\id JHN
\h San Juan
\toc1 San Juan
\mt ꞌÉn xi̱tse̱ ra nda tsò a̱ꞌta ꞌtse̱ Cristo koni ꞌsín tsikínda jè Juan
\c 1
\s Mé ra kjomà jè ꞌÉn‑la̱ Nainá
\p
\v 1 ꞌKia̱ nga ti̱ꞌsa̱ tjàꞌtsin‑la̱ kjoa̱, jè ꞌÉn, ta̱ꞌkoa̱ tíjna‑ní, ko̱ ya̱á tíjnako̱ Nainá. Jè ra ꞌÉn, jè‑ní ra Nainá.
\v 2 Ko̱ ya̱á tíjnako̱ Nainá skanda ti̱ꞌsa̱‑ni tjàꞌtsin‑la̱ kjoa̱.
\v 3 Ko̱ jè isìchjeén Nainá nga tsikínda ngaꞌtsì tsajmì ra tjín; ni̱mé tsajmì ra tjín ra mì a̱ꞌta ꞌtse̱ isinda‑ni.
\v 4 A̱ꞌta ꞌtse̱é‑ní nga tjín Kjo̱binachon. Jè Kjo̱binachon, jè‑ní jè Niꞌí ra síhisen‑la̱ ngaꞌtsì xi̱ta̱.
\v 5 Jè Niꞌí ra̱kìi̱, ya̱á síhisen ñánda̱ nga jñò chon, ko̱ jè kjoa̱jñò mì kì ma síkijne‑la̱ nga síkjiꞌtso.
\p
\v 6 Tsikijnaá jngo xi̱ta̱ ra Juan tsiꞌkìn ra Nainá isìkasén.
\v 7 Jè ꞌji tsjá ꞌén a̱ꞌta ꞌtse̱ Niꞌí ra síhisen, mé‑nì ngaꞌtsì xi̱ta̱ ko̱kjiín‑la̱ koni ꞌsín ꞌke̱èna̱jmíya ra jè.
\v 8 Jè Juan, mì tsa jè‑jìn Niꞌí ra síhisen, ta ꞌén ra ꞌji tsjá ra jè, a̱ꞌta ꞌtse̱ Niꞌí ra síhisen‑la̱ xi̱ta̱.
\v 9 Jè ra ngi Niꞌí ra ma‑la̱ síhisen‑la̱ xi̱ta̱, i̱í ꞌji i̱sàꞌnde ra̱kìi̱.
\p
\v 10 I̱í tsikijna i̱sàꞌnde, tanga jñà xi̱ta̱ i̱sàꞌnde mì kì kijtsexkon ni̱ꞌsín takó jè tsikínda i̱sàꞌnde.
\v 11 Ya̱á ꞌji ya̱ a̱jin‑la̱ xi̱ta̱‑la̱ tanga jñà xi̱ta̱‑la̱ mì kì iskábétjò.
\v 12 Tanga ngaꞌtsì xi̱ta̱ ra iskábétjò ko̱ ti̱ꞌkoa̱ kjokjiín‑la̱ jñà ꞌén ra kiìchja̱, kitsjá‑la̱ kjo̱hixi̱ nga iꞌndí‑la̱ Nainá kjomà,
\v 13 tanga mì tsa ki‑ni nga jní kitsin‑jín, ko̱ mì tsa ki‑ni nga a̱ꞌta ꞌtse̱ xi̱ta̱ kitsin‑ni, kií‑ní nga a̱ꞌta ꞌtse̱ Nainá kitsin‑ni.
\p
\v 14 Ko̱ jè ra ꞌÉn, xi̱ta̱á kjomà; ko̱ i̱í tsikijnajin‑naji̱n. Kijcha‑náji̱n jè kjoa̱jeya‑la̱, jè kjoa̱jeya ra kitsjà‑la̱ Nainá koni ra ta jè ta̱jngo‑ni Iꞌndí‑la̱, ko̱ ꞌñó kiꞌse‑la̱ ra kjo̱nda ko̱ kjo̱hixi̱.
\v 15 Juan kitsjá ꞌén ra a̱ꞌta ꞌtse̱ nga kitsò:
\p ―A̱ꞌta ꞌtse̱é xi̱ta̱ ra̱kìi̱ ꞌkia̱ nga ko̱ꞌsín kíxin‑no: “Jè ra ꞌsa̱ nchrabátji̱ngi‑na, jè‑ní ra tíjna ítjòn‑na, nga̱ isa̱á kjotseé tíjna‑ni koni ꞌa̱n.”
\p
\v 16 Nga̱ ꞌñó tse kjo̱nda tjín‑la̱ ra jè; a̱sa ꞌñó a̱sa ꞌñó títjábé-isa‑ná kjo̱nda‑la̱.
\v 17 Jè kjo̱téxoma‑la̱ Nainá, jè Moisés kiꞌtsì‑la̱, tanga jè ra kjo̱nda ko̱ kjo̱hixi̱, jè Jesucristo ꞌjiìkó.
\v 18 Ni̱ kjè sa yá ra bexkon kó ꞌki kjòn‑ni ra jè Nainá; tanga jè Iꞌndí‑la̱ ra ta jè ta̱jngo ma‑ni ra Nainá‑te ra ya̱ tíjnaꞌta‑la̱, jè‑ní ra bakón‑ná kó ꞌki Nainá.
\s Mé ꞌén ra tsiꞌkéna̱jmí Juan a̱ꞌta ꞌtse̱ Cristo
\r (Mateo 3:11‑12; Marcos 1:7‑8; Lucas 3:15‑17)
\p
\v 19 Jñá ꞌén kìi̱ ra kitsjà Juan, ꞌkia̱ nga jñà xi̱ta̱ judío isìkasén na̱ꞌmì ko̱ xi̱ta̱ Levita nga inchrabà‑ni ya̱ Jerusalén nga iskonangi‑la̱ Juan, kitsò‑la̱:
\p ―¿Yá xi̱ta̱‑ni ra ji̱?
\p
\v 20 Juan tsiꞌkéna̱jmí kixi̱‑ní, mì tsa tsakjaꞌma‑jìn, kitsó‑la̱:
\p ―Mì tsa ꞌa̱n jiàa̱n Cristo [ra xá si̱ìkasén‑ni Nainá].
\p
\v 21 Xi̱ta̱ kìi̱, india iskonangi‑ni, kitsò:
\p ―¿Yá‑ni ra ji̱? ¿A ji̱‑ní Elías?
\p ―Mì tsa ꞌa̱n jiàa̱n ―kitsò Juan.
\p ―¿O̱ ra ji̱‑ní jè xi̱ta̱ ra síchjeén Nainá nga chja̱ ngajo‑la̱ ra xá tjínè‑la̱ nga kjꞌi̱í?
\p ―Majìn ―kitsó‑ní.
\p
\v 22 Iskonangií india‑ila̱, kitsò‑la̱:
\p ―¿Yá kjòn‑ni ra ji̱? Ko̱ꞌtín‑náji̱n, mé‑nì nga ko̱ma ko̱híko̱‑la̱ji̱n ꞌén jñà ra isìkasén‑naji̱n. ¿Mé ꞌén ꞌbì a̱ꞌta tsa̱ji?
\p
\v 23 ꞌKia̱á kitsò‑la̱ Juan:
\p ―ꞌA̱n‑ná xi̱ta̱ ra ꞌñó chja̱ya ya̱ i̱ꞌnde kixì ñánda̱ xìnꞌta: “Ndaá tjajna kixio̱ò ndi̱yá‑la̱ Na̱ꞌín‑ná”, koni ꞌsín kitsò Isaías xi̱ta̱ ra isìchjeén Nainá nga kiìchja̱ ngajo‑la̱.\fig John the Baptist in the wilderness- 33%|36-CN01651B.tif|col|JHN 1:23||Jè Juan ra batíndá xi̱ta̱|JHN 1:23\fig*
\p
\v 24 Jñà xi̱ta̱ ra isìkasén xi̱ta̱ fariseo,
\v 25 iskonangií india‑ila̱ kitsò‑la̱:
\p ―¿Mé‑ni nga xi̱ta̱ batíndá‑ni, tsa mì tsa ji̱‑ni ra Cristo, ko̱ tsa mì tsa ji̱ ra Elías ko̱ ti̱ꞌkoa̱á tsa mì tsa ji̱‑ti jè xi̱ta̱ ra isìchjeén Nainá nga chja̱ya ngájo‑la̱?
\p
\v 26 Kiìchja̱á Juan nga kitsò‑la̱:
\p ―ꞌA̱n, ta nandá batíndá‑na, tanga tíjnajin masen jngo‑najiòn ra mì kì ꞌyaxkon.
\v 27 Jè‑ní ra ꞌsa̱ nchrabátji̱ngi‑na, jè ra isa̱ tíjna ítjòn‑ni koni ꞌa̱n. Skanda mì kì bakèn‑na nga ꞌa̱n skíjnda̱ꞌñó‑la̱ jè xo̱xín xa̱jté‑la̱.
\p
\v 28 Ngaꞌtsì kjoa̱ kìi̱, ya̱á na̱xi̱ndá Betania nga ko̱ꞌsín kjomà, ya̱ ra ijngoa ndáje̱ ra ꞌmì Jordán, ñánda̱ nga tsatíndá xi̱ta̱ jè Juan.
\s Kóꞌsín inikasén i̱ i̱sàꞌnde jè Jesús
\p
\v 29 ꞌKia̱ nga ma nchijòn, Juan kijtseé Jesús nga tínchrabá ñánda̱ nga síjna ra jè, ko̱ a̱kjòn kitsò:
\p ―¡Chítsijen‑la, jè ra̱kìi̱ ra síkasén Nainá koni tsa jngo Forrè Iꞌndí ra faháxìn jé‑la̱ xi̱ta̱ i̱sàꞌnde!
\v 30 A̱ꞌta ꞌtse̱é xi̱ta̱ ra̱kìi̱ ra kíchjàa̱ ꞌkia̱ nga ko̱kíxin‑no: “Nchrabá jngo xi̱ta̱, jè ra tíjna ítjòn‑na, ra isa̱ kjotseé tíjna‑ni koni ꞌa̱n.”
\v 31 Ra ꞌa̱n, nda mí bexkon tsiki; kií ta nandá batíndá‑na mé‑ni nga katabexkon‑ni jñà xi̱ta̱ na̱xi̱ndá Israel.
\p
\v 32 Juan, ꞌkoa̱á ti̱ꞌsín kitsjà ꞌén nga kitsò:
\p ―Kíjtse‑náa̱ jè Inìma̱ Tsje‑la̱ Nainá nga itjojen‑ni ngajmi nga ko̱ꞌsín ꞌki koni jngo tjo̱ni̱ña̱, nga kiskàtje̱nsòn‑la̱ Jesús.\fig The dove descending on Jesus -33%|37-CN01656b.TIF|col|JHN 1:32‑33|| |JHN 1:32\fig*
\v 33 ꞌA̱n mì kì bexkon; tanga jè Nainá ra isìkasén‑na nga ko̱ nandá tsatíndá‑na xi̱ta̱, ꞌkoa̱á ꞌsín kitsò‑na: “Jè ra jchi̱i nga ki̱tjojen‑nè jè Inìma̱ Tsje‑na̱ nga ya̱ ska̱tje̱n‑sòn‑la̱, jè‑ní ra ko̱ Inìma̱ Tsje‑na̱ ko̱tíndá‑ni xi̱ta̱.”
\v 34 ꞌA̱n, ijyeé ko̱ꞌsín kíjtsee̱, ko̱ tsja‑ná ꞌén‑na̱ nga jè‑ní ra Iꞌndí‑la̱ Nainá.
\s Yá xi̱ta̱ ra iskotáꞌyáꞌta ítjòn‑la̱ Jesús
\p
\v 35 Ra kjomà nchijòn, ti̱ya̱á tíjna india‑ni Juan; tji̱ko̱ jò xi̱ta̱ ra ya̱ kotéꞌyáꞌta‑la̱.
\v 36 ꞌKia̱ nga kijtse nga ya̱ tsáꞌba Jesús, kitsò Juan:
\p ―¡Chítsijen‑la, jè ra̱kìi̱ forrè‑la̱ Nainá [ra ki̱yátjì‑la̱ xi̱ta̱]!
\p
\v 37 Ngajò xi̱ta̱ kìi̱ ꞌkia̱ nga kiíꞌnchré koni ꞌsín kitsò Juan, kijìtji̱ngií‑la̱ Jesús.
\v 38 ꞌKia̱ nga isíkáfa Jesús, kijtse‑ní nga ya̱ i̱nchifìtji̱ngi‑la̱ jñà xi̱ta̱ kìi̱, kitsò‑la̱:
\p ―¿Mé ra fatsjio?
\p ꞌKia̱á kitsò ngajò xi̱ta̱ kìi̱:
\p ―Maestro, ¿ñánda̱ tijni?
\p
\v 39 Jesús kitsó‑la̱:
\p ―Nchrabá, chítsijen‑la.
\p Kiìko̱‑ní, ko̱ kijtseé ñánda̱ bijna Jesús, ya̱á tsikìtsa̱hijyoko̱ ni̱chjin jè, ta nga̱tjì‑la̱ nga ijyeé kjòhixòn, ijchó‑la tsa las cuatro.
\p
\v 40 Jñà ngajò xi̱ta̱ kìi̱, ra kiìtji̱ngi‑la̱ Jesús ꞌkia̱ nga kiíꞌnchré‑la̱ Juan koni ꞌsín kitsò, jngo ra ꞌmì Andrés ra ꞌndse̱ ma Simón Pedro.
\v 41 Andrés, jè iskajin ítjòn ꞌndse̱ ra ꞌmì Simón, kitsò‑la̱:
\p ―Ijyeé kaꞌyaxkon‑ji̱n jè Mesías ra Cristo tsò‑ni, [jè ra xá isìkasén‑ni Nainá].
\p
\v 42 Andrés kiìko̱ó jè Simón ñánda̱ tíjna Jesús; ꞌkia̱ nga kijtse Jesús, kitsó‑la̱:
\p ―Ji̱‑níi̱ Simón, ti‑la̱ Jonás, tanga ꞌndi̱ ꞌndi̱, Cefas ꞌkín‑li. (Cefas, Pedro tsó‑ni.)
\s Kóꞌsín kiìchja̱‑la̱ Jesús jè Felipe ko̱ Natanael
\p
\v 43 Ra ma nchijòn, Jesús, ꞌkoa̱á ꞌsín kjomejèn‑la̱ nga ya̱ ki̱ji̱ ján nangi Galilea. Ko̱ ya̱á iskajin jè Felipe, kitsò‑la̱:
\p ―Nchrabátji̱ngi‑ná.
\p
\v 44 Jè Felipe ya̱á i̱ꞌnde‑la̱ ya̱ na̱xi̱ndá Betsaida, ya̱ ñánda̱ i̱ꞌnde‑la̱ Andrés ko̱ Pedro.
\v 45 Felipe kiì kátsjií jè ra ꞌmì Natanael, kitsò‑la̱:
\p ―Ijyeé kaꞌyaxkon‑ji̱n jè ra síkaxki̱ xa̱jo̱n kjo̱téxoma ra tsikínda Moisés ko̱ ꞌtse̱ xi̱ta̱ ra kiìchja̱ ngajo‑la̱ Nainá, jè Jesús ra ya̱ i̱ꞌnde‑la̱ na̱xi̱ndá Nazaret jè ra iꞌndí‑la̱ José.
\p
\v 46 Natanael kitsò‑la̱ jè Felipe:
\p ―¿A maá ya̱ ki̱tjokajin‑ni ya̱ na̱xi̱ndá Nazaret jngo ra nda ꞌsi̱in?
\p Kitsó jè Felipe:
\p ―Nchrabí, ko̱ chítsijen saba‑la̱.
\p
\v 47 Jesús ꞌkia̱ nga kijtse jè Natanael nga ya̱ tínchrabáꞌta‑la̱, kitsó ra a̱ꞌta ꞌtse̱:
\p ―Jè ra̱kìi̱ ra ngi kixi̱ síjchá ijo‑la̱ koni jngo xi̱ta̱ Israel, ko̱ mì tsa kjoa̱ndiso tjín ra a̱ꞌta ꞌtse̱.
\p
\v 48 Natanael kitsó‑la̱ Jesús:
\p ―¿Kóꞌsín ma‑ni nga ꞌyaxkon‑ná?
\p Jesús kitsó‑la̱:
\p ―Kàbeé‑la ꞌkia̱ nga ti̱kjè chja̱‑li jè Felipe, ꞌkia̱ nga tijnangi ya̱ yá‑la̱ to igo̱.
\p
\v 49 Natanael kitsó‑ní:
\p ―Maestro, ji̱‑ní ra Iꞌndí‑la̱ Nainá, ko̱ ji̱‑ní xi̱ta̱xá ítjòn‑la̱ na̱xi̱ndá Israel.
\p
\v 50 Kiìchja̱ Jesús, kitsò‑la̱:
\p ―¿A ta kií kàmakjiín‑li nga ko̱kàxin‑la nga kàbeé‑la nga ya̱ tijnangi ya̱ yá‑la̱ to igo̱? ꞌKoa̱á xín‑la nga isa̱á tse kjoa̱xkón jcha̱ isi.
\p
\v 51 Kitsò‑isa‑la̱ Jesús:
\p ―Ngi kjo̱hixi̱‑ní ra xin‑no, jcha̱‑nájiòn nga tjáꞌxa̱ jè ngajmi ko̱ jñà ìkja̱li̱‑la̱ Nainá ko̱ꞌki ki̱ji̱mijìn ko̱ ko̱ꞌki kji̱nchrabàjen‑nè‑na ꞌa̱n ra Iꞌndí‑la̱ Xi̱ta̱ xin‑la̱ ijo‑na̱.
\c 2
\s Mé kjo̱xkón ra kiꞌsìn ítjòn Jesús
\p
\v 1 Ra kjomà jàn ni̱chjin kiꞌseé jngo ꞌsí ján Caná, ya̱ na̱xi̱ndá ra chja̱‑ni Galilea nga tsixan jngo xi̱ta̱. Ko̱ jè na̱‑la̱ Jesús ya̱á tíjna.
\v 2 Ti̱ꞌkoa̱á inakjoá‑te‑la̱ Jesús ko̱ xi̱ta̱ ra kotáꞌyáꞌta‑la̱ ya̱ ñánda̱ tsixan xi̱ta̱.
\v 3 ꞌKia̱ nga ijyeheꞌtà nandá xán ꞌtse̱ uva ñánda̱ nga tsixan xi̱ta̱, jè na̱‑la̱ Jesús kitsó‑la̱:
\p ―Ijye‑ró ijyeheꞌtà nandá xán‑la̱ xi̱ta̱ ra kàbixan.
\p
\v 4 Jesús kitsó‑la̱:
\p ―¿Mé‑ni ꞌa̱n koꞌmì‑náa̱? Takó kjè kì bijchó ni̱chjin‑la̱ nga sìhitjásòo̱n jè xá ra ꞌjíi̱‑na.
\p
\v 5 Jè na̱‑la̱ Jesús kitsó‑la̱ jñà xi̱ta̱ ra i̱nchibíya nandá xán:
\p ―Ko̱ꞌsín ꞌtia̱àn koni ꞌsín ki̱tso̱‑no ra jè.
\p
\v 6 Jon ma‑ni ti̱jí na̱jo̱ ra ma sinchá nandá ra ya̱ i̱ncha ra síchjeén xi̱ta̱ judío nga sítsje‑ni tsajmì ra tjín‑la̱ koni ꞌsín tjín kjo̱téxoma‑la̱ ra xkón tjín. Nga jngó jngó ti̱jí kìi̱, kjiyaá‑la tsa jò ko̱ tsa jàn ndichjon ra kan litro tjín‑la̱ nandá nga jngó jngó.
\v 7 Jesús kitsó‑la̱ jñà xi̱ta̱ ra i̱nchibíya nandá xán:
\p ―Ti̱jtse nandá jñà ti̱jí kìi̱.
\p Jñà xi̱ta̱ chi̱ꞌnda tsinchá nandá jñà ti̱jí kìi̱; ngi nda kjón‑ní isìjtse ijye.
\v 8 A̱kjòn kitsò Jesús:
\p ―Ti̱náchrje chiba ko̱ ꞌti̱‑la jè ra síjna ítjòn nga tísísin‑la̱ xi̱ta̱.
\p A̱kjòn ꞌkoa̱á ꞌsín kiꞌsìn.
\v 9 Jè xi̱ta̱ ra tíjna ítjòn nga tísísin‑la̱ xi̱ta̱, iskóꞌtá jè nandá ra nandá xán kjomà. Jè xi̱ta̱ ra̱kìi̱, nda mí be ñánda̱ ꞌji‑ni jè xán; (tà jñá kijtse xi̱ta̱ ra i̱nchibíya, nga̱ jñà ikachrje nandá). ꞌKia̱á jè xi̱ta̱ ra tíjna ítjòn kiìchja̱‑la̱ xi̱ta̱ ꞌxi̱n ra ixan,
\v 10 kitsò‑la̱:
\p ―Ngaꞌtsì xi̱ta̱, jé tsjá ítjòn jè nandá xán ra isa̱ ꞌñó nda, ko̱ ꞌkia̱ nga ijye na̱ti i̱nchiꞌbi xi̱ta̱, ꞌkia̱á tsjá jè xán ra isa̱ nangi tjín‑la̱. Tanga ji̱ kabìjnatjó‑níi̱ jè xán ra isa̱ nda, ko̱ jè tjinikjeheꞌta‑ni.
\p
\v 11 Jé kjo̱xkón ra̱kìi̱ ra kiꞌsìn ítjòn Jesús ya̱ na̱xi̱ndá Caná ra chja̱‑ni Galilea nga tsakón kjoa̱jeya‑la̱, ko̱ jñà xi̱ta̱ ra kotáꞌyáꞌta‑la̱ kjokjiín‑la̱ a̱ꞌta ꞌtse̱.
\p
\v 12 ꞌKia̱ nga ijye kjomà, ya̱á kijì na̱xi̱ndá Capernaum; tji̱ko̱ na̱‑la̱ ko̱ jñà ꞌndse̱ ko̱ xi̱ta̱ ra kotáꞌyáꞌta‑la̱; ko̱ ya̱á tsikìtsa̱hijyo chiba ni̱chjin.
\s Mé ra kiꞌsìn Jesús ꞌkia̱ nga kijì ꞌsí ján Jerusalén
\r (Mateo 21:12‑13; Marcos 11:15‑18; Lucas 19:45‑46)
\p
\v 13 Ijyeé kjochraña ni̱chjin nga síjeya ꞌsí jñà xi̱ta̱ judío ya̱ ján Jerusalén nga síkítsjen‑yá ni̱chjin ꞌkia̱ nga itjojin kjo̱hiꞌin ya̱ ján nangi Egipto; ko̱ ya̱á kijì Jesús.
\v 14 ꞌKia̱ nga ꞌjahaꞌsen a̱ya i̱ngo̱ ítjòn, jè Jesús, kijtse‑ní nga ya̱ ndi̱tsin i̱ngo̱ tjíhijyo xi̱ta̱ ra batína nchra̱ja̱, ko̱ forrè ko̱ tjo̱ni̱ña̱; ti̱ꞌkoa̱ tjítsa̱jnaꞌta ímixa̱ jñà xi̱ta̱ ra síkaatjìya to̱n.
\v 15 ꞌKia̱á ꞌja Jesús, tsikínda jngo naꞌñó ra ꞌtson xi̱ta̱, a̱kjòn tsahatji̱ngi ijye‑la̱ xi̱ta̱ ra ya̱ tjítsa̱jna ya̱ ndi̱tsin i̱ngo̱, ko̱ jñà nchra̱ja̱‑la̱ ko̱ forrè‑la̱. Ti̱ꞌkoa̱á tsikíxtenꞌta‑te ya̱ a̱ꞌta nangi to̱n‑la̱ jñà xi̱ta̱ ra síkaatjìya to̱n ko̱ a̱kjòn isíkáfaya ímixa̱‑la̱.
\v 16 Jñà ra batína tjo̱ni̱ña̱ kitsó‑isa‑la̱:
\p ―Ti̱náchrje tsje cho̱ kìi̱. Kì niꞌya ndi̱tsi̱n ꞌnià jè niꞌya‑la̱ Na̱ꞌìn‑na̱.
\p
\v 17 Jñà xi̱ta̱ ra kotáꞌyáꞌta‑la̱, ꞌkia̱á ítsjen‑la̱ kóꞌsín tíchja̱ xa̱jo̱n ra tjíꞌta ꞌén‑la̱ Nainá nga tsò: “ꞌÑó machi̱nia̱, ta nga̱tjì‑la̱ nga ꞌñó matsjake niꞌya‑li.”
\p
\v 18 Jñà xi̱ta̱ judío, ꞌkia̱á iskonangi‑la̱, kitsò‑la̱:
\p ―¿Mé kjo̱xkón ra bakon‑náji̱n nga ji̱ tjín‑li kjo̱hixi̱ nga ko̱ꞌsín ꞌnì?
\p
\v 19 ꞌKia̱á kiìchja̱ Jesús, kitsò‑la̱:
\p ―Ti̱xojen i̱ngo̱ ra̱kìi̱, ko̱ ꞌa̱n, ta jàn ni̱chjin kindá india‑na.
\p
\v 20 ꞌKia̱á kitsò jñà xi̱ta̱ judío:
\p ―Jè i̱ngo̱ ra̱kìi̱, ichán jon nó isinda‑ni, ko̱ ji̱, ta jàn ni̱chjin mejèn‑li kínda india‑ni.
\p
\v 21 Tanga jè i̱ngo̱ ra ko̱kitsò‑la̱ Jesús, ti̱jé‑ni ijo‑la̱.
\v 22 ꞌKoa̱á jnchro ma‑ni, ꞌkia̱ nga jaáya‑la̱, jñà xi̱ta̱ ra kotáꞌyáꞌta‑la̱, ꞌkia̱á ítsjen‑la̱ ꞌén ra ko̱ꞌsín kitsò; kjokjiín‑la̱ koni ꞌsín tíchja̱ xa̱jo̱n ra tjíꞌta ꞌén‑la̱ Nainá ko̱ ꞌén ra kiìchja̱ Jesús.
\s Kóꞌsín ndaá be Jesús ngaꞌtsì inìma̱‑la̱ xi̱ta̱
\p
\v 23 ꞌKia̱ nga tíjna ya̱ Jerusalén jè Jesús, ya̱ ꞌsí paxko̱, kjín xi̱ta̱ kjokjiín‑la̱ ꞌkia̱ nga kijtse jñà kjo̱xkón ra kiꞌsìn.
\v 24 Tanga Jesús takó mì kì nda isìjngo ikon ra a̱ꞌta ꞌtse̱ xi̱ta̱ kìi̱, nga̱ ki, ijyeé nda bexkon ngaꞌtsiòo̱.
\v 25 Jesús mì kì tsa machjeén‑la̱ yá ra ko̱ki̱tso̱‑la̱ kó kjòn nga jngó jngó inìma̱‑la̱ xi̱ta̱, nga̱ jè jnchro ra ꞌñó nda be kóꞌsín tjíhijyo inìma̱‑la̱ xi̱ta̱.
\c 3
\s Kóꞌsín tsakáko̱na̱jmí Jesús jè Nicodemo
\p
\v 1 Tsikijnaá jngo xi̱ta̱ fariseo ra tsiꞌkìn Nicodemo ra ti̱ꞌkoa̱ xi̱ta̱ ítjòn tsikijna‑la̱ xi̱ta̱ judío.
\v 2 Jè xi̱ta̱ ra̱kìi̱, jñò kijì nga kiì katsíjen‑la̱ Jesús nga kitsò‑la̱:
\p ―Maestro, ꞌya‑náji̱n nga jè Nainá isìkasén‑li nga ma ko̱kón‑ya‑náji̱n, nga̱ jngo xi̱ta̱ ra mì tsa Nainá tíjnako̱, mì kì ko̱ma‑la̱ ko̱ꞌsín ꞌsi̱in koni ꞌsín tjín jñà kjo̱xkón ra ꞌnì.
\p
\v 3 ꞌKia̱á kitsò Jesús:
\p ―Ngi kjo̱hixi̱í ra xin‑la, jè xi̱ta̱ ra mì kì jtsín xi̱tse̱ india‑ni mì kì ko̱ma ske̱ kóꞌsín batéxoma Nainá.
\p
\v 4 Jè Nicodemo ꞌkia̱á iskonangi‑la̱, kitsò:
\p ―¿Kóꞌsín ko̱ma‑ni nga jtsín xi̱tse̱ india‑ni jngo xi̱ta̱ ra ijye jchínga? ¿A maá kjoa̱haꞌsen india‑ni i̱ndsi̱ꞌba̱ na̱‑la̱, ko̱ a̱kjòn jtsín india‑ni?
\p
\v 5 Jesús kitsó‑la̱:
\p ―ꞌKoa̱á xin kixi̱‑la, jè ra mì a̱ꞌta ꞌtse̱ nandá ko̱ a̱ꞌta ꞌtse̱ Inìma̱ Tsje‑la̱ Nainá jtsín‑ni, mì kì ko̱ma kjoa̱haꞌsen‑jin ñánda̱ nga jè Nainá tíbatéxoma.
\v 6 Jè ra a̱ꞌta ꞌtse̱ xi̱ta̱ tsin‑ni, sakó‑la̱ kjo̱binachon a̱ꞌta ꞌtse̱ ijo‑la̱; ko̱ jè ra a̱ꞌta ꞌtse̱ Inìma̱ Tsje‑la̱ Nainá tsin‑ni, sakó‑la̱ kjo̱binachon a̱ꞌta ꞌtse̱ inìma̱‑la̱.
\v 7 Kì tà chjàn maxkón‑li koni ꞌsín kàxin‑la: “Nga machjeén‑ní nga jtsín xi̱tse̱ india‑ni jñà xi̱ta̱.”
\v 8 Jè tjo̱ ꞌba‑ní ni̱ ta ñánda̱ mejèn‑la̱, naꞌyá‑la̱ nga fane, tanga mì kì ꞌyeé ñánda̱ nchrabá‑nì ko̱ ñánda̱ fì. ꞌKoa̱á ꞌsín kjòn ngaꞌtsì ra a̱ꞌta ꞌtse̱ Inìma̱ Tsje‑la̱ Nainá tsin‑ni.
\p
\v 9 ꞌKia̱á kitsò Nicodemo:
\p ―¿Kóꞌsín ko̱ma‑la̱ nga ko̱ꞌsín ko̱ma kjoa̱ kìi̱?
\p
\v 10 Jesús kitsó‑ní:
\p ―Ngaji̱, maestro tijna‑la̱ na̱xi̱ndá Israel, ¿mé‑ni mì ꞌya‑ni kjoa̱ kìi̱?
\v 11 Ngi kjo̱hixi̱í ra xin‑la: Jé nakjoá‑ji̱n kjoa̱ ra naꞌyá‑ji̱n, ko̱ jé ꞌbèna̱jmí‑ji̱n kjoa̱ ra kijcha‑ji̱n, tanga mì kì makjiín‑no ꞌén ra ꞌbèna̱jmí‑ji̱n.
\v 12 Tsa mì kì makjiín‑no ꞌkia̱ nga ꞌbenájmí‑no kjoa̱ ra ꞌtse̱ i̱sàꞌnde, ¿a tà jé ko̱kjiín‑najiòn tsa ꞌkenájmí‑no kjoa̱ ra chon ya̱ ján ngajmi?
\p
\v 13 ’Ni̱ kjè tsa yá ra fìmijìn ján ngajmi, ta̱ jngo jè Iꞌndí‑la̱ Xi̱ta̱, nga̱ jé ra ya̱ ꞌji‑ni ya̱ ján ngajmi.
\v 14 Koni ꞌsín kiꞌsìn Moisés ya̱ i̱ꞌnde kixì ñánda̱ nga tsikima nga iskiítje̱n jngo ye̱ ki̱cha̱ nga tsikítja̱ꞌbáꞌta yá, jè Iꞌndí‑la̱ Xi̱ta̱, ꞌkoa̱á ti̱ꞌsín tjínè‑la̱ nga tjáhitje̱n,
\v 15 mé‑ni ngaꞌtsì ra ko̱kjiín‑la̱ ra a̱ꞌta ꞌtse̱, mì tsa jchi̱ja‑jìn, ta isa̱á ꞌse̱‑la̱ kjo̱binachon ra mì feheꞌta skanda ta kjiá‑nioo̱.
\s Mé xá ꞌji‑ni Jesús i̱ i̱sàꞌnde
\p
\v 16 ’Nga̱ jè Nainá batoó ꞌñó kjotsjake xi̱ta̱ i̱sàꞌnde, nga kitsjá jè Iꞌndí‑la̱ ra ta jè ta̱jngo‑ni, mé‑ni nga ngaꞌtsì xi̱ta̱ ra ko̱kjiín‑la̱ a̱ꞌta ꞌtse̱, mì kì jchi̱ja, ta isa̱á ꞌse̱‑la̱ kjo̱binachon ra mì feheꞌta skanda ta kjiá‑nioo̱.
\v 17 Nainá mì tsa kì xá isìkasén‑ni Iꞌndí‑la̱ nga kjo̱hiꞌin ki̱ìnè‑la̱ xi̱ta̱ i̱sàꞌnde, kií xá isìkasén‑ni nga a̱ꞌta ꞌtse̱ ko̱ma ki̱tjokajin‑ni kjo̱hiꞌin a̱ꞌta ꞌtse̱ jé‑la̱ xi̱ta̱ i̱sàꞌnde.
\p
\v 18 ’Jè ra makjiín‑la̱ a̱ꞌta ꞌtse̱ Jesús, mì tsa kjo̱hiꞌin tjínè‑la̱ nga si̱ìkjiín; tanga jè ra mì kì makjiín‑la̱, ijyeé kjo̱hiꞌin tjínè‑la̱ nga si̱ìkjiín ta nga̱tjì‑la̱ mì kì makjiín‑la̱ a̱ꞌta ꞌtse̱ Iꞌndí‑la̱ Nainá ra ta jè ta jngo‑ni.
\v 19 Jñà xi̱ta̱ ra mì kì makjiín‑la̱, ijyeé kjo̱hiꞌin tjínè‑la̱ nga si̱ìkjiín ta nga̱tjì‑la̱ ꞌkia̱ nga ꞌji i̱ i̱sàꞌnde jè ra síhisen‑ná mì kì kjotsjake, ta isa̱á jñà ꞌñó kjotsjake jè ra kjoa̱jñò, ta nga̱tjì‑la̱ nga ꞌchoó tjín jñà kjoa̱ ra ꞌsín.
\v 20 Ngaꞌtsì xi̱ta̱ ra ꞌcho tjín kjoa̱ ra ꞌsín, jtikeé ra kjoa̱ isen, ko̱ majìn‑la̱ nga ya̱ nchrabá ñánda̱ nga isen chon ta nga̱tjì‑la̱ majìn‑la̱ nga jcha̱‑la̱ jñà kjoa̱ꞌcho ra ꞌsín.
\v 21 Tanga jñà ra kjoa̱kixi̱ i̱nchiꞌsín, nchrabáꞌta‑la̱ ñánda̱ isen chon, mé‑ni nga jcha̱‑la̱ nga ꞌkoa̱á ꞌsín i̱nchiꞌsín koni ꞌsín mejèn‑la̱ Nainá.
\s Yá ra ꞌji ítjòn‑la̱ Cristo
\p
\v 22 Nga ijye kjomà, Jesús kijí ko̱ xi̱ta̱ ra kotáꞌyáꞌta‑la̱ ya̱ ján nangi Judea; ya̱á tsikitsa̱jnako̱ chiba ni̱chjin nga tsatíndá xi̱ta̱.
\v 23 Juan ti̱ꞌkoa̱á tíbatíndá‑te xi̱ta̱ ya̱ na̱xi̱ndá Enón, ya̱ chrañaꞌta‑la̱ na̱xi̱ndá Salim, ta nga̱tjì‑la̱ ya̱ i̱ꞌnde ra̱kìi̱, ꞌñó tjín nandá; ko̱ jñà xi̱ta̱, ijchò‑ní nga isatíndá.
\v 24 ꞌKia̱ nga ko̱kjamà kjoa̱ kìi̱, ꞌkia̱‑ní ꞌkia̱ nga ti̱kjè nda̱yá fì jè Juan.
\p
\v 25 Jñà xi̱ta̱ ra kotáꞌyáꞌta‑la̱ Juan ko̱ jngo xi̱ta̱ judío tsakátiya‑ni kóꞌsín nga tíchja̱ kjo̱téxoma ꞌtse̱ xi̱ta̱ judío ra xkón tjín koni ꞌsín nga sítsje ijo‑la̱.
\v 26 Kijí xi̱ta̱ ñánda̱ tíjna Juan, kitsò‑la̱:
\p ―Ji̱ maestro, jè xi̱ta̱ ra ya̱ ijchòki̱i ya̱ ra ijngoa ndáje̱ Jordán ra kiꞌtsìi̱ ꞌén ra a̱ꞌta ꞌtse̱, ꞌndi̱ ꞌndi̱, ti̱ꞌkoa̱á tíbatíndá‑te; ko̱ sabà ya̱á i̱nchifìtji̱ngi‑la̱ ngaꞌtsì xi̱ta̱.
\p
\v 27 Juan kitsó‑la̱:
\p ―Jngo xi̱ta̱, ni̱mé ra ma ꞌse̱‑la̱, tsa mì jè sabà Nainá tsjá‑la̱.
\v 28 Jiòn sabá inaꞌyá‑ná jiòn ꞌkia̱ nga ko̱ꞌsín kíxin‑no, nga mì tsa ꞌa̱n jiàa̱n ra Cristo; tà tje̱n inikasén ítjòn‑na ra ꞌa̱n ra a̱ꞌta ꞌtse̱ jè.
\v 29 Ya̱ ñánda̱ bixan xi̱ta̱, jè itsabáꞌñó chjo̱ón jè xi̱ta̱ ꞌxi̱n ra bixan; ko̱ jè xi̱ta̱ ra nda báko̱ ra ya̱ síjnaꞌta chraña‑la̱, ta ꞌnchré‑ní, ko̱ ꞌñó matsja‑la̱ ꞌkia̱ nga chja̱ jè xi̱ta̱ ꞌxi̱n ra bixan. ꞌKoa̱á ti̱ꞌsín ꞌñó matsja‑la̱ inìma̱‑na̱ nga ꞌnchrèe̱ kjoa̱ ra tíꞌsín ra jè.
\v 30 Machjeén‑ní nga isa̱ ꞌñó ꞌnga katijna ra jè, ko̱ ꞌa̱n isa̱ nangi kóti̱jnaa̱.
\s Mé ra ꞌsín jè ra nchrabá‑ni ngajmi
\p
\v 31 ’Jè ra ngajmi nchrabá‑ni, jè tíjna ítjòn‑la̱ ngaꞌtsì xi̱ta̱. Ko̱ jè ra i̱ a̱ꞌta nangi ꞌtse̱, xi̱ta̱ i̱sàꞌnde‑ní, ko̱ jñà chja̱ kjoa̱ ra ma i̱ a̱ꞌta nangi. Tanga jè ra ngajmi nchrabá‑nì, jé batéxoma‑la̱ ngaꞌtsì xi̱ta̱,
\v 32 ko̱ ꞌkoa̱á ꞌsín tsjá ꞌén‑la̱ mé ra kijtse ko̱ mé ra kiíꞌnchré; tanga ni̱yá ra makjiín‑la̱ koni ꞌsín tsò.
\v 33 Tanga jè xi̱ta̱ ra makjiín‑la̱ ꞌén ra chja̱ jè ra ngajmi nchrabá‑ni, jé síkixi̱yanda india‑ni ꞌén nga jè Nainá, ngi ꞌén kixi̱í ra chja̱;
\v 34 nga̱ jè ra ngi Nainá isìkasén, ꞌén‑la̱ Nainá chja̱; nga̱ jè Nainá tsjá‑la̱ Inìma̱ Tsje‑la̱ ko̱ mì kì chi̱ba̱ tjín‑la̱ kóꞌki kjo̱nda tji̱ko̱.
\v 35 Jè Nainá tsjakeé jè Iꞌndí‑la̱, ko̱ jè isìnga̱tsja ijye ta mé kjoa̱‑nioo̱.
\v 36 Jè ra makjiín‑la̱ koni tsò ꞌén ra chja̱ Iꞌndí‑la̱ Nainá, tjín‑la̱ kjo̱binachon ra mì feheꞌta; tanga jè ra mì kì makjiín‑la̱, mì kì ꞌse̱‑la̱ kjo̱binachon ra̱kìi̱; jé ska̱nè‑la̱ kjo̱hiꞌin ra jè Nainá tsjá skanda tà mé ni̱chjin‑nioo̱.
\c 4
\s Kóꞌsín tsakáko̱ Jesús jngo chjo̱ón Samaria
\p
\v 1 Jñà xi̱ta̱ fariseo kiíꞌnchré‑ní nga isa̱á‑ró kjìn ma‑ni xi̱ta̱ ra batíndá Jesús, mì ꞌkoa̱‑ni koni jè Juan.
\p
\v 2 (Ni̱ꞌsín mì tsa jè kjòn‑ni Jesús jè ra batíndá xi̱ta̱; jñà xi̱ta̱ ra kotáꞌyáꞌta‑la̱ ra batíndá xi̱ta̱.)
\v 3 Jè Jesús, ꞌkia̱ nga kisijin‑la̱ nga jñà xi̱ta̱ fariseo, ijyeé kiíꞌnchré ꞌén kìi̱, itjokàjin nangi Judea, a̱kjòn kijì india‑ni ján nangi Galilea.
\p
\v 4 ꞌKia̱ nga kijì, tjínè‑la̱ nga ko̱ꞌsín ko̱tojin ya̱ nangi Samaria.
\v 5 Ijchò jngo na̱xi̱ndá ra ꞌmì Sicar ra ya̱ chja̱‑ni Samaria, ya̱ chrañaꞌta‑la̱ nangi ra kitsjà kjo̱tjò‑la̱ Jacob iꞌndí‑la̱ ra tsiꞌkìn José nga ꞌsa̱ kjotseé.
\v 6 Ijyeé‑la ijchò tsa masen ni̱chjin nga tsáꞌbaya ndi̱yá jè Jesús, ko̱ ijyeé itsiꞌon‑la̱. Ko̱ ya̱á tsikijnakjáya ya̱ ñánda̱ tíjna jngo nga̱jo̱ nandá ra ꞌtse̱ Jacob kjomà.\fig Jesus at well, woman approaching- 50%|38-CN01673B.TIF|col|JHN 4:6‑7|| |JHN 4:6\fig*
\v 7‑8 Ko̱ jñà xi̱ta̱ ra kotáꞌyáꞌta‑la̱ ya̱á kijì ya̱ a̱jin na̱xi̱ndá ján nga ikatse tsajmì ra ski̱ne̱. ꞌKia̱á chi̱ba̱‑la̱ ꞌji jngo chjo̱ón ra ya̱ i̱ꞌnde‑la̱ Samaria, nga ꞌji káchrje nandá. ꞌKia̱á kitsó‑la̱ Jesús:
\p ―I̱tsé nandá ꞌki̱‑ná ra skꞌia̱a.
\p
\v 9 Jñà xi̱ta̱ judío mì kì nda fìko̱ jñà xi̱ta̱ ra ya̱ Samaria i̱ꞌnde‑la̱. ꞌKoa̱á ma‑ni nga jè chjo̱ón kitsó‑la̱:
\p ―¿Kóꞌsín ma‑ni nga nandá níjé‑ná? Ngaji̱ xi̱ta̱ judío‑ní, ko̱ ꞌa̱n chjo̱ón Samaria‑ná.
\p
\v 10 Kiìchja̱ Jesús, kitsò‑la̱:
\p ―Tsa ꞌyaá‑li jè kjo̱tjò ra tsjá Nainá, ko̱ tsa ꞌyaxkoón‑li yá‑ni ra tísíjé‑li nandá, tsa ji̱í‑la ra si̱jé‑la nandá, ra jè, jé tsjá‑li nandá ra síkíjnakon‑ná.
\p
\v 11 Jè chjo̱ón kitsó‑ní:
\p ―Ji̱ Na̱ꞌìn, ni̱mé ra kiꞌchìi̱ ra ma ki̱náchrje‑ni nandá, ko̱ jè nga̱jo̱ ꞌñó na̱nga̱. ¿Ñánda̱ kíjchꞌii̱ jè nandá ra ma síkíjnakon‑ná nga ꞌki̱‑ná?
\v 12 ¿A isa̱á tijna ítjòn‑la̱ ji̱, jè xi̱ta̱ jchínga‑na̱ji̱n Jacob, jè ra kitsjà‑naji̱n nga̱jo̱ nandá ra̱kìi̱? I̱í ꞌji káchrje nandá ra kiꞌtsi ra jè, ko̱ i̱xti‑la̱ ko̱ jñà cho̱ ra tsikítje̱.
\p
\v 13 Jesús kiìchja̱á kitsó‑la̱:
\p ―Ngaꞌtsì ra ꞌbi nandá ra̱kìi̱, maxándá india‑ila̱;
\v 14 tanga jè xi̱ta̱ ra skꞌí nandá ra ꞌa̱n tsja‑la̱, ni̱ì‑ti̱‑kjiá ko̱xándá india‑ila̱, nga jè nandá ra ꞌa̱n tsja‑la̱, ꞌkoa̱á ꞌsín ko̱ma ya̱ a̱ya inìma̱‑la̱ koni ñánda̱ nga títjo nandá, ko̱ jè nandá ra̱kìi̱, si̱ìkíjnakon‑ní skanda ta kjiá‑nioo̱.
\p
\v 15 Jè chjo̱ón kitsó‑ní:
\p ―Na̱ꞌìn, ꞌti̱‑ná nandá ra ko̱ꞌmì‑la ji̱, mé‑ni mì kì ti̱ ko̱xándá‑na ko̱ mì ti̱ i̱ kjíꞌi̱ kàchrjé‑na nandá.
\p
\v 16 Jesús kitsó‑la̱:
\p ―Ti̱nákjoa̱‑la̱ ꞌxi̱n‑li, a̱kjòn ta̱áfa india‑ni i̱jndíi̱.
\p
\v 17 Kitsó jè chjo̱ón:
\p ―Tsìn‑na ꞌxi̱n.
\p Jesús kitsó‑la̱:
\p ―Kjo̱hixi̱‑ní koni ꞌsín sii̱, nga tsìn‑li ꞌxi̱n;
\v 18 nga̱ kjo ꞌòn ꞌxi̱n ꞌse‑li, ko̱ jè xi̱ta̱ ra tijnaki̱i ꞌndi̱ ꞌndi̱, mì tsa ngi ꞌxi̱n‑li ma. Kixi̱í kjoa̱ koni ꞌsín tjisi.
\p
\v 19 Jè chjo̱ón ra̱kìi̱, ꞌkia̱ nga kiíꞌnchré ꞌén kìi̱, kitsó‑ní:
\p ―Na̱ꞌìn, ꞌkoa̱á ꞌsín tímachi̱ya‑na nga ji̱í‑li xi̱ta̱ ra chja̱ ngajo‑la̱ Nainá.
\v 20 Jñà xi̱ta̱ jchínga‑na̱ji̱n, ra Samaria tsa̱ji̱n‑ji̱n, i̱í kijtsexkón Nainá, jè nindo ra̱kìi̱; tanga jiòn ra xi̱ta̱ judío ꞌmì‑no, bixó‑nó jiòn nga ta ya̱á Jerusalén ko̱ma jcha̱xkón Nainá.
\p
\v 21 Jesús kitsó‑la̱:
\p ―Ji̱ ndí chjo̱ón, katakjiín‑li koni ꞌsín xin‑la, ijyeé nchrabá ni̱chjin ꞌkia̱ nga mì ti̱ i̱‑ni nindo ra̱kìi̱, ko̱ mì ti̱ ján‑ni Jerusalén nga ma jcha̱xkón Nainá.
\v 22 Jiòn, ra xi̱ta̱ Samaria ꞌmì‑no, mì kì ꞌya jiòn yá‑ni ra ꞌyaxkón; tanga ji̱n ra xi̱ta̱ judío ꞌmì‑naji̱n, ꞌya‑náji̱n yá‑ni ra ꞌyaxkón‑ji̱n, nga̱ ya̱á ki̱tjokajin jngo‑ni ꞌtse̱ xi̱ta̱ judío ra ko̱chrjekàjin kjo̱hiꞌin xi̱ta̱.
\v 23 Tanga ijyeé tíma chraña ni̱chjin, ko̱ ꞌndi̱í‑ni nga ngi kjo̱hixi̱ ko̱ nga ngi ko̱ó inìma̱‑la̱ nga ske̱xkón Na̱ꞌín‑ná ngaꞌtsì jñà ra ngi kixi̱ kjoa̱ nga bexkón Nainá. Nga̱ jè Na̱ꞌín‑ná, ꞌkoa̱á ꞌsín mejèn‑la̱ nga ko̱ꞌsín kataꞌsín jñà ra jè bexkón.
\v 24 Nainá, Inìma̱ Tsje‑ní. ꞌKoa̱á ma‑ni nga jñà xi̱ta̱ ra bexkón, machjeén‑ní nga ngi ko̱ó kjo̱hixi̱‑la̱ ko̱ ngi ko̱ó inìma̱‑la̱ nga katabexkón.
\p
\v 25 Jè chjo̱ón ra̱kìi̱ kitsó‑ní:
\p ―Be‑ná nga kjꞌi̱í jè Mesías (jè ra xá si̱ìkasén‑ni Nainá, ra Cristo tsò‑ni); ko̱ ꞌkia̱ nga kjꞌi̱í ra jè, jè ꞌke̱èna̱jmíya ijye‑ná ngaꞌtsì kjoa̱ kìi̱.
\p
\v 26 Jesús kitsó‑la̱:
\p ―ꞌA̱n‑ná ra tíbakó‑la.
\p
\v 27 Ti̱jé‑ni hora ra̱kìi̱, ꞌji‑ni xi̱ta̱ ra kotáꞌyáꞌta‑la̱ Jesús. Ta ꞌkoa̱á kjomà‑la̱ nga jè Jesús, jngo chjo̱ón tíbáko̱. Tanga ni̱jngo ra kitsò ikon nga iskonangi‑la̱ mé ra mejèn‑la̱ ko̱ mé ꞌén ra i̱nchijo̱óna̱jmí.
\v 28 Jè chjo̱ón kitsjiín jè nisa nandá‑la̱; a̱kjòn kijí ya̱ a̱jin na̱xi̱ndá ján, nga kiì ꞌkéna̱jmí‑la̱ xi̱ta̱, kitsò‑la̱:
\p
\v 29 ―Nchrabá chítsijen‑la jngo xi̱ta̱ ra ko̱ꞌsín kàtsò ijye‑na koni ꞌsín tjín kjoa̱ ra ijye kíꞌsiaa̱n. Tsa jé jèe̱, ra Cristo [jè ra xá isìkasén‑ni Nainá].
\p
\v 30 Jñà xi̱ta̱ ꞌkia̱á itjojin na̱xi̱ndá nga kiìkatsíjen‑la̱ ñánda̱ nga tíjna Jesús.
\v 31 ꞌKoa̱à‑la chi̱ba̱‑la̱ nga jñà xi̱ta̱ ra kotáꞌyáꞌta‑la̱ Jesús i̱nchibítsaꞌba‑la̱ nga i̱nchitsò‑la̱:
\p ―Maestro, ti̱chi jngi.
\p
\v 32 Tanga Jesús kitsó‑la̱:
\p ―ꞌA̱n, tjín‑na tsajmì ra bákje̱n ra mì kì ꞌyaxkon jiòn.
\p
\v 33 Jñà xi̱ta̱ ra kotáꞌyáꞌta‑la̱ kitsó‑la̱ xákjén:
\p ―¿A tjín ra kàꞌfiìkó‑la̱ tsajmì ra kabakjèn tsa ꞌkoa̱?
\p
\v 34 Jesús kitsó‑la̱:
\p ―Jñà tsajmì ra bákje̱n ra ꞌa̱n, jè‑ní nga sìhitjásòo̱n koni ꞌsín mejèn‑la̱ jè ra isìkasén‑na ko̱ nga ti̱ꞌkoa̱ sikjéheꞌta xá‑la̱.
\v 35 Jiòn, ꞌkoa̱á ꞌsín bixó nga ngi ijòn sá chija‑isa nga ko̱xkó tsajmì ra ijye ko̱jchá; tanga ꞌa̱n xin‑náa̱: Chítsijen‑la̱ ya̱ ñánda̱ nga tjítje̱ tsajmì, ijyeé kjójchá‑ní, ijyeé ma si̱ncháxkó.
\v 36 Jè xi̱ta̱ ra bíxkó tsajmì ra ijye kjójchá, machjí‑la̱; ko̱ jñà tsajmì ra mincháxkó, ꞌtse̱ kjo̱binachon‑ní, mé‑ni ngásòn ꞌse̱‑la̱ kjo̱tsja jè ra bítje̱ tsajmì ko̱ jè ra bíxkó.
\v 37 ꞌÉn kixi̱í jè ꞌén ra tsò: “Kjꞌií‑ní ra bítje̱ tsajmì ko̱ kjꞌií‑ní ra bíxkó.”
\v 38 ꞌA̱án isìkasén‑no nga kíxkó tsajmì ya̱ ñánda̱ nga mì tsa jiòn iníxá; kjꞌií‑ní ra isíxá, tanga jiòn i̱nchibako̱‑no nga i̱nchibíxkó tsajmì tjé‑la̱.
\p
\v 39 Taxki̱ kjín xi̱ta̱ Samaria ra ya̱ tjíhijyo ya̱ na̱xi̱ndá ra̱kiòo̱ kjokjiín‑la̱ a̱ꞌta ꞌtse̱ Jesús ꞌkia̱ nga kiíꞌnchré ꞌén ra kitsjà chjo̱ón nga kitsò: “ꞌKoa̱á kàtsò ijye‑na ngaꞌtsì kjoa̱ ra kíꞌsiaa̱n.”
\v 40 ꞌKia̱ nga ijchò jñà xi̱ta̱ Samaria ñánda̱ nga tíjna Jesús, tsikítsaꞌbaá‑la̱ nga ya̱ katijnako̱. Ko̱ jò ni̱chjin ya̱ tsikijnako̱.
\v 41 Ko̱ kjín xi̱ta̱ kjokjiín‑isa‑la̱ a̱ꞌta ꞌtse̱ Jesús ꞌkia̱ nga kiíꞌnchré ꞌén ra jè sabà tsiꞌkéna̱jmí.
\v 42 Jñà xi̱ta̱ kitsó‑la̱ jè chjo̱ón:
\p ―ꞌNdi̱ ꞌndi̱‑ni̱ mì tsa ta ki makjiín‑naji̱n koni tsò ꞌén ra ji̱ tsiꞌkèna̱jmí‑náji̱n; ji̱n sabá i̱nchinaꞌyá‑la̱ji̱n, ko̱ ꞌya‑náji̱n nga kixi̱í kjoa̱ nga jé ra ko̱chrjekàjin kjo̱hiꞌin kjoa̱ ꞌtse̱ jé‑la̱ xi̱ta̱ i̱sàꞌnde, jè Cristo [ra xá isìkasén‑ni Nainá].
\s Kóꞌsín isinda‑ni Jesús jngo ti‑la̱ ra chi̱ꞌnda ítjòn tíjna
\r (Mateo 8:5‑13; Lucas 7:1‑10)
\p
\v 43 Ra kjomà jò ni̱chjin, itjojin‑ní ya̱ Samaria nga kijì ján nangi Galilea.
\v 44 Koni ꞌsín kitsò saba Jesús: Ni̱jngo xi̱ta̱ ra síchjeén Nainá nga chja̱ ngajo‑la̱, ꞌyaxkón ya̱ nangi‑la̱.
\v 45 ꞌKia̱ nga ijchò ya̱ Galilea, jñà xi̱ta̱ ra ya̱ i̱ꞌnde‑la̱, nda iskábétjò, nga̱ ijyeé kijtse kjoa̱ ra kiꞌsìn ya̱ Jerusalén ꞌkia̱ nga itjo ꞌsí paxko̱; nga̱ jñà xi̱ta̱ kìi̱, kií‑te ꞌsí.
\p
\v 46 Jesús ijchó india‑ni ján Caná, nangi ra chja̱‑ni Galilea, ya̱ ñánda̱ isìkaatjìya‑la̱ nandá nga nandá xán ꞌtse̱ uva kiꞌsìn. Ya̱ na̱xi̱ndá Capernaum tíjna jngo xi̱ta̱ ra xá tjín‑te‑la̱ a̱ꞌta ꞌtse̱ xi̱ta̱xá ítjòn ꞌtse̱ Galilea, ko̱ ꞌñó kiya jè ndí ti‑la̱.
\v 47 Jè xi̱ta̱ ra̱kìi̱ ꞌkia̱ nga kiíꞌnchré nga jè Jesús ya̱á inchrabà‑ni Judea nga ꞌji ya̱ Galilea, kiìjkoón Jesús nga kiì kítsaꞌba‑la̱ nga katafì ya̱ niꞌya‑la̱, nga katasínda‑ni jè ndí ti‑la̱ ra ijye tíbiya.
\v 48 Jesús kitsó‑la̱:
\p ―Jiòn, tsa mì kì jcha̱a kjo̱xkón ko̱ kjoa̱ ra bakón kjoa̱jeya‑la̱ Nainá, mì kì ko̱kjiín‑no.
\p
\v 49 Jè xi̱ta̱ ra kiya iꞌndí‑la̱ kitsò‑la̱ Jesús:
\p ―Ji̱ na̱ꞌìn, ꞌti̱ìn kjo̱nda ndi̱to̱n tjahijtako̱‑ná ꞌkia̱ nga ti̱kjè biya jè ndí iꞌndí‑na̱.
\p
\v 50 ꞌKia̱á kitsò‑la̱ Jesús:
\p ―ꞌTin‑ni niꞌya‑li; jè iꞌndí‑li ijyeé ndaá tíjna‑ni.
\p Xi̱ta̱ ra̱kìi̱ kjokjiín‑la̱ jè ꞌén ra ko̱kitsò‑la̱ Jesús; kijí‑ni niꞌya‑la̱.
\p
\v 51 ꞌKia̱ nga ijye ijchò chraña‑ni niꞌya‑la̱, jñà xi̱ta̱ chi̱ꞌnda‑la̱ itjotji̱ngi‑la̱ nga kitsò‑la̱:
\p ―Jè iꞌndí‑li, ijyeé nda tíjna‑ni, tíjnakon‑ní.
\p
\v 52 Jè xi̱ta̱ ra̱kìi̱, ꞌkia̱á iskonangi kó chon kjòn‑ni nga kjonda‑ni jè ndí ti‑la̱. ꞌKia̱á tsiꞌkìn‑la̱:
\p ―Ngojña̱ tsa la una itjahíxìn‑la̱ ꞌchin ꞌndi̱.
\p
\v 53 Jè na̱ꞌìn‑la̱ ndí ti ra kiya, ítsjen‑la̱ nga ti̱jè‑ni hora ꞌkia̱ nga kitsò‑la̱ Jesús: “Jè iꞌndí‑li, ijyeé nda tíjna‑ni.” Xi̱ta̱ ra̱kìi̱, ko̱ ngaꞌtsì xi̱ta̱ ra tjítsa̱jna ya̱ niꞌya‑la̱, ꞌkoa̱á ꞌsín jè Jesús tsakáꞌta ikon.
\p
\v 54 Jé kjo̱xkón ra̱kìi̱ ra ma‑nì jò ra kiꞌsìn Jesús, ꞌkia̱ nga inchrabà‑ni nangi Judea nga ꞌji ya̱ nangi Galilea.
\c 5
\s Kóꞌsín isinda‑ni Jesús ꞌkia̱ nga ni̱chjin níkjáya jngo xi̱ta̱ ra mì kì ma fì
\p
\v 1 ꞌKia̱ nga ijye kjomà a̱skan‑nioo̱, jngo ꞌsí‑la̱ xi̱ta̱ judío tíbitjo, ko̱ jè Jesús kijí ꞌsí ya̱ ján Jerusalén.
\v 2 Ya̱ Jerusalén tíjna jngo chrjó nandá ra ꞌmì Betesda; ꞌòn ma‑ni ngitjo̱ba̱‑la̱; ya̱á tíjnaꞌta chraña‑la̱ xo̱tjo̱ba̱ ñánda̱ bitjo ko̱ ꞌfahaꞌsen‑ni forrè.
\v 3 ꞌÑó kjìn ma‑ni xi̱ta̱ ra kiya kjihijyongí ya̱ ngitjo̱ba̱‑la̱, ra xi̱ta̱ xka̱, ko̱ xi̱ta̱ tsáꞌyá ko̱ xi̱ta̱ ra mì kì ma síjtiya ijo‑la̱, nga i̱nchikoñá‑la̱ ꞌkia̱ nga máfangi nandá ra tjíya ya̱ chrjó nandá.
\v 4 Nga̱ jngo‑ró ìkja̱li̱ ra ta kjiá ta kjiá bitjojen nga síkáfangi nandá, ko̱ jè xi̱ta̱ ra ꞌfahaꞌsen‑jin ítjòn ya̱ nandá ꞌkia̱ nga máfangi, manda‑ró‑ni ni̱ꞌsín ta mé ꞌchin ra tjín‑la̱.
\v 5 Ko̱ ya̱á kjijna jngo xi̱ta̱ ra ijye kjo kan chrjoꞌòn jàn nó tjín‑la̱ nga kiya.
\v 6 Jesús, ꞌkia̱ nga kijtse nga ya̱ kjijna, ko̱ nga kiíꞌnchré nga ijye ꞌñó kjotseé kiya, kitsó‑la̱:
\p ―¿A mején‑li nga ko̱nda‑ni?
\p
\v 7 Jè xi̱ta̱ ra kiya kitsó‑ní:
\p ―Ji̱ Na̱ꞌìn, mì tsa yá tjín‑na ra basìko̱‑na nga ma ꞌfáha̱ꞌse̱n‑jiaa̱n ya̱ chrjó nandá ꞌkia̱ nga máfangi. ꞌKia̱ nga mejèn‑na nga ꞌfáha̱ꞌse̱n‑jiaa̱n, kjꞌií síkijne‑na nga ꞌfahaꞌsen‑jin ítjòn.
\p
\v 8 Jesús kitsó‑la̱:
\p ―Ti̱sítji̱in, chjíbí na̱chan‑yá‑li, ko̱ ti̱tjájme‑ni.
\p
\v 9 Xi̱ta̱ ra̱kìi̱ ndi̱to̱ón kjonda‑ni, ko̱ iskábé‑ni na̱chan‑yá‑la̱ ko̱ maá tsajme‑ni. Jè ni̱chjin ꞌkia̱, ni̱chjin níkjáya‑ní.
\v 10 Jñà xi̱ta̱ judío kitsó‑la̱ jè xi̱ta̱ ra kjonda‑ni:
\p ―ꞌNdi̱ ꞌndi̱, ni̱chjin níkjáya‑ní, mì kì tjíꞌnde‑li nga kíko̱‑ni jè ra kitsjajnanì.
\p
\v 11 Xi̱ta̱ ra̱kìi̱ kitsó‑ní:
\p ―Jè xi̱ta̱ ra kásínda‑na, jè sabá ko̱kàtsò‑na: “Tíxkó‑ni ra titsjajnasìn ko̱ ti̱tjájme‑ni.”
\p
\v 12 Jñà xi̱ta̱ kìi̱ ꞌkia̱á iskonangi‑la̱:
\p ―¿Yá xi̱ta̱‑ni ra ko̱ꞌsín kàtsò‑li: “Tíxkó‑ni ra titsjajnanì ko̱ ti̱tjájme‑ni”?
\p
\v 13 Tanga jè xi̱ta̱ ra ijye kjonda‑ni mì kì be yá xi̱ta̱‑ni ra isinda‑ni, nga̱ jè Jesús itjokàjiín‑la̱ ya̱ ñánda̱ tjíhijyo jñà xi̱ta̱ kìi̱.
\v 14 A̱skan‑nioo̱, ya̱á iskajin india‑ni Jesús, ya̱ a̱ya i̱ngo̱ ítjòn, kitsò‑la̱:
\p ―Ijyeé kamanda‑ni, tanga kì ti̱ tsja fatsji-jé‑ni, mé‑ni nga mì isa̱ ꞌñó ꞌcho tjín kjoa̱ ra ko̱maꞌtin‑ni.
\p
\v 15 Jè xi̱ta̱ ra̱kìi̱, kiì ꞌkéna̱jmí‑la̱ jñà xi̱ta̱ judío nga jè Jesús ra isinda‑ni.
\v 16 Ta nga̱tjì‑la̱ kjoa̱ ra ꞌsín ꞌkia̱ nga ni̱chjin níkjáya, kií kjoa̱‑ni nga jñà xi̱ta̱ judío isìjtike Jesús nga tsikimatji̱ngi‑la̱ nga mejèn‑la̱ si̱ìꞌken.
\v 17 Tanga Jesús kitsó‑la̱:
\p ―Jè Na̱ꞌìn‑na̱ ꞌkoa̱á ꞌsín tjín xá ra tíꞌsín kiꞌta, ꞌkoa̱á ma‑ni nga ko̱ꞌsín tíꞌsiaa̱n.
\p
\v 18 ꞌKoa̱á ꞌsín kjomà‑ni nga jñà xi̱ta̱ judío isa̱á ꞌñó mejèn‑la̱ nga si̱ìꞌken Jesús, mì tsa tà ki‑ni nga mì bexkón jè ni̱chjin níkjáya, kií‑ní nga̱ ti̱ꞌkoa̱á tsò‑te nga jè sabá‑ró Na̱ꞌìn‑la̱ jè Nainá, ko̱ Nainá ꞌsín‑te ijo‑la̱.
\s Kjo̱téxoma ra itjábé‑la̱ jè Iꞌndí‑la̱ Nainá
\p
\v 19 Jesús ꞌkia̱á kiìchja̱ nga kitsò‑la̱:
\p ―Ngi ꞌén kixi̱í ra xin‑no, jè ti, ni̱ ta mé ra ma ꞌsín ra ta kinda̱ ꞌtse̱, tà jé‑ní ra tsijen‑la̱ koni ꞌsín ꞌsín na̱ꞌìn‑la̱; ngaꞌtsì ra ꞌsín jè ra na̱ꞌìn ꞌmiòo̱, ꞌkoa̱á ti̱ꞌsín ꞌsín kjòn jè ti.
\v 20 ꞌKoa̱á ti̱ꞌsín jè Na̱ꞌìn‑na̱, ꞌñó tsjake‑na ra Iꞌndí‑la̱ ma, ko̱ bakón ijye‑na ngaꞌtsì kjoa̱ ra ꞌsín ra jè; ko̱ isa̱á tse kjo̱xkón ko̱kòn ñánda̱ nga tà ꞌkoa̱á ko̱ma‑no ra jiòn ꞌkia̱ nga jcha̱a.
\v 21 Koni ꞌsín ꞌsín jè Na̱ꞌìn‑na̱ nga síkjaáya‑ila̱ jñà ra ꞌken, nga síkítsa̱jnakon‑ni inìma̱‑la̱, ꞌkoa̱á ti̱ꞌsín ꞌsin‑te ra Iꞌndí‑la̱ ꞌmì‑na nga ꞌa̱án tsja‑te‑la̱ kjo̱binachon jè ra ꞌa̱n mejèn‑na nga tsja‑la̱.
\v 22 Jè Na̱ꞌìn‑na̱ mì kì ti̱ yá ra bíndajín‑la̱; ꞌa̱n ra Iꞌndí‑la̱ ma, ꞌa̱án isìnga̱tsja ijye‑na kjo̱hixi̱‑la̱ mé‑ni nga ꞌa̱n kindájín‑na,
\v 23 ko̱ mé‑ni ꞌkoa̱ ti̱ꞌsín kataꞌyaxkón‑na ꞌa̱n ra Iꞌndí‑la̱ ma koni ꞌsín nga ꞌyaxkón jè Na̱ꞌìn‑na̱. Jè ra mì kì bexkón‑na nga Iꞌndí‑la̱ Nainá ma, ti̱ꞌkoa̱á mì kì bexkón jè Na̱ꞌìn‑na̱ ra isìkasén‑na.
\p
\v 24 ’Ngi kixi̱í kjoa̱ ra ko̱xin‑no: Jè ra ꞌnchré‑na koni ꞌsín nga xiaa̱n, ko̱ makjiín‑la̱ a̱ꞌta ꞌtse̱ ra isìkasén‑na, tjín‑la̱ kjo̱binachon ra mì feheꞌta; ko̱ mì tsa ti̱ kjo̱hiꞌin ska̱nè‑la̱, nga̱ mì ti̱ ya̱ tíjna‑ni ñánda̱ tjín ra kjo̱biya, ijyeé ya̱ tíjna ñánda̱ tjín ra kjo̱binachon.
\v 25 Ngi kjo̱hixi̱í ra xin‑no: Nchrabá ni̱chjin, ko̱ ꞌndi̱í‑ni, ꞌkia̱ nga jñà miꞌken kji̱ꞌnchré ꞌén‑na̱ ra Iꞌndí‑la̱ Nainá ꞌmì‑na; ko̱ jñà ra kji̱ꞌnchré, kítsa̱jnakon‑ní.
\v 26 Jè Na̱ꞌìn‑na̱, ti̱jé‑ni ra kjo̱binachon; ko̱ ꞌa̱n ra Iꞌndí‑la̱ ma, ꞌkoa̱á ti̱ꞌsín kitsjà‑te‑na nga ti̱ꞌa̱án‑te‑na ra kjo̱binachon;
\v 27 ko̱ ꞌa̱án kitsjà‑naa̱ kjo̱téxoma‑la̱ nga ꞌa̱n kindájín‑la̱ xi̱ta̱, nga̱ ꞌa̱n‑ná ra Iꞌndí‑la̱ Xi̱ta̱ xin‑la̱ ijo‑na̱.
\v 28 Kì tà chjàn maxkón‑no kjoa̱ kìi̱, nga̱ ki̱jchò ni̱chjin nga kji̱ꞌnchré ꞌén‑na̱ ngaꞌtsì miꞌken ra kjihijyoyá ya̱ ꞌnchó miꞌken.
\v 29 Ko̱ jñà ra nda kiꞌsìn ki̱tjo iꞌnde‑ní nga ꞌki̱‑la̱ kjo̱binachon; tanga jñà ra ꞌcho kiꞌsiòo̱n ki̱tjo iꞌndeé‑te‑ni nga tjábé‑la̱ kjo̱hiꞌin.
\s Kóꞌsín kitsjá ꞌén Jesús ra ti̱ a̱ꞌta ꞌtse̱‑nì
\p
\v 30 ’Mì kì mé ra ma ꞌsiaa̱n ra ta kinda̱ tsa̱ꞌa̱n. ꞌKoa̱á ꞌsín bindájiáa̱n koni ꞌsín tsò‑na jè Na̱ꞌìn‑na̱. Jè kjoa̱ ra ꞌa̱n bindájiáa̱n, kixi̱í tjín, nga̱ mì tsa ko̱ꞌsín ꞌsiaa̱n koni ꞌsín mejèn‑na; jé tísíhitjasòn koni ꞌsín mejèn‑la̱ jè Na̱ꞌìn‑na̱ ra isìkasén‑na.
\v 31 Tsa ti̱ꞌa̱án tsja‑na ꞌén ra a̱ꞌta tsa̱ꞌa̱n nga nda sìkíjnaa̱ ijo‑na̱, jè ꞌén ra chjàa̱, mì kì ko̱kjiín‑no tsa ꞌén kixi̱.
\v 32 Tanga tíjna ìjngo‑isa ra tsjá ꞌén ra a̱ꞌta tsa̱ꞌa̱n, ko̱ beé‑ná nga jè ꞌén ra tsjá, ngi ꞌén kixi̱‑ní.
\v 33 Jión inikasén xi̱ta̱ ra ikjonangi‑la̱ Juan, ko̱ jè Juan kitsjá ꞌén‑la̱ ra a̱ꞌta ꞌtse̱ kjoa̱kixi̱.
\v 34 Tanga mì tsa kjo̱ꞌñó tjínè‑la̱ nga kjꞌií xi̱ta̱ tsjá ꞌén ra a̱ꞌta tsa̱ꞌa̱n. Ta kií ko̱xin‑najiòn ꞌén kìi̱ mé‑ni nga kítjo̱kajion kjo̱hiꞌin ra a̱ꞌta ꞌtse̱ jé‑no.
\v 35 Jè ꞌén ra kiìchja̱ Juan, ꞌkoa̱á ꞌsín ngoya‑la̱ koni tsa jngo niꞌí ra títì ko̱ ra tísíhisen; jiòn, ta chibaá ni̱chjin initsjako̱o jè ꞌén ra kiìchja̱ nga isìhisen‑no.
\v 36 Jè xá ra ꞌsiaa̱n isa̱á ꞌñó chjí‑la̱ koni jñà ꞌén ra kitsjà Juan. Nga̱ jè xá ra isìnga̱tsja‑na jè Na̱ꞌìn‑na̱ nga sìhitjásòo̱n, ti̱jé xá ra̱kìi̱ tsjá‑ni kjo̱hixi̱ ra a̱ꞌta tsa̱ꞌa̱n nga kixi̱í kjoa̱ nga jè Nainá isìkasén‑na.
\v 37 Ti̱ꞌkoa̱á jé Na̱ꞌìn‑na̱ ra isìkasén‑na, tsjá‑te ꞌén ra a̱ꞌta tsa̱ꞌa̱n, ni̱ꞌsín jiòn, kjè kì naꞌyá‑la̱ jè jta̱‑la̱, ti̱ꞌkoa̱ kjè kì ꞌyaxkon jiòn kóꞌki;
\v 38 ko̱ ni̱ mì tsa ya̱ tíjnajin ꞌén‑la̱ ya̱ inìma̱‑no, nga̱ mì kì makjiín‑no a̱ꞌta ꞌtse̱ ra isìkasén.
\v 39 Jiòn, ndaá chitáꞌyá jè Xa̱jo̱n ra tjíꞌta ꞌén‑la̱ Nainá, nga̱ ꞌkoa̱á ꞌsín níkítsjen jiòn nga ya̱á sa̱kò‑no kjo̱binachon ra mì kì feheꞌta. Jè xa̱jo̱n ra̱kìi̱, ya̱á tsjá ꞌén ra a̱ꞌta tsa̱ꞌa̱n,
\v 40 ko̱ mì kì nchrabátji̱ngi‑ná jiòn nga ko̱ma ꞌse̱‑no kjo̱binachon ra̱kìi̱.
\p
\v 41 ’Mì tsa jè ra mejèn‑na nga jñà xi̱ta̱ ꞌnga si̱ìkíjna‑na;
\v 42 nga̱ bexkoón‑no nga mì tsa ngi kixi̱ kjoa̱ nga tsjacha Nainá.
\v 43 A̱ꞌta ꞌtse̱é Na̱ꞌìn‑na̱ inchrabà‑na, ko̱ mì kì ma‑najiòn nga chjíbétjò‑ná; tanga tsa yá ra ta jè ki̱ìꞌtin‑la̱ ijo‑la̱ nga kjꞌi̱í, ta isa̱á jè chjíbétjò jiòn.
\v 44 ¿Kóꞌsín ko̱ma‑ni nga ko̱kjiín‑najiòn? Nga̱ tà jé fatsjio nga nda kítjo̱ngio ya̱ ngixko̱n xi̱ta̱, ko̱ mì tsa jè fatsjio nga nda ki̱tsa̱jna ya̱ ngixko̱n Nainá ra ta jè ta̱ jngo ma‑nioo̱.
\v 45 Kì tà chjàn ko̱ꞌsín níkítsjen nga ꞌa̱án kongí‑no ya̱ ngixko̱n Nainá; ti̱jé‑ni Moisés ra faꞌta ikon jiòn ra koa̱àngi‑no.
\v 46 Nga̱, tsa kixi̱í‑la kjoa̱ nga makjiín‑najiòn jè ꞌén ra tsikínda Moisés, ti̱ꞌkoa̱á ko̱kjiín‑te‑najiòn ra a̱ꞌta tsa̱ꞌa̱n; nga̱ jè Moisés ꞌkia̱ nga tsikínda xa̱jo̱n, a̱ꞌta tsa̱ꞌa̱án kiìchja̱ koni ꞌsín nga tsikínda xa̱jo̱n.
\v 47 Tanga tsa mì kì makjiín‑no koni ꞌsín tíchja̱ jè xa̱jo̱n ra tsikínda Moisés, ¿kóꞌsín ko̱kjiín‑najiòn ꞌén ra ꞌa̱n ko̱xín‑no?
\c 6
\s Kóꞌsín nga ꞌñó kjìn xi̱ta̱ isìkjèn Jesús
\r (Mateo 14:13‑21; Marcos 6:30‑44; Lucas 9:10‑17)
\p
\v 1 ꞌKia̱ nga ijye kjomà kjoa̱ kìi̱, Jesús ya̱á kijì ya̱ ra ijngoa ndáchikon ꞌtse̱ Galilea, ti̱jè‑ni ndáchikon ra ꞌmì Tiberias.\fig Five loaves and two fish- 25%|39-hk00155B.tif|col|JHN 6:1‑14|| |JHN 6:1\fig*
\v 2 ꞌKia̱ nga kijtse xi̱ta̱ kjo̱xkón ra ꞌsín Jesús nga ma‑la̱ sínda‑ni xi̱ta̱ ra kiya, ꞌñó kjìn xi̱ta̱ kijìtji̱ngi-isa‑la̱.
\v 3 ꞌKia̱á tsihijin jngo i̱ꞌnde ñánda̱ a̱sònꞌnga chon; ya̱á tsikijna ko̱ xi̱ta̱ ra kotáꞌyáꞌta‑la̱.
\v 4 Ko̱ ijyeé tímachraña ꞌsí paxko̱ jè ꞌsí‑la̱ xi̱ta̱ judío.
\v 5 ꞌKia̱ nga iskotsíjen Jesús, ko̱ nga kijtse nga ꞌñó kjìn ma‑ni xi̱ta̱ ra tji̱ngi‑la̱, kitsò‑la̱ jè Felipe:
\p ―¿Ñánda̱ ki̱ndá‑lá tsajmì ra ko̱kje̱n jñà xi̱ta̱ kìi̱?
\p
\v 6 Tanga ta ꞌkoa̱á kitsò‑la̱, ta jè ra mejèn‑la̱ nga ske̱ kó ki̱tso̱ jè Felipe. Nga̱ jè Jesús, ijyeé be‑ní mé ra ꞌsi̱in.
\v 7 Jè Felipe kitsó‑ní:
\p ―Ni̱ꞌsín‑la jñà chjí‑la̱ xi̱ta̱ ra jò sindo̱ ni̱chjin tjín‑ni ki̱ndá‑ilá ni̱ño̱ nchra̱jín jñà xi̱ta̱ kìi̱, nda mí‑la ki̱chóya‑la̱ nga i̱tsé i̱tsé ski̱ne̱ ngaꞌtsiòo̱.
\p
\v 8 ꞌKia̱á kiìchja̱ jè Andrés, ra ti̱ꞌkoa̱á ya̱ kotáꞌyáꞌta‑la̱ Jesús, ra ꞌndse̱ ma Simón Pedro, kitsò:
\p
\v 9 ―Jngo ti tíjna i̱jndíi̱ ra ꞌya ꞌòn ni̱ño̱ nchra̱jín ꞌtse̱ cebada ko̱ jò ti̱; tanga ñánda̱ ki̱chóya‑la̱ ra ko̱tjióo̱n.
\p
\v 10 Jesús kitsó‑la̱:
\p ―Ko̱ꞌtìn‑la ngaꞌtsì xi̱ta̱ nga katitsa̱jna.
\p Ko̱ taxki̱ ꞌñó tjín xka̱ ijñá ya̱ i̱ꞌnde ra̱kìi̱, ko̱ ya̱á tsikitsa̱jnajin. Nga̱ maá‑la tsa ꞌòn jmi ra ta xi̱ta̱ ꞌxi̱n.
\v 11 Jesús iskábé jñà ni̱ño̱ nchra̱jín kìi̱, ꞌkia̱ nga ijye kitsjá‑la̱ kjo̱nda Nainá, a̱kjòn kitsjá‑la̱ jñà xi̱ta̱ ra kotáꞌyáꞌta‑la̱, mé‑ni nga isìkaꞌbí‑la̱ jñà xi̱ta̱ ra tjítsa̱jna. Jñà ti̱ ra jò ma‑nioo̱, ꞌkoa̱á ti̱ꞌsín isìko̱, kitsjá‑la̱ jñà xi̱ta̱ ta kó ꞌki mejèn‑la̱.
\v 12 ꞌKia̱ nga ijye kjoski ngaꞌtsì xi̱ta̱, Jesús kitsó‑la̱ xi̱ta̱ ra kotáꞌyáꞌta‑la̱:
\p ―Tíxkó‑no ngaꞌtsì ra kajnengi‑ni, mé‑ni nga ni̱mé ra kji̱tsón‑ni.
\p
\v 13 Jñà xi̱ta̱, ꞌkia̱ nga tsikíxkó‑ni jñà ni̱ño̱ nchra̱jín ra tsijnengi‑nioo̱, ngi tejò ndi̱si̱yá kjomà‑isa.
\v 14 Jñà xi̱ta̱, ꞌkia̱ nga kijtse kjo̱xkón ra ꞌñó nda tjín ra ko̱kiꞌsìn Jesús kitsó‑la̱ xákjén:
\p ―Kixi̱ kitií‑la̱ kjoa̱, jé‑la xi̱ta̱ ra̱kìi̱ ra chja̱ ngajo‑la̱ Nainá, ra xá tjínè‑la̱ nga kjꞌi̱í i̱ i̱sàꞌnde.
\p
\v 15 Tanga Jesús kjòchi̱yaá‑la̱ nga jñà xi̱ta̱ kìi̱ mejèn‑la̱ nga kjo̱ꞌñó i̱ko̱ nga xi̱ta̱xá ítjòn si̱ìkíjna, ꞌkia̱á tsihijin india‑ni ján nindo ján, nga ya̱ tsikijna ta̱jngo.
\s Kóꞌsín nga ma tsajme Jesús ya̱ a̱sòn ndáchikon
\r (Mateo 14:22‑27; Marcos 6:45‑52)
\p
\v 16 ꞌKia̱ nga ijye tímajñò, jñà xi̱ta̱ ra kotáꞌyáꞌta‑la̱ Jesús ijchòjeén india‑ni ya̱ ñánda̱ kjijna jè ndáchikon,
\v 17 ya̱á ꞌjahaꞌsen jngo chitso ko̱ tsatojin jè ndáchikon nga kijì ya̱ na̱xi̱ndá Capernaum. Ijyeé ꞌñó kjòjñò, ko̱ jè Jesús kjè kì tsijen bijchótji̱ngi‑la̱.
\v 18 Ya̱ a̱sòn ndáchikon ꞌji jngo tjo̱xkón ra ꞌñó ꞌtsa, ko̱ jè nandá tsikíꞌtsia̱ nga tsáfangi.
\v 19 Ijyeé‑la tsa kjo ꞌòn ko̱ tsa kjo jon jmi metro fì nga tjímasòn ya̱ a̱sòn ndáchikon, ꞌkia̱ nga kijtse nga jè Jesús tsáꞌbasòn ya̱ nandá ko̱ tínchrabáꞌta‑la̱ ya̱ chitso, jñà xi̱ta̱‑la̱ ta itsakjón‑ní.
\v 20 ꞌKia̱á kiìchja̱ Jesús, kitsò‑la̱:
\p ―ꞌA̱án‑náa̱, kì tà chjàn skon jiòn.
\p
\v 21 Jñà xi̱ta̱‑la̱ ꞌñó tsja kiꞌse‑la̱, isìkjahaꞌsen ya̱ chitso; ko̱ ndi̱to̱ón ijchò ya̱ i̱ꞌnde ñánda̱ i̱nchifì.
\s Mé ra kiꞌsìn jñà xi̱ta̱ ra isìkjèn jè Jesús
\p
\v 22 Nga ma nchijòn, jñà xi̱ta̱ ra tsikitsa̱jna ya̱ ra ijngoa ndáchikon ján kijtse‑ní nga ta jè‑ni chitso ra kjijna ra iko̱ xi̱ta̱, ko̱ nga jè Jesús mì kì tsijen ꞌjahaꞌsen, ta jñá xi̱ta̱ ra kotáꞌyáꞌta‑la̱ kijcha‑la̱ nga ꞌjahaꞌsen.
\v 23 Tanga ijchó iꞌka chitso ra kjꞌi̱í ra ya̱ inchrabà‑ni na̱xi̱ndá Tiberias ra tsinchaꞌta chraña‑la̱ ya̱ i̱ꞌnde ñánda̱ nga tsakjèn ni̱ño̱ nchra̱jín xi̱ta̱ ra ꞌòn jmi ma‑nioo̱, ꞌkia̱ nga ijye kiìchja̱ꞌta‑la̱ Nainá Jesús nga kitsò‑la̱: “Nainá ra katíchjí‑li.”
\v 24 Jñà xi̱ta̱, ꞌkia̱ nga kijtse nga mì yá tjín Jesús ko̱ xi̱ta̱ ra kotáꞌyáꞌta‑la̱, ꞌkia̱á ꞌjahaꞌsen jngo chitso kijì nga kiì kátsji Jesús, ya̱ ján na̱xi̱ndá Capernaum.
\s Ni̱ño̱ nchra̱jín ra tsjá Nainá nga tsjá‑la̱ kjo̱binachon xi̱ta̱
\p
\v 25 Jñà xi̱ta̱ kìi̱, ꞌkia̱ nga ijye ijchò ya̱ ra ijngoa ndáchikon ján, ya̱á isakò‑la̱ Jesús, kitsò‑la̱:
\p ―Maestro, ¿kó chon kàꞌfìi̱ i̱jndíi̱?
\p
\v 26 Kiìchja̱ Jesús, kitsó‑la̱:
\p ―Ngi kjo̱hixi̱í ra xin‑no, mì tsa ki fatsji‑nájiòn nga kjòchi̱ya‑no jè kjo̱xkón ra kíꞌsiaa̱n; ta kií fatsji‑nájiòn nga ísikjén‑no skanda kóꞌsín tje̱n nga kjoskioò.
\v 27 Kì tà chjàn jè ꞌñó níkájno tsajmì ra ma chine ra ta ndi̱to̱n feheꞌta, jè isa̱ ꞌñó ti̱kájno jè tsajmì ra tíjna kiꞌta nga̱ jè‑ní ra tsjá‑no kjo̱binachon ra mì kì feheꞌta. ꞌA̱án tsja‑no tsajmì kìi̱ ꞌa̱n ra Iꞌndí‑la̱ Xi̱ta̱ xian‑la̱ ijo‑na̱. Nga̱ jè Na̱ꞌìn‑na̱ ra Nainá, ꞌkoa̱á ꞌsín kitsjá kjo̱hixi̱ ra a̱ꞌta tsa̱ꞌa̱n.
\p
\v 28 Xi̱ta̱ kìi̱ ꞌkia̱á iskonangi kitsò:
\p ―¿Mé ra ꞌsia̱n‑ji̱n nga ma si̱xá‑la̱ji̱n Nainá koni ꞌsín nga mejèn‑la̱?
\p
\v 29 Kiìchja̱ Jesús, kitsó‑la̱:
\p ―Jè xá ra mejèn‑la̱ Nainá nga ꞌsia̱an jiòn, jè‑ní nga katamakjiín‑no a̱ꞌta ꞌtse̱ ra jè isìkasén.
\p
\v 30 Jñà xi̱ta̱ kìi̱, kitsò‑la̱ Jesús:
\p ―¿Mé kjoa̱xkón ra bakon‑náji̱n, mé‑ni ꞌkia̱ nga jcha̱‑ji̱n, ko̱ma ko̱kjiín‑naji̱n? ¿Mé ra ma‑li ꞌnì?
\v 31 Jñà xi̱ta̱ jchínga‑na̱ji̱n, jñá iskine ni̱ño̱ nchra̱jín ra ꞌmì maná ya̱ i̱ꞌnde kixì ñánda̱ ni̱mé tjín, koni ꞌsín tsò xa̱jo̱n tsje ra tjíꞌta ꞌén‑la̱ Nainá, nga tsò: “Ngajmi inchrabà‑ni ni̱ño̱ nchra̱jín ra kitsjà‑la̱ nga isìkjèn.”
\p
\v 32 Kiìchja̱ Jesús, kitsó‑la̱:
\p ―Ngi kjo̱hixi̱í ra xin‑no, mì tsa jè Moisés ra kitsjà ni̱ño̱ nchra̱jín ra ngajmi inchrabà‑ni; jè Na̱ꞌìn‑na̱ ra ma‑la̱ tsjá‑no ra ngi jè sabà ni̱ño̱ nchra̱jín ra ngajmi nchrabá‑nì.
\v 33 Nga̱ jè ni̱ño̱ nchra̱jín ra tsjá Nainá, jè‑ní ra ijye itjojen‑ni ngajmi nga tsjá‑la̱ kjo̱binachon xi̱ta̱ ra tjín i̱sàꞌnde.
\p
\v 34 Xi̱ta̱ kìi̱ kitsó‑ni:
\p ―Na̱ꞌìn, ꞌti̱ kiꞌta‑náji̱n jè ni̱ño̱ nchra̱jín ra ko̱ꞌmì‑la̱ ji̱.
\p
\v 35 Jesús kitsó‑la̱:
\p ―ꞌA̱n‑ná jè ni̱ño̱ nchra̱jín ra ma si̱ìkíjnakon‑no; jè ra ꞌa̱n kji̱nchrabàꞌtà‑na, skií ꞌse̱ kiꞌta ya̱ inìma̱‑la̱, ko̱ jè ra ko̱kjiín‑la̱ ra a̱ꞌta tsa̱ꞌa̱n, ni̱ì‑ti̱‑kjiá ko̱xándá‑ila̱ ta kjiá‑nioo̱.
\v 36 Ijyeé ko̱kíxian‑no, ni̱ꞌsín ijye kijcha‑nájiòn takó mì kì makjiín‑no ra a̱ꞌta tsa̱ꞌa̱n.
\v 37 Ngaꞌtsì xi̱ta̱ ra Na̱ꞌìn‑na̱ tsjá‑na, ya̱á nchrabáꞌta‑na; ko̱ jñà ra ꞌa̱n nchrabáꞌta‑na mì tsa bachrjengi jiàa̱n.
\v 38 Nga̱ mì tsa ki xá inchrabàjen‑na ján ngajmi nga ꞌa̱n ko̱ꞌsín ꞌsiaa̱n koni ꞌsín mejèn‑na; kií xá ꞌjíi̱‑na nga ko̱ꞌsín sìhitjásòo̱n koni ꞌsín mejèn‑la̱ jè Na̱ꞌìn‑na̱ ra isìkasén‑na.
\v 39 Jè ra mejèn‑la̱ jè Na̱ꞌìn‑na̱ ra isìkasén‑na, jè‑ní nga ngaꞌtsì xi̱ta̱ ra jè isìnga̱tsja‑na, ni̱jngo katachija, ta isa̱á ꞌa̱n sikjaáya‑ila̱ ꞌkia̱ nga kje̱heꞌtà ni̱chjin.
\v 40 Nga̱ jè ra mejèn‑la̱ jè ra isìkasén‑na, nga ngaꞌtsì xi̱ta̱ ra ske̱xkon‑na ꞌa̱n ra Iꞌndí‑la̱ Nainá ꞌmì‑na ko̱ ra ko̱kjiín‑la̱ a̱ꞌta tsa̱ꞌa̱n, kataꞌseé‑la̱ kjo̱binachon ra mì feheꞌta ni̱ ta kjiá‑nioo̱; ko̱ ꞌa̱án sikjaáya‑ila̱ ꞌkia̱ nga ijye kje̱heꞌtà ni̱chjin.
\p
\v 41 Jñà xi̱ta̱ judío tsikíꞌtsia̱ nga kiìchja̱jno‑la̱ Jesús, ta ki‑ró nga kitsò: “ꞌA̱án‑ná ni̱ño̱ nchra̱jín ra ngajmi inchrabà‑ni.”
\v 42 Ko̱ kitsó‑la̱ xákjén:
\p ―¿A mí tsa jè xi̱ta̱ ra̱kìi̱ ra ꞌmì Jesús, jè ra ti‑la̱ José? Jién, ndaá ꞌyaxkeén jè na̱ꞌìn‑la̱ ko̱ na̱‑la̱. ¿Kóꞌsín ma‑ni nga tsò nga ngajmi inchrabà‑ni?
\p
\v 43 Jesús ꞌkia̱á kitsò‑la̱:
\p ―Kì ko̱ꞌsín nakjoájno‑ná.
\v 44 Ni̱yá xi̱ta̱ ra ma kji̱nchrabàꞌtà‑na, tsa mì jè Na̱ꞌìn‑na̱ ra isìkasén‑na si̱ìkasénꞌta‑na, mé‑ni nga ꞌa̱n sikjaáya‑ila̱ ꞌkia̱ nga kje̱heꞌtà ni̱chjin.
\v 45 ꞌKoa̱á ꞌsín tsò xa̱jo̱n ra tsikínda xi̱ta̱ ra kiìchja̱ ngajo‑la̱ Nainá nga tsò: “Nainá sabá ko̱kòn‑ya‑la̱ ngaꞌtsì xi̱ta̱.” ꞌKoa̱á ꞌsín ma‑ni nga ngaꞌtsì ra ꞌnchré‑la̱ Na̱ꞌìn‑na̱ ko̱ machi̱ya‑la̱ ra a̱ꞌta ꞌtse̱, ꞌa̱án nchrabáꞌta‑na.
\p
\v 46 ’Mì tsa ki‑ni nga tjín iꞌka xi̱ta̱ ra ijye kijtse Nainá ra Na̱ꞌìn‑na̱ ma; ta̱ jngoó jè ra a̱ꞌta ꞌtse̱ Nainá inchrabà‑ni ra ijye kijtse.
\v 47 Ngi kjo̱hixi̱í ra xin‑no: jè ra ko̱kjiín‑la̱ ra a̱ꞌta tsa̱ꞌa̱n, ꞌse̱é‑la̱ kjo̱binachon ra mì kì feheꞌta ni̱ ta kjiá‑nioo̱.
\v 48 ꞌA̱án‑ná ni̱ño̱ nchra̱jín ra síkíjnakon‑no.
\v 49 Jñà xi̱ta̱ jchínga‑najiòn, ni̱ꞌsín jñà tsakjèn ni̱ño̱ nchra̱jín ra maná ꞌmì ya̱ i̱ꞌnde kixì ñánda̱ nga ni̱mé tjín, takó ꞌken‑ní.
\v 50 Jè ni̱ño̱ nchra̱jín ra ko̱xin‑no, jè‑ní ra ngajmi inchrabà‑ni, mé‑ni jè ra ski̱ne̱ mì kì ki̱yá.
\v 51 ꞌA̱án‑ná jè ni̱ño̱ nchra̱jín ra tíjnakon ra ya̱ itjojen‑ni ján ngajmi; tsa yá ra ski̱ne̱ ni̱ño̱ nchra̱jín ra̱kìi̱, kíjnakon kiꞌta‑ní ni̱ ta kjiá‑nioo̱. Jè ni̱ño̱ nchra̱jín ra ꞌa̱n tsja, jè ijo‑na̱ ra ko̱xin‑la̱. Tsja‑ná ijo‑na̱ nga ki̱yátjì‑la̱ ꞌa̱n jñà xi̱ta̱ i̱sàꞌnde mé‑ni nga kítsa̱jnakon‑ni.
\p
\v 52 Jñà xi̱ta̱ judío tsikíꞌtsia̱ nga tsakátiya‑ni, kitsò‑la̱ xákjén:
\p ―¿Kóꞌsín si̱ìko̱‑la̱ ra̱kìi̱ nga ma tsjá‑ná ijo‑la̱ nga ma chji̱ne̱é?
\p
\v 53 Jesús kitsó‑la̱:
\p ―Ngi ꞌén kixi̱í ra xin‑no, tsa mì kì chji̱ne̱e ijo‑na̱ ko̱ mì kì ꞌsio̱ò jní‑na̱ ꞌa̱n ra Iꞌndí‑la̱ Xi̱ta̱ xin‑la̱ ijo‑na̱, mì kì ꞌse̱‑no kjo̱binachon.
\v 54 Jè ra kjine ijo‑na̱ ko̱ ra ꞌbi jní‑na̱ tjín‑la̱ kjo̱binachon ra mì kì feheꞌta; ko̱ ꞌa̱án sikjaáya‑ila̱ ꞌkia̱ nga ijye kje̱heꞌtà ni̱chjin.
\v 55 Nga̱ jè ijo‑na̱ ngi jè‑ní tsajmì ra ma chine ra ngi nda síski‑ná, ko̱ jè jní‑na̱ ngi jè sabá‑ní nandá ra ma ꞌyò.
\v 56 Jè ra ski̱ne̱ ijo‑na̱ ko̱ skꞌí jní‑na̱, ya̱á kíjnako̱ kiꞌta‑na, ko̱ ꞌa̱n, ya̱á tíjna̱ko̱ kiꞌta‑te.
\v 57 Jè Na̱ꞌìn‑na̱, ra isìkasén‑na tíjnakon‑ní, ko̱ a̱ꞌta ꞌtse̱‑ní nga tíjna̱kon; ꞌkoa̱á ꞌsín tjín‑te jè ra ski̱ne̱‑na, a̱ꞌta tsa̱ꞌa̱án kíjnakon‑ni.
\v 58 Jè ni̱ño̱ nchra̱jín ra ko̱xin‑la̱ jè ra inchrabàjen‑ni ngajmi. Jè ni̱ño̱ nchra̱jín ra̱kìi̱, mì tsa ꞌkoa̱á‑ni koni jè maná ra iskine xi̱ta̱ jchínga‑najiòn, ko̱ takó ꞌken‑ní; nga̱ jè ra ski̱ne̱ ni̱ño̱ nchra̱jín ra ko̱xin‑la̱, ꞌse̱é‑la̱ kjo̱binachon ni̱ ta kjiá‑nioo̱.
\p
\v 59 Jñá kjoa̱ kìi̱ ra tsakón‑ya ya̱ Capernaum ya̱ niꞌya sinagoga ñánda̱ nga maxkóya xi̱ta̱ Judío.
\s Kóꞌsín chja̱‑ni ꞌén ra títsjá Jesús
\p
\v 60 ꞌKia̱ nga kiíꞌnchré jñà ꞌén kìi̱ koni ꞌsín nga tsakón‑ya Jesús, ꞌñó kjìn xi̱ta̱ ra kotáꞌyáꞌta‑la̱ kitsò:
\p ―Jñà ꞌén kìi̱ ra ko̱tsò‑la̱, ꞌñó iꞌin tjín, ¿yá ra ma ko̱kjiín‑la̱?
\p
\v 61 Jesús, ꞌkia̱ nga kjòchi̱ya‑la̱ nga ꞌcho i̱nchichja̱jno‑la̱ ꞌén ra tsakón‑ya, iskonangií‑la̱, kitsò‑la̱:
\p ―¿Jñà ꞌén kìi̱ a ꞌchoó sasén‑no?
\v 62 ¿Kóꞌsín ki̱ya‑najiòn, tsa jcha̱‑ná jiòn ꞌa̱n ra Iꞌndí‑la̱ Xi̱ta̱ xian‑la̱ ijo‑na̱ nga kjímijìn india‑na ñánda̱ nga tíjna̱ nga ti̱ꞌsa̱ ítjòn?
\v 63 Jé Inìma̱ Tsje‑la̱ Nainá ra síkíjnakon‑ná; jè ra ta ijo‑ná, ni̱mé chjí‑la̱. Jè ꞌén ra bakon‑yá‑najiòn, [mì tsa kjoa̱ ꞌtse̱ i̱sàꞌnde‑jìn], kjoa̱ ꞌtse̱ Inìma̱ Tsje‑la̱ Nainá‑ní jè ra ma si̱ìkíjnakon‑ni inìma̱‑no.
\v 64 Tanga tjítsa̱jnajiín-isa‑najiòn ra kjè kì makjiín‑la̱.
\p Nga̱ jè Jesús, ta̱ꞌkoa̱ ijyeé tjíjiín‑la̱ nga ti̱ꞌsa̱‑ni yá‑ni ra mì kì ko̱kjiín‑la̱ ra a̱ꞌta ꞌtse̱, ko̱ yá‑ni ra si̱ìnga̱tsja jñà xi̱ta̱ kondra̱‑la̱.
\v 65 Ko̱ kitsò‑isa:
\p ―Kií ko̱ꞌsín tíxin‑no, ni̱yá ra ma kji̱nchrabàꞌtà‑na tsa mì jè sabà Na̱ꞌìn‑na̱ tsjáꞌnde‑la̱.
\s Kó kitsò jè Pedro a̱ꞌta ꞌtse̱ ꞌén ra kitsjà Jesús
\p
\v 66 Skanda ꞌkia̱‑ni nga ko̱kitsò Jesús, kjín jchán xi̱ta̱ ra kotáꞌyáꞌta‑la̱ mì kì ti̱ ya̱ tsikimako̱‑ni, kiì‑ni íꞌtsi̱n.
\v 67 Jesús ꞌkia̱á iskonangi‑la̱ xi̱ta̱ chi̱ꞌnda‑la̱ ra tejò ma‑nioo̱, kitsò‑la̱:
\p ―¿Jiòn a ti̱ꞌkoa̱á mejèn‑te‑no kongí‑no íꞌndsion?
\p
\v 68 Kitsó jè Simón Pedro:
\p ―Na̱ꞌìn, ¿yá ra ma kongítji̱ngi-isa‑la̱ji̱n? Ji̱í‑ní ra tjín‑li ꞌén ra tsjá‑ná kjo̱binachon.
\v 69 Ji̱n ijyeé ko̱ꞌsín makjiín‑naji̱n, ko̱ ꞌya‑náji̱n nga ji̱í‑ní ra Cristo jè Iꞌndí Tsje‑la̱ Nainá ra tíjnakon.
\p
\v 70 Jesús kitsó‑la̱:
\p ―Tejò ma‑najiòn ra ítsjahíjin‑no, tanga jngo tíjnajin‑najiòn ra xi̱ta̱‑ni̱í tíbíxá‑la̱.
\p
\v 71 Jesús, jè ꞌén ra ko̱kitsò‑la̱, jè kiìchja̱ a̱ꞌta ꞌtse̱ Judas, iꞌndí‑la̱ Simón Iscariote, nga̱ ni̱ꞌsín ya̱ tíjnajin‑la̱ ra tejò ma‑nioo̱, jè Judas si̱ìnga̱tsja Jesús jñà xi̱ta̱ kondra̱‑la̱.
\c 7
\s Kóꞌsín kitsò jñà ꞌndse̱ Jesús
\p
\v 1 ꞌKia̱ nga ijye kjomà kjoa̱ kìi̱, Jesús ya̱á tsajme nangi ꞌtse̱ Galilea. Majìn‑la̱ nga ya̱ ko̱jme ya̱ nangi Judea, nga̱ jñà xi̱ta̱ judío i̱nchibátsji‑ni nga mejèn‑la̱ si̱ìꞌken.
\v 2 Ijyeé tímachraña ꞌsí‑la̱ Niꞌya Xka̱, jngo ꞌsí ra jñà xi̱ta̱ judío bachrje.
\v 3 Jñà ꞌndse̱ kitsó‑la̱:
\p ―Kì tà chjàn ta i̱ bijni i̱jndíi̱; ꞌtin‑ti ya̱ ján Judea mé‑ni katabe‑te‑ni jñà kjoa̱ ra ꞌnì xi̱ta̱ ra kotáꞌyáꞌta‑li ra ya̱ tjítsa̱jna ján.
\v 4 ꞌKia̱ nga mejèn‑ná ske̱xkon‑ná xi̱ta̱, mì tsa kjo̱ꞌma ꞌsie̱én jngo kjoa̱ ra ma‑ná. Tsa ꞌkoa̱á tjín kjoa̱ ra ma‑li ꞌnì, ko̱ꞌti̱in ya̱ ngixko̱n xi̱ta̱ i̱sàꞌnde.
\p
\v 5 Nga̱ skanda jñà ꞌndse̱ Jesús mì kì kjokjiín‑la̱ ra a̱ꞌta ꞌtse̱.
\v 6 Kiìchja̱á Jesús, kitsò‑la̱:
\p ―ꞌA̱n kjè kì bijchó ni̱chjin‑na̱, tanga ra a̱ꞌta tsa̱jiòn‑jiòn nda‑ní ta mé ni̱chjin‑nioo̱ nga kongió.
\v 7 Jiòn mì kì ma si̱ìjtike‑no jñà xi̱ta̱ i̱sàꞌnde; tanga ꞌa̱n jtikeé‑na, ta nga̱tjì‑la̱ ꞌkoa̱á ꞌsín xin kixi̱‑la̱ nga ꞌchoó tjín kjoa̱ ra ꞌsín ra jñà.
\v 8 Tangió ra jiòn ꞌsí; ꞌa̱n mì kì kjín jiàa̱n, nga̱ kjè kì bijchó ni̱chjin‑na̱.
\p
\v 9 ꞌKia̱ nga ijye ko̱kitsò‑la̱ ꞌén kìi̱, jè, ya̱á tsikijna ya̱ i̱ꞌnde Galilea.
\s Kóꞌsín tsakátikjo jè Jesús ko̱ jñà xi̱ta̱ ya̱ ñánda̱ itjo ꞌsí
\p
\v 10 Tanga ꞌkia̱ nga ijye kijì jñà ꞌndse̱, Jesús takó ti̱ꞌkoa̱á kijì‑te‑ni ꞌsí, tanga mì tsa ikòn ijo‑la̱; koni ta kijìꞌma‑ní.
\v 11 Jñà xi̱ta̱ judío i̱nchibátsjií ya̱ a̱jin ꞌsí, tsò‑la̱ xákjién:
\p ―¿Ñánda̱ tíjna xi̱ta̱ ra̱kìi̱?
\p
\v 12 Ngaꞌtsì xi̱ta̱ ra ijchò ꞌsí, jndíi̱ ra ján jo̱óya‑ni a̱ꞌta ꞌtse̱ Jesús. Tjín ra tsò: “Xi̱ta̱ nda‑ní”, ti̱ꞌkoa̱á tjín ra tsò: “Majìn, xi̱ta̱ na̱xi̱ndá konda̱cha̱‑la̱.”
\p
\v 13 Tanga ni̱yá ra kiìchja̱ tsijen a̱ꞌta ꞌtse̱. Jñà xi̱ta̱, jñà itsakjòn‑la̱ xi̱ta̱xá ítjòn‑la̱ xi̱ta̱ judío.
\p
\v 14 ꞌKia̱ nga ijye ijchò masen‑la̱ ꞌsí, ꞌjahaꞌseén Jesús ya̱ i̱ngo̱ ítjòn nga tsakón‑ya‑la̱ xi̱ta̱.
\v 15 Ko̱ ta kjóxkón‑la̱ jñà xi̱ta̱ judío koni ꞌsín nga ikòn‑ya‑la̱ xi̱ta̱, kitsò‑la̱ xákjién:
\p ―¿Kóꞌsín ma‑ni nga ta̱ nda bakón‑ya xi̱ta̱ ra̱kìi̱ nga̱ mì tsa tsijen iskotáꞌyá‑jìn?
\p
\v 16 Jesús kitsó‑la̱:
\p ―Jñà ꞌén ra ꞌa̱n bakon‑yáa̱, mì tsa tsa̱ꞌa̱n jiàa̱n; ꞌtse̱é‑ní jè ra isìkasén‑na.
\v 17 Tsa yá ra mejèn‑la̱ nga si̱hitjasòn koni ꞌsín nga mejèn‑la̱ Nainá, ya̱á ske̱‑ni a a̱ꞌta ꞌtse̱é Nainá nchrabá‑ni jè ꞌén ra ꞌa̱n bakon‑yáa̱, o̱ ra ta ꞌa̱án biꞌtín‑la̱ ijo‑na̱ koni ꞌsín xiaa̱n.
\v 18 Jngo xi̱ta̱ ra ta jè bíꞌtin‑la̱ ijo‑la̱ nga chja̱, jè ra mejèn‑la̱ nga jè ꞌnga si̱ìkíjna ijo‑la̱; tanga jè xi̱ta̱ ra jè ꞌnga síkíjna jè ra isìkasén, jè xi̱ta̱ ra̱kìi̱, ngi ꞌén kixi̱í ra tsjá, ko̱ mì tsa ꞌén ndiso ra chja̱.
\p
\v 19 ’¿A mí tsa kixi̱ kjoa̱ nga itjábé‑no jè kjo̱téxoma‑la̱ Nainá ra jè Moisés tsikínda? Tanga jiòn, ni̱jngo ra ma‑la̱ síhitjasòn. ¿Mé‑ni nga mejèn nìꞌken‑nájiòn?
\p
\v 20 Jñà xi̱ta̱ kitsó‑ní:
\p ―Ni̱í‑la tíjnajin ya̱ inìma̱‑li. ¿Yá ra ko̱tsò‑li nga mejèn si̱ꞌken‑laji̱n?
\p
\v 21 Jesús kiìchja̱ kitsó‑la̱:
\p ―Jiòn, ꞌñó maxkón‑no nga ta jngo‑ni kjoa̱ ra kíꞌsiaa̱n ꞌkia̱ nga ni̱chjin níkjáya.
\v 22 Kixi̱í kjoa̱, Moisés tsikíꞌtiín‑no nga si̱itjasòn kjoa̱ ꞌtse̱ circuncisión nga si̱ꞌta chi̱ba̱ ijo‑la̱ xi̱ta̱ ꞌxi̱n (ni̱ꞌsín mì tsa a̱ꞌta ꞌtse̱ kjòn‑ni Moisés; nga̱ ya̱á inchrabà‑nì a̱ꞌta ꞌtse̱ xi̱ta̱ jchínga ra tsikihijyo ítjòn kjotseé). Ko̱ biꞌta chi̱ba̱‑najiòn ijo‑la̱ xi̱ta̱ ꞌxi̱n ni̱ꞌsín ni̱chjin níkjáya.
\v 23 Tsa ko̱ꞌsín ꞌnià jiòn nga mejèn‑no mì kì jchi̱ja kjo̱téxoma ra tsikíjna Moisés, ¿mé‑ni nga majti‑najiòn nga jngo xi̱ta̱ nda kjón ísindá‑na ꞌkia̱ nga ni̱chjin níkjáya?
\v 24 Kì tà ko̱ꞌsín chosòn‑la koni ꞌsín jiòn tsijen‑no. ꞌKoa̱á ꞌsín jchósòn‑la koni ꞌsín nga kixi̱ tjín kjòn ra kjo̱hixi̱.
\s Yá kjòn‑ni ra isìkasén jè Cristo
\p
\v 25 Tjín iꞌka xi̱ta̱ ra Jerusalén ꞌtse̱ ra kitsò:
\p ―¿A mí tsa jè xi̱ta̱ ra̱kìi̱ ra i̱nchibátsji jñà xi̱ta̱ judío nga mejèn‑la̱ nga si̱ìꞌken?
\v 26 Chítsijen‑la‑ni̱ kóꞌsín tíchja̱jin masen‑la̱ xi̱ta̱, ko̱ ni̱ ta yá ra kótsò‑la̱. ¿A ꞌkoa̱á ꞌsín i̱nchimakjiín‑la̱ xi̱ta̱xá tsa ꞌkoa̱, nga jè xi̱ta̱ ra̱kìi̱, jé‑ní ra Cristo [ra xá Nainá isìkasén‑ni]?
\v 27 Tanga jién ꞌya‑ná ñánda̱ nchrabá‑ni ra̱kìi̱. Tanga ꞌkia̱ nga kjꞌi̱í jè ra Cristo, mì kì jcha̱‑la̱ ñánda̱ kjꞌi̱í‑ni.
\p
\v 28 Jesús, ꞌkia̱ nga tíbakón‑ya ya̱ ndi̱tsin i̱ngo̱ ítjòn, kiíꞌnchré‑ní koni ꞌsín kitsò jñà xi̱ta̱; ꞌkia̱á ꞌñó kiìchja̱ kitsò:
\p ―Ndaá ꞌyaxkon‑nájiòn ko̱ ndaá ꞌya jiòn ñánda̱‑ni tsa̱ꞌa̱n; tanga mì tsa tà a̱ꞌta tsa̱ꞌa̱n ꞌjíi̱‑na; ngi jè sabá Nainá ra isìkasén‑na, jè ra mì ꞌyaxkon jiòn.
\v 29 ꞌA̱n, ndaá bexkon nga ya̱á inchrabà‑na a̱ꞌta ꞌtse̱; ko̱ jé isìkasén‑na.
\p
\v 30 Jñà xi̱ta̱ sí mején‑la̱ nga jtsa̱ba̱ꞌñó kjòn, tanga ni̱jngo ra kitsò ikon nga itsabáꞌñó nga̱ kjè kì bijchó ni̱chjin‑la̱ nga ki̱yá.
\v 31 ꞌÑó kjìn xi̱ta̱ kjokjiín‑la̱ koni ꞌsín kitsò Jesús, kitsò‑la̱ xákjién:
\p ―¿A isa̱á kjìn kjo̱xkón ꞌsi̱in Cristo ꞌkia̱ nga jè ra kjꞌi̱í koni ꞌsín tjín ra tíꞌsín jè xi̱ta̱ ra̱kìi̱? Jé‑la ra̱kìi̱ ra Cristo.
\s Mé ra mejèn‑la̱ isìko̱ Jesús jñà xi̱ta̱ fariseo
\p
\v 32 Jñà xi̱ta̱ fariseo ꞌkia̱ nga kiíꞌnchré koni ꞌsín i̱nchitsò xi̱ta̱ ra a̱ꞌta ꞌtse̱ Jesús; jñà xi̱ta̱ ítjòn‑la̱ na̱ꞌmì ko̱ xi̱ta̱ fariseo isìkasén xi̱ta̱ ra síkinda̱ ya̱ i̱ngo̱ mé‑ni nga katatsaba‑ni Jesús tsiki.
\v 33 Jesús kitsó‑la̱:
\p ―ꞌA̱n, ta chibaá ni̱chjin kóti̱jnako̱o‑no, a̱kjòn kjín india‑na ya̱ ñánda̱ nga tíjna ra isìkasén‑na.
\v 34 Jiòn ni̱ꞌsín kjótsji‑nájiòn tanga mì kì sa̱kò‑no, nga̱ mì kì ko̱ma kongí jiòn ya̱ ñánda̱ nga kóti̱jna ra ꞌa̱n.
\p
\v 35 Jñà xi̱ta̱ judío ꞌkia̱á tsikíꞌtsia̱ nga iskonangi‑la̱ xákjién, kitsò:
\p ―¿Ñánda̱ ki̱ji̱ xi̱ta̱ ra̱kìi̱? ¿Mé‑ni nga mì kì ko̱ma sa̱kó‑ná? ¿A ya̱á ikijnajin‑la̱ xi̱ta̱ judío jñà ra jndíi̱ ra ján xìn tjítsa̱jna ko̱ nga ko̱kòn‑ya‑la̱ ra taxki̱ kjꞌií xi̱ta̱?
\v 36 ¿Kó tsò‑ni ra ko̱tsò‑la̱, nga tsó‑ná: “Jiòn, ni̱ꞌsín takó kjótsji‑nájiòn, tanga mì kì sa̱kò‑no, nga̱ mì kì ko̱ma kongió jiòn ya̱ ñánda̱ kóti̱jna ra ꞌa̱n”?
\s Kóꞌsín ko̱ma ya̱ a̱jin inìma̱‑la̱ xi̱ta̱ ra ko̱kjiín‑la̱ ra a̱ꞌta ꞌtse̱ Jesús
\p
\v 37 Jè ni̱chjin ra feheꞌta‑ni ꞌkia̱ nga je ꞌsí, tsasijna kixi̱í Jesús ko̱ ꞌñó kiìchja̱, nga kitsò:
\p ―Tsa yá ra xándá‑la̱ katanchrabáꞌta‑na ko̱ kataꞌbi.
\v 38 Koni ꞌsín tíchja̱ xa̱jo̱n ra tjíꞌta ꞌén‑la̱ Nainá nga tsò: Jè ra ko̱kjiín‑la̱ ra a̱ꞌta tsa̱ꞌa̱n, ya̱ a̱jin inìma̱‑la̱, ꞌkoa̱á ꞌsín ko̱ma koni jngo i̱ꞌnde ñánda̱ tíbitjo nandá ra mì kì xìya ra síkítsa̱kon‑ni xi̱ta̱.
\p
\v 39 ꞌKia̱ nga ko̱ꞌsín kitsò Jesús, jé kiìchja̱ a̱ꞌta ꞌtse̱ Inìma̱ Tsje‑la̱ Nainá ra tjábé‑la̱ jñà xi̱ta̱ ra ko̱ꞌsín ko̱kjiín‑la̱ ra a̱ꞌta ꞌtse̱, ta nga̱tjì‑la̱ nga takó kjè kì bitjojen jè Inìma̱ Tsje‑la̱ Nainá ꞌkia̱ nga ko̱ꞌsín kitsò Jesús; nga̱ ki, jè Jesús, takó kjè fì‑ni ján ngajmi nga ma jeya kíjna.
\s Kóꞌsín kitsò jñà xi̱ta̱ ra a̱ꞌta ꞌtse̱ Jesús
\p
\v 40 Jñà xi̱ta̱ ꞌkia̱ nga kiíꞌnchré jñà ꞌén kìi̱, tjín iꞌka ra kitsò:
\p ―Kixi̱í kitií kjoa̱, jé xi̱ta̱ ra̱kìi̱ ra tjínè‑la̱ nga kjꞌi̱í nga ki̱chja̱ ngajo‑la̱ Nainá.
\p
\v 41 Ti̱ꞌkoa̱á jñà xi̱ta̱ ra iꞌka kitsó‑ní:
\p ―Xá jè kiti‑ni xi̱ta̱ ra̱kìi̱ ra Cristo [ra xá isìkasén‑ni Nainá].
\p Tanga tjín‑te iꞌka ra kitsò:
\p ―Majìn, jè ra Cristo, mì tsa Galilea kjꞌi̱í‑ni.
\v 42 Jè Xa̱jo̱n ra tjíꞌta ꞌÉn‑la̱ Nainá, ꞌkoa̱á ꞌsín tíchja̱ nga jè ra Cristo, tjíné‑la̱ nga ya̱ kji̱nchrabà‑ni ya̱ tje̱‑la̱ David, ko̱ ya̱á kjꞌi̱í‑ni ya̱ na̱xi̱ndá Belén ti̱ya̱‑ni ñánda̱ na̱xi̱ndá‑la̱ David kjomà.
\p
\v 43 ꞌKoa̱á ꞌsín kjomà‑ni nga kjojòya xi̱ta̱ ra tà nga̱tjì ꞌtse̱ Jesús.
\v 44 Tjín iꞌka ra mejèn‑la̱ nga jtsa̱ba̱ꞌñó nga i̱ko̱ nda̱yá, tanga ni̱jngo ra kitsò ikon nga itsabáꞌñó.
\s Kóꞌsín tsakátiya‑ni xi̱ta̱ ítjòn‑la̱ na̱ꞌmì ra a̱ꞌta ꞌtse̱ Jesús
\p
\v 45 ꞌKia̱ nga tsáfa‑ni jñà xi̱ta̱ ra síkinda̱ i̱ngo̱ ya̱ ñánda̱ nga tjítsa̱jna jñà xi̱ta̱ fariseo ko̱ xi̱ta̱ ítjòn‑la̱ na̱ꞌmì, iskonangií‑la̱ nga kitsò‑la̱:
\p ―¿Mé‑ni mì kì kanchrabáko̱‑no jè xi̱ta̱ ra̱kìi̱?
\p
\v 46 ꞌKia̱á kitsò xi̱ta̱ kìi̱:
\p ―Kjè tsa jngo xi̱ta̱ ra ko̱ꞌsín naꞌyá‑laji̱n koni ꞌsín tsò xi̱ta̱ ra̱kìi̱.
\p
\v 47 ꞌKia̱á kiìchja̱ jñà xi̱ta̱ fariseo, kitsò‑la̱:
\p ―¿A ti̱ꞌkoa̱á kàmakjiín‑te‑najiòn ꞌén ndiso ra chja̱?
\v 48 ¿A ya̱á i̱nchimakjiín‑la̱ jñà xi̱ta̱ ítjòn‑ná ko̱ xi̱ta̱ fariseo?
\v 49 Tanga jñà xi̱ta̱ kìi̱ ra mì kì be kjo̱téxoma, jè Nainá katatsjá iꞌin‑la̱.
\p
\v 50 Jè Nicodemo, jè xi̱ta̱ fariseo ra ijye a̱sa tsakáko̱ Jesús, kitsó‑la̱:
\p
\v 51 ―Jè kjo̱téxoma tsa̱jién mì kì tsjáꞌnde nga jngo xi̱ta̱ taxki̱ ꞌki̱‑lá kjo̱hiꞌin, tsa ti̱kjè nda naꞌyá‑la̱ mé ra kiꞌsìn kjòn‑ni.
\p
\v 52 Jñà xi̱ta̱, kitsò‑la̱:
\p ―¿A ti̱ꞌkoa̱á Galilea‑te i̱ꞌnde‑li? Nda chjítáꞌyí jè xa̱jo̱n ra tjíꞌta ꞌén‑la̱ Nainá; ya̱á jcha̱‑ni nga kjè sa jngo xi̱ta̱ ra síchjeén Nainá nga chja̱ ngajo‑la̱ ya̱ nchrabá‑ni ya̱ Galilea.
\s Mé ra kjomàꞌtin chjo̱ón ra kjoa̱chijngi kiꞌsìn
\p
\v 53 Ngaꞌtsì xi̱ta̱ kja̱ kijì kja̱ kijì‑ni niꞌya‑la̱ nga jngó jngóo̱.
\c 8
\p
\v 1 Tanga jè Jesús ya̱á kijì ya̱ nindo Yá Olivo.
\v 2 ꞌKia̱ nga ma nchijòn, ta̱jñó ꞌji ya̱ i̱ngo̱ ítjòn. Ngaꞌtsì jñà xi̱ta̱ ya̱á ꞌji tjíngi‑la̱. ꞌKia̱á tsikijna Jesús nga tsakón‑ya‑la̱.
\p
\v 3 Jñà xi̱ta̱ ra bakón‑ya kjo̱téxoma‑la̱ Nainá ra tsikínda Moisés ko̱ jñà xi̱ta̱ fariseo, ijchòko̱ó jngo‑la̱ chjo̱ón ra kijchaꞌtín‑la̱ ꞌkia̱ nga tíꞌsín kjoa̱chijngi. Tsasíjnajin masen ñánda̱ nga tjín xi̱ta̱.
\v 4 Ko̱ a̱kjòn kitsò‑la̱ Jesús:
\p ―Maestro, jè chjo̱ón ra̱kìi̱, nda kjón kaꞌyaꞌtín‑la̱ ꞌkia̱ nga tíꞌsín kjoa̱chijngi.
\v 5 Moisés, ꞌkoa̱á ꞌsín tsikíꞌtin‑ná a̱ꞌta ꞌtse̱ kjo̱téxoma‑la̱ nga na̱jo̱‑ró ki̱yá‑ni jñà íchjín ra ko̱ꞌsín ꞌsín. ¿Kóꞌsín sii̱ ra ji̱?
\p
\v 6 Jñà xi̱ta̱ kìi̱, kií ko̱ꞌsín kitsò‑la̱ Jesús ta mejèn‑la̱ nga sko̱óꞌta, mé‑ni nga ko̱ma sa̱kò‑ila̱ kjoa̱ ra koa̱ànè‑la̱ nga koa̱àngi ra a̱ꞌta ꞌtse̱ xi̱ta̱xá. Tanga Jesús tsikijna-niña‑ní ya̱ a̱ꞌta nangi, a̱kjòn ko̱ó na̱jmá‑tsja tsikínda‑ni letra ya̱ a̱ꞌta nangi.
\v 7 Xi̱ta̱ kìi̱, sií kiꞌsìn‑la̱ Jesús nga iskonangi‑la̱. ꞌKia̱á tsasijna kixi̱ Jesús, kitsò‑la̱:
\p ―Tsa tíjnajin jngo‑no xi̱ta̱ ra ni̱mé jé tjín‑la̱, jè kataꞌbé ítjòn‑la̱ na̱jo̱ jè chjo̱ón ra̱kìi̱.
\p
\v 8 A̱kjòn tsikijna-niña india‑ni a̱ꞌta nangi nga tsikínda‑isa letra.
\v 9 Jñà xi̱ta̱ kìi̱, ꞌkia̱ nga kiíꞌnchré ꞌén kìi̱, jngó jngó kijì‑ni nga kjòchi̱ya‑la̱ nga ꞌchoó tjítsa̱jna kjo̱bítsjen‑la̱. Jñà kjòn tsikíꞌtsia̱ ítjòn‑ni nga itjo jñà ra isa̱ jchínga. Ta jé Jesús ko̱ chjo̱ón isìhijyo‑isa.
\v 10 ꞌKia̱á tsasèn kixi̱‑ni Jesús; kijtse‑ní nga mì kì ti̱ yá tjín‑ni; tà jé chjo̱ón isijna ta̱jngo‑isa, ꞌkia̱á kitsò‑la̱:
\p ―¿Ñánda̱ tjíhijyo‑ni jñà xi̱ta̱ ra bángi‑li? ¿A ni̱jngo ra kàtsò ikon nga kátsjá‑li kjo̱hiꞌin?
\p
\v 11 Kitsó jè chjo̱ón:
\p ―Mì tsa yá‑jìn Na̱ꞌìn.
\p ꞌKia̱á kitsò‑la̱ Jesús:
\p ―Ti̱ꞌkoa̱á ꞌa̱n, nì mé jé koné‑la, ꞌtin‑ni; tanga kì ti̱ tsja fatsji-jé‑ni.
\s Mé‑ni nga ꞌñó chjí‑la̱ jè ꞌén ra tsjá Jesús
\p
\v 12 Jesús, ꞌkia̱á kiìchja̱ india‑ni nga kitsò:
\p ―ꞌA̱án‑ná niꞌí ra síhisen‑la̱ i̱sàꞌnde; jè ra ꞌa̱n fìꞌta‑na ꞌse̱é‑la̱ niꞌí ra tsjá kjo̱binachon, ko̱ mì ti̱ kjoa̱jñò ko̱jmejín‑ni.
\p
\v 13 Jñà xi̱ta̱ fariseo kitsó‑la̱:
\p ―Ti̱ji̱í tjiꞌbi‑ni ꞌén ra a̱ꞌta tsa̱ji, ko̱ jè ꞌén ra nakjíi̱, ni̱mé chjí‑la̱.
\p
\v 14 Jesús kitsó‑la̱:
\p ―Jè ꞌén ra chjàa̱, chjí‑la̱ ni̱ꞌsín ti̱ꞌa̱n tsja‑na ꞌén ra a̱ꞌta tsa̱ꞌa̱n; nga̱ be‑ná ñánda̱ nga ꞌjíi̱‑na, ko̱ be‑náa̱ ñánda̱ nga tífiàa̱; tanga mì kì ꞌya jiòn ñánda̱ ꞌjíi̱‑na ko̱ ñánda̱ nga tífiàa̱.
\v 15 Tanga jiòn, kjo̱bítsjen ꞌtse̱ xi̱ta̱á nichjeén jiòn ꞌkia̱ nga fanè jé‑ná jiòn, tanga ꞌa̱n mì tsa yá ra taxki̱ bané jé‑la̱;
\v 16 ꞌa̱n, tsa yá ra koné jé‑la̱, ꞌkoa̱á ꞌsín kindájín‑la̱ koni ꞌsín tjín jè kjo̱hixi̱; nga̱ mì tsa ta ꞌa̱n ta̱jngo bindájiáa̱n; ti̱ꞌkoa̱á bíndajín‑ko̱ó‑na jè Na̱ꞌìn‑na̱ ra isìkasén‑na.
\v 17 Jè kjo̱téxoma‑najiòn, ꞌkoa̱á ꞌsín tíchja̱, nga tsò: Tsa ꞌkia̱ jò ma‑ni xi̱ta̱ nga ngásòn tsò ꞌén ra tsjá, chjí‑la̱.
\v 18 Ti̱ꞌa̱án‑tse‑na ra tsja ꞌén ra a̱ꞌta tsa̱ꞌa̱n, ko̱ ti̱ꞌkoa̱á jè Na̱ꞌìn‑na̱ ra isìkasén‑na tsjá‑tse ꞌén ra a̱ꞌta tsa̱ꞌa̱n.
\p
\v 19 ꞌKia̱á jñà xi̱ta̱ iskonangi‑la̱:
\p ―¿Ñánda̱ tíjna jè Na̱ꞌìn‑li?
\p ꞌKia̱á kitsò Jesús:
\p ―ꞌA̱n, nda mí ꞌyaxkon‑nájiòn, ti̱ꞌkoa̱ mì kì ꞌyaxkon jè Na̱ꞌìn‑na̱. Tsa ijyeé‑la ꞌyaxkon‑nájiòn tsiki, ti̱ꞌkoa̱á jcha̱xkoón‑la‑te jè Na̱ꞌìn‑na̱.
\p
\v 20 ꞌKia̱á kiìchja̱ jñà ꞌén kìi̱ ꞌkia̱ nga tíjna ya̱ a̱ya i̱ngo̱ ítjòn ya̱ chrañaꞌta‑la̱ i̱ꞌnde ñánda̱ nga kjijna kàxa̱ to̱n limosna. Ni̱yá ra kitsò ikon nga itsabáꞌñó ta nga̱tjì‑la̱ kjè kì bijchó ni̱chjin‑la̱ nga ki̱yá.
\s Mé ra ko̱ma‑la̱ xi̱ta̱ ra mì kì makjiín‑la̱ a̱ꞌta ꞌtse̱ Jesús
\p
\v 21 Jesús india ko̱kitsò‑ila̱ xi̱ta̱:
\p ―ꞌA̱n, tífi‑ná, ko̱ kjótsji‑nájiòn, tanga ya̱á ki̱yá jiòn jé‑no. Nga̱ ya̱ ñánda̱ nga tífia ra ꞌa̱n, mì kì ko̱ma kongí jiòn.
\p
\v 22 ꞌKia̱á kitsò‑la̱ xákjién jñà xi̱ta̱ judío:
\p ―¿A tà ya̱á si̱ìꞌken ijo‑la̱ tsa ꞌkoa̱? ¿Mé‑ni tsò‑ni nga mì kì ko̱ma kongié ra jién, ya̱ ñánda̱ tífì ra jè?
\p
\v 23 Jesús kitsó‑la̱:
\p ―Jiòn ta i̱í a̱ꞌta nangi tsa̱jiòn, tanga ra ꞌa̱n ya̱á ján iꞌngaá tsa̱ꞌa̱n; jiòn i̱í i̱sàꞌnde tsa̱jiòn, tanga mì tsa i̱ i̱sàꞌnde tsa̱ꞌa̱n.
\v 24 Kií ko̱ꞌsín tíxian‑najiòn, nga̱ ya̱á ki̱yájiòn jé‑no; tsa mì kì ko̱kjiín‑najiòn nga ꞌA̱n‑ná, ya̱á ki̱yá jiòn jè jé ra tjín‑no.
\p
\v 25 Jñà xi̱ta̱ ꞌkia̱á iskonangi‑la̱, kitsò‑la̱:
\p ―¿Yá nì ra ji̱?
\p Jesús kitsó‑la̱:
\p ―Ijyeé ꞌkoa̱á ꞌsín kíxin‑najiòn ꞌkia̱ nga ti̱ꞌsa̱ ítjòn, yá‑na ra ꞌa̱n.
\v 26 Tjín jchán‑isa‑na mé ꞌén ra ꞌkenájmí‑najiòn ko̱ mé kjoa̱ ra koné jé‑no. Tanga jè ra isìkasén‑na, ngi ꞌén kixi̱í ra chja̱ ko̱ jè ꞌén ra ꞌa̱n tíꞌbènájmí‑la̱ jñà xi̱ta̱ i̱sàꞌnde, jñà ꞌén ra kíꞌnchre‑la̱ ra a̱ꞌta ꞌtse̱.
\p
\v 27 Tanga jñà xi̱ta̱ judío mì kì kjòchi̱ya‑la̱ tsa jè‑ni Nainá ra Na̱ꞌín‑ná ma ra ko̱títsò‑la̱ Jesús.
\v 28 Kií kitsò‑isa‑ila̱ Jesús:
\p ―ꞌKia̱ nga chjíhiꞌnga‑nájiòn ꞌa̱n ra Iꞌndí‑la̱ Xi̱ta̱ xin‑la̱ ijo‑na̱, ꞌkia̱á ko̱chi̱ya‑najiòn nga ꞌA̱án‑ná, ko̱ nga mì tsa ta ꞌa̱n tíbiꞌtín‑la̱ ijo‑na̱ koni ꞌsín nga tíchjà, ta ꞌkoa̱á ꞌsín tíchjàa̱ koni ꞌsín nga ikon‑ya‑na jè Nainá ra Na̱ꞌìn ma.
\v 29 Nga̱ jè ra isìkasén‑na i̱í tíjnako̱‑na; Na̱ꞌìn‑na̱ mì kì síkíjna ta̱jngo‑na, nga̱ ki, ni̱chjin nchijón sìhitjásòo̱n koni ꞌsín nga sasén‑la̱ ra jè.
\p
\v 30 ꞌKia̱ nga kiìchja̱ Jesús jñà ꞌén kìi̱, kjín jchán xi̱ta̱ kjokjiín‑la̱ ra a̱ꞌta ꞌtse̱.
\s Mé‑nioo̱ ra ma ngi nda si̱ìkíjnandi̱í‑ná
\p
\v 31 Jesús kitsó‑la̱ jñà xi̱ta̱ judío ra kjokjiín‑la̱ a̱ꞌta ꞌtse̱:
\p ―Tsa ko̱ꞌsín nda si̱hitjasòn kiti jiòn jñà ꞌén‑na̱, jión‑nájiòn ra ngi kixi̱ kjoa̱ nga ya̱ kotáꞌyáꞌta‑na.
\v 32 Jcha̱xkon‑nájiòn ra ngi kjo̱hixi̱, ko̱ jé kjo̱hixi̱ si̱ìkítsa̱hijyondi̱í‑no.
\p
\v 33 Kiìchja̱á jñà xi̱ta̱ judío, kitsò:
\p ―Ngaji̱n xi̱ta̱ tje̱‑la̱ Abraham‑náji̱n; kjè tsa yá ra bìtsa̱hijyoꞌñó‑naji̱n; ko̱, ¿mé‑ni si‑ni nga ki̱tsa̱jnandi̱í‑naji̱n?
\p
\v 34 Jesús kitsó‑la̱:
\p ―Ngi ꞌén kixi̱í ra ko̱xin‑no, ngaꞌtsì jñà xi̱ta̱ ra bátsji‑jé, ya̱á títsa̱jnajinꞌñó jè jé‑la̱, koni jngo chi̱ꞌnda ra tíjnaꞌñó.
\v 35 Jngo xi̱ta̱ ra ta chi̱ꞌnda tíjna, mì tsa ta ya̱ ko̱ma kiꞌta niꞌya‑la̱ ya̱ ñánda̱ nga tísíxá, tanga jè ra iꞌndí, ya̱á kíjna kiꞌta ya̱ niꞌya‑la̱ na̱ꞌìn‑la̱.
\v 36 Tsa ꞌkia̱ jè Iꞌndí‑la̱ Nainá si̱ìkítsa̱jnandi̱í‑no, ngi ndaá ki̱tsa̱jnandi̱í kiti‑no.
\v 37 ꞌA̱n ijyeé be‑ná nga tje̱‑la̱ Abraham‑nájiòn, tanga mejèn nìꞌken‑nájiòn, ta nga̱tjì‑la̱ mì kì makjiín‑no jè ꞌén ra ꞌbenájmí‑no.
\v 38 ꞌKoa̱á ꞌsín chjàa̱ koni ꞌsín tjín kjoa̱ ra kíjtsee̱ ꞌkia̱ nga tsakáti̱jnaꞌta chraña‑la̱ Na̱ꞌìn‑na̱; ko̱ ꞌkoa̱á ꞌsín ꞌnià jiòn koni ꞌsín tjín kjoa̱ ra kinaꞌyá‑la jè na̱ꞌìn‑no.
\s Yá‑ní ra na̱ꞌìn ma‑la̱ xi̱ta̱ ra tsakáko̱ Jesús
\p
\v 39 Jñà xi̱ta̱ judío kitsó‑ní:
\p ―Jè tje̱‑na̱ji̱n, ya̱ inchrabàꞌta‑ni ꞌtse̱ Abraham jè ra na̱ꞌìn jchá‑na̱ji̱n ma.
\p Tanga Jesús kitsó‑la̱:
\p ―Tsa kixi̱í‑la kjoa̱ nga i̱xti‑la̱ Abraham ma jiòn, ꞌkoa̱à‑la ꞌsín ꞌsia̱an jiòn koni ꞌsín kiꞌsìn ra jè.
\v 40 Ni̱ꞌsín ijye ko̱ꞌsín tíꞌbènájmí kixi̱í‑najiòn nga Nainá kitsjà‑na jñà ꞌén ra chjàa̱, takó mejèn nìꞌken‑nájiòn. Tanga jè Abraham ni̱kjiá ko̱ꞌsín kiꞌsìn.
\v 41 ꞌKoa̱á ti̱ꞌsín ꞌnià jiòn koni ꞌsín ꞌsín jè ra ma na̱ꞌìn‑no.
\p Jñà xi̱ta̱ judío kitsó‑ní:
\p ―Ji̱n, mì tsa taxki̱ kitsin‑ji̱n; ta jngoó‑ní jè Nainá ra na̱ꞌìn‑na̱ji̱n ma.
\p
\v 42 Jesús kiìchja̱ kitsò‑la̱:
\p ―Tsa kixi̱í‑la kjoa̱ nga jè Nainá ma na̱ꞌìn‑najiòn, tsjachaá‑la̱ ꞌsia̱an‑nájiòn, nga̱ a̱ꞌta ꞌtse̱é Nainá inchrabà‑na. Mì tsa ta ꞌa̱n tsikiꞌtín‑la̱ ijo‑na̱ nga inchrabàa̱; jè Nainá isìkasén‑na.
\v 43 Kií mì kì machi̱ya‑najiòn jñà ꞌén ra tíbakó‑no, nga̱ mì kì ma‑najiòn nga nda naꞌyá.
\v 44 Jè xi̱ta̱‑ni̱í‑ní ra ma jè na̱ꞌìn‑najiòn; ya̱á nakjoá‑najiòn ko̱ ꞌkoa̱á ꞌsín mejèn‑najiòn ꞌsia̱an koni ꞌsín mejèn‑la̱ ra jè. Jé xi̱ta̱‑ni̱í ra síꞌken xi̱ta̱ skanda ti̱ꞌsa̱‑ni kjotseé. Ko̱ mì tsa ꞌén kixi̱ ra chja̱, nga̱ ki, mì tsa xi̱ta̱ kixi̱‑jìn ra jè. ꞌKia̱ nga chja̱ ꞌén ndiso, ꞌkoa̱á ꞌsín chja̱ koni ꞌsín tíjna inìma̱‑la̱. Nga̱ xi̱ta̱ ndiso‑ní, ngi jè sabá ma na̱ꞌìn‑la̱ ra ꞌén ndiso.
\v 45 Tanga ꞌa̱n, ra ꞌén kixi̱ ko̱tíxian‑no, mì kì makjiín‑no.
\v 46 ¿Ra jiòn, yá ra ma‑la̱ koa̱ànè-jé‑na? Tsa ngi ꞌén kixi̱í ra ko̱tíxian‑najiòn. ¿Mé‑ni mì kì makjiín‑no?
\v 47 Jè ra xi̱ta̱‑la̱ Nainá, ꞌnchré jè ꞌén‑la̱ Nainá. Kií mì kì naꞌyá‑najiòn, nga̱ mì tsa xi̱ta̱‑la̱ Nainá ꞌmì‑no.
\s Jñà kjoa̱ ra tsakátiya‑ni Jesús ko̱ xi̱ta̱ judío
\p
\v 48 Jñà xi̱ta̱ judío ꞌkia̱á kitsò‑la̱:
\p ―Kixi̱ kitií‑naji̱n ꞌkia̱ nga ko̱ꞌsín bixó‑ji̱n nga xi̱ta̱ Samaria‑ní ko̱ inìma̱ ꞌcho‑la̱ ni̱í tjíjin ya̱ inìma̱‑li.
\p
\v 49 Jesús kitsó‑la̱:
\p ―ꞌA̱n, mì tsa inìma̱ ꞌcho‑la̱ ni̱í tjíjin ya̱ inìma̱‑na̱. Jè kjoa̱ ra tíꞌsiaa̱n jè‑ní nga tíbexkóo̱n jè Na̱ꞌìn‑na̱; ko̱ mì kì ma‑no nga ꞌyaxkón‑ná, tà isa̱á jnchro nakjoájno‑nájiòn.
\v 50 Mì tsa jè tíbatsjía̱ nga jeya sìkíjnaa̱ ijo‑na̱, tanga tíjnaá jngo ra mejèn‑la̱ nga jeya kóti̱jnaa̱, ko̱ jè‑ní ra tíkosòn‑la̱.
\v 51 Ngi ꞌén kixi̱í ra ko̱xin‑no, jè ra si̱hitjasòn ꞌén‑na̱ mì kì ki̱yá.
\p
\v 52 Jñà xi̱ta̱ judío kitsó‑la̱:
\p ―Kixi̱ kitií‑la̱ kjoa̱ nga inìma̱ ꞌcho‑la̱ ni̱í tjíjin ya̱ inìma̱‑li. Jè Abraham ko̱ ngaꞌtsì jñà xi̱ta̱ ra isìchjeén Nainá nga kiìchja̱ ngajo‑la̱ kjotseé, ꞌken‑ní, ko̱ ji̱ si‑ní: “Jè ra si̱hitjasòn ꞌén‑na̱ koni ꞌsín nga chjàa̱, mì kì ki̱yá.”
\v 53 Ji̱, ¿a isa̱á ꞌñó tijni ra ji̱ koni jè xi̱ta̱ jchínga‑na̱ji̱n Abraham? ꞌKeén ra jè, ko̱ ti̱ꞌkoa̱á ꞌkeén‑te ngaꞌtsì xi̱ta̱ ra isìchjeén Nainá nga kiìchja̱ ngajo‑la̱. ¿Kóꞌsín tjinachrjengi ijo‑li ꞌkia̱ nga ko̱ꞌsín tjisi?
\p
\v 54 Jesús kitsó‑la̱:
\p ―Tsa ti̱ꞌa̱án jeya síkíjna‑na ijo‑na̱ ni̱mé chjí‑la̱. Tanga jé Na̱ꞌìn‑na̱ ra jeya síkíjna‑na, jè ra ꞌmì‑la jiòn nga jè ma Nainá‑no.
\v 55 Tanga mì kì ꞌyaxkon jiòn. ꞌA̱n bexkon‑náa̱; tsa xiáa̱n, mì kì bexkoo̱n, ti̱ꞌkoa̱á xi̱ta̱ ndisoó ko̱ma‑te koni ꞌsín nga ndiso jiòn ra jiòn. Tanga bexkon‑náa̱, ko̱ sìhitjásón‑náa̱ koni ꞌsín tsò jè ꞌén‑la̱.
\v 56 Abraham, jè xi̱ta̱ jchínga‑najiòn tsjaá kiꞌse‑la̱ nga mejèn‑la̱ ske̱ jè ni̱chjin ꞌkia̱ nga kjíꞌia̱; ko̱ kijtse‑ní, ko̱ ꞌñó tsja kiꞌse‑la̱.
\p
\v 57 Jñà xi̱ta̱ judío kitsó‑la̱ Jesús:
\p ―Nda kjè tjín‑li icháte nó. ¿Kóꞌsín ma‑ni nga kijchaxkin jè Abraham?
\p
\v 58 Kiìchja̱ Jesús, kitsò‑la̱:
\p ―Ngi ꞌén kixi̱í ra xin‑no, ꞌA̱n‑ná ra ta̱ꞌkoa̱ tíjna̱ ꞌkia̱ nga ti̱kjè tsìn ra jè Abraham.
\p
\v 59 Jñà xi̱ta̱ kìi̱, ꞌkia̱á iskábé na̱jo̱ nga mejèn‑la̱ ko̱sèn‑la̱ Jesús; tanga tsikijnaꞌmaá Jesús; a̱kjòn ꞌjahajin masen‑la̱ xi̱ta̱; itjo‑ni ndi̱tsin i̱ngo̱ nga kijì.
\c 9
\s Kóꞌsín kjomà nga kjonda jngo‑ni xi̱ta̱ xka̱ ra mì kì tsijen‑la̱
\p
\v 1 ꞌKia̱ nga tífì Jesús kijtseé jngo xi̱ta̱ xka̱ ra xá ko̱ꞌsín kitsin‑ni nga mì kì tsijen‑la̱.\fig Jesus touching blind man’s eyes- 33%|40-Cn01739B.tif|col|Jhn 9:1,6||ꞌKia̱ jè Jesús isinda‑ni jngo xi̱ta̱ xka̱|JHN 9:1\fig*
\v 2 Jñà xi̱ta̱ ra kotáꞌyáꞌta‑la̱ Jesús iskonangií‑la̱, kitsò‑la̱:
\p ―Maestro, ¿mé‑ni ko̱ꞌsín xka̱ kji ndí xi̱ta̱ ra̱kìi̱? ¿Yá ra tsakátsji‑jé, a jñà xi̱ta̱ jchínga‑la̱, o̱ ra jè tsakátsji-jé‑la̱ ijo‑la̱?
\p
\v 3 Jesús kitsó‑la̱:
\p ―Mì tsa jè tsakátsji-jé‑la̱ ijo‑la̱ ko̱ mì tsa jñà xi̱ta̱ jchínga‑la̱ tsakátsji‑jé. Ta kií ko̱ꞌsín kitsin‑ni mé‑ni nga jcha̱‑la̱ kjo̱xkón ra ꞌsi̱in Nainá ra a̱ꞌta ꞌtse̱.
\v 4 ꞌKia̱ nga ni̱chjin‑isa, machjeén‑ní nga kokoo̱n kjo̱xkón ra ꞌsín jè ra isìkasén‑na; machraña‑ní nga ko̱jñò ko̱ mì ti̱ ma ko̱xá‑ni.
\v 5 ꞌKia̱ nga tíjna̱‑isa i̱ i̱sàꞌnde ꞌa̱n‑ná niꞌí ra síhisen‑la̱ xi̱ta̱ i̱sàꞌnde.
\p
\v 6 ꞌKia̱ nga ijye ko̱kitsò, tsikíchrá ya̱ a̱ꞌta nangi, tsikínda i̱tsé ndási nga isíkójin ndána̱chrá‑la̱, a̱kjòn isìngaàngi ya̱ xko̱n jè ndí xi̱ta̱ xka̱.
\v 7 Ko̱ a̱kjòn kitsò‑la̱:
\p ―ꞌTin, ya̱ tiki̱níjni xkìn ñánda̱ tíjna chrjó nandá ra ꞌmì Siloé. (Siloé, jè ra nikasén tsò‑ni.)
\p Jè ndí xi̱ta̱ xka̱ kijí‑ní, ko̱ tsiníjnoó xko̱n, ꞌkia̱ nga ijye tsáfa‑ni ijyeé tsijen‑ila̱.
\v 8 Jñà xi̱ta̱ ra tjítsa̱hijyo ya̱ chraña niꞌya‑la̱ ko̱ xi̱ta̱ ra ijye kjotseé bexkon nga to̱n síjé kjo̱tjò, kitsó‑la̱ xákjién:
\p ―¿A mí tsa jè xi̱ta̱ ra̱kìi̱ ra ta ko̱ꞌsín bijna nga síjé kjo̱tjò to̱n?
\p
\v 9 Tjín ra tsò:
\p ―Kja̱ jé‑ní.
\p Ti̱ꞌkoa̱á kitsó iꞌka:
\p ―Ni̱ꞌsín kja̱meé ko̱ꞌki, tanga mí‑la tsa jè‑jìn.
\p Ko̱ jè xi̱ta̱ ra̱kìi̱ kitsó‑ní:
\p ―Kja̱ ꞌa̱án‑ná.
\p
\v 10 Jñà xi̱ta̱ iskonangií‑la̱, kitsò‑la̱:
\p ―¿Kóꞌsín ma‑ni nga itjáꞌxa̱ngi‑ni xkìi̱n?
\p
\v 11 Jè xi̱ta̱ ra̱kìi̱ kitsó‑ní:
\p ―Jè xi̱ta̱ ra ꞌmì Jesús, tsikínda ndási nga isìngaàngi xkoàa̱n, a̱kjòn kitsò‑na: “ꞌTin, ya̱ tiki̱níjno‑ni xkìn ya̱ ñánda̱ tíjna chrjó nandá ra ꞌmì Siloé.” ꞌA̱n kijí‑ná, ko̱ ꞌkia̱ nga ijye tsiníjnoo̱ xkoàa̱n, maá tsatsíjen‑na.
\p
\v 12 Jñà xi̱ta̱ ꞌkia̱á iskonangi‑la̱:
\p ―¿Ñánda̱ tíjna xi̱ta̱ ra ko̱ꞌmì‑la̱ ji̱?
\p Jè xi̱ta̱ ra kjonda‑ni, kitsó‑ní:
\p ―Mì kì be jiàa̱n.
\s Kóꞌsín kjojtsò jè ndí xi̱ta̱ ra itjáꞌxa̱ngi‑ni xko̱n
\p
\v 13 Ko̱ ꞌkia̱á kiìko̱ jè xi̱ta̱ ra ijye itjáꞌxa̱ngi‑ni xko̱n ya̱ ñánda̱ tjítsa̱jna jñà xi̱ta̱ fariseo,
\v 14 tà nga̱tjì‑la̱ nga ni̱chjin níkjáya‑ní ꞌkia̱ nga tsikínda ndási jè Jesús nga iskíꞌxa̱ngi‑ni xko̱n jè xi̱ta̱ ra xka̱ tsiki.
\v 15 Jñà xi̱ta̱ fariseo ìjngo ꞌká iskonangi‑ila̱ jè xi̱ta̱ ra ijye kjonda‑ni, kitsò‑la̱:
\p ―¿Kóꞌsín kjomà‑ni nga itjáꞌxa̱ngi‑ni xkìi̱n?
\p Xi̱ta̱ ra̱kìi̱ kitsó‑ní:
\p ―Ndásií tsjahíngi xkoàn; ꞌa̱n ikiníjnò‑ná; ko̱ ꞌndi̱, ijyeé tsijen‑ina.
\p
\v 16 Tjín iꞌka jñà xi̱ta̱ fariseo ra kitsò:
\p ―Xi̱ta̱ ra ko̱ꞌsín kiꞌsiòo̱n, mì‑la tsa ꞌtse̱ Nainá nchrabá‑ni, nga̱ mì kì bexkón jè ni̱chjin níkjáya.
\p Ko̱ tjín iꞌka ra kitsò:
\p ―¿Kóꞌsín ma‑ni nga kjomà‑la̱ kiꞌsìn kjo̱xkón ra nda tjióo̱n tsa xi̱ta̱ jé‑ní?
\p Kjòjòyaá jñà xi̱ta̱ kìi̱ nga mì kì kjóngásòn kjo̱bítsjen‑la̱.
\v 17 India iskonangi‑ila̱ jè xi̱ta̱ ra xka̱ tsiki:
\p ―¿Kósii̱ ra ji̱, yá xi̱ta̱‑ni ra iskíꞌxa̱ngi‑ni xkìn?
\p Jè xi̱ta̱ ra̱kìi̱ kitsó‑ní:
\p ―Jngoó xi̱ta̱ ra chja̱ ngajo‑la̱ Nainá.
\p
\v 18 Tanga jñà xi̱ta̱ judío mì kì kjokjiín‑la̱ tsa xka̱á xi̱ta̱ ra̱kìi̱ tsiki, ko̱ nga ijyeé tsijen‑ila̱ ꞌndi̱‑ni̱. ꞌKia̱á kiìchja̱‑la̱ jñà xi̱ta̱ jchínga‑la̱
\v 19 nga iskonangi‑la̱, kitsò‑la̱:
\p ―¿A jè ra̱kìi̱, ra iꞌndí‑no ma? ¿A ꞌkoa̱á ꞌsín bixó jiòn nga xka̱á ꞌki ꞌkia̱ nga ti̱ꞌsa̱ kitsin? ¿Ko̱ kóꞌsín ma‑ni ꞌndi̱‑ni̱ nga ijye tsijen‑ila̱?
\p
\v 20 Jñà xi̱ta̱ jchínga‑la̱ xi̱ta̱ ra̱kìi̱, kitsò‑nì:
\p ―ꞌYa‑náji̱n nga jè ra̱kìi̱ ra iꞌndí‑na̱ji̱n, ko̱ kixi̱í kjoa̱, xka̱á ꞌki ꞌkia̱ nga ti̱ꞌsa̱ kitsin.
\v 21 Tanga mì kì ꞌya‑ji̱n kóꞌsín ma‑ni nga ma tsijen‑ila̱ ꞌndi̱, ko̱ yá ra iskíꞌxa̱ngi‑ni xko̱n. Jè chji̱nangi sabà‑la, nga̱ ijyeé xi̱ta̱ jchínga‑ní; jè ra ma ko̱ki̱tso̱‑no.
\p
\v 22 Kií ko̱ kitsò‑ni jñà xi̱ta̱ jchínga‑la̱, nga̱ jñá kitsakjòn‑la̱ jñà xi̱ta̱ judío, nga̱ jñà xi̱ta̱ judío ijyeé tsajo̱óya‑ni nga jngo kjá ki̱tjokajiín ya̱ niꞌya sinagoga ñánda̱ nga maxkóya xi̱ta̱ Judío tsa yá ra ko̱ ꞌsín ki̱tso̱ nga jè Jesús, jè‑ní ra Cristo [ra xá Nainá isìkasén‑ni].
\v 23 Kií ko̱ kitsò‑ni, nga kitsò: “Jè chji̱nangi sabà‑la nga̱ ijyeé xi̱ta̱ jchínga‑ní.”
\p
\v 24 Ko̱ jñà xi̱ta̱ judío kiìchja̱ india‑ila̱ jè xi̱ta̱ ra xka̱ tsiki. Kitsò‑la̱:
\p ―Ko̱ꞌtìn kixi̱‑náji̱n ya̱ ngixko̱n Nainá. Ngaji̱n, ijyeé ꞌya‑náji̱n nga jè xi̱ta̱ ra̱kìi̱, xi̱ta̱ jé‑ní.
\p
\v 25 Jè xi̱ta̱ ra ijye kjonda‑ni, kitsó‑ní:
\p ―Mì kì be ra ꞌa̱n a xi̱ta̱ jé‑ní. Ta jé‑ní ra be nga xi̱ta̱ xka̱á‑ná tsiki, ko̱ ꞌndi̱, maá kotsíjen‑ina.
\p
\v 26 India iskonangi‑ila̱, nga kitsò‑la̱:
\p ―¿Mé ra isìko̱ kjòn‑li? ¿Kóꞌsín kiꞌsìn nga ma iskíꞌxa̱ngi‑ni xkìn?
\p
\v 27 Jè xi̱ta̱ ra̱kìi̱ kitsò‑la̱:
\p ―Ijyeé kjokjìn ꞌka̱ ko̱xin‑najiòn, tanga mì kì makjiín‑no. ¿Mé‑ni nga mejèn‑najiòn ko̱xin india‑no? ¿A ti̱ꞌkoa̱á mejèn‑no ya̱ chitáꞌyáꞌta‑te‑la?
\p
\v 28 Jñà xi̱ta̱ judío, kiìchja̱jno‑la̱ jè ndí xi̱ta̱ ra̱kìi̱, kitsò‑la̱:
\p ―Ji̱í‑li ra ya̱ chitáꞌyáꞌta‑la̱, tanga ra ji̱n, kjo̱téxoma‑la̱ Moisés chitáꞌyá‑ji̱n.
\v 29 ꞌYa‑náji̱n nga jè sabà Nainá kiìchja̱‑la̱ Moisés, tanga jè xi̱ta̱ ra̱kìi̱ nda mí ꞌya‑ji̱n ñánda̱ ꞌji‑ni.
\p
\v 30 Jè xi̱ta̱ ra̱kìi̱ kitsó‑la̱:
\p ―Jè ra̱kìi̱ ra tà maxkón‑ná. Jiòn, mì kì ꞌya ñánda̱ ꞌji‑ni, tanga ꞌa̱n iskíꞌxa̱ngi‑ni xkoàa̱n.
\v 31 Ndaá ꞌyeé, nga jè Nainá mì kì ꞌnchré‑la̱ jñà xi̱ta̱ ra jé tjín‑la̱; ta jñá ꞌnchré‑la̱ jñà xi̱ta̱ ra bexkón ko̱ síhitjasòn koni ꞌsín mejèn‑la̱ ra jè.
\v 32 Skanda ti̱ꞌsa̱ kjotseé, kjè sa jngo na̱ꞌya‑la̱ xi̱ta̱ ra ma‑la̱ kjíꞌxa̱ngi‑ni xko̱n, jngo xi̱ta̱ ra xka̱ skanda nga ti̱ꞌsa̱ kitsin.
\v 33 Tsa mí‑la tsa Nainá isìkasén xi̱ta̱ ra̱kìi̱, ni̱mé‑la ra ko̱ma‑la̱ ko̱ꞌsín ꞌsi̱in.
\p
\v 34 Jñà xi̱ta̱ judío, kitsó‑la̱:
\p ―Ji̱ ra ꞌñó tse jé kitsin‑jíi̱n, ¿a ji̱í mejèn‑li nga ko̱kón‑ya‑náji̱n?
\p A̱kjòn tsachrje ya̱ i̱ngo̱ sinagoga.
\s Mé ra kiꞌsìn jè ndí xi̱ta̱ xka̱ ꞌkia̱ nga kiskàjin jè Jesús
\p
\v 35 Jè Jesús kiíꞌnchré‑ní nga jngó kjá inachrjekàjin xi̱ta̱ ra̱kìi̱ ya̱ niꞌya sinagoga ñánda̱ nga maxkóya xi̱ta̱ Judío ko̱ ꞌkia̱ nga kiskàjin india‑ni kitsó‑la̱:
\p ―Ji̱, ¿a makjiín‑li ra a̱ꞌta ꞌtse̱ jè ra Iꞌndí‑la̱ Xi̱ta̱ tsò‑la̱ ijo‑la̱?
\p
\v 36 Xi̱ta̱ ra̱kìi̱ kitsó‑ní:
\p ―Na̱ꞌìn, ko̱ꞌtín‑ná yá‑ni, mé‑ni nga ma ko̱kjiín‑na nga̱ꞌta ꞌtse̱.
\p
\v 37 Jesús kitsó‑la̱:
\p ―Ijye tjiꞌya‑ní, ko̱ ꞌa̱án jnchro ra tíbakóna̱jmí‑la.
\p
\v 38 Jè xi̱ta̱ ra̱kìi̱ ꞌkia̱á tsasèn-xkóꞌnchiꞌta‑la̱ Jesús nga kijtsexkón, kitsò‑la̱:
\p ―Ji̱ Na̱ꞌìn, makjiín‑na ra a̱ꞌta tsa̱ji.
\p
\v 39 Jesús a̱kjòn kitsò‑la̱:
\p ―ꞌA̱n kií xá ꞌjíi̱‑na i̱ i̱sàꞌnde nga ꞌa̱n skosòn‑la̱ kóꞌsín katama, mé‑ni nga jñà xi̱ta̱ ra xka̱ tjáꞌxa̱ngií‑ni xko̱n, ko̱ nga kataxka̱ jñà xi̱ta̱ ra tsijen‑la̱.
\p
\v 40 Jñà xi̱ta̱ fariseo ra ya̱ tjítsa̱jnako̱ iꞌka Jesús, ꞌkia̱ nga kiíꞌnchré jñà ꞌén kìi̱, iskonangi‑ní nga kitsò:
\p ―Ngàji̱n, ¿a ti̱ꞌkoa̱á xka̱á‑te kjòn‑ji̱n?
\p
\v 41 Jesús kitsó‑la̱:
\p ―Tsa xka̱á‑la kjòn jiòn mí‑la tsa mé ska̱nè jé‑no a̱ꞌta ꞌtse̱ jé ra tjín‑no. Tanga ꞌkia̱ nga bixó jiòn: “Tsijeén‑naji̱n”, ꞌkoa̱á ꞌsín ma‑ni nga ya̱ kjìnè‑no jé ra tjín‑no.
\c 10
\s Kjoa̱ mangásòn ꞌtse̱ chji̱ngo̱ ra nda bexkon cho̱‑la̱
\p
\v 1 ’Ngi ꞌén kixi̱í ra xian‑no, jè xi̱ta̱ ra mì ya̱ ꞌfahaꞌsen‑ni ya̱ xo̱tjo̱ba̱ ínchíꞌbá‑la̱ forrè, jè ra ta xìn ꞌfahaꞌsen‑kjá‑ni, xi̱ta̱ chijé‑ní; jè ra fìko̱ chijé cho̱.
\v 2 Tanga jè ra ya̱ ꞌfahaꞌsen‑ni ya̱ xo̱tjo̱ba̱ ínchíꞌbá, jè‑ní ra chji̱ngo̱ ra síkinda̱ jñà forrè.
\v 3 Jè ra síkinda̱ xo̱tjo̱ba̱ ínchíꞌbá‑la̱ forrè kjíꞌxa̱á‑la̱, ko̱ jè chji̱ngo̱ cho̱ chja̱ ꞌí‑la̱ nga jngo jngo forrè‑la̱, ko̱ jñà forrè ꞌnchréjtaá‑la̱ jè ni‑la̱; a̱kjòn bachrje ínchíꞌbá‑la̱.
\v 4 ꞌKia̱ nga ijye bachrje ijye forrè‑la̱, jè fì ítjòn‑la̱, ko̱ jñà forrè fìtji̱ngi‑la̱ nga̱ ꞌnchréjta‑la̱ nga jè ni‑la̱.
\v 5 Tanga jngo xi̱ta̱ ra mì kì bexkon mì kì ki̱ji̱tji̱ngi‑la̱, ta kjoa̱achingaá‑la nga mì kì ꞌnchré jta‑la̱ jngo xi̱ta̱ ra kjꞌií.
\p
\v 6 Jesús, ꞌkoa̱ ꞌsín tsiꞌkéna̱jmí jngo‑la̱ kjoa̱ ra mangásòn, tanga mì kì kjòchi̱ya‑la̱ kóꞌsín tsò‑ni.
\s Mé ra ꞌsín jè chji̱ngo̱ ra nda síkinda̱ jñà forrè‑la̱
\p
\v 7 Jesús india ko̱ kitsò‑ila̱:
\p ―Ngi ꞌén kixi̱í ra ko̱xin‑no. ꞌA̱án‑ná xo̱tjo̱ba̱ ínchíꞌbá ñánda̱ nga ꞌfahaꞌsen‑ni forrè.\fig Sheep in sheepfold with shepherd- 33%|41-LB00014B.TIF|col|JHN 10:7||Ínchíꞌbá ñánda̱ nga ꞌfahaꞌsen forrè|JHN 10:7\fig*
\v 8 Ngaꞌtsì jñà ra ꞌji ítjòn‑na, xi̱ta̱ chijé‑ní, jñà ra fìko̱ chijé cho̱; ko̱ jñà forrè mì kì kiíꞌnchréhijon‑la̱.
\v 9 ꞌA̱n‑ná jè xo̱tjo̱ba̱; jè ra a̱ꞌta tsa̱ꞌa̱n kjoa̱haꞌsen‑ni ko̱tojiín ta mé kjo̱hiꞌin‑nioo̱. ꞌKoa̱á ꞌsín ko̱ma koni jngo forrè ra ko̱ꞌki ꞌfahaꞌsen ko̱ ko̱ꞌki bitjo ínchíꞌbá‑la̱ ko̱ sakó‑la̱ xka̱ ijñá ra bakjèn.
\p
\v 10 ’Jè ra chijé, ta kií xá ꞌfiì‑ni nga síchijé, nga ꞌfiì síꞌken ko̱ nga ꞌfiì síkitsóñà; tanga ꞌa̱n, kií xá ꞌjíi̱‑na nga kataꞌse‑najiòn kjo̱binachon ra mì feheꞌta; mé‑ni nga nda si̱tsjako̱‑no jè kjo̱binachon ra ꞌa̱n tsja‑no.
\v 11 ꞌA̱n‑ná jè chji̱ngo̱ ra nda kjòn koꞌndá forrè. Jè chji̱ngo̱ ra nda kjòn koꞌndá forrè, chi̱ba̱‑lá síꞌken‑tjì‑la̱ ijo‑la̱ jñà forrè‑la̱.
\v 12 Jè xi̱ta̱ ra ta tímachjí‑la̱ nga koꞌndá forrè, ꞌkia̱ nga be nga nchrabá jè tsi̱jén tà isa̱á tsjin jnchro jñà forrè ko̱ a̱kjòn fahachinga, nga̱ ki, mì tsa ngi chji̱ngo̱ cho̱‑jìn ko̱ mì tsa ꞌtse̱‑jìn jñà forrè. Ko̱ jè tsi̱jén, a̱kjòn tsabáꞌñó jñà ndí forrè, jndíi̱ ra ján síkjahachinga.
\p
\v 13 ’Jè xi̱ta̱ chi̱ꞌnda ra̱kìi̱, kií fahachinga‑ni nga ta jè chjí‑la̱ kájno‑la̱, mì tsa jñà ꞌsín kinda̱ jñà forrè.
\p
\v 14‑15 ’Koni ꞌsín jè Nainá ra Na̱ꞌìn‑na̱ bexkon‑na ti̱ꞌkoa̱á bexkon‑te ra jè, ko̱ ꞌkoa̱á ti̱ꞌsín bexkon‑te forrè‑na̱ ko̱ bexkon‑te‑na ra jñà. ꞌA̱án‑ná chji̱ngo̱ ra nda síkinda̱ ko̱ tíjna̱nda‑na nga si̱ꞌkén‑tjì‑la̱ ijo‑na̱ a̱ꞌta ꞌtse̱ forrè‑na̱.
\v 16 Tjín‑isa‑na forrè ra mì tsa i̱ ínchíꞌbá‑la̱; ti̱ꞌkoa̱á machjeén‑ní nga kji̱nchrabàko̱‑tse. Jñà, kji̱ꞌnchréhijon‑na, jngoó ínchíꞌbá ko̱ma‑ni ko̱ jngoó chji̱ngo̱ ꞌse̱‑la̱ ra si̱ìkinda̱.
\p
\v 17 ’Jè Na̱ꞌìn‑na̱ tsjakeé‑na ta nga̱tjì‑la̱ nga̱ tsja‑ná ijo‑na̱ nga ki̱yáa̱, ko̱ maá india kóti̱jnakon‑na a̱skan ꞌkia̱ nga kjoa̱áya‑na.
\v 18 Mì tsa yá ra kjo̱ꞌñó tíꞌsín‑na nga títsja ijo‑na̱, nga̱ ta kjo̱nda tsa̱ꞌa̱n‑ná nga títsja. Tjíꞌnde‑na nga ma tsja jè ijo‑na̱, ti̱ꞌkoa̱ tjíꞌnde‑na nga ma kjoa̱áya india‑na. ꞌKoa̱á ꞌsín tjín jè kjo̱téxoma ra kitsjà‑na jè Na̱ꞌìn‑na̱.
\p
\v 19 Jñà xi̱ta̱ judío, ꞌkia̱ nga kiíꞌnchré jñà ꞌén kìi̱, india ti̱jñà tsakátikjo‑ni.
\v 20 Kjìn ma‑ni ra kitsò:
\p ―¿Mé‑ni ko̱ꞌki xi̱ta̱ ra naꞌyá‑la? Inìma̱ ꞌcho‑la̱ ni̱í tjíjin ya̱ inìma̱‑la̱ ko̱ ská‑la̱.
\p
\v 21 Tanga jñà xi̱ta̱ ra iꞌka kitsó‑ní:
\p ―Ni̱jngo xi̱ta̱ ma‑la̱ ko̱ꞌsín ki̱chja̱ tsa inìma̱ ꞌcho‑la̱ ni̱í tjíjin inìma̱‑la̱. ¿A maá‑la̱ xi̱ta̱‑ni̱í ski̱íꞌxa̱ngi‑ni xko̱n xi̱ta̱ ra xka̱?
\s Mé ra mejèn‑la̱ isìko̱ xi̱ta̱ judío jè Jesús
\p
\v 22 ꞌKia̱ nga ni̱chjin‑la̱ ꞌnchán, jngo ꞌsí bitjo ya̱ na̱xi̱ndá Jerusalén nga jngo nó síkjehe‑isa ꞌkia̱ nga isindayá‑ni i̱ngo̱.
\v 23 Jesús ya̱á tíjna ya̱ i̱ngo̱ ítjòn, ko̱ ya̱á tsáꞌbangi ya̱ a̱ngi tjo̱ba̱ ra ꞌmì Salomón.
\v 24 Jñà xi̱ta̱ judío tsincha jngo tjindi‑la̱ nga kitsò‑la̱:
\p ―¿Skanda kjiá jcha̱ kjòn‑ji̱n yá kjòn‑ni ra ji̱? Ko̱ꞌtìn kjòn‑náji̱n, ¿a ji̱‑ní ra Cristo [ra xá Nainá isìkasén‑ni]?
\p
\v 25 Jesús kitsó‑la̱:
\p ―Ijyeé ko̱ꞌsín kíxian‑no, tanga mì kì makjiín‑no. Jñá‑ní kjoa̱ ra ꞌsiaa̱n koni ꞌsín nga tsatéxoma‑na jè Na̱ꞌìn‑na̱, jñá‑ní ra nda síkixi̱ya kjoa̱;
\v 26 tanga ra jiòn mì kì makjiín‑no, ta nga̱tjì‑la̱ mì tsa ndí forrè‑na̱ ma jiòn.
\v 27 Jñà ra ndí forrè tsa̱ꞌa̱n, ꞌnchréjta‑na, ko̱ ꞌa̱n bexkon‑ná ko̱ ya̱á fìtji̱ngi‑na.
\v 28 ꞌA̱án tsja‑la̱ kjo̱binachon ra mì kì feheꞌta ni̱ ta kjiá‑nioo̱; ko̱ ni̱kjiá jchi̱ja ni̱ ta mé ni̱chjin‑nioo̱; ko̱ ti̱ꞌkoa̱á ni̱yá ra ma kjoa̱áꞌan‑na.
\v 29 Jè Na̱ꞌìn‑na̱ ra isìnga̱tsja‑na, jè tíjna ítjòn‑la̱ ta yá‑isa‑nioo̱, ko̱ ni̱yá ra ma kjoa̱áꞌan‑ya a̱ya tsja Na̱ꞌìn‑na̱.
\v 30 Jè Na̱ꞌìn‑na̱ ko̱ ra ꞌa̱n jngoó ma‑naji̱n.
\p
\v 31 Jñà xi̱ta̱ judío iskábé na̱jo̱ nga mejèn‑la̱ ko̱sèn‑la̱ Jesús.
\v 32 Tanga Jesús kitsó‑la̱:
\p ―Taxki̱ kjokjìn tjín‑ni kjoa̱ ra nda tjín ra tíꞌsiaa̱n ya̱ ngixkòn jiòn ra a̱ꞌta ꞌtse̱ Na̱ꞌìn‑na̱ nchrabá‑ni. ¿Ñáa̱‑ni kjoa̱ ra nga̱tjì‑la̱ nga ko̱ꞌsín na̱jo̱ mejèn binè‑nájiòn?
\p
\v 33 Kiìchja̱á jñà xi̱ta̱ judío, kitsò:
\p ―Mì tsa ki na̱jo̱ kínè‑laji̱n nga nda tjín kjoa̱ ra ꞌnì. Ta ki‑ní nga jñà ꞌén ra nakjí, jè Nainá tjinakjoájno‑la̱. Ji̱, kì taxki̱ xi̱ta̱‑ní, ko̱ mé‑ni Nainá tjiꞌmi‑la̱ ijo‑li.
\p
\v 34 Jesús kitsó‑la̱:
\p ―Jè xa̱jo̱n‑la̱ Nainá ra chitáꞌyá jiòn, ꞌkoa̱á ꞌsín tíchja̱ ñánda̱ nga tsò Nainá: “ꞌA̱n, ꞌkoa̱á ꞌsín xiaa̱n, nainá‑nájiòn.”
\v 35 Koni ꞌsín tíchja̱ jè xa̱jo̱n ra tjíꞌta ꞌén‑la̱ Nainá, mì kì ko̱ma ki̱náchrjengieé; nga̱ ki, ya̱á tíchja̱ nga jè Na̱ꞌín‑ná, nainá kitsò‑la̱ jñà xi̱ta̱ ra itjábé‑la̱ ꞌén‑la̱.
\v 36 Tsa ꞌkoa̱á ꞌsín tsiꞌkìn‑la̱ xi̱ta̱ kìi̱, ¿mé‑ni bixó‑najiòn nga Nainá tíchjàjno‑la̱ ꞌkia̱ nga xiaa̱n nga Iꞌndí‑la̱ Nainá‑ná ra ꞌa̱n, nga ꞌa̱án kitsjà xá‑na̱ jè Na̱ꞌìn‑na̱ nga isìkasén‑na i̱ i̱sàꞌnde?
\v 37 Kì tà chjàn makjiín‑no ra a̱ꞌta tsa̱ꞌa̱n, tsa mì kì ko̱ꞌsín tíꞌsiaa̱n koni ꞌsín ꞌsín jè Na̱ꞌìn‑na̱.
\v 38 Tanga tsa ꞌkoa̱á ꞌsín tíꞌsiaa̱n, katakjiín‑no a̱ꞌta ꞌtse̱ kjoa̱ ra ꞌsiaa̱n, ni̱ꞌsín mì kì makjiín‑no ra a̱ꞌta tsa̱ꞌa̱n, mé‑ni nga katamachi̱ya‑no ko̱ ti̱ꞌkoa̱á katakjiín‑no nga jè Na̱ꞌìn‑na̱ ko̱ ra ꞌa̱n ta jngoó ma‑naji̱n.
\p
\v 39 Jñà xi̱ta̱ judío mején‑la̱ nga itsabáꞌñó india‑ni Jesús, tanga i̱ꞌkoa̱á ra itjangátsja, a̱kjòn kijì Jesús.
\p
\v 40 Ya̱á kijì india‑ni ya̱ ra ijngoa ndáje̱ Jordán, ya̱ ñánda̱ tsatíndá ítjòn xi̱ta̱ jè Juan, ko̱ ya̱á tsikijna.
\v 41 ꞌÑó kjìn xi̱ta̱ ijchòtji̱ngi‑la̱. Jñà xi̱ta̱ kìi̱ kitsó‑ní:
\p ―Kixi̱í kjoa̱, jè Juan, ni̱jngo kjo̱xkón ra nda tjióo̱n kiꞌsìn, tanga ngaꞌtsì ꞌén ra ko̱ꞌsín kiìchja̱ a̱ꞌta ꞌtse̱ xi̱ta̱ ra kìi̱, ꞌén kixi̱‑ní koni ꞌsín kitsò.
\p
\v 42 Ko̱ taxki̱ kjín xi̱ta̱ kjokjiín‑la̱ ra a̱ꞌta ꞌtse̱, ya̱ i̱ꞌnde ra̱kìi̱.
\c 11
\s Kó kitsò Jesús a̱ꞌta ꞌtse̱ ꞌchin ra tjín‑la̱ jè Lázaro
\p
\v 1 Jngo xi̱ta̱ ra ꞌmì Lázaro kjijna kiya‑ní ra ya̱ i̱ꞌnde‑la̱ ñánda̱ ꞌmì Betania ya̱ na̱xi̱ndá ꞌtse̱ María ko̱ ndichja ra ꞌmì Marta.
\v 2 (Jè María ra ndichja ma Lázaro, jè‑ní chjo̱ón ra̱kìi̱ ra tsikíxten‑jnó sihìti̱ ixi ra ꞌñó nda jne̱ ya̱ ndsa̱ko̱ Jesús, ko̱ nga tsja̱sko̱ isìxìjno‑ni.)
\v 3 Jñà íchjín ndichja Lázaro isìkasén ꞌén‑la̱ Jesús nga kitsò‑la̱:
\p ―Na̱ꞌìn, jè amigo‑li ra ꞌñó tsjachi kjijna kiya‑ní.
\p
\v 4 Jesús ꞌkia̱ nga kiíꞌnchré, kitsó‑ní:
\p ―Jè ꞌchin ra tjín‑la̱ mì tsa kjo̱biya kjiꞌta‑la̱; ta ꞌkoa̱á ꞌsín ko̱chjeén nga jcha̱‑la̱ jè kjoa̱jeya‑la̱ Nainá, ko̱ mé‑ni jeya katijna‑te‑ni jè Iꞌndí‑la̱ Nainá a̱ꞌta ꞌtse̱ ꞌchin ra̱kìi̱.
\p
\v 5 Jesús ni̱ꞌsín ꞌñó tsjake jè Marta ko̱ ndichja ko̱ ꞌndse̱ Lázaro,
\v 6 ꞌkia̱ nga kiíꞌnchré nga kiyaá jè Lázaro, takó jò ni̱chjin tsikijna‑isa ya̱ i̱ꞌnde ñánda̱ tíjna ꞌkia̱.
\v 7 Ra ijye kjomà kitsó‑la̱ xi̱ta̱ ra kotáꞌyáꞌta‑la̱:
\p ―Tjian india‑ná ya̱ ján nangi Judea.
\p
\v 8 Jñà xi̱ta̱ ra kotáꞌyáꞌta‑la̱ kitsó‑ní:
\p ―Ji̱ Maestro, kjè tsa kjokjìn ni̱chjin tjín‑ni ꞌkia̱ nga kja̱meé na̱jo̱ tsikínè‑li jñà xi̱ta̱ judío nga mejèn‑la̱ si̱ìꞌken‑li. ¿A ti̱ya̱á mejèn‑li ꞌkín indiaá‑ni?
\p
\v 9 Jesús kitsò:
\p ―¿A mí tsa tejò hora tjín‑la̱ nga jngo ni̱chjin? Jè ra tsáꞌba ni̱chjin mì kì saténgi‑jìn, nga̱ jè niꞌí ra tíjna i̱ i̱sàꞌnde síhisen‑la̱;
\v 10 tanga jè ra tsáꞌba ni̱tje̱n, saténgi‑ní nga̱ tsìn‑la̱ niꞌí ra síhisen‑la̱.
\p
\v 11 A̱kjòn kitsò‑isa‑la̱:
\p ―Jè amigo‑ná Lázaro ijyeé kjijnafé‑ní, ko̱ kií xá fì‑na nga ꞌa̱n síꞌká‑la̱.
\p
\v 12 Jñà xi̱ta̱ ra kotáꞌyáꞌta‑la̱ Jesús kitsó‑ní:
\p ―Na̱ꞌìn, tsa ta kjijnafé‑ní, ko̱ndàa‑ni.
\p
\v 13 Tanga jè ra ko̱kitsò‑la̱ Jesús, jè‑ní nga ijyeé ꞌken jè Lázaro, ko̱ jñà xi̱ta̱‑la̱ Jesús, ꞌkoa̱á ꞌsín kiìya‑la̱ tsa ta tísíkjáya‑ní nga kjijnafè.
\v 14 ꞌKia̱á nda kjón ko̱kitsò‑la̱:
\p ―Jè Lázaro ijyeé ꞌken‑ní.
\v 15 Matsjaá‑na nga mì tsa ya̱ tíjna̱ ꞌkia̱ nga ko̱ꞌsín kjamà; ra a̱ꞌta tsa̱jiòn isa̱á nda tjín‑ni, mé‑ni nga katakjiín‑no. Tanga tíkjieén, tjahítsíjen‑lá.
\p
\v 16 ꞌKia̱á kiìchja̱ jè Tomás jè ra ti̱ꞌkoa̱á Dídimo tsò‑la̱ [ꞌén ra tsò‑ni: I̱xtiꞌño̱]; kitsò‑la̱ jñà xi̱ta̱ xákjién ra ta̱ña kotáꞌyáꞌta‑la̱ Jesús:
\p ―Tjian‑teé mé‑ni nga ya̱ katabiyako̱‑te‑ná.
\s Yá ra ma‑la̱ síkjaáya‑ná ko̱ tsjá‑ná kjo̱binachon
\p
\v 17 ꞌKia̱ nga ijchò Jesús, kiíꞌnchré‑ní nga kjo ijòn ni̱chjin tjín‑ni nga isìhijin jè Lázaro.
\v 18 Jè na̱xi̱ndá Betania ya̱á kjijnaꞌta chraña‑la̱ Jerusalén, tjín‑la̱ tsa jàn jmi metro jè ndi̱yá nga mangié.
\v 19 Kjín xi̱ta̱ judío ijchòjkon jè Marta ko̱ María, ra ijchò síje ikon nga ꞌken jè ꞌndse̱.
\v 20 Jè Marta ꞌkia̱ nga kiíꞌnchré nga ijyeé tínchrabá chraña jè Jesús, kiíꞌká india‑ní, tanga jè María tsikijna ra jè.
\v 21 Jè Marta kitsó‑la̱ Jesús:
\p ―Na̱ꞌìn, tsa i̱í‑la tijni, mí‑la kì ꞌken‑jìn jè ꞌndsè.
\v 22 Tanga be‑ná, tsa mé ra si̱jé‑la̱ ji̱ Nainá ꞌndi̱ ꞌndi̱, tsjá‑li.
\p
\v 23 Jesús kitsó‑la̱:
\p ―Jè ꞌndsì kjoa̱áya‑ila̱.
\p
\v 24 Jè Marta kitsò‑la̱:
\p ―Ijyeé be‑náa̱ nga kíjnakoón india‑ni, ꞌkia̱ nga kjoa̱áya india‑ila̱ ngaꞌtsì miꞌken ꞌkia̱ nga kje̱heꞌtà ni̱chjin.
\p
\v 25 ꞌKia̱á kitsò‑la̱ Jesús:
\p ―ꞌA̱án‑ná ra sikjaáya‑ila̱ xi̱ta̱ ko̱ ꞌa̱n‑ná jè ra tsja‑la̱ kjo̱binachon. Jè ra makjiín‑la̱ a̱ꞌta tsa̱ꞌa̱n, ni̱ꞌsín ki̱yá takó kíjnakoón india‑ni.
\v 26 Ko̱ ngaꞌtsì xi̱ta̱ ra tjítsa̱jnakon nga makjiín‑la̱ ra a̱ꞌta tsa̱ꞌa̱n, mì tsa ngi ki̱yá‑jìn. ¿Ji̱, a makjiín‑li jñà ꞌén kìi̱?
\p
\v 27 Jè Marta kitsó‑ní:
\p ―Makjiín‑na Na̱ꞌìn nga ji̱‑ní ra Cristo, jè Iꞌndí‑la̱ Nainá, jè ra xá ꞌkoa̱ ꞌsín tjínè‑la̱ nga kjꞌi̱í i̱ i̱sàꞌnde.
\s Kóꞌsín ꞌon kjomà‑la̱ jè Jesús a̱ꞌta ꞌtse̱ Lázaro
\p
\v 28 ꞌKia̱ nga ijye ko̱kitsò jñà ꞌén kìi̱ jè Marta, kijì‑ní nga isíkjíꞌnchré jè ndichja María, kiìchja̱ ꞌtaxìn‑la̱ kitsò‑la̱:
\p ―I̱í tíjna jè Maestro, ya̱‑ró chja̱‑li.
\p
\v 29 Jè María, ꞌkia̱ nga kiíꞌnchré ndi̱to̱ón tsasítje̱n, kijì ya̱ ñánda̱ tíjna Jesús.
\v 30 Jesús kjè tsa bijchó kjòn ya̱ ñánda̱ nga tíjna na̱xi̱ndá, takó ya̱á tíjna ya̱ ñánda̱ ijchòꞌká india jè Marta.
\v 31 Jñà xi̱ta̱ judío ra ya̱ tjítsa̱jnako̱ nga i̱nchisíje ikon, ꞌkia̱ nga kijtse jè María nga tsasítje̱n nga xátí‑la̱ itjo niꞌya, kijìtji̱ngií‑la̱; ꞌkoa̱á ꞌsín isíkítsjen tsa ya̱á tífì kjindáya ya̱ ñánda̱ nga isìhijin jè Lázaro.
\p
\v 32 ꞌKia̱ nga ijchò jè María ya̱ ñánda̱ tíjna Jesús, ꞌkia̱ nga kijtse, tsasèn-xkóꞌnchiꞌtá‑la̱, kitsò‑la̱:
\p ―Na̱ꞌìn, tsa i̱í‑la tijni, jè ꞌndsè mí‑la kì ꞌken‑jìn.
\p
\v 33 Jesús ꞌkia̱ nga kijtse nga iskindayaá jè María ko̱ iskindayaá‑te jñà xi̱ta̱ judío ra tji̱ko̱, baá kiꞌse‑la̱ ko̱ ajò kjomà‑la̱ ya̱ a̱jin inìma̱‑la̱.
\v 34 ꞌKia̱á iskonangi‑la̱, kitsò:
\p ―¿Ñánda̱ tsikihìjion?
\p ꞌKia̱á kitsò‑la̱:
\p ―Na̱ꞌìn, nchrabí ko̱ chítsijen‑la̱.
\p
\v 35 Jè Jesús iskindaya‑ní.
\v 36 Jñà xi̱ta̱ judío ꞌkia̱á kitsò‑la̱ xákjién:
\p ―Chítsijen‑la, ꞌñó kitií‑la tsjake kjomà jè Lázaro.
\p
\v 37 Tjín iꞌka jñà xi̱ta̱ ra kitsò:
\p ―Xi̱ta̱ ra̱kìi̱ kjomá‑la̱ iskíꞌxa̱ngi‑ni xko̱n xi̱ta̱ ra mì kì tsijen‑la̱. ¿A mí ma‑te‑la̱ tsa ko̱ꞌsín kiꞌsìn, tsa mì kì kitsjáꞌnde nga ꞌken jè Lázaro?
\s Kóꞌsín jaáya‑la̱ jè Lázaro
\p
\v 38 Jesús ꞌñó ꞌon kjomà india‑ila̱ jè inìma̱‑la̱, ikasijnaꞌtà chraña‑la̱ ñánda̱ isìhijin jè Lázaro. Jngo nga̱jo̱ ra ti̱ꞌxángi ko̱ jngo na̱jo̱ ra ꞌñó tse tjíchjàjto‑ila̱.
\v 39 Jesús kitsó‑ní:
\p ―Chjíixiòn jè na̱jo̱.
\p Jè Marta, ndichja ndí miꞌken kitsó‑la̱:
\p ―Ji̱ Na̱ꞌìn, ijyeé‑la ꞌñó jne̱‑jta nga̱ ijyeé fì ijòn ni̱chjin nga kisihijin.
\p
\v 40 Kiìchja̱á Jesús kitsò‑la̱:
\p ―¿A mí tsa ijye ko̱ kíxin‑la, tsa ko̱kjiín‑li, jcha̱‑ní jè kjoa̱jeya‑la̱ Nainá?
\p
\v 41 Jñà xi̱ta̱ ꞌkia̱á jahíxìn jè na̱jo̱ ra tjíchjàjto‑ila̱ ñánda̱ kjijna jè ndí miꞌken. Jè Jesús iskotsíjen ján iꞌngaá, kitsò:
\p ―Tse kjo̱nda kataꞌse‑li Na̱ꞌìn nga kànaꞌyá‑ná.
\v 42 Be‑ná nga ji̱, ꞌkoa̱á ꞌsín naꞌyá kiꞌtá‑ná; ta kií ko̱xin‑na nga̱ kjín ma‑ni xi̱ta̱ tjítsa̱jna i̱jndíi̱, mé‑ni nga katakjiín‑la̱ nga ngi ꞌén kixi̱‑ní nga ji̱í inikasén‑ná.
\p
\v 43 ꞌKia̱ nga ijye ko̱kitsò, ꞌñó kiìchja̱ nga kitsò:
\p ―¡Lázaro, títji̱i ndi̱tsiaán!
\p
\v 44 Ko̱ jè ra ꞌken itjoó‑ni nga̱jo̱; tjìkótjìjno jngo naꞌñó nikje nga tíjngo ndsa̱ko̱ ko̱ tsja; ko̱ jngo nikje chraba tjìkótjìjno ya̱ i̱sén‑la̱. Jesús kitsó‑la̱ jñà xi̱ta̱:
\p ―Chjíjnda̱jnò‑no jè naꞌñó nikje, ko̱ katafì‑ni.\fig Lazarus coming out of the grave -33%|42-CN01769B.TIF|col|JHN 11:44|| |JHN 11:44\fig*
\s Kó kitsò jè Caifás ra a̱ꞌta ꞌtse̱ Jesús
\r (Mateo 26:1‑5; Marcos 14:1‑2; Lucas 22:1‑2)
\p
\v 45 Jñà xi̱ta̱ judío ra tsakáhijtako̱ jè María, kjìn ma‑ni ra kjokjiín‑la̱ a̱ꞌta ꞌtse̱ Jesús, ꞌkia̱ nga kijtse jè kjoa̱ ra kiꞌsìn.
\v 46 Tanga tjín iꞌka ra ijkon jñà xi̱ta̱ fariseo, nga tsiꞌkéna̱jmí‑la̱ jè kjoa̱ ra kiꞌsìn Jesús.
\v 47 Jñà na̱ꞌmì ítjòn ko̱ jñà xi̱ta̱ fariseo, ꞌkia̱á tsikíxkóya xákjén ko̱ ngaꞌtsì jñà xi̱ta̱ ítjòn‑la̱ xi̱ta̱ judío nga tsajo̱óya‑ni; kitsò‑la̱ xákjén:
\p ―¿Mé ra ꞌsie̱én? Jè xi̱ta̱ ra kìi̱ batoó kjìn kjo̱xkón ra nda tjín tíꞌsín.
\v 48 Tsa ta ki̱ꞌnde‑lá, ngaꞌtsì xi̱ta̱ ya̱á ko̱kjiín‑la̱ a̱ꞌta ꞌtse̱, ko̱ a̱kjòn kjꞌi̱í jñà xi̱ta̱ romano nga si̱ìkitsóñà jè i̱ꞌnde tsje‑ná ko̱ jè na̱xi̱ndá‑ná.
\p
\v 49 ꞌKia̱á kiìchja̱ jngo xi̱ta̱ ꞌtse̱, jè ra ꞌmì Caifás, jè ra na̱ꞌmì ítjòn tíjna jè nó ꞌkia̱, nga kitsò:
\p ―Mì kì mé ra tjíjin‑no ra jiòn,
\v 50 ko̱ nda mí ꞌya‑najiòn, tsa isa̱á nda jnchro‑ni nga ta jngo xi̱ta̱ katiyatjì‑la̱ jè na̱xi̱ndá, ko̱ mì ꞌkoa̱‑ni tsa jñà xi̱ta̱ katabiya ijye.
\p
\v 51 Tanga mì tsa kjo̱bítsjen ꞌtse̱‑jìn Caifás nga ko̱ꞌsín kitsò. Jè Nainá kisìchi̱ya‑la̱ koni nga na̱ꞌmì ítjòn tíjna jè nó ꞌkia̱; ta tje̱n ꞌkoa̱á ꞌsín kitsò nga jè Jesús jè ki̱yátjì ngajo‑ila̱ jè na̱xi̱ndá;
\v 52 ko̱ mì tsa ta jè na̱xi̱ndá ki̱yátjì‑la̱, ti̱ꞌkoa̱á ki̱íxkóya tsje‑ni nga jngó jtín ꞌsi̱in‑ni jñà i̱xti‑la̱ Nainá ra jndíi̱ ra ján tjíma.
\v 53 ꞌKoa̱á ꞌsín tsajo̱óya‑ni jè ni̱chjin ra̱kiòo̱ nga si̱ìꞌken jè Jesús.
\p
\v 54 ꞌKoa̱á ma‑ni jè Jesús mì kì ti̱ taxki̱ tsajmejín masen‑ila̱ jñà xi̱ta̱ judío; ya̱á kijì ya̱ jngo i̱ꞌnde ñánda̱ a̱ꞌta xìn ñánda̱ nangi kixì chon ya̱ chrañaꞌta‑la̱ jngo na̱xi̱ndá ra ꞌmì Efraín; ya̱á tsikijnako̱ xi̱ta̱ ra kotáꞌyáꞌta‑la̱.
\p
\v 55 Ta chibaá ni̱chjin chija‑isa ꞌsí paxko̱ ꞌtse̱ xi̱ta̱ judío, ko̱ kjìn xi̱ta̱ na̱xi̱ndá kijì ya̱ Jerusalén ꞌkia̱ nga ti̱kje bitjo ꞌsí, nga kiì sítsje ijo‑la̱ koni ꞌsín tjín kjo̱téxoma‑la̱.
\v 56 Ko̱ i̱nchibátsjií jè Jesús, jndíi̱ ra ján kjonangi‑la̱ xákjén nga tjítsa̱jnaya ya̱ ndi̱tsin i̱ngo̱ ítjòn, nga tsò:
\p ―¿Kóꞌsín níkítsjen jiòn? ¿A mí kjꞌi̱í ꞌsí tsa ꞌkoa̱?
\p
\v 57 Jñà na̱ꞌmì ítjòn ko̱ jñà xi̱ta̱ fariseo, ꞌkoa̱á ꞌsín ijye kitsjà kjo̱hixi̱, nga tsa yá ra ske̱ ñánda̱ tíjna káꞌténa̱jmí‑ní mé‑ni nga ma ki̱nda̱ba̱ꞌñó‑ni.
\c 12
\s Mé ra kiꞌsìn jè María a̱ꞌta ꞌtse̱ Jesús
\r (Mateo 26:6‑13; Marcos 14:3‑9)
\p
\v 1 ꞌKia̱ nga ta jon ni̱chjin chija‑isa nga ki̱tjo ꞌsí paxko̱, ya̱á kijì Jesús ya̱ na̱xi̱ndá Betania, ya̱ ñánda̱ i̱ꞌnde‑la̱ Lázaro jè ra jè Jesús isikjaáya‑ila̱.
\v 2 Ya̱á isinda‑la̱ tsajmì ra tsakjèn ꞌkia̱ nga kjòjñò; jè Marta tsikíya‑la̱ tsajmì kìi̱, ko̱ jè Lázaro ya̱á tíjnajin‑te‑la̱ nga tíjnaꞌta ímixa̱ nga tíbakjèn ko̱ Jesús.
\v 3 ꞌKia̱á jè María ꞌjiìkó jngo namìta̱ ra tjíya sihìti̱ ixi ra ꞌñó nda jne̱ ra bato ꞌñó chjí‑la̱ nga tsikíxten‑jnó ya̱ ndsa̱ko̱ Jesús ko̱ ti̱jè tsja̱sko̱ isìxìjno‑ni. Ko̱ ꞌñó nda tsijne̱ ya̱ a̱ya niꞌya.
\v 4 Jngo xi̱ta̱ ra kotáꞌyáꞌta‑la̱ Jesús ra ꞌmì Judas Iscariote, ti‑la̱ Simón, jè ra si̱ìnga̱tsja xi̱ta̱ kondra̱‑la̱ Jesús, kitsó‑ní:
\p
\v 5 ―¿Mé‑ni mì tsa jàn sindo̱ ni̱chjin chjí‑la̱ xi̱ta̱ chi̱ꞌnda kasatína‑ni jè sihìti̱ ixi ra kìi̱, ko̱ jè to̱n‑la̱ tsa ya̱ kaꞌbì‑la̱ jñà xi̱ta̱ i̱ma̱?
\p
\v 6 Tanga jè Judas, mì tsa ki ko̱kitsò‑ni nga jñà makájno‑la̱ jñà ra xi̱ta̱ i̱ma̱, ta kií ko̱kitsò‑ni nga síchijé‑ní. Nga̱ jè tsáꞌya jè xijtsa to̱n, ko̱ jè to̱n ra ya̱ siya jè xijtsa, jè saꞌkoa̱ kjábé chijé.
\v 7 Jesús kitsó‑la̱:
\p ―Kì ko̱ꞌsín ꞌmì‑la; kií xá tsikíjnatjò‑ni nga ko̱ꞌsín si̱ìchjeén ꞌkia̱ nga ꞌa̱n ra si̱ijiaa̱n.
\v 8 Jñà ra xi̱ta̱ i̱ma̱, ya̱á títsa̱jnako̱ kiꞌta‑najiòn, tanga ꞌa̱n, mì tsa ta kjiꞌtà ni̱chjin i̱ kóti̱jnako̱‑no.
\s Mé xá kijì‑ni jñà xi̱ta̱ judío ya̱ Betania
\p
\v 9 Taxki̱ kjìn xi̱ta̱ judío kijì ján Betania ꞌkia̱ nga kiíꞌnchré nga ya̱á tíjna Jesús; tanga mì tsa ta ki xá kijì‑ni nga mejèn‑la̱ ske̱ Jesús, kií xá kijì‑te‑ni nga mejèn‑la̱ ske̱ jè Lázaro, jè ra jè Jesús kisikjaáya‑ila̱.
\v 10 Jñà ra tjíhijyo na̱ꞌmì ítjòn, ꞌkia̱á tsajo̱óya‑ni nga ti̱ꞌkoa̱á si̱ìꞌken‑te jè Lázaro,
\v 11 nga̱ tà jé‑ni nga̱tjì‑la̱ nga kjìn xi̱ta̱ judío itjoꞌtaxìn nga kjokjiín‑la̱ a̱ꞌta ꞌtse̱ Jesús.
\s Kó kitsò jñà xi̱ta̱ ꞌkia̱ nga ꞌjahaꞌsen‑jin ya̱ na̱xi̱ndá Jerusalén jè Jesús
\r (Mateo 21:1‑11; Marcos 11:1‑11; Lucas 19:28‑40)
\p
\v 12 Ra ma nchijòn, ꞌñó kjìn ma‑ni xi̱ta̱ ra tjítsa̱jna ya̱ ján Jerusalén ra ijchò ꞌsí paxko̱; ꞌkia̱ nga kiíꞌnchré nga ya̱á ki̱jchò Jesús,
\v 13 ꞌkia̱á tsate xka̱‑la̱ íxka̱jén nga kiì koñá‑la̱ ya̱ a̱ya ndi̱yáa̱. Ko̱ ꞌñó chja̱ ko̱ sa̱a‑ni nga tsò:
\p ―¡Jeya katijna Nainá! ¡Mé ta̱ nda‑la̱ jè xi̱ta̱ ra nchrabá ngajo‑la̱ Nainá, jè ra xi̱ta̱xá ítjòn‑la̱ na̱xi̱ndá Israel!
\p
\v 14 Jesús isakò jngo‑la̱ ndí búrró iꞌndí ra tsikijnakjá‑la̱, koni ꞌsín ijye tíchja̱ jè xa̱jo̱n ra tjíꞌta ꞌén‑la̱ Nainá, nga tsò:
\q
\v 15 Ji̱ na̱xi̱ndá Sión kì tà chjàn skon‑jìn,
\q chítsijen‑la̱ jè Xi̱ta̱xá ítjòn‑li nga tínchrabá,
\q tíjnakjá jngo‑la̱ ndí búrró iꞌndí.
\p
\v 16 Jñà xi̱ta̱ ra kotáꞌyáꞌta‑la̱ mì kì kjòchi̱ya‑la̱ jñà kjoa̱ kìi̱ ꞌkia̱ nga ti̱ꞌsa̱‑ni; tanga a̱skan‑nioo̱ ꞌkia̱ nga ijye ꞌken Jesús ko̱ jaáya‑ila̱, ꞌkia̱á ítsjen‑la̱ nga ya̱á tíchja̱ xa̱jo̱n ra tjíꞌta ꞌén‑la̱ Nainá ngaꞌtsì kjoa̱ kìi̱, ko̱ nga a̱ꞌta ꞌtse̱‑ní nga ko̱ꞌsín kitsò.
\p
\v 17 Jñà xi̱ta̱ ra ya̱ tjítsa̱jnako̱ Jesús ꞌkia̱ nga kiìchja̱‑la̱ jè Lázaro nga kjijna miꞌken ya̱ a̱ya nga̱jo̱, ko̱ nga isikjaáya‑ila̱, tsiꞌkéna̱jmí‑la̱ jñà xi̱ta̱ ra kjꞌií jè kjo̱xkón ra kijtse.
\v 18 Kií kijì‑ni jñà xi̱ta̱ nga kiíꞌká india‑ni Jesús nga̱ ijyeé kiíꞌnchré jè kjo̱xkón ra kiꞌsìn.
\v 19 Jñà xi̱ta̱ fariseo kitsò‑la̱ xákjén nga jngó jngó:
\p ―Chítsijeén‑la‑ni̱, ni̱mé ra ma ꞌsie̱én ra jién. Ngaꞌtsì xi̱ta̱ saba ya̱á fìtji̱ngi ijye‑la̱.
\s Mé ra ko̱maꞌtin xi̱ta̱ ra mejèn‑la̱ nga ki̱ji̱ꞌta‑la̱ Jesús
\p
\v 20 Jñà xi̱ta̱ ra kijì ꞌsí ján Jerusalén nga ya̱ kijtsexkón Nainá ꞌkia̱ nga tíbitjo ꞌsí, ya̱á títsa̱jin iꞌka‑la̱ xi̱ta̱ griego.
\v 21 Jñà xi̱ta̱ kìi̱ isìchrañaꞌtá‑la̱ jè Felipe ra ya̱ Betsaida i̱ꞌnde‑la̱, jngo na̱xi̱ndá ra chja̱‑ni Galilea; tsikítsaꞌba‑la̱, kitsò‑la̱:
\p ―Nàmi̱, jé mejèn‑naji̱n nga jcha̱xkon‑ji̱n jè Jesús.
\p
\v 22 Jè Felipe kiì ꞌkéna̱jmí‑la̱ jè Andrés, a̱kjòn kijì ngajòo̱ nga kiì ꞌkéna̱jmí‑la̱ jè Jesús.
\v 23 ꞌKia̱á kitsò‑la̱ Jesús:
\p ―Ijyeé ijchó ni̱chjin nga jè Iꞌndí‑la̱ Xi̱ta̱ ki̱ji̱ india‑ni ján ngajmi mé‑ni nga jeya kíjna‑ni.
\v 24 Ngi ꞌén kixi̱í ra ko̱xin‑no, tsa jngo ni̱jmé ska̱tje̱n‑jin nangi ko̱ mì kì tjóki̱yá, ta jngoó ko̱ma kiꞌta; tanga tsa tjóki̱yá ꞌkia̱ nga ska̱tje̱n‑jin ya̱ nangi, ꞌñó kjìn‑ya ko̱ma.
\v 25 Jè xi̱ta̱ ra tà jè tsjake nga nda kíjna kjo̱binachon‑la̱ i̱ a̱ꞌta nangi, si̱ìjchija‑ní; tanga jè xi̱ta̱ ra mì tsa jè ꞌñó báꞌta ikon kjo̱binachon ra tjín‑la̱ i̱ a̱ꞌta nangi, sakó‑la̱ kjo̱binachon ra mì feheꞌta tà mé ni̱chjin‑nioo̱.
\v 26 Tsa yá ra mejèn‑la̱ nga ꞌa̱n si̱íxáꞌta‑na, katanchrabátji̱ngi‑na; ya̱ ñánda̱ nga kóti̱jna ra ꞌa̱n, ti̱ꞌkoa̱á ya̱á kíjna‑te jè ra si̱íxáꞌta‑na. Tsa yá ra ꞌa̱n si̱íxáꞌta‑na, jè Na̱ꞌìn‑na̱ ndaá ske̱xkón.
\s Mé ra kjomà ꞌkia̱ nga jè Jesús tímakájno‑la̱
\p
\v 27 ’¡ꞌNdi̱ ꞌndi̱ taxki̱ baá tíma‑la̱ jè inìma̱‑na̱! ¿Tanga kó xiáa̱n? ¿A xín‑ná: “Na̱ꞌìn chjíixìn‑ná jè kjo̱hiꞌin ra kìi̱”? Majìn‑jìn, ¡kií jnchro xá ꞌjíi̱‑na!
\v 28 Na̱ꞌìn, jeya ti̱jni.
\p ꞌKia̱á inaꞌyá jngo‑la̱ ꞌén ra ngajmi inchrabà‑ni ra kitsò:
\p ―Ijyeé kjo kjìn ꞌka̱ jeya báti̱jna, ꞌndi̱ ꞌndi̱ takó jeyaá kóti̱jna india‑na.
\p
\v 29 Jñà xi̱ta̱ ra ya̱ tjítsa̱jna nga kiíꞌnchré‑la̱, tjín ra kitsò:
\p ―ꞌCho̱ón‑la ra ko̱kjamà.
\p Ko̱ tjín iꞌka ra kitsò:
\p ―Majìn, ìkja̱li̱‑la̱ Nainá ra kàchja̱‑la̱.
\p
\v 30 Jesús kitsó‑la̱:
\p ―Jè ꞌén ra kànaꞌyá jiòn, mì tsa ki kjòn‑ni nga ꞌa̱n kànakjoá‑na; a̱ꞌta tsa̱jión‑nó nga ko̱ꞌsín kànaꞌyá‑la̱.
\v 31 Jé hora ra̱kìi̱ nga si̱ndajín jè kjoa̱ ra tjín i̱ i̱sàꞌnde; jè ra tíbatéxoma‑la̱ jè i̱sàꞌnde i̱ a̱ꞌta nangi, ki̱náchrjekàjin‑ní.
\v 32 Tanga ꞌkia̱ ra ꞌa̱n tjáhitje̱n i̱ a̱ꞌta nangi, ꞌkoa̱á ꞌsín ꞌsiaa̱n nga ngaꞌtsì xi̱ta̱ ya̱ katanchrabátji̱ngi‑na.
\p
\v 33 ꞌKia̱ nga ko̱ kitsò, jè tje̱n isìchi̱ya kóꞌsín ka̱maꞌtin ꞌkia̱ nga ki̱yá.
\v 34 ꞌKia̱á kitsò jñà xi̱ta̱:
\p ―Ji̱n ꞌya‑náji̱n nga jè kjo̱téxoma ra tsikínda Moisés, ꞌkoa̱á ꞌsín tíchja̱, nga tsò: Jè Cristo kíjnakon‑ní ta kjiá‑nioo̱. ¿Mé‑ni ko̱ꞌsín si‑ni ra ji̱ nga jè Iꞌndí‑la̱ Xi̱ta̱ machjeén‑ní nga tjáhitje̱n? ¿Yá‑ni Iꞌndí‑la̱ Xi̱ta̱ ra ko̱ꞌmì‑la̱ ji̱?
\p
\v 35 ꞌKia̱á kitsò‑la̱ Jesús:
\p ―Takó kíjnako̱ó chiba ni̱chjin-isa‑no jè niꞌí ra síhisen. Nda ti̱ma ꞌkia̱ nga tíjnajin-isa‑no jè niꞌí ra̱kìi̱, mé‑ni mì ko̱jñò‑no; nga̱ jè ra ya̱ tsáꞌba ñánda̱ jñò chon, mì kì tsijen‑la̱ kóꞌsín nga tífì.
\v 36 ꞌKia̱ nga takó ya̱ tíjnajin‑no jè niꞌí ra̱kìi̱, katakjiín‑no a̱ꞌta ꞌtse̱, mé‑ni nga isen ki̱tsa̱jna kiꞌta‑no.
\p ꞌKia̱ nga ijye ko̱kitsò‑la̱ jñà ꞌén kìi̱, kijí‑ní, tsikijnaꞌmaá‑la̱ jñà xi̱ta̱.
\s Kóꞌsín ijye kitsò jè Isaías a̱ꞌta ꞌtse̱ xi̱ta̱ judío ra mì kì kjokjiín‑la̱ a̱ꞌta ꞌtse̱ Jesús
\p
\v 37 Ni̱ꞌsín takó kjìn kjo̱xkón ra nda tjióo̱n kiꞌsìn Jesús, jñà xi̱ta̱ mì kì kjokjiín‑la̱ ra a̱ꞌta ꞌtse̱;
\v 38 nga̱ tjíné‑la̱ nga ki̱tjasòn koni ꞌsín ijye kitsò Isaías jè xi̱ta̱ ra kiìchja̱ya ngajo‑la̱ Nainá, nga kitsò:
\q Ji̱ Na̱ꞌìn, ¿yá ra i̱nchimakjiín‑la̱ jè ꞌén ra i̱nchiꞌbèna̱jmíyeé?
\q ¿A mí tsa tjibakon tsijin jè ngaꞌñó ra tjín‑li?
\q Ko̱ ni̱yá ra i̱nchimachi̱ya‑la̱.
\m
\v 39 Kií mì kì makjiín‑te‑la̱, nga̱ jè Isaías, ꞌkoa̱á ti̱ꞌsín kitsò ya̱ xa̱jo̱n‑la̱, ñánda̱ tsò:
\q
\v 40 Jè Nainá tsikíchjàjin kjo̱bítsjen‑la̱ ko̱ isítájajín ya̱ inìma̱‑la̱;
\q mé‑ni mì kì ma katahisen‑la̱ kjo̱bítsjen‑la̱,
\q ko̱ mì kì katachi̱ya‑la̱ inìma̱‑la̱,
\q nga mì kì ya̱ katanchrabáꞌta‑na nga sindá‑na.
\m
\v 41 Kií ko̱kitsò‑ni jè Isaías nga̱ kijtse‑ní jè kjoa̱jeya‑la̱ Jesús, ko̱ a̱ꞌta ꞌtse̱‑ní nga ko̱ꞌsín tsikínda xa̱jo̱n.
\p
\v 42 Ni̱ꞌsín ko̱ꞌsín tsò jñà ꞌén kìi̱, takó kjìn jchán xi̱ta̱ judío kjokjiín‑la̱ a̱ꞌta ꞌtse̱, skanda kjokjiín iꞌka‑la̱ jñà ra tjíhijyo ítjòn‑la̱ na̱xi̱ndá; tanga mì tsa tsiꞌkéna̱jmí tsijen, nga̱ jñá kitsakjòn‑la̱ jñà xi̱ta̱ fariseo nga tsa ya̱ ko̱chrjejin ya̱ niꞌya sinagoga ñánda̱ nga maxkóya xi̱ta̱ Judío.
\v 43 Isa̱á ꞌñó kjotsjake nga nda kítsa̱hijyo ya̱ ngixko̱n xi̱ta̱ mì ꞌkoa̱‑ni nga nda kítsa̱hijyo ya̱ ngixko̱n Nainá.
\s Yá kjòn‑ni ra tsjá‑la̱ kjo̱hiꞌin jñà ra mì kì makjiín‑la̱
\p
\v 44 Jesús ꞌñó kiìchja̱ kitsò:
\p ―Jè ra makjiín‑la̱ ra a̱ꞌta tsa̱ꞌa̱n, mì tsa ta a̱ꞌta tsa̱ꞌa̱n makjiín‑la̱, ya̱á makjiín‑te‑la̱ a̱ꞌta ꞌtse̱ Na̱ꞌìn‑na̱ ra isìkasén‑na.
\v 45 Ko̱ jè ra bexkon‑na, bexkon‑te jè ra isìkasén‑na.
\v 46 ꞌA̱n ra koni jngo niꞌí, ra ꞌjií síhisen‑la̱ xi̱ta̱ i̱sàꞌnde, ko̱ kií xá ꞌjíi̱‑na mé‑ni ngaꞌtsì xi̱ta̱ ra makjiín‑la̱ a̱ꞌta tsa̱ꞌa̱n mì ti̱ ya̱ kítsa̱jna‑ni ñánda̱ jñò chon.
\v 47 Jè ra ꞌnchré jè ꞌén‑na̱ ko̱ mì kì síhitjasòn, mì tsa ꞌa̱n jiàa̱n ra kinè‑la̱ kjo̱hiꞌin; nga̱ mì tsa ki xá ꞌjíi̱‑na nga kjo̱hiꞌin kinè‑la̱ jñà xi̱ta̱ i̱sàꞌnde, kií xá ꞌjíi̱‑na nga kochrjékàjian kjo̱hiꞌin a̱ꞌta ꞌtse̱ jé‑la̱.
\v 48 Jè ra bachrjengi‑na ko̱ mì síhitjasòn jè ꞌén‑na̱, ijyeé tjín ra ki̱ìnè‑la̱ kjo̱hiꞌin: jñá ꞌén ra ijye kíchjàa̱ tsjá‑la̱ kjo̱hiꞌin ꞌkia̱ nga ijye kje̱heꞌtà ni̱chjin.
\v 49 Nga̱ mì tsa ta ꞌa̱n biꞌtín‑la̱ ijo‑na̱ kóꞌsín nga chjàa̱; jè Na̱ꞌìn‑na̱ ra isìkasén‑na kitsjá‑na kjo̱hixi̱ kóꞌsín nga kichjà ko̱ kóꞌsín nga kokon‑yá.
\v 50 Be‑ná nga jè kjo̱téxoma‑la̱ Na̱ꞌìn‑na̱ jè ra tjín‑la̱ kjo̱binachon ra mì kì feheꞌta ni̱ ta kjiá‑nioo̱. ꞌKoa̱á ma‑ni, koni ꞌsín nga chjàa̱, ꞌkoa̱á ꞌsín tjín koni ꞌsín nga batéxoma‑na ra jè.
\c 13
\s Mé xkósòn ra tsikíjna Jesús nga tsakón‑ya kóꞌsín nga nangi si̱kíjneé ijo‑ná
\p
\v 1 ꞌKia̱ nga ti̱kjè bitjo ꞌsí paxko̱, Jesús ijye be‑ní nga ijyeé ijchò ni̱chjin‑la̱ nga tsjín jè i̱sàꞌnde ra̱kìi̱, nga ya̱ kíjnako̱ jè Na̱ꞌìn‑la̱. Ngi ꞌkoa̱á ꞌsín ꞌñó kjotsjake kiꞌta jñà xi̱ta̱‑la̱ ra tjíhijyo i̱ a̱ꞌta nangi, ko̱ ꞌkoa̱á ꞌsín kjotsjake skanda ijyeheꞌtà ni̱chjin.
\p
\v 2 ꞌKia̱ i̱nchibakjèn‑ko̱ jñà xi̱ta̱‑la̱ nga kjòjñò, jè Judas Iscariote, ti‑la̱ Simón, ijyeé ko̱ꞌsín tsikíjin ya̱ inìma̱‑la̱ jè xi̱ta̱‑ni̱í nga jè si̱ìnga̱tsja jè Jesús xi̱ta̱ kondra̱‑la̱.
\v 3 Beé jè Jesús nga jè Na̱ꞌìn‑la̱ kisìnga̱tsja tsje ngaꞌtsì kjoa̱ ꞌtse̱ kjo̱téxoma‑la̱, ko̱ a̱ꞌta ꞌtse̱é inchrabà‑ni ko̱ ya̱á tífì india‑ni.
\v 4 Jesús tsasítje̱nꞌtá ímixa̱, tsachrje nikje ra kjiya sònꞌnga, iskábé jngo nikje ra ma nixìjno‑ni ko̱ tsikíkjá ndáyá.
\v 5 A̱kjòn iskábé jngo chisá‑tji ra tsikíya nandá, tsikíꞌtsia̱ nga tsiníjno ndsa̱ko̱ xi̱ta̱ ra kotáꞌyáꞌta‑la̱, a̱kjòn isìxìjno‑ni ko̱ jè nikje ra tjíkjá‑la̱.
\p
\v 6 ꞌKia̱ nga ijchò ñánda̱ tíjna jè Simón Pedro nga ki̱níjno‑la̱ ndsa̱ko̱, jè Simón Pedro kitsó‑ní:
\p ―Na̱ꞌìn, ¿a bakén‑na nga ji̱ ki̱níjno‑náa̱ ndsa̱koàa̱?\fig Jesus washing Peter’s feet- 33%|43-cn01799B.tif|col|JHN 13:6‑10|| |JHN 13:6\fig*
\p
\v 7 Kitsó Jesús:
\p ―Mì kì machi̱ya‑li kjoa̱ ra tíꞌsiaa̱n ꞌndi̱, tanga a̱skaán ko̱chi̱ya‑li.
\p
\v 8 Kitsó Pedro:
\p ―Xá mì kì tsjaꞌndé‑na nga ki̱níjno‑ná ndsa̱koàa̱.
\p Jesús kitsó‑la̱:
\p ―Tsa mì kì ki̱níjno‑la ndsa̱kì, mì kì ko̱ma xi̱ta̱ tsa̱ꞌa̱n ka̱mi.
\p
\v 9 ꞌKia̱á kitsò jè Simón Pedro:
\p ―Na̱ꞌìn, kì tà chjàn ta ndsa̱koàa̱ biníjno‑ná, ti̱ꞌkoa̱á ti̱níjno‑te‑ná jè ndsa̱ ko̱ skoàa̱.
\p
\v 10 Tanga Jesús kitsó‑la̱:
\p ―Jè ra ijye isiníjno ya̱ ijo‑la̱, ta ndsa̱ko̱ó machjeén‑la̱ nga si̱níjno‑isa, nga̱ ijyeé tsjeé ꞌki nga tíjngo ijo‑la̱. Ko̱ jiòn‑jiòn, ijyeé tsjeé kjòn jiòn, ni̱ꞌsín mì tsa ngaꞌtsì‑no.
\p
\v 11 Jesús ijyeé be yá‑ni ra si̱ìnga̱tsja xi̱ta̱ kondra̱‑la̱, kií ko̱kitsò‑ni: “Mì tsa ngaꞌtsì‑najiòn nga tsje kjòn.”
\p
\v 12 ꞌKia̱ nga ijye tsiníjno‑la̱ ndsa̱ko̱ xi̱ta̱‑la̱, Jesús tsakjayaá india‑nì jè na̱chro̱-sònꞌnga‑la̱, a̱kjòn tsikijnaꞌta india‑ní ya̱ ímixa̱, kitsò‑la̱ jñà xi̱ta̱‑la̱:
\p ―¿A machi̱yaá‑no jè kjoa̱ ra kasikó‑no?
\v 13 Jiòn, ꞌkoa̱á ꞌsín bixó nga ꞌa̱n‑ná jè Maestro‑no ko̱ jè ra tíjna ítjòn‑no; kixi̱í kjoa̱ ra bixó nga ꞌa̱n kiti‑ná.
\v 14 Tsa ꞌa̱n ra Maestro‑no ko̱ ra tíjna̱ ítjòn‑no kabiníjno‑no ndsa̱kò, jiòn, ꞌkoa̱á ti̱ꞌsín ti̱níjno‑te ndsa̱ko̱ xàngio̱o nga jngó jngó‑no.
\v 15 Jngoó xkósòn kàbijná‑no, mé‑ni nga ko̱ꞌsín ti̱ko̱‑te xàngio̱o ra jiòn koni ꞌsín nga kasikó‑no.
\v 16 Ngi ꞌén kixi̱í ra xin‑no, jngo chi̱ꞌnda, mì tsa jè tíjna ítjòn‑la̱ jè ni‑la̱ xá; ko̱ koni jè ra nikasén nga si̱hitjasòn jngo xá, mì tsa jè isa̱ ꞌñó be koni jè ra batéxá‑la̱.
\v 17 Ko̱ ꞌndi̱‑ni̱ nga ijyeé ꞌya kjoa̱ kìi̱, ngi ndaá ki̱tsa̱jna‑no tsa ko̱ꞌsín ꞌsia̱an nga si̱hitjasòn.
\p
\v 18 ’Mì tsa ta ngaꞌtsì‑no nga ko̱ꞌsín tíxin‑no, nga̱ bexkon‑ná ra ꞌa̱n yá‑ni jñà xi̱ta̱ ra ꞌa̱n tsjahíjia̱n. Tanga tjínè‑la̱ nga ki̱tjasòn koni ꞌsín tíchja̱ jè Xa̱jo̱n ra tjíꞌta ꞌÉn‑la̱ Nainá nga tsò: “Jè ra bakjèn‑ko̱‑na, ti̱jé tsáfaꞌta‑na.”
\v 19 Ti̱ꞌndi̱í ko̱tíxin‑najiòn, mé‑ni ꞌkia̱ nga ijye ko̱ka̱ma katakjiín‑no nga ꞌA̱n‑ná [ra Nainá].
\v 20 Ngi kjo̱hixi̱í ra xin‑no, jè ra ska̱ábétjò jè xi̱ta̱ ra ꞌa̱n sikásée̱n, ꞌa̱án‑ní ra ska̱ábétjò‑na; ko̱ jè ra ska̱ábétjò‑na, jé ska̱ábétjò jè ra isìkasén‑na.
\s Kóꞌsín nga ti̱ngií tsiꞌkéna̱jmí‑nì Jesús yá‑ni ra si̱ìnga̱tsja xi̱ta̱ kondra̱‑la̱
\r (Mateo 26:20‑25; Marcos 14:17‑21; Lucas 22:21‑23)
\p
\v 21 Jesús, ꞌkia̱ nga ijye ko̱kitsò jñà ꞌén kìi̱, ꞌñó ꞌon kjomà‑la̱ inìma̱‑la̱, ꞌkia̱á kitsò:
\p ―Ngi ꞌén kixi̱í ra xin‑no, ti̱jión jngo‑najiòn ra si̱ìnga̱tsja‑na xi̱ta̱ kondra̱‑na̱.
\p
\v 22 Jñà xi̱ta̱ ra kotáꞌyáꞌta‑la̱ Jesús, iskotsíjen‑jnó xákjén nga jngó jngó, nga̱ mì kì be yá‑ni ra ko̱kitsò‑la̱ Jesús.
\v 23 Jngo xi̱ta̱ ra kotáꞌyáꞌta‑la̱ Jesús ra ya̱ tíjnaꞌta chraña‑la̱ ꞌkia̱ nga i̱nchibakjèn, jè ra ꞌñó tsjake Jesús.
\v 24 Jè Simón Pedro isíkáꞌbi̱i‑la̱ tsja jè xi̱ta̱ xákjén ra̱kìi̱ ra ya̱ tíjnaꞌta chraña‑la̱ Jesús, mé‑ni nga katakjònangì‑la̱ Jesús yá‑ni ra ko̱tsò‑la̱.
\v 25 Jè xi̱ta̱ ra̱kìi̱ isa̱á ꞌñó tsikijnaꞌtáꞌñó-isa‑la̱ Jesús nga iskonangi‑la̱, kitsò‑la̱:
\p ―Ji̱ Na̱ꞌìn, ¿yá‑ni ra ko̱ꞌmiàa̱ ji̱?
\p
\v 26 Jesús kitsó‑la̱:
\p ―Jngo‑yá ni̱ño̱ nchra̱jín sikáꞌnchia̱, ko̱ jè ra tsja‑la̱ ni̱ño̱ nchra̱jín ra̱kìi̱ jè ní.
\p A̱kjòn isikàꞌnchi̱ jngoyá ni̱ño̱ nchra̱jín ko̱ jé kitsjà‑la̱ jè Judas Iscariote, ti‑la̱ Simón.
\v 27 ꞌKia̱ nga ijye iskábé ni̱ño̱ nchra̱jín jè Judas, ndi̱to̱ón ꞌjahaꞌsen‑jin jè xi̱ta̱‑ni̱í ya̱ inìma̱‑la̱. ꞌKia̱á kitsò Jesús:
\p ―Jè kjoa̱ ra ko̱ꞌsi̱ìn, ndi̱to̱n kjòn ko̱ꞌti̱in.
\p
\v 28 Jñà xi̱ta̱ ra i̱nchibakjèn, ni̱jngo kjòchi̱ya‑la̱ mé‑ni ko̱ꞌsín kitsò‑la̱.
\v 29 Ta ꞌkoa̱á ꞌsín isíkítsjen iꞌka tsa tsò‑la̱: “Ti̱ndá chibi tsajmì ra ko̱chjeén‑ná ꞌtse̱ ꞌsí.” O̱ tsa tsó‑la̱: “ꞌTi̱ chiba‑la̱ to̱n jñà xi̱ta̱ i̱ma̱.” Nga̱ jé Judas nga̱tsja jè xijtsa to̱n, kií ko̱ꞌsín isíkítsjen‑ni.
\v 30 ꞌKia̱ nga ijye iskine jè ni̱ño̱ nchra̱jín jè Judas, ndi̱to̱ón itjo niꞌya. Nga̱ ta̱ ꞌkoa̱ ijyeé na̱ti jñò.
\s Mé kjo̱téxoma ra kitsjà Jesús ꞌkia̱ nga ijye mejèn tífì
\p
\v 31 ꞌKia̱ nga ijye itjo jè Judas, Jesús kitsò:
\p ―ꞌNdi̱‑ni̱ ijyeé tíꞌya‑la̱ jè kjoa̱jeya‑na̱ koni Iꞌndí‑la̱ Xi̱ta̱, ko̱ ti̱ꞌkoa̱á jè Nainá jeyaá tíjna a̱ꞌta ꞌtse̱ Iꞌndí‑la̱.
\v 32 Tsa jè Nainá jeya tíjna a̱ꞌta ꞌtse̱ Iꞌndí‑la̱, ti̱ꞌkoa̱á jè Nainá jeyaá si̱ìkíjna ra jè; ko̱ ndi̱to̱ón jcha̱‑la̱ kjoa̱jeya‑la̱.
\v 33 Jiòn ra ndí i̱xti‑na̱ xin‑no, mì tsa ti̱ tse kóti̱jnako̱‑no. Kjótsji‑nájiòn, tanga koni ꞌsín kíxin‑la̱ jñà xi̱ta̱ judío, ꞌkoa̱á ti̱ꞌsín xin‑najiòn ꞌndi̱ ꞌndi̱: Ya̱ ñánda̱ nga fia ra ꞌa̱n, mì kì ko̱ma kongió jiòn.
\v 34 Jngo kjo̱téxoma xi̱tse̱ títsja‑no nga tsjacha ꞌtio̱òn xàngio̱o nga jngó jngó‑no. Koni ꞌsín nga tsjake̱‑najiòn, ꞌkoa̱á ti̱ꞌsín tsjacha ꞌtia̱àn xàngio̱o nga jngó jngó‑no.
\v 35 Tsa ko̱ꞌsín tsjacha ꞌsia̱an xàngio̱o nga jngó jngó‑no, ꞌkoa̱á ꞌsín ske̱‑ní ngaꞌtsì xi̱ta̱ nga jiòn‑jiòn, ngi kixi̱í kjoa̱ nga ya̱ chitáꞌyáꞌta‑ná jiòn.
\s Kó kitsò jè Pedro a̱ꞌta ꞌtse̱ Jesús
\r (Mateo 26:31‑35; Marcos 14:27‑31; Lucas 22:31‑34)
\p
\v 36 Jè Simón Pedro iskonangií‑la̱ Jesús, kitsò‑la̱:
\p ―Ji̱ Na̱ꞌìn, ¿ñánda̱ tjiꞌmì?
\p Jesús kitsó‑la̱:
\p ―Ya̱ ñánda̱ nga tífia ꞌndi̱ ꞌndi̱, mì kì ko̱ma ꞌkín‑tji̱ngi‑ná; tanga a̱skaán ꞌkín‑tji̱ngi‑ná.
\p
\v 37 Jè Pedro kitsò:
\p ―Na̱ꞌìn, ¿mé‑ni nga mì ma kjín-tji̱ngi‑la̱ ꞌndi̱ ꞌndi̱? Tíjna̱nda‑ná nga ki̱yátjì‑la̱.
\p
\v 38 ꞌKia̱á kitsò Jesús:
\p ―¿A kixi̱í kjoa̱ nga ꞌa̱n si̱ꞌken‑tjí‑ná ijo‑li? Ngi ꞌén kixi̱í ra ko̱xin‑la, ꞌkia̱ nga ti̱kjè kjindáya jè káxti̱, jàn ꞌka̱ ko̱síi̱ nga mì kì ꞌyaxkon‑ná.
\c 14
\s Yá a̱ꞌta ꞌtse̱ nga ma kijcheé ñánda̱ nga tíjna jè Nainá
\p
\v 1 ’Kì tà chjàn maba‑la̱ jè inìma̱‑no. Katakjiín‑no a̱ꞌta ꞌtse̱ Nainá, ti̱ꞌkoa̱ katakjiín‑no a̱ꞌta tsa̱ꞌa̱n.
\v 2 Ya̱ niꞌya‑la̱ Na̱ꞌìn‑na̱ tjín jchán i̱ꞌnde ñánda̱ ma níkjáyeé; tsa mí‑la tsa ꞌén kixi̱ nga tjín i̱ꞌnde, mí‑la tà chjàn ko̱xín‑no; nga̱ kií jnchro xá tífì‑na nga tífìkindá‑no jngo i̱ꞌnde ra tsa̱jiòn.
\v 3 Koni ꞌsín nga tífia nga tífìkindá‑no i̱ꞌnde, ꞌkoa̱á ti̱ꞌsín kjíꞌi̱ india‑na, mé‑ni nga íko̱‑no nga ya̱ ki̱tsa̱jna‑te ya̱ ñánda̱ nga kóti̱jna ra ꞌa̱n.
\v 4 Ijyeé ꞌya‑nájiòn jè ndi̱yá ra fì ñánda̱ tífia ra ꞌa̱n.
\p
\v 5 ꞌKia̱á kitsò jè Tomás:
\p ―Na̱ꞌìn, mì kì ꞌya‑ji̱n ñánda̱ tjiꞌmì. ¿Kóꞌsín ko̱ma‑ni jcha̱‑ji̱n jè ndi̱yá?
\p
\v 6 ꞌKia̱á kitsò Jesús:
\p ―ꞌA̱n‑ná jè ndi̱yá, ꞌa̱n‑ná jè ra kjo̱hixi̱ ko̱ ꞌa̱n‑ná jè kjo̱binachon. Ta̱jngoó a̱ꞌta tsa̱ꞌa̱n ma kijcho jiòn ñánda̱ tíjna jè Na̱ꞌìn‑na̱ ra Nainá.
\v 7 Tsa ijye kijchaxkon‑nájiòn, ti̱ꞌkoa̱á jcha̱xkoón‑te jè Na̱ꞌìn‑na̱; ko̱ ijyeé ꞌyaxkon jiòn ꞌndi̱ ꞌndi̱, nga̱ ijyeé i̱nchichitsíjen‑la.
\p
\v 8 ꞌKia̱á kitsò jè Felipe:
\p ―Ta̱kón‑náji̱n Na̱ꞌìn‑li, ko̱ ko̱jngoó takòn‑ji̱n.
\p
\v 9 Jesús kitsó‑la̱:
\p ―Ji̱ Felipe, kjotseé jchán tíjna̱ko̱‑najiòn, ko̱, ¿a takó kjeé ꞌyaxkon‑nájiòn? Jè ra ijye kijtsexkon‑na ra ꞌa̱n, ti̱ꞌkoa̱á ijyeé bexkon‑te jè Na̱ꞌìn‑na̱. ¿Mé‑ni si‑ni: “Ta̱kón‑náji̱n jè Na̱ꞌìn‑li”?
\v 10 ¿A mí makjiín‑li nga ta jngoó ma‑naji̱n jè Na̱ꞌìn‑na̱ ko̱ ra ꞌa̱n? Jñà ꞌén ra ꞌa̱n bakó‑najiòn mì tsa ta ꞌa̱n biꞌtín‑la̱ ijo‑na̱. Jè Na̱ꞌìn‑na̱ ra ya̱ tjíjngo‑ji̱n, jè‑ní ra tísíhitjasòn jè xá‑la̱.
\v 11 Katakjiín‑najiòn nga ta jngoó ma‑naji̱n jè Na̱ꞌìn‑na̱ ko̱ ra ꞌa̱n; ko̱ tsa majìn, ya̱ katakjiín‑no a̱ꞌta ꞌtse̱ xá ra tíꞌsiaa̱n.
\v 12 Ngi ꞌén kixi̱í ra ko̱xin‑no, jè ra makjiín‑la̱ a̱ꞌta tsa̱ꞌa̱n, ꞌkoa̱á ti̱ꞌsín ꞌsi̱in koni ꞌsín tjín jñà kjoa̱ ra ꞌsiaa̱n; skanda isa̱á tà ꞌñó tjín‑isa kjoa̱ ra ꞌsi̱in‑isa ra jè, tà nga̱tjì‑la̱ ra ꞌa̱n, ijyeé ya̱ tífia ñánda̱ nga tíjna jè Na̱ꞌìn‑na̱.
\v 13 Ko̱ ngaꞌtsì ra a̱ꞌta tsa̱ꞌa̱n si̱jé‑ná jiòn, ꞌkoa̱á ꞌsín sìhitjásòo̱n, mé‑ni nga jeya kíjna‑ni jè Na̱ꞌín‑ná a̱ꞌta ꞌtse̱ Iꞌndí‑la̱.
\v 14 Ngaꞌtsì ra si̱jé jiòn ra a̱ꞌta tsa̱ꞌa̱n sìhitjásòn‑ná.
\s Yá ra si̱ìkasén jè Na̱ꞌín‑ná Jesús ra ko̱si̱ko̱ xi̱ta̱‑la̱
\p
\v 15 ’Tsa tsjacha‑nájiòn, ti̱hitjasòn jiòn jñà kjo̱téxoma‑na̱.
\v 16 ꞌA̱án kitsáꞌba‑la̱ jè Na̱ꞌìn‑na̱ nga katasíkasén jngo‑no jè ra ko̱si̱ko̱‑no, mé‑ni nga ya̱ katijnako̱ kiꞌta‑no nga ta mé ni̱chjin‑nioo̱,
\v 17 jè ra ko̱xian‑la̱, jé Inìma̱ Tsje‑la̱ Nainá jè ra ko̱kòn‑no ra ngi kjo̱hixi̱. Jñà xi̱ta̱ i̱sàꞌnde mì kì ko̱kjiín‑la̱ a̱ꞌta ꞌtse̱ nga̱ mì kì tsijen‑la̱ kóꞌki ko̱ mì kì bexkon; tanga jiòn ꞌyaxkon‑no nga̱ ya̱á tíjnako̱‑no, ko̱ ya̱á kíjnajin kiꞌta‑no.
\p
\v 18 ’Mì kì tsa síkítsa̱jna jchꞌa̱n‑no, kjíꞌi̱tji̱ngi india‑najiòn mé‑ni nga ya̱ kóti̱jnako̱‑no.
\v 19 Ta chibaá ni̱chjin chija‑isa nga jñà xi̱ta̱ i̱sàꞌnde mì kì ti̱ ske̱‑na; tanga ra jiòn, takó maá chítsijen‑nájiòn, ko̱ ti̱ꞌkoa̱á ki̱tsa̱jnakon‑te jiòn, nga̱ tíjna̱kon‑ná ra ꞌa̱n.
\v 20 ꞌKia̱ nga ki̱jchò jè ni̱chjin ra̱kìi̱, jcha̱‑nájiòn nga ya̱á tíjna̱jin‑la̱ jè Na̱ꞌìn‑na̱ ko̱ jiòn‑jiòn ya̱á titsa̱jnajin‑nájiòn, ko̱ ꞌa̱n ya̱á tíjna̱jin‑najiòn.
\v 21 Jè ra ya̱ tsáꞌya jñà kjo̱téxoma‑na̱, ko̱ síhitjasòn koni ꞌsín tsò, jè‑ní ra ngi kixi̱ kjoa̱ nga tsjake‑na. Tsjakeé ko̱ma jè Na̱ꞌìn‑na̱ jè ra tsjake‑na ra ꞌa̱n; ko̱ ti̱ꞌkoa̱á tsjake̱é ko̱ma‑te ra ꞌa̱n ko̱ ꞌa̱n kokon tsijen‑la̱ ijo‑na̱.
\p
\v 22 ꞌKia̱á iskonangi jè Judas (mì tsa jè Judas Iscariote). Kitsò‑la̱:
\p ―Ji̱ Na̱ꞌìn, ¿mé‑ni nga ta ji̱n ko̱kón‑náji̱n ijo‑li, ko̱ mì tsa jñà xi̱ta̱ i̱sàꞌnde ko̱kón‑la̱ ji̱?
\p
\v 23 Kiìchja̱á Jesús kitsò‑la̱:
\p ―Jè ra tsjake‑na, tjínè‑la̱ nga si̱hitjasòn jè ꞌén‑na̱, ko̱ jè Na̱ꞌìn‑na̱ ko̱tsjake‑ní, ko̱ kji̱nchrabá‑náji̱n jè Na̱ꞌìn‑na̱ ko̱ ꞌa̱n nga ya̱ ki̱tsa̱jnako̱‑ji̱n.
\v 24 Jè ra mì kì matsjake‑na, mì kì síhitjasòn koni ꞌsín tsò ꞌén‑na̱. Ko̱ jñà ꞌén ra i̱nchinaꞌyá jiòn mì tsa tsa̱ꞌa̱n jiàa̱n, ꞌtse̱é jè Na̱ꞌìn‑na̱ ra isìkasén‑na.
\p
\v 25 ’ꞌKoa̱á ꞌsín tíꞌbènájmí‑no jñà ꞌén kìi̱ ꞌkia̱ nga tíjna̱ko̱-isa‑no.
\v 26 Jè ra ko̱si̱ko̱‑no, jè Inìma̱ Tsje‑la̱ Nainá ra jè Na̱ꞌìn‑na̱ si̱ìkasén‑no ra a̱ꞌta tsa̱ꞌa̱n, jé ko̱kòn‑ya‑no ngaꞌtsì kjoa̱ ra mì kì fìya‑no ko̱ ti̱ꞌkoa̱á si̱íkítsjen‑no ngaꞌtsì ꞌén ra ko̱tíxian‑no.
\p
\v 27 ’ꞌA̱án tsja‑no jè kjoa̱ꞌnchán. Ko̱ ya̱á síkíjnajin‑no, tanga mì tsa ko̱ꞌsín tsja koni ꞌsín tsjá jè i̱sàꞌnde. Kì tà chjàn síkájno jè inìma̱‑no ko̱ kì tà chjàn skon jiòn.
\v 28 Ijyeé inaꞌyá‑nájiòn nga kíxin‑no nga tífì‑náa̱ ko̱ nga kjíꞌi̱tji̱ngi india‑najiòn nga ya̱ kóti̱jnako̱‑najiòn. Tsa kixi̱í‑la kjoa̱ nga tsjacha‑nájiòn, ꞌñó‑la i̱nchimatsja‑no, nga̱ tífì india‑na ya̱ ñánda̱ nga tíjna jè Na̱ꞌìn‑na̱, nga̱ jè Na̱ꞌìn‑na̱ isa̱á tíjna ítjòn koni ꞌa̱n.
\v 29 Ti̱ꞌndi̱í ko̱tíxin‑najiòn, mé‑ni ꞌkia̱ nga ijye ko̱ꞌsín ko̱ma, ko̱kjiín‑no.
\p
\v 30 ’Mì kì tsa ti̱ tse kokóna̱jmí‑no nga̱ ijyeé nchrabá jè ra batéxoma i̱ i̱sàꞌnde ra̱kìi̱. Tanga ni̱mé ngaꞌñó tjín‑la̱ nga mé ra si̱ìko̱‑na ra jè.
\v 31 Tjínè‑la̱ nga ko̱ꞌsín ko̱ma, mé‑ni nga katabe‑ni jñà xi̱ta̱ i̱sàꞌnde nga tsjake̱‑ná jè Na̱ꞌìn‑na̱, ko̱ ꞌkoa̱á ꞌsín ꞌsiaa̱n koni ꞌsín jè Na̱ꞌìn‑na̱ tsikíꞌtin‑na.
\p ’Ti̱sítje̱en, ko̱ tjiaán.
\c 15
\s Mé ra maꞌtin xi̱ta̱ ra mì ya̱ fìꞌta‑la̱ Jesús
\p
\v 1 ’ꞌA̱n‑náa̱ ra ngi naꞌñó je‑la̱ to uva, ko̱ jè Na̱ꞌìn‑na̱ ra síxáko̱.\fig Grape vine with supports -33%|44-LB00107B.TIF|col|JHN 15:1‑10||Jè naꞌñó tjaꞌtsin to uva|JHN 15:1\fig*
\v 2 Ngaꞌtsì naꞌñó chrja‑la̱ ra ya̱ nchrabáꞌta‑ni a̱ꞌta tsa̱ꞌa̱n ra mì kì bajà‑la̱ to, bateꞌtá‑ní; tanga jè ra bajà‑la̱ to batejno‑ní nga sítsje, mé‑ni nga isa̱ nda ko̱ja̱‑la̱ to.
\v 3 Ijyeé tsje titsa̱jna‑no ra jiòn, nga̱ jñá ꞌén ra ijye ko̱kíxin‑no, jè kjotsje‑najiòn.
\v 4 Machjeén‑ní nga ya̱ ti̱tsa̱jnako̱ kiꞌtá‑ná, ko̱ ꞌa̱n ya̱á kóti̱jnako̱ kiꞌtà‑no. Jngo chrja‑la̱ naꞌñó‑la̱ to uva, tsa mì ya̱ itsabaꞌtáꞌñó jè naꞌñó je‑la̱ mì kì ko̱ja̱‑la̱ to; ꞌkoa̱á ti̱ꞌsín tjín a̱ꞌta tsa̱jiòn‑jiòn, tsa mì ya̱ ki̱tsa̱jnako̱ kiꞌtá‑ná, ni̱mé ra ma ꞌsio̱on nga ta jiòn.
\p
\v 5 ’ꞌA̱n‑ná jè naꞌñó je‑la̱ to uva ko̱ jión‑nájiòn jñà naꞌñó chrja‑la̱. Jñà ra ya̱ tjíhijyoko̱ kiꞌta‑na ko̱ ꞌa̱n ya̱ tíjna̱ko̱ kiꞌta, kjín jchán to ko̱ja̱‑la̱; tanga tsa kjiín titsa̱jnaꞌtaxìn‑nájiòn, ni̱mé ra ma ꞌsia̱an.
\v 6 Jñà ra mì ya̱ tjíhijyoko̱ kiꞌta‑na, ꞌkoa̱á ꞌsín tjáhixìn koni jngo chrja‑la̱ yá ra mì kì bajà‑la̱ to. ꞌKia̱ nga ijye xì, maxkó‑ní nga tì ya̱ a̱jin niꞌí.
\s Mé kjo̱nda ra tjín tsa ya̱ nda kjóhijtake̱é Jesús
\p
\v 7 ’Tsa ya̱ ki̱tsa̱jnako̱ kiꞌtà‑nájiòn ko̱ tsa kixi̱ ki̱tsa̱jna koni ꞌsín tsò ꞌén ra tsakon‑yá‑no, ti̱jé ta mé ra mejèn‑no, ꞌkoa̱á ꞌsín ki̱tjasòn‑no koni ꞌsín nga kixó.
\v 8 ꞌKoa̱á ꞌsín ma‑ni nga jeya kíjna jè Na̱ꞌìn‑na̱, ꞌkia̱ nga kjìn to ko̱ja̱‑no, ko̱ ꞌkoa̱á ꞌsín ko̱ma‑ni nga jcha̱‑la̱ nga ngi kixi̱í kjoa̱ nga ya̱ chitáꞌyáꞌta‑nájiòn.
\v 9 Koni ꞌsín nga tsjake‑na jè Na̱ꞌìn‑na̱, ꞌkoa̱á ti̱ꞌsín tsjake̱‑najiòn; ko̱ꞌsín ya̱ ti̱tsa̱jnajion kiꞌta jè kjo̱tsjacha‑na̱.
\v 10 Tsa si̱itjasòn koni ꞌsín tjín jñà kjo̱téxoma‑na̱, ya̱á kitsa̱jnajiòn kiꞌta jè kjoa̱tsjacha‑na̱, koni ꞌa̱n sìhitjásòn‑ná jñà kjo̱téxoma‑la̱ jè Na̱ꞌìn‑na̱ ko̱ ya̱á tíjna̱jin kiꞌtà jè kjoa̱tsjacha‑la̱.
\p
\v 11 ’Kií ko̱ꞌsín tíxian‑no mé‑ni nga jè kjo̱tsja‑na̱ ya̱ katasijin inìma̱‑no, ko̱ mé‑nì mì ti̱ mé ra si̱ìjchija‑la̱ jè kjo̱tsja‑no.
\v 12 Jè kjo̱téxoma ra tsja‑no, jè‑ní nga tsjachaá ꞌtio̱òn xàngio̱o nga jngó jngó‑no, koni ꞌsín ꞌa̱n tsjake̱‑no.
\v 13 Tsìn jngo kjo̱tsjacha ra isa̱ ꞌñó chjí‑la̱ koni jngo kjo̱tsjacha‑la̱ xi̱ta̱ nga tsjá ijo‑la̱ nga ki̱yátjì ngajo‑la̱ xi̱ta̱ xákjién ra nda báko̱.
\v 14 Tsa si̱itjasòn jiòn koni ꞌsín biꞌtín‑no, jión‑nájiòn xi̱ta̱ ra ꞌñó nda jchi̱bé.
\v 15 Mì kì ti̱ chi̱ꞌnda‑na̱ xín‑no, nga̱ jngo xi̱ta̱ chi̱ꞌnda mì kì be‑jìn mé ra ꞌsín jè ni‑la̱. Kií ko̱ꞌsín ꞌñó nda chibà‑ná nga̱ ijyeé tsiꞌkènájmí ijyeé‑no ngaꞌtsì ꞌén ra kitsjà‑na jè Na̱ꞌìn‑na̱.
\v 16 Mì tsa jiòn ichjaájin‑nájiòn, ꞌa̱án‑ná ra ítsjahíjin‑najiòn; ko̱ ꞌa̱án kítsja xá‑no nga tangió nga nda si̱xá, ko̱ jè xá ra ꞌsia̱an katijna kiꞌtá‑ní ta mé ni̱chjin‑nioo̱. ꞌKoa̱á ꞌsín ma‑ni nga tsjá ijye‑no jè Na̱ꞌìn‑na̱ ta mé ra si̱jé‑la̱ ra a̱ꞌta ꞌtse̱ ꞌí‑na̱.
\v 17 Jè kjoa̱ ra ꞌñó tíbiꞌtín‑no: Jè‑ní nga tsjacha ꞌtio̱òn xàngio̱o nga jngó jngó‑no.
\s Kjoa̱jticha‑la̱ xi̱ta̱ i̱sàꞌnde ra mì kì makjiín‑la̱ ra a̱ꞌta ꞌtse̱ Jesús
\p
\v 18 ’Tsa jñà xi̱ta̱ i̱sàꞌnde si̱ìjtike‑najiòn, ꞌkoa̱á ꞌsín katasijin‑no nga isa̱á ta kjotseé jtike‑na ra ꞌa̱n.
\v 19 Tsa takó jñà tsjacha jiòn jñà kjoa̱ ra tjín ya̱ i̱sàꞌnde, jñà xi̱ta̱ i̱sàꞌnde ko̱tsjakeé‑no koni ꞌsín tsjake ra ti̱jñà‑ni xi̱ta̱ xákjién. Tanga ꞌa̱án tsjahíjin‑najiòn nga tsachrjekàjin‑no kjoa̱ ra tjín ya̱ i̱sàꞌnde; kií majtike‑najiòn jñà xi̱ta̱ i̱sàꞌnde nga̱ mì tsa ti̱ ko̱ꞌsín nihitjasòn‑najiòn koni ꞌsín ꞌsín ra jñà.
\v 20 Kì tà chjàn niìjchaàjion koni ꞌsín kíxin‑no: “Nga jngo chi̱ꞌnda mì tsa jè tíjna ítjòn‑la̱ jè ni‑la̱.” Tsa jtike‑na jñà xi̱ta̱ ko̱ ti̱ꞌkoa̱á mahatji̱ngi‑na, ꞌkoa̱á ti̱ꞌsín ko̱maꞌtin‑te ra jiòn; ko̱ tsa i̱nchisíhitjasòn jñà ꞌén‑na̱, ti̱ꞌkoa̱á si̱hitjasòn‑te jñà ꞌén ra ki̱nákjoa̱a jiòn.
\v 21 Ta ꞌa̱án nga̱tjì‑na nga ko̱tjín kjoa̱ ko̱maꞌtin jiòn, kií‑ní nga mì kì bexkon jè ra isìkasén‑na.
\p
\v 22 ’Tsa mí‑la ꞌa̱n ꞌjía̱ ko̱ tsa mí‑la tsakakóna̱jmía̱ jñà xi̱ta̱ kìi̱, mí‑la tsa mé jé tjín‑la̱. Tanga ꞌndi̱ ꞌndi̱, mì ti̱ kì ma‑ni kóꞌsín nga tsje ko̱chrjengi ijo‑la̱;
\v 23 nga̱ jñà xi̱ta̱ ra jtike‑na ti̱ꞌkoa̱á jtikeé‑te jè Na̱ꞌìn‑na̱.
\v 24 Ni̱mé‑la jé tjín‑la̱ jñà xi̱ta̱ kìi̱ tsa mí‑la kijtse jñà kjoa̱ ra kíꞌsiaa̱n, nga̱ jñà kjoa̱ ra kíꞌsiaa̱n ni̱ kjè sa jngo xi̱ta̱ ko̱ꞌsín ꞌsín; tanga kijtseé jñà kjoa̱ kìi̱ ko̱ ta isa̱á isìjtike‑na ko̱ isijtikeé‑te jè Na̱ꞌìn‑na̱.
\v 25 Tanga tjínè‑la̱ nga ko̱ꞌsín ko̱ka̱ma mé‑ni nga ki̱tjasòn‑ni koni ꞌsín tíchja̱ Xa̱jo̱n‑la̱ Nainá ra kotáꞌyá xi̱ta̱ kìi̱, nga tsò: “Isijtikeé‑na ni̱ꞌsín ni̱mé ra isikóo̱.”
\p
\v 26 ’Tanga ꞌkia̱ nga kjꞌi̱í jè ra ko̱si̱ko̱‑najiòn, jè Inìma̱ Tsje‑la̱ Nainá ra tjín‑la̱ kjo̱hixi̱ ra ꞌa̱n sikásée̱n ra ya̱ nchrabá‑ni a̱ꞌta ꞌtse̱ Na̱ꞌìn‑na̱, jè‑ní ra tsjá ꞌén ra a̱ꞌta tsa̱ꞌa̱n.
\v 27 Ti̱ꞌkoa̱á ꞌki̱i‑te jiòn ꞌén ra a̱ꞌta tsa̱ꞌa̱n, nga ya̱á titsa̱hijyoko̱‑nájiòn skanda ꞌkia̱ nga ti̱ꞌsa̱ tsikiꞌtsiáa̱ jè xá‑na̱.
\c 16
\p
\v 1 ’Kií ko̱ꞌsín tíxin‑no mé‑ni nga ꞌa̱n tjaꞌtà ikon kiꞌtá‑ná.
\v 2 Ko̱chrjekàjin‑nájiòn ya̱ niꞌya sinagoga ñánda̱ nga maxkóya xi̱ta̱ Judío; skanda ki̱jchó ni̱chjin ꞌkia̱ nga yá ra si̱ìꞌken‑najiòn, ꞌkoa̱á ꞌsín ki̱tso̱ nga xá ꞌtse̱ Nainá ra tíꞌsín.
\v 3 Ko̱ kií ko̱ꞌsín ꞌsi̱in‑ni nga mì kì bexkon jè Na̱ꞌìn‑na̱, ko̱ mì kì bexkon‑te‑na ra ꞌa̱n.
\v 4 ꞌKoa̱á ꞌsín tíxin‑no, mé‑ni ꞌkia̱ nga ijye ko̱ꞌsín ko̱kamaꞌtion, katabítsjen‑no koni ꞌsín tíxin‑no ꞌndi̱. Mì tsa ti̱ꞌkia̱ ko̱ kíxin‑no jñà kjoa̱ kìi̱ nga ti̱ꞌsa̱‑ni; nga̱ kií, ya̱á tíjna̱ko̱-isa‑no ꞌkia̱.
\s Mé xá ra ꞌsín jè Inìma̱ Tsje‑la̱ Nainá
\p
\v 5 ’ꞌNdi̱ ꞌndi̱ ya̱á tífì káti̱jnako̱ india‑na ya̱ ñánda̱ tíjna jè ra isìkasén‑na, ko̱ ni̱jngo ra chjinangi‑nájiòn ñánda̱ tífia;
\v 6 ta isa̱á ta kjo̱baá tjíjin jè inìma̱‑no, ta nga̱tjì‑la̱ jñà kjoa̱ ra ko̱kàxin‑no.
\v 7 Tanga ꞌén kixi̱í ra ko̱xin‑no: Isa̱á skén ndi̱yá‑no nga kjiáa̱n. Nga̱ tsa mì kì kjiáa̱n, mì kì kjꞌi̱í ra ko̱si̱ko̱‑najiòn; tanga tsa kjiáa̱n, ꞌa̱án sikásén‑no.
\v 8 ꞌKia̱ nga kjꞌi̱í ra jè, jé si̱ichi̱ya‑la̱ jñà xi̱ta̱ i̱sàꞌnde jñà jé ra tjín‑la̱ ko̱ si̱ichi̱ya‑la̱ kjoa̱ ra kixi̱ tjín, ko̱ kóꞌsín nga si̱ndajín.
\v 9 Jé si̱ichi̱ya‑la̱ jñà xi̱ta̱ i̱sàꞌnde jñà jé ra tjín‑la̱ ta nga̱tjì‑la̱ nga mì kì makjiín‑la̱ ra a̱ꞌta tsa̱ꞌa̱n.
\v 10 Ti̱ꞌkoa̱á si̱ichi̱yaá‑la̱ nga ꞌa̱n‑ná ra xi̱ta̱ kixi̱, nga̱ ki, ya̱á tífia ñánda̱ nga tíjna jè Na̱ꞌìn‑na̱, ko̱ mì kì ti̱ jcha̱‑nájiòn;
\v 11 Ti̱ꞌkoa̱á si̱ichi̱ya‑la̱ kóꞌsín nga si̱ndajín nga jè ra tíbatéxoma‑la̱ jè i̱sàꞌnde ra̱kìi̱, ijyeé tjínda‑ní kóꞌki kjo̱hiꞌin ꞌki̱‑la̱.
\p
\v 12 ’Taxki̱ tjín‑isa‑na mé ꞌén ra ko̱xín‑najiòn, tanga ꞌndi̱ ꞌndi̱ mì kì ko̱chi̱ya‑no ni̱ꞌsín ko̱xín‑no.
\v 13 Tanga ꞌkia̱ nga kjꞌi̱í jè Inìma̱ Tsje‑la̱ Nainá ra ngi ra kjo̱hixi̱, jè ko̱ki̱tso̱‑najiòn kóꞌsín nga ꞌsia̱an jiòn nga ko̱hítji̱ngi‑la jè kjoa̱kixi̱; nga̱ mì tsa tà kjo̱bítsjen ꞌtse̱ si̱ìchjeén kóꞌsín nga ki̱chja̱, ta jé kjón ko̱ki̱tso̱ kótsò ꞌén ra kji̱ꞌnchré, ko̱ jè ꞌke̱èna̱jmí‑no mé kjoa̱ ra ko̱ma a̱skan‑nioo̱.
\v 14 ꞌA̱án jeya si̱ìkíjna‑na ꞌkia̱ nga ska̱ábé kjo̱bítsjen‑na̱ nga ko̱kòn‑ya‑najiòn.
\v 15 Ngaꞌtsì mé ra tjín‑la̱ jè Na̱ꞌìn‑na̱, ti̱ꞌkoa̱á tsa̱ꞌa̱án‑te; kií ko̱xin‑najiòn nga tsa̱ꞌa̱n‑ná kjo̱bítsjen ra ska̱ábé jè Inìma̱ Tsje‑la̱ Nainá nga ko̱kòn‑ya‑najiòn.
\s Kóꞌsín nga jè ra kjo̱ba, kjo̱tsjaá ko̱ma‑nì
\p
\v 16 ’Ta chibaá ni̱chjin chija‑isa ꞌkia̱ mì ti̱ kì jcha̱a‑najiòn, tanga mì tsa kjìn ni̱chjin ko̱to nga ma jcha̱a india‑nájiòn, nga̱ ya̱á tífia ñánda̱ tíjna jè Na̱ꞌìn‑na̱.
\p
\v 17 Jñà xi̱ta̱ ra kotáꞌyáꞌta‑la̱ ꞌkia̱á iskonangi‑la̱ xákjién nga jngó jngó; kitsò‑la̱:
\p ―¿Kó tsò‑ni ꞌén ra ko̱tsò‑la̱ nga tsó‑ná: nga ta chibaá ni̱chjin chija‑isa nga mì ti̱ kì jcha̱‑ná, ko̱ nga mì tsa kjìn ni̱chjin ko̱to nga ma jcha̱á indiaá‑ná, ko̱ nga ya̱á tífì ya̱ ñánda̱ tíjna jè Na̱ꞌìn‑la̱?
\v 18 ¿Kó tsò‑ni ra ko̱tsò‑la̱ nga ta chibaá ni̱chjin chija‑isa? Mì kì machi̱ya‑ná mé ra ko̱tsò‑la̱.
\p
\v 19 Jesús ti̱ꞌkia̱á kijtse nga mejèn‑la̱ nga sko̱nangi‑la̱, ꞌkia̱á kitsò‑la̱:
\p ―¿A jé chjinangi‑la̱ xàngio̱o jè ꞌén ra ko̱kàxin‑no: Ta chibaá chija‑isa, ꞌkia̱ nga mì ti̱ kì jcha̱‑nájiòn, ko̱ nga mì tsa kjìn ni̱chjin ko̱to nga india jcha̱xkon‑nájiòn?
\v 20 Ngi ꞌén kixi̱í ra ko̱xin‑no, ko̱baá‑no ko̱ chjíndáya‑nó, ko̱ jñà xi̱ta̱ i̱sàꞌnde, ko̱tsjaá‑la̱ ra jñà. Tanga jè kjo̱ba‑najiòn, kjo̱tsja ko̱ma‑ni a̱skan‑nioo̱.
\v 21 Jngo chjo̱ón, ꞌkia̱ nga ijye bijchó jè ni̱chjin‑la̱ nga kje̱heꞌtin‑la̱, tseé kjo̱hiꞌin síkjiín ꞌkia̱ nga tsin jè iꞌndí‑la̱; tanga ꞌkia̱ nga ijye feheꞌtin‑la̱, chaàjiín‑la̱ mé kjo̱hiꞌin ra batojin nga batoó tsja ꞌse̱‑ila̱ nga jngo xi̱ta̱ katsin i̱ i̱sàꞌnde.
\v 22 ꞌKoa̱á ti̱ꞌsín tjín‑ni ra a̱ꞌta tsa̱jiòn, ꞌndi̱ ꞌndi̱ baá tjín‑la̱ inìma̱‑no; tanga ꞌa̱n skeé india‑no; ꞌkia̱ nga ko̱ꞌsín ko̱ma, tseé kjo̱tsja si̱jin ya̱ inìma̱‑no; jè kjo̱tsja ra̱kìi̱, ni̱yá ra ma kjo̱híxìn‑no.
\p
\v 23 ’ꞌKia̱ nga ki̱jchò jè ni̱chjin ra̱kìi̱ mì ti̱ kì mé ra chji̱nangi‑nájiòn. Ngi ꞌén kixi̱í ra ko̱xin‑no, tsa mé ra si̱jé‑la̱ jè Na̱ꞌìn‑na̱ ra a̱ꞌta tsa̱ꞌa̱n, ꞌki̱i‑no.
\v 24 Kjè tsa mé níjé jiòn skanda ꞌndi̱ ꞌndi̱ ra a̱ꞌta tsa̱ꞌa̱n; tanga ꞌkoa̱á xín‑no, ti̱jé, ko̱ ꞌki̱í‑no, mé‑ni nga mì ti̱ kì mé ra si̱ìjchija‑la̱ jè kjo̱tsja ra tíjnajin ya̱ inìma̱‑no.
\s Kóꞌsín jè Jesús ijyeé isikijne‑la̱ kjoa̱ ra tjín i̱ i̱sàꞌnde
\p
\v 25 ’Jñà ꞌén ra tíbakó‑no ꞌndi̱‑ni̱ ta kjoa̱ mangásòn‑ní ra tísìchjée̱n; tanga ijyeé nchrabá ni̱chjin ꞌkia̱ nga nda kjón ꞌkenájmí‑nájiòn a̱ꞌta ꞌtse̱ Na̱ꞌìn‑na̱, nga mì tsa ti̱ kjoa̱ mangásòn sichjén‑na ꞌkia̱ nga kokó‑no.
\v 26 Ko̱ jè ni̱chjin ra ꞌsa̱ nchrabá, a̱ꞌta tsa̱ꞌa̱n‑ní nga si̱jé‑la jiòn Na̱ꞌìn‑na̱ mé ra mejèn‑no; ko̱ mì tsa ti̱ ꞌa̱n kitsáꞌba‑la̱ Na̱ꞌìn‑na̱ nga síjétjì‑no,
\v 27 nga̱ jè Na̱ꞌìn‑na̱ ti̱ꞌkoa̱á tsjakeé‑no. Kií tsjake ꞌsín‑najiòn, nga̱ ti̱ꞌkoa̱á tsjacha‑nájiòn ra ꞌa̱n, ko̱ nga̱ ti̱ꞌkoa̱á makjiín‑no nga a̱ꞌta ꞌtse̱ Nainá inchrabà‑na ra ꞌa̱n.
\v 28 ꞌKia̱ nga ꞌjía̱ ya̱ i̱sàꞌnde ra̱kìi̱, ya̱á inchrabà‑na ya̱ ñánda̱ nga tíjna masen jè Nainá; ko̱ ꞌndi̱‑ni̱, tsjin‑náa̱ jè i̱sàꞌnde ra̱kìi̱, nga tífì india‑na ya̱ ñánda̱ tíjna jè Na̱ꞌìn‑na̱.
\p
\v 29 ꞌKia̱á kitsò jñà xi̱ta̱ ra kotáꞌyáꞌta‑la̱:
\p ―Tjinakjoá kixi̱‑ní ꞌndi̱, mì tsa ti̱ kjoa̱ ra mangásòn‑ni tjinichjeén‑ni.
\v 30 ꞌNdi̱ ꞌndi̱ ijyeé ꞌya‑náji̱n nga machi̱ya ijyeé‑li tà mé kjoa̱‑isa‑ni; ko̱ mì kì machjeén‑li tsa yá ra sko̱nangi‑li. Kií makjiín‑naji̱n nga a̱ꞌta ꞌtse̱ Nainá inchrabà‑ni ra ji̱.
\p
\v 31 ꞌKia̱á kitsò Jesús:
\p ―¿A kja̱ ijyeé makjiín‑no ꞌndi̱‑ni̱?
\v 32 Ijyeé ijchó chi̱ba̱‑la̱ ko̱ ꞌndi̱ kjón‑ni nga jiòn‑jiòn jndíi̱ ra ján kongió nga jngó jngó‑no, ko̱ ta ꞌa̱n ta̱jngoó si̱kíjna‑ná. Tanga mì tsa ta ꞌa̱n ta̱jngo tíjna̱, tíjnako̱ó‑na jè Na̱ꞌìn‑na̱.
\v 33 Kií ko̱xin‑no jñà ꞌén kìi̱ mé‑ni nga katasakó‑no kjoa̱ꞌnchán ra a̱ꞌta tsa̱ꞌa̱n. Ya̱ i̱sàꞌnde, ꞌse̱é‑nájiòn kjo̱hiꞌin; tanga ꞌñó tjàꞌtà‑la takòn; ꞌa̱n, ijyeé ísikíjneé‑la̱ jñà kjoa̱ ra tjín i̱sàꞌnde.
\c 17
\s Kóꞌsín Jesús tsikítsaꞌbatjì jñà xi̱ta̱‑la̱ ra ya̱ kotáꞌyáꞌta‑la̱
\p
\v 1 Jesús, ꞌkia̱ nga ijye ko̱ꞌsín kiìchja̱, iskotsíjen ján ngajmi nga kitsò:
\p ―Na̱ꞌìn, ijyeé ijchó ni̱chjin‑la̱, jeya ti̱kíjni jè Iꞌndí‑li, mé‑ni nga ti̱ꞌkoa̱á jeya si̱ìkíjna‑te‑li ra jè.
\v 2 Nga̱ ji̱í ijye kiꞌtsì‑la̱ kjo̱téxoma jè Iꞌndí‑li nga jè kíjna ítjòn‑la̱ ngaꞌtsì xi̱ta̱, mé‑ni nga tsjá‑la̱ kjo̱binachon ra mì kì feheꞌta ngaꞌtsì xi̱ta̱ ra ji̱ kiꞌtsì‑la̱.
\v 3 Jè kjo̱binachon ra mì feheꞌta jè‑ní nga katabexkon‑li nga ta ji̱ ta̱jngoó‑ní ra ngi kixi̱ kjoa̱ nga Nainá, ko̱ ti̱ꞌkoa̱ katabexkon jè Iꞌndí‑li Jesucristo ra ji̱ inikasín.
\p
\v 4 ’ꞌA̱n jeyaá tísíkíjna‑la i̱ i̱sàꞌnde, nga̱ ijyeé ijyeheꞌtà‑na xá ra ji̱ inìnga̱tsja‑ná.
\v 5 Na̱ꞌìn, ꞌkoa̱ ti̱ꞌsín jeya ti̱kíjna‑ná ꞌndi̱ ya̱ ngixkìn koni ꞌsín nga jeya tsakáti̱jnako̱‑la ꞌkia̱ nga ti̱kjè sinda jè i̱sàꞌnde.
\p
\v 6 ’Jñà xi̱ta̱ ra ya̱ i̱sàꞌnde kiꞌtsí‑ná ijyeé tsiꞌkènájmí‑la̱ ra a̱ꞌta tsa̱ji. Xi̱ta̱ tsa̱ji‑ní ko̱ ji̱í kiꞌtsí‑ná ko̱ i̱nchisíhitjasòn‑ní koni ꞌsín tsò jè ꞌén‑li.
\v 7 Jñà xi̱ta̱ kìi̱, ijyeé be ꞌndi̱ ꞌndi̱ nga ngaꞌtsì ra ji̱ inìnga̱tsja‑ná, ya̱á nchrabá kiti‑ni ya̱ a̱ꞌta tsa̱ji;
\v 8 jñà ꞌén ra ji̱ kiꞌtsí‑ná, ijyeé tsiꞌkènájmí‑la̱ jñà xi̱ta̱ kìi̱; ko̱ ndaá ꞌjahaꞌsen‑jin‑la̱. Ko̱ ijyeé kijtseé‑te nga ngi kixi̱í kjoa̱ nga ya̱ inchrabà‑na a̱ꞌta tsa̱ji; ko̱ makjiín‑la̱ nga ji̱í inikasén‑ná.
\p
\v 9 ’ꞌA̱n, tíbitsáꞌba‑la a̱ꞌta ꞌtse̱ jñà xi̱ta̱ kìi̱; mì tsa jñà xi̱ta̱ i̱sàꞌnde ra tíbitsáꞌbatjia, jñá‑ní xi̱ta̱ ra xá ji̱ tsiꞌkí‑náa̱, nga̱ tsa̱ji‑ní jñà xi̱ta̱ kìi̱.
\v 10 Ngaꞌtsì ra xi̱ta̱ tsa̱ꞌa̱n, ti̱ꞌkoa̱á tsa̱jií‑ti, ko̱ ngaꞌtsì ra xi̱ta̱ tsa̱ji ti̱ꞌkoa̱á tsa̱ꞌa̱án‑te; ko̱ ꞌa̱án jeya tíbátijnaa̱ a̱ꞌta ꞌtse̱ jñà xi̱ta̱ kìi̱.
\p
\v 11 ’ꞌA̱n mì tsa ti̱ i̱ kóti̱jna‑na i̱ i̱sàꞌnde; tanga jñà xi̱ta̱ kìi̱, i̱í kítsa̱jna i̱ i̱sàꞌnde; ko̱ ꞌa̱n, ya̱á tífi káti̱jnako̱ india‑la ya̱ ñánda̱ tijni ra ji̱. Na̱ꞌìn tsje, nda ti̱kindi̱i nga ko̱ ngaꞌñó ra tjín‑li, jè ngaꞌñó ra ji̱ kiꞌtsí‑ná, mé‑ni nga nda katìtsa̱jtín‑ni koni ꞌsín nga ji̱ ko̱ ꞌa̱n, nda titsa̱hijyokjeé.
\v 12 ꞌKia̱ nga tsakáti̱jnako̱ ya̱ i̱sàꞌnde, ndaá ísikónda̱ nga ísichjée̱n jè ngaꞌñó ra ji̱ tsiꞌkí‑naa̱. Ko̱ ni̱jngo ichijà jñà xi̱ta̱ kìi̱, ta jé‑ní ra ijye ko̱ꞌsín tjínè‑la̱ nga ko̱ꞌsín ko̱maꞌtin, mé‑ni nga itjasòn‑ni koni ꞌsín nga tíchja̱ jè xa̱jo̱n ra tjíꞌta ꞌÉn‑li.
\p
\v 13 ’ꞌNdi̱ ꞌndi̱ ya̱á tífia ya̱ ñánda̱ tijni ra ji̱; ko̱ kií ko̱ꞌsín tíchjà‑na jñà ꞌén kìi̱ ꞌkia̱ nga takó tíjna̱‑isa i̱ i̱sàꞌnde, mé‑ni nga ti̱ꞌkoa̱ nda katasijin‑ni ya̱ inìma̱‑la̱ jè kjo̱tsja ra tjín‑na ra ꞌa̱n.
\v 14 ꞌA̱n ijyeé kítsja‑la̱ jñà ꞌén‑li, tanga jñà xi̱ta̱ i̱sàꞌnde síjtìkeé jñà xi̱ta̱‑na̱ ta nga̱tjì‑la̱ mì tsa ti̱ ya̱ chja̱‑ni i̱ i̱sàꞌnde koni ꞌsín ꞌa̱n mì tsa ti̱ ya̱ chjà‑na i̱ i̱sàꞌnde.
\v 15 Mì tsa ko̱ꞌsín tíbitsáꞌba‑la nga náchrjekajin ya̱ i̱sàꞌnde, jè‑ní ra tísíjé‑la nga ti̱kondi̱i a̱ꞌta ꞌtse̱ xi̱ta̱‑ni̱í.
\v 16 Koni ꞌsín mì tsa i̱ i̱sàꞌnde chjà‑na, ꞌkoa̱á ti̱ꞌsín mì tsa ti̱ ya̱ chja̱‑ni i̱ i̱sàꞌnde jñà xi̱ta̱‑na̱.
\v 17 Ngi jè tsje ti̱kítsa̱jna‑ni ko̱ ꞌén kixi̱‑li nga ngi xi̱ta̱ tsa̱ji katama; nga̱ jè ꞌén‑li ngi ꞌén kixi̱ kiti‑ní.
\v 18 Koni ꞌsín nga inikasén‑náa̱ ꞌa̱n ya̱ a̱jin‑la̱ xi̱ta̱ i̱sàꞌnde, jñà xi̱ta̱‑na̱, ꞌkoa̱á ti̱ꞌsín tísikásén‑te ya̱ a̱jin‑la̱ xi̱ta̱ i̱sàꞌnde.
\v 19 Ji̱í tísingátsja‑la ijo‑na̱ nga tsje kóti̱jna ya̱ a̱ꞌta tsa̱ji mé‑ni nga jñà xi̱ta̱‑na̱ ti̱ꞌkoa̱á si̱ìnga̱tsja‑li ijo‑la̱ nga tsje kítsa̱jna ra a̱ꞌta ꞌtse̱ kjo̱hixi̱‑li.
\p
\v 20 ’Mì tsa tà jñà tíbitsáꞌbatjìa̱ jñà xi̱ta̱‑na̱, ti̱ꞌkoa̱á tíbitsáꞌbatjí‑tee̱ jñà xi̱ta̱ ra ko̱kjiín‑la̱ ꞌén‑na̱ ꞌkia̱ nga ꞌke̱èna̱jmíya jñà xi̱ta̱‑na̱,
\v 21 mé‑ni nga ngaꞌtsì jñà xi̱ta̱ kìi̱, jngoó katama‑ni, koni ꞌsín tijnako̱‑ná ra ji̱ Na̱ꞌìn, ko̱ ꞌa̱n, ya̱á tíjna̱ko̱‑la, ti̱ꞌkoa̱ ya̱ katitsa̱jnako̱‑náa̱ jñà xi̱ta̱ kìi̱, mé‑ni nga katakjiín‑la̱ jñà xi̱ta̱ i̱sàꞌnde nga ji̱í inikasén‑na.
\v 22 Jè kjoa̱jeya ra ji̱ kiꞌtsí‑ná, ꞌa̱n, ꞌkoa̱á ti̱ꞌsín kítsja‑la̱ jñà xi̱ta̱‑na̱, mé‑ni nga ta jngo katama‑ni ngaꞌtsiòo̱, koni ꞌsín jngo ma‑ná ra jién.
\v 23 Nga̱ jñà xi̱ta̱‑na̱ ya̱á tíjna̱ko̱ ko̱ ji̱í tijnako̱‑ná ra ꞌa̱n, mé‑ni nga ngi kixi̱í kjoa̱ nga jngo katama‑ná; ko̱ jñà xi̱ta̱ i̱sàꞌnde katabe nga ji̱í inikasén kiti‑ná, ko̱ katabe‑te nga tsjachaá‑ti jñà xi̱ta̱‑na̱ koni ꞌsín nga tsjacha‑ná ra ꞌa̱n.
\p
\v 24 ’Na̱ꞌìn, ji̱í tsiꞌkí‑ná jñà xi̱ta̱‑na̱ ko̱ jè ra mejèn‑na nga ya̱ katitsa̱jna‑te ya̱ ñánda̱ kóti̱jna ra ꞌa̱n, mé‑ni nga katabe‑ni jè kjoa̱jeya‑na̱, jè kjoa̱jeya ra ji̱ tsiꞌkí‑ná; nga̱ ji̱ ndaá tsjacha‑náa̱ skanda ti̱ꞌkia̱‑ni nga ti̱kjè sinda jè i̱sàꞌnde.
\v 25 Ji̱ Na̱ꞌìn ra xi̱ta̱ kixi̱ ꞌmì‑li, jñà xi̱ta̱ i̱sàꞌnde mì kì bexkon‑li, tanga ꞌa̱n bexkoón‑la; ko̱ ti̱ꞌkoa̱á jñà xi̱ta̱‑na̱ ijyeé beé‑te nga ji̱í inikasén‑náa̱ i̱ i̱sàꞌnde.
\v 26 Jñà xi̱ta̱‑na̱ ijyeé tsiꞌkènájmí‑la̱ ra a̱ꞌta tsa̱ji, ko̱ takó ꞌsa̱á ꞌkenájmí-isa‑la̱, mé‑ni nga jè kjoa̱tsjacha ra tjín‑li a̱ꞌta tsa̱ꞌa̱n, ya̱á katasijnajin‑la̱, ko̱ mé‑ni nga ya̱ kóti̱jnajin‑na ya̱ inìma̱‑la̱ jñà xi̱ta̱ kìi̱.
\c 18
\s Kóꞌsín nga kindabà jè Jesús
\r (Mateo 26:47‑56; Marcos 14:43‑50; Lucas 22:47‑53)
\p
\v 1 ꞌKia̱ nga ijye ko̱ꞌsín kitsò Jesús, kijì‑ní, tji̱ko̱ jñà xi̱ta̱ ra kotáꞌyáꞌta‑la̱ nga kijì ya̱ ra ijngoa‑la̱ xa̱ngá ra ꞌmì Cedrón. Ya̱á tíjna jngo i̱ꞌnde ñánda̱ kjìn sko̱ya yá tjítje̱; ko̱ ya̱á ꞌjahaꞌsen‑jin Jesús ko̱ jñà xi̱ta̱‑la̱ ra kotáꞌyáꞌta‑la̱.
\v 2 Ko̱ jè Judas, xi̱ta̱ ra si̱ìnga̱tsja Jesús jñà xi̱ta̱ kondra̱‑la̱, ndaá bexkon jè i̱ꞌnde ra̱kìi̱, nga̱ ki, kjín ꞌka̱ ya̱ kjóxkóya Jesús ko̱ jñà xi̱ta̱ ra kotáꞌyáꞌta‑la̱.
\v 3 ꞌKoa̱á ꞌsín kjomà‑ni nga jè Judas ijchò ya̱ i̱ꞌnde ra̱kìi̱; jngo jtín ma chíchàn tji̱ko̱, ti̱ꞌkoa̱ tji̱ko̱ iꞌka jñà xi̱ta̱ ra síkinda̱ jè i̱ngo̱ ítjòn, jñà ra isìkasén jñà xi̱ta̱ ítjòn‑la̱ na̱ꞌmì ko̱ jñà xi̱ta̱ fariseo. ꞌYa ki̱cha̱ kjo̱jchán ko̱ ꞌya niꞌí isen ko̱ niꞌí ínicha.
\v 4 Tanga jè Jesús, nga̱ ijyeé be mé kjoa̱ ra ko̱ka̱maꞌtin, jè tsasichjà ítjòn‑la̱ nga iskonangi‑la̱ jñà xi̱ta̱ kìi̱, kitsò‑la̱:
\p ―¿Yá xi̱ta̱ ra fatsji jiòn?
\p
\v 5 Jñà xi̱ta̱ kìi̱ kiìchja̱ kitsò:
\p ―Jè fatsji‑ji̱n jè Jesús ra ya̱ Nazaret i̱ꞌnde‑la̱.
\p ꞌKia̱á kitsò‑la̱ Jesús:
\p ―ꞌA̱n‑náa̱.
\p Ya̱á síjnajin‑la̱ jñà xi̱ta̱ kìi̱ jè Judas, jè ra kitsjà‑la̱ íꞌtsi̱n Jesús nga kisìnga̱tsja xi̱ta̱ kondra̱‑la̱.
\v 6 ꞌKia̱ nga kitsò Jesús: “ꞌA̱n‑náa̱”, xi̱ta̱ kìi̱ ngi kijì‑ni íꞌtsi̱n, iskatsajoꞌtá ya̱ nangi.
\v 7 Jesús india iskonangi‑la̱, kitsò‑la̱:
\p ―¿Yá ra fatsji jiòn?
\p ꞌKia̱á kitsò xi̱ta̱ kìi̱:
\p ―Jè fatsji‑ji̱n jè Jesús ra ya̱ Nazaret i̱ꞌnde‑la̱.
\p
\v 8 Jesús india kitsò‑ila̱ jñà xi̱ta̱ kìi̱:
\p ―Ijyeé ko̱kàxin‑najiòn nga ꞌa̱n‑náa̱. Tsa ꞌa̱n‑ná ra fatsji‑nájiòn, ti̱ꞌnde‑la jñà xi̱ta̱ kìi̱ nga katafì‑ni.
\p
\v 9 Kií ko̱ꞌsín kjomà‑ni mé‑ni nga itjasòn‑ni jè ꞌén ra kiìchja̱ Jesús nga ti̱ꞌsa̱ ítjòn, ꞌkia̱ nga kitsò: “Na̱ꞌìn, jñà xi̱ta̱ ra ji̱ kiꞌtsí‑ná, ni̱jngo ichijà.”
\v 10 Jè Simón Pedro ꞌyaá jngo ki̱cha̱ ndajò; tsachrje ki̱cha̱‑la̱ nga tsajá‑la̱ jè xi̱ta̱ chi̱ꞌnda‑la̱ na̱ꞌmì ítjòn, jè ra ꞌmì Malco; tsateꞌtà chíká nga kixi̱‑la̱.
\v 11 Jè Jesús kitsò‑la̱ jè Pedro:
\p ―Tjajnatjo‑ni ki̱cha̱‑li. Tsa jè Na̱ꞌìn‑na̱ ko̱ꞌsín mejèn‑la̱ nga ko̱tjín kjo̱hiꞌin ra ko̱to‑jiaa̱n, ¿a mí tsa tjínè‑la̱ nga sìhitjásòo̱n?
\s Kóꞌsín ijchò Jesús ya̱ ngixko̱n xi̱ta̱ ra ꞌmì Anás
\r (Mateo 26:57‑58; Marcos 14:53‑54; Lucas 22:54)
\p
\v 12 Jñà chíchàn ko̱ jè xi̱ta̱ ra tíjna ítjòn‑la̱, ko̱ jñà xi̱ta̱ ra síkinda̱ jè i̱ngo̱ ítjòn itsabáꞌñó jè Jesús ko̱ a̱kjòn inchà naꞌñó.
\v 13 Ya̱á iko̱ ítjòn ya̱ niꞌya‑la̱ xi̱ta̱ ra ꞌmì Anás, ta nga̱tjì‑la̱ níxáyaá ma jè Caifás. Jè xi̱ta̱ ra ꞌmì Caifás, na̱ꞌmì ítjòn tíjna jè nó ꞌkia̱ nga ko̱ꞌsín kjomà kjoa̱ kìi̱.
\v 14 Jè‑ní Caifás ra ijye a̱sa ko̱ kitsò‑la̱ jñà xi̱ta̱ judío nga isa̱á nda‑ni nga ta jngo xi̱ta̱ katiyatjì ngajo‑la̱ jè na̱xi̱ndá.
\s Kóꞌsín nga jè Simón Pedro, ꞌkoa̱á ꞌsín kitsò nga mì kì bexkon jè Jesús
\r (Mateo 26:69‑70; Marcos 14:66‑68; Lucas 22:55‑57)
\p
\v 15 Jè Simón Pedro kijìtji̱ngií‑la̱ Jesús ko̱ ìjngo‑isa xi̱ta̱ ra ti̱ꞌkoa̱ ya̱ kotáꞌyáꞌta‑la̱. Jè xi̱ta̱ ra̱kìi̱, ndaá bexkon jè na̱ꞌmì ítjòn ko̱ ꞌjahaꞌsen‑ko̱ó Jesús ya̱ ndi̱tsin niꞌya‑la̱ na̱ꞌmì ítjòn.
\v 16 Tanga jè Pedro ya̱á tsikijnaꞌta ya̱ xo̱tjo̱ba̱‑la̱ niꞌya ya̱ ndi̱tsiaán. Jè xi̱ta̱‑la̱ Jesús ra nda bexkon jè na̱ꞌmì ítjòn, itjo‑ní nga tsakáko̱ jè chjo̱ón ra síkinda̱ jè xo̱tjo̱ba̱ niꞌya a̱kjòn isìkjahaꞌsen jè Pedro.
\v 17 Jè chjo̱ón ra síkinda̱ ya̱ xo̱tjo̱ba̱ niꞌya iskonangií‑la̱ jè Pedro, kitsò‑la̱:
\p ―Ngaji̱, ¿a mí tsa ti̱ꞌkoa̱ ya̱ chitáꞌyáꞌta‑la̱ jè xi̱ta̱ ra̱kìi̱?
\p Jè Pedro kitsó‑ní:
\p ―Majìn, mì tsa ya̱ fìtji̱ngi‑la̱ ra ꞌa̱n.
\p
\v 18 Jñà xi̱ta̱ chi̱ꞌnda ko̱ jñà xi̱ta̱ ra síkinda̱ ya̱ i̱ngo̱, niꞌí tsikítse; tjítsa̱ꞌngi‑ní nga̱ ni̱chjin ꞌnchán ꞌkia̱. Ti̱ꞌkoa̱á jè Pedro ya̱á tíjnaꞌngi‑te.
\s Jè Na̱ꞌmì ítjòn ra ꞌmì Anás iskonangií‑la̱ jè Jesús
\r (Mateo 26:59‑66; Marcos 14:55‑64; Lucas 22:66‑71)
\p
\v 19 Jè na̱ꞌmì ítjòn tsikíꞌtsia̱ nga iskonangi‑la̱ Jesús a̱ꞌta ꞌtse̱ xi̱ta̱ ra kotáꞌyáꞌta‑la̱ ko̱ a̱ꞌta ꞌtse̱ ꞌén ra bakón‑ya.
\v 20 ꞌKia̱á kiìchja̱ Jesús kitsò‑la̱:
\p ―ꞌA̱n, tsáse̱n masen‑ná nga kíchjàa̱ ya̱ a̱jin‑la̱ ngaꞌtsì xi̱ta̱ i̱sàꞌnde; kjiꞌtá ni̱chjin tsakon‑yá ya̱ ndi̱tsin i̱ngo̱ ítjòn ko̱ ya̱ ñánda̱ nga maxkóya jñà xi̱ta̱ Judío, ko̱ ni̱jngo ꞌén ra kíchjàꞌma.
\v 21 ¿Mé‑ni ꞌa̱n chjinangi‑ná? Jñà chji̱nangi‑la̱ jñà xi̱ta̱ ra kiíꞌnchré; jñà ko̱katatsò kótsò ꞌén ra ꞌa̱n tsakon‑yá‑la̱; jñà xi̱ta̱ kìi̱, ijyeé ndaá tjíjin‑la̱.
\p
\v 22 ꞌKia̱ nga ko̱kitsò jñà ꞌén kìi̱ Jesús, jngo xi̱ta̱ ra síkinda̱ i̱ngo̱ ꞌja nga isìjtsinꞌá jè Jesús, kitsò‑la̱:
\p ―¿Mé‑ni ko̱ꞌsín tsò ꞌén ra nakjoá‑ila̱ jè na̱ꞌmì ítjòn?
\p
\v 23 ꞌKia̱á kitsò Jesús:
\p ―Tsa ꞌchoó tsò ꞌén ra kàchjà, ko̱ꞌtín‑ná mé‑ni nga ꞌcho tsò‑ni; ko̱ tsa ndaá tsò, ¿mé‑ni nga tjiꞌbé‑ná?
\p
\v 24 Jè Anás ꞌkia̱á isìkasén jè Jesús tjíꞌta‑la̱ naꞌñó, ya̱ ñánda̱ tíjna jè Caifás jè ra na̱ꞌmì ítjòn tíjna.
\s Kóꞌsín nga jè Pedro india ko̱kitsò‑ni nga mì kì bexkon jè Jesús
\r (Mateo 26:71‑75; Marcos 14:69‑72; Lucas 22:58‑62)
\p
\v 25 Jè Pedro takó ya̱á síjna nga síjnaꞌngi ya̱ ñánda̱ nga tjítse jè niꞌí. Jñà xi̱ta̱ iskonangií‑la̱ kitsò‑la̱:
\p ―¿A mí tsa ti̱ꞌkoa̱ ya̱ chitáꞌyáꞌta‑la̱ jè xi̱ta̱ ra̱kìi̱?
\p Jè Pedro tsikíꞌma‑ní kitsò:
\p ―Majìn‑jìn, mì tsa ꞌa̱n jiàa̱n.
\p
\v 26 ꞌKia̱á jngo xi̱ta̱ chi̱ꞌnda‑la̱ na̱ꞌmì ítjòn ra xákjién ma jè xi̱ta̱ ra tsateꞌtà chíká‑la̱ jè Pedro, iskonangií‑la̱ kitsò‑la̱:
\p ―¿A mí tsa ji̱ ra kàbè‑la nga tje̱n‑ki̱ jè Jesús ya̱ a̱ngi yá ján?
\p
\v 27 Jè Pedro india tsakjaꞌma‑ni, ko̱ ti̱ꞌkia̱á‑ni nga iskindaya jè káxtí.
\s Kóꞌsín kjomà Jesús nga ijchò ya̱ ñánda̱ tíjna jè Pilato
\r (Mateo 27:1‑2, 11‑14; Marcos 15:1‑5; Lucas 23:1‑5)
\p
\v 28 Jñà xi̱ta̱ kiìko̱ kjòn‑ni ya̱ niꞌya‑la̱ Caifás jè Jesús skanda ijchòko̱ ya̱ ñánda̱ tíjna niꞌya masen‑la̱ ꞌtse̱ xi̱ta̱xá ítjòn ꞌtse̱ Roma. Ijyeé tíꞌse i̱sén ko̱ jñà xi̱ta̱ judío mì kì ꞌjahaꞌsen ya̱ niꞌya masen, nga̱ kijtsexkón ijo‑la̱ mé‑ni nga ma ko̱kje̱n‑ni a̱ꞌta ꞌtse̱ ꞌsí paxko̱.
\v 29 ꞌKoa̱á ꞌsín kjomà‑ni jè Pilato ra xi̱ta̱xá ítjòn tíjna, itjo nga kitsò‑la̱ jñà xi̱ta̱ kìi̱:
\p ―¿Mé kjoa̱ ra fangi‑no jè xi̱ta̱ ra̱kìi̱?
\p
\v 30 Jñà xi̱ta̱ judío kiìchja̱‑ní kitsò:
\p ―Mí‑la ta chjàn ji̱ i̱nchinìnga̱tsja‑laji̱n, tsa mì mé jé tjín‑la̱.
\p
\v 31 Jè Pilato kitsó‑la̱:
\p ―Tahíko̱o, ko̱ jiòn tindajín‑la koni ꞌsín tíjna kjo̱téxoma tsa̱jiòn.
\p Tanga jñà xi̱ta̱ judío kitsó‑ní:
\p ―Ngàji̱n‑ji̱n, mì kì tjíꞌnde‑naji̱n nga taxki̱ si̱ꞌken‑ji̱n jngo xi̱ta̱.
\p
\v 32 ꞌKoa̱á ꞌsín ma‑ni nga itjasòn jñà ꞌén ra ijye kiìchja̱ Jesús ꞌkia̱ nga tsiꞌkéna̱jmí kóꞌsín ko̱maꞌtin ꞌkia̱ nga ki̱yá.
\v 33 Jè Pilato india ꞌjahaꞌsen‑ni ya̱ niꞌya masen, kiìchja̱‑la̱ Jesús kitsò‑la̱:
\p ―¿A ji̱‑níi̱ jè xi̱ta̱xá ítjòn‑la̱ jñà xi̱ta̱ judío?
\p
\v 34 Jesús kitsó‑la̱:
\p ―¿A ta kjo̱bítsjen tsa̱ji‑ní nga ko̱ꞌsín nga tjisi, o̱ ra kjꞌií xi̱ta̱ tsiꞌkéna̱jmí‑li ra a̱ꞌta tsa̱ꞌa̱n?
\p
\v 35 Jè Pilato kiìchja̱ kitsò:
\p ―Mì tsa xi̱ta̱ judío‑jiàa̱n ra ꞌa̱n. Ti̱jñá‑ni xi̱ta̱ na̱xi̱ndá‑li ko̱ jñà xi̱ta̱ ítjòn‑la̱ na̱ꞌmì ra kàꞌfiìkó‑li nga ꞌa̱n kásínga̱tsja‑na ra ji̱. ¿Mé kjoa̱ ra kiꞌnì?
\p
\v 36 Kiìchja̱á Jesús kitsò:
\p ―Mì tsa i̱ i̱sàꞌnde tjínè‑la̱ nga kotexóma. Tsa ꞌkoa̱à‑la ꞌsín tjín, ꞌse̱áa‑na xi̱ta̱ ra ska̱jàn‑tjì‑na mé‑ni nga mì ya̱ ko̱nga̱tsja‑na jñà xi̱ta̱ judío. Tanga mì tsa i̱ tjínè‑la̱ nga kotexóma.
\p
\v 37 Jè Pilato india iskonangií‑la̱ nga kitsò‑la̱:
\p ―¿A kja̱ xi̱ta̱xá ítjòn‑níi̱ ra ji̱?
\p ꞌKia̱á kitsò Jesús:
\p ―Ji̱í ra ko̱si nga xi̱ta̱xá ítjòn‑ná. ꞌA̱n kií xá kitsin‑naa̱ ko̱ kií xá ꞌjíi̱‑na i̱ i̱sàꞌnde nga ko̱ꞌsín ꞌkena̱jmíya kóꞌsín nga tjín ra ngi kjo̱hixi̱. Ko̱ ngaꞌtsì jñà xi̱ta̱ ra a̱ꞌta ꞌtse̱ kjo̱hixi̱ fìꞌta‑la̱, ꞌnchré‑ní ngaꞌtsì jñà ꞌén ra ꞌa̱n chjàa̱.
\p
\v 38 Jè Pilato kitsó‑ní:
\p ―¿Mé ra ꞌmì kjo̱hixi̱?
\s Kóꞌsín nga jè Jesús isinè‑la̱ nga ki̱yá
\r (Mateo 27:15‑31; Marcos 15:6‑20; Lucas 23:13‑25)
\p ꞌKia̱ nga ijye ko̱ꞌsín iskonangi jè Pilato, ꞌkia̱á itjo nga tsakáko̱ jñà xi̱ta̱ judío nga kitsò‑la̱:
\p ―Ni̱mé jé ra sakó‑na nga a̱ꞌta ꞌtse̱ xi̱ta̱ ra̱kìi̱.
\v 39 Tanga ꞌkoa̱á ꞌsín ꞌya jiòn ꞌkia̱ nga bitjo ꞌsí paxko̱ nga níkíjnandi̱í jngo‑no xi̱ta̱ ra tísíkjiín kjo̱hiꞌin nga tíjnaya nda̱yá. ¿ꞌNdi̱ ꞌndi̱ a mején‑nájiòn nga jè síkíjnandi̱í‑na jè Xi̱ta̱xá Ítjòn‑la̱ xi̱ta̱ judío?
\p
\v 40 Ngaꞌtsì jñà xi̱ta̱ ꞌñó kiìchja̱ india‑ni nga kitsò:
\p ―Majìn‑naji̱n nga jé Jesús katijnandi̱í‑ni, jé mejèn‑naji̱n nga jè Barrabás katijnandi̱í‑ni.
\p Ko̱ jè xi̱ta̱ ra ꞌmì Barrabás xi̱ta̱ chijé‑ní.
\c 19
\s Kóꞌsín nga jñà xi̱ta̱ isíjé nga krò katasiꞌta jè Jesús
\p
\v 1 Jè Pilato kitsjà‑la̱ kjo̱hixi̱ jñà xi̱ta̱ nga isikiꞌon jè Jesús nga tsajá‑la̱.
\v 2 Jñà chíchàn kisìꞌya̱ jngo yá naꞌyá nga tsikíꞌa sko̱ koni ꞌsín siꞌa jngo‑la̱ koròna̱ xi̱ta̱xá ítjòn; a̱kjòn isíkáya jngo nikje ra chji̱ꞌndi̱ inì ꞌkioo̱.
\v 3 Ijchò kinchaꞌta chraña‑la̱ kitsò‑la̱:
\p ―¡Mé ta̱ nda‑la̱ jè Xi̱ta̱xá Ítjòn‑la̱ xi̱ta̱ judío!
\p Ko̱ a̱kjòn isìjtsinꞌá jngo ya̱ i̱sén‑la̱.
\p
\v 4 Jè Pilato itjoko̱ india‑ni jè Jesús ya̱ ndi̱tsiaán; ko̱ a̱kjòn kitsò‑la̱ jñà xi̱ta̱ na̱xi̱ndá:
\p ―Chítsijen‑la, kosen masen‑no i̱jndíi̱, mé‑ni nga katasijin‑no nga ni̱mé jé sakó‑na nga a̱ꞌta ꞌtse̱ xi̱ta̱ ra̱kìi̱.
\p
\v 5 ꞌKia̱ nga itjo jè Jesús tjíꞌa ya̱ sko̱ jè corona ra yá naꞌyá ko̱ kjiya jè nikje ra ꞌñó chji̱ꞌndi̱ ꞌkioo̱. Jè Pilato kitsó‑la̱ xi̱ta̱ na̱xi̱ndá:
\p ―Síjna i̱jndíi̱ jè xi̱ta̱ ra̱kìi̱.
\p
\v 6 ꞌKia̱ nga kijtse jñà xi̱ta̱ ítjòn‑la̱ na̱ꞌmì ko̱ jñà xi̱ta̱ ra síkinda̱ i̱ngo̱ tsikíꞌtsia̱ nga ꞌñó kiìchja̱‑isa nga kitsò:
\p ―¡Krò katasiꞌta‑róoi̱! ¡Krò katasiꞌta‑róoi̱!
\p Jè Pilato kitsò:
\p ―Jiòn sabà tahíko̱o nga tjàꞌtà krò; nga ꞌa̱n, ni̱mé jé sakó‑na nga̱ꞌta ꞌtse̱ xi̱ta̱ ra̱kìi̱.
\p
\v 7 ꞌKia̱á kiìchja̱ jñà xi̱ta̱xá‑la̱ xi̱ta̱ judío nga kitsò:
\p ―Ji̱n, tjín jngo‑naji̱n kjo̱téxoma, ko̱ jè kjo̱téxoma ra̱kìi̱, ꞌkoa̱á ꞌsín tsò nga tjínè‑la̱ nga ki̱yá, ta nga̱tjì‑la̱ nga Iꞌndí‑la̱ Nainá tsò‑la̱ ijo‑la̱.
\p
\v 8 ꞌKia̱ nga kiíꞌnchré jñà ꞌén kìi̱, jè Pilato isa̱á ꞌñó itsakjòn‑isa.
\v 9 ꞌKia̱á ꞌjahaꞌsen india‑ni ya̱ niꞌya masen nga iskonangi‑la̱ jè Jesús, kitsò‑la̱:
\p ―¿Ñánda̱‑ni i̱ꞌnde‑li?
\p Tanga jè Jesús mì kì kiìchja̱.
\p
\v 10 ꞌKia̱á kitsò‑la̱ jè Pilato:
\p ―¿Mé‑ni mì kì nakjoá‑na? ¿A mí ꞌyi nga ꞌa̱án ra tjín‑na kjo̱téxoma nga ma koꞌtá‑la krò, ko̱ ti̱ꞌkoa̱á ꞌa̱án‑te ra ma síkíjnandi̱í‑la?
\p
\v 11 ꞌKia̱á kiìchja̱ Jesús kitsò:
\p ―Ni̱jngoó‑la kjo̱téxoma ꞌse̱‑li ra ma ji̱ kíndajín‑ná tsa mí‑la jè Nainá kitsjá‑li kjo̱téxoma; kií jnchro isa̱á tse jé tjín‑la̱ jè ra isìnga̱tsja‑na koni ra ji̱.
\p
\v 12 ꞌKia̱ nga ko̱kitsò Jesús, ya̱á kjoꞌtsia̱‑ni nga jè Pilato tsakátsjiꞌnde‑la̱ kóꞌsín nga ma si̱ìkíjnandi̱í‑ni jè Jesús; tanga jñà xi̱ta̱ judío ꞌñó kiìchja̱ nga kitsò‑la̱:
\p ―Tsa si̱kíjnandi̱í‑ni jè xi̱ta̱ ra̱kìi̱, mì‑la tsa ya̱ nda fahijtako̱‑ni jè xi̱ta̱xá ítjòn ra batéxoma‑ná jè ra ꞌmì César. Nga̱ ngaꞌtsì ra ta jè xi̱ta̱xá ítjòn tsò‑la̱ ijo‑la̱, kondra̱á fì‑la̱ jè xi̱ta̱xá ra tíbatéxoma‑ná.
\p
\v 13 Jè Pilato ꞌkia̱ nga kiíꞌnchré jñà ꞌén kìi̱, tsachrjeé ya̱ ndi̱tsiaán jè Jesús, a̱kjòn tsikijna ya̱ i̱ꞌnde ñánda̱ nga bíndajín kjoa̱ ya̱ ñánda̱ ꞌmì A̱sòn Chrjó Na̱jo̱, jè i̱ꞌnde ra Gabatá ꞌmì, ꞌkia̱ nga ꞌén hebreo.
\v 14 Ijchó‑la tsa nchisen jè ni̱chjin ꞌkia̱ nga ijye títsa̱jnanda xi̱ta̱ nga ki̱tjo ꞌsí paxko̱ nga ta jngo ni̱chjin chija‑isa; kiìchja̱á jè Pilato nga kitsò:
\p ―¡Síjna i̱jndíi̱ jè xi̱ta̱xá ítjòn‑no!
\p
\v 15 Tanga jñà xi̱ta̱ judío ꞌñó kiìchja̱ nga kitsò:
\p ―¡Katabiya‑róoi̱! ¡Ya̱ tjàꞌtà krò!
\p ꞌKia̱á kitsò jè Pilato:
\p ―¿A krò koꞌtá jè xi̱ta̱xá ítjòn‑najiòn?
\p Kitsó jñà xi̱ta̱ ítjòn‑la̱ na̱ꞌmì:
\p ―Mì tsa ti̱ yá xi̱ta̱xá ítjòn tjín‑naji̱n, ta jé‑ní ra ꞌmì César ra batéxoma‑naji̱n.
\p
\v 16 Pilato ꞌkia̱á isìnga̱tsja jñà xi̱ta̱ kìi̱ jè Jesús mé‑ni nga katabáꞌta krò; ko̱ jñà xi̱ta̱ kìi̱ kiìko̱ó jè Jesús.
\s Kóꞌsín nga isiꞌta krò jè Jesús
\r (Mateo 27:32‑44; Marcos 15:21‑32; Lucas 23:26‑43)
\p
\v 17 Jesús itjo, ꞌyamijìn jè krò‑la̱ nga kijì ya̱ i̱ꞌnde ra ꞌmì I̱ꞌnde Sko̱ Miꞌken (ꞌkia̱ nga ꞌén hebreo, Gólgota ꞌmì i̱ꞌnde ra̱kìi̱).\fig Jesus carrying cross through street -50% (sub for CN 01834) -50%|45-cn01833B.tif|col|JHN 19:17|| |JHN 19:17\fig*
\v 18 ꞌKia̱ nga ijchò ya̱ i̱ꞌnde ra̱kìi̱, ya̱á isiꞌta krò, ko̱ ngi jò‑isa xi̱ta̱, ta̱ña isiꞌtako̱ krò; jè Jesús isasiyá masen‑la̱.
\v 19 Jè Pilato tsikíndaá jngo ꞌén ra tsò: “Jesús ra Nazaret i̱ꞌnde‑la̱, Xi̱ta̱xá Ítjòn‑la̱ xi̱ta̱ judío”, a̱kjòn tsakáꞌta ya̱ sko̱ krò.
\v 20 ꞌÑó kjìn xi̱ta̱ judío kijtse nga iskotáꞌyá jñà ꞌén kìi̱, nga̱ ki, ya̱ ñánda̱ nga isiꞌta krò jè Jesús, ya̱á chrañaꞌtá‑la̱ na̱xi̱ndá. Jñà ꞌén kìi̱, jàn ndi̱yá‑la̱ jñà ꞌén ra tjíꞌta: nga ꞌén hebreo, ꞌén griego ko̱ ꞌén latín.
\v 21 Jñà xi̱ta̱ ítjòn‑la̱ na̱ꞌmì ra ꞌtse̱ xi̱ta̱ judío kitsó‑la̱ jè Pilato:
\p ―Kì tà chjàn ko̱ꞌsín bindi nga tsò: “Xi̱ta̱xá Ítjòn‑la̱ xi̱ta̱ judío”; ꞌkoa̱á ꞌsín tindi “Jè ra Xi̱ta̱xá Ítjòn‑la̱ xi̱ta̱ judío kitsò‑la̱ ijo‑la̱.”
\p
\v 22 Jè Pilato kitsó‑ní:
\p ―Koni ꞌsín ijye kabindáa̱, ꞌkoa̱á ꞌsín katasijna.
\s Kóꞌsín nga jñà chíchàn isìjòya jè nikje‑la̱ Jesús
\p
\v 23 Jñà chíchàn ꞌkia̱ nga ijye tsakáꞌta krò jè Jesús, iskábé jè nikje‑la̱; ijòn‑ya kiꞌsìn nga tsateya; a̱kjòn jngó jngó‑ya iskábé‑ni. Ti̱ꞌkoa̱á iskábé‑te jè nikje ndajò‑la̱ jè ra mì tsa itjahiña, tà nikje tíjngo‑ní;
\v 24 kitsò‑la̱ xákjén jñà chíchàn:
\p ―Mì kì tsa chjíchrja̱yeé; ta si̱skáko̱ jnchreé; ya̱á jcha̱‑la̱ yá ꞌtse̱ ki̱tso̱‑la̱.
\p ꞌKoa̱á ꞌsín itjasòn koni ꞌsín tjíꞌta jè Xa̱jo̱n‑la̱ Nainá nga tsò: “Jè nikje‑na̱ isìkaꞌbí‑la̱ xákjién ko̱ kisískáko̱‑ní nikje ndajò‑na̱.” Jñà kjoa̱ kìi̱, ꞌkoa̱á ꞌsín kiꞌsìn jñà chíchàn.
\p
\v 25 Ya̱á i̱jnchaꞌta chraña‑la̱ krò jè na̱‑la̱ Jesús, ko̱ ndichja, ko̱ María jè chjo̱ón‑la̱ xi̱ta̱ ra ꞌmì Cleofas ko̱ jè‑te María Magdalena.
\v 26 Jesús ꞌkia̱ nga kijtse jè na̱‑la̱ ko̱ ti̱ꞌkoa̱á kijtse‑te jè xi̱ta̱ ra kotáꞌyáꞌta‑la̱ ra ꞌñó tsjake kjomà, kitsò‑la̱ jè na̱‑la̱:
\p ―Ji̱ ndí chjo̱ón, ya̱á tíjna i̱jndáa̱ jè iꞌndí‑li.
\p
\v 27 A̱kjòn ꞌkia̱á kitsò‑la̱ jè xi̱ta̱‑la̱ ra ꞌñó tsjake:
\p ―Ya̱á tíjna i̱jndáa̱ jè na̱‑li.
\p Skanda ꞌkia̱‑ni ni̱chjin, jè xi̱ta̱‑la̱ Jesús iskábétjò ya̱ niꞌya‑la̱ jè na̱‑la̱ Jesús.
\s Kóꞌsín kjomà ꞌkia̱ nga ꞌken jè Jesús
\r (Mateo 27:45‑56; Marcos 15:33‑41; Lucas 23:44‑49)
\p
\v 28 ꞌKia̱ nga ijye kjomà, Jesús kijtse‑ní nga ijyeé itjasòn ijye‑la̱, kitsó‑ní:
\p ―Xándá‑na.
\p Ko̱ ꞌkoa̱á ꞌsín itjasòn koni ꞌsín tíchja̱ jè Xa̱jo̱n ra tjíꞌta ꞌÉn‑la̱ Nainá.
\p
\v 29 Ya̱á tíjna jngo ti̱jí i̱tsé ra tjíya nandá binagre̱. Jñà xi̱ta̱ iskábé tsa̱nga̱, tsjahíjin ya̱ nandá binagre̱ nga isikàꞌnchi̱, a̱kjòn tsikísko jngo yá nga ikjaíꞌtà chraña‑la̱ ya̱ tsaꞌba Jesús.
\v 30 ꞌKia̱ nga ijye kiꞌtsi jè nandá binagre̱ Jesús, kitsò:
\p ―Ijyeé itjasòn ijye‑ní.
\p A̱kjòn tsikíjnajten jè sko̱ nga ꞌken.
\s Kóꞌsín nga itjahíꞌsen‑jin ki̱cha̱ ya̱ ndi̱si̱n‑la̱ Jesús
\p
\v 31 Ni̱chjin ra̱kìi̱, ta jngo ni̱chjin chija‑isa nga ki̱tjo jè ꞌsí paxko̱, ko̱ jñà xi̱ta̱ judío majìn‑la̱ ꞌkia̱ nga ni̱chjin níkjáya ya̱ si̱ꞌta krò ijo‑la̱ ndí miꞌken, nga̱ jè ꞌsí paxko̱ ꞌñó xkón. ꞌKoa̱á ꞌsín kjomà‑ni nga jñà xi̱ta̱ tsikítsaꞌba‑la̱ jè Pilato nga katatsjá kjo̱hixi̱ mé‑ni nga katakján‑ni jñà ninda xkó‑la̱ jñà xi̱ta̱ ra kjiꞌta krò, ko̱ a̱kjòn katatjahíxìn jñà ijo‑la̱.
\v 32 Jñà chíchàn kijí‑ní nga tsakján jñà ninda xkó‑la̱ jè xi̱ta̱ ra kjiꞌta ítjòn krò ko̱ ꞌkoa̱á ti̱ꞌsín isìko̱‑te jè ra ìjngo ra ya̱ kjiꞌta krò ya̱ chraña‑la̱ Jesús.
\v 33 Tanga ꞌkia̱ nga ijchò kinchaꞌta chraña‑la̱ jè Jesús, kijtse‑ní nga ijyeé miꞌken. ꞌKoa̱á ꞌsín ma‑ni nga mì kì ti̱ tsakján‑ni jñà ninda xkó‑la̱.
\p
\v 34 Tanga jngo chíchàn tsikíꞌsen jngo ki̱cha̱ ra ijò‑sko ꞌki ya̱ ndi̱si̱n‑la̱ Jesús; ꞌkia̱ nga ko̱ꞌsín isìko̱, jní ko̱ nandá itjo.
\v 35 Jè ra tíꞌbéna̱jmí jñà ꞌén kìi̱, jé kjón‑ní ra kijtse; ko̱ ngi ꞌén kixi̱í ra tíꞌbéna̱jmí; be‑ní nga ꞌén kixi̱í ra tíꞌbéna̱jmí mé‑ni nga ti̱ꞌkoa̱ katakjiín‑no ra jiòn.
\v 36 Nga̱ kií ko̱ꞌsín ko̱kjamà‑ni jñà kjoa̱ kìi̱ mé‑ni nga itjasòn‑ni koni ꞌsín tjíꞌta jè Xa̱jo̱n ꞌÉn‑la̱ Nainá, nga tsò: “Ni̱jngo ninda‑la̱ ko̱kjàn.”
\v 37 Ko̱ ꞌkoa̱á ti̱ꞌsín tíchja̱ ya̱ ñánda̱ xìn jè Xa̱jo̱n ra tjíꞌta ꞌén‑la̱ Nainá nga tsò: “Jñà xi̱ta̱ sko̱òtsíjeén‑la̱ jè ra itjáꞌxákjá ya̱ ndi̱si̱n‑la̱.”
\s Kóꞌsín isìhijin jè Jesús
\r (Mateo 27:57‑61; Marcos 15:42‑47; Lucas 23:50‑56)
\p
\v 38 ꞌKia̱ nga ijye kjomà ngaꞌtsì jñà kjoa̱ kìi̱, jè José ra ya̱ i̱ꞌnde‑la̱ ya̱ na̱xi̱ndá Arimatea, ra ti̱ꞌkoa̱ ya̱ kotáꞌyáꞌta‑la̱ Jesús, tanga mì tsa ngi tsakón ijo‑la̱ tsa xi̱ta̱‑la̱ Jesús, tà nga̱tjì‑la̱ nga xi̱ta̱xá ꞌtse̱ xi̱ta̱ judío tsakjón‑la̱. Jè xi̱ta̱ ra̱kìi̱, isíjéꞌndeé‑la̱ jè Pilato nga ko̱ma i̱ko̱ jè ijo‑la̱ Jesús, ko̱ jè Pilato kitsjáꞌnde‑la̱, a̱kjòn tsaje̱n‑ngi‑ni ya̱ krò jè ijo‑la̱ Jesús nga kiìko̱.
\v 39 Ti̱ꞌkoa̱á ijchò‑te jè Nicodemo jè xi̱ta̱ ra ijchòjkon jngo ꞌká jè Jesús ꞌkia̱ nga jñò; maá‑la̱ tsa katé kilo chijo ra nda jne̱ ꞌya ra tjíkójin mirra ko̱ áloe.
\v 40 José ko̱ Nicodemo kiìko̱ó jè ijo‑la̱ Jesús; isíkájté nikje chroba ra tjín‑la̱ jè chijo ra nda jne̱, koni ꞌsín ijye ngaà‑la̱ jñà xi̱ta̱ judío ꞌkia̱ nga sihijin jngo miꞌken.
\v 41 Ya̱ i̱ꞌnde ñánda̱ nga isiꞌta krò jè Jesús, tíjna jngo i̱ꞌnde ñánda̱ sitje̱ tsajmì, ko̱ ya̱á tíjna jngo chrjó tjínda ra chrjó xi̱tse̱, ya̱ ñánda̱ ni̱ sa jngo miꞌken sijnaya.
\v 42 Ya̱á isijnaya jè ijo‑la̱ Jesús nga̱ chrañaꞌtá‑ní, nga̱ ki, ijyeé tímaꞌtsia̱ jè ni̱chjin níkjáya ꞌtse̱ xi̱ta̱ judío.
\c 20
\s Kóꞌsín nga jaáya‑ila̱ jè Jesús
\r (Mateo 28:1‑10; Marcos 16:1‑8; Lucas 24:1‑12)
\p
\v 1 Jè ni̱chjin ꞌkia̱ nga maꞌtsia̱‑ni jè xomàna̱, ꞌkia̱ nga jñò‑isa nga ta̱jñòya, kijì María Magdalena ya̱ nga̱jo̱‑la̱ chrjó miꞌken ñánda̱ nga isìhijin jè Jesús; ꞌkia̱ nga ijchò kijtse‑ní nga ijye itjahíxìn jè na̱jo̱ ra tjíchjàjto‑la̱ jè nga̱jo̱‑la̱ miꞌken.
\v 2 ꞌKia̱á tsahachikon nga kijì ya̱ ñánda̱ tjíhijyo jè Simón Pedro ko̱ xi̱ta̱ ra ìjngo ra ti̱ꞌkoa̱ ya̱ kotáꞌyáꞌta‑la̱ Jesús, jè xi̱ta̱ ra ꞌñó tsjake Jesús nga kitsò‑la̱:
\p ―Ijyeé kàfìko̱ jè ijo‑la̱ Na̱ꞌín‑ná jñà xi̱ta̱; mì kì ꞌyeé ñánda̱ kjijna‑la̱.
\p
\v 3 Jè Pedro ko̱ xi̱ta̱ ra ìjngo, kiì katsíjen‑la̱ ya̱ nga̱jo̱‑la̱ chrjó miꞌken ñánda̱ kisijnaya ijo‑la̱ Jesús.
\v 4 ꞌKia̱á ꞌñó tsahachikon ngajòo̱, tanga isa̱á ꞌñó tsahachikon jè xi̱ta̱ ra ìjngo koni jè Pedro ko̱ jè ijchò ítjòn ya̱ ñánda̱ nga kjijna jè nga̱jo̱‑la̱ miꞌken.
\v 5 ꞌKia̱á tsasèn-niña nga iskotsíjen‑yá ya̱ nga̱jo̱‑la̱ miꞌken ñánda̱ nga isijnaya ijo‑la̱ Jesús, ko̱ kijtseé jñà nikje chraba ra isijtéjin jè ijo‑la̱ Jesús tanga mì tsa ꞌjahaꞌsen‑ngi‑jìn ya̱ nga̱jo̱‑la̱ miꞌken.
\v 6 A̱kjòn ꞌji tjíngi‑la̱ jè Pedro; ra jè, ꞌjahaꞌsen‑ngií ya̱ nga̱jo̱‑la̱ miꞌken ko̱ kijtseé‑te jñà nikje chraba nga ya̱ kjihijyo.
\v 7 Ti̱ꞌkoa̱á kijtseé‑te jè nikje ra isijtéjin sko̱ Jesús nga mì tsa ya̱ kjijnaꞌta‑la̱ jñà nikje chroba; xín tíjna xkóya.
\v 8 ꞌKia̱á ꞌjahaꞌsen jè xi̱ta̱ ra ìjngo jè ra ꞌji ítjòn; ꞌkia̱ nga kijtse jñà kjoa̱ ra kjomà, kjokjiín‑la̱.
\v 9 Nga̱ kjè kì nda fìya‑la̱ koni ꞌsín tíchja̱ jè Xa̱jo̱n ra tjíꞌta ꞌén‑la̱ Nainá nga jè Jesús, ꞌkoa̱á ꞌsín tjínè‑la̱ nga kjoa̱áya‑ila̱ ya̱ a̱jin‑la̱ miꞌken.
\v 10 Jñà xi̱ta̱ kìi̱, kijí‑ni ya̱ niꞌya‑la̱.
\s Kóꞌsín nga jè Jesús tsakón‑la̱ ijo‑la̱ jè María Magdalena
\r (Marcos 16:9‑11)
\p
\v 11 Tanga jè María Magdalena ya̱á tíjna ndi̱tsiaán ya̱ xo̱tjo̱ba̱‑la̱ chrjó miꞌken nga tíkjindáya; ko̱ ꞌkia̱ nga tíkjindáya tsasijna-niña‑ní nga iskotsíjen‑yá ya̱ chrjó miꞌken;
\v 12 ko̱ jò ìkja̱li̱ kijtse ra nikje chroba kjiya; jngo tíjna ya̱ a̱ngi sko̱ ko̱ jngo tíjna ya̱ ndsa̱ko̱ ñánda̱ nga isijna jè ijo‑la̱ Jesús.
\v 13 Jñà ìkja̱li̱ iskonangií‑la̱, kitsò‑la̱:
\p ―Ji̱ ndí chjo̱ón, ¿mé‑ni nga chindáya‑ni?
\p Jè María kitsó‑ní:
\p ―Kií kjindaya̱‑na nga̱ ijyeé kàfìko̱ jñà xi̱ta̱ jè ijo‑la̱ Na̱ꞌìn‑na̱, ko̱ mì kì be ñánda̱ kjijna‑la̱.
\p
\v 14 ꞌKia̱ nga ijye ko̱kitsò jè María, isìkjahatjií sko̱, ko̱ ya̱á kijtse jè Jesús; tanga mì kì kjòchi̱ya‑la̱ tsa jè Jesús.
\v 15 Jè Jesús kitsó‑la̱:
\p ―Ji̱ ndí chjo̱ón, ¿mé‑ni nga chindáya‑ni? ¿Yá ra fatsji?
\p Jè María, ꞌkoa̱á ꞌsín isíkítsjen tsa jè ra síkinda̱ jè i̱ꞌnde ra̱kìi̱, kitsó‑la̱:
\p ―Ji̱ nàmi̱, tsa ji̱í kiìki̱i ijo‑la̱ Na̱ꞌìn‑na̱, ko̱ꞌtín‑ná ñánda̱ kjijna‑li mé‑ni nga ma íkatsíjen‑ila̱.
\p
\v 16 ꞌKia̱á kitsò‑la̱ jè Jesús:
\p ―¡María!
\p Isíkáfa jè María kitsò:
\p ―¡Raboni! (Ra ꞌén hebreo, Maestro tsò‑ni jè ꞌén ra̱kìi̱.)
\p
\v 17 Jè Jesús kitsó‑la̱:
\p ―Kì tà chjàn ꞌa̱n chaájno‑ná nga̱ kjè tsa ya̱ fia ya̱ ñánda̱ nga tíjna jè Na̱ꞌìn‑na̱. Tanga tijchín jñà ꞌndsè ko̱ ko̱ꞌtìn‑la̱ nga ya̱á tífì káti̱jnako̱ india‑na jè ra Na̱ꞌìn‑na̱ ma ra ti̱ꞌkoa̱ Na̱ꞌìn‑no ma, jè ra Nainá‑na̱ ma ko̱ ra ti̱ꞌkoa̱ Nainá‑no ma.
\p
\v 18 ꞌKia̱á kijì María Magdalena nga kiì síkjíꞌnchré jñà xi̱ta̱ ra kotáꞌyáꞌta‑la̱ Jesús nga ijyeé kijtse jè Na̱ꞌín‑ná ko̱ tsiꞌkéna̱jmí‑la̱ koni ꞌsín nga kitsò‑la̱.
\s Kóꞌsín nga tsakón‑la̱ ijo‑la̱ Jesús jñà xi̱ta̱‑la̱
\r (Mateo 28:16‑20; Marcos 16:14‑18; Lucas 24:36‑49)
\p
\v 19 ꞌKia̱ nga ijye kjòjñò, ti̱jè‑ni ni̱chjin ꞌkia̱ nga maꞌtsia̱ xomàna̱, jñà xi̱ta̱ ra kotáꞌyáꞌta‑la̱ Jesús tjíchjàjtoó‑la̱ jè xo̱tjo̱ba̱‑la̱ niꞌya ya̱ ñánda̱ nga kjóxkóya, nga̱ jñá xi̱ta̱xá‑la̱ xi̱ta̱ judío tsakjón‑la̱; ꞌkia̱á ijchò jè Jesús nga tsasijnajin masen‑la̱ nga isíkjáya‑la̱, kitsò‑la̱:
\p ―¡Ta ꞌkoa̱á nda kjòn‑ni! ¡Kataꞌse‑no kjoa̱ꞌnchán!
\p
\v 20 ꞌKia̱ nga ijye ko̱kitsò‑la̱, a̱kjòn tsakón‑la̱ tsja ko̱ jè ndi̱si̱n‑la̱. Jñà xi̱ta̱ ra kotáꞌyáꞌta‑la̱, taxki̱ tsjaá kiꞌse‑la̱ nga kijtse jè Jesús.
\v 21 Jesús india ko̱kitsò-isa‑la̱:
\p ―¡Kataꞌse‑no kjoa̱ꞌnchán! Koni ꞌsín nga isìkasén‑na jè Na̱ꞌìn‑na̱, ꞌkoa̱á ti̱ꞌsín sikásén‑no.
\p
\v 22 A̱kjòn iskijnómajin‑la̱ kitsò‑la̱:
\p ―Chjíbé jè Inìma̱ Tsje‑la̱ Nainá.
\v 23 Jñà xi̱ta̱ ra si̱jchaꞌtà‑la jé‑la̱, jè Nainá ti̱ꞌkoa̱á si̱hijchaꞌtá‑te‑la̱ jé‑la̱, tanga jñà xi̱ta̱ ra mì kì si̱jchaꞌtà‑la ra jiòn jè jé‑la̱, Nainá ti̱ꞌkoa̱á mì kì si̱hijchaꞌta‑la̱ jé‑la̱.
\s Kóꞌsín nga jè Tomás kijtse jè Na̱ꞌín‑ná nga ijye jaáya‑ila̱
\p
\v 24 Jñà xi̱ta̱‑la̱ Jesús ra tejò ma‑ni, jè ra ꞌmì Tomás, jè ra ti̱ꞌkoa̱á Dídimo tsò‑la̱ [ꞌén ra tsò‑ni: I̱xtiꞌño̱], tsìn‑jìn ra jè ꞌkia̱ nga ijchò jè Jesús.
\v 25 Jñà xi̱ta̱‑la̱ Jesús ra iꞌka tsiꞌkéna̱jmí‑la̱ jè Tomás nga ijyeé kijtse jè Jesús; kitsò‑la̱:
\p ―Ijyeé kaꞌya‑náji̱n jè Na̱ꞌín‑ná.
\p Tanga jè Tomás kitsó‑ní:
\p ―Tsa mì kì skee̱ jñà tsja ya̱ ñánda̱ nga iskíꞌxa̱ jñà xo nga ma kjohíꞌsee̱n na̱jmá‑ndsa̱ ko̱ ya̱ ndi̱si̱n‑la̱ ñánda̱ nga itjáꞌxa̱kjá, mì kì ko̱kjiín‑na.
\p
\v 26 Nga ijye kjomà jin ni̱chjin, jñà xi̱ta̱ ra kotáꞌyáꞌta‑la̱ Jesús india kjóxkóya‑ni ko̱ ya̱á tíjna jè Tomás ꞌkia̱. Ni̱ꞌsín tjíchjàjto‑la̱ jè xo̱tjo̱ba̱ niꞌya, ya̱á ijchò Jesús nga tsasijnajin masen‑la̱; kitsò‑la̱:
\p ―¡Kataꞌse‑no kjoa̱ꞌnchán!
\p
\v 27 A̱kjòn kitsò‑la̱ jè Tomás:
\p ―Jchi̱niꞌsin na̱jmá‑ndsi̱i i̱jndíi̱ ko̱ chítsijen‑la̱ jñà ndsa̱; nchrabáki̱i ndsi̱i ko̱ jchi̱niꞌsin ya̱ ndi̱si̱n‑na̱. Kì tà chjàn ko̱ꞌsín mì kì makjiín‑li, katakjiín‑li.
\p
\v 28 ꞌKia̱á kiìchja̱ jè Tomás nga kitsò‑la̱:
\p ―Ji̱ Na̱ꞌìn, ji̱‑ní ra tijna ítjòn‑náa̱ ko̱ ji̱‑ní Nainá‑na̱.\fig Jesus and Thomas (wound in wrist) -33% (ALT) CN 01871 (wound in hand)|46-cn01872B.tif|col|JHN 20:28‑29||ꞌKia̱ nga jè Jesús tsakón‑la̱ tsja jè Tomás ya̱ ñánda̱ iskíꞌxa̱kjá xo|JHN 20:28\fig*
\p
\v 29 Jesús kitsó‑la̱:
\p ―Ji̱ Tomás, kií makjiín‑li nga kaꞌya‑ná. ¡Mé ta̱ nda‑la̱ jñà xi̱ta̱ ra makjiín‑la̱ ni̱ꞌsín mì kì bexkon‑na!
\s Mé‑ni ko̱ꞌsín isinda‑ni jè xa̱jo̱n ra̱kìi̱
\p
\v 30 Taxki̱ kjín kjoa̱xkón ra nda tjín kiꞌsìn‑isa Jesús ya̱ ngixko̱n xi̱ta̱ ra kotáꞌyáꞌta‑la̱ ra mì kì tjíꞌta ya̱ xa̱jo̱n ra̱kìi̱.
\v 31 Tanga jñà ꞌén kìi̱, kií xá isinda‑ni mé‑ni nga ko̱kjiín‑najiòn nga jè Jesús ra Cristo, [jè ra xá inikasén‑ni] ra Iꞌndí‑la̱ Nainá ko̱ mé‑ni nga ꞌkia̱ nga ko̱kjiín‑najiòn ꞌse̱é‑no jè kjo̱binachon ra a̱ꞌta ꞌtse̱.
\c 21
\s Kóꞌsín nga jè Jesús ito xi̱ta̱‑la̱ tsakón‑la̱ ijo‑la̱
\p
\v 1 ꞌKia̱ nga ijye kjomà, Jesús tsakón india‑ila̱ ijo‑la̱ jñà xi̱ta̱ ra kotáꞌyáꞌta‑la̱ ya̱ a̱ndi ndáchikon ra ꞌmì Tiberias. Ki̱í ꞌsín kjomà jñà kjoa̱ kìi̱.
\v 2 Ya̱á ta̱ña títsa̱jnakjo jè Simón Pedro, ko̱ jè Tomás, jè ra ti̱ꞌkoa̱ Dídimo tsò‑la̱, ko̱ jè Natanael jè ra Caná i̱ꞌnde‑la̱ ra chja̱‑ni Galilea; ti̱ꞌkoa̱ tjítsa̱jna‑te jñà i̱xti‑la̱ Zebedeo ko̱ ngi jò‑isa xi̱ta̱ ra ya̱ kotáꞌyáꞌta‑la̱ Jesús.
\v 3 Jè Simón Pedro kitsó‑la̱:
\p ―Ti̱ kjòn‑la tífi siꞌkèe̱n.
\p Jñà xi̱ta̱ ra iꞌka kitsó‑ní:
\p ―Ti̱ꞌkoa̱á kohíko̱ò‑te‑laji̱n.
\p Kijí‑ní, ꞌjahaꞌsen jngo chitso; tanga; jè ni̱tje̱n ra̱kiòo̱, ni̱mé ti̱ isakò‑la̱.
\v 4 ꞌKia̱ nga ijye tíꞌse i̱sén, Jesús, ya̱á ijchò kasìjna ya̱ a̱ndi nandá, tanga jñà xi̱ta̱ ra kotáꞌyáꞌta‑la̱ mì kì kjòchi̱ya‑la̱ tsa jè Jesús.
\v 5 Jè Jesús iskonangií‑la̱, kitsò‑la̱:
\p ―Ndse, ¿a kjè sakó chiba‑no ti̱?
\p Jñà xi̱ta̱ kìi̱ kitsó‑ni:
\p ―Ni̱mé tjín.
\p
\v 6 Jè Jesús kitsó‑la̱:
\p ―Ti̱kàtje̱n-ngindá na̱ꞌya‑no ya̱ nga kixi̱‑la̱ chitso ko̱ sa̱kó‑no ti̱.
\p Xi̱ta̱ kìi̱, ꞌkoa̱á ꞌsín kiꞌsìn; isìkàtje̱n-ngindá na̱ꞌya‑la̱; ꞌkia̱ nga tsachrjekàjin‑ni, mì kì ti̱ ma itjáꞌndo̱‑ila̱, nga̱ ꞌñó kjìn ti̱ isincha.
\v 7 Jè xi̱ta̱‑la̱ Jesús ra ꞌñó tsjake kjomà, kitsó‑la̱ jè Pedro:
\p ―Jé Na̱ꞌín‑ná Jesús.
\p ꞌKia̱ nga kiíꞌnchré jè Pedro nga jè Jesús, ndi̱to̱ón tsakjaya jè na̱chro̱‑la̱, nga̱ kjijna líká‑ní tsiki; ko̱ a̱kjòn iskìjin ya̱ a̱jin nandá nga kiìtji̱ngi‑la̱ Jesús.
\v 8 Jñà xi̱ta̱ ra iꞌka, kiìko̱ chitso skanda ya̱ a̱ndi nandá, ko̱ tjínga‑la̱ na̱ꞌya‑la̱ nga̱ ngi kitseé ti̱; tà nga̱tjì‑la̱ mì tsa ꞌñó kjin, ta kja̱meé‑la jngo sindo̱ metro tjín‑la̱ skanda ya̱ a̱ndi nandá.
\v 9 ꞌKia̱ nga ijye itjojen ya̱ chitso ya̱ a̱ndi nandá, kijtse‑ní nga tjítse niꞌí ñánda̱ nga tíchján jngo ti̱ ko̱ ni̱ño̱ nchra̱jín.
\v 10 Jè Jesús kitsó‑la̱:
\p ―Nchrabáko̱ iꞌka ti̱ ra ꞌsa̱ kjòn inachrjejion nandá.
\p
\v 11 Jè Simón Pedro tsihijnoó ya̱ chitso nga tsachrje na̱ꞌya‑la̱; ngi taxki̱ iꞌií ti̱ ra i̱jncha; jngo sindo̱ ko̱ icháte‑jàn ma‑ni ti̱; ni̱ꞌsín bato kjìn ma‑ni, jè na̱ꞌya, mì kì itjajtsó‑jìn.
\v 12 Jè Jesús kitsó‑la̱:
\p ―Nchrabá, ti̱chioò.
\p Ni̱jngo xi̱ta̱ ra kotáꞌyáꞌta‑la̱ Jesús kitsò ikon nga iskonangi‑la̱ yá‑ni jè; nga̱ ijyeé tjíjin‑la̱ nga jè Na̱ꞌín‑ná Jesús.
\v 13 ꞌKia̱á ꞌja Jesús nga iskábé ni̱ño̱ nchra̱jín ko̱ jñà ti̱ ko̱ a̱kjòn kitsjá‑la̱ xi̱ta̱‑la̱.
\p
\v 14 Ya̱á ma‑ni jàn ꞌka̱ nga tsakón‑la̱ ijo‑la̱ Jesús jñà xi̱ta̱ ra kotáꞌyáꞌta‑la̱ ꞌkia̱ nga ijye jaáya‑ila̱.
\s Kóꞌsín Jesús jàn ꞌka̱ kiìchja̱‑la̱ jè Simón Pedro
\p
\v 15 ꞌKia̱ nga ijye tsakjèn ngaꞌtsiòo̱, Jesús kitsó‑la̱ jè Simón Pedro:
\p ―Ji̱ Simón ra ti‑la̱ Jonás, ¿a isa̱á ꞌñó tsjacha‑ná koni jñà kìi̱?
\p Kitsó jè Pedro:
\p ―Jon Na̱ꞌìn, ꞌya‑ní nga tsjake̱é‑la.
\p Jesús kitsó‑la̱:
\p ―Ti̱kondi̱i jñà ndí i̱xti forrè‑na̱.
\p
\v 16 Ra ma‑ni jò ꞌka̱, Jesús, india iskonangi‑la̱, nga kitsò‑la̱:
\p ―Ji̱ Simón ra ti‑la̱ Jonás, ¿a tsjacha‑ná?
\p Jè Simón Pedro kitsó‑ní:
\p ―Jon Na̱ꞌìn, ijyeé ꞌya‑ni nga tsjake̱é‑la.
\p Jesús kitsó‑la̱:
\p ―Ti̱kondi̱i jñà ndí forrè‑na̱.
\p
\v 17 Ra ma‑ni jàn ꞌka̱ india iskonangi‑la̱ nga kitsò‑la̱:
\p ―Ji̱ Simón ra ti‑la̱ Jonás, ¿a tsjacha‑ná?
\p Jè Pedro kjobaá‑la̱ nga sí jàn ꞌka̱ tjín‑ni nga iskonangi‑la̱, kitsò‑la̱:
\p ―Ji̱ Na̱ꞌìn ijyeé ꞌya ijye‑níi̱; ko̱ ndaá ꞌyi nga tsjake̱‑la.
\p Jè Jesús kitsó‑la̱:
\p ―Ti̱kondi̱i jñà ndí forrè‑na̱.
\v 18 Ngi kjo̱hixi̱í ra xin‑la, ꞌkia̱ nga ti̱ꞌsa̱ ti ra ji̱, itsjaya‑ní nikje‑li ko̱ ꞌkiìn‑ní ta ñánda̱ nga kjomejèn‑li; tanga ꞌkia̱ nga ji̱ ra ijye ko̱jchíngi, ta kjén‑teé isi jñà ndsi̱i ko̱ kjꞌií xi̱ta̱á si̱ìkáya‑li jñà nikje‑li, ko̱ ya̱á i̱ko̱‑li ya̱ ñánda̱ nga mì tsa ji̱ ko̱mejèn‑li.
\p
\v 19 ꞌKia̱ nga ko̱ꞌsín kitsò jè Jesús, ꞌkoa̱á ꞌsín isìchi̱ya‑ni kóꞌsín ko̱maꞌtin jè Pedro ꞌkia̱ nga ki̱yá, mé‑ni nga jeya si̱ìkíjna‑ni jè Nainá ꞌkia̱ nga ki̱yá. A̱kjòn kitsò‑la̱:
\p ―Nchrabátji̱ngi‑ná.
\s Mé ra ko̱maꞌtin jè xi̱ta̱‑la̱ Jesús ra ꞌñó tsjake kjomà
\p
\v 20 Jè Pedro ꞌkia̱ nga isíkáfa‑ni íꞌtsi̱n, kijtse‑ní nga ya̱á tínchrabátji̱ngi‑la̱ jè xi̱ta̱ ra ꞌñó tsjake Jesús, ra ti̱jè‑ni ra ta̱ña tsikijnaꞌtako̱ ímixa̱ jè Jesús ꞌkia̱ nga tsakjèn nga iskonangi‑la̱ nga kitsò‑la̱: “¿Yá‑ni ra ya̱ si̱ìnga̱tsja‑li xi̱ta̱ judío?”
\v 21 ꞌKia̱ nga kijtse jè Pedro iskonangií‑la̱ jè Jesús, kitsò‑la̱:
\p ―Jè xi̱ta̱ ra̱kìi̱, ¿kóꞌsín ka̱maꞌtin ra jè?
\p
\v 22 Kiìchja̱á Jesús, kitsò‑la̱:
\p ―Tsa mejèn‑na nga kíjnakon skanda ꞌkia̱ ꞌa̱n ra kjíꞌi̱ india‑na, mì tsa ji̱ bako̱‑li nga ji̱ jchi̱i. Nchrabátji̱ngi‑ná ra ji̱.
\p
\v 23 ꞌKoa̱á ꞌsín kjomà‑ni nga kitsò ꞌén ya̱ a̱jin‑la̱ ꞌndse̱ nga mì‑ró kì ki̱yá jè xi̱ta̱ ra̱kìi̱. Tanga Jesús mì tsa kitsò‑jìn nga mì kì ki̱yá. Ta kitsó‑ní: “Tsa mejèn‑na nga kíjnakon skanda ꞌkia̱ ꞌa̱n ra kjíꞌi̱ india‑na, mì tsa ji̱ bako̱‑li nga ji̱ jchi̱i.”
\p
\v 24 Ti̱jé‑ni jè xi̱ta̱ ra̱kìi̱ ra kotáꞌyáꞌta‑la̱ Jesús ra tsjá ꞌén‑la̱ nga ꞌkoa̱ ꞌsín kjomà jñà kjoa̱ kìi̱; ko̱ jè tsikínda jè xa̱jo̱n ra̱kìi̱. ꞌKoa̱á ꞌsín makjiín‑ná nga ꞌén kixi̱í ra tíchja̱.
\p
\v 25 Taxki̱ kjín kjoa̱ ra kjꞌií kiꞌsìn‑isa Jesús; ni̱ꞌsín‑la si̱nda jngó jngó sko̱ya ta ngaꞌtsì kjoa̱ ra kiꞌsìn, jñà libro ra sinda, mí‑la kì ki̱chóya‑la̱ nga tíjngo i̱sàꞌnde.