\id 2JN
\h 2 Juan
\toc1 2 Juan
\mt Xa̱jo̱n ra ma‑ni jò ra tsikínda jè Juan
\c 1
\s Kjo̱tsjacha ko̱ kjo̱hixi̱
\p
\v 1 Ji̱ ndí chjo̱ón ra xá jahíjin‑li Nainá, ko̱ jñà i̱xti‑li, tíbindá‑la xa̱jo̱n ra̱kìi̱ ꞌa̱n ra xi̱ta̱ jchínga ꞌmì‑na ya̱ i̱ngo̱. Ra ngi ko̱ó inìma̱‑na̱ tsjake̱‑no, mì tsa ta ꞌa̱n jiàa̱n ra tsjake̱‑no, ti̱ꞌkoa̱á tsjakeé‑no ngaꞌtsì jñà ra ijye be kóꞌsín tjín kjo̱hixi̱.
\v 2 Kií ko̱ꞌsín tsjake̱‑najiòn, ta nga̱tjì‑la̱ nga̱ ijyeé nda tjíjin ya̱ inìma̱‑ná jè ra ngi kjoa̱kixi̱, ko̱ ya̱á kíjnajin kiꞌta skanda ta mé ni̱chjin‑ni.
\v 3 Nainá ra Na̱ꞌìn ꞌmì‑lá ko̱ jè Jesucristo ra tíjna ítjòn‑ná ra Iꞌndí‑la̱ Nainá ma, katatsjá‑no kjo̱nda, katahi̱ma̱ke‑no, ꞌnchán katasíkíjna ya̱ a̱jin inìma̱‑no, ra ngi ko̱ kjo̱hixi̱‑la̱ ko̱ kjo̱tsjacha‑la̱.
\p
\v 4 Taxki̱ tsja kiꞌse‑na ꞌkia̱ nga kíjtsexkon iꞌka jñà i̱xti‑li, nga̱ ꞌkoa̱á ꞌsín i̱nchisíjchá ijo‑la̱ koni ꞌsín nga tjín kjoa̱kixi̱ ꞌtse̱ Nainá, koni ꞌsín nga ijye tsatéxoma‑ná jè Nainá ra Na̱ꞌìn ꞌmì‑lá.
\v 5 ꞌKoa̱á ꞌsín tíbitsáꞌba‑no ꞌndi̱ ꞌndi̱ jiòn ndí ꞌndsé ra ꞌñó matsjake̱‑no, nga machjeén‑ní nga ꞌñó tsjacha ꞌsie̱én xàngie̱é nga jngó jngó‑ná. Nga̱ mì tsa kjo̱téxoma xi̱tse̱‑jìn ra tíbindá‑najiòn, ti̱jé‑ni jè kjo̱téxoma ra itjábé‑ná skanda ti̱ꞌsa̱ tjàꞌtsin‑la̱ kjoa̱.
\v 6 Ki̱í ꞌsín tjín ra a̱ꞌta ꞌtse̱ kjo̱tsjacha, jé‑ní nga ꞌkoa̱á ꞌsín si̱hitjasén koni ꞌsín tjín kjòn kjo̱téxoma‑la̱ Nainá, ijyeé inaꞌyé nga ti̱ꞌsa̱ ꞌñó kjotseé kóꞌsín tíchja̱ kjo̱téxoma. Nga ꞌñó machjeén nga tsjacha ꞌsie̱én xàngie̱é nga jngó jngó‑ná.
\s Xi̱ta̱ ra konda̱cha̱
\p
\v 7 Nga̱ kjín ma‑ni xi̱ta̱ ra tjímasòn nga tíjngo i̱sàꞌnde ra i̱nchikònda̱cha̱‑la̱ xi̱ta̱, nga tsò: “Mì tsa ꞌén kixi̱‑jìn nga ko̱ꞌsín kitsin Jesucristo nga xi̱ta̱ kjomà koni ra jién.” Jè xi̱ta̱ ra ko̱ꞌsín tsò, ta tíkonda̱cha̱‑ní, ko̱ jé‑ní jè ra tíjna ítjòn nga kondra̱ fì‑la̱ Cristo.
\v 8 Nda ti̱kinda̱a ijo‑no, mé‑ni nga mì kì si̱jchija‑no jè kjo̱tjò ra tjábé‑no a̱ꞌta ꞌtse̱ xá ra i̱nchiꞌnià. Nga̱ machjeén‑ní nga katatjábé ijye‑no jè chjí‑la̱ xá ra i̱nchiꞌnià.
\p
\v 9 Ngaꞌtsì xi̱ta̱ ra batonè‑la̱ koni ꞌsín tjín ꞌén ra tsakón‑ya jè Cristo nga xìn ndi̱yá kjábé, mì tsa Nainá tíjnako̱; tanga jè ra kixi̱ tíjna nga ko̱ꞌsín tíꞌsín koni ꞌsín tsakón‑ya Cristo, ya̱á tíjnako̱ Nainá ra Na̱ꞌìn ꞌmì‑lá ko̱ jè ra Iꞌndí‑la̱ ma.
\v 10 Tsa ꞌkia̱ jngo xi̱ta̱ ki̱jchòjkon‑no ra mejèn‑la̱ nga ꞌén‑la̱ Nainá ꞌke̱èna̱jmí‑no, tanga tsa mì ko̱ꞌsín bakón‑ya koni ꞌsín tsò ꞌén ra ꞌtse̱ Cristo, kì niꞌya‑no nìkjahaꞌsen ko̱ kì ꞌmì‑la: “Ti̱jni.”
\v 11 Nga̱ jè ra tsjáꞌnde‑la̱ nga si̱ìkjahaꞌsen ya̱ niꞌya‑la̱, ti̱ꞌkoa̱á ya̱á tísíngásòn‑ko̱ kjo̱bítsjen‑la̱ ko̱ jñà xi̱ta̱ ra ta kjoa̱ndiso tíbakón‑ya.
\s ꞌÉn ra feheꞌta‑ni
\p
\v 12 Tjín jchán‑isa mé ꞌén ra mejèn‑na nga ko̱xín‑najiòn, tanga majìn‑na nga tà xa̱jo̱n kiꞌtá‑no. Jè ra mejèn‑na nga íjkon xátí‑no. ꞌKia̱á isa̱ nda jchi̱bé mé‑ni nga ngásòn ngáya kataꞌse‑la̱ kjo̱tsja inìma̱‑ná ngaꞌtsí‑ná.
\v 13 Jñà i̱xti‑la̱ chjo̱ón tichji ra ti̱ꞌkoa̱ xá jahíjin‑ni Nainá i̱nchisíkasén‑li ꞌén nga síkjáya‑li. Ko̱ꞌsín katama.