\id TIT Mazatec of Jalapa de Díaz
\h Xu̱ju̱n xi kinꞌekjíhi̱ Tito̱
\toc1 Xu̱ju̱n xi kitsꞌínkjihi̱ nda̱ postru̱ Pablo̱ Tito̱
\mt Xu̱ju̱n xi kitsꞌínkjihi̱ nda̱ postru̱ Pablo̱ Tito̱
\c 1
\s Bꞌi̱ tsꞌín kikjaniñaha̱ Pablo̱ Tito̱
\p
\v 1 An Pablo̱, an nda̱ musu̱ síhi̱n Nti̱a̱ná ko̱ nda̱ postru̱hu̱\f + \fr 1:1 \ft “Xi kisꞌexá” tsuhu̱ ra̱ “nda̱ postru̱” ko̱ a ra̱ “já postru̱”.\f* Jesucristo̱. Xi nkú tsꞌín sꞌe̱jihi̱n xu̱ta̱ xi jꞌájin Nti̱a̱ná ko̱ ka̱mankjihi̱n ni xi na̱xu̱ tjín, kui xi xána̱, kui nga kui xu̱ta̱ha xi sku̱e̱nkjúhun Nti̱a̱ná.
\v 2 Tíchuyáá nga ku̱i̱ntsu̱ba̱ tíkꞌun síaán. Kui niu̱ xi kitsúya títjun Nti̱a̱ná kintehe̱ ni nga kinꞌenda a̱sunntee̱, ko̱ yaá nga najmi maha̱ bꞌana̱cha̱.
\v 3 Ndꞌa̱i̱ ni̱ ma, nkꞌie nga ja tsichu chu̱ba̱, a̱jihi̱n én xi kikꞌa̱i̱na nga kꞌueni̱jmíá yꞌéjña chji Nti̱a̱ná ni xi kitsú. Nti̱a̱ná xi maha̱ tsꞌínkꞌankiná kitsjána kui xóo̱.
\p
\v 4 Tífaniñaha Tito̱, ji ntína̱ a̱tꞌaha̱ nkuhú xi sꞌejinná. Kasꞌehi kju̱a̱nda ko̱ kju̱a̱jyu xi tsjáná Nti̱a̱ Na̱ꞌminá ko̱ Jesucristo̱ xi tsꞌínkꞌankiná.
\s Bꞌi̱ tsꞌín kitsúyaha̱ Pablo̱ Tito̱ xá xi tsꞌi̱ín
\p
\v 5 Kitsꞌinkꞌíéjñaha xjo̱ Creta̱ tu̱ xi kꞌúéndahani ni xi kindyjatꞌa sa yo̱ ko̱ tu̱ xi kꞌu̱a̱i̱ xáha̱ ri̱ jácháha̱ xu̱ta̱ ni̱nku̱ xi tjín xki̱ nanki xi tjín yo̱. Kixinya chichꞌihin ni xi nꞌe̱i.
\v 6 Ka̱ma sꞌe̱tꞌa xá xi najmi tjín ni xi chu̱bayanéhe̱ ra̱, xi nkuhú maha chju̱úhu̱n, xi tjíhi̱n ntí xi sꞌejihi̱n Nti̱a̱ná ko̱ na̱xu̱ i̱ncha tsꞌín ntíhi̱ ko̱ ntꞌéꞌén.
\p
\v 7 A̱tꞌaha̱ nku nda̱ xi ku̱a̱se̱he̱ ni̱nku̱, kui xi tíjñaha̱ nga kúnnta ni xi tsꞌe̱ Nti̱a̱ná. Kui xáha̱. Kui nga kasꞌetꞌa xáha nku nda̱ xi najmi tjín ni xi chu̱bayanéhe̱ ra̱, xi najmi ngakꞌun, xi najmi stinta, xi najmi bꞌatihi̱ nga ꞌbi binu̱, xi najmi kjánko̱ xu̱ta̱ ko̱ najmi mjehe̱ to̱on xi chꞌon tsꞌín sakú.
\v 8 Nda̱ xi tsꞌínkjáín níhi̱ xu̱ta̱ niꞌyaha̱ machjén, xi tsjoho̱ tsꞌín ni xi nda, xi nda basehe̱ ni xi tsꞌín, xi na̱xu̱ tsꞌín, xi benkjún Nti̱a̱ná, xi maha̱ bꞌéchꞌoho̱ yjoho̱ ni xi mjehe̱ ani̱ma̱ha̱.
\v 9 Ni xi ku̱a̱kúya tjíhin nga ni xi tsangiya ni̱baha̱ ra̱, tu̱ xi bꞌa̱ tsꞌín ka̱ma tsjáni̱yá sisihi̱n ra̱ xu̱ta̱ ko̱ ka̱ma kꞌu̱éjña chjihi̱ já xi tífi kontra̱ha̱ ni xi bakúya.
\p
\v 10 A̱tꞌaha̱ tjín ṉkjún xi ngji tꞌaxíhi̱n én xi na̱xu̱, xi tu̱ a éhén ni xi bakúya ko̱ bꞌana̱cha̱ha̱ xu̱ta̱. Xi i̱ncha bakúya nga nꞌe̱ ni circuncision, kui xi ꞌyún bꞌa̱ i̱ncha tsꞌín.
\v 11 Najmi ta̱ kꞌu̱a̱i̱ntehe̱ ra̱ nga bꞌa̱ i̱ncha tsꞌi̱ín jái̱, a̱tꞌaha̱ ni xi najmi tjíhin nga ku̱a̱kúya tíi̱ncha bakúya. Bꞌa̱ tíi̱ncha tsꞌín tu̱ xi títsꞌín ngana̱ ndaha to̱on. Ja nkjin xu̱ta̱ tsꞌínndyjajihi̱n.
\p
\v 12 Santaha nku nda̱ profeta̱ xi tsꞌe̱ jóo̱ bꞌa̱ kitsú: “Xu̱ta̱ Creta̱ én tsankꞌá nchja̱ tehe̱nte. Chꞌonkꞌun jóo̱ xi nkúhu chu̱ chꞌonkꞌun, xu̱ta̱ tsꞌe xi najmi tsehe̱.”
\v 13 Kju̱axi̱ kjáíhin ni xi kitsú ndo̱. Kui nga ndjá chu̱bako̱honi jóo̱ tu̱ xi i̱ncha sku̱e̱ sisihin ni xi sꞌejinná
\v 14 ko̱ tu̱ xi najmi ngju̱énñjuhu̱ ra̱ én tiyaha̱ xu̱ta̱ judio̱ ko̱ ta̱ ndaha ni xi bꞌéneꞌyúhu̱n já xi ngji tꞌaxíhi̱n ni xi na̱xu̱ tjín.
\p
\v 15 Je ngayjee̱ ni xi tjín ko̱ ma nꞌechjén tsa je tjíntuyá ani̱ma̱ha̱ xu̱ta̱, tu̱nga najmi tjíhín ni xi je nga̱tꞌa tsꞌe̱ xu̱ta̱ xi chu̱ntí tjíntuyáha̱ ko̱ xi najmi sꞌejihi̱n Nti̱a̱ná. A̱tꞌaha̱ ngasten tsꞌínnkjinkꞌun ko̱ ja tsatsun kju̱a̱nkjintakꞌuhu̱n.
\v 16 Kui xi tsu nga be Nti̱a̱ná tu̱nga ni xi i̱ncha tsꞌíhín bakúchji nga najmi be. Kui xi chꞌonkꞌun, najmi ntꞌéꞌén, ko̱ najmi maha̱ tsꞌín ni xi nda.
\c 2
\s Bꞌi̱ tsꞌín kitsúyaha̱ Pablo̱ Tito̱ xi nkú tsꞌín tjíhin nga ku̱a̱kúyaha̱ xu̱ta̱ ni̱nku̱
\p
\v 1 Tu̱nga máha ji, ta̱kúyai ni xi yꞌaha̱ ra̱ ni xi nda tsꞌínko̱ná xi tsinchiyáí.
\v 2 Bꞌa̱ tꞌihi̱n já xi ja chá nga kixi̱ i̱ncha katjiko̱ yjoho̱, i̱ncha katenkjún yjoho̱, nda i̱ncha katasehe̱ ni xi i̱ncha tsꞌi̱ín, nda i̱ncha katumankjihi̱n ni xi sꞌejinná, ko̱ i̱ncha kasꞌehe̱ kju̱a̱tjo ko̱ kju̱a̱tsenta.
\p
\v 3 Ko̱ jminchjín xi ja chá bꞌa̱ ta̱ tsꞌín i̱ncha katenkjún Nti̱a̱ná, najmi tu̱ én tsankꞌá i̱ncha kꞌu̱a̱sjené xu̱ta̱ ko̱ najmi tu̱ ꞌyún i̱ncha kꞌúí binu̱. I̱ncha katakúya ni xi nda
\v 4 ko̱ i̱ncha katsjáni̱yáha̱ jminchjín xi kjintí sa nga tsꞌi̱íntjo xꞌi̱hi̱n ko̱ ntíhi̱,
\v 5 ko̱ nga nda i̱ncha katasehe̱ ni xi i̱ncha tsꞌi̱ín, nga je kasꞌentuyá ani̱ma̱ha̱, nga i̱ncha ku̱a̱se̱he̱ niꞌyaha̱ ko̱ nda i̱ncha sꞌe̱ntuyáha̱, ko̱ nga i̱ncha sku̱e̱nkjún xꞌi̱hi̱n. Bꞌa̱ tsꞌín cha̱nkjúhun éhe̱n Nti̱a̱ná.
\p
\v 6 Ko̱ já i̱stiu̱ bꞌa̱ ta̱ tꞌihi̱n nga nda i̱ncha katasehe̱ ni xi i̱ncha tsꞌi̱ín.
\v 7 Ngatentee̱ ni xi nꞌe̱i, nda nꞌe̱i tu̱ xi bꞌa̱ ta̱ i̱ncha tsꞌi̱íhin. Nga ku̱a̱kúyai, katuma chji nga kixi̱ tjíyahi ko̱ nga tíyankjúín yjohi̱.
\v 8 Én nda katitju tsu̱ꞌbai, én xi najmi tjín xi nkú tsꞌín nꞌe̱nijéhe ri. Kui niu̱ xi tsꞌi̱ín nga ka̱ma subaha̱ ra̱ já kontra̱, a̱tꞌaha̱ najmi sa̱kúhu̱ nkú tsꞌín chꞌon tsꞌín ku̱i̱nchja̱yanehená.
\p
\v 9 Ko̱ bꞌa̱ tꞌihi̱n já musu̱ xi kichꞌatse nga tehe̱nte katenkjún já nti̱a̱ha̱ ko̱ katsꞌín ni xi sasíhi̱n jóo̱. Najmi tjíhin tsa ku̱i̱nchja̱ tsaꞌako̱ jóo̱
\v 10 ko̱ tsa ndyjé tsꞌi̱íhi̱n. Tu̱ sa ní i̱ncha katakúchji nga ma ma ꞌyún kꞌaán jóo̱, tu xi ngayjee̱ ni xi tsꞌi̱íhin cha̱nkjúhun én xi bꞌéjña chjiná Nti̱a̱ná xi tsꞌínkꞌankiná.
\p
\v 11 Nti̱a̱ná ja yꞌéjña chjihi̱ ngatentehe̱ xu̱ta̱ kju̱a̱ndaha̱, kui xi tsꞌínkꞌankiná
\v 12 ko̱ bakúyaná nga kꞌúéchꞌoo̱hó yjoná ni xi najmi je nginku̱n Nti̱a̱ná ko̱ ni xi nchja̱ha̱ ani̱ma̱ná e̱i̱ a̱sunntei̱, nga nda cha̱se̱hé ni xi nꞌe̱é ko̱ nga na̱xu̱ nꞌeé ko̱ nga cha̱nkjáán Nti̱a̱ná nkꞌie nga tintsu̱ba̱ saá e̱i̱ a̱sunntei̱.
\v 13 Chúya saha̱ ra̱á ma ni nda xi tíchuyáá, kui niu̱ xi ni̱stjin nga cha̱á kju̱a̱chánkaha̱ Jesucristo̱, kui xi Nti̱a̱ná xi chánka ko̱ xi tsꞌínkꞌankiná.
\v 14 Kui xi kitsjá yjoho̱ nga kinꞌekꞌien ngandaná tu̱ xi kꞌu̱a̱sjejihinná ngayjee̱ ni xi najmi ndoo̱ ko̱ tsꞌi̱ín je nku na̱xi̱nantá xi kui tsꞌe̱, xi ngayjehe kꞌun mjehe̱ tsꞌi̱ín ni xi nda.
\p
\v 15 Kui nii̱ xi ta̱kúyai. Tjenni̱yáíhi̱ xu̱ta̱ ko̱ nꞌe̱kꞌa ni̱yáí. Najmi tu̱ jo jan katumahi nga bꞌa̱ nꞌe̱i. Najmi tu̱ chꞌa xi tu̱ tohón katumaha̱ ji.
\c 3
\s Bꞌi̱ tsꞌín tsakúya Pablo̱ xi nkú tsꞌín tjíhin nga i̱ncha tsꞌi̱ín xu̱ta̱ ni̱nku̱
\p
\v 1 Nꞌe̱kjꞌáítsjeihi̱n xu̱ta̱ ni̱nku̱ nga katenkjún já títjuu̱n ko̱ já tjíxóo̱. I̱ncha kantꞌéꞌéhe̱n ko̱ i̱ncha katꞌentu nda nga i̱ncha tsꞌi̱ín ngayje tíkjá ni xi nda.
\v 2 Ndaha nku xu̱ta̱ najmi tu̱ chꞌon tsꞌín i̱ncha ku̱i̱nchja̱ne ko̱ najmi tu̱ chꞌa xi kjaánko̱. Nda ní tsꞌín i̱ncha kasꞌeyaha̱. Ko̱ kate xu̱ta̱ nga ni̱ma̱kju̱a̱ i̱ncha tjíntuyáha̱.
\p
\v 3 A̱tꞌaha̱ ni̱stjin nkꞌie ta̱ tu̱ xí sináá. Najmi kinuꞌyáꞌéén, ngakjá kinꞌenkjíntakꞌaán, ko̱ nkjin tíkjá ni xi nchja̱ha̱ ani̱ma̱ná tjíꞌyúhu̱n ñá ko̱ ni xi mjehe̱ yjonintená. Kju̱a̱kjan ya ko̱ kju̱a̱xintakꞌun tintsu̱ba̱jián. Kitsꞌín unkiená xu̱ta̱ ko̱ bꞌi̱ ngján kinꞌe unchaá xinki̱á.
\v 4 Tu̱nga nkꞌiehé nga kisꞌejña chji kju̱a̱ndaha̱ Nti̱a̱ná xi tsꞌínkꞌankiná ko̱ kju̱a̱tjo xi tjíhi̱n,
\v 5 kitsꞌínkꞌankiná. Najmi nga̱tꞌaha̱ tsa nda tjín ni xi kinꞌeé, tsa kui kju̱a̱ha nga bꞌa̱ kitsꞌíhin. Bꞌa̱ ní kitsꞌín a̱tꞌaha̱ kama ni̱ma̱ha̱ ñá. Kitsꞌín jená nkꞌie nga kitsꞌín tsin tse̱tse̱ ngáhaná ko̱ Espiri̱tu̱hu̱ kitsꞌín tse̱tse̱ná.
\p
\v 6 Tu̱ nga̱tꞌaha̱ ni xi kitsꞌín Jesucristo̱ xi tsꞌínkꞌankiná, najmi kitsꞌínxkín Nti̱a̱ná nga kitsjáná Espiri̱tu̱hu̱.
\v 7 Ko̱ tu̱ nga̱tꞌaha̱ kju̱a̱ndaha̱ Nti̱a̱ná kitsꞌín nga na̱xu̱ tsichu maá nginku̱n. Bꞌa̱ kitsꞌín tu̱ xi nꞌe̱kjáíhi̱n ra̱á ni xi tíchuyáha̱á, kui xi tsuhu̱ ra̱ nga ku̱i̱ntsu̱ba̱ tíkꞌun síaán.
\p
\v 8 Ma nꞌe sꞌejin én xuꞌbi̱ ko̱ mjena nga ta̱kuyáí sisin nii̱, tu̱ xi xu̱ta̱ xi sꞌejihi̱n ra̱ Nti̱a̱ná tsꞌi̱ínkjasꞌehe̱n ra̱ yjoho̱ nga tsꞌi̱íhin ni xi nda. Tu̱ xí ndahá tjín ko̱ basinko̱ná nga bꞌa̱ nꞌe̱é.
\v 9 Xi mjehe̱ nku én kꞌu̱ésintjáíhi, ti̱yú tꞌaxíhi̱n. Najmi tu̱ nꞌesihi̱n xi bꞌésiyáha ntje̱ chá xi yꞌaha̱ ra̱ ko̱ ta̱ ndaha xi bꞌésiyáha ko̱ kjántjaihi kju̱a̱téxuma xi kinꞌekjasꞌehe̱n Moise. A̱tꞌaha̱ najmi basinko̱ná kui kju̱a̱stiu̱ ko̱ najmi tjíhi̱n sin.
\p
\v 10 Xi ku̱a̱kjánya xu̱ta̱ ni̱nku̱, chu̱bako̱i̱ tsa nku ko̱ tsa jo ni̱yá tjíhin. Tu̱nga tsa najmi tsꞌi̱ínsihin, najmi ta̱ kꞌu̱a̱i̱ntehe̱ ra̱ a̱ya ni̱nku̱.
\v 11 Yai nga xi bꞌa̱ títsꞌíu̱n, kui xi ja kitsꞌínkatsún suba yjoho̱ ko̱ ni̱yáha̱ ngatitsuu̱n tsúꞌbaya. Ta̱ kuihi tífiko̱ yjoho̱ xi má nga ndyja̱.
\s Bꞌi̱ tsꞌín kitsúyaha̱ Pablo̱ ni xi mjehe̱ nga tsꞌi̱ín Tito̱
\p
\v 12 Nkꞌie nga tsꞌinkjísehe nda̱ Artema̱ ko̱ a ra̱ nda̱ Tiki̱ko̱, nꞌe̱ ki̱tsa̱ xái̱hi̱ yjohi̱ nga nibáa̱se̱ní nanki Nikopo̱li̱. A̱tꞌaha̱ ja tjíndana nga yo̱ tsꞌinkjꞌa ni̱stjin chu̱nchꞌóo̱n.
\v 13 Nda ti̱si̱nko̱i̱ nda̱ Zena̱, nda̱ xi nchja̱ntjai xu̱ta̱, ko̱ nda̱ Apolo̱, tu̱ xi tsꞌi̱ínndju̱úhu ni̱yáha̱ ko̱ tu̱ xi najmi chumi nihi xi ndyja̱tꞌaha̱ ra̱.
\v 14 Katangiya xu̱ta̱ tsꞌa̱ñá nga tsꞌi̱ín ni xi nda ko̱ nga tsjáha̱ xu̱ta̱ ni xi machjéhe̱n. Bꞌa̱ tsꞌín i̱ncha sa̱ájihin ni xi tsꞌe̱ Nti̱a̱ná.
\s Bꞌi̱ tsꞌín kitsꞌínkje Pablo̱ xu̱ju̱i̱n
\p
\v 15 Títsꞌínkjihi kju̱a̱suniña ngayjee̱ xu̱ta̱ xi tjíntuko̱na e̱i̱. Tjeihi̱n kju̱a̱suniña xu̱ta̱ xi tjoho̱ ñá a̱tꞌaha̱ nkuhú xi sꞌejinná.
\p Ngatento kasꞌenu̱u kju̱a̱ndaha̱ Nti̱a̱ná.