\id LUK
\h SAN LUCAS
\toc1 SAN LUCAS
\mt1 A JEꞌRAꞌ U JACH TSOYIR U TꞌɅN CꞌUJ TU TSꞌIBTA LUCAS
\c 1
\s Lucas cu yʌnxchun u tꞌʌn u bʌjob Teófilo
\p
\v 1 Quireꞌ a wer Teófilo yaꞌab mac caj u yʌnxchun u tsꞌibticob baꞌ u ber tu yʌnenob uch a tiꞌ yʌn tu yʌnoꞌonex uch. 
\v 2 Caj u yʌnxchun u tsꞌibticob u tꞌʌn Jesús. Caj u tsꞌibtajob a baꞌ araꞌb ten a mac tu yirob Jesús a tu yʌnxchun rajiꞌob xan caj mʌnob u yamtejob u tsecꞌticob u jach tsoyir u tꞌʌn Jesús.
\v 3 Rajen tin quiꞌ cʌxtaj in wirej xan wa taj caj u betaj Jesús uch caj tsꞌoc in wiric taj a baꞌ caj u betaj Jesús caj in tsꞌibtaj a baꞌ caj u yʌnxchun u betic Jesús hasta bajeꞌrer soc tech a wer u bʌjob in bʌj, Teófilo.
\v 4 Rajen caj in tsꞌibtaj tech Teófilo soc a toc er a baꞌ taj tu camsech uch.
\s Yʌjmasir u tꞌʌn Cꞌuj caj yaꞌara bic tabar u rochaꞌr Juan ten u nʌꞌ. Rajiꞌ cu bin yacsic jaꞌ tu joꞌr mac
\p
\v 5 Tiꞌ yʌn mac cu reyintic u ruꞌumin Judea, Herodes u cꞌabaꞌ. Raꞌ u qꞌuinin cuxaꞌan sacerdote pʌchaꞌan u cꞌabaꞌ Zacarías. Rajiꞌ cu beyaj yejerob yoꞌnen Abías. Zacarías caj u raqꞌuintaj Elisabet raꞌ yoꞌnen Aarón rajiꞌ yoꞌnen xan sacerdote. 
\v 6 Zacarías yejer u racꞌ caj yiraj Cꞌuj taj cu quibicob u tꞌʌn Cꞌuj. Caj yiraj Cꞌuj taj cu quiꞌ mʌnob ich u tsoyir a baꞌ caj u yaꞌaraj Cꞌuj.
\v 7 Mʌnaꞌ u parar Elisabet quireꞌ mʌꞌju cꞌuchur u yor u pararʌncʌr. Mʌꞌ ja wirej, u beriꞌ mʌnaꞌ u parar, toc chꞌijaꞌan toc caꞌturoꞌ yejer u mam bajeꞌrer mʌꞌ ju pararʌncʌr caj chꞌijob uch.
\v 8 Raꞌ u qꞌuinin toc pꞌisaꞌan tu cu beyaj Zacarías an ten bic sacerdote ich carem naj tu cu naj cꞌujinticob Cꞌuj u winiquirob judío. Raꞌ u qꞌuinin cu beyaj tiꞌ yoꞌnen Zacarías.
\v 9 An ten bic nanij cu bin u toquic a quiꞌ u boqueꞌ ich carem naj. Caj bin Zacarías quir u toquic quireꞌ tetaꞌb ten u yet sacerdote. Caj tetaꞌb Zacarías caj tsꞌoc u yʌrʌcꞌtic chan tunich.
\v 10 Raꞌ u qꞌuinin cu toquic a quiꞌ u boqueꞌ Zacarías, tu cotor a pimoꞌ tan u tꞌʌnicob Cꞌuj ich u tancabir carem naj.
\v 11 Yʌjmasir u tꞌʌn Cꞌuj caj u yesaj u bʌj tiꞌ Zacarías. Zacarías caj yiraj yʌjmasir u tꞌʌn Cꞌuj, chꞌiquicbar ich u noj tu cu toquic a quiꞌ u boqueꞌ.
\v 12 Caj yiraj yʌjmasir u tꞌʌn Cꞌuj Zacarías jach jaqꞌuij yor quireꞌ mʌꞌ yer baꞌ u cꞌat yʌjmasir u tꞌʌn Cꞌuj caj u chꞌaj sajquir.
\v 13 Yʌjmasir u tꞌʌn Cꞌuj caj yaꞌaraj tiꞌ:
\p ―Mʌꞌ ju jacꞌʌr a wor ten, Zacarías. Cꞌuj cu yubic a tꞌʌn rajen cu bin yʌntar a parar caꞌ a pʌchej u cꞌabaꞌ Juan.
\v 14 Caꞌ bin quiꞌac a wor jach manan quiꞌ a wor. Yaꞌab mac cu bin quiꞌ tar yorob quireꞌ yʌn a parar Zacarías. 
\v 15 Quireꞌ a parar caꞌ bin rochac ten u nʌꞌ jach carem ʌcʌtan u wich Cꞌuj. Mʌꞌ ju bin yuqꞌuic u cꞌab uva a parar. Bayiriꞌ trago mʌꞌ ju bin yuqꞌuic xan. Toc acaꞌan tiꞌ u Tajꞌor u Pixam Cꞌuj quir u tsꞌurintic caꞌ bin rochac ten u nʌꞌ.
\v 16 Jach yaꞌab cu bin yacsic tu yor tiꞌ Cꞌuj caꞌ bin yubej u tsecꞌtic u tꞌʌn Cꞌuj u winiquirob israel.
\v 17 A parar Juan cu bin u tsꞌurinbir u Tajꞌor u Pixam Cꞌuj soc cꞌuchaꞌan yor tiꞌ tu cotor baꞌ an ten bic Elías uch. Caꞌ bin yubob u winiquirob judío u tsecꞌtic u tꞌʌn cu bin u quetquintic u yor u pararob yejer u tet soc pꞌeriꞌob yor. Cu bin u tsecꞌtic tiꞌob soc u cꞌaxicob yor a mac a mʌꞌ ju quibicob Cꞌuj. Soc cu bin u quibicob a mac taj yor, a mac u neꞌer. Soc cꞌuchaꞌan yor u cꞌʌmic a Cristojoꞌ caꞌ bin tac.
\p
\v 18 Zacarías caj u cꞌataj tiꞌ yʌjmasir u tꞌʌn Jaj Tsꞌur: 
\p ―Bic tabar in jach er taj a baꞌ ca wac quireꞌ jach uch chꞌijiquen yej in racꞌ?
\p
\v 19 Caj u nuncaj yʌjmasir u tꞌʌn Cꞌuj:
\p ―A tenoꞌ, rajiꞌ in cꞌabaꞌ Gabriel, quin beyaj ʌcʌtan tiꞌ Cꞌuj. Rajiꞌ tu tuchiꞌtajen quir in waꞌaric tech a jeꞌ jach tsoy tꞌʌnaꞌ.
\v 20 A techoꞌ mʌꞌ ta quibaj in tꞌʌn a baꞌ tin toc aꞌaraj tech bajeꞌrer. Baxuquech mʌꞌ ju bin jocꞌar a tꞌʌn hasta cu cꞌuchur tu qꞌuinin u rochaꞌr a parar ten u nʌꞌ. Jeroj cu jocꞌar a tꞌʌn. Caꞌ bin cꞌuchuc tu qꞌuinin cu bin jocꞌar jach taj an ten bic tin waꞌara tech.
\p
\v 21 Tiꞌ yʌn a pimoꞌ ich tancab tan pajicob caꞌ jocꞌac Zacarías caj jaqꞌuij yorob quireꞌ omaꞌan jocꞌ Zacarías ich japnin carem naj.
\v 22 Caj jocꞌ Zacarías mʌꞌ ju jocꞌar u tꞌʌn. Caj u najtajob a pimoꞌ yʌn baꞌ caj u yiraj Zacarías ich carem naj, caj yesa yejer u cꞌʌb Zacarías quireꞌ mʌꞌ ju jocꞌar u tꞌʌn.
\p
\v 23 Caj cꞌuchij tu qꞌuinin u tsꞌocar u beyaj Zacarías ich carem naj, caj bin ich yatoch.
\v 24 Caj ur Zacarías ich yatoch caj yʌnjij u parar Elisabet. Mʌꞌ ju cꞌʌs jocꞌar hasta manij cinco icnʌꞌ. Tan u tucric ich yor, Elisabet caj u tucraj tu yor:
\v 25 “In Jaj Tsꞌurir caj u jawsaj in suraquir tu mʌꞌ ju yʌn tar in parar. Caj u yamtajen Cꞌuj, soc mʌꞌ jin pʌyic in suꞌtar tiꞌ a pim bajeꞌrer.”
\s Yʌjmasir u tꞌʌn Cꞌuj cu yaꞌaric jeꞌ u rochaꞌr Jesús ten u nʌꞌ
\p
\v 26 Yʌn seis icnʌꞌ caj najij u nʌcꞌ yejer yʌrʌcꞌ och Elisabet, caj wʌcꞌʌs tuchiꞌtaꞌb ten Cꞌuj yʌjmasir u tꞌʌn raꞌiriꞌ Gabriel caꞌ xic ich u ruꞌumin Galilea tu cajar Nazaret.
\v 27 Caj bin yiric tuririꞌ xquic a mʌꞌ yer baꞌ hasta cu chꞌic u María quireꞌ José cu bin raqꞌuintic María toy cꞌataꞌb ten José, raꞌ u nunquir David uch.
\v 28 Yʌjmasir u tꞌʌn Cꞌuj caj oc tu yʌn María caj u tꞌʌnaj: 
\p ―A Cꞌujoꞌ cu bin u yamtiquech soc jach manan tsoyirech. Mʌnaꞌ u jer xquic baxucoꞌ chen tech tsoyech.
\p
\v 29 María caj yiraj yʌjmasir u tꞌʌn Cꞌuj caj jaqꞌuij yor María a baꞌ yuba yaꞌaraꞌ tiꞌ. Caj u tucraj tu yor: “Biquinin cu tꞌʌniquen baxuc aroꞌ.”
\v 30 Yʌjmasir u tꞌʌn Cꞌuj caj yaꞌaraj:
\p ―Mʌꞌ ju jacꞌ a wor ten, María, Cꞌuj cu jach quiꞌ quiꞌ yajquintiquech María. Mʌꞌ ja wirej, Cꞌuj cu bin yesic bic u jach yajquintiquech.
\v 31 Bajeꞌrer cu bin yʌntar a parar rajiꞌ ca bin a rochej xib, caꞌ a pʌchej u cꞌabaꞌ JESÚS.
\v 32 Aꞌa parar Jesúsoꞌ jach ne noꞌj, rajiꞌ u parar Cꞌuj a tiꞌ yʌn caꞌananoꞌ. A Jaj Tsꞌur a Cꞌujoꞌ cu bin yacsic soc u reyinticob u winiquirob judío an ten bic u nunquir David caj u reyintajob uch.
\v 33 Rajiꞌ cu bin u reyinticob u winiquirob israel munt qꞌuin mʌꞌ ju tsꞌocar u reyinticob u winiquirob israel. 
\p
\v 34 María caj u cꞌata tiꞌ yʌjmasir u tꞌʌn Cꞌuj:
\p ―Bic tabar in pararʌncʌr quireꞌ mʌꞌ toy in chꞌaj in mamiꞌ.
\p
\v 35 Caj nuncaꞌb ten yʌjmasir u tꞌʌn Cꞌuj caj araꞌb tiꞌ: 
\p ―Jeꞌ u tar tech u Tajꞌor u Pixam Cꞌuj soc u yʌntar a parar quireꞌ jach yʌn u mucꞌ Cꞌuj jach manan tiꞌ, rajen cu yʌntar a parar. Caꞌ bin a rochej a parar yʌn u bin sʌjtaꞌbir ten mac quireꞌ u parar Cꞌuj.
\v 36 Ira wirej, a bʌjob a bʌj Elisabet bajeꞌrer yʌn u parar cax uch chꞌijic yʌnij u parar. Cax a uchoꞌ caj u yaꞌaraj u racꞌob mʌꞌ u yʌntar u parar. Bajeꞌrer yʌn tiꞌ seis icnʌꞌ caj yʌnij u parar xib.
\v 37 Quireꞌ a baꞌ caj u toc araj Cꞌuj cꞌuchaꞌan yor tiꞌ cax ca tucric Cꞌuj mʌꞌ cꞌuchaꞌan yor tiꞌ.
\p
\v 38 Caj yaꞌaraj María:
\p ―A tenoꞌ ―quij María―, u cꞌurewen in Jaj Tsꞌurir. Arej tiꞌ Cꞌuj a baꞌ u cꞌat u betic ten tsoy quireꞌ tiꞌ yʌnen quir u yʌntar in parar.
\p Caj tsꞌoc u tsicbar María caj bin yʌjmasir u tꞌʌn Cꞌuj. 
\s Caj bin María irbir Elisabet
\p
\v 39 Mʌꞌ jach uch caj yiraj yʌjmasir u tꞌʌn María, caj bin yirej u bʌjob u bʌj Elisabet. Seb caj toc bin María ich u bʌjob u bʌj quireꞌ tiꞌ cʌjaꞌan Elisabet ich u cajar ich u ruꞌumin Judea a yʌn u witsir.
\v 40 Caj oc María ich yatoch Zacarías. Caj tꞌʌn Elisabet ten María.
\v 41 Caj yubaj u tꞌʌnʌn Elisabet seb caj pecnʌj ich u nʌcꞌ Elisabet u chan ochir. Quireꞌ jach yʌn tiꞌ u Tajꞌor u Pixam Cꞌuj Elisabet.
\v 42 Rajen caj cꞌam tꞌʌn María ten Elisabet quireꞌ quiꞌ yor:
\p ―A techoꞌ, María, jach manan u quiꞌ yajquintiquech Cꞌuj quireꞌ mʌnaꞌ u jer xquic tetaꞌb an ten bic tech ―quij―. Jach tsoy a parar caꞌ bin a rochej quireꞌ Cꞌuj cu bin u yamtic a parar.
\v 43 Maqueniꞌ cu tar yiriquen u nʌꞌ in Jaj Tsꞌurir Cꞌuj? Mʌꞌ ja wirej, tan u sʌjtiquen María.
\v 44 Caj tarech caj a tꞌʌnen caj yubaj a tꞌʌniquen caj pecnʌj in chan ochir ich in nʌcꞌ quireꞌ quiꞌ yor.
\p
\v 45 Caj yaꞌaraj Elisabet:
\p ―Jach quiꞌ a wor María quireꞌ ta quibaj u tꞌʌn yʌjmasir u tꞌʌn Cꞌuj caj yaꞌaraj: “Jeꞌ u yʌntar a parar.” Mʌꞌ ja wirej, a wer bin u nupꞌur a baꞌ caj u yaꞌara tech Cꞌuj. 
\p
\v 46 Caj u nuncaj María:
\q Jach quiꞌ in wor quireꞌ caj in waꞌaraj tiꞌ in Jaj Tsꞌurir: jach caremech Jaj Tsꞌurir.
\v 47 Jach quiꞌ in wor ʌcʌtan Cꞌuj quireꞌ rajiꞌ in wʌjtaquir. 
\v 48 A Cꞌujoꞌ tu yajquin ten quireꞌ u cꞌurewen Cꞌuj cax mʌꞌ noꞌjen.
\p Caj yaꞌaraj María:
\q Caꞌ bin tsꞌocac in rochic in parar jeꞌ yaꞌaric a jach pimoꞌ: Cꞌuj caj u betaj a tsoyoꞌ tiꞌ ten. Baxuc cu bin yaꞌariquenob mac hasta cu xur tꞌʌn.
\v 49 A Cꞌujoꞌ jach manan chichir u mucꞌ quireꞌ caj u yamtajen. Mʌꞌ ja wirej, jach carem u cꞌabaꞌ quireꞌ mʌnaꞌ u siꞌpir. 
\v 50 A Cꞌujoꞌ cu yajquintic mac quireꞌ a mac cu sʌjtic Cꞌuj. Cax ber u qꞌuinin caꞌ bin rochac ten u nʌꞌ cu bin yajquinbir ten Cꞌuj wa cu sʌjtic Cꞌuj.
\v 51 A Cꞌujoꞌ caj u yesaj wa rajiꞌ jach manan chichir u mucꞌ, bayiriꞌ u neꞌer tu cotor baꞌ. Rajiꞌ cꞌuchaꞌan yor u chꞌesic u beyaj a mac a cu tucric jach carem, a mac a cu tucricob u jach neꞌer baꞌ soc robob mʌꞌ u cꞌuchur u yor tiꞌ mʌnaꞌ baꞌ.
\v 52 A Cꞌujoꞌ cꞌuchaꞌan yor u jocꞌsic a mac a cu tsꞌurintic u racꞌob a jach noꞌj u beyaj. Baxuc xan cꞌuchaꞌan yor u tsꞌic u beyaj tiꞌ a mac irir ten u racꞌob a mʌꞌ noꞌjoꞌ. 
\v 53 A Cꞌujoꞌ cu bin u quiꞌquintic yor a mac a jach otsir yejer a baꞌ jach tsoyoꞌ. Baxuc xan a mac neyaj u taqꞌuin, mʌnaꞌ baꞌ cu tsꞌic tiꞌ.
\v 54 A Cꞌujoꞌ caj u yamtaj u winiquirob israel quireꞌ u yaj. A baywoꞌ caj nupꞌ u tꞌʌn Cꞌuj a baꞌ caj u toc araj tiꞌ ic nunquir uch.
\v 55 Quireꞌ caj u cꞌʌꞌotaj u yajquintaj u winiquirob israel. 
\m Baxuc caj araꞌb tiꞌ ic nunquir Abraham yejer u bʌjob soc munt qꞌuin cu yajquintic tiꞌob.
\p
\v 56 María caj pꞌat yejer u bʌjob u bʌj Elisabet. Tres icnʌꞌ tiꞌ yʌn María ich u bʌjob u bʌj. Pachir caj u wʌcꞌʌs bin María ich yatoch.
\s Caj rochaꞌb ten u nʌꞌ Juan rajiꞌ cu yacsic jaꞌ tu joꞌr mac
\p
\v 57 Caj cꞌuchij tu qꞌuinin caj pararnʌjij Elisabet, xib caj u rochaj.
\v 58 Caj yubob u racꞌob caj u rochaj u parar Elisabet, baxuc xan u bʌjob caj rʌc quiꞌji yorob yejer Elisabet. Caj yajquintaꞌb ten Cꞌuj rajen yʌnij u parar. Rajen jach quiꞌ yor u racꞌob yejer u bʌjob.
\p
\v 59 Caj manij turiꞌ semana caj rʌc tarob quir u chan sesic u bʌqꞌuer an ten bic nanij cu beticob u winiquirob judío quir u yacsicob u cꞌabaꞌ. U cꞌat u chen pʌchicob u wʌcꞌʌs jer u cꞌabaꞌ u tet Zacarías.
\v 60 Caj u yaꞌaraj u nʌꞌ:
\p ―Mʌꞌ a pʌchiquex u cꞌabaꞌ Zacarías, tsoy ic pʌchic u cꞌabaꞌ Juan.
\p
\v 61 Caj yaꞌarob:
\p ―Mʌnaꞌ u cꞌabaꞌ baxuc ich a bʌjob.
\p
\v 62 Caj cꞌataꞌb tiꞌ u tet baꞌ quir u cꞌabaꞌ ca bin a pʌchej, tan yesicob yejer u cꞌʌb tiꞌ Zacarías.
\v 63 Caj u mʌcantaj u cꞌʌb caj u cꞌataj u chan pequer cheꞌ caj tar purbir tiꞌ caj u tsꞌibtaj: “Raꞌ u cꞌabaꞌ Juan.” Rajen jaqꞌuij yor u racꞌob.
\v 64 Ray u qꞌuininoꞌ seb caj jocꞌ u tꞌʌn Zacarías caj u yʌnxchun u tꞌʌnic Cꞌuj:
\p ―Jach caremech Cꞌuj.
\p
\v 65 A mac tiꞌ cʌjaꞌan tu cajar Zacarías caj u chꞌaj sajaquirob caj rʌc mʌn u jumintob ich tu cotor u ruꞌumin u witsir u ruꞌumin Judea a baꞌ u ber Zacarías caj u pʌchaj u cꞌabaꞌ u parar.
\v 66 Caj yubob u mʌn u jumintej caj u tucrob tu yor:
\p ―A baꞌ u ber u parar Zacarías?
\p Quireꞌ a Cꞌujoꞌ cu bin yamtaꞌbir Juan.
\s Zacarías cu cꞌay quireꞌ quiꞌ yor
\p
\v 67 U tet Juan Zacarías jach yʌn tiꞌ u Tajꞌor u Pixam Cꞌuj, rajen caj yaꞌaraj tiꞌ Cꞌuj:
\q
\v 68 Jach caremech Cꞌuj, quireꞌ caj a cʌnantaj u winiquirob israel. Mʌꞌ ja wirej, caj a tacatoꞌon baxuc caj a yamtaj tiꞌob.
\v 69 A Cꞌujoꞌ caj u tsꞌaj toꞌon ij cʌjtaquir a mac manan chichir u mucꞌ. Raꞌ cu tar tiꞌ ic nunquir David a caj u reyintaj u winiquirob israel uch.
\v 70 Baxuc caj u toc araj tiꞌ a mac tsꞌaꞌb u tucur ten Cꞌuj uch.
\v 71 Baxuc caj u toc araj Cꞌuj uch: “Jeꞌ in taquiquechex tiꞌ a mac cu pꞌactiquechex a mac a mʌꞌ u winiquirob judío”, baxuc caj u yaꞌaraj Cꞌuj.
\v 72 A Cꞌujoꞌ caj yaꞌaraj: “Jeꞌ in yajquintic tiꞌ ic nunquir tan u yamtic tiꞌob. Mʌꞌ ju bin tubur tiꞌ a baꞌ caj u toc araj uch.”
\v 73 Baxuc caj toc araꞌb tiꞌ ic nunquir Abraham uch:
\v 74 “Cu bin tacbir tiꞌ a mac cu pꞌacticoꞌon soc cꞌuchaꞌan ij cor ij cꞌujintic Cꞌuj soc mʌꞌ ic chꞌic sajaquir tiꞌ mac.”
\v 75 Caj u chajex toꞌon ij cacsic tij cor soc ij cʌnic Cꞌuj soc u bur u qꞌuinin ic manex tu tsoyir ʌcʌtan tiꞌ hasta cu xur tꞌʌn.
\v 76 Caj yaꞌaraj Zacarías tiꞌ u parar: “A techoꞌ, in pararech, jeꞌ u tꞌʌniquech yʌjtseqꞌuir u tꞌʌn Cꞌuj caj bin a pʌyic u ber ic Jaj Tsꞌurir soc yer a racꞌob u winiquirob judío jeꞌ u tar Jaj Tsꞌureꞌ.
\v 77 A Cꞌujoꞌ caj u tetaj toꞌon a techoꞌ, chan och, ca bin a waꞌaric Cꞌuj cu jawsic ic siꞌpir quir u taquic toꞌon.
\v 78 Quireꞌ u jach tsoyir u pixam Cꞌuj caj u yajquintaj toꞌon caꞌ bin tac tu qꞌuinin cu cꞌuchur.
\v 79 Ij cʌjtaquir jeꞌ u sasichʌjir u pixam ten Cꞌuj. A mac a cu man tu yacꞌbirir yʌn u cꞌoxar u pixam ten Cꞌuj quir u sasichʌjir u pixamob. Cu bin u rʌc rucꞌsic a baꞌ quic sʌjtic ij quimin.”
\p
\v 80 Caj chꞌijij Juan caj bin u cʌjtar ich tʌcay ruꞌum. Caj u quiꞌ cʌnaj Cꞌuj Juan. Hasta cꞌuchij tu qꞌuinin caj u yesaj u bʌj tiꞌ u racꞌob u winiquirob israel yʌjpʌyiren u ber Jaj Tsꞌur.
\c 2
\s Caj rochaꞌb Jesús ten u nʌꞌ
\r (Mt. 1.18‑25)
\p
\v 1 Ray u qꞌuinin Augusto caj u reyintaj u ruꞌumin u winiquirob romano caj yaꞌaraj rey tiꞌ u winiquirob:
\p ―Caꞌ xiquechex a tsꞌibtex a cꞌabaꞌ quir in wiric mun u winiquirob yʌn teraꞌ. Tu cotor mac yʌn u bin u tsꞌibtic u cꞌabaꞌ.
\p Baxuc caj yaꞌaraj César Augusto.
\v 2 A jeꞌ beyajaꞌ caj u tsꞌibtajob u cꞌabaꞌ. Raꞌ tu yʌn batꞌan tsꞌibtaj u cꞌabaꞌ caj oc u gobernador u ruꞌumin Siria, Cirenio, u cꞌabaꞌ gobernador.
\v 3 Tu cotor ich u cajariririꞌej yʌn u tsꞌibtic u cꞌabaꞌ xan. Jujuntur cu bin u tsꞌibtic u cꞌabaꞌ ich u jach cajar.
\v 4 Caj bin José, caj ruqꞌuij tiꞌ u cajar Nazaret caj bin ich u ruꞌumin Judea quir u cꞌuchur tu cajar Belén. Caj bin u tsꞌibtej José u cꞌabaꞌ ich Belén quireꞌ raꞌ u cajar u nunquir David tu rochaꞌb ten u nʌꞌ. Rajen caj u jʌmʌch pꞌʌtaj u cajar Nazaret quir u bin.
\v 5 Caj binob José yejer María ich Belén quir u tsꞌibticob u cꞌabaꞌ. José mʌꞌ toy u jach raqꞌuintej María chen tabar u rochic u parar.
\v 6 Tiꞌ yʌn José yejer María ich u cajar Belén caj cꞌuchij tu qꞌuinin u rochic u parar.
\v 7 María caj u rochaj u chan och xib. Rajiꞌ tu yʌnx rochaj María. Caj u tapa María yejer u tepꞌ caj u chaquintaj tu cu bin u jansej yʌrʌcꞌ wacʌx quireꞌ mʌꞌ tu cu mʌjʌnticob naj quir u wenʌnob quireꞌ jach pimob caj u rʌc tsꞌibtajob u cꞌabaꞌ.
\s Caj tarob yʌjmasirob u tꞌʌn Cꞌuj ich tu cu cʌnanticob yʌrʌcꞌ tʌmʌn yuc
\p
\v 8 Bʌytʌc ich u cajar Belén tiꞌ yʌn yʌjcʌnanyʌjirob yʌrʌcꞌ tʌmʌn yuc. Cax acꞌbir caj u cʌnantajob yʌrʌcꞌ tʌmʌn yuc. Tiꞌ yʌnob tu mʌnaꞌ u cheꞌer chen suc yʌn.
\v 9 Seb caj tar chꞌictar yʌjmasir u tꞌʌn Cꞌuj tu yʌn yʌjcʌnanyʌjirob tʌmʌn yuc caj tar u sasir Cꞌuj caj sasichʌjij tu yʌnob. Rajen jach jaqꞌui yorob.
\v 10 Caj yaꞌaraj yʌjmasir u tꞌʌn Cꞌuj:
\p ―Mʌꞌ u jacꞌʌrex a worex ten quireꞌ caj taren in waꞌaric techex a jeꞌ tsoy tꞌʌnaꞌ. Caj taren in waꞌaric tech soc u quiꞌtar yor tu cotor mac.
\v 11 Bajeꞌrer rochaꞌb ten u nʌꞌ ich u cajar Belén. Raꞌ a wʌjtaquirex a caj u yaꞌara yʌjtseqꞌuir u tꞌʌn Cꞌuj jeꞌ u tareꞌ. Rajiꞌ Cristo Jaj Tsꞌur aꞌ tuchiꞌtaꞌb ten Cꞌuj. 
\v 12 Soc a werex a baꞌ quin waquextech jaj. Jeꞌ a wiriquex charic tu cu jansic yʌrʌcꞌ wacʌx ich u najir yʌrʌcꞌ wacʌx.
\p
\v 13 Seb caj tar u jer yaꞌab yʌjmasirob u tꞌʌn Cꞌuj. Jach pim caj tarob. Tiꞌ u tar ich caꞌanan. Caj u yʌnxchun u cꞌʌyicob Cꞌuj yʌjmasirob u tꞌʌn Cꞌuj. Caj u cꞌʌyob Cꞌuj: 
\q
\v 14 Jach caremech Cꞌuj a techoꞌ a tiꞌ yʌnech ich caꞌanan. Jach quiꞌ yor a mac a tiꞌ yʌn ich yocꞌocab a tu quiꞌ quiquintajob a wor Cꞌuj. Mʌꞌ ja wirej, caj a yamtaj tiꞌob. 
\m Baxuc caj cꞌʌyajob yʌjmasirob u tꞌʌn Cꞌuj.
\p
\v 15 Caj wʌcꞌʌs binob yʌjmasir u tꞌʌn Cꞌuj ich caꞌanan. Caj yaꞌarob tiꞌ u racꞌob yʌjcʌnanyʌjirob:
\p ―Caꞌ xicoꞌonex ich u cajar Belén caꞌ ij quirej a baꞌ caj u yaꞌaraj toꞌon yʌjmasirob u tꞌʌn Cꞌuj. Caꞌ ij quirej baꞌ u ber tiꞌ.
\p
\v 16 Tsꞌajan yor binob caj u nupꞌajob María yejer José ich u najir tu cu jansicob yʌrʌcꞌ wacʌx. Tiꞌ charaꞌan u chan ochir María tu cu jansic yʌrʌcꞌ wacʌx. Caj tsꞌoc yiricob u chan ochir.
\v 17 Yʌjcʌnanyʌjirob tʌmʌn yuc caj araꞌb tiꞌ José yejer María a baꞌ araꞌb tiꞌob ten yʌjmasir u tꞌʌn Cꞌuj. Caj yaꞌarob baꞌ cu bin u betic u chan ochir ich u racꞌob u winiquirob judío.
\v 18 Caj jacꞌob yor tu cotor a caj u yuba baꞌ caj u yaꞌarajob yʌjcʌnanyʌjirob tʌmʌn yuc. Tu tsicbʌtob bic tabar u chan ochir María.
\v 19 María caj u quiꞌ tucraj a baꞌ yuba yaꞌaraꞌr ten yʌjcʌnanyʌjirob tʌmʌn yuc. Rajraꞌ cu tucric tiꞌ tu yor María.
\v 20 Caj wʌcꞌʌs sutnʌjob yʌjcʌnanyʌjirob tʌmʌn yuc quir u beyaj. Caj yaꞌarob tiꞌ Cꞌuj:
\p ―Bayoꞌ Cꞌuj, jach caremech Cꞌuj quireꞌ tij quiraj tij quich quireꞌ baxuc caj a waꞌara toꞌon. Toc taj caj a waꞌaraj toꞌon ―baxuc caj yaꞌarob yʌjcʌnanyʌjirob tʌmʌn yuc tiꞌ Cꞌuj.
\s Jesús caj bin purbir ich carem naj tu cu naj cꞌujinticob Cꞌuj u winiquirob judío
\p
\v 21 Caj man tuririꞌ semana caj bin purbir Jesús quir u sesic u bʌqꞌuer chan xib an ten bic nanij u betic u winiquirob judío. Caj pach u cꞌabaꞌ Jesús an ten bic caj araꞌb ten yʌjmasir u tꞌʌn Cꞌuj tiꞌ María. Raꞌ u qꞌuinin mʌꞌ toy yʌnʌc u parar uch.
\p
\v 22 Caj tsꞌoc u nupꞌur u qꞌuinin an ten bic caj u tsꞌibtaj Moisés uch. Raꞌ u qꞌuinin caj bin María quir u yesic u bʌj ʌcʌtan Cꞌuj ich carem naj an ten bic nanij cu betic u winiquirob judío, yet binac José. Rajen binob purbir Jesús ich u cajar Jerusalén quir u yesicob tiꞌ Cꞌuj ich carem naj tu cu naj cꞌujinticob Cꞌuj u winiquirob judío soc Cꞌuj yʌnin tiꞌ.
\v 23 Caj binob quir u nupꞌur u tꞌʌn a tu tsꞌibtaj Moisés uch. Caj yaꞌaraj: “A mac a yʌn batꞌan rochic u parar xib yʌn u bin u tsꞌic chan och tiꞌ Jaj Tsꞌurir soc rajiꞌ yʌnin.”
\v 24 Caj binob José yejer María quir u tsꞌic tiꞌ Cꞌuj a baxuc caj u toc araj Moisés uch, caj yaꞌaraj: “Yʌn a tsꞌic caꞌtur susuy wa mʌnaꞌ, yʌn a tsꞌic caꞌtur chan tuch. Rajiꞌ yʌn u quinsic sacerdote quir u toquic tiꞌ Cꞌuj.” Baxuc caj yaꞌaraj Moisés uch.
\v 25 Raꞌ u qꞌuinin caj bin María yejer José tiꞌ cʌjaꞌan ich u cajar Jerusalén, tuririꞌ xib Simeón u cꞌabaꞌ. Rajiꞌ jach tsoy yor, cu jach cꞌujintic Cꞌuj. Caj u quiꞌ paj u qꞌuinin ber caꞌ bin tac a mac a cu bin tuchiꞌbir ten Cꞌuj quir u quiꞌquintaꞌ yor u winiquirob israel. Quireꞌ u Tajꞌor u Pixam Cꞌuj caj u pay ber Simeón.
\v 26 Rajen esaꞌb ten u Tajꞌor u Pixam Cꞌuj tiꞌ Simeón: “Mʌꞌ a quimin hasta ca wiric ta wich Cristo a mac Jaj Tsꞌur, a mac tuchiꞌtaꞌb ten Cꞌuj.”
\v 27 Simeón caj bin ich carem naj tu cu naj cꞌujinticob Cꞌuj u winiquirob judío, quireꞌ pay u ber ten u Tajꞌor u Pixam Cꞌuj. Baꞌiriꞌ cꞌuch José yejer María yejer u chan ochir María, Jesús u cꞌabaꞌ. An ten bic nanij u yesicob u winiquirob judío tiꞌ Cꞌuj ich carem naj, rajen binob. 
\v 28 Simeón caj u nupꞌaj José yejer María, caj chuc u chan ochir María ten Simeón. Caj u tꞌʌnaj Cꞌuj Simeón:
\q Bayoꞌ Cꞌuj, quij.
\v 29 Jaj Tsꞌurir, quij Simeón, bajeꞌrer cꞌuchaꞌan in wor in quimin.
\v 30 Quiꞌ in wor quireꞌ caj in wiraj a mac a caj a toc araj cu bin tar. Caj in wiraj in wʌjtaquir an ten bic caj a waꞌaraj tiꞌ ten a mac a cu beyaj tech.
\v 31 A jeꞌ chan ochaꞌ a quin rochic rajiꞌ caj a tetaj quir u taquic mac tu cotor. Tu cotor cu bin yiric.
\v 32 A jeꞌ chan ochaꞌ, jeꞌ u sasiquintic tiꞌ mac cax a mʌꞌ u winiquirob judío soc yerob bic tabar cu bin tacbir. U winiquirob judío cu bin sʌjtaꞌbir ten tu cotor mac quireꞌ tiꞌ u tar tiꞌob a mac cu bin u taquic tiꞌob. 
\p
\v 33 José yejer María u nʌꞌ Jesús caj jaqꞌuij yorob quireꞌ yubarob yaꞌaric Simeón tiꞌ chan ochir.
\v 34 Simeón caj yaꞌaraj:
\p ―Caꞌ u yamtej techex Cꞌuj.
\p Caj araꞌb tiꞌ María ten Simeón:
\p ―Ca bin a mucꞌyaj María irej wa rambirech yejer chan mascab quireꞌ a baꞌ cu bin tar tiꞌ a parar. Yaꞌab u winiquirob israel cu bin satʌrob quireꞌ mʌꞌ tu quibob a parar tech. Chen yaꞌab cu bin u cuxtar munt qꞌuin quireꞌ caj u quibob tiꞌ. Yaꞌab mac cu bin u nunquicob u tꞌʌn
\v 35 soc u jocꞌar a baꞌ cu muc u tucricob tu yorob. Baxuc tetaꞌb ten Cꞌuj uch ―baxuc caj araꞌb ten Simeón.
\p
\v 36 Tiꞌ yʌn u jer xquic ich carem naj tu cu naj cꞌujinticob Cꞌuj u winiquirob judío, raꞌ u cꞌabaꞌ Ana, rajiꞌ u cꞌabaꞌ u tet, Fanuel. Ana, rajiꞌ u jach ʌj tseqꞌuir u tꞌʌn Cꞌuj. Rajiꞌ yoꞌnen Aser. Jach uch chꞌijic. Tan tu xur u baquer Ana caj raqꞌuintaꞌb ten u mam caj tsꞌoc u man siete yaxqꞌuin caj quim u mam. U beririꞌ mʌnaꞌ u mam, quim u mam.
\v 37 Bajeꞌrer yʌn ochenta y cuatro yaxqꞌuin, mʌnaꞌ u mam. Rajraꞌ tiꞌ yʌn Ana ich carem naj. Rajraꞌ caj u cꞌujintaj Cꞌuj caj u tꞌʌnaj Cꞌuj tiꞌ u racꞌob. Suꞌ suꞌ caj u jamach pꞌʌtaj u janʌn soc u quiꞌ cꞌujintic Cꞌuj.
\v 38 Ana caj cꞌuchij ich carem naj raꞌ u qꞌuinin tiꞌ yʌn Simeón tan u tsicbarob yejer José yejer María. Caj tsꞌoc yiric u chan ochir María caj u tꞌʌnaj Cꞌuj caj yaꞌaraj: 
\p ―Bayoꞌ Cꞌuj quireꞌ caj in wiraj chan ochir.
\p Ana caj tsicbanʌj yejer u racꞌob bic tabar u chan ochir María. Caj yaꞌaraj tiꞌ a mac tan u pajicob u tar Cristo ich u cajar Jerusalén. Ana caj u tsicbʌtaj tiꞌob tiꞌ Cristo. Baxuc caj araꞌb ten Ana.
\s Caj wʌcꞌʌs sutnʌj ich u cajar Nazaret
\p
\v 39 Raꞌ tsꞌoc u nupꞌsicob a baꞌ yaꞌaraj ich u tꞌʌn Moisés. Caj wʌcꞌʌs sutnʌjob José yejer María ich u cajar Nazaret quireꞌ raꞌ u jach cajar. Tiꞌ yʌn tu ruꞌumin Galilea. 
\v 40 Tiꞌ yʌnob ich u cajar Nazaret caj chꞌijij u parar. Caj u jach chichtar u mucꞌ. U neꞌer yaꞌaric tu cotor baꞌ. Cꞌuj caj u quiꞌ cʌnantaj chan Jesús xan.
\s Caj cꞌuchij chan Jesús ich carem naj tu cu naj cꞌujinticob Cꞌuj u winiquirob judío
\p
\v 41 An bic nanij u bin José yejer María cu yocar yaxqꞌuin cu bin ich u cajar Jerusalén, cu cꞌuchur tu qꞌuinin u quiꞌquiꞌ janʌnob u winiquirob judío. Raꞌ u qꞌuinin cu cꞌʌꞌoticob tu caj u potmastaj yʌjmasir u tꞌʌn Cꞌuj uch.
\v 42 Rajen caj cꞌuchij tiꞌ doce u yaxqꞌuinin tiꞌ Jesús yet binacob u nʌꞌ yejer José ich u cajar Jerusalén an ten bic nanij cu binob José yejer María quir u binob. 
\v 43 Caj tsꞌoc u quiꞌquiꞌ janʌnob caj sutnʌjob José yejer María. Tiriꞌ toc pꞌat Jesús ich u cajar Jerusalén. Mʌꞌ yerob u nʌꞌ wa tar bin Jesús yejer u racꞌob pʌybej. Mʌꞌ yerob pꞌat tu junan ich u cajar Jerusalén.
\v 44 Cu tucricob tan u tar ich a pimoꞌ a yet binacob, tu masajob tuririꞌ u qꞌuinin ich bej. Caj binob cʌxtaꞌbir Jesús ich u racꞌob bayiriꞌ ich u bʌjob.
\v 45 Mʌꞌ yirob rajen wʌcꞌʌs caꞌ sutnʌjob u cʌxtej ich u cajar Jerusalén.
\p
\v 46 Caj cꞌuchob ich Jerusalén caj u cʌxtajob, tres u qꞌuinin tan u cʌxtaꞌ Jesús. Tres u qꞌuinin caj ir Jesús. Tiꞌ yʌn ich carem naj caj irir curucbar yejer yʌjcamsʌyʌjirob u tꞌʌn Moisés. Caj yubaj u tsicbarob. Caj u cꞌataj Jesús a baꞌ cu camsicob yʌjcamsʌyʌjirob.
\p
\v 47 Jacꞌaꞌan yorob yʌjcamsʌyʌjirob u tꞌʌn Moisés quireꞌ yubicob quet u nunquic Jesús a baꞌ cu cꞌataꞌ tiꞌ quireꞌ yer u nuncaꞌr Jesús.
\v 48 Caj irir ten José tiꞌ yʌn Jesús ich u yʌjcamsʌyʌjirob u tꞌʌn Moisés caj jaqꞌuij yorob u nʌꞌ yejer José. U nʌꞌ caj yaꞌaraj:
\p ―In pararech, biquinin caj a betaj toꞌon aroꞌ? Mʌꞌ wa ja toc er jeꞌ in wacꞌtiquech yejer a tet?
\p
\v 49 Caj yaꞌaraj Jesús:
\p ―Biquinin caj tarechex a cʌxtenex? A werex a tenoꞌ yʌn in bin in betej a caj u yaꞌaraj ten in Tet Cꞌuj, rajen teꞌ yʌnenaꞌ.
\p
\v 50 Robob mʌꞌ ju najticob baꞌ caj u yaꞌaraj Jesús tiꞌ u nʌꞌ yejer u tet.
\p
\v 51 Quet caj wʌcꞌʌs sutnʌjob ich u cajar Nazaret. Caj u quibaj u tʌn u nʌꞌ Jesús quet u quibic u tꞌʌn José. María caj u caj tucraj ich yor a baꞌ caj u yaꞌaraj Jesús tiꞌob. 
\v 52 A Jesúsoꞌ caj u jach ne quiꞌ cʌnaj quireꞌ tan u jach ne chꞌijir quireꞌ yajquintaꞌb ten Cꞌuj. Bayiriꞌ u racꞌob yajquintaꞌb Jesús.
\c 3
\s A Juanoꞌ raꞌ cu yacsic jaꞌ tu joꞌr mac cu tsecꞌtic u tꞌʌn Cꞌuj
\r (Mt. 3.1‑12; Mr. 1.1‑8; Jn. 1.19‑28)
\p
\v 1 Raꞌ u qꞌuinin tsꞌoc u mʌn quince u yaxqꞌuinin Tiberio César tan u reyinticob u ruꞌumin Roma. Tiꞌ yʌn Poncio Pilato tan u tsꞌurinticob u ruꞌumin Judea. Bayiriꞌ xan Herodes tan u tsꞌurinticob u ruꞌumin Galilea. Yitsꞌin Herodes, Felipe, raꞌ u cꞌabaꞌ tan u tsꞌurinticob u ruꞌumin Iturea yejer u ruꞌumin Traconite. Bayiriꞌ xan Lisanias tan u tsꞌurinticob u ruꞌumin Abilinia.
\v 2 Bayiriꞌ xan a ray u qꞌuininoꞌ tiꞌ yʌn Anás yejer Caifás tan u tsꞌurinticob carem naj tu cu naj cꞌujinticob Cꞌuj u winiquirob judío. Quireꞌ u jach tsꞌurirob sacerdote. A ray u qꞌuininoꞌ caj tsꞌaꞌb tiꞌ Juan ten Cꞌuj quir u tsecꞌtic u tꞌʌn Cꞌuj. Rajiꞌ u parar Zacarías. Tiꞌ cʌjaꞌan Juan ich tʌcay ruꞌum caj tar u tꞌʌn Cꞌuj tiꞌ caꞌ u tsecꞌtej. 
\v 3 Rajen Juan a cu yacsic jaꞌ tu joꞌr mac bin u tsꞌectej tu nʌtsꞌaꞌan u yaꞌarir Jordán. Caj u man yaꞌaraj tiꞌ a pim caꞌ u cꞌaxejob tu yorob soc u pꞌʌticob u cꞌasir quir u yacsic jaꞌ tu joꞌr soc u jawʌrob u siꞌpirob. 
\v 4 A baꞌ caj u tsecꞌtaj Juan rajiꞌ quir u nupꞌur u tꞌʌn Cꞌuj a caj u tsꞌibtaj Isaías uch.
\p Caj yaꞌaraj Isaías yʌjtseqꞌuir u tꞌʌn Cꞌuj bin Isaías uch:
\q Quij cuꞌyic u tꞌʌn, quij Isaías. Quij cuꞌyic u tꞌʌn mac, cꞌam cu tsecꞌtic ich tʌcay ruꞌum. Aroꞌ a cu tsecꞌtic quij cuꞌyic u yaꞌaric: Toc rʌc rucꞌsex a cꞌasirex, irej a mac cu tajquintic u ber soc u tar rey. Tu cꞌocꞌob cu tajquintic.
\v 5 Tu cꞌomcꞌom caꞌ u muquej soc u tajtar. Tu cotor u witsir a caꞌananoꞌ caꞌ u tajquintej, bayiriꞌ u chan pꞌuc wits caꞌ u tajquintej. Tu roch u berir caꞌ u tajquintej xan. 
\v 6 Abaywoꞌ cꞌuchaꞌan yor yiric Cꞌuj tan u pꞌʌticob u man tu cꞌasir soc yer tu cotor mac bic tabar cu tocar ten Cꞌuj.
\m Baxuc caj yaꞌaraj Isaías uch.
\p
\v 7 Caj tarob a pimoꞌ quir u yacsaꞌr jaꞌ tu joꞌrob ten Juan quireꞌ caj u cꞌaxob tu yorob. Caj yaꞌaraj Juan tiꞌ a pimoꞌ:
\p ―A techexoꞌ jach cꞌasechex irechex can. Mʌꞌ ja wirej, a canoꞌ cu putsꞌur yiric cu tar quinsbir. Rajen ca tar a taquiquex a bʌj a werex sajaquechex a binex erarex. Arex ten mac caj u yaꞌaraj techex quir a putsꞌurex tiꞌ u tsꞌiquir Cꞌuj?
\p Juan caj yaꞌaraj tiꞌob:
\p ―A techexoꞌ caj a wacꞌtex a bʌj quireꞌ a werex yʌn a siꞌpirex.
\v 8 Toc pꞌʌtex a cꞌasirex tu caj a manex soc a manex tu tsoyir soc chʌcaꞌan yiricob a racꞌob caj a jach cꞌaxex a worex. Mʌꞌ a chen bin a waꞌariquex raꞌ in nunquirob Abraham rajen cu bin taquiquenob soc mʌꞌ u tsꞌabʌr a mucꞌyajex ten Cꞌuj. Biquinin Cꞌujoꞌ cꞌuchaꞌan yor u ricꞌsic a jeꞌ tunichaꞌ quir u wayʌr u parar a nunquirex Abraham. 
\v 9 Chen a techexoꞌ wa mʌꞌja betiquex a baꞌ cu quiꞌquintic yor Cꞌuj cu pꞌeriꞌquintic techex tiꞌ pʌcꞌar u cheꞌer a mʌꞌ ju wichʌncʌr. Techex a werex, a mac a yʌn u pʌcꞌar cheꞌ a mʌꞌ ju wichʌncʌr, cu rʌc chꞌʌquic quir u puric ich cꞌacꞌ. Baxuquex xan wa techex mʌꞌ ca wesiquex caj a jach cꞌaxex ta wor cu bin tsꞌabʌr a mucꞌyajex munt qꞌuin.
\p
\v 10 Caj cꞌataꞌb tiꞌ ten u winiquirob judío, a mac a caj u yubob u tꞌʌn:
\p ―Baꞌ tsoyir yʌn ic betic soc u taquicoꞌonex Cꞌuj?
\p
\v 11 Caj u nunca Juan:
\p ―A mac mʌnaꞌ u nocꞌ yʌn a jʌsiquex tiꞌ wa yʌn caꞌtur techex. A mac yʌn yoꞌoch caꞌ u jʌsej tiꞌ a mac mʌnaꞌ yoꞌoch.
\p
\v 12 Caj tarob ich Juan a mac a cu cꞌʌmicob u taqꞌuin gobernador tar u purej acsabir jaꞌ tu joꞌrob caj cꞌataꞌb tiꞌ Juan: 
\p ―Arej toꞌon baꞌ yʌn ic betic soc u taquicoꞌon Cꞌuj ij cʌjcamsʌyʌjirech.
\p
\v 13 Caj yaꞌaraj Juan:
\p ―A mun cu cꞌataꞌr u boꞌorir ti a racꞌob ten gobernador. Mʌꞌ ja ne jach nacsiquex u boꞌorir. Jach taj ca waquex tiꞌob.
\p
\v 14 Caj tarob jun yarob soldado ich Juan u cꞌatejob tiꞌ: 
\p ―Baꞌ yʌn ic betic soc u taquicoꞌon Cꞌuj, arej toꞌon. 
\p Caj u nunca Juan:
\p ―Mʌꞌ a yʌn tsꞌʌriquex u pach mac quir u sijiquex a taqꞌuinex. Mʌꞌ tsoy a pʌqꞌuiquex u pach mac quir u tsꞌic a taqꞌuinex. Cax mun cu boꞌotiquechex gobernador quiꞌquintex a worex tiꞌ.
\p
\v 15 A pimoꞌ a tan u pajicob caꞌ tac Cristo a tuchiꞌtaꞌb ten Cꞌuj, u cꞌat seb u tar Cristo. Cu tucricob a pimoꞌ a Juanoꞌ, rajiꞌ wa Cristo a caj u yaꞌaraj Cꞌuj cu bin tuchiꞌbir. Rajiꞌ caj man u tsotsoc arob wa Juan Cristo ich tu cotor u racꞌob.
\v 16 Caj yaꞌaraj Juan tiꞌ u winiquirob judío a fariseojoꞌ yejer u winiquirob judío a saduceojoꞌ:
\p ―A tenoꞌ taj quin wacsic jaꞌ tu joꞌr mac a caj u pꞌʌtajob a cꞌasoꞌ quireꞌ caj u cꞌaxajob tu yorob. Caꞌ bin tac Cristo, quireꞌ tabar u tar, rajiꞌ Cristo cu bin u tsꞌic techex u Tajꞌor u Pixam Cꞌuj soc u rucꞌsic tu cotor a cꞌasirex. Caꞌ bin tac a Cristojoꞌ jach noꞌj. A tenoꞌ ―quij Juan―, mʌꞌ noꞌjen. Mʌꞌ ja wirej, a tenoꞌ mʌꞌ pataren in pitic u cꞌanir u pechꞌ xʌnʌb cax u cꞌurewen.
\p
\v 17 Caj yaꞌaraj Juan:
\p ―A caꞌ bin tac Cristojoꞌ jeꞌ u jʌsic techex, irechex ca rucꞌsiquex u sor u wich trigo. Chen a tsoyoꞌ raꞌ cu pꞌatʌr. U wich trigo ca ricꞌsiquex, chen u sorob ca rʌc puriquex u sor a toquiquex. A baywoꞌ caꞌ bin xuruc tꞌʌn caꞌ bin u muchꞌquinticoꞌonex ic Tet Cꞌuj, a cꞌasoꞌ raꞌ cu bin u puric ich cꞌacꞌ tu mʌꞌ u tupur cꞌacꞌ. Chen a tsoyoꞌ cu bin acsaꞌbir ich caꞌanan.
\p
\v 18 A baywoꞌ caj u chich araj tiꞌ u racꞌob. U jer jach yaꞌab tan u chich araꞌ tiꞌ ten Juan tan u tsecꞌtic u jach tsoyir u tꞌʌn Cꞌuj.
\v 19 A Juanoꞌ caj u qꞌueyaj gobernador Herodes. Mʌꞌ ja wirej, caj u chꞌaꞌaj u muꞌ Herodes. U racꞌ yitsꞌin Felipe caj u chꞌaj, Herodías u cꞌabaꞌ. Yʌn u jer baꞌ cꞌasir caj u betaj, rajen caj u qꞌueyaj Juan.
\v 20 Jach manan cꞌas caj u caꞌ betaj Herodes quireꞌ caj u chuca Juan caj u mʌcaj.
\s Acsaꞌb jaꞌ u joꞌr Jesús ten Juan
\r (Mt. 3.13‑17; Mr. 1.9‑11)
\p
\v 21 Mʌꞌ toy chucuc Juan caj tarob a pimoꞌ quir yacsaꞌr jaꞌ tu joꞌrob ten Juan, bayiriꞌ xan acsaꞌb jaꞌ tu joꞌr Jesús. Caj tsꞌoc yacsic jaꞌ tu joꞌr Jesús quireꞌ caj u tꞌʌnaj Cꞌuj caꞌanan. Caj bin u muyarir.
\v 22 Caj tar u Tajꞌor u Pixam Cꞌuj oc yicnʌn Jesús. Caj yira yeman irej susuy caj emij. Caj yub u tꞌʌn Cꞌuj ich caꞌanan. Caj yaꞌaraj:
\p ―A techoꞌ a chen in pararech, in jach yaj. Atechoꞌ ta quiꞌquintaj in wor ―baxuc caj araꞌb ten Cꞌuj ich caꞌanan.
\s U nunquirob Jesús uch
\r (Mt. 1.1‑17)
\p
\v 23 Jesús tabar u chucpʌjʌr treinta u yaxqꞌuinin caj u yʌnxchun u beyaj u camsic u tꞌʌn Cꞌuj. Rajiꞌ u parar José, baxuc u tucric u racꞌob. A Joséjoꞌ raꞌ u cꞌabaꞌ u tet Elí.
\v 24 A Elíjoꞌ u cꞌabaꞌ u tet Matat. A Matatoꞌ u cꞌabaꞌ u tet Leví. A Levíjoꞌ u cꞌabaꞌ u tet Melqui. A Melquijoꞌ u cꞌabaꞌ u tet Jana. A Janajoꞌ u cꞌabaꞌ u tet José.
\v 25 A Joséjoꞌ u cꞌabaꞌ u tet Matatías. A Matatíasoꞌ u cꞌabaꞌ u tet Amós. A Amósoꞌ u cꞌabaꞌ u tet Nahum. A Nahumoꞌ u cꞌabaꞌ u tet Esli. A Eslijoꞌ u cꞌabaꞌ u tet Nagai.
\v 26 A Nagaijoꞌ u cꞌabaꞌ u tet Maat. A Maatoꞌ u cꞌabaꞌ u tet Matatías. A Matatíasoꞌ u cꞌabaꞌ u tet Semei. A Semeijoꞌ u cꞌabaꞌ u tet José. A Joséjoꞌ u cꞌabaꞌ u tet Judá.
\v 27 A Judájoꞌ u cꞌabaꞌ u tet Joana. A Joanajoꞌ u cꞌabaꞌ u tet Resa. A Resajoꞌ u cꞌabaꞌ u tet Zorobabel. A Zorobabeloꞌ u cꞌabaꞌ u tet Salatiel. A Salatieloꞌ u cꞌabaꞌ u tet Neri. 
\v 28 A Nerijoꞌ u cꞌabaꞌ u tet Melqui. A Melquijoꞌ u cꞌabaꞌ u tet Adi. A Adijoꞌ u cꞌabaꞌ u tet Cosam. A Cosamoꞌ u cꞌabaꞌ u tet Elmodam. A Elmodamoj u cꞌabaꞌ u tet Er.
\v 29 A Eroꞌ u cꞌabaꞌ u tet Josúe. A Josuéjoꞌ u cꞌabaꞌ u tet Eliezer. A Eliezeroꞌ u cꞌabaꞌ u tet Jorim. A Jorimoꞌ u cꞌabaꞌ u tet Matat.
\v 30 A Matatoꞌ u cꞌabaꞌ u tet Leví. A Levíjoꞌ u cꞌabaꞌ u tet Simeón. A Simeónoꞌ u cꞌabaꞌ u tet Judá. A Judájoꞌ u cꞌabaꞌ u tet José. A Joséjoꞌ u cꞌabaꞌ u tet Jonán. A Jonánoꞌ u cꞌabaꞌ u tet Eliaquim.
\v 31 A Eliaquimoꞌ u cꞌabaꞌ u tet Melea. Meleajoꞌ u cꞌabaꞌ u tet Mainán. A Mainánoꞌ u cꞌabaꞌ u tet Matata. A Matatajoꞌ u cꞌabaꞌ u tet Natán.
\v 32 A Natánoꞌ u cꞌabaꞌ u tet David. A Davidoꞌ u cꞌabaꞌ u tet Isaí. A Isaíjoꞌ u cꞌabaꞌ u tet Obed. A Obedoꞌ u cꞌabaꞌ u tet Booz. A Boozoꞌ u cꞌabaꞌ u tet Salmón. A Salmónoꞌ u cꞌabaꞌ u tet Naasón.
\v 33 A Naasónoꞌ u cꞌabaꞌ u tet Aminadab. A Aminadaboꞌ u cꞌabaꞌ u tet Aram. A Aramoꞌ u cꞌabaꞌ u tet Esrom. A Esromoꞌ u cꞌabaꞌ u tet Fares. A Faresoꞌ u cꞌabaꞌ u tet Judá.
\v 34 A Judájoꞌ u cꞌabaꞌ u tet Jacob. A Jacoboꞌ u cꞌabaꞌ u tet Isaac. A Isaacoꞌ u cꞌabaꞌ u tet Abraham. A Abrahamoꞌ u cꞌabaꞌ u tet Taré. A Taréjoꞌ u cꞌabaꞌ u tet Nacor.
\v 35 A Nacoroꞌ u cꞌabaꞌ u tet Serug. A Serugoꞌ u cꞌabaꞌ u tet Ragau. A Ragaujoꞌ u cꞌabaꞌ u tet Peleg. A Pelegoꞌ u cꞌabaꞌ u Tet Heber. A Heberoꞌ u cꞌabaꞌ u tet Sala.
\v 36 A Salajoꞌ u cꞌabaꞌ u tet Cainán. A Cainánoꞌ u cꞌabaꞌ u tet Arfaxad. A Arfaxadoꞌ u cꞌabaꞌ u tet Sem. A Semoꞌ u cꞌabaꞌ u tet Noé. A Noéjoꞌ u cꞌabaꞌ u tet Lamec.
\v 37 A Lamecoꞌ u cꞌabaꞌ u tet Matusalén. A Matusalén u cꞌabaꞌ u tet Enoc. A Enocoꞌ u cꞌabaꞌ u tet Jared. A Jaredoꞌ u cꞌabaꞌ u tet Mahalaleel. A Mahalaleeloꞌ u cꞌabaꞌ u tet Cainán. 
\v 38 A Cainánoꞌ u cꞌabaꞌ u tet Enós. A Enós u cꞌabaꞌ u tet Set. A Setoꞌ u cꞌabaꞌ u tet Adán. A Adánoꞌ betaꞌb ten Cꞌuj. 
\c 4
\s Caj tumtaꞌb yor Jesús ten quisin
\r (Mt. 4.1‑11; Mr. 1.12‑13)
\p
\v 1 Caj joqꞌuij Jesús ich u chiꞌ yaꞌarir Jordán quir u bin ich Galilea, Jesús jach tsꞌurintaꞌb ten u Tajꞌor u Pixam Cꞌuj. Caj pay u ber Jesús ten u Tajꞌor u Pixam Cꞌuj quir u bin ich tʌcay ruꞌum.
\v 2 Quir u tumtaꞌr yor ten quisin quir yirir wa cu yacsic u siꞌpir. Tiꞌ taroꞌ, tiꞌ yʌn ich tʌcay ruꞌum cuarenta u qꞌuinin. Caj u jamach pꞌʌtaj u janʌn u burur qꞌuin, u burur acꞌbir. Caj tsꞌoc u jamach pꞌʌtic u janʌn, Jesús caj wichʌjij.
\v 3 Caj tar quisin caj yaꞌaraj quisin tiꞌ Jesús:
\p ―Wa jach taj u pararech Cꞌuj waysej a jeꞌ tunichaꞌ caꞌ wayac a woch waj, quir a jantic.
\p
\v 4 Jesús caj u nuncaj:
\p ―Baxuc tu tsꞌibaꞌan cu yaꞌaric: “Mʌꞌ chen a woch cu cuxquintiquech. A xiboꞌ cu cuxtar wa cu yaꞌaric Cꞌuj.” 
\p
\v 5 Caj tsꞌoc yaꞌaric aroꞌ caj pay ten quisin caj bin purbir ich joꞌr yajaw wits tu caꞌanan. Caj tus rʌc esaꞌb tiꞌ ten quisin tu cotor u ruꞌumin tu cu reyinticob rey. Tabar caj tsꞌoc yesaꞌr tiꞌ ten quisin.
\v 6 A quisinoꞌ caj yaꞌaraj:
\p ―Tu cotor a baꞌ ca wiriqueꞌ a cu nequiꞌquintic u yor mac quireꞌ caj u tsꞌaj ten Cꞌuj, tu cotor wa jin cꞌat in tsꞌic, cꞌuchaꞌan in wor in tsꞌic. Bayiriꞌ xan, tu cotor u mucꞌ a caj a wirajeꞌ.
\v 7 Wa ca xontar tub yʌnen caꞌ a cꞌujinten jeꞌ in rʌc tsꞌic tech tu cotor a baꞌ caj a wiraj sam, soc tech yʌnin.
\p
\v 8 Caj u nuncaj Jesús:
\p ―Joqꞌuen xen, Quisinech. Quireꞌ u tꞌʌn Cꞌuj cu yaꞌaric: “Cꞌujintej a Jaj Tsꞌurir Cꞌuj. Chen rajiꞌ ca beyaj tiꞌ.”
\p
\v 9 Caj pay Jesús ten quisin ich u cajar Jerusalén. Caj nac purbir Jesús tu jach caꞌanan u joꞌr carem naj tu cu naj cꞌujinticob Cꞌuj u winiquirob judío. Caj araꞌb tiꞌ ten quisin:
\p ―Wa jach jaj u pararech Cꞌuj, pur a bʌj caꞌ rubuquech ich ruꞌum.
\v 10 Baxuc cu yaꞌaric tu tsꞌibaꞌan u tꞌʌn Cꞌuj:
\q Tu toc araj tiꞌ yʌjmasirob u tꞌʌn Cꞌuj caꞌ u quiꞌ cʌnatech. 
\v 11 Baxuc cu yaꞌaric tu tsꞌibaꞌan u tꞌʌn Cꞌuj, tu cu yaꞌaric: “Jeꞌ a ricꞌsiquex yejer a cꞌʌbex, cax mʌꞌ u yaꞌ chꞌʌtic tunich soc mʌꞌ u yajtar u yoc ten tunich.”
\m Baxuc cu yaꞌaric u tꞌʌn Cꞌuj.
\p
\v 12 Caj u nuncaj Jesús:
\p ―Baxuc tu tsꞌibaꞌan cu yaꞌaric xan: “Mʌꞌ tsoy ic tumtic yor ic Jaj Tsꞌurir Cꞌuj soc ij quirej wa taj a baꞌ caj u yaꞌaraj.”
\p
\v 13 Caj tsꞌoc u yʌn rʌc tumtaꞌr yor Jesús ten quisin. Jamach pꞌat Jesús ten quisin jeꞌ u caꞌtar tumtaꞌbir yor Jesús u jer u qꞌuinin.
\s Jesús caj u yʌnxchun u beyaj ich ruꞌumin Galilea
\r (Mt. 4.12‑17; Mr. 1.14‑15)
\p
\v 14 Jesús caj sutnʌj ich u ruꞌumin Galilea. Jach tsꞌurintaꞌb ten u Tajꞌor u Pixam Cꞌuj Jesús. Caj rʌc man u jumintej tiꞌ u racꞌob a baꞌ tsoyir caj u betaj Jesús.
\v 15 Tu caj u camsaj Jesús ich u chan najir tu cu naj cꞌujinticob Cꞌuj u winiquirob judío. U racꞌob caj araꞌb tiꞌ Jesús ich u racꞌob caj yaꞌaraj:
\p ―Jach tsoy Jesús quireꞌ cu tsecꞌtic u tꞌʌn Cꞌuj.
\s Jesús tiꞌ yʌn ich u cajar Nazaret
\r (Mt. 13.53‑58; Mr. 6.1‑6)
\p
\v 16 Caj urij Jesús ich u cajar Nazaret tub chꞌijij Jesús uch. An ten bic nanij u cꞌujintic Cꞌuj caj oquij ich u chan najir tu cu naj cꞌujinticob Cꞌuj u winiquirob judío. Quireꞌ raꞌ u qꞌuinin quir u jesicob u bʌj u winiquirob judío. Caj ricꞌ u chꞌictar u xaquej u tꞌʌn Cꞌuj Jesús quir yubicob u racꞌob.
\v 17 Caj tsꞌaꞌb tiꞌ u juꞌunin a baꞌ caj u tsꞌibtaj Isaías uch. Caj tsꞌaꞌb tiꞌ ten u tsꞌurir u chan najir tu cu naj cꞌujinticob Cꞌuj u winiquirob judío. Caj u choraj u juꞌunin Jesús, mʌꞌ ja wirej, catsꞌaꞌan. Caj yiraj tu tsꞌibaꞌan ten Isaías a cu yaꞌaric, caj u xacaj Jesús: 
\q
\v 18 A tenoꞌ, quij Isaías, tu tsꞌurinten u Tajꞌor u Pixam Cꞌuj. Rajen caj u teten Cꞌuj quir in bin in tsecꞌtic u jach tsoyir u tꞌʌn Cꞌuj ich a mac jach otsireꞌ. Caj u tuchiꞌten quir in waꞌaric tiꞌ a mac tsꞌurintaꞌb ten u siꞌpirob, caj u toc siptaj Cꞌuj tiꞌ u siꞌpirob. Caj aren in yamtic a mac cu manob tu cꞌasir soc u manob tu tsoyir, irej a mac chꞌop u wich cu bin sasichʌjʌr u wich. Caj taren in chichquintic yorob a mac tupsaꞌan yorob ten u yajirob.
\v 19 Caj taren in toc aric techex cꞌuchij tu qꞌuinin u tar ic Jaj Tsꞌurir quir u taꞌquic tu cotor mac.
\p
\v 20 Jesús caj tsꞌoc u xaquic caj u caꞌ catsꞌaj u juꞌunin caj u tsꞌaj tiꞌ u cꞌurew u jach tsꞌurir u chan najir. Caj cura Jesús. Tu cotor mac a tiꞌ curaꞌanob tu cu naj cꞌujinticob Cꞌuj tan u quiꞌ pʌtaꞌrob Jesús quireꞌ jacꞌaꞌan yorob.
\v 21 Caj u yʌnxchun u tsicbar Jesús, caj yaꞌaraj:
\p ―A caj in xacaj bajeꞌrer toc nupꞌaꞌan a baꞌ tsꞌibtaꞌb. 
\p
\v 22 Tu cotor a mac tiꞌ yʌn tu cu naj cꞌujinticob Cꞌuj u winiquirob judío caj yaꞌarob:
\p ―Jach tsoy Jesús.
\p Jacꞌaꞌan yorob quireꞌ yubob jach tsoy u tꞌʌn Jesús. Caj u cꞌaxajob u tucurob rajen caj yaꞌarob:
\p ―A jeꞌraꞌ u chen parar José.
\p Caj u pꞌastob Jesús.
\p
\v 23 Jesús caj yaꞌaraj tiꞌ a mac a tiꞌ yʌn ich u chan najir tu cu naj cꞌujinticob Cꞌuj:
\p ―In wer techex caꞌ bin a waꞌariquenex: “Wa ja cꞌat a yamtic u jer mac, a wʌcꞌʌs bʌjiriꞌ caꞌ a batꞌan yamtej quireꞌ yajech.” Raꞌ u cꞌat yaꞌaric: “Biquinin a techeꞌ, Jesús, mʌꞌ a betaj carem beyaj ta cajar Nazaret tu chiꞌjech an ten bic caj a betaj carem beyaj ich u cajar Capernaum?” 
\p
\v 24 Tiꞌ toy cu tsicbar Jesús caj yaꞌaraj:
\p ―Jach taj quin waquex tech. Mʌꞌ ju yacsʌr yʌjtseqꞌuir u tꞌʌn Cꞌuj a cu tar ich cajarireꞌ.
\v 25 Taj quin bin in cꞌasej techex, soc a cꞌʌꞌotiquex baꞌ u ber uch yʌjtseqꞌuir u tꞌʌn Cꞌuj, quireꞌ caj u betaj carem beyaj tiꞌ a mʌꞌ u winiquirob judíojoꞌ. Cꞌaj wa techex tu qꞌuinin yʌjtseqꞌuir u tꞌʌn Cꞌuj Elías uch. Mʌꞌ ju tar yaꞌarir caj mʌn tres yaxqꞌuin yejer u jer chumuc yaxqꞌuin. Mʌꞌ ju tar yaꞌarir, caj u rʌc wichʌjob quireꞌ mʌꞌ ju chꞌijir u pʌcꞌar.
\v 26 Chen a Cꞌujoꞌ caj u tuchiꞌtaj Elías tu ruꞌumin Sidón tu yʌn yatoch a xquic a quimen u mamoꞌ. Sarepta u cꞌabaꞌ u cajar. Caj bin jansbir Elías cax mʌꞌ u winiquir judío a xquicoꞌ. Biquinin mʌꞌ tu jansaj a tiꞌ yʌn ich u winiquirob judío a xquic a quimen u mam quireꞌ yʌn yaꞌab? Quireꞌ tuchiꞌtaꞌb Elías ich u jer cajar.
\v 27 Cꞌajtechex wa Eliseo caj jawsaꞌb iqꞌuer u caꞌ tiꞌ Naamán a cu tar tu ruꞌumin Siria. Biquinin mʌꞌ tu jawsaj u winiquirob judío cax yʌn yaꞌab iqꞌuer u caꞌ ich u winiquirob judío? Quireꞌ mʌꞌ araꞌb ten Cꞌuj u jawsej ich u winiquirob judío, rajen mʌꞌ ju jawsej.
\p
\v 28 Caj yubob yaꞌaric Jesús a tiꞌ rʌc muchꞌaꞌanob tu cu naj cꞌujinticob Cꞌuj caj rʌc pꞌujob.
\v 29 Caj rʌc ricꞌob jocꞌsaꞌbir Jesús caj bin purbir tu joꞌr wits tu chꞌicaꞌanin wits. Bʌytʌc yatochob tu cʌjaꞌan ich u jꞌor wits. U cꞌat u nechꞌintaꞌr Jesús quir u quinsicob Jesús.
\v 30 Chen Jesús caj man chumuc tu rʌc muchꞌaꞌanob, chan ber caj man Jesús chumuc caj bin.
\s Tiꞌ yʌn xib tuririꞌ yʌn u cꞌacꞌas quisinin
\r (Mr. 1.21‑28)
\p
\v 31 Jesús caj u pꞌʌtaj u cajar Nazaret caj bin ich u cajar Capernaum tu ruꞌumin Galilea. Caj cꞌuchij tu qꞌuinin u jesicob u bʌj u winiquirob judío caj oc u camsej Jesús tu cu naj cꞌujinticob Cꞌuj u winiquirob judío.
\v 32 Caj jacꞌob u yorob barej caj u yubob a pimoꞌ u camsaꞌrob ten Jesús, quireꞌ rajiꞌ tsicbanʌjij an ten bic mac a yʌn u mucꞌ.
\p
\v 33 Tiꞌ yʌn tuririꞌ xib tu cu naj cꞌujinticob Cꞌuj u winiquirob judío. Rajiꞌ yʌn u cꞌacꞌas quisinin, a cu yawatoꞌ. Caj u yʌwtaj Jesús, caj yaꞌaraj:
\p
\v 34 ―Ay, baꞌ a cꞌat tiꞌ a tenob, Jesúsech, a cu tar ich u cajar Nazaret? Taraꞌanech quir a chꞌesiquenob? In werob maquech, a techoꞌ, a mac a cu tar ich Cꞌuj, a mac a caj u ricꞌsaj u wʌcꞌʌs bʌjiriꞌ tiꞌ Cꞌuj.
\p
\v 35 Jesús caj u qꞌueyaj cꞌacꞌas quisin:
\p ―Nupꞌ a chiꞌ, caꞌ jocꞌaquech, caꞌ a pꞌʌtej a jeꞌ xibaꞌ. 
\p Caj pichꞌintaꞌb xib ten cꞌacꞌas quisin caj rub ich ruꞌum ʌcʌtan u racꞌob. Mʌꞌ yaj caj jocꞌ u quisinin. 
\v 36 Caj jacꞌob yorob u racꞌob caj irir u jocꞌar cꞌacꞌas quisin. Caj tsicbanʌjob ich u racꞌob:
\p ―Baꞌ tꞌʌnin a jeꞌ xibaꞌ a mʌꞌ cax cꞌacꞌas quisin cu quibir u tꞌʌn ten cꞌacꞌas quisin? Inan cu jocꞌarob. 
\p
\v 37 A baꞌ irir u betic Jesús caj u rʌc man u jumintej ich tu cotor u racꞌob ich u ruꞌumin Galilea.
\s Jesús caj u jawsaj yixquit Simón Pedro
\r (Mt. 8.14‑15; Mr. 1.29‑31)
\p
\v 38 Caj jocꞌ Jesús tu cu naj cꞌujinticob Cꞌuj u winiquirob judío, caj oc ich yatoch Simón. Yaj yixquit Simón, jach ar u joꞌr. Caj cꞌataꞌb tiꞌ Jesús quir u jawsic.
\v 39 Caj oc Jesús tu charaꞌan yixquit Simón. Caj pꞌuxraj u tꞌʌnej Jesús, caj u jawsa u yajir u joꞌr. Caj jawij, seb caj riqꞌuij quir u jansaꞌr Jesús yejer a mac a tiꞌ yʌnob tu yatoch.
\s Jesús caj u jawsaj u yajir yaꞌab mac
\r (Mt. 8.16‑17; Mr. 1.32‑34)
\p
\v 40 A ray u qꞌuininoꞌ tan u bin ic yum, caj tar purbir u yajir a mac cʌjaꞌan tu cajar Capernaum cax a baꞌ yajir yʌn tiꞌob Jesús caj u rʌc tʌraj caj rʌc jaw u yajir. 
\v 41 Bayiriꞌ xan, yʌn mac acaꞌan tiꞌ cꞌacꞌas quisin. Caj jocꞌob, caj qꞌueyaꞌb ten Jesús caj awʌtnʌjob caj jocꞌob, caj yaꞌarajob:
\p ―A techoꞌ, u pararech Cꞌuj.
\p Jesús caj u qꞌueyaj caꞌ u nupꞌob u chiꞌ quireꞌ a quisinoꞌ yer tiꞌ u tar ich Cꞌuj, rajij Cristo.
\s Jesús cu tsecꞌtic u tꞌʌn Cꞌuj ich u ruꞌumin tu cʌjaꞌanob u winiquirob judío
\r (Mr. 1.35‑39)
\p
\v 42 Caj sasij caj jocꞌ Jesús tar u wich u bin ich tacay ruꞌum. Chen a pimoꞌ caj bin u cʌxtejob hasta caj u yirajob Jesús. Caj chich araꞌb u pꞌatʌr Jesús ich u cajar Capernaum. 
\v 43 Jesús caj yaꞌaraj tiꞌob:
\p ―Yʌn in bin in tsecꞌtej u jach tsoyir u tꞌʌn Cꞌuj tu cu bin u reyintejob Cꞌuj, ich u jer u cajarob. Rajen caj u tuchiꞌten Cꞌuj quir in tsecꞌtic u jach tsoyir u tꞌʌn.
\p
\v 44 Rajen tiꞌ rajraꞌ cu man Jesús u tsecꞌtej tu cu naj cꞌujinticob Cꞌuj u winiquirob judío ich u ruꞌumin tu cʌjaꞌanob u winiquirob judío.
\c 5
\s Caj u puraj u chim ich cꞌacꞌnab caj araꞌb ten Jesús caj oc u cʌyir quireꞌ jach carem u beyaj Jesús
\r (Mt. 4.18‑22; Mr. 1.16‑20)
\p
\v 1 Caj cꞌuchij tu qꞌuinin u man u tsecꞌtej Jesús ich u chiꞌ cꞌacꞌnab u cꞌabaꞌ Geneseret. Caj cꞌuchob jach pim, caj u rʌc nʌctantajob u bʌj ich Jesús quireꞌ u cꞌat yubicob u jach tsoyir u tꞌʌn Cꞌuj.
\v 2 Jesús caj yiraj tiꞌ yʌn chem ich chiꞌ cꞌacꞌnab, bʌytʌc u saꞌamin u chiꞌ cꞌacꞌnab. Caꞌtur caj yiraj chem. Chen u chem yʌn. Tiꞌ yʌn u winiquirir u chem tan u pꞌoꞌicob u chim.
\v 3 Jesús caj oc cutar ich chem, tuririꞌ, raꞌ u chemin Simón caj cꞌataꞌb tiꞌ ten Jesús:
\p ―Jocꞌsej u chemin nʌnʌchir.
\p Jesús caj curʌj u camsej a pimoꞌ.
\v 4 Caj tsꞌoc u camsic Jesús a pimoꞌ caj araꞌb tiꞌ Simón: 
\p ―Chꞌaj a chem caꞌ xiquech caꞌ a purej a chim tub tam. Jeꞌ a chuquic yaꞌab cʌy yejer a wet beyajob.
\p
\v 5 Caj u nunca Simón:
\p ―In wʌjcamsʌyʌjirech, u bur u acꞌbir caj chich beyanʌjenob tan in puric in chimob. Mʌꞌ tin cꞌʌs chuc u cʌyirob. Chen wa tech aric tenob, jeꞌ in wʌcꞌʌs bin in purejob in chimob.
\p
\v 6 Caj tsꞌoc u puricob u chimin caj u jach chucajob u cʌyir yaꞌab. Caj u yʌnxchun u jatʌr u chimin quireꞌ jach manan chup u cʌyir u chimin.
\v 7 A mac tiꞌ yʌnob ich chem yejer Simón caj u babach cꞌʌꞌtajob u yet chucob cʌyob, a tiꞌ yʌn juntur chem quir u yamtaꞌr u jitic u chimin. Caj tarob yamtabir Simón. Caj u jitob caj u butꞌajob ich chemob caj chup u cʌyir ich chemob tabar u jurur u chemob.
\v 8 Caj yiraj Simón Pedro jach yaꞌab caj u chucajob u cʌyir caj xonraj ʌcʌtan ich Jesús. Caj yaꞌaraj:
\p ―Chan xen Jaj Tsꞌurir pꞌʌten quireꞌ a tenoꞌ jach manen yʌn in siꞌpir.
\p
\v 9 Caj u yaꞌaraj aroꞌ quireꞌ jach jaqꞌuij yor Simón. Quet caj jaqꞌuij yorob xan a yejer yet chuc cʌyoꞌ Simón. Quireꞌ yirob jach chup u cʌyir caj u butꞌob ich chem caj u chucajob.
\v 10 Baxuc xan u cꞌabaꞌ Jacobo yejer Juan yet chucob cʌy Simón, a pꞌeriꞌ u beyajob. Raꞌ u tetoꞌ Zebedeo, caj jacꞌ yorob xan. Caj yaꞌaraj Jesús tiꞌ Simón:
\p ―Mʌꞌ u jacꞌʌr a wor an ten bic caj a chucaj cʌy. Quireꞌ raꞌ a beyaj, caꞌ bin a camsej in tꞌʌn ich a racꞌob soc u quibicob in tꞌʌn. Raꞌ a beyaj bajeꞌrer ―quij Jesús.
\p
\v 11 Caj u jitob u chem ich chiꞌ cꞌacꞌnab caj u rʌc pꞌʌtob u beyajob u chuc cʌy caj rʌc binob tu pach Jesús quir u cʌnicob u tꞌʌn Jesús.
\s Jesús cu jawsic a ju cʌnmʌn iqꞌuer u caꞌ
\r (Mt. 8.1‑4; Mr. 1.40‑45)
\p
\v 12 Caj cꞌuchi tu qꞌuinin tiꞌ yʌn Jesús ich tuririꞌ cajarob carem. Caj cꞌuchi tuririꞌ xib yaj, u cʌnmʌn iqꞌuer u caꞌ. Caj xonraj ich Jesús caj u chich cꞌataj tiꞌ Jesús: 
\p ―In wer cꞌuchaꞌan a wor a jawsiquen Jaj Tsꞌurir wa ja cꞌat a jawsiquen ―quij, a iqꞌuer u caꞌ tenoꞌ.
\p
\v 13 Jesús caj u tichꞌaj u cꞌʌb caj u tʌraj caj yaꞌaraj: 
\p ―In cꞌat in wiric a jawʌr ―quij Jesús.
\p Caj yaꞌaraj aroꞌ seb caj jawij iqꞌuer u caꞌ tiꞌ.
\v 14 Jesús caj u chich araj tiꞌ a jaweꞌ:
\p ―Mʌꞌ a bin a waꞌaric tu ca man bic jawech. Chen tar a bin ich u sacerdote u winiquirob judío quir a sijic tiꞌ a baꞌ yaꞌaraj Moisés uch. Soc yerob tu cotor mac jawsaꞌbech ―quij Jesús.
\p
\v 15 Quireꞌ a pimoꞌ yubaj u jumintaꞌr jach chich u mucꞌ Jesús, jach manan caj u rʌc jumintaꞌr tiꞌ u racꞌob. Rajen rʌc tarob pim quir u muchꞌquinticob u bʌj quir yubicob u tsecꞌticob u tꞌʌn Cꞌuj Jesús, quir u jawsʌr u yajirir xan.
\v 16 Jesús caj u jamach pꞌʌtaj a pimoꞌ quir u bin u tꞌʌnej Cꞌuj tu junan ich tʌcay ruꞌum.
\s Jesús cu jawsic a mʌꞌ u chꞌictareꞌ
\r (Mt. 9.1‑8; Mr. 2.1‑12)
\p
\v 17 Caj cꞌuchij tu qꞌuinin, tan u camsic Jesús. Chen jun yarob u winiquirob judío a fariseojoꞌ yejer yʌjcamsʌyʌjirob u tꞌʌn Moisés curucbarob yubejob. A pimob tiꞌ u tarob ich u ruꞌumin Galilea. Tiꞌ u tarob u jerob ich u ruꞌumin Judea. Tiꞌ u tarob u jerob ich u cajar Jerusalén. Jach tsꞌurintaꞌb Jesús ten u Tajꞌor u Pixam Cꞌuj quir u jawsic u yajirir mac.
\v 18 Jun yarob xib caj tarob purbir a mʌꞌ u chꞌictareꞌ. Caj u cꞌochob yejer u chꞌac. U cꞌat yacsaꞌr ich yatochoꞌ tu yʌn Jesús caꞌ u chaquintob ich Jesús.
\v 19 Chen mʌꞌ tu cu yacsicob quireꞌ tiꞌ yʌnob jach pim. Rajen caj nacob ich u pach yatoch quir u rʌcob u pach yatoch quir u yensaꞌr yejer u chꞌac, a mʌꞌ u chꞌictaroꞌ ich Jesús. Caj u patajob u joꞌr yatoch quireꞌ taj u joꞌr yatoch.
\v 20 Caj u yiraj Jesús bic tabar cu yacsicob tu yor tiꞌ Jesús caj yaꞌaraj tiꞌ a mʌꞌ u chꞌictareꞌ:
\p ―Jeꞌ in toc jawsic a siꞌpireꞌ bajeꞌrer.
\p
\v 21 U winiquirob judío a fariseojoꞌ yejer u yʌjcamsʌyʌjirob u tꞌʌn Moisés caj u yʌnxchun u tucricob tu yor: “Mac winic a jeꞌraꞌ cu tucric cꞌuchaꞌan yor u jawsic u siꞌpir mac? Tan u pachꞌic Cꞌuj Jesús, chen a Cꞌujoꞌ cꞌuchaꞌan yor u jawsic u siꞌpir mac.”
\p
\v 22 Jesús yer baꞌ cu tucricob u winiquirob judío rajen caj yaꞌaraj tiꞌob:
\p ―Biquinin tan a waquex tan in pachꞌic Cꞌuj?
\v 23 Wa quin waꞌaric tiꞌ a jeꞌ xibaꞌ: “Jeꞌ in toc jawsic a siꞌpireꞌ”, a techexoꞌ mʌꞌ a werex wa yʌn ten u mucꞌ Cꞌuj, chen wa quin waꞌaric tiꞌ: “Riqꞌuen caꞌ xiquech”, ca bin a werex yʌn ten u mucꞌ Cꞌuj.
\v 24 Bajeꞌrer jeꞌ in toc esic techex in muqꞌueꞌ quir in jawsic u siꞌpir a jeꞌ xibaꞌ, quireꞌ quin bin in jawsic u yajir a mac mʌꞌ u chꞌictareꞌ soc a werex jach yʌn in mucꞌ quir in jawsic u siꞌpir mac, quireꞌ a tenoꞌ baxuquenechexoꞌ.
\p Jesús caj u tꞌʌnaj a mac a mʌꞌ u riqꞌuireꞌ:
\p ―Riqꞌuen caꞌ xiquech ta woc, toc chꞌaj a chꞌac, xen ich a watoch.
\p
\v 25 Seb caj riqꞌuij a mʌꞌ u chꞌictareꞌ ʌcʌtan u racꞌob caj yirajob u chꞌic u chꞌac yejer u tas caj bin ich yatoch caj u yaꞌaraj tiꞌ Cꞌuj:
\p ―Bayoꞌ Cꞌuj, ta jawsajen.
\p
\v 26 Caj jaqꞌuij yorob a tiꞌ muchꞌaꞌanob, caj u chꞌaj sajaquirob caj u yaꞌarajob:
\p ―Jach caremech Cꞌuj quireꞌ mʌꞌ biqꞌuin ij quiramʌniꞌ u jawsic mac hasta bajeꞌrer caj ij quiraj.
\s Jesús caj u pʌyaj Leví caꞌ tac u cʌnej u tꞌʌn
\r (Mt. 9.9‑13; Mr. 2.13‑17)
\p
\v 27 Caj jocꞌ Jesús tub u jawsaj a mʌꞌ u chꞌictar caꞌch. Caj u yiraj yʌjcꞌʌmin u taqꞌuin gobernador, rajiꞌ u cꞌabaꞌ Leví, curucbar tu cu cꞌʌmic u taqꞌuin gobernador. Caj araꞌb tiꞌ:
\p ―Cojen tin pach caꞌ a cʌnej in camsiquech soc in camsʌwiniquech. 
\p
\v 28 Leví, caj riqꞌuij caj u rʌc pꞌʌtaj u beyaj caj say tu pach Jesús quir u cʌnic u tꞌʌn Jesús.
\p
\v 29 Leví, caj u muchꞌquintaj u racꞌob quir u quiꞌ janʌnob quir u sʌjticob Jesús. Caj rʌc tarob ich yatoch Leví, tiꞌ yʌn u jerob yʌjcꞌʌminob, u taqꞌuin gobernador jach pim. Bayiriꞌ tiꞌ yʌn u jerob u racꞌob xan. Pꞌeriꞌ curicob janʌnob.
\v 30 Caj yirob u winiquirob judío a fariseojoꞌ yejer u yʌjcamsʌyʌjirob u tꞌʌn Moisés a fariseojoꞌ. Caj choquij yorob, caj u yʌnxchun yaꞌaraꞌ tiꞌ u camsʌwinicob Jesús: 
\p ―Biquinin pꞌeriꞌ a janʌnex ca wucꞌurex xan yejer a mac cu cꞌʌmicob u taqꞌuin gobernador yejer a mac jach yʌn u siꞌpirob?
\p
\v 31 Jesús caj u nuncaj tiꞌob:
\p ―Baxuc a yer tsꞌacoꞌ mʌꞌ u tsꞌʌquic a mʌꞌ yajeꞌ, cu chen tsꞌacʌr a yʌn u yajireꞌ.
\v 32 Baxuc a tenoꞌ taren in pʌyic a mac a yʌn u siꞌpirob caꞌ u cꞌaxej tu yorob soc u pꞌʌticob a cꞌasoꞌ. Mʌꞌ taren in yamtic a mac cu yaꞌaric mʌnaꞌ u siꞌpir ―baxuc caj yaꞌaraj Jesús.
\s Caj cꞌataꞌb tiꞌ Jesús ten u winiquirob judío: Biquinin mʌꞌ u jamach pꞌʌticob u janʌn u camsʌwinicob?
\r (Mt. 9.14‑17; Mr. 2.18‑22)
\p
\v 33 A mac tiꞌ yʌn caj u cꞌatob tiꞌ Jesús:
\p ―Arej toꞌon biquinin mʌꞌ u jamach pꞌʌticob u janʌnob a camsʌwiniquirob quireꞌ rajraꞌ tan u quiꞌ janʌnob. Chen u camsʌwinicob Juan cu jamach pꞌʌticob u janʌn, quir u tꞌʌnicob Cꞌuj ―baxuc u camsʌwinicob a fariseojoꞌ. 
\p
\v 34 Jesús caj u nuncaj:
\p ―Mʌꞌ baꞌ u ber caꞌ u jamach pꞌʌticob u janʌn a yet manoꞌ cu bin u chꞌic u racꞌ quireꞌ quiꞌ yorob.
\v 35 Barej caꞌ bin rucꞌsac a cu bin u chꞌic u racꞌ ten a mac a cu pꞌactic tiꞌ. Raxben tsoy u jamach pꞌʌticob u janʌn u camsʌwinicob quireꞌ tan yacꞌtaꞌrob a mac rucꞌsaꞌb.
\p
\v 36 Jesús caj u camsaj tiꞌob tan yaꞌaric:
\p ―Mʌꞌ tsoy ic xacꞌtic a baꞌ caj u camsajoꞌon ic nunquirex quireꞌ jach uchben yejer a baꞌ ricꞌben ca wuꞌyiquex. An ten bic mac mʌꞌ ju jʌtic ricꞌben quir u pʌqꞌuic u rabir u nocꞌ. Quireꞌ a ricꞌbenoꞌ cu mosar. Chen wa cu pʌqꞌuic u rabir yejer a ricꞌbenoꞌ, chen a raboꞌ, rajiꞌ cu bin jatʌr. Sat a ricꞌbenoꞌ a caj u jʌtaj quir u pʌqꞌuic ich u rabir. Mʌꞌ ju bin quet tarob.
\v 37 Baxuc xan, mʌnaꞌ mac cu tꞌajic u cꞌab uva ricꞌben ich u rabir yotꞌer yʌrʌcꞌ chivo, quireꞌ jeꞌ u paj u cꞌab uva ich u rabir u yotꞌer chivo, jeꞌ u bujureꞌ, cu bin u satʌr u cꞌab uva yejer yotꞌer xan.
\v 38 Rajen yʌn u tꞌajic u cꞌab uva a ricꞌbenoꞌ ich u yotꞌer chivo a ricꞌbenoꞌ.
\v 39 Mʌꞌ ja wirej, a mac toc naj yuqꞌuic u cꞌab uva a pʌjeꞌ, quiꞌ yubic. Mʌꞌ ju yuqꞌuic ricꞌben u cꞌab uva quireꞌ toc naꞌsaꞌb yuqꞌuic pʌj u cꞌab uva. Rajen, a techexoꞌ mʌꞌ a cꞌat a pꞌʌtiquex a baꞌ tu naꞌsatechex a nunquirex. Baxuc mʌꞌ ja cꞌʌmiquex a ricꞌbenoꞌ quin camsiquechex.
\c 6
\s U camsʌwinicob Jesús cu joꞌsticob u wich trigo u qꞌuinin tu cu jesicob u bʌj u winiquirob judío
\r (Mt. 12.1‑8; Mr. 2.23‑28)
\p
\v 1 Caj cꞌuchij tu qꞌuinin u jesicob u bʌj u winiquirob judío, ray u qꞌuinin caj bin Jesús yejer u camsʌwinicob caj u chꞌʌctajob u corir trigo. U camsʌwinicob Jesús caj u joꞌstajob u wich trigo caj u jʌxʌcꞌʌꞌtajob caꞌ rucꞌuc u sor caꞌ u jantejob.
\v 2 Caj irir tenob u winiquirob judío a fariseojoꞌ, jun yarob a fariseojoꞌ. Caj yaꞌarajob:
\p ―Biquinin a camsʌwinicob tech tan u joꞌsticob u wich trigo u jantejob. Tu tsꞌibaꞌan u tꞌʌn Moisés cu yaꞌaric mʌꞌ tsoy u beyaj u qꞌuinin tu cu jesicob u bʌj u winiquirob judío.
\p
\v 3 Jesús caj u nuncaj:
\p ―Mʌꞌ wa ja xacmʌnex baꞌ caj u jantaj David uch, caj wichʌj quet yejer u nupob caj wichʌjob uch.
\v 4 Caj oc tu tꞌinaꞌan u noqꞌuir naj tu cu naj cꞌujinticob Cꞌuj u winiquirob judío uch. Caj u jantaj pan a tiꞌ yʌnob ich yocꞌor pojcheꞌ tiꞌ ʌcʌtan Cꞌuj. Caj u cꞌasquintaj u tꞌʌn Cꞌuj David, quireꞌ rajiꞌ David yejer u nupob caj u jantajob. Quireꞌ Cꞌuj, caj yaꞌaraj, chen a sacerdotejoꞌ cu janticob.
\v 5 Mʌꞌ ja wirej ―quij Jesús―, a tenoꞌ baxuquenechex, quin tsꞌurintic tu cotor baꞌ, inan a baꞌ cu yiric mac tu qꞌuinin tu cu jesicob u bʌj u winiquirob judío ―quij Jesús.
\s A xiboꞌ a mʌꞌ u jitir u cꞌʌbeꞌ
\r (Mt. 12.9‑14; Mr. 3.1‑6)
\p
\v 6 Caj cꞌuchij u jer u qꞌuinin tu qꞌuinin tu cu jesicob u bʌj u winiquirob judío. Jesús caj oc tu cu naj cꞌujinticob Cꞌuj u winiquirob judío. Caj u yʌnxchun u camsicob Jesús. Tiꞌ yʌn xib a mʌꞌ u jitir u cꞌʌb ich u nojeꞌ.
\v 7 Tiꞌ yʌn yʌjcamsʌyʌjirob u tꞌʌn Moisés yejer u winiquirob judío a fariseojoꞌ. Tan u quiꞌ pʌcticob Jesús quir yiricob wa mʌnaꞌ u jawsic u yajir ray u qꞌuinin tu cu jesicob u bʌj u winiquirob judío, quireꞌ u cꞌat u taquicob u joꞌr Jesús.
\v 8 Jesús yer baꞌ cu tucricob u winiquirob judío a fariseojoꞌ yejer yʌjcamsʌyʌjirob u tꞌʌn Moisés. Caj araꞌb tiꞌ xib, a mʌꞌ u jitir u cꞌʌb:
\p ―Riqꞌuen ta chꞌictar caꞌ taquech chumuc tu yʌnoꞌonex soc chʌcaꞌan yiriquech tu cotor mac.
\p Caj ricꞌ tu chꞌictar.
\v 9 Jesús caj yaꞌaraj tiꞌob:
\p ―Yʌn baꞌ quir in cꞌatic techex. Tu qꞌuinin quic jesic ic bʌj. Cꞌuchaꞌan yor mac u betic a baꞌ jach tsoy, wa cꞌuchaꞌan yor mac u betic a baꞌ cꞌas? Cꞌuchaꞌan yor mac u yamtic mac u jer wa cꞌuchaꞌan yor u quinsic mac? 
\p
\v 10 Jesús caj u rʌc pʌctaj yirej jujuntur, Jesús caj yaꞌaraj tiꞌ xib:
\p ―Tichꞌ a cꞌʌb caꞌanan.
\p A xiboꞌ caj u tichꞌaj u cꞌʌb, seb caj toc quiꞌ jawij. 
\v 11 Chen rajiꞌob, caj yirob aroꞌ caj jach pꞌujob caj u pꞌerinquintajob u tucurob baꞌ cu bin u beticob tiꞌ Jesús.
\s Tetaꞌb ten Jesús a mac a cu bin u tsecꞌticob u tꞌʌn 
\r (Mt. 10.1‑4; Mr. 3.13‑19)
\p
\v 12 Caj cꞌuchij tu qꞌuinin Jesús caj bin u tꞌʌnej Cꞌuj ich joꞌr wits. U burur acꞌbir caj u tꞌʌnaj Cꞌuj Jesús. 
\v 13 Caj sasij caj u muchꞌquintajob u camsʌwinicob quir u tetic doce, rajiꞌ caj u pʌcha u camsʌwinicob: “A mac a quin tuchiꞌticob quir u tsecꞌticob in tꞌʌn.”
\v 14 Jeraꞌ u cꞌabaꞌ a mac a cu bin tuchiꞌbir ten Jesús quir u tsecꞌtaꞌr u tꞌʌn. Jeroj Simón caj pach u jer u cꞌabaꞌ Pedro. U jer caj u tetaj Andrés, rajiꞌ u bʌjob Simón. U jer caj u tetaj Jacobo. U jer caj u tetaj Juan. U jer caj u tetaj Felipe. U jer caj u tetaj Bartolomé. 
\v 15 U jer caj u tetaj Mateo. U jer caj u tetaj Tomás. U jer caj u tetaj Jacobo, raꞌ u tet Alfeo. U jer caj u tetaj Simón, rajiꞌ tan u quiꞌ cꞌujintic Cꞌuj, a tan u sayʌr u pach cananista.
\v 16 U jer caj u tetaj Judas, raꞌ u tet Jacobo. U jer caj u tetaj Judas Iscariote, rajiꞌ cu bin cꞌubic Jesús.
\s Jesús cu camsic a pim winiquirob
\r (Mt. 4.23‑25)
\p
\v 17 Caj tsꞌoc u tetic a docejoꞌ caj wʌcꞌʌs emij tiꞌ u joꞌr wits. Jesús caj chꞌicrʌj tu tajir ruꞌum. Tiꞌ yʌn jach pim u camsʌwinicob. Tiꞌ yʌn u jerob pim a cu tar ich u ruꞌumin Judea, bayiriꞌ tiꞌ u tar ich u cajar Jerusalén. Tiꞌ u tarob ich u cajar Tiro, raꞌ u chiꞌ cꞌacꞌnab. Tiꞌ u tarob ich u cajar Sidón raꞌ u chiꞌ cꞌacꞌnab xan. Rʌc tarob yubicob u tꞌʌn Jesús quireꞌ u cꞌat u jawsaꞌr u yajirob xan.
\v 18 A mac acaꞌan cꞌacꞌas quisin jawsaꞌbob xan ten Jesús. 
\v 19 Tu cotor u cꞌat u tarʌr Jesús quireꞌ caꞌ bin tarʌc cu jawar u yajirob quireꞌ cu tar u mucꞌ tiꞌ Jesús quir u jawar u yajirob.
\s A baꞌ cu jach quiꞌquintic yor mac
\r (Mt. 5.1‑12)
\p
\v 20 Caj yiraj Jesús u camsʌwinicob caj yaꞌaraj tiꞌob: 
\p ―Quiꞌquint a worex quireꞌ jach otsirchʌjechex bajeꞌrer quireꞌ a Cꞌujoꞌ cu bin u quiꞌ acsiquechex ich caꞌanan tu cu reyinticob Cuj.
\p
\v 21 ’Quiꞌquintej a worex quireꞌ wichʌjechex bajeꞌrer, jeꞌ a najchʌjʌrex caꞌ bin cꞌuchuc tu qꞌuinin. A mac tan u yacꞌticob u bʌj bajeꞌrer quiꞌquintej yorob quireꞌ caꞌ bin cꞌuchuc tu qꞌuinin jeꞌ u quiꞌtar yorob, jeꞌ u cheꞌejobeꞌ, quireꞌ Cꞌuj cu bin u quiꞌquintic yorob. 
\p
\v 22 ’Quiꞌquintej a worex wa ber cu pꞌactiquechex mac wa tan u jocꞌsiquechex tu cu naj cꞌujinticob Cꞌuj. Wa tan u pꞌastiquechex, wa tan u yaꞌaricob cꞌasechex quireꞌ ta wacsajex ta wor tiꞌ ten, a tenoꞌ a baxuquenechexoꞌ. 
\v 23 Quiꞌquintej a worex cax wa ber cu pꞌactiquechex, jach manan yʌn a quiꞌquintiquex a worex wa tan u pꞌastiquechex quireꞌ tan a manex tu tsoyir. Rajen a Cꞌujoꞌ cu bin u quiꞌ acsiquechex caꞌanan. Mʌꞌ ja wirej, quetechex yejer yʌjtseqꞌuirob u tꞌʌn Cꞌuj uch. Bayiriꞌ caj pꞌactaꞌb ten u racꞌob uch.
\p
\v 24 Jesús caj yaꞌaraj tiꞌ a mac a mʌꞌ tan u manob tu tsoyir a mac neyʌn u taqꞌuin bajeꞌrer:
\p ―Yaj cu bin yubicob quireꞌ toy quiꞌij yorob teraꞌ ich yocꞌocab.
\p
\v 25 ’Mʌꞌ ja wirej, a mac jach buꞌut bajeꞌrer jach yaj cu bin yubic u wichʌjʌr. A bajeꞌrer cu tus cheꞌeticob chen a ray u qꞌuininoꞌ cu bin u jach acꞌticob u bʌj. 
\p
\v 26 ’Quiꞌ irej ber cu yaꞌaricob: “Jach tsoyech”, quireꞌ baxuc caj yaꞌarob tiꞌ u tus ʌjtseqꞌuirob u tꞌʌn Cꞌuj uch. Jeꞌ u yacꞌticob u bʌj xan.
\s Caꞌ a yajquintiquex a mac cu pꞌactiquechex
\r (Mt. 5.38‑48; 7.12)
\p
\v 27 Caj yaꞌaraj Jesús tiꞌ a pimoꞌ:
\p ―Uꞌyex baꞌ quin camsiquechex. Caꞌ a yajquintex a mac cu pꞌactiquechex. Yamtex a mac cu pꞌactiquechex.
\v 28 Tꞌʌnex Cꞌuj tiꞌ a mac cu tʌmʌchiꞌtiquechex soc u quiꞌtar yorob. Chich tꞌʌnex Cꞌuj tiꞌ a mac cu tupsic a worex soc u yamtaꞌ ten Cꞌuj.
\v 29 Mʌꞌ a cʌniquex a mac a cu cꞌasquintiquechex. Wa cu tacꞌ jʌtsꞌticob a pꞌuc, arex tiꞌ caꞌ u tacꞌ jʌtsꞌtej jumbuj a pꞌuc xan. Cax wa mac cu taꞌquic a joꞌrex quir u chꞌic a noqꞌuex, soc mʌꞌ a cʌniquex aroꞌ, arej tiꞌ caꞌ u toc chꞌaj u caꞌyarir a noqꞌuex.
\v 30 Cax wa mac cu tar u chich cꞌatej techex. Cax wa sijibar tiꞌ, cax wa mʌjʌnbar tiꞌ, tsꞌajex tiꞌ. Wa mac cu tar u chꞌic a baꞌtac, mʌꞌ a yʌn cꞌatiquex tiꞌ, caꞌ u sutextech. 
\v 31 Yamtex a racꞌob an ten bic a cꞌatex u yamtiquexob xan.
\p
\v 32 ’A mac a cu chen pacran yajquinticob u bʌj quireꞌ u yajob u bʌj, chen u bʌjiriꞌ cu tucric, mʌꞌ tiꞌ Cꞌuj cu tucric. Quireꞌ baxuc a mac yʌn u siꞌpir cu yajquinticob u bʌj, quireꞌ u yajob u bʌj.
\v 33 A mac a cu chen yamtic u racꞌob quireꞌ baxuc caj yamtaꞌb uch xan. U bʌjiriꞌ tan u tucric, mʌꞌ tiꞌ Cꞌuj, quireꞌ cu tucric baxuc u yamticob u bʌj a mac yʌn u siꞌpir xan.
\v 34 A mac a cu mʌjʌntic u taqꞌuin tiꞌ u racꞌob cu tsꞌic tiꞌob quireꞌ yer jeꞌ u sutur tiꞌ u jer, bayiriꞌ xan u bʌjiriꞌ tan u tucric. Mʌꞌ tiꞌ Cꞌuj quireꞌ bayiriꞌ a mac yʌn u siꞌpir, quet u mʌjʌnticob u taqꞌuin yer jeꞌ u sutur tiꞌ xan.
\p
\v 35 Caj yaꞌaraj Jesús:
\p ―A tenoꞌ tan in camsic techex. Yajquintex a mac cu pꞌactiquechex. Yamtex a mac cu pꞌactiquechex. Tsꞌajex tiꞌ baꞌ, a baꞌ u cꞌatic techex, cax mʌꞌ a pajic u sutic techex. Baxuc caꞌ bin cꞌuchuquechex ich caꞌanan. A Cꞌuj cu bin u quiꞌ boꞌotic techex quireꞌ ta cʌnajex Cꞌuj, rajen u pararechex Cꞌuj. Mʌꞌ ja wirej, a Cꞌujoꞌ xan cu yamtic a mac jach cꞌas cax mʌꞌ cu yaꞌaricob tiꞌ Cꞌuj: “Bayoꞌ Cꞌuj.”
\v 36 Cʌnex a Tet Cꞌuj, mʌꞌ ja wirej, a Cꞌujoꞌ cu yajquintic mac. Baxuc techex caꞌ a yajquintex a racꞌobex.
\s Mʌꞌ a yʌn taꞌquiquex u joꞌr a racꞌobex
\r (Mt. 7.1‑5)
\p
\v 37 Jesús caj yaꞌaraj tiꞌ u camsʌwinicob ich u joꞌr pꞌuc wits:
\p ―Mʌꞌ a taꞌquiquex u joꞌr a racꞌob soc bayiriꞌ mʌꞌ u taꞌquic a joꞌrex Cꞌuj. An ten bic caj a chich taꞌquex u joꞌr a racꞌob. Bayiriꞌ a Cꞌujoꞌ u bin u chich taꞌquic a joꞌrex xan. A mac tu cꞌasquintajechex, jawsex u siꞌpir soc baxuc a racꞌobex cu bin u jawsic a siꞌpirex. Baxuc a Cꞌujoꞌ cu bin u jawsic a siꞌpirex xan.
\v 38 Tsꞌajex tiꞌ a racꞌobex a baꞌ u cꞌat, quireꞌ baxuc Cꞌuj cu bin u tsꞌic techex xan. An ten mun u pꞌis caj a tsꞌaj tiꞌ a racꞌobex baxuc u pꞌis techex cu bin u tsꞌajex Cꞌuj. Jach manan yaꞌabir cu bin u tsꞌic techex Cꞌuj, mʌꞌ ju bin u cꞌuchur a worex caꞌ bin u rʌc tsꞌajtechex. 
\p
\v 39 Jesús caj u wʌcꞌʌs araj yej u jer u tꞌʌn quir u camsic: 
\p ―Irej a mac chꞌop u wich, mʌꞌ u pʌyic u bej u jer chꞌop u wich. Quireꞌ wa yʌn u jor ruꞌum tiꞌ cu bin u pꞌitcꞌʌjob quireꞌ mʌꞌ yirob u bej. Quireꞌ baxuc techex a mac a mʌꞌ yer Cꞌuj, mʌꞌ tsoy quir u camsic u tꞌʌn Cꞌuj. Quireꞌ tan u pʌyicob a bej quir a bin ich u cꞌaqꞌuir. 
\v 40 A mac cu camsiquechex baxuc ca bin a cʌnex, irechex a mac caj u camsajechex caꞌ bin tsꞌocac u camsiquechex. 
\p
\v 41 ’Wa tech, caj a pꞌastaj a racꞌob quireꞌ mʌꞌ tan u man tu tsoyir, chen a bʌjiriꞌ xan, mʌꞌ tan a man tu tsoyir, chen ta man ta cꞌasir. Irech a mac a cu pꞌastic u racꞌob quireꞌ binaꞌan robir chichin tu wich. Chen a bʌjiriꞌ mʌꞌ a wiric wa binaꞌan robir ta wich cax carem.
\v 42 Wa ca tsicbar tiꞌ mac quireꞌ caj man tu cꞌasir, chen a bʌjiriꞌ jach manan yʌn a cꞌasir tech. Irech wa mac a cu yaꞌaric: “Arej in jocꞌsej a chichin binaꞌan robir ta wich quireꞌ in bʌjobech.” Chen u bʌjiriꞌ jach yaꞌab binaꞌan robir tu wich. Mʌꞌ a yʌn cʌniquex u winiquirob judío a fariseojoꞌ yejer u yʌjcamsʌyʌjirob u tꞌʌn Moisés quireꞌ irob chꞌop u wich. Mʌꞌ ja wirej, yʌjtusarirech. Chen a bʌjiriꞌ mʌꞌ a yʌn jocꞌsic robir a wich. A techoꞌ yʌjtusarirech. Yʌn a toc pꞌʌtic a man tu cꞌasir soc cꞌuchaꞌan a wor a wiric caꞌ u pꞌʌt u man tu cꞌasir a racꞌob.
\s Ca cꞌʌꞌotic u cheꞌer wa ca cꞌʌꞌotic u wich
\r (Mt. 7.17‑20; 12.34‑35)
\p
\v 43 Caj yaꞌaraj Jesús tu cu camsic a pimoꞌ:
\p ―Wa tsoy u cheꞌer bayiriꞌ tsoy u wich. Wa cꞌas u cheꞌer, bayiriꞌ cꞌas u wich xan. Rajen wa cꞌas u cheꞌer mʌꞌ cꞌuchaꞌan yor u tsꞌic u wich a tsoyoꞌ. Bayiriꞌ xan wa tsoy u cheꞌer mʌꞌ cꞌuchaꞌan, yor u tsꞌic u wich a cꞌasoꞌ. 
\v 44 Wa ca wiric u wich ca cꞌʌꞌotic u cheꞌer xan. An ten bic mʌꞌ a tꞌaquic u wich ʌrʌxaꞌ ich abʌr, bayiriꞌ xan, an ten bic mʌꞌ a tꞌaquic u wich pujam ich pochꞌir. 
\v 45 An ten bic a mac tsoy u tucur, tsoy cu bin jocꞌar u tꞌʌn tu chiꞌ. A mac cꞌas u tucur cꞌas, cu bin jocꞌar u tꞌʌn tu chiꞌ. Mʌꞌ ja wirej, a baꞌ yʌn tu tucur raꞌ cu bin jocꞌar tu cu tsicbar.
\s Caꞌtur u najob
\r (Mt. 7.24‑27)
\p
\v 46 Caj yaꞌaraj Jesús:
\p ―Biquinin ca chen tꞌʌniquen, “Jaj Tsꞌurir”, barej mʌꞌ ca quibic in tꞌʌn?
\v 47 Tu cotor a mac cu yubic in camsic caꞌ u quibej a baꞌ tin waꞌaraj.
\v 48 Rajiꞌ irej a mac tꞌaj. Quireꞌ ber caj u cꞌʌxaj yatoch, tam caj u pʌcꞌaj yoc yatoch soc mʌꞌ u riquir. Caꞌ bin tac u chꞌicyum icꞌ caꞌ bin buruc, mʌꞌ u riquir quireꞌ jach tam caj u pʌcꞌaj yoc yatoch.
\v 49 Chen a mac cu yubic in camsic, chen mʌꞌ ju quibej a baꞌ caj in waꞌaraj tiꞌ, rajiꞌ irej a mac chich u joꞌr. Quireꞌ caj u cꞌʌxaj yatoch tuririꞌ, chen mʌꞌ tam caj u pʌcꞌaj yoc yatoch. Rajen caj riquij caj tar u chꞌicyum icꞌ caj tar yaꞌarir, caj buꞌurij. Quireꞌ mʌꞌ tam caj u pʌcꞌaj yoc yatochiꞌ. Caj rʌc sat yatoch, caj rʌc cuch ten icꞌ yejer jaꞌ.
\c 7
\s Jesús cu jawsic u cꞌurew yʌjtꞌʌnir cien u winiquirob soldado romano
\r (Mt. 8.5‑13)
\p
\v 1 Jesús caj tsꞌoc u camsic a pimoꞌ a jeꞌ tꞌʌnaꞌ, caj bin ich u cajar Capernaum.
\v 2 Tiꞌ yʌn ich u cajar Capernaum u capitán u soldado u winiquirob romano. Rajiꞌ yʌn u cꞌurew, u yaj u cꞌurew, tabar u quimin u cꞌurew.
\v 3 Caj yubaj yaꞌaraꞌ capitán, tiꞌ yʌn Jesús. Caj tuchiꞌtaꞌb jun yarob u jach tsꞌurirob u winiquirob judío, a nuxibeꞌ, caj chich paꞌay Jesús caꞌ tac jawsaꞌbir u cꞌurew capitán. 
\v 4 Caj u jutsꞌob u bʌj ich Jesús caj u yʌnxchun u chich pʌyicob Jesús, caj yaꞌarob tiꞌ Jesús:
\p ―Cojen caꞌ a jawsej u cꞌurew capitán quireꞌ jach tsoy a jeꞌ capitánoꞌ. Rajiꞌ tsoy caꞌ a yamtej tiꞌ.
\v 5 Quireꞌ a capitánoꞌ cu yajquintic u winiquirob judío. Mʌꞌ ja wirej, u bʌjiriꞌ caj u boꞌotaj yʌjcꞌʌxirob naj tu quij cꞌujintic Cꞌuj ―baxuc caj araꞌb yʌjpʌyirob Jesús.
\p
\v 6 Jesús caj bin yejerob. Bʌytʌc u cꞌuchurob Jesús ich yatoch capitán caj tuchiꞌtaꞌb tꞌʌnbir Jesús u racꞌob capitán. Caj yaꞌarob:
\p ―Tsireꞌej, cax mʌꞌ a wocar tin watoch ti tar a xuroꞌ ich tancab. A tenoꞌ mʌꞌ pataren quir in wacsiquech. 
\v 7 Rajen mʌꞌ joqꞌuen in tꞌʌnech quireꞌ in wer mʌꞌ tsoyen. Chen arej tiꞌ caꞌ jawac in cꞌurew.
\v 8 Mʌꞌ ja wirej, quin chen quibic u tꞌʌn in jach tsꞌurob. Bayiriꞌ a tenoꞌ xan, quin tsꞌurintic soldado u winiquirob romano. Rajen wa quin waꞌaric tiꞌ mac caꞌ xic, cu bin. Quin wac tiꞌ u jer, caꞌ tac, cu tar. Wa quin wac tiꞌ in cꞌurew u betej, cu betic. Rajen in wer wa ca waric u jawʌr in cꞌurew cu jawʌr ―baxuc caj araꞌb tiꞌ Jesús ten capitán.
\p
\v 9 Caj yuba Jesús aroꞌ caj jaqꞌuij yor caj yuba bic tabar caj u yacsaj tu yor capitán. Rajen Jesús caj u sut u bʌj tu pach soc u tꞌʌnic a mac a cu tarob tu pach. Jesús caj yaꞌaraj tiꞌob:
\p ―A tenoꞌ quin wac techex, mʌꞌ biqꞌuin in wiramʌn yacsic tu yor cax ich u winiquirob judío, an ten bic a jeꞌ xibaꞌ caj u yacsaj tu yor ―baxuc caj araꞌb ten Jesús. 
\p
\v 10 Caj wʌcꞌʌs urob ich yatoch a tuchiꞌtaꞌbob ten capitán caj yirob jawij u cꞌurew capitán.
\s A Jesúseꞌ caj u ricꞌsaj u parar a quimen u mameꞌ
\p
\v 11 Caj tsꞌoc u jawsaꞌr u cꞌurew capitán caj bin Jesús ich u chan cajar Naín. Raꞌ u cꞌabaꞌ Naín. Yet binacob u camsʌwinicob yejer a pimob.
\v 12 Tabar u cꞌuchur Jesús ich u cajar Naín, tu joꞌrir u paꞌteꞌir tunich, tan u jocꞌsaꞌrob u baquer quir u mucur. Rajiꞌ u parar a xquicoꞌ, a quimen u mamoꞌ. Tuririꞌ u parar. Yet taracob a pim u racꞌob.
\v 13 Jesús caj yiraj a xquicoꞌ, a quimen u mamoꞌ, caj yajquintaꞌb ten Jesús. Caj araꞌb tiꞌ:
\p ―Mʌꞌ a wacꞌtic a parar xib ―quij Jesús.
\p
\v 14 Jesús caj u jutsꞌ u bʌj tʌrbir tu butꞌaꞌan u baquer tu cꞌochaꞌan ten u racꞌob. Caj xurob yʌjcꞌochirob u baquer. Jesús caj yaꞌaraj tiꞌ a quimen a chichanoꞌ: 
\p ―Riqꞌuen, quen.
\p
\v 15 A quimen caꞌcheꞌ caj riqꞌuij cutar, caj u yʌnxchun u tsicbar yejer u racꞌob. Caj tsꞌaꞌb tiꞌ u nʌꞌ ten Jesús. 
\v 16 Caj yirob aroꞌ caj u jach chꞌajob sajaquirob, caj u yʌnxchun yaꞌaricob tiꞌ Cꞌuj:
\p ―Jach caremech Cꞌuj. Caj a tuchiꞌtaj u jer yʌjtseqꞌuir u tꞌʌn Cꞌuj a mac jach carem. Caj tar Cꞌuj quir u yamtic u winiquirob israel ―baxuc caj yaꞌarob.
\p
\v 17 Caj u jumintajob ich u racꞌob bic tabar caj u ricꞌsaj Jesús u chan parar xib a xquicoꞌ, a quimen u mamoꞌ. Caj u rʌc jumintajob ich tu cotor u cajarob u ruꞌumin Judea. Baxuc tantanxer caj u rʌc jumintajob.
\s A mac tuchiꞌtaꞌb ten Juan a cu yacsic jaꞌ tu joꞌr mac 
\r (Mt. 11.2‑19)
\p
\v 18 U camsʌwinicob Juan caj u yubob u jumintaꞌ u carem beyajob Jesús. Caj binob arbir tiꞌ Juan.
\v 19 A Juanoꞌ caj u pʌyaj caꞌtur u camsʌwinicob caꞌ u tuchiꞌtejob ich Jesús quir u cꞌataꞌr tiꞌ Jesús:
\p ―Wa jach taj rajiꞌ Cristo a cu bin tar ich Cꞌuj? Wa yʌn ic pajic u jer?
\p
\v 20 Caj cꞌuchob u camsʌwinicob Juan ich Jesús. Caj yaꞌarob tiꞌ Jesús:
\p ―Tu tuchiꞌtenob Juan raꞌ cu yacsic jaꞌ tu joꞌr mac quir in cꞌatob tech. Wa jach Cristojech a cu tar ich Cꞌuj wa caꞌ in pajob u jer? ―baxuc caj yaꞌarob.
\p
\v 21 Caj cꞌuchob ich Jesús caj u jawsaj a mac yʌn u yajirir cax a bar yajir yʌnob tiꞌ. A mac yʌn u cꞌacꞌas quisinin caj u jocꞌsaj. A mac chꞌop u wich caj u jawsa caj sasichʌj u wich.
\v 22 Jesús caj tsꞌoc yubic biquinin tarob u camsʌwinicob Juan, caj u nuncaj tiꞌob:
\p ―Xen arex tiꞌ Juan bic tabar ta wirex in jawsic a chꞌopoꞌ caj sasichʌj u wich, a mech yoc caj jawij caj ximbajnʌj. Bayiriꞌ caj jaw tiꞌ a iqꞌuir u caꞌoꞌ. Bayiriꞌ a macar u xiquin caj jawi caj sasichʌj u xiquin. Bayiriꞌ a mac quimen caj ricꞌ. Bayiriꞌ caj a wuꞌyex in tsecꞌtic tiꞌ u tꞌʌn Cꞌuj a jach otsirob.
\v 23 Caꞌ bin xiquechex ich Juan: Arex tiꞌ jach quiꞌ yor a mac a yacsic tu yor wa tu tuchiꞌtajen Cꞌuj ―quij Jesús.
\p
\v 24 Caj binob u camsʌwinic Juan. Caj wʌcꞌʌs bin Jesús quir u tsicbar tiꞌ a pimoꞌ. Caj u tsicbʌtaj bic tabar Juan. Caj u cꞌataj tiꞌob a pimoꞌ Jesús:
\p ―Mac binechex a wirex ich tʌcay ruꞌum uch? Mʌꞌ wa ta wirex Juan a seb cu quibic baꞌ? Mʌꞌ binechex a wirex mac a seb cu quibic baꞌ.
\v 25 Mʌꞌ binechex a wirex tuririꞌ xib a ju buquimʌn nocꞌ irej wa neyʌn u taqꞌuin a cu buquintic u nocꞌ. Mʌꞌ ja wirej, a mac cu nebuquintic u jach tsoyir u nocꞌ tiꞌ cʌjaꞌanob ich u palacio rey. Robob cu quiꞌ janʌnob xan. Mʌꞌ a bin a wirex irej wa Juan ich tʌcay ruꞌum.
\v 26 Binechex a wirex yʌjtseqꞌuir u tꞌʌn. Rajen binechex soc a wirejex yʌjtseqꞌuir u tꞌʌn Cꞌuj. Caj binechex a wirex Juan mʌꞌ chen yʌjtseqꞌuir u tꞌʌn Cꞌuj, quireꞌ rajiꞌ caj u payaj in ber. Rajiꞌ irej Elías.
\v 27 Rajiꞌ Juan a tsecꞌtaꞌb ich u tꞌʌn Cꞌuj tu tsꞌibaꞌan tu cu yaꞌaric:
\q Yʌn in tuchiꞌtic, quij Cꞌuj, a mac cu yaꞌaric in tar, rajiꞌ yʌjtseqꞌuir in tꞌʌn cu bin u pʌyic in ber tu cu tsecꞌtic u tꞌʌn Cꞌuj.
\m Baxuc Cꞌuj caj yaꞌaraj tiꞌ u yʌjtseqꞌuir u tꞌʌn Cꞌuj uch, caj u tsꞌibtaj uch.
\v 28 Tu cotor a mac tiꞌ yʌn ich yocꞌocab mʌnaꞌ mac jach carem chen jariꞌ Juan jach carem. Rajiꞌ cu yacsic jaꞌ tu joꞌr mac. Chen a mac a cu chaꞌic Cꞌuj u tsꞌurintic, cax mʌꞌ noꞌj teraꞌ, caꞌ bin u cꞌuchuc tu qꞌuinin jeꞌ u bin u quiꞌ najtej u tꞌʌn Cꞌuj. Jach manan cu bin u najtej u tꞌʌn Cꞌuj. A Juanoꞌ cꞌʌs tiꞌ tiꞌ cu najtic.
\p
\v 29 Chʌc yʌn yʌjcꞌamirob u taqꞌuin gobernador yejer u jerob u racꞌob, a yacsaꞌb jaꞌ tu joꞌrob ten Juan, caj u cꞌʌꞌotajob jach cꞌasob ʌcʌtan tu wich Cꞌuj. Caj yubob u tꞌʌn Jesús caj u yaꞌaraj:
\p ―Jach carem Cꞌuj. Quireꞌ acsaꞌb jaꞌ tu joꞌrob ten Juan. 
\p
\v 30 Chen u winiquirob judío a fariseojoꞌ yejer yʌjcamsʌyʌjirob u tꞌʌn Moisés, rajiꞌob mʌꞌ acsaꞌb jaꞌ tu joꞌr ten Juan quireꞌ caj u pꞌastob Cꞌuj a baꞌ u cꞌat Cꞌuj tiꞌob.
\v 31 A Jaj Tsꞌur caj u yaꞌaraj tiꞌob:
\p ―Bic tabar quin quetquintic quir in camsic a mac cuxaꞌan bajeꞌrer? Bic tabar quin waꞌaric tiꞌob quireꞌ chich u joꞌrob?
\p
\v 32 Jesús caj yaꞌaraj tiꞌob:
\p ―Bin in quetquintic techex irex a chichan cu yacꞌticob cu jenjen tꞌʌnticob u yet chichinin cu tus aricob quireꞌ mʌnaꞌ baꞌ cu quiꞌquinticob yorob: “Caꞌ ic tus aric ic chꞌic ic racꞌ. Chen mʌꞌ a tus ʌrʌcꞌʌncʌr Cojen caꞌ ʌrʌcꞌnʌcoꞌon. Caꞌ ic tus arej ic muc u baquer mac. Chenoꞌ mʌꞌ a tus ʌrʌcꞌʌncʌr”, baxuc cu yaꞌaricob a chicanoꞌ tu cu mʌnicob yoch u tet.
\v 33 Mʌꞌ ja wirej, caj tar Juan raꞌ cu yacsic jaꞌ tu joꞌr mac, mʌꞌ nanij u nequiꞌ janʌn, mʌꞌ ju yuqꞌuic u cꞌab uva. Chen techex ca waꞌariquex tiꞌ Juan yʌn u cꞌacꞌas quisinin.
\v 34 Caj taren a tenoꞌ ―quij Jesús―, a baxuquenechexoꞌ. Mʌꞌ wirej, a tenoꞌ ca waꞌariquex rajraꞌ quin nejanʌn bayiriꞌ ca waꞌariquex quin ne ucꞌur. Bayiriꞌ ca waquex jach coch in nʌcꞌ ca waquex quin jach carchʌjʌr. Ca waquex in wet man yʌjcꞌʌminob u taqꞌuin gobernador. Bayiriꞌ ca waquex in wet man a neyʌn u siꞌpirob.
\v 35 A mac caj u yacsaj tu yor tiꞌ Cꞌuj. Cu tsꞌabʌr u tꞌʌnin ten Cꞌuj soc u jach er u camsaꞌr. Rajen ij quer taj yor Cꞌuj.
\s Jesús tiꞌ yʌn ich yatoch Simón, rajiꞌ turiꞌ u winiquir judío a fariseojoꞌ
\p
\v 36 Tuririꞌ u winiquir judío a fariseojoꞌ caj paꞌay Jesús quir u janʌn. Jesús caj bin tu yatoch. Caj curaj janʌn ich u pocheꞌir yoꞌoch.
\v 37 Caj u yubaj xquic tiꞌ cu bin Jesús ich yatoch u winiquir judío a fariseojoꞌ quir u janʌn. A xquicoꞌ rajiꞌ yʌn u siꞌpir. Caj tar purbir u cuchir tiꞌ tꞌajaꞌan a quiꞌ u boqueꞌ. U cꞌabaꞌ u cuchir alabastro. Tunich u cuchir tu tꞌajaꞌan a quiꞌ u boqueꞌ.
\v 38 Caj u jutsꞌa u bʌj a xquicoꞌ ich yoc Jesús. Caj u yʌnxchun u yacꞌtic u bʌj a xquicoꞌ caj pꞌob yoc Jesús yejer u wʌcꞌʌs arir u wich tu cu yocꞌar. Caj u tisa yoc Jesús yejer u wʌcꞌʌs tsotser u joꞌr xquic. Tan u tsꞌuꞌtsꞌar yoc Jesús ten xquic. Caj u jicꞌtaj ich yoc Jesús a quiꞌ u boqueꞌ.
\v 39 A winiquir judío a fariseojoꞌ a mac caj u pʌyaj Jesús caj yiraj a baꞌ caj u betaj xquic. Tu yor caj u tucraj a fariseojoꞌ: “Wa Jesús u jach ʌjtseqꞌuir u tꞌʌn Cꞌuj yer Jesús yʌn u siꞌpir a xquicoꞌ.”
\v 40 Jesús caj yaꞌaraj tiꞌ u winiquir judío a fariseojoꞌ, u cꞌabaꞌ Simón:
\p ―Yʌn baꞌ quin wac tech.
\p Caj u nunca Simón:
\p ―Arej ten baꞌ ca bin a waꞌarej in wʌjcamsʌyʌjirech. 
\p
\v 41 Jesús caj yaꞌaraj tiꞌ Simón:
\p ―A caꞌtur xibeꞌ yʌn u boꞌor quireꞌ caj u mʌjʌntajob taqꞌuin tiꞌ a mac cu mʌjʌntic taqꞌuin. Turiꞌ caj u pꞌaxaj cincuenta denarios, raꞌ u cꞌabaꞌ u sʌc taqꞌuin. U racꞌob caj u pꞌaxaj quinientos sʌc taqꞌuin.
\v 42 A jeꞌ caꞌtur xibaꞌ mʌꞌ cꞌuchaꞌan yorob u boꞌoticob u boꞌorob. A tu mʌjʌntajob uch caj u yaꞌaraj tiꞌob: “Tsireꞌej, cax mʌꞌ a boꞌotiquex.”
\p Caj yaꞌaraj Jesús:
\p ―Arej ten mac jach manan cu bin yajquintej a raꞌ xiboꞌ. A jach yaꞌab u boꞌor wa ja mʌꞌ neyaꞌab u boꞌor cu bin u jach yajquintej?
\p
\v 43 Caj u nuncaj Simón:
\p ―Jaj ixtʌcoj, a mac jach yaꞌab u boꞌor, rajiꞌ cu jach bin yajquinbir.
\p Jesús caj yaꞌaraj:
\p ―Taj a baꞌ caj a waꞌaraj.
\p
\v 44 Caj u sut u bʌj quir u pʌctic xquic Jesús. Caj u yaꞌaraj tiꞌ Simón:
\p ―Ca wiric, a jeꞌ xquicaꞌ a baꞌ caj u betaj ten. Tech, caj a wacsajen ta watoch, mʌꞌ ta tsꞌajten jaꞌ quir in pꞌoꞌic in woc. Chen a jeꞌ xquicaꞌ caj u pꞌoj in woc yejer u yaꞌarir u wich. Caj u tisaj yejer u tsotser u joꞌr.
\v 45 A techoꞌ, mʌꞌ ta wutsꞌbentenoꞌ, cax raꞌ nanij u betic u winiquirob judío a cu yacsic tu yatoch. Chen a jeꞌ xquicaꞌ rajraꞌ cu yutsꞌbentic in woc. Mʌꞌ ja wirej, cu quiꞌ sʌjtiquen.
\v 46 A techoꞌ, mʌꞌ ta jicꞌtaj tsats tin joꞌriꞌ an ten bic nanij u betic u winiquirob judío a cu yacsic tu yatoch. Chen a jeꞌ xquicaꞌ caj u jicꞌtaj a quiꞌ u boqueꞌ ich in woc.
\v 47 Rajen quin waꞌaric tech cax yaꞌab u siꞌpir caj in toc rʌc jawsaj rajen yaꞌab cu yajquintiquen. A mac a mʌꞌ neyaꞌab u siꞌpir cax jawsaꞌb u siꞌpir, mʌꞌ u quiꞌ yajquinten.
\p
\v 48 Caj yaꞌaraj tiꞌ xquic:
\p ―A techoꞌ rʌc jawsaꞌb a siꞌpir.
\p
\v 49 Tiꞌ rʌc curaꞌanob janʌnob caj yʌnxchun yaꞌaricob ich u racꞌob:
\p ―Baꞌ winquirir a jeꞌraꞌ cꞌuchaꞌan yor u jawsic u siꞌpir mac?
\p
\v 50 Caj yaꞌaraj tiꞌ xquic Jesús:
\p ―Cꞌuj bin u tacajech quireꞌ caj a wacsaj ta wor. Caꞌ xiquech ta watoch quiꞌquintej a wor ―baxuc caj yaꞌaraj Jesús tiꞌ.
\c 8
\s A jeꞌ xquicaꞌ a cu yamticob Jesús uch
\p
\v 1 Caj tsꞌoc u beyaj ti taroꞌ Jesús caj bin ich tu cotor u cajarob, cax ich u chan cajarob, cax ich u yajaw cajarob xan. Tiꞌ caj u tsecꞌtaj u jach tsoyir u tꞌʌn Cꞌuj tu cu bin u reyinticob Cꞌuj. U yet binacob u doce u camsʌwinicob.
\v 2 Baxuc xquic yet manob uch a mac jocꞌsaꞌb u cꞌacꞌas quisinin yejer a mac jawsaꞌb u yajirir. Baxuc tiꞌ yʌn María Magdalena, rajiꞌ jocꞌsaꞌb siete u quisinin.
\v 3 Baxuc Juana raꞌ u mam Chuza, raꞌ cu beyaj ich Herodes. Tan u cʌnantic u baꞌtac Herodes. Baxuc Susana, baxuc tiꞌ rʌc yʌnob u jerob. Caj u yamtob Jesús yejer u camsʌwinicob cax yejer u taqꞌuinob.
\s Cu camsic tiꞌ yʌjqꞌuichꞌin yʌjir u yijir trigo ich cor
\r (Mt. 13.1‑9; Mr. 4.1‑9)
\p
\v 4 Caj rʌc jocꞌob ich u cajarob quir yiricob Jesús. Caj u rʌc muchꞌquintajob u bʌj ich Jesús quir u camsaꞌ ten Jesús. Caj u yaꞌaraj tu cu camsaꞌ bic tabar u tꞌʌn Cꞌuj: 
\p
\v 5 ―Caj binij mac quir u pʌqꞌuic tu cor trigo, cu qꞌuichꞌintic u yijir. Caj u pʌcꞌaj u cor trigo, jumbuj yijir caj rub ich tanbej. Caj tar mac caj u yajchꞌʌctaj. Caj tar u ruqꞌuic chꞌichꞌ xan.
\v 6 Jumbuj caj u qꞌuichꞌintaj yijir caj rub ich tunich. Caj chꞌijij, caj quimij quireꞌ mʌꞌ chꞌur u ruꞌumin. 
\v 7 Jumbuj caj u qꞌuichꞌintaj yijir caj rubij ich qꞌuiꞌix, quet caj chꞌijij, caj bobastaꞌb rajen mʌꞌ ju chꞌijir. 
\v 8 Jumbuj caj u qꞌuichꞌintaj yijir caj rub tub u necꞌat u ruꞌumin caj chꞌijir caj u netsꞌaja u wich hasta tu niꞌ.
\p Caj tsꞌoc yaꞌaric Jesús cꞌam caj yaꞌaraj:
\p ―Wa cꞌuchaꞌan a worex a wuꞌyiquex tꞌʌn, uꞌyex a baꞌ caj in camsaquechex tiꞌ u tꞌʌn Cꞌuj.
\s Bʌꞌ wir Jesús caj u camsaj u tꞌʌn
\r (Mt. 13.10‑17; Mr. 4.10‑12)
\p
\v 9 U camsʌwinicob caj u cꞌatajob baꞌ caj u camsaj sam. 
\v 10 Caj yaꞌaraj tiꞌ u camsʌwinicob Jesús:
\p ―Tsajaꞌantechex ten Cꞌuj quir a najtiquex a baꞌ mʌꞌ yerob uch tu cu bin u reytinticob Cꞌuj. Chen a mac mʌꞌ yerob Cꞌuj a cu yubicob in camsicob tu quin pꞌeriꞌquintic in tꞌʌn. Cu chen uꞌyicob, cax cu yubicob mʌꞌ ju najtejob. Mʌꞌ ju bin u cꞌʌꞌoticob soc u yacsicob tu yor soc u tocar ten Cꞌuj.
\s Jesús cu camsic tiꞌ yʌjqꞌuichꞌin yʌjir yijir
\r (Mt. 13.18‑23; Mr. 4.13‑20)
\p
\v 11 ’Uꞌyex baꞌ u cꞌat yaꞌarej u tꞌʌn a caj in camsajechex: Raꞌ u yijir caj u qꞌuichꞌintaj caj u qꞌuichꞌintaj irej u tꞌʌn Cꞌuj.
\v 12 A yijirob caj rub ich tanbej irob a mac a cu yubicob u tꞌʌn Cꞌuj caj tarij quisin quir u taquic u tꞌʌn Cꞌuj tu pixamob soc mʌꞌ u yacsicob tu yor soc mʌꞌ ju tocar ten Cꞌuj.
\v 13 Caj rub yijir ich tunich irob a mac cu yubicob u tꞌʌn Cꞌuj. Quiꞌ yor caj u cꞌʌmajob u tꞌʌn Cꞌuj. Chen irob yijir a mʌnaꞌ u motsob. Tabar u yacsicob tu yorob, caꞌ bin tumtaꞌc yorob ten quisin cu pꞌʌticob u tꞌʌn Cꞌuj. 
\v 14 Caj rub yijir ich qꞌuiꞌix irob a mac a cu yubicob u tꞌʌn Cꞌuj chen tiꞌ toy cuxaꞌanob teraꞌ. Cu tucricob tiꞌ u bʌjiriꞌob, u cꞌatob u nejaricob u taqꞌuin yejer u baꞌtac. Cu chen tucricob tiꞌ a baꞌ cu bin u quiꞌquintic yorob. Rajiꞌ cu tupsic u tꞌʌn Cꞌuj, rajen mʌꞌ ju quiꞌ quibob u tꞌʌn Cꞌuj.
\v 15 U yijir a rub ich tub u necꞌat u ruꞌumin irob a mac a cu quiꞌ yubicob u tꞌʌn Cꞌuj caj u nequiꞌ quibob u tꞌʌn Cꞌuj. Caj u quiꞌ acsob tu yorob. Caj u mucꞌtob baꞌ a cu tumticob yorob soc u quiꞌquinticob yor Cꞌuj.
\s Quir u camsic tiꞌ wa tꞌʌbaꞌan u quib
\r (Mr. 4.21‑25)
\p
\v 16 A baꞌ cu camsic tiꞌob irej wa tꞌʌbaꞌan u quib, rajen Jesús caj u yaꞌaraj tiꞌob:
\p ―A mac a cu tꞌʌbic u quib cu tsꞌocar u tꞌʌbic mʌꞌ u bʌric yejer baꞌ. Mʌꞌ ju yacsic yaram u chꞌac. Yʌn nacsic caꞌanan soc u yercꞌacꞌtic tu cotor mac a cu yocar. Quireꞌ caꞌ bin u yercꞌacꞌtej a quiboꞌ, chʌcaꞌan ij quirej ic bej soc mʌꞌ jic satʌr, baxuc tiꞌ Jesús cu camsicoꞌon soc ic najtic caꞌ ij quer u tꞌʌn Cꞌuj.
\p
\v 17 Caj yaꞌaraj Jesús:
\p ―Tu cotor baꞌ a mucu tacaꞌan tu cu bin u reyinticob Cꞌuj. Bajeꞌrer caꞌ bin cꞌuchuc tu qꞌuinin jeꞌ u jocꞌar u tajireꞌ. Baxuc tu cotor mac jeꞌ u cꞌʌꞌotej caꞌ bin cꞌuchuc tu qꞌuinin jeꞌ u yubiqueꞌ.
\p
\v 18 ’Rajen quiꞌ uꞌyex a baꞌ quin camsiquechex quireꞌ wa ca quibiquex in tꞌʌn jeꞌ in caꞌ camsiquechex yaꞌab. Quireꞌ wa mʌꞌ a quibiquex in tꞌʌn a mun yaꞌabir ta cʌnex cu bin u tubur techex cax ca tucriquex jeꞌ u tubur techex.
\s U nʌꞌ Jesús yejer u yitsꞌinob
\r (Mt. 12.46‑50; Mr. 3.31‑35)
\p
\v 19 Caj tar u nʌꞌ Jesús yejer yitsꞌinob. Caj cꞌuchob ich Jesús. Mʌꞌ cꞌuchaꞌan yorob u cꞌuchurob ich Jesús quireꞌ tiꞌ yʌn a pimoꞌ, jach pech.
\v 20 Yʌn mac caj u tꞌʌnaj Jesús:
\p ―Tiꞌ yʌnob a nʌꞌ yejer a witsꞌinob tar yʌnob tu xur a nepimoꞌ, u cꞌat yiriquechob.
\p
\v 21 Caj yaꞌaraj tiꞌob Jesús:
\p ―Quireꞌ a mac a cu yacsic tu yor u tꞌʌn Cꞌuj a cu quiꞌ quibicob u tꞌʌn Cꞌuj rajiꞌob in jach nʌꞌ, raꞌ in witsꞌinob xan.
\s Jesús caj u tꞌʌnaj yicꞌar baxuc u yamin caꞌ chꞌenac 
\r (Mt. 8.23‑27; Mr. 4.35‑41)
\p
\v 22 Turiꞌ u qꞌuinin caj binij Jesús. Caj oquij ich chem yejer u camsʌwinicob. Caj yaꞌaraj tiꞌob:
\p ―Cuxex pʌchij cꞌacꞌnab.
\p Caj binob.
\v 23 Caj u chꞌʌctajob cꞌacꞌnab Jesús caj wenij ich chem. Caj u nupꞌob cꞌam yicꞌar rajen caj u burij u chem, orac u jurur u chem.
\v 24 Caj bin ʌsbir Jesús ten u camsʌwinicob caj yaꞌarajob: 
\p ―In wʌjcamsayʌjirechob, tan ic jurur.
\p Caj riqꞌuij Jesús. Caj u tꞌʌnaj yicꞌar yejer u yamin caj chꞌen u tar yicꞌar yejer u yamin.
\v 25 Caj yaꞌaraj tiꞌ u camsʌwinicob:
\p ―Mʌꞌ wa ja quiꞌ acsmʌnex a wor tiꞌ ten?
\p Quireꞌ jach jaqꞌuij yorob caj u chꞌajob sajquirob. Caj yaꞌarajob ich u bʌjob a ju camsʌwinicob:
\p ―A mac a jeꞌraꞌ, cax icꞌ, cax u yamin, cu yubaꞌr u tꞌʌn?
\s Tiꞌ yʌn xib acaꞌan tiꞌ quisin ich u ruꞌumin Gadara
\r (Mt. 8.28‑34; Mr. 5.1‑20)
\p
\v 26 Caj cꞌuchob yejer chem ich u ruꞌumin Gadara. Raꞌ ʌcʌtan u ruꞌumin Galilea.
\v 27 Caj joqꞌuij Jesús ich chem. Caj natsꞌij turiꞌ xib ich a ray cajaroꞌ, tar bin ich Jesús. Manij yaꞌab yaxqꞌuin acaꞌan tiꞌ quisin. Rajen mʌꞌ u buquintic u nocꞌ, mʌꞌ ju cʌjtar ich naj. Tiꞌ cu cʌjtar ich u quimirir tu yʌn u japnin tunich. Mʌꞌ ja wirej, a uchoꞌ u racꞌob caj u chucajob u cꞌʌrejob yejer mascab. Caj u cꞌʌrob u yoc yejer u cꞌʌb soc u cʌnanticob, yaꞌab u teniꞌ caj u pꞌicaj u mascabirob u cꞌʌb yejer u mascabirob u yoc caj putsꞌij ich tʌcay ruꞌum quireꞌ acaꞌan tiꞌ cꞌacꞌas quisin.
\v 28 Rajen caj u yiraj Jesús, cꞌam caj awʌtnʌjij caj tar xontar ich Jesús. Caj yaꞌaraj u quisinin:
\p ―Biquinin ca pecsic in worob Jesús u pararech Cꞌuj, a Cꞌujoꞌ a mac jach noꞌj? Quin chich cꞌaticob tech soc mʌꞌ a tsꞌic in mucꞌyajob.
\p
\v 29 Baxuc caj yaꞌarob u quisinin quireꞌ sam arac ten Jesús caꞌ jocac tiꞌ a xiboꞌ.
\v 30 Jesús caj u cꞌataj tiꞌob:
\p ―Mac a cꞌabaꞌex?
\p Caj u nuncajob:
\p ―Pimenob.
\p Baxuc caj u nuncajob tiꞌ quireꞌ jach pimob a quisinoꞌ a acaꞌan tiꞌ a xiboꞌ.
\v 31 A quisinoꞌ caj u chich cꞌatajob tiꞌ Jesús:
\p ―Mʌꞌ a tuchiꞌtiquenob ich cꞌacꞌ.
\p
\v 32 Caj yaꞌarob:
\p ―Are in binob ich cajir qꞌuecꞌan tu cu janʌnob ich nʌcꞌ wits.
\p Jesús tu chaj u binob ich cajir qꞌuecꞌan.
\v 33 A quisinoꞌ, caj joqꞌuij ich xib caj ocob ich cajir qꞌuecꞌan, caj u cꞌʌnajob yacab caj pitcꞌʌjob tu chꞌicaꞌan, caj binob ich cꞌacꞌnab, tiꞌ rʌc bint jaꞌ rʌc quimob. 
\p
\v 34 A mac a cu cʌnanticob cajir qꞌuecꞌan caj yirob baꞌ u ber tiꞌ u cajir qꞌuecꞌan caj u cꞌʌnob yacab caj bin u jumbintajob ich u cajar cax ich u chan corob xan. 
\v 35 U racꞌob caj binob yirejob baꞌ u ber. Caj cꞌuchob ich Jesús caj yirob xib a mac acaꞌan tiꞌ quisin caꞌch. Tiꞌ curaꞌan tan yubic u tꞌʌn Jesús. Toc yʌn u nocꞌ caj jep yor rajen jaqꞌuij yor a mac tar yiricob.
\v 36 A mac caj u yirajob bic jawsaꞌb a xiboꞌ ten Jesús. Tu tsicbʌtajob ich u racꞌob a tarob ich tu cotor u cajarob a baꞌ caj u betaj Jesús, bic jawsaꞌb a xiboꞌ a mac acaꞌan cꞌacꞌas quisin tiꞌ caꞌch.
\v 37 Tu cotor mac a tiꞌ yʌnob ich u ruꞌumin Gadara. Baxuc a mac a cʌjaꞌanob bʌcris cajarob caj u chich cꞌatajob tiꞌ Jesús caꞌ xic tu pach quireꞌ jacaꞌan yorob. Rajen Jesús caj wʌcꞌʌs oc ich chem quir u bin.
\v 38 A mac jocꞌ u cꞌacꞌas quisinin caꞌch caj u chich cꞌataj tiꞌ Jesús:
\p ―Ar in tar ta pach.
\p Chen Jesús caj yaraj tiꞌ:
\p ―Mʌꞌ ja tar ―quij―.
\v 39 Xen ta watoch, xen jumintej a baꞌ tu betech Cꞌuj, a baꞌ tsoyir caj u betaj tech.
\p A xiboꞌ caj bin u jumintej a baꞌ betaꞌb ten Jesús tiꞌ. Baxuc caj u jumintaj ich tu cotor u racꞌob.
\s U parar Jairo a chan xquicoꞌ, yejer u jer xquic a tu tʌraj u nocꞌ Jesús
\r (Mt. 9.18‑26; Mr. 5.21‑43)
\p
\v 40 Caj sutnʌjij Jesús ich pʌchir cꞌacꞌnab. A pimoꞌ quiꞌ yorob caj u yasajob Jesús quireꞌ tan u pajicob.
\v 41 Caj cꞌuchij turiꞌ xib u cꞌabaꞌ Jairo, u jach tsꞌurir u chan najir tu cu naj cꞌujinticob Cꞌuj u winiquirob judío. Caj u pur u bʌj ich yoc Jesús caj u chich cꞌatej caꞌ xic tu yatoch.
\v 42 Quireꞌ tu quimin u chan parar xquic quireꞌ mʌnaꞌ u jer u chan parar. Yʌn doce u yaxqꞌuinin. Caj bin Jesús yejer Jairo. A pimoꞌ caj u rʌc nʌctantob u bʌj ich Jesús. 
\p
\v 43 Tiꞌ yʌn ich a pimoꞌ turiꞌ xquic jach yaj quireꞌ yʌn doce u yaxqꞌuinin caj u cʌnaj u yajir. Mʌꞌ ju jawʌr u pꞌoꞌic u nocꞌ. Caj u rʌc xupaj u taqꞌuin tu cu bin tu cu tsꞌacʌr. Mʌnaꞌ mac cꞌuchaꞌan yor u jawsic.
\v 44 A xquicoꞌ caj u nʌts u bʌj ich Jesús caj cꞌuch ich u pach Jesús caj u tʌraj u xax u nocꞌ Jesús. Sep caj jawij u yajir. Caj tsits u qꞌuiqꞌuer.
\p
\v 45 Caj u cꞌataj Jesús:
\p ―Mac caj u tʌraj in nocꞌ?
\p Mʌnaꞌ mac arej wa caj u tʌraj u nocꞌ. Caj yaꞌarob Pedro yejer u yetcamsʌwinicob:
\p ―In wʌjcamsʌyʌjirechob, a jach pimoꞌ caj u nʌctantob tech, caj u nechꞌintajechob. Biquinin ca cꞌatic mac caj u tʌraj a nocꞌ?
\p
\v 46 Jesús caj yaꞌaraj:
\p ―Yʌn mac caj u tʌraj in nocꞌ, tin wuꞌyaj bin in mucꞌ caj u jawsaꞌb mac.
\p
\v 47 A xquicoꞌ caj yubaj yer Jesús caj tari, tu babac caj xonraj ich Jesús caj u toc rʌc araj ʌcʌtan tu cotor mac biquinin caj a tʌraj u nocꞌ Jesús. Caj yaꞌaraj biquinin seb caj jawij.
\v 48 Jesús caj yaꞌaraj:
\p ―In chan tiꞌarech jawech quireꞌ caj a wacsa ta wor caꞌ xiquech ta watoch, quiꞌquintej a wor.
\p
\v 49 Tiꞌ toy cu tsicbar Jesús caj cꞌuchij turiꞌ mac, tar u tar ich yatoch Jairo. Raꞌ u jach tsꞌurir u chan najir tu cu naj cꞌujintic Cꞌuj u winiquirob judío. Caj araꞌb tiꞌ Jairo:
\p ―Quimij a chan parar, xquic. Mʌꞌ a pecsic yor yʌjcamsʌyʌjir, tsireꞌej.
\p
\v 50 Caj yuba Jesús baꞌ araꞌb tiꞌ Jairo caj u yaꞌaraj Jesús tiꞌ:
\p ―Mʌꞌ a chꞌic sajaquir, chen acsej ta wor ten jeꞌ u jebar yoreꞌ.
\p
\v 51 Caj cꞌuchij ich yatoch Jairo. Jesús mʌꞌ ju chabʌr u yocar mac, chen Pedro yejer Juan yejer Jacobo, quet yejer u tet yejer u nʌꞌ, a quimen, chan xquic.
\v 52 A mac tiꞌ yʌnoꞌ caj u yacꞌtajob a chan xquic baxuc caj ocꞌarnʌjob. Chen Jesús caj yaꞌaraj:
\p ―Mʌꞌ a wacꞌtiquex quireꞌ mʌꞌ quimen, chen wenen u caꞌ.
\p
\v 53 Caj u pꞌastajob Jesús quireꞌ yirajob jach quimen. 
\v 54 Caj u mʌch u cꞌʌb ten Jesús caj u cꞌam yaꞌaraj:
\p ―Chan xquic riqꞌuen chꞌicren.
\p
\v 55 Caj u wʌcꞌʌs cuxrʌj. Seb caj riqꞌuij. Jesús caj yaꞌaraj: 
\p ―Tsꞌajex yoꞌoch.
\p
\v 56 U tet yejer u nʌꞌ caj jaqꞌuij yorob. Chen Jesús caj yaꞌaraj tiꞌob:
\p ―Mʌꞌ a yʌn ariquex tiꞌob mac a baꞌ u ber tiꞌ.
\c 9
\s Jesús caj u tuchiꞌtaj u camsʌwinicob quir u tsecꞌticob u tꞌʌn
\r (Mt. 10.5‑15; Mr. 6.7‑13)
\p
\v 1 Jesús caj u muchꞌquintaj u camsʌwinicob caj u jʌsaj u mucꞌ tiꞌob quir u jocꞌsicob quisin, quir u jawsic u yajirir xan.
\v 2 Jesús caj u tuchiꞌtaj u camsʌwinicob quir u tsecꞌticob tu cu bin u reyintejob Cꞌuj quir u jawsic u yajirir. 
\v 3 Caj yaꞌaraj Jesús:
\p ―Mʌꞌ ja chꞌiquex baꞌ tu ca binex. Mʌꞌ ja chꞌiquex a xonteꞌ. Mʌꞌ ja chꞌiquex chim. Mʌꞌ ja chꞌiquex a woch. Mʌꞌ ja chꞌiquex taqꞌuin. Chen turirirꞌ a nocꞌ a chꞌiquex. 
\v 4 A mac a cu yʌn acsiquechex tiꞌ ca yʌn pꞌatʌrexeꞌ hasta a caꞌ binex.
\v 5 Cax a baꞌ cajar mʌꞌ u yacsiquechex caꞌ bin xiquechex, toc pustex u noy ruꞌum ich u cajar soc yerob cꞌas caj u betajob quireꞌ mʌꞌ tu cꞌʌmajob u tꞌʌn Cꞌuj.
\p
\v 6 Caj rucꞌob u camsʌwinicob Jesús caj binob ich tu cotor u cajarob caj u tsecꞌtajob u jach tsoyir u tꞌʌn Cꞌuj. Baxuc caj u jawsajob u yajir mac tu cu binob.
\s Quim Juan a cu yacsic jaꞌ tu joꞌr mac
\r (Mt. 14.1‑12; Mr. 6.14‑29)
\p
\v 7 Caj yubaj gobernador Herodes tu cotor baꞌ cu betic Jesús yejer u camsʌwinicob quireꞌ caj u cay tucric Herodes. Mʌꞌ ja wirej, yʌn mac caj u yaꞌarajoꞌ: “Juan wʌcꞌʌs ricꞌ ich u quimrir. Rajen cu betic aroꞌ.”
\p
\v 8 Caj u yuba yaꞌaraꞌ Herodes ten mac: “Rajiꞌ Elías urij, rajen tan u betic aroꞌ.” Chen u jer mac caj yaꞌaraj: “Wʌcꞌʌs riqꞌuij tuririꞌ yʌjtseqꞌuir u tꞌʌn Cꞌuj, rajen cu betic aroꞌ.”
\v 9 Caj yaꞌaraj Herodes:
\p ―Quireꞌ caj in tuchiꞌtaj chꞌʌcbir u car Juan, rajen aroꞌ mʌꞌ Juan. A mac a quin wuꞌyic yaꞌareꞌ cu betic aroꞌ? In cꞌat in wirej ―quij.
\p Caj u cʌxtaj bic tabar cu bin yiric.
\s Jesús caj u jansaj cinco mil xib
\r (Mt. 14.13‑21; Mr. 6.30‑44; Jn. 6.1‑14)
\p
\v 10 Caj urob u camsʌwinicob Jesús a tuchiꞌtaꞌb caꞌch caj u tsicbʌtajob baꞌ caj u betajob tu tu tsecꞌtajob u tꞌʌn. Caj payob ten Jesús soc u binob tu junanob yejer Jesús. Caj payob u ber ten Jesús quir u binob ich u cajar Betsaida.
\v 11 Caj yubaj a pimoꞌ tan u bin Jesús caj binob tu pach Jesús, caj u chaꞌa u tarob a pimoꞌ caj tsecꞌtaꞌb tiꞌob tu cu bin u reyintejob Cꞌuj. Caj u jawsaj a mac yʌn u yajireꞌ.
\p
\v 12 Tabar u bin qꞌuin, caj tarob a doce u camsʌwinicob Jesús. Caj yaꞌarob:
\p ―Arej u bin a pimoꞌ quir u cʌxticob quir u wenʌnob, quir u cʌxticob yoch xan. Quireꞌ a teraꞌ mʌnaꞌ mac. 
\p
\v 13 Caj araꞌb ten Jesús:
\p ―Bʌꞌ wir cu binob, techex tsꞌajex yoꞌochob soc mʌꞌ u binob.
\p Caj yaꞌarob:
\p ―Mʌnaꞌ toꞌonex chen yʌn cinco ij coch pan yejer caꞌtur cʌy. Arej ic bin ic mʌnej yoch quir ic jansicob.
\p
\v 14 Jaj ixtʌco yʌn cinco mil xib. Jesús caj yaꞌaraj tiꞌ u camsʌwinicob:
\p ―Arej u rʌc cutarob jun muchꞌ curicob cincuenta soc u rʌc jujuntur cincuenta cu cutarob.
\p
\v 15 Baxuc caj u rʌc betajob u camsʌwinicob caj rʌc curajob a pimoꞌ.
\v 16 Jesús caj u chucaj a cinco pan yejer dos cʌy caj u nacsaj u wich caꞌanan. Caj u yaꞌaraj tiꞌ Cꞌuj:
\p ―Bayoꞌ Cꞌuj.
\p Caj tsꞌoc u tꞌʌnic caj u xatꞌaj pan caj u tsꞌaj tiꞌ u camsʌwinicob caj u jʌsejob tiꞌ a pimoꞌ. Baxuc yejer cʌy.
\v 17 Rʌc janob quiꞌ nachʌjob. Caj tsꞌoc u janʌnob caj u marob u xetꞌer yoch pan yejer cʌy. Caj chupij doce xac u xetꞌer yoch pan yejer cʌy.
\s Pedro caj u yaꞌaraj tiꞌ Jesús: Cristojech, caj u tuchiꞌtech Cꞌuj
\r (Mt. 16.13‑19; Mr. 8.27‑29)
\p
\v 18 Quireꞌ tiꞌ yʌn tu junan tu cu tꞌʌnic Cꞌuj Jesús, quireꞌ caj u pꞌʌtaj a pimoꞌ. Chen tiꞌ yʌn yejer u camsʌwinicob. Jesús caj u cꞌataj tiꞌ u camsʌwinicob:
\p ―Bic u yaquenob a pimoꞌ?
\p
\v 19 Caj u nuncajob caj yaꞌaraj:
\p ―Juanech, bin, a cu yacsic jaꞌ tu joꞌr mac. U jerob cu yaquech Elíasech, bin, chen u jerob u caꞌ aric yʌjtseqꞌuirech u tꞌʌn Cꞌuj uch, bin, caꞌ riqꞌuech, bin.
\p
\v 20 Caj u cꞌataj tiꞌob:
\p ―A techexeꞌ bic tabar a waquenex?
\p Pedro, caj u nuncaj, caj yaꞌaraj:
\p ―Cristojech a caj u tuchiꞌtech Cꞌuj.
\s Jesús caj u yaꞌaraj: Bin in caꞌ quinsbir
\r (Mt. 16.20‑28; Mr. 8.30―9.1)
\p
\v 21 Caj u quiꞌ maꞌquintaj tiꞌ u camsʌwinicob:
\p ―Mʌꞌ a yʌn bin a waꞌarex tiꞌ mʌnaꞌ mac wa Cristojen. 
\p
\v 22 Caj araꞌb tiꞌob ten Jesús:
\p ―A tenoꞌ baxuquenechexoꞌ tu tuchiꞌten Cꞌuj, jach yaj quin bin mucꞌyajnʌquen. Cu bin u xunpꞌʌtiquenob u jach tsꞌurirob u cajar u winiquirob judío yejer u jach tsꞌurirob sacerdote yejer yʌjcamsʌyʌjirob u tꞌʌn Moisés. Bin u quinsenob chen caꞌ bin tac mʌnaꞌ u nup u qꞌuinin Cꞌuj cu bin u ricꞌsiquen.
\p
\v 23 Pachir caj yaꞌaraj tiꞌ tu cotor mac:
\p ―Wa mac u cꞌat u tar tin pach soc u cʌnic in tꞌʌn. Arej u pꞌʌtej a baꞌ cu pachtic tu yor tu cotor u nonobʌjiriꞌ soc u betic a baꞌ u cꞌat Cꞌuj. Rajraꞌ yʌn u tar tin pach cax wa quimij ich cruz.
\v 24 A mac a cu tucric tiꞌ u nonobʌjiriꞌ tiꞌ toy cuxaꞌan cu bin u satar a baꞌ jach manan coꞌoj. Cu bin u satar u cuxtar munt qꞌuin. Chen a mac a u cꞌat u quimin tiꞌ ten cu bin u cꞌʌmic a baꞌ jach manan coꞌoj, cu bin u cꞌʌmic u cuxtar munt qꞌuin.
\v 25 Mʌꞌ u jocꞌar tu tsoyir cax cu tsꞌurintic tu cotor baꞌ ich yocꞌocab wa cu satʌr u pixam. Quireꞌ jeꞌ u boꞌotic u boꞌorir u siꞌpir.
\v 26 Wa mac cu chꞌic suraquir tiꞌ ten yejer a baꞌ quin tsecꞌtic, baxuc a baꞌ quin camsic. Baxuc ten, caꞌ bin in chꞌaꞌaj suraquir tiꞌ quireꞌ a tenoꞌ baxuquenechexoꞌ. Quin bin in chꞌaꞌaj suraquir tiꞌ caꞌ bin taquen ich u sasirir Cꞌuj in Tet yejer u mucꞌ u yʌjmasirob u tꞌʌn Cꞌuj.
\v 27 Chen jach taj quin wac techex. Chʌc yʌn jun yarob mac a teraꞌ mʌꞌ ju bin quimin hasta cu yiric bic Cꞌuj cu bin u reyinticob.
\s Caj waysaꞌb Jesús ʌcʌtan u camsʌwinicob
\r (Mt. 17.1‑8; Mr. 9.2‑8)
\p
\v 28 Caj man turiꞌ semana caj tsꞌoc u camsic a raꞌ tꞌʌnoꞌ tiꞌ u camsʌwinicob. Jesús caj naquij ich joꞌr wits quir u tꞌʌnic Cꞌuj. Yet binacob Pedro yejer Jacobo yejer Juan, quireꞌ payob ten Jesús.
\v 29 Jesús caj u tꞌʌnaj Cꞌuj caj waysaꞌb u wich caj way u nocꞌ sʌc, jach sʌc tꞌinaꞌan.
\v 30 Ray u qꞌuinin caj cꞌuchob ixbaꞌ Moisés yejer ixbaꞌ Elías. Caj cꞌuchob ich Jesús.
\v 31 Caj u tsicbanʌjob yejer Jesús bic tabar u quimin Jesús soc u nupsic u tꞌʌn Cꞌuj caꞌ bin quimic ich u cajar Jerusalén. U sasirir Cꞌuj bʌcristaꞌbob.
\v 32 A Pedrojoꞌ yejer u yet camsʌwinicob jach pꞌencʌch tar u wenʌnob caj ajob caj yirob u wayʌr Jesús. Baxuc tiꞌ yʌnob caꞌtur xib ich yicnʌn Jesús.
\v 33 Quireꞌ tan u binob nanach ixbaꞌ Moisés yejer ixbaꞌ Elías, Pedro caj yaꞌaraj tiꞌ Jesús:
\p ―In wʌjcamsʌyʌjirech ―quij―. Jach tsoy tiꞌ yʌnoꞌon teraꞌ. Are caꞌ in cꞌʌxejob pʌser. Turiꞌ tiꞌ tech. Turiꞌ tiꞌ ixbaꞌ Moisés. Turiꞌ tiꞌ ixbaꞌ Elías.
\p Caj yaꞌaraj aroꞌ quireꞌ mʌꞌ tu quiꞌ tucraj a baꞌ caj u yaꞌaraj.
\v 34 Tiꞌ toy u tsicbar Pedro caj tari tuririꞌ u muyarir caj jaqꞌuij yorob u camsʌwinicob caj tsꞌoc u binob ixbaꞌ Moisés yejer ixbaꞌ Elías ich u muyarir.
\v 35 Caj yubob u tꞌʌn Cꞌuj ich u muyarir. Caj yubob yaꞌaraꞌ tiꞌob:
\p ―A jeꞌraꞌ in jach parar a mac in jach yaj. Caꞌ uꞌyex a baꞌ cu camsiquechex.
\p
\v 36 Caj tsꞌoc u yubicob u tꞌʌn tu caꞌ irob Jesús tu junan mʌnaꞌ mac tiꞌ yʌn. A mʌnaꞌ u nup u camsʌwinicob a baꞌ caj u yirob tu cotor aroꞌ tu mʌcob u chiꞌ mʌꞌ tu yaꞌarajob tiꞌ mac a baꞌ caj u yirob.
\s Jesús cu jocꞌsic u quisinin tiꞌ chan xib
\r (Mt. 17.14‑21; Mr. 9.14‑29)
\p
\v 37 Caj sasij, caj tsꞌoc u yemanob ich u joꞌr wits Jesús yejerob a mʌnaꞌ u nupoꞌ. Caj tar a pimoꞌ quir u nupꞌicob Jesús.
\v 38 Tiꞌ yʌn mac turiꞌ ich a pimoꞌ caj u puraj u tꞌʌn tiꞌ Jesús:
\p ―In wʌjcamsʌyʌjirech quin chich cꞌatic tech caꞌ a chan yamten tiꞌ in parar quireꞌ turiꞌ ten.
\v 39 Caꞌ bin chucuc ten quisin in chan parar. Cu sepquintic yawʌt, cu yʌn satʌr yor hasta cu yom u chiꞌ. Caꞌ bin pꞌatʌc ten u quisinin in parar cu jach tsꞌabʌr u mucꞌyaj ten quisin hasta mʌnaꞌ yor.
\p
\v 40 A xiboꞌ caj u yaꞌaraj:
\p ―Caj in chich araj tiꞌob a camsʌwinicob caꞌ u jocꞌsejob u quisinin chen mʌꞌ cꞌuchaꞌan yorob u jocꞌsicob.
\p
\v 41 Jesús caj u nuncaj tiꞌ:
\p ―A techexoꞌ a mac cuxaꞌan u qꞌuinin bajeꞌrer. Biquinin mʌꞌ a wacsmʌnex ta wor tiꞌ Cꞌuj? Biquinin jach chichex a joꞌr? Yaꞌab u qꞌuinin tiꞌ yʌnen teraꞌ mʌꞌ toy a wacsejex ta wor. A ber caꞌ bin a wacsex ta wor ten.
\p Jesús caj u tꞌʌnaj a xiboꞌ:
\p ―Toc pʌyej a parar a teꞌraꞌ.
\p
\v 42 Tabar u natsꞌʌr ich Jesús a quisinoꞌ caj rubsaj ich ruꞌum. Caj satij yor ten quisin. Chen Jesús caj u qꞌueyaj u quisinin. A baywoꞌ caj jocꞌ u quisinin. Caj tsꞌoc u jocꞌar u quisin caj jawij, Jesús caj u sutaj tiꞌ u tet. 
\v 43 Jach jaqꞌuij yorob a pimoꞌ quireꞌ caj yirajob carem u beyaj Cꞌuj.
\s Jesús cu caꞌ aric bin in caꞌ quimin
\r (Mt. 17.22‑23; Mr. 9.30‑32)
\p Tiꞌ toy jacꞌaꞌan yorob a pimoꞌ tiꞌ u carem beyaj Jesús. 
\v 44 Caj yaꞌaraj Jesús tiꞌ u camsʌwinicob:
\p ―Quiꞌ uyex a jeꞌraꞌ a baꞌ quin camsiquechex bajeꞌrer. Mʌꞌ ju yʌn tubur techex. Quireꞌ bin u caꞌob u cꞌubirenob a tenoꞌ tiꞌ a mac a cu pꞌactiquenob a tenoꞌ bayxuquenechexoꞌ. 
\p
\v 45 U camsʌwinicob mʌꞌ ju najtajob a baꞌ araꞌb tiꞌob ten Jesús. Mʌꞌ ju najtajob quireꞌ mʌꞌ toc araꞌb ten Jesús tiꞌob a baꞌ u cꞌat yaꞌaric. Quireꞌ suracob quir u cꞌaticob a baꞌ araꞌb tiꞌob sam.
\s A mac a jach noꞌjeꞌ
\r (Mt. 18.1‑5; Mr. 9.33‑37)
\p
\v 46 U camsʌwinicob quet u pacran acob soc yerob mac jach noꞌjoꞌ ich u yet camsʌwinicob.
\v 47 Jesús caj u najtaj a baꞌ cu tucricob tu yorob rajen caj u pʌyaj chichan quir u chꞌiquintic yicnʌn.
\v 48 Jesús caj u yaꞌaraj tiꞌ u camsʌwinicob:
\p ―Wa tsoy ca betiquex tiꞌ a jeꞌ chichanaꞌ cax tiꞌ u jer xan quireꞌ ca yajquintiquen. Tsoy ca betiquex ten xan. Baxuc tsoy caj a betex tiꞌ Cꞌuj a mac caj u tuchiꞌtajen. A mac a cu tucric ich u wʌcꞌʌs bʌjiriꞌ: “Mʌꞌ noꞌjen a tenoꞌ”, rajiꞌoꞌ toc noꞌj ʌcʌtan tu wich Cꞌuj.
\s A mac a mʌꞌ u pꞌactic tech rajiꞌ a nup
\r (Mr. 9.38‑40)
\p
\v 49 Caj yaꞌaraj Juan:
\p ―In wʌjcamsʌyʌjirech, tij quiraj turiꞌ mac caj u jocꞌsaj quisin caꞌch. Caj u tꞌʌnaj a cꞌabaꞌ. Tij caraj tiꞌ: “Tsireꞌej” quireꞌ mʌꞌ u sayʌr ta pach quir u cʌnic a tꞌʌn. An ten bic toꞌon quic sayʌr ta pach.
\p
\v 50 Caj yaꞌaraj Jesús:
\p ―Tsireꞌej, cax mʌꞌ ja wac tiꞌ quireꞌ a mac a mʌꞌ u pꞌactic toꞌon cu yamticoꞌon.
\s Jesús cu qꞌueyic Juan yejer Jacobo
\p
\v 51 Tabar u cꞌuchur tu qꞌuinin u caꞌ payʌr Jesús ten Cꞌuj caꞌ xic ich caꞌanan. Jesús u cꞌat u jach bin ich u cajar Jerusalén. Tsꞌajan yor tar u bin.
\v 52 Rajen caj u tuchiꞌtaj mʌꞌ yaꞌabir mac soc pʌybejob cu binob. Robob caj binob caj cꞌuchob ich u cajar Samaria, caj u cʌxtajob mac quir u yacsaꞌrob wenʌnob.
\v 53 Chen ich u cajar Samaria mʌꞌ u cꞌat yacsaꞌrobiꞌ quireꞌ tiꞌ cu binob ich u cajar Jerusalén, Jesús yejer u camsʌwinicob. 
\v 54 Caj wʌcꞌʌs urob ich Jesús a tuchiꞌtaꞌbob. Quireꞌ yubob mʌꞌ u yacsaꞌrob a Juanoꞌ yejer Jacobo quireꞌ yubob mʌꞌ acsaꞌbobiꞌ caj yaꞌarob tiꞌ Jesús:
\p ―Arej toꞌon in wʌjcamsayʌjirechob caꞌ tac u cꞌaqꞌuir caꞌanan caꞌ rʌc erac araꞌ cajaroꞌ an bic caj u betaj Elías uch, a cu tsecꞌtic u tꞌʌn Cꞌuj uch.
\p
\v 55 Jesús caj u sut u bʌj quir u pʌctic a caꞌtur u camsʌwinicob. Caj u qꞌueyaj caj u yaꞌaraj tiꞌob:
\p ―A techexoꞌ mʌꞌ a werex mac ca tsꞌurintiquex.
\v 56 A tenoꞌ baxuquenechexoꞌ mʌꞌ taren in chꞌesic u cajar mac, taren in taꞌquic tu cotor mac quireꞌ tu tuchiꞌten Cꞌuj.
\p Jeroj caj binob ich u jer cajar.
\s A mac a ju cꞌat u tarob tu pach Jesús
\r (Mt. 8.19‑22)
\p
\v 57 Tiꞌ toy cu binob ich u berir Jerusalén. Turiꞌ mac caj u yaꞌaraj tiꞌ Jesús:
\p ―Arej in tar ta pach cax tu ca bin.
\p
\v 58 Caj u nuncaj Jesús caj u yaꞌaraj:
\p ―A boboch pecꞌoꞌ yʌn u jor tu cu wenʌn baxuc a chꞌichꞌoꞌ yʌn u cꞌʌbir cheꞌ tu cu wenʌn. Chen a tenoꞌ mʌnaꞌ tu quin chatar in jesic in bʌj a tenoꞌ, baxuquenechexoꞌ. 
\p
\v 59 Jesús caj yaꞌaraj tiꞌ u jer mac:
\p ―Cojen tin pach ―quij―, quir a cʌnic in tꞌʌn.
\p Chen caj yaꞌaraj tiꞌ a mac pay ten Jesús:
\p ―Arej in pꞌatʌr ich yicnʌn in tet hasta cu quimin in tet, jeꞌ in tar ta pacheꞌ.
\p
\v 60 Jesús caj u nuncaj tiꞌ:
\p ―A mac a irej a quimenoꞌ, rajiꞌob cu bin u muquicob u quimirir. Chen tech xen tsecꞌtej u jach tsoyir u tꞌʌn Cꞌuj tu cu bin u reyintejob Cꞌuj.
\p
\v 61 Chen tiꞌ yʌn u jer caj araꞌb tiꞌ:
\p ―A tenoꞌ jeꞌ in tar ta pacheꞌ. Ar in bin in cꞌatej tiꞌ in bʌjob wa tsoy in tar ta pach.
\p
\v 62 Chen Jesús caj yaꞌaraj tiꞌ:
\p ―A mac a u cꞌat u jach tar tin pach chen mʌꞌ u jach pꞌis u bʌj caꞌ tac tin pach. Wa cu chen tucric a baꞌ caj u pꞌʌtaj jeꞌ u nacar yor tiꞌ a baꞌ a cu tar tiꞌ. Aroꞌ mʌꞌ tsoy u beyaj tu cu bin u reyinticob Cꞌuj.
\c 10
\s Jesús tu tuchiꞌtic caꞌ xicob a setentajoꞌ
\p
\v 1 Caj tsꞌoc u tsicbar tiꞌ a mac a ju cꞌat u tarob tu pach Jesús caj u tetaj u jerob setenta u camsʌwinicob. Caj u tuchiꞌtaj caꞌ caꞌturob ich tu cotor u chan cajar. Baxuc ich tu cotor u yajaw cajar xan. Rajiꞌob cu yʌn binob. Pachir cu cꞌuchur Jesús.
\v 2 Caj yaꞌaraj Jesús tiꞌob:
\p ―Tiꞌ yʌn mac pim u cꞌat yubicob u tꞌʌn Cꞌuj chen a cu beyajob, mʌꞌ nepimiꞌ a cu tsecꞌticob u tꞌʌn Cꞌuj tiꞌob. Aroꞌ irej wa tiꞌ yʌn jach yaꞌab u trigo quir u wʌtic. Chen mʌnaꞌ mac quir u wʌtic. Rajen caꞌ a tꞌʌnex Cꞌuj soc u tuchiꞌtic mac quir u bin u tsicbʌtic u tꞌʌn Cꞌuj soc cꞌuchaꞌan yorob u yubicob u tꞌʌn Cꞌuj.
\v 3 Bajeꞌrer caꞌ xiquechex tu caj in waꞌaraj a binex. Jeꞌ a wiricobexeꞌ irob barum. Robob cu bin yiriquechexob irechex tʌmʌn yuc. An ten bic barum u cꞌat u chiꞌic tʌmʌn yuc. Baxuc a xiboꞌ u cꞌat quinsiquechexob.
\v 4 Caꞌ bin xiquechex mʌꞌ ja yʌn chꞌiquex a chimex, u boxer a taqꞌuinex mʌꞌ ca chꞌiquex. Mʌꞌ ja chꞌiquex a pechꞌ xʌnʌb, tsꞌot a bin beyajex. Mʌꞌ ja yʌn wecꞌ tꞌʌniquex mac tu ca binex a tsecꞌtiquex u tꞌʌn Cꞌuj.
\v 5 Caꞌ bin yʌn ocaquex ich yatoch mac, yʌn arex tiꞌ tu ca tꞌʌnic: “In cꞌat caꞌ quiꞌac a worex tiꞌ Cꞌuj a mac tiꞌ yʌn ich yatoch teraꞌ.”
\v 6 Wa tiꞌ yʌn mac a tabar u quiꞌ tar yor tiꞌ Cꞌuj, jeꞌ u bin quiꞌ tar yor tiꞌ Cꞌuj. An ten bic techex caj a cꞌatajex tiꞌ. Chen wa tiꞌ yʌn mac mʌꞌ u quiꞌtar yor tiꞌ Cꞌuj. Aroꞌ mʌꞌ ju bin quiꞌ tar yor tiꞌ Cꞌuj. A bʌjiriꞌex ca bin a waquex tiꞌ: “Jeꞌ in wʌcꞌʌs chꞌic a baꞌ caj in waꞌaraj techex u quiꞌir yor Cꞌuj.”
\v 7 Tiriꞌ ca pꞌatʌrex ich yatoch a tu yacsechex mʌꞌ a caꞌ cay binex ich u jer naj. Janʌnex ucꞌurnenex xan a baꞌ cu tsꞌic techex an biquex a janʌnex ta watochex. Irechex a mac cu cꞌʌmic u boꞌorir u beyaj quireꞌ raꞌ u boꞌorir tu ca beyajex.
\v 8 Wa ca wocarex ich u chan cajar tu cu yacsiquechex, toc jantechex baꞌ cu tsꞌictechex.
\v 9 Jawsex u yajir tu ca binex ich u chan cajar. Yʌn arex tiꞌ: “Toc tiꞌ yʌnechex bajeꞌraꞌ quireꞌ toc cꞌuchij tu qꞌuinin tu ca bin a reyintiquex Cꞌuj.”
\v 10 Wa ca wocarex ich u chan cajar tu mʌꞌ u yacsiquex, toc ruqꞌuenex ich tan bej ich u cajar. Ca waquex tiꞌob: 
\v 11 “Cax u ruꞌumin a cajarex a cu nichꞌir tin woc quin toc pusticob tin wocob quireꞌ cꞌas caj a betajex. A baywoꞌ quin toc aric techex cꞌuchij tu qꞌuinin Cꞌuj caꞌ bin a reyintiquex, chen mʌꞌ a cꞌat a reyintiquex Cꞌuj.” Baxuc yʌn a waquex tiꞌ mac a mʌꞌ u yacsiquex.
\p
\v 12 Jesús caj yaꞌaraj tiꞌ u camsʌwinicob a setentajoꞌ: 
\p ―Chen a tenoꞌ quin wac techex caꞌ bin xuruc tꞌʌn a ra cajaroꞌ a mʌꞌ tu yacsajechex, jach manan cu bin tsꞌabʌr u mucꞌyajob ten Cꞌuj. Chen u cajar Sodoma, mʌꞌ u nebin mucꞌyajob a chꞌesaꞌb ten Cꞌuj yejer cꞌacꞌ uch. 
\s U cajarob a mʌꞌ tu cꞌʌmajob u tꞌʌn Cꞌuj
\r (Mt. 11.20‑24)
\p
\v 13 Tiꞌ toy cu tsicbar Jesús tiꞌ a setentajoꞌ caj yaꞌaraj: 
\p ―Jach otsir techex ich u cajar Corazín. Baxuc otsirechex ich u cajar Betsaida. Jaj ixtʌcoꞌ wa tiꞌ yʌn mac uch ich u cajar Tiro yejer u cajar Sidón caj u yesej u carem beyajob. An ten bic caj in wesaj techex carem beyajob. Robob a tiꞌ yʌnob uch ich u cajar Tiro yejer Sidón. Tabar ix tiꞌ uchoꞌ caꞌ bin u cꞌaxicob yorob tan a pꞌʌticob u manob tu cꞌasir. Jaj ix tiꞌ caj u buquintajob u rabir u nocꞌ. Baxuc caj u postaꞌantajob u joꞌrob yejer cꞌutaꞌan soc yer mac tucur u caꞌob. An ten bic mac nanij cu beticob uch.
\v 14 Caꞌ bin xuruc tꞌʌn a techex a cʌjaꞌanechex ich u cajar Corazín yejer Betsaida. Jach manan ca bin mucꞌyajex chen a mac a cʌjaꞌanob uch ich u cajar Tiro yejer Sidón, mʌꞌ ju bin nemucꞌyajob.
\v 15 A techex ca tucriquex ich a cajar Capernaum jach noꞌjechex yiriquechex Cꞌuj. Chen Cꞌuj mʌꞌ ju yiriquechex wa jach noꞌjechex cu bin u puriquechex ich cꞌacꞌ munt qꞌuin quireꞌ mʌꞌ ta wacsajex ta wor tiꞌ ten.
\p
\v 16 ’A mac a cu quibiquex a tꞌʌnex baxuc ten cu quibob in tꞌʌn xan. A maqueꞌ mʌꞌ ju cꞌʌmic a baꞌ ca waquex tiꞌob. Baxuc ten mʌꞌ u cꞌʌmicob a baꞌ quin wac tiꞌob. Baxuc a mac mʌꞌ ju cꞌʌmicob a baꞌ quin waꞌaric tiꞌ. Mʌꞌ tan u cꞌʌmic a baꞌ cu yaꞌaric Cꞌuj quireꞌ rajiꞌ caj u tuchiꞌtajen.
\s Caj urob a setenta tuchiꞌtaꞌb ten Jesús
\p
\v 17 Caj urob a setentajoꞌ tub binob u tsecꞌticob u tꞌʌn Cꞌuj. Jach quiꞌ yorob caj urob ich Jesús, caj yaꞌarajob: 
\p ―Jaj Tsꞌurir, cax cꞌacꞌas quisinob caj u yubob ic tꞌʌnob caj ij caraj tiꞌob: “Quisin, ich u cꞌabaꞌ Jesús, caꞌ xiquex”, jeroj joqꞌui.
\p
\v 18 Jesús caj yaꞌaraj tiꞌob:
\p ―A tenoꞌ caj in wiraj a rubsiquex u mucꞌ a quisinoꞌ. Seb caj in wiraj a rubsiquex u mucꞌ a quisinoꞌ.
\v 19 Mʌꞌ ja wirej, an ten bic cꞌuchaꞌan a worex tiꞌ a jocꞌsiquex quisin quireꞌ a tenoꞌ caj in jʌsatechex in mucꞌ. Baxuc xan ca pechꞌʌctiquex can a yʌc u cojoꞌ, cax roroch mʌꞌ ja bin a wuꞌiquex yajir. Baxuc caj in jʌsatechex in mucꞌ soc mʌꞌ a sʌjtiquex a quisin quireꞌ cꞌuchaꞌan a worex tiꞌ.
\v 20 Mʌꞌ a chen quiꞌquintex a worex quireꞌ a cꞌacꞌas quisinoꞌ caj u yubajob a tꞌʌnex, barej jach quiꞌquintex a worex quireꞌ tiꞌ tsꞌibaꞌan ich u juꞌunin Cꞌuj a cꞌabaꞌ techex. Quireꞌ tiꞌ tsꞌibaꞌan a mac a caj u yacsajob tu yorob. 
\s Caj quiꞌjij yor Jesús
\r (Mt. 11.25‑27; 13.16‑17)
\p
\v 21 Raꞌiriꞌ u qꞌuinin caj quiꞌquintaꞌb yor Jesús ten u Tajꞌor u Pixam Cꞌuj, Jesús caj yaꞌaraj tiꞌ Cꞌuj:
\p ―Jach caremech Cꞌuj, in tetech, cax caꞌananoꞌ cax yocꞌocaboꞌ. U jach tsꞌurirech quireꞌ tech ta rʌc betaj tu cotor baꞌ. Jach caremech Cꞌuj ―quij―. Mʌꞌ ja wirej, caj a jʌsa a mucꞌ tiꞌ a mac a mʌꞌ yerob juꞌun soc u jocꞌsicob cꞌacꞌas quisinob soc cꞌuchaꞌan yorob tiꞌ a jach quisinoꞌ. Mʌꞌ ta tsꞌaja u najtejob a baꞌ a cꞌat tiꞌ a mac u neꞌerob baꞌ quireꞌ baxuc a cꞌat tech.
\p
\v 22 ’Jesús caj yaꞌaraj tiꞌ a mac tiꞌ yʌnob yejerob setenta. Tu cotor mac a tenoꞌ cu bin u tsꞌurintiquen quireꞌ baxuc u cꞌat Cꞌuj. Mʌnaꞌ mac yer u parareniꞌ ―quij Jesús―, chen in Tet yer maqueniꞌ. Mʌnaꞌ mac yer mac in Tet chen ten quireꞌ u pararen. Rajen u jer mac cꞌuchaꞌan yor yer Cꞌuj wa quin chaꞌic u najtic.
\p
\v 23 Caj binob tu junan Jesús yejer u camsʌwinicob. Caj u pʌctaj caj yaꞌaraj tiꞌob:
\p ―Quiꞌquintej a worex quireꞌ a baꞌ ca wiriquex in camsic baxuc quireꞌ ca wiriquenex.
\v 24 Quireꞌ yʌn yaꞌab yʌjtseqꞌuirob u tꞌʌn Cꞌuj uch. Baxuc reyob xan, quireꞌ u cꞌat yiriquenob uch, chen mʌꞌ yirenob uch cax u cꞌatob yubicob a baꞌ quin camsic an bic techex ca wiriquenex in camsicob, chen mʌꞌ tu yubob.
\s Jesús cu camsic a mac u jach tsoy yiric u racꞌob
\p
\v 25 Cꞌuchij tuririꞌ mac ich Jesús. A cu camsic u tꞌʌn Moisés. Tar u tumtic yor Jesús tu cu camsic mac. Caj u cꞌata tiꞌ: 
\p ―In wʌjcamsʌyʌjirech ―quij―, baꞌ quin bin in betej quir in cuxtar munt qꞌuin?
\p
\v 26 Caj nuncaꞌ ten Jesús:
\p ―Baꞌ tsꞌibaꞌan ich u tꞌʌn Cꞌuj tu ca xaquic?
\p
\v 27 Yʌjcamsʌyʌjir u tꞌʌn Moisés caj u nunca:
\p ―U tꞌʌn Cꞌuj cu yaꞌaric: “Quet caꞌ ic yajquintej ic Jaj Tsꞌurir yejer tu cotor ic pixam yejer tu cotor ic mucꞌ yejer tu cotor ic tucur ich ic joꞌr.” Baxuc caꞌ ic yajquintej ij quet cajar. An ten bic ic yajquintic ic wʌcꞌʌs bʌjiriꞌ. 
\p
\v 28 Caj araꞌb ten Jesús:
\p ―Taj a baꞌ caj a nuncaj. Wa ca betic baxuc aroꞌ, yʌn a cuxtar munt qꞌuin.
\p
\v 29 Quireꞌ cu tucric mʌꞌ quiꞌ nuncꞌab ten Jesús. Rajen caꞌ u cꞌataj tiꞌ Jesús:
\p ―Mac in wet cajariꞌ quir in yajquintic?
\p
\v 30 A baywoꞌ caj u nuncaj Jesús soc u camsic:
\p ―Caj binij turiꞌ winic ich u cajar Jericó. Tiꞌ ruqꞌuij ich u cajar Jerusalén. Caj u nupꞌaj mac a cu yacꞌrʌꞌ baꞌ. Caj chuc ten yʌjacꞌrʌꞌ yʌjirob baꞌ rʌc acꞌraꞌb u baꞌtac cax u buquimʌn u nocꞌ rʌc chꞌaꞌb tiꞌ, caj tsꞌoc u rʌj jʌtsꞌic, irej wa quimen caj u pꞌʌtajob. 
\v 31 Raꞌiriꞌ u qꞌuinin caj manij sacerdote ich bej tu charaꞌan a mac jatsꞌ irej quimen. Caj yiraj chariqueꞌ nach caj man.
\v 32 Baxuc caj tar u winiquir judío u yoꞌnen Leví, raꞌ cu beyaj ich carem naj. Caj yira charic a mac jatsꞌ caj u pot mastaj.
\v 33 Caj tar u winiquir u cajar Samaria nach u tar caj tarij tan u natsꞌʌr tu charaꞌan a mac jʌtsꞌaꞌan. Caj u yiraj charic caj u yajquintaj.
\v 34 U winiquir samaria caj cꞌuchij tu charaꞌan a xiboꞌ a jʌtsꞌaꞌanoꞌ caj u tsꞌʌcaj tu cꞌorij tut jatsꞌ caj u jicꞌtaj tsats yejer u cꞌab u wich uva quir u jawʌr. Caj u nacsaj tu pach u tsimin quireꞌ raꞌ u tsimin caj bin u puric quir u cʌnantaꞌ tiꞌ tu tu mʌjantaj yatoch. 
\v 35 Caj sasij quireꞌ bin u caꞌ u winiquir samaria. Caj u chʌc jaraj u taqꞌuin caꞌ turur u sʌc taqꞌuin caj u tsꞌaja tiꞌ a mac yʌnin yatoch. Caj yaꞌaraj tiꞌ: “Cʌnantej a jeꞌ xibaꞌ wa ca rʌc xupic a taqꞌuin tiꞌ a mac caꞌ bin uquen jeꞌ in boꞌotiquech.”
\p Baxuc caj yaꞌaraj Jesús tiꞌ.
\v 36 Caj tsꞌoc u tsicbar Jesús tiꞌ a jʌtsꞌaꞌan caj u cꞌataj tiꞌ yʌjcamsʌyʌjir u tꞌʌn Moisés:
\p ―Arej ten ich a mʌnaꞌ u nup xiboꞌ a mac caj u yajquintaj? 
\p
\v 37 Caj yaꞌaraj yʌjcamsʌyʌjir u tꞌʌn Moisés. A mac a tu yiraj otsir a jʌtsꞌaꞌanoꞌ, rajiꞌ tu yajquintaj. Jesús caj u nuncaj tiꞌ:
\p ―Baxuc tech rajraꞌ caꞌ a yajquintej mac.
\s Cꞌuchij Jesús ich yatochob Marta yejer María
\p
\v 38 Tiꞌ toy cu bin Jesús yejer u camsʌwinicob ich u berir Jerusalén caj cꞌuchij tu cajar. Tiꞌ yʌn xquic u cꞌabaꞌ Marta. Rajiꞌ caj u yacsaj ich yatoch.
\v 39 A Martajoꞌ yʌn u yitsꞌin María u cꞌabaꞌ. Caj curʌj María ich yoc Jesús quireꞌ u cꞌat yubic a baꞌ cu camsaꞌ.
\v 40 Chen Marta cu tucric jach yaꞌab u beyaj rajen tarij ich Jesús caj yaꞌaraj tiꞌ:
\p ―Jaj Tsꞌurir ―quen―, wa ca jach tucriquen ca wac tiꞌ in witsꞌin caꞌ tac u yamten.
\p
\v 41 Chen Jesús caj u nuncaj tiꞌ:
\p ―Marta ―quen―, ca jach tucric a beyaj, rajen choc a wor quireꞌ jach yaꞌab.
\v 42 María caj u tetaj a baꞌ jach tsoy rajen cu tucric u tar yubej in tꞌʌn. Rajen mʌnaꞌ mac cu maꞌquintic soc mʌꞌ u tar.
\c 11
\s Jesús cu camsic bic tabar ic tꞌʌnic Cꞌuj
\r (Mt. 6.9‑15; 7.7‑11)
\p
\v 1 Tiꞌ yʌn Jesús tu cu tꞌʌnic Cꞌuj uch caj tsꞌoc u tꞌʌnic Cꞌuj caj cꞌuchob u camsʌwinicob Jesús turiꞌ. Caj yaꞌaraj tiꞌ:
\p ―Jach Tsꞌurir ―quij―, camsenob bic in tꞌʌnicob Cꞌuj an ten bic Juan caj u camsaj u camsʌwinicob.
\p
\v 2 Caj nuncaꞌb tiꞌob ten Jesús:
\p ―Caꞌ binex a tꞌʌniquex Cꞌuj. Baxuc a jeꞌraꞌ ca waquex tiꞌ:
\q In Tetob a mac tiꞌ yʌnoꞌ ich caꞌanan. Quin cꞌatob soc tu cotor mac cu cꞌujintiquech. Quin cꞌaticob tech caꞌ bin cꞌuchuc tu qꞌuinin caꞌ bin a reyintej ich yocꞌocab. 
\v 3 Chan chuquej tenob in woch soc tiꞌbir yʌn tenob tiꞌ u qꞌuinin bajeꞌrer.
\v 4 Jawsej tenob in siꞌpirob a baꞌ siꞌpir caj in betajob quireꞌ quin jawsicob u siꞌpirob in racꞌob cax a baꞌ cꞌasir caj u betajob ten xan. Mʌꞌ ja chaꞌic in binob tu quin pʌyicob in siꞌpirob. Mʌꞌ ja chaꞌic in tsꞌurinticob a baꞌ quin pachticob tin worob a cꞌasoꞌ.
\p
\v 5 Jesús caj yaꞌaraj tiꞌ u camsʌwinicob:
\p ―Quiꞌ tucrej a baꞌ u ber wa caꞌ bin xiquech tu yʌn a ju yajech cax chumuc acꞌbir tiꞌ ca bin a cꞌatic tiꞌ. Ca waꞌaric tiꞌ: “Chan chuquej ten a woch pan quireꞌ a yajen, cax mʌnaꞌ u nup pan.
\v 6 Mʌꞌ ja wirej, tan tu cꞌuchur a mac u yajen, nach u tar, caj tarij quireꞌ mʌnaꞌ ten quir in jansic.”
\v 7 A mac a tiꞌ yʌn ich yatoch a mac a ju jach yaj, a mac tar cꞌatbir yoch. Jaj ixtʌco cu nunquic: “Mʌꞌ a pecsic in wor quireꞌ caj in toc mʌcaj u jor in watoch. Toc tiꞌ yʌnen yejer in parar tin wenʌnob. Mʌꞌ jin riqꞌuir in tsꞌic tech a baꞌ a cꞌat.”
\v 8 Quireꞌ ―quij Jesús―, taj quin waꞌaric techex. Cax mʌꞌ u riqꞌuir u tsꞌic tiꞌ yoch quireꞌ jach yaj yiric. Chen jeꞌ u riqꞌuir u tsꞌic tiꞌ a baꞌ u cꞌat quireꞌ rajraꞌ cu jach pꞌisic u bʌj u cꞌatic tiꞌ.
\v 9 Baxuc tiꞌ Cꞌuj xan ―quij Jesús―: Cꞌatej tiꞌ Cꞌuj, jeꞌ u tsꞌiquex tex. Cʌxtex a baꞌ a cꞌat, Cꞌuj cu bin u chaꞌic a wiriquex. Cꞌatex tiꞌ Cꞌuj, irej a mac cu cꞌatic ich u jor naj, jeꞌ u tsꞌabʌr techex an bic ca cꞌatic.
\v 10 A tenoꞌ, quin wac techex ―quij Jesús―, tu cotor mac a cu cꞌatic tiꞌ, jeꞌ u tsꞌabʌr tiꞌ. Tu cotor mac cu cʌxtic a baꞌ u cꞌat, jeꞌ u yiriqueꞌ. Tu cotor mac cu cꞌatic a baꞌ u cꞌat, an ten bic caj u cꞌataj tiꞌ xib ich u jor yatoch. Jeꞌ u tsꞌabʌr tiꞌ.
\p
\v 11 Caj yaꞌaraj Jesús tiꞌ u camsʌwinicob:
\p ―Wa mac tiꞌ yʌn ta wicnʌnex a yʌn u pararoꞌ jeꞌ wa ju tsꞌic tiꞌ tunich wa caj u cꞌataj yoch pan? Mʌꞌ ju tsꞌic tunich tiꞌ. Jeꞌ wa ju tsꞌic tiꞌ can quir u chꞌic wa cu cꞌatic yoch cʌy? Mʌꞌ ju tsꞌic tiꞌ.
\v 12 Jeꞌ wa ju tsꞌic tiꞌ roroch quir u chiꞌic wa cu cꞌatic yoch yeꞌer cax. Mʌꞌ ju tsꞌic tiꞌ.
\v 13 A techexoꞌ cax jach cꞌasechex a werex a tsꞌiquex tiꞌ a parar a baꞌ jach tsoyoꞌ. Jach manan tsoyir a tiꞌ yʌn ich caꞌananoꞌ. Baxuc a Cꞌujoꞌ a tiꞌ yʌn ich caꞌanʌnoꞌ jach manan tsoyir cu tsꞌabʌr tiꞌ u Tajꞌor u Pixam Cꞌuj tiꞌ a mac a cu cꞌatic tiꞌeꞌ.
\s Pacꞌ u pach Jesús acaꞌan quisin tiꞌ
\r (Mt. 12.22‑30; Mr. 3.19‑27)
\p
\v 14 Caj u jocꞌsaj quisin Jesús tiꞌ a xiboꞌ a mʌꞌ ju jocꞌar u tꞌʌneꞌ. Caj tsꞌoc u jocꞌsic caj yʌnxchun u tꞌʌn. Rajen jaqꞌuij yorob a pimoꞌ.
\v 15 Chen yʌn mac mʌꞌ yaꞌabir caj u yaꞌarajob:
\p ―A jeꞌ xibaꞌ cu jocꞌsic cꞌacꞌas quisin quireꞌ yamtaꞌb ten Beelzebú quireꞌ raꞌ u Jach Tsꞌurir u quisinin.
\p
\v 16 Chen tiꞌ yʌnob u jerob u cꞌat u tus tumticob yor Jesús quir u yesic carem beyaj soc yerob wa tuchiꞌtaꞌb ten Cꞌuj wa mʌꞌ.
\v 17 Chen Jesús yer baꞌ cu tucricob tu yorob tu pʌcꞌob u pach u jach tsꞌurir quisin Jesús. Caj yaꞌaraj tiꞌob: 
\p ―Mʌꞌ ja wirej, tu cotor ruꞌum tu cu reyinticob rey. Wa ju jer junxot cu tsꞌictarob yejer u jer junxot cu bin u rʌc chꞌesicob u yet cajarob mʌꞌ ju pꞌat mac. Baxuc xan a mac pꞌeriꞌ cʌjricob ich yatoch cax u wʌcꞌʌs u bʌjob wa cu pacran tsꞌictarob cu bin u chꞌesicob u bʌj.
\v 18 Baxuc xan a Satanásoꞌ, wa ju winiquirob Satanás cu pacran tsꞌictarob cu bin u rʌc chꞌesicob u bʌj. Mʌnaꞌ mac cu bin u reyinticob Satanás. Quireꞌ techex ta waꞌarajex quin jocꞌsic in wet quisinin. Quireꞌ caj u yamtajen Beelzebú.
\v 19 Wa baxuc quin jocꞌsic quisin an ten bic ca tucriquex. Baxuc arex ten bic u camsʌwinicobex, cu jocꞌsicob a quisininoꞌ. Mʌꞌ u jocꞌsicob quireꞌ yamtaꞌb ten Beelzebú quireꞌ a werex yamtaꞌbob ten Cꞌuj quir u jocꞌsicob. Mʌꞌ ja taꞌquiquex in joꞌr, tan in yamtaꞌr ten Beelzebú. 
\v 20 Mʌꞌ taj cu yamtiquen Beelzebú quir in jocꞌsic quisin. Chen u mucꞌ Cꞌuj quir in jocꞌsic a quisinoꞌ. Aroꞌ cu yesic cꞌuchij tu qꞌuinin a reyintiquex Cꞌuj.
\p
\v 21 Tiꞌ toy cu camsic Jesús caj yaꞌaraj:
\p ―A werex ―quij Jesús―, a mac jach chich u mucꞌ, irej a quisinoꞌ, u mʌchmʌn u mascab quireꞌ cu cʌnantic a baꞌ yʌn tiꞌ.
\v 22 Caꞌ bin cꞌuchuc tu qꞌuinin cu tar a jach manan chich u mucꞌ, iren ―quij Jesús―. Cu tsꞌictar yejer a quisinoꞌ, cu rʌc toꞌcar u mascab tu cu cʌnantic a baꞌ yʌn tiꞌ, cu tsꞌocar u toꞌcar tiꞌ, cu rʌc chꞌic u jʌsic ich u racꞌob.
\p
\v 23 ’Quireꞌ a mac mʌꞌ ju yamtiquen cu yamtic a quisinoꞌ quireꞌ a mac mʌꞌ ju yamtiquen irej, tan u jocꞌsic mac caꞌ xic erar ich cꞌacꞌ.
\s A cꞌacꞌas quisinoꞌ caj urij a jocꞌsaꞌb cucheꞌ
\r (Mt. 12.43‑45)
\p
\v 24 Caj yaꞌaraj Jesús tiꞌob:
\p ―A uchoꞌ jocꞌsaꞌb quisinin ten mac tar cu manoꞌ u quisinin ich tacay ruꞌum tu yʌn u yet quisinin. Caj u cʌxtaj tu cu jesic u bʌj. Chen mʌꞌ tu yiraj. A quisinoꞌ caj yaꞌaraj: “Jeꞌ in caꞌ bin tu joqꞌuen a uchoꞌ soc in wʌcꞌʌs ocar tiꞌ.”
\v 25 Caj sutnʌj a quisinoꞌ caj u yiraj a jeꞌ xibaꞌ, irej yatoch toc misaꞌan chen mʌnaꞌ mac yʌnin u pixam a xiboꞌ, toc quiꞌ yor.
\v 26 Rajen caj bin u pʌyej siete yet quisinin jach manan cꞌas u yet quisinoꞌ. A tiꞌ uchoꞌ mʌꞌ nejach cꞌasiꞌ. Caj rʌc ocob a quisinoꞌ quir u tsꞌurintaꞌ a quisinoꞌ ten a xiboꞌ. A xiboꞌ a acaꞌan tiꞌ quisin jach manan cꞌas bajeꞌrer, a uchoꞌ mʌꞌ necꞌasiꞌ.
\s A mac jach quiꞌ yor jach jaj
\p
\v 27 Tiꞌ toy cu tsicbar Jesús tiꞌ a pimoꞌ. Turiꞌ xquic ich yicnʌnob caj u puraj u tꞌʌn tiꞌ Jesús caj yaꞌaraj:
\p ―Mun tsoyir a nʌꞌoꞌ a tu chꞌisajech a ta chuch a yim. 
\p
\v 28 Caj yaꞌaraj Jesús:
\p ―Jaj ixtʌc taj a baꞌ ca wac chen jach manan quiꞌ yor a cu quibic u tꞌʌn Cꞌuj a tan u man tu tsoyir a baꞌ cu betic.
\s A mac jach cꞌasoꞌ cu cꞌaticob yiricob carem beyaj
\r (Mt. 12.38‑42; Mr. 8.12)
\p
\v 29 Caj u rʌc tar a pimoꞌ uch quir u rʌc bʌcristicob Jesús, caj u yʌnxchun yaꞌaric ucheꞌ:
\p ―A techexoꞌ ―quij Jesús―, a mac cuxaꞌan u qꞌuinin bajeraꞌ jach cꞌasechex quireꞌ ca cꞌatiquex a wiriquex carem beyaj soc a werex wa tuchiꞌten Cꞌuj. Chen turiꞌ cu bin tsꞌabʌr techex soc a werex caj u tuchiꞌten Cꞌuj. Cu bin u betej Cꞌuj an ten bic caj u betaj tiꞌ yʌjtseqꞌuir u tꞌʌn Cꞌuj uch, u cꞌabaꞌ Jonás.
\v 30 Soc yerob winiquirob uch ich u cajar Nínive tuchiꞌtaꞌb ten Cꞌuj Jonás. Baxuc ten ―quij Jesús―, soc a wer caj u tuchiꞌtajen Cꞌuj xan.
\p
\v 31 Tiꞌ toy cu tsicbar Jesús tiꞌ a pimoꞌ:
\p ―Caꞌ bin cꞌuchuc ―quij Jesús―, tu qꞌuinin cu xur tꞌʌn, a ray u qꞌuininoꞌ, cu bin riqꞌuir mac a quimen a uchoꞌ. Cu bin tar xquic u reina u winiquirob u cajar Seba. Aroꞌ tar cu bin ʌcʌtan Cꞌujoꞌ, cu bin u taꞌquic a joꞌrex a mac cuxaꞌan u qꞌuinin bajeraꞌ, quireꞌ cꞌas caj a betaj techex. Mʌꞌ ja wirej, a ray xquicoꞌ jach nach u tar uch quir yubic u tꞌʌn Salomón quireꞌ u nejach er baꞌ Salomón. Chen tiꞌ yʌnen bajeꞌraꞌ ―quij Jesús―, jach noꞌjen a tenoꞌ. A Salomón uchoꞌ mʌꞌ nejach noꞌjiꞌ chen techex mʌꞌ ja quiꞌ quibiquex in tꞌʌn.
\v 32 Caꞌ bin cꞌuchuc tu qꞌuinin u xur tꞌʌn, a ray u qꞌuinin caꞌ bin xic ʌcʌtan Cꞌuj tu cotor mac. Quireꞌ u winiquirob tu cajar Nínive caꞌ bin tsꞌocac u riqꞌuir tu quimen a uchoꞌ. Tar cu binob ʌcʌtan Cꞌuj quir u taꞌquiquex a joꞌrob. Quireꞌ cꞌas caj betajex. Mʌꞌ ja wirej, robob caj u cꞌaxajob yorob soc u pꞌʌticob u cꞌasirob uch caj yubob caj u tsecꞌtic u tꞌʌn Cꞌuj Jonás. Mʌꞌ jach noꞌj a Jonás a uchoꞌ. Caj u cꞌaxob u yor u winiquirob u cajar Nínive. A tenoꞌ jach noꞌjen chen mʌꞌ tan a cꞌaxiquex a worex tiꞌ in tꞌʌn.
\s Ij quich irej quib
\r (Mt. 5.15; 6.22‑23)
\p
\v 33 U camsaꞌbar Jesús, irej cu tꞌʌbic quib quir u yercꞌacꞌtic mac. Rajen Jesús caj yaꞌaraj:
\p ―A mac a cu tꞌʌbic u quib caꞌ bin tsꞌocar u tꞌʌbic mʌꞌ u bʌric yejer xac. Mʌꞌ ju taꞌquic u quib tu yatoch soc mʌꞌ yiric mac. Caꞌ bin tsꞌocar u tꞌʌbic cu chen naꞌsic caꞌanan quir yercꞌacꞌtic a mac a cu yocar. Baxuc ten ―quij Jesús―. Mʌꞌ tin mucric u tꞌʌn Cꞌuj tiꞌ techex. Caj in chen tsecꞌtaj techex u tꞌʌn Cꞌuj ʌcʌtan tu cotor mac soc u rʌc uꞌwic.
\v 34 A quiboꞌ quir u yercꞌacꞌtic mac. Rajen wa mʌꞌ pꞌur butsꞌ tiꞌ u ras quib chʌcaꞌan ic betic a baꞌ ij cꞌat. Wa pꞌur butsꞌ tiꞌ u ras quib mʌꞌ u neyercꞌacꞌtic baꞌ. Rajen acꞌbir ij cʌjtoch soc mʌꞌ chʌcaꞌan ic betej a baꞌ ij cꞌat. Baxuc techex yejer a wichex wa tsoy ta tꞌʌn ca wiriquenex, jeꞌ u yocar in tꞌʌn tu quin camsic techex. Wa mʌꞌ tsoy ta tꞌʌn ca wiriquenex, mʌꞌ u yocar in tꞌʌn ta pixamex tu quin camsic techex, rajen a pixamex cu bin tu yacꞌbirir.
\v 35 Rajen quiꞌ cʌnantex a bʌj soc mʌꞌ ja rucꞌsiquex in tꞌʌn ich a pixamex quireꞌ wa ca mʌꞌquintic in tꞌʌn cu bin yacꞌbirchʌjʌr a pixamex.
\v 36 Quireꞌ wa tiꞌ yʌn in tꞌʌn ta pixamex wa mʌꞌ a cꞌʌs rucꞌsiquex in tꞌʌn ta pixamex cu bin u quiꞌ yamtic techex soc a manex tu tsoyir. Mʌnaꞌ yacꞌbirir ta pixamex. Aroꞌ an ten bic cu yercꞌacꞌtic tech quib.
\s Jesús tan u taꞌquic u joꞌrob u winiquirob judío a fariseojoꞌ yejer yʌjcamsayʌjirob u tꞌʌn Moisés
\r (Mt. 23.1‑36; Mr. 12.38‑40; Lc. 20.45‑47)
\p
\v 37 Caj tsꞌoc u tsicbar Jesús a baꞌ caj u camsaj sam. Caj tariꞌ turiꞌ a fariseojoꞌ caj payij quir u janʌn ich yatoch. Caj binij Jesús caj oquij caj curʌj tu pojcheꞌir tu cu janʌn.
\v 38 Rajen jaqꞌuij yor a fariseojoꞌ quireꞌ mʌꞌ tu pꞌoꞌaj u cꞌʌb Jesús, mʌꞌ toy janʌquiꞌ. Mʌꞌ ja wirej, u winiquirob judío a fariseojoꞌ nanij u pꞌoꞌic u cꞌʌb mʌꞌ toy janʌquiꞌ. Quireꞌ cu tucricob baxuc cu quiꞌquinticob yor Cꞌuj.
\v 39 Jesús yer jacꞌaꞌan yor a fariseojoꞌ, rajen caj u yaꞌaraj tiꞌ:
\p ―A techexoꞌ u winiquirechex judío a fariseojoꞌ, irechex ruch a ca pꞌoꞌiquex u pach chen tu japnin mʌꞌ a pꞌoꞌiquex. A techexoꞌ u winiquirechex judío a fariseojoꞌ irechex u rʌquir a woch a ta quiꞌ pꞌoꞌajex tu pach chen u japnin mʌꞌ ta pꞌojechexiꞌ, rajen tiꞌ toy eqꞌuiꞌ. A techex irex u ruchir a wochex chen pꞌoꞌaꞌan u pach, quireꞌ ca quiꞌ pꞌoꞌic a cꞌʌb soc mac yiric jach tsoyechex chen mʌꞌ a tucric wa pꞌoꞌaꞌan a pixamex. Jach ecꞌ a pixamex quireꞌ tu cotor a siꞌpirex.
\v 40 Mʌꞌ ja wirej, Cꞌuj caj u betaj ic winiquir baxuc ic pixam, rajen mʌꞌ u chen cꞌat caꞌ ichinʌcoꞌon ij winiquir, u cꞌat xan toc tsoy ic pixam xan.
\v 41 Soc yʌn techex jach tsoy a pixamex chuquex a baꞌ yʌn techex tiꞌ a mac a mʌnaꞌ tiꞌ.
\p
\v 42 ’Jach otsirechex u winiquirechex judío a fariseojoꞌ caj a chuquiquex tuririꞌ a baꞌ yʌn techex ich a diezoꞌ soc a tsꞌiquex tiꞌ Cꞌuj. Cax a baꞌ pʌcꞌar quir a tsꞌʌquic a bʌj, cax a baꞌ a tsꞌac a woch, a tuririꞌ ich a diezoꞌ. Jot, cax mʌꞌ a tsꞌiquex tiꞌ, quireꞌ mʌꞌ tan a yajquintic mac, mʌꞌ ca yajquintex Cꞌuj. Baꞌ quiriꞌ jach manan tsoyir caꞌ a yajquintex mac. Baxuc aroꞌ caꞌ a yajquintiquex Cꞌuj. Chen mʌꞌ a yʌn pꞌʌtiquex a tsꞌiquex tiꞌ Cꞌuj a baꞌ nani ca tsꞌiquex tiꞌ.
\p
\v 43 ’Jach otirechex u winiquirechex judío a fariseojoꞌ. A cꞌat caꞌ u yiriquechexob jach noꞌjechex. Rajen a cꞌatex u cutan jach tsoy ich tu cu naj cꞌujinticob Cꞌuj u winiquirob judío. Baxuc a cꞌatex soc mac cu quiꞌ tꞌʌniquex tu cu najmʌnicob yoch.
\p
\v 44 ’A techexoꞌ, jach otsirechex u winiquirechex judío a fariseojoꞌ. A techexoꞌ, u winiquirechex judío a fariseojoꞌ irechex u mucnaj mac tu cu najmuquic mac, chen mʌnaꞌ u mucnaj, mʌꞌ chʌcaꞌan. Rajen a mac a cu man tan u chꞌʌctic quireꞌ mʌꞌ yer wa mucaꞌan mac tiꞌ.
\p
\v 45 Tiꞌ yʌn turiꞌ yʌjcamsʌyʌjir u tꞌʌn Moisés caj u nuncaj caj yaꞌaraj:
\p ―Cax ca waꞌaric tiꞌob u winiquirob judío a fariseojoꞌ tan a pꞌastiquenob quireꞌ pꞌeriꞌenob yejer u winiquirob judío a fariseojoꞌ.
\p
\v 46 Caj yaꞌaraj Jesús tiꞌ yʌjcamsʌyʌjir u tꞌʌn Moisés: 
\p ―A techexoꞌ, jach otsirechex yʌjcamsʌyʌjirechex u tꞌʌn Moisés. Mʌꞌ ja wirej, ca tsꞌʌric u pach a racꞌob u betic a baꞌ jach yaj quireꞌ ca jenmastic u tꞌʌn Moisés. Aroꞌ irej a mac cu tsꞌʌric u pach caꞌ u cuchej a baꞌ jach ar, chen u bʌjiriꞌ mʌꞌ u yamtic u cuchej. Mʌꞌ ju cꞌat u cuchej.
\p
\v 47 ’Otsirechex yʌjcamsʌyʌjirechex u tꞌʌn Moisés, ca tsꞌʌpquintiquex tunich tu mucnaj yʌjtsequirob u tꞌʌn Cꞌuj soc tsoy yiric tu cotor mac. Raꞌiriꞌ yʌjtseqꞌuirob u tꞌʌn Cꞌuj a quinsaꞌb ten a nunquirex uch.
\v 48 Cax ca tsꞌʌpquintiquex tunich tu mucnaj soc a sʌjtiquex yʌjtseqꞌuirob u tꞌʌn Cꞌuj. Jach irex a nunquirex a mac tu quinsajob yʌjtseqꞌuirob u tꞌʌn Cꞌuj quireꞌ ich a tucurex a cꞌat a quinsenex.
\p
\v 49 ’Rajen Cꞌuj a yer tu cotor baꞌ caj yaꞌaraj: “Quin tuchiꞌtic yʌjtseqꞌuirob u tꞌʌn Cꞌuj tu yʌnechex, yʌn jun yar cu bin u quinsicob, yʌn jun yar cu bin tsꞌabʌr u mucꞌyajob”, baxuc caj yaꞌaraj Cꞌuj uch.
\v 50 Jach taj caj a betajex an ten bic caj u yaꞌaraj Cꞌuj. Rajen ca bin a boꞌotiquex u boꞌorir tu ta quinsajobex, cax tu yʌnxchun tu cotor baꞌ.
\v 51 Quireꞌ tu yʌnxchun u quinsicob Abel a uchoꞌ hasta u qꞌuinin bajeꞌrer caj u quinsajob Zacarías. Tiꞌ caj u quinsajob Zacarías nʌtsꞌaꞌan tu cu quinsicob wacʌx quir u tsꞌic tiꞌ Cꞌuj baxuc cꞌʌs nʌtsꞌaꞌan carem naj. Jeꞌ a rʌc bin a boꞌotiquex u boꞌorir tu rʌc quinsaꞌb yʌjtseqꞌuirob u tꞌʌn Cꞌuj. Tiꞌ techex a mac cuxaꞌan u qꞌuinin bajeꞌrer.
\p
\v 52 Caj yaꞌaraj Jesús tiꞌ yʌjcamsʌyʌjirob u tꞌʌn Moisés: 
\p ―Otsirechex techex ―quij Jesús―, yaꞌab ca najtiquex tiꞌ u tꞌʌn Moisés. Ca camsic tiꞌob xan, chen mʌꞌ a quiꞌ camsej a baꞌ jach tajeꞌ. Mʌꞌ ja quibiquex a baꞌ tiꞌ yʌn ich u tꞌʌn Moisés. A mac a ju cꞌat u quibej mʌꞌ a chaꞌic u quibic.
\p
\v 53 Caj tsꞌoc u tꞌʌn Jesús yejerob a fariseojoꞌ yejerob yʌjcamsʌyʌjirob u tꞌʌn Moisés, caj bin Jesús, jach tsꞌicob u winiquirob judío a fariseojoꞌ yejer yʌjcamsayʌjirob u tꞌʌn Moisés robob u cꞌat naꞌsicob yor quinsac Jesús. 
\v 54 Mʌꞌ ja wirej, caj u chꞌuctajob yubejob baꞌ cu yac Jesús soc u binob u taꞌquicob u joꞌr Jesús quireꞌ a baꞌ cꞌas caj u yaꞌaraj.
\c 12
\s Jesús caj u camsic soc mʌꞌ u cʌnicob caꞌtur yacꞌ
\p
\v 1 Tiꞌ toy cu tsicbar Jesús yejer u winiquirob judío a fariseojoꞌ yejer yʌjcamsʌyʌjirob u tꞌʌn Moisés. Quireꞌ caj u muchꞌquintob u bʌj u winiquirob judío. Jach tiꞌ yʌn miles quireꞌ tan u yachꞌʌticob u bʌj. Jesús caj u yʌnxchun yaꞌaric tiꞌ u camsʌwinicob quireꞌ u cꞌat u yʌn tsicbar yejer u camsʌwinicob. Rajen caj yaꞌaraj tiꞌob:
\p ―Quiꞌ cʌnantej a bʌjex tiꞌ u winiquirob judío a fariseojoꞌ soc mʌꞌ u tusaricob techex baꞌ. Soc mʌꞌ a cʌnicobex quireꞌ a baꞌ cu tus aric u winiquirob judío a fariseojoꞌ, irej u tsꞌac yoꞌoch pan cu sip.
\v 2 Rajen, mʌꞌ ja cʌnicobex quireꞌ tu cotor baꞌ cu mucricob mac jeꞌ u bin irbir ten mac. Quireꞌ a baꞌ cu tucric mac, mʌnaꞌ mac yer, chen jeꞌ u yerticobeꞌ.
\v 3 Rajen tu cotor baꞌ ca mucuꞌariquex yaꞌab mac cu bin yubic. Quireꞌ a wa baꞌ ca chan ber ariquex ich a watochex ta junanex yaꞌab mac cu bin yertic.
\s A mac a yʌn ic jach sʌjtic
\r (Mt. 10.28‑31)
\p
\v 4 Caj yaꞌaraj Jesús:
\p ―Quin wac techex a mac in jach yaj, mʌꞌ a chꞌiquex sajaquir tiꞌ a mac a cu bin u quinsiquechex. Quireꞌ caꞌ bin tsꞌocac u quinsiquechex quireꞌ mʌꞌ cꞌuchaꞌan yor baꞌ quir u betic techex.
\v 5 A tenoꞌ ―quij Jesús―, quin chen bin in waꞌaric techex mac yʌn a jach sʌjtiquex. Caꞌ a chꞌiquex sajaquir tiꞌ Cꞌuj quireꞌ caꞌ bin tsꞌocac u taquic a cuxtarex cꞌuchaꞌan yor u puriquechex ich cꞌacꞌ. Jach jaj raꞌ a jach sʌjtex. 
\p
\v 6 Caj yaꞌaraj Jesús:
\p ―Tu cotor mac yer cu conan cinco chan chꞌichꞌ tiꞌ caꞌtur chan majan taqꞌuin. Quireꞌ cu yiric mʌꞌ cojiꞌ. Chen a chan chꞌichꞌoꞌ mʌꞌ u tubur tiꞌ Cꞌuj, cax tuririꞌ. 
\v 7 Rajen mʌꞌ a chꞌiquex sajaquir quireꞌ jach cojechex a techexoꞌ. Mʌꞌ necoj, jach yaꞌab a chan chꞌichꞌoꞌ. Mʌꞌ ja wirej, mun Cꞌuj cu jach yajquintic techex cax yer mun yʌn u tsotser a joꞌrex.
\s A mac a cu toc aric tiꞌ mac: A tenoꞌ caj in wacsaj tin wor tiꞌ Cristo
\r (Mt. 10.32‑33; 12.32; 10.19‑20)
\p
\v 8 Caj yaꞌaraj Jesús:
\p ―A tenoꞌ quin wac techex a wa mac caj u toc araj caj u yacsaj tu yor tiꞌ u racꞌob. Baxuc a tenoꞌ baxuquenechexoꞌ. Quin bin in waꞌaric tiꞌ yʌjmasirob u tꞌʌn Cꞌuj: Aroꞌ caj u yacsaj tu yor ten.
\v 9 A wa mac mʌꞌ u cꞌat yaꞌaric wa caj u yacsaj tu yor tiꞌ u racꞌob, baxuc a tenoꞌ quin bin in wac tiꞌ yʌjmasirob u tꞌʌn Cꞌuj: Aroꞌ mʌꞌ u cꞌat yaꞌaric wa caj u yacsaj tu yor uch.
\p
\v 10 ’A wa mac a cu pꞌastic ten a tu tuchiꞌten Cꞌuj wa cu cꞌaxic yor, jeꞌ u jawsaꞌr ten Cꞌuj. Chen a wa mac a cu pꞌastic u Tajꞌor u Pixam Cꞌuj, mʌꞌ ju bin jawsaꞌbir u siꞌpir ten Cꞌuj.
\p
\v 11 ’Cax cu bin u puriquechex ʌcʌtan u tsꞌurir tu cu naj cꞌujinticob Cꞌuj u winiquirob judío. Cax ich gobernador cax ich presidente quireꞌ caj a wacsex ta wor ten. Mʌꞌ ja chen tucriquex bic tabar ca bin a nunquiquex tiꞌ. Mʌꞌ ja tucriquex a baꞌ ca bin waquex tiꞌ.
\v 12 A ray u qꞌuininoꞌ u Tajꞌor u Pixam Cꞌuj, jeꞌ u yac techex baꞌ yʌn a waquex tiꞌ.
\s Quiꞌ irej mʌꞌ u jach tꞌajʌr a taqꞌuinex yejer a baꞌtaquex 
\p
\v 13 Turiꞌ mac ich a pimoꞌ caj u puraj u tꞌʌn tiꞌ Jesús, caj yaꞌaraj:
\p ―In wʌjcamsʌyʌjirech, chan arej tiꞌ in sucuꞌun caꞌ u chʌc jʌse ten u baꞌtac in tetob a caj u pꞌʌtʌtenob caj quimin in tetob.
\p
\v 14 Caj u nunca Jesús caj yaꞌaraj:
\p ―Arej ten mac caj u tetajen caꞌ in waꞌarej bic tabar a jʌsiquex u baꞌtac a tetex? Rajen mʌꞌ in wac techiꞌ. 
\p
\v 15 Rajen Jesús caj u yaꞌaraj tiꞌ a pimoꞌ:
\p ―Quiꞌ cʌnantex a bʌj soc mʌꞌ a yajquintiquex a taqꞌuinex, bayiriꞌ tiꞌ a baꞌtaquex xan. Mʌꞌ ja wirej, cax a mac neyʌn u taqꞌuin yejer u baꞌtac, aroꞌ mʌꞌ u yaꞌaric wa jeꞌ u cuxtar yaꞌab qꞌuin.
\p
\v 16 Soc u cʌnicob a baꞌ caj u camsaj sam, rajen caj u yaꞌaraj a jeꞌraꞌ:
\p ―A uchoꞌ tiꞌ yʌn mac jach neyaꞌab u taqꞌuin quireꞌ u ruꞌum caj u netsꞌajaj u wich u pʌcꞌar.
\v 17 A xiboꞌ a mac jach neyaꞌab u taqꞌuin caj u tucraj ich yor caj yaꞌaraj: “Baꞌ quin bin in betej bajeꞌrer quireꞌ mʌꞌ tu quin wacsic in tsꞌʌpquin tin woꞌoch quireꞌ jach yaꞌab ten?”
\v 18 Caj tsꞌoc u tucric a baꞌ cu bin u betic caj yaꞌaraj: “In wer baꞌ quin bin in betic. Jeꞌ in rʌc paꞌic tu quin wacsic u cancheꞌir in woch caꞌ in jach cochquintej u jer soc jach carem. Soc tiꞌ quin bin in wacsic in woch yejer a baꞌ yʌn ten.”
\v 19 A mac jach neyaꞌab u taqꞌuin caj u tucraj tu yor, tan yaꞌaric tiꞌ u wʌcꞌʌs bʌjiriꞌ: “Toc yʌn baꞌ a cꞌat tiꞌ yaꞌab yaxqꞌuin. Tsireꞌej a beyaj chen jes a bʌj janen ucꞌurnen xan manen soc quiꞌ a wor.”
\v 20 Mʌꞌ toy tsꞌocac u tꞌʌn caj araꞌb ten Cꞌuj: “Jach chich a joꞌr, a jeꞌ acꞌbiraꞌ cꞌuchij tu qꞌuinin a quimin. Tu cotor a baꞌ a caj a ricꞌsaj mac cu bin u chꞌic?”
\v 21 Baxuc u bin u betic tu cotor mac a cu tucric u nonoꞌj bʌjiriꞌ yejer u baꞌtac a mun u qꞌuinin cuxaꞌan ich yocꞌocab. Chen mʌꞌ tu betaj a baꞌ cu bin u quiꞌquintic yor Cꞌuj. Chen ʌcʌtan tu wich Cꞌuj jach otsir.
\s Cꞌuj cu cʌnantic u pararob
\r (Mt. 6.25‑34)
\p
\v 22 Caj tsꞌoc u camsic Jesús a pimoꞌ caj u yaꞌaraj tiꞌ u camsʌwinicob:
\p ―Rajen quin wac tech: Mʌꞌ ja yʌn tucriquex baꞌ ca bin a jantex quir a cuxtarex. Mʌꞌ ja yʌn tucriquex a baꞌ ca bin a buquintex.
\v 23 Mʌꞌ ja wirej, jach noꞌj a cuxtarex chen a wochex mʌꞌ noꞌjiꞌ. Baxuc xan, jach noꞌj a winquirirex chen a noqꞌuex mʌꞌ noꞌjiꞌ.
\v 24 Quiꞌ tucrex a baꞌ quin bin in wac techex. A cꞌawojoꞌ, mʌꞌ ju pʌqꞌuic baꞌ mʌꞌ ju jaqꞌuic yoꞌoch, mʌꞌ cꞌuchaꞌan yor u ricꞌsic yoch ich cꞌancheꞌ soc caꞌ bin cꞌuchur tu qꞌuinin yʌn yoch. Chen mʌꞌ ju wichʌjʌr quireꞌ Cꞌuj cu jansic. Mʌꞌ wa jach manan cojechex a chꞌichꞌoꞌ, mʌꞌ necojiꞌ.
\p
\v 25 Caj yaꞌaraj Jesús:
\p ―Cax yaꞌab ca tucriquex u satsꞌʌr a baquerex, mʌꞌ ju satsꞌʌr a baquerex, mʌꞌ chichin.
\v 26 A werechex mʌꞌ cꞌuchaꞌan a worex a sʌtsꞌiquex a baquerex quireꞌ mʌꞌ nenoꞌj aroꞌ. Rajen mʌꞌ baꞌwir ca jach tucriquex a baꞌ ca bin a jantex, a baꞌ ca bin a wuqꞌuex, a baꞌ ca bin a buquintiquex.
\p
\v 27 ’Quiꞌ tucriquex a baꞌ quin bin in wac techex. Caj a wirajex bic tabar u chꞌijir u topꞌ chʌcmʌncheꞌ a jach tsoy u topꞌ. Ca wiric wa cu beyaj, mʌꞌ ju cꞌuch. A tenoꞌ quin wac techex. A rey Salomónoꞌ, u buquimʌn u nocꞌ uch, jach tsoy chen mʌꞌ jach quet tsoyir yejer chʌcmʌn cheꞌ, cax rey.
\v 28 A Cꞌujoꞌ cu chꞌisic u topꞌcheꞌ a tiꞌ yʌn ich cꞌax soc tsoy u topꞌ, chen tabar u tsꞌuꞌtsꞌur u topꞌ. Cu cꞌuchur mac cu maric quir u toquic ich cꞌacꞌ. Wa baxuc a Cꞌujoꞌ cu cʌnantic u topꞌcheꞌ. Baxuc a Cꞌujoꞌ cu cʌnantic techex, cax ca tucriquex mʌꞌ u cʌnantiquechex.
\v 29 Quireꞌ a mac yer cʌnantaꞌan ten Cꞌuj, mʌꞌ u yʌn tucric a baꞌ cu bin u jantej. Baxuc a baꞌ cu bin yuqꞌuej. Baxuc mʌꞌ u yʌn xacaꞌan tucur.
\v 30 Chen a mac a mʌꞌ yerob Cꞌuj cu tus tucricob aroꞌ quireꞌ xacaꞌan u tucricob baꞌ cu bin u jantejob. Baxuc a baꞌ cu bin u yucꞌurob chen ic Tet Cꞌuj, jach yer a baꞌ a cꞌatex.
\v 31 Barej cꞌajtex a baꞌ jach noꞌj tu cu bin u reyintic Cꞌuj. Wa ca yʌn cʌxtiquex aroꞌ, tu cotor a baꞌ a cꞌatex, jeꞌ u tsꞌic techex Cꞌuj. Cax a nocꞌ, cax a woch, cax a wucꞌur.
\s Jesús cu camsic u camsʌwinicob caꞌ u ricꞌsej a baꞌ jach coꞌoj soc yʌn ich caꞌanan
\r (Mt. 6.19‑21)
\p
\v 32 Jesús caj u yaꞌaraj tiꞌ u camsʌwinicob:
\p ―Mʌꞌ ja chꞌiquex sajaquir quireꞌ cax mʌꞌ pimechex. Mʌꞌ ja wirej, jach tsoy caj u tucraj Cꞌuj u yacsiquechex a reyintex tu cu reyintej Cꞌuj.
\v 33 Cʌnex a baꞌtaquex soc yʌn techex caꞌ a tsꞌic tiꞌ a mac otsirchʌjij. Wa baxuc ca betiquex, aroꞌ irej tan a ricꞌsiquex a baꞌ jach coꞌoj soc yʌn techex ich caꞌanan. A ti taroꞌ mʌꞌ u xupur quireꞌ munt qꞌuin tiꞌ yʌnoꞌ. Quireꞌ ti taroꞌ mʌnaꞌ mac cu yocar u muc u acꞌric. Baxuc a taroꞌ mʌꞌ ju jantic cꞌʌmʌs.
\v 34 Mʌꞌ ja wirej, a tu yʌn a ricꞌsmʌnex jach coꞌoj tiꞌ ca pachiquex a bin xan.
\s Toc quiꞌ pajenex caꞌ bin uruc Cristo
\p
\v 35 Jesús caj yaꞌaraj tiꞌ u camsʌwinicob bic tabar u qꞌuinin caꞌ bin uruc:
\p ―Toc pajenex caꞌ bin urquen ―quij Jesús―, an ten bic mac cu cʌnanticob yatoch u tsꞌurir quireꞌ.
\v 36 Bin u tsꞌurir, bin yiric u chꞌic u racꞌ mac. U winiquirob a tsꞌuroꞌ u toc buquimʌnob u nocꞌ. Toc tꞌʌbaꞌan u quib caꞌ bin cꞌuchuc tꞌʌnbir. Seb cu qꞌueyic u jor soc u yacsicob tiꞌ.
\v 37 Quiꞌ yor a mac a cu toc pajicob u tar u jach tsꞌurirob caꞌ bin uruc. Wa tu pajicob caꞌ bin uruc a ray u quininoꞌ, quin bin in waꞌaric tiꞌob caꞌ curacob tu janʌnob. Quin tsꞌabʌc tiꞌob quir u janʌnob.
\v 38 Techex jach quiꞌ a worex wa tan a toc pajiquenex caꞌ bin urquen. Cax chumuc acꞌbir. Caꞌ bin urquen, cax wa tan u sastar caꞌ bin urquen.
\v 39 Uyex baꞌ quin waquex tech. Jaj ixtʌcoj wa raꞌ u winquirir yatoch yer ixtʌcoj u qꞌuinin u tar yʌjacꞌrayʌjir baꞌtac caj u toc pajaj caꞌch soc mʌꞌ u chaꞌic yocar u yacꞌric. 
\v 40 Baxuc techex caꞌ a toc pajiquex quireꞌ wa raꞌ u qꞌuinin quin wuꞌur mʌꞌ tan a tucriquex in wuꞌur. A tenoꞌ a mac tuchiꞌtaꞌb ten Cꞌuj baxuquenechexoꞌ.
\s A winicoꞌ a mʌꞌ u quibic u tꞌʌn u tsꞌurir baxuc a winicoꞌ a cu quibic u tꞌʌn u tsꞌurir xan
\r (Mt. 24.45‑51)
\p
\v 41 Caj yaꞌaraj Pedro:
\p ―Wa chen tiꞌ tenob caj a waꞌaraj sam wa tiꞌ tu cotor mac xan.
\p
\v 42 Caj yaꞌaraj Jesús:
\p ―Caꞌ a cʌnex u caꞌ tsꞌurir a mac jach tꞌaj, a cu quib u tꞌʌn u Jach Tsꞌurir tsꞌaꞌb u cʌnantej a mac tiꞌ yʌn tu yatoch. Tan u tsꞌic tiꞌob u janʌnob caꞌ bin cꞌuchuc tu qꞌuinin u janʌnob u winiquirob u Jach Tsꞌurir.
\v 43 Rajen u caꞌ tsꞌurir quiꞌ yor quireꞌ irir ten u Jach Tsꞌurir tu quiꞌ quibaj u tꞌʌn caj ur tu yatoch.
\p
\v 44 Caj yaꞌaraj Jesús:
\p ―Jach taj quin waꞌaric techex. Jeꞌ u tsꞌabʌr u cʌnantej tu cotor baꞌ a tiꞌ yʌn ich yatoch.
\v 45 Chen wa ju caꞌ tsꞌurir cu tucric tu yor tan yaꞌaric: “In jach tsꞌurir amaꞌan cu cꞌuch, tin tꞌʌn.” Rajen tu yʌnxchun u jʌtsꞌicob u winiquirob cax xib cax xquic. Tan u nejanʌn tan u neꞌucꞌur xan, tan u carchʌj xan.
\v 46 U jach tsꞌurir jeꞌ u yuꞌur tu qꞌuinin mʌꞌ tan u pajic u caꞌ tsꞌurir quireꞌ mʌꞌ tu yaꞌaraj tiꞌ ber caꞌ bin uruc. Cu bin tsꞌabʌr u mucꞌyaj ten u jach tsꞌurir. Quet cu bin u mucꞌyaj yejer a mac a mʌꞌ yerob Cꞌuj quireꞌ mʌꞌ tu betaj a baꞌ u cꞌat u jach tsꞌurir.
\p
\v 47 Caj yaꞌaraj Jesús:
\p ―Chen a winicoꞌ a yer a baꞌ u cꞌat u jach tsꞌurir chen mʌꞌ tu quibaj a baꞌ araꞌb tiꞌ. Rajen caꞌ bin uruc u jach tsꞌurir araꞌ u qꞌuinin mʌꞌ tan u pajic. Jeꞌ u bin tsꞌabʌr u mucꞌyaj. Jach yaj cu bin mucꞌyaj.
\v 48 Chen a winicoꞌ, quireꞌ caj u betaj baꞌ, rajen bin u jatsꞌʌr u pach ten u jach tsꞌurir cax mʌꞌ yer a baꞌ u cꞌat u jach tsꞌurir caꞌch. Barej mʌꞌ neyaj cu bin jʌtsꞌbir u pach ten u jach tsꞌurir. Caꞌ bin u tsꞌabʌr u beyaj ten u jach tsꞌurir tiꞌ u cꞌurew yʌn u toc rʌc betic. Cax mʌꞌ yaꞌab u beyaj yʌn u rʌc tsꞌocsic. Cax yaꞌab u beyaj u tsꞌabʌr tiꞌ ten u tsꞌurir cu pajic u tsꞌocsic tiꞌ cax yaꞌab tiꞌ.
\s Jesús mʌꞌ u bin u pꞌeriꞌquintic yor yejer mac ich yocꞌocab 
\r (Mt. 10.34‑36)
\p
\v 49 Caj yaꞌaraj Jesús:
\p ―Quireꞌ taren a tenoꞌ ich yocꞌocab cu bin u pꞌujur yor mac aroꞌ irej cꞌacꞌ. An bic in cꞌat toc tsꞌacaꞌan in beyaj ich yocꞌocab.
\v 50 Chen yʌn in mucꞌyaj ―quij Jesús―, baxuc yʌn in quimin soc toy tsꞌacaꞌan in beyaj. Bic jach yaj in wor hasta caꞌ bin yʌnxchunuc in mucꞌyaj.
\v 51 Quireꞌ taren ―quij Jesús―, ca bin a tucrex a mac tiꞌ yʌn ich yocꞌocab mʌꞌ u bin u tsꞌictarob. Chen a tenoꞌ quin wac techex mʌꞌ u bin sistar yor yejer u racꞌob mac cu bin u rʌc pacran tsꞌictarob.
\v 52 Cu yʌnxchun bajeꞌrer hasta cu xur tꞌʌn wa tiꞌ yʌn cinco winic ich yatoch u tet. A mʌnaꞌ u nupoꞌ cu bin u tsꞌictarob yejer a caꞌturoꞌ. A caꞌturoꞌ cu bin u tsꞌictarob yejer a mʌnaꞌ u nupoꞌ.
\v 53 U tet cu tsꞌictar yejer u parar xan. U parar cu tsꞌictar yejer u tet xan. U nʌꞌ cu tsꞌictar yejer xquic u parar. A xquicoꞌ u parar cu tsꞌictar yejer u nʌꞌ. Yixquit cu tsꞌictar yejer yixquit. Cu pacran tsꞌictar yejer yixquit. 
\s Jesús cu yaꞌaric tiꞌ a pimoꞌ
\r (Mt. 16.1‑4; Mr. 8.11‑13)
\p
\v 54 Jesús caj yaꞌaraj tiꞌ a pimoꞌ:
\p ―Ca wiriquex u nacar u muyarir tu cu bin qꞌuin ca waquex jeꞌ u tar yaꞌrireꞌ. Jach jaj cu tar yaꞌrir.
\v 55 Wa cu tar yicꞌar ich nojar ca waquex bin u caꞌ chʌcʌrchʌjʌr qꞌuin. Jach taj cu chʌcʌchʌjʌr qꞌuin.
\v 56 Ca chen tusariquex caꞌ bin a wirex biquiraꞌ a caꞌananoꞌ. Baxuc a ruꞌumoꞌ a werex wa cu tar jaꞌ wa cu bin chʌcʌwchʌjʌr. Biquinin mʌꞌ a werex baꞌ u cꞌat yaꞌarej a baꞌ quin betic bajeꞌrer?
\s Jesús cu yaꞌaric: Caꞌ a sisquintic yor a mac a cu pꞌactiquechex 
\r (Mt. 5.25‑26)
\p
\v 57 Caj yaꞌaraj Jesús:
\p ―Biquinin mʌꞌ a bʌjiriꞌex ca tucriquex ta worex a baꞌ ca bin a betiquex?
\p
\v 58 Caj yaꞌaraj tiꞌ u camsʌwinicob:
\p ―Wa yʌn mac cu bin u puriquech ʌcʌtan ich juez quir yiric wa yʌn a boꞌor tiꞌ. Joqꞌuen sisquintej yor soc mʌꞌ u bin u puriquech ich juez. Wa mʌꞌ a bin a sisquintej yor, jeꞌ u bin u puriquech ich juez. Caj tsꞌoc yiric yʌn a siꞌpir cu bin u cꞌubiquech tu cu maꞌcʌr winic. 
\v 59 A tenoꞌ ―quij Jesús―, quin wac tech: Mʌꞌ u bin u chaꞌic tech hasta ca rʌc boꞌotic a boꞌor.
\c 13
\s Jesús caj u tꞌʌnaj caꞌ u cꞌaxej yor a pimoꞌ
\p
\v 1 Raꞌiriꞌ u qꞌuinin tiꞌ yʌn mac ich Jesús. Mʌꞌ ja wirej, tarob u toc arob tiꞌ Jesús a baꞌ u ber tiꞌ u winiquirob judío a cu tarob ich u ruꞌumin Galilea. Quireꞌ quinsaꞌb ten u soldado, Pilato, tu cu quinsicob wacʌx quir u tsꞌic tiꞌ Cꞌuj. Quireꞌ araꞌb ten Pilato.
\v 2 Jesús caj u nuncaj tiꞌob, caj yaꞌaraj:
\p ―Ca tucriquex wa jach cꞌasob a cu tarob ich u ruꞌumin Galilea? Rajen quinsaꞌb tu cu naj cꞌujinticob Cꞌuj. Barej u racꞌob a cu tarob ich u ruꞌumin Galilea mʌꞌ necꞌasiꞌ. 
\v 3 Rajen quin wac techex ―quij Jesús―, mʌꞌ taj a baꞌ ca waquex. Baxuc techex wa mʌꞌ tan a cꞌaxiquex a worex caj a pꞌʌtex a cꞌasoꞌ jeꞌ a rʌc quiminex xan, irej tiꞌob caꞌ quinsaꞌb.
\v 4 Cꞌaj wa techex a mac petsꞌtaꞌb ten u tunichir tu tsꞌʌpaꞌan? Bʌytʌc tu yʌn u tsꞌʌpaꞌan tunich caꞌanan u cꞌabaꞌ Siloé soc nach cu yiric. Caj petsꞌtaꞌbob dieciocho. Arex ten wa jach cꞌasob rajen petsꞌtaꞌb chen a mac ich u cajar Jerusalén mʌꞌ necꞌasobiꞌ?
\v 5 Rajen quin wac techex ―quij Jesús―, mʌꞌ taj a baꞌ ca waquex. Baxuc techex wa mʌꞌ tan a cꞌaxiquex a worex caꞌ a pꞌʌtex a cꞌasoꞌ. Jeꞌ a rʌc quiminex xan, irej caj petsꞌabob.
\s Quir u camsic tiꞌ u pʌcꞌar higuera a mʌꞌ ju wichʌncʌr 
\p
\v 6 Jesús caj u camsaj baxuc a jeꞌ tꞌʌnaꞌ soc tabar u cꞌaxicob u yorob. Rajen caj yaꞌaraj:
\p ―Tiꞌ yʌn u pʌcꞌar higuera ich corir u yaqꞌuir uva mac. Caj bin yiric wa yʌn u wich. Mʌꞌ tu yira u wich. 
\v 7 Rajen ―quij Jesús―, caj araꞌb ten a mac yʌnin u cor tiꞌ a mac a cu cʌnantic u cor: “Yʌn tres yaxqꞌuin, rajraꞌ quin tar in wiric wa yʌn u wich higuera. Chen mʌꞌ in wiric u wich. Toc chꞌʌquej u cheꞌer, baꞌwir cu cꞌʌnic u ruꞌumin?”
\v 8 Caj araꞌb ten a mac a cu cʌnantic u cor: “Tsireꞌej, Jach Tsꞌurir ―quij―, soc in juptic u ruꞌumin chen a jeꞌ yaxqꞌuinaꞌ quin bin in purej u taꞌ tsimin soc u neꞌichancʌr.
\v 9 Jaj ixtʌcoj, jeꞌ u wichancʌr caꞌ bin tac tu qꞌuinin u wichʌncʌr. Jach Tsꞌurir, wa mʌꞌ u wichancʌr, arej in chꞌʌquej.”
\s Jesús cu jawsic a pꞌux u bin xquic u qꞌuinin u jesicob u bʌj u winiquirob judío
\p
\v 10 U qꞌuinin u jesicob u bʌj u winiquirob judío, Jesús caj u camsaj u winiquirob judío tu cu naj cꞌujinticob Cꞌuj.
\v 11 Tiꞌ yʌn tu cu naj cꞌujinticob Cꞌuj uch xquic, a pꞌux u bin, yʌn dieciocho yaxqꞌuin caj u cʌnaj u yajir. Quireꞌ acaꞌan cꞌacꞌas quisin tiꞌ, rajen mʌꞌ u tajtar u pach.
\v 12 Rajen Jesús caj yiraj caj u tꞌʌna caj yaꞌaraj tiꞌ: 
\p ―Xquic ―quen―, toc jaw a yajir.
\p
\v 13 Caj u tsꞌancꞌʌbtaj seb caj tajij xquic a pꞌux u bin cuch. Caj u yʌnxchun yaꞌaric tiꞌ Cꞌuj:
\p ―Bayoꞌ Cꞌuj ―quij―, caj a jawsajen.
\p
\v 14 Chen u jach tsꞌurir tu cu naj cꞌujinticob Cꞌuj u winiquirob judío caj tsꞌiquij quireꞌ yiraj u jawsic Jesús xquic u qꞌuinin cu jesicob u bʌj u winiquirob judío. Rajen caj yaꞌaraj tiꞌ a mac tiꞌ yʌnob. Yʌn seis u qꞌuinin quir a beyajex techex. A seis u qꞌuininoꞌ tsoy a tarex quir a jawsic a yajirex, chen mʌꞌ raꞌ u qꞌuinin bajeꞌraꞌ. 
\p
\v 15 Caj u nuncaj Jesús caj yaꞌaraj tiꞌ:
\p ―Caꞌ yarir a wacꞌ a techexoꞌ ca tus etsꞌiquex a cꞌujintiquex Cꞌuj. Mʌꞌ wa tiꞌ yʌn mac a teraꞌ a mʌꞌ ju siptic yʌrʌcꞌ wacʌx yejer yʌrʌcꞌ tsimin tu cu jansic quir u tsꞌic u yucꞌur cax raꞌ u qꞌuinin caj u jesob u bʌj u winiquirob judío? Jach taj ca siptiquex tiꞌ quir a tsꞌic yoꞌoch jaꞌ.
\v 16 Irex a jeꞌ xquicaꞌ, u parar u caꞌ parar Abraham uch. Yʌn dieciocho yaxqꞌuin caj yajij quireꞌ quisin. Jach jaj yʌn u bin siptaꞌbir u yajirir cax tu qꞌuinin caj u jesob u bʌj u winiquirob judío.
\p
\v 17 Mʌꞌ toy tsꞌocac Jesús u tsicbar tiꞌob tu cu naj cꞌujinticob Cꞌuj a mac tu pʌcꞌob u pach Jesús caj u chꞌajob suraquir. Chen u jerob u racꞌob caj quiꞌjij yorob quireꞌ yirob carem u beyajob Jesús a caj u betaj tiꞌ a xquicoꞌ.
\s Quir u camsic tiꞌ u yijir mostaza
\r (Mt. 13.31‑32; Mr. 4.30‑32)
\p
\v 18 Jesús caj yaꞌaraj:
\p ―Bin in caꞌ in camsic techex soc a werex cu bin u reyintic Cꞌuj soc a pꞌerquintiquex.
\v 19 Aroꞌ irej u yijir mostaza jach mijin. Barej cu chꞌic u pʌqꞌuic ich u chan cor. Cu chꞌijireꞌ cu majan xitꞌir u cꞌʌbir. A chꞌichꞌoꞌ cu tar u cꞌʌxic u cꞌuꞌ ich u cꞌʌbir. 
\s Quir u camsic tsꞌac a cu sipꞌoꞌ
\r (Mt. 13.33)
\p
\v 20 Tiꞌ toy cu tsicbar Jesús caj u caꞌ aꞌaraj:
\p ―Bin in caꞌ in pꞌeriꞌquintic u ruꞌumin tu cu bin u reyintej Cꞌuj.
\v 21 An bic ten cu sipꞌ yoch pan wa cu puric tsꞌac. Mʌnaꞌ u nup u puric u tenin u tsꞌac ich harina cu tsꞌocar u puric u tsꞌac cu rʌc sipꞌ tu cotor.
\s Jesús cu camsic a pimoꞌ: Pꞌis a bʌj soc a wocarex tu cu bin u reyinticob Cꞌuj cax cꞌax u jor tu cu yocar 
\r (Mt. 7.13‑14, 21‑23)
\p
\v 22 Tiꞌ toy cu bin Jesús ich u berir Jerusalén. Tiꞌ cu man ich u chan cajar baxuc ich u yajaw cajar a tiꞌ yʌn ich bej. Tiꞌ cu camsic mac ti taroꞌ.
\v 23 Yʌn mac tu cꞌataj tiꞌ:
\p ―Jaj Tsꞌurir ―quij―, arej ten wa yaꞌab cu bin tacbir ten Cꞌuj wa mʌꞌ yaꞌab cu bin tacbir?
\p Jesús caj yaꞌaraj tiꞌ a pimoꞌ:
\p ―Mun cu bin tacbir?
\v 24 Jach pꞌisex a bʌjex quir a wocarex tu cu bin u reyinticob Cꞌuj cax yaj tu ca wocarex. Quiꞌ tucriquex quireꞌ mʌꞌ yaꞌab cu bin yocar tiꞌ.
\v 25 Mʌꞌ ja wirej ―quij Jesús―, jeꞌ u cꞌuchur tu qꞌuinin a mac yʌnin yatoch cu bin u cꞌʌric u jor. Caꞌ bin taquechex ich tancab caꞌ bin a yʌn tꞌʌniquex: “Qꞌueyej in joꞌrob, Jaj Tsꞌurir, quir in wocarob.” Chen a tiꞌoꞌ cu bin u nunquic: “Mʌꞌ in wer maquechex, mʌꞌ in wer tub a tarex.”
\v 26 Raꞌiriꞌ u qꞌuinin ca bin a yʌnxchun a waꞌariquex: “Pꞌeriꞌ ic janʌn uch, pꞌeriꞌ ij cucꞌur xan uch. Baxuc caj a camsajenob tu berir uch tu cʌjaꞌanenob.”
\v 27 A Jaj Tsꞌuroꞌ caꞌ bin u nunquej: “Caj in waꞌaraj caꞌch mʌꞌ in wer tub a tarex. Caꞌ xiquechex tu cotorex quireꞌ nanex a manex ta cꞌasirex.”
\v 28 Caꞌ bin a wacꞌtiquex a bʌj caꞌ bin a jʌchꞌiquex a coj quireꞌ tsꞌiquechex quireꞌ caj a wiraj mʌꞌ u yacsiquechex. Quireꞌ caj a wiraj u yacsaꞌrob Abraham yejer Isaac yejer Jacob yejer tu cotor yʌjtseqꞌuirob u tꞌʌn Cꞌuj. Chen tancab pꞌatechex tu cu yocarob u reyinticob Cꞌuj.
\v 29 A winicoꞌ tar cu bin tarob tu cu tar qꞌuin. Baxuc cu bin tarob tu cu bin ic yum. Baxuc cu bin tarob xʌman caꞌanan. Baxuc cu bin tarob ich nojar. Tiꞌ cu rʌc binob ich caꞌanan tu cu bin u reyinticob Cꞌuj. Tiꞌ cu bin cutarob u janʌnob.
\v 30 Uꞌyex baꞌ quin wac, yʌn mac a teraꞌ mʌꞌ noꞌjiꞌ chen caꞌ bin cꞌuchuc tu qꞌuinin tu cu bin u reyinticob Cꞌuj jach noꞌj. Yʌn mac a teraꞌ jach noꞌj bajeꞌraꞌ caꞌ bin cꞌuchuc tu qꞌuinin tu cu reyintic Cꞌuj. Mʌꞌ noꞌjiꞌ.
\s Jesús cu toc aric: Tabar in quinsaꞌ ich u cajar Jerusalén 
\r (Mt. 23.37‑39)
\p
\v 31 Jesús caj tsꞌoc u camsicob a baꞌ caj u yaꞌaraj sam. Caj cꞌuchij mʌꞌ yaꞌab u winiquirob judío a fariseojoꞌ. Caj yaꞌarob tiꞌ:
\p ―Caꞌ xiquech quireꞌ Herodes u cꞌat u quinsiquech.
\p
\v 32 Jesús caj yaꞌaraj tiꞌob:
\p ―A Herodesoꞌ, rajiꞌ cu tusaric mac. Joqꞌuenex a waꞌariquex tiꞌ: “Chen teꞌ yʌnenaꞌ, mʌꞌ yaꞌab u qꞌuinin soc in yʌn jocꞌsic a mac acaꞌan cꞌacꞌas quisin tiꞌ. Soc in yʌn jawsic u yajir mac xan. Tabar in tsꞌocsic in beyaj a teraꞌ.”
\v 33 Arex ―quij Jesús―, tiꞌ Herodes a baꞌ quin betic bajeꞌraꞌ. Baxuc xan in betic saman. Baxuc yʌn in betic caꞌbej xan hasta quin cꞌuchur ich u cajar Jerusalén. Quireꞌ ich u cajar Jerusalén tiriꞌ cu quinsicob yʌjtseqꞌuirob u tꞌʌn Cꞌuj, mʌꞌ a teraꞌ ―quij Jesús.
\p
\v 34 Caj yaꞌaraj Jesús:
\p ―A techexoꞌ tiꞌ cʌjaꞌanechex ich u cajar Jerusalén. Ca quinsiquex yʌjtseqꞌuirob u tꞌʌn Cꞌuj uch. Ca rʌc chꞌiniquex u joꞌrob a mac tuchiꞌtaꞌb ten Cꞌuj tiꞌ techex. Yaꞌab u tenin in cꞌat in muchꞌquintic techex an ten bic cax cu juquintic yar soc u cʌnantic. Chen techex mʌꞌ ja cꞌatex in muchꞌquintiquechex baxuc aroꞌ.
\v 35 Uꞌyex baꞌ quin wac techex. Caj in toc pꞌʌtechex ta junanex. Quin wac techex mʌꞌ a bin a wiriquenex hasta cu cꞌuchur tu qꞌuinin a ray u qꞌuininoꞌ ca waquex: “Caꞌ ij cꞌujintej a jeꞌ xibaꞌ a cu tar quireꞌ tuchiꞌtaꞌb ten Cꞌuj.”
\c 14
\s Jesús cu jawsic a chup u bʌqꞌueroꞌ
\p
\v 1 Caj cꞌuchij tu qꞌuinin caj bin tu janʌn Jesús ich yatoch u tsꞌurir u winiquirob judío a fariseojoꞌ quireꞌ pʌybir. Ray u qꞌuinin u jesicob u bʌj u winiquirob judío. A ju yet janʌnob tan u chꞌucticob a baꞌ cu bin u betej Jesús. 
\v 2 Tiꞌ yʌn xib xan tu yʌn Jesús. A yʌn u yajir chup u bʌqꞌuer. 
\v 3 Jesús caj yaꞌaraj tiꞌob a fariseojoꞌ yejer yʌjcamsayʌjirob u tꞌʌn Moisés a ju yet janʌnob, caj yaꞌaraj tiꞌob:
\p ―Baꞌ cu yaꞌaric tu tsꞌibaꞌan u tꞌʌn Moisés? Cu chaꞌic wa jic jawsic u yajir mac wa mʌꞌ u chaꞌic ic jawsic mac u qꞌuinin quir a jesiquex a bʌjex?
\p
\v 4 Mʌnaꞌ mac caj u nuncaj a baꞌ cꞌataꞌb tiꞌob. Rajen Jesús caj u mʌchaj u cꞌʌb caj u jawsaj u yajir. Caj tsꞌoc u jawareꞌ caj u chaꞌ u bin a mac jawsaꞌb.
\v 5 Jesús caj yaꞌaraj tiꞌob a mac rʌc tiꞌ yʌnob ich yatoch u tsꞌurir a fariseojoꞌ:
\p ―Wa yʌn techex a wʌrʌcꞌ chan tsimin cax a wʌrʌcꞌ wacʌx ton, wa pitcꞌʌjij caj butꞌ ich u jorir ruꞌum ich yicꞌ jaꞌ, mʌꞌ wa seb ca jariquex cax u qꞌuinin a jesiquex a bʌjex?
\p
\v 6 Mʌꞌ cꞌuchaꞌan yor u nunquicob tiꞌ Jesús.
\s Jesús caj u camsaj a mac tiꞌ yʌnob ich yatoch u tsꞌurir a fariseojoꞌ
\p
\v 7 Jesús caj yiraj bic cu teticob u cutanob a payob tu janʌnob. U cꞌat u cutarob soc jach noꞌj tu curaꞌanob. Rajen Jesús caj yaꞌaraj tiꞌob:
\p
\v 8 ―Wa ju pʌyiquechex mac quir a janʌnex tu cu bin u chꞌic u racꞌ. Mʌꞌ ja yʌn cutarex tu cu cutar a mac jach noꞌj. Quireꞌ wa tiꞌ ca cutarex jaj ixtʌcoj wa cu tar a mac jach noꞌjoꞌ quireꞌ techex mʌꞌ jach noꞌjechexiꞌ. 
\v 9 Wa tiꞌ curaꞌanech cu bin tar yac tech a mac tu pay a janʌn: “Chan joqꞌuen a techoꞌ ―quij― caꞌ xiquech tiꞌ taroꞌ soc in wacsic a jeꞌ xibaꞌ teraꞌ ta cutan.” Rajen ―quij Jesús―, caꞌ bin a chꞌic suraquir tu ca bin a cutar tu mʌꞌ noꞌj a cutan.
\v 10 Chen wa cu payiquechex mac quir a janʌnex tu cu bin u chꞌic u racꞌ. Tar a cutarex tu curaꞌan a mac mʌꞌ noꞌjoꞌ soc wa cu tar a mac tu pʌyechex cu bin yac techex: “In jach yajech ―quij―, cojen a cutar tu jach noꞌj.” Raꞌiriꞌ u qꞌuinin cu bin sʌjtaꞌbirechex ten a mac curaꞌanob janʌnob yejerech.
\v 11 Mʌꞌ ja wirej ―quij Jesús―, a mac a cu tucric: Jach noꞌjen, a Cꞌujoꞌ cu bin yiric mʌꞌ noꞌjiꞌ. A mac a cu tucric: Mʌꞌ noꞌjen a tenoꞌ, a Cꞌujoꞌ cu bin yiric jach noꞌj.
\p
\v 12 Jesús tiꞌ toy cu tsicbar tiꞌ a mac caj u pʌy tu janʌn. Caj yaꞌaraj tiꞌ:
\p ―Barej ca pʌyic mac quir u janʌnob cax cu quiꞌ janʌnob? Mʌꞌ ja chen pʌyic a mac a jach yaj. Mʌꞌ ja pʌyic a witsꞌinob, mʌꞌ ja pʌyic a bʌjob, mʌꞌ ja pʌyic a wet cajar a neyʌn u taqꞌuinob quireꞌ baxuc xan cꞌuchaꞌan yorob u wʌcꞌʌs pʌyiquech ta janʌn xan. Baxuc aroꞌ tu wʌcꞌʌs botechob. 
\v 13 Chen wa ca pʌyiquex mac quir u quiꞌ jananob. Pʌyej a mac otsij, baxuc pʌyej a xon cꞌupaꞌan yocoꞌ wa ju cꞌʌb xan. Baxuc pʌyej a mech yoqueꞌ. Baxuc pʌyej a chꞌop u wicheꞌ xan.
\v 14 Wa baxuc ca pʌyicob janʌnob a Cꞌujoꞌ cu bin u quiꞌquintic a wor quireꞌ a raꞌ winiquirob mʌꞌ cuchaꞌan yorob u wʌcꞌʌs boꞌotiquech tu ta payajexob. Chen Cꞌuj cu bin u boꞌotiquex caꞌ bin riqꞌuic a mac quimenoꞌ a mac curʌjij an ten bic Cꞌuj u cꞌat uch.
\s Jesús cu camsic tiꞌ a mac a mʌꞌ u cꞌat u tarob u quiꞌ janʌnob
\p
\v 15 A mac a pꞌeriꞌ curic janʌnob a caj u yubaj yaꞌaric Jesús caj yaꞌaraj tiꞌ Jesús:
\p ―Jach quiꞌ yorob a mac a cu bin janʌnob tu qꞌuinin cu bin u reyinticob Cꞌuj a payob janʌnob. Baꞌiriꞌ cu cꞌuchur quir u janʌn.
\p
\v 16 Jesús caj yaꞌaraj tiꞌ:
\p ―Yʌn mac caj u toc pʌyaj yaꞌab caꞌ tac u quiꞌ janʌnob. Tar cu bin pʌybir tu yatochob.
\v 17 Caj cꞌuchij tu qꞌuinin toc tsꞌacaꞌan yoꞌoch caj tuchiꞌtaꞌb caꞌ u tꞌʌnej a mac payob janʌnob uch. U cꞌurewob a tu pʌyaj tiꞌ janʌnob: “Cojen ―quij―, toc tsꞌacaꞌan a wochex.” 
\v 18 Chen tu cotor a payob caꞌch caj u yʌnxchun yaꞌarob. Biquinin mʌꞌ cꞌuchaꞌan yor u binob, a tu yʌn cꞌuch, caj yaꞌaraj: “A tenoꞌ caj in mʌnaj in ruꞌum, yʌn in bin in wiric biquiraꞌ. Toc chan arej tiꞌ a jach tsꞌurir mʌꞌ cꞌuchaꞌan in wor in tar. Arej u jawsen a Jaj Tsꞌurir.” 
\v 19 Caj cꞌuchij u cꞌurew ich u jer a mac payob caꞌch. Rajiꞌ caj u yaꞌaraj: “A tenoꞌ caj in mʌnaj cinco caꞌ caꞌtur in wʌrʌcꞌ wacʌx a ton, a cu jitic baꞌ. Bin in caꞌ in wirej wa cu beyajob. Toc chan arej tiꞌ a Jach Tsꞌurir mʌꞌ cꞌuchaꞌan in wor in tar. Arej u jawsen.”
\v 20 Caj cꞌuchij u cꞌurew ich u jer a mac payob uch. Rajiꞌ caj u yaꞌaraj: “Mʌꞌ jin tar ―quij―, quireꞌ tant in chꞌic in racꞌ, rajen mʌꞌ cꞌuchaꞌan in wor in tar.”
\v 21 Caj tsꞌoc yuꞌur u cꞌurew caj yaꞌaraj tiꞌ u Jach Tsꞌurir a baꞌ caj u yaꞌaraj a mac payob uch. Rajen caj tsꞌiquij caj yaꞌaraj tiꞌ u cꞌurew: “Sebquintej a bin ich tanbej ich u cajar, baxuc ich u berir u cor mac. Caꞌ a rʌc pʌyic a mac otsir. Baxuc a mac xoncꞌub yoc wa cꞌʌb. Baxuc a mac mech. Baxuc a mech yoqueꞌ. Baxuc a chꞌop u wichoꞌ xan.”
\v 22 Caj tsꞌoc u betic aroꞌ caj wʌcꞌʌs bin ich u Jach Tsꞌurir caj yaꞌaraj: “In Jach Tsꞌurir ―quij―, caj in toc betaj a baꞌ caj a waꞌaraj. Tiꞌ toy yʌn, mʌꞌ chupuc a watoch.” 
\v 23 Caj yaꞌaraj tiꞌ u cꞌurew: “Joqꞌuen, rʌc pʌyej ich tancab u cajar cax tu cu manob ich bej. Chich pʌyob caꞌ tacob tu janʌnob soc u rʌc chupur in watoch.”
\v 24 Caj yaꞌaraj u Jach Tsꞌurir: “Taj quin wac tech a mac a caj in yʌn pʌyajob, mʌꞌ ju bin u janticob in woch. A toc tsꞌacaꞌan, quireꞌ mʌꞌ in chaꞌic u tarob.”
\s A mac a cꞌuchaꞌan yor u sayʌr tu pach Jesús quir u cʌnic u tꞌʌn
\p
\v 25 Pꞌeriꞌ cu binob Jesús yejer a pimob. Caj u sut u bʌj caj u yaꞌaraj tiꞌob:
\p
\v 26 ―Wa mac ich techex u cꞌat u tar tin pach quir u cʌnic in tꞌʌn. Wa ju jach yajquintic u tet yejer u nʌꞌ yejer u racꞌ yejer u parar yejer u bʌjob. Cax u wʌcꞌʌs bʌjiriꞌ chen mʌꞌ ten u quiꞌ yajquintic ten ―quij Jesús―, aroꞌ mʌꞌ cꞌuchaꞌan yor u tar u cʌnic in tꞌʌn.
\v 27 Wa mac ich techex ―quij Jesús―, mʌꞌ u cꞌat u mucꞌyaj, mʌꞌ u cꞌat u quimin, cax ich cruz wa raꞌ u cꞌat Cꞌuj. Arej mʌꞌ cꞌuchaꞌan yor u tar u cʌnic in tꞌʌn.
\v 28 Wa mac ich techex ―quij Jesús―, u cꞌat u tsꞌʌpquintic tunich soc u cꞌʌxic yatoch jach carem. Cu yʌn tucric mun u boꞌorir, mʌꞌ toy yʌnchun u beyaj soc yiric wa cꞌuchaꞌan u tsꞌocsic tiꞌ.
\v 29 Wa mʌꞌ tu quiꞌ tucraj mun u boꞌorir quir u tsꞌocsic caꞌ bin u tsꞌʌpquintic tunich quir u nacsic u joꞌr caꞌanan. Caꞌ bin yirej mʌꞌ cꞌuchaꞌan yor u tsꞌocsic. Tu cotor mac cu bin tar u cheꞌticob quireꞌ caj u yirob mʌꞌ cꞌuchaꞌan yor u tsꞌocsic.
\v 30 Cu bin u yaꞌaricob: “A jeꞌ xiboꞌ caj u yʌnxchun cu chen tsꞌʌpquintic tunich mʌꞌ cꞌuchaꞌan yor u tsꞌocsic.” Baxuc a mac a cu tar u cʌnic in tꞌʌn. Cu yʌn tucric mun u boꞌorir wa toy yʌnxchun u tar tin pach.
\p
\v 31 Jesús caj yaꞌaraj tiꞌ a pimoꞌ, a mac tarob tu pach: 
\p ―Baxuc a reyoꞌ ―quij Jesús―, wa cu bin u tsꞌictar yejer u yet reyir quireꞌ pꞌactaꞌb. Cu yʌn quiꞌ tucric wa cꞌuchaꞌan yor tiꞌ quir u nupꞌic yejer diez mil, cax yet reyir yʌn veinte mil soldado.
\v 32 Wa cu yiric mʌꞌ cꞌuchaꞌan yor tiꞌ yet reyir. Tiꞌ toy yʌn yet reyir nach, tan u tar quinsbir. Jeꞌ u tuchiꞌtic mac quir u sisquintic yor soc cu pꞌeriꞌquinticob yor soc mʌꞌ ju tar quir u quinsaꞌ.
\v 33 A mac a cu bin u betic a baꞌ jach noꞌj, yʌn u quiꞌ tucric wa cꞌuchaꞌan yor u tsꞌocsic. Baxuc techex ―quij Jesús―, mʌꞌ cꞌuchaꞌan a worex a tar a cʌniquex in tꞌʌn, wa mʌꞌ a cꞌat a pꞌʌtiquex tu cotor a baꞌ yʌn techex. 
\s Jesús cu camsic tiꞌ a xaꞌanoꞌ a mʌꞌ tabtaꞌaniꞌ
\r (Mt. 5.13; Mr. 9.50)
\p
\v 34 Caj yaꞌaraj Jesús:
\p ―A wochexoꞌ, mʌꞌ quiꞌ wa mʌꞌ tabtaꞌan yejer xaꞌan. Chen wa cu rucꞌur u xaꞌanin. Baꞌ yʌn ic betej soc u wʌcꞌʌs tar u xaꞌanin?
\v 35 A rucꞌaꞌan u xaꞌaninoꞌ, mʌꞌ baꞌwir tiꞌ, mʌꞌ tiꞌ a cor quir u chꞌisej baꞌ an ten bic u taꞌ tsimin, ca chen jocꞌsic a puric nach. Baxuc techex wa mʌꞌ a quibiquex in tꞌʌn cu bin u jocꞌsic u puric techex. Quiꞌ uꞌyex a baꞌ quin wac.
\c 15
\s Jesús cu camsic tiꞌ tʌmʌn yuc a satʌroꞌ
\r (Mt. 18.10‑14)
\p
\v 1 Turiꞌ u qꞌuinin caj tarob a mac cu cꞌʌmicob u taqꞌuin gobierno yejer a mac yʌn u siꞌpirob. Caj u muchꞌquintajob u bʌj ich Jesús.
\v 2 Rajen u winiquirob judío a fariseojoꞌ yejer yʌjcamsayʌjirob u tꞌʌn Moisés caj yaꞌarajob:
\p ―A jeꞌ xibaꞌ cu man yejer a mac yʌn u siꞌpirob, cu janʌn yejerob xan.
\p
\v 3 Rajen Jesús caj u camsaj baxuc a jeꞌraꞌ:
\p
\v 4 ―Wa tuririꞌ techex yʌn cien a wʌrʌcꞌ tʌmʌn yuc, cu satʌr tuririꞌ, mʌꞌ wa cu jamach pꞌʌtic u yʌrʌcꞌ tʌmʌn yuc a noventa y nueve tu cu janʌnob caꞌ xic u cʌxtej a saꞌataroꞌ? Cu quiꞌ cʌxtic hasta cu yiric.
\v 5 Caj tsꞌoc yiric caj quiꞌjij yor rajen caj u cꞌocha. 
\v 6 Caꞌ bin cꞌuchuc ich yatoch caj u pʌyaj a mac u jach yajob yejer u yet cajarob caj yaꞌaraj tiꞌob: “Caꞌ ij quiꞌquintej ij cor quireꞌ caj in wiraj in wʌrʌcꞌ tʌmʌn yuc a cu satʌr uch.”
\v 7 Baxuc xan, rajen quin wac techex: Jach manan cu bin u quiꞌ tar yor Cꞌuj ich caꞌanan yejer yʌjmasirob u tꞌʌn Cꞌuj quireꞌ caj u yiraj turiꞌ caj u cꞌaxaj yor, caj u pꞌʌtaj u man tu cꞌasir. Cax mʌꞌ baꞌwir aroꞌ a noventa y nueve quir u cꞌaxic yorob soc u pꞌʌticob u cꞌasirob quireꞌ jach tsoyob.
\s Jesús cu camsic tiꞌ taqꞌuin a satʌroꞌ
\p
\v 8 Jesús caj yaꞌaraj:
\p ―Mʌꞌ wa tiꞌ yʌn xquic a yʌn diez u sʌc taqꞌuin wa cu sʌtic u taqꞌuin tuririꞌ. Cu tꞌʌbic u quib quir u mistic yatoch soc u quiꞌ cʌxtic u taqꞌuin hasta cu yiric. Jach taj cu bin u quiꞌ cʌxtic hasta cu yiric. 
\v 9 Barej caj u yiraj u taqꞌuin cu pʌyic a mac u jach yajob. Baxuc u yet cajarob, caj yaꞌaraj tiꞌob: “Caꞌ ij quiꞌquintic ij cor quireꞌ caj in wiraj in taqꞌuin a tin sʌtaj uch.”
\v 10 Quin wac techex baxuc xan quiꞌ yorob yʌjmasirob u tꞌʌn Cꞌuj ber cu yiricob u cꞌaxic yor mac. Caj u pꞌʌtaj u man tu cꞌasir, cax tuririꞌ.
\s Jesús camsic tiꞌ u parar a cu sataroꞌ
\p
\v 11 Jesús caj yaꞌaraj tiꞌ:
\p ―Tiꞌ yʌn tuririꞌ xib yʌn caꞌtur u parar.
\v 12 A itsꞌinbir u parar caj yaꞌaraj tiꞌ u tet: “Tet ―quij―, jʌse ten a baꞌ ca bin a pꞌʌtej wa ca quimin.” Rajen u tet caj u jʌsaj tiꞌob u pararob a baꞌ cu bin u pꞌʌtic tiꞌob.
\v 13 Caj manij mʌꞌ yaꞌab u qꞌuinin, u parar a itsꞌinbiroꞌ caj u rʌc maraj u baꞌtac caj u pꞌʌtaj u tet caj bin ich tanxer u cajar nach. Caj u rʌc xup u taqꞌuin tu cu man tu cꞌasir.
\v 14 Caj tsꞌoc u rʌc xupic u taqꞌuin caj cꞌuchij tu qꞌuinin u tar wiꞌij tu ruꞌumin. Caj u yʌnxchun u masic otsir. 
\v 15 Caj tar u chich cꞌataj u beyaj a tiꞌ cʌjaꞌan ich u ruꞌumin. Rajiꞌ caj u tsꞌaj u beyaj ich u cor quir u jansic yʌrʌcꞌ qꞌuecꞌan.
\v 16 Cu jach pachtic u najchʌjʌr yejer yoch qꞌuecꞌan a cu tsꞌabʌr tiꞌ. Quireꞌ mʌꞌ u tsꞌabʌr tiꞌ a mac a cu cʌnanticob qꞌuecꞌan.
\v 17 Chen caj u cꞌaxaj u tucur caj yaꞌaraj: “Mun u cꞌurew in tet cu beyaj. Toc yʌn yoꞌoch yaꞌab. Mʌꞌ u rʌc janticob. Chen a tenoꞌ tan in quimin yejer wiꞌij.
\v 18 Bin in caꞌ sut ich in tet caꞌ bin in wac tiꞌ in tet: Tet, quen, a tenoꞌ yʌn in siꞌpir tiꞌ Cꞌuj. Baxuc tech, mʌꞌ tin quibaj a tꞌʌn.
\v 19 Caꞌ bin in wac tiꞌ in tet: Mʌꞌ tsoyen a waquen wa ja pararen. Chan chaꞌ in beyaj tech an ten bic a cꞌurew.” 
\v 20 A itsꞌinbiroꞌ caj riqꞌui, caj sutnʌjij ich yatoch u tet.
\p ’Tiꞌ toy yʌn nach caj irir ten u tet, tan u sut. Caj yajquintaꞌb ten u tet caj u cꞌʌnaj u yacab quir u nupꞌur caj cꞌuchij ich u parar. Caj u pʌtʌx mecꞌtaj caj u tsꞌuꞌtsꞌaj u pꞌuc.
\v 21 Rajen u parar caj u yaꞌaraj tiꞌ u tet: “Tet, quen, a tenoꞌ yʌn in siꞌpir tiꞌ Cꞌuj. Baxuc tech quireꞌ mʌꞌ tin quibaj a tꞌʌn. Rajen mʌꞌ tsoyen a waquen wa ja pararen.” 
\v 22 Caj cꞌuchob yejer u tet ich yatoch. U tet caj yaꞌaraj tiꞌ u cꞌurew: “Chuquej u jer u nocꞌ a tsoyoꞌ caꞌ a tʌquej u nocꞌ tiꞌ. Chuquej u cꞌʌb caꞌ a cꞌʌrej tu cꞌʌb. Chuquej u pechꞌ xʌnʌb caꞌ a jupej ich yoc.
\v 23 Joqꞌuen chuque bʌcꞌ a tan ic tsentic caꞌ ij quinsej caꞌ ij quiꞌ janʌnex caꞌ quiꞌac ij corex.
\v 24 Quireꞌ a jeꞌ in pararaꞌ in wer ucheꞌ quimen chen tiꞌ yʌn bajeꞌrer cuxaꞌan quireꞌ caj u pꞌʌtenob uch chen bajeꞌrer tan tu cꞌuchur.” Caj u yʌnxchun u betic tiꞌ u quiꞌ janʌnob.
\p
\v 25 ’U parar a sucuꞌunbiroꞌ tiꞌ yʌn ich u cor caꞌch caj ur u yitsꞌin. Tan u yuꞌur tabar u cꞌuchur ich yatoch. Caj yubaj u cꞌayob tan yocꞌatob xan.
\v 26 Rajen caj u tꞌʌnaj tuririꞌ u cꞌurew u tet caj u cꞌata tiꞌ baꞌ cu yiricob.
\v 27 Caj araꞌb tiꞌ ten u cꞌurew: “Quireꞌ toc ur a witsꞌin rajen a tetex caj u yaꞌaraj caꞌ quinsac bʌcꞌ a toc tsemtaꞌan toc tiꞌ yʌn yor quireꞌ urij.”
\v 28 A sucuꞌunbiroꞌ caj tsꞌiquij, rajen mʌꞌ u cꞌat u yocar ich u tet. Caj jocꞌ u tet caj u chich araj tiꞌ caꞌ ocac. 
\v 29 Caj u nuncaj tiꞌ u tet: “Uꞌyej baꞌ quin wac. Yaꞌab yaxqꞌuin caj in beyaj tech. Tiꞌ toy quin beyaj tech a baꞌ ta waꞌaraj caꞌch, caj in toc quibaj. Mʌꞌ ta chuca bʌcꞌ teniꞌ, a tsꞌaten mʌꞌ chichin soc in quiꞌ janʌn yejer a mac in jach yajob.
\v 30 Chen caj urij a parar a jeꞌraꞌ a caj u rʌc xupaj a taqꞌuin yejer xquic a cu manob. Biquinin caj a waꞌaraj u quinsaꞌ yoch bʌcꞌ yaꞌab a tsemtaꞌan ―quij―, tiꞌ u tet?”
\v 31 Chen u tet caj u yaꞌaraj tiꞌ: “In pararech. Rajraꞌ tiꞌ yʌnech tin wicnʌn. Tu cotor baꞌ a yʌn ten, tech yʌnin. 
\v 32 Mʌꞌ ja wirej ―quij―, yʌn ij quiꞌquintic ij cor. Yʌn ij quiꞌ janʌn xan quireꞌ urij a witsꞌin. In wer quimij uch chen tiꞌ yʌn bajeꞌrer cuxaꞌan quireꞌ caj u pꞌʌtʌnenob uch chen bajeꞌrer tant u cꞌuchur.”
\c 16
\s Jesús cu camsic tiꞌ u caꞌ tsꞌurir a mʌꞌ tu quiꞌ quibaj u tꞌʌn u Jach Tsꞌurir
\p
\v 1 Jesús caj u yaꞌaraj tiꞌ u camsʌwinicob xan:
\p ―Tiꞌ yʌn mac u Jach Tsꞌurir, neyʌn u taqꞌuin. Aroꞌ yʌn u caꞌ tsꞌurir. Caj araꞌb tiꞌ ten mac: “A caꞌ tsꞌurir tech caj u rʌc xupur a baꞌ yʌn tech.”
\v 2 Rajen u Jach Tsꞌurir caj u pʌyaj caꞌ tac u caꞌ tsꞌurir caj cꞌuchij caj araꞌb tiꞌ ten u Jach Tsꞌurir: “Arej ten baꞌ caj in wuꞌyaj u jumintic tech, a racꞌob? Toc tsꞌibtej ten mun caj a rʌc xupaj in baꞌtac baxuc a mun caj a jaraj ten quireꞌ bajeꞌrer mʌꞌ a bin a beyaj ten.”
\v 3 Caj u tucraj u caꞌ tsꞌurir caj yaꞌaraj: “Baꞌ quin bin in betej quireꞌ in jach tsꞌurir bin u jocꞌsiquen tiꞌ in beyaj tu quin cʌnantic u baꞌtac? Mʌꞌ cꞌuchaꞌan in wor in chich beyaj. Jeꞌ in chꞌic suraquir wa quin man in cꞌatic baꞌ tiꞌ in racꞌob.
\v 4 In toc er baꞌ quin bin in betej soc u yacsiquen mac caꞌ bin jocꞌsaquen tiꞌ in beyaj tu tin cʌnantaj u baꞌtac in jach tsꞌur.”
\v 5 Caj u pʌyaj jujuntur a mac yʌn u boꞌor tiꞌ u jach tsꞌurir caj araꞌb tiꞌ a yʌn cꞌuchij: “Mun a boꞌor tiꞌ in jach tsꞌurir?”
\v 6 A mac yʌn u boꞌor caj yaꞌaraj: “A tenoꞌ yʌn in boꞌor cuatro mil litros tsats.” Caj araꞌb tiꞌ ten a caꞌtsꞌuroꞌ: “Curen ―quen―, a jeꞌ u juꞌunin a boꞌor caꞌ a tsꞌbitej a boꞌor chen dos mil.”
\v 7 Caj cꞌuchij ich u jer caj u cꞌataj tiꞌ: “Mun a boꞌor tiꞌ in jach tsꞌurir?” Caj yaꞌaraj: “A tenoꞌ yʌn in boꞌor turiꞌ mil tzontle nʌr.” Caj araꞌb tiꞌ: “A jeꞌ u juꞌunin a boꞌor caꞌ a tsꞌibtej ocho cientos tzontle nʌr.”
\v 8 Caj u cꞌʌꞌotaj u jach tsꞌurir tiꞌ u caꞌ tsꞌurir a mʌꞌ tu quiꞌ cʌnantaj u baꞌtac. “Aroꞌ, jach tꞌaj ―quij jach tsꞌurir―, an bic tabar caj u tucraj soc u yacsaꞌ ten a mac yʌn u boꞌor ten.” Quin wac techex ―quij Jesús―, jach tꞌaj a mac a cu yajquinticob a baꞌ yʌn ich yocꞌocab. Mʌꞌ ja wirej, neyerob bic tabar cu cʌnanticob u bʌj. Chen yaꞌab mac a yerob Cꞌuj mʌꞌ u netucricob bic tabar cu bin u jaricob u taqꞌuin yejer u baꞌtac.
\p
\v 9 Jesús caj yaꞌaraj:
\p ―A tenoꞌ quin wac techex a baꞌ yʌn techex ich yocꞌocab. Jeꞌ u rʌc xupur. Chen a baꞌ yʌn techex cꞌʌnex tiꞌ mac soc tsoy yiriquechex. Caꞌ bin xuruc tꞌʌn yʌn mac ich caꞌanan cu bin u yacsiquechex soc munt qꞌuin tiꞌ yʌnechex ich caꞌanan.
\p
\v 10 ’Wa mac cu quiꞌ cʌnantic a baꞌ mʌꞌ nenoꞌjiꞌ, jeꞌ u quiꞌ cʌnantic a baꞌ jach noꞌjoꞌ. A mac mʌꞌ u cʌnantic a baꞌ mʌꞌ nenoꞌjiꞌ, mʌꞌ ju bin u cʌnantic a baꞌ jach noꞌjoꞌ.
\v 11 Rajen wa mʌꞌ ta quiꞌ cʌnantex a baꞌ tsꞌaꞌb techex ich yocꞌocab, mʌꞌ ju bin tsꞌabir techex a baꞌ jach noꞌjoꞌ ich caꞌanan. A tiꞌ taroꞌ, mʌꞌ u xupur.
\v 12 Mʌꞌ ja wirej ―quij Jesús―, a baꞌ yʌn techex ich yocꞌocab Cꞌuj yʌnin, mʌꞌ techex yʌnin. Wa mʌꞌ ta quiꞌ cʌnantex a baꞌ yʌnin Cꞌuj mʌꞌ u bin u tsꞌic techex soc techex yʌnin a baꞌ mʌꞌ u xupur ich caꞌanan.
\p
\v 13 ’Mʌnaꞌ mac cꞌuchaꞌan yor u cʌjtar ich yatoch wa cu tsꞌurintic caꞌtur u jach tsꞌurir quireꞌ cu bin u pꞌactic tuririꞌ chen cu bin u yajquinbir juntur u jach tsꞌurir. Mʌꞌ ja wirej ―quij Jesús―, cu bin u quiꞌ beyaj tiꞌ a mac cu jach sʌtic. Chen u jer u jach tsꞌur a mʌꞌ ju sʌjtic, mʌꞌ ju quiꞌ beyaj tiꞌ. Baxuc techex. Mʌꞌ cꞌuchaꞌan a worex a cꞌujintiquex Cꞌuj wa caj a quiꞌ beyajex quireꞌ a cꞌat a nejariquex a taqꞌuinex.
\p
\v 14 Cꞌʌs bʌytʌc tiꞌ yʌnob u winiquirob judío a fariseojo caj tsꞌoc yubicob yaꞌaric tiꞌ u camsʌwinicob caj u pꞌastajob Jesús quireꞌ cu nepachticob u taqꞌuin u winiquirob judío a fariseojoꞌ.
\v 15 Jesús caj yaꞌaraj tiꞌ a fariseojoꞌ:
\p ―A techexoꞌ ca tus etsꞌtiquex jach tsoyechex ʌcʌtan a racꞌobex barej Cꞌuj yer a pixamex. Mʌꞌ ja wirej, yʌn a baꞌ cu tucricob winic, jach noꞌjoꞌ. Chen yaꞌab baꞌ cu tucricob winic noꞌj, a Cꞌujoꞌ cu pꞌactic.
\s U tꞌʌn a caj u tsꞌibtaj Moisés yejer u tꞌʌn a caj u tsꞌibtaj yʌjtseqꞌuirob u tꞌʌn Cꞌuj
\p
\v 16 ’Mʌꞌ toy tac Juan, raꞌ caj u pʌyaj a berex a baꞌ caj u tsꞌibtaj Moisés yejer a baꞌ caj u tsꞌibtaj yʌjtseqꞌuirob u tꞌʌn Cꞌuj. Pachir a Juanoꞌ caj u tsecꞌtaj techex bic tabar cu bin u reyinticob Cꞌuj. Bajeꞌrer yaꞌab mac u cꞌatob u yocar tu cu bin u reyinticob Cꞌuj.
\p
\v 17 ’Ca wiric, a baꞌ tsꞌibaꞌan ich u tꞌʌn Cꞌuj a chichinoꞌ a puntojoꞌ, mʌꞌ u bin tsꞌocar tiꞌ. Chen a caꞌananoꞌ yejer a ruꞌumoꞌ cu bin rʌc tsꞌocar tiꞌ. Tu cotor u tꞌʌn Cꞌuj cu bin nupsej.
\s Jesús cu camsic mʌꞌ tsoy u pꞌʌtic u racꞌ
\r (Mt. 19.1‑12; Mr. 10.1‑12)
\p
\v 18 Jesús caj yaꞌaraj tiꞌob:
\p ―Wa mac cu pꞌʌtic u racꞌ quir u bin u chꞌic u jer. Caj tsꞌoc u chꞌic u jer yʌn u siꞌpir, irej wa man u caꞌ yejer. Baxuc a mac a cu chꞌic u raqꞌuintej a pꞌatoꞌ. Baxuc xan yʌn u siꞌpir aroꞌ irej wa man u caꞌ yejer mac a cu man.
\s Jesús cu camsic tiꞌ a mac neyʌn u taqꞌuin yejer a mac jach otsir u cꞌabaꞌ Lázaro
\p
\v 19 Jesús caj yaꞌaraj tiꞌob:
\p ―Ij quer tiꞌ yʌn mac jach yʌn u taqꞌuin, a baꞌ cu buquintic jach tsoy u nocꞌ, quireꞌ jach coꞌoj. Rajraꞌ cu quiꞌ janʌn xan.
\v 20 Tiꞌ yʌn mac otsir u cꞌabaꞌ Lázaro pꞌachen tꞌuch u cʌnmʌn. Tar cu bin purbir ten u racꞌob ich u jor u paꞌteꞌ a mac neyʌn u taqꞌuin.
\v 21 Cu pachtic u jantic u pꞌupꞌir a cu pichꞌintic cu tsꞌocar u janticob a neyʌn u taqꞌuin. Cu tar a pecꞌoꞌ cu retsꞌic u pꞌachen tꞌuch.
\v 22 Caj cꞌuchij tu qꞌuinin caj quimij a otsiroꞌ caj bin purbir ten yʌjmasirob u tꞌʌn Cꞌuj caꞌanan tu yʌn u nunquir Abraham. Baxuc caj quimij a neyʌn u taqꞌuin, caj bin mucbir.
\v 23 Caj binij tu cu bin mac a cu quimin a yʌn u siꞌpiroꞌ. Tu cu mucꞌyaj, a neyʌn u taqꞌuin caj u nacsaj u wich caj u pʌctaj nach. Caj u yiraj tiꞌ yʌn Abraham yejer Lázaro ich caꞌanan.
\v 24 Caj u yawʌt tꞌʌntaj caj yaꞌaraj: “In nunquirech Abraham ―quen―, yajquin ten ―quij―, arej caꞌ tac Lázaro tu yʌnenaꞌ. Arej caꞌ tʌre jaꞌ tu yar u cꞌʌb caꞌ tac u tʌrej jaꞌ tin wacꞌ caꞌ sisac in wacꞌ quireꞌ tan in jach mucꞌyaj ich cꞌacꞌ tu quin werar.”
\v 25 Caj araꞌb ten Abraham: “In pararech ―quij Abraham―, cꞌaj tech a uchoꞌ tiꞌ toy cuxaꞌanech ich yocꞌocab quireꞌ caj a quiꞌquintaj a wor a baꞌ yʌn tech. Baxuc Lázaro xan caj mucꞌyajnʌjij yaꞌab caꞌcheꞌ, tiꞌ toy cuxaꞌan ich yocꞌocab. Chen bajeꞌrer Lázaro quiꞌquintaꞌb yor chen a techoꞌ tsꞌaꞌb a mucꞌyaj.
\v 26 Tiꞌ toy yʌn ―quij Abraham―, mʌꞌ cꞌuchaꞌan yor Lázaro u tar tu yʌnech. Quireꞌ toc betaꞌb ten Cꞌuj, jach carem u chꞌic caꞌananin ich tech, baxuc ich ten xan. Soc a tenob mʌꞌ cꞌuchaꞌan in worob in tarob tu yʌnech. Baxuc tech mʌꞌ cꞌuchaꞌan a wor a tar tub yʌnenob.”
\v 27 Rajen caj u yaꞌaraj a mac neyʌn u taqꞌuin: “Quin chich cꞌatic tech in nunquirech Abraham caꞌ a tuchiꞌtej Lázaro ich yatoch in tet.
\v 28 Quireꞌ yʌn cinco in bʌjob. Caꞌ yarej tiꞌob soc mʌꞌ u beticob xan an ten bic caj in betaj uch ich yocꞌocab soc caꞌ bin quimicob mʌꞌ u tarob yejeren tu quin mucꞌyajob.”
\v 29 Abraham caj u nuncaj tiꞌ: “A bʌjob tech toc yʌn a tsꞌibtaꞌb u tꞌʌn Cꞌuj a nanij cu xaquicob, baxuc cu tsecꞌtic tiꞌob tu cu naj cꞌujinticob Cꞌuj u winiquirob judío. Chen yʌn u quibejob a baꞌ cu yubicob, yaꞌaraꞌ tiꞌob.”
\v 30 Caj yaꞌaraj a mac neyʌn u taqꞌuin: “In nunquirech Abraham ―quij―, mʌꞌ u bin u quibicob tu cu tsecꞌtaꞌ tiꞌob u tꞌʌn Cꞌuj. Jaj ixtʌcoj wa cu riqꞌuir a quimenoꞌ soc u bin u tsicbar tiꞌob jeꞌ u cꞌaxicob yor, tan u pꞌʌticob u man tu cꞌasir.”
\v 31 Abraham caj yaꞌaraj tiꞌ: “Wa mʌꞌ u quibicob a tsꞌibaꞌan u tꞌʌn Cꞌuj cax wa riqꞌuir mac tu quimen mʌꞌ u bin u yacsejob tu yorob.”
\c 17
\s Jesús cu tsicbar tiꞌ u camsʌwinicob
\r (Mt. 18.6‑7, 21‑22; Mr. 9.42)
\p
\v 1 Jesús caj yaꞌaraj tiꞌ u camsʌwinicob:
\p ―Rajraꞌ yʌn baꞌ quir u yacsic u siꞌpir chen jach otsir a mac cu tumtic yor soc u yacsic u siꞌpir u racꞌob. 
\v 2 Wa cu jichꞌir tu car a jach ar u caꞌir tu cu juchꞌ tiꞌ a ray xibob soc u juruc ich cꞌacꞌnab caꞌ quimic. Aroꞌ jach tsoy caꞌ juruc soc mʌꞌ cꞌuchaꞌan yor cu tumtic yor mac soc u yacsic tu siꞌpir quireꞌ cu tucric: Jot mac aroꞌ.
\p
\v 3 Jesús caj u chich yaꞌaraj tiꞌob:
\p ―Quiꞌ cʌnantej a bʌj ―quij―, wa ja wet acsaꞌorir caj u cʌrʌxbetaj tech. Caꞌ bin tsꞌocac a chich aric tiꞌ. Soc u pꞌʌtic u cꞌasir caj u betaj. Jaj ixtʌcoj jeꞌ u cꞌaxic u yor tan u pꞌʌtic. Caꞌ a jawsej tiꞌ ―quij Jesús―.
\v 4 Cax yaꞌab u tenin cu cʌrʌxbetic tech a wet acsaꞌorir. Baxuc yaꞌab u tenin cu tar yac tech: “Mʌꞌ in yʌn yʌn betej aroꞌ.” Caꞌ a jawsej tiꞌ.
\s Jesús caj yaꞌaraj tiꞌ u camsʌwinicob: Taj yʌn a wacsic ta wor
\p
\v 5 A mac tuchiꞌtaꞌb ten Jesús caj yaꞌaraj tiꞌ:
\p ―Jaj Tsꞌurir ―quij―, yʌmtej a tenob soc in quiꞌ acsicob tin worob a tꞌʌn.
\p
\v 6 A Jaj Tsꞌuroꞌ caj yaꞌaraj:
\p ―Wa ca wacsiquex ta wor tiꞌ Cꞌuj cax an ten bic mijin u yijir mostaza, rajiꞌ jach mijin. Jeroj cꞌuchaꞌan a wor a wac tiꞌ a jeꞌ cheꞌaꞌ carem: “Joqꞌuen cheꞌ ―quech tiꞌ―. Caꞌ xiquech a pʌcꞌ a bʌj ich cꞌacꞌnab.” A cheꞌoꞌ cu bin yubic a tꞌʌn.
\s U cꞌurew mac a baꞌ araꞌb u betej rajiꞌ cu betic
\p
\v 7 Jesús caj yaꞌaraj tiꞌob:
\p ―Wa ja cꞌurewex cu beyaj ich a corex tan u muxic ruꞌumin a corex soc a paqꞌuiquex a trigojoꞌ. Baxuc tan u cʌnantic a wʌrʌcꞌ tʌmʌn yuc, caꞌ bin uruc beyaj. A techexoꞌ mʌꞌ a wac tiꞌ: “Sepquintej caꞌ curaquechex ta janʌn.”
\v 8 Mʌꞌ wa ca waquex tiꞌ: “Toc tsꞌocsej in woꞌoch. Cu tsꞌocar ca tsꞌicten. Cu tsꞌocar in janʌn a tenoꞌ tsoy a bin janen tech xan.”
\v 9 Jeꞌ wa ja wac tiꞌ a cꞌurew: “Bayoꞌ” ―quech tiꞌ―, quireꞌ quiꞌ beyanʌjij? Mʌꞌ ja bin a waꞌaric tiꞌ baxucoꞌ quireꞌ caj u chen betaj a baꞌ caj a waꞌara tiꞌ.
\v 10 Baxuc techex in wʌjcamsʌyʌjirechex caꞌ bin tsꞌocac a rʌc betiquex a baꞌ caj u yaꞌaraj Cꞌuj. Caꞌ a waquex tiꞌ Cꞌuj: “Caj in chen betajob a baꞌ yʌn in beticob. Mʌꞌ tsoyenob a wactenob bayoꞌ.”
\s Jesús cu jawsic xibob u cʌnmʌn iqꞌuer u caꞌob
\p
\v 11 Tiꞌ toy cu bin Jesús ich u berij Jerusalén. Tiꞌ manij tu xurij u ruꞌumin Samaria. Baxuc tiꞌ u xur u ruꞌumin Galilea.
\v 12 Caj cꞌuchij ich u chan cajar. Tabar u yocar caj u nupꞌob xib diez, u cʌnmʌn iqꞌuer u caꞌob. Tiꞌ xurob nach.
\v 13 Caj u cꞌam puraj u tꞌʌnob caj yaꞌarob:
\p ―In Jaj Tsꞌurirob Jesús ―quij―, yajquin tenob caꞌ a jawsenob.
\p
\v 14 Caj yiraj Jesús caj yaꞌaraj tiꞌob:
\p ―Xenex ich ʌcʌtan sacerdote soc u yiriquechob jawechex. 
\p Caj binob jaw iqꞌuer u caꞌob tiꞌ.
\v 15 Tuririꞌ xib ich a diezoꞌ caj yiraj toc jawij, rajen sutnʌjij ich Jesús. Cꞌam caj awʌtnʌjij:
\p ―Bayoꞌ Cꞌuj ―quij―, caj a jawsajen.
\p
\v 16 Caj cꞌuchij ich Jesús caj xonrʌj caj yaꞌaraj:
\p ―Bayoꞌ ―quij.
\p Rajiꞌ cʌjaꞌan ich u ruꞌumin Samaria uch.
\v 17 Rajen Jesús caj yaꞌaraj:
\p ―Caj in jawsaj diez. Tu binob a nuevejoꞌ?
\v 18 Chen a jeꞌ turiꞌ xibaꞌ a cu tar ich tanxer ruꞌum wʌcꞌʌs tarij yaꞌaric tiꞌ Cꞌuj: “Bayoꞌ.”
\p
\v 19 Jesús caj yaꞌaraj tiꞌ xib:
\p ―Riqꞌuen caꞌ xiquech quireꞌ jawech quireꞌ caj a wacsaj ta wor ten.
\s Jesús cu tsicbar ber caꞌ bin tac u reyinticob Cꞌuj
\r (Mt. 24.23‑28, 36‑41)
\p
\v 20 Caj cꞌuchob u winiquirob judío a fariseojoꞌ ich Jesús. Caj u cꞌatob:
\p ―Ber caꞌ bin u reyintejob Cꞌuj?
\p
\v 21 Jesús caj u nuncaj tiꞌ:
\p ―Mʌnaꞌ baꞌ cu bin yesic techex soc cꞌuchaꞌan a worex a werex tabar u reyinticob Cꞌuj. Mʌnaꞌ mac cu bin yaꞌaric: “Iric teꞌ yʌnaꞌ tan reyinticob Cꞌuj. Baxuc tar yʌnoꞌ tan u reyinticob Cꞌuj.” Quireꞌ toc tiꞌ yʌn bajeꞌrer tub yʌnechex tan u reyinticob Cꞌuj.
\p
\v 22 Jesús caj yaꞌaraj tiꞌ u camsʌwinicob:
\p ―Caꞌ bin a pachtej a wirej a mac a cu bin tuchiꞌbir ten Cꞌuj. Cax tuririꞌ u qꞌuinin ca wiriquex, chen mʌꞌ a bin a wirexiꞌ.
\v 23 Yʌn mac cu bin u yac techex: “Iric tan u reyinticob teraꞌ”, wa cu bin yaꞌaricob: “Tan u reyinticob taroꞌ.” Mʌꞌ ja sayʌrex tu pachob tu cu payiquechex.
\v 24 An ten bic ca wiriquex u raram. Seb cu sasichʌjʌr tu cotor caꞌanan. Baxuc caꞌ bin taquen caꞌ bin cꞌuchuc tu qꞌuinin quireꞌ a tenoꞌ tu tuchiꞌtajen Cꞌuj, baxuquenechexoꞌ. Baxuc seb caꞌ bin raramnʌc baxuc tu cotor mac cu bin yiriquen.
\v 25 Chen pʌyber quin bin in jach mucꞌyaj. Bin u caꞌob u xumpꞌʌtiquenob u jach tsꞌurir sacerdote. Baxuc a mac a cu camsicob u tꞌʌn Moisés. Baxuc u tsꞌurirob u cajar u winiquirob judío. Baxuc u winiquirob judío, mʌꞌ yaꞌab. Bin u caꞌob xumpꞌʌtiquenob quireꞌ mʌꞌ u yacsicob tu yorob ten.
\v 26 An ten bic u qꞌuinin, tiꞌ yʌn Noé uch, baxuc cu bin u betej u qꞌuinin caꞌ bin urquen quireꞌ caj u tuchiꞌten Cꞌuj ―quij Jesús―.
\v 27 Mʌꞌ ja wirej ―quij Jesús―, a mac cʌjaꞌanob tu qꞌuinin Noé, rajraꞌ tan u quiꞌ janʌnob. Rajraꞌ tan u chꞌicob u yoꞌoch. Rajraꞌ tan u tsꞌicob u pararob quir u raqꞌuinticob mac. Hasta caj cꞌuchij tu qꞌuinin Noé, caj oc ich chem caj tari yaꞌarir, jach cꞌam. A mac mʌꞌ rʌc ocob ich chem caj rʌc bint jaꞌ.
\v 28 Baxuc caj betaꞌb u qꞌuinin cʌjaꞌan Lot ich Sodomajoꞌ. A mac cʌjaꞌanob ich u cajar Sodoma, rajraꞌ tan u janʌnob. Rajraꞌ tan u yucꞌurob. Rajraꞌ tan u canicob u baꞌtac. Rajraꞌ tan u mʌnicob u baꞌtac. Rajraꞌ tan u pʌqꞌuicob u nar. Rajraꞌ tan u cꞌʌxicob yatochob.
\v 29 Chen u qꞌuinin caj ruqꞌuij Lot tu cajar Sodoma Cꞌuj caj u chaj u tar cꞌacꞌ caꞌanan yejer tunich. Erar u caꞌ an ten bic cu tar jaꞌ caꞌanan, caj rʌc quinsaꞌbij ten cꞌacꞌ.
\v 30 Baxuc caꞌ bin cꞌuchur tu qꞌuinin caꞌ bin urquen quireꞌ a tenoꞌ caj u tuchiꞌten Cꞌuj.
\p
\v 31 ’Caꞌ bin uruquen. Wa tiꞌ yʌn xib ich u joꞌr yatoch tan u jesicob u bʌjob. Quireꞌ tiꞌ taroꞌ u joꞌr yatoch taj, chen u baꞌtac tiꞌ yʌn tu japnin yatoch. Arej mʌꞌ u yeman u maric u baꞌtac. Arej u toc pꞌʌtej. Baxuc a mac tiꞌ yʌn tu cor cax mʌꞌ u sut tu yatoch.
\v 32 Mʌꞌ wa cꞌajtechex baꞌ u ber tiꞌ u racꞌ Lot?
\v 33 A maqueꞌ cu tucric u taꞌquic u bʌj soc mʌꞌ u mucꞌyaj soc mʌꞌ u quimin xan, aroꞌ tar cu bin ich cꞌacꞌ. Chen a mac a cu yac teꞌ yʌnenaꞌ quir in mucꞌyaj quir in quimin xan, quir in yamtic Jesús. Aroꞌ bin u caꞌ cuxtar munt qꞌuin.
\p
\v 34 ’Quin waꞌaric techex ―quij Jesús―, soc a werex baꞌ u ber u qꞌuinin caꞌ bin uruquen. Waj oqꞌuin quin wur. Wa tiꞌ yʌn caꞌtur xib pꞌeriꞌ u wenenob. Turiꞌ cu bin pʌybir ten yʌjmasir u tꞌʌn Cꞌuj. Turiꞌ cu bin pꞌʌtbir. 
\v 35 Raꞌiriꞌ u qꞌuinin xan, wa tiꞌ yʌn caꞌ tur xquic tan u juchꞌob tuririꞌ cu bin pʌybir ten yʌjmasirob u tꞌʌn Cꞌuj. Tuririꞌ cu bin pꞌʌtbir.
\v 36 Raꞌiriꞌ u qꞌuinin xan, wa tiꞌ yʌn caꞌtur xib ich u cor. Turiꞌ cu bin pʌybir ten yʌjmasirob u tꞌʌn Cꞌuj. Turiꞌ cu bin pꞌʌtbir.
\p
\v 37 U camsʌwinicob caj tsꞌoc yubicob yaꞌaric Jesús a jeꞌ tꞌʌnaꞌ, caj u cꞌatajob tiꞌ:
\p ―Tu cu bin u betej aroꞌ, Jaj Tsꞌurir?
\p Caj u nuncaꞌb tiꞌ, caj u yaꞌaraj tu cu camsic tꞌʌn: 
\p ―A mac a mʌꞌ u cꞌat u quibicob u tꞌʌn Cꞌuj jeꞌ u cꞌuchur tu qꞌuinin cu bin tar u mucꞌyaj.
\c 18
\s Jesús cu yaꞌaric tiꞌob tu cu camsic tiꞌ xquic a quimen u mam yejer juez
\p
\v 1 Jesús caj u yaꞌaraj tiꞌob tu cu pꞌeriquintic u tꞌʌn soc u cʌnicob:
\p ―Caꞌ a tꞌʌnex Cꞌuj soc mʌꞌ u nacar a worex, tu ca tꞌʌniquex Cꞌuj.
\v 2 Tiꞌ yʌn u cajar ―quij Jesús―, tu cʌjaꞌan juez. A juezoꞌ, mʌꞌ u sʌjtic Cꞌuj, mʌꞌ ju tucric mac xan.
\v 3 Tiriꞌ ich u cajar xan, tiꞌ yʌn xquic, quimen u mam rajiꞌ caj bin ʌcʌtan juez. Suꞌ suꞌ cu bin yaꞌaric tiꞌ: “Yʌmtejen tiꞌ a mac a cu pꞌactiquen.”
\v 4 Caj u yʌnxchun u tar xquic a juezoꞌ, mʌꞌ ju quibaj u tꞌʌn. Chen pachir caj u yaꞌaraj tu yor: “Cax mʌꞌ in sʌjtic Cꞌuj ―quij―, cax mʌꞌ in tucric tiꞌ mac.”
\v 5 Caj yaꞌaraj a juezoꞌ: “Bin in caꞌ in yamtej a jeꞌ xquicaꞌ, a quimen u mam raꞌ cu pꞌactaꞌ xquiqueꞌ soc mʌꞌ u choquintic in wor quireꞌ rajraꞌ cu tar. Quireꞌ caꞌan in wor in wuꞌyic yaꞌaric.”
\p
\v 6 Caj yaꞌaraj Jaj Tsꞌur:
\p ―Cʌnex tiꞌ a baꞌ cu yaꞌaric juez cax mʌꞌ taj yor. 
\v 7 Chen mʌꞌ baxuc Cꞌuj quireꞌ taj yor. Wa rajraꞌ ca cꞌatiquex tu ca tꞌʌniquex Cꞌuj u bur u qꞌuinin u bur u acꞌbir soc u cʌnantic a baꞌ a cꞌat. A techexoꞌ a tetaꞌb ten Cꞌuj, jeꞌ u tar u tajir techex. A Cꞌujoꞌ mʌꞌ u tsꞌocar u yubic a tꞌʌnex.
\v 8 A tenoꞌ ―quij Jesús―, quin wac techex. A Cꞌujoꞌ seb cu taꞌquic techex mac tiꞌ a cu pꞌactiꞌechoboꞌ. Chen caꞌ bin uruquen ich yocꞌocab a tenoꞌ caj u tuchiꞌten Cꞌuj, baxuquenechexoꞌ. Jeꞌ wa jin wiric mac tan u yacsic tu yor ten. Tan u pajicob ten caꞌ in taꞌquej tiꞌ a mac a cu pꞌactic tiꞌeꞌ.
\s Jesús cu camsic tiꞌ a fariseojoꞌ yejer yʌjcꞌʌmin u taqꞌuin gobierno
\p
\v 9 Jesús caj u caꞌ camsaj tu cu pꞌeriꞌquintic u tꞌʌn. Yʌn mac cu tucric chen jach tsoy a tiꞌob ʌcʌtan tu wich Cꞌuj quireꞌ a baꞌ cu beticob. Chen cu tucric tu yor: “Jot u racꞌob.” Rajen Jesús caj u yaꞌaraj baxuc aroꞌ, caj yaꞌaraj Jesús:
\p
\v 10 ―Caꞌtur xib binob ich carem naj tu cu naj cꞌujinticob Cꞌuj u winiquirob judío quir u tꞌʌnicob Cꞌuj. Tuririꞌ u winiquir judío a fariseojoꞌ, u jer yʌjcꞌʌmin u taqꞌuin gobierno.
\v 11 Caj chꞌiraj u winiquir judío a fariseojoꞌ soc yirir ten tu cotor mac caj u tus tꞌʌnaj Cꞌuj. Tu yor, caj u tꞌʌnaj Cꞌuj, caj yaꞌaraj: “Bayoꞌ Cꞌuj ―quij―, mʌꞌ in betic an ten bic u jer winiquir judío cu betic. A tenoꞌ, mʌꞌ in tus chꞌic a baꞌ yʌn tiꞌ winic. Baxuc mʌꞌ jin man tu cꞌasir, mʌꞌ jin man in wiric xquic, mʌꞌ cꞌas a tenoꞌ. Mʌꞌ baxuquen a cu cꞌʌmic u taqꞌuin gobierno a tiꞌ yʌnoꞌ.
\v 12 A tenoꞌ, quin quiꞌ cꞌujintiquech, quin jamach pꞌʌtic in janʌn caꞌtur u qꞌuinin ich a turiꞌ semana. Tu cotor in taqꞌuin tu quin jaric quin chuquic tuririꞌ ich a diezoꞌ soc in tsꞌic tiꞌ a mac a cu jach beyaj tu cu naj cꞌujinticob Cꞌuj.”
\v 13 Chen yʌjcꞌʌmin u taqꞌuin gobierno, nach yʌn. Tiꞌ yʌn tu pach u racꞌob tu cu tꞌʌnicob Cꞌuj. Mʌꞌ ju cꞌat u nacsic u wich quir u tꞌʌnic Cꞌuj. Cu chen pʌxic u tsem quireꞌ yer yʌn u siꞌpir. Quireꞌ baxuc nanij cu betic u winiquirob judío. Caj yaꞌaraj tiꞌ Cꞌuj ―quij―: “Chan yajquin ten quireꞌ yʌn in siꞌpir a tenoꞌ.”
\v 14 Quin waꞌaric techex ―quij Jesús―, Cꞌuj caj u jawsaj u siꞌpir a cu cꞌʌmic u taqꞌuin gobierno. Caj bin tu yatoch toc tsoyquintaꞌb yor ten Cꞌuj. Chen a fariseojoꞌ, mʌꞌ tsoyquintaꞌb yor ten Cꞌuj. A mac a cu yac jach noꞌjen ―quij―, chen a Cꞌujoꞌ cu bin yaꞌaric: “Joꞌtech a techoꞌ”, cu yiric mʌꞌ noꞌjiꞌ. Chen a mac cu yac: “Joꞌten a tenoꞌ.” Chen a Cꞌujoꞌ cu yiric jach noꞌj.
\s Jesús yejer a chichanoꞌ
\r (Mt. 19.13‑15; Mr. 10.13‑16)
\p
\v 15 Caj tarob u purej tiꞌ Jesús a mac yajeꞌ, baxuc yejer a chichanoꞌ. Caj tar purbir a chichanoꞌ soc u pʌtʌxmecꞌtic. Caj irir ten u camsʌwinicob baꞌ u ber. Caj u qꞌuejajob: 
\p ―Joqꞌuen, xen ―quij.
\p Quireꞌ mʌꞌ u cꞌat yiric u tarob ich Jesús a chichanoꞌ. 
\v 16 Jesús caj u pʌyaj caꞌ tacob. Caj yaꞌaraj tiꞌ u camsʌwinicob: 
\p ―Tsꞌireꞌej u tarob a chichanoꞌ tin wicnʌn. Mʌꞌ ja qꞌueyic an ten bic a jeꞌ chichanaꞌ. Baxucoꞌ a mac cꞌuchaꞌan yor yocor tu cu reyinticob Cꞌuj. Yʌn u cʌnic irej wa ja chichanoꞌ.
\v 17 Jach taj quin wac techex ―quij Jesús―. A mac a mʌꞌ ju cʌnic a chichanoꞌ soc u chabar ten Cꞌuj u reyinticob mʌꞌ u cꞌuchur yor, u cꞌuchur ich caꞌanan tu cu bin u reyinticob Cꞌuj.
\s U tsꞌurir u winiquirob judío jach neyʌn u taqꞌuin, tan u tsicbar yejer Jesús
\r (Mt. 19.16‑30; Mr. 10.17‑31)
\p
\v 18 Caj tarij turiꞌ u jach tsꞌurir u winiquirob judío ich Jesús. Caj u cꞌataj tiꞌ Jesús:
\p ―Jach tsoyech in wʌjcamsʌyʌjirech. Arej ten baꞌ yʌn in betic soc in cuxtar munt qꞌuin?
\p
\v 19 Jesús caj yaꞌaraj tiꞌ:
\p ―Biquinin ca wac tsoyen? Mʌnaꞌ mac jach tsoy chen jariꞌ Cꞌuj.
\v 20 Tech a wer baꞌ caj u tsꞌibtaj Moisés uch. Cu yaꞌaric: “Mʌꞌ a yʌn man yejer xquic baxuc xquic, mʌꞌ u yʌn man yejer xib. Mʌꞌ ja quinsic mac. Mʌꞌ ja wacꞌric baꞌ. Mʌꞌ a yʌn man tus, a caj a wiraj baꞌ. Yʌn a sʌjtic a tet, yʌn a sʌjtic a nʌꞌ xan.”
\p
\v 21 U jach tsꞌurir u winiquirob judío caj yaꞌaraj:
\p ―Tu cotor aroꞌ ten caj in toc quibaj tin chichanin uch.
\p
\v 22 Rajen caj tsꞌoc yubic Jesús a baꞌ caj u yaꞌaraj. Caj araꞌb tiꞌ:
\p ―Yʌn turiꞌ baꞌ mʌꞌ ta quibaj caꞌ a betej aroꞌ. Canej tu cotor a baꞌ yʌn tech. Cu tsꞌocar a rʌc canic, caꞌ a jʌsej a taqꞌuin tiꞌ a mac otsir. Cu tsꞌocar aroꞌ, caꞌ taquech tin pach quir a cʌnic in tꞌʌn. Caꞌ bin cꞌuchuquech ich caꞌanan tu cu bin u reyinticob Cꞌuj. Cu bin u tsꞌabʌr tech a baꞌ jach coꞌoj.
\p
\v 23 Caj tsꞌoc yubic a baꞌ caj u yaꞌaraj Jesús tiꞌ caj tucurnʌjij quireꞌ jach yʌn u taqꞌuin.
\v 24 Jesús caj yiraj tucur u caꞌ a xiboꞌ caj u yaꞌaraj tiꞌ:
\p ―Jach yaj yocar mac a neyʌn u taqꞌuin tu cu reyinticob Cꞌuj quireꞌ u yaj u taqꞌuin.
\v 25 Jeꞌ wa ju cꞌuchur yor yocar yʌrʌcꞌ tsimin ich u jor yitꞌ putsꞌ? Mʌꞌ ju cꞌuchur u yor quireꞌ chichin u jor yitꞌ putsꞌ. Jeꞌ wa ju cꞌuchur u yor yocar ich caꞌanan a mac neyʌn u taqꞌuin? Mʌꞌ ju yocar quireꞌ u yaj u taqꞌuin. Jaj ixtʌcoj, jeꞌ u yocar yʌrʌcꞌ tsimin ich u jor yitꞌ putsꞌ. Chen a mac neyʌn u taqꞌuin mʌꞌ yocar, tu cu bin u reyintejob Cꞌuj, quireꞌ u yaj u taqꞌuin.
\p
\v 26 A mac a caj u yubaj u tꞌʌn caj yaꞌarajob:
\p ―A mac cu bin taꞌcbir ten Cꞌuj tun?
\p
\v 27 Rajen Jesús caj yaꞌaraj:
\p ―A Cꞌujoꞌ cꞌuchaꞌan yor tiꞌ a baꞌ mʌꞌ cꞌuchaꞌan yor tiꞌ mac.
\p
\v 28 Pedro caj yaꞌaraj:
\p ―Jaj Tsꞌurir ―quij―, caj in toc rʌc pꞌʌtajob a baꞌ yʌn tenob quir in tarob ta pach soc in cʌnicob a tꞌʌn. 
\p
\v 29 Jesús caj yaꞌaraj tiꞌob:
\p ―Jach taj quin wac techex. Wa mac cu pꞌʌtic yatoch wa ju racꞌ wa ju tet. Wa ju bʌjob wa ju pararob soc rajiꞌ cu reyinticob Cꞌuj wa cu chaꞌicob.
\v 30 Cu bin u cꞌʌmej tiꞌ Cꞌuj a baꞌ jach tsoy bajeꞌrer. Jach manan cu bin tsꞌabʌr tiꞌ. Baxuc xan, caꞌ bin xuruc tꞌʌn jeꞌ u tsꞌabʌr tiꞌ u cuxtar munt qꞌuin.
\s Jesús cu caꞌ aꞌaric: Bin in caꞌ quinsbir
\r (Mt. 20.17‑19; Mr. 10.32‑34)
\p
\v 31 Jesús caj u pʌyaj u doce u camsʌwinicob soc u tsicbar tiꞌob tu junanob:
\p ―Bajeꞌrer ―quij―, quic wʌcꞌʌs bin ich u cajar Jerusalén. Tu cotor a baꞌ caj u tsꞌibtajob yʌjtseqꞌuirob u tꞌʌn Cꞌuj tiꞌ ten uch. Jeꞌ u tar ten quireꞌ caj u tuchiꞌtajen Cꞌuj baxuquenechexoꞌ.
\v 32 Tiꞌ cu bin u cꞌubiquenob tiꞌ a mac a mʌꞌ u winiquirob judío. Tiꞌ cu bin u pꞌastiquenob. Tiꞌ cu bin u cʌrʌxbetiquenob. Tiꞌ cu bin u tubiquenob xan.
\v 33 Tiꞌ cu bin u chich jʌtsꞌicob in pach. Cu tsꞌocar aroꞌ cu bin u quinsiquenob. Chen caꞌ bin manʌc mʌnaꞌ u nup u qꞌuinin, jeꞌ in riqꞌuir tin quimirir.
\p
\v 34 U camsʌwinicob, mʌꞌ tu najtajob a baꞌ caj u yubajob yaꞌaric Jesús quireꞌ mʌꞌ yerob baꞌ u cꞌat yaꞌaric u tꞌʌn.
\s Jesús cu jawsic a chꞌop u wichoꞌ ich u cajar Jericó 
\r (Mt. 20.29‑34; Mr. 10.46‑52)
\p
\v 35 Tabar u cꞌuchur Jesús ich u cajar Jericó. Tiꞌ curaꞌan a chꞌop u wichoꞌ ich nʌcꞌ bej. Tan u cꞌatic u taqꞌuin quir u janʌn.
\v 36 Caj u rʌc uꞌyaj u manob a pimoꞌ a chꞌop u wichoꞌ caj u cꞌata tiꞌ mac bʌytʌc baꞌ u ber.
\v 37 Caj araꞌb tiꞌ:
\p ―Jesús a cu tar ich u cajar Nazaret, rajiꞌ caj a wuꞌyaj u man ʌcʌtan tech.
\p
\v 38 A chꞌop u wichoꞌ caj u puraj u tꞌʌn tiꞌ:
\p ―Jesús ―quij―, u pararech a nunquir u rey David, chan yajquin ten.
\p
\v 39 Chen a mac a cu binob pʌybej caj u yaꞌarajob tiꞌ: 
\p ―Mʌc a chiꞌ ―quij.
\p Chen caj u jach cꞌamquintaj yawʌt tꞌʌn:
\p ―U pararech a nunquir u rey David, chan yajquint ten. 
\p
\v 40 Caj xurij Jesús ich bej caj yaꞌaraj caꞌ tac purbir tiꞌ. Caj u jutsꞌ u bʌj ich Jesús caj cꞌataꞌb tiꞌ:
\p
\v 41 ―Baꞌ a cꞌat in betej tech?
\p A chꞌop u wichoꞌ caj u nuncaj:
\p ―Jaj Tsꞌurir ―quij―, in cꞌat u sasichʌjʌr in wich. 
\p
\v 42 Caj araꞌb tiꞌ ten Jesús:
\p ―Caꞌ tac u sasirir a wich quireꞌ caj a wacsaj ta wor ten.
\p
\v 43 Rajen sasichʌjij u wich. Rajen seb caj sasichʌjij u wich caj say tu pach Jesús caj yaꞌaraj:
\p ―Jach caremech Cꞌuj.
\p Baxuc a mac a caj u yirob u jawʌr u wich caj yaꞌarajob xan:
\p ―Jach caremech Cꞌuj.
\c 19
\s Jesús tiꞌ yʌn yejer Zaqueo
\p
\v 1 Caj oc Jesús ich u cajar Jericó. Tiꞌ man chumuc u cajar. 
\v 2 Tiꞌ yʌn turiꞌ xib neyʌn u taqꞌuin u cꞌabaꞌ Zaqueo, u jach tsꞌurir yʌjcꞌʌminob u taqꞌuin gobierno.
\v 3 Zaqueo u cꞌat u yiric Jesús quir u cꞌʌꞌotic, chen mʌꞌ cꞌuchaꞌan yirej quireꞌ a pimob, cabar u baquer. Mʌꞌ cꞌuchaꞌan yor yirej quireꞌ tiꞌ yʌn a pimob.
\v 4 Rajen caj u cꞌʌnaj yacab caj naquij ich cꞌʌb cheꞌ quireꞌ tiꞌ yʌn u berir quir u man Jesús soc yiric. Rajen pʌybej caj bin.
\v 5 Tiꞌ manij Jesús tu yʌn Zaqueo. Jesús caj u pʌctaj tiꞌ, caj yaꞌaraj tiꞌ:
\p ―Zaqueo ―quen―, seb a wemʌn quireꞌ yʌn in jamach pꞌatʌr ta watoch.
\p
\v 6 Rajen Zaqueo seb caj emij ich ruꞌum, quiꞌ yor caj u quiꞌ acsaj tu yatoch.
\v 7 A mac a caj u yirajob yocar Jesús ich yatoch Zaqueo caj u pacran arajob ich u racꞌob, tan u choctar yorob: 
\p ―Biquinin cu yʌn ocar aroꞌ ich yatoch a mac yʌn u siꞌpir quir u wenʌn?
\p
\v 8 Caj chꞌicraj Zaqueo ʌcʌtan tu cotor mac soc chʌcaꞌan yubicob. Caj yaꞌaraj tiꞌ Jaj Tsꞌurir:
\p ―Iric Jaj Tsꞌurir ―quij―. Yʌn in tsꞌic tiꞌ in taqꞌuin tiꞌ a otsiroꞌ. Chumuc tu cotor a yʌn tenoꞌ quin bin in tsꞌic tiꞌ. Wa caj in tus chꞌaj u taqꞌuin mac uch, quin bin in sutej tiꞌ. Cuatro u tenin quin sutic tiꞌ. 
\p
\v 9 Jesús caj yaꞌaraj tiꞌ:
\p ―Bajeꞌrer Cꞌuj caj u taꞌquech yejer tu cotor mac a tiꞌ yʌn ta watoch. Jach taj u pararech a nunquir Abraham, quireꞌ caj a wacsaj ta wor tiꞌ Cꞌuj an ten bic ic nunquir Abraham uch, caj u yacsaj tu yor.
\v 10 Mʌꞌ ja wirej, a baxuquenechexoꞌ caj u tuchiꞌten Cꞌuj caꞌ in wesej quin yajquintic mac a tabar u bin ich cꞌacꞌ quir in taꞌquic a mac a cu yacsic tu yor ten. 
\s Jesús cu camsic quir u cʌnic tiꞌ diez taqꞌuin
\p
\v 11 Tiꞌ toy cu yubicob an ten bic Jesús caj u tsicbʌtaj tiꞌ Zaqueo. Jesús caj u yʌnxchun u camsic tiꞌob quireꞌ tabar u cꞌuchur ich u cajar Jerusalén. Rajen cu tucricob cꞌuchij tu qꞌuinin u reyinticob Jesús u ruꞌumin u winiquirob judío.
\v 12 Rajen caj yaꞌaraj Jesús:
\p ―A mac jach noꞌj u tet ―quij―, caj bin ich tanxer ruꞌum soc u yacsaꞌ rey. Caj tsꞌoc yacsaꞌ rey caj wʌcꞌʌs urij.
\v 13 Caj bin ich tanxer ruꞌum caꞌch caj u tꞌʌnaj diez u cꞌurew caj u tsꞌaj jujuntur u cꞌurewob dos cientos pesos caj u yaꞌaraj tiꞌob: “Cꞌʌnej a jeꞌ taqꞌuinaꞌ caꞌ a jarex u jer taqꞌuin jach yaꞌab hasta quin wuꞌur.” 
\v 14 Jeroj caj binij. Tiꞌ yʌn mac ich u cajar aroꞌ caj pꞌactaꞌb ten u yet cajarob a cu bin yocar rey. Rajen caj u tuchiꞌtaj mac tu pach aroꞌ caj u yaꞌaraj tiꞌ rey: “Mʌꞌ in cꞌatob u yocar quir in reyinticob. Mʌꞌ a wacsic tiꞌ.”
\v 15 Caj urij a jeꞌ xiboꞌ caj u yʌnxchun u reyinticob caj u pʌyaj u cꞌurew a caj u tsꞌa tiꞌ u taqꞌuin uch caꞌ tacob ʌcʌtan ich rey. Quireꞌ u cꞌat yer mun tꞌaj u taqꞌuin jujunturob.
\v 16 A pʌybejoꞌ tarij caj yaꞌaraj: “Jach Tsꞌurir ―quij―, a taqꞌuin a ta tsꞌaj ten, dos cientos pesos uch, jach netꞌajij bajeꞌrer yʌn dos mil pesos.”
\v 17 U jach tsꞌurir caj yaꞌaraj tiꞌ: “Jach tsoy a beyaj, jach tsoy in cꞌurewech. In wer bajeꞌrer ca quiꞌ cʌnantic a baꞌ mʌꞌ yaꞌab tech. Rajen quin bin in tsꞌic diez cajarob quir u reyintiquech.”
\v 18 A caꞌtur u cꞌurew tarij caj yaꞌaraj tiꞌ: “Jach Tsꞌurir ―quij―. A taqꞌuin a caj a tsꞌaj ten dos cientos pesos, jach tꞌaj bajeꞌrer yʌn mil pesos.”
\v 19 U jach tsꞌurir caj yaꞌaraj tiꞌ: “Tech quin bin in tsꞌic cinco cajarob quir u reyintiquech.”
\v 20 Caj tar u jer u cꞌurew caj yaꞌaraj tiꞌ: “Jaj Tsꞌurir ―quij―, jeꞌ a taqꞌuinaꞌ. Caj in tapa caj in ricꞌsaj, 
\v 21 quireꞌ caj in chꞌaj sajaquir tech quireꞌ tsꞌiquech. Quireꞌ tech ca chꞌic a baꞌ mʌꞌ tech yʌnin. Quireꞌ tech ca jaqꞌuic u nar mac cax tech mʌꞌ ta pʌcꞌaj.”
\v 22 U jach tsꞌurir caj u yaꞌaraj tiꞌ: “Jach cꞌas in cꞌurewech, a wʌcꞌʌs tꞌʌn tech a caj a waꞌaraj. Rajiꞌ cu bin u taꞌquic a joꞌr quireꞌ a wer jach tsꞌiquen quireꞌ a tenoꞌ quin chꞌic u taqꞌuin mac a caj u jaraj. Quireꞌ quin jaqꞌuic u nar mac a mʌꞌ tin pʌcꞌaj.
\v 23 Rajen biquinin mʌꞌ ta majantaj in taqꞌuin tiꞌ mac soc cꞌʌs tꞌajij in taqꞌuin caꞌ bin urquen. Caꞌ in chꞌic cax mʌꞌ yaꞌab?”
\v 24 Caj araꞌb ten u jach tsꞌurir tiꞌ a mac tiꞌ yʌn tu yicnʌn u cꞌurew a cꞌasoꞌ: “Taquej tiꞌ u taqꞌuin a tiꞌ yʌn tiꞌ a dos cientos caꞌ a tsꞌic tiꞌ a mac yʌn tiꞌ dos mil pesos.”
\v 25 U cꞌurewob caj yaꞌarajob tiꞌ: “Jach Tsꞌurir ―quij―, toc yʌn tiꞌ dos mil pesos a caj a pꞌʌtaj tiꞌ.”
\v 26 U jach tsꞌuric caj yaꞌaraj tiꞌob: “Quin wac techex a mac a cu betic tsoy yejer a baꞌ quin tsꞌic tiꞌ. Jeꞌ in tsꞌic tiꞌ jach yaꞌab. A maqueꞌ a mʌꞌ u cꞌʌnic a baꞌ quin tsꞌic tiꞌ. Jeꞌ in taꞌquic tiꞌ, cax mʌꞌ yaꞌab yʌn tiꞌ.
\v 27 Techex a werex a mac a cu pꞌactiquen caꞌch. Robob a mʌꞌ u cꞌat in wocar rey toc chuquejob caꞌ a quinsejob ʌcʌtan ten.”
\s Jesús cu yocar ich u cajar Jerusalén
\r (Mt. 21.1‑11; Mr. 11.1‑11; Jn. 12.12‑19)
\p
\v 28 Caj tsꞌoc a baꞌ caj u camsa sam ich yatoch Zaqueo. Caj u pꞌʌtaj u cajar Jericó quir u bin ich u cajar Jerusalén. 
\v 29 Tabar u cꞌuchur ich u cajar Betfagé, baxuc tiꞌ yʌn u cajar Betania, nʌtsꞌaꞌan tiꞌob yʌn u chan pꞌuc witsir u cꞌabaꞌ Olivos. Quireꞌ raꞌ u cꞌabaꞌ u cheꞌer a tiꞌ yʌnoꞌ. Jesús caj u tuchiꞌtaj caꞌtur u camsʌwinicob.
\v 30 Caj araꞌb tiꞌob:
\p ―Xenex ich u chan cajar cꞌʌs bʌytʌc caꞌ bin ocaquechex ich u cajar. Jeꞌ a wirex chan tsimin tiꞌ macaꞌan, mʌnaꞌ mac u cʌptanmʌn u pach. Pitex tiꞌ caꞌ a paytex teraꞌ. 
\v 31 Wa mac cu cꞌatic techex: “Biquinin ca pitiquex chan tsimin?” Caj a waquex tiꞌ baxuc a jeꞌraꞌ: “Quireꞌ ic Jaj Tsꞌurir u cꞌat u cʌptar tu pach”, quech tiꞌ.
\p
\v 32 U camsʌwinicob caj binob caj yirajob tiꞌ macaꞌan chan tsimin an ten bic Jesús caj yaꞌaraj tiꞌob.
\v 33 Caj u pitajob chan tsimin caj tarij a mac yʌnin caj u cꞌataj: “Biquinin ca pitiquex chan tsimin?”
\p
\v 34 Rajiꞌob caj u nuncajob:
\p ―Quireꞌ ic Jaj Tsꞌur u cꞌat u cʌptar tu pach.
\p
\v 35 A caꞌtur u camsʌwinicob caj u paytajob chan tsimin caj binob u purej ich Jesús. Caj u jʌyajob u noqꞌuir u pach chan tsimin. U camsʌwinicob caj u yamtajob Jesús quir u cʌptar tu pach chan tsimin.
\v 36 Caj bin Jesús tu berir Jerusalén. Tiꞌ cʌpaꞌan Jesús tu pach chan tsimin ich u bej tu cu man Jesús. A winiquir judíojoꞌ caj u pitaj u caꞌ yarir u nocꞌob quir u jʌyicob tu ber Jesús. Irej nanij cu yacsicob rey tu cajarob quireꞌ quiꞌ yorob yiricob.
\v 37 Tabar u cꞌuchur Jesús ich u cajar Jerusalén. Tiꞌ yʌn chan pꞌuc witsir Olivos tu cu bin yemantic Jesús. U camsʌwinicob a pimoꞌ caj u yʌnxchun u quiꞌquinticob yorob. Cꞌam caj yaꞌarajob:
\p ―Jach caremech Cꞌuj quireꞌ caj in wirob jach carem a beyaj.
\p
\v 38 A pimoꞌ caj yaꞌarajob:
\p ―Tan in cꞌujinticob a jeꞌ reyaꞌ a cʌpʌcbar tu pach chan tsimin a caj u tuchiꞌtaj Cꞌuj. Caꞌ ij carej tiꞌ: Bayoꞌ Cꞌuj, tiꞌ yʌnech ich caꞌanan quireꞌ caj a quetquintaj ij corex yejerech ―baxuc caj yaꞌarajob a pimoꞌ.
\p
\v 39 Tiꞌ yʌn mʌꞌ yaꞌab u winiquirob judío a fariseojoꞌ ich a pimoꞌ, caj yaꞌarajob tiꞌ Jesús:
\p ―Arej u mʌcob u chiꞌ a camsʌwinicob.
\p
\v 40 Jesús caj u nuncaj tiꞌob, caj yaꞌaraj:
\p ―Quin wac techex, wa cu mʌquicob u chiꞌ a jeꞌ winicaꞌ, jaj ixtʌcoj, a jeꞌ tunichaꞌ jeꞌ u jocꞌar u tꞌʌn, tan yaꞌaric: “Quin cꞌujintiquechob.”
\p
\v 41 Jesús tabar u natsꞌʌr caj yiraj u cajar Jerusalén caj ocꞌnʌjij Jesús quireꞌ otsir yiric, a mac tiꞌ yʌn tu cajar Jerusalén.
\v 42 Caj yaꞌaraj Jesús:
\p ―Jaj ix tʌcoj wa ja toc erex bic cꞌuchaꞌan a worex a quetquintiquex a worex yejer Cꞌuj chen bajeꞌrer Cꞌuj mʌꞌ u chaꞌic a wiriquex baꞌ a ber techex.
\v 43 Quireꞌ caꞌ bin cꞌuchuc tu qꞌuinin a mac a cu pꞌactiquechex cu bin u tsꞌʌpquinticob tunich soc mʌꞌ tu ca putsꞌurex. Quireꞌ caj u toc bʌcris tsꞌʌptajob tunich.
\v 44 Cu bin u quinsicob techex yejer a pararobex. Cu bin u rʌc jubsicob u tunichir a cajarex cu bin u rʌc pichꞌinticob tunich. Baxuc cu bin u beticob techex quireꞌ mʌꞌ ta wacsajex ta worex tiꞌ Cꞌuj quireꞌ caj u tuchiꞌtajen a tenoꞌ a baxuquenechexoꞌ tiꞌ techex quir in yamtic techex.
\s Jesús cu joqꞌsic a mac tiꞌ yʌn ich carem naj a cu canicob baꞌ
\r (Mt. 21.12‑17; Mr. 11.15‑19; Jn. 2.13‑22)
\p
\v 45 Caj oquij Jesús ich carem naj tu cu naj cꞌujinticob Cꞌuj u winiquirob judío. Caj u yʌnxchun u jocꞌsic a mac cu canicob u baꞌtac tu japnin carem naj baꞌiriꞌ a mac a cu mʌnicob baꞌ.
\v 46 Jesús caj yaꞌaraj tiꞌob:
\p ―Tiꞌ tsꞌibaꞌan ich u tꞌʌn Cꞌuj, cu yaꞌaric: “In watoch a jeꞌraꞌ quir u tar mac u tꞌʌnic Cꞌuj”, chen techex caj a waysaj irej wa tu cu muchꞌquinticob u bʌj a cu yacꞌrʌꞌ baꞌ.
\p
\v 47 Jesús caj tsꞌoc u jocꞌsic a mac a cu canicob baꞌ ich carem naj tu cu naj cꞌujinticob Cꞌuj u winiquirob judío. Rajraꞌ Jesús cu camsic a mac a cu tar ich carem naj tu cu naj cꞌujinticob Cꞌuj u winiquirob judío. Chen u jach tsꞌurirob u sacerdote yejer yʌjcamsʌyʌjirob u tꞌʌn Moisés yejer u jach tsꞌurir u winiquirob judío u cꞌat u quinsicob Jesús.
\v 48 Chen mʌꞌ yerob bic tabar cu bin u quinsicob tiꞌ quireꞌ a pimoꞌ u jach cꞌat yubicob u tꞌʌn Jesús.
\c 20
\s Mac aric tiꞌ Jesús quir u camsic aroꞌ
\r (Mt. 21.23‑27; Mr. 11.27‑33)
\p
\v 1 Jesús tiꞌ yʌn turiꞌ u qꞌuinin ich carem naj tu cu naj cꞌujinticob Cꞌuj u winiquirob judío, caj u camsaj tiꞌob. Baxuc caj u tsecꞌtaj tiꞌob u jach tsoyir u tꞌʌn Cꞌuj. Caj cꞌuchob u jach tsꞌurirob sacerdote yejer yʌjcamsʌyʌjirob u tꞌʌn Moisés yejer u tsꞌurirob u winiquirob judío a nuxiboꞌ.
\v 2 Caj yaꞌarob tiꞌ:
\p ―Mac caj u tsꞌajaj a mucꞌ caj a cꞌʌmaj? Mac arej tech quir a camsicob quir a tsecꞌticob? Arej tenob mac caj u yaꞌaraj tech caꞌ a camsej tiꞌob?
\p
\v 3 Jesús caj yaꞌaraj tiꞌob:
\p ―Baxuc ten bin in caꞌ in cꞌatic techex. Nunquex ten. 
\v 4 Arex ten mac tuchiꞌtej Juan quir yacsic jaꞌ tu joꞌr mac? Cꞌuj wa tuchiꞌtej Juan wa xib tuchiꞌtej?
\p
\v 5 Caj u tucrajob bic tabar cu bin u nunquicob tiꞌ. Caj pacran arajob:
\p ―Wa quij aric tiꞌ, Cꞌuj caj u tuchiꞌtaj Juan quir u yacsic jaꞌ tu joꞌr mac, jeꞌ yaꞌaric toꞌon: “Biquinin mʌꞌ ta wacsajex ta worex tiꞌ?”
\v 6 Wa quij aric xib caj u tuchiꞌtaj, a pimoꞌ, jeꞌ u chꞌinicoꞌonob quireꞌ yerob taj tuchiꞌtaꞌb ten Cꞌuj Juan quir u tsecꞌtic tꞌʌn.
\p
\v 7 Caj u nuncob:
\p ―Mʌꞌ in werob mac tuchiꞌtej Juan quir u yacsic jaꞌ tu joꞌr mac.
\p
\v 8 Jesús caj yaꞌaraj tiꞌob:
\p ―Baxuc techex, mʌꞌ a waꞌaric mac tuchiꞌtej Juan, baxuc ten ―quij Jesús―, mʌꞌ in wac techex mac caj u yaꞌaraj ten quir in camsic tiꞌob.
\s Jesús cu camsic: Irej wa mac caj u majantaj u corir u wich uva
\r (Mt. 21.33‑44; Mr. 12.1‑11)
\p
\v 9 Jesús caj u yʌnxchun u camsic a pimob caj u camsaj baxuc a jeꞌraꞌ soc yerob a maqueꞌ a mʌꞌ u cꞌat u yacsicob tu yor tiꞌ quireꞌ bin u caꞌ ich cꞌacꞌ. Rajen caj u camsaj a jeꞌraꞌ:
\p ―Tiꞌ yʌn mac uch caj tsꞌoc u chꞌʌquic u cheꞌer u cor caj u rʌc tocaj u robirir caj u pʌcꞌaj u yaqꞌuir u wich uva. Caj tsꞌoc u pʌqꞌuic, caj u tsꞌaj tiꞌ mac quir u cʌnanticob. U boꞌorir u cor caꞌ bin cꞌuchuc tu qꞌuinin u tꞌaquic u wich uva. Cu tsꞌicob tiꞌ u tsꞌurir u cor jun xotꞌ u wich. U tsꞌurir caj bin nach amaꞌan caj urij. 
\v 10 Caj cꞌuchij tu qꞌuinin cu tꞌocar u wich uva. U tsꞌurir caj u tuchiꞌtaj u cꞌurew tu yʌn a mac a cu cʌnanticob u corir uva quir u cꞌat junxotꞌ u wich uva u boꞌorir u cor. Chen a mac a cu cʌnanticob u cor caj u raxajob u cꞌurew caj wʌcꞌʌs tuchiꞌtaꞌb mʌꞌ tu tsꞌajajob tiꞌ u wich uva.
\v 11 U jach tsꞌuriroꞌ caj u caꞌ tuchiꞌtaj u jer u cꞌurewoꞌ. A mac cu cʌnanticob u corir u wich uva caj u raxob u cꞌurew. Caj u pꞌastajob xan caj u putsꞌob caꞌ xic mʌꞌ tu tsꞌajajob tiꞌ.
\v 12 U jach tsꞌurir caꞌ u wʌcꞌʌs caꞌ tuchiꞌtaj u jer u cꞌurewoꞌ chen a mac a cu cʌnanticob u corir u wich uva, baxuc xan, caj u jʌtsꞌajob hasta em u qꞌuiqꞌuer caj u pichꞌintajob tu nʌcꞌ cꞌaxir u corob.
\p
\v 13 ’U jach tsꞌurir u cor u wich uva caj yaꞌaraj: “Baꞌ quin bin in betej?” U bʌjir cu tꞌʌn tu junan: “Jeꞌ in tuchiꞌtic in parar in jach yaj, jaj ixtʌcoj cu sʌjticob yʌjcʌnʌnyʌjirob u pach u corir uva.”
\v 14 Chen a mac a cu cʌnanticob u pach u cor uva caj u yirob u tar u parar u tsꞌurir: “Araꞌ cu tar u pararoꞌ, raꞌ cu bin u chꞌic u cor u tet caꞌ bin quimquiꞌ.” Baxuc caj yaꞌarob ich u racꞌob: “Caꞌ ij quinsej soc toꞌon caꞌ bin ic chꞌic u cor.”
\v 15 Tiꞌ taroꞌ caj u quinsajob u parar u tsꞌurir caj u jocꞌsajob u pichꞌintej ich nʌcꞌ cꞌax. Baꞌ cu bin u betej u jach tsꞌurir tiꞌ yʌjcʌnanyʌjirob u pach u corir uva? 
\v 16 Jeꞌ u tar u jach tsꞌurir quir u jocꞌsic u quinsej quir u tsꞌic u cor tiꞌ u jer mac.
\p Caj yubob yaꞌaric u winiquirob judío caj yaꞌarob:
\p ―Jaj ixtʌcoj mʌꞌ u tar toꞌon.
\p
\v 17 Jesús caj u pʌctaj u wichob caj yaꞌaraj tiꞌob:
\p ―Arex ten ajeraꞌ baꞌ cu yaꞌaric ich u tꞌʌn Cꞌuj tu tsꞌibaꞌan? Tan yaꞌaric:
\q A tenoꞌ iren a yoc najoꞌ soc u chich tar u mucꞌ naj, chen a ray yoc najoꞌ pichꞌitaꞌb ten yʌjcꞌʌxirob naj uch. Quireꞌ mʌꞌ u cꞌat, chen caj u wʌcꞌʌs chucajob quir u cꞌʌxicob yatoch soc u chichtar u mucꞌ.
\m
\v 18 A mac a mʌꞌ u yacsic tu yor ten bajeꞌrer. Rajiꞌ irej a mac cu nacchꞌʌtic tunich caj yajij yoc. Chen caꞌ bin cꞌuchuc tu qꞌuinin u xur tꞌʌn, a mac a mʌꞌ tu yacsaj tu yor tiꞌ Cꞌuj, rajiꞌ irej mac cu rubur tunichir tu yocꞌor cu maxʌreꞌ toc ramʌn ich ruꞌum.
\s Cax ic boꞌotej u boꞌorir u beyaj gobierno
\r (Mt. 21.45‑46; 22.15‑22; Mr. 12.12‑17)
\p
\v 19 Raꞌiriꞌ u qꞌuinin u jach tsꞌurirob sacerdote yejer yʌjcamsʌyʌjirob u tꞌʌn Moisés u cꞌat u chuquicob Jesús. Quireꞌ yerob a baꞌ caj u camsaj sam quireꞌ Jesús yer mʌꞌ tu yacsicob tu yorob. Mʌꞌ tu jach chucob Jesús quireꞌ cu chꞌic saquirob a pimob. Mʌꞌ ja wirej, a pimob u necꞌat yubic u tsicbar Jesús.
\v 20 Tan u chꞌucticob u chuquej Jesús, rajen caj u tuchiꞌtajob mac quir u tus waytarob u tꞌʌn soc cu tus taꞌquicob u joꞌr ich gobernador. U cꞌat u taꞌquic u joꞌr tiꞌ gobernador soc u quinsaꞌ. Rajen yet tarob a mac a cu tus aric tsoy yorob. Soc u tus aric a baꞌ cu yubic u tsicbar Jesús. 
\v 21 Rajen caj u cꞌatob tiꞌ Jesús:
\p ―In wʌjcamsʌyʌjirech ―quij―, in werob taj a baꞌ ca wac. Baxuc taj a baꞌ ca camsic tiꞌ u tꞌʌn Cꞌuj. Mʌꞌ a coyen chich aric tiꞌ mac quet ca waꞌaric tiꞌ. Quireꞌ baxuc taj ca camsic tenob a baꞌ u cꞌat Cꞌuj tiꞌ tenob. 
\v 22 In cꞌatob in wer wa tsoy in boꞌoticob in ruꞌum tiꞌ rey? Wa mʌꞌ tsoy in boꞌoticob in ruꞌum?
\p
\v 23 Jesús caj u yubaj baꞌ cꞌas cu tucricob tu yorob, caj yaꞌaraj tiꞌob:
\p ―Biquinin ca tarex a tumtiquex in wor?
\v 24 Esej ten a taqꞌuin tuririꞌ caꞌ in wirej.
\p Caj u yesob tiꞌ Jesús. Jesús caj u yaꞌaraj tiꞌob:
\p ―Mac jotꞌaꞌan u yochiriꞌ? Baꞌ quiriꞌ u cꞌabaꞌ tsꞌibaꞌan tiꞌ?
\p Rajiꞌob caj u yaꞌarob tiꞌ:
\p ―Raꞌ u yochir u rey César, jotꞌaꞌan ich sʌc taqꞌuin. 
\p
\v 25 Caj yaꞌaraj Jesús tiꞌob:
\p ―Taj a baꞌ ca waquex. Rajen caꞌ a quibʌquex a baꞌ cu yac techex u rey, César, baxuc xan, caꞌ a quibʌquex a baꞌ cu yaꞌaric Cꞌuj techex.
\p
\v 26 Mʌꞌ cꞌuchaꞌan yor yubic baꞌ cu yaꞌaric Jesús ich a pimoꞌ soc u tus taꞌquicob u joꞌr Jesús. Chen jacaꞌan yorob a baꞌ yubicob yaꞌaric Jesús. Rajen tsꞌoc u tꞌʌnob. 
\s Cu tar u cꞌaticob saduceo, mac cu riqꞌuir tu quimen 
\r (Mt. 22.23‑33; Mr. 12.18‑27)
\p
\v 27 Baxuc xan, tarob u winiquirob judío a saduceojoꞌ. Aroꞌ cu yaꞌaric mʌꞌ u riqꞌuir mac tu quimirir. Caj tarob u cꞌatej baꞌ tiꞌ Jesús; caj yaꞌarajob tiꞌ Jesús:
\p
\v 28 ―In wʌjcamsʌyʌjirech ―quij-, ic nunquir Moisés caj u tsꞌibtaj toꞌon uch a baꞌ caꞌ ic betej. Caj yaꞌaraj wa ju mam cu quimin, cu pꞌatʌr u racꞌ, mʌnaꞌ u parar yejer caj quimin u mam, tu junan. Caj yaꞌaraj Moisés, raꞌ u yitsꞌin u mam, rajiꞌ cu bin u chꞌic u raqꞌuintej a muꞌ. Soc yiric wa jeꞌ u pararancʌr yejer soc u chꞌisic u parar, irej waj u tus parar u sucuꞌun uch.
\v 29 A sucuꞌunbir yʌn seis yitsꞌinob. A sucuꞌunbir, rajiꞌ tu yʌn chꞌaj u racꞌ hasta quimin, mʌnaꞌ u parar.
\v 30 A itsꞌinbiroꞌ rajiꞌ u taꞌquic u chuꞌch u sucuꞌun. Rajiꞌ caj u chꞌaj u racꞌ u sucuꞌun, mʌnaꞌ u parar xan. 
\v 31 A jach caꞌ itsꞌinbiroꞌ, rajiꞌ caj u taꞌca u chuꞌch u caꞌ sucuꞌun. Rajiꞌ caj u chꞌaj u racꞌ u caꞌ sucuꞌun. Mʌnaꞌ u parar xan. Hasta nup u rʌc chꞌic u yitsꞌinob u mam hasta rʌc quimob, mʌnaꞌ u parar.
\v 32 Caj cꞌuchij tu qꞌuinin u quimin a xquicoꞌ caj quimij. 
\v 33 Caꞌ bin riqꞌuic tu quimen, mac cu bin u chꞌic u raqꞌuintej quireꞌ siete caj u chꞌaj u mam.
\p
\v 34 Rajen Jesús caj u nuncaj tiꞌob, caj yaꞌaraj:
\p ―A teꞌ ich yocꞌocab cu chꞌic u racꞌ mac, baxuc xquic cu chꞌic u mam xan. Baxuc a pararex xan cu chꞌic u racꞌ, baxuc xquic a pararex xan, cu chꞌic u mam.
\v 35 Caꞌ bin tsꞌocac u riqꞌuir mac tu quimen, a mac jach tsoyoꞌ cu bin chaꞌbir yocar ten Cꞌuj ich caꞌanan. Munt qꞌuin tiꞌ yʌnob. Mʌꞌ u chꞌic u racꞌ a ich Cꞌujoꞌ. Mʌꞌ ju bin u chꞌic u mam.
\v 36 Quireꞌ a taroꞌ, mʌꞌ ju bin quimen, irob baxucob yʌjmasirob u tꞌʌn Cꞌuj. Quireꞌ u pararob Cꞌuj quireꞌ ricꞌob tu quimen ten Cꞌuj uch.
\v 37 Mʌꞌ wa cꞌaj techex a baꞌ caj u tsꞌibtaj Moisés uch a caj u yiraj tu cu yerar cꞌacꞌ ich chan cheꞌer uch. Caj araꞌb ten Cꞌuj tiꞌ Moisés. “A tenoꞌ u Cꞌujirenob a nunquirex Abraham yejer a nunquirex Isaac yejer a nunquirex Jacob.” Rajen ij quer cu bin riqꞌuir mac tu quimirir.
\v 38 A Cꞌujoꞌ, rajiꞌ u Cꞌuj tu cotor mac. Rajiꞌ u Cꞌuj a mac cuxaꞌan. Baxuc xan, rajiꞌ u Cꞌuj a mac quimen quireꞌ a quimenoꞌ cuxaꞌan ʌcʌtan tiꞌ Cꞌuj.
\p
\v 39 Mʌꞌ yaꞌab tiꞌ yʌnob yʌjcamsʌyʌjirob u tꞌʌn Moisés caj yaꞌarob tiꞌ:
\p ―In wʌjcamsʌyʌjirech, taj a baꞌ caj a waꞌaraj tiꞌ u winiquirob judío a saduceojoꞌ.
\p
\v 40 Quireꞌ sajaquir u caꞌ u cꞌatob tiꞌ Jesús. Rajen caj u pꞌʌtajob u cꞌata baꞌ.
\s Jesús caj u cꞌataj tiꞌ yʌjcamsʌyʌjirob u tꞌʌn Moisés mac a Cristojoꞌ?
\r (Mt. 22.41‑46; Mr. 12.35‑37)
\p
\v 41 Jesús caj u cꞌataj tiꞌob:
\p ―Bic tabar cu yaꞌaricob a pimob yejer u tsꞌurirob u winiquirob judío, u parar u nunquir David. Rajiꞌ Cristo a mac tuchiꞌtaꞌb ten Cꞌuj?
\v 42 Mʌꞌ ja wirej, u bʌjiriꞌ David, caj u tsꞌibtaj ich u juꞌunin Salmos ich a uchben u tꞌʌn Cꞌujoꞌ. Caj yaꞌaraj: 
\q Ic Jach Tsꞌur Cꞌuj, quij David, caj u yaꞌaraj tiꞌ in Jach Tsꞌur: “Tar a cutar, quij Cꞌuj, tin noj soc pꞌeriꞌ quic reyinticob mac.
\v 43 Soc pꞌeriꞌ quic reyinticob mac hasta cu cꞌuchur tu qꞌuinin quin rʌc chꞌersic a mac a cu pꞌactiquech.”
\m Baxuc caj araꞌb tiꞌ ic nunquir David ten Cꞌuj.
\p
\v 44 Jesús caj u cꞌataj tiꞌob caj yaꞌaraj:
\p ―A jeꞌ u tꞌʌn Cꞌuj cu yesic toꞌon David caj u tꞌʌnaj a Cristojoꞌ, in Jach Tsꞌur, quij David. Rajen biquinin ca waquex u parar David a Cristojoꞌ quireꞌ wa rajiꞌ u Jach Tsꞌurir, quet baꞌiriꞌ?
\s Jesús cu chich aric tiꞌ u camsʌwinicob, quiꞌ cʌnantej a bʌj tiꞌ yʌjcamsʌyʌjirob u tꞌʌn Moisés
\r (Mt. 23.1‑36; Mr. 12.38‑40; Lc. 11.37‑54)
\p
\v 45-46 Jesús cu tsicbar tiꞌ u camsʌwinicob pꞌeri caj yubajob a pimoꞌ:
\p ―Quiꞌ cʌnantajex a bʌj soc mʌꞌ a cʌniquex yʌjcamsʌyʌjirob u tꞌʌn Moisés. Mʌꞌ ja wirej, yʌjcamsʌyʌjirob u tꞌʌn Moisés. Jach tsoy u nocꞌ cu manob soc u tus turicob u racꞌob, jach noꞌjob aroꞌ. Quiꞌ yorob yiricob baxucob. Jach quiꞌ yorob yiricob u tꞌʌnʌn ten u racꞌob tu cu naj bin u mʌnicob yoꞌoch quireꞌ cu yiricob tus noꞌjob aroꞌ. Baxuc cu tetic u cutanob tu cu cutar a jach noꞌjoꞌ tu cu naj cꞌujinticob Cꞌuj. Baxuc tu cu quiꞌquiꞌ janʌnob soc u tus irir jach noꞌjob.
\v 47 Mʌꞌ ja wirej. yʌjcamsʌyʌjirob u tꞌʌn Moisés cu tus aricob tiꞌ a u quimenob u mam. Soc u tus chꞌic yatoch yejer u baꞌtac cax yʌn tu yatoch. Jach amaꞌan u tsꞌocar u tꞌʌnicob Cꞌuj soc u racꞌob cu tus tucricob cu quiꞌ cꞌujinticob Cꞌuj. Jach manan cu bin tsꞌabʌr u mucꞌyajob ten Cꞌuj quireꞌ cu beticob aroꞌ cax yerob u tꞌʌn Cꞌuj. Chen u jerob mac mʌꞌ neyaj cu bin mucꞌyajob.
\c 21
\s Quireꞌ Jesús cu yiric cu butꞌic taqꞌuin tu cu naj cꞌujinticob Cꞌuj a quimen u mamoꞌ
\r (Mr. 12.41‑44)
\p
\v 1 Jesús caj u yiraj tan u butꞌicob u taqꞌuin a mac neyʌn u taqꞌuin tu cuchir tu cu naj butꞌicob u taqꞌuin tu cu naj cꞌujinticob Cꞌuj u winiquirob judío. Raꞌ taqꞌuin tiꞌ carem naj tu cu naj cꞌujinticob Cꞌuj.
\v 2 Caj u yiraj xan xquic a quimen u mamoꞌ otsir caj u butꞌaj u majan taqꞌuin, caꞌtur chʌc taqꞌuin a mʌꞌ cojiꞌ. 
\v 3 Caj yaꞌaraj Jesús tiꞌ:
\p ―Taj quin wac techex. A jeꞌ xquicaꞌ a quimen u mamoꞌ cax otsir. Chen caj u butꞌaj caꞌtur u chʌc taqꞌuin a mʌꞌ cojiꞌ chen ʌcʌtan tu wich Cꞌuj coꞌoj caj u butꞌaj. Chen u racꞌob cax yaꞌab caj u butꞌajob chen ʌcʌtan tu wich Cꞌuj mʌꞌ coꞌojiꞌ.
\v 4 A mac neyʌn u taqꞌuinob caj u butꞌob u taqꞌuin tu nanij cu butꞌicob u taqꞌuin tu cuchir tu cu naj cꞌujinticob Cꞌuj. Quireꞌ jach manan yaꞌab caj u butꞌob quireꞌ jach manan tꞌaj u taqꞌuin chen raꞌ caj u butꞌob quireꞌ mʌꞌ u rʌc cꞌʌnicobeꞌ u taqꞌuin. Chen a xquicoꞌ a otsiroꞌ caj u toc rʌc butꞌaj tiꞌoꞌ u taqꞌuin cax mʌnaꞌ tu cu mʌnic yoꞌoch.
\s Jesús cu yaꞌaric bin u caꞌ juburob carem naj tu cu naj cꞌujinticob Cꞌuj
\r (Mt. 24.1‑2; Mr. 13.1‑2)
\p
\v 5 Tiꞌ yʌn mʌꞌ yaꞌab mac caj yaꞌaraj tiꞌ Jesús:
\p ―Ira wirej, jach tsoy tu tsꞌʌpaꞌan u tunichir carem naj. Baxuc u tunichir tiꞌ Cꞌuj a tsꞌabij ten, mʌꞌ yaꞌab u winiquirob judío, quireꞌ cu sʌjticob Cꞌuj.
\p Chen Jesús caj u yaꞌaraj tiꞌob:
\p
\v 6 ―A ca wiriquex carem naj caꞌ bin cꞌuchuc tu qꞌuinin jeꞌ u rʌc jubsaꞌ ten mac. Cu bin u rʌc pipichꞌinticob, mʌꞌ ju bin pꞌatʌr caꞌtur tsꞌʌpric.
\s Jesús cu tsicbʌtic a baꞌ cu bin yesic caꞌ bin xuruc tꞌʌn
\r (Mt. 24.3‑28; Mr. 13.3‑23)
\p
\v 7 U camsʌwinicob caj u cꞌatob tiꞌ Jesús:
\p ―In wʌjcamsʌyʌjirech ―quij―, ber caꞌ bin jubuc a caj a waꞌaraj? Baꞌ cu bin u yesic toꞌon xan wa tabar u xur tꞌʌn?
\p
\v 8 Jesús caj yaꞌaraj tiꞌob:
\p ―Quiꞌ cʌnantex a bʌj ―quij Jesús―, quireꞌ jeꞌ u tar mac u tusiquechex. Mʌꞌ a quibiquex aroꞌ. Quireꞌ cu bin yaꞌaricob: “A tenoꞌ Cristojen, caj u tuchiꞌten Cꞌuj.” Tan yaꞌaric: “Tabar u xur tꞌʌn.” Chen mʌꞌ ja yʌn sayʌrex tu pach.
\v 9 Mʌꞌ ja chꞌiquex sajquir ―quij Jesús―, wa tan a wuꞌyiquex tan u quinsicob u bʌj. Cax wa cu wuꞌyiquex bin u caꞌ quinsicob u bʌj. Rajiꞌ cu yʌnxchun u tar u quinsicob u bʌj chen mʌꞌ toy xuruc tꞌʌniꞌ.
\p
\v 10 Jesús caj u yaꞌaraj tiꞌob:
\p ―Mʌꞌ toy cꞌuchuc tu qꞌuinin u xur tꞌʌniꞌ A jeꞌ u ruꞌumin tu cʌjaꞌanob mac. Jeꞌ u tsꞌictar mac ich u ruꞌumin tu cʌjaꞌanob mac. Baxuc xan, mac ich u chan cajar. Bin u caj tsꞌictarob yejer mac ich u jerob u chan cajarob. 
\v 11 Mʌꞌ toy xuruc tꞌʌn, cax cu chen pec u ruꞌumin. Jach cꞌam cu pec tu cʌjaꞌanob mac. Yʌn a ruꞌumin mʌꞌ u pec juntur u cajar u ruꞌumin tu cʌjaꞌanob mac. Yʌn u ruꞌumin jeꞌ u pec u ruꞌumin tu cʌjaꞌan mac. Yʌn u qꞌuinin cu bin yubicob wiꞌij. An bic cu cʌnic u yajirir seb cu cʌnicob. Raꞌ cu bin u rʌc man tu cotor. Jeꞌ u chꞌicob sajquir mac caꞌ bin yirob a baꞌ u ber ich caꞌanan a baꞌ cu bin yesej Cꞌuj.
\p
\v 12 ’Mʌꞌ cꞌuchuc tu qꞌuinin aroꞌ cu bin chuquex a pach quireꞌ caj a wacsajex ta wor ten ―quij Jesús―. Baxuc cu bin u cꞌubiquechex yejer u tsꞌurirob tu cu naj cꞌujinticob Cꞌuj u winiquirob judío. Baxuc xan, quir u mʌquiquexob tu cu maꞌcʌr winic. Tiꞌ cu bin u chopʌytiquexob quir u bin u puriquechex ʌcʌtan rey yejer ich gobernador quir u taquiquex a joꞌr.
\v 13 Wa raꞌ u qꞌuinin cu beticob techex aroꞌ, raꞌ u qꞌuinin cꞌuchaꞌan a wor a waquex tiꞌob u jach tsoyir u tꞌʌn Cꞌuj.
\v 14 Mʌꞌ a tucriquex wa cu tar u chuquex a pach. Baxuc mʌꞌ a tucriquex baꞌ ca bin a waꞌarex tiꞌob. Mʌꞌ toy xiquex ʌcʌtan a mac a cu bin u taꞌquic a joꞌr.
\v 15 A tenoꞌ ―quij Jesús―, jeꞌ in tsꞌic techex a tꞌʌnex quireꞌ a neꞌer a nuquiquex u tꞌʌnob. Jeꞌ a nunquiquex tiꞌ soc mʌꞌ cꞌuchaꞌan yor u pʌqꞌuiquex a pach a mac u pꞌec yiriquechex.
\v 16 Mʌꞌ chen a mac cu pꞌactiquechex cu bin u chuquiquex a pachex. A tet xan, yejer a nʌꞌ, cax a bʌjob xan, cax a mac a u jach yajechex xan, cu bin u chuquiquex a pachex, tan u cꞌubicob techex. Baxuc jeꞌ u quinsiquechex xan, mʌꞌ yaꞌabiꞌ ich techex.
\v 17 Quireꞌ techex caj a wacsajex ta wor ten tu cotor mac cu bin u pꞌactiquechex.
\v 18 Quiꞌ cʌnex a jeꞌraꞌ. Mʌꞌ ja wirej, a Cꞌujoꞌ cu cʌnantic techex soc mʌnaꞌ baꞌ u ber techex, mʌꞌ ja bin satʌr turiꞌ u tsotser a joꞌr.
\v 19 Jeꞌ u tsꞌabʌr techex a cuxtarex munt qꞌuin wa rajraꞌ ca mucꞌtiquex a baꞌ cu tar techex tu cu chuquicob a pachex.
\p
\v 20 ’Quireꞌ wa ca wiriquex yʌjquinsirob mac jach pim tan u bʌcristicob u cajar Jerusalén. A werex cꞌuchij tu qꞌuinin u rʌc jubsicob u cajar Jerusalén.
\v 21 Barej ca wiriquex bʌcrisaꞌan u cajar Jerusalén. Arej tiꞌ a mac tiꞌ yʌn ich u ruꞌumin Judea caꞌ rʌc putsꞌucob ich wits. Arej tiꞌ a mac tiꞌ yʌn ich u cajar Jerusalén caꞌ putsuc xan. Arej tiꞌ a mac tiꞌ yʌn ich tancab u cajar Jerusalén. Arej tiꞌob mʌꞌ u putsꞌurob ich u cajar Jerusalén.
\v 22 Raꞌiriꞌ u qꞌuinin cꞌuchij tu qꞌuinin u boꞌoticob u boꞌorir u siꞌpir tiꞌ Cꞌuj u winiquirob judío ich u cajar Jerusalén quireꞌ baxuc caj u yaꞌaraj tu tsꞌibaꞌan u tꞌʌn Cꞌuj. Rajen cu bin u nupsej.
\v 23 Jach otsir a xquicoꞌ, raꞌ u qꞌuinin jach naꞌaj. Baxuc xquic cu tsꞌic u chuꞌch u chan tiꞌar. Mʌꞌ ja wirej, tu cotor mac a tiꞌ yʌn tu ruꞌumin Judea, cu bin tsꞌabir u mucꞌyajob ten Cꞌuj. Quireꞌ tsꞌiquij a Cꞌujoꞌ quireꞌ caj u yiraj mʌꞌ quibob u tꞌʌn.
\v 24 Yʌn cu bin chꞌʌcbirob u car ten yʌjquinsirob winiquirob ich u winiquirob judío. Yʌn yaꞌab xan cu bin purbirob ich u jer ruꞌumin quir u cꞌanʌn beyajob tu cu binob ich tu cotor u cajarob ich yocꞌocab u winiquirob judío. Tiꞌ cu bin tsꞌurinbir u cajar Jerusalén ten a mʌꞌ u winiquirob judío hasta cꞌuchij tu qꞌuinin u tsꞌocar u tsꞌurinticob u tsꞌurirob u ruꞌumob.
\s Yʌn baꞌ cu bin yesej tabar u tar Jesús
\r (Mt. 24.29‑35, 42‑44; Mr. 13.24‑37)
\p
\v 25 Caj yaꞌaraj Jesús tiꞌ u camsʌwinicob:
\p ―Raꞌ u qꞌuinin caꞌ bin tsꞌocac u tsꞌurinticob a mʌꞌ u winiquirob judío. A baꞌ u ber ich ic yum, baxuc ich ic nʌꞌ. Baxuc ich a saboꞌ, cu bin u jacꞌʌr yor tu cotor mac. Mʌꞌ yerob mac baꞌ cu bin u beticob. Caꞌ bin yubejob u jum cꞌacꞌnab, jach cꞌam yejer u yamin xan. Cu bin u chꞌicob sajquirob.
\v 26 Raꞌiriꞌ u qꞌuinin tu cotor mac a tiꞌ yʌn ich yocꞌocab cu bin u chꞌic sajquirob caꞌ bin jacꞌʌcob yorob. Quireꞌ a baꞌ u ber ich yocꞌocab. Quireꞌ a Cꞌujoꞌ cu bin u rʌc siptic a saboꞌ.
\v 27 Raꞌiriꞌ u qꞌuinin mac tiꞌ yʌnob ich yocꞌocab cu bin yiricob in tar ich u muyarir caꞌ bin taquen yejer in mucꞌ soc yer tu cotor mac jach noꞌjen a tenoꞌ. Quin bin in tar yejer jach manan u sasirir Cꞌuj xan. A tenoꞌ baxuquenechexoꞌ.
\v 28 Barej u qꞌuinin cu yʌnxchun arayoꞌ chichquintej a worex ―quij Jesús―, quiꞌquintex a worex quireꞌ tabar u cꞌuchur tu qꞌuinin in caꞌ ur quir in taꞌquiquechex tiꞌ a cꞌasoꞌ.
\p
\v 29 Jesús caj u camsaj baxuc a jeꞌraꞌ caj yaꞌaraj:
\p ―Cꞌaj techex caꞌ bin a wirex u cheꞌer higuera yejer tu cotor cheꞌ.
\v 30 Cu tsꞌocar u jocꞌar u mumun reꞌ, tabar u yocar yaxqꞌuin. 
\v 31 Baxuc xan, caꞌ bin a wirex a baꞌ u ber ich ic yum. Baxuc ich ic nʌꞌ. Baxuc ich a saboꞌ, jeꞌ a werex cꞌuchij tu qꞌuinin u tar Cꞌuj quir u reyinticob.
\p
\v 32 ’Taj quin waꞌaric techex ―quij Jesús―, cu yʌn tar tu cotor baꞌ a caj in waꞌaraj techex. Mʌꞌ toy quimiquechex a mac cuxaꞌan bajeꞌrer.
\v 33 Jeꞌ u cꞌuchur tu qꞌuinin a caꞌananoꞌ cu bin tsꞌocar baxuc cu bin tsꞌocar u ruꞌumin. Chen in tꞌʌn a caj in waꞌaraj techex a Cꞌujoꞌ cu bin u nupsic.
\p
\v 34 ’Quiꞌ cʌnantex a bʌj. Mʌꞌ a jen janʌnex, mʌꞌ ja wuqꞌuiquex quir a carchʌjʌrex. Mʌꞌ ja man a tucriquex bic tabar a jariquex a taqꞌuinex. Mʌꞌ ja wirej, quireꞌ a mac a cu jen janʌn yejer a cu yuqꞌuic quir u carchʌjʌrob yejer mac a cu tucric u nejaric u taqꞌuin caꞌ bin taquen a tenoꞌ u qꞌuinin mʌꞌ tan u pajicob quir u bin ich caꞌanan quireꞌ seb quin bin ur.
\v 35 Baxuc a mac mʌꞌ yerob Cꞌuj ich yocꞌocab cu bin u jacꞌʌr yorob caꞌ bin uruquen wa raꞌ u qꞌuinin mʌꞌ tan u pajicob in wur. Baxuc a bʌcꞌoꞌ ca rejiquex mʌꞌ yer.
\v 36 Chen techex rajraꞌ ca cʌnantiquex a bʌj. Rajraꞌ ca tꞌʌniquex Cꞌuj soc caꞌ bin cꞌuchuc tu qꞌuinin tabar u xur tꞌʌn cu bin u yamtiquechex Cꞌuj quir a mucꞌtiquex a baꞌ u ber techex. Soc a tarex ʌcʌtan tu yʌnen quireꞌ a tenoꞌ baxuquenechexoꞌ.
\p
\v 37 U burur qꞌuin Jesús caj u camsaj a pimoꞌ ich carem naj tu cu naj cꞌujinticob Cꞌuj u winiquirob judío. Chen oqꞌuin raraꞌ cu bin ich u joꞌr pꞌuc wits u cꞌabaꞌ Olivos. Tiꞌ pꞌatij ich u joꞌr wits.
\v 38 Aꞌacꞌbir tu cotor mac cu binob ich tu cu naj cꞌujinticob Cꞌuj u winiquirob judío quir yubic u tsicbar Jesús.
\c 22
\s Judas u cꞌat u cꞌubic Jesús
\r (Mt. 26.1‑5, 14‑16; Mr. 14.1‑2, 10‑11; Jn. 11.45‑53) 
\p
\v 1 Tabar u cꞌuchur tu qꞌuinin u quiꞌquiꞌ janʌnob u winiquirob judío raꞌ u qꞌuinin cu janticob yoch pan a mʌꞌ u sipeꞌ. Pʌchaꞌan u cꞌabaꞌ pascua quireꞌ raꞌ u qꞌuinin caj u potmastaj yʌjtꞌʌnir Cꞌuj uch soc mʌꞌ u quimin chan xib chichin.
\v 2 U tsꞌurirob sacerdote yejer yʌjcamsʌyʌjirob u tꞌʌn Moisés, u cꞌat u muc u chuquicob Jesús. Baxuc u cꞌatob quireꞌ cu sʌjticob a pimob. Caj u cʌxtajob mac quir u cꞌubic quinsbir Jesús.
\p
\v 3 A Judasoꞌ caj u tsꞌurintaj quisin rajiꞌ pʌchaꞌan u cꞌabaꞌ Iscariote, rajiꞌ turiꞌ ich u doce u camsʌwinicob Jesús.
\v 4 Judas caj u pꞌʌtaj Jesús yejer u yet camsʌwinicob caj bin ich u jach tsꞌurirob sacerdote yejer u capitán policía caj pacran tsicbanʌjij yejerob soc yerob bic tabar cu cꞌubic Jesús tiꞌob.
\v 5 Caj quiꞌjij yorob u jach tsꞌurirob sacerdote rajen caj u toc arob jeꞌ u boticob tu cꞌubij Jesús ten Judas. 
\v 6 Judas caj yaꞌaraj:
\p ―Tsoy.
\p Caj u yʌnxchun u chanber tucric u cꞌubic Jesús raꞌ u qꞌuinin mʌꞌ tiꞌ yʌn a pimoꞌ, soc mʌꞌ yerob wa bin u caꞌ chucbir Jesús.
\s Jesús caj u tuchiꞌtaj u camsʌwinicob quir u chanber chʌquicob yoch quir u quiꞌquiꞌ janʌnob u qꞌuinin pascua 
\r (Mt. 26.17‑29; Mr. 14.12‑25; Jn. 13.21‑30; 1 Co. 11.23‑26) 
\p
\v 7 Caj cꞌuchij tu qꞌuinin a cu janticob yoch pan a mʌꞌ u sipeꞌ. Raꞌ u qꞌuinin xan cu quinsicob yʌrʌcꞌ tʌmʌn yuc u chan ar soc u cꞌʌꞌotic bic Cꞌuj caj u taꞌcaj u nunquir u winiquirob judío ich u ruꞌumin Egipto.
\v 8 Rajen Jesús caj u tuchiꞌtaj Pedro yejer Juan caj yaꞌaraj tiꞌob:
\p ―Joqꞌuenex caꞌ a toc chʌquex ij cochex quir ij quiꞌ janʌnex quir ij cꞌʌꞌotic u qꞌuinin pascua.
\p
\v 9 Robob caj yaꞌarob:
\p ―Tub a cꞌat ic chʌquex? Arej toꞌon tuba?
\p
\v 10 Jesús caj yaꞌaraj tiꞌob:
\p ―Uꞌyex baꞌ quin waquex techex. Caꞌ bin oquechex ich u cajar, jeꞌ a wiriquex xib tuririꞌ, u cꞌochmʌn u pꞌurir yoch jaꞌ. Sayenex tu pach hasta ca wiric tu cu yocar tu yatoch a caꞌ tsꞌap yatochoꞌ. Quet a wocarex yejer. 
\v 11 Arej tiꞌ mac yʌnin yatoch: “Ij cʌjcamsʌyʌjirex caj u yaꞌaraj tenob caꞌ in cꞌatejob a watoch junxotꞌ soc pꞌeriꞌ quin janʌnob yejer in camsawinic quir in cꞌʌꞌoticob u qꞌuinin pascua.”
\v 12 A mac yʌnin yatoch ―quij Jesús―, jeꞌ u yestic techex junxotꞌ yatoch tu caꞌ tsꞌap, toc yʌn u pojcheꞌir tu cu janʌn. Toc yʌn u cutan xan. Ti taroꞌ ca chʌquiquex ij cochex.
\p
\v 13 Caj binob u camsʌwinicob Jesús caj yirob an ten bic Jesús caj u yaꞌaraj tiꞌob, caj u chʌcob yoꞌoch quir u quiꞌ janʌnob quir u cꞌʌꞌoticob u qꞌuinin pascua. 
\p
\v 14 Caj cꞌuchij tu qꞌuinin u janticob yoch u qꞌuinin pascua caj curaj Jesús baxuc u camsʌwinicob.
\v 15 Jesús caj u yaꞌaraj tiꞌ u camsʌwinicob:
\p ―Caj in jach pachtaj in jantej yoch tu qꞌuinin pascua yejerechex. Mʌꞌ toy mucꞌyajnʌquen.
\v 16 Quin wac techex caꞌ bin tsꞌocac in jantic a jeꞌraꞌ. Mʌꞌ jin yʌn yʌn caꞌ jantic hasta caꞌ bin cꞌuchuc tu qꞌuinin cu reyinticob Cꞌuj. A raꞌ u qꞌuininoꞌ quin caꞌ jantic.
\p
\v 17 Caj tsꞌaꞌb tiꞌ Jesús u cꞌab uva ich ruch caj u peꞌaj. Caj u yaꞌaraj tiꞌ Cꞌuj:
\p ―Bayoꞌ Cꞌuj.
\p Caj tsꞌoc yaꞌaric aroꞌ caj u tsꞌaj tiꞌ u camsʌwinicob, caj yaꞌaraj tiꞌob:
\p ―Caꞌ caꞌ xotꞌ a wuqꞌuiquex.
\v 18 Quin wac techex tin toc ucꞌaj a jeꞌraꞌ. Mʌꞌ in yʌn yʌn uqꞌuej hasta caꞌ bin cꞌuchuc tu qꞌuinin u reyinticob Cꞌuj. Jeꞌ in caꞌ uqꞌuiqueꞌ.
\p
\v 19 Caj u chuca yoch pan caj u mʌchaj caj u yaꞌaraj: 
\p ―Bayoꞌ Cꞌuj.
\p Caj tsꞌoc yaꞌaric aroꞌ caj u xatꞌaj caj u jʌsej tiꞌob u camsʌwinicob. Caj u yaꞌaraj tiꞌob:
\p ―A jeꞌ a woch panaꞌ, rajiꞌ in winquirir quir in cꞌubʌr techex soc in quinsaꞌ. Baxuc yʌn a jantiquex soc a cꞌʌꞌotiquex u qꞌuinin tu quimen.
\p
\v 20 Caj tsꞌoc u rʌc janʌnob yoch u qꞌuinin pascua caꞌ u peꞌaj a ruchoꞌ xan caj yaꞌaraj tiꞌob:
\p ―Tucrex a jeꞌraꞌ u cꞌab uva, rajiꞌ in qꞌuiqꞌuer. Irej bin u caꞌ jocꞌar in qꞌuiqꞌuir tu quin quinsaꞌ, u boꞌorir a siꞌpirirex. Soc toc ricꞌben an ten bic caj in toc araj techex. Mʌꞌ ja wirej, u tꞌʌn Moisés rucꞌsabij soc yʌn u jer ricꞌben a jach manan tsoy.
\p
\v 21 Caj yaꞌaraj Jesús:
\p ―Taj quin wac techex a mac cu bin u cꞌubiqueneꞌ pꞌeriꞌ cu janʌn yejeroꞌon bajeꞌrer. Rajiꞌ cu bin u cꞌubiquen tiꞌ mac quir in quinsaꞌ.
\v 22 A tenoꞌ, yʌn in quinsaꞌ a tenoꞌ, baxuquenechexoꞌ. An ten bic caj u toc araj Cꞌuj uch. Chen jach otsir a mac a cu cꞌubiquen.
\p
\v 23 Caj u yʌnxchun u pacran cꞌaticob u camsʌwinicob Jesús. Caj yaꞌarajob mac cu bin cꞌubic Jesús.
\s Jesús cu camsic a mac jach noꞌj ʌcʌtan tu wich Cꞌuj 
\p
\v 24 U camsʌwinicob caj u pacran tsꞌictarob soc yiricob a mac jach noꞌj ich u racꞌob.
\v 25 Jesús caj yaꞌaraj tiꞌob:
\p ―Ich yocꞌocab a reyoꞌ tiꞌ jujuntur u ruꞌumin, cu tsꞌurintic u winiquirob. U cꞌat u winiquirob caꞌ yaꞌarejob tiꞌ caꞌ yamtac a reyoꞌ. Baxuc u caꞌ tsꞌurir u cꞌat yubejob xan.
\v 26 Aroꞌ mʌꞌ baxuc ca betiquex. A mac jach noꞌj ich techex, arej mʌꞌ u pachtej yubej yaꞌaraꞌ jach noꞌjech ten u racꞌob. Wa ca wocar techex a tsꞌurintic tu cu cꞌujintic Cꞌuj toc yʌn a yamtiquex a racꞌob.
\v 27 Quiꞌ tucrex a baꞌ quin wac techex. Mac jach noꞌjeꞌ, wa raꞌ cu janʌn ich u pojcheꞌir u janʌn? Wa raꞌ jach noꞌj a cu beyaj tiꞌ? Mʌꞌ ja wirej, a mac a cu cutar tu pojcheꞌir u janʌn, rajiꞌ jach noꞌj. Chen a tenoꞌ cax a tsꞌurirenex tiꞌ yʌnen ich techex quir in beyaj techex.
\p
\v 28 Jesús caj u yaꞌaraj tiꞌ u camsʌwinicob:
\p ―Techex rajraꞌ tiꞌ yʌnechex tu yʌnen mʌꞌ ja pꞌʌtenexiꞌ pꞌeriꞌ quic mucꞌtiquex a baꞌ cu tar toꞌonex uch.
\v 29 An ten bic in Tet Cꞌuj caj u teten quir in reyintic. Baxuc techex in tetiquechex quir a wocarex a reyintiquex. 
\v 30 Baxuc quin tetic techex soc pꞌeriꞌ quic janʌnex. Baxuc pꞌeriꞌ ij cucꞌurex tu pojcheꞌir caꞌ bin cꞌuchuc tu qꞌuinin in reyintic. Quin bin in wacsiquechex a reyintiquex a wet winiquirob judío a doce u yoꞌnen u winiquirob Israel.
\s Jesús caj yaꞌaraj tiꞌ Pedro: Jeꞌ a waꞌaric mʌꞌ a cꞌʌꞌoreniꞌ 
\r (Mt. 26.31‑35; Mr. 14.27‑31; Jn. 13.36‑38)
\p
\v 31 Jesús caj yaꞌaraj tiꞌ Pedro:
\p ―Wa mac cu chachtic yoꞌoch cu pꞌatʌr u bʌqꞌuer chen u soroꞌ cu puric. Baxuquech Simón ―quen―, a quisinoꞌ caj u cꞌataj tiꞌ Cꞌuj quir u tumtic a wor soc yiric wa taj caj a wacsaj ta wor.
\v 32 Chen a tenoꞌ caj in tꞌʌnaj Cꞌuj tiꞌ tech soc mʌꞌ a pꞌʌtic a wacsic ta wor ten. Caꞌ bin tsꞌocac a cꞌaxic a wor toc chichquintej yor a wet camsʌwinicob a teꞌ yʌnaꞌ.
\p
\v 33 Pedro caj yaꞌaraj:
\p ―Jaj Tsꞌurir ―quij―, tin toc chꞌuctic in bin yejerech tu cu maꞌcʌr winic cax quet ij quimin.
\p
\v 34 Jesús caj yaꞌaraj tiꞌ Pedro:
\p ―Taj quin waꞌaric tech. Mʌꞌ toy cꞌʌynʌc cax bajeꞌrer acꞌbir. Mʌnaꞌ u nup ca bin a waꞌaric mʌꞌ a cꞌʌꞌoreniꞌ. Cu tsꞌocor a wac mʌꞌ a cꞌʌꞌoreniꞌ cu bin u cꞌay cax. 
\s Jesús caj yaꞌaraj: Tabar u qꞌuinin in mucꞌyaj
\p
\v 35 Jesús caj u cꞌataj tiꞌ u camsʌwinicob:
\p ―Caj in tuchiꞌtechex caꞌch quir a tsecꞌtiquex in tꞌʌn. Cax mʌnaꞌ a chimex. Cax mʌnaꞌ a taqꞌuinex cax mʌnaꞌ a xanabex. Yʌn wa baꞌ a cꞌatex caꞌch?
\p U camsʌwinicob caj u nuncajob:
\p ―Mʌnaꞌ baꞌ in cꞌatob.
\p
\v 36 Jesús caj yaꞌaraj tiꞌob:
\p ―Chen bajeꞌrer, wa yʌn a taqꞌuinex toc chꞌaꞌex. Baxuc wa yʌn a chimex toc chꞌaꞌex. Wa mʌnaꞌ techex a mascab canex u caꞌ yarir a nocꞌ quir a mʌnic tuririꞌ a mascab. 
\v 37 Mʌꞌ ja wirej ―quij Jesús―, tiꞌ tsꞌibaꞌan ich u tꞌʌn Cꞌuj uch, caj yaꞌaraj: “A winiquirob caj yaꞌaraj chen cꞌas a ray xiboꞌ.” Aroꞌ ―quij Jesús―, quin wac techex. Yʌn in nupsej quireꞌ tabar in quinsaꞌ.
\p
\v 38 Caj yaꞌarob u camsʌwinic:
\p ―Jaj Tsꞌurir ―quij―, a jeꞌ mascabaꞌ caꞌturaꞌ.
\p Jesús caj yaꞌaraj tiꞌob:
\p ―Tiꞌ tiꞌ a mascabex.
\s Jesús cu tꞌʌnic Cꞌuj ich u pꞌuc witsir u cꞌabaꞌ Olivos 
\r (Mt. 26.36‑46; Mr. 14.32‑42)
\p
\v 39 Jesús caj jocꞌ ich u cajar caj binij an ten bic nanij u bin ich u pꞌuc witsir u cꞌabaꞌ Olivos. Yet binac u camsʌwinicob.
\v 40 Caj cꞌuchij tu nanij u bin, caj yaꞌaraj tiꞌ u camsʌwinicob: 
\p ―Tꞌʌnex Cꞌuj soc mʌꞌ u chaꞌbaꞌ u tar tumbir a worex. 
\p
\v 41 Jesús caj jocꞌ nanach an ten bic mun nachir cu rubur tunich a cu chꞌinin ten mac. Caj xonrʌj quir u tꞌʌnic Cꞌuj.
\v 42 Jesús caj yaꞌaraj:
\p ―In Tetech Cꞌuj ―quij―, wa raꞌ cu quiꞌquintic a wor quir a tsꞌicten a baꞌ in cꞌat, rucꞌsej a jeꞌ mucꞌyajaꞌ a cu bin tar ten. Wa raꞌ a cꞌat caꞌ mucꞌyajnʌquen jeꞌ in mucꞌyajeꞌ quireꞌ in cꞌat in betic a baꞌ a cꞌat tech. 
\p
\v 43 Caj tar tuririꞌ yʌjmasir u tꞌʌn Cꞌuj ich Jesús quir u tsꞌabʌr u mucꞌ tiꞌ.
\v 44 Caj jach mucꞌyajnʌjij Jesús caj u yʌnxchun u mucꞌyaj jach manan tu cu tꞌʌnic Cꞌuj. Tan u jach chichquintic u tꞌʌnic Cꞌuj hasta cu qꞌuicab. U qꞌuicabeꞌ irej u qꞌuiqꞌuer cu chꞌojar ich ruꞌum. Jach carem u chꞌojar.
\p
\v 45 Caj riqꞌuij tub xonrʌj tu cu tꞌʌnic Cꞌuj. Caj bin ich u camsʌwinicob caj yiraj tan u wenʌnob quireꞌ mʌꞌ quiꞌ yorobiꞌ.
\v 46 Jesús caj yaꞌaraj tiꞌob:
\p ―Mʌꞌ a yʌn wenʌnex. Caꞌ a chꞌictarex soc a yʌn tꞌʌniquex Cꞌuj soc mʌꞌ u chaꞌbʌr u tar tumbir a worex.
\s Chuc Jesús
\r (Mt. 26.47‑56; Mr. 14.43‑50; Jn. 18.2‑11)
\p
\v 47 Tiꞌ toy cu tsicbar Jesús. Caj cꞌuchob a pimob quireꞌ pay ten Judas. Rajiꞌ tuririꞌ ich camsʌwinicob a docejoꞌ. Caj u nʌtsꞌ u bʌj Judas quir u tsꞌutsꞌic u pꞌuc Jesús. 
\v 48 Caj yaꞌaraj Jesús tiꞌ Judas:
\p ―Tan wa ja tsꞌutsꞌic in pꞌuc quir a cꞌubiquen tiꞌ a mac a cu pꞌactiquenob? A tenoꞌ baxuquenechexoꞌ Cꞌuj. 
\p
\v 49 U camsʌwinicob a tiꞌ yʌn yicnan Jesús caj u yirob baꞌ u ber tiꞌ, caj u yaꞌarob tiꞌ Jesús:
\p ―Arej toꞌon Jaj Tsꞌurir caꞌ tsꞌicacoꞌon yejerob caꞌ ic chꞌʌquej u car yejer mascab.
\p
\v 50 Tuririꞌ u camsʌwinicob caj u chꞌʌcaj u xiquin, rajiꞌ u cꞌurew u jach tsꞌurir sacerdote. Caj u rac chꞌʌctaj u xiquin, tu noj.
\v 51 Jesús caj yaꞌaraj tiꞌ:
\p ―Tsireꞌej, mʌꞌ a chꞌʌquiquex.
\p Jesús caj u tʌra u xiquin u cꞌurew u jach tsꞌurir sacerdote caj jawij u xiquin tu chꞌaquij.
\v 52 Jesús caj yaꞌaraj tiꞌob u jach tsꞌurirob sacerdote yejer u yʌjtꞌʌnin policía ich carem naj tu cu naj cꞌujinticob Cꞌuj u winiquirob judío, yejer u jach tsꞌurirob u cajar u winiquirob judío. Quireꞌ tarob u chuquejob Jesús. Caj yaꞌaraj Jesús:
\p ―Tarechex a chuquiquenex yejer a mascabex yejer cheꞌ. Irej wa yʌjaꞌcrʌyʌjiren baꞌ, ca chuquiquenex.
\v 53 Rajraꞌ tiꞌ yʌnen ich carem naj uch. Tan in camsicob, chen mʌꞌ ta chuquenex. Chen tarechex a chuquenex quireꞌ cꞌuchij tin qꞌuin. An ten bic Cꞌuj caj yaꞌaraj uch. Cꞌuchij tin qꞌuin xan, quireꞌ baxuc u cꞌat a quisinoꞌ a mac a cu tsꞌurintic a mac a cu man ich yacꞌbirir quireꞌ raꞌ u siꞌpirob.
\s Pedro cu yaꞌaric mʌꞌ u cꞌʌꞌotic Jesús
\r (Mt. 26.57‑58, 69‑75; Mr. 14.53‑54, 66‑72; Jn. 18.12‑18, 25‑27)
\p
\v 54 Caj u chucob Jesús caj u mʌchob u cꞌʌb caj binob u purej ich yatoch u jach tsꞌurir sacerdote. Chen Pedro caj tar tu pach Jesús chen nach cu xur.
\v 55 Caj cꞌuchob caj ocob tu reꞌaꞌan u chiꞌ naj. Tiꞌ tu tꞌʌbaj u qꞌuich chumuc. Caj curajob tu qꞌuich. Pꞌeriꞌ yejer Pedro.
\v 56 Tiꞌ yʌn xquic u cꞌurew u jach tsꞌurir sacerdote caj irir Pedro tiꞌ curaꞌan qꞌuich ich chiꞌ cꞌacꞌ. Caj u quiꞌ pʌctaj caj u yaꞌaraj tiꞌ a mac tiꞌ yʌnob:
\p ―A jeꞌ xibaꞌ u yet man Jesús uch.
\p
\v 57 Pedro caj yaꞌaraj:
\p ―Xquic ―quen―, mʌꞌ in cꞌʌꞌormʌniꞌ.
\p
\v 58 Sasam caj irir Pedro ten u jer caj araꞌb ten xib tiꞌ Pedro:
\p ―A techoꞌ ―quij―, caj a chaj nupintej Jesús caꞌch, tiꞌ yʌnech yejer Jesús uch.
\p Chen Pedro caj yaꞌaraj tiꞌ xib:
\p ―Mʌꞌ teniꞌ.
\p
\v 59 Caj manij tuririꞌ hora caj cꞌuch u jer xib caj chich araꞌb tiꞌ u racꞌob:
\p ―Taj a jeꞌ xibaꞌ tiꞌ yʌn ich Jesús uch. Quireꞌ tiꞌ u tar ich u ruꞌumin Galilea quireꞌ baxuc u tꞌʌnobob.
\p
\v 60 Chen Pedro caj yaꞌaraj tiꞌ xib:
\p ―Mʌꞌ in wer mac a ca waꞌaricoꞌ.
\p Tiꞌ toy cu tsicbar Pedro, seb caj cꞌaynʌj cax.
\v 61 A Jaj Tsꞌuroꞌ caj u sut u bʌj u pʌcaj Pedro. Pedro caj cꞌaj tiꞌ a baꞌ araꞌb tiꞌ ten Jesús caꞌch. An bic caj yaꞌaraj Jesús: “Mʌꞌ toy cꞌaynʌc a caxoꞌ mʌnaꞌ u nup ca bin a wac mʌꞌ a cꞌʌꞌoreniꞌ.”
\v 62 Caj jocꞌ Pedro ich yatoch u jach tsꞌurir sacerdote caj chich ocꞌnʌjij quireꞌ tucur u caꞌ.
\s Pꞌastaꞌb Jesús jatsꞌ xan
\r (Mt. 26.67‑68; Mr. 14.65)
\p
\v 63 A policíajoꞌ a cu beyajob ich carem naj tu cu naj cꞌujinticob Cꞌuj a ju chucmʌnob Jesús caj u yʌnxchun u pꞌasticob Jesús tan u jʌtsꞌicob xan.
\v 64 Robob tu pixob u wich Jesús caj u raxob caj u yaꞌarob tiꞌ:
\p ―Quireꞌ yʌjtseqꞌuirech u tꞌʌn Cꞌuj, arej tenob mac tu raxech?
\p
\v 65 Caj yaꞌarob yaꞌab baꞌ tu cu pꞌasticob Jesús.
\s Tu cotorob u tsꞌurirob u winiquirob judío cu taꞌquicob u joꞌr Jesús
\r (Mt. 26.59‑66; Mr. 14.55‑64; Jn. 18.19‑24)
\p
\v 66 Caj sasij caj u muchꞌquintajob u bʌj u tsꞌurirob u winiquirob judío. Quet baxucob u tsꞌurirob sacerdote yejer yʌjcamsʌyʌjirob u tꞌʌn Moisés. Caj u muchꞌquintajob u bʌj quir u taꞌquicob u joꞌr Jesús. Robob caj u pʌyob caꞌ tac Jesús. Caj cꞌuchij Jesús caj u cꞌatob tiꞌ Jesús: 
\p
\v 67 ―Wa Cristojech caj u tuchiꞌtech Cꞌuj, arej tenob? 
\p Chen Jesús caj u nuncaj tiꞌob, caj yaꞌaraj:
\p ―Wa quin waꞌaric Cristojen caj u tuchiꞌten Cꞌuj, mʌꞌ ja bin a wacsiquex ta worex ten.
\v 68 Wa quin cꞌatiquex techex baꞌ, mʌꞌ a bin a nunquiquex ten.
\v 69 Caꞌ bin tsꞌocac in riqꞌuir tin quimirir tiꞌ quin bin in cutar tu noj Cꞌuj soc ten cu bin u tsꞌurintiquen tu cotor mac. Pꞌeriꞌ quin tsꞌurintic yejer Cꞌuj a caj u tuchiꞌtajen Cꞌuj.
\p
\v 70 Tu cotor u tsꞌurirob u winiquirob judío caj u cꞌatajob: 
\p ―Arej tenob wa ju jach pararech Cꞌuj?
\p Jesús caj u nuncaj tiꞌob:
\p ―An ten bic caj a waꞌarex sam, rajiꞌen.
\p
\v 71 Caj yaꞌarob:
\p ―Baꞌ wir u jer yʌjtaꞌquic u joꞌr. Tic toc uꞌyaj. Pochꞌ u caꞌ quireꞌ u bʌjiriꞌ caj u yaꞌaraj.
\c 23
\s Tiꞌ cu bin Jesús ʌcʌtan Pilato
\r (Mt. 27.1‑2, 11‑14; Mr. 15.1‑5; Jn. 18.28‑38)
\p
\v 1 Pꞌeriꞌ caj rʌc ricꞌob caj binob purej Jesús ʌcʌtan Pilato.
\v 2 U tsꞌurirob u winiquirob judío caj u yʌnxchun u taꞌquicob u joꞌr Jesús caj yaꞌarajob:
\p ―Tsꞌoc in wiricob soc u quinsaꞌ Jesús. Mʌꞌ ja wirej, caj u pꞌusaj yorob u winiquirob judío. Quireꞌ cu yaꞌaric: “Mʌꞌ tsoy a boꞌotiquex u taqꞌuin a ruꞌumex tiꞌ u rey César.” Baxuc xan, u bʌjiriꞌ cu yaꞌaric: “Cristojen, a caj u tuchiꞌten Cꞌuj quir u reyintiquen mac.”
\p
\v 3 Pilato, caj u cꞌataꞌ tiꞌ:
\p ―Arej ten wa ju reyech u winiquirob judío?
\p Jesús caj u nuncaj tiꞌ:
\p ―An ten bic tech caj a waꞌaraj sam, rajiꞌen.
\p
\v 4 Pilato caj u yaꞌaraj tiꞌ u jach tsꞌurirob sacerdote yejer a pimob caj u muchꞌquintob u bʌj:
\p ―Mʌꞌ jin wiraj u siꞌpir a jeꞌ xibaꞌ.
\p
\v 5 Caj u pꞌencʌch arob baꞌ u winiquirob judío:
\p ―Caj u jach pꞌusaj yorob u winiquirob judío tu cu camsic tiꞌob. Caj u yʌnxchun u camsic ich u ruꞌumin Galilea. Baxuc ich tu cotor u cajar Judea hasta cꞌuchij teraꞌ xan.
\s Tiꞌ yʌn Jesús ʌcʌtan Herodes
\p
\v 6 Pilato caj yubaj a baꞌ caj u yaꞌarajob yʌjtaꞌquirob u joꞌr Jesús. Caj u cꞌataj tiꞌob:
\p ―Tiꞌ wa ju tar a jeꞌ xibaꞌ ich u ruꞌumin Galilea?
\p
\v 7 Caj u yuba yaꞌaraꞌ tiꞌ u tar ich u ruꞌumin Galilea. Caj yaꞌaraj caꞌ xic purbir Jesús ich Herodes quir u taꞌquicob u joꞌr. Quireꞌ rajiꞌ gobernador ich u ruꞌumin Galilea. Quireꞌ tiꞌ cꞌuchij Herodes ich u cajar Jerusalén.
\v 8 Caj cꞌuchij Jesús ich Herodes, jach quiꞌ yor Herodes quireꞌ uch u chen cꞌat yiric Jesús quireꞌ cu pachtic yirej caꞌ esac tiꞌ carem beyaj Herodes. Quireꞌ cu yubic u tsibʌticob a pimob a baꞌ cu betic Jesús.
\v 9 Cax yaꞌab baꞌ caj u cꞌataj Herodes tiꞌ Jesús. Mʌꞌ baj cꞌʌs nuncaꞌb tiꞌ.
\v 10 U jach tsꞌurirob sacerdote yejer yʌjcamsʌyʌjirob u tꞌʌn Moisés caj tarob chꞌictarob ʌcʌtan Herodes quir u taꞌquicob u joꞌr Jesús. Cꞌam u tꞌʌnob.
\v 11 Herodes, caj u pꞌastaj Jesús yejer tu cotor u tsꞌurirob soldadojoꞌ caj u chejtajob tiꞌ. Caj u tʌcajob u nocꞌ a tsoyoꞌ soc irej rey. Caj tsꞌoc u tʌquicob u nocꞌ caj wʌcꞌʌs tuchiꞌtaꞌb Jesús ich Pilato.
\v 12 Raꞌiriꞌ u qꞌuinin Pilato yejer Herodes caj u yajquintajob u bʌj quireꞌ a uchoꞌ cu pꞌacticob u bʌj.
\s Pilato cu yaꞌaric: Jesús yʌn u quimin
\r (Mt. 27.15‑26; Mr. 15.6‑15; Jn. 18.39―19.16)
\p
\v 13 Pilato caj u muchꞌquintaj u jach tsꞌurirob sacerdote yejer u jach tsꞌurirob u cajar u winiquirob judío yejer a pimob. Tu cu taꞌquicob u joꞌr Jesús uch.
\v 14 Pilato caj u yaꞌaraj tiꞌob:
\p ―Tarex a puric a jeꞌ xibaꞌ ʌcʌtan ten. Caj a waꞌarajex caj u pꞌusaj yor u winiquirob judío. Caj tsꞌoc in cʌxtic in wirej wa yʌn u siꞌpir, mʌꞌ tin wiraj u siꞌpir tuririꞌ a ca taꞌquiquex u joꞌr.
\v 15 A mʌꞌ Herodesoꞌ caj u yiraj u siꞌpir xan. Rajen caj u wʌcꞌʌs tuchiꞌtaj toꞌonex. Mʌnaꞌ baꞌ caj u betaj quir u quinsaꞌ.
\v 16 Bajeꞌrer quin bin in wac u jʌtsꞌob u pach. Cu tsꞌocar u jatsꞌʌr caꞌ sipac caꞌ xic Jesús.
\p
\v 17 Caj yaꞌaraj baxucoꞌ quireꞌ nanij u sipic mac Herodes, rajraꞌ cu cꞌuchur tu qꞌuinin u quiꞌquiꞌ janʌn, raꞌ u qꞌuinin pascua.
\v 18 Chen tu cotor mac caj u cꞌamquintajob u tꞌʌn, caj yaꞌarajob:
\p ―Quinsej a ra xiboꞌ. Ij cꞌat caꞌ a siptej Barrabás. 
\p
\v 19 A jeꞌ Barrabásaꞌ caj chuquij caj maquij tu cu maꞌcʌr winic uch quireꞌ caj u pꞌusaj yorob mac ich u cajar quir u jocꞌsicob u tsꞌurir u cajar. Bayiriꞌ caj u quinsaj mac xan.
\v 20 Pilato u cꞌat u siptic caꞌ xic Jesús, rajen tu caꞌ tꞌʌnaj a pimoꞌ.
\v 21 A pimoꞌ caj u caꞌ purajob u tꞌʌn. Cꞌam caj yaꞌarob: 
\p ―Sinej ich cruz.
\p Caꞌ ten caj u caꞌ arob:
\p ―Sinej ich cruz ―quij.
\p
\v 22 Mʌnaꞌ u nup u tenin caj yaꞌaraj Pilato:
\p ―Biquinin yʌn in sinic ich cruz? Arex ten baꞌ cꞌasir caj u betaj? A tenoꞌ mʌꞌ jin wiraj u siꞌpir quir u quinsaꞌ. Rajen quin bin in waꞌaric u jatsꞌʌr u pach. Cu tsꞌocar u jatsꞌʌr u pach, cu chabʌr caꞌ xic.
\p
\v 23 Chen a pimoꞌ caj u tsꞌʌraj u pach Pilato, caj u chich araj tiꞌ Pilato:
\p ―Sinej ich cruz.
\p Quireꞌ cꞌam yawʌt tꞌʌnob.
\v 24 Pilato caj u quibaj u tꞌʌn. Rajen Pilato caj u yaꞌaraj caꞌ quinsac Jesús soc u betic a baꞌ u cꞌatob u winiquirob judío.
\v 25 Pilato caj u siptaj Barrabás, a mac chucaꞌan uch cax raꞌ caj u pꞌusaj yorob u racꞌob quir u jocꞌsicob u tsꞌurir u cajar cax caj u quinsaj mac. Chen Jesús caj u cꞌubaj caꞌ quinsaꞌ ten u soldado quireꞌ baxuc u cꞌat u winiquirob judío.
\s A soldadojoꞌ u winiquirob romano, rajiꞌob caj u bʌjajob Jesús ich cruz
\r (Mt. 27.32‑44; Mr. 15.21‑32; Jn. 19.17‑27)
\p
\v 26 U soldado u winiquirob romano, caj u jocꞌsajob Jesús quir u quinsicob. Caj u chucob tuririꞌ xib u cꞌabaꞌ Simón. Tiꞌ u tar caj urij tancab tu cajar. Tiꞌ u tar uch ich u cajar Cirene uch. Caj tsꞌar u pach u cꞌochej u cruz Jesús. Pachir u bin a Simónoꞌ. Jesús pʌyber.
\p
\v 27 Baxuc xan, yaꞌab mac caj binob tu pach Jesús. Tiꞌ yʌn xquic ich a pimob a cu tarob tu pach Jesús. Awʌt ocꞌar u caꞌob quireꞌ cu tucricob Jesús.
\v 28 Jesús caj u sut u bʌj u pʌctic u pach quir u tꞌʌnic a xquicoꞌ:
\p ―A techexoꞌ u xquiquirechex u cajar Jerusalén. Mʌꞌ a wacꞌtiquenex. Caꞌ a wactex a wʌcꞌʌs bʌjiriꞌex yejer a pararex.
\v 29 Taj quin wac techex jeꞌ u cꞌuchur tu qꞌuinin cu bin yaꞌaric mac: “Jach tsoy a xquicoꞌ a mʌꞌ pararnʌjij. Quireꞌ mʌꞌ cꞌuchaꞌan yor tiꞌ. Bayiriꞌ a mʌꞌ tu rochaj u parar. Bayiriꞌ jach tsoy a xquicoꞌ a mʌnaꞌ u chan och quir u tsꞌic chuꞌch.”
\v 30 Raꞌiriꞌ u qꞌuinin cu bin u chich aric caꞌ quimic, irej a cu yaꞌaricob mac. Caꞌ rubuc a witsoꞌ ich yocꞌorob caꞌ maxʌcob. Bayiriꞌ cu tꞌʌnicob pꞌuc witsoꞌ caꞌ mucucob, ten pꞌuc wits.
\v 31 Wa cu quinsiquenob cax mʌnaꞌ in siꞌpir chen jach manan cu bin u mucꞌyajob ich u winiquirob judío quireꞌ cꞌas caj u betajob.
\p
\v 32 Caj bin purbir Jesús quir u quinsaꞌ, yet binacob caꞌtur xib a cu yacrʌ baꞌ quir u quinsaꞌob xan.
\v 33 Caj rʌc cꞌuchob tu pʌchaꞌan u cꞌabaꞌ u baquer u joꞌr mac quireꞌ a ruꞌumoꞌ irej u baquer u joꞌr mac. Tiꞌ caj u bʌjob ich cruz, Jesús a baxuc a cu yacrʌ baꞌ caꞌturoꞌ caj sinob ich u cruzob. Turiꞌ tu noj Jesús, turiꞌ tu tsꞌic Jesús.
\v 34 Jesús caj yaꞌaraj tiꞌ Cꞌuj wa ber tan u bajarob ich cruz:
\p ―In Tetech ―quij―, jawse u siꞌpirob a mac a cu pꞌactiquenob quireꞌ mʌꞌ yerob baꞌ cu beticob ten ―quij Jesús.
\p U soldado u winiquirob romano caj u jʌsob u nocꞌ Jesús caj u yʌrʌcꞌtajob chan tunich quir yiric mac cu bin u chꞌic u nocꞌ Jesús, baxuc nanij u beticob uch.
\v 35 Tarob yaꞌab mac quir u chen pʌcticob u quimin Jesús. U tsꞌurirob u winiquirob judío caj u yutsꞌajob u niꞌ quireꞌ tan u pꞌasticob Jesús, caj yaꞌarob:
\p ―U jer caj u tacaj; chen u bʌjiriꞌ mʌꞌ tu tacaj u bʌj, wa jach jaj a Cristojoꞌ, a tuchiꞌtaꞌb ten Cꞌuj quir u taquic tu cotor mac caꞌ u wʌcꞌʌs tac u bʌj xan.
\p
\v 36 U soldado u winiquirob romano, caj u chejtajob Jesús quireꞌ caj nʌtsꞌob u bʌj ich Jesús caj u tsꞌajob tiꞌ Jesús u cꞌab uva a pʌjeꞌ caꞌ u yuqꞌuej.
\v 37 Caj yaꞌarob tiꞌ:
\p ―Wa ju jach u reyech u winiquirob judío, toc tac a bʌj bajeꞌrer.
\p
\v 38 Tiꞌ tsꞌibaꞌan a jeꞌ tꞌʌnaꞌ ich cꞌʌs chumuc u cruz u joꞌr Jesús soc yer biquinin sinij ich cruz. Caj tsꞌibtaꞌb: “A jeꞌ xibaꞌ u rey u winiquirob judío.”
\p
\v 39 Tuririꞌ cu yacrʌ baꞌ tiꞌ sinaꞌan ich Jesús caj u pꞌastaj Jesús tan yaꞌaric:
\p ―Wa jach taj Cristojech toc tac a bʌj yejerenob bajeꞌrer. 
\p
\v 40 Chen u jer u yet bʌjaꞌan Jesús caj u qꞌueyaj u yet acrʌ baꞌ caj yaꞌaraj tiꞌ:
\p ―Mʌꞌ tan a chꞌic sajʌquir tiꞌ Cꞌuj. Mʌꞌ wa quet caj bʌjoꞌon yejer Jesús quir ij quimin xan?
\v 41 A toꞌonoꞌ ―quij yaꞌaraꞌ tiꞌ―, taj caj u tacaj ic joꞌrob, rajen tan ic jach mucꞌyaj quireꞌ raꞌ u boꞌorir ic siꞌpir. Chen a jeꞌ xibaꞌ mʌnaꞌ baꞌ caj u betaj quir u quinsaꞌ.
\p
\v 42 Caj yaꞌaraj tiꞌ Jesús:
\p ―Jesús ―quij―, chan cꞌʌꞌote ten caꞌ bin cꞌuchech tu ca reyintic.
\p
\v 43 Jesús caj yaꞌaraj tiꞌ:
\p ―Taj quin waꞌaric tech bajeꞌrer tiꞌ yʌnech yejeren ich Cꞌuj.
\s Caj quimij Jesús
\r (Mt. 27.45‑56; Mr. 15.33‑41; Jn. 19.28‑30)
\p
\v 44 Caj cꞌuchij cꞌacꞌchunqꞌuin caj acꞌʌꞌchʌjij ich tu cotor ruꞌumin. Hasta las tres caj sasichʌjij.
\v 45 Tiꞌ toy acꞌbir ic yum caj jatij u noqꞌuir tub tꞌinaꞌan ich carem naj tu cu naj cꞌujinticob Cꞌuj u winiquirob judío. Rajen jat chumuc u noqꞌuir tub tꞌinaꞌan quireꞌ caj u yesaj toꞌon bic tabar ic bin ʌcʌtan Cꞌuj. Mʌꞌ ja wirej, a uchoꞌ mʌꞌ cꞌuchaꞌan yor mac u jeꞌic u noqꞌuir quir u yocar ʌcʌtan Cꞌuj tu cu yaꞌaricob tiꞌ yʌn Cꞌuj. Chen rajiꞌ cu yocar a uchoꞌ u jach tsꞌurir sacerdote. Teniꞌ cu yocar tuririꞌ yaxqꞌuin.
\v 46 Raꞌiriꞌ u qꞌuinin caj quimij Jesús caj jat u noqꞌuir tiꞌ tꞌinaꞌan. Cꞌam caj awʌtnʌjij Jesús caj yaꞌaraj:
\p ―In Tet Cꞌuj ―quij―, tan in tsꞌic tech in pixam quir a cʌnantic.
\p Caj tsꞌoc yaꞌaric caj quimij.
\p
\v 47 A yʌjtꞌʌninoꞌ cien soldado u winiquirob romano, caj yiraj baꞌ u ber tiꞌ Jesús caj u cꞌujintaj Cꞌuj caj yaꞌaraj: 
\p ―Jach jaj a jeꞌ xibaꞌ mʌnaꞌ u siꞌpir toc taj yor. 
\p
\v 48 Yaꞌab mac caj tarob uch quir yiricob u quinsaꞌr Jesús. Caj tsꞌoc yiricob baꞌ u ber caj sutnʌjob tu yatochob. Caj u pʌxajob u semob quireꞌ tan yesicob tucur u caꞌob quireꞌ baxuc nanij u beticob u winiquirob judío.
\v 49 Tu cotor mac a yet manob Jesús uch. Baxuc yejer a xquicob a tarob tu pach Jesús ich u cajar Galilea. Caj yirob baꞌ u ber tiꞌ Jesús nanach chicaꞌanob caj yirob Jesús.
\s Caj chaquintaꞌb u baquer Jesús ich japnin tunich
\r (Mt. 27.57‑61; Mr. 15.42‑47; Jn. 19.38‑42)
\p
\v 50 Tiꞌ yʌn caꞌch tuririꞌ xib, tiꞌ u tar ich u cajar Arimatea, raꞌ u waꞌan u ruꞌumin Judea. José u cꞌabaꞌ. Rajiꞌ tuririꞌ u tsꞌurir u winiquirob judío. Jach tsoy yor José, José cu quibic a baꞌ tsꞌibaꞌan ich u tꞌʌn Moisés. 
\v 51 Mʌꞌ ja wirej, a Joséjoꞌ, tan u pajic u qꞌuinin cu tuchiꞌtic mac Cꞌuj quir u reyinticob u winiquirob judío. Rajiꞌ cu pajic José. A Joséjoꞌ, mʌꞌ quet yor u cꞌubic quinsbir Jesús yejer u yet jach tsꞌurirob u winiquirob judío. 
\v 52 Caj bin José ich Pilato quir u cꞌatic u baquer Jesús. 
\v 53 Pilato caj u tsꞌaj u baquer Jesús tiꞌ José quir u butꞌic u baquer ich japnin tunich José, cu yaꞌaraj tiꞌ mac: 
\p ―Ensej u baquer Jesús.
\p Caj tsꞌoc u yensaꞌ caj u tapaj yejer sʌc nocꞌ, lino u cꞌabaꞌ u noqꞌuir, jach coꞌoj aroꞌ. Caj bin u butꞌej ich japnin tunich tu ricꞌben, mʌnaꞌ mac u butꞌmʌniꞌ. 
\v 54 Baꞌ u ber tiꞌ Jesús. Raꞌ u qꞌuinin cu chʌquic yoch quir u quiꞌquiꞌ janʌnob u qꞌuinin pascua. Rajiꞌ tabar u cꞌuchur tu qꞌuinin quir u jesicob u bʌj u winiquirob judío.
\p
\v 55 A xquicoꞌ a tarob ich u pach Jesús caj ruqꞌuij ich u ruꞌumin Galilea caj binob tu pach José soc u yiricob u butꞌur u baquer Jesús ich japnin tunich.
\v 56 A xquicoꞌ caj tsꞌoc yiricob u butꞌur u baquer Jesús. Caj urob ich yatoch ich u cajar Jerusalén. Caj u mʌnob a quiꞌ u boqueꞌ soc u choꞌicob ich u baquer Jesús. Rajiꞌ u tsꞌac mirra u cꞌabaꞌ yejer u tsꞌac aloe u cꞌabaꞌ quireꞌ nanij u winiquir judío, u choꞌic ich u baquer a mac quimenoꞌ. A xquicoꞌ caj u jesajob u bʌj tiꞌ u beyaj. Quireꞌ raꞌ u qꞌuinin tu cu jesicob u bʌj u winiquirob judío. An ten bic cu yaꞌaric tu tsꞌibaꞌan u tꞌʌn Moisés. 
\c 24
\s Riqꞌuij Jesús tu quimen
\r (Mt. 28.1‑10; Mr. 16.1‑8; Jn. 20.1‑10)
\p
\v 1 U qꞌuinin u yʌnxchun semana, jach aꞌacꞌbir a xquicoꞌ caj wʌcꞌʌs binob tu butꞌ u baquer Jesús. Caj u cuchob a quiꞌ u boque a caj u mʌnajob.
\v 2 Caj cꞌuchob a xquicoꞌ caj yirob toc bʌcꞌʌsaꞌan u tunichir u mac u jor tu butꞌij Jesús.
\v 3 Caj ocob tu japnin tunich tu butꞌij Jesús. Chen mʌꞌ caj u yirob u baquer.
\v 4 A xquicoꞌ xacaꞌan u tucurob quireꞌ yirob mʌnaꞌ u baquer Jesús. Seb caj yirob tiꞌ yʌn caꞌtur xib tu chꞌicaꞌanob xquic. U buquimʌnob u nocꞌ jach sʌc tꞌinen.
\v 5 A xquicoꞌ caj chinrajob u joꞌr quireꞌ sajʌcob. A xiboꞌ caj yaꞌaraj tiꞌob:
\p ―Ca tarechex a cʌxtex tu butꞌ u baquer Jesús?
\v 6 Mʌꞌ tiꞌ yʌn a teraꞌ bajeꞌrer quireꞌ riqꞌuij tu quimen, cuxaꞌan bajeꞌrer. Mʌꞌ wa cꞌajtechex baꞌ caj u yaꞌaraj techex uch. Tiꞌ toy yʌnechex ich u ruꞌumin Galilea.
\v 7 Cꞌajtechex caj yaꞌaraj: “Yʌn in quinsaꞌr, a tenoꞌ, quij Jesús, quireꞌ caj u tuchiꞌten Cꞌuj a baxuquechexoꞌ. A mac jach cꞌasoꞌ, rajiꞌ cu bin u bʌjiquenob ich cruz. Caꞌ bin tsꞌocac in quinsaꞌ quin bin in riqꞌuir, mʌnaꞌ u nup u qꞌuinin.” Baxuc caj yaꞌaraj Jesús uch.
\p
\v 8 A xquicoꞌ caj u cꞌʌꞌotajob u tꞌʌn Jesús uch.
\v 9 Caj urob tu bin yirob tu butꞌ u baquer Jesús caj binob ich a oncejoꞌ u camsʌwinicob Jesús. Baxuc tiꞌ yʌnob a yet manob Jesús ucheꞌ. Caj u yaꞌarob tiꞌ a baꞌ caj u yirob yejer a baꞌ caj u yubob.
\v 10 A xquicoꞌ a mac binob caꞌch quir yaꞌaricob tiꞌ u camsʌwinicob cuxaꞌan Jesús. Rajiꞌob, María, a cu tar tiꞌ u cajar Magdalena, yejer Juana, yejer María, u nʌꞌ Jacob yejer u jer mʌꞌ yaꞌab xquic.
\v 11 Chen u camsʌwinicob mʌꞌ ju quibob a baꞌ caj araꞌb tiꞌob: “Riqꞌuij Jesús.” Cu chen tucricob a baꞌ caj u yubob yaꞌaric a xquic quireꞌ yerob u sosoc aꞌbar.
\p
\v 12 A Pedrojoꞌ, seb caj riqꞌuij caj u cꞌʌnaj yacab caj bin yiric tu butꞌij u baquer Jesús. Caj cꞌuchij caj u tac chꞌenaptaj caj u yiraj u noqꞌuir tu top u baquer uch. Chen u noqꞌuir yʌn ich u way. Caj sutnʌj tu junan ich yatoch jach jacꞌaꞌan yor a baꞌ caj u yiraj.
\s Jesús caj u yesʌj u bʌj tiꞌ u camsʌwinicob caꞌturoꞌ ich u berir Emaús
\r (Mr. 16.12‑13)
\p
\v 13 Raꞌiriꞌ u qꞌuinin caꞌturob u camsʌwinicob Jesús, caj binob tu berir u cajar Emaús. Yʌn once kilómetros u nachir tiꞌ u cajar Jerusalén.
\v 14 Caj pacran tsicbnʌjob tu cu binob ich bej. Caj tsicbnʌjob tiꞌ a baꞌ u ber tiꞌ Jesús.
\v 15 Tiꞌ toy cu tsicbarob ich bej tan u chich tsicbarob. Jesús caj u cꞌʌs nʌtsꞌaj u bʌj ich u camsʌwinicob soc quet u binob.
\v 16 U camsʌwinicob mʌꞌ yerob wa Jesús quireꞌ mʌꞌ tsꞌaꞌb u tꞌʌnin u cꞌʌꞌotaꞌr ten u camsʌwinicob.
\v 17 Jesús caj u cꞌataj tiꞌob:
\p ―Baꞌ ca chich tsicbʌtiquex ich a ber? Biquinin tucurex a caj tu ca binex ich bej?
\p
\v 18 Tuririꞌ ich a winicoꞌ u cꞌabaꞌ Cleofas caj u nuncaj tiꞌ caj yaꞌaraj:
\p ―A jeꞌ qꞌuinaꞌ tu cotor mac ich u cajar Jerusalén yerob baꞌ u ber a teraꞌ. Cax jamach tiꞌ yʌnech ich u cajar Jerusalén. Tin tꞌʌn jariꞌ techeꞌ, mʌꞌ a wer baꞌ u ber Jesús.
\p
\v 19 Jesús caj yaꞌaraj:
\p ―Baꞌ u ber teraꞌ? Rajiꞌob caj u nuncajob tiꞌ, caj yaꞌarajob. Mʌꞌ wa ta wuꞌyaj baꞌ u ber tiꞌ Jesús a cu tar ich u cajar Nazaret? Rajiꞌ yʌjtseqꞌuir u tꞌʌn Cꞌuj. A Jesúsoꞌ caj u quiꞌquintaj yor Cꞌuj. Baxuc a pimoꞌ caj u quiꞌquintaj yorob. Quireꞌ caj u yirob u carem beyaj Jesús. Baxuc a baꞌ caj u camsaj.
\v 20 Mʌꞌ wa caj a wuꞌyaj ―quij yaꞌaraꞌ tiꞌ― u jach tsꞌurirob sacerdote yejer u jach tsꞌurirob u cajar a nuxiboꞌ, bic caj u cꞌubajob Jesús tiꞌ Pilato caj tsꞌoc u taꞌquicob u joꞌr. Caj araꞌb u bin bʌjbir ich cruz.
\v 21 Bajeꞌrer ―quij yaꞌaraꞌ tiꞌ―, yʌn tres u qꞌuinin tu tsꞌoc u bajʌr Jesús ich cruz. A tenob tan in pajicob wa rajiꞌ tuchiꞌtaꞌb ten Cꞌuj quir u taquicoꞌonex u winiquirob judío tiꞌ u winiquirob romano.
\v 22 Bayiriꞌ ―quij yaꞌaraj―, xquic a pꞌeriꞌoꞌ yejeroꞌon caj u jacꞌs in worob quireꞌ aꞌacꞌbir caj binob yirejob tu butꞌ u baquer Jesús.
\v 23 Caj cꞌuchob mʌꞌ ju yirob u baquer, caj sutnʌjob tu yʌnenob caj tsicbʌnʌjob tenob an ten bic tu jach irob yʌjmasir u tꞌʌn Cꞌuj a mac caj u yaꞌaraj tiꞌob cuxaꞌan Jesús.
\v 24 Bayiriꞌ xib xan tres a pꞌeriꞌoꞌenob yejerob caj bin yirob tu butꞌ u baquer. Caj yirob taj a baꞌ araꞌb ten a xquicoboꞌ. Chen mʌꞌ ju yirob Jesús.
\p
\v 25 Jesús caj yaꞌaraj tiꞌob:
\p ―Biquinin jach chichex a joꞌrex quireꞌ quiꞌ tsꞌabir ca wacsiquex a worex quireꞌ mʌꞌ ja wacsajex ta worex a baꞌ tsꞌibtaꞌb ten yʌjtseqꞌuirob u tꞌʌn Cꞌuj uch.
\v 26 A werex jach taj yʌn u mucꞌyaj Cristo quireꞌ baxuc u cꞌat Cꞌuj soc u bin sʌjtaꞌbir ten tu cotor mac.
\p
\v 27 Jesús caj u quiꞌ camsaj tiꞌob a baꞌ araꞌb tiꞌ tu cotor ich u tꞌʌn Cꞌuj tiꞌ u wʌcꞌʌs bʌjiriꞌ ich tu cotor u tꞌʌn Cꞌuj. Caj u yʌnxchun tub tsꞌibaꞌan ich u tꞌʌn Moisés. Caj tsꞌoc u quiꞌ camsic tiꞌob a baꞌ araꞌb tiꞌ ten Moisés. Caj u quiꞌ camsaj tiꞌob a baꞌ araꞌb tiꞌ ten yʌjtseqꞌuirob u tꞌʌn Cꞌuj uch.
\p
\v 28 Tabar u cꞌuchurob tu cajar tu cu binob caꞌch. Jesús irej wa bin u caꞌ u potmastej u cajar.
\v 29 Chen u camsʌwinicob caj u chich arob tiꞌ caj yaꞌarob: 
\p ―Pꞌaten yejeroꞌon, tabar u bin qꞌuin quireꞌ tabar u yacꞌbirchʌjʌr.
\p Rajen Jesús caj oquij quir u pꞌatʌr yejerob.
\v 30 Caj tsꞌoc u cutarob quir u janʌnob. Jesús caj u chucaj u yoch pan caj yaꞌaraj tiꞌ Cꞌuj:
\p ―Bayoꞌ ―quij.
\p Caj u xatꞌaj caj u tsꞌaj tiꞌob quir u janticob.
\v 31 Caj tsꞌaꞌb u tꞌʌnin quir u cꞌʌꞌoticob Jesús seb caj binij Jesús mʌꞌ ju yirob tu binij.
\v 32 Caj u pacraj arob:
\p ―Jach quiꞌ ij cor caꞌch caj u tsicbʌta toꞌon ich bej, caj u quiꞌ tsicbʌta toꞌon u tꞌʌn Cꞌuj, tu tsꞌibaꞌan. 
\p
\v 33 A caꞌturoꞌ u camsʌwinicob Jesús, raꞌiriꞌ u qꞌuinin seb caj wʌcꞌʌs urob ich u cajar Jerusalén. Caj cꞌuchob tu muchꞌaꞌan a oncejoꞌ u camsʌwinicob Jesús yejer u jerob u racꞌob.
\v 34 A oncejoꞌ caj yaꞌarajob tiꞌ a tan tu cꞌuchurob:
\p ―Jach jaj ic Jaj Tsꞌur, riqꞌuij tu quimen quireꞌ Jesús caj tu yes u bʌj tiꞌ Simón.
\p
\v 35 A tan tu cꞌuchurob caj u tsicbʌtajob a baꞌ u ber tiꞌob ich u berir Emaús. Caj u cꞌʌꞌotajob Jesús caj xatꞌaj u yoꞌoch pan tiꞌob.
\s Jesús caj u yesaj u bʌj tiꞌ u jerob u camsʌwinicob 
\r (Mt. 28.16‑20; Mr. 16.14‑18; Jn. 20.19‑23)
\p
\v 36 Tiꞌ toy cu tsicbarob a baꞌ u ber tiꞌob. Seb caj chꞌicraj Jesús chumuc tu yʌnob u camsʌwinicob. Caj araꞌb tiꞌob ten Jesús:
\p ―Caꞌ quiꞌac a worex ten Cꞌuj ―quij Jesús.
\p
\v 37 Chen u camsʌwinicob jach jaqꞌuij yorob caj u chꞌaj sajquirob. Cu tucricob caꞌch caj u yirob u pixam a mac quimenoꞌ.
\v 38 Jesús caj yaꞌaraj tiꞌob:
\p ―Biquinin sajquechex? Biquinin ca tucriquex ta worex: Mac a jeꞌraꞌ?
\v 39 Pʌctex a wirex in cꞌʌb yejer in woc soc a werex ten. Tʌrex a wuꞌyex wa ten quireꞌ u pixam mac mʌnaꞌ u bʌqꞌuer an ten biquen yʌn in bʌqꞌuer. Mʌnaꞌ u baquer an ten biquen.
\p
\v 40 Caj tsꞌoc yaꞌaric tiꞌob aroꞌ caj u yesaj u cꞌʌb tiꞌob soc yiricob tu bʌjaꞌan yoc yejer u cꞌʌb.
\v 41 Quireꞌ jach quiꞌ yorob, rajen mʌꞌ ju quibob wa rajiꞌ quireꞌ jacꞌaꞌan yorob xan. Jesús caj yaꞌaraj tiꞌob: 
\p ―Chan chuquej ten a wochex in jantej.
\p
\v 42 Robob caj u tsꞌajob tiꞌ u xetꞌer cꞌacꞌbir cʌy quir u chiꞌic caj u yʌrob tiꞌ cab.
\v 43 Jesús caj u cꞌʌmaj caj u chiꞌaj cʌy ʌcʌtan tu yʌnob baxuc cab caj u mʌcꞌaj.
\v 44 Jesús caj yaꞌaraj tiꞌob:
\p ―A baꞌ caj in waꞌaraj techex tiꞌ yʌnen ta wicnʌnex caꞌch. Caj in waꞌaraj techex caꞌch, yʌn in nupsic tu cotor a bar tsꞌibaꞌan ich u tꞌʌn Moisés. Baxuc a tsꞌibaꞌan ich u tꞌʌn yʌjtseqꞌuirob u tꞌʌn Cꞌuj. Baxuc a baꞌ tsꞌibaꞌan ich u tꞌʌn salmos.
\p
\v 45 Raꞌiriꞌ u qꞌuinin Jesús caj u tsꞌaj tiꞌob caꞌ u najtejob a baꞌ tsꞌibaꞌan ich u tꞌʌn Cꞌuj tiꞌ Jesús.
\v 46 Jesús caj yaꞌaraj tiꞌob:
\p ―Baxuc a jeꞌ tsꞌibaꞌan tiꞌ: “Cristo a tuchiꞌtaꞌb ten Cꞌuj. Yʌn u quimij, caj tsꞌoc u quimij cu man mʌnaꞌ u nup u qꞌuinin cu riqꞌuir tiꞌ u quimirir, quireꞌ a Cristojoꞌ, u parar Cꞌuj.
\v 47 A techexoꞌ yʌn a bin a tsecꞌtiquex in tꞌʌn ich tu cotor u cajar tu cʌjaꞌan mac. Tar ca yʌnxchun a tsecꞌtiquex ich u cajar Jerusalén. Caꞌ a tsecꞌtex tiꞌ caꞌ u yʌn cꞌaxejob tu yorob soc u pꞌʌticob u cꞌasirob soc Cꞌuj cu jawsiob u siꞌpirob.”
\v 48 Caꞌ xic a waquex tiꞌ mac a baꞌ caj a wirex, baxuc a baꞌ u ber tenoꞌ.
\v 49 Baxuc xan, jeꞌ in tuchiꞌtic techex u Tajꞌor u Pixam Cꞌuj an ten bic caj u toc araj Cꞌuj. Jeꞌ u pꞌatʌr ta wicnʌnex. Tar ca pꞌatʌrex ich u cajar Jerusalén hasta caꞌ bin a cꞌʌmiquex a muqꞌuex a tar u tar ich caꞌanan tiꞌ in Tet Cꞌuj.
\s Jesús cu bin ich caꞌanan
\r (Mr. 16.19‑20)
\p
\v 50 Jesús caj u pʌyaj u berob u camsʌwinicob ich u xur u cajar. Tabar u cꞌuchob ich cajar Betania. Caj u nacsaj u cꞌʌb ich yocꞌor u camsʌwinicob caj u cꞌataj tiꞌ Cꞌuj caꞌ cʌnantacob ten Cꞌuj.
\v 51 Caj tsꞌoc u cꞌatic tiꞌ Cꞌuj caꞌ cʌnantacob ten Cꞌuj, Cꞌuj caj u pʌyaj Jesús caꞌanan.
\v 52 Jamach pꞌatob u camsʌwinicob quir u cꞌujinticob Jesús. Caj tsꞌoquij caj binob ich u cajar Jerusalén, jach quiꞌ yorob.
\v 53 Rajraꞌ tiꞌ yʌnob u camsʌwinicob Jesús ich carem naj tan u cꞌujinticob Cꞌuj.