\id COL Mazatec of Jalapa de Díaz.
\h Xu̱ju̱n xi kinꞌekjíhi̱ xu̱ta̱ ni̱nku̱ Colosa̱
\toc1 Xu̱ju̱n xi kitsꞌínkjihi̱ nda̱ postru̱ Pablo̱ xu̱ta̱ ni̱nku̱ Colosa̱
\mt Xu̱ju̱n xi kitsꞌínkjihi̱ nda̱ postru̱ Pablo̱ xu̱ta̱ ni̱nku̱ Colosa̱
\c 1
\s Bꞌi̱ tsꞌín kikjaniñaha̱ Pablo̱ xu̱ta̱ ni̱nku̱ xi tjín nanki Colosa̱
\p
\v 1 An Pablo̱, an xi kama nku nda̱ postru̱hu̱\f + \fr 1:1 \ft “Xi kisꞌexá” tsuhu̱ ra̱ “nda̱ postru̱” ko̱ a ra̱ “já postru̱”.\f* Jesucristo̱ a̱tꞌaha̱ Nti̱a̱ná bꞌa̱ tsꞌín kama mjehe̱. An ko̱ nda̱ ntsꞌeé Timoteo̱
\v 2 tísuniñai̱hi̱ já ntsꞌeé xi tintsu̱bo̱o nanki Colosa̱, jun xi kikjꞌátsꞌe̱nu̱u Nti̱a̱ná ko̱ sꞌejinnu̱u Cristo̱.
\p Kasꞌenu̱u kju̱a̱nda ko̱ kju̱a̱jyu xi tsjáná Nti̱a̱ Na̱ꞌminá.
\s Bꞌi̱ tsꞌín kinchja̱ntjai Pablo̱ xu̱ta̱ ni̱nku̱ xi tjín nanki Colosa̱
\p
\v 3 Xki̱ nga chubantjái̱hi̱ nginku̱n Nti̱a̱ná xi Na̱ꞌmihi̱ Nda̱ Nti̱a̱ná Jesucristo̱, ꞌba̱i̱hi̱ mábꞌa̱chjíhi̱
\v 4 a̱tꞌaha̱ kikꞌinyani̱ xi nkú tsꞌín sꞌejinnu̱u Jesucristo̱ ko̱ xi nkú tsꞌín tjonu̱u ngayjee̱ xu̱ta̱ xi tsꞌe̱ Nti̱a̱ná.
\v 5 Bꞌa̱ tínꞌo a̱tꞌaha̱ kinuꞌyó én nda tsuhu̱ Jesucristo̱, én xi na̱xu̱ tjín. Yꞌéjña chjinu̱u ni xi tjínda ngandanu̱u ndji̱o̱jmi ján. Kui niu̱ xi ja tíchuyóho̱o ndꞌa̱i̱.
\p
\v 6 Kui éi̱n xi tsichujinnu̱u nda títsꞌín ko̱ tífindju a̱jihi̱n xu̱ta̱ nga ngúsuhu̱n a̱sunntee̱. Bꞌa̱ ta̱ tíma a̱jinnu̱u bꞌaha̱ ra̱ ni̱stjin nga kinuꞌyó ko̱ tsichu mankjinnu̱u xi nkú tjíhi̱n ra̱ kju̱a̱ndaha̱ Nti̱a̱ná.
\v 7 Kui éi̱n xi tsakúyanu̱u nda̱ Epa̱fra̱, nda̱ musu̱ xinki̱ xi ꞌyún tjoni̱. Na̱xu̱ tífiko̱ xáha̱ e̱i̱ nga títsꞌínxátꞌaha̱ Cristo̱ ngajonu̱u.
\v 8 Kui xi kitsúyani̱ kju̱a̱tjo xi yꞌéjñajin ani̱ma̱nu̱u Espiri̱tu̱hu̱ Nti̱a̱ná.
\p
\v 9 Nkúhu nga kikꞌinyani̱ kui niu̱, najmi tínꞌekjꞌáíyai̱ nga tíchubantjái̱hi̱ nkꞌie nga tíchubako̱i̱ Nti̱a̱ná. Tíbinchii̱hi̱ nga katumankjinyjenu̱u ni xi mjehe̱, ko̱ nkꞌie nga Espiri̱tu̱hu̱ katsjánu̱u nga na̱nka̱ nꞌe̱nkjíntakꞌun ko̱ nga ka̱mankjinnu̱u ni xi tsꞌe̱ Nti̱a̱ná.
\v 10 Bꞌa̱ katuma tu̱ xi ku̱i̱ntsu̱ba̱hanu xi nkú tsꞌín tje̱he̱n ra̱ xu̱ta̱ xi tsꞌe̱ Nda̱ Nti̱a̱ná ko̱ nga nꞌo̱o ni xi sasíhi̱n. Tíbinchii̱hi̱ nga nꞌo̱o ngayje tíkjá ni xi nda ko̱ nga ꞌyún ka̱mankjinnu̱u nkú tjíhi̱n ra̱ nga̱tꞌa tsꞌe̱ Nti̱a̱ná.
\v 11 ꞌYún kasakú ngaꞌyúnnu̱u xi nkú tsꞌín tje̱he̱n ra̱ ngaꞌyúhu̱n Nti̱a̱ná xi tjíhi̱n kju̱a̱chánka, tu̱ xi ku̱i̱chúkju̱a̱ha̱nu̱u tu̱ mí nihí ni ko̱ tu̱ xi najmi nꞌe̱kjehe̱ ru̱u takꞌun.
\p
\v 12 Tsjo katꞌenu̱u ko̱ tjoho̱n mábꞌa̱chjíhi̱ Nti̱a̱ Na̱ꞌminá xi kitsꞌín nga ka̱ma sa̱kúnu̱u ni xi tsꞌi̱ínkjáíhi̱n xu̱ta̱ xi tsꞌe̱ xi kꞌúéntu má ndzjee̱n.
\v 13 A̱tꞌaha̱ ja kikjexínná a̱jihi̱n ngaꞌyún xi tjín má jyuu̱n ko̱ kitsꞌínkjꞌaná má batéxuma Ntí xi tjoho̱.
\v 14 Kui xi yꞌéchjíntjainá, kui nga kinꞌendyjatꞌahaná ngatitsunná ndꞌa̱i̱.
\s Bꞌi̱ tsꞌín tsakúya Pablo̱ ni xi kitsꞌín Cristo̱ ngandaná
\p
\v 15 Cristo̱ kui xi nkꞌie nga yaá, Nti̱a̱ná yaá. Ntukaán bi najmi ma chjihi̱ Nti̱a̱ná. Kui xi Ntíhi̱ Nti̱a̱ná xi tjun kintehe̱ ni nga nꞌe̱nda ngayjee̱ ni xi kinꞌenda.
\v 16 A̱tꞌaha̱ kui tíjña, kui nga kinꞌendaha ni xi tjín ndji̱o̱jmi ján ko̱ a̱sunntee̱, ni xi ma chji ko̱ ni xi najmi ma chji, xi kꞌaku̱ ko̱ xi tjíhi̱n xá, xi batéxuma ko̱ xi nkꞌa tje̱n. Kui kinꞌechjén nga kamanda ni xi tjín ko̱ kui ka̱ma tsꞌe̱.
\v 17 Kui xi tu̱ bꞌa̱ tsꞌín jahá tíjña kintehe̱ ni nga kamanda ngayjee̱ ni xi tjín, ko̱ kui nga̱tꞌaha̱ bꞌa̱ kꞌuhun ni xi tjín xi nkú kꞌun.
\p
\v 18 Xi nkú ta̱ tsꞌín nintakaá batéxumaha̱ yjonintená, bꞌa̱ ta̱ tsꞌín Cristo̱ batéxumaha̱ xu̱ta̱ ni̱nku̱. Kui xi tjuhun. Kui xi tjun jꞌáíyaha̱ a̱jihi̱n xu̱ta̱ kꞌie̱n tu̱ xi nkꞌa tsjéhe̱n ra̱ ngayjee̱ ni xi tjín.
\v 19 A̱tꞌaha̱ kama tsjoho̱ Nti̱a̱ná nga yꞌéjñajihi̱n Jesucristo̱ xi nkú tsꞌín tjíyaha̱.
\v 20 Nti̱a̱ná kitsꞌín nga kju̱a̱íkꞌun ngáha̱ ra̱ ngayjee̱ xi i̱ncha ngji tꞌaxín. Cristo̱ kitsꞌínchjén, kui nga tu̱ nga̱tꞌaha̱ jní xi tsaténdzjoho Cristo̱ tꞌa kruu̱ kitsjáha̱ ra̱ kju̱a̱jyu ngayjee̱ xi tjín tꞌanankiu̱ ko̱ xi tjín nkꞌa ján.
\p
\v 21 Ni̱stjin nkꞌie tsinima tꞌaxíhu̱un Nti̱a̱ná a̱taha̱ ni chꞌonkꞌun kinꞌo ko̱ ani̱ma̱nu̱u ngji kontra̱ha̱ Nti̱a̱ná.
\v 22 Tu̱nga nga ndꞌa̱i̱ Nti̱a̱ná ja kitsꞌín nga kjúái̱kꞌun ngáha̱ ru̱u tu̱ nga̱tꞌaha̱ nga Cristo̱ kitsꞌínkjasꞌen yjonintehe̱ nga kinꞌekꞌien. Bꞌa̱ kitsꞌín Nti̱a̱ná tu̱ xi ka̱ma ku̱i̱chúnchahanu nginku̱n ko̱ ka̱mo xu̱ta̱ xi tsꞌe̱ xi najmi tjíhi̱n chu̱ntí ko̱ xi najmi ka̱ma nꞌe̱nijéhe̱ ra̱ tsa mí nihi.
\p
\v 23 Bꞌa̱ ka̱ma tsa tu̱ nku kixi̱hí ko̱ ndjá ku̱i̱nchajiun xi nkú tsꞌín sꞌejinnu̱u Nti̱a̱ná ko̱ tu̱ nku chúyahá ru̱u ni xi yꞌéjña chjinu̱u én nda tsuhu̱ Jesucristo̱ xi ja kinuꞌyó. Kui ée̱n xi tísꞌeni̱jmíhi̱ xu̱ta̱ xi tjín nga ngúsuhu̱n a̱sunntee̱. An Pablo̱ kikꞌa̱i̱ xána nga kꞌueni̱jmíá éi̱n.
\s Bꞌi̱ tsꞌín kitsúya Pablo̱ xá xi kikꞌa̱i̱hi̱
\p
\v 24 Ndꞌa̱i̱ tsjo tjínna nga tísakúna kju̱a̱ꞌun ngandanu̱u. A̱jihi̱n yjonintena̱ tífindju kju̱a̱ꞌun xi tísakúhu̱ Cristo̱ ngandaha̱ xu̱ta̱ ni̱nku̱, a̱tꞌaha̱ xu̱ta̱ ni̱nku̱ xi yjonintehe̱ Cristo̱.
\v 25 Títsꞌinxá a̱jihi̱n xu̱ta̱ ni̱nku̱ xi nkú tsꞌín yꞌéjña Nti̱a̱ná nga kitsjána xá xuꞌbi̱ ngandanu̱u, tu̱ xi bꞌa̱ tsꞌín sꞌe̱ni̱jmíhi xi nkú tjíhi̱n ra̱ éhe̱n Nti̱a̱ná.
\p
\v 26 Tíbꞌeni̱jmíá ni xi kisꞌejña ꞌma nú chá ján. Najmi kisakúchjihi̱ niu̱ xu̱ta̱ xi kisꞌe ni̱stjin nkꞌie. Tu̱nga ndꞌa̱i̱ xu̱ta̱ xi Nti̱a̱ná kikjꞌátsꞌe̱ tísꞌejña chjihi̱ niu̱.
\v 27 Kitsꞌín mje nga ku̱a̱kúhu̱ xu̱ta̱ xi tsꞌe̱ xi nkú tsꞌín tíjña kju̱a̱nchi̱náha̱ ko̱ kju̱a̱chánkaha̱ a̱jihi̱n xu̱ta̱ xi tjín nga ngúsuhu̱n a̱sunntee̱. Kui nihi xi ja tísꞌejña chji ndꞌa̱i̱. Ko̱ ni xi tísꞌejña chjiu̱, kui xi Cristo̱. Kui xi tíjñajinnu̱u ko̱ títsꞌín nga tíchuyoho̱o nga sa̱kúhu̱nu̱u kju̱a̱chánka.
\p
\v 28 Kui Cristo̱ xuꞌbi̱ tíbꞌeni̱jmíi̱hi̱ xu̱ta̱. Ya sisii̱n xi nkú tsꞌín tíꞌba̱i̱ ni̱yái̱hi̱ ko̱ tíbakuyái̱hi̱ ngayjee̱ xu̱ta̱, tu̱ xi ku̱i̱chú maha ngayjee̱ xu̱ta̱ xi sꞌejihi̱n Cristo̱ xi nkú tsꞌín mjehe̱ Nti̱a̱ná.
\v 29 Kui nii̱ xi títsꞌian nkꞌie nga títsꞌinxá. Ngaꞌyún xi títsjána Cristo̱ tíbasinko̱na, kui nga ndjá títsꞌinxáhana.
\c 2
\p
\v 1 Mjena nga cho̱o nga tu̱ xí tsehé kju̱a̱ni̱ma̱ tíbenkínu̱u jun ko̱ xu̱ta̱ ni̱nku̱ nanki Laodicea̱ ko̱ ngayjee̱ xu̱ta̱ xi najmi be xi nkú tjíán.
\v 2 Mjena nga sa̱kú ngaꞌyúhu̱n ngayjee̱ xu̱ta̱ ni̱nku̱, nga nkuhú kꞌu̱a̱ xinkjín a̱tꞌaha̱ tjoho̱, ko̱ nga nkuhú bꞌa̱ ku̱i̱tsu̱ kju̱a̱nkjintakꞌuhu̱n nga nkúnkú, ko̱ nga ka̱mankjinyjehe̱ ni xi mjehe̱ Nti̱a̱ná. Yo̱hó ni̱ ma ka̱mankjihi̱n ni xi yꞌéjña ꞌma Nti̱a̱ná, kui nihi xi Cristo̱ ndꞌa̱i̱.
\v 3 Kui nga nkꞌie nga yahaná Cristo̱ yaá ngayjee̱ kju̱a̱nkjinkꞌun xi ꞌyún na̱nka̱ xi chjíhi̱ ra̱.
\p
\v 4 Bꞌi̱ tsꞌín tíbꞌetꞌánu̱u tu̱ xi najmi chꞌa én tsjo tsu tsankꞌá kꞌu̱a̱na̱cha̱ko̱ho̱nu̱u.
\v 5 Ndaha tsa najmi an kikjin tíi̱jñajinnu̱u, tu̱nga kjinta̱hána jun ko̱ tsjo mana nga be xi nkú tsꞌín nda tintsu̱ba̱ko̱o xinki̱u ko̱ xi nkú tsꞌín ndjá tinchajiun Cristo̱, a̱tꞌaha̱ kui xi sꞌejinnu̱u.
\s Bꞌi̱ tsꞌín tsakúya Pablo̱ xi nkú tsꞌín tintsu̱ba̱ka̱á Cristo̱
\p
\v 6 Kui bꞌa̱ maha, xi nkú tsꞌín kinꞌekjáíhi̱n ru̱u Nda̱ Nti̱a̱ná Jesucristo̱, tu̱ nkú bꞌa̱há tsꞌín tsjénkiu.
\v 7 Na̱nka̱ katji kja̱ma̱nu̱u a̱jihi̱n Cristo̱ ko̱ ndjá ti̱nchajiun, a̱tꞌaha̱ kui xi kisꞌejinnu̱u xi nkú tsꞌín kisakúyanu̱u. Ko̱ tehe̱nte tjoho̱on mábꞌa̱chjíhi̱ Nti̱a̱ná nga ja kamo xu̱ta̱ xi tsꞌe̱.
\p
\v 8 Chúhu̱un yjonu̱u nga najmi tu̱ chꞌa xi kꞌu̱a̱na̱cha̱ko̱ho̱nu̱u én na̱nka̱ tiya xi be xu̱ta̱. Kui xi nibáha̱ ra̱ sin chá xi be xu̱ta̱, ni xi a̱sunnte yꞌaha̱ ra̱. Najmi Cristo̱ nibáha̱ ra̱.
\p
\v 9 A̱jin yjonintehe̱ Jesucristo̱ tíjñajin kikjin Nti̱a̱ná,
\v 10 ko̱ jun ja kisakúnu̱u ni xi ndyjatꞌanu̱u kai a̱tꞌaha̱ nkuhú tsichu mako̱o Cristo̱. Kui xi batéxumaha̱ ngayjee̱ xi tjíhi̱n xá ko̱ xi batéxuma.
\p
\v 11 Nkꞌie nga kisꞌejinnu̱u Cristo̱, kinꞌenu̱u nku circuncision, tu̱nga najmi circuncision xi nꞌehé ra̱ yjonintee̱ kinꞌenu̱u. Circuncision xi kjexín ní jé xi kichꞌo kinꞌenu̱u. Cristo̱ xi bꞌa̱ kitsꞌínnu̱u.
\v 12 Nkꞌie nga kisatentó, tsangiyanjiko̱o Cristo̱. Nkꞌie nga kisꞌejinnu̱u ngaꞌyúhu̱n Nti̱a̱ná xi kitsꞌínkjꞌáíyako̱ ngáha̱ ra̱ Cristo̱ ngabayoo̱, ta̱ jꞌáíyako̱o ko̱ kui a̱jihi̱n ngabayoo̱.
\p
\v 13 Jun xu̱ta̱ kꞌien kamo ni̱stjin nkꞌie tu̱ nga̱tꞌaha̱ ngatitsunnu̱u, nkꞌie nga najmi kinꞌenu̱u ni circuncision xuꞌbo̱. Tu̱nga Nti̱a̱ná kitsꞌínkꞌíéntu tíkꞌunko̱nu̱u Cristo̱. Kitsꞌínndyjatꞌaná ngayjee̱ ngatitsunná.
\v 14 Kikjeti̱ya xu̱ju̱n xi má nga kisꞌetꞌa ni xi tje̱nná, xi ngji kontra̱ná. Kikjexín xu̱ju̱n ko̱ kingjátꞌa kruu̱.
\v 15 Cristo̱ kitsꞌínchjén Nti̱a̱ná nga kitsꞌín ngana̱ha̱ xi tjíhi̱n xá ko̱ xi nkꞌa tje̱n. Kiya kju̱a̱suba xi kisakúhu̱ nga kinꞌe ngana̱ha̱ xi tjíhi̱n xá ko̱ xi nkꞌa tje̱n.
\p
\v 16 Kui nga najmi tu̱ chꞌa nꞌesihi̱n ru̱u xi ku̱i̱nchja̱yanenu̱u nga̱tꞌaha̱ ni xi tíchino ko̱ tsa xi tíꞌyu, ko̱ a ra̱ nga̱tꞌaha̱ ni̱stjin nga tíbitju sꞌí, ko̱ a ra̱ ni̱stjin nga tíbꞌatutsꞌi̱hi̱n sóo̱, ko̱ tsa ni̱stjin nkjún.
\v 17 Ngayjee̱ ni xuꞌbi̱ mjehe̱ ku̱a̱kúchji ni xi nibá a̱skahan, tu̱nga Cristo̱ bi bꞌéjña chji sisin ni xi nibóo̱.
\p
\v 18 Najmi tu̱ ꞌba̱i̱nto nga xi bꞌasje ni̱ma̱kju̱a̱ maña̱ yjoho̱ ko̱ benkjún ntítsjee̱ i̱ncha kꞌu̱échjanu̱u ni xi nꞌe̱kjóho̱on. Kui jóo̱ xi ni xi ma chji suba kuihi̱ nchja̱ni̱míyaha ko̱ nkꞌa bꞌasje tiya yjoho̱ nga̱tꞌaha̱ ni xi mankjihi̱n e̱i̱ a̱sunntee̱.
\v 19 Ja i̱ncha ngji tꞌaxíhi̱n xi nintaku̱ xu̱ta̱ ni̱nku̱ maha. A̱tꞌaha̱ xi nintaku̱ xu̱ta̱ ni̱nku̱ maha, kui xi tsꞌín nga sá yjonintee̱ xi nkú tsꞌín mjehe̱ Nti̱a̱ná nga sá. Sá yjonintee̱ a̱tꞌaha̱ i̱ncha yꞌa yꞌahá ra̱ xinkjín.
\s Bꞌi̱ tsꞌín tsakúya Pablo̱ nkꞌie nga Cristo̱ tsayaka̱á ko̱ jꞌáíyako̱ ngáhaná
\p
\v 20 Ja tsayako̱o Cristo̱, kui nga kama nda̱íhi̱ ru̱u ni xi batéxumaha̱ a̱sunntei̱. Kui nga, ¿á tintsu̱ba̱ saha̱ ru̱u a̱sunntee̱ xi nkú tsꞌín tjíntuhu xu̱ta̱ xi tsꞌe̱? ¿Á tínuꞌyáꞌén saha̱ ru̱u kju̱a̱téxuma xi tsuhu xu̱ta̱?
\v 21 Bꞌa̱ tsu ée̱n: “Najmi tu̱ nꞌeko̱o niu̱. Najmi tu̱ chjutꞌo niu̱. Najmi tu̱ chjubó niu̱.”
\v 22 Kui ni xuꞌbi̱ nintaku̱ xu̱ta̱ tsitjuhu ko̱ xu̱ta̱ yꞌéjña. Feya nii̱ nga nꞌechjén.
\v 23 Bꞌa̱ maha̱ xi kixi̱ mankjihi̱n maha̱ nga bꞌa̱ tsꞌín nchja̱, a̱tꞌaha̱ tsꞌín kju̱a̱ꞌyúhu̱n ra̱ xu̱ta̱ nga sku̱e̱nkjún Nti̱a̱ná ko̱ nga tsꞌi̱ín ni̱ma̱kju̱a̱ yjoho̱ ko̱ nga ꞌyún tsjáha̱ kju̱a̱ni̱ma̱ yjonintehe̱. Tu̱nga najmi chumi ni chjíhi̱ ra̱ tsa basinko̱ná nga bꞌéchꞌoná ni xi nchja̱ha̱ ani̱ma̱ná a̱sunntei̱.
\c 3
\p
\v 1 Ja jꞌáíyako̱o Cristo̱ ngabayoo̱, kui nga ti̱nchísjaihinu ni xi tjín ndji̱o̱jmi ján má tíjñatꞌaha̱ Cristo̱ Nti̱a̱ná.
\v 2 Ni xi tje̱he̱n ra̱ ndji̱o̱jmi ján nꞌe̱nkjíntakꞌun, najmi ni xi tsꞌe̱ a̱sunntee̱.
\v 3 A̱tꞌaha̱ ja tsayo ko̱ tintsu̱ba̱ tíkꞌunko̱o Cristo̱ nginku̱n Nti̱a̱ná. Kui nga najmi ma chjihi yáha jun ndꞌa̱i̱.
\v 4 Cristo̱ xi tsꞌín nga tintsu̱bo̱o. Ni̱stjin nga kjꞌu̱a̱íkúchji yjoho̱ Cristo̱, kui ni̱stjiu̱n ta̱ cha̱ yáha jun ko̱ ku̱a̱kúchjiu kju̱a̱chánkaha̱.
\s Bꞌi̱ tsꞌín tsakúya Pablo̱ xi nkú tsꞌín chúhu̱ún yjoná
\p
\v 5 Kui nga nꞌe̱kꞌiehennu ni xi tjíntujín ani̱ma̱nu̱u xi tje̱he̱n ra̱ a̱sunntee̱. Najmi tu̱ chꞌa xi chu̱ba̱ kjúántuko̱hó xinkjín, ko̱ tsa tsꞌi̱ín ni xi chu̱ntí nginku̱n Nti̱a̱ná, tsa yjonintee̱ xi ku̱a̱téxumaha̱, tsa mjehe̱ tsꞌi̱ín ni xi chꞌon tjín, tsa kju̱a̱nchi̱ná ꞌyún kju̱ásihi̱n. Xi ꞌyún fásihi̱n kju̱a̱nchi̱ná, kui xi kjꞌa̱í nti̱a̱ tje̱nnki.
\v 6 Tu̱ nga̱tꞌaha̱ nga bꞌa̱ i̱ncha tsꞌín xu̱ta̱, kui kju̱a̱ha nga i̱ncha nibánehe̱ ra̱ kju̱a̱kjaha̱n Nti̱a̱ná.
\v 7 Ko̱ jun bꞌa̱ ta̱ kinꞌo ni̱stjin nkꞌie, nkꞌie nga tintsu̱ba̱jiun ni xuꞌbo̱.
\p
\v 8 Ndꞌa̱i̱ ta̱ nꞌe̱ tꞌaxíún kju̱a̱kjoo̱n, kju̱a̱stintoo̱, kju̱a̱ꞌunchoo̱, én chubatitꞌoo̱n ko̱ én chꞌon tsuu̱.
\v 9 Najmi tu̱ chꞌana̱cho̱ho̱ xinki̱u. Xi nkú tsꞌín tintsu̱bo̱o ni̱stjin nkꞌie, bꞌa̱ joyaha tsa nku najyun chá kinꞌesjo.
\v 10 Tu̱nga xi nkú tsꞌín tintsu̱bo̱o ndꞌa̱i̱, bꞌa̱ joyaha tsa najyun tse̱tse̱ kindyja ngáhanu. Xi nkú tsꞌín tjíyaha̱ Nti̱a̱ná, bꞌa̱ tsꞌín tísꞌeyanu̱u nkꞌie nga títsꞌín tse̱tse̱nu̱u ko̱ nga tímankjin sisinnu̱u nkú tjíhi̱n ra̱ nga̱tꞌa tsꞌe̱ Nti̱a̱ná.
\v 11 A̱jihi̱n xu̱ta̱ xi ja kama tse̱tse̱ najmi ta̱ chumi ni behe yá xi ntje̱ judio̱ tje̱he̱n ra̱ ko̱ yá xi najmi ntje̱ judio̱ tje̱he̱n ra̱, yá xi kinꞌehe̱ ni circuncision ko̱ yá xi najmi kinꞌehe̱, yá xi xin nibáha ko̱ yá xi kinte tje̱n nginku̱n xu̱ta̱, yá xi xu̱ta̱ musu̱ xi kichꞌatse ko̱ yá xi nda̱íhi̱ yjoho̱. Ngayjee̱ kui nii̱ nkuhú bichú majín Cristo̱, ko̱ Cristo̱ tíjñajihi̱n ngayjee̱.
\p
\v 12 Nti̱a̱ná jꞌájinnu̱u, kikjꞌátsꞌe̱nu̱u ko̱ tjoho̱ jun. Kui nga nꞌe̱ tse̱tse̱ yahanu xi nkú tsꞌín ku̱i̱ntsu̱bo̱o nga cha̱se̱ni̱mo̱o xinki̱u, kasꞌenu̱u kju̱a̱nda, ni̱ma̱kju̱a̱ kasꞌeyanu̱u, ni̱ma̱kju̱a̱ nꞌe̱ko̱o xinki̱u ko̱ najmi tu̱ ki̱tsa̱ katuma stinu̱u.
\v 13 Nꞌe̱ꞌyún takꞌuhu̱un xinki̱u ko̱ nꞌe̱ndyjatꞌoho̱o xinki̱u tsa tjín a̱jinnu̱u kju̱a̱sti. Xi nkú tsꞌín kitsꞌínndyjatꞌanu̱u Nda̱ Nti̱a̱ná, bꞌa̱ ta̱ tsꞌín nꞌe̱ndyjatꞌoho̱o xinki̱u.
\v 14 Nꞌe̱tjó xinki̱u, a̱tꞌaha̱ kju̱a̱tjoo̱ xi ꞌyún chjí saha̱ ra̱ nga ngayjee̱ ni xingisoo̱ ko̱ nkuhú tsꞌín manu̱u.
\p
\v 15 Kichjꞌajinnu̱u tu̱ xi nkuhú yjonintehe̱ Cristo̱ ka̱mahanu ko̱ bꞌa̱ tsꞌín sꞌe̱he̱nu̱u kju̱a̱jyu. Kju̱a̱jyuhu̱ Cristo̱ katsjáni̱yáha̱ ani̱ma̱nu̱u ko̱ tehe̱nte tjoho̱on mábꞌa̱chjíhi̱ Nti̱a̱ná nga̱tꞌa̱ tsꞌe̱ kui niu̱.
\v 16 Katꞌejñajinyjenu̱u éhe̱n Cristo. Nꞌe̱nkjínkꞌun sisiun xi nkú tsꞌín ku̱a̱kúyoho̱o ko̱ nga kꞌu̱a̱i̱ ni̱yóho̱o xinki̱u̱. Tjoho̱on mábꞌa̱chjíhi̱ Nti̱a̱ná a̱jin ani̱ma̱nu̱u nga sóho̱o salmo̱ ko̱ soho̱n ni̱nku̱ ko̱ xi nkú tsꞌín ku̱a̱kúyanu̱u Espiri̱tu̱ nga só.
\v 17 Ngatentee̱ ni xi nꞌo̱o, tsa chu̱bo ko̱ tsa tu̱ mí xáha ni xi nꞌo̱o, Nda̱ Nti̱a̱ná Jesu nꞌe̱kasíún títjun nga bꞌa̱ nꞌo̱o ko̱ tjoho̱on mábꞌa̱chjíhi̱ Nti̱a̱ Na̱ꞌminá nga̱tꞌa tsꞌe̱ ni xi kisakújinnu̱u Jesu.
\s Bꞌi̱ tsꞌín tsakúya Pablo̱ xi nkú tsꞌín kꞌúéntu xu̱ta̱
\p
\v 18 Jun xi tíꞌminu̱u chju̱ún, cha̱nkjún xꞌi̱nnu̱u. Bꞌa̱ nꞌo̱o xi nkú tsꞌín tíjñaha̱ xu̱ta̱ xi yjanki Nda̱ Nti̱a̱ná.
\p
\v 19 Jun xi tíꞌminu̱u xꞌi̱n, nꞌe̱tjó chju̱únnu̱u ko̱ najmi tu̱ ndjá nꞌeko̱o.
\p
\v 20 Jun xi tíꞌminu̱u ntí, ti̱núꞌyáꞌén tehe̱ntoho̱o xi chánu̱u. A̱tꞌaha̱ kui niu̱ xi sasíhi̱n Nda̱ Nti̱a̱ná.
\p
\v 21 Jun xi tíꞌminu̱u na̱ꞌmi, najmi tu̱ chu̱ba̱ kjahán nꞌeko̱o ntínu̱u, tu̱ xi najmi kfe̱he̱ ra̱ kꞌun.
\p
\v 22 Jun xi tíꞌminu̱u xu̱ta̱ musu̱ xi kichꞌatse, ti̱núꞌyáꞌén tehe̱ntoho̱o xi já nti̱a̱nu̱u maha e̱i̱ a̱sunntei̱. Najmi tu̱ nkꞌie nga tíbasenu̱u bꞌa̱ nꞌo, tsa tu̱ xi nda ku̱a̱se̱he̱nu̱u. Ngayjehe ní takꞌun bꞌa̱ nꞌo̱o a̱tꞌaha̱ Nda̱ Nti̱a̱ná yankjún.
\v 23 Tu̱ mí xáha ni xi nꞌo̱o, ngayjehe ani̱ma̱nu̱u bꞌa̱ no̱o. Bꞌa̱ nꞌo̱o xi nkúhu tsa Nda̱ Nti̱a̱ná tínꞌexátꞌoho̱o, najmi tsa xu̱ta̱.
\v 24 Yo nga sa̱kúnu̱u ni xi tjíndaha̱ Nti̱a̱ná nga tsjáha̱ ntíhi̱. Cristo̱ tínꞌexátꞌoho̱o, kui xi Nda̱ Nti̱a̱nu̱u.
\v 25 Xi títsꞌín ni xi najmi bꞌa̱ tjín, kui xi tsꞌi̱ínkjáín ngajoya ngáha̱ ra̱ chjíhi̱ ni xi títsꞌín. Najmi ngabi tsꞌínko̱ Nti̱a̱ná xu̱ta̱.
\c 4
\p
\v 1 Ko̱ jun xi tíꞌminu̱u já nti̱a̱, nda ko̱ kixi̱ nꞌe̱ko̱o xu̱ta̱ musu̱ xi kichꞌatso. A̱tꞌaha̱ yo nga ta̱ tíjñanu̱u ko̱ jun nku Nda̱ Nti̱a̱ ndji̱o̱jmi ján.
\p
\v 2 Nꞌe̱kjasꞌoho̱on yjonu̱u nkꞌie nga chu̱bako̱o Nti̱a̱ná. Najmi tu̱ nꞌekjentoho̱o yjonu̱u nga tjoho̱on mábꞌa̱chjíhi̱ nga̱tꞌa tsꞌe̱ ni nda xi tsjánu̱u.
\v 3 Ko̱ ta̱ chu̱bantjaini̱ tu̱ xi Nti̱a̱ná tsjánteni̱ má nga kꞌúéni̱jmíi̱ éhe̱n, tu̱ xi ku̱i̱xínyaha̱ni̱ ni xi kisꞌejña ꞌma ni̱stjin nkꞌie ko̱ tísꞌejña chji ndꞌa̱i̱ nga̱tꞌaha̱ Cristo. A̱tꞌaha̱ kui kju̱a̱ha kjíi̱yaꞌyúhunna e̱i̱.
\v 4 Chu̱bantjainú tu̱ xi ka̱ma kuakuchjí sisihinna éhe̱n ko̱ xi nkú tsꞌín tjíhin nga kuinchja.
\p
\v 5 Na̱nka̱ nꞌe̱kjínkꞌun xi nkú tsꞌín ku̱i̱ntsu̱ba̱jihu̱un xu̱ta̱ xi najmi sꞌejihi̱n Nti̱a̱ná. Xki̱ ni̱stjin xi kju̱a̱ cha̱se̱ sisihu̱un ni xi nꞌo̱o.
\v 6 Tehe̱nte tsjo tsꞌín chu̱bo ko̱ kasꞌehe̱ sin ni xi chu̱bo. Bꞌa̱ tsꞌín cha̱hanu xi nkú kꞌúíhu̱un nga nkúnkú xu̱ta̱.
\s Bꞌi̱ tsꞌín kitsꞌínkje Pablo̱ xu̱ju̱i̱n
\p
\v 7 Xi nkú tsꞌín tíi̱jña e̱i̱ ku̱i̱tsu̱yayjenu̱u nda̱ Tiki̱ko̱, nda̱ ntsꞌeé xi tjona, xi kixi̱ títsꞌíntjusun xáha̱, xi ta̱ títsꞌínxátꞌaha̱ Nda̱ Nti̱a̱ná xi nkúhu an.
\v 8 Kui xi títsꞌinkjísenu̱u tu̱ xi cha̱hanu xi nkú nꞌe tintsu̱ba̱i̱ e̱i̱ ko̱ tu̱ xi sa̱kú ngaꞌyúhu̱nnu̱u.
\v 9 Ko̱ títsꞌinkjíka̱ Onesi̱mo̱, nda̱ ntsꞌeé xi tjona̱ xi ta̱ kixi̱ títsꞌíntjusun xáha̱ ko̱ xi nda̱ nankinu̱u maha. I̱ncha ku̱i̱tsu̱yanu̱u ngatentee̱ ni xi tíma e̱i̱.
\p
\v 10 Títsꞌínkjinu̱u kju̱a̱suniña Aristarko̱, nda̱ xi kjiyaꞌyúnko̱na nu̱ba̱yá e̱i̱, ko̱ Marko̱ xi ntsꞌe̱sti maha Bernabe. Ja ta̱ tsichunu̱u éhe̱n Marko̱. Nda nꞌe̱kjóho̱on tsa ku̱i̱chúsenu̱u yo̱.
\v 11 Ko̱ títsꞌínkjinu̱u kju̱a̱suniña Jesu, kui ndo̱ xi ta̱ ꞌmi ya Justo̱. Tu̱ kuihí já judio̱ xuꞌbi̱ xi yꞌanjiko̱na xá xi títsꞌian nga tíbꞌeni̱jmíá xi nkú tsꞌín batéxuma Nti̱a̱ná. Kui jóo̱ xi tsjá ngaꞌyúnna.
\p
\v 12 Ta̱ títsꞌínkjinu̱u kju̱a̱suniña Epa̱fra̱, xi nda̱ nankinu̱u maha. Kui xi ta̱ títsꞌínxátꞌaha̱ Cristo̱ Jesu ko̱ tehe̱nte ngayjehe kꞌun tíbankintjáínu̱u nga tínchja̱ko̱ Nti̱a̱ná, tu̱ xi ndjá ku̱i̱nchahanu ko̱ ka̱ma je kikjiun ko̱ ka̱mo xi nkú tsꞌín mjehe̱ Nti̱a̱ná.
\v 13 An be sisian xi nkú tsꞌín Epa̱fra̱ kjinta̱ha̱ ra̱ jun ko̱ ta̱ kjinta̱ha̱ ra̱ xu̱ta̱ xi tjín nanki Laodicea̱ ko̱ xi tjín nanki Hierapo̱li̱.
\p
\v 14 Ta̱ títsꞌínkjinu̱u kju̱a̱suniña Luca̱, nda̱ chji̱ne̱nki xi tjona, ko̱ Dema̱.
\p
\v 15 Tjoho̱on kju̱a̱suniñana̱ já ntsꞌeé xi tjín nanki Laodicea̱ ko̱ tjoho̱on kju̱a̱suniñana̱ ta̱chju̱ún Ninfa̱ ko̱ xu̱ta̱ ni̱nku̱ xi ma ñjakú niꞌyaha̱.
\v 16 Nga ja ka̱manu̱u nga nꞌe̱yo xu̱ju̱i̱n, ta̱ nꞌe̱kjíhu̱u nga katsꞌínya xu̱ta̱ ni̱nku̱ Laodicea̱. Ko̱ jun ta̱ nꞌe̱yo xu̱ju̱n xi ni̱baha Laodicea̱.
\p
\v 17 Bꞌa̱ tꞌihu̱un Arkipo̱: “Nꞌe̱nkjíntakꞌuin nga nda nꞌe̱tjusuin xáha̱ Nda̱ Nti̱a̱ná xi kikꞌa̱i̱hi.”
\p
\v 18 An Pablo̱ ntuna̱ tíbꞌetꞌáha̱nu̱u kju̱a̱suniñana̱. Nꞌe̱kjꞌáítsjon nga kjíi̱yaꞌyán.
\p Kasꞌenu̱u kju̱a̱ndaha̱ Nti̱a̱ná.