\id 2JN Mazatec of Jalapa de Díaz
\h Xu̱ju̱n xi ma joho xi kitsꞌínntu nda̱ postru̱ Jua
\toc1 Xu̱ju̱n xi ma joho xi kitsꞌínntu nda̱ postru̱ Jua
\mt Xu̱ju̱n xi ma joho xi kitsꞌínntu nda̱ postru̱ Jua
\c 1
\s Bꞌi̱ tsꞌín kikjaniñaha̱ Jua xu̱ta̱ ni̱nku̱
\p
\v 1 An xi nda̱cháha̱ xu̱ta̱ ni̱nku̱ títsꞌinkjínu̱u xu̱ju̱i̱n jun xu̱ta̱ ni̱nku̱ xi jꞌájinnu̱u Nti̱a̱ná, xi tjona a̱tꞌaha̱ tintsu̱ba̱jián ni xi na̱xu̱ tjín. Ko̱ najmi tu̱ nku an xi tjoho̱ jun. Ko̱ ní ta̱ tjoho̱ jun ngayjee̱ xu̱ta̱ xi ja mankjihi̱n ni xi na̱xu̱ tjín.
\v 2 A̱tꞌaha̱ ni xi na̱xu̱ tjín tíjñajin tehe̱nte ani̱ma̱ná ko̱ tu̱ nku sꞌe̱jñajihínná tu̱ nkjéhé ni.
\p
\v 3 Katsjánu̱u kju̱a̱nda ko̱ kju̱a̱jyu ko̱ katuma ni̱ma̱ha̱ jun Nti̱a̱ Na̱ꞌminá ko̱ Nda̱ Nti̱a̱ná Jesucristo̱ xi Ntíhi̱ Nti̱a̱ Na̱ꞌminá. Katsꞌíntsꞌejíhi̱nnu̱u ni xi na̱xu̱ tjín ko̱ kju̱a̱tjo.
\s Bꞌi̱ tsꞌín tsakúya Jua nga nꞌe̱tjáá xi̱nki̱á
\p
\v 4 Tsjo ṉkjún kamana nkꞌie nga kikie kꞌu̱a̱ xu̱ta̱ tsꞌa̱jun xi tíi̱ncha tsꞌín ni xi na̱xu̱ tjín, xi nkú tsꞌín yꞌéjña Nti̱a̱ Na̱ꞌminá.
\v 5 Ko̱ ndꞌa̱i̱ já ntsꞌena̱, tíbankinu̱u nga bꞌi̱ ngján nꞌe̱tjáá xinki̱á. Ni xi tíbꞌetꞌánu̱u ndꞌa̱i̱, najmi a̱sꞌa̱i tíbꞌéjñahá Nti̱a̱ná. Xi nkú níhi nga tutsꞌihi̱n ni kinꞌekjóho̱on ni xuꞌbi̱.
\v 6 Kju̱a̱tjo ꞌmihi̱ nga nꞌe̱e ni xi yꞌéjña Nti̱a̱ná. ¿Mí nihi xi yꞌéjña nga nꞌe̱é? Nkꞌie nga nꞌe̱tjáá xinki̱á, xi nkú tsꞌín kikꞌinyanu̱u nga tutsꞌihi̱n ni.
\s Bꞌi̱ tsꞌín tsukúya Jua ni xi i̱ncha tsꞌín já maestru̱ tsankꞌá xi tjín
\p
\v 7 A̱tꞌaha̱ tjíma ṉkjún a̱sunntee̱ já tsankꞌá xi najmi tsꞌínkjáíhi̱n nga yjoninte kikꞌa Jesucristo̱ nga jꞌai a̱sunntei̱. Xi bꞌa̱ títsu, kui xi tíbꞌana̱cha̱ ko̱ kui xi fi kontra̱ha̱ xi kitsꞌín nibá Nti̱a̱ná.\f + \fr 1:7 \ft “Xi kitsꞌín nibá Nti̱a̱ná” tsuhu̱ ra̱ “Cristo̱”.\f*
\v 8 Chúhu̱un yjonu̱u tu̱ xi najmi nꞌe̱katsúnyahanu ni xi yꞌentje̱i̱ a̱jinnu̱u. Tsa chúhu̱un kui nii̱, nꞌe̱kjóho̱on ngayjee̱ ni xi kanénu̱u.
\p
\v 9 Tu̱ yáhani xi kꞌu̱ésuhu̱n ni xi tsakúya Cristo̱ nga najmi basinjñajin ni xi kisakúya̱ha̱, kui xi najmi be Nti̱a̱ná. Tu̱nga xi síjñajin tehe̱nte ni xi tsakúya Cristo̱, kui xi be Nti̱a̱ Na̱ꞌmiu̱ ko̱ Ntíu̱.
\v 10 Tsa tjín xi ku̱i̱chúsenu̱u ko̱ najmi ku̱a̱kúyanu̱u ni xi tsakúya Cristo̱, najmi tu̱ nꞌekjóho̱on niꞌyanu̱u ko̱ ta̱ ndaha najmi tu̱ suniñoho̱o.
\v 11 A̱tꞌaha̱ xi kjúániñaha̱, kui xi tíbasinko̱ xu̱ta̱ xuꞌbo̱ nga tífiko̱ndju xá chꞌonkꞌuhu̱n.
\s Bꞌi̱ tsꞌín kitsꞌínkje Jua xu̱ju̱i̱n
\p
\v 12 Tjín ṉkjún sana ni xi xínnu̱u, tu̱nga najmi mjehéna xu̱ju̱n kꞌuetꞌánu̱u. Mjena kfíntsubekꞌúnnu̱u ko̱ kuinchjani̱jmíko̱nu̱u nga ku̱i̱chusenu̱u, tu̱ xi bꞌa̱ tsꞌín tu̱ xí tsjohó kꞌúéhená.
\p
\v 13 Títsꞌínkjinu̱u kju̱a̱suniña xu̱ta̱ ni̱nku̱ xinki̱u xi tjín e̱i̱ xi Nti̱a̱ná ta̱ jꞌájihi̱n.