1
00:00:05,000 --> 00:00:12,340
Khûshǐmû Petarǔ kû̌ Yeshǔ akhôphijǎ dǒ ashǔshawa̤ tôpwa̤nu,

2
00:00:12,340 --> 00:00:15,960
a gû̌ cû̌kû̌ Běcǎ akò.

3
00:00:15,960 --> 00:00:19,380
A khôphijǎ dǒ ashǔshawa̤ tôpwa̤nu,

4
00:00:19,380 --> 00:00:26,020
pwa̤shû̌gǎ ikǒdû̌lǒ tôpwa̤ sî̌ganǎ̤ tě̤tě̤mè̤̌mè̤̌ lû̌û akhû̌akhî,

5
00:00:26,020 --> 00:00:34,040
a cû̌nṳ̌ kû̌ Běcǎ Yeshǔ dǒ pwa̤shû̌gǎ ikǒdû̌lǒ nutôpwa̤ ahǐ we̤kû.

6
00:00:34,040 --> 00:00:41,100
Bǎbǎkǎlè Khûpetarǔ ihtǒ ô̌kè dǒ we̤takhadû̌ akhlo pwǎ.

7
00:00:41,100 --> 00:00:48,740
A khôphijǎ dǒ ashǔshawa̤ dǒ pwa̤shû̌gǎ ikǒdû̌lǒ sî̌ganǎ̤ lû̌û tôpwa̤nu,

8
00:00:48,740 --> 00:01:00,260
a hǎhtò̌ hî̌ tîkhî kû̌ pwa̤ô̌pǒ̤ takha pwa̤mǒ̤phû̌ nutôpwa̤ dě a kaǎnṳ̌ Khûpetarǔnu dǒ hǐwe̤kû.

9
00:01:00,260 --> 00:01:05,500
Pwa̤mǒ̤phû̌ ô̌pǒ̤ takha nutôpwa̤ hî̌ Khûpetarǔ kû̌,

10
00:01:05,500 --> 00:01:12,380
“Na mî̌ na ô̌plǒ dǒ Yeshǔ nutôpwa̤ akhôphijǎ nutokhlǒ akla tôpwa̤,

11
00:01:12,380 --> 00:01:13,540
yahě?”

12
00:01:13,540 --> 00:01:16,760
Dě a hî̌shěshu lû̌û kû̌,

13
00:01:16,760 --> 00:01:19,020
“He mè̤̌tô̤̌.”

14
00:01:19,020 --> 00:01:33,900
Gǎwô̤̌ shû̌lě dě pwa̤ma̤ta̤phû̌ tokhlǒ kû̌ kliphû̌ dǒ a ô̌pǒ̤ ta̤lṳhtò̌hô tokhlǒ ihtǒ ushǔ te̤we̤ bò mî̌.

15
00:01:33,900 --> 00:01:37,860
Dě Khûpetarǔ ihtǒ ushǔ kû̌ asî mî̌.

16
00:01:37,860 --> 00:01:44,780
Pwa̤shû̌gǎ ikǒdû̌lǒ tôpwa̤ gwè̌kè̌kè̌ Yeshǔ

17
00:01:44,780 --> 00:01:57,440
Pwa̤shû̌gǎ ikǒdû̌lǒ nutôpwa̤ gwè̌kè̌kè̌ Yeshǔ kû̌ akhôphijǎ tokhlǒ awe̤akè kû̌ a ta̤sû̌ǐtòwòǐ tokhlǒ awe̤akè.

18
00:01:57,440 --> 00:02:00,660
Běcǎ Yeshǔ hî̌shěshu lû̌û kû̌,

19
00:02:00,660 --> 00:02:04,960
“He sû̌ǐhǔsè̌ bǎ nǒ kòyò tô̤̌,

20
00:02:04,960 --> 00:02:14,020
he sû̌ǐlîtòplò̌ kòyò dǒ kòyò pṳ̂̌tôpwa̤ alô̤mô̤̌ pwǎ.

21
00:02:14,020 --> 00:02:22,420
Lǒ̤bò Yǔdaphû̌ tokhlǒ lǎ̤hè kè̌shǐ shěshu lû̌û agûlǎ̤ dǒ ta̤cabahǐkûnu bǎbǎ,

22
00:02:22,420 --> 00:02:28,820
dǒ ta̤lṳhtò̌hôkûnu bǎbǎ he sû̌ǐ kòyò pṳ̂̌꤮ taplǎ.

23
00:02:28,820 --> 00:02:32,620
Pô̤̌nudě na cû̌ gwè̌tǒ̤ he ma̤titè?

24
00:02:32,620 --> 00:02:39,880
Gwè̌ kòyò dǒ a ganǎ̤de he ta̤shôbǐǐ nutokhlǒ,

25
00:02:39,880 --> 00:02:43,720
he shôbǐǐ bǎ asî kwè̌ mî̌titènu,

26
00:02:43,720 --> 00:02:46,160
a sî̌ganǎ̤ bò pwǎ,”

27
00:02:46,160 --> 00:02:49,740
Běcǎ Yeshǔ hî̌shěshǔ asî pô̤̌nu.

28
00:02:49,740 --> 00:02:54,260
Bǎ Běcǎ Yeshǔ hî̌ pô̤̌o akhanu,

29
00:02:54,260 --> 00:03:04,740
kliphû̌ ô̌pǒ̤ ta̤lṳhtò̌hô dǒ a ô̌phǔ lû̌kòshǐ nutôpwa̤ plǎ̤ lû̌û nò̌shî̌ dě a hî̌ lû̌û kû̌,

30
00:03:04,740 --> 00:03:13,000
“Na cû̌ hî̌shěshutǒ̤ pwa̤shû̌gǎ ikǒdû̌lǒ nutôpwa̤ pô̤̌nu ma̤titè?”

31
00:03:13,000 --> 00:03:15,880
A hî̌ lû̌û pô̤̌nu.

32
00:03:15,880 --> 00:03:18,660
Běcǎ Yeshǔ hî̌shěshu lû̌û kû̌,

33
00:03:18,660 --> 00:03:22,960
“He kè̌ hî̌ sǔ hî̌dě a sǔkwè̌ titènu,

34
00:03:22,960 --> 00:03:25,340
nè̌lṳ̌ kè̌kè̌mò̌ he,

35
00:03:25,340 --> 00:03:33,180
a kè̌ tô hî̌dě ma̤titèdě na cû̌ plǎ̤tǒ̤ he nò̌shî̌ ma̤titè?”

36
00:03:33,180 --> 00:03:35,420
A hî̌shěshu lû̌û pô̤̌nu.

37
00:03:35,420 --> 00:03:51,860
Htodě Phaanǎ comě pepwǎ lû̌û dě a nosûcû̌ kòyò kû̌ Yeshǔ dǒ pwa̤shû̌gǎ ikǒdû̌lǒ Phakayaphǎ hî̌ nutôpwa̤ a ô̌.

38
00:03:51,860 --> 00:03:56,300
Khûpetarǔ htè̌bǐkèsô̌ Yeshǔ

39
00:03:56,300 --> 00:04:02,220
Khûshǐmû Petarǔ ushǔla̤ pe mî̌ bǎnu.

40
00:04:02,220 --> 00:04:07,180
Dě kòyò dǒ ashǔshawa̤ tôpwa̤ hî̌ lû̌û kû̌,

41
00:04:07,180 --> 00:04:10,320
“Na mî̌ akhôphijǎ yahě?”

42
00:04:10,320 --> 00:04:13,140
A gwè̌ lû̌û dě.

43
00:04:13,140 --> 00:04:15,740
A hî̌ geshěshu kû̌,

44
00:04:15,740 --> 00:04:16,700
“tô̤̌,

45
00:04:16,700 --> 00:04:19,300
he mè̤̌bǎtô̤̌.”

46
00:04:19,300 --> 00:04:29,580
Pwa̤shû̌gǎ ikǒdû̌lǒ ajû̌ dǒ sapṳ̌wè̤̌ kû̌ Khûpetarǔ pě̤tṳ̌ lû̌û nò̌ku nutôpwa̤ gwè̌ lû̌û kû̌,

47
00:04:29,580 --> 00:04:37,340
“He kè̌shǐbǎ na dǒ òlǐbaphǎ nudě na ô̌plǒ kû̌ Yeshǔ yahě?”

48
00:04:37,340 --> 00:04:40,240
A gwè̌ lû̌û pô̤̌nu.

49
00:04:40,240 --> 00:04:50,480
Khûpetarǔ htè̌shěshu bǐkè sô̌ kû̌ he mè̤̌tô̤̌ a hî̌hto kû̌ shîpha û̌htò̌.