\id 1TI
\h 1 TIMOTEO
\toc1 1 TIMOTEO
\mt1 A JEꞌ JUꞌUNAꞌ, CAJ U YɅN BATꞌAN TSꞌIBTA PABLO TIꞌ TIMOTEO
\mt2 1 TIMOTEO
\c 1
\s Timoteo tsꞌibtaꞌb ten Pablo
\p
\v 1 Pablojen a tenoꞌ tuchiꞌtaꞌben ten Cꞌuj, a mac ij cʌjtaquirex. Bayiriꞌ xan tuchiꞌtaꞌben ten Jesucristo a mac a quic pajicoꞌ caꞌ ij quirej.
\v 2 Tan in tsꞌibtic tech Timoteo, a jeꞌ juꞌunaꞌ quireꞌ a techoꞌ u tajir in pararech. Mʌꞌ ja wirej, ta wacsaj ta wor u tꞌʌn Cꞌuj caj a wuꞌy in tsicbʌtech. In cꞌat Cꞌuj caꞌ u yam tech quireꞌ rajiꞌ ic Tetex, Timoteo. Quireꞌ in cꞌat Cꞌuj, ic Tetex, caꞌ u yajquintech soc mʌnaꞌ baꞌ ca tucric. Caꞌ quiꞌac a wor ten Cꞌuj soc mʌnaꞌ baꞌ ca tucric quireꞌ Cꞌuj ic Tetex, yejer Jesucristo ic Jaj Tsꞌurirex xan.
\s Caꞌ u cʌnant a bʌj Timoteo quireꞌ a baꞌ tus camsaꞌ
\p
\v 3 Cꞌʌꞌotej Timoteo quireꞌ tiꞌ yʌn mac, mʌꞌ yaꞌab, cu camsicob u racꞌob ich u racꞌob Efeso. Chen mʌꞌ u tꞌʌn Cꞌuj tan u camsicob. Arej tiꞌob, Timoteo caꞌ u pꞌʌtob u camsicob aroꞌ. Rajen tin chich araj tech caꞌ pꞌataquech ich u cajar Efeso caj binenoꞌ tu ruꞌumin Macedonia.
\v 4 Yʌn arej tiꞌob a yʌjcamsʌyʌjirob soc mʌꞌ u saricob u xiquinob tiꞌ a baꞌ tu yubob tiꞌ u nunquirob a mʌꞌ tajiꞌ. Arej tiꞌob caꞌ u rʌc pꞌʌticob a rajraꞌ u xaquicob u tꞌʌn u nunquirob baxuc a tu ju tarob uch. Mʌꞌ ja wirej, u jer a cu yubicob a tiꞌoboꞌ cu nunquic u tꞌʌnob. Tu cotor aroꞌ mʌꞌ ju yamtob caꞌ u najtob u beyaj Cꞌuj. Chen cu bin u najtob u beyaj Cꞌuj wa ber qꞌuin cu quibicob a baꞌ tsꞌibaꞌan ich u tꞌʌn Cꞌuj.
\p
\v 5 A wer biquin quin chich aric tech caꞌ a chich camsej tiꞌob a jeꞌ tꞌʌnaꞌ? A jeꞌ tꞌʌnaꞌ quir u yajquinticob u yet acsʌꞌorirob jerer. A jeꞌ tꞌʌnaꞌ quir u yajquinticob a tiꞌoboꞌ u tajir tu yorob. Tin chich arej tiꞌob caꞌ u yajquintob u yet acsʌꞌorirob soc jach tsoy u tucurob. Tan in chich aric tiꞌob caꞌ yajquintacob a tiꞌoboꞌ quireꞌ tu yacsob tu yorob u tꞌʌn Cꞌuj soc taj u yajquintic. 
\v 6 Yʌn yʌjcamsayʌjirob, mʌꞌ yaꞌabiꞌ tu yʌnech. Tan u tus quiꞌ camsicob a baꞌ tin waꞌara tech sam. Cu chen nunquicob u tꞌʌnob rajen mʌnaꞌ cu cʌnicob.
\v 7 Aroꞌ tu pachticob u yocarob u camsicob u tꞌʌn Cꞌuj a tsꞌibtaꞌb ten u nunquirob Moisés uch. Chen mʌꞌ ju najtob a baꞌ cu chich camsicob, cax yaꞌaricob u neꞌerob u tꞌʌn Moisés.
\p
\v 8 Ic toc er tsoy u tꞌʌn Moisés wa mac u cꞌat u camsic u tꞌʌn Moisés an ten bic Cꞌuj u cꞌat.
\v 9 Jariꞌ caꞌ a najtej a jeꞌraꞌ. Wa ber caj tsꞌibta u tꞌʌn Cꞌuj Moisés uch caj u tsꞌibtaj tiꞌ a mac a cu manob tu siꞌpirob. Mʌꞌ ju tsꞌibtaj quireꞌ a mac a cu manob tu tsoyir, quireꞌ tan u toc quibicob u tꞌʌn Cꞌuj. Mʌꞌ ja wirej, a mac cꞌasoꞌ mʌꞌ ju yubob u tꞌʌn u nʌꞌ cax u tet xan. A mac cꞌasoꞌ, cu jach quinsicob u racꞌob tu cotor. A mac a cꞌasoꞌ cu quinsicob u tet cax u nʌꞌ. A mac cꞌasoꞌ mʌꞌ u cꞌujintob jach Cꞌuj. A mac cꞌasoꞌ quireꞌ yʌn u siꞌpirob.
\v 10 Mʌꞌ ja wirej, u tꞌʌn Moisés caj tsꞌibtaꞌb tiꞌ a mac a cu man yejer u jer. Tsꞌibtaꞌb tiꞌ a mac a cu man yejer u yet xibir. U tꞌʌn Moisés tsꞌibtaꞌb tiꞌ a mac a cu yaꞌcric u jer winic. Tsꞌibtaꞌb tiꞌ a mac a cu tus, bayiriꞌ tiꞌ a mac a cu chen tus, tan yaꞌaric u tajir a baꞌ cu tusic. U tꞌʌn Moisés tsꞌibtaꞌb tiꞌ tu cotor a cꞌasoꞌ quireꞌ rajiꞌ jach taj u tꞌʌn Moisés.
\v 11 A jeꞌ tꞌʌnaꞌ a quin camsiquech Timoteo, raꞌiriꞌ caj u chich araj ten Cꞌuj caꞌ in tsecꞌtej uch. Quireꞌ rajiꞌ jach manan tsoy u tꞌʌn a Cꞌujoꞌ quireꞌ jach tsoy a Cꞌujoꞌ. Mʌnaꞌ u jer Cꞌuj a jach tsoyoꞌ.
\s Quiꞌ yor Pablo quireꞌ yajquintaꞌb ten Cꞌuj
\p
\v 12 Timoteo, quin wac tiꞌ ic Jaj Tsꞌurirex Jesucristo:
\p ―Bayoꞌ, quen tiꞌ, quireꞌ ta chichquint in mucꞌ soc in beyaj tech.
\p Quin wac tiꞌ:
\p ―Bayoꞌ Jesús, quireꞌ ta teten tiꞌ a beyaj quireꞌ caj a wiraj cꞌuchaꞌan in wor in yamtech.
\v 13 Caj a teten tiꞌ a beyaj cax a uchoꞌ tin pꞌast a tꞌʌn. Cꞌasen a uchoꞌ. Caj in chuc u pachob a tu yacsob tu yorob tech quireꞌ in cꞌat chꞌesob. Chen a techoꞌ Cꞌuj, quen tiꞌ, ta yajquin ten rajen ta yamten cax mʌꞌ toy in wacsej tin wor a tꞌʌn uch. Rajen mʌꞌ in wer baꞌ tin betajiꞌ.
\p
\v 14 Barej ic Jaj Tsurirex caj u yamten quireꞌ jach carem cu yajquintiquen. Quireꞌ tin wuꞌyaj mun quin yajquintic Cꞌuj raꞌ u qꞌuinin caj in wacsaj tin wor tiꞌ Jesucristo. Rajen quin yajquintic tu cotor mac quireꞌ pꞌeriꞌ in wor yejer Cristo.
\p
\v 15 Uꞌyej baꞌ quin wac quireꞌ u jach tajir. Tu cotor mac caꞌ u quibej xan. Caj tarij Jesucristo teraꞌ ich yocꞌocab, tar quir u taquic tu cotor mac a cu yac yʌn u siꞌpir a tiꞌoꞌ. A tenoꞌ Pablojen. Mʌnaꞌ u jer manan u siꞌpir bajenen a tenoꞌ. Mʌꞌ yaꞌab u jer winiquirob a neyʌn u siꞌpirob.
\v 16 Rajen a Cꞌujoꞌ caj u yajquin ten quir u yamtiquen. Mʌꞌ ja wirej, cax mʌnaꞌ u jer jach cꞌas iren a tenoꞌ. Caj u yesa nemʌꞌ bic Jesúsiꞌ soc wa u jer winic cu cꞌuchur tu qꞌuinin yiric. Cu quibic, yacsic tu yor quir u cuxtar munt qꞌuin. Mʌꞌ ja wirej, tu yiraj Cꞌuj tu yajquin ten rajen cu yacsic tu yor.
\v 17 Rajen caꞌ ij carex tiꞌ Cꞌuj:
\p ―Jach caremech Cꞌuj. U reyech munt qꞌuin. Mʌnaꞌ u jer irech quireꞌ tuririꞌech. Jaririꞌech a neꞌer tu cotor baꞌ. Jaririꞌech munt qꞌuinech mʌꞌ a quimin. Jaririꞌech cu bin sʌjtechob munt qꞌuin. Mʌnaꞌ mac chʌcaꞌan yiriquech. Jeroj.
\p
\v 18 Quin chich aric tech Timoteo in pararech soc a quiꞌ cʌnantic a jeꞌ tꞌʌnaꞌ. A caj u tsecꞌta tech a wet acsʌꞌorir a tsꞌaꞌb u tucur ten Cꞌuj uch. Mʌꞌ ja wirej, wa taj ca cꞌʌmic u tꞌʌn Cꞌuj a wʌcꞌʌs tucur mʌꞌ ju tacꞌ a joꞌr. Taj a wacsic ta wor xan.
\v 19 Tiꞌ yʌn xib, mʌꞌ yaꞌabiꞌ. A mʌꞌ ju yubob u wʌcꞌʌs toꞌcar u joꞌr ten u tucurob, rajen tu pꞌʌtob u yacsicob tu yorob.
\v 20 Robob Himeneo yejer Alejandro. Robob caj in cꞌubob tiꞌ quisin soc u mucꞌyajob soc u pꞌʌticob u pꞌasticob Cꞌuj. 
\c 2
\s Pablo cu camsic bic tabar u tꞌʌnicob Cꞌuj soc u cʌnicob 
\p
\v 1 Caꞌ in yʌn arej tech ajeraꞌ Timoteo, caꞌ a tꞌʌnej Cꞌuj tiꞌ tu cotor mac, cax a mʌꞌ yerob Cꞌuj. Cꞌʌꞌotej tiꞌob, caꞌ bin a tꞌʌnej Cꞌuj. Arej tiꞌ Cꞌuj caꞌ u yamtej tu cotor mac. Caꞌ bin tac mac quir u yamtic tech ta beyaj caꞌ a warej Cꞌuj:
\p ―Bayoꞌ Cꞌuj, tar u yamten tin beyaj.
\p Baxuc caꞌ a tꞌʌnej Cꞌuj mac tu cotor:
\p ―Bayoꞌ Cꞌuj, quechex tiꞌ, quireꞌ tiꞌ yʌn tu cotor mac. 
\p
\v 2 A baywoꞌ caꞌ a tꞌʌnej Cꞌuj caꞌ u yamtej rey ten Cꞌuj tu cu reyinticob ich yocꞌocab. Caꞌ a tꞌʌnej Cꞌuj caꞌ u yamtej tu cu beyaj a jach tsꞌuroꞌ, soc u chaꞌicob techex a beyajex. Soc quiꞌ a worex, soc mʌꞌ u tsꞌiquintiquechexob. Caꞌ a tꞌʌnej Cꞌuj tiꞌ u jach tsꞌurirex a ruꞌuminex soc u chaꞌicob a cꞌujintiquex Cꞌuj cax tub a cꞌatex.
\v 3 Mʌꞌ ja wirej, jach tsoy aroꞌ quireꞌ u cꞌat Cꞌuj yubic a quiꞌ tꞌʌnic a tiꞌoꞌ. A baywoꞌ tan a quiꞌquintic u yor Cꞌuj ij cʌjtaquirex.
\v 4 Mʌꞌ ja wirej, a Cꞌujoꞌ u cꞌat u taquic tu cotor mac. Rajen Cꞌuj u cꞌat yiricob u cꞌʌmicob u tꞌʌn Cꞌuj.
\v 5 Quireꞌ tiꞌ yʌn tuririꞌ Cꞌuj baxuc xan tiꞌ yʌn tuririꞌ yʌjsisquinyʌjir yor Cꞌuj quir u yamtic winic. Rajiꞌ winic xan, Jesucristo u cꞌabaꞌ.
\v 6 A Jesúsoꞌ u bʌjiriꞌ tu chaꞌ u bʌj caꞌ quinsac u boꞌorir quir u taquic tu cotor mac. Aroꞌ rajiꞌ caj u tsꞌaꞌb u najtic ten Cꞌuj wa ber caj cꞌuchij tu quimin.
\v 7 Rajen quin waꞌaric caj u tetajen Cꞌuj uch tan yaꞌaric ten:
\p ―Joqꞌuen, xen, tsecꞌt in tꞌʌn ich a mac a mʌꞌ u winiquirob judío.
\p Rajen tan in camsic tiꞌob u tꞌʌn Cꞌuj soc u yacsicob tu yorob u tꞌʌn Cꞌuj quireꞌ taj u tꞌʌn Cꞌuj. A tenoꞌ mʌꞌ jin tus. Taj quin waꞌaric tech, Timoteo, quireꞌ tin wacsaj tin wor tiꞌ Cristo.
\p
\v 8 Rajen in cꞌat in wirej xib a mac a jach taj tan yacsicob tu yorob caꞌ u tꞌʌnob Cꞌuj tu cu muchꞌquinticob u bʌjob. In cꞌat in wiric u rʌc tꞌʌnicob Cꞌuj mʌꞌ pꞌujur u caꞌob soc mʌꞌ u pacran nunquicob u tꞌʌnob. In cꞌat in wiric u rʌc tꞌʌnicob Cꞌuj taj. In cꞌat in wiric u tꞌʌnicob Cꞌuj quireꞌ tsoy a pixamex quireꞌ mʌnaꞌ baꞌ ca tucriquex. Tan u ricꞌsicob u cꞌʌbob irob mac tan u chich cꞌatic baꞌ tiꞌ Cꞌuj.
\v 9 Baxuc xan in cꞌat in wir a xquicoꞌ caꞌ u buquintob u nocꞌ a jach tsoyoꞌ. Tsoy u buquintic u nocꞌ tsoy, quij, quireꞌ mʌꞌ quir u pachtaꞌr ten xibiꞌ. Chen caꞌ u buquint u nocꞌ soc tsoy yirir ten tu cotor mac. Mʌꞌ quir u tus tsicꞌticob u joꞌr quir u yesicob u tsoyir u joꞌr. Mʌꞌ quir u tus ujquinticob uj quir yesicob tsoyir u yujob. Mʌꞌ quir u tus buquinticob nocꞌ quir u yesicob tsoyir u nocꞌob. Baxuc, mʌꞌ u buquinticob nocꞌ a jach manan coꞌoj. Arej tiꞌob mʌꞌ u jitꞌicob u joꞌr yejer sʌc uj a jach coꞌojoꞌ. Arej tiꞌob mʌꞌ u jitꞌicob yejer oro xan.
\v 10 Chen a tenoꞌ in cꞌat in wirej a xquicoꞌ tan u yamticob u jer quireꞌ tsoy aroꞌ. Mʌꞌ ja wirej, baxucoꞌ jach tsoy tiꞌ a xquic quireꞌ yacsmʌnob tu yorob. A baxucoꞌ tan u quiꞌquinticob yor Cꞌuj xan, quireꞌ tan u manob tu tsoyir.
\v 11 A xquicoꞌ caꞌ u cʌnob u tꞌʌn Cꞌuj. Mʌꞌ u yʌn tꞌʌnob cu yubicob u tꞌʌnoꞌ caꞌ u quibob u tꞌʌn u jach tsꞌurirob a tu cu muchꞌquinticob u bʌjob.
\v 12 Mʌꞌ ja wirej, a xquicoꞌ mʌꞌ tsoy u camsicob u tꞌʌn Cꞌuj tiꞌ xibiꞌ ich tu cu muchꞌquinticob u bʌjob. Mʌꞌ tsoy u chaꞌbʌr u tsꞌurintaꞌr a xquicoꞌ ten xib. Caꞌ u nup u chiꞌob a xquicoꞌ. Baxuc in cꞌat, quij Pablo. 
\v 13 Quireꞌ caj betaꞌb winic ten Cꞌuj, tu yʌn betaj Adán xib. A xquic Eva, pachir caj betaꞌb ten Cꞌuj.
\v 14 Cꞌʌꞌotej a uchoꞌ mʌꞌ tabsaꞌb ten quisin Adán chen a xquicoꞌ tabsaꞌb ten quisin a Evajoꞌ. Caj tar u siꞌpir quireꞌ mʌꞌ tu cʌnantaj u tꞌʌn Cꞌuj.
\v 15 Rajen a xquicoꞌ mʌꞌ quir u camsicob xibiꞌ. Chen quir u rochicob u chan ochir. Chen quir u camsicob u chan parar soc u manob tu tsoyir. Chen a xquicoꞌ caꞌ u cꞌʌmob u tꞌʌn Cꞌuj soc u yacsicob tu yorob quir u taquicob u bʌjob, soc mʌꞌ u pachticob tu yorob cꞌas barej caꞌ u yajquintob Cꞌuj.
\c 3
\s Bic tabar ic tetiquex u tsꞌurir tu cu muchꞌquinticob u bʌj
\p
\v 1 A jeꞌ tꞌʌnaꞌ jach taj. Wa tiꞌ yʌn mac u cꞌat u yocar tsꞌurir u yet acsʌꞌorirob soc u yamticob u cꞌujinticob Cꞌuj. Arej tsoy wa ju cꞌat yocarob.
\v 2 A mac u cꞌat yocar u tsꞌurir caꞌ tetaꞌc ten u bʌjob quireꞌ tu yirob mʌnaꞌ mac u pʌcꞌmʌnin u pach. Raꞌ a yʌn u racꞌ chen tuririꞌ xquic. A mʌꞌ qꞌuex yoroꞌ. A mʌꞌ u cheꞌej ten mac. A toc quiꞌ yoroꞌ. A sʌjtaꞌb ten tu cotor mac. A mac a cꞌuchaꞌan yor u camsic u racꞌob. A quiꞌ yor yacsic mac tu yatoch, cax mʌꞌ yirmʌn uch. 
\v 3 A mac a cu bin ocar tu tsꞌurir mʌꞌ ju bin carchʌjʌr. Mʌꞌ tsꞌic xan. Mʌꞌ tsꞌut, mʌꞌ ju pacht u tꞌajar u taqꞌuin. Chen cu man u sisquintej yorob u racꞌob.
\v 4 A mac a cu bin ocar tu tsꞌurir u yet acsʌꞌorirob. Caꞌ a tetex a mac cu quiꞌ tsꞌurinticob u bʌj tu cotor a cʌjaꞌan yicnʌn soc quiꞌ yorob. Caꞌ u quiꞌ tꞌʌn u parar xan soc tabar yubaꞌr u tꞌʌn tiꞌ.
\v 5 Mʌꞌ ja wirej, wa mac u cꞌat ocar tu tsꞌurir u yet acsʌꞌorirob. Chen mʌꞌ ju quiꞌ tsꞌurintaꞌr a mac cʌjaꞌan ich yatoch, jeꞌ wa ju cꞌuchur u yor tiꞌ u yet acsʌꞌorirob? Mʌꞌ ju cꞌuchur yor tiꞌ.
\v 6 Tetex a mac uch tu yacsaj tu yor. Mʌꞌ tsoy a tetiquexiꞌ, tan tu yacsic tu yor. Mʌꞌ a wacsiquex a mac baxucoꞌ jeꞌxeꞌ bin u caꞌ yaꞌarej:
\p ―Jach caremen a tenoꞌ.
\p Baxuc a quisinoꞌ caj yaꞌaraj uch:
\p ―Jach caremen a tenoꞌ.
\p Rajen jocꞌsaꞌb quisin ten Cꞌuj uch.
\v 7 A mac a cu bin tetbir yʌn sʌjtaꞌ ten a mac a mʌꞌ yacsmʌnob tu yorob. Mʌꞌ ja wirej, wa cu sʌjticob, mʌꞌ ju pꞌastob mʌꞌ ju bin pʌcꞌbir u pach ten quisin.
\s Bic tabar yocar beyaj a mac a cu yamtic u bʌjob
\p
\v 8 A mac a cu bin tetbir ten u yet acsʌꞌorirob soc u yamtic u yet acsʌꞌorir tu cu cꞌayob. Bayiriꞌ xan yʌn tetbir a cu bin sʌjtaꞌbir ten tu cotor mac. Wa cu yaꞌaric baꞌ, caꞌ u toc betej, caꞌ a tetej a mac a mʌꞌ ju pachtej u tꞌajar u taqꞌuin. A mac a mʌꞌ ju bin carchʌjʌr.
\v 9 A mac tetaꞌb quir u yamtic u yet acsʌꞌorirob caꞌ u quiꞌ cʌnantej baꞌ toc araꞌb ten Cꞌuj tiꞌ tu cotor a yacsmʌnob tu yorob. Arej caꞌ u quiꞌ cʌnantej soc jach tsoy u tucur xan.
\v 10 A raꞌ xiboꞌ a cu bin tetbir ten u bʌjob bin u caꞌ u tumtej yirej wa tsoy yorob. Cu tsꞌocar yiricob wa tsoy yorob, mʌnaꞌ cꞌas tu betob arej tiꞌob, caꞌ ocacob tu beyaj soc u yamticob u yet acsʌꞌorirob.
\v 11 U racꞌ a xib xanoꞌ a cu yocar tu beyaj quir u yamticob u yet acsʌꞌorirob yʌn sʌjtaꞌ u racꞌ ten u yet xquiquiꞌ. Mʌꞌ ju pʌcꞌar u pach ten mac. Mʌꞌ qꞌuex yorob xan. Tan u quiꞌ beyajob, cax baꞌ tsꞌaꞌb tiꞌ quir u betej.
\v 12 A mac a cu bin tetaꞌr ten u yet acsʌꞌorirob quir u yamticob. Caꞌ u raqꞌuintob chen tuririꞌ xquic soc u quiꞌ tsꞌurinticob tu cotor mac a cʌjaꞌan tu yatoch yejer u parar soc quiꞌ yorob.
\v 13 Mʌꞌ ja wirej, a mac a cu bin tetaꞌr ten u yet acsʌꞌorirob quir u yamticob, caꞌ bin sʌjtac ten tu cotor mac. Mʌꞌ ja wirej, rajen cꞌuchaꞌan yorob u tsicbʌticob tiꞌob u tꞌʌn Cꞌuj ich u racꞌob, soc u yacsicob tu yorob u tꞌʌn Jesucristo.
\s U bʌjiriꞌ u muc u er baꞌ Cꞌuj a uchoꞌ
\p
\v 14 A tenoꞌ tan in pajic in tar in wirech Timoteo. Mʌꞌ jin wer wa seb quin tar wa chan ber quin tar. Rajen tan in tsꞌibtic tech a jeꞌ juꞌunaꞌ.
\v 15 Quireꞌ wa amaꞌan quin tar toc yʌn tech a jeꞌ juꞌunaꞌ quir u camsiquech bic tabar a tꞌʌnic a racꞌob a wet acsʌꞌorirob tu cu muchꞌquinticob u bʌjob. Soc u cꞌujinticob Cꞌuj. Mʌꞌ ja wirej, aroꞌ tu cu cꞌujinticob Cꞌuj tan u cꞌujinticob Cꞌuj a jach cuxaꞌanoꞌ. Rajen caꞌ u cʌnantob u tꞌʌn Cꞌuj soc chʌcaꞌan yiricob u tajir mac ich yocꞌocab. Bayiriꞌ xan tu cu muchꞌquinticob u bʌjob raꞌ quir u quiꞌ yamtic u yet acsʌꞌorirob.
\v 16 Uꞌyej baꞌ quin wac quireꞌ mʌnaꞌ mac cu bin yaꞌaric: 
\p ―Mʌꞌ tajiꞌ.
\p Mʌꞌ bic tabar ic najtej mun jach carem Cꞌuj. Mʌꞌ ju cꞌuchur ij cor ic najtic bic caj waysaꞌb Cꞌuj. A Cꞌujoꞌ tu yesaj toc tsoy yor Jesús ber caj ricsaꞌb ten Cꞌuj. Caj irir Jesús ten yʌjmasirob u tꞌʌn Cꞌuj caj u tsecꞌtob u tꞌʌn Cꞌuj soc yer mac tu cotor u jach tsoyir u tꞌʌn Cꞌuj. Caj tsꞌoc u quimin Jesús caj wʌcꞌʌs bin caꞌanan.
\c 4
\s Yʌn mac cu bin pꞌʌt u tꞌʌn Cꞌuj biqꞌuin
\p
\v 1 U Tajꞌor u Pixam Cꞌuj caj u toc araj toꞌonex:
\p ―Jeꞌ u cꞌuchur tu qꞌuinin tabar u xur tꞌʌn, quij, cu bin u pꞌʌtob u tꞌʌn Cꞌuj jun yarob. A cu bin u pꞌʌtob u tꞌʌn Cꞌuj, bin u caꞌ sar u xiquinob tiꞌ a baꞌ camsaꞌb ten cꞌacꞌas quisin. Bin u caꞌ u quibob a mac a cu tusarob a tiꞌoboꞌ.
\v 2 A baꞌ cu bin camsaꞌ tiꞌob jeꞌ u camsaꞌ ten yʌjtabsayʌjirob, a mac jach yer tus. Aroꞌ jach manan u cꞌasir u tucurob ir a mac u tocar u chiꞌ ten quisin.
\v 3 A ray xiboꞌ jeꞌ u camsaꞌr a tiꞌoboꞌ tan yaꞌaric: “Mʌꞌ tsoy a raqꞌuintic xquic, quij. Mʌꞌ tsoy a mʌmintej xib. Yʌn yoꞌoch u jer, quij, mʌꞌ tsoy a jantic.” Baxuc cu bin u camsaꞌ a cu tus.
\p Mʌꞌ ja wirej, a Cꞌujoꞌ caj u betaj a woꞌochex soc u jantaꞌ ten tu cotor mac. Chen caꞌ u yʌn arej tiꞌ Cꞌuj: “Bayoꞌ Cꞌuj”, a mac a yacsmʌnob tu yorob tiꞌ Jesús.
\v 4 Quireꞌ tu cotor a woꞌochex toc betaꞌb ten Cꞌuj soc a jantiquex. Rajen cꞌʌmex tiꞌob. Mʌꞌ a waꞌariquex:
\p ―Mʌꞌ jin cꞌʌmob tiꞌob.
\p Chen a baꞌ yoꞌoch ca cꞌʌmiquex caꞌ a yʌn arex tiꞌ Cꞌuj: 
\p ―Bayoꞌ Cꞌuj ta tsꞌa tenob in woꞌoch.
\p
\v 5 Mʌꞌ ja wirej, yʌn mac cu yaꞌaric mʌꞌ tsoy a jantiquex yoꞌoch u jer. Barej yʌn tꞌʌnex Cꞌuj, arex tiꞌ Cꞌuj:
\p ―Bayoꞌ Cꞌuj.
\p A Cꞌujoꞌ mʌꞌ ju yaꞌarej:
\p ―Mʌꞌ a jantiquex tiꞌob.
\p Tsoy a jantiquex tiꞌob.
\s A mac a cu quiꞌ beyaj tiꞌ Jesucristo
\p
\v 6 Uꞌyej baꞌ quin wac tech, Timoteo. Wa ca camsic a bʌjob an ten bic quin wac tech. Jeroj u jach cꞌurewirech Jesucristo. Jach tsoy u cꞌurewirech Timoteo tiꞌ, quireꞌ caj a quib u tꞌʌn Cꞌuj. Mʌꞌ chen tech tan a quibic u tꞌʌn Cꞌuj bayiriꞌ ten, bayiriꞌ tu cotor xan a cu yacsob tu yorob u tꞌʌn Cꞌuj. Mʌꞌ ja wirej, mʌꞌ u tubur tech u tꞌʌn Cꞌuj an ten bic caj a wuꞌyaj in camsiquech.
\v 7 Timoteo, quiꞌ cʌnant a bʌj soc mʌꞌ a cʌnic u tꞌʌn a cu yaꞌaricoꞌ tiꞌ u tus Cꞌuj. Jot aroꞌ mʌꞌ baꞌwir ca waꞌaric. Barej chichquint a wor soc a quiꞌ cꞌujintic Cꞌuj soc rajraꞌ cu tajquintic a wor.
\v 8 Chen tsoy cu chʌc tar u mucꞌ u winquirir mac tu cu beyaj. Barej a mac a cu jach cꞌʌnic u tꞌʌn Cꞌuj soc u quiꞌ tar yor, aroꞌ jach manan tsoyir. Mʌꞌ ja wirej, a jeꞌraꞌ cu yamtiquech soc u quiꞌ tar a wor bajeꞌrer. A jeꞌraꞌ cu yamtiquech soc u pʌyiquech Cꞌuj caꞌ bin tac tu qꞌuinin.
\v 9 Rajen Timoteo, caꞌ a quibej a baꞌ tin waꞌaraj tech sam quireꞌ taj aroꞌ. Rajen tu cotor mac caꞌ u quibob. 
\v 10 Rajen tan ic chich beyajex. Rajen tan ic mucꞌtic u pꞌasticoꞌon, quireꞌ ij quer Cꞌuj rajiꞌ a cuxaꞌanoꞌ. Raꞌ u yʌjtaquir tu cotor mac. Mʌꞌ ja wirej, a Cꞌujoꞌ yʌjyamir tu cotor mac. Jariꞌ a mac a yacsmʌnob tu yorob u tꞌʌn Cꞌuj, rajiꞌ cu bin tacbir.
\p
\v 11 Timoteo, quin toc ac tech. Joqꞌuen cams a baꞌ a cʌna ten soc a chich aric tiꞌ a bʌjob tu ca bin a camsej tiꞌob.
\v 12 Quiꞌ cʌnant a bʌj Timoteo soc mʌnaꞌ mac cu pꞌastiquech quireꞌ yiric mʌꞌ uch chꞌijiquecheꞌ. Barej a bʌjob, caꞌ u cʌnechob bic tabar tsoy u tsicbarob. Caꞌ u cʌnechob bic tabar u yajquinticob u racꞌob. Caꞌ u cʌnechob bic tabar u cuxtarob tiꞌ u tꞌʌn Cꞌuj ich u racꞌob. Caꞌ u cʌnechob bic tabar ta wacsa ta wor. Caꞌ u cʌnechob bic tabar soc mʌꞌ u caꞌ acsicob u siꞌpirob.
\v 13 Quireꞌ tabaren. Pꞌis a bʌj a xaquic u tꞌʌn Cꞌuj tu cu muchꞌquinticob u bʌjob a wet acsʌꞌorirob. Bayiriꞌ xan, quiꞌ chichquint u yorob quireꞌ tan a camsic tiꞌob u tꞌʌn Cꞌuj.
\v 14 Timoteo, mʌꞌ u nayʌr a wor quireꞌ a beyaj tsꞌaꞌb tech ten Cꞌuj. Quireꞌ aroꞌ ta cꞌʌma tech tu qꞌuinin caj in tsꞌancꞌʌbtob tech ten yejer u tsꞌurirob a wet acsʌꞌorirob uch. Caj tsꞌoc in tsꞌancꞌʌbtob tech, caj oquech ta beyaj tiꞌ Cꞌuj. Mʌꞌ ja wirej, tin tsꞌancꞌʌbtob tech quireꞌ yaꞌarej tenob Cꞌuj.
\p
\v 15 Yʌn tsꞌajaꞌan a wor a cʌnej tu cotor a baꞌ tin toc arajech sam. Yʌn quiꞌ tsꞌajaꞌan a wor a cʌnej u tꞌʌn Cꞌuj soc chʌcaꞌan yiric tu cotor mac. Soc yerob bic tabar tan a quiꞌ quibic u tꞌʌn Cꞌuj.
\v 16 Timoteo, quiꞌ cʌnant a bʌj tu ca bin. Bayiriꞌ xan quiꞌ cʌnant a baꞌ ca camsic tiꞌ a bʌjob. Mʌꞌ u pec a wor tu ca camsic tiꞌob. Wa ju tajir baxuc ca cʌnantic a bʌjiriꞌ jeꞌ a taquic a bʌj soc mʌꞌ ja bin cꞌacꞌ. Bayirirꞌ xan bin u caꞌ u tacob u bʌjob a mac a cu yubicob a camsicob.
\c 5
\s Caj u chich araj Pablo tiꞌ Timoteo bic tabar u man tu tsoyir ich u bʌjob
\p
\v 1 Mʌꞌ a yʌn qꞌueyic a mac uch chꞌijicoꞌ. Barej caꞌ a chen arej tiꞌob caꞌ u sar u xiquinob a baꞌ ca wac irech wa robob a tetob. Bayiriꞌ xan, quij, tucrej a mʌꞌ xuraꞌan u baquerob irob wa ja witsꞌinob.
\v 2 Quiꞌ tucrej a xquic a uch chꞌijicoꞌ an ten bic ca tucric a nʌꞌ. Quiꞌ tucrej a mʌꞌ xuraꞌan xquicoꞌ an ten bic ca yajquintic a witsꞌinob. Soc wa cu yubic a tꞌʌn mʌꞌ ju pʌcob a pachoꞌ.
\p
\v 3 Yamt a xquicoꞌ a quimen u mam uchoꞌ wa jach otsirchʌjoꞌ. 
\v 4 Barej wa raꞌiriꞌ xquic a quimen u mamoꞌ yʌn u parar cax u parar u parar. Arej tiꞌob caꞌ u yʌn cʌnant u bʌjob quireꞌ baxuc caꞌ u betob a mac a cu yacsicob tu yorob. Caꞌ u cʌnantob u mim cax u chich quireꞌ quimen u mam. Raꞌ u boꞌorir tu chꞌisaꞌb. A jeroj jach tsoy quireꞌ tan u quiꞌquinticob yor Cꞌuj.
\v 5 Mʌꞌ ja wirej, a mac jach quimen u mam wa cu cʌjtar tu junʌn. Cax wa mʌnaꞌ mac tucric chen Cꞌuj tucric quireꞌ tu yacsa tu yor tiꞌ Cꞌuj. Mʌꞌ ja wirej, aroꞌ mʌꞌ u pꞌʌtic u tꞌʌnic Cꞌuj, cax chun qꞌuin, cax acꞌbir.
\v 6 Yʌn a xquicoꞌ a quimen u mamoꞌ, cu pachticob cꞌas. Aroꞌ mʌꞌ cuxaꞌan yiric Cꞌujiꞌ. Quireꞌ mʌꞌ tan u jach tucric Cꞌujiꞌ.
\v 7 Toc arej tiꞌob in wet acsʌꞌorir in tꞌʌn tiꞌ a xquicoꞌ a quimen u mamoꞌ, Timoteo. A baxuc ta wuꞌyaj soc mʌnaꞌ mac cu bin qꞌueyic a tiꞌoboꞌ.
\v 8 Barej wa tiꞌ yʌn maquix mʌꞌ tan u jansic u bʌjob, cax a mac jach cʌjaꞌan tu yatoch. Rajiꞌ jach manan cꞌas. A mac a mʌꞌ tu yacsaj tu yor u tꞌʌn Cꞌuj mʌꞌ necꞌasiꞌ cax mʌꞌ tan u jansic u bʌjob.
\p
\v 9 Tu juꞌunin tu ca tsꞌibtic u cꞌabaꞌ a xquic a quimen u mamoꞌ. A cu beyaj ich tu cu muchꞌquinticob u bʌjob. Ca chen tsꞌibtic a mac a tu yiraj sesenta yaxqꞌuin. A tu mʌmintajob chen tuririꞌ u mamoꞌ.
\v 10 Tech caꞌ a quiꞌ irej ich u yet cajarob wa uch quiꞌ beyanʌj a xquicoꞌ a quimen u mamoꞌ. Caꞌ a quiꞌ irej wa tu quiꞌ camsaj u pararob, wa tan u quiꞌ chꞌisic uch. Caꞌ a wuꞌye wa tu yacsaj u yet acsʌꞌorirob tu yatoch cax mʌꞌ yirmʌn uch. Cax u pꞌoꞌic yoc uch quireꞌ ecꞌ yoc, quireꞌ u yet acsʌꞌorirob, u yaj. Caꞌ a wuꞌyej wa tu chichquintaj yor a mac tan u mucꞌyaj uch. Caꞌ a wuꞌyej wa yʌn u jer u quiꞌ beyaj tu cʌjaꞌanoꞌ. Rajiꞌob caꞌ a tsꞌibt u cꞌabaꞌ ich u juꞌunin tu cu muchꞌquinticob u bʌj.
\p
\v 11 Arej tiꞌob Timoteo. Mʌꞌ tsoy u tsꞌibticob u cꞌabaꞌ ich u juꞌunin a xquicoꞌ a quimen u mamoꞌ, wa mʌꞌ cꞌuchaꞌan sesenta yaxqꞌuin. Mʌꞌ ja wirej, raꞌ cu bin u pachtej tu yor u mʌmint u jer u mam. Rajen cu tubur tiꞌ u tꞌʌn Cristo a camsaꞌb tiꞌob uchoꞌ.
\v 12 Wa cu mʌmintic u jereꞌ, jeꞌ u taꞌcaꞌr u joꞌr ten Cristo quireꞌ mʌꞌ u quibob a baꞌ araꞌb ten xquic tiꞌ Cristo uch.
\v 13 Tu caꞌten a xquic a quimen u mamoꞌ, a mʌꞌ cꞌuchaꞌan sesenta yaxqꞌuinoꞌ, bin u caꞌ sut u bur u qꞌuinin ich u jer naj. Cu cʌnicob mʌꞌ cꞌoriꞌ. Mʌꞌ jariꞌ cu cʌnic mʌꞌ cꞌoriꞌ, cu tus pʌqꞌuicob u pachob u racꞌob. Tan u manob yaꞌarej a baꞌ mʌꞌ jach tsoy.
\v 14 Rajen Timoteo in cꞌat in wirej a tiꞌoboꞌ, a xquic a chichan a quimen u mam, caꞌ u mʌmintob u jer u mam. Jach tsoy, caꞌ u rochob u jer u parar quireꞌ tu chꞌ u jer u mam. A baywoꞌ jeꞌ u jansicob u parar. Caꞌ u jansob u mam xan. A xquicoꞌ a quimen u mamoꞌ a cu cʌnic u betej aroꞌ mʌꞌ cꞌuchaꞌan yorob u pacꞌaꞌr u pachob xquic a quimen u mam uch ten a mac a u pꞌacticob u tꞌʌn Cꞌuj. 
\v 15 Quireꞌ toc yʌn xquic a quimen u mamoꞌ. A mʌꞌ cꞌuchaꞌan sesenta yaxqꞌuin caj ju pꞌʌtob u tꞌʌn Cꞌuj. Caj bin u tus pʌybir u berob ten quisin.
\p
\v 16 Arej tiꞌob Timoteo. Wa tiꞌ yʌn xquic, a yacsmʌnob tu yorob. U wʌcꞌʌs bʌjob rajiꞌ caꞌ u janse wa quimen u mam. Rajiꞌ caꞌ u jansej soc mʌꞌ u jansicob u yet acsʌꞌorirob tu cu muchꞌquinticob u bʌjob. A baywoꞌ u yet acsʌꞌorirob cꞌuchaꞌan yorob u jansicob a mac otsirchʌjij a tajoꞌ a quimen u mamoꞌ.
\p
\v 17 Camsej tiꞌob Timoteo. Caꞌ u quiꞌ sʌjtob u jach tsꞌurirob tu cu muchꞌquinticob u bʌj, quireꞌ cu quiꞌ beyaj. Rajen caꞌ u sʌjtob u jach tsꞌurirob. Caꞌ u quiꞌ sʌjtob u jach tsꞌurirob a mac a cu camsicob u tꞌʌn Cꞌuj. A cu quiꞌ tsecꞌticob u tꞌʌn Cꞌuj, xan. Arej tiꞌob caꞌ u quiꞌ boꞌotob a tiꞌoboꞌ.
\v 18 Rajen cꞌʌꞌotej a baꞌ cu yac tu tsꞌibaꞌan tꞌʌn Cꞌuj. A cu yaꞌaric: “Mʌꞌ tsoy a cꞌʌxic u chiꞌ a wʌrʌcꞌ wacʌx tu cu beyaj ta corex Tsireꞌej u janan a wʌrʌcꞌ wacʌxeꞌ,” quij. U jer tsꞌibaꞌan ich u tꞌʌn Cꞌuj cu yaꞌaric: “A mac a cu beyaj ich u jer winic caꞌ boꞌotaꞌc u boꞌorir u cꞌʌb, quij.”
\p
\v 19 Camsej tiꞌob Timoteo. Wa ju cꞌat u taꞌquicob u joꞌr turiꞌ u jach tsꞌurir u yet acsʌꞌorirob. Arej tiꞌob caꞌ u chen quib u tꞌʌn caꞌtur wa tres yʌjirirob. A mac a tu yirob jach taj tu yacsaj u siꞌpir.
\v 20 Caꞌ u qꞌuey u jach tsꞌurir a yacsmʌnob tu yor ʌcʌtan tu cotor mac tu cu muchꞌquinticob u bʌjob quir yubicob u tꞌʌn Cꞌuj. Caꞌ u qꞌuey u jach tsꞌurir a nanij yacsic tu siꞌpir soc u chꞌiꞌicob sajaquir tiꞌ u racꞌob soc mʌꞌ u yacsicob tu siꞌpir xan, irob u jach tsꞌurir. 
\v 21 A tenoꞌ Pablojen. Bajeꞌrer ʌcʌtan tu wich Cꞌuj. Bayiriꞌ ich ʌcʌtan u wich Cristo Jesús, quin toc aric tech Timoteo. Bayiriꞌ ich ʌcʌtan u wich yʌjmasirob u tꞌʌn Cꞌuj a tetaꞌanob ten Cꞌuj caꞌ a quibej tu cotor a baꞌ tin camsech Timoteo. Caꞌ a toc betej a baꞌ quin camsiquech mʌꞌ coyen a camsic, rʌc quet a camsic.
\v 22 Mʌꞌ seb a yʌn tetic u jach tsꞌurir tu ca muchꞌquintiquex a bʌj. Mʌꞌ ja wirej, wa cu yacsic u siꞌpir a mac ta tetaj jeroꞌ a racꞌob bin u caꞌ pʌcꞌ a pachex. Rajen caꞌ a quiꞌ cʌnant a bʌj.
\p
\v 23 Quireꞌ suꞌsuꞌ u yajtar a nʌcꞌ Timoteo. Mʌꞌ a chen uqꞌuic a jaꞌ. Tumtej chichin yoꞌoch u cꞌab uva. Jeꞌ u jawʌr a nʌqꞌueꞌ.
\p
\v 24 Wa cu tar u taꞌquicob u joꞌr mac ʌcʌtan tech Timoteo. Wa mʌꞌ chʌcaꞌan a wiric a baꞌ u siꞌpir yʌn tiꞌ. Caꞌ a cʌxtej wa taj cu taꞌquicob u joꞌr. U jer wa jach chʌcaꞌan a wiric baꞌ cꞌasir caj u betaj quireꞌ tu rʌc irob u racꞌob.
\v 25 Baxuc xan chʌc yʌn mac cu man u yamt u racꞌob. Yer aroꞌ cu man u yamticob u racꞌob. Barej yʌn u jer tan u man u yamt u racꞌob chen mʌꞌ yer u racꞌob wa tan u man u yamtic a tiꞌoboꞌ. Chen jeꞌ u cꞌuchur tu qꞌuinin cu bin najt u racꞌob.

\c 6
\p
\v 1 A mac nanij u cꞌanantaꞌr ten u jach tsꞌur an ten bic a cꞌurewoꞌ. Cax aroꞌ yacsmʌn tu yor u tꞌʌn Cꞌuj. Cax cꞌʌnac ten u jach tsꞌurir caꞌ u sʌjt u jach tsꞌurir soc mʌnaꞌ mac cu pꞌastic Cꞌuj cax a baꞌ quij camsic.
\v 2 U cꞌurew a tu yacsaj tu yor wa yʌn u tsꞌurir a tu yacsaj tu yor xan. Arej tiꞌ a cꞌurewoꞌ mʌꞌ u pꞌactic u tsꞌurir quireꞌ u yet acsʌꞌorir, cax mʌꞌ u chaꞌbʌr u bin. Arej tiꞌ caꞌ quiꞌ quiꞌ beyanʌquiꞌ tiꞌ. Jach manan caj u beyanʌc tiꞌ quireꞌ rajiꞌ u bʌjob quireꞌ tu yacsaj tu yor. Arej tiꞌ, a mac cu quiꞌ iric u bin beyaj tiꞌ u tsꞌurir cu bin yaꞌaric:
\p ―Rajiꞌ u bʌjob jach tajir quireꞌ aroꞌ u jach yaj xan. 
\s A mac a cu jach cꞌujintic Cꞌuj. Bayiriꞌ a mac jach manan quiꞌ yoroꞌ
\p
\v 3 A techoꞌ Timoteo quen. Caꞌ a camsej a jeroj. Bayiriꞌ caꞌ a tsecꞌt tiꞌob xan. Wa tiꞌ yʌn mac cu tus camsic u jer tꞌʌn tan yaꞌaric:
\p ―A jeꞌraꞌ u jach tꞌʌn Cꞌuj.
\p Chen wa mʌꞌ quet yejer u tꞌʌn ic Jaj Tsꞌurirex Jesucristo. A mac a cu camsic aroꞌ mʌꞌ yer baꞌriꞌ.
\v 4 Cax cu tucric tu yor yer tu cotor baꞌ. Mʌꞌ ja wirej, a mac a cu camsic baxucoꞌ cu chen pachtic u pꞌusic yor winic quir u nuncaꞌr u tꞌʌn ten mac. Rajen cu tar a cꞌasoꞌ, cu chen pachtic u pꞌusic yor winic quir u nuncaꞌr u tꞌʌn ten mac. Rajen cu tar a cꞌasoꞌ, irej a mac a cu pachtic a baꞌ yʌn tiꞌ u jer winic. Rajen cu tar baꞌ quir u choquintic yor mac. Rajen cu tar a baꞌ quir u pꞌastic u jer winic. Tiꞌ aroꞌ cu tar u tsꞌurir yʌjpaqꞌuirob u pach winic a baꞌ jach cꞌas.
\v 5 Mʌꞌ ja wirej, a mac cu man u camsicob baxucoꞌ. Rajraꞌ cu nuncaꞌr u tꞌʌn quireꞌ jach cꞌas a baꞌ cu tucricob. Bayiriꞌ xan, tan u manob tu cꞌasir. Mʌꞌ yerob u tajir u tꞌʌn Cꞌuj quireꞌ tu pꞌʌtob uch. Cu tus camsicob u tꞌʌn Cꞌuj, quireꞌ u cꞌatob u jaricob u taqꞌuinob. Toc pꞌʌt mac baxucoꞌ.
\v 6 Mʌꞌ ja wirej, a mac a cu cꞌujintic Cꞌuj u tajir, cu jach man yejer Cꞌuj. Mʌꞌ raꞌ u cꞌat quir u jaric u taqꞌuin. Quireꞌ quiꞌ yor cax mʌꞌ yaꞌab u baꞌtac.
\v 7 Arej Timoteo a baꞌ yʌn tech caj u rochech a nʌꞌ? Mʌnaꞌ baꞌ yʌn tech caj u rochech a nʌꞌ. Bayiriꞌ caꞌ bin quimcoꞌonex, mʌnaꞌ baꞌ yʌn quic bin ic chꞌaꞌej. Mʌnaꞌ baꞌ.
\v 8 Rajen yʌn toꞌonex ij coꞌoch. Yʌn toꞌonex ic nocꞌ. Mʌꞌ wa tiꞌibiriꞌ quir u quiꞌquintic ij coriꞌ?
\v 9 Cʌnej a jeꞌraꞌ. A mac a ju cꞌat u tꞌajʌr u taqꞌuin soc yʌn yaꞌab bin u caꞌ tumtaꞌbir yor soc u yacsic u siꞌpir. Bin u caꞌ u pacht a baꞌ cꞌasoꞌ quireꞌ mʌꞌ ju quiꞌ tucrej baꞌ. Quireꞌ tu pacht u tꞌajʌr u taqꞌuin. Rajiꞌ cu bin pʌyic u siꞌpir soc u quimin soc u saꞌtʌr u pixam.
\v 10 Mʌꞌ ja wirej, tub u tar a jach manan u siꞌpir? Cu tar toꞌonex quireꞌ tic yajquintaj taqꞌuin. Cꞌʌꞌotej, yʌn yaꞌab mac tu chen pachtaj soc yʌn u taqꞌuin yaꞌab. Caj u pꞌʌtob u cʌnicob u tꞌʌn Cꞌuj. Rajen jach manan yajir u yorob.
\s Chichquint a wor soc mʌꞌ a pꞌʌtic u tꞌʌn Cꞌuj
\p
\v 11 Uꞌyej baꞌ quin wac tech Timoteo. A techeꞌ, tan a tsecꞌtic u tꞌʌn Cꞌuj. Rajen mʌꞌ a cʌnic a cꞌasoꞌ a jach cꞌas a tin waꞌaraj tech sam. Pꞌis a bʌj caꞌ a cʌnej u tꞌʌn Cꞌuj soc u tajtar a wor. Cʌn a quiꞌ cꞌujintic Cꞌuj soc taj tan a wacsic ta wor. Cʌn a yajquintic tu cotor mac. Cʌn u tꞌʌn Cꞌuj soc nemʌꞌ biquechiꞌ. Cʌn u tꞌʌn Cꞌuj soc mʌꞌ tsꞌiquechiꞌ soc mix pꞌujur xan.
\v 12 Chichquint a wor soc mʌꞌ u tupsaꞌr a wor ten mac. Quiꞌ acsej ta wor soc tech yʌnin a cuxtar munt qꞌuin. Mʌꞌ ja wirej, a Cꞌujoꞌ tu pʌyech soc tech yʌnin a cuxtar munt qꞌuin. Cꞌʌꞌotej yʌn yaꞌab mac tu yubaj yaꞌaraꞌ a techoꞌ bic tabar caj a quib u tꞌʌn Cꞌuj uch.
\v 13 Rajen tan in chich aric tech Timoteo ʌcʌtan tu wich Cꞌuj a mac a cu tsꞌic u cuxtar tu cotor baꞌ. Tan in chich aric tech ʌcʌtan tu wich Jesucristo quireꞌ rajiꞌ tu yaꞌaraj baꞌ tiꞌ Poncio Pilato:
\p ―A tenoꞌ u reyen u winiquirob judío.
\p
\v 14 Chich quin wac tech, Timoteo, caꞌ a quibej tu cotor baꞌ araꞌb ten Cꞌuj. Caꞌ a quiꞌ cʌnant u tꞌʌn Cꞌuj soc mʌꞌ u cꞌaxicoꞌ mac, soc mʌnaꞌ mac cu pꞌasticob u tꞌʌn Cꞌuj. Caꞌ a quiꞌ cʌnant a baywoꞌ, hasta tu qꞌuinin cu yur ic Jaj Tsꞌurirex Jesucristo.
\v 15 Caꞌ bin cꞌuchuc tu qꞌuinin. Jeꞌ u bin tuchiꞌbir Jesús ten Cꞌuj caꞌ tac teraꞌ. Mʌꞌ ja wirej, tuririꞌ Cꞌujoꞌ, mʌnaꞌ u jer. A Cꞌujoꞌ jach manan tsoy tiꞌ tu cotor mac. A Cꞌujoꞌ rajiꞌ cu reyintaꞌr ten tu cotor rey. Rajiꞌ cu tsꞌurintaꞌr tu cotor jach tsꞌur.
\v 16 Chen rajiꞌ mʌꞌ ju quimin a Cꞌujoꞌ, tiꞌ cʌjaꞌan tu sasir tub mʌnaꞌ mac cu cꞌuchur. Mʌnaꞌ mac yirmʌn a Cꞌujoꞌ mʌꞌ cꞌuchaꞌan yor yiric xan. Caꞌ sʌjtaꞌc Cꞌuj ten tu cotor mac quireꞌ a Cꞌujoꞌ rajraꞌ yʌn muntqꞌuin. Jeroj. 
\p
\v 17 Arej tiꞌob Timoteo. A mac yʌn yaꞌab u baꞌtac bajeꞌrer, a jach yʌn u taqꞌuineꞌ xan. Arej tiꞌob soc mʌꞌ u tus tucricob tu yor:
\p ―Jach tsoyen a tenoꞌ, quireꞌ yʌn yaꞌab in baꞌtac. 
\p Arej tiꞌob. Mʌꞌ u tus tucricob wa jeꞌ u toꞌcar ten u taqꞌuinoꞌ. Mʌꞌ ja wirej, chen Cꞌuj cu bin taꞌquicob a tiꞌoboꞌ. Mʌꞌ ja wirej, cu xupur u taqꞌuinob wa cu rʌc sʌtic. Rajen arej tiꞌob caꞌ u yacsob tu yorob tiꞌ Cꞌuj. Mʌꞌ ja wirej, a Cꞌujoꞌ, cu tsꞌic toꞌonex tu cotor baꞌ soc quiꞌ ij corex. Jach manan cu tsꞌic toꞌonex quir u quiꞌquintic ij corex.
\v 18 Arej tiꞌob Timoteo. A mac a neyʌn u taqꞌuineꞌ caꞌ manacob u yamtob mac. A baywoꞌ jeꞌ u tꞌajar u quiꞌ beyaj ʌcʌtan tu wich Cꞌuj. Arej tiꞌob caꞌ u jʌsob u baꞌtac tiꞌ u racꞌob soc mʌꞌ tsꞌut.
\v 19 Wa tan u manob u betob aroꞌ bin u caꞌ ricꞌsob ich caꞌanan a baꞌ jach tsoyoꞌ. Mʌꞌ ju xupur mʌꞌ ju satar. Munt qꞌuin tiꞌ yʌn. Mʌꞌ ja wirej, bin u caꞌ cuxtarob bajeꞌrereꞌ. Bin u cu caꞌ cuxtarob jach taj ich caꞌanan. 
\p
\v 20 A techoꞌ, Timoteo, quin wac tech. Quiꞌ cʌnant u tajir a tu tsꞌa tech Jesús. Mʌꞌ a yʌn uꞌyic a mac a rajraꞌ cu tꞌʌn tan u nuncaꞌr u tꞌʌn, a mac a cu yac u neꞌer baꞌ. Mʌꞌ u jach er baꞌriꞌ. Tus u caꞌ.
\v 21 Tiꞌ yʌn mac cu tus aric: in neꞌer tu cotor baꞌ ich u tꞌʌn Cꞌuj. Rajen caj u jen mastaj u tajir u tꞌʌn Cꞌuj quireꞌ mʌꞌ ju jach quibaj u tꞌʌn Cꞌuj. Caꞌ u quiꞌ cʌnan tech Cꞌuj Jeroj tsꞌoquij, quij Pablo.