\id 3JN
\h 3 Juan
\toc1 3 Juan
\mt Xi³ ma³jan²-ni³ xon⁴ xi³ pa²stro⁴ Juan qui³squi³
\c 1
\s Juan si¹ti²ˀnta³
\p
\v 1 An³ nia¹³ cho⁴ta⁴jchi¹nca³ ti²cji³-le²³ Gayo, xi³
nˀion¹ tsjoa³que⁴-le²³. Xi³ cjoa⁴qui²xi⁴
ma³tsjoa³que⁴-le²³ an³.
\v 2 Ji³ xi³ tsjoa³que⁴-le²³, me³-na³ nca³ an³ nca³ to⁴nta³
ca²ta³ma³-li² nca³yi³je³ cjoa⁴, cˀoa⁴ nca³ nta³
ca²ta³sˀe³-le⁴ nca³nˀion¹ yao³-li⁴, jo³-sˀin² nca³ nta³
ti¹jna³ ni⁴ma⁴-li⁴.
\v 3 Cjoa⁴qui²xi⁴-ni¹, cjai¹ coan³tsjoa³-na³ cˀia⁴ nca³
ja³ˀai³ je² ntsˀe³², cˀoa⁴ nca³ qui³tsjoa³ en¹ xi³
tˀa³tsˀe⁴ cjoa⁴qui²xi⁴-li⁴, jo³-sˀin² nca³ cao⁴
cjoa⁴qui²xi⁴ to²mjen³-ni³.
\v 4 Tsin²-na³ cjoa⁴-jin² xi³ nqui²sa⁴ sˀe⁴-na³
cjoa⁴tsjoa³ jo³-ni³ tsa² je²-vi⁴, nca³ nčhˀoe³-nia³ nca³
je² xti³-na⁴ cao⁴ cjoa⁴qui²xi⁴ tjio¹ma³-ni³.
\s Juan vˀa³sje³nta³ je² cjoa⁴nta³-le⁴ Gayo
\p
\v 5 Ji³ xi³ tsjoa³que⁴-le²³, ña³qui³ nta³ nˀiain²³
nca³yi³je³ xi³ ni²coai⁴ xi³ tˀa³tsˀe⁴ ntsˀe³², cˀoa⁴
xi³ tˀa³tsˀe⁴ xi³ xin² tsˀe⁴.
\v 6 Je² cˀoa⁴-sˀin² qui³tsjoa³ en¹ xi³ tˀa³tsˀe⁴
cjoa⁴tjao²cha³-li⁴ nqui³xcon⁴ cho⁴ta⁴-le⁴ Cristo. Tsa²
coi⁴sen⁴coai⁴ je² cho⁴ta⁴-vi⁴ jo³-sˀin² nca³ va³quin²-le⁴
jo³ tso² Ni³na¹, nta³ sˀiain⁴.
\v 7 Je² cho⁴ta⁴-vi⁴ ji³tjo³-ni³ nca³ coan³tsjoa³que³
jan³ˀain¹-le⁴ Cristo. Li²jme³ xi³ qui³scoe¹ xi³ tsˀe⁴
cho⁴ta⁴ xi³ li² judío-jin².
\v 8 Ña¹, tso²cˀoa⁴, tjin¹ne²-na¹ nca³
cˀoai⁴nca³nˀion¹-le⁴² je² cho⁴ta⁴ xo⁴cjoan³-ve⁴, jme¹-ni³
nca³ to⁴jnco³ si⁴xa¹cao⁴-si¹nia³² xi³ tˀa³tsˀe⁴ je² xi³
cjoa⁴qui²xi⁴.
\s Je² Diótrefes nchja⁴co²ntran⁴ Juan
\p
\v 9 An³ xi³ qui³squi³-le⁴ cho⁴ta⁴-le⁴ Cristo, to⁴nca³ je²
Diótrefes xi³ me³-le⁴ nca³ ti¹tjon² cˀoe¹jna³jin³,
li²coi³ tsjoa¹ˀnte³-na³jin⁴.
\v 10 Xi³ to⁴tˀa³tsˀe⁴ je² cjoa⁴-vi⁴, tsa² an³ cjoe²ˀe⁴,
si³cja³ˀai³tsjen³ je² xa¹ xi³ sˀin¹ Diótrefes, nca³
nchja⁴co²ntran⁴-na³jin⁴ en¹ xi³ chˀao³ tso². Li²coi³
tjin¹jnco³con³ cao⁴ je² cjoa⁴-vi⁴. Li²coi³ tsjoa¹ˀnte³-le⁴
je² ntsˀe³², cˀoa⁴ vˀe¹chjoa²-le⁴ je² xi³ me³-le⁴ nca³
tsjoa¹ˀnte³-le⁴, cˀoa⁴ mˀaon³sje³jin³ cho⁴ta⁴-le⁴
Cristo.
\s Je² cjoa⁴qui²xi⁴ xi³ nta³ tˀa³tsˀe⁴ Demetrio
\p
\v 11 Ji³ xi³ tsjoa³que⁴-le²³, a³li² je²-jin²
chjen¹nqui³-lai⁴ xi³ chˀao³ tjin¹, to⁴nca³ je² xi³ nta³
tjin¹. Je² xi³ nta³ sˀin¹, tsˀe⁴ Ni³na¹ ni¹, to⁴nca³ je²
xi³ chˀao³ sˀin¹, ni⁴ˀi⁴tse¹-jin² ve³ Ni³na¹.
\v 12 Nca³tsˀi³, cˀoa⁴-ti⁴ sa³ˀnta³ je² xi³
cjoa⁴qui²xi⁴, tsjoa¹ en¹ xi³ tˀa³tsˀe⁴ Demetrio.
Cˀoa⁴-ti⁴ an³-je⁴ tsjoa³ en¹-na⁴, cˀoa⁴ jon² je³ˀyao³
nca³ je² en¹-na⁴ cjoa⁴qui²xi⁴-ni¹.
\s Mi²yo⁴ si¹ti²ˀnta³
\p
\v 13 Nta³ tsa² tse³ cjoa⁴ qui³sˀe³-na³ nca³
qui³squi³-le²³, li²coi³ me³-na³ nca³ cao⁴ nta¹jin¹ cao⁴
ni³ˀña³ squi³-le²³,
\v 14 nca³ co³ya² scoe³nti⁴ton⁴-le²³, cˀoa⁴
cho⁴va²na⁴jmi¹ˀa³².
\v 15 Ca²ta³njen³nchˀan¹jin³ ni⁴ma⁴-li⁴. Je² mi²yo⁴-na¹
si¹ti²ˀnta³-li². Ti⁴ti²ˀntai³ je² mi²yo⁴-na¹ nca³
jnco¹jnco¹.