\id 3JN
\h 3 Juan
\toc1 3 Juan
\mt Xa̱jo̱n ra ma‑ni jàn ra tsikínda jè Juan
\c 1
\s Mé kjoa̱nda ra ꞌsín jè ra ꞌmì Gayo
\p
\v 1 Ji̱ ndí ꞌndsé ra ꞌmì‑li Gayo ra ꞌñó nda chibé ko̱ ra ngi ko̱ inìma̱‑na̱ nga tsjake̱‑la, tíbindá‑la jè xa̱jo̱n ra̱kìi̱ ꞌa̱n ra xi̱ta̱ jchínga ꞌmì‑na ya̱ i̱ngo̱.
\p
\v 2 Ji̱ ndí ꞌndsé, ꞌkoa̱á ꞌsín tísíjé‑la̱ ꞌa̱n Nainá, nga nda katabitjo ijye ta mé ra ꞌsi̱in ji̱, koni ꞌsín nda tímahachikonꞌtin inìma̱‑li ra a̱ꞌta ꞌtse̱ Nainá, ꞌkoa̱á ti̱ꞌsín nda katijna jè ijo‑li nga ni̱mé ꞌchin kataꞌse‑la̱.
\v 3 Taxki̱ ꞌñó kjotsja‑na ꞌkia̱ nga ꞌji iꞌka ꞌndsé ra tsiꞌkéna̱jmí‑na nga ꞌkoa̱á ꞌsín tjiníjchí ijo‑li koni ꞌsín tjín kjoa̱kixi̱ a̱ꞌta ꞌtse̱ Cristo.
\v 4 Tsìn jngo‑isa kjoa̱ ra ko̱ꞌsín ꞌñó tsja ꞌbé‑la̱ inìma̱‑na̱, ta jé‑ní ꞌkia̱ nga ꞌnchree̱ nga jñà ra i̱xti‑na̱ xin‑la̱ nga ꞌkoa̱á ꞌsín i̱nchisíjchá ijo‑la̱ koni ꞌsín tjín ra kjo̱hixi̱.
\p
\v 5 Ngaji̱ ndí ꞌndsé ra ꞌñó tsjake̱‑la, ꞌñó kixi̱ tjiníjchí ijo‑li, ꞌkia̱ nga ko̱ꞌsín nda tjinisin‑la̱ ya̱ niꞌya‑li jñà xi̱ta̱ xàngie̱é ra bijchójkon‑li ra ti̱ꞌkoa̱ ꞌén‑la̱ Nainá makjiín‑la̱; ko̱ isa̱á ta nda tjín‑isa ꞌkia̱ nga ti̱ꞌkoa̱ nda tjinisin‑la̱ jñà xi̱ta̱ xàngie̱é ra xìn i̱ꞌnde ꞌfiì‑ni.
\v 6 Jñà xi̱ta̱ xàngie̱é, ꞌkoa̱á ꞌsín tsiꞌkéna̱jmí kixi̱ ya̱ ngixko̱n xi̱ta̱ na̱xi̱ndá‑la̱ Cristo, nga ngaji̱ ꞌñó tsjachi ngaꞌtsì xi̱ta̱ xàngie̱é kìi̱. Ko̱ꞌsín nda ti̱si̱ko̱ isi ꞌkia̱ nga kijchòjkon‑li; ꞌti̱‑la̱ ta mé ra machjeén‑la̱ ꞌkia̱ nga tjímaya ya̱ ndi̱yáa̱. Ko̱ꞌsín ti̱ki̱i koni ꞌsín nga sasén‑la̱ Nainá.
\v 7 Nga̱ a̱ꞌta ꞌtse̱ Cristo‑ní nga ko̱ꞌsín ijye tsikínè‑la̱ ijo‑la̱ jñà xi̱ta̱ xàngie̱é kìi̱, nga ko̱ꞌsín i̱nchisíxá‑la̱ Jesucristo, ko̱ majìn‑la̱ nga jñà ska̱ábé tsajmì ra tsjá‑la̱ xi̱ta̱ ra mì tsa a̱ꞌta ꞌtse̱ Cristo makjiín‑la̱.
\v 8 Kií machjeén‑ni nga jién bako̱‑ná nga ki̱si̱ke̱é jñà xi̱ta̱ xàngie̱é kìi̱. Tsa ko̱ꞌsín ki̱si̱ke̱é, tsó‑ni kjoa̱ nga ngásón i̱nchinikaꞌbísén jè ꞌén kixi̱ ra nda tsò.
\s Kjoa̱ꞌcho ra ꞌsín jè xi̱ta̱ ra ꞌmì Diótrefes
\p
\v 9 ꞌA̱n ijyeé ítsikindá jngo‑la̱ xa̱jo̱n nga ísikásén‑la̱ jñà xi̱ta̱ na̱xi̱ndá‑la̱ Cristo, tanga jè Diótrefes mì kì sasén‑la̱ koni ꞌsín nga tsiꞌkìn‑la̱ji̱n, nga̱ jè ra mejèn‑la̱ ra jè, nga ta jè ko̱tèxoma.
\v 10 ꞌKia̱ nga kijchòo̱, ꞌkia̱á ko̱xín kixi̱‑la̱ a̱ꞌta ꞌtse̱ ngaꞌtsì kjoa̱ꞌcho ra tíꞌsín nga ꞌñó ꞌcho tsò ꞌén ndiso ra tíbánè‑naji̱n. Ko̱ mì tsa ta ya̱ majngo ikon, ti̱ꞌkoa̱á mì ma‑te‑la̱ nga sísin‑la̱ jñà xi̱ta̱ xàngie̱é ra bijchójkon ya̱ niꞌya‑la̱. Ko̱ jñà ꞌndsé ko̱ tichjeé ra mejèn‑la̱ nga si̱ìsin‑la̱ xi̱ta̱ xàngie̱é, jé batéchjà‑la̱, ko̱ ti̱ꞌkoa̱á bachrjekàjin‑ni ya̱ na̱xi̱ndá‑la̱ Cristo jñà ꞌndsé ko̱ tichjeé ra ko̱ꞌsín síhitjasòn kjo̱nda kìi̱.
\p
\v 11 Ji̱ ndí ꞌndsé ra ꞌñó tsjake̱‑la, kì ya̱ chjingí‑la̱ jñà kjoa̱ ra ꞌcho tjín; jñà chjíngi‑la̱ ji̱ jñà kjoa̱ ra nda tjín. Nga̱ jè xi̱ta̱ ra nda ꞌsín, xi̱ta̱ ꞌtse̱ Nainá‑ní; tanga jè xi̱ta̱ ra ꞌcho ꞌsín, kjè kì be yá‑ni ra Nainá.
\s Kjo̱nda ra ꞌsín jè xi̱ta̱ ra ꞌmì Demetrio
\p
\v 12 Ra a̱ꞌta ꞌtse̱ Demetrio ngaꞌtsì‑ni xi̱ta̱ nga ko̱ꞌsín tsò nga ꞌñó nda tjín koni ꞌsín tíꞌsín ra jè, nga̱ skanda jè ra kjoa̱kixi̱ ꞌkoa̱á ꞌsín bakón nga jè Demetrio ndaá tjín koni ꞌsín nga tíꞌsín ra jè; ꞌkoa̱á ti̱ꞌsín bixó‑ji̱n nga ndaá tjín koni ꞌsín nga tíꞌsín, ko̱ ndaá ꞌya‑ti ra ji̱ nga ꞌén kixi̱‑ní koni ꞌsín nga bixó‑ji̱n.
\s ꞌÉn‑la̱ Juan ra feheꞌta‑ni
\p
\v 13 Tjín‑isa mé ꞌén ra mejèn‑na nga ko̱xín‑la, tanga majìn‑na nga tà xa̱jo̱n sikásén‑la,
\v 14 jé ra mejèn‑na nga íjkon xátí‑la, ꞌkia̱á isa̱ nda jchi̱bana̱jmié ꞌkia̱ nga kijchòjkon‑la.
\p
\v 15 Ko̱ꞌsín ꞌnchán katijna kiꞌta inìma̱‑li. Jñà xi̱ta̱ ra nda báko̱‑ná ra i̱ i̱ꞌnde‑la̱ tísíhixoꞌtà‑li. Ko̱ꞌtín‑la̱ jñà xi̱ta̱ ra nda báko̱‑ná ra ya̱ títsa̱jnako̱‑li, ko̱ꞌsín Nainá katasíchikonꞌtin nga jngó jngó‑ni ra jñà.