1
00:00:05,000 --> 00:00:10,380
“He sò̌le̤ hî̌bò sî pṳ̂̌꤮ tapwa̤ hǐnu mè̤tò̤.

2
00:00:10,380 --> 00:00:16,540
Bò sî htě he wû̌lǎ htǒotoǒ numî̌ he sî̌yaǐbò sî pṳ̂̌꤮ tapwa̤.

3
00:00:16,540 --> 00:00:24,820
Pwǎ̤tadě ma̤pûhǐ lî̤cahtǐkû hî̌nǎ ta lǒbehtò̌ ayanu,

4
00:00:24,820 --> 00:00:33,500
‘Kòyò htě a ǎhtuohtu kû̌ta he htǒotapwa̤ sò̌khě he dě a glè shaǎlò̤kè he hǒ.’

5
00:00:33,500 --> 00:00:36,300
“Htû̌꤮ a htûhtò̌ pěnu,

6
00:00:36,300 --> 00:00:41,940
ma̤pûhǐ sî yṳǎ ta he mî̌ Mè̤shǐanu tapwa̤ nudě,

7
00:00:41,940 --> 00:00:44,820
he pwe̤ǐlṳkè bǎ sî khònò̤ hǒ.

8
00:00:44,820 --> 00:00:46,900
He hî̌ mè̤mè̤̌ sî,

9
00:00:46,900 --> 00:00:53,540
kòyò tapwa̤pwa̤ a kaǎshǔ kòyò htě he nohè yǎ htǒotapwa̤ numî̌,

10
00:00:53,540 --> 00:00:56,220
a kaǎshǔ he hǒ.

11
00:00:56,220 --> 00:01:04,940
Kòyò tapwa̤pwa̤ a kaǎshǔ he numî̌ a kaǎshǔ pwa̤htě a nohè hehtǒonu tapwa̤ hǒ.”

12
00:01:04,940 --> 00:01:07,060
A hî̌hto hǐnudě,

13
00:01:07,060 --> 00:01:12,900
a shèwè mè̤mè̤̌ nû̌ûsò̌phlǒ dě a hî̌htò̌ lṳlîkè bǎ asî,

14
00:01:12,900 --> 00:01:15,620
“He hî̌ mè̤mè̤̌ sî,

15
00:01:15,620 --> 00:01:22,380
dě sîkla htǒonu kòyò htě a shaǎlò̤kè he pěnu a ǒ tapwa̤,”

16
00:01:22,380 --> 00:01:24,820
a hî̌lîkè asî hǐnu.

17
00:01:24,820 --> 00:01:33,420
Akhophijaû̌ toǒ kè̌ kè̌khîbò nû̌û tapwa̤ ta tapwa̤ dě a sò̌yṳ hî̌ bǎtè tapwa̤nu,

18
00:01:33,420 --> 00:01:35,780
a gènè̤phlo lǒkho tò̤,

19
00:01:35,780 --> 00:01:38,740
a htò̌te̤pe̤bòkè asî.

20
00:01:38,740 --> 00:01:44,540
Dě akhophijaû̌ akla htě a mo̤ǐ mè̤mè̤̌ nû̌û htǒotapwa̤nu,

21
00:01:44,540 --> 00:01:48,460
a hǎnòò̌phǔ bǎ Běcǎ Ye̤shǔ kòshî̌ tokho.

22
00:01:48,460 --> 00:01:57,260
Shîmǒ̤nè̤ Petru nǒcû̌ ahǐkǒ htě a hǎnòò̌phǔ nû̌û kòshî̌nu tapwa̤ dě a hî̌ nû̌û,

23
00:01:57,260 --> 00:01:59,340
“Gwè yǎnu,

24
00:01:59,340 --> 00:02:01,640
a sò̌yṳ hî̌ mî̌ûpè?”

25
00:02:01,640 --> 00:02:05,340
A hî̌hǔ cû̌ nû̌û hǐnu.

26
00:02:05,340 --> 00:02:09,660
A gètè̤wa̤ Běcǎ Ye̤shǔ dě a hî̌ nû̌û,

27
00:02:09,660 --> 00:02:10,620
“Běcǎ,

28
00:02:10,620 --> 00:02:13,680
na hî̌nu tapwa̤ mî̌ ûpè?”

29
00:02:13,680 --> 00:02:16,140
A gwè nû̌û hǐnu.

30
00:02:16,140 --> 00:02:18,300
Běcǎ Ye̤shǔ hî̌ yǎ,

31
00:02:18,300 --> 00:02:27,020
“He bè̌nṳ mû̌ tokǒkî dě hǎsǐbakû dě he ǐwa̤ yǎta anu tapwa̤ mî̌ ahǒ.”

32
00:02:27,020 --> 00:02:39,980
A hî̌hto hǐnu dě a phî̌ mû̌ tokǒkî a bè̌nṳ nû̌û hǎsǐbakû dě a ǐcû̌ nû̌ûta Shîmǒ̤nè̤ aphû̌khû Yṳ̌da Isakarǐo.

33
00:02:39,980 --> 00:02:42,180
Yṳ̌da phî̌hto mû̌ ta,

34
00:02:42,180 --> 00:02:45,620
khînǎmo̤pha hǐkǒdû̌ hènṳ akû.

35
00:02:45,620 --> 00:02:47,820
“Na glè ma̤ hî̌tènu,

36
00:02:47,820 --> 00:02:49,660
cû̌ ma̤phwèmò̌,”

37
00:02:49,660 --> 00:02:52,360
Běcǎ Ye̤shǔ hî̌ nû̌û hǐnu.

38
00:02:52,360 --> 00:02:58,600
Ma̤tè̤hî̌dě Běcǎ Ye̤shǔ cû̌ hî̌tǒ̤ nû̌û htǒo ma̤tè̤nu,

39
00:02:58,600 --> 00:03:03,880
asî ǒ bǎ dîjowa̤ kòshî̌nu toǒ sî̌ya dǐpwǎ̤꤮ tò̤.

40
00:03:03,880 --> 00:03:07,380
Yṳ̌da pṳ̂ bǎ asîwû akhû̌akhî,

41
00:03:07,380 --> 00:03:09,180
asî toǒǒnu,

42
00:03:09,180 --> 00:03:17,680
a gènè̤ lǒkho pwǎ ta Běcǎ Ye̤shǔ nocû̌ pwî̤ nû̌û ta ta̤htě a lo̤bǎ ta pwèdû̌htǒo aya,

43
00:03:17,680 --> 00:03:23,700
tò̤mî̌ a nocû̌ ǐ nû̌û ta kòyò shuphǔshèwèphû̌ toǒ ta̤tacǎcǎ pwǎ,

44
00:03:23,700 --> 00:03:26,400
a gènè̤ lǒkho hǐnu.

45
00:03:26,400 --> 00:03:28,980
Yṳ̌da phî̌hto mû̌ ta,

46
00:03:28,980 --> 00:03:30,180
a hǎhtò̌cû̌.

47
00:03:30,180 --> 00:03:34,200
Bǎnukha mî̌ lṳmṳkhǐkè hǒ.

48
00:03:34,200 --> 00:03:41,780
Běcǎ Ye̤shǔ hî̌po̤phǎnǎ wǐ Petru ta a la̤lò̤kè nû̌û pě

49
00:03:41,780 --> 00:03:45,380
Yṳ̌da hǎhtò̌cû̌hto akhanu,

50
00:03:45,380 --> 00:03:47,720
Běcǎ Ye̤shǔ hî̌ asî,

51
00:03:47,720 --> 00:03:56,860
“Khònò̤htǒo akhîakha hèto̤ ta kòyòphû̌khû mî̌ hehtǒo nî̤bǎ ta̤sîrîdû̌sîrîhtû hǒ.

52
00:03:56,860 --> 00:04:05,020
Cǒmara glè nî̤bǎ tṳtṳ ta̤sîrîdû̌sîrîhtû dě kòyòphû̌khûhtǒo a ǒ hǒ.

53
00:04:05,020 --> 00:04:18,100
Cǒmara dè nî̤bǎ tṳtṳ a ta̤sîrîdû̌sîrîhtû dě a phû̌ ǒ dèhî̌dě Cǒmara ǐ aphû̌khûhtǒo asîrîdû̌sîrîhtû ta ana̤nu pě.

54
00:04:18,100 --> 00:04:23,300
A glè ǐ nû̌û ta̤sîrîdû̌sîrîhtû khònò̤.

55
00:04:23,300 --> 00:04:24,740
“Hephû̌heli̤ sî,

56
00:04:24,740 --> 00:04:29,060
he ǒkû̌ yî̤pe ta sî tò̤hǒ.

57
00:04:29,060 --> 00:04:31,820
Sî kè̌lǎsǔ he pě.

58
00:04:31,820 --> 00:04:35,740
Pwǐ he hî̌hto Yṳ̌daphû̌ hǐkǒdû̌ toǒnu,

59
00:04:35,740 --> 00:04:41,580
he hî̌po̤ sî khònò̤htǒo ta gûla̤ htě he glè cû̌ htǒonu,

60
00:04:41,580 --> 00:04:43,540
sî cû̌jòtò̤.

61
00:04:43,540 --> 00:04:50,060
“Hǐnudě khònò̤htǒo he mǎnǎ sî ta̤hî̌bǎ asa tûmû.

62
00:04:50,060 --> 00:04:54,820
Mo̤ǐ lǒkho nû̌û tapwa̤ ta tapwa̤ nî̌꤮.

63
00:04:54,820 --> 00:04:57,460
Pwǐ he mo̤ǐ sînu,

64
00:04:57,460 --> 00:05:01,380
sî bǎ mo̤ǐ nû̌û tapwa̤ ta tapwa̤.

65
00:05:01,380 --> 00:05:04,300
Sî dè mo̤ǐ nû̌û tapwa̤ ta tapwa̤ hî̌nu,

66
00:05:04,300 --> 00:05:10,100
kò pṳ̂̌꤮ tapwa̤ sî̌ya ta sî htû he khophijaû̌ pě.”

67
00:05:10,100 --> 00:05:10,980
“Běcǎ,

68
00:05:10,980 --> 00:05:14,300
na glè cû̌ bǎtè tò̤glòtè pě?”

69
00:05:14,300 --> 00:05:17,660
Shîmǒ̤nè̤ Petru gwè nû̌û hǐnu.

70
00:05:17,660 --> 00:05:20,300
Dě Běcǎ Ye̤shǔ hî̌shǔ yǎ,

71
00:05:20,300 --> 00:05:24,100
“Gûla̤ htě he glè cû̌ htǒotò̤glònu,

72
00:05:24,100 --> 00:05:27,020
khònò̤dě na gûcû̌jò kû̌ he hǒtò̤.

73
00:05:27,020 --> 00:05:33,460
Pwǎ̤tadě na gûcû̌ kû̌nǒ he nǒkò pě.”

74
00:05:33,460 --> 00:05:34,860
“Běcǎ,

75
00:05:34,860 --> 00:05:40,740
he gûcû̌kû̌ na khònò̤dě a cû̌ jòto̤tò̤mî̌ ma̤tè?

76
00:05:40,740 --> 00:05:46,100
He ǒ wǒnǎ hena̤ ta he glè si ta naya htǒo.”

77
00:05:46,100 --> 00:05:47,540
A hî̌ nû̌û hǐnu.

78
00:05:47,540 --> 00:05:52,540
Htǒotaplǎdě Běcǎ Ye̤shǔ hî̌shǔ yǎ,

79
00:05:52,540 --> 00:05:58,060
“Na ǒ wǒnǎ nana̤ ta na glè si heya mè̤mè̤̌ hǒ ya?

80
00:05:58,060 --> 00:06:00,300
He hî̌ mè̤mè̤̌ na,

81
00:06:00,300 --> 00:06:03,020
bǎ shîphaû̌ hǒtò̤nu,

82
00:06:03,020 --> 00:06:07,620
he sî̌yanǒ yǎ tò̤ na la̤lò̤kè he pě suplǎ,”

83
00:06:07,620 --> 00:06:11,580
a hî̌ nû̌û hǐnu.