\id MRK  - Maxakalí NT [mbl] (Brazil) -2011 bd
\h MÃꞌAK
\toc1 Mãꞌak
\toc2 Marcos (Mc)
\mt MÃꞌAK TE TOPA YÕG HÃMꞌÃPAK MAX ꞌÃKTUX
\c 1
\s Yoãm tep-tox pix, tu hãmꞌãktux
\p
\v 1 Nũhũꞌ, yã Yeyox Kunnix yõg hãmꞌãpak maxꞌax, yã Topak-tok yõg.
\v 2 Hõmã ꞌũhittap ꞌIyait te Topa pupi hãmꞌãktux, hu Yeyox Kunnix yõg hãmꞌãpak maxꞌax ꞌãktux, hu nõ kaxꞌãmix tappet tu, hu:
\p “Topa te: ꞌÃte tik mõkutnãp-tup, puyĩy ꞌũg pupi hãmꞌãktux, puyĩy ꞌãkeppa mõg, puyĩy xa hãmmaxnãꞌ.
\v 3 Tute hãmꞌãktux kaꞌok putup hãm panip xexka tuꞌ, hu hãmꞌãktux, hu: Yũmũg xuxyã nũn putup. ꞌÃpu yã tu hãmmaxnãꞌ. ꞌÃpu yã hãmmax mĩy.” Kaxĩy.
\p
\v 4 Hãpxip ꞌĩhãꞌ nũn Yoãm, nõm tep-tox pix. ꞌŨnũn, tu nũktuꞌ xupep hãm panip xexka tuꞌ, tu tikmũꞌũn putox pix, tu hãmꞌãktux, hu:
\p —‍ꞌÃpu yã yãyhãhup, nũy hãpkummuk mĩy kux, ha ꞌãte ꞌãp-tox pix putup, puyĩy Topa ꞌãxop yõg hãpkummuk mĩyꞌax xaxogãꞌ, pu tuꞌ kux. Kaxĩy.
\p
\v 5 Ha taꞌ nũn hãpxexka Yonex yõg tikmũꞌũn xohix xix kõmẽn Yenoyanẽn yõg tikmũꞌũn xohix, nũy Yoãm yõg hãmꞌãktux ꞌãpax. ꞌŨnũn xohix, nũktuꞌ mõxahaꞌ, tu Yoãm yõg hãmꞌãktux ꞌãpak, tu yãy yõg hãpkummuk mĩyꞌax ꞌãktux, ha Yoãm tep-tox pix kõnãg kox Yohnãm kopah.
\v 6 Yoãm teꞌ tat topixxax, yã kãmẽn xe hãꞌ mĩy, tu xokxax hãg-nãy hĩy, tu kunit mãhãꞌ, tu puk hep xup.
\v 7 Yoãm te:
\p —‍Hãpxip ꞌĩhãꞌ nõy tek peꞌ nũn putup. Yãꞌ kaꞌok nõꞌõm, ha tak puꞌuk. ꞌŨxexka xop teꞌ yõg pataxax koꞌa, puꞌ max, pak puꞌuk, hu yõg pataxax koꞌa, puꞌ kummuk.
\v 8 ꞌÃte ꞌãp-tox pix kõnãg hã, pa tute ꞌãxop ha Topa Koxuk nũꞌkutnãp-tup, nũy ꞌãxop kaꞌogãꞌ. Kaxĩy.
\s Yoãm te Yeyox putox pix
\p
\v 9 Ha taꞌ xip Yeyox kõmẽn Nãyane tuꞌ hãpxexka Ganinet kopah, tu taꞌ nũn, tu nũktuꞌ xupep Yoãm tuꞌ, ha Yoãm te Yeyox putox pix kõnãg kox Yohnãm kopah,
\v 10 tup-tox pix kux, ha kõnãg kopaꞌ xupep Yeyox, tuꞌ pẽnãhãꞌ, ha ta pexkox xõn, ha taꞌ yĩxohoh Topa Koxuk, yã kuxxuxtut putuk. ꞌŨnũn, tu nũktu Yeyox yĩmũꞌ xupep.
\v 11 Ha ta pexkox kopa Topa te:
\p —‍Xõnnẽꞌ, ꞌãte mõꞌãyãy xeꞌẽgnãg. Xatek kuxa hittupmãhãꞌ. Kaxĩy.
\s Hãmgãyãgnãg te Yeyox xapit
\p
\v 12 Hãpxip ꞌĩhã Topa Koxuk te Yeyox mõkutnãhã hãm panip xexka tuꞌ,
\v 13 ha taꞌ mõg, tuꞌ xip, ha Hãmgãyãgnãg te Yeyox xapit, puyĩy hãpkummuk mũn mĩy, paꞌ mĩy ꞌohnãg, ha taꞌ pip xokxop gãy, pa pexkox yõg nũꞌpok xop te Yeyox pẽnã max. Yãꞌ xip Yeyox ꞌãmnĩy xohix teꞌ 40 hã.
\s Yeyox te hãpxopmã kõnãmãhã hãpxexka Ganinet tuꞌ
\p
\v 14 Hãpxip ha ta xonat te Yoãm mũg, tu kanet kaꞌok kopaꞌ xix, ꞌĩhã putpuꞌ nũn Yeyox, tu nũktuꞌ xupep hãpxexka Ganinet tuꞌ, tu Topa yõg hãmꞌãpak maxꞌax ꞌãktux,
\v 15 tu:
\p —‍Hõnhã Topa te yãy yõg tikmũꞌũn xat putup, haꞌ yĩpkox pip putup. ꞌÃpu yã yãyhãhup, nũy hãpkummuk mĩy kux. ꞌÃpu yã ꞌãkuxa mãm Topa yõg hãmꞌãktux kopah, puyĩy Topa ꞌãkuxa kummuk xit, nũy kuxa max mõꞌtat, ꞌũyãnãn tuꞌ. Kaxĩy.
\p
\v 16 Taꞌ mõg Yeyox kõnãg xexka Ganinet kux tuꞌ, paꞌ pip tik tix, yã Xĩmãm Pet xix taknõy ꞌũxuxetꞌax ꞌÃneneꞌ, ha kõnãg xexka tu mõ tutpanip yõn. Yã mãpxexex putuk, hu mãm xukpax.
\v 17 Ha Yeyox te:
\p —‍Mã, nũy ꞌũg pe mõg. ꞌÃxop te mãm xuk, pa ꞌãte xa hãmyũmmũgãp-tup, xayĩy ꞌũg ha tikmũꞌũn nũnnãꞌ. Kaxĩy.
\p
\v 18 Ha tik te tutpanip nĩm, tu taꞌ mõg Yeyox peheh,
\p
\v 19 tuꞌ mõg, paꞌ pip tik tix nõy, yã Tiak xiꞌ taknõy Yoãm, yã Yemeneo kutok, tu mĩpkox kopaꞌ mãm, tu tutpanip mãynãg mĩy,
\v 20 ha Yeyox te tik xãnãhãꞌ, haꞌ tak nĩm xix kãmãnat xop nĩm mĩpkox kopah, tu Yeyox peꞌ mõg.
\s Tik kopaꞌ xip yãmĩy kummuk
\p
\v 21 Tuꞌ mõg Yeyox xix yõg tihik, tu mõktuꞌ mõxaha kõmẽn Kapãnãm tuꞌ, tuꞌ nox pip. Nit xap ha taꞌ mõg Yeyox, tu Yoneo xop yõg Topa pet hã mõꞌnãhãꞌ, tu tikmũꞌũn pu hãmyũmmũgãhãꞌ,
\v 22 ha tikmũꞌũn teꞌ xupak, tu hãmyũmmũgꞌax putuppax. Yã Yeyox ꞌũkaꞌok, tu hãmyũmmũg, tu hãmyũmmũgã max, ꞌap tik te hãmyũmmũg xop putukꞌah.
\p
\v 23 Ha taꞌ nũn tihik, haꞌ kopaꞌ xip yãmĩy kummuk, ha tik te hãmꞌãktux kaꞌok, hu:
\p
\v 24 —‍Kõmẽn Nãyane yõg Yeyox, putep mũn mĩy putup? ꞌOk ꞌãnũn, nũy ꞌũkputex? ꞌÃte ꞌãyũmmũg. Topa te ꞌãyãykutnãhãꞌ! Kaxĩy.
\p
\v 25 Pa Yexox te yãmĩy kummuk xat, hu:
\p —‍Hãmꞌãktux hok, nũy ta ꞌãpep! Kaxĩy.
\p
\v 26 Yãmĩy kummuk te tik yãy nuhugãhãꞌ, tu hãmꞌãktux kaꞌok, tu ta hãptopaꞌ xupep,
\v 27 ha tikmũꞌũn kuxa teꞌ yẽy, tuꞌ yĩkopit, hu:
\p —‍Pute ꞌũm? ꞌOk tute hãpxop tup yũmmũgãhãꞌ? Tute yãmĩy kummuk xat, haꞌ yĩpkox pip, nũy xupep. Kaxĩy.
\p
\v 28 Hãpxip kutõgnãg ꞌĩhã tikmũꞌũn xohix teꞌ yũmmũg hãpxexka Ganinet xexka tuꞌ, Yeyox te hãpxopmã max xeꞌẽgnãg.
\s Yeyox te Xĩmãm Pet xetut mũktut hittupmãhãꞌ
\p
\v 29 Tu taꞌ mõg Jesus xix Tiak xix Yoãm, tu mõktuꞌ mõxaha Xĩmãm Pet pet hã, yã ꞌÃnene pet kamah.
\v 30 ꞌŨxip Xĩmãm Pet xetut mũktut, tuꞌ pip, tuꞌ xax pukpex, ha tikmũꞌũn te nõm ꞌãktux mõꞌkaꞌok,
\v 31 ha taꞌ mõg Yeyox ꞌũn yĩkãgnãg, tuꞌ nõy yĩm mũg, tuꞌ yĩm xĩnnãhãꞌ, haꞌ yũm, tuꞌ xuxiꞌ, tuꞌ nõy puꞌ hãm mĩptut kopah.
\s Yeyox te tikmũꞌũn pakut xohix hittupmãhãꞌ
\p
\v 32 ꞌÃmãxãgnãg, ha ta tikmũꞌũn teꞌ nũnnãhã tikmũꞌũn pakut xohix xix yãmĩy kummuk te tikmũꞌũn kopaꞌ pip xop nũnnãhã Yeyox tuꞌ
\v 33 ha taꞌ nũn kõmẽn yõg tikmũꞌũn xohix xexkaꞌ, tu nũktu mĩptut yĩkãgnãg tuꞌ pip, nũy pẽnãꞌ,
\v 34 ha Yeyox te tikmũꞌũn pakut xohix hittupmãhãꞌ, tu hãmpakut xohix mõy, tu yãmĩy kummuk xohix mõy, ha yãmĩy kummuk xohix te Yeyox yũmmũg, yĩy Yeyoy te nõm xat, pu hãmꞌãktux hok.
\s Yeyox xip hãpxexka Ganinet tuꞌ
\p
\v 35 Hãptup nũn, ha ta Yeyox yãy koxak, tu taꞌ mõg, tu mõktu hãm panip xexka tuꞌ xupep, tu Topa pu hãmꞌãktux,
\v 36 pa Xĩmãm Pet te Yeyox xak xiꞌ xape xop teꞌ xak punethok,
\v 37 tuꞌ nũn, tu nũktuꞌ xipihiꞌ, tu:
\p —‍Tikmũꞌũn xohix te ꞌãxak. Kaxĩy.
\p
\v 38 Ha Yeyox te:
\p —‍ꞌÃpu yũmũ mõg xiptuxexka xohix mõyãykoxip, tuꞌ tikmũꞌũn nõy hah, nũy Topa yõg hãmꞌãpak maxꞌax ꞌãktux hatoꞌa kamah. Yã ꞌũgnũn hãm xexka tuꞌ, nũy tikmũꞌũn xohix pu Topa yõg hãmꞌãpak maxꞌax ꞌãktux. Kaxĩy.
\p
\v 39 Tu taꞌ mõg, tu hãpkumep punethok hãpxexka Ganinet xexka tuꞌ, tu Topa yõg hãmꞌãpak maxꞌax ꞌãktux punethok Yoneo xop yõg Topa pet xohix kopah, tu yãmĩy kummuk mõy.
\s Yeyox te tik xax kunutnãm tapmãhãꞌ
\p
\v 40 Ha taꞌ nũn tihik, tuꞌ xax kunutnãm, ꞌũnũn, tu nũktu Yeyox yĩkãgnãg ꞌũkopaxux hãꞌ xip, tu ta tuꞌ xak, hu:
\p —‍ꞌÃteꞌ yũmmũg. Xatep-tup, nũy ta ꞌũkxax tapmã yũmmũg. Kaxĩy.
\p
\v 41 Haꞌ kuxa kaꞌ punethok, tuꞌ nõy yĩmũ yãy yĩm xix, hu:
\p —‍Hamũn, ꞌãtep-tup. ꞌÃxax tap. Kaxĩy.
\p
\v 42 Hãpxip ꞌohnãg ꞌĩhãꞌ xax kunutnãm tap. Yãꞌ hittup.
\p
\v 43,44 Ha Yeyox teꞌ xat kaꞌok, hu:
\p —‍ꞌŨxupax. Tikmũꞌũn pu nũ hãpxopmãꞌax ꞌãktux hok. Mõg ꞌãmãnex hah, puyĩy ꞌãxax pẽnãꞌ. ꞌÃpu ꞌãmãnex pu hãpxop hõm, puyĩy Topa pu nõm hõm, xayĩy Mõyyex yõg xatꞌax mĩy. Hã kaxĩy tikmũꞌũn teꞌ yũmmmũg, ꞌãxax tap. Kaxĩy.
\p Tu tik xat, pu mõg.
\v 45 Ha taꞌ mõg tihik, tuꞌ xohix pu hãmꞌãktux kõnãmãhãꞌ, hu:
\p —‍Pẽnãꞌ, Yeyox tek xax tapmãhãꞌ. Kaxĩy.
\p Hã kaxĩy Yeyox te kõmẽn xohix hãꞌ mõꞌnã xaptop ꞌohnãg. Yã tikmũꞌũn te Yeyox yũmmũg, yĩy taꞌ nox xip hãm panip xexka tuꞌ, ha taꞌ nũn tikmũꞌũn xohix, nũy Yeyox xax.
\c 2
\s Yeyox te tik hãpkumep hok hittupmãhãꞌ
\p
\v 1 ꞌÃmnĩy xohix nõg, ꞌĩhã putpuꞌ mõg Yeyox kõmẽn Kapãnãm tuꞌ, tu nũktu mĩptut hã mõꞌnãhãꞌ. Pa hãpxip ꞌĩhã tikmũꞌũn te hãmꞌãktux, ha tikmũꞌũn xohix teꞌ yũmmũg, ꞌũxip Yeyox,
\v 2 tu taꞌ nũn tikmũꞌũn, yã yãytunũꞌnãhã ꞌũxohix, ha mõktu mĩptut hã nũꞌxĩmnãg xix hãmyĩkox yĩka nũꞌxip kama hãptopah, ha Yeyox te tikmũꞌũn pu Topa yõg hãmꞌãktuxꞌax ꞌãktux,
\v 3 ha taꞌ nũn tik teꞌ 4, tu tik hãpkumep hok nũnnãhãꞌ, yã tutpe hã mõꞌtat.
\v 4 ꞌŨnũn paꞌ pip tikmũꞌũn xohix, yĩy ta Yeyox haꞌ mõg ꞌohnãg mĩptut kopah, hu ta pepiꞌ mõg, tu mõktu mĩptut yĩmũꞌ mãm, tu hãpxax mõy Yeyox xukaꞌ, tu ta hãm tu tutpe hã tik pakut xix Yeyox keppaꞌ,
\v 5 ha Yeyox teꞌ yũmmũg tik kuxa mãm kaꞌok. Yeyox te tik hãpkumep hok pu hãmꞌãktux, hu:
\p —‍ꞌŨgnix, Topa te ꞌõg hãpkummuk mĩyꞌax xaxogãhãꞌ, haꞌ kux. Kaxĩy.
\p
\v 6 Ha taꞌ pip tik te hãmyũmmũg xop, tuꞌ kuxa kopaꞌ yĩkopit, hu:
\v 7 “Texĩy hãmꞌãktux? Tute Topa ꞌãktux kummuk! Tep te hãpkummuk mĩyꞌax xaxogã yũmmũg? Yã Topap-xehnãg teꞌ!” Kaxĩy.
\p
\v 8 Pa Yeyox te tik yõg hãpeꞌpaxexꞌax yũmmũg, tu:
\p —‍Texĩy ꞌãkuxa kopa ꞌãyĩkopit?
\v 9 Hãmꞌãktux ꞌũm yãyxat ꞌohnãg? ꞌOk pe tik hãpkumep hok pu hãmꞌãktux, hu: “ꞌÃte ꞌõg hãpkummuk mĩyꞌax xaxogãhãꞌ, haꞌ kux,” kaxĩy, ꞌok pe hãmꞌãktux, hu: “ꞌÃpu ꞌãyĩpxit, nũy pepix xihip, nũy ꞌõg tutpe pepix xup, nũy ta mõg”? Kaxĩy.
\v 10 ꞌÃte hãpxopmã putup, ha ꞌãxop teꞌ pẽnãp-tup, huꞌ yũmmũg, ꞌũgmũn yã Tikmũꞌũn Kutok te tikmũꞌũn yõg hãpkummuk mĩyꞌax xaxogãꞌax nũnte hãm xexka tuꞌ. Kaxĩy.
\p Tu tik hãpkumep hok pu hãmꞌãktux, hu:
\p
\v 11 —‍ꞌÃpu ꞌãyĩpxit, nũy pepi xihip, nũy ꞌõg tutpe pepiꞌ xup, nũy ta mõg yãy pet hah. Kaxĩy.
\p
\v 12 Hãpxip ꞌohnãg ꞌĩhã tik te hãpkumep hok yĩpxit, nũy pepiꞌ xip, nũy yãy yõg tutpe pepiꞌ xup, tu taꞌ mõg, ha tikmũꞌũn xohix teꞌ pẽnãhãꞌ, tuꞌ kuxa teꞌ yẽy, tu Topa ꞌãktux max, hu:
\p —‍Tikmũꞌũn te hãpxopmãꞌax nõy hã kaxĩy pẽnã ꞌohnãg! Kaxĩy.
\s Yeyox xix Nemiꞌ
\p
\v 13 Ta xeꞌ mõg Yeyox, tu mõktuꞌ xupep kõnãg xexka Ganinet tuꞌ, ha taꞌ nũn tikmũꞌũn xohix Yeyox hah, haꞌ xohix pu hãmyũmmũgãhãꞌ.
\p
\v 14 Tu taꞌ mõg, paꞌ xip Nemiꞌ, yã ꞌÃppeo kutok, tuꞌ yũm gohet pupi tayũmak popꞌax pet kopah, ha Yeyox te Nemi pu hãmꞌãktux, hu:
\p —‍Mã, nũy ꞌũkpe mõg. Kaxĩy.
\p Nemi pepiꞌ xip, tu ta peꞌ mõg, tu mõktu Nemi pet hãꞌ mõxahaꞌ,
\v 15 ha hãpxip ꞌĩhãꞌ xit Yeyox xix yãy yõg tik xop xix gohet pupi tayũmak popꞌax xop xix hãpkummuk mĩyꞌax xop nõy,
\v 16 ha taꞌ nũn tik te hãmyũmmũg xop xix Paniye xop nũn, tu nũkuꞌ pẽnãhãꞌ, Yeyox xit tik mũtik xix gohet pupi tayũmak popꞌax xop mũtik, tu Yeyox yõg tik xop puꞌ yĩkopit, hu:
\p —‍Teptu Yeyox xit ꞌũkummuk xop mũtik? Kaxĩy.
\p
\v 17 Ha Yeyox teꞌ xupak, tu tik te hãmyũmmũg xop pu hãmꞌãktux, hu:
\p —‍Nonot xop teꞌ hittup xop hã te ꞌohnãg, pa pakut xop hã tehet. Hã kãxĩy ꞌũgnũn, nũy hãpkũmmuk mĩyꞌax xop xãnãꞌ, paꞌ max xop xãnã ꞌohnãg. Kaxĩy.
\s Yeyox teꞌ xit hok ꞌãktux
\p
\v 18 Ha taꞌ pip Yoãm mũtik mõg xop xix Paniye xop, tuꞌ xit hok, nũy Topa pu hãmꞌãktux.
\p Ha taꞌ xip Yeyox, ha taꞌ nũn tikmũꞌũn, tu nũktuꞌ yĩkopit, hu:
\p —‍Yoãm mũtik mõg xop xit hok, nũy Topa pu hãmꞌãktux xix Paniye xop teꞌ kamah. Texĩy ꞌõg tik teꞌ 12 xop xit hok ꞌohnãg, nũy Topa pu hãmꞌãktux? Kaxĩy.
\p
\v 19 Ha Yeyox te:
\p —‍Tikmũꞌũn te yãyta pẽnãhãꞌ, haꞌ xip tik te yãytap-tup. ꞌOk tikmũꞌũn xit hok nõmhãꞌ? ꞌÃmhok, yãꞌ xit.
\v 20 Nãy, pu tik te yãyta mõg, ha tikmũꞌũn xit hok nõmhãꞌ. Hã kaxĩy ꞌũkxip, ꞌĩhã yãy yõg tik teꞌ 12 xit hok ꞌohnãg. Nãy, ꞌũgmõg putup, ꞌĩhãꞌ xit hok putup. Kaxĩy.
\p
\v 21 Tu Yeyox te xe:
\p —‍Tikmũꞌũn teꞌ xap ꞌohnãg topixxax yãg tup, yãꞌ pix ꞌohnãg, xix topixxax kunox. Kaꞌ xap, haꞌ pix, puxix yãg yãy nũꞌnãꞌ, ha topixxax yãy pot.
\v 22 Ha taꞌ pux ꞌohnãg tikmũꞌũn te xupyãg tup xokxax kox kutut kopah. Kaꞌ pux, puxix xupyãg xokxax kox koxyõy, haꞌ xaxok xupyãg, haꞌ kummuk xokxax kox. Paꞌ pux xupyãg tup xokxax kox tup kopah, puꞌ max. Hã kaxĩy tikmũꞌũn te mõnãyxop yõg hãpxopmãꞌax tat, xix kama yõgnũ hãpxopmãꞌax tat, puꞌ kummuk. Kaxĩy.
\s Yeyox te ꞌãmnĩy hãm hok ꞌãktux
\p
\v 23 Nit xap, yã ꞌãmnĩy hãm hok, ha taꞌ mõg Yeyox xix yãy yõg tik te 12 xop, tu mõktu xuxnãg ta xe tox yõg hãm mep, tu xuxnãg ta xe tox mep, nũy mãꞌ,
\v 24 ha taꞌ nũn Paniye xop tuꞌ yĩkopit, hu:
\p —‍Teptu ꞌõg tik xop teꞌ mep ꞌãmnĩy hãm hok ꞌĩhãꞌ? Yãꞌ kummuk. Yũmũ yõg xatꞌax kaxꞌãmi tappet tuꞌ, tuꞌ xat, pu hãm hok ꞌãmnĩy hãm hok ꞌĩhãꞌ. Kaxĩy.
\p
\v 25 Ha Yeyox te:
\p —‍ꞌOk ꞌãxop teꞌ mõkupix tappet tuꞌ? Putep mũn mĩy Namix? Yã putup tep-tex Namix xix yãy yõg tihik.
\v 26 Namix mõg, tu mõktu Topa pet hã mõꞌnãhãꞌ, paꞌ mãm pãm, yã Topa keppaꞌ mãm, ha Namix teꞌ pãm pop tuꞌ mãhãꞌ, tu yãy yõg tik xop puꞌ popmãhãꞌ, puyĩy mãꞌ, ꞌĩhã ꞌãmãnex yã ꞌAmit, tu ꞌãmãnex xop xohix xat ꞌũkaxꞌãmi yũmũ yõg xatꞌax yõg tappet tuꞌ. ꞌŨxat, pu ꞌãmãnex te nõm pãm mãꞌ, paꞌ nõy mã hok, pa Namix teꞌ mãhãꞌ. Kaxĩy.
\p
\v 27 Ha Yeyox te xe:
\p —‍Topa te tikmũꞌũn pu ꞌãmnĩy hãm hok mĩy, pa ꞌap ꞌãmnĩy hãm hok pu tikmũꞌũn mĩyꞌah. Yã ꞌãmnĩy hãm hok te tikmũꞌũn yõg kãmãnat putuk, pa tikmũꞌũn te ꞌãmnĩy hãm hok yõg kãmãnat putuk ꞌohnãg,
\v 28 ha tak mũn Tikmũꞌũn Kutok teꞌ xat ꞌãmnĩy hãm hok yõg hãpxopmãꞌax. Kaxĩy.
\c 3
\s Yeyox xix tik yĩm te nũꞌ yãy nũnnãhãꞌ
\p
\v 1 Tu taꞌ mõg Yeyox, tu mõktu Yoneo xop yõg Topa pet hã xe mõꞌnãhãꞌ, paꞌ xip tihik, tuꞌ yĩm te nũꞌ yãy nũnnãhãꞌ,
\v 2 ha taꞌ pip tikmũꞌũn, tup-tup, nũy Yeyox hãpkummuk mĩy pẽnãꞌ nit xap ꞌĩhãꞌ, nũy hãmꞌãktux, hu:
\p —‍Yeyox teꞌ xatꞌax mĩy ꞌohnãg. Kaxĩy.
\p
\v 3 Ha Yeyox te tik pu hãmꞌãktux, hu:
\p —‍Mãꞌ. Kaxĩy.
\p
\v 4 Tu ta tikmũꞌũn pu hãmꞌãktux hu:
\p —‍Putep xat Topa yõg xatꞌax yõg tappet? Putep xat, puyĩy tikmũꞌũn hãpxopmã nit xap ꞌĩhãꞌ, yã ꞌãmnĩy hãm hok ꞌĩhãꞌ: ꞌok pe hãpxopmã max, ꞌok pe hãpxopmã kummuk? ꞌOk pe tikmũꞌũn hĩnnãhã, ꞌok pe tikmũꞌũn nĩm, puyĩy xakix? Kaxĩy.
\p Pa tikmũꞌũn te hãmaãktux ꞌohnãg.
\v 5 Haꞌ gãy Yeyox, tuꞌ kuxa hittup ꞌohnãg, tikmũꞌũn te hãmyũmmũg putup ꞌohnãg hah.
\p Ta Yeyox te tik pu:
\p —‍ꞌÃpu yã ꞌũyoa ꞌãyĩm. Kaxĩy.
\p Haꞌ yoaꞌ, haꞌ yĩm hittup.
\p
\v 6 Hãpxip ha taꞌ mõg Paniye xop, tu mõktu xatꞌax xexka ꞌEnot yõg xop mũtik hãmꞌãktux, tu hãmꞌãktux texĩy Yeyox putex putup.
\s Yeyox te pakut xop nõy hittupmãhãꞌ
\p
\v 7 Ha taꞌ mõg Yeyox xix yãy yõg tik te 12 xop, tu mõktuꞌ mõxaha kõnãg xexka Ganinet kux tuꞌ. Ha taꞌ nũn tikmũꞌũn xohix, yã hãpxexka Ganinet yõg xop, xix hãpxexka Yonex yõg,
\v 8 xix kõmẽn Yenoyanẽn yõg, xix hãpxexka ꞌInumẽn yõg, xix kõnãg kox Yohnãm kũnãpa yõg xop, xix kõmẽn Tinok yõg, xix Tinok yĩmap pip xop, xix kõmẽn Xinõm yõg, xix Xinõm yĩmap pip xop. Yãꞌ xohix te Yeyox yõg hãpxopmãꞌax ꞌãpak, huꞌ nũn, nũy Yeyox pẽnãꞌ,
\v 9 ha ta yãy yõg tik xop mõꞌpok Yeyox te, puyĩy mĩpkox nũnnãꞌ, puyĩy tikmũꞌũn xohix Yeyox mõꞌyõn hok.
\v 10 Yã tikmũꞌũn xohix hittupmãhã Yeyox teꞌ, yĩy ta tikmũꞌũn pakut xohix nũn, nũy yãy mõꞌyõn, nũy Yeyox ꞌãpit, puyĩy hittupmãꞌ.
\v 11 Ha taꞌ pip tikmũꞌũn, tuꞌ kopaꞌ pip yãmĩy kummuk, tuꞌ nũn, tu nũktu kup tomãhã Yeyox keppah, tu hãmꞌãktux kaꞌok, hu:
\p —‍ꞌÃmũn yã Topak-tok! Kaxĩy.
\p
\v 12 Pa Yeyox te yãmĩy kummuk xat kaꞌok, hu:
\p —‍Hãmꞌãktux hok, yãg-mũn yã Topak-tok ꞌãktux hok. Kaxĩy.
\s Yeyox te yãy yõg tik te 12 yĩymõgãtux
\p
\v 13 Tu taꞌ mõg Yeyox, tu mõktu yĩktix tuꞌ pũnãmep, tuꞌ nõy xãnãhãꞌ, ha taꞌ nũn,
\v 14 ha Yeyox te tik te 12 yĩmõgãtux, puyĩy Yeyox mũtik mõg, puyĩy Yeyox tik mõꞌpok, puyĩy tik Topa yõg hãmꞌãpak maxꞌax ꞌãktux, yãꞌ xuxetꞌax Yeyox yõg mõꞌpok xop.
\v 15 Yeyox te nõm kaꞌogãhã, pu yãmĩy kummuk mõy.
\v 16 Tik te 12 xop kopaꞌ pip yã Xĩmãm, kamaꞌ xuxetꞌax Pet,
\v 17 xix Tiak xiꞌ taknõy Yoãm, yã Yemeneo kutok, yã Tiak xix Yoãm ꞌãxetꞌax nõy Motnẽy, yã tikmũꞌũn yĩyꞌax kopa yãꞌ yãy noꞌok kutok,
\v 18 xix ꞌÃneneꞌ, xix Pinip, xix Matõmẽo, xix Mãteo, xix Tõmẽꞌ, xix ꞌAppeo kutok Tiak, xix Tanep, xix Xĩmãm, yã tutep-tup, puyĩy ꞌIyaet xop yãyhã xexkah,
\v 19 xix Yot ꞌIxkanot, yã tuteꞌ gãy xop mõgãhã Yeyox hah, puyĩy xũygãꞌ.
\s Yeyox xix Hãmgãyãgnãg
\p
\v 20 Ha taꞌ nũn Yeyox, tu nũktu mĩptut hã mõꞌnãhãꞌ, ha tikmũꞌũn xohix nũn, ha Yeyox xit putup, pa yãꞌ xit ꞌohnãg, yã tikmũꞌũn xohix pip.
\v 21 Ha taꞌ nũn Yeyox xape xop, nũy Yeyox mõgãꞌ, yãꞌ xupak tikmũꞌũn teꞌ xuktux Yeyox putox kummuk,
\v 22 ha kõmẽn Yenoyanẽn yõg tik te hãm yũmmũg xop te:
\p —‍Yeyox kopaꞌ xip Meyemoꞌ, yã yãmĩy kummuk xop yõg xatꞌax, ha Meyemo te Yeyox kaꞌogãhãꞌ, puyĩy yãmĩy kummuk mõy. Kaxĩy.
\p
\v 23 Ha Yeyox te tikmũꞌũn xohix xãnãhãꞌ, nũy hãmyũmmũgãꞌ, tu hãmꞌãktuxꞌax hã hãmyũmmũgãhãꞌ. Tute:
\p —‍Texĩy Hãmgãyãgnãg te tikmũꞌũn kopa yãy xut?
\v 24 Hãpxexka yõg tikmũꞌũn te yãy pot, nũy yãy kix, tu hãpxip ꞌĩhãꞌ xakix ꞌũxohix.
\v 25 ꞌŨxape xop te yãy pot, nũy yãy kix, tu hãpxip ꞌĩhãꞌ nõg ꞌũxape xop.
\v 26 Hã kaxĩy Hãmgãyãgnãg xop te yãy pot, nũy yãy kix, puxix xakix ꞌũxohix.
\p
\v 27 —‍ꞌŨxupxet te hãpxop hãꞌ xupxet putup mĩptut kopah, paꞌ xip tik kaꞌok mĩptut kopah. Texĩy hãpxop xupxet putup? Yã tik kaꞌok poxit hãꞌ hĩy hãmãxap, tu nõmhãꞌ xupxet. Hã kaxĩy ꞌãte Hãmgãyãgnãg hĩy, nũy tikmũꞌũn kopa yãmĩy kummuk mõy.
\p
\v 28 —‍ꞌÃpu ꞌũxaxogã hok. Topa te tikmũꞌũn yõg hãpkummuk mĩyꞌax xohix xaxogã yũmmũg, pu tuꞌ kux. Tikmũꞌũn te Topa ꞌãktux kummuk, ha Topa teꞌ xaxogã yũmmũg, pu tuꞌ kux.
\v 29 Pa tikmũꞌũn te Topa Koxuk ꞌãktux kummuk, ha Topa teꞌ xaxogã yũmmũg ꞌohnãg. Yãꞌ xip ꞌũyõg hãpkummuk mĩyꞌax mõkumaꞌ mõg, tuꞌ kux ꞌohnãg. Kaxĩy.
\p
\v 30 Hã kaxĩy hãmꞌãktux Yeyox. Hamũn, tikmũꞌũn te hãmꞌãktux, ꞌũxip yãmĩy kummuk Yeyox kopah. Pa ꞌãmhok, yã Topa Koxuk teꞌ kopaꞌ xip.
\s Yeyox mũktut xiꞌ taknõy xop
\p
\v 31 Ha taꞌ nũn Yeyox mũktut xiꞌ taknõy xop, tu nũktu hãptopaꞌ pip, tuꞌ nõy mõꞌkutnãhãꞌ, puyĩy Yeyox xãnãꞌ.
\v 32 Ha ta kopaꞌ mãm tikmũꞌũn Yeyox mũtik, tu hãmꞌãktux, hu:
\p —‍Hãptopaꞌ pip ꞌãtut xix ꞌãtaknõy xop, tu ꞌãxãnãhãꞌ. Kaxĩy.
\p
\v 33 Ha:
\p —‍Tep-te ꞌũktut putuk xik taknõy xop putuk? Kaxĩy.
\p
\v 34 Tuꞌ yãy yĩmap xop pẽnãhãꞌ, tu:
\p —‍Pẽnã nũhũꞌ, yãg tut xik taknõy xop.
\p
\v 35 Nõm teꞌ mĩy Topa te nõm putup, yãg taknõy xop xik hex xik tut yãg xape xop. Kãxĩy.
\c 4
\s Hãpxopxap
\p
\v 1 Ta xe tikmũꞌũn pu hãmyũmmũgãhã Yeyox te kõnãg xexka Ganinet kux tuꞌ, ha taꞌ pip tikmũꞌũn xohix, yĩy taꞌ mõꞌnãhã mĩpkox hã, tuꞌ yũm, haꞌ pip tikmũꞌũn hãmhũmnãg hãm kux tuꞌ,
\v 2 ha Yeyox te hãmꞌãktuxꞌax hã hãpxop xohix yũmmũgãhãꞌ, nũy Topa yõg hãpxopmãꞌax yũmmũgãhãꞌ, tu:
\p
\v 3 —‍ꞌŨgxupex, ꞌũmõg tihik, nũy hãpxopxap mõꞌpok,
\v 4 tu hãpxopxap mõꞌpok, ha yãg te nũꞌnãhã putat kopah, ha taꞌ nũn putuxnãg, tuꞌ xohix mãhãꞌ,
\v 5 ha taꞌ yãg nõy te nũꞌnãhã hãm kutõgnãg kopa mĩkaxxap yĩmũꞌ yũm, tu hãpxip kutõgnãg ꞌĩhãꞌ xokax hãm tũnẽmnãg tuꞌ,
\v 6 pa mãyõn xip, ha mõꞌhap, tuꞌ nak, yãꞌ yĩpxatit kutõgnãg, huꞌ nak,
\v 7 ha taꞌ yãg nõy te nũꞌnãhã mĩmyãm kup kakak, tuꞌ xokax, tuꞌ tuk, ha mĩmyãm kup tuk, tuꞌ nõy mõꞌnĩy, haꞌ ta ꞌohnãg,
\v 8 ha taꞌ yãg nõy te nũꞌnãhã hãm max kopah, tuꞌ xokax, tuꞌ tuk, tu mõktu kup puxet te mĩnta teꞌ 30 popmãhãꞌ, ha ta kup nõy taꞌ tu 60, ha ta kup nõy ta tu 100. Kaxĩy.
\p
\v 9 Tu xe:
\p —‍ꞌÃyĩpkox pip, nũy ta ꞌãpu yã xupax. Kaxĩy.
\s Yeyox te hãpxopxap ꞌãktux
\p
\v 10 Ha taꞌ mõg tikmũꞌũn punethok, ha taꞌ yãg xip Yeyox mũtik xix Yeyox yõg tik te 12 xop mũtik, tu yãy tu nũꞌnãhãꞌ, nũy Yeyox mũtik hãmꞌãktux, tu:
\p —‍Hãmyũmmũgꞌax ꞌũm yũmmũgãhã xate? Kaxĩy.
\p
\v 11 Ha:
\p —‍Texĩy Topa te yãy yõg tikmũꞌũn xat, haꞌ yĩpkox pip? Topa te xaꞌ mũg. Pa Topa te ꞌãxop kũnãpa pip xop pu hãmyũmmũgãhã hãmꞌãktuxꞌax hã,
\v 12 puyĩy hãmpẽnãꞌ, pa hãmyũmmũg ꞌohnãg, puyĩy hãmꞌãpak, pa hãmyũmmũg ꞌohnãg, puyĩy yãy yõg hãpkummuk mĩyꞌax nĩm hok, puyĩy Topap-tuppax hok, puyĩy Topa tikmũꞌũn yõg hãpkummuk mĩyꞌax xaxogã hok, pu tuꞌ kux ꞌohnãg. Kaxĩy.
\p
\v 13 Tu xe:
\p —‍ꞌÃxop te hãmꞌãktuxꞌax yũmmũg ꞌohnãg. Texĩy ꞌãxop kũnãpa pip xop te nõm yũmmũg? Kaxĩy.
\p
\v 14 Tu xe:
\p —‍Tik te hãpxopxap mõꞌpok. Hã kaxĩy tikmũꞌũn te Topa yõg hãmꞌãktuxꞌax ꞌãktux, ha hãpxopxap te Topa yõg hãmꞌãktux putuk,
\v 15 ha ta hãpxopxap yãg te nũꞌnãhã putat kopah, ha taꞌ nũn putuxnãg, tuꞌ mãhãꞌ. Hã kaxĩy tikmũꞌũn te Topa yõg hãmꞌãktuxꞌax ꞌãpak, pa Hãmgãyãgnãg nũn, tu Topa yõg hãmꞌãktuxꞌax xut.
\v 16 Ha ta hãpxopxap yãg te nũꞌnãhã hãm kutõgnãg kopa mĩkaxxap yĩmũꞌ yũm, tuꞌ xokax, tuꞌ nak mõꞌkaꞌok ꞌũyĩpxatit kutõgnãg hah. Hã kaxĩy tikmũꞌũn te Topa yõg hãmꞌãktux ꞌãpak, tuꞌ kuxa hittup,
\v 17 pa hãpxip ꞌĩhã tikmũꞌũn teꞌ kuxa mãm xop kuteꞌex kummuk, haꞌ kuxa mãm kux.
\v 18 Ha ta hãpxopxap yãg te nũꞌnãhã mĩmyãm kup kakak, tuꞌ xokax, ha mĩmyãm teꞌ nõy mõꞌnĩy, haꞌ ta ꞌohnãg. Hã kaxĩy tikmũꞌũn te Topa yõg hãmꞌãktux ꞌãpak,
\v 19 pa hãm xexka yõg hãpxopmãꞌax peꞌpaxex punethok, tu ꞌũp-texop xexkap-tup, tu hãpxop xohix putup, hu Topa yõg hãmꞌãktux xaxok, tu hãpxopmã max mĩyꞌah.
\v 20 Ha ta hãpxopxap yãg te nũꞌnãhã hãm max kopah, tuꞌ xokax, tuꞌ tuk, tu mõktu kup puxet te mĩnta teꞌ 30 popmãhãꞌ, ha ta kup nõy taꞌ tu 60, ha ta kup nõy taꞌ tu 100. Hã kaxĩy tikmũꞌũn te Topa yõg hãmꞌãktuxꞌax ꞌãpak, tuꞌ kuxa mãm nõm kopah, tu hãpxopmã max punethok. Kaxĩy.
\s Kuyãnãm
\p
\v 21 Tu Yeyox te xe:
\p —‍ꞌOk tikmũꞌũn te kuyãnãm tatꞌax xex manax kopah? ꞌÃmhok. ꞌOk tikmũꞌũn te kuyãnãm tatꞌax xex mĩmpe mõꞌyõnꞌax kakak? ꞌÃmhok. Pa tikmũꞌũn te kuyãnãm tatꞌax yõg yũmꞌax yĩmũꞌ xex, ha nõmhã kuyãnãm max, ha tikmũꞌũn te hãpxop pẽnãhãꞌ.
\v 22 Hã kaxĩy tikmũꞌũn te hãpxopmã xaptop hõnhãꞌ, ha tikmũꞌũn teꞌ pẽnã ꞌohnãg, pa hãpxip ꞌĩhã tikmũꞌũn xohix teꞌ pẽnãp-tup.
\v 23 ꞌÃyĩpkox pip, nũy ta ꞌãpu yã xupax. Kaxĩy.
\p
\v 24 Ta Yeyox te xe:
\p —‍ꞌÃpu ꞌãkuxa hãꞌ xupax. Xate ꞌãnõy yõg hãpxopmãꞌax kopit, puxix Topa te ꞌõg hãpxopmãꞌax kopit, yãꞌ yãy putuk, yã Topa te ꞌõg hãpxopmãꞌax kopit xeꞌẽgnãg putup.
\v 25 Tikmũꞌũn yõg hãpxop pip, puxix hãpxop nõy pop putup. Tikmũꞌũn yõg hãpxop kutõgnãg pip, puxix nõm xaxok putup.
\s Hãpxopxap
\p
\v 26 Tu Yeyox te xe:
\p —‍Texĩy Topa te yãy yõg tikmũꞌũn xat, haꞌ yĩpkox pip? Yãꞌ putuk, tik te hãpxopxap mõꞌpok, haꞌ xokax, tuꞌ tuk.
\v 27 Texĩy ꞌũxokax? Texĩy ꞌũtuk? Tik teꞌ yũmmũg ꞌohnãg. ꞌÃmnĩy hã mõꞌyõn, tu hãptup hã hãpkumep, ꞌĩhãꞌ tuk.
\v 28 Hãpxopxap te hãm hãꞌ mõxahaꞌ, tuꞌ xokax, tuꞌ tuk, haꞌ tut pip, haꞌ xap ta punethok.
\v 29 Yãꞌ ta, ha tik teꞌ mep kupukhe hã, tuꞌ nũnnãhãꞌ. Hã kaxĩy Topa yõg tikmũꞌũn xohix nõy nãꞌ mõg, Topa te nõm xat. Kaxĩy.
\s Mõytat xap
\p
\v 30 Tu Yeyox te xe:
\p —‍Texĩy Topa te yãy yõg tikmũꞌũn xat, haꞌ yĩpkox pip? Texĩy ꞌãte xa hãmyũmmũgãp-tup?
\v 31 Yã hãpxopxap putuk, yã mõytat xap putuk. Yãꞌ kutõgnãg mõytat xap, pa hãpxopxap nõy xohix ꞌũxexkah.
\v 32 Tikmũꞌũn te mõytat xap xok, tuꞌ xokax, tuꞌ tuk, tu mõktu kup tox, ha taꞌ kup nõy kutõgnãg, ha mõytat kup mãg xexkah, ha taꞌ nũn putuxnãg, tu yãy pet mĩy mĩm mãg tuꞌ. Hã kaxĩy Topa yõg tikmũꞌũn xop kutõgnãg hãmãxap, paꞌ xohix nõy nãꞌmõg tu mõktuꞌ xohix. Kaxĩy.
\p
\v 33 Hã kaxĩy Yeyox te tikmũꞌũn pu hãmyũmmũgã punethok hãmꞌãktuxꞌax hã, yĩy tikmũꞌũn te hãmyũmmũg.
\v 34 Yã tikmũꞌũn pu hãmyũmmũgãhã hãmꞌãktuxꞌax hã, pa yãy yõg tik te 12 xop mũtik hãmꞌãktux nõy, nũy hãmyũmmũgãꞌ.
\s Yeyox te ꞌãmuuh xat xix kõnãg tot
\p
\v 35 ꞌÃmnĩy ha ta yãy yõg tik xop pu Yeyox te:
\p —‍ꞌÃpu yũmũ kõnãg xexka xak, nũy kũnãpa mõg. Kaxĩy.
\p
\v 36 Ha Yeyox yõg tik xop te tikmũꞌũn mõꞌpok hatoꞌah, haꞌ mõg, ha taꞌ mõg tihik Yeyox hah, tu yõg mĩpkox hãꞌ mõxahaꞌ, tu taꞌ mõg Yeyox mũtik, ha ta mĩpkox xape mõg kama nũmũtik,
\v 37 pa hãpxip ꞌĩhã ꞌãmuuh xexka nũn, ha taꞌ nũn kõnãg tot xexkaꞌ, tu nũktu mĩpkox hãꞌ mõxahaꞌ, ha mĩpkox te kõnãg hã nũꞌxip,
\v 38 ha Yeyox mõꞌyõn mĩpkox xahixpa tuꞌ, tup-tox tep-tox yũmꞌax yĩmũꞌ yũm, ha Yeyox yõg tik xop teꞌ nuhuk, haꞌ koxak, ha hãmꞌãktux, hu:
\p —‍Yãyã, yũmũg xakix putup. ꞌOk ꞌũgmũg kuxa kaꞌ? Kaxĩy.
\p
\v 39 Ha Yeyox yok, tu ꞌãmuuh xat xix kõnãg tot, puyĩy tu xuxix, haꞌ xuxix, tu nũꞌyẽy.
\v 40 Ha Yeyox te yãy yõg tik xop pu yĩkopit, hu:
\p —‍Texĩy ꞌãkuxa nõg? ꞌOk ꞌãkuxa mãm ꞌohnãg? Kaxĩy.
\p
\v 41 Ha tik kuxanõg, tu:
\p —‍ꞌŨꞌũm tihik? Yã tute ꞌãmuuh xat xix kõnãg tot, haꞌ xuxix, tu nũꞌyẽy! Kaxĩy.
\c 5
\s Tik kopaꞌ pip yãmĩy kummuk
\p
\v 1 Tu taꞌ mõg Yeyox xix yãy yõg tik xop mĩpkox hã, tu mõktuꞌ mõxaha kõnãg xexka Ganinet kux tuꞌ hãpxexka Yenax tuꞌ,
\v 2 tu mĩpkox nĩm, tu taꞌ mõg, paꞌ xip tihik, ha tik kopaꞌ pip yãmĩy kummuk.
\v 3 Yã tik pet yũm xukpot tuꞌ, haꞌ nũn. Yãꞌ gãy, ha tikmũꞌũn teꞌ hĩy yũmmũg ꞌohnãg mãkxap hã.
\v 4 Yã tikmũꞌũn teꞌ mũg punethok, nũy mãkxap hãꞌ hĩy ꞌũyĩm xiꞌ pataꞌ, pa tik teꞌ koxyõy ꞌũxohix, tuꞌ mõg. Yã tikmũꞌũn teꞌ hĩy yũmmũg ꞌohnãg.
\v 5 Hãptup ꞌĩhãꞌ xip tihik yĩktix tuꞌ xix xukpot tuꞌ xix ꞌãmnĩy ꞌĩhã kamah, tuꞌ xahok kaꞌok, tu yãy poꞌoxnãm mĩkaxxap hã.
\v 6 Ta Yeyox pẽnãhã hãptox tu, tu taꞌ nõy haꞌ nũn mõꞌkaꞌok, nũktu Yeyox pu nũꞌxup,
\v 7 tu hãmꞌãktux kaꞌok, hu:
\p —‍Yeyox, yã Topa xexka xeꞌẽgnãg kutok, ꞌãte xa tatuꞌ xak: ꞌÃpu yã ꞌũgkummugã hok! Kaxĩy.
\p
\v 8 Yã hamũn, Yeyox te: “Yãmĩy kummuk, tik kopa ꞌãpep!” Kaxĩy.
\p
\v 9 Tu Yeyox te:
\p —‍ꞌÃxuxetꞌax texĩy? Kaxĩy.
\p Ha:
\p —‍ꞌŨkxuxetꞌax ꞌŨxohix Xop, yã ꞌũgmũgmũn punethok. Kaxĩy.
\p
\v 10 Tu xe:
\p —‍ꞌÃpu ꞌũgmũg mõꞌpok hatoꞌa hãptox tuꞌ. Kaxĩy.
\p
\v 11 Ha taꞌ pip xapup xohix, tuꞌ xit yĩktix tuꞌ hãmhũmnãg.
\p
\v 12 Ha yãmĩy kummuk te Yeyox pu hãmꞌãktux, hu:
\p —‍ꞌÃpu ꞌũgmũg xat, ꞌũyĩy xapup hã mõxãnꞌ Kaxĩy.
\p
\v 13 Ha Yeyox teꞌ xat, ha tik nĩm, tu taꞌ mõg, tu mõktu xapup hãꞌ mõxahaꞌ. Yãꞌ xohix xapup, yãꞌ xohix teꞌ 2000 kõmnãg, tu taꞌ mõg mõꞌkaꞌok, tu mõꞌyĩyxohoꞌ, tu mõktu kõnãg xexka hãꞌ mõxahaꞌ, tuꞌ xakix xit hã.
\p
\v 14 Ha taꞌ nũꞌpaha xapup pẽnãꞌax xop, tu nõm ꞌãktux kõmẽn yõg tikmũꞌũn pu xix hãm panip yõg tikmũꞌũn puꞌ,
\v 15 ha taꞌ nũn tikmũꞌũn xohix, nũy hãm pẽnãꞌ, tuꞌ nũn, tu nũktu Yeyox yĩkaꞌ pip, tu tik pẽnãhãꞌ, paꞌ pipꞌah yãmĩy kummuk tik kopah, ha tikmũꞌũn kuxa teꞌ yẽy. Yã tik yũm, tuꞌ xax tahaꞌ, tup-tox max.
\v 16 Ha ta tikmũꞌũn pu hãpxopmãꞌax xohix ꞌãktux nõm te tik pẽnãhã xix xapup,
\v 17 tu Yeyox pu tatuꞌ xak, puyĩy mõg hatoꞌah,
\v 18 ha taꞌ mõg Yeyox, tu mĩpkox hã mõꞌnãp-tup, ha tik nũn, tu:
\p —‍ꞌŨgmõg putup ꞌãmũtik. ꞌOk max? Kaxĩy.
\p
\v 19 Pa Yeyox te:
\p —‍ꞌÃmhok. ꞌÃpu mõg yãy pet hah, nũy ꞌãxape xop puꞌ xuktux yũmũg xuxyã Topa te xaꞌ mĩy. Kaxĩy.
\p
\v 20 Ha taꞌ mõg tihik, tu mõktu hãmꞌãktux Kõmẽn teꞌ 10 tuꞌ, xix kõmẽn yĩkak, yãꞌ xuktux Yeyox teꞌ mĩy, ha tikmũꞌũn xohix tep-tup pax.
\s Yax te Yeyox xãnãhãꞌ
\p
\v 21 Ha taꞌ mõg Yeyox mĩpkox hã, tu kõnãg xexka xak putpuꞌ, tu mõktuꞌ xupep, ha taꞌ nũn tikmũꞌũn xohix, nũy Yeyox pẽnãꞌ,
\v 22 ha taꞌ nũn tihik ꞌũxuxetꞌax Yax, yã Yoneo xop yõg Topa pet yõg tik xatꞌax, ꞌũnũn, tu nũktu Yeyox pata yĩkaꞌ mõhãmnĩy,
\v 23 tu:
\p —‍ꞌŨk-tok hex xok putũmnãg. ꞌÃpu mõg, nũy ꞌũyĩmũ ꞌãyĩm nõm, puyĩy xuxix, puyĩy hiꞌ! Kaxĩy.
\p
\v 24 Ha taꞌ mõg Yeyox tik mũtik xix tikmũꞌũn xohix mũtik. Yã tikmũꞌũn xohĩynãg, hu yãy mõꞌyõn.
\s Yeyox te ꞌũn pakut hittupmãhãꞌ
\p
\v 25 Ha taꞌ nũn ꞌũhũn, yãꞌ pakut, yã ꞌũn hep kux ꞌohnãg hãmyãxatamuk xohix teꞌ 12 hã.
\v 26 Yã nonot punethok te tuꞌ popmãhã hehmẽn, yĩy tayũmak noaꞌ. Yãꞌ hittup ꞌohnãg, paꞌ pakut xexka nõy nãꞌ mõg.
\v 27 Tikmũꞌũn te Yeyox ꞌãktux, ha ꞌũn teꞌ xupak, tu taꞌ mõg, tu tikmũꞌũn xohix kopaꞌ mõg, tu Yeyox peꞌ mõg, tuꞌ topixxax ꞌãpit.
\v 28 Yã ꞌũn te hãmpeꞌpaxex, hu: “ꞌÃte ꞌũyõg topixxax ꞌãpit, kopxix hittup.” Kaxĩy.
\v 29 Hãpxip kutõgnãg ꞌĩhãꞌ hep kux, ha ꞌũn teꞌ yũmmũg ꞌũhittup xeꞌeꞌ,
\v 30 ha Yeyox teꞌ yũmmũg yãy kopaꞌ xupep hãpkaꞌok. Yeyox yõkãnãm, tu tikmũꞌũn puꞌ yĩkopit, hu:
\p —‍ꞌŨꞌũm te yõg topixxax ꞌãpit? Kaxĩy.
\p
\v 31 Ha Yeyox yõg tik te 12 xop te:
\p —‍Tikmũꞌũn xohix te yãy mõꞌyõn ꞌãyĩmap. Texĩy xateꞌ yĩkopit? Kaxĩy.
\p
\v 32 Pa Yeyox yõkãnãm, nũy pẽnã nõm teꞌ xupit,
\p
\v 33 ha ꞌũn teꞌ yũmmũg, huꞌ nũn, tu nũktu Yeyox pata yĩka mõhãmnĩy, tuꞌ yĩpkutuk, hu yãy puxuꞌux, tu hãpxopmã xohix ꞌãktux.
\v 34 Ha Yeyox te:
\p —‍Tukũm, ꞌãkuxa yũm kaꞌok ꞌũgkopah, hu ꞌãhittup. ꞌÃpu ꞌãkuxa nõg hok. Mõg! ꞌÃhittup! Kaxĩy.
\s Yeyox xix Yax kutok
\p
\v 35 Yeyox te ꞌũn mũtik hãmꞌãktux, ha taꞌ nũn Yax yõg kãmãnat, yã Yax pet tuꞌ nũn, nũktu:
\p —‍Yax, ꞌãk-tok hex xok. ꞌÃpu notot Yeyox xãnã hok. Kaxĩy.
\p
\v 36 Pa Yeyox te nũmũtik hãmꞌãktux ꞌohnãg, pa Yax pu hãmꞌãktux, hu:
\p —‍ꞌÃpu ꞌãkuxa nõg hok. ꞌÃpu ꞌãkuxa yũm kaꞌok! Kaxĩy.
\p
\v 37 Yeyox te tikmũꞌũn xohix xat, pu mõg hok yãy mũtik, paꞌ xat, pu mõg Pet xix Tiak xix Yoãm,
\v 38 tu taꞌ mõg, tu mõktu Yax pet hãꞌ mõxahaꞌ, paꞌ pip tikmũꞌũn, tuꞌ potahaꞌ, tuꞌ xaho kaꞌok,
\v 39 ha Yeyox te:
\p —‍Texĩy ꞌãxop potahaꞌ, nũy xaho kaꞌok? ꞌŨk-tok hex xok tãmnãg ꞌohnãg. Yã mõꞌyõn. Kaxĩy.
\p
\v 40 Ha tikmũꞌũn yĩxix, pa Yexox te xohix xat, pu hãptopa mõg. Yãꞌ mõg ꞌũxohix. Ha taꞌ mõxaha Yeyox xix yãy yõg tik teꞌ 3 xik-tok hex mũktak xiꞌ tut ꞌũk-tok hex yõg mĩptut kox hã,
\v 41 ha Yeyox tek-tok yĩm mũg, tu:
\p —‍“Tanita kõmĩyꞌ” Kaxĩy. Yã tikmũꞌũn yĩyꞌax hã: “Nixix, ꞌãpu ꞌãk-nĩhãxip!” Kaxĩy.
\p
\v 42 Yã hãpxip ꞌohnãg ꞌĩhãk-tok hex yĩpxit, nũy pepiꞌ xip, nũy hãpkumep, ha tikmũꞌũn teꞌ yẽy. Yãk-tok hex yõg hãmyãxatamuk xohix te 12,
\v 43 ha Yeyox te tikmũꞌũn xat, puyĩy tikmũꞌũn pu nõm ꞌãktux hok, tuꞌ xat, puk-tok hex pu xitꞌax hõm.
\c 6
\s Yeyox xip Nãyane tuꞌ
\p
\v 1 Tu taꞌ nũn putpuk Yeyox xix yãy yõg tik xop kõmẽn Nãyane tuꞌ, tu nũktu kõmẽn hãꞌ mõxahaꞌ.
\v 2 Nit xap ꞌĩhãꞌ mõg, tu mõktu Yoneo xop yõg Topa pet hã mõꞌnãhãꞌ, tu tikmũꞌũn pu hãmyũmmũgãhãꞌ, ha tikmũꞌũn teꞌ xupak, tu hãmꞌãktuxꞌax putup nõg, tu:
\p —‍Texĩy tik te hãpxop xohix yũmmũg? Tep te tik pu hãmyũmmũgãhãꞌ? Texĩy tik te hãpxopmã kaꞌok xeꞌẽgnãg?
\v 3 Yũmũꞌãte tik yũmmũg. Yã mĩmpe mĩy, yã Mãnix kutok, yã taknõy ꞌũxuxetꞌax Tiak, xix Yoyeꞌ, xix Yot, xix Xĩmãm. Yãꞌ hex tihi nũnteh kamah. Kaxĩy.
\p Yã tikmũꞌũn teꞌ yũmmũg putupꞌah, Yeyox yã Topak-tok.
\v 4 Pa Yeyox te:
\p —‍Tikmũꞌũn te yãy xape ꞌãpak ꞌohnãg nõm te Topa pupi hãmꞌãktux. Kaxĩy.
\p
\v 5 Yeyox te hãpxopmã kaꞌok xeꞌẽgnãg, paꞌ mĩy kutõgnãg. Yãꞌ pakut xop yĩmũꞌ yĩm xex, nũy hittupmãꞌ yã ꞌaꞌ xohixꞌah hittupmãhãꞌ kõmẽn Nãyane tuꞌ.
\v 6 Yã tikmũꞌũn kuxa mãm ꞌohnãg, ha Yeyox kuxa hittup ꞌohnãg.
\s Yeyox yõg tik te 12 xop mõg
\p Tu taꞌ mõg Yeyox, tu mõktu xiptuxexka xohix yõg tikmũꞌũn pu hãmyũmmũgãhã kõmẽn Nãyane yĩkak.
\v 7 Tu taꞌ xãnãhã yãy yõg tik te 12 xop, haꞌ nũn, ha Yeyox te nõm kaꞌogãhãꞌ, puyĩy yãmĩy kummuk mõy. Tute tik mõꞌpok, pu mõg ꞌũtix tu peꞌ tix hã kaxĩy, puyĩy yãmĩy kummuk mõy.
\v 8 Yeyox te:
\p —‍Hãpxop tat hok, yã xitꞌax tat hok, xix tayũmak tat hok, pa mĩm hãm tonnognã ꞌãmõg.
\v 9 ꞌÃpu pataxax tat. ꞌÃpu kãmĩn puxehnãg mõꞌtat. Kaxĩy.
\v 10 Tu xe:
\p —‍ꞌÃxop mõg putup, tu kõmẽn hã ꞌãmõxap-tup, tu mĩptut hãꞌ ꞌãmõxap-tup. ꞌÃpu nox piꞌ mĩptut puxet kopah, tu mõktu ꞌãmõg, tu kõmẽn nĩm.
\v 11 Pa kõmẽn yõg tikmũꞌũn te ꞌãp-tup nõg, tu hãmꞌãktuxꞌax putup nõg, nũy ta mõg. ꞌÃpu nox piꞌ hok. ꞌÃxop te yãy pataxax tu hãpxut nuhuk putup, xayĩy hãmꞌãktux ꞌũkummuk tikmũꞌũn. Kaxĩy.
\p
\v 12 Ha taꞌ mõg Yeyox yõg tik xop, tu tikmũꞌũn pu hãmꞌãktux, hu:
\p —‍ꞌÃpu ꞌãyãyhãhup, nũy hãpkummuk mĩy kux. Kaxĩy.
\p
\v 13 Tik te yãmĩy kummuk mõy, tu tikmũꞌũn punethok pakut putox pix heptox hã, tu nõm hittupmãhãꞌ.
\s Yoãm xok
\p
\v 14 Ha taꞌ xip ꞌEnot, yã tikmũꞌũn yõg xatꞌax xexkah, tu nõm hãpxopmãꞌax ꞌãpak, yã tikmũꞌũn xohix te Yeyox yũmmũg, tu hãmꞌãktux punethok. Tikmũꞌũn yãg te:
\p —‍Yãꞌ putpuꞌ hi Yoãm nõm tep-tox pix, tu hãpxopmã kaꞌok xeꞌẽgnãg. Kaxĩy.
\p
\v 15 Ha ta yãg te:
\p —‍Yã ꞌEnit. Kaxĩy.
\p Ha ta yãg nõy te:
\p —‍Yã tute Topa pupi hãmꞌãktux, yã Topa pupi hãmꞌãktux xop hittap putuk. Kaxĩy.
\p
\v 16 Ha ꞌEnot teꞌ xupak, tu:
\p —‍Yã Yoãm nõm tep-tox pix. Hõmã ꞌãteꞌ xat, pup-tox xax, haꞌ kuyut, pa hõnhã putpuꞌ hiꞌ! Kaxĩy.
\p
\v 17 Hamũn, hõmã ꞌEnot teꞌ xat, puyĩy xonat Yoãm mũy, puyĩy ꞌũyĩm hĩy, puyĩy kanet kaꞌok kopaꞌ xix. Texĩy? Yã hõmã ꞌEnot xix ꞌEnonit te yãy tahaꞌ, pa ꞌEnonit yã ꞌEnot taknõy Pinip xetut,
\v 18 yĩy ta Yoãm te ꞌEnot pu hãmꞌãktux, hu: “Yãꞌ maxꞌah. Topa yõg xatꞌax kaxꞌãmix tappet tu, tuꞌ xat, xayĩy yãyta hok ꞌãtaknõy xetut mũtik!” Kaxĩy.
\p
\v 19 Yĩy taꞌ gãy ꞌEnonit, tu Yoãm putup nõg, hup-tup, puyĩy Yoãm putex. Pa ꞌãmhok,
\v 20 yã ꞌEnot te Yoãm yĩpkutuk, yã tuteꞌ yũmmũg yãꞌ max xeꞌẽgnãg Yoãm, ha Yoãm putex putupꞌah. Yoãm te ꞌEnot pu hãmꞌãktux punethok, ha ꞌEnot kuxa hittup ꞌohnãg, pa ꞌEnot te ꞌnõy yõg hãmꞌãktuxꞌax putuppax.
\p
\v 21 Pa hãpxip ꞌĩhã ꞌEnot te yãy yõg hãmyãxatamuk yõg ꞌãmuk xexka mĩy, ha taꞌ nũn gohet yõg xexka xop, yãꞌ xatꞌax xexka xop, xix xonat yõg xatꞌax xop, xix hãpxexka Ganinet yõg xatꞌax xop.
\v 22 Ha taꞌ nũn ꞌEnonit kutok hex, nũktuꞌ hãmyã max, ha ꞌEnot tep-tuppax xexkaꞌ, yã hãmyã max. ꞌEnot tek-tok hex pu hãmꞌãktux, hu:
\p —‍Xate putep-tup? ꞌÃte xaꞌ hõm putup. Kaxĩy.
\p
\v 23 Tu xe hãmꞌãktux xex, hu:
\p —‍Xate putep-tup? Yã ꞌãte xa popmãp-tup hãpxop xohix, tu mõktu yõg hãpxop xahix, yãꞌ xahix yõgnũ hãhãm, xiꞌ xahix yõgnũ tikmũꞌũn! Kaxĩy.
\p
\v 24 Ha taꞌ mõg ꞌũk-tok hex, nũy tut mũtik hãmꞌãktux, nũy yĩkopit, haꞌ tut te:
\p —‍ꞌÃpu tatuꞌ xax Yoãm putox nõm tep-tox pix. Kaxĩy.
\p
\v 25 Ha putpuꞌ nũn ꞌũxatꞌax tuꞌ, tu:
\p —‍ꞌÃꞌ hõm mõꞌkaꞌok Yoãm putox kãnẽypetxax yĩmũꞌ yũm! Kaxĩy.
\p
\v 26 Ha taꞌ kuxa hittup ꞌohnãg ꞌEnot, pa yã hãmꞌãktux xex tu Topa ꞌãxetꞌax ꞌãktux ha tikmũꞌũn xohix teꞌ xupak, yĩy taꞌ hõm putup,
\v 27 hu hãpxip ꞌohnãg ꞌĩhã xonat mõꞌkutnãhãꞌ, puyĩy Yoãm putox nũnnãꞌ, ha taꞌ mõg xonat kanet kaꞌok tuꞌ, tu Yoãm putox xak,
\v 28 tu kãnẽypetxax yĩmũꞌ nũnnãhãꞌ, tuk-tok hex puꞌ hõm, ha taꞌ mõg, tuꞌ tut puꞌ hõm.
\v 29 Ha taꞌ yũmmũg Yoãm mũtik mõg xop, tu taꞌ nũn, tu nũktu Yoãm xokxax pahaꞌ, tu taꞌ mõg, tu mõktu mĩkaxxap kox kopaꞌ xix xukpot tuꞌ.
\s Yeyox te tikmũꞌũn xohix puꞌ xitꞌax popmãhãꞌ
\p
\v 30 Ha taꞌ nũn Yeyox yõg tik te 12 xop Yeyox hah, tu nũktu yãy yõg hãpxopmãꞌax xohix ꞌãktux xix yõg hãmyũmmũgꞌax xohix,
\v 31 paꞌ pip tikmũꞌũn xohix, tu xohix te hãpkumep, yĩy taꞌ xit ꞌohnãg Yeyox yõg tik xop, yã tikmũꞌũn xohix pip. Ha Yeyox te yãy yõg tik xop pu hãmꞌãktux, hu:
\p —‍ꞌÃpu yũmũ mõg hãm panip xexka tuꞌ, nũy hãm hok. Kaxĩy.
\p
\v 32 Tu taꞌ mõg, tu mĩpkox hãꞌ mõxahaꞌ, tu taꞌ mõg, tu kõnãg xak.
\v 33 Pa tikmũꞌũn punethok te mõgꞌax pẽnãhãꞌ, yãꞌ Yeyox pẽnãhã xix tik xop. Ha taꞌ nũn xiptuxexka xohix yõg tikmũꞌũn, tu pata hãꞌ nũpaha hãm kux tuꞌ, tu nũktuꞌ mõxahaꞌ, tuꞌ nõy hip.
\v 34 Ha taꞌ xupep mĩpkox kõnãg xexka kux tuꞌ, ha Yeyox teꞌ pẽnãhã tikmũꞌũn xohix, tuꞌ kuxa kaꞌ. Kahnẽn yõg pẽnãꞌax xipꞌah. Hã kaxĩy tikmũꞌũn putuk. Yãꞌ hittup ꞌohnãg, yĩyꞌ kuxa kaꞌ, tu tikmũꞌũn pu hãmyũmmũgãhã kõnãmãhã hãpxop punethok.
\p
\v 35 Mãyõn mõꞌnãp-tup ꞌĩhãꞌ nũn Yeyox yõg tik xop, tu nũktu Yeyox pu hãmꞌãktux, hu:
\p —‍Mãyõn mõꞌnãp-tup, yã hãm panip xexka nũnteh, yã xitꞌax pip ꞌohnãg.
\v 36 ꞌÃpu yã tikmũꞌũn xat, pu mõg hãpxaꞌax tuꞌ xix xiptuxexka tuꞌ, puyĩy xitꞌax pop. Kaxĩy.
\p
\v 37 Pa Yeyox te:
\p —‍ꞌÃpu tikmũꞌũn pu xitꞌax popmãꞌ. Kaxĩy.
\p Ha tik xop te:
\p —‍Texĩy pãm popmã tikmũꞌũn xohix puꞌ. ꞌŨyõg tayũmak xohix, yã tayũmak ꞌãnuk xohix teꞌ 200, yã tayumak yãnãm ponnok. Kaxĩy.
\p
\v 38 Ha:
\p —‍Pãm xohix texĩy pip ꞌõhnũꞌ? Mõy pẽnãꞌ Kaxĩy.
\p Tik mõg, tu putpuꞌ nũn, tu:
\p —‍Yã pãm teꞌ 5 xix mãm tix. Kaxĩy.
\p
\v 39 Ha Yeyox te tikmũꞌũn xat, puyĩy xux yĩmũꞌ mãm, puyĩy yãnõm xohix hãꞌ mãm,
\v 40 haꞌ yãnõm hãꞌ mãm, yãꞌ yãnõm kopaꞌ mãm xohix teꞌ 100 xiꞌ nõy kopaꞌ mãm xohix teꞌ 50 hã kaxĩy.
\v 41 Ha Yeyox teꞌ pãm teꞌ 5 pop xix mãm tix, tu pexkox pẽnãhãꞌ, tu:
\p —‍Topa, xate nũꞌ popmãhãꞌ. Yã ꞌãmax. Kaxĩy.
\p Tu pãm koxip, tu yãy yõg tik xop puꞌ popmãhãꞌ, puyĩy tikmũꞌũn pu popmãꞌ. Tik teꞌ popmãhãꞌ. Ha ta mãm tix koxip, tuꞌ popmãhã kamah,
\v 42 ha tikmũꞌũn xohix teꞌ mãhãꞌ, tu mõktu xe xit putupꞌah. Puxix.
\v 43 Ha taꞌ mõg Yeyox yõg tik xop, tu pãm yãg pop xix mãm yãg. Yã pãm yãg hã nũꞌxip manax xohix teꞌ 12 xix mãm hã, haꞌ nũnnãhãꞌ.
\v 44 Hamũn, yãꞌ xohix te pãm mãhãꞌ, yãꞌ tik xohix teꞌ 5000.
\s Yeyox te kõnãg yĩmũꞌ mõg pata hã
\p
\v 45 Hãpxip ꞌĩhã Yeyox te yãy yõg tik xop pu hãmꞌãktux hu:
\p —‍ꞌÃpu mĩpkox hã mõxakux, nũy mõg kũnãpa hãpkux nõy tuꞌ xiptuxexka Metxax tuꞌ, ha ꞌãte tikmũꞌũn mõꞌpok putup. Kaxĩy.
\p
\v 46 Ha taꞌ mõg Yeyox yõg tik xop, ha taꞌ mõg Yeyox, tu yĩktix yokomaꞌ, nũy Topa pu hãmꞌãktux.
\v 47 ꞌÃmnĩy ꞌĩhãꞌ pip Yeyox yõg tik xop mĩpkox kopa kõnãg xexka koteꞌ, ha ta yãp-xehnãg xip Yeyox hãpkux tuꞌ,
\v 48 tu yãy yõg tik xop pẽnãhãꞌ. Tik te mĩpkox hã mõgãhãꞌ, pa yã mõg putux, yã ꞌãmuuh te haꞌ nũn. Hãmyãykuhmõy ha taꞌ mõg Yeyox, tu kõnãg xexka yĩmũꞌ mõg pata hã, tu nõãꞌ yẽn putup.
\p
\v 49 Ha tik teꞌ pẽnãhã yã Yeyox te kõnãg yĩmũꞌ mõg pata hã, ha hãmpeꞌpaxex yã yãmĩy putuk, tuꞌ xahok.
\v 50 Yãꞌ xohix teꞌ pẽnãhãꞌ, tuꞌ yĩpkutuk. Pa hãpxip ꞌĩhã Yeyox te:
\p —‍ꞌÃkuxa nõg hok! Yãg mũn. ꞌŨgyĩpkutuk hok! Kaxĩy.
\p
\v 51 Tu ta mĩpkox hã mõꞌnãhã Yeyox, tuꞌ xip yãy yõg tik xop mũtik, ꞌĩhãꞌ kux ꞌãmuuh. Ha tik xop kuxa teꞌ yẽy,
\v 52 yã tik teꞌ yũmmũg ꞌohnãg texĩy Yeyox te tikmũꞌũn teꞌ 5000 xitnãhãꞌ, yã tik putox kaꞌok.
\s Yeyox te tikmũꞌũn hittupmãhã Yẽnẽyane tuꞌ
\p
\v 53 Tu taꞌ mõg Yeyox xix yãy yõg tik xop, tu mõktu kõnãg kox kux tuꞌ mõxahaꞌ hãpxexka Yẽnẽyane tuꞌ, tu mĩpkox tutxit hã hĩy kõnãg kux tuꞌ,
\v 54 tu taꞌ mõg, pa tikmũꞌũn pip, tu Yeyox pẽnãhãꞌ,
\v 55 tu taꞌ mõg, tuꞌ pet xohix haꞌ xupahaꞌ, tu tikmũꞌũn pakut tutpe hãꞌ put nũn, tu nũktu Yeyox haꞌ nũnnãhãꞌ, ha Yeyox te nõm hittupmãhãꞌ.
\v 56 Tu taꞌ mõg Yeyox, tu hãpkumep xiptuxexka xohix tuꞌ xix kõmẽn xohix tuꞌ xix yãnõm xohix tuꞌ, paꞌ pip tikmũꞌũn xohix, tuꞌ nũnnãhã tikmũꞌũn pakut, tu nũktu nãpet hãm tuꞌ xex, tu Yeyox tuꞌ xak, pu tux, puyĩy pakut xop Yeyox yõg topixxax kuyãg ꞌãpit, ha pakut xohix teꞌ xupit, tuꞌ hittup.
\c 7
\s Yoneo xop te mõnãyxop yõg hãpxopmãꞌax tat
\p
\v 1 Ha taꞌ nũn Paniye xop xix tik te hãmyũmmũg xop, yã kõmẽn Yenoyanẽn tuꞌ nũn, tu nũktu Yeyox ha yãy tu nũꞌnãhãꞌ.
\v 2 Yã hõmã nõm teꞌ pẽnãhã Yeyox yõg tik xop xit ꞌũyĩm xut putũynãg hã, yã ꞌap yĩm pixꞌah. Yã Paniye xop te tikmũꞌũn xat, pu yãy yĩm pix.
\v 3 Yã Yoneo xop te mõnãyxop yõg hãpxopmãꞌax tat, ha Paniye xop te Yoneo xop kopaꞌ xip, tu mõnãyxop yõg hãpxopmãꞌax tat punethok, tu yãy yĩm pix max, tu nõmhãꞌ xit,
\v 4 tu nãpet tuꞌ nũnnãhã hãpxop, tu nõm pix ꞌũxohix, tu mõnãyxop yõg hãpxopmãꞌax nõy tat. Yã kõnãg xoꞌopꞌax pix xix nax xix kanenãm.
\p
\v 5 Tu taꞌ yĩkopit Paniye xop te xix tik te hãmyũmmũg xop teꞌ, hu:
\p —‍Texĩy ꞌõg tik xop te mõnãyxop yõg hãpxopmãꞌax tat ꞌohnãg, hu yãy yĩm xut putũynãg hãꞌ xit? Kaxĩy.
\p
\v 6 Ha Yeyox te:
\p —‍ꞌÃpa max, pa yã ꞌãkuxa kummuk. Hõmã ꞌIyait te ꞌãxop ꞌãktux! Tute kaxꞌãmi, hu: “Topa te: ‘Tikmũꞌũn tek mũn ꞌãktux max, pa yãꞌ kuxa tek mũn xak ꞌohnãg.
\v 7 Tikmũꞌũn tek mũn pu nũktettex, pa yãꞌ kummuk. Yã tikmũꞌũn te yãy yõg hãmꞌãktuxꞌax ꞌãktux, tu: Yã Topa yõg xatꞌax nũhũꞌ.’ ” Kaxĩy.
\p
\v 8 Tu Yeyox te xe:
\p —‍ꞌÃxop te Topa yõg xatꞌax mĩy ꞌohnãg, nũy mõnãyxop yõg hãpxopmãꞌax tat. Kaxĩy.
\p
\v 9 Tu Yeyox te xe:
\p —‍ꞌÃxop te Topa yõg xatꞌax nĩm pax, nũy yãy yõg xatꞌax mĩy.
\v 10 Yã hõmã Mõyyex teꞌ xat, hu: “ꞌÃpu ꞌãtak mõꞌyãy xeꞌẽgnãg, nũy nõm pu hãpxopmã max. ꞌÃpu ꞌãtut mõꞌyãy xeꞌẽgnãg, nũy nõm pu hãpxopmã max.” Kaxĩy.
\v 11 Pa ꞌãxop te tikmũꞌũn pu hãmyũmmũgãhãꞌ, hu: “ꞌŨxip tikmũꞌũn yõg hãpxop, tu Topa puꞌ hõm, tu yãy ꞌãtak puꞌ hõm ꞌohnãg xiꞌ tut puꞌ hõm ꞌohnãg. Nõmhãꞌ max.
\v 12 Nõmhãꞌ hõm hok.” Kaxĩy.
\v 13 Pa ꞌãmhok, hãmꞌãktux kummuk. Hã kaxĩy ꞌãxop te Topa yõg hãmꞌãktux ꞌãpak ꞌohnãg, pa yãy yõg hamꞌãktux ꞌãpak, tu ꞌãk-tok pu nõm yũmmũgãhãꞌ, tu ꞌãxop te hãpxopmã kummuk nõy punethok hã kaxĩy. Kaxĩy.
\s Tep te hãmkummugãhãꞌ?
\p
\v 14 Yeyox te xe tikmũꞌũn xãnãhãꞌ, haꞌ nũn, ha hãmꞌãktux, hu:
\p —‍ꞌÃpu yõg hãmꞌãktuxꞌax ꞌãpax max, nũy hãmyũmmũg:
\v 15-16 Tikmũꞌũn hãptopaꞌ pip hãpxop, tu tikmũꞌũn hãꞌ mõxahaꞌ, tuꞌ kopaꞌ pip nõmhã. Yã hãpxop te kaxĩy te tikmũꞌũn kummugã ꞌohnãg. Pa hãpxop pip tikmũꞌũn kopah tuꞌ mõxahaꞌ, tu mõktu hãptopaꞌ pip. Yã hãpxop te kaxĩy te tikmũꞌũn kummugãhãꞌ. Kaxĩy.
\p
\v 17 Tu taꞌ mõg Yeyox, tu mõktu mĩptut hã mõꞌnãhãꞌ, ha taꞌ nũn Yeyox yõg tik xop, nũy Yeyox yõg hãmꞌãktuxꞌax yĩkopit,
\v 18 ha Yeyox te:
\p —‍ꞌÃxop te tikmũꞌũn xohix putuk, yã hãmyũmmũg ꞌohnãg. Hãpxop te hãptopaꞌ pip, tu tikmũꞌũn yĩkox hãꞌ mõxahaꞌ, tu kopaꞌ pip. Yã hãpxop te kaxĩy te tikmũꞌũn kummugã ꞌohnãg.
\v 19 Yãꞌ kuxa hãꞌ mõxa ꞌohnãg, pa yãꞌ tex hãꞌ mõxahaꞌ, tu hãpxip ꞌĩhãꞌ mõg hãptopah. Kaxĩy. Yã Yeyox teꞌ xuktux, yãꞌ max xitꞌax xohix.
\p
\v 20 Yeyox te xe:
\p —‍Hãpxop ꞌũm te tikmũꞌũn kummugãhãꞌ? Hãpxop ꞌũm te tikmũꞌũn kopaꞌ pip, tuꞌ mõxahaꞌ, tuꞌ mõg hãptopah?
\v 21 Yãꞌ pip hãpxop kummuk tikmũꞌũn kuxa kopah, yã tikmũꞌũn te hãmpeꞌpaxex kummuk, nũy hãpxop kummuk mĩy, yãꞌ xupxet, tu tikmũꞌũn putex,
\v 22 tuꞌ nõy hãꞌ xupxet, tuꞌ xupkũmĩy, tu hãpkummugã pax, yãꞌ koit, tu hãmkuteꞌex pax, tuꞌ yĩpkumĩy, tuꞌ mãnõg kummuk, tu yãy xexka peꞌpaxex, tup-tox kummuk.
\v 23 Yã nõm xohix hãpxop kummuk te tikmũꞌũn kopaꞌ pip, tuꞌ mõxahaꞌ, tu mõktu hãptopaꞌ pip. Yã hãpxop te kaxĩy te tikmũꞌũn kummugãhãꞌ. Kaxĩy.
\s ꞌŨn puknõg
\p
\v 24 Tu taꞌ mõg Yeyox, tu mõktu hãpxexka tuꞌ mõꞌnãhã kõmẽn Tinok yĩkak, tu mĩptut hã mõꞌnãhãꞌ, tu yãy xaptop putup, pa ꞌãmhok, yã tikmũꞌũn xohix teꞌ yũmmũg.
\v 25 Ha taꞌ nũn ꞌũhũn, hak-tok hex kopaꞌ xip yãmĩy kummuk. Yã tikmũꞌũn te Yeyox ꞌãktux, ha ꞌũn teꞌ xupak, huꞌ nũn, tu nũktuꞌ kopaxux hãꞌ xip Yeyox yĩkak.
\v 26 Yã ꞌũn puknõg, yã hãpxexka Xitpenĩy yõg, tu Yeyox tuꞌ xak, puyĩy yãmĩy kummuk xut ꞌũk-tok hex kopah.
\v 27 Ha Yeyox te:
\p —‍Tikmũꞌũn tek-tok pu xitꞌax hõm hãmãxap. ꞌÃp maxꞌah kakxop yõg xitꞌax pahaꞌ, tu kokex puꞌ hõm. Hã kaxĩy Yoneo yõg hãpxop hõm hok puknõg xop puꞌ. Kaxĩy.
\p
\v 28 Pa ꞌũn te:
\p —‍Yãyã, hamũn, pa kokex kutok te mĩmpe xitꞌax kakaꞌ pip, ha kakxop yõg pãm yãgnãg xahaꞌ, haꞌ mãhãꞌ. Kaxĩy.
\p
\v 29 Ha Yeyox te:
\p —‍Xate hãmꞌãktux max. ꞌÃpu mõg yãy pet hah. Xipꞌah yãmĩy kummuk ꞌãk-tok kopah. Yãꞌ mõg. Kaxĩy.
\p
\v 30 Tu taꞌ mõg ꞌũhũn yãy pet hah, tu nũktuꞌ xupep, paꞌ xip ꞌũk-tok hex, tu mĩmpe mõꞌyõnꞌax yĩmũꞌ pip, ha yãmĩy kummuk xipꞌah ꞌũkopah.
\s Tik yĩpkox hok, tu hãmꞌãktux yũmmũg ꞌohnãg
\p
\v 31 Ha taꞌ xip Yeyox kõmẽn Tinok yĩkak, tu taꞌ mõg, tu kõmẽn Xinõm hãꞌ tep, tu Kõmẽn teꞌ 10 yõg hãpxexka tep, tu mõktu kõnãg xexka Ganinet tuꞌ xupep.
\v 32 Ha taꞌ nũn tikmũꞌũn, tuꞌ nũnnãhã tihik, yãꞌ yĩpkox hok, tu hãmꞌãktux yũmmũg ꞌohnãg. Tikmũꞌũn te Yeyox puꞌ xak, puyĩy tik yĩmũꞌ yĩm xex, puyĩy hittupmãꞌ.
\v 33 Ha taꞌ mõg Yeyox xix tihik tikmũꞌũn xohix kũnãpah. Yeyox te yãy yĩpkutok hãꞌ nõy yĩpkox ꞌãpit, tuꞌ yĩynĩn, tuꞌ yĩkox hep hãꞌ nõy yõyxõg ꞌãpit yãy yĩpkutok yã,
\v 34 tu pexkox pẽnãhã pepix, tu xit xut xexkah, tu:
\p —‍“Epatah!” Kaxĩy. Yã tikmũꞌũn yĩyꞌax hã: “Pu yã ꞌãyĩpkox xõn, nũy hãmꞌãpax!” Kaxĩy.
\v 35 Haꞌ yĩpkox max, tu hãmꞌãpak, haꞌ yõyxõg max, tu hãmꞌãktux max.
\p
\v 36 Ha Yeyox te tikmũꞌũn xat puyĩy nõm ꞌãktux hok. Yeyox teꞌ xat punethok hã kaxĩy, pa tikmũꞌũn te nõm ꞌãktux punethok,
\v 37 ha tikmũꞌũn teꞌ xupak, tuꞌ kuxa teꞌ yẽy, tu:
\p —‍Tik te hãpxopmã max xeꞌẽgnãgꞌ Tute tik yĩpkox hok xupakgãhãꞌ, tu tik te hãmꞌãktux yũmmũg ꞌohnãg xat, puyĩy hãmꞌãktux! Kaxĩy.
\c 8
\s Yeyox te tikmũꞌũn teꞌ 4,000 pu xitꞌax popmãhãꞌ
\p
\v 1 Hãpxip ha taꞌ yãy tu nũꞌnãhã tikmũꞌũn xohix, tu yõg xitꞌax pipꞌah. Haꞌ xip Yeyox, tu yãy yõg tik te 12 xop xãnãhãꞌ, tu:
\p
\v 2 —‍ꞌÃte tikmũꞌũn kuxa kaꞌ, yã ꞌãmnĩy tikoyuk hãꞌ pip tikmũꞌũn ꞌũgmũtik, ta hõnhã ꞌũyõg xitꞌax ꞌũm pipꞌah.
\v 3 ꞌŨmã hok, ha ꞌãte tikmũꞌũn mõꞌpok ꞌũpet hah, puxix xakux putat kopah, ꞌũpuꞌuk tuꞌ. Yã hãptox tuꞌ nũn tikmũꞌũn. Kaxĩy.
\p
\v 4 Ha Yeyox yõg tik xop te:
\p —‍Tep-te tikmũꞌũn pu xitꞌax hãmenex nũnte hãm panip xexka tuꞌ? Yãꞌ pipꞌah xitꞌax. Yã tikmũꞌũn xohix. Kaxĩy.
\p
\v 5 Ha Yeyox te:
\p —‍Pãm xohix texĩy ꞌõgnũ? Kaxĩy.
\p Ha:
\p —‍ꞌŨxohix teꞌ 7. Kaxĩy.
\p
\v 6 Ha tikmũꞌũn xat, pu hãm tuꞌ mãm, tu pãm teꞌ 7 pop, tu Topa pu hãmꞌãktux, hu:
\p —‍Xate ꞌũgmũꞌã pãm popmãhãꞌ. ꞌÃmax. Kaxĩy.
\p Yeyox te pãm koxip, tu yãy yõg tik xop puꞌ popmãhãꞌ, puyĩy tikmũꞌũn pu popmãꞌ.
\v 7 Ha taꞌ pip mãhãm kamah, yãꞌ xohixꞌah, ha Yeyox te Topa pu mãm ꞌãktux, tu yãy yõg tik xop puꞌ popmãhãꞌ, puyĩy tikmũꞌũn puꞌ popmãꞌ,
\v 8 ha tikmũꞌũn teꞌ mãhãꞌ, tu mõktu xe xit putupꞌah, yã puxix, ha Yeyox yõg tik xop teꞌ xitꞌax yãgnãg yãy tu nũꞌxok manax teꞌ 7 hã nũꞌxip.
\v 9 Yã tikmũꞌũn xohix teꞌ 4.000 teꞌ mãhã pãm xix mãhãm.
\p Ha ta tikmũꞌũn mõꞌpok hatoꞌa Yeyox teꞌ,
\v 10 tu taꞌ mõg yãy yõg tik xop mũtik, tu mĩpkox hãꞌ mõxahaꞌ, tu taꞌ mõg tu mõktuꞌ mõxaha hãpxexka Namãnot tuꞌ.
\s Peniye xop te Yeyox tuꞌ xak, puyĩy hãpxopmã kaꞌok xeꞌẽgnãg
\p
\v 11 Ha taꞌ nũn Paniye xop, tu Yeyox mũtik hãmꞌãktux, tup-tup, puyĩy Yeyox hãmꞌãktux kummuk, hu ta tuꞌ xak, puyĩy hãpxopmã kaꞌok xeꞌẽgnãg, pu tikmũꞌũn pẽnãꞌ, puyĩy tikmũꞌũn yũmmũg Topa te Yeyox kaꞌogãhãꞌ,
\v 12 ha Yeyox te xit xut xexka, tu:
\p —‍Teptu tikmũꞌũn te hãpxopmãꞌax kaꞌok xeꞌẽgnãg xak, puyĩy tikmũꞌũn pẽnãꞌ. ꞌÃte xa hãmꞌãktux, ꞌãte xa hãpxopmã kaꞌok xeꞌẽgnãg putupꞌah, xayĩy pẽnãꞌ. Kaxĩy.
\p
\v 13 Tu taꞌ mõg Yeyox xix yãy yõg tik xop, tu mĩpkox hãꞌ mõxahaꞌ, tu taꞌ mõg, tu kõnãg xexka xak.
\s Paniye xop yõg pãm tokatokgãꞌax xix ꞌEnot yõg
\p
\v 14 Ha Yeyox yõg tik xop yõg pãm ꞌũm xipꞌah, yãꞌ xaxok. Yã pãm puxet xip mĩpkox kopah,
\v 15 ha Yeyox te:
\p —‍Pa ꞌãtix. ꞌŨkummuk Paniye xop yõg pãm yõg tokatokgãꞌax xix ꞌEnot yõg. Kaxĩy.
\p Yã ꞌap tokatokgãꞌax ꞌãktuxꞌah, pa yã ꞌũyõg hãmyũmmũgãꞌax.
\p
\v 16 Ha Yeyox yõg tik xop te yãy mũtik hãmꞌãktux punethok, tu:
\p —‍Hamũn. Yũmũ yõg pãm ꞌũm xipꞌah, yĩy ta nõm ꞌãktux. Kaxĩy.
\p
\v 17 Ha Yeyox teꞌ xupak, tu:
\p —‍Teptu yãy mũtik hãmꞌãktux pãm ꞌũm xipꞌah? ꞌOk ꞌãxop teꞌ yũmmũg ꞌohnãg yõgnũ hãmꞌãktux? Texĩy ꞌãp-tox kaꞌok?
\v 18 ꞌÃpa te hãmpẽnã ꞌohnãg, xix ꞌãyĩpkox te hãmꞌãpak ꞌohnãg. ꞌOk ꞌũxutigãhã
\v 19 ꞌãte pãm teꞌ 5 koxip, nũy tikmũꞌũn teꞌ 5.000 puꞌ popmãꞌ? ꞌŨmã kux, ha pãm yãgnãg xeꞌ pip, manax hã nũꞌxip. ꞌÃxop te manax xohix texĩy pop? Kaxĩy.
\p Haꞌ:
\p —‍12. Kaxĩy.
\p
\v 20 Ha Yeyox te xe:
\p —‍ꞌÃte pãm teꞌ 7 koxip, nũy tikmũꞌũn teꞌ 4.000 puꞌ popmãꞌ. ꞌŨmã kux, ha pãm yãgnãg xeꞌ pip, manax hã nũꞌxip. ꞌÃxop te manax xohix texĩy pop? Kaxĩy.
\p Haꞌ:
\p —‍7. Kaxĩy.
\p
\v 21 Ha Yeyox te:
\p —‍ꞌOk ꞌãxop te hãmyũmmũg nõmhãꞌ? Kaxĩy.
\s Yeyox xix tik pa hok Metxax tuꞌ
\p
\v 22 Tu taꞌ mõg Yeyox xix yãy yõg tik xop, tu mõktuꞌ mõxaha xiptuxexka Metxax tuꞌ, ha taꞌ nũn tikmũꞌũn, tu tik pa hok nũnnãhãꞌ, tu Yeyox tuꞌ xak, puyĩy ꞌũyĩm xex tik yĩmũꞌ, nũy hittupmãꞌ.
\v 23 Ha Yeyox teꞌ nõy yĩm mũg, tu taꞌ mõg tik mũtik tikmũꞌũn xohix kũnãpaꞌ, tu yĩypuꞌĩn tik pa kopah, tu nõy yĩmũ yãy yĩm xex, tu:
\p —‍ꞌOk hãpxop pẽnãhãꞌ? Kaxĩy.
\p
\v 24 Ha tik te hãmpẽnãhãꞌ, tu:
\p —‍ꞌÃteꞌ pẽnãhã tihik, pa yã mĩm te hãpkumep putuk. Kaxĩy.
\p
\v 25 Ha Yeyox te xe yãy yĩm xex tik pa yĩmũꞌ, ha tik te hãmpẽnã mõꞌkaꞌok, tu hãmpẽnã max xeꞌẽgnãg. Yãꞌ hittup.
\v 26 Ha Yeyox te tik xat, puꞌ pet ha mõg, puyĩy xiptuxexka tu mõg hok.
\s Pet te hãmꞌãktux max
\p
\v 27 Tu taꞌ mõg Yeyox xix yãy yõg tik xop tu xiptuxexka Pinip yõg Xeyanet tuꞌ.
\p Yeyox te tik pu hãmꞌãktux, hu:
\p —‍Putep xuktux tikmũꞌũn? ꞌŨꞌũm ꞌũgmũn? Kaxĩy.
\p
\v 28 Ha tik te:
\p —‍Yãꞌ yãg te: “Yã Yoãm, nõm tep-tox pix.” Kaxĩy. Ha taꞌ yãg nõy te: “Yã ꞌEnit.” Kaxĩy. Ha taꞌ yãg nõy te: “Yã nõm te Topa pupi hãmꞌãktux.” Kaxĩy.
\p
\v 29 Ha Yeyox te:
\p —‍Xix ꞌãxop, putep xuktux ꞌãxop, ꞌũꞌũm ꞌũgmũn? Kaxĩy.
\p Ha Pet te:
\p —‍Yã Topa te ꞌãyãykutnãhãꞌ. Kaxĩy.
\p
\v 30 Ha Yeyox te tik xat, puyĩy nõm ꞌãktux hok.
\s Yeyox teꞌ xuktux ꞌũxok putup, tu putpuꞌ hip-tup
\p
\v 31 Tu ta hãmꞌãktux Yeyox te yãy yõg tik xop pu, tu:
\p —‍ꞌŨgmũn, yã Tikmũꞌũn Kutok, tuk xũy xexkap-tup, yã Yoneo xop yõg xexka xop tek putup nõg putup, xix ꞌãmãnex xexka xop teꞌ, xix tik te hãmyũmmũg xop teꞌ, tuꞌ nõy xat putup, puyĩy ꞌũkputex. ꞌŨkxok xeꞌe putup, pa ꞌãmnĩy tikoyuk nõg, ꞌĩhã putpuk hip-tup. Kaxĩy.
\p
\v 32 Yã hãmꞌãktux xeꞌe Yeyox teꞌ, ha Pet te:
\p —‍ꞌÃmhok. Kaxĩy hok! Kaxĩy.
\p
\v 33 Ha Yeyox yõkãnãm, nũy yãy yõg tik xop pẽnãꞌ, nũy Pet pu hãmꞌãktux, hu:
\p —‍ꞌÕg hãmꞌãktuxꞌax yã Hãmgãyãgnãg yõg. ꞌÃpu ꞌũkxãmpa mõg! Xate hãmpeꞌãpaxex, yã tikmũꞌũn te hãmpeꞌpaxex putuk, yã ꞌap Topa te hãmpeꞌpaxex putukꞌah. Kaxĩy.
\p
\v 34 Tu ta tikmũꞌũn xãnãhã Yeyox te, xix yãy yõg tik xop xãnãhãꞌ, haꞌ nũn, ha Yeyox te:
\p —‍Tikmũꞌũn tek mũn mũtik hãpkumep putup, puxix yãy kutõgnãg peꞌpaxex, puxix yãy yõg putupꞌax mĩy ꞌohnãg, nũy ꞌãmnĩy xohix hãꞌ yãy yõg mĩpkupnix tat, nũy xũy, nũy ꞌũkxũy putuk, tuk mũn mũtik hãpkumep putup nõmhãꞌ.
\v 35 Ha tikmũꞌũn teꞌ yãy xaxok hok, puxix tuꞌ hi xeꞌe ꞌohnãg, pa tikmũꞌũn xok ꞌũgmũn hah, puxix tu hip-tup mõkumaꞌ mõg, tu hi kux ꞌohnãg.
\v 36 Teptu hãm xexka yõg hãpxop xohix pop, pãyãꞌ xok? ꞌŨp-texop, tuꞌ xok, tu hãpxop xohix xaxok, ꞌũxok tuꞌ, puxixꞌ hok xeꞌẽgnãg.
\v 37 ꞌOk max, pu tikmũꞌũn putexop xexkah, tu hãm xexka yõg tayũmak xohix xexka pop, paꞌ xok? ꞌAꞌ maxꞌah. Yãꞌ xok, tu tayũmak xohix xaxok, tu hok xeꞌẽgnãg, ha tayũmak xohix te tikmũꞌũn putpuꞌ hĩnnã hok.
\v 38 Tikmũꞌũn tek mũn hã yãyhãhup, xix yõgnũ hãmꞌãktux ha yãyhãhup, yã ꞌũnõy xop pu yãyhãhup, hu: “ꞌAgmũn Yeyox yõgꞌah.” Kaxĩy. Kopxix ꞌãte nõm hã yãyhãhup, ꞌũyãnãn tuꞌ. ꞌÃtak Topa pu ꞌãte nõm xop hã yãyhãhup, ꞌĩhãg nũn, tu: “ꞌÕhõm ꞌaꞌ yõgꞌah.” Kaxĩy. ꞌĨhãg xexka xeꞌẽgnãg nũn ꞌãtak Topa putuk, xix pexkox yõg nũꞌpok xop putuk.
\c 9
\p
\v 1 Tu ta xe hãmꞌãktux Yeyox te, hu:
\p —‍ꞌÃte xa hãmꞌãktux, yãꞌ pip tikmũꞌũn nũnteh, tu xakix hãmãxapꞌah, paꞌ pẽnãp-tup hãmãxap Topa te yãy yõg tikmũꞌũn xat xeꞌe putup, haꞌ yĩpkox pip putup. Kaxĩy.
\s Yeyox, xix Mõyyex, xix ꞌEnit
\p
\v 2 Ta ꞌãmnĩy xohix teꞌ 6 nõg, ꞌĩhãꞌ mõg Yeyox, tu Pet mõgãhãꞌ, xix Tiak, xix Yoãm, tuꞌ nõy mõgã ꞌohnãg, tuꞌ mõg yĩktix tox tuꞌ, tuꞌ mõxahaꞌ, haꞌ xip Yeyox tik keppah, tu yãyhã kuyãnãm putuk,
\v 3 haꞌ topixxax yãyhã ꞌũmnok tũmnãg, tu yõg kuyãnãm pip. Yã tikmũꞌũn te topixxax pix hã kaxĩy yũmmũg ꞌohnãg.
\v 4 Ha tik tikoyuk teꞌ pẽnãhã ꞌEnit te Yeyox mũtik hãmꞌãktux, xix Mõyyex teꞌ,
\v 5 ha Pet te Yeyox pu hãmꞌãktux, hu:
\p —‍Yãyã, yãꞌ max yũmũg pip nũnteh. ꞌŨgmũꞌãte xaꞌ mĩy putup ꞌãpetnãg, yã ꞌõgnũꞌ, xix Mõyyex yõg, xix ꞌEnit yõg. Kaxĩy.
\p
\v 6 Yãꞌ kuxa nõg tihik, yĩy hãmꞌãktux hitop Pet teꞌ.
\v 7 Hãpxip ꞌĩhãꞌ nũn hãmgõy xexkah, nũktu kũyãnãm mõꞌnĩy, ha Topa te hãmꞌãktux hãmgõy xexka kopah, hu:
\p —‍Yã ꞌũgkutok pit nõꞌõm. ꞌÃte mõꞌyãy xeꞌẽgnãg. ꞌÃpu ꞌũyõg hãmꞌãktux ꞌãpax! Kaxĩy.
\p
\v 8 Ha tik te yãy yĩmap pẽnãhã mõꞌkaꞌok, pa Yeyox puxet pẽnãhãꞌ. Yãꞌ nõy pipꞌah.
\p
\v 9 Tu ta yĩktix hã kukpa yĩxohoh Yeyox xix tihik, ha Yeyox te:
\p —‍ꞌÃpu hãmpẽnãꞌax ꞌãktux hok. Nãy. ꞌŨgmũn Tikmũꞌũn Kutok te putpuk hip-tup, ha nõmhã nõm ꞌãktux putup. Kaxĩy.
\p
\v 10 Ha tik te nõm ꞌãktux ꞌohnãg, pa yãy yĩkopit, hu:
\p —‍Putep xuktux ꞌũputpuꞌ hip-tup? Kaxĩy.
\p
\v 11 Tu Yeyox pu yĩkopit, hu:
\p —‍Teptu tik te hãmyũmmũg xop te hãmꞌãktux ꞌEnit nũn putup hãmãxap? Kaxĩy.
\p
\v 12 Ha Yeyox te:
\p —‍Hamũn, ꞌEnit nũn hãmãxap, nũy hãmmaxnãꞌ. Pa Topa tappet tu hãmꞌãktux ꞌũgmũn Tikmũꞌũn Kutok xũy putup, ha tikmũꞌũn tek putup nõg putup,
\v 13 pa ꞌãte xa hãmꞌãktux, hõmã yãꞌ nũn ꞌEnit nũnteh, ha tikmũꞌũn teꞌ kuteꞌex kummuk pax. Yã hõmã Topa tappet tu hãmꞌãktux, hu:
\p —‍Tikmũꞌũn te ꞌEnit kuteꞌex kummuk putup. Kaxĩy.
\s Yeyox te kakxop hittupmãhãꞌ
\p
\v 14 ꞌŨpip Yeyox yõg tik xop, tu tik te hãmyũmmũg xop mũtik hãmꞌãktux,
\v 15 ha tikmũꞌũn xohix pip ꞌũyĩmap, tu Yeyox pẽnãhãꞌ, huꞌ nũn, nũy Yeyox mũtik hãmꞌãktux.
\v 16 Ha Yeyox te yãy yõg tik xop pu hãmꞌãktux, hu:
\p —‍Putep ꞌãktux ꞌãxop yãy mũtik? Kaxĩy.
\p
\v 17 Ha taꞌ xip tihik tikmũꞌũn kopah, tu:
\p —‍Notot, ꞌãte yãy kutok pit nũnnãhãꞌ, yãꞌ kopaꞌ xip yãmĩy kummuk, ha ꞌũgkutok te hãmꞌãktux yũmmũg ꞌohnãg.
\v 18 Yãmĩy kũmmuk teꞌ mũkpax, tu hãm tu mõꞌyõnpax, haꞌ yĩkox hãꞌ konnoppax, tuꞌ xox hãꞌ nõy nahatpax, huꞌ puꞌuk ꞌũgkutok. Ha ꞌãte yãy kutok nũnnãhã, puyĩy ꞌõgnũ tik xop yãmĩy kummuk xut, paꞌ xut yũmmũg ꞌohnãg. Kaxĩy.
\p
\v 19 Ha Yeyox te:
\p —‍Yã tik kuxa mãm kutõgnãg ꞌũgkopah! ꞌÃmnĩy xohix texĩy hãg nox xipꞌax ꞌãxop mũtik, xayĩy ꞌãkuxa mãm? ꞌÃmnĩy xohix texĩy hã ꞌãte ꞌõg hãpkummuk hã tot putup? ꞌÃpuꞌ nũnnã ꞌãk-tok. Kaxĩy.
\p
\v 20 Yãꞌ nũnnãhãꞌ, ha yãmĩy kummuk te Yeyox pẽnãhãꞌ, tu kakxop yãy nuhugã kaꞌok, haꞌ nãhãꞌ, tuꞌ yõkanãm nãꞌ mõg, tuꞌ yĩkox hã konnop.
\v 21 Ha Yeyox te ꞌãtak pu hãmꞌãktux, hu:
\p —‍Hãmyãxatamuk xohix texĩy hãꞌ kummuk hã kaxĩy? Kaxĩy.
\p Ha ꞌãtak te:
\p —‍Yã hõmã yãꞌ puꞌũgnãg xix hõnhãꞌ.
\v 22 Yã yãmĩy kummuk te mõ nõy yõn punethok kuxap kopah, xix kõnãg kopah, nũy putex. Xate hãpxopmã yũmmũg, hu tak mũꞌã teh. ꞌÃpu ꞌũgmũg kuxa kaꞌ. Kaxĩy.
\p
\v 23 Ha Yeyox te:
\p —‍ꞌOk ꞌãte xa hãpxopmã yũmmũg? ꞌOk ꞌãkuxa yũm kaꞌok? Yã ꞌãteꞌ kuxa mãm kaꞌok xop pu hãpxopmã xohix yũmmũg. Kaxĩy.
\p
\v 24 Ha hãmꞌãktux kaꞌok, hu:
\p —‍Yã ꞌũgkuxa yũm ꞌãkopah. ꞌÃpu ꞌũgkaꞌogãꞌ, ꞌũyĩy ꞌũgkuxa yũm kaꞌok punethok. Kaxĩy.
\p
\v 25 Ha tikmũꞌũn xohix yĩnnãhãꞌ tuꞌ nũn, ha Yeyox te yãmĩy kummuk xat, hu:
\p Yãmĩy kummuk, xateꞌ nõy yĩpkox hogãhãꞌ. Yãmĩy kummuk, ꞌãpep, nũy putpu mõnã hok. Kaxĩy.
\p
\v 26 Ha yãmĩy kummuk te hãmꞌãktux kaꞌok, tu kakxop yãy nuhugã xexkah, tu taꞌ mõg, ha taꞌ pip kakxop, ha tikmũꞌũn te:
\p —‍Yãꞌ xok. Kaxĩy.
\p
\v 27 Pa Yeyox teꞌ nõy yĩm hãꞌ mũg, tuꞌ yĩm xĩnnãhãꞌ, hak-nĩhãꞌ xip.
\p
\v 28 Ha taꞌ mõg Yeyox, tu mõktu mĩptut hã mõꞌnãhãꞌ, ha Yeyox yõg tik xop te:
\p —‍Teptuk mũꞌãte yãmĩy kummuk xut yũmmũg ꞌohnãg?
\p
\v 29 Ha:
\p —‍Tikmũꞌũn te Topa pu hãmꞌãktux. Hã kaxĩy nõm yãmĩy kummuk xut. Kaxĩy.
\s Yeyox te xe hãmꞌãktux ꞌũxok putup, tu putpuꞌ hip-tup
\p
\v 30 Tu taꞌ mõg Yeyox yãy yõg tik xop mũtik, tu mõktu hãpxexka Ganinet tu hãpkumep. Yeyox te yãy xaptop putup, puyĩy tikmũꞌũn pẽnã hok,
\v 31 yã yãy yõg tik xop pu hãmyũmmũgãhãꞌ, tu:
\p —‍Tik teꞌ gãy xop mõgãp-tup, puyĩy ꞌũgmũy, nũy ꞌũkputex, yã Tikmũꞌũn Kutok putex, hak xok putup, pa ꞌãmnĩy tikoyuk nõg ꞌĩhã putpuk hip-tup. Kaxĩy.
\p
\v 32 Pa tik te Yeyox yõg hãmꞌãktux yũmmũg ꞌohnãg, paꞌ kuxa nõg, hu xe yĩkopit ꞌohnãg.
\s Tik ꞌũm xexkanãm
\p
\v 33 Taꞌ mõg Yeyox yãy yõg tik xop mũtik, tu mõktu kõmẽn Kapãnãm tuꞌ mõxahaꞌ, tu mĩptut hãꞌ mõxahaꞌ. Yeyox te tik te 12 xop pu hãmꞌãktux, hu:
\p —‍ꞌÃxop te putep yãy mũtik hãmꞌãktux putat kopah? Kaxĩy.
\p
\v 34 Pa yãꞌ yẽy. Yã tik te hãmꞌãktux, hu:
\p —‍Tik ꞌũm xexkanãm Yeyox yõg tik xop kopah? Kaxĩy.
\p
\v 35 Yeyox yũm, tuꞌ xãnãhã yãy yõg tik xop, haꞌ nũn, ha:
\p —‍ꞌOk xatep-tup, xayĩy xexkah? ꞌÃpu yãy kutõgnãg peꞌãpaxeh, nũy nõy pu ꞌãhãm, yãꞌ xohix yõg kãmãnat. Kaxĩy.
\p
\v 36 Yeyox te kakxop pahaꞌ, tu tik xop kopaꞌ xix, tuꞌ nõy yĩmũꞌ yĩm xex, tu:
\p
\v 37 —‍Tikmũꞌũn ꞌũm te kakxop te kaxĩy putup, nũy kakxop pẽnãꞌ, ꞌũkputuppax tuꞌ. Yã nõm tek putup kamah. Tikmũꞌũn ꞌũm tek putup, yã Topap-tup kamah, yã nõm te nũgkutnãhãꞌ. Kaxĩy.
\s Tikmũꞌũn te yũmũg hãꞌ gãy ꞌohnãg, puxix yũmũg hã xapeꞌ
\p
\v 38 Ha Yoãm te:
\p —‍Yãyãꞌ, ꞌŨgmũꞌãteꞌ pẽnãhã tihik, ha yãmĩy kummuk mõy. Tute:
\p “Yeyox te ꞌã yãy ꞌãxetꞌax hõm, ꞌũyĩy yãmĩy kummuk mõy. Yãmĩy kummuk, ꞌãpep!” Kaxĩy.
\p Hak mũꞌãte:
\p “ꞌÃmhok! ꞌŨmõy hok!” Kaxĩy.
\p Yã tik xipꞌah ꞌũgmũg xop kopah. Kaxĩy.
\p
\v 39 Ha Yeyox te:
\p —‍Kaxĩy hok. Yãꞌ max. ꞌÃte yãy ꞌãxetꞌax hõm, puyĩy yãmĩy kummuk mõy, puxix tik ꞌũgmũn ꞌãktux kummuk putupꞌah.
\v 40 Yã yũmũg hãꞌ gãy ꞌohnãg, puxix yũmũg hã xape tikmũꞌũn.
\v 41 ꞌÃpu ꞌũxaxok hok, tikmũꞌũn te xa kõnãg tat, ꞌũkuxa mãm ꞌũgkopah tuꞌ, puxix Topa nõm hã maxnãꞌ. Kaxĩy.
\s Pa ꞌãtix. Hãpkummuk mĩy hok
\p
\v 42 Tu xe:
\p —‍Tikmũꞌũn ꞌũm teꞌ kuxyãhã kakxop kutõgnãg kuxa yũmꞌax ꞌũgkopah. Yãꞌ max, pu nõm kummuk xop xuknĩkup tu mĩkaxxap xexka hĩy poxit hã, nũy kõnãg xexka kopa mõꞌyõn.
\v 43 Paxpu ꞌãyĩm te ꞌãkummugãꞌ, xayĩy hãpkummuk mĩy, ꞌãpu kuyut, nũy ꞌũxak, nũy putyõn. Yãꞌ max, pexkox hã mõnãy ꞌãyĩm puxet hã. Paꞌ kummuk, ꞌũnõy te ꞌãxix kuxap kopah, ha ꞌãyĩm tix pip. Yã kuxap xok ꞌohnãg.
\v 44 Yã ꞌũk-tox nõy nãꞌ mõg putup hãpxop xohix, ha kuxap xok ꞌohnÃg.
\v 45 Paxpu ꞌãpata te ꞌãkummugã, xayĩy hãpkummuk mĩy, ꞌãpu kuyut, nũy ꞌũxak, nũy putyõn. Yãꞌ max, pexkox hã mõnãy ꞌãpata puxet hã. Paꞌ kummuk, ꞌũnõy te ꞌãxix kuxap kopah, ha ꞌãpata tix pip.
\v 46 Yã ꞌũk-tox nõy nãꞌ mõg putup hãpxop xohix, ha kuxap xok ꞌohnãg.
\v 47 Paxpu ꞌãpa te ꞌãkummugã, xayĩy hãpkummuk mĩy, ꞌãpu ꞌũxut, nũy putyõn. Yãꞌ max, Topa yõg xop hã mõnãy ꞌãpa puxet hã. Paꞌ kummuk, ꞌũnõy te ꞌãxix kuxap kopah, ha ꞌãpa tix pip.
\v 48 Yã ꞌũk-tox nõy nãꞌ mõg putup hãpxop xohix, ha kuxap xok ꞌohnãg.
\p
\v 49 Kuxap te pipkup kopit, peꞌ max peꞌ kummuk. Hã kaxĩy Topa te tikmũꞌũn yõg hãpxopmãꞌax kopit putup.
\v 50 Tikmũꞌũn teꞌ putyõn ꞌãmotxuxpex kummuk. Hã kãxĩy Topa te hãpkummuk mĩy xop putyõn putup. Pa ꞌãpu hãmmax mĩy, nũy tikmũꞌũn pu hãmmaxnãꞌ. Kaxĩy.
\c 10
\s ꞌOk ꞌĩpxox teꞌ xetut nĩm, puꞌ kummuk
\p
\v 1 Tu taꞌ mõg Yeyox hãpxexka Yonex tuꞌ, tu kõnãg kox Yohnãm xak. Ha taꞌ yãy tu nũꞌnãhã tikmũꞌũn xohix Yeyox yĩmãp ꞌũxehet, ha xe tikmũꞌũn pu hãmyũmmũgãhãꞌ. Yã Yeyox te hãmyũmmũgã pax.
\v 2 Ha taꞌ nũn Paniye xop, tup-tup, puyĩy Yeyox koit, tu:
\p —‍Putep kaxꞌãmi yũmũ yõg xatꞌax yõg tappet tu? Topa te putep xat? ꞌOk xat, pu tik xetut nĩm? Kaxĩy.
\p
\v 3 Ha Yeyox te:
\p —‍Mõyyex te putep xat? Kaxĩy.
\p
\v 4 Ha:
\p —‍Mõyyex teꞌ xat, pu tik tappet kaxꞌãmi, nũy xetut nĩm, puyĩy xetut mõg. Kaxĩy.
\p
\v 5 Ha Yeyox te:
\p —‍Hamũn. Hõmã tikmũꞌũn yĩpkox ꞌohnãg, yĩyꞌ xatꞌax te kaxĩy kaxꞌãmiꞌ.
\v 6 Pa ꞌãmhok. Hõmã Topa teꞌ mĩy hãhãm xix hãpxop xohix, ꞌĩhã Topa yõg tappet te: “Topa teꞌ mĩy tihik xix ꞌũhũn,
\v 7 yĩy ta tik teꞌ tak nĩm xiꞌ tut, nũy xetut mũtik yãytax,
\v 8 ha nõmhãp-xet. Yãꞌ tixꞌah ꞌĩpxox xix xetut, yãp-xet.
\v 9 Yã Topa te yãytagãhãꞌ, ha tikmũꞌũn te nõm nĩmmãhãꞌ, puꞌ kummuk. Kaxĩy.
\p
\v 10 Taꞌ mõg Yeyox xix yãy yõg xop, tu nũktu mĩptut hãꞌ mõxahaꞌ, ha Yeyox yõg tik xop te:
\p —‍Putep xuktux hatoꞌah? Kaxĩy.
\p
\v 11 Ha Yeyox te:
\p —‍ꞌĨpxox teꞌ xetut nĩm, nũy nõy mũy, yã hãpkummuk mĩy. Yãꞌ nõy hãꞌ xupxet.
\v 12 Ha taꞌ xetut te ꞌĩpxox nĩm, nũy nõy mũy, hã hãpkummuk mĩy. Yãꞌ nõy hãꞌ xupxet. Kaxĩy.
\s Yeyox xix kakxop
\p
\v 13 Hãpxip ꞌĩhã tikmũꞌũn te kakxop nũnnãhã Yeyox tuꞌ, puyĩy Yeyox kakop pu hãmmaxnãꞌ, pa Yeyox yõg tik xop te:
\p —‍ꞌÃmhok, ꞌũnũnnã hok. Kaxĩy.
\p
\v 14 Pa Yeyox teꞌ xupak, tup-tup nõg, tu:
\p —‍ꞌŨtux, puk ha nũꞌ kakxop. Hãmꞌãktux hok, hu: “ꞌŨnũnnã hok.” Kaxĩy. Yã Topa te yãy yõg tikmũꞌũn xat, haꞌ yĩpkox pip. Yã nõm xop te kakxop putuk.
\v 15 ꞌÃte xa hãpxeꞌe ꞌãktux: Kakxop yĩpkox pip Topa xatꞌax puꞌ, ha Topa tep-tup, pu tikmũꞌũn yĩpkox pip kamah, kakxop putuk, nũy Topa yõg tikmũꞌũn kopaꞌ piꞌ. Kaxĩy.
\p
\v 16 Yeyox te kakxop yĩmũꞌ yĩm xex, tu kakxop pu hãmmaxnãhãꞌ.
\s Tik ꞌũp-texop xexkaꞌ
\p
\v 17 Tu ta xeꞌ mõg Yeyox, tuꞌ mõg kutõgnãg, ha ta nũꞌxupaha tihik, tu nũktu Yeyox keppaꞌ kopaxux hãꞌ xip, tu:
\p —‍Notot max, ꞌãte putep mũn mĩy putup, nũy hi xeꞌẽgnãg mõkumakmõg, haꞌ kux ꞌohnãg? Kaxĩy.
\p
\v 18 Ha Yeyox te
\p —‍Teptu xate: “Notot max”? Kaxĩy. Yã Topa ꞌũmax, yãp-xet ꞌũmax, ha taꞌ nõy max ꞌohnãg.
\v 19 Xateꞌ yũmmũg Topa teꞌ xat, hu: “Tikmũꞌũn putex hok, ꞌãnõy hã xupxet hok, hãm xupxet hok, ꞌãnõy hã kupex kummuk hok, koit hok, ꞌõg ꞌãtak tu ꞌãyĩpkox piꞌ xix ꞌãtut tuꞌ.” Kaxĩy.
\p
\v 20 Ha tik te:
\p —‍Notot, ꞌãteꞌ mĩy xohix. Yã hõmã ꞌũgmũn yã kakxop xix hõnhã hãꞌ mĩy xohix. Kaxĩy.
\p
\v 21 Ha Yeyox te tik pẽnãhãꞌ, tu mõꞌyãy xeꞌẽgnãg, tu:
\p —‍Xate hãpxopmãꞌax puxet xipꞌax hok. Mõg, nũy ꞌõg hãpxop xohix hãmenex, nũy tayũmak pop, nũy ꞌũhok xop puꞌ nĩm, nũy piꞌ ꞌõg hãpxop max xeꞌẽgnãg pexkox kopah, nũy nũꞌ, nũy ꞌũkpe mõg. Kaxĩy.
\p
\v 22 Yã tik te hãmꞌãktux ꞌãpak, tuꞌ yẽy, tuꞌ kuxa hittup ꞌohnãg, tu taꞌ mõg nũpeheh. Yã ꞌũp-texop xexkãnãm.
\p
\v 23 Ha Yeyox te yãy yõg tik xop teꞌ yĩmap pẽnãhãꞌ, tu:
\p —‍Yã ꞌũp-texop xexka kutĩgnãg te Topa yõg putat hãꞌ mõg, Topa yõg xatꞌax puꞌ yĩpkox pip hok tuꞌ. Kaxĩy.
\p
\v 24 Ha Yeyox yõg tik xop teꞌ yẽy, ha Yeyox te:
\p —‍ꞌŨgnix mũnõm xop, yã tikmũꞌũn kutĩgnãg te Topa yõg putat hãꞌ mõg, nũy Topa yõg xatꞌax puꞌ yĩpkox piꞌ. Yã hãpxopmã kaꞌok.
\v 25 Xok xexka kãmẽn te ꞌãmuxnãg ta kup kox hã mõꞌtat hok, ha tap-texop xexka xop te Topa yõg putat hã mõg ꞌohnãg, tu Topa yõg xatꞌax puꞌ yĩpkox pip ꞌohnãg.
\p
\v 26 Ha Yeyox yõg tik xop kuxa teꞌ yẽy, tu yãy mũtik hãmꞌãktux, hu:
\p —‍ꞌOk Topa te tikmũꞌũn kuxa kummuk xit ꞌohnãg? Kaxĩy.
\p
\v 27 Ha Yeyox teꞌ nõy pẽnãhã, tu:
\p —‍Hamũn, Topa tep-texop xexka xop kuxa kummuk xit yũmmũg, nũy kuxa max mõꞌtat ꞌũyãnãn tuꞌ, pa yã tikmũꞌũn te kuxa kummuk xit yũmmũg ꞌohnãg. Kaxĩy.
\p
\v 28 Ha Pet te:
\p —‍Xateꞌ yũmmũg, ꞌũgmũꞌãte yãy yõg hãpxop xohix nĩm, nũy ꞌãpek mũg mõg. Kaxĩy.
\p
\v 29 Ha Yeyox te:
\p —‍ꞌÃte xa hãpxeꞌe ꞌãktux, tikmũꞌũn teꞌ yãy pet nĩm, nũy ꞌũkpe mõg, peꞌ taknõy nĩm, peꞌ pit, peꞌ tutnõy, peꞌ hex, peꞌ tut, peꞌ tak, pek-tok, nũy ꞌũkpe mõg, nũy ꞌũkpupi hãpxopmãꞌ, nũy Topa yõg hãmꞌãpak maxꞌax ꞌãktux.
\v 30 Ha Topa te nõm pu popmãp-tup nũnte hãm xexka tuꞌ, yãꞌ popmãp-tup ꞌũpet xohix teꞌ 100, xiꞌ taknõy 100, xiꞌ pit 100, xiꞌ tutnõy 100, xiꞌ hex 100, xiꞌ tut 100, xik-tok 100, xix hãm teꞌ 100, ha tikmũꞌũn te nõm kuteꞌex kummuk xexkap-tup. Hãpxip ꞌĩhã Topa te nõm hĩnnãp-tup, puyĩy hi xeꞌẽgnãg mõkumaꞌ mõg, haꞌ kux ꞌohnãg.
\v 31 Yã tikmũꞌũn te mãxap yãyhã kaꞌax putup, ha ta kaꞌax xop yãyhã mãxap putup. Kaxĩy.
\s Yeyox te xe hãmꞌãktux ꞌũxok putup, tu putpuꞌ hip-tup
\p
\v 32 Tu taꞌ mõg Yeyox xix yãy yõg tik xop, tu putat hãꞌ mõg kõmẽn Yenoyanẽn tuꞌ, ha Yeyox yõg tik xop te Yeyox peꞌ mõg, ha tikmũꞌũn teꞌ peꞌ mõg kamah, ha Yeyox yõg tik xop kuxa teꞌ yẽy, ha tikmũꞌũn kuxa nõg, ha Yeyox te yãy yõg tik xop mõgãhãꞌ, tu tikmũꞌũn nĩm, tu:
\p
\v 33 —‍ꞌŨyũmmũg? Yũmũg mõg kõmẽn Yenoyanẽn tuꞌ, ha ta ꞌõnte tik te ꞌãmãnex xexka xop mõgãp-tup xix tik te hãmyũmmũg xop mõgãp-tup, puyĩy ꞌũgmũn Tikmũꞌũn Kutok mũy, tu hãmꞌãktux putup, hu:
\p —‍ꞌÃpu ꞌũp-tex! Kaxĩy.
\p Tu puknõg xop puk hõm putup,
\v 34 hak mũn ꞌãktux kummuk putup, tuꞌ yĩypuꞌĩn putup, tuk kix putup, tuk putex putup, hak xok putup. Pa ꞌãmnĩy tikoyuk nõg putup, ꞌĩhã putpuk hip-tup. Kaxĩy.
\s Tiak tep-tup hãpxop xix Yoãm teꞌ
\p
\v 35 Hãpxip ꞌĩhãꞌ nũn Yemeneo kutok Tiak xix Yoãm, nũktu Yeyox pu hãmꞌãktux, hu:
\p —‍Yãyã, ꞌũgmũꞌãtep-tup, xayĩy hãpxopmãꞌ. Kaxĩy.
\p
\v 36 Ha Yeyox te:
\p —‍Putep putup? Kaxĩy.
\p
\v 37 Ha:
\p —‍Hãpxip ꞌĩhã ꞌãyũm putup ꞌũxexka yõg mĩmpe yũmꞌax xeꞌẽgnãg yĩmũꞌ, nũy yãy yõg tikmũꞌũn xat. ꞌÃpuk mũg xat, ꞌũ mãm yãpxet ꞌãyĩm xeꞌe ha xiꞌ nõy ꞌãyĩm xax ha ꞌõnteh. Kaxĩy.
\p
\v 38 Ha Yeyox te:
\p —‍ꞌÃxop teꞌ yũmmũg ꞌohnãg ꞌãxop te nõm putup. Hãpxip ꞌĩhã tikmũꞌũn tek xũygãp-tup, tuk kuteꞌex kũmmuk putup, tup-tex putup. ꞌOk ꞌãxop teꞌ xũy hã kaxĩy tot kamah? Kaxĩy.
\p
\v 39 Ha:
\p —‍Yã hamũn. Kaxĩy.
\p Ha Yeyox te:
\p —‍Yã hamũn. Tikmũꞌũn te ꞌãxop xũygãp-tup, tu ꞌãxop kuteꞌex kummuk putup, tu ꞌãxop kix putup,
\v 40 pa ꞌa ꞌãteꞌ xatꞌah, pa Topa teꞌ xat, pu tikmũꞌũn mãm ꞌũgyĩm xeꞌe ha xix ꞌũgyĩm xax hah, yã ꞌũnõy yõg xipꞌax. Kaxĩy.
\p
\v 41 Ha taꞌ xupak Yeyox yõg tik te 10 teꞌ, huꞌ gãy.
\p
\v 42 Ha Yeyox te yãy yõg tik xohix xãnãhãꞌ, yĩy taꞌ nũn. Yeyox te:
\p —‍ꞌÃxop teꞌ yũmmũg, ꞌũxatꞌax xop teꞌ xat pax ꞌũkuxa mãm kũnãpa pip xop.
\v 43 Pa ꞌãxop kopa hã kaxĩy yãꞌ kummuk. ꞌÃpu Topa kopa kuxa mãm xop xat pax hok. ꞌOk xatep-tup, xayĩy ꞌãxexkaꞌ? ꞌÃpu tikmũꞌũn pu hãpxopmã max, yã tikmũꞌũn yõg kãmãnat max putuk.
\v 44 ꞌOk xatep-tup, xayĩy ꞌãxexkaꞌ? ꞌÃpu tikmũꞌũn xohix yõg kãmãnat putuk.
\v 45 Yã ꞌũgmũn Tikmũꞌũn Kutok nũn nũnte hãm xexka tuꞌ, nũy tikmũꞌũn pu hãpxopmã max, yã tikmũꞌũn yõg kãmãnat putuk. ꞌŨgnũn, nũy tikmũꞌũn pupik xok, nũy tikmũꞌũn xohix kuxa kummuk xit, nũy kuxa max mõꞌtat, ꞌũyãnãn tuꞌ. Kaxĩy.
\s Yeyox xix Matimẽo yã pa hok
\p
\v 46 Tu taꞌ nũn Yeyox xix yãy yõg tik xop, tu nũktuꞌ mõxaha kõmẽn Yenikot tuꞌ. ꞌŨpip kõmẽn tuꞌ, tu taꞌ mõg kõmẽn kũnãpaꞌ, ha taꞌ mõg tikmũꞌũn xohix kamah, paꞌ xip tihik, yã pa hok, yãꞌ xuxetꞌax Matimẽo, yã Timeo kutok. Tik yũm putat pukah, tu tayũmak xak, puyĩy tikmũꞌũn tayũmak nĩm.
\v 47 Ha tikmũꞌũn te hãmꞌãktux Yeyox te kõmẽn Nãyane tuꞌ nũn, ha Matimẽo teꞌ xupak, tu hãmꞌãktux kaꞌok, hu:
\p —‍Yeyox, yã Namix mõkputox, ꞌãpu ꞌũgmũn kuxa kaꞌ! Kaxĩy.
\p
\v 48 Ha tikmũꞌũn te:
\p —‍ꞌÃyĩy hok! Kaxĩy.
\p Pa tik yĩy kaꞌok nõy nãꞌ mõg, hu:
\p —‍Namix mõkputox, ꞌãpu ꞌũgmũn kuxa kaꞌ! Kaxĩy.
\p
\v 49 Ha Yeyox hup, tu:
\p —‍ꞌÃpu tik pa hok nũnnãꞌ. Kaxĩy.
\p Ha tikmũꞌũn te tik pu hãmꞌãktux, hu:
\p —‍ꞌÃkuxa nõg hok. ꞌÃpu ꞌãyok. Tute ꞌãxãnãhãꞌ, xa nũꞌ! Kaxĩy.
\p
\v 50 Ha Matimẽo te yãy kayak putxok, tu pepiꞌ xip, tu taꞌ mõg Yeyox hah, tu mõktuꞌ xupep.
\p
\v 51 Ha Yeyox te:
\p —‍Putep putup, ꞌũ mĩy? Kaxĩy.
\p Ha:
\p —‍Notot, ꞌãtep-tup, ꞌũyĩy hãmpẽnã ꞌũxeheh. Kaxĩy.
\p
\v 52 Ha Yeyox te:
\p —‍Mõg! ꞌÃpa hittup, ꞌãkuxa yũm kaꞌok ꞌũgkopa hah. Kaxĩy.
\p Hãpxip ꞌohnãg ꞌĩhã Matimẽo te xe hãmpẽnãhãꞌ, tu taꞌ mõg Yeyox peheh.
\c 11
\s Yeyox te kõmẽn Yenoyanẽn tuꞌ nũn
\p
\v 1 Ta xeꞌ nũn Yeyox xix yãy yõg tik xop, tu nũktu kõmẽn Yenoyanẽn yĩkaꞌ pip yĩktix ꞌOnimet Kup tuꞌ xiptuxexka Metpaye yĩkaꞌ xix xiptuxexka Metãn yĩkaꞌ. Ha Yeyox te yãy yõg xop xat,
\v 2 hu:
\p —‍Mõg xiptuxexka tuꞌ. Xiptuxexka tu ꞌãmõxap-tup, paꞌ xip putup yomẽnnãg, yãꞌ hĩy, yã tikmũꞌũn te nõm yĩmũꞌ yũm ꞌohnãg. ꞌÃpu ꞌũkoꞌaꞌ, nũy nũnnãꞌ.
\v 3 Ka tikmũꞌũn te: “Teptu ꞌũmõgãhã?” Kaxĩy. Ha ꞌãxop te hãmꞌãktux putup, hu: “Yã ꞌũgmũg xuxyã tep-tup. Hãpxip ꞌĩhãꞌ nũnnãp-tup ꞌũgmũꞌãteꞌ.” Kaxĩy.
\p
\v 4 Ha taꞌ mõg, paꞌ xip yomẽnnãg, ꞌũhĩy hãmyĩkox yĩkaꞌ. Tik teꞌ koꞌaꞌ,
\v 5 ha taꞌ nũn tikmũꞌũn, tu:
\p —‍Teptu yomẽn koꞌaꞌ? Kaxĩy.
\p
\v 6 Ha tik te:
\p —‍Yã ꞌũgmũg xuxyã tep-tup. Hãpxip ꞌĩhãꞌ nũnnãp-tup ꞌũgmũꞌãteꞌ. Kaxĩy.
\p Ha tikmũꞌũn te:
\p —‍ꞌÃpu yomẽnnãg mõgãꞌ. Kaxĩy.
\p
\v 7 Ha taꞌ mõg tihik, tu yomẽnnãg nũnnãhã Yeyox tuꞌ, tu yãy yõg kayak xex yomẽnnãg yĩmũꞌ, ha Yeyox te nõm yĩmũꞌ yũm.
\v 8 Ha ta tikmũꞌũn xohix te putat yĩmũ yãy yõg kayak xatat haꞌ mõg, ha ta tikmũꞌũn xohix nõy te mĩm tuꞌ mep mĩmmãg, tu nõm putat yĩmũꞌ xatat haꞌ mõg.
\v 9 Ha taꞌ mõg tikmũꞌũn Yeyox keppah, ha taꞌ mõg tikmũꞌũn nõy Yeyox peheh. ꞌŨxohix te hãmꞌãktux kaꞌok, hu:
\p —‍Yãꞌ max xeꞌẽgnãg Topah! Topa te nũꞌãkutnãhãꞌ, tu ꞌãkaꞌogãhãꞌ!
\v 10 Yãꞌ max xeꞌẽgnãg, xate yãy yõg tikmũꞌũn xat kõnãmãhãꞌ, hã yĩpkox pip. Xate mõnãyxop Namix putuk, yã tikmũꞌũn xat putup. Yãꞌ max xeꞌẽgnãg Topah! Kaxĩy.
\p
\v 11 ꞌŨnũn Yeyox, tu nũktuꞌ xupep kõmẽn Yenoyanẽn tuꞌ, tu taꞌ mõg, tu mõktu Topa pet xexka hã mõꞌnãhãꞌ, tu hãpxop xohix yĩmap pẽnãhãꞌ. ꞌÃmãxakꞌax ha taꞌ mõg Yeyox xix yãy yõg tik te 12 xop, tu nũktu xiptuxexka Metãn hãꞌ moxahaꞌ.
\s Piget kup
\p
\v 12 Hãptup ha taꞌ mõg Yeyox xix yãy yõg tik xop, ha Yeyox putup xũy,
\v 13 pa hãptox tuꞌ pẽnãhã piget kup, ha yõg mĩxux punethok, ha taꞌ mõg, nũy piget ta pẽnãꞌ, tuꞌ mõg, pa piget ta pẽnã ꞌohnãg, yã mĩxux pẽnãhãꞌ, yã piget ta yõg mõꞌãgmũgꞌah,
\v 14 ha Yeyox te piget kup pu hãmꞌãktux, hu:
\p —‍Tikmũꞌũn te ꞌõg mĩnta xe mãp-tupꞌah. Kaxĩy.
\p Ha Yeyox yõg tik xop teꞌ xupak.
\s Yeyox xip Topa pet xexka tuꞌ
\p
\v 15 ꞌŨnũn Yeyox xix yãy yõg tik xop, tu nũktuꞌ mõxaha kõmẽn Yenoyanẽn tuꞌ, tu taꞌ mõg Topa pet xexka tuꞌ, haꞌ nũn Yeyox, paꞌ pip tikmũꞌũn, tuꞌ nõmenex, tuꞌ pop tayũmak Topa pet xexka kopah, ha Yeyox teꞌ xohix papuk, ha taꞌ mõg hãptopah, ha taꞌ mãm tikmũꞌũn, tu tãyũmak nõy yãnãn, ha Yeyox te yõg mĩmpe xitꞌax putxok, ha taꞌ mãm tikmũꞌũn, tu kuxxuxtut hãmenex, ha Yeyox te yõg mĩmpe yũmꞌax putxok,
\v 16 tuꞌ xat, pu Topa pet xexka kopa hãpxop tat hok,
\v 17 tu tikmũꞌũn pu hãmyũmmũgãhãꞌ, hu:
\p —‍Topa yõg tappet tuꞌ kaxꞌãmi Topa yõg hãmꞌãktux. Yã Topa te: “ꞌŨkpet ꞌãxetꞌax putup ꞌũhep xop xohix yõg Topa pu hãmꞌãktuxꞌax pet.” Kaxĩy. Pa ꞌãxop teꞌ mĩy xupxetꞌax pet, nũy yãy xaptop! Kaxĩy.
\p
\v 18 Yã ꞌãmãnex xexka xop teꞌ xupak xix tik te hãmyũmmũg teꞌ, tu hãmpeꞌpaxex texĩy Yeyox putex, paꞌ yĩpkutuk, yã tikmũꞌũn tep-tup pax Yeyox yõg hãmyũmmũgꞌax.
\p
\v 19 ꞌÃmãxak ha taꞌ mõg Yeyox xix yãy yõg tik xop kõmẽn kũnãpaꞌ.
\s ꞌÃpu ꞌãkuxa mãm Topa kopah
\p
\v 20 Hãptup ha taꞌ mõg Yeyox xix yãy yõg tik xop, tu piget kup yĩkaꞌ mõg, tuꞌ pẽnãhãꞌ, yãꞌ nak piget kup, yãꞌ xexka ꞌũnak,
\v 21 ha Pet teꞌ xutigãhãꞌ, tu Yeyox pu hãmꞌãktux, hu:
\p —‍Notot, pẽnãꞌ. Hõmã xate piget kup mãnõg, ha ta hõnhãꞌ nak. Kaxĩy.
\p
\v 22 Ha Yeyox te:
\p ꞌÃkuxa mãm Topa kopah,
\v 23 hu ta yĩktix pu hãmꞌãktux, hu: “ꞌÃpep, nũy mõg kõnãg xexka tuꞌ”, kaxĩy, puxixꞌ mõg putup kõnãg xexka tuꞌ. ꞌÃkuxa mãm kaꞌok Topa kopah, puxix mõg kõnãg xexka tuꞌ.
\v 24 Yã ꞌãte xa hãmꞌãktux: ꞌÃxop te Topa pu hãmꞌãktux, nũy tatu hãpxop ꞌũm xak. ꞌÃpu ꞌãkuxa mãm Topa kopah, nũy yũmmũg xeꞌe Topa te xaꞌ popmãp-tup, ha Topa te xaꞌ popmãp-tup ꞌũxohix.
\v 25 ꞌÃxop te Topa pu hãmꞌãktux. ꞌÃpu ꞌũxaxogãꞌ, ꞌũnõy te ꞌãkuteꞌex kummuk. ꞌÃpu ꞌũxaxogãꞌ, putuꞌ kux, ha ta pexkox tu Topa teꞌ xaxogap-tup ꞌõg hãpkummuk mĩyꞌax, putuꞌ kux.
\v 26 Xate tikmũꞌũn yõg hãpkummuk mĩyꞌax xaxogã ꞌohnãg, puxix ꞌÃtak pexkox yõg te ꞌõg hãpkummuk mĩyꞌax xaxogã ꞌohnãg. Kaxĩy.
\s Tep-te Yeyox pu yãy ꞌãxetꞌax hõm
\p
\v 27 Taꞌ nũn Yeyox xix yãy yõg tik xop, tu nũktuꞌ mõxaha kõmẽn Yenoyanẽn tuꞌ, tu taꞌ mõg tu mõktu Topa pet xexka hãꞌ mõxahaꞌ, ha taꞌ nũn ꞌãmãnex xexka xop xix tik te hãmyũmmũg xop, xix Yoneo xop yõg xexka xop, tu nũktu Yeyox pu hãmꞌãktux, hu:
\p
\v 28 —‍Tep-te xa yãy ꞌãxetꞌax hõm, xayĩy hãpxopmã nũhũꞌ? Tep-teꞌ xat, xayĩy mĩy? Kaxĩy.
\p
\v 29 Ha Yeyox te:
\p —‍ꞌÃte xa yĩkopit kamah. ꞌÃxop te hãmꞌãktux xeꞌeꞌ, kopxix xa nõm ꞌãktux.
\v 30 ꞌÃpu hãmꞌãktux: Tep-te Yoãm pu yãy ꞌãxetꞌax hõm, puyĩy tikmũꞌũn putox pix? ꞌOk pe Topa te ꞌok pe tikmũꞌũn teꞌ? Tep-teꞌ xat? Kaxĩy.
\p
\v 31 Ha yãy mũtik hãmꞌãktux, hu:
\p —‍Yũmũꞌãte hãmꞌãktux yã Topah, puxix yĩkopit putup, hu: “Teptu ꞌãkuxa mãm ꞌohnãg Yoãm kopah?”
\v 32 Pa yũmũꞌate hãmꞌãktux yã tikmũꞌũn, puxix xok ꞌũm? Kaxĩy.
\p Yã nõm te tikmũꞌũn yĩpkutuk. Yã tikmũꞌũn te hãmpeꞌpaxex Yoãm te Topa pupi hãmꞌãktux.
\v 33 Ha:
\p —‍ꞌĨntuꞌ, ꞌap yũmmũgꞌah ꞌũgmũꞌãteꞌ. Kaxĩy.
\p Ha Yeyox te:
\p —‍Tep-te ꞌã yãy ꞌãxetꞌax hõm, ꞌũyĩy hãpxopmã nũhũꞌ? ꞌÃte xa nõm ꞌãktux putupꞌah kamah. Kaxĩy.
\c 12
\s Kãmãnat kummuk
\p
\v 1 Hãpxip ꞌĩhã Yeyox te tikmũꞌũn pu hãmꞌãktuxꞌax hã hãmyũmmũgãhãꞌ, nũy Topa yõg hãpxopmãꞌax yũmmũgãꞌ, tu:
\p —‍Tik yõg mĩnta ꞌop tox pip hãm xaꞌax xexka kopah, tu hãm pakꞌax mĩy tuꞌ yĩmap, tu hep tatꞌax xexka mĩy, nũy nõm kopa xupyãg mĩy, tu mĩptut tox mĩy, nũy nõm kopa tik xix, puyĩy hãpxop xohix pẽnãꞌ. Tik te kãmãnat puꞌ hõm hãm xaꞌax, puyĩy pẽnãꞌ, tu taꞌ mõg hatoꞌaꞌ.
\v 2 Hãpxip ꞌĩhã mĩnta yãy koxuk, ha hãm xaꞌax yõg xuxyã te tik nũꞌkutnãhãꞌ, puyĩy mĩnta yõg tayũmak pop,
\v 3 ha taꞌ mõg, pa kãmãnat te tik mũg, tuꞌ kix, tu nũꞌkutnãhãꞌ, ꞌũhok tat.
\v 4 Ha hãm xaꞌax yõg xuxyã te xe tik nõy nũꞌkutnãhãꞌ, pa kãmꞌãnat xop te nõm hãpkuteꞌex kummuk kamah, tu tik putox kix.
\v 5 Ha hãm xaꞌax yõg xuxyã te tik nõy nũꞌkutnãhãꞌ, pa kãmãnat xop tep-tex. Ha xeꞌ punethok mõꞌpok, pa kãmãnat xop te yãg kuteꞌex kummuk, tuꞌ yãg kix, haꞌ xakix.
\v 6 Nõmhãꞌ xip yãp-xet, puyĩy mõꞌkutnãꞌ, yã hãm xaꞌax yõg xuxyã kutok pit, ha hãm xaꞌax yõg xuxyã te hãmpeꞌpaxex hu: “Kãmãnat tek-tok ꞌãpak putup.” Kaxĩy, tuk-tok nũꞌkutnãhãꞌ,
\v 7 pa kãmꞌãnat xop te yãy mũtik hãmꞌãktux, hu: “Yã hãm xaꞌax yõg xuxyãk-tok. ꞌÃpu yũmũp-tex, nũy pa hãm xaꞌax, nũy yũmũ yõg hãm xaꞌax.” Kaxĩy.
\p
\v 8 —‍Kãmãnat tek-tok mũg, tuptex, tu xok-xax putyõn hãm xaꞌax nãpah. Kaxĩy.
\p
\v 9 Tu Yexox te xe:
\p —‍Putep mũn mĩy putup hãm xaꞌax yõg xuxyã nõmhãꞌ? Yãꞌ mõg putup, nũy kãmãnat kix, haꞌ xakixp-tup, ha kãmãnat nõy pu hãm xaꞌax hõm putup.
\v 10 ꞌOk ꞌãxop te mõꞌkupix Topa yõg tappet tuꞌ. Yãꞌ kaxꞌãmi, hu: “Mĩptut mĩyꞌax te mĩkaxxap pahaꞌ, tu hãmpeꞌpaxex, yãꞌ kũmmuk, tuꞌ putyõn. Pa ꞌãmhok, yãꞌ max xeꞌẽgnãg mĩkaxxap,
\v 11 Yã Topa teꞌ mĩy, yãꞌ max xeꞌẽgnãg!” Kaxĩy.
\p
\v 12 Ha taꞌ yũmmũg nõmhã Yoneo xop yõg xexka xop teꞌ, yã Yeyox te nõm xop ꞌãktux. Yã nõm tep-tup, nũy Yeyox kuteꞌex kummuk, pa ꞌãmhok, ꞌũmĩy ꞌohnãg, yã tikmũꞌũn yĩpkutuk. Yã hãpxop mĩy ꞌohnãg, tu taꞌ mõg hatoꞌaꞌ.
\s ꞌOk max gohet pu tayũmak pagok
\p
\v 13 Hãpxip ꞌĩhã tik te nũꞌpok Paniye xop xix ꞌEnot xop, puyĩy Yeyox koitꞌax xak.
\v 14 ꞌŨnũn tu nũktu:
\p —‍Notot, ꞌũgmũꞌãteꞌ yũmmũg xate hãpxeꞌe ꞌãktux, tu tikmũꞌũn yĩpkutuk ꞌohnãg. Xateꞌ xexka xop yĩpkutuk ꞌohnãg, pa xate tikmũꞌũn puꞌ yũmmmũgãhã Topa te nõm putup. ꞌÃpu hãmꞌãktux: putep xuktux yũmũ yõg Topa yõg tappet tuꞌ. ꞌOk peꞌ max gohet pu tayũmak tanemẽnꞌax pagok, yã Hõm xop yõg xatꞌax Xet pu pagok? ꞌOk peꞌ kummuk? Kaxĩy.
\p
\v 15 Pa Yeyox teꞌ yũmmũg, tik pa max, pa yãꞌ kuxa kummuk. Yeyox te:
\p —‍Teptu ꞌãxop teꞌ xak ꞌãteꞌ koit. Paxnũ tayũmak ꞌãnuk, ꞌũ pẽnãꞌ. Kaxĩy.
\p
\v 16 Ha taꞌ mõg, tu putpuꞌ nũnnãhãꞌ, ha Yeyox te:
\p —‍ꞌŨꞌũm yõg ꞌãxetꞌax kaxꞌãmi tayũmuk ꞌãnuk tuꞌ? Xix ꞌũꞌũm yõg xumix xip tayũmak ꞌãnuk tuꞌ?
\p Ha:
\p —‍Yã gohet yõg xatꞌax Xet yõg. Kaxĩy.
\p
\v 17 Ha Yeyox te:
\p —‍ꞌÃpu gohet yõg xatꞌax pu gohet yõg xatꞌax yõg hãpxop pagok. ꞌÃpu Topa pu Topa yõg hãpxop pagok kamah. Kaxĩy.
\p Haꞌ kuxa teꞌ yẽy.
\s Texĩy tikmũꞌũn te putpuꞌ hix
\p
\v 18 Ha taꞌ nũn Xanuxeo xop, yã Xanuxeo xop te hãmpeꞌpaxex tikmũꞌũn putpuꞌ hip-tupꞌah. ꞌŨnũn, tu nũktu Yeyox pu hãmꞌãktux hu:
\p
\v 19 —‍Notot, hõmã Mõyyex te yũmũꞌã tappet kaxꞌãmi, hu: “ꞌŨxok tihik, ha taꞌ xip xetut, pak-tok ꞌũm xipꞌah. Mõyyex teꞌ xat, tik taknõy te xetut hokyũm mũtik yãytahaꞌ, puꞌ max, nũy nõy xok puꞌ pop kakxop.
\v 20 Hõmãꞌ pip ꞌũtaknõy xohix teꞌ 7. Tik mãxap te ꞌũn mũtik yãytahaꞌ, pak-tok ꞌohnãg, tuꞌ xok.
\v 21 Haꞌ taknõy ꞌũg-nãy tu teꞌ yãytahaꞌ, tuk-tok put ꞌohnãg, tuꞌ xok, haꞌ taknõy yãykote hã kaxĩy kamaꞌ.
\v 22 Hã kaxĩy ꞌũxohix teꞌ 7 te yãytaha ꞌũn mũtik, ꞌũk-tok ꞌũm pop ꞌohnãg, tuꞌ xakix ꞌũxohix. Hãpxip ꞌĩhãꞌ xok kama ꞌũhũn.
\v 23 Hãpxip ꞌĩhã Topa te tikmũꞌũn xohix putpuꞌ hĩnnãp-tup, ꞌũꞌũm yõg xetut nõmhãꞌ? Yã xohix teꞌ 7 te yãytaha ꞌũn mũtik! Kaxĩy.
\p
\v 24 Ha Yeyox te:
\p —‍ꞌÃxop te hãmyũmmũg ꞌohnãg! Texĩy? Yã ꞌãxop teꞌ yũmmũg ꞌohnãg Topa yõg tappet. ꞌÃxop teꞌ yũmmũg ꞌohnãg Topa ꞌũkaꞌok xexkaꞌ.
\v 25 Yã xakix xop putpuꞌ hip-tup. Topa yõg nũꞌpok xop te yãyta ꞌohnãg pexkox tuꞌ. Hã kaxĩy tikmũꞌũn te yãyta ꞌohnãg pexkox tuꞌ.
\v 26 Hõmã Mõyyex teꞌ kaxꞌãmi tappet tuꞌ, tu putpuꞌ hĩnnãꞌax kaxꞌãmiꞌ. ꞌOk ꞌãxop te nõm mõkupix ꞌohnãg? Yã ꞌũkaxꞌãmi Topa te mĩm pahok kup puk kopa Mõyyex pu hãmꞌãktux, hu: “ꞌŨgmũn yã ꞌAmanãm yõg Topah, xix ꞌIyak yõg, xix Yako yõg.” Kaxĩy.
\v 27 Hã kaxĩy Topa teꞌ xuktux ꞌap xakix xop yõg Topaꞌah, pa yã hi xop yõg. ꞌÃxop te hãmyũmmũg ꞌohnãg. Kaxĩy.
\s Topa yõg xatꞌax xexkanãm
\p
\v 28 Ha taꞌ xip tihik, tuꞌ xip tik te hãmyũmmũg xop kopah, tu hãmꞌãktux ꞌãpak, tuꞌ yũmmũg Yeyox te hãmꞌãktux max. Tik te Yeyox pu hãmꞌãktux, hu:
\p —‍Topa te tikmũꞌũn xat. Xatꞌax ꞌũm xexkanãm? Kaxĩy.
\p
\v 29 Ha Yeyox te:
\p —‍Yã Topa te tikmũꞌũn xat, hu: “ꞌIyaet xop, ꞌãpu ꞌũxupax. Yũmũg xuxyã yã yũmũ yõg Topa yãp-xet, yãꞌ nõy xipꞌah.
\v 30 ꞌÃpu ꞌãxuxyã Topap-tuppax ꞌãkuxa xexka hã xix ꞌãkoxuk xexka hã xix ꞌãp-tox xexka hã xix ꞌõg kaꞌokꞌax xexka hãꞌ.” Kaxĩy.
\v 31 Ha Topa te xe tikmũꞌũn xat, yã xatꞌax ꞌũk-nãy tuꞌ. Topa te: “ꞌÃpu ꞌãnõy putup pax xate yãy putup pax putuk.” Kaxĩy. Yãꞌ xatꞌax tix ꞌũxexkanãm, ha ta xatꞌax nõy ꞌũxexkaꞌ. Kaxĩy.
\p
\v 32 Ha tik te:
\p —‍Notot, yã hãmꞌãktux max! ꞌAꞌ koitꞌah. Yãꞌ xip Topap-xet, ha taꞌ nõy ꞌũm ꞌap xipꞌah.
\v 33 Yãꞌ max yũmũꞌãte Topap-tuppax yãy kuxa xexka hã xix yãy putox xexka hã xix yãy kaꞌokꞌax xexka hã. Yãꞌ max kama yũmũꞌãte yãy nõy putup pax yũmũꞌãte yãy putup pax putuk. Yãꞌ max xexka yũmũꞌãte xatꞌax tix mĩy nõꞌõm, ha taꞌ max miax yũmũꞌãte xokxop mõꞌhap, nũy Topa pu haxyãꞌ. Kaxĩy.
\p
\v 34 Ha Yeyox teꞌ yũmmũg tik te hãmyũmmũg, yã hãmꞌãktux max. Yeyox te:
\p —‍ꞌÃxip Topa yõg xop yĩkaꞌ Topa te nõm xat, haꞌ yĩpkox pip. Kaxĩy. Ha tikmũꞌũn kuxa nõg, hu xe hãpxop nõy yĩkopit ꞌohnãg.
\s Topa yõg yãykutnãꞌax
\p
\v 35 ꞌŨxip Yeyox Topa pet xexka tuꞌ, tu tikmũꞌũn pu hãmꞌãktux, hu:
\p —‍Teptu tik te hãmyũmmũg xop te tikmũꞌũn puꞌ yũmmũgãhã Topa yõg yãykutnãꞌax yã Namix mõkputox?
\v 36 Pa Topa Koxuk te Namix kaxꞌãmiyãhãꞌ, ha tute kaxꞌãmiꞌ, hu: “Yũmũg xuxyã Topa te ꞌũgxuxyã pu hãmꞌãktux, hu: Yũhũm ꞌũgyĩm xeꞌe tuꞌ, ha ꞌãte puknõg gãy xop xix putup ꞌãpata yĩkãgnãg.” Kaxĩy.
\v 37 Yã Namix te: “ꞌŨkxuxyãꞌ.” Kaxĩy. Yã Topa yõg yãykutnãꞌax xãnãhã, hu: “ꞌŨkxuxyãꞌ.” Kaxĩy. Texĩy Topa yõg yãykutnãꞌax yã Namix mõkputox? Kaxĩy.
\s Yeyox xix tik te hãmyũmmũg xop
\p Ha tikmũꞌũn xohix te Yeyox yõg hãmꞌãktux putup pax.
\v 38 Ha Yeyox te:
\p —‍Pa ꞌãtix, tik te hãmyũmmũg xop tep-tup pax, nũy hãpkumep, nũy topixxax xeꞌẽgnãg taꞌ, puyĩy tikmũꞌũn nõm ꞌãktux max, yã nõm ꞌãpak nãpet tuꞌ. Tik te hãmyũmmũg xop teꞌ pop ꞌũxexka xop yõg pipꞌax Yoneo xop yõg Topa pet kopa
\v 39 xix ꞌãmuk xexka tuꞌ,
\v 40 tu hokmãm xop yõg hãpxop pop, tuꞌ xupxet, tu Topa pu hãmꞌãktux, puyĩy tikmũꞌũn hãmpeꞌpaxex yãꞌ max. Topa te yõg hãpkummuk mĩyꞌax yãnãn xexkap-tup! Kaxĩy.
\s ꞌŨn hok yũm te tayũmak nĩm
\p
\v 41 ꞌŨxip Yeyox Yoneo yõg Topa pet kopa tayũmak tatꞌax mĩpkox yĩkak, tuꞌ pẽnãhã tikmũꞌũn nũn, nũy tayũmak nĩm tayũmak tatꞌax kopah. Tikmũꞌũn punethok ꞌũp-texop xexka te tayũmak xohix nĩm,
\v 42 ha taꞌ nũn ꞌũhũn, yã hok yũm, yã hãm hõgnãg. ꞌŨnũn, tu nũktu tayũmak ꞌãnuk tix mõꞌtat mĩpkox kopah, yã tayũmak kutõgnãg.
\v 43 Ha Yeyox te yãy yõg tik xop xãnãhãꞌ, tu:
\p —‍ꞌÃte xa hãpxeꞌe ꞌãktux, nũ ꞌũn hok yũm, yã hãm hõgnãg, pa yã hãpxop xohix mõꞌtat, pa nõm nõy xohix te hãpxop kutĩgnãg mõꞌtat.
\v 44 Yã ꞌũp-texop xexka xop yõg hãpxop punethok, tu tayũmak yãgnãg xut, nũy mõꞌtat, ha yõg hãpxop punethok pip, pa ꞌũn hok yũm te yãy yõg hãpxop xohix mõꞌtat, haꞌ nõg. Kaxĩy.
\c 13
\s Topa pet xexka kõyyõy putup
\p
\v 1 Tu taꞌ mõg Yeyox xix yãy yõg tik xop, ha tik xop te:
\p —‍Yãyã, pẽnã Topa pet xexka ꞌũmax xeꞌẽgnãg, yã mĩptut max!
\p
\v 2 Ha Yeyox te:
\p —‍ꞌOk mĩptut max xeꞌẽgnãg pẽnãhãꞌ? Hãpxip ꞌĩhã yõg mĩkaxxap teꞌ nõy yĩmũꞌ mãm putupꞌah, yãꞌ xohix xexka koxyõy putup! Kaxĩy.
\s Tikmũꞌũn te ꞌãxop xũygãp-tup
\p
\v 3 Tu taꞌ mõg Yeyox xix yãy yõg tik xop, tu mõktu yĩktix ꞌOnimet yĩmũꞌ mãm, ha Pet teꞌ yĩkopit, xix Tiak te, xix Yoãm te, xix ꞌÃnene teꞌ, hu:
\p
\v 4 —‍Hãmꞌũmhã nõm hãpxopmãp-tup? Tikmũꞌũn te hãpxopmãꞌax ꞌũm pẽnãp-tup, ꞌĩhã nõm hãpxopmãp-tup? Kaxĩy.
\p
\v 5 Ha Yeyox te hãmyũmmũgãhã kõnãmãhãꞌ, hu:
\p —‍Pa ꞌãtix, nũy hãmyũmmũg, nũy ꞌãkuxa mãm hok koitꞌax kopah.
\v 6 Yãꞌ nũn putup ꞌũxohix, tu hãmꞌãktux putup, hu: “ꞌŨgmũn nõꞌõm, Topa tek mũn yãy kutnãhãꞌ, yã Yeyox ꞌũgmũn!” Kaxĩy. Ha tikmũꞌũn xohix kuxa mãm putup koitꞌax kopah.
\v 7 ꞌÃxop teꞌ xupak putup hãmnũhũn xexka hãmhũmnãg, yã tikmũꞌũn te yãy kix kakĩynãg. Ha tikmũꞌũn nũn putup, tu: “Yã yãy kix kakĩynãg tikmũꞌũn hãptox tuꞌ.” Kaxĩy. ꞌÃpu ꞌãkuxa nõg hok. Yã tikmũꞌũn te yãy kix putup te kaxĩy, pa hãpkux ꞌohnãg.
\v 8 Hãpxexka yõg tikmũꞌũn te hãpxexka nõy yõg tikmũꞌũn mũtik yãykix putup, ha taꞌ hep xop teꞌ hep xop nõy mũtik yãy kix putup, ha ta hãm xexka yãy nuhuk nãm panip putup, ha ta hãmhõgnãg, ha putup te tikmũꞌũn kix putup. ꞌŨn tek-tok put putup, tuꞌ xũy xexkaꞌ. Hã kaxĩy tikmũꞌũn xũy putup, ha mõktu hãpkux.
\p
\v 9 Pa ꞌãtix, tikmũꞌũn te ꞌãxop mõgãp-tup ꞌũpa te hãmyũmmũg xop tuꞌ, puyĩy ꞌãxop kopit, yã ꞌãxop kummugãp-tup. Ha tikmũꞌũn nũn putup kamah, nũy ꞌãxop kix xikot hã Yoneo xop yõg Topa pet kopah. Yã ꞌãkuxa mãm ꞌũgkopah, yĩy taꞌ nũn putup tikmũꞌũn, nũy ꞌãxop mõgã gohenanok tuꞌ xix gohet yõg xatꞌax xexka tuꞌ, puyĩy ꞌãxop kopit, ha ꞌãxop te nõm pu Topa yõg hãmꞌãpak maxꞌax ꞌãktux,
\v 10 ha tikmũꞌũn teꞌ hep xop xohix xexka pu Topa yõg hãmꞌãpak maxꞌax ꞌãktux putup hãmãxap, hak-nãy tu hãpkux.
\v 11 Tikmũꞌũn te ꞌãxop mũg, nũy ꞌãxop mõgãꞌ gohet yõg xexka xop tuꞌ. ꞌÃpu ꞌãkuxa nõg hok. ꞌÃpu hãmpeꞌãpaxe hok, hu: “ꞌÃte putep xuktux putup?” Kaxĩy. Pa ꞌãmhok, ꞌãmõg putup gohet yõg xexka tuꞌ, ha Topa te xa hãmꞌãktuxꞌax hõm putup, xayĩy hãmꞌãktux, yã ꞌõg hãmꞌãktux ꞌohnãg, pa yã Topa Koxuk mũn yõg.
\v 12 Tikmũꞌũn punethok te yãy taknõy mõgãp-tup gohet yõg xexka xop tuꞌ, puyĩy nõm kix, ha ta ꞌãtak te yãy kutok mõgãp-tup kamah xiꞌ tut teꞌ, puyĩy nõm kix. Ha tak-tok te ꞌãtak mõgãp-tup kama xiꞌ tut, puyĩy nõm kix, haꞌ xakix putup ꞌũxohix.
\v 13 ꞌÃkuxa mãm ꞌũgkopah, yĩy tikmũꞌũn te ꞌãp-tup nõg putup, pa ꞌãpu ꞌãkuxa mãm kaꞌok mõkumaꞌãmõg, ha Topa te ꞌãhĩnnãp-tup. Kaxĩy.
\s ꞌŨxũy xexkaꞌ
\p
\v 14 Yeyox te xe:
\p —‍ꞌÃxop teꞌ pẽnãp-tup hãpxop yãy ꞌĩgã xexka ꞌũnõy yõg xipꞌax tuꞌ‍—xate nũ mõkupix, ꞌãpu hãmyũmmũg—‍ꞌãxop pip hãpxexka Yonex tuꞌ, nũy ta mõg mõꞌkaꞌok yĩktix tuꞌ.
\v 15 ꞌÃxop mãm mĩptut yĩmũ, nũy ta mõg mõꞌkaꞌok. Mĩptut hã mõxa hok, nũy hãpxop paꞌ.
\v 16 ꞌÃxop pip hãpxa tuꞌ, nũy ta mõg mõꞌkaꞌok, yãy pet hã mõxa hok, nũy topixxax paꞌ
\v 17 Yãꞌ kummuk xexkap-tup ꞌũn tek-tok xuk xop puꞌ xix ꞌũn tek-tok put xop puꞌ.
\v 18 ꞌÃpu Topa pu hãmꞌãktux, nũy ta tuꞌ xak, puyĩy tikmũꞌũn ꞌãxop kummugã mõꞌãgmũg pukpex ꞌĩhãꞌ.
\v 19 Yã nõm ꞌãmnĩy hã ꞌãxop xũy xexkap-tup, pa hõmã Topa teꞌ mĩy hãm xexka xix hõnhãꞌ xũy kutõgnãg.
\v 20 Topa teꞌ xat, xayĩy ꞌãmnĩy xohixꞌah hã ꞌãxop xũy putup. Topa teꞌ xat hok, puxix xakix xohix xexkaꞌ. Paꞌ pip Topa kopa kuxa mãm kaꞌok xop, yã Topa te nõm yĩmõgãtux, nũy nõm hĩnnãꞌ, huꞌ xat putup, puyĩy ꞌãmnĩy xohixꞌah hãꞌ xũy.
\p
\v 21 —‍Tikmũꞌũn te hãmꞌãktux putup, hu: “Mũ, nũy pẽnãꞌ, Topa yõg yãykutnãꞌax xip nũnteh.” Kaxĩy. Ha taꞌ nõy te hãmꞌãktux putup, hu: “Mõg, nũy pẽnãꞌ, Topa yõg yãykutnãꞌax xip ꞌõnteh, yãꞌ xip Yeyox.” Kaxĩy. ꞌÃpu ꞌãyĩpkox pip hok. Yãꞌ koit.
\v 22 Yã nõm koit xop te Topa pupi hãmꞌãktux xop putuk putup, tu Topa yõg yãykutnãꞌax putuk putup, tu hãpxopmã kaꞌok xeꞌẽgnãg, nũy Topa putuk, puyĩy tikmũꞌũn kuxaꞌ yẽy. Nõm tep-tup, nũy Topa yõg yĩmõgãtux xop kuxa mãm koitꞌax kopah.
\v 23 Pa ꞌãtix. ꞌÃte ꞌãxop pu hãmyũmmũgãhãꞌ hõnhãꞌ. Hãpxip ꞌĩhã nõm hãpxopmãꞌax pẽnãp-tup, tuꞌ yũmmũg putup. Kaxĩy.
\s Tikmũꞌũn Kutok putpuꞌ nũn
\p
\v 24 Yeyox te xe:
\p —‍Yãꞌ xũy xexka nõg putup, ha ta mãyõn yãyhãp-tup hãpkoxtap, ha ta mãyõn hex yãnãm pip putupꞌah,
\v 25 ha ta mãyõnnãg pip pexkox yoꞌomaꞌ, pa xakux putup, ha ta hãpxop xohix kaꞌok nuhuk putup pexkox yoꞌomaꞌ xix pexkox kopah,
\v 26 ha ta pexkox tuk yĩxop-tup, yã Tikmũꞌũn Kutok, tu hãmgõy xexka kopak yĩyxop-tup, yãꞌ max xeꞌẽgnãg, ha tikmũꞌũn xohix teꞌ pẽnãp-tup,
\v 27 ha ꞌãte yãy yõg pexkox yõg nũꞌpok xop mõꞌpok putup hãpxexka xohix tuꞌ. ꞌŨmõg putup, nũy Topa yõg yĩmõgãtux xop nũnnãꞌ, puyĩy xohix yãy tu nũꞌnãꞌ. Kaxĩy.
\s Piget kup
\p
\v 28 Yeyox te xe:
\p —‍ꞌÃpu hãmyũmmũg. ꞌŨxip piget kup, tu yõg mĩmmãg tup, tu yõg mĩxux xupep. ꞌÃxop teꞌ pẽnãhãꞌ tuꞌ yũmmũg mõꞌãgmũg pukpex, yã tex tihix.
\v 29 Hã kaxĩy xate nõm hãpxopmãꞌax pẽnãp-tup ꞌãte xa nõm ꞌãktux, tuꞌ yũmmũg putup ꞌũgnũn putup putpuꞌ.
\v 30 ꞌÃpu hãmyũmmũg, hõnhãꞌ pip tikmũꞌũn, ha taꞌ yãg te nõm hãpxopmãꞌax xohix pẽnãp-tup, pa yãꞌ yãg teꞌ pẽnãp-tup ꞌohnãg, pa xakix putup hãmãxap.
\v 31 ꞌũnõg putup hãmnõgnõy xix hãm xexkaꞌ, pa yõgnũ hãmꞌãktux pip mõkumaꞌmõg, tuꞌ nõg putup ꞌohnãg. Kaxĩy.
\s Hãmꞌũmhã
\p
\v 32 Yeyox te xe:
\p —‍Hãmꞌũmhã tikmũꞌũn te nõm hãpxopmãꞌax pẽnãp-tup? Hãptup ꞌũm, pe ꞌãmnĩy ꞌũm? Mãyõn yũm ꞌũm? Yã pexkox nũꞌpok xop teꞌ yũmmũg ꞌohnãg, ha Topak-tok teꞌ yũmmũg ꞌohnãg, pa ꞌãtak Topa puxehnãg teꞌ yũmmũg.
\v 33 Pa ꞌãtix. ꞌÃpu ꞌũkhip, nũy hãmpẽnãꞌ. Yã ꞌãxop teꞌ yũmmũg ꞌohnãg. Hãmꞌũmhã nõm hãpxopmãꞌax pẽnãp-tup? Yã ꞌãxop teꞌ yũmmũg ꞌohnãg.
\v 34 Yã hã kaxĩy putuk. Tik mõg putup hãptox tuꞌ, tu kãmãnat xex, puyĩy hãm, tu hãmyĩkox pẽnãꞌax xat, puyĩy hãmpẽnãꞌ, tu taꞌ mõg tihik.
\v 35 Hãmꞌũmhã putpuꞌ nũn putup tihik, ꞌok pe ꞌãmãxak, ꞌok pe ꞌãmnĩy kote hã, ꞌok pe xokakkak tak xata hã, ꞌok pe hãm yãy kuhmõy hã? Yã kãmãnat teꞌ yũmmũg ꞌohnãg. Hã kaxĩy tikmũꞌũn teꞌ yũmmũg ꞌohnãg, hãmꞌũmhã ꞌũgnũn putup putpuꞌ.
\v 36 ꞌŨgnũn putup, pa tikmũꞌũn mõꞌyõn, yãꞌ kummuk.
\v 37 ꞌÃte xa hãmꞌãktux, xix tikmũꞌũn xohix pu nõm ꞌãktux, hu: “Pa ꞌãtix!” Kaxĩy.
\c 14
\s ꞌŨp-tup, nũy Yeyox putex
\p
\v 1 Hõnhã ꞌãmnĩy tix ꞌĩhã ꞌãmuk xexka xipꞌax, yã ꞌãmuk xexka ꞌãxetꞌax Nõaꞌ Yẽn xix Pãm Tokatok Hok. Ha ꞌãmãnex xexka xop tep-tup xix tik te hãmyũmmũg xop tep-tup, puyĩy xonat xop Yeyox mũy, puyĩy kĩy, ꞌũp-tex putup hah,
\v 2 tu yãy mũtik hãmꞌãktux, hu:
\p —‍Pa ꞌãmhok hõnhãꞌah. Yã ꞌãmuk xexka xip. Hõnhã yũmũꞌãte Yeyox putex, puxix tikmũꞌũn gãy xexkah. Nãy, pu ꞌãmuk xexka mã kux. Kaxĩy.
\s Yeyox xip xiptuxexka Metãn tuꞌ
\p
\v 3 ꞌŨxip Yeyox xiptuxexka Metãn tuꞌ Xĩmãm pet kopah, yã Ximãm xax kunutnãm. Ha taꞌ nũn ꞌũhũn, tu mĩkaxxap koxnãg max nũnnãhãꞌ, yã mĩkaxxap ꞌanamax hãꞌ mĩy, haꞌ kopaꞌ xip hep haxnãg max ꞌũxuxetꞌax nãn, yã takat xexkah. ꞌŨn nũn, tu nũktu mĩkaxxap koxnãg koxyõy, tu Yeyox putox yĩmũ hep pux.
\v 4 Ha taꞌ pip tikmũꞌũn, tuꞌ gãy, tu yãy mũtik hãmꞌãktux, hu:
\p —‍Yãꞌ kummuk. Teptu hã kaxĩy hep haxnãg max putyõn?
\v 5 Yã hep nõmenex, puꞌ max, nũy tayũmak pop, nũy ꞌũhok xop pu nõm popmãꞌ. Yã yõg tayũmak xexkah, yã yõg tayũmak ꞌãnuk, yã yãnãm ponnok hã mĩy, yã xohix teꞌ 300 ꞌũyõg tayũmak ꞌãnuk. Kaxĩy.
\p Yã tikmũꞌũn te ꞌũn mãnõg,
\v 6 pa Yeyox te:
\p —‍ꞌŨmãnõg hokꞌ Teptu ꞌãxop gãy xexkah? ꞌŨn te hãpxopmã max.
\v 7 Yãꞌ hok xop pip mõkumaꞌmõg ꞌãxop kopah. ꞌÃxop tep-tup, nũy ta nõm hã tehet, pak xip kaꞌok ꞌohnãg ꞌãxop kopah.
\v 8 ꞌŨn te hãpxopmã max yũmmũg, huꞌ mĩy. ꞌŨkxok putup, hak hãpkot putup, yĩy ta hõnhã ꞌũn tek yĩn muk, nũy haxyã max, xokxax putuk.
\v 9 ꞌÃte xaꞌ hãpxeꞌe ꞌãktux tikmũꞌũn te hãpxexka xohix tuꞌ Topa yõg hãmꞌãpak maxꞌax ꞌãktux putup, tu nũ ꞌũn ꞌãktux putup kamah.
\s Yot te gãy xop mõgãp-tup Yeyox ha
\p
\v 10 Ha taꞌ mõg Yot ꞌĨxkanot, yãꞌ xip Yeyox yõg tik te 12 xop kopah, tuꞌ mõg, tu mõktu ꞌãmãnex xexka xop mũtik hãmꞌãktux, nũy gãy xop mõgã Yeyox ha, puyĩy xũygãꞌ,
\v 11 ha ꞌãmãnex xexka xop teꞌ xupak, huꞌ kuxa hittup, tu:
\p —‍ꞌŨgmũꞌãte xa tayũmak popmãp-tup. Kaxĩy.
\p Hã kaxĩy Yot te gãy xop mõgãp-tup Yeyox ha, puyĩy xũygãꞌ? Yã Yot te hãmpeꞌpaxex.
\s ꞌÃmuk xexka ꞌãxetꞌax Nõaꞌ Yẽn
\p
\v 12 ꞌÃmuk xexka xip ꞌãxetꞌax Pãm Tokatok Hok, yã ꞌãmnĩy mãxap, ꞌĩhã Yoneo xop te kahnẽn kutok kix ꞌãmuk xexka ꞌãxetꞌax Nõaꞌ Yẽn puꞌ. Ha taꞌ pip Yeyox yõg tik xop, tu Yeyox pu hãmꞌãktux, hu:
\p —‍Piꞌyã xatep-tup? Piꞌyã ꞌũgmũꞌãte ꞌãmuk xexka Nõaꞌ Yẽn mĩy putup? Kaxĩy.
\p
\v 13 Ha Yeyox te yãy yõg tik mõꞌpok, tuꞌ xat, hu:
\p —‍Mõg kõmẽn tuꞌ. ꞌÃmõg putup, paꞌ mõg putup tihik, tu naxtox hã kõnãg tat putup. ꞌÃpu nõm pe mõg.
\v 14 Tik te mĩptut hã mõꞌnãp-tup. ꞌÃpu nõm hã mõxã kamah, nũy xuxyã pu hãmꞌãktux. ꞌÃpu hãmꞌãktux, hu: “Yãyã teꞌ yĩkopit. Piꞌyãꞌ yũm hãmꞌãta kox? ꞌŨgmũꞌãte ꞌãmuk xexka Nõaꞌ Yẽn mĩy putup ꞌõnteh, ꞌũgmũn xix yãy yõg tik xop.” Kaxĩy.
\v 15 Ha tik te xaꞌ mũg hãmꞌãta kox max, yã pepiꞌ yũm, haꞌ pip mĩmpe max. ꞌÕnte ꞌãxop teꞌ mĩy putup ꞌãmuk xexkah. Kaxĩy.
\p
\v 16 Ha taꞌ mõg Yeyox yõg tik tix, tu mõktu hãpxop xohix pẽnãhã Yeyox te nõm xuktux, tu ꞌãmuk xexka ꞌãxetꞌax Nõaꞌ Yẽn mĩy.
\p
\v 17 ꞌÃmãxak ha taꞌ mõg Yeyox xix yãy yõg tik xop, tu mõktu hãmꞌãta kox hãꞌ mõxahaꞌ,
\v 18 tu mĩmpe xitꞌax tuꞌ mãm, tuꞌ xit, ha Yeyox te:
\p —‍Hamũn, ꞌãte xa hãmꞌãktux. ꞌŨxip tihik ꞌãxop kopah, tuk mũtik xit. Tuteꞌ gãy xop nũnnãp-tup, puyĩy ꞌũgxũygãꞌ. Kaxĩy.
\p
\v 19 Ha Yeyox yõg tik xop kuxa hittup ꞌohnãg, ha yãp-xet te:
\p —‍Yãyã, ꞌũꞌũm? ꞌOk ꞌũgmũn? Kaxĩy.
\p Ha taꞌ nõy te yĩykopit, haꞌ nõy te, tu mõktu xohix teꞌ yĩykopit kamah.
\p
\v 20 Ha Yeyox te:
\p —‍Yã tik puxet ꞌãxop kopah, yã nõm te pãm pix putup kãnẽy pet xax kopah.
\v 21 Yã ꞌũkxok putup, yã Tikmũꞌũn Kutok xok putup. Yã hã kaxĩy Topa yõg tappet te nõm ꞌãktux. Tik te gãy xop mõgãp-tup Tikmũꞌũn Kutok ha, puyĩy xũygãꞌ. Yãꞌ kummuk xexka nõm puꞌ. ꞌŨtut te nõm put ꞌohnãg, puꞌ max! Kaxĩy.
\s Pãm mãhãꞌ, tu xupyãg xoꞌop, nũy Yeyox peꞌpaxeh
\p
\v 22 ꞌŨxit Yeyox xix yãy yõg tik xop, ha Yeyox te pãm pahaꞌ, tu Topa pu hãmꞌãktux, hu:
\p —‍Xatek mũꞌã pãm popmãhãꞌ. ꞌÃmax. Yãꞌ max. Kaxĩy.
\p Yeyox te pãm koxip, tu yãy yõg tik xop pu nõm popmãhãꞌ, tu:
\p —‍ꞌÃpu ꞌũpop. Nũhũ yã ꞌũgyĩn. Kaxĩy.
\p
\v 23 Tu kãnẽy xoꞌopꞌax pahaꞌ, tu Topa pu hãmꞌãktux, hu:
\p —‍Topa, yãꞌ max, ꞌãmax. Kaxĩy.
\p Tu ta yãy yõg tik xop puꞌ hõm, haꞌ xoꞌop.
\v 24 Ha Yeyox te:
\p —‍Nũhũ yã ꞌũkhep ꞌãta. ꞌÃte yãy hep ꞌãta tikmũꞌũn xohix pupi nũꞌnãp-tup. ꞌŨkhep ꞌãta yã paꞌax tup Topa yõg xix tikmũꞌũn yõg.
\v 25 ꞌÃte xa hãmꞌãktux xeꞌeꞌ, ꞌãte xe xupyãg xoꞌop putupꞌah. Nãy, pu Topa yãy yõg tikmũꞌũn xat putup, haꞌ yĩpkox pĩp, ꞌĩhã xeꞌ xoꞌop.
\v 26 Haꞌ xohix te Topa puk-tex, tu taꞌ mõg yĩktix ꞌOnimet tuꞌ.
\s Yeyox te Pet pu hãmꞌãktux
\p
\v 27 Ha Yeyox te yãy yõg tik xop pu hãmꞌãktux, hu:
\p —‍ꞌÃxop xohix tek nĩm putup. Yã Topa yõg tappet te: “Tikmũꞌũn te kahnẽn pẽnãꞌax putex putup, ha ta kahnẽn xumãp-tup.” Kaxĩy.
\v 28 Pa putpuk hip-tup ꞌũgmũn, tu tak mõg putup ꞌãxop keppa hãpxexka Ganinet tuꞌ. Kaxĩy.
\p
\v 29 Ha Pet te:
\p —‍ꞌÃmhok! ꞌÃte ꞌãnĩm putupꞌah. Nõm xohix te ꞌãnĩm putup, kopxix ꞌãnĩm putupꞌah. Kaxĩy.
\p
\v 30 Ha Yeyox te:
\p —‍ꞌÃte xa hãmꞌãktux xeꞌe: ꞌãmnĩy ha ta hãmꞌãktux tikoyuk xate, hu: “ꞌÃte Yeyox yũmmũg ꞌohnãg!” Kaxĩy. Hãpxip ꞌĩhã xokakkak tak xatap-tup tix. Kaxĩy.
\p
\v 31 Pa Pet te xe hãmꞌãktux kaꞌok, hu:
\p —‍ꞌÃmhok! ꞌÃte nõm ꞌãktux putupꞌah, ꞌãyũmmũg ꞌohnãg. ꞌŨkxok ꞌãmũtik, kopxix nõm ꞌãktux putupꞌah. Kaxĩy.
\p Ha ta nõm ꞌãktux kamah Yeyox yõg tik xohix xop.
\s Yeyox xip mĩm mãtiknãg Yetxẽm tuꞌ
\p
\v 32 Tu taꞌ mõg Yeyox xix yãy yõg tik xop mũtik mĩm mãtiknãg tuꞌ ꞌũxuxetꞌax Yetxẽm, tuꞌ mõg, tu mõktuꞌ mõxahaꞌ, ha Yeyox te:
\p —‍Mãhãm nũnteh, ꞌĩhãg mõg, nũy Topa pu hãmꞌãktux. Kaxĩy.
\p
\v 33 Tu taꞌ mõg Yeyox, tuꞌ mõgãhã Pet, xix Tiak xix Yoãm, tu hãpxip ꞌĩhã Yeyox kuxa hittup ꞌohnãg kõnãmãhãꞌ, tuꞌ kuxanõg xexkah,
\v 34 tu:
\p —‍ꞌŨgkuxa hittup ꞌohnãg, yãg xok putup putuk. ꞌÃpu nox ꞌãti nũnteh, nũy ꞌũkhip. Pa ꞌãtix. Kaxĩy.
\p
\v 35 Tu taꞌ mõg kutõgnãg, tu mõ hãm nĩy, tu Topa pu hãmꞌãktux, hu:
\p —‍Topa, xateꞌ xat, kopxik xũy putupꞌah.
\v 36 Tak yõgnũ ꞌãtak, xate hãpxopmã xohix yũmmũg. ꞌÃpu xat, ꞌũyĩy xũy hok. Pa ꞌãtep-tupꞌah ꞌãte nõm putup, pa ꞌãtep-tup xate nõm putup. Kaxĩy.
\p
\v 37 Tu taꞌ nũn putpuꞌ, tu nũktu yãy yõg tik tikoyuk pẽnãhãꞌ, ha mõꞌyõn, ha Yeyox te Pet pu:
\p —‍Xĩmãm, ꞌok mõꞌõn? ꞌOk mãyõn mõg kutõgnãg hãg hip ꞌohnãg?
\v 38 ꞌÃpu ꞌãpa kaꞌok, nũy Topa pu hãmꞌãktux, puyĩy nõy ꞌãxapit hok, xayĩy hãpkummuk mĩy. ꞌÃkoxuk tep-tup, nũy mõꞌyõn hok, pa ꞌãyĩn tep-tup, nũy mõꞌyõn, yã ꞌãkoxuk kaꞌok, pa ꞌãyĩn puꞌuk. Kaxĩy.
\p
\v 39 Tu ta xeꞌ mõg Yeyox, nũy Topa pu hãmꞌãktux, tu yõg hãmꞌãktux ꞌãktux ꞌũxehet, yãꞌ yãy putuk,
\v 40 tu ta xeꞌ nũn putpuꞌ, paꞌ pip yãy yõg tik xop, tu mõꞌyõn. Yã kũmĩm tep-tex xexkah, tuꞌ pa kaꞌok yũmmũg ꞌohnãg, tu yãnãn hãmꞌãktux yũmmũg ꞌohnãg.
\p
\v 41 Ha taꞌ xeꞌ mõg Yeyox, tu xeꞌ nũn putpuꞌ, yãꞌ nũn tikoyuk, tu:
\p —‍ꞌOk mõꞌõn kuxꞌah, ꞌok kũmĩm te ꞌãp-tex? Puxix! Yã nõmhãꞌ! Yã nõmhã tik nũn, nũy hãpkummuk mĩy xop nũnnãꞌ, puyĩy ꞌũgmũn Tikmũꞌũn Kutok xũygãꞌ.
\v 42 Pepix ꞌãpip. ꞌÃpu yũmũ mõg. Pẽnãꞌ, ꞌũnũn tihik, tuꞌ gãy xop nũnnãhã, puyĩy ꞌũkxũygãꞌ! Kaxĩy.
\s Tikmũꞌũn te Yeyox mũg
\p
\v 43 Yeyox te hãmꞌãktux, ꞌĩhãꞌ xupep Yot, yã nõm te Yeyox yõg tik te 12 xop kopaꞌ xip, ha nũmũtiꞌ mõxaha tikmũꞌũn, haꞌ taha mĩkaxxexka xix mĩptopnãg. Yã ꞌãmãnex xexka xop te nũꞌpok, xix tik te hãm yũmmũg xop teꞌ, xix Yoneo xop yõg xexka xop teꞌ.
\v 44 Yã Yot tep-tup, nũy gãy xop mõgãꞌ, puyĩy Yeyox xũygãꞌ, hu nũmũtik hãmꞌãktux, “ꞌÃte tik kep hãꞌ mũg putup. ꞌÃpu nõm mũy, nũy mõgãꞌ. Yã nõꞌõm.” Kaxĩy.
\p
\v 45 Hãpxip ꞌĩhãꞌ nũn Yot, tu nũktu Yeyox yĩkãgnãg xip, tu:
\p —‍Yãyãꞌ! Kaxĩy.
\p Tuꞌ nõy kep hãꞌ mũg, yã xape xop putuk.
\v 46 Ha tikmũꞌũn te Yeyox mũg, tuꞌ hĩy.
\v 47 Ha taꞌ xip tihik, tu mĩkaxxexka xut, tu tik te ꞌãmãnex xop xat yõg kãmãnat yĩpkox xak,
\v 48 ha Yeyox te tikmũꞌũn pu hãmꞌãktux, hu:
\p —‍ꞌOk ꞌãxop nũn, tuꞌ taha mĩkaxxexka xix mĩptopnãg, nũy xupxet hĩy? Yãꞌ putuk.
\v 49 Hõmãg xip kaꞌok ꞌãxop kopah, nũy ꞌãxop pu hãmyũmmũgãꞌ Topa pet xexka tuꞌ, pa ꞌãxop tek hĩy ꞌohnãg. Pa hõmã ꞌũhittap nõm te kaxꞌãmi Topa yõg tappet tuꞌ, ha ta hõnhã nõm putuk. Kaxĩy.
\p
\v 50 Ha Yeyox yõg tik xop te Yeyox nĩm, tu hãpxũmãnãm.
\p
\v 51 Yãꞌ xip tik tuktup, tu komenok ponnok hãꞌ tahaꞌ, ha tikmũꞌũn teꞌ hĩy putup,
\v 52 pa tik teꞌ nĩm komenok, tuꞌ xaxtop, tu taꞌ mõxupahaꞌ
\s Yoneo xop yõg xexka xop te Yeyox kopit
\p
\v 53 Hãpxip ꞌĩhã tikmũꞌũn te Yeyox mõgãhã tik te ꞌãmãnex xop xat pet tuꞌ, tu mõktuꞌ mõxahaꞌ, haꞌ pip ꞌãmãnex xexka xop, xix Yoneo xop yõg xexka xop, xix tik te hãmyũmmũg xop.
\p
\v 54 Ha taꞌ xip Pet, tu hãptox tu Yeyox peꞌ mõg, tu mõktuꞌ xupep tik te ꞌãmãnex xop xat pet yõg hãmnuhnõg tuꞌ, tuꞌ yũm kuxap yĩkak xonat xop mũtik, nũy xapuk.
\v 55 Ha taꞌ pip ꞌãmãnex xexka xop, xix tik pa te hãmyũmmũg xop te hãmpeꞌpaxex, texĩy Yeyox ꞌãktux kummuk putup, puyĩy putex. Pa ꞌãmhok, ꞌap yũmmũgꞌah.
\v 56 Tikmũꞌũn xohix teꞌ kupex, tuꞌ koit, paꞌ yãy yõg hãmꞌãktux teꞌ nõy yõg putuk ꞌohnãg.
\p
\v 57 Yã tikmũꞌũn tek-nĩhãꞌ pip, tuꞌ koit, hu:
\p
\v 58 —‍ꞌŨgmũꞌãte Yeyox yõg hãmꞌãktux ꞌãpak, yã tute: “Tikmũꞌũn te Topa pet xexka mĩy, ha ta ꞌãteꞌ koxyõy putup, pa ꞌãte xeꞌ mĩy putup ꞌãmnĩy tikoyuk hã. Yã tikmũꞌũn te nõm mĩy putup ꞌohnãg.” Kaxĩy.
\p
\v 59 Tikmũꞌũn te hãmꞌãktux, paꞌ yõg kupexꞌax te yãy putuk ꞌohnãg.
\p
\v 60 Ha tak-nĩhãꞌ xip tik te ꞌãmãnex xop xat tikmũꞌũn kopah, tu Yeyox pu hãmꞌãktux, hu:
\p —‍ꞌOk xate hãmꞌãktux yãnãn ꞌohnãg? Kaxĩy.
\p
\v 61 Paꞌ yẽy. Yã hãmꞌãktux yãnãn ꞌohnãg, ha tik te ꞌãmãnex xop xat te xe:
\p —‍ꞌOk Topa te ꞌãyãykutnãhãꞌ? ꞌOk Topa xeꞌẽgnãg kutok? Kaxĩy.
\p
\v 62 Ha Yeyox te:
\p —‍Yã hamũn. ꞌÃxop xohix tek pẽnãp-tup, yã Tikmũꞌũn Kutok pẽnãp-tup. ꞌŨgyũm putup Topa kaꞌok yĩm xeꞌe tuꞌ. ꞌÃxop te kamak pẽnãp-tup, ꞌũkxip putup pexkox kopah, tu ta yĩxop-tup hãmgõy xexka kopah! Kaxĩy.
\p
\v 63 Ha tik te ꞌãmãnex xop xat te yãy topixxax pot, yãꞌ gãy, tu:
\p —‍Puxix. Yã hãmꞌãktux kummuk!
\v 64 Tute Topa ꞌãktux kummuk. ꞌÃxop teꞌ xupak. Putep hãmpeꞌãpaxex nõmhãꞌ? Kaxĩy.
\p Ha tikmũꞌũn xohix te Yeyox putup nõg, tu hãmꞌãktux, hu:
\p —‍ꞌÃpu ꞌũp-tex! Kaxĩy.
\p
\v 65 Ha tikmũꞌũn te yĩynĩn xõn kõnãmãhã Yeyox tuꞌ, tuꞌ nõy putox mõꞌnĩy, tuꞌ kix, tu:
\p —‍ꞌÃpu hãmꞌãktux. Tep-te ꞌãkix? Kaxĩy.
\p Ha taꞌ pip xonat, tu Yeyox kix yãy yĩm hã.
\s Pet te hãmꞌãktux Yeyox yũmmũg ꞌohnãg
\p
\v 66 Ha taꞌ xip Pet kukpa hãmnuhnõg tuꞌ, haꞌ nũn tik te ꞌãmãnex xop xat yõg kãmãnat hex,
\v 67 tu nũktu Pet pẽnãhãꞌ, tu:
\p —‍Hõmã ꞌãxip kõmẽn Nãyane yõg Yeyox mũtik, yã yõg xop kopa ꞌãxip. Kaxĩy.
\p
\v 68 Pa Pet te:
\p —‍ꞌAp ꞌãte nõm yũmmũgꞌah. Putep ꞌãktux? Kaxĩy. Tu taꞌ mõg Pet hãmpakꞌax mõꞌnĩnyĩnꞌax tuꞌ, ꞌĩhã xokakkak tak xatahaꞌ.
\v 69 Ha kãmãnat hex te Pet pẽnãhãꞌ, ha yĩkaꞌ nõy pip, ha kãmãnat hex te:
\p —‍Hamũn, tihik ꞌõhõm yã Yeyox yõg xop kopaꞌ xip. Kaxĩy.
\p
\v 70 Pa Pet te:
\p —‍ꞌÃk mũnꞌah. Kaxĩy.
\p Hãpxip ꞌĩhã tikmũꞌũn te:
\p —‍Hamũn. ꞌŨgmũꞌãteꞌ yũmmũg xeꞌe. ꞌÃxip Yeyox yõg tik xop kopah. Hamũn, ꞌãmũn yã hãpxexka Ganinet yõg tihik kamah. Kaxĩy.
\p
\v 71 Ha Pet te:
\p —‍ꞌÃte xa hãmꞌãktux, ha Topa teꞌ xupak, tuꞌ yũmmũg. ꞌÃxop te tik ꞌãktux, pa ꞌãte nõm yũmmũg ꞌohnãg! ꞌÃteꞌ koit, puxix Topa ꞌũgkix! Kaxĩy.
\p
\v 72 Hãpxip ꞌohnãg ꞌĩhã xeꞌ xataha xokakkak tak, ha Pet teꞌ xutigãhãꞌ, yã hõmã Yeyox te: “Xate hãmꞌãktux tikoyuk, hu: ꞌÃte Yeyox yũmmũg ꞌohnãg! Kaxĩy. ꞌĨhã xokakkak tak xatap-tup tix.” Kaxĩy.
\p Ha Pet kuxa hittup ꞌohnãg, huꞌ potahaꞌ.
\c 15
\s Yeyox xip Pinat keppah
\p
\v 1 Mãyõn xupep ꞌĩhã yãytunũꞌnãhã ꞌãmãnex xexka xop, xix Yoneo xop yõg xexka xop, xix tik te hãmyũmmũg xop, tu hãmꞌãktux tik pa te hãmyũmmũg xop mũtik.
\p Ha ta xonat xop te Yeyox hĩy, tu taꞌ mõgãhã Pinat hah, tu mõktu Pinat pu Yeyox hõm.
\v 2 Ha Pinat te Yeyox pu hãmꞌãktux, hu:
\p —‍ꞌOk xate Yoneo xop xat? Kaxĩy.
\p Ha Yeyox te:
\p —‍Hamũn. Xate hãmꞌãktux. Kaxĩy.
\p
\v 3 Ha ꞌãmãnex xexka xop te Yeyox ꞌãktux kummuk punethok.
\v 4 Ha Pinat te xe yĩykopit, hu:
\p —‍ꞌOk xate hãmꞌãktux hã yãnãn ꞌohnãg? ꞌÃpu ꞌũxupax, nõm xop te hãmꞌãktux ꞌãkummuk! Kaxĩy.
\p
\v 5 Pa Yeyox te xe hãmꞌãktux yãnãn ꞌohnãg, yĩy Pinat kuxa kopaꞌ yẽy.
\s Tikmũꞌũn te hãmꞌãktux Yeyox ꞌũkummuk
\p
\v 6 ꞌÃmuk xexka ꞌãxetꞌax Nõaꞌ Yẽn xip, ha tikmũꞌũn te ta tuꞌ xak, yĩy ta Pinat te tik xut kanet kaꞌok kopah, pu mõg. Yã hãmyãxatamuk xohix hã kaxĩy.
\v 7 Ha taꞌ xip tihik ꞌãxetꞌax Mahamax kanet kaꞌok kopa yãy xape xop mũtik. Yã hõmã tikmũꞌũn te gohet yõg xop mũtik yãy kix, ha Mahamax te tikmũꞌũn kix, haꞌ xakix.
\p
\v 8 Ha taꞌ nũn nõmhã tikmũꞌũn, nũy ta tuꞌ xak, puyĩy tik xut kanet kaꞌok kopah, pu mõg, Yã hãmyãxatamuk nõy xohix putuk.
\v 9 Ha Pinat te:
\p —‍ꞌOk ꞌãxop tep-tup, ꞌũyĩy xut, pu mõg Yoneo xop yõg xatꞌax Yeyox? Kaxĩy.
\p
\v 10 Yã Pinat teꞌ yũmmũg ꞌãmãnex xexka xop Yeyox hã yĩpkumĩy, hu Yeyox nũnnãhã Pinat hah,
\v 11 tu hãmꞌãktux hã tikmũꞌũn gãyãhãꞌ, puyĩy ta tuꞌ xak, puyĩy Pinat Mahamax xut pu mõg, ꞌap Yeyoxꞌah,
\v 12 ha Pinat te:
\p —‍ꞌÃxop te putep-tup, ꞌũ mĩy tik mũtik? Yã ꞌãxop te nõm xãnãhã nõm te Yoneo xop xat. Kaxĩy.
\p
\v 13 Ha tikmũꞌũn te:
\p —‍ꞌÃpu mĩpkup nix yĩmũp-tex pipkup hã. Kaxĩy.
\p
\v 14 Ha Pinat te:
\p —‍Teptu, putep kummuk mĩy? Kaxĩy.
\p Ha tikmũꞌũn te hãmꞌãktux kaꞌok nõy nãꞌ mõg, hu:
\p —‍ꞌÃpu mĩpkupnix yĩmũp-tex! ꞌÃpu mĩpkupnix yĩmũp-tex! Kaxĩy.
\p
\v 15 Ha Pinat tep-tup, nũy tikmũꞌũn kuxa hittupmãꞌ, hu Mahamax xut, pu mõg, tu hãpxip ꞌĩhã xat, puyĩy xonat Yeyox kix xikot hã, tu xonat xop pu Yeyox hõm, pup-tex.
\s Xonat te Yeyox kuteꞌex kummuk
\p
\v 16 Ha taꞌ mõg xonat xop, tu Yeyox mõgãhã gohenanok pet tuꞌ, tu mõktuꞌ mõxahaꞌ, ha xonat xohix te yãy tu nũꞌnãhãꞌ.
\v 17 Hãpxip ꞌĩhã xonat te Yeyox pu mõ xax tat, yã topixxax tox ꞌãtaꞌ, puyĩy xexka xop putuk, tu Yeyox putox yĩmũꞌ xix kuxxax, puyĩy xexka xop putuk, yã mĩmyãmtoxmãg hãꞌ mĩy.
\v 18 Xonat te:
\p —‍ꞌÃmax xeꞌẽgnãg! Xate Yoneo xop xat! Kaxĩy.
\p
\v 19 Xonat te Yeyox putox kix mĩm xahix hã, tu mõg yĩyhep yõn, tu kopaxux tuꞌ pip Yeyox keppah, yãꞌ xexka xop keppa putuk, yãꞌ xexka xop ꞌãpak putuk,
\v 20 tu Yeyox kuteꞌex kummuk kux, tu topixxax tox ꞌãta xut, tu mõ xax tat, yã Yeyox yõg, tu Yeyox mõgãhã hãptopah, nũy mĩpkupnix yĩmũp-tex.
\s Yeyox putex mĩpkupnix yĩmũꞌ
\p
\v 21 Tu taꞌ mõg, tu putat hãꞌ mõg, paꞌ xip tihik ꞌãxetꞌax Xĩmãm, yã hãm panip tuꞌ nũn, tu kõmẽn tuꞌ mõg, yã kõmẽn Xinẽn yõg tihik, yã ꞌAnexãn mũktak xix Hop mũktak. Ha taꞌ xat xonat te, pu Xĩmãm mĩpkupnix tat, haꞌ tahaꞌ,
\v 22 ha xonat xop te Yeyox mõgãhã hãm tu ꞌãxetꞌax Gok, yã tikmũꞌũn yĩyꞌax hã: “Hãm tuꞌ xip putox kup.” Kaxĩy. Tuꞌ mõg tu mõktuꞌ mõxahaꞌ,
\v 23 ha xonat te Yeyox puꞌ hõm xupyãg xix hehmẽn, yã xupyãg hãꞌ kanop hehmẽn, pa yãꞌ xoꞌopꞌah,
\v 24 ha xonat te Yeyox xix mĩpkupnix yĩmũꞌ pipkup hã, tu mõꞌ xap yõn, nũy xonat puxet pu Yeyox xax hõm, ha taꞌ nõy puꞌ nõy hõm hã kaxĩy.
\v 25 Yã mãyõn te pexkox pukaꞌ yũm ꞌĩhã mĩpkupnix yĩmũꞌ xup Yeyox pipkup hã.
\p
\v 26 Ha ta ꞌõm xip, tuꞌ kaxꞌãmi, hu: “Tik te Yoneo xop xat”. Kaxĩy. Tu nõm xix mĩpkupnix yĩmũꞌ.
\p
\v 27 Ha xonat xop te mĩpkupnix yĩmũ xupxet tix kix pipkup hã, yãp-xet xup Yeyox yĩm xeꞌe tuꞌ, ha taꞌ nõy xup ꞌũyĩm xax tuꞌ.
\v 28 Hã kãxĩy Topa yõg tappetxax te hãm ꞌãktux xeꞌeꞌ. Yã Topa yõg tappetxax te, “Yãꞌ xip ꞌũkummuk xop mũtik.”
\p
\v 29 Ha taꞌ nũn tikmũꞌũn, tu nũktu Yeyox mãnõg, tup-tox mahap, tu:
\p —‍ꞌŨgãynãm! Tute hãmꞌãktux Topa pet xexka koxyõy yũmmũg, tu xeꞌ mĩy yũmmũg ꞌãmnĩy tikoyuk hãꞌ
\v 30 Pu yã yĩyxox mĩpkupnix tuꞌ, nũy xok hok. Kaxĩy.
\p
\v 31 Ha ta Yeyox mãnõg kama ꞌãmãnex xexka xop teꞌ xix tik te hãmyũmmũg xop teꞌ, tu:
\p —‍Tute tikmũꞌũn hĩnnã yũmmũg, pa yãy hĩnnã yũmmũg ꞌohnãg!
\v 32 Topa te ꞌãyãykutnãhã, ha xate Yoneo xop xat. ꞌÃpu mĩpkupnix tu yĩyxox. ꞌŨgmũꞌãteꞌ pẽnãp-tup, huk mũg kuxa mãm putup ꞌãkopah! Kaxĩy.
\p Ha ta xupxet te Yeyox kuteꞌex kummuk kamah.
\s Yeyox xok
\p
\v 33 Mãyõn te yãykoteꞌ yũm, pa hãm xohix tu hãpkoxtap, tu mõktu mãyõn heꞌ.
\p
\v 34 Ha mãyõn he ꞌĩhã Yeyox te hãmꞌãktux kaꞌok, hu:
\p —‍“ꞌEnix, ꞌEnix, nẽmã xamatãn?” Kaxĩy. Yã tikmũꞌũn yĩyꞌax hã: “Yõgnũ Topa, yõgnũ Topa, teptuk nĩm?” Kaxĩy.
\p
\v 35 Ha tikmũꞌũn teꞌ xupak, tu:
\p —‍ꞌŨxupax! Tute ꞌEnit xãnãhãꞌ! Kaxĩy.
\p
\v 36 Ha ꞌõm xip, tu taꞌ mõg, tu tohok hã xupyãg kummuk xup, tu mĩm hãꞌ xuhmĩy, tuꞌ nũnnãhãꞌ, tu Yeyox puꞌ hõm, pu xoꞌop. Tute:
\p —‍ꞌÃpu yũmũꞌãte pẽnãꞌ. ꞌOk ꞌEnit nũn, nũy mĩpkupnix tuꞌ xut? Kaxĩy.
\p
\v 37 Ha Yeyox te hãmꞌãktux kaꞌok, tuꞌ xok xeꞌeꞌ.
\p
\v 38 Ha ta Topa pet xexka yõg topixxax mõhãmnĩnyĩnꞌax pot ꞌũpepix mõktuꞌ kakak.
\v 39 Ha taꞌ xip xonat yõg kapitãm Yeyox keppah, tu Yeyox te hãmꞌãktux kaꞌok ꞌãpak, tu Yeyox xok pẽnãhãꞌ, tu:
\p —‍Hamũn, tihik nũhũꞌ yã Topak-tok! Kaxĩy.
\p
\v 40 Ha taꞌ pip ꞌũhũn hãptox miax tuꞌ, tuꞌ pẽnãhãꞌ, yã ꞌũn xop kopaꞌ pip Mãnix Mãnanẽn, xix Xanomẽꞌ, xix Manix, yã Yoye mũktut xix Tiak mũktut, yã Tiak yã tuktup.
\v 41 Yã hõmã ꞌũn te Yeyox mũtik mõg pax tu hãpxexka Ganinet tuꞌ, tu Yeyox pu hãpxop max mĩy. Ha taꞌ pip kama ꞌũn nõy xohix. Yãꞌ nũn Yeyox mũtik kõmẽn Yenoyanẽn tuꞌ.
\s Yeyox yĩn xix mĩkaxxap kox kopah
\p
\v 42-43 ꞌÃmãxak ꞌĩhãꞌ nũn Yoyeꞌ, yã kõmẽn ꞌAnimãtex yõg tihik, yãꞌ xexkah, tu tik pa te hãmyũmmũg xop kopaꞌ xip. Yã tuteꞌ hip Topa te yãy yõg tikmũꞌũn xat, haꞌ yĩpkox pip. Yã xexta pet ꞌãmãxak ꞌĩhã Yoneo xop te hãmmaxnãhã nit xap puꞌ, yĩy ta Yoye kuxanõg ꞌohnãg, hu taꞌ mõg Pinat hah, nũy ta tu Yeyox xokxax xax.
\v 44 Pinat teꞌ xupak Yeyox xok xeꞌe nõmhã, tuꞌ yẽy, yãꞌ xok mõꞌkaꞌok. Pinat teꞌ xãnãhã Hõm yõg xonat xop yõg xatꞌax, yĩy taꞌ nũn, tu nũktuꞌ xupep. Ha Pinat te:
\p —‍ꞌOk xok tãmnãg Yeyox? Kaxĩy.
\p
\v 45 Ha:
\p —‍Hamũn. Kaxĩy.
\p Ha Pinat te Yoye pu xokxax hõm.
\p
\v 46 Ha taꞌ mõg Yoye, tu topixxax pahaꞌ, tu taꞌ mõg, tu mĩpkupnix tu Yeyox yĩn putxok, tu topixxax hãꞌ kĩy, tuꞌ nũn, tu nũktu mĩkaxxap kox kopaꞌ xix, tu mĩkaxxap xexka yõkãnãmãhã hãmyĩkox kopah,
\v 47 ha Mãnix Mãnanẽn teꞌ pẽnãhã xix Mãnix teꞌ, yã Yoye mũktut. Yã Yeyox yĩn pẽnãhãꞌ xix mĩkaxxap kox.
\c 16
\s Yeyox te putpuꞌ hix
\p
\v 1 Nit xap ꞌãmnĩy tuknõg nõg ꞌĩhãꞌ mõg Mãnix Mãnanẽn, xix Xanomẽꞌ, xix Mãnix, yã Tiak mũktut, tu hep hãynãg max pahaꞌ, nũy Yeyox yĩn muk.
\v 2 Yenomĩy mãyõn xupep ꞌĩhãꞌ mõg mĩkaxxap kox tuꞌ,
\v 3 tu putat kopa yãy mũtik hãmꞌãktux, hu:
\p —‍ꞌŨꞌũm tek mũꞌã mĩkaxxap xexka yõkãnãmãp-tup, nũy xut hãmyĩkox tuꞌ? Kaxĩy.
\p
\v 4 Yãꞌ xexkanãm mĩkaxxap, yĩy nõm ꞌãktux. Paꞌ pẽnãhãꞌ, paꞌ xipꞌah hãmyĩkox tuꞌ. Tep-teꞌ yõkãnãmãhãꞌ?
\v 5 ꞌŨn te mĩkaxxap kox hãꞌ mõxahaꞌ, paꞌ yũm tihik, tu yõg topixxax tox ponnok, yãꞌ yũm ꞌũn yĩm xeꞌe tuꞌ, yĩy ꞌũn teꞌ yĩpkutuk xexkah.
\v 6 Pa tik te:
\p —‍ꞌÃkuxanõg hok! ꞌÃteꞌ yũmmũg, ꞌãxop teꞌ xak kõmẽn Nãyane yõg Yeyox. ꞌAp xipꞌah nũnteh. Yã putpuꞌ hiꞌ. Pẽnã ꞌũyõg xipꞌax nũnteh.
\v 7 Mõg, nũy Pet pu hãmꞌãktux xix Yeyox yõg tik nõy puꞌ. ꞌÃpu hãmꞌãktux, hu: “Yeyox te ꞌãkeppa mõg hãpxexka Ganinet tuꞌ. ꞌÃxop teꞌ pẽnãp-tup ꞌõnteh. Yã Yeyox te xa nõm ꞌãktux hõmã.” Kaxĩy.
\p
\v 8 Ha taꞌ mõg ꞌũhũn, tuꞌ mõg mõꞌkaꞌok, yãꞌ yĩpkutuk, yãꞌ kuxanõg, huꞌ yẽy, yã hãmꞌãktux ꞌohnãg.
\s Yeyox te Mãnix Mãnanẽn pu yãy mũg
\p
\v 9 Hãptup yenomĩy ꞌĩhã putpuꞌ hix Yeyox, tu Mãnix Mãnanẽn pu yãy mũg hãmãxap. Yã hõmã Yeyox teꞌ mõy yãmĩy kummuk teꞌ 7 Mãnix Mãnanẽn kopah,
\v 10 ha taꞌ mõg, paꞌ pip Yeyox mũtik mõg xop, tuꞌ kuxa hittup ꞌohnãg, tuꞌ potahaꞌ, ha Mãnix Mãnanẽn te:
\p —‍ꞌŨputpuꞌ hix Yeyox. Kaxĩy.
\p
\v 11 Haꞌ xupak, yã putpuꞌ hiꞌ, tu tikmũꞌũn pu yãy mũg, paꞌ kuxa mãm ꞌohnãg hãmꞌãktux kopah.
\s Yeyox te yãy yõg tik tix pu yãy mũg
\p
\v 12 Hãpxip ꞌĩhã Yeyox te yãy yõg tik tix pu yãy mũg. Yã tik mõg hãm panip tuꞌ, tu Yeyox pẽnãhãꞌ,
\v 13 tu putpuꞌ nũn, tu nũktu Yeyox yõg tik nõy pu nõm ꞌãktux, paꞌ kuxa mãm ꞌohnãg hãmꞌãktux kopah.
\s Yeyox te yãy yõg tik te 11 xop pu yãy mũg
\p
\v 14 Ha taꞌ mõg Yeyox, tu yãy yõg tik te 11 xop pu yãy mũg. Yãꞌ xit tihik, haꞌ nũn Yeyox, tu tik pu yãy mũg, tu:
\p —‍Teptu ꞌãkuxa mãm ꞌohnãg. Tikmũꞌũn te: “ꞌŨgmũꞌãteꞌ pẽnãhã Yeyox. Yã putpuꞌ hiꞌ”. Kaxĩy. Pa ꞌãkuxa mãm ꞌohnãg hãmꞌãktux kopah. Yãꞌ kummuk. Kaxĩy.
\p
\v 15 Tu xe:
\p —‍ꞌÃpu mõg hãpxexka xohix xexka tuꞌ, nũy Topa yõg hãmꞌãpak maxꞌax ꞌãktux tikmũꞌũn xohix xexka puꞌ.
\v 16 Tikmũꞌũn ꞌũm kuxa yũm kaꞌok ꞌũgkopah, hap-tox pix, puxix Topa kuxa kummuk xit, nũy kuxa max mõꞌtat, ꞌũyãnãn tuꞌ.
\v 17 Topa teꞌ kuxa mãm kaꞌok xop kaꞌogãp-tup, puyĩy hãpxopmã kaꞌok xeꞌẽgnãg. Yã yãmĩy kummuk mõy putup, tuꞌ yĩyꞌax tup punethok hãꞌ xuktux putup.
\v 18 Kãyã gãy tep-top, puxix xũy ꞌohnãg. Hep kummuk xoꞌop nõm te tikmũꞌũn kix, puxix xũy ꞌohnãg, tu pakut xop yĩmũ yãy yĩm xex, puxix hittup.
\s Yeyox mõg pexkox tuꞌ
\p
\v 19 Yũmũg xuxyã Yeyox te hãmꞌãktux kux, haꞌ nõy teꞌ mõgãhã pepix pexkox tuꞌ, haꞌ yũm Topa yĩm xeꞌe tuꞌ.
\v 20 Ha taꞌ mõg Yeyox yõg tik xop, tu tikmũꞌũn pu Topa yõg hãmꞌãpak maxꞌax ꞌãktux hãpxexka xohix tuꞌ. Ha yũmamũg xuxyã te yõg hãmꞌãktux kaꞌogãhãꞌ, yã nõm mõꞌnĩgnãm, puyĩy hãpxopmã kaꞌok xeꞌẽgnãg. Hã kaxĩy tikmũꞌũn teꞌ yũmmũg ꞌũxeꞌe yõg hãmꞌãpak maxꞌax.
\p Tu ta tuꞌ kux.