\id 2CO
\h 2 Corintios
\toc1 2 Corintios
\mt Xo̱jo̱n carta‑la̱ San Pablo xi ma‑ne jò xi kiskiì‑la̱ xi̱ta̱ na̱xa̱ndá‑la̱ Cristo xi títsa̱jna Corinto
\c 1
\s Kó tsò Pablo nga síhixatꞌaà jñà xi̱ta̱ na̱xa̱ndá‑la̱ Cristo xi títsa̱jna Corinto
\p
\v 1 ꞌA̱n, Pablo, tìsìkasén‑nò xo̱jo̱n jè, nga kꞌoa̱á sꞌín kjòmejèn‑la̱ Nainá nga ꞌa̱n tsibíxáya‑na Cristo Jesús. ꞌA̱n, ko̱ ꞌndsè Timoteo titsa̱nìkasén‑nòje̱n xo̱jo̱n jè. Titsa̱nìhixotꞌaà‑nòje̱n jñò xi xi̱ta̱ na̱xa̱ndá‑la̱ Nainá ꞌmì‑nò xi titsa̱jnaà ya̱ na̱xa̱ndá Corinto, ko̱ ngatsꞌiì xi̱ta̱ tsjeè‑la̱ Cristo xi títsa̱jna kóho̱kji nangui Acaya.
\v 2 Nainá xi Na̱ꞌèn‑ná, ko̱ jè Jesucristo xi otíxoma‑ná kàtatsjá‑nò kjo̱ndaà ko̱ kjoa̱ꞌnchán ya̱ i̱jiìn ini̱ma̱‑nò.
\s Kó tsò Pablo nga tsjá‑la̱ kjo̱ndaà Nainá
\p
\v 3 Ndaà kàtayaxkón Nainá xi Na̱ꞌèn‑la̱ ma Jesucristo xi otíxoma‑ná. Jè Nainá xi Na̱ꞌèn‑ná ma, tse kjo̱hi̱ma̱takòn tjín‑la̱ i̱tꞌaà tsa̱ján. Ko̱ jè, kjitꞌaà na̱chrjein síje takoán.
\v 4 Kꞌe̱ nga mé kjo̱ꞌin titsa̱jnajñaá, jè Na̱ꞌèn‑ná síjetakòn‑ná mé‑ne jñá, kꞌoa̱á ti̱sꞌín si̱jetakoán xinguia̱á xi ti̱koa̱ kjo̱ꞌin títsa̱jnajiìn koni sꞌín kisìjetakón‑ná Nainá.
\v 5 Koni tjín kjo̱ꞌin xi tse nìkjiaán xi kjoa̱ tsꞌe̱ Cristo, kꞌoa̱á ti̱sꞌín tse kjo̱jetakòn sakó‑ná i̱tꞌaà tsꞌe̱ Cristo.
\v 6 Ngaje̱n, tsà kjo̱ꞌin titsa̱nìkjeiín‑je̱n, kjo̱ndaà tsa̱jòn‑nò nga sꞌe̱‑nò kjo̱jetakòn, koa̱ ki̱tjokàjñoò kjo̱ꞌin. Tsà Nainá síjetakòn‑naje̱n, jè‑né nga ti̱koa̱ jñò sꞌe̱‑nò kjo̱jetakòn, koa̱ ki̱chìkjoa̱ ko̱‑nò kjo̱ꞌin xi ji̱n titsa̱nìkjeiín‑je̱n.
\v 7 Tjín kixi̱í kjoa̱ xi chiñà‑la̱je̱n i̱tꞌaà tsa̱jòn. Tíjiìn‑naje̱n, koni sꞌín tíhoko̱tꞌaà‑nò kjo̱ꞌin xi titsa̱nìkjeiín‑je̱n, kꞌoa̱ ti̱sꞌín o̱kotꞌaà‑nò kjo̱jetakòn xi tjín‑naje̱n.
\p
\v 8 Jñò ꞌndsè ko̱ tichjaá, mejèn‑naje̱n nga kàtasijiìn‑nò kjo̱ꞌin xi kisꞌe‑naje̱n ján nangui Asia. Tse jchán kjo̱ꞌin kinìkjeiín‑je̱n. Jyeé mì ti̱ kiì kichìkjoa̱ko̱‑náje̱n skanda mì ti̱ kiì bixón‑naje̱n tsà ki̱tsa̱jnakon ìsa̱‑je̱n.
\v 9 Kꞌoa̱á sꞌín komà‑naje̱n nga jyeé‑la tjínè‑la̱ nga ki̱yá‑je̱n. Kꞌoa̱á sꞌín komàtꞌin‑je̱n mé‑ne nga ìsa̱ ndaà kjótꞌaà takòn‑naje̱n Nainá xi ma‑la̱ síkjaáya‑la̱ mikꞌen, nga mì tà yijo‑naje̱n kjótꞌaà takòn‑je̱n.
\v 10 Nga jyeé kjo̱meè kꞌen‑je̱n, ta̱nga Nainá tsasìko̱‑naje̱n nga kisìkatojiìn‑naje̱n kjo̱ꞌin ko̱ tákó si̱ìkatojiìn‑ìsa‑naje̱n kjo̱ꞌin. Ko̱ kꞌoa̱á sꞌín kjitꞌaà takòn‑je̱n nga jè si̱ìkatojiìn ìsa̱‑naje̱n ni̱ta̱ mé kjoa̱‑ne.
\v 11 Jñò, mochjeén‑né nga si̱chjátꞌaà‑náje̱n nga ki̱nókjoa̱tꞌaà‑là Nainá i̱tꞌaà tsa̱je̱n mé‑ne nga ìsa̱ kjìn ko̱ma‑ne xi̱ta̱ xi ki̱chja̱tꞌaà‑la̱ Nainá, ti̱koa̱á kjìn ko̱ma xi̱ta̱ xi tsjá‑la̱ kjo̱ndaà Nainá koni sꞌín machikon‑tꞌin‑je̱n.
\s Mé‑ne mìkiì kiì‑ne Pablo ján Corinto
\p
\v 12 Tjín jngoò kjoa̱ nga ndaà nìkítsa̱jna‑je̱n yijo‑naje̱n. Kꞌoa̱á sꞌín beè‑la̱je̱n takòn‑je̱n nga i̱tꞌaà tsꞌe̱ Nainá nchrobá‑ne nga tsjeè ko̱ kixi̱ tihonguíko̱‑je̱n yijo‑naje̱n i̱ i̱sòꞌnde, ko̱ jè tíjna ítjòn i̱tꞌaà tsa̱jòn. Mìtsà kjoa̱chji̱ne̱‑la̱ xi ta̱xki̱ xi̱ta̱ nga ko̱ꞌnè‑je̱n, kjo̱ndaà‑la̱ Nainá‑né.
\v 13 Mìtsà kjꞌei̱í kjoa̱ nga titsa̱chjiì‑nòje̱n, ta jè‑né nga kíxke̱jñoò ko̱ kjoa̱sꞌen‑jiìn‑nò koni tsò ꞌén xi tjítꞌaà xo̱jo̱n jè. Kꞌoa̱á sꞌín majngoò takoàn nga nguì ndaà kji̱ya‑nò
\v 14 koni sꞌín jye kjòchi̱ya chiba‑nò nga tsja kàtama‑nò i̱tꞌaà tsa̱je̱n ko̱ nga ti̱koa̱ tsjaá ko̱ma‑naje̱n i̱tꞌaà tsa̱jòn kꞌe̱ nga kjoi̱í ìjngoò kꞌa Jesucristo xi otíxoma‑ná.
\p
\v 15 ꞌA̱n, jyeé ndaà tíjngoò takoàn i̱tꞌaà tsꞌe̱ kjoa̱ koi, kꞌoa̱á ma‑ne nga kꞌoa̱sꞌín kiskoòsòn‑la̱ nga jò kꞌa kjíkon‑nò mé‑ne jñò, jò kjo̱ndaà sa̱kò‑nò. [Ta̱nga mì kꞌoa̱á sꞌín tsitasòn.]
\v 16 Kꞌoa̱á sꞌín kisìkítsjeèn, kꞌe̱ nga kiaà nangui Macedonia nga ya̱ jahato ítjòn‑nò. Tjín‑nè nga kjoa̱hato ìjngoò kꞌa‑nò kꞌe̱ nga kji̱nchrobà‑na mé‑ne jñò ko̱ma si̱chjátꞌaà‑ná nga kjián nangui Judea.
\v 17 Kꞌe̱ nga kꞌoa̱sꞌín kiskoòsòn‑la̱, ¿a kꞌoa̱á sꞌín kinìkítsjeèn nga ꞌa̱n, tìsìskáko̱‑nò? Majìn, nga mì kꞌoa̱á sꞌín sꞌiaàn koni sꞌín xi ta̱xki̱ xi̱ta̱ i̱sòꞌnde. Mìtsà ítjòn xan‑nò: “Ko̱ma‑né”, ko̱ ti̱kꞌe̱‑ne ìjngoò kꞌa xan‑nò: “Mìkiì ko̱ma.”
\v 18 Tíbeè Nainá; ꞌén kixi̱í xi kixan‑nò, ngaje̱n, mì kꞌoa̱á sꞌín nokjoà‑je̱n nga bixón‑je̱n: “Jon, ko̱ma‑né”, ko̱ “Mìkiì ko̱ma.”
\v 19 Timoteo, Silvano ko̱ ꞌa̱n, kꞌoa̱á sꞌín nokjoàyajiìn‑nòje̱n i̱tꞌaà tsꞌe̱ ꞌén‑la̱ Jesucristo xi kiꞌndí‑la̱ Nainá. Tsjìn‑la̱ ꞌén xi tsò jon ko̱ majìn. Nainá jngoò kꞌa síkitasòn i̱tꞌaà tsꞌe̱ Cristo nga tsò: “Jon, ko̱ma‑né.”
\v 20 Ngatsꞌiì ꞌén xi chja̱ Nainá koni sꞌín tsjá tsoꞌba, i̱tꞌaà tsꞌe̱ Cristo bitasòn yije‑né. Nga jè Cristo xi tsò “ko̱ma‑né”. Ko̱ i̱tꞌaà tsꞌe̱ Cristo, jñá bixón‑ná: “Kꞌoa̱sꞌín kàtama”, mé‑ne jeya kíjna‑ne Nainá.
\v 21 Jè Nainá, xi síkixi̱yandaà‑ná nga jè titsa̱jnakoa̱á Cristo [xi xó jaàjiìn‑ne Nainá], ti̱koa̱á jñá xó jaàjiìn‑ná Nainá.
\v 22 Ko̱ ti̱jè‑ne Nainá xi tsibítꞌaà chi̱ba̱‑ná koni jngoò sello; kisìkíjnajiìn ini̱ma̱‑ná jè Ini̱ma̱ Tsjeè‑la̱ xi tjoé ítjòn‑ná nga kixi̱ kjoa̱ nga ti̱koa̱ tjoé yije‑ná kjo̱ndaà xi tjíndaà‑la̱ nga tsjá‑ná.
\p
\v 23 Tíkotsejèn Nainá, jè tíbeè ini̱ma̱‑na̱, mé‑ne kjꞌeè kiì fì‑na Corinto koni sꞌín tíjiìn‑na; koií kjoa̱‑la̱, majìn‑na̱ nga ꞌon ko̱ma‑la̱ ini̱ma̱‑nò nga ꞌén tsꞌe̱n kichjàko̱‑nò.
\v 24 Ngaje̱n, majìn‑nòje̱n nga ngaje̱n, kjo̱ꞌñó ko̱tìxoma‑nòje̱n i̱tꞌaà tsꞌe̱ ꞌén xi mokjeiín‑nò. Ta sa̱á nìchjátꞌaà‑nòje̱n mé‑ne nga sꞌe̱‑nò kjo̱tsja nga kixi̱ titsa̱jnaà koni sꞌín mokjeiín‑nò.
\c 2
\p
\v 1 Kꞌoa̱á ma‑ne nga kꞌoa̱sꞌín kiskoòsòn‑la̱ nga mì ti̱ kiì kiìkon‑nò. Majìn‑na nga ba ki̱tsa̱jnaà.
\v 2 Ta̱nga tsà ꞌa̱n, ba síkítsa̱jna‑nò, nga ko̱ma i̱skan, mì ti̱ yá tjín‑ne xi si̱ìtsjako̱‑na, nga jñò, jyeé ba titsa̱jnaà.
\v 3 \fig Paul with scrolls at desk (with hair) -50% 2COR 2:3-4,9|63-cn02058B.tif|col|2COR 2:3-4,9||Xo̱jo̱ón tíbíndaà Pablo xi kisìkasén‑la̱ xi̱ta̱ na̱xa̱ndá‑la̱ Nainá|2CO 2.3\fig*
Koií xá jye kiskiì jngoò‑nò xo̱jo̱n, mé‑ne kꞌe̱ nga kìjchokon ìjngoò kꞌa‑nò nga mì ba si̱kíjna‑ná nga mochjeén‑né nga jñò si̱tsjako̱‑ná. Nga kꞌoa̱á sꞌín tíjngoò takoàn, ꞌa̱n, matsja‑na ti̱koa̱ jñò, matsjaá‑nò.
\v 4 Kꞌe̱ nga kꞌoa̱sꞌín kiskiì‑nò, ndaà jchán kokájno‑la̱ ini̱ma̱‑na̱, baá kisꞌe‑na skanda ndáxkoaàn tsibíxteèn. Ta̱nga ꞌa̱n mìtsà koi xá kiskiì‑nò nga kàtaba‑nò. Jè‑né nga jcha̱a nga ꞌñó matsjake̱‑nò.
\s Kó kitsò ꞌén xi kiìchja̱ Pablo i̱tꞌaà tsꞌe̱ xi̱ta̱ xi tsohótsji jé
\p
\v 5 Jè xi̱ta̱ xi tsohótsji jé, mìtsà ta ꞌa̱n xi ba kisìkíjna‑na, mejèn tsà ba kisìkítsa̱jna ngatsꞌiì xi̱ta̱ na̱xa̱ndá‑la̱ Cristo. Tà kꞌoa̱á xan‑nò nga mì ko̱to chi̱ba̱‑la̱ koni sꞌín tìxan‑nò.
\v 6 Nga kjìn ma‑nò xi tsibìnè‑là kjo̱ꞌin jè xi̱ta̱ jè; jyeé ndaà tjín, ta ko̱ma‑ne.
\v 7 I̱ꞌndei̱, jè xi sꞌe̱en nga si̱jchàatꞌaà‑là jé‑la̱; si̱jetakòn xi̱ta̱ jè, mé‑ne nga mì kjo̱ba ki̱yájiìn‑ne.
\v 8 Kꞌoa̱á ma‑ne nga bìtsiꞌbà‑nò nga ndaà jchi̱bàya‑nò nga ìjngoò kꞌa ti̱tsjacha xi̱ta̱ jè.
\v 9 Ti̱koa̱ koií xá kiskiì‑nò i̱tꞌaà tsꞌe̱ kjoa̱ koi, mejèn‑na skotꞌaà‑nò, a kixi̱í kjoa̱ nga ma‑nò nìkitasòn yije.
\v 10 Jè xi̱ta̱ xi jñò nìjchàatꞌaà‑la̱ jé‑la̱, ti̱koa̱á ꞌa̱n siìjchàatꞌaà‑la̱. Tsà mochjeén‑né nga ꞌa̱n siìjchàatꞌaà‑la̱ xi̱ta̱ jè, ꞌa̱n jyeé kisìjchàatꞌaà‑la̱ xi kjo̱ndaà tsa̱jòn ko̱ tíbeè Cristo.
\v 11 Mé‑ne jè xi̱ta̱ nei̱í mìkiì ko̱ma jè si̱ìkijne‑ná, nga jyeé ndaà ꞌyaá kjoa̱maña̱‑la̱ kósꞌín síxá.
\s Kó komà‑la̱ Pablo nga mìkiì kisatiìkjoò Tito ján Troas
\p
\v 12 Kꞌe̱ nga ijchoa ján na̱xa̱ndá Troas, nga kichjàya ꞌén ndaà‑la̱ Nainá xi kjoa̱ tsꞌe̱ Cristo, i̱tꞌaà tsꞌe̱ Na̱ꞌèn‑ná kitáxꞌa̱ꞌnde‑na nga kisìxákoa̱a ꞌén ndaà‑la̱ Nainá.
\v 13 Ta̱nga mìkiì ndaà kisꞌe‑la̱ ini̱ma̱‑na̱ nga mìkiì kiskaàjñaà jè ꞌndsé Tito. Kꞌoa̱á komà‑ne kisìkítsa̱jna jñà xi̱ta̱ xi ya̱ i̱ꞌnde‑la̱, i̱kjoàn kiaà ján nangui Macedonia.
\s Mé kjoa̱‑ne nga jè Pablo tsjá‑la̱ kjo̱ndaà Nainá
\p
\v 14 Ndaà chjí‑la̱ Nainá nga i̱tꞌaà tsꞌe̱ Cristo fìko̱‑naje̱n kꞌe̱ nga okó‑la̱je̱n jñà xi̱ta̱ i̱sòꞌnde nga jye kisìkijne. I̱tꞌaà tsa̱je̱n kꞌoa̱á sꞌín obísòn kjo̱hítsjeèn‑la̱ Nainá xi ko̱sꞌín ngaya‑la̱ koni jngoò jta̱‑la̱ tsojmì xi ꞌñó ndaà jne̱, mé‑ne nga skoe̱‑ne jñà xi̱ta̱ ni̱ta̱ ñánda‑ne nga títsa̱jna.
\v 15 I̱tꞌaà tsa̱je̱n kꞌoa̱á sꞌín ngaya‑la̱ koni ni̱ꞌndi̱‑la̱ chrjongó‑la̱ Nainá, kꞌe̱ nga jè Cristo tsjátꞌaà‑la̱ Nainá. Kꞌoa̱á sꞌín bijchókajiìn‑la̱ jñà xi̱ta̱ xi bitjokàjiìn kjo̱ꞌin ko̱ xi̱ta̱ xi chija.
\v 16 I̱tꞌaà tsꞌe̱ jñà xi̱ta̱ xi chija, [kꞌe̱ nga beè‑naje̱n nga bèno̱jmíya‑je̱n ꞌén‑la̱ Nainá], kꞌoa̱á sꞌín chꞌo jne̱‑la̱ koni jngoò jta̱ xi síkꞌen‑ná. Ta̱nga jñà xi̱ta̱ xi bitjokàjiìn kjo̱ꞌin, kꞌoa̱á sꞌín ndaà jne̱‑la̱ koni jngoò jta̱ xi síkíjnakon‑ná. I̱tꞌaà tsꞌe̱ xá koi, ni̱jngoò xi̱ta̱ chíkjoa̱‑la̱ nga síkitasòn xi ta kjo̱hítsjeèn tsꞌe̱.
\v 17 Ngaje̱n, mìkiì kꞌoa̱sꞌín ꞌnè‑je̱n koni sꞌín xi̱ta̱ xi kjꞌei̱í xi chja̱ya ꞌén‑la̱ Nainá nga to̱n síkijne. Ngaje̱n, ꞌén kixi̱í nokjoà‑je̱n. Nainá tíbeè‑ne nga jè kisìkasén‑naje̱n ko̱ ngaꞌñó tsꞌe̱ Cristo‑né nga nokjoàya‑je̱n, nga jè Cristo titsa̱jnako̱‑je̱n.
\c 3
\s Xá‑la̱ Nainá xi kjoa̱ xi̱tse̱
\p
\v 1 Kꞌe̱ nga kꞌoa̱ꞌmì‑nòje̱n kjoa̱ koi, ¿a bìtsꞌia̱ ìjngoò kꞌa‑je̱n nga ndaà nìkítsa̱jna‑je̱n yijo‑naje̱n? Jñò, ¿a kꞌoa̱á sꞌín nìkítsjeèn nga mìkiì tjíꞌnde‑na nga ma sìxá tsà tsjìn‑na xo̱jo̱n xi jñò kꞌoi̱‑ná, o xi kjꞌei̱í xi̱ta̱ tsjá‑na koni sꞌín síjé xi̱ta̱ xi kjꞌei̱í?
\v 2 Majìn, jñò sobà‑nò xi xo̱jo̱n‑naje̱n ma xi tíjiìn i̱jiìn ini̱ma̱‑naje̱n. Ngatsꞌiì xi̱ta̱ beè‑né koa̱ bíxke̱jiìn‑né.
\v 3 Kꞌoa̱á sꞌín ndaà ꞌya‑je̱n nga jñò‑nò xi koni xo̱jo̱n‑la̱ Cristo xi i̱tꞌaà tsa̱je̱n kitjei. Jngoò xo̱jo̱n carta xi mìtsà tinta kitjei‑ne; ko̱ó Ini̱ma̱ Tsjeè‑la̱ Nainá xi tíjnakon kitjei‑ne; mìtsà nda̱jo̱ kitjeitꞌaà; ya̱á kitjeitꞌaà yijo ini̱ma̱‑la̱ xi̱ta̱.
\p
\v 4 Kjoa̱ koi, kꞌoa̱á sꞌín makixi̱ya nga i̱tꞌaà tsꞌe̱ Cristo mokjeiín‑naje̱n i̱tꞌaà tsꞌe̱ Nainá.
\v 5 Xi ta ngaꞌñó tsa̱je̱n tsjìn‑naje̱n kjo̱hítsjeèn mé xi sꞌe̱n‑je̱n. Ta̱nga jè Nainá tsjá‑naje̱n kjo̱hítsjeèn kꞌe̱ nga mé xi ꞌnè‑je̱n.
\v 6 Jè Nainá tsjá‑naje̱n kjo̱hítsjeèn nga chi̱ꞌnda‑la̱ ma‑je̱n mé‑ne nga ko̱ma ki̱nókjoa̱ya‑naje̱n i̱tꞌaà tsꞌe̱ kjo̱ndaà xi̱tse̱ xi Nainá tsibíndaàjiìn‑ko̱ jñà xi̱ta̱. Mìtsà kjoa̱ tsꞌe̱ kjo̱tíxoma xi xo̱jo̱n tjítꞌaà, tsꞌe̱é Ini̱ma̱ Tsjeè‑la̱ Nainá. Jè kjoa̱ xi tsꞌe̱ kjo̱tíxoma síkꞌen‑ná nga nguixko̱n Nainá, ta̱nga jè Ini̱ma̱ Tsjeè‑la̱ Nainá síkíjnakon‑ná.
\p
\v 7 Jè kjo̱tíxoma xi kitjoé‑la̱ Moisés xi nda̱jo̱ kitjeitꞌaà, kjoa̱ biyaà jꞌiìko̱. Ta̱nga kꞌe̱ nga sa̱ kitjoé ítjòn‑la̱ kjo̱tíxoma jè, kꞌoa̱á sꞌín kiꞌya‑la̱ kjoa̱ jeya‑la̱ Nainá. Jè Moisés, kꞌe̱ nga jꞌiì‑ne nga kiì mijìn‑jno nindoò, jñà xi̱ta̱ Israel mìkiì komà kiskoòꞌan Moisés nga ꞌñó ote niꞌín kji i̱sén‑la̱; ta̱nga xi komà i̱skan, chaán kichijà xi ote kji i̱sén‑la̱. Tsà kꞌoa̱á sꞌín kisꞌe‑la̱ kjoa̱jeya, jè kjoa̱ xi tjínè‑la̱ nga chi̱ja,
\v 8 ìsa̱ jeya tjín kjo̱ndaà xi̱tse̱ xi tsjá‑ná Nainá kꞌe̱ nga tsjá‑ná Ini̱ma̱ Tsjeè‑la̱.
\v 9 Nga jeya jꞌiì jè kjo̱tíxoma xi kjoa̱ biyaà tsibínè‑ná, ìsa̱á ꞌñó jeya ki̱tasòn ꞌén xi nokjoàya‑je̱n nga xi̱ta̱ kixi̱ síkítsa̱jna‑ná Nainá.
\v 10 Na̱sꞌín ꞌñó kisꞌe‑la̱ kjoa̱ jeya jè kjo̱tíxoma xi jye tsato, ta̱nga mìkiì mangásòn‑ko̱ jè kjoa̱jeya xi tjín‑la̱ kjo̱ndaà xi̱tse̱; ìsa̱á ꞌñó jeya tíjna.
\v 11 Tsà jè kjoa̱ xi tíchijangui kisꞌe‑la̱ kjoa̱ jeya, ìsa̱á jeya tjín kjoa̱ xi̱tse̱ xi mì ti̱ kiì chi̱ja‑ne ni̱ta̱ kjé‑ne.
\p
\v 12 Nga tíjngoò takòn‑je̱n nga titsa̱chiñá‑la̱je̱n kjoa̱ koi, kꞌoa̱á ma‑ne nga mìkiì masobà‑naje̱n nga nokjoá‑je̱n.
\v 13 Mìtsà kꞌoa̱sꞌín ꞌnè‑je̱n koni kisꞌiìn Moisés nga nikje tsibíjtsa i̱sén‑la̱, mé‑ne nga jñà xi̱ta̱ Israel mìkiì komà kiskoòꞌan‑ne nga jye tíchijangui xi ote kji i̱sén‑la̱.
\v 14 Ta̱nga jñà xi̱ta̱ Israel kjòtájaàjiìn kjo̱hítsjeèn‑la̱. Skanda na̱chrjein i̱ꞌndei̱, kꞌe̱ nga bíxke̱jiìn Xo̱jo̱n‑la̱ Nainá xi tjítꞌaà kjoa̱ jchínga xi tsibíndaàjiìn‑ko̱ xi̱ta̱, tákó kꞌoa̱á sꞌín ma‑la̱ koni tsà nikje xo̱ba̱ kijtsa kjo̱hítsjeèn‑la̱. Ta̱ jngoó i̱tꞌaà tsꞌe̱ Cristo ko̱ma tjáxìn nikje jè.
\v 15 Skanda na̱chrjein i̱ꞌndei̱, jñà xi̱ta̱ Israel, kꞌe̱ nga bíxke̱jiìn xo̱jo̱n xi kiskiì Moisés, tákó kꞌoa̱á sꞌín ma‑la̱ koni tsà nikje xo̱ba̱ tíjtsaꞌma kjo̱hítsjeèn‑la̱.
\v 16 Ta̱nga kꞌe̱ nga jngoò xi̱ta̱ síkjahatjìya‑la̱ kjo̱hítsjeèn‑la̱ nga fìtꞌaà‑la̱ Na̱ꞌèn‑ná xi otíxoma‑ná, tjáxìn‑la̱ nikje xo̱ba̱ xi tíjtsaꞌma kjo̱hítsjeèn‑la̱.
\v 17 Nga̱ jè Na̱ꞌèn‑ná, jè sobà‑né xi Ini̱ma̱ Tsjeè‑la̱ Nainá. Ya̱ ñánda tíjna Ini̱ma̱‑la̱ Na̱ꞌèn‑ná, jñà xi̱ta̱ títsa̱jnandei̱í‑né kjoa̱ tsꞌe̱ kjo̱tíxoma.
\v 18 Ngatsꞌiaá jñá mì ti̱ nikje xo̱ba̱ tíjtsaꞌma‑ne kjo̱hítsjeèn‑ná. I̱tꞌaà tsa̱ján kꞌoa̱á sꞌín ngaya‑la̱ koni jngoò chi̱tsín xi ma chìtsejèn‑yá xi okó kjoa̱ jeya‑la̱ Na̱ꞌèn‑ná. Kjitꞌaà na̱chrjein ìsa̱ jeya tíhotsejèn koni kji Na̱ꞌèn‑ná nga jè Ini̱ma̱ Tsjeè‑la̱ tísíkjatjìya‑ná.
\c 4
\s Kó sꞌín síhiseèn‑ná jè ꞌén ndaà‑la̱ Nainá xi kjoa̱ tsꞌe̱ Cristo
\p
\v 1 Koií kjoa̱‑la̱ ngaje̱n, mìkiì mahindaà ini̱ma̱‑na̱je̱n nga jè Na̱ꞌèn‑ná kjòhi̱ma̱keè‑naje̱n nga xá tsꞌe̱ kisìnga̱tsja‑naje̱n.
\v 2 Jyeé kichjaàxìn‑je̱n jñà kjoa̱ chꞌo xi tjíꞌma, xi sísobà‑naje̱n; mìkiì chona̱cha̱n‑je̱n, ni̱ mìkiì nìkjatjìya‑la̱je̱n ꞌén‑la̱ Nainá. Nguì ꞌén kixi̱ bèno̱jmí‑je̱n, mejèn‑naje̱n nga nguixko̱n Nainá ngatsꞌiì xi̱ta̱ kàteèxkon kjo̱hítsjeèn‑naje̱n kósꞌín ꞌnè‑je̱n.
\v 3 Jè ꞌén ndaà‑la̱ Nainá xi kjoa̱ tsꞌe̱ Cristo xi nokjoàya‑je̱n, jñà xi̱ta̱ xi ya̱ tíchijajiìn kjoa̱ tsꞌe̱ jé‑la̱, ta jñà‑né xi tíjtsaꞌma kjo̱hítsjeèn‑la̱ nga mìkiì fìya‑la̱.
\v 4 Jè xi̱ta̱ nei̱í xi tíhotíxoma‑la̱ i̱sòꞌnde na̱chrjein i̱ꞌndei̱, xi ko̱sꞌín tíjna koni tsà nainá, jé bíchjoà xko̱n jñà xi̱ta̱ xi mìkiì mokjeiín‑la̱ i̱tꞌaà tsꞌe̱ Cristo; nga jè bíjñò kjo̱hítsjeèn‑la̱, mé‑ne nga mìkiì skoe̱‑ne kjoa̱hiseèn‑la̱ ꞌén ndaà‑la̱ Nainá xi kjoa̱ tsꞌe̱ Cristo xi ꞌñó jeya tíjna, nga jè Cristo xi okó kó kji xi nguì jè sobà Nainá.
\v 5 Ngaje̱n, mìtsà tà i̱tꞌaà tsa̱je̱n nokjoà‑je̱n kꞌe̱ nga bèno̱jmíya‑je̱n ꞌén‑la̱ Nainá; i̱tꞌaà tsꞌe̱é Jesucristo nokjoà‑je̱n nga jè xi otíxoma‑ná. Ngaje̱n, tà chi̱ꞌndaá ma‑je̱n nga ngaje̱n nìxá‑nòje̱n, koií‑né nga matsjacha‑je̱n Jesús.
\v 6 Nainá, jè xi kitsò nga jè niꞌín kàtasíhiseèn i̱ꞌnde ñánda jñò choòn, ti̱jè‑né xi kisìhiseèn i̱jiìn ini̱ma̱‑naje̱n, mé‑ne jñà xi̱ta̱ xi kjꞌei̱í ko̱hiseèn‑la̱ nga skoe̱xkon kjoa̱ jeya‑la̱ Nainá koni sꞌín ꞌya‑la̱ tsꞌe̱ Cristo.
\s Mé‑ne tíjngoò‑ne takoán na̱sꞌín kjo̱ꞌin titsa̱nìkjiaán
\p
\v 7 Kjo̱ndaà jè xi ꞌñó tse chjí‑la̱, ya̱á tíjiìn yijo‑naje̱n. Ta̱nga yijo‑naje̱n kꞌoa̱á sꞌín ngaya‑la̱ koni ti̱jí niꞌnde. Jè Nainá kꞌoa̱á sꞌín kisꞌiìn mé‑ne nga ꞌya‑la̱ nga jè ngaꞌñó xi ꞌñó ndaà tísíxájiìn yijo‑na̱je̱n, i̱tꞌaà tsꞌe̱ Nainá nchrobá‑ne; mìtsà i̱tꞌaà tsa̱je̱n nchrobá‑ne.
\v 8 ꞌÑó kjìn ma‑ne kjoa̱ xi tjín‑naje̱n, ta̱nga maá ki̱tjokàjiìn‑je̱n. Tjín kjoa̱ xi makájno‑naje̱n, ta̱nga mìkiì mahindaà‑je̱n.
\v 9 Fìtji̱ngui kondra̱á‑naje̱n xi̱ta̱, ta̱nga Nainá mìkiì tsjeiìn takòn‑naje̱n; jñà xi̱ta̱ beètoòn‑naje̱n, ta̱nga mìkiì chíkjoa̱‑la̱ nga síkjehesòn‑naje̱n.
\v 10 Ni̱ta̱ ñánda‑ne nga onguí‑je̱n, kjitꞌaà na̱chrjein mejèn‑la̱ si̱ìkꞌen‑naje̱n xi̱ta̱ koni sꞌín komàtꞌin Jesús; ta̱nga jè Nainá, jè xi mejèn‑la̱ nga i̱tꞌaà tsa̱je̱n kàtaꞌya‑la̱ nga jè Jesús xi tísíkíjnakon‑naje̱n.
\v 11 Ngaje̱n xi titsa̱jnakon‑je̱n, kjitꞌaà na̱chrjein tíjnatꞌaà chrañà‑na̱je̱n kjoa̱biyaà xi jè nga̱tjì‑la̱ Jesús, mé‑ne jè yijo‑naje̱n xi ma biyaà jcha̱‑la̱ kjoa̱binachon tsꞌe̱ Jesús.
\v 12 Ngaje̱n, kjo̱ꞌiín titsa̱nìkjeiín‑je̱n skanda mejèn‑la̱ xi̱ta̱ si̱ìkꞌen‑naje̱n, ta̱nga jñò kjoa̱binachon tísakó‑nò.
\p
\v 13 Kꞌoa̱á sꞌín tíchja̱ Xo̱jo̱n‑la̱ Nainá nga tsò: “Mokjeiín‑na kꞌoa̱á ma‑ne nga kichjà.” Ngaje̱n, kꞌoa̱á ti̱sꞌín tjín ini̱ma̱‑naje̱n i̱tꞌaà tsꞌe̱ ꞌén xi mokjeiín‑naje̱n, kꞌoa̱á ma‑ne nga nokjoá‑je̱n.
\v 14 Jè Nainá xi kisìkjaáya‑la̱ Na̱ꞌèn‑ná Jesús i̱tꞌaà tsꞌe̱ kjoa̱biyaà, ꞌya‑náje̱n nga ti̱koa̱á ki̱jchò na̱chrjein nga si̱ìkjaáya‑naje̱n koni sꞌín jaáya‑la̱ Jesús. I̱kjoàn ngatsꞌiaá kji̱ko̱‑ná ya̱ nguixko̱n Nainá.
\v 15 Ngatsꞌiì kjoa̱ koi, kjo̱ndaà tsa̱jòn‑nò, mé‑ne ìsa̱ kjìn ko̱ma‑ne xi̱ta̱ xi tjoé‑la̱ kjo̱ndaà‑la̱ Nainá, nga ti̱koa̱ ìsa̱ jeya kíjna Nainá nga kjìn ma xi̱ta̱ xi tsjá‑la̱ kjo̱ndaà.
\p
\v 16 Kꞌoa̱á ma‑ne mìkiì mahindaà ini̱ma̱‑naje̱n; kixi̱í kjoa̱ yijo‑naje̱n tífehengui‑né; ta̱nga Nainá, na̱chrjein nchijòn tísíxi̱tse̱ya ini̱ma̱‑naje̱n.
\v 17 Jè kjo̱ꞌin xi nìkjeiín‑je̱n i̱ i̱sòꞌnde, tà chibaá tjín. Tà jngoò tjò oto. Ta̱nga ya̱á sakó‑naje̱n kjo̱ndaà xi ìsa̱ jeya tjín xi mìkiì fehetꞌaà ni̱ta̱ kjé‑ne.
\v 18 Nga mìtsà jñà chìtsejèn‑la̱je̱n kjoa̱ xi tjín i̱sòꞌnde xi tsejèn, jñà chìtsejèn‑la̱je̱n xi mìkiì tsejèn xi tsꞌe̱ Nainá. Kjoa̱ xi tíma i̱ i̱sòꞌnde, kjoe̱hetꞌaà‑né, ta̱nga jñà kjoa̱ xi mìkiì tsejèn, mìkiì kjoe̱hetꞌaà ni̱ta̱ kjé‑ne.
\c 5
\s Niꞌya xi tjíndaà‑la̱ Nainá ján ngajmiì
\p
\v 1 Yijo‑ná kꞌoa̱á sꞌín ngaya‑la̱ koni niꞌya xi tjín i̱ i̱tꞌaà nangui xi chiba na̱chrjein ma‑la̱ nga bixòña. Tsà ki̱xo̱ña niꞌya jè, Nainá tjíndaà jngoò‑la̱ niꞌya ján ngajmiì, xi tíjna ni̱ta̱ kjé‑ne, nga mìtsà tsja xi̱ta̱ kisindaà‑ne.
\v 2 Kꞌoa̱á ma‑ne nga i̱ma̱á fahatse‑la̱ ini̱ma̱‑ná i̱ i̱sòꞌnde nga jè xi mejèn‑ná nga ni̱to̱n ki̱tsa̱jnayaá niꞌya‑ná ján ngajmiì.
\v 3 Na̱sꞌín si̱jna yijo‑ná xi tsjachꞌá i̱ꞌndei̱, Nainá tsjá ìjngoò‑ná xi yijo xi̱tse̱. Jè ini̱ma̱‑ná mìtsà chi̱ja, yijo xi̱tse̱é ko̱ma.
\v 4 Kꞌe̱ nga tákó tíjnakon yijo‑ná koni jngoò niꞌya xi ma bixòña, i̱ma̱á fahatse‑ná, maba‑ná, mìkiì tsò takoán nga nìkíjna niꞌya‑ná. Majìn‑ná nga tjáxìn‑ná niꞌya jè, jè xi mejèn‑ná nga kàtaxi̱tse̱ya yijo‑ná mé‑ne nga yijo‑ná xi ma biyaà jngoò kꞌaá jchi̱ja nga jè kjoa̱binachon si̱ìkijne‑la̱.
\v 5 Jè Nainá xi xó kꞌoa̱sꞌín tsibíndaà‑ná ko̱ kitsjaà‑ná Ini̱ma̱ Tsjeè‑la̱ mé‑ne tjíkixi̱‑ne kjoa̱ nga i̱skan tsjá yije‑ná koni sꞌín kitsjaà tsoꞌba.
\p
\v 6 Kjitꞌaá na̱chrjein kꞌoa̱sꞌín tíjngoò takoán i̱tꞌaà tsꞌe̱ Nainá ko̱ kꞌoa̱á sꞌín tíjiìn‑ná, kꞌe̱ nga tákó tíjnakon yijo‑ná i̱ i̱tꞌaà nangui koni jngoò niꞌya ñánda titsa̱jnaá, kjiìn titsa̱jna‑lá niꞌya‑la̱ Na̱ꞌèn‑ná ján ngajmiì.
\v 7 Kꞌoa̱á sꞌín titsa̱nìjchá yijo‑ná koni sꞌín mokjeiín‑ná i̱tꞌaà tsꞌe̱ Nainá, mì kꞌoa̱á sꞌín mochjeén nga ko̱sꞌín si̱jchá yijo‑ná koni sꞌín beè xkoaán.
\v 8 Tíjngoò takoán i̱tꞌaà tsꞌe̱ Nainá, ìsa̱á‑la ndaà tjín tsà si̱kíjnaá yijo‑ná, mé‑ne nga ján ki̱tsa̱jnakoa̱á Na̱ꞌèn‑ná ngajmiì.
\v 9 Koií kjoa̱‑la̱ nga ndaà si̱kitasoán koni sꞌín sasén‑la̱ Na̱ꞌèn‑ná, a i̱ titsa̱jnaá i̱tꞌaà nangui a xi ján titsa̱jnaá ján ngajmiì.
\v 10 Mochjeén‑né nga ngatsꞌiaá kìjchoaá nguixko̱n ñánda tíhotíxoma Cristo nga kꞌoi̱‑lá kinda̱ nga jngoò jngoaá; tjoé‑ná chjí‑ná mé kjoa̱ xi kiꞌné nga titsa̱jnaá i̱sòꞌnde, a ndaà kiꞌné, o xi chꞌo kiꞌné.
\s ꞌÉn xi tsjá kjoa̱ꞌnchán i̱tꞌaà tsꞌe̱ Nainá
\p
\v 11 Nga yaxkón‑je̱n Nainá koni sꞌín okꞌìn‑la̱, kꞌoa̱á ma‑ne bèno̱jmí‑la̱je̱n xi̱ta̱ xi kjꞌei̱í, mé‑ne ko̱kjeiín‑la̱ i̱tꞌaà tsꞌe̱ Cristo. Nga nguixko̱n Nainá ndaà beèxkon‑na̱je̱n nga ndaà ꞌnè‑je̱n, ꞌa̱n kꞌoa̱á ti̱sꞌín mejèn‑na̱ nga ti̱koa̱ jñò jyeé ndaà yaxkon‑náje̱n.
\v 12 Mìtsà ꞌmì‑nòje̱n nga ti̱ji̱n ndaà nìkítsa̱jna‑náje̱n yijo‑naje̱n ta̱nga jè xi mejèn‑naje̱n nga tsja kàtama‑nò i̱tꞌaà tsa̱je̱n, mé‑ne ko̱ma ki̱nókjoa̱‑là jñà xi̱ta̱ xi ti̱jñà ndaà síkítsa̱jna‑ne yijo‑la̱ koni sꞌín tsejèn‑la̱, ta̱nga jè ini̱ma̱‑la̱ mìkiì ndaà síkinda̱.
\v 13 Tsà ská‑naje̱n, koi‑né nga Nainá nìxá‑la̱je̱n, tsà ndaà tjín kjo̱hítsjeèn‑naje̱n, kjo̱ndaà tsa̱jòn‑nò nga jñò nìxá‑nòje̱n.
\v 14 Jè kjoa̱tjòcha‑la̱ Cristo jè kitsobàꞌñó‑naje̱n nga ma fìko̱‑na̱je̱n koni sꞌín mejèn‑la̱, kꞌoa̱á tjín kjo̱hítsjeèn xi kjòchi̱ya‑na̱je̱n nga jngoò xi̱ta̱ kꞌen ngajo‑la̱ ngatsꞌiì xi̱ta̱ xi tjín i̱sòꞌnde, kꞌoa̱á komà‑ne nga ngatsꞌiì xi̱ta̱ kꞌen.
\v 15 Jè Cristo kꞌen ngajo‑la̱ ngatsꞌiì xi̱ta̱ xi tjín i̱sòꞌnde, mé‑ne jñà xi̱ta̱ xi títsa̱jnakon mì ti̱ kꞌoa̱á sꞌín si̱ìjchá‑ne yijo‑la̱ koni sꞌín mejèn‑la̱ yijo‑la̱. Kꞌoa̱á sꞌín si̱ìjchá yijo‑la̱ koni sꞌín mejèn‑la̱ Cristo nga jè kꞌen ngajo‑la̱ koa̱ jaáya‑la̱ i̱tꞌaà tsꞌe̱ kjoa̱biyaà.
\p
\v 16 I̱ꞌndei̱ mì ti̱ kiì kꞌoa̱sꞌín nìkítsjeèn‑naje̱n i̱tꞌaà tsꞌe̱ xi̱ta̱ xi kjꞌei̱í kósꞌín tsejèn, kó kjoàn, koni sꞌín sꞌín jñà xi̱ta̱ i̱sòꞌnde. Kꞌe̱ nga sa̱ ítjòn kꞌoa̱á sꞌín kinìkítsjeèn‑je̱n, jè Cristo, tsà ta̱xki̱ xi̱ta̱ i̱sòꞌnde‑nè. Ta̱nga i̱ꞌndei̱ mì ti̱ kꞌoa̱á sꞌín nìkítsjeèn‑naje̱n.
\v 17 Jngoò xi̱ta̱, kꞌe̱ nga Cristo tíjnako̱, xi̱ta̱ xi̱tse̱‑né i̱tꞌaà tsꞌe̱ Nainá. Jè kjoa̱ jchínga jyeé tsato, jyeé kjòxi̱tse̱ya yije.
\p
\v 18 Ngatsꞌiì kjoa̱ koi i̱tꞌaà tsꞌe̱ Nainá nchrobá‑ne, nga i̱tꞌaà tsꞌe̱ Cristo kichibàndaà‑ná ko̱ Nainá. Ko̱ jè Nainá kitsjaà‑na̱je̱n xá nga ko̱ma kéno̱jmí‑je̱n kósꞌín kjoóndaà‑ne xi̱ta̱ ko̱ Nainá.
\v 19 I̱tꞌaà tsꞌe̱ Cristo kisìxá Nainá nga kisìkjoóndaà‑ne xi̱ta̱ i̱sòꞌnde. Mì ti̱ kiì kinda̱ kisꞌiìn‑ne jé‑la̱ jñà xi̱ta̱. Ko̱ kitsjaà‑naje̱n xá nga bèno̱jmí‑je̱n kósꞌín ma nga chibàndaà‑ná ko̱ Nainá.
\v 20 Kꞌoa̱á ma‑ne ngaje̱n síkasén‑naje̱n Cristo nga nokjoà ngajo‑la̱je̱n. Kꞌoa̱á ngaya‑la̱ koni tsà jè Nainá tíbítsiꞌba‑nò. I̱tꞌaà tsꞌe̱ Cristo bìtsiꞌbà‑nòje̱n: jchi̱bàndaàko̱‑nò Nainá.
\v 21 Cristo, mìtsà jé tsohótsji; ta̱nga xi kjo̱ndaà tsa̱ján, Nainá, jé tsohónè yije‑la̱ ngatsꞌiì jé xi tjín i̱sòꞌnde, mé‑ne i̱tꞌaà tsꞌe̱ Cristo, xi̱ta̱ kixi̱ ko̱maá nga jè Nainá si̱ìkixi̱ya‑ná.
\c 6
\p
\v 1 Ngaje̱n, xi Nainá nìxátꞌaà‑la̱je̱n, bítsiꞌba‑nòje̱n, kjo̱ndaà xi tsjá‑nò Nainá, ndaà ti̱kjeén.
\v 2 Nga jè Nainá, kꞌoa̱á tsò:
\q Kiꞌnchrè‑lè kꞌe̱ nga ndaà chi̱ba̱‑la̱ kjòchjeén‑lè kjo̱ndaà‑na̱,
\q tsohósi̱ko̱ó‑lè, jè na̱chrjein kꞌe̱ nga tíchiñá‑la nga ki̱tjojiìn kjo̱ꞌin.
\m I̱ꞌndei̱, jñò, ndaà ti̱náꞌyaà. Jyeé ijchò na̱chrjein tsꞌe̱ kjo̱ndaà‑la̱ Nainá nga kítjokàjñoò kjo̱ꞌin.
\p
\v 3 Ni̱mé kjoa̱ xi chꞌo ꞌnè‑je̱n xi síkitsꞌón‑jiìn‑la̱ xi̱ta̱ xi kjꞌei̱í, mé‑ne jè xá‑la̱ Nainá xi ji̱n titsa̱ꞌnè‑je̱n mì yá xi chꞌo ki̱chja̱jno‑la̱.
\v 4 Ni̱ta̱ mé kjoa̱ xi ꞌnè‑je̱n, ndaá onguíko̱‑je̱n yijo‑naje̱n mé‑ne jñà xi̱ta̱ skoe̱‑ne nga chi̱ꞌnda‑la̱ Nainá ꞌmì‑naje̱n, nga ꞌñó tjín‑naje̱n kjoa̱tsetakòn, ꞌñó ndaà chíkjoa̱ko̱‑naje̱n kjoa̱ tsꞌe̱ kjo̱ꞌin, ko̱ tíchijatꞌaà‑naje̱n mé tsojmì xi ko̱chjeén‑naje̱n, koa̱ chjá tíma‑naje̱n kjoa̱ xi tíhotojiìn‑je̱n,
\v 5 nga tísatꞌé‑naje̱n, nga nda̱yá tínìkjasꞌen‑naje̱n, nga ngaje̱n binchaàtsji‑la̱je̱n kjoa̱siì na̱xa̱ndá, nga ꞌñó nìxá‑je̱n, ko̱ mìkiì tsafé‑je̱n, skanda bìtsa̱jna kjinchrá‑náje̱n.
\v 6 Ta̱nga nguì tsjeé titsa̱nìjchá‑je̱n yijo‑naje̱n; ndaá machi̱ya‑naje̱n ni̱ta̱ mé kjoa̱‑ne; tjín‑naje̱n kjoa̱tsetakòn ko̱ kjo̱ndaà i̱tꞌaà tsꞌe̱ xi̱ta̱; ko̱ jè Ini̱ma̱ Tsjeè‑la̱ Nainá tísíxájiìn ini̱ma̱‑naje̱n; ko̱ nguì ko̱ó ini̱ma̱‑naje̱n nga tjín‑naje̱n kjoa̱tjòcha.
\v 7 Bèno̱jmí‑je̱n ꞌén xi kixi̱ tjín. Tjín‑naje̱n ngaꞌñó‑la̱ Nainá. Jñà kjoa̱ kixi̱ xi ꞌnè‑je̱n, kꞌoa̱á ngaya‑la̱ koni jñà ki̱cha̱ xi ko̱ ngaskón ko̱ kixi̱ mochjeén.
\v 8 Tjín xi̱ta̱ xi beèxkón‑naje̱n, ti̱koa̱ tjín xi mìkiì beèxkón‑naje̱n. Sakoa̱á ndaà chja̱ i̱tꞌaà tsa̱je̱n, sakoa̱á majìn. Tjín iꞌnga xi xi̱ta̱ ndiso tsò‑naje̱n ta̱nga ngaje̱n ꞌén kixi̱í nokjoá‑je̱n.
\v 9 Tjín iꞌnga xi kꞌoa̱sꞌín síko̱‑naje̱n koni tsà mìkiì beèxkon‑naje̱n, ta̱nga tjín xi beèxkon‑naje̱n. Kꞌoa̱á sꞌín beèhikon‑naje̱n koni tsà jyeé kꞌen‑je̱n, ta̱nga titsa̱jnakon‑náje̱n. Tsjá‑naje̱n kjo̱ꞌin jñà xi̱ta̱ ta̱nga mìkiì biyaà‑je̱n.
\v 10 Kꞌoa̱á sꞌín koꞌan‑naje̱n koni tsà ba tjín‑naje̱n, ta̱nga ngaje̱n tsja tjín‑naje̱n. Tsò‑naje̱n nga xi̱ta̱ i̱ma̱‑né, ta̱nga i̱tꞌaà tsa̱je̱n, kjìn jchán xi̱ta̱ tísakó‑la̱ kjo̱ndaà tsꞌe̱ ini̱ma̱‑la̱. Ni̱mé xi tjín‑naje̱n, ta̱nga nguixko̱n Nainá, tjín yijeé‑naje̱n ni̱ta̱ mé‑ne.
\p
\v 11 Jñò ꞌndseé xi Corinto tsa̱jòn, jyeé kinokjoà kixi̱‑nòje̱n; nguì ko̱ó ini̱ma̱‑na̱je̱n matsjacha‑nòje̱n.
\v 12 Ngaje̱n, mìtsà bìxkon‑nòje̱n kó tsò kjo̱hítsjeèn‑la̱ ini̱ma̱‑naje̱n, jñò‑nó xi bìxkoòn kó tsò kjo̱hítsjeèn‑la̱ ini̱ma̱‑nò.
\v 13 Kꞌoa̱á sꞌín chjà‑nò koni tsà i̱xti‑na̱ xan‑nò, jñò, kꞌoa̱á ti̱sꞌín tꞌe̱en koni sꞌín ꞌnè‑je̱n, nga ko̱ ini̱ma̱‑nò ti̱tsjacha‑náje̱n.
\s Ti̱nchatꞌaàxìn‑là kjoa̱ tsꞌe̱ jé
\p
\v 14 Jñò, xi mokjeiín‑nò i̱tꞌaà tsꞌe̱ Cristo, kì jñà xi̱ta̱ xi mìkiì mokjeiín‑la̱ nìngásòn‑ko̱ kjo̱hítsjeèn‑nò. ¿A ko̱maá ko̱ngásòn‑ko̱ jngoò xi̱ta̱ xi tjín‑la̱ o̱kixi̱ ko̱ jngoò xi tsjìn‑la̱ o̱kixi̱‑la̱ Nainá? ¿A ko̱maá ya̱ ki̱tsa̱jnajñaá ñánda jñò choòn nga tjín kjoa̱ iseèn?
\v 15 ¿A ko̱maá ndaà kji̱ko̱ xíkjín, jè Cristo ko̱ xi̱ta̱ nei̱í? Ti̱koa̱á mìkiì ko̱ma ndaà kji̱ko̱ xíkjín jngoò xi̱ta̱ xi mokjeiín‑la̱ i̱tꞌaà tsꞌe̱ Cristo ko̱ jngoò xi mìkiì mokjeiín‑la̱.
\v 16 Mìkiì ko̱ma ya̱ sijnaya niꞌya i̱ngo̱‑la̱ Nainá jñà xkósòn xi nainá tsò‑la̱ xi̱ta̱. Nga jñá‑ná xi ꞌmì‑ná niꞌya i̱ngo̱‑la̱ Nainá xi tíjnakon. Koni sꞌín kitsò Nainá i̱tꞌaà tsꞌe̱ xi̱ta̱ xi mokjeiín‑la̱, tsò‑né:
\q ꞌA̱n, ya̱á kóti̱jnakoa̱a na̱xa̱ndá‑na̱, ti̱koa̱á ya̱á ko̱jmejiìn‑la̱.
\q ꞌA̱n‑ná xi Nainá ki̱tso̱‑na̱ koa̱ jñà ko̱ma xi̱ta̱ na̱xa̱ndá‑na̱.
\m
\v 17 Nainá kꞌoa̱á kitsò nga kiìchja̱jiìn‑la̱ xi̱ta̱ na̱xa̱ndá‑la̱:
\q Tìtjo̱kàjiìn‑là jñà xi̱ta̱ xi mìkiì mokjeiín‑la̱ i̱tꞌaà tsꞌa̱n,
\q koa̱ ti̱nchatꞌaàxìn‑là.
\q Ni̱mé kjoa̱ chingàjñoò xi tjé tjín nga nguixkoaàn,
\q mé‑ne nga ꞌa̱n ko̱ma skoétjò‑nò.
\q
\v 18 ꞌA̱n‑ná xi skoétjò‑nò koni jngoò Na̱ꞌèn,
\q jñò ko̱ma ndí i̱xti xꞌi̱n‑na̱ ko̱ ndí i̱xti íchjín‑na̱,
\q kꞌoa̱á tsò Na̱ꞌèn‑ná xi ta jè ta̱jngoò xi ꞌñó tse ngaꞌñó tjín‑la̱.
\c 7
\p
\v 1 Jñò ndí ꞌndsè xi matsjake̱‑nò, kꞌoa̱á tjín kjo̱ndaà xi tsjá‑ná Nainá koni sꞌín kitsjaà tsoꞌba. Kꞌoa̱á ma‑ne ki̱nchatꞌaàxìn‑là ngatsꞌiì kjoa̱ xi tjé tjín xi síkitsꞌón yijo‑ná ko̱ ini̱ma̱‑ná, mé‑ne tsjeè ki̱tsa̱jnaá nga nguixko̱n Nainá. Ndaà jcha̱xkoán Nainá mé‑ne nga kjitꞌaà na̱chrjein ìsa̱ tsjeè si̱jchá yijo‑ná.
\s Mé‑ne tsja ma‑la̱ Pablo kjoa̱ xi sꞌín xi̱ta̱ Corinto
\p
\v 2 Chjoétjò‑náje̱n nga ko̱ ini̱ma̱‑nò. Ngaje̱n, ni̱yá xi̱ta̱ xi chꞌo nìko̱‑je̱n; ni̱ sa̱á yá xi̱ta̱ nìkíꞌon‑je̱n, ni̱ sa̱á jngoò xi̱ta̱ chona̱cha̱n‑la̱je̱n.
\v 3 Kꞌe̱ nga kꞌoa̱sꞌín tìxan‑nò, mìtsà mé kjoa̱ xi chꞌo tjín tìhonè‑nò; jyeé kꞌoa̱ kixan‑nò nga sa̱ ítjòn, kjitꞌaá na̱chrjein nga matsjacha‑nòje̱n, na̱sꞌín ki̱yá ko̱ tsà titsa̱jnakoaán, ko̱ó ini̱ma̱‑na̱je̱n nga matsjacha‑nòje̱n.
\v 4 Nguì ꞌén kixi̱í xi tìchjàko̱‑nò; ꞌñó matsja‑la̱ ini̱ma̱‑na̱ i̱tꞌaà tsa̱jòn. ꞌÑó tjín‑na̱ kjo̱jetakòn ko̱ ta̱xki̱ tsjaá ma‑la̱ ini̱ma̱‑na̱, na̱sꞌín tse kjo̱ꞌin tjín‑naje̱n.
\p
\v 5 Kꞌe̱ nga jꞌiì‑je̱n i̱ nangui Macedonia, ni̱mé xi komà kinìkjáya‑je̱n. ꞌÑó kinìkájno‑je̱n; xki̱ xi ján kisꞌe‑naje̱n kjoa̱siì, koa̱ ya̱ i̱jiìn ini̱ma̱‑naje̱n ꞌñó kisinchaàxkón.
\v 6 Ta̱nga Nainá síjehikon‑né xi̱ta̱ xi indaà tjín ikon; kisìjehikòn‑naje̱n kꞌe̱ nga jꞌiì Tito.
\v 7 Mìtsà tà koi kjoa̱‑la̱ nga jꞌiì Tito, jè‑né nga jè, ti̱koa̱á tsja tjín‑la̱ xi i̱tꞌaà tsa̱jòn. Tsibéno̱jmí‑naje̱n nga jñò, ꞌñó mejèn‑nò nga jcha̱xkon‑náje̱n. Kꞌoa̱á ti̱ kitsò‑naje̱n nga ba titsa̱jnaà koa̱ makájno‑nò i̱tꞌaà tsꞌa̱n. Kꞌe̱ nga kiꞌnchrè ꞌén koi, ꞌa̱n, ìsa̱á ndaà kjòtsja‑na.
\p
\v 8 Jñò, na̱sꞌín tà kjoa̱ba tsohotsjì‑nò kꞌe̱ nga kisìkasén ítjòn‑nò xo̱jo̱n, i̱ꞌndei̱, mì ti̱ kiì tìsìkájno‑na. Nga sa̱ ítjòn kisìkájnoa nga kisìkasén jngoò‑nò xo̱jo̱n, koií kjoa̱‑la̱ nga kisibaá chiba na̱chrjein‑nò.
\v 9 Ta̱nga i̱ꞌndei̱, matsja‑la̱ ini̱ma̱‑na̱, mìtsà koi nga kjoa̱ba kisꞌe‑nò kjoa̱ tsꞌe̱ xo̱jo̱n, koi‑né nga i̱tꞌaà tsꞌe̱ Nainá kinìkájno jé‑nò nga mì ti̱ jé chinchaàtsji‑nò. Jñò, kꞌoa̱á sꞌín kjòba‑nò koni sꞌín mejèn‑la̱ Nainá. Kꞌoa̱á ma‑ne nga ni̱mé kjoa̱ chꞌo kisakò‑nò i̱tꞌaà tsa̱je̱n.
\v 10 Jè kjoa̱ba xi sꞌe‑ná koni sꞌín mejèn‑la̱ Nainá, jè síxájiìn ini̱ma̱‑ná nga nìkájnoaá jé‑ná nga mì ti̱ jé binchaàtsji‑ná mé‑ne nga ko̱ma ki̱tjokàjñaá kjo̱ꞌin; ko̱ mìtsà mé xi i̱skan si̱kájnoaá. Ta̱nga jè kjoa̱ba xi tsjá‑ná i̱sòꞌnde nga mìkiì mokjeiín‑ná i̱tꞌaà tsꞌe̱ Nainá, jé síxájiìn ini̱ma̱‑ná nga kjoa̱ biyaà fìko̱‑ná.
\v 11 Ta̱nga ti̱kítsjeèn ngatsꞌiì kjo̱ndaà xi kiꞌnè ta koi kjoa̱‑la̱ nga kjoa̱ba kisakò‑nò i̱tꞌaà tsꞌe̱ Nainá. I̱ꞌndei̱ titsa̱jnandaà‑nò nga sꞌe̱en kjoa̱ xi tjínè‑nò nga si̱kitasòn; kꞌoa̱á sꞌín titsa̱hokoò yijo‑nò nga ni̱mé jé tjín‑nò; majticha‑nò kjoa̱ tsꞌe̱ jé; i̱ꞌndei̱ tsakjoòn‑chaà Nainá; mejèn‑nò nga jcha̱xkon‑ná; makájnoó‑nò i̱tꞌaà tsꞌa̱n; kꞌoa̱á komà‑ne nga kitsꞌiì‑là kjo̱ꞌin jè xi̱ta̱ xi tsohótsji jé. Ngatsꞌiì kjoa̱ koi koni sꞌín kiꞌnè, kꞌoa̱á sꞌín ꞌya‑la̱ nga mìtsà ngatsꞌioò tjín‑nò jé.
\v 12 ꞌA̱n, koni sꞌín kiskiì‑nò xo̱jo̱n carta xi kisìkasén‑nò, mìtsà jè tìsìkítsjeèn i̱tꞌaà tsꞌe̱ xi̱ta̱ xi tsohótsji jé; ni̱ mìtsà i̱tꞌaà tsꞌe̱ xi̱ta̱ xi kitsìꞌon kisìkasén‑nò xo̱jo̱n. Jè‑né nga ti̱jñò kiꞌya‑nò nga nguixko̱n Nainá nga kixi̱í kjoa̱ nga tjòcha ꞌya‑náje̱n.
\v 13 Maje takòn‑náje̱n ngatsꞌiì kjoa̱ xi kiꞌnè.
\p Mìtsà ta koií kjoa̱‑la̱ nga maje takòn‑je̱n i̱tꞌaà tsꞌe̱ kjoa̱ koi; ìsa̱ ꞌñó matsja‑naje̱n nga kiꞌya‑je̱n Tito nga ꞌñó tsja tjín‑la̱, koií kjoa̱‑la̱ nga ngatsꞌioò kinìtsjako̱o.
\v 14 ꞌA̱n, jyeé ko̱sꞌín ndaà kisìkítsa̱jna‑nò nga nguixko̱n Tito koni kixan‑la̱. Jñò, ni̱mé kjoa̱ tjín xi chꞌo kinìkíjna‑ná. Koni sꞌín nga ngatsꞌiì ꞌén xi kiꞌmì‑nòje̱n, nguì ꞌén kixi̱‑né, kꞌoa̱á ti̱sꞌín kixi̱ itjo koni tsò ꞌén xi kixan‑la̱ Tito nga ndaà kisìkítsa̱jna‑nò.
\v 15 Tito, ìsa̱á ꞌñó ndaà matsjakeè‑nò kꞌe̱ nga bítsjeèn‑la̱ nga ngatsꞌioò ndaà kinìkitasòn‑là ko̱ ndaà kichjoétjò kꞌe̱ nga ijchòkon‑nò, koa̱ ꞌñó ndaà kiyaxkón.
\v 16 I̱ꞌndei̱, i̱tꞌaà tsa̱jòn maꞌñótꞌaà takoàn ni̱ta̱ mé kjoa̱‑ne, kꞌoa̱á ma‑ne nga matsja‑la̱ ini̱ma̱‑na̱.
\c 8
\s Mé kjoa̱‑ne nga to̱n maxkó‑ne
\p
\v 1 Ndí ꞌndsè ko̱ tichjaá, mejèn‑na nga kàtasijiìn‑nò kjo̱ndaà‑la̱ Nainá xi okó i̱jiìn na̱xa̱ndá‑la̱ Cristo xi títsa̱jna ya̱ nangui Macedonia.
\v 2 Na̱sꞌín ꞌñó tse kjo̱ꞌin nchihotojiìn ti̱koa̱ tíꞌya‑la̱ nga ꞌñó matsja‑la̱. Na̱sꞌín ꞌñó xi̱ta̱ i̱ma̱, jñà tsojmì xi tsjá kjo̱tjò‑la̱ Nainá, ko̱ó ini̱ma̱‑la̱ tsjá koni tsà ꞌñó xi̱ta̱ nchi̱ná.
\v 3 ꞌA̱n, tíbe‑ná nga ko̱ó kjo̱tsja‑la̱ tsjá to̱n xi kjo̱tjò tsꞌe̱ Nainá koni kji bijchó ngaꞌñó‑la̱, saà kꞌoa̱á skanda tsjásòn‑né koni kji bijchó ngaꞌñó‑la̱.
\v 4 Jñà xi̱ta̱ koi, ꞌñó tsibítsiꞌba‑naje̱n nga mejèn‑la̱ nga ti̱koa̱ si̱ìkasén‑la̱ to̱n kjo̱tjò jñà xi̱ta̱ na̱xa̱ndá‑la̱ Cristo jè i̱ꞌnde ñánda ko̱chjeén‑la̱.
\v 5 Jñà xi̱ta̱ koi, ìsa̱á tsato kitsjaà koni sꞌín titsa̱chiñá‑la̱je̱n. Ítjòn nangui kisìkítsa̱jna‑la̱ Nainá ini̱ma̱‑la̱, i̱kjoàn, kꞌoa̱á ti sꞌín kisꞌiìn i̱tꞌaà tsa̱je̱n koni sꞌín mejèn‑la̱ Nainá.
\v 6 Kꞌoa̱á ma‑ne bítsiꞌba‑la̱je̱n Tito koni sꞌín tsibítsꞌia̱ko̱ xá xi kitjoé‑la̱ kꞌe̱ nga sa̱ ítjòn, kꞌoa̱á ti̱sꞌín kàtasíkjehetꞌaà‑ne nga kàtíxkó to̱n kjo̱tjò xi jñò ꞌbioò.
\v 7 Ta̱nga jñò, ꞌñó ndaà ꞌnè‑nò ngatsꞌiì kjoa̱ xi ꞌnè nga ndaà mokjeiín‑nò, nga ndaà nokjoà, nga ndaà tjín‑nò kjoa̱ chji̱ne̱, nga titsa̱jnandaà nga mejèn‑nò si̱chjátꞌaà ni̱ta̱ mé kjoa̱‑ne, nga tjín‑nò kjoa̱tjòcha nga i̱tꞌaà tsa̱je̱n komà‑nò. Koni sꞌín ꞌnè yije kjoa̱ koi, kꞌoa̱á ti̱sꞌín ti̱katonè‑là jè kjo̱tjò xi ꞌbioò.
\p
\v 8 Mìtsà kꞌoa̱sꞌín tìxan‑nò koni tsà jngoò kjo̱tíxoma tìtsja‑nò. Jè xi mejèn‑na nga skoeè a nguì kixi̱í kjoa̱ nga tjín‑nò kjoa̱tjòcha koni sꞌín tjín‑la̱ xi̱ta̱ xi kjꞌei̱í nga titsa̱jnandaà nga tsjá kjo̱tjò‑la̱.
\v 9 Jñò, jyeé ꞌyaà kjo̱ndaà‑la̱ Jesucristo xi otíxoma‑ná. Xi̱ta̱ i̱ma̱á kisꞌiìn yijo‑la̱ xi kjo̱ndaà tsa̱jòn, na̱sꞌín tsꞌe̱ yije‑né ngatsꞌiì tsojmì xi tjín, mé‑ne jñò tjoé‑nò kjoa̱ nchi̱ná xi tjín‑la̱.
\p
\v 10 Tsjaà jngoò‑nò kjo̱hítsjeèn i̱tꞌaà tsꞌe̱ kjoa̱ jè. Ko̱chjeén‑nò nga ndaà si̱kitasòn koni sꞌín tsibìtsꞌia̱ko̱o jè nó xi tsato nga kitsꞌioò to̱n xi kjo̱tjò tsꞌe̱ Nainá. Kꞌoa̱sꞌín kiꞌnè nga ko̱ kjo̱tsja‑nò kitsꞌioò.
\v 11 I̱ꞌndei̱, tákó kꞌoa̱á sꞌín tꞌe̱en koni sꞌín tsibìtsꞌia̱ko̱o. Kꞌoa̱á sꞌín ti̱kjehetꞌaà koni sꞌín kjòmejèn‑nò nga sa̱ ítjòn. Kꞌoa̱á kji tjioò koni kji bijchó ngaꞌñó‑nò.
\v 12 Kꞌe̱ nga jngoò xi̱ta̱ xi tíjnandaà nga ko̱ ini̱ma̱‑la̱ mejèn‑la̱ tsjá, kꞌoa̱á kji kàtatsjá koni kji ma xi sꞌín, mìtsà tsato tínìjé‑la̱. Nainá mìtsà tsato síjé koni kji ma xi ꞌnè.
\p
\v 13 Mìtsà koi kjoa̱‑la̱ nga kjo̱ꞌin sꞌe̱‑nò nga si̱chjátꞌaà‑lá xi̱ta̱ xi kjꞌei̱í, jè‑né nga ngásòn ngáya sꞌe̱‑ná mé xi mochjeén‑ná.
\v 14 I̱ꞌndei̱, jñà xi̱ta̱ koi, tsjìn‑la̱ mé xi mochjeén‑la̱, ta̱nga jñò, tjín‑nò. Kꞌe̱ nga kjꞌei̱í na̱chrjein, jñà xi̱ta̱ koi, sꞌe̱é‑la̱ mé xi mochjeén‑la̱, ko̱ jñà ko̱si̱ko̱‑nò kꞌe̱ nga jñò tsjìn‑nò. Kꞌoa̱á sꞌín ngásòn ngáya sꞌe̱‑ná mé xi ko̱chjeén‑ná.
\v 15 Kꞌoa̱á sꞌín tíchja̱ Xo̱jo̱n‑la̱ Nainá nga tsò: “Jè xi kjìn tsibíxkó, ni̱mé tsiningui‑la̱, koa̱ jè xi chiba tsibíxkó, ni̱mé kisìchjaàtꞌaà‑la̱.”
\s Kósꞌín komà nga kinìkasén Tito ján Corinto
\p
\v 16 Ndaà chjí‑la̱ Nainá nga kꞌoa̱sꞌín tsibíjiìn ini̱ma̱‑la̱ jè Tito nga ti̱koa̱ kisìkájno i̱tꞌaà tsa̱jòn koni sꞌín ꞌa̱n kisìkájnoa.
\v 17 Kixi̱í kjoa̱ jè Tito kòkjeiín‑la̱ koni sꞌín tsibitꞌín‑la̱; ti̱koa̱ jè, ꞌñó mejèn‑la̱ nga kiìkon‑nò; ikoón xi kitsò nga kji̱kon‑nò.
\p
\v 18 Jè Tito tífìko̱ jngoò ꞌndseé xi ndaà síkíjna ngatsꞌiì xi̱ta̱ na̱xa̱ndá‑la̱ Cristo xi tjín ni̱ta̱ ñánda‑ne; nga jè ꞌndseé ndaà chja̱ya ꞌén ndaà‑la̱ Nainá xi kjoa̱ tsꞌe̱ Cristo.
\v 19 Mìtsà tà koi kjoa̱ koi, ti̱koa̱á jñà na̱xa̱ndá‑la̱ Cristo jaàjiìn jè ꞌndseé nga koa̱hijtako̱‑na̱je̱n nga onguíko̱‑je̱n to̱n kjo̱tjò‑la̱ Nainá xi ngaje̱n titsa̱bíxkó‑je̱n mé‑ne jè Na̱ꞌèn‑ná jeya kíjna, ti̱koa̱ skoe̱ jñà xi̱ta̱ nga ko̱ó ini̱ma̱‑na̱je̱n síchjátꞌaà‑la̱je̱n xi̱ta̱.
\v 20 Kꞌoa̱á ma‑ne nga mì yá xi̱ta̱ ki̱chja̱jno‑naje̱n kósꞌín ko̱chjeén to̱n xi tse tímaxkó.
\v 21 Kꞌoa̱á sꞌín bìnè‑la̱je̱n yijo‑na̱je̱n kjoa̱ xi ndaà tjín nga nguixko̱n Nainá ko̱ ti̱koa̱ nguixko̱n xi̱ta̱.
\p
\v 22 Tito, ti̱koa̱á báhijtako̱ ìjngoò ꞌndsè xi xki̱ xi ján kiꞌya‑je̱n nga ꞌñó bínè‑la̱ yijo‑la̱ nga kjìn xá ma‑la̱. Tjín kixi̱‑né i̱ꞌndei̱, ìsa̱á ndaà bínè‑la̱ yijo‑la̱ nga síchjátꞌaà‑nò nga ìsa̱ ndaà beè takòn‑nò.
\v 23 Jè Tito, amigo tsꞌa̱n‑ná nga ꞌa̱án síxáko̱‑na̱ xi kjo̱ndaà tsa̱jòn. Jñà xi̱ta̱ ꞌndseé xi iꞌnga, jñà na̱xa̱ndá‑la̱ Cristo xi tjín nangui Macedonia jñà kisìkasén; nga i̱tꞌaà tsꞌe̱ xi̱ta̱ ꞌndseé koi, jè Cristo jeya bìjna.
\v 24 Ta̱kó‑là xi̱ta̱ koi kjoa̱tjòcha xi tjín‑nò, ta̱kó‑là kjo̱ndaà xi tjín‑nò koni sꞌín jye o̱kixan‑la̱ jñà xi̱ta̱ ꞌndseé koi, mé‑ne nga skoe̱‑ne jñà na̱xa̱ndá‑la̱ Cristo xi iꞌnga nga kixi̱ kjoa̱.
\c 9
\s Mochjeén‑né nga si̱chjátꞌaà‑lá xi̱ta̱‑la̱ Cristo xi kjꞌei̱í
\p
\v 1 Jè kjoa̱ tsꞌe̱ ngaꞌñó xi maxkótꞌaà‑la̱ jñà xi̱ta̱ tsjeè‑la̱ Nainá xi ko̱chjeén‑la̱ jè ngaꞌñó, mì ti̱ kiì mochjeén‑ne nga ꞌa̱n skiì‑ìsa‑nò.
\v 2 Be‑ná nga titsa̱jnandaà nga mejèn‑nò si̱kitasòn. Kꞌoa̱á xan‑la̱ jñà xi̱ta̱ xi nangui Macedonia tsꞌe̱ nga jñò xi Acaya tsa̱jòn, titsa̱jnandaà‑nò skanda jè nó xi tsato nga mejèn‑nò si̱kasén ngaꞌñó. Kꞌe̱ nga kiìꞌnchré jñà xi̱ta̱ Macedonia koni sꞌín titsa̱ꞌnè, kjìn ma‑ne xi matsja‑la̱ i̱tꞌaà tsa̱jòn ti̱koa̱á kjòtsja‑la̱ nga mejèn‑la̱ si̱ìchjátꞌaà.
\v 3 Koií xá tìsìkasén‑nò jñà ꞌndseé koi, mé‑ne ꞌa̱n mì chꞌo kóti̱jna‑na̱ tsà koi na̱chrjein‑la̱ tsà ta ꞌén ndiso ko̱ma‑ne koni sꞌín ndaà síkítsa̱jna‑nò i̱tꞌaà tsꞌe̱ kjoa̱ koi, mé‑ne jñò titsa̱jnandaà koni sꞌín kixan.
\v 4 Kósꞌín ko̱ma‑ne tsà koi na̱chrjein‑la̱ kji̱ko̱ iꞌnga‑na̱ xi̱ta̱ Macedonia. Kꞌe̱ nga ki̱jchò skoe̱‑nò nga kjꞌeè kiì titsa̱jnandaà ngaꞌñó xi si̱kasén. Tsà kꞌoa̱sꞌín ko̱ma kjoa̱ koi, ngaje̱n ko̱sobá‑naje̱n, ko̱ jñò, ìsa̱á ꞌñó ko̱sobà‑anò. Nga ngaje̱n, i̱tꞌaà tsa̱jòn ꞌñó ndaà nìkítsa̱jna‑nòje̱n.
\v 5 Koií kjoa̱‑la̱ kꞌoa̱á sꞌín tìsìkítsjeèn nga tsibìtsiꞌba‑la̱ jñà ꞌndseé nga kisìkasén ítjoàn, mé‑ne nga kàtìkon‑nò koa̱ kàtasíchjátꞌaà‑nò nga kàtíxkóko̱‑nò to̱n kjo̱tjò xi jye kꞌoa̱sꞌín kitsꞌioò ndso̱baà, mé‑ne kꞌe̱ nga jye tíjnandaà kjo̱tjò‑nò jcha̱‑la̱ nga i̱jiìn ini̱ma̱‑nò inchrobàjiìn‑ne; mìtsà kjo̱ꞌñó komà‑nò.
\p
\v 6 Ti̱kítsjeèn jè ꞌén xi tsò: Jè xi chiba tsojmì bítje̱, chibaá tsojmì majchá‑la̱; jè xi tse tsojmì bítje̱, kjìn tsojmì majchá‑la̱.
\v 7 Nga jngoò ìjngoò, kꞌoa̱á kji kàtatsjá koni kji kosòn‑la̱ ini̱ma̱‑la̱. Mìtsà ko̱ kjo̱ba‑la̱ nga tsjá, ni̱ mìtsà kjo̱ꞌñó ko̱ma‑la̱, nga Nainá tsjakeè‑né xi ko̱ kjo̱tsja‑la̱ tsjá.
\v 8 Nainá ko̱ma‑la̱ tsjá yije‑nò kjo̱ndaà xi tjín‑la̱, mé‑ne nga kjitꞌaà na̱chrjein sꞌe̱ yije‑nò xi mochjeén‑nò, skanda kininguií‑nò mé‑ne ko̱ma si̱chjátꞌaà tsꞌe̱ xá xi ndaà tjín.
\v 9 Kꞌoa̱á sꞌín tíchja̱ Xo̱jo̱n‑la̱ Nainá nga tsò:
\q Kisìkaꞌbí‑la̱ xi̱ta̱ i̱ma̱ nga kitsjaà‑la̱ mé xi mochjeén‑la̱.
\q Kjoa̱kixi̱‑la̱, mìkiì kjoe̱hetꞌaà ni̱ta̱ kjé‑ne.
\m
\v 10 Nainá tsjá tje̱‑la̱ tsojmì xi sitje̱, ti̱koa̱ tsjá tsojmì xi chineé. Tsjá yije‑nò xi mochjeén‑nò nga kìtje̱e; ti̱koa̱á síjchá tsojmì xi bìtje̱e. Kjìn sko̱ya kjo̱ndaà sa̱kò‑nò kꞌe̱ nga ko̱ kjoa̱kixi̱‑nò ꞌbioò kjo̱tjò‑nò.
\v 11 Jñò, sꞌe̱ yije‑nò ngatsꞌiì kjoa̱ nchi̱ná xi tjín, mé‑ne nga ko̱ kjo̱ndaà‑nò ma si̱chjátꞌaà‑là xi̱ta̱ xi kjꞌei̱í, nga si̱kasén‑là kjo̱tjò xi ngaje̱n onguíko̱‑je̱n. Kꞌe̱ nga tjoé‑la̱ jñà xi̱ta̱ ꞌndseé, tsjá‑la̱ kjo̱ndaà Nainá.
\v 12 Jñà tsojmì kjo̱tjò xi titsa̱nìkasén‑là jñà xi̱ta̱ ꞌndseé, mìtsà ta koi kjoa̱‑la̱ nga ko̱chjátꞌaà‑la̱ mé xi chija‑la̱, ti̱koa̱ koií‑né nga ìsa̱ kjìn ko̱ma xi̱ta̱ xi tsjá‑la̱ kjo̱ndaà Nainá.
\v 13 Jñà xi̱ta̱ koi, kꞌe̱ nga tjoé‑la̱ tsojmì kjo̱tjò, jeya si̱ìkíjna Nainá. Kꞌoa̱á sꞌín skoe̱‑ne nga kixi̱í kjoa̱ nga jñò nìkitasòn‑nò ꞌén ndaà‑la̱ Nainá xi kjoa̱ tsꞌe̱ Cristo koni sꞌín mokjeiín‑nò. Jñà xi̱ta̱ koi skoe̱xkón Nainá i̱tꞌaà tsꞌe̱ tsojmì kjo̱tjò xi ꞌbiì‑là ko̱ xi ꞌbiì‑là jñà xi̱ta̱ xi kjꞌei̱í.
\v 14 Ko̱ó ini̱ma̱‑la̱ ki̱chja̱tꞌaà‑la̱ Nainá i̱tꞌaà tsa̱jòn, nga ꞌñó tse kjo̱ndaà tísakó‑nò xi tsjá‑nò Nainá.
\v 15 ¡Ndaà chjí‑la̱ Nainá nga ꞌñó tse kjo̱ndaà tsjá‑ná, skanda tsjìn‑ná ꞌén kósꞌín kꞌoi̱‑lá kjo̱ndaà!
\c 10
\s Kó tsò Pablo nga chja̱tjì xá‑la̱ nga chi̱ꞌnda‑la̱ ma Cristo
\p
\v 1 ꞌA̱n xi Pablo ꞌmì‑na, bìtsiꞌbà‑nò i̱tꞌaà tsꞌe̱ Cristo xi tjín‑la̱ kjo̱ndaà, ko̱ xi indaà tíjna ini̱ma̱‑la̱. Tjín xi̱ta̱ xi tsò‑na nga i̱ma̱ kjoa̱ xó sꞌiaàn kꞌe̱ nga ya̱ tìjna̱jiìn‑nò, ko̱ ꞌñó xó tsꞌe̱n sꞌiaàn kꞌe̱ nga kjiìn tìjna̱a.
\v 2 Ti̱koa̱ bìtsiꞌbà‑nò kꞌe̱ nga kjíkon‑nò, jñò, ítjòn jchi̱bàya‑nò kjoa̱ xi tjín‑nò, mé‑ne kꞌe̱ nga kìjchoa, kì kiì bìnè‑náje̱n nga ꞌñó kichjàkoa̱a jñà xi̱ta̱ xi kꞌoa̱sꞌín nchitsò nga kꞌoa̱á sꞌín titsa̱ꞌnè‑je̱n koni sꞌín xi ta̱xki̱ xi̱ta̱ i̱sòꞌnde. Ta̱nga ꞌa̱n, tìjna̱ ndaà‑ná nga ko̱jtikoa̱a jñà xi̱ta̱ xi chja̱jno‑naje̱n.
\v 3 Kixi̱í kjoa̱ nga xi̱ta̱ i̱sòꞌnde ꞌmì‑naje̱n, ta̱nga mì kꞌoa̱sꞌín bixkán‑je̱n koni sꞌín kjaán jñà xi ta̱xki̱ xi̱ta̱ i̱sòꞌnde.
\v 4 Ki̱cha̱ xi nìkjeén‑je̱n, mìtsà ki̱cha̱ tsꞌe̱ i̱sòꞌnde. Ngaꞌñó tsꞌe̱ Nainá‑né xi ma‑la̱ síkixòña ngaꞌñó‑la̱ xi̱ta̱ nei̱í xi bíchjoà ikòn‑la̱ ꞌén‑la̱ Nainá.
\v 5 Nìkixòña‑náje̱n ngatsꞌiì kjo̱hítsjeèn xi chꞌo tjín ko̱ kjoa̱ ꞌnga takòn xi kondra̱ tsꞌe̱ kjoa̱chji̱ne̱‑la̱ Nainá. Ndobàꞌñó‑náje̱n ngatsꞌiì kjo̱hítsjeèn mé‑ne ko̱ma ki̱tasòn‑la̱ Cristo koni sꞌín mejèn‑la̱.
\v 6 Titsa̱jnandaà‑náje̱n nga kꞌoi̱‑la̱je̱n kjo̱ꞌin xi̱ta̱ ni̱ta̱ mé kjoa̱‑ne xi mìkiì ndaà bitasòn‑la̱, kꞌe̱ nga jye jcha̱‑la̱ nga jñò kixi̱ nìkitasòn.
\p
\v 7 Jñò, tà kꞌoa̱á sꞌín chìtsejèn‑là koni sꞌín ꞌya‑la̱ jñà xi̱ta̱. Tsà tjín iꞌnga xi̱ta̱ xi tsò‑la̱ yijo‑la̱ nga jè Cristo kisìkasén, ndaà kàtasíkítsjeèn, ti̱koa̱ ngaje̱n jè sobà Cristo kisìkasén‑naje̱n.
\v 8 Mìkiì masobà‑na nga ndaà síkíjna yijo‑na̱ i̱tꞌaà tsꞌe̱ kjo̱tíxoma xi kisìnga̱tsja‑naje̱n Cristo mé‑ne ko̱ma si̱chjátꞌaà‑nò nga ìsa̱ ꞌñó ki̱tsa̱jnaà; ko̱ mìtsà koi‑ne nga ꞌa̱n sikitsꞌón‑jiìn‑nò.
\v 9 Majìn‑na̱ nga kꞌoa̱sꞌín si̱kítsjeèn nga ꞌa̱n mejèn‑na̱ binchaxkón‑nò kꞌe̱ nga xo̱jo̱n tìsìkasén‑nò.
\v 10 Tjín iꞌnga xi̱ta̱ xi tsò: “Xo̱jo̱n‑la̱, ꞌñó jchán tjín, ꞌñó tíchja̱, ta̱nga kꞌe̱ nga i̱ tíjnajiìn‑ná mìtsà ꞌñó xkón kji. ꞌÉn xi chja̱, mì yá xi ndaà beèxkón.”
\v 11 Jñà xi̱ta̱ xi kꞌoa̱ tsò, ndaà kàtasíkítsjeèn koni tsò xo̱jo̱n xi nìkasén‑je̱n kꞌe̱ nga kjiìn titsa̱jna‑je̱n. Kꞌoa̱á ti̱sꞌín sꞌe̱n‑je̱n kꞌe̱ nga ya̱ titsa̱jnajiìn‑nòje̱n.
\p
\v 12 Kixi̱í kjoa̱, ngaje̱n, majìn‑naje̱n nga siìngásòn‑kjoòko̱‑je̱n jñà xi̱ta̱ xi ti̱ yijo‑la̱ ndaà síkítsa̱jna‑ne. Jñà xi̱ta̱ xi kꞌoa̱sꞌín sꞌín, xi̱ta̱ tòndo̱‑né. Tsjìn‑la̱ kjo̱hítsjeèn nga ti̱ chi̱ba̱ tsꞌe̱é síchi̱ba̱‑ne yijo‑la̱. Ti̱koa̱ ti̱ xíkjín síchi̱ba̱kjoò‑ne.
\v 13 Ngaje̱n, mìkiì si̱katonè‑la̱je̱n chi̱ba̱‑la̱ nga ndaà si̱kítsa̱jna‑je̱n yijo‑naje̱n. Kꞌoa̱á kji koni kji tsjá chi̱ba̱ Nainá i̱tꞌaà tsꞌe̱ xá‑naje̱n. Jè Nainá kitsjaà‑naje̱n xá xi ijchòko̱‑nòje̱n skanda ján Corinto.
\v 14 Ko̱ tsà mì‑là ngaje̱n ijchò ítjòn‑je̱n, kixi̱í kjoa̱ kinìkatonè‑la̱je̱n chi̱ba̱‑la̱ i̱ꞌnde koni kji kitjòꞌnde‑naje̱n. Ta̱nga ngaje̱n‑náje̱n xi ijchòko̱ ítjòn‑nòje̱n ꞌén ndaà‑la̱ Nainá xi kjoa̱ tsꞌe̱ Cristo.
\v 15 Mìtsà ji̱n ndaà nìkítsa̱jna‑je̱n yijo‑naje̱n i̱tꞌaà tsꞌe̱ xá xi nchisꞌín xi̱ta̱ xi kjꞌei̱í. Mìtsà titsa̱nìkatonè‑la̱je̱n chi̱ba̱‑la̱ koni kji xá xi oko̱‑naje̱n. Chiñàkjoa̱‑náje̱n, koni sꞌín ìsa̱ ꞌñó ndaà ko̱kjeiín‑nò, ko̱ ìsa̱á ko̱tseya xá xi titsa̱ꞌnè‑je̱n. Ta̱nga ta kꞌoa̱á kji si̱xá‑je̱n koni sꞌín tje̱n chi̱ba̱‑la̱.
\v 16 Kꞌoa̱á sꞌín kéno̱jmíya‑je̱n ꞌén ndaà‑la̱ Nainá jñà na̱xa̱ndá xi fì‑ìsa ñánda kijna na̱xa̱ndá tsa̱jòn. Ta̱nga mì ya̱ ki̱tjásꞌe̱n‑jiìn‑je̱n i̱ꞌnde ñánda jye nchisíxá xi̱ta̱ xi kjꞌei̱í nga mì ji̱n ndaà si̱kítsa̱jna‑je̱n yijo‑naje̱n xá xi nchisꞌín xi̱ta̱ xi kjꞌei̱í.
\p
\v 17 Jè xi jeya síkíjna yijo‑la̱, ta sa̱á Nainá jeya kàtasíkíjna.
\v 18 Mìtsà jè xi ndaà bitjongui xi ti̱ yijo‑la̱ ndaà síkíjna‑ne i̱tꞌaà tsꞌe̱ mé kjoa̱ xi sꞌín. Jè Nainá xi kꞌoa̱ ki̱tso̱ tsà kixi̱ kjoa̱ nga ndaà xi̱ta̱.
\c 11
\s Pablo, jè xi nguì xi̱ta̱‑la̱ Cristo nga jè tsibíxáya‑la̱
\p
\v 1 Tꞌe̱en kjo̱ndaà, ti̱náꞌya jngoò tjò‑ná; kꞌoa̱á sꞌín tìchjàko̱‑nò koni jngoò xi̱ta̱ xi mì ndaà tíjna kjo̱hítsjeèn‑la̱. Kàtasꞌe‑nò kjoa̱tsejta.
\v 2 Koni sꞌín makájno‑la̱ Nainá, ꞌa̱n, kꞌoa̱á ti̱sꞌín makájno‑na i̱tꞌaà tsa̱jòn nga mì kjꞌei̱í xi̱ta̱ ko̱nguítꞌaà‑là. Ta jngoó xꞌi̱n tsibìndaàjiìn‑ko̱‑nò nga siìnga̱tsja‑nò, jè Cristo. ꞌA̱n mejèn‑na nga tsjeè siìnga̱tsja‑nò Cristo koni jngoò tsòti xo̱ngó.
\v 3 Ta̱nga tsakjoòn‑ná tsà kꞌoa̱sꞌín ko̱matꞌioòn koni komàtꞌin Eva nga kiskoòna̱cha̱n‑la̱ jè ye̱, tsà ya̱ ki̱tsꞌón‑jiìn kjo̱hítsjeèn‑nò nga ki̱nchatꞌaàxìn‑lá jè kjoa̱tjòcha kixi̱ xi tjín‑nò ko̱ Cristo nga mì ti̱ tíjngoò‑ne takòn nga onguítꞌaà‑là.
\v 4 Nga biìꞌnde‑là nga kjꞌei̱í xi̱ta̱ bijchókon‑nò xi kjꞌei̱í tsò ꞌén xi okóya‑nò i̱tꞌaà tsꞌe̱ Jesús koni tsò ꞌén kixi̱ xi ji̱n bèno̱jmí‑nòje̱n, ko̱ mokjeiín‑nò nga chjoétjò jngoò ini̱ma̱ xi kjꞌei̱í xi mìtsà jè Ini̱ma̱ Tsjeè‑la̱ Nainá xi jye kichjoétjò. Ti̱koa̱, mokjeiín‑nò nga kjꞌei̱í tsò ꞌén ndaà‑la̱ Nainá xi kjoa̱ tsꞌe̱ Cristo xi béno̱jmí‑nò koni tsò xi kòkjeiín‑nò nga sa̱ ítjòn. Nga ndaà sasén‑nò nga jñà naꞌyà‑là xi̱ta̱ koi.
\v 5 ꞌA̱n, mìtsà ìsa̱ nangui tìjna̱‑la̱ jñà xi̱ta̱ xi ꞌmì‑là jñò nga ìsa̱á ꞌnga títsa̱jna‑la̱ jñà xi̱ta̱ xi tsibíxáya‑la̱ Cristo.
\v 6 ꞌA̱n, na̱sꞌín mìkiì ndaà ma‑na chjà, ni̱mé kjo̱hítsjeèn chijatꞌaà‑na xi i̱tꞌaà tsꞌe̱ ꞌén‑la̱ Nainá. Jñò, jyeé ndaà ꞌyaà, ꞌa̱n, ni̱ta̱ ñánda nga tìjna̱a, kꞌoa̱á sꞌín tsakoò‑nò.
\p
\v 7 ¿A chꞌoó kisꞌiaàn nga tsakoòya‑nò ꞌén ndaà‑la̱ Nainá nga ni̱mé kisìkíchjí‑nò? Nangui tsohóti̱jnako̱‑nò skanda kisìhi̱ma̱‑ná yijo‑na̱ mé‑ne jñò ìsa̱ ꞌnga kisìkítsa̱jna‑nò.
\v 8 Jñà xi̱ta̱ na̱xa̱ndá‑la̱ Cristo xi xìn i̱ꞌnde‑la̱ kisìchjátꞌaà‑na nga tsachrjekàjno‑la̱ to̱n mé‑ne komà kisìxáko̱‑nò nga tsibeno̱jmí‑nò ꞌén ndaà‑la̱ Nainá xi kjoa̱ tsꞌe̱ Cristo.
\v 9 Kꞌe̱ nga tsohóti̱jnako̱‑nò, ni̱yá xi kisìjti‑la̱ mé xi kichijàtꞌaà‑na. Kꞌe̱ nga mé tsojmì xi kjòchjeén‑na, jñà xi̱ta̱ ꞌndseé xi jꞌiì‑ne nangui Macedonia kitsjaà‑na. Nga majìn‑na nga chjá ko̱ma‑nò. Na̱chrjein xi fì‑ìsa, tákó kꞌoa̱á sꞌiaàn.
\v 10 Nguì ko̱ó kjoa̱kixi̱‑la̱ Cristo koni tìxan‑nò nga mì yá xi ko̱tichjoà‑na kóho̱kji nangui Acaya nga ndaà síkíjna yijo‑na̱ kjoa̱ xi tìsꞌiaàn nga mì to̱n kisìjé‑nò.
\v 11 ¿Mé‑ne kꞌoa̱ xan‑na nga chjà? ¿A koi‑né nga mìkiì matsjake̱‑nò? Tíbeè Nainá, ꞌa̱n ꞌñó matsjake̱‑nò.
\p
\v 12 Ta̱nga tákó kꞌoa̱á sꞌiaàn koni kisìko̱‑nò nga sa̱ ítjòn nga ni̱mé kisìjé‑nò mé‑ne nga mìkiì tsjaàꞌnde‑la̱ nga ki̱tso̱ jñà xi̱ta̱ xi mejèn‑la̱ nga jeya síkítsa̱jna yijo‑la̱ nga kꞌoa̱á ti̱sꞌín nchisꞌín koni ngaje̱n.
\v 13 Xi̱ta̱ koi, xi̱ta̱ ndiso‑né. Mìtsà kixi̱ kjoa̱ nga xi̱ta̱ xi jè Cristo tsibíxáya‑la̱. Ta kona̱cha̱n‑né nga síkjatjìya‑la̱ yijo‑la̱ koni tsà jè Cristo tsibíxáya‑la̱.
\v 14 Kjoa̱ koi, mìtsà kjoa̱ xi̱tse̱; ti̱jè‑ne xi̱ta̱ nei̱í síkjatjìya‑la̱ yijo‑la̱ koni jngoò àkja̱le̱‑la̱ Nainá xi ote kji.
\v 15 Mìtsà xkón tjín, xó kꞌoa̱á ko̱ma‑ne nga jñà xi̱ta̱ xi síxá‑la̱ jè xi̱ta̱ nei̱í, kꞌoa̱á sꞌín síkjatjìya‑la̱ yijo‑la̱ koni tsà xi̱ta̱ xi béno̱jmí ꞌén kixi̱‑la̱ Nainá. Xi̱ta̱ koi kꞌe̱ nga kjoe̱hetꞌaà na̱chrjein‑la̱, kꞌoa̱á sꞌín ko̱matꞌin koni sꞌín tjín kjoa̱ chꞌo xi nchisꞌín.
\s Mé kjoa̱‑ne nga jeya síkíjna yijo‑la̱ Pablo
\p
\v 16 Ìjngoò kꞌa kꞌoa̱ tìxan‑nò, kì kꞌoa̱á sꞌín nìkítsjeèn nga mìkiì ndaà tjín kjo̱hítsjeèn‑na̱. Tsà kꞌoa̱sꞌín sìkítsjeèn, tjiìꞌnde‑ná nga ꞌa̱n, kꞌoa̱ ti̱sꞌín ndaà síkíjna i̱tsé yijo‑na̱ koni sꞌín xi̱ta̱ xi iꞌnga xi mì ndaà tjín kjo̱hítsjeèn‑la̱.
\v 17 Kꞌe̱ nga ko̱sꞌín tìchjà, mìtsà kꞌoa̱sꞌín chjà koni sꞌín sasén‑la̱ Na̱ꞌèn‑ná, kꞌoa̱á sꞌín tìchjà koni jngoò xi̱ta̱ xi mì ndaà tjín kjo̱hítsjeèn‑la̱ nga ti̱ꞌa̱n ndaà síkíjna‑na yijo‑na̱.
\v 18 Koni sꞌín kjìn ma xi̱ta̱ xi ti̱jñà ndaà síkítsa̱jna‑ne yijo‑la̱ i̱tꞌaà tsꞌe̱ kjoa̱ xi sꞌín, ꞌa̱n kꞌoa̱á ti̱sꞌín mejèn‑na nga ti̱ꞌa̱n ndaà síkíjna‑na yijo‑na̱.
\v 19 Jñò, bixón‑nó nga xi̱ta̱ chji̱ne̱‑nò, ta̱nga, ¿mé‑ne biìꞌnde‑là jñà xi̱ta̱ xi mì ndaà tsò kjo̱hítsjeèn‑la̱?
\v 20 Jñò, nìkjeiín‑là xi̱ta̱ xi kjo̱ꞌñó sꞌín‑nò nga chi̱ꞌnda ꞌnè‑là, xi̱ta̱ xi ma‑la̱ síkjehejno‑nò tsojmì xi tjín‑nò, xi̱ta̱ xi jñò beètoòn‑nò, xi̱ta̱ xi ochrjekàngui‑nò, koa̱ nìkjeiín‑là xi̱ta̱ xi síjtsꞌiìn‑ꞌa i̱sén‑nò.
\v 21 Jñò, ¿kó sꞌín nìkítsjeèn? ¿A masobà‑na nga indaàkjoa̱ kinìko̱‑nòje̱n nga mì kꞌoa̱á sꞌín kinìko̱‑nòje̱n koni kisìko̱‑nò jñà xi̱ta̱ xi iꞌnga?
\p Tsà tjín iꞌnga xi ꞌñó tsꞌe̱n sꞌín nga chja̱, ꞌa̱n ti̱koa̱ tsꞌe̱én tìsꞌiaàn koni sꞌín ꞌñó tìchjàko̱‑nò. Ta̱nga ta kꞌoa̱á sꞌín tìchjà koni tsà mìkiì ndaà tjín kjo̱hítsjeèn‑na̱.
\p
\v 22 Jñà xi̱ta̱ koi, tsà kixi̱ kjoa̱ nga xi̱ta̱ hebreo‑né, ꞌa̱n, ti̱koa̱á xi̱ta̱ hebreo‑ná. Tsà xi̱ta̱ Israel‑né, ꞌa̱n, ti̱koa̱á xi̱ta̱ Israel‑ná. Tsà tje̱‑la̱ Abraham‑né, ꞌa̱n, ti̱koa̱á tje̱‑la̱ Abraham‑ná.
\v 23 ¿A chi̱ꞌnda‑la̱ Cristo‑né? ꞌA̱n, ìsa̱á ndaà síxá‑la̱ Cristo. (Kꞌe̱ nga ko̱sꞌín chjà, kꞌoa̱á ngaya‑la̱ koni jngoò xi̱ta̱ xi mìkiì ndaà tjín kjo̱hítsjeèn‑la̱.) ꞌA̱n ìsa̱á ꞌñó síxá‑la̱. Ìsa̱á ko̱ kjìn kꞌa óti̱jnaya nda̱yá, ìsa̱ ko̱ kjìn kꞌa síkiꞌon‑na̱ xi̱ta̱, ti̱koa̱ ko̱ kjìn kꞌa nga jye kjo̱meè síkꞌen‑na̱ xi̱ta̱.
\v 24 Jñà xi̱ta̱ judío, ꞌòn kꞌa kitsjaà‑na kjo̱ꞌin nga tsakajá‑na xo̱xꞌín xi sꞌe̱‑la̱ kohòyo̱ xi kaàn chrjꞌoòn ñijòn tjín‑ne nga jngoò ìjngoò kꞌa.
\v 25 \fig Ship wrecked, people making for shore -50% |64-cn02045B.tif|col|2COR 11:25 ||2COR 11:25|2CO 11.25\fig*Jàn kꞌa kitsꞌiìn‑na kjo̱ꞌin nga tsajá‑na xka̱jnchra̱ jñà xi̱ta̱; jngoò kꞌa tsibínè‑na nda̱jo̱ xi̱ta̱ nga mejèn‑la̱ si̱ìkꞌen‑na; jàn kꞌa kiskaàjiìn‑ndáko̱‑na chitso ya̱ i̱jiìn ndáchikon; jngoò na̱chrjein ko̱ jngoò ni̱tje̱n tsohóti̱jnajñaà i̱jiìn ndáchikon.
\v 26 Ni̱ta̱ ñánda nga ojmeè, ta̱ kjo̱xkón tjín kjitꞌaà‑la̱. Tjín kjo̱xkón ya̱ xa̱jngá nandá ñánda nga otoa. Tjín kjo̱xkón tsꞌe̱ xi̱ta̱ chijé. Tjín kjo̱xkón i̱tꞌaà tsꞌe̱ xi̱ta̱ xinguia̱a judío koa̱ tjín i̱tꞌaà tsꞌe̱ xi̱ta̱ xi mìtsà xi̱ta̱ judío. Tjín kjo̱xkón ya̱ i̱jiìn na̱xa̱ndá, koa̱ ya̱ i̱ꞌnde i̱tꞌaà xìn ñánda tsjìn xi̱ta̱. Tjín kjo̱xkón ya̱ i̱jiìn ndáchikon, koa̱ ya̱ i̱jiìn‑la̱ xi̱ta̱ xi tsò nga xi̱ta̱‑la̱ Cristo ma ta̱nga mìtsà kixi̱ kjoa̱.
\v 27 Kjìn jchán xá kisinè‑na xi ꞌñó tjín, sà kꞌoa̱á skanda mìkiì ójna̱fè. Kisìkjiaán kjinchrá. Sà kꞌoa̱á tsjìn‑na nandá xi ma ꞌyò, sà kꞌoa̱á skanda mìkiì tsoókje̱en, kisìkjiaán ꞌnchán nga tsjìn‑na nikje xi ójna̱kjá.
\p
\v 28 Mìtsà tà jñà kjoa̱ koi xi komàtꞌian. Tjín ìsa̱ xi kjꞌei̱í xi ìsa̱ ꞌñó tjín. Na̱chrjein nchijòn makájno‑na kjoa̱ xi tímatꞌin kóho̱tjín na̱xa̱ndá‑la̱ Cristo xi ꞌa̱n sìkinda̱.
\v 29 Tsà yá ꞌndseé xi ma indaàjiìn, ti̱koa̱á ꞌa̱n, ma indaàjiìn‑ná. Tsà yá xi mejèn‑la̱ ótsji jé‑la̱ jngoò xi̱ta̱ xi kjꞌei̱í, ꞌa̱n ma jtike̱‑ná.
\v 30 Tsà mochjeén nga ti̱ yijo‑na̱ ndaà síkíjna‑na, jè ndaà síkíjna yijo‑na̱ i̱tꞌaà tsꞌe̱ kjoa̱ xi mahindaàjñaà.
\v 31 Jè Nainá xi Na̱ꞌèn‑la̱ Jesucristo xi otíxoma‑ná, jeya kàtìjna ni̱ta̱ kjé‑ne, tíbeè‑ne nga ꞌén kixi̱í xi tìchjà.
\v 32 Kꞌe̱ nga tsohóti̱jna ján na̱xa̱ndá Damasco, jè xi̱ta̱ xi gobernador tíjna nga jè kitsjaà‑la̱ xá jè xi̱ta̱xá ítjòn xi ꞌmì Aretas, kitsjaà‑la̱ o̱kixi̱ nga kisìkinda̱ xotjoa̱‑la̱ na̱xa̱ndá nga mejèn‑la̱ tsobàꞌñó‑na.
\v 33 Ta̱nga jñà xi̱ta̱ kisìchjátꞌaà‑na nga kisìkíjnaya‑na ni̱si̱yá, i̱kjoàn ya̱ tsachrje‑na ñánda ti̱xꞌá chrjó nda̱jo̱ xi tjíndiì‑la̱ na̱xa̱ndá nga kiskinìjen‑tꞌaà‑na skanda i̱tꞌaà nangui. Kꞌoa̱á sꞌín komà‑ne nga mìkiì komà kitsobàꞌñó‑na.
\c 12
\s Pablo, kitsꞌiì jngoò‑la̱ nijñá xi kixi̱ kjoa̱
\p
\v 1 Ni̱mé xi sìkijne nga ndaà síkíjna yijo‑na̱. Ta̱nga mochjeén‑né nga kꞌoa̱ xán‑nò kjoa̱ xi tsakó‑na Nainá kꞌe̱ nga tsohóko̱‑na, jè kjoa̱ xi Nainá kisìkichi̱ya‑na.
\v 2 Beèxkon‑ná jngoò xi̱ta̱ xi fìtꞌaà‑la̱ Cristo. Tjín‑la̱ te ñijòn nó nga kiìko̱ Cristo skanda jè ngajmiì xi ma‑ne jàn [ñánda tíjna Nainá]. Mìkiì be tsà kꞌoa̱á sꞌín kiìko̱ nga yijo, a xi tà ini̱ma̱á kiìko̱. Jè Nainá tíjiìn‑la̱.
\v 3 Ta̱nga be‑ná nga jè xi̱ta̱ jè, kiì. A yijo‑né, o a tà ini̱ma̱á kiì, tà jngoò Nainá tíbeè.
\v 4 Kiì skanda ján i̱ꞌnde ñánda ndaà jchán choòn ján ngajmiì ñánda tíjna Nainá. Kiìꞌnchré ꞌén xi ꞌñó xkón tjín, xi ni̱jngoò xi̱ta̱ ko̱ma sꞌe̱no̱jmí‑la̱.
\v 5 Koni komàtꞌin xi̱ta̱ jè, jè‑né xi okꞌìn‑la̱ nga ndaà kíjna. Ta̱nga i̱tꞌaà tsꞌa̱n mìkiì okꞌìn‑na nga ꞌa̱n ndaà síkíjna yijo‑na̱. Ta̱jngoò tsà jñà kjoa̱ xi mahindaàjñaà ndaà síkíjna.
\v 6 Tsà ndaà síkíjna yijo‑na̱ [koni tjín kjoa̱ xi ꞌa̱n kìjtseè ngajmiì], mìtsà ꞌén ská beno̱jmiá, ꞌén kixi̱í chjà. Ta̱nga majìn‑na nga ndaà síkíjna yijo‑na̱ i̱tꞌaà tsꞌe̱ kjoa̱ xi kìjtseè mé‑ne nga ni̱jngoò xi̱ta̱ ìsa̱ ꞌnga si̱ìkíjna‑na ta nga̱tjì‑la̱ kjoa̱ koi. Ko̱sꞌín kàtasíkinda̱‑na kó sꞌiaàn, kó sꞌín chjà, ko̱ kó sꞌín tìsìjchá yijo‑na̱.
\p
\v 7 Mé‑ne nga mì ꞌa̱n ndaà kóti̱jna‑na i̱tꞌaà tsꞌe̱ kjoa̱ xi ꞌa̱n tsakó‑na Nainá xi jeya jchán tjín, kiskaàtꞌaà jngoò‑na chꞌin, kꞌoa̱á ngaya‑la̱ koni tsà naꞌyá nchajiìn yijo‑na̱. Jè xi̱ta̱ nei̱í kijtseètoòn‑na nga kisìkasén‑na kjo̱ꞌin.
\v 8 Ko̱ jàn kꞌa bítsiꞌba‑la̱ Na̱ꞌèn‑ná nga kàtjaàxìn‑na̱ kjo̱ꞌin jè.
\v 9 Ta̱nga jè Nainá ta̱ kꞌoa̱á tsò‑na: “Jè kjo̱ndaà‑na̱ ya̱á tíjnako̱‑lè. Ya̱á okoaà yije ngaꞌñó‑na̱ kꞌe̱ nga tsjìn‑lè ngaꞌñó.” Kꞌoa̱á ma‑ne jè kjoa̱ xi mahindaàjñaà, jè xi ndaà síkíjna‑na yijo‑na̱, mé‑ne nga jè ngaꞌñó‑la̱ Cristo kíjnako̱‑na.
\v 10 Koií kjoa̱‑la̱ matsja‑na kꞌe̱ nga ma indaàjñaà. Ti̱koa̱á matsja‑na kꞌe̱ nga chja̱ꞌon‑ko̱‑na xi̱ta̱, kꞌe̱ nga mé tsojmì xi chija‑na, kꞌe̱ nga fìtji̱ngui kondra̱‑na xi̱ta̱, kꞌe̱ nga mé kjoa̱ xi ꞌiín ma‑na síkjiaán i̱tꞌaà tsꞌe̱ Cristo. Kꞌe̱ nga ma indaàjñaà, kꞌe̱é ìsa̱ ndaà sꞌe̱‑la̱ ngaꞌñó ini̱ma̱‑na̱ [nga jè Cristo tsjá‑na].
\p
\v 11 ꞌA̱n, kꞌoa̱á sꞌín kichjà, koni sꞌín chja̱ xi̱ta̱ ꞌén xi ni̱mé chjí‑la̱. Ta̱nga jñò kiꞌnè‑ná kjo̱ꞌñó. Jñò xi tjínè‑nò nga ndaà si̱ìkíjna‑ná. Nga ꞌa̱n mìtsà ìsa̱ nangui tìjna̱‑la̱ jñà xi̱ta̱ xi ꞌmì‑là jñò nga ìsa̱ ꞌnga títsa̱jna‑la̱ jñà xi̱ta̱ xi tsibíxáya‑la̱ Cristo; na̱sꞌín ꞌa̱n nìmé chjí‑na.
\v 12 Kꞌe̱ nga tsohóti̱jnako̱‑nò kisꞌe‑na̱ kjoa̱tsejta nga tsakoò‑nò kjoa̱xkón xi okó chi̱ba̱ ko̱ xi okó kjoa̱ jeya‑la̱ Nainá ko̱ ngaꞌñó‑la̱. Kjoa̱ koi okó nga kixi̱ kjoa̱ nga ꞌa̱n‑ná xi tsibíxáya‑na Cristo.
\v 13 ¿Jñò, mé xi ìsa̱ nangui kisìkítsa̱jna‑nò koni jñà na̱xa̱ndá‑la̱ Cristo xi kjꞌei̱í? ¿A koií majti‑nò nga mì jñò kisìjti‑nò kꞌe̱ nga mé tsojmì xi kichijàtꞌaà‑na? Ti̱jchàatꞌaà‑ná nga ni̱mé kisìjé‑nò.
\s Kó kitsò Pablo nga ìjngoò kꞌa tífìkon jñà xi̱ta̱ Corinto
\p
\v 14 Jyeé tìjna̱ndaà xi ma‑ne jàn kꞌa nga kjíkon‑nò. Tákó kꞌoa̱sꞌín sꞌiaàn, mìtsà mé xi siìjé‑nò. Mìtsà koi otsjià mé tsojmì xi tjín‑nò; kjo̱ndaà tsa̱jòn xi otsjià. Nga jñà xi̱ta̱ jchínga tjínè‑la̱ nga koi̱ìtjò to̱n xi ko̱chjeén‑la̱ i̱xti, mìtsà jñà i̱xti tjínè‑la̱ nga koi̱ìtjò to̱n xi ko̱chjeén‑la̱ xi̱ta̱ jchínga.
\v 15 Matsjaá‑na nga sìkjèya yije mé xi tjín‑na, skanda tìsìkjè yijo‑na̱ kjoa̱ tsꞌe̱ ini̱ma̱‑nò. Nga ìsa̱ ndaà matsjake̱‑nò, jñò, ¿a ìsa̱á chiba matsjacha‑ná?
\p
\v 16 Kixi̱í kjoa̱, ꞌa̱n, ni̱mé tsojmì xi kisìjé‑nò. Ta̱nga tjín iꞌnga xi̱ta̱ xi tsò: “ꞌÑó maña̱ nga kona̱cha̱n‑la̱ xi̱ta̱.”
\v 17 Ta̱nga, ¿mé xi kiskoòna̱cha̱n‑nò kꞌe̱ nga kisìkasén iꞌnga‑nò xi̱ta̱?
\v 18 Tsibítsiꞌba‑la̱ Tito nga kiìkon‑nò ko̱ jè ꞌndsè xi ìjngoò. Jè Tito, ¿a kiskoòna̱cha̱án‑nò? ¿A mìtsà ngásòn ti̱koi‑ne kjo̱hítsjeèn tjaàjiìn‑je̱n, ti̱koa̱ ti̱koi‑ne ndi̱yá kixi̱ tjaàya‑je̱n?
\p
\v 19 ¿A kꞌoa̱á sꞌín nìkítsjeèn nga yijo‑naje̱n titsa̱nokjoàtji‑je̱n? Majìn, tíbeè Nainá koi ꞌén xi titsa̱nokjoà‑je̱n nga Cristo titsa̱jnako̱‑je̱n. Jñò ndí ꞌndsè xi ꞌñó matsjake̱‑nò, ngatsꞌiì kjoa̱ koi, kjo̱ndaà tsa̱jòn‑nò nga ìsa̱ tse ngaꞌñó kàtasꞌe‑nò.
\v 20 Makájno‑na tsà kꞌe̱ nga kìjchokon‑nò tsà mì kꞌoa̱á sꞌín titsa̱ꞌnè koni sꞌín mejèn‑na. Koa̱ ꞌa̱n tsà mì kꞌoa̱ sꞌín tìsꞌiaàn koni sꞌín mejèn‑nò jñò. Koií makájno‑na tsà koií na̱chrjein‑la̱ titsa̱bixkàn‑kjoò, tsà kjoa̱xìtakòn tjín‑nò, tsà kjoa̱jti tíjiìn ini̱ma̱‑nò, tsà jò tsà jàn ya titsa̱jna‑là xinguio̱o, tsà ꞌén ndiso titsa̱bìnè‑là xinguio̱o, tsà xinguio̱o titsa̱nokjoájno‑lá, tsà ꞌnga takòn titsa̱ꞌnè ko̱ tsà mìkiì ndaà titsa̱jnako̱o xinguio̱o nga jngoò ìjngoò.
\v 21 Ti̱koa̱á makájnoó‑na kꞌe̱ nga kìjchokon ìjngoò kꞌa‑nò tsà Nainá si̱ìsobà‑na nga nguixkoòn jñò. Tsà Nainá si̱ìkjindáya‑na xi kjoa̱ tsa̱jòn nga kjìn ma‑nò xi jye kjòtseé binchaàtsjioò jé nga mìkiì nìkájno jé‑nò kjoa̱ tjé xi ꞌnè ko̱ kjoa̱ chijngui xi ꞌnè ko̱ ngatsꞌiì kjoa̱ chꞌo xi ꞌnè.
\c 13
\s ꞌÉn‑la̱ Pablo xi fehetꞌaà‑ne.
\p
\v 1 Jè xi ma‑ne jàn kꞌa nga kjíkon‑nò. Kꞌoa̱á sꞌín tíchja̱ Xo̱jo̱n‑la̱ Nainá nga tsò: “Kꞌe̱ nga tsà jngoò xi̱ta̱ mejèn‑la̱ ki̱ìndaàjiìn jngoò kjoa̱, jò ko̱ tsà jàn xi̱ta̱ ko̱chjeén xi ko̱ma tsjá ꞌén nga xko̱n kijtseè‑ne kjoa̱ xi komà mé‑ne nga jcha̱‑la̱, a kixi̱í kjoa̱, o xi majìn‑né.”
\v 2 Kꞌoa̱á sꞌín jye kixan kixi̱‑nò kꞌe̱ nga ijchòkon‑nò xi ma‑ne jò kꞌa, ko̱ i̱ꞌndei̱ na̱sꞌín kjiìn tìjna̱a, kꞌoa̱á ti̱ xan ìjngoò kꞌa‑nò nga jñà xi jé tsohótsji nga sa̱ ítjòn ko̱ xi nchihótsji jé skanda i̱ꞌndei̱, mìkiì ko̱jno‑la̱ nga tsjaà‑la̱ kjo̱ꞌiín nga jngoò ìjngoò.
\v 3 ꞌA̱n, kꞌoa̱á sꞌiaàn mé‑nè nga jcha̱‑nò, a kixi̱í kjoa̱ nga ꞌa̱n síkjeén‑na Cristo nga chjàjiìn‑nò ꞌén‑la̱. Mìtsà indaàkjoa̱ Cristo; tjín‑la̱ ngaꞌñó kꞌe̱ nga síxájiìn ini̱ma̱‑nò.
\v 4 Kixi̱í kjoa̱ jè Cristo, kꞌoa̱á sꞌín kꞌen‑tꞌaà krò koni jngoò xi̱ta̱ xi tsjìn‑la̱ ngaꞌñó. Ta̱nga i̱ꞌndei̱, ngaꞌñó tsꞌe̱ Nainá tíjnakon‑ne. Ngaje̱n, kꞌoa̱á ti̱sꞌín indaàkjoa̱ titsa̱jna‑je̱n koni sꞌín komàtꞌin Cristo, ta̱nga ngaꞌñó tsꞌe̱ Nainá ki̱tsa̱jnakon‑naje̱n koni Cristo mé‑ne nga ko̱ma si̱xá‑nòje̱n.
\p
\v 5 Jñò, chítꞌaà ini̱ma̱‑nò, tsà kixi̱í kjoa̱ nga ndaà mokjeiín‑nò i̱tꞌaà tsꞌe̱ Nainá. Ndaà chítꞌaà ini̱ma̱‑nò xi ti̱jñò‑nò. ¿A mìtsà tíjiìn‑nò nga Cristo tíjnajiìn ini̱ma̱‑nò? Ta̱ jngoò‑la tsà mìkiì tsatojioòn koni sꞌín kichìtꞌaà‑nò.
\v 6 Ta̱nga ꞌa̱n, majngoò takoàn nga jcha̱á i̱tꞌaà tsa̱je̱n, ngaje̱n tsatojiìn yije‑náje̱n koni sꞌín kichìtꞌaà‑naje̱n.
\v 7 Koií kjoa̱‑la̱ bítsiꞌba‑la̱je̱n Nainá nga ni̱mé jé ki̱nchátsjioò. Ta̱nga mìtsà koi‑ne nga jcha̱‑naje̱n nga ndaà bitjo‑je̱n kꞌe̱ nga chìtꞌaà‑naje̱n. Jè‑né nga si̱kitasòn jñò kjoa̱ xi ndaà tjín, na̱sꞌín kꞌoa̱sꞌín kàtaꞌya‑la̱ i̱tꞌaà tsa̱je̱n koni tsà mìkiì chíkjoa̱‑naje̱n kjoa̱ xi otojiìn‑je̱n.
\v 8 Mìkiì ko̱ma kondra̱ ki̱tsa̱jna‑la̱je̱n xi̱ta̱ xi síkitasòn kjoa̱kixi̱‑la̱ Nainá. Ta̱ sa̱á kꞌoi̱‑la̱je̱n ngaꞌñó.
\v 9 Matsja‑naje̱n kꞌe̱ nga jñò tjín‑nò ngaꞌñó, na̱sꞌín ngaje̱n ma indaàjiìn‑je̱n. Kꞌoa̱á ma‑ne nga bìtsiꞌbà‑la̱je̱n Nainá, mé‑ne jñò ni̱mé kjo̱hítsjeèn chijatꞌaà‑nò.
\v 10 Tìkjiì‑nò xo̱jo̱n jè kꞌe̱ nga tákó kjiìn tìjna̱a‑ìsa, mé‑ne kꞌe̱ nga kìjchokon‑nò mì ti̱ kꞌoa̱á sꞌín ꞌñó kichjàko̱‑nò koni sꞌín tjín kjo̱tíxoma xi kitsjaà‑na Nainá. Nga Nainá mìtsà koi xá kitsjaà‑na kjo̱tíxoma nga ꞌa̱n síkitsꞌón‑jiìn‑nò, jè‑né nga ìsa̱ kixi̱ ki̱tsa̱jnako̱o ꞌén xi mokjeiín‑nò.
\s Kó kitsò Pablo nga síhixatꞌaà xi̱ta̱ Corinto
\p
\v 11 Ndí ꞌndsè ko̱ tichjaá, jè xi fehetꞌaà‑ne, tsja tꞌè‑là ini̱ma̱‑nò; kixi̱ ti̱tsa̱jna; ti̱jetakòn xinguio̱o; tà jngoò kjo̱hítsjeèn kàtasꞌe‑nò, ꞌnchán ti̱tsa̱jnako̱o xinguio̱o. Nainá xi tjín‑la̱ kjoa̱ ꞌnchán ko̱ xi tjín‑la̱ kjoa̱tjòcha kàtìjnako̱‑nò.
\v 12 Nga nguì ko̱ó ini̱ma̱‑nò ti̱ixatꞌaà xinguio̱o nga jngoò ìjngoò.
\v 13 Ngatsꞌiì xi̱ta̱‑la̱ Nainá xi i̱ títsa̱jnako̱‑na síhixatꞌaà‑nò.
\p
\v 14 Jè kjo̱ndaà‑la̱ Jesucristo xi otíxoma‑ná, ko̱ kjoa̱tjòcha‑la̱ Nainá, ko̱ Ini̱ma̱ Tsjeè‑la̱ Nainá kàtìjnako̱‑nò ngatsꞌioò. Kꞌoa̱á sꞌín kàtama.