\id ROM Mazatec of Jalapa de Díaz
\h Xu̱ju̱n xi kinꞌekjíhi̱ xu̱ta̱ ni̱nku̱ Roma̱
\toc1 Xu̱ju̱n xi kitsꞌínkjihi̱ nda̱ postru̱ Pablo̱ xu̱ta̱ ni̱nku̱ Roma̱
\mt Xu̱ju̱n xi kitsꞌínkjihi̱ nda̱ postru̱ Pablo̱ xu̱ta̱ ni̱nku̱ Roma̱
\c 1
\s Bꞌi̱ tsꞌín kikjaniñaha̱ Pablo̱ xu̱ta̱ ni̱nku̱ xi tjín nanki Roma̱
\p
\v 1 An Pablo̱, an nda̱ musu̱ síhi̱n Jesucristo̱. Nti̱a̱ná kitsꞌín mana nku nda̱ postru̱hu̱\f + \fr 1.1 \ft “Xi kisꞌexá” tsuhu̱ ra̱ “nda̱ postru̱” ko̱ a ra̱ “já postru̱”.\f* tu̱ xi kꞌueni̱jmíhina én nda tsuhu̱,
\v 2 én nda tsu xi kitsú nga tsjá nkꞌie nga kitsꞌínkinchja̱ já profeta̱ha̱ xi nkú tsꞌín tjítꞌa xu̱ju̱n éhe̱n Nti̱a̱ná, kui xi tsje.
\p
\v 3 Én nda tsuu̱ tínchja̱ni̱jmíyaha Ntíhi̱, kui xi Nda̱ Nti̱a̱ná Jesucristo̱. Nkꞌie nga yjoninte kikꞌa, ntje̱he̱ nda̱ rei̱ David nibaha̱ ra̱.
\v 4 Ko̱ nkꞌie nga jꞌáíyaha̱ ngabayoo̱, Espiri̱tu̱ Santo̱ yꞌéjña chji nga kui xi Ntíhi̱ Nti̱a̱ná xi tjíhi̱n ngaꞌyún.
\v 5 Kitsjána kju̱a̱nda ko̱ kitsꞌín mana nku nda̱ postru̱ ngajoho̱ tu̱ xi tu̱ má kꞌueni̱jmíhi̱ ra̱ xu̱ta̱ nga tjíhin nga sꞌe̱jihi̱n ko̱ ku̱i̱ntꞌéꞌéhe̱n.
\v 6 Jun tintsu̱ba̱jiun xu̱ta̱ xi kisꞌeni̱jmíhi̱, kui nga xu̱ta̱ha̱ Jesucristo̱ ka̱mahanu.
\p
\v 7 Ngayjoo̱ xu̱ta̱ ni̱nku̱ xi tintsu̱bo̱o nanki Roma̱ títsꞌinkjínu̱u kui xu̱ju̱i̱n. Tjoho̱ Nti̱a̱ná jun ko̱ jꞌájinnu̱u nga kikjátsꞌe̱nu̱u.
\p Kasꞌenu̱u kju̱a̱nda ko̱ kju̱a̱jyu xi tsjáná Nti̱a̱ Na̱ꞌminá ko̱ Nda̱ Nti̱a̱ná Jesucristo̱.
\s Bꞌi̱ tsꞌín kitsúya Pablo̱ nga mjehe̱ ngju̱a̱i̱sehe̱ xu̱ta̱ ni̱nku̱ Roma̱
\p
\v 8 Kui ni xuꞌbi̱ xi tjun xínnu̱u. Tu̱ nga̱tꞌaha̱ nga Nda̱ Nti̱a̱ná Jesucristo̱ tsꞌe̱ná, tsjaha̱ mábꞌa̱chjíhi̱ Nti̱a̱ná nga̱tꞌaha̱ nga ja kichjubó éhe̱n ko̱ nga ngúsuhu̱n a̱sunntee̱ tíchubani̱jmíyaha xi nkú tsꞌín sꞌejinnu̱u Nti̱a̱ná.
\v 9 Ngayjee̱ ani̱ma̱na̱ títsꞌinxátꞌaha̱ Nti̱a̱ná nga tíbꞌeni̱jmíá én nda tsuhu̱ Ntíhi̱, ko̱ kui xi be nga tehe̱nte tsꞌinkjónu̱u nkꞌie nga nchjaka̱.
\p
\v 10 Bankihi̱ Nti̱a̱ná tsa kui xi mjehe̱ katsjáni̱yána nga ka̱ma kfínsenu̱u.
\v 11 A̱tꞌaha̱ mje ṉkjúnna skuenu̱u tu̱ xi kúási̱nko̱ho̱nu̱u nga sa̱kúnu̱u ni xi tsjáná Espiri̱tu̱ Santo̱, tu̱ xi ndjá ku̱i̱nchahanu.
\v 12 Mjena nga xi nkú tsꞌín nkuhú sꞌejinná kꞌu̱a̱i̱ ngaꞌyúnko̱ho̱ ra̱á xinki̱á.
\p
\v 13 Jun já ntsꞌe, mjena nga cho̱o nga nkjin ni̱yá kama mjena nga kfínsenu̱u tu̱nga santahá ni ndꞌa̱i̱ tjín ni xi tíbꞌéchjana. Mjena ta̱ tsꞌian xá xi kitsjána Jesucristo̱ a̱jinnu̱u xi nkú nga ta̱ títsꞌian a̱jihi̱n xu̱ta̱ na̱xi̱nantá xingisoo̱.
\v 14 Tjíhin nga tsꞌian a̱jihi̱n tu̱ mí xu̱ta̱há ni xá xi kitsjána, xu̱ta̱ xi nchja̱ én griego̱ ko̱ xi nchja̱ kjꞌa̱í én, xi nkjinkꞌuhu̱n ko̱ xi najmi nkjinkꞌuhu̱n.
\v 15 Kui nga mangimjehena nga kꞌueni̱jmíhi̱nu̱u ko̱ ta̱ jun xi tintsu̱bo̱o Roma̱ én nda tsuhu̱ Jesucristo̱.
\s Bꞌi̱ tsꞌín kitsúya Pablo̱ nga tjíhi̱n ngaꞌyún én nda tsuhu̱ Jesucristo̱
\p
\v 16 Najmi ma subana nga én nda tsuhu̱ Jesucristo̱ bꞌeni̱jmíá, a̱tꞌaha̱ kui xi ngaꞌyúhu̱n Nti̱a̱ná xi tsꞌínkꞌankiko̱ho ngayjee̱ xi sꞌe̱jihi̱n, xi ntje̱ judio̱ tje̱he̱n ra̱ ko̱ xi najmi ntje̱ judio̱ tje̱he̱n ra̱.
\v 17 Én nda tsuhu̱ Nti̱a̱ná bakúchji xi nkú tsꞌín Nti̱a̱ná tsjáha̱ xu̱ta̱ nga na̱xu̱ ma nginku̱n tu̱ nga̱tꞌaha̱ nga sꞌejihi̱n. Bꞌa̱ ma a̱tꞌaha̱ sꞌejihi̱n, xi nkú tsꞌín tjítꞌa éhe̱n Nti̱a̱ná nga bꞌi̱ títsu: “Xi ja na̱xu̱ nginku̱n Nti̱a̱ná tu̱ nga̱tꞌaha̱ nga sꞌejihi̱n kꞌúéjña tíkꞌun.”
\s Bꞌi̱ tsꞌín tsakúya Pablo̱ nkꞌie nga ngayjee̱ xu̱ta̱ tjíhi̱n jé
\p
\v 18 Nti̱a̱ná xi tíjña nkꞌa ján bꞌéjña chji kju̱a̱kjaha̱n nga tsꞌín nibánehe̱ ngayjee̱ xu̱ta̱ xi najmi benkjúhu̱n ko̱ i̱ncha tsꞌín ni xi najmi na̱xu̱ nginku̱n. Kui xu̱to̱ xi bꞌéchja nga cha̱ ni xi na̱xu̱ tjín.
\v 19 A̱tꞌaha̱ ni xi yaha̱ Nti̱a̱ná, kui ta̱ i̱ncha be. Nti̱a̱ná ta̱ yꞌéjña chjihi̱.
\v 20 Najmi tjín xi nkú tsꞌín bꞌa̱ i̱ncha ku̱i̱tsu̱hu nga najmi be. A̱tꞌaha̱ xi nkúhu nga kamanda a̱sunntee̱ tísakúchji ngaꞌyúhu̱n Nti̱a̱ná xi najmi maha̱ ndyja ko̱ nga nkuhú kui xi Nti̱a̱ná. Kju̱axi̱ kjáíhin nga najmi ma chji Nti̱a̱ná, tu̱nga ka̱mankjihínná tsa cha̱se̱éhe̱ ni xi kinꞌenda.
\p
\v 21 Tu̱nga ta̱ ndahá ni tsa i̱ncha kikie jóo̱ ni xi tsꞌe̱ Nti̱a̱ná, najmi i̱ncha kitsꞌínkie yjoho̱ nga Nti̱a̱ná xi tjíhi̱n kju̱a̱chánka ko̱ ta̱ ndaha najmi i̱ncha kitsjáha̱ mábꞌa̱chjíhi̱. Tu̱ sa ní ni xi najmi chumi ni chjíhi̱ ra̱ i̱ncha kitsꞌínnkjinkꞌun ko̱ i̱ncha kama jyihi̱n.
\v 22 Já nkjinkꞌun chu̱ba̱ i̱ncha kitsꞌín mahá yjoho̱, tu̱nga já sihí i̱ncha kama.
\v 23 I̱ncha kitsꞌín tꞌaxín kju̱a̱chánkaha̱ Nti̱a̱ná, kui xi najmi maha̱ ꞌme. Kitsꞌíntsjoho̱ sénni̱stjihi̱n xu̱ta̱ xi maha̱ ꞌme ko̱ sénni̱stjihi̱n ni̱see̱, chu̱ ko̱ ye̱.
\p
\v 24 Kui nga Nti̱a̱ná kitsꞌín nda̱íhi̱ ra̱ xu̱to̱ nga ni xi najmi ndoo̱ i̱ncha tsꞌi̱íhin, ni xi nchja̱ha̱ ani̱ma̱ha̱. Ta̱ kui ta̱ maha najmi i̱ncha kikienkjún yjonintehe̱ nga chꞌon kitsꞌínko̱.
\v 25 I̱ncha kitsꞌín tꞌaxín éhe̱n Nti̱a̱ná xi na̱xu̱ tjín. Tu̱ én tsankꞌóo̱hó i̱ncha tsakjꞌá. I̱ncha kikienkjún ko̱ i̱ncha kitsꞌíntsjoho̱ ni xi kinꞌenda a̱ntehe̱ ni nga xi kitsꞌínnda niu̱ tsꞌi̱íntsjoho̱, xi tjíhin nga nꞌe̱tsjoho̱ tu̱ nkjéhé ni. Bꞌa̱ tjín.
\p
\v 26 Kui nga Nti̱a̱ná kitsꞌín nda̱íhi̱ ra̱ xu̱to̱ nga ni xi suba maná i̱ncha tsꞌi̱ín. Jminchjíhi̱n jóo̱ i̱ncha yꞌéntu xi nkú tsꞌín tje̱he̱n ra̱ nga i̱ncha tsꞌi̱ínko̱ xꞌi̱hi̱n.
\v 27 Já xꞌi̱n ya ta̱ i̱ncha yꞌéntu xi nkú tsꞌín tje̱he̱n ra̱ nga i̱ncha tsꞌi̱ínko̱ jmichjíu̱n. Ta̱ kuihi xinkjín xꞌi̱n i̱ncha kitsꞌín mje. Tjíhi̱n kju̱a̱suba ni xi i̱ncha kitsꞌín. Ta̱ kuihi jáxꞌi̱n i̱ncha kikjantuko̱ xinkjín. Tu̱nga ta̱ i̱ncha kitsꞌínkjáíhín ra̱ chjí xi tje̱he̱n ra̱ kju̱a̱ngasten xi i̱ncha kitsꞌín.
\p
\v 28 A̱tꞌaha̱ najmi i̱ncha kitsꞌínsihi̱n Nti̱a̱ná, kui nga Nti̱a̱ná kitsꞌín nda̱íhi̱ ra̱ nga ku̱a̱tsúhun kju̱a̱nkjinkꞌuhu̱n, tu̱ xi i̱ncha tsꞌíhin ni xi najmi ma nꞌe.
\v 29 Kui nga kitsejíhi̱n ra̱ ngayje tíkjá ni chꞌonkꞌun. Najmi na̱xu̱ i̱ncha tsꞌín, fantuko̱ jminchjín xi najmi kje̱e bixan, i̱ncha fásihi̱n ni xi tjíhi̱n xinkjín ko̱ chꞌon i̱ncha tsꞌín. Kitsejíhin ani̱ma̱ha̱ kju̱a̱xintakꞌun, i̱ncha tsꞌi̱ínkꞌien xinkjín, ko̱ ta̱ kitsejíhin kju̱a̱chán, kju̱a̱maña̱ ko̱ kju̱a̱chꞌonkꞌun.
\v 30 Nchja̱ne xinkjín, én tsankꞌá tsꞌínne xinkjín, tsꞌín unkie Nti̱a̱ná, najmi chꞌa benkjún, ma ngakꞌun, nkꞌa bꞌasje yjoho̱, kju̱a̱nkjintakꞌuhu̱n bꞌasjejin nkjin tíkjá ni xi chꞌonkꞌun, najmi ntꞌéꞌéhe̱n xi cháha̱,
\v 31 si, najmi tsꞌíntjusun én xi nchja̱, najmi chꞌa xi tsꞌíntjo, najmi ma nꞌe jnenta ko̱ najmi ma ni̱ma̱ha̱ xinkjín.
\p
\v 32 Be xu̱ta̱ xuꞌbo̱ nga xi bꞌa̱ tsꞌíu̱n ngabaya tje̱he̱n ra̱, a̱tꞌaha̱ bꞌa̱ tsꞌín yꞌéjña Nti̱a̱ná. Tu̱nga tu̱ nku bꞌa̱há tíi̱ncha tsꞌín ko̱ santaha tsjo i̱ncha maha̱ nga kjꞌa̱í xi bꞌa̱ ta̱ tsꞌín.
\c 2
\s Bꞌi̱ tsꞌín tsakúya Pablo̱ nkꞌie nga Nti̱a̱ná tsꞌi̱ínko̱kju̱a̱ ngayjee̱ xu̱ta̱
\p
\v 1 Ji xi chaseihi̱ yá xi nda ko̱ yá xi najmi nda ko̱ tínꞌekꞌanji jé xu̱ta̱ xi kjꞌa̱í, najmi tjín nkú tsꞌín nꞌe̱sjenkihini yjohi̱. Nkꞌie nga chaseihi̱ yá xi nda ko̱ yá xi najmi nda, ta̱ ji ta̱ maha nꞌekꞌanji jé yjohi̱, a̱tꞌaha̱ ji bꞌa̱ ta̱ nꞌei.
\v 2 Yaá nga kixi̱ tsꞌínko̱kju̱a̱ Nti̱a̱ná xu̱ta̱ xi bꞌa̱ tsꞌíu̱n.
\p
\v 3 Ji nda̱, ji xi chaseihi̱ yá xi najmi nda títsꞌín ko̱ nkꞌie nga bꞌa̱ ta̱ nꞌei, ¿a bꞌa̱ bixín nga ku̱i̱tjunkihi yjohi̱ nga tsꞌi̱ínko̱kju̱a̱hi Nti̱a̱ná?
\v 4 ¿Á tínꞌe tꞌaxíhi̱n ri̱ yjohi̱ kju̱a̱nda chánkaha̱ Nti̱a̱ná ko̱ nkꞌie nga tu̱ xí tsꞌínꞌyún takꞌuhúnná ko̱ nkꞌie nga tu̱ xí ndahá tsꞌín? ¿A najmi mankjihín ri nkꞌie nga kui kju̱a̱ndaha̱ Nti̱a̱ná títsjáni̱yáhi nga kꞌúínchjꞌa̱ha̱ ri̱ ani̱ma̱hi̱?
\p
\v 5 Tu̱nga tu̱ nga̱tꞌaha̱ nga ndjá tjíyahi ko̱ nkꞌie nga najmi tíꞌmichjꞌaihi̱ ani̱ma̱hi̱, tu̱ sahá tínꞌetsenéí yjohi̱ kju̱a̱ꞌun xi ni̱banehe̱ a̱sunntee̱ ni̱stjin nkꞌie nga tsꞌi̱ín nibá Nti̱a̱ná kju̱a̱kjaha̱n ko̱ tsꞌi̱ín sisin kju̱a̱.
\v 6 Nkꞌie bꞌa̱ ka̱moo̱, Nti̱a̱ná tsjáha̱ chjíhi̱ nga nkúnkú xu̱ta̱ nga̱tꞌaha̱ xi nkú tjín ni xi kitsꞌín.
\p
\v 7 Xu̱ta̱ xi tu̱ nku tíi̱ncha títsꞌíhín ni xi nda, xi bꞌa̱ tsꞌín tíbangisjáíhi nga sa̱kúhu̱ kju̱a̱chánka xi tsjá Nti̱a̱ná ko̱ nga nda cha̱ ko̱ nga kꞌúéntu tíkꞌun sín, kui xu̱ta̱ha xi Nti̱a̱ná tsꞌi̱ínkꞌíéntu tíkꞌun síhi̱n.
\v 8 Tu̱nga xu̱ta̱ xi sin kju̱a̱ ko̱ najmi ntꞌéꞌéhe̱n ni xi na̱xu̱ tjín, xi tu̱ sahá ntꞌéꞌéhe̱n ni xi najmi ndoo̱, kui xi i̱ncha tsꞌi̱ínkjáíhi̱n kju̱a̱ꞌun xi tsꞌi̱ín nibánehe̱ Nti̱a̱ná ko̱ kju̱a̱kjaha̱n.
\p
\v 9 Kju̱a̱ni̱ma̱ ko̱ kju̱a̱ba sa̱kúhu̱ ngayjee̱ xu̱ta̱ xi tsꞌín ni xi chꞌonkꞌun, bꞌaha̱ ra̱ xu̱ta̱ xi ntje̱ judio̱ tje̱he̱n ra̱ ko̱ xi najmi ntje̱ judio̱ tje̱he̱n ra̱.
\v 10 Tu̱nga ngayjee̱ xu̱ta̱ xi i̱ncha tsꞌín ni xi ndoo̱, kui xi sa̱kúhu̱ kju̱a̱chánka xi tsjá Nti̱a̱ná, nda cha̱ ko̱ sꞌe̱he̱ kju̱a̱jyu, bꞌaha̱ ra̱ xi ntje̱ judio̱ tje̱he̱n ra̱ ko̱ xi najmi ntje̱ judio̱ tje̱he̱n ra̱.
\v 11 A̱tꞌaha̱ namji ngabi tsꞌín Nti̱a̱ná.
\p
\v 12 Ngayjee̱ xi i̱ncha kitsꞌín ngatitsun nga najmi be kju̱a̱téxuma xi kinꞌekjꞌasehe̱n Moise, tu̱ nkú ndyja̱há ta̱ ndaha tsa najmi kitsꞌínko̱kju̱a̱ha̱ kju̱a̱téxumoo̱. Ko̱ ngayjee̱ xi i̱ncha kitsꞌín ngatitsun nga ja be kju̱a̱téxuma xi kinꞌekjꞌasehe̱n Moise, kui kju̱a̱téxumoo̱ tsꞌi̱ínko̱kju̱a̱ha̱.
\v 13 Najmi xu̱ta̱ xi tu̱ basínñjuhú ra̱ kju̱a̱téxumoo̱ xi na̱xu̱ ma nginku̱n Nti̱aná. Xu̱ta̱ xi tsꞌíntjusun ní kju̱a̱téxumoo̱ xi na̱xu̱ nꞌe̱ ma.
\p
\v 14 Xu̱ta̱ xi najmi ntje̱ judio̱ tje̱he̱n ra̱ najmi kikꞌa̱i̱hi̱ kju̱a̱téxuma xi kinꞌekjꞌasehe̱n Moise tu̱nga tsꞌíhín ni xi títsu kju̱a̱téxumo̱o, a̱tꞌaha̱ mankjihi̱n ni xi nda ko̱ ni xi najmi nda. Bꞌa̱ tsꞌín kuenta̱ tsꞌe̱ suba sakúhu̱ ra̱ nku kju̱a̱téxuma, ndaha tsa najmi tíjñaha̱ kju̱a̱téxuma xi kinꞌekjꞌasehe̱n Moise.
\v 15 I̱ncha bakúchji xu̱to̱ nga a̱jin ani̱ma̱ha̱ tjítꞌa ni xi bakúya kju̱a̱téxumoo̱. Ani̱ma̱ha̱ tsuyaha̱ tsa nda ko̱ tsa najmi nda ni xi tíi̱ncha tsꞌín. Ko̱ kju̱a̱nkjintakꞌuhu̱n tsuyaha̱ tsa tje̱he̱n jé ko̱ tsa najmi tje̱he̱n nga̱tꞌaha̱ ni xi tíi̱ncha tsꞌín.
\v 16 Bꞌa̱ ka̱ma ni̱stjin nkꞌie nga Nti̱a̱ná kꞌu̱éxáha̱ Jesucristo̱ nga ku̱a̱se̱he ni xi tjíntuꞌmáha̱ xu̱ta̱. Bꞌa̱ ka̱ma xi nkú títsu én nda tsu xi tíbꞌeni̱jmíá.
\s Bꞌi̱ tsꞌín tsakúya Pablo̱ nkꞌie nga ta̱ tjíhi̱n jé xu̱ta̱ judio̱ ndaha tsa kui kikꞌa̱i̱hi̱ kju̱a̱téxumoo̱
\p
\v 17 Ji xi bꞌa̱ tíbixín nga ji xi ntje̱ judio̱ tje̱hen ri, nga kju̱a̱téxuma xi kinꞌekjꞌasehe̱n Moise kichꞌai ko̱ tsjo mahi a̱tꞌaha̱ Nti̱a̱ nku tutuu̱ sꞌejihin.
\v 18 Yai ni xi mjehe̱ Nti̱a̱ná nga nꞌe̱i. Yai má nihi xi nda a̱tꞌaha̱ kju̱a̱téxumoo̱ kisakúyahi.
\v 19 Behe̱ takꞌuin nga mahi baku ni̱yáíhi̱ xu̱ta̱ ka̱ ko̱ nga ji xi nkú joyaha nku ndꞌí xi tsꞌín ndzjehe̱n xu̱ta̱ xi tjíma má jyuu̱n.
\v 20 Ji xi bakuyáíhi̱ xu̱ta̱ xi najmi be ni xi tsꞌe̱ Nti̱a̱ná. Ji xi nda̱ maestru̱hu̱ xu̱ta̱ xi najmi mankjihi̱n, a̱tꞌaha̱ tíjñahi kju̱a̱téxuma xi bakúchji kju̱a̱nkjintakꞌuu̱n ko̱ ni xi na̱xu̱ tjín.
\p
\v 21 Ji xi bakuyáí, ¿a najmi bakuyáha̱ ri̱ yjohi̱? Ji xi bꞌeni̱jmí nga najmi ma nꞌe ndyjé, ¿a nꞌei ndyjé?
\v 22 Ji xi bꞌa̱ bixín nga cha̱nkjáán kju̱a̱bixanná, ¿a bꞌa̱ nꞌei? Ji xi unchai nti̱a̱ xi ntsja xu̱ta̱ tsꞌínnda, ¿a najmi nꞌei ndyjé ni̱nku̱hu̱ nti̱a̱ xuꞌbo̱?
\v 23 Ji xi tsjo mahi a̱tꞌaha̱ yai kju̱a̱téxuma xi kinꞌekjꞌasehe̱n Moise, tu̱nga najmi tíyankjúnní Nti̱a̱ná nkꞌie nga tíbiyunéí kju̱a̱téxumoo̱.
\v 24 Bꞌi̱ títsu éhe̱n Nti̱a̱ná má nga tjítꞌa: “Nga̱tꞌanu̱u najmi tíyankjún Nti̱a̱ná a̱jihi̱n xi najmi ntje̱ judio̱ tje̱he̱n ra̱.”
\p
\v 25 Chjíhi̱ ra̱ nga kinꞌehi circuncision tsa tínꞌetjusuin kju̱a̱téxumoo̱. Tu̱nga tsa tíbiyunéí kju̱a̱téxumoo̱, circuncision xi kinꞌehi bꞌa̱ ma xi nkúhu tsa najmi kinꞌehi niu̱.
\v 26 Kui nga tsa xi najmi kinꞌehe̱ ra̱ circuncision kjꞌu̱átjoho ni xi tjítꞌa kju̱a̱téxumoo̱, ¿a najmi nꞌe̱chjíhí ra̱ ni xi títsꞌín nga cha̱se̱he̱ xi nkúhu tsa kinꞌehe̱ circuncision?
\v 27 Xi najmi kinꞌehe̱ circuncision yjonintehe̱ tu̱nga títsꞌíntjusuhún kju̱a̱téxumoo̱, kui xi kꞌu̱éjñanehi ni xi kanéhi ji xi tíjñahi kju̱a̱téxumoo̱ ko̱ kinꞌehi circuncision tu̱nga tíbiyunéní.
\p
\v 28 Najmi yjonintee̱ tsuya yá xi judio̱, ko̱ najmi ni xi nꞌehe̱ yjonintee̱ xi circuncision xi ndoo̱.
\v 29 Judio̱ ní xi bꞌa̱ tsꞌín tjíyaha̱ ko̱ circuncision xi nda, kui ní xi ma a̱jin ani̱ma̱ha̱ xu̱ta̱. Espiri̱tu̱hu̱ Nti̱a̱ná bꞌa̱ tsꞌíu̱n, najmi ni xi tjítꞌa xu̱ju̱n. Xi bꞌa̱ tsꞌín tjíyaha̱, Nti̱a̱ná nda nchja̱nehe̱ xu̱ta̱ xuꞌbo̱, najmi xu̱ta̱.
\c 3
\s Bꞌi̱ tsꞌín tsakúya Pablo̱ nkꞌie nga tu̱ nkú na̱xu̱hú tsꞌín Nti̱a̱ná
\p
\v 1 Kui bꞌa̱ maha, ¿mí ni xi tjín saha̱ xi ntje̱ judio̱ tje̱he̱n ra̱ ni̱ ma? ¿Ko̱ má xi kui chjéhe̱n circuncision?
\v 2 Chjíhi̱ ra̱ niu̱, tu̱ xi nkú tsꞌín cha̱se̱hé ra̱á. Títjun Nti̱a̱ná kitsꞌínkjasꞌehe̱n xu̱ta̱ judio̱ éhe̱n.
\v 3 Tjín xi najmi kisꞌejihi̱n éhe̱n Nti̱a̱ná, tu̱nga, ¿a kuihí nihi xi tsꞌi̱ín nga Nti̱a̱ná najmi tsꞌi̱íntjusuhun éhe̱n?
\v 4 ¡Najmi! ¡Ndaha tsa mí yjehe! Ndaha tsa tsankꞌá ngayjee̱ xu̱ta̱, tu̱nga Nti̱a̱ná tu̱ nkú tsꞌíhín ni xi na̱xu̱ tjín. Xi nkú tsꞌín tjítꞌa xu̱ju̱n éhe̱n Nti̱a̱ná nga bꞌi̱ títsu:
\q Sꞌe̱jña chji nga ji xi na̱xu̱i̱ nkꞌie nga chu̱bai,
\q ko̱ nꞌe̱ ngana̱i̱ nkꞌie nga nꞌe̱ko̱kju̱a̱hi.
\p
\v 5 Tsa kju̱a̱chꞌonkꞌunná bꞌéjña chji nga Nti̱a̱ná xi na̱xu̱ tsꞌín, ¿nkú ku̱i̱xíaán ni̱ ma? ¿A najmi na̱xu̱ tsꞌín Nti̱a̱ná nkꞌie nga tsꞌín nibájennená kju̱a̱kjaha̱n a̱tꞌaha̱ chꞌon kꞌaán? Nkꞌie nga bꞌa̱ tíxian, tínchja xi nkúhu nku nda̱.
\v 6 ¡Ndaha tsa mí yjehe najmi bꞌa̱ tjín! A̱tꞌaha̱ tsa najmi na̱xu̱ tsꞌín Nti̱a̱ná, ¿nkú tsꞌín tsꞌi̱ínko̱kju̱a̱ha xu̱ta̱?
\p
\v 7 Tu̱nga tsa nga̱tꞌaha̱ én tsankꞌá xi tínchja, ko̱ tsa bꞌa̱ tsꞌín tísꞌejña chjihi nga bꞌa̱ tjín ni xi tsꞌín Nti̱a̱ná ko̱ sakú saha̱ kju̱a̱chánka, ¿á bꞌa̱ tíꞌminaha̱ ni̱ ma nga ngatitsun títsꞌian?
\v 8 Ka̱ ma ra̱ bꞌi̱ kꞌúíhi̱ín xinki̱á kai: “Chꞌon nꞌe̱é tu̱ xi nda ka̱maha a̱sunntei̱.” Bꞌa̱ tíi̱ncha tsu xi tíi̱ncha nchja̱yaneni̱ nga kui niu̱ xi tíi̱ncha bakuyái̱. Nda tjín nga sꞌe̱jñanehe̱ mí nihi xi kanéhe̱ xi bꞌa̱ tíi̱ncha tsuu̱.
\s Bꞌi̱ tsꞌín tsakúya Pablo̱ nkꞌie nga najmi tjín xi bichú ma na̱xu̱ nginku̱n Nti̱a̱ná tu̱ nga̱tꞌaha̱ nga tsꞌíntjusun ku̱a̱téxumoo̱
\p
\v 9 ¿Nkú ku̱i̱xíaán ni̱ ma? ¿A ꞌyún nda sai̱ ji̱n xi ntje̱ judio̱ tje̱he̱nni̱ nga xu̱ta̱ xi najmi ntje̱ judio̱ tje̱he̱n ra̱? ¡Najmi! ¡Ndaha tsa mí yjehe! A̱tꞌaha̱ ja kuayaá nga xi judio̱ ko̱ xi najmi judio̱ nkuhú ngatitsuu̱n tjíntujín.
\v 10 Xi nkú tsꞌín tjítꞌa éhe̱n Nti̱a̱ná nga bꞌi̱ títsu:
\q Najmi tjín xi na̱xu̱ nginku̱n Nti̱a̱ná,
\q ndaha nku najmi tjín.
\q
\v 11 Najmi tjín xi mankjihi̱n,
\q najmi tjín xi bangisjai nga sku̱e̱ yáha Nti̱a̱ná.
\q
\v 12 Ngayjee̱ kindyjajihi̱n ni̱yóo̱,
\q nkuhú nga tsatsuhun ani̱ma̱ha̱.
\q Najmi tjín xi nda tsꞌín, ndaha nku najmi tjín.
\q
\v 13 Ngabaya yꞌaha̱ ra̱ ni xi tsu,
\q tu̱ subahá én tsankꞌá nchja̱.
\q Én xi bitju tsꞌa bꞌa̱ joyaha xáha̱n ye̱,
\q
\v 14 kitsehe tsꞌa én chꞌon tsu ko̱ én stinta.
\q
\v 15 Ki̱tsa̱ bꞌema nga tsꞌínkꞌien ani̱ma̱,
\q
\v 16 ni xi i̱ncha tsꞌín tsꞌín xꞌa̱ha̱n xu̱ta̱ ko̱ kju̱a̱ni̱ma̱ tsjáha̱.
\q
\v 17 Najmi i̱ncha be má tjín kju̱a̱jyu,
\q
\v 18 najmi i̱ncha tjínjin takꞌun
\q nga Nti̱a̱ná xi tjíhin nga cha̱nkjún.
\p
\v 19 Yaá nkꞌie nga xu̱ta̱ xi tíjñanehe̱ kju̱a̱téxuma xi kinꞌekjasꞌehe̱n Moise, kju̱a̱téxumoo̱ tínchja̱ko̱ho̱ xu̱ta̱ xuꞌbo̱ tu̱ xi nkꞌie nga ku̱a̱se̱he̱ ra̱ Nti̱a̱ná mí nihi xi kitsꞌín xu̱ta̱ najmi ta̱ i̱ncha ku̱i̱nchja̱ha nga najmi ta̱ ku̱i̱tjunkihi̱ ra̱ yjoho̱.
\v 20 A̱tꞌaha̱ ndaha nku najmi na̱xu̱ cha̱ha̱ nginku̱n Nti̱a̱ná tu̱ nga̱tꞌaha̱ tsa tsꞌíntjusun ni xi tjítꞌa kju̱a̱téxumoo̱. A̱tꞌaha̱ tu̱ sa ní kju̱a̱téxumoo̱ bꞌéjña chjiná nga tjínná ngatitsun.
\s Bꞌi̱ tsꞌín tsakúya Pablo̱ nkꞌie nga tu̱ ngatꞌaha̱ nga sꞌejihi̱n xu̱ta̱ Jesucristo̱ na̱xu̱ bichú ma nginku̱n Nti̱a̱ná
\p
\v 21 Tu̱nga ndꞌa̱i̱ ja yꞌéjña chji Nti̱a̱ná xi nkú tsꞌín na̱xu̱ ma xu̱ta̱ nginku̱n. Najmi kju̱a̱téxumoo̱ xi maha̱ bꞌa̱ tsꞌín. Santa níhi ma nꞌeya nii̱ a̱jihi̱n xu̱ju̱n kju̱a̱téxuma xi kinꞌekjasꞌehe̱n Moise ko̱ ni xi yꞌétꞌa já profeta̱.
\v 22 Nga̱tꞌaha̱ ní nga sꞌejihi̱n xu̱ta̱ Jesucristo̱, bꞌa̱ tsꞌín na̱xu̱ maha nginku̱n Nti̱a̱ná. Ko̱ bꞌa̱ maha̱ ngayjee̱ xi sꞌe̱jihi̱n, a̱tꞌaha̱ najmi ngabi tsꞌín Nti̱a̱ná.
\v 23 Tu̱ nga̱tꞌaha̱ nga ngayjee̱ xu̱ta̱ kitsꞌín ngatitsun, ndaha nku najmi sakúhu̱ kju̱a̱chánka xi Nti̱a̱ná tsjá.
\p
\v 24 Tu̱nga chánkahá kju̱a̱ndaha̱ Nti̱a̱ná xi tu̱ títsjáhá nga na̱xu̱ ka̱ma xu̱ta̱ nginku̱n, a̱tꞌaha̱ Jesucristo̱ yꞌéchjíntjai xu̱ta̱ ko̱ kitsꞌín nda̱íhi̱ jéhe̱.
\v 25 Kui xi Nti̱a̱ná kitsꞌín ma nku chje̱. Tsaténdzjo jníhi̱ tu̱ xi sa̱kúhuná kju̱a̱nꞌendyjatꞌa nkꞌie nga sꞌe̱jinná Jesucristo̱. Bꞌa̱ tsꞌín tsakúchjihi Nti̱a̱ná nga na̱xu̱ tsꞌín. Ni̱stjin nkꞌie, tu̱ nga̱tꞌaha̱ nga tsenta najmi kitsꞌínnijéhe̱ ra̱ xu̱ta̱ ngatitsun xi kitsꞌín.
\v 26 Tu̱nga ni̱stjin ndꞌa̱i̱ ja tsakúchji nga na̱xu̱ tsꞌín ko̱ nga tu̱ nku na̱xu̱hú títsꞌín nkꞌie nga títsjáha̱ xu̱ta̱ nga na̱xu̱ ma nginku̱n tu̱ nga̱tꞌaha̱ nga sꞌejihi̱n Jesucristo̱.
\p
\v 27 Kui bꞌa̱ maha, ¿a tjín nkú tsꞌín ka̱ma nkꞌa nꞌe̱sjehená yjoná nginku̱n Nti̱a̱ná a̱tꞌaha̱ nga̱tꞌaha̱ kju̱a̱téxuma xi kinꞌekjasꞌehe̱n Moise na̱xu̱ kamahaná nginku̱n? Najmi ka̱ma. Sꞌejña tꞌaxín ni xuꞌbo̱ tu̱ nga̱tꞌaha̱ nga sꞌejinná Jesucristo̱.
\v 28 A̱tꞌaha̱ mankjinná nga ma na̱xu̱ xu̱ta̱ nginku̱n Nti̱a̱ná tu̱ nga̱tꞌaha̱ nga sꞌejihi̱n Jesucristo̱, najmi nga̱tꞌaha̱ tsa tsꞌíntjusun ni xi tjítꞌa kju̱a̱téxumoo̱.
\p
\v 29 ¿A tu̱ nkuhú Nti̱a̱ha̱ xu̱ta̱ xi ntje̱ judio̱ tje̱he̱n ra̱ Nti̱a̱ná? ¿A najmi ko̱hó Nti̱a̱ha̱ xu̱ta̱ na̱xi̱nantá xingisoo̱? Joho̱n, bꞌa̱ tjín. Nti̱a̱ná ta̱ Nti̱a̱ha̱ xu̱ta̱ xi najmi ntje̱ judio̱ tje̱he̱n ra̱.
\v 30 A̱tꞌaha̱ nkuhú maha Nti̱a̱ná xi tsꞌín nga na̱xu̱ ma xu̱ta̱ judio̱ xi kinꞌehe̱ ni circuncision a̱tꞌaha̱ sꞌejihi̱n, ko̱ ta̱ tsjá nga na̱xu̱ ma xu̱ta̱ xingisoo̱ xi najmi kinꞌehe̱ ni circuncision tu̱ nga̱tꞌaha̱ nga sꞌejihi̱n.
\v 31 Kui nga, ¿a tínꞌendyjanáá chjíhi̱ kju̱a̱téxumoo̱ tu̱ nga̱tꞌaha̱ nga sꞌejinná? ¡Najmi bꞌa̱ tjín! Tu̱ sa ní bꞌa̱ tsꞌín tíꞌba̱i̱hi̱ ra̱á chjí xi tjíhi̱n kju̱a̱téxumoo̱.
\c 4
\s Bꞌi̱ tsꞌín yꞌéjña chu̱ba̱yaha̱ Pablo̱ nga kitsꞌínchjén ntje̱ cháha̱ xu̱ta̱ judio̱ xi ꞌmi Abraham
\p
\v 1 Chu̱bani̱jmíyahaná ntje̱ cháná Abraham. ¿Mí nihi xi kisakúhu̱?
\v 2 Tsa Nti̱a̱ná kitsꞌínkjáíhi̱n Abraham nga kui xi na̱xu̱ tu̱ nga̱tꞌaha̱ ni nda xi kitsꞌín, ka̱ ma ra̱ nkꞌa kꞌu̱a̱sje yjoho̱. Tu̱nga̱ najmi ka̱mahá nkꞌa kꞌu̱a̱sje yjoho̱ nginku̱n Nti̱a̱ná.
\v 3 ¿Nkú títsu éhe̱n Nti̱a̱ná nga̱tꞌa tsꞌe̱ ni xuꞌbo̱? Bꞌi̱ títsu: “Kisꞌejihi̱n Abraham Nti̱a̱ná ko̱ kui niu̱ xi kitsꞌínchjíhi̱ ra̱ Nti̱a̱ná nga Abraham xi nku nda̱ xi na̱xu̱.”
\p
\v 4 Xi nkúhu xu̱ta̱ xi tsꞌínxá, kui xi chꞌaxki̱hi̱ ni xi tsꞌín ko̱ bꞌa̱ tsꞌín sꞌechjíhi̱ ra̱. Najmi tu̱ ꞌba̱i̱hi̱ ni xi tsꞌínkjáíhi̱n.
\v 5 Tu̱nga máha xu̱ta̱ xi najmi ma ꞌyún kꞌun ni nda xi kitsꞌín, nga tu̱ sahá sꞌejihi̱n Nti̱a̱ná xi tsjáha̱ xu̱ta̱ ngatitsuu̱n nga na̱xu̱ ma nginku̱n, Nti̱a̱ná be nga xu̱to̱ sꞌejihi̱n ko̱ kui niu̱ xi bꞌaxki̱hi̱ Nti̱a̱ná nga na̱xu̱ basehe̱.
\p
\v 6 Bꞌi̱ kitsú David nga: ¡Á bꞌa̱ nda tjíhin tsꞌe̱ xu̱ta̱ xi Nti̱a̱ná na̱xu̱ basehe̱, najmi tu̱ nga̱tꞌaha̱ ni xi kitsꞌín tsa kui kju̱a̱ha nga na̱xu̱ nꞌe ma!
\v 7 Bꞌi̱ tsꞌín yꞌétꞌa:
\q ¡Á bꞌa̱ nda tjíhin tsꞌe̱ xu̱ta̱
\q xi kinꞌendyjatꞌaha̱ ra̱ jéhe̱,
\q ko̱ kinꞌendyjajnuhu ngatitsuhu̱n!
\q
\v 8 ¡Á bꞌa̱ nda tjíhin tsꞌe̱ nda̱
\q xi Nti̱a̱ná najmi bꞌaxki̱hi̱ ra̱ ngatitsuhu̱n!
\p
\v 9 ¿A tu̱ nkuhú xu̱ta̱ xi kinꞌehe̱ ni circuncision sa̱kúhu̱ kju̱a̱nda xi títsu David, a ra̱ ko̱hó xi najmi kinꞌehe̱ ni circuncision? Ja bꞌa̱ kuixíaán nga Abraham kisꞌejihi̱n Nti̱a̱ná ko̱ nga kui niu̱ xi kinꞌechjíhi̱ ra̱ nga na̱xu̱ kinꞌe ma.
\v 10 Tu̱nga, ¿nkjé kinꞌechjíhi̱ ra̱ Abraham nga kui xi nku nda̱ xi na̱xu̱? ¿A nkꞌie nga ja kinꞌehe̱ ni circuncision, a ra̱ nkꞌie nga najmi kje̱hé nꞌehe̱ ni circuncision? Nkꞌie nga najmi kje̱e nꞌehe̱ ni circuncision bꞌa̱ kama.
\p
\v 11 A̱skahan kinꞌehe̱ Abraham ni circuncision. Kui niu̱ xi kama nku chu̱ba̱ xi kisꞌetꞌaha̱, chu̱ba̱ xi tsuhu̱ ra̱ nga na̱xu̱ kama a̱tꞌaha̱ kisꞌejihi̱n Nti̱a̱ná nkꞌie nga najmi kje̱e nꞌehe̱ ni circuncision. Bꞌa̱ tsꞌín jꞌai maha Abraham na̱ꞌmihi̱ ngayjee̱ xu̱ta̱ xi sꞌejihi̱n Nti̱a̱ná, ndaha tsa najmi kinꞌehe̱ ni circuncision. Nti̱a̱ná bꞌaxki̱hi̱ xu̱ta̱ xuꞌbo̱ xi nkúhu xu̱ta̱ xi na̱xu̱.
\v 12 Ko̱ ta̱ jꞌai ma Abraham na̱ꞌmihi̱ xu̱ta̱ xi kinꞌehe̱ ni circuncision, xi najmi tu̱ nkú ni circuncision kinꞌehé ra̱, ko̱ ní ta̱ sꞌejihi̱n Nti̱a̱ná xi nkú tsꞌín kisꞌejihi̱n ntje̱ cháná Abraham nkꞌie nga najmi kje̱e nꞌehe̱ ni circuncision.
\s Bꞌi̱ tsꞌín tsakúya Pablo̱ nkꞌie nga kitsꞌíntjusun Nti̱a̱ná ni xi kitsúya títjuhu̱n Abraham
\p
\v 13 Nti̱a̱ná kitsúya títjuhu̱n Abraham nga kui ko̱ ntje̱ xi sꞌe̱he̱ a̱skahan tsꞌi̱ínkjáíhi̱n a̱sunntee̱ nga ka̱ma tsꞌe̱. Tu̱nga najmi nga̱tꞌaha̱ ní tsa kitsꞌíntjusun Abraham kju̱a̱téxuma xi kinꞌekjasꞌehe̱n Moise, tsa kui kju̱a̱ha nga bꞌa̱ kikꞌin títjuhu̱n ra̱. Bꞌa̱ ní kikꞌihi̱n a̱tꞌaha̱ kisꞌejihi̱n Nti̱a̱ná ko̱ kui niu̱ xi kichꞌaxki̱hi̱ ra̱ nga kui xi na̱xu̱.
\v 14 A̱tꞌaha̱ tsa xi tíi̱ncha tsꞌíntjusun kju̱a̱téxumoo̱, tsa kui xi tsꞌi̱ínkjáíhi̱n ni xi kitsúya títjun Nti̱a̱ná nga tsjá, kui xi tsuhu̱ ra̱ nga najmi chumi ni chjíhi̱ ra̱ nga sꞌejihi̱n xu̱ta̱ Nti̱a̱ná ko̱ najmi ta̱ chumi ni chjí ka̱maha̱ ra̱ én xi kitsúya títjun Nti̱a̱ná.
\v 15 Nkꞌie nga biyuné kju̱a̱téxuma xi kinꞌekjasꞌehe̱n Moise, kju̱a̱kjaha̱n Nti̱a̱ná tsꞌín nibánehe̱ xu̱ta̱. Tu̱nga má najmi tjín kju̱a̱téxumoo̱, najmi tjín xi nkú tsꞌín ku̱i̱yúnehe ni xi títsu.
\p
\v 16 Kui bꞌa̱ maha, a̱tꞌaha̱ ní nga sꞌejihi̱n xu̱ta̱ Nti̱a̱ná, kui kju̱a̱ha nga sakúhu̱ ra̱ ni xi kichuba títjun, tu̱ xi nga̱tꞌaha̱ kju̱a̱ndaha̱ Nti̱a̱ná sakúhu̱ ra̱ ngayjee̱ ntje̱he̱ Abraham ni xi kichuba títjun. Najmi tu̱ nku xi yꞌaha̱ ra̱ kju̱a̱téxumoo̱ xi sakúhu̱ niu̱. Ta̱ sa̱kúhu̱ xi sꞌejihi̱n Nti̱a̱ná xi nkú tsꞌín kisꞌejihi̱n Abraham Nti̱a̱ná. Kui xi na̱ꞌminá ngatenteé
\v 17 nginku̱n Nti̱a̱ná xi nkú tsꞌín tjítꞌa, má nga bꞌa̱ kitsúhu̱ Nti̱a̱ná Abraham: “Ji xi kitsꞌin maha na̱ꞌmihi̱ nkjin xu̱ta̱ na̱xi̱nantá.” Kisꞌejihi̱n Abraham Nti̱a̱ná, kui xi tsꞌínkꞌíéntu tíkꞌun xu̱ta̱ kꞌie̱n ko̱ tu̱ tsꞌínkjohó ni xi najmi kje̱e tjín, a̱sꞌa̱i sꞌe.
\p
\v 18 Abraham kikuyá ni xi kikꞌihi̱n ko̱ kama na̱ꞌmihi̱ nkjin ṉkjún xu̱ta̱ na̱xi̱nantá a̱tꞌaha̱ kisꞌejihi̱n Nti̱a̱ná, ndaha tsa najmi tjín xi nkú tsꞌín ku̱i̱tjusuhun niu̱. Kama xi nkú nga kikꞌihi̱n: “Bꞌi̱ tsꞌín nkjin ka̱ma ntje̱hi̱.”
\v 19 Tu̱ nkú kisꞌejihín ra̱ Abraham, ndaha tsa kamankjihi̱n nga ja tu̱ xí nibajehén ra̱ yjonintehe̱ a̱tꞌaha̱ ja ma kfe̱hé ra̱ unchan nú ko̱ tsa nga̱tꞌaha̱ nga nti̱ Sara̱ xi chju̱úhu̱n maha.
\v 20 Najmi jo jan kamaha̱ tsa najmi ta̱ kisꞌejihi̱n ra̱ ni xi kitsúya títjuhu̱n Nti̱a̱ná nga tsjáha̱. Tu̱ sahá ndjá tsasinjña sa nga kisꞌejihi̱n ko̱ kitsꞌínkie yjoho̱ nga chánka Nti̱a̱ná.
\v 21 Yꞌénku kꞌun nga tjíhi̱n ngaꞌyún Nti̱a̱ná ko̱ nga ka̱maha̱ tsꞌi̱íntjusun ni xi kitsúya títjuhu̱n.
\v 22 Kisꞌejihi̱n Abraham Nti̱a̱ná ko̱ Nti̱a̱ná kitsꞌínchjíhi̱ ra̱ niu̱ nga Abraham xi nku nda̱ xi na̱xu̱.
\p
\v 23 Má nga tjítꞌa nga Nti̱a̱ná kitsꞌínchjíhi̱ ra̱ nga kisꞌejihi̱n Abraham, najmi tu̱ nkuhú ngandaha̱ Abraham kisꞌetꞌa niu̱.
\v 24 Nganda níná kisꞌetꞌaha niu̱. Ta̱ nꞌe̱chjíná ko̱ ñá xi nkúhu xu̱ta̱ xi na̱xu̱ a̱tꞌaha̱ sꞌejinná Nti̱a̱ná xi kitsꞌínkjꞌáíyaha̱ ngabayoo̱ Nda̱ Nti̱a̱ná Jesu.
\v 25 Kui xi kinꞌekꞌienntjáíhi ngatitsunná ko̱ kinꞌekjꞌáíya ngáha̱ ra̱ ngabayoo̱ tu̱ xi ta̱ ka̱mahaná xu̱ta̱ xi na̱xu̱ nginku̱n Nti̱a̱ná.
\c 5
\s Bꞌi̱ tsꞌín tsakúya Pablo̱ nkꞌie nga ndꞌa̱i̱ tjínko̱ná kju̱a̱jyu Nti̱a̱ná
\p
\v 1 Kui bꞌa̱ maha, na̱xu̱ kamaá nginku̱n Nti̱a̱ná a̱tꞌaha̱ sꞌejihinná Nti̱a̱ná ko̱ tjínko̱ná kju̱a̱jyu nga̱tꞌaha̱ ni xi kitsꞌín Nda̱ Nti̱a̱ná Jesucristo̱.
\v 2 A̱tꞌaha̱ sꞌejinná Nti̱a̱ná, kui nga Jesucristo̱ kitsꞌíhin nga tsitjasꞌe̱njihinná kju̱a̱nda xuꞌbi̱. Ndjá tinchajián kju̱a̱ndoo̱. Kui nga tsjo mahaná nkꞌie nga tíchuyáá kju̱a̱chánka xi tsjáná Nti̱a̱ná.
\p
\v 3 Ko̱ najmi tu̱ nku ni xuꞌbi̱ xi tsjo maná. Ta̱ tsjo maná kju̱a̱ꞌun xi tíbitjajíaán, a̱tꞌaha̱ yaá nga kju̱a̱ꞌuu̱n tsjá ngaꞌyúnná tu̱ xi nꞌe chúkju̱a̱haná ni xi tímatꞌaán.
\v 4 Ko̱ tsa nꞌe chúkju̱á, kixi̱ bitjuka̱á ni xi tímaná. Ko̱ tsa kixi̱ bitjuka̱á ni xi tímaná, ma chuyáá ni nda xi tsjáná Nti̱a̱ná.
\v 5 Ko̱ najmi sa̱kúná kju̱a̱suba, ndaha tsa najmi kje̱e tíyaá ni xi tíchuyáá. A̱tꞌaha̱ Espiri̱tu̱ Santo̱ xi kikꞌa̱i̱ná kitsꞌíntsejíhin ani̱ma̱ná kju̱a̱tjoho̱ Nti̱a̱ná.
\p
\v 6 Nkꞌie najmi kama kinꞌekꞌanki su̱ba̱á yjoná, Cristo̱ kꞌienntjáíhi xu̱ta̱ ngatitsuu̱n ni̱stjin xi kitsú Nti̱a̱ná.
\v 7 ꞌNi tjín tsa tjín xi ku̱a̱yántjai nku xu̱ta̱ xi na̱xu̱ tsꞌín, tu̱nga kutsa tjíhín xi ka̱ma kꞌun ku̱a̱yántjai nku xu̱ta̱ xi ꞌyún nda.
\v 8 Tu̱nga Cristo̱hó kꞌienntjáíhiná nkꞌie nga xu̱ta̱ ngatitsun saá. Bꞌa̱ tsꞌín tsakúchjihi Nti̱a̱ná xi nkú tsꞌín tjoho̱ ñá.
\p
\v 9 Nkꞌie nga ja xu̱ta̱ xi na̱xu̱ kamaá nginku̱n Nti̱a̱ná nga̱tꞌaha̱ jní xi tsaténdzjo Cristo̱, ¿nkú tsꞌín najmi nꞌe̱kꞌankihiná ni̱stjin nga tsꞌi̱ín nibájen kju̱a̱kjaha̱n Nti̱a̱ná?
\v 10 A̱tꞌaha̱ nkꞌie nga kamaá xu̱ta̱ kontra̱ha̱ Nti̱a̱ná, nga̱tꞌaha̱ ngabayaha̱ Ntíhi̱ kinchja̱ko̱ ndaná. ¿Nkú tsꞌín najmi nꞌe̱kꞌankiná nga̱tꞌaha̱ kju̱a̱tíkꞌuhu̱n Ntíhi̱, ñá xi ja nchja̱ko̱ ndaná ndꞌa̱i̱?
\v 11 Ko̱ najmi tu̱ suba ni xuꞌbi̱ tíchuyáá. Ta̱ tsjo maná nga Nti̱a̱ná kju̱átsꞌe̱ná, a̱tꞌaha̱ Nda̱ Nti̱a̱ná Jesucristo̱ kitsꞌín nga tíbichúkꞌun ngáha̱ ra̱á Nti̱a̱ná.
\s Bꞌi̱ tsꞌín tsakúya Pablo̱ nkꞌie nga Adan jꞌaiko̱ ngabayoo̱ tu̱nga Jesucristo̱ kitsꞌínkꞌíéntu tíkꞌunná
\p
\v 12 Nga̱tꞌaha̱ ni xi kitsꞌín nku nda̱ ngatitsuu̱n jasꞌen a̱sunntei̱ ko̱ ngatitsuu̱n jꞌaiko̱ ngabayoo̱. Bꞌa̱ tsꞌín ngjindjuhu ngabayoo̱ a̱jihi̱n ngayjee̱ xu̱ta̱, a̱tꞌaha̱ ngayjee̱ xu̱ta̱ kitsꞌín ngatitsun.
\v 13 Kintehe̱ ni nga Nti̱a̱ná kitsꞌínkjasꞌehe̱n Moise kju̱a̱téxumoo̱ kisꞌe ngatitsun a̱sunntei̱, tu̱nga najmi chꞌaxki̱hí ra̱ ngatitsun xi tsꞌín xu̱ta̱ nkꞌie nga najmi kje̱e tjín kju̱a̱téxumoo̱.
\v 14 Yaha̱ nkꞌie nga ni̱stjihi̱n Adan santaha ni̱stjihi̱n Moise tsatéxuma ngabayoo̱. Ta̱ kꞌien xi najmi kitsꞌín ngatitsun xi nkúhu xi kitsꞌín Adan. Adan, kui yꞌéjña chu̱ba̱yaná xi kjꞌu̱a̱í a̱skahan.
\p
\v 15 Kju̱a̱ndaha̱ Nti̱a̱ná najmi bꞌa̱ joyaha xi nkúhu ngatitsun xi kitsꞌín Adan. A̱tꞌaha̱ nga̱tꞌaha̱ ngatitsuhu̱n nku nda̱ nkjin xu̱ta̱ kꞌien, tu̱nga nga̱tꞌaha̱ kju̱a̱ndaha̱ nku nda̱, kui xi Jesucristo̱, nkjin xu̱ta̱ ꞌyún kisakúhu̱ kju̱a̱ndaha̱ Nti̱a̱ná ko̱ ni xi tu̱ kitsjáhá ra̱.
\v 16 Ko̱ ni xi tu̱ kitsjáhá Nti̱a̱ná najmi bꞌa̱ joyaha xi nkúhu ni xi yꞌaha̱ ra̱ ngatitsuhu̱n Adan. Nga̱tꞌaha̱ nku ngatitsun xi kitsꞌín Adan, Nti̱a̱ná kitsꞌínnijéhe̱ ko̱ bꞌa̱ tsꞌín jé yꞌejñajihin. Tu̱nga a̱skahán ni nga kisꞌe ṉkjún ngatitsun, tu̱ kitsjáhá Nti̱a̱ná nga na̱xu̱ kama xu̱ta̱ nginku̱n.
\v 17 Nga̱tꞌaha̱ ngatitsun xi kitsꞌín nku nda̱ tsatéxuma ngabayoo̱, tu̱nga nga̱tꞌaha̱ ní nku nda̱, kui xi Jesucristo̱, i̱ncha kꞌúéntu tíkꞌun ko̱ ku̱a̱téxuma xu̱ta̱ xi tsꞌi̱ínkjáíhi̱n kju̱a̱nda chánkaha̱ Nti̱a̱ná ko̱ kꞌu̱a̱i̱hi̱ nga na̱xu̱ ka̱ma nginku̱n.
\p
\v 18 Kui bꞌa̱ maha, xi nkú tsꞌín tu̱ nga̱tꞌaha̱ nku ngatitsun xi kitsꞌín nku nda̱ jé yꞌentujíhin ngayjee̱ xu̱ta̱, bꞌa̱ ta̱ tsꞌín tu̱ nga̱tꞌaha̱ nku ni nda xi kitsꞌín nku nda̱ na̱xu̱ bichú ma ngayjee̱ xu̱ta̱ nginku̱n Nti̱a̱ná ko̱ kꞌúéntu tíkꞌun.
\v 19 Xi nkú kama nga najmi kintꞌéꞌén nku nda̱ ko̱ kui nga nkjin xu̱ta̱ tsichu maha xu̱ta̱ ngatitsun, bꞌa̱ ta̱ kama nga kintꞌéꞌén nku nda̱ ko̱ kui nga nkjin xu̱ta̱ na̱xu̱ ku̱i̱chú maha nginku̱n Nti̱a̱ná.
\p
\v 20 Ko̱ ta̱ jꞌai sꞌejña kju̱a̱téxuma xi kinꞌekjasꞌehe̱n Moise tu̱ xi sáha ngatitsuu̱n, tu̱nga nkꞌie nga ja kisá ngatitsuu̱n, ꞌyún kisá sa kju̱a̱ndaha̱ Nti̱a̱ná.
\v 21 A̱tꞌaha̱ xi nkú tsꞌín kisꞌehe̱ ngaꞌyún ngatitsuu̱n ko̱ jꞌaiko̱ kju̱a̱bayoo̱, bꞌa̱ ta̱ tsꞌín tjíhi̱n ngaꞌyún kju̱a̱ndaha̱ Nti̱a̱ná, kui xi tsꞌín nga na̱xu̱ mahaná nginku̱n ko̱ tsꞌínkꞌíéntu tíkꞌun sínná nga̱tꞌaha̱ ni xi kitsꞌín Nda̱ Nti̱a̱ná Jesucristo̱.
\c 6
\s Bꞌi̱ tsꞌín tsakúya Pablo̱ nkꞌie nga ja tsayaha̱á ngatitsuu̱n ko̱ nga tintsu̱ba̱ tíkꞌunka̱á Cristo̱
\p
\v 1 Kui bꞌa̱ maha, ¿nkú ku̱i̱xíhinná? ¿A tu̱ nku nꞌe̱náhá ngatitsun tu̱ xi ꞌyún sꞌe̱jña chji saha kju̱a̱ndaha̱ Nti̱a̱ná?
\v 2 ¡Najmi! ¡Ndaha tsa mí yjehe! Ja tsayaha̱á ngatitsuu̱n. ¿Nkú tsꞌín ku̱i̱ntsu̱ba̱jin sahaná ngatitsuu̱n?
\v 3 ¿A najmi yanú ni xuꞌbi̱? Ngatenteé xi kisaténtájián Jesucristo̱ nkuhú ja maka̱á ko̱ nkuhú ja tsichu majihi̱ín ngabayaha̱.
\v 4 Nkꞌie nga kisaténtájián Cristo̱, bꞌa̱ tsꞌín tsayako̱honá ko̱ kisꞌeyanjika̱á, tu̱ xi ku̱i̱ntsu̱ba̱ tíkꞌun tse̱tse̱ ngáhaná xi nkú tsꞌín Nti̱a̱ Na̱ꞌminá kitsꞌínkjꞌáíyaha̱ Cristo̱ ngabayoo̱ nkꞌie nga tsakúchji kju̱a̱chánkaha̱.
\p
\v 5 A̱tꞌaha̱ tsa nkuhú tsichu maka̱á Cristo̱ nkꞌie nga kꞌien, bꞌa̱ tsꞌín ta̱ nkuhú ku̱i̱chú maka̱á nga kjꞌu̱a̱íya ngáhaná xi nkú tsꞌín jꞌáíya ngáha̱ ra̱ ngabayoo̱.
\v 6 Yaá nkꞌie nga kisutꞌa kruu̱ka̱á Cristo̱. Najmi bꞌa̱ ta̱ tsꞌín tintsu̱ba̱haná xi nkúhu nkꞌie. Ja tsatsun yjonintená xi tíjñajihi̱n ngatitsun tu̱ xi najmi ta̱ ku̱i̱núꞌyáꞌéhe̱n ra̱á ngatitsuu̱n.
\v 7 A̱tꞌaha̱ xi ꞌme, najmi ta̱ tjín xi nkú tsꞌi̱íhi̱n ra̱ ngatitsuu̱n.
\p
\v 8 Tsa ja tsayaka̱á Cristo̱, ta̱ sꞌejinná nga ta̱ ku̱i̱ntsu̱ba̱ tíkꞌunka̱á.
\v 9 Yaá nga Cristo̱ jꞌáíya ngáha̱ ra̱ ngabayoo̱ ko̱ najmi ta̱ ku̱a̱yá saha. Najmi ta̱ tjíhi̱n ra̱ ngaꞌyún ngabayoo̱ tsa nkú tsꞌi̱ín saha̱.
\v 10 A̱tꞌaha̱ nkꞌie nga kꞌien Cristo̱, nkuhú ni̱yá kꞌiehen tu̱ xi kikjexíhi̱n ra̱ ngaꞌyún xi tjíhi̱n ngatitsuu̱n. Nga̱tꞌa tsꞌe̱ nga tíjña tíkꞌun, tíjña tíkꞌun xi nkú tsꞌín mjehe̱ Nti̱a̱ná.
\v 11 Ko̱ máha jun, bꞌa̱ ta̱ tsꞌín nꞌe̱nkjíntakꞌun nga ja tsayoho̱ ngatitsuu̱n ko̱ tintsu̱ba̱ tíkꞌun xi nkú tsꞌín mjehe̱ Nti̱a̱ná, nga nkuhú mako̱o Jesucristo̱.
\p
\v 12 Kui bꞌa̱ maha, najmi tu̱ ꞌba̱i̱ntehe̱ ru̱u ngatitsuu̱n tsa kui xi ku̱a̱téxumaha̱ yjonintenu̱u xi maha̱ ꞌme, tsa ku̱i̱núꞌyáꞌóho̱on nga nꞌo̱o ni xi mjehe̱ yjonintenu̱u.
\v 13 Najmi tu̱ ngatitsuu̱n ꞌbo̱ho̱ yjonintenu̱u, tsa ni xi najmi nda nꞌo̱o. Tu̱ sa ní Nti̱a̱ná tjoho̱n yjonu̱u, jun xi ja tsayo ko̱ jꞌáíya ngáha̱nu̱u ngabayoo̱. Tjoho̱n yjonintenu̱u Nti̱a̱ná nkꞌie nga nꞌo̱o ni xi na̱xu̱ nꞌe.
\v 14 Najmi ta̱ ku̱a̱téxumaha̱nu̱u ngatitsuu̱n, a̱tꞌaha̱ najmi ta̱ kju̱a̱téxumoo̱ tíjñanehe̱nu̱u. Kju̱a̱ndaha̱ ní Nti̱a̱ná tintsu̱ba̱nkiu ndꞌa̱i̱.
\s Bꞌi̱ tsꞌín tsakúya Pablo̱ nkꞌie nga najmi ta̱ batéxumahaná ngatitsuu̱n
\p
\v 15 E̱i̱ ni̱ ma, ¿a nꞌe̱é ngatitsun, tsa najmi ta̱ kju̱a̱téxuma xi kinꞌekjasꞌehe̱n Moise tíjñanehená, a̱tꞌaha̱ kju̱a̱ndaha̱ Nti̱a̱ná tintsu̱ba̱nkiá? ¡Najmi! ¡Ndaha tsa mí yjehe!
\v 16 ¿A najmi yanú, tsa tjín xi nꞌe̱kjasꞌoho̱on yjonu̱u nga ku̱i̱núꞌyáꞌóho̱on xi nkúhu xu̱ta̱ musu̱hu̱, jun xi bichúmo xu̱ta̱ musu̱hu̱ xi tínuꞌyáꞌóho̱on? Tsa xu̱ta̱ musu̱hu̱ ngatitsuu̱n ka̱mo, ku̱a̱yó. Tu̱nga tsa ku̱i̱núꞌyáꞌóho̱on Nti̱a̱ná, na̱xu̱ ka̱mo nginku̱n.
\v 17 Jun xi kamo xu̱ta̱ musu̱hu̱ ngatitsuu̱n ni̱stjin nkꞌie, tu̱nga ndꞌa̱i̱ mábꞌa̱chjíhi̱ ra̱ Nti̱a̱ná nga tu̱ sahá ngayjehe ani̱ma̱nu̱u tínuꞌyáꞌóho̱on én xi tsinchiyó, én xi kinꞌekjasꞌennu̱u.
\v 18 Ja kamando̱óho̱ ngatitsuu̱n ko̱ tsichumo xu̱ta̱ musu̱hu̱ ni xi na̱xu̱ tjín.
\p
\v 19 Tíbꞌejñá chu̱ba̱yanu̱u ni xuꞌbi̱ nga tínchjako̱nu̱u a̱tꞌaha̱ ꞌni mankjinná nii̱. Ni̱stjin nkꞌie, ni xi chu̱ntí nginku̱n Nti̱a̱ná ko̱ kju̱a̱chꞌonkꞌuu̱n kinꞌekjasꞌoho̱on yjonintenu̱u tu̱ xi chꞌon kinꞌehenu. Xu̱ta̱ musu̱hu̱ niu̱ kamo, tu̱nga ndꞌa̱i̱ nꞌe̱kjasꞌon yjonintenu̱u nga ka̱mo xu̱ta̱ musu̱hu̱ ni xi na̱xu̱ tjín tu̱ xi xu̱ta̱ xi tsꞌe̱ Nti̱a̱ná ka̱mahanu.
\p
\v 20 Nkꞌie nga kamo xu̱ta̱ musu̱hu̱ ngatitsuu̱n, kjin tintsu̱bo̱ho̱ ni xi na̱xu̱ tjín.
\v 21 ¿Mí nihi xi kisakúnu̱u nga kinꞌo ni xi kinꞌo nkꞌie, ni xi tu̱ subahá manu̱u ndꞌa̱i̱? Ngabaya yꞌaha̱ ra̱ ni xi kinꞌo.
\v 22 Tu̱nga ndꞌa̱i̱ ja kamando̱óho̱ ngatitsuu̱n ko̱ yjankihu̱u Nti̱a̱ná. Tísakúnu̱u kju̱a̱je xi tsjánu̱u Nti̱a̱ná tu̱ xi ku̱i̱ntsu̱ba tíkꞌun síhinnu.
\v 23 A̱tꞌaha̱ ngabayoo̱, kui xi chjíhi̱ ngatitsuu̱n, tu̱nga Nti̱a̱ná tu̱ tsjáhá nga kꞌúéntu tíkꞌun sín xu̱ta̱ xi nkuhú mako̱ Nda̱ Nti̱a̱ná Jesucristo̱.
\c 7
\s Bꞌi̱ tsꞌín yꞌéjña chu̱ba̱ya Pablo̱ nga ja tsayaha̱á kju̱a̱téxumo̱o
\p
\v 1 Jun já ntsꞌe, tínchjako̱nu̱u jun xi yo kju̱a̱téxuma xi kinꞌekjasꞌehe̱n Moise. ¿A najmi yanú nkꞌie nga tjíntu tíkꞌun sa xu̱ta̱ yꞌaha̱ kju̱a̱téxumoo̱?
\v 2 Xi nkúhu nku ta̱chju̱ún xi tíjñaha̱ xꞌi̱n, tjítꞌa kju̱a̱téxumoo̱ nga najmi tjíhin nga kꞌu̱éjña xꞌi̱hi̱n. Tu̱nga tsa ku̱a̱yá xꞌi̱hi̱n, ka̱ma nda̱í ngáha̱ ra̱ yjoho̱ kju̱a̱téxumaha̱ kju̱a̱bixoo̱n.
\v 3 Kui nga tsa kjꞌa̱í nda̱ kꞌúéjñako̱ho nkꞌie nga tíjña sa xꞌi̱hi̱n, tíbangane kju̱a̱bixaha̱n. Tu̱nga tsa ku̱a̱yá xꞌi̱hi̱n, ka̱ma nda̱í ngáha̱ ra̱ yjoho̱ ni xi tjítꞌa kju̱a̱téxumoo̱. Najmi tíbangane kju̱a̱bixoo̱n tsa kjꞌa̱í nda̱ kꞌúéjñako̱ ngáha.
\p
\v 4 Bꞌa̱ ta̱ kamanu̱u, já ntsꞌena̱. Xi ja kꞌien najmi ta̱ yꞌaha̱ ra̱ kju̱a̱téxumoo̱, ko̱ jun ja tsayako̱o Cristo̱ nkꞌie nga kꞌien tu̱ xi kjꞌa̱í xi kama tsꞌe̱ ngáha̱nu̱u. Xi jꞌáíya ngáha̱ ra̱ ngabayoo̱, kui xi tsꞌe̱nu̱u ndꞌa̱i̱. Bꞌa̱ tsꞌín ka̱ma nꞌe̱hená ni xi tsꞌe̱ Nti̱a̱ná.
\v 5 Nkꞌie nga kichꞌa saá a̱sunntee̱, ngatitsuu̱n kitsꞌínxájin yjonintená. Ngatitsuu̱n kitsꞌínchjén kju̱a̱téxumoo̱ nga kinꞌe mjeé ni xi najmi nda, ko̱ kinꞌeé ni xi tje̱he̱n ra̱ ngabaya.
\v 6 Tu̱nga ndꞌa̱i̱ ja najmi ta̱ kju̱a̱téxumoo̱ tíjñanehená, a̱tꞌaha̱ ja tsayaha̱á kju̱a̱téxuma xi kikꞌíétꞌaꞌyúnná ni̱stjin nkꞌie. Kui nga tínꞌehená ni xi mjehe̱ Nti̱a̱ná ndꞌa̱i̱ xi nkú tsꞌín tíbakú ni̱yá tse̱tse̱ná Espiri̱tu̱hu̱ Nti̱a̱ná, najmi xi nkú tsꞌín tsakú ni̱yáná xu̱ju̱n xi kisꞌetꞌa ni̱stjin nkꞌie.
\s Bꞌi̱ tsꞌín tsakúya Pablo̱ xá xi tjíhi̱n kju̱a̱téxumaha̱ Nti̱a̱ná
\p
\v 7 E̱i̱ ni̱ ma, ¿nkú ku̱i̱xíaán? ¿A kju̱a̱téxuma xi kinꞌekjasꞌehe̱n Moise yꞌa ngatitsun? ¡Najmi! ¡Ndaha tsa mí yjehe! Tu̱nga tsa najmi kisꞌejña kju̱a̱téxumoo̱, najmi kikie ra̱ ni xi ꞌmihi̱ ngatitsun. Najmi be tsa najmi nda tjín nkꞌie nga ni xi tjíhi̱n xu̱ta̱ kjuasíhi̱n tsa najmi bꞌi̱ títsu kju̱a̱téxumoo̱: “Najmi tu̱ fasihi̱n ni xi tjíhi̱n xu̱ta̱.”
\v 8 Tu̱nga ngatitsuu̱hún kitsꞌínchjén ni xi tjítꞌa kju̱a̱téxumoo̱ ko̱ bꞌa̱ tsꞌín kinchja̱hana nga jasíhi̱n nkjin tíkjá ni xi najmi an tsꞌa̱n. A̱tꞌaha̱ tsa najmi tjín kju̱a̱téxuma, najmi tjíhi̱n ngaꞌyún ngatitsuu̱n.
\p
\v 9 Xi nkúhu an. Nkꞌie nga najmi kje̱e sꞌejñanena kju̱a̱téxuma xi kinꞌekjasꞌehe̱n Moise, tsáte̱jña tíkꞌan. Tu̱nga nkꞌie nga kamankjinna ni xi tjítꞌa kju̱a̱téxumoo̱, kisakú ngaꞌyúhu̱n ngatitsuu̱n, a̱sꞌa̱i tsaya.
\v 10 Kikie nga kju̱a̱téxuma xi tjíhin nga tsꞌi̱ínkꞌíéjña tíkꞌunna, kui xi tu̱ sahá kitsꞌínkjina ngabayoo̱.
\v 11 A̱tꞌaha̱ ngatitsuu̱n kitsꞌínchjén ni xi tjítꞌa kju̱a̱téxumoo̱ tu̱ xi tsꞌana̱cha̱hana. Bꞌa̱ tsꞌín kitsꞌínkꞌienko̱hona ni xi tjítꞌa kju̱a̱téxumoo̱.
\p
\v 12 Jehé kju̱a̱téxumoo̱, ko̱ ni xi tjítꞌa kju̱a̱téxumoo̱ je ko̱ na̱xu̱ tínchja̱ ko̱ nda.
\v 13 Tu̱nga, ¿a ni xi ndoo̱ xi kitsjána ngabaya? ¡Najmi! ¡Ndaha tsa mí yjehe! Ngatitsuu̱n ní kitsꞌínchjén ni xi ndoo̱ nga kitsjána ngabaya tu̱ xi cha̱ha nga kui xi ngatitsun. Ni xi tjítꞌa kju̱a̱téxumoo̱ tsakúchji nga tu̱ xí ꞌyúhún chꞌonkꞌun ngatitsuu̱n.
\s Bꞌi̱ tsꞌín tsakúya Pablo̱ ni xi tsꞌíhi̱n ngatitsuu̱n
\p
\v 14 Yaá nga kju̱a̱téxumoo̱ a̱jihi̱n Espiri̱tu̱hu̱ Nti̱a̱ná tsitjuhu, tu̱nga an a̱sunntee̱ yꞌahana. Ja tsꞌatsena ngatitsuu̱n ko̱ an kama nda̱ musu̱hu̱.
\v 15 Najmi mankjinna ni xi tsꞌian. A̱tꞌaha̱ najmi ni xi mjena tsꞌian. Tu̱ sa ní ni xi najmi sasínna, kui nihi xi tsꞌian.
\v 16 Tu̱nga tsa tsꞌian ni xi najmi mjena tsꞌian, ni xi títsꞌian títsꞌinkíéko̱hona yjona̱ nga nda kju̱a̱téxumoo̱.
\v 17 Kui nga najmi ta̱ an xi bꞌa̱ tsꞌihinna nga bꞌa̱ tsꞌian. Ngatitsun xi tíjñajin nína xi bꞌa̱ tsꞌín.
\p
\v 18 Be nga xi nkú tsꞌín yꞌahana a̱sunntee̱, ndaha nku ni xi nda najmi tíjñajinna. A̱tꞌaha̱ ndaha tsa mjena tsꞌian ni xi nda, tu̱nga najmi chúkju̱a̱hána bꞌa̱ tsꞌian.
\v 19 Najmi tsꞌian ni xi nda xi mjena tsꞌian, tu̱ sa ní ni chꞌonkꞌun xi najmi mjena tsꞌian.
\v 20 Tsa tsꞌian ni xi najmi mjena tsꞌian, najmi ta̱ an xi bꞌa̱ títsꞌihinna. Ngatitsun xi tíjñajin nína xi bꞌa̱ títsꞌíu̱n.
\p
\v 21 Mankjinna ni xuꞌbi̱. Nkꞌie nga mjena tsꞌian ni xi nda, tu̱ ni chꞌonkꞌun xi tíjñajihínna bitjuchji.
\v 22 Tsjo maha̱ ani̱ma̱na̱ kju̱a̱téxumaha̱ Nti̱a̱ná,
\v 23 tu̱nga mankjihínna nga kjꞌa̱í kju̱a̱téxuma títsꞌínxájin yjonintena̱, kui xi kju̱a̱téxumaha̱ ngatitsuu̱n. Kui xi kjánko̱ kju̱a̱téxuma xi tsjáni̱yáha̱ kju̱a̱nkjintakꞌunna̱. Fꞌakjꞌánijéna ko̱ tsꞌín mana nda̱ nu̱ba̱yáha̱.
\p
\v 24 ¡Ni̱ma̱ rú tsꞌihinna! ¿Yá xi ku̱a̱si̱nko̱na tu̱ xi ka̱ma nda̱íhi̱ ra̱ yjoninte xuꞌbi̱ xi títsjána ngabaya?
\v 25 ¡Tsjaha̱ mábꞌa̱chjíhi̱ Nti̱a̱ná! Nda̱ Nti̱a̱ná Jesucristo̱ kitsꞌín nda̱ína. Títsꞌinchjén kju̱a̱nkjintakꞌunna̱ nga tíntꞌeꞌéhe̱n kju̱a̱téxumaha̱ Nti̱a̱ná, tu̱nga xi nkúhu nku nda̱, kju̱a̱téxumaha̱ ngatitsuu̱n tíntꞌeꞌéhe̱n.
\c 8
\s Bꞌi̱ tsꞌín tsakúya Pablo̱ nkꞌie nga Espiri̱tu̱hu̱ Nti̱a̱ná tsꞌínkꞌíéntu tíkꞌunná
\p
\v 1 Kui bꞌa̱ maha, najmi ta̱ chumi nihi ta̱ nꞌe̱nijéhe̱ ra̱ xu̱ta̱ xi nkuhú mako̱ Cristo̱ Jesu,
\v 2 a̱tꞌaha̱ Espiri̱tu̱hu̱ Nti̱a̱ná tsꞌínkꞌíéntu tíkꞌunko̱ná Cristo̱ Jesu ko̱ tsjáná nku kju̱a̱téxuma xi tsꞌín nda̱íná kju̱a̱téxumaha̱ ngatitsuu̱n ko̱ ngabayoo̱.
\p
\v 3 Ni xi najmi kamaha̱ kitsꞌín kju̱a̱téxuma xi kinꞌekjasꞌehe̱n Moise a̱tꞌaha̱ a̱sunntee̱ yꞌaha̱ ra̱ xu̱ta̱ ko̱ najmi ka̱maha̱ tsꞌi̱íntjusun ni xi tjítꞌa, kui nihi xi kitsꞌín Nti̱a̱ná nga kitsꞌín nibá Ntíhi̱. Ntíu̱ kikꞌa yjoninte xi nkúhu yjoninte ngatitsuhu̱n xu̱ta̱ tu̱ xi yꞌéchjíntjaihi ngatitsuu̱n. Bꞌa̱ tsꞌín kikꞌoje̱nnkihi Nti̱a̱ná ngatitsun xi tíjñajihi̱n xu̱ta̱.
\v 4 Bꞌa̱ kitsꞌín Nti̱a̱ná tu̱ xi ku̱i̱tjusuhun a̱jinná ni nda xi banki kju̱a̱téxumoo̱, ñá xi najmi ta̱ tintsu̱ba̱haná xi nkú tsꞌín mjehe̱ yjonintená. Tintsu̱ba̱ nínáá xi nkú tsꞌín mjehe̱ Espiri̱tu̱hu̱ Nti̱a̱ná.
\p
\v 5 A̱tꞌaha̱ xi a̱sunntee̱ yꞌaha̱ ra̱ nga tjíntu, kui xi ni xi tsꞌe̱ a̱sunntee̱ tsꞌínnkjinkꞌun, tu̱nga xi Espiri̱tu̱hu̱ Nti̱a̱ná yꞌaha̱ ra̱ nga tjíntu, kui xi ni xi tsꞌe̱ Espiri̱tu̱ tsꞌínnkjinkꞌun.
\v 6 Xi ni xi tsꞌe̱ a̱sunntee̱ tsꞌínnkjinkꞌun, kui xi ku̱a̱yá, tu̱nga xi ni xi tsꞌe̱ Espiri̱tu̱hu̱ Nti̱a̱ná tsꞌínnkjinkꞌun, kui xi kꞌúéntu tíkꞌun ko̱ sꞌe̱he̱ kju̱a̱jyu.
\v 7 A̱tꞌaha̱ xi ni xi tsꞌe̱ a̱sunntee̱ tsꞌínnkjinkꞌun, kui xi unkie Nti̱a̱ná. Najmi tjíntunkí kju̱a̱téxumaha̱ Nti̱a̱ná ko̱ najmi maha̱ tsa bꞌa̱ i̱ncha tsꞌi̱ín.
\v 8 Xi a̱sunntee̱ yꞌaha̱ ra̱ nga tjíntu, kui xi najmi maha̱ tsꞌín ni xi tsjoho̱ Nti̱a̱ná.
\p
\v 9 Tu̱nga máha jun, ja najmi ta̱ a̱sunntee̱ yꞌaha̱nu̱u nga tintsu̱bo̱o. Espiri̱tu̱hu̱ ní Nti̱a̱ná yꞌanu̱u nga tintsu̱bo̱o tsa kju̱axi̱ nga kui xi tíjñajinnu̱u. Xi najmi tíjñajihi̱n Espiri̱tu̱hu̱ Jesucristo̱, kui xi najmi Jesucristo̱ tsꞌe̱he̱.
\v 10 Tu̱nga tsa Cristo̱ tíjñajinnu̱u, tsuhu̱ ra̱ nga Espiri̱tu̱hu̱ títsꞌínkꞌíéntu tíkꞌunnu̱u ko̱ ja na̱xu̱ tsichumo nginku̱n Nti̱a̱ná, ndaha tsa ngatitsuu̱n ja kitsꞌínkꞌien yjonintenu̱u.
\v 11 Tsa Espiri̱tu̱hu̱ xi kitsꞌínkjꞌáíyaha̱ Jesu ngabayoo̱ tíjñajinnu̱u, ta̱ kuihi xi kitsꞌínkjꞌáíyaha̱ Jesu ta̱ tsꞌi̱ínkꞌíéntu tíkꞌun yjonintenu̱u xi maha̱ ꞌme. Bꞌa̱ tsꞌi̱ínko̱nu̱u Espiri̱tu̱hu̱ Nti̱a̱ná xi tíjñajinnu̱u.
\p
\v 12 Kui bꞌa̱ maha, já ntsꞌe, ja najmi ta̱ tjíhin tsa ku̱i̱ntsu̱ba̱á xi nkúhu xu̱ta̱ xi tsꞌín ni xi mjehe̱ yjonintee̱.
\v 13 A̱tꞌaha̱ tsa ku̱i̱ntsu̱bo̱o xi nkúhu xu̱ta̱ xi tsꞌín ni xi mjehe̱ yjonintee̱, ku̱a̱yó. Tu̱nga tsa Espiri̱tu̱hu̱ Nti̱a̱ná nꞌe̱kꞌienko̱honu ni xi mjehe̱ yjonintenu̱u, ku̱i̱ntsu̱ba̱ tíkꞌun.
\p
\v 14 Ngayjee̱ xi Espiri̱tu̱hu̱ Nti̱a̱ná bakú ni̱yáha̱, kui xi ntíhi̱ Nti̱a̱ná.
\v 15 A̱tꞌaha̱ Espiri̱tu̱ xi kinꞌekjóho̱on najmi kitsꞌín manu̱u xu̱ta̱ musu̱hu̱ kju̱a̱binkjuu̱n. Kitsꞌín ma nínu̱u Ntíhi̱ Nti̱a̱ná ko̱ tsꞌín nga: “Na̱ꞌmi i̱chí”, kꞌúíhi̱ín Nti̱a̱ná.
\v 16 Kui Espiri̱tu̱hu̱ Nti̱a̱ná nkuhú mako̱ ani̱ma̱ná nga tsuya kixi̱ nga ñá xi ntíhi̱ Nti̱a̱ná.
\v 17 Tsa ñá xi ntíhi̱ Nti̱a̱ná, ta̱ sa̱kúná ni xi tsꞌe̱. Jesucristo̱ nꞌe̱kjáínko̱óho̱ ni xi tsꞌe̱ Nti̱a̱ná. Tsa ndꞌa̱i̱ tíbitjajíaán kju̱a̱ni̱ma̱ xi jꞌajin, ta̱ sa̱kúná kju̱a̱chánkaha̱.
\s Bꞌi̱ tsꞌín tsakúya Pablo̱ nkꞌie nga tíchuyáha̱á ni̱stjin nga Nti̱a̱ná tsꞌi̱ín ma kikjinná ntíhi̱
\p
\v 18 Bꞌa̱ mana nga najmi chumi nihi kju̱a̱ꞌun xi tíbená ni̱stjin ndꞌa̱i̱ tsa chꞌa̱chu̱ba̱ko̱honá kju̱a̱chánkaha̱ Nti̱a̱ná xi ka̱ma chjiná a̱skahan.
\v 19 Ngayjee̱ ni xi kitsꞌínnda Nti̱a̱ná tíi̱ncha kuyá ko̱ ꞌyún mjehe̱ nga sꞌe̱jña chji yá xu̱ta̱ha xi ntíhi̱ Nti̱a̱ná.
\v 20 A̱tꞌaha̱ ni xi kamandoo̱ najmi ta̱ tjíhi̱n ra̱ ngaꞌyún xi kisꞌehe̱ nga tjuhun. Najmi kui kama mjehe̱ nga bꞌa̱ kamatꞌain. Nti̱a̱ níná bꞌa̱ tsꞌín yꞌénda nga bꞌa̱ kamatꞌain. Tu̱nga ta̱ tíkuyahá ra̱
\v 21 ni xi kamandoo̱ ni̱stjin nga najmi ta̱ ku̱a̱tsúhun. Tíkuyáha̱ nkꞌie nga ka̱ma nda̱íhi̱ chꞌá xi yꞌanji, ni̱stjin nkꞌie nga bꞌa̱ tsꞌín ka̱ma nda̱íhi̱ xi nkú tsjo tsꞌín ka̱ma nda̱íhi̱ ntíhi̱ Nti̱a̱ná.
\p
\v 22 Yaá nga santaha ndꞌa̱i̱ un tíbehe̱ ngayjee̱ ni xi kitsꞌínnda Nti̱a̱ná, xi nkúhu nku ta̱chju̱ún xi tsíhi̱n ntí.
\v 23 Ko̱ najmi tu̱ nku kui xi un tíbehe̱. Ta̱ un tíbená ko̱ ñá. A̱tꞌaha̱ ja tíjñajinná Espiri̱tu̱hu̱ Nti̱a̱ná. Ja kikꞌa̱i̱ títjunná a̱jihi̱n ngayjee̱ ni xi nꞌe̱kjáíhi̱ín a̱skahan. Nkjún tíbehe̱ ani̱ma̱ná nga tíchuyáha̱á ni̱stjin nga tsꞌi̱ín ma kikjinná Nti̱a̱ná ntíhi̱, ni̱stjin nga nꞌe̱kꞌanki yjonintená.
\p
\v 24 A̱tꞌaha̱ ja kinꞌekꞌankiná ko̱ tíchuyáha̱á ni xi sa̱kúná, tu̱nga tsa ja kisuya ntsa̱á ni xi tíchuyáha̱á, najmi ta̱ tíchuyá saha̱ ra̱á ni xuꞌbo̱. ¿A̱tꞌaha̱ yá xi kuyáha̱ ni xi ja tíjñaha̱?
\v 25 Tu̱nga tsa tíchuyáha̱á ni xi najmi kje̱e yaá, tjíhin nga chuyáha̱á santa nkúhu nga nꞌekjáíhi̱ín.
\p
\v 26 Ta̱ basinko̱ná Espiri̱tu̱hu̱ Nti̱a̱ná, a̱tꞌaha̱ najmi ndjá tjíntuyáná. Najmi yaá ni xi ku̱i̱ncháá, tu̱nga Espiri̱tu̱hu̱ ní Nti̱a̱ná bankintjáíná. Nkꞌie nga nchja̱ntjai unꞌunná Espiri̱tu̱ nginku̱n Nti̱a̱ná, najmi tjín én xi ku̱i̱xínyahaná xi nkú tsu.
\v 27 Nti̱a̱ná xi be ani̱ma̱ha̱ xu̱ta̱, kui xi be mí xi mjehe̱ tsꞌi̱ín Espiri̱tu̱. A̱tꞌaha̱ xi nkú tsꞌín mjehe̱ Nti̱a̱ná, bꞌa̱ tsꞌín banki Espiri̱tu̱ nga nchja̱ntjai xu̱ta̱ xi Nti̱a̱ná kikjátsꞌe̱.
\s Bꞌi̱ tsꞌín tsakúya Pablo̱ xi nkú tsꞌín tjoná Nti̱a̱ná
\p
\v 28 Yaá nga ngayjee̱ ni xi matꞌain xu̱ta̱ xi i̱ncha tsꞌíntjo Nti̱a̱ná, Nti̱a̱ná tsꞌínchjén niu̱ ngandaha̱ xu̱ta̱ xuꞌbo̱. Nti̱a̱náhá jꞌájihi̱n xu̱ta̱ xuꞌbo̱ a̱tꞌaha̱ bꞌa̱ tsꞌín kama mjehe̱.
\v 29 A̱tꞌaha̱ xu̱ta̱ xi kikie títjun Nti̱a̱ná, ta̱ yꞌénda títjun nga bꞌa̱ tsꞌín sꞌe̱yaha̱ xi nkúhu Ntíhi̱, tu̱ xi kui Ntíu̱ ka̱maha Ntí tjun a̱jihi̱n já ntsꞌe̱ xi nkjin maha.
\v 30 Ko̱ xi yꞌénda títjun Nti̱a̱ná, ta̱ jꞌájin. Ko̱ xi jꞌájin, ta̱ kitsꞌín nga tsichu ma na̱xu̱ nginku̱n. Ko̱ xi kitsꞌín nga tsichu ma na̱xu̱ nginku̱n, ta̱ kitsjáha̱ kju̱a̱chánka.
\p
\v 31 Kui bꞌa̱ maha, ¿nkú ku̱i̱xín sahaná? Tsa Nti̱a̱ná mako̱ná, ¿yá xi ngju̱a̱i̱ kontra̱ná?
\v 32 Kui xi ja yꞌéjña nga tu̱ nkú tsjáhá Ntíhi̱. Kitsꞌínkjasꞌen Ntíhi̱ nga kinꞌekꞌien ngandaná. Kui nga tsa kitsjáná Ntíhi̱, ¿nkú tsꞌín najmi ta̱ tsjáhaná ngayjee̱ ni xi tjín?
\p
\v 33 ¿Yá xi ka̱maha̱ tsꞌi̱ínkꞌanji jé xu̱ta̱ xi Nti̱a̱ná jꞌájin? Nti̱a̱ná kitsꞌín nga na̱xu̱ xu̱ta̱ xi tsꞌe̱.
\v 34 ¿Yá xi bꞌa̱ ku̱i̱tsu̱ nga ngatitsun yꞌa? Cristo̱ Jesu kꞌien ko̱ jꞌáíya ngáha̱ ra̱ ngabayoo̱ ko̱ tíjñatꞌaha̱ Nti̱a̱ná ndꞌa̱i̱ nga tíbankintjáíná.
\v 35 Tjoho̱ ñá Cristo̱. ¿Yá xi ka̱maha̱ kjéꞌaná kju̱a̱tjoho̱? ¿A kju̱a̱ni̱ma̱? ¿A kju̱a̱boo̱? ¿A kju̱a̱ꞌunchoo̱? ¿A kjintío̱? ¿A tu̱ nga̱tꞌaha̱ nga xꞌa̱án? ¿A ni chꞌonkꞌun xi matꞌaán? ¿A ra̱ ngahá nꞌe̱kꞌienná?
\v 36 Bꞌa̱ ma xi nkú tsꞌín tjítꞌa éhe̱n Nti̱a̱ná:
\q Nga̱tꞌa tsꞌi̱ tehe̱nte tintsu̱ba̱jii̱n ngabayoo̱.
\q Xi nkúhu chu̱tsa̱nka̱ xi nꞌekꞌien, bꞌa̱ tsꞌín baseni̱ jóo̱.
\p
\v 37 Tu̱nga a̱jihi̱n ngatentee̱ ni xuꞌbi̱ xi kitsꞌíntjoná ta̱ tsꞌín nga tu̱ sahá ꞌyún nꞌe ngana̱ saá.
\v 38 A̱tꞌaha̱ behe̱ kꞌan nga najmi tjín xi ka̱maha̱ kjéꞌaná kju̱a̱tjoho̱ Nti̱a̱ná, ndaha tsa ku̱a̱yáá ko̱ ndaha tsa ku̱i̱ntsu̱ba̱ tíkꞌaán, ta̱ ndaha ntítsjee̱ ko̱ xi batéxuma ko̱ xi tjíhi̱n ngaꞌyún, ta̱ ndaha ni xi tíma ndꞌa̱i̱ ko̱ xi ka̱ma a̱skahan,
\v 39 ta̱ ndaha ni xi nkꞌa ko̱ xi na̱nka̱, ta̱ ndaha nku ni xi kitsꞌínnda Nti̱a̱ná. Najmi tjín xi ka̱maha̱ kjéꞌaná kju̱a̱tjoho̱ Nti̱a̱ná, kju̱a̱tjo xi tsakúchjiná nga kitsjáná Nda̱ Nti̱a̱ná Cristo̱ Jesu.
\c 9
\s Bꞌi̱ tsꞌín tsakúya Pablo̱ xi nkú tsꞌín Nti̱a̱ná jꞌájin xu̱ta̱ xi ntje̱ judio̱ tje̱he̱n ra̱
\p
\v 1 Cristo̱ be nga kju̱axi̱ ni xi tíxian. Najmi tíbꞌana̱cha̱. Ko̱ Espiri̱tu̱ Santo̱ bꞌa̱ títsuna nga bꞌa̱ tjín ni xi títsꞌinkjíhi̱n kꞌan.
\v 2 Tjín babana ko̱ i̱xí tíneyahá tíma ani̱ma̱na̱.
\v 3 Tsa ka̱ma kai, mjena tsa santaha an ka̱ma nku xi najmi nda nginku̱n Nti̱a̱ná ko̱ tsa kjin kúáte̱jñaha̱ Jesucristo̱, tsa tu̱ ahá ni bꞌa̱ tsꞌín ka̱ma kúási̱nka̱ já ntsꞌé, kui xi ntje̱na̱.
\v 4 Xi ntje̱ Israel tje̱he̱n ra̱. Nti̱a̱ná kitsꞌín ma ntíhi̱. Yꞌejñajihi̱n ko̱ tsakúchjihi̱ kju̱a̱chánkaha̱. Ni yꞌéndako̱ ntje̱ cháha̱ ko̱ kitsjáha̱ kju̱a̱téxumaha̱. Tsakúchjihi̱ xi nkú tsꞌín tjíhin nga tsꞌi̱íntsjoho̱ ko̱ kitsúya títjuhu̱n ni xi tsjáha̱.
\v 5 Nkuhú ntje̱ chá xi jꞌájin Nti̱a̱ná, yo̱ nibaha̱ ra̱ xu̱ta̱ Israel ko̱ a̱jihi̱n xu̱to̱ tsitjujin xi kitsꞌín niba Nti̱a̱ná\f + \fr 9.5 \ft “Xi kitsꞌín nibá Nti̱a̱ná” tsuhu̱ ra̱ “Cristo̱”.\f* nkꞌie nga kikꞌa yjoninte xi nkúhu xu̱ta̱. Kui xi Nti̱a̱ xi batéxumaha̱ ngayjee̱ ni xi tjín. Kanꞌetsjo tehe̱ntehe̱ tu̱ nkjéhé ni. Bꞌa̱ katuma.
\p
\v 6 Tu̱nga najmi jꞌa tiyahá éhe̱n Nti̱a̱ná. A̱tꞌaha̱ najmi ngatentee̱ xu̱ta̱ xi yꞌaha̱ ra̱ ntje̱he̱ Israel, tsa kui xi xu̱ta̱ Israel kikjin.
\v 7 Ko̱ najmi ngatentee̱ xi yꞌaha̱ ra̱ ntje̱he̱ Abraham, tsa kui xi ntí kikjihi̱n Abraham. A̱tꞌaha̱ Nti̱a̱ná bꞌa̱ kitsúhu̱ Abraham: “Ntje̱ xi sꞌe̱hi Isaac ni̱baha̱ ra̱.”
\v 8 Kui xi tsuhu̱ ra̱ nga najmi ntí xi kisꞌehe̱ Abraham xi nkú tsꞌín sꞌená ntí, tsa kui xi ntíhi̱ Nti̱a̱ná. Ntí xi kisꞌe níhi̱ xi nkú tsꞌín kitsúya títjun Nti̱a̱ná, kui xi kitsꞌínchjíhi̱ nga kui xi ntje̱he̱ Abraham.
\v 9 A̱tꞌaha̱ kui én xuꞌbi̱ xi kitsúya títjuhu̱n Nti̱a̱ná Abraham: “Núni̱ xi nkú ma ni̱stjin xuꞌbi̱ kuakuchjíhi ngaꞌyúnna̱. Nku ntíxꞌi̱n sꞌe̱jñaha̱ Sara̱.”
\p
\v 10 Ko̱ najmi tu̱ nku ni xuꞌbi̱ kama. Bꞌa̱ ta̱ kamatꞌain Rebeca̱ nkꞌie nga yꞌa ntíꞌyu̱n. Kui xi kama chju̱úhu̱n Isaac xi ta̱ ntje̱ cháha̱ xu̱ta̱ Israel.
\v 11 Nti̱a̱ná kinchja̱ko̱ títjuhu̱n Rebeca̱ nga kinchja̱ni̱jmíyaha ntíhi̱ nkꞌie nga najmi kje̱e tsin ko̱ najmi kje̱e tsꞌín ni xi nda ko̱ a ra̱ ni xi chꞌonkꞌun, tu̱ xi ku̱i̱tjusuhun ni xi yꞌénda títjun Nti̱a̱ná nga jꞌájin ntí xi kama mjehe̱. A̱tꞌaha̱ Nti̱a̱ná fꞌájin xu̱ta̱ xi mjehe̱, najmi fꞌájin tu̱ nga̱tꞌaha̱ ni nda xi tsꞌín xu̱ta̱.
\v 12 Kui nga bꞌa̱ kitsúhu̱ ra̱ Rebeca̱: “Ntí xi tjun tsíu̱n, musu̱hu̱ ntí xi tsjénkiu̱ ka̱ma.”
\v 13 Xi nkú tsꞌín tjítꞌa éhe̱n Nti̱a̱ná nga bꞌi̱ títsu: “Tjo kitsꞌian Jacob ko̱ kitsꞌin unkie Esau.”
\p
\v 14 Kui bꞌa̱ maha, ¿nkú ku̱i̱xíhinná? ¿A tsꞌín Nti̱a̱ná ni xi najmi na̱xu̱ tjín? ¡Najmi! ¡Ndaha tsa mí yjehe!
\v 15 A̱tꞌaha̱ bꞌa̱ kitsúhu̱ Moise: “Ka̱ma ni̱ma̱na xi mjena nga ka̱ma ni̱ma̱na, ko̱ kuase ni̱ma̱ha̱ xi mjena nga kuase ni̱ma̱ha̱.”
\v 16 Kui bꞌa̱ maha, najmi nga̱tꞌaha̱ tsa ni xi mjená ko̱ tsa ni nda xi tínꞌeé, tsa kui kju̱a̱ha nga nda tsꞌínko̱honá Nti̱a̱ná. Nda ní tsꞌínko̱ná a̱tꞌaha̱ ma ni̱ma̱ha̱ ñá.
\v 17 A̱tꞌaha̱ bꞌi̱ tsꞌín tjítꞌa má nga bꞌa̱ kitsú Nti̱a̱ná nga kinchja̱ko̱ nda̱ faraon: “Kitsja xáha tu̱ xi kuakuchjíhina ngaꞌyúnna̱ ko̱ tu̱ xi cha̱hana nga ngúsuhu̱n a̱sunntee̱.”
\v 18 Kui bꞌa̱ maha, Nti̱a̱ná ma ni̱ma̱ha̱ ra̱ xi mjehe̱ nga ka̱ma ni̱ma̱ha̱ ko̱ tsꞌín ndjá ani̱ma̱ha̱ xi mjehe̱ nga tsꞌi̱ín ndjá ani̱ma̱ha̱.
\s Bꞌi̱ tsꞌín tsakúya Pablo̱ xi nkú tsꞌín Nti̱a̱ná bakúchji kju̱a̱kjaha̱n ko̱ kju̱a̱tsentaha̱
\p
\v 19 Kutsa bꞌa̱há ku̱i̱xínní: “¿Mí nihi xi tsꞌi̱ínnijéhená Nti̱a̱ná yo̱ ni̱ ma? A̱tꞌaha̱, ¿yá xi ma fi kontra̱ha̱ ni xi mjehe̱ Nti̱a̱ná?”
\p
\v 20 ¿Yáhá ni ji nda̱, tsa ku̱i̱nchíhi̱ kuenta̱ Nti̱a̱ná? Nku ndji̱í najmi ma: “¿Á bꞌa̱ nꞌe kinꞌendahaní?”, tsa ku̱i̱tsu̱hu̱ xi kitsꞌínndaha̱.
\v 21 ¿A najmi tjíhín ra̱ kixi̱ nda̱ xi tsꞌínnda ndi̱íu̱ nga tsꞌi̱ínko̱ nintee̱ xi nkú tsꞌín mjehe̱? Ta̱ kuihi nintee̱ ka̱ma tsꞌi̱ínndako̱ nku ndji̱í xi sasíjña tsjo ko̱ nku xi nꞌechjén tehe̱nte.
\p
\v 22 Nti̱a̱ná mjehe̱ nga ku̱a̱kúchji kju̱a̱kjaha̱n ko̱ nga kꞌu̱éjña chji ngaꞌyúhu̱n. Tu̱nga títsꞌín chúkju̱a̱ha ko̱ títsꞌíntsentako̱ xu̱ta̱ xi ni̱bajennehe̱ kju̱a̱kjaha̱n, kui xi xá nꞌe̱kjehe.
\v 23 Bꞌa̱ títsꞌín Nti̱a̱ná tu̱ xi cha̱ha̱ ra̱ xi nkú tsꞌín chánka kju̱a̱chánka xi tjínko̱ho̱ xu̱ta̱ xi tíma ni̱ma̱ha̱, xu̱ta̱ xi ja yꞌénda títjun nga tsjáha̱ kju̱a̱chánkaha̱.
\p
\v 24 Ñá xu̱ta̱ xuꞌbo̱. Nti̱a̱ná jꞌájinná najmi tu̱ nku a̱jihi̱n xu̱ta̱ xi ntje̱ judio̱ tje̱he̱n ra̱, tu̱ sa ní ko̱ ta̱ a̱jihi̱n xi najmi ntje̱ judio̱ tje̱he̱n ra̱.
\v 25 Bꞌa̱ kama xi nkú tsꞌín yꞌétꞌa éhe̱n Nti̱a̱ná nda̱ profeta̱ Osea̱ nga bꞌi̱ títsu:
\q Xu̱ta̱ xi najmi xu̱ta̱na̱, kui xi tsꞌin ma xu̱ta̱na̱.
\q Ko̱ xi najmi kitsꞌintjá, kui xi tsꞌintjá.
\q
\v 26 Ko̱ xi má nga bꞌa̱ kikꞌihi̱n xu̱ta̱:
\q “Jun xi najmi xu̱ta̱na̱ mahanu”,
\q bꞌa̱ kꞌúíi̱n nga kui xi ntíhi̱ Nti̱a̱ná xi tíjña tíkꞌuu̱n.
\p
\v 27 Ko̱ bꞌa̱ ta̱ kitsú nda̱ profeta̱ Isaia̱ nga kinchja̱ni̱jmíyaha xu̱ta̱ Israel: “Ndaha tsa bꞌa̱ tsꞌín nkjin maha xu̱ta̱ Israel xi nkú joyaha tsumí xi tjíndai ntáchakꞌuu̱n, tu̱nga tu̱ chubahá xi nꞌe̱kꞌanki.
\v 28 A̱tꞌaha̱ ja tsꞌi̱íntjusun xatí Nti̱a̱ná ni xi kitsú nga ka̱ma nga ngúsuhu̱n a̱sunntee̱.”
\v 29 Xi nkú nga ta̱ kitsú títjun Isaia̱ nkꞌie nga bꞌi̱ kitsú:
\q Tsa najmi yꞌéjña saná ntje̱ Nti̱a̱ná xi tjíhi̱n ngaꞌyún,
\q ja ra̱ bꞌa̱ ta̱ kamatꞌaán tsakai xi nkúhu xu̱ta̱ Sodoma̱
\q ko̱ tsichu ma ra̱á tsakai xi nkúhu xu̱ta̱ Gomorra̱.
\s Bꞌi̱ tsꞌín tsakúya Pablo̱ yá xi na̱xu̱ bichú ma nginku̱n Nti̱a̱ná
\p
\v 30 Kui bꞌa̱ maha, ¿nkú ku̱i̱xíhinná? Xu̱ta̱ xi najmi ntje̱ judio̱ tje̱he̱n ra̱, xi najmi tsangisjai nga na̱xu̱ kꞌúéntu nginku̱n Nti̱a̱ná, kui xi na̱xu̱ tsichu ma nginku̱n Nti̱a̱ná. Kisꞌejihi̱n Nti̱a̱ná, kui nga na̱xu̱ tsichu maha.
\v 31 Tu̱nga máha xu̱ta̱ xi ntje̱ judio̱ tje̱he̱n ra̱, i̱ncha tsangisjáí nga tsꞌi̱íntjusun kju̱a̱téxuma xi kinꞌekjasꞌehe̱n Moise, tu̱ xi bꞌa̱ tsꞌín na̱xu̱ kꞌúéntuhu nginku̱n Nti̱a̱ná, tu̱nga najmi tsichukju̱a̱há ra̱.
\p
\v 32 ¿Á bꞌa̱ kamaha? A̱tꞌaha̱ najmi tsangisjáí nga na̱xu̱ kꞌúéntu nginku̱n Nti̱a̱ná xi nkúhu xu̱ta̱ xi sꞌejihi̱n Nti̱a̱ná. Tu̱ sa ní i̱ncha kama mjehe̱ nga tsꞌi̱íntjusun ni xi tjítꞌa kju̱a̱téxumoo̱ tu̱ xi bꞌa̱ tsꞌín na̱xu̱ ku̱i̱chú maha kai. I̱ncha kisaténki ndji̱o̱ xi saténki xu̱ta̱.
\v 33 Bꞌa̱ kama xi nkú tsꞌín tjítꞌa:
\q An kꞌuejñá nanki Sion nku ndji̱o̱ xi sa̱ténki xu̱ta̱,
\q nku na̱xi̱ xi tsꞌi̱ínxuntuhu̱.
\q Tu̱nga xi sꞌe̱jihi̱n xi tsꞌin nibá,
\q kui xi najmi sa̱kúhu̱ kju̱a̱suba.
\c 10
\p
\v 1 Jun já ntsꞌe, nkꞌie nga nchjaka̱ Nti̱a̱ná, bankintjá xu̱ta̱ Israel, a̱tꞌaha̱ mjena nga nꞌe̱kꞌanki.
\v 2 A̱tꞌaha̱ ka̱ma xínya nga kui xi ꞌyún tíi̱ncha bangisjai ni xi tsꞌe̱ Nti̱a̱ná, tu̱nga najmi i̱ncha mankjihín ra̱ xi nkú tsꞌín tjíhin nga i̱ncha tsꞌi̱ín.
\v 3 Najmi kamankjihi̱n nga Nti̱a̱ná tu̱ tsjáhá ra̱ xu̱ta̱ xi sꞌejihi̱n nga na̱xu̱ ka̱ma. Tu̱ sa ní kuenta tsꞌe̱ suba i̱ncha tsangisjai xi nkú tsꞌín na̱xu̱ ku̱i̱chú ma nginku̱n Nti̱a̱ná. Najmi kitsꞌín ni̱ma̱kju̱a̱ yjoho̱ tsa tsꞌi̱ínkjáíhi̱n nga Nti̱a̱ná tu̱ tsjáhá ra̱ xu̱ta̱ nga na̱xu̱ ka̱ma nginku̱n.
\v 4 A̱tꞌaha̱ tsichutjusun kju̱a̱téxuma xi kinꞌekjasꞌehe̱n Moise nkꞌie nga jꞌai Cristo̱, tu̱ xi na̱xu̱ ku̱i̱chú maha nginku̱n Nti̱a̱ná ngayjee̱ xi sꞌe̱jihi̱n.
\s Bꞌi̱ tsꞌín tsakúya Pablo̱ nkꞌie nga ngayjee̱ xu̱ta̱ xi sꞌejihi̱n Nti̱a̱ná na̱xu̱ bichú ma nginku̱n Nti̱a̱ná
\p
\v 5 Bꞌi̱ tsꞌín yꞌétꞌa Moise xi nkú tsꞌín na̱xu̱ bichú maha xu̱ta̱ xi tsꞌíntjusun kju̱a̱téxuma xi kinꞌekjasꞌehe̱n Moise. Bꞌi̱ kitsú: “Xi tsꞌi̱íntjusun ni xi tjítꞌa kju̱a̱téxumoo̱, nga̱tꞌaha̱ kju̱a̱téxumoo̱ sa̱kúhu̱ ra̱ nga kꞌúéjña tíkꞌun.”
\v 6 Tu̱nga bꞌi̱hí tsꞌín yꞌétꞌa ngá xi nkú tsꞌín na̱xu̱ bichú maha xu̱ta̱ xi sꞌejihi̱n Nti̱a̱ná: “Najmi tu̱ bꞌi̱ tsꞌín nꞌenkjíntakꞌuin: ¿Yá xi ngju̱a̱i̱nji ndji̱o̱jmi ján?” Tsuhu̱ ra̱ éi̱n tsa nꞌe̱ nibájen xi tsꞌi̱ín niba Nti̱a̱ná ngajoho̱.
\v 7 Ko̱ bꞌi̱ ta̱ kitsú ya: “Ko̱ najmi tu̱ bꞌi̱ tsꞌín nꞌenkjíntakꞌuin: ¿Yá xi ngju̱a̱i̱ kinte tꞌanankiu̱?” Tsuhu̱ ra̱ éi̱n tsa chjúsíntje̱n xi tsꞌi̱ín niba Nti̱a̱ná ngajoho̱ a̱jihi̱n xu̱ta̱ kꞌie̱n.
\v 8 Bꞌi̱ kitsú Moise: “Tíjñatꞌa tiñahi éhe̱n Nti̱a̱ná, tsu̱ꞌbai ko̱ ani̱ma̱hi̱ tíjñatꞌa.” Kui éi̱n xi tíbꞌeni̱jmíi̱ ndꞌa̱i̱, én xi tsu nga xu̱ta̱ tjíhin nga sꞌe̱jihi̱n Nti̱a̱ná.
\p
\v 9 A̱tꞌaha̱ tsa tsu̱ꞌbai ku̱i̱tjuhu nga nꞌe̱kiei yjohi̱ nga Jesu xi Nda̱ Nti̱a̱ná, ko̱ tsa ngayjehe ani̱ma̱hi̱ sꞌe̱jihin nga Nti̱a̱ná kitsꞌínkjꞌáíya ngáha̱ ra̱ Jesu ngabayoo̱, nꞌe̱kꞌankihi.
\v 10 A̱tꞌaha̱ a̱jin ani̱ma̱ha̱ ní xu̱ta̱ nibáha̱ ra̱ nga sꞌejihi̱n Nti̱a̱ná, tu̱ xi na̱xu̱ bichú maha. Ko̱ tsꞌa bitjuhu nga bꞌa̱ tsu nga Jesu xi Nda̱ Nti̱a̱ná, tu̱ xi nꞌekꞌankihi.
\p
\v 11 Bꞌi̱ tsꞌín tjítꞌa éhe̱n Nti̱a̱ná: “Xi sꞌe̱jihi̱n Nti̱a̱ná najmi sa̱kúhu̱ kju̱a̱suba.”
\v 12 A̱tꞌaha̱ nkuhú chasehe̱ ra̱ xu̱ta̱ xi ntje̱ judio̱ tje̱he̱n ra̱ ko̱ xi najmi ntje̱ judio̱ tje̱he̱n ra̱. A̱tꞌaha̱ nkuhú maha Nda̱ Nti̱a̱ha̱ ngayjee̱ xu̱ta̱ ko̱ tsjáha̱ ngayjee̱ xi ku̱i̱nchja̱ko̱ho̱ kju̱a̱nchi̱ná xi tjíhi̱n.
\v 13 A̱tꞌaha̱ bꞌi̱ tsꞌín tjítꞌa: “Nꞌe̱kꞌanki ngayjee̱ xi tsꞌi̱ínkjáíhi̱n nga kui xi Nda̱ Nti̱a̱ná.”
\p
\v 14 Tu̱nga xu̱ta̱ xi najmi kje̱e sꞌejihi̱n, ¿nkú tsꞌín tsꞌi̱ínkjáíhi̱n ra̱ nga kui xi Nda̱ Nti̱a̱ná? ¿Nkú tsꞌín sꞌe̱jihi̱n ra̱ xi najmi kje̱e ntꞌé yáha kui? ¿Nkú tsꞌín ku̱i̱ntꞌéhe tsa najmi tjín xi kꞌu̱éni̱jmíhi̱?
\v 15 ¿Nkú tsꞌín kꞌu̱éni̱jmíhi xu̱ta̱ tsa najmi sꞌe̱tꞌa xáha nga kꞌu̱éni̱jmí? A̱tꞌaha̱ bꞌi̱ tsꞌín tjítꞌa: “Á bꞌa̱ tsjo tjíhin nga fꞌaikꞌúhunná xi bꞌéni̱jmíná én nda tsu.”
\p
\v 16 Tu̱nga najmi ngayjee̱hé xu̱ta̱ Israel kitsꞌínsihi̱n én nda tsuhu̱ Nti̱a̱ná. Bꞌi̱ kitsú Isaia̱: “Ji Nti̱a̱, ¿yá xi kisꞌejihi̱n én xi yꞌeni̱jmíi̱?”
\v 17 Kui bꞌa̱ maha, sꞌejinná Nti̱a̱ná nkꞌie nga nuꞌyáá éhe̱n, ko̱ nuꞌyáá ée̱n nkꞌie nga sꞌeni̱jmíná Jesucristo̱.
\v 18 Tu̱nga bꞌa̱há xian: ¿A najmi kinuꞌyáhá ée̱n? Joho̱n, kinuꞌyá. A̱tꞌaha̱ bꞌi̱ tsꞌín tjítꞌa:
\q Nga ngúsuu̱n a̱sunntee̱ kinuꞌyá nta̱ha̱,
\q santaha má fekuhu̱ a̱sunntee̱ tsichu éhe̱n.
\p
\v 19 Ko̱ bꞌi̱ ta̱ xin ya: ¿A najmi i̱ncha kikiehé xu̱ta̱ Israel ni xuꞌbi̱? Tjun Moise bꞌi̱ tsꞌín yꞌétꞌa éhe̱n Nti̱a̱ná:
\q An tsꞌian nga jun ka̱ma xintakꞌun
\q xi tu̱ a xu̱ta̱há,
\q ko̱ tsꞌian nga nꞌe̱kjanko̱o
\q xi najmi chumi nihi xi mankjihi̱n.
\p
\v 20 Ko̱ a̱skahan kama kꞌun Isaia̱ nga bꞌi̱ ta̱ tsꞌín yꞌétꞌa éhe̱n Nti̱a̱ná:
\q Xi najmi tsangisjaina, kui xi kisakúhu̱ an,
\q ko̱ xi najmi kingjásjaiyana, kui xi tsakuchjíhi̱ yjona̱.
\p
\v 21 Nga̱tꞌa tsꞌe̱ xu̱ta̱ Israel bꞌi̱ tsꞌín tjítꞌa: “Nku ni̱stjin ntanta kikꞌana nga kingjentéhe̱ ntsa̱ nku na̱xi̱nantá xi najmi ntꞌéꞌén ko̱ si.”
\c 11
\s Bꞌi̱ tsꞌín tsakúya Pablo̱ nkꞌie nga ta̱ tjín a̱jihi̱n xu̱ta̱ xi ntje̱ judio̱ tje̱he̱n ra̱ xi ja tsꞌanki
\p
\v 1 Kui nga bꞌa̱ xihinna, ¿a kitsꞌín tꞌaxíhín Nti̱a̱ná xu̱ta̱ha̱? ¡Najmi! ¡Ndaha tsa mí yjehe! A̱tꞌaha̱ ta̱ nda̱ Israel ná, ntje̱he̱ Abraham. Ntje̱ cháná Benjamin yꞌahana.
\v 2 Najmi yꞌéjña tꞌaxín Nti̱a̱ná xu̱ta̱ xi tsꞌe̱ xi jꞌájin títjun. ¿A najmi yanú xi nkú tsꞌín tjítꞌa xu̱ju̱n éhe̱n Nti̱a̱ná má nga nda̱ profeta̱ Elia̱ kinchja̱ko̱ Nti̱a̱ná ko̱ tsatéjéne xu̱ta̱ Israel? Bꞌi̱ tsꞌín tjítꞌa:
\v 3 “Ji Nti̱a̱, ja kitsꞌínkꞌien xu̱ta̱ xuꞌbi̱ já profeta̱ xi tsꞌi̱ ko̱ ja kitsꞌínkatsún na̱chan chje̱hi̱. Tu̱ nkuhú an tíi̱jña sa. Ta̱ i̱ncha mjehe̱ ta̱ tsꞌi̱ínkꞌienna.”
\v 4 Tu̱nga bꞌa̱há kitsú Nti̱a̱ná: “Ja kitsꞌin tsꞌa̱n yatu mii̱ já xi najmi tsasinkúnchꞌintꞌaha̱ nti̱a̱ Baal.”
\p
\v 5 Bꞌa̱ ta̱ tíma ni̱stjin ndꞌa̱i̱. Tu̱ nga̱tꞌaha̱ kju̱a̱ndaha̱ Nti̱a̱ná tjíntu sa chuba xu̱ta̱ xi Nti̱a̱ná jꞌájin.
\v 6 Tsa tu̱ nga̱tꞌaha̱ kju̱a̱ndaha̱ Nti̱a̱ná kichjꞌajihin xu̱ta̱i̱, tsuhu̱ ra̱ nga najmi kichjꞌajin tu̱ nga̱tꞌaha̱ ni nda xi i̱ncha kitsꞌín. A̱tꞌaha̱ tsa tu̱ nga̱tꞌaha̱ ni nda xi i̱ncha kitsꞌín xu̱ta̱ kichjꞌajihin, kju̱a̱ndaha̱ Nti̱a̱ná najmi ta̱ chjíhi̱ ra̱ ma.
\p
\v 7 Kui bꞌa̱ maha, ¿mí nihi xi kama? Najmi kisakúhu̱ ni xi tsangisjáí xu̱ta̱ Israel. Xi jꞌájin ní Nti̱a̱ná, kui ní xi kisakúhu̱ niu̱. Xingisoo̱ kama ndjá ani̱ma̱ha̱.
\v 8 Bꞌa̱ kama xi nkú tsꞌín tjítꞌa: “Nti̱a̱ná kitsjáha̱ xu̱ta̱ xuꞌbo̱ kju̱a̱nkjintakꞌun tiya, tunku̱n xi najmi sku̱e̱ko̱ho ko̱ tja̱ba̱xínñju xi najmi ku̱i̱ntꞌéko̱ho santaha ni̱stjin ndꞌa̱i̱.”
\p
\v 9 Ko̱ bꞌi̱ ta̱ kitsú ya David:
\q Kasaténkiko̱ sꞌíhi̱ xu̱ta̱ xuꞌbo̱,
\q ta̱ kuihi katsꞌínndyjajihi̱n ko̱ katsꞌínkꞌíéchjíhi̱.
\q
\v 10 I̱ncha katuma ka̱ tu̱ xi najmi ta̱ sku̱e̱he,
\q ko̱ musu̱ i̱ncha katuma sín.
\s Bꞌi̱ tsꞌín tsakúya Pablo̱ nkꞌie nga ta̱ nꞌe̱kꞌanki xu̱ta̱ xi najmi ntje̱ judio̱ tje̱he̱n ra̱
\p
\v 11 Kui nga bꞌa̱ xihinna, ¿a tu̱ ni̱yá kisꞌentuhú xu̱ta̱ Israel nkꞌie nga kisaténki? ¡Najmi! ¡Ndaha tsa mí yjehe! Bꞌi̱ ní kama. Tu̱ nga̱tꞌaha̱ nga najmi kintꞌéꞌéhe̱n Nti̱a̱ná xu̱ta̱ Israel, kui nga jꞌaihi̱ ra̱ én xi tsꞌi̱ínkꞌankihi̱ xu̱ta̱ xi najmi ntje̱ Israel tje̱he̱n ra̱, tu̱ xi bꞌa̱ tsꞌín ka̱ma xintakꞌuhun xu̱ta̱ Israel.
\v 12 Tsa tu̱ nga̱tꞌaha̱ nga najmi kintꞌéꞌéhen Nti̱a̱ná xu̱ta̱ Israel, tsa kui nga̱tꞌoo̱ kisakúhu̱ ra̱ kju̱a̱nchi̱náha̱ Nti̱a̱ná xu̱ta̱ xi tjín a̱sunntee̱, ko̱ nkꞌie nga kisaténki Israel kisakúhu̱ kju̱a̱nchi̱náha̱ Nti̱a̱ná xu̱ta̱ xi najmi ntje̱ Israel tje̱he̱n ra̱, ¿nkú sa ka̱ma nkꞌie nga sa̱kú ngáha̱ ra̱ xu̱ta̱ Israel a̱nte xi tsꞌe̱ nginku̱n Nti̱a̱ná?
\p
\v 13 Tínchjako̱nu̱u jun xi najmi ntje̱ Israel tje̱he̱nnu̱u. Nti̱a̱ná kitsꞌín mana nda̱ postru̱hu̱ xu̱ta̱ xi najmi ntje̱ Israel tje̱he̱n ra̱ ko̱ xinya kju̱a̱chánkaha̱ xána̱.
\v 14 Bꞌa̱ tsꞌian tsa tu̱ ahá ni nga̱tꞌanu̱u ka̱ma xintakꞌuhun ntje̱na̱, tsa tu̱ xi bꞌa̱ tsꞌín nꞌe̱kꞌankihi kꞌu̱a̱.
\v 15 A̱tꞌaha̱ kisakúhu̱ kju̱a̱jyu nginku̱n Nti̱a̱ná xu̱ta̱ xi tjín a̱sunntee̱ nkꞌie nga kinꞌe tꞌaxín xu̱ta̱ Israel. Kui nga, ¿nkú sa ka̱ma nkꞌie nga nꞌe̱kjáín ngáha̱ ra̱? Sa̱kú ngáha̱ ra̱ nga kꞌúéntu tíkꞌun xu̱ta̱ kꞌie̱n.
\p
\v 16 Tsa tsje nginku̱n Nti̱a̱ná na̱ꞌyu̱ xi nꞌendako̱ho ni̱nku̱a̱n chje̱ xi ꞌba̱i̱ tjuhu̱n Nti̱a̱ná, tsuhu̱ ra̱ nga ta̱ tsje ngayjee̱ na̱ꞌyu̱ ni̱nku̱o̱n. Tsa tsje nginku̱n Nti̱a̱ná kja̱ma̱ha̱ nku yá, tsuhu̱ ra̱ nga ta̱ tsje tjiaha̱.
\v 17 Xu̱ta̱ Israel, kui xi nkú joyaha tjia xi kititꞌáha̱ nku yá olibo̱, ko̱ ji xi nkú joyaha tjiaha̱ yá olibo̱ jñá. Tu̱nga jihí kisꞌetꞌai a̱ntehe̱ tjia xi kititꞌóo̱ ko̱ kisakútꞌaihi kju̱a̱tíkꞌun xi tíjñajin kja̱ma̱ha̱ yá olibo̱ xi ndoo̱.
\v 18 Tu̱nga najmi tu̱ nkꞌahá nꞌesjei yjohi̱, tsa bꞌa̱ ku̱i̱xín nga ji xi ꞌyún nda sai nga tjia xi kititꞌóo̱. Tsa mjehi nkꞌa nꞌe̱sjei yjohi̱, tu̱ sahá nꞌe̱kjꞌáítsjein nga kja̱ma̱ha̱ yóo̱ yꞌaha ri. Najmi ji xi kichꞌai kja̱mo̱.
\p
\v 19 Kutsa bꞌa̱há ku̱i̱xín: “Tu̱ xi an sꞌe̱tꞌahana a̱ntehe̱ yóo̱, kui nga kititꞌáha.”
\v 20 Bꞌa̱ tjín. Tu̱nga kititꞌáhá a̱tꞌaha̱ najmi kisꞌejihi̱n Nti̱a̱ná, ko̱ ji ndjá tisinjñai ndꞌa̱i̱ a̱tꞌaha̱ sꞌejihin. Kui nga najmi tu̱ nꞌenkjíntakꞌuhunni tsa ji xi ꞌyún nda sai. Tu̱ sa ní ti̱nkjúín Nti̱a̱ná.
\v 21 A̱tꞌaha̱ tsa Nti̱a̱ná najmi kitsꞌínndyjatꞌaha̱ tjia xi ndaha̱ yá olibo̱, ¿a tu̱ kje̱hé ji tsꞌi̱ínndyjatꞌahi nga tu̱ kisutꞌaní yóo̱?
\p
\v 22 Cha̱se̱i̱ xi nkú tsꞌín nda ko̱ ndjá tsꞌínko̱ Nti̱a̱ná xu̱ta̱. Ndjá kitsꞌínko̱ xi kisaténki ko̱ ji nda kitsꞌínko̱hi. Ko̱ nda tsꞌi̱ínko̱hi tsa tu̱ nku ku̱i̱nchunjínní kju̱a̱ndaha̱. Tu̱nga tsa najmi bꞌa̱ nꞌe̱i̱, ko̱ ta̱ ji ku̱i̱chátꞌahi.
\v 23 Ko̱ ta̱ xu̱ta̱ Israel, tsa ngju̱a̱i̱kjꞌáha̱ ra̱ ani̱ma̱ha̱ ko̱ sꞌe̱jihi̱n Nti̱a̱ná, kꞌu̱a̱i̱ ngáha̱ ra̱ a̱nte xi tsꞌe̱. A̱tꞌaha̱ tjíhi̱n ngaꞌyún Nti̱a̱ná nga tsjá ngáha̱ ra̱ a̱nte xi tsꞌe̱ xu̱ta̱ Israel a̱jihi̱n yá olibo̱.
\v 24 A̱tꞌaha̱ ji xi nkú joyaha tjiaha̱ yá olibo̱ jñá tu̱ kisꞌetꞌaní a̱ntehe̱ yá olibo̱ xi ndoo̱. Kui bꞌa̱ maha, ¿a najmi ka̱mahá kꞌu̱a̱i̱ ngáha̱ ra̱ xu̱ta̱ Israel a̱ntehe̱? A̱tꞌaha̱ kui xi tjia xi ndoo̱.
\s Bꞌi̱ tsꞌín tsakúya Pablo̱ nkꞌie nga kama ni̱ma̱ha̱ Nti̱a̱ná ngayjee̱ xu̱ta̱
\p
\v 25 Jun já ntsꞌe, mjena nga cho̱o nku ni xi yꞌéjña ꞌma Nti̱a̱ná, tu̱ xi najmi nkꞌa nꞌe̱sjehenu yjonu̱u. Kꞌu̱a̱ xi tjín a̱jihi̱n xu̱ta̱ Israel kama ndjá ani̱ma̱ha̱. Bꞌa̱ ka̱ma santa nkúhu nga sa̱kúntehe̱ nginku̱n Nti̱a̱ná ngayjee̱ xu̱ta̱ xi najmi ntje̱ Israel tje̱he̱n ra̱. Kui xi tjíhin nga nꞌe̱kꞌanki.
\v 26 Nkꞌie nga ja bꞌa̱ ka̱ma, ta̱ nꞌe̱kꞌanki ngayjee̱ xu̱ta̱ Israel. Xi nkú tsꞌín tjítꞌa éhe̱n Nti̱a̱ná:
\q Nanki Sion ni̱baha xi tsꞌi̱ínkꞌanki xu̱ta̱na̱,
\q kui xi kjéxihi̱n kju̱a̱chꞌonkꞌuhu̱n ntje̱he̱ Jacob.
\q
\v 27 Kui nii̱ xi yꞌendáka̱ xu̱ta̱na̱ nga tsꞌian,
\q nkꞌie nga ja kjexíán ngatitsuhu̱n.
\p
\v 28 Najmi mjehe̱ xu̱ta̱ Israel én nda tsuhu̱ Nti̱a̱ná. Ngandanu̱u xu̱ta̱ kontra̱ha̱ Nti̱a̱ná tsichu ma. Tu̱nga tjohó ra̱ Nti̱a̱ná xu̱ta̱ Israel tu̱ nga̱tꞌaha̱ nga Nti̱a̱ná jꞌájin ntje̱ cháha̱.
\v 29 A̱tꞌaha̱ najmi kjeꞌá Nti̱a̱ná ni xi tsjá ko̱ ta̱ ndaha najmi tsꞌín tꞌaxín xu̱ta̱ xi jꞌájin.
\p
\v 30 Ni̱stjin nkꞌie, najmi kinuꞌyáꞌóho̱on Nti̱a̱ná, tu̱nga tíbase ni̱ma̱hánu̱u ndꞌa̱i̱ tu̱ nga̱tꞌaha̱ nga najmi kintꞌéꞌén xu̱ta̱ Israel.
\v 31 Ko̱ santaha ni̱stjin ndꞌa̱i̱ najmi tíntꞌéꞌén xu̱ta̱ Israel, tu̱ xi ta̱ cha̱se̱ ni̱ma̱ha̱ ra̱ tu̱ nga̱tꞌaha̱ nga jun kichase ni̱ma̱nu̱u.
\v 32 Bꞌi̱ tjíhi̱n ra̱ nii̱. Ndaha nku xu̱ta̱ xi tjín najmi ntꞌéꞌéhe̱n Nti̱a̱ná. Nti̱a̱ná yꞌéjñaha̱ xu̱ta̱ nga najmi kintꞌéꞌén, tu̱ xi nkuhú nga ka̱ma ni̱ma̱ha̱ ra̱ ngayjee̱.
\s Bꞌi̱ tsꞌín kitsꞌíntsjoho̱ Pablo̱ Nti̱a̱ná
\p
\v 33 ¡Á bꞌa̱ nkjún tsꞌín chánkaha kju̱a̱nchi̱náha̱ Nti̱a̱ná! ¡Á bꞌa̱ nkjún tsꞌín na̱nka̱ tsꞌínnkjinkꞌuhun ko̱ á bꞌa̱ nkjún tsꞌín tsehe kju̱a̱nkjintakꞌuhu̱n! Najmi tjín xi mankjihi̱n ni xi tsꞌín Nti̱a̱ná ko̱ najmi chꞌa maha̱ tsuya á bꞌa̱ tsꞌíhin.
\q
\v 34 A̱tꞌaha̱, ¿yá xi be xi nkú tsꞌín tsꞌínnkjinkꞌun Nti̱a̱ná?
\q ¿Yá xi kitsúyaha̱ ni xi tjíhin nga tsꞌi̱ín?
\q
\v 35 ¿Yá xi kitsꞌínkienyaha̱ tsa mí nihi,
\q tu̱ xi Nti̱a̱ná tjíhin nga tsꞌi̱ínkꞌóya ngáha̱ ra̱?
\m
\v 36 A̱tꞌaha̱ Nti̱a̱ná kitsꞌínnda ngayjee̱ ni xi tjín. Nga̱tꞌaha̱ ko̱ nga tsjoho̱ tjíhin niu̱. ¡Nꞌe̱kié yjoná nga tjíhi̱n kju̱a̱chánka Nti̱a̱ná tu̱ nkjéhé ni! Bꞌa̱ katuma.
\c 12
\s Bꞌi̱ tsꞌín tsakúya Pablo̱ xi nkú tsꞌín tintsu̱ba̱á ndꞌa̱i̱ nga ja yjankiá Cristo̱
\p
\v 1 Kui bꞌa̱ maha, já ntsꞌe, a̱tꞌaha̱ tíbase ni̱ma̱ná Nti̱a̱ná, kui nga tíbankihi̱nu̱u nga ngayjehe takꞌun nꞌe̱tsjoho̱o Nti̱a̱ná, nga nꞌe̱kjasꞌoho̱on yjonu̱u xi nkú joyaha nku chje̱ tíkꞌun xi tsje ko̱ xi sasíhi̱n Nti̱a̱ná.
\v 2 Najmi tu̱ bintsu̱bo̱o xi nkú tsꞌín tjíntu xu̱ta̱ a̱sunntee̱. Tu̱ sa ní nꞌe̱kꞌóntjaiyo yjonu̱u xi nkú tsꞌín Nti̱a̱ná títsꞌín tse̱tse̱ kju̱a̱nkjintakꞌunnu̱u, tu̱ xi bꞌa̱ tsꞌín ka̱mankjihi̱nnu̱u ni xi mjehe̱ Nti̱a̱ná, ni xi nda, xi sasíhi̱n ko̱ xi ja nda tsichu ma.
\p
\v 3 Nga nkúnkú jun tínchjako̱nu̱u, a̱tꞌaha̱ Nti̱a̱ná kitsjána kju̱a̱ndaha̱. Najmi tu̱ nkꞌa nꞌesjo yjonu̱u. Nkú ní tsꞌín tjíyanu̱u. Bꞌa̱ tsꞌín nꞌe̱sjo yjonu̱u xi nkú tsꞌín kitsjánu̱u Nti̱a̱ná nga sꞌe̱jinnu̱u.
\v 4 A̱tꞌaha̱ xi nkú tsꞌín nkjin tíkjá maha ni xi yꞌaha̱ yjonintená ko̱ xi nkú tsꞌín kjꞌa̱í kjꞌa̱í xá xi kikꞌa̱hi̱ nga nkúnkú,
\v 5 bꞌa̱ ta̱ joyaha ñá. Nkjin mahaná tu̱nga nkuhú yjoninte kamaka̱á Cristo̱. Nga nkúnkáá kichꞌaá xinki̱á.
\p
\v 6 Kjꞌa̱í kjꞌa̱í ni xi maná nꞌeé. Kui kju̱a̱nda xi kitsjáná Nti̱a̱ná nga nkúnkáá. Xi Nti̱a̱ná kitsjáha̱ éhe̱n tu xi tsꞌi̱ínkjasꞌehen, kui xi katsúya éhe̱n Nti̱a̱ná xi nkú tsꞌín kikꞌa̱i̱hi̱ nga sꞌejihi̱n.
\v 7 Xi kikꞌa̱i̱hi̱ nga ku̱a̱si̱nko̱ xu̱ta̱, kui xi katasinko̱ xu̱ta̱. Xi kikꞌa̱i̱hi̱ nga ku̱a̱kúya, kui xi katakúya.
\v 8 Xi kikꞌa̱i̱hi̱ nga tsjá ngaꞌyún, kui xi katsjá ngaꞌyún. Xi kikꞌa̱i̱hi̱ nga tsjá to̱on, kui xi ngayjehe ani̱ma̱ha̱ katsjá to̱on. Xi kikꞌa̱i̱hi̱ nga tsjén títjun, kui xi kixi̱ katjiko̱ xáha̱. Xi kikꞌa̱i̱hi̱ nga ku̱a̱se̱ ni̱ma̱ha̱ xu̱ta̱, kui xi tsjo katꞌehe̱ nga bꞌa̱ katsꞌín.
\s Bꞌi̱ tsꞌín tsakúya Pablo̱ nkꞌie nga kju̱a̱tjo tíjñajinná
\p
\v 9 Nꞌe̱tjó kju̱axi̱ xinki̱u. Najmi tu̱ nꞌesiuhu̱un ni xi chꞌonkꞌun. Ni xi nda chꞌa̱ ntsja ntsjon.
\v 10 Bꞌi̱ ngján nꞌe̱tjó xinki̱u xi nkú tsꞌín tjoho̱ xinkjín xi ntsꞌe̱ maha, a̱tꞌaha̱ ntsꞌohó maha̱nu̱u xinki̱u. ꞌYún cha̱nkjún so xinki̱u.
\v 11 Kixi̱ nꞌo̱o ni xi tínꞌo ko̱ najmi tu̱ nꞌetsꞌo. Tu̱ xí tsjohó katꞌehe̱ ani̱ma̱nu̱u nga nꞌo̱o ni xi mjehe̱ Nda̱ Nti̱a̱ná.
\v 12 Tsjo katꞌenu̱u nga chúyoho̱o ni xi tsjánu̱u Nti̱a̱ná. Nꞌe̱chúkju̱o kju̱a̱ꞌun xi tíyo. Najmi tu̱ nꞌekjꞌajiun nga chu̱bako̱o Nti̱a̱ná.
\v 13 Tjoho̱on ni xi ndyjatꞌáha̱ xu̱ta̱ xi yjanki Nti̱a̱ná ko̱ nda nꞌe̱kjóho̱on xi ku̱i̱chúkꞌunnu̱u.
\p
\v 14 Chu̱bantjo xu̱ta̱ xi tje̱nnki unkienu̱u. Bꞌa̱ tꞌihu̱un Nti̱a̱ná nga nda katsꞌínko̱ho̱. Najmi tu̱ ni xi najmi nda binchinó nga ka̱matꞌain.
\v 15 Tsjo katꞌeko̱nu̱u xi tsjo tjíhi̱n. Chꞌi̱íko̱ xi tíkjintá.
\v 16 Bꞌi̱ ngján nda cha̱so̱ho̱ xinki̱u. Najmi tu̱ nkꞌa katumanu̱u yjonu̱u. Tu̱ sa ní nda cha̱so̱ho̱ xu̱ta̱ xꞌa̱n. Najmi tu̱ xu̱ta̱ nkjinkꞌun nꞌe ma su̱bo̱o yjonu̱u.
\p
\v 17 Najmi tu̱ chꞌon nꞌoho̱o xi chꞌon títsꞌínnu̱u. Cha̱se̱ nínú xi nkú tsꞌín nda ka̱ma nꞌo̱ho̱ ngayjee̱ xu̱ta̱.
\v 18 Tsa ka̱ma, tsa a̱ya ntso̱o tíjña, kasꞌeko̱nu̱u kju̱a̱jyu ngayjee̱ xu̱ta̱.
\v 19 Já ntsꞌena̱, najmi tu̱ nꞌe ngajoyo ni xi tínꞌenu̱u. A̱ya ntsja ní Nti̱a̱ná tꞌejñayo xi bꞌa̱ títsꞌíu̱n. A̱tꞌaha̱ bꞌi̱ tsꞌín tjítꞌa éhe̱n Nti̱a̱ná: “Ahán xi kꞌuasjé chjíá, an xi tsjaha̱ chjíhi̱. Bꞌa̱ títsu Nti̱a̱ná.”
\v 20 Bꞌi̱ ta̱ tsꞌín tjítꞌa ya: “Tsa tíma bjoho̱ nda̱ kontra̱hi̱, tjeihi̱n ni xi kji̱ne̱. Tsa tíma xintáha̱, tjeihi̱n ntá xi kꞌúí. A̱tꞌaha̱ tsa bꞌa̱ nꞌe̱i̱, tu̱ ni xí ka̱ma subahá ra̱ nda̱ kontra̱hi̱.”
\v 21 Najmi tu̱ ꞌba̱i̱ntei tsa kju̱a̱chꞌonkꞌuu̱n xi tsꞌi̱ín ngana̱hi. Tu̱ sa ní ni xi nda nꞌe̱i̱. Bꞌa̱ tsꞌín nꞌe̱ ngana̱ha̱ ri̱ ni chꞌonkꞌuu̱n.
\c 13
\s Bꞌi̱ tsꞌín tsakúya Pablo̱ nkꞌie nga tjíhin nga cha̱nkjún xi batéxuma
\p
\v 1 Ngayjee̱ xu̱ta̱ tjíhin nga ku̱i̱ntꞌéꞌéhe̱n xi batéxuma. A̱tꞌaha̱ xá xi tjíhi̱n xi batéxuma nginku̱n Nti̱a̱ná nibáha̱ ra̱. Nti̱a̱ná yꞌéjña xóo̱.
\v 2 Kui nga xi fi kontra̱ha̱ ra̱ xi batéxuma, kui xi tífi kontra̱ha̱ ni xi ja yꞌéjña Nti̱a̱ná. Ko̱ xi bꞌa̱ títsꞌín, ta̱ kuihi tíbangisjai suba nga nꞌe̱ko̱kju̱a̱ha̱.
\p
\v 3 A̱tꞌaha̱ já xi batéxumoo̱ najmi tjíntu tsa tu̱ xi ndjá tsꞌínko̱ho xu̱ta̱ xi nda ni xi títsꞌín. Xu̱ta̱ xi najmi nda ni xi títsꞌín, kui xi bꞌa̱ katsꞌíhi̱n. ¿A mjehi nga najmi ndjá tsꞌi̱ínko̱hi já xi batéxumoo̱? Tsa bꞌa̱, nda nꞌe̱i, ko̱ nda tsꞌín ku̱a̱se̱hi já xi batéxumoo̱.
\v 4 A̱tꞌaha̱ ngandahi̱ ní títsꞌínxátꞌaha̱ ra̱ jóo̱ Nti̱a̱ná. Tu̱nga tsa ni xi najmi nda tínꞌei, tjíhin nga ku̱i̱nkjúín tu̱ nga̱tꞌaha̱ ni xi tsꞌi̱ínko̱hi jóo̱. A̱tꞌaha̱ najmi tu̱ a tjíhi̱n xá jóo̱. Nti̱a̱ níná títsꞌínxátꞌaha̱ tu̱ xi tsꞌi̱ínkꞌíéchjíhi ko̱ tsꞌi̱ínko̱kju̱a̱ha xi chꞌon títsꞌín.
\v 5 Kui nga tjíhin nga ku̱i̱núꞌyáꞌéhe̱n ra̱á já xi batéxumoo̱, najmi tu̱ nga̱tꞌaha̱ ni tsa tsꞌi̱ínkꞌíéchjíná ni xi nꞌe̱é. Bꞌa̱ ní nꞌe̱é tu̱ xi je sꞌe̱yaha kju̱a̱nkjintakꞌunná nginku̱n Nti̱a̱ná.
\p
\v 6 Kui kju̱a̱ha nga bꞌechjíhinu ni xi fꞌáchjínu̱u já xi tjíhi̱n xá, a̱tꞌaha̱ kui xi tíi̱ncha tsꞌínxátꞌaha̱ Nti̱a̱ná. Xáha̱ tíi̱ncha tsꞌín.
\v 7 Tjoho̱on ni xi kanéhe̱ nga nkúnkú jóo̱. Tꞌechjíhu̱u xi fꞌáchjíntjai ni xi tjínnu̱u ko̱ xi fꞌáchjíntjai chꞌá nga tsꞌínxátꞌaha̱ já Roma̱. Cha̱nkjún xi nkú tsꞌín tjíhin nga cha̱nkjún, ko̱ nda nꞌe̱siuhu̱un xi nkú tsꞌín tjíhin nga nda nꞌe̱sihi̱n.
\s Bꞌi̱ tsꞌín tsakúya Pablo̱ mí kju̱a̱ha nga nꞌe̱tjóhoná xinki̱á
\p
\v 8 Najmi tu̱ chumi nihi xi katsjennu̱u. Tjoho̱on kju̱a̱tjo xinki̱u. A̱tꞌaha̱ xi tjoho̱ xinkjín, kui xi títsꞌíntjusun ngayjee̱ kju̱a̱téxumaha̱ Nti̱a̱ná.
\v 9 Bꞌi̱ tsꞌín tjítꞌa kju̱a̱téxumoo̱: “Najmi tu̱ chꞌatꞌaihi̱ chji̱íhi̱n. Najmi tu̱ nꞌekꞌiein ani̱ma̱. Najmi tu̱ nꞌei ndyjé. Najmi tu̱ fasihi̱n ni xi tjíhi̱n xu̱ta̱.” Kui kju̱a̱téxumoo̱ ko̱ ngayjee̱ kju̱a̱téxuma xingisoo̱ nkuhú bichú majihi̱n kju̱a̱téxuma xuꞌbi̱: “Nꞌe̱tjóí xu̱ta̱hi̱ xi nkú tsꞌín tjohi yjohi̱.”
\v 10 Xi tjoho̱ xinkjín, kui xi najmi chꞌon títsꞌíhi̱n. Kui nga bichútjusuhun kju̱a̱téxumoo̱ a̱jihi̱n xu̱ta̱ xi tjíhi̱n ra̱ kju̱a̱tjo.
\p
\v 11 Bꞌa̱ nꞌo̱o a̱tꞌaha̱ yo ni̱stjin xi kichꞌaá ndꞌa̱i̱. Ja chu̱ba̱ha̱ nga nꞌe̱kjꞌáha̱á yjoná nga ku̱i̱ntsu̱ba̱ ndaá. Ja ꞌyún chuba ndyjaha̱ ndꞌa̱i̱ nkꞌie nga Nti̱a̱ná tsꞌi̱ínkꞌankiná. Najmi bꞌa̱ ta̱ tjín ndyjaha̱ ra̱ xi nkúhu nkꞌie nga kisꞌejinná.
\v 12 Ja ma ku̱i̱chúhú chu̱ba̱. Najmi ta̱ nꞌehená ngatitsun, a̱taha̱ nkꞌie nga ngatitsun nꞌeé, bꞌa̱ joyaha xi nkúhu tsa má jyuu̱n tintsu̱ba̱á. Ni xi nda nꞌe̱é. Kui xi bꞌa̱ ta̱ joyaha xi nkúhu tsa má ndzjen tintsu̱ba̱á. Kꞌúéndaá yjoná tu̱ xi ku̱i̱nimajíhinná má ndzjee̱n.
\p
\v 13 Kixi̱ tankínka̱á yjoná xi nkúhu xu̱ta̱ xi tjíma nga ni̱stjiu̱n. Najmi ku̱i̱ntsu̱ba̱á tsa tu̱ xi sꞌi̱hiná ko̱ chi̱ne̱é. Najmi tjíhin nga chu̱ba̱ súntuko̱náá xinki̱á ko̱ tsa nꞌe̱jnu nꞌe̱tꞌaá. Ko̱ ta̱ ndaha najmi tu̱ bixkjanka̱á xinki̱á ko̱ tsa ka̱ma xin kꞌaán ni xi tjíhi̱n.
\v 14 Tu̱ sa ní ti̱núngijiun yjonu̱u Nda̱ Nti̱a̱ná Jesucristo̱ ko̱ najmi tu̱ nꞌenkjíntakꞌun xi nkú tsꞌín nꞌe̱henu ni xi mjehe̱ yjoninte ngatitsuu̱n.
\c 14
\s Bꞌi̱ tsꞌín tsakúya Pablo̱ nkꞌie nga najmi tjíhin nga nꞌe̱kꞌanjiá jé xinki̱á
\p
\v 1 Nda nꞌe̱kjóho̱on xi najmi ndjá síjñajin xi nkú tsꞌín sꞌejinná, ko̱ najmi tu̱ bꞌesiko̱o nga̱tꞌaha̱ xi nkú tsꞌín tsꞌínnkjinkꞌun.
\v 2 Tjín xi bꞌa̱ tsꞌín sꞌejihi̱n nga ma kjine tu̱ mí nichinehé ni, ko̱ tjín ngá xi najmi ndjá síjñajin xi nkú tsꞌín sꞌejinná kui nga tu̱ xka̱há kjinehe.
\v 3 Xi kjine tu̱ mí nichinehé ni najmi tjíhin nga chꞌon tsꞌín ku̱a̱se̱he̱ xi bꞌéchꞌoho̱ yjoho̱ ni xi kjine. Ko̱ xi bꞌéchꞌoho̱ yjoho̱ ni xi kjine najmi tjíhin nga tsꞌi̱ínkꞌanji jé xi kjine tu̱ mí nichinehé ni. Bꞌi̱ i̱ncha katsꞌín a̱tꞌaha̱ Nti̱a̱ná ja kitsꞌínkjáíhi̱n nga joo̱.
\v 4 ¿Yáha ji xi tínꞌekꞌanjihinni jé nda̱ musu̱hu̱ xi kjꞌa̱í? Tsa ndjá síjña nda̱ musu̱ ko̱ tsa tísaténki, Nda̱ Nti̱a̱ha̱ kjinehe̱ ni xuꞌbo̱. Tu̱nga ndjáhá ku̱a̱si̱jña, a̱tꞌaha̱ tjíhi̱n ngaꞌyún Nda̱ Nti̱a̱ná nga ndjá tsꞌi̱ínkasíjñaha̱.
\p
\v 5 Tjín xi bꞌa̱ maha̱ nga ꞌyún nkjún sa nku ni̱stjin nga kjꞌa̱í ni̱stjin, ko̱ tjín ngá xi tu̱ nku chu̱ba̱ maha̱ ni̱stjiu̱n. Nkúnkú tjíhin nga tsꞌi̱ínnkjinkꞌun sisin xi nkú tsꞌín behe̱ kꞌun.
\v 6 Xi benkjún nku ni̱stjin, kui xi bꞌa̱ tsꞌín tu̱ xi benkjúhun Nda̱ Nti̱a̱ná. Ko̱ xi kjine tu̱ mí nichinehé ni, kui xi bꞌa̱ tsꞌín tu̱ xi benkjúhun Nda̱ Nti̱a̱ná. Tsjáha̱ mábꞌa̱chjíhi̱ Nti̱a̱ná nga̱tꞌaha̱ nichinehe̱. Ko̱ xi bꞌéchꞌoho̱ yjoho̱ ni xi kjine, kui xi bꞌa̱ tsꞌín tu̱ xi benkjúhun Nda̱ Nti̱a̱ná ko̱ ta̱ tsjáha̱ mábꞌa̱chjíhi̱ Nti̱a̱ná.
\p
\v 7 Najmi tjín a̱jinná xi kuenta̱ tsꞌe̱ suba tíjña tíkꞌuhun ko̱ tsa kuenta̱ tsꞌe̱ suba ꞌmehe.
\v 8 Tsa tintsu̱ba̱ tíkꞌaán, Nda̱ Nti̱a̱ná tintsu̱ba̱ tíkꞌuhunná. Ko̱ tsa tíbayaá, Nda̱ Nti̱a̱ná tíbayahaná. Kui bꞌa̱ maha, ndaha tsa tintsu̱ba̱ tíkꞌaán ko̱ ndaha tsa tíbayaá, Nda̱ Nti̱a̱ná tsꞌe̱ná.
\v 9 A̱tꞌaha̱ kui kju̱a̱ha kꞌiehen Cristo̱ ko̱ jꞌáíya ngáha̱ ra̱ ngabayoo̱, tu̱ xi bꞌa̱ tsꞌín ka̱maha Nda̱ Nti̱a̱ha̱ xu̱ta̱ kꞌie̱n ko̱ xi tjíntu tíkꞌuu̱n.
\p
\v 10 Ko̱ máha ji, ¿á ji tíchasehe̱ ri̱ tsa nda ko̱ tsa najmi nda títsꞌíhin nda̱ ntsꞌei? Ko̱ ta̱, ¿á kinte nꞌesjeheni nda̱ ntsꞌei? Katumankjihin nga ndyjun nkini̱ ku̱a̱se̱he̱ Nti̱a̱ná mí nihi xi kinꞌeé nga nkúkáá.
\v 11 Bꞌi̱ tsꞌín tjítꞌa éhe̱n Nti̱a̱ná:
\q Ahán xi tíi̱jña tíkꞌan, títsu Nti̱a̱ná.
\q Ku̱a̱si̱nkúnchꞌin ngayjee̱ xu̱ta̱ nginkán,
\q ko̱ ngayjee̱ tsꞌi̱ínkie yjoho̱ nga an xi Nti̱a̱.
\m
\v 12 Kui bꞌa̱ maha, nga nkúnkáá nꞌe̱kjasꞌehe̱én kuenta̱ Nti̱a̱ná ni xi kinꞌeé.
\s Bꞌi̱ tsꞌín tsakúya Pablo̱ nkꞌie nga najmi tjíhin nga nꞌe̱ndyjajihi̱ín xinki̱á
\p
\v 13 Kui nga najmi ta̱ chasehe̱ ra̱á tsa nda ko̱ tsa najmi nda ni xi títsꞌín xinki̱á. Tu̱ sa ní cha̱so̱o xi nkú tsꞌín najmi nꞌe̱ndyjajihu̱un nda̱ ntsꞌo ko̱ xi nkú tsꞌín najmi nꞌe̱kijnejiun ngatitsun.
\v 14 Sꞌejinna Nda̱ Nti̱a̱ná Jesu ko̱ be nga ndaha nku ni najmi chu̱ntí nginku̱n. Tu̱nga tsa tjín xi: “Chu̱ntí ni xuꞌbi̱ nginku̱n”, tsa ku̱i̱tsu̱, tu̱ nginku̱n ndo̱hó chu̱ntí niu̱.
\p
\v 15 Tu̱nga tsa tu̱ nga̱tꞌaha̱ ni xi tíchinei títsꞌínndyjajihi̱n ra̱ yjoho̱ nda̱ ntsꞌei, najmi ta̱ tínꞌetjóhoni nda̱ ntsꞌei ma. Najmi tu̱ ꞌba̱i̱ntei tsa tu̱ nga̱tꞌaha̱ nichinehi̱ ndyja̱ha xu̱ta̱ xi kꞌienntjáíhi Cristo̱.
\v 16 Najmi tu̱ ꞌba̱i̱nto tsa chꞌon tsꞌín ku̱i̱nchja̱yane xu̱ta̱ ni xi nꞌekjóho̱on nga nda.
\v 17 A̱tꞌaha̱ ni xi chi̱ne̱é ko̱ ni xi sꞌi̱á najmi chumi ni chjíhi̱ ra̱. Nkꞌie ní Espiri̱tu̱ Santo̱ tsjáná nga na̱xu̱ ku̱i̱ntsu̱ba̱á nginku̱n Nti̱a̱ná ko̱ nga sꞌe̱ná kju̱a̱jyu ko̱ kju̱a̱tsjo, kui ní ni xuꞌbi̱ xi bakúchji nga ja tsitjasꞌe̱njián nga Nti̱a̱ná tíbatéxumaná.
\v 18 Xi bꞌa̱ tsꞌín tíjña nginku̱n Cristo̱, kui nii̱ xi tsjoho̱ Nti̱a̱ná ko̱ xu̱ta̱ ta̱ nda tsꞌín nchja̱yanehe̱.
\p
\v 19 Kui bꞌa̱ maha, ti̱nchísjaihiná xi nkú tsꞌín sꞌe̱hená kju̱a̱jyu ko̱ xi nkú tsꞌín ku̱i̱si̱nka̱á xinki̱á nga sa̱ájián ni xi tsꞌe̱ Nti̱a̱ná.
\v 20 Najmi tu̱ nga̱tꞌaha̱ nichinehi̱ nꞌekatsúhunni xá xi títsꞌín Nti̱a̱ná a̱jihi̱n xu̱ta̱ xi tsꞌe̱. Kju̱axi̱ kjáíhin nga je nginku̱n Nti̱a̱ná ngayjee̱ nichine xi tjín, tu̱nga najmi ndahá tjín tsa chi̱ne̱i̱ nichine xi tsꞌi̱ínkijnejihi̱n ngatitsun xu̱ta̱ xingisoo̱.
\v 21 Tu̱ sahá nda nꞌe̱i̱ tsa najmi chi̱ne̱i̱ yjo ko̱ tsa najmi sꞌi̱ binu̱ ko̱ tsa najmi nꞌe̱i ndaha nku ni xi tsꞌi̱ínkijnejihi̱n ngatitsun já ntsꞌei.
\p
\v 22 Xi nkú tsꞌín sꞌejihin ni xuꞌbi̱, tu̱ ji bꞌa̱ tsꞌín kasꞌejihín ri nginku̱n Nti̱a̱ná. ¡Á bꞌa̱ nda tjíhin tsꞌe̱ xi behe̱ kꞌun nga nda tjín ni xi títsꞌín ko̱ najmi títsꞌínnijéhe̱ ra̱ kju̱a̱nkjintakꞌuhu̱n a̱skahan!
\v 23 Tu̱nga xi jo jan tímaha̱ nga tíkjine tsa mí nihi, ta̱ kuihi títsꞌínkꞌanji jé yjoho, a̱tꞌaha̱ najmi títsꞌín xi nkú tsꞌín sꞌejihi̱n. A̱tꞌaha̱ ngayjee̱ ni xi nꞌeé xi fi kontra̱ xi nkú tsꞌín sꞌejinná Nti̱a̱ná, kui xi ngatitsun.
\c 15
\s Bꞌi̱ tsꞌín tsakúya Pablo̱ nkꞌie nga tjíhin nga ku̱i̱si̱nka̱á xinki̱á tu̱ xi saájihinná ni xi sꞌejinná
\p
\v 1 Ñá xi ja ndjá tinchajián xi nkú tsꞌín sꞌejinná najmi tu̱ nꞌe̱é ni xi tu̱ ñá tsjo su̱ba̱háná. Tjíhin ni nga nꞌe̱kjáíhi̱ín xi najmi kje̱e ndjá tíi̱nchajin xi nkú tsꞌín sꞌejinná.
\v 2 Nga nkúnkáá tjíhin nga nꞌe̱é ni xi tsjoho̱ xinki̱á ko̱ ni xi ngandaha̱ nꞌe̱é, tu̱ xi sa̱ájihin xi nkú tsꞌín sꞌejinná.
\v 3 A̱tꞌaha̱ ko̱ ta̱ Cristo̱ najmi ni xi tsjoho̱ kitsꞌín. Ni xi tjítꞌa ní éhe̱n Nti̱a̱ná má bꞌa̱ títsu kitsꞌínkjáíhi̱n: “Én chꞌon tsu xi kitsúhi xu̱ta̱, kui xi jꞌaisaténa.”
\v 4 Ni xi kisꞌetꞌa ni̱stjin nkꞌie, kisꞌetꞌa tu̱ xi ku̱a̱kú ni̱yáhaná. A̱tꞌaha̱ a̱jin xu̱ju̱n éhe̱n Nti̱a̱ná sakújinná kju̱a̱tsenta ko̱ sakú nga̱ꞌyúnná tu̱ xi chúyaha̱ ra̱á ni xi tsjáná Nti̱a̱ná.
\p
\v 5 Nti̱a̱ná xi tsjáná kju̱a̱tsenta ko̱ tsjá ngaꞌyúnná, kui xi katsjánu̱u nga nkuhú nꞌe̱nkjínkꞌun xi nkú tsꞌín tjíyaha̱ Cristo̱ Jesu.
\v 6 Nkuhú kasꞌeya ani̱ma̱nu̱u ko̱ nkuhú katuma nta̱nu̱u. Bꞌa̱ tsꞌín nꞌe̱kiehenu yjonu̱u nga tjíhi̱n kju̱a̱chánka Nti̱a̱ha̱ ko̱ Na̱ꞌmihi̱ Nda̱ Nti̱a̱ná Jesucristo̱.
\s Bꞌi̱ tsꞌín tsakúya Pablo̱ nkꞌie nga xu̱ta̱ xi najmi ntje̱ judio̱ tje̱he̱n ra̱ tsichujíhi̱n én nda tsuhu̱ Cristo̱
\p
\v 7 Kui bꞌa̱ maha, bꞌi̱ ngján nda nꞌe̱kjáíhi̱n ru̱u xinki̱u xi nkú tsꞌín nda kitsꞌínkjáínnu̱u Cristo̱, tu̱ xi sꞌe̱jña chjihi kju̱a̱chánkaha̱ Nti̱a̱ná.
\v 8 A̱tꞌaha̱ an bꞌa̱ tíxinnu̱u. Jꞌai Cristo̱ ngandaha̱ xu̱ta̱ xi ntje̱ judio̱ tje̱he̱n ra̱. Tsakúchji nga tsꞌín Nti̱a̱ná ni xi kitsú nga tsꞌi̱ín. Jꞌai tsꞌíntjusun ni xi kitsúya títjuhu̱n Nti̱a̱ná ntje̱ cháha̱ xu̱ta̱ judio̱.
\v 9 Bꞌa̱ tsꞌín ko̱ ta̱ xu̱ta̱ xi najmi ntje̱ judio̱ tje̱he̱n ra̱ tsꞌi̱ínkie yjoho̱ nga tjíhi̱n kju̱a̱chánka Nti̱a̱ná, a̱tꞌaha̱ ko̱ ta̱ kui kichase ni̱ma̱ha̱ xi nkú tsꞌín tjítꞌa éhe̱n Nti̱a̱ná:
\q Kui nga xínyahana kju̱a̱chánkahi̱ a̱jihi̱n xu̱ta̱ xi tjíntu a̱sunntee̱,
\q ko̱ séhe nga tsꞌintsjoho.
\m
\v 10 Ko̱ bꞌa̱ ta̱ tsꞌín tjítꞌa ya:
\q Jun xu̱ta̱ xi tintsu̱bo̱o a̱sunntee̱, nꞌe̱tsjoko̱o xu̱ta̱ha̱ Nti̱a̱ná.
\m
\v 11 Ko̱ bꞌa̱ ta̱ títsu sa:
\q Nꞌe̱tsjoho̱o Nti̱a̱ná ngayjee̱ xu̱ta̱ xi tjíntu a̱sunntee̱.
\q Cha̱ninkꞌo Nti̱a̱ná ngayjee̱ xu̱ta̱ na̱xi̱nantá xi tjín.
\m
\v 12 Ko̱ bꞌa̱ ta̱ tsꞌín yꞌétꞌa nda̱ profeta̱ Isaia̱:
\q Stjúkjá nda̱ xi ka̱ma kja̱ma̱ha̱ Isai,
\q nda̱ xi kjꞌu̱a̱ítéxumaha̱ xu̱ta̱ xi tjíntu a̱sunntee̱,
\q kui ka̱ma ꞌyún takꞌun xu̱ta̱.
\p
\v 13 Nti̱a̱ná xi tíma ꞌyún takꞌaán, kui xi katsꞌíntsejínyje ani̱ma̱nu̱u kju̱a̱tsjo ko̱ kju̱a̱jyu, jun xi sꞌejinnu̱u Nti̱a̱ná. Katsjá ngaꞌyúnnu̱u Espiri̱tu̱ Santo̱ tu̱ xi tu̱ nku ndjáhá ku̱i̱nchajihinnu ni xi tíchuyóho̱o.
\s Bꞌi̱ tsꞌín tsakúya Pablo̱ nkꞌie nga kui xi nku nda̱ postru̱ xi tsꞌínxájihi̱n xu̱ta̱ xi najmi ntje̱ judio̱ tje̱he̱n ra̱
\p
\v 14 Behe̱ kꞌan, já ntsꞌe, nga kitsejíhi̱nnu̱u kju̱a̱nda ko̱ kju̱a̱nkjinkꞌun, tu̱ xi ka̱ma kꞌu̱a̱i̱ ni̱yáha̱ ru̱u xinki̱u.
\v 15 Tu̱nga tjíhín ni xi tíma kꞌan tíbꞌetꞌá xu̱ju̱nnu̱u e̱i̱ tu̱ xi najmi nꞌe̱chayahanu. A̱tꞌaha̱ Nti̱a̱ná kitsjána kju̱a̱nda xuꞌbi̱
\v 16 nga an xi tsꞌinxátꞌaha̱ Cristo̱ Jesu ngandaha̱ xu̱ta̱ xi najmi ntje̱ judio̱ tje̱he̱n ra̱. Tíbꞌeni̱jmíhi̱ én nda tsuhu̱ Nti̱a̱ná xu̱ta̱ xi najmi ntje̱ judio̱ tje̱he̱n ra̱ tu̱ xi ku̱i̱chú maha chje̱ xi tsjoho̱ Ntia̱ná, chje̱ xi títsꞌín tsje Espiri̱tu̱ Santo̱.
\p
\v 17 Tsjo mana nga nchjani̱jmíya xá xi kitsjána Cristo̱ Jesu nga tsꞌinxátꞌaha̱ Nti̱a̱ná.
\v 18 A̱tꞌaha̱ najmi ma kꞌan nchja ni xi kjꞌa̱í, tu̱ nkuhú xi nkú tsꞌín tsꞌínchjénna Cristo̱ tu̱ xi ku̱i̱ntꞌéꞌéhe̱n ra̱ Nti̱a̱ná xu̱ta̱ xi najmi ntje̱ judio̱ tje̱he̱n ra̱. Cristo̱ tsꞌínchjén nta̱na̱ ko̱ xána̱
\v 19 ko̱ nkjin tíkjá kju̱a̱nkjún xi bakúchji ngaꞌyúhu̱n. Ngaꞌyúhu̱n Espiri̱tu̱ Santo̱ bꞌa̱ títsꞌíu̱n. Bꞌa̱ tsꞌín jehena nga yꞌeni̱jmíá én nda tsuhu̱ Cristo̱ nanki Jerusalen ko̱ santaha má nga ꞌmi Iliri̱co̱.
\p
\v 20 Yꞌeni̱jmíá én nda tsuhu̱ Cristo̱ a̱nte má nga najmi kje̱e chꞌa bꞌéni̱jmíhi̱. Bꞌa̱ kitsꞌian a̱tꞌaha̱ najmi kama mjena yꞌesún saha̱ xá xi kikꞌatutsꞌi̱hi̱n xu̱ta̱ xi kjꞌa̱í.
\v 21 Tu̱ sa ní títsꞌian xi nkú tsꞌín tjítꞌa éhe̱n Nti̱a̱ná:
\q Xi najmi kje̱e ꞌmiyaha̱ yáha kui, kui xi sku̱e̱he̱.
\q Ko̱ xi najmi kje̱e ntꞌé yáha kui, kui xi ka̱mankjihi̱n.
\s Bꞌi̱ tsꞌín kitsúya Pablo̱ nkꞌie nga mjehe̱ ngu̱a̱i̱sehe̱ xu̱ta̱ ni̱nku̱ Roma̱
\p
\v 22 Nkjin ni̱yá najmi kisakú ni̱yána nga ka̱ma kfínsehe̱nu̱u,
\v 23 tu̱nga ndꞌa̱i̱ ja kama ndju̱úna xá xi títsꞌian a̱nte xi tjín e̱i̱ ko̱ ta̱ ja tjíhi̱n nú nga mjena kfínsenu̱u.
\v 24 Kui nga mjehena nga skuenu̱u nkꞌie nga kfíán España̱, a̱tꞌaha̱ mjena yo̱ kfian. Tsjo ka̱mana nga kúáte̱jñajinnu̱u chuba ni̱stjin. Nkꞌie nga kjꞌu̱a̱ yo̱, ti̱si̱nko̱nú nga tsꞌinndja̱á ni̱yána̱.
\p
\v 25 Tu̱nga ndꞌa̱i̱ nanki Jerusalen tífia. Xu̱ta̱ xi kikjꞌátsꞌe̱ Nti̱a̱ná kfíi̱nsi̱nka̱ yo̱.
\v 26 A̱tꞌaha̱ ngayjehe kꞌun xu̱ta̱ ni̱nku̱ xi tjín a̱nte Macedoni̱a̱ ko̱ a̱nte Akaya̱ i̱ncha kitsꞌínsun to̱on tu̱ xi tsꞌi̱ínkjihi̱ ra̱ xu̱ta̱ xꞌa̱n xi kikjꞌátsꞌe̱ Nti̱a̱ná xi tjíntu Jerusalen.
\v 27 Tsjo kamaha̱ nga bꞌa̱ i̱ncha kitsꞌín. Ko̱ kju̱axi̱ nga tje̱he̱n tsꞌe̱ xu̱ta̱ xuꞌbo̱. A̱tꞌaha̱ ndꞌa̱i̱ títsꞌínkjáíhi̱n xu̱ta̱ xi najmi ntje̱ judio̱ tje̱he̱n ra̱ ni xi tsꞌe̱ Nti̱a̱ná, ni xi Nti̱a̱ná kitsjáha̱ xu̱ta̱ xi ntje̱ judio̱ tje̱he̱n ra̱. Kui nga xi najmi ntje̱ judio̱ tje̱he̱n ra̱ tjíhin nga ku̱a̱si̱nko̱ho nga ku̱a̱kjányako̱ xu̱ta̱ xi ntje̱ judio̱ tje̱he̱n ra̱ ni xi tjíhi̱n e̱i̱ a̱sunntei̱.
\v 28 Kui bꞌa̱ maha, nkꞌie nga ja ka̱ma ndju̱úhuna xá xuꞌbi̱ ko̱ nkꞌie nga ja tsꞌinkjasꞌen ni xi kama ñjakúu̱, a̱sꞌa̱íhí ní kfíán España̱ ko̱ kjꞌu̱a̱ má nga tintsu̱bo̱o.
\v 29 Be nga Cristo̱ tu̱ xí ndahá tsꞌi̱ínko̱ná nkꞌie nga ka̱ma ñjakáá.
\p
\v 30 Jun já ntsꞌe, nga̱tꞌaha̱ Nda̱ Nti̱a̱ná Jesucristo̱ ko̱ nga̱tꞌaha̱ kju̱a̱tjo xi tsjáná Espiri̱tu̱ Santo̱ tíbankinu̱u nga chu̱bantjainú nginku̱n Nti̱a̱ná. Bꞌa̱ tsꞌín nꞌe̱ko̱honú ngaꞌyún.
\v 31 Ti̱nchíhu̱u nga najmi tu̱ kasatéjña xu̱ta̱ xi najmi sꞌejihi̱n Nda̱ Nti̱a̱ná xi tjíntu a̱nte Judea̱. Ko̱ ta̱ ti̱nchíhu̱u nga xu̱ta̱ xi kikjꞌátsꞌe̱ Nti̱a̱ná xi tjíntu nanki Jerusalen nda tsꞌín tsꞌi̱ínkjáíhi̱n ni xi kfínko̱ho̱.
\v 32 Bꞌa̱ tsꞌín tsjo tjíhinna nga ku̱i̱chusenu̱u ko̱ tsꞌinkjꞌáíya i̱chí kutju a̱jinnu̱u. Bꞌa̱ katuma tsa bꞌa̱ tsꞌín mjehe̱ Nti̱a̱ná.
\v 33 Nti̱a̱ná xi tsjáná kju̱a̱jyu katꞌejñajinnu̱u ngatentoo̱. Bꞌa̱ katuma.
\c 16
\s Bꞌi̱ tsꞌín kikjaniñaha̱ Pablo̱ xu̱ta̱ ni̱nku̱ xi tjíntu Roma̱
\p
\v 1 Be na̱ nichjaá Febe̱. Ni̱nku̱ xi tjín nanki Cencrea̱ tsꞌínxátꞌa.
\v 2 Nga̱tꞌaha̱ Nda̱ Nti̱a̱ná nda nꞌe̱kjóho̱ón xi nkú tsꞌín tjíhin nga nꞌe̱é ñá xi xu̱ta̱ha̱ Nti̱a̱ná mahaná. Ti̱si̱nko̱o nga tjoho̱on tu̱ mí nihí ni xi machjéhe̱n. A̱tꞌaha̱ nkjin ṉkjún xu̱ta̱ tsasinko̱ ko̱ ta̱ tsasinko̱na.
\p
\v 3 Tjoho̱on kju̱a̱suniñana̱ Priscila̱ ko̱ Akila̱, xi ta̱ títsꞌínxátꞌaha̱ Cristo̱ Jesu xi nkúhu an.
\v 4 Najmi i̱ncha kitsankjún tsa ku̱a̱yá nga̱tꞌana̱. Títsjaha̱ mábꞌa̱chjíhi̱ nga̱tꞌaha̱ ni xi i̱ncha kitsꞌín. Najmi tu̱ nku an xi bꞌa̱ tíxian. Bꞌa̱ ta̱ tíi̱ncha tsu ngayjee̱ xu̱ta̱ ni̱nku̱ xi najmi ntje̱ judio̱ tje̱he̱n ra̱.
\p
\v 5 Tjoho̱on kju̱a̱suniñana̱ xu̱ta̱ ni̱nku̱ xi ma ñjakú niꞌyaha̱ Priscila̱ ko̱ Akila̱. Tjoho̱on kju̱a̱suniñana̱ Epeneto̱. ꞌYún tjona ndo̱. A̱jihi̱n xu̱ta̱ xi tjín a̱nte Asi̱a̱, kui xi tjun kisꞌejihi̱n Cristo̱.
\v 6 Tjoho̱on kju̱a̱suniñana̱ Maria̱. ꞌYún tse xá xi kitsꞌín a̱jinnu̱u.
\v 7 Tjoho̱on kju̱a̱suniñana̱ Androniko̱ ko̱ Juni̱a̱s, xi ta̱ ntje̱ judio̱ tje̱he̱n ra̱. Ta̱ kisꞌeyaꞌyúnka̱ nu̱ba̱yá jóo̱. Ta̱ já postru̱hú jóo̱ ko̱ yankjún. Kui tjun kisꞌejihi̱n Cristo̱ nga an.
\p
\v 8 Tjoho̱on kju̱a̱suniñana̱ Ampliato̱. ꞌYún tjona ndo̱ a̱tꞌaha̱ ta̱ sꞌejihi̱n Nda̱ Nti̱a̱ná.
\v 9 Tjoho̱on kju̱a̱suniñana̱ Urbano̱, kui xi nkúhu ji̱n ta̱ Cristo̱ títsꞌínxátꞌaha̱. Tjoho̱on kju̱a̱suniñana̱ Estaki̱s. ꞌYún tjona ndo̱.
\v 10 Tjoho̱on kju̱a̱suniñana̱ Apele̱s, xi ja tsakúchji nga ꞌyún sꞌejihi̱n Cristo̱. Tjoho̱on kju̱a̱suniñana̱ xu̱ta̱ xinkjín Aristobu̱lo̱.
\p
\v 11 Tjoho̱on kju̱a̱suniñana̱ Herodi̱o̱n, xi ta̱ ntje̱ judio̱ tje̱he̱n ra̱. Tjoho̱on kju̱a̱suniñana̱ xu̱ta̱ xinkjín Narciso̱, xi ta̱ sꞌejihi̱n Nda̱ Nti̱a̱ná.
\v 12 Tjoho̱on kju̱a̱suniñana̱ Trifena̱ ko̱ Trifosa̱, xi ta̱ títsꞌínxátꞌaha̱ Nda̱ Nti̱a̱ná. Tjoho̱on kju̱a̱suniñana̱ Persi̱da̱, xi ꞌyún tjona ko̱ xi ꞌyún tse xá xi kitsꞌín a̱tꞌaha̱ Nda̱ Nti̱a̱ná tje̱nki.
\p
\v 13 Tjoho̱on kju̱a̱suniñana̱ Rufo̱, xi Nda̱ Nti̱a̱ná jꞌájihi̱n, ko̱ na̱aha̱, xi ta̱ ko̱ an basehe̱ xi nkúhu tsa na̱ana̱ maha.
\v 14 Tjoho̱on kju̱a̱suniñana̱ Asinkri̱to̱ ko̱ Flegonte̱ ko̱ Herme̱s ko̱ Patroba̱s ko̱ Herma̱s ko̱ já ntsꞌeé xi tjíntujíhi̱n.
\v 15 Tjoho̱on kju̱a̱suniñana̱ Filolo̱go̱ ko̱ Juli̱a̱ ko̱ Nereo̱ ko̱ na̱ nichja ko̱ Olimpa̱s ko̱ ngayjee̱ xu̱ta̱ha̱ Nti̱a̱ná xi tjíntujíhi̱n.
\p
\v 16 Bꞌi̱ ngján súniñoho̱o xinki̱u. Títsꞌínkjinu̱u kju̱a̱suniña ngayjee̱ xu̱ta̱ ni̱nku̱ xi tsꞌe̱ Cristo̱.
\p
\v 17 Jun já ntsꞌe, tíbankinu̱u nga chúhu̱un yjonu̱u xi bakjánya xu̱ta̱ ko̱ xi tsꞌínndyjajihi̱n xu̱ta̱. Kui xi fi kontra̱ha̱ ni xi ja tsinchiyó. Nꞌe̱ tꞌaxíhu̱un yjonu̱u xu̱ta̱ xuꞌbo̱.
\v 18 A̱tꞌaha̱ xi bꞌa̱ títsꞌín najmi títsꞌínxátꞌaha̱ Nda̱ Nti̱a̱ná Jesucristo̱. Ni xi tsjo níhi̱ tíi̱ncha bangisjai. Én sin én nda nchja̱ nga bꞌana̱cha̱ha̱ xu̱ta̱ xi najmi kje̱e ꞌyún mankjihi̱n ni xi tsꞌe̱ Nti̱a̱ná.
\p
\v 19 Ya tu̱ má xi tje̱hén ni nga tínuꞌyáꞌón. Kui nga tsjo mahana nga̱tꞌa tsꞌa̱jun ko̱ mjena nga ꞌyún ka̱mankjin sanu̱u ni xi nda ko̱ nga kuankín tꞌaxíhu̱un ni xi najmi ndoo̱.
\v 20 Nti̱a̱ná xi tsjáná kju̱a̱jyu, kui xi tsꞌi̱ín nga nꞌe̱ ngano̱ho̱ nda̱nindoo̱. Kasꞌenu̱u kju̱a̱ndaha̱ Nda̱ Nti̱a̱ná Jesucristo̱.
\p
\v 21 Timoteo̱ títsꞌínkjinu̱u kju̱a̱suniña. Kui xi tje̱nko̱na nga tínꞌexátꞌai̱hi̱ Jesucristo̱. Ta̱ títsꞌínkjinu̱u kju̱a̱suniña Luci̱o̱ ko̱ Jason ko̱ Sosipa̱te̱r, xi ta̱ ntje̱ judio̱ tje̱he̱n ra̱.
\p
\v 22 Ko̱ ta̱ an Terci̱o̱ xi títsꞌinntá xi nkú tsꞌín títsuyana Pablo̱, títsꞌinkjínu̱u kju̱a̱suniña, an xi ta̱ sꞌejinna Nda̱ Nti̱a̱ná.
\p
\v 23 Gayo̱ títsꞌínkjinu̱u kju̱a̱suniña. Niꞌyaha̱ tíi̱jña. Yo̱ má nga ma ñjakú ngayjee̱ xu̱ta̱ ni̱nku̱. Ko̱ ta̱ títsꞌínkjinu̱u kju̱a̱suniña Erasto̱, xi tjíhi̱n xá nga fꞌátjo to̱oho̱n xu̱ta̱ na̱nti̱o̱, ko̱ ta̱ nda̱ ntsꞌeé Cuarto̱.
\p
\v 24 Kju̱a̱ndaha̱ Nda̱ Nti̱a̱ná Jesucristo̱ katꞌejñajinnu̱u ngatento. Bꞌa̱ katuma.
\s Bꞌi̱ tsꞌín kitsꞌínkje Pablo̱ xu̱ju̱i̱n
\p
\v 25 Kanꞌetsjoho̱ Nti̱a̱ná. Kui xi ka̱maha̱ nga ndjá tsꞌi̱ínkinchánu̱u xi nkú tsꞌín tíjña én nda tsuhu̱ Jesucristo̱ xi tíxinya ko̱ tíbꞌeni̱jmíá. Tísꞌejña chji ndꞌa̱i̱ ni xi kisꞌejña ꞌma nkúhu nú chá ján.
\v 26 Ja tísꞌejña chji nii̱ xi nkú nga títsu xu̱ju̱hu̱n já profeta̱ ko̱ tínꞌekintꞌé ngayjee̱ xu̱ta̱ xi tjín a̱sunntee̱. Bꞌa̱ kitsú Nti̱a̱ná xi tíjña tíkꞌun sín nga bꞌa̱ nꞌe̱ tu̱ xi sꞌe̱jihi̱n ra̱ ko̱ ku̱i̱ntꞌéꞌéhe̱n ra̱ ngayjee̱ xu̱ta̱.
\p
\v 27 Nga̱tꞌaha̱ Jesucristo̱ kasꞌejña chji síhin kju̱a̱chánkaha̱ Nti̱a̱, kui xi nku tutuu̱ ko̱ xi nkjinkꞌuu̱n. Bꞌa̱ katuma.