\id HEB
\h Hebreos
\toc1 Hebreos
\mt Xa̱jo̱n ra inikasén‑la̱ jñà xi̱ta̱ Hebreo
\c 1
\s Kóꞌsín jè Nainá jé Iꞌndí‑la̱ síchjeén nga chja̱‑ná
\p
\v 1 Nga ti̱ꞌsa̱ kjotseé jè Nainá kjín ꞌka̱ kiìchja̱‑la̱ jñà xi̱ta̱ jchínga‑ná nga isìchjeén jñà xi̱ta̱ ra kiìchja̱ ngajo‑la̱, nga kjìn sko̱ya tjín‑ni kóꞌsín nga kiìchja̱‑la̱.
\v 2 Tanga ꞌndi̱ ꞌndi̱ nga ijye tífeheꞌta ni̱chjin, jè Iꞌndí‑la̱ tísíchjeén nga tíchja̱‑ná ra a̱ꞌta ꞌtse̱, ko̱ ti̱jé‑ni ra isìchjeén nga tsikínda i̱sàꞌnde, jé isìnga̱tsja ijye ngaꞌtsì tsajmì ra tjín.
\v 3 Jè Iꞌndí‑la̱, jè bakón tsijen‑ná jè kjoa̱jeya‑la̱ Nainá, ko̱ jé bakón‑ná kóꞌki kjòn‑ni ko̱ kóꞌsín ꞌsín Nainá. Jè ngaꞌñó‑la̱ ꞌén ra chja̱, jé itsabáꞌñó‑ni i̱sàꞌnde. ꞌKia̱ nga ijye isikijne nga kjomà isìtsje jé‑ná, a̱kjòn tsihijin ján ngajmi nga tsikijnaꞌta ya̱ nga kixi̱‑la̱ Nainá.
\s Kóꞌsín kjòn jñà ìkja̱li̱ ko̱ jè Iꞌndí‑la̱ Nainá
\p
\v 4 Jè Iꞌndí‑la̱ Nainá tíjna ítjòn; isa̱á ꞌñó ꞌnga tíjna koni jñà ìkja̱li̱, ta nga̱tjì‑la̱ nga isa̱á ꞌñó chjí‑la̱ jè ꞌí ra kiꞌtsì‑la̱.
\p
\v 5 Nga̱ jè Nainá, ni̱jngo ìkja̱li̱ ra ko̱ꞌsín kitsò‑la̱:
\q Ji̱í‑nì ra Iꞌndí‑na̱
\q ko̱ ꞌa̱án‑ná ra Na̱ꞌìn‑li.
\m Ti̱ꞌkoa̱á ni̱jngo ìkja̱li̱ ra kitsò‑la̱:
\q ꞌA̱án ko̱ma Na̱ꞌìn‑la̱,
\q ko̱ jè ko̱ma Iꞌndí‑na̱.
\m
\v 6 Jè Nainá, ꞌkia̱ nga isìkasén jè Iꞌndí‑tjòn‑la̱ ya̱ i̱sàꞌnde, ti̱ꞌkoa̱á ꞌkoa̱á ꞌsín kitsò:
\q Ngaꞌtsì jñà ìkja̱li̱‑na̱, katabexkón‑ní.
\m
\v 7 Tanga ra a̱ꞌta ꞌtse̱ jñà ìkja̱li̱, ki̱í ꞌsín tsò:
\q Nainá, maá‑la̱ nga tjo̱ ꞌsín jñà ìkja̱li̱‑la̱.
\q Ko̱ maá‑la̱ niꞌí ꞌsín jñà chi̱ꞌnda‑la̱.
\m
\v 8 Tanga ra a̱ꞌta ꞌtse̱ Iꞌndí‑la̱, tsó‑ní:
\q Ji̱‑níi̱ Nainá, ko̱ ji̱í ko̱te̱xomi ta mé ni̱chjin‑nioo̱,
\q ngi kixi̱í nichjiín jè kjo̱téxoma ra tjíya ndsi̱i.
\q
\v 9 Jé matsjachi jè kjoa̱ ra nda tjín, ko̱ jticha‑ní jè kjoa̱ ra ꞌcho tjín.
\q ꞌKoa̱á ma‑ni, ꞌa̱n ra Nainá‑li ꞌmì‑ná, xá tsjahíjin‑ila
\q nga isa̱ nda jcha̱xkón‑li ko̱ isa̱ tse kjo̱tsja ꞌse̱‑li
\q koni jñà xi̱ta̱ xàngi̱i.
\m
\v 10 Ti̱ꞌkoa̱á tsò‑ní:
\q Ji̱ ra tijna ítjìn, skanda ti̱ꞌsa̱ tjàꞌtsin‑la̱ kjoa̱;
\q ji̱í tsikindi jè i̱sàꞌnde,
\q ko̱ ji̱í tsikindi jè ngajmi.
\q
\v 11 Ngaji̱, ki̱jna‑ní skanda ta mé ni̱chjin‑nioo̱;
\q tanga jè i̱sàꞌnde ko̱ jè ngajmi kje̱heꞌtà‑ní
\q ko̱ ko̱jchínga‑ní koni ꞌsín ma jñà nikje nga majchínga,
\q
\v 12 ꞌkoa̱á ꞌsín kíxkóyi koni jngo nikje ra tsjayeé
\q ko̱ ꞌkoa̱á ꞌsín si̱kaatjìyi koni ꞌsín nga fahatjìya nikje.
\q Tanga ra ji̱ ꞌkoa̱á ꞌki ko̱ma kjiꞌti,
\q ko̱ jè ni̱chjin‑li mì kì kje̱heꞌtà.
\m
\v 13 Nainá, ni̱jngo jñà ìkja̱li̱‑la̱ kitsò‑la̱:
\q I̱ ti̱jnaꞌtá‑ná ya̱ chrja nga kixi̱‑na̱,
\q skanda ꞌkia̱ nga sikítsa̱jnangia jñà kondra̱‑li ya̱ ñánda̱ nga i̱nchasòn ndsa̱kì.
\m
\v 14 Nga̱ jñà ìkja̱li̱, tà i̱sén ni̱chjin tsje‑ní, ko̱ ya̱á síxáꞌta‑la̱ Nainá; jñà nikasén nga basìko̱ jñà xi̱ta̱ ra tjábé‑la̱ kjo̱nda nga ki̱tjokajin kjo̱hiꞌin ꞌtse̱ jé‑la̱.
\c 2
\s Kóꞌsín machjeén nga si̱konde̱é jè ꞌén ra tsachrjejin‑ná kjo̱hiꞌin
\p
\v 1 Kií machjeén‑ní nga isa̱ nda si̱sieén ꞌén ra ijye inaꞌyé, mé‑ni nga mì xìn ndi̱yá kjìn‑né.
\v 2 Jñà kjo̱téxoma ra Nainá kitsjà ꞌkia̱ nga isìchjeén jñà ìkja̱li̱ jñà ni̱chjin ra ijye tsato, kiꞌseé‑la̱ kjo̱hixi̱; ko̱ jñà ra tsakátsji‑jé nga mì kì isìhitjasòn, kiꞌtsí‑la̱ kjo̱hiꞌin koni ꞌsín nga bakèn‑la̱ jñà jé ra tsakátsji.
\v 3 Ti̱ꞌkoa̱á jién, mì kì ko̱ma kjoaàjno‑ná kjo̱hiꞌin tsa mì kì si̱konde̱é jè kjoa̱ ra bato ꞌñó chjí‑la̱ koni ꞌsín nga ijye itjokàjieén kjo̱hiꞌin a̱ꞌta ꞌtse̱ jé‑ná. Nga̱ jé kjón Na̱ꞌín‑ná kiìchja̱ ítjòn nga ma kítjo̱jieén jé‑ná; ko̱ ra kjomà a̱skan‑nioo̱, jñà nda kisìchi̱ya‑ná jñà xi̱ta̱ ra kiíꞌnchré kjòn‑la̱ jñà ꞌén kìi̱, nga ngi ꞌén kixi̱ kiti‑ní.
\v 4 Nainá, ti̱ꞌkoa̱á isìkixi̱yandaá kjoa̱ kìi̱ ꞌkia̱ nga kjìn sko̱ya kjo̱xkón tsakón ko̱ ꞌkia̱ nga isìkaꞌbí kjo̱tjò ra tsjá jè Inìma̱ Tsje‑la̱; ꞌkoa̱á ꞌsín kitsjá koni ꞌsín nga kjomejèn‑la̱ ra jè.
\s Yá ra bachrjekàjin‑ná kjo̱hiꞌin ꞌtse̱ jé‑ná
\p
\v 5 Nga̱ Nainá, mì tsa jñà ìkja̱li̱ kitsjà‑la̱ nga jñà ko̱tèxoma‑la̱ jè i̱sàꞌnde ra ꞌsa̱ nchrabá jè ra i̱nchichibaya‑ná.
\v 6 Tanga tíchja̱á jngo ꞌká xa̱jo̱n ra tjíꞌta ꞌén‑la̱ Nainá ñánda̱ nga tsò:
\q Ji̱ Na̱ꞌìn, ¿yá‑ni ra jñà xi̱ta̱?
\q ¿A bakén‑la̱ nga ko̱ꞌsín ji̱ makájno‑li nga níkítsjin ra a̱ꞌta ꞌtse̱?
\q
\v 7 Ta chibaá ni̱chjin ko̱ꞌsín isa̱ nangi inìkíjni koni jñà ìkja̱li̱.
\q Tanga ra kjomà a̱skan, kiꞌtsì‑la̱ ji̱ kjoa̱jeya ko̱ ndaá iníkíjna‑ni nga kijchaxkón;
\q
\v 8 ko̱ ngaꞌtsì tsajmì, ya̱á iníkítsa̱jnangi ijyi ya̱ a̱ngi ndsa̱ko̱
\q [mé‑ni nga jè ko̱tèxoma ijye‑la̱].
\m Jè Nainá, ꞌkia̱ nga ko̱ꞌsín ya̱ tsikíhijyongí ijye ya̱ a̱ngi ndsa̱ko̱, ꞌkoa̱á ꞌsín chja̱‑ni nga ni̱mé tsajmì tjín ra mì tsa jè tíbatéxoma‑la̱. Tanga takó kjè kì nda ꞌya‑la̱ tsa jè tíbatéxoma ijye‑la̱ ngaꞌtsì tsajmì.
\v 9 Tanga ꞌndi̱, machi̱ya‑ná nga jè Jesús, ni̱ꞌsín nangi iníkíjna chiba ni̱chjin koni jñà ìkja̱li̱, tanga ꞌndi̱ ꞌndi̱, jeyaá tíjna, ko̱ ꞌngaá tíjna nga tíbatéxoma, ta nga̱tjì‑la̱ kjo̱hiꞌin ra isìkjiín ꞌkia̱ nga ꞌken. Ngi tà kjo̱nda ꞌtse̱ Nainá‑ní nga ko̱ꞌsín jè tsatojin ngajo‑la̱ kjo̱biya ngaꞌtsì xi̱ta̱.
\p
\v 10 Kjoa̱ kixi̱í ra kiꞌsìn Nainá, jè ra tsikínda ngaꞌtsì tsajmì ra tjín, ꞌkia̱ nga ko̱ꞌsín isikatojin kjo̱hiꞌin Iꞌndí‑la̱, mé‑ni nga jè kjo̱hiꞌin ra tsatojin Iꞌndí‑la̱, ꞌkoa̱á ꞌsín isìko̱ nga ni̱mé ra ichijaꞌta‑la̱, mé‑ni nga jè ko̱ma ko̱chrjekàjin kjo̱hiꞌin ngaꞌtsì i̱xti‑la̱ Nainá ra jè mejèn‑la̱ nga ya̱ kítsa̱jnako̱ ñánda̱ jeya tíjna ra jè.
\v 11 Nga̱ jè Iꞌndí‑la̱ Nainá, jé sítsje xi̱ta̱ ra tjín‑la̱ jé, ko̱ jñà‑nì xi̱ta̱ ra sítsje, ta̱jngoó Na̱ꞌìn ma‑ni. ꞌKoa̱á ꞌsín ma‑ni nga mì kì masabà‑la̱ nga ꞌndse̱ tsò‑la̱ jñà xi̱ta̱ ra sítsje.
\v 12 Jè xa̱jo̱n‑la̱ Nainá, ꞌkoa̱á ꞌsín tíchja̱ nga tsò:
\q ꞌKenájmí‑la̱ jñà ꞌndsèe̱ ra a̱ꞌta tsa̱ji,
\q ko̱ seé‑la̱ ra ji̱ ya̱ a̱jin xi̱ta̱ na̱xi̱ndá‑li.
\m
\v 13 Ti̱ꞌkoa̱á tjíꞌta ñánda̱ nga tsò:
\q Jé Nainá maꞌñóꞌta ikon.
\m India tjíꞌta‑isa ñánda̱ nga tsò:
\q I̱í tíjna̱ko̱ jñà i̱xti ra Nainá kitsjà‑na.
\p
\v 14 ꞌKoa̱á ꞌsín tjín koni jñà i̱xti‑la̱ xi̱ta̱ nga ta̱jngo jní ko̱ ta̱jngo ijo‑ní; ꞌkoa̱á ti̱ꞌsín jní ko̱ ijo kiꞌse‑la̱ jè Jesús mé‑ni nga a̱ꞌta ꞌtse̱ kjo̱biya‑la̱ ma isikijne‑la̱ jè xi̱ta̱‑ni̱í ra tjín‑la̱ ngaꞌñó nga ma‑la̱ síꞌken xi̱ta̱.
\v 15 Jesús, ꞌkoa̱á ꞌsín kjomàꞌtin mé‑ni nga kjomà isíkítsa̱jnandi̱í‑ni ngaꞌtsì xi̱ta̱ ra kiꞌta ni̱chjin i̱nchitsakjón‑la̱ jè kjo̱biya, nga ꞌkoa̱á ꞌsín títsa̱jna koni tsa tjítéꞌñó‑la̱ nga kóꞌki ni̱chjin bìtsa̱jnakon.
\v 16 Jesús mì tsa ki xá ꞌji‑ni nga jñà ìkja̱li̱ ko̱si̱ko̱, kií xá ꞌji‑ni nga jñà ko̱si̱ko̱ ra xi̱ta̱ tje̱‑la̱ Abraham.
\v 17 ꞌKoa̱á ꞌsín kjomà‑ni nga jè Jesús tjínè‑la̱ nga ko̱ꞌsín ngásòn kjomà koni jñà xi̱ta̱ ꞌndse̱, mé‑ni nga kjomà na̱ꞌmì ítjòn kjomà‑ni ra tjín‑la̱ kjo̱hi̱ma̱takòn ra nda síhitjasòn xá‑la̱ Nainá, nga kjomà tsikíchjítjì jé‑la̱ xi̱ta̱ ra a̱ꞌta ꞌtse̱ kjo̱biya‑la̱.
\v 18 Koni ꞌsín nga kisìkjiín kjo̱hiꞌin nga itjáꞌta ra jè, ꞌkoa̱á ti̱ꞌsín ma‑la̱ ko̱si̱ko̱ jñà xi̱ta̱ ra si̱ìkjiín kjo̱hiꞌin ꞌkia̱ nga tjáꞌta.
\c 3
\s Kóꞌsín Jesús isa̱á jeya tíjna mì ꞌkoa̱‑ni koni jè Moisés
\p
\v 1 Jiòn ndí ꞌndsé ra xi̱ta̱ na̱xi̱ndá tsje ꞌmì‑no ra xá ko̱ꞌsín kiìchja̱‑no Nainá nga xi̱ta̱ ꞌtse̱ ki̱tso̱‑no, ꞌkoa̱á ꞌsín nda ti̱kítsjen koni ꞌsín nga makjiín‑ná nga jè Cristo Jesús ra xá Nainá tsikíxá‑la̱ ko̱ nga na̱ꞌmì ítjòn isíkíjna.
\v 2 Jesús, ꞌkoa̱á ꞌsín nda tísíhitjasòn jè xá‑la̱ Nainá ra xá ko̱ꞌsín kiꞌtsì‑la̱, koni ꞌsín nga jè Moisés ndaá isìhitjasòn xá‑la̱ ya̱ a̱ꞌta ꞌtse̱ na̱xi̱ndá‑la̱ Nainá.
\v 3 Tanga jè Jesús, isa̱á jeya tíjna koni jè Moisés. ꞌKoa̱á jngoya‑la̱ koni jngo xi̱ta̱ ra bínda niꞌya, isa̱á jeya bijna ra jè, nda mí ꞌkoa̱‑ni jè niꞌya ra bínda.
\v 4 Ngaꞌtsì niꞌya, tsijen xi̱ta̱á bínda; tanga jé Nainá ra tsikínda ijye ngaꞌtsì tsajmì ra tjín ya̱ i̱sàꞌnde.
\v 5 Ra ngi kjo̱hixi̱, jè Moisés, koni xi̱ta̱ chi̱ꞌnda‑la̱ Nainá, nda isìhitjasòn xá‑la̱ ya̱ a̱jin na̱xi̱ndá‑la̱ Nainá. Kií xá kiꞌsìn nga jè kitsjà ꞌén kóꞌsín ki̱tso̱ Nainá ra ko̱ma a̱skan‑ni.
\v 6 Tanga jè Cristo, ra Iꞌndí‑la̱ Nainá ma, jé batéxoma a̱ꞌta ꞌtse̱ na̱xi̱ndá‑la̱; ko̱ jè na̱xi̱ndá ra̱kiòo̱, jién‑né tsa ngi kixi̱ ki̱tsa̱jneé skanda ꞌkia̱ nga kje̱heꞌtà ni̱chjin koni ꞌsín nga ꞌñó kjiꞌtatakén nga ngi ko̱ó kjo̱tsja‑ná i̱nchichiñá‑lá kjo̱nda‑la̱ Nainá.
\s ꞌKia̱ nga ki̱tjáha̱ꞌse̱én ñánda̱ si̱kjáyeé a̱ꞌta ꞌtse̱ Nainá
\p
\v 7 ꞌKoa̱á ꞌsín tsò jè Inìma̱ Tsje‑la̱ Nainá ya̱ xa̱jo̱n ra tjíꞌta ꞌén‑la̱ Nainá nga tsò:
\q Tsa i̱nchinaꞌyá jiòn ꞌndi̱ ꞌndi̱‑ni̱ jè ꞌén‑la̱ Nainá,
\q
\v 8 kì tà chjàn nítája inìma̱‑no koni ꞌsín kiꞌsìn jñà xi̱ta̱ ra kondra̱ kiì‑la̱ Nainá
\q nga iskóꞌta ya̱ i̱ꞌndeꞌtaxìn ñánda̱‑nioo̱ nga nangi kixì.
\m
\v 9 [ꞌKoa̱á ma‑ni nga ko̱ꞌsín kitsò Nainá:]
\q Jñà xi̱ta̱ jchínga‑no iskóꞌtá‑na,
\q ko̱ ichán nó kijtse jñà kjoa̱ ra kíꞌsiaa̱n.
\q
\v 10 ꞌKoa̱á ꞌsín ma‑ni nga kísíjchán‑ko̱ jñà xi̱ta̱ kìi̱,
\q ko̱ ꞌkoa̱á ꞌsín kíxian‑la̱: “Jiòn, kjiꞌtá ni̱chjin ta kjꞌií ꞌsín ndi̱yá fìko̱‑no jè inìma̱‑no,
\q ko̱ majìn‑no nga chjíbé jè ndi̱yá‑na̱.”
\q
\v 11 ꞌKoa̱á ma‑ni nga ꞌkia̱ nga ꞌñó kjojti‑na, kítsja‑ná ꞌén‑na̱ nga kíxian:
\q “Mì kì kjoa̱haꞌsen‑jin ya̱ i̱ꞌnde‑na̱ ñánda̱‑nioo̱ nga ma níkjáya.”
\p
\v 12 Ndí ꞌndsé, nda ti̱kinda̱a ijo‑no; kì ni̱jngo jiòn ra kjoa̱ꞌcho síkíjnajin inìma̱‑la̱ nga mì kì makjiín‑la̱ mé‑ni nga mì ko̱se̱nꞌtaxìn‑la̱ Nainá ra tíjnakon.
\v 13 Ta isa̱á ꞌti̱ ngaꞌñó‑la̱ xàngio̱o nga jngó jngó‑no nga ni̱chjin nchijòn ꞌkia̱ nga tíjna‑isa jè ni̱chjin, mé‑ni nga ni̱yá ra ya̱ ko̱tájajín‑ni jè kjoa̱ ꞌtse̱ jé ra sko̱ónda̱cha̱‑la̱.
\v 14 Jién, ya̱á nakjoá‑né ya̱ a̱ꞌta ꞌtse̱ Cristo, tsa ngi ko̱ꞌsín nda ko̱kjiín‑ná skanda ꞌkia̱ nga kje̱heꞌtà ni̱chjin koni ꞌsín nga kjokjiín‑ná nga ti̱ꞌsa̱ ítjòn.
\p
\v 15 Xa̱jo̱n ra tjíꞌta ꞌén‑la̱ Nainá, ꞌkoa̱á ꞌsín tíchja̱ nga tsò:
\q Tsa i̱nchinaꞌyá jiòn ꞌndi̱ ꞌndi̱‑ni̱ jè ꞌén‑la̱ Nainá,
\q kì tà chjàn ko̱ꞌsín nítája inìma̱‑no koni ꞌsín kiꞌsìn jñà xi̱ta̱ ra kondra̱ kijì‑la̱ Nainá.
\m
\v 16 ¿Yá xi̱ta̱‑ni ra kiíꞌnchré ꞌén‑la̱ Nainá ko̱ a̱kjòn kondra̱ kijì‑la̱? Jñà‑ní ngaꞌtsì xi̱ta̱ ra jè Moisés tsachrjekàjin ya̱ i̱ꞌnde Egipto.
\v 17 ¿Ko̱ yá xi̱ta̱‑ni ra ichán nó isíjchán‑ko̱ jè Nainá? Jñà‑ní xi̱ta̱ ra tsakátsji‑jé ko̱ ya̱á ꞌken ya̱ a̱ya ndi̱yá ya̱ ñánda̱ nga nangi kixì.
\v 18 ¿Ko̱ yá xi̱ta̱‑ni ra Nainá ko̱ꞌsín kitsò‑la̱ nga mì kì kjoa̱haꞌsen‑jin ya̱ i̱ꞌnde‑la̱ ñánda̱ ma níkjáya? Jñà‑ní xi̱ta̱ ra mì kì isìhitjasòn‑la̱.
\v 19 Ko̱ ꞌkoa̱á ꞌsín tísijin‑ná, nga kií mì kì ꞌjahaꞌsen‑jin‑ni ya̱ i̱ꞌnde ñánda̱ ma níkjáya ta nga̱tjì‑la̱ nga̱ mì kì kjokjiín‑la̱.
\c 4
\p
\v 1 ꞌKia̱ nga takó tíjna‑isa ꞌén‑la̱ Nainá ra ijye kitsjà nga ma ki̱tjáha̱ꞌse̱én ñánda̱ nga tíjna i̱ꞌnde‑la̱ ñánda̱ ma níkjáya, tjínè‑la̱ nga nda si̱konde̱é ijo‑ná tsa kií ni̱chjin‑ni mì kì ko̱ma ki̱tjáha̱ꞌse̱n iꞌka.
\v 2 Jién ijyeé tíꞌsena̱jmí‑ná ꞌén xi̱tse̱ ra nda tsò koni ꞌsín kiꞌsena̱jmí‑te‑la̱ jñà xi̱ta̱ jchínga‑ná. Tanga ra jñà, ta kjo̱tjó‑ni ni̱ꞌsín kiꞌsena̱jmí‑la̱, nga̱ mì kì ngásòn kjokjiín‑la̱ koni jñà xi̱ta̱ ra iꞌka ra isìhitjasòn jñà ꞌén kìi̱.
\v 3 Tanga jién‑né ra ijye makjiín‑ná ki̱tjáha̱ꞌse̱én ya̱ i̱ꞌnde ñánda̱ ma níkjáya. Koni ꞌsín kitsò Nainá:
\q ꞌKoa̱á ma‑ni nga ngi ko̱ó kjo̱jti‑na̱ nga kítsja ꞌén‑na̱ nga ko̱ ꞌsín kíxian
\q nga mì kì kjoa̱àꞌsen‑jin ya̱ i̱ꞌnde‑na̱ ñánda̱ ma níkjáya.
\m Ni̱ꞌsín jè xá‑la̱ Nainá ijyeé kjotseé ijyeheꞌtà, skanda ti̱ꞌkia̱‑ni nga isinda i̱sàꞌnde.
\v 4 Jè xa̱jo̱n ra tjíꞌta ꞌén‑la̱ Nainá, ꞌkoa̱á ꞌsín tíchja̱ a̱ꞌta ꞌtse̱ ni̱chjin ra ma‑ni ito nga tsò:
\q Ra ma ito ni̱chjin kisíkjáyaá jè Nainá nga ijyeheꞌtà ijye xá‑la̱.
\m
\v 5 Ti̱jé‑ni jè xa̱jo̱n ra tjíꞌta ꞌén‑la̱ Nainá india tíchja̱‑isa nga tsò:
\q Mì kì kjoa̱àꞌsen‑jìn ya̱ i̱ꞌnde‑na̱ ñánda̱ nga ma níkjáya.
\m
\v 6 Jñà xi̱ta̱ ra kiíꞌnchré ítjòn ꞌén ra nda tsò mì kì ꞌjahaꞌsen ya̱ i̱ꞌnde ra̱kìi̱ ta nga̱tjì‑la̱ nga mì kì isìhitjasòn; tanga takó chijaá iꞌka xi̱ta̱ nga kjoa̱haꞌsen ya̱ i̱ꞌnde ra̱kìi̱.
\v 7 ꞌKoa̱á ma‑ni jè Nainá tsikíjna ìjngo‑isa ni̱chjin, jè ni̱chjin ꞌndi̱ ꞌndi̱, koni ꞌsín kiìchja̱ David a̱ꞌta ꞌtse̱, ꞌkia̱ nga a̱skan‑nioo̱ nga tíchja̱ ya̱ xa̱jo̱n ra tjíꞌta ꞌén‑la̱ Nainá nga tsò:
\q Tsa ꞌndi̱ ꞌndi̱ nga i̱nchinaꞌyá jiòn jè ꞌén‑la̱ Nainá,
\q kì tà chjàn nítája inìma̱‑no.
\m
\v 8 Koni jè Josué mì kì kjomà kitsjà‑la̱ ni̱chjin níkjáya jñà xi̱ta̱ Israel, kií ko̱ꞌsín a̱skan‑nioo̱, Nainá isìkàxki̱ ìjngo‑isa ni̱chjin níkjáya.
\v 9 ꞌKoa̱á ma‑ni jè na̱xi̱ndá‑la̱ Nainá tíjna ìjngo‑isa‑la̱ ni̱chjin ñánda̱ nga ngi si̱ìkjáya.
\v 10 Nga̱ jè xi̱ta̱ ra ꞌfahaꞌsen‑jin ya̱ kjoa̱ níkjáya‑la̱ Nainá, ti̱ꞌkoa̱á síkjáya‑ní ra kjoa̱ ꞌtse̱ xá‑la̱ koni ꞌsín isíkjáya jè Nainá ra a̱ꞌta ꞌtse̱ xá‑la̱.
\v 11 Machjeén‑ní nga ꞌki̱ ngaꞌñó‑lá ijo‑ná nga ki̱tjáha̱ꞌse̱n‑jieén ya̱ kjoa̱ níkjáya‑la̱ Nainá, ko̱ mì kì ko̱ꞌsín ꞌsie̱én koni ꞌsín kiꞌsìn jñà xi̱ta̱ ra mì kì isìhitjasòn.
\p
\v 12 Jè ꞌén‑la̱ Nainá tíjnakon‑ní ko̱ tjín‑la̱ ngaꞌñó; isa̱á ta nda bate nda mí ꞌkoa̱‑ni koni jngo ki̱cha̱ ndajò ra ijò nga jò ꞌka̱; ꞌfahaꞌsen‑jin‑ní skanda ya̱ a̱jin inìma̱‑ná ko̱ ya̱ a̱jin kjo̱bítsjen‑ná; ti̱ꞌkoa̱á ꞌfahaꞌsen‑jin‑ní skanda ñánda̱ tjíkjo ninda‑ná ko̱ bijchó skanda ya̱ a̱ya‑la̱; kjóꞌtajin‑ní kótsò kjo̱bítsjen ra tjín‑jin ya̱ a̱jin inìma̱‑ná ko̱ mé ra mejèn‑la̱ nga ꞌsi̱in.
\v 13 Ngaꞌtsì ra Nainá tsikínda, ni̱mé ra tjíꞌma a̱ꞌta ꞌtse̱; nga̱ ngaꞌtsì kjoa̱, tjín tsijen ijyeé‑ní ya̱ ngixko̱n jè ra tjínè‑la̱ nga ꞌki̱‑lá kinda̱.
\s Mé xá ra tjín‑la̱ ra ngi jè saba na̱ꞌmì ítjòn
\p
\v 14 ꞌNdi̱‑ni̱ nga ijye ꞌyeé nga tíjna jngo‑ná ra ngi jè saba na̱ꞌmì ítjòn, jè ra ꞌmì Jesús ra Iꞌndí‑la̱ Nainá, jè ra ꞌjahaꞌsen‑jin ngajmi ya̱ ngixko̱n Nainá, ꞌkoa̱á ma‑ni nga machjeén‑ní nga kixi̱ ki̱tsa̱jneé a̱ꞌta ꞌtse̱ ꞌén ra makjiín‑ná.
\v 15 Nga̱ jè na̱ꞌmì ítjòn ra tíjna a̱ꞌta tsa̱jién, maá‑la̱ ko̱hi̱ma̱ke‑ná tsa ꞌkia̱ mé kjoa̱ ra mejèn kajieén; nga̱ jè, ꞌkoa̱á ti̱ꞌsín itjáꞌta koni ꞌsín saꞌkoa̱ tjáꞌté ra jién; ta jé‑ní nga ni̱kjiá tsakátsji‑jé ra jè.
\v 16 ꞌKoa̱á ma‑ni nga ngi kíjngo‑lá takén nga si̱chrañaꞌta‑lá ya̱ ñánda̱ tíbatéxoma Nainá ra tjín‑la̱ kjo̱nda, mé‑ni nga ske̱hi̱ma̱takòn‑ná ko̱ sakó‑ná kjo̱nda‑la̱ nga ko̱si̱ko̱‑ná ꞌkia̱ kjòn nga tímachjeén‑ná.
\c 5
\p
\v 1 Ngaꞌtsì jñà ra na̱ꞌmì ítjòn, ya̱á tjahíjin ya̱ a̱jin ꞌtse̱ xi̱ta̱ na̱xi̱ndá mé‑ni nga chja̱tjì‑ni xi̱ta̱ na̱xi̱ndá ya̱ ngixko̱n Nainá ko̱ mé‑ni ko̱ma tsjá‑la̱ kjo̱tjò Nainá ko̱ si̱ìꞌken cho̱ ra ta nga̱tjì kjoa̱ ꞌtse̱ jé‑la̱ xi̱ta̱.
\v 2 Koni jè na̱ꞌmì, saꞌkoa̱á mahindaá‑te inìma̱‑la̱, ꞌkoa̱á ꞌsín ma‑ni nga ma behi̱ma̱ jñà xi̱ta̱ ra mì kì machi̱ya‑la̱ ko̱ jñà ra xìn ndi̱yá tjímaya.
\v 3 Ta nga̱tjì‑la̱ kjoa̱ ra maꞌtin, kisìꞌkeén‑te cho̱ ra kjoa̱ ꞌtse̱ jé‑la̱ koni ꞌsín nga isìꞌken cho̱ ra kjoa̱ ꞌtse̱ jé‑la̱ xi̱ta̱ na̱xi̱ndá.
\p
\v 4 Ni̱yá ra tà jè ta̱jngo bíꞌta ijo‑la̱ jè xáꞌnga ra kìi̱; tà jé‑ní jè ra xá Nainá chja̱‑la̱ koni ꞌsín nga jè Nainá kiìchja̱‑la̱ jè Aarón.
\v 5 ꞌKoa̱á ma‑ni nga ti̱ꞌkoa̱á Cristo, mì tsa ti̱jè ꞌnga isíkíjna‑ni ijo‑la̱ koni na̱ꞌmì ítjòn; jè Nainá‑ní ra kitsjà‑la̱ jè xá ꞌnga ra̱kìi̱, ꞌkia̱ nga kitsò‑la̱:
\q Ji̱í‑ní ra Iꞌndí‑na̱,
\q ko̱ ꞌa̱án‑ná ra Na̱ꞌìn‑li.
\m
\v 6 Ti̱jé‑ni xa̱jo̱n ra tjíꞌta ꞌén‑la̱ Nainá india‑isa tíchja̱ ñánda̱ nga tsò:
\q Ji̱í‑ní ra na̱ꞌmì tijni skanda ta mé ni̱chjin‑nioo̱,
\q jè xá‑li, ꞌkoa̱á ti̱ꞌsín tjín koni jè xá ra kiꞌse‑la̱ jè ra tsiꞌkìn Melquisedec.
\m
\v 7 Jè Cristo ꞌkia̱ nga tsikijna i̱ i̱sàꞌnde ꞌñó kiìchja̱ꞌta‑la̱ Nainá, ngi ko̱ó ndáxko̱n tsikítsaꞌba‑la̱ ko̱ isíjéꞌta‑la̱ jè ra tjín‑la̱ ngaꞌñó nga ma‑la̱ ko̱chrjekàtji a̱ꞌta ꞌtse̱ kjo̱biya; jè Nainá kiíꞌnchré‑la̱ ta nga̱tjì‑la̱ nga ꞌñó nda kijtsexkón.
\v 8 Jè Cristo, ni̱ꞌsín Iꞌndí‑la̱ Nainá ma, ya̱á kjomà‑la̱ isìhitjasòn ꞌkia̱ nga isìkjiín kjo̱hiꞌin.
\v 9 ꞌKia̱ nga mì ti̱ mé ra ichijaꞌta‑la̱, ꞌkoa̱á ꞌsín kisijna nga jè ko̱chrjekàjin kjo̱hiꞌin xi̱ta̱ skanda ta mé ni̱chjin‑nioo̱, ngaꞌtsì ra si̱hitjasòn‑la̱.
\v 10 Jè Nainá, ꞌkoa̱á ꞌsín isíkíjna Jesús nga na̱ꞌmì ítjòn kjomà; kitsjá‑la̱ xá koni jè xá ra kiꞌse‑la̱ Melquisedec.
\s Kó kjòn ra kjè nda machi̱ya‑la̱
\p
\v 11 A̱ꞌta ꞌtse̱ kjoa̱ kìi̱, kjín jchán tjín‑ni ra ma ꞌse̱na̱jmí-isa‑najiòn, tanga ꞌñó chjá tjín kóꞌsín nga ꞌse̱na̱jmíya ta nga̱tjì‑la̱ nga ꞌñó iꞌin machi̱ya‑najiòn.
\v 12 Tsa nda kjòn‑ni tsiki, ijyeé‑la kjotseé maestro ꞌñó nda ma jiòn; tanga takó machjeén‑najiòn nga chjítáꞌyá xi̱tse̱ india‑no ꞌén‑la̱ Nainá kóꞌsín maꞌtsia̱ kjòn‑ni jñà ra isa̱ chiba chjá tjín. ꞌKoa̱á ꞌsín kjomà india‑najiòn koni kjòn ndí i̱xti‑xó ra takó tsjín ꞌbi nga kjè tsa ma‑la̱ bakjèn ni̱ño̱.
\v 13 Ngaꞌtsì ra takó ko̱ꞌsín kjòn koni kjòn ra tsjín ꞌbi, i̱xti‑ní, nga̱ kjè kì machi̱ya‑la̱ kóꞌsín tjín ra kjoa̱kixi̱.
\v 14 Tanga tà jñá ma bakjèn ni̱ño̱ ra ijye xi̱ta̱ jchínga, jñà ra ijye nda machi̱ya‑la̱ mé kjoa̱ ra nda tjín ko̱ mé kjoa̱ ra mì kì nda tjín, nga̱ ijyeé ko̱ꞌsín kjònga‑la̱.
\c 6
\p
\v 1 Machjeén‑ní nga nda katamajchá kjo̱bítsjen‑ná a̱ꞌta ꞌtse̱ Cristo nga mì tsa ta jñá chjítáꞌyáko̱ kiꞌté jñà ꞌén ra ichitáꞌyé nga ꞌsa̱ ítjòn; nga mì tsa ta jñá si̱kítsjen‑yá kjiꞌté jñà kjoa̱ ra maꞌtsia̱‑ni nga basìko̱ꞌta‑ná, koni jñà kjoa̱, nga iníkájneé kjoa̱ ra ꞌtse̱ jé‑ná nga mì ti̱ jé tsakátsji‑né jè ra ndi̱yá kjo̱biya fìko̱‑ná tsiki; ti̱ꞌkoa̱á mì tsa ta jè chjítáꞌyáko̱ kiꞌté jè kjoa̱ ꞌtse̱ koni ꞌsín nga kjokjiín‑ná a̱ꞌta ꞌtse̱ Nainá,
\v 2 ko̱ a̱ꞌta ꞌtse̱ kjo̱téxoma ra ꞌtse̱ kjoa̱ satíndá, ko̱ ꞌkia̱ nga fasón‑lá ndse̱é xàngie̱é, ko̱ kjoa̱ ra faháya‑ila̱ miꞌken, ko̱ kjoa̱ ꞌtse̱ ꞌkia̱ nga ki̱ìndajín‑ná Nainá mé ra ko̱ko‑ná skanda ta mé ni̱chjin‑ni.
\v 3 ꞌKoa̱á ꞌsín ma chjítáꞌyé ꞌén‑la̱ Nainá ra si̱ìjchá kjo̱bítsjen‑ná, tsa jè tsjáꞌnde nga ko̱ꞌsín ko̱ma.
\p
\v 4 Nga̱ jñà xi̱ta̱ ra ijye a̱sa kjohisen‑la̱ kjo̱bítsjen‑la̱ ko̱ ra ijye a̱sa tsikitsa̱jin kjo̱nda ra ꞌtse̱ Nainá ko̱ ra ta̱ña isíngásòn‑ko̱‑ná a̱ꞌta ꞌtse̱ Inìma̱ Tsje‑la̱ Nainá,
\v 5 jñà ra ti̱ꞌkoa̱á ijye a̱sa tsikitsa̱jin jè ꞌén nda‑la̱ Nainá ko̱ ngaꞌñó‑la̱ ra ꞌtse̱ i̱sàꞌnde ra ꞌsa̱ nchrabá,
\v 6 tsa xìn ndi̱yá ki̱ji̱ nga tsjín ꞌén‑la̱ Nainá, mì kì ti̱ ko̱nda‑ni jñà kjo̱bítsjen‑la̱ nga koa̱áfaꞌta india‑ila̱ Nainá, nga̱ ꞌkoa̱á ngoya‑la̱ koni tsa ti̱jñà inchibáꞌta india‑ni krò jè Cristo, ko̱ ko̱se̱n masen nga si̱ìsabàꞌtin.
\v 7 ꞌKoa̱á ngoya‑la̱ koni jè nangi ꞌkia̱ nga ꞌba jtsí, maꞌnchi̱ꞌnde‑ní. Tsa nda xka̱ ra ki̱so̱ ra ko̱chjeén‑la̱ xi̱ta̱ ra síxáko̱ nangi, Nainá si̱ichikonꞌtin nangi.
\v 8 Tanga tsa naꞌyá chi̱ꞌni̱ ko̱ tsa naꞌyá xiꞌnchro ki̱so̱, mì kì mé chjí‑la̱ jè nangi ra̱kìi̱, mì tsa nangi nda ya̱ ngixko̱n Nainá; ki̱jchó ni̱chjin nga jti̱.
\p
\v 9 Jiòn ndí ꞌndsè ra tsjacha‑laji̱n, ni̱ꞌsín ko̱ꞌsín nakjoá‑ji̱n, ꞌkoa̱á ꞌsín kixi̱ machi̱ya‑naji̱n nga isa̱á ta nda ko̱maꞌtin‑isa jiòn nga tjábé‑no jè kjo̱nda ra tji̱ko̱ ꞌkia̱ nga ko̱ꞌsín bítjo̱kajieén kjo̱hiꞌin.
\v 10 Nga̱ Nainá, ngi kjoa̱kixi̱í ra ꞌsín, nga mì kì si̱ìjchàhajin jè xá‑no ko̱ jè kjo̱tsjacha ra tjín‑no nga nda i̱nchinìsin‑la jñà xi̱ta̱ na̱xi̱ndá‑la̱ Cristo koni ꞌsín takó i̱nchiꞌnià skanda ꞌndi̱.
\v 11 Tanga ngaji̱n, ꞌkoa̱á ꞌsín mejèn‑naji̱n nga ngi ko̱ó kjo̱tsja‑no ko̱ꞌsín ti̱xá nga jngó jngó‑no skanda ta kjiá‑nioo̱, kóhonda katabitjasòn kjoa̱ ra i̱nchichiñá‑la.
\v 12 Majìn‑naji̱n nga katamaꞌtsè jiòn. Ta isa̱á jnchro jñà chjíngi‑la jñà xi̱ta̱ ra ijye i̱nchitjábé‑la̱ kjo̱tjò koni ꞌsín ijye kitsjà tsaꞌba Nainá ta nga̱tjì‑la̱ nga nda makjiín‑la̱ ko̱ nda i̱nchichíkjoa̱ko̱‑la̱.
\s Kóꞌsín Nainá kitsjà kixi̱‑la̱ tsaꞌba jè Abraham
\p
\v 13 Nainá, ꞌkia̱ nga kitsjà‑la̱ tsaꞌba jè Abraham, ꞌkoa̱á ꞌsín kitsjà kixi̱ ꞌén‑la̱ ra ti̱jè tsasén‑ni ꞌkia̱ nga mì ti̱ yá tjín‑ni ra isa̱ ꞌnga tíjna koni ra jè; ꞌkoa̱á ꞌsín kiìchja̱
\v 14 nga kitsò: “ꞌA̱n, ꞌñó nda sichíkonꞌtin‑la̱, ti̱ꞌkoa̱á ꞌñó kjìn ko̱ma jñà tje̱‑li.”
\v 15 ꞌKoa̱á ꞌsín kjomà‑ni nga jè Abraham iskoñákjoa̱‑ní, a̱kjòn itjábé‑la̱ koni ꞌsín kitsò‑la̱ jè Nainá.
\v 16 Jñà xi̱ta̱ i̱sàꞌnde, ꞌkia̱ nga tsjá tsaꞌba, jè síkaxki̱ jè ra tíjna ítjòn‑la̱. ꞌKia̱ nga ko̱ꞌsín tsjá ꞌén‑la̱, ta ya̱á feheꞌta kjoa̱, mì ti̱ mé ra jo̱óya-isa‑ni.
\v 17 ꞌKoa̱á ꞌsín kjomejèn‑la̱ Nainá nga nda kjón tsakón‑la̱ jñà xi̱ta̱ ra tjábé‑la̱ kjo̱tjò koni ꞌsín ijye kitsjà‑la̱ tsaꞌba nga ꞌkoa̱á ꞌsín tjíjngo ikon nga si̱hitjasòn ko̱ nga ni̱mé ra si̱ìkaatjìya‑la̱. Kií ko̱ꞌsín kitsjà‑ni ꞌén‑la̱ ra ꞌñó xkón tjín ꞌkia̱ nga ko̱ꞌsín kitsjà tsaꞌba.
\v 18 Jñá ꞌén kìi̱ ra jò ma‑ni, ra mì kì ma kjoa̱atjìya‑la̱, ko̱ mì kì ma sko̱ónda̱cha̱‑ná Nainá, ya̱á sakó‑ná jngo kjoa̱jetakòn ra ꞌñó tjín, ngaꞌtsí‑né ra i̱nchifatsjieé nga jè Nainá ko̱si̱ko̱‑ná ko̱ jién ra ko̱ꞌsín tjíjngo takén nga i̱nchichiñá‑lá koni ꞌsín nga ijye kitsjà tsaꞌba nga tsjá‑ná.
\v 19 Jè kjoa̱kixi̱ ra i̱nchichiñá‑lá, ꞌkoa̱á ꞌsín síkíjna kixi̱ inìma̱‑ná koni jngo ki̱cha̱ ra sitéꞌñó‑ni chitso; ko̱ kjoa̱kixi̱ ra̱kìi̱ skanda maá ꞌjahaꞌsen‑jin ya̱ i̱ꞌnde tsje ñánda̱ tja̱ꞌbájto jngo nikje,
\v 20 ya̱ ñánda̱ ꞌjahaꞌsen Jesús nga iskíꞌxa̱ꞌnde‑ná ndi̱yá nga na̱ꞌmì ítjòn tsikijna nda ta mé ni̱chjin‑nioo̱ koni jè Melquisedec.
\c 7
\s Jesús, ꞌkoa̱á ꞌsín jngoya‑la̱ koni jè na̱ꞌmì ítjòn ra tsiꞌkìn Melquisedec
\p
\v 1 Melquisedec xi̱ta̱xá ítjòn tsikijna ꞌtse̱ na̱xi̱ndá Salem, ti̱ꞌkoa̱á na̱ꞌmì ítjòn ꞌtse̱ Nainá ra tíjna ngajmi tsikijna‑te. Kiìkjá indiaá jè Abraham ꞌkia̱ nga tínchrabá‑ni nga ijye isikijne ijye‑la̱ xi̱ta̱xá ítjòn ra iskajàn‑ko̱, ko̱ jè Melquisedec ya̱á isìchikonꞌtin jè Abraham.
\v 2 Jè Abraham, teya kiꞌsìn ngaꞌtsì tsajmì ra isakò‑la̱ ꞌkia̱ nga kijì kjo̱jchán ko̱ jngo‑yá kitsjà‑la̱ jè Melquisedec tsajmì kìi̱. ꞌÍ ra ꞌmì Melquisedec, ꞌkoa̱á tsò‑ni: Xi̱ta̱xá Ítjòn ra Kixi̱ Tíjna; ko̱ nga jè ra xi̱ta̱xá ítjòn ꞌtse̱ Salem ꞌmì, Xi̱ta̱xá ra Tjín‑la̱ Kjo̱ꞌnchán, tsò‑ni.
\v 3 Jè Melquisedec mì kì ꞌya‑la̱ tje̱‑la̱, yá‑ni na̱ꞌìn‑la̱ ko̱ yá‑ni na̱‑la̱, ñánda̱ kitsin ko̱ ñánda̱ ꞌken; ꞌkoa̱á ꞌsín mangásòn‑ko̱ koni jè Cristo ra Iꞌndí‑la̱ Nainá, nga ti̱ꞌkoa̱á na̱ꞌmì ítjòn tíjna skanda ta mé ni̱chjin‑nioo̱.
\p
\v 4 Jiòn ti̱kítsjen nga ꞌñó ꞌnga tsikijna jè Melquisedec nga skanda jè xi̱ta̱ jchínga‑ná Abraham teya kiꞌsìn ngaꞌtsì tsajmì ra isakò‑la̱ ꞌkia̱ nga kiì kjo̱jchán nga jngo‑yá kitsjà‑la̱ jè Melquisedec.
\v 5 Kixi̱í kjoa̱, ꞌkoa̱á ꞌsín tíchja̱ kjo̱téxoma‑la̱ Moisés ra Nainá kitsjà‑la̱; nga jñà xi̱ta̱ na̱xi̱ndá tjínè‑la̱ nga teya si̱ìjòya tsajmì ra tjín‑la̱ nga jngoya tsjá‑la̱ jñà na̱ꞌmì ra tje̱‑la̱ Leví ni̱ꞌsín ti̱ xi̱ta̱ xákjén‑ni jñà ra ti̱ya̱ nchrabá‑ni tje̱‑la̱ Abraham.
\v 6 Tanga jè Melquisedec mì tsa tje̱‑la̱ Leví‑jìn, tanga itjábé‑la̱ ra jngoya bako̱‑la̱ tsajmì ra teya kiꞌsìn jè Abraham, a̱kjòn ꞌkia̱á isìchikonꞌtin; ni̱ꞌsín jè kjòn‑ni Abraham ra ko̱ꞌsín itjábé‑la̱ ꞌén a̱ꞌta ꞌtse̱ Nainá ꞌkia̱ nga kitsjà‑la̱ tsaꞌba.
\v 7 Koni ꞌsín tjíjin‑ná ngaꞌtsì‑ná, jè ra síchikonꞌtin, isa̱á ꞌnga tíjna mì ꞌkoa̱‑ni koni jè ra machikonꞌtin.
\v 8 Jñà na̱ꞌmì ra tjábé‑la̱ ra jngoya bako̱‑la̱ ra teya ꞌsín xi̱ta̱ na̱xi̱ndá, mì tsa ta kíhijyo kiꞌta‑jìn, tanga jè Melquisedec, ꞌkoa̱á ꞌsín tjíꞌta xa̱jo̱n‑la̱ Nainá nga ꞌkoa̱á ꞌsín ꞌya‑la̱ koni tsa jngo xi̱ta̱ ra takó tíjnakon.
\v 9 Jñà na̱ꞌmì ra nchrabá‑ni tje̱‑la̱ Leví ra tjábé‑la̱ ra jngoyá bako̱‑la̱ ra teya ꞌsín xi̱ta̱ na̱xi̱ndá, ko̱maá ko̱kixé nga ti̱ꞌkoa̱á jè Melquisedec kitjábé jngoya‑la̱ a̱ꞌta ꞌtse̱ xi̱ta̱ kìi̱ ꞌkia̱ nga ko̱ꞌsín jngoyá kitsjà‑la̱ Abraham.
\v 10 Nga̱ jè Abraham, ijyeé ya̱á ꞌya tje̱‑ni ra kjomà Leví, ꞌkia̱ nga ko̱ꞌsín iskajin Abraham jè Melquisedec.
\s Ra jò sko̱ya na̱ꞌmì
\p
\v 11 Jñà kjo̱téxoma ra itjábé‑la̱ jñà xi̱ta̱ Israel ya̱á inchrabàꞌta‑ni a̱ꞌta ꞌtse̱ na̱ꞌmì ra tje̱‑la̱ Leví; tanga jñà na̱ꞌmì kìi̱, mì kì kjomà‑la̱ nga ngi kixi̱ isíkítsa̱jna jñà xi̱ta̱, ꞌkoa̱á ꞌsín kjomà‑ni nga kjꞌií na̱ꞌmì ꞌji jngo‑isa ra ya̱ mangásòn‑ko̱ Melquisedec ko̱ mì tsa jè mangásòn‑ko̱ na̱ꞌmì ra tje̱‑la̱ Aarón.
\v 12 ꞌKia̱ nga xìn chja̱‑ni na̱ꞌmì ra ꞌfahaꞌsen ꞌkia̱ nga fahatjìya, kjo̱ꞌñó tjín‑ni nga fahatjìya jè kjo̱téxoma.
\v 13 Koni ꞌsín tíchja̱ ꞌén‑la̱ Nainá, jè ra itjábé‑la̱ xá koni ꞌtse̱ Melquisedec, kjꞌií tje̱‑ní; ni̱ kjè sa jngo na̱ꞌmì bitjokàjin ya̱ ñánda̱ nga inchrabàꞌta‑ni.
\v 14 ꞌKoa̱á ꞌsín nda ꞌya‑la̱ nga jè Na̱ꞌín‑ná Jesucristo, ya̱á inchrabàꞌta‑ni tje̱‑la̱ ꞌtse̱ na̱xi̱ndá Judá; ya̱ tje̱‑la̱ na̱xi̱ndá ra̱kìi̱, mì kì tsijen isìkàxki̱ jè Moisés ꞌkia̱ nga kiìchja̱ ra a̱ꞌta ꞌtse̱ jñà na̱ꞌmì.
\p
\v 15 Ngaꞌtsì kjoa̱ kìi̱, isa̱á makixi̱ya‑ná ꞌkia̱ nga jè na̱ꞌmì xi̱tse̱ ra ꞌfahaꞌsen, ꞌkoa̱á ꞌsín ꞌsín koni kiꞌsìn jè Melquisedec,
\v 16 nga mì tsa a̱ꞌta ꞌtse̱ kjo̱téxoma inchrabà‑ni nga ko̱ꞌsín na̱ꞌmì kjomà; tà jé‑ní nga tse ngaꞌñó tjín‑la̱ ko̱ mì yá ra ko̱ma‑la̱ si̱ìꞌken.
\v 17 Nga̱ ꞌkoa̱á ꞌsín tíchja̱ Nainá ra a̱ꞌta ꞌtse̱, nga tsò:
\q Ji̱í‑ní ra na̱ꞌmì tijni skanda ta mé ni̱chjin‑nioo̱,
\q ya̱á mangásòn‑ki̱ jè Melquisedec.
\m
\v 18 ꞌKoa̱á ꞌsín kjomà‑ni nga iskajen‑ngi jè kjo̱téxoma jchínga, ta nga̱tjì‑la̱ nga̱ mì kì kiꞌse‑la̱ ngaꞌñó, ko̱ mì kì itjasòn‑la̱ koni ꞌsín nga tjínè‑la̱ nga si̱hitjasòn.
\v 19 Nga̱ jè kjo̱téxoma jchínga ra kitsjà jè Moisés ni̱mé ra isìkixi̱ya xi̱ta̱; tanga ni̱chjin ꞌndi̱ ꞌndi̱, tjín jngo‑ná kjoa̱ ra i̱nchichiñá‑lá ra isa̱ nda tjín jè ra síchrañaꞌtà‑ná Nainá.
\s Kóꞌsín jé Jesús tíjna ítjòn‑la̱ koni jñà na̱ꞌmì ra kjꞌií
\p
\v 20 Jñà kjoa̱ kìi̱, mì tsa ko̱ꞌsín mì kì kitsjà tsaꞌba Nainá; koni jñà na̱ꞌmì ra iꞌka, ra ta ꞌkoa̱á ꞌsín itjábé‑la̱ xá, mì tsa yá ra kitsjà ꞌén‑la̱.
\v 21 Tanga ra a̱ꞌta ꞌtse̱ Na̱ꞌín‑ná Jesús kitsjá tsaꞌba Nainá jè ꞌén ra ꞌñó xkón tjín ꞌkia̱ nga kitsò:
\q Na̱ꞌín‑ná, ꞌkoa̱á ꞌsín ijye kitsjà kixi̱ ꞌén‑la̱ ra ꞌñó xkón tjín,
\q ko̱ mì kì ti̱ si̱ìkaatjìya‑ila̱ jè kjo̱bítsjen‑la̱ ꞌkia̱ nga kitsò:
\q “Ji̱í‑ní ra na̱ꞌmì tijni ta mé ni̱chjin‑nioo̱.”
\m
\v 22 ꞌKoa̱á ꞌsín ma‑ni nga jè Jesús basèn‑tjì‑ná ꞌkia̱ nga jè Nainá tsikíndajínko̱ jñà xi̱ta̱ jngo kjoa̱ ra isa̱ ꞌñó nda tjín.
\v 23 Jñà na̱ꞌmì ra tje̱‑la̱ Leví, ꞌñó kjín ma‑ni, ta nga̱tjì‑la̱ ꞌkia̱ nga jngo biya, ta ya̱á feheꞌta xá‑la̱, ìjngo na̱ꞌmì xákjín ꞌfahaꞌsen ngajo‑la̱ ꞌkia̱ nga biya.
\v 24 Tanga jè Jesús tíjna‑ní skanda ta mé ni̱chjin‑nioo̱ ko̱ mì tsa kjoa̱atjìya jè xá‑la̱ nga na̱ꞌmì tíjna.
\v 25 ꞌKoa̱á ꞌsín ma‑ni nga ma‑la̱ bachrjekàjin kjo̱hiꞌin jñà xi̱ta̱ ni̱ta mé ni̱chjin‑nioo̱, ngaꞌtsì ra a̱ꞌta ꞌtse̱ Jesús bijchó‑ni ya̱ ngixko̱n Nainá; ko̱ jè Jesús tíjnakon‑ní ni̱ta kjiá‑nioo̱ mé‑ni nga ma bítsaꞌbatjì‑ni jñà xi̱ta̱.
\p
\v 26 Ngi jé kjón‑ní Jesús jè na̱ꞌmì ítjòn ra machjeén‑ná: nga̱ xi̱ta̱ tsje‑ní; ko̱ mì tsa jé tjín‑la̱; ko̱ mì tsa tjé ꞌki ya̱ a̱jin inìma̱‑la̱; xìn tíjna‑la̱ jñà xi̱ta̱ ra jé tjín‑la̱; ko̱ jè‑ní ra isa̱ ꞌnga tíjna ya̱ ján ngajmi.
\v 27 Mì tsa ko̱ꞌsín ꞌsín koni ꞌsín jñà na̱ꞌmì ra iꞌka nga ni̱chjin nchijón‑ní síꞌken cho̱ ra tsjá kjo̱tjò ra kjoa̱ ꞌtse̱ jé‑la̱, a̱kjòn tsjá‑te ra a̱ꞌta ꞌtse̱ jé‑la̱ xi̱ta̱ na̱xi̱ndá. Tanga Jesús, ꞌkia̱ nga kitsjà kjo̱tjò ijo‑la̱ nga kinìꞌken, ta india kjón‑ní kitsjà skanda ta kjiá‑nioo̱.
\v 28 Jè kjo̱téxoma ra kitsjà Moisés, ꞌkoa̱á ꞌsín tíchja̱ nga jñà kítsa̱jna na̱ꞌmì ítjòn xi̱ta̱ ra tsìn‑la̱ ngaꞌñó; tanga jè ꞌén ra xkón tjín ra a̱skan kitsjà Nainá, ꞌkoa̱á ꞌsín tíchja̱ nga jè Iꞌndí‑la̱, na̱ꞌmì ítjòn kíjna, jè ra ko̱ꞌsín kisìko̱ nga nìmé kichijaꞌta‑la̱ skanda ta kjiá‑nioo̱.
\c 8
\s Kóꞌsín jé Jesús tsikíjnaꞌñó jngo ra kjoa̱ xi̱tse̱
\p
\v 1 Ngaꞌtsì kjoa̱ ra i̱nchichibaya‑ná, tjín jngo ra isa̱ ꞌñó chjí‑la̱, jè‑ní nga tíjnaá jngo‑ná na̱ꞌmì ítjòn ra ya̱ tsikijnaꞌta nga kixi̱‑la̱ ya̱ íxile̱‑la̱ Nainá jè ra tíbatéxoma ya̱ ján ngajmi.
\v 2 Ya̱á síxá ya̱ ñánda̱ tíjna ra ngi Niꞌya Tsje‑la̱ Nainá ra jè sabà Nainá tsikínda, ko̱ mì tsa xi̱ta̱ tsikínda.
\p
\v 3 Ngaꞌtsì ra na̱ꞌmì ítjòn ꞌkoa̱á ꞌsín satéxoma‑la̱ nga kjo̱tjò tsjá‑la̱ Nainá ko̱ cho̱ síꞌken, ko̱ ꞌkoa̱á ꞌsín ma‑ni nga jè Cristo, ti̱ꞌkoa̱á machjeén‑ní nga kiꞌse‑te‑la̱ mé ra kitsjà‑la̱ Nainá.
\v 4 Jè Cristo, tsa i̱í‑la tíjna i̱ a̱ꞌta nangi, skanda mí‑la ko̱ma nga na̱ꞌmì kíjna, nga̱ i̱ a̱ꞌta nangi, ta̱ ꞌkoa̱ tjín na̱ꞌmì ra tsjá‑la̱ kjo̱tjò Nainá koni ꞌsín tíchja̱ jè kjo̱téxoma ra tsikínda Moisés.
\v 5 Tanga jñà na̱ꞌmì ra tjín i̱ a̱ꞌta nangi ya̱á síxá ya̱ niꞌya ra ta i̱sén‑la̱ ko̱ jè ra ta ꞌngién‑la̱ jè Niꞌya Tsje‑la̱ Nainá ra tíjna ya̱ ján ngajmi; koni ꞌsín tsiꞌkìn‑la̱ Moisés, ꞌkia̱ nga ijye mejèn ki̱ìꞌtsia̱ kjòn nga ki̱ìnda jè niꞌya tsje‑la̱ Nainá ra ꞌtse̱ nikje, ꞌkia̱ nga kitsò‑la̱: “Nda kjón ti̱kítsjin koni ꞌki ra ítsakon‑la ya̱ nindo Sinaí, ꞌkoa̱ kjón ꞌsín ꞌki ra ꞌki ra tinda jngi.”
\v 6 Tanga ꞌndi̱‑ni̱, isa̱á nda tjín jè xá ra itjábé‑la̱ Jesucristo nga na̱ꞌmì ítjòn tíjna, nga̱ jè basèn‑jin‑ná jngo kjoa̱ xi̱tse̱ ra isa̱ nda tjín ra tsikíndajín Nainá ko̱ jñà xi̱ta̱, ta nga̱tjì‑la̱ nga ya̱á nchrabáꞌta‑ni ꞌén ra isa̱ nda tjín koni ꞌsín ijye kitsjà tsaꞌba Nainá.
\s Kóꞌsín nga jè kjoa̱ ra isindajín ítjòn mì tsa ngi nda kiꞌse
\p
\v 7 Tsa mí‑la mé isìjchijaꞌta‑la̱ jè kjoa̱ ra isindajín ítjòn, mí‑la ti̱ machjeén‑ni tsa ìjngo ꞌká si̱ndajín india‑ni.
\v 8 Tanga Nainá ꞌkia̱ nga tsakátiko̱ kitsò‑la̱:
\q Ki̱jchò ni̱chjin ꞌkia̱ nga ìjngo kjoa̱ xi̱tse̱ kindájín‑ko̱ò jñà xi̱ta̱ Israel ko̱ xi̱ta̱ Judá.
\q
\v 9 Jè kjoa̱ xi̱tse̱ ra kindájín‑ko̱ò,
\q mì tsa ti̱ ko̱ꞌsín si̱ndajín‑ni koni ꞌtse̱ xi̱ta̱ jchínga‑la̱,
\q ꞌkia̱ nga ꞌa̱n kjón ítsabáꞌñó tsja
\q nga ítsachrjékàjian ya̱ nangi Egipto.
\q Jñà xi̱ta̱ kìi̱, ta nga̱tjì‑la̱ nga mì isìhitjasòn jè kjoa̱ ra ítsikindájín‑ko̱,
\q ꞌkoa̱á ꞌsín kjomà‑ni nga kítsjin‑tákon.
\q
\v 10 ꞌKia̱ nga ijye ko̱to ni̱chjin kìi̱,
\q jè kjoa̱ xi̱tse̱ ra kindájín‑ko̱ jñà xi̱ta̱ Israel, ki̱íꞌsín tjín:
\q Jñà kjo̱téxoma‑na̱, ya̱á sikjáhaꞌsen‑jiaa̱n ya̱ a̱jin kjo̱bítsjen‑la̱,
\q ko̱ ya̱á kindáꞌtá ya̱ a̱jin inìma̱‑la̱.
\q Ko̱ ꞌa̱án ko̱ma jè Nainá‑la̱ ko̱ jñà ko̱ma xi̱ta̱ na̱xi̱ndá‑na̱.
\q
\v 11 Mì kì ti̱ ko̱chjeén‑ni nga xi̱ta̱ xákjín ko̱kòn‑ya‑la̱,
\q ni̱ jè ꞌndse̱ ko̱ki̱tso̱‑la̱ nga katabexkon‑na nga ꞌa̱n‑ná ra Nainá;
\q nga̱ ngaꞌtsí xi̱ta̱ ske̱xkon‑na,
\q maꞌtsia̱ kjòn‑ni ra i̱xti skanda jñà ra ꞌñó xi̱ta̱ jchínga.
\q
\v 12 ꞌA̱án sijcháꞌta‑la̱ ngaꞌtsì kjoa̱ꞌcho ra kiꞌsìn,
\q ko̱ ni̱ì‑ti̱‑kjiá síkítsjen‑na jñà jé‑la̱.
\q ꞌKoa̱á xiaa̱n ꞌa̱n ra Nainá.
\m
\v 13 ꞌKia̱ nga Nainá chja̱ a̱ꞌta ꞌtse̱ ra ìjngo‑isa kjoa̱ xi̱tse̱ ra sindajín, kií nga̱tjì‑la̱ nga ijyeé kjójchínga jè ra isinda ítjòn; ko̱ jè kjoa̱ jchínga ra ijye tífeheꞌta, ta chibaá ni̱chjin chija‑isa‑la̱ nga ngi jchi̱ja.
\c 9
\s Kjoa̱ xi̱tse̱ ra isa̱ nda tjín ra tsikíndajín Nainá ko̱ xi̱ta̱
\p
\v 1 Jè kjoa̱ ra tsikíndajín ítjòn Nainá kiꞌseé‑la̱ kjo̱téxoma kóꞌsín nga jeya si̱kíjna Nainá, ko̱ ti̱ꞌkoa̱á kisijnaá jngo‑te niꞌya tsje‑la̱ i̱ a̱ꞌta nangi.
\v 2 Jè Niꞌya nikje ra Tsje ra ꞌtse̱ Nainá, ꞌkoa̱á ꞌsín tjínda nga tíjna ítjòn jngo‑la̱ i̱ꞌnde ra ꞌmì I̱ꞌnde Tsje ñánda̱ tíjna jè ki̱cha̱ oro ra kjìn chrji̱ tjín‑la̱ ra sincháya niꞌí nga tì, ko̱ jè ímixa̱ ra sinchásòn ni̱ño̱ nchra̱jín tsje‑la̱ Nainá.
\v 3 Ya̱ a̱jto̱n‑la̱ nikje ra tjo̱ꞌbángi ra ma‑ni jò, ya̱á kjijna jè i̱ꞌnde ra ꞌmì I̱ꞌnde ra Bato ꞌÑó Tsje.
\v 4 Ya̱ i̱ꞌnde ra̱kìi̱, ya̱á tíjna jngo kàxa̱ ra ngi ki̱cha̱ sinè ra tìsòn chrjongó Nainá; ko̱ ti̱ꞌkoa̱á ya̱á kjijna kàxa̱ ra ngi ki̱cha̱ sinè ijàjno jè ra tjíya jñà tsajmì ra bakón kjoa̱ ra tsikíndajín Nainá. Kàxa̱ ra̱kìi̱, ya̱á tíjnaya jngo ti̱jí ra ngi ki̱cha̱ sinè ñánda̱ i̱jncha ni̱ño̱ nchra̱jín ra ꞌmì maná; ti̱ꞌkoa̱á ya̱á kjinaya yá koròti̱‑la̱ Aarón ra tsikíꞌjtsén ko̱ jñà na̱jo̱ te ra tjíꞌta kjo̱téxoma‑la̱ Nainá ra itjábé‑la̱ Moisés.
\v 5 Ya̱ a̱sòn kàxa̱ i̱ncha i̱sén‑la̱ ìkja̱li̱ ra tjín‑la̱ na̱jngá ra bakón chi̱ya kjoa̱jeya‑la̱ Nainá; jñà na̱jngá‑la̱ ya̱á bíjtsaꞌma jè kàxa̱; tanga ꞌndi̱ ꞌndi̱, mì kì machjeén nga jndà jndà ki̱nákje̱é ra a̱ꞌta ꞌtse̱ kjoa̱ kìi̱.
\p
\v 6 ꞌKia̱ nga ijye ko̱ꞌsín isinchanda tsajmì kìi̱, jñà na̱ꞌmì kjiꞌtá ni̱chjin ꞌfahaꞌsen ya̱ Niꞌya Tsje‑la̱ Nainá ra nikje, ya̱ i̱ꞌnde ra tíjna ítjòn nga síhitjasòn xá‑la̱ nga bexkón Nainá.
\v 7 Tanga jè i̱ꞌnde ra bijchó jò‑ni, ta jè ta̱jngo na̱ꞌmì ítjòn ma ꞌfahaꞌsen, ko̱ ta indiaá ma ꞌfahaꞌsen nga jngó jngó nó; ko̱ ꞌkia̱ nga ꞌfahaꞌsen, tjínè‑la̱ nga jní‑la̱ cho̱ ꞌba ra tsjá‑la̱ Nainá ta nga̱tjì‑la̱ kjoa̱ ꞌtse̱ jé‑la̱ ko̱ ta nga̱tjì‑la̱ ngaꞌtsì jé ra tjín‑la̱ xi̱ta̱ na̱xi̱ndá, jñà jé ra nda mí be kóꞌsín nga kàjin.
\v 8 ꞌKoa̱á ꞌsín síchi̱ya‑ná jè Inìma̱ Tsje‑la̱ Nainá, ꞌkia̱ nga takó jè tímachjeén jè Niꞌya Tsje ra Nikje ra isinda ítjòn, kjè kì tjáxa̱ꞌnde nga ko̱ma ki̱tjáha̱ꞌse̱én jè I̱ꞌnde ra isa̱ ꞌÑó Tsje.
\v 9 Jñà kjoa̱ ra kjomà kjotseé ta tsakón chi̱yaá jè kjoa̱ ra tíma ni̱chjin ꞌndi̱; nga̱ jñà kjo̱tjò ko̱ jní‑la̱ ꞌcho ra ixaájten ya̱ i̱ꞌnde jè, tsìn‑la̱ ngaꞌñó nga ngi india kjón si̱ìtsje kjo̱bítsjen‑la̱ xi̱ta̱, jñà ra ko̱ꞌsín bexkón Nainá.
\v 10 Kjoa̱ kìi̱, ta kjo̱téxoma ra a̱ꞌta ꞌtse̱ ijo‑la̱ xi̱ta̱‑ní, ꞌtse̱é tsajmì ra ma chine ko̱ ra ma ꞌyò, ko̱ kóꞌsín nga sítsje ijo‑la̱ xi̱ta̱; ta ꞌkoa̱á ꞌsín tje̱n ko̱chjeén skanda ꞌkia̱ nga jè Nainá si̱ìkaatjìya‑la̱ ngaꞌtsì kjoa̱ kìi̱.
\s Kóꞌsín nga isa̱á ꞌñó tjín‑la̱ ngaꞌñó jè kjo̱tjò‑la̱ Cristo
\p
\v 11 Tanga ꞌkia̱ nga ijye ꞌji jè Cristo ra na̱ꞌmì ítjòn tíjna a̱ꞌta ꞌtse̱ kjo̱nda‑la̱ Nainá ra ijye tíma, ya̱á ꞌjahaꞌsen Niꞌya Tsje‑la̱ Nainá ra isa̱ ꞌñó nda chon ko̱ ra isa̱ kixi̱ tjín nga̱ mì tsa tsja xi̱ta̱ isinda‑ni, jè ra tsò‑ni kjoa̱ nga mì tsa i̱ kisinda a̱ꞌta nangi.
\v 12 Jè Cristo ngi indiaá ꞌjahaꞌsen skanda ta kjiá‑nioo̱ ya̱ I̱ꞌnde Tsje; ko̱ mì tsa ti̱ jní‑la̱ tíndsó ko̱ jní‑la̱ nchra̱ja̱ isìchjeén‑ni nga ma ꞌjahaꞌsen; ngi ꞌtse̱ kjón‑ní jní ra isìchjeén nga ma ꞌjahaꞌsen; ꞌkoa̱á ꞌsín kiꞌsìn nga tsikíchjítjì jé‑ná mé‑ni nga ma si̱ìkítsa̱jnandi̱í‑ná ta mé ni̱chjin‑nioo̱.
\v 13 Tsa jñá‑la jní‑la̱ nchra̱ja̱ ko̱ jní‑la̱ tíndsó ko̱ chijo‑la̱ nchra̱ja̱ chjo̱ón iꞌndí ra kitì, matsje-sònꞌnga‑ni ijo‑la̱ xi̱ta̱ ra maxa̱ꞌya̱ ꞌkia̱ nga xaájten‑jnó,
\v 14 isa̱á ta tse ngaꞌñó tjín‑la̱ jè jní‑la̱ Cristo. Nga̱ ngi ko̱ó ngaꞌñó‑la̱ Inìma̱ Tsje ra tíjnakon nda tà mé ni̱chjin‑nioo̱, nga kisìnga̱tsja ijo‑la̱ Nainá koni jngo kjo̱tjò ra nì ta̱ mé jé tjín‑la̱. Jé jní‑la̱ Cristo si̱ìtsje‑ni kjo̱bítsjen‑no nga kjoa̱áxìn‑no jè kjoa̱ꞌcho ra kjo̱biya kjiꞌta‑la̱ mé‑ni nga ya̱ si̱xáꞌta‑la Nainá ra tíjnakon.
\s Kóꞌsín tjín jè kjoa̱ xi̱tse̱ ra tsikíndajín Nainá ko̱ xi̱ta̱
\p
\v 15 ꞌKoa̱á ma‑ni, nga jé Cristo ra basèn‑jin masen ꞌkia̱ nga sindajín jngo kjoa̱ xi̱tse̱; ꞌkia̱ nga ꞌken, jè tsikíchjítjì jé‑la̱ xi̱ta̱ ra tsakátsji ꞌkia̱ nga ti̱ꞌsa̱ jè tíbatéxoma kjoa̱ ra isindajín ítjòn, mé‑ní nga jñà ra xá inakjoá‑la̱, tjábé‑la̱ koni ꞌsín nga kitsjà‑la̱ tsaꞌba Nainá jè kjo̱tjò ra mì kì feheꞌta skanda ta kjiá‑nioo̱.
\v 16 ꞌKia̱ nga jngo xi̱ta̱ síkaꞌbí tsajmì ra tjín‑la̱, bínda jngo xa̱jo̱n ra bájna masen [ra ꞌmì testamento]. Tanga skanda ꞌkia̱á ma machjeén xa̱jo̱n ra̱kìi̱ ꞌkia̱ nga ijye biya jè xi̱ta̱ ra tsikínda.
\v 17 Tanga jè xa̱jo̱n ra̱kìi̱, mì kì mé chjí‑la̱ ꞌkia̱ nga takó tíjnakon‑isa jè xi̱ta̱ ra tsikínda, skanda ꞌkia̱á chjí‑la̱, ꞌkia̱ nga ijye ki̱yá.
\v 18 Jè kjoa̱ ra kisindajín ítjòn, ꞌkoa̱á ti̱ꞌsín ko̱ kjoa̱biyaá kisindajín‑te‑ni nga jní‑la̱ cho̱ kjochjeén.
\v 19 Moisés, ꞌkia̱ nga ijye tsiꞌkéna̱jmíya ngaꞌtsì kjo̱téxoma‑la̱ Nainá ya̱ a̱jin‑la̱ xi̱ta̱ na̱xi̱ndá, iskábé jní‑la̱ tíndsó ko̱ jní‑la̱ nchra̱ja̱ iꞌndí ko̱ isíkójin nandá, ko̱ iskábé tsja̱‑la̱ forrè ra inì kjòn ko̱ jngo chrja‑la̱ yá ra ꞌmì hisopo; a̱kjòn tsjahíjin ya̱ jní, ko̱ a̱kjòn tsikíxten‑jnó jè xa̱jo̱n ra tjíꞌta kjo̱téxoma‑la̱ Nainá; ra ijye kjomà, tsikíxten‑jnó‑te ngaꞌtsì jñà xi̱ta̱ na̱xi̱ndá.
\v 20 Jè Moisés kitsò: “Jè jní ra̱kìi̱ ra síkixi̱ya kjoa̱ ra tsikíndajín‑ko̱‑no Nainá, jè kjo̱hixi̱ ra kitsjà‑no nga si̱itjasòn.”
\v 21 Moisés ti̱ꞌkoa̱á tsikíxten‑jnó‑te jní ya̱ Niꞌya Tsje‑la̱ Nainá ra nikje ko̱ ngaꞌtsì tsajmì ra machjeén ꞌkia̱ nga ꞌyaxkón.
\v 22 Koni ꞌsín tíchja̱ jè xa̱jo̱n ra tjíꞌta kjo̱téxoma‑la̱ Nainá, kja̱meé ngaꞌtsì tsajmì, saba jní matsje ijye‑ni; tsa mì kì xa̱ájten jní, tsìn ra ꞌmì kjoa̱nìhijchaꞌta ra a̱ꞌta ꞌtse̱ jé.
\v 23 ꞌKoa̱á ma‑ni nga tjínè‑la̱ nga jní‑la̱ cho̱ kjotsje‑ni jñà tsajmì kìi̱ ra xkósòn‑la̱ tsajmì ra tjín ya̱ ján ngajmi; tanga jñá kjón‑ní tsajmì ra tjín ya̱ ján ngajmi, jé machjeén‑la̱ nga xa̱ájten jní ra isa̱ ꞌñó nda tjín nga ma ko̱tsje‑ni.
\s Mé nga̱tjì‑la̱ nga ko̱ꞌsín kitsjà kjo̱tjò ijo‑la̱ Cristo
\p
\v 24 Tanga jè Cristo mì tsa ya̱ ꞌjahaꞌsen ya̱ Niꞌya Nikje Tsje ra ta tsja xi̱ta̱ isinda‑ni ra ta xkósòn‑la̱ Niꞌya Tsje‑la̱ Nainá ra kjijna ján ngajmi. Tanga ngi ya̱ kjón ꞌjahaꞌsen ya̱ ján ngajmi nga ijchò ya̱ ngixko̱n Nainá nga tíchja̱tjì‑ná.
\v 25 Mì kì tsa ko̱ꞌsín kjìn ꞌka̱ ꞌjahaꞌsen ya̱ ján ngajmi nga kjìn ꞌka̱ kitsjà kjo̱tjò ijo‑la̱, koni ꞌsín ꞌsín jngo na̱ꞌmì ítjòn nga xki̱ nó ꞌfahaꞌsen ya̱ I̱ꞌnde ra Bato ꞌÑó Tsje nga ꞌfahaꞌsen‑ko̱ jní ra mì tsa ꞌtse̱.
\v 26 Tsa ꞌkoa̱à‑la ꞌsín tjínè‑la̱ nga ko̱ꞌsín ko̱ma tsiki, jè Cristo, kjín‑la ꞌka̱ tsatojin kjo̱hiꞌin skanda ꞌkia̱‑ni isinda i̱sàꞌnde. Tanga ꞌndi̱ ꞌndi̱, nga ijye tífeheꞌta ni̱chjin, ta india kjón‑ní ko̱ꞌsín kitsjà ijo‑la̱ skanda ta kjiá‑nioo̱ nga ko̱ꞌsín jè saba jní‑la̱ tsikíxten mé‑ni nga tsjahíxìn‑ni kjoa̱ ꞌtse̱ jé.
\v 27 ꞌKoa̱á ꞌsín tjín ra a̱ꞌta ꞌtse̱ ngaꞌtsì xi̱ta̱ nga ta india kjón‑ní biya, ko̱ a̱skaán kjꞌi̱í jè ni̱chjin ꞌkia̱ nga si̱ndajín‑la̱.
\v 28 ꞌKoa̱á ti̱ꞌsín tjín a̱ꞌta ꞌtse̱ Cristo; ta indiaá kitsjà kjo̱tjò ijo‑la̱ nga ꞌken mé‑ni nga kjìn xi̱ta̱ itjahíxìn‑la̱ jé‑la̱ ra jè kiꞌtsamíjìn; tanga ra ki̱jchò‑ni jò ꞌka̱, mì tsa ti̱ jé ꞌkoa̱míjìn‑ni; kií xá kjꞌi̱í‑ni nga ko̱chrjekàjin kjo̱hiꞌin jñà ra i̱nchikoñá‑la̱.
\c 10
\s Kóꞌsín nga mì kì ti̱ machjeén‑ni kjo̱téxoma ra isindajín ítjòn
\p
\v 1 Jè kjo̱téxoma‑la̱ Nainá ra itjábé‑la̱ Moisés, mì tsa ngi jè kjòn‑ni jè kjo̱nda ra a̱skan tjínè‑la̱ nga ꞌji; koni ta tje̱n tsakón i̱tsé jè ꞌngién‑la̱. ꞌKoa̱á ma‑ni nga jè kjo̱téxoma ni̱kjiá ko̱ma ngi tsje si̱ìkítsa̱hijyo jñà xi̱ta̱ ra xki̱ nó xki̱ nó síchrañaꞌta‑la̱ Nainá nga ti̱jñà ti̱jñà kjo̱tjò tsjá‑ni nga xki̱ nó.\fig Dead sheep as burnt offering on altar without horns -25% |68-LB00255B.TIF|col|HEB 10||I̱ꞌnde ñánda̱ nga sínga̱tsja Nainá jñà kjo̱tjò‑la̱ xi̱ta̱|HEB 10:1\fig*
\v 2 Tsa india kjón‑la jè kjo̱téxoma sítsje jñà jé‑la̱ xi̱ta̱, mí‑la ti̱ kì jñà si̱jin‑ni kjo̱bítsjen‑la̱ nga jé tjín‑la̱, ko̱ mí‑la ti̱ jní‑la̱ cho̱ tsjá kjo̱tjò‑ni.
\v 3 Tanga jè jní‑la̱ cho̱, xki̱ nó xki̱ nó síkítsjen‑yá‑la̱ jè jé ra tjín‑la̱ xi̱ta̱.
\v 4 Nga̱ jè jní‑la̱ nchra̱ja̱ ko̱ jè jní‑la̱ tíndsó mì kì ma‑la̱ faháxìn jñà jé‑la̱ xi̱ta̱.
\s Kóꞌsín chjí‑la̱ jè kjo̱biya‑la̱ Cristo
\p
\v 5 ꞌKia̱ nga ꞌji Cristo i̱ i̱sàꞌnde, kitsò‑la̱ Nainá:
\q Majìn‑li jní‑la̱ cho̱ ra biya, ko̱ kjo̱tjò ra tsjá‑li xi̱ta̱,
\q tanga jé ijo‑na̱ iníkíjnandi.
\q
\v 6 Mì kì sasén‑li nga cho̱ tì‑li,
\q ko̱ ni̱jñà kjo̱tjò ra tsjá‑li ra a̱ꞌta ꞌtse̱ jé‑la̱ xi̱ta̱.
\q
\v 7 ꞌKia̱á kíchjà nga kíxin‑la: “Koni ꞌsín tíchja̱ xa̱jo̱n‑li ra a̱ꞌta tsa̱ꞌa̱n,
\q i̱í tíjna̱ nga sìhitjásòo̱n koni ꞌsín mejèn‑li ji̱ ra Nainá ꞌmì‑li.”
\m
\v 8 Jè Cristo, ki̱í ꞌsín kitsò nga ítjòn: “Mì kì kjomejèn‑li ti̱ꞌkoa̱ mì kì kisasén‑li jní‑la̱ cho̱ ra biya ko̱ kjo̱tjò ra tsjá‑li xi̱ta̱, ko̱ cho̱ ra baká‑li xi̱ta̱ ko̱ kjo̱tjò ra tsjá‑li ra a̱ꞌta ꞌtse̱ jé‑la̱”, ni̱ꞌsín takó ko̱ꞌsín tíchja̱ kjo̱téxoma nga tjíné‑la̱ nga ko̱tjín ra tsjá xi̱ta̱.
\v 9 A̱kjòn kitsò‑isa: “I̱í tíjna̱ i̱jndíi̱ mé‑ni nga sìhitjásòn‑na koni ꞌsín mejèn‑li.” Kií tsò‑ni jñà ꞌén kìi̱ nga jè Cristo tsjahíxìn jè kjoa̱ ra tíjna ítjòn mé‑ni nga kisíkíjna‑ni jè kjoa̱ ra xi̱tse̱.
\v 10 ꞌKoa̱á ꞌsín kjomà‑ni nga isìtsje inìma̱‑ná Nainá a̱ꞌta ꞌtse̱ Na̱ꞌín‑ná Jesucristo ꞌkia̱ nga isìhitjasòn koni ꞌsín kjomejèn‑la̱ Nainá nga ta india kjón‑ní kitsjà ijo‑la̱ skanda ta kjiá‑nioo̱ koni jngo kjo̱tjò ꞌkia̱ nga ꞌken.
\p
\v 11 Ngaꞌtsì na̱ꞌmì, ni̱chjin nchijòn i̱nchisíhitjasòn xá‑la̱ nga ꞌñó kjìn ꞌka̱ ti̱jè ti̱jè kjo̱tjò sínga̱tsja‑ni Nainá, jñà kjo̱tjò ra ni̱kjiá ma‑la̱ faháxìn jé‑la̱ xi̱ta̱.
\v 12 Tanga jè Jesucristo, ta jngo ꞌká kjón‑ní kitsjà kjo̱tjò ijo‑la̱ skanda ta kjiá‑nioo̱ ra ta nga̱tjì‑la̱ kjoa̱ ꞌtse̱ jé; ra ijye kjomà, a̱kjòn ya̱á tsikijnaꞌta ya̱ nga kixi̱‑la̱ Nainá.
\v 13 Ya̱á tíkoñá skanda ꞌkia̱ nga jñà xi̱ta̱ kondra̱‑la̱ si̱ìjchija nga jè Nainá si̱ìkíjyongí ya̱ ndsa̱ko̱.
\v 14 Nga̱ ta india kjón‑ní kitsjà kjo̱tjò ijo‑la̱ mé‑ni nga ngi nda kjòkixi̱ya‑ni skanda ta kjiá‑nioo̱ jñà xi̱ta̱ ra i̱nchimatsje.
\v 15 Jè Inìma̱ Tsje‑la̱ Nainá ndaá síkixi̱ya‑ná ꞌkia̱ nga kitsò ítjòn:
\q
\v 16 Jè kjoa̱ ra̱kìi̱ ra kindájín‑ko̱ jñà xi̱ta̱
\q ꞌkia̱ nga ko̱ma a̱skan‑nioo̱, tsò Na̱ꞌín‑ná:
\q Jñà kjo̱téxoma‑na̱, ya̱á kindáꞌtá inìma̱‑la̱,
\q ko̱ ya̱á kijiáa̱n ya̱ a̱jin kjo̱bítsjen‑la̱.
\m
\v 17 Ko̱ tsò‑isa:
\q Ni̱ì‑ti̱‑kjiá síkítsjen‑yá india‑na jñà jé‑la̱,
\q ko̱ ngaꞌtsì kjoa̱ꞌcho ra kiꞌsìn.
\m
\v 18 ꞌKia̱ nga ijye inìhijchaꞌta‑ná jé‑ná mì kì ti̱ machjeén‑ni nga jní xa̱ájten ra kjoa̱ ꞌtse̱ jé.
\s Kóꞌsín nga maá nda jchi̱bá‑ná ko̱ Nainá ra a̱ꞌta ꞌtse̱ Cristo
\p
\v 19 ꞌKoa̱á ma‑ni jiòn ndí ꞌndsé, ta nga̱tjì‑la̱ jní ra tsikíxten Jesús, tjíꞌnde‑ná nga ma ki̱tjáha̱ꞌse̱én ya̱ I̱ꞌnde ra Bato ꞌÑó Tsje ya̱ ñánda̱ nga tíjna Nainá.
\v 20 Nga̱ jè iskíꞌxa̱ jngo‑ná ndi̱yá xi̱tse̱ ra fìko̱‑ná ñánda̱ nga ki̱tsa̱jnakeén mé‑ni nga ko̱ma ki̱tjáha̱ꞌse̱én ya̱ ñánda̱ nga tja̱ꞌbájto jè nikje ra tja̱ꞌbáya masen‑la̱ jè I̱ꞌnde Tsje‑la̱ Nainá; nga jè nikje, jé ngoya‑la̱ ijo‑la̱ Jesús.
\v 21 Nga̱ tíjnaá jngo‑ná na̱ꞌmì ra ꞌñó jeya tíjna ra batéxoma ya̱ niꞌya‑la̱ Nainá.
\v 22 ꞌKoa̱á ma‑ni nga machjeén‑ní nga ngi ko̱ó inìma̱‑ná si̱chrañaꞌta‑lá Nainá nga ngi tíjngo takén ra a̱ꞌta ꞌtse̱, ꞌkia̱ nga ijye kjotsje inìma̱‑ná ngaꞌtsì ra kjo̱bítsjen ꞌcho ko̱ ngi nandá tsje ra kisiníjno‑ni ijo‑ná.
\v 23 Kixi̱ ki̱tsa̱jnake̱é kjoa̱ ra i̱nchichiñá‑lá koni ꞌsín nga bixé nga makjiín‑ná, nga mì kohíko̱jno kohíko̱ꞌté kjo̱bítsjen‑ná; nga̱ Nainá, xi̱ta̱ kixi̱‑ní, si̱hitjasòn koni ꞌsín ijye kitsjá‑ná ꞌén‑la̱.
\v 24 Kjótsjiꞌnde‑lá kóꞌsín nga ki̱si̱ke̱é jñà xàngie̱é mé‑ni nga isa̱ nda ꞌse̱‑ná kjo̱tsjacha ko̱ mé‑ni nga ko̱ma ko̱ꞌsín ꞌsie̱én jñà kjoa̱ ra nda tjín.
\v 25 Mì kì ki̱jmié koni ꞌsín nga ꞌfìheé ya̱ ñánda̱ nga maxkóyeé koni ꞌsín ꞌsín iꞌka jñà xi̱ta̱ ra ijye ko̱ꞌsín nga‑la̱; ta isa̱á machjeén‑ní nga ꞌki̱ ngaꞌñó‑lá jñà xàngie̱é nga jngó jngó‑ná, ko̱ isa̱á ꞌkia̱ nga ijyeé tíꞌya‑la̱ nga tímachraña jè ni̱chjin‑la̱ Nainá.
\p
\v 26 Nga̱ tsa xá tjín‑ni takén nga kjótsji‑jé iseé, ꞌkia̱ nga ijye kaꞌyaxkeén ra kjoa̱kixi̱ ꞌtse̱ Nainá, mì kì ti̱ mé jní ra ma xa̱ájten‑ni ra kjoa̱híxìn india‑ni jé‑ná.
\v 27 Ta jé chiñá-isa‑lá nga ko̱ko̱‑ná kjo̱hiꞌin ra ꞌñó iꞌin tjín ko̱ jè niꞌí ra sítì síjnga̱ tíma ñánda̱ nga jti̱ jñà xi̱ta̱ ra kondra̱ fì‑la̱ Nainá.
\v 28 Jè ra batonè‑la̱ jè kjo̱téxoma ra itjábé‑la̱ Moisés, tsa jò ko̱ tsa jàn xi̱ta̱ tsjá ꞌén nga kijtse nga kixi̱í kjoa̱, mì kì mahi̱ma̱cha‑jìn, ta ndi̱to̱ón nìꞌken.
\v 29 Kóꞌsín be‑la̱ takòn jiòn, ¿a mí tsa isa̱ tse kjo̱hiꞌin bakén‑la̱ jñà xi̱ta̱ ra minchanè jè Iꞌndí‑la̱ Nainá ko̱ bachrjengi jè jní ra tsikíxten, ko̱ ti̱ꞌkoa̱ chja̱jno‑la̱ jè Inìma̱ Tsje‑la̱ Nainá ra tsjá‑ná kjo̱nda? Jè jní ra bachrjengi, jè‑ní ra Nainá isìchjeén nga tsikíndajín‑ko̱ xi̱ta̱ jngo kjoa̱ ra xi̱tse̱, ko̱ ra kjomà kjotsje‑ni inìma̱‑la̱ xi̱ta̱ kìi̱.
\v 30 Ijyeé tjíjin‑ná nga ijyeé ko̱kitsò Nainá: “ꞌA̱án bako̱‑na nga tsja‑la̱ kjo̱hiꞌin xi̱ta̱, ꞌa̱án tsja‑la̱ chjí‑la̱.” Ko̱ india‑isa tsò: “Jé Nainá ki̱ìndajín‑la̱ jñà xi̱ta̱ na̱xi̱ndá‑la̱.”
\v 31 ¡Taxki̱ ꞌñó tse kjo̱xkón tjín‑ni ꞌkia̱ nga ya̱ kayeé tsja Nainá ra tíjnakon!
\p
\v 32 Tanga ti̱kítsjen kóꞌsín kjomàꞌtioòn ni̱chjin ra ijye tsatòo̱ ꞌkia̱ nga ti̱ꞌsa̱ inaꞌyá ítjòn kjòn jè ꞌén kixi̱ ra isìhisen‑no nga ichìkjoa̱‑no nga tse kjo̱hiꞌin inikjioón.
\v 33 Ijchó ni̱chjin nga jñà xi̱ta̱ kiìchja̱jnoó‑no ko̱ iskajàn‑ko̱‑no ya̱ ngixko̱n xi̱ta̱ na̱xi̱ndá. Skanda ti̱ꞌkoa̱á ijchò jngo‑te ni̱chjin nga inìngásòn‑ko̱ó‑te jiòn jñà ra ꞌkoa̱ ti̱ꞌsín i̱nchisíkjiín‑te kjo̱hiꞌin.
\v 34 Jiòn, kjòhi̱ma̱cha‑no jñà xi̱ta̱ ra kjo̱hiꞌin isìkjiín jñà ra tsikìtsa̱ꞌya nda̱yá; ti̱ꞌkoa̱á mì tsa kjojti‑no ꞌkia̱ nga itjaꞌán‑no jñà tsajmì‑no; ta isa̱á tsjaá kiꞌse jnchro‑no ta nga̱tjì‑la̱ nga̱ ijyeé ꞌya nga ya̱ ján ngajmi tjín‑no tsajmì ra isa̱ ꞌñó nda ko̱ ra mì kì feheꞌta ni̱ ta kjiá‑nioo̱.
\v 35 Kì jmio koni ꞌsín nga kjiꞌta takòn Nainá, nga̱ ya̱á ꞌya kjo̱tjò ra ꞌñó tse chjí‑la̱.
\v 36 Machjeén‑ní katachíkjoa̱ko̱‑no kjo̱hiꞌin, mé‑ni ꞌkia̱ nga ijye ki̱tjasòn‑no koni ꞌsín mejèn‑la̱ Nainá, tjábé‑no jè ra tsjá Nainá koni ꞌsín nga ijye kitsjà tsaꞌba.
\v 37 Nga̱ ꞌkoa̱á ꞌsín tíchja̱ xa̱jo̱n ra tjíꞌta ꞌén‑la̱ Nainá nga tsò:
\q Kjꞌi̱í ndi̱to̱n ndi̱to̱ón‑ní
\q jè ra tjínè‑la̱ nga nchrabá.
\q Mì kì ti̱ tse ki̱chjin‑ila̱.
\q
\v 38 Jè ra xi̱ta̱ kixi̱,
\q jé kíjnakon‑ni nga makjiín‑la̱ a̱ꞌta ꞌtse̱ Nainá.
\q Tanga tsa íꞌtsi̱n ki̱ji̱‑ní,
\q mì kì sasén‑la̱ inìma̱‑na̱.
\m
\v 39 Jién, mì tsa íꞌndsién mangí‑né koni ꞌsín ꞌsín jñà xi̱ta̱ ra íꞌtsi̱n fì‑ni nga síjchija ijo‑la̱. Ta isa̱á jnchro jién, nda makjiín‑ná mé‑ni nga mì jchi̱ja‑ni inìma̱‑ná.
\c 11
\s Kóꞌsín tjín kjòn‑ni kjoa̱ ra makjiín‑ná
\p
\v 1 Jè kjoa̱ ra makjiín‑ná, jé‑ní nga tjín kixi̱‑ná nga tjábé‑ná jñà kjoa̱ ra chiñá‑lá; jè‑ní nga tjíjngoó takén nga tjín kitií jñà kjoa̱ ra takó kjè kì tsijen‑la̱ xkén.
\v 2 Ta nga̱tjì‑la̱ nga ndaá kjokjiín‑la̱ jñà xi̱ta̱ jchínga ra kiꞌse kjotseé, ndaá kinaꞌyà‑la̱ ra a̱ꞌta ꞌtse̱.
\p
\v 3 Ki‑ní nga makjiín‑ná, nga ko̱ꞌsín machi̱ya‑ná nga jè Nainá, ngi tà ꞌén tsikínda‑ni jè i̱sàꞌnde nga isikatsíjen tsajmì ra mì kì tsijen‑ni nga ti̱ꞌsa̱ ítjòn.
\p
\v 4 Jè xi̱ta̱ ra kiꞌmì Abel, ta ki‑ní nga kjokjiín‑la̱ nga ko̱ꞌsín isa̱ nda kjòn kjo̱tjò ra kitsjà a̱ꞌta ꞌtse̱ Nainá, ko̱ mì ꞌkoa̱‑ni koni jñà ꞌtse̱ Caín. ꞌKoa̱á ꞌsín kjomà‑ni nga Nainá nda kisasèn‑la̱ jè kjo̱tjò ra kitsjà‑la̱ ko̱ xi̱ta̱ kixi̱ kitsò‑la̱. Ni̱ꞌsín ijye ꞌken, skanda ni̱chjin ꞌndi̱ ꞌndi̱, takó ꞌkoa̱á ꞌsín tíchja̱ koni ꞌsín nga kjokjiín‑la̱.
\p
\v 5 Jè xi̱ta̱ ra kiꞌmì Enoc, ta ki‑ní nga kjokjiín‑la̱, nga ko̱ꞌsín kiìko̱ tíkon Nainá ya̱ ján ngajmi, ko̱ mì tsa kjo̱biya kijtse, ko̱ mì ti̱ kì isakò‑ni ta nga̱tjì‑la̱ nga̱ ijyeé kiìko̱ Nainá. Ko̱ ꞌkia̱ nga ti̱kje fìko̱, ꞌkoa̱á ꞌsín naꞌyá‑la̱ nga nda‑ró kisasèn‑la̱ Nainá koni ꞌsín nga kiꞌsìn.
\v 6 Tanga tsa mì kì makjiín‑ná, mì kì ko̱ma ki̱tjasòn‑ná kjoa̱ ra sasén‑la̱ Nainá. Nga̱ jè xi̱ta̱ ra mejèn‑la̱ nga chraña kíjna‑la̱ Nainá, machjeén‑ní nga nda katakjiín‑la̱ nga tíjnaá ra ꞌmì Nainá; ti̱ꞌkoa̱á katakjiín‑la̱ nga jè‑ní ra sínga̱tsja kjo̱nda jñà xi̱ta̱ ra bátsji.
\p
\v 7 Jè xi̱ta̱ ra kiꞌmì Noé, ꞌkia̱ nga tsiꞌkéna̱jmí‑la̱ Nainá kjoa̱ ra ko̱ka̱ma a̱skan‑nioo̱ ra takó kjè kì ꞌya‑la̱, kií‑ní nga kjokjiín‑la̱ nga ngi ko̱ó kjo̱skon‑la̱ tsikínda jngo chitso ra ꞌñó je ꞌki, mé‑ni nga kjomà tsatojin‑ni kjo̱xkón nga mì kì ꞌken ngaꞌtsì xi̱ta̱ ra tjíhijyo ya̱ niꞌya‑la̱. Noé, ta nga̱tjì‑la̱ nga nda kjokjiín‑la̱ ra jè, ꞌkoa̱á ꞌsín isinè‑la̱ kjo̱hiꞌin ngaꞌtsì xi̱ta̱ i̱sàꞌnde, ko̱ jè Noé itjábé‑la̱ kjo̱tjò ra tsjá Nainá nga xi̱ta̱ kixi̱ kjomà ya̱ ngixko̱n, ta nga̱tjì‑la̱ nga kjokjiín‑la̱.
\p
\v 8 Jè xi̱ta̱ ra kiꞌmì Abraham, ꞌkia̱ nga kiìchja̱‑la̱ Nainá, kií‑ní nga kjokjiín‑la̱ nga isìhitjasòn ko̱ itjojiín ya̱ nangi‑la̱ nga kijì skanda ya̱ i̱ꞌnde ñánda̱ nga tà kjo̱tjò tsjá‑la̱ Nainá. Kijí‑ní ni̱ꞌsín mì kì be ñánda̱ nga tífì.
\v 9 Tà nga̱tjì‑la̱ nga kjokjiín‑la̱, ya̱á isíjchá ijo‑la̱ koni xi̱ta̱ xìn nangi ya̱ i̱ꞌnde ñánda̱ nga ko̱ꞌsín kitsò‑la̱ Nainá nga tsjá kjo̱tjò‑la̱. Niꞌya nikjeé tsikitsa̱jnaya; ꞌkoa̱á ti̱ꞌsín tsikitsa̱jna Isaac ko̱ Jacob, ra ti̱ꞌkoa̱ ti̱ꞌsín tsiꞌkìn‑te‑la̱ nga tjábé kjo̱tjò‑te‑la̱ jè nangi.
\v 10 Nga̱ jè Abraham, jè tíkoñá‑la̱ jngo na̱xi̱ndá ra ijye ꞌñó nda tjín‑la̱ ngaꞌñó kóꞌsín nga tíjna tjàꞌtsin chrjó‑la̱, ra jè Nainá iskosòn‑la̱ kóꞌsín nga sinda, ko̱ ti̱jé‑ni Nainá ra tsikínda.
\p
\v 11 Ti̱ꞌkoa̱á ta kií‑ní nga nda kjokjiín‑la̱ Abraham nga kiꞌse‑la̱ ngaꞌñó ni̱ꞌsín ijye ꞌñó xi̱ta̱ jchínga, kjamà isakò jngo‑la̱ iꞌndí jè ndí chjo̱ón‑la̱ ra ꞌmì Sara ni̱ꞌsín chjo̱ón ꞌndi̱, nga̱ kjokjiín‑la̱ nga Nainá síhitjasón‑ní koni ꞌsín nga kitsjà kixi̱‑la̱ tsaꞌba.
\v 12 ꞌKoa̱á ma‑ni nga ta ya̱ ta̱jngoó a̱ꞌta ꞌtse̱ xi̱ta̱ ra̱kìi̱ inchrabà‑ni tje̱‑la̱ nga kjín jchán i̱xti kiꞌse‑la̱ ni̱ꞌsín ijye ꞌñó xi̱ta̱ jchínga nga tífeheꞌta ni̱chjin‑la̱. ꞌKoa̱á ꞌsín kjín jchán ma‑ni i̱xti‑la̱ koni jñà nitse ra tjín ya̱ ján ngajmi ko̱ koni jñà chrjo̱ ra tjín ya̱ a̱ndi ndáchikon ra mì kì ma maxki̱ya.
\p
\v 13 Ngaꞌtsì jñà xi̱ta̱ kìi̱, ꞌkoa̱á ꞌsín makjiín‑la̱ skanda nga ꞌken, ni̱ꞌsín mì kì itjábé‑la̱ jè ra ijye Nainá ko̱ꞌsín kitsjà‑la̱ tsaꞌba nga tsjá‑la̱; tanga ta ꞌkoa̱á ꞌsín kjòchi̱ya‑la̱ koni tsa ta kjiín kijtse‑ni, ko̱ tsjaá kiꞌse‑la̱, ko̱ ꞌkoa̱á ꞌsín kitsò nga mì tsa i̱ i̱ꞌnde‑la̱ nga ta asa i̱nchiꞌfahato i̱ a̱ꞌta nangi.
\v 14 Jñà xi̱ta̱ ra ko̱ꞌsín tsò, ꞌkoa̱á ꞌsín ꞌbena̱jmíya kixi̱‑ná nga ꞌsa̱á i̱nchibátsji jngo nangi ra ngi ꞌtse̱ ki̱tso̱‑la̱.
\v 15 Tsa jé‑la i̱nchisíkítsjen jè nangi ya̱ ñánda̱ nga itjokàjin‑ni, mí‑la kì mé chjá kjomà‑la̱ tsa tsáfa india‑ni nga kijì‑ni ya̱ ñánda̱ nga itjokàjin.
\v 16 Tanga jè i̱nchibátsji jngo nangi ra isa̱ nda chon, jè ra ján ngajmi tíjna. ꞌKoa̱á ma‑ni nga Nainá mì kì masabà‑la̱ nga Nainá ꞌtse̱ tsò‑la̱; ko̱ ijyeé isíkíjnanda jngo‑la̱ i̱ꞌnde ñánda̱ nga na̱xi̱ndá‑la̱ ko̱ma nga ya̱ kítsa̱jna.
\p
\v 17 Jè Abraham, ꞌkia̱ nga itjáꞌta a̱ꞌta ꞌtse̱ Nainá, ta kií‑ní nga makjiín‑la̱ nga iskábé jè Isaac nga tsjá‑la̱ Nainá koni jngo kjo̱tjò, ko̱ tsikijnanda‑ní nga tsjá iꞌndí‑la̱ ra tà jè ta̱jngo ma‑ni, ni̱ꞌsín xá ko̱ꞌsín kitsjà‑ni ꞌén‑la̱ Nainá a̱ꞌta ꞌtse̱ iꞌndí‑la̱, ꞌkia̱ nga kitsò:
\v 18 “A̱ꞌta ꞌtse̱é Isaac, nga kjìn jchán ko̱ma tje̱‑li.”
\v 19 Abraham, ꞌkoa̱á ꞌsín kjòchi̱ya‑la̱ nga jè Nainá tjín‑la̱ ngaꞌñó nga ma‑la̱ si̱ìkjaáya‑la̱ xi̱ta̱ ni̱ꞌsín ijye ꞌken. ꞌKoa̱á ma‑ni nga itjábé india‑ila̱ jè iꞌndí‑la̱ koni tsa jaáya‑ila̱ ra a̱ꞌta ꞌtse̱ kjo̱biya.
\p
\v 20 Jè Isaac, kií‑ní nga makjiín‑la̱ nga isíjé‑la̱ Nainá nga katasíchikonꞌtin jè Jacob ko̱ jè Esaú a̱ꞌta ꞌtse̱ kjoa̱ ra ko̱ka̱maꞌtin a̱skan‑nioo̱.
\v 21 Jè Jacob, ꞌkia̱ nga ijye mejèn tíbiya, kií‑ní nga makjiín‑la̱ nga isíjé‑la̱ Nainá nga katasíchikonꞌtin ngajò i̱xti‑la̱ José; síngiꞌñóko̱ò‑ni yá koròti̱‑la̱, jeya isíkíjna Nainá.
\v 22 Jè José, ꞌkia̱ nga ijye mejèn tíbiya, kií‑ní nga makjiín‑la̱ nga tsiꞌkéna̱jmí‑ni kóꞌsín ko̱ma jñà xi̱ta̱ Israel nga ki̱tjokajin ya̱ na̱xi̱ndá Egipto. Ti̱ꞌkoa̱á kitsjà kjo̱hixi̱ ra a̱ꞌta ꞌtse̱ ninda‑la̱ kóꞌsín si̱ko̱.
\p
\v 23 Jñà xi̱ta̱ jchínga‑la̱ Moisés, kií‑ní nga kjokjiín‑la̱ nga ján sá isíkíjnaꞌma iꞌndí‑xó‑la̱ ꞌkia̱ nga ti̱ꞌsa̱ kitsin, nga̱ kijtse‑ní nga ꞌñó nda ꞌki, ko̱ mì kì itsakjòn‑la̱ kjo̱téxoma‑la̱ xi̱ta̱xá ꞌtse̱ na̱xi̱ndá Egipto.
\v 24 ꞌKia̱ nga ijye kjójchínga Moisés, ta kií‑ní nga kjokjiín‑la̱ nga mì kì tsa na̱‑la̱ kitsò‑la̱ jè tsati‑la̱ Faraón.
\v 25 Tà isa̱á jè kjomejèn‑la̱ nga kjo̱hiꞌin isìkjiín ko̱ jè na̱xi̱ndá‑la̱ Nainá, ko̱ mì tsa jè kjomejèn‑la̱ nga kjo̱tsja tsjá‑la̱ ijo‑la̱ ra kjoa̱ ꞌtse̱ jé.
\v 26 ꞌKoa̱á ꞌsín kiskosòn‑la̱ nga isa̱á ꞌñó chjí‑la̱ kjo̱hiꞌin ra si̱ìkjiín a̱ꞌta ꞌtse̱ Cristo [ra xá isìkasén‑ni Nainá] ko̱ nda mí ꞌkoa̱‑ni nga kjo̱tsja tsjá‑la̱ ijo‑la̱ ya̱ a̱ꞌta ꞌtse̱ kjoa̱nchi̱ná ꞌtse̱ na̱xi̱ndá Egipto. Jè iskoñá‑la̱ kjo̱tjò ra a̱skan tsjá‑la̱ Nainá.
\v 27 Kií‑ní nga ti̱ꞌkoa̱ nda kjokjiín‑la̱ nga itjokàjin ya̱ na̱xi̱ndá Egipto; mì kì itsakjòn‑la̱ jè kjo̱jti‑la̱ xi̱ta̱xá ítjòn; ꞌñó tsiꞌké‑la̱ ikon koni tsa tíkotsíjen kjòn‑la̱ jè Nainá ra kjè kì yá ra be.
\p
\v 28 Jè Moisés, kií‑ní nga nda kjokjiín‑la̱, nga tsachrje ꞌsí paxko̱. Ko̱ ꞌkoa̱á ꞌsín kitsò‑la̱ ngaꞌtsì xi̱ta̱ Israel nga jní si̱ikajàjno ya̱ xo̱tjo̱ba̱ niꞌya‑la̱, mé‑ni nga jè ìkja̱li̱‑la̱ Nainá mì kì si̱ìꞌken nga jngó jngó i̱xti‑tjòn‑la̱ xi̱ta̱ kìi̱.
\v 29 Jñà xi̱ta̱ Israel, kií‑ní nga kjokjiín‑la̱ nga ma tsatojin jè ra ꞌmì Ndáchikon Inì koni tsa nangi kixì. ꞌKia̱ nga kjomejèn‑la̱ nga ti̱ꞌkoa̱ ti̱ꞌsín tsatojin jñà xi̱ta̱ Egipto, ya̱á ꞌken‑jin nandá ngaꞌtsiòo̱.
\p
\v 30 Kií‑ní nga kjokjiín‑la̱ jñà xi̱ta̱ Israel nga ixojen jñà chrjó ra tjíndi‑la̱ na̱xi̱ndá Jericó, ꞌkia̱ nga ijye kjo ito ni̱chjin i̱nchibítjindi‑la̱.
\v 31 Kií‑ní nga kjokjiín‑la̱ jè chjo̱ón ra kiꞌmì Rahab ra chjo̱ón chijngi nga mì kì ya̱ ꞌken‑ko̱ jñà xi̱ta̱ ra mì kì makjiín‑la̱, nga̱ jè chjo̱ón ra̱kìi̱, ndaá kijtsetjò jñà xi̱ta̱ Israel ra ta ijchò katsíjen ꞌma ítjòn‑la̱ ya̱ nangi ra̱kìi̱.
\p
\v 32 ¿Mé kjoa̱ ra ta ꞌkenájmí‑isa? Mì kì ki̱chóya‑la̱ ni̱chjin nga kichjà ra a̱ꞌta ꞌtse̱ Gedeón, ra a̱ꞌta ꞌtse̱ Barac, ra a̱ꞌta ꞌtse̱ Sansón, ra a̱ꞌta ꞌtse̱ Jefté, ra a̱ꞌta ꞌtse̱ David, ra a̱ꞌta ꞌtse̱ Samuel ko̱ ra a̱ꞌta ꞌtse̱ ngaꞌtsí xi̱ta̱ ra isìchjeén Nainá nga kiìchja̱ ngajo‑la̱.
\v 33 Jñà xi̱ta̱ kìi̱, kií‑ní nga kjokjiín‑la̱, nga kiꞌseé iꞌka ra isikijne‑la̱ nga iskajàn‑ko̱ na̱xi̱ndá ra iꞌi; kiꞌseé iꞌka ra kixi̱í tsikíndajín kjoa̱; kiꞌseé iꞌka ra itjábé‑la̱ ra Nainá ijye ko̱ꞌsín kitsjà‑la̱ tsaꞌba nga tsjá‑la̱; ko̱ kiꞌseé iꞌka ra tsikíchjàjto tsaꞌba xa.
\v 34 Ko̱ kiꞌseé iꞌka ra ma‑la̱ isìkjiꞌtso niꞌí ra bato ꞌñó tsjè, ra ma jahachinga ꞌkia̱ nga ijye kja̱me ki̱cha̱ ndajò tínìꞌken‑ni, ra kiꞌse india‑ila̱ ngaꞌñó ꞌkia̱ nga kjòhinda, ra ꞌñó kiꞌse‑la̱ ngaꞌñó kjoa̱ ꞌtse̱ kjo̱jchán, ra isikijne‑la̱ xi̱ta̱ kjo̱jchán ra iskajàn‑ko̱ ra kondra̱ ꞌtse̱.
\v 35 Kiꞌse íchjín ra itjábé india‑ila̱ xi̱ta̱ xákjén ra ijye ꞌken, ꞌkia̱ nga jaáya‑ila̱ a̱ꞌta ꞌtse̱ kjo̱biya.
\p Tanga ti̱ꞌkoa̱á kiꞌse iꞌka xi̱ta̱ ra ya̱ ꞌken‑jín ya̱ kjo̱hiꞌin; mì kì kjomejèn‑la̱ nga tsikìtsa̱jnandi̱í‑ni; jè ra kjomejèn‑la̱ nga isa̱ ndaá kítsa̱jna ꞌkia̱ nga kjoa̱áya‑la̱.
\v 36 Tjín iꞌka ra isìkjiín kjo̱hiꞌin nga isìtsjaꞌtin xi̱ta̱, nga iskajàn‑ko̱, skanda naꞌñó ki̱cha̱ cadena isiꞌtáꞌñó ya̱ a̱ya nda̱yá.
\v 37 Tjín ra na̱jo̱ isinè nga iniꞌken; tjín ra serrúcho ngi inìjòya‑ni; tjín ra ki̱cha̱ ndajò ꞌken‑ni. Ko̱ tjín ra jndíi̱ ra ján tsikima, nga ta chrja̱ba̱‑la̱ forrè ko̱ tà chrja̱ba̱‑la̱ tíndsó tsakjaya. Tseé kjo̱hi̱ma̱ ko̱ tseé kjo̱hiꞌin kisìkjiín ko̱ ꞌñó kiꞌyaton.
\v 38 Jñà xi̱ta̱ kìi̱, [ta nga̱tjì‑la̱ nga ꞌñó nda kjokjiín‑la̱ a̱ꞌta ꞌtse̱ Nainá] skanda mí kì tsakìn‑la̱ nga tsikitsa̱jna i̱ i̱sàꞌnde. Nga̱ jndíi̱ ra ján tsinchimasòn ya̱ i̱ꞌnde kixì ñánda̱ ni̱mé tjín, ko̱ ya̱ a̱sòn nindo; ko̱ ya̱ ñánda̱ ngijo chon ko̱ ya̱ a̱ya nga̱jo̱ ra tjín ya̱ a̱jin nangi.
\v 39 Ngaꞌtsì xi̱ta̱ kìi̱, ta ki‑ní nga nda kjokjiín‑la̱ nga nda kiꞌyaxkon‑la̱ tanga ni̱jngo ra itjábé‑la̱ ra Nainá ijye kitsjà tsaꞌba nga tsjá‑la̱.
\v 40 Tanga jè Nainá tsikínda jngo‑ná kjoa̱ ra isa̱ nda tjín, mé‑ni nga jñà xi̱ta̱ kìi̱, ta ngásòn kjòn ko̱ma‑ná nga mì mé jchi̱jaꞌta‑ná nga xi̱ta̱ kixi̱ ko̱meé.
\c 12
\s Nda chítsijen‑la̱ Jesús
\p
\v 1 ꞌKia̱ nga ko̱ꞌsín ta̱ ꞌñó kjìn ma‑ni xi̱ta̱ ra títsa̱jnandi‑ná ra nda kjokjiín‑la̱, ꞌkoa̱á ma‑ni nga jién, machjeén‑ní nga ki̱jmié ngaꞌtsì kjoa̱ ra batéchjá‑ná ko̱ kjoa̱ ꞌtse̱ jé ra tsabáꞌñó‑ná nga konda̱cha̱‑ná; kínè‑lá ijo‑ná nga nda kjòn ki̱ìchikeén nga katachíkjoa̱ko̱‑ná skanda nga kijcheé ñánda̱ nga tjínè kjòn‑la̱ nga kijcheé.
\v 2 Ngi tà jé kíꞌté xkén Jesús, jè ra tsikíꞌtsia̱ kjòn‑ni koni ꞌsín nga makjiín‑ná, ko̱ jè ra síjngo kjoa̱ makjiín‑ná. Ta nga̱tjì‑la̱ jè kjo̱tsja ra iskoñá‑la̱ kichíkjoa̱ko̱ó‑la̱ nga isìkjiín kjo̱hiꞌin ya̱ a̱ꞌta krò, ko̱ mì tsa jè kiꞌsìn kinda̱ jè kjo̱sabà ra ya̱ isakò‑la̱, ko̱ ꞌndi̱‑ni̱ ya̱á tíjnaꞌta nga kixi̱‑la̱ Nainá nga tíbatéxoma.
\p
\v 3 Ti̱kítsjen a̱ꞌta ꞌtse̱ Jesús nga ichìkjoa̱ko̱ó‑la̱ jñà kjo̱hiꞌin ra jñà xi̱ta̱ jé kitsjà‑la̱, mé‑ni nga mì ki̱jta‑no ko̱ mì kì si̱kjahajen‑la takòn.
\v 4 Nga̱ jè kjoa̱ ꞌtse̱ jé ra i̱nchibixkàn‑ko̱ jiòn, takó kjè tsa yá ra síꞌken kjòn‑najiòn.
\v 5 ¿A ijyeé inijchajin jiòn jè ꞌén ra kitsjà‑no Nainá nga i̱xti‑la̱ tsò‑no? Nga tsò ꞌén ra tjíꞌta xa̱jo̱n‑la̱ Nainá:
\q Ji̱ ra iꞌndí‑na̱ xin‑la,
\q kì nachrjengi‑jìn ꞌkia̱ nga síkixi̱ya‑li Na̱ꞌín‑ná,
\q ko̱ kì nìkjahajen‑la̱ takìn ꞌkia̱ nga jè síkjaká‑li.
\q
\v 6 Nga̱ jé Na̱ꞌín‑ná síkixi̱ya‑ní xi̱ta̱ ra tsjake,
\q ko̱ tsjá‑la̱ kjo̱hiꞌin ꞌkia̱ nga ꞌcho ꞌsín
\q ngaꞌtsì xi̱ta̱ ra kjábétjò nga iꞌndí‑la̱ tsò‑la̱.
\m
\v 7 Katachíkjoa̱ko̱‑no koni ꞌsín Nainá síkixi̱ya‑no, nga̱ Nainá, ꞌkoa̱á ꞌsín síko̱ ra i̱xti‑la̱ tsò‑la̱. Nga̱ ngaꞌtsì ra Na̱ꞌìn ꞌmì, síkixi̱yaá i̱xti‑la̱.
\v 8 Tanga tsa mì kì si̱ikixi̱ya‑no Nainá koni ꞌsín síko̱ ngaꞌtsì ra i̱xti‑la̱ ma, mì tsa i̱xti‑la̱ Nainá ma jiòn.
\v 9 Jién, ꞌkia̱ nga ti̱ꞌsa̱ i̱xti kjòn iseé, jñà xi̱ta̱ jchínga‑ná i̱ a̱ꞌta nangi, ꞌkoa̱á ꞌsín isìkixi̱ya‑ná ko̱ ndaá kijchaxkén. ¿A mí tsa isa̱ nda jcha̱xkón jnchro iseé Na̱ꞌín‑ná ra tíjna ya̱ ján ngajmi, mé‑ni nga kataꞌse‑ná kjo̱binachon?
\v 10 Kixi̱í kjoa̱, jñà xi̱ta̱ jchínga‑ná, ꞌkoa̱á ꞌki isìkixi̱ya‑ná koni ꞌki kjòchi̱ya‑la̱ ra jñà, ni̱ꞌsín ta tsato jè ni̱chjin ra kìi̱. Tanga kjo̱nda tsa̱jién‑né ꞌkia̱ nga jè Nainá ko̱ꞌsín síkixi̱ya‑ná mé‑ni nga tsje ko̱ma‑ná koni ꞌsín nga tsje ra jè.
\v 11 Kixi̱í kjoa̱, mì kì tsa tsja ꞌse‑ná ꞌkia̱ nga ti̱ꞌsa̱ nikixi̱ya‑ná, ta isa̱á jnchro ba ꞌse‑ná; tanga ra ma a̱skan‑nioo̱ tsa nda ko̱kixi̱yeé, ꞌnchán ki̱tsa̱jneé ko̱ kixi̱í si̱jché ijo‑ná.
\s Kóꞌsín nga chjímitje̱èn ijo‑ná
\p
\v 12 ꞌKoa̱á ma‑ni nga ꞌti̱ ngaꞌñó‑la ijo‑no, chjímitje̱en ndsa̱à ra ijye tífe ngaꞌñó‑la̱ ko̱ jè ndáxkó‑no ra ijye kjotsakon‑la̱;
\v 13 ndi̱yá kixi̱ tangió mé‑ni nga ko̱nda‑ni ndsa̱kò ra ijye kjotsakon‑la̱ ko̱ mé‑ni mì ya̱ ꞌtóxkon‑ni.
\s Kóꞌsín mì kì machjeén nga ki̱nchaꞌtaxín‑lá kjo̱nda‑la̱ Nainá
\p
\v 14 Ko̱ꞌsín ꞌnchán titsa̱jnako̱o ngaꞌtsì xi̱ta̱, ko̱ tsje ti̱kíjna inìma̱‑no; nga̱ ni̱jngo ra ske̱ Na̱ꞌín‑ná tsa mì tsje tíjna inìma̱‑la̱.
\v 15 Nda ti̱konda̱a ijo‑no, kì ni̱yá ra síjchija kjo̱nda‑la̱ Nainá, mé‑ni nga mì ya̱ kji̱nchrabà‑ni kjo̱si nga tsjá ꞌchin‑no koni tsa jngo xka̱ ra tsja kja̱ma̱‑la̱.
\v 16 Kì ni̱jngo ra xi̱ta̱ chijngi ma, kì nachrjengio Nainá; kì tà chjàn ko̱ꞌsín ꞌnià koni ꞌsín kiꞌsìn jè Esaú nga tà jngo chro̱ba̱ tsajmì ra ma chine tsatína‑ni jè tsajmì ra tjínè‑la̱ nga jè ko̱ko̱‑la̱ koni nga iꞌndí‑tjòn.
\v 17 Jiòn, tjíjiín‑no koni ꞌsín kjomà ꞌkia̱ nga a̱skan‑nioo̱, jè Esaú, ꞌkia̱ nga kjomejèn‑la̱ nga katasíchikonꞌtin jè na̱ꞌìn‑la̱, inachrjengi‑ní; mì kì ti̱ kjomà jahatjìya‑ni nga jè kjòchikonꞌtin india‑ni, ni̱ꞌsín takó ꞌñó iskindaya.
\p
\v 18 Mì tsa ya̱ ijchòkinchaꞌta‑la jiòn jè nindo chrja̱ngi̱ ra ma chaájno, [koni tjín kjo̱xkón ra kijtse xi̱ta̱ Israel] ya̱ ñánda̱ nga títì jnga̱ jnga̱ niꞌí, nga kjòjñò, isincha ni̱tje̱n ni̱tje̱n ifi jmà ko̱ ꞌtsa tjo̱ xkón,
\v 19 nga jane chrjoo̱, ko̱ kinaꞌyá‑la̱ jè jta̱‑la̱ Nainá ꞌkia̱ nga kiìchja̱. Tanga jñà xi̱ta̱ ra kiíꞌnchré‑la̱ tsikítsaꞌba‑ní nga kì ti̱ tsja chja̱‑isa‑ni,
\v 20 ta nga̱tjì‑la̱ mì ti̱ kì ichìkjoa̱‑la̱ koni ꞌsín tjín kjo̱téxoma ra isinè‑la̱ nga tsiꞌkìn‑la̱: “Ta yá xi̱ta̱‑ni, ko̱ ni̱ꞌsín tsa jngo cho̱, ko̱sèn jngo ndsa̱ko̱ ya̱ nindo chrja̱ngi̱ ra̱kìi̱, tjíné‑la̱ nga na̱jo̱ ki̱yá‑ni, ko̱ tsa majìn ki̱cha̱á tjáhiꞌsen‑kjá‑la̱.”
\v 21 Taxki̱ ꞌñó xkón tjín kjoa̱ ra kijcha‑la̱, skanda jè Moisés kitsó‑ní: “Taxki̱ ꞌñó títsakjoo̱n ko̱ skanda tífatsé‑náa̱.”
\p
\v 22 Tanga ra jiòn, ya̱á ijchò kinchaꞌta‑la jè nindo chrja̱ngi̱ ra ꞌmì Sión, jè ra na̱xi̱ndá‑la̱ Nainá ra tíjnakon, jè na̱xi̱ndá Jerusalén ra tíjna ya̱ ján ngajmi, ñánda̱ nga kjìn jmi ma‑ni ìkja̱li̱ títsa̱jna nga i̱nchisítsjako̱ Nainá,
\v 23 ko̱ ñánda̱ nga títsa̱jnajtín i̱xti‑la̱ Nainá ra tjábé‑la̱ jè kjo̱tjò ra bako̱‑la̱ ra i̱xtitjòn ra ijye ya̱ i̱ncha ꞌí‑la̱ ya̱ ján ngajmi; ko̱ ya̱á ijchò‑te jiòn ya̱ ñánda̱ nga tíjna Nainá ra xi̱ta̱xá tíjna nga bíndajín‑la̱ ngaꞌtsì xi̱ta̱. Ko̱ ti̱ꞌkoa̱á ya̱á ijchò kinchaꞌta‑la jiòn jñà inìma̱‑la̱ xi̱ta̱ kixi̱ ra ijye Nainá kisìtsje nga ni̱mé chijaꞌta‑la̱.
\v 24 Ko̱ ya̱á ijchò kinchaꞌta‑te‑la jiòn jè Jesús ra basèn‑jin‑ná jè kjoa̱ xi̱tse̱ ra Nainá tsikíndajín ko̱ jñà xi̱ta̱, ko̱ ya̱á ijchò kinchaꞌta‑te‑la jiòn jè jní‑la̱ ra ixaájten [nga isìtsje‑ná], jè jní ra isa̱ nda chja̱‑ná mì ꞌkoa̱‑ni koni jè jní‑la̱ Abel.
\p
\v 25 Nda ti̱kinda̱a ijo‑no; kì tà chjàn nachrjengio jè ra tíchja̱‑no. Nga̱ jñà xi̱ta̱ ra tsachrjengi koni ꞌsín inakjoá‑la̱ i̱ a̱ꞌta nangi, ꞌkia̱ nga inìkjaká‑la̱, mì kì ꞌjahajno‑la̱ ra a̱ꞌta ꞌtse̱ kjo̱hiꞌin ra kiꞌtsì‑la̱. Ti̱ꞌkoa̱á ra jién, isa̱á ta ꞌñó chjá tjín‑ni nga kjoaàjno‑ná a̱ꞌta ꞌtse̱ kjo̱hiꞌin, tsa ki̱náchrjengieé jè Nainá ra chja̱‑ná skanda ya̱ ján ngajmi nga síkjaká‑ná.
\v 26 Jè ni̱chjin ra̱kiòo̱, jè jta̱‑la̱ Nainá, skanda isìjtiyaá‑la̱ jè nangi, tanga ꞌndi̱‑ni̱, ꞌkoa̱á ꞌsín kitsjà ꞌén‑la̱ nga tsò: “Ìjngo ꞌká sijtíya-isa‑la̱, tanga mì tsa tà jè nangi ra sijtíya‑la̱, skanda ko̱ó ngajmi sijtíya‑la̱.”
\v 27 ꞌKia̱ nga ko̱ꞌsín tsò nga ìjngo ꞌká si̱ìjtiya-isa‑la̱, ꞌkoa̱á ꞌsín machi̱ya‑ná nga tjáhixìn jñà tsajmì ra xá isinda‑ni ra ma majtiya‑la̱, mé‑ni nga ta jñá si̱hijyo‑ni jñà tsajmì ra mì kì ma majtiya‑la̱.
\v 28 ꞌKoa̱á ma‑ni nga mì kì ma majtiya‑la̱ jè i̱ꞌnde ra títsjá‑ná Nainá ya̱ ñánda̱ nga ko̱texomake̱é. ꞌKi̱‑lá kjo̱nda ko̱ ngi tà jé kjóꞌta ikeén nga ki̱skón‑cheé ko̱ nga jcha̱xkén koni ꞌsín nga sasén‑la̱ ra jè.
\v 29 Nga̱ “jè Nainá‑ná, ꞌkoa̱á ꞌsín jngoya‑la̱ koni jngo niꞌí ra baká tsjé tsje mé ra tjín.”
\c 13
\s Mé kjoa̱ ra machjeén nga ꞌsi̱in jñà ra xi̱ta̱‑la̱ Cristo
\p
\v 1 Kì tà chjàn jmio koni ꞌsín nga tsjacha xàngio̱o ra a̱ꞌta ꞌtse̱ Cristo makjiín‑no.
\v 2 Kì tà chjàn niìjchaàjion koni ꞌsín nga chjíbétjò xi̱ta̱ ra bijchójkon‑no. Nga̱ jñà xi̱ta̱ ra ko̱ꞌsín ma‑la̱ kjábétjò xi̱ta̱, skanda tjín iꞌka ra mì be‑ni tsa ìkja̱li̱‑la̱ Nainá‑ní ra ko̱ꞌsín iskábétjò.
\p
\v 3 Ti̱kítsjen a̱ꞌta ꞌtse̱ jñà xi̱ta̱ ra nda̱yá títsa̱jna, koni tsa ya̱ titsa̱jnako̱‑te a̱ya nda̱yá. Ko̱ ti̱kítsjen‑te a̱ꞌta ꞌtse̱ xi̱ta̱ ra i̱nchiꞌyaton koni tsa jiòn kjòn‑ni ra i̱nchiꞌyaton‑no.
\p
\v 4 ꞌÑó nda jcha̱xkón ijye jè kjo̱téxoma ra ꞌtse̱ kjoa̱bixan; jiòn ra ijye tsixan jiòn, jcha̱xkón ijo‑no, nga mì ma kjoa̱chijngi ꞌsia̱an. Nga̱ jñà ra ta sískáko̱ ijo‑la̱ nga kjoa̱chijngi ꞌsín, jè Nainá tsjá‑la̱ kjo̱hiꞌin.
\p
\v 5 Kì tà jè níkájno nga isa̱ tse to̱n mejèn‑no nga ꞌse̱‑no. Katajngo takòn koni ꞌki tjín‑no, nga̱ Nainá, ꞌkoa̱á ꞌsín tsò: “Mì kì tsjin-tákon‑la, ko̱ ni̱kjiá sikíjna ta̱jngo‑la.”
\v 6 ꞌKoa̱á ma‑ni nga ngi tjíjngo takén nga ma kixé:
\q Jè Na̱ꞌín‑ná basìko̱‑na,
\q mì kì tsakjon‑jiàa̱n tsa mé ra si̱ìko̱‑na xi̱ta̱.
\p
\v 7 Ti̱kítsjen jñà xi̱ta̱ ra tsinchá ndi̱yá‑no nga tsiꞌkéna̱jmíya‑no ꞌén‑la̱ Nainá; ti̱ꞌkoa̱ ti̱kítsjen kóꞌsín kisíjchá ijo‑la̱ ko̱ chjíngi‑la koni ꞌsín nga kjokjiín‑la̱.
\p
\v 8 Jesucristo mì kì fahatjìya‑la̱, ti̱jé‑ni ngojña̱, ko̱ ti̱jé‑ni ꞌndi̱ ꞌndi̱, ko̱ ti̱jé‑ni skanda ta mé ni̱chjin‑nioo̱.
\v 9 Kì tà chjàn biꞌnde‑la ijo‑no nga xìn ndi̱yá fìko̱‑no nga bíꞌndo̱‑no jè kjo̱bítsjen ra kjꞌií ꞌsín bakón‑ya ra mì kì ꞌyaxkon‑la̱. Isa̱á nda‑ni nga nda kataꞌse‑la̱ ngaꞌñó inìma̱‑no a̱ꞌta ꞌtse̱ kjo̱nda‑la̱ Nainá, mì ꞌkoa̱‑ni tsa a̱ꞌta ꞌtse̱ tsajmì ra ma chine; nga̱ ni̱mé ngaꞌñó sa̱kò‑la̱ inìma̱‑la̱ jñà ra ko̱ꞌsín tjín kjoa̱ títsa̱jin.
\p
\v 10 Jién, tíjna‑ná [Jesús ra ꞌken‑tjì ngajo‑ná a̱ꞌta ꞌtse̱ jé‑ná] koni jngo kjo̱tjò ra kjonga̱tsja Nainá. Tanga jñà xi̱ta̱ ra takó ya̱ síxá a̱ꞌta ꞌtse̱ kjoa̱ jchínga ra ꞌtse̱ Niꞌya Tsje ra nikje, tsìn‑la̱ kjo̱hixi̱ nga ya̱ tjábé‑la̱ kjo̱nda.
\v 11 Nga̱ jè na̱ꞌmì ítjòn ra ya̱ síxá, ya̱á fìko̱ jè jní‑la̱ cho̱ ra biya ya̱ i̱ꞌnde tsje‑la̱ Nainá nga tsjá kjo̱tjò mé‑ni nga tjáhixìn‑la̱ jé‑la̱ xi̱ta̱. Tanga jñà ijo‑la̱ cho̱, xín i̱ꞌnde fìko̱ ꞌtaxìn nga baká.
\v 12 ꞌKoa̱á ti̱ꞌsín kjomàꞌtin Jesús; a̱ꞌta xìn na̱xi̱ndá isìkjiín kjo̱hiꞌin nga kinìꞌken, mé‑ni a̱ꞌta ꞌtse̱ jní‑la̱ ra ixaájten kjomà isìtsje‑ni jé‑la̱ xi̱ta̱ na̱xi̱ndá.
\v 13 ꞌKoa̱á ma‑ni, ko̱ꞌsín kítjo̱kajin‑teé na̱xi̱ndá nga tjahítji̱ngi‑lá Jesús ya̱ ñánda̱ nga i̱ꞌndeꞌtaxìn mé‑ni nga ti̱ꞌkoa̱ si̱kjiín‑ke̱é kjo̱sabà ko̱ kjo̱hiꞌin ra jè isìkjiín.
\v 14 Nga̱ i̱ a̱ꞌta nangi tsìn‑ná na̱xi̱ndá ra ngi i̱ kíjna skanda ta kjiá‑nioo̱, jè i̱nchichiñá‑lá jngo na̱xi̱ndá ra ꞌsa̱ nchrabá.
\v 15 ꞌKoa̱á ma‑ni, machjeén‑ní nga kiꞌta ni̱chjin jeya sikíjneé Nainá ra a̱ꞌta ꞌtse̱ Jesucristo koni jngo kjo̱tjò ra nìnga̱tsjeé Nainá. Jè machjeén nga ngi ndsa̱ꞌbé katitjo‑ni ꞌén nga ꞌkéna̱jmié yá‑ni Jesús.
\v 16 Kì niìjchaàjion kjoa̱ ra nda ꞌnià ko̱ ra bisìko̱ kañá xàngio̱o; nga̱ jñà kjoa̱ kìi̱, ꞌkoa̱á ꞌsín ngoya‑la̱ koni jngo kjo̱tjò ra nìnga̱tsja Nainá ra nda sasén‑la̱.
\p
\v 17 Ti̱tjasòn‑la jñà xi̱ta̱ ra i̱ncha ítjòn‑no ra a̱ꞌta ꞌtse̱ na̱xi̱ndá‑la̱ Nainá, ko̱ jñà ti̱náꞌya ijòn‑la. Nga̱ jñá xi̱ta̱ kìi̱ tjíkinda̱‑la̱ kjo̱binachon‑no, ko̱ jñà tjínè‑la̱ nga tsjá‑la̱ kinda̱ Nainá. Nda ti̱tjasòn‑la koni ꞌsín nga ki̱tso̱‑no mé‑ni nga ngi ko̱ kjo̱tsja‑la̱ si̱íxá‑ni ko̱ mé‑ni mì chjá ko̱ma‑la̱. Nga̱ tsa chjá ko̱ma‑la̱ nì mé kjo̱nda sa̱kò‑no ra jiòn.
\p
\v 18 Ti̱jéꞌtà‑la Nainá a̱ꞌta tsa̱ji̱n, nga ꞌkoa̱á ꞌsín machi̱ya‑naji̱n nga nda tjín jè kjo̱bítsjen‑na̱ji̱n, nga̱ mejèn‑naji̱n nga nda si̱itjasòn tsje‑ji̱n.
\v 19 ꞌKoa̱á ꞌsín ꞌñó bitsáꞌba-isa‑no nga ti̱jéꞌtà‑la Nainá ra a̱ꞌta tsa̱ꞌa̱n, mé‑ni nga katatsjáꞌnde‑ni nga ndi̱to̱n kijchòꞌtsè india‑no.
\s ꞌÉn ra feheꞌta‑ni
\p
\v 20 Jè Nainá ra tsjá‑ná kjo̱ꞌnchán ra isikjaáya‑ila̱ a̱ꞌta ꞌtse̱ kjo̱biya jè Na̱ꞌín‑ná Jesucristo, ra chji̱ngo̱ ítjòn‑la̱ forrè, jè ra a̱ꞌta ꞌtse̱ jní‑la̱ isindajín jngo‑ni kjoa̱ ra mì kje̱heꞌtà ni̱ta kjiá‑nioo̱,
\v 21 ko̱ꞌsín kixi̱ katasíkítsa̱jna‑no a̱ꞌta ꞌtse̱ ngaꞌtsì kjoa̱ ra nda tjín mé‑ni nga ko̱ꞌsín ꞌsia̱an‑no koni ꞌsín mejèn‑la̱ ra jè; ko̱ mé‑ni nga a̱ꞌta ꞌtse̱ Jesucristo ko̱ꞌsín katasíko̱‑ná koni ꞌsín nga sasén‑la̱ ra jè. ¡Jeya katijna Cristo skanda ta mé ni̱chjin‑nioo̱! Ko̱ꞌsín katama.
\p
\v 22 ꞌKoa̱á ꞌsín tíbitsáꞌba‑no ndí ꞌndsé, kataꞌse‑no kjo̱jetakòn nga ti̱náꞌya‑la nda nda‑la jñà ꞌén kìi̱ koni ꞌsín nga bijnáchi̱ya‑no. Nga̱ ta chibaá‑ni ꞌén ra tjíꞌta xa̱jo̱n ra̱kìi̱.
\v 23 Ko̱ꞌsín katasijin‑no, jè ꞌndsé Timoteo ijyeé tíjnandi̱í‑ni ra kjoa̱ ꞌtse̱ kjo̱hiꞌin; tsa ndi̱to̱n kjꞌi̱í, íko̱‑ná ꞌkia̱ nga kjín katsíjen‑no.
\p
\v 24 Ngaꞌtsì‑no, ti̱hixoꞌta ijye jñà xi̱ta̱ ra i̱ncha ítjòn‑no ko̱ ngaꞌtsì jñà xi̱ta̱ na̱xi̱ndá‑la̱ Nainá. Jñà ra Italia i̱ꞌnde‑la̱ síhixoꞌtá‑te‑no.
\p
\v 25 Nainá katatsjá‑no kjo̱nda‑la̱ ngaꞌtsì‑no.