\id 3JN
\h 3 Juan
\toc1 3 Juan
\mt Xo̱jo̱n carta xi ma‑ne jàn xi kiskiì San Juan
\c 1
\s Mé kjoa̱‑ne nga ndaá chja̱ Juan i̱tꞌaà tsꞌe̱ xi̱ta̱ xi ꞌmì Gayo
\p
\v 1 Ji̱ ndí ꞌndsè xi ꞌmì‑lè Gayo xi ꞌñó ndaà chibá ko̱ xi nguì ko̱ ini̱ma̱‑na̱ nga matsjake̱‑lè, tìkjiì‑lè Xo̱jo̱n jè ꞌa̱n xi xi̱ta̱ jchínga ꞌmì‑na ya̱ i̱ngo̱.
\p
\v 2 Ji̱ ndí ꞌndsè, ꞌa̱n, kꞌoa̱á sꞌín tísíjé‑la̱ Nainá, nga ndaà kàtitjo yije ni̱ta̱ mé kjoa̱ xi sꞌi̱in ji̱, koni sꞌín ndaà tímachikon‑tꞌin ini̱ma̱‑lè xi i̱tꞌaà tsꞌe̱ Nainá, kꞌoa̱á ti̱sꞌín ndaà kàtìjna jè yijo‑lè nga ni̱mé chꞌin kàtasꞌe‑la̱.
\v 3 Ta̱xki̱ ꞌñó kjòtsja‑na kꞌe̱ nga jꞌiì iꞌnga jñà ꞌndsé xi tsibéno̱jmí‑na nga kꞌoa̱á sꞌín tìnìjchí yijo‑lè koni sꞌín tjín kjoa̱ kixi̱ i̱tꞌaà tsꞌe̱ Cristo.
\v 4 Nì ti̱ mé kjoa̱ tjín‑ne xi kꞌoa̱sꞌín ꞌñó matsja‑la̱ ini̱ma̱‑na̱, ta jè‑ne kꞌe̱ nga ꞌnchrè nga jñà xi ndí i̱xti‑na̱ xan‑la̱ nga kꞌoa̱á sꞌín nchisíjchá yijo‑la̱ koni sꞌín tjín xi kjoa̱kixi̱.
\p
\v 5 Ngaji̱ ndí ꞌndsè xi ꞌñó matsjake̱‑lè, ꞌñó kixi̱ tìnìjchí yijo‑lè, kꞌe̱ nga kꞌoa̱sꞌín ndaà nìsꞌin‑la̱ ya̱ niꞌya‑lè jñà xi̱ta̱ xinguia̱á xi bijchókon‑lè xi ti̱koa̱ ꞌén‑la̱ Nainá mokjeiín‑la̱; ko̱ ìsa̱á ta ndaà tjín‑ìsa kꞌe̱ nga ti̱koa̱ ndaà nìsꞌin‑la̱ jñà xi̱ta̱ xinguia̱á xi xìn i̱ꞌnde fꞌiì‑ne.
\v 6 Jñà xi̱ta̱ xinguia̱á kꞌoa̱á sꞌín tsibéno̱jmí kixi̱ ya̱ nguixko̱n xi̱ta̱ na̱xa̱ndá‑la̱ Cristo, nga ngaji̱ ꞌñó matsjachi ngatsꞌiì xi̱ta̱ xinguia̱á koi. Kꞌoa̱sꞌín ndaà ti̱si̱ko̱‑ìsi kꞌe̱ nga ki̱jchòkon‑lè; tjiì‑la̱ mé xi mochjeén‑la̱ kꞌe̱ nga tjímaya ya̱ i̱ya ndi̱yá. Kꞌoa̱á sꞌín tikoi̱i koni sꞌín sasén‑la̱ Nainá.
\v 7 Nga̱ i̱tꞌaà tsꞌe̱ Cristo‑né nga kꞌoa̱sꞌín jye tsibínè‑la̱ yijo‑la̱ jñà xi̱ta̱ xinguia̱á koi, nga kꞌoa̱á sꞌín nchisíxá‑la̱ Jesucristo, ko̱ majìn‑la̱ nga jñà kiskoé tsojmì xi tsjá‑la̱ xi̱ta̱ xi mìtsà i̱tꞌaà tsꞌe̱ Cristo mokjeiín‑la̱.
\v 8 Koií mochjeén‑ne nga jñá oko̱‑ná nga ki̱si̱koa̱á jñà xi̱ta̱ xinguia̱á koi. Tsà kꞌoa̱sꞌín ki̱si̱koa̱á, tsò‑ne kjoa̱ nga ngásòn titsa̱nìkaꞌbísoán jè ꞌén kixi̱ xi ndaà tsò.
\s Kjoa̱ chꞌo xi sꞌín jè xi̱ta̱ xi ꞌmì Diótrefes
\p
\v 9 ꞌA̱n jyeé kiskiaà jngoò Xo̱jo̱n nga kisìkasén‑la̱ jñà xi̱ta̱ na̱xa̱ndá‑la̱ Cristo, ta̱nga jè Diótrefes mìkiì sasén‑la̱ koni sꞌín kiꞌmì‑la̱je̱n, nga̱ jè, koií xi mejèn‑la̱ nga ta jè ko̱tìxoma.
\v 10 Kꞌe̱ nga kìjchoa, kꞌe̱é ko̱xán kixi̱‑la̱ i̱tꞌaà tsꞌe̱ ngatsꞌiì kjoa̱ chꞌo xi tísꞌín, nga ꞌñó chꞌo tsò ꞌén ndiso xi tíbínè‑naje̱n. Ko̱ mìtsà ta ya̱ majngoò ikon, ti̱koa̱á mìkiì ma‑la̱ nga sísꞌin‑la̱ jñà xi̱ta̱ xinguia̱á xi bijchókon ya̱ niꞌya‑la̱. Ko̱ jñà ꞌndseé xi mejèn‑la̱ nga si̱ìsꞌin‑la̱ xi̱ta̱ xinguia̱á, jé bíchjoà ikon‑la̱, ko̱ ti̱koa̱á ochrjekàjiìn‑né ya̱ na̱xa̱ndá‑la̱ Cristo jñà ꞌndsé xi kꞌoa̱sꞌín síkitasòn kjo̱ndaà koi.
\p
\v 11 Ji̱ ndí ꞌndsè xi ꞌñó matsjake̱‑lè, kì jñà chjínguì‑la̱ jñà kjoa̱ xi chꞌo tjín; ji̱, jñà chjínguì‑la̱ jñà kjoa̱ xi ndaà tjín. Nga̱ jè xi̱ta̱ xi ndaà sꞌín, xi̱ta̱ tsꞌe̱ Nainá‑né; ta̱nga jè xi̱ta̱ xi chꞌo sꞌín, kjꞌeè kì beè yá‑ne xi Nainá.
\s Kjo̱ndaà xi sꞌín jè xi̱ta̱ xi ꞌmì Demetrio
\p
\v 12 I̱tꞌaà tsꞌe̱ Demetrio, ngatsꞌiì xi̱ta̱ kꞌoa̱á tsò nga ꞌñó ndaà tjín koni sꞌín tísꞌín, skanda jè xi kjoa̱ kixi̱, kꞌoa̱á sꞌín okó nga jè Demetrio, ndaá tjín koni sꞌín tísꞌín; kꞌoa̱á ti̱sꞌín bixón‑je̱n nga ndaá tjín koni sꞌín tísꞌín, ko̱ ndaá ꞌyi nga ꞌén kixi̱‑né koni sꞌín bixón‑je̱n.
\s ꞌÉn‑la̱ Juan xi fehetꞌaà‑ne
\p
\v 13 Tjín‑ìsa‑na mé ꞌén xi mejèn‑na nga ko̱xán‑lè, ta̱nga majìn‑na nga tà Xo̱jo̱n siìkasén‑lè;
\v 14 jè xi mejèn‑na nga kjíkon xátí‑lè; kꞌe̱é ìsa̱ ndaà jchi̱ba̱no̱jmiá kꞌe̱ nga kìjchokon‑lè.
\p
\v 15 Kꞌoa̱sꞌín ꞌnchán kàtìjna kjitꞌaà ini̱ma̱‑lè. Jñà xi̱ta̱ xi ndaà óko̱‑ná xi i̱ i̱ꞌnde‑la̱ tísíhixatꞌaà‑lè. Ko̱tꞌìn‑la̱ jñà xi̱ta̱ xi ndaà óko̱‑ná xi ya̱ títsa̱jnako̱‑lè, Nainá kàtasíchikon‑tꞌin nga jngoò ìjngoò.