1
00:00:05,000 --> 00:00:08,920
Yesu sǝlǝ ama amǝ Farisi ongŋǝna ce ama yì ka,

2
00:00:08,920 --> 00:00:15,020
nda arǝ kum amǝ kwaɗi te pas sǝ nda arǝ pakkia wia batisǝma kuti mala Yohana.

3
00:00:15,020 --> 00:00:16,960
(Aɓa mǝsǝcau ka,

4
00:00:16,960 --> 00:00:20,620
Yesu nǝ ɓamuri ka pakki kǝɓwa batisǝma ɗang,

5
00:00:20,620 --> 00:00:23,200
alaggana male na à pakkiyi ka.)

6
00:00:23,200 --> 00:00:28,940
Lang Yesu yi sǝlǝ ama amǝ Farisi ongŋǝna ama amǝ kpate nǝ̀ nggǝ̀ lakki ka,

7
00:00:28,940 --> 00:00:30,620
nying nzali Yahudi,

8
00:00:30,620 --> 00:00:33,140
nyare o ɗǝm a nzali Galili.

9
00:00:33,140 --> 00:00:37,720
O male ka dumǝni wi púp nǝ̀ ara aɓa nzali Samariya.

10
00:00:37,720 --> 00:00:40,260
Lang yina a nzali Samariya ka,

11
00:00:40,260 --> 00:00:44,000
pǝlǝa yiu a ɓe la mǝnana à tunǝki ama Saika ka;

12
00:00:44,000 --> 00:00:48,860
banì sapi nzali mǝnana Yakupu pe muni Yisǝfu a pwaryan ngga ɗang.

13
00:00:48,860 --> 00:00:51,180
Tūli-mùr mala Yakupu ka,

14
00:00:51,180 --> 00:00:52,620
nda abanì.

15
00:00:52,620 --> 00:00:56,180
Yesu aulǝna nǝ gya nǝ pwari zǝkia ka,

16
00:00:56,180 --> 00:00:58,900
yi do a kun tūli-mùrî nǝ̀ usǝlǝo.

17
00:00:58,900 --> 00:01:01,640
Ɓe mɓwama Samariya yiu a to mùr,

18
00:01:01,640 --> 00:01:03,360
sǝ Yesu ne wi ama,

19
00:01:03,360 --> 00:01:05,480
“Ɗarǝam mur mǝ nu.”

20
00:01:05,480 --> 00:01:10,240
(Anggo ka alaggana male warina a kúr girlina aɓa là.)

21
00:01:10,240 --> 00:01:12,700
Sǝ mɓwame pǝlǝa ne Yesu ama,

22
00:01:12,700 --> 00:01:14,560
“A nda ɓwa Yahudi,

23
00:01:14,560 --> 00:01:16,520
sǝ mǝ nda ɓwa Samariya.

24
00:01:16,520 --> 00:01:23,780
Lang sǝ a nǝ zǝm murnuna a buam yi mǝnana kǝgir kǝ kpapi amǝ Yahudi andǝ amǝ Samariya raka?”

25
00:01:23,780 --> 00:01:25,620
Yesu eari wi ama,

26
00:01:25,620 --> 00:01:29,260
“Ɓǝ̀ a surǝna rǝ ɓoro mǝnana Ɓakuli ndanǝi aceo,

27
00:01:29,260 --> 00:01:31,760
andǝ ɓwa mǝnana zǝmnggiyio mùr nuna ka,

28
00:01:31,760 --> 00:01:35,000
ɓǝ a zǝmni wi mùr mǝnana pākiyi yilǝmu ka,

29
00:01:35,000 --> 00:01:36,180
sǝ yì ka,

30
00:01:36,180 --> 00:01:37,300
nǝ̀ po.”

31
00:01:37,300 --> 00:01:39,040
Mɓwame na ama,

32
00:01:39,040 --> 00:01:40,400
“Ɓwamǝgule,

33
00:01:40,400 --> 00:01:43,600
a panǝ gir nun mur ɗang sǝ tūli ka mǝlime na.

34
00:01:43,600 --> 00:01:47,580
Ake sǝ a nǝ kum mǝnia yì mur mǝnana kǝ pa yilǝmu ka?

35
00:01:47,580 --> 00:01:52,100
A kuti kà sǝm Yakupu mǝnana pà sǝm mǝnia yì tūli,

36
00:01:52,100 --> 00:01:54,060
mǝnana yì nǝ nggearǝì,

37
00:01:54,060 --> 00:01:55,520
andǝ amuni,

38
00:01:55,520 --> 00:01:58,740
andǝ agirkusǝu malea à nu mur kam ngga le?”

39
00:01:58,740 --> 00:02:00,760
Pǝlǝa Yesu ne wi ama,

40
00:02:00,760 --> 00:02:04,820
“Ɓwa mǝnana kat nu mùr man ngga nǝ̀ ok mǝsamur ɗǝm.

41
00:02:04,820 --> 00:02:08,680
Sǝ ɓwa mana kat nǝ̀ nu mùr mǝnana mǝ nǝ pe wi ka,

42
00:02:08,680 --> 00:02:10,540
pà nǝ̀ ok mǝsamur ɗǝm ɗang.

43
00:02:10,540 --> 00:02:12,560
Mùr mǝnana mǝ nǝ pe wi ka,

44
00:02:12,560 --> 00:02:19,080
nǝ̀ duk mgbeaɗe mùr a bumi mana nǝ̀ nggǝ pe wi yilǝmu mǝnana te pà nǝ̀ mal raka.”

45
00:02:19,080 --> 00:02:21,120
Mɓwame banggi wi ama,

46
00:02:21,120 --> 00:02:22,640
“Ɓwamǝgule,

47
00:02:22,640 --> 00:02:24,500
pam mǝnia yì mur ka,

48
00:02:24,500 --> 00:02:27,900
ace mǝnana mǝsamur ɓǝ̀ kǝa walam ɗǝm ɗang,

49
00:02:27,900 --> 00:02:31,340
sǝ ɓǝn ngga nyarki kani aban toki mur raka.”

50
00:02:31,340 --> 00:02:33,160
Yesu ne wi ama,

51
00:02:33,160 --> 00:02:35,700
“Kyane kya tunǝ burrio wu yiu.”

52
00:02:35,700 --> 00:02:37,680
Mɓwame ne Yesu ama,

53
00:02:37,680 --> 00:02:39,400
“Ən panǝ burra ɗang.”

54
00:02:39,400 --> 00:02:41,240
Yesu banggi wi ama,

55
00:02:41,240 --> 00:02:44,560
“A bangŋa mǝsǝcau yì mǝnana a na ama,

56
00:02:44,560 --> 00:02:46,160
a panǝ burra raka.

57
00:02:46,160 --> 00:02:48,740
Mǝsǝcau ka nda mǝnana ama,

58
00:02:48,740 --> 00:02:50,920
a dumǝna nǝ aburana tongno,

59
00:02:50,920 --> 00:02:54,600
sǝ ɓwa mǝno ado a nda te ka burrio na ɗang.

60
00:02:54,600 --> 00:02:57,540
Cau mǝnana a ne ka mǝsǝcau na.”

61
00:02:57,540 --> 00:02:59,260
Mɓwame na ama,

62
00:02:59,260 --> 00:03:00,700
“Ɓwamǝgule,

63
00:03:00,700 --> 00:03:04,720
ǝn nggǝ sǝni kǝla we ka a nda mǝɓangna mala Ɓakuli.

64
00:03:04,720 --> 00:03:09,240
Aká sǝm peri aban Ɓakuli amur nkono Gerizim man,

65
00:03:09,240 --> 00:03:11,220
sǝ wun amǝ Yahudi ka,

66
00:03:11,220 --> 00:03:16,260
wu na ama Urǝshalima nda ban mǝnana duk pup sǝm nǝ̀ peri kam ngga.”

67
00:03:16,260 --> 00:03:18,060
Yesu eari wi ama,

68
00:03:18,060 --> 00:03:19,340
“Mɓwama,

69
00:03:19,340 --> 00:03:22,180
earnǝ cau mǝnana ǝn nggǝ banggo ka.

70
00:03:22,180 --> 00:03:25,860
Pwari na kǝ yiu ka mǝnana peri aban Ɓakuli ka,

71
00:03:25,860 --> 00:03:29,480
pà nǝ̀ pa amur nkono man ko aɓa Urǝshalima ka ɗang.

72
00:03:29,480 --> 00:03:31,500
Wun amǝ Samariya ka,

73
00:03:31,500 --> 00:03:34,340
wu kǝ peri aban ɓwa mǝnana wu surǝì raka,

74
00:03:34,340 --> 00:03:35,380
sǝ sǝm,

75
00:03:35,380 --> 00:03:36,840
amǝ Yahudi ka,

76
00:03:36,840 --> 00:03:40,040
sǝm surǝna rǝ ɓwa mǝnana sǝm nggǝ peri abani ka.

77
00:03:40,040 --> 00:03:43,960
Acemǝnana amsǝban ngga pur nǝban amǝ Yahudi.

78
00:03:43,960 --> 00:03:46,080
Sǝ pwari na kǝ yiu ka,

79
00:03:46,080 --> 00:03:47,800
yale pwari nì yina,

80
00:03:47,800 --> 00:03:54,840
mǝnana amǝperi mǝ'mǝsǝcau nì nǝ̀ ngga peri aban Ɓakuli nǝ ɓabumia kat nǝ mǝsǝcau.

81
00:03:54,840 --> 00:04:00,020
Yia ka à nda ka ulang amǝperi mǝnana Ɓakuli earkiyi cea ka.

82
00:04:00,020 --> 00:04:02,760
Ɓakuli ka Bangŋo na,

83
00:04:02,760 --> 00:04:04,700
sǝ amǝ peri abani ka,

84
00:04:04,700 --> 00:04:05,920
dumǝna púp,

85
00:04:05,920 --> 00:04:09,280
à nǝ̀ peri nǝ ɓabumia kat nǝ mǝsǝcau.”

86
00:04:09,280 --> 00:04:11,500
Pǝlǝa mɓwame ne Yesu ama,

87
00:04:11,500 --> 00:04:13,260
“Ən sǝlǝna ama,

88
00:04:13,260 --> 00:04:17,220
Mǝ'amsǝban mǝnana à kǝ tunǝi ama Kǝrǝsti ka nǝ̀ yiu.

89
00:04:17,220 --> 00:04:18,580
Ɓǝ̀ yina ka,

90
00:04:18,580 --> 00:04:21,240
nǝ̀ yia mǝnggia sǝm ɓalǝ agir kat.”

91
00:04:21,240 --> 00:04:23,160
Sǝ Yesu banggi wi ama,

92
00:04:23,160 --> 00:04:26,680
“Mim ɓwa mǝnana ado nakiyi cau nǝ we ka,

93
00:04:26,680 --> 00:04:28,740
Mǝ nda kǝ yì.”

94
00:04:28,740 --> 00:04:30,780
Anggo ka,

95
00:04:30,780 --> 00:04:33,200
alaggana mala Yesu yi tusǝo,

96
00:04:33,200 --> 00:04:37,960
à ndali mǝnana à yì kumi aban na cau andǝ mɓwama ka.

97
00:04:37,960 --> 00:04:40,200
Sǝ kǝɓwa ɗi mɓwame ama,

98
00:04:40,200 --> 00:04:42,320
mana a alkite ka ɗang.

99
00:04:42,320 --> 00:04:44,240
Sǝ kǝɓwa ɗi gbal ama,

100
00:04:44,240 --> 00:04:47,440
ace mana sǝ a kǝ na cau nǝ ɓwame ka ɗang.

101
00:04:47,440 --> 00:04:52,360
Sǝ mɓwame nying bàng-mùr male nyare o a la kya ne aɓwana ama,

102
00:04:52,360 --> 00:04:53,560
“Wu yiu,

103
00:04:53,560 --> 00:04:58,700
wu yi sǝn ɓwa mǝnana nam koya gir nani ǝn pa aɓa do mem ngga!

104
00:04:58,700 --> 00:05:01,500
Ko ɓwa man nda Kǝrǝsti Mǝ'amsǝban le?”

105
00:05:01,500 --> 00:05:04,820
Pǝlǝa ɓwapǝndǝa puri la à yiu aban Yesu.

106
00:05:04,820 --> 00:05:06,040
Anggo ka,

107
00:05:06,040 --> 00:05:08,600
alaggana mala Yesu zǝmbǝi wi ama,

108
00:05:08,600 --> 00:05:09,740
“Rabbi,

109
00:05:09,740 --> 00:05:11,260
yiu li girlina.”

110
00:05:11,260 --> 00:05:13,360
Yesu pǝlǝa nea wia ama,

111
00:05:13,360 --> 00:05:17,580
“Mǝ ndanǝ girlina mǝnana wu surǝ kǝgir amuri raka.”

112
00:05:17,580 --> 00:05:20,500
Sǝ alaggana male kutia ɗiki rǝia ama,

113
00:05:20,500 --> 00:05:22,480
“Kǝ ɓwa yinǝì wi nǝ girlina le?”

114
00:05:22,480 --> 00:05:24,380
Yesu nea wia ama:

115
00:05:24,380 --> 00:05:29,820
Girlina mem nda ɓǝn pak gir mǝnana Tárram mana turam ngga earkiyi ce,

116
00:05:29,820 --> 00:05:33,800
sǝ ɓǝn masǝlǝta turo male mǝnana pam ɓǝn pe ka.

117
00:05:33,800 --> 00:05:36,020
Wun nǝ̀ naki mbak ama,

118
00:05:36,020 --> 00:05:39,240
ueo zongŋo ine à nǝ̀ pwan girɓaban?

119
00:05:39,240 --> 00:05:40,740
Sǝ ǝn nggǝ na wun,

120
00:05:40,740 --> 00:05:42,340
wu loasǝ amǝsǝ wun,

121
00:05:42,340 --> 00:05:43,880
wu sǝn agirɓaban,

122
00:05:43,880 --> 00:05:45,040
à ɓǝlna,

123
00:05:45,040 --> 00:05:46,680
à karǝna pwano.

124
00:05:46,680 --> 00:05:49,640
Ɓwa mǝnana nda ban pwan girɓaban ngga,

125
00:05:49,640 --> 00:05:52,220
Ɓakuli na arǝ pe wi tangnakusǝi,

126
00:05:52,220 --> 00:05:56,860
sǝ ndarǝ pwan girɓaban mala yilǝmu mǝnana pà nǝ̀ te mal raka;

127
00:05:56,860 --> 00:06:03,240
ace mani ka mǝ ɓeale andǝ mǝ pwan girɓaban ngga ban nǝ ɓoaria wia a tarǝia.

128
00:06:03,240 --> 00:06:06,600
Anggo ka cau mǝnana à kǝ ne ama,

129
00:06:06,600 --> 00:06:08,220
“Ɓe ɓwa ɓeale,

130
00:06:08,220 --> 00:06:09,900
sǝ ɓeɓwa pwan” ngga,

131
00:06:09,900 --> 00:06:11,520
dumǝna mǝsǝcau.

132
00:06:11,520 --> 00:06:13,160
Ən tasǝ wun,

133
00:06:13,160 --> 00:06:16,860
wu kya pwan girɓaban mǝnana wu nda wu ɓeal raka;

134
00:06:16,860 --> 00:06:18,800
aɓea aɓwana na à ɓeale,

135
00:06:18,800 --> 00:06:23,220
sǝ wun ngga wu kya kum tangnakusǝ turo mǝnana à pak ka.

136
00:06:23,220 --> 00:06:31,460
Amǝ Samariya pas a mǝno yì là ka à pa ɓamuria aban Yesu ata cau mala mɓwama mǝnana banggia wia ama,

137
00:06:31,460 --> 00:06:35,440
“Nam koya gir nani ǝn pa aɓa do mem ngga.”

138
00:06:35,440 --> 00:06:38,480
Lang amǝ Samariyi yiu aban Yesu ka,

139
00:06:38,480 --> 00:06:40,540
à yì zǝmbǝi wi ɓǝ̀ do atea,

140
00:06:40,540 --> 00:06:43,680
pǝlǝa Yesu do pak nongŋo ɓari abania.

141
00:06:43,680 --> 00:06:48,540
Ɓwamǝpǝnde pas ɗǝm à yì pa ɓamuri aban Yesu ace cau male.

142
00:06:48,540 --> 00:06:52,640
Pǝlǝa yia ka à ne mǝno yì mɓwama ka ama,

143
00:06:52,640 --> 00:06:56,040
“Ado ka pa ace cau mo sǝ sǝm pà ɓamur sǝm abani ka ɗang,

144
00:06:56,040 --> 00:06:59,360
nggearǝ sǝm ngga sǝm ongŋǝni nǝ kir sǝm.

145
00:06:59,360 --> 00:07:00,840
Sǝm sǝlǝna ama,

146
00:07:00,840 --> 00:07:02,360
aɓa mǝsǝcau ka,

147
00:07:02,360 --> 00:07:04,960
yì nda Mǝ'amsǝ ɓanza.”