1
00:00:05,000 --> 00:00:12,400
Jisas kataiy re disaipel iyn wa koryuon raiyn wolkon prum Galili hen telewos,

2
00:00:12,400 --> 00:00:15,260
tal on yere Gerasa.

3
00:00:15,260 --> 00:00:29,100
Tem i keꞌepsiy pinas ene kos i kapata koto toꞌoan eyiet ene kos prepeyien etek woruow tako mas okelek takpar i ne kawama ketera Jisas.

4
00:00:29,100 --> 00:00:35,960
Ni ne tekmen re oal ropoan iyn re tartan re ni tarmat ene.

5
00:00:35,960 --> 00:00:45,760
Kopanan eni nekea towuon wa kaiy i ka sen ka re ni lamat twana elin korloan arꞌepem i.

6
00:00:45,760 --> 00:00:52,260
Tem tartar re terem re sen ka toroal i rapan akan ene.

7
00:00:52,260 --> 00:00:58,320
Elinka i tekyiykur kekyiypaj re sen ene wa terntek.

8
00:00:58,320 --> 00:01:06,640
Ka re ni lin korloan arꞌepem i ean kopanan eni ne elin towuon nokuon peyien.

9
00:01:06,640 --> 00:01:25,580
Poiyn araw teken i tekmen re oal ropoan iyn re tartan re ni tarmat ene ka tekle takwawa re oal karan ka i tataiyn tekeiy toko teklek etek ka tekem re at ene ka i toknon i waltan i.

10
00:01:25,580 --> 00:01:29,080
Tal i kemen ene on olwuona.

11
00:01:29,080 --> 00:01:32,300
Elinka tem i keyiel Jisas,

12
00:01:32,300 --> 00:01:37,860
i kepej kawama kala keꞌetkuriw kemen i rapan.

13
00:01:37,860 --> 00:01:42,660
Kos i kawal nokuon peyien kos i tekes Jisas pan,

14
00:01:42,660 --> 00:01:44,400
“Jisas,

15
00:01:44,400 --> 00:01:49,800
e naka God Amen Eyiet ene Onton Woruow.

16
00:01:49,800 --> 00:01:52,820
E awoku ia oa ean enekea?

17
00:01:52,820 --> 00:01:58,320
Akispaj ia na han iyn God ene pan,

18
00:01:58,320 --> 00:02:02,200
e lin awoku wekliek etek ia!”

19
00:02:02,200 --> 00:02:05,760
I kawal nokuon panan ene,

20
00:02:05,760 --> 00:02:09,480
ean kopanan Jisas kes i pan,

21
00:02:09,480 --> 00:02:11,480
“E naka mas okelek.

22
00:02:11,480 --> 00:02:13,500
Akwuokaiya woruow aka.”

23
00:02:13,500 --> 00:02:17,680
Kos Jisas tekera mas okelek ene nien pan,

24
00:02:17,680 --> 00:02:19,820
“Ham eꞌi ampetenin?”

25
00:02:19,820 --> 00:02:23,880
Kos mas okelek ene tekesweyie Jisas pan,

26
00:02:23,880 --> 00:02:26,160
“Hak iynjia Ami.

27
00:02:26,160 --> 00:02:27,660
Ean kopanan,

28
00:02:27,660 --> 00:02:30,320
et ene ni tartar.”

29
00:02:30,320 --> 00:02:39,620
Kos i taktaiynjek Jisas ene pan i lin awahalpaj re arwa teken ka arꞌepsiy tal ene.

30
00:02:39,620 --> 00:02:43,060
Oal tako ato titiya tal enekea.

31
00:02:43,060 --> 00:02:50,040
Ka puol tup prum lilen aryuon tarꞌaiyn otuol oal karan enekea.

32
00:02:50,040 --> 00:02:56,140
Kos re mas okelek ene kartaiynjek Jisas ene nokuon teres i pan,

33
00:02:56,140 --> 00:03:00,040
“E awekis et atapar re puol enekeare.”

34
00:03:00,040 --> 00:03:04,640
Kos Jisas kespaj re wa karparwos re puol ene.

35
00:03:04,640 --> 00:03:08,500
Tem re mas okelek ene kerꞌepsiy woruow enekea,

36
00:03:08,500 --> 00:03:23,560
re wa karpar re puol enekea kos re puol ene kerpej karwaꞌiw oal karan enekea wa karla karwaꞌiwa raiyn wolkon prum Galili ne ka kereiyn raiyn kos re karmat.

37
00:03:23,560 --> 00:03:30,360
Namba yere puol enekea kopanan tu tausen (2,000.)

38
00:03:30,360 --> 00:03:35,320
Tem re ni teryieltek re puol ene keryiel oa panan koho nekea,

39
00:03:35,320 --> 00:03:45,980
re kerpej welen welen karwa kereswala aj iyn oa nekea kawa aimol ka re tal welen welen iyn tal enekea.

40
00:03:45,980 --> 00:03:53,700
Kos re temeiyn woruow tartar karwama tal enekea iyn re aweryiel oa nekea.

41
00:03:53,700 --> 00:03:58,100
Kos tem re karwama tal Jisas ato nekea,

42
00:03:58,100 --> 00:04:00,500
re keryiel woruow enekea,

43
00:04:00,500 --> 00:04:07,440
watan re mas okelek tartar karlwaiywaiya i nekea amen.

44
00:04:07,440 --> 00:04:16,880
Iynowune i koho mon ka raman iyn amen merꞌer omon ka i kapar kantaw i oa kos i amen.

45
00:04:16,880 --> 00:04:22,360
Re temeiyn woruow ene keryiel oa nekea kos re karnta.

46
00:04:22,360 --> 00:04:25,700
Kos re ni keryiel oa Jisas koho ne,

47
00:04:25,700 --> 00:04:34,160
kos re keres re ni lilen ene oa tartar i koho woruow mas okelek karlwaiywaiya i ne.

48
00:04:34,160 --> 00:04:37,620
Ka re keres aj yere puol ene twana.

49
00:04:37,620 --> 00:04:41,500
Tem re ni tartar ene kerej aj enekea,

50
00:04:41,500 --> 00:04:50,760
re korora keres aj nokuon peyien korꞌota Jisas iyn i aweꞌepsiy distrik yere ne kos i awawa.

51
00:04:50,760 --> 00:04:55,420
Kospeane tem Jisas wa keꞌerana pinas ene,

52
00:04:55,420 --> 00:05:00,080
woruow mas okelek karlwaiywaiya i ne kawama,

53
00:05:00,080 --> 00:05:04,020
kos i kataiynjek Jisas tekes i pan,

54
00:05:04,020 --> 00:05:10,780
“Kloan awekispaj ia iyn yia wotutuiy e atawa tup?”

55
00:05:10,780 --> 00:05:15,340
Elinka Jisas kestek i kos tekes i pan,

56
00:05:15,340 --> 00:05:26,380
“E mas akwuo ono eꞌi ka awekis re ni eꞌi ne oa tartar Ni Prum oloan kataiyn etek e ka i koho alpim e naka.”

57
00:05:26,380 --> 00:05:37,720
Kospeane woruow ene kawa ka i koho moiy keswala aj iyn oa tartar Jisas koho iyn i koho alpim i ne.

58
00:05:37,720 --> 00:05:43,780
I koho oa nekea kawa re tal tartar iyn distrik Dekapolis ene.

59
00:05:43,780 --> 00:05:48,120
Ka tem re temeiyn woruow tartar korloan aj iyn ene,

60
00:05:48,120 --> 00:05:51,060
onure kura etek re.