\id JUD
\h Judas
\toc1 Judas
\mt Xa̱jo̱n ra tsikínda jè Judas
\c 1
\s Kjoa̱ nìhixoꞌta
\p
\v 1 ꞌA̱n Judas ra chi̱ꞌnda‑la̱ Jesucristo ma, ko̱ nga ꞌndsèe̱ ma jè Jacobo, tíbindá‑no jè xa̱jo̱n ra̱kìi̱, jiòn ra ꞌñó tsjake̱‑no Nainá ra Na̱ꞌìn ꞌmì‑lá ra ti̱ꞌkoa̱ Jesucristo tjíkinda̱‑la̱ nga xá inakjoá‑no.
\v 2 Tse kjo̱hi̱ma̱takòn ko̱ kjoa̱ꞌnchán ko̱ kjoa̱tsjacha katasakó-isa‑la̱ inìma̱‑no.
\s Jñà ra kjꞌií ꞌsín tjín ꞌén ko̱ kjoa̱chji̱ne̱ ra bakón‑ya
\r (2 Pedro 2:1‑17)
\p
\v 3 Jiòn ndí ꞌndsé ra ꞌñó matsjake̱‑no, ꞌñó kjotseé mejèn‑na nga kindá‑najiòn xa̱jo̱n, ra a̱ꞌta ꞌtse̱ kóꞌsín ngásòn isìko̱‑ná Nainá nga tsachrjekàjin‑ná kjo̱hiꞌin; tanga ꞌndi̱ ꞌndi̱, ꞌkoa̱á ꞌsín machi̱ya‑na nga machjeén‑ní nga ko̱ꞌsín ꞌsia̱an, nga tíbítsaꞌba‑najiòn nga ꞌñó ti̱xkan‑tjiò jè kjo̱téxoma ra ijye jngo kjá ko̱ꞌsín kiꞌtsì‑la̱ na̱xi̱ndá tsje‑la̱ Nainá nga ko̱ꞌsín ko̱kjiín‑la̱.
\v 4 Nga̱ tjín iꞌka xi̱ta̱ ra ta kjoa̱chijé ꞌjahaꞌsen‑jin‑najiòn, ra xá ꞌkoa̱ ꞌsín tjínè‑la̱ skanda ti̱ꞌsa̱ kjotseé nga kjo̱hiꞌin ꞌki̱‑la̱, nga̱ ꞌkoa̱á ꞌsín tíchja̱ xa̱jo̱n ra a̱ꞌta ꞌtse̱ xi̱ta̱ kìi̱. Xi̱ta̱ kìi̱ mì kì bexkón Nainá; jè kjo̱nda ra tsjá kjo̱tjò Nainá, ta ꞌkoa̱á ꞌsín síchjeén koni ꞌsín tjín kjoa̱ꞌcho ra sasén‑la̱ ijo‑la̱; ko̱ bachrjengií jè Jesucristo ra tíjna ítjòn‑ná ra ta jè ta̱jngo batéxoma‑ná.
\s Kjo̱hiꞌin ra ꞌse a̱ꞌta ꞌtse̱ Nainá
\p
\v 5 Tanga mején‑na nga síkítsjen‑yá‑najiòn, ni̱ꞌsín takó ijye ꞌya jiòn; nga jè Na̱ꞌín‑ná ꞌkia̱ nga ijye tsachrjekàjin ya̱ na̱xi̱ndá Egipto jñà xi̱ta̱ Israel, isikjehesòn ngaꞌtsì xi̱ta̱ ra mì kì kjokjiín‑la̱ ra a̱ꞌta ꞌtse̱.
\v 6 Ko̱ machjeén‑ní nga katasijin‑te‑no koni ꞌsín nga kjomàꞌtin jñà ìkja̱li̱ ra mì kì ko̱ꞌsín nda tsikitsa̱jnajin xá ra jñà kjonga̱tsja, nga kitsjin-takón‑ní ya̱ i̱ꞌnde ñánda̱ tsako̱‑la̱; jè Nainá ya̱á tsikítsa̱jnaꞌya ya̱ nda̱yá jñò ya̱ ñánda̱ nga títsa̱jnaꞌñó skanda ꞌkia̱ nga ki̱jchò ni̱chjin‑la̱ kjo̱hiꞌin nga si̱ndajín‑la̱.
\v 7 ꞌKoa̱á ti̱ꞌsín kjomàꞌtin jè na̱xi̱ndá Sodoma ko̱ jè na̱xi̱ndá Gomorra ko̱ jñà na̱xi̱ndá ra ya̱ tjítsa̱jnaꞌta chraña‑la̱, nga ya̱á jahíjin ijo‑la̱ kjoa̱chijngi ko̱ ngaꞌtsì kjoa̱ꞌcho ra mì ya̱ chi̱ba̱‑la̱. ꞌKoa̱á ma‑ni nga ta tse kjo̱hiꞌin kiꞌtsì‑la̱ nga ngi jé niꞌí ra ni̱kjiá fiꞌtso ijyehesòn‑ni, ko̱ jngoó xkósòn tíjna‑ná ra jién.
\p
\v 8 Jñà xi̱ta̱ ndiso kìi̱, ꞌkoa̱á ti̱ꞌsín ꞌsín‑te, nga síhitjasòn‑la̱ tsa mé nijñá ra ꞌbì‑la̱, ꞌkoa̱á ti̱ꞌsín sítjé ijo‑la̱, bachrjengií kjo̱téxoma‑la̱ Nainá, ko̱ chja̱jnoó‑la̱ jñà ngaꞌñó ra mì kì tsijen‑ni.
\v 9 Skanda jè ìkja̱li̱ ra ꞌmì Miguel ra jè tíjna ítjòn, mì kì tsa ꞌén ꞌnga kiìchja̱ko̱ jè xi̱ta̱‑ni̱í ꞌkia̱ iskajàn‑ya‑ni jè ijo‑la̱ Moisés; mì mé kjo̱hiꞌin tsakánè‑la̱; ta maá kitsò‑la̱: “Jè Nainá katatsjá‑li kjo̱hiꞌin.”
\v 10 Tanga jñà xi̱ta̱ kìi̱, taxki̱ chja̱jnoó‑la̱ kjoa̱ ra skanda mí nda be‑ni kóꞌsín tjín kjòn‑ni; ko̱ jñà kjoa̱ ra machi̱ya i̱tsé‑la̱, ꞌkoa̱á ꞌsín síchjeén koni jñà cho̱ ra jngó kjá mì kì machi̱ya‑la̱, ra ti̱jñà tsjá‑la̱ kjo̱hiꞌin ijo‑la̱.
\p
\v 11 ¡I̱ma̱‑ró‑ni jñà xi̱ta̱ kìi̱! Nga̱ jè i̱nchifìtji̱ngi koni ꞌsín kiꞌsìn jè Caín. Ko̱ ta nga̱tjì‑la̱ nga to̱n mejèn‑la̱ si̱ìkijne, ya̱á i̱nchikajin jñà kjoa̱ꞌcho ra kiꞌsìn jè Balaam; ꞌkoa̱á ꞌsín i̱nchichija koni ꞌsín kjomà jè ra tsiꞌkìn Coré nga kondra̱ kijì‑la̱ Nainá.
\v 12 Jñà xi̱ta̱ kìi̱, jión ꞌcho síkatsíjen‑najiòn ꞌkia̱ nga ya̱ ta̱ña bakjèn‑ko̱‑najiòn, ya̱ ñánda̱ nga maxkóya; nda mí tsa masobà‑la̱ xi̱ta̱ kìi̱ ꞌkia̱ nga ya̱ síngásòn‑ko̱‑no; ꞌsín ta kóꞌsín matsja‑la̱; mì tsa bexkón ꞌsí ra bíjna‑la̱ Na̱ꞌín‑ná. Ta kjo̱nda ꞌtse̱é ra bátsji jñà xi̱ta̱ kìi̱. ꞌKoa̱á ꞌsín jngoya‑la̱ koni jngo ifi ra mì tsa jtsí síꞌka‑ni, ra jndíi̱ ra ján fìko̱ tjo̱; ko̱ koni jñà yá ra ni̱mé to bajà‑la̱ ko̱ nga tjon xka̱‑la̱ ra jò ꞌka̱ ijye miꞌken nga jngó kjá ngi tjánè ko̱ kja̱ma̱‑la̱.
\v 13 Jñà xi̱ta̱ kìi̱, ꞌkoa̱á ꞌsín ngoya‑te‑la̱ koni jñà xó‑la̱ ndáchikon ra ꞌñó kjiꞌnga, ra ya̱á bitjongi tsje kótjín kjoa̱ꞌcho ra ꞌsín nga ꞌya‑la̱ kjo̱sabà‑la̱; ko̱ ꞌkoa̱á ꞌsín ngoya‑la̱ koni nitse ra mì tsa ta jngo i̱ꞌnde títsa̱jna, ra ko̱ꞌsín ijye tjínè‑la̱ nga ya̱ kítsa̱jnajin skanda ta mé ni̱chjin‑ni ya̱ i̱ꞌnde ñánda̱ nga ꞌñó jñò chon.
\p
\v 14 Jè xi̱ta̱ ra tsiꞌkìn Enoc jè ra ijchò ito‑ni tje̱‑la̱ ra ya̱ inchrabàꞌta‑ni ꞌtse̱ Adán, ꞌkoa̱á ꞌsín kiìchja̱ ra a̱ꞌta ꞌtse̱ xi̱ta̱ kìi̱ nga kitsò: “Chítsijen‑la Na̱ꞌín‑ná, taxki̱ kjín jmi ma‑ni ìkja̱li̱‑la̱ ra tji̱ko̱ nga nchrabá,
\v 15 nga ki̱ìndajín‑la̱ ngaꞌtsì jñà xi̱ta̱ mé‑ni nga tsjá‑la̱ kjo̱hiꞌin koni ꞌsín tjín jñà kjoa̱ꞌcho ra kiꞌsìn nga mì kì kijtsexkón jè Nainá, koni ꞌsín tsò jñà ꞌén táhijín ra kiìchja̱jno‑la̱ Nainá jñà xi̱ta̱ jé ra mì kì sísin Nainá.”
\v 16 Jñà xi̱ta̱ kìi̱, ta kjiꞌtá ni̱chjin nga i̱nchifajé ko̱ nga i̱nchichja̱jno, ko̱ ta jñá mejèn‑la̱ nga sa̱kò‑la̱ mé ra sasén‑la̱ ra jñà. Ngi ta jñá síchjeén ꞌén ra nda síkítsa̱hijyo‑ni ijo‑la̱; ko̱ ꞌén sin, ꞌén nda chja̱, tanga ta kjo̱nda ꞌtse̱é bátsji ꞌkia̱ nga ko̱ꞌsín ꞌsín.
\s Kjoa̱kixi̱ ra si̱nè‑la̱ xi̱ta̱
\p
\v 17 Tanga jiòn ndí ꞌndsé ra ꞌñó matsjake̱‑no, nda ti̱kítsjen koni ꞌsín tsò ꞌén ra ijye ko̱ꞌsín tsikíjna chi̱ya‑no jñà xi̱ta̱ ra tsikíxáya‑la̱ Jesucristo ra tíjna ítjòn‑ná,
\v 18 nga kitsò‑no: “ꞌKia̱ nga ijye mejèn feheꞌta jñà ni̱chjin, ꞌse̱é xi̱ta̱ ra tà si̱itsjaꞌtin‑no ko̱ ta ki̱jno̱keé ra kjoa̱kixi̱, ra ta ꞌkoa̱á ꞌsín si̱ìjchá ijo‑la̱ koni ꞌsín tjín kjoa̱ꞌcho ra sasén‑la̱ nga mì kì tsa Nainá sísin.”
\v 19 Jñà xi̱ta̱ kìi̱, ta xi̱ta̱á síjòya. Ngi ta kjoa̱ i̱sàꞌndeé tjíya sko̱, nga tsìn‑la̱ Inìma̱ Tsje‑la̱ Nainá.
\p
\v 20 Tanga jiòn ndí ꞌndsé ra ꞌñó matsjake̱‑no, ꞌñó kixi̱ ti̱nchako̱o jè kjoa̱tsje‑la̱ Nainá ra makjiín‑no. Jè sabà Inìma̱ Tsje‑la̱ Nainá katasíchi̱ya‑no kóꞌsín nga kítsaꞌba.
\v 21 Ya̱ ti̱tsa̱jna jiòn kiꞌta kjoa̱tsjacha‑la̱ Nainá. Jchíña‑la kjoa̱hi̱ma̱takòn‑la̱ Jesucristo ra tíjna ítjòn‑ná, skanda nga tsjá‑no kjo̱binachon ra mì feheꞌta.
\p
\v 22 Jcha̱hi̱ma̱takòn jñà xi̱ta̱ ra jò tjín‑la̱ ikon.
\v 23 Ko̱ ti̱ꞌndi̱ ti̱náchrjekàjiòn iꞌka niꞌí. Ko̱ jcha̱hi̱ma̱takòn xi̱ta̱ ra iꞌka, tanga ti̱kinda̱a ijo‑no ra a̱ꞌta ꞌtse̱ jé ra tjín‑la̱; skanda machjeén‑ní nga ti̱náchrjengio kjoa̱ꞌcho ra ꞌsín koni tsa nikje tjé.
\s Jeya katijna Nainá
\p
\v 24 Jè Nainá ra ma‑la̱ síkinda̱‑no nga mì kì tsjáꞌnde nga ska̱jen‑ngio, ra ma‑la̱ ko̱ꞌsín tsje ki̱jchòko̱‑no ya̱ i̱ꞌnde‑la̱ ya̱ ñánda̱ nga ꞌñó jeya chon nga ꞌñó tjín kjo̱tsja;
\v 25 ko̱ jè Nainá ra ta jè ta̱jngo‑ni ra ma‑la̱ bachrjekàjin‑ná kjo̱hiꞌin ra a̱ꞌta ꞌtse̱ Jesucristo ra tíjna ítjòn‑ná, ko̱ꞌsín jeya ko̱ ꞌnga katijna; katatéxoma, ti̱ꞌkoa̱ kataꞌse‑la̱ ngaꞌñó skanda ti̱ꞌsa̱‑ni kjotseé, ko̱ ꞌndi̱‑ni̱, ko̱ skanda ta mé ni̱chjin‑ni. Ko̱ꞌsín katama.