1
00:00:05,000 --> 00:00:17,220
Htǒotaplǎdě Yṳ̌daphû̌ toǒ ǒ Kaǐpha hǐ dě a kaǎcû̌ lǒkho Běcǎ Ye̤shǔ bǎ Rò̌mǎ Khwǐpilǎto hokû.

2
00:00:17,220 --> 00:00:22,100
Asî kaǎcû̌ nû̌û bǎ lṳmṳlî wosò akhanu.

3
00:00:22,100 --> 00:00:30,340
Yṳ̌daphû̌ toǒ sò̌yṳ ǒ mṳ̂plî lǒkho ana̤ pwǐ asî ta̤saba la̤bò̌la̤klo ǒnu.

4
00:00:30,340 --> 00:00:35,520
Hǐnudě asî nṳ lǒkho bǎ Khwǐpilǎto hokû tò̤,

5
00:00:35,520 --> 00:00:39,360
ma̤tè̤hî̌dě asî dè nṳ hî̌nu,

6
00:00:39,360 --> 00:00:45,380
kò ǐǎ asî ta̤cû̌tûlû̌pwè ashǎǎ lṳmṳhǎ htǒonu tò̤.

7
00:00:45,380 --> 00:00:47,440
Hǐnu akhû̌akhî,

8
00:00:47,440 --> 00:00:54,800
Khwǐpilǎto hǎhtò̌ hokhlo dě a kè̌shǐ hî̌bǎshǔ ta asî dě a gwè asî,

9
00:00:54,800 --> 00:00:59,840
“Sî cû̌ bè̌ yǎ ta̤sǔ ta titè akhû̌akhî tè?”

10
00:00:59,840 --> 00:01:01,240
Asî hî̌shǔ,

11
00:01:01,240 --> 00:01:07,320
“A dè ma̤sǔ ta̤ tò̤ dě pa kaǎhè yǎ dě naǒ dǐkhò̌꤮ tò̤,”

12
00:01:07,320 --> 00:01:09,520
a hî̌shǔ nû̌û hǐnu.

13
00:01:09,520 --> 00:01:12,240
Khwǐpilǎto hî̌shǔ asî,

14
00:01:12,240 --> 00:01:19,800
“Kaǎ cû̌ tû̌ lǒkho yǎdě cèrò tû̌ lǒkho pwǐ sî ta̤sû̌ta̤tòwò ǒnu.”

15
00:01:19,800 --> 00:01:23,560
Pwǎ̤tadě Yṳ̌daphû̌ toǒ hî̌shǔ nû̌û,

16
00:01:23,560 --> 00:01:28,960
“Pa ta̤sîrîshû̌sho htě pa bǎ cèrò sikè kòyònu,

17
00:01:28,960 --> 00:01:30,280
aǒtò̤,”

18
00:01:30,280 --> 00:01:33,480
a hî̌geshǔsǒ hǐnu.

19
00:01:33,480 --> 00:01:44,280
A hî̌ lǒkho htǒo mî̌ ma̤pûhǐ a behtò̌belò̤ pwǐ Běcǎ Ye̤shǔ hî̌nǎ khǒkè ta a glè̌ si hî̌tè tacǎ pěnu.

20
00:01:44,280 --> 00:01:53,140
Hǐnudě Khwǐpilǎto nṳ ahokû dě a nokaǎnṳ kò ta Běcǎ Ye̤shǔ dě a gwè nû̌û,

21
00:01:53,140 --> 00:01:57,260
“Na mî̌ Yṳ̌daphû̌ akhwǐ tapwa̤ mè̤mè̤̌ ya?”

22
00:01:57,260 --> 00:01:59,780
Běcǎ Ye̤shǔ hî̌shǔ nû̌û,

23
00:01:59,780 --> 00:02:03,900
“Htǒomî̌ na ta̤gènè̤ hî̌htò̌ tû̌ ya?

24
00:02:03,900 --> 00:02:10,780
Mè̤tò̤mî̌ kòyò tapwa̤pwa̤ hèhî̌bǎ na ta hewi̤hekè̌ ya?”

25
00:02:10,780 --> 00:02:14,040
A gwè getîkhîshǔ nû̌û hǐnu.

26
00:02:14,040 --> 00:02:16,600
Dě Khwǐpilǎto hî̌ nû̌û,

27
00:02:16,600 --> 00:02:19,940
“Na gènè̤ he ta Yṳ̌daphû̌ hò̌?

28
00:02:19,940 --> 00:02:29,660
Pwa̤ htě a sûhè na dě heǒ toǒ numî̌ na khlilèphû̌ tû̌ ta na pwa̤tòlûhtò̌ hǐkǒdû̌ tû̌pwǎnu toǒ.

29
00:02:29,660 --> 00:02:33,000
Na cû̌ma̤sǔ kwè̌ titè?”

30
00:02:33,000 --> 00:02:35,800
Khwǐpilǎto gwè nû̌û hǐnu.

31
00:02:35,800 --> 00:02:38,460
Běcǎ Ye̤shǔ hî̌shǔ yǎ,

32
00:02:38,460 --> 00:02:42,620
“Heshihega mî̌ hǎkhû̌bǎo mè̤tò̤.

33
00:02:42,620 --> 00:02:44,920
A dè mè̤ hǎkhû̌bǎo hî̌nu,

34
00:02:44,920 --> 00:02:51,860
ma̤pûhǐ he to̤pûdě Yṳ̌daphû̌ a hǐkǒdû̌ htǒotoǒ a cǔdekû ma̤nu,

35
00:02:51,860 --> 00:02:58,240
hekho htě a gûkû̌ he toǒ glè shěshǔhto asî hǒkò̌.

36
00:02:58,240 --> 00:03:03,760
Hǐnudě heshihega mî̌ hǎkhû̌bǎonu mè̤tò̤.”

37
00:03:03,760 --> 00:03:06,060
A hî̌ hǐnu.

38
00:03:06,060 --> 00:03:08,280
Khwǐpilǎto hî̌ nû̌û,

39
00:03:08,280 --> 00:03:13,380
“Dè hî̌hǐnu hî̌dě na htû Khwǐ tapwa̤ ya?”

40
00:03:13,380 --> 00:03:15,340
A gwè nû̌û hǐnu.

41
00:03:15,340 --> 00:03:17,860
Běcǎ Ye̤shǔ hî̌shǔ yǎ,

42
00:03:17,860 --> 00:03:22,220
“He mî̌ Khwǐ tapwa̤ mè̤mè̤̌ pwǐ na hî̌nu.

43
00:03:22,220 --> 00:03:27,620
Ma̤pûhǐ he pwe̤ǐbǎ kò ta ta̤te̤ta̤mǎ nudě,

44
00:03:27,620 --> 00:03:31,240
he hè ǒphû̌jalò̤ hǎkhû̌bǎo hǒ.

45
00:03:31,240 --> 00:03:39,100
Kòyò lǒ̤꤮ bò ǒkû̌ ta ta̤te̤ta̤mǎ tokho toǒnu a gana̤de heyo̤ pě.”

46
00:03:39,100 --> 00:03:41,600
A hî̌ hǐnu.

47
00:03:41,600 --> 00:03:43,380
Khwǐpilǎto gwè nû̌û,

48
00:03:43,380 --> 00:03:46,760
“Ta̤te̤ta̤mǎ mî̌titè?”

49
00:03:46,760 --> 00:03:54,900
Dě Khwǐpilǎto hǎhtò̌gesǒ dě Yṳ̌daphû̌ htǒotoǒ a ǒ dě a hî̌ asî,

50
00:03:54,900 --> 00:04:01,200
“He glè̌ cèrò yǎ ayanu he kè̌shǐ ata̤sǔ dǐcǎ꤮ tò̤.”

51
00:04:01,200 --> 00:04:03,360
A hî̌ asî hǐnu.

52
00:04:03,360 --> 00:04:12,680
“Pwǎ̤tadě pwǐ sî ta̤saba ala̤klo ǒ ta bǎ sî ma̤ ta̤cû̌tûlû̌pwè akhanu,

53
00:04:12,680 --> 00:04:18,160
he plûhǎhtò̌ bǎ sî kòyò lòte̤ dě apo̤kû tapwa̤ pṳ̂̌꤮ taplǎ.

54
00:04:18,160 --> 00:04:24,920
Hǐnudě mî̌ sî sò̌yṳ plûhǎhtò̌kè ‘Yṳ̌daphû̌ akhwǐdû̌ htǒotapwa̤’ ya?”

55
00:04:24,920 --> 00:04:26,960
a gwè asî hǐnu.

56
00:04:26,960 --> 00:04:30,280
Dě asî yi̤kǒhtò̌ lǒkho,

57
00:04:30,280 --> 00:04:32,200
“Plûhǎhtò̌ tò̤.

58
00:04:32,200 --> 00:04:34,520
Plûhǎhtò̌ Barǎbanu,”

59
00:04:34,520 --> 00:04:36,400
a hî̌ lǒkho hǐnu.

60
00:04:36,400 --> 00:04:44,200
Barǎba mî̌ pwa̤phî̌sigwi we̤saphǎǎ kòta̤ tapwa̤.