\id EPH
\h Efesios
\toc1 Efesios
\mt Xa̱jo̱n ra tsikínda jè Pablo ra isìkasén‑la̱ xi̱ta̱ na̱xi̱ndá‑la̱ Cristo ra títsa̱jna ya̱ Éfeso
\c 1
\s Kóꞌsín nga síhixoꞌta Pablo jñà xi̱ta̱ Éfeso
\p
\v 1 Jiòn, xi̱ta̱‑la̱ Nainá ra titsa̱jna ya̱ na̱xi̱ndá Éfeso ra ko̱ꞌsín kixi̱ mangíꞌta‑la Cristo Jesús, ꞌkoa̱á ꞌsín tísixóꞌtà‑no ꞌa̱n Pablo ra ko̱ꞌsín tsikíxáya‑na Jesucristo koni ꞌsín nga jè Nainá kjomejèn‑la̱.
\v 2 Nainá ra Na̱ꞌín‑ná ma ko̱ jè Jesucristo ra tíjna ítjòn‑ná katatsjá‑no kjo̱nda ko̱ kjo̱ꞌnchán ya̱ a̱jin inìma̱‑no.
\s Kóꞌsín síchikonꞌtin‑ná Nainá ꞌkia̱ nga ya̱ titsa̱jnake̱é jè Cristo
\p
\v 3 Jeya katijna Nainá ra Na̱ꞌìn‑la̱ Jesucristo ra tíjna ítjòn‑ná nga ko̱ꞌsín isìchikonꞌtin‑ná nga kitsjá‑ná ngaꞌtsì kjo̱nda ra ꞌtse̱ inìma̱‑ná ra ya̱ inchrabà‑ni ya̱ ján ngajmi ta nga̱tjì‑la̱ nga ya̱ titsa̱jnake̱é Cristo.
\v 4 Nga̱ ꞌkoa̱á ꞌsín ta̱ña jahájin‑ná ko̱ Cristo ꞌkia̱ nga ti̱kjè sinda i̱sàꞌnde, mé‑ni nga xi̱ta̱ tsje ka̱meé ra a̱ꞌta ꞌtse̱ ko̱ ni̱mé jé ꞌse̱‑ná ya̱ ngixko̱n ra jè.
\v 5 Ngi ta ko̱ó kjo̱tsjacha‑la̱ nga ko̱ꞌsín kiskosòn‑la̱ nga ti̱ꞌsa̱‑ni nga iskábétjò‑ná nga i̱xti‑la̱ tsó‑ná ra a̱ꞌta ꞌtse̱ Jesucristo, koni ꞌsín nga jè kisasèn‑la̱ ko̱ nga kjomejèn‑la̱ nga ko̱ꞌsín kiꞌsìn,
\v 6 mé‑ni nga ko̱ꞌsín jeya si̱kíjneé Nainá ta nga̱tjì‑la̱ nga batoó tse kjo̱nda kitsjà kjo̱tjò‑ná nga ya̱ titsa̱jnake̱é Iꞌndí‑la̱ ra ꞌñó tsjake.
\v 7‑8 Ko̱ ꞌkia̱ nga ya̱ titsa̱jnake̱é ra jè, jè jní ra tsikíxten, tsikíchjítjì‑ná nga ma isíkítsa̱jnandi̱í‑ná ko̱ nga kisìhijchaàꞌta‑ná jé‑ná, koni ꞌsín nga ijye batoó tse tjín‑ni kjo̱nda ra tsjá kjo̱tjò‑ná ꞌkia̱ nga tsjá‑ná kjoa̱chji̱ne̱ ko̱ kjo̱bítsjen ra tjín‑la̱.
\v 9 ꞌKoa̱á ꞌsín tsakón‑ná kjoa̱ ra tjíꞌma‑la̱ koni ꞌsín kjomejèn‑la̱ ra jè, nga ꞌkoa̱á ꞌsín ijye iskosòn‑la̱ nga ko̱ꞌsín ki̱tjasòn koni ꞌsín ijye tjínda‑la̱,
\v 10 nga si̱ìjngo ijye‑ni ngaꞌtsì tsajmì ra tjín ya̱ ján ngajmi ko̱ i̱ a̱ꞌta nangi nga jè Cristo ko̱tèxoma‑la̱ ꞌkia̱ nga ki̱jchò ni̱chjin.
\p
\v 11 Kií‑ní nga ya̱ ta̱ña titsa̱jnako̱‑ji̱n Cristo nga ko̱ꞌsín jahájin‑naji̱n Nainá nga ti̱ꞌsa̱ kjotseé, ji̱n ra xi̱ta̱ judío ꞌmì‑naji̱n, mé‑ni nga ti̱ꞌkoa̱ tjábé‑naji̱n kjo̱tjò ra jè tjábé‑la̱ koni ꞌsín nga ijye kiskosòn‑la̱ jè Nainá ra ko̱ꞌsín ꞌsín ijye, koni ꞌsín nga jè mejèn‑la̱.
\v 12 Kií ko̱ꞌsín kiꞌsìn‑ni mé‑ni nga a̱ꞌta tsa̱ji̱n jeya kíjna‑ni ra jè, ngaji̱n ra kjokjiín ítjòn‑naji̱n a̱ꞌta ꞌtse̱ Cristo.
\p
\v 13 Ti̱ꞌkoa̱á jiòn, ꞌkia̱ nga ijye ya̱ titsa̱jnako̱‑te nga ijye kinaꞌyá ꞌén‑la̱ ra kixi̱ tjín, jè ꞌén xi̱tse̱ ra nda tsò ra ijye tsachrjekàjin‑no jé‑no ko̱ ꞌkia̱ nga ijye kjokjiín‑no a̱ꞌta ꞌtse̱, jè Nainá kitsjà‑no Inìma̱ Tsje‑la̱ koni ꞌsín ijye kitsjà ꞌén‑la̱; ko̱ jè ma koni jngo chi̱ba̱ ra bakón nga ijye ya̱ nakjoá‑no a̱ꞌta ꞌtse̱ Nainá.
\v 14 Jè Inìma̱ Tsje‑la̱ tje̱n kitsjà ítjòn‑ná mé‑ni nga ko̱ꞌsín kíjngo‑lá takén nga tjábé‑ná kjo̱tjò ra ijye jè Nainá ko̱ꞌsín kitsjà ꞌén‑la̱ nga tsjá‑ná jè ni̱chjin ꞌkia̱ nga jè Nainá jngó kjá si̱ìkítsa̱hijyondi̱í tsje‑ná jién ra na̱xi̱ndá‑la̱ tsó‑ná, mé‑ni nga jè, jeya kíjna‑ni.
\s Kóꞌsín bítsaꞌba jè Pablo a̱ꞌta ꞌtse̱ jñà xi̱ta̱ ra ijye makjiín‑la̱
\p
\v 15 ꞌKoa̱á ma‑ni, ra ꞌa̱n, skanda ꞌkia̱‑ni nga kíꞌnchree̱ nga ꞌñó nda makjiín‑najiòn a̱ꞌta ꞌtse̱ Jesús ra tíjna ítjòn‑ná ko̱ nga ꞌñó tsjacha jiòn jñà ra xi̱ta̱‑la̱ Nainá,
\v 16 kjiꞌtà ni̱chjin chjàꞌtà‑la̱ Nainá ra a̱ꞌta tsa̱jiòn nga tse kjo̱nda kataꞌse‑la̱ ra jè; ꞌkia̱ nga bitsáꞌba‑la̱ Nainá, síjéꞌtá‑te‑la̱ ra kjo̱nda tsa̱jiòn,
\v 17 mé‑ni nga jè Na̱ꞌín‑ná ra ꞌñó jeya tíjna, jè ra Nainá‑la̱ Jesucristo ra tíjna ítjòn‑ná, jè katatsjá‑najiòn jè Inìma̱ Tsje‑la̱ mé‑ni nga katasakó‑no kjo̱chji̱ne̱ ko̱ katasíchi̱ya‑no kjoa̱ ra jè tjíꞌma‑la̱ mé‑ni nga isa̱ nda jcha̱a‑isa‑no kóꞌsín síxá jè Nainá.
\v 18 ꞌKoa̱á ꞌsín síjéꞌta‑te‑la̱ ꞌa̱n Nainá nga katasíhisen‑la̱ jè kjo̱bítsjen‑najiòn mé‑ni nga jcha̱a‑no kóꞌsín tjín jñà kjoa̱nda ra chiñá‑la, jiòn ra ijye xá ko̱ꞌsín kiìchja̱‑no. Ti̱ꞌkoa̱á síjéꞌta‑te‑la̱ mé‑ni nga jcha̱‑nájiòn nga batoó nda, ko̱ batoó tse kjoa̱nichikonꞌtin tsjá kjo̱tjò‑la̱ jñà xi̱ta̱‑la̱.
\v 19 Ti̱ꞌkoa̱á jcha̱‑najiòn nga batoó tse jè ngaꞌñó ra tjín‑la̱, jè ra síchjeén ya̱ a̱ꞌta tsa̱jién ra ko̱ꞌsín makjiín‑ná. Ko̱ ti̱jé‑ni ngaꞌñó ra kìi̱
\v 20 ra isìkjeén ꞌkia̱ nga isikjaáya‑la̱ Cristo ya̱ a̱jin‑la̱ miꞌken ko̱ ꞌkia̱ nga tsikíjna ya̱ nga kixi̱‑la̱ ñánda̱ nga jè bakèn‑la̱ nga kíjna ya̱ ján ngajmi.
\v 21 Jè isíkíjna ítjòn‑la̱ ngaꞌtsì ngaꞌñó ra ꞌcho tjín ko̱ ra nda tjín i̱ i̱sàꞌnde, ko̱ ngaꞌtsì ngaꞌñó ra tjín‑la̱ jñà ra batéxoma i̱ i̱sàꞌnde ko̱ jñà ra batéxoma ya̱ a̱jin i̱sén iꞌngaá. Jè tíjna ítjòn‑la̱ ngaꞌtsì ngaꞌñó ra tjín‑isa i̱ i̱sàꞌnde ko̱ jè ngaꞌñó ra ꞌse̱‑la̱ jè i̱sàꞌnde ra ꞌsa̱ nchrabá.
\v 22 Nainá, jè Cristo isìnga̱tsja ijye ngaꞌtsì tsajmì ra tjín mé‑ni nga jè katatéxoma‑la̱; ko̱ ti̱jé‑ni Cristo nga batéxoma‑la̱ ngaꞌtsì tsajmì ra tjín; ti̱ꞌkoa̱á jè ko̱nga̱tsja na̱xi̱ndá‑la̱ Cristo nga jè katatéxoma‑te‑la̱
\v 23 jè na̱xi̱ndá ra ti̱jè‑ni ijo‑la̱; ko̱ ya̱á majngoko̱; nga̱ jè Cristo síjngo ijye‑ni.
\c 2
\s Kóꞌsín nga ta kjo̱tjò síjchaàꞌtá‑ná jé‑ná Nainá
\p
\v 1 Nga ti̱ꞌsa̱ kjotseé, kjiín titsa̱hijyo jiòn ra a̱ꞌta ꞌtse̱ Nainá, ꞌkoa̱á ngoya‑la̱ koni tsa ijye ꞌken jiòn, ta nga̱tjì‑la̱ jñà jé ko̱ jñà kjoa̱ꞌcho ra kiꞌnià.
\v 2 Ko̱ jñà inìhitjasòn‑la jiòn koni ꞌsín tjín kjoa̱ ra ꞌsín jñà xi̱ta̱ i̱sàꞌnde ra̱kìi̱; ꞌkoa̱á ꞌsín kiꞌnià jiòn koni ꞌsín mejèn‑la̱ jè ngaꞌñó‑la̱ ni̱í ra batéxoma ya̱ a̱jin i̱sén, ra ti̱jñà‑ni inìma̱ ꞌcho‑la̱ ni̱í ra batéxomajin ya̱ inìma̱‑la̱ xi̱ta̱ ra mì kì ma‑la̱ síhitjasòn‑la̱ Nainá.
\v 3 Ti̱ꞌkoa̱á ngaꞌtsì‑ná, ya̱á tsikitsa̱jieén jñà ni̱chjin ra ijye tsato, nga ko̱ꞌsín kiꞌnié koni ꞌsín nga nda isasèn‑la̱ ijo‑ná; ꞌkoa̱á ꞌsín kinitjasén koni ꞌsín tjín kjoa̱ ra mejèn‑ná ra jién, ko̱ koni ꞌsín nga kitsó‑ná jè kjo̱bítsjen‑ná. Ta nga̱tjì‑la̱ ngaꞌtsì kjoa̱ kìi̱, bakén‑ná nga ngásòn tsjáhiꞌin‑ná Nainá tsiki koni jñà xi̱ta̱ ra iꞌka.
\v 4 Tanga jè Nainá, ꞌñó tse kjo̱hi̱ma̱takòn tjín‑la̱ nga ngi ko̱ó ngaꞌñó ꞌtse̱ kjo̱tsjacha‑la̱ kjotsjake‑ná.
\v 5 Nga ti̱ꞌsa̱ kjotseé, kjiín tsikitsa̱jna‑lá Nainá ta nga̱tjì‑la̱ jñà jé‑ná, ꞌkoa̱á ngoya‑la̱ koni tsa ijyeé ꞌkeén. Tanga jè Nainá kisíkítsa̱jnakon‑ko̱‑ná ko̱ Cristo; (ko̱ ngi ta kjo̱nda ꞌtse̱ Nainá‑ní nga ítjo̱kajin jiòn kjo̱hiꞌin).
\v 6 Nainá ta̱ñaá isikjaáya ko̱‑ná ko̱ Cristo, ko̱ ya̱á ta̱ña isíkítsa̱jnakjo ko̱‑ná ya̱ ján ngajmi.
\v 7 Kií ko̱ꞌsín kiꞌsìn‑ni mé‑ni nga ko̱kòn‑ni ni̱chjin ra ꞌsa̱ nchrabá‑isa kóꞌsín ꞌñó tse chjí‑la̱ jè kjo̱nda‑la̱ ra kitsjá‑ná koni ꞌsín kjòhi̱ma̱ke‑ná nga ya̱ titsa̱jnake̱é Cristo.
\v 8 Nga̱ ta kjo̱tjó‑ní nga ma ítjo̱kajin jiòn kjo̱hiꞌin ra ꞌtse̱ jé‑no, ta kií‑ní nga kjokjiín‑najiòn; mì tsa a̱ꞌta tsa̱jiòn inchrabà‑ni kjoa̱ kìi̱, jé Nainá kitsjà kjo̱tjò‑no kjo̱nda ra̱kìi̱.
\v 9 Mì tsa ki‑ni mé kjoa̱ ra nda kiꞌnià jiòn. ꞌKoa̱á ma‑ni nga mì kì ko̱ma yá ra ꞌnga si̱ìkíjna ijo‑la̱.
\v 10 Nga̱ jién, xi̱ta̱ xi̱tse̱é kiꞌsín‑ná Nainá nga ya̱ titsa̱jnake̱é Cristo Jesús; kií xá tsikínda‑ná mé‑ni nga jñà ꞌsia̱n‑ná ngaꞌtsì kjoa̱ ra nda tjín, jñà kjoa̱ ra ijye ko̱ꞌsín ti̱ngi tsikíhijyondá‑ni Nainá nga si̱hitjasén.
\s Kjo̱ꞌnchán ra tjín‑ná nga Cristo titsa̱jnake̱é
\p
\v 11 ꞌKoa̱á ma‑ni jiòn ra mì tsa a̱ꞌta ꞌtse̱ xi̱ta̱ judío inchrabà‑ni tje̱‑no, chja̱jnoó‑no xi̱ta̱ judío ra tjíꞌta chi̱ba̱ ijo‑la̱ nga tsò: “Mì tsa mé chjí‑no nga mì tsa tjíꞌta chi̱ba̱ ijo‑no kjoa̱ ꞌtse̱ circuncisión.” Tanga ta tsja xi̱ta̱á kisiꞌta chi̱ba̱‑ni ijo‑la̱ xi̱ta̱ kìi̱.
\v 12 Ti̱kítsjen jè ni̱chjin ra tsato nga mì tsa ya̱ titsa̱jnako̱o jè Cristo, ko̱ mì tsa ya̱ nakjoá‑najiòn a̱ꞌta ꞌtse̱ na̱xi̱ndá Israel, ko̱ mì tsa ya̱ bako̱‑no jñà kjoa̱ ra Nainá ko̱ꞌsín tsikíndajín‑ko̱ xi̱ta̱ Israel ꞌkia̱ nga kitsjà‑la̱ ꞌén‑la̱, ko̱ ni̱mé kjo̱nda i̱nchichiñá‑la jiòn ko̱ mì kì ꞌyaxkon Nainá jñà ni̱chjin kiòo̱.
\v 13 Tanga ꞌndi̱‑ni̱ nga ya̱ titsa̱jnako̱o Cristo Jesús, jé Nainá ko̱ꞌsín isichraña‑najiòn ta nga̱tjì‑la̱ jní ra tsikíxten Cristo, jiòn ra kjiín titsa̱jna‑la Nainá nga ti̱ꞌsa̱ kjotseé.
\v 14 Nga̱ jé Cristo kisíkítsa̱jna ꞌnchán‑ná. Jè, jngo na̱xi̱ndá kiꞌsìn‑ni jñà ra xi̱ta̱ judío ko̱ ra mì tsa xi̱ta̱ judío nga tsjahíxìn jè kjoa̱ ra batéchjá‑ná koni tsa jngo chrjó ra síjnaya masen‑ná tsiki nga mì nda chibé; ko̱ jè tsjahíxìn kjo̱si ra tjín‑ná tsiki ꞌkia̱ nga kitsjà ijo‑la̱ nga ꞌken ya̱ a̱ꞌta krò.
\v 15 Ti̱ꞌkoa̱ tsjahíxìn jñà kjoa̱ ra síjé jè kjo̱téxoma ra itjábé‑la̱ Moisés. Kií ko̱ꞌsín kiꞌsìn‑ni mé‑ni nga jñà xi̱ta̱‑la̱ ra ngajò na̱xi̱ndá, jngoó jtín ꞌsi̱in‑ni ra ngi xi̱ta̱ xi̱tse̱, ꞌkoa̱á ma‑ni nga ꞌjiìkó kjo̱ꞌnchán.
\v 16 ꞌKia̱ nga ꞌken ya̱ a̱ꞌta krò jè Cristo, jé nda isijo̱ókjo‑ni ko̱ Nainá ta ngajò na̱xi̱ndá kìi̱ nga isìjngo‑ni; ya̱á isìꞌken ngaꞌtsì ra kjoa̱ kondra̱ ꞌmì.
\p
\v 17 Jiòn ra kjin titsa̱jna‑la Nainá nga ti̱ꞌsa̱ ítjòn, ko̱ ji̱n ra chraña titsa̱hijyo‑la̱ji̱n Nainá, jè Cristo ꞌji ꞌkéna̱jmíya‑ná ꞌén nda‑la̱ Nainá ra tji̱ko̱ kjo̱ꞌnchán.
\v 18 Nga̱ ta a̱ꞌta ꞌtse̱‑ní nga tjíꞌnde‑la̱ nga ma koa̱àko̱na̱jmí‑ni Nainá jñà xi̱ta̱ judío ko̱ ra mì tsa xi̱ta̱ judío nga ta jngoó Inìma̱ Tsje‑la̱ Nainá i̱nchisíxájin inìma̱‑la̱.
\v 19 ꞌKoa̱á ma‑ni, jiòn ra mì tsa xi̱ta̱ judío, ꞌndi̱‑ni̱, mì tsa ti̱ xi̱ta̱ xìn nangi‑najiòn; ngásón ya̱ ta̱jngo nakjoá‑no ya̱ na̱xi̱ndá‑la̱ Nainá, ko̱ ijyeé ꞌndsè chiba ko̱ ngaꞌtsì xi̱ta̱‑la̱ Nainá.
\v 20 Jiòn, ꞌkoa̱á jngoya‑la̱ koni jngo niꞌya ra tísindasòn jè chrjó ra ta̱ꞌkoa̱ ijye tíjna. Jè chrjó ra̱kìi̱, jñá xi̱ta̱ ra tsikíxáya‑la̱ Cristo ko̱ jñá xi̱ta̱ ra kiìchja̱ ngajo‑la̱ Nainá. Ko̱ jé Cristo tíjna koni na̱jo̱ ngàchrja̱ngi̱‑la̱ chrjó niꞌya ra̱kìi̱.
\v 21 Nga ko̱ Cristo, kóhoꞌki niꞌya, nda kjón‑ní tísíꞌñóya nga tímihijin skanda nga ko̱jngo tíjngo nga jngo niꞌya tsje‑la̱ Nainá ko̱ma.
\v 22 Ta nga̱tjì‑la̱ nga ya̱ titsa̱jnako̱o jiòn Cristo, ti̱ꞌkoa̱á ya̱á majngoko̱o jiòn jè niꞌya ra̱kìi̱ ñánda̱ nga jè Nainá tíjna nga Inìma̱ Tsje.
\c 3
\s Xá‑la̱ Pablo a̱ꞌta ꞌtse̱ jñà ra mì tsa xi̱ta̱ judío
\p
\v 1 ꞌKoa̱á ma‑ni, [tíbitsáꞌba‑la̱ Nainá] ꞌa̱n ra ꞌmì‑na Pablo, ra nda̱yá tíjna̱ꞌya ta nga̱tjì‑la̱ Cristo nga ꞌa̱n kisìkasén‑na nga kichjàya‑no ꞌén nda‑la̱, jiòn ra mì tsa xi̱ta̱ judío ꞌmì‑no.
\v 2 Nga̱ ijyeé‑la tjíjin‑najiòn kóꞌsín tjín kjo̱nda ra kitsjà kjo̱tjò‑na Nainá nga ꞌa̱n kisìnga̱tsja‑na xá ra kìi̱ ra kjo̱nda tsa̱jiòn.
\v 3 Nga jè Nainá tsakón tsijen‑na jè kjoa̱ ra tjíꞌma‑la̱ tsiki, koni ꞌsín nga ítsiꞌkena̱jmí chiba‑no ꞌkia̱ nga a̱sa ítsikindá‑no xa̱jo̱n.
\v 4 ꞌKia̱ nga chjítáꞌyá jiòn jè xa̱jo̱n ra ítsikindá‑no, ya̱á ko̱chi̱ya‑no nga ijyeé nda fìya‑naa̱ kjoa̱ꞌma‑la̱ Nainá ra jè Cristo tsakón tsijen.
\v 5 Skanda kjotseé jè kjoa̱ꞌma ra̱kìi̱, mì kì yá ra kijtse; tanga ꞌndi̱ ꞌndi̱ jè Inìma̱ Tsje‑la̱ Nainá ijyeé tsakón‑la̱ jñà xi̱ta̱ ra xá jahíjin‑ni nga tsikíxáya‑la̱ Jesucristo ko̱ nga kiìchja̱ ngajo‑la̱.
\v 6 Jè kjoa̱ꞌma ra̱kìi̱, ki̱íꞌsín tjín: jñà ra mì tsa xi̱ta̱ judío, ꞌkia̱ nga makjiín‑la̱ ꞌén xi̱tse̱ ra nda tsò a̱ꞌta ꞌtse̱ Cristo, ti̱ꞌkoa̱á ngásón tjábé‑te‑la̱ jè kjo̱tjò ra tjábé‑la̱ xi̱ta̱ judío nga ngásón i̱xti‑la̱ Nainá ma; nga ta̱ jngoó ijo ka̱ma‑ni jñà xi̱ta̱ kìi̱; ko̱ ti̱ꞌkoa̱á ngásón tjábé‑te‑la̱ kjo̱nda koni ꞌsín nga ijye kitsjà tsaꞌba Nainá ra a̱ꞌta ꞌtse̱ xi̱ta̱ judío.
\p
\v 7 Nga̱ ta kjo̱nda ꞌtse̱ Nainá‑ní nga ko̱ꞌsín chi̱ꞌnda‑la̱ kitsò‑na nga ꞌa̱n ꞌkenájmíya ꞌén nda‑la̱; ko̱ jè xá ra̱kìi̱, ꞌkia̱á itjábé kjo̱tjò‑na, ꞌkia̱ nga ꞌji kánè‑na jè ngaꞌñó‑la̱ Nainá.
\v 8 ꞌA̱n, ni̱ꞌsín isa̱ ta nangi tíjna̱ koni jñà xi̱ta̱ tsje‑la̱ Nainá ra iꞌka; tanga ꞌa̱án kiꞌtsì‑na jè kjo̱nda ra̱kìi̱ nga ꞌa̱n ꞌkenájmíya‑la̱ ꞌén nda‑la̱ Nainá ngaꞌtsì jñà ra mì tsa xi̱ta̱ judío, nga kóꞌki tse kjo̱nda tjín ra a̱ꞌta ꞌtse̱ Cristo, ra skanda mí bijchótji̱ngi‑la̱ kjo̱bítsjen‑ná.
\v 9 Ti̱ꞌkoa̱á kitsjá xá‑te‑na nga ꞌa̱n kokon tsijen‑la̱ ngaꞌtsì xi̱ta̱ kóꞌsín tjín jè kjoa̱ꞌma‑la̱. Nga̱ jè Nainá ra tsikínda ngaꞌtsì tsajmì ra tjín, jè tsikíꞌma kjoa̱ kìi̱ skanda ꞌkia̱ nga ti̱ꞌsa̱‑ni.
\v 10 Kií ko̱ꞌsín kjamà‑ni mé‑ni nga a̱ꞌta ꞌtse̱ na̱xi̱ndá‑la̱ Cristo katabe‑ni ngaꞌtsì ngaꞌñó ra tjín a̱ꞌta nangi ko̱ ra tjín ya̱ a̱jin i̱sén iꞌngaá, kóꞌsín nga kjín sko̱ya tjín‑ni kóꞌsín nga bakón kjoa̱chji̱ne̱‑la̱ Nainá,
\v 11 koni ꞌsín nga ta̱ꞌkoa̱ ijye tjínda‑la̱ skanda nga ti̱ꞌsa̱‑ni tjàꞌtsin‑la̱ kjoa̱ nga ya̱ ki̱tjasòn a̱ꞌta ꞌtse̱ Cristo ra tíjna ítjòn‑ná.
\v 12 ꞌNdi̱‑ni̱ nga ya̱ titsa̱jnake̱é Cristo, tjíꞌnde‑ná nga ma jchi̱ko̱na̱jmié Nainá; ko̱ mì kì tsa ki̱skén, nga̱ ijyeé tíjngo takén koni ꞌsín nga makjiín‑ná ra a̱ꞌta ꞌtse̱.
\v 13 ꞌKoa̱á ma‑ni nga ko̱ꞌsín síjé‑najiòn nga kì tà chjàn nihinda‑la takòn a̱ꞌta ꞌtse̱ kjo̱hiꞌin ra tísikjiáa̱n ra ta kjo̱nda tsa̱jiòn‑jiòn. Nga̱ jñà kjoa̱ ra ꞌa̱n tíbatojiàa̱n, jiòn nda ki̱tsa̱jna‑najiòn.
\s Kóꞌsín tjín jè kjoa̱tsjacha ra ꞌñó tse kjoa̱chji̱ne̱ tsjá‑ná
\p
\v 14 Ta nga̱tjì‑la̱ ngaꞌtsì kjoa̱ kìi̱ tíbasen‑ná xkó‑na̱ ya̱ ngixko̱n Nainá ra Na̱ꞌín‑ná, nga tíbitsáꞌba‑la̱.
\v 15 Nga̱ a̱ꞌta ꞌtse̱é nchrabá‑ni nga tjín ra na̱ꞌìn ko̱ tjín ra i̱xti, koni jñà ra tjíhijyo ján ngajmi ko̱ ra tjíhijyo i̱ a̱ꞌta nangi.
\v 16 Kií ko̱ꞌsín tísíjéꞌta‑la̱ jè Nainá, mé‑ni nga ko̱ó Inìma̱ Tsje‑la̱ katatsjá‑la̱ ngaꞌñó jè inìma̱‑no koni ꞌsín tjín jè kjoa̱nda‑la̱ ra bato ꞌñó jeya tíjna,
\v 17 ko̱ jè Cristo ya̱ katijnajin ya̱ inìma̱‑najiòn ta nga̱tjì‑la̱ nga makjiín‑no ra a̱ꞌta ꞌtse̱; ko̱ jè kjo̱tsjacha ra tjín‑no, ꞌñó na̱nga̱ katafì koni kja̱ma̱‑la̱ yá ko̱ koni tsa jngo tjàꞌtsin chrjó niꞌya.
\v 18 ꞌKoa̱á ꞌsín ko̱ma‑ni nga nda ko̱chi̱ya‑no ko̱ ngaꞌtsì xi̱ta̱‑la̱ Nainá kóꞌki tse tjín‑ni kjo̱tsjacha ra tjín‑la̱ Cristo, kóꞌki teyá, kóꞌki ndajò, kóꞌki na̱nga̱, ko̱ kóꞌki ꞌnga;
\v 19 ko̱ katamachi̱ya‑no jè kjoa̱tsjacha ra tjín‑la̱ Cristo jè ra batonè tsje‑la̱ ngaꞌtsì kjo̱bítsjen ra tjín mé‑ni nga ni̱mé ra jchi̱jaꞌta‑no koni ꞌsín nga jè Nainá, ni̱mé ra jchi̱jaꞌta‑la̱.
\p
\v 20 Nainá tjín‑la̱ ngaꞌñó nga ma ꞌsi̱in kjoa̱ ra isa̱ ta ꞌñó chjá tjín koni jñà ra níjé‑lá ko̱ koni jñà ra jién níkítsjeén. Jé ngaꞌñó‑la̱ ra síxá ya̱ a̱jin inìma̱‑ná ra ko̱ꞌsín ꞌsín.
\v 21 ¡Jeya katijna Nainá ya̱ a̱jin na̱xi̱ndá‑la̱ ko̱ a̱ꞌta ꞌtse̱ Cristo! ꞌKoa̱á ꞌsín katama skanda ta mé ni̱chjin‑nioo̱ ko̱ skanda ta mé nó‑ni.
\c 4
\s Jè Inìma̱ Tsje‑la̱ Nainá ra síkítsa̱jnajtín‑ná
\p
\v 1 ꞌKoa̱á ma‑ni bitsáꞌba‑najiòn, ꞌa̱n ra nda̱yá tíjna̱ꞌya ra ta nga̱tjì ꞌtse̱ Na̱ꞌín‑ná, ko̱ꞌsín nda ꞌtia̱àn koni ꞌsín nga bakèn‑la̱ jè kjoa̱ ra xá inakjoá‑no.
\v 2 Kì xi̱ta̱ ꞌnga ikon ꞌnià, indakjoa̱ ꞌtia̱àn; kataꞌse‑no kjoa̱jetakòn; ngi tà ko̱ó kjo̱tsjacha‑no nga katachíkjoa̱ko̱‑no xàngio̱o.
\v 3 Tinè‑la ijo‑no nga ko̱ꞌsín ti̱tsa̱jna kiꞌta koni ꞌsín ijye tsikítsa̱jtín‑no jè Inìma̱ Tsje‑la̱ Nainá, mé‑ni nga ko̱ꞌsín ꞌnchán ki̱tsa̱jna‑no.
\v 4 Nga̱ ta jngoó ijoó ma‑ná jién ra makjiín‑ná, ko̱ ta jngoó‑ni Inìma̱ Tsje ra tjín‑ná; ko̱ jè Nainá, ꞌkoa̱á ꞌsín kiìchja̱‑ná nga ta jngoó kjoa̱ chiñá‑lá.
\v 5 Ta jngoó‑ni jè Na̱ꞌín‑ná ra tíjna ítjòn‑ná; ta jngoó kjoa̱ tjín‑ni ra makjiín‑ná, ko̱ ta ngásòn isatíndé ngaꞌtsì‑ná,
\v 6 ko̱ ta jngo‑ni ra Nainá jè ra Na̱ꞌín‑ná ma, jè ra tíjna ítjòn‑ná, jè ra síxájin‑ná ko̱ nga tíjnako̱‑ná ngaꞌtsì‑ná.
\p
\v 7 Tanga nga jngó jngó‑ná, kja̱ itjábé kja̱ itjábé‑ná jè kjo̱nda‑la̱ Nainá koni ꞌsín nga kitsjà xá‑ná Cristo.
\v 8 Kií ko̱ꞌsín tíchja̱‑ni xa̱jo̱n ra tjíꞌta ꞌén‑la̱ Nainá ra a̱ꞌta ꞌtse̱ Cristo nga tsò:
\q ꞌKia̱ nga ijye kisikijne nga kijìmijìn ya̱ ján iꞌngaá,
\q jñà ngaꞌtsì xi̱ta̱ kondra̱‑la̱, ya̱á tsikíꞌndo̱fe nga kijìtji̱ngi‑la̱,
\q ko̱ kisìkaꞌbí‑la̱ kjo̱tjò jñà xi̱ta̱‑la̱.
\p
\v 9 ¿Kó tsò‑ni jè ꞌén ra tsò: nga kijìmijìn ya̱ ján iꞌngaá? Tsò‑ni nga [jè Cristo] ítjòn itjokàjen skanda ya̱ a̱ꞌta nangi.
\v 10 Jè ra itjojen skanda ya̱ a̱ꞌta nangi, ti̱jé‑ni jè ra kijìmijìn india‑nì ñánda̱ nga isa̱ ꞌñó ꞌnga tsikijna koni ngaꞌtsì ra ꞌnga títsa̱jna mé‑ni nga jè si̱ìjngo ijye‑ni.
\v 11 Jè sabà Jesucristo kitsjà xá‑la̱ nga mé xá ra ꞌsi̱in nga jngó jngó xi̱ta̱. Tjín ra ko̱ꞌsín tsatéxáya‑la̱ nga si̱ìkaꞌbísòn ꞌén‑la̱, ko̱ tjín jñà ra chja̱ ngajo‑la̱ Nainá, ko̱ tjín jñà ra bako̱‑la̱ nga ꞌbéna̱jmíya ꞌén nda‑la̱ Cristo, ko̱ tjín jñà ra bako̱‑la̱ nga síkinda̱ jñà xi̱ta̱ na̱xi̱ndá‑la̱ Nainá, ko̱ tjín jñà ra bako̱‑la̱ nga bakón‑ya jè ꞌén‑la̱ Nainá.
\v 12 Kií ko̱ꞌsín kiꞌsìn‑ni mé‑ni nga nda katachji̱ne̱‑ni jñà xi̱ta̱ na̱xi̱ndá‑la̱ Nainá nga nda si̱hitjasòn xá ra ꞌtse̱ Nainá, ko̱ mé‑ni nga nda katìhijin‑ni jè na̱xi̱ndá‑la̱ Nainá ra jè ijo‑la̱ Cristo.
\v 13 ꞌKoa̱á ꞌsín ma‑ni nga ngi jngoó kjo̱bítsjen ꞌse̱‑ná ngaꞌtsì‑ná koni ꞌsín nga makjiín‑ná a̱ꞌta ꞌtse̱ Nainá, ko̱ koni ꞌsín nga ꞌyaxkeén Iꞌndí‑la̱, mé‑ni nga ngi xi̱ta̱ kixi̱ ko̱meé. Ngi ꞌkoa̱á ꞌsín ko̱ngásén koni jè Cristo nga ni̱mé chijaꞌta‑la̱ ra jè.
\v 14 Ko̱ mì tsa ti̱ ko̱ꞌsín ꞌsia̱n‑né koni tsa i̱xti, nga sasa makjiín‑ná tsa mé ꞌén ra ki̱náꞌyé ra mì tsa kixi̱ kjoa̱, nga jndíi̱ ján fìko̱‑ná xi̱ta̱ maña̱ ra bíndo̱cha̱‑ná nga bakón‑ya ra kjꞌií kjoa̱, ꞌkoa̱á jngoya‑la̱ koni tsa chitso, ra jndíi̱ ján mahítsjá tjo̱ ko̱ ngaꞌñó‑la̱ nandá.
\v 15 Ta isa̱á jnchro ngi ꞌén kixi̱ ki̱nákje̱é nga matsjacheé xàngie̱é, mé‑ni nga isa̱ nda katakasòn‑ni kjo̱bítsjen‑ná koni ꞌsín tjín kjo̱bítsjen‑la̱ Cristo nga jè tíjna sko̱ na̱xi̱ndá‑la̱ Nainá.
\v 16 Jè Cristo tsjá ngaꞌñó mé‑ni nga jñà xi̱ta̱ na̱xi̱ndá‑la̱ nda kjón kítsa̱hijyojtín‑ni. Nga̱ jè na̱xi̱ndá‑la̱ Nainá, ꞌkoa̱á ꞌsín tjín koni ijo‑la̱ xi̱ta̱, koni ꞌsín nga tjíkjo ijo‑la̱ nga kja̱‑tjín kja̱‑tjín xá‑la̱. Tsa nda si̱íxákjo, ki̱hijin‑ní ko̱ ꞌse̱é‑la̱ ngaꞌñó. ꞌKoa̱á ꞌsín ngoya‑la̱ jè na̱xi̱ndá‑la̱ Nainá nga ki̱hijin kjo̱bítsjen‑la̱ ꞌkia̱ nga jngó jngó xi̱ta̱‑la̱ nga nda si̱íxákjo, tsa ngásón matsjake xákjién.
\s Jè kjo̱binachon xi̱tse̱ ra tjín‑ná a̱ꞌta ꞌtse̱ Cristo
\p
\v 17 ꞌKoa̱á ꞌsín tíxian‑no ko̱ tísíjé‑no a̱ꞌta ꞌtse̱ kjo̱téxoma ra tsjá‑na Na̱ꞌín‑ná, kì ti̱ tsja ko̱ꞌsín níjchá‑no ijo‑no koni jñà xi̱ta̱ ra mì kì bexkón Nainá nga jñà síchjeén kjo̱bítsjen‑la̱ ra ni̱mé chjí‑la̱.
\v 18 Tjíjñò‑la̱ kjo̱bítsjen‑la̱. Mì kì be kjo̱nda ra tjín a̱ꞌta ꞌtse̱ kjo̱binachon ra tsjá‑ná Nainá ta nga̱tjì‑la̱ mì kì machi̱ya‑la̱ nga̱ batoó tájajín jñà inìma̱‑la̱.
\v 19 Mì kì ti̱ be‑ni ra kjo̱sabà ꞌmì, ijyeé bato kjótájajín, ijyeé ta jñà kájno káꞌta‑la̱ kjoa̱chi̱nga̱ ra sasén‑la̱ ijo‑la̱, mì kì masi‑la̱ nga ꞌsín kjoa̱chijngi ra bato tjé tjín.
\v 20 Tanga ra jiòn, mì tsa ko̱ꞌsín tjín kjoa̱ ra kiꞌsena̱jmí‑no a̱ꞌta ꞌtse̱ Cristo.
\v 21 Nga̱ ijye nda kinaꞌyá jiòn ꞌén‑la̱ ko̱ nda tsakon‑ya‑no koni ꞌsín tjín kjo̱hixi̱ ra a̱ꞌta ꞌtse̱ Jesús.
\v 22 ꞌKoa̱á ꞌsín kiꞌsena̱jmí‑no nga ti̱jmió ijye kjo̱binachon jchínga ra kiꞌchà‑no skanda ti̱ꞌsa̱ kjotseé ra mì ti̱ mé chjí‑la̱, ta nga̱tjì‑la̱ nga̱ ta tsikíndo̱cha̱á‑no ngaꞌtsì kjoa̱ꞌcho ra kisasèn‑la̱ ijo‑no.
\v 23 Ti̱ꞌnde‑la nga jè Nainá katasíxi̱tse̱ya inìma̱‑no ko̱ jè kjo̱bítsjen‑no.
\v 24 Ko̱ꞌsín ti̱jchá ijo‑no nga jè chjíbé kjo̱binachon xi̱tse̱ ra ko̱ꞌsín tjín koni ꞌsín nga ꞌki Nainá, nga ngi kixi̱ ti̱jchá ijo‑no ko̱ nga tsje ti̱tsa̱jna ra a̱ꞌta ꞌtse̱ kjo̱kixi̱.
\s Kóꞌsín nga tjínè kjòn‑la̱ nga ꞌsie̱én
\p
\v 25 ꞌKoa̱á ma‑ni, ti̱jmí jiòn ra ꞌén ndiso, ko̱ ngi ꞌén kixi̱ jchi̱ko̱o xàngio̱o nga jngó jngó‑no nga̱ ta jngoó ijo ma‑ná ngaꞌtsì‑ná.
\p
\v 26 Ni̱ꞌsín majti‑no, tanga kì tà chjàn fatsji‑jé; ko̱ kì tà chjàn jngo níchjin majti‑no kó nda nga kàtjì tsáꞌbí.
\v 27 Ko̱ kì biꞌnde‑la nga jè xi̱ta̱‑ni̱í bíndisoko̱‑no.
\p
\v 28 Jè ra síchijé kjotseé, kì ti̱ síchijé‑ni, katasíxá ꞌndi̱‑ni̱, katasíchjeén tsja nga nda katasíxá mé‑ni nga ka̱ma ko̱si̱ko̱ꞌta‑ni jñà xi̱ta̱ ra tíchijaꞌta‑la̱.
\p
\v 29 Kì ni̱jngo ꞌén ra ꞌcho tsò bitjo ya̱ ndsa̱ꞌbà jiòn; jñà ti̱nákjoa̱a ꞌén ra nda tsò ra ko̱chjeén‑la̱ xi̱ta̱ xàngio̱o nga kixi̱ kítsa̱jna, mé‑ni nga ya̱ sa̱kò‑la̱ kjo̱nda jñà xi̱ta̱ ra kji̱ꞌnchré.
\v 30 Kì biꞌnde nga ba ꞌse‑la̱ jè Inìma̱ Tsje‑la̱ Nainá, jè ra kitsjá‑ná koni jngo chi̱ba̱ ra bakón nga xi̱ta̱‑la̱ Nainá meé skanda ꞌkia̱ nga ki̱jchò ni̱chjin nga jngó kjá si̱ìkítsa̱jnandi̱í‑ná Nainá ra a̱ꞌta ꞌtse̱ jé‑ná.
\p
\v 31 Chjíixiòn ya̱ a̱jin inìma̱‑no ngaꞌtsì kjoa̱ ra tjíngi jti‑no, ko̱ kjoa̱ kjàn ra tjíjin inìma̱‑no, ko̱ kjo̱jtitakòn‑no, ko̱ ra ta i̱nchimakjàn sabá‑no, ko̱ nga nakjoájno‑la xàngio̱o ko̱ ngaꞌtsì kjoa̱ ra ꞌcho tjín.
\v 32 Jé ra isa̱ nda tjín nga nda xi̱ta̱ ti̱ko̱o xàngio̱o nga jngó jngó‑no ko̱ nga jcha̱hi̱ma̱takòn; ko̱ ti̱jchaàꞌta kañá‑la xàngio̱o koni ꞌsín nga a̱ꞌta ꞌtse̱ Cristo isìhijchaꞌta‑no Nainá.
\c 5
\s Ko̱ꞌsín machjeén nga si̱jché ijo‑ná ra i̱xti‑la̱ Nainá ꞌmì‑ná
\p
\v 1 ꞌKoa̱á ma‑ni, ko̱ꞌsín ti̱jchá ijo‑no koni ꞌsín ꞌsín jè Nainá; nga̱ jién ra i̱xti‑la̱ tsó‑ná, ꞌñó tsjake‑ná.
\v 2 Kataꞌse‑no kjo̱tsjacha ra a̱ꞌta ꞌtse̱ xi̱ta̱ xàngio̱o, koni ꞌsín nga kjotsjake‑ná jè Cristo nga kitsjà ngajo‑ná ijo‑la̱ nga ꞌken koni jngo kjo̱tjò ra nda isasèn‑la̱ Nainá.
\p
\v 3 Tanga kì tà chjàn kjoa̱chijngi ꞌnià, ko̱ kjoa̱ꞌcho ra tjé tjín; ko̱ kì tsajmì ra tjín‑la̱ xàngio̱o nìkjaajion; kì ko̱tjín kjoa̱ ra naꞌyá‑la̱ ra a̱ꞌta tsa̱jiòn, jiòn ra na̱xi̱ndá tsje‑la̱ Nainá ꞌmì‑no.
\v 4 Ti̱ꞌkoa̱ kì ni̱mé ꞌén chi̱nga̱ nakjoá ko̱ kì jñà nakjoá ꞌén ra ni̱mé chjí‑la̱, ko̱ kì ni̱mé ꞌén‑ská ra ꞌcho tsò nakjoá. Nga̱ mì kì nda tjín jñà ꞌén kìi̱, ta isa̱á jnchro ko̱ꞌsín ti̱chjeén ndsa̱ꞌbà nga ko̱ꞌtìn‑la Nainá nga tse kjo̱nda kataꞌse‑la̱ ra jè.
\v 5 Machjeén‑ní nga ko̱ꞌsín katasijin‑no nga jñà xi̱ta̱ ra kjoa̱chijngií ꞌsín, ko̱ ra ꞌsín kjoa̱ꞌcho ra tjé tjín, ko̱ ra síkjahajin tsajmì ra tjín‑la̱ xákjén ra ꞌkoa̱á jngoya‑la̱ koni tsa nainá xkósòn bexkón, jñà xi̱ta̱ ra ko̱ꞌsín ꞌsín, ni̱mé kjo̱tjò ꞌse̱‑la̱ ya̱ ñánda̱ nga tíbatéxoma Cristo ko̱ jè Nainá.
\v 6 Ra a̱ꞌta ꞌtse̱ kjoa̱ kìi̱, kìi̱ jñà bíndo̱cha̱‑no jñà xi̱ta̱ ra síchjeén ꞌén ra ni̱mé chjí‑la̱, nga̱ ꞌkoa̱á jnchro ma‑ni nga síkjinchrabá kjo̱hiꞌin Nainá a̱ꞌta ꞌtse̱ xi̱ta̱ ra mì kì síhitjasòn‑la̱.
\v 7 Kì ya̱ níngásòn‑ko̱o jñà xi̱ta̱ kìi̱.
\p
\v 8 Nga ꞌsa̱ kjotseé kjoa̱jñò tsikitsa̱jion, tanga ꞌndi̱ ꞌndi̱‑ni̱ iseén titsa̱hijyo nga jè Na̱ꞌín‑ná Jesucristo titsa̱jnako̱o. Ko̱ꞌsín ti̱jchá ijo‑no koni ꞌsín nga bakén‑la̱ xi̱ta̱ ra isen títsa̱hijyo.
\v 9 Nga̱ jè kjo̱nda ra sakó ꞌkia̱ nga kjoa̱hisen titsa̱jieén, jè‑ní nga nda ꞌnié, ko̱ kixi̱ níjché ijo‑ná, ko̱ ngi ꞌén kixi̱ nakjé.
\v 10 Nda chítsijen jiòn mé kjoa̱‑ni ra nda sasén‑la̱ jè Nainá.
\v 11 Kì ya̱ níngásòn‑ko̱o koni ꞌsín ꞌsín jñà xi̱ta̱ ra ta tjíjñò‑la̱ ra mì kì machi̱ya‑la̱, ta isa̱á jiòn ko̱ꞌtìn‑la nga mì kì nda tjín jñà kjoa̱ ra ꞌsín.
\v 12 Nga̱ skanda masabá‑ná ꞌkia̱ nga nìkaxkie̱é koni ꞌsín tjín jñà kjoa̱ꞌcho ra síꞌma jñà xi̱ta̱ kìi̱.
\v 13 Tanga ngaꞌtsì kjoa̱, ꞌkia̱ nga bijchó sihijyo masen ñánda̱ nga isen chon, ya̱á ꞌya‑la̱ mé kjoa̱‑ni;
\v 14 nga jè kjoa̱ iseén bakón tsa kixi̱ tjín ko̱ tsa mì kixi̱ tjín. Kií ko̱ꞌsín tsò‑ni ꞌén ra tsò:
\q Ngaji̱ ra tjitsjajnafì, ti̱ꞌká‑la̱ ijo‑li.
\q Tísi̱tje̱n‑jin ya̱ a̱jin‑la̱ miꞌken;
\q ko̱ jè Cristo si̱hisen‑li.
\p
\v 15 ꞌKoa̱á ma‑ni, nda ti̱kinda̱a jiòn kóꞌsín nga i̱nchiníjchá ijo‑no; ko̱ꞌsín ti̱tsa̱jna koni jñà xi̱ta̱ ra nda síchjeén kjo̱bítsjen‑la̱; kì ko̱ꞌsín ꞌnià koni ꞌsín jñà ra mì nda fìko̱ kjo̱bítsjen‑la̱.
\v 16 Nda ti̱chjeén ni̱chjin ra tíꞌbì‑no, nga̱ jñà ni̱chjin ra titsa̱hijyeé ꞌñó tjín kjoa̱ꞌcho.
\v 17 Kì ꞌcho mahíko̱o kjo̱bítsjen‑no; nda katamachi̱ya‑no mé ra mejèn‑la̱ Nainá.
\v 18 Kì xán niꞌchi̱‑no ijo‑no nga ꞌkoa̱á ma‑ni nga ta mé kjoa̱ ra kajion; ta isa̱á jè Inìma̱ Tsje‑la̱ Nainá nda ti̱kíjnajion ya̱ inìma̱‑no mé‑ni nga katatsjá‑no kjo̱bítsjen ra nda tjín.
\v 19 ꞌTi̱ ngaꞌñó‑la xàngio̱o nga jngó jngó‑no nga ti̱jndá‑la Nainá so ra nda sasén‑la̱ koni ꞌsín nchrabá Salmo, ko̱ ngaꞌtsì so ra ꞌtse̱ Inìma̱ Tsje‑la̱ Nainá nchrabá‑ni. Ngi ko̱ó inìma̱‑no nga jeya ti̱kíjna jè Na̱ꞌín‑ná.
\v 20 Kjiꞌtá ni̱chjin ti̱nákjoa̱ꞌta‑la Nainá ra Na̱ꞌín‑ná ma a̱ꞌta ꞌtse̱ Jesucristo ra tíjna ítjòn‑ná; ko̱ꞌtìn‑la nga Nainá ra katíchjí‑la̱ ta mé kjoa̱‑ni.
\s Kjoa̱ ra tjínè‑la̱ nga ꞌsi̱in jñà íchjín ra ijye ixan
\p
\v 21 Ti̱náꞌyahijon‑la xàngio̱o nga jngó jngó‑no ta nga̱tjì‑la̱ nga skon‑chá jè Cristo.
\p
\v 22 Jñà íchjín ra ijye ixan, ko̱ꞌsín nda kataꞌnchréhijon‑la̱ ꞌxi̱n‑la̱, koni ꞌsín nga ꞌnchréhijon‑la̱ jè Cristo.
\v 23 Nga̱ jè ꞌxi̱n, jè ma sko̱ chjo̱ón‑la̱, koni ꞌsín Cristo, jè ma sko̱ xi̱ta̱ na̱xi̱ndá‑la̱, ko̱ jè na̱xi̱ndá‑la̱, ꞌkoa̱á jngoya‑la̱ koni tsa jè ijo‑la̱, nga jè tsachrjejin kjo̱hiꞌin ꞌtse̱ jé‑la̱.
\v 24 Koni ꞌsín jñà xi̱ta̱ na̱xi̱ndá‑la̱ Cristo nda ꞌnchréhijon‑la̱, jñà íchjín ra ijye ixan, ꞌkoa̱á ꞌsín nda kataꞌnchréhijon‑la̱ ꞌxi̱n‑la̱ ta mé kjoa̱‑nì.
\s Kóꞌsín jñà xi̱ta̱ ꞌxi̱n machjeén‑ní nga tsjake kataꞌsín jñà íchjín‑la̱
\p
\v 25 Jiòn ra xi̱ta̱ ꞌxi̱n ꞌmì‑no, ko̱ꞌsín tsjacha ꞌtia̱àn jñà íchjín‑no koni ꞌsín nga tsjake jè Cristo jñà xi̱ta̱ na̱xi̱ndá‑la̱. Ko̱ kitsjà kjo̱tjó ijo‑la̱ nga ꞌken ngajo‑la̱,
\v 26 mé‑ni nga tsje si̱ìkíjna‑ni jè na̱xi̱ndá‑la̱, ko̱ mé‑ni nga ko̱ ꞌén nda‑la̱ si̱ìtsje‑ni jé‑la̱ koni tsa nandá ki̱níjno‑ni;
\v 27 kií ko̱ꞌsín kiꞌsìn‑ni mé‑ni nga jeya katasíkatsíjen‑ni na̱xi̱ndá‑la̱ ra ti̱jè si̱ìnga̱tsja‑ni ijo‑la̱, ra ni̱mé tjé tjín‑la̱, ko̱ ni̱ ñánda̱ nga ꞌcho ꞌki‑la̱, ko̱ ni̱ ñáa̱‑isa kjoa̱ ra ꞌcho síkatsíjen. Jè ra mejèn‑la̱ nga ꞌñó tsje ko̱ nga ꞌñó kixi̱ katijna jè na̱xi̱ndá‑la̱.
\v 28 ꞌKoa̱á ti̱ꞌsín machjeén nga jñà ra xi̱ta̱ ꞌxi̱n, ꞌkoa̱á ꞌsín katamatsjake íchjín‑la̱ koni ꞌsín nga matsjake ra jè ijo‑la̱. Jè ra tsjake chjo̱ón‑la̱, ti̱jé‑ni ijo‑la̱ ra ko̱ꞌsín tsjake tíꞌsín.
\v 29 Nga̱ ní yá xi̱ta̱ tjín ra ti̱jè jtike‑ni ijo‑la̱; ta isa̱á jnchro síkonda̱ ijo‑la̱ ko̱ tsjá‑la̱ mé ra machjeén‑la̱, koni ꞌsín ꞌsín Cristo nga síkonda̱ xi̱ta̱ na̱xi̱ndá‑la̱.
\v 30 Nga̱ jé ma ijo‑la̱ jè na̱xi̱ndá‑la̱; ko̱ jién, ya̱á indabáꞌñó‑teé jè ijo ra̱kìi̱.
\v 31 Nga̱ ꞌkoa̱á ꞌsín tíchja̱ xa̱jo̱n ra tjíꞌta ꞌén‑la̱ Nainá nga tsò: “ꞌKoa̱á ma‑ni jè xi̱ta̱ ꞌxi̱n ra bixan, tsjín jè na̱ꞌìn‑la̱ ko̱ jè na̱‑la̱ nga kíjnako̱ jè chjo̱ón‑la̱, ko̱ ta jngoó ijo ka̱ma‑ni ta ngajòo̱.”
\v 32 Jè ꞌén ra̱kìi̱, ꞌñó tse tíchja̱‑ni, tanga ta jé tíchjà ra ꞌa̱n ra a̱ꞌta ꞌtse̱ Cristo ko̱ na̱xi̱ndá‑la̱.
\v 33 Tanga jè ra ꞌñó machjeén nga ko̱ꞌsín tsjacha ꞌtia̱àn jiòn íchjín‑no nga jngó jngó‑no koni ꞌsín nga tsjacha jiòn ijo‑no; ko̱ jè chjo̱ón nda katatsakjón‑ke jè ꞌxi̱n‑la̱.
\c 6
\s Kóꞌsín tíꞌmi‑la̱ jñà ra i̱xti ko̱ ra xi̱ta̱ jchínga
\p
\v 1 Jiòn ra i̱xti ꞌmì‑no, ti̱hitjasòn‑la jñà xi̱ta̱ jchínga‑no nga̱ ijyeé ya̱ titsa̱jnakjoko̱o Cristo. Nga̱ jñá kjoa̱ kìi̱ ra nda tjín.
\v 2 Jè kjo̱téxoma ra tje̱n ko̱ꞌsín tsjá jngo ꞌén nga ꞌse̱é‑la̱ kjo̱nda jñà ra síhitjasòn, ki̱í ꞌsín tsò: “Nda jcha̱xkín jè na̱ꞌìn‑li ko̱ jè na̱‑li,
\v 3 mé‑ni nga nda ki̱jna‑ni ti̱ꞌkoa̱ tse ka̱ma‑li nga ki̱jnakin i̱ i̱sàꞌnde.”
\v 4 Ko̱ jiòn ra na̱ꞌìn ma, kì kjo̱jti biꞌtsia̱‑la i̱xti‑no; jè ra machjeén nga nda kjón ti̱jchá ko̱ nda kjón ti̱kixi̱ya nga nda ta̱kón‑ya‑la koni ꞌsín nga mejèn‑la̱ Na̱ꞌín‑ná.
\s Kóꞌsín nda ti̱náꞌyahijon‑la ni‑no jiòn ra chi̱ꞌnda ꞌmì‑no
\p
\v 5 Jiòn ra chi̱ꞌnda ma, nda ti̱hitjasòn‑la jè ra ni‑no ma i̱ a̱ꞌta nangi. Ngi ko̱ó inìma̱‑no nga jcha̱xkón ko̱ nga ti̱skón‑cha koni tsa xá ꞌtse̱ Cristo ra i̱nchiꞌnià.
\v 6 Kì ta ꞌkia̱ nda nihitjasòn ꞌkia̱ nga i̱nchisíkinda̱‑no, nga ta jè mejèn‑no nga jè nda ko̱chrjengi‑no; ꞌkoa̱á ꞌsín ꞌtia̱àn koni tsa jè‑ni Cristo ra i̱nchinitjasòn‑la nga ngi ko̱ó inìma̱‑no nga ti̱hitjasòn koni ꞌsín mejèn‑la̱ Nainá.
\v 7 Ngi ko̱ó kjo̱tsja ra tjíjin inìma̱‑no ꞌtia̱àn jè xá‑no, ꞌkoa̱á jngoya‑la̱ koni tsa ꞌtse̱ kjòn‑ni Na̱ꞌín‑ná jè xá ra i̱nchiꞌnià ko̱ mì tsa ꞌtse̱ xi̱ta̱‑jìn.
\v 8 Ijyeé ꞌya‑nájiòn nga ni̱ꞌsín xi̱ta̱ chi̱ꞌnda ko̱ ni̱ꞌsín mì tsa xi̱ta̱ chi̱ꞌnda, ꞌkoa̱á ꞌsín tjín kjo̱tjò ra tjábé‑la̱ a̱ꞌta ꞌtse̱ Na̱ꞌín‑ná koni ꞌsín tjín kjo̱nda ra ꞌsi̱in nga jngó jngó.
\p
\v 9 Jiòn ra ni‑la̱ xá ꞌmì‑no, ꞌkoa̱á ti̱ꞌsín tjò ꞌtia̱àn jñà chi̱ꞌnda‑no. Kì ta̱ tsja chitiko̱‑no. Ko̱ꞌsín nda katasijin‑no, nga jè Ni‑la̱ xi̱ta̱ chi̱ꞌnda kìi̱, ko̱ jè Ni‑najiòn ya̱á tíjna ya̱ ján ngajmi, ko̱ ra Jè, mì tsa fahájin jñà xi̱ta̱, ta ngásòn ngáyaá tsjake ngaꞌtsiòo̱.
\s Kjoa̱ ra tsjá ngaꞌñó‑la̱ inìma̱‑ná
\p
\v 10 Jiòn ꞌndsé, ꞌkoa̱á ꞌsín tíxin‑no jè ꞌén ra feheꞌta‑ni: Tjatsjio jè Na̱ꞌín‑ná mé‑ni nga jè katatsjá ngaꞌñó‑la̱ jè inìma̱‑no, jè ngaꞌñó ra bato tse tjín‑la̱ ra jè.
\v 11 Koni ꞌsín nga bìtsa̱nda jñà chíchàn nga kjábé ngaꞌtsì tsajmì ra ꞌba ꞌkia̱ nga fì kjo̱jchán, ko̱ꞌsín ti̱tsa̱nda nga si̱chjeén ngaꞌtsì ngaꞌñó ra tsjá Nainá, mé‑ni nga ma nga ꞌñó ki̱tsa̱jna‑no nga mì jè xi̱ta̱‑ni̱í sko̱ónda̱cha̱‑no.\fig Roman soldier in armor- 33%|65-lb00196c.tif|col|EPH 6:11|| Jngo chíchàn ra Roma chja̱‑ni|EPH 6:11\fig*
\v 12 Nga̱ mì tsa xi̱ta̱ i̱sàꞌnde‑jìn ra i̱nchibixkàn‑ke̱é. Jñá‑ní ra xi̱ta̱xá ítjòn‑la̱ ni̱í ra tjín ya̱ a̱jin i̱sén, jñà ra mì kì tsijen‑ni; ko̱ ngaꞌtsì ra tjín‑la̱ kjo̱téxoma ꞌtse̱ ni̱í; ko̱ ngaꞌtsì ra batéxoma ya̱ i̱sàꞌnde jñò ra̱kìi̱; ko̱ ngaꞌtsì ngaꞌñó ꞌcho ra tjín ya̱ a̱jin i̱sén nga tjíjtsa i̱sàꞌnde.
\p
\v 13 Kií ko̱ꞌsín tíxian‑no, ti̱tsa̱nda nga si̱chjeén ngaꞌtsì ngaꞌñó ra tsjá Nainá mé‑ni nga ꞌñó ki̱tsa̱jna‑no ꞌkia̱ nga jè ni̱chjin nga mejèn‑la̱ sko̱ónda̱cha̱‑no jè xi̱ta̱‑ni̱í. ꞌKia̱ nga ijye si̱kijne, takó ꞌkoa̱á ꞌsín kixi̱ ki̱nchanda‑la ni̱ ta mé kjoa̱‑ni.
\v 14 ꞌKoa̱á ꞌsín nda ti̱nchanda nga nda kjón‑ní ti̱nda̱ba̱ꞌñó ra kjoa̱kixi̱ koni jngo chíchàn ra ꞌñó tjíkjá xìncho̱ ya̱ ndáyá‑la̱; kixi̱ ti̱jchá ijo‑no mé‑ni nga jè ra kjoa̱kixi̱ ya̱ kjójtsa‑no ya̱ a̱sòn inìma̱‑no koni ꞌsín chíchàn nga bájtsa ya̱ a̱sòn inìma̱‑la̱ chrja̱ba̱ tája ra ꞌmì coraza.
\v 15 ꞌÑó ti̱tsa̱jnanda kiꞌtà nga si̱kaꞌbísòn ꞌén xi̱tse̱ ra nda tsò a̱ꞌta ꞌtse̱ Cristo ra ꞌya kjo̱ꞌnchán koni jngo chíchàn ra ꞌñó bíté naꞌñó sapàto̱‑la̱ ꞌkia̱ nga fì kjo̱jchán.
\v 16 Nda katamakjiín‑no a̱ꞌta ꞌtse̱ Cristo, ko̱ jè kjoa̱ makjiín‑no ko̱si̱ko̱tjì‑no koni ꞌsín jè chíchàn basìko̱ ra ꞌmì escudo nga síkjiꞌtso niꞌí flecha ra síkasén-tji̱ngi‑la̱ jñà xi̱ta̱ kondra̱‑la̱.
\v 17 Ngi nda katafìya‑no nga jè Nainá ijyeé tsachrjekàjin‑no kjo̱hiꞌin; ko̱ jè kjoa̱ kìi̱ ko̱si̱ko̱‑no koni ꞌsín basìko̱ jè ki̱cha̱ kàsko̱ ra bíꞌa sko̱ chíchàn. Ko̱ ko̱ꞌsín nda ti̱chjeén ꞌén‑la̱ Nainá koni jngo ki̱cha̱ ndajò ra tsjá jè Inìma̱ Tsje‑la̱ Nainá.
\v 18 Kì bìkjòn‑la nga bitsaꞌba‑la Nainá; ti̱jéꞌtà kiꞌta‑la koni ꞌsín tsjá‑no ꞌén jè Inìma̱ Tsje‑la̱. ꞌKia̱ nga ko̱ꞌsín ꞌsia̱an, ti̱tsa̱nda kiꞌta ta mé hora‑nì; ko̱ kì bìkjòn‑la nga bitsaꞌbatjiò ngaꞌtsì xi̱ta̱ na̱xi̱ndá‑la̱ Nainá.
\v 19 Ti̱ꞌkoa̱á titsaꞌbatjì‑ná ra a̱ꞌta tsa̱ꞌa̱n mé‑ni nga Nainá tsjá‑na ꞌén ra kichjàa̱, ko̱ mé‑ni nga mì kì jtsakjon‑naa̱ ꞌkia̱ nga ꞌkenájmí‑la̱ xi̱ta̱ jè ꞌén xi̱tse̱ ra nda tsò a̱ꞌta ꞌtse̱ Cristo, jè ra tjíꞌma tsiki.
\v 20 Nainá isìkasén‑na nga ꞌa̱n kichjà ngajo‑la̱ a̱ꞌta ꞌtse̱ ꞌén nda‑la̱; kií ko̱ꞌsín nda̱yá tíjna̱ꞌya‑na; titsaꞌbatjì‑nájiòn mé‑ni nga ko̱ꞌsín isa̱ ꞌñó kichjà‑na ꞌkia̱ nga ꞌkenájmíya ꞌén‑la̱.
\s Kjoa̱ nìhixoꞌta ra feheꞌta‑ni
\p
\v 21 Mé‑ni nga jcha̱‑no mé kjoa̱ ra tímaꞌtiaa̱n, ꞌkoa̱á ꞌsín tísikásén‑no jè ꞌndsé Tíquico ra ꞌñó matsjacheé ko̱ ra nda síhitjasòn‑la̱ Nainá. Jé ko̱ki̱tso̱‑no kóꞌsín tíjna̱ ra ꞌa̱n ko̱ mé ra tíꞌsiaa̱n.
\v 22 Kií xá tísikásén‑no nga jè ꞌke̱èna̱jmí‑no ra a̱ꞌta tsa̱ji̱n kóꞌsín titsa̱jna‑ji̱n, ko̱ jè si̱ìjetakòn‑no nga ꞌse̱‑la̱ ngaꞌñó inìma̱‑no.
\p
\v 23 Nainá ra Na̱ꞌín‑ná ko̱ jè Jesucristo ra tíjna ítjòn‑ná katatsjá‑la̱ kjoa̱ꞌnchán inìma̱‑no ngaꞌtsì‑no ra ꞌndsé chibé; katatsjá‑no kjo̱tsjacha nga tsjacha ꞌsia̱an xàngio̱o ko̱ ko̱ꞌsín isa̱ ꞌñó nda katakjiín-isa‑no ra a̱ꞌta ꞌtse̱ Cristo.
\v 24 Ko̱ꞌsín isa̱ tse kjo̱nda katasakó-isa‑la̱ ngaꞌtsì ra ko̱ꞌsín tsjake jè Cristo ra tíjna ítjòn‑ná ra ngi ko̱ó kjo̱tsjacha ra ni̱kjiá feheꞌta tsjake‑ni. Ko̱ꞌsín katama.