\id REV Mazatec of Jalapa de Díaz
\h Ni xi yꞌéjña chji Jesucristo̱ nga ka̱ma
\toc1 Xu̱ju̱n xi tjítꞌa ni xi yꞌéjña chji Jesucristo̱ nga ka̱ma
\mt Xu̱ju̱n xi tjítꞌa ni xi yꞌéjña chji Jesucristo̱ nga ka̱ma
\c 1
\s Bꞌi̱ tsꞌín bꞌaha̱ ra̱ xu̱ju̱i̱n
\p
\v 1 Jesucristo̱ yꞌéjña chji ni xi tjítꞌa xu̱ju̱n xuꞌbi̱. Nti̱a̱ná kitsꞌínkjasꞌehe̱n tu̱ xi kui ku̱éjña chjihi̱ ra̱ xu̱ta̱ xi tsꞌe̱ ni xi tjíhin nga ka̱ma xatí. Kitsꞌín nibá ntítsjehe̱ tu̱ xi ku̱a̱kúchjihi̱ ra̱ nii̱ Jua, kui xi nda̱ musu̱hu̱.
\v 2 E̱i̱ títsuya Jua ni xi kama chjihi̱, kui niu̱ xi éhe̱n Nti̱a̱ná ko̱ ni xi kitsúya Jesucristo̱.
\p
\v 3 ¡Á bꞌa̱ nda tjíhin tsꞌe̱ xi tsꞌínyaha én xuꞌbi̱ xi kitsꞌín nibá Nti̱a̱ná, ko̱ á bꞌa̱ nda tjíhin tsꞌe̱ xi basínñjuhu̱ ra̱ ko̱ tsꞌínsihi̱n ra̱ ni xi tjítꞌaha e̱i̱, a̱tꞌaha̱ ja tífi tiña ni̱stjiu̱n!
\s Bꞌi̱ tsꞌín kitsꞌínkjihi̱ Jua kju̱a̱suniña xu̱ta̱ ni̱nku̱
\p
\v 4 An Jua títsꞌinkjínu̱u xu̱ju̱i̱n, ni̱nku̱ yatu xi tintsu̱bo̱o a̱nte Asi̱a̱. Katsjánu̱u kju̱a̱nda ko̱ kju̱a̱jyu Nti̱a̱ná xi tíjña, yꞌejña ko̱ kjꞌu̱a̱í. Katsjánu̱u kju̱a̱nda ko̱ kju̱a̱jyu espiri̱tu̱ xi yatu i̱ncha maha xi tjín nginku̱n má bꞌejña Nti̱a̱ná nga batéxuma.
\v 5 Katsjánu̱u kju̱a̱nda ko̱ kju̱a̱jyu Jesucristo̱ xi títsuya ni xi tsꞌe̱ Nti̱a̱ná. Kui xi tjun jꞌáíyaha̱ a̱jihi̱n xu̱ta̱ kꞌie̱n ko̱ batéxumaha̱ já rei̱ xi tjín a̱sunntee̱. Kui xi tjoho̱ ñá ko̱ tsaténdzjo jníhi̱ nga kitsꞌínkjejnú ngatitsunná.
\v 6 Kitsꞌín maná xu̱ta̱ xi tsꞌe̱ tu̱ xi ku̱a̱texumahaná ko̱ nꞌe̱tsjoo̱hó Nti̱a̱ha̱ ko̱ Na̱ꞌmihi̱ xi nkúhu já na̱ꞌmi xi tsꞌe̱. ¡Kasꞌehe̱ kju̱a̱chánka ko̱ katatéxuma santaha tu̱ nkjéhé ni! Bꞌa̱ katuma.
\p
\v 7 ¡Cha̱so̱o, kui xi nibájin ni̱nti̱u̱! Ngayjee̱ xu̱ta̱ sku̱e̱he̱, santaha ko̱ já xi kikꞌíénjinkihi̱ ki̱cha̱. Kji̱ntá nkjún ngayjee̱ xu̱ta̱ na̱xi̱nantá xi tjín a̱sunntee̱ nkꞌie nga sku̱e̱he̱. Joho̱n, bꞌa̱ katuma.
\p
\v 8 “An xi xi tjuhun ko̱ xi fekuhu”, títsu Nti̱a̱ná xi tjíhi̱n ngaꞌyún, xi tíjña, yꞌejña ko̱ kjꞌu̱a̱í.
\s Bꞌi̱ tsꞌín tsakúchji yjoho̱ Jesu
\p
\v 9 An nda̱ ntsꞌo Jua ta̱ tífꞌa̱jian kju̱a̱ꞌun xi tíi̱ncha bitjajíún. Jun ko̱ an Nti̱a̱ná tíbatéxumaná. Jun ko̱ an tínꞌe chúkju̱á kju̱a̱ni̱ma̱ nga nkuhú maka̱á Jesu. Tsáte̱jñanijé xjo̱ xi ꞌmi Patmo̱ a̱tꞌaha̱ yꞌeni̱jmíá éhe̱n Nti̱a̱ná ko̱ kitsꞌinkíé yjona̱ nga Jesu tje̱nnkia.
\v 10 Nku tuminku̱ jꞌaijínna Espiri̱tu̱hu̱ Nti̱a̱ná ko̱ a̱stán kintꞌe nga nibaha nku nta̱ xi tu̱ xí ꞌyúhún jane, xi nkú joyaha nku tjio.
\v 11 Bꞌa̱ kitsúna:
\p —Tꞌetꞌa xu̱ju̱i̱n ni xi cha̱i̱ ko̱ nꞌe̱kjíhi̱ ni̱nku̱ yatu xi tjín a̱nte Asi̱a̱, ni̱nku̱ xi tíjña nanki Efe̱so̱, xi tíjña nanki Esmirna̱, xi tíjña nanki Perga̱mo̱, xi tíjña nanki Tiatira̱, xi tíjña nanki Sardi̱, xi tíjña nanki Filadelfi̱a̱, ko̱ xi tíjña nanki Laodicea̱.
\p
\v 12 A̱sꞌa̱i kitsꞌinkꞌótjiya tu̱ xi skuehena yá xi tínchja̱ko̱na. Nkꞌie nga kitsꞌinkꞌótjiya, kikie yatu ni to̱onsine xi sꞌentusún ndꞌí xi tsꞌín ndzjen.
\v 13 A̱jihi̱n ndꞌí xi tsꞌín ndzjee̱n kikie xi bꞌa̱ tjín Ntíhi̱ Nda̱xꞌi̱u̱n tjín. Nku najyun ndju yja xi bichú santaha tsu̱ku̱ ko̱ nku ni to̱onsine tjíkjá ꞌme̱he̱.
\v 14 Taba ntsja̱ha̱ xi nkú joyaha ntsja̱ha̱ chu̱tsa̱nka̱ ko̱ xi nkú joyaha nchꞌán. Bꞌa̱ kꞌun tunku̱n xi nkú joyaha ndꞌí.
\p
\v 15 Tíbatꞌai tsu̱ku̱ xi nkú joyaha ki̱cha̱ sine bronce̱ xi kinꞌeꞌna̱ nga kinꞌechuhu̱n. Tu̱ xí ꞌyún nta̱ha̱, xi nkú joyaha xi nkú tsꞌín faneya ntáje̱ nga ꞌyún xu.
\v 16 Ntsja kixi̱ tjítꞌaha̱ yatu niñu ko̱ tsꞌa tsitjuhu nku ki̱cha̱ ndju ntsí xi yjo nga jo ngaba. Bꞌa̱ tjín a̱nkjín xi nkú joyaha tsꞌíu̱ nga ꞌyún batꞌai.
\p
\v 17 Nkꞌie nga kikie, jái̱kijne kinte tsu̱ku̱ ko̱ bꞌa̱ kama xi tsaya kama. Tu̱nga jánehéna ntsja kixi̱ ko̱ bꞌi̱ kitsúna:
\p —Najmi tu̱ binkjuin. An xi tjuhun ko̱ xi fekuhu
\v 18 ko̱ xi tíjña tíkꞌun. Tsaya tu̱nga ndꞌa̱i̱ tíi̱jña tíkꞌan tu̱ nkjéhé ni. An tíjñana yubi̱hi̱ ngabayoo̱ ko̱ a̱ntehe̱ xu̱ta̱ kꞌie̱n.
\v 19 Tꞌetꞌai ni xi kuayai, ni xi tíma ndꞌa̱i̱ ko̱ ni xi ka̱ma a̱skahan.
\v 20 Bꞌi̱ tsuhu̱ ra̱ ni xi tíjña ꞌma xi kuayai, niñu xi yatu xi kuayai ntsa̱ kixi̱a̱ ko̱ ni to̱onsine yatu xi sꞌentusún ndꞌí xi tsꞌín ndzjee̱n. Niñu xi yatuu̱, kui xi ntítsje xi basehe̱ ni̱nku̱ xi yatuu̱. Ko̱ ni xi sꞌentusún ndꞌí xi tsꞌín ndzjen xi yatuu̱, kui xi ni̱nku̱ xi yatuu̱.
\c 2
\s Bꞌi̱ tsu én xi kitsꞌínkjihi̱ Jesucristo̱ // ni̱nku̱ xi tíjña nanki Efe̱so̱
\p
\v 1 ’Bꞌi̱ tsꞌín tꞌetꞌai nga nꞌe̱ntúíhi̱ ntítsjehe̱ xu̱ta̱ ni̱nku̱ Efe̱so̱: “Bꞌi̱ títsu xi tjítꞌaha̱ niñu xi yatuu̱ ntsja kixi̱, xi tsúꞌbajin kamasehe̱n ni to̱onsine xi yatu xi sꞌentusún ndꞌí xi tsꞌín ndzjee̱n:
\v 2 Be ni xi tínꞌei, xi nkú tsꞌín tíbꞌenki kju̱a̱ni̱ma̱ xá xi tínꞌei ko̱ xi nkú tsꞌín tínꞌe chúkju̱a̱i̱. Be nkꞌie nga najmi sasíhin ni xi i̱ncha tsꞌín já chꞌonkꞌuu̱n. Kichjutꞌayákꞌuin já xi já postru̱ tíi̱ncha tsꞌín ma maña̱ yjoho̱ ko̱ kiyai nga já tsankꞌá niu̱, nga najmi já postru̱.
\v 3 Tínꞌetsentai kju̱a̱ni̱ma̱ xi tíbitjajín ko̱ tínꞌe chúkju̱a̱i̱ kju̱a̱ni̱ma̱ xi tísakúhi nga̱tꞌana̱. Najmi tífehe̱ takꞌuin.
\p
\v 4 ’Tu̱nga najmi tísasíhínna nga̱tꞌa tsꞌi̱ nga najmi ta̱ tjíhin ri kju̱a̱tjo xi kisꞌejñahi nga tjuhun.
\v 5 Kui nga nꞌe̱kjꞌáítsjehenni ni xi ja kinꞌe tꞌaxín. Tꞌinchjꞌa̱ha̱ ri̱ ani̱ma̱hi̱ ko̱ nꞌe̱ ngáhani xi nkú kinꞌei nga tjuhun. A̱tꞌaha̱ tsa najmi bꞌa̱ nꞌe̱i̱, kjúái̱sehe ko̱ kjexíán ni xi síjñasun ndꞌí xi tsꞌín ndzjen xi tsꞌi̱ má nga tíjña. Bꞌa̱ tsꞌian tsa najmi kꞌúínchjꞌaha̱ ri̱ ani̱ma̱hi̱.
\p
\v 6 ’Nda tjín nga najmi sasíhin já nicolai̱ta̱. An ta̱ najmi sasínna jóo̱.
\p
\v 7 ’¡Xi tje̱n tja̱ba̱xíñju katasínñju ni xi títsuhu̱ Espiri̱tu̱ xu̱ta̱ ni̱nku̱! Xi tsꞌi̱ín ngana̱, kui xi tsjaha̱ nga kji̱ne̱ tuhu̱ yá xi tsꞌínkꞌíéntu tíkꞌuhu̱n xu̱ta̱, xi síjña ndji̱o̱jmihi̱ Nti̱a̱ná.”
\s Bꞌi̱ tsu én xi kitsꞌínkjihi̱ Jesucristo̱ // ni̱nku̱ xi tíjña nanki Esmirna̱
\p
\v 8 ’Bꞌi̱ tsꞌín tꞌetꞌai nga nꞌe̱ntúíhi̱ ntítsjehe̱ xu̱ta̱ ni̱nku̱ Esmirna̱: “Bꞌi̱ títsu xi tjuu̱n ko̱ xi fekuu̱, xi kꞌien ko̱ xi tíjña tíkꞌun ngáha:
\v 9 Be nga tíyai kju̱a̱ꞌun ko̱ nga xꞌa̱i̱n, tu̱nga nkꞌie nga basehe, nchi̱ná ní. Be nga tínchja̱titꞌaihin xu̱ta̱ xi ntje̱ judio̱ tíi̱ncha tsꞌín ma maña̱ yjoho̱. Najmi xu̱ta̱ judio̱ niu̱. Xu̱ta̱ xi yjanki níhi̱ nda̱nindoo̱ niu̱.
\v 10 Najmi tu̱ binkjuin kju̱a̱ni̱ma̱ xi ku̱i̱tjánki. A̱tꞌaha̱ kꞌu̱a̱ xu̱ta̱ xi tsꞌa̱jun tsꞌi̱ínkjasꞌen nu̱ba̱yá nda̱nindoo̱ tu̱ xi chjútꞌayákꞌuhu̱nnu̱u. Te ni̱stjin tjíhin nga sa̱kúnu̱u kju̱a̱ꞌun. Ndjá ti̱si̱njñai ndaha tsa tjíhin nga ku̱a̱yáí, ko̱ an tsjaha corona̱ xi kꞌu̱a̱i̱hi̱ xu̱ta̱ xi kꞌúéntu tíkꞌuu̱n.
\p
\v 11 ’¡Xi tje̱n tja̱ba̱xínñju katasínñju ni xi títsuhu̱ Espiri̱tu̱ xu̱ta̱ ni̱nku̱! Xi tsꞌi̱ín ngana̱, kui xi najmi ta̱ sku̱e̱he ngabaya xi ma joo̱.”
\s Bꞌi̱ tsu én xi kitsꞌínkjihi̱ Jesucristo̱ // ni̱nku̱ xi tíjña nanki Perga̱mo̱
\p
\v 12 ’Bꞌi̱ tsꞌín tꞌetꞌai nga nꞌe̱ntúíhi̱ ntítsjehe̱ xu̱ta̱ ni̱nku̱ Perga̱mo̱: “Bꞌi̱ títsu xi tíjñaha̱ ki̱cha̱ ndju ntsí xi yjo nga jo ngaba:
\v 13 Be ni xi tínꞌei ko̱ nga má tíjña nda̱nindoo̱ nga tíbatéxuma tinchin. Tu̱ nkú kixi̱hí tisinjñai ko̱ tu̱ nkú tísꞌejihín ri an, bꞌaha̱ ra̱ ni̱stjin nga kinꞌekꞌien nda̱ musu̱na̱ Antipa̱ xi yꞌéni̱jmína. Kinꞌekꞌien a̱jinnu̱u má nga tíjña nda̱nindoo̱.
\p
\v 14 ’Tu̱nga tjíhín ni xi najmi tísasínna xi tínꞌei. A̱tꞌaha̱ tjíntujíhin kꞌu̱a̱ xi tíi̱ncha tsꞌín ni xi tsakúya nda̱ profeta̱ Balaam. Kui tsincháꞌa nda̱ rei̱ Balac xi nkú tsꞌín ka̱ma tsꞌi̱ínkijnejihin ngatitsun xu̱ta̱ xi ntje̱ Israel tje̱he̱n ra̱, tu̱ xi i̱ncha kji̱ne̱he chje̱ xi kikꞌa̱i̱hi̱ ra̱ nti̱a̱ xi tsꞌínndaha ntsja xu̱ta̱ ko̱ tu̱ xi chu̱ba̱ i̱ncha kjúántuko̱ho xinkjín.
\v 15 Ko̱ ta̱ tjíntujíhin kꞌu̱a̱ xi tíi̱ncha títsꞌín sa ni xi bakúya já nicolai̱ta̱.
\v 16 Kui bꞌa̱ maha, tꞌinchjꞌa̱ha̱ ri̱ ani̱ma̱hi̱. Tsa najmi bꞌa̱ nꞌe̱i̱, kjúái̱se xatíhi ko̱ ki̱cha̱ xi tíbitjuhu tsu̱ꞌbá kjanko̱hona xu̱ta̱ xi bꞌa̱ tíi̱ncha tsꞌíu̱n.
\p
\v 17 ’¡Xi tje̱n tja̱ba̱xínñju katasínñju ni xi títsuhu̱ Espiri̱tu̱ xu̱ta̱ ni̱nku̱! Xi tsꞌi̱ín ngana̱, kui xi tsjaha̱ nga kji̱ne̱ manaa̱\f + \fr 2:17 \ft “Manaa̱” ꞌmi nichine xi kikꞌa̱i̱hi̱ xu̱ta̱ Israel nga kji̱ne̱ nkꞌie nga i̱ncha yꞌemako̱ Moise a̱nte kixiu̱.\f* xi tíjña ꞌma, ko̱ ta̱ tsjaha̱ nku ndji̱o̱ taba má nga tjítꞌa nku jꞌáín tse̱tse̱ xi najmi chꞌa be. Tu̱ nkuhú xi tsꞌi̱ínkjáíhi̱n, kui xi sku̱e̱.”
\s Bꞌi̱ tsu én xi kitsꞌínkjihi̱ Jesucristo̱ // ni̱nku̱ xi tíjña nanki Tiatira̱
\p
\v 18 ’Bꞌi̱ tsꞌín tꞌetꞌai nga nꞌe̱ntúíhi̱ ntítsjehe̱ xu̱ta̱ ni̱nku̱ Tiatira̱: “Bꞌi̱ títsu Ntíhi̱ Nti̱a̱ná, xi bꞌa̱ kꞌun tunku̱n xi nkú joyaha ndꞌí ko̱ tsu̱ku̱ xi nkú joyaha ki̱cha̱ sine bronce̱ xi kinꞌeꞌna̱ nga kinꞌechuhu̱n:
\v 19 Be ni xi tínꞌei, nga tjohi ko̱ sꞌejihin an, nga tínꞌexátꞌaní ko̱ xi nkú nꞌe tínꞌe chúkju̱a̱i̱. Be nga ꞌyún tínꞌexá sai ndꞌa̱i̱ nkꞌie nga tutsꞌihi̱n ni.
\p
\v 20 ’Tu̱nga kuihí ni xuꞌbi̱ xi najmi tísasínna nga tínꞌei. Tíꞌba̱i̱nteihi̱ na̱ Jezabel xi na̱ profeta̱ títsꞌín ma maña̱ yjoho̱. Tíbakúyaha̱ ko̱ tíbꞌana̱cha̱ha̱ xu̱ta̱ xi tsꞌa̱n, tu̱ xi chu̱ba̱ i̱ncha kjúántuko̱hó xinkjín ko̱ i̱ncha kji̱ne̱ chje̱ xi kikꞌa̱i̱hi̱ nti̱a̱ xi tsꞌínndaha ntsja xu̱ta̱.
\v 21 Kitsjantéhe̱ no̱ nga ngju̱a̱i̱kjꞌáha̱ ra̱ ani̱ma̱ha̱ tunga tu̱ nkú mjehé ra̱ chu̱ba̱ kjúántuko̱hó já.
\v 22 Kui nga nku chꞌin tsꞌin nibánehe̱ no̱ ko̱ chánka kju̱a̱ni̱ma̱ xi tsjaha̱ já xi fantuko̱ho̱, tsa najmi i̱ncha ngju̱a̱i̱kjꞌáha̱ ra̱ ani̱ma̱ha̱ nga i̱ncha kꞌu̱éntu ni xi tsakúyaha̱ no̱.
\v 23 Tsꞌinkꞌíén ntíhi̱ no̱. Bꞌa̱ tsꞌín sku̱e̱he ngayjee̱ xu̱ta̱ ni̱nku̱ nga be xi nkú tsꞌín tjíntuyá kju̱a̱nkjintakꞌuhu̱n xu̱ta̱ ko̱ ani̱ma̱ha̱ ko̱ nga tsjanu̱u nga nkúnkú chjíhi̱ ni xi kinꞌo.
\p
\v 24 ’Máha jun xi tintsu̱bo̱o Tiatira̱ xi najmi tínꞌo ni xi tíbakúya no̱ ko̱ najmi tsinchiyó ni xi tsu xu̱ta̱ nga tjíhi̱n nda̱nindoo̱, ni xi tjíntuꞌmá, bꞌa̱ tíxinnu̱u nga najmi ta̱ tsjaha̱nu̱u kjꞌa̱í chꞌá.
\v 25 Tu̱nga chúhún ru̱u ni xi tíjñanu̱u santa nkúhu nga kjúái̱ ngáhana.
\p
\v 26 ’Xi tsꞌi̱ín ngana̱ ko̱ tu̱ nku ngju̱a̱i̱ndjuko̱hó xá xi mjena nga tsꞌi̱ín, kui xi tsja xáha̱ nga ku̱a̱téxumaha̱ nanki xi tjín a̱sunntee̱ xi nkú tsꞌín kitsjá xána Na̱ꞌmina̱.
\v 27 Ndjá ku̱a̱téxumaha̱ xu̱ta̱. Bꞌa̱ ka̱maha̱ xu̱ta̱ xi nkú maha̱ nku ndji̱í nga ki̱cha̱ bichꞌonnehe̱.
\v 28 Xi tsꞌi̱ín ngana̱, kui xi tsjaha̱ niñu xi batꞌai nga ja tífi ma sen.
\p
\v 29 ’¡Xi tje̱n tja̱ba̱xínñju katasínñju ni xi títsuhu̱ Espiri̱tu̱ xu̱ta̱ ni̱nku̱!”
\c 3
\s Bꞌi̱ tsu én xi kitsꞌínkjihi̱ Jesucristo̱ // ni̱nku̱ xi tíjña nanki Sardi̱
\p
\v 1 ’Bꞌi̱ tsꞌín tꞌetꞌai nga nꞌe̱ntúíhi̱ ntítsjehe̱ xu̱ta̱ ni̱nku̱ Sardi̱: “Bꞌi̱ títsu xi tíjñaha̱ espiri̱tu̱ yatu xi tsꞌe̱ Nti̱a̱ná ko̱ niñu xi yatuu̱: Be ni xi tínꞌei. Bꞌa̱ i̱ncha tsu xu̱ta̱ nga tinchun tíkꞌuin, tu̱nga nkꞌie nga basehe ja tsayai.
\v 2 Ti̱nchin ndai ko̱ tjen ngaꞌyíhi̱n yjohi̱ kintehe̱ ni nga ku̱a̱yá kjin. A̱tꞌaha̱ tíbe nga najmi kixi̱ tíꞌmiko̱i̱ xáhi̱ nginku̱n Nti̱a̱ná.
\p
\v 3 ’Kui nga nꞌe̱kjꞌáítsjehe̱n ri̱ yjohi̱ ko̱ tsjénnki ni xi kikꞌa̱i̱hi ko̱ kinuꞌyáí, ko̱ tꞌinchjꞌa̱ha̱ ri̱ ani̱ma̱hi̱. Tsa najmi ku̱i̱nchinndai, kjúái̱sehe xi nkú joyaha nku nda̱ ndyjé ko̱ najmi cha̱i mí chu̱ba̱ha nga kjúái̱sehe.
\v 4 Tu̱nga tjíntujíhín ri nanki Sardi̱ kꞌu̱a̱ xu̱ta̱ xi najmi i̱ncha kitsꞌín chu̱ntí najyuhu̱n. Kui xi kꞌúémako̱na nga ngju̱a̱ najyun taba, a̱tꞌaha̱ kui xi i̱ncha tje̱he̱n ra̱ nga kꞌúémako̱na.
\p
\v 5 ’Xi tsꞌi̱ín ngana̱, kui xi nꞌe̱ngja najyun taba ko̱ najmi tsꞌin ndyjájna jꞌáíhi̱n xu̱ju̱n má nga tjíntutꞌá jꞌáíhi̱n xu̱ta̱ xi kꞌúéntu tíkꞌun. Tu̱ sa ní tsꞌinkíé yjona̱ nga be xu̱ta̱ xuꞌbo̱ nginku̱n Na̱ꞌmina̱ ko̱ nginku̱n ntítsjehe̱.
\p
\v 6 ’¡Xi tje̱n tja̱ba̱xínñju katasínñju ni xi títsuhu̱ Espiri̱tu̱ xu̱ta̱ ni̱nku̱!”
\s Bꞌi̱ tsu én xi kitsꞌínkjihi̱ Jesucristo̱ // ni̱nku̱ xi tíjña nanki Filadelfi̱a̱
\p
\v 7 ’Bꞌi̱ tsꞌín tꞌetꞌai nga nꞌe̱ntúíhi̱ ntítsjehe̱ xu̱ta̱ ni̱nku̱ Filadelfi̱a̱: “Bꞌi̱ títsu xi tsje ko̱ na̱xu̱ ni xi tsu, xi tíjñaha̱ yubi̱hi̱ nda̱ rei̱ David, xi kjexꞌá ko̱ najmi chꞌa maha̱ bꞌéchja, xi bꞌéchja ko̱ najmi chꞌa maha̱ kjexꞌá:
\v 8 Be ni xi tínꞌei. Cha̱se̱i̱. Nginkuin tje̱nti̱xa̱na nku a̱nkju̱a̱ xi najmi chꞌa maha̱ bꞌéchja. Be nga najmi ꞌyún tjíhin ngaꞌyún, tu̱nga tínꞌetjusunní énna̱ ko̱ tínꞌekiei yjohi̱ nga yaní.
\v 9 Ndꞌa̱i̱ ni xi tsꞌihi̱n xu̱ta̱ sinagoga̱ha̱ nda̱nindoo̱, xu̱ta̱ tsankꞌá xi ntje̱ judio̱ tje̱he̱n ra̱ tsꞌín ma maña̱ yjoho̱, tsꞌin kju̱a̱ꞌyúhu̱n ra̱ nga i̱ncha ngju̱a̱i̱sinkúnchꞌintꞌahi tu̱ xi bꞌa̱ tsꞌín i̱ncha sku̱e̱he nga tjona ji.
\p
\v 10 ’Kichꞌatjóí énna̱ nga kinꞌe chúkju̱a̱i̱. Kui nga an tsꞌinkjꞌa tꞌaxíhin ra kju̱a̱ni̱ma̱ xi kjꞌu̱a̱í ni̱stjin nga chjútꞌayákꞌun ngayjee̱ xu̱ta̱ xi tjín a̱sunntee̱, kju̱a̱ni̱ma̱ xi kjꞌu̱a̱í nga ngúsuhu̱n a̱sunntee̱.
\v 11 Kjúái̱ xatíá. Ndjá ti̱si̱njñajin ni xi tíjñahi, tu̱ xi najmi chꞌa kjéꞌaha ri corona̱ xi tsꞌi̱.
\p
\v 12 ’Xi tsꞌi̱ín ngana̱, kui xi tsꞌin ma yásjaihi̱ ni̱nku̱hu̱ Nti̱a̱na̱. Ndaha̱chí najmi ta̱ ku̱i̱tjunkihi yo̱. Ko̱ kꞌuetꞌáha̱ jꞌáíhi̱n Nti̱a̱na̱ ko̱ jꞌáíhi̱n na̱xi̱nantáha̱ Nti̱a̱na̱, kui xi nanki Jerusalen tse̱tse̱ xi Nti̱a̱ná tsꞌi̱ín nibájehen ndji̱o̱jmi ján. Ko̱ ta̱ kꞌuetꞌáha̱ jꞌáín tse̱tse̱na̱.
\p
\v 13 ’¡Xi tje̱n tja̱ba̱xínñju katasínñju ni xi títsuhu̱ Espiri̱tu̱ xu̱ta̱ ni̱nku̱!”
\s Bꞌi̱ tsu én xi kitsꞌínkjihi̱ Jesucristo̱ // ni̱nku̱ xi tíjña nanki Laodicea̱
\p
\v 14 ’Bꞌi̱ tsꞌín tꞌetꞌai nga nꞌe̱ntúíhi̱ ntítsjehe̱ xu̱ta̱ ni̱nku̱ Laodicea̱: “Bꞌi̱ títsu xi ꞌmi Xi Na̱xu̱, xi ma nꞌe sꞌejihi̱ín ni xi tsuya ko̱ xi na̱xu̱ ni xi tsu, xi kitsꞌínndako̱ Nti̱a̱ná ni xi tjín:
\v 15 Be ni xi tínꞌei. Ji xi nkú joyaha ntánijua xi ndaha najmi nchꞌán ko̱ ta̱ ndaha najmi sje. ¡Tsa tu̱ nchꞌáhan mahani kai, ko̱ tsa tu̱ sje mahani kai!
\v 16 Tu̱nga sukꞌi̱e̱nní. Najmi nchꞌáín ko̱ ta̱ ndaha najmi sjei. Kui nga kuate̱téhera.
\v 17 A̱tꞌaha̱: An xi nchi̱ná. Nda tsꞌín tíi̱jña. Najmi chumi nihi xi ndyjatꞌana, tíbixín. Tu̱nga najmi tímankjihín ri nga najmi tjíhin kju̱a̱tsjo, ko̱ nga najmi chumi ni chjíhi̱ ra̱ ji, ko̱ nga xꞌa̱i̱n ko̱ ka̱i̱ ko̱ kisusti.
\p
\v 18 ’Kui nga bꞌa̱ tíxihin ra nga chꞌa̱tseheni ni xi tjínna. Chꞌa̱tsei to̱onsine xi ꞌyún nda, tu̱ xi ka̱ma nchi̱náhani. Chꞌa̱tsei najyun taba xi ka̱mandyja̱i̱ tu̱ xi kꞌúéꞌmahani yjoninte kistihi̱ xi títsjáhi kju̱a̱suba. Chꞌa̱tsei ntánki xi tsꞌi̱ínnkihi̱ tunkuin tu̱ xi cha̱hani.
\p
\v 19 ’Ngayjee̱ xi tjona, kui xi si nchjaka̱ ko̱ tsjani̱yáha̱. Kui nga tjen ngaꞌyúhu̱n ri̱ yjohi̱ ko̱ tꞌinchjꞌa̱ha̱ ri̱ ani̱ma̱hi̱.
\v 20 Cha̱se̱i̱. An síi̱jña a̱sti a̱nkju̱o̱ nga títsꞌinkjane. Tsa tjín xi ku̱i̱ntꞌé nta̱na̱ ko̱ kjéxꞌá a̱nkju̱o̱, an kju̱a̱sꞌe̱n má tíjña ko̱ an kjíne̱ka̱ nichine ko̱ kui kji̱ne̱ko̱na.
\p
\v 21 ’Xi tsꞌi̱ín ngana̱, kui xi tsjantéhe̱ nga kꞌúéjñatꞌako̱na má nga batexuma xi nkú tsꞌín an ja kitsꞌin ngana̱ ko̱ tíi̱jñatꞌaka̱ Na̱ꞌmina̱ má nga batéxuma.
\p
\v 22 ’¡Xi tje̱n tja̱ba̱xínñju katasínñju ni xi títsuhu̱ Espiri̱tu̱ xu̱ta̱ ni̱nku̱!”
\c 4
\s Bꞌi̱ tsꞌín tsakuchjíhi̱ Jua xi nkú tsꞌín kinꞌetsjoho̱ Nti̱a̱ná ndji̱o̱jmi ján
\p
\v 1 A̱skahan nga ja jꞌa ni xuꞌbi̱, a̱sꞌa̱i tsase ko̱ kikie nku a̱nkju̱a̱ xi tje̱nti̱xa̱ nkꞌa ján. Ko̱ nta̱ xi tjun kintꞌe, xi bꞌa̱ tsꞌín nuꞌyá xi nkú joyaha nga fane tjio, kui xi bꞌa̱ kitsúna:
\p —Nibánji e̱i̱. Kuakuchjíhi ni xi tjíhin nga ka̱ma.
\p
\v 2 Ta̱ kuihi chu̱bo̱ jꞌaijínna Espiri̱tu̱ ko̱ kikie ndji̱o̱jmi ján xi kabꞌejña nga tíbatéxuma.
\v 3 Sénni̱stjihi̱n xi kabꞌejña yo̱, kui xi bꞌa̱ tjín xi nkú joyaha ndji̱o̱ tsjo kꞌun jaspe̱ ko̱ ndji̱o̱ tsjo kꞌun kornalina̱. Ko̱ sínkjántjaihi̱ má kabꞌejña nku ye̱jña̱ xi tíbatꞌai xi nkú joyaha ndji̱o̱ tsjo kꞌun esmeralda̱.
\v 4 Ko̱ a̱ndaihi̱ má kabꞌejña kikie sa kan ñju jáchá xi ta̱ i̱ncha kabꞌentu, xi i̱ncha yja najyun taba ko̱ corona̱ to̱onsine tjíntuꞌáha̱.
\p
\v 5 Má kabꞌejña xi tíbatéxumoo̱ tsitju ndꞌíchꞌo̱n ko̱ nta̱ xi xa̱áha̱n kinuꞌyá ko̱ janeya chꞌo̱n. Ko̱ a̱nkjín xi tíbatéxumoo̱ títi yatu ndꞌí sꞌekuyá. Kui xi tsuhu̱ ra̱ espiri̱tu̱ xi yatuhu̱ Nti̱a̱ná.
\v 6 Ko̱ a̱nkjín má kabꞌejña xi tíbatéxumoo̱ ta̱ kjijña nku ni xi bꞌa̱ tjín xi nkúhu ntáchakꞌun xi ꞌna̱ xi nkúhu chu̱tsín.
\p A̱ndaihi̱ má kabꞌejña xi tíbatéxumoo̱ tjíntu ñju xi tjíntu tíkꞌun, xi kitsejnúhu̱ ra̱ tunku̱n a̱nkjín ko̱ a̱stu̱n.
\v 7 Xi tjuu̱n bꞌa̱ tjín xi nkúhu xa. Xi ma joho bꞌa̱ tjín xi nkúhu turu̱. Xi ma jahan bꞌa̱ tjín a̱nkjín xi nkúhu xu̱ta̱. Ko̱ xi ma ñjuhu bꞌa̱ tjín xi nkúhu ja̱ xi tífi tje̱n.
\p
\v 8 Nga nkúnkú xi ñju tjíntu tíkꞌuu̱n jun maha tsja̱nka̱ha̱. Kitsejnúhu̱ ra̱ tunku̱n kintehe̱ ko̱ a̱sunnkꞌaha̱. Tu̱ nku nga tíi̱ncha sehé ni̱stjin ni̱stje̱n nga bꞌa̱ tíi̱ncha tsu:
\q Nti̱a̱ná xi tsje, Nti̱a̱ná xi tsje, Nti̱a̱ná xi tsje.
\q Nti̱a̱ná xi tjíhi̱n ngaꞌyún.
\q Kui xi yꞌejña, tíjña ko̱ kjꞌu̱a̱í.
\p
\v 9 Xi ñju tjíntu tíkꞌuu̱n tíi̱ncha tsꞌínkie yjoho̱ nga chánka xi tíbatéxumoo̱, kui xi tíjña tíkꞌun tu̱ nkjéhé ni. Tíi̱ncha benkjún ko̱ tíi̱ncha tsjáha̱ mábꞌa̱chjíhi̱. Ko̱ nkꞌie nga bꞌa̱ tíi̱ncha tsꞌín xi ñjuu̱,
\v 10 jáchá xi kan ñjuu̱ tíi̱ncha basinkúnchꞌintꞌaha̱ nga títsꞌíntsjoho̱ xi tíbatéxumoo̱, xi tíjña tíkꞌun tu̱ nkjéhé ni. Tíi̱ncha bꞌéntu corona̱ha̱ nginku̱n nga bꞌi̱ tíi̱ncha tsu:
\q
\v 11 Ji Nti̱a̱ xi Nti̱a̱ni̱, ji xi tje̱hen ri nga cha̱nkjúhin
\q ko̱ nga sꞌe̱hi kju̱a̱chánka ko̱ ngaꞌyún.
\q A̱tꞌaha̱ ji kinꞌendai ngayjee̱ ni xi tjín.
\q Kama mjehi, kui nga tjíhin ko̱ kamandaha.
\c 5
\s Bꞌi̱ tsꞌín tsakuchjíhi̱ Jua nga Chu̱tsa̱nko̱ tsakjꞌá xu̱ju̱n xi najmi chꞌa maha̱ bakjꞌá
\p
\v 1 A̱sꞌa̱i kikie nku xu̱ju̱n, kui xi ntsja kixi̱ yꞌaha xi tíbatéxumoo̱. Kui xu̱ju̱n xi kinꞌentú nga jo ngabaha, ko̱ tjíchjaneko̱ho̱ ra̱ yatu sello̱.
\v 2 Kikie nku ntítsje xi ꞌyún tjíhi̱n ngaꞌyún, kui xi ꞌyún tínchja̱ nga bꞌi̱ títsu:
\p —¿Yá xi tje̱he̱n ra̱ nga kjénti̱ya sello̱ xi tjíchjaneko̱ho xu̱ju̱n ko̱ kjéxínnka?
\p
\v 3 Tu̱nga ndahá nku xi tjín ndji̱o̱jmi ján ko̱ ndaha nku xi tjín a̱sunntee̱ ko̱ ndaha nku xi tjín kintehe̱ tꞌanankiu̱ najmi kamaha̱ kikjexínnka xu̱ju̱n, ko̱ ta̱ ndaha najmi kamaha̱ tsa tu̱ tsasehe̱ ni xi tjítꞌa.
\v 4 Tu̱ xí kikjíi̱ntaná nga najmi chꞌa kamaha̱ kikjexínnka xu̱ju̱n ko̱ ta̱ ndaha tsa tsasehe̱ ni xi tjítꞌa.
\p
\v 5 A̱sꞌa̱i bꞌa̱ kitsúna nku nda̱chá xi kan ñjuu̱:
\p —Najmi tu̱ chꞌí. Cha̱se̱i̱. Xa xi yꞌaha̱ ra̱ ntje̱he̱ Juda, xi ntje̱he̱ David yꞌaha̱ ra̱, kui xi kitsꞌín ngana̱ ko̱ ka̱maha̱ kjénti̱ya sello̱ yatu xi tjíchjaneko̱ho xu̱juṉ ko̱ kjéxínnka.
\p
\v 6 A̱sꞌa̱i a̱nkjín xi tíbatéxumoo̱ ko̱ kamasehe̱n xi ñju xi tjíntu tíkꞌuu̱n ko̱ kamasehe̱n jáchá xi kan ñjuu̱ kikie nku Chu̱tsa̱nka̱ xi síjña yo̱, xi bꞌa̱ tjín xi nkúhu tsa ja kinꞌekꞌien. Yatu ndji̱a̱ tjíhi̱n ko̱ yatu tunku̱n. Kui xi tsuhu̱ ra̱ espiri̱tu̱ xi yatuhu̱ Nti̱a̱ná xi kinꞌe nibá ngayjee̱ a̱sunntee̱.
\v 7 Ngjikjꞌá Chu̱tsa̱nko̱ xu̱ju̱n xi kjiya ntsja kixi̱ xi tíbatéxumoo̱.
\p
\v 8 Nkꞌie nga jakjꞌá xu̱ju̱n Chu̱tsa̱nko̱, a̱sꞌa̱i xi ñju xi tjíntu tíkꞌuu̱n ko̱ jáchá xi kan ñjuu̱ i̱ncha tsasinkúnchꞌintꞌaha̱. Nga nkúnkú i̱ncha yꞌa najní arpa̱ ko̱ tasa̱ to̱onsine xi kitsehe ni xi sinjne̱. Kui niu̱ xi bakúchji ni xi nchja̱ xu̱ta̱ jehe̱ Nti̱a̱ná nkꞌie nga nchja̱ko̱ Nti̱a̱ná.
\p
\v 9 A̱sꞌa̱i i̱ncha kise soo̱n tse̱tse̱ xuꞌbi̱:
\q Ji xi tje̱hen ri nga chjúbéí xu̱ju̱n ko̱ nga chjúnti̱yai sello̱ho̱,
\q a̱tꞌaha̱ ji xi tsayai nga kinꞌe mahi chje̱.
\q Jníhi̱ kichꞌatsehe̱ ri̱ Nti̱a̱ná
\q ngayjee̱ tíkjá xu̱ta̱ xi tjín,
\q xi kjꞌa̱í kjꞌa̱í én nchja̱,
\q xi nibá tu̱ má a̱ntehé ni,
\q ko̱ xu̱ta̱ na̱xi̱nantá xi tjín.
\q
\v 10 Kui xi kinꞌe mai nku na̱xi̱nantá xi tíbatexumaihi̱,
\q kinꞌe mai já na̱ꞌmi xi tsꞌi̱íntsjoho̱ Nti̱a̱ná.
\q I̱ncha ku̱a̱téxumaha̱ a̱sunntee̱.
\p
\v 11 A̱sꞌa̱i tsase ko̱ kintꞌe nta̱ha̱ nkjin ṉkjún ntítsje xi tíi̱nchatꞌa a̱ndaihi̱ xi tíbatéxumoo̱ ko̱ a̱ndaihi̱ xi ñju xi tjíntu tíkꞌuu̱n ko̱ jáchá xi kan ñjuu̱. Tu̱ ni xí ꞌyúhún nkjin i̱ncha maha.
\v 12 ꞌYún i̱ncha tínchja̱ nga bꞌi̱ tíi̱ncha tsu:
\q Chu̱tsa̱nka̱ xi kinꞌekꞌie̱n tje̱he̱n ra̱
\q nga kꞌu̱a̱i̱ xáha̱ nga ku̱a̱téxuma.
\q Tsꞌi̱ínkjáíhi̱n kju̱a̱nchi̱ná,
\q kju̱a̱nkjintakꞌun ko̱ kju̱a̱chánka.
\q Kui xi ka̱ma cha̱nkjún ko̱ nꞌe̱tsjoho̱.
\p
\v 13 A̱sꞌa̱i kintꞌe nta̱ha̱ ngayjee̱ xi kitsꞌínnda Nti̱a̱ná nkꞌa ján ko̱ a̱sunntee̱ ko̱ kintehe̱ tꞌanankiu̱ ko̱ a̱jin ntáchakꞌuu̱n nga bꞌi̱ i̱ncha kitsú:
\q Chu̱tsa̱nko̱ ko̱ xi tíbatéxumoo̱
\q nꞌe̱tsjoho̱ ko̱ cha̱nkjún.
\q Kui xi sꞌe̱he̱ santaha tu̱ nkjéhé ni
\q kju̱a̱chánka ko̱ ngaꞌyún xi tjín.
\p
\v 14 A̱sꞌa̱i —¡Bꞌa̱ katuma! —i̱ncha kitsú xi ñju xi tjíntu tíkꞌuu̱n. Ko̱ jáchá xi kan ñjuu̱ i̱ncha tsasinkúnchꞌin ko̱ i̱ncha kitsꞌíntsjoho̱ Chu̱tsa̱nko̱ ko̱ xi tíbatéxumoo̱.
\c 6
\s Bꞌi̱ tsꞌín tsakuchjíhi̱ Jua nga ñju sello̱ kichjuxꞌá
\p
\v 1 Kikie nkꞌie nga kikjexꞌá Chu̱tsa̱nko̱ sello̱ xi tjuu̱n ko̱ kintꞌe nga kinchja̱ nku xi ñju xi tjíntu tíkꞌuu̱n. Nta̱ha̱, kui xi nkú joyaha xi nkú tsꞌín nuꞌyá nga faneya chꞌo̱n. Bꞌi̱ kitsú:
\p —¡Nibái̱!
\p
\v 2 A̱sꞌa̱i tsase ko̱ kikie nku ndje̱ taba. Xi tjísuhu̱n chu̱ yꞌa nku ni xi sꞌeko̱ yá. Kikꞌa̱i̱hi̱ nku corona̱ ko̱ tsitju tu̱ xi tsꞌi̱ín ngana̱ha.
\p
\v 3 Nkꞌie nga kikjexꞌá Chu̱tsa̱nko̱ sello̱ xi ma joho, kintꞌe nga bꞌi̱ kitsú xi ma joho xi ñju xi tjíntu tíkꞌuu̱n:
\p —¡Nibái̱!
\p
\v 4 A̱sꞌa̱i tsitju kjꞌa̱í ndje̱, nku ndje̱ ni. Xi tjísuhu̱n chu̱ kitsꞌínkjáíhi̱n nku ki̱cha̱ chánka ko̱ kikꞌa̱i̱ xáha̱ xi má nga kjéxin kju̱a̱jyu xi tjín a̱sunntee̱, tu̱ xi tsꞌi̱ínkꞌiehen xinkjín xu̱ta̱.
\p
\v 5 Nkꞌie nga kikjexꞌá Chu̱tsa̱nko̱ sello̱ xi ma jahan, kintꞌe nga bꞌi̱ kitsú xi ma jahan xi ñju xi tjíntu tíkꞌuu̱n:
\p —¡Nibái̱!
\p A̱sꞌa̱i tsase ko̱ kikie nku ndje̱ jma. Xi tjísuhu̱n chu̱ yꞌa nku nisuchúba̱.
\v 6 A̱jihi̱n xi ñju xi tjíntu tíkꞌuu̱n kintꞌe nku nta̱ xi bꞌa̱ kitsú:
\p —Nku ni̱stjin xánta nku kilu̱ tuni̱ñu̱ katijnehe̱, ko̱ nku ni̱stjin xánta jan kilu̱ tu cebada̱ katijnehe̱. Tu̱ xí chjíhí katuma ni. Tu̱nga najmi tu̱ nꞌeko̱ní binu̱ ko̱ ta̱ ndaha seti̱u̱.
\p
\v 7 Nkꞌie nga kikjexꞌá Chu̱tsa̱nko̱ sello̱ xi ma ñjuhu, kintꞌe nta̱ha̱ xi ma ñjuhu xi tjíntu tíkꞌuu̱n nga bꞌi̱ kitsú:
\p —¡Nibái̱!
\p
\v 8 A̱sꞌa̱i tsase ko̱ kikie nku ndje̱ sine kꞌi̱e̱n. Xi tjísuhu̱n chu̱, kui xi ꞌmi Ngabaya ko̱ tje̱nnkihi̱ xi ꞌmi A̱ntehe̱ Xu̱ta̱ Kꞌie̱n. Nga joo̱ i̱ncha kikꞌa̱i̱hi̱ kju̱a̱ nkꞌie nga kju̱a̱chán, kjintíá, chꞌin ko̱ chu̱ kjan xi tjín a̱sunntee̱ i̱ncha tsꞌi̱ínkꞌienko̱ho nku tíkjá xu̱ta̱ a̱sunntee̱.
\s Bꞌi̱ tsꞌín tsakuchjíhi̱ Jua nga kichjuxꞌá // sello̱ xi ma uhun
\p
\v 9 Nkꞌie nga kikjexꞌá Chu̱tsa̱nko̱ sello̱ xi ma uhun, kikie kintehe̱ na̱chan chje̱ ani̱ma̱ha̱ xu̱ta̱ xi kinꞌekꞌien nga̱tꞌaha̱ nga i̱ncha yꞌéni̱jmí éhe̱n Nti̱a̱ná ko̱ nga̱tꞌaha̱ nga tu̱ nku kitsꞌínkiehé yjoho̱ nga Jesu yjanki.
\v 10 ꞌYún i̱ncha kinchja̱ nga bꞌi̱ i̱ncha kitsú:
\p —Tsjení ji, Nda̱ Nti̱a̱, ko̱ na̱xu̱ én xi bixín. ¿Nkjé nꞌe̱ko̱kju̱a̱i̱ xu̱ta̱ xi tjíntu a̱sunntee̱? ¿Nkjé nꞌe̱kꞌíéchjí xi kitsꞌínkꞌienni̱?
\p
\v 11 A̱sꞌa̱i i̱ncha kikꞌa̱i̱hi̱ najyun taba nga nkúnkú. Tu̱ chubahá ni̱stjin i̱ncha kúya kikꞌihi̱n, santaha nkúhu nga ka̱ma ndju̱ú xki̱hi̱ xu̱ta̱ xi ta̱ tjíhin nga nꞌe̱kꞌien xi nkúhu nga kui, xi ntsꞌe̱ maha xinkjín xi ta̱ tíi̱ncha yjankihi̱ Jesu.
\s Bꞌi̱ tsꞌín tsakuchjíhi̱ Jua nga kichjuxꞌá // sello̱ xi ma juhun
\p
\v 12 Nkꞌie nga kikjexꞌá Chu̱tsa̱nko̱ sello̱ xi ma juhun, tsase ko̱ kama nku chón xi tu̱ xí ꞌyúhún. Kama jma tsꞌíu̱ xi nkú joyaha najyun xi jma sénsén. Ni kama sóo̱ xi nkú joyaha jní.
\v 13 Niñu xi tjín nkꞌa ján tsixuntu tꞌanankiu̱ xi nkú ma nga bixuntu tu chjintéhe̱ yá higuera̱ nkꞌie nga bꞌétsujnehe̱ nku ntjo̱ xi ꞌyún.
\v 14 Xi nkú ma nga sꞌekjoya xu̱ju̱n, bꞌa̱ tsꞌín kindyjajin sén nkꞌa ján. Ko̱ ngayjee̱ na̱xi̱u̱ ko̱ xjo̱ xi tjín a̱jin ntáchakꞌuu̱n i̱ncha ngji tꞌaxín.
\p
\v 15 I̱ncha ngjikꞌientuꞌmá a̱ya ti̱xa̱ ngijoo̱ ko̱ a̱jin na̱xi̱u̱ já rei̱, já títjuu̱n, já jun kꞌaku̱, já nchi̱nóo̱, já i ko̱ ngayjee̱ xu̱ta̱, xi nda̱íhi̱ yjoho̱ ko̱ xi musu̱hu̱ xi kichꞌatsehe̱.
\v 16 Bꞌa̱ i̱ncha kitsúhu̱ jñáchóo̱ ko̱ ndji̱o̱ na̱xi̱u̱:
\p —Ti̱xu̱ntunéni̱ ko̱ tꞌentuꞌmáni̱, tu̱ xi najmi sku̱e̱he̱ni̱ xi tíbatéxumoo̱ ko̱ tu̱ xi najmi cha̱ha̱ni̱ kju̱a̱kjan chánkaha̱ Chu̱tsa̱nko̱.
\v 17 A̱tꞌaha̱ ja kuichu ni̱stjin nga ja ku̱a̱kúchji kju̱a̱kjan chánkaha̱. ¿Yá xi ku̱i̱chúkju̱a̱ha̱ ni xi ka̱ma?
\c 7
\s Bꞌi̱ tsꞌín tsakuchjíhi̱ Jua nga xu̱ta̱ xi ntje̱ Israel tje̱he̱n ra̱ // kisꞌetꞌaha̱ chu̱ba̱ha̱ Nti̱a̱ná
\p
\v 1 Nkꞌie nga ja kama ni xuꞌbi̱, a̱sꞌa̱i kikie ñju ntítsje xi tíi̱ncha ndju nga ñju tíkjáha̱ a̱sunntee̱. Kui xi tíbꞌéchjaha̱ ntjo̱ xi nibáha nga ñju tíkjáha̱ a̱sunntee̱ tu̱ xi najmi tsjéhen ntjo̱ a̱sun tꞌanankiu̱, ta̱ ndaha a̱sun ntáchakꞌuu̱n, ta̱ ndaha a̱jihi̱n yá xi tjín a̱sunntee̱.
\v 2 Ta̱ kikie kjꞌa̱í ntítsje xi tínibáha má tju tsꞌíu̱. Kui xi jꞌai tu̱ xi kꞌu̱étꞌaha̱ ra̱ chu̱ba̱ha̱ Nti̱a̱ná xu̱ta̱ xi tsꞌe̱. Kui ntítsje xuꞌbi̱ ꞌyún kikjintáyaha̱ ntítsje xi ñjuu̱ xi kikꞌa̱i̱hi̱ xáha̱ xi má nga tsꞌi̱ínkatsún tꞌanankiu̱ ko̱ ntáchakꞌuu̱n.
\p
\v 3 Bꞌi̱ kitsúhu̱:
\p —Najmi tu̱ chumi nihi xi nꞌoho̱o tꞌanankiu̱ ko̱ ta̱ ndaha ntáchakꞌuu̱n ko̱ yá xi tjín. Nkꞌiehé nga ja sꞌe̱tꞌaha̱ stjen chu̱ba̱ha̱ Nti̱a̱ná xu̱ta̱ xi tsꞌe̱, nkꞌiehé nga ka̱ma kꞌúétꞌa ntso̱o.
\p
\v 4 Kintꞌe xki̱hi̱ xu̱ta̱ xi kisꞌetꞌaha̱ chu̱ba̱. Unchan ko̱ yachán ñju mii̱ kama ngayjee̱ ntje̱he̱ Israel.
\v 5 Bꞌi̱ tjín kamaha nga nkúnkú ntje̱ te joo̱: te jo mii̱ xi tsꞌe̱ Juda, te jo mii̱ xi tsꞌe̱ Ruben, te jo mii̱ xi tsꞌe̱ Gad,
\v 6 te jo mii̱ xi tsꞌe̱ Aser, te jo mii̱ xi tsꞌe̱ Neftali, te jo mii̱ xi tsꞌe̱ Manase,
\v 7 te jo mii̱ xi tsꞌe̱ Simeon, te jo mii̱ xi tsꞌe̱ Levi, te jo mii̱ xi tsꞌe̱ Isacar,
\v 8 te jo mii̱ xi tsꞌe̱ Zabulon, te jo mii̱ xi tsꞌe̱ Kuse, ko̱ te jo mii̱ xi tsꞌe̱ Benjamin.
\s Bꞌi̱ tsꞌín tsakuchjíhi̱ Jua nga tu̱ xí nkjihín xu̱ta̱ i̱ncha tsitjujin kju̱a̱ni̱ma̱ chánkoo̱
\p
\v 9 Nkꞌie nga ja kama ni xuꞌbi̱, a̱sꞌa̱i tsase ko̱ kikie nkjin ṉkjún xu̱ta̱. Ndaha najmi chꞌa ma bꞌéxki̱hi̱. Ngayje tíkjá xu̱ta̱ xi tjín a̱sunntee̱ niu̱, ngayje tíkjá ntje̱, ngayje tíkjá nanki ko̱ ngayje tíkjá én. Tíi̱ncha ndju a̱nkjín xi tíbatéxumoo̱ ko̱ nginku̱n Chu̱tsa̱nko̱. Najyun taba i̱ncha yja ko̱ xka̱jén i̱ncha yꞌa.
\p
\v 10 ꞌYún tíi̱ncha kjintáya nga bꞌi̱ tíi̱ncha tsu:
\q ¡Nkuhú Chu̱tsa̱nko̱ ko̱ Nti̱a̱ná xi tíbatéxumoo̱,
\q kui xi tsꞌínkꞌankiná!
\p
\v 11 Ngayjee̱ ntítsjee̱ xi tíi̱ncha ndju a̱ndaihi̱ má kabꞌejña xi tíbatéxumoo̱, a̱ndaihi̱ jáchá xi kan ñjuu̱ ko̱ xi ñju xi tjíntu tíkꞌuu̱n, i̱ncha kingjénsten a̱nkjín nga i̱ncha kitsꞌíntsjoho̱ Nti̱a̱ná.
\v 12 Bꞌi̱ i̱ncha kitsú:
\q ¡Bꞌa̱ tjín!
\q Nꞌetsjoho̱ ko̱ tjíhin kju̱a̱chánka Nti̱a̱ná,
\q be nkú tsꞌín tsꞌínnkjinkꞌun ko̱ ꞌba̱i̱hi̱ mábꞌa̱chjíhi̱,
\q yankjún ko̱ bakúchji ngaꞌyúhu̱n santaha tu̱ nkjéhé ni.
\q ¡Bꞌa̱ katuma!
\p
\v 13 A̱sꞌa̱i nku nda̱chá xi kan ñjuu̱ kingjásjaiyana:
\p —¿Yá xu̱ta̱ha xi yja najyun taboo̱? ¿Má i̱ncha kanibáha?
\p
\v 14 —Ji xi yai, Nda̱ Nti̱a̱ —kixihi̱n.
\p A̱sꞌa̱i bꞌi̱ kitsúna:
\p —Kui xi i̱ncha kikie kju̱a̱ni̱ma̱ chánkoo̱. Jníhi̱ Chu̱tsa̱nko̱ i̱ncha kitsꞌín tabako̱ho nga tsané najyuhu̱n.
\v 15 Kui kju̱a̱ha nga tíi̱nchaha a̱nkjín Nti̱a̱ná xi batéxuma ko̱ ni̱stjin ni̱stje̱n tíi̱ncha tsꞌíntsjoho̱ a̱ya ni̱nku̱hu̱. Xi tíbatéxumoo̱ kuhu̱n xu̱ta̱ xuꞌbi̱ a̱ya a̱nte nkjúhu̱n.
\v 16 Najmi ta̱ sku̱e̱he kjintíá ko̱ ta̱ ndaha najmi ta̱ xintá ka̱maha̱ ra̱. Najmi ta̱ tsꞌi̱ínchjaha̱n ra̱ tsꞌíu̱ ko̱ najmi ta̱ tsꞌi̱ínstihi̱ ra̱ nubóo̱.
\v 17 A̱tꞌaha̱ Chu̱tsa̱nka̱ xi ta̱ tíbatéxumoo̱, kui xi nda̱ bastu xi kúnntaha̱ ko̱ ngju̱a̱i̱ko̱ho̱ má tjín ntánijua xi tsꞌínkꞌíéntu tíkꞌuhu̱n xu̱ta̱. Nti̱a̱ná tsꞌi̱ínxijnu ntánku̱n nga nkúnkú.
\c 8
\s Bꞌi̱ tsꞌín tsakuchjíhi̱ Jua nkꞌie nga kichjuxꞌá // sello̱ xi ma yatuhu
\p
\v 1 Nkꞌie nga kikjexꞌá Chu̱tsa̱nko̱ sello̱ xi ma yatuhu, a̱sꞌa̱i kisꞌe jyu jyu ndji̱o̱jmi ján nkú ra̱ ma masen ora̱.
\v 2 Kikie ntítsje xi yatuu̱ xi tíi̱ncha ndju nginku̱n Nti̱a̱ná. Kui xi kikꞌa̱i̱hi̱ yatu tjio.
\p
\v 3 A̱sꞌa̱i jꞌai kjꞌa̱í ntítsje. A̱nkjín na̱chan chje̱ jꞌai sinjña. Nku ni to̱onsine xi má nga tisún ni xi sinjne̱ yꞌa. Kikꞌa̱i̱ ṉkjúhu̱n ni xi sinjne̱ tu̱ xi tsjáha̱ ra̱ chje̱ Nti̱a̱ná a̱sun na̱chan chje̱ to̱onsine xi kjijña a̱nkjín xi tíbatéxumoo̱. Kui niu̱ kitsꞌíntjijinko̱ho ni xi nchja̱ ngayjee̱ xu̱ta̱ha̱ Nti̱a̱ná nkꞌie nga i̱ncha nchja̱ko̱.
\v 4 Yꞌahá tsꞌíhin ntítsjee̱ ni xi títiyá ni xi sinjne̱ nkꞌie nga ngjisehe̱ Nti̱a̱ná nta̱ha̱ ni xi sinjne̱ ko̱ ni xi i̱ncha nchja̱ xu̱ta̱ha̱ Nti̱a̱ná nkꞌie nga nchja̱ko̱.
\v 5 A̱sꞌa̱i jakjꞌá ntítsjee̱ ta̱ba̱ha̱ ni xi sinjne̱ ko̱ kitsꞌíntsehe xꞌí xi tjíntusún na̱chan chje̱. A̱sunntee̱ kikjaníkjꞌasún niu̱. A̱sꞌa̱i janeya chꞌo̱n, xa̱áha̱n kama, tsatꞌai ndꞌíchꞌo̱n ko̱ kama chón.
\s Bꞌi̱ tsꞌín tsakuchjíhi̱ Jua nkꞌie nga jane ñju tjio
\p
\v 6 I̱ncha yꞌénda yjoho̱ ntítsje xi yatuu̱ xi má nga i̱ncha tsꞌi̱ínkjane tjioho̱.
\v 7 Kitsꞌínkjane tjioho̱ ntítsje xi tjuu̱n. A̱sꞌa̱i kichjanikjꞌa a̱sun tꞌanankiu̱ tsꞌí ndji̱o̱ ko̱ ndꞌí xi kinꞌetjijinko̱ho jní. Kití nku tíkjá tꞌanankiu̱ ko̱ nku tíkjá yá xi tjín ko̱ ngayjee̱ jñá xi tjín.
\p
\v 8 Kitsꞌínkjane tjioho̱ ntítsje xi ma joo̱. A̱sꞌa̱i kichjanikjꞌajin ntáchakꞌuu̱n nku ni xi bꞌa̱ tjín xi nkú joyaha nku na̱xi̱ chánka xi títi. Jní kama nku tíkjá ntáchakꞌuu̱n.
\v 9 Kꞌien nku tíkjá xi tjíntu tíkꞌun a̱jin ntáchakꞌuu̱n ko̱ kinꞌekje nku tíkjá yábarku̱ xi tjín.
\p
\v 10 Kitsꞌínkjane tjioho̱ ntítsje xi ma jaa̱n. A̱sꞌa̱i jꞌaikijne nku niñu chánka xi títi xjo xjo. Kitsꞌínkatsún nku tíkjá ntáje̱ ko̱ ntá ti̱xa̱ xi tjín.
\v 11 Sja ꞌmi niñuu̱. A̱sꞌa̱i nku tjíkjá ntá xi tjín kama sja. Tu̱ nga̱tꞌaha̱ nkꞌie nga kama sja ntóo̱ tu̱ xi nkjíhín xu̱ta̱ kꞌien.
\p
\v 12 Kitsꞌínkjane tjioho̱ ntítsje xi ma ñjuu̱. A̱sꞌa̱i nku tíkjá tsꞌíu̱, sóo̱ ko̱ niñuu̱ kinꞌekatsún. Bꞌa̱ tjín niu̱ xi kisꞌejyún. Nkꞌie nga i̱ncha kitsꞌín ndzjen niu̱ nku tjíkjá ni̱stjiu̱n najmi ta̱ kama ndzjehe̱n ra̱ ko̱ ta̱ nku tjíkjá ni̱stje̱n najmi ta̱ kama ndzjehe̱n ra̱.
\p
\v 13 A̱sꞌa̱i tsase ko̱ kintꞌe nta̱ha̱ nku ja̱ xi tífi tje̱n. ꞌYún tíintáya nga bꞌi̱ títsu:
\p —¡Kju̱a̱ni̱ma̱ nibá! ¡Ni̱ma̱ rú tsꞌíhin xu̱ta̱ xi tjíntu a̱sunntee̱ nkꞌie nga kju̱a̱ne̱ tjio xingisoo̱ xi ja ma ma i̱ncha tsꞌi̱ínkjanehé ntítsje xi jan xi ndyjatꞌóo̱!
\c 9
\s Bꞌi̱ tsꞌín tsakuchjíhi̱ Jua nkꞌie nga jane tjio xi ma uu̱n
\p
\v 1 Kitsꞌínkjane tjioho̱ ntítsje xi ma uu̱n. A̱sꞌa̱i kikie nku niñu xi nibaha nkꞌa ján nga jꞌaikijne a̱sunntee̱. Kikꞌa̱i̱hi̱ yubi̱hi̱ ti̱xa̱ na̱nka̱ xi tje̱n tꞌanankiu̱.
\v 2 Kikjexꞌá ti̱xa̱ na̱nko̱ ko̱ yo̱ tsitjunji ni̱nti̱ xi nkú joyaha ni̱nti̱ xi bitjuhu̱ nku orno̱ chánka. Kitsꞌín jyun tsꞌíu̱ ko̱ nkꞌoo̱.
\p
\v 3 A̱jin ni̱nti̱u̱ i̱ncha tsitjuhu chju̱ba̱ xi i̱ncha jꞌaitsesúhun a̱sunntee̱. I̱ncha kikꞌa̱i̱hi̱ ngaꞌyún xi nkúhu ngaꞌyún xi tjíhi̱n chándayá chꞌonkꞌun xi tjín a̱sunntee̱.
\v 4 Bꞌa̱ kikꞌihi̱n nga najmi i̱ncha tsꞌi̱ínkatsún jñá xi tjín tꞌanankiu̱ ko̱ ta̱ ndaha nku ni xkfén xi tjín ko̱ ta̱ ndaha nku yá. Nku tutuhú xu̱ta̱ xi najmi kisꞌetꞌaha̱ stjen chu̱ba̱ha̱ Nti̱a̱ná xi ka̱ma i̱ncha tsꞌi̱ínꞌuhu̱n.
\p
\v 5 Najmi kikꞌa̱i̱hi̱ kju̱a̱ tsa tsꞌi̱ínkꞌien xu̱ta̱. Tu̱ bꞌa̱há kikꞌihi̱n nkꞌie nga tu̱ uhún sá tsjáha̱ kju̱a̱ni̱ma̱ xu̱ta̱ xi kji̱ne̱he̱. Kju̱a̱ni̱ma̱ xi tsjá chu̱ bꞌa̱ joyaha xi nkú tsꞌín kjineya má kjinená chándayá chꞌonkꞌun xi tjín.
\v 6 Kui ni̱stjiu̱n ku̱a̱ngisjai ngabayoo̱ xu̱ta̱ tu̱nga najmi sa̱kúhú ra̱. Ka̱ma mjehe̱ nga ku̱a̱yá tu̱nga ngju̱a̱i̱ tꞌaxíhín ngabayoo̱.
\p
\v 7 Bꞌa̱ kꞌun chju̱bo̱ xi nkú joyaha ndje̱ xi kisꞌenda nga ngju̱a̱i̱ kju̱a̱chán. Bꞌa̱ kꞌun corona̱ to̱onsine kꞌun ni xi i̱ncha tjíntuꞌáha̱. Bꞌa̱ kꞌun a̱nkjín xu̱ta̱ kꞌun a̱nkjín.
\v 8 Bꞌa̱ kꞌun ntsja̱ha̱ xi nkúhu ntsja̱ha̱ jminchjín. Bꞌa̱ kꞌun ni̱ꞌyu̱n xa kꞌun ni̱ꞌyu̱n.
\v 9 Bꞌa̱ kꞌun ki̱cha̱ kꞌun ni xi kjijnuhu̱ ꞌme̱he̱. Bꞌa̱ tsꞌín faneya tsja̱nka̱ha̱ xi nkú tsꞌín faneya nkjin ṉkjún yá xi fiko̱ já juu̱n nkꞌie nga i̱ncha fi kju̱a̱chán.
\v 10 Bꞌa̱ kꞌun nitsꞌin chándayá chꞌonkꞌun kꞌun nitsꞌin chu̱. Ta̱ tjíhi̱n naꞌyá chꞌonkꞌun. Ni chꞌonkꞌun xi tjíhi̱n nitsꞌin nga tsꞌi̱ínꞌuhu̱n xu̱ta̱ un sá chúkju̱a̱ha̱ niu̱.
\v 11 Ntítsje xi tíjña a̱yaha̱ ti̱xa̱ na̱nko̱, kui xi batéxumaha̱ chju̱bo̱. Abadon ꞌmi ntítsjee̱ nga én hebreo̱, ko̱ nga én griego̱ Apolion ꞌmi. “Xi tsꞌínkatsún ni” tsuhu̱ ra̱ jꞌáíhi̱n.
\p
\v 12 Jꞌa kju̱a̱ꞌun xi tjuu̱n, tu̱nga ndyjahá sa jo.
\s Bꞌi̱ tsꞌín tsakuchjíhi̱ Jua nkꞌie nga jane tjio xi ma juu̱n
\p
\v 13 Kitsꞌínkjane tjioho̱ ntítsje xi ma juhun. A̱sꞌa̱i kintꞌe nku nta̱ xi nibaha kamasehe̱n ndji̱a̱ xi ñju xi tjíntutꞌá na̱chan chje̱ to̱onsine xi kjijña nginku̱n Nti̱a̱ná.
\v 14 Bꞌi̱ kitsúhu̱ ntítsje xi ma juhun xi yꞌa tjio̱:
\p —Nꞌe̱ nda̱íhi̱ nga ñjuu̱ ntítsje xi tjíntutꞌá ꞌyún a̱ndai ntáje̱ chánka Eufra̱te̱.
\p
\v 15 A̱sꞌa̱i kinꞌe nda̱íhi̱ ntítsje xi ñjuu̱, tu̱ xi nku tíkjá xu̱ta̱ xi tjín a̱sunntee̱ i̱ncha tsꞌi̱ínkꞌiehen. A̱tꞌaha̱ ja bꞌa̱ tsꞌín tjínda nga kui xi bꞌa̱ i̱ncha tsꞌi̱ín kui chu̱bo̱, kui ni̱stjiu̱n, kui sóo̱ ko̱ kui núu̱.
\v 16 Kintꞌe xki̱hi̱ já jun xi tjíntusúhu̱n ndje̱. Jo unchan miyoo̱n maha.
\p
\v 17 Kikie ndje̱ ko̱ xi tjíntusúhu̱n, xi nkúhu tsa nchi̱ni kikꞌa̱i̱na nga kama chjina niu̱. Ki̱cha̱ xi kjijnu ꞌmje̱he̱, ni xi nkúhu ndꞌí, su xi nkúhu ndji̱o̱ tsjo kꞌun safiro̱ ko̱ sine xi nkúhu sufri̱. Bꞌa̱ kꞌun nintaku̱ xa kꞌun nintaku̱ ndje̱. Ndꞌí, ni̱nti̱ ko̱ sufri̱ bitju tsꞌa.
\v 18 Tu̱ nga̱tꞌaha̱ nga jaa̱n kju̱a̱ꞌun xi kitsjá chu̱ nku tíkjá xu̱ta̱ xi tjín a̱sunntee̱ kꞌien. Ndꞌíu̱, ni̱nti̱ ko̱ sufri̱ xi bitju tsꞌa chu̱ bꞌa̱ kitsꞌíu̱n.
\v 19 Tsꞌa ko̱ nitsꞌin chu̱ xi chꞌonkꞌun. Nitsꞌin chu̱ bꞌa̱ kꞌun yꞌe̱ kꞌun, xí yjahá nintaku̱. Kui niu̱ xi tsꞌínꞌunko̱ho̱ ra̱ xu̱ta̱.
\p
\v 20 Tu̱nga xu̱ta̱ xi tsꞌankiu̱, xi najmi kitsꞌínkꞌiehe̱n kju̱a̱ꞌun xuꞌbi̱, najmi i̱ncha ngjikjꞌáha̱ ra̱ ani̱ma̱ha̱ ko̱ ta̱ ndaha najmi yꞌéntu ni xi i̱ncha kitsꞌín. Tu̱ nku kitsꞌíntsjohó ra̱ jánindoo̱ ko̱ nti̱a̱ xi kitsꞌínndako̱ho to̱onsine, to̱ontaba, ki̱cha̱, ndji̱o̱ ko̱ yá. Najmi ma chjihi̱ niu̱, ta̱ ndaha najmi ntꞌé ko̱ ta̱ ndaha najmi ma fi.
\v 21 Ta̱ ndaha najmi i̱ncha ngjikjꞌáha̱ ra̱ ani̱ma̱ha̱ xu̱ta̱ xuꞌbo̱ nga̱tꞌaha̱ nga ani̱ma̱ i̱ncha tsꞌínkꞌien, tjꞌe i̱ncha tsꞌín, chu̱ba̱ fantuko̱hó xinkjín ko̱ ndyjé i̱ncha tsꞌín.
\c 10
\s Bꞌi̱ tsꞌín tsakuchjíhi̱ Jua ntítsje xi yꞌa xu̱ju̱n
\p
\v 1 A̱sꞌa̱i kikie kjꞌa̱í ntítsje xi tje̱njin ni̱nti̱. ꞌYún nkꞌa tje̱n. Ndji̱o̱jmi ján nibajehen ko̱ nku ye̱jña̱ síntjaihi̱. Xi nkúhu tsꞌíu̱ bꞌa̱ tsꞌín tíbatꞌai a̱nkjín, ko̱ sjai xi nkúhu yásjai xi títi.
\v 2 Kjiya ntsja nku xu̱ju̱n i̱chí xi kabixꞌá. Tsasíjñasun sjai kixi̱ ntáchakꞌuu̱n ko̱ sjai skjún tsasíjñasun tꞌanankiu̱.
\v 3 A̱sꞌa̱i ꞌyún kikjintáya ko̱ kinuꞌyá nta̱ha̱ xi nkú tsꞌín nuꞌyá nta̱ha̱ xoo̱ nga kjintá. Nkꞌie nga kikjintáya, yatu ni̱yá janeya.
\p
\v 4 Nkꞌie nga janeya yatu ni̱yóo̱, ja títsꞌinntá kai, tu̱nga kintꞌená nku nta̱ xi nibaha ndji̱o̱jmi ján xi bꞌa̱ kitsúna:
\p —Najmi tu̱ kayaha̱ ni xi kuatsú chꞌo̱n xi yatuu̱. Najmi tu̱ bꞌetꞌai.
\p
\v 5 A̱sꞌa̱i kingjénnkꞌa ntsja kixi̱ ntítsje xi nku sjai síjñasun ntáchakꞌuu̱n ko̱ xi nku sjai síjñasun tꞌanankiu̱.
\v 6 Kitsꞌínkie xi tíjña tíkꞌun tu̱ nkjéhé ni, kui xi kitsꞌínnda nkꞌa ján ko̱ ni xi tjín nkꞌa ján, xi kitsꞌínnda tꞌanankiu̱ ko̱ ni xi tjín tꞌanankiu̱, xi kitsꞌínnda ntáchakꞌuu̱n ko̱ ni xi tjín ntáchakꞌuu̱n. Bꞌi̱ kitsú ntítsjee̱:
\p —Ja najmi ta̱ kꞌu̱a̱ndayaha̱ ra̱.
\v 7 Ni̱stjin nkꞌie nga tsꞌi̱ínkjane tjioho̱ ntítsje xi ma yatuhu ku̱i̱tjusun ni xi yꞌéjña ꞌma Nti̱a̱ná. Bꞌa̱ ka̱ma xi nkú nga tsꞌín kitsúya títjuhu̱n já profeta̱ xi tsꞌe̱.
\p
\v 8 A̱sꞌa̱i ta̱ kinchja̱ko̱hó ngáhana nta̱ xi kintꞌe, xi nibaha ndji̱o̱jmi ján. Bꞌi̱ kitsúna:
\p —Tꞌin ko̱ chjúbéí xu̱ju̱n xi kabixꞌóo̱, xi kjiya ntsja ntítsje xi síjñasun ntáchakꞌuu̱n ko̱ xi síjñasun tꞌanankiu̱.
\p
\v 9 Kui nga bꞌa̱ ngji xihi̱n ra̱ ntítsjee̱ nga tsjáhana xu̱ju̱n i̱chíu̱. A̱sꞌa̱i bꞌi̱ kitsúna:
\p —Chjúbéí ko̱ chi̱ne̱i̱. Xi nkúhu ntsjén ka̱ma a̱ya tsu̱ꞌbai niu̱, tu̱nga a̱ya ka̱ntsꞌai sja ka̱ma.
\p
\v 10 A̱sꞌa̱i jakjꞌa xu̱ju̱n i̱chí xi kjiya ntsja ntítsjee̱ ko̱ kikjíne̱. Xi kama a̱ya tsu̱ꞌbá xi nkúhu ntsjén. Tu̱nga nkꞌie nga ja kitujen, sja kama a̱ya ka̱ntsꞌá.
\v 11 A̱sꞌa̱i bꞌa̱ kikꞌinna:
\p —Tjíhin nga ta̱ ku̱i̱xínya ngáha̱ ri̱ xu̱ta̱ ni xi Nti̱a̱ná ja kitsꞌínkinchja̱ já profeta̱. Ku̱i̱xínyai ni xi Nti̱a̱ná tsꞌi̱ínko̱ xu̱ta̱ xi tjín tu̱ má nankihí ni, tu̱ má a̱ntjehé ni, xi nchja̱ tu̱ má éhén ni ko̱ já rei̱.
\c 11
\s Bꞌi̱ tsꞌín tsakuchjíhi̱ Jua jo já xi kitsꞌínkie yjoho̱ nga Jesu yjanki
\p
\v 1 A̱sꞌa̱i kikꞌa̱i̱na nku yá xá xi chꞌachu̱ba̱ko̱ ko̱ bꞌi̱ kikꞌinna:
\p —Ti̱síntje̱i̱n. Chꞌa̱chu̱ba̱i̱ ni̱nku̱hu̱ Nti̱a̱ná ko̱ na̱chan chje̱. Tꞌexki̱ nkú tjín maha xi i̱ncha tsꞌíntsjoho̱ Nti̱a̱ná yo̱.
\v 2 Tu̱nga najmi tu̱ chꞌachu̱ba̱ní a̱nte xi tíjña na̱tsihi̱n ni̱nku̱, a̱tꞌaha̱ xu̱ta̱ xi najmi be Nti̱a̱ná ja kikꞌa̱i̱hi̱ kui a̱ntee̱. Kui xi i̱ncha ku̱a̱si̱nne nga tsꞌi̱ínkatsún nanki jee̱ yachán jo sá tjíhin.
\v 3 Tsꞌinkjíá jo já xi kꞌu̱éjña chji nga yjankina. I̱ncha ngju̱a̱ najyun kfe ko̱ ku̱i̱nchja̱ ngajona̱ nku mii̱ ko̱ jo unchan ko̱ cháte ko̱ te ni̱stjin.
\p
\v 4 Kui já xi joo̱, kui xi nga joo̱ yá olibo̱ ko̱ nga joo̱ ni xi sꞌetísun ndꞌí xi tíi̱ncha nginku̱n Nda̱ Nti̱a̱ha̱ a̱sunntee̱.
\v 5 Tsa tjín xi mjehe̱ tsꞌi̱ínꞌuhu̱n xi joo̱, tsꞌa ku̱i̱tjuhu ndꞌí xi kꞌu̱éti ngayjee̱ já kontra̱ha̱. Bꞌa̱ tsꞌín ku̱a̱yá tu̱ yáhá ni xi mjehe̱ i̱ncha tsꞌi̱ínꞌuhu̱n.
\v 6 Ka̱maha̱ kꞌu̱échja nkꞌa ján tu̱ xi najmi ta̱ kꞌu̱a̱ha tsꞌí xi nkú tjín ni̱stjin ka̱maha̱ nga i̱ncha ku̱i̱nchja̱ éhe̱n Nti̱a̱ná. Ko̱ ta̱ ka̱maha̱ jní tsꞌi̱ín ma ntánijuo̱ ko̱ ka̱maha̱ tsjáha̱ kjꞌa̱í kjꞌa̱í kju̱a̱ꞌun a̱sunntee̱ tu̱ xi nkú tjín ni̱yá mjehé ra̱ nga bꞌa̱ i̱ncha tsꞌi̱ín.
\p
\v 7 Nkꞌie nga ja ka̱ma ndju̱úhu̱ já xi joo̱ nga kꞌu̱éni̱jmí, a̱sꞌa̱i chu̱ xi ku̱i̱tjunji ti̱xa̱ na̱nko̱ kja̱ánko̱ jóo̱. Tsꞌi̱ín ngana̱ha̱ ko̱ tsꞌi̱ínkꞌien.
\v 8 Sꞌe̱ntu yjoninte kꞌiehe̱n a̱ya ni̱yátéhe̱ nanki chánkoo̱ má ta̱ kisꞌetꞌa kruu̱ Nda̱ Nti̱a̱ha̱. Kui nankiu̱ xi nanki Sodoma̱ ko̱ a̱nte Egipto̱ chubaha̱ nga nkuhú nꞌe mako̱ chu̱ba̱ya.
\v 9 Jan ni̱stjin masen ka̱maha̱ nga i̱ncha ku̱a̱se̱he̱ yjoninte kꞌie̱n xu̱ta̱ xi tjín nkú tjín nanki xi tjín, nkú tjín maha ntje̱he̱ xu̱ta̱ xi tjín, nkú tjín maha xu̱ta̱ xi nchja̱ tu̱ má éhén ni, ko̱ nkú tjín a̱nte má nga tjíntu. Najmi tsjánte nga i̱ncha sꞌe̱yanji yjoninte kꞌie̱n.
\v 10 Tsjo ka̱maha̱ xu̱ta̱ xi tjíntu a̱sunntee̱ nga̱tꞌaha̱ ngabayaha̱. Sꞌe̱he̱ kju̱a̱tsjo ko̱ bꞌi̱ ngján tsjáha̱ xinkjín ni, a̱tꞌaha̱ kju̱a̱sti kitsjáha̱ xu̱ta̱ xi tjíntu a̱sunntee̱ já profeta̱ xi joo̱.
\p
\v 11 Tu̱nga nkꞌie nga jꞌa jan ni̱stjin masen, Nti̱a̱ná kitsꞌínkꞌíéntu tíkꞌun ngáha̱ ra̱. I̱ncha tsisintje̱n ngáha, ko̱ tu̱ ni xí i̱ncha kitsankjúhún ngayjee̱ xi kikiehe̱.
\v 12 A̱sꞌa̱i i̱ncha kintꞌé nku nta̱ xi ꞌyún kinchja̱, xi nibaha ndji̱o̱jmi ján nga bꞌi̱ kitsúhu̱:
\p —¡Nibánjiu e̱i̱!
\p A̱sꞌa̱i nku ni̱nti̱ ngjinjiko̱ho̱ ndji̱o̱jmi ján ko̱ kikiehe̱ xu̱ta̱ kontra̱ha̱.
\v 13 Ta̱ kuihi chu̱bo̱ kama nku chón xi tu̱ xí ꞌyúhún. Nku tíkjá nankiu̱ je. Yatu mii̱ xu̱ta̱ kitsꞌínkꞌiehe̱n chóo̱n. Xu̱ta̱ xi tsꞌankihi̱ yjoho̱ tu̱ ni xí i̱ncha kitsankjúhún. I̱ncha kitsꞌínkie yjoho̱ nga chánka Nti̱a̱ná xi tíjña ndji̱o̱jmi ján.
\p
\v 14 Jꞌa kju̱a̱ni̱ma̱ xi ma joho, tu̱nga jahá nibá tiña xi ma joo̱n.
\s Bꞌi̱ tsꞌín tsakuchjíhi̱ Jua ni xi kama nkꞌie nga jane tjio xi ma yatuhu
\p
\v 15 Kitsꞌínkjane tjioho̱ ntítsje xi ma yatuhu ko̱ kinuꞌyá ndji̱o̱jmi ján nkjin nta̱ xi ꞌyún kinuꞌyá nga bꞌi̱ i̱ncha kitsú:
\q Má tsatéxuma xu̱ta̱,
\q Nti̱a̱ná ko̱ xi kitsꞌín nibá ngajoho̱
\q ja tíi̱ncha batéxuma yo̱ ndꞌa̱i̱.
\q Kui xi ku̱a̱téxuma santaha tu̱ nkjéhé ni.
\p
\v 16 Jáchá xi kan ñjuu̱ xi tjíntu nginku̱n Nti̱a̱ná i̱ncha kingjénsten ko̱ kitsꞌíntsjoho̱ Nti̱a̱ná.
\v 17 Bꞌi̱ i̱ncha kitsú:
\q Tíꞌba̱i̱hi̱ mábꞌa̱chjíhi̱ ji, Nti̱a̱ni̱ xi tjíhi̱n ngaꞌyún,
\q Nti̱a̱ xi tíjña ko̱ yꞌejña.
\q A̱tꞌaha̱ ja tínꞌechjéín ngaꞌyún chánka xi tsꞌi̱,
\q ko̱ ja kuachꞌatutsꞌi̱hi̱n nga tíbatexumai.
\q
\v 18 Kama kjaha̱n na̱xi̱nantá xi tjín a̱sunntee̱,
\q tu̱nga jahá kuichu ni̱stjihi̱n kju̱a̱kjan chánkahi̱,
\q chu̱ba̱ nga ka̱maha̱ kju̱a̱ xu̱ta̱ xi kꞌie̱n.
\q Ko̱ kꞌu̱a̱i̱hi̱ chjí xi sakúhu̱ xu̱ta̱ xi tsꞌi̱,
\q já profeta̱ ko̱ xu̱ta̱ xi na̱xu̱ kitsꞌín,
\q ngayjee̱ xi bekjúhin,
\q xi ihi̱ ko̱ xi xi̱xi̱hi̱.
\q Nꞌe̱kje xi tsꞌínkatsún a̱sunntee̱.
\p
\v 19 A̱sꞌa̱i tsixꞌá ni̱nku̱hu̱ Nti̱a̱ná xi síjña ndji̱o̱jmi ján ko̱ kiya a̱ya ni̱nku̱ kaxa̱ tsje xi bakúchji ni xi yꞌéndako̱ Nti̱a̱ná xu̱ta̱ xi tsꞌe̱. Tsatꞌai ndꞌíchꞌo̱n ko̱ xa̱áha̱n kama. Janeya chꞌo̱n, kama nku chón, ko̱ ꞌyún kikꞌa tsꞌí ndji̱o̱.
\c 12
\s Bꞌi̱ tsꞌín tsakuchjíhi̱ Jua nku ta̱chju̱ún ko̱ nku chu̱yatuku̱
\p
\v 1 A̱sꞌa̱i kama chji ndji̱o̱jmi ján nku ni chánka xi tsakúchji ni xi ka̱ma. Kiya nku ta̱chju̱ún xi kingja tsꞌíu̱ xi nkúhu xꞌótji. Sóo̱ kisꞌejña kinte tsu̱ku̱ ko̱ tjínꞌaha̱ nku corona̱ xi te jo niñu tjíhi̱n.
\v 2 Ntí yꞌa ko̱ chji̱nti̱hi̱ ntíu̱ tíkjintáyako̱ nga un tíbehe̱.
\p
\v 3 Ta̱ kama chji ndji̱o̱jmi ján kjꞌa̱í ni xi tsakúchji ni xi ka̱ma. Kiya nku ye̱ chánka xi ni. Yatu maha nintaku̱ ko̱ te ndji̱a̱ha̱. Nga nkúnkú nintaku̱ nkúnkú corona̱ tjíꞌaha̱.
\v 4 Nitsꞌin kikjeꞌyúnko̱ho nku tjíkjá niñu xi tjín nkꞌa ján ko̱ kikjaníkjꞌajen a̱suhu̱n tꞌanankiu̱. Tsasinꞌyún chu̱yatuku̱ nginku̱n ta̱chju̱ún xi ja ma tsíhín ntíhi̱ tu̱ xi kji̱ne̱he ntíu̱ nkꞌie nga tsín.
\p
\v 5 A̱sꞌa̱i nku ntíxꞌi̱n kitsihi̱n ta̱chjúu̱n. Kui xi tjíhin nga ndjá ku̱a̱téxumaha̱ ngayjee̱ na̱xi̱nantá xi tjín a̱sunntee̱. Tu̱nga kichjuꞌáhá ra̱ ntíhi̱ ta̱chjúu̱n. Má bꞌejña Nti̱a̱ná nga batéxuma ngji sꞌejña ntíu̱.
\v 6 A̱sꞌa̱i a̱nte kixiu̱ ngji ta̱chjúu̱n nga tsanka. Má yꞌéndaha̱ Nti̱a̱ná nku a̱nte ngji, tu̱ xi yo̱ nꞌe̱kjéhen nku mii̱ ko̱ jo unchan ko̱ cháte ko̱ te ni̱stjin.
\p
\v 7 A̱sꞌa̱i kama nku kju̱a̱chán ndji̱o̱jmi ján. Ntítsje Miguel ko̱ ntítsje xi tje̱nko̱ho̱ i̱ncha kikjánko̱ chu̱yatuku̱. Kikján chu̱yatuku̱ ko̱ ntítsje xi tje̱nko̱ho̱.
\v 8 Tu̱nga kitsꞌínndyjahá ko̱ najmi ta̱ kisꞌehe̱ ra̱ a̱nte ndji̱o̱jmi ján.
\v 9 Tsichꞌonsje chu̱yatuku̱ chánkoo̱, kui xi ye̱ chóo̱ xi ꞌmi nda̱ninda ko̱ xi ta̱ ꞌmi ya Satana, xi bꞌana̱cha̱ha̱ ngayjee̱ xu̱ta̱ xi tjín a̱sunntee̱. Kui ko̱ ntítsjehe̱ kichjaníkjꞌajen a̱sunntee̱.
\p
\v 10 A̱sꞌa̱i tu̱ xí ꞌyúhún kinuꞌyáha̱ nku nta̱ xi kintꞌe ndji̱o̱jmi ján. Bꞌi̱ kitsú:
\p —Ndꞌa̱i̱ kuatsꞌínkꞌanki Nti̱a̱ná xu̱ta̱ xi tsꞌe̱, kuakakúchji ngaꞌyúhu̱n ko̱ nkꞌie nga kui batéxuma. Xi kitsꞌín nibá Nti̱a̱ná\f + \fr 12:10 \ft “Xi kitsꞌín nibá Nti̱a̱ná” tsuhu̱ ra̱ “Cristo̱”.\f* tíbatéxuma. A̱tꞌaha̱ ja kuichꞌonsje xi batéjéne já ntsꞌeé. Kui xi ni̱stjin ni̱stje̱n batéjénehe̱ nginku̱n Nti̱a̱ná.
\v 11 Nga̱tꞌaha̱ jníhi̱ Chu̱tsa̱nko̱ kuatsꞌín ngana̱ha já ntsꞌeé, a̱tꞌaha̱ kuatsꞌínkie yjoho̱ nga yjanki Jesu. A̱tꞌaha̱ najmi i̱ncha kitsankjún nga ku̱a̱yá.
\v 12 Kui nga nꞌe̱tsjohonu xi tintsu̱bo̱o ndji̱o̱jmi ján, tu̱nga ni̱ma̱ rú nꞌehenu jun xi tintsu̱bo̱o a̱sunntee̱ ko̱ a̱jin ntáchakꞌuu̱n. A̱tꞌaha̱ kafꞌaijénkꞌunnu̱u nda̱nindoo̱. ꞌYún kjan tímaha̱ a̱tꞌaha̱ be nga chuba ni̱stjin tíjñaha̱.
\p
\v 13 Nkꞌie nga ja kikie chu̱yatuku̱ nga ja kichjanikjꞌajen a̱sunntee̱, a̱sꞌa̱i tsanka tje̱nnki ta̱chju̱ún xi kitsihi̱n ntíxꞌi̱u̱n.
\v 14 Tu̱nga johó tsja̱nka̱ ihi̱ ja̱ kikꞌa̱i̱hi̱ ta̱chjúu̱n tu̱ xi ka̱ma ngju̱a̱i̱ tje̱hen a̱nte xi tíjñaha̱ a̱nte kixiu̱. Ngji tꞌaxín kjihi̱n ye̱ a̱nte má nga kinꞌekjén jan nú masen tjíhin.
\v 15 A̱sꞌa̱i tsꞌa chu̱yatuku̱ tsasje xi nkúhu nku ntáje̱, tu̱ xi kui ntóo̱ kjébéfehe̱ ra̱ ta̱chjúu̱n.
\v 16 Tu̱nga tꞌanankiu̱hú tsasinko̱ho̱ ta̱chjúu̱n. Kitsjen nku ti̱xa̱ má nga jasꞌen ntáje̱ xi tsꞌasje tsꞌa chu̱yatuku̱.
\p
\v 17 A̱sꞌa̱i tu̱ xí kama kjahán ra̱ chu̱yatuku̱ nga̱tꞌaha̱ ni xi kamoo̱ ko̱ ngji kjánko̱ ntje̱ xi tjíhi̱n ta̱chjúu̱n, kui xu̱ta̱ha xi fꞌátjo kju̱a̱téxumaha̱ Nti̱a̱ná ko̱ tu̱ nku kitsꞌínkiehé yjoho̱ nga Jesu yjanki.
\v 18 A̱sꞌa̱i ngji sinjña chu̱yatuku̱ a̱ndai ntáchakꞌuu̱n.
\c 13
\s Bꞌi̱ tsꞌín tsakuchjíhi̱ Jua chu̱ xi tsitjujín ntáchakꞌuu̱n
\p
\v 1 A̱sꞌa̱i kikie nku chu̱ xi tsitjujín ntáchakꞌuu̱n. Yatu maha nintaku̱ ko̱ te maha ndji̱a̱ha̱. Nga nkúnkú ndji̱a̱ha̱ nkúnkú corona̱ tjíntuꞌáha̱, ko̱ nga nkúnkú nintaku̱ nku jꞌáín xi najmi sasíhi̱n Nti̱a̱ná tjítꞌaha̱.
\v 2 Chu̱ xi kikie bꞌa̱ tjín xa sine tjín, ko̱ bꞌa̱ kꞌun sjai xi nkúhu sjai chu̱ oso̱, ko̱ tsꞌa bꞌa̱ tjín tsꞌa leo̱n tjín. Chu̱yatuku̱ kikjanínkꞌa chu̱ xuꞌbo̱ nga kitsjá xáha̱. Yꞌéjña títjun ko̱ chánka kitsꞌín ma.
\v 3 Bꞌa̱ tjín xi tu̱ xí kinꞌeꞌuhún ra̱ nku nintaku̱ tjín, tu̱nga kinꞌenkihí ra̱ má nga kinꞌeꞌuhu̱n. Ngayjee̱ xu̱ta̱ a̱sunntee̱ i̱ncha kama nkjúhu̱n ko̱ kitsjennkíhi̱ chu̱.
\v 4 I̱ncha kitsꞌíntsjoho̱ xu̱ta̱ chu̱yatuku̱, a̱tꞌaha̱ kitsjá xáha̱ chu̱ xinkuu̱ nga kui xi ku̱a̱téxuma. Ko̱ ta̱ i̱ncha kitsꞌíntsjoho̱ chu̱ xinkuu̱. Bꞌi̱ i̱ncha kitsú:
\p —Najmi tjín sa kjꞌa̱í xi nkúhu chu̱. ¿Yá xi ka̱ma kja̱ánko̱ho̱?
\p
\v 5 Kikꞌa̱i̱ntehe̱ chu̱ nga nkꞌa kꞌu̱a̱sje yjoho̱ ko̱ nga najmi sku̱e̱nkjún Nti̱a̱ná nga ku̱i̱nchja̱, ko̱ kikꞌa̱i̱hi̱ nga yachán jo sá ku̱a̱téxuma.
\v 6 A̱sꞌa̱i chu̱ najmi kikienkjún Nti̱a̱ná nga kinchja̱. Chꞌon kitsúhu̱ Nti̱a̱ná ko̱ a̱nte xi má nga tíjña Nti̱a̱ná ko̱ ngayjee̱ xi tjíntu ndji̱o̱jmi ján.
\v 7 Ta̱ kikꞌa̱i̱ntehe̱ nga kja̱ánko̱ xu̱ta̱ jehe̱ Nti̱a̱ná ko̱ nga tsꞌi̱ín ngana̱ha̱. Ta̱ kikꞌa̱i̱hi̱ nga ku̱a̱téxumaha̱ nkú tjín maha ntje̱he̱ xu̱ta̱ xi tjín, nkú tjín nanki xi tjín, nkú tjín maha xu̱ta̱ xi nchja̱ tu̱ má éhén ni ko̱ nkú tjín a̱nte má nga tjíntu.
\v 8 A̱sꞌa̱i i̱ncha kitsꞌíntsjoho̱ chu̱ ngayjee̱ xu̱ta̱ xi tjín a̱sunntee̱ xi najmi tjíntuntꞌá jꞌáíhi̱n xu̱ju̱n xi tsꞌe̱ Chu̱tsa̱nka̱ xi kinꞌekꞌie̱n. A̱tꞌaha̱ kintehe̱ ni nga kamanda a̱sunntee̱ xu̱ju̱hu̱n Chu̱tsa̱nko̱ tjíntutꞌá jꞌáíhi̱n ngayjee̱ xi kꞌúéntu tíkꞌuu̱n. Kui xi najmi i̱ncha kitsꞌíntsjoho̱ chu̱.
\p
\v 9 Xi tje̱n tja̱ba̱xínñju katasínñju.
\v 10 Xi tjíhin nga ngju̱a̱i̱nijé, kui xi ngju̱a̱i̱nijé. Xi tjíhin nga nꞌe̱kꞌienko̱ho ki̱cha̱, kui xi ki̱cha̱ ku̱a̱yáha. Kui nga tjíhin nga tsꞌi̱ín chúkju̱a̱ha xu̱ta̱ jehe̱ Nti̱a̱ná ko̱ ndjá ku̱i̱nchajin ni xi sꞌejihi̱n.
\s Bꞌi̱ tsꞌín tsakuchjíhi̱ Jua chu̱ xi tsitju tꞌanankiu̱
\p
\v 11 A̱sꞌa̱i kikie kjꞌa̱í chu̱ xi tsitju tꞌanankiu̱. Jo maha ndji̱a̱ha̱. Bꞌa̱ kꞌun ndji̱o̱ xi nkúhu tsꞌe̱ chu̱tsa̱nka̱, tu̱nga bꞌa̱há tsꞌín nchja̱ xi nkúhu chu̱yatuku̱.
\v 12 Ngajoho̱ chu̱ xi tjuu̱n batéxuma. Kitsꞌín chi̱ nga xu̱ta̱ xi tjíntu a̱sunntee̱ i̱ncha tsꞌi̱íntsjoho̱ chu̱ xi tjuu̱n, chu̱ xi kinꞌenkihi̱ má tu̱ xí uhún ra̱.
\v 13 Kitsꞌín kju̱a̱nkjún chánka chi̱, santaha kitsꞌín nibájen ndꞌí a̱sun tꞌanankiu̱ nginku̱n xu̱ta̱.
\v 14 Ngaꞌyún xi kitsjáha̱ chu̱ xi tjuu̱n tsꞌana̱cha̱ko̱ho̱ ra̱ xu̱ta̱ nginku̱n chu̱ xi tjuu̱n. Kitsꞌín kju̱a̱ꞌyúhu̱n ra̱ xu̱ta̱ nga tsꞌi̱ínnda nku sénni̱stjihi̱n chu̱ xi tjuu̱n, tu̱ xi cha̱nkjúhun xi najmi kꞌien nkꞌie nga tsichaya.
\p
\v 15 Kikꞌa̱i̱ntehe̱ chu̱ xi ma joho nga tsꞌi̱ínkꞌíéjña tíkꞌun sénni̱stjihi̱n chu̱ xi tjuu̱n, tu̱ xi ku̱i̱nchja̱ha sénni̱stjiu̱n ko̱ tsꞌi̱ín nga nꞌe̱kꞌien ngayjee̱ xi najmi tsꞌi̱íntsjoho̱.
\v 16 Ko̱ kitsꞌín chu̱ xi ma joho nga sꞌe̱tꞌaha̱ chu̱ba̱ ntsja kixi̱ ko̱ a ra̱ stjen ngayjee̱ xu̱ta̱, xi ihi̱ ko̱ xi xi̱xi̱hi̱, xi nchi̱náha̱ ko̱ xi xꞌa̱ha̱n, xi nda̱íhi̱ yjoho̱ ko̱ xi najmi nda̱íhi̱ yjoho̱.
\v 17 Kitsꞌín nga najmi chꞌa ka̱ma kꞌu̱a̱tse ko̱ a ra̱ ka̱ma ku̱a̱téña tsa mí nihi, tsa najmi tjíhi̱n chu̱ba̱ha̱ chu̱ ko̱ tsa jꞌáíhi̱n chu̱ ko̱ a ra̱ xki̱hi̱ jꞌáíhi̱n chu̱.
\p
\v 18 Kui ni xuꞌbi̱ xi machjéhe̱n kju̱a̱nkjintakꞌun. Xi mankjihi̱n katꞌasje xki̱hi̱ chu̱, a̱tꞌaha̱ xki̱hi̱ jꞌáíhi̱n nda̱há niu̱. Jun unchan ko̱ cháte ko̱ tjꞌion nku niu̱.
\c 14
\s Bꞌi̱ tsꞌín tsakuchjíhi̱ Jua já xi Nti̱a̱ná kitsꞌínkjasꞌehe̱n yjoho̱
\p
\v 1 A̱sꞌa̱i tsase ko̱ kikie nga Chu̱tsa̱nko̱ síjñasun a̱sunntu tje̱nki̱ Sio̱n. Tíi̱nchatꞌaha̱ unchan ko̱ yachán ñju mii̱ xu̱ta̱ xi tjíntutꞌáha̱ stjen jꞌáíhi̱n Chu̱tsa̱nko̱ ko̱ jꞌáíhi̱n Na̱ꞌmihi̱ Chu̱tsa̱nko̱.
\v 2 Kintꞌe nku nta̱ xi nibaha ndji̱o̱jmi ján. Janeya nto̱ xi nkú tsꞌín faneya ntáje̱ nga ma ꞌyún ko̱ xi nkú tsꞌín faneya chꞌo̱n. Bꞌa̱ ta̱ tsꞌín jane nta̱ xi kintꞌe xi nkúhu nkjin ṉkjún arpa̱ xi tínꞌekjane.
\p
\v 3 Nginku̱n xi tíbatéxumoo̱ ko̱ nginku̱n xi ñju xi tjíntu tíkꞌuu̱n ko̱ nginku̱n jáchá xi kan ñjuu̱, tjín xi tíi̱ncha se nku soo̱n tse̱tse̱. Najmi chꞌa tímaha̱ soo̱n xuꞌbo̱, nku tutuhú xi unchan ko̱ yachán ñju mii̱ xi tsitjujin a̱jihi̱n xu̱ta̱ a̱sunntee̱.
\v 4 Kui xi najmi i̱ncha kitsꞌínsi yjoho̱ tsa jminchjín kikjantuko̱, a̱tꞌaha̱ najmi yꞌentuko̱ chju̱ún. Tsuhu̱ ra̱ nii̱ nkꞌie nga najmi i̱ncha kitsꞌíntsjoho̱ kjꞌa̱í nti̱a̱. I̱ncha yjankihi̱ Chu̱tsa̱nko̱ tu̱ má nga tífihí. Kui xi kisꞌechjíntjai a̱jihi̱n xu̱ta̱ xi tjín. Kui xi tíꞌba̱i̱hi̱ Nti̱a̱ná ko̱ Chu̱tsa̱nko̱ nga chje̱ xi tjun tíi̱ncha nꞌe ma.
\v 5 Ndaha nku én tsankꞌá najmi i̱ncha kinchja̱, a̱tꞌaha̱ kui xi je nginku̱n Nti̱a̱ná.
\s Bꞌi̱ tsꞌín tsakuchjíhi̱ Jua nga i̱ncha kinchja̱ jan ntítsje
\p
\v 6 A̱sꞌa̱i kikie kjꞌa̱í ntítsje xi tsúꞌba tje̱n nkꞌa ján nga nibáko̱ én nda tsuhu̱ Nti̱a̱ná, kui xi tu̱ nkjéhé ni chjíhi̱ ra̱. Kui xi sꞌe̱ni̱jmíhi̱ xu̱ta̱ xi tjíntu a̱sunntee̱, nkú tjín nanki xi tjín, nkú tjín maha ntje̱he̱ xu̱ta̱ xi tjín, nkú tjín maha xu̱ta̱ xi nchja̱ tu̱ má éhén ni ko̱ nkú tjín a̱nte má nga tjíntu.
\v 7 ꞌYún kinchja̱ ntítsjee̱ nga bꞌi̱ kitsú:
\p —Cha̱nkjún Nti̱a̱ná ko̱ nꞌe̱kio yjonu̱u nga kui xi chánka, a̱tꞌaha̱ ja kuichu chu̱ba̱ nga tsꞌi̱ínko̱kju̱a̱ xu̱ta̱. Nꞌe̱tsjoho̱o xi kitsꞌínnda nkꞌa ján ko̱ tꞌanankiu̱, ntáchakꞌuu̱n ko̱ ntá ti̱xa̱ xi tjín.
\p
\v 8 A̱sꞌa̱i nku ntítsje xi ma joho bꞌi̱ kitsú:
\p —Ja kuanꞌekje, ja kuanꞌekje nanki chánka Babiloni̱a̱. Kitsꞌín chꞌi̱ ngayjee̱ xu̱ta̱, tu̱ xi tu̱ mí ni chꞌonkꞌuhún ni i̱ncha tsꞌi̱ín xi nkú ta̱ tsꞌín kui.
\p
\v 9 A̱sꞌa̱i nku ntítsje xi ma jahan bꞌi̱ kitsú:
\p —Tsa tjín xi tsꞌi̱íntsjoho̱ chu̱ ko̱ sénni̱stjihi̱n ko̱ tsjánte nga sꞌe̱tꞌaha̱ chu̱ba̱ha̱ stjen ko̱ tsa ntsja,
\v 10 kui xi tjíhin nga tsꞌi̱ínkjáínyjehe̱ kju̱a̱kjan chánkaha̱ Nti̱a̱ná. Bꞌa̱ ka̱maha̱ xi nkú maha̱ xi ꞌyún ꞌbi xán xi najmi kichjuje̱he̱n ngaꞌyúhu̱n. Ndꞌí ko̱ sufri̱ kꞌu̱a̱i̱ko̱ho̱ ra̱ kju̱a̱ni̱ma̱ nginku̱n ntítsje jehe̱ Nti̱a̱ná ko̱ nginku̱n Chu̱tsa̱nko̱.
\v 11 Ndaha tsa mí yjehe najmi ka̱mandyja̱ya ni̱nti̱hi̱ ndꞌí xi tsjá kju̱a̱ꞌun. Ndaha nku ni̱stjin ko̱ ndaha nku ni̱stje̱n najmi tsꞌi̱ínkjꞌáíya xi tsꞌi̱íntsjoho̱ chu̱ ko̱ sénni̱stjihi̱n ko̱ xi tsꞌi̱ínkjáíhi̱n chu̱ba̱ha̱ jꞌáíhi̱n.
\v 12 Kui nga tjíhin nga tsꞌi̱ín chúkju̱a̱ha xu̱ta̱ jehe̱ Nti̱a̱ná, xi fꞌátjo kju̱a̱téxumaha̱ ko̱ sꞌejihi̱n Jesu.
\p
\v 13 A̱sꞌa̱i kintꞌe nku nta̱ xi nibaha ndji̱o̱jmi ján nga bꞌi̱ kitsúna:
\p —Tꞌetꞌai ni xuꞌbi̱: “¡Ndꞌa̱i̱ tíbꞌatutsꞌi̱nhi̱n ra̱ nkꞌie nga nda tjín tsꞌe̱ xu̱ta̱ xi ku̱a̱yá nga sꞌejihi̱n Nti̱a̱ná!”
\p Ko̱ bꞌi̱ títsu Espiri̱tu̱:
\p —Joho̱n, bꞌa̱ tjín. Kui xu̱ta̱ha xi i̱ncha tsꞌi̱ínkjꞌáíya a̱tꞌaha̱ ndjá xá xi i̱ncha kitsꞌín. Nti̱a̱ná tsjáha̱ chjíhi̱ xu̱ta̱ xuꞌbo̱ nga̱tꞌaha̱ ngayjee̱ ni nda xi i̱ncha kitsꞌín.
\s Bꞌi̱ tsꞌín tsakuchjíhi̱ Jua nkú tsꞌín kichjusítje̱n cha̱ha̱n a̱sunntee̱
\p
\v 14 A̱sꞌa̱i tsase ko̱ kikie nku ni̱nti̱ taba. A̱sun ni̱nti̱u̱ tíjñasun nku xi bꞌa̱ tjín xi nkúhu Ntíhi̱ Nda̱xꞌiu̱n tjín. Tjíꞌaha̱ nku corona̱ to̱onsine. Kjiya ntsja ya nku ki̱cha̱ yjo xi nꞌechjén nga ti tuni̱ñu̱.
\v 15 A̱sꞌa̱i ni̱nku̱ tsitjuhu kjꞌa̱í ntítsje ko̱ ꞌyún kinchja̱ nga bꞌi̱ kitsúhu̱ xi tíjñasun ni̱nti̱u̱:
\p —Ja kama chá ni xi tjíntje̱ a̱sunntee̱. Ki̱cha̱hi̱ ti̱cháko̱honi niu̱ ko̱ chꞌa̱tjóí, a̱tꞌaha̱ ja kuichu chu̱ba̱ nga chꞌa̱tjó cho̱n.
\p
\v 16 A̱sꞌa̱i xi tíjñasun ni̱nti̱u̱ ki̱cha̱ha̱ tsateko̱ho ni xi tjíntje̱ a̱sunntee̱ ko̱ jꞌáya cha̱ha̱n.
\p
\v 17 Ni̱nku̱ xi síjña ndji̱o̱jmi ján ta̱ tsitju kjꞌa̱í ntítsje xi ta̱ yꞌa nku ki̱cha̱ yjo.
\v 18 Ko̱ na̱chan chje̱ ta̱ tsitju kjꞌa̱í ntítsje xi batéxumaha̱ ndꞌíu̱. Kui xi ꞌyún kinchja̱ nga bꞌi̱ kitsúhu̱ xi yꞌa ki̱cha̱ yjoo̱:
\p —Ki̱cha̱ yjo̱hi̱ ti̱chákjáko̱honi éhe̱n tuntsja̱jé xi tjín a̱sunntee̱, a̱tꞌaha̱ ja chu̱ba̱ha̱ nga stí tuntsja̱jée̱.
\p
\v 19 A̱sꞌa̱i ki̱cha̱ha̱ ntítsjee̱ tsateko̱ho tuntsja̱jé xi tjín a̱sunntee̱ ko̱ kitsꞌínkjꞌa má nga tsꞌíónnki tuu̱, kui xi tsuhu̱ ra̱ má nga sꞌe̱jña chji kju̱a̱kjan chánkaha̱ Nti̱a̱ná.
\v 20 Kitsꞌionnkí tuntsja̱jée̱ na̱tsihi̱n nankiu̱, tu̱nga tu̱ jníhí kitju. Xi nkú ra̱ ma nku metru̱ masen kama nga na̱nka̱ha̱ jníu̱ ko̱ jan ra̱ unchan kilome̱tru̱ kama nga tayáha̱.
\c 15
\s Bꞌi̱ tsꞌín tsakuchjíhi̱ Jua yatu ntítsje xi i̱ncha yꞌa kju̱a̱ni̱ma̱ xi fekuhu
\p
\v 1 A̱sꞌa̱i kikie ndji̱o̱jmi ján kjꞌa̱í ni chánka xi ma nkjúnná, xi tsakúchji ni xi ka̱ma. Yatu ntítsje kikie xi i̱ncha yꞌa yatu kju̱a̱ni̱ma̱ xi fekuhu. Bꞌa̱ tsꞌín ku̱i̱chú ma ndju̱úhu kju̱a̱kjan chánkaha̱ Nti̱a̱ná xi tíbꞌéjña chji.
\p
\v 2 Kikie nku ni xi bꞌa̱ tjín nku ntáchakꞌun chu̱tsín xi ndꞌí kinꞌetjijinko̱ho tjín. Ko̱ a̱ndaihi̱ ntáchakꞌuu̱n tíi̱ncha ndju xu̱ta̱ xi kitsꞌín ngana̱ha̱ chu̱. Kui xi Najmi kitsꞌíntsjoho̱ sénni̱stjihi̱n ko̱ najmi kitsꞌínkjáíhi̱n nga kisꞌetꞌaha̱ xki̱ jꞌáíhi̱n chu̱. I̱ncha yꞌa xu̱to̱ najní arpa̱ xi Nti̱a̱ná kitsjáha̱.
\v 3 Tíi̱ncha se soho̱n Moise, nda̱ xi kitsꞌínxátꞌaha̱ Nti̱a̱ná, ko̱ ta̱ tíi̱ncha se soho̱n Chu̱tsa̱nko̱. Bꞌi̱ tíi̱ncha tsu:
\q Ji Nti̱a̱ni̱, ji tjíhi̱n ngaꞌyún.
\q Chánka ni xi kinꞌendai ko̱ ma nkjúnni̱.
\q Kixi̱ ko̱ na̱xu̱ ni̱yá xi tsꞌi̱.
\q Ji xi nda̱ rei̱hi̱ xu̱ta̱ xi tjín.
\q
\v 4 Ngayjee̱ xu̱ta̱ tjíhin nga tsa̱nkjúhin, Nti̱a̱ni̱.
\q Ngayjee̱ xu̱ta̱ tjíhin nga tsꞌi̱íntsjohi.
\q A̱tꞌaha̱ nku tutu ji xi tsjei.
\q Kjꞌu̱a̱í nginkuin ngayjee̱ xu̱ta̱ xi tjín nga tsꞌi̱íntsjohi,
\q a̱tꞌaha̱ ja ya nga kixi̱ nꞌei kju̱a̱.
\p
\v 5 Nkꞌie nga ja kama ni xuꞌbi̱, kikie nga tsixꞌá ni̱nku̱, a̱nte nkjúhu̱n Nti̱a̱ná xi síjña ndji̱o̱jmi ján.
\v 6 Tsitju ni̱nku̱ yatu ntítsje xi i̱ncha yꞌa kju̱a̱ni̱mo̱. I̱ncha yja najyun xi je ko̱ xi tíbatꞌai ko̱ ꞌme̱he̱ tjíntukjáha̱ ni sꞌekjá to̱onsine.
\v 7 A̱sꞌa̱i nku xi ñju xi tjíntu tíkꞌuu̱n kitsjáha̱ nga nkúnkú ntítsje xi yatuu̱ nku tasa̱ to̱onsine xi kitsehe ni xi tsꞌi̱ín nibájennehe̱ xu̱ta̱. Kui xi kju̱a̱kjan chánkaha̱ Nti̱a̱ná, Nti̱a̱ná xi tíjña tíkꞌun tu̱ nkjéhé ni.
\v 8 Kitsehe a̱ya ni̱nku̱ ni̱nti̱ xi tsitjujíhin kju̱a̱chánkaha̱ ko̱ ngaꞌyúhu̱n Nti̱a̱ná, ko̱ ndaha nku najmi kama jasꞌen a̱ya ni̱nku̱ santa nkúhu nga jeya kju̱a̱ni̱ma̱ xi yatuu̱ xi i̱ncha yꞌa ntítsje xi yatuu̱.
\c 16
\s Bꞌi̱ tsꞌín tsakuchjíhi̱ Jua kju̱a̱ni̱ma̱ xi yatuu̱
\p
\v 1 A̱sꞌa̱i kintꞌe nku nta̱ xi tu̱ xí ꞌyúhún xi nibaha a̱ya ni̱nku̱. Bꞌi̱ kitsúhu̱ ntítsje xi yatu maha:
\p —Tankíún. Ta̱tendzjosún a̱sunntee̱ ni xi tíi̱ncha tasa̱ xi yatu xi kju̱a̱kjan chánkaha̱ Nti̱a̱ná.
\p
\v 2 A̱sꞌa̱i ntítsje xi tjuu̱n ngjiténdzjosún a̱sunntee̱ ni xi tíi̱ncha tasa̱ha̱. A̱sꞌa̱i xu̱ta̱ xi tjíntutꞌáha̱ chu̱ba̱ha̱ chu̱ ko̱ xi kitsꞌíntsjoho̱ sénni̱stjihi̱n i̱ncha kingjaha̱ tsé chꞌonkꞌun xi kitsjáha̱ kju̱a̱ꞌun.
\p
\v 3 A̱sꞌa̱i ntítsje xi ma joho tsaténdzjojín ntáchakꞌuu̱n ni xi tíi̱ncha tasa̱ha̱. A̱sꞌa̱i jní kama ntáchakꞌuu̱n xi nkúhu jníhi̱ nku nda̱ xi kanꞌekꞌien. Kꞌien ngayjee̱ xi tjíntu tíkꞌun a̱jin ntáchakꞌuu̱n.
\p
\v 4 A̱sꞌa̱i ntítsje xi ma jahan tsaténdzjojín ntáje̱ ko̱ a̱jin ntá ti̱xo̱ ni xi tíi̱ncha tasa̱ha̱. A̱sꞌa̱i jní kama.
\v 5 Kintꞌe nga bꞌa̱ kitsú ntítsje xi batéxumaha̱ ntánijuo̱:
\p —Tsje ní ji, Nti̱a̱ xi tíjña ko̱ yꞌejña. Kixi̱ kuanꞌei nga bꞌa̱ tsꞌín kuanꞌei kju̱a̱.
\v 6 A̱tꞌaha̱ kui xu̱ta̱ xuꞌbo̱ i̱ncha tsaténdzjo jníhi̱ xu̱ta̱ jee̱ ko̱ já profeta̱. Ndꞌa̱i̱ ji kuakꞌa̱i̱hi̱ nga jní i̱ncha kuakꞌi. Bꞌa̱ tsꞌín machjéhe̱n.
\p
\v 7 Ta̱ kintꞌe nku xi bꞌi̱ kitsú a̱jin na̱chan chje̱:
\p —Joho̱n, Nti̱a̱ xi tjíhi̱n ngaꞌyún, ji xi kixi̱ ko̱ na̱xu̱ nꞌei kju̱a̱.
\p
\v 8 A̱sꞌa̱i ntítsje xi ma ñjuhu tsaténdzjojnúhu̱ tsꞌíu̱ ni xi tíi̱ncha tasa̱ha̱. Kikꞌa̱i̱hi̱ kju̱a̱ tsꞌíu̱ nga ndꞌí kꞌu̱étiko̱ho xu̱ta̱.
\v 9 A̱sꞌa̱i ꞌyún kitsꞌínchjaha̱n nubóo̱ xu̱ta̱. Ndaha tsa bꞌa̱ kama, najmi i̱ncha ngjikjꞌáhá ra̱ ani̱ma̱ha̱ ko̱ najmi i̱ncha kitsꞌínkie yjoho̱ nga Nti̱a̱ná xi chánka. Tu̱ sa ní najmi kikienkjún Nti̱a̱ná nga kinchja̱. Nti̱a̱ná, kui xi maha̱ tsjá kju̱a̱ni̱ma̱ xuꞌbi̱.
\p
\v 10 A̱sꞌa̱i ntítsje xi ma uhun tsaténdzjo ni xi tíi̱ncha tasa̱ha̱ má tíjñasun chu̱ nga tíbatéxuma. A̱sꞌa̱i kama jyun ngayjee̱ má tíbatéxuma chu̱. I̱ncha kikjinene nja̱i̱ xu̱ta̱ nga̱tꞌaha̱ kju̱a̱ꞌun xi tíi̱ncha be.
\v 11 Chꞌon i̱ncha kitsúhu̱ Nti̱a̱ná xi tíjña nkꞌa ján tu̱ nga̱tꞌaha̱ kju̱a̱ꞌun xi tíi̱ncha be ko̱ tsé xi i̱ncha kingjaha̱, tu̱nga tu̱ nkú najmi i̱ncha ngjikjꞌáhá ra̱ ani̱ma̱ha̱.
\p
\v 12 A̱sꞌa̱i ntítsje xi ma juhun tsaténdzjojín ntáje̱ chánka Eufra̱te̱ ni xi tíi̱ncha tasa̱ha̱. A̱sꞌa̱i kixíya ntáje̱ tu̱ xi tsjántehe̱ ra̱ nga kjꞌu̱a̱ já rei̱ xi nibáha má tju tsꞌíu̱.
\p
\v 13 A̱sꞌa̱i kikie jan jáninda xi bꞌa̱ kꞌun cháxkje̱ kꞌun. Tsꞌa chu̱yatuku̱ tsitju chu̱ ko̱ tsꞌa chu̱ xi ma joho ko̱ tsꞌa nda̱ profeta̱ tsankꞌóo̱.
\v 14 Kui jánindoo̱ xi tsꞌín kju̱a̱nkjún ko̱ i̱ncha bitju nga nchja̱ ñjaha̱ já rei̱ xi tjín ngayjee̱ a̱sunntee̱, tu̱ xi kꞌu̱éndaha yjoho̱ jóo̱ xi má nga i̱ncha tsꞌi̱ín kju̱a̱chán. A̱tꞌaha̱ kju̱a̱chán chánka sꞌe̱ ni̱stjin nkꞌie nga ku̱a̱kúchji yjoho̱ Nti̱a̱ná xi tjíhi̱n ngaꞌyún.
\p
\v 15 “Cha̱so̱o, an kjúa̱ xi nkú joyaha nda̱ ndyjé. ¡Nda tjín tsꞌe̱ xi tíjña tíkꞌun ko̱ xi tíjña ndaha̱ najyuhu̱n tu̱ xi najmi kjúátsúꞌba kistihi ko̱ najmi ka̱ma subaha̱ ra̱ nga cha̱!”
\p
\v 16 Jáninda xi joo̱n kinchja̱ ñjakúhu̱ já rei̱ a̱nte xi ꞌmi Armagedon nga én hebreo̱.
\p
\v 17 A̱sꞌa̱i ntítsje xi ma yatuhu tsaténdzjo ni xi tíi̱ncha tasa̱ha̱. Kinuꞌyá nku nta̱ xi tu̱ xí ꞌyúhún. A̱ya ni̱nku̱ má bꞌejña Nti̱a̱ná nga batéxuma nibaha nto̱ nga bꞌi̱ kitsú:
\p —Ja kama.
\p
\v 18 Tsatꞌai ndꞌíchꞌo̱n, xa̱áha̱n kama, janeya chꞌo̱n, ko̱ kama nku chón xi tu̱ xí ꞌyúhún. Nkúhu nga tjíntu xu̱ta̱ a̱sunntei̱ najmi kje̱e ma nku chón xi nkúhu xuꞌbo̱, a̱tꞌaha̱ tu̱ xí ꞌyúhún kama chóo̱n.
\v 19 Jan tsitju nanki chánkoo̱ nga tsakjanya ko̱ kinꞌekje nanki xi tjín a̱sunntee̱. Jꞌáítsjehe̱n Nti̱a̱ná nanki chánka Babiloni̱a̱ xi má nga kitsꞌín nibánehe̱ kju̱a̱kjan chánkaha̱. Kinꞌekꞌi nanki Babiloni̱a̱ kju̱a̱kjaha̱n Nti̱a̱ná.
\v 20 Najmi ta̱ kiyaha̱ ra̱ ngayjee̱ xjo̱ xi tjín ko̱ ta̱ ndaha na̱xi̱u̱.
\v 21 Nkꞌa ján nibaha̱ ra̱ tsꞌí ndji̱o̱ i xi kikꞌanehe̱ xu̱ta̱. Tsꞌati yachán kilu̱ áíhi̱ niu̱. Én chꞌon tsu kinchja̱ xu̱ta̱ nga najmi kikienkjún Nti̱a̱ná nga̱tꞌaha̱ kju̱a̱ni̱ma̱ xi tsꞌe̱ tsꞌí ndji̱o̱, a̱tꞌaha̱ un ṉkjún i̱ncha kikiehe̱ nga̱tꞌaha̱ kju̱a̱ni̱ma̱ chánka xuꞌbi̱.
\c 17
\s Bꞌi̱ tsꞌín tsakuchjíhi̱ Jua xi nkú tsꞌín kinꞌeko̱kju̱a̱ na̱skóo̱
\p
\v 1 A̱sꞌa̱i jꞌaisena nku ntítsje xi síjñajihi̱n ntítsje xi yatuu̱, ntítsje xi i̱ncha yꞌa tasa̱ xi yatuu̱. Bꞌi̱ kitsúna:
\p —Nibái̱. Kuakuchjíhi xi nkú tsꞌín nꞌe̱ko̱kju̱a̱ na̱ská kꞌaku̱ xi tíjñasun ntáje̱ chánkoo̱.
\v 2 Já rei̱ xi tjín a̱sunntee̱ i̱ncha kikjantuko̱ na̱skóo̱ ko̱ xu̱ta̱ xi tjíntu a̱sunntee̱ ta̱ i̱ncha kikjantuko̱ no̱. Bꞌa̱ tsꞌín kindyjajihi̱n ra̱ xi nkú tsꞌínndyjajihi̱n xu̱ta̱ nkꞌie nga ma chꞌi̱.
\p
\v 3 A̱sꞌa̱i jꞌaijínna Espiri̱tu̱hu̱ Nti̱a̱ná ko̱ ngjiko̱na ntítsjee̱ a̱nte kixiu̱. Yo̱ kikie nku ta̱chju̱ún xi tjísuhu̱n nku chu̱ xi ni. Nkú tsꞌín chubaha̱ xu̱ta̱, bꞌa̱ tsꞌín tjítꞌaha̱ chu̱ nga kitsejnúhu̱. Tu̱nga én xi najmi tíbenkjúhún Nti̱a̱ná tjítꞌaha̱. Yatu maha nintaku̱ ko̱ te maha ndji̱a̱ha̱.
\v 4 Nku najyun kuan ko̱ ni yja no̱. Kitsejnúhu̱ ra̱ to̱onsine ko̱ kjꞌa̱í kjꞌa̱í ndji̱o̱ tsjo kꞌun. Kjiya ntsja nku tasa̱ to̱onsine xi kitsehe ni xi najmi sasíhi̱n Nti̱a̱ná ko̱ ni xi si nginku̱n Nti̱a̱ná, kui xi tsuhu̱ ra̱ kju̱a̱ská xi kitsꞌín.
\v 5 Tjítꞌa stjen nku jꞌáín xi najmi chu̱ba̱ mankjihi̱n xu̱ta̱. Bꞌi̱ tsꞌín tjítꞌa: “Nanki chánka Babiloni̱a̱.” Kui xi na̱aha̱ jminchjín ská ko̱ na̱aha̱ xu̱ta̱ xi tsꞌín ni xi najmi sasíhi̱n Nti̱a̱ná.
\v 6 Kikie nga chꞌi̱ no̱. Jníhi̱ xu̱ta̱ jehe̱ Nti̱a̱ná ko̱ jníhi̱ xu̱ta̱ xi kinꞌekꞌien nga̱tꞌaha̱ nga kitsꞌínkie yjoho̱ nga Jesu yjanki, kui xi kitsꞌín chꞌi̱hi̱. Nkꞌie nga kikie no̱, tu̱ ni xí kama nkjúhúnna.
\p
\v 7 A̱sꞌa̱i bꞌa̱ kitsúna ntítsjee̱:
\p —¿Á tíma nkjúhun ri? Xínyaha nkú tjíhi̱n ra̱ nga̱tꞌa tsꞌe̱ no̱ ko̱ chu̱ xi tjísuhu̱n, xi yatu maha nintaku̱ ko̱ te maha ndji̱a̱ha̱.
\v 8 Chu̱ xi kuayai, kui xi yꞌejña nkꞌie. Najmi ta̱ tjíhin ndꞌa̱i̱. Tu̱nga ku̱i̱tjunjihí a̱ya ti̱xa̱ na̱nko̱ nga ngju̱a̱i̱ má nga ndyja̱. Xu̱ta̱ xi najmi tjíntutꞌá jꞌáíhi̱n kintehe̱ ni nga kamanda a̱sunntee̱ xu̱ju̱n xi má nga tjíntutꞌá jꞌáíhi̱n ngayjee̱ xi kꞌúéntu tíkꞌun, kui xu̱ta̱ha i̱ncha ka̱ma nkjúhu̱n nkꞌie nga i̱ncha sku̱e̱ chu̱ xi yꞌejña nkꞌie ko̱ najmi ta̱ tjíhin ndꞌa̱i̱ tu̱nga kjꞌu̱a̱í ngáha.
\p
\v 9 ’Kui ni xuꞌbi̱ xi machjéhe̱n kju̱a̱nkjintakꞌun. Nintaku̱ xi yatuu̱, kui xi tsuhu̱ ra̱ a̱sunntu tje̱nki̱ xi yatu xi tíjñasun no̱.
\v 10 Ta̱ tsuhu̱ ra̱ yatu já rei̱. Un já rei̱ xuꞌbi̱ ja i̱ncha kitsꞌínndyja, nku xi tjín saha̱ xá ndꞌa̱i̱, ko̱ nku xi najmi kje̱e fꞌai. Kui xi najmi ꞌyún tse ka̱maha̱ nkꞌie nga kjꞌu̱a̱í.
\v 11 Chu̱ xi yꞌejña nkꞌie ko̱ najmi ta̱ tjíhin, kui xi nda̱ rei̱ xi ma jiu̱n, xi ta̱ nku xi yatuu̱. A̱sꞌa̱i ngju̱a̱i̱ má nga ndyja̱.
\p
\v 12 ’Ndji̱a̱ te xi kuayai, kui xi tsuhu̱ ra̱ te já rei̱ xi najmi kje̱e ꞌba̱i̱ xáha̱, tu̱nga kꞌu̱a̱i̱ xáhá ra̱ nga ku̱a̱téxumako̱ chu̱ nku ora̱ tjíhin.
\v 13 Kui xi nkuhú i̱ncha ka̱mako̱ xinkjín ko̱ tsjáha̱ chu̱ ngaꞌyúhu̱n ko̱ xá xi tjíhi̱n.
\v 14 I̱ncha kja̱ánko̱ Chu̱tsa̱nko̱, tu̱nga tsꞌi̱ín ngana̱há Chu̱tsa̱nko̱, a̱tꞌaha̱ kui xi Nda̱ Nti̱a̱ha̱ já nti̱a̱ ko̱ Nda̱ rei̱hi̱ já rei̱. I̱ncha tje̱nnkihi̱ Chu̱tsa̱nko̱ xu̱ta̱ xi kinchja̱ha̱ Nti̱a̱ná ko̱ jꞌájihi̱n, xi kixi̱ i̱ncha kitsꞌíntjusun ni xi kitsúhu̱ Nti̱a̱ná.
\p
\v 15 Ko̱ bꞌa̱ ta̱ kitsú yana ntítsjee̱:
\p —Ntáje̱ xi kuayai má nga tíjñasun na̱skóo̱, xu̱ta̱há niu̱. Tu̱ mí ntje̱hé ni yꞌaha̱ra̱, tu̱ mí éhén ni ko̱ tu̱ mí nankihí ni.
\v 16 Ndji̱a̱ xi te xi kuayai xi tjíhi̱n chu̱, kui xi i̱ncha tsꞌi̱ín unkie na̱skóo̱. I̱ncha kjéꞌaha̱ ngayjee̱ ni xi tjíhi̱n ko̱ kꞌu̱éjña kisti. Kji̱ne̱ yjonintehe̱ no̱ ko̱ ndꞌí i̱ncha kꞌu̱étiko̱ho.
\v 17 A̱tꞌaha̱ Nti̱a̱ná yꞌéjña a̱jin ani̱ma̱ha̱ ndji̱a̱ xi tee̱ xi má nga i̱ncha tsꞌi̱ín ni xi mjehe̱ Nti̱a̱ná. Kui nga nkuhú i̱ncha tsꞌi̱ín maha yjoho̱ ko̱ i̱ncha tsjáha̱ chu̱ nga kui xi ku̱a̱téxuma santa nkúhu nga ku̱i̱tjusun én xi kitsú Nti̱a̱ná.
\v 18 Na̱ xi kuayai, kui nanki chánka xi batéxumaha̱ já rei̱ xi tjín a̱sunntee̱.
\c 18
\s Bꞌi̱ tsꞌín tsakuchjíhi̱ Jua nga kinꞌekje nanki chánka Babiloni̱a̱
\p
\v 1 Nkꞌie nga ja kama ni xuꞌbi̱, a̱sꞌa̱i kikie kjꞌa̱í ntítsje xi nibajehen ndji̱o̱jmi ján. Kui xi chánka xá xi tjíhi̱n. Kju̱a̱chánka xi tjíhi̱n kitsꞌín ndzjehe̱n a̱sunntee̱.
\v 2 ꞌYún kinchja̱ nga bꞌi̱ kitsú:
\p —Ja kuanꞌekje. Ja kuanꞌekje nanki chánka Babiloni̱a̱. Ja niꞌyaha̱ jánindoo̱ kama, a̱nte má tjíntuyá ngayjee̱ jáninda xi tjín. Ja nu̱ba̱ha̱ ngayjee̱ ni̱se xi uncha ko̱ xi si nginku̱n Nti̱a̱ná.
\v 3 A̱jihi̱n nanki xingisoo̱ nku na̱ská kama nanki Babiloni̱a̱. Xi nkúhu tsa kikꞌi jóo̱ kju̱a̱skáha̱ no̱ nga kikjantuko̱. Já rei̱ xi tjín a̱sunntee̱ i̱ncha kikjantuko̱ no̱, ko̱ kama nchi̱ná já tiyanta̱ xi tjín nga̱tꞌaha̱ ni ṉkjún xi tsꞌatse nga tsjo tsꞌín yꞌejña.
\p
\v 4 A̱sꞌa̱i kintꞌe kjꞌa̱í nta̱ xi nibaha ndji̱o̱jmi ján xi bꞌi̱ kitsú:
\p —Ti̱tjusjo̱jiun nankiu̱, jun xi xu̱ta̱ xi tsꞌa̱n, tu̱ xi najmi ko̱ jun chꞌa̱njiko̱honu ngatitsuhu̱n ko̱ tu̱ xi najmi cha̱ko̱honu kju̱a̱ni̱ma̱ xi sa̱kúhu̱.
\v 5 A̱tꞌaha̱ santaha ndji̱o̱jmi ján ja tíbichú ngatitsuhu̱n. Ja tjínjin kꞌun Nti̱a̱ná jé xi tíi̱ncha tsꞌín.
\p
\v 6 ’Nꞌe̱kꞌíéchjíú ni xi kitsꞌíhi̱n xu̱ta̱. Jo tjíhin nga nꞌekꞌíéchjíú ngatitsuhu̱n. Ti̱nchajihu̱un tasa̱ha̱ ni xi kꞌúí, xi jo ni̱yá nga ꞌyún kjan sa nga xi kitsjáha̱ xi kjꞌa̱í.
\v 7 Xi nkú tsꞌín ꞌyún nkꞌa tsꞌasje yjoho̱ ko̱ tsjo tsꞌín yꞌejña, bꞌa̱ ta̱ tsꞌín ꞌyún tjoho̱n kju̱a̱ni̱ma̱ ko̱ kju̱a̱ba ndꞌa̱i̱. A̱tꞌaha̱ bꞌa̱ títsu nga kui rú nku na̱ rei̱na̱, najmi na̱ xꞌa̱n rú ko̱ rú najmi sꞌe̱he̱ kju̱a̱ba.
\v 8 Kui kju̱a̱ha nkuhú nga ni̱bane tentehe̱ ra̱ kju̱a̱ni̱ma̱, ngabaya, kju̱a̱ba ko̱ kjintíá. Ndꞌí sꞌe̱tíko̱ho, a̱tꞌaha̱ tjíhi̱n ngaꞌyún Nti̱a̱ná xi tsꞌínko̱kju̱a̱ha̱.
\p
\v 9 Ni xi tjíhi̱n na̱ská Babiloni̱a̱ já rei̱ xi tjín a̱sunntee̱ kitsꞌínchjénko̱ no̱ ko̱ jóo̱ i̱ncha kikjantuko̱ no̱. Kui nga nkꞌie nga i̱ncha sku̱e̱he jóo̱ ni̱nti̱ xi tíbitju má nga títi nankiu̱, i̱ncha kji̱ntátꞌa ko̱ un ka̱ma kꞌun.
\v 10 Kjin ku̱i̱ncha, a̱tꞌaha̱ i̱ncha tsa̱nkjún kju̱a̱ꞌun xi tíꞌba̱i̱hi̱ nankiu̱ ko̱ bꞌa̱ i̱ncha ku̱i̱tsu̱:
\p —¡Ni̱ma̱ rú tsꞌíhin! ¡Ni̱ma̱ rú tsꞌíhin nanki chánkoo̱, nanki Babiloni̱a̱ xi nkꞌa tje̱n! A̱tꞌaha̱ nkuhú nga nꞌeko̱kju̱a̱ha.
\p
\v 11 Játiyanta̱ xi tjín a̱sunntee̱ ta̱ kji̱ntátꞌa ko̱ un sku̱e̱he̱ nga̱tꞌaha̱ ni xi tímaha̱ nankiu̱, a̱tꞌaha̱ najmi ta̱ tjín xi kꞌu̱a̱tsehe̱ ra̱ chꞌá xi kjꞌu̱a̱íko̱.
\v 12 A̱tꞌaha̱ to̱onsine ko̱ to̱ontaba, nkjin tíkjá ndji̱o̱ tsjo kꞌun ko̱ nkjin tíkjá najyun chjí, najyun kuan ko̱ xi nihi̱, nkjin tíkjá yá xi sinjne̱ ko̱ nkjin tíkjá ni xi kinꞌendako̱ho yá xi chjí ko̱ ki̱cha̱ ko̱ kjꞌa̱í sa nihi xi tjín,
\v 13 nkjin tíkjá ni xi sinjne̱ ko̱ ntá sinjne̱, tjinkꞌúbjo ko̱ xán, seti̱, ku̱a̱n ni̱ñu̱ xi chjí ko̱ tuni̱ñu̱, turu̱ ko̱ chu̱tsa̱nka̱, ndje̱ ko̱ yá xi kjeꞌyún ndje̱, ko̱ santaha xu̱ta̱ musu̱ xi satéña, kui niu̱ xi i̱ncha fꞌaiko̱ jóo̱.
\v 14 Bꞌa̱ kꞌúíhi̱n nanki Babiloni̱a̱:
\p —¡Ja najmi ta̱ tjíhin ri tu tsjo kꞌun xi kama mje ṉkjúhin! ¡Ja kuanꞌendyja kjin ni tsjo kꞌun xi tjíhin ko̱ kju̱a̱nchi̱náhi̱! ¡Najmi ta̱ sa̱kú saha ri!
\p
\v 15 Kjin i̱ncha ku̱i̱ncha já tiyanta̱ xi i̱ncha kama nchi̱nántjaihi nankiu̱, a̱tꞌaha̱ i̱ncha tsa̱nkjún kju̱a̱ꞌun xi sku̱e̱he̱ nankiu̱. I̱ncha kji̱ntá ko̱ un sku̱e̱he̱ nga̱tꞌaha̱ ni xi tímaha̱ nankiu̱
\v 16 nga bꞌa̱ i̱ncha ku̱i̱tsu̱:
\p —¡Ni̱ma̱ rú tsꞌíhin! ¡Ni̱ma̱ rú tsꞌíhin nanki chánkoo̱! Kui xi kingja najyun chjí xi kuan ko̱ xi ni, nayjun xi yjajnuhu̱ to̱onsine ko̱ kjꞌa̱í kjꞌa̱í ndji̱o̱ tsjo kꞌun.
\v 17 Nkuhú nga kfehe ngayjee̱ kju̱a̱nchi̱ná chánka xuꞌbi̱.
\p Nkjin i̱ncha ku̱i̱ncha ngayjee̱ já xi tsꞌínko̱ yábarku̱, xi yá barku̱ i̱ncha bꞌemayá, xi tsꞌínxáya yábarku̱ ko̱ ngayjee̱ xi ntáchakꞌuu̱n sakúhu̱ra̱ ni xi i̱ncha kjine.
\v 18 Nkꞌie nga i̱ncha sku̱e̱ ni̱nti̱ xi tíbitju má nga títi nankiu̱, ꞌyún i̱ncha ku̱i̱nchja̱ nga bꞌa̱ i̱ncha ku̱i̱tsu̱:
\p —¿Má nankihi xi bꞌa̱ ta̱ tjín xi nkú tjín nanki chánkoo̱?
\p
\v 19 I̱ncha ku̱a̱téꞌa ndyjo nintaku̱ nga ku̱a̱kúchji nga kju̱a̱ba tjíhi̱n, i̱ncha kji̱ntá ko̱ un sku̱e̱he̱ nga̱tꞌaha̱ ni xi tímaha̱ nankiu̱ nga bꞌi̱ i̱ncha ku̱i̱tsu̱:
\p —¡Ni̱ma̱ rú tsꞌíhin! ¡Ni̱ma̱ rú tsꞌíhin nanki chánkoo̱! ꞌYún tsꞌatse ni xi chjí. Yo̱ kama nchi̱ná ngayjee̱ xi tjíhi̱n yábarku̱. Tu̱ nkuhú nga kuanꞌekjehe ngayjee̱ ni xi tjíhi̱n.
\p
\v 20 Katꞌetsjonu̱u, jun xi tintsu̱bo̱o ndji̱o̱jmi ján nga̱tꞌaha̱ ni xi tínꞌehe̱ nanki chánkoo̱. Katꞌetsjonu̱u, jun xu̱ta̱ jehe̱ Nti̱a̱ná ko̱ já postru̱ ko̱ já profeta̱, a̱tꞌaha̱ Nti̱a̱ná kuatsꞌínko̱kju̱a̱ nankiu̱ nga̱tꞌaha̱ ni xi kitsꞌínnu̱u.
\p
\v 21 A̱sꞌa̱i nku ntítsje xi nkꞌa tje̱n kikjesíntje̱n nku ndji̱o̱ na̱xi̱ áí. Kui xi kikjaníkjꞌajin ntáchakꞌuu̱n nga bꞌi̱ kitsú:
\p —Bꞌi̱ tsꞌín ꞌyún nꞌe̱kje nanki chánka Babiloni̱a̱ ko̱ najmi ta̱ chꞌa sku̱e̱he̱ ra̱.
\v 22 Najmi ta̱ ku̱i̱núꞌyáha a̱ya ni̱yátéhe̱ nga kju̱a̱ne̱ najní arpa̱ ko̱ yána̱xu̱ ko̱ tjio. Yo̱ najmi ta̱ sꞌe̱he já xi tsꞌínnda nkjin tíkjá ni. Yo̱ najmi ta̱ ku̱i̱núꞌyáha nga ku̱a̱kjan tuni̱ñu̱.
\v 23 Najmi ta̱ tsꞌi̱ín ndzjehen ndaha nku ndꞌí a̱ya ni̱yátéhe̱ ko̱ najmi ta̱ ku̱i̱núꞌyáha sꞌí kju̱a̱bixan. Bꞌa̱ ka̱ma ta̱ ndaha tsa já tiyanta̱ xi tjín yo̱ kama já kꞌaku̱ a̱jihi̱n xu̱ta̱ xi tjín ko̱ tjꞌe xi maha̱ tsꞌana̱cha̱ko̱ho̱ ra̱ ngayjee̱ na̱xi̱nantá xi tjín.
\v 24 A̱tꞌaha̱ kui nankiu̱ yꞌanji jníhi̱ já profeta̱, jníhi̱ xu̱ta̱ jehe̱ Nti̱a̱ná ko̱ ngayjee̱ xi kinꞌekꞌien a̱sunntee̱.
\c 19
\s Bꞌi̱ tsꞌín tsakuchjíhi̱ Jua nga kinꞌetsjoho̱ Nti̱a̱ná ndji̱o̱jmi ján
\p
\v 1 Nkꞌie nga ja kama ni xuꞌbi̱, a̱sꞌa̱i kintꞌe nta̱ha̱ nkjin ṉkjún xu̱ta̱ xi ꞌyún kinchja̱ ndji̱o̱jmi ján nga bꞌi̱ i̱ncha kitsú:
\q —¡Kanꞌetsjoho̱ Nti̱a̱ná, kui xi tsꞌínkꞌankiná!
\q Kui xi tsꞌe̱ kju̱a̱chánka ko̱ ngaꞌyún.
\q
\v 2 A̱tꞌaha̱ nda tsꞌín ko̱ kixi̱ tsꞌín kju̱a̱,
\q ja kuatsꞌínko̱kju̱a̱ na̱ská kꞌaku̱
\q xi ni najmi ndaha̱ kitsꞌínkatsúnko̱ho xu̱ta̱.
\q Nti̱a̱ná ja kuakasje chjí jníhi̱ xu̱ta̱ xi tsꞌe̱.
\p
\v 3 A̱sꞌa̱i bꞌa̱há ta̱ i̱ncha kitsú ngáha:
\p —¡Kanꞌetsjoho̱ Nti̱a̱ná! Ni̱nti̱ xi tíbitjuhu̱ nanki chánkoo̱ ngju̱a̱i̱nji nkꞌa ján tu̱ nkjéhé ni.
\p
\v 4 A̱sꞌa̱i kingjénsten santaha tꞌanankiu̱ jáchá xi kan ñjuu̱ ko̱ xi ñju xi tjíntu tíkꞌuu̱n nga kitsꞌíntsjoho̱ Nti̱a̱ná, kui xi tíjñasun a̱nte má batéxuma. Bꞌi̱ i̱ncha kitsú:
\p —¡Bꞌa̱ katuma! ¡Kanꞌetsjoho̱ Nti̱a̱ná!
\p
\v 5 A̱sꞌa̱i kinuꞌyá nku nta̱ xi nibaha̱ ra̱ má bꞌejña Nti̱a̱ná nga bꞌi̱ kitsú:
\q Nꞌe̱tsjoho̱ Nti̱a̱ná ngayjo jun xi xu̱ta̱ xi tsꞌe̱,
\q jun xi yankjún Nti̱a̱ná, xi xi̱xi̱hi̱ ko̱ xi ihi̱.
\p
\v 6 A̱sꞌa̱i kintꞌe nga xi nkú tsꞌín nuꞌyá nkjin nta̱ha̱ xu̱ta̱, xi nkú tsꞌín faneya ntáje̱ nga ma ꞌyún ko̱ xi nkú tsꞌín ꞌyún faneya chꞌo̱n. Bꞌi̱ kitsú nto̱:
\q —¡Kanꞌetsjoho̱ Nti̱a̱ná!
\q A̱tꞌaha̱ tíbatéxuma Nti̱a̱ná, Nti̱a̱ xi tjíhi̱n ngaꞌyún.
\q
\v 7 Katꞌetsjoná ko̱ katsejíhinná kju̱a̱tsjo,
\q nꞌe̱kié yjoná nga kui xi chánka.
\q A̱tꞌaha̱ ja kuichu chu̱ba̱ kju̱a̱bixaha̱n Chu̱tsa̱nko̱,
\q ja kabꞌénda yjoho̱ xi kꞌúéjñako̱.
\q
\v 8 Kaꞌba̱i̱hi̱ nga ngju̱a̱ najyun xi chjí,
\q xi je ko̱ xi tíbatꞌai.
\p Kui niu̱ xi tsuhu̱ ra̱ ni xi nda i̱ncha kitsꞌín xu̱ta̱ jehe̱ Nti̱a̱ná.
\v 9 A̱sꞌa̱i bꞌa̱ kitsúna ntítsjee̱:
\p —Tꞌetꞌai ni xuꞌbi̱: “¡Á bꞌa̱ nda tjíhin tsꞌe̱ xi kikꞌinyaha̱ ra̱ nga kjꞌu̱a̱íhi sꞌí kju̱a̱bixaha̱n Chu̱tsa̱nko̱!”
\p Ko̱ bꞌa̱ ta̱ kitsúna:
\p —Kju̱axi̱ ni xi tíxihin. Nti̱a̱ná xi bꞌa̱ kitsú.
\p
\v 10 A̱sꞌa̱i tsási̱nkúnchꞌintꞌaha̱ ntítsjee̱ xi má nga tsꞌintsjoho̱, tu̱nga bꞌa̱há kitsúna:
\p —Najmi bꞌa̱ tu̱ nꞌei. An ta̱ tsꞌinxátꞌaha̱ Nti̱a̱ná xi nkúhu ji ko̱ ta̱ xi nkúhu já ntsꞌei xi tu̱ nkú tíma ꞌyún takꞌuhún én xi tsakúya Jesu. Nti̱a̱náhá xi nꞌe̱tsjoihi̱.
\p A̱tꞌaha̱ én xi tsakúya Jesu, kui ée̱n xi tsꞌínkinchja̱ha̱ já profeta̱.
\s Bꞌi̱ tsꞌín tsakuchjíhi Jua nku xi tjísuhu̱n ndje̱
\p
\v 11 A̱sꞌa̱i kikie nga tje̱nti̱xa̱ nkꞌa ján. Tsase ko̱ kikie nku ndje̱ taba. Xi tjísuhu̱n chu̱ ꞌmi Xi Kixi̱ Tsꞌín ko̱ Xi Kju̱axi̱ Ni xi Tsu. Kixi̱ tsꞌín nkꞌie nga kju̱a̱ tsꞌín ko̱ nga kján.
\v 12 Xi tíi̱ncha ndꞌí tíi̱ncha tunku̱n. Nkjin corona̱ tjíꞌaha̱ ko̱ tjítꞌaha̱ nku jꞌáín xi nku tutu kui be.
\v 13 Yja nku najyun xi kitsꞌihi̱ jní ko̱ jꞌáíhi̱n, kui xi Éhe̱n Nti̱a̱ná.
\v 14 Tje̱nnkihi̱ já jun xi tjín ndji̱o̱jmi ján. Ndje̱ taba tjíntusúhu̱n nga yja najyun xi chjí, xi taba ko̱ je.
\p
\v 15 Tsꞌa tíbitju nku ki̱cha̱ xi yjo, tu̱ xi kja̱ánko̱ho nanki xi tjín a̱sunntee̱. Ndjá ku̱a̱téxumaha̱ xu̱ta̱ ko̱ tsꞌi̱ín nibánehe̱ kju̱a̱kjan chánkaha̱ Nti̱a̱ná xi tjíhi̱n ngaꞌyún.
\v 16 Najyun xi yja ko̱ ngasuhu̱ tjítꞌa jꞌáín xuꞌbi̱: “Nda̱ rei̱hi̱ já rei̱ ko̱ Nda̱ Nti̱a̱ha̱ já nti̱a̱.”
\p
\v 17 A̱sꞌa̱i kikie nku ntítsje xi síjñasun tsꞌíu̱. Kui xi ꞌyún kinchja̱ nga bꞌi̱ kitsúhu̱ ngayjee̱ ni̱se xi bꞌema tje̱n nkꞌa ján:
\p —Nibá ma ñjakú nga chi̱no̱o nichine chánka xi tsjá Nti̱a̱ná.
\v 18 Chi̱no̱o yjonintehe̱ já rei̱ ko̱ já jun kꞌaku̱ ko̱ já xi xꞌi̱n bꞌasje yjoho̱, yjoho̱ ndje̱ ko̱ xi bꞌesúhu̱n chu̱, yjonintehe̱ ngayjee̱ xu̱ta̱, xi tjíma nda̱íhi̱ ko̱ xi kichꞌatse, xi ihi̱ ko̱ xi xi̱xi̱hi̱.
\p
\v 19 A̱sꞌa̱i kikie chu̱ xi tsitjujín ntáchakꞌuu̱n ko̱ já rei̱ xi tjín a̱sunntee̱ nga tje̱nko̱ já juhu̱n. I̱ncha kama ñjakú tu̱ xi i̱ncha kja̱ánko̱ho xi tjísuhu̱n ndje̱ ko̱ já jun xi tsꞌe̱ xi tjísuhu̱n ndje̱.
\v 20 Kichjubénijé chi̱ ko̱ ta̱ kichjubénijé nda̱ profeta̱ tsankꞌá xi kitsꞌín kju̱a̱nkjún nginku̱n chi̱. Kui kju̱a̱nkjún xi kitsꞌín tsꞌana̱cha̱ko̱ho̱ ra̱ xu̱ta̱ xi kitsjánte nga kisꞌetꞌaha̱ chu̱ba̱ha̱ chi̱ ko̱ xi kitsꞌíntsjoho̱ sénni̱stjihi̱n. I̱ncha kichjanikjꞌajin tíkꞌun chi̱ ko̱ nda̱ profeta̱ tsankꞌóo̱ a̱jin ntáchakꞌun ndꞌí xi títiko̱ho sufri̱.
\v 21 Ko̱ já xingisoo̱ kinꞌekꞌienko̱ho ki̱cha̱ xi tíbitju tsꞌa xi tjísun ndje̱. Ngayjee̱ ni̱see̱ tu̱ xí i̱ncha kikjinehé yjonintehe̱ jóo̱.
\c 20
\s Bꞌi̱ tsꞌín tsakuchjíhi̱ Jua nga nku mii̱ nú kjꞌu̱a̱
\p
\v 1 A̱sꞌa̱i kikie nku ntítsje xi nibajehen ndji̱o̱jmi ján nga yꞌa yubi̱hi̱ ti̱xa̱ na̱nko̱ ko̱ kjiya ntsja nku nꞌúki̱cha̱ chánka.
\v 2 Jakjꞌá chu̱yatuku̱ ko̱ yꞌétꞌaꞌyún nku mii̱ nú tjíhin. Kui chu̱yatuku̱ xi ye̱ chá xi ꞌmi nda̱ninda ko̱ Satana.
\v 3 Kikjaníkjꞌaya ti̱xa̱ na̱nko̱ ko̱ yꞌéchja. Yꞌénehe̱ nku sello̱ xi yꞌéchjaꞌyún a̱nkju̱o̱ tu̱ xi najmi ta̱ kꞌu̱a̱na̱cha̱ha̱ ra̱ nanki xi tjín a̱sunntee̱ santa nkúhu nga kjꞌu̱a̱ nú xi nku miu̱. A̱skahan nkꞌie nga ja kjꞌu̱a̱ nú xi nku miu̱, tjíhin nga chjúndáya kutju.
\p
\v 4 A̱sꞌa̱i kikie nkjin já xi yꞌentu nga kikꞌa̱i̱ xáha̱ nga i̱ncha ku̱a̱téxuma. Ta̱ kikie xu̱ta̱ xi kitikjá nintaku̱ nga̱tꞌaha̱ nga tu̱ nkú kitsꞌínkiehé yjoho̱ nga Jesu yjanki ko̱ yꞌéni̱jmí éhe̱n Nti̱a̱ná. Kui xi najmi kitsꞌíntsjoho̱ chu̱ ko̱ sénni̱stjihi̱n ko̱ najmi kitsjánte nga kisꞌetꞌaha̱ stjen ko̱ a ra̱ ntsja chu̱ba̱ha̱ chu̱. I̱ncha jꞌáíya ngáha̱ ra̱ ngabayoo̱ ko̱ tsatéxumako̱ Jesucristo̱ nku mii̱ nú tjíhin.
\v 5 Tu̱nga xu̱ta̱ kꞌien xingisoo̱ najmi jꞌáíyaha̱ ngabayoo̱ santa nkúhu nga jꞌa nú xi nku miu̱. Xi ku̱a̱téxumako̱ Jesucristo̱, kui xi tjun kjꞌu̱a̱íyaha̱.
\v 6 ¡Á bꞌa̱ nda tjíhin tsꞌe̱ xu̱ta̱ je xi kꞌu̱a̱i̱hi̱ ra̱ nga tjun kjꞌu̱a̱íyaha̱! Ngabaya xi ma joho najmi ta̱ tjíhi̱n ra̱ ngaꞌyún tsa nkú tsꞌi̱íhi̱n xu̱ta̱ xuꞌbo̱. Tu̱ sa ní tsꞌi̱íntsjoho̱ Nti̱a̱ná ko̱ Jesucristo̱ xi nkúhu já na̱ꞌmi ko̱ ku̱a̱téxumako̱ nku mii̱ nú tjíhin.
\s Bꞌi̱ tsꞌín tsakuchjíhi̱ Jua nga tsꞌi̱ínndyja nda̱nindoo̱
\p
\v 7 Nkꞌie nga ja kjꞌu̱a̱ nú xi nku miu̱, chjúndáya nda̱nindoo̱ má kjiyaꞌyún.
\v 8 A̱sꞌa̱i ku̱i̱tju nga kꞌu̱a̱na̱cha̱ha̱ xi batéxumaha̱ nanki Gog ko̱ nanki Magog, kui xi tsuhu̱ ra̱ tu̱ má nankihí ni. Nda̱nindoo̱ ku̱i̱nchja̱ ñjakúhu̱ já jun xi tjíhi̱n nankiu̱ nga i̱ncha kja̱án. Nkjin ka̱ma xi nkú tsꞌín nkjin maha tsumí xi tjín a̱ndai ntáchakꞌuu̱n.
\p
\v 9 I̱ncha kꞌúéma ngayjee̱ a̱sunntee̱ ko̱ kꞌu̱étjindaihi̱ má tjíntu xu̱ta̱ jehe̱ Nti̱a̱ná ko̱ nanki xi Nti̱a̱ná tjoho̱. Tu̱nga ni̱bahá ndꞌí nkꞌa ján xi kjꞌu̱a̱íkꞌíétiyjehe̱.
\v 10 Ko̱ nda̱nindoo̱ xi tsꞌana̱cha̱ha̱ jóo̱ chja̱nikjꞌajin ntáchakꞌun xi tjíhi̱n ndꞌí ko̱ sufri̱, má ta̱ chja̱nikjꞌajin chu̱ ko̱ nda̱ profeta̱ tsankꞌóo̱. Yo̱ un sku̱e̱he̱ ni̱stjin ni̱stje̱n tu̱ nkjéhé nihi.
\s Bꞌi̱ tsꞌín tsakuchjíhi̱ Jua nga nꞌe̱ko̱kju̱a̱ xu̱ta̱
\p
\v 11 A̱sꞌa̱i kikie xi tíbatéxuma. Taba ko̱ chánka a̱nte má nga tíjña nga batéxuma. A̱sꞌa̱i tꞌanankiu̱ ko̱ nkꞌoo̱ i̱ncha ngji tꞌaxín nginku̱n. Najmi ta̱ kisꞌehe̱ ra̱ a̱nte.
\v 12 Kikie xu̱ta̱ xi kꞌie̱n, xi ihi̱ ko̱ xi xi̱xi̱hi̱, nkꞌie nga kabincha nginku̱n xi tíbatéxumoo̱. A̱sꞌa̱i kichjuxꞌá nkjin xu̱ju̱n ko̱ ta̱ kichjuxꞌá xu̱ju̱n xi má nga tjíntutꞌá jꞌáíhi̱n xu̱ta̱ xi kꞌúéntu tíkꞌun. Xi nkú tsꞌín tjítꞌa xu̱ju̱n ni xi i̱ncha kitsꞌín, bꞌa̱ tsꞌín kinꞌeko̱kju̱a̱ xu̱ta̱ kꞌie̱n.
\p
\v 13 Jꞌáíya ngáha̱ ra̱ xu̱ta̱ xi kꞌienjin ntáchakꞌuu̱n ko̱ xi kjintuyánji tꞌanankiu̱, ngayjee̱ xi tjíntu a̱ntehe̱ xu̱ta̱ kꞌie̱n. Xi nkú nga i̱ncha kitsꞌín, bꞌa̱ tsꞌín i̱ncha kinꞌeko̱kju̱a̱.
\v 14 A̱sꞌa̱i kichjanikjꞌajin xi ꞌmi Ngabaya ko̱ xi ꞌmi A̱ntehe̱ Xu̱ta̱ Kꞌie̱n a̱jin ntáchakꞌun ndꞌíu̱. Ngabaya xi ma joho ntáchakꞌun ndꞌíu̱.
\v 15 Xi najmi tjíntutꞌá jꞌáíhi̱n xu̱ju̱n má nga tjíntutꞌá jꞌáíhi̱n xu̱ta̱ xi kꞌúéntu tíkꞌuu̱n, kui xi ta̱ kichjanikjꞌajin ntáchakꞌun ndꞌíu̱.
\c 21
\s Bꞌi̱ tsꞌín tsakuchjíhi̱ Jua nku nkꞌa tse̱tse̱ ko̱ nku tꞌananki tse̱tse̱
\p
\v 1 A̱sꞌa̱i kikie nku nkꞌa tse̱tse̱ ko̱ nku tꞌananki tse̱tse̱, a̱tꞌaha̱ kindyjajin sén nkꞌa xi tjuu̱n ko̱ tꞌananki xi tjuu̱n, ko̱ najmi ta̱ kisꞌehe ntáchakꞌun.
\v 2 Ko̱ kikie nanki Jerusalen tse̱tse̱. Kui xi nanki jehe̱ Nti̱a̱ná xi Nti̱a̱ná kitsꞌín nibájen ndji̱o̱jmi ján. Bꞌa̱ tsꞌín kasꞌenda xi nkúhu nku na̱bixan xi tsjo tjín xꞌótji xi kanꞌengja nga tíkuyaha̱ nda̱ bixoo̱n.
\p
\v 3 Kintꞌe nku nta̱ xi ꞌyún xi nibaha má tíjña xi tíbatéxumoo̱ nga bꞌi̱ kitsú:
\p —Nti̱a̱ná ja tíjñajihi̱n xu̱ta̱ ndꞌa̱i̱. Kꞌúéjñajihi̱n xu̱ta̱ ko̱ kui xi ka̱ma xu̱ta̱ha̱. Nti̱a̱ná kꞌúéjñajihi̱n ko̱ ka̱ma Nti̱a̱ha̱.
\v 4 Tsꞌi̱ínxijnu ntánku̱n. Najmi ta̱ i̱ncha ku̱a̱yáha ko̱ najmi ta̱ i̱ncha kji̱ntáha. Najmi ta̱ kji̱ntáyaha nga̱tꞌaha̱ kju̱a̱boo̱ ko̱ najmi ta̱ un sku̱e̱he̱ ra̱. A̱tꞌaha̱ ni xi kisꞌe ja najmi ta̱ tjíhin.
\p
\v 5 A̱sꞌa̱i bꞌa̱ kitsú xi tíbatéxumoo̱:
\p —An títsꞌin tse̱tse̱ ngayjee̱ ni xi tjín.
\p Ko̱ bꞌa̱ ta̱ kitsú:
\p —Tꞌetꞌai ni xuꞌbi̱, a̱tꞌaha̱ kju̱axi̱ én xuꞌbi̱ ko̱ ma nꞌe sꞌejin.
\p
\v 6 A̱sꞌa̱i bꞌa̱ kitsúna:
\p —Ja kama. An xi ntu alfa̱ ko̱ ntu omega̱, an xi tjuu̱n ko̱ xi fekuu̱. Xi tíma xintáha̱ an tsjaha̱ nga kꞌúí ntánijuaha̱ ntá ti̱xa̱ xi tsꞌínkꞌíéntu tíkꞌuhu̱n xu̱ta̱. Tu̱ tsjahá ra̱.
\v 7 Xi tsꞌi̱ín ngana̱, kui xi tsꞌi̱ínkjáíhi̱n ngayjee̱ ni xuꞌbi̱. An ka̱ma Nti̱a̱ha̱ ko̱ kui ka̱ma ntína̱.
\v 8 Tu̱nga máha xi tsankjún ko̱ xi najmi sꞌejihi̱n, xi tsꞌín ni xi najmi sasínna ko̱ xi tsꞌínkꞌien ani̱ma̱, xi chu̱ba̱ fantuko̱hó xinkjín ko̱ xi tsꞌín tjꞌe, xi benkjún nti̱a̱ xi tsꞌínndaha ntsja xu̱ta̱ ko̱ ngayjee̱ xi nchja̱ én tsankꞌá, kui xi tjíhin nga ngju̱a̱i̱ a̱jin ntáchakꞌun xi ndꞌí ko̱ sufri̱ títiko̱ho. Kui xi ngabaya xi ma joho.
\s Bꞌi̱ tsꞌín tsakuchjíhi̱ Jua Jerusalen tse̱tse̱
\p
\v 9 A̱sꞌa̱i jꞌaisena nku ntítsje xi síjñajihi̱n ntítsje xi yatuu̱, ntítsje xi i̱ncha yꞌa yatu tasa̱ má nga tíi̱ncha kju̱a̱ni̱ma̱ yatu xi fekuhu. Kui xi bꞌa̱ kitsúna:
\p —Nibái̱. Kuakuchjíhi na̱bixan xi ka̱ma chju̱úhu̱n Chu̱tsa̱nko̱.
\p
\v 10 A̱sꞌa̱i jꞌaijínna Espiri̱tu̱ ko̱ ngjiko̱na ntítsjee̱ nku a̱sunntu tje̱nki̱ chánka xi ꞌyún nkꞌa. Yo̱ tsakúna nanki Jerusalen, kui xi nanki jehe̱ Nti̱a̱ná xi Nti̱a̱ná títsꞌín nibájen ndji̱o̱jmi ján.
\v 11 Ndꞌíhi̱ kju̱a̱chánkaha̱ Nti̱a̱ná títsꞌín katꞌaihi̱ nankiu̱ xi nkú joyaha ndji̱o̱ tsjo kꞌun chjí, xi nkú joyaha nku ndji̱o̱ jaspe̱ xi taba xi nkúhu nchꞌán taba.
\v 12 Tjítjindaihi̱ nankiu̱ nku xjó chánka ko̱ nkꞌa xi te jo maha a̱nkju̱a̱ha̱. Nkúnkú a̱nkju̱o̱ tíi̱nchasti nkúnkú ntítsje ko̱ tjíntutꞌáha̱ a̱nkju̱o̱ jꞌáíhi̱n ntje̱he̱ xu̱ta̱ Israel xi te jo maha.
\v 13 Jan maha̱ a̱nkju̱a̱ xi yja má tju tsꞌíu̱ ko̱ jan yja má xi tje̱hen fintjai tsꞌíu̱ ko̱ jan yja nku ngatehe̱ ko̱ jan yja ngate xinkuu̱.
\v 14 Te jo maha tutsꞌin xjóho̱ nankiu̱. Nga nkúnkú tjíntutꞌá jꞌáíhi̱n já postru̱ xi te joho̱ Chu̱tsa̱nko̱.
\p
\v 15 Ntítsje xi tínchja̱ko̱na yꞌa nku yáchu̱ba̱ to̱onsine xi kꞌu̱a̱ chu̱ba̱ko̱ho nankiu̱, a̱nkju̱a̱ha̱ ko̱ xjóho̱.
\v 16 Nkuhú chu̱ba̱ yꞌa nankiu̱. Nga ndjuhu̱ ko̱ nga tayáha̱ tu̱ nkuhú chu̱ba̱ yꞌa. Yáchu̱ba̱ha̱ ntítsjee̱ tsꞌachu̱ba̱ko̱ho nankiu̱. Jo mii̱ ko̱ jo unchan kilome̱tru̱ kama. Nga ndjuhu̱ ko̱ nga tayáha̱ ko̱ nga nkꞌaha̱ tu̱ nkuhú chu̱ba̱.
\v 17 A̱sꞌa̱i ta̱ tsꞌachu̱ba̱ xjóho̱. Cháte ko̱ tjꞌion metru̱ kama. Chu̱ba̱ xi tsꞌínchjén xu̱ta̱, ta̱ kui xi kitsꞌínchjén ntítsjee̱.
\p
\v 18 Ndji̱o̱ tsjo kꞌun jaspe̱ kamandako̱ho xjóo̱ ko̱ to̱onsine xi tu̱ xí ndahá kamandako̱ho nankiu̱. ꞌNa̱ xi nkúhu chu̱tsín.
\v 19 Ngayje tíkjá ndji̱o̱ tsjo kꞌun chjí tjíntutꞌá tsjoho̱ tutsꞌin xjóho̱ nankiu̱, jaspe̱ xi tjuu̱n, zafiro̱ xi ma joho, aga̱ta̱ xi ma jahan, esmeralda̱ xi ma ñjuhu,
\v 20 oni̱ce̱ xi ma uhun, cornalina̱ xi ma juhun, crisoli̱to̱ xi ma yatuhu, berilo̱ xi ma jihin, topaci̱o̱ xi ma ñjaha, crisoprasa̱ xi ma tehe, jacinto̱ xi ma te nkuhu, ko̱ amatista̱ xi ma te joho.
\v 21 A̱nkju̱a̱ xi te joo̱, te jo perla̱ tjíhin. Nkuhú ndji̱o̱ tsjo kꞌun perla̱ kamandako̱ho nga nkúnkú a̱nkju̱o̱. Ko̱ to̱onsine xi nda kamandako̱ho ni̱yáté kꞌaku̱hu̱ nankiu̱. ꞌNa̱ xi nkúhu chu̱tsín.
\p
\v 22 Najmi kikie ni̱nku̱ nankiu̱, a̱tꞌaha̱ Chu̱tsa̱nko̱ ko̱ Nti̱a̱ná, Nti̱a̱ xi tjíhi̱n ngaꞌyún, kui xi ni̱nku̱hu̱ nankiu̱.
\v 23 Najmi machjéhe̱n nankiu̱ tsa tsꞌíu̱ tsꞌi̱ín ndzjehe̱n ko̱ tsa sóo̱, a̱tꞌaha̱ ndꞌíhi̱ kju̱a̱chánkaha̱ Nti̱a̱ná títsꞌín ndzjehe̱n ko̱ Chu̱tsa̱nko̱ xi ndꞌíhi̱ nankiu̱.
\v 24 Xu̱ta̱ na̱xi̱nantá xi tjín a̱sunntee̱ i̱ncha kꞌúéma má ndzjehe̱n nankiu̱ ko̱ i̱ncha kjꞌu̱a̱íko̱ yo̱ kju̱a̱nchi̱náha̱ já rei̱ xi tjín a̱sunntee̱.
\v 25 Najmi sꞌe̱chja a̱nkju̱a̱ha̱ nankiu̱ nga ni̱stjiu̱n, ko̱ najmi sꞌe̱ ni̱stje̱n.
\v 26 Yo̱ nꞌe̱kjasꞌen kju̱a̱nchi̱náha̱ ko̱ ni tsjo kꞌun xi tjíhi̱n nanki xi tjín a̱sunntee̱.
\v 27 Tu̱nga ndahá nku ni xi si nginku̱n Nti̱a̱ná najmi kju̱a̱sꞌen yo̱, ta̱ ndaha xu̱ta̱ xi tsꞌín ni xi najmi sasíhi̱n Nti̱a̱ná, ko̱ ta̱ ndaha xi nchja̱ én tsankꞌá. Tu̱ nkuhú xu̱ta̱ xi tjíntutꞌá jꞌáíhi̱n xu̱ju̱hu̱n Chu̱tsa̱nko̱, yo̱ má nga tjíntutꞌá jꞌáíhi̱n xu̱ta̱ xi kꞌúéntu tíkꞌuu̱n, kui xi ka̱ma kju̱a̱sꞌen yo̱.
\c 22
\s Bꞌi̱ tsꞌín tsakuchjíhi̱ Jua ntá xi tsꞌínkꞌíéntu tíkꞌuhu̱n xu̱ta̱
\p
\v 1 A̱sꞌa̱i tsakúna ntítsjee̱ nku ntáje̱ xi tjíhi̱n ntánijua xi tsꞌínkꞌíéntu tíkꞌuhu̱n xu̱ta̱. Kui xi tíbatꞌai xi nkúhu nchꞌán taba. Má bꞌentu Nti̱a̱ná ko̱ Chu̱tsa̱nko̱ nga batéxuma, yo̱ tíbitjuhu ntóo̱.
\v 2 Kamasehe̱n ni̱yáté kꞌaku̱hu̱ nankiu̱ ko̱ xki̱ a̱ndaihi̱ ntáje̱ tíi̱ncha yá tu xi tsꞌínkꞌíéntu tíkꞌuhu̱n xu̱ta̱. Nkꞌie nga nku nú te jo ni̱yá bjaha̱ tu. Xki̱ sá bjaha̱ tu. Xka̱ha̱ yóo̱ maha̱ tsꞌi̱ínnkihi̱ xu̱ta̱ na̱xi̱nantá xi tjín a̱sunntee̱.
\p
\v 3 Najmi ta̱ sꞌe̱he ni xi najmi nda kinchja̱ne Nti̱a̱ná. Kꞌúéjñajihi̱n Nti̱a̱ná ko̱ Chu̱tsa̱nko̱ nankiu̱ nga ku̱a̱téxumaha̱ ko̱ xu̱ta̱ xi tsꞌe̱ i̱ncha tsꞌi̱íntsjoho̱.
\v 4 I̱ncha ka̱ma ku̱a̱se̱ꞌa Nti̱a̱ná ko̱ stjen sꞌe̱tꞌa jꞌáíhi̱n.
\v 5 Najmi ta̱ sꞌe̱he ni̱stje̱n. Najmi ta̱ ka̱machjéhe̱n ra̱ ndꞌí xi tsꞌi̱ín ndzjehe̱n xu̱ta̱ xi kꞌúéntu yo̱ ko̱ ta̱ ndaha tsꞌíu̱, a̱tꞌaha̱ Nti̱a̱ná tsꞌi̱ín ndzjehe̱n. Tu̱ nkjéhé ni i̱ncha ku̱a̱téxuma xu̱ta̱ xuꞌbo̱.
\s Bꞌi̱ tsꞌín tsakuchjíhi̱ Jua nkꞌie nga ja ma kjꞌu̱a̱íhí Jesu
\p
\v 6 A̱sꞌa̱i bꞌa̱ kitsúna ntítsjee̱:
\p —Kju̱axi̱ én xuꞌbi̱ ko̱ ma nꞌe sꞌejin. Nti̱a̱ná, Nti̱a̱ xi kitsꞌínkinchja̱ já profeta̱, kui xi kuatsꞌín nibá ntítsjehe̱, tu̱ xi ku̱a̱kúchjihi̱ ra̱ xu̱ta̱ xi tsꞌe̱ ni xi tjíhin nga ka̱ma xatí.
\p
\v 7 —¡Kjúái̱ xatíá! ¡Á bꞌa̱ nda tjíhin tsꞌe̱ xi títsꞌíntjusuhun én xi tjítꞌa xu̱ju̱n xuꞌbi̱, xu̱ju̱n xi títsuya ni xi tjíhin nga ka̱ma!
\p
\v 8 An Jua kintꞌe ko̱ kikie ni xuꞌbi̱. A̱skahan nga ja kintꞌe ko̱ kikie, tsási̱nkúnchꞌintꞌaha̱ ntítsje xi tsakúna niu̱ nga kitsꞌintsjoho̱.
\v 9 Tu̱nga bꞌa̱há kitsúna:
\p —Najmi bꞌa̱ tu̱ nꞌei. An xi ta̱ tsꞌinxátꞌaha̱ Nti̱a̱ná xi nkúhu ji ko̱ xi nkúhu já ntsꞌei xi já profeta̱ ko̱ ngayjee̱ xi títsꞌíntjusun én xi tjítꞌa xu̱ju̱i̱n. Nti̱a̱náhá xi nꞌe̱tsjoihi̱.
\p
\v 10 Ko̱ bꞌa̱ ta̱ kitsúna:
\p —Najmi tu̱ chꞌatjó ꞌmai én xi kitsꞌínkjasꞌehin Jesucristo̱ xi tjítꞌa xu̱ju̱i̱n. A̱tꞌaha̱ ja tíbichú tiña ni̱stjin nga ku̱i̱tjusun niu̱.
\v 11 Xi tsꞌín ni xi najmi nda, tu̱ nkú katsꞌíhín ni najmi nda. Xi chꞌonkꞌun, tu̱ nkú katsꞌíhín ni chꞌonkꞌuhu̱n. Xi nda, tu̱ nkú katsꞌíhín ni xi ndaha̱. Ko̱ xi je, tu̱ nkú katuma jehé.
\p
\v 12 —Joho̱n, kjúái̱ xatíá. Kjúái̱ko̱ho̱ chjí xi tsjaha̱ nga nkúnkú xu̱ta̱ xi nkú nga i̱ncha kitsꞌín.
\v 13 An xi ntu alfa̱ ko̱ ntu omega̱. An nga tutsꞌihi̱n ni ko̱ nga fekuhu. An xi tjuhun ko̱ xi fekuhu.
\p
\v 14 ¡Á bꞌa̱ nda tjíhin tsꞌe̱ xu̱ta̱ xi tíbanéhe najyuhu̱n tu̱ xi tsꞌi̱ínkjáíhi̱n ra̱ tuhu̱ yá xi tsꞌínkꞌíéntu tíkꞌuhu̱n xu̱ta̱ ko̱ tu̱ xi ka̱ma kju̱a̱sꞌehen a̱nkju̱a̱ha̱ nankiu̱!
\v 15 Na̱tsin ján ku̱i̱ncha xu̱ta̱ xi chꞌonkꞌuu̱n, xi tsꞌín tjꞌe, xi chu̱ba̱ fantuko̱hó xinkjín, xi tsꞌínkꞌien ani̱ma̱, xi benkjún nti̱a̱ xi tsꞌínndaha ntsja xu̱ta̱, ko̱ ngayjee̱ xi tsjoho̱ ko̱ nchja̱ én tsankꞌá.
\p
\v 16 —An Jesu títsꞌin nibá ntítsjena̱ tu̱ xi ku̱i̱tsu̱yaha̱ ra̱ xu̱ta̱ ni̱nku̱ ni xuꞌbi̱. An ntsꞌén xi nibáha̱ ra̱ kja̱ma̱ha̱ David, an xi ntje̱he̱ David, ko̱ an niñu chánka xi tsꞌín ndzjen nga ja tífi ma see̱n.
\p
\v 17 Bꞌa̱ títsu Espiri̱tu̱ ko̱ chju̱úhu̱n Chu̱tsa̱nko̱:
\p —¡Nibáí!
\p Xi tíbasínñjuhu̱ bꞌa̱ ta̱ katsú:
\p —¡Nibáí!
\p Xi tíma xintáha̱, kanibá. Xi mjehe̱, tu̱ katakjꞌáhá ntánijua xi tsꞌínkꞌíéntu tíkꞌuhu̱n xu̱ta̱.
\s Bꞌi̱ tsꞌín fekuhu xu̱ju̱n xuꞌbi̱
\p
\v 18 An bꞌa̱ tíxihi̱n xu̱ta̱ xi tíbasínñjuhu̱ én xi tjítꞌa xu̱ju̱n xuꞌbi̱ xi títsuya ni xi tjíhin nga ka̱ma: Tsa tjín xi kꞌu̱ésuhu̱n én xi tjítꞌa e̱i̱, Nti̱a̱ná kꞌu̱ésuhu̱n xu̱ta̱ xi bꞌa̱ tsꞌi̱íu̱n kju̱a̱ni̱ma̱ xi tjítꞌa xu̱ju̱i̱n.
\v 19 Tsa tjín xi kjéxin én xi tjítꞌa xu̱ju̱i̱n xi títsuya ni xi tjíhin nga ka̱ma, Nti̱a̱ná kjéxihi̱n xu̱ta̱ xi bꞌa̱ tsꞌi̱íu̱n tu xi kꞌu̱a̱i̱hi̱, tu xi tsjá yá xi tsꞌínkꞌíéntu tíkꞌuhu̱n xu̱ta̱, ko̱ ta̱ kjéxihi̱n a̱nte xi kꞌu̱a̱i̱hi̱ xu̱ta̱ xuꞌbo̱ nanki jehe̱ Nti̱a̱ná xi tjítꞌa xu̱ju̱i̱n.
\p
\v 20 Xi tíbꞌéjña chji ni xuꞌbi̱ bꞌi̱ títsu:
\p —Joho̱n, kjúái̱ xatíá.
\p ¡Bꞌa̱ katuma! ¡Nibáí, Nda̱ Nti̱a̱ Jesu!
\p
\v 21 Ngatentoo̱ kasꞌenu̱u kju̱a̱ndaha̱ Nda̱ Nti̱a̱ná Jesu. Bꞌa̱ katuma.