̌ca kòyò pwa̤shèwè̤phû̌ dě a hî̌ pô̤̌onu mè̤̌tô̤̌,

19
00:02:07,320 --> 00:02:11,120
ma̤titèhî̌dě a mî̌ a htû pwa̤ǎhǔ.

20
00:02:11,120 --> 00:02:16,720
A bǎ pṳ̂̌měǐ bǎ kòyò ru,

21
00:02:16,720 --> 00:02:25,720
sheǐbǎ kòyò rukhûkhi dě a bǒhtò̌ phî̌hǔ taga ru dě a ǎǐ tûû̌ ayapwǎ.

22
00:02:25,720 --> 00:02:28,240
“A ô̌ tûû̌,

23
00:02:28,240 --> 00:02:33,800
ma̤dǐdò tǎ̤ a tǎ̤mǎ̤” Běcǎ Yeshǔ hî̌shěshǔ pô̤̌nu.

24
00:02:33,800 --> 00:02:42,580
“A bè̌wô̌ bǎ he shinumû̌ dǒ kòyò lǎ̤lǔǐ hepě tôni̤ ayahǒ.

25
00:02:42,580 --> 00:02:47,700
Kòyò hǎwǐ̤shèwè̤phû̌ tokhlǒ ô̌plǒ kû̌ sî pṳ̂̌꤮ taplǎ,

26
00:02:47,700 --> 00:02:52,600
bǎbǎkǎlè he nî̌ he ô̌ gû̌ sî tô̤̌.”

27
00:02:52,600 --> 00:02:57,000
Kòyò gènè̤ gǔma̤si Khûlasôrǔ

28
00:02:57,000 --> 00:03:08,120
Yǔdaphû̌ saprṳ̂dû̌ tokhlǒ ganǎ̤de kû̌ Běcǎ Yeshǔ ô̌bǎ Dobetanǐnu dě a cû̌ lô̌khô bǎnu.

29
00:03:08,120 --> 00:03:14,000
Asî sǎyṳ hèkè̌shî̌ lô̌khô Běcǎ Yeshǔ numè̤̌tô̤̌,

30
00:03:14,000 --> 00:03:23,520
asî sǎyṳ hè kè̌shǐ kû̌ Khûlasôrǔ dǒ Běcǎ Yeshǔ ma̤htûpwa̤ getîkhî lû̌û nutôpwa̤pwa̤.

31
00:03:23,520 --> 00:03:31,820
Pô̤̌nu akhû̌akhî pwa̤shû̌gǎ ikǒdû̌ tokhlǒ gènè̤ gǔ ma̤si Khûlasôrǔ.

32
00:03:31,820 --> 00:03:36,720
Ma̤titèhî̌dě dǒ Khûlasôrǔ akhû̌akhî,

33
00:03:36,720 --> 00:03:50,280
Yǔdaphû̌ wîkè dû̌wî̤ pwa̤shû̌gǎ ikǒlǒkòdû̌ tokhlǒ dě hǎhtò̌cû̌khô̌ lô̌khô dǒ Yeshǔ ô̌ dě yṳ̌ǎ lô̌khô Běcǎ Yeshǔ akhû̌akhî,

34
00:03:50,280 --> 00:03:53,580
a gènè̤ gǔma̤si lû̌û pwǎ.