\id 2JN
\h 2 Juan
\toc1 2 Juan
\mt Xi³ ma³jao²-ni³ xon⁴ xi³ pa²stro⁴ Juan qui³squi³
\c 1
\s Juan si¹ti²ˀnta³
\p
\v 1 An³ nia¹³ cho⁴ta⁴jchi¹nca³ ti²cji³-no³ ji³ chjon⁴² xi³
qui³tjo³jin³, cˀoa⁴ cao⁴ xti³-li⁴. Xi³ cjoa⁴qui²xi⁴
ma³tsjoa³que⁴-no³ an³, cˀoa⁴ a³li² to⁴ˀan³-jian²³,
to⁴nca³ cˀoa⁴-ti⁴ nca³tsˀi³ xi³ tsa³ve³ xi³ cjoa⁴qui²xi⁴,
ma³tsjoa³que³-no³.
\v 2 Ti²cji³-no³ xi³ tˀa³tsˀe⁴ je² cjoa⁴qui²xi⁴ xi³
ti¹jna³jin³-na¹, cˀoa⁴ xi³ cˀoe¹jna³jin³ntsjai²-na¹.
\v 3 Ca²ta³tsjoa¹-no³ cjoa⁴nta³, ca²ta³ma³ma⁴que³-no³,
ca²ta³si¹qui³njen³nchˀan¹jin³ ni⁴ma⁴-no³ je² Ni³na¹
Nˀai³-na¹, cao⁴ Nai³-na¹ Jesucristo, ˀnti¹-le⁴
Nˀai³-na¹. Ca²ta³tsjoa¹-no³ cjoa⁴qui²xi⁴ cao⁴
cjoa⁴tjao²cha³.
\s Cˀoe¹yo³jin³-ta³coan³² cjoa⁴fa³ˀai³tsjen³-le⁴ Cristo
\p
\v 4 A³li² cˀoa⁴cji³ coan³tsjoa³jin³-na³ nca³ tsa³ˀve³
cˀa³ je² xti³-li⁴, nca³ tjio¹ma³jin³ xi³ cjoa⁴qui²xi⁴,
jo³-sˀin² nca³ ña¹-vi⁴ qui³tsˀai²-na¹ je²
cjoa⁴te¹xo³ma³-le⁴ Nˀai³-na¹.
\v 5 Cˀoa⁴ ntˀai⁴ vˀe³tsˀoa²³-le²³, chjon⁴², li²coi³
cˀoa⁴-sˀin² jo³-ni³ tsa² ti²cji³-le²³ cjoa⁴te¹xo³ma³
cho⁴tse⁴, to⁴nca³ je² xi³ ña¹ qui³sˀe³-na¹ sa³ˀnta³ nca³
coan³cjain¹ ti¹tjon²-na¹, nca³ tsjoa³cha³ coan⁴²
xi²nquia⁴².
\v 6 Coi³ je²-vi⁴ xi³ cjoa⁴tjao²cha³, nca³ coi⁴ma³² jo³
tso² cjoa⁴te¹xo³ma³-le⁴. Coi³ je²-vi⁴ cjoa⁴te¹xo³ma³:
Ti⁴ma³cao⁴³ cjoa⁴tjao²cha³, jo³-sˀin² nca³ qui³no²ˀyao²³
sa³ˀnta³ nca³ coan³cjain¹ ti¹tjon²-no³.
\v 7 Ncjin² ma³-ni³ xi³ vˀa³na⁴cha⁴ ja³ˀa³sˀen³ i⁴
son³ˀnte³-vi⁴, xi³ tsi² cˀoa⁴tso² nca³ Jesucristo
ja³ˀai³-ni³ jo³ cjoan³ yao³-na¹. Je² xi³ li²coi³
cˀoa⁴tso² to⁴vˀa³na⁴cha⁴, cˀoa⁴ je² xi³ co²ntran⁴-le⁴
Cristo.
\v 8 Ti⁴coi²ntao⁴³ yao³-no³, jme¹-ni³ nca³ tsi²coi³
si⁴cha³-si¹nio³ je² xi³ qui³ni²xai¹³-jin⁴, to⁴nca³
cˀoa⁴-sˀin² coan⁴chji¹tji¹chˀin³-no³.
\v 9 To⁴ˀya³-ni³ xi³ fa³ˀa³ntjai²-le⁴, cˀoa⁴ xi³ li²coi³
vˀe¹yo³jin³con³ cjoa⁴fa³ˀai³tsjen³-le⁴ Cristo, li²coi³
tjin¹-le⁴ Ni³na¹. Cˀoa⁴ je² xi³ vˀe¹yo³jin³con³
cjoa⁴fa³ˀai³tsjen³-le⁴ Cristo, tjin¹-le⁴ Nˀai³-na¹ cao⁴
ˀnti¹-le⁴.
\v 10 Tsa² jnco³ xi³ cjoa⁴ˀai¹con³-no³, xi³ tsi² yˀa³
cjoa⁴fa³ˀai³tsjen³-le⁴ Cristo, a³li²
vˀai²ˀnte³-jin²lao⁴³  ya⁴ ni³ˀya³-no³,
ni⁴ˀmi²-jin²lao⁴³: Nta³ ca²fa²ˀai⁴.
\v 11 Je² xi³ tso²-le⁴: Nta³ ca²fa²ˀai⁴,
vˀa³cao⁴tˀa³-le⁴  xa¹-le⁴ xi³ tsi² nta³.
\s Juan co³ya²-le⁴ nca³ coai⁴con³-le⁴
\p
\v 12 Nta³ tsa² tse³ cjoa⁴ xi³ tjin¹-na³ xi³ squi³-no³,
li²coi³ coan³me³-na³ nca³ si³cji³nčhˀoe²-no³ cao⁴ xon⁴
cao⁴ nta¹jin¹, to⁴nca³ sco³ya²-nia¹³ nca³ cjoi¹con³-no³,
cˀoa⁴ nca³ cjoa³cao⁴nca³ˀa³-no³, jme¹-ni³ nca³ je²
cjoa⁴tsjoa³-na¹ coan⁴tse³ya³-si¹ni³.
\v 13 Je² xti³-le⁴ ti³chjai³ xi³ qui³tjo³jin³
si¹ti²ˀnta³-li². Cˀoa⁴ ca²ta³ma³.