1
00:00:05,000 --> 00:00:08,160
Dǒ nô̌kò yî̤khôtô̤̌nu,

2
00:00:08,160 --> 00:00:15,940
Běcǎ Yeshǔ ô̌lṳ̌htò̌ bǎ akhôphijǎ tokhlǒ dǒ Tiberǐ shikoǒdû̌htu.

3
00:00:15,940 --> 00:00:19,840
A ô̌lṳ̌htò̌ bǎ lû̌û hî̌tè hî̌dě,

4
00:00:19,840 --> 00:00:22,060
Khûshǐmû Petarǔ,

5
00:00:22,060 --> 00:00:27,080
Khûtû̌mǎ dǒ kòyò kaǎpô̤̌ lû̌mi̤ kû̌ Khûdǐdimǔ,

6
00:00:27,080 --> 00:00:43,060
Kû̌ Galilè̤̌gǎ Wî̤̌kana̤phû̌ Khûnasaněla kû̌ Phasebedè̌ aphû̌pwa̤khû sò̌ginǐ̤ kû̌ Yeshǔ akhôphijǎ dǒ ashǔshawa̤ sò̌ginǐ̤ cû̌ ô̌plǒ wô̤̌wô̤̌ lû̌û.

7
00:00:43,060 --> 00:00:46,040
Khûshǐmû Petarǔ hî̌ asî kû̌,

8
00:00:46,040 --> 00:00:48,560
“He cû̌pṳ̂̌ǎ tò̤̌phû̌,”

9
00:00:48,560 --> 00:00:49,680
A hî̌ dě,

10
00:00:49,680 --> 00:00:51,320
asî hî̌ lû̌û kû̌,

11
00:00:51,320 --> 00:00:53,400
“Pa cû̌ kû̌ na,”

12
00:00:53,400 --> 00:00:56,280
A hî̌ lû̌û pô̤̌nu.

13
00:00:56,280 --> 00:01:06,200
Pô̤̌nudě asî dò̌ sǒkhli dě hǎhtò̌cû̌ pṳ̂̌ǎ lô̌khô tò̤̌phû̌ bǎbǎkǎlè tanǎ̤mṳ̌shě anǐ̤ tôbǎ tô̤̌.

14
00:01:06,200 --> 00:01:12,600
Lṳmṳ̌lîbû dě Běcǎ Yeshǔ ihtǒô̌ dǒ shihtunu,

15
00:01:12,600 --> 00:01:17,360
bǎbǎkǎlè akhôphijǎ tokhlǒ sî̌ganǎ̤ kû̌ Yeshǔ tô̤̌.

16
00:01:17,360 --> 00:01:19,720
A gwè̌ asî kû̌,

17
00:01:19,720 --> 00:01:21,280
“Khôbǒsû̌ sî,

18
00:01:21,280 --> 00:01:24,280
tò̤̌phû̌ nǐ̤ ya?”

19
00:01:24,280 --> 00:01:26,560
Dě asî hî̌shěshu lû̌û kû̌,

20
00:01:26,560 --> 00:01:29,760
“Anǐ̤ tôbǎ꤮ tô̤̌.”

21
00:01:29,760 --> 00:01:32,360
Dě Yeshǔ hî̌ asî kû̌,

22
00:01:32,360 --> 00:01:37,800
“Shî̌tě̤ sî tǐ̤ dǒ sî sǒkhli cǔtômû nutôkhô,

23
00:01:37,800 --> 00:01:41,000
tò̤̌phû̌ nǐ̤ tûû̌ pě.”

24
00:01:41,000 --> 00:01:45,880
Dě bǎ asî ma̤pô̤̌ a hî̌ akhanu,

25
00:01:45,880 --> 00:01:47,560
tò̤̌phû̌nǐ̤ dû̌wî̤ akhû̌akhî,

26
00:01:47,560 --> 00:01:51,680
a cî̌htò̌ bò̌ pe a tǐ̤ dǒ sǒkhlikû tô̤̌.

27
00:01:51,680 --> 00:01:59,880
Hǒtôplǎdě Yeshǔ akhôphijǎ dǒ a mô̤nṳ̌ wô̌ lû̌û tôpwa̤ hî̌ Khûpetarǔ kû̌,

28
00:01:59,880 --> 00:02:02,920
“A mî̌ Běcǎ hò꤮.”

29
00:02:02,920 --> 00:02:06,640
A hî̌ bǎ lû̌û pô̤̌nu.

30
00:02:06,640 --> 00:02:10,000
Bǎ Khûshǐmû Petarǔ ganǎ̤de lû̌û hî̌ kû̌,

31
00:02:10,000 --> 00:02:12,160
“A mî̌ Běcǎ hò̌꤮,”

32
00:02:12,160 --> 00:02:15,160
Pô̤̌nu akha,

33
00:02:15,160 --> 00:02:22,320
tôplǎnô̤̌ a sô̌htò̌ sô̌ aje dǒ a plû̌kè lû̌û nutôpṳ htodě a pě̤tě̤ dǒ shikû.

34
00:02:22,320 --> 00:02:26,640
A khô dǒ a ô̌kè dǒ sǒkhlikû tokhlǒnu,

35
00:02:26,640 --> 00:02:30,040
a gû̌gekû̌ lû̌û.

36
00:02:30,040 --> 00:02:41,040
Asî khlò sǒkhli kû̌ cǐjûgrû̌ genǐ̤ tǐ̤ dǒ a nǐ̤betǐpǐ kû̌ tò̤̌phû̌ nutôpṳ dǒ shihtu.

37
00:02:41,040 --> 00:02:44,080
Asî ô̌yî̤ bǎ kû̌ shihtu tô̤̌,

38
00:02:44,080 --> 00:02:47,800
a ô̌yî̤ pwǎ aplǎ̤ ginǐ̤ya̤ nô̤̌pwǎ.

39
00:02:47,800 --> 00:02:53,680
Bǎ asî gebè̌ ô̌kǔ asǒkhli dǒ hǎdûkhû̌ akhanu,

40
00:02:53,680 --> 00:03:00,640
asî kè̌shǐ kòyò shû̌ǎ tò̤̌phû̌ dǒ mî̌klû̌khû̌ kû̌ mû̌ tokhlǒ.

41
00:03:00,640 --> 00:03:03,220
Běcǎ Yeshǔ Khrǐ hî̌ asî kû̌,

42
00:03:03,220 --> 00:03:09,840
“Phî̌ hèkè̌bǎ he tò̤̌phû̌ dǒ sî pṳ̂̌nǐ̤ nutokhlǒ bǒo.”

43
00:03:09,840 --> 00:03:23,360
Dě Khûshǐmû Petarǔ cû̌htò̌nṳ̌ dǒ sǒkhlikû dě a cǐjûgrû̌htò̌ tǐ̤ dǒ a nǐ̤betǐpǐ kû̌ tò̤̌phû̌ dǒ hǎdûkhû̌.

44
00:03:23,360 --> 00:03:31,000
Lǒ̤bò tò̤̌phû̌pǎdû̌ dǒ a nǐ̤ numî̌ a ô̌ tôya̤ kû̌ yè̤̌shi kû̌ subǎ.

45
00:03:31,000 --> 00:03:37,440
Tò̤̌phû̌ nǐ̤ dû̌wî̤ bǎbǎkǎlè tǐ̤ hǎyè̌ tîkî̌ tô̤̌.

46
00:03:37,440 --> 00:03:40,560
Běcǎ Yeshǔ hî̌ asî kû̌,

47
00:03:40,560 --> 00:03:44,360
“Hè ǎmò̌ lô̌khô.”

48
00:03:44,360 --> 00:03:50,120
Asî sî̌ganǎ̤nǎhto lô̌khô kû̌ a mî̌ Běcǎ Yeshǔ akhû̌akhî,

49
00:03:50,120 --> 00:03:53,680
“Na mî̌ mò̌pè?”

50
00:03:53,680 --> 00:03:57,000
Asî gwè̌ bǔ lô̌khô lû̌û tôpwǎ̤ tô̤̌.

51
00:03:57,000 --> 00:04:05,880
Běcǎ Yeshǔ phî̌nṳ̌ mû̌ dě a cû̌ bǎ asî ô̌ dě a yṳ̂̌ǎ bǎ asî.

52
00:04:05,880 --> 00:04:12,040
Dě a phî̌nṳ̌ tò̤̌phû̌ dě a cû̌ yṳ̂̌ǎ padô̌ asî pô̤̌nu.

53
00:04:12,040 --> 00:04:19,880
Běcǎ Yeshǔ si ihtǒhtûpwa̤ getîkhîsô̌ htodě a dǔlè̌lṳ̌ bǎ anǎ̤ kû̌ akhôphijǎ tokhlǒnu,

54
00:04:19,880 --> 00:04:24,200
hǒtôplǎ mî̌ suplǎtôplǎ hǒ.

55
00:04:24,200 --> 00:04:28,020
Běcǎ Yeshǔ kû̌ Khûpetarǔ

56
00:04:28,020 --> 00:04:30,400
Asî ǎ htodě,

57
00:04:30,400 --> 00:04:33,880
Běcǎ Yeshǔ gwè̌ Khûshǐmû Petarǔ kû̌,

58
00:04:33,880 --> 00:04:37,360
“Phayṳ̂ha Aphû̌khû Khûshǐmû,

59
00:04:37,360 --> 00:04:43,320
na mô̤nṳ̌ khlo mè̤̌mî̌ca he kû̌ kòyò tokhlǒ mô̤nṳ̌ he ya?”

60
00:04:43,320 --> 00:04:46,480
a gwè̌ lû̌û dě.

61
00:04:46,480 --> 00:04:49,120
Khûshǐmû hî̌shěshu lû̌û kû̌,

62
00:04:49,120 --> 00:04:49,800
“O,

63
00:04:49,800 --> 00:04:50,880
Běcǎ,

64
00:04:50,880 --> 00:04:53,440
he mô̤ na numî̌ na sî̌ganǎ̤ tû̌ hǒ,”

65
00:04:53,440 --> 00:04:57,280
A hî̌ lû̌û pô̤̌nu.

66
00:04:57,280 --> 00:04:59,600
Běcǎ Yeshǔ hî̌ lû̌û kû̌,

67
00:04:59,600 --> 00:05:02,920
“Kè̌ bǔǎ he sû̌phû̌ nutokhlǒ nî̌.”

68
00:05:02,920 --> 00:05:07,200
Dě Běcǎ Yeshǔ gwè̌ sô̌ lû̌û kû̌,

69
00:05:07,200 --> 00:05:10,320
“Phayṳ̂ha aphû̌khû Khûshǐmû,

70
00:05:10,320 --> 00:05:13,400
na mô̤nṳ̌ mè̤̌mî̌ca he ya?”

71
00:05:13,400 --> 00:05:16,980
A gwè̌ lû̌û dě.

72
00:05:16,980 --> 00:05:18,920
A hî̌shěshu Běcǎ kû̌,

73
00:05:18,920 --> 00:05:19,600
“O,

74
00:05:19,600 --> 00:05:20,320
Běcǎ,

75
00:05:20,320 --> 00:05:26,200
he mô̤nṳ̌ na numî̌ na sî̌ganǎ̤ tûû̌.”

76
00:05:26,200 --> 00:05:28,840
Dě Běcǎ Yeshǔ hî̌shěshu yǎkû̌,

77
00:05:28,840 --> 00:05:32,360
“Kè̌khwè̌ǐ he sû̌phû̌ nutokhlǒ nî̌.”

78
00:05:32,360 --> 00:05:37,360
Htodě a gwè̌ pô̤̌ lû̌û suplǎtôplǎ kû̌,

79
00:05:37,360 --> 00:05:40,520
“Phayṳ̂ha aphû̌khû Khûshǐmû,

80
00:05:40,520 --> 00:05:42,640
na mô̤nṳ̌ he ya?”

81
00:05:42,640 --> 00:05:45,760
Běcǎ Yeshǔ gwè̌ lû̌û kû̌,

82
00:05:45,760 --> 00:05:47,760
“Na mô̤nṳ̌ he ya?”

83
00:05:47,760 --> 00:05:50,160
agwè̌ suplǎhǒ akhû̌akhî,

84
00:05:50,160 --> 00:05:54,440
a mô̤ lû̌sǎphlǒ tô̤̌.

85
00:05:54,440 --> 00:05:57,120
Dě a hî̌shěshu lû̌û kû̌,

86
00:05:57,120 --> 00:05:57,840
“Běcǎ,

87
00:05:57,840 --> 00:06:01,080
na sî̌ganǎ̤ bò ta̤pṳ̂̌tocǒ hǒ,

88
00:06:01,080 --> 00:06:04,480
he mô̤ǐ na numî̌ na sî̌ganǎ̤ hǒ,”

89
00:06:04,480 --> 00:06:08,320
A hî̌ lû̌û pô̤̌nu.

90
00:06:08,320 --> 00:06:10,480
Dě Běcǎ Yeshǔ hî̌ lû̌û kû̌,

91
00:06:10,480 --> 00:06:14,600
“Kè̌ bǔǎbǔô he sû̌phû̌dû̌ nutokhlǒ nî̌.

92
00:06:14,600 --> 00:06:17,480
He hî̌cǒcǒ na,

93
00:06:17,480 --> 00:06:19,800
bǎ na phijǎpe akha,

94
00:06:19,800 --> 00:06:23,760
na wṳ̂̌htò̌bò̌ tûû̌ nasǎto̤,

95
00:06:23,760 --> 00:06:28,800
na sǎyṳcû̌ bǎtètè̌ nu na cû̌bò̌.

96
00:06:28,800 --> 00:06:32,480
Bǎbǎkǎlè htû̌ na mǒ̤pwǎ̤ pěnu,

97
00:06:32,480 --> 00:06:36,800
na gǔ yṳ̂̌htò̌ na cǔde ginǐ̤khô pě.

98
00:06:36,800 --> 00:06:48,520
Kòyò gǔ comě na cǔde dě kòyò gǔ jocû̌ na dǒ ta̤lǎ̤ dǒ na sǎyṳ cû̌ tô̤̌ nupě.”

99
00:06:48,520 --> 00:06:51,360
Běcǎ Yeshǔ hî̌ lû̌û pô̤̌o numî̌,

100
00:06:51,360 --> 00:07:05,720
a sǎyṳ hî̌lṳ̌ lû̌û kû̌ Khûpetarǔ gǔ si hî̌tè pě dě Cǒmara ata̤bwǐdû̌sîrîhtû gǔ ô̌lṳ̌htò̌ hî̌tè pě ayanu pwǎ.

101
00:07:05,720 --> 00:07:08,600
Htodě Běcǎ Yeshǔ hî̌ lû̌û kû̌,

102
00:07:08,600 --> 00:07:11,080
“Gû̌ kû̌ hekò.”

103
00:07:11,080 --> 00:07:16,360
Běcǎ Yeshǔ kû̌ akhôphijǎ dǒ ashǔshawa̤ tokhlǒ

104
00:07:16,360 --> 00:07:20,320
Bǎ Khûpetarǔ kè̌tîkhî akhanu,

105
00:07:20,320 --> 00:07:29,840
a kè̌shǐ Běcǎ Yeshǔ akhôphijǎ dǒ a mô̤nṳ̌ lû̌û nutôpwa̤ gû̌ kû̌ asîkò.

106
00:07:29,840 --> 00:07:37,000
(A mî̌ kòyò dǒ a ô̌ gètè̤ Běcǎ Yeshǔ bǎ asî ǎshǎǎ lṳmṳ̌hǎ akha nutôpwa̤,

107
00:07:37,000 --> 00:07:39,320
dě a gwè̌ lû̌û kû̌,

108
00:07:39,320 --> 00:07:40,360
“Běcǎ,

109
00:07:40,360 --> 00:07:44,320
mò̌pè glè̌ shaǎlò̤kè na pě ya?”

110
00:07:44,320 --> 00:07:46,160
Nṳtôpwa̤ hǒ.

111
00:07:46,160 --> 00:07:51,480
Hǒomî̌ Běcǎ Yeshǔ si nò̌khôtô̤̌ akha)

112
00:07:51,480 --> 00:07:55,520
Bǎ Khûpetarǔ kè̌shǐ lû̌û akhanu,

113
00:07:55,520 --> 00:07:57,440
a gwè̌ Yeshǔ kû̌,

114
00:07:57,440 --> 00:07:58,120
“Běcǎ,

115
00:07:58,120 --> 00:07:59,000
alè,

116
00:07:59,000 --> 00:08:01,760
a gǔ htûhtò̌ hî̌tè pě?”

117
00:08:01,760 --> 00:08:05,040
A gwè̌ Yeshǔ pô̤̌nu.

118
00:08:05,040 --> 00:08:08,600
Běcǎ Yeshǔ hî̌shěshu lû̌û kû̌,

119
00:08:08,600 --> 00:08:12,640
“He kè̌ sǎyṳ nohtûpwa̤ lû̌û dǒ he hèlò̤pě kè̌hî̌dě,

120
00:08:12,640 --> 00:08:14,960
jû̌ he sǎphlǒ pwǎ.

121
00:08:14,960 --> 00:08:20,040
Hǒnumî̌ na ta̤ma̤ mè̤̌tô̤̌,

122
00:08:20,040 --> 00:08:26,160
na ta̤ma̤ mî̌ na bǎ gû̌ kû̌ he kòpwǎ,”

123
00:08:26,160 --> 00:08:28,640
A hî̌ lû̌û pô̤̌nu.

124
00:08:28,640 --> 00:08:32,080
Dǒ Běcǎ Yeshǔ hî̌ pô̤̌o akhû̌akhî,

125
00:08:32,080 --> 00:08:43,320
ayô̤̌sǎ lṳ̌peshecû̌ phô̌phô̌bò dǒ pṳ̌wè̤̌ pwa̤yṳ̌ǎta̤phû̌ tokhlǒ akla kû̌ akhôphijǎ nutôpwa̤ a sibǎtô̤̌,

126
00:08:43,320 --> 00:08:44,280
a hî̌ lô̌khô pô̤̌nu.

127
00:08:44,280 --> 00:08:53,080
Bǎbǎkǎlè Běcǎ Yeshǔ hî̌ kû̌ a sitô̤̌ ahî̌bǎtô̤̌.

128
00:08:53,080 --> 00:08:54,360
A hî̌ kû̌,

129
00:08:54,360 --> 00:09:02,080
“He kè̌ sǎyṳ nohtûpwa̤ lû̌û tǒ̤dǒ he hèlò̤pě hî̌nudě jû̌ he pwǎ,

130
00:09:02,080 --> 00:09:04,800
numî̌ na ta̤ma̤ mè̤̌tô̤̌,”

131
00:09:04,800 --> 00:09:07,260
A hî̌ pô̤̌nu pwǎ.

132
00:09:07,260 --> 00:09:18,920
Pwa̤ wě̤mǎnǎ ta̤ hǒtokhlǒ mî̌ he dǒ a htû Běcǎ Yeshǔ akhôphijǎ nutôpwa̤ pwǎ,

133
00:09:18,920 --> 00:09:23,440
dě a kè̌shǐ bò̌꤮ bò ta̤ma̤htûhtò̌ anǎ̤ nutokhlǒ dě a wě̤mǎnǎ pwǎ.

134
00:09:23,440 --> 00:09:31,520
A ta̤hî̌bǎlṳ̌ bǎ tokhlǒ numî̌ atô lǒ̤bò pwǎnu pa sî̌ganǎ̤.

135
00:09:31,520 --> 00:09:34,800
Ta̤hî̌bǎ dǒ nô̌kò gutṳ̌

136
00:09:34,800 --> 00:09:36,600
Khònò̤̌,

137
00:09:36,600 --> 00:09:44,280
Běcǎ Yeshǔ ma̤ta̤ dǒ ashǔshawa̤ tokhlǒnu a ô̌dû̌wî̤pe.

138
00:09:44,280 --> 00:09:48,840
Kè̌ wě̤mǎnǎ bòmò̌ a ma̤ nutokhlǒ numî̌,

139
00:09:48,840 --> 00:09:52,560
he gènè̤ kû̌ hǎkhû̌ tôbǎbònu,

140
00:09:52,560 --> 00:10:01,480
lǎ̤bè̌lî̤ agûlǎ̤ ô̌ jòpenô̌tô̤̌.