\id 2TH
\h 2 Tesalonicenses
\toc1 2 Tesalonicenses
\mt Xa̱jo̱n ra ma‑ni jò ra tsikínda jè Pablo ra isìkasén‑la̱ xi̱ta̱ na̱xi̱ndá‑la̱ Cristo ra títsa̱jna ya̱ Tesalónica
\c 1
\s Kóꞌsín nga síhixoꞌta Pablo jñà xi̱ta̱ na̱xi̱ndá Tesalónica
\p
\v 1 Jiòn xi̱ta̱ na̱xi̱ndá‑la̱ Nainá ra titsa̱jna ya̱ Tesalónica, jiòn ra chja̱ꞌnda‑no Nainá ra Na̱ꞌín‑ná ko̱ jè Jesucristo ra tíjna ítjòn‑ná, ꞌkoa̱á ꞌsín nìhixoꞌta‑laji̱n ꞌa̱n Pablo, Silvano ko̱ Timoteo.
\v 2 Nainá ra Na̱ꞌín‑ná ma ko̱ jè Jesucristo ra tíjna ítjòn‑ná katatsjá‑no kjo̱nda ko̱ kjo̱ꞌnchán ya̱ a̱jin inìma̱‑no.
\s Kjoa̱nda ra ꞌbí‑lá Nainá ko̱ ra níjé‑isa‑lá
\p
\v 3 Machjeén‑ní nga ni̱chjin nchijòn ko̱ꞌkín‑la̱ji̱n Nainá ra a̱ꞌta tsa̱jiòn‑jiòn ndí ꞌndsé ko̱ tichjeé nga tse kjo̱nda kataꞌse‑la̱ ra jè, nga̱ ꞌkoa̱á ꞌsín tjínè‑la̱ nga ꞌsia̱n‑ji̱n, ta nga̱tjì‑la̱ nga ni̱chjin nchijón‑ní isa̱ nda i̱nchimakjiín-isa‑najiòn ra a̱ꞌta ꞌtse̱ Cristo, ko̱ tímatseé‑isa kjo̱tsjacha ra tjín‑no ko̱ xàngio̱o nga jngó jngó‑no.
\v 4 ꞌKoa̱á ma‑ni nga ꞌñó matsja‑naji̱n ra a̱ꞌta tsa̱jiòn‑jiòn, ko̱ ꞌbèna̱jmí‑la̱ji̱n na̱xi̱ndá‑la̱ Nainá ra kjꞌií i̱ꞌnde títsa̱jna nga ꞌñó nda makjiín‑najiòn ko̱ ꞌñó nda chíkjoa̱jin‑najiòn ꞌkia̱ nga ta mé kjoa̱ ra kajion koni ꞌkia̱ nga mahatji̱ngi‑no xi̱ta̱ ko̱ nga kajion kjo̱hiꞌin.
\v 5 Ta ngaꞌtsì kjoa̱ kìi̱, ya̱á ꞌya‑la̱ nga jè Nainá ndaá ma‑la̱ bíndajín, ko̱ ꞌkoa̱á ꞌsín tsò‑no nga bakén‑la̱ nga ya̱ ki̱tsa̱jnajin‑la jñà xi̱ta̱ ra jè tíbatéxoma‑la̱, ko̱ ꞌkoa̱á ꞌsín ma‑ni nga kjo̱hiꞌin i̱nchinikjioón.
\p
\v 6 Nainá, kjoa̱ kixi̱í ra ꞌsín nga tsjáhiꞌin ngajo‑ila̱ jñà xi̱ta̱ ra tsjá‑no kjo̱hiꞌin.
\v 7 Ko̱ jiòn ra i̱nchinikjioón kjo̱hiꞌin, si̱ìkítsa̱hijyo ꞌnchán‑no ko̱ ti̱ꞌkoa̱á si̱ìkítsa̱hijyo ꞌnchán‑te‑naji̱n ꞌkia̱ nga jè Jesús ra tíjna ítjòn‑ná, tje̱n‑jin niꞌí‑jnga̱ nga kji̱nchrabàjen‑ni ján ngajmi, ko̱ kjihijtako̱ jñà ìkja̱li̱‑la̱ ra tse ngaꞌñó tjín‑la̱.
\v 8 Kií xá kjꞌi̱í‑ni mé‑ni nga tsjá‑la̱ kjo̱hiꞌin jñà xi̱ta̱ ra mì kì bexkón Nainá, ko̱ ti̱ꞌkoa̱á mì kì ma‑la̱ síhitjasòn koni ꞌsín tsò ꞌén xi̱tse̱ ꞌtse̱ Jesucristo ra tíjna ítjòn‑ná.
\v 9 Jñà xi̱ta̱ kìi̱, kjiꞌtá ni̱chjin si̱ìkjiín kjo̱hiꞌin ra ꞌki̱‑la̱ skanda ta kjiá‑nioo̱, ko̱ kjiín kítsa̱jna ñánda̱ nga jè Na̱ꞌín‑ná tíjna ko̱ ni̱kjiá ske̱ jè kjoa̱jeya‑la̱ ra tse ngaꞌñó tjín‑la̱.
\v 10 ꞌKoa̱á ꞌsín ko̱ma jè ni̱chjin nga kjꞌi̱í india‑ni jè Na̱ꞌín‑ná, nga jcha̱xkón‑la̱ ko̱ nga jeya kíjna a̱ꞌta ꞌtse̱ ngaꞌtsì xi̱ta̱‑la̱ ra makjiín‑la̱; ya̱á ko̱jngoko̱‑te jiòn ta nga̱tjì‑la̱ nga kjokjiín‑no jñà ꞌén ra tsiꞌkèna̱jmí‑laji̱n.
\p
\v 11 ꞌKoa̱á ma‑ni nga kjiꞌtá ni̱chjin bitsaꞌbatjì‑la̱ji̱n, mé‑ni nga jè Nainá ko̱ꞌsín katatsò nga bakèn kitií‑najiòn koni ꞌsín nga xá kiìchja̱‑no. ꞌKoa̱á ꞌsín síjé‑la̱ nga ngi ko̱ó ngaꞌñó‑la̱ nga katabasìko̱‑no mé‑ni nga nda ki̱tjasòn‑no ngaꞌtsì kjo̱nda ko̱ ngaꞌtsì xá ra mejèn‑no nga ꞌsia̱an, koni ꞌsín nga síchi̱ya‑no jè kjoa̱ ra makjiín‑no,
\v 12 mé‑ni nga a̱ꞌta tsa̱jiòn jeya kíjna‑ni jè Jesucristo ra tíjna ítjòn‑ná, ko̱ ti̱ꞌkoa̱á jiòn jeya ki̱tsa̱jna ra a̱ꞌta ꞌtse̱, koni ꞌsín nga tjín kjo̱nda‑la̱ jè ra Nainá‑ná ma ko̱ jè Jesucristo ra tíjna ítjòn‑ná.
\c 2
\s ꞌKia̱ nga jcha̱‑la̱ kóꞌsín nga ꞌñó ꞌcho ꞌsi̱in xi̱ta̱ ra ngi jé báhijtako̱
\p
\v 1 Jè xa̱jo̱n ra kindá‑no ꞌndi̱ ꞌndi̱‑ni̱ jè‑ní ꞌkia̱ nga kjꞌi̱í Jesucristo ra tíjna ítjòn‑ná ko̱ ꞌkia̱ nga ki̱íxkóya‑ná nga ya̱ ki̱tsa̱jnake̱é. ꞌKoa̱á ꞌsín síjé‑no, ꞌndsé ko̱ tichjeé,
\v 2 kì tà chjàn taxki̱ nikaatjìya‑la kjo̱bítsjen‑no, ko̱ kì tà chjàn skon‑la, tsa yá ra ko̱ꞌsín ki̱tso̱‑no nga ꞌkoa̱á ꞌsín ijye kinakjoáya‑ji̱n, ko̱ nga jngoó ꞌén kiꞌtsì‑ji̱n ko̱ nga jngoó xa̱jo̱n inikasén‑ji̱n ñánda̱ nga tsò nga ijyeé ꞌji india‑ni Na̱ꞌín‑ná.
\v 3 Kì biꞌnde yá ra taxki̱ sko̱ónda̱cha̱‑no; nga̱ skanda ꞌkia̱á kjꞌi̱í jè Na̱ꞌín‑ná ꞌkia̱ nga ki̱jchò ni̱chjin nga ꞌñó kondra̱ kítsa̱jna‑la̱ Nainá xi̱ta̱; ko̱ ko̱tsíjen jngo xi̱ta̱ ra ꞌñó ꞌcho ꞌsín ra xá ko̱ꞌsín ijye tjínè‑la̱ nga si̱ìkjiín kjo̱hiꞌin skanda ta kjiá‑nioo̱.
\v 4 Ko̱ jè xi̱ta̱ ra̱kìi̱, ꞌñó kondra̱ kíjna‑la̱ ngaꞌtsì ra Nainá tsò‑la̱ xi̱ta̱ ko̱ ta mé‑isa‑nioo̱ ra jñà xi̱ta̱ bexkón; ko̱ ꞌkoa̱á ꞌsín ki̱tso̱ nga jè tíjna ítjòn. Ko̱ skanda ki̱jchò katéxoma‑nì ya̱ i̱ngo̱ ítjòn‑la̱ Nainá nga ko̱ꞌsín ki̱tso̱ nga jè sabá Nainá.
\p
\v 5 ¿A mí bítsjen‑no nga ꞌkoa̱á ꞌsín kíxian‑no ꞌkia̱ nga ya̱ tsakáti̱jnako̱‑no?
\v 6 Ijyeé ꞌya‑nájiòn ꞌndi̱‑ni̱ mé ra tíbatéchjà‑la̱ jè xi̱ta̱ ꞌcho ra̱kìi̱; nga̱ ki, ꞌkia̱ kjón tjínè‑la̱ nga kjꞌi̱í, ꞌkia̱ nga ki̱jchò chi̱ba̱‑la̱.
\v 7 Nga̱ jè ngaꞌñó‑la̱ kjoa̱ꞌcho, ijyeé tísíxáꞌma, tanga tjín jngo ra tíbatéchjà‑la̱, ko̱ ta jè chija nga tjáhixìn,
\v 8 ko̱ ꞌkia̱á ko̱tsíjen jè xi̱ta̱ ꞌcho ra̱kìi̱; a̱kjòn jè Jesús ra tíjna ítjòn, ta ma ta jé jta̱ ra ki̱tjo‑ni tsaꞌba tsjá‑la̱ kjo̱hiꞌin skanda ta kjiá‑nioo̱; ko̱ jè ngaꞌñó ra tje̱n‑ko̱ kjoa̱jeya‑la̱ Jesús ꞌkia̱ nga kjꞌi̱í india‑ni, kjoa̱híxìn tsje‑la̱ ngaꞌñó ra tjín‑la̱ xi̱ta̱ ꞌcho ra kìi̱.
\v 9 Jè xi̱ta̱ ꞌcho ra̱kìi̱, ꞌkia̱ nga kjꞌi̱í, jé ngaꞌñó‑la̱ xi̱ta̱‑ni̱í tje̱n‑ko̱. Kjín sko̱ya kjo̱xkón ko̱kòn ra mì tsa kixi̱ kjoa̱.
\v 10 Ko̱ kjín ndi̱yá‑la̱ kjoa̱ꞌcho si̱ìchjeén nga sko̱ónda̱cha̱‑la̱ jñà ra ijye ko̱ꞌsín tjínè‑la̱ nga kjo̱hiꞌin ko̱ko̱‑la̱. Ta nga̱tjì‑la̱ nga mì kì tsjake ra kjoa̱kixi̱ ra ma ko̱chrjekàjin kjo̱hiꞌin ra kjoa̱ ꞌtse̱ jé‑la̱.
\v 11 ꞌKoa̱á ma‑ni nga jè Nainá si̱ìkasén jngo‑la̱ ngaꞌñó ra ki̱ìndisoko̱ mé‑ni nga katamakjiín‑la̱ jè ra kjoa̱ndiso,
\v 12 ko̱ nga ya̱ katakanè jé‑la̱ ngaꞌtsì jñà ra mì kì makjiín‑la̱ ra kjoa̱kixi̱, nga ta isa̱á jnchro kjoa̱ꞌcho sísin‑la̱.
\s Jñà ra xá itjahájin‑ni nga ki̱tjokajin kjo̱hiꞌin
\p
\v 13 Jiòn ꞌndsé ko̱ tichjeé ra ꞌñó tsjake‑no Na̱ꞌín‑ná, ni̱chjin nchijón‑ní nga tjínè‑naji̱n nga ko̱ꞌsín ꞌkín‑la̱ji̱n Nainá ra a̱ꞌta tsa̱jiòn nga tse kjo̱nda kataꞌse‑la̱ ra jè, ta nga̱tjì‑la̱ nga jè, xá ꞌkoa̱á ꞌsín ijye tsjahíjin‑no skanda ti̱ꞌsa̱ tjàꞌtsin‑la̱ kjoa̱. Kií xá tsjahíjin‑no nga ma kítjo̱kajion kjo̱hiꞌin ꞌtse̱ jé‑no. Ko̱ ꞌkia̱ nga jè Inìma̱ Tsje‑la̱ Nainá tísítsje‑no, ko̱ ꞌkia̱ nga nda makjiín‑no ra kjoa̱kixi̱, ꞌkoa̱á ꞌsín ma‑ni nga ma kítjo̱kajion kjo̱hiꞌin.
\v 14 Kií xá‑la̱ a̱ꞌta ꞌtse̱ ꞌén nda‑la̱ Cristo ra ji̱n tsiꞌkèna̱jmíya‑laji̱n nga ko̱ꞌsín kiìchja̱‑najiòn Nainá, mé‑ni nga ti̱ꞌkoa̱á kijchòtji̱ngi‑la kjoa̱jeya‑la̱ Jesucristo ra tíjna ítjòn‑ná.
\p
\v 15 ꞌKoa̱á ma‑ni ndí ꞌndsé ko̱ tichjeé, ko̱ꞌsín kixi̱ ti̱tsa̱jna jiòn koni ꞌsín nga makjiín‑no, ko̱ kì jmitákon jiòn koni ꞌsín tjín kjoa̱kixi̱‑la̱ Cristo ra tsakon‑ya‑laji̱n, a jñá‑ní ꞌén ra ji̱n ko̱tsiꞌkìn sabà‑laji̱n, o̱ ra jñá‑ní ra tjíꞌta xa̱jo̱n ra inikasén‑laji̱n.
\v 16 Jè sabà Jesucristo ra tíjna ítjòn‑ná ko̱ jè Nainá ra Na̱ꞌìn ꞌmí‑lá, ra ꞌñó kjotsjake‑ná ko̱ ra síjetakón‑ná skanda ta mé ni̱chjin‑ni, ko̱ ra tsjá‑ná jngo kjoa̱nda ra chiñá‑lá ra ta kjo̱tjò ꞌtse̱,
\v 17 jè katatsjá ngaꞌñó‑la̱ inìma̱‑no ko̱ katasíkixi̱yanda‑no nga ma ꞌsia̱an ngaꞌtsì kjoa̱ ra nda tjín ko̱ ki̱nákjoa̱a ngaꞌtsì ꞌén ra nda tsò.
\c 3
\s Jè ꞌén‑la̱ Nainá jeya katijna
\p
\v 1 Ra feheꞌta‑ni, jiòn ndí ꞌndsé ko̱ ndí tichjeé, titsaꞌbatjì‑náji̱n mé‑ni nga jè ꞌén‑la̱ Nainá ndi̱to̱n katamabísòn‑ni, ti̱ꞌkoa̱á nda kataꞌyaxkón koni ꞌsín kjomà ya̱ a̱ꞌta tsa̱jiòn.
\v 2 Ti̱ꞌkoa̱á titsaꞌbatjì‑náji̱n mé‑ni nga jè Na̱ꞌín‑ná katabasìko̱‑naji̱n nga mì jñà xi̱ta̱ ꞌcho ra mì kì nda tjín kjo̱bítsjen‑la̱ ske̱ton‑naji̱n; nga̱ mì tsa ta ngaꞌtsì xi̱ta̱ makjiín‑la̱.
\v 3 Tanga jè Na̱ꞌín‑ná síhitjasòn kiꞌtá‑ní koni ꞌsín nga tsò ra jè, ko̱ jé tsjá ngaꞌñó‑najiòn nga kixi̱ ki̱ncha ko̱ nga si̱ìkinda̱‑no ra a̱ꞌta ꞌtse̱ xi̱ta̱‑ni̱í.
\v 4 ꞌKoa̱á ꞌsín ꞌñó tjín takòn‑ji̱n ra a̱ꞌta ꞌtse̱ Na̱ꞌín‑ná, nga ꞌkoa̱á ꞌsín ijye i̱nchiꞌnià jiòn ko̱ ꞌkoa̱á ꞌsín ꞌsia̱an‑isa jiòn koni ꞌsín i̱nchibiꞌtin‑laji̱n.
\v 5 Jè Na̱ꞌín‑ná katasiko̱‑no nga ko̱ꞌsín kataꞌse‑no kjo̱tsjacha koni ꞌsín tjín‑la̱ kjo̱tsjacha Nainá; ko̱ nga ko̱ꞌsín katachíkjoa̱ko̱‑no kjo̱hiꞌin koni ꞌsín ichìkjoa̱ko̱‑la̱ Cristo.
\s Machjeén‑ní nga si̱xé
\p
\v 6 Jiòn ndí ꞌndsé ko̱ ndí tichjeé, ꞌkoa̱á ꞌsín biꞌtin‑laji̱n a̱ꞌta ꞌtse̱ Jesucristo ra tíjna ítjòn‑ná, nga kì ya̱ níngásòn‑ko̱o jñà xi̱ta̱ ꞌndsé ko̱ tichjeé ra majìn‑la̱ síxá; jñà ra mì tsa ko̱ꞌsín i̱nchiꞌsín koni ꞌsín tjín kjoa̱kixi̱ ra ji̱n tsakon‑ya‑laji̱n.
\v 7 Jiòn, ijyeé nda tjíjin‑no kóꞌsín nga machjeén nga chjíngí‑náji̱n, nga̱ mì tsa ta jyò tsikitsa̱jna‑ji̱n ꞌkia̱ nga ya̱ tsikitsa̱jnako̱‑laji̱n.\fig Paul sewing a tent- 33% (with hair) (ALT) CN 01999 (Same as above but without hair)|66-CN01997B.TIF|col|2TH 3:7‑10||Jè xá ra kiꞌsin Pablo nga tsikínda niꞌya nikje|2TH 3:7\fig*
\v 8 Mì tsa ta tsichi kjo̱tjò‑ji̱n ra a̱ꞌta tsa̱jiòn. ꞌÑó iníxá‑ji̱n nga ko̱ ni̱chjin ko̱ ni̱tje̱n inìkijtà‑ji̱n ijo‑na̱ji̱n, mé‑ni nga mì jiòn kjòhiꞌin‑no.
\v 9 Mì tsa tsò‑ni kjoa̱ nga mì kì tjíꞌnde‑naji̱n nga si̱jé‑laji̱n tsajmì ra machjeén‑naji̱n; kií ko̱ꞌsín kiꞌnià‑naji̱n nga jngo xkósòn tsikijna‑laji̱n, mé‑ni nga ko̱ꞌsín ꞌsia̱an‑te ra jiòn.
\v 10 ꞌKia̱ nga ya̱ tsikitsa̱jnako̱‑laji̱n, skanda ꞌkoa̱á ꞌsín tsikiꞌtin‑laji̱n nga jè ra majìn‑la̱ síxá, ti̱ꞌkoa̱á mì kì tjíꞌnde‑la̱ nga ko̱kje̱n.
\v 11 Nga̱ ꞌkoa̱á ꞌsín naꞌyá‑ji̱n ra a̱ꞌta tsa̱jiòn, nga tjítsa̱jnajiín iꞌka‑najiòn ra mì tsa kixi̱ tjíma; jè ra mì mé xá ꞌsín, nga ta ya̱á fajin faꞌa ya̱ ñánda̱ nga mì tsa ya̱ bako̱‑la̱.
\v 12 Jñà xi̱ta̱ ra ko̱ꞌsín i̱nchiꞌsín, ꞌkoa̱á ꞌsín biꞌtin‑ji̱n ko̱ ꞌbì‑la̱ji̱n ꞌén ra a̱ꞌta ꞌtse̱ Jesucristo ra tíjna ítjòn‑ná, nga ꞌñó katasíxá nga katabínè‑la̱ xá ijo‑la̱ mé‑ni nga ko̱ꞌsín koa̱àtsjiꞌa‑ni ijo‑la̱.
\p
\v 13 Ko̱ ra jiòn‑jiòn ꞌndsé ko̱ tichjeé, kì mìꞌon‑no nga nihitjasòn kjoa̱ ra nda tjióo̱n.
\v 14 Tsa tjín iꞌka ra mì kì ꞌnchréhijon koni ꞌsín tsò xa̱jo̱n ra i̱nchinìkasén‑laji̱n, tiꞌta xkòn yá‑ní, ko̱ kì tà chjàn ya̱ níngásòn‑ko̱o mé‑ni nga katasabà‑la̱.
\v 15 Tanga kì tà chjàn kondra̱ mangí‑la, ta isa̱á jnchro tiyachi̱ya‑la koni ꞌsín nga ꞌndsé ꞌmì‑la.
\s ꞌÉn ra síkjeheꞌta‑ni jè Pablo
\p
\v 16 Ko̱ jè sabá Na̱ꞌín‑ná ra tsjá kjo̱ꞌnchán, jè katatsjá kiꞌta‑no kjo̱ꞌnchán ra ta mé kjoa̱‑isa‑ni. Jè Na̱ꞌín‑ná nda katijnako̱‑no ngaꞌtsì‑no.
\p
\v 17 ꞌA̱n ra ꞌmì‑na Pablo, ngi jè sabá ndsa̱ tíbindá‑na ñánda̱ nga feheꞌta‑ni xa̱jo̱n ra̱kìi̱ nga tísixóꞌtà‑no. ꞌKoa̱á ꞌsín ꞌya‑la̱ xa̱jo̱n ra ꞌa̱n sikásée̱n, ꞌkoa̱á ꞌsín kjòn letra ra ꞌa̱n bindáa̱.
\v 18 Ko̱ꞌsín katatsjá‑no kjo̱nda‑la̱ Jesucristo ra tíjna ítjòn‑ná.