\id 1CO
\h 1 Corintios
\toc1 1 Corintios
\mt Xa̱jo̱n ra tsikínda ítjòn jè Pablo ra isìkasén‑la̱ xi̱ta̱ na̱xi̱ndá‑la̱ Cristo ra títsa̱jna ya̱ Corinto
\c 1
\s Kóꞌsín nga síhixoꞌta Pablo xi̱ta̱ Corinto
\p
\v 1 ꞌKoa̱á ꞌsín tísikásén‑no xa̱jo̱n ra̱kìi̱, ꞌa̱n ra ꞌmì‑na Pablo ra xá ko̱ꞌsín inakjoá‑na nga ꞌa̱n tsikíxáya‑na Jesucristo, nga ꞌkoa̱á ꞌsín kjomejèn‑la̱ Nainá. I̱nchinìhixoꞌtá‑laji̱n ko̱ jè ꞌndsé Sóstenes,
\v 2 jiòn ra ti̱ꞌkoa̱ na̱xi̱ndá‑la̱ Cristo ma jiòn, ra ya̱ titsa̱jna ya̱ na̱xi̱ndá Corinto. Jiòn, a̱ꞌta ꞌtse̱ Cristo kisìtsje‑no Nainá, ko̱ xá jè ko̱ꞌsín tsjahíjin‑no mé‑ni nga xi̱ta̱ tsje‑la̱ ko̱ma jiòn, koni ꞌsín isìko̱ ngaꞌtsì xi̱ta̱ ra jeya síkíjna Jesucristo ra tíjna ítjòn‑ná, ni̱ꞌsín ta ñánda̱‑ni nga tjíma. Jè Cristo tíjna ítjòn‑la̱ jñà xi̱ta̱ kìi̱, ko̱ jé‑te ra tíjna ítjòn‑ná ra jién.
\v 3 Nainá ra Na̱ꞌín‑ná ma ko̱ jè Jesucristo ra tíjna ítjòn‑ná katatsjá‑no kjo̱nda ko̱ kjo̱ꞌnchán ya̱ a̱jin inìma̱‑no.
\s Kóꞌsín nga tsjá‑la̱ kjo̱nda Nainá jè Pablo
\p
\v 4 Kjiꞌtá ni̱chjin tsja‑la̱ kjo̱nda Nainá ra a̱ꞌta tsa̱jiòn‑jiòn, ta nga̱tjì‑la̱ jè kjo̱nda ra kitsjà‑no Nainá a̱ꞌta ꞌtse̱ Jesucristo nga nda isìchikonꞌtin‑no.
\v 5 Nga̱ ya̱á a̱ꞌta ꞌtse̱ Cristo nga tse kjo̱nda isakò‑la̱ inìma̱‑najiòn, koni ꞌsín nga nakjoá jiòn ꞌén‑la̱ Nainá ko̱ koni ꞌsín machi̱ya‑no kóꞌsín nga tsò‑ni,
\v 6 koni ꞌsín nga Nainá isikixi̱yajin ya̱ inìma̱‑no jè ꞌén nda‑la̱ Cristo ra kiꞌsena̱jmí‑no.
\v 7 ꞌKoa̱á ma‑ni ꞌndi̱, mì tsa ti̱ mé kjo̱tjò‑la̱ Nainá chijaꞌta‑najiòn nga ma si̱itjasòn xá‑la̱, ꞌkia̱ nga ko̱ꞌsín i̱nchichiñá‑la nga kjꞌi̱í india‑ni jè Jesucristo ra tíjna ítjòn‑ná.
\v 8 Jé Nainá tsjá‑no ngaꞌñó skanda ꞌkia̱ nga kje̱heꞌtà ni̱chjin, mé‑ni nga ni̱jngo jé sa̱kò‑ni a̱ꞌta tsa̱jiòn ꞌkia̱ nga ki̱tjojen india‑ni jè Jesucristo ra tíjna ítjòn‑ná.
\v 9 Nainá, ngi xi̱ta̱ kixi̱‑ní, síhitjasón‑ní koni ꞌsín nga tsjá ꞌén‑la̱. Xá jè ko̱ꞌsín kiìchja̱‑najiòn nga ya̱ ki̱tsa̱jnakjo‑ko̱o jiòn jè Jesucristo ra Iꞌndí‑la̱ ma, jè ra tíjna ítjòn‑ná.
\s Kóꞌsín nga kjòjòyaá na̱xi̱ndá‑la̱ Cristo ya̱ Corinto
\p
\v 10 Ndí ꞌndsé ko̱ ndí tichjeé, ꞌkoa̱á ꞌsín tíbitsáꞌba‑no ra a̱ꞌta ꞌtse̱ Jesucristo ra tíjna ítjòn‑ná, nga jngoó kjo̱bítsjen ti̱chjeén ngaꞌtsì‑no; kì tà chjàn nijòya kjo̱bítsjen‑no; ta isa̱á ꞌñó nda ti̱tsa̱jtín jnchro nga jngoó kjo̱bítsjen kataꞌse‑no, ko̱ ngásòn ꞌtè‑la takòn.
\v 11 Jiòn ndí ꞌndsé, kií ko̱ꞌsín tíxin‑no, nga̱ ꞌkoa̱á ꞌsín tsiꞌkéna̱jmí‑na ra a̱ꞌta tsa̱jiòn‑jiòn jñà xi̱ta̱‑la̱ Cloé, nga kjoa̱chiti‑ró tjín‑najiòn.
\v 12 Kií ko̱ꞌsín tíxin‑no, nga jngó jngó‑najiòn, tjín ra tsò: “ꞌA̱n, jé Pablo fìꞌta‑la̱.” Ko̱ tjín ra tsò: “Jé Apolos fìꞌta‑la̱ ra ꞌa̱n.” Tjín ra tsò‑te: “ꞌA̱n, jé Cefas tífìꞌtà‑la̱.” Ko̱ tjín ra tsò: “Jé Cristo fìꞌta‑la̱ ra ꞌa̱n.”
\v 13 ¿A ꞌkoa̱á ma‑najiòn nga kjìn‑ya ma‑ni Cristo? ¿A jé Pablo ra isiꞌta ngajo‑no krò? Ko̱, ¿a a̱ꞌta ꞌtse̱ ꞌí‑la̱á Pablo nga isatíndá‑najiòn?
\v 14 Tsjaá‑la̱ kjo̱nda Nainá, nga̱ mì tsa yá xi̱ta̱ tsa̱jiòn ra tsatíndáa̱ ra ꞌa̱n, ta jé‑ní Crispo ko̱ Gayo,
\v 15 mé‑ni nga ni̱jngo‑najiòn ra kixó: “A̱ꞌta ꞌtse̱é Pablo isatíndá‑na ra ꞌa̱n.”
\v 16 Tíbítsjen‑te‑na nga ti̱ꞌkoa̱á ꞌa̱án ítsatíndá‑te Estéfanas, ko̱ jñà xi̱ta̱ xákjién, tanga mì kì ti̱ bítsjen‑naa̱ tsa tjín‑isa xi̱ta̱ ra ꞌa̱n ítsatíndáa̱.
\v 17 Nga̱ mì tsa ko̱ꞌsín tsikíꞌtin‑na Cristo nga xi̱ta̱ kotíndáa̱, jé‑ní ra tsikíꞌtin‑na nga jè kichjà ꞌén xi̱tse̱‑la̱ ra nda tsò. Ko̱ mì tsa jñà ꞌén ra ꞌñó chji̱ne̱ ísichjée̱n ra tjín‑la̱ xi̱ta̱ i̱sàꞌnde mé‑ni nga mì kì tjáhixìn‑la̱ jè ngaꞌñó ra tjín‑la̱ ꞌkia̱ nga ꞌken Jesús ya̱ a̱ꞌta krò.
\s Yá‑ni Cristo ra a̱ꞌta ꞌtse̱ Nainá
\p
\v 18 Jñà ꞌén ra ꞌsena̱jmíya ra a̱ꞌta ꞌtse̱ Cristo nga ꞌkenꞌta krò, ta kjoa̱ská ma‑la̱ jñà xi̱ta̱ ra tjímaya ndi̱yá kjo̱biya. Tanga jién ra i̱nchibítjo̱kajieén kjo̱hiꞌin, ꞌkoa̱á ꞌsín makjiín‑ná nga ngaꞌñó‑la̱ Nainá‑ní.
\v 19 ꞌKoa̱á ꞌsín tíchja̱ ꞌén ra tjíꞌta Xa̱jo̱n‑la̱ Nainá nga tsò:
\q Jñà ra ꞌñó tjín‑la̱ kjoa̱chji̱ne̱, ꞌa̱án ko̱ꞌsín sikóo̱ nga katachija kjoa̱chji̱ne̱‑la̱.
\q Ko̱ kochrjéngi‑náa̱ kjo̱bítsjen‑la̱ jñà ra ꞌñó nda machi̱ya‑la̱.
\p
\v 20 Jñà xi̱ta̱ ra ꞌñó chji̱ne̱ tsò‑la̱ ijo‑la̱, jñà ra chji̱ne̱ xa̱jo̱n, ko̱ jñà ra ma‑la̱ jo̱óya‑ni kjoa̱ ra ꞌtse̱ i̱sàꞌnde ra̱kìi̱, ¿ñánda̱ kijí kjoa̱chji̱ne̱‑la̱ ꞌndi̱‑ni̱? Jé Nainá ko̱ꞌsín isìko̱ nga kjóskáya‑la̱ jñà kjoa̱chji̱ne̱‑la̱ xi̱ta̱ i̱sàꞌnde.
\v 21 Nainá ꞌñó chji̱ne̱ ra jè; mì kì kitsjáꞌnde‑la̱ xi̱ta̱ nga a̱ꞌta ꞌtse̱ kjoa̱chji̱ne̱‑la̱ xi̱ta̱ i̱sàꞌnde kijtsexkon‑ni ra jè. Tanga ꞌkoa̱á ꞌsín sasén‑la̱ nga bachrjekàjin kjo̱hiꞌin jñà xi̱ta̱ ra makjiín‑la̱ a̱ꞌta ꞌtse̱ ꞌén nda‑la̱ Cristo, jè ꞌén ra ta kjo̱ská ma‑la̱ jñà xi̱ta̱ i̱sàꞌnde.
\p
\v 22 Jñà xi̱ta̱ judío, kjo̱xkón síjé nga ma ko̱kjiín‑la̱; ko̱ jñà ra mì tsa xi̱ta̱ judío, tà jé ra mejèn‑la̱ nga kji̱ꞌnchré ꞌén ra kjoa̱chji̱ne̱ tji̱ko̱.
\v 23 Tanga ra ji̱n, jé ꞌbena̱jmíya‑ji̱n nga krò ꞌkenꞌta jè Cristo ra xá inikasén‑ni. Tanga jñà xi̱ta̱ judío, ta kjoa̱ꞌchoó ma‑la̱ a̱ꞌta ꞌtse̱ jñà ꞌén kìi̱, ko̱ ta kjo̱ská ma‑la̱ jñà ra mì tsa xi̱ta̱ judío.
\v 24 Tanga jñà xi̱ta̱ ra xá Nainá tsjahíjin‑ni, ra xi̱ta̱ judío, ko̱ jñà ra mì tsa xi̱ta̱ judío, ꞌkoa̱á ꞌsín makjiín‑la̱ nga jè Cristo, ngaꞌñó‑la̱ Nainá‑ní; ko̱ ti̱ꞌkoa̱á kjoa̱chji̱ne̱‑la̱ Nainá‑ní.
\v 25 Jè kjoa̱ ꞌtse̱ Nainá ra ta kjoa̱ská ma‑la̱ xi̱ta̱ i̱sàꞌnde, isa̱á ta ꞌñó kjoa̱chji̱ne̱ jnchro‑ni koni ngaꞌtsì jñà kjoa̱chji̱ne̱‑la̱ xi̱ta̱ i̱sàꞌnde. Jè kjoa̱ ꞌtse̱ Nainá ra tsò‑la̱ xi̱ta̱ nga tsìn‑la̱ ngaꞌñó, isa̱á ta ꞌñó tjín jnchro‑la̱ ngaꞌñó koni jñà ngaꞌñó ra tjín‑la̱ xi̱ta̱ i̱sàꞌnde.
\p
\v 26 Nda ti̱kítsjen ndí ꞌndsé ko̱ ndí tichjeé, ꞌkia̱ nga jè Nainá xá kiìchja̱‑no, ꞌñó chiba ma‑najiòn ra xi̱ta̱ chji̱ne̱ tsò‑no xi̱ta̱ i̱sàꞌnde, ko̱ ti̱ꞌkoa̱á ꞌñó chiba ma‑no ra xi̱ta̱ ítjòn titsa̱hijyo, ko̱ ti̱ꞌkoa̱á ꞌñó chiba ma‑najiòn ra ya̱ nakjoá‑no a̱ꞌta ꞌtse̱ xi̱ta̱ ítjòn.
\v 27 Tanga Nainá jñá tsjahíjin jñà xi̱ta̱ ra mì kì machi̱ya‑la̱ i̱ i̱sàꞌnde, mé‑ni nga ko̱sabà‑la̱ jñà xi̱ta̱ ra tjín‑la̱ kjo̱bítsjen. Ko̱ jñá tsjahíjin jñà ra tsò‑la̱ xi̱ta̱ i̱sàꞌnde nga mì ti̱ mé chjí‑la̱ mé‑ni nga ko̱sabà‑la̱ jñà ra xi̱ta̱ ítjòn.
\v 28 Jè Nainá jñá tsjahíjin ra i̱ma̱, ko̱ ra bitjongi, ra tsò‑la̱ xi̱ta̱ i̱sàꞌnde nga nìmé chjí‑la̱ mé‑ni nga ki̱tjongi‑ni jñà ra títsa̱jna ítjòn,
\v 29 mé‑ni nga ni̱yá ra ma ꞌnga si̱ìkíjna ijo‑la̱ ya̱ ngixko̱n Nainá.
\v 30 Nga̱ jè sabá Nainá isíkítsa̱jnakjoko̱‑ná Cristo; ti̱ꞌkoa̱á jé‑te ra ko̱kiꞌsìn nga a̱ꞌta ꞌtse̱ Cristo sakó‑ná jè kjoa̱chji̱ne̱, nga̱ jé Cristo ra xi̱ta̱ kixi̱ ꞌsín‑ná ya̱ ngixko̱n Nainá, ko̱ a̱ꞌta ꞌtse̱‑ní nga matsje jè inìma̱‑ná, ko̱ jé‑ní ra tsikíchjítjì jé ra tjín‑ná mé‑ni nga ma bìtsa̱jnandi̱í‑ná;
\v 31 mé‑ni nga ko̱ꞌsín katama‑ni koni ꞌsín tíchja̱ Xa̱jo̱n‑la̱ Nainá ra tjíꞌta ꞌén‑la̱ nga tsò: “Jè ra jeya síkíjna ijo‑la̱, ta isa̱á jnchro jè Nainá jeya katasíkíjna.”
\c 2
\s Kóꞌsín nga jé tíꞌsena̱jmíya ꞌén a̱ꞌta ꞌtse̱ kóꞌsín nga kisiꞌta krò jè Jesús
\p
\v 1 Ndí ꞌndsè ko̱ ndí tichjeé, ꞌkia̱ nga ti̱ꞌsa̱ ijchòo̱ ñánda̱ nga titsa̱jna jiòn nga ítsiꞌkena̱jmíya‑no ꞌén‑la̱ Nainá, mì tsa jè ꞌén kíchjà‑no ꞌén ra maxkón‑la̱ xi̱ta̱ ꞌkia̱ nga ꞌnchré, ko̱ mì tsa jñà ꞌén ra chja̱ xi̱ta̱ ra ꞌñó tjín‑la̱ kjoa̱chji̱ne̱ ísichjée̱n.
\v 2 Ta isa̱á jnchro, ꞌkia̱ nga tsakáti̱jnajin‑no, ítsikijngó‑la̱ takoàa̱n nga mì tsa kjꞌií kjoa̱ ísikítsjee̱n; ngi ta jè kíchjà‑no a̱ꞌta ꞌtse̱ Jesucristo, ko̱ kóꞌsín nga ꞌken ya̱ a̱ꞌta krò.
\v 3 ꞌKia̱ nga ya̱ tsakáti̱jnajin‑no, ta indakjoa̱á tímaa̱ nga títsakjoo̱n, ko̱ sí tífatsé‑na.
\v 4 Ko̱ jñà ꞌén ra kíchjàa̱ ꞌkia̱ nga tsiꞌkènájmíya‑no jè ꞌén nda‑la̱ Nainá, mì tsa a̱ꞌta ꞌtse̱ kjoa̱chji̱ne̱‑la̱ xi̱ta̱ inchrabà‑ni nga kjokjiín‑no; ta jé Inìma̱ Tsje‑la̱ Nainá tsakón ngaꞌñó‑la̱ nga ko̱ꞌsín kjokjiín‑no ꞌkia̱ nga kíchjà‑no.
\v 5 ꞌKoa̱á ma‑ni, koni ꞌsín nga makjiín‑no a̱ꞌta ꞌtse̱ Nainá, mì tsa a̱ꞌta ꞌtse̱ kjoa̱chji̱ne̱‑la̱ xi̱ta̱ i̱sàꞌnde nchrabá‑ni; ya̱á nchrabá‑ni a̱ꞌta ꞌtse̱ ngaꞌñó‑la̱ Nainá.
\s Kjoa̱chji̱ne̱ ra ngi a̱ꞌta ꞌtse̱ Nainá nchrabá‑nì
\p
\v 6 Kixi̱í kjoa̱, ꞌén chji̱ne̱é nakjoá‑la̱ji̱n jñà xi̱ta̱ ra ijye kjimajchá koni ꞌsín nga makjiín‑la̱ a̱ꞌta ꞌtse̱ Cristo. Tanga mì tsa kjoa̱chji̱ne̱ ꞌtse̱ xi̱ta̱ i̱sàꞌnde‑jìn, ko̱ mì tsa ꞌtse̱‑jìn jñà xi̱ta̱ ra tjíhijyo ítjòn, jñà ra ta ya̱ chija ngaꞌñó‑la̱.
\v 7 Ta jé nakjoá‑ji̱n kjoa̱chji̱ne̱‑la̱ Nainá ra kjiꞌma, jè kjoa̱chji̱ne̱ ra tjíꞌma‑la̱ ra ko̱ꞌsín iskosòn‑la̱ skanda ꞌkia̱ nga ti̱kje sinda i̱sàꞌnde nga jién jeya ki̱tsa̱jna‑ná.
\v 8 Jè kjoa̱chji̱ne̱ ra̱kìi̱, ni̱jngo xi̱ta̱ ítjòn ra tjín i̱ i̱sàꞌnde kjòchi̱ya‑la̱. Nga̱ tsa kjòchi̱yaá‑la̱ tsiki, mì‑la kì ko̱ꞌsín krò tsakáꞌta jè Na̱ꞌín‑ná ra ꞌñó jeya tíjna.
\v 9 Tanga, ꞌkoa̱á ꞌsín tíchja̱ jè Xa̱jo̱n‑la̱ Nainá ra tjíꞌta ꞌén‑la̱, nga tsò:
\q Jè kjoa̱ ra kjè yá be,
\q ko̱ ni̱ kjè sa yá ra ꞌnchré,
\q ko̱ ni̱yá ra machi̱ya‑la̱,
\q jñá kjoa̱ kìi̱ ra tjínda‑la̱ Nainá
\q a̱ꞌta ꞌtse̱ jñà xi̱ta̱ ra tjín‑la̱ kjo̱tsjacha ra a̱ꞌta ꞌtse̱ jè.
\m
\v 10 A̱ꞌta ꞌtse̱é Inìma̱ Tsje‑la̱ nga tsakón‑naji̱n kjoa̱ kìi̱, nga̱ jè Inìma̱ Tsje‑la̱ Nainá, bátsjiya ijye‑ní ta mé kjoa̱‑nì, skanda jñà kjoa̱ ꞌtse̱ Nainá ra ꞌñó iꞌin‑ya tjín.
\v 11 Nga̱, ¿yá xi̱ta̱‑ni ra be kóꞌsín tjín kjo̱bítsjen‑la̱ xi̱ta̱ ra kjꞌií? Jngo xi̱ta̱, tà jé inìma̱‑la̱ tjíjin‑la̱ kóꞌsín tjín kjo̱bítsjen‑la̱. ꞌKoa̱á ti̱ꞌsín tjín ra a̱ꞌta ꞌtse̱ Nainá, ni̱yá ra be kóꞌsín tjín kjo̱bítsjen‑la̱, ta̱jngoó jè Inìma̱ Tsje‑la̱ ra be kóꞌsín tjín.
\v 12 Mì tsa inìma̱‑la̱ xi̱ta̱ i̱sàꞌnde‑jìn ra itjábé‑naji̱n, jé Inìma̱ Tsje ra a̱ꞌta ꞌtse̱ Nainá nchrabá‑ni, mé‑ni nga ko̱chi̱ya‑naji̱n, mé ta̱ kjo̱tjò‑ni ra títsjá‑ná Nainá.
\v 13 Jñá kjoa̱ kìi̱ ra nakjoá‑ji̱n, jñà ꞌén ra jè Inìma̱ Tsje‑la̱ Nainá bakón‑ya‑naji̱n, mì tsa jè kjo̱bítsjen ꞌtse̱ xi̱ta̱ i̱sàꞌnde nichjeén‑ji̱n. Jñá‑ní ra ꞌtse̱ Inìma̱ Tsje‑la̱ Nainá nichjeén‑ji̱n nga ꞌbena̱jmíya‑ji̱n kjoa̱ ra ꞌtse̱ Inìma̱ Tsje‑la̱.
\p
\v 14 Jè ra tsìn‑la̱ Inìma̱ Tsje‑la̱ Nainá ya̱ a̱jin inìma̱‑la̱, mì kì kjábé jñà kjoa̱ ra síchi̱ya‑ná jè Inìma̱ Tsje‑la̱ Nainá. Nga̱ tà kjoa̱ská ma‑la̱. Mì kì machi̱ya‑la̱; nga̱ jñà kjoa̱ kìi̱, ta ya̱á machi̱yajin‑ná a̱ꞌta ꞌtse̱ Inìma̱ Tsje‑la̱ Nainá.
\v 15 Tanga jè xi̱ta̱ ra Inìma̱ Tsje‑la̱ Nainá tíjnajin ya̱ inìma̱‑la̱, ndaá sko̱óꞌtajin ijye kjoa̱ ꞌtse̱ Nainá, tanga ni̱yá ra ma sko̱óꞌtajin jè kjoa̱‑la̱ ra jè.
\v 16 ꞌKoa̱á ꞌsín tíchja̱ Xa̱jo̱n‑la̱ Nainá ra tjíꞌta ꞌén‑la̱, nga tsò: “Ni̱yá ra be kóꞌsín tjín kjo̱bítsjen‑la̱ Na̱ꞌín‑ná. Ko̱ ni̱yá ra ma ko̱kòn‑ya‑la̱.” Tanga jién, jé kjo̱bítsjen‑la̱ Cristo tjín‑ná.
\c 3
\s Jñà xi̱ta̱ ra síxá a̱ꞌta ꞌtse̱ Nainá ya̱ Corinto
\p
\v 1 ꞌNdsé ko̱ tichjeé, ꞌkia̱ nga ꞌsa̱ ítjòn, mì kì kjomà nda ítsakakó‑no koni tsa jñà xi̱ta̱ ra nda tísíxájin ya̱ inìma̱‑la̱ jè Inìma̱ Tsje‑la̱ Nainá, ta ꞌkoa̱á ꞌsín ítsakakó‑no koni tsa xi̱ta̱ i̱sàꞌnde ꞌmì‑no koni tsa ꞌsa̱ i̱xti‑xó jiòn ra kjoa̱ ꞌtse̱ Cristo.
\v 2 Kií ítsakon‑yá‑no kjoa̱ ra mì tsa chjá tjín, koni ꞌsín nìko̱ jñà i̱xti‑xó ra ꞌsa̱ i̱nchibaki nga ta tsjín ꞌbi ko̱ mì tsa tsajmì ra tája kjine; nga̱ kjè kì ma‑najiòn tsa ko̱tjín ra chji̱ne̱e, ko̱ skanda ꞌndi̱ ꞌndi̱, takó kjè kì nda fìya‑no kóꞌsín tjín kjoa̱chji̱ne̱‑la̱ Nainá.
\v 3 Nga̱ takó ꞌkoa̱á ꞌsín i̱nchiꞌnià jiòn koni ꞌsín ꞌsín ra taxki̱ xi̱ta̱ ra bátsji kjoa̱ ra síjé ijo‑la̱. ꞌKia̱ nga takó tjín‑no kjoa̱chi̱ni̱ ko̱ nga ti̱jiòn chitikjoò‑no, ¿a mí tsa ko̱ꞌsín i̱nchiꞌnià koni tsa taxki̱ xi̱ta̱ i̱sàꞌnde ra bátsji kjoa̱ ra síjé ijo‑la̱?
\v 4 ꞌKia̱ nga tjín iꞌka jiòn ra bixó: “ꞌA̱n, xi̱ta̱ ꞌtse̱ Pablo‑ná”, ko̱ jè ra ìjngo tsò: “ꞌA̱n, ya̱á fìꞌta‑la̱ jè Apolos”, ¿a mí tsa ta kjo̱bítsjen ꞌtse̱ xi̱ta̱ i̱sàꞌnde ra i̱nchinìchjeén jiòn, ꞌkia̱ nga ko̱ꞌsín bixó?
\p
\v 5 ꞌA̱n ra Pablo ko̱ jè Apolos, mì tsa yá‑naji̱n. Tà xi̱ta̱ chi̱ꞌnda‑náji̱n ra a̱ꞌta ꞌtse̱ Nainá. Ji̱ín isìchjeén‑naji̱n Nainá nga kjokjiín‑no ra a̱ꞌta ꞌtse̱ Cristo koni ꞌsín nga jngó jngó‑na̱ji̱n, kja̱ kitsjá xá kja̱ kitsjá xá‑naji̱n Nainá.
\v 6 ꞌA̱n‑ná koni jngo xi̱ta̱ ra tsikítje̱ ko̱ jè Apolos koni jngo xi̱ta̱ ra tsikíngi‑la̱ nandá, tanga jè Nainá ra isikìhijin‑ni.
\v 7 Jè ra bítje̱, ko̱ jè ra bíngi‑la̱ nandá, mì tsa ꞌñó chjí‑la̱ ra jñà; ta jngo jè Nainá ra ꞌñó chjí‑la̱, nga̱ jé kjón‑ni ra síkihijin tsajmì ra sitje̱.
\v 8 Jè ra bítje̱ ko̱ jè ra bíngi‑la̱ nandá ta jngoó xá i̱nchiꞌsín, ni̱ꞌsín jè Nainá, kja̱ tsjá kja̱ tsjá‑la̱ chjí‑la̱ koni ꞌsín tjín xá ra ꞌsín.
\v 9 Ra ji̱n, ya̱á ta̱ña níxákjo‑ji̱n a̱ꞌta ꞌtse̱ xá‑la̱ Nainá. Ko̱ jión‑nájiòn koni jngo nangi ra a̱ꞌta ꞌtse̱ Nainá ñánda̱ nga tjítje̱‑la̱ tsajmì. Ko̱ ti̱ꞌkoa̱á jión‑nájiòn koni jngo niꞌya chrjó‑la̱ Nainá ra ji̱n i̱nchibinda‑ji̱n.
\v 10 Jè kjo̱nda‑la̱ Nainá ra ꞌa̱n itjábé‑na, jé‑ní nga ꞌa̱án tsikíꞌtin‑na koni jngo chji̱ne̱ chrjó ítjòn nga tsikíjna tjàꞌtsin kjoa̱ ꞌtse̱ Nainá koni jngo chrjó‑la̱ niꞌya. Ko̱ kjꞌií‑ní jè ra bako̱‑la̱ nga bíndasòn‑isa. Tanga machjeén‑ní nga nda katakotsíjen‑la̱ nga jngó jngó, a ndaá i̱nchibínda-sónꞌnga.
\v 11 Nga̱ mì ti̱ yá ra ko̱ma‑la̱ ki̱ìjna tjàꞌtsin ìjngo‑isa, koni jè ra ijye tíjna tjàꞌtsin, ra ngi jè saba Jesucristo.
\v 12 Tanga tsa yá ra ki̱indasónꞌnga‑la̱ jè tjàꞌtsin chrjó ra̱kìi̱ nga si̱ìchjeén ra ngi ki̱cha̱ sinè, ko̱ tsa jñà ra ki̱cha̱ chroba, ko̱ tsa jñà na̱jo̱ ra ꞌñó chjí chjí‑la̱, ko̱ tsa yá si̱ìchjeén, ko̱ tsa jñà xka̱ ndi̱jyi̱ ko̱ tsa jñà xka̱jén.
\v 13 ꞌKia̱á nda jcha̱‑la̱ jè xá ra ꞌsi̱in nga jngó jngó xi̱ta̱, ꞌkia̱ nga ki̱jchò ni̱chjin nga si̱ndajín ijye‑la̱ xi̱ta̱ ngaꞌtsì jé‑la̱; nga̱ ngi ko̱ó niꞌí kjꞌi̱í ꞌkia̱ ki̱jchò jè ni̱chjin; ko̱ jè niꞌí sko̱óꞌta jè xá ra kiꞌsìn nga jngó jngó xi̱ta̱.
\v 14 Tsa mì kì jti̱ jè xá ra kjomà, jè ra tsikínda xá ra̱kìi̱, tjábé‑la̱ chjí‑la̱.
\v 15 Tanga tsa tjín iꞌka xi̱ta̱ ra jti̱ xá‑la̱, jè ra kiꞌsìn xá ra̱kìi̱, si̱ìjchija chjí‑la̱. Tanga ko̱tojiín ra kjo̱hiꞌin, koni tsa batojin kjòn niꞌí.
\p
\v 16 ¿A mí ꞌya jiòn, nga niꞌya i̱ngo̱‑la̱ Nainá ma jiòn, ko̱ nga jè Inìma̱ Tsje‑la̱ Nainá ya̱á tíjnajin‑no?
\v 17 Tsa yá ra si̱ìkitsón‑ña jè niꞌya i̱ngo̱‑la̱ Nainá, jè Nainá, ꞌkoa̱á ti̱ꞌsín si̱ìko̱ ngajo‑ni jè ra ko̱ꞌsín ꞌsi̱in. Nga̱ jè niꞌya i̱ngo̱‑la̱ Nainá, tsje‑ní; ko̱ jión‑nájiòn ra ko̱ꞌsín niꞌya i̱ngo̱‑la̱ Nainá ꞌmì‑no.
\p
\v 18 Kì yá ra ti̱jè ijo‑la̱ konda̱cha̱‑ila̱; tsa títsa̱jnajin iꞌka‑no ra ko̱ꞌsín tsò‑la̱ ijo‑la̱ nga ꞌñó tjín‑la̱ kjo̱chji̱ne̱ ra ta kjo̱bítsjen ꞌtse̱ i̱sàꞌnde, isa̱á nda‑ni tsa ko̱ꞌsín kataꞌsín koni tsa ni̱mé machi̱ya‑la̱, mé‑ni nga ko̱ma sa̱kò kiti‑la̱ ra ngi kjoa̱chji̱ne̱ ꞌtse̱ Nainá.
\v 19 Nga̱ ta kjoa̱ská‑ni ya̱ ngixko̱n Nainá, jñà kjoa̱chji̱ne̱ ra ta kjo̱bítsjen ꞌtse̱ xi̱ta̱ i̱sàꞌnde. Nga̱ ꞌkoa̱á ꞌsín tíchja̱ jè xa̱jo̱n ra tjíꞌta ꞌén‑la̱ Nainá, nga tsò: “Jè Nainá, ti̱jñà síchjeén‑ni kjoa̱ maña̱ ra ꞌsín xi̱ta̱ chji̱ne̱ mé‑ni nga ti̱jñà kàjin‑ni kjoa̱.”
\v 20 Ti̱ꞌkoa̱á tsò‑te india‑ni jè xa̱jo̱n ra tjíꞌta ꞌén‑la̱ Nainá: “Jè Na̱ꞌín‑ná be‑ní nga ni̱mé chjí‑la̱ jñà kjo̱bítsjen‑la̱ xi̱ta̱ ra chji̱ne̱ tsò‑la̱ ijo‑la̱.”
\v 21 ꞌKoa̱á ma‑ni, kì ni̱jngo xi̱ta̱ ꞌnga níkíjna jiòn, nga̱ ngaꞌtsì kjo̱nda ra tjín, kjo̱nda tsa̱jión‑nó:
\v 22 koni jè Pablo, koni jè Apolos, koni jè Cefas, koni jè i̱sàꞌnde, koni jè kjo̱binachon, koni jè kjoa̱biya, koni jè ni̱chjin ra titsa̱jneé ꞌndi̱‑ni̱, ko̱ ni̱chjin ra ꞌsa̱ nchrabá, sabà kjo̱nda tsa̱jión‑nájiòn.
\v 23 Ko̱ ra jiòn‑jiòn, ꞌtse̱ Cristo‑ní, ko̱ jè Cristo ꞌtse̱é Nainá.
\c 4
\s Xá ra ꞌsín xi̱ta̱ ra tsikíxá‑la̱ Jesucristo
\p
\v 1 ꞌKoa̱á ꞌsín jcha̱takòn‑náji̱n koni tsa tà xi̱ta̱ chi̱ꞌnda ra síxá‑la̱ Cristo, nga̱ ngaji̱ín kjonga̱tsja‑ji̱n nga ꞌkéna̱jmí‑ji̱n kóꞌsín tjín kjoa̱ ra tjíꞌma ra a̱ꞌta ꞌtse̱ Nainá.
\v 2 Tanga jñà xi̱ta̱ ra ko̱ꞌsín bako̱‑la̱ nga manga̱tsja jngo xá, machjeén‑ní nga ko̱ꞌsín kataꞌya‑la̱ nga xi̱ta̱ kixi̱‑ní.
\v 3 Mì tsa jè síkájno jiàa̱n, tsa kóꞌsín bixó jiòn ra a̱ꞌta tsa̱ꞌa̱n, a ndaá tíꞌsiaa̱n o̱ ra ꞌchoó tíꞌsiaa̱n, ko̱ kóꞌsín tsò jñà xi̱ta̱xá ra ma‑la̱ bíndajín‑la̱ xi̱ta̱ i̱sàꞌnde, ko̱ skanda mí tsa ti̱ ijo‑na̱ kotsíjen‑jnó‑na nga bindájín‑la̱ mé kjoa̱ ra ꞌsiaa̱n.
\v 4 Ni̱ꞌsín ko̱ꞌsín tsò‑na kjo̱bítsjen‑na̱ nga mí tsa mé jé tjín‑na, mì tsa tsò‑ni kjoa̱ nga xi̱ta̱ kixi̱‑ná ra ꞌa̱n; nga̱ jé saba Na̱ꞌín‑ná ra bíndajín‑na ra ꞌa̱n.
\v 5 ꞌKoa̱á ma‑ni, kì tà chjàn jiòn tje̱n chibàya‑no kóꞌsín i̱nchisíxá nga jngó jngó xi̱ta̱; jchíñakjoa̱‑la skanda ꞌkia̱ nga kjꞌi̱í india‑ni jè Na̱ꞌín‑ná, nga̱ jé ra nda si̱ìkatsíjen ngaꞌtsì mé kjoa̱ ra títsa̱jnajin jñà xi̱ta̱ ya̱ ñánda̱ nga jñò chon, ko̱ jè nda si̱ìkatsíjen kóꞌsín tjín kjoa̱ ra tjíjin ya̱ inìma̱‑la̱; a̱kjòn ꞌkia̱á jè Nainá ꞌnga si̱ìkíhijyo nga jngó jngó xi̱ta̱ koni ꞌsín nga bakèn‑la̱.
\p
\v 6 Jiòn ndí ꞌndsé ko̱ ndí tichjeé, ꞌkoa̱á ꞌsín tsikijná jngo‑no xkósòn ra kjo̱nda tsa̱jiòn ꞌkia̱ nga kíchjà‑no a̱ꞌta ꞌtse̱ Apolos ko̱ ra a̱ꞌta tsa̱ꞌa̱n, mé‑ni nga mì kì tsa ko̱tonè‑la koni ꞌsín nga tíchja̱ xa̱jo̱n ra tjíꞌta ꞌén‑la̱ Nainá. Kì ko̱ꞌsín jngo chi̱ꞌnda‑la̱ Nainá isa̱ nda nachrjengio koni ra ìjngo.
\v 7 ¿Yá ra nachrjengio jiòn ijo‑no? ¿A ꞌkoa̱á ꞌsín níkítsjen jiòn nga batoó ꞌñó ꞌya jiòn? ¿Mé ra tjín‑najiòn ra tà ngaꞌñó tsa̱jiòn? ¿A mí tsa Nainá kitsjà‑no ngaꞌtsì kjoa̱ ra ma‑no? Tsa a̱ꞌta ꞌtse̱ Nainá itjábé‑nájiòn, ¿mé‑ni ko̱ꞌsín ꞌnga mahíko̱‑no takòn koni tsa ta ngaꞌñó tsa̱jiòn‑no nga ma isakò‑najiòn ngaꞌtsì ra tjín‑no?
\v 8 Mé ta̱ nda‑ni nga nda titsa̱hijyo. Ijyeé isakò‑no kjoa̱nchi̱ná ra a̱ꞌta ꞌtse̱ Nainá, ko̱ ijyeé ꞌñó ski tjín inìma̱‑no, ijyeé mì ti̱ mé ra chija‑no ra a̱ꞌta ꞌtse̱ Nainá, skanda ijyeé jiòn i̱nchibatexoma ítjòn, skanda kjeé batexoma‑naji̱n ra ji̱n. Mé ta̱ nda‑ni nga ijye ko̱ꞌsín i̱nchibatexoma. Ya̱á‑la ko̱te̱xomakjoko̱‑laji̱n.
\v 9 ꞌKoa̱á ꞌsín ma‑na ra ꞌa̱n, ji̱n ra tsikíxáya‑naji̱n Jesucristo, ji̱ín i̱nchisíkjeheꞌta‑naji̱n Nainá, ꞌkoa̱á ꞌsín kjòn‑ji̱n koni xi̱ta̱ ra ijye tjínè‑la̱ nga ki̱yá. Ngaꞌtsì kjoa̱ ra i̱nchimaꞌtin‑ji̱n i̱ i̱sàꞌnde, ꞌkoa̱á ꞌsín ta ꞌcho i̱nchikotsíjen‑jnó‑naji̱n jñà xi̱ta̱ ko̱ jñà ìkja̱li̱.
\v 10 ꞌKoa̱á ꞌsín ꞌyatákon‑naji̱n ra ji̱n koni tsa ni̱mé machi̱ya‑naji̱n, ta nga̱tjì‑la̱ ra a̱ꞌta ꞌtse̱ Cristo. Ko̱ ra jiòn, ꞌkoa̱á ꞌsín bítjo̱ngi jiòn koni tsa ꞌñó nda machi̱ya‑najiòn ra a̱ꞌta ꞌtse̱ Cristo. Ra ji̱n, ꞌkoa̱á ꞌsín kjòn‑ji̱n koni tsa tsìn‑naji̱n ngaꞌñó, ko̱ ra jiòn, koni tsa ꞌñó tjín‑no ngaꞌñó; ra ji̱n, tínachrjengií‑naji̱n, ko̱ jiòn, ndaá tíꞌyaxkón‑no.
\v 11 Skanda ꞌndi̱‑ni̱, kjinchrá i̱nchibato‑ji̱n, skanda tsìn‑naji̱n nandá ra ꞌyo‑ji̱n, tsìn‑naji̱n nikje ra tsjaya‑ji̱n, i̱nchiꞌyatoón‑naji̱n, ko̱ tsìn jngo‑naji̱n niꞌya ñánda̱ nga tsijen titsa̱jna‑ji̱n, ta timasòn‑náji̱n.
\v 12 Jñá ndsa̱‑ji̱n i̱nchinìchjeén‑ji̱n nga i̱nchiníxá‑ji̱n ko̱ nga i̱nchinìkiꞌòn‑ji̱n ijo‑na̱ji̱n. ꞌKia̱ nga ꞌcho tsò ꞌén ra chja̱ꞌtin‑naji̱n xi̱ta̱, ta isa̱á nda tsò ꞌén ra nakjoáꞌtin‑ji̱n ra ji̱n, ko̱ tsa ꞌkia̱ nga yá ra kjaán‑ko̱‑naji̱n, chíkjoa̱á‑naji̱n.
\v 13 Tsa yá ra chja̱jno‑naji̱n, ta isa̱á nda niko̱‑ji̱n ra ji̱n. Skanda ꞌndi̱‑ni̱, ꞌkoa̱á ꞌsín betákon‑naji̱n jñà xi̱ta̱ koni tjé‑la̱ i̱sàꞌnde, ko̱ koni jñà tsajmì ra mì ti̱ mé chjí‑la̱.
\p
\v 14 Mì tsa ki xá tíbindá‑najiòn xa̱jo̱n nga tísìsába‑no. Ta jé‑ní nga tíbiyáchi̱ya‑no koni tsa i̱xti‑na̱ ra tsjake̱.
\v 15 Ni̱ꞌsín‑la te jmi ma‑ni xi̱ta̱ ra i̱nchisíkonda̱‑no nga bakón‑ya‑no ra a̱ꞌta ꞌtse̱ Cristo, tanga jngo kjón‑ni jè ra ko̱ꞌsín tíjna koni tsa na̱ꞌìn‑no ma. ꞌA̱n‑ná ra koni na̱ꞌìn‑no ma, nga̱ ꞌa̱án ítsakon‑yá ítjòn‑no jè ꞌén xi̱tse̱ ra nda tsò mé‑ni nga kjomà kjokjiín‑no a̱ꞌta ꞌtse̱ Cristo Jesús.
\v 16 ꞌKoa̱á ma‑ni nga ko̱ꞌsín tíbitsáꞌba‑no nga ko̱ꞌsín chjíngí‑ná jiòn koni ꞌsín tíꞌsiaa̱n ra ꞌa̱n.
\v 17 ꞌKoa̱á ma‑ni nga ko̱ꞌsín ísikásén‑no jè Timoteo, ra ko̱ꞌsín tíjna koni iꞌndí‑na̱ ra ꞌñó matsjake̱ ra kixi̱ tísíkitjasòn xá‑la̱ Na̱ꞌín‑ná. Jè si̱íkítsjen‑yá‑no kóꞌsín tíꞌsiaa̱n ra ꞌa̱n ra a̱ꞌta ꞌtse̱ Cristo ko̱ kóꞌsín nga bakon‑yáa̱ ta ñánda̱ nga bajmee̱ ko̱ nga tíjngo ñánda̱ nga tjín xi̱ta̱ na̱xi̱ndá‑la̱ Cristo.
\v 18 Tjín iꞌka xi̱ta̱ xàngio̱o jiòn ra ꞌñó ꞌnga ikon, nga ꞌkoa̱á ꞌsín síkítsjen tsa mì ti̱ kì kijcho katsíjen‑no.
\v 19 Tanga tsa jè Na̱ꞌín‑ná ra ko̱ꞌsín mejèn‑la̱ ki̱jchòꞌtsè ndi̱to̱ón‑najiòn. Ko̱ ꞌkia̱á skee̱ kjòn kóꞌsín chja̱ jñà ra ko̱ꞌsín ꞌnga ikon i̱nchiꞌsín; mì tsa ta jè‑jìn nga kóꞌsín chja̱, jè ra mejèn‑na nga skee̱ a tjín kiti‑la̱ ngaꞌñó koni ꞌsín nga tsò.
\v 20 ꞌKia̱ nga jè saba Nainá batéxoma‑la̱ xi̱ta̱, mì kì machjeén nga ta ꞌén ra ki̱chja̱, jè ngaꞌñó‑la̱ Nainá ra machjeén.
\v 21 ¿Kóꞌsín mejèn‑najiòn? ¿A jé ra mejèn‑no nga ngi ko̱ kjo̱jti‑na̱ kijchòꞌtsè‑no? ¿O̱ ra jè mejèn‑no nga ngi ko̱ kjo̱nda‑na̱ ko̱ kjo̱tsjacha‑na̱ kijchòꞌtsè‑no?
\c 5
\s Kóꞌsín tjín kjoa̱ ꞌtse̱ jé ra tjín ya̱ a̱jin na̱xi̱ndá‑la̱ Nainá ya̱ Corinto
\p
\v 1 Nga̱ skanda ijyeé ko̱ꞌsín naꞌyá‑la̱ ra a̱ꞌta tsa̱jiòn nga tjín ra kjoa̱chijngi, jngo kjoa̱chijngi ra skanda mí tsa ko̱ꞌsín naꞌyá‑la̱ a̱ꞌta ꞌtse̱ xi̱ta̱ ra mì tsa Nainá bexkón; skanda tíjnajiín jngo‑najiòn ra ti̱ na̱jòn‑la̱ chja̱ꞌnda‑ni.
\v 2 Ko̱ jiòn, ¿mé‑ni nga ta isa̱ ꞌnga ma‑ni takòn? Tsa nda kjòn‑ni tjíné‑la̱ nga ba kiꞌse‑najiòn, ko̱ a̱kjòn ko̱ꞌsín tsiꞌkìn‑la xi̱ta̱ ra̱kìi̱ nga mì ti̱ ya̱ katasíngásòn‑ko̱‑no.
\v 3 Kixi̱í kjoa̱, ra ꞌa̱n, mì tsa ya̱ tíjna̱jin kjòn‑no, tanga jè kjo̱bítsjen ꞌtse̱ inìma̱‑na̱ ya̱á tíjnajin masen‑no; ꞌkoa̱á jngoya‑la̱ koni tsa ya̱ tíjna̱ko̱ kjòn‑no, ijyeé ko̱ꞌsín tíxian ra ꞌa̱n mé kjo̱hiꞌin ra tjínè‑la̱ nga ko̱ko̱‑la̱ xi̱ta̱ ra ko̱ tjín jé tíbátsji.
\v 4 ꞌKia̱ nga ki̱tsa̱jnajtín jiòn, ya̱á kíjnako̱‑no inìma̱ tsje‑na̱ ko̱ jè ngaꞌñó‑la̱ Jesucristo ra tíjna ítjòn‑ná. Ko̱ ngi ko̱ó jè kjo̱téxoma‑la̱,
\v 5 nga ya̱ ti̱nga̱tsja jè xi̱ta̱ ra̱kìi̱ ya̱ ñánda̱ nga jè xi̱ta̱‑ni̱í tíbatéxoma mé‑ni nga jè katatsjá‑la̱ kjo̱hiꞌin ijo‑la̱, [ko̱ katasíkájno‑ni jé‑la̱ nga mì kì ti̱ kì jé koa̱àtsji‑ni] mé‑ni nga ki̱tjokajin‑ni kjo̱hiꞌin inìma̱‑la̱ jè ni̱chjin ꞌkia̱ nga kjꞌi̱í jè Jesús ra tíjna ítjòn‑ná.
\p
\v 6 Mì kì nda tjín nga ko̱ꞌsín jiòn ꞌnga mahíko̱o kjo̱bítsjen‑no, nga̱ ijyeé ꞌya jiòn nga ni̱ꞌsín ta i̱tsé‑ni na̱ꞌyo̱ san, sísan ijye‑ní jè na̱ꞌyo̱ ra nda.
\v 7 Ti̱náchrjekàjiòn jè xi̱ta̱ ra ko̱ꞌsín bátsji‑jé koni tsa jè na̱ꞌyo̱ san ra mì kì ti̱ nda‑ni, mé‑ni ko̱ꞌsín ko̱ma‑no koni tsa na̱ꞌyo̱ xi̱tse̱ ra jiòn, ra mì tsa na̱ꞌyo̱ san tjíkójin‑la̱. Nga̱ jé Cristo ra ꞌken ngajo‑ná koni ꞌsín nga ꞌken forrè jè ni̱chjin paxko̱ ꞌkia̱ nga itjojin ya̱ nangi Egipto jñà xi̱ta̱ Israel.
\v 8 ꞌKoa̱á ma‑ni ra jién, ko̱ꞌsín si̱kítsjen‑yé nga jé Cristo ꞌken‑tjì ngajo‑ná, nga chjáaxién ra kjoa̱ꞌcho ko̱ kjoa̱ ra mì kì nda tjín, koni ꞌsín faháxìn ra na̱ꞌyo̱ san jñà xi̱ta̱ Israel ꞌkia̱ nga ꞌsí paxko̱, ko̱ jè si̱chjeén jè ra ngi kjoa̱ tsje ko̱ kjoa̱kixi̱, koni tsa ni̱ño̱ nchra̱jín ra mì tsa na̱ꞌyo̱ san tjíkójin‑la̱.
\p
\v 9 Jè xa̱jo̱n ra ísikásén ítjòn‑no, ꞌkoa̱á ꞌsín kíxian‑no nga kì ya̱ fahijtako̱o jñà xi̱ta̱ ra kjoa̱chijngi ꞌsín.
\v 10 Tanga mì tsa tsò‑ni kjoa̱ nga jngó kjá kítjo̱kajin‑la jñà xi̱ta̱ i̱sàꞌnde ra kjoa̱chijngi ꞌsín, ra tse tsajmì mejèn‑la̱, ra xi̱ta̱ chijé, ko̱ jñà ra jè bexkón nainá ra tjín i̱ i̱sàꞌnde. Tsa jiòn‑la ra mejèn‑no nga ko̱ꞌsín ꞌsia̱an, tjíné‑la nga jngó kjá kítjo̱kajin‑la jè i̱sàꞌnde ra̱kìi̱.
\v 11 Jè ꞌén ra ko̱ꞌsín kíxin‑no ꞌkia̱ nga ítsikindá‑no xa̱jo̱n, jè‑ní nga kì ti̱ ya̱ tsjahijtako̱‑no jè ra xi̱ta̱‑la̱ Cristo tsò‑la̱ ijo‑la̱, ko̱ tsa kjoa̱chijngi tíꞌsín‑ni, ko̱ tsa jè ra mejèn‑la̱ nga isa̱ tse ꞌse̱‑la̱, ko̱ tsa jè bexkón‑ni nainá ra tjín i̱ i̱sàꞌnde, ko̱ tsa ꞌén ꞌcho chja̱‑ni, ko̱ tsa xi̱ta̱ ꞌchi̱‑ni, ko̱ tsa xi̱ta̱ chijé‑ni. Jñà xi̱ta̱ ra ko̱ꞌsín i̱nchiꞌsín, skanda kì ya̱ ta̱ña bichiko̱o.
\v 12‑13 Mì tsa jién bako̱‑ná nga kíndajín‑lá jñà ra xi̱ta̱ i̱sàꞌnde; jé Nainá ki̱ìndajín‑la̱ ra jñà; tanga jión bako̱‑no nga kíndajín‑la jñà xi̱ta̱ na̱xi̱ndá‑la̱ Nainá ra tsa̱jiòn. ꞌKoa̱á ma‑ni nga ko̱ꞌsín xin‑no: Ti̱náchrjekàjiòn jè xi̱ta̱ ra ꞌcho tíꞌsín ra ya̱ tíjnajin‑no.
\c 6
\s Kóꞌsín nga machjeén nga ti̱jién kíndajín‑lá xàngie̱é ra xi̱ta̱‑la̱ Cristo ꞌmì‑ná
\p
\v 1 Jiòn, tsa ꞌkia̱ mé kjoa̱ ra tjín‑no ko̱ xi̱ta̱ xàngio̱o, ¿kó tsò takòn jiòn nga jñà xi̱ta̱xá‑la̱ xi̱ta̱ i̱sàꞌnde níjé‑la nga kátíndajín‑no? ¿Mé‑ni mì tsa jñà níjé‑la xi̱ta̱ na̱xi̱ndá‑la̱ Cristo nga jñà kátíndajín‑no?
\v 2 ¿A mí ꞌya jiòn, nga jién‑ná ra xi̱ta̱ na̱xi̱ndá‑la̱ Cristo ꞌmì‑ná kíndajín‑lá jñà xi̱ta̱ i̱sàꞌnde? Ko̱ tsa jién bako̱‑ná nga kíndajín‑lá ra xi̱ta̱ i̱sàꞌnde, ¿a mí ma‑no ra jiòn nga bindajín‑la xàngio̱o kjoa̱ ra ta chiba chjá tjín ni̱chjin ꞌndi̱?
\v 3 ¿A mí tsa ijye tjíjin‑no nga skanda jién kíndajín‑te‑lá jñà ìkja̱li̱? Tsa ꞌkoa̱á ꞌsín jién bako̱‑ná nga kíndajín‑lá jñà ìkja̱li̱, ¿a ta jñá kjoa̱ ra ma i̱ i̱sàꞌnde mì kì ma‑ná kíndajién?
\v 4 Tsa ta kií kjoa̱ ra tjín kiꞌta ya̱ i̱sàꞌnde tjín‑najiòn, ko̱ jiòn ra títsa̱hijyo ítjòn mì kì ma‑no bindajión, ¿mé‑ni nga jñà ꞌnià‑no xi̱ta̱xá‑no jñà ra mì tsa ya̱ ꞌñó títsa̱jna ya̱ a̱jin na̱xi̱ndá‑la̱ Nainá?
\v 5 Kií ko̱ꞌsín tíxin‑no mé‑ni nga katasabà‑no. ¿A sí mí tíjnajin jngo‑najiòn ra xi̱ta̱ xàngio̱o ra tjín‑la̱ kjo̱bítsjen nga ko̱ma‑la̱ ki̱ìndajín‑no ra ꞌndsè chibà?
\v 6 Mì tsa tà jè‑jìn nga ti̱jiòn bixkàn‑ko̱o‑no xàngio̱o, skanda ya̱á mahíko̱o kjo̱si ra tjín‑no ya̱ ngixko̱n xi̱ta̱xá ra mì tsa ya̱ makjiín‑la̱ a̱ꞌta ꞌtse̱ Cristo.
\v 7 Jngo kjoa̱ ra ꞌñó ꞌcho tjín koni ꞌsín nga i̱nchimaꞌtin jiòn nga ti̱jiòn bixkàn‑kjo‑no. ¿Mé‑ni mì tsa ta nìkjiín‑no ꞌkia̱ nga kó nìko̱‑no, ko̱ tsa tà jyò bìtsa̱jna ꞌkia̱ nga machijé‑no?
\v 8 Tanga jiòn, ta isa̱á ꞌñó ꞌcho tjín kjoa̱ ra ꞌnià; ko̱ skanda ti̱jión nichijé‑la xàngio̱o ra ꞌndsè chibà.
\p
\v 9 ¿A mí ꞌya jiòn nga jñà xi̱ta̱ ra mì tsa kjoa̱kixi̱ ꞌsín, mì kì ma kjoa̱haꞌsen‑jin ya̱ i̱ꞌnde ñánda̱ tíbatéxoma Nainá? Jñà ra xi̱ta̱ chijngi, jñà ra ta xkósòn ꞌtse̱ xi̱ta̱ bexkón koni tsa nainá, jñà xi̱ta̱ ra ijye ixan ko̱ takó kjoa̱chijngi ꞌsín, ko̱ jñà xi̱ta̱ ꞌxi̱n ra ti̱ xi̱ta̱ ꞌxi̱n xákjén fahijoko̱‑nì,
\v 10 jñà ra xi̱ta̱ chijé, jñà ra mejèn‑la̱ nga tse ꞌse̱‑la̱ tsajmì, jñà ra xi̱ta̱ ꞌchi̱, jñà ra chja̱jno‑la̱ xi̱ta̱ xákjén, ko̱ jñà xi̱ta̱ ra konda̱cha̱‑la̱ xákjén nga síchijé‑la̱; kì tà chjàn bìndo̱cha̱‑la ijo‑no, nga̱ ni̱jngo xi̱ta̱ ra ko̱tjín kjoa̱ꞌcho ꞌsín ko̱ma ki̱jchò ya̱ ñánda̱ tíbatéxoma Nainá.
\v 11 ꞌKoa̱á kjòn iꞌka jiòn nga ti̱ꞌsa̱ kjotseé, tanga ꞌndi̱ ꞌndi̱ jè Nainá ijyeé tsiníjno jè jé‑najiòn, ko̱ ijyeé tsikítsa̱hijyoꞌtaxìn‑no ra a̱ꞌta ꞌtse̱ jé, ijyeé xi̱ta̱ kixi̱ kiꞌsìn‑no; ngi ko̱ó ngaꞌñó‑la̱ Jesucristo ra tíjna ítjòn‑ná ko̱ ngaꞌñó ꞌtse̱ Inìma̱ Tsje‑la̱ Nainá nga ko̱ꞌsín kisìko̱‑no.
\s Kóꞌsín nga jé Nainá jeya si̱kíjneé a̱ꞌta ꞌtse̱ ijo‑ná
\p
\v 12 Tjín iꞌka jiòn ra bixó: “Maá ꞌsiaa̱n tà mé ra mejèn‑na.” Kixi̱í kjoa̱, ma‑ní, tanga mì tsa ta ngaꞌtsì‑ni kjoa̱ nga kjen ndi̱yá‑ná; ꞌkoa̱á ma‑ni nga mì kì tsjaꞌndé‑la̱ ijo‑na̱ ñáa̱ kjoa̱ ra si̱ìkijne‑na.
\v 13 Tsó ꞌén ra tjín: “Tsajmì ra chineé, ꞌtse̱é i̱ndsi̱ꞌbé ko̱ jè i̱ndsi̱ꞌbé, jè machjeén‑la̱ tsajmì ra chineé.” Tanga ta ngajòo̱, jè Nainá si̱ikjeheꞌta ni̱chjin‑la̱. Tanga jè ijo‑ná, mì tsa ki xá‑la̱ nga kjoa̱chijngi ꞌsie̱én, kií xá‑la̱ nga a̱ꞌta ꞌtse̱ Nainá si̱chjeén, nga̱ jè ijo‑ná, ꞌtse̱é Nainá.
\v 14 Koni ꞌsín kiꞌsìn Nainá, nga isikjaáya‑la̱ jè Na̱ꞌín‑ná Jesús, ꞌkoa̱á ti̱ꞌsín ngi ko̱ó ngaꞌñó‑la̱ nga si̱ìkjaáya‑ná ra jién.
\v 15 ¿A mí tjíjin‑najiòn nga jè ijo‑ná ya̱á majngoko̱ ijo‑la̱ Cristo? ¿A maá si̱chjeén jè ijo‑la̱ Cristo nga ya̱ si̱jngoke̱é ya̱ ijo‑la̱ jngo chjo̱ón skáya? Majìn, mì kì ko̱ma.
\v 16 Ko̱, ¿a mí tjíjin‑najiòn? Tsa ꞌkia̱ jngo xi̱ta̱ ꞌxi̱n, jngo chjo̱ón skáya kjójnako̱, jngoó ijo ma‑ni. Nga̱ ꞌkoa̱á ꞌsín tíchja̱ Xa̱jo̱n‑la̱ Nainá nga tsò: Ta jngoó ijo ka̱ma‑ni ngajòo̱.
\v 17 Tanga jè xi̱ta̱ ra jè Na̱ꞌín‑ná tíjnakjo‑ko̱, ta jngoó inìma̱ tsje ma‑ni.
\v 18 Ti̱nchaꞌtàxìn‑la kjoa̱chijngi ra síjé ijo‑no. Ta mé‑isa jé ra bátsji xi̱ta̱, mì tsa ijo‑la̱ beton; tanga jè xi̱ta̱ ra kjoa̱chijngi ꞌsín, jè ijo‑la̱ beton.
\v 19 ¿A mí ꞌya jiòn nga jè ijo‑najiòn jè ma niꞌya‑la̱ Inìma̱ Tsje‑la̱ Nainá ra jè Nainá kisìnga̱tsja‑najiòn nga ya̱á tíjnajin ya̱ inìma̱‑no? Jè ijo‑najiòn, mì tsa ti̱ tsa̱jión‑nájiòn.
\v 20 Jè Nainá ijyeé xá tsatse‑najiòn, ijyeé tse tsikíchjítjì‑no; ꞌkoa̱á ma‑ni jè Nainá jeya ti̱kíjna jiòn ra a̱ꞌta ꞌtse̱ ijo‑no, nga̱ jè Nainá, ijyeé jè chja̱ꞌnda‑no.
\c 7
\s Kjoa̱ ꞌtse̱ xi̱ta̱ ra bixan
\p
\v 1 A̱ꞌta ꞌtse̱ ꞌén ra ichjinangi‑nájiòn nga inikasén‑ná xa̱jo̱n nga bixó nga isa̱á‑la nda tjín tsa mì kì ki̱xan jñà xi̱ta̱.
\v 2 Tanga ta nga̱tjì‑la̱ nga ya̱ na̱xi̱ndá‑najiòn ꞌñó tjín ra kjoa̱chijngi, machjeén‑ni nga jngó jngó xi̱ta̱ ꞌxi̱n kataꞌse‑la̱ chjo̱ón‑la̱ ko̱ nga jngó jngó íchjín kataꞌse‑la̱ ꞌxi̱n‑la̱.
\v 3 Jè xi̱ta̱ ꞌxi̱n ko̱ꞌsín nda katasísin‑la̱ jè chjo̱ón ꞌkia̱ nga kjójnako̱ ko̱ jè chjo̱ón ti̱ꞌkoa̱á ko̱ꞌsín nda katasísin‑te‑la̱ jè ꞌxi̱n‑la̱ ꞌkia̱ nga kjójnako̱.
\v 4 Jè chjo̱ón, mì tsa ti̱ ta jè kinda̱‑la̱ ijo‑la̱, ijyeé ꞌtse̱é ꞌxi̱n‑la̱. Ko̱ jè xi̱ta̱ ꞌxi̱n, ti̱ꞌkoa̱á mì tsa ti̱ ta jè kinda̱‑la̱ ijo‑la̱, ijyeé ꞌtse̱é chjo̱ón‑la̱.
\v 5 Kì ijo‑no nixkon‑la xàngio̱o nga jngó jngó‑no; ta ꞌkia̱á‑la tsa ngásòn xá jchi̱baya‑no tsa jè ni̱chjin ꞌkia̱ nga mejèn‑no kítsaꞌba‑la Nainá; ra ko̱ma a̱skan‑nioo̱, machjeén‑ní nga si̱sin india‑ila xàngio̱o, mé‑ni nga mì jè xi̱ta̱‑ni̱í sko̱ónda̱cha̱‑no ꞌkia̱ nga tsa mì kì ti̱ chíkjoa̱a‑no nga xìn tsjáhijyo‑la xàngio̱o.
\v 6 Jè ꞌén ra ko̱tíxian‑no, ta ꞌa̱n‑ná ra ko̱ꞌsín títsjaꞌndé‑no, mì tsa koni jngo kjo̱téxoma tíbijná‑no.
\v 7 Ra a̱ꞌta tsa̱ꞌa̱n ndaá‑la ꞌse̱ tsa ngaꞌtsì xi̱ta̱ ta ko̱ꞌsín katitsa̱jna koni ꞌsín nga tíjna̱ ra ꞌa̱n, tanga nga jngó jngó xi̱ta̱ kja̱ kiꞌtsì kja̱ kiꞌtsí jngo‑la̱ kjo̱tjò ra ꞌtse̱ Nainá nga kóꞌsín kítsa̱jna, kja̱ kjꞌií kja̱ kjꞌií ꞌsín títsa̱jna nga jngó jngó xi̱ta̱.
\s ꞌÉn ra tsijen xá ko̱tíxian‑na
\p
\v 8 Jñà xi̱ta̱ ra títsa̱jna ta̱jngo ko̱ jñà íchjín ra ijye ꞌken ꞌxi̱n‑la̱, ndaá‑la tjín tsa ta ko̱ꞌsín katitsa̱jna ta̱jngo koni ꞌa̱n.
\v 9 Tanga tsa mì kì chíkjoa̱‑la̱ nga bìtsa̱jna ta̱jngo, isa̱á nda‑ni tsa katixan, mì ꞌkoa̱‑ni tsa jè kjoa̱ská ꞌtse̱ ijo‑la̱ si̱ìkijne‑la̱.
\p
\v 10 Tanga jñà ra ijye ixan, ꞌkoa̱á ꞌsín tsja‑la̱ jè kjo̱téxoma ra̱kìi̱; tanga mì tsa tsa̱ꞌa̱n jiàa̱n jè kjo̱téxoma, ꞌtse̱é Na̱ꞌín‑ná. Kì tà chjàn tsjin‑ni xákjién. Jè chjo̱ón, kì tà chjàn tsjin‑ni ꞌxi̱n‑la̱.
\v 11 Tanga tsa tsjín‑ni ꞌxi̱n‑la̱, kì tà chjàn kjꞌií ꞌxi̱n bixan‑ko̱ india‑ni; isa̱á nda‑ni tsa katajo̱ónda india‑ni ko̱ ꞌxi̱n‑la̱. Ko̱ jè xi̱ta̱ ꞌxi̱n, kì tà chjàn tsjin‑ni chjo̱ón‑la̱.
\p
\v 12 ꞌKoa̱á ꞌsín tíxin‑la̱ jñà ra kjꞌií xi̱ta̱ ra ta kjo̱bítsjen tsa̱ꞌa̱n, mì tsa jngo ꞌén ra Na̱ꞌín‑ná kitsjà: Tsa jngo xi̱ta̱ ꞌxi̱n ra makjiín‑la̱ ꞌén‑la̱ Nainá tíjnako̱ jngo chjo̱ón ra mì kì makjiín‑la̱, tsa jè chjo̱ón tsò ikon nga bijnako̱, ko̱ꞌsín katijnako̱, kì tà chjàn tsjin‑ni xákjién.
\v 13 Ko̱ tsa jngo chjo̱ón ra makjiín‑la̱ ꞌén‑la̱ Nainá, mì kì makjiín‑la̱ jè ꞌxi̱n‑la̱ ko̱ tsa tsò ikon nga bijnako̱ chjo̱ón‑la̱, katijnako̱‑ní, kì tà chjàn tsjin‑ni xákjín.
\v 14 Jè xi̱ta̱ ꞌxi̱n ra mì kì makjiín‑la̱, a̱ꞌta ꞌtse̱é chjo̱ón‑la̱ matsje‑ni, [nga̱ jè chjo̱ón, makjiín‑la̱ ꞌén‑la̱ Nainá]. Ko̱ jè chjo̱ón ra mì kì makjiín‑la̱, a̱ꞌta ꞌtse̱é ꞌxi̱n‑la̱ matsje‑ni, [nga jè ꞌxi̱n, makjiín‑la̱ ꞌén‑la̱ Nainá]; tsa majìn, jñà i̱xti‑la̱ xi̱ta̱ kìi̱, mí‑la tsa xi̱ta̱ tsje ko̱xki̱ ya̱ ngixko̱n Nainá; tanga ꞌndi̱ ꞌndi̱, jñà i̱xti‑la̱ xi̱ta̱ kìi̱, ijyeé tsje ꞌya‑la̱ ya̱ ngixko̱n Nainá.
\v 15 Tanga tsa jè xi̱ta̱ ra mì kì makjiín‑la̱ ꞌén‑la̱ Nainá mejèn‑la̱ nga tsjín‑ni xákjén ra ꞌén‑la̱ Nainá makjiín‑la̱, katatsjin‑ni. Nga̱ mì kì tjínè‑la̱ nga kjo̱ꞌñó kítsa̱jnako̱ xákjén. Nga̱ kií xá kiìchja̱‑ná Nainá nga ꞌnchán ki̱tsa̱jneé.
\v 16 Tanga ndaá katasijin‑li ji̱ chjo̱ón ra makjiín‑li ꞌén‑la̱ Nainá, mì kì ꞌya‑ni tsa kií‑ni ni̱chjin a̱ꞌta tsa̱ji‑ní nga ko̱ma ki̱tjokajin kjo̱hiꞌin jè ꞌxi̱n‑li. Ko̱ ji̱ ra ꞌxi̱n ꞌmì‑li ra makjiín‑li ꞌén‑la̱ Nainá, mì kì ꞌya‑ni tsa kií‑ni ni̱chjin a̱ꞌta tsa̱ji‑ní nga ko̱ma ki̱tjokajin kjo̱hiꞌin jè chjo̱ón‑li.
\p
\v 17 Nga jngó jngó xi̱ta̱, machjeén‑ní nga ko̱ꞌsín katasíjchá ijo‑la̱ koni ꞌsín nga kitsjà‑la̱ Nainá ko̱ koni ꞌsín nga kjòn ꞌkia̱ nga ti̱ꞌsa̱ Nainá kiìchja̱‑la̱ nga xi̱ta̱‑la̱ kiꞌsìn. ꞌKoa̱á ꞌsín tjín kjo̱hixi̱ ra tsja‑la̱ ngaꞌtsì xi̱ta̱ na̱xi̱ndá‑la̱ Cristo.
\v 18 Tsa tjín iꞌka xi̱ta̱ ra ijye tjíꞌta chi̱ba̱ ijo‑la̱ ra kjoa̱ ꞌtse̱ circuncisión ꞌkia̱ nga xi̱ta̱‑la̱ Cristo kjomà, ta ko̱ꞌsín katitsa̱jna, ko̱ tsa tjín iꞌka ra kjè kì tjíꞌta chi̱ba̱ ijo‑la̱, kì tà chjàn ti̱ bíꞌta chi̱ba̱‑ni ijo‑la̱.
\v 19 Nga̱ mì tsa jè ra ꞌñó chjí‑la̱ tsa tjíꞌta chi̱ba̱ ijo‑la̱ ko̱ tsa mì tjíꞌta chi̱ba̱ ijo‑la̱; jé ra ꞌñó chjí‑la̱ tsa nda ki̱tjasòn jñà kjo̱téxoma‑la̱ Nainá.
\v 20 Nga jngó jngó‑no ko̱ꞌsín ti̱tsa̱jna koni ꞌsín nga titsa̱jna ꞌkia̱ kiìchja̱‑no Nainá.
\v 21 Tsa ꞌkia̱ nga kiìchja̱‑li Nainá tsa chi̱ꞌnda ꞌñó tijni, kì tà chjàn makájno‑li, tanga tsa maá bijnandi̱í‑ni, ti̱jna̱ndi̱í‑ni.
\v 22 Jè xi̱ta̱ ra chi̱ꞌndaꞌñó tíjna ꞌkia̱ nga kiìchja̱‑la̱ Nainá nga kjokjiín‑la̱ ꞌén‑la̱, ijyeé tíjnandi̱í‑ni ꞌndi̱ ꞌndi̱ ra a̱ꞌta ꞌtse̱ Cristo. Tanga jè xi̱ta̱ ra tíjnandi̱í‑ni ꞌkia̱ nga kiìchja̱‑la̱ Nainá, ꞌndi̱‑ni̱ chi̱ꞌndaꞌñó‑la̱ Cristo tíjna.
\v 23 Jè Nainá ijyeé xá tsatse‑najiòn; kì tà chjàn biꞌnde jiòn nga kjꞌií xi̱ta̱ chi̱ꞌndaꞌñó‑la̱ ꞌsín‑no.
\v 24 Jiòn ndí ꞌndsé ko̱ ndí tichjeé, koni ꞌsín nga titsa̱jna jiòn nga jngó jngó‑no ꞌkia̱ nga ti̱ꞌsa̱ kiìchja̱‑no Nainá, ꞌkoa̱á ꞌsín ti̱tsa̱jna ya̱ ngixko̱n Nainá.
\p
\v 25 A̱ꞌta ꞌtse̱ xi̱ta̱ ra takó títsa̱jna ta̱jngo, tsìn jngo‑na kjo̱téxoma ra tsja‑la̱ ra ꞌtse̱ Na̱ꞌín‑ná, tanga ꞌkoa̱á ꞌsín kosòn‑la̱ ra ꞌa̱n koni ꞌsín tsò kjo̱bítsjen‑na̱, nga̱ jè Nainá ꞌñó kjòhi̱ma̱ke‑na mé‑ni nga ko̱ma ꞌa̱n koa̱àꞌtàtákon‑na xi̱ta̱.
\v 26 Ta nga̱tjì‑la̱ nga ꞌñó iꞌin chon ni̱chjin ra titsa̱jneé ꞌndi̱ ꞌndi̱, ꞌkoa̱á ꞌsín síkítsjen ra ꞌa̱n, ndaá‑la tjín tsa ta ko̱ꞌsín katitsa̱jna jñà xi̱ta̱ koni ꞌsín nga títsa̱jna skanda ꞌndi̱ ꞌndi̱.
\v 27 Tsa tjín‑li chjo̱ón, kì tà chjàn jmi‑nì, ko̱ tsa tsìn‑li, kì tà chjàn chjo̱ón fatsji.
\v 28 Tsa ki̱xan‑ní, mì tsa jé‑ni; ko̱ tsa jngo tsati xa̱ngó ki̱xan, ti̱ꞌkoa̱á mì tsa jé tíbátsji; tanga ꞌkoa̱á ma‑na ꞌkia̱ nga ijye ki̱xan, kjo̱hiꞌiín ko̱to, ko̱ jè ra majìn‑na ra ꞌa̱n tsa ko̱ꞌsín katamaꞌtin.
\s Kóꞌsín tjínè‑la̱ nga ꞌsie̱én jién ra makjiín a̱ꞌta ꞌtse̱ Nainá
\p
\v 29 Ndí ꞌndsé, mején‑na nga nda katasijin‑najiòn, tjín chiba‑isa‑ná ni̱chjin nga ma si̱hitjasón‑lá Nainá; ꞌkoa̱á ma‑ni jè xi̱ta̱ ꞌxi̱n ra tjín‑la̱ chjo̱ón, ko̱ꞌsín kataꞌsín koni tsa tsìn‑la̱ chjo̱ón.
\v 30 Ko̱ jñà xi̱ta̱ ra kjo̱ba títsa̱jin, ko̱ꞌsín katitsa̱jna koni tsa mì ba tjín‑la̱; ko̱ jñà ra ꞌsí tjín‑la̱, ko̱ꞌsín katitsa̱jna koni tsa mì ꞌsí tjín‑la̱; ko̱ jñà ra batse tsajmì, ko̱ꞌsín kataꞌsín koni tsa mì mé ra tjín‑la̱.
\v 31 Ko̱ jñà ra fìtji̱ngi‑la̱ kjoa̱ ra tjín i̱ i̱sàꞌnde, ko̱ꞌsín kataꞌsín koni tsa mì ya̱ i̱nchifìtji̱ngi‑la̱. Nga̱ jè i̱sàꞌnde ra titsa̱jnasén, ta ko̱to‑ní.
\p
\v 32 Mején‑na tsa ni̱mé kjoa̱ níkájno ꞌse̱‑najiòn. Jè xi̱ta̱ ra tíjna ta̱jngo, jè síkájno kjoa̱ ra ꞌtse̱ Na̱ꞌín‑ná ko̱ mé kjoa̱ ra nda sasén‑la̱ jè Na̱ꞌín‑ná.
\v 33 Tanga jè xi̱ta̱ ꞌxi̱n ra ijye tjín‑la̱ chjo̱ón, jñá síkájno kjoa̱ ra tjín i̱ i̱sàꞌnde kóꞌsín isa̱ nda kíjnako̱ chjo̱ón‑la̱;
\v 34 jò sko̱ya kjoa̱ tísíkájno. Ti̱ꞌkoa̱á jè chjo̱ón ra tíjna ta̱jngo ko̱ jè tsati ra kjè kì bixan, kií síkájno kjoa̱ ꞌtse̱ Na̱ꞌín‑ná, kóꞌsín nga tsje si̱ìkíjna ijo‑la̱ ko̱ inìma̱‑la̱. Tanga jè chjo̱ón ra tjín‑la̱ ꞌxi̱n, jé síkájno kjoa̱ ra tjín i̱ i̱sàꞌnde ko̱ kóꞌsín isa̱ nda kíjnako̱ ꞌxi̱n‑la̱.
\p
\v 35 Kjo̱nda tsa̱jión‑nájiòn nga ko̱ꞌsín tíxian‑no, mì tsa ki‑ni nga ꞌa̱n tíbatechjá‑no. Kií ko̱ꞌsín tíxian‑no, mé‑ni nga nda kjón ti̱tsa̱jna jiòn, nga mì ta kjꞌií kjoa̱ ko̱tèkjáya‑no nga si̱xá‑la Nainá.
\p
\v 36 Tsa jngo xi̱ta̱ ko̱ꞌsín tíma‑la̱ nga mì nda tíꞌsín nga kjè bixan‑ko̱ chjo̱ón ra ijye tíjnanda‑la̱ ko̱ tsa ijyeé ijchó chi̱ba̱‑la̱ nga ki̱xan, ꞌkoa̱á ꞌsín kataꞌsín koni ꞌsín tsò‑la̱ kjo̱bítsjen‑la̱; katixan‑ko̱, nga̱ mì tsa jé‑ní.
\v 37 Tanga jè ra ko̱ꞌsín ngi ko̱ inìma̱‑la̱ ijye iskosòn‑la̱ nga takó kjè ma kíjnako̱ chjo̱ón ra ijye tíjnanda‑la̱, mì tsa yá ra kjo̱ꞌñó tíꞌsín‑la̱, tsa maá ki̱chíkjoa̱ko̱‑la̱ ijo‑la̱, ndaá‑ni tsa mì ki̱xan‑ko̱.
\v 38 Nga̱ jè ra bixan, ndaá tíꞌsín, ko̱ jè ra mì kì bixan, isa̱á ta nda tíꞌsín.
\p
\v 39 Jè chjo̱ón ra ijye ixan, ya̱á itsabáꞌñó ꞌxi̱n‑la̱ ꞌkia̱ nga tíjnakon‑isa jè ꞌxi̱n‑la̱, tanga tsa ki̱yá jè ꞌxi̱n‑la̱, ijyeé tíjnandi̱í‑ni; ko̱maá ki̱xan india‑ni nga kíjnako̱ ni̱ꞌsín ta yá xi̱ta̱ ra mejèn‑la̱, tsa ta ꞌén‑la̱ Nainá makjiín‑la̱.
\v 40 Tanga ꞌkoa̱á xiaa̱n ra ꞌa̱n, isa̱á‑la ta nda‑ni tsa ta ko̱ꞌsín kíjna ta̱jngo jè chjo̱ón ra ijye ꞌken ꞌxi̱n‑la̱. Ko̱ ꞌkoa̱á ma‑naa̱ nga tjín‑te‑na jè Inìma̱ Tsje‑la̱ Nainá, ko̱ jé‑la ra ko̱ꞌsín tísíchi̱ya‑na.
\c 8
\s Tsajmì ra sinchá ya̱ ngixko̱n ra ta xkósòn
\p
\v 1 Jè ra kjoa̱ ꞌtse̱ ijo‑la̱ cho̱ ra biya a̱ꞌta ꞌtse̱ xkósòn ra nainá tsò‑la̱ xi̱ta̱ i̱sàꞌnde, jiòn‑jiòn bixó‑nó nga ngaꞌtsí‑ná ijyeé tjín‑ná kjoa̱chji̱ne̱ a̱ꞌta ꞌtse̱ kjoa̱ kìi̱. Kixi̱í kjoa̱, tanga ꞌkia̱ nga tjín‑ná kjoa̱chji̱ne̱, maꞌngaá takén. Tanga ꞌkia̱ nga tjín‑ná kjo̱tsjacha, isa̱á nda ꞌbì ngaꞌñó‑lá xàngie̱é.
\v 2 Tsa tjín iꞌka ra ko̱ꞌsín síkítsjen nga ijyeé ꞌñó nda machi̱ya‑la̱, takó kjè tsa nda be kjòn‑ni koni ꞌsín tjínè‑la̱ nga ske̱.
\v 3 Tsa yá xi̱ta̱‑ni ra tsjake Nainá, jè Nainá ndaá bexkon xi̱ta̱ kìi̱.
\p
\v 4 ꞌKoa̱á xián‑no kóꞌsín tjín, a maá chine ijo‑la̱ cho̱ ra biya a̱ꞌta ꞌtse̱ xkósòn ra nainá tsò‑la̱ xi̱ta̱. Bixó‑nájiòn nga ijyeé ꞌya nga jngo xkósòn ra nainá tsò‑la̱ xi̱ta̱ i̱sàꞌnde, mì tsa mé ngaꞌñó tjín‑la̱, nga̱ ta jngoó ma‑ni ra ngi Nainá.
\v 5 Ni̱ꞌsín takó tjín ya̱ ján ngajmi ko̱ ya̱ a̱ꞌta nangi jñà ra ko̱ꞌsín nainá tsò‑la̱ xi̱ta̱. (Koni tsò‑ni kjoa̱ nga kjín ma‑ni ra nainá ko̱ ra na̱ꞌín‑ná.)
\v 6 Tanga ra a̱ꞌta tsa̱jién, ta jngoó ma‑ni ra Nainá, jè ra Na̱ꞌín‑ná ma, jè ra a̱ꞌta ꞌtse̱ nchrabá ijye‑ni ngaꞌtsì tsajmì ra tjín; ko̱ kií xá titsa̱jna‑ná nga jè chja̱ꞌnda‑ná ra jién. Ko̱ ti̱ꞌkoa̱á ta jngoó ma‑ni jè ra tíjna ítjòn‑ná, jè Jesucristo, jè ra a̱ꞌta ꞌtse̱ ngaꞌñó‑la̱ ma isinda‑ni ngaꞌtsì tsajmì ra tjín, ko̱ skanda a̱ꞌta ꞌtse̱é titsa̱jnakon‑te‑ná ra jién.
\s Kóꞌsín nga tjínè‑la̱ nga ko̱tsjacheé xàngie̱é
\p
\v 7 Tanga mì tsa ta ngaꞌtsì‑ni xi̱ta̱ ko̱ꞌsín nda be kjoa̱ kìi̱; nga̱ tjín iꞌka ra ko̱ꞌsín nga‑la̱ skanda kjotseé nga jñà bexkón xkósòn ra nainá tsò‑la̱; takó ꞌkoa̱á ꞌsín síkítsjen, ꞌkia̱ nga kjine tsajmì ra ya̱ manga̱tsja xkósòn, koni tsa takó i̱nchibexkón‑ní. Ta nga̱tjì‑la̱ nga inda tjín ya̱ a̱jin kjo̱bítsjen‑la̱, ꞌkoa̱á ma‑la̱ tsa i̱nchibátsji-jé‑la̱ ijo‑la̱.
\v 8 Jiòn, ꞌkoa̱á ꞌsín bixó jiòn, nga mì tsa a̱ꞌta ꞌtse̱ tsajmì ra ma chine isa̱ nda ska̱ábétjó‑ná Nainá. Tsa ki̱chieé, mì tsa isa̱ nda kjòn ko̱meé; ko̱ tsa mì kì ki̱chieé, mì tsa isa̱ ꞌcho kjòn ko̱meé ya̱ ngixko̱n Nainá.
\v 9 Kixi̱í kjoa̱, ni̱ꞌsín ko̱ꞌsín tjín, tanga ti̱kònda̱ko̱‑no jñà xàngie̱é, kì tà jiòn nga̱tjì‑no nga koa̱àtsji‑la̱ jé‑la̱ ijo‑la̱ jñà ꞌndsé ra inda tjín‑isa ya̱ a̱jin kjo̱bítsjen‑la̱.
\v 10 Tsa tjín iꞌka jiòn ra ko̱ꞌsín tsò nga tjín‑la̱ kjo̱bítsjen nga maá chine ta mé ijo‑ni, tsa ya̱ fì kàkjèn ya̱ i̱ꞌnde ñánda̱ nga jeya tíníkíjna xkósòn ra nainá tsò‑la̱ xi̱ta̱, tsa ske̱ jngo ꞌndsé ra inda tjín ya̱ a̱jin kjo̱bítsjen‑la̱, ¿a mí tsa ti̱ꞌkoa̱ kji̱nchrabàjin ikon nga ski̱ne̱ tsajmì kìi̱?
\v 11 Jè xi̱ta̱ ra ya̱ fì kàkjèn‑ko̱ jè kjo̱bítsjen‑la̱ ra tsò, nga maá chine ijye ta mé tsajmì‑ni, ta jè‑ni nga̱tjì‑la̱ nga ya̱ ska̱jin jé jè ꞌndsé ra inda tjín ya̱ a̱jin kjo̱bítsjen‑la̱ ra ti̱ꞌkoa̱ jè Cristo ꞌken‑tjì ngájo‑la̱.
\v 12 ꞌKia̱ nga ko̱ꞌsín fatsji‑jé jiòn ra a̱ꞌta ꞌtse̱ jñà ꞌndsé ko̱ a̱ꞌta ꞌtse̱ jñà tichjeé nga fatsji ꞌchin‑la ya̱ a̱jin kjo̱bítsjen‑la̱ ra inda tjín, ya̱á‑ni a̱ꞌta ꞌtse̱ Cristo nga i̱nchifatsji‑jé jiòn ꞌkia̱ nga ko̱ꞌsín i̱nchiꞌnià.
\v 13 ꞌA̱n, tsa ta jñá‑ni nga̱tjì‑la̱ tsajmì ra kjíne̱ nga koa̱àtsji‑jé ꞌndsèe̱, isa̱á‑la nda‑ni nga mì ti̱ ijo skíne̱‑na mé‑ni nga mì ti̱ tsja jé ska̱jin‑ni.
\c 9
\s Kjoa̱ ra tjíꞌnde‑la̱ nga ꞌsi̱in jè xi̱ta̱ ra jè Cristo bíxáya‑la̱
\p
\v 1 ¿Mé‑ni mì kì makjiín‑no koni ꞌsín nga xian‑no? ¿A mí tsa jè Na̱ꞌín‑ná Jesucristo xá tsikíxáya‑na? ¿A mí tsa tíjna̱ndi̱áa̱ ra ꞌa̱n? ¿A mí tsa xkoàa̱n kíjtse‑na Jesús ra tíjna ítjòn‑ná? ¿A mí tsa jiòn ma jiòn xá‑na̱ ra a̱ꞌta ꞌtse̱ Na̱ꞌín‑ná?
\v 2 Ni̱ꞌsín tjín iꞌka xi̱ta̱ ra ko̱ꞌsín tsò nga mì tsa Cristo tsikíxáya‑na; tanga tjíjiín‑no ra jiòn nga jè tsikíxáya‑na. Ko̱ ꞌkia̱ nga ko̱ꞌsín makjiín‑no ra a̱ꞌta ꞌtse̱ Cristo, ya̱á ꞌya‑la̱ nga kixi̱ kitií kjoa̱ nga jè tsikíxáya‑na.
\p
\v 3 ꞌKia̱ nga jngo xi̱ta̱ kjonangi‑naa̱ ra kondra̱ tsa̱ꞌa̱n, ki̱íꞌsín xin‑la̱ nga bási̱ko̱tjìaa̱ ijo‑na̱.
\v 4 ¿A mí tsa tjíꞌnde‑naji̱n nga ꞌki̱‑naji̱n ra ki̱chi‑ji̱n ko̱ ra ꞌsio̱‑ji̱n?
\v 5 ¿Ko̱ a mí tjíꞌnde‑naji̱n nga ki̱tjájmekó‑ji̱n ra chjo̱ón‑na̱ji̱n ma, ra ti̱ꞌkoa̱ ꞌén‑la̱ Nainá makjiín‑la̱, koni ꞌsín ꞌsín jñà xi̱ta̱ ra iꞌka ra ti̱ꞌkoa̱ Na̱ꞌín‑ná tsikíxáya‑la̱, jñà ra ꞌndse̱ ma Na̱ꞌín‑ná ko̱ jè Cefas [jè ra tsò‑ni Pedro]?
\v 6 Ko̱, ¿a ta ꞌa̱án‑ná ko̱ Bernabé ra kjo̱ꞌñó tjínè‑la̱ nga si̱xá‑ji̱n nga sa̱kò‑naji̱n ra ma chji̱ne̱‑ji̱n?
\v 7 ¿A tjín iꞌka xi̱ta̱ ra chíchàn síxá ra ti̱jñà bíchjí‑ila̱ ijo‑la̱? Ko̱, ¿a tjín xi̱ta̱ ra bítje̱ yá ra bajà‑la̱ to ra ma chine, ko̱ mì kì kjine‑ni jè to‑la̱ ra bajà? Jñà xi̱ta̱ ra tjín‑la̱ nchra̱ja̱‑tsjín, ¿a mí tsa ꞌbi tsjín ra bachrje‑la̱?
\v 8 Kì tà chjàn ko̱ꞌsín níkítsjen jiòn, tsa tà kjo̱bítsjen ꞌtse̱ xi̱ta̱‑ní ra tísichjée̱n ra ꞌa̱n. ¿A mí tsa ko̱ꞌsín tíchja̱‑te kjo̱téxoma‑la̱ Nainá?
\v 9 Jon, ꞌkoa̱á ꞌsín tíchja̱ jè kjo̱téxoma‑la̱ Nainá ra tsikínda Moisés, nga tsò: Jñà nchra̱ja̱ ra bínchi, kì tà chjàn na̱ꞌya bìꞌa‑la tsaꞌba. ꞌÉn kìi̱ mì tsa ko̱ ꞌsín tsò‑ni nga Nainá ꞌñó makájno‑la̱ a̱ꞌta ꞌtse̱ nchra̱ja̱;
\v 10 a̱ꞌta tsa̱jién‑né ra ꞌñó makájno‑la̱, ko̱ a̱ꞌta tsa̱jién‑né nga ko̱ꞌsín kisinda jè kjo̱téxoma‑la̱ Nainá. Nga̱ jè ra síkínchi nchra̱ja̱ ko̱ jè ra sítsje tsajmì ra majchá‑la̱, tjíjngoó ikon nga i̱nchikoñá‑la̱ nga tjábé chiba‑la̱ tsajmì.\fig Man plowing with yoked oxen -33%|61-LB00018B.TIF|col|1C0 9:10|| |1CO 9:10\fig*
\v 11 ꞌKia̱ ngaji̱n tsiꞌkèna̱jmí‑laji̱n ꞌén ra nda tsò, ꞌkoa̱á ꞌsín jngoya‑la̱ koni tsikitje̱é jngo‑ji̱n tjachó ya̱ a̱jin inìma̱‑najiòn. ¿A sí taxki̱ tseé i̱nchiníjé‑laji̱n tsa ꞌki̱‑náji̱n tsajmì ra machjeén‑naji̱n nga ma ki̱tsa̱jnakon‑naji̱n?
\v 12 Tsa jñà ra kjꞌií xi̱ta̱, tjíꞌndeé‑la̱ nga kjábé chiba tsajmì ra a̱ꞌta tsa̱jiòn, ¿a mí tsa isa̱ ꞌñó tjíꞌnde‑naji̱n ra ji̱n nga ti̱ꞌkoa̱ tjábé chiba‑naji̱n?
\p Tanga mì tsa ko̱ꞌsín i̱nchiꞌnià‑ji̱n koni ꞌsín nga tjíꞌnde‑naji̱n; ta i̱nchinikjiín‑náji̱n ni̱ꞌsín ta mé kjoa̱‑ni, ta nga̱tjì‑la̱ nga majìn‑naji̱n nga katasatéchjà‑la̱ jè ꞌén xi̱tse̱ ra nda tsò a̱ꞌta ꞌtse̱ Cristo.
\v 13 Jiòn, ndaá tjíjin‑no nga jñà xi̱ta̱ ra ya̱ síxá ya̱ i̱ꞌnde tsje‑la̱ Nainá, jñà kjine tsajmì ra ya̱ tjín; ko̱ jñà ra ya̱ síxá ya̱ i̱ꞌnde ñánda̱ nga jñà xi̱ta̱ bísòn kjo̱tjò‑la̱ nga sínga̱tsja Nainá, bako̱ó chiba‑la̱ ijo‑la̱ cho̱ ra ya̱ sihijyosòn.
\v 14 ꞌKoa̱á ti̱ꞌsín ijye kitsjà kjo̱hixi̱ jè Na̱ꞌín‑ná nga kitsò: Jè xi̱ta̱ ra ꞌke̱èna̱jmíya ꞌén xi̱tse̱ ra nda tsò a̱ꞌta ꞌtse̱ Cristo, ya̱á katasakó‑la̱ mé tsajmì ra kíjnakon‑ni.
\v 15 Tanga ra ꞌa̱n, ni̱ kjè tsa jè kjo̱hixi̱ ra̱kìi̱ sikjée̱n, ko̱ ni̱ mì tsa ki xá tíbindá‑najiòn jè xa̱jo̱n ra̱kìi̱ mé‑ni nga ko̱ꞌsín si̱ko̱‑nájiòn. Isa̱á nda‑ni tsa katabiya jnchro, mì ꞌkoa̱‑ni tsa yá ra kjoa̱híxìn‑na jè kjo̱tsja ra tjín‑na koni ꞌsín nga ta kjo̱tjò ꞌbenájmíyaa̱ ꞌén xi̱tse̱ ra nda tsò.
\p
\v 16 ꞌKia̱ nga ko̱ꞌsín ꞌbenájmíyaa̱ jè ꞌén xi̱tse̱ ra nda tsò a̱ꞌta ꞌtse̱ Cristo, mì tsa ki‑ni nga ꞌa̱n jeya sìkíjnaa̱ ijo‑na̱, nga̱ xá ꞌkoa̱á ꞌsín ijye tjínè‑na nga ꞌsiaa̱n. I̱ma̱‑ró‑na tsa mì kì ꞌkenájmíya jè ꞌén xi̱tse̱ ra nda tsò a̱ꞌta ꞌtse̱ Cristo.
\v 17 Tsa tà ꞌa̱án tsikiꞌtín‑la̱ ijo‑na̱ koni ꞌsín nga tíꞌsiaa̱n jè xá ra̱kìi̱, tjínèa̱‑na nga to̱n sikíjne; tanga tsa jngoó kjoa̱ ra tjínè‑na nga tísihítjasòo̱n, tsó‑ni kjoa̱ nga jè xá ra Nainá kisìnga̱tsja‑na tísihítjasòo̱n.
\v 18 Jè chjí‑na̱ ra títjábé‑na, jè‑ní nga tjín‑la̱ kjo̱tsja jè inìma̱‑na̱ ꞌkia̱ nga ꞌbenájmíyaa̱ ꞌén xi̱tse̱ ra nda tsò a̱ꞌta ꞌtse̱ Cristo, nga̱ mì tsa tísíkíchjí jiàa̱n; ni̱ꞌsín tjíꞌnde‑na nga a̱ꞌta ꞌtse̱ ꞌén nda‑la̱ Cristo kóti̱jnakon‑na, mì tsa ko̱ꞌsín tíꞌsin jiàa̱n.
\v 19 Ni̱ꞌsín tíjna̱ndi̱áa̱, nga mì tsa chi̱ꞌnda maa̱, tanga chi̱ꞌndaá tíꞌsiaa̱n ijo‑na̱ a̱ꞌta ꞌtse̱ ngaꞌtsì xi̱ta̱, mé‑ni nga isa̱ kjìn xi̱ta̱ ko̱ma ꞌkenájmí‑la̱ ꞌén‑la̱ Cristo nga katakjiín‑la̱.
\v 20 ꞌKia̱ nga ya̱ tíjna̱jin‑la̱ jñà ra xi̱ta̱ judío, ꞌkoa̱á ꞌsín ꞌsiaa̱n koni tsa xi̱ta̱ judío‑te ra ꞌa̱n, mé‑ni nga ko̱ma kichjà‑la̱ ꞌén‑la̱ Cristo nga katakjiín‑la̱. Ko̱ ni̱ꞌsín ra ꞌa̱n, mì tsa ti̱ kjo̱ꞌñó tjínè‑na nga jè kjo̱téxoma‑la̱ Moisés sìhitjásòo̱n, tanga ꞌkia̱ nga ya̱ tíjna̱jin‑la̱ jñà xi̱ta̱ ra kjo̱ꞌñó bínè‑la̱ ijo‑la̱ nga kjo̱téxoma si̱hitjasòn, ꞌkoa̱á ti̱ꞌsín ꞌsiaa̱n ra ꞌa̱n koni ꞌsín ꞌsín xi̱ta̱ kìi̱, mé‑ni nga ko̱ma kichjà‑la̱ ꞌén‑la̱ Cristo nga katakjiín‑la̱.
\v 21 ꞌKia̱ nga ya̱ tíjna̱jin‑la̱ jñà xi̱ta̱ ra mì tsa ya̱ i̱nchimajchájin kjo̱téxoma‑la̱ Moisés, ꞌa̱n, ꞌkoa̱á ti̱ꞌsín ꞌsiaa̱n koni jñà xi̱ta̱ kìi̱ mé‑ni nga ma kichjà‑la̱ ꞌén‑la̱ Cristo nga katakjiín‑la̱. Tanga mì tsa ki‑ni nga mì ya̱ tímajchájiaa̱n kjo̱téxoma‑la̱ Nainá. Nga̱ jé kjo̱téxoma‑la̱ Cristo tímajchájiaa̱n.
\v 22 ꞌKia̱ nga ya̱ tíjna̱jin‑la̱ jñà xi̱ta̱ ra takó inda i̱jncha a̱ꞌta ꞌtse̱ Nainá, ꞌkoa̱á ti̱ꞌsín ꞌsiaa̱n ra ꞌa̱n koni tsa takó inda tíse̱n ra a̱ꞌta ꞌtse̱ Nainá mé‑ni nga ma kósi̱ko̱‑na nga tjó ngaꞌñó‑ni a̱ꞌta ꞌtse̱ Nainá, jñà ra takó inda i̱jncha. Ya̱á síngásòn‑ko̱ ra ꞌa̱n ni̱ꞌsín takó kjòn xi̱ta̱, koni tsa ko̱ꞌsín kji‑te koni ra jñà, ta kóꞌsín‑ni nga ko̱ma kochrjékajin iꞌkaa̱ kjo̱hiꞌin ra kjoa̱ ꞌtse̱ jé‑la̱.
\v 23 Kií ko̱ꞌsín ꞌsin‑naa̱ kjoa̱ kìi̱ ra ta nga̱tjì ꞌtse̱ ꞌén xi̱tse̱ ra nda tsò a̱ꞌta ꞌtse̱ Cristo mé‑ni nga a̱ꞌta ꞌtse̱ sa̱kò‑te‑na kjo̱nda.
\p
\v 24 Jiòn, ijyeé nda tjíjin‑no ꞌkia̱ nga mahachikon xi̱ta̱, ngaꞌtsí‑ni xi̱ta̱ nga mahachikon, tanga ta jngo kjón‑ni ra síkijne ko̱ tjábé‑la̱ kjo̱tjò. Jiòn, ko̱ꞌsín nda ti̱ìchikon ra a̱ꞌta ꞌtse̱ Nainá mé‑ni nga si̱kijne‑no ko̱ tjábé‑no kjo̱tjò ra tsjá.
\v 25 Ngaꞌtsì xi̱ta̱ ra sískákjo ya̱ ñánda̱ nga maská, nda kjón bìtsa̱jnanda ítjòn, mì tsa jñà síchjeén‑jìn tsajmì ra ꞌcho síko̱. Kií ko̱ꞌsín ꞌsín‑ni mé‑ni nga si̱ìkijne‑ni nga ma tjábé‑la̱ kjo̱tjò; tanga ra ma a̱skan‑nioo̱ jè kjo̱tjò ra ꞌbì‑la̱, fitson‑ní; tanga jién, jè bixkàn‑tjié nga katatjábé jngo‑ná kjo̱tjò ra mì fitson skanda ta kjiá‑nioo̱.
\v 26 Mì tsa ta ko̱ꞌsín tímahachikon ra ꞌa̱n [ra a̱ꞌta ꞌtse̱ xá‑la̱ Nainá] koni jngo xi̱ta̱ ra mì kì be ñánda̱ ki̱jchò; ti̱ꞌkoa̱á mì tsa ko̱ꞌsín tíꞌsiaa̱n koni jngo xi̱ta̱ ra ꞌbéjin ꞌbéꞌa i̱sén ꞌkia̱ nga ꞌbé‑la̱ chrja̱ngo̱ xákjién nga kjaán‑ko̱.
\v 27 Ta isa̱á jnchro ꞌa̱n, ꞌkoa̱á ꞌsín biné‑la̱ ijo‑na̱ nga kataꞌse‑na kjo̱hiꞌin, mé‑ni tsa ꞌkia̱ nga ijye ítsakon‑yá‑la̱ xi̱ta̱ ra kjꞌií, mì tsa ti̱ ꞌa̱n tsjin-tákon‑na ijo‑na̱ nga sijchíja kjo̱tjò ra tjínè‑na nga sikíjne.
\c 10
\s Kóꞌsín tjín xkósòn ra tíjna‑ná a̱ꞌta ꞌtse̱ na̱xi̱ndá Israel
\p
\v 1 Jiòn ndí ꞌndsé ko̱ ndí tichjeé, nda kjón katasijin‑no nga jñà xi̱ta̱ jchínga kjin‑ná, [ꞌkia̱ nga itjojin ya̱ na̱xi̱ndá Egipto], ya̱á tsikìmangiꞌngién ya̱ ifi [jè ifi ra kijì ítjòn‑la̱], ko̱ ti̱ꞌkoa̱á ngaꞌtsiòo̱ ya̱á tsatojin ya̱ ndáchikon.
\v 2 Ngaꞌtsì xi̱ta̱ kìi̱, ya̱á isatíndá ya̱ a̱jin‑la̱ ifi ko̱ ya̱ a̱jin ndáchikon mé‑ni nga kjomà ya̱ tsikitsa̱jnajtín‑ko̱‑ni jè Moisés.
\v 3 Jngoó ndi̱yá tjín‑ni tsajmì ra iskine ra a̱ꞌta ꞌtse̱ kjo̱xkón‑la̱ Nainá inchrabà‑ni.
\v 4 Ti̱ꞌkoa̱á ta jngoó ndi̱yá‑la̱ nandá ra kiꞌtsi, ra ti̱ꞌkoa̱ a̱ꞌta ꞌtse̱ kjo̱xkón‑la̱ Nainá inchrabà‑ni ra itjokjá na̱xi̱ ra a̱ꞌta ꞌtse̱ Nainá ꞌji‑ni ra ya̱ tsakáhijtako̱ xi̱ta̱ kìi̱ ta kóꞌsín nga kijì; ko̱ jè na̱xi̱ ra̱kìi̱ jè Cristo‑ní.
\v 5 Kja̱meé ta ngaꞌtsì jñà xi̱ta̱ kìi̱, mì kì kisasèn‑la̱ Nainá koni ꞌsín nga kiꞌsìn; ꞌkoa̱á ma‑ni nga ya̱ ꞌken ya̱ i̱ꞌnde a̱ꞌta xìn ñánda̱ nga nangi kixì.
\p
\v 6 ꞌKia̱ nga ko̱ꞌsín kjomà ta ngaꞌtsì kjoa̱ kìi̱, jngoó xkósòn isijna‑ná ra jién, mé‑ni nga mì ko̱ꞌsín jñà si̱kjaájin‑né kjoa̱ ra ꞌcho tjín, koni ꞌsín kiꞌsìn xi̱ta̱ kìi̱, nga jñà isikjahájin jñà kjoa̱ ra ꞌcho tjín.
\v 7 Ko̱ kì chjàn jñà minchaxkóꞌnchiꞌta‑la ko̱ ꞌyaxkón jñà ra ta nainá xkósòn‑la̱ xi̱ta̱, koni ꞌsín kiꞌsìn iꞌka jñà xi̱ta̱ kìi̱, nga̱ ꞌkoa̱á ꞌsín tíchja̱ xa̱jo̱n ra tjíꞌta ꞌén‑la̱ Nainá nga tsò: “Jè na̱xi̱ndá tsijen kjón tsikitsa̱jna nga tsakjèn ko̱ nga kiꞌtsi, ko̱ a̱kjòn kisíská [nga kijtsexkón jè nainá xkósòn].”
\v 8 Ko̱ mì tsa ko̱ꞌsín kjoa̱chijngi ꞌsie̱én ra jién, koni ꞌsín kiꞌsìn iꞌka jñà xi̱ta̱ kìi̱; nga ꞌkoa̱á kjomà‑ni nga sí kaján jmi ꞌken nga ta jngo ni̱chjin.
\v 9 Ko̱ mì tsa ko̱ꞌsín chjíꞌté Na̱ꞌín‑ná koni ꞌsín kiꞌsìn iꞌka jñà xi̱ta̱ kìi̱ nga iskóꞌta Na̱ꞌín‑ná, nga kií jnchro ko̱ꞌsín kjomà‑ni nga ta ye̱é tsiꞌké‑la̱ nga ꞌken.
\v 10 Ti̱ꞌkoa̱á mì kì ko̱ꞌsín tsjájéꞌtá‑lá Nainá, koni ꞌsín kiꞌsìn iꞌka jñà xi̱ta̱ kìi̱ nga tsjakjajéꞌta‑la̱ Nainá, ꞌkoa̱á ꞌsín kjomà‑ni nga ꞌji jngo ìkja̱li̱ ra ma‑la̱ síkjehesòn xi̱ta̱ nga isìꞌken jñà xi̱ta̱ kìi̱.
\p
\v 11 Jngoó xkósòn isijna‑ná ra jién ꞌkia̱ nga ko̱ꞌsín kjomàꞌtin jñà xi̱ta̱ kìi̱, ko̱ kií ko̱ꞌsín isiꞌta‑ni ya̱ Xa̱jo̱n‑la̱ Nainá mé‑ni nga katachi̱ya‑ná nga mì ko̱ꞌsín ꞌsie̱én, jién ra titsa̱jnakeén ni̱chjin ra tífeheꞌta‑ni ꞌndi̱‑ni̱.
\v 12 ꞌKoa̱á ma‑ni jè ra ko̱ꞌsín tsò nga ijyeé kixi̱ tíjna ra a̱ꞌta ꞌtse̱ Nainá, nda katasíkonda̱ ijo‑la̱ nga mì jé ska̱jin.
\v 13 Ngaꞌtsì kjoa̱ ra tíkajin jiòn skanda ꞌndi̱‑ni̱ nga títjáꞌta kjoa̱ ra makjiín‑no, jñá‑ní kjoa̱ ra ko̱ꞌsín maꞌtin ta yá xi̱ta̱‑ni. Tanga jè Nainá, ngi xi̱ta̱ kixi̱í ra jè; maá jè kjóꞌta takòn jiòn nga mì kì tsjáꞌnde ra jè nga isa̱ tse kjo̱hiꞌin si̱kjiín jiòn koni ꞌki nga ma chíkjoa̱ko̱‑no. ꞌKia̱ nga mé kjoa̱ ra ska̱jin jiòn, nga tjáꞌta kjoa̱ ra makjiín‑no, jé Nainá ski̱íxa̱ꞌnde kóꞌsín nga ma kítjo̱kajion kjoa̱ kìi̱, mé‑ni nga ma chíkjoa̱ko̱‑no.
\s Kóꞌsín tjínè‑la̱ nga si̱kítsjen‑yeé a̱ꞌta ꞌtse̱ ꞌkia̱ nga tsakjèn‑ko̱ xi̱ta̱‑la̱ Jesús
\p
\v 14 ꞌKoa̱á ma‑ni jiòn ndí ꞌndsé ra tsjake̱‑no, kjiín ti̱kíjna‑la kjo̱bítsjen‑no xkósòn ra nainá tsò‑la̱ xi̱ta̱. Kì ni̱ ta i̱tsé jè ꞌyaxkón.
\v 15 ꞌKoa̱á ꞌsín tíbakó‑no koni tsa ijye xi̱ta̱ chji̱ne̱ jiòn; ya̱ nda jchi̱baya‑no koni ꞌsín nga tíxin‑no.
\v 16 ꞌKia̱ nga ꞌyé jè ra tjíya chi̱tsín ra ijye kjòchikonꞌtin, ya̱á níngásòn‑kjeé ko̱ jè jní‑la̱ Cristo, ko̱ jè ni̱ño̱ nchra̱jín ra nijòyeé, ya̱á níngásòn‑kjeé ko̱ jè ijo‑la̱ Cristo.
\v 17 Ni̱ꞌsín ꞌñó kjìn ma‑ná ra jién, jngoó‑ni ni̱ño̱ nchra̱jín ra chineé, ꞌkoa̱á ma‑ni nga jngoó ijo ma‑ná ta ngaꞌtsì‑ná jién.
\p
\v 18 Chítsijen‑la jñà xi̱ta̱ na̱xi̱ndá Israel, jñà ra kjine ijo‑la̱ cho̱ ra manga̱tsja Nainá ya̱ ñánda̱ nga biya cho̱, ya̱á síngásòn‑kjoko̱ ko̱ jè kjo̱tjò ra manga̱tsja Nainá. [ꞌKoa̱á ti̱ꞌsín jngoya‑te‑la̱ tsa jiòn chji̱ne̱e ijo‑la̱ cho̱ ra síꞌken‑la̱ nainá xkósòn‑la̱ xi̱ta̱.]
\v 19 Ko̱, ¿kó tsò‑ni ꞌén ra ko̱tíxian‑no? ¿A tsó‑ni kjoa̱ nga tjín‑la̱ ngaꞌñó jñà cho̱ ra ya̱ biya‑la̱ nainá‑la̱ xi̱ta̱ i̱sàꞌnde; ko̱ a tsó‑ni kjoa̱ nga tjín‑te‑la̱ ngaꞌñó jñà nainá kìi̱?
\v 20 Majìn; tsó‑ni ꞌén ra ko̱tíxian‑no, ꞌkia̱ nga jñà xi̱ta̱ ra mì kì bexkon Nainá síꞌken kjo̱tjò cho̱, inìma̱ ꞌcho‑la̱ ni̱í‑ní ra ko̱ꞌsín sínga̱tsja kjo̱tjò‑la̱, ko̱ mì tsa jè‑jìn Nainá. Ko̱ majìn‑na ra ꞌa̱n nga jè xi̱ta̱‑ni̱í si̱ngásòn‑ko̱ jiòn.
\v 21 Mì kì nda tjín tsa ꞌkia̱ ya̱ ꞌyò jiòn jè ra tjíya chi̱tsín koni ꞌsín kitsjà kjo̱hixi̱ Na̱ꞌín‑ná ko̱ ti̱ꞌkoa̱á ꞌsio̱ò jiòn jè ra ya̱ si̱ngásòn‑ko̱ inìma̱ ꞌcho‑la̱ ni̱í. Ti̱ꞌkoa̱á mì kì nda tjín tsa ꞌkia̱ nga bichi jiòn ni̱ño̱ nchra̱jín nga ya̱ níngásòn‑ko̱ Nainá ko̱ ti̱ꞌkoa̱á ki̱chi‑te jiòn nga si̱ngásòn‑ko̱ inìma̱ ꞌcho‑la̱ ni̱í.
\v 22 ¿O̱ ra mején‑no nga si̱jti‑la Na̱ꞌín‑ná nga katamachi̱ni̱? ¿A isa̱á ꞌñó tjín‑no ngaꞌñó ra jiòn koni ra jè?
\s Kóꞌsín nga ta jé kjoa̱ ꞌsie̱én ra jè Nainá jeya ti̱kíjna
\p
\v 23 Kií ꞌsín tsò xi̱ta̱ nga tjíꞌnde‑ní nga ꞌsie̱én ta mé kjoa̱ ra mejèn‑ná, tanga mì tsa ta ngaꞌtsì‑ni kjoa̱ kjen‑ná ndi̱yá. Ko̱ tjíꞌnde‑ná nga ꞌsie̱én ta mé kjoa̱ ra mejèn‑ná, tanga mì tsa ta ngaꞌtsì‑ni kjoa̱ tsjá ngaꞌñó‑ná.
\v 24 Kì ta kjo̱nda tsa̱jiòn fatsjio, jè tjatsjio kjo̱nda ꞌtse̱ xi̱ta̱ ra kjꞌií.
\p
\v 25 Maá chji̱ne̱e ta mé ijo ra i̱jncha ñánda̱ nga satína ijo; kì tà chjàn chjinangio ñánda̱ nchrabá‑ni, mé‑ni mì si̱ískáko̱‑no jè kjo̱bítsjen‑no.
\v 26 Nga̱ ꞌtse̱é Na̱ꞌín‑ná jè nangi ko̱ ngaꞌtsì tsajmì ra tjín‑la̱.
\p
\v 27 Tsa jngo xi̱ta̱ ra mì kì makjiín‑la̱ a̱ꞌta ꞌtse̱ Nainá, si̱íkjíꞌnchré‑no nga kongí ki̱chioò ya̱ niꞌya‑la̱, ko̱ tsa mejèn‑najiòn kongió; chji̱ne̱e ta mé ra si̱hijyo‑no ya̱ a̱sòn ímixa̱; kì tà chjàn chjinangio mé tsajmì‑ni, mé‑ni mì si̱ískáko̱‑no jè kjo̱bítsjen‑no.
\v 28 Tanga tsa yá xi̱ta̱ ra ki̱tso̱: “Jñà ijo cho̱ kìi̱, jñá kàbiya‑la̱ koni jngo kjo̱tjò jñà ra nainá xkósòn”, ya̱á i̱jndáa̱ kì tà chjàn chine̱e, ta nga̱tjì‑la̱ jè ra ko̱kàtsò, ko̱ mé‑ni mì kì ko̱skáya‑la̱ kjo̱bítsjen.
\v 29 Mì tsa jè kjo̱bítsjen ra tjíjin ya̱ a̱jin inìma̱‑no ra ko̱tíxian‑la, jè kjo̱bítsjen‑la̱ jè ra ko̱ꞌsín kàtsò.
\p Tanga tsa tjín iꞌka ra sko̱nangi nga ki̱tso̱: “¿Mé‑ni satéchjà‑na kjoa̱ ra mejèn‑na nga ꞌsiaa̱n ta nga̱tjì‑la̱ nga ꞌcho ko̱ma‑la̱ jñà kjo̱bítsjen‑la̱ xi̱ta̱ ra iꞌka?
\v 30 Tsa jè Nainá títsja‑la̱ kjo̱nda a̱ꞌta ꞌtse̱ tsajmì ra tíkjíne, ¿a ndaá tjín tsa ꞌcho ꞌkín‑la̱ tsajmì ra ijye kàtsja‑la̱ kjo̱nda Nainá?”
\v 31 Tanga jiòn, ꞌkia̱ nga bichioò, ꞌkia̱ nga ꞌyò, ko̱ tsa mé kjoa̱ ra ꞌnià‑isa jiòn, kataꞌyaá‑la̱ nga jè Nainá jeya i̱nchiníkíjna jiòn.
\v 32 Kì tà nga̱tjì tsa̱jiòn‑no nga jé ska̱jin jñà ra xi̱ta̱ judío ko̱ jñà ra mì tsa xi̱ta̱ judío, ko̱ jñà ra xi̱ta̱ na̱xi̱ndá‑la̱ Nainá.
\v 33 Isa̱á nda tjín nga ko̱ꞌsín ꞌtia̱àn jiòn koni ꞌsín nga ꞌsiaa̱n ra ꞌa̱n. Ta ñáa̱ kjoa̱ ra ꞌsiaa̱n, ꞌkoa̱á ꞌsín ꞌsiaa̱n koni ꞌsín nda sasén‑la̱ ngaꞌtsì xi̱ta̱. Mì tsa kjo̱nda tsa̱ꞌa̱n batsjía̱, jè jnchro batsjía̱ kjo̱nda ꞌtse̱ xi̱ta̱ ra kjꞌií mé‑ni nga ma katitjokàjin‑ni jé‑la̱.
\c 11
\p
\v 1 Ko̱ꞌsín chjíngí‑nájiòn, koni ꞌsín tíkjingí‑la̱ ꞌa̱n, jè Cristo.
\s Kóꞌsín nga tjínè‑la̱ nga ꞌsi̱in íchjín ya̱ ñánda̱ nga maxkóya xi̱ta̱‑la̱ Nainá
\p
\v 2 Jiòn ꞌndsé ko̱ tichjeé, ndaá tjín koni ꞌsín i̱nchiꞌnià jiòn nga̱ níkítsjen jiòn ra a̱ꞌta tsa̱ꞌa̱n ko̱ ngaꞌtsì kjoa̱ ra ꞌsiaa̱n, ko̱ nga ti̱ꞌkoa̱á i̱nchinitjasòn‑te jè kjo̱téxoma ra ꞌa̱n ísikátoya‑no.
\v 3 Tanga mején‑na nga nda katasijin‑no, nga ngaꞌtsì xi̱ta̱ ꞌxi̱n, jé Cristo tíjna ítjòn‑la̱ nga jè ma sko̱, ko̱ jè chjo̱ón, jé xi̱ta̱ ꞌxi̱n tíjna ítjòn‑la̱ nga jè ma sko̱, koni ꞌsín nga jè Cristo, jé Nainá tíjna‑la̱ nga jè ma sko̱.
\v 4 Tsa jngo xi̱ta̱ ꞌxi̱n bíjtsa sko̱ ꞌkia̱ nga chja̱ꞌta‑la̱ Nainá ko̱ tsa ꞌkia̱ ꞌbéna̱jmíya ꞌén‑la̱ Nainá, mì kì tíbexkón‑jìn jè Cristo ra jè tíjna koni sko̱.
\v 5 Tanga tsa jngo chjo̱ón ra mì kì bíjtsa sko̱ ꞌkia̱ nga chja̱ꞌta‑la̱ Nainá ko̱ tsa ꞌkia̱ nga ꞌbéna̱jmíya ꞌén‑la̱ Nainá, mì kì tíbexkón‑jìn jè ꞌxi̱n‑la̱ ra sko̱ tíjna; nga̱ ꞌkoa̱á ꞌsín jngoya‑la̱ koni tsa isijno ska‑la̱ tsja̱ sko̱.
\v 6 Nga̱ tsa jè chjo̱ón mì kì bíjtsa jè sko̱, katabíjno ska jnchro; tanga tsa masobá‑la̱ nga bate tsja̱‑sko̱ nga sijno ska‑la̱, isa̱á nda‑ni nga katabíjtsa jnchro jè sko̱.
\v 7 Jè ra xi̱ta̱ ꞌxi̱n mì kì tjíꞌnde‑la̱ nga ki̱ijtsa jè sko̱, nga̱ xkósòn‑la̱ Nainá‑ní, ko̱ ya̱á a̱ꞌta ꞌtse̱ xi̱ta̱ ꞌxi̱n ꞌya‑la̱ kjoa̱jeya‑la̱ Nainá; tanga ya̱á a̱ꞌta ꞌtse̱ chjo̱ón nga ꞌya‑la̱ kjoa̱jeya‑la̱ ꞌxi̱n‑la̱.
\v 8 Nga̱ jè ra xi̱ta̱ ꞌxi̱n, mì tsa ya̱ itjoꞌta‑ni a̱ꞌta ꞌtse̱ chjo̱ón, jé chjo̱ón ra ya̱ itjoꞌta‑ni a̱ꞌta ꞌtse̱ xi̱ta̱ ꞌxi̱n.
\v 9 Ko̱ mì tsa jè nga̱tjì‑la̱ chjo̱ón nga isinda jè xi̱ta̱ ꞌxi̱n, jé nga̱tjì‑la̱ xi̱ta̱ ꞌxi̱n nga isinda jè chjo̱ón.
\v 10 ꞌKoa̱á ma‑ni jñà íchjín tjínè‑la̱ nga ki̱ijtsa sko̱, mé‑ni nga jcha̱‑la̱ jè kjo̱téxoma ra tjín‑la̱, mé‑ni nga ske̱ jñà ìkja̱li̱.
\v 11 Tanga ra a̱ꞌta ꞌtse̱ Na̱ꞌín‑ná, tsa tsìn jè xi̱ta̱ ꞌxi̱n, ti̱ꞌkoa̱á tsìn jè chjo̱ón; ko̱ tsa tsìn jè chjo̱ón, ti̱ꞌkoa̱á tsìn jè xi̱ta̱ ꞌxi̱n.
\v 12 Koni ꞌsín jè chjo̱ón ra tsikínda ítjòn Nainá, ya̱á itjokàꞌta‑ni a̱ꞌta ꞌtse̱ xi̱ta̱ ꞌxi̱n, ko̱ ti̱ꞌkoa̱á jè xi̱ta̱ ꞌxi̱n ya̱á tsin‑ni a̱ꞌta ꞌtse̱ chjo̱ón; tanga ta ngaꞌtsiòo̱, a̱ꞌta ꞌtse̱ Nainá nchrabá‑ni.
\p
\v 13 Ndaá ti̱kítsjen jiòn, ¿a ndaá tjín tsa jñà íchjín mì kì tjíjtsa sko̱ ꞌkia̱ nga ki̱chja̱ꞌta‑la̱ Nainá?
\v 14 ¿A mí tsa xá ko̱ꞌsín kiꞌchá‑ná nga kjo̱sabà‑ní tsa jngo xi̱ta̱ ꞌxi̱n si̱ìndajò tsja̱sko̱?
\v 15 Tanga jñà íchjín, kií ko̱ꞌsín kiꞌtsì‑la̱ nga síndajò tsja̱sko̱ nga̱ isa̱á nda batsíjen, nga̱ jè tsja̱sko̱ ma‑ni koni tsa jè nikje xo̱ꞌba̱ ra bíjtsa sko̱.
\v 16 Tsa yá ra mejèn‑la̱ nga kjꞌií ꞌsín ki̱tso̱ ra a̱ꞌta ꞌtse̱ kjoa̱ kìi̱, ko̱ꞌsín nda katasijin‑la̱, mì tsa kjꞌií ꞌsín nga‑isa‑naji̱n ra ji̱n ko̱ ngaꞌtsì jñà ra na̱xi̱ndá‑la̱ Nainá ma.
\s Kóꞌsín nga nda kjón‑ní ꞌsie̱én ꞌkia̱ nga si̱kítsjen‑yeé a̱ꞌta ꞌtse̱ kóꞌsín nga tsakjèn‑ko̱ xi̱ta̱‑la̱ Cristo
\p
\v 17 Tanga jñà ꞌén ra fì‑isa ra ko̱xin‑no, mì kì ma nda síkítsa̱jna‑no, ta nga̱tjì‑la̱ ꞌkia̱ nga maxkóya jiòn, mì tsa mé kjo̱nda ra sakó‑no, ta isa̱á jnchro kjoa̱ꞌcho sakó‑no.
\v 18 Jè ra maꞌtsia̱‑ni ra ko̱xín‑no, ꞌkoa̱á ꞌsín iskaꞌta‑na ꞌén, nga ꞌkia̱‑ró nga maxkóya jiòn ra na̱xi̱ndá‑la̱ Cristo ꞌmì‑no, ti̱jiòn‑ró nijòya‑no ijo‑no; mejèn tsa makjiín‑na tsa ꞌkoa̱á ꞌsín i̱nchiꞌnià kitioò.
\v 19 ꞌKoa̱à‑la ꞌsín ko̱ma ko̱ ꞌsa̱‑najiòn mé‑ni nga jcha̱‑la̱ yá kjòn‑ni ra kixi̱ kjoa̱ nga xi̱ta̱‑la̱ Cristo ma.
\v 20 Ta nga̱tjì‑la̱ ꞌkia̱ nga maxkóya jiòn, mì tsa ngi ko̱ꞌsín bichi kiti jiòn koni ꞌsín nga kitsjà kjo̱kixi̱ jè Na̱ꞌín‑ná nga si̱kítsjen‑yé ra a̱ꞌta ꞌtse̱ kjoa̱biya‑la̱.
\v 21 Nga̱ tjín iꞌka ra tsò ra ská‑la̱ bakjèn nga majìn‑la̱ tsjá‑la̱ xákjín jè ni̱ño̱‑la̱, ko̱ skanda maꞌchi̱‑ní; ko̱ jñà ra iꞌka, i̱ma̱á ajò‑la̱ ta nga̱tjì‑la̱ nga mì kì bako̱‑la̱ ni̱ño̱.
\v 22 ¿A tsín‑no niꞌya ñánda̱ nga ma ꞌyò ko̱ bichioò? ¿Mé‑ni nga ko̱ ꞌsín ꞌnià‑no nga nachrjengi‑najiòn ra xi̱ta̱ na̱xi̱ndá‑la̱ Nainá? Ko̱ ti̱ꞌkoa̱á nisobá‑la jñà ndí xi̱ta̱ ra tsìn‑la̱ ra bakjèn. ¿Kó xián ra ꞌa̱n? ¿A maá nda síkítsa̱jna‑najiòn ra a̱ꞌta ꞌtse̱ kjoa̱ kìi̱? Majìn, mì kì ma nda síkítsa̱jna‑no.
\p
\v 23 Nga̱ a̱ꞌta ꞌtse̱é Na̱ꞌín‑ná nga kjomà‑na koni ꞌsín tjín kjoa̱ ra ísikátoya‑najiòn: Nga jè ni̱tje̱n ꞌkia̱ nga ti̱kjè manga̱tsja xi̱ta̱ kondra̱‑la̱ jè Na̱ꞌín‑ná, iskábé jè ni̱ño̱ nchra̱jín,\fig Jesus eating last supper with disciples- 33%|62-LB00320B.TIF|col|1CO 11:23‑25|| |1CO 11:23\fig*
\v 24 kiìchja̱ nga kitsjà‑la̱ kjo̱nda Nainá, isìjòya jè ni̱ño̱ nchra̱jín ko̱ a̱kjòn kitsò: Jè ni̱ño̱ nchra̱jín ra̱kìi̱, jè‑ní ra ijo‑na̱ ra títsja ra ta nga̱tjì tsa̱jiòn; ko̱ꞌsín ti̱jòya‑te jiòn ni̱ño̱ nchra̱jín nga ti̱kítsjen‑yá ra a̱ꞌta tsa̱ꞌa̱n.
\v 25 ꞌKoa̱á ti̱ꞌsín kiꞌsìn ꞌkia̱ nga ijye tsakjèn; iskábé jè chi̱tsín, nga kitsò: Jè nandá xán ꞌtse̱ uva ra tjíya chi̱tsín ra̱kìi̱, jè jní‑na̱ ra xa̱ájten nga si̱ndajín xi̱tse̱ jngo kjoa̱ ra a̱ꞌta tsa̱jiòn ko̱ Nainá. ꞌKoa̱á ꞌsín ꞌtia̱àn kiꞌta nga ti̱kítsjen‑yá ra a̱ꞌta tsa̱ꞌa̱n ꞌkia̱ nga india‑india ꞌsio̱ò.
\v 26 ꞌKoa̱á ma‑ni, ꞌkia̱ nga india‑india chji̱ne̱e jiòn jè ni̱ño̱ nchra̱jín ra̱kìi̱, ko̱ ꞌsio̱ya jiòn nandá xán ꞌtse̱ uva jè chi̱tsín ra̱kìi̱, jè kjoa̱biya‑la̱ Na̱ꞌín‑ná ꞌbena̱jmíya jiòn, skanda ꞌkia̱ nga kjꞌi̱í india‑ni ra jè.
\s Kóꞌsín tjínè‑la̱ nga nda kjón‑ní si̱kítsjen‑yé ꞌkia̱ nga tsakjèn‑ko̱ xi̱ta̱‑la̱ Jesús
\p
\v 27 ꞌKoa̱á ma‑ni tsa yá ra ta ko̱ꞌsín ski̱ne̱ jè ni̱ño̱ nchra̱jín ra̱kìi̱, ko̱ skꞌí jè nandá ra tjíya chi̱tsín ꞌtse̱ Na̱ꞌín‑ná, tsa mì kì bexkón‑ni kjoa̱ kìi̱, jé tíbátsji‑la̱ ijo‑la̱, nga̱ tíbachrjengi‑ní koni ꞌsín nga ꞌken Jesús nga kitsjà ijo‑la̱ ko̱ nga tsikíxten jní‑la̱.
\v 28 Kií machjeén‑ni nga nda kjón‑ní ti̱chi̱yajin‑la̱ inìma̱‑no ꞌkia̱ nga ti̱kje chji̱ne̱e jè ni̱ño̱ nchra̱jín ko̱ ꞌsio̱ò jè nandá xán ꞌtse̱ uva ra tjíya chi̱tsín ꞌtse̱ Na̱ꞌín‑ná.
\v 29 Jè ra bakjèn, ko̱ ꞌbi, tsa mì kì tíbexkón‑ni kjo̱hiꞌin ra kjomàꞌtin ijo‑la̱ Na̱ꞌín‑ná, ti̱jé tíbínè‑la̱ kjo̱hiꞌin ijo‑la̱ ꞌkia̱ nga bakjèn ko̱ ꞌbi.
\v 30 ꞌKoa̱á ma‑ni nga ko̱ꞌsín ꞌñó kjìn ma‑ni ra ya̱ títsa̱jnajin‑najiòn ra ꞌñó kiya ko̱ ra inchife ngaꞌñó‑la̱, skanda tjín iꞌka ra ijye ꞌken.
\v 31 Tsa jién‑la ra nda kjòn si̱chi̱ya ítjòn‑lá jè inìma̱‑ná kóꞌsín titsa̱jneé, mí‑la tsa ko̱tjín kjo̱hiꞌin tsjá‑ná Na̱ꞌín‑ná.
\v 32 Tanga tsa jè Na̱ꞌín‑ná tsjá‑ná kjo̱hiꞌin, kií‑ní nga mejèn‑la̱ nga si̱ikixi̱ya‑ná mé‑ni nga mì ya̱ ta̱ña si̱kjieén kjo̱hiꞌin ra mì feheꞌta ra ko̱ko̱‑la̱ jñà xi̱ta̱ i̱sàꞌnde ra mì kì bexkón Nainá.
\p
\v 33 ꞌKoa̱á ma‑ni jiòn ndí ꞌndsé, ꞌkia̱ nga ki̱tsa̱jnajtín jiòn nga ki̱chioò ra a̱ꞌta ꞌtse̱ Na̱ꞌín‑ná, jchíña‑la xàngio̱o nga jngó jngó‑no.
\v 34 Tsa yá ra ꞌñó ajò‑la̱, ya̱ katakjèn kjòn ya̱ niꞌya‑la̱, mé‑ni nga mì kì kjo̱hiꞌin tsjá‑no Nainá tsa ꞌkia̱ nga mì kì nda ꞌsia̱an ꞌkia̱ nga ko̱xkóya. A̱ꞌta ꞌtse̱ kjoa̱ ra kjꞌií‑isa, ꞌkia̱ kjòn nda sikíxi̱ya‑no ꞌkia̱ nga kijchòjkon‑no.
\c 12
\s Kó ta̱ ꞌsín tjín kjoa̱chji̱ne̱ ra tsjá‑ná Nainá ra ma si̱xáꞌta‑lá
\p
\v 1 Jiòn ndí ꞌndsé ko̱ ndí tichjeé, mején‑na nga nda katasijin‑najiòn kóꞌsín tjín ra a̱ꞌta ꞌtse̱ kjoa̱chji̱ne̱ ra tsjá Inìma̱ Tsje‑la̱ Nainá mé xá ra ꞌsie̱én ra a̱ꞌta ꞌtse̱.
\v 2 Ndaá tjíjin‑najiòn, ꞌkia̱ nga ti̱kje ya̱ makjiín‑no ra a̱ꞌta ꞌtse̱ Nainá, ya̱á tsangìꞌta‑la jiòn nga xìn ndi̱yá kiìko̱‑no jñà xkósòn ra mì kì ma‑la̱ chja̱ ra nainá tsò‑la̱ xi̱ta̱.
\v 3 ꞌKoa̱á ma‑ni nga ko̱ꞌsín katasijin‑no, ni̱jngo ra ma ki̱tso̱: “¡Taxki̱ katamaꞌtin Jesús!”, tsa a̱ꞌta ꞌtse̱ Inìma̱ Tsje‑la̱ Nainá tíchja̱‑ni. Ko̱ ti̱ꞌkoa̱á tsa mì a̱ꞌta ꞌtse̱ Inìma̱ Tsje‑la̱ Nainá tíchja̱‑ni, mì kì yá ra ma ki̱tso̱: “Jè Jesús ra tíjna ítjòn‑ná.”
\s Kóꞌsín nga kjín ndi̱yá tjín‑nì kjoa̱chji̱ne̱ ra tsjá‑ná Nainá ra ma si̱xáꞌta‑lá
\p
\v 4 Ya̱ na̱xi̱ndá‑la̱ Nainá, kjín ndi̱yá tjín‑ni jñà kjoa̱chji̱ne̱ ra tjábé‑la̱ mé‑ni nga kjín ndi̱yá xá ra ma ꞌsi̱in‑ni, tanga ti̱jé‑ni Inìma̱ Tsje‑la̱ Nainá ra tsjá ngaꞌtsì kjoa̱chji̱ne̱ kìi̱.
\v 5 Kjín ndi̱yá‑la̱ kóꞌsín nga níxáꞌtá‑lá Nainá, tanga ti̱jé‑ni Na̱ꞌín‑ná ra ma jè ni‑la̱ xá.
\v 6 Ko̱ kjín ndi̱yá‑la̱ kóꞌsín nga ꞌsín jè xi̱ta̱ ra ngaꞌñó‑la̱ Nainá tísíxájin ya̱ inìma̱‑la̱, tanga ti̱jé‑ni Nainá ra síxájin ya̱ inìma̱‑la̱ ngaꞌtsì xi̱ta̱ ra ꞌsín ngaꞌtsì kjoa̱ kìi̱.
\v 7 Nga jngó jngó xi̱ta̱, tjábé‑la̱ jngo kjoa̱chji̱ne̱ ra bakón jè Inìma̱ Tsje‑la̱ Nainá, mé‑ni nga katasakó‑ni kjo̱nda a̱ꞌta ꞌtse̱ ngaꞌtsì xi̱ta̱ na̱xi̱ndá‑la̱ Nainá.
\v 8 Tjín iꞌka xi̱ta̱ ra a̱ꞌta ꞌtse̱ Inìma̱ Tsje‑la̱ Nainá ꞌbì‑la̱ nga ma‑la̱ katachja̱ ꞌén ra ꞌñó chji̱ne̱ tjín, ko̱ tjín iꞌka ra ꞌbì‑la̱ nga katachja̱ koni ꞌsín tjín kjo̱bítsjen ra tjíꞌma‑la̱ Nainá, tanga ti̱jé‑ni Inìma̱ Tsje‑la̱ Nainá ra tsjá‑la̱ kjoa̱chji̱ne̱.
\v 9 Tjín ra ko̱ꞌsín ꞌbì‑la̱ nga nda katabáꞌta ikon Nainá, ti̱ꞌkoa̱ ti̱jé‑ní Inìma̱ Tsje‑la̱ Nainá ra tsjá‑la̱ nga ko̱ꞌsín ꞌsín; ko̱ tjín ra ko̱ꞌsín ꞌbì‑la̱ nga ma‑la̱ katasínda‑ni xi̱ta̱ ra kiya, tanga ti̱jé‑ni Inìma̱ Tsje‑la̱ Nainá ra ko̱ꞌsín tsjá‑la̱.
\v 10 Tjín ra ko̱ꞌsín ꞌbì‑la̱ nga ma‑la̱ ꞌsín kjo̱xkón ra nda tjín, ko̱ tjín ra ko̱ꞌsín ꞌbì‑la̱ nga ma‑la̱ chja̱ ngajo‑la̱ Nainá. Tjín ra ko̱ꞌsín ꞌbì‑la̱ nga nda machi̱yajin‑la̱ yá ꞌtse̱ ngaꞌñó ra síchjeén nga jngó jngó xi̱ta̱ ra ꞌbéna̱jmíya. ¿A ꞌtse̱é Inìma̱ Tsje‑la̱ Nainá o̱ ra majìn‑ní? Ko̱ tjín ra ko̱ꞌsín ꞌbì‑la̱ nga ma‑la̱ chja̱ ꞌén ra ta jè fìya‑la̱, ko̱ tjín ra ma‑la̱ síkatoya‑ni kóꞌsín tsò‑ni jñà ꞌén kìi̱.
\v 11 Tanga ti̱jé‑ni Inìma̱ Tsje‑la̱ Nainá ra ta jè ta jngo‑ni ra ma‑la̱ ko̱ꞌsín ꞌsín ngaꞌtsì kjoa̱ kìi̱ nga síkaꞌbí‑la̱ nga jngó jngó xi̱ta̱ ñáa̱ kjoa̱chji̱ne̱ ra jè mejèn‑la̱ nga tsjá‑la̱.
\p
\v 12 Ta jngo ma‑ni ijo‑ná, tanga kjín ndi̱yá‑la̱ mé ra chja̱ꞌnda; tanga ni̱ꞌsín ko̱ꞌsín kjìn ndi̱yá tjín‑ni mé ra chja̱ꞌnda, ta jngoó ma‑ni ta ngaꞌtsiòo̱; ꞌkoa̱á ti̱ꞌsín tjín ra a̱ꞌta ꞌtse̱ na̱xi̱ndá‑la̱ Cristo.
\v 13 Nga̱ ti̱jé‑ni Inìma̱ Tsje‑la̱ Nainá ra tíjnajin inìma̱‑ná ꞌkia̱ nga isatíndé ngaꞌtsí‑ná, mé‑ni nga ta jngoó ijo ko̱ma‑ná, ni̱ꞌsín ta yá xi̱ta̱‑ni; a xi̱ta̱ judío‑ní o̱ ra mí tsa xi̱ta̱ judío; a xi̱ta̱ chi̱ꞌnda‑ní o̱ ra mí tsa xi̱ta̱ chi̱ꞌnda. Nga̱ jngoó ndi̱yá‑la̱ Inìma̱ Tsje‑la̱ Nainá ra kitsjá‑ná.
\p
\v 14 Jè ijo‑ná mì tsa ta jngo tjín‑ni kóꞌsín nga ꞌki; kjín ndi̱yá tjín‑ni mé ra ta̱ chja̱ꞌnda.
\v 15 Tsa jè ndsa̱ké ki̱tso̱: “¿Mé‑ni mì tsa tsja xi̱ta̱ kjomà‑na ra ꞌa̱n? Mì‑la tsa ya̱ chjà‑naa̱ ya̱ a̱ꞌta ꞌtse̱ ijo.” Ni̱ꞌsín ko̱ꞌsín ki̱tso̱ mì kì ko̱ma tjáhixìn, nga̱ ta jngoó ijo tjín‑ni.
\v 16 Ko̱ tsa jè chíká‑ná ki̱tso̱: “¿Mé‑ni mì tsa xko̱n xi̱ta̱ kjomà‑na ra ꞌa̱n? Mì‑la tsa ya̱ chjà‑na ya̱ a̱ꞌta ꞌtse̱ ijo.” Ni̱ꞌsín ko̱ꞌsín ki̱tso̱ mì kì ko̱ma tjáhixìn, nga̱ ta jngoó ijo tjín‑ni.
\v 17 Jè ijo‑ná tsa ngi ta xkén ko̱ma tíjngo, ¿ñánda̱ si̱jna jè chíká‑ná mé‑ni nga ko̱ma ki̱náꞌyá‑ná? Ko̱ tsa jè ijo‑ná, ngi ta chíká‑ná ko̱ma tíjngo, ¿ñánda̱ si̱jna nitjén ra ko̱ma chjón‑jtá‑né?
\v 18 Tanga jè Nainá, ya̱á isíkíhijyo i̱ꞌnde‑la̱ ñánda̱ nga nda isasèn‑la̱ ra jè, nga jngó jngó sko̱ya‑la̱ ijo‑ná.
\v 19 Tsa ta jngo sko̱ya tjín‑ni ijo‑ná, mí‑la tsa ngi ijo tíjngo‑jìn.
\v 20 Kixi̱í kjoa̱ ni̱ꞌsín kjìn sko̱ya tjín‑ni ijo‑ná, tanga ta jngoó ijo ma‑ni.
\p
\v 21 Jè xkén mì kì ma ki̱tso̱‑la̱ jè ndse̱é: “Mì kì machjeén‑na ra ji̱.” Ti̱ꞌkoa̱á jè ské, mì kì ko̱ma tsa ki̱tso̱‑la̱ jñà ndsa̱ké: “Mì tsa mé machjeén jiòn ra a̱ꞌta tsa̱ꞌa̱n.”
\v 22 Jñà jnchro isa̱ ꞌñó machjeén ra chja̱ꞌnda ijo‑ná jñà ra ko̱ꞌsín tsijen koni tsa mí mé ngaꞌñó tjín‑la̱.
\v 23 A̱ꞌta ꞌtse̱ ijo‑ná, jñà ra ko̱ꞌsín ma‑ná nga mì tsa ꞌñó ꞌyaxkén, ta isa̱á jnchro, jñá jnchro isa̱ ꞌñó nda níkáyeé nikje mé‑ni nga isa̱ nda kataꞌyaxkón‑la̱. Bijtsaꞌma‑né jè ijo‑ná, jñà ra ko̱ꞌsín ma‑ná nga mì kì tjíꞌnde nga jcha̱‑la̱,
\v 24 ko̱ jñà ra nda tsijen‑ni, mì kì machjeén‑la̱ nga sijtsaꞌma. Jè Nainá, ꞌkoa̱á ꞌsín tsikínda ijo‑ná nga isa̱ ꞌñó nda kataꞌyaxkón jñà ra ko̱ꞌsín ma‑ná nga isa̱ chiba chjí‑la̱,
\v 25 mé‑ni nga jngó jngó sko̱ya ijo‑ná nda kjón katatsabaya xákjín, ko̱ katatsjá ngaꞌñó kañá‑la̱ xákjín ngaꞌtsiòo̱.
\v 26 Tsa ꞌkia̱ ñánda̱ nga mahajò ijo‑ná, ta mahajò tíjngo‑ní. Ko̱ tsa ꞌkia̱ ñánda̱ nga tíꞌyaxkón, ndaá ꞌse ijye‑la̱ nga tíjngo ijo.
\p
\v 27 Jiòn, ꞌkoa̱á ꞌsín jngoya‑la̱ koni tsa ijo‑la̱ Cristo ma jiòn, nga kja̱ tjín kja̱ tjín‑no xá ra a̱ꞌta ꞌtse̱ Cristo.
\v 28 Nainá, ꞌkoa̱á ꞌsín iskosòn‑la̱ mé xá ra ꞌsi̱in xi̱ta̱: jè ra maꞌtsia̱ kjòn‑ni isíkítsa̱jna ya̱ a̱jin na̱xi̱ndá‑la̱, xi̱ta̱ ra jè bíxáya‑la̱ nga síkaꞌbísòn ꞌén‑la̱; ra ijchò jò‑ni isíkítsa̱jna jñà xi̱ta̱ ra ma‑la̱ chja̱ ngajo‑la̱, ko̱ ra ijchò jàn‑ni isíkítsa̱jna jñà ra nda ma‑la̱ ko̱kòn‑ya ꞌén‑la̱, ko̱ ti̱ꞌkoa̱á isíkítsa̱jna jñà ra ma‑la̱ ꞌsi̱in kjo̱xkón, a̱kjòn isíkítsa̱jna‑te jñà ra ma‑la̱ si̱inda‑ni xi̱ta̱ ra kiya, ko̱ jñà ra ma‑la̱ ko̱si̱ko̱ꞌta xi̱ta̱ xákjén, ko̱ jñà ra ma‑la̱ kítsa̱jna ítjòn‑la̱ xi̱ta̱ na̱xi̱ndá‑la̱, ko̱ jñà ra kjꞌií ꞌén chja̱ ra mì yá xi̱ta̱ ma‑la̱ kótsò‑ni.
\v 29 Mì tsa ta ngaꞌtsì‑ni nga bíxáya‑la̱ Nainá nga síkaꞌbísòn ꞌén‑la̱; ko̱ mì tsa ta ngaꞌtsì‑ni nga ko̱ꞌsín ꞌbì‑la̱ nga ma‑la̱ chja̱ ngajo‑la̱ Nainá. Ko̱ ni̱ mì tsa ta ngaꞌtsì‑ni nga ko̱ꞌsín ꞌbì‑la̱ nga ꞌñó nda ma‑la̱ bakón‑ya ꞌén‑la̱ Nainá; ko̱ mì tsa ta ngaꞌtsì‑ni nga ko̱ꞌsín ꞌbì‑la̱ nga ma‑la̱ ꞌsín kjo̱xkón ra ꞌtse̱ Nainá;
\v 30 ti̱ꞌkoa̱á mì tsa ta ngaꞌtsì‑ni nga ko̱ꞌsín ꞌbì‑la̱ nga ma‑la̱ sínda‑ni xi̱ta̱ ra kiya. Ko̱ ti̱ꞌkoa̱á mì tsa ta ngaꞌtsì‑ni nga ko̱ꞌsín ꞌbì‑la̱ nga ma‑la̱ chja̱ ꞌén ra ta jè fìya‑la̱; ko̱ ni̱ mì tsa ta ngaꞌtsì‑ni nga ko̱ꞌsín ꞌbì‑la̱ nga ma‑la̱ síkatoya jñà ꞌén kìi̱.
\v 31 Jè tjatsji jiòn jè kjoa̱chji̱ne̱‑la̱ Nainá ra isa̱ nda tjín.
\p Tanga tjín jngo ndi̱yá ra ꞌa̱n kokon‑no ra isa̱ ꞌñó nda tjín.
\c 13
\s Kóꞌsín tjín kjòn‑nì ra a̱ꞌta ꞌtse̱ kjoa̱tsjacha
\p
\v 1 Tsa kjìn ndi̱yá tjín‑ni ꞌén ra chjàa̱ ra ta ꞌa̱n fìya‑na, ko̱ tsa skanda ma‑na chjàa̱ ꞌén ra chja̱ jñà ìkja̱li̱, tanga tsa mí tsjake̱‑naa̱ xi̱ta̱ ra kjꞌií, mí‑la tsa mé chjí‑la̱ jñà ꞌén ra chjàa̱; ꞌkoa̱à‑la ꞌsín ꞌki‑na koni tsa jngo ki̱cha̱ ra faháya‑la̱, ko̱ koni jngo chro̱ba̱ ra tsján fane.
\v 2 Tsa maá‑na nga nda chjà ngajo‑la̱ Nainá ko̱ tsa ndaá fìya ijye‑na kóꞌsín tjín ngaꞌtsì kjoa̱ ra jè Nainá tjíꞌma‑la̱, tsa ꞌñó tjín‑na ra ꞌmì kjoa̱chji̱ne̱, ko̱ tsa ti̱ꞌkoa̱á ꞌñó nda makjiín‑na a̱ꞌta ꞌtse̱ Nainá nga skanda maá‑na sijtíya‑la̱ jñà nindo; tanga tsa mì tsjake̱‑naa̱ xi̱ta̱ ra kjꞌií, ni̱ ta mé‑la chjí‑ina.
\v 3 Tsa maá‑na tsja ijye ngaꞌtsì tsajmì ra tjín‑na nga katakjèn jñà ra xi̱ta̱ i̱ma̱, ko̱ tsa skanda tsja‑náa̱ ijo‑na̱ nga katatì ya̱ a̱jin niꞌí, tanga tsa mì tsjake̱‑naa̱ jñà xi̱ta̱ ra kjꞌií, takó ni̱mé ra sikíjne.
\p
\v 4 Jè ra tsjake xi̱ta̱ ra kjꞌií, maá‑la̱ koñákjoa̱; ꞌñó nda xi̱ta̱ ꞌsín; mì tsa maxitakòn‑jìn; mì tsa jè nda síkíjna ijo‑la̱; ko̱ mì tsa ꞌnga fìko̱ kjo̱bítsjen‑la̱;
\v 5 mì tsa ta ꞌsín ta ma‑jìn; mì tsa ta kjo̱nda ꞌtse̱ bátsji; mì tsa sasa majti‑la̱ ko̱ mì tsa ya̱ bíjin takòn kiꞌta mé kjoa̱ ra maꞌtin;
\v 6 ti̱ꞌkoa̱á mì tsa matsjajin‑la̱ ꞌkia̱ nga mé kjoa̱ꞌcho ra ꞌsín xi̱ta̱; tanga jè, tsjaá ꞌse‑la̱ a̱ꞌta ꞌtse̱ kjoa̱kixi̱ ra ꞌsín xi̱ta̱;
\v 7 Jngo xi̱ta̱ ra tsjake jñà xi̱ta̱ ra kjꞌií, mì tsa jè fì‑ni mé kjoa̱ ra tjín‑la̱ xi̱ta̱, mì tsa chi̱ba̱ tjín‑la̱ kóꞌki nga makjiín‑la̱, kóꞌki nga sko̱óña kjoa̱ ko̱ kóꞌki nga chíkjoa̱jin‑la̱ ta mé kjoa̱‑ni.
\p
\v 8 Jngo xi̱ta̱ ra tsjake jñà xi̱ta̱ ra kjꞌií, ꞌkoa̱á ꞌsín ꞌki ko̱ma kiꞌta. Tanga ki̱jchó ni̱chjin nga mì ti̱ yá ra ꞌse̱‑ni ra ki̱chja̱ ngajo‑la̱ Nainá, nga mì ti̱ yá ra ki̱chja̱‑ni ꞌén ra kjꞌií tsò, ti̱ꞌkoa̱á mì ti̱ yá ra tjábé‑la̱ kjo̱bítsjen ra tjíꞌma‑la̱ Nainá.
\v 9 Ta nga̱tjì‑la̱, kjè tsa nda ꞌya ijyeé kjo̱bítsjen ra tjíꞌma‑la̱ Nainá, ko̱ kjè kì tsa nda nakjoá ngajo‑lá Nainá koni ꞌki tjínè‑la̱ nga ki̱nákje̱é.
\v 10 Tanga ꞌkia̱ nga ki̱jchò ni̱chjin nga ki̱tjasòn kjo̱bítsjen‑la̱ Nainá nga ni̱ì‑ti̱‑mé jchi̱jaꞌta‑la̱, ya̱á kje̱heꞌtà jè ra ta chiba machi̱ya‑ná ꞌndi̱‑ni̱.
\p
\v 11 ꞌKia̱ nga ti̱ꞌsa̱ i̱tsé‑na, ꞌkoa̱á ꞌsín chjàa̱ ko̱ ꞌkoa̱á ꞌsín síkítsjen, ti̱ꞌkoa̱á ꞌkoa̱á ꞌsín machi̱ya‑na koni tsa jngo ndí ti i̱tsé; tanga ꞌkia̱ nga ijye kjójchíngaa̱ kítsjin‑náa̱ ngaꞌtsì ra kjoa̱ ꞌtse̱ i̱xti.
\v 12 ꞌNdi̱‑ni̱, ta ꞌkoa̱á ꞌsín tsijen‑ná Nainá koni tsa ꞌkia̱ nga chiꞌsén jngeé chi̱tsín ra ijye tímaxa̱. Tanga ki̱jchò ni̱chjin nga nda kjón jchíꞌén Nainá. ꞌNdi̱ ꞌndi̱, ta chibaá tjín‑ni koni ꞌsín nga fìya‑na, tanga tíjna jngo ni̱chjin nga ske kjòo̱n kóꞌsín nga jè Nainá tsijen‑la̱ ra a̱ꞌta tsa̱ꞌa̱n.
\p
\v 13 ꞌNdi̱ ꞌndi̱, ján tjín‑ni kjoa̱ ra tjítsa̱jna kiꞌta: Jè kjoa̱ nga makjiín‑ná a̱ꞌta ꞌtse̱ Nainá, jè kjoa̱ nga tjíjngo takén nga chiñá‑lá jè kjo̱nda ra tsjá‑ná Nainá, ko̱ jè, kóꞌsín nga tsjacheé xi̱ta̱ ra kjꞌií. Tanga jè ra tíjna ítjòn kjòn‑nì, jé‑ní kóꞌsín nga tsjacheé xi̱ta̱ ra kjꞌií.
\c 14
\s Kóꞌsín tjín a̱ꞌta ꞌtse̱ jngo ꞌén ra mì kì yá fìya‑la̱ kótsò‑ni
\p
\v 1 Ko̱ꞌsín jè isa̱ ꞌñó nda tangíꞌta‑la jè ra ꞌmì kjo̱tsjacha; tanga ti̱ꞌkoa̱á ꞌñó tjatsji‑te jñà kjoa̱chji̱ne̱ ra tsjá jè Inìma̱ Tsje‑la̱ Nainá. Ko̱ jè ra isa̱ ꞌñó chjí‑la̱, jé‑ní nga ki̱nákjoa̱ ngajo‑lá Nainá.
\v 2 Jè ra kjꞌií ꞌén chja̱ ra mì yá xi̱ta̱ ma‑la̱ kótsò‑ni, mì tsa taxki̱ xi̱ta̱‑jìn ra tíchja̱‑la̱, jé sabá Nainá ra tíchja̱ꞌta‑la̱. Nga̱ mì kì yá ra machi̱ya‑la̱ ꞌén ra chja̱, ta nga̱tjì‑la̱, a̱ꞌta ꞌtse̱ Inìma̱ Tsje‑la̱ Nainá nga tíchja̱ꞌma.
\v 3 Tanga jñà xi̱ta̱ ra Nainá chja̱ ngajo‑la̱, jñá chja̱‑la̱ xi̱ta̱, mé‑ni isa̱ nda katafìya‑la̱ ra a̱ꞌta ꞌtse̱ Nainá, ko̱ nga kataꞌñó‑isa ikon, ti̱ꞌkoa̱ síje ikon ngaꞌtsiòo̱.
\v 4 Jè ra kjꞌií ꞌén chja̱ ra mì yá xi̱ta̱ ma‑la̱ kótsò‑ni, ta jé sakó‑la̱ ngaꞌñó; tanga jè ra chja̱ ngajo‑la̱ Nainá, ꞌkia̱ nga ꞌbéna̱jmíya, jñà xi̱ta̱ na̱xi̱ndá‑la̱ Nainá sakó‑la̱ ngaꞌñó.
\v 5 Mején‑na tsa ngaꞌtsì‑najiòn ma‑no ki̱nákjoa̱a ra kjꞌií ꞌén. Tanga isa̱á‑la ta nda‑ni tsa jè Nainá ki̱nákjoa̱ ngajo‑la. Nga̱ isa̱á ꞌñó chjí‑la̱ jè ra Nainá chja̱ ngajo‑la̱, nda mí ꞌkoa̱‑ni koni jè ra kjꞌií ꞌén chja̱, ra mì yá xi̱ta̱ ma‑la̱ kótsò‑ni. Kja̱ ta̱ jngoó‑la tsa tjín xi̱ta̱ ra ma‑la̱ si̱ikatoya kótsò‑ni ꞌén ra̱kìi̱, mé‑ni isa̱ nda sa̱kò‑isa‑la̱ ngaꞌñó xi̱ta̱ na̱xi̱ndá‑la̱ Nainá.
\p
\v 6 Jiòn ꞌndsé ko̱ tichjeé, ꞌkoa̱á ꞌsín jngoya‑la̱, tsa ꞌkia̱ ꞌa̱n ra kijchòꞌtsè‑najiòn, tsa ta kjꞌií ꞌén kichjà‑najiòn jè ra mì kì ko̱chi̱ya‑no, ¿mé kjo̱nda ra sa̱kò‑najiòn, tsa mì tsa jè kichjà‑najiòn jè ꞌén ra Nainá síchi̱ya‑na, ko̱ jè kjo̱bítsjen ra tsjá Nainá, ko̱ jñà ꞌén ra ꞌa̱n chjà ngajo‑la̱ Nainá nga bakon‑yá‑najiòn?
\v 7 Skanda jñà tsajmì‑la̱ xi̱ta̱ ra síkjane, ¿kóꞌsín jcha̱‑la̱ ñáa̱‑ni ra tífane, tsa mì kja̱ kjꞌií kja̱ kjꞌií ki̱tso̱ jta̱‑la̱ nga jngó jngóo̱, koni tsa jè chrjoo̱ ko̱ jè níꞌñó?
\v 8 ꞌKoa̱á jngoya‑la̱ jè chrjoo̱ ra ꞌtse̱ xi̱ta̱ kjo̱jchán, tsa mì kì nda ski̱ꞌndá, ¿kóꞌsín ma‑ni nga kítsa̱jnanda nga ki̱ìꞌtsia̱ kjo̱jchán?
\v 9 ꞌKoa̱á ti̱ꞌsín ma ra a̱ꞌta tsa̱jiòn, tsa mì kì jñà ki̱nákjoa̱ jiòn ꞌén ra nda fìya‑ná, ¿kóꞌsín ma jcha̱‑la̱ mé ꞌén‑ni ra i̱nchinakjoá jiòn? Tsa mì kì yá ra ki̱ya‑la̱ kótsò‑ni, koni tsò‑ni kjoa̱, ta i̱sén‑la i̱nchinakjoá‑jin jiòn.
\v 10 Kixi̱í kjoa̱ taxki̱ kjín‑la ndi̱yá‑la̱ ꞌén ra tjín ta nga tíjngo ya̱ i̱sàꞌnde, tanga chja̱á‑ni kóꞌsín tsò nga jngó jngó sko̱ya ꞌén.
\v 11 Tsa mì kì fìya‑na ra ꞌa̱n kóꞌsín tsò‑ni ꞌén ra tíchja̱ jngo xi̱ta̱, ꞌkoa̱á ꞌsín ko̱ma‑na nga jè xi̱ta̱ ra̱kìi̱, xín i̱ꞌnde‑la̱. Ko̱ ti̱ꞌkoa̱á ra jè, ꞌkoa̱á ꞌsín ko̱ma‑la̱ nga xìn i̱ꞌndeé tsa̱ꞌa̱n, ta nga̱tjì‑la̱ nga̱ mì kì kji̱ꞌnchré jñà ꞌén ra chjàa̱ ra ꞌa̱n.
\p
\v 12 Ra jiòn, ta jé ꞌñó fatsjio jñà kjoa̱chji̱ne̱ ra tsjá jè Inìma̱ Tsje‑la̱ Nainá, tanga isa̱á nda‑ni nga jè isa̱ ꞌñó tjatsjio jè kjoa̱chji̱ne̱ ra ko̱ma ko̱si̱ko̱ꞌta jñà xi̱ta̱ na̱xi̱ndá‑la̱ Nainá nga isa̱ nda ꞌse̱‑isa‑la̱ ngaꞌñó.
\v 13 ꞌKoa̱á ma‑ni, jè xi̱ta̱ ra kjꞌií tsò ꞌén ra chja̱, katasíjéꞌta‑la̱ Nainá mé‑ni nga ꞌse̱‑la̱ ngaꞌñó nga ma ꞌke̱èna̱jmíya kótsò‑ni jè ꞌén ra chja̱.
\v 14 ꞌA̱n, ꞌkia̱ nga chjàꞌtà‑la̱ Nainá tsa kjꞌií tsò ꞌén ra tíchjàa̱, jè ra ni̱ mì ꞌa̱n fìya‑na, tà jé inìma̱‑na̱ ra tíchja̱, tanga jè kjo̱bítsjen‑na̱, mì kì mé ngaꞌñó sakò‑la̱.
\v 15 Tanga, ¿mé ra ꞌsiaa̱n tsa ꞌkoa̱? Jé‑la ra machjeén, ꞌkia̱ nga kitsáꞌba‑la̱ Nainá, ꞌkoa̱á ꞌsín kichjàꞌta‑la̱ koni ꞌsín jè Inìma̱ Tsje‑la̱ Nainá síchi̱ya‑la̱ inìma̱‑na̱, tanga ko̱ó jngo ꞌén ra ti̱ꞌkoa̱á ꞌa̱n fìya‑na. Tsa ꞌkia̱ nga see̱ ra a̱ꞌta ꞌtse̱, ꞌkoa̱á ꞌsín see̱ koni ꞌsín jè Inìma̱ Tsje‑la̱ Nainá si̱ichi̱ya‑na, tanga jngoó so ra ti̱ꞌkoa̱á ꞌa̱n fìya‑na.
\v 16 ꞌKia̱ nga ki̱nákjoa̱ꞌta‑la̱ Nainá koni ꞌsín nga si̱ichi̱ya‑li jè Inìma̱ Tsje‑la̱, tsa ta jñá ꞌén ki̱nákji̱i ra mì yá xi̱ta̱ machi̱ya‑la̱, ¿kóꞌsín ko̱ma‑ni ki̱tso̱ xi̱ta̱ ra káꞌnchré‑li: “Ko̱ꞌsín katama koni ꞌsín nga kasi”, tsa mì kì kàfìya‑la̱ jè ꞌén ra kanakjí?
\v 17 Kixi̱í‑la kjoa̱, ndaá‑la tjín koni ꞌsín nga ꞌbì‑la̱ ji̱ kjo̱nda Nainá, tanga ni̱mé ngaꞌñó sa̱kò‑la̱ jñà ra káꞌnchré‑li, nga̱ mì kì kàfìya‑la̱ koni ꞌsín nga kasi.
\v 18 ꞌA̱n, tsjaá‑la̱ kjo̱nda Nainá nga̱ isa̱á nda ma‑na chjà ꞌén ra mì kì tsa yá xi̱ta̱ fìya‑la̱; tanga ra jiòn, mì tsa ko̱ꞌsín nda nakjoá jiòn.
\v 19 Tanga ya̱ a̱jin na̱xi̱ndá‑la̱ Nainá, isa̱á‑la nda‑ni tsa tà ꞌòn ꞌén kichjà‑la̱ ra kjo̱bítsjen tji̱ko̱, mé‑ni nga ma ꞌkenájmíya‑la̱ ra kjꞌií xi̱ta̱ ko̱ mì ꞌkoa̱‑ni tsa te jmi ꞌén kichjàa̱ ra kjꞌií tsò ra mì yá ki̱ya‑la̱.
\p
\v 20 Jiòn ꞌndsé ko̱ tichjeé, kì ko̱ꞌsín níkítsjen koni tsa i̱xti. Tanga ra a̱ꞌta ꞌtse̱ kjoa̱ꞌcho, ko̱ꞌsín ꞌtia̱àn koni jñà i̱xti ra kjè kì fìya‑la̱. Tanga ra a̱ꞌta ꞌtse̱ kjo̱bítsjen‑no, tjaya jchá‑la takòn.
\v 21 ꞌKoa̱á ꞌsín tíchja̱ xa̱jo̱n ra tjíꞌta ꞌén‑la̱ Nainá nga tsò: “ꞌA̱án sikásén‑la̱ xi̱ta̱ ra xìn nangi ko̱ ra kjꞌií ꞌén chja̱, nga kichjà‑la̱ na̱xi̱ndá‑na̱; takó mì kì kji̱ꞌnchré‑na, ni̱ꞌsín ko̱ꞌsín sikóo̱, tsó Na̱ꞌín‑ná.”
\v 22 ꞌKia̱ nga nakjé ꞌén ra mì yá xi̱ta̱ machi̱ya‑la̱, jngoó kjo̱xkón tíbakón‑la̱ Nainá jñà xi̱ta̱ ra mì kì makjiín‑la̱, mì tsa jñà‑jìn xi̱ta̱ ra ijye makjiín‑la̱. Tanga ꞌkia̱ nga nakjoá ngajo‑lá Nainá, jñà tínakjoá‑la̱ xi̱ta̱ ra ijye makjiín‑la̱ mì tsa jñà‑jìn ra kjè kì makjiín‑la̱.
\v 23 Tsa ꞌkia̱ nga ko̱xkóya na̱xi̱ndá‑la̱ Nainá, tsa kjꞌií tsò ꞌén ki̱chja̱ ngaꞌtsiòo̱ ra mì kì yá xi̱ta̱ machi̱ya‑la̱, ko̱ tsa ꞌkia̱ chi̱ba̱‑la̱ kjoa̱haꞌsen jngo xi̱ta̱ ra kjè tsa ya̱ bijchó ra mì kì makjiín‑la̱ ꞌén‑la̱ Nainá, ¿a mí tsa ki̱tso̱: “Skáa̱‑la̱ jñà xi̱ta̱ kìi̱”?
\v 24 Tanga tsa ngaꞌtsì‑no, jè Nainá i̱nchinakjoá ngajo‑la, ko̱ tsa ꞌkia̱ chi̱ba̱‑la̱ kjoa̱haꞌsen jngo xi̱ta̱ ra kjè kì tsa ya̱ bijchó ra mì kì makjiín‑la̱ ꞌén‑la̱ Nainá, tsa kji̱ꞌnchré‑no koni ꞌsín nga i̱nchinakjoá ngajo‑la Nainá, ko̱kjiín‑la̱ ko̱ ti̱ꞌkoa̱á ko̱chi̱yaá‑la̱ nga xi̱ta̱ jé‑ní.
\v 25 Ya̱á jcha̱‑la̱ ngaꞌtsì kjoa̱ꞌcho ra tjíjin inìma̱‑la̱ ko̱ ko̱se̱n-xkóꞌnchi‑ní nga ko̱se̱n-niñanè i̱sén‑la̱ ya̱ a̱ꞌta nángi nga ske̱xkón Nainá ko̱ ꞌkoa̱á ꞌsín ki̱tso̱ nga kixi̱í kjoa̱ nga ya̱á tíjnajin kiti‑no Nainá.
\s Kóꞌsín machjeén nga ꞌsie̱én ra a̱ꞌta ꞌtse̱ Nainá ya̱ ñánda̱ nga ko̱xkóyeé
\p
\v 26 Jiòn ꞌndsé ko̱ tichjeé, ¿kó tsò‑ni kjoa̱ kìi̱? Tsó‑ni, ꞌkia̱ nga ko̱xkóya jiòn nga jeya si̱kíjna Nainá, jngó jngó‑no ti̱nga̱tsja kjo̱tjò‑no Nainá; jngo ra katase, jngo ra katabakón‑ya, jngo ra kataꞌbéna̱jmí kóꞌsín nga Nainá tísíchi̱ya‑la̱, ko̱ jngo ra kjꞌií ꞌén katachja̱ ra mì yá xi̱ta̱ machi̱ya‑la̱, ko̱ jngo katasíkatoya‑ni ꞌén ra̱kìi̱. Ko̱ꞌsín ꞌtia̱àn nga jngó jngó‑no mé‑ni isa̱ tse ngaꞌñó kataꞌse-isa‑no, jiòn ra na̱xi̱ndá‑la̱ Nainá ꞌmì‑no.
\v 27 Tsa ꞌkia̱ nga mejèn‑no ki̱nákjoa̱a ꞌén ra kjꞌií tsò ra mì yá xi̱ta̱ machi̱ya‑la̱, machjeén‑ní tsa ta jò, ko̱ tsa ta jàn xi̱ta̱ katachja̱; tanga jngó jngó katachja̱; ko̱ jngo ra katasíkatoya‑ni kóꞌsín tsò‑ni ꞌén kìi̱.
\v 28 Tsa tsìn ra ma‑la̱ síkatoya‑ni ꞌén kìi̱, tà jyò katitsa̱hijyo jnchro ya̱ a̱jin na̱xi̱ndá‑la̱ Nainá; ta ya̱á a̱jin inìma̱‑la̱ katabáko̱ Nainá.
\v 29 ꞌKoa̱á ti̱ꞌsín tjín a̱ꞌta ꞌtse̱ xi̱ta̱ ra chja̱ ngajo‑la̱ Nainá; tsa jò ko̱ tsa jàn ma‑ni, tjíné‑la̱ nga jngó jngó ki̱chja̱ mé‑ni nga jñà xi̱ta̱ ra iꞌka ra kji̱ꞌnchré, jñá‑ní ra ki̱tso̱‑ni a ndaá tjín o̱ ra majìn‑ní.
\v 30 Tsa ki̱tjojin jngo ra ya̱ títsa̱jna nga ki̱tso̱: “Jngo ꞌén tísíchi̱ya‑na Nainá”, machjeén‑ní nga jè ra tíchja̱ ítjòn katatsjáꞌnde‑la̱ nga katachja̱ mé ꞌén ra tísíchi̱ya‑la̱ Nainá.
\v 31 ꞌKoa̱á ꞌsín ko̱ma nga ngaꞌtsì ra ma‑no nakjoá ngajo‑la̱ Nainá, nga ko̱maá jngó jngó ꞌkéna̱jmíya mé‑ni nga isa̱ nda ko̱chi̱ya-isa‑no ko̱ sa̱kò-isa‑no ra kjo̱tsja.
\v 32 Jñà xi̱ta̱ ra chja̱ ngajo‑la̱ Nainá, jñá tjín‑la̱ kinda̱ kóꞌsín nga ki̱chja̱ ngajo‑la̱ Nainá.
\v 33 Nga̱ jè Nainá, mì kì sasén‑la̱ ñánda̱ tjín kjo̱si ko̱ ñánda̱ nga ta tjín ta ma kjoa̱. Ya̱á sasén‑la̱ ñánda̱ nga tjín kjoa̱ꞌnchán.
\p Koni ꞌsín chon tíjngo ñánda̱ nga maxkóya xi̱ta̱‑la̱ Nainá,
\v 34 machjeén‑ní nga jñà íchjín jyò katitsa̱jna ꞌkia̱ nga tímaxki̱ya ꞌén‑la̱ Nainá, nga̱ mì kì tjíꞌnde‑la̱ nga ma ki̱chja̱; koni ꞌsín tsò‑te jè kjo̱téxoma, nga jñà íchjín tjínè‑la̱ nga ta kji̱ꞌnchré.
\v 35 Tsa mé kjoa̱ ra mejèn‑la̱ ske̱, ꞌkia̱á katakjìnangi‑la̱ ꞌxi̱n‑la̱ ꞌkia̱ nga ki̱jchò‑ni niꞌya‑la̱. Nga̱ mì kì nda tjín nga jngo chjo̱ón ya̱ ki̱chja̱jin ñánda̱ nga maxkóya na̱xi̱ndá‑la̱ Nainá.
\p
\v 36 ¿A ꞌkoa̱á ꞌsín níkítsjen jiòn, nga a̱ꞌta tsa̱jión kjoꞌtsia̱‑ni ꞌén‑la̱ Nainá? ¿O̱ ra ꞌkoa̱á ma‑no nga ta jiòn kiꞌsena̱jmíya‑no?
\v 37 Tsa titsa̱hijyo iꞌka jiòn ra ko̱ꞌsín síkítsjen nga maá‑la̱ chja̱ ngajo‑la̱ Nainá ko̱ tsa ꞌkoa̱á ꞌsín tsò nga jè Inìma̱ Tsje‑la̱ Nainá ko̱ꞌsín tísíchi̱ya‑la̱, ꞌkoa̱á ꞌsín nda katasijin‑la̱ nga jñà ꞌén ra ko̱tíxian, ꞌtse̱é Na̱ꞌín‑ná jè kjo̱téxoma ra tísichjée̱n.
\v 38 Tsa tjín jngo xi̱ta̱ ra mì kì ske̱xkón ꞌén ra tíchjàa̱, ti̱ꞌkoa̱á jè xi̱ta̱ ra̱kìi̱, mì kì jcha̱xkón.
\p
\v 39 Ndí ꞌndsè, ꞌñó tjatsjio nga ki̱nákjoa̱ ngajo‑la Nainá, ko̱ kì tà chjàn batechjà‑la jñà ra chja̱ ꞌén ra kjꞌií tsò, ra mì yá xi̱ta̱ fìya‑la̱.
\v 40 Tanga jé ra machjeén nga nda kjón‑ní ti̱hitjasòn ngaꞌtsì kjoa̱ kìi̱, nga ndi̱yá ndi̱yá kjón‑ní nga tahíko̱o.
\c 15
\s Kó ta̱ tjín xi̱ta̱ tsakón‑la̱ ijo‑la̱ Jesús ꞌkia̱ nga ijye jaáya‑la̱
\p
\v 1 ꞌNdi̱‑ni̱ ndí ꞌndsé ko̱ ndí tichjeé, mején‑na nga síkítsjen‑yá‑najiòn jè ꞌén xi̱tse̱ ra nda tsò a̱ꞌta ꞌtse̱ Cristo ra ꞌa̱n tsiꞌkènájmíya‑najiòn, ꞌén nda‑la̱ Cristo ra kjokjiín‑no ko̱ ra kixi̱ titsa̱jna‑no ꞌndi̱‑ni̱.
\v 2 Jè ꞌén nda ra̱kìi̱ ra ko̱ma‑la̱ si̱ìkítsa̱jnandi̱í‑no a̱ꞌta ꞌtse̱ jé‑no tsa takó ko̱ꞌsín kixi̱ i̱nchimahíko̱o ꞌén nda‑la̱ Cristo koni ꞌsín nga ítsiꞌkena̱jmíya‑no; tsa majìn, ta kjo̱tjó‑la‑ni nga kjokjiín‑no.
\p
\v 3 Nga̱ jé kjón ítsakon‑yá ítjòn‑najiòn koni ꞌsín tjín ꞌén ra ꞌa̱n itjábé‑na, nga jé Cristo ꞌken‑tjì ngajo‑ná ra kjoa̱ ꞌtse̱ jé‑ná koni ꞌsín tíchja̱ xa̱jo̱n ra tjíꞌta ꞌén‑la̱ Nainá;
\v 4 nga kisihiꞌnde‑ní ko̱ nga jaáya‑ila̱ nga ijchò jàn ni̱chjin koni ꞌsín nga tíchja̱ xa̱jo̱n ra tjíꞌta ꞌén‑la̱ Nainá;
\v 5 nga̱ jè Cefas [Pedro] tsakón‑la̱ ijo‑la̱; ra kjomà ꞌkia̱á tsakón‑la̱ ijo‑la̱ jñà xi̱ta̱‑la̱ ra iꞌka ra ma‑ni tejò ko̱ Pedro.
\v 6 Ra kjomà a̱skan‑nioo̱, tsatoó ꞌòn sindo̱ ma‑ni xi̱ta̱ ra ngi india kjón‑ní kiskàjin. Jñà xi̱ta̱ kìi̱, ijyeé ꞌken iꞌka tanga takó kjín ma‑ni ra takó títsa̱kon skanda ni̱chjin ꞌndi̱‑ni̱.
\v 7 ꞌKia̱á tsakón‑la̱ ijo‑la̱ jè Jacobo ko̱ a̱kjòn tsakón‑la̱ ijo‑la̱ ngaꞌtsì xi̱ta̱‑la̱ ra tsikíxáya‑la̱.
\p
\v 8 Ra ijyeheꞌtà‑ni, ꞌa̱án tsakón‑na ijo‑la̱, ꞌa̱n ra ꞌkoa̱á jngoya‑la̱ koni jngo iꞌndí‑xó ra mì nda kitsin.
\v 9 ꞌA̱n, isa̱á ta ꞌñó nangi tíjna̱ koni jñà xi̱ta̱ ra iꞌka ra tsikíxáya‑la̱ Jesús. Nda mí‑la bakèn‑na nga ꞌa̱n tsikíxáya‑na tsa nda kjòn‑ni, tà nga̱tjì‑la̱ nga ꞌa̱án kítsahatji̱ngi‑la̱ xi̱ta̱ na̱xi̱ndá‑la̱ Nainá.
\v 10 Tanga ta kjo̱nda ꞌtse̱ Nainá‑ní tsa yá‑na ra ꞌa̱n. Ko̱ jè kjo̱nda ra̱kìi̱ mì tsa ta ya̱ tíchija. Isa̱á ta ꞌñó jnchro tísíxáa̱, nda mí ꞌkoa̱‑ni koni jñà xi̱ta̱‑la̱ ra iꞌka. Tanga mì tsa ꞌa̱n jiàa̱n, jè sabá kjo̱nda‑la̱ Nainá ra tísíxájin ijo‑na̱.
\v 11 Mì tsa jè ra chjí‑la̱ yá ra tsakón‑ya, a jñà xi̱ta̱ ra iꞌkaa̱ o̱ ra ꞌa̱n‑ná; jè‑ní ra chjí‑la̱ nga ji̱ín tsiꞌkèna̱jmíya‑laji̱n jè ꞌén nda‑la̱ Cristo ko̱ ꞌndi̱‑ni̱ ijyeé makjiín‑najiòn.
\s Kóꞌsín tjín a̱ꞌta ꞌtse̱ kjoa̱ nga kjoa̱áya‑la̱ xi̱ta̱
\p
\v 12 ꞌKoa̱á ꞌsín tsakòya‑laji̱n nga jè Cristo jaáya‑la̱ ya̱ a̱jin‑la̱ miꞌken; tanga, ¿mé‑ni ko̱ꞌsín bixó iꞌka‑najiòn nga mì kì ma kjoa̱áya‑la̱ jñà xi̱ta̱ ra ijye ꞌken?
\v 13 Tsa mì kì kjoa̱áya‑la̱ xi̱ta̱ ra ijye ꞌken, takó kjè‑la tsa faháya‑la̱ Cristo tsaꞌkoa̱.
\v 14 Tsa mì tsa jaáya‑la̱ Cristo, ta kjo̱tjó‑la‑ni nga i̱nchiꞌbèna̱jmíya‑ji̱n ko̱ ti̱ꞌkoa̱á ta kjo̱tjó‑la‑ni nga ko̱ꞌsín makjiín‑najiòn tsaꞌkoa̱.
\v 15 Tsa kixi̱ kjoa̱ nga mì kì kjoa̱áya‑la̱ xi̱ta̱ ra ijye ꞌken, ji̱ín‑laji̱n ra xi̱ta̱ ndiso kítjo̱ngi‑ji̱n ya̱ a̱ꞌta ꞌtse̱ Nainá, nga̱ ꞌkoa̱á ꞌsín tsiꞌkèna̱jmíya‑ji̱n nga jè Nainá isikjaáya‑la̱ Cristo, ko̱ mí‑la tsa jaáya‑la̱ tsaꞌkoa̱ tsa kixi̱ kjoa̱ nga mì kì faháya‑la̱ miꞌken.
\v 16 Tsa mì faháya‑la̱ miꞌken tsaꞌkoa̱, ti̱ꞌkoa̱á takó kjè‑la faháya‑la̱ jè Cristo.
\v 17 Ko̱ tsa kjè faháya‑la̱ Cristo, ni̱mé‑la chjí‑la̱ koni ꞌsín nga makjiín‑najiòn tsaꞌkoa̱; takó ya̱á‑la titsa̱jin‑najiòn jé‑no.
\v 18 Ko̱ jñà xi̱ta̱ ra ijye ꞌken ra kjokjiín‑la̱ a̱ꞌta ꞌtse̱ Cristo ꞌkia̱ nga títsa̱jnakon‑isa, ta ya̱á‑la ichijà tsaꞌkoa̱, tsa mì kì jaáya‑la̱ jè Cristo.
\v 19 Jién‑leé ra isa̱ ta bato xi̱ta̱ i̱ma̱ ꞌmì‑ná i̱ a̱ꞌta nangi, tsa ꞌkoa̱á ꞌsín bixé nga tà ya̱á kje̱heꞌtà ngaꞌtsì kjoa̱ ra chiñá‑lá a̱ꞌta ꞌtse̱ Cristo ꞌkia̱ nga jién ra ki̱yé.
\p
\v 20 Tanga ra ngi kixi̱ kjoa̱, jè Cristo jaáya‑la̱. ꞌKoa̱á ꞌsín kjomà ra a̱ꞌta ꞌtse̱ koni jngo to ra majchá ítjòn. Jè jaáya ítjòn‑la̱ mé‑ni nga ko̱ma kjoa̱áya‑la̱ a̱skan‑nioo̱ jñà xi̱ta̱ ra ijye ꞌken.
\v 21 Koni ꞌsín ta nga̱tjìa‑ni jngo xi̱ta̱, nga ko̱ꞌsín ꞌji kjo̱biya i̱ i̱sàꞌnde, ꞌkoa̱á ti̱ꞌsín ta nga̱tjì‑la̱ jngo xi̱ta̱, nga ko̱ma kjoa̱áya‑la̱ jñà ra ijye ꞌken.
\v 22 Nga̱ a̱ꞌta ꞌtse̱ Adán‑ní koni ꞌsín nga biya ngaꞌtsì xi̱ta̱. ꞌKoa̱á ti̱ꞌsín ta a̱ꞌta ꞌtse̱ Cristo‑ní nga ma kítsakon ngaꞌtsì xi̱ta̱.
\v 23 Tanga kja̱ ki̱jchò kja̱ ki̱jchò ni̱chjin‑la̱ nga ko̱ko̱‑la̱. Jè Cristo jaáya ítjòn‑la̱. Tanga ꞌkia̱á kjoa̱áya‑la̱ jñà xi̱ta̱ ra ꞌtse̱ Cristo, ꞌkia̱ nga kjꞌi̱í india‑ni ra jè.
\v 24 ꞌKia̱á kje̱heꞌtà i̱sàꞌnde ꞌkia̱ nga jè Cristo si̱ikjehesòn ijye ngaꞌtsì ngaꞌñó ra mì nda, ko̱ ngaꞌtsì kjo̱téxoma ꞌcho, ko̱ ra batéxoma‑la̱ ngaꞌtsì ra kjoa̱ꞌcho. ꞌKia̱á jè Cristo si̱ìnga̱tsja kjo̱téxoma‑la̱ Nainá ra Na̱ꞌín‑ná ma.
\v 25 Machjeén‑ní nga jè Cristo katabatéxoma skanda ꞌkia̱ nga ya̱ si̱ìkítsa̱hijyongí ya̱ ndsa̱ko̱ ngaꞌtsì jñà xi̱ta̱ kondra̱‑la̱.
\v 26 Ko̱ jè kondra̱ ra feheꞌta‑ni nga jchi̱ja, jé ra ꞌmì kjo̱biya.
\v 27 Ta mé ra tjín, Nainá, ya̱á kisíkítsa̱jnangi ijye ya̱ ndsa̱ko̱ Cristo. Jè tíbatéxoma ijye‑la̱. Tanga, mì tsa tsò‑ni kjoa̱ nga jè Nainá ya̱á tíjnangi‑te ya̱ ndsa̱ko̱ Cristo, nga̱ jè sabá jnchro Nainá ra ya̱ tsikítsa̱jnangi ya̱ ndsa̱ko̱ Cristo ta ngaꞌtsì mé ra tjín.
\v 28 ꞌKia̱ nga ijye ya̱ kítsa̱jnangi ngaꞌtsì ra tjín ya̱ a̱ngi ndsa̱ko̱ Cristo, ꞌkia̱á, ra ti̱jè‑ni Cristo, koni ra iꞌndí‑la̱ ma, ya̱á kíjnangi ndsa̱ko̱ Nainá, jè ra ti̱jè tsikítsa̱jnangi‑ni ndsa̱ko̱ ngaꞌtsì ra tjín. ꞌKoa̱á ꞌsín jè Nainá ko̱tèxoma‑la̱ ngaꞌtsì ra ꞌse̱ i̱ i̱sàꞌnde.
\p
\v 29 Tanga tsa mì yá ra faháya‑la̱, ¿mé‑ni jñà xi̱ta̱ batíndá ngajo‑la̱ ijo‑la̱ jñà xi̱ta̱ ra ijye ꞌken? ¿Mé‑ni ko̱ꞌsín ꞌsín‑ni, tsa kixi̱ kjoa̱ nga mì kì faháya‑la̱ jñà ra ijye ꞌken?
\v 30 Ko̱ ngaji̱n, ¿mé‑ni chjàn ni̱chjin nchijón i̱nchibinchaxkón‑la̱ji̱n ijo‑na̱ji̱n tsaꞌkoa̱ [nga i̱nchiꞌbèna̱jmíya‑ji̱n ꞌén nda‑la̱ Cristo], tsa mì yá ra kjoa̱áya‑ila̱?
\v 31 Tsa ꞌyaá‑la jiòn ꞌndsé ko̱ tichjeé, nga ni̱chjin nchijón‑ní nga tje̱n‑nda‑na kjo̱biya ra ꞌa̱n, ngi kixi̱ kiti‑ní, jñà kjoa̱ kìi̱ koni ꞌsín tsja tjín‑te‑na ra a̱ꞌta tsa̱jiòn, tà nga̱tjì‑la̱ nga̱ ngásòn makjiín‑ná a̱ꞌta ꞌtse̱ Cristo Jesús ra tíjna ítjòn‑ná.
\v 32 ꞌKia̱ nga ískajàn‑ko̱ xi̱ta̱ ra koni kjòn cho̱ ijñá kjòn ya̱ ján na̱xi̱ndá Éfeso, ni̱mé‑la ra ísikíjneè‑na tsaꞌkoa̱, tsa tà kjoa̱ ꞌtse̱ xi̱ta̱ i̱sàꞌndeé‑ni ra ískajànꞌta. Tsa mí faháya‑la̱ jñà ra ijye ꞌken, ko̱ꞌsín ꞌsia̱n jnchreé tsaꞌkoa̱ koni ꞌsín nga tsò iꞌka xi̱ta̱: “Ki̱chieé, ko̱ ꞌsie̱é nga takó ki̱yá ko̱sa̱á‑né nchijòn.”
\v 33 Kì ti̱jiòn bindisoko̱‑no ijo‑no. Ndaá tsò jngo ꞌén ra tsò: “Jñà xi̱ta̱ ra ya̱ fahijtake̱é ra mì kì nda tjín kjo̱bítsjen‑la̱, saꞌkoa̱á ta jñá jnchro síkitsón‑jin‑ni koni ꞌsín nga nda i̱nchiníjché ijo‑ná.”
\v 34 Ti̱kinda̱ kiꞌta ijo‑no. Kì ti̱ tsja jé fatsji‑no. Nga̱ tjín iꞌka ra mì kì bexkon Nainá. Kií ko̱xin‑no jiòn mé‑ni nga katasabà‑no.
\s Kóꞌsín kjoa̱áya‑la̱ xi̱ta̱ ra ijye ꞌken
\p
\v 35 Tjín‑la iꞌka jiòn ra bixó: “¿Kóꞌsín ko̱ma‑la̱ nga kjoa̱áya‑ila̱ miꞌken? ¿Mé ijo ꞌya ꞌkia̱ nga kjoa̱áya‑ila̱?”
\v 36 ¡Mé‑ni ta mì machi̱ya‑no! ꞌKoa̱á jngoya‑la̱ koni jñà ra bitje̱ jiòn, mì kì ki̱so̱ tsa mì kì ítjòn kji̱ꞌndo chrja̱ba̱‑la̱.
\v 37 Nga̱ jñà ni̱jmé ra bitje̱ jiòn, mì tsa ko̱kjòn‑jìn koni kjòn ko̱ma jñà jno̱ ꞌkia̱ nga ijye ki̱so̱, ni̱ꞌsín ta mé ni̱jmé‑nioo̱, a ꞌtse̱ trigo‑ní o̱ ra kjꞌií ni̱jmé‑ní.
\v 38 Nga̱ jè Nainá, ꞌkoa̱á ꞌsín kjòn ꞌsi̱in jno̱ koni ꞌsín nga jè mejèn‑la̱. ꞌKia̱ nga jngó jngó sko̱ya tsajmì sitje̱, jè Nainá, ꞌkoa̱á ꞌsín kjòn ꞌsín xka̱‑la̱ koni ꞌsín kjòn ñánda̱ nga inchrabà tje̱‑ni.
\v 39 Mì tsa ta ngaꞌtsì‑ni ijo ngásòn kjòn. Jién ra xi̱ta̱ ꞌmì‑ná, kjꞌií kjòn ijo‑ná, ko̱ kjꞌií kjòn ijo‑la̱ cho̱; kjꞌií kjòn ijo‑la̱ ti̱, ko̱ kjꞌií kjòn ijo‑la̱ ni̱se.
\v 40 Koni ꞌsín kjòn ra tjín i̱ a̱ꞌta nangi, ꞌkoa̱á ti̱ꞌsín chon‑te ya̱ ján ngajmi nga tjín ra kjꞌií kjòn. Jñà ra tjín ján ngajmi kjꞌií ꞌsín tsijen, ko̱ kjꞌií ꞌsín tsijen ra tjín i̱ a̱ꞌta nangi.
\v 41 Koni ꞌsín nga fate tsijen tsáꞌbí, kjꞌií ꞌsín fate tsijen jè sá, ko̱ kjꞌií ꞌsín fate tsijen jñà nitse, ko̱ jñà nitse, kja̱ kjꞌií kja̱ kjꞌií ꞌsín fate tsijen nga jngó jngó.
\p
\v 42 Ti̱ꞌkoa̱á, ꞌkoa̱á ti̱ꞌsín tjín‑te a̱ꞌta ꞌtse̱ ra faháya‑la̱ xi̱ta̱. Jè ijo ra sihiꞌnde, fìꞌndo‑ní, ko̱ ꞌkia̱ nga kjoa̱áya‑ila̱, mì kì ti̱ kji̱ꞌndo‑ni.
\v 43 Si̱hiꞌnde‑ní ra mì ti̱ mé chjí‑la̱; jeyaá kíjna ꞌkia̱ nga kjoa̱áya‑ila̱. Ti̱ꞌkoa̱á si̱hiꞌnde ra mì mé ngaꞌñó tjín‑la̱, ko̱ ꞌkia̱ nga kjoa̱áya‑ila̱, tseé ngaꞌñó tji̱ko̱.
\v 44 Jè ra sihiꞌnde, jè‑ní jè ijo‑ná koni ꞌsín nga kjén. Tanga jè ra kjoa̱áya‑ila̱, jngoó ijo ra jè Inìma̱ Tsje‑la̱ Nainá síkíjnakon. Tjín ijo‑ná koni ꞌsín nga kjén, ti̱ꞌkoa̱á tjín ijo ra jè Inìma̱ Tsje‑la̱ Nainá síkíjnakon.
\v 45 Nga̱ ꞌkoa̱á ꞌsín tsò xa̱jo̱n ra tjíꞌta ꞌén‑la̱ Nainá: “Jè xi̱ta̱ ꞌxi̱n ra ꞌji ítjòn jè ra tsiꞌkìn Adán, jngoó xi̱ta̱ ra kiꞌse‑la̱ kjo̱binachon.” Tanga jè xi̱ta̱ ꞌxi̱n (Adán) ra ꞌji a̱skan‑nioo̱ [ra jè Cristo] jngoó Inìma̱ Tsje ra ma‑la̱ tsjá kjo̱binachon.
\v 46 Tanga mì tsa jè ꞌji ítjòn jè ra Inìma̱ Tsje, jè ꞌji ítjòn jè ra ta ijo koni jién, ko̱ a̱skaán ꞌji ra ngi jè Inìma̱ Tsje.
\v 47 Jè xi̱ta̱ ꞌxi̱n ra ꞌji ítjòn, i̱í a̱ꞌta nángi ꞌtse̱, ko̱ niꞌnde‑ní; tanga jè xi̱ta̱ ra ꞌji ra ma‑ni jò ꞌka̱, ján ngajmi inchrabà‑ni.
\v 48 Ngaꞌtsì xi̱ta̱ ra i̱ chja̱‑ni i̱ a̱ꞌta nangi, ꞌkoa̱á ꞌsín kjòn ijo‑la̱ koni ꞌsín ꞌki kjomà ijo‑la̱ xi̱ta̱ ra niꞌnde isinda‑ni. Ko̱ jñà ra chja̱‑ni ján ngajmi, ꞌkoa̱á ꞌsín kjòn ko̱ma ijo‑la̱ koni ꞌsín ꞌki ijo‑la̱ jè ra ngajmi inchrabà‑ni.
\v 49 ꞌKoa̱á ꞌsín tsijen jè ijo‑ná koni ꞌsín ꞌki ꞌtse̱ xi̱ta̱ ra niꞌnde isinda‑ni, tanga ra ko̱ma a̱skan, ꞌkoa̱á ꞌsín ko̱tsíjen‑te koni ꞌsín ꞌki ꞌtse̱ ra inchrabà‑ni ján ngajmi.
\v 50 Kií ko̱ꞌsín xin‑no jiòn ꞌndsé ko̱ tichjeé, nga ni̱jngo ijo tíkon ko̱ma kjoa̱haꞌsen ya̱ ñánda̱ tíbatéxoma Nainá; nga̱ ni̱jngo ijo‑ná ra fìꞌndo ma ya̱ ki̱jchò ñánda̱ tjín ra mì fìꞌndo.
\p
\v 51 I̱í jndíi̱ ko̱xín jngo‑no kjoa̱ ra tjíꞌma, ra ta jè Nainá tjíjin‑la̱. Mì tsa ta ngaꞌtsí‑ná nga ki̱yé, tanga ngaꞌtsí‑ná nga kjoa̱atjìya‑ná nga jngo ijo xi̱tse̱ tjábé‑ná.
\v 52 Ta inda kjón‑ní nga ko̱ka̱ma koni ꞌsín ma ꞌkia̱ nga bichjé ko̱ nga chíꞌxe̱é jñà xkén, ꞌkia̱ nga ski̱ꞌndá chrjoo̱ ra feheꞌta‑ni. Nga̱ chrjoó ski̱ꞌndá ko̱ jñà miꞌken kjoa̱áya‑ila̱ ko̱ ni̱ì‑ti̱‑kjiá ki̱yá‑ni. Ko̱ jién kjoa̱atjìya‑ná.
\v 53 Jè ijo‑ná ra fìꞌndo ko̱ ra mì kì biya, machjeén‑ní nga jngo ijo xi̱tse̱ ra mì fìꞌndo ko̱ ra mì biya tjábé‑la̱.
\v 54 ꞌKia̱ nga jè ijo‑ná ra fìꞌndo ko̱ ra biya, jngoó ijo xi̱tse̱ ra mì fìꞌndo ko̱ ra mì biya tjábé‑la̱, ya̱á ki̱tjasòn koni ꞌsín nga tíchja̱ xa̱jo̱n ra tjíꞌta ꞌén‑la̱ Nainá nga tsò: “Jè Nainá jngo kjá kisikijne‑la̱ ra kjo̱biya.”
\v 55 “Ji̱ ra kjo̱biya ꞌmì‑li, ¿ñánda̱ tíjna‑ni nga kinìkijni? ¿Ñánda̱ tíjna naꞌyá‑li jè ra síꞌken xi̱ta̱?”
\v 56 Jè ma naꞌyá‑la̱ kjo̱biya jè jé. Ko̱ jè jé, ya̱á sakó‑la̱ ngaꞌñó a̱ꞌta ꞌtse̱ kjo̱téxoma ra tjín.
\v 57 Tanga tse kjo̱nda kataꞌse‑la̱ Nainá nga̱ jé tsjá‑ná ngaꞌñó nga a̱ꞌta ꞌtse̱ Jesucristo ra tíjna ítjòn‑ná nikijne‑lá kjoa̱biya.
\p
\v 58 Jiòn ndí ꞌndsé ra ꞌñó matsjake̱‑no, ngi kixi̱ ti̱jchá ijo‑no, ko̱ kì ni̱yá ra síkaatjìya‑la̱ kjo̱bítsjen‑no. Ko̱ꞌsín isa̱ ꞌñó nda ti̱xá-isa‑lá Na̱ꞌín‑ná, nga̱ ꞌyaá‑nájiòn nga jè xá‑la̱ Na̱ꞌín‑ná ra ꞌsia̱an jiòn, mì tsa tà kjo̱tjò‑jìn.
\c 16
\s Kóꞌsín tjínè‑la̱ nga ko̱xkó jè kjo̱tjò ra ꞌbí‑lá Nainá
\p
\v 1 Jè to̱n ra maxkó a̱ꞌta ꞌtse̱ na̱xi̱ndá‑la̱ Cristo, ꞌkoa̱á ti̱ꞌsín ti̱ko̱o koni ꞌsín kíxin‑la̱ jñà xi̱ta̱ na̱xi̱ndá‑la̱ Nainá ya̱ ján nangi Galacia.
\v 2 ꞌKia̱ nga tahingo̱, nga jín jin ni̱chjin, nga jngó jngó‑no ra jiòn, ti̱náchrjeꞌta chiba jè chjí‑no nga ti̱kíjnatjò koni ꞌki nga nikijne, mé‑ni nga ꞌkia̱ nga ꞌa̱n ra kijchòo̱, mì kì tsa ꞌkia̱ ko̱xkó jè to̱n.
\v 3 ꞌKia̱ nga kijchòꞌtsè‑no, ꞌa̱án sikásén ya̱ ján Jerusalén jñà xi̱ta̱ ra jiòn chjáajion nga i̱ko̱ jè to̱n ra jiòn ꞌkio̱ò. Ko̱ xa̱jo̱ón siꞌkáa̱ ya̱ ñánda̱ nga tíchja̱ a̱ꞌta ꞌtse̱ to̱n ra jiòn si̱kasén.
\v 4 Tsa machjeén‑ní nga ti̱ꞌkoa̱á ꞌa̱n kjiáa̱n, ko̱ma‑la ko̱hijtako̱‑na jñà xi̱ta̱ kìi̱.
\s Mé ra mejèn‑la̱ nga ꞌsi̱in jè Pablo
\p
\v 5 Ya̱á kijchòꞌtsè‑no ꞌkia̱ nga ijye kjoáha̱to ya̱ nangi Macedonia, nga̱ ꞌkoa̱á ꞌsín tjínda‑na nga ya̱ kjoáha̱to ítjòn.
\v 6 Ko̱ tsa ko̱ma, ya̱á kóti̱jna chiba ni̱chjin ko̱‑no, ko̱ tsa kií ni̱chjin‑ni, ya̱á kóti̱jnako̱‑no skanda ꞌkia̱ nga ko̱to jè ni̱chjin‑la̱ ꞌnchán, mé‑ni nga ko̱ꞌsín ko̱ma ki̱si̱ko̱‑nájiòn tsa ꞌkia̱ ñánda̱ nga tjínè‑na nga kjiáa̱n nga ma a̱skan‑ni.
\v 7 Majìn‑na tsa tà sasa kijchòꞌtsè‑no. Jè ra mejèn‑na nga ya̱ kóti̱jna chiba ni̱chjin ko̱‑no tsa jè Na̱ꞌín‑ná ra ko̱ꞌsín tsjáꞌnde‑na.
\v 8 I̱í kóti̱jna na̱xi̱ndá Éfeso skanda jè ni̱chjin ꞌkia̱ nga ki̱tjo jè ꞌsí Pentecostés.
\v 9 Nga̱ batoó ꞌñó nda títjoꞌnde‑na nga ma tíꞌsiaa̱n xá‑la̱ Nainá ra ꞌñó nda tífì kjoa̱, ni̱ꞌsín takó kjìn ma‑ni ra kondra̱ títsa̱jna ra a̱ꞌta tsa̱ꞌa̱n.
\p
\v 10 Tsa ki̱jchò jè Timoteo, chítsijen‑la nga kì tà chjàn ꞌcho ma‑la̱ nga kíjnajin‑no, ko̱ nga, kì tà chjàn kjo̱skon ꞌse‑la̱; nga̱ ti̱ꞌkoa̱á xá‑la̱ Nainá tíꞌsín‑te koni ra ꞌa̱n.
\v 11 ꞌKoa̱á ma‑ni, kì ni̱jngo‑no ra jiòn ra nachrjengio, ta isa̱á jnchro ti̱si̱ko̱o nga ꞌnchán katanchrabá‑ni nga kjꞌi̱í katsíjen‑na; nga i̱í tíkoñá‑la̱ ra ꞌa̱n ko̱ jñà ꞌndsé ra iꞌka.
\p
\v 12 Jè ꞌndsé Apolos, ꞌñó jchán ítsikitsáꞌba‑la̱ nga katafì katsíjen‑no nga kátáhijtako̱ jñà ꞌndsé, tanga kjòmajìn‑la̱ nga kijì, tanga ꞌkia̱á‑la ki̱ji̱ tsa ꞌkia̱ nga ko̱ma ra ꞌsi̱in.
\s ꞌÉn ra feheꞌta‑ni
\p
\v 13 Nda titsa̱kon ko̱ kixi̱ ti̱ncha a̱ꞌta ꞌtse̱ kjoa̱ ra makjiín‑no; ko̱ kataꞌse‑no kjoa̱ táhijín, ꞌñó ti̱ncha.
\v 14 Ngaꞌtsì kjoa̱ ra ꞌnià, ngi ko̱ó kjo̱tsjacha‑no nga ti̱hitjasòn.
\p
\v 15 Jiòn ꞌndsé ko̱ tichjeé, ijyeé nda tjíjin‑no nga jñà xi̱ta̱ niꞌya‑la̱ Estéfanas, jñá kjokjiín ítjòn‑la̱ a̱ꞌta ꞌtse̱ Cristo ya̱ nangi Acaya. Jñà xi̱ta̱ kìi̱, kií xá ꞌsín nga basìko̱ꞌta jñà xi̱ta̱ na̱xi̱ndá‑la̱ Nainá.
\v 16 Ko̱ jiòn ꞌndsé, ꞌkoa̱á ꞌsín tíbitsáꞌba‑no nga nda ti̱hitjasòn‑la jñà xi̱ta̱ ra ko̱ꞌsín síxá koni jñà xi̱ta̱ kìi̱; ꞌkoa̱á ti̱ꞌsín ti̱hitjasòn‑la ngaꞌtsì xi̱ta̱ ra síxá skanda kó ra mìꞌon‑la̱ nga síxá‑la̱ Nainá.
\v 17 Matsjaá‑na nga ꞌjiíꞌtse‑na Estéfanas ko̱ Fortunato ko̱ Acaico. Jè ra mì kì kjomà‑najiòn kiꞌtsí‑ná, jñá títsjá‑na.
\v 18 Nga̱ jñá isíꞌnchán‑sòn‑ni inìma̱‑na̱ ko̱ ti̱ꞌkoa̱á tsa̱jiòn. Machjeén‑ní nga jcha̱xkón jñà xi̱ta̱ ra ko̱ꞌsín ꞌsín koni jñà xi̱ta̱ kìi̱.
\p
\v 19 Jñà xi̱ta̱ na̱xi̱ndá‑la̱ Nainá ra ya̱ nangi Asia ꞌtse̱, síhixoꞌtá‑no. Jè Aquila ko̱ Priscila ko̱ jñà xi̱ta̱ na̱xi̱ndá‑la̱ Nainá ra ya̱ maxkóya ya̱ niꞌya‑la̱, ꞌñó nda síhixoꞌta‑no a̱ꞌta ꞌtse̱ Na̱ꞌín‑ná.
\v 20 Ngaꞌtsì ꞌndsé síhixoꞌtá‑no. Jiòn ra xi̱ta̱ tsje‑la̱ Nainá ꞌmì‑no, ngi ko̱ó inìma̱‑no nga nda ti̱kjáya‑la xàngio̱o nga jngó jngó‑no.
\p
\v 21 ꞌA̱n ra ꞌmì‑na Pablo, tíbindá‑no xa̱jo̱n ra̱kìi̱ ra ngi ndsa̱ kjòn tíbindá‑na ra ꞌtse̱ kjoa̱ nìhixoꞌta.
\p
\v 22 Katakanè‑la̱ kjo̱hiꞌin jè ra tsìn‑la̱ kjo̱tsjacha a̱ꞌta ꞌtse̱ Jesucristo jè ra tíjna ítjòn‑ná. Ji̱ ra xi̱ta̱ ítjòn‑naji̱n ꞌmì‑li, ¡nchrabí!
\v 23 Jè katijnako̱‑no kjo̱nda‑la̱ Jesucristo ra tíjna ítjòn‑ná.
\v 24 Jè kjo̱tsjacha‑na̱ ra ya̱ nchrabá‑ni a̱ꞌta ꞌtse̱ Cristo Jesús, katijnako̱‑no. Ko̱ꞌsín katama.