\id ACT mazateco de Jalapa de Diaz
\h Ni xi kitsꞌín já postru̱
\toc1 Xu̱ju̱n xi tjítꞌa ni xi kitsꞌín já postru̱
\mt Xu̱ju̱n xi tjítꞌa ni xi kitsꞌín já postru̱
\c 1
\s Bꞌi̱ tsꞌín kitsúyaha̱ Jesu já niꞌyakuyáha̱ nga Espiri̱tu̱ Santo̱ i̱ncha tsꞌi̱ínkjáíhi̱n
\p
\v 1 Ji nda̱ xinkjíán Teofi̱lo̱, xu̱ju̱n xi tjun yꞌentúhu kixinyaha ngayjee̱ ni xi kikꞌatutsꞌi̱hi̱n nga kitsꞌín ko̱ tsakúya Jesu
\v 2 santa nkúhu nga ngjinji nkꞌa ján. Kintehe̱ ni nga ngju̱a̱i̱, Espiri̱tu̱ Santo̱ho̱ Nti̱a̱ná tsakúyako̱ho̱ ra̱ já postru̱ xi jꞌájin ni xi tjíhin nga tsꞌi̱ín.
\p
\v 3 Nga kꞌien Jesu ko̱ jꞌáíya ngáha̱ ra̱ ngabayoo̱, nkjin ni̱yá jꞌaikúchjihi̱ yjoho̱ já postru̱hu̱ nga ja tíjña tíkꞌun. Yachán ni̱stjin kamaha̱ nga tsakúchjihi̱ yjoho̱ ko̱ kinchja̱ni̱jmíyako̱ho jóo̱ Nti̱a̱ná ko̱ nkú tjíhi̱n ra̱ nga kui batéxuma.
\v 4 Nkꞌie nga tíjñajin saha̱ já postru̱, bꞌa̱ kitsúhu̱ nga najmi tu̱ ku̱i̱tju nanki Jerusalen. Bꞌi̱ kitsúhu̱:
\p —Chúyo santaha nga ku̱i̱tjusun ni xi kitsúya títjun Na̱ꞌmina̱. Kui niu̱ xi kinchjani̱jmíyako̱ho̱nu̱u.
\v 5 Jua bi ntánijua tsaténtáha xu̱ta̱ tu̱nga jun tu̱ chuba ni̱stjihín ndyjaha̱ nga Espiri̱tu̱ Santo̱ sa̱téntáko̱ho̱nu̱u.
\p
\v 6 A̱sꞌa̱i já xi kama ñjakúko̱ Jesu i̱ncha kingjásjaiyaha̱:
\p —Ji Nda̱ Nti̱a̱, ¿a ndꞌa̱i̱ kꞌu̱a̱i̱hi̱ xu̱ta̱ Israel nga ku̱a̱téxuma ngáha̱ ra̱ nanki xi tsꞌe̱?
\p
\v 7 A̱sꞌa̱i bꞌi̱ kitsú Jesu:
\p —Najmi jun tjíhin nga cho̱o mí chu̱ba̱ha ko̱ mí ni̱stjihin ku̱i̱tjusun ni xi yꞌénda Nti̱a̱ Na̱ꞌmiu̱ nga ka̱ma.
\v 8 Tu̱nga nꞌe̱kjáíhín ru̱u ngaꞌyún nkꞌie nga kjꞌu̱a̱íjinnu̱u Espiri̱tu̱ Santo̱. Ku̱i̱xínyo e̱i̱ Jerusalen, ngayjee̱ a̱nte Judea̱ ko̱ a̱nte Samari̱a̱ ko̱ nga ngúsuhu̱n a̱sunntee̱ ni xi kitsꞌian.
\s Bꞌi̱ tsꞌín ngji Jesu nkꞌa ján
\p
\v 9 A̱skahan nga ja bꞌa̱ kitsú Jesu ko̱ nga tíi̱ncha base tsꞌíhi̱n ra̱ já postru̱hu̱, a̱sꞌa̱i ngjinji nkꞌa ján. Nku ni̱nti̱ yꞌéꞌmaha̱ ko̱ najmi ta̱ kikiehe̱ ra̱ jóo̱.
\v 10 Nkꞌie nga tíi̱ncha basenjinki nkꞌa ján jóo̱ nga tífi Jesu, tu̱ johó já xi yja najyun taba jꞌainchatꞌaha̱.
\v 11 Bꞌi̱ kitsúhu̱:
\p —Jun xi nibáhanu Galilea̱, ¿á bꞌa̱ nꞌe tíchasenjinkihinu nkꞌa ján? Xi nkú tsꞌín kuitjujinnu̱u Jesu nga kfi nkꞌa ján, bꞌa̱há ta̱ tsꞌín kjꞌu̱a̱í ngáha xi nkú tsꞌín kuayo nga kfi.
\s Bꞌi̱ tsꞌín kichjꞌajin nda̱ xi yꞌejña a̱ntehe̱ Juda̱ Iscariote
\p
\v 12 A̱sꞌa̱i a̱sunntu tje̱nki̱ xi ꞌmi Yá Olivo̱ i̱ncha nibaha já postru̱ nga jꞌai ngáha nanki Jerusalen. Kui tje̱nki̱u̱ xi tiña maha̱ Jerusalen nkú ra̱ ma tsa nku kilome̱tru̱.
\v 13 Nkꞌie nga i̱ncha jasꞌen a̱jin na̱nti̱o̱, i̱ncha ngjinji niꞌya xi jo tjíxjó xi i̱ncha tjíntuyá. Kui xuꞌbi̱ já postru̱ xi tjíntu yo̱: Pedro̱, Santiago̱, Jua, Andre, Felipe̱, Toma, Bartolome, Mateo̱, Santiago̱ xi ntíhi̱ Alfeo̱, Simon xi mako̱ já xi mjehe̱ kjaánko̱ já Roma̱, ko̱ Juda̱ xi ntsꞌe̱ Santiago̱.
\v 14 Nkuhú i̱ncha kitsꞌín kju̱a̱nkjintakꞌuhu̱n nga tehe̱nte kinchja̱ko̱ Nti̱a̱ná ngayjee̱ já xuꞌbi̱ ko̱ já ntsꞌe̱ Jesu, Maria̱ xi na̱aha̱ maha ko̱ kjꞌa̱í sa jminchjín.
\p
\v 15 Nku ni̱stjin nkꞌie nga kama ñjakú xu̱ta̱ xi sꞌejihi̱n Jesu, ma ra̱ tsa unchan ko̱ kan, a̱sꞌa̱i Pedro̱ tsasinjñajin masehe̱n ko̱ bꞌi̱ kitsúhu̱:
\p
\v 16 —Jun já ntsꞌe, tjíhin nga tsitjusun ni xi Espiri̱tu̱ Santo̱ kitsꞌínkinchja̱ha̱ David. Kui niu̱ xi tjítꞌa xu̱ju̱n éhe̱n Nti̱a̱ná. Kinchja̱ni̱jmíyaha Juda̱, nda̱ xi ngjiko̱ já xi jꞌaikjꞌánijé Jesu.
\v 17 Kui xi ta̱ kama nku nda̱ postru̱ xi nkúhu ji̱n ko̱ ta̱ kikꞌa̱i̱hi̱ xá xuꞌbi̱.
\v 18 Tu̱nga najmi ndahá kitsꞌín. A̱sꞌa̱i to̱on xi kama chjíhi̱ ra̱ kju̱a̱ najmi ndaha̱ tsꞌatseko̱ho nku xuꞌba. A̱sꞌa̱i nintaku̱ tsijnehe, i̱xí kitsꞌohón nga tsijne ko̱ tsitju ngayjee̱ tsꞌehe̱.
\v 19 Kintꞌé ngayjee̱ xu̱ta̱ xi tjíntu Jerusalen ni xi kamoo̱. Xuꞌbaha̱ Jní ꞌmi a̱nte xuꞌbo̱, én xi tsuhu̱ ra̱ Acelda̱ma̱ nga éhe̱n.
\v 20 A̱tꞌaha̱ bꞌi̱ tsꞌín tjítꞌa xu̱ju̱n salmo̱:
\q Kasꞌe tiya niꞌyaha̱ ndo̱,
\q najmi tu̱ chꞌa xi katꞌejñaya.
\m Ko̱ bꞌa̱ tsꞌín ta̱ tjítꞌa ya:
\q Kjꞌa̱í xi katsꞌínkjáíhi̱n xáha̱.
\p
\v 21 ’Kui nga a̱jihi̱n já xi kitsjenko̱ tehe̱ntehe̱ná nkꞌie nga tíjñajin saná Nda̱ Nti̱a̱ná Jesu,
\v 22 bꞌaha̱ ra̱ nkꞌie nga tsaténtáha̱ Jua ko̱ santaha ni̱stjin nga ngji nkꞌa ján, a̱jihi̱n já xuꞌbi̱ kachjꞌajin nku xi ku̱i̱tsu̱yako̱ni̱ nga jꞌáíya ngáha̱ ra̱ Jesu ngabayoo̱.
\p
\v 23 A̱sꞌa̱i i̱ncha kitsꞌínkjó jo já, nku xi ꞌmi Kuse xi ta̱ ꞌmi ya Barsaba, xi ta̱ Justo̱ chubaha̱, ko̱ nku xi ꞌmi Matia̱.
\v 24 A̱sꞌa̱i bꞌi̱ i̱ncha kitsú nga kinchja̱ko̱ Nti̱a̱ná:
\p —Ji Nti̱a̱, yai xi nkú tsꞌín tjíntuyá ani̱ma̱ha̱ ngayjee̱ xu̱ta̱. Ta̱kúchjini̱ má xi kui já xi joi̱ xi kichjꞌajin
\v 25 tu̱ xi ka̱maha nku nda̱ postru̱ ko̱ tsꞌi̱ínko̱ni̱ xá xi najmi kitsꞌínndju̱ú Juda̱ Iscariote̱. A̱tꞌaha̱ ngatitsun kitsꞌín Juda̱ ko̱ a̱nte xi tje̱he̱n ra̱ ngji.
\p
\v 26 A̱sꞌa̱i tsasehe̱ jóo̱ yá xi ka̱ma tsꞌe̱ xóo̱. Tu̱ Matia̱há kikanéhe̱. Kui nga kikꞌa̱i̱ xáko̱ho̱ ra̱ já postru̱ xi te nkuu̱.
\c 2
\s Bꞌi̱ tsꞌín jꞌai Espiri̱tu̱ Santo̱
\p
\v 1 Nkꞌie nga tsichu ni̱stjihi̱n Sꞌí Pentecoste, nkuhú a̱nte kama ñjakú ngayjee̱ xu̱ta̱ xi sꞌejihi̱n Jesu.
\v 2 Tu̱ janeyahá nkꞌa ján. Bꞌa̱ kama xi nkú ma nga ꞌyún kjenima ntjo̱. Kinuꞌyá kui nii̱ ngayjee̱ a̱ya niꞌyoo̱ xi má nga kabꞌentu jóo̱.
\v 3 A̱sꞌa̱i kama chji a̱sun nintaku̱ jóo̱ ni xi bꞌa̱ kꞌun nja̱i̱ ndꞌí kꞌun nga kikꞌa̱i̱hi̱.
\v 4 Ngayjee̱ kitsejíhi̱n ra̱ Espiri̱tu̱ Santo̱ ko̱ kikꞌatutsꞌi̱hi̱n nga kinchja̱ kjꞌa̱í kjꞌa̱í én xi nkú tsꞌín kitsjáha̱ Espiri̱tu̱ nga ku̱i̱nchja̱.
\p
\v 5 Kui ni̱stjiu̱n tjíntu nanki Jerusalen xu̱ta̱ judio̱ xi benkjún Nti̱a̱ná xi nibaha ngayje tíkjá nanki xi tjín a̱sunntee̱.
\v 6 A̱sꞌa̱i kama ñjakú xu̱ta̱ nkꞌie nga kintꞌé ni xi janeyoo̱. Ndaha najmi i̱ncha be ni xi i̱ncha ku̱i̱tsu̱, a̱tꞌaha̱ tu̱ éhe̱n ní i̱ncha kintꞌé nga nkúnkú.
\v 7 Tu̱ ni xí kama nkjúhu̱n ra̱ ko̱ bꞌi̱ ngján bꞌi̱ kitsúhu̱ xinkjín:
\p —¿A najmi xu̱ta̱ Galilea̱há ngayjee̱ xi bꞌi̱ tsꞌín tínchja̱?
\v 8 ¿Nkú tsꞌín én xi mahaná nga nkúnkáá tínuꞌyáhaná nga tíi̱ncha nchja̱ha?
\v 9 A̱tꞌaha̱ tjínjinná e̱i̱ xu̱ta̱ Parti̱a̱, xu̱ta̱ Medi̱a̱, xu̱ta̱ Elam, xu̱ta̱ xi nibáha a̱nte Mesopotami̱a̱, xu̱ta̱ Judea̱, xu̱ta̱ Capadoci̱a̱, xu̱ta̱ Ponto̱, xu̱ta̱ Asi̱a̱,
\v 10 xu̱ta̱ Frigi̱a̱, xu̱ta̱ Panfili̱a̱, xu̱ta̱ Egipto̱, xu̱ta̱ xi nibáha a̱nte Libi̱a̱ xi tiña maha̱ nanki Cirene̱, ko̱ xu̱ta̱ Roma̱. Tjín xi ntje̱ judio̱ tje̱he̱n ra̱ ko̱ tjín xi najmi ntje̱ judio̱ tje̱he̱n ra̱ tu̱nga sꞌejihín ra̱ Nti̱a̱ná.
\v 11 Tjín xu̱ta̱ Creta̱ ko̱ xu̱ta̱ Ara̱be̱. Ngatenteé tínuꞌyáá nga énná tíi̱ncha tsuyaha̱ xu̱ta̱ xuꞌbi̱ kju̱a̱chánka xi tsꞌín Nti̱a̱ná.
\p
\v 12 Ngayjee̱ xu̱ta̱ kama nkjúhu̱n. Ndaha najmi be ni xi ku̱i̱tsu̱. Kingjásjaiyaha̱ xinkjín:
\p —¿Nkú tsuhu̱ ra̱ ni xuꞌbi̱?
\p
\v 13 A̱sꞌa̱i kꞌu̱a̱ xi tu̱ tohón kamaha̱ ko̱ bꞌa̱ kitsú:
\p —Chꞌi̱hí jóo̱.
\s Bꞌi̱ tsꞌín yꞌéni̱jmíhi̱ Pedro̱ xu̱ta̱ nga kitsúya nkú tsuhu̱ ra̱ ni xi kamoo̱
\p
\v 14 A̱sꞌa̱i tsasinjña ndju Pedro̱ ko̱ já postru̱ xi te nkuu̱. ꞌYún kinchja̱ nga bꞌi̱ kitsúhu̱ xu̱ta̱ nkjiu̱n:
\p —Jun xi ntje̱ judio̱ tje̱he̱nnu̱u ko̱ ngatentoo̱ xi tintsu̱bo̱o Jerusalen, katumankjinnu̱u ko̱ ta̱sinñju ni xi xínnu̱u.
\v 15 Najmi chꞌi̱ jái̱ xi nkú nga tsꞌín tínꞌenkjíntakꞌun, a̱tꞌaha̱ a̱sꞌa̱ihí chu̱ba̱ ñja yo̱.
\v 16 Ni xi tíyo, kui ni xuꞌbi̱ xi kitsúya títjun nda̱ profeta̱ Joel má nga bꞌi̱ tsꞌín yꞌétꞌa:
\q
\v 17 Bꞌi̱ títsu Nti̱a̱ná:
\q Kui nii̱ xi ka̱ma ni̱stjin xi fekuu̱, tsjaha̱ Espiri̱tu̱na̱ ngayjee̱ xu̱ta̱.
\q Ntíxꞌi̱nnu̱u ko̱ ntíchju̱únnu̱u tsꞌa kꞌueꞌá énna̱ nga profeta̱ ka̱ma.
\q Já xu̱nkúnu̱u sku̱e̱ ni xi kꞌuejñá chjihi̱,
\q ko̱ jáchánu̱u ku̱i̱ntꞌé ni xi xíhi̱n nga nijñá ján.
\q
\v 18 Kui ni̱stjin xuꞌbo̱ tsjaha̱ Espiri̱tu̱na̱ já musu̱na̱ ko̱ jminchjín musu̱na̱,
\q tu̱ xi ku̱i̱nchja̱ha ngajona̱.
\q
\v 19 Tsꞌian kju̱a̱nkjún nkꞌa ján,
\q ko̱ kuakuchjá kju̱a̱chánkana̱ tꞌanankiu̱.
\q Sꞌe̱ jní ko̱ ndꞌí ko̱ ni̱nti̱ tjain.
\q
\v 20 Ka̱ma jyun tsꞌíu̱ ko̱ xi nkúhu jní ka̱ma sóo̱.
\q Bꞌa̱ ka̱ma kintehe̱ ni nga ku̱i̱chú ni̱stjin xi yꞌénda Nti̱a̱ná,
\q kui ni̱stjiu̱n xi chánka ko̱ nkjún tjín.
\q
\v 21 Nꞌe̱kꞌanki ngayjee̱ xi kꞌu̱a̱nkihi̱ Nti̱a̱ná nga tsꞌi̱ínnkihi̱.
\p
\v 22 ’Jun já Israel, ta̱sinñju ni xi xínnu̱u. Ya sisiun ni xi kitsꞌín Jesu, nda̱ xi nibáha Nazaret. Kitsꞌín kju̱a̱chánka ko̱ kju̱a̱nkjún ko̱ ni xi tsakúchji kju̱a̱chánkaha̱ Nti̱a̱ná. Nti̱a̱ná kitsjáha̱ nga bꞌa̱ kitsꞌín tu̱ xi yꞌéjña chjihi̱nu̱u nga kui kitsꞌín nibáha̱.
\v 23 Yꞌénda títjun Nti̱a̱ná ko̱ be nkúhu nga tutsꞌihi̱n ni nga já kontra̱ nꞌe̱kjasꞌehe̱n Jesu. Jun kichjubénijó ko̱ kinꞌekꞌion. Já xi najmi ntje̱ Israel tje̱he̱n ra̱ kinꞌe chjón nga kikjatꞌa kruu̱.
\v 24 Tu̱nga Nti̱a̱náhá kitsꞌín nda̱íhi̱ a̱jihi̱n kju̱a̱ꞌuhu̱n ngabayoo̱. Kitsꞌínkꞌíéjña tíkꞌun ngáha̱ ra̱. Ndaha̱chí najmi kamaha̱ ngabayoo̱ kitsꞌínkꞌíéjñaꞌyúhu̱n.
\p
\v 25 ’Bꞌi̱ tsꞌín yétꞌa xu̱ju̱n David nga kinchja̱ni̱jmíyaha Jesu:
\q Kikie tehe̱nte Nti̱a̱ná nginkán,
\q kixi̱na̱ síjñatꞌa tu̱ xi najmi tsankjuhunna.
\q
\v 26 Kui kju̱a̱ha nga tíma tsjoho̱ ra̱ ani̱ma̱na̱,
\q én tsjo tsu tíbitju tsu̱ꞌbá,
\q ko̱ tjínkuhu̱ kꞌan nga chúhu̱n yjonintena̱.
\q
\v 27 A̱tꞌaha̱ najmi nꞌe̱ nga maní a̱ntehe̱ xu̱ta̱ kꞌie̱n,
\q najmi kꞌu̱a̱i̱ntei tsa kfe̱ntu nda̱ xi na̱xu̱ nginkuin.
\q
\v 28 Tsakuchjíní ni̱yá xi fi má nga kꞌúéntu tíkꞌun xu̱ta̱,
\q nꞌe̱tsehení kju̱a̱tsjo nga kúáte̱jña nginkuin.
\p
\v 29 ’Jun já ntsꞌe, xínya kixi̱ kixi̱nu̱u nga ntje̱ cháná David kꞌien ko̱ kisꞌeyanji. Santaha ni̱stjin ndꞌa̱i̱ tíjñajin saná tsjóho̱.
\v 30 Kui xi kama nku nda̱ profeta̱ ko̱ kikie nga Nti̱a̱ná kitsúya kixi̱ títjuhu̱n nga ntje̱ xi tsꞌe̱ stjújin xi kꞌúéjñasun a̱ntehe̱ nga ku̱a̱téxuma.
\v 31 Kui nga kikie títjuhun David ni xi ka̱ma ko̱ kitsúya nga kjꞌu̱a̱íya ngáha̱ ra̱ ngabayoo̱ xi kitsꞌín nibá Nti̱a̱ná,\f + \fr 2:31, 36 \ft “Xi kitsꞌín nibá Nti̱a̱ná” tsuhu̱ ra̱ “Cristo̱”.\f* nga najmi sꞌe̱jña a̱ntehe̱ xu̱ta̱ kꞌie̱n ko̱ nga najmi ku̱a̱tsún yjonintehe̱.
\p
\v 32 ’Jesu, kui xi Nti̱a̱ná kitsꞌínkjꞌáíya ngáha̱ ra̱ ngabayoo̱ ko̱ ji̱n kiyai̱ nga bꞌa̱ kama.
\v 33 Kui xi tíyankjún ndꞌa̱i̱ nga tíjñatꞌa Nti̱a̱ná ko̱ kitsꞌínkjáíhi̱n Espiri̱tu̱ Santo̱ xi kitsúya títjuhu̱n Na̱ꞌmiu̱ nga tsjáha̱. Kui xi títsꞌín nibá ni xi tíyo ko̱ tínuꞌyó ndꞌa̱i̱.
\v 34 A̱tꞌaha̱ najmi David xi ngjinji nkꞌa ján, tu̱nga bꞌa̱há kitsú:
\q Nti̱a̱ná bꞌa̱ kitsúhu̱ Nda̱ Nti̱a̱na̱:
\q “Ti̱nchintꞌaná má batexuma,
\q
\v 35 kꞌuentú maná xi fi kontra̱hi kinte tsu̱kui.”
\p
\v 36 ’Kui nga tjíhin nga sku̱e̱ kixi̱hi ngatentee̱ xu̱ta̱ Israel nga Jesu, xi jun kikjatꞌa kruu̱, kui xi Nti̱a̱ná kitsjá xáha̱ nga tíbatéxuma ndꞌa̱i̱. Kui xi kitsꞌín nibá Nti̱a̱ná.
\p
\v 37 Nkꞌie nga kintꞌé jóo̱ ni xuꞌbi̱, tu̱ ni xí kikꞌie nusin nusihín ra̱. A̱sꞌa̱i bꞌi̱ i̱ncha kitsúhu̱ Pedro̱ ko̱ já postru̱ xingisoo̱:
\p —Jun já ntsꞌe, ¿mí ni xi tjíhin nga nꞌe̱i̱?
\p
\v 38 Bꞌi̱ kitsú Pedro̱:
\p —Tankínchjꞌa̱ha̱ ru̱u ani̱ma̱nu̱u. Nꞌe̱kjóho̱on Jesucristo̱ ko̱ sa̱téntó nga nkúnkú tu̱ xi ka̱ma ndyjatꞌaha̱nu̱u ngatitsunnu̱u. Bꞌa̱ tsꞌín kꞌu̱a̱i̱hi̱nu̱u Espiri̱tu̱ Santo̱ xi tsjánu̱u Nti̱a̱ná.
\v 39 A̱tꞌaha̱ kꞌu̱a̱i̱nu̱u ko̱ ku̱a̱i̱hi̱ ntínu̱u ni xi kitsúya títjun Nti̱a̱ná nga tsjáha̱ xu̱ta̱ xi tsꞌe̱, ko̱ ta̱ kꞌu̱a̱i̱hi̱ xu̱ta̱ xi kjin tjíntu, ngayjee̱ xi Nti̱a̱ná ku̱i̱nchja̱ha̱ nga ka̱ma tsꞌe̱.
\p
\v 40 Kui én xuꞌbi̱ ko̱ kjꞌa̱í sa xi kitsú Pedro̱ nga kinchja̱ ko̱ nga kitsjáni̱yáha̱ xu̱ta̱. Bꞌi̱ kitsúhu̱:
\p —Ti̱tjujihu̱un kju̱a̱ꞌun xi ni̱banehe̱ xu̱ta̱ xi najmi na̱xu̱ nginku̱n Nti̱a̱ná xi tjín ndꞌa̱i̱.
\p
\v 41 A̱sꞌa̱i kisaténtá xu̱ta̱ xi kitsꞌínkjáíhi̱n én xi yꞌéni̱jmí Pedro̱. Kui ni̱stjiu̱n jan mii̱ xu̱ta̱ jꞌaijín saha̱ xu̱ta̱ xi ja sꞌejihi̱n Jesu.
\v 42 Tehe̱nte tsasínñjuhu̱ xu̱to̱ ni xi tsakúya já postru̱. Nkuhú i̱ncha kikꞌa xinkjín. Kama ñjakú nga kikjine ni̱ñu̱ ko̱ nga kinchja̱ko̱ Nti̱a̱ná.
\s Bꞌi̱ tsꞌín yꞌentu xu̱ta̱ xi tjun kisꞌejihi̱n Jesu
\p
\v 43 Kama nkjúhu̱n ngayjee̱ xu̱ta̱, a̱tꞌaha̱ nkjin kju̱a̱nkjún ko̱ ni xi tsakúchji kju̱a̱chánkaha̱ Nti̱a̱ná kitsꞌín já postru̱.
\v 44 Ngatentee̱ xu̱ta̱ xi sꞌejihi̱n Jesu nkuhú kitsꞌín yjoho̱ ko̱ kitsꞌínchjénko̱ ngujin xinkjín ngayjee̱ ni xi tjíhi̱n.
\v 45 Tsatéña xuꞌbaha̱ ko̱ ni xi tjíhi̱n ko̱ kitsꞌínndzjoho̱ to̱oho̱n ngayjee̱ xu̱ta̱ xi nkú tjín machjéhe̱n nga nkúnkú.
\v 46 Xki̱ ni̱stjin kama ñjakú má ma na̱tsihi̱n ni̱nku̱. Niꞌyaha̱ tsakjánya ni̱nku̱a̱n nga kikjineko̱ xinkjín, nga tjíntuyá tsjo tsꞌíhi̱n ra̱ ko̱ nga ni̱ma̱kju̱a̱ tjíntuyá ani̱ma̱ha̱.
\v 47 I̱ncha tsꞌíntsjoho̱ Nti̱a̱ná, ko̱ ngayjee̱ xu̱ta̱ na̱nti̱o̱ nda kikiehe̱. Xki̱ ni̱stjin Nti̱a̱ná kitsꞌín nibájin saha̱ xu̱ta̱ ni̱nku̱ kjꞌa̱í sa xi tíi̱ncha bꞌanki.
\c 3
\s Bꞌi̱ tsꞌín kitsꞌínnkihi̱ Pedro̱ nku nda̱ xi najmi ma fi
\p
\v 1 Nku ni̱stjin Pedro̱ ko̱ Jua i̱ncha ngji má ma na̱tsihi̱n ni̱nku̱ nga chu̱ba̱ jan. Kui chu̱bo̱ xi tíjñaha̱ xu̱ta̱ xi ntje̱ judio̱ tje̱he̱n ra̱ nga nchja̱ko̱ Nti̱a̱ná.
\v 2 Yo̱ bꞌejña nku nda̱ xi tu̱ bꞌa̱ tsꞌín najmi mahá fi santa nkúhu nga kitsin. Xki̱ ni̱stjin nꞌekꞌíéjña ndo̱ a̱nkju̱a̱ má ma na̱tsihi̱n ni̱nku̱ xi ꞌmi A̱nkju̱a̱ Tsjo Tjín tu̱ xi bankihi̱ ra̱ to̱on xu̱ta̱ xi fasꞌehen na̱tsihi̱n ni̱nku̱.
\v 3 Nkꞌie nga kikie ndo̱ nga tífasꞌen Pedro̱ ko̱ Jua na̱tsihi̱n ni̱nku̱, tsankihi̱ to̱on.
\v 4 A̱sꞌa̱i Pedro̱ ko̱ Jua i̱ncha tsasehe̱ ndo̱ ko̱ bꞌa̱ kitsú Pedro̱:
\p —Cha̱se̱ꞌani̱.
\p
\v 5 A̱sꞌa̱i tsase ndo̱ nga kikuyá nga kꞌu̱a̱i̱hi̱ to̱on.
\v 6 Tu̱nga bꞌi̱hí kitsú Pedro̱:
\p —Najmi tjínna to̱ontaba ko̱ ta̱ ndaha to̱onsine xi tsjaha tu̱nga ni xi tíjñahána tsjaha. Ngajoho̱ Jesucristo̱, nda̱ xi nibáha Nazaret, an bꞌa̱ tíxihin: Ti̱síntje̱i̱n ko̱ ti̱tsutjai.
\p
\v 7 A̱sꞌa̱i jakjꞌá Pedro̱ ntsja kixi̱ ndo̱ nga kikjesíntje̱n. Tje̱nꞌyún kisakú ngaꞌyúhún ra̱ sjai ndo̱.
\v 8 Kikjennkꞌá ko̱ kikjatsúꞌba. Sjai jasꞌenko̱ho Pedro̱ ko̱ Jua má ma na̱tsihi̱n ni̱nku̱. Tíkjennkꞌá ko̱ títsꞌíntsjohó tsꞌíhi̱n ra̱ Nti̱a̱ná nga tsúꞌba.
\v 9 Ngayjee̱ xu̱ta̱ kikiehe̱ nga tsúꞌba ndo̱ ko̱ nga títsꞌíntsjoho̱ Nti̱a̱ná.
\v 10 Tu̱ ni xí kama nkjúhún ra̱ ko̱ kitsankjún nga̱tꞌaha̱ ni xi kamatꞌain ndo̱. A̱tꞌaha̱ i̱ncha kamankjihi̱n nga kui ndo̱ xi bꞌejña a̱nkju̱a̱ ni̱nku̱ xi ꞌmi A̱nkju̱a̱ Tsjo Tjín nga banki to̱on.
\s Bꞌi̱ tsꞌín yꞌéni̱jmí Pedro̱ má ma na̱tsihi̱n ni̱nku̱
\p
\v 11 Nda̱ xi kama nkihi̱ najmi ta̱ tíbinkféhen Pedro̱ ko̱ Jua. A̱sꞌa̱i ngayjee̱ xu̱ta̱ kama nkjúhun nga kama ñjakú má ꞌmihi̱ Kinte Niꞌyaha̱ Salomon, a̱tꞌaha̱ yo̱ tíi̱ncha jóo̱.
\v 12 Nkꞌie nga kikie Pedro̱ ni xuꞌbi̱, bꞌi̱ kitsú:
\p —Jun já Israel, ¿á tíma nkjúhu̱nnu̱u ni xuꞌbi̱? ¿Á tíchasehe̱ni̱ xi nkúhu tsa ngaꞌyún tsꞌa̱ji̱n ko̱ tsa nga̱tꞌaha̱ tsa ji̱n su̱ba̱i̱ ꞌyún yankjúi̱n Nti̱a̱ná, tsa kui kju̱a̱ha nga kuanꞌekjatsúꞌbaha̱ni̱ nda̱i̱?
\v 13 Nti̱a̱ha̱ ntje̱ cháná Abraham, Isaac ko̱ Jacob kitsjáha̱ kju̱a̱chánka Ntíhi̱. Kui xi Jesu xi jun kinꞌekjasꞌon ko̱ najmi kinꞌekjóho̱n nginku̱n Pilato̱ nkꞌie nga Pilato̱ mjehe̱ tsꞌi̱ín nda̱íhi̱.
\v 14 Najmi kinꞌekjóho̱on nda̱ xi je nginku̱n Nti̱a̱ná, nda̱ xi na̱xu̱ nginku̱n Nti̱a̱ná. Tu̱ sa ní tsinchu nga nꞌe̱ nda̱íhi̱ nku nda̱ xi ani̱ma̱ tsꞌínkꞌien.
\v 15 Jun kinꞌekꞌion nda̱ xi tsꞌínkꞌíéntu tíkꞌun xu̱ta̱, tu̱nga Nti̱a̱náhá kitsꞌínkjꞌáíya ngáha̱ ra̱ ngabayoo̱. Ji̱n kiyai̱ ko̱ tíꞌmiyai̱hi̱ nga bꞌa̱ kama.
\v 16 Nga̱tꞌaha̱ nga sꞌejinni̱ Jesu, kui kju̱a̱ha nga Jesu kuatsꞌínchjénni̱ nga kuatsjá ngaꞌyúhu̱n ra̱ nda̱i̱ xi yo ko̱ tíyo e̱i̱. Nga̱tꞌaha̱ nga sꞌejinni̱ Jesu, kui kju̱a̱ha nga kamandaha nda̱i̱ nginkun.
\p
\v 17 ’Be ndꞌa̱i̱, já ntsꞌe, nga najmi yo ni xi kinꞌo ko̱ ta̱ ndaha já tjíxánu̱u najmi be ni xi kitsꞌín.
\v 18 Tu̱nga bꞌa̱há tsꞌín kitsꞌíntjusuhun Nti̱a̱ná ni xi kitsúya títjun nkꞌie nga kitsꞌínkinchja̱ ngayjee̱ já profeta̱, nga tjíhin nga un sku̱e̱he̱ nda̱ xi kitsꞌín nibá.\f + \fr 3:18 \ft “Xi kitsꞌín nibá Nti̱a̱ná” tsuhu̱ ra̱ “Cristo̱”.\f*
\v 19 Kui nga tankínchjꞌa̱ha̱ ru̱u ani̱ma̱nu̱u ko̱ nꞌe̱kꞌóntjaiyo yjonu̱u tu̱ xi nꞌe̱ndyjajnuhu ngatitsunnu̱u. Tsa bꞌa̱ nꞌo̱o, Nti̱a̱ná tsjánu̱u ni̱stjin nga chjúnto̱o
\v 20 ko̱ tsꞌi̱ín nibásenu̱u nda̱ xi yꞌénda títjun nga tsꞌi̱ín nibá. Kui xi Jesucristo̱.
\v 21 Kui xi tjíhin nga kꞌúéjña nkꞌa ján ndꞌa̱i̱ santaha nkúhu nga ku̱i̱chú ni̱stjin nga sꞌe̱nda ngáha ngayjee̱ ni xi tjín. Já profeta̱ha̱ Nti̱a̱ná kinchja̱ni̱jmíyaha niu̱ nkꞌie.
\p
\v 22 ’Xi nkú kitsú Moise nkꞌie: “Nti̱a̱ná xi Nti̱a̱nu̱u, kui xi kjésíntje̱n nku nda̱ profeta̱ xi nkúhu an. A̱jinnu̱u ku̱i̱tjuhu. Ta̱sinñju ngatentee̱ ni xi ku̱i̱tsu̱nu̱u.
\v 23 A̱tꞌaha̱ tu̱ yáha ni xi najmi ku̱a̱sínñjuhu̱ nda̱ profeta̱ xuꞌbo̱ ku̱i̱chꞌonsje a̱jihi̱n xu̱ta̱ Israel.”
\v 24 Samuel ko̱ ngayjee̱ já profeta̱ xi kisꞌe a̱skahan ta̱ kinchja̱ni̱jmíyaha ni xi tíma ni̱stjin ndꞌa̱i̱.
\p
\v 25 ’Jun tsꞌa̱jun ni xi kinchja̱ já profeta̱. Ngandanu̱u Nti̱a̱ná yꞌéndako̱ho ntje̱ chánu̱u nkꞌie nga bꞌa̱ kitsúhu̱ Abraham: “Ngayjee̱ xu̱ta̱ na̱xi̱nantá xi tjín a̱sunntee̱ nda ka̱matꞌain nga̱tꞌaha̱ ntje̱ xi sꞌe̱hi.”
\v 26 Títjun jun Nti̱a̱ná kitsꞌín nibásenu̱u Ntíhi̱ nkꞌie nga kitsꞌínkjꞌáíya ngáha̱ ra̱ ngabayoo̱. Nda kitsꞌínko̱nu̱u nga bꞌa̱ kitsꞌín ko̱ tu̱ xi kꞌúéntuhunu ni chꞌonkꞌun xi manu̱u.
\c 4
\s Bꞌi̱ tsꞌín kinꞌeko̱kju̱a̱ Pedro̱ ko̱ Jua
\p
\v 1 Pedro̱ ko̱ Jua tíi̱ncha nchja̱ko̱ sa xu̱ta̱ na̱nti̱o̱ nkꞌie nga i̱ncha jꞌai já na̱ꞌmiu̱ ko̱ nda̱ kꞌaku̱hu̱ já xi kunntá ni̱nku̱ ko̱ já saduseo̱.
\v 2 Kui xi kama kjaha̱n a̱tꞌaha̱ Pedro̱ ko̱ Jua tíbakúyaha̱ xu̱ta̱ na̱nti̱o̱ ko̱ tíbꞌéni̱jmí nga kjꞌu̱a̱íya ngáha̱ ra̱ xu̱ta̱ ngabayoo̱, a̱tꞌaha̱ jꞌáíya ngáha̱ ra̱ Jesu.
\v 3 A̱sꞌa̱i jakjꞌánijé jóo̱ ko̱ kitsꞌínkjasꞌen nu̱ba̱yá santaha ni̱stjin xi ma ndyjuu̱n, a̱tꞌaha̱ ja ngixun kui chu̱bo̱.
\v 4 Xu̱ta̱ xi kintꞌé ni xi kinchja̱ Pedro̱ ko̱ Jua, nkjin maha xi kisꞌejihi̱n Jesu. Un ra̱ mii̱ tsichu ma já xi kisꞌejihi̱n.
\p
\v 5 Ni̱stjin xi ma ndyjuu̱n kama ñjakú nanki Jerusalen já kꞌaku̱, jáchá xi ta̱ tjíhi̱n xá ko̱ já chji̱ne̱ꞌéhe̱n kju̱a̱téxumoo̱.
\v 6 Jꞌai Ana xi tjíhi̱n nda̱ na̱ꞌmi títjun, ko̱ Kaifa, Jua, Alejandro̱ ko̱ ngatentee̱ já xi yꞌaha̱ ra̱ já na̱ꞌmi kꞌaku̱.
\v 7 A̱sꞌa̱i ngjichjꞌa Pedro̱ ko̱ Jua ko̱ kinꞌekinchá a̱jihi̱n jóo̱. Bꞌa̱ kitsú jóo̱:
\p —¿Mí xáha xi tjínnu̱u? ¿Yá xi tíbꞌéxánu̱u nga bꞌa̱ tínꞌo?
\p
\v 8 A̱sꞌa̱i bꞌi̱ kitsú Pedro̱ nga kitsejíhi̱n ra̱ Espiri̱tu̱ Santo̱:
\p —Jun já tjíxá ko̱ jáchá xi tjíhi̱n xá,
\v 9 tínꞌeko̱kju̱a̱ni̱ ndꞌa̱i̱ nga̱tꞌaha̱ kju̱a̱nda xi kinꞌehe̱ nku nda̱ un ko̱ xi nkú tsꞌín kama nkihi̱.
\v 10 Kui nga tjíhin nga cha̱hanu ngatentoo̱ ko̱ ngayjee̱ xu̱ta̱ Israel nga nga̱tꞌaha̱ ngaꞌyúhu̱n Jesucristo̱, nda̱ xi nibáha Nazaret, kama nkihi̱ ra̱ nda̱ xi kabasinjña e̱i̱ nginkun. Jun kingjatꞌa kruhu̱u Jesu tu̱nga Nti̱a̱náhá kitsꞌínkjꞌáíya ngáha̱ ra̱ ngabayoo̱.
\v 11 Jesu, kui ndji̱o̱ xi najmi kitsꞌín mje já chji̱ne̱xjóo̱ tu̱nga ndꞌa̱i̱ ja jꞌai ma ndji̱o̱ kꞌaku̱.
\v 12 Najmi tjín sa kjꞌa̱í xi maha̱ tsꞌínkꞌanki xu̱ta̱. Nti̱a̱ná najmi kitsꞌín nibá sa kjꞌa̱í a̱sunntei̱ xi ka̱ma tsꞌi̱ínkꞌankiná.
\p
\v 13 A̱sꞌa̱i kama nkjúhu̱n já tjíxóo̱ nkꞌie nga kintꞌé nga bꞌa̱ tsꞌín ndjá tínchja̱ Pedro̱ ko̱ Jua ko̱ i̱ncha kikie nga tu̱ já tu̱ kꞌun tu̱ mahá niu̱ xi najmi ꞌyún maha̱ xu̱ju̱n. I̱ncha kamankjihi̱n nga kui jóo̱ xi yꞌemako̱ Jesu.
\v 14 Tu̱nga najmi behé mí nihi xi kja̱nínehe̱, a̱tꞌaha̱ tíi̱ncha be nga nda̱ xi kama nkihi̱ kabasinjñako̱ho̱ jóo̱.
\v 15 A̱sꞌa̱i i̱ncha kitsjá kju̱a̱ nga ku̱i̱tju jóo̱ má tíma kju̱o̱ ko̱ kinchja̱ni̱jmíyako̱ho xinkjín niu̱.
\v 16 Bꞌi̱ i̱ncha kitsú:
\p —¿Nkú nꞌe̱éhe̱ jóo̱? Ngayjee̱ xu̱ta̱ xi tjíntu Jerusalen be kju̱a̱nkjún xi kitsꞌín jóo̱ ko̱ najmi ma bꞌeꞌmáá.
\v 17 Tu̱nga tu̱ xi najmi ta̱ ngju̱a̱i̱ndju saha ée̱n a̱jihi̱n xu̱ta̱, kui nga tu̱ sahá ku̱i̱nchankjúhu̱n ra̱á tu̱ xi najmi ta̱ chꞌa kꞌu̱éni̱jmíhi Jesu.
\p
\v 18 A̱sꞌa̱i kinchja̱ ngáha̱ ra̱ jóo̱. Yꞌéchꞌoho̱ nga najmi ta̱ i̱ncha kꞌu̱éni̱jmíhi ko̱ tsa ku̱i̱nchja̱ni̱jmíyaha Jesu.
\v 19 Tu̱nga bꞌi̱hí kitsú Pedro̱ ko̱ Jua nga kinchja̱ko̱ já tjíxóo̱:
\p —Nꞌe̱nkjíntakꞌun má nihi xi bꞌa̱ tjín nginku̱n Nti̱a̱ná. ¿A nga jun xi ku̱i̱núꞌyáꞌéi̱hi̱n a ra̱ Nti̱a̱náhá?
\v 20 A̱tꞌaha̱ ji̱n tjíhin nga ku̱i̱xínyai̱ ni xi kiyai̱ ko̱ xi kinuꞌyái̱.
\p
\v 21 A̱sꞌa̱i já tjíxóo̱ tsinchánkjúhu̱n tu̱nga kitsꞌín nda̱íhí ra̱. Najmi kisakúhu̱ mí nihi xi tsꞌi̱ínnijéhe̱ ra̱, a̱tꞌaha̱ ngayjee̱ xu̱ta̱ kitsꞌíntsjoho̱ Nti̱a̱ná nga̱tꞌaha̱ ni xi kamoo̱.
\v 22 Tsꞌati yachán nú tjín ko̱ yaha̱ ra̱ nga uhu̱n nda̱ xi kamatꞌain kju̱a̱nkjún xuꞌbi̱ nga kama nkihi̱.
\s Já postru̱ ko̱ jániyꞌakúyá xingisoo̱ // bꞌi̱ tsꞌín i̱ncha kinchja̱ko̱ Nti̱a̱ná
\p
\v 23 Nkꞌie nga ja kinꞌe nda̱í ngáha̱ ra̱ Pedro̱ ko̱ Jua, a̱sꞌa̱i ngjisehe̱ xu̱ta̱ xi tsꞌe̱ ko̱ kitsúyaha̱ ngayjee̱ ni xi kitsú já na̱ꞌmi kꞌaku̱ ko̱ jáchá xi ta̱ tjíhi̱n xá.
\v 24 Nkꞌie nga kintꞌé xu̱ta̱ xingisoo̱ éi̱n, ngayjee̱ nkuhú kitsꞌín kju̱a̱nkjintakꞌuhu̱n nga i̱ncha kinchja̱ko̱ Nti̱a̱ná. Bꞌi̱ i̱ncha kitsú:
\p —Ji Nti̱a̱ni̱, ji xi kinꞌendai nkꞌa ján ko̱ a̱sunntee̱, ntáchakꞌuu̱n ko̱ ngayjee̱ ni xi tjíhín.
\v 25 Ntje̱ cháni̱ David xi nda̱ musu̱hi̱ kinꞌekínchja̱ko̱honi Espiri̱tu̱ Santo̱. Bꞌi̱ tsixín:
\q ¿Á xa̱áha̱n i̱ncha tsꞌíhin xu̱ta̱ xi tjíhin a̱sunntee̱?
\q ¿Á ni xi najmi chumi ni chjíhi̱ ra̱ tíi̱ncha tsꞌínnkjin kꞌuhun?
\q
\v 26 Yꞌénda yjoho̱ já rei̱ xi tjín a̱sunntee̱ ko̱ kama ñjakú já tjíxóo̱.
\q I̱ncha ngji kontra̱ha̱ Nti̱a̱ná ko̱ nda̱ xi kitsꞌín nibá.\f + \fr 4:26 \ft “Xi kitsꞌín nibá Nti̱a̱ná” tsuhu̱ ra̱ “Cristo̱”.\f*
\p
\v 27 ’A̱tꞌaha̱ kju̱axi̱ nga nanki xuꞌbi̱ nda̱ rei̱ Herode̱ Antipa̱ ko̱ Ponci̱o̱ Pilato̱ kama ñjakúko̱ xu̱ta̱ xi ntje̱ Israel tje̱he̱n ra̱ ko̱ xi najmi ntje̱ Israel tje̱he̱n ra̱ nga i̱ncha ngji kontra̱ha̱ Jesu xi Ntíhi̱, kui xi yꞌexáí nga kinꞌe nibáí. Kui xi je.
\v 28 Bꞌa̱ tsꞌín kitsꞌíntjusuhun jóo̱ ngayjee̱ ni xi ja yꞌenda títjuin ko̱ xi tsixínyai nga tjíhin nga ka̱ma.
\p
\v 29 ’Ndꞌa̱i̱ ji Nti̱a̱ni̱, cha̱se̱i̱hi̱ ni xi mjehe̱ tsꞌi̱ínni̱ jóo̱. Tjeihi̱n xu̱ta̱ xi tsꞌi̱ nga ndjá kꞌu̱éni̱jmí én xi tsꞌi̱.
\v 30 Ngaꞌyíhi̱n katuma nkihi̱ ra̱ xu̱ta̱ un ko̱ katuma kju̱a̱nkjún ko̱ ni xi ku̱a̱kúchji kju̱a̱chánkahi̱. Nꞌe̱chjénni̱ nga nꞌe̱i̱ kui niu̱ ngajoho̱ Jesu, kui xi Ntíhi̱ ko̱ tsje.
\p
\v 31 Nkꞌie nga ja kamaha̱ jóo̱ nga kinchja̱ko̱ Nti̱a̱ná, tsꞌajniyá a̱nte xi má nga kama ñjakú. Ngayjee̱ jꞌaijíhi̱n Espiri̱tu̱ Santo̱ ko̱ ndjá i̱ncha yꞌéni̱jmí éhe̱n Nti̱a̱ná.
\s Bꞌi̱ tsꞌín nkuhú tsasinko̱ xinkjín xu̱ta̱ xi sꞌejihi̱n Jesu
\p
\v 32 Nkuhú kitsꞌín ani̱ma̱ha̱ ko̱ kju̱a̱nkjintakꞌuhu̱n ngayjee̱ xi kisꞌejihi̱n Jesu. Ndaha nku najmi bꞌa̱ kitsú tsa nkuhú kui tsꞌe̱ ni xi tjíhi̱n. Tu̱ sa ní ngujihín kitsꞌínchjénko̱ xinkjín ni xi tjíhi̱n.
\v 33 ꞌYún kisꞌehe̱ ngaꞌyún já postru̱ nga kitsúya nga jꞌáíya ngáha̱ ra̱ ngabayoo̱ Nda̱ Nti̱a̱ná Jesu ko̱ ngayjee̱ ꞌyún nda kitsꞌínko̱ho̱ Nti̱a̱ná.
\v 34 A̱jihi̱n xu̱to̱ najmi kisꞌe xi kindyjatꞌaha̱ tsa mí nihi, a̱tꞌaha̱ ngayjee̱ xi tjíhi̱n xuꞌba ko̱ tsa niꞌya tsatéña ko̱ jꞌaiko̱ to̱on xi kikꞌa̱i̱hi̱.
\v 35 Jꞌai tsjáha̱ já postru̱ ko̱ kui xi tsakjánya to̱oo̱n nga kitsjáha̱ xi nkú tjín machjéhe̱n nga nkúnkú xu̱ta̱.
\p
\v 36 Yꞌejña nku nda̱ xi yꞌaha̱ ra̱ ntje̱ chá Levi xi kitsin xjo̱ Chipre̱ xi ꞌmi Kuse, xi já postru̱ yꞌétꞌa jꞌáíhi̱n nga Bernabe kꞌúín. Kui jꞌáín xi tsuhu̱ ra̱: xi tsjá ngaꞌyúhu̱n xu̱ta̱.
\v 37 Bernabe tsatéña nku xuꞌba xi tíjñaha̱ ko̱ jꞌai tsjáha̱ já postru̱ to̱on xi kikꞌa̱i̱hi̱.
\c 5
\s Bꞌi̱ tsꞌín kama mjehe̱ Anania̱ ko̱ Safira̱ kꞌu̱a̱na̱cha̱ha̱ já postru̱
\p
\v 1 Nku nda̱ xi ꞌmi Anania̱ ko̱ Safira̱ ꞌmi chju̱úhu̱n i̱ncha tsatéña nku xuꞌba.
\v 2 Jakjꞌá chuba to̱on xi kikꞌa̱i̱hi̱ xuꞌbaha̱ ndo̱ ko̱ tu̱ nkuhú tíkjá jꞌai tsjáha̱ já postru̱. Ta̱ kikie chju̱úhu̱n ni xi kitsꞌín.
\v 3 A̱sꞌa̱i bꞌi̱ kitsú Pedro̱:
\p —Ji Anania̱, ¿á nda̱nindoo̱ jasꞌenjihin ani̱ma̱hi̱ nga tíchꞌana̱cha̱ha̱ ri̱ Espiri̱tu̱ Santo̱? Tsateñai xuꞌbahi̱ ko̱ tíꞌba̱i̱yjeni̱ to̱oo̱n tíbixín.
\v 4 Kintehe̱ ni nga tsateñai xuꞌboo̱, ¿a najmi jihí tsꞌi̱? Nkꞌie nga tsateñai, ¿a najmi jihí ka̱ma tsꞌi̱hi to̱oo̱n? ¿Á bꞌa̱ kitsúhu ani̱ma̱hi̱ nga kichjubéheni chuba? Nti̱a̱ná tíchꞌana̱cha̱i̱hi̱, najmi xu̱ta̱.
\p
\v 5 Nkꞌie nga kintꞌé Anania̱ éi̱n, tje̱nꞌyún jꞌaikijnehé nga kꞌien. Tu̱ ni xí kitsankjúhún ngayjee̱ xu̱ta̱ xi kintꞌé ni xi kamoo̱.
\v 6 A̱sꞌa̱i jꞌai kꞌu̱a̱ já a̱sti, kikꞌotikjájnu najyun yjonintee̱ ko̱ tsitjusjeko̱ nga ngjingjáyanji.
\p
\v 7 Jꞌa ra̱ tsa nkú ma jan ora̱ jꞌai chju̱úhu̱n Anania̱ nga najmi be ni xi kamoo̱.
\v 8 A̱sꞌa̱i kingjásjaiya Pedro̱:
\p —Tꞌinyaní, ¿a bꞌa̱ tjín kichꞌo xuꞌbanu̱u nga tsateño?
\p —Joho̱n, bꞌa̱ tjín tsateñai̱ —kitsú Safira̱.
\p
\v 9 A̱sꞌa̱i bꞌi̱ kitsú Pedro̱:
\p —¿Á kabinchaꞌahanu xinki̱u nga mjehe̱nu̱u chjútꞌayákꞌuhunnu Espiri̱tu̱hu̱ Nti̱a̱ná? A̱stiu̱ a̱nkju̱o̱ yja já xi kfingjáyanji xꞌi̱hi̱n ko̱ ji ta̱ ngju̱a̱i̱ko̱hi ndꞌa̱i̱.
\p
\v 10 Ta̱ kuihi chu̱bo̱ jꞌaikijnetꞌa sjai Pedro̱ ta̱chjúu̱n nga kꞌien. Nkꞌie nga jasꞌen já a̱stiu̱, kikie nga kjijña kꞌien ta̱chjúu̱n ko̱ tsitjuko̱ nga ngjingjáyanjitꞌaha̱ xꞌi̱hi̱n.
\v 11 Tu̱ xí kitsankjúhún ngayjee̱ xu̱ta̱ ni̱nku̱ ko̱ ngayjee̱ xu̱ta̱ xi kintꞌé ni xuꞌbi̱.
\s Bꞌi̱ tsꞌín yꞌentu já postru̱
\p
\v 12 Já postru̱ kitsꞌín ṉkjún kju̱a̱nkjún ko̱ ni xi tsakúchji kju̱a̱chánkaha̱ Nti̱a̱ná a̱jihi̱n xu̱ta̱, ko̱ ngayjee̱ nkuhú kikꞌa xinkjín nga kama ñjakú a̱nte xi ꞌmi Kinte Niꞌyaha̱ Salomon.
\v 13 Ndaha nku xu̱ta̱ xingisoo̱ najmi kama kꞌun nga ka̱ma ngujihi̱n xu̱ta̱ xi kama ñjakú yo̱, tu̱nga xu̱ta̱ na̱nti̱o̱hó tjo ṉkjún kitsꞌíhi̱n.
\p
\v 14 Nkjin ṉkjún já ko̱ jminchjín jꞌaijín saha̱ xu̱ta̱ xi sꞌejihi̱n Nda̱ Nti̱a̱ná Jesu.
\v 15 Santaha a̱ya ni̱yátée̱ kikꞌonsje xu̱ta̱ xu̱ta̱ uhu̱n nga kama̱ ko̱ na̱chan kingjántusún, tu̱ xi nkꞌie nga kjꞌu̱a̱ha Pedro̱ ndaha tsa tu̱ nkꞌíéhe̱n kjꞌu̱a̱nehe̱ xu̱ta̱ uu̱n, ka̱ma nkihi̱.
\v 16 Ta̱ jꞌai ṉkjún xu̱ta̱ xi tjíntu a̱ndai nanki Jerusalen nga jꞌaiko̱ xu̱ta̱ uhu̱n ko̱ xi tjíntujíhi̱n jánindoo̱. Ngayjee̱ kama nkihi̱.
\s Bꞌi̱ tsꞌín ngji kontra̱ha̱ já tjíxóo̱ já postru̱
\p
\v 17 A̱sꞌa̱i tu̱ ni xí kama xintakꞌuhún nda̱ na̱ꞌmi títjuu̱n ko̱ ngayjee̱ já xi mako̱ho̱, kui xi já saduseo̱.
\v 18 Kitsꞌínkji já xi jakjꞌánijé já postru̱ ko̱ kitsꞌínkjasꞌen nu̱ba̱yá.
\v 19 Tu̱nga nkꞌiehé nga ni̱stje̱n nku ntítsjehe̱ Nti̱a̱ná kikjexꞌá nu̱ba̱yóo̱ ko̱ kikꞌonsje jóo̱ nga bꞌi̱ kitsúhu̱:
\p
\v 20 —Tankíún. Ti̱ncho má ma na̱tsihi̱n ni̱nku̱ ko̱ tꞌinyoho̱o xu̱ta̱ ngayjee̱ én xi tsjá kju̱a̱tíkꞌun.
\p
\v 21 A̱sꞌa̱i kitsꞌíntjusun já postru̱ én xi kikꞌihi̱n. Ni̱stjin xi ma ndyjuu̱n jasꞌen má ma na̱tsihi̱n ni̱nku̱ ko̱ tsakúya. A̱sꞌa̱i jꞌai nda̱ na̱ꞌmi títjuu̱n ko̱ já xi mako̱ho̱ a̱nte má nga ma ñjakúko̱ xinkjín ko̱ kinchja̱ ñjaha̱ ngayjee̱ já kꞌaku̱hu̱ xu̱ta̱ Israel. Kitsjá kju̱a̱ nga ngju̱a̱i̱chjꞌa já postru̱ a̱ya nu̱ba̱yóo̱.
\v 22 Tu̱nga nkꞌiehé nga tsichu nu̱ba̱yóo̱ já xi kunntá ni̱nku̱, najmi kisakúhu̱ já postru̱. A̱sꞌa̱i kikꞌóya ngáha nga jꞌaiko̱ én.
\v 23 Bꞌi̱ i̱ncha kitsú:
\p —Tjíchja tsjan tsjan a̱nkju̱a̱ nu̱ba̱yóo̱ nga kuichii̱ ko̱ tíi̱nchasti a̱nkju̱o̱ já xi tíkunntá yo̱. Tu̱nga nkꞌiehé nga kuachjuxꞌái̱, ndaha nku najmi kuayai̱ a̱yoo̱.
\p
\v 24 Nkꞌie nga kintꞌé én xuꞌbi̱ nda̱ na̱ꞌmi títjuu̱n ko̱ já na̱ꞌmi kꞌaku̱ ko̱ nda̱ kꞌaku̱hu̱ já xi kunntá ni̱nku̱, ndaha najmi ta̱ be mí ni xi ku̱i̱tsu̱. Kingjásjaiyaha̱ xinkjín má ku̱i̱chúkjetꞌa ni xi tímoo̱.
\v 25 Tu̱nga bꞌa̱há jꞌai tsú nku nda̱:
\p —Jun, já xi kinꞌekjasꞌon nu̱ba̱yá tíi̱ncha na̱tsihi̱n ni̱nku̱ ko̱ tíbakúyaha̱ xu̱ta̱ na̱nti̱o̱.
\p
\v 26 A̱sꞌa̱i nda̱ kꞌaku̱hu̱ já xi kunntá ni̱nku̱ ko̱ já xi yjankihi̱ i̱ncha ngjikjꞌá já postru̱. Najmi i̱ncha kitsꞌínꞌuhu̱n nga jꞌaiko̱, a̱tꞌaha̱ tsankjún tsa ndji̱o̱ kꞌu̱éhe̱ xu̱ta̱ na̱nti̱o̱.
\v 27 Nkꞌie nga jꞌaiko̱, tsinchá nginku̱n já tjíxá xi kama ñjakú yo̱. A̱sꞌa̱i bꞌi̱ kitsúhu̱ nda̱ na̱ꞌmi títjuu̱n:
\p
\v 28 —Ja bꞌa̱ kikꞌin sisinnu̱u nga ndaha̱chí najmi ka̱ma kꞌúéni̱jmíhu̱u Jesu xu̱ta̱, tu̱nga tu̱ sahá bꞌa̱ tínꞌo. Ngayjee̱ xu̱ta̱ Jerusalen be ni xi tíbakuyó, ko̱ mjenu̱u nga ji̱n chꞌa̱njii̱ ngabayaha̱ ndo̱.
\p
\v 29 A̱sꞌa̱i bꞌi̱ kitsú Pedro̱ ko̱ já postru̱ xingisoo̱:
\p —Títjun tjíhin nga ku̱i̱núꞌyáꞌéi̱hi̱n Nti̱a̱ná nga xu̱ta̱.
\v 30 Jun kinꞌekꞌion Jesu nga kikjatꞌa kruu̱, tu̱nga Nti̱a̱ha̱ ntje̱ cháháná kitsꞌínkjꞌáíya ngáha̱ ra̱ ngabayoo̱.
\v 31 Nti̱a̱ná kitsjáha̱ kju̱a̱chánka nga kitsꞌín nga yꞌejñatꞌaha̱. Kui xi tíjña títjun ndꞌa̱i̱ ko̱ xi tsꞌínkꞌanki xu̱ta̱, tu̱ xi tsjáha̱ ra̱ xu̱ta̱ Israel nga ngju̱a̱i̱kjꞌáha̱ ra̱ ani̱ma̱ha̱ ko̱ ka̱ma ndyjatꞌaha̱ jéhe̱.
\v 32 Ji̱n kiyai̱ ko̱ tíbixínyai̱ ni xuꞌbi̱ ko̱ Espiri̱tu̱ Santo̱ ya, Espiri̱tu̱ Santo̱ xi Nti̱a̱ná tsjáha̱ xu̱ta̱ xi ntꞌéꞌéhe̱n.
\p
\v 33 Nkꞌie nga kintꞌé já tjíxóo̱ én xuꞌbi̱, tu̱ ni xí ꞌyúhún kama kjaha̱n, santaha kama mjehe̱ nga tsꞌi̱ínkꞌien já postru̱.
\v 34 Tu̱nga nkuhú nda̱ fariseo̱ xi ꞌmi Gamaliel, xi nku nda̱ chji̱ne̱ꞌén xi bakúya kju̱a̱téxumoo̱ ko̱ xi benkjúhu̱n ngayjee̱ xu̱ta̱, kui xi bꞌa̱ kitsú nga ku̱i̱chꞌonsje kutju já postru̱.
\v 35 A̱sꞌa̱i bꞌi̱ kitsúhu̱ já tjíxá xingisoo̱:
\p —Jun xi ntje̱ Israel tje̱he̱nnu̱u, nda nda cha̱so̱o tsa mí nihi xi nꞌo̱ho̱ jóo̱.
\v 36 A̱tꞌaha̱ xi nkú kama ndꞌa̱i ngáha, nda̱ chánka kitsꞌín ma yjoho̱ nda̱ Teuda̱ ko̱ ma ra̱ ñju unchan já xi kitsjennkíhi̱. Tu̱nga kinꞌekꞌiehén ndo̱ ko̱ kindzjoya ngayjee̱ xi kitsjennkíhi̱. Bꞌa̱ tsꞌín tsichukjehe ni xuꞌbo̱.
\v 37 Ko̱ a̱skan ngáha, ni̱stjin nga tísꞌexki̱ ngayjee̱ xu̱ta̱, jꞌai Juda̱, nda̱ xi nibáha a̱nte Galilea̱, ko̱ nkjin ṉkjún xu̱ta̱ kitsjennkíhi̱. Tu̱nga ta̱ kinꞌekꞌiehén ndo̱ ko̱ kindzjoya ngayjee̱ xi kitsjennkíhi̱.
\p
\v 38 ’Kui bꞌa̱ maha, bꞌa̱ tíxihi̱nnu̱u ndꞌa̱i̱. Najmi tu̱ nungijiun yjonu̱u ni xi tíi̱ncha tsꞌín já xuꞌbi̱. Najmi tu̱ jun nkú nꞌoho̱o. A̱tꞌaha̱ tsa tsꞌe̱ xu̱ta̱ a̱sunntei̱ ni xi tíi̱ncha tsꞌín jóo̱, ku̱i̱chúkje.
\v 39 Tu̱nga tsa Nti̱a̱náhá tsꞌe̱ niu̱, najmi ka̱manu̱u nꞌe̱kjio. Kutsa santahá ni ko̱ Nti̱a̱ná tíbankíún kontro̱o.
\p
\v 40 A̱sꞌa̱i kitsꞌínkjáíhi̱n já tjíxóo̱ ni xi kitsú Gamaliel. Kinchja̱ha̱ já postru̱, kingjáha̱ ko̱ yꞌéjña nkjúhu̱n nga kꞌu̱éni̱jmíyaha Jesu. I̱ncha kitsꞌín nda̱í ngáha̱ ra̱.
\v 41 I̱ncha tsitju já postru̱ nginku̱n já tjíxóo̱ nga tsjo tíi̱ncha ma tsꞌíhi̱n ra̱, a̱tꞌaha̱ Nti̱a̱ná kitsjántehe̱ nga un sku̱e̱he̱ nga̱tꞌaha̱ Jesu.
\v 42 Ngayje ni̱stjin tsakúya tehe̱nte ko̱ yꞌéni̱jmí má ma na̱tsihi̱n ni̱nku̱ ko̱ xki̱ niꞌya nga Jesu xi kitsꞌín nibá Nti̱a̱ná.\f + \fr 5:42 \ft “Xi kitsꞌín nibá Nti̱a̱ná” tsuhu̱ ra̱ “Cristo̱”.\f*
\c 6
\s Kui nga̱tꞌai̱ kisꞌetꞌa xá yatu já xi tsasinko̱ já postru̱
\p
\v 1 Ni̱stjin nkꞌie nga ja tíi̱ncha ma nkjin xu̱ta̱ xi yjankihi̱ Jesu, a̱sꞌa̱i xi nchja̱ én griego̱ bꞌa̱ kitsú nga najmi nda títsꞌín xi nchja̱ én hebreo̱. Bꞌa̱ i̱ncha kitsú nga najmi nda tíchasehe̱ jminchjín xi nchja̱ én griego̱ xi ja kꞌien xꞌi̱hi̱n nkꞌie nga tímandzjo nichine xki̱ ni̱stjin.
\v 2 A̱sꞌa̱i já postru̱ xi te joo̱ kinchja̱ ñjaha̱ ngayjee̱ xu̱ta̱ niꞌyakuyáha̱ Jesu ko̱ bꞌi̱ kitsúhu̱:
\p —Ji̱n tjíhin nga kꞌúéni̱jmíi̱ éhe̱n Nti̱a̱ná. Najmi nda tjín tsa kꞌúéjñai̱ nga bꞌa̱ nꞌe̱i̱, tsa tu̱ xi yámixo̱ cha̱se̱he̱ ri̱.
\v 3 Kui nga jun, já ntsꞌe, ti̱nchísjaihinu a̱jinnu̱u yatu já xi yankjún, xi kitsejíhi̱n ra̱ Espiri̱tu̱ Santo̱ ko̱ xi na̱nka̱ tsꞌínnkjinkꞌun, tu̱ xi kꞌu̱a̱i̱hi̱ ri̱ xá xuꞌbi̱.
\v 4 Bꞌa̱ tsꞌín ji̱n nꞌe̱kjasꞌehe̱n ri̱ yjoni̱ nga chu̱bako̱i̱ Nti̱a̱ná ko̱ nga kꞌúéni̱jmíi̱ éhe̱n.
\p
\v 5 Ngayjee̱ xu̱ta̱ kitsꞌínkjáíhi̱n ni xi kitsú já postru̱ ko̱ jꞌájin já xuꞌbi̱: Esteba̱n, nku nda̱ xi ꞌyún sꞌejihi̱n Nti̱a̱ná ko̱ xi kitsejíhi̱n ra̱ Espiri̱tu̱ Santo̱, Felipe̱, Proco̱ro̱, Nicanor, Timon, Parmena̱, ko̱ Nicola, nda̱ xi nibáha nanki Antiokia̱. Kui nda̱ xi najmi ntje̱ judio̱ tje̱he̱n ra̱ tu̱nga jahá ndꞌa̱i sꞌejihi̱n ra̱ Nti̱a̱ná.
\v 6 Já postru̱ jaichꞌáha̱ já xi yatui̱. A̱sꞌa̱i já postru̱ kinchja̱ntjai jóo̱ nginku̱n Nti̱a̱ná ko̱ kingjénne ntsja.
\p
\v 7 ꞌYún ngjindju éhe̱n Nti̱a̱ná nanki Jerusalen ko̱ ꞌyún nkjin kama xu̱ta̱ niꞌyakuyáha̱ Jesu. Ta̱ nkjin já na̱ꞌmi kisꞌejihi̱n Jesu.
\s Kui nga̱tꞌai̱ kichjubénijéhe Esteba̱n
\p
\v 8 Esteba̱n ꞌyún nda kitsꞌínko̱ho̱ Nti̱a̱ná ko̱ kitsjáha̱ ngaꞌyún. Kitsꞌín kju̱a̱nkjún ko̱ ni i xi tsakúchji kju̱a̱chánkaha̱ Nti̱a̱ná a̱jihi̱n xu̱ta̱ na̱nti̱o̱.
\v 9 A̱sꞌa̱i kꞌu̱a̱ xu̱ta̱ niꞌya sinagoga̱ xi ꞌmi Sinagoga̱ha̱ Xu̱ta̱ Nda̱í i̱ncha ngji kontra̱ha̱ Esteba̱n, ko̱ kꞌu̱a̱ xu̱ta̱ Cirene̱ ya, ko̱ xu̱ta̱ Alejandria̱, ko̱ kꞌu̱a̱ xi nibáha a̱nte Cilici̱a̱ ko̱ a̱nte Asi̱a̱. Kui xi i̱ncha yꞌésiko̱ Esteba̱n.
\v 10 Tu̱nga najmi kamahá ra̱ kitsꞌín ngana̱ha̱, a̱tꞌaha̱ Espiri̱tu̱ Santo̱ kitsjáha̱ Esteba̱n kju̱a̱nkjinkꞌun na̱nka̱ nga kinchja̱.
\p
\v 11 A̱sꞌa̱i i̱ncha yꞌéchjíhi̱ kꞌu̱a̱ já tu̱ xi bꞌa̱ ku̱i̱tsu̱hu nga kui xi kintꞌé nga Esteba̱n chꞌon kitsúhu̱ Moise ko̱ Nti̱a̱ná.
\v 12 Bꞌa̱ tsꞌín tsinchákjaha̱n ra̱ xu̱ta̱ na̱nti̱o̱ ko̱ jáchá xi tjíhi̱n xá ko̱ já chji̱ne̱ꞌéhe̱n kju̱a̱téxumoo̱. A̱sꞌa̱i ngjikjꞌánijé Esteba̱n ko̱ ngjiko̱ má nga ma ñja já tjíxóo̱.
\v 13 Ta̱ i̱ncha jꞌaiko̱ já testiyu̱ tsankꞌá xi bꞌi̱ kitsú:
\p —Kui nda̱i̱ tu̱ nku én chꞌon tsuhú títsuhu̱ ni̱nku̱hu̱ Nti̱a̱ná ko̱ kju̱a̱téxumoo̱.
\v 14 Kinuꞌyái̱ nga bꞌa̱ kitsú nga Jesu, nda̱ xi nibáha Nazaret, tsꞌi̱ínkatsúnya ni̱nku̱ xuꞌbi̱ ko̱ nga tsꞌi̱ínkꞌóntjaiya sin xi kichꞌaá xi tsakúyaná Moise.
\p
\v 15 A̱sꞌa̱i ngayjee̱ já tjíxá xi kabꞌentu yo̱ tsasehe̱ Esteba̱n ko̱ kikie nga bꞌa̱ tjín a̱nkjín ntítsje tjín a̱nkjín Esteba̱n.
\c 7
\s Bꞌi̱ tsꞌín tsasinntjai yjoho̱ Esteba̱n nginku̱n já tjíxóo̱
\p
\v 1 A̱sꞌa̱i nda̱ na̱ꞌmi títjuu̱n kingjásjaiyaha̱ Esteba̱n:
\p —¿A kju̱axi̱ ni xi tíi̱ncha tsu jóo̱?
\p
\v 2 A̱sꞌa̱i bꞌi̱ kitsú Esteba̱n:
\p —Jun xi ntje̱ Israel tje̱he̱nnu̱u ko̱ jun xi tjínnu̱u xá, ta̱sinñju manú. Nti̱a̱ chánkaná tsakúchjihi̱ yjoho̱ ntje̱ cháná Abraham nkꞌie nga tíjña sa a̱nte Mesopotami̱a̱, kintehe̱ ni nga ngju̱a̱i̱kꞌiejña nanki Haran.
\v 3 Bꞌa̱ kitsúhu̱: “Ti̱tjui nankihi̱ ko̱ tꞌentui xu̱ta̱ xinki̱. Tꞌihi̱nnchin a̱nte xi kuakuhu.”
\v 4 A̱sꞌa̱i tsitju Abraham a̱ntehe̱ xu̱ta̱ Caldea̱ ko̱ ngjikꞌiejña nanki Haran. Nkꞌie nga kꞌien na̱ꞌmihi̱ Abraham, Nti̱a̱ná kitsꞌín nibáha̱ má tintsu̱bo̱o ndꞌa̱i̱.
\p
\v 5 ’E̱i̱ najmi kitsjáha̱ a̱nte xi ka̱ma tsꞌe̱, ndaha nku te má ka̱ma ku̱a̱sín tsu̱ku̱. Tu̱nga kitsúya títjuhún ra̱ nga tsjáha̱ nga ka̱ma tsꞌe̱ e̱i̱ má tintsu̱bo̱o ndꞌa̱i̱ ko̱ nga ntje̱ xi sꞌe̱he̱ a̱skahan ta̱ ka̱ma tsꞌe̱, ndaha tsa najmi tjíhi̱n ntí Abraham kui ni̱stjiu̱n.
\v 6 Nti̱a̱ná bꞌa̱ kitsú yaha̱ Abraham nga ntje̱ xi sꞌe̱he̱ kꞌúéntu má nga najmi kui tsꞌe̱, ko̱ nga xu̱ta̱ musu̱ nꞌe̱ ma, ko̱ nga ñju unchan nú tjíhin un sku̱e̱he̱.
\v 7 Bꞌa̱ kitsú ya Nti̱a̱ná: “An tsꞌinko̱kju̱a̱ xu̱ta̱ xi musu̱ tsꞌi̱ín maha̱. A̱skahan i̱ncha ku̱i̱tju yo̱ ko̱ tsꞌi̱íntsjona a̱nte xuꞌbi̱.”
\p
\v 8 ’Nti̱a̱ná bꞌa̱ kitsúhu̱ nga tsꞌi̱ín ni circuncision, tu̱ xi bꞌa̱ tsꞌín sa̱kúchji ni nda xi yꞌéndako̱.\f + \fr 7:8 \ft Cha̱se̱i̱hi̱ Génesis 17:9-14. Yo̱ tjítꞌa ni xi títsu Esteba̱n.\f* Kui bꞌa̱ maha, nkꞌie nga kitsihin Isaac ko̱ nga ja tjíhi̱n jin ni̱stjin, Abraham kitsꞌíhi̱n ni circuncision. Isaac bꞌa̱ ta̱ kitsꞌíhi̱n Jacob, ko̱ Jacob bꞌa̱ ta̱ kitsꞌíhi̱n ntí xi te joho̱, xi kama ntje̱ cháná.
\p
\v 9 ’Kitsꞌínnchi̱ni̱hi̱ já ntsꞌe̱ Kuse ko̱ tsatéñaha̱ xu̱ta̱ xí tjín a̱nte Egipto̱. Tu̱nga Nti̱a̱náhá tsasinko̱ho̱ Kuse
\v 10 ko̱ kitsꞌínkjꞌa tꞌaxíhi̱n ngayjee̱ kju̱a̱ꞌun xi kisatéjin. Kitsjáha̱ kju̱a̱nkjintakꞌun na̱nka̱ ko̱ kju̱a̱nda nginku̱n nda̱ faraon, xi nda̱ rei̱hi̱ xu̱ta̱ Egipto̱. Nda̱ rei̱ kitsjá xáha̱ Kuse nga ka̱ma nda̱ títjuhu̱n xu̱ta̱ Egipto̱ ko̱ nda̱ kꞌaku̱hu̱ ngayjee̱ xu̱ta̱ xi tjín niꞌyaha̱ nda̱ rei̱.
\p
\v 11 ’A̱sꞌa̱i kisꞌe kjintíá ko̱ kju̱a̱ꞌun chánka ngayjee̱ a̱nte Egipto̱ ko̱ a̱nte Canaan, má nga tjíntu ntje̱ cháná. Najmi ta̱ kisakúhu̱ ra̱ nichine.
\v 12 Nkꞌie nga kintꞌé én Jacob nga Egipto̱ tjín tuni̱ñu̱, kitsꞌínkji ntíhi̱ xi ntje̱ cháná maha ni̱yá xi tjuhun.
\v 13 Ko̱ ni̱yá xi ma joho Kuse tsakúchjihi̱ yjoho̱ já ntsꞌe̱. Bꞌa̱ tsꞌín kikiehe nda̱ faraon xu̱ta̱ xi tsꞌe̱ Kuse.
\p
\v 14 ’A̱sꞌa̱i bꞌa̱ kitsú Kuse nga ngju̱a̱i̱chjꞌa Jacob xi na̱ꞌmihi̱ maha ko̱ ngayjee̱ xu̱ta̱ xi yꞌaha̱ ra̱, xi cháte ko̱ kan ún maha.
\v 15 Bꞌa̱ tsꞌín jꞌaikꞌiejñaha Jacob Egipto̱ ko̱ yo̱ kꞌien. Ta̱ yo̱ ya i̱ncha kꞌien ntíhi̱ xi kama ntje̱ cháná.
\v 16 A̱skahan ngji sꞌeyanji Jacob nanki Sikem, má nga tíjña tsjó xi tsꞌatse Abraham nga kitsjáha̱ to̱ontaba ntíhi̱ Hamor.
\p
\v 17 ’Nkꞌie nga tsichu tiña ni̱stjin nga tsꞌi̱íntjusun Nti̱a̱ná ni xi kitsúya títjuhu̱n Abraham, ꞌyún nkjin kama sa xu̱ta̱ná xi kikꞌientu Egipto̱.
\v 18 A̱sꞌa̱i tsatéxuma yo̱ kjꞌa̱í nda̱ rei̱ xi najmi be Kuse.
\v 19 Kui xi tsꞌana̱cha̱ha̱ xu̱ta̱ná ko̱ kitsꞌínꞌuhu̱n ntje̱ cháná. Kitsꞌín kju̱a̱ꞌyúhu̱n ra̱ nga kꞌu̱éntu masen ntíhi̱ tu̱ xi ku̱a̱yáha.
\p
\v 20 ’Kui ni̱stjiu̱n kitsin Moise ko̱ Nti̱a̱ná kisasíhi̱n Moise. Jan sá kamaha̱ xi cháha̱ nga kikuhu̱n.
\v 21 Nkꞌie nga kisꞌejña masen, ta̱kjíhi̱n nda̱ faraon jakjꞌáha̱ ko̱ kitsꞌíncháha̱ xi nkúhu tsa ntíhi̱ maha.
\v 22 Bꞌa̱ tsꞌín tsangiyaha Moise ngayjee̱ ni xi maha̱ xu̱ta̱ Egipto̱. Nku nda̱ chánka kama. Kinchja̱ ko̱ tse ni xi kitsꞌín.
\p
\v 23 ’Nkꞌie nga jehe̱ yachán nú Moise, ani̱ma̱ha̱ nibaha̱ ra̱ nga ngjitsubekꞌún xu̱ta̱ xinkjín, xi xu̱ta̱ Israel.
\v 24 Nkꞌie nga kikie nga tínꞌeꞌuhu̱n nku nda̱ xi ntje̱ Israel tje̱he̱n ra̱, tsasinko̱. Kitsꞌínkꞌien nda̱ Egipto̱ xi bꞌa̱ kitsꞌíhi̱n. Bꞌa̱ tsꞌín kitsꞌín ngajoyaha ni xi tínꞌehe̱ nda̱ xi ntje̱ Israel tje̱he̱n ra̱.
\v 25 A̱tꞌaha̱ bꞌi̱ kitsú Moise nga kitsꞌínnkjinkꞌun: “Ka̱mankjihi̱n xu̱ta̱ xinkjíán nga an tsꞌi̱ínchjénna Nti̱a̱ná tu̱ xi ka̱ma nda̱íhi̱ ra̱ xu̱ta̱na̱.” Tu̱nga najmi bꞌa̱há tsꞌín kitsꞌínnkjinkꞌun xu̱to̱.
\p
\v 26 ’Ni̱stjin xi ma ndyjuu̱n kikie Moise nga jo já xi ntje̱ Israel tje̱he̱n ra̱ tíi̱ncha kjánko̱ xinkjín ko̱ mjehe̱ nga ku̱a̱tekjꞌáíyaha̱ jóo̱. Bꞌi̱ kitsúhu̱: “Jun já, ntsꞌo mahanu xinki̱u. ¿Á ta̱ jun tínꞌeꞌuhu̱n ru̱u xinki̱u?”
\v 27 A̱sꞌa̱i nda̱ xi títsꞌínꞌuhu̱n nda̱ xinkuu̱ kitsuniña Moise nga bꞌa̱ kitsúhu̱: “¿Yá xi kitsjá xáhi nga ji xi ka̱mai nda̱ kꞌaku̱ni̱ ko̱ nga cha̱se̱i̱hi̱ tsa nda ko̱ tsa najmi nda tínꞌei̱?
\v 28 ¿A ko̱hó an mjehi nꞌe̱kꞌienní xi nkú tsꞌín kinꞌekꞌiein nda̱ Egipto̱ kujña̱?”
\v 29 Nkꞌie nga kintꞌé Moise éi̱n, tsanka ko̱ ngjikꞌiejña a̱nte Madian. Yo̱ yꞌejñasún ko̱ yo̱ kisꞌentuhu̱ jo ntí.
\p
\v 30 ’Nkꞌie nga jꞌa yachán nú, nku ntítsje jꞌaisehe̱ Moise a̱nte kixiu̱ tiña a̱sunntu tje̱nki̱ Sinai. A̱jihi̱n nku na̱ꞌyá ntsje̱ xi títi tsakúchjihi̱ yjoho̱.
\v 31 Kama nkjúhu̱n Moise nkꞌie nga kikie ni xi tíma chjihi̱ ko̱ ngjise tiñaha̱ tu̱ xi ku̱a̱se̱ sisihi̱n ra̱. Tu̱ kintꞌéhé nta̱ha̱ Nti̱a̱ná nga bꞌa̱ kitsúhu̱:
\v 32 “An xi Nti̱a̱ha̱ ntje̱ cháhi̱, Nti̱a̱ha̱ Abraham, Isaac ko̱ Jacob.” Tsꞌatsé nkjún Moise ko̱ najmi kama kꞌun nga tsase.
\v 33 Bꞌa̱ kitsú Nti̱a̱ná: “Nꞌe̱sjei tja̱ba̱xín ntéhi̱, a̱tꞌaha̱ a̱nte nkjúhún má nga kabisinjñai.
\v 34 Tíbe kju̱a̱ni̱ma̱ xi tífꞌa xu̱ta̱ xi tsꞌa̱n xi tjíntu Egipto̱ ko̱ tíntꞌe nga un tíi̱ncha maha̱. Kafꞌái̱je̱n tu̱ xi tsꞌin nda̱íhi̱ ra̱. Tꞌendai yjohi̱. An tsꞌinkjíhi Egipto̱.”
\p
\v 35 ’Najmi kitsꞌín mjehe̱ jóo̱ Moise nga bꞌi̱ kikꞌihi̱n: “¿Yá xi kitsjá xáhi nga ji xi ka̱mai nda̱ kꞌaku̱ni̱ ko̱ nga cha̱se̱i̱hi̱ tsa nda ko̱ tsa najmi nda tínꞌei̱?” Tu̱nga kuihí Moise xi kama chjihi̱ ntítsjehe̱ Nti̱a̱ná a̱jin naꞌyá ntsje̱ xi títiu̱. Bꞌa̱ tsꞌín Nti̱a̱ná kitsꞌínkjihi̱ ra̱ ko̱ kikꞌa̱i̱ xáha̱ nga kui xi kama nda̱ kꞌaku̱hu̱ xu̱ta̱ná ko̱ nga tsꞌi̱ín nda̱íhi̱.
\v 36 Kui xi kikꞌonsje xu̱ta̱ná Egipto̱. Yachán nú tjíhin kitsꞌín kju̱a̱nkjún ko̱ ni xi tsakúchji kju̱a̱chánkaha̱ Nti̱a̱ná Egipto̱ ko̱ a̱jihi̱n Ntáchakꞌun Niu̱ ko̱ a̱nte kixiu̱.
\p
\v 37 ’Kui Moise xi bꞌa̱ kitsúhu̱ xu̱ta̱ Israel: “Nti̱a̱ná kjésíntje̱n nku nda̱ profeta̱ xi nkúhu an. A̱jinnu̱u ku̱i̱tjuhu.”
\v 38 Kui Moise xi yꞌejñajihi̱n xu̱ta̱ nga kama ñjakú nkꞌie nga yꞌentu a̱nte kixiu̱. Kinchja̱ko̱ ntítsjee̱ a̱sunntu tje̱nki̱ Sinai ko̱ ta̱ kinchja̱ko̱ ntje̱ cháná. Kikꞌa̱i̱hi̱ nga tsjáná én xi tsꞌínkꞌíéntu tíkꞌunná.
\p
\v 39 ’Tu̱nga ntje̱ cháná najmi kama mjehe̱ nga ku̱i̱ntꞌéꞌéhe̱n. Tu̱ sahá kitsꞌín tꞌaxín ko̱ kama mjehe̱ nga kꞌo̱óya ngáha Egipto̱.
\v 40 Bꞌa̱ i̱ncha kitsúhu̱ Aaron: “Nꞌe̱ndani̱ nti̱a̱ xi tsjén títjunni̱, a̱tꞌaha̱ najmi yai̱ mí nihi xi kamaha̱ Moise, nda̱ xi kikꞌonsjeni̱ Egipto̱.”
\v 41 A̱sꞌa̱i i̱ncha kitsꞌínnda nku turu̱ nti̱a̱ ko̱ kitsꞌínkꞌien chu̱ nga kitsjáha̱ chje̱. Kitsꞌíntsjoho̱ ni xi ntsja kitsꞌínndako̱ho.
\p
\v 42 ’A̱sꞌa̱i Nti̱a̱ná najmi ta̱ kitsꞌínsihi̱n ra̱ xu̱ta̱ xuꞌbo̱. Kitsjántehe̱ nga tsꞌi̱íntsjoho̱ niñu xi tjín nkꞌa ján. Bꞌa̱ kama xi nkú tsꞌín tjítꞌa xu̱ju̱n éhe̱n Nti̱a̱ná xi yꞌétꞌa já profeta̱:
\q Jun xu̱ta̱ Israel, ¿a ahán kikꞌa̱i̱nú chje̱,
\q nkꞌie nga tintsu̱bo̱o a̱nte kixiu̱ yachán nú tjíhin?
\q
\v 43 Niꞌya najyuntehe̱ ní nti̱a̱ Moloc
\q ko̱ niñuhu̱ nti̱a̱ Renfan tsankinko̱o.
\q Sénni̱stjin kinꞌendo tu̱ xi nꞌe̱tsjoho̱ru̱u,
\q kui nga kjin tsꞌinkjíhi̱nu̱u xi tje̱hen a̱stu̱n Babiloni̱a̱.
\p
\v 44 ’Kitsꞌínnda Moise ni̱nku̱ najyunte xi bakúchji nga Nti̱a̱ná tíjñajihi̱n xu̱ta̱ xi tsꞌe̱. Kinꞌenda xi nkú tsꞌín kisakúchjihi̱ nga ka̱manda. Bꞌa̱ tsꞌín a̱nte kixiu̱ kisꞌejñaha̱ ra̱ ntje̱ cháná ni̱nku̱ najyuntee̱ xi nkú nga kitsú Nti̱a̱ná.
\v 45 Kikꞌa̱i̱hi̱ ntje̱ cháná nga ka̱ma tsꞌe̱ niu̱. I̱ncha yꞌa nkꞌie nga i̱ncha jasꞌen e̱i̱ má tintsu̱bo̱o ndꞌa̱i̱, ni̱stjin nkꞌie nga tjíhi̱n xá Josue ko̱ kikjánko̱ xu̱ta̱ xi tjíntu e̱i̱, xi Nti̱a̱ná kikꞌonsje ngandaha̱ ntje̱ cháná. Bꞌa̱ tsꞌín kisꞌejña ni̱nku̱ najyuntee̱ santaha nkúhu nga yꞌejña nda̱ rei̱ David.
\p
\v 46 ’Nti̱a̱ná kisasíhi̱n David ko̱ David kama mjehe̱ nga tsꞌi̱índaha̱ nku a̱nte Nti̱a̱ná, Nti̱a̱ha̱ ntje̱ cháná Jacob.
\v 47 Tu̱nga Salomon kitsꞌínndaha̱ niꞌya Nti̱a̱ná.
\v 48 Bꞌa̱ tjín kjáíhin nga nkꞌa ján tíjña Nti̱a̱ná ko̱ nga najmi bꞌejñaya niꞌya xi tsꞌínnda xu̱ta̱. A̱tꞌaha̱ bꞌa̱ tsꞌín yꞌétꞌa éhe̱n Nti̱a̱ná nda̱ profeta̱:
\q
\v 49 Ndji̱o̱jmi ján báte̱jña nga batexuma,
\q ko̱ tꞌanankiu̱ basinjñásan tsu̱ká.
\q ¿Mí niꞌyaha xi nꞌe̱ndanú, títsu Nti̱a̱ná,
\q ko̱ má a̱ntehe ka̱ma tsꞌinkjꞌáíya?
\q
\v 50 An ní kitsꞌinndá ngayjee̱ ni xuꞌbi̱.
\p
\v 51 Bꞌa̱ ta̱ kitsú ya Esteba̱n nga ngjindju:
\p —Tu̱nga jun najmi mjenu̱u ku̱i̱núꞌyáꞌón. Bꞌa̱ tsꞌín nuꞌyó ko̱ tjíya ani̱ma̱nu̱u xi nkú joyaha xu̱ta̱ xi najmi be Nti̱a̱ná. Nkuhú nga tintsu̱ba̱ kontra̱ha̱ ru̱u Espiri̱tu̱ Santo̱. Jun xi bꞌa̱ kꞌun xi nkúhu ntje̱ chánu̱u.
\v 52 ¿Má já profeta̱ha xi najmi kitsjennkí unkie ntje̱ chánu̱u? Kitsꞌínkꞌien já xi kitsúya títjun nga kjꞌu̱a̱í nda̱ xi na̱xu̱ tsꞌi̱ín. Ko̱ nkꞌie nga jꞌai ndo̱, jun kinꞌekjasꞌon ko̱ kinꞌekꞌion.
\v 53 Jun bi ntítsje kitsꞌínkjasꞌennu̱u kju̱a̱téxumaha̱ Nti̱a̱ná tu̱nga najmi tínꞌetjusunnú.
\s Bꞌi̱ tsꞌín kinꞌekꞌien Esteba̱n
\p
\v 54 Nkꞌie nga kintꞌé já tjíxóo̱ ni xi kitsú Esteba̱n, tu̱ ni xí i̱ncha kama kjahán ra̱ ko̱ i̱xí tsatehé ni̱ꞌyu̱n.
\v 55 Tu̱nga máha Esteba̱n, kitsejíhi̱n ra̱ Espiri̱tu̱ Santo̱. Tsasenjinki nkꞌa ján ko̱ kikie kju̱a̱chánkaha̱ Nti̱a̱ná ko̱ nga Jesu kabasinjñatꞌaha̱ Nti̱a̱ná.
\v 56 Bꞌi̱ kitsú:
\p —¡Cha̱so̱o! Tíbe nga tje̱n ti̱xa̱ ndji̱o̱jmi ján ko̱ nga Ntíhi̱ Nda̱xꞌi̱u̱n kabasinjñatꞌaha̱ Nti̱a̱ná.
\p
\v 57 Najmi ta̱ tsasínñjuhu̱ ra̱ jóo̱ Esteba̱n. Xa̱áha̱n i̱ncha kitsꞌín. Ngatentee̱ nkuhú nga ngjikjꞌá.
\v 58 I̱ncha kikꞌonsje na̱tsihi̱n na̱nti̱o̱ ko̱ yo̱ i̱ncha yꞌéhe̱ ndji̱o̱. Nku nda̱ti xi ꞌmi Saulo̱ kikunntá najyuhu̱n já testiyu̱ tsankꞌóo̱.
\p
\v 59 Nkꞌie nga tísꞌehe̱ ndji̱o̱ Esteba̱n, bꞌi̱ kitsú nga kinchja̱ko̱ Nti̱a̱ná:
\p —Ji Nda̱ Nti̱a̱ Jesu, nꞌe̱kjáíhi̱n ani̱ma̱na̱.
\p
\v 60 A̱sꞌa̱i tsasinkúnchꞌin ko̱ ꞌyún kikjintáya nga bꞌi̱ kitsú:
\p —Ji Nda̱ Nti̱a̱, najmi tu̱ chꞌaxki̱hi̱ ri̱ jái̱ ngatitsun xuꞌbi̱.
\p Nkꞌie nga ja bꞌa̱ kitsú, kꞌien.
\c 8
\s Bꞌi̱ kama nkꞌie nga ja kinꞌekꞌien Esteba̱n
\p
\v 1 Kisasíhi̱n Saulo̱ nga kinꞌekꞌien Esteba̱n, ko̱ ta̱ kuihi ni̱stjin xuꞌbo̱ kichꞌatutsꞌi̱hi̱n nga tu̱ ni xí kitsjennkí unchahá xu̱ta̱ ni̱nku̱ xi tjín nanki Jerusalen. Kindzjoyayje nga ngji a̱nte xi tjín Judea̱ ko̱ Samari̱a̱. Tu̱ já postru̱ yꞌentu subahá sa Jerusalen.
\v 2 Kꞌu̱a̱ já xi nda tjíntuyáha̱ kingjáyanji Esteba̱n ko̱ kikjintátꞌa.
\v 3 Tu̱nga tu̱ xí kitsjenkí unkiehé Saulo̱ xu̱ta̱ ni̱nku̱. Xki̱ niꞌya jasꞌen nga kikjebéfe jáxꞌi̱n ko̱ jminchjín ko̱ kitsꞌínkjasꞌen nu̱ba̱yá.
\s Bꞌi̱ tsꞌín kisꞌeni̱jmí éhe̱n Nti̱a̱ná a̱nte Samari̱a̱
\p
\v 4 Máha xu̱ta̱ xi kindzjoyoo̱, tu̱ má xi tje̱hén ni nga i̱ncha ngji, yo̱ i̱ncha yꞌéni̱jmí én nda tsuhu̱ Nti̱a̱ná.
\v 5 A̱nte Samari̱a̱ ngji Felipe̱ nga yꞌéni̱jmíhi̱ xu̱ta̱ xi tjín yo̱ nga Jesu xi kitsꞌín nibá Nti̱a̱ná.\f + \fr 8:5, 12 \ft “Xi kitsꞌín nibá Nti̱a̱ná” tsuhu̱ ra̱ “Cristo̱”.\f*
\v 6 Kama ñja xu̱to̱ nga kingjénñjuhu̱ ni xi kinchja̱ Felipe̱ nkꞌie nga i̱ncha kintꞌé ko̱ kikie ni xi kitsꞌín nga tsakúchji kju̱a̱chánkaha̱ Nti̱a̱ná.
\v 7 A̱tꞌaha̱ nkjin jáninda xi tsitjujíhi̱n xu̱ta̱ nga ꞌyún kikjintáya nga tsitju, ko̱ nkjin xu̱ta̱ xi najmi ma fi ko̱ xi ni̱ma̱ sjai kama nkihi̱.
\v 8 Kui nga tsjo ṉkjún kamaha̱ ra̱ xu̱to̱.
\p
\v 9 Tu̱nga ta̱ yꞌejñahá yo̱ nku nda̱ xi ꞌmi Simon xi kitsꞌín tjꞌe ni̱stjin nkꞌie. Kui xi tsꞌana̱cha̱ha̱ xu̱ta̱ xi tjín a̱nte Samari̱a̱. Bꞌa̱ kitsú nga kui xi nku nda̱ chánka.
\v 10 Ngayjee̱ xu̱ta̱ tsasínñjuhu̱ ndo̱, bꞌaha̱ ra̱ xi ndyjaha̱ ko̱ santaha xi cháha̱. Bꞌa̱ i̱ncha kitsú:
\p —Kui nda̱ xuꞌbi̱ xi ngaꞌyún chánkaha̱ Nti̱a̱ná.
\p
\v 11 I̱ncha tsꞌínsihi̱n a̱tꞌaha̱ nkjin nú kitsꞌín tjꞌe ndo̱. Bꞌa̱ tsꞌín tsꞌana̱cha̱ha̱ xu̱ta̱.
\v 12 Tu̱nga nkꞌie nga tsakúya Felipe̱ nga Nti̱a̱ná xi batéxuma ko̱ nga Jesu xi kitsꞌín nibá Nti̱a̱ná, kisꞌejihi̱n xu̱ta̱ ko̱ kisaténtá jmichjín ko̱ jáxꞌi̱n.
\v 13 Santaha ko̱ Simon ta̱ kisꞌejihi̱n ko̱ kisaténtá. A̱sꞌa̱i kitsjenko̱ tehe̱nte Felipe̱ ko̱ kama nkjúhu̱n nkꞌie nga kikie ni xi tsakúchji kju̱a̱chánkaha̱ Nti̱a̱ná ko̱ kju̱a̱nkjún i xi kitsꞌín Felipe̱.
\p
\v 14 Nkꞌie nga kintꞌé én já postru̱ xi tjíntu nanki Jerusalen nga xu̱ta̱ xi tjín a̱nte Samari̱a̱ kitsꞌínkjáíhi̱n éhe̱n Nti̱a̱ná, a̱sꞌa̱i kitsꞌínkji yo̱ Pedro̱ ko̱ Jua.
\v 15 Nkꞌie nga i̱ncha jꞌai jóo̱ yo̱, kinchja̱ntjai xu̱ta̱ Samari̱a̱ nginku̱n Nti̱a̱ná tu̱ xi tsꞌi̱ínkjáíhi̱n ra̱ Espiri̱tu̱ Santo̱.
\v 16 A̱tꞌaha̱ ndaha nku najmi kje̱e fꞌaijíhi̱n Espiri̱tu̱ Santo̱ ko̱ tu̱ ntáhá kisaténtáhá xu̱ta̱ nga kitsꞌínkjáíhi̱n Jesu.
\v 17 A̱sꞌa̱i Pedro̱ ko̱ Jua kingjénne ntsja xu̱ta̱ ko̱ kitsꞌínkjáíhi̱n Espiri̱tu̱ Santo̱.
\p
\v 18 Kikie Simon nga kitsꞌínkjáíhi̱n xu̱ta̱ Espiri̱tu̱ Santo̱ nkꞌie nga kingjénnehe̱ ntsja já postru̱. A̱sꞌa̱i kingjénꞌa to̱on já postru̱
\v 19 nga bꞌi̱ kitsúhu̱:
\p —Kꞌu̱a̱i̱nú ko̱ an ngaꞌyún xuꞌbi̱, tu̱ xi nkꞌie nga ngjuenné ntsa̱hana tu̱ yáha ni ta̱ tsꞌi̱ínkjáíhi̱n Espiri̱tu̱ Santo̱.
\p
\v 20 A̱sꞌa̱i bꞌi̱ kitsú Pedro̱:
\p —Kandyjai ko̱ ta̱ kandyja tjo̱ohi̱n, a̱tꞌaha̱ bꞌa̱ nꞌe tínꞌenkjíntakꞌuin nga to̱on ma chꞌatseko̱ho ni xi tsjá Nti̱a̱ná.
\v 21 Najmi ji tsuhu ri ko̱ najmi ji tje̱hen ri xá xuꞌbi̱, a̱tꞌaha̱ najmi kixi̱ tjíya ani̱ma̱hi̱ nginku̱n Nti̱a̱ná.
\v 22 Tꞌinchjꞌa̱ha̱ ri̱ ani̱ma̱hi̱ nga̱tꞌaha̱ ngatitsun xuꞌbi̱ ko̱ chu̱bani̱ma̱ko̱i̱ Nti̱a̱ná, tsa tu̱ ꞌyaha tsꞌi̱ínndyjatꞌahi ni xi kuanꞌenkjíntakꞌuin.
\v 23 A̱tꞌaha̱ tíbe nga najmi je tjíya ani̱ma̱hi̱ ko̱ tíbe nga ni chꞌonkꞌuu̱n tjíꞌyíhi̱n ji.
\p
\v 24 Bꞌi̱ kitsú Simon:
\p —Chu̱bani̱ma̱ko̱o Nti̱a̱ná tu̱ xi ndaha nku ni xi kuakꞌihinnú najmi ni̱banehena.
\p
\v 25 Nkꞌie nga ja i̱ncha yꞌéni̱jmí éhe̱n Nti̱a̱ná yo̱ Pedro̱ ko̱ Jua ko̱ yꞌéjña chjihi̱ xu̱ta̱ yáha Jesu, a̱sꞌa̱i kikꞌóya ngáha nanki Jerusalen. Bꞌa̱ tsꞌín i̱ncha jꞌaha nkjin a̱nte nanki xi tjín a̱nte Samari̱a̱ nga yꞌéni̱jmí tsꞌíhin én nda tsuhu̱ Jesu.
\s Bꞌi̱ tsꞌín kinchja̱ni̱jmíko̱ Felipe̱ nku nda̱ xi nibáha a̱nte Etiopia̱
\p
\v 26 A̱sꞌa̱i nku ntítsjehe̱ Nti̱a̱ná kinchja̱ko̱ho̱ Felipe̱. Bꞌi̱ kitsúhu̱:
\p —Ti̱síntje̱i̱n ko̱ chjúbéí ni̱yá xi bitju Jerusalen nga tꞌin nanki Gaza̱.
\p A̱nte kixiu̱ fꞌa ni̱yá xuꞌbi̱.
\v 27 A̱sꞌa̱i tsisintje̱n Felipe̱ ko̱ ngji, ko̱ a̱ya ni̱yóo̱ kisatéjin nku nda̱ xi nibáha a̱nte Etiopia̱. Nku nda̱ eunuko̱ niu̱, nku nda̱ kꞌaku̱ xi tsꞌínxátꞌaha̱ na̱ Candace̱ xi na̱ rei̱na̱ha̱ xu̱ta̱ Etiopia̱. Kui xi fꞌátjo ngayjee̱ to̱oho̱n na̱ rei̱na̱. Nti̱a̱ná ngji tsꞌíntsjoho̱ ndo̱ nanki Jerusalen
\v 28 ko̱ ja tíbꞌóya ngáha nankihi̱. Yá xi tje̱nko̱ kabꞌejñaya ko̱ títsꞌínya xu̱ju̱n éhe̱n Nti̱a̱ná xi yꞌétꞌa nda̱ profeta̱ Isaia̱.
\v 29 A̱sꞌa̱i Espiri̱tu̱ bꞌi̱ kitsúhu̱ Felipe̱:
\p —Tꞌihi̱nse̱ tiñaihi̱ nda̱ xi kabꞌejñaya yá ján.
\p
\v 30 Nkꞌie nga tsichukꞌúhu̱n, kintꞌé Felipe̱ nga xu̱ju̱n xi yꞌétꞌa nda̱ profeta̱ Isaia̱ títsꞌínya ndo̱. A̱sꞌa̱i bꞌi̱ kitsúhu̱:
\p —¿A tímankjihin ni xi tínꞌeyai?
\p
\v 31 —¿Nkú tsꞌín ka̱mankjihinna nga najmi tjín xi ku̱i̱tsu̱ya sisinna? —kitsú ndo̱ ko̱ tsankihi̱ Felipe̱ nga ku̱i̱yájnutꞌaha̱.
\p
\v 32 Bꞌi̱ tsꞌín tjítꞌa má nga títsꞌínya ndo̱:
\q Ngji nꞌekꞌien xi nkúhu chu̱tsa̱nka̱, najmi kikjexꞌá tsꞌa,
\q xi nkúhu chu̱tsa̱nka̱ xi tíchjꞌajnu tsa̱nka̱ha̱.
\q
\v 33 Kichajnucha ko̱ najmi na̱xu̱ kinꞌehe̱ kju̱a̱.
\q Tsichakjá ntje̱he̱ a̱tꞌaha̱ kinꞌekꞌien.
\p
\v 34 A̱sꞌa̱i bꞌi̱ tsꞌín kinchja̱ nda̱ kꞌaku̱ xi nibáha Etiopia̱ nga kingjásjaiyaha̱ Felipe̱:
\p —Tꞌinyaní, ¿yá xi tínchja̱ni̱jmíyaha nda̱ profeta̱ e̱i̱? ¿A kui tínchja̱ni̱jmíyaha yjoho̱ a ra̱ kjꞌa̱íhí xi tínchja̱ni̱jmíyaha?
\p
\v 35 A̱sꞌa̱i kinchja̱ Felipe̱. Má nga títsꞌínya ndo̱ kikꞌatutsꞌi̱hi̱n ra̱ nga kitsúyaha̱ én nda tsuhu̱ Jesu.
\v 36 Nkꞌie nga tíi̱ncha tsꞌín ni̱yá, tu̱ i̱ncha tsichuhú má nga tjín ntánijua ko̱ bꞌi̱ kitsú nda̱ kꞌaku̱ Etiopia̱:
\p —Á ntánijua e̱i̱. ¿A najmi ka̱mahá sa̱téntá?
\p
\v 37 Bꞌi̱ kitsú Felipe̱:
\p —Tsa ngayjee̱ ani̱ma̱hi̱ sꞌejihin yáha Jesu, ka̱ma.
\p Bꞌi̱ kitsú ndo̱:
\p —Sꞌejinna nga Jesucristo̱ xi Ntíhi̱ Nti̱a̱ná.
\p
\v 38 A̱sꞌa̱i bꞌa̱ kitsú nga sꞌe̱jñaꞌyún yóo̱ ko̱ nga joo̱ tsitjujenya má tíjña ntánijuo̱. A̱sꞌa̱i Felipe̱ tsaténtá ndo̱.
\v 39 Nkꞌie nga i̱ncha tsitjujin ntánijuo̱, Espiri̱tu̱ Santo̱ ngjiko̱ tꞌaxíhi̱n Felipe̱. Nda̱ kꞌaku̱ xi nabáha Etiopia̱ najmi ta̱ kikiehe Felipe̱, tu̱nga tsjohó kikꞌiehe̱ nkꞌie nga kitsꞌínndju̱ú ni̱yáha̱.
\p
\v 40 Tsichu Felipe̱ nanki Azoto̱ ko̱ xki̱ a̱nte ngji nga yꞌéni̱jmí én nda tsuhu̱ Jesu santaha nkúhu nga tsichu nanki Cesarea̱.
\c 9
\s Bꞌi̱ tsꞌín jakjꞌá Jesucristo̱ nda̱ Pablo̱
\p
\v 1 Saulo̱ tu̱ nku tsinchánkjúhún ra̱ xu̱ta̱ xi sꞌejihi̱n Nda̱ Nti̱a̱ná Jesu nga mjehe̱ tsꞌi̱ínkꞌien. Kui nga ngjisehe̱ ra̱ nda̱ na̱ꞌmi títjuu̱n
\v 2 ko̱ tsankihi̱ xu̱ju̱n xi má nga tíꞌba̱i̱hi̱ kju̱a̱, tu̱ xi ka̱ma ngju̱a̱i̱hi niꞌya sinagoga̱ xi tjín nanki Damasco̱ ko̱ ku̱a̱ngisjai yo̱ xu̱ta̱ xi sꞌejihi̱n Jesu ko̱ kjꞌu̱a̱íko̱nijé nanki Jerusalen, ndaha tsa jáxꞌi̱n ko̱ ndaha tsa jminchjín.
\p
\v 3 Tu̱nga nkꞌiehé nga títsꞌín ni̱yá ko̱ ja tíbichú tiña nanki Damasco̱, tje̱nꞌyún kitsꞌín ndzjehé ra̱ Saulo̱ nku ndꞌí xi nibaha nkꞌa ján.
\v 4 A̱sꞌa̱i tsijne tꞌanankiu̱ ko̱ kintꞌé nku nta̱ xi bꞌi̱ kitsúhu̱:
\p —Saulo̱, Saulo̱, ¿á an tje̱nnki unchahaní?
\p
\v 5 —¿Yáha ji, Nda̱ Nti̱a̱? —kitsú Saulo̱.
\p Bꞌi̱ kitsú xi kinchja̱ko̱ho̱:
\p —An Jesu xi tje̱nnki unchai.
\v 6 Ti̱síntje̱i̱n ko̱ tꞌin a̱jin na̱nti̱o̱. Yo̱ kꞌúínyahi ni xi tjíhin nga nꞌe̱i̱.
\p
\v 7 Kitsankjún já xi tje̱nko̱ Saulo̱, a̱tꞌaha̱ kintꞌé nto̱ tu̱nga najmi chꞌa xi kikiehé.
\v 8 A̱sꞌa̱i tsisintje̱n Saulo̱, tu̱nga nkꞌie nga kikjexꞌá tunku̱n najmi ta̱ kama chjihi̱ ra̱. Kui nga tu̱ kichjubénkihí ni nga ngjiko̱ jóo̱ nanki Damasco̱.
\v 9 Yo̱ kamaha̱ jan ni̱stjin nga yꞌejña ka̱. Najmi chumi nihi xi kikjine ko̱ najmi chumi ntáha xi kikꞌi.
\p
\v 10 Damasco̱ yꞌejña nku nda̱ xi tje̱nnkihi̱ Jesu xi ꞌmi Anania̱. Kui xi Nda̱ Nti̱a̱ná tsakúchjihi̱ yjoho̱ xi nkúhu tsa nchi̱ni kikꞌa̱i̱hi̱ ko̱ bꞌa̱ kitsúhu̱:
\p —¡Ji Anania̱!
\p —Á an e̱i̱, Nda̱ Nti̱a̱ —kitsú Anania̱.
\p
\v 11 Bꞌi̱ kitsúhu̱ Nda̱ Nti̱a̱ná:
\p —Ti̱síntje̱i̱n ko̱ tꞌin ni̱yáté xi ꞌmi Ni̱yá Kixi̱. Niꞌyaha̱ Juda̱ cha̱sjaiyai nku nda̱ xi nibáha nanki Tarso̱ xi ꞌmi Saulo̱. Nti̱a̱ná tínchja̱ko̱ ndo̱.
\v 12 Ja kama chjihi̱ xi nkúhu tsa nchi̱ni kuakꞌa̱i̱hi̱ nga nku nda̱ xi ꞌmi Anania̱ kafasꞌen má tíjña ko̱ nga kamjénehe̱ ntsja tu̱ xi ka̱ma chji ngáha̱ ra̱.
\p
\v 13 Bꞌi̱ kitsú Anania̱:
\p —Ji Nda̱ Nti̱a̱, nkjin xu̱ta̱ títsuyana xi nkú kꞌuhu̱n ndo̱ ko̱ ni xi najmi nda xi kitsꞌíhi̱n xu̱ta̱ xi tsꞌi̱ xi tjíntu Jerusalen.
\v 14 Já na̱ꞌmi kꞌaku̱ ja kitsjáha̱ kju̱a̱ xi má nga ka̱ma ngju̱a̱i̱ko̱ kju̱a̱ꞌyún ngayjee̱ xi sꞌejihi̱n ji.
\p
\v 15 A̱sꞌa̱i bꞌi̱ kitsú Nda̱ Nti̱a̱ná:
\p —Tꞌin, a̱tꞌaha̱ an ja jꞌajián ndo̱ nga kui xi kꞌu̱éni̱jmíhi̱ an xu̱ta̱ xi najmi ntje̱ Israel tje̱he̱n ra̱ ko̱ já rei̱ ko̱ xu̱ta̱ xi ntje̱ Israel tje̱he̱n ra̱.
\v 16 An kuakuchjíhi̱ nkꞌie nga nkjin kju̱a̱ni̱ma̱ kjꞌu̱a̱jin nga̱tꞌana̱.
\p
\v 17 A̱sꞌa̱i ngji Anania̱. Jasꞌen niꞌya má nga tíjña Saulo̱ ko̱ kingjénne ntsja nga bꞌi̱ kitsúhu̱:
\p —Ji nda̱ ntsꞌé Saulo̱, Nda̱ Nti̱a̱ná Jesu xi tsakúchjihi yjoho̱ a̱ya ni̱yá má nga tínibáí, kui kuatsꞌín nibána tu̱ xi ka̱ma chji ngáha ri ko̱ tu̱ xi tséjihin ri Espiri̱tu̱ Santo̱.
\p
\v 18 Tje̱nꞌyún tsitjunkihí tunku̱n Saulo̱ ni xi bꞌa̱ kꞌun tja̱ba̱xkfi̱ kꞌun ko̱ kama chji ngáha̱ ra̱. A̱sꞌa̱i tsisintje̱n ko̱ kisaténtá.
\v 19 Nkꞌie nga ja kikjine nichine, kisakú ngaꞌyún ngáha̱ ra̱ ko̱ chuba ni̱stjin yꞌejñajihi̱n xu̱ta̱ xi yjankihi̱ Jesu xi tjín Damasco̱.
\s Bꞌi̱ tsꞌín yꞌéni̱jmí tjuhun éhe̱n Nti̱a̱ná Saulo̱ nanki Damasco̱
\p
\v 20 A̱sꞌa̱i yꞌéni̱jmí Saulo̱ éhe̱n Nti̱a̱ná niꞌya sinagoga̱ xi tjín yo̱ nga bꞌa̱ kitsú nga Jesu xi Ntíhi̱ Nti̱a̱ná.
\v 21 Kama nkjúhu̱n ngayjee̱ xu̱ta̱ xi kintꞌéhe̱. Bꞌi̱ i̱ncha kitsúhu̱ xinkjín:
\p —¿A najmi kuihí nda̱i̱ xi tje̱nnki unkie xu̱ta̱ xi sꞌejihi̱n Jesu nanki Jerusalen? Ko̱ ta̱ kui xá jꞌaihi e̱i̱ tu̱ xi ngju̱a̱i̱ko̱nijéhe xu̱ta̱ nginku̱n já na̱ꞌmi kꞌaku̱.
\p
\v 22 Tu̱nga tu̱ sahá ꞌyún yꞌéni̱jmí sa Saulo̱ ko̱ yꞌéjña chji nga Jesu xi kitsꞌín nibá Nti̱a̱ná.\f + \fr 9:22 \ft “Xi kitsꞌín nibá Nti̱a̱ná” tsuhu̱ ra̱ “Cristo̱”.\f* Kitsꞌínndyja̱jihi̱n xu̱ta̱ xi ntje̱ judio̱ tje̱he̱n ra̱ xi tjíntu Damasco̱.
\v 23 Nkꞌie nga jꞌa nkjin ni̱stjin, a̱sꞌa̱i yꞌéndako̱ xinkjín já judio̱ nga i̱ncha tsꞌi̱ínkꞌien Saulo̱.
\v 24 Tu̱nga tjíhín xi kitsúyaha̱ Saulo̱ ni xi yꞌénda jóo̱. Ni̱stjin ni̱stje̱n i̱ncha kikunntá a̱nkju̱a̱ha̱ nankiu̱ tu̱ xi tsꞌi̱ínkꞌiehen Saulo̱.
\v 25 A̱sꞌa̱i xu̱ta̱ xi yjankihi̱ Jesu tsasinko̱ho̱ Saulo̱. Yꞌéyaha̱ nku ni̱si̱n ko̱ kikjeje̱nntjaihi̱ xjóho̱ nankiu̱ nga jyuu̱n.
\s Bꞌi̱ kama nkꞌie nga jꞌai tjúhun Saulo̱ nanki Jerusalen
\p
\v 26 Nkꞌie nga tsichu Saulo̱ nanki Jerusalen, mjehe̱ nga ka̱mangujinko̱ xu̱ta̱ xi yjankihi̱ Jesu, tu̱nga kitsankjúhún ra̱ ngayjee̱ jóo̱, a̱tꞌaha̱ najmi kisꞌejihi̱n tsa ja ta̱ nku nda̱ xi tje̱nnkihi̱ Jesu Saulo̱.
\v 27 A̱sꞌa̱i Bernabe ngjiko̱ Saulo̱ nginku̱n já postru̱ ko̱ kitsúyaha̱ xi nkú tsꞌín a̱ya ni̱yóo̱ kikie Saulo̱ Nda̱ Nti̱a̱ná ko̱ nga Nda̱ Nti̱a̱ná kinchja̱ko̱ho̱ ko̱ xi nkú tsꞌín ndjá yꞌéni̱jmí éhe̱n Jesu nanki Damasco̱.
\p
\v 28 A̱sꞌa̱i yꞌejña Saulo̱ nanki Jerusalen. Yꞌemako̱ já postru̱ ko̱ ndjá yꞌéni̱jmí nga tsakúya yáha Nda̱ Nti̱a̱ná Jesu.
\v 29 Kinchja̱ni̱jmíko̱ ko̱ yꞌésiko̱ xu̱ta̱ xi ntje̱ judio̱ tje̱he̱n ra̱ xi nchja̱ én griego̱. Tu̱nga já xuꞌbi̱ tsangisjai ni̱yá xi nkú tsꞌín ka̱ma tsꞌi̱ínkꞌien Saulo̱.
\v 30 Nkꞌie nga kintꞌé já ntsꞌeé ni xuꞌbi̱, a̱sꞌa̱i ngjiko̱ Saulo̱ nanki Cesarea̱. Ja kamoo̱ kitsꞌínkji Tarso̱.
\p
\v 31 Kisꞌehe̱ kju̱a̱jyu xu̱ta̱ ni̱nku̱ xi tjín ngayjee̱ a̱nte Judea̱, a̱nte Galilea̱ ko̱ a̱nte Samari̱a̱. ꞌYún kisꞌejin saha̱ Nti̱a̱ná. Kikienkjún Nti̱a̱ná nga yꞌentu ko̱ Espiri̱tu̱ Santo̱ tsasinko̱ho̱ nga ꞌyún kama nkjin sa.
\s Bꞌi̱ tsꞌín kitsꞌínnkihi̱ Pedro̱ nda̱ Enea̱
\p
\v 32 Nkꞌie nga tsúꞌbakꞌun Pedro̱ xu̱ta̱ ni̱nku̱ xi tjín xki̱ a̱nte, a̱sꞌa̱i ta̱ jꞌaisehe̱ xu̱ta̱ xi tsꞌe̱ Nti̱a̱ná xi tjín nanki Lida̱.
\v 33 Yo̱ kikie nku nda̱ xi ꞌmi Enea̱ xi jin nú tjíhi̱n nga kjijñasun na̱chan, a̱tꞌaha̱ nta sjai.
\v 34 A̱sꞌa̱i bꞌa̱ kitsúhu̱:
\p —Ji Enea̱, Jesucristo̱ títsꞌínnkihi. Ti̱síntje̱i̱n ko̱ tꞌendai kama̱hi̱.
\p Ta̱ kuihi chu̱bo̱ tsisintje̱n Enea̱.
\v 35 Ngayjee̱ xu̱ta̱ xi tjíntu Lida̱ ko̱ Saron kikie nga tsisintje̱n Enea̱ ko̱ kitsꞌínkjáíhi̱n Nda̱ Nti̱a̱ná.
\s Bꞌi̱ tsꞌín kitsꞌínkjꞌáíyaha̱ Pedro̱ ta̱chju̱ún Tabita̱
\p
\v 36 Nanki Jope̱ yꞌejña nku ta̱chju̱ún xi tje̱nnkihi̱ Jesu xi ꞌmi Tabita̱, jꞌáín xi tsuhu̱ ra̱ Dorca̱ nga én griego̱. Kui xi ngayje ni̱stjin kitsꞌín ni xi nda ko̱ kitsjáha̱ xu̱ta̱ xꞌa̱n ni xi machjéhe̱n.
\v 37 Kui ni̱stjiu̱n kisate chꞌin ko̱ kꞌien. A̱skahan nga ja jejnú yjonintehe̱, kisꞌejña nku a̱ya ꞌma.
\p
\v 38 Nkꞌie nga kintꞌé xu̱ta̱ niꞌyakuyáha̱ Jesu xi tjíntu nanki Jope̱ nga nanki Lida̱ tíjña Pedro̱, a̱sꞌa̱i kitsꞌínkjisehe̱ jo já, a̱tꞌaha̱ tiña maha̱ xinkjín nankiu̱. Bꞌi̱ kitsú jóo̱ nga jꞌai nchja̱ko̱ Pedro̱:
\p —Najmi tu̱ nꞌekꞌandayai. Nibáa̱se̱ni̱.
\p
\v 39 A̱sꞌa̱i tsisintje̱n Pedro̱ ko̱ ngjiko̱ jóo̱. Nkꞌie nga ja tsichu nanki Jope̱, xu̱ta̱ xi tíi̱ncha yo̱ ngjiko̱ho̱ a̱ya ꞌma xi má nga kjijña yjoninte kꞌie̱n. Ngayjee̱ jminchjín xi ja kꞌien xꞌi̱hi̱n jꞌaitsetꞌáha̱ Pedro̱ nga tíi̱ncha kjintá ko̱ tíi̱ncha bakú xꞌótji ko̱ kjꞌa̱í sa najyun xi tsꞌínnda Dorca̱ nkꞌie nga yꞌejña.
\v 40 A̱sꞌa̱i kikꞌonsje Pedro̱ ngayjee̱ xu̱ta̱ xi tíi̱ncha yo̱ ko̱ tsasinkúnchꞌin nga kinchja̱ko̱ Nti̱a̱ná. Tsase tsꞌíhi̱n ra̱ yjoninte kꞌie̱n nga bꞌi̱ kitsú:
\p —Ji Tabita̱, ti̱síntje̱i̱n.
\p A̱sꞌa̱i kikjexꞌánki tunku̱n ta̱chjúu̱n. Nkꞌie nga kikie nga yo̱ síjña Pedro̱, yꞌejña kutu.
\v 41 Pedro̱ jakjꞌá ntsja ta̱chjúu̱n ko̱ kikjesíntje̱n. Kinchja̱ha̱ xu̱ta̱ ni̱nku̱ ko̱ jminchjín xi ja kꞌien xꞌi̱hi̱n ko̱ kitsꞌínkjasꞌen tíkꞌun ngáha̱ ra̱ ta̱chjúu̱n.
\v 42 Ngayjee̱ xu̱ta̱ xi tjín nanki Jope̱ kintꞌé ni xi kamoo̱ ko̱ nkjin xi kisꞌejihi̱n Nda̱ Nti̱a̱ná Jesu.
\v 43 Nkjin ni̱stjin kamaha̱ Pedro̱ nga yꞌejña nanki Jope̱ niꞌyaha̱ nda̱ xi ꞌmi Simon xi fꞌáxi tja̱ba̱xín.
\c 10
\s Bꞌi̱ tsꞌín ngjisehe̱ Pedro̱ nda̱ Corneli̱o̱
\p
\v 1 Nanki Cesarea̱ yꞌejña nku nda̱ xi ꞌmi Corneli̱o̱ xi nda̱ jun kꞌaku̱hu̱ já jun xi ꞌmi Já jun Italiano̱.
\v 2 Kui ko̱ ngayjee̱ xu̱ta̱ xi tjíntu niꞌyaha̱ tjoho̱ ko̱ benkjún Nti̱a̱ná. Tsjáha̱ xu̱ta̱ xꞌa̱n ni xi machjéhe̱n ko̱ tehe̱nte nchja̱ko̱ Nti̱a̱ná.
\v 3 Nku ni̱yá nkú ra̱ ma nga chu̱ba̱ jan nga ngixuu̱n kama chjihi̱ nku ntítsjehe̱ Nti̱a̱ná xi nkúhu tsa nchi̱ni kikꞌa̱i̱hi̱ kamaha̱. Kikie Corneli̱o̱ nga jasꞌen ntítsjee̱ má tíjña ko̱ bꞌa̱ kitsúhu̱:
\p —¡Ji Corneli̱o̱!
\p
\v 4 —¿Mí nihi, Nda̱ Nti̱a̱? —kitsú Corneli̱o̱ nga tsase ko̱ títsankjúhún tsꞌíhin.
\p Bꞌi̱ kitsú ntítsjee̱:
\p —Tsasínñjuhu̱ Nti̱a̱ná ni xi tsinchihi̱ ko̱ tíbe nga tíꞌba̱i̱hi̱ xu̱ta̱ xꞌa̱n ni xi machjéhe̱n.
\v 5 Kui nga nꞌe̱kjíhini nanki Jope̱ já xi ku̱i̱nchja̱ha̱ ra̱ Simon, kui xi ta̱ ꞌmi Pedro̱.
\v 6 Kui xi tíjña niꞌyaha̱ nda̱ Simon xi fꞌáxi tja̱ba̱xín, nda̱ xi tiña a̱ndai ntáchakꞌuu̱n síjña niꞌyaha̱.
\p
\v 7 Nkꞌie nga ja ngji ntítsje xi tínchja̱ko̱ho̱, a̱sꞌa̱i kinchja̱ha̱ Corneli̱o̱ jo já musu̱hu̱ ko̱ jꞌájin a̱jihi̱n já jun xi tjíhi̱n nku nda̱ jun xi tjoho̱ Nti̱a̱ná.
\v 8 Kitsúyaha̱ ngayjee̱ ni xi kamoo̱, a̱sꞌa̱i kitsꞌínkji nanki Jope̱.
\p
\v 9 Ni̱stjin xi ma ndyjuu̱n, nkꞌie nga títsꞌín ni̱yá jóo̱ ko̱ nga ja tíbichú tiña a̱jin na̱nti̱o̱, Pedro̱ ngji nchja̱ko̱ Nti̱a̱ná nkꞌa niꞌya má nga tíjña, nkú ra̱ ma nga chu̱ba̱ te jo.
\v 10 A̱sꞌa̱i tu̱ kama bjohó ra̱ ko̱ mjehe̱ kji̱ne̱ ni. Nkꞌie nga tísꞌechjáha̱n nichine, kama chjihi̱ nku ni xi nkú joyaha tsa nchi̱ni kikꞌa̱i̱hi̱ kamaha̱.
\v 11 Kikie nga tsixꞌá nkꞌa ján ko̱ nga nibajen tꞌanankiu̱ nku ni xi bꞌa̱ tjín xi nkú joyaha nku najyun tjebe chánka xi tjítꞌaꞌyún nga ñjuu̱ nku̱n.
\v 12 Tjíntuyá a̱yaha̱ niu̱ ngayje tíkjá chu̱ xi bꞌema ko̱ xi bꞌéfe yjoho̱ tꞌanankiu̱ ko̱ ni̱se xi bꞌematje̱n nkꞌa ján.
\v 13 A̱sꞌa̱i kintꞌé Pedro̱ nku nta̱ xi bꞌi̱ kitsúhu̱:
\p —Pedro̱, ti̱síntje̱i̱n. Nꞌe̱kꞌiein chu̱ ko̱ chi̱ne̱i̱.
\p
\v 14 Bꞌi̱ kitsú Pedro̱:
\p —Najmi, Nda̱ Nti̱a̱. Ndaha̱chí najmi kje̱e kjíne̱ ni xi tíjña nkjúhu̱n kju̱a̱téxumoo̱ nga ka̱ma chi̱ne̱, ni xi najmi je nginku̱n Nti̱a̱ná.
\p
\v 15 A̱sꞌa̱i ta̱ kinchja̱ ngáha nto̱ ni̱yá xi ma joho. Bꞌi̱ kitsú:
\p —Ni xi kitsꞌín Nti̱a̱ná nga ja je nginku̱n, najmi tu̱ ji ꞌmihi̱ nga najmi je.
\p
\v 16 Jan ni̱yá bꞌa̱ kama, a̱sꞌa̱i ngjinji ngáha niu̱ nkꞌa ján.
\v 17 Nkꞌie nga ta̱ títsꞌínnkjinkꞌuhun Pedro̱ nkú tsuhu̱ ra̱ ni xi kama chjihi̱, tu̱ tsichuhú a̱sti a̱nkju̱o̱ já xi kitsꞌín nibá nda̱ Corneli̱o̱. Kisakúhu̱ jóo̱ niꞌyaha̱ Simon, nda̱ xi fꞌáxi tja̱ba̱xín.
\v 18 A̱sꞌa̱i kingjásjaiya tsa yo̱ tíjña Simon xi ta̱ ꞌmi Pedro̱.
\p
\v 19 Nkꞌie nga tu̱ nku títsꞌínnkjinkꞌuhún Pedro̱ ni xi kama chjihi̱, Espiri̱tu̱ Santo̱ bꞌi̱ kitsúhu̱:
\p —Cha̱se̱ mai. Jan já tíbangisjaihi.
\v 20 Ti̱síntje̱i̱n ko̱ ti̱tjuje̱i̱n. Najmi tu̱ nꞌejó takꞌuin nga tꞌinko̱i̱, a̱tꞌaha̱ an katsꞌin nibá jóo̱.
\p
\v 21 A̱sꞌa̱i tsitjujen Pedro̱ nga jꞌaisehe̱ jóo̱ ko̱ bꞌi̱ kitsúhu̱:
\p —An xi tíbinchisjó. ¿Mí xáha xi kjꞌúái̱hinu?
\p
\v 22 Bꞌa̱ i̱ncha kitsú jóo̱:
\p —Nda̱ jun kꞌaku̱ Corneli̱o̱ katsꞌín nibáni̱. Benkjún Nti̱a̱ná ndo̱ ko̱ na̱xu̱ tsꞌín ni xi tsꞌín. Nda tsꞌín nchja̱ni̱jmíyaha̱ ra̱ ngayjee̱ xu̱ta̱ judio̱ ndo̱. Nku ntítsjehe̱ Nti̱a̱ná bꞌa̱ kitsúhu̱ nga kju̱a̱íchjꞌaihi nga kꞌúín niꞌyaha̱ ko̱ nga ku̱a̱sínñjuhu̱ ni xi kꞌúíhi̱n.
\p
\v 23 Kitsꞌínkjáíhi̱n Pedro̱ jóo̱ ko̱ yo̱ i̱ncha kitsꞌínkjꞌa ni̱stje̱n. Ni̱stjin xi ma ndyjuu̱n ngjiko̱ jóo̱. Ta̱ ngjiko̱ kꞌu̱a̱ já ni̱nku̱ xi tjín nanki Jope̱.
\v 24 Ni̱stjin xi ma joho tsichu nanki Cesarea̱. Tíkuyá Corneli̱o̱ ko̱ ta̱ tíkuyá xu̱ta̱ xi kitsꞌínkintꞌé, kui xi xu̱ta̱ xinkjín ko̱ xu̱ta̱ xi nda nchja̱ko̱ho̱.
\v 25 Nkꞌie nga ja tífasꞌen Pedro̱ a̱yoo̱, Corneli̱o̱ jꞌai tsꞌínkjáíhi̱n ko̱ tsasinkúnchꞌintꞌaha̱ nga kitsꞌíntsjoho̱.
\v 26 Tu̱nga kikjesíntje̱hén ra̱ Pedro̱ ko̱ bꞌi̱ kitsúhu̱:
\p —Ti̱síntje̱i̱n. Ta̱ xu̱ta̱ná xi nkúhu ji.
\p
\v 27 Tínchja̱ko̱ tsꞌíhin nga jasꞌen a̱yoo̱ ko̱ kikie nga nkjin xu̱ta̱ kama ñjakú yo̱.
\v 28 A̱sꞌa̱i bꞌi̱ kitsúhu̱:
\p —Jun yo nga nku nda̱ xi ntje̱ judio̱ tje̱he̱n ra̱ najmi tsjántehe̱ kju̱a̱téxumaha̱ tsa ka̱ma ñjako̱ xu̱ta̱ xi najmi ntje̱ judio̱ tje̱he̱n ra̱ ko̱ tsa kju̱a̱sꞌen niꞌyaha̱. Tu̱nga Nti̱a̱náhá tsakúchjina nga najmi tjíhin nga kjꞌuajíán xu̱ta̱, tsa xi je ko̱ xi najmi je xi nkú títsu kju̱a̱téxumani̱.
\v 29 Kui kju̱a̱ha nkꞌie nga kichubahanú, najmi jo jan tjíhinna nga kjúái̱senu̱u. Kui bꞌa̱ maha, tꞌinyahanú mí kju̱a̱ha nga kichubahanú.
\p
\v 30 A̱sꞌa̱i bꞌi̱ kitsú Corneli̱o̱:
\p —Ma ñju ni̱stjin, nkú ra̱ ma chu̱ba̱ jan nga ngixuu̱n, niꞌyana̱ tínchjaka̱ Nti̱a̱ná. Tu̱ jꞌai sinjñahá nku nda̱ xi tíbꞌatꞌai najyun xi yja.
\v 31 Kui xi bꞌa̱ kitsúna: “Corneli̱o̱, Nti̱a̱ná tsasínñjuhu̱ ni xi tsinchihi̱ ko̱ tíbe nga tíꞌba̱i̱hi̱ xu̱ta̱ xꞌa̱n ni xi machjéhe̱n.
\v 32 Kui nga nꞌe̱kjíhini nanki Jope̱ já xi ku̱i̱nchja̱ha̱ ra̱ Simon, kui xi ta̱ ꞌmi Pedro̱. Kui xi tíjña niꞌyaha̱ Simon xi fꞌáxi tja̱ba̱xín, nda̱ xi tiña a̱ndai ntáchakꞌuu̱n síjña niꞌyaha̱.”
\v 33 Kui nga tje̱nꞌyún ngjichjꞌahána ji, ko̱ nda kuanꞌei nga kjúái̱. Kui kju̱a̱ha kabintsu̱ba̱ha̱ni̱ e̱i̱ ngayjei̱ nginku̱n Nti̱a̱ná tu̱ xi kꞌu̱a̱sinñjuhu̱ ri̱ ngayjee̱ én xi kitsúhi Nti̱a̱ná nga ku̱i̱xínyani̱.
\s Bꞌi̱ tsꞌín yꞌéni̱jmí Pedro̱ éhe̱n Nti̱a̱ná niꞌyaha̱ Corneli̱o̱
\p
\v 34 A̱sꞌa̱i bꞌi̱ kitsú Pedro̱ nga kikꞌaha̱ éhe̱n:
\p —Mankjinna ndꞌa̱i̱ nga kju̱axi̱ kjáíhin nga najmi ngabi tsꞌín Nti̱a̱ná a̱jihi̱n xu̱ta̱.
\v 35 Tsꞌínkjáín níhi̱ tu̱ má xu̱ta̱ na̱xi̱nantáha ni xi tjín a̱sunntee̱ xi benkjúhu̱n ko̱ xi na̱xu̱ tsꞌín nginku̱n.
\p
\v 36 ’Nti̱a̱ná kitsꞌínkintꞌé xu̱ta̱ xi ntje̱ Israel tje̱he̱n ra̱ én nda tsuhu̱ Jesucristo̱. Kui xi Nda̱ Nti̱a̱ha̱ ngayjee̱ xu̱ta̱ ko̱ kui xi tsjáha̱ xu̱ta̱ kju̱a̱jyuhu̱ Nti̱a̱ná.
\v 37 Yo én xi kichuba ngayjee̱ a̱nte Judea̱, bꞌaha̱ ra̱ a̱nte Galilea̱ nkꞌie nga ja kamaha̱ Jua nga tsaténtá ko̱ yꞌéni̱jmí éhe̱n Nti̱a̱ná.
\v 38 Yo xi nkú tsꞌín Nti̱a̱ná kitsꞌín nibájen Espiri̱tu̱ Santo̱ nga jꞌaitsejíhi̱n ra̱ Jesu, nda̱ xi nibáha nanki Nazaret, ko̱ kitsjáha̱ ngaꞌyún. Kui xi kikjatsúꞌba nga kitsꞌín ni xi nda ko̱ kitsꞌínnkihi̱ ngayjee̱ xi tjíntujíhi̱n jánindoo̱. Nti̱a̱ná kitsꞌínxájihi̱n Jesu.
\p
\v 39 ’Ji̱n kiyai̱ ko̱ bixíyai̱ ngayjee̱ ni xi kitsꞌín Jesu a̱nte Judea̱ ko̱ nanki Jerusalen. Kisꞌetꞌa kruu̱ nga kinꞌekꞌien.
\v 40 Tu̱nga Nti̱a̱náhá kitsꞌínkjꞌáíya ngáha̱ ra̱ ngabayoo̱ ni̱stjin xi ma jahan ko̱ tsakúchjini̱.
\v 41 Najmi ngayjee̱ xu̱ta̱ tsakúchjihi̱ yjoho̱, tu̱ nkuhú ji̱n xi jꞌájin títjunni̱ Nti̱a̱ná nga ku̱i̱xínyai̱ xu̱ta̱ xingisoo̱. Ji̱n kichineko̱i̱ ko̱ kiꞌyuko̱i̱ nkꞌie nga ja jꞌáíya ngáha̱ ra̱ ngabayoo̱.
\p
\v 42 ’Yꞌéxáni̱ nga tjíhin nga kꞌúéni̱jmíhi̱ xu̱ta̱ ko̱ ku̱i̱xínyai̱ nga Nti̱a̱ná kitsjá xáha̱ nga kui ku̱a̱se̱he̱ ni xi nda ko̱ ni xi najmi nda kitsꞌín xu̱ta̱ xi tjíntu tíkꞌun ko̱ xi kꞌien.
\v 43 Ngayjee̱ já profeta̱ kinchja̱ni̱jmíyaha Jesu. Bꞌa̱ i̱ncha kitsú nga nga̱tꞌaha̱ Jesu ka̱ma ndyjatꞌaha̱ ra̱ jéhe̱ ngayjee̱ xu̱ta̱ xi sꞌe̱jihi̱n.
\s Bꞌi̱ tsꞌín kitsꞌínkjáíhi̱n Espiri̱tu̱ Santo̱ xu̱ta̱ xi najmi ntje̱ judio̱ tje̱he̱n ra̱
\p
\v 44 Nkꞌie nga ta̱ tínchja̱ha Pedro̱, tu̱ nibajennehé ra̱ Espiri̱tu̱ Santo̱ ngayjee̱ xu̱ta̱ xi tíi̱ncha basínñjuhu̱ én xi tínchja̱.
\v 45 Kama nkjúhu̱n já ni̱nku̱ xi ntje̱ judio̱ tje̱he̱n ra̱ xi tje̱nko̱ Pedro̱ nkꞌie nga kikie nga Nti̱a̱ná kitsjáha̱ Espiri̱tu̱ Santo̱ xu̱ta̱ xi najmi judio̱.
\v 46 A̱tꞌaha̱ kintꞌé nga kjꞌa̱í kjꞌa̱í én kinchja̱ xu̱ta̱ ko̱ nga kitsꞌínkie yjoho̱ nga Nti̱a̱ná xi tjíhi̱n kju̱a̱chánka. A̱sꞌa̱i bꞌi̱ kitsú Pedro̱:
\p
\v 47 —¿A tjín xi najmi tsjánte nga sa̱téntá xu̱ta̱ xuꞌbi̱ xi ja kuatsꞌínkjáíhi̱n Espiri̱tu̱ Santo̱ xi nkúhu ñá?
\p
\v 48 Bꞌa̱ kitsú Pedro̱ nga sa̱téntá xu̱to̱ a̱tꞌaha̱ ja kisꞌejihi̱n Jesucristo̱. Ja kamoo̱, tsinchihi̱ Pedro̱ nga kꞌúéjña sa yo̱.
\c 11
\s Pedro̱ bꞌi̱ tsꞌín kitsúyaha̱ xu̱ta̱ ni̱nku̱ Jerusalen ni xi kama niꞌyaha̱ Corneli̱o̱
\p
\v 1 Kintꞌé já postru̱ ko̱ já ntsꞌeé xi tjín a̱nte Judea̱ nga xu̱ta̱ xi najmi ntje̱ judio̱ tje̱he̱n ra̱ ta̱ kitsꞌínkjáíhi̱n éhe̱n Nti̱a̱ná.
\v 2 Nkꞌie nga jꞌai ngáha Pedro̱ nanki Jerusalen, yꞌésiko̱ho̱ já judio̱ xi tíi̱ncha tsu nga tjíhin nga nꞌe̱ ni circuncision xi nkú nga títsu kju̱a̱téxumoo̱. Bꞌi̱ kikꞌihi̱n:
\p
\v 3 —¿Á ji tsitjasꞌe̱henni niꞌyaha̱ ko̱ kichineko̱honi já xi najmi kinꞌehe̱ ra̱ ni circuncision?
\p
\v 4 A̱sꞌa̱i kikꞌatutsꞌi̱hi̱n Pedro̱ nga kitsúya chichꞌin ngayjee̱ ni xi kamoo̱. Bꞌi̱ kitsú:
\p
\v 5 —Nkꞌie nga tínchjaka̱ Nti̱a̱ná nanki Jope̱, kama chjina nku ni xi nkúhu tsa nchi̱ni kikꞌa̱i̱na. Kikie nku ni xi bꞌa̱ tjín xi nkú joyaha nku najyun tjebe chánka xi tjítꞌaꞌyún nga ñjuu̱ nku̱n. Nibajehen nkꞌa ján ko̱ jꞌaijén santaha má tíi̱jña.
\v 6 Nkꞌie nga tsase nda nda mí nihi xi tíi̱nchaha̱, kikie chu̱ xi bꞌema, chu̱ xi tjín ngijñóo̱, xi bꞌéfe yjoho̱ tꞌanankiu̱ ko̱ ni̱se xi bꞌematje̱n nkꞌa ján.
\p
\v 7 ’A̱sꞌa̱i kintꞌe nku nta̱ xi bꞌi̱ kitsúna: “Pedro̱, ti̱síntje̱i̱n. Nꞌe̱kꞌiein chu̱ ko̱ chi̱ne̱i̱.”
\v 8 Bꞌa̱ kixian: “Najmi, Nda̱ Nti̱a̱. Ndaha̱chí najmi kje̱e kjíne̱ ni xi tíjña nkjúhu̱n kju̱a̱téxumoo̱ nga ka̱ma chi̱ne̱, ni xi najmi je nginku̱n Nti̱a̱ná.”
\v 9 A̱sꞌa̱i ta̱ kinchja̱ko̱hó ngáhana nta̱ xi nibaha nkꞌa ján ni̱yá xi ma joho. “Ni xi kitsꞌín Nti̱a̱ná nga ja je nginku̱n, najmi tu̱ ji ꞌmihi̱ nga najmi je nginku̱n”, kitsúna.
\v 10 Jan ni̱yá bꞌa̱ kama, a̱sꞌa̱i ngjinji ngáha nkꞌa ján ngayjee̱ niu̱.
\p
\v 11 ’Ta̱ kuihi chu̱bo̱ tsichu niꞌya xi má nga tíi̱jña jan já xi nibaha Cesarea̱ nga jꞌaikjꞌána.
\v 12 Bꞌa̱ kitsúna Espiri̱tu̱ nga najmi jo jan ka̱mana nga kfínka̱ jóo̱. Ta̱ ngjiko̱na já ntsꞌeé xi jun xuꞌbi̱ ko̱ tsitjasꞌe̱i̱n niꞌyaha̱ ndo̱.
\v 13 A̱sꞌa̱i kitsúyani̱ xi nkú tsꞌín kikie nku ntítsje a̱ya niꞌyaha̱ nga jꞌai sinjñatꞌaha̱ ko̱ bꞌa̱ kitsúhu̱: “Nꞌe̱kjí naki Jope̱ já xi ku̱i̱nchja̱ha̱ Simon, kui xi ta̱ ꞌmi Pedro̱.
\v 14 Kui xi ku̱i̱nchja̱ko̱hi. Én xi ku̱i̱tsu̱hi, kui xi tsꞌi̱ínkꞌankihi ko̱ ngayjee̱ xu̱ta̱ xi tsꞌi̱.”
\p
\v 15 ’Nkꞌie nga kikꞌatutsꞌi̱hi̱n nga kinchja, Espiri̱tu̱ Santo̱ nibajennehe̱ xu̱ta̱ xuꞌbo̱ xi nkú tsꞌín nibajennená nga tjuhun.
\v 16 A̱sꞌa̱i jꞌáítsjenna ni xi kitsúná Nda̱ Nti̱a̱ná: “Ntánijua tsaténtáha Jua tu̱nga máha jun, Espiri̱tu̱ Santo̱ sa̱téntáhanu.”
\v 17 Kui bꞌa̱ maha, tsa Nti̱a̱ná ta̱ títsjáha̱ ra̱ xu̱ta̱ xuꞌbo̱ ta̱ kui nihi xi kitsjáná xi sꞌejinná Nda̱ Nti̱a̱ná Jesucristo̱, ¿yáha an tsa kꞌuechjáha̱ ra̱ Nti̱a̱ná?
\p
\v 18 Nkꞌie nga kintꞌé jóo̱ ni xi kitsú Pedro̱, najmi ta̱ ngji kontra̱ha̱ ra̱. Tu̱ sahá kitsꞌíntsjoho̱ Nti̱a̱ná. Bꞌi̱ i̱ncha kitsú:
\p —A xúhu̱ ta̱ ko̱hó xu̱ta̱ xi najmi ntje̱ Israel tje̱he̱n ra̱ kitsjáha̱ Nti̱a̱ná nga ngju̱a̱i̱kjꞌáha̱ ra̱ ani̱ma̱ha̱ tu̱ xi ka̱ma kꞌúéntu tíkꞌun síhin.
\s Bꞌi̱ kama nga kisꞌeni̱jmí éhe̱n Nti̱a̱ná nanki Antiokia̱
\p
\v 19 Nkꞌie nga kinꞌekꞌien Esteba̱n, ta̱ kinꞌe uncha xu̱ta̱ ni̱nku̱ xi kꞌoo̱. Xi kindzjoya i̱ncha tsichu santaha a̱nte Fenici̱a̱, xjo̱ Chipre̱ ko̱ nanki Antiokia̱. Tu̱ nkuhú xu̱ta̱ xi ntje̱ judio̱ tje̱he̱n ra̱ yꞌéni̱jmíhi̱ éhe̱n Nti̱a̱ná.
\v 20 Tu̱nga kisꞌehé a̱jihi̱n jóo̱ kꞌu̱a̱ já xi nibáha xjo̱ Chipre̱ ko̱ já xi nibáha a̱nte Cirene̱ xi i̱ncha tsichu nanki Antiokia̱ ko̱ kinchja̱ko̱ xu̱ta̱ xi najmi ntje̱ judio̱ tje̱he̱n ra̱, xi nchja̱ én griego̱. Yꞌéni̱jmíhi̱ xu̱to̱ én nda tsuhu̱ Nda̱ Nti̱a̱ná Jesu.
\v 21 Ngaꞌyúhu̱n Nti̱a̱ná tsasinko̱ho̱ ko̱ nkjin kama xi kisꞌejihi̱n ko̱ kitsꞌínkjáíhi̱n Nda̱ Nti̱a̱ná.
\p
\v 22 A̱sꞌa̱i kintꞌé xu̱ta̱ ni̱nku̱ xi tjín nanki Jerusalen ni xuꞌbi̱. Kui nga kitsꞌínkjihi Bernabe nanki Antiokia̱.
\v 23 Nkꞌie nga tsichu Bernabe yo̱, kikie xi nkú tsꞌín Nti̱a̱ná títsjáha̱ kju̱a̱ndaha̱ xu̱ta̱ xi tjín yo̱ ko̱ kama tsjoho̱. Bꞌa̱ kitsúhu̱ ngayjee̱ xu̱ta̱ nga ngayjehe kꞌun kasꞌejin tehe̱ntehe̱ Nti̱a̱ná.
\v 24 Bꞌa̱ tsꞌín kinchja̱ Bernabe a̱tꞌaha̱ nda ani̱ma̱ha̱. Kitsejíhi̱n ra̱ Espiri̱tu̱ Santo̱ ko̱ ꞌyún sꞌejihi̱n Nti̱a̱ná. Nkjin ṉkjún sa xu̱ta̱ kisꞌejihi̱n Nda̱ Nti̱a̱ná yo̱.
\p
\v 25 A̱sꞌa̱i ngji Bernabe nanki Tarso̱ nga ngjingisjáí Saulo̱.
\v 26 Nkꞌie nga kisakúhu̱, jꞌaiko̱ Antiokia̱. Yo̱ yꞌentujíhi̱n xu̱ta̱ ni̱nku̱ nku nú tjíhin ko̱ i̱ncha tsakúyaha̱ nkjin ṉkjún xu̱ta̱. Xu̱ta̱ niꞌyakuyáha̱ Jesu xi kisꞌe Antiokia̱, kui xi tjun kikꞌin xu̱ta̱ cristiano̱.\f + \fr 11:26 \ft Xu̱ta̱ xi yjankihi̱ Jesucristo̱ tsuhu̱ ra̱ “xu̱ta̱ cristiano̱”.\f*
\p
\v 27 A̱sꞌa̱i tsitju nanki Jerusalen kꞌu̱a̱ já profeta̱ nga ngji nanki Antiokia̱.
\v 28 Nku ndo̱ xi ꞌmi Aga̱bo̱ tsasinjña nkꞌie nga Espiri̱tu̱ kitsꞌínkinchja̱ha̱ ko̱ kitsúya nga kjintíá sꞌe̱ ngayjee̱ a̱sunntee̱. Bꞌa̱ kama nkꞌie nga tjíhi̱n xá nda̱ títjun Roma̱ xi ꞌmi Claudi̱o̱.
\p
\v 29 Nkꞌie nga kiyaha̱ nga bꞌa̱ ka̱ma, a̱sꞌa̱i yꞌéndako̱ xinkjín xu̱ta̱ niꞌyakuyáha̱ Jesu xi tjín nanki Antiokia̱ xi má nga tsjá nga nkúnkú ni xi tjíhi̱n xi nkú tsꞌín behe̱ kꞌun, tu̱ xi ku̱a̱si̱nko̱ho já ntsꞌeé xi tjín a̱nte Judea̱.
\v 30 Bꞌa̱ i̱ncha kitsꞌín ko̱ kitsꞌínkji Bernabe ko̱ Saulo̱ nga kui xi tsꞌi̱ínkjasꞌehe̱n to̱on chje̱ jácháha̱ xu̱ta̱ ni̱nku̱.
\c 12
\s Bꞌí tsꞌín kinꞌekꞌien Santiago̱ ko̱ bꞌi̱ tsꞌín kinꞌekjasꞌen nu̱ba̱yá Pedro̱
\p
\v 1 Kui ni̱stjin xuꞌbo̱ nda̱ rei̱ Herode̱ Agripa̱ jakjꞌánijé kꞌu̱a̱ xu̱ta̱ ni̱nku̱ tu̱ xi kitsꞌínꞌuhu̱n ra̱.
\v 2 Bꞌa̱ kitsú nga ki̱cha̱ nꞌe̱kꞌiehen Santiago̱ nda̱ ntsꞌe̱ Jua.
\v 3 Nkꞌie nga kikie nga tsjo kamaha̱ já judio̱ ni xi kitsꞌín, ta̱ jakjꞌánijé Pedro̱. Sꞌí Pascu̱a̱ bꞌa̱ kamoo̱, ni̱stjin nga chine ni̱nku̱a̱n xi najmi tjíhi̱n na̱ꞌyu̱ san.
\p
\v 4 Nkꞌie nga jakjꞌánijé Pedro̱, kitsꞌínkjasꞌen nu̱ba̱yá má nga ñju tjíhin kitsꞌínkꞌa xinkjín já jun xi kúnntaha̱. A̱tꞌaha̱ mjehe̱ Herode̱ tsꞌi̱ínko̱kju̱a̱ Pedro̱ nginku̱n xu̱ta̱ nkꞌie nga kjꞌu̱a̱ sꞌíu̱.
\v 5 Kui nga kichunntáha Pedro̱ nga kjiyaha nu̱ba̱yóo̱, tu̱nga ꞌyúhún kinchja̱ko̱ Nti̱a̱ná xu̱ta̱ ni̱nku̱ nga tíbankintjáí Pedro̱.
\s Bꞌi̱ tsꞌín tsitju nu̱ba̱yóo̱ Pedro̱
\p
\v 6 Ni xi kama nku ni̱stje̱n kintehe̱ ni nga tsꞌi̱ínko̱kju̱a̱ Herode̱ Pedro̱ nginku̱n xu̱ta̱, kjife Pedro̱ nga kjijñaya masehe̱n jo já jun. Jo nꞌúki̱cha̱ tjíkjáha̱. Ko̱ kjꞌa̱í já jun xi tíi̱ncha kunntá a̱nkju̱a̱ nu̱ba̱yóo̱.
\v 7 A̱sꞌa̱i tu̱ nkuhú ntítsjehe̱ Nti̱a̱ná jꞌai sinjña yo̱ ko̱ kama ndzjen a̱ya nu̱ba̱yóo̱. Kitsꞌínko̱ tjiaha̱ Pedro̱ nga kitsꞌínkjꞌáha̱ ko̱ bꞌi̱ kitsúhu̱:
\p —Ki̱tsa̱ ti̱síntje̱i̱n.
\p A̱sꞌa̱i tsixuntu nꞌúki̱cha̱ xi tjíkjá ntsja Pedro̱.
\v 8 Bꞌi̱ kitsú ya ntítsjee̱:
\p —Tꞌeꞌyúnkjáí tja̱ba̱xín ndayáhi̱ ko̱ tjayai tja̱ba̱xín ntéhi̱.
\p A̱sꞌa̱i bꞌa̱ kitsꞌín Pedro̱. Bꞌi̱ kitsú yaha̱:
\p —Tjasuntjiai najyun ndjuhi̱ ko̱ tsjénnkiní.
\p
\v 9 A̱sꞌa̱i kitsjennkíhi̱ Pedro̱ ntítsjee̱ nga ndaha najmi be tsa kju̱axi̱ a ra̱ najmi kju̱axi̱ ni xi títsꞌín ntítsjee̱. Bꞌa̱ kamaha̱ xi nkúhu tsa chi̱ni tíꞌba̱i̱hi̱.
\v 10 I̱ncha jꞌa má tjíntu já jun xi tjun tíi̱ncha kunntá yo̱ ko̱ ta̱ jꞌa xi ma joho. I̱ncha tsichu a̱nkju̱a̱ ki̱cha̱ xi tje̱n ni̱yáté xi fi a̱jin na̱nti̱o̱. Tsixꞌá suba a̱nkju̱o̱. Nkꞌie nga i̱ncha tsitju ko̱ jꞌa nku ni̱yáté tjíhin, tje̱nꞌyún kindyjahá ntítsjee̱ nga ngji tꞌaxíhi̱n Pedro̱.
\p
\v 11 A̱sꞌa̱i kamankjihi̱n Pedro̱ xi nkúhu tsa jꞌa ngáha̱ ra̱ ko̱ bꞌa̱ kitsú:
\p —Kju̱axi̱ nga Nti̱a̱ná kuatsꞌín nibá ntítsjehe̱. Kꞌuakasjeꞌana a̱ya ntsja Herode̱ Agripa̱ ko̱ ngayjee̱ ni xi tíkuyáha̱ xu̱ta̱ judio̱.
\p
\v 12 Nkꞌie nga ja kamankjihi̱n ni xi kamoo̱, a̱sꞌa̱i ngji niꞌyaha̱ Maria̱ na̱aha̱ Jua xi ta̱ ꞌmi ya Marco̱, má kama ñjakú nkjin xu̱ta̱ nga tínchja̱ko̱ Nti̱a̱ná.
\v 13 Kitsꞌínkjane Pedro̱ a̱nkju̱o̱ ko̱ ta̱kjín xi ꞌmi Rode̱ jꞌaisehe̱.
\v 14 Nkꞌie nga kintꞌé ta̱kjíu̱n nta̱ha̱ Pedro̱, ꞌyún kama tsjoho̱ ko̱ tsangatsanka nga ngji tsúyaha̱ xu̱ta̱ xingisoo̱ nga a̱sti a̱nkju̱o̱ síjña Pedro̱. Ta̱ ndaha najmi kikjexꞌá a̱nkju̱o̱.
\p
\v 15 —¿A tíma luku̱ ní? —kikꞌihi̱n.
\p Tu̱nga bꞌa̱há kitsú ta̱kjíu̱n nga kju̱axi̱ niu̱.
\p —Kutsa ntítsjehe̱ ní Pedro̱ niu̱ —kitsú jóo̱.
\p
\v 16 Máha Pedro̱, tu̱ nku títsꞌínkjanehé a̱nkju̱o̱. Nkꞌie nga kikjexꞌá a̱nkju̱o̱ jóo̱ ko̱ kikie nga Pedro̱ niu̱, tu̱ ni xí kitsankjúhún.
\v 17 Tu̱nga kitsꞌínkꞌajnihí ntsja Pedro̱ nga bꞌa̱ kitsú nga najmi ku̱i̱nchja̱ jóo̱. Kitsúyaha̱ xi nkú tsꞌín Nti̱a̱ná kikꞌonsjehe̱ a̱ya nu̱ba̱yóo̱ ko̱ bꞌa̱ kitsúhu̱ jóo̱:
\p —Tꞌinyoho̱o Santiago̱ ko̱ já ntsꞌeé ni xi kamoo̱.
\p A̱sꞌa̱i tsitju nga ngji tꞌaxín.
\p
\v 18 Nkꞌie nga kama see̱n, ndaha najmi be nkú tsꞌi̱ín já juu̱n, a̱tꞌaha̱ najmi be má kafíhi̱ Pedro̱.
\v 19 Kitsjá kju̱a̱ Herode̱ Antipa̱ nga ku̱i̱nchísjai, tu̱nga najmi kisakúhú ra̱. Kui nga kitsꞌínko̱kju̱a̱ha já jun xi tíi̱ncha kunntá nu̱ba̱yóo̱ ko̱ bꞌa̱ kitsú nga nꞌe̱kꞌien. Kui ni̱stjiu̱n tsitju Herode̱ Agripa̱ a̱nte Judea̱ nga ngjikꞌiejña nanki Cesarea̱.
\s Bꞌi̱ tsꞌín kꞌien Herode̱ Agripa̱
\p
\v 20 Herode̱ Agripa̱ tíjñachánko̱ xu̱ta̱ nanki Tiro̱ ko̱ xu̱ta̱ nanki Sidon. A̱sꞌa̱i nkuhú kitsꞌín yjoho̱ xu̱ta̱ xuꞌbo̱ nga jꞌaisehe̱ Herode̱. Títjun nda kinchja̱ko̱ nda̱ Blasto̱, kui xi nku nda̱ kꞌaku̱ a̱jihi̱n já xi tsꞌínxátꞌaha̱ nda̱ rei̱. A̱skahan kinchja̱ko̱ nda̱ rei̱ nga tsankihi̱ kju̱a̱jyu, a̱tꞌaha̱ xu̱ta̱ nankihi̱ jóo̱ nankihi̱ nda̱ rei̱ bꞌatse nichine.
\p
\v 21 Ni̱stjin xi kitsú Herode̱ nga ku̱i̱nchja̱ni̱jmíko̱ jóo̱, kingja najyun tsjo tjíhi̱n ko̱ yꞌejña a̱nte má nga tsꞌín kju̱a̱ ko̱ kinchja̱ya.
\v 22 A̱sꞌa̱i bꞌi̱ kitsú xu̱ta̱ nga i̱ncha kikjintáya:
\p —Najmi nda̱ xi tínchja̱i̱. Nti̱a̱há niu̱.
\p
\v 23 Ta̱ kuihi chu̱bo̱ nku ntítsjehe̱ Nti̱a̱ná kitsjá chꞌihi̱n Herode̱, a̱tꞌaha̱ najmi tjun yꞌéjña Nti̱a̱ná tsa kitsꞌínkie yjoho̱ nga Nti̱a̱náhá xi chánka. Chju̱ntu kikjinehe̱ ko̱ kꞌien.
\p
\v 24 Tu̱nga ngjindjuhú éhe̱n Nti̱a̱ná ko̱ kisꞌeni̱jmí tu̱ má xi tje̱hén ni.
\v 25 Bernabe ko̱ Saulo̱, nkꞌie nga kama ndju̱úhu̱ xá xi kikꞌa̱i̱hi̱ nanki Jerusalen, kikꞌóya ngáha nga ngjiko̱ Jua xi ta̱ ꞌmi Marco̱.
\c 13
\s Bꞌi̱ tsꞌín kikꞌa̱i̱ xáha̱ Bernabe ko̱ Saulo̱
\p
\v 1 A̱jihi̱n xu̱ta̱ ni̱nku̱ nanki Antiokia̱ yꞌentu Bernabe, Simon xi ta̱ ꞌmi Nda̱ Jma, Luci̱o̱ xi nibáha a̱nte Cirene̱, Manaen xi kama cháko̱ Herode̱ Antipa̱ xi tsatéxuma a̱nte Galilea̱, ko̱ Saulo̱. Kui jái̱ xi já profeta̱ ko̱ já maestru̱.
\v 2 Nkꞌie nga kama ñjakú nga tíi̱ncha tsꞌíntsjoho̱ Nti̱a̱ná ko̱ nga tjíntu kjintíá, a̱sꞌa̱i Espiri̱tu̱ Santo̱ bꞌi̱ kitsúhu̱:
\p —Nꞌe̱ tꞌaxínnú Bernabe ko̱ Saulo̱ tu̱ xi tsꞌi̱íhin xá xi tsjaha̱.
\p
\v 3 Yꞌentu kjintíá xu̱ta̱ ni̱nku̱, kinchja̱ko̱ Nti̱a̱ná ko̱ kingjénne ntsja Bernabe ko̱ Saulo̱. A̱sꞌa̱i kitsꞌínkji.
\s Bꞌi̱ tsꞌín yꞌéni̱jmí éhe̱n Nti̱a̱ná Saulo̱ ko̱ Bernabe xjo̱ Chipre̱
\p
\v 4 Kui bꞌa̱ maha, nkꞌie nga kitsꞌínkjihi̱ ra̱ Espiri̱tu̱ Santo̱ jóo̱, i̱ncha ngji nanki Seleuci̱a̱ ko̱ yo̱ jasꞌen nku tsutsu xi ngjiko̱ho̱ xjo̱ Chipre̱.
\v 5 Nkꞌie nga tsichu nanki Salamina̱, yꞌéni̱jmí éhe̱n Nti̱a̱ná niꞌya sinagoga̱ha̱ xu̱ta̱ judio̱ xi tjín yo̱. Ta̱ i̱ncha tje̱nko̱ ya Jua nga tíbasinko̱ho̱.
\p
\v 6 A̱sꞌa̱i i̱ncha jꞌatikjá ngayjee̱ xjo̱ Chipre̱ ko̱ tsichu nanki Pafo̱. Yo̱ kisatéjin nku nda̱tjꞌe judio̱ xi ꞌmi Barjesu. Nku nda̱ profeta̱ kitsꞌín ma yjoho̱
\v 7 ko̱ tje̱nko̱ nda̱ títjuhu̱n Chipre̱. Nku nda̱ kitikju̱a̱ xi ꞌmi Sergi̱o̱ Paulo̱ nda̱ títjuu̱n. A̱sꞌa̱i kinchja̱ha̱ Bernabe ko̱ Saulo̱, a̱tꞌaha̱ mjehe̱ ku̱a̱sínñjuhu̱ éhe̱n Nti̱a̱ná.
\v 8 Tu̱nga nda̱tjꞌee̱, xi ta̱ Elima̱ ꞌmi ya nga én griego̱, ngji kontra̱ha̱ Bernabe ko̱ Saulo̱. Yꞌéchꞌoho̱ nda̱ títjuu̱n tu̱ xi najmi sꞌe̱jihi̱n ra̱ yáha Jesu.
\p
\v 9 A̱sꞌa̱i jꞌaitsejíhi̱n ra̱ Espiri̱tu̱ Santo̱ Saulo̱, xi ta̱ ꞌmi ya Pablo̱. Tsaseꞌa nda̱tjꞌee̱
\v 10 ko̱ bꞌi̱ kitsú:
\p —¡Ji xi tu̱ nku chꞌana̱cha̱há ri̱ xu̱ta̱ ko̱ ꞌyún chꞌonkꞌuin! ¡Ji xi ntíhi̱ nda̱nindoo̱, a̱tꞌaha̱ bꞌa̱ tínꞌei xi nkú tsꞌín! ¡Ji xi tinchun kontra̱i̱hi̱ ngayjee̱ ni xi na̱xu̱ nginku̱n Nti̱a̱ná! ¿A tu̱ nku nꞌe̱tsitinní ni xi nda tjíhi̱n Nti̱a̱ná?
\v 11 Ndꞌa̱i̱ ngju̱a̱i̱ kontra̱hi ngaꞌyúhu̱n Nti̱a̱ná. Ka̱ma ka̱i̱. Chuba ni̱stjin najmi ta̱ cha̱hani tsꞌíu̱.
\p Ta̱ kuihi chu̱bo̱ tje̱nꞌyún najmi ta̱ kama chjihí ra̱ nda̱tjꞌee̱. Kama jyuhu̱n ko̱ chu̱ba̱ kikjatsúꞌbahá nga tsangisjai nku xi kjébénkihi̱.
\v 12 Nkꞌie nga kikie nda̱ títjuu̱n ni xi kamoo̱, kama nkjúhu̱n ni xi tsakúya Pablo̱ nga yáha Nda̱ Nti̱a̱ná Jesu ko̱ kisꞌejihi̱n Jesu.
\s Bꞌi̱ tsꞌín yꞌéni̱jmí Pablo̱ éhe̱n Nti̱a̱ná a̱nte Pisidi̱a̱
\p
\v 13 A̱sꞌa̱i Pablo̱ ko̱ já xi tje̱nko̱ jasꞌen nku tsutsu. Tsitju nanki Pafo̱ ko̱ tsichu Perge̱, nanki xi tíjñajihi̱n a̱nte Panfili̱a̱. Yo̱ yꞌéjña Jua jóo̱ ko̱ kikꞌóya ngáha nanki Jerusalen.
\v 14 Pablo̱ ko̱ já xingisoo̱ tsitju nanki Perge̱ ko̱ ngji nanki Antiokia̱, nanki xi tíjñajihi̱n a̱nte Pisidi̱a̱. Nku xua̱tu̱ jasꞌen niꞌya sinagoga̱ xi síjña yo̱ ko̱ yꞌentu.
\v 15 Nkꞌie nga kinꞌeya xu̱ju̱n kju̱a̱téxumoo̱ ko̱ xu̱ju̱n já profeta̱, bꞌi̱ kitsú já kꞌaku̱hu̱ xu̱ta̱ niꞌya sinagoga̱ nga kinchja̱:
\p —Jun já ntsꞌe, tsa tjínnu̱u én xi kꞌúéni̱jmíhu̱u xu̱ta̱, chu̱bo ndꞌa̱i̱.
\p
\v 16 A̱sꞌa̱i tsisintje̱n Pablo̱. Kingjénnkꞌa ntsja tu̱ xi ku̱a̱sínñjuhu xu̱ta̱ ko̱ bꞌi̱ kitsú:
\p —Jun xi ntje̱ Israel tje̱he̱nnu̱u ko̱ jun xi najmi ntje̱ Israel tje̱he̱nnu̱u xi yankjún Nti̱a̱ná, ta̱sinñjunú.
\v 17 Nti̱a̱ha̱ xu̱ta̱ Israel, kui xi jꞌájihi̱n ntje̱ cháná ko̱ nku na̱xi̱nantá chánka kitsꞌín ma nkꞌie nga tjíntu sa a̱nte Egipto̱, má nga yꞌentutꞌá xꞌa̱n. A̱skahan ngaꞌyúhu̱n kikꞌonsjeko̱ho ntje̱ cháná a̱nte Egipto̱.
\v 18 Kitsꞌíntsentaha̱ a̱nte kixiu̱ nkú ra̱ ma yachán nú.
\v 19 Kitsꞌínkje yatu nanki i xi tjín a̱nte Canaan ko̱ kitsjáha̱ ntje̱ cháná a̱ntehe̱ tu̱ xi ka̱ma tsꞌe̱he.
\p
\v 20 ’A̱skahan, nkú ra̱ ma tsa ñju unchan ko̱ cháte nú, Nti̱a̱ná kitsjá xáha̱ já jue tu̱ xi ku̱a̱téxumaha̱ ra̱ na̱xi̱nantáná santaha nga tsichu ni̱stjihi̱n nda̱ profeta̱ Samuel.
\v 21 A̱sꞌa̱i tsanki na̱xi̱nantáná nga nku nda̱ rei̱ ku̱a̱téxumaha̱. Bꞌa̱ tsꞌín Nti̱a̱ná kitsjáha̱ ra̱ nku nda̱ rei̱. Yachán nú tjíhin tsatéxuma Saul xi ntíhi̱ Cis xi yꞌaha̱ ra̱ ntje̱he̱ Benjamin.
\p
\v 22 ’A̱skahan Nti̱a̱ná kikjeꞌáha̱ xóo̱ Saul ko̱ David kitsꞌín ma nda̱ rei̱hi̱ xu̱ta̱. Kitsúya Nti̱a̱ná yáha David: “Kuasakúna David ntíhi̱ Isai. Kui xi nku nda̱ xi tsjo maha̱ ani̱ma̱na̱, xi tsꞌi̱íntjusunyje xi nkú nga tsꞌín mjena.”
\v 23 Ntje̱he̱ David nibaha nda̱ xi kitsúya títjun Nti̱a̱ná nga tsꞌi̱ín nibásehe̱ xu̱ta̱ Israel tu̱ xi tsꞌi̱ínkꞌankihi. Kui ndo̱ xi Jesu.
\p
\v 24 ’Kintehe̱ ni nga jꞌai Jesu, Jua yꞌéni̱jmíhi̱ ngayjee̱ xu̱ta̱ Israel. Bꞌa̱ kitsúhu̱ nga tjíhin nga ngju̱a̱i̱kjꞌáha̱ ra̱ ani̱ma̱ha̱ ko̱ sa̱téntá.
\v 25 Nkꞌie nga ja tíbichúkjetꞌa xáha̱ Jua, bꞌa̱ kitsú: “¿Yá xi tíbixíún nga an? Najmi an nda̱ xi tíchuyóho̱o. A̱skahan nibá nku xi ꞌyún nkꞌa tje̱n sa nga an, nga santaha najmi an tsuhuna tsa an kjendáya nꞌúhu̱ ntéhe̱.”
\p
\v 26 ’Jun já ntsꞌe, jun xi ntje̱he̱ Abraham ko̱ jun xi najmi Israel tje̱he̱nnu̱u xi yankjún Nti̱a̱ná, ñá kinꞌe nibáná én xuꞌbi̱ xi tsꞌi̱ínkꞌankiná.
\v 27 A̱tꞌaha̱ xu̱ta̱ Jerusalen ko̱ já tjíxáha̱ najmi kamankjihi̱n yáha Jesu ko̱ ta̱ ndaha ni xi tjítꞌa xu̱ju̱hu̱n já profeta̱ xi nꞌeya xki̱ xua̱tu̱. I̱ncha kitsú nga ngabaya tje̱he̱n ra̱ Jesu. Bꞌa̱ tsꞌín i̱ncha kitsꞌíntjusuhun ni xi yꞌétꞌa já profeta̱.
\v 28 Ndaha tsa najmi kisakújihi̱n mí kju̱a̱ha nga ka̱ma nꞌe̱kꞌiehen, tu̱nga tsinchihí ra̱ Pilato̱ nga nꞌe̱kꞌien Jesu.
\p
\v 29 ’Nkꞌie nga ja kitsꞌíntjusun jóo̱ ngayjee̱ ni xi tjítꞌa xu̱ju̱n éhe̱n Nti̱a̱ná má nga tínchja̱ni̱jmíyaha Jesu, a̱sꞌa̱i kikjeje̱ntꞌa kruu̱ ko̱ kingjáyanji.
\v 30 Tu̱nga Nti̱a̱náhá kitsꞌínkjꞌáíya ngáha̱ ra̱ ngabayoo̱.
\v 31 Jesu nkjin ni̱stjin tsakúchjihi̱ yjoho̱ já xi tsitjuko̱ho̱ a̱nte Galilea̱ nga ngjiko̱ho̱ nanki Jerusalen. Ndꞌa̱i̱ kui já xuꞌbo̱ xi tíi̱ncha tsuyaha̱ xu̱ta̱ ni xi i̱ncha kikie.
\p
\v 32 ’Ji̱n ta̱ tíbixínyai̱ én nda tsu xuꞌbi̱ xi tínchja̱ ni xi Nti̱a̱ná kitsúya títjuhu̱n ntje̱ cháná nga tsjáha̱.
\v 33 Kui niu̱ xi ja kitsꞌíntjusun Nti̱a̱ná ngandaná ñá xi yꞌahaná ntje̱he̱ ntje̱ cháná, nkꞌie nga kitsꞌínkjꞌáíyaha̱ Jesu ngabayoo̱. Xi nkú tsꞌín tjítꞌa xu̱ju̱n salmo̱ xki̱ jo: “Ji xi Ntína̱, an xi tsichu ma Na̱ꞌmihi̱.”
\v 34 Nti̱a̱ná kitsꞌínkjꞌáíya ngáha̱ ra̱ Jesu ngabayoo̱ tu̱ xi najmi ta̱ ku̱a̱tsúhun yjonintehe̱. A̱tꞌaha̱ bꞌa̱ kitsú: “Tsjanu̱u kju̱a̱ndana̱ xi kixihi̱n David.”
\p
\v 35 ’Kui nga bꞌa̱ ta̱ tsꞌín tjítꞌa yaha kjꞌa̱í salmo̱: “Najmi kꞌu̱a̱i̱ntei nga ku̱a̱tsún yjonintehe̱ nda̱ xi tsꞌi̱.”
\v 36 David, ni̱stjin nga yꞌejña kitsꞌín ni xi mjehe̱ Nti̱a̱ná, a̱sꞌa̱i kꞌien. Kama ñjakúko̱ xi cháha̱ ko̱ jentu yjonintehe̱.
\v 37 Tu̱nga máha nda̱ xi Nti̱a̱ná kitsꞌínkjꞌáíya ngáha̱ ra̱ ngabayoo̱, kui xi najmi jentu yjonintehe̱.
\p
\v 38 ’Kui bꞌa̱ maha, jun já ntsꞌe, tjíhin nga cha̱hanu ni xuꞌbi̱. Jesu kitsꞌín nga ka̱ma ndyjatꞌaha̱ xu̱ta̱ jéhe̱. Kui nihi xi tíbꞌeni̱jmíi̱ ndꞌa̱i̱.
\v 39 Kju̱a̱téxumaha̱ Moise najmi kamaha̱ kitsꞌín nda̱ínu̱u ngayjee̱ jé xi tjínnu̱u nginku̱n Nti̱a̱ná, tu̱nga Jesu tsꞌín nda̱íhi̱ jéhe̱ ngayjee̱ xu̱ta̱ xi sꞌejihi̱n.
\p
\v 40 ’Kui nga chúhu̱n ru̱u yjonu̱u nga najmi tu̱ jun ni̱banenu̱u ni xi yꞌétꞌa já profeta̱. A̱tꞌaha̱ bꞌi̱ tsꞌín tjítꞌa xu̱ju̱n éhe̱n Nti̱a̱ná:
\q
\v 41 Cha̱so̱o, jun xi chajnucho xu̱ta̱ xingisoo̱,
\q katuma nkjúnnu̱u ko̱ kandyjajihi̱nsón.
\q A̱tꞌaha̱ an tsꞌian nku ni ni̱stjin nga tintsu̱bo̱o,
\q nku ni xi najmi sꞌe̱jinnu̱u ndaha tsa tjín xi ku̱i̱tsu̱yanu̱u.
\p
\v 42 A̱sꞌa̱i tsitju niꞌya sinagoga̱ Pablo̱ ko̱ já xi tje̱nko̱. Xu̱ta̱ xi tjín yo̱ i̱ncha tsanki nga kꞌúínya saha̱ ni xuꞌbi̱ xua̱tu̱ xinkuu̱.
\v 43 Nkꞌie nga tsitju xu̱to̱, nkjin xu̱ta̱ judio̱ ko̱ xi najmi judio̱ xi benkjún Nti̱a̱ná kitsjennkíhi̱ Pablo̱ ko̱ Bernabe. Kui bꞌa̱ kitsúhu̱ xu̱to̱ nga tjíhin nga kꞌúéntujín kju̱a̱ndaha̱ Nti̱a̱ná.
\p
\v 44 Xua̱tu̱ xinkuu̱ xi mjehé kama ñjakúyjee̱ xu̱ta̱ xi tjín yo̱ tu̱ xi ku̱a̱sínñjuhu̱ ra̱ éhe̱n Nti̱a̱ná.
\v 45 Tu̱nga nkꞌie nga i̱ncha kikie já judio̱ xu̱ta̱ nkjiu̱n, ꞌyún kama nchi̱ni̱. Ngji kontra̱ha̱ ni xi tíbꞌéni̱jmí Pablo̱ ko̱ chꞌon kitsúhu̱.
\v 46 A̱sꞌa̱i ꞌyún ndjá kinchja̱ sa Pablo̱ ko̱ Bernabe. Bꞌi̱ i̱ncha kitsú:
\p —Kamachjéhe̱n nkꞌie nga jun títjun kisꞌeni̱jmínu̱u éhe̱n Nti̱a̱ná, tu̱nga najmi tínꞌekjáíhín ru̱u ée̱n. Bꞌa̱ tsꞌín tíbakuchjíhinu nga najmi tje̱he̱nnu̱u nga ku̱i̱ntsu̱ba̱ tíkꞌun síún. Kui kju̱a̱ha nga tu̱ sahá xu̱ta̱ xi tjín a̱sunntee̱ kuankínkꞌieni̱jmíhi̱ ri̱ ndꞌa̱i̱.
\v 47 A̱tꞌaha̱ bꞌi̱ kitsúni̱ Nti̱a̱ná nga yꞌéxáni̱:
\q Ji xi nkú joyaha nku ndꞌí
\q xi tsjaha̱ xu̱ta̱ xi tjín a̱sunntee̱,
\q tu̱ xi kꞌúínko̱honi én xi tsꞌínkꞌankihi̱ xu̱ta̱
\q santaha má fekuhu̱ a̱sunntee̱.
\p
\v 48 Nkꞌie nga kintꞌé én xuꞌbi̱ xu̱ta̱ xi najmi ntje̱ judio̱ tje̱he̱n ra̱, kama tsjoho̱ ko̱ bꞌa̱ i̱ncha kitsú nga tjíhi̱n kju̱a̱chánka éhe̱n Nti̱a̱ná. Kisꞌejihi̱n ni xi yꞌéni̱jmí Pablo̱ ngayjee̱ xu̱ta̱ xi ja jꞌájin Nti̱a̱ná nga tjíhin nga kꞌúéntu tíkꞌun sín.
\p
\v 49 Ngjindju éhe̱n Nti̱a̱ná nga kisꞌeni̱jmí ngayjee̱ a̱nte xuꞌbo̱.
\v 50 Tu̱nga já judio̱hó tsincháꞌa jminchjín xi benkjún Nti̱a̱ná ko̱ xi nda behe̱ xu̱ta̱, ko̱ ta̱ tsincháꞌa já kꞌaku̱hu̱ nankiu̱ xi má nga tsinchákjaha̱n. Kitsjennkí unkie Pablo̱ ko̱ Bernabe ko̱ kikꞌonsje nankihi̱.
\p
\v 51 A̱sꞌa̱i yꞌétsujne ndyjo tsu̱ku̱ Pablo̱ ko̱ Bernabe tu̱ xi tsakúchjihi nga najmi kui xi tjíhi̱n jé. A̱sꞌa̱i i̱ncha ngji nanki Iconi̱o̱.
\v 52 Xu̱ta̱ xi yjankihi̱ Jesu xi yꞌentu Antiokia̱, nanki xi tíjñajihi̱n Panfili̱a̱, kisꞌe ṉkjúhu̱n kju̱a̱tsjo ko̱ kitsejíhi̱n ra̱ Espiri̱tu̱ Santo̱.
\c 14
\s Bꞌi̱ tsꞌín ja ma kisꞌehé ra̱ ndji̱o̱ Pablo̱ ko̱ Bernabe nanki Iconi̱o̱
\p
\v 1 Nkꞌie nga jasꞌen Pablo̱ ko̱ Bernabe niꞌya sinagoga̱ha̱ xu̱ta̱ judio̱ xi tjín nanki Iconi̱o̱, i̱ncha yꞌéni̱jmí éhe̱n Nti̱a̱ná nga i̱xí nkjihín xu̱ta̱ judio̱ ko̱ xi najmi judio̱ kisꞌejihi̱n ni xi tíi̱ncha bꞌéni̱jmí.
\v 2 Tu̱nga já judio̱ xi najmi sꞌejihi̱n yáha Jesu tsinchákjaha̱n xu̱ta̱ xi najmi judio̱ xi má nga chꞌon tsꞌín ku̱a̱se̱he̱ já ntsꞌeé.
\p
\v 3 Nkjin ni̱stjin tsꞌandayaha̱ Pablo̱ ko̱ Bernabe yo̱. I̱ncha behe̱ kꞌun nga Nda̱ Nti̱a̱ná Jesu tíbasinko̱ho̱ ko̱ ndjá kinchja̱ni̱jmíyaha kju̱a̱ndaha̱ Nda̱ Nti̱a̱ná. Kinꞌechjén jóo̱ nga kitsꞌín kju̱a̱nkjún ko̱ kama ni xi tsakúchji nga kju̱axi̱ én xi tínchja̱.
\p
\v 4 A̱sꞌa̱i tsakjánya yjoho̱ xu̱ta̱ na̱nti̱o̱. Tjín xi kamako̱ xu̱ta̱ judio̱ ko̱ tjín xi kamako̱ já postru̱.
\v 5 Já nankiu̱ ko̱ já judio̱ yꞌéndako̱ já tjíxóo̱ tu̱ xi tsꞌi̱ínꞌuhu̱n ra̱ ko̱ kꞌu̱éhe̱ ra̱ ndji̱o̱ já postru̱.
\v 6 Nkꞌie nga kintꞌé já postru̱ niu̱, Listra̱ ko̱ Derbe̱ i̱ncha tsanka, nanki xi tjíntujíhi̱n a̱nte Licaoni̱a̱. Ko̱ ngji ya a̱nte xi tjíndai yo̱
\v 7 má nga ta̱ i̱ncha yꞌéni̱jmí én nda tsuhu̱ Jesu.
\s Bꞌi̱ kama nanki Listra̱ nkꞌie nga nti̱a̱ tínꞌe ma Pablo̱ ko̱ Bernabe
\p
\v 8 Listra̱ yꞌejña nku nda̱ ni̱ma̱ xi tu̱ bꞌa̱ tsꞌín najmi mahá fi nkúhu nga kitsin. Kui xi yꞌejña
\v 9 nga tsasínñjuhu̱ ni xi tínchja̱ Pablo̱. A̱sꞌa̱i Pablo̱ tsaseꞌa ndo̱ ko̱ kikie nga sꞌejihi̱n xi má nga ka̱manda.
\v 10 A̱sꞌa̱i bꞌi̱ kitsúhu̱ nga ꞌyún kinchja̱:
\p —Ti̱si̱njña kixi̱.
\p A̱sꞌa̱i i̱xí kikjennkꞌáhá ndo̱ ko̱ kikjatsúꞌba.
\v 11 Nkꞌie nga kikie xu̱to̱ ni xi kitsꞌín Pablo̱, bꞌi̱ i̱ncha kitsú nga i̱ncha kikjintáya nga én Licaoni̱a̱:
\p —Ja kafꞌaijénjinná jo nti̱a̱. Yjonintehe̱ xu̱ta̱ i̱ncha kabꞌa.
\p
\v 12 Bꞌa̱ i̱ncha kitsú nga Bernabe xi nti̱a̱ Zeu̱s ko̱ nga Pablo̱ xi nti̱a̱ Herme̱s, a̱tꞌaha̱ Pablo̱ xi tínchja̱.
\v 13 A̱sꞌa̱i nda̱ na̱ꞌmi xi tsꞌínxáha̱ nti̱a̱ Zeu̱s jꞌaiko̱ turu̱ ko̱ naxú tsjo kꞌun a̱nkju̱a̱ha̱ nankiu̱, má nga síjña ni̱nku̱hu̱ nti̱a̱ Zeu̱s. Nda̱ na̱ꞌmiu̱ ko̱ xu̱ta̱ na̱nti̱o̱ i̱ncha mjehe̱ tsjáha̱ chje̱ já postru̱.
\v 14 Tu̱nga nkꞌie nga kamankjihi̱n Bernabe ko̱ Pablo̱ ni xi tímoo̱, kikjenti̱yajen najyuhu̱n ko̱ ki̱tsa̱ ngjijihi̱n xu̱ta̱ na̱nti̱o̱ nga i̱ncha kikjintáya nga
\v 15 bꞌi̱ i̱ncha kitsú:
\p —Jun já, ¿á bꞌa̱ tínꞌehenu? Ta̱ xu̱ta̱ níi̱ xi nkúhu jun. Tíbꞌeni̱jmíi̱ a̱jinnu̱u nga tjíhin nga kꞌúéntu ni xuꞌbi̱ xi najmi chumi ni chjíhi̱ ra̱ ko̱ nꞌe̱kjóho̱on Nti̱a̱ xi tíjña tíkꞌun. Kui xi kitsꞌínnda nkꞌa ján, tꞌanankiu̱, ntáchakꞌuu̱n ko̱ ngayjee̱ ni xi tjíhi̱n.
\v 16 Ni̱stjin nkꞌie kitsjánte Nti̱a̱ná nga xu̱ta̱ xi tjín a̱sunntee̱ tsꞌi̱ín sin chá xi be.
\v 17 Tu̱nga tu̱ nkú kitsjáhá ra̱ xu̱ta̱ ni xi nda tu̱ xi tsakúchjihi yjoho̱. A̱tꞌaha̱ kui xi tsꞌín nibáná tsꞌí ko̱ tsjáná cha̱n xi nda. Tsjáná nichine ko̱ tsꞌíntsehe ani̱ma̱ná kju̱a̱tsjo.
\p
\v 18 Bꞌa̱ kitsú Pablo̱ ko̱ Bernabe. A̱sꞌa̱i tu̱ ni xí kisꞌenkihí ra̱ kju̱a̱ni̱ma̱ nga kꞌu̱échꞌoho̱ xu̱ta̱ nga̱tꞌaha̱ chje̱ xi mjehe̱ tsjá.
\p
\v 19 A̱sꞌa̱i já judio̱ xi nibaha nanki Antiokia̱ ko̱ nanki Iconi̱o̱ jꞌaincháꞌa xu̱ta̱ nkjiu̱n. I̱ncha yꞌéhe̱ ndji̱o̱ Pablo̱ ko̱ kikjebéfehe̱ na̱tsin na̱nti̱o̱. Ja kaꞌme i̱ncha kitsú.
\v 20 Tu̱nga nkꞌiehé nga kama ñjakúndaihi̱ Pablo̱ xu̱ta̱ xi yjankihi̱ Jesu, tsisintje̱n Pablo̱ ko̱ jasꞌen a̱jin na̱nti̱o̱. Ni̱stjin xi ma ndyjuu̱n ngjiko̱ Bernabe nanki Derbe̱.
\p
\v 21 Yꞌéni̱jmí Pablo̱ ko̱ Bernabe én nda tsuhu̱ Jesu nanki Derbe̱ ko̱ nkjin ṉkjún xu̱ta̱ xi tjín yo̱ kitsjennkíhi̱ Jesu. A̱sꞌa̱i kikꞌóya ngáha jóo̱ nanki Listra̱, Iconi̱o̱ ko̱ Antiokia̱.
\v 22 Nkꞌie nga i̱ncha jꞌa yo̱, bꞌa̱ i̱ncha kitsúhu̱ xu̱ta̱ niꞌyakuyóo̱ nga tjíhin nga kꞌúéntujín tehe̱nte ni xi sꞌejihi̱n. Bꞌi̱ kitsú yaha̱:
\p —Nkjin tíkjá kju̱a̱ni̱ma̱ bitjajiáán tu̱ xi bitjasꞌe̱njihinná nga Nti̱a̱ná xi batéxumaná.
\p
\v 23 Xki̱ ni̱nku̱ xi tjín nanki xuꞌbo̱ i̱ncha kinchja̱ko̱ Nti̱a̱ná ko̱ yꞌentu kjintíá, a̱sꞌa̱i yꞌétꞌa xá já xi ku̱a̱se̱he̱ ni̱nku̱. Kitsꞌínkjasꞌen jóo̱ a̱ya ntsja Nti̱a̱ná a̱tꞌaha̱ kisꞌejihi̱n Nti̱a̱ná.
\s Bꞌi̱ tsꞌín i̱ncha jꞌai ngáha Pablo̱ ko̱ Bernabe nanki Antiokia̱ xi tíjñajihi̱n a̱nte Siri̱a̱
\p
\v 24 A̱sꞌa̱i i̱ncha jꞌa Pablo̱ ko̱ Bernabe nanki xi tjín a̱nte Pisidi̱a̱ ko̱ i̱ncha jꞌai a̱nte Panfili̱a̱.
\v 25 Nkꞌie nga ja yꞌéni̱jmí éhe̱n Nti̱a̱ná nanki Perge̱, i̱ncha ngji nanki Atali̱a̱.
\v 26 Yo̱ jasꞌen nku tsutsu xi ngjiko̱ho̱ nanki Antiokia̱, yo̱ má nga kinꞌekjasꞌen a̱ya ntsja Nti̱a̱ná nga tjuhu̱n ni tu̱ xi ku̱a̱si̱nko̱ho̱ ra̱ xá xi tsꞌi̱ín. Jꞌai yo̱ a̱tꞌaha̱ ja kama ndju̱ú xóo̱.
\p
\v 27 Nkꞌie nga jꞌai nanki Antiokia̱, kinchja̱ ñjakúhu̱ xu̱ta̱ ni̱nku̱ ko̱ kitsúyaha̱ ngayjee̱ ni xi kitsꞌínko̱ho̱ Nti̱a̱ná ko̱ xi nkú tsꞌín Nti̱a̱ná kitsjántehe̱ xu̱ta̱ xi najmi ntje̱ judio̱ tje̱he̱n ra̱ xi má nga ko̱ kui sꞌe̱jihi̱n éhe̱n Nti̱a̱ná.
\v 28 Nkjin ni̱stjin tsꞌandayaha̱ Pablo̱ ko̱ Bernabe yo̱ nga yꞌentujíhi̱n xu̱ta̱ xi yjankihi̱ Jesu.
\c 15
\s Bꞌi̱ tsꞌín yꞌénda já postru̱ ko̱ jácháha̱ ni̱nku̱ kju̱a̱sti xi tjun kisakú
\p
\v 1 A̱sꞌa̱i tsichu nanki Antiokia̱ kꞌu̱a̱ já xi nibaha a̱nte Judea̱. Kui xi bꞌi̱ tsꞌín tsakúyaha̱ xu̱ta̱ ni̱nku̱:
\p —Tsa najmi nꞌe̱nu̱u ni circuncision xi nkú tsꞌín tíjña sin chá xi yꞌétꞌaná Moise, najmi ka̱ma kꞌu̱a̱nkiu.
\p
\v 2 Kui nga Pablo̱ ko̱ Bernabe yꞌésiko̱ho jóo̱. ꞌYún kinchja̱ni̱jmíyako̱ho jóo̱ niu̱. Kui nga bꞌa̱ tsꞌín i̱ncha yꞌéndako̱ho xinkjín xu̱ta̱ ni̱nku̱ nga Pablo̱ ko̱ Bernabe ko̱ kꞌu̱a̱ já ni̱nku̱ nanki Antiokia̱ i̱ncha ngju̱a̱i̱ nanki Jerusalen xi má nga ku̱i̱nchja̱ni̱jmíyako̱ho já postru̱ ko̱ jácháha̱ ni̱nku̱ nanki Jerusalen kju̱a̱sti xuꞌbi̱.
\p
\v 3 A̱sꞌa̱i tsitju já xi kitsꞌínkji xu̱ta̱ ni̱nku̱. I̱ncha jꞌa a̱nte Fenici̱a̱ ko̱ a̱nte Samari̱a̱ nga tíi̱ncha tsuya xi nkú tsꞌín kitsꞌínkꞌóntjaiya yjoho̱ ko̱ kisꞌejihi̱n Nti̱a̱ná xu̱ta̱ xi najmi ntje̱ judio̱ tje̱he̱n ra̱. Ngayjee̱ já ntsꞌeé tu̱ xí tsjohó kamaha̱ nga kintꞌé én xuꞌbi̱.
\p
\v 4 Nkꞌie nga i̱ncha jꞌai nanki Jerusalen, xu̱ta̱ ni̱nku̱, já postru̱ ko̱ jácháha̱ ni̱nku̱ kitsꞌínkjáíhi̱n. A̱sꞌa̱i kitsúya jóo̱ ngayjee̱ ni xi kitsꞌínko̱ho̱ Nti̱a̱ná.
\v 5 Tu̱nga tsisintje̱hén kꞌu̱a̱ já fariseo̱ xi ja kisꞌejihi̱n Jesu ko̱ bꞌi̱ i̱ncha kitsú:
\p —Xu̱ta̱ xi najmi ntje̱ judio̱ tje̱he̱n ra̱ tjíhin nga nꞌe̱he̱ ni circuncision ko̱ tjíhin nga sꞌe̱ni̱jmíhi̱ nga tsꞌi̱íntjusun kju̱a̱téxumaha̱ Moise.
\p
\v 6 A̱sꞌa̱i kama ñjakú já postru̱ ko̱ jácháha̱ ni̱nku̱ nga kinchja̱ni̱jmíyako̱ho xinkjín ni xuꞌbi̱.
\v 7 Nkꞌie nga ja ꞌyún tse kinchja̱ni̱jmíyaha niu̱, a̱sꞌa̱i tsisintje̱n Pedro̱ ko̱ bꞌi̱ kitsú:
\p —Jun já ntsꞌe, ja yo nga ndꞌa̱i jꞌájihinna Nti̱a̱ná a̱jinnu̱u xi má nga an xínyaha̱ xu̱ta̱ xi najmi ntje̱ judio̱ tje̱he̱n ra̱ én nda tsuhu̱ Jesu tu̱ xi sꞌe̱jihi̱n ra̱.
\v 8 Nti̱a̱ná be ani̱ma̱ha̱ ngayjee̱ xu̱ta̱ ko̱ kui tsakúchji nga ta̱ kitsꞌínkjáíhi̱n xu̱ta̱ xuꞌbo̱ nkꞌie nga kitsjáha̱ Espiri̱tu̱ Santo̱ xi nkú tsꞌín kitsjáná.
\v 9 Najmi ngabi kitsꞌín Nti̱a̱ná a̱jihi̱n xu̱ta̱ xuꞌbo̱ ko̱ a̱jinná. Tu̱ sahá ta̱ kitsꞌín je ani̱ma̱ha̱ tu̱ nga̱tꞌaha̱ nga kisꞌejihi̱n Jesu.
\p
\v 10 ’Kui bꞌa̱ maha ndꞌa̱i̱, ¿á tíbankín kontra̱ha̱ ru̱u Nti̱a̱ná nga mjehe̱nu̱u nꞌe̱kꞌanjihinu xu̱ta̱ xi sꞌejihi̱n ra̱ Jesu chꞌá xi najmi tsichukju̱a̱ha̱ ra̱ ntje̱ cháná ko̱ xi ta̱ ndaha ñá najmi chúkju̱a̱ná nga chꞌanjiá?
\v 11 Sꞌejin níná nga kꞌu̱a̱nkiá tu̱ nga̱tꞌaha̱ kju̱a̱ndaha̱ Nda̱ Nti̱a̱ná Jesu xi nkú ko̱ ta̱ tsꞌín kꞌu̱a̱nki xu̱ta̱ xuꞌbo̱.
\p
\v 12 A̱sꞌa̱i kindyjanta ngayjee̱ xu̱ta̱ ko̱ tsasínñjuhu̱ ni xi kitsú Bernabe ko̱ Pablo̱, xi nkú tsꞌín Nti̱a̱ná kitsjáha̱ ngaꞌyún nga kitsꞌín a̱jihi̱n xu̱ta̱ xi najmi ntje̱ judio̱ tje̱he̱n ra̱ kju̱a̱nkjún ko̱ ni xi tsakúchji kju̱a̱chánkaha̱ Nti̱a̱ná.
\v 13 Nkꞌie nga ja kamaha̱ nga i̱ncha kinchja̱ Bernabe ko̱ Pablo̱, bꞌi̱ kitsú Santiago̱ nga kinchja̱:
\p —Jun já ntsꞌe, ta̱sinñjunú.
\v 14 Ja kuatsúyaná Simon xi nkú tsꞌín Nti̱a̱ná kikꞌatutsꞌi̱hi̱n ra̱ nga kama ni̱ma̱ha̱ xu̱ta̱ xi najmi ntje̱ Israel tje̱he̱n ra̱ ko̱ jꞌájin a̱jihi̱n xu̱ta̱ xuꞌbo̱ nku na̱xi̱nantá xi ta̱ ka̱ma tsꞌe̱.
\v 15 Ta̱ kui nii̱ xi kitsú já profeta̱ má nga bꞌi̱ tsꞌín yꞌétꞌa:
\q
\v 16 A̱skahan kjúái̱ ngáhana
\q ko̱ tsꞌinndáya ngáhana niꞌyaha̱ David xi ja tsijneya.
\q Tsꞌinndáya ni xi tsatsuu̱n ko̱ kjesíntje̱n ngáhana,
\q
\v 17 tu̱ xi xu̱ta̱ xingisoo̱ ku̱a̱ngisjaihina,
\q ngayjee̱ xu̱ta̱ xi jꞌajíán.
\q
\v 18 Bꞌa̱ kitsú Nti̱a̱ná, kui xi yꞌéjña chji ni xuꞌbi̱
\q santaha nkúhu nú chá ján.
\p
\v 19 ’Kui nga bꞌa̱ tíxihinna nga najmi tu̱ nchjá nꞌehe̱ ra̱á ée̱n xu̱ta̱ xi najmi ntje̱ Israel tje̱he̱n ra̱ xi sꞌejihi̱n Nti̱a̱ná.
\v 20 Tu̱ sahá nꞌe̱kjíhi̱í xu̱ju̱n nga bꞌa̱ kꞌúíhi̱ín nga najmi tu̱ kji̱ne̱ nichine xi chje̱ kikꞌa̱i̱hi̱ ra̱ nti̱a̱ xi tsꞌínnda xu̱ta̱, nga najmi tu̱ katjantuko̱ jminchín nga najmi kje̱e bixan, nga najmi kji̱ne̱ yjoho̱ chu̱ xi nubantu, ko̱ nga najmi kji̱ne̱ jní.
\v 21 A̱tꞌaha̱ santaha nkúhu nkꞌie tjín xi bꞌéni̱jmí kju̱a̱téxumaha̱ Moise xki̱ nanki nkꞌie nga nꞌeya kju̱a̱téxumoo̱ xki̱ xua̱tu̱ niꞌya sinagoga̱.
\s Bꞌi̱ tsu xu̱ju̱n xi kitsꞌínkji já postru̱ ko̱ jácháha̱ ni̱nku̱ Jerusalen
\p
\v 22 A̱sꞌa̱i yꞌéndako̱ xinkjín já postru̱ ko̱ jácháha̱ ni̱nku̱ ko̱ ngayjee̱ xu̱ta̱ ni̱nku̱ nga kjꞌu̱ájin já xi tsꞌi̱ínkjiko̱ Pablo̱ ko̱ Bernabe nanki Antiokia̱. Yꞌétꞌa xá Juda̱ xi ta̱ ꞌmi Barsaba ko̱ Sila̱. Já kꞌaku̱ a̱jihi̱n já ntsꞌeé já xuꞌbi̱.
\v 23 Bꞌi̱ tsu xu̱ju̱n xi kamanda:
\p “Ji̱n, já postru̱ ko̱ jácháha̱ ni̱nku̱ Jerusalen, tínꞌekjíi̱hi̱ kju̱a̱suniña já ntsꞌeé xi najmi ntje̱ judio̱ tje̱he̱n ra̱ xi tjíntu nanki Antiokia̱ ko̱ nanki xi tjíntujín a̱nte Siri̱a̱ ko̱ a̱nte Silici̱a̱.
\p
\v 24 ’Kinuꞌyái̱ nga tjín kꞌu̱a̱ já xi e̱i̱ tsitjujihi̱nni̱, já xi najmi ji̱n yꞌexái̱. Kitsꞌín ntji̱nu̱u ni xi tsakúya jóo̱ ko̱ kitsꞌínndyjajinnu̱u xi nkú tsꞌín sꞌejinnu̱u.
\v 25 Kui nga tjínkuhu̱ni̱ nga yꞌétꞌa xái̱ já xi tínꞌekjíko̱i̱ Bernabe ko̱ Pablo̱. Kui xi tjoni̱
\v 26 ko̱ kui xi ja kitsjáha̱ yjoho̱ nga tsa ku̱a̱yá nga̱tꞌaha̱ Nda̱ Nti̱a̱ná Jesucristo̱.
\v 27 Tínꞌekjíi̱ Juda̱ ko̱ Sila̱, kui xi ku̱i̱nchja̱ko̱nu̱u nga ku̱i̱tsu̱yanu̱u ni xi yꞌendai̱.
\p
\v 28 ’A̱tꞌaha̱ Espiri̱tu̱ Santo̱ ko̱ ji̱n bꞌa̱ mani̱ nga nda tjín nga tu̱ nkuhú chꞌá xuꞌbi̱ xi nꞌe̱kꞌanjii̱hi̱, xi tjíhin nga nꞌe̱tjusun.
\v 29 Najmi tu̱ chino nichine xi chje̱ kikꞌa̱i̱hi̱ ra̱ nti̱a̱ xi tsꞌínnda xu̱ta̱, ta̱ ndaha jní, ta̱ ndaha yjoho̱ chu̱ xi kinubantu, ko̱ najmi tu̱ suntuko̱ jminchjín nga najmi kje̱e bixon. Tsa kꞌúéntu tꞌaxíún ni xuꞌbi̱, nda nꞌo̱o. Nda katꞌenu̱u.”
\p
\v 30 A̱sꞌa̱i i̱ncha ngji já xi kisꞌetꞌa xóo̱ ko̱ i̱ncha tsichu nanki Antiokia̱. Yo̱ kinchja̱ ñjakúhu̱ ngayjee̱ xu̱ta̱ ni̱nku̱ ko̱ kitsꞌínkjasꞌehe̱n xu̱ju̱n.
\v 31 Nkꞌie nga kitsꞌínyaha̱ xu̱ju̱n xu̱ta̱ ni̱nku̱, tsjo i̱ncha kamaha̱ a̱tꞌaha̱ kichjuxíhi̱n ni xi títsꞌín ntji̱hi̱.
\v 32 Juda̱ ko̱ Sila̱ xi ta̱ já profeta̱ tse kinchja̱ni̱jmíko̱ xu̱ta̱ ni̱nku̱. Bꞌa̱ tsꞌín kisakú ngaꞌyúhu̱n ra̱ já ntsꞌeé ko̱ ndjá tsinchajin ni xi kisꞌejihi̱n.
\p
\v 33 Já xi i̱ncha tsichu nanki Antiokia̱ tsꞌandaya jaha̱ yo̱, a̱sꞌa̱i i̱ncha kikꞌóya ngáha nanki Jerusalen. Nda tsꞌín i̱ncha kitsꞌínkjihi̱ já ntsꞌeé.
\v 34 Tu̱nga yꞌejñahá Sila̱ yo̱.
\v 35 Pablo̱ ko̱ Bernabe ta̱ yꞌentu Antiokia̱ nga tsakúya éhe̱n Nti̱a̱ná ko̱ yꞌéni̱jmí én nda tsuhu̱ Jesucristo̱. Nkjin já ntsꞌeé xi bꞌa̱ ta̱ i̱ncha kitsꞌín.
\s Bꞌi̱ tsꞌín i̱ncha kitsꞌín ngabihi̱ xinkjín Pablo̱ ko̱ Bernabe
\p
\v 36 Jꞌa ni̱stjiu̱n, a̱sꞌa̱i Pablo̱ bꞌi̱ kitsúhu̱ Bernabe:
\p —Tankíhi̱ntsubekꞌáán já ntsꞌeé xi tjíntu má nga yꞌeni̱jmíaá én nda tsuhu̱ Nda̱ Nti̱a̱ná tu̱ xi cha̱haná nkú tsꞌín tjíntu.
\p
\v 37 Mjehe̱ Bernabe nga ngju̱a̱i̱ko̱ Jua xi ta̱ ꞌmi ya Marco̱.
\v 38 Tu̱nga bꞌa̱há kitsú Pablo̱ nga najmi nda tjín tsa ngju̱a̱i̱ko̱ nda̱ xi kitsꞌín nga maha̱ a̱nte Panfili̱a̱, nda̱ xi najmi kitsꞌínndju̱úko̱ho̱ xáha̱ nga tjuhun.
\v 39 Kitsꞌín ngabihi̱ xinkjín, a̱tꞌaha̱ kitsꞌínstiko̱. Kui nga Bernabe ngjiko̱ho Marco̱ xjo̱ Chipre̱. Ni̱yá ntá i̱ncha kitsꞌín.
\v 40 Máha Pablo̱, Sila̱ ngjiko̱. I̱ncha tsitju nkꞌie nga já ntsꞌeé kitsꞌínkjasꞌehe̱n a̱ya ntsja Nti̱a̱ná.
\v 41 A̱sꞌa̱i i̱ncha jꞌa a̱nte Siri̱a̱ ko̱ a̱nte Cilici̱a̱. Kitsjáha̱ ngaꞌyúhu̱n xu̱ta̱ ni̱nku̱ xi tjín yo̱.
\c 16
\s Bꞌi̱ tsꞌín kitsjennkíhi̱ Timoteo̱ Pablo̱
\p
\v 1 A̱sꞌa̱i tsichu Pablo̱ nanki Derbe̱ ko̱ nanki Listra̱. Yo̱ kisakúhu̱ nku nda̱ xi tje̱nnki Jesucristo̱ xi ꞌmi Timoteo̱. Na̱aha̱ Timoteo̱ ntje̱ judio̱ tje̱he̱n ra̱ ko̱ sꞌejihi̱n Nti̱a̱ná, tu̱nga nda̱ griego̱hó na̱ꞌmihi̱.
\v 2 Já ntsꞌeé xi tjíntu Listra̱ ko̱ Iconi̱o̱ nda tsꞌín i̱ncha kinchja̱ni̱jmíyaha Timoteo̱.
\v 3 A̱sꞌa̱i bꞌa̱ kitsú Pablo̱ nga Timoteo̱ tsjénko̱ho̱ ko̱ kitsꞌíhi̱n ni circuncision, tu̱ xi najmi chꞌon ka̱maha̱ ra̱ xu̱ta̱ judio̱ xi tjíntu a̱nte xuꞌbo̱. A̱tꞌaha̱ ngayjee̱ xu̱ta̱ be nga ntje̱ griego̱ tje̱he̱n ra̱ na̱ꞌmihi̱ Timoteo̱.
\p
\v 4 Xki̱ a̱nte má nga jꞌa kitsúyaha̱ xu̱ta̱ ni̱nku̱ ni xi yꞌénda já postru̱ ko̱ jácháha̱ ni̱nku̱ Jerusalen, tu̱ xi tsꞌi̱íntjusuhun.
\v 5 Kui bꞌa̱ maha, xu̱ta̱ ni̱nku̱ ꞌyún kama ꞌyún takꞌuhun Nti̱a̱ná ko̱ xki̱ ni̱stjin ꞌyún i̱ncha kama nkjin.
\s Bꞌi̱ tsꞌín ngji Pablo̱ a̱nte Macedoni̱a̱
\p
\v 6 Jꞌa ni̱yá Pablo̱ ko̱ já xi tje̱nko̱ nanki xi tjíntujín a̱nte Frigi̱a̱ ko̱ a̱nte Galaci̱a̱, a̱tꞌaha̱ Espiri̱tu̱ Santo̱ najmi kitsjántehe̱ nga kꞌu̱éni̱jmí éhe̱n Nti̱a̱ná nanki xi tjín a̱nte Asi̱a̱.
\v 7 Nkꞌie nga tsichu tiña nanki Misi̱a̱, mjehe̱ jóo̱ kju̱a̱sꞌen a̱nte Bitini̱a̱, tu̱nga najmi kitsjántehé ra̱ Espiri̱tu̱hu̱ Jesu.
\v 8 Kui nga tu̱ jꞌa ni̱yáhá ni nanki Misi̱a̱ nga i̱ncha ngji nanki Troa̱.
\p
\v 9 Nkꞌie nga jyuu̱n xi nkúhu tsa nchi̱ni kikꞌa̱i̱hi̱ Pablo̱ nga kama chjihi̱ nku nda̱ xi nibáha Macedoni̱a̱ xi kabasinjña ndju. “Nibáí a̱nte Macedoni̱a̱ ko̱ ti̱si̱nko̱ni̱”, kitsúhu̱.
\v 10 Nkꞌie nga kama chjihi̱ Pablo̱ niu̱, tje̱nꞌyún yꞌenda níi̱ yjoni̱ tu̱ xi kuankíhi̱nni̱ a̱nte Macedoni̱a̱. A̱tꞌaha̱ bꞌa̱ tsixíi̱n nga Nti̱a̱ná tínchja̱ni̱ tu̱ xi kꞌúéni̱jmíhi̱ ri̱ én nda tsuhu̱ Jesucristo̱ xu̱ta̱ xi tjín yo̱.
\s Bꞌi̱ tsꞌín i̱ncha tsichu Pablo̱ ko̱ Sila̱ nanki Filipo̱
\p
\v 11 Tsitjui̱ nanki Troa̱ ko̱ nkuhú nga tsankihi̱nni̱ xjo̱ xi ꞌmi Samotraci̱a̱. Ni̱stjin xi ma ndyjuu̱n tsichii̱ nanki Neapo̱li̱.
\v 12 Yo̱ tsitjuhu̱ni̱ nga tsankii̱n Filipo̱. Nanki kꞌaku̱hu̱ a̱nte Macedoni̱a̱ niu̱, má nga tjíntu nkjin xu̱ta̱ Roma̱. Chuba ni̱stjin kamani̱ yo̱.
\p
\v 13 Nku xua̱tu̱ tsitjui̱ a̱jin na̱nti̱o̱ ko̱ tsankii̱n tiña má fꞌa ntáje̱ nga tsankinnchisjái̱ a̱nte má ma ñjakú xu̱ta̱ nga nchja̱ko̱ Nti̱a̱ná. Tintsu̱ba̱i̱ yo̱ nga tsixínyai̱hi̱ éhe̱n Nti̱a̱ná jminchjín xi kama ñjakú.
\v 14 A̱sꞌa̱i nku ta̱chju̱ún xi benkjún Nti̱a̱ná xi ꞌmi Lidi̱a̱, xi nanki Tiatira̱ nibáha ko̱ najyun kuan batéña, nkꞌie nga tíbasínñju, Nti̱a̱ná kitsꞌínko̱ ani̱ma̱ha̱ tu̱ xi ꞌyún nda tsꞌín tsꞌi̱ínsihi̱n ra̱ ni xi tínchja̱ Pablo̱.
\v 15 Kisatentá ta̱chjúu̱n ko̱ xu̱ta̱ xi tjíntu niꞌyaha̱. A̱sꞌa̱i bꞌi̱ kitsúni̱:
\p —Tsa bꞌa̱ tíbixíún nga sꞌejin kju̱axi̱na Nti̱a̱ná, nibá nꞌe̱kjꞌáíyo niꞌyana̱.
\p Kitsꞌín kju̱a̱ꞌyúhu̱nni̱ nga ku̱i̱ntsu̱ba̱i̱ niꞌyaha̱.
\s Bꞌi̱ tsꞌín i̱ncha ngjihi nu̱ba̱yá Pablo̱ ko̱ Sila̱
\p
\v 16 Ni xi kama nkꞌie nga tíbankíi̱n a̱nte má ma ñjakú xu̱ta̱ nga nchja̱ko̱ Nti̱a̱ná, kisatéjii̱n nku ta̱kjín musu̱ xi tíjñajihi̱n ntjo̱ xi maha̱ basejin ni xi ꞌma tíjña. Tsꞌín ngana̱ ṉkjún to̱on já nti̱a̱ha̱ nga bꞌéjña chji ni xi basejin.
\v 17 Bꞌi̱ kitsúni̱ nkꞌie nga kitsjennkíni̱ ko̱ kikjintáya tje̱nnkini̱:
\p —Kui jmii̱ xi tsꞌínxátꞌaha̱ Nti̱a̱ná xi tíjña nkꞌa ján. Tíbakú ni̱yánu̱u xi nkú tsꞌín kꞌu̱a̱nkihinu.
\p
\v 18 Nkjin ni̱stjin tu̱ nku bꞌa̱há kitsꞌín. Tu̱ chahán kama stihi̱ Pablo̱, kitsꞌínkꞌótjiya ko̱ bꞌa̱ kitsúhu̱ nda̱ninda xi tíjñajihi̱n ta̱kjíu̱n:
\p —Ngajoho̱ Jesucristo̱ bꞌa̱ tíxihin nga ti̱tjujihi̱n ta̱kjíu̱n.
\p Ta̱ kuihi chu̱bo̱ tsitjujíhi̱n ta̱kjíu̱n nda̱nindoo̱.
\v 19 Nkꞌie nga kikie já nti̱a̱ha̱ ta̱kjíu̱n nga najmi ta̱ ka̱ma tsꞌi̱ín ngana̱ha to̱on, jakjꞌánijé Pablo̱ ko̱ Sila̱. Ngjiko̱ kju̱a̱ꞌyún a̱jin na̱nti̱o̱. Nginku̱n já tjíxóo̱ i̱ncha ngjiko̱.
\v 20 Nkꞌie nga i̱ncha tsichuko̱ jóo̱ nginku̱n já jue, bꞌi̱ i̱ncha kitsú:
\p —Já xi ntje̱ judio̱ tje̱he̱n ra̱ jái̱. Xu̱ta̱ná tíi̱ncha tsꞌínndyjajihi̱n.
\v 21 Ni xi najmi ma ñá nꞌekjáíhi̱ín ko̱ ta̱ ndaha najmi ma nꞌeé tíi̱ncha bakúya, a̱tꞌaha̱ já Roma̱há ñá.
\p
\v 22 A̱sꞌa̱i ko̱ xu̱ta̱ nkjiu̱n ngji kontra̱ha̱ Pablo̱ ko̱ Sila̱. Bꞌa̱ i̱ncha kitsú já jue nga nꞌe̱sje najyun ndjuhu̱ jóo̱ ko̱ nga yá sꞌe̱he̱ ra̱.
\v 23 A̱skahan nga ja kingjáha̱ nkjin ni̱yá, kitsꞌínkjasꞌen nu̱ba̱yóo̱ ko̱ bꞌa̱ kitsúhu̱ nda̱ xi basehe̱ nu̱ba̱yóo̱ nga ꞌyún kúnnta jóo̱.
\v 24 Nkꞌie nga bꞌa̱ kikꞌihi̱n ndo̱, ngjiko̱ jóo̱. Kitsꞌínkjasꞌen má nga ꞌyún ndjáha̱ nu̱ba̱yóo̱ ko̱ yꞌékjꞌáꞌyún tsjantsjan sjai jóo̱.
\s Bꞌi̱ tsꞌín i̱ncha kama nda̱íhi̱ Pablo̱ ko̱ Sila̱ nu̱ba̱yóo̱
\p
\v 25 Tu̱nga nkú ra̱ ma nga masen ni̱stje̱n, Pablo̱ ko̱ Sila̱ tíi̱ncha nchja̱ko̱ Nti̱a̱ná ko̱ tíi̱ncha sehe̱ Nti̱a̱ná. Já nu̱ba̱yá xingisoo̱ tíi̱ncha basínñju nga bꞌa̱ tíi̱ncha tsꞌín.
\v 26 Tu̱ nkuhú chón xi tu̱ xí ꞌyúhún kama. Xí yꞌétsujneyáha santaha má tjíyanji nu̱ba̱yóo̱. Tje̱nꞌyún tsixꞌahá ngayjee̱ a̱nkju̱a̱ nu̱ba̱yóo̱ ko̱ tsixuntu ngayjee̱ nꞌúki̱cha̱ xi tjíntukjꞌáha̱ já nu̱ba̱yóo̱.
\p
\v 27 Nkꞌie nga jꞌáha̱ nda̱ xi basehe̱ nu̱ba̱yóo̱ ko̱ kikie nga tje̱n ti̱xa̱ a̱nkju̱a̱ nu̱ba̱yóo̱, a̱sꞌa̱i tsꞌasje ki̱cha̱ha̱ xi má nga mjehe̱ tsꞌi̱ínkꞌien yjoho̱. A̱tꞌaha̱ bꞌa̱ kitsú nga kitsꞌínnkjinkꞌun nkꞌie nga ja kabitju já nu̱ba̱yóo̱.
\v 28 Tu̱nga bꞌi̱hí kitsú Pablo̱ nga kikjintáya:
\p —Najmi tu̱ nꞌeꞌuihi̱n yjohi̱. Tintsu̱ba̱ tente níi̱ e̱i̱.
\p
\v 29 A̱sꞌa̱i tsanki ndꞌí ndo̱ ko̱ ki̱tsa̱ jasꞌen a̱yoo̱. I̱xí tíbꞌatsé nkjúhún nga tsasinkúnchꞌintꞌaha̱ Pablo̱ ko̱ Sila̱.
\v 30 Kikꞌonsje ko̱ bꞌi̱ kitsúhu̱:
\p —Jun já nti̱a̱, ¿mí ni xi tjíhin nga tsꞌian tu̱ xi kꞌu̱a̱nkihina?
\p
\v 31 Bꞌi̱ i̱ncha kitsú jóo̱:
\p —Nꞌe̱ sꞌejin Nda̱ Nti̱a̱ná Jesucristo̱. Bꞌa̱ tsꞌín kꞌu̱a̱nkihini ji ko̱ xu̱ta̱ xi tjíntu niꞌyahi̱.
\p
\v 32 Yꞌéni̱jmíhi̱ éhe̱n Nti̱a̱ná ndo̱ ko̱ ngayjee̱ xu̱ta̱ xi tjíntu niꞌyaha̱.
\v 33 Ta̱ kuihi chu̱bo̱ nga jyuu̱n tsanéjnu ndo̱ má uhu̱n Pablo̱ ko̱ Sila̱. Ko̱ kisaténtá ndo̱ ko̱ ngayjee̱ xu̱ta̱ xi tjíntu niꞌyaha̱.
\v 34 Ngjiko̱ niꞌyaha̱ ko̱ kitsꞌínkjen ko̱ tsjo kikꞌientuhu̱ ngayjee̱ nga kisꞌejihi̱n Nti̱a̱ná.
\p
\v 35 Nkꞌie nga ja kama see̱n, kitsꞌínkji já jue já xi bꞌa̱ ku̱i̱tsu̱hu̱ nda̱ xi basehe̱ nu̱ba̱yóo̱ nga tsꞌi̱ín nda̱íhi̱ Pablo̱ ko̱ Sila̱.
\v 36 Kitsúyaha̱ ndo̱ Pablo̱ én xi jꞌaikꞌíhi̱n nga bꞌi̱ kitsúhu̱:
\p —Ja kuatsꞌín nibá én já jue nga kꞌuasjéꞌanu̱u. Kui nga ti̱tjusje̱henu ndꞌa̱i̱ ko̱ kasꞌenu̱u kju̱a̱jyu nga nꞌo̱o ni̱yá.
\p
\v 37 Tu̱nga bꞌa̱há kitsú Pablo̱ nga kinchja̱ko̱ já xi kitsꞌín nibá já jue:
\p —Ta̱ Roma̱ ní tje̱he̱nni̱. ¿Nkú tsꞌín nga kisꞌehe̱ni̱ nginku̱n xu̱ta̱ nga ndaha najmi títjun kinꞌeko̱kju̱a̱ni̱, a̱sꞌa̱i kinꞌekjasꞌenni̱ nu̱ba̱yá? ¿Á ndꞌa̱i̱ mjehe̱ ra̱ kꞌo̱nsje ꞌmaha̱ni̱? ¡Najmi ka̱ma ni xi tíi̱ncha tsu! Kui ní kanibákꞌosjeni̱.
\p
\v 38 Kikꞌóya ngáha jóo̱ ko̱ jꞌai tsúyaha̱ já jue ni xi kitsú Pablo̱. A̱sꞌa̱i i̱ncha kitsankjún já jue nkꞌie nga i̱ncha kintꞌé nga já Roma̱ niu̱.
\v 39 Kui nga i̱ncha jꞌainkihi̱ ra̱ kju̱a̱nꞌendyjatꞌa. Kikꞌonsje ko̱ tsankihi̱ nga i̱ncha ku̱i̱tjujin na̱nti̱o̱.
\p
\v 40 Nkꞌie nga ja tsitjuꞌa Pablo̱ ko̱ Sila̱ nu̱ba̱yóo̱, ngji niꞌyaha̱ Lidi̱a̱. A̱skahan nga ja kamaha̱ nga kikie já ntsꞌeé ko̱ kitsjáha̱ ngaꞌyúhu̱n, i̱ncha ngji ngáha.
\c 17
\s Bꞌi̱ tsꞌín ja ma kichjubéhe Pablo̱ ko̱ Sila̱ nanki Tesaloni̱ka̱
\p
\v 1 Jꞌa Pablo̱ ko̱ já xi tje̱nko̱ nanki Amfipo̱li̱ ko̱ nanki Apoloni̱a̱. A̱sꞌa̱i i̱ncha tsichu nanki Tesaloni̱ka̱ má tíjñaha̱ nku niꞌya sinagoga̱ xu̱ta̱ judio̱.
\v 2 Xi nkú tsꞌín nkaha̱ Pablo̱ jasꞌen yo̱ jan xua̱tu̱ tjíhin nga kinchja̱ni̱jmíyako̱ho xu̱ta̱ ni xi tjítꞌa xu̱ju̱n éhe̱n Nti̱a̱ná.
\v 3 Kitsúyaha̱ xu̱ta̱ ko̱ yꞌéjña chjihi̱ nga tjíhin nga un sku̱e̱he̱ xi kitsꞌín nibá Nti̱a̱ná\f + \fr 17:3 \ft “Xi kitsꞌín nibá Nti̱a̱ná” tsuhu̱ ra̱ “Cristo̱”.\f* ko̱ nga kjꞌu̱a̱íya ngáha̱ ra̱ ngabayoo̱. Bꞌi̱ kitsúhu̱ jóo̱:
\p —Jesu xi tíbꞌeni̱jmínu̱u ndꞌa̱i̱, kui xi kitsꞌín nibá Nti̱a̱ná ngajoho̱.
\p
\v 4 Kꞌu̱a̱ xu̱ta̱ xi ntje̱ judio̱ tje̱he̱n ra̱ kisꞌejihi̱n ko̱ i̱ncha kamako̱ Pablo̱ ko̱ Sila̱. Ko̱ bꞌa̱ ta̱ i̱ncha kitsꞌín nkjin ṉkjún xu̱ta̱ griego̱ xi benkjún Nti̱a̱ná ko̱ nkjin jminchjín xi benkjúhu̱n na̱xi̱nantóo̱.
\p
\v 5 A̱sꞌa̱i kama xintakꞌun xu̱ta̱ judio̱ xi najmi sꞌejihi̱n. I̱ncha tsincháꞌa kꞌu̱a̱ já tsꞌe chꞌonkꞌun ko̱ kinchja̱ ñjaha̱ xu̱ta̱ nkjiu̱n. Xa̱áha̱n kitsꞌín xu̱ta̱. A̱sꞌa̱i i̱ncha jꞌai kján niꞌyaha̱ Jason nga tsangisjai Pablo̱ ko̱ Sila̱ tu̱ xi kꞌo̱nsjehe ko̱ tsꞌi̱ínkjasꞌehe̱n ra̱ xu̱ta̱ nkjiu̱n.
\v 6 Nkꞌie nga najmi kisakúhu̱ Pablo̱ ko̱ Sila̱, i̱ncha ngjiko̱ kju̱a̱ꞌyún nginku̱n já tjíxóo̱ Jason ko̱ kꞌu̱a̱ já ntsꞌeé xi tjíntu yo̱. Bꞌi̱ i̱ncha kitsú nga i̱ncha kikjintáya:
\p —Já xi títsꞌínndyja̱jihi̱n ngayjee̱ xu̱ta̱ a̱sunntee̱ ta̱ ko̱ e̱i̱ ja i̱ncha jꞌai.
\v 7 Jason kitsꞌínkjáíhi̱n jóo̱ niꞌyaha̱. Ngayjee̱ jóo̱ tífi kontra̱ha̱ kju̱a̱téxumaha̱ nda̱ títjun kꞌaku̱ Cesa̱r ko̱ bꞌa̱ tíi̱ncha tsu nga tíjña sa kjꞌa̱í nda̱ rei̱ xi ꞌmi Jesu.
\p
\v 8 Nkꞌie nga kintꞌé én xuꞌbi̱ xu̱ta̱ nkjiu̱n ko̱ já tjíxóo̱, xa̱áha̱n i̱ncha kitsꞌín.
\v 9 A̱skahan nkꞌie nga yꞌéchjíntjai yjoho̱ Jason ko̱ já xingisoo̱, kinꞌe nda̱í ngáha̱ ra̱.
\s Bꞌi̱ i̱ncha kitsꞌín Pablo̱ ko̱ Sila̱ nanki Berea̱
\p
\v 10 A̱sꞌa̱i já ntsꞌeé tje̱nꞌyún kitsꞌínkjihí Pablo̱ ko̱ Sila̱ nga jyuu̱n nanki Berea̱. Nkꞌie nga tsichu yo̱, jasꞌen niꞌya sinagoga̱ha̱ xu̱ta̱ judio̱.
\v 11 Xu̱ta̱ judio̱ xuꞌbi̱ ꞌyún nda sa ani̱ma̱ha̱ nga xi tjín nanki Tesaloni̱ka̱ ko̱ tsjo tsꞌín kitsꞌínkjáíhi̱n én xi kinchja̱ Pablo̱. Xki̱ ni̱stjin i̱ncha kitsꞌínya xu̱ju̱n éhe̱n Nti̱a̱ná tu̱ xi i̱ncha sku̱e̱he tsa kju̱axi̱ ni xi tísꞌeni̱jmíhi̱.
\v 12 Kui bꞌa̱ maha, nkjin xu̱ta̱ xi ntje̱ judio̱ tje̱he̱n ra̱ xi kisꞌejihi̱n én xi yꞌa Pablo̱. A̱jihi̱n xu̱ta̱ xi nchja̱ griego̱ ta̱ kisꞌejihi̱n nkjin jminchjín xi benkjúhu̱n xu̱ta̱ ko̱ nkjin já.
\p
\v 13 Tu̱nga nkꞌiehé nga kintꞌé xu̱ta̱ judio̱ xi tjín nanki Tesaloni̱ka̱ nga nanki Berea̱ ta̱ tíbꞌéni̱jmí Pablo̱ éhe̱n Nti̱a̱ná, i̱ncha jꞌai yo̱ ko̱ ta̱ tsinchákjaha̱n xu̱ta̱.
\v 14 A̱sꞌa̱i ki̱tsa̱ kitsꞌínkjihi̱ já ntsꞌeé Pablo̱ a̱ndai ntáchakꞌuu̱n. Tu̱nga yꞌentuhú sa Berea̱ Sila̱ ko̱ Timoteo̱.
\v 15 Já xi tsasín ni̱yáha̱ Pablo̱ ngjiko̱ho̱ santaha nanki Atena̱. A̱sꞌa̱i kikꞌóya ngáha nga ja kitsꞌínkjáíhi̱n én xi kitsꞌínkꞌatꞌaha̱ Pablo̱, xi ku̱i̱tsu̱yaha̱ Sila̱ ko̱ Timoteo̱ nga tjíhin nga ki̱tsa̱ ngju̱a̱i̱ tje̱nnkihi̱.
\s Bꞌi̱ tsꞌín yꞌéni̱jmí Pablo̱ nanki Atena̱
\p
\v 16 Nkꞌie nga tíkuyá Pablo̱ nanki Atena̱ nga ku̱i̱chú Sila̱ ko̱ Timoteo̱, kama stihi̱ nga kikie nga tjín ṉkjún nti̱a̱ xi tsꞌínnda xu̱ta̱ yo̱.
\v 17 Kui bꞌa̱ maha, a̱ya niꞌya sinagoga̱ kinchja̱ni̱jmíko̱ho xu̱ta̱ judio̱ ko̱ xi najmi judio̱ xi benkjún Nti̱a̱ná, ko̱ xki̱ ni̱stjin kinchja̱ni̱jmíko̱ xi kisatekjá ni̱yátée̱.
\v 18 A̱sꞌa̱i kinchja̱ko̱ Pablo̱ kꞌu̱a̱ já nkjinkꞌun xi ꞌmi já epicure̱o̱ ko̱ kꞌu̱a̱ xi ꞌmi já estoi̱co̱. Kꞌu̱a̱ bꞌi̱ i̱ncha kitsú:
\p —¿Nkú títsu nda̱i̱ nkꞌie nga bꞌa̱ nkjún tsꞌín tínchja̱?
\p Kjꞌa̱í ngá bꞌi̱ i̱ncha kitsú:
\p —Kjꞌa̱í ra̱ nti̱a̱ha tíbꞌéjña chji.
\p Bꞌa̱ i̱ncha kitsú jóo̱ a̱tꞌaha̱ én nda tsuhu̱ Jesu ko̱ nga kjꞌu̱a̱íya ngáha̱ ra̱ xu̱ta̱ ngabayoo̱ yꞌéni̱jmí Pablo̱.
\v 19 A̱sꞌa̱i i̱ncha ngjiko̱ho̱ jóo̱ a̱nte xi ꞌmi Areopa̱go̱ ko̱ bꞌi̱ kitsúhu̱:
\p —¿A ka̱ma ko̱ ji̱n cha̱i̱ mí ni tse̱tse̱he xi tíbꞌeni̱jmí?
\v 20 A̱tꞌaha̱ tíchubai ni xi najmi kje̱e nuꞌyái̱. Kui nga mjehe̱ni̱ cha̱ha̱ni̱ nkú tsuhu̱ ra̱ niu̱.
\p
\v 21 Bꞌa̱ i̱ncha kitsú a̱tꞌaha̱ ngayjee̱ xu̱ta̱ nanki Atena̱ ko̱ xu̱ta̱ xi xin nankihi̱ xi tjíntu yo̱ i̱ncha tsjoho̱ nga ku̱i̱nchja̱ni̱jmíyaha ko̱ a ra̱ ku̱a̱sínñjuhu̱ nku kju̱a̱nkjinkꞌun tse̱tse̱.
\v 22 A̱sꞌa̱i tsasinjña ndju Pablo̱ kamasehe̱n já xi kama ñjakú Areopa̱go̱ ko̱ bꞌi̱ kitsúhu̱:
\p —Jun já Atena̱, mankjinna nga jun xi ꞌyún yankjún nti̱a̱ xi tjín a̱sunntee̱.
\v 23 A̱tꞌaha̱ nkꞌie nga tsúꞌba̱ a̱jin nankinu̱u, kikie nga nkjin maha nti̱a̱ xi yankjún. Ko̱ ta̱ kikie nku na̱chan chje̱ má nga bꞌi̱ tsꞌín tjítꞌa: “Nti̱a̱ xi najmi yaha̱.” Kui bꞌa̱ maha, Nti̱a̱ xi yankjún nga najmi yo, kui xi tíbꞌeni̱jmínu̱u.
\p
\v 24 ’Nti̱a̱ xi kitsꞌínnda a̱sunntee̱ ko̱ ngayjee̱ ni xi tjíhi̱n, xi batéxumaha̱ nkꞌa ján ko̱ tꞌanankiu̱, najmi ni̱nku̱ xi xu̱ta̱ tsꞌínnda bꞌejñaya.
\v 25 Najmi machjéhe̱n tsa xu̱ta̱ ku̱a̱si̱nko̱ho̱. Najmi chumi nihi xi machjéhe̱n. A̱tꞌaha̱ kui xi tsjáná ni̱stjin ko̱ tsjáná ntjo̱ ko̱ ngayjee̱ ni xi tjínná.
\v 26 Kui xi nkuhú ntje̱ kitsꞌínndaha ngayjee̱ xu̱ta̱ xi tjín nga ngúsuhu̱n a̱sunntee̱. Yꞌéjña nga nkjé ko̱ má nga kꞌúéntu nga nkúnkú.
\p
\v 27 ’Bꞌa̱ kitsꞌín tu̱ xi ngayjee̱ xu̱ta̱ ku̱a̱ngisjaihi Nti̱a̱ná, tsa tu̱ ahá ni sa̱kúhu̱ nga ku̱a̱ngisjai. Bꞌa̱ tjín kjáíhin nga najmi kjin tíjñaná Nti̱a̱ná nga nkúnkáá.
\v 28 A̱tꞌaha̱ Nti̱a̱ná tintsu̱ba̱ tíkꞌuhunná, tinimaá ko̱ tjínná ni̱stjin, xi nkú nga ta̱ kitsú kꞌu̱a̱ já nkjinkꞌun xi tjín a̱jinnu̱u: “Ntíhi̱ ní Nti̱a̱ná ñá.”
\p
\v 29 ’Kui bꞌa̱ maha, tsa ntíhi̱ Nti̱a̱ná ñá, najmi tjíhin nga nꞌe̱nkjíntakꞌaán tsa bꞌa̱ tjín Nti̱a̱ná xi nkú joyaha sénni̱stjin xi kamandako̱ho to̱onsine ko̱ tsa to̱ontaba ko̱ tsa ndji̱o̱. Kui niu̱ xi tsꞌínnda xu̱ta̱. Xi nkú tsꞌín maha̱ ko̱ xi nkú tsꞌín tsꞌínnkjinkꞌun, bꞌa̱ i̱ncha tsꞌínkꞌíé.
\p
\v 30 ’Nti̱a̱ná najmi kitsꞌín kuenta̱ ni xi kitsꞌín xu̱ta̱ ni̱stjin nkꞌie, a̱tꞌaha̱ najmi kje̱e behe̱ xu̱ta̱. Tu̱nga ndꞌa̱i̱ tu̱ má xi tje̱hén ni nga tjíntu xu̱ta̱ Nti̱a̱ná bꞌa̱ títsuhu̱ nga ngju̱a̱i̱kjꞌáha̱ ra̱ ani̱ma̱ha̱ ngayjee̱.
\v 31 A̱tꞌaha̱ Nti̱a̱ná ja tíjñaha̱ ni̱stjin nga na̱xu̱ ku̱a̱se̱he̱ ni xi nda ko̱ ni xi najmi nda kitsꞌín xu̱ta̱. Nda̱ xi Nti̱a̱ná kitsjá xáha̱ nga bꞌa̱ tsꞌi̱ín, kui xi bꞌa̱ tsꞌi̱ín. Kitsꞌínkjꞌáíya ngáha̱ ra̱ ngabayoo̱ nda̱ xuꞌbo̱. Bꞌa̱ tsꞌín tsakúchjihi̱ ra̱ ngayjee̱ xu̱ta̱ nga kju̱axi̱ niu̱.
\p
\v 32 Nkꞌie nga kintꞌé jóo̱ nga kjꞌu̱a̱íya ngáha̱ ra̱ xu̱ta̱ ngabayoo̱, tjín xi tsajnukiehe̱ Pablo̱. Tu̱nga kꞌu̱a̱há xi bꞌi̱ kitsú:
\p —Mjeni̱ ku̱i̱núꞌyái̱ ni xuꞌbi̱ kjꞌa̱í ni̱stjin ngáha.
\p
\v 33 A̱sꞌa̱i tsitju yo̱ Pablo̱.
\v 34 Tu̱nga kꞌu̱a̱há xi kisꞌejihi̱n ko̱ kamako̱ho̱. Kisꞌejihi̱n nda̱ xi ꞌmi Dionisi̱o̱, xi ta̱ ma ñjakúko̱ jóo̱ a̱nte xi ꞌmi Areopa̱go̱, ko̱ nku ta̱chju̱ún xi ꞌmi Dama̱ri̱ ko̱ kjꞌa̱í sa.
\c 18
\s Bꞌi̱ kitsꞌín Pablo̱ nanki Corinto̱
\p
\v 1 A̱sꞌa̱i tsitju Pablo̱ Atena̱ ko̱ ngji nanki Corinto̱.
\v 2 Yo̱ kisakúhu̱ nku nda̱ judio̱ xi ꞌmi Akila̱ xi kitsinjín a̱nte Ponto̱, ko̱ Priscila̱ xi chju̱úhu̱n maha. Kui xi a̱sꞌa̱i i̱ncha nibahá a̱nte Itali̱a̱, a̱tꞌaha̱ Claudi̱o̱ xi nda̱ títjun kꞌaku̱ Roma̱ bꞌa̱ kitsú nga tjíhin nga ku̱i̱tju nanki Roma̱ ngayjee̱ xu̱ta̱ xi ntje̱ judio̱ tje̱he̱n ra̱. A̱sꞌa̱i Pablo̱ ngjisehe̱ jóo̱
\v 3 ko̱ yꞌejñajihi̱n. Kitsꞌínxáko̱ nga kitsꞌínnda niꞌya najyunte, a̱tꞌaha̱ ta̱ kuihi xá xi maha̱ jóo̱.
\v 4 Xki̱ xua̱tu̱ ngji nchja̱ko̱ Pablo̱ xu̱ta̱ niꞌya sinagoga̱. Yꞌéjña chjihi̱ xu̱ta̱ xi ntje̱ judio̱ tje̱he̱n ra̱ ko̱ xi a̱nte Greci̱a̱ yꞌaha̱ ra̱ nga kju̱axi̱ ni xi tínchja̱.
\p
\v 5 Nkꞌie nga tsitju Sila̱ ko̱ Timoteo̱ a̱nte Macedoni̱a̱ ko̱ tsichu nanki Corinto̱, tu̱ nku yꞌéni̱jmíhí Pablo̱ éhe̱n Nti̱a̱ná ko̱ yꞌéjña chjihi̱ xu̱ta̱ xi ntje̱ judio̱ tje̱he̱n ra̱ nga Jesu xi kitsꞌín nibá Nti̱a̱ná.\f + \fr 18:5, 28 \ft “Xi kitsꞌín nibá Nti̱a̱ná” tsuhu̱ ra̱ “Cristo̱”.\f*
\v 6 Tu̱nga xu̱ta̱ judio̱ ngji kontra̱ha̱ Pablo̱ ko̱ chꞌon kitsúhu̱. Kui nga yꞌétsujnehe najyuhu̱n Pablo̱ ko̱ bꞌi̱ kitsúhu̱ jóo̱:
\p —Jun katjinénu̱u ngabayanu̱u. Najmi an ngju̱a̱i̱néna. Ndꞌa̱i̱ kꞌuatutsꞌi̱hi̱n nga kfínsehe̱ xi najmi ntje̱ Israel tje̱he̱n ra̱.
\p
\v 7 A̱sꞌa̱i tsitju yo̱ ko̱ ngji niꞌyaha̱ nku nda̱ xi ꞌmi Tici̱o̱ Justo̱ xi benkjún Nti̱a̱ná. Kui xi tiña niꞌyaha̱ síjña niꞌya sinagoga̱.
\v 8 A̱sꞌa̱i nda̱ xi ꞌmi Crispo̱ xi nda̱ kꞌaku̱hu̱ xu̱ta̱ sinagoga̱ ko̱ ngayjee̱ xu̱ta̱ xinkjín kisꞌejihi̱n Nda̱ Nti̱a̱ná. Ko̱ ta̱ nkjin xu̱ta̱ Corinto̱ kisꞌejihi̱n ko̱ kisaténtá nkꞌie nga kintꞌé ni xi tíbꞌéni̱jmí Pablo̱.
\p
\v 9 A̱sꞌa̱i Nda̱ Nti̱a̱ná kinchja̱ko̱ho̱ Pablo̱ nga ni̱stje̱n xi nkúhu tsa nchi̱ni kikꞌa̱i̱hi̱. Bꞌi̱ kikꞌihi̱n:
\p —Najmi tu̱ binkjuin. Tꞌeni̱jmí sahani ée̱n. Najmi tu̱ bꞌechjáí tsu̱ꞌbai.
\v 10 A̱tꞌaha̱ an tíi̱jñako̱ho. Najmi chꞌa ka̱maha̱ tsꞌi̱ínꞌuhin. A̱tꞌaha̱ nkjin xu̱ta̱ tjínna nanki xuꞌbi̱ xi sꞌe̱jihi̱n an.
\p
\v 11 Yo̱ yꞌejña Pablo̱ nku nú masen tjíhin nga tsakúya a̱jihi̱n xu̱ta̱ Corinto̱ éhe̱n Nti̱a̱ná.
\p
\v 12 Tu̱nga nkꞌie nga tjíhi̱n xá nda̱ Galion a̱nte Akaya̱, nkuhú kitsꞌín yjoho̱ xu̱ta̱ xi ntje̱ judio̱ tje̱he̱n ra̱ nga ngji kontra̱ha̱ Pablo̱. I̱ncha ngjiko̱ho̱ má tsꞌínko̱kju̱a̱ xu̱ta̱ Galion
\v 13 ko̱ bꞌi̱ i̱ncha kitsú:
\p —Kui nda̱i̱ tífi kontra̱ha̱ kju̱a̱téxumani̱, a̱tꞌaha̱ kjꞌa̱í tsꞌín tíbakúyaha̱ xu̱ta̱ nga tjíhin nga cha̱nkjún Nti̱a̱ni̱.
\p
\v 14 Nkꞌie nga ja ku̱i̱nchja̱ Pablo̱, tu̱ tjuhún Galion kinchja̱ko̱ xu̱ta̱ judio̱ nga bꞌi̱ kitsúhu̱:
\p —Jun xu̱ta̱ judio̱, tsa tjín má tsangane nda̱i̱ ko̱ tsa mí ni chꞌon tjíhin xi kitsꞌín, tjíhin nga tsꞌintsenta ko̱ kuasinñjúnu̱u.
\v 15 Tu̱nga ni xuꞌbi̱ kju̱a̱téxumanu̱u ko̱ kjꞌa̱í sa ni xi manu̱u yꞌaha̱ ra̱ nii̱. Kui nga tꞌenda su̱ba̱hanu niu̱. Najmi mjena tsꞌihi̱n kju̱a̱ ni xuꞌbi̱.
\p
\v 16 A̱sꞌa̱i kikꞌonsje jóo̱ na̱tsihi̱n a̱nte má nga tsꞌínko̱kju̱a̱ xu̱ta̱ ndo̱.
\v 17 A̱sꞌa̱i ngayjee̱ xu̱ta̱ jakjꞌá Soste̱ne̱ xi nda̱ kꞌaku̱hu̱ xu̱ta̱ sinagoga̱ ko̱ ta̱ yo̱hó yꞌéhe̱ ndo̱. Tu̱nga ndaha najmi kitsꞌínsihi̱n Galion ni xi kamoo̱.
\s Bꞌi̱ tsꞌín kikꞌóya ngáha Pablo̱ nanki Antiokia̱
\p
\v 18 Nkjin ni̱stjin tsꞌandaya yo̱ Pablo̱. A̱sꞌa̱i kitsubakjá já ntsꞌeé a̱tꞌaha̱ ja tífi a̱nte Siri̱a̱. Nkꞌie nga tsichu nanki Cencrea̱ nga kitsꞌín ni̱yá, jꞌájnu kaha̱ yjoho̱ a̱tꞌaha̱ ja títsꞌíntjusun nku ni xi kitsꞌínkie Nti̱a̱ná. A̱sꞌa̱i jakjꞌá nku tsutsu ko̱ ngji a̱nte Siri̱a̱ nga tje̱nko̱ tsꞌíhin Akila̱ ko̱ Priscila̱.
\p
\v 19 Nkꞌie nga i̱ncha tsichu nanki Efe̱so̱, yo̱ i̱ncha kitsꞌín ngabihi̱ xinkjín. Kama kinchja̱ni̱jmíko̱ Pablo̱ xu̱ta̱ judio̱ niꞌya sinagoga̱.
\v 20 A̱sꞌa̱i tjín xi tsankihi̱ nga nkjin ni̱stjin kꞌúéjña yo̱, tu̱nga najmi kitsꞌín yuhú Pablo̱.
\v 21 Bꞌi̱ kitsú:
\p —Tífia. Tsa Nti̱a̱ná bꞌa̱ ku̱i̱tsu̱, kjúái̱se ngáha̱nu̱u.
\p A̱sꞌa̱i jakjꞌá nku tsutsu xi tsitju Efe̱so̱.
\v 22 Nkꞌie nga tsichu nanki Cesarea̱, ngjikjaniñaha̱ xu̱ta̱ ni̱nku̱ ko̱ a̱sꞌa̱i ngji nanki Antiokia̱.
\v 23 A̱skahan nga ja tsꞌandayaha̱ chuba ni̱stjin yo̱, tsitju nga jꞌa xki̱ nanki xi tjín a̱nte Galaci̱a̱ ko̱ a̱nte Frigi̱a̱. Kitsjá ngaꞌyúhu̱n ngayjee̱ xu̱ta̱ xi yjankihi̱ Jesu xi nkú tsꞌín ndjá ku̱i̱ncha nginku̱n Nti̱a̱ná.
\s Bꞌi̱ tsꞌín yꞌéni̱jmí Apolo̱ éhe̱n Nti̱a̱ná
\p
\v 24 A̱sꞌa̱i tsichu nanki Efe̱so̱ nku nda̱ judio̱ xi ꞌmi Apolo̱ xi kitsin nanki Alejandria̱. Tsjo tsꞌín bꞌéni̱jmí ndo̱ ko̱ ꞌyún be xu̱ju̱n éhe̱n Nti̱a̱ná.
\v 25 Tsangiya ni xi tsakúya Nda̱ Nti̱a̱ná Jesu ko̱ ngayjehe kꞌun yꞌéni̱jmíhi̱ xu̱ta̱. Tsakúya sisin yáha Jesu, tu̱nga najmi ꞌyúhún mankjihi̱n á saténtáha xu̱ta̱. Tu̱ xi nkúhú tsꞌín tsaténtá xu̱ta̱ Jua be.
\v 26 Ndjá yꞌéni̱jmí ndo̱ niꞌya sinagoga̱. Nkꞌie nga kintꞌé Akila̱ ko̱ Priscila̱ ni xi yꞌéni̱jmí, ngjiko̱ tꞌaxín ko̱ kitsúya sisihi̱n xi nkú tsꞌín mjehe̱ Nti̱a̱ná nga kꞌúéntu xu̱ta̱.
\p
\v 27 Nkꞌie nga kama mjehe̱ Apolo̱ nga ngju̱a̱i̱ a̱nte Akaya̱, já ntsꞌeé xi tjín Efe̱so̱ tsasinko̱ho̱. Kitsꞌínndaha̱ nku xu̱ju̱n xu̱ta̱ niꞌyakuyáha̱ Jesu xi tjín Akaya̱ tu̱ xi nda tsꞌín tsꞌi̱ínkjáíhi̱n ra̱. Nkꞌie nga tsichu Apolo̱ yo̱, tsasinko̱ ṉkjún xu̱ta̱ xi ja sꞌejihi̱n Jesu tu̱ nga̱tꞌaha̱ kju̱a̱ndaha̱ Nti̱a̱ná.
\v 28 A̱tꞌaha̱ nginku̱n ngayjee̱ xu̱ta̱ ndjá tsakúya nga najmi kju̱axi̱ ni xi bakúya xu̱ta̱ judio̱. Tsakúya ni xi tjítꞌa xu̱ju̱n éhe̱n Nti̱a̱ná. Bꞌa̱ tsꞌín yꞌéjña chjihi nga Jesu xi kitsꞌín nibá Nti̱a̱ná.
\c 19
\s Bꞌi̱ kitsꞌín Pablo̱ nanki Efe̱so̱
\p
\v 1 Nkꞌie nga tíjña Apolo̱ nanki Corinto̱, Pablo̱ jꞌajin a̱sunntu tje̱nki̱ xi tjín a̱nte Asi̱a̱ ko̱ tsichu nanki Efe̱so̱. Yo̱ kisakúhu̱ kꞌu̱a̱ xu̱ta̱ xi yjankihi̱ Jesu. A̱sꞌa̱i bꞌi̱ kitsúhu̱ jóo̱:
\p
\v 2 —¿A kinꞌekjóho̱on Espiri̱tu̱ Santo̱ nkꞌie nga kisꞌejinnu̱u Jesu?
\p Bꞌi̱ i̱ncha kitsú jóo̱:
\p —Ndaha̱chí najmi kje̱e nuꞌyái̱ tsa tjín Espiri̱tu̱ Santo̱.
\p
\v 3 —¿Nkú nꞌe kisatentó? —kitsú Pablo̱.
\p —Xi nkú tsꞌín tsaténtá Jua —i̱ncha kitsú.
\p
\v 4 Bꞌi̱ kitsú Pablo̱:
\p —Xu̱ta̱ xi ngjikjꞌáha̱ ra̱ ani̱ma̱ha̱ tsaténtá Jua, tu̱nga bꞌa̱há kitsúhu̱ nga tjíhin nga sꞌe̱jihi̱n xi kjꞌu̱a̱í a̱skahan nga kui. Jesu, kui xi a̱skahan jꞌai.
\p
\v 5 Nkꞌie nga kintꞌé jóo̱ ni xuꞌbi̱, a̱sꞌa̱i kisaténtá nga kitsꞌínkjáíhi̱n Jesu.
\v 6 Nkꞌie nga kingjénne ntsja Pablo̱ jóo̱, jꞌaitsejíhi̱n ra̱ Espiri̱tu̱ Santo̱ ko̱ kjꞌa̱í kjꞌa̱í éhen i̱ncha kinchja̱ ko̱ Nti̱a̱ná kitsjáha̱ én xi kinchja̱.
\v 7 Ma ra̱ te jo jáxꞌi̱n xi bꞌi̱ i̱ncha kamatꞌain.
\p
\v 8 Jan ra̱ sá kamaha̱ Pablo̱ nga ngji niꞌya sinagoga̱ ko̱ ndjá kinchja̱ko̱ xu̱ta̱. Kitsúyaha̱ ko̱ yꞌéjña chjihi̱ nkú tjíhi̱n ra̱ nga batéxuma Nti̱a̱ná.
\v 9 Tu̱nga kꞌu̱a̱há xi ndjá kitsꞌín ani̱ma̱ha̱. Najmi kitsꞌínkjáíhi̱n nga sꞌe̱jihi̱n ni xi títsu Pablo̱. Nginku̱n ngayjee̱ xu̱ta̱ tu̱ chꞌohón tsꞌín i̱ncha kinchja̱ne xu̱ta̱ xi sꞌejihi̱n Jesu. Kui nga ngji tꞌaxíhin Pablo̱. Má nga bakúya nda̱ xi ꞌmi Tirano̱ ngjiko̱ xu̱ta̱ xi yjankihi̱ Jesu. Yo̱ tsakúyaha̱ xu̱ta̱ xki̱ ni̱stjin.
\v 10 Jo nú kamaha̱ nga bꞌa̱ kitsꞌín. Kintꞌé éhe̱n Nti̱a̱ná ngayjee̱ xu̱ta̱ xi tjín a̱nte Asi̱a̱, xi judio̱ ko̱ xi griego̱.
\p
\v 11 Nti̱a̱ná kitsjáha̱ ngaꞌyún Pablo̱ xi má nga kitsꞌín kju̱a̱nkjún xi i.
\v 12 Santaha xu̱ta̱ ngjiko̱ pañu̱ ko̱ najyun xi kitsꞌínko̱ Pablo̱. Kui xi jꞌaiko̱ho̱ xu̱ta̱ uhu̱n. A̱sꞌa̱i kamanda ko̱ tsitjujíhi̱n jánindoo̱.
\p
\v 13 Ta̱ kikjatsúꞌba̱ yo̱ kꞌu̱a̱ já judio̱ xi bꞌema xki̱ a̱nte ko̱ mꞌosje jánindoo̱. Kui xi i̱ncha kama kꞌun kitsꞌínchjén ngaꞌyúhu̱n Nda̱ Nti̱a̱ná Jesu. Bꞌi̱ i̱ncha kitsúhu̱ jánindoo̱:
\p —Ngajoho̱ Jesu xi tíbꞌéni̱jmí Pablo̱ bꞌa̱ tíꞌmii̱hi̱ nga ti̱tjujiun yo̱.
\p
\v 14 Yatu jáha̱ nda̱ na̱ꞌmi kꞌaku̱ judio̱ xi ꞌmi Esceba̱ bꞌa̱ i̱ncha kitsꞌín.
\v 15 Tu̱nga kinchja̱há nda̱nindoo̱ nga bꞌi̱ kitsúhu̱ jóo̱:
\p —Be Jesu ko̱ ta̱ be Pablo̱, tu̱nga, ¿yáha jun?
\p
\v 16 A̱sꞌa̱i nda̱ xi tíjñajihi̱n nda̱nindoo̱ jakjꞌá já xi yatuu̱. Kikjánko̱ ko̱ kitsꞌín ngana̱ha̱. A̱sꞌa̱i tsanka jóo̱ nga kama uhu̱n. Xí kjintustíhí nga i̱ncha tsitju niꞌyaha̱ ndo̱.
\v 17 Ngayjee̱ xu̱ta̱ xi tjín Efe̱so̱, xi judio̱ ko̱ xi griego̱, kintꞌé ni xi kamoo̱. I̱ncha kitsankjún ngayjee̱ ko̱ bꞌa̱ i̱ncha kitsú nga tjíhi̱n kju̱a̱chánka Nda̱ Nti̱a̱ná Jesu.
\p
\v 18 Nkjin xi kisꞌejihi̱n Jesu i̱ncha jꞌai tsúya nginku̱n xu̱ta̱ xingisoo̱ ni chꞌonkꞌun xi i̱ncha kitsꞌín nkꞌie.
\v 19 Xi i̱ncha kitsꞌín tjꞌe jꞌaiko̱ xu̱ju̱n tjꞌehe̱ ko̱ kisꞌetí xu̱ju̱n nginku̱n ngayjee̱ xu̱ta̱. Nkꞌie nga kinꞌesjehe̱ xki̱ xu̱ju̱n xi kisꞌetíu̱, cháte ra̱ mii̱ to̱ontaba kama chjíhi̱ xu̱ju̱n.
\v 20 Bꞌa̱ tsꞌín ꞌyún ngji tse ko̱ ngji ndju éhe̱n Nti̱a̱ná.
\p
\v 21 A̱skahan bꞌa̱ kitsú kju̱a̱nkjintakꞌuhu̱n Pablo̱ nga ngju̱a̱i̱ nanki xi tjín a̱nte Macedoni̱a̱ ko̱ a̱nte Akaya̱ ko̱ a̱sꞌa̱i tsꞌi̱ín ni̱yá nga ngju̱a̱i̱ santaha nanki Jerusalen. Bꞌi̱ kitsú:
\p —A̱skahan nga ku̱i̱cha yo̱, tjíhin nga ta̱ kfíán nanki Roma̱.
\p
\v 22 A̱sꞌa̱i kitsꞌínkji Macedoni̱a̱ Timoteo̱ ko̱ Erasto̱, já xi i̱ncha basinko̱ho̱. Ko̱ máha kui, yꞌejña sa chuba ni̱stjin Asi̱a̱.
\s Bꞌi̱ tsꞌín ngji kontra̱ha̱ xu̱ta̱ Efe̱so̱ ni xi tsakúya Pablo̱
\p
\v 23 Kui ni̱stjiu̱n xu̱ta̱ xi yjankihi̱ Jesu nanki Efe̱so̱ nku kju̱a̱sti jꞌajin.
\v 24 Nku nda̱ xi ꞌmi Demetri̱o̱ xi tsꞌínnda ni̱nku̱ to̱ontaba xi̱. Bꞌa̱ tsꞌínkꞌíéntu ni̱nku̱ xi tsꞌínnda xi nkúhu ni̱nku̱hu̱ nti̱a̱ Artemisa̱. Kui ni̱stjiu̱n já xi kui xáha tsꞌín ꞌyún tsꞌín ngana̱ to̱on.
\v 25 Demetri̱o̱ kinchja̱ ñjakúhu̱ já xi tsꞌínxátꞌaha̱ ko̱ já xi ta̱ kui xáha tsꞌín. Bꞌi̱ kitsúhu̱ jóo̱:
\p —Jun já, yo nga bꞌéjñaná to̱on xá xuꞌbi̱.
\v 26 Tu̱nga tíyanú ko̱ tínuꞌyó ni xi títsꞌín Pablo̱ e̱i̱ Efe̱so̱ ko̱ santaha tu̱ má nankihí ni xi tjín a̱nte Asi̱a̱. Bꞌa̱ títsu nga nti̱a̱ xi tsꞌínnda xu̱ta̱ najmi nti̱a̱. Nkjin xu̱ta̱ ja i̱ncha kitsꞌínkjáíhi̱n ni xi tíbakúya ndo̱ ko̱ i̱ncha kitsꞌínkꞌóntjaiya kju̱a̱nkjintakꞌuhu̱n.
\v 27 Najmi tu̱ suba xáná títsꞌínkji kinte. Ta̱ títsꞌín nga nku ni xi najmi ta̱ chumi ni chjíhi̱ ra̱ ka̱ma ni̱nku̱hu̱ nti̱a̱ chánka Artemisa̱. Najmi ta̱ cha̱nkjúhun kju̱a̱chánkaha̱ nti̱a̱ xuꞌbi̱, nti̱a̱ xi benkjúnyje xu̱ta̱ xi tjín a̱nte Asi̱a̱ ko̱ nga ngúsuhu̱n a̱sunntee̱.
\p
\v 28 Nkꞌie nga i̱ncha kintꞌé jóo̱ niu̱, tu̱ xí i̱ncha kama kjahán ra̱. Bꞌi̱ i̱ncha kitsú nga kikjintáya:
\p —¡Chánkahá Artemisa̱, nti̱a̱ha̱ xu̱ta̱ Efe̱so̱!
\p
\v 29 A̱sꞌa̱i xu̱ta̱ ndaha najmi be mí nihi xi tsꞌi̱ín. Nkuhú kikꞌa xinkjín nga ngjikjꞌá Gayo̱ ko̱ Aristarko̱, kui xi já Macedoni̱a̱ xi tje̱nko̱ Pablo̱. I̱ncha kikjebéfe nga ngjiko̱ a̱nte má ma ñjakú xu̱ta̱ na̱nti̱a̱.
\v 30 Mjehe̱ Pablo̱ nga ngju̱a̱i̱sehe̱ xu̱ta̱ xi kama ñjakú yo̱, tu̱nga najmi kitsjántehé ra̱ xu̱ta̱ xi yjanki Jesu.
\v 31 Ko̱ ta̱ já kꞌaku̱ xi tjín a̱nte Asi̱a̱ xi nda nchja̱ko̱ Pablo̱ i̱ncha kitsꞌínkjihi̱ én nga tsankihi̱ nga najmi tu̱ ngju̱a̱i̱ a̱nte má nga kama ñjakú xu̱ta̱.
\p
\v 32 Bꞌi̱ ngján i̱ncha kinchja̱ xu̱ta̱ nga xa̱áha̱n i̱ncha kitsꞌín. Ko̱ santaha nkjin ṉkjún xi najmi be á yo̱ kama ñjakúhu.
\v 33 A̱sꞌa̱i tjín xi jakjꞌáha̱ Alejandro̱. Xu̱ta̱ xi ntje̱ judio̱ tje̱he̱n ra̱ kitsuniñaha̱ ndo̱ nginku̱n ngayjee̱ xu̱ta̱. Kingjén nkꞌa ntsja Alejandro̱ nga tsanki nga ngju̱én jyu xu̱ta̱ tu̱ xi ku̱i̱nchja̱ntjaihi xu̱ta̱ judio̱.
\v 34 Tu̱nga nkꞌie nga kikie xu̱ta̱ nga ta̱ nda̱ judio̱ niu̱, nkuhú kitsꞌín nta̱ha̱ nga bꞌi̱ i̱ncha kitsú nga kikjintáya nkú ra̱ ma tsa jo ora̱:
\p —¡Chánkahá Artemisa̱, nti̱a̱ha̱ xu̱ta̱ Efe̱so̱!
\p
\v 35 A̱sꞌa̱i nda̱ xi tsꞌínxátꞌaha̱ já kꞌaku̱ kamaha̱ kitsꞌínkꞌíéjyu xu̱ta̱ nkjiu̱n. Bꞌi̱ kitsú:
\p —Jun já Efe̱so̱, ngayjee̱ xu̱ta̱ be nga nankiná Efe̱so̱ kunntá ni̱nku̱hu̱ nti̱a̱ chánka Artemisa̱ ko̱ sénni̱stjihi̱n xi nibaha nkꞌa ján nga jꞌaikijne e̱i̱.
\v 36 Tíjña chji chji ni xuꞌbi̱. Kui nga tjenjyúhunu ko̱ nꞌe̱nkjíntakꞌun ni xi nꞌo̱o.
\v 37 A̱tꞌaha̱ já xi kafꞌái̱ko̱o e̱i̱ najmi ni xi tíi̱ncha ni̱nku̱ jakjꞌá ndyjé ko̱ ta̱ ndaha najmi chꞌon títsuhu̱ nti̱a̱ tsꞌa̱ñá.
\p
\v 38 ’Tsa Demetri̱o̱ ko̱ já xi tsꞌínxáko̱ tjínko̱ho̱ kju̱a̱ xu̱ta̱ xi kjꞌa̱í, tjín já jue ko̱ tjín já tjíxá. Yo̱ katsꞌínko̱kju̱a̱ xinkjín.
\v 39 Ko̱ tsa tjín sa kjꞌa̱í ni xi mjenu̱u, nkꞌie nga ma ñja já tjíxóo̱ sꞌe̱nda niu̱.
\v 40 A̱tꞌaha̱ ka̱ma sa̱téjéneé nga̱tꞌaha̱ ni xi kama ndꞌa̱i̱, nga xa̱áha̱n tínꞌeé. Tsa cha̱sjaiyaná nga̱tꞌaha̱ niu̱, najmi yaá nkú ku̱i̱xíaán.
\p
\v 41 Nkꞌie nga ja kamaha̱ nga bꞌa̱ kitsú, kitsꞌínkji ngáha niꞌyaha̱ xu̱ta̱ xi kama ñjakú yo̱.
\c 20
\s Bꞌi̱ kama nkꞌie nga jꞌa Pablo̱ a̱nte Macedoni̱a̱ ko̱ a̱nte Greci̱a̱
\p
\v 1 A̱skahan nga ja kisꞌejyú xu̱ta̱ nkjiu̱n, Pablo̱ kinchja̱ ñjaha̱ xu̱ta̱ xi yjankihi̱ Jesu ko̱ kitsjá ngaꞌyúhu̱n. A̱sꞌa̱i tsitju nga ngji Macedoni̱a̱.
\v 2 Xki̱ nanki xi tjín a̱nte Macedoni̱a̱ jꞌa ko̱ ꞌyún kitsjá ngaꞌyúhu̱n xu̱ta̱ ni̱nku̱ nga kinchja̱ko̱. A̱skahan tsichu Greci̱a̱.
\v 3 Jan sá kamaha̱ nga yꞌejña yo̱. Nkꞌie nga ja ku̱a̱kjꞌá tsutsu xi ngju̱a̱i̱ko̱ho̱ a̱nte Siri̱a̱, tu̱ kintꞌéhé én nga já judio̱ ja yꞌéndako̱ xinkjín nga tsꞌi̱ínꞌuhu̱n. Kui nga ta̱ a̱nte Macedoni̱a̱ ngji ngáha.
\p
\v 4 Kui já xuꞌbi̱ xi kitsjennkíhi̱ Pablo̱: Sopa̱te̱r xi Berea̱ nibáha xi ntíhi̱ Pirro̱ maha, Aristarco̱ ko̱ Segundo̱ xi Tesaloni̱ka̱ i̱ncha nibáha, Gayo̱ xi Derbe̱ nibáha, Timoteo̱, Tiki̱co̱ ko̱ Trofi̱mo̱ xi Asi̱a̱ i̱ncha nibáha.
\v 5 I̱ncha ngji títjun jái̱ ko̱ nanki Troa̱ kikuyáni̱.
\v 6 Ji̱n bi a̱skahan nga jꞌa sꞌí nkꞌie nga chine ni̱nku̱a̱n xi najmi tjíhi̱n na̱ꞌyu̱ san, tsitjasꞌe̱i̱n nku tsutsu ko̱ tsitjui̱ Filipo̱. Ni̱stjin xi ma uhun tsichu tje̱nnkii̱ jóo̱ Troa̱. Yo̱ tsꞌandayani̱ yatu ni̱stjin.
\s Bꞌi̱ kama nkꞌie nga jꞌai Pablo̱ nanki Troa̱
\p
\v 7 Nkꞌie nga tíbꞌatutsꞌi̱hi̱n tuntjóo̱ kama ñjakúi̱ tu̱ xi chi̱ne̱he̱ni̱ ni̱ñu̱. A̱sꞌa̱i Pablo̱ tsakúyaha̱ xu̱to̱, a̱tꞌaha̱ ni̱stjin xi ma ndyjuu̱n ngju̱a̱i̱ ngáha. Tu̱ nku ngjindjuko̱hó ée̱n santaha nkúhu nga masen ni̱stje̱n.
\v 8 Chun ndzjen ndzjen yo̱, a̱tꞌaha̱ nkjin maha ndꞌí seti̱ xi tjín nkꞌa niꞌya xi má nga kama ñjakúi̱.
\p
\v 9 Tu̱ nkuhú nda̱ti xi ꞌmi Eutiko̱ xi a̱nkju̱a̱ nkꞌoo̱ kabꞌejña stiu̱. Kui xi kisꞌefe nkꞌie nga ꞌyún ngjindjuko̱ Pablo̱ ée̱n. ꞌYún ṉkjún kisꞌefe tjain. A̱sꞌa̱i tsijnenki. Niꞌya xi ma jahan niba nga tsijnenki. Ja kaꞌme nga kichjusíntje̱n.
\v 10 A̱sꞌa̱i tsitjujen Pablo̱ ko̱ ngjikꞌúhu̱n. Kitsubakjꞌá nda̱tiu̱ ko̱ bꞌi̱ kitsú:
\p —Najmi tu̱ binkjun. Tíjñahá ndo̱.
\p
\v 11 A̱sꞌa̱i ta̱ ngji tsꞌínndju̱ú ngáha éhe̱n Pablo̱. Tsakjánya ni̱nku̱o̱n, i̱ncha kikjine ni̱ñu̱ ko̱ ta̱ ngjindjuhú ngáha nga tsakúyaha̱ xu̱to̱ santa nkúhu nga kama see̱n. A̱sꞌa̱i ngji.
\v 12 Máha nda̱tiu̱, i̱ncha ngjiko̱ tíkꞌuhu̱n xu̱ta̱ niꞌyaha̱ ko̱ i̱ncha kisakú ngaꞌyúhu̱n nga̱tꞌaha̱ ni xi kama.
\s Bꞌi̱ tsꞌín kitsꞌín ni̱yá Pablo̱ tu̱ xi kui̱chúhu nanki Mileto̱
\p
\v 13 Ja kamoo̱. Ji̱n tje̱n tsankinko̱ho̱ni̱ tsutsu nanki Ason, yo̱ má nga chúyai̱hi̱ Pablo̱. Bꞌa̱ tsꞌín yꞌéndako̱ni̱, a̱tꞌaha̱ mjehe̱ nga ni̱yá tꞌananki tsꞌi̱ín.
\v 14 Nkꞌie nga kisakúni̱ Pablo̱ nanki Ason, a̱sꞌa̱i jasꞌenko̱ni̱ tsutsuu̱ ko̱ tsankii̱n nanki Mitilene̱.
\v 15 Tsitjui̱ nanki Mitilene̱ ko̱ ni̱stjin xi ma ndyjuu̱n tsitjai̱ xjo̱ Kio̱. Nkꞌie nga kama ndyjuu̱n tsitjandái̱ nanki Samo̱, nku a̱nte má bichú tsutsu. Kinꞌekjꞌáíyai̱ nanki Trogili̱o̱ ko̱ ni̱stjin ma ndyjuu̱n tsichii̱ nanki Mileto̱.
\v 16 Bꞌa̱ kinꞌei̱ a̱tꞌaha̱ Pablo̱ mjehe̱ kjꞌu̱a̱ ni̱yá nanki Efe̱so̱ tu̱ xi najmi kꞌu̱a̱ndayaha̱ ra̱ nanki xi tjín a̱nte Asi̱a̱. Kitsꞌín xatíhi̱ yjoho̱ nga ku̱i̱chú nanki Jerusalen, tsa tu̱ ahá ni sa̱kúhu̱ nga kꞌúéjña yo̱ nkꞌie nga ku̱i̱tju Sꞌí Pentecoste.
\s Bꞌi̱ tsꞌín kinchja̱ko̱ Pablo̱ jácháha̱ xu̱ta̱ ni̱nku̱ Efe̱so̱
\p
\v 17 Nkꞌie nga tsichii̱ nanki Mileto̱, kitsꞌínkji én Pablo̱ nga kinchja̱ha̱ jácháha̱ xu̱ta̱ ni̱nku̱ Efe̱so̱.
\v 18 Nkꞌie nga i̱ncha jꞌai jóo̱, bꞌi̱ kitsú Pablo̱:
\p —Yo xi nkú tsꞌín tsáte̱jñajin tehe̱ntenu̱u santa nkúhu nga tutsꞌihi̱n ni nga jáa̱ e̱i̱ a̱nte Asi̱a̱.
\v 19 Ni̱ma̱kju̱a̱ tsꞌasjé yjona̱ nga kitsꞌinxátꞌaha̱ Nti̱a̱ná. Kikjíi̱nta nga un kikiena ni xi yꞌéndatꞌáínna já judio̱.
\v 20 Tu̱nga najmi kingjentꞌíáhá ra̱ nga yꞌeni̱jmínu̱u ni xi tsꞌe̱ ngandanu̱u. Tsakuyánu̱u ni̱yátée̱ ko̱ xki̱ niꞌyanu̱u.
\v 21 Yꞌejñá chjihi̱ xu̱ta̱ xi ntje̱ judio̱ tje̱he̱n ra̱ ko̱ xu̱ta̱ xi najmi ntje̱ judio̱ tje̱he̱n ra̱ nga tjíhin nga ngju̱a̱i̱kjꞌáha̱ ra̱ ani̱ma̱ha̱ nginku̱n Nti̱a̱ná ko̱ nga sꞌe̱jihi̱n Nda̱ Nti̱a̱ná Jesucristo̱.
\p
\v 22 ’Nga tíntꞌeꞌéhe̱n Espiri̱tu̱ Santo̱ ndꞌa̱i̱ tífia Jerusalen. Najmi be mí nihi xi ka̱matꞌan ján.
\v 23 Tu̱nga xki̱ a̱nte má nga fia tsuya títjunna Espiri̱tu̱ Santo̱ tsa nu̱ba̱yá ko̱ tsa kju̱a̱ꞌun tíkuyána.
\v 24 Tu̱nga najmi kjinta̱hána tsa ku̱a̱yá. Nga̱tꞌa tsꞌa̱n najmi ꞌyún chjíhi̱ ra̱ ni xuꞌbo̱. Tu̱ nkuhú ni xi mjena. Mjena nga ku̱i̱chúkjetꞌa tsjo tsjo ni xi títsꞌian ko̱ tsꞌinndja̱á xá xi kitsjána Nda̱ Nti̱a̱ná Jesu, nga xínya sisian én nda tsuhu̱ Jesu xi bꞌéjña chji kju̱a̱ndaha̱ Nti̱a̱ná.
\p
\v 25 ’Be ndꞌa̱i̱ nga najmi ta̱ cha̱hanú ngatento xi jái̱senu̱u, jun xi yꞌeni̱jmínu̱u nkú tsꞌín batéxuma Nti̱a̱ná.
\v 26 Kui bꞌa̱ maha, ni̱stjin ndꞌa̱i̱ tíxinyaha̱nu̱u nga najmi an yꞌanjiá tsa tjín xi ndyja̱.
\v 27 A̱tꞌaha̱ najmi chumi nihi xi yꞌejñá ꞌmanu̱u. Ngayjee̱ ni xi mjehe̱ Nti̱a̱ná yꞌeni̱jmínu̱u.
\p
\v 28 ’Kui bꞌa̱ maha, chúhu̱n ru̱u yjonu̱u ko̱ chúhu̱un ngayjee̱ xu̱ta̱ ni̱nku̱. A̱tꞌaha̱ Espiri̱tu̱ Santo̱ kitsjá xánu̱u nga jun xi cha̱so̱ho̱ xu̱ta̱ ni̱nku̱hu̱ Nda̱ Nti̱a̱ná xi jníhi̱ tsꞌatseko̱ho.
\v 29 A̱tꞌaha̱ be nga a̱skahan nga kfíán kjꞌu̱a̱íjinnu̱u já xi mjehe̱ tsꞌi̱ínndyja xu̱ta̱ ni̱nku̱ xi nkú tsꞌín chu̱ kjoo̱n a̱jihi̱n chu̱tsa̱nko̱.
\v 30 Santaha a̱jinnu̱u sꞌe̱ xi ku̱a̱kúya ni xi najmi bꞌa̱ tjín tu̱ xi xu̱ta̱ ni̱nku̱ tsjénnkihi̱ ra̱.
\v 31 Kui nga ti̱ntsu̱ba̱ ndahanu. Nꞌe̱kjꞌáítsjon nga ni̱stjin ni̱stje̱n jan nú najmi kitsꞌinkjꞌáíya nga ntánkán tsatendzjá nga kitsjani̱yáha̱nu̱u nga nkúnkú.
\p
\v 32 ’Ndꞌa̱i̱ já ntsꞌe, títsꞌinkjasꞌennu̱u a̱ya ntsja Nti̱a̱ná. Katasinko̱nu̱u én xi tínchja̱ kju̱a̱ndaha̱ Nti̱a̱ná, kui éhe̱n xi ka̱maha̱ tsjánu̱u ngaꞌyún nginku̱n Nti̱a̱ná ko̱ tsjánu̱u ni xi tsꞌi̱ínkjáíhi̱n ngayjee̱ xu̱ta̱ xi tsichu ma je nginku̱n Nti̱a̱ná.
\v 33 Najmi kitsꞌin mje to̱ontabanu̱u ko̱ tsa to̱onsinenu̱u ko̱ ta̱ ndaha najyunnu̱u.
\v 34 Jun yo xi nkú tsꞌín kitsꞌinxá tu̱ xi kisakúhuna ni xi kamachjénna ko̱ ni xi kamachjéhe̱n já xi kitsjenko̱na.
\v 35 Tehe̱nte yꞌejñá chu̱ba̱yanu̱u nga tjíhin nga nꞌe̱xáá tu̱ xi ku̱i̱si̱nko̱honá xu̱ta̱ xi najmi tjíhi̱n ni xi machjéhe̱n. Nꞌe̱kjꞌáítsjon éhe̱n Nda̱ Nti̱a̱ná Jesu xi bꞌi̱ títsu: “Xi tu̱ tsjáhá ra̱ ni xu̱ta̱ xi kjꞌa̱í, kui xi ꞌyún sꞌe saha̱ kju̱a̱tsjo nga xi tsꞌínkjáíhi̱n niu̱.”
\p
\v 36 Nkꞌie nga ja kama nga bꞌa̱ kitsú Pablo̱, tsasinkúnchꞌin nga kinchja̱ko̱ Nti̱a̱ná ko̱ bꞌa̱ ta̱ i̱ncha kitsꞌín jóo̱.
\v 37 I̱ncha kikjintá ko̱ kitsubakjá ko̱ kikjexu̱ꞌba tsa̱ha̱ Pablo̱.
\v 38 ꞌYún i̱ncha kikꞌie babaha̱ jóo̱ a̱tꞌaha̱ bꞌa̱ kitsú nga najmi ta̱ i̱ncha sku̱e̱he Pablo̱. A̱sꞌa̱i i̱ncha ngjisín ni̱yá santaha má kjijña tsutsu xi ngju̱a̱i̱ko̱ho̱.
\c 21
\s Bꞌi̱ tsꞌín kitsꞌín ni̱yá Pablo̱ nga ngji nanki Jerusalen
\p
\v 1 Nkꞌie nga yꞌentui̱ já ntsꞌeé xi tjín nanki Efe̱so̱, tsitjasꞌe̱i̱n nku tsutsu. Tsankin na̱xu̱i̱ na̱xu̱i̱ xjo̱ Cos. Ni̱stjin xi ma ndyjuu̱n tsichii̱ xjo̱ Roda̱ ko̱ a̱skahan tsichii̱ nanki Pata̱ra̱.
\v 2 Yo̱ kisakúni̱ kjꞌa̱í tsutsu xi tífi a̱nte Fenici̱a̱. Tsitjasꞌe̱i̱n ko̱ tsankinko̱i̱.
\v 3 Kiyai̱ xjo̱ Chipre̱. Skjúhu̱n tsitjai̱ nga tsankii̱n a̱nte Siri̱a̱. A̱sꞌa̱i tsichii̱ nanki Tiro̱, a̱tꞌaha̱ yo̱ tjíhin nga chjúje̱n chꞌá xi yꞌa tsutsuu̱.
\p
\v 4 Kisakúni̱ xu̱ta̱ xi yjankihi̱ Jesu xi tjín yo̱. Yatu ni̱stjin tsꞌandayani̱. Kui xi bꞌa̱ kitsúhu̱ Pablo̱ nga najmi tu̱ ngju̱a̱i̱ nanki Jerusalen, a̱tꞌaha̱ Espiri̱tu̱ Santo̱ tsakúchjihi̱ ni xi ka̱ma.
\v 5 Nkꞌie nga jꞌa ni̱stjin xi yatuu̱, tsitjui̱ yo̱ ko̱ i̱ncha ngjisín ni̱yáni̱ ngayjee̱ jáxꞌi̱n ko̱ jminchjíhi̱n ko̱ ntíhi̱ santaha na̱tsin na̱nti̱o̱. A̱sꞌa̱i tsinchakúnchꞌii̱n a̱ndai ntáchakꞌuu̱n ko̱ kichubako̱i̱ Nti̱a̱ná.
\v 6 A̱sꞌa̱i bꞌi̱ ngján kinubakjái̱ xinki̱, ji̱n tsitjasꞌe̱i̱n tsutsuu̱ ko̱ kui i̱ncha kikꞌóya ngáha niꞌyaha̱.
\p
\v 7 Nku tsutsu tsitjuko̱i̱ Tiro̱ ko̱ tsankii̱n nanki Tolemaida̱. Kisuniñai̱hi̱ já ntsꞌeé xi tjín yo̱ ko̱ tsꞌandayani̱ nku ni̱stjin.
\v 8 Ni̱stjin xi ma ndyjuu̱n tsitjui̱ ko̱ tsichii̱ nanki Cesarea̱. A̱sꞌa̱i tsankii̱n niꞌyaha̱ Felipe̱ ko̱ tintsu̱ba̱ko̱i̱. Felipe̱ xi ta̱ bꞌéni̱jmí én nda tsuhu̱ Jesu ko̱ ta̱ tjíhi̱n xá a̱jihi̱n já yatu xi basinko̱ já postru̱.
\v 9 Ta̱ tjíntuhu̱ ñju i̱stinchjín xu̱nkú xi Nti̱a̱ná tsjáha̱ éhe̱n.
\p
\v 10 Ja tjíhi̱n nkjin ni̱stjin nga tintsu̱ba̱i̱ yo̱ nkꞌie nga jꞌai nku nda̱ profeta̱ xi ꞌmi Aga̱bo̱ xi nibaha a̱nte Judea̱.
\v 11 Jꞌaitsubekꞌúnni̱, jakjꞌá tja̱ba̱xín ndayáha̱ Pablo̱ ko̱ yꞌétꞌaꞌyúnko̱ho ntsja ko̱ sjai. A̱sꞌa̱i bꞌi̱ kitsú:
\p —Bꞌi̱ títsu Espiri̱tu̱ Santo̱ nga bꞌi̱ tsꞌín kꞌu̱étꞌaꞌyúhu̱n já judio̱ xi tjín Jerusalen nda̱ xi tsꞌe̱ tja̱ba̱xín ndayái̱. Tsꞌi̱ínkjasꞌen a̱ya ntsja já xi najmi ntje̱ Israel tje̱he̱n ra̱.
\p
\v 12 Nkꞌie nga kinuꞌyái̱ niu̱, bꞌa̱ kikꞌii̱hi̱n Pablo̱ ko̱ bꞌa̱ ta̱ kitsúhu̱ xu̱ta̱ xi tjín yo̱, nga najmi tu̱ ngju̱a̱i̱ nanki Jerusalen.
\v 13 A̱sꞌa̱i bꞌa̱ kitsú Pablo̱:
\p —¿Á tíchꞌíhinu ko̱ tínꞌe bahanú? Tjínkuhu̱ kꞌan nga najmi tu̱ nku nga sꞌe̱tꞌaꞌyán. Ta̱ tjínku níhi̱ kꞌan nga santaha ku̱a̱yá Jerusalen nga̱tꞌaha̱ Nda̱ Nti̱a̱ná Jesu.
\p
\v 14 Nkꞌie nga najmi kitsꞌín yu Pablo̱ ni xi tíꞌmii̱hi̱, najmi bꞌa̱ ta̱ kikꞌin saha̱ ri̱.
\p —Katuma xi nkú tsꞌín mjehe̱ Nti̱a̱ná —tu̱ tsixíhín sai̱.
\p
\v 15 A̱skahan yꞌendai̱ yjoni̱ ko̱ tsankii̱n nanki Jerusalen.
\v 16 Kitsjennkíni̱ kꞌu̱a̱ já xi yjankihi̱ Jesu xi tjín nanki Cesarea̱ ko̱ ngjiko̱ni̱ niꞌyaha̱ nku nda̱ xi nibáha xjo̱ Chipre̱ xi ꞌmi Mnason xi ja ndꞌa̱i tje̱nnkihi̱ ra̱ Jesu. Kui xi kitsjánteni̱ nga ku̱i̱ntsu̱ba̱i̱ niꞌyaha̱.
\s Bꞌi̱ tsꞌín kikꞌinyaha̱ Pablo̱ ni xi tsꞌi̱ín nga tsichu nanki Jerusalen
\p
\v 17 Nkꞌie nga tsichii̱ nanki Jerusalen, tsjo tsꞌín kitsꞌínkjáínni̱ já ntsꞌeé.
\v 18 Ni̱stjin xi ma ndyjuu̱n Pablo̱ ko̱ ji̱n tsankintsubekꞌui̱n Santiago̱. Yo̱ tjíntu ngayjee̱ jácháha̱ xu̱ta̱ ni̱nku̱ nkꞌie nga tsichii̱.
\v 19 A̱sꞌa̱i Pablo̱ kikjaniñaha̱ jóo̱ ko̱ kitsúyaha̱ nga nkúnkú ni xi kitsꞌín Nti̱a̱ná a̱jihi̱n xu̱ta̱ xi najmi ntje̱ judio̱ tje̱he̱n ra̱ nga kitsꞌínchjén xáha̱ Pablo̱.
\p
\v 20 Nkꞌie nga kintꞌé jóo̱ niu̱, i̱ncha kitsꞌíntsjoho̱ Nti̱a̱ná. A̱sꞌa̱i bꞌi̱ i̱ncha kitsú jóo̱:
\p —Ji nda̱ ntsꞌe, ja yai nga nkjin mii̱ maha xu̱ta̱ judio̱ xi sꞌejihi̱n Jesu ko̱ ngayjee̱ ꞌyún benkjún kju̱a̱téxumoo̱.
\v 21 Kikꞌinyaha̱ nga ji tíbakuyáí nga tjíhin nga tsꞌi̱ín tꞌaxín kju̱a̱téxumaha̱ Moise ngayjee̱ xu̱ta̱ judio̱ xi tjíntujíhi̱n xi najmi judio̱, ko̱ nga bꞌa̱ tíbixín nga najmi tsꞌi̱íhi̱n ni circuncision ntíhi̱, ko̱ nga najmi tsꞌi̱íntjusun sin cháná.
\p
\v 22 ’Kui bꞌa̱ maha, ¿nkú nꞌe̱hená? A̱tꞌaha̱ ku̱i̱ntꞌé xu̱ta̱ nga ja kafꞌái̱ e̱i̱.
\v 23 Kui nga tu̱ sahá bꞌi̱ nꞌe̱heni. E̱i̱ tjíntujínni̱ ñju já xi tsꞌi̱íntjusun nku ni xi kitsꞌínkie Nti̱a̱ná.
\v 24 Tꞌinko̱i̱ jóo̱ ko̱ nꞌe̱ jeko̱i̱ yjohi̱ nginku̱n Nti̱a̱ná. Tꞌechjíntjai tu̱ xi kjꞌu̱ájnu kaha̱ ra̱ yjoho̱ jóo̱. Bꞌa̱ tsꞌín sku̱e̱he ngayjee̱ xu̱ta̱ nga ko̱ ji tínꞌetjusuin kju̱a̱téxumoo̱ ko̱ nga najmi kju̱axi̱ ni xi kintꞌé.
\p
\v 25 ’Xu̱ta̱ xi najmi judio̱ xi ja sꞌejihi̱n Jesu, ji̱n ja kinꞌekjíi̱hi̱ nku xu̱ju̱n má tjítꞌa ni xi yꞌendai̱. Bꞌa̱ kikꞌii̱hi̱n nga najmi tu̱ kji̱ne̱ yjoho̱ chu̱ xi chje̱ kikꞌa̱i̱hi̱ ra̱ nti̱a̱ xi tsꞌínnda xu̱ta̱, ta̱ ndaha jní ko̱ ta̱ ndaha yjoho̱ chu̱ xi kinubantu, ko̱ nga najmi tu̱ katjantuko̱ jminchín xi najmi kje̱e bixan.
\p
\v 26 A̱sꞌa̱i ngjiko̱ Pablo̱ já xi ñjuu̱. Ni̱stjin xi ma ndyjuu̱n kitsꞌín jeko̱ yjoho̱ nginku̱n Nti̱a̱ná. Jasꞌen na̱tsihi̱n ni̱nku̱ tu̱ xi ku̱i̱tsu̱yaha nkjé kfe̱ku nga tsꞌi̱ín je yjoho̱ ko̱ nkjé kjꞌu̱a̱íko̱ chje̱he̱ nga nkúnkú.
\s Bꞌi̱ tsꞌín kichjubénijé Pablo̱
\p
\v 27 Nkꞌie nga ja tíbichúkje ni̱stjin yatu xi machjén nga tsꞌín je yjoho̱ xu̱ta̱ nginku̱n Nti̱a̱ná, kikie kꞌu̱a̱ já judio̱ xi nibaha a̱nte Asi̱a̱ nga kabasinjña Pablo̱ má ma na̱tsihi̱n ni̱nku̱. A̱sꞌa̱i tsincháꞌa ngayjee̱ xu̱ta̱ nkjiu̱n ko̱ jakjꞌánijé Pablo̱.
\v 28 ꞌYún i̱ncha kikjintáya nga bꞌi̱ i̱ncha kitsú:
\p —¡Jun já Israel, ti̱si̱nko̱ni̱! Kui nda̱i̱ xi tíbakúyaha̱ ngayjee̱ xu̱ta̱ tu̱ má xi tje̱hén ni nga tífi kontra̱ha̱ xu̱ta̱ná, kju̱a̱téxumoo̱ ko̱ a̱nte xuꞌbi̱. Santaha jasꞌenko̱ já griego̱ e̱i̱ na̱tsihi̱n ni̱nku̱ nga kitsꞌínsi nginku̱n Nti̱a̱ná a̱nte nkjún xuꞌbi̱.
\p
\v 29 Bꞌa̱ i̱ncha kitsú jóo̱ a̱tꞌaha̱ kjꞌa̱í ni̱stjihin kikie Trofi̱mo̱, nda̱ xi nanki Efe̱so̱ nibáha, nkꞌie nga tje̱nko̱ Pablo̱ a̱jin na̱nti̱o̱. Bꞌa̱ i̱ncha kitsú kju̱a̱nkjinkꞌuhu̱n jóo̱ nga Pablo̱ jasꞌenko̱ ndo̱ má ma na̱tsihi̱n ni̱nku̱.
\p
\v 30 A̱sꞌa̱i xa̱áha̱n i̱ncha kitsꞌín ngayjee̱ xu̱ta̱ nkjiu̱n ko̱ i̱ncha tsangatsanka nga jꞌai. I̱ncha jakjꞌánijé Pablo̱, kikjebéfe nga kikꞌonsje na̱tsin ni̱nku̱ ko̱ tje̱nꞌyún yꞌéchjahá a̱nkju̱a̱ na̱tsiu̱n.
\v 31 Nkꞌie nga ja mjehe̱ xu̱ta̱ na̱nti̱o̱ tsꞌi̱ínkꞌien Pablo̱, tsichuhu̱ én nda̱ jun kꞌaku̱ Roma̱ nga xa̱áha̱n tíi̱ncha tsꞌín ngayjee̱ xu̱ta̱ Jerusalen.
\v 32 Ki̱tsa̱ kinchja̱ ñjaha̱ já juhu̱n ko̱ tsangatsanka má nga kama ñja xu̱ta̱ nkjiu̱n. Nkꞌie nga kikie xu̱ta̱ nga nibá nda̱ jun kꞌaku̱ ko̱ já juhu̱n, najmi ta̱ kingjáha̱ ra̱ Pablo̱.
\p
\v 33 A̱sꞌa̱i jꞌai tiña nda̱ jun kꞌaku̱, jakjꞌánijé Pablo̱ ko̱ bꞌa̱ kitsú nga jo nꞌúki̱cha̱ sꞌe̱tꞌaꞌyúhun. Kingjásjaiya yá nda̱ha niu̱ ko̱ mí nihi xi kuatsꞌín.
\v 34 Tu̱nga bꞌi̱ ngjáhán kinchja̱ xu̱ta̱ ko̱ ndaha najmi kamankjihi̱n nda̱ jun kꞌaku̱ ni xi tímoo̱, a̱tꞌaha̱ xa̱áha̱n tíi̱ncha tsꞌín xu̱ta̱. Kui nga bꞌa̱ kitsúhu nga ngju̱a̱i̱nijéhe Pablo̱ má tjíntu já juu̱n.
\v 35 Nkꞌie nga tsichuko̱ho̱ já juu̱n a̱ntjío̱ xi tjín má i̱ncha tjíntu, santaha tsꞌagankihi̱ já juu̱n Pablo̱, a̱tꞌaha̱ ꞌyún kjan tíi̱ncha maha̱ xu̱ta̱ nkjiu̱n.
\v 36 Nkjin ṉkjún i̱ncha maha xi bꞌi̱ tíi̱ncha tsu nga yjanki:
\p —¡Katꞌen ndo̱!
\s Bꞌi̱ tsꞌín tsasinntjai yjoho̱ Pablo̱
\p
\v 37 Nkꞌie nga ja tínꞌekjasꞌen Pablo̱ má i̱ncha tjíntu já juu̱n, bꞌi̱ kitsúhu̱ nda̱ jun kꞌaku̱:
\p —¿A ka̱ma kuinchjako̱ho i̱chí?
\p Bꞌi̱ kitsú nda̱ jun kꞌaku̱:
\p —¿A mahi én griego̱?
\v 38 ¿A najmi jihí nda̱ Egipto̱ xi ndꞌa̱i̱ ngáha kꞌin kontra̱i̱hi̱ nda̱ títjun Roma̱ ko̱ kꞌinko̱i̱ a̱nte kixiu̱ ñju mii̱ já tsꞌínkꞌien ani̱ma̱?
\p
\v 39 Bꞌi̱ kitsú Pablo̱:
\p —Nda̱ judio̱ná. Tarso̱ kitsian, nanki chánka xi tíjñajihi̱n a̱nte Cilici̱a̱. Tíbankihi. Kꞌu̱a̱i̱ntení i̱chí nga kuinchjaka̱ xu̱to̱.
\p
\v 40 Nkꞌie nga kikꞌa̱i̱ntehe̱, tsasinndjusún Pablo̱ a̱ntjío̱ ko̱ kingjénnkꞌa ntsja tu̱ xi ngju̱én jyuhu xu̱ta̱. Nkꞌie nga kingjén jyu xu̱ta̱, a̱sꞌa̱i én hebreo̱ kinchja̱ Pablo̱.
\c 22
\p
\v 1 —Jun já ntsꞌe ko̱ já xinkjíán, ta̱sinñju mo ni xi xínnu̱u ndꞌa̱i̱ nga kúási̱nka̱ yjona̱.
\p
\v 2 Nkꞌie nga kintꞌé xu̱ta̱ nga én hebreo̱ tínchja̱ Pablo̱, tu̱ sahá ꞌyún kindyjanta nchꞌánchꞌán sa.
\p
\v 3 Bꞌi̱ kitsú Pablo̱ nga ngjindju:
\p —Nda̱ judio̱ná. Tarso̱ kitsian, nanki xi tíjñajihi̱n Cilici̱a̱, tu̱nga nanki xuꞌbi̱hí kama chá. Gamaliel tsakúya sisinna xi nkú tsꞌín tíjña kju̱a̱téxumaha̱ ntje̱ cháná. Bꞌa̱ ta̱ tsꞌín ꞌyún kitsenkján Nti̱a̱ná xi nkúhu jun ngatento.
\v 4 Kitsjennkí unkie xu̱ta̱ xi sꞌejihi̱n Jesu nga mjena tsꞌinkꞌíén kai. Jakjꞌanijé ko̱ kitsꞌinkjasꞌen nu̱ba̱yá jáxꞌi̱n ko̱ jminchjín.
\v 5 Ka̱ma ku̱i̱tsu̱ya nga kju̱axi̱ ni xi tíxian nda̱ na̱ꞌmi títjuu̱n ko̱ ngayjee̱ jáchá xi ta̱ tjíhi̱n xá. Ni̱stjin nkꞌie kui i̱ncha kitsjána xu̱ju̱n xi tsꞌinkjasꞌehe̱n xu̱ta̱ná xi tjín nanki Damasco̱ má nga ka̱ma xá xi tífihina. Ngjingisja Damasco̱ xu̱ta̱ xi yjankihi̱ Jesu tu̱ xi kjúái̱ko̱nijéhena Jerusalen, má nga nꞌe̱nijéhe̱ ra̱.
\p
\v 6 ’Tu̱nga ni xi kamahá, nkꞌie nga títsꞌian ni̱yá ko̱ nga ja tíbichú tiña Damasco̱, nkú ra̱ ma masen ni̱stjin niu̱, tu̱ tje̱nꞌyún yꞌétjindaihína nku ndꞌí chánka xi nibajehen nkꞌa ján.
\v 7 Jái̱kijne tꞌanankiu̱ ko̱ kintꞌe nku nta̱ xi bꞌa̱ kitsúna: “Saulo̱, Saulo̱, ¿á unchahaní?”
\v 8 A̱sꞌa̱i kingjasjáíyaha̱: “¿Yáha ji, Nda̱ Nti̱a̱?” Ko̱ bꞌa̱ kitsúna: “An Jesu xi nibáha Nazaret xi unchai.”
\v 9 Já xi tje̱nko̱na kikie ndꞌíu̱ ko̱ kitsankjún, tu̱nga najmi kintꞌéhé nta̱ha̱ xi kinchja̱ko̱na.
\p
\v 10 ’A̱sꞌa̱i bꞌa̱ kixihin: “¿Mí nihi xi mjehi nga tsꞌian, Nda̱ Nti̱a̱?” Ko̱ bꞌa̱ kitsúna Nda̱ Nti̱a̱ná: “Ti̱síntje̱i̱n ko̱ tꞌin Damasco̱. Yo̱ kꞌúínyahi ngayjee̱ ni xi kisꞌenda nga tjíhin nga nꞌe̱i̱.”
\v 11 A̱sꞌa̱i i̱ncha kikjebénkina já xi tje̱nko̱na nga ngjiko̱na Damasco̱, a̱tꞌaha̱ kitsꞌín ka̱na ngaꞌyúhu̱n ndꞌíu̱.
\p
\v 12 ’Damasco̱ tíjña nku nda̱ xi ꞌmi Anania̱ xi ꞌyún benkjún Nti̱a̱ná, xi tsꞌíntjusun xi nkú tsꞌín tjítꞌa kju̱a̱téxumaha̱ Moise. Nda nchja̱ni̱jmíyaha̱ ra̱ ndo̱ ngayjee̱ xu̱ta̱ judio̱ xi tjín yo̱.
\v 13 Kui xi jꞌaisena ko̱ bꞌa̱ kitsúna: “Nda̱ ntsꞌe Saulo̱, katuma chji ngáha ri.” Ta̱ kuihi chu̱bo̱ kama chjina ko̱ kikie xi nkú tjín.
\v 14 Bꞌa̱ kitsúyana: “Nti̱a̱ha̱ ntje̱ cháná jꞌájihin, nga ji xi ka̱mankjihin ni xi mjehe̱ ko̱ nga cha̱i̱ Nda̱ xi na̱xu̱ nginku̱n Nti̱a̱ná ko̱ nga ku̱i̱núꞌyáí nta̱ha̱.
\v 15 A̱tꞌaha̱ ji kꞌúínyaihi̱ ngayjee̱ xu̱ta̱ yáha kui ko̱ ku̱i̱xínyaihi̱ xu̱ta̱ ni xi kiyai ko̱ kinuꞌyáí.
\v 16 Ndꞌa̱i̱ najmi ta̱ chuyá sahani. Ti̱síntje̱i̱n. Bꞌa̱ tꞌihi̱n Nda̱ Nti̱a̱ná nga katsꞌínndyjatꞌahi jéhi̱ nga sa̱téntáí.”
\p
\v 17 ’A̱sꞌa̱i jáa̱ Jerusalen. Nkꞌie nga tínchjaka̱ Nti̱a̱ná na̱tsihi̱n ni̱nku̱, kama chjina nku ni xi nkúhu nchi̱ni kikꞌa̱i̱na.
\v 18 Kikie Nda̱ Nti̱a̱ná ko̱ bꞌa̱ kitsúna: “Nꞌe̱ xatíhi̱ yjohi̱ nga ki̱tsa̱ ti̱tjui Jerusalen. A̱tꞌaha̱ najmi tsꞌi̱ínsihi̱n jóo̱ én xi ku̱i̱xínyaihi̱ nga kꞌúínyaihi̱ yáha an.”
\v 19 Bꞌa̱ kixihi̱n: “Ji Nda̱ Nti̱a̱, be jóo̱ nga xki̱ niꞌya sinagoga̱ ngjikjꞌanijé ko̱ kingjaha̱ xu̱ta̱ xi sꞌejihi̱n ji.
\v 20 Ko̱ nkꞌie nga tínꞌekꞌien Esteba̱n, xi kitsúyaha̱ xu̱ta̱ yáha ji, ta̱ síi̱jña yo̱ ko̱ kisasínna ni xi kamoo̱, ko̱ santaha kikunntá najyuhu̱n já xi kitsꞌínkꞌiehe̱n.”
\v 21 Tu̱nga bꞌa̱há kitsúna Nda̱ Nti̱a̱ná: “Tꞌin. A̱tꞌaha̱ kjin tsꞌinkjíhi nga kꞌúínseihi̱ xu̱ta̱ na̱xi̱nantá xi tjín a̱sunntee̱.”
\s Bꞌi̱ kama nkꞌie nga mjehe̱ xu̱ta̱ nga sꞌe̱he̱ Pablo̱
\p
\v 22 Tíbasínñjuhu̱ xu̱ta̱ Pablo̱, tu̱nga nkꞌie nga bꞌa̱ kitsú, bꞌi̱ i̱ncha kitsú xu̱ta̱:
\p —¡Tu̱ sahá katꞌen nda̱ xi bꞌa̱ tjíu̱n! ¡Najmi machjéhe̱n tsa kꞌúéjña tíkꞌun!
\p
\v 23 Tu̱ nku xa̱áha̱n ní i̱ncha kitsꞌín ko̱ i̱ncha tsakúchji nga tu̱ ni xí najmi i̱ncha kisasíhín ra̱ ni xi kitsú Pablo.
\p
\v 24 Kui nga bꞌa̱ kitsúhu nda̱ jun kꞌaku̱ Roma̱ nga nꞌe̱kjasꞌen Pablo̱ má bꞌentu já juu̱n. Bꞌa̱ kitsú nga sꞌe̱he̱ tu̱ xi ku̱i̱tsu̱yaha á bꞌa̱ tsꞌín tíi̱ncha kjintáyanehe̱ ra̱ xu̱to̱.
\v 25 Tu̱nga nkꞌiehé nga ja tjínꞌyúhu̱n já juu̱n nga ngju̱áha̱, bꞌi̱ kitsú Pablo̱ nga kingjásjaiyaha̱ nda̱ jun xi síjña yo̱:
\p —¿A ka̱ma sꞌehe̱ nku nda̱ Roma̱ xi najmi kje̱e nꞌeko̱kju̱a̱?
\p
\v 26 Nkꞌiehé nga kintꞌé nda̱ juu̱n niu̱, a̱sꞌa̱i ngjisehe̱ nda̱ jun kꞌaku̱ ko̱ bꞌi̱ kitsúhu̱:
\p —¿Aha̱ yaní ni xi tínꞌei? Nda̱ Roma̱há niu̱.
\p
\v 27 A̱sꞌa̱i nda̱ jun kꞌaku̱ jꞌaikꞌúhu̱n Pablo̱ ko̱ bꞌi̱ kitsúhu̱:
\p —Tꞌinyaní, ¿a nda̱ Roma̱ ní?
\p —Joho̱n —kitsú Pablo̱.
\p
\v 28 A̱sꞌa̱i bꞌi̱ kitsú nda̱ jun kꞌaku̱:
\p —Tse ṉkjún to̱on kisꞌenkina nga nku nda̱ Roma̱ kitsꞌin ma yjona̱.
\p —Tu̱nga an bꞌa̱ tsꞌín kitsinná —kitsú Pablo̱.
\p
\v 29 Kui nga tje̱nꞌyún i̱ncha ngji tꞌaxíhín já xi tjíhin nga ngju̱áha̱ ra̱ Pablo̱, ko̱ santaha nda̱ jun kꞌaku̱ kitsankjún nkꞌie nga kamankjihi̱n nga nku nda̱ Roma̱ xi yꞌétꞌaꞌyún nga jakjꞌánijé.
\s Bꞌi̱ tsꞌín tsasinko̱ yjoho̱ Pablo̱ nginku̱n já tjíxá judio̱
\p
\v 30 Ni̱stjin xi ma ndyjuu̱n mjehe̱ nda̱ jun kꞌaku̱ Roma̱ nga sku̱e̱ sisin á tíbatéjénehe̱ ra̱ já judio̱ Pablo̱. Kui nga kikjexíhi̱n ra̱ nꞌúki̱cha̱ xi tjítꞌaꞌyúnko̱ho̱ ra̱ ko̱ bꞌa̱ kitsú nga ka̱ma ñjakú já na̱ꞌmi kꞌaku̱ ko̱ ngayjee̱ já tjíxá judio̱. A̱sꞌa̱i kikꞌonsje Pablo̱ ko̱ tsasínjña nginku̱n jóo̱.
\c 23
\p
\v 1 A̱sꞌa̱i kinchja̱ Pablo̱ nga tsase tsꞌíhi̱n ra̱ já tjíxá xi kama ñjakú yo̱. Bꞌi̱ kitsú:
\p —Jun já ntsꞌe, santaha ndꞌa̱i̱ je tjíya kju̱a̱nkjintakꞌunna̱ nginku̱n Nti̱a̱ná xi nkú nga tsꞌín tífika̱ yjona̱.
\p
\v 2 A̱sꞌa̱i Anania̱ xi tjíhi̱n nda̱ na̱ꞌmi títjun bꞌa̱ kitsúhu̱ já xi kabinchatꞌa tiñaha̱ Pablo̱ nga ku̱i̱chꞌonꞌa.
\v 3 Bꞌi̱ kitsú Pablo̱:
\p —Nti̱a̱ná kꞌo̱nꞌahi ji, nda̱ joho̱nkjin. Yo̱ tinchin nga tíchaseihi̱ tsa nda ko̱ tsa najmi nda títsꞌian nga tíchaseihi̱ kju̱a̱téxumoo̱, tu̱nga tíꞌmi kontra̱há ri̱ ni xi tjítꞌa kju̱a̱téxumoo̱ nga tíꞌba̱i̱hini kju̱a̱ nga ku̱i̱chꞌonꞌana.
\p
\v 4 A̱sꞌa̱i bꞌi̱ i̱ncha kitsú já xi kabꞌentu yo̱:
\p —¿Á chꞌon tíꞌmihi̱ ri̱ nda̱ na̱ꞌmi títjun xi Nti̱a̱ná kitsjá xáha̱ ra̱?
\p
\v 5 Bꞌi̱ kitsú Pablo̱:
\p —Jun já ntsꞌe, najmi be tsa nda̱ na̱ꞌmi títjun niu̱. A̱tꞌaha̱ bꞌa̱ tsꞌín tjítꞌa éhe̱n Nti̱a̱ná: “Najmi tu̱ chꞌon tsꞌín chubayanéí nda̱ tjíxáhi̱.”
\p
\v 6 A̱sꞌa̱i kikie Pablo̱ nga tjín a̱jihi̱n já tjíxóo̱ kꞌu̱a̱ já saduseo̱ ko̱ kꞌu̱a̱ já fariseo̱. Kui nga ꞌyún kinchja̱ha nga bꞌi̱ kitsú:
\p —Jun já ntsꞌe, nda̱ fariseo̱ná ko̱ ta̱ já fariseo̱ xi chána̱. Tínꞌeko̱kju̱a̱na a̱tꞌaha̱ tíkuyáha̱ nga kjꞌu̱a̱íya ngáha̱ ra̱ xu̱ta̱ ngabayoo̱.
\p
\v 7 Nkꞌie nga bꞌa̱ kitsú Pablo̱, a̱sꞌa̱i i̱ncha yꞌésiko̱ xinkjín já fariseo̱ ko̱ já saduseo̱. Tsakjánya yjoho̱ já xi kama ñjakú yo̱.
\v 8 A̱tꞌaha̱ já saduseo̱ bꞌa̱ i̱ncha tsu nga najmi ta̱ kjꞌu̱a̱íyaha̱ ra̱ xu̱ta̱ ngabayoo̱, ko̱ nga najmi tjín ntítsje ko̱ tsa kjꞌa̱í sa xi ta̱ tjíntu. Tu̱nga já fariseo̱ sꞌejihi̱n ngayjee̱ ni xuꞌbi̱.
\v 9 Bꞌi̱ ngján xa̱áha̱n kama. A̱sꞌa̱i tsisintje̱n kꞌu̱a̱ já chji̱ne̱ꞌéhe̱n kju̱a̱téxumoo̱ xi mako̱ já fariseo̱. Bꞌi̱ i̱ncha kitsú nga ndjá kinchja̱:
\p —Ndaha nku ni xi chꞌon tjín najmi tísakújinni̱ tsa kitsꞌín nda̱i̱. Kutsa nkuhú ntítsje ko̱ tsa tjín xi kinchja̱ko̱ho̱.
\p
\v 10 Nkꞌie nga ja ꞌyún tíi̱ncha bꞌésiko̱ xinkjín jóo̱, kitsankjún nda̱ jun kꞌaku̱ Roma̱ a̱tꞌaha̱ tsa tsꞌi̱ín xi̱hi̱ jóo̱ Pablo̱. Kui nga yꞌéxáha já juu̱n nga i̱ncha ngju̱a̱i̱kꞌasjejihin Pablo̱ a̱jihi̱n jóo̱ tu̱ xi ngju̱a̱i̱ko̱ho má i̱ncha bꞌentu jóo̱.
\p
\v 11 Ni̱stje̱n xi ma ndyjuu̱n Nda̱ Nti̱a̱ná tsakúchjihi̱ yjoho̱ Pablo̱ ko̱ bꞌi̱ kitsúhu̱:
\p —Tjen ngaꞌyíhi̱n yjohi̱. A̱tꞌaha̱ xi nkú tsꞌín kuakꞌiejña chjiní e̱i̱ Jerusalen, bꞌa̱ ta̱ tsꞌín kꞌúéjña chjiní nanki Roma̱.
\s Bꞌi̱ tsꞌín kisꞌenda ko̱ kiya nga nꞌe̱kꞌienꞌmá Pablo̱
\p
\v 12 Ni̱stjin xi ma ndyjuu̱n yꞌéndako̱ kꞌu̱a̱ xinkjín já judio̱ nga najmi kji̱ne̱ ko̱ ta̱ ndaha najmi kꞌúí santa nkúhu nga tsꞌi̱ínkꞌien Pablo̱ ko̱ nga tsa najmi ku̱a̱yáha̱ Pablo̱ chꞌon i̱ncha katumatꞌain ma.
\v 13 Ma ra̱ tsꞌati yachán já xi bꞌa̱ tsꞌín yꞌéndané Pablo̱.
\v 14 A̱sꞌa̱i ngjisehe̱ já na̱ꞌmi kꞌaku̱ ko̱ jáchá xi ta̱ tjíhi̱n xá. Bꞌi̱ i̱ncha kitsúhu̱:
\p —Ja yꞌendako̱i̱ xinki̱ nga najmi chi̱ne̱i̱ ko̱ najmi sꞌi̱ santaha nga ku̱a̱yáni̱ Pablo̱. Ko̱ tsa najmi ku̱a̱yáni̱ ndo̱ chꞌon katumatꞌai̱n ma.
\v 15 Kui nga ndꞌa̱i̱ jun ko̱ já tjíxá xingisoo̱ bꞌa̱ tꞌihi̱n ru̱u nda̱ jun kꞌaku̱ nga katsꞌín nibánu̱u Pablo̱ ndyjunni̱, xi má nga e̱i̱ cha̱se̱ sisihu̱un kju̱a̱ha̱. Ji̱n kꞌúéndai̱ yjoni̱ nga nꞌe̱kꞌiei̱n kintehe̱ ni nga kjꞌu̱a̱í e̱i̱.
\p
\v 16 Tu̱nga ntíhi̱ ní na̱ nichja Pablo̱ kintꞌé ni xi yꞌéndaꞌmá jóo̱. Kui nga ngjihi má bꞌentu já juu̱n ko̱ ngji tsúyaha̱ Pablo̱ niu̱.
\v 17 A̱sꞌa̱i Pablo̱ kinchja̱ha̱ nku nda̱ jun xi kunntá yo̱ ko̱ bꞌi̱ kitsúhu̱:
\p —Tꞌinko̱i̱ nda̱tii̱ nginku̱n nda̱ jun kꞌaku̱, a̱tꞌaha̱ tjín ni xi ku̱i̱tsu̱yaha̱.
\p
\v 18 Kui nga nda̱ juu̱n ngjiko̱ho nda̱tiu̱ má tíjña nda̱ jun kꞌaku̱ ko̱ bꞌa̱ kitsúhu̱:
\p —Nda̱ nu̱ba̱yá xi ꞌmi Pablo̱ kuanchja̱na ko̱ kuakankina nga kjúái̱ka̱ nda̱tii̱ e̱i̱. Tjín rú ni xi ku̱i̱tsu̱yahi.
\p
\v 19 A̱sꞌa̱i nda̱ jun kꞌaku̱ jakjꞌá ntsja nda̱tiu̱ ko̱ bꞌi̱ kitsúhu̱ nga ngjingjásjaiya tꞌaxíhi̱n:
\p —¿Mí ni xi tjíhin nga kꞌúínyaní?
\p
\v 20 Bꞌi̱ kitsú nda̱tiu̱:
\p —Ja kabꞌéndako̱ xinkjín já judio̱ nga ku̱a̱nkihi nga ndyjunni̱ nꞌe̱kjí Pablo̱ nginku̱n já tjíxóo̱. Bꞌa̱ ku̱i̱tsu̱hi nga ku̱a̱se̱ sisihi̱n kju̱a̱ha̱ Pablo̱.
\v 21 Tu̱nga najmi tu̱ nꞌe sꞌejinní niu̱, a̱tꞌaha̱ tsꞌati yachán já tíi̱ncha kuyá ꞌma nga mjehe̱ tsꞌi̱ínkꞌien Pablo̱. Nti̱a̱ná katsꞌínkie nga najmi chumi nihi xi i̱ncha kji̱ne̱ ko̱ kꞌúí santa nkúhu nga tsꞌi̱ínkꞌien Pablo̱. Ja tjíntu nda ndꞌa̱i̱ nga tíi̱ncha kuyáha̱ nga nꞌe̱tjusuin ni xi i̱ncha kꞌu̱a̱nkihi.
\p
\v 22 A̱sꞌa̱i kitsꞌínkji ngáha nda̱ jun kꞌaku̱ nda̱tiu̱ ko̱ bꞌi̱ kitsúhu̱:
\p —Najmi tu̱ chꞌa ꞌmiyaihi̱ ni xi kuakꞌinyaní.
\s Bꞌi̱ tsꞌín kinꞌekjísehe̱ Pablo̱ nda̱ títjun Feli̱
\p
\v 23 A̱sꞌa̱i kinchja̱ha̱ nda̱ jun kꞌaku̱ jo já jun kꞌaku̱ ko̱ bꞌi̱ kitsúhu̱ nga yꞌéxá:
\p —Tꞌendo jo unchan já jun xi tsu̱ku̱ i̱ncha ngju̱a̱i̱hi, cháte ko̱ kan já jun xi ndje̱ kꞌúéntusúhu̱n, ko̱ jo unchan xi kꞌu̱a̱ lasa̱, tu̱ xi i̱ncha ngju̱a̱i̱hi Cesarea̱ chu̱ba̱ ñja nga jyuu̱n.
\v 24 Ko̱ ta̱ tꞌendo ndje̱ xi kꞌúésun Pablo̱. Tankínko̱o tu̱ xi nda tsꞌín ku̱i̱chúhu nginku̱n nda̱ títjun Feli̱.
\p
\v 25 A̱sꞌa̱i kitsꞌínnda nda̱ jun kꞌaku̱ nku xu̱ju̱n. Bꞌi̱ tsꞌín yꞌétꞌa:
\p
\v 26 “Claudi̱o̱ Lisi̱a̱ títsꞌínkjihi̱ kju̱a̱suniña nda̱ títjun Feli̱.
\v 27 Nda̱ xi títsꞌinkjíhi e̱i̱, kui xi jakjꞌánijéhe̱ já judio̱ ko̱ i̱ncha mjehe̱ tsꞌi̱ínkꞌien. Tu̱nga nkꞌie nga kintꞌe nga nda̱ Roma̱ niu̱, a̱sꞌa̱i ngjika̱ já junna̱ ko̱ kitsꞌinkꞌankia.
\v 28 A̱sꞌa̱i kitsꞌinkjíá ndo̱ nginku̱n já tjíxá judio̱, a̱tꞌaha̱ mjena nga skue mí kju̱a̱ha tísatéjénehe.
\v 29 Kikie nga nga̱tꞌaha̱ ni xi tjítꞌa kju̱a̱téxumaha̱ jóo̱ tísatéjénehe. Ndaha̱chí najmi ngabaya ko̱ ta̱ ndaha nu̱ba̱yá tje̱he̱n ra̱ ndo̱.
\v 30 Tu̱nga kintꞌená nga já judio̱ yꞌéndako̱ xinkjín xi má nga mjehe̱ tsꞌi̱ínkꞌien ndo̱. Kui nga títsꞌinkjíhina nginkuin. Ko̱ ta̱ ja kixinyaha̱ já xi tíbatéjénehe̱ nga tjíhin nga nginkuin ku̱i̱tsu̱ya mí nihi xi tjínko̱ho̱ ndo̱.”
\p
\v 31 A̱sꞌa̱i nga jyuu̱n i̱ncha ngjiko̱ já juu̱n Pablo̱ nanki Antipa̱tri̱. Kitsꞌín xi nkú tsꞌín i̱ncha kisꞌexá.
\v 32 Ni̱stjin xi ma ndyjuu̱n já jun xi yjaha sjai i̱ncha kikꞌóya ngáha. Tu̱ já jun xi yjako̱hó ndje̱ kitsꞌínko̱ ni̱yá Pablo̱.
\p
\v 33 Nkꞌie nga i̱ncha tsichu Cesarea̱, kitsjáha̱ nda̱ títjuu̱n xu̱ju̱n ko̱ ta̱ kitsꞌínkjasꞌehe̱n Pablo̱.
\v 34 A̱sꞌa̱i kitsꞌínya nda̱ títjuu̱n xu̱ju̱n ko̱ kingjásjaiyaha̱ Pablo̱ má nibáha. Nkꞌie nga kintꞌé nga nda̱ Cilici̱a̱ niu̱, bꞌi̱ kitsú:
\p
\v 35 —Kuasinñjúhu nkꞌie nga i̱ncha kjꞌu̱a̱í já xi tíbatéjénehi.
\p A̱sꞌa̱i yꞌéxá já xi kikuntáha̱ Pablo̱ niꞌya masehe̱n Herode̱.
\c 24
\s Bꞌi̱ tsꞌín tsasinntjai yjoho̱ Pablo̱ nginku̱n nda̱ títjun Feli̱
\p
\v 1 Nkꞌie nga jꞌa un ni̱stjin, a̱sꞌa̱i tsichu nanki Cesarea̱ nda̱ na̱ꞌmi títjun Anania̱ ko̱ tje̱nko̱ kꞌu̱a̱ jácháha̱ xu̱ta̱ judio̱ ko̱ nku nda̱ chji̱ne̱ꞌén xi ꞌmi Tertu̱lo̱. I̱ncha tsichutéjéne Pablo̱ nginku̱n nda̱ títjuu̱n.
\v 2 Nkꞌie nga ngjichjꞌa Pablo̱, a̱sꞌa̱i kikꞌatutsꞌi̱hi̱n Tertu̱lo̱ nga tsatéjénehe̱. Bꞌi̱ kitsú:
\p —Mábꞌa̱chjíhi̱ ra̱ ji, nda̱ títjun, tjínni̱ kju̱a̱jyu ndꞌa̱i̱. Nda nꞌe tíbatexumako̱i̱ kju̱a̱nkjintakꞌuhi̱n ngandaha̱ na̱xi̱nantáni̱.
\v 3 Kui nii̱ xi tehe̱nte ko̱ tu̱ má a̱ntehé ni tsjo mani̱ ko̱ ꞌba̱i̱hi̱ mábꞌa̱chjíhi̱ ji, nda̱ títjun Feli̱.
\v 4 Tu̱nga najmi mjehéna tse tsꞌinstihi. Kui nga tíbankihi ra nga ta̱sinñjuhu̱ni̱ kutju.
\p
\v 5 ’Yai̱ nga nku nda̱ chꞌonkꞌun nda̱ xuꞌbi̱. Tíbincháꞌa ngayjee̱ xu̱ta̱ xi ntje̱ judio̱ tje̱he̱n ra̱ xi tjín a̱sunntee̱. Nda̱i̱ xi nda̱ kꞌaku̱hu̱ já xi yjankihi̱ nku nda̱ xi nibáha Nazaret.
\v 6 Najmi benkjún ni̱nku̱ni̱. Kui nga kichjubénijéhe̱ni̱ ko̱ mjeni̱ nga nꞌe̱ko̱kju̱a̱i̱ kai xi nkú tsꞌín tíjña kju̱a̱téxumani̱.
\v 7 Tu̱nga nda̱ jun kꞌaku̱ Lisi̱a̱há jꞌaikjeꞌá kju̱a̱ꞌyúnni̱ ndo̱.
\v 8 Bꞌa̱ kitsúni̱ nga ji̱n xi tíbatejénei̱ nda̱i̱, nga ji xi tjíhin nga kjúái̱sei̱hi̱. Cha̱sjaiyaihi̱ tu̱ xi cha̱hani mí kju̱a̱ha tíbatejénehe̱ni̱ ndo̱.
\p
\v 9 Já judio̱ xi kabꞌentu yo̱ ta̱ ngji kontra̱ha̱ Pablo̱. Bꞌa̱ i̱ncha kitsú nga kju̱axi̱ niu̱.
\v 10 A̱sꞌa̱i nda̱ títjuu̱n tsakú Pablo̱ tu̱ xi ku̱i̱nchja̱ha. Bꞌi̱ kitsú Pablo̱:
\p —Tsjo mana nga kúási̱nka̱ yjona̱ nginkuin, a̱tꞌaha̱ be nga ja nkjin nú tjíhi̱n nga tíbatexumaihi̱ nankini̱.
\v 11 A̱sꞌa̱ihí tjíhi̱n te jo ni̱stjin nkꞌie nga ngji tsꞌintsjoho̱ Nti̱a̱ni̱ Jerusalen. Ka̱ma cha̱sjaya nga kju̱axi̱ ni xi tíxian.
\v 12 Najmi chꞌa yꞌesíka̱ ko̱ a ra̱ tsinchaꞌá xu̱ta̱ má ma na̱tsihi̱n ni̱nku̱, ko̱ ta̱ ndaha niꞌya sinagoga̱, ta̱ ndaha a̱jin na̱nti̱o̱.
\v 13 Najmi tjín xi nkú tsꞌín ku̱a̱kúchjihi jái̱ ni xi títsꞌínkꞌanjina.
\p
\v 14 ’Tu̱nga xínyahá ra kui nii̱. Benkján Nti̱a̱ha̱ ntje̱ cháni̱ nga títsꞌian ni xi tsakúya Jesu. Jóo̱ bi bꞌa̱ tíi̱ncha tsu nga najmi nda kui niu̱. Sꞌejinna ngayjee̱ ni xi tjítꞌa kju̱a̱téxumani̱ ko̱ xu̱ju̱hu̱n já profeta̱.
\v 15 An tíkuyáha̱ ni xi ko̱ ta̱ jái̱ tíi̱ncha kuyáha̱, nga Nti̱a̱ná tsꞌi̱ínkjꞌáíya ngáha̱ ra̱ ngayjee̱ xu̱ta̱ ngabayoo̱, xi nda kitsꞌín ko̱ xi najmi nda kitsꞌín.
\v 16 Kui xáha tsꞌin kju̱a̱ꞌyún tehe̱ntehe̱ ra̱ yjona̱ nga je sꞌe̱yaha kju̱a̱nkjintakꞌunna̱ nginku̱n Nti̱a̱ná ko̱ nginku̱n xu̱ta̱.
\p
\v 17 ’Nkjin nú kamana nga najmi tsáte̱jña Jerusalen. Nkꞌie nga kikꞌóya ngáhana, jái̱tsja chje̱ ni̱nku̱. Kitsja to̱on ko̱ chu̱ ni̱nku̱.
\v 18 Bꞌa̱ kitsꞌian má ma na̱tsihi̱n ni̱nku̱ ko̱ nkꞌie nga ja títsꞌin je yjona̱ nginku̱n Nti̱a̱ná, kikiena kꞌu̱a̱ já judio̱ xi niba a̱nte Asi̱a̱. Najmi ꞌyún tjín xu̱ta̱ kui chu̱bo̱ ko̱ najmi chꞌa xa̱áha̱n tíi̱ncha tsꞌín.
\v 19 Kuihí já judio̱ tsꞌe̱ Asi̱a̱ xi tjíhin nga kjꞌu̱a̱í ngikuin nga ku̱a̱téjénehena tsa tjín ni xi tjínko̱ho̱ an.
\p
\v 20 ’Tsa najmi tjín jóo̱, kui jái̱ katsúya mí ni chꞌon tjíhin xi kisꞌejña chji nga kitsꞌian nkꞌie nga ngjia nginku̱n já tjíxá judio̱.
\v 21 Tu̱ kuihí nii̱ xi kitsꞌian. Nkꞌie nga tíi̱jñajihi̱n, ꞌyún kinchja nga bꞌi̱ kixian: “Tínꞌeko̱kju̱a̱nú ndꞌa̱i̱ a̱tꞌaha̱ tíkuyáha̱ nga kjꞌu̱a̱íya ngáha̱ ra̱ xu̱ta̱ ngabayoo̱.”
\p
\v 22 Nda̱ títjun Feli̱ be sisin nkú tjíhi̱n ra̱ ni xi tsakúya Jesu, ko̱ nkꞌie nga kintꞌé ni xi títsu Pablo̱, yꞌéjñatꞌíá kju̱o̱ nga bꞌa̱ kitsúhu̱ jóo̱:
\p —Nkꞌie nga kjꞌu̱a̱í nda̱ jun kꞌaku̱ Lisi̱a̱, kuasjáíyaha̱ kju̱a̱nu̱u.
\p
\v 23 A̱sꞌa̱i yꞌéxá nda̱ jun kꞌaku̱hu̱ já xi tíkuntáha̱ Pablo̱ nga ngju̱áyaꞌyún tu̱nga ta̱ kitsjántehé ra̱ nga ka̱ma kjúátsúꞌba nda̱í ko̱ nga ka̱ma kjꞌu̱a̱íko̱ho̱ xu̱ta̱ xinkjín ni xi machjéhe̱n.
\p
\v 24 Nkꞌie nga jꞌa chuba ni̱stjin, jꞌaiko̱ chju̱úhu̱n nda̱ Feli̱. Nku na̱ xi ntje̱ judio̱ tje̱he̱n ra̱ xi ꞌmi Drusila̱ tíjñako̱ ndo̱. Yꞌéxá já xi i̱ncha ngjikjꞌá Pablo̱ ko̱ kingjásjaiyaha̱ nkú tjíhi̱n ra̱ ni xi tsakúya Jesu ko̱ á sꞌejihi̱n ra̱ jóo̱.
\v 25 Yꞌéjña chji Pablo̱ xi nkú tsꞌín ka̱ma na̱xu̱ ku̱i̱ntsu̱ba̱haná nginku̱n Nti̱a̱ná, xi nkú tsꞌín kꞌúéchꞌoho̱ ra̱á yjoná ni xi mjehe̱ ani̱ma̱ná, ko̱ nga Nti̱a̱ná ku̱a̱se̱he̱ ni xi nda ko̱ ni xi najmi nda tínꞌeé. Nkꞌie nga kintꞌé nda̱ títjun Feli̱ ni xi kinchja̱ Pablo̱, kitsankjún ko̱ bꞌi̱ kitsú:
\p —Katumaha ri, bꞌa̱ tjíu̱n. Nkꞌie nga sa̱kúntena kuinchja ngáhara.
\p
\v 26 Kinchja̱ yaha̱ nda̱ títjun Feli̱ Pablo̱, a̱tꞌaha̱ bꞌa̱ kitsú tsa tu̱ ahá ni Pablo̱ tsjáha̱ to̱on tu̱ xi tsꞌi̱ín nda̱íhi̱ ra̱. Kui nga nkjin ni̱yá kinchja̱ha̱ ra̱ ko̱ kinchja̱ni̱jmíko̱.
\v 27 Jꞌa jo nú, a̱sꞌa̱i Porci̱o̱ Festo̱ yꞌejña ngáha nda̱ títjun a̱ntehe̱ nda̱ Feli̱. Nkꞌie nga jetꞌain xáha̱ nda̱ Feli̱, tu̱ nku kingjáyaꞌyúhún Pablo̱, a̱tꞌaha̱ mjehe̱ nga nda sku̱e̱he̱ xu̱ta̱ judio̱.
\c 25
\s Bꞌi̱ tsꞌín tsasinntjai yjoho̱ Pablo̱ nginku̱n nda̱ títjun Festo̱
\p
\v 1 Nkꞌie nga jꞌa jan ni̱stjin nga kitsꞌínkjáíhi̱n xáha̱ Festo̱, a̱sꞌa̱i tsitju nanki Cesarea̱ nga ngji Jerusalen.
\v 2 Yo̱ i̱ncha kinchja̱ko̱ho̱ já na̱ꞌmi kꞌaku̱ ko̱ já tjíxáha̱ xu̱ta̱ judio̱ nga i̱ncha ngji kontra̱ha̱ Pablo̱.
\v 3 I̱ncha tsankihi̱ nda̱ títjun Festo̱ nku kju̱a̱nda, nga tsꞌi̱ín nibá Pablo̱ nanki Jerusalen. A̱tꞌaha̱ i̱ncha mjehe̱ tsꞌi̱ínndju̱ú ni xi yꞌénda, nga tsꞌi̱ínkꞌien Pablo̱ a̱ya ni̱yóo̱.
\v 4 Tu̱nga bꞌa̱há kitsú Festo̱ nga tu̱ nku nanki Cesarea̱há sꞌe̱yaꞌyún Pablo̱ ko̱ nga yo̱ ja tífi.
\v 5 Bꞌi̱ kitsú ya:
\p —Katsꞌínko̱na ni̱yá jánu̱u xi tjíhi̱n xá. Tsa tjín ni chꞌonkꞌuhun xi kitsꞌín ndo̱, i̱ncha katatéjéne.
\p
\v 6 Tsꞌandayaha̱ Festo̱ yo̱ nkú ra̱ ma jin ko̱ tsa te ni̱stjin. A̱sꞌa̱i ngji nanki Cesarea̱. Ni̱stjin xi ma ndyjuu̱n yꞌejña a̱nte má nga tsꞌín kju̱a̱ ko̱ yꞌéxá já xi i̱ncha ngjikjꞌá Pablo̱.
\v 7 Nkꞌie nga jasꞌen Pablo̱, jꞌaikꞌúhu̱n já judio̱ xi nibaha Jerusalen ko̱ tsatéjénehe̱. Nkjin tíkjá ni chꞌonkꞌun xi i̱ncha kikjanínehe̱ Pablo̱, ni xi najmi i̱ncha kamaha̱ yꞌéntuchji.
\p
\v 8 A̱sꞌa̱i bꞌi̱ kitsú Pablo̱ nga tsasinntjai yjoho̱:
\p —Najmi chumi jéhe xi tje̱nna. Najmi ngji kontra̱ha̱ kju̱a̱téxumaha̱ xu̱ta̱ judio̱, ta̱ ndaha ni̱nku̱, ko̱ ta̱ ndaha nda̱ títjun kꞌaku̱ Cesa̱r.
\p
\v 9 Tu̱nga mjehé ra̱ Festo̱ nga nda sku̱e̱he̱ já judio̱, kui nga bꞌi̱ kitsúhu̱ ra̱ Pablo̱:
\p —¿A mjehi kꞌúín Jerusalen tu̱ xi ján tsꞌihinna kju̱a̱hi̱?
\p
\v 10 A̱sꞌa̱i bꞌi̱ kitsú Pablo̱:
\p —Síi̱jña nginku̱n nda̱ xi kitsjá xáha̱ nda̱ títjun kꞌaku̱ Cesa̱r ko̱ má nga tjíhin nga nꞌe̱ko̱kju̱a̱na. Ya sisin nga najmi chumi nihi xi kitsꞌihi̱n xu̱ta̱ judio̱.
\v 11 Tsa chꞌon kitsꞌian ko̱ tsa tje̱he̱n ra̱ ngabaya ni xi kitsꞌian, ta̱ tsjanté nga ku̱a̱yá. Tu̱nga najmi kju̱axi̱hí ngayjee̱ ni xi tíchjaninéna. Kui nga najmi ma tsꞌinkjasꞌehe̱n ra̱ yjona̱ jóo̱. Tíbankia nga nginku̱n nda̱ títjun kꞌaku̱ Cesa̱r nꞌe̱ko̱kju̱a̱na̱.
\p
\v 12 A̱sꞌa̱i Festo̱ ko̱ já xi basinko̱ho̱ i̱ncha kinchja̱ni̱jmíyaha niu̱ ko̱ bꞌi̱ kitsú nga kinchja̱ko̱ Pablo̱:
\p —Ji tíbinchi nga nginku̱n nda̱ títjun kꞌaku̱ Cesa̱r nꞌe̱ko̱kju̱a̱hi. Nda̱ títjun Cesa̱r kꞌúínse̱i̱hi̱ ma.
\s Bꞌi̱ tsꞌín i̱ncha kinchja̱ni̱jmíyaha kju̱a̱ha̱ Pablo̱ nda̱ rei̱ Agripa̱ ko̱ nda̱ títjun Festo̱
\p
\v 13 Nkꞌie nga jꞌa chuba ni̱stjin, tsichu Cesarea̱ nda̱ rei̱ Agripa̱ ko̱ na̱ Berenice̱ nga i̱ncha ngjikjaniñaha̱ nda̱ títjun Festo̱.
\v 14 Nkjin ni̱stjin i̱ncha tsꞌandayaha̱ yo̱ ko̱ Festo̱ kitsúyaha̱ nda̱ rei̱ kju̱a̱ha̱ Pablo̱. Bꞌi̱ kitsúhu̱:
\p —E̱i̱ tíjña nku nda̱ xi tu̱ nku kikjꞌáíyaꞌyúhún nda̱ Feli̱ nu̱ba̱yóo̱ nkꞌie nga jetꞌain xáha̱.
\v 15 Nkꞌie nga ngjia Jerusalen, já na̱ꞌmi kꞌaku̱ ko̱ jácháha̱ xu̱ta̱ judio̱ i̱ncha tsatéjénehe̱ ndo̱ ko̱ tsankina nga tsja kju̱a̱ nga nꞌe̱kꞌien.
\v 16 Kixinyaha̱ jóo̱ nga najmi bꞌa̱ tsꞌín nkaha̱ já tjíxá Roma̱, tsa chu̱ba̱ tsjáhá kju̱a̱ nga nꞌe̱kꞌien xu̱ta̱. A̱tꞌaha̱ tsa tjín xi tísatéjéne, tjíhin nga ta̱ ku̱a̱si̱njña xi tíbatéjénehe̱ tu̱ xi ka̱ma ku̱a̱si̱nko̱ho yjoho̱ nga̱tꞌaha̱ ni xi tíchjaninéhe̱.
\p
\v 17 ’Kui bꞌa̱ maha, nkꞌie nga jꞌaihi jóo̱ e̱i̱, najmi kitsꞌinkꞌandaya. Tje̱nꞌyún tsáte̱jñaná ni̱stjin xi ma ndyjuu̱n a̱nte má nga tsꞌian kju̱a̱ ko̱ yꞌexá já xi ngjikjꞌá ndo̱.
\v 18 Tu̱nga nkꞌie nga kinchja̱ já xi tíi̱ncha batéjénehe̱, ndaha nku ni chꞌon tjín xi kitsꞌinnkjíhi̱n kꞌan ngjinéhe̱.
\v 19 Tu̱ ni xi tsꞌe̱ ni̱nku̱hu̱ ní ko̱ nku nda̱ xi ꞌmi Jesu i̱ncha yꞌésiyáha. Ja kꞌien ndo̱, tu̱nga bꞌa̱há títsu Pablo̱ nkꞌie nga tíjña ndo̱.
\p
\v 20 ’An najmi be xi nkú tsꞌín kꞌuendáhana nku kju̱a̱ xi bꞌa̱ tjín. Kui nga kingjasjáíyaha̱ ra̱ Pablo̱ tsa mjehe̱ ngju̱a̱i̱hi Jerusalen tu̱ xi yo̱ nꞌe̱ko̱kju̱a̱ha.
\v 21 Tu̱nga tsankihí Pablo̱ nga tu̱ sahá sꞌe̱yaꞌyún ko̱ nga nginku̱n nda̱ títjun xi tíjña Roma̱ nꞌe̱ko̱kju̱a̱. Kui nga bꞌa̱ kixihinna nga sꞌe̱yaꞌyúhun santa nkúhu nga ka̱mana tsꞌinkjísehe̱ nda̱ títjun kꞌaku̱ Cesa̱r.
\p
\v 22 A̱sꞌa̱i bꞌi̱ kitsú nda̱ rei̱ Agripa̱:
\p —Ko̱ an mjena kuasinñjúhu̱ ndo̱.
\p —Ndyjunni̱ ku̱a̱sinñjúhi̱ —kitsú Festo̱.
\p
\v 23 Kui nga ni̱stjin xi ma ndyjuu̱n tsichuhu Agripa̱ ko̱ na̱ Berenice̱. Tsjo ṉkjún kama nga i̱ncha jasꞌen má ma kju̱a̱. I̱ncha tje̱nko̱ já jun kꞌaku̱ ko̱ já kꞌaku̱hu̱ na̱xi̱nantóo̱. A̱sꞌa̱i yꞌéxá Festo̱ nga ngju̱a̱i̱chjꞌa Pablo̱ ko̱
\v 24 bꞌi̱ kitsúhu̱ jóo̱:
\p —Ji nda̱ rei̱ Agripa̱ ko̱ ngayjee̱ xu̱ta̱ xi kama ñjakújinná, á ndo̱ e̱i̱. Ngayjee̱ xu̱ta̱ judio̱ xi tjín Jerusalen ko̱ xi tjín e̱i̱ tíi̱ncha batéjénehe̱. Tíi̱ncha kjintáya nga tíbankina nga tsja kju̱a̱ nga nꞌe̱kꞌien ndo̱.
\v 25 An najmi tísakújinna ni xi kitsꞌín ndo̱ xi tje̱he̱n ra̱ ngabaya. Tu̱nga kuihí tsanki nga nda̱ títjun xi tíjña Roma̱ tsꞌi̱ínko̱kju̱a̱ha̱. Kui nga bꞌa̱ kixihinna nga ja tsꞌinkjíhina yo̱.
\p
\v 26 ’Tu̱nga najmi bená mí nihi xi kꞌuetꞌá xu̱ju̱n xi tsꞌinkjíhi̱ nda̱ títjun kꞌaku̱ xi kitsjá xána. Kui kju̱a̱ha nga e̱i̱ kuatsꞌin nibáhana ndo̱ nginkun ko̱ ngikuin ji, nda̱ rei̱ Agripa̱, tu̱ xi cha̱sjaiyaha̱ ra̱á ko̱ bꞌa̱ tsꞌín sa̱kúhuna én xi tsꞌinkjíhi̱ nda̱ títjuu̱n.
\v 27 A̱tꞌaha̱ bꞌa̱ mana nga najmi chumi ni chjíhi̱ ra̱ tsa chu̱ba̱ tsꞌinkjíná nku nda̱ nu̱ba̱yá nga najmi xínya mí kju̱a̱ha tísatéjénehe.
\c 26
\s Bꞌi̱ tsꞌín tsasinko̱ yjoho̱ Pablo̱ nginku̱n nda̱ rei̱ Agripa̱
\p
\v 1 A̱sꞌa̱i nda̱ rei̱ Agripa̱ bꞌi̱ kitsúhu̱ Pablo̱:
\p —Ka̱ma chu̱bai nga ku̱i̱si̱nko̱i̱ yjohi̱.
\p A̱sꞌa̱i kingjénnkꞌa ntsja Pablo̱ ko̱ kinchja̱ nga tsasinko̱ yjoho̱:
\p
\v 2 —Tsjo ṉkjún mana, nda̱ rei̱ Agripa̱, nga ka̱ma kúási̱nka̱ yjona̱ nginkuin ndꞌa̱i̱ nga̱tꞌaha̱ ngayjee̱ ni xi tíbatéjénena já judio̱.
\v 3 A̱tꞌaha̱ ji ya sisin xi nkú tsꞌín tíjña sin cháha̱ xu̱ta̱ xi ntje̱ judio̱ tje̱he̱n ra̱ ko̱ ni xi bꞌésiyáha. Kui bꞌa̱ maha, tíbankihi ra nga nꞌe̱tsentai nga ku̱a̱sinñjuní.
\p
\v 4 ’Be ngayjee̱ xu̱ta̱ xi ntje̱ judio̱ tje̱he̱n ra̱ xi nkú tsꞌín tsáte̱jñajihi̱n nkúhu nga ndyjana. A̱tꞌaha̱ tsáte̱jñajihi̱n xu̱ta̱na̱ ko̱ Jerusalen tsáte̱jña.
\v 5 Ko̱ ta̱ be ya jóo̱ ko̱ ka̱ma ku̱i̱tsu̱ya tsa mjehe̱, nga tehe̱nte kitsꞌintjusan xi nkú tsꞌín tíjña ni̱yáha̱ já fariseo̱, já xi ꞌyún je fiko̱ ni xi sꞌejinni̱.
\p
\v 6 ’Ndꞌa̱i̱ síi̱jña e̱i̱ nga tínꞌeko̱kju̱a̱na a̱tꞌaha̱ tíkuyáha̱ nga Nti̱a̱ná tsꞌi̱íntjusun ni xi kitsúya títjuhu̱n ntje̱ cháni̱.
\v 7 Ta̱ kui nihi xi tíi̱ncha kuyáha̱ nga tsꞌi̱ínkjáíhi̱n xu̱ta̱ni̱ xi te jo maha ntje̱ chá xi yꞌaha̱ ra̱. Kui kju̱a̱ha nga tíi̱ncha tsꞌíntsjoho̱ ra̱ Nti̱a̱ná ni̱stjin ni̱stje̱n. Nda̱ rei̱ Agripa̱, tíbatéjénena já judio̱ nga̱tꞌaha̱ ni xi an tíkuyáha̱.
\v 8 ¿Á najmi sꞌejihi̱nnu̱u nga Nti̱a̱ná tsꞌi̱ínkjꞌáíya ngáha̱ ra̱ xu̱ta̱ ngabayoo̱?
\p
\v 9 ’Ni̱stjin nkꞌie bꞌa̱ kixian nga tjíhin nga kfín kontra̱ha̱ xu̱ta̱ xi sꞌejihi̱n Jesu, nda̱ xi nabáha Nazaret.
\v 10 Bꞌa̱ kitsꞌian Jerusalen. Já na̱ꞌmi kꞌaku̱ kitsjána kju̱a̱ xi má nga tsꞌinkjasꞌen nu̱ba̱yá xu̱ta̱ xi yjankihi̱ Jesu. Ko̱ nkꞌie nga nꞌekꞌien, an ta̱ kitsꞌinjꞌa̱ nga bꞌa̱ nꞌehe̱.
\v 11 Nkjin ni̱yá ko̱ xki̱ niꞌya sinagoga̱ kitsꞌinꞌúhu̱n tu̱ xi najmi ta̱ sku̱e̱nkjúhun Jesu. Tu̱ xí ꞌyúhún kitsꞌin unkie xu̱ta̱ xuꞌbo̱ ko̱ kitsjennkí unkie santaha tu̱ má nankihí ni.
\s Bꞌi̱ tsꞌín kitsúya Pablo̱ xi nkú tsꞌín jakjꞌáha̱ Jesucristo̱
\p
\v 12 ’Kui nii̱ kitsꞌian. A̱sꞌa̱i yꞌéxána ko̱ kitsjána kju̱a̱ já na̱ꞌmi kꞌaku̱ nga kfíán Damasco̱.
\v 13 Tu̱nga nkꞌie nga títsꞌian ni̱yá, ji nda̱ rei̱, nkꞌie nga masen ni̱stjiu̱n kikie nku ndꞌí chánka xi nibaha nkꞌa ján. ꞌYún tsatꞌai sa nga ndꞌíhi̱ tsꞌíu̱. Kitsꞌín ndzjenna ko̱ ta̱ kitsꞌín ndzjehe̱n já xi tje̱nko̱na.
\v 14 A̱sꞌa̱i tsixuntui̱ tꞌanankiu̱ ko̱ kintꞌe nku nta̱ xi én hebreo̱ kinchja̱ko̱na. Bꞌa̱ kitsúna: “Saulo̱, Saulo̱, ¿á unchahaní? ¿Á ta̱ ji tínꞌeꞌuhu̱n ri̱ yjohi̱?”
\p
\v 15 ’A̱sꞌa̱i bꞌa̱ kixian: “¿Yáha ji, Nda̱ Nti̱a̱?” Bꞌa̱ kitsúna Nda̱ Nti̱a̱ná: “An Jesu xi unchai.
\v 16 Tu̱nga ti̱síntje̱nní ko̱ tꞌin. Kuakakuchjíhi ra yjona̱ tu̱ xi nꞌe̱xátꞌahaní ko̱ tu̱ xi ku̱i̱xínyahani ni xi kuayai ko̱ ni xi cha̱ sai a̱skahan.
\v 17 Tsꞌinkjísehe xu̱ta̱ judio̱ ko̱ xi najmi judio̱. Najmi tsjanté tsa i̱ncha tsꞌi̱ínꞌuhin.
\v 18 Chjúxꞌánki tunku̱n xu̱ta̱ tu̱ xi ku̱i̱tjuhu má jyuu̱n nga kju̱a̱sꞌehen má ndzjee̱n, tu̱ xi ku̱i̱tjujihin a̱jin ngaꞌyúhu̱n nda̱nindoo̱ nga tsꞌi̱ínkjáíhi̱n Nti̱a̱ná. Nti̱a̱ná tsꞌi̱ínndyjatꞌaha̱ ngatitsuhu̱n ko̱ tsjáha̱ a̱nte a̱jihi̱n xu̱ta̱ xi bichú ma je nginku̱n tu̱ nga̱tꞌaha̱ nga sꞌejihi̱n an.”
\p
\v 19 ’Kui bꞌa̱ maha, nda̱ rei̱ Agripa̱, kintꞌeꞌéhe̱n ra̱ xi tsakúchjina yjoho̱, xi nibaha nkꞌa ján.
\v 20 Títjun yꞌeni̱jmíhi̱ éhe̱n Nti̱a̱ná xu̱ta̱ xi tjín nanki Damasco̱, ko̱ a̱skahan xi tjín nanki Jerusalen ko̱ ngayjee̱ nanki xi tjín a̱nte Judea̱, ko̱ santaha xu̱ta̱ na̱xi̱nantá xi tjín a̱sunntee̱. Bꞌa̱ kixihi̱n nga ngju̱a̱i̱kjꞌáha̱ ra̱ ani̱ma̱ha̱ ko̱ tsꞌi̱ínkjáíhi̱n Nti̱a̱ná, ko̱ nga tsꞌi̱ín ni xi ku̱a̱kúchji nga ja kitsꞌínkꞌóntjaiya ani̱ma̱ha̱.
\v 21 Kui kju̱a̱ha nga jakjꞌánijéhena já judio̱ na̱tsihi̱n ni̱nku̱ ko̱ kama mjehe̱ nga tsꞌi̱ínkꞌienna.
\p
\v 22 ’Tu̱nga Nti̱a̱náhá tíbasinko̱na santaha ndꞌa̱i̱. Kui nga síi̱jñahana e̱i̱ nga tínchjaka̱ xu̱ta̱ xꞌa̱n ko̱ xi nchi̱ná. Tíxinya ni xi ta̱ kitsúya já profeta̱ ko̱ Moise, ni xi tjíhin nga ku̱i̱tjusun.
\v 23 A̱tꞌaha̱ kui xi bꞌa̱ kitsú nga tjíhin nga un sku̱e̱he̱ xi kitsꞌín nibá Nti̱a̱ná\f + \fr 26:23 \ft “Xi kitsꞌín nibá Nti̱a̱ná” tsuhu̱ ra̱ “Cristo̱”.\f* ko̱ nga kui xi tjun kjꞌu̱a̱íya ngáha̱ ra̱ ngabayoo̱, tu̱ xi bꞌa̱ tsꞌín tsꞌi̱ín ndzjehe̱n ra̱ xu̱ta̱ni̱ ko̱ xu̱ta̱ na̱xi̱nantá xi tjín a̱sunntei̱ xi nkú tsꞌín kꞌu̱a̱nkihi.
\p
\v 24 Nkꞌie nga bꞌa̱ kitsú Pablo̱ nga tíbasinko̱ yjoho̱, a̱sꞌa̱i bꞌi̱ kitsú nda̱ títjun Festo̱ nga kikjintáya:
\p —¡Ja tíma luku̱i̱, nda̱ Pablo̱! A̱tꞌaha̱ ꞌyún mahi xu̱ju̱n, kui nga ja tíma luku̱huni.
\p
\v 25 A̱sꞌa̱i bꞌi̱ kitsú Pablo̱:
\p —Najmi luka̱, nda̱ títjun Festo̱. Kju̱axi̱ ko̱ bꞌa̱ tjín ni xi tínchja.
\v 26 Nda̱ rei̱ Agripa̱ be ni xuꞌbi̱. Kui nga tínchja kixi̱ kixi̱hina nginku̱n. A̱tꞌaha̱ behe̱ kꞌan nga beyje nda̱ rei̱ ngatentee̱ ni xuꞌbi̱. Najmi nku a̱nte xi tíjña ꞌma má nga bꞌa̱ kamoo̱.
\v 27 Ji nda̱ rei̱ Agripa̱, ¿a sꞌejihin ni xi kitsú já profeta̱? Be nkꞌie nga sꞌejihin.
\p
\v 28 Bꞌi̱ kitsú nda̱ rei̱ Agripa̱:
\p —Chuba mahá ndyjaha̱ nkꞌie nga nꞌe̱ maní nku nda̱ xi sꞌejihi̱n Jesucristo̱.
\p
\v 29 A̱sꞌa̱i bꞌi̱ kitsú Pablo̱:
\p —Ndaha tsa chuba ndyjaha̱ ko̱ tsa tse ndyjaha̱, tu̱nga tíbankihí ra̱ Nti̱a̱ná nga najmi tu̱ nku ji, ko̱ ní ngatentee̱ xi tíbasínñjuna ndꞌa̱i̱ ku̱i̱chú ma xi nkúhu an, tu̱nga najmi ko̱hó nꞌúki̱cha̱ xuꞌbi̱ sꞌe̱tꞌaha̱.
\p
\v 30 A̱sꞌa̱i tsisintje̱n nda̱ rei̱, nda̱ títjuu̱n, na̱ Berenice̱ ko̱ ngayjee̱ xi i̱ncha kabꞌentuko̱ho̱ yo̱.
\v 31 I̱ncha ngji nchja̱ni̱jmíya tꞌaxín kju̱o̱. Bꞌi̱ i̱ncha kitsúhu̱ xinkjín:
\p —Najmi ngabaya ko̱ ta̱ ndaha nu̱ba̱yá tje̱he̱n ra̱ ni xi kitsꞌín ndo̱.
\p
\v 32 A̱sꞌa̱i nda̱ rei̱ Agripa̱ bꞌi̱ kitsúhu̱ nda̱ títjun Festo̱:
\p —Tsa najmi tsanki ndo̱ nga nginku̱n nda̱ títjun kꞌaku̱ Cesa̱r nꞌe̱ko̱kju̱a̱, ka̱ma nꞌe̱ nda̱íhi̱ kai.
\c 27
\s Bꞌi̱ tsꞌín kinꞌekjí Pablo̱ nanki Roma̱
\p
\v 1 Nkꞌie nga jꞌai kju̱a̱ nga tjíhin nga nꞌe̱kjíni̱ a̱nte Itali̱a̱, a̱sꞌa̱i kinꞌekjasꞌen Pablo̱ ko̱ kjꞌa̱í sa já nu̱ba̱yá a̱ya ntsja nku nda̱ jun kꞌaku̱ xi ꞌmi Juli̱o̱. Kui xi tíjñajihi̱n já jun xi ꞌmi Já juhu̱n Nda̱ títjuu̱n.
\v 2 Tsitjasꞌe̱i̱n nku tsutsu xi nibaha nanki Adramiti̱o̱ xi ja ma ku̱i̱tjuhú nga ngju̱a̱i̱ nanki xi tjín a̱nte Asi̱a̱. A̱sꞌa̱i kinꞌei̱ ni̱yá ntá. Ta̱ ngjiko̱ni̱ Aristarco̱, kui xi nibáha Tesaloni̱ka̱, nanki xi tíjñajihi̱n a̱nte Macedoni̱a̱.
\v 3 Ni̱stjin xi ma ndyjuu̱n tsichii̱ nanki Sidon, ko̱ nda̱ jun Juli̱o̱ kitsꞌíhi̱n nku kju̱a̱nda Pablo̱. Kitsjántehe̱ nga ngjitsubekꞌún já xi nda nchja̱ko̱ho̱ ko̱ nga kui jóo̱ tsjáha̱ ni xi machjéhe̱n.
\p
\v 4 A̱sꞌa̱i tsitjuko̱i̱ tsutsu yo̱ ko̱ tsitjandái̱ xjo̱ Chipre̱, a̱tꞌaha̱ tje̱n kontra̱ni̱ ntjo̱.
\v 5 Tsitjatíkjái̱ ntáchakꞌuu̱n a̱ndaihi̱ Cilici̱a̱ ko̱ Panfili̱a̱ ko̱ tsichii̱ nanki Mira̱, nanki xi tíjñajihi̱n Lici̱a̱.
\v 6 Yo̱ kisakúhu̱ nda̱ jun kꞌaku̱ nku tsutsu xi nibaha nanki Alejandria̱ ko̱ a̱nte Itali̱a̱ tífi. Yo̱ kitsꞌínkjasꞌenni̱.
\v 7 Nkjin ni̱stjin kinꞌe nda ndai̱ ni̱yá ntá ko̱ tu̱ ꞌyaha tsichu tiñai̱ a̱nkjín nanki Gnido̱. Tje̱n kontra̱ sani̱ ntjo̱, kui nga tsitjaha̱ni̱ a̱nkjín nanki Salmon ko̱ yꞌetjindaihi̱ xjo̱ Creta̱.
\v 8 Tu̱ nku bꞌa̱há tsꞌín ꞌni kinꞌei̱ ni̱yá ntá a̱ndaihi̱ xjo̱ Creta̱. A̱skahan tsichii̱ nku a̱nte xi ꞌmi A̱nte Tsjo Kꞌun xi tíjña maha̱ nanki Lasea̱.
\p
\v 9 Nkjin ṉkjún ni̱stjin tsꞌayani̱ nga̱tꞌaha̱ ntjo̱ ko̱ ja tíbichú tiña ni̱stjin nga chꞌon ma nga tsutsu bankínka̱á, a̱tꞌaha̱ ja tíbichú tiña ni̱stjin chu̱nchꞌóo̱n. Kui nga bꞌa̱ kitsúhu Pablo̱:
\p
\v 10 —Jun já, ndzjen tímana. Tsa kuankínndjaá, chꞌon ka̱matꞌaán. Nꞌe̱ndyja tsutsuu̱ ko̱ chꞌáha̱, ko̱ santaha kju̱i̱chúkju̱a̱ nga ku̱a̱yáá ko̱ ñá.
\p
\v 11 Tu̱nga najmi kitsꞌínsihín ra̱ nda̱ jun kꞌaku̱ ni xi kitsú Pablo̱. Tu̱ ni xi kitsúhu nda̱ xi tsꞌínko̱ tsutsuu̱ ko̱ nda̱ xi tsꞌe̱ yóo̱ tsasínñjuhu̱.
\v 12 A̱nte xuꞌbo̱ ya najmi nda ma tsa yo̱ nꞌe̱kjꞌa ni̱stjin chu̱nchꞌóo̱n. Kui nga nkjin i̱ncha kamaha xi bꞌa̱ i̱ncha kitsú nga tu̱ sahá nda tjín nga i̱ncha ku̱i̱tju yo̱, tsa tu̱ ahá ni bꞌa̱ tsꞌín i̱ncha ku̱i̱chú Fenice̱, nanki xi tíjñajihi̱n xjo̱ Creta̱. Yo̱ má bichú tsutsu ko̱ nda tsꞌín sꞌentu. Bꞌa̱ tsꞌín yo̱ ka̱ma i̱ncha tsꞌi̱ínkjꞌaha ni̱stjin chu̱nchꞌóo̱n.
\s Bꞌi̱ tsꞌín kamané ntjo̱ tsutsu xi tjíya Pablo̱
\p
\v 13 A̱sꞌa̱i kitsjen nku ntjo̱ xi najmi ꞌyún, xi nibaha a̱jin ntáchakꞌuu̱n. Bꞌa̱ kamaha̱ jóo̱ tsa nda tsꞌín ngju̱a̱i̱ tímaha̱. Kui nga tsitjuko̱ho tsutsuu̱ ko̱ i̱ncha ngjiko̱ tiña a̱ndai xjo̱ Creta̱.
\v 14 Tu̱nga najmi tsꞌandayahá ra̱ nga kama nku ntjo̱ xi tu̱ xí ꞌyúhún, xi nibaha a̱sun tꞌanankiu̱. Be jóo̱ nkú ꞌmi ntjo̱.
\v 15 Kui xi kikjebéfe tsutsuu̱. Najmi ta̱ kama tsankinko̱ho̱ni̱ má nga mjeni̱. Kui nga kikꞌa̱i̱ntehe̱ni̱ nga ngju̱a̱i̱ko̱ho̱ni̱ ntjo̱.
\p
\v 16 A̱sꞌa̱i tsitjandái̱ nku xjo̱ i̱chí xi ꞌmi Cauda̱. Kui xi yꞌéchjaha̱ i̱chí ntjo̱, ko̱ tu̱ ꞌyaha kamani̱ kichjuꞌyúi̱n tsutsu i̱chí xi yꞌa tsutsuu̱.
\v 17 Nkꞌie nga kinꞌekjasꞌei̱n tsutsu i̱chíu̱, a̱sꞌa̱i nꞌúꞌya̱ yꞌéꞌyúnkjáha̱ jóo̱ tsutsu chánka xi tje̱nko̱i̱ tu̱ xi najmi ku̱a̱kjahan. I̱ncha kitsankjún tsa tsumí xi tjín a̱nte xi ꞌmi Sirte̱ kju̱a̱sꞌenjin. Kui nga i̱ncha kikjeje̱hen najyuhu̱n tsutsuu̱, kui xi basinyaꞌyún ntjo̱. A̱sꞌa̱i kitsjánte nga ngju̱a̱i̱ko̱ho̱ ntjo̱.
\p
\v 18 Ni̱stjin xi ma ndyjuu̱n ꞌyún kitsjen sa ntjo̱. Kui nga i̱ncha kikjaníkjꞌajin ntáchakꞌuu̱n chꞌáha̱ tsutsuu̱.
\v 19 Ni̱stjin xi ma jahan i̱ncha kikjꞌaníkjꞌajin santaha ko̱ ni xi tsꞌínchjén nga fiko̱ tsutsuu̱.
\v 20 Jꞌa nkjin ni̱stjin nga najmi kama sje ko̱ ta̱ ndaha najmi kama chji niñuu̱ ko̱ ntjo̱ xi ꞌyún tje̱nneni̱. Bꞌa̱ tsixíi̱n nga najmi ta̱ ku̱i̱ntsu̱ba̱ha̱ni̱.
\p
\v 21 Nkjin ni̱stjin jꞌa nga najmi chumi nihi kichinei̱. A̱sꞌa̱i Pablo̱ tsasinjña ndju ko̱ bꞌi̱ kitsú:
\p —Jun já, najmi nda kinꞌo nga najmi tsasinñjunú, nkꞌie nga tsitjuko̱o tsutsuu̱ xjo̱ Creta̱. Un tíbenu̱u ndꞌa̱i̱ ko̱ tínꞌe ndyjo ni xi kichꞌo.
\v 22 Tu̱nga ndꞌa̱i̱ bꞌa̱ tíxinnu̱u nga tjen ngaꞌyúhu̱un yjonu̱u, a̱tꞌaha̱ najmi chꞌa ku̱a̱yá. Tu̱ tsutsuu̱hú xi ndyja̱.
\v 23 A̱tꞌaha̱ nkui jyún kabakúchjina yjoho̱ nku ntítsjehe̱ Nti̱a̱ xi tsꞌe̱na ko̱ xi tsꞌinxátꞌaha̱.
\v 24 Bꞌa̱ katsúna: “Najmi tu̱ binkjuin, Pablo̱. Tjíhin nga kꞌúín nginku̱n nda̱ títjun kꞌaku̱ Cesa̱r. Nti̱a̱ná títsjáhi̱ kju̱a̱nda xuꞌbi̱ nga najmi ku̱a̱yá ngayjee̱ já xi tjíntuyáko̱hi tsutsuu̱.”
\v 25 Kui bꞌa̱ maha, jun já, tjen ngaꞌyúhu̱un yjonu̱u. A̱tꞌaha̱ sꞌejinna Nti̱a̱ná nga bꞌa̱ ka̱ma xi nkú nga kaꞌmina.
\v 26 Tu̱nga tjíhín ni nga nku xjo̱ ku̱i̱chúko̱ná ntjo̱.
\p
\v 27 Nkꞌie nga tsichu ni̱stje̱n nga ja tjínni̱ jo tuntjáí, ko̱ nga ja tífiko̱ni̱ ntjo̱ a̱jin ntáchakꞌun Adri̱a̱, nkú ra̱ ma masen ni̱stje̱n kikie já xi tíi̱ncha tsꞌínko̱ tsutsuu̱ nga ja tíbichú tiñai̱ a̱nte kixiu̱.
\v 28 Kui nga kikꞌachu̱ba̱ha nga na̱nka̱ha̱ ntóo̱. Kan tjꞌion nku metru̱ kama. A̱sꞌa̱i ngjindju sa ko̱ ta̱ kikꞌachu̱ba̱há ngáha. Kui xi kama kan ún jo metru̱.
\v 29 I̱ncha kitsankjún tsa na̱xi̱u̱ sa̱tékjoko̱ho̱, kui nga i̱ncha kikjaníkjꞌaha ñju ni xi fáyaꞌyún tsutsuu̱. I̱ncha mangimjehe̱ nga ki̱tsa̱ ka̱ma sen.
\p
\v 30 A̱sꞌa̱i mjehe̱ ku̱a̱nka já xi tíi̱ncha tsꞌínko̱ tsutsuu̱. Kui nga i̱ncha kikjaníkjꞌajihin ntóo̱ tsutsu i̱chí xi kjitꞌaha̱ tsutsu chánkoo̱. Bꞌa̱ i̱ncha kitsú nga i̱ncha kja̱níkjꞌa sa a̱nkjín tsutsuu̱ ni xi kju̱áyaꞌyúhu̱n tsutsuu̱.
\v 31 Tu̱nga bꞌa̱há kitsú Pablo̱ nga kinchja̱ko̱ nda̱ jun kꞌaku̱ ko̱ já juu̱n:
\p —Tsa najmi kꞌúéntu já xuꞌbi̱ a̱ya tsutsuu̱, jun najmi kꞌu̱a̱nkiu.
\p
\v 32 A̱sꞌa̱i i̱ncha tsatekjá já juu̱n nꞌúꞌya̱ xi tjítꞌa tsutsu i̱chíu̱. I̱ncha kikjanítja̱ꞌba niu̱.
\p
\v 33 Nkꞌie nga ja tínibá ma sen, Pablo̱ bꞌa̱ kitsúhu̱ ngayjee̱ jóo̱ nga tjíhin nga i̱ncha kji̱ne̱ nichine. Bꞌi̱ kitsúhu̱:
\p —Ja tjínnu̱u jo tuntjáí ndꞌa̱i̱ nga ꞌyún tínꞌenkjíhu̱un takꞌun ko̱ nga tintsu̱ba̱ kjintíó. Najmi tíchino ni̱ñu̱.
\v 34 Tíbankihi̱nu̱u nga chi̱ne̱henu i̱chí ndꞌa̱i̱. Ku̱a̱si̱nko̱nu̱u tu̱ xi kꞌu̱a̱nkihinu. A̱tꞌaha̱ ndaha nku ntsja̱ku najmi ndyja̱.
\p
\v 35 Nkꞌie nga bꞌa̱ kitsú Pablo̱, a̱sꞌa̱i jakjꞌá nku ni̱nku̱a̱n ko̱ kitsjáha̱ mábꞌa̱chjíhi̱ Nti̱a̱ná nginku̱n ngayjee̱ jóo̱. Tsakjánya ko̱ kikjine.
\v 36 A̱sꞌa̱i kama ꞌyún takꞌun ngayjee̱ já xingisoo̱ ko̱ ta̱ i̱ncha kikjine ni̱nku̱o̱n.
\v 37 Jo unchan ko̱ cháte ko̱ kan ún nku maha̱ni̱ ngayjei̱ xi tintsu̱ba̱yai̱ tsutsuu̱.
\v 38 Nkꞌie nga ja i̱ncha kikjine ni̱ñu̱, a̱sꞌa̱i tu̱ xi ka̱ma kijnaha tsutsuu̱ i̱ncha kikjaníkjꞌajin ntáchakꞌuu̱n tuni̱ñu̱ xi yꞌa yóo̱.
\s Bꞌi̱ tsꞌín tsakjan tsutsu xi tjíya Pablo̱
\p
\v 39 Nkꞌie nga kama see̱n, najmi kamankjihi̱n jóo̱ má i̱ncha tsichu. Tu̱nga kikiehé nku a̱nte kixi má nga tjín tsumí ko̱ i̱ncha kama mjehe̱ nga ngju̱a̱i̱ko̱ tsutsuu̱ yo̱, tsa tu̱ ahá ni ku̱i̱chúko̱.
\v 40 Kui nga i̱ncha tsateꞌyúhun nꞌúꞌya̱ xi yꞌaha̱ ra̱ ni xi fáyaꞌyúhu̱n tsutsuu̱. I̱ncha kikjanítja̱bꞌa niu̱ ko̱ kitsꞌín nda̱íhi̱ ni xi bakú ni̱yáha̱ tsutsuu̱. A̱sꞌa̱i kingjénnkꞌa najyuhu̱n tsutsuu̱ xi basinyaꞌyún ntjo̱ tu̱ xi ngju̱a̱i̱ko̱ho̱ ra̱ ntjo̱ a̱nte kixiu̱.
\v 41 Tu̱nga nkuhú a̱nte má nga tjín tsumí tsichu yóo̱. Yo̱ kisasínkjáꞌyún a̱nkjín tsutsuu̱. Ndaha̱chí najmi ta̱ kama kitsꞌínni̱yáha niu̱. A̱sꞌa̱i tꞌéhe̱n ntóo̱ kikjexuba a̱stu̱n tsutsuu̱.
\p
\v 42 Bꞌa̱ i̱ncha kitsúhu̱ xinkjín já juu̱n nga i̱ncha tsꞌi̱ínkꞌien já nu̱ba̱yóo̱ tu̱ xi najmi i̱ncha ku̱a̱nkajin ntáha.
\v 43 Tu̱nga mjehé ra̱ nda̱ jun kꞌaku̱ nga tsꞌi̱ínkꞌanki Pablo̱, kui nga najmi kitsjántehe nga bꞌa̱ i̱ncha tsꞌi̱íhin jóo̱. Tu̱ sa ní bꞌa̱ kitsú nga tjun kja̱níkjꞌajin ntá yjoho̱ xi maha̱ ntá tu̱ xi ku̱i̱chúhu a̱nte kixiu̱,
\v 44 ko̱ nga já xingisoo̱ ngju̱a̱i̱ko̱ yáte ko̱ tsa tꞌíáha̱ tsutsuu̱. Bꞌa̱ tsꞌín i̱ncha tsichuhu̱ni̱ a̱nte kixiu̱ ko̱ i̱ncha tsꞌankiyjei̱.
\c 28
\s Bꞌi̱ tsꞌín kitsꞌín kju̱a̱nkjún Pablo̱ xjo̱ Malta̱
\p
\v 1 Nkꞌie nga tsitjujin ntái̱, kikꞌinyani̱ nga Malta̱ ꞌmi yo̱.
\v 2 Xu̱ta̱ xi tjín xjo̱ xuꞌbi̱ nda ani̱ma̱ha̱ ko̱ nda kitsꞌínkjáínni̱. I̱ncha kitsꞌínꞌyún nku ndꞌí chánka, a̱tꞌaha̱ nchꞌán ko̱ tsꞌí tíbꞌa kui ni̱stjiu̱n.
\v 3 Jꞌáya Pablo̱ chuba chikín ko̱ yꞌéntujín ndꞌíu̱. A̱sꞌa̱i tu̱ tsitjuhú nku ye̱ xi tíbankaha̱ ntꞌa̱i̱hi̱ ndꞌíu̱ ko̱ kikjinehe̱ ntsja Pablo̱.
\v 4 Nkꞌie nga kikie xu̱ta̱ xi tjín yo̱ nga tje̱nbꞌankitꞌa ye̱ ntsja Pablo̱, bꞌi̱ ngján kinchja̱ko̱ xinkjín. Bꞌi̱ i̱ncha kitsú:
\p —Kju̱axi̱ nkꞌie nga ani̱ma̱ tsꞌínkꞌien nda̱i̱. Ndaha tsa kuitjujin ntáchakꞌuu̱n tu̱nga Nti̱a̱ná najmi mjehe̱ tsa kꞌúéjña tíkꞌun sa.
\p
\v 5 Tu̱nga yꞌétsujnehé Pablo̱ ye̱ a̱jin ndꞌíu̱. Ndaha̱chí najmi chumi nihi xi kamaha̱.
\v 6 I̱ncha kikuyá xu̱to̱ nga ku̱i̱jin Pablo̱ ko̱ a ra̱ tje̱nꞌyún ku̱a̱yáha. Tu̱nga bꞌa̱há tsꞌín jꞌaha chu̱ba̱ nga tíi̱ncha kuya. Nkꞌie nga i̱ncha kikie nga najmi chumi nihi xi kamaha̱, kitsꞌínkꞌóntjaiya kju̱a̱nkjintakꞌuhu̱n. Bꞌa̱ i̱ncha kitsú nga nku nti̱a̱ Pablo̱.
\p
\v 7 Tiña a̱nte xuꞌbo̱ tjíhi̱n niꞌya nku nda̱ xi ꞌmi Publi̱o̱, xi nda̱ títjuhu̱n xjo̱ Malta̱. Kui xi kitsꞌínkjáínni̱. Nda tsꞌín kitsꞌínsinni̱ jan ni̱stjin tjíhin.
\v 8 Tu̱nga kjijña uhún na̱ꞌmihi̱ Publi̱o̱. Chꞌin tíi̱nchaha ko̱ tífꞌaha̱. A̱sꞌa̱i jasꞌen Pablo̱ má kjijña. A̱skahan nkꞌie nga kinchja̱ko̱ Nti̱a̱ná, kingjénne ntsja ko̱ kitsꞌínnkihi̱.
\v 9 Nkꞌie nga bꞌa̱ kamoo̱, ta̱ i̱ncha jꞌai ya kjꞌa̱í xu̱ta̱ un xi tjín yo̱. Ta̱ i̱ncha kama nkihi̱.
\p
\v 10 Nkjin ni xi kitsjáni̱ xu̱to̱, ko̱ nkꞌie nga kichjubé ngáha̱ni̱ kjꞌa̱í tsutsu ta̱ kitsjáni̱ ni xi machjén nga nꞌeé ni̱yá.
\s Bꞌi̱ tsꞌín tsichu Pablo̱ nanki Roma̱
\p
\v 11 Nkꞌie nga jꞌa jan sá, a̱sꞌa̱i tsankinko̱i̱ nku tsutsu xi yo̱ kitsꞌínkjꞌa ni̱stjin chu̱nchꞌóo̱n. Alejandria̱ nibaha yóo̱ ko̱ tjítꞌa chjihi̱ sénni̱stjihi̱n nti̱a̱ Casto̱r ko̱ Polu̱x.
\v 12 Tsichii̱ Siracusa̱ ko̱ jan ni̱stjin tsꞌandayani̱ yo̱.
\v 13 Nkꞌie nga tsitjui̱ yo̱, tsankintꞌá tiñai̱ nanki xi tjín yo̱ ko̱ tsichii̱ nanki Regi̱o̱. Ni̱stjin xi ma ndyjuu̱n kamanéi̱ nku ntjo̱, ko̱ ni̱stjin xi ma joho tsichuko̱ni̱ tsutsuu̱ nanki Puteoli̱.
\v 14 Yo̱ kisakúni̱ kꞌu̱a̱ já ntsꞌeé xi bꞌa̱ kitsúni̱ nga ku̱i̱ntsu̱ba̱ko̱i̱ nku tuntjáí tjíhin. Nkꞌie nga ja kamoo̱ kinꞌei̱ ni̱yá nga tsankii̱n nanki Roma̱.
\p
\v 15 Já ntsꞌeé xi tjíntu nanki Roma̱, nkꞌie nga kintꞌé nga tsichii̱ yo̱, a̱sꞌa̱i i̱ncha jꞌaikjꞌá ni̱yáni̱ má nga ꞌmi Na̱tsi̱n Api̱o̱ ko̱ má nga ꞌmi Jan Niꞌya, yo̱ má nꞌekjꞌa ni̱stje̱n. Nkꞌie nga kikie Pablo̱ jóo̱, kitsjáha̱ mábꞌa̱chjíhi̱ Nti̱a̱ná ko̱ tsjo kikꞌiehe̱ ani̱ma̱ha̱.
\v 16 Nkꞌie nga tsitjasꞌe̱i̱n nanki Roma̱, kikꞌa̱i̱ntehe̱ Pablo̱ nga tꞌaxín kꞌúéjña ko̱ nku nda̱ jun kikunntáha̱.
\s Bꞌi̱ tsꞌín yꞌéni̱jmíhi̱ Pablo̱ xu̱ta̱ judio̱ xi tjín Roma̱
\p
\v 17 Nkꞌie nga jꞌa jan ni̱stjin, a̱sꞌa̱i Pablo̱ kinchja̱ ñjakúhu̱ já kꞌaku̱hu̱ xu̱ta̱ xi ntje̱ judio̱ tje̱he̱n ra̱ xi tjín yo̱. Nkꞌie nga kama ñja jóo̱, a̱sꞌa̱i bꞌa̱ kitsúhu̱:
\p —Jun já ntsꞌe, najmi chumi nihi xi kitsꞌihi̱n xu̱ta̱ná ko̱ ta̱ ndaha najmi ngji kontra̱ha̱ sin chá xi kitsꞌínkjasꞌenná ntje̱ cháná. Tu̱nga xu̱ta̱ xi tjíntuhú Jerusalen kitsꞌínkjasꞌennijéna a̱ya ntsja já Roma̱.
\v 18 Kingjásjaiyana ko̱ kama mjehe̱ nga tsꞌi̱ín nda̱ína, a̱tꞌaha̱ najmi chumi nihi xi kitsꞌian xi tje̱he̱n ra̱ ngabaya.
\v 19 Tu̱nga najmi kitsꞌín yuhú já judio̱ xi tíbatéjénena. Kui nga tsankihina nga nginku̱n ndatítjun kꞌaku̱ Cesa̱r nꞌe̱ko̱kju̱a̱hana, ndaha tsa najmi tjín ni xi kuatejénehena xu̱ta̱ná.
\v 20 Kui kju̱a̱ha nga kinchjaha̱nu̱u. Mjena skuenu̱u ko̱ xínyanu̱u nga tjínkjáꞌyúnna nꞌúki̱cha̱ i tu̱ nga̱tꞌaha̱ nga tíkuyáha̱ ni xi tíchuyáá ngayjeé ñá xi xu̱ta̱ Israel.
\p
\v 21 A̱sꞌa̱i bꞌi̱ i̱ncha kitsú jóo̱:
\p —Ndaha nku xu̱ju̱n xi nibaha a̱nte Judea̱ xi tínchja̱ni̱jmíyaha ri najmi jꞌaini̱, ko̱ ta̱ ndaha já ntsꞌeé xi i̱ncha nibáha ján najmi chumi ni chꞌonkꞌuhun xi kinchja̱ nga̱tꞌa tsꞌi̱.
\v 22 Tu̱nga mjehéni̱ ku̱a̱sinñjúi̱ xi nkú tsꞌín nꞌenkjínkꞌuin, a̱tꞌaha̱ yai̱ nga tu̱ má a̱ntehé ni najmi nda tíchubani̱jmíyaha xu̱ta̱ xi yjankihi̱ én xi tíbꞌeni̱jmí.
\p
\v 23 Kui nga i̱ncha yꞌéhe̱ ra̱ nku ni̱stjin nga Pablo̱ ku̱a̱kúya ko̱ nkjin ṉkjún xu̱ta̱ i̱ncha jꞌai kui ni̱stjiu̱n niꞌyaha̱. Nku ni̱stjin kikꞌaha̱ Pablo̱ nga yꞌéjña chji ko̱ kitsúya nkú tsꞌín batéxuma Nti̱a̱ná. Kitsꞌínchjén xu̱ju̱n kju̱a̱téxumaha̱ Moise ko̱ xu̱ju̱hu̱n já profeta̱ nga yꞌéjña chjihi̱ xu̱ta̱ yáha Jesu.
\v 24 A̱sꞌa̱i tjín xi kitsꞌínkjáíhi̱n ni xi kitsú Pablo̱ ko̱ tjín xi najmi kisꞌejihi̱n.
\p
\v 25 Najmi tsichu ma nkuko̱ xinkjín. Nkꞌie nga i̱ncha kikꞌatutsꞌi̱hi̱n nga i̱ncha ngji niꞌyaha̱, bꞌi̱ kitsú Pablo̱:
\p —Kju̱axi̱ ni xi kitsúhu̱ Espiri̱tu̱ Santo̱ ntje̱ chánu̱u nga kitsꞌínkinchja̱ nda̱ profeta̱ Isaia̱. Bꞌi̱ kitsú:
\q
\v 26 Tꞌihi̱nse̱i̱hi̱ na̱xi̱nantá xuꞌbo̱ ko̱ bꞌa̱ tꞌihi̱n:
\q ꞌYún ku̱a̱sinñju tu̱nga najmi ka̱mankjihínnu̱u,
\q ko̱ ꞌyún cha̱so̱o tu̱nga najmi cha̱nú.
\q
\v 27 A̱tꞌaha̱ ja kama ndjá ani̱ma̱ha̱ xu̱ta̱ xuꞌbi̱,
\q kitsꞌín staya yjoho̱ ko̱ kikꞌíéchja tunku̱n,
\q tu̱ xi najmi sku̱e̱he ko̱ najmi ku̱i̱ntꞌéhe,
\q ko̱ najmi ka̱mankjihi̱n ra̱,
\q tsa tsꞌi̱ínkꞌóntjaiya ani̱ma̱ha̱ ko̱ nga an tsꞌinnkíhi̱.
\p
\v 28 ’Kui nga tjíhin nga cha̱hanu ndꞌa̱i̱ nga Nti̱a̱ná tsꞌi̱ínkjihi̱ ra̱ na̱xi̱nantá xi tjín a̱sunntei̱ én xi tsꞌi̱ínkꞌankihi̱. Kuihí xu̱to̱ xi ku̱a̱sínñjuhu̱ ée̱n.
\p
\v 29 Nkꞌie nga bꞌa̱ kitsú Pablo̱, ꞌyún i̱ncha kinchja̱tiko̱ xinkjín já judio̱. A̱sꞌa̱i i̱ncha ngji.
\p
\v 30 Jo nú kamaha̱ Pablo̱ nga yꞌejñaya niꞌya xi yꞌéchjí sá. Kitsꞌínkjáíhi̱n ngayjee̱ xi tsichusehe̱.
\v 31 Yꞌéni̱jmí xi nkú tsꞌín batéxuma Nti̱a̱ná ko̱ tsakúya nga Jesucristo̱ xi Nda̱ Nti̱a̱ná. Kinchja̱ chji chji ko̱ najmi chꞌa xi yꞌéchjaha̱ nga bꞌa̱ kitsꞌín.