\id LUK
\h SAN LUCAS
\toc1 SAN LUCAS
\mt1 SAN LUCAS
\mt2 Jaayhuɨꞌmy Jaduꞌn Nej Jesucristo Ytun Yjajtɨ
\c 1
\p
\v 1 Mayjäy tɨ cojaay je ayuc je tɨyꞌajt huɨdi ɨɨch ajt nejhuɨɨyɨm co janch ytɨyꞌájtɨty, tügꞌócɨy jaduꞌn nej Jesús chondacy yjugyꞌájtɨn ya naaxhuiñ ixtɨ mabaad ycogɨxɨɨy.
\v 2 Tügꞌócɨy je tɨyꞌajt jaduꞌn nej ajt xyñɨmaayɨm huɨdi cɨꞌm ijx mɨdou nej chondacy ixtɨ mabaad ycogɨxɨɨy, jeꞌ ajcxy huɨdibɨ capxhuäcxy Jesús yꞌayuc ytɨyꞌajt.
\v 3 Ɨɨch nañ jaduꞌn tɨ nyajcɨ̈yöyɨch tɨ nyajtecyyöyɨch yajxon je tɨyꞌajt nej Jesús chondacy jeꞌ chɨnaayɨn ya naaxhuiñ ixtɨ mabaad ycogɨxɨɨy. Paady ycɨxpɨ ɨɨch nhuinmaꞌñ pɨdägy co ɨɨch miich nyajnijayɨ̈huaꞌñ tügꞌócɨy je tɨyꞌajt, miich oyjäybɨ, Teófilo.
\v 4 Jɨgɨx miich nañ jaduꞌn mnejhuɨ̈huɨpy yajxon je tɨyꞌajt, jaduꞌn nej miich tɨ mꞌixpɨcy.
\s Tüg ángel nigapxy co Juan el Bautista ypiꞌcꞌadaꞌñ
\p
\v 5 Jaduꞌn ytunɨ yjajtɨ co anajty Herodes yreyꞌaty ma Judea naax cajp, jɨm anajty tüg judío teedy hueꞌ anajty yxɨɨ Zacarías. Jeꞌ anajty semandumb mɨɨd Abías yꞌajugytɨjc yꞌamɨgügtɨjc. Je Zacarías ypɨjcy mɨɨd Aarón yꞌocnɨɨx, hueꞌ jeꞌ anajty yxɨɨ Elisabet.
\v 6 Dios yꞌijxyp ñejhuɨɨyb co jeꞌ anajty ajcxy ytudägyjäyɨty nimetz. Jeꞌ ajcxy ycuydumyb tügꞌócɨy yɨ Huindzɨn Dios ycapxy yꞌanéꞌmɨn.
\v 7 Jeꞌ caꞌp anajty ajcxy yꞌung ni tüg, e jaduꞌn ajcxy ymɨjäyɨɨñ nimetz.
\p
\v 8 Chi tügtecy Zacarías mɨɨd yꞌajugy yꞌamɨgüg yteedyꞌájtcɨxy anajty ma Dios ytɨjc.
\v 9 Jaduꞌn nej teedy ajcxy ycostumbre mɨɨdɨty, chi ñigootɨ tung je Zacarías mɨna ypoomjogɨpy jiiby ma yɨ Huindzɨn Dios ytɨjc.
\v 10 Tügꞌócɨy je mayjäy ooy anajty Dios mɨbɨjctzoogɨxy tɨbaꞌy. Yam Zacarías tzajtɨgoty ypoomjocy,
\v 11 co ñayquëxɨ̈cɨ Huindzɨn Dios yꞌángel tüg ytɨnäy aꞌoyꞌamy ma je poomjoctac.
\v 12 Co Zacarías ijxy je ángel, chi ooy chɨgɨɨy.
\v 13 Chi je ángel nɨmaay Zacarías:
\p ―Caꞌ mdzɨgɨ̈y, tɨ Dios mɨdooy yɨ mjuydácɨn mnucxtácɨn. Yɨ mdöxyɨjc Elisabet ypaadɨpy tüg ung yëydɨjcpɨ, e mxɨɨmöhuɨpy Juan.
\v 14 Mjotcujcꞌadɨp mxondägɨp miich etz mdöxyɨjc, nañ may yɨ jäy yjotcugɨ̈huɨpy co anajty mꞌung tɨ ypiꞌcꞌaty.
\v 15 Chi yɨ mꞌung ycömayꞌidaꞌñ ma Dios. Ni caꞌ ügɨpy vino ni jocnɨɨ. Ma caꞌnɨ anajty ymaꞌxungꞌaty ymɨɨdꞌadɨpy yɨ Dios yjɨhuɨꞌñ ymɨcꞌajt.
\v 16 Yɨꞌ yajjothuimbidɨp may Israel jäy ma yɨꞌ ajcxy yHuindzɨn Dios.
\v 17 Jeꞌ nɨcxy ycogapxyꞌaty ma yɨ jäy ajcxy huinmɨc jotmɨc mɨɨd Dios yjɨhuɨꞌñ ymɨcꞌajt, tɨm jaduꞌn nej Elías jecyꞌajty ycogapxyꞌajty huinmɨc jotmɨc mɨɨd Dios yjɨhuɨꞌñ ymɨcꞌajt. Jeꞌ mꞌung yajjothuimbidɨpy je ungdeedy ajcxy huɨdibɨ caꞌ yꞌung ixaangɨxy, nañ yajjothuimbidɨpy je jäy ajcxy huɨdibɨ caꞌ capxycöbɨcy yɨ Dios, jɨgɨx ajcxy paadɨpy oyjot oyhuinmaꞌñ. Nañ mꞌung ñɨmähuɨpy je jäy ajcxy huen nayñiꞌixɨ́ɨyɨgɨxy mɨɨd yHuindzɨn Dios ycɨxpɨ.
\p
\v 18 Chi Zacarías nɨmay je ángel:
\p ―¿Nej jada ɨɨch nejhuɨ̈huɨpy penɨ janch huɨdibɨ xyajnɨmaaybɨch? Tɨ nmɨjjäyɨɨyñɨch, cham ndöxyɨjcɨch nañ tɨ ymɨjjäyɨɨyñɨ.
\p
\v 19 Chi je ángel yꞌadzooy:
\p ―Ɨɨch Gabriel, ma Dios yhuinduu niꞌixɨꞌ nꞌítyɨch. Dios tɨ xyquexyɨch cogapxyꞌajtpɨ ma miich co nyajnɨmähuɨpy jada oybɨ ayuc.
\v 20 Jadachambɨ miich mhuɨ́ꞌmɨpy uum, ni caꞌ mꞌocjájtnɨp nej mgápxɨpy, mɨɨd co caꞌ mmɨbɨcy jada ɨɨch nꞌayuc huɨdibɨ yajcuydunɨp co anajty tiempo patnɨ.
\p
\v 21 Yam je mayjäy ooy jaꞌahuíjxcɨxy Zacarías, ooy anajty ajcxy tzachhuinmaaygɨxy ti co chachhuäcxɨpy jiiby ma Dios ytɨjc.
\v 22 Co Zacarías ypɨdzɨmy, chi caꞌ anajty yꞌoccapxnɨ. Chi je jäy ajcxy huinjɨhuɨɨy co tɨ anajty ixy tijaty jiiby ma Dios ytɨjc. Hueꞌ jeꞌ yjacmɨydacy aꞌɨxɨ̈yꞌamy, e oyhuɨꞌmɨ̈y uum.
\p
\v 23 Co je semandung yajmay, chi Zacarías ñɨcxnɨ ma ytɨjc.
\v 24-25 Co jaduꞌn yjajty, chi Elisabet jɨhuɨɨy co tɨ anajty yꞌung tzɨmɨ̈gy cɨyɨ̈ gy. Chi yüchꞌijty mɨgoox poꞌ, e ymɨnañ: “Jaduꞌn yɨ Huindzɨn Dios tɨ ytuñ mɨɨd ɨɨch jadachambɨ tiempo, tɨ xyjäymechɨch tɨ yajquëgy ɨɨch ndzöyduꞌn ma yɨ mayjäy ajcxy.”
\s Tüg ángel nigapxy co Jesús ypiꞌcꞌadaꞌñ
\p
\v 26 Co tudujc poꞌ maabɨ Elisabet anajty yꞌungtzɨmɨ̈gy, chi Dios quejxy jeꞌ yꞌángel Gabriel jɨm Galilea naaxjot ma je cajp huɨdi anajty yxɨɨ Nazaret.
\v 27 Chi Dios quejxy Gabriel ma anajty tüg töxyꞌanäg yꞌity huɨdibɨ anajty caꞌnɨ mɨdzɨnäy yëydɨjc. Je töxyꞌanäg tɨ anajty coꞌadzoy co pɨgaꞌñ mɨɨd tüg yëydɨjc huɨdi yxɨɨ José. José hueꞌ anajty David yꞌap yꞌoc. Je töxyꞌanäg hueꞌ anajty yxɨɨjɨty María.
\v 28 Co je ángel ytɨgɨɨy ma anajty María, chi nɨmay:
\p ―María, Dios tɨ xyꞌijxtɨy, je Huindzɨn Dios yꞌoyꞌajt mɨɨd miich. Miich jeꞌ cömay yꞌidɨp ma tügꞌócɨy töxyjäydɨjc.
\p
\v 29 Chi María co yꞌijxy je ángel, chi chɨgɨɨy mɨɨd jeꞌ yꞌayuc, chi huinmay ooy mɨɨd jada copxpócxɨn nej co yjadúꞌñɨty.
\v 30 Chi je ángel ymɨnañ:
\p ―María, caꞌ mdzɨgɨ̈y, miich Dios tɨ xyꞌijxtɨy.
\v 31 Jadachambɨ, mꞌungdzɨmɨ̈gɨp, myajpiꞌcꞌadɨpy tüg mang, huɨdibɨ mxɨɨmöhuɨpy JESUS.
\v 32 Je Jesús mɨj yꞌidɨpy, hueꞌ jeꞌ yajtíjɨpy Dios tzajpjotypɨ yꞌung. Chi je Huindzɨn Dios möhuɨɨyb je anéꞌmɨn huɨdi yɨꞌ ymɨjꞌap ymɨjteedy David ymɨɨd anajty.
\v 33 Je Jesús anéꞌmɨp huinɨxɨɨ ma yɨ Jacob yꞌap yꞌoc. Jeꞌ yꞌanéꞌmɨn camɨna ycɨxɨpy.
\p
\v 34 Chi María je ángel nɨmaay:
\p ―¿Nej jada co yjadúꞌnɨty? Ɨɨch caꞌnɨ nyëydɨjc mɨɨd tzɨnäy.
\p
\v 35 Chi je ángel yꞌadzooy:
\p ―Je Dios yjɨhuɨꞌñ ymɨcꞌajt minɨp ma miich, je Dios tzajpjotypɨ ymɨcꞌájtɨn xyajnïdujttähuɨp, je oyjäybɨ jäy huɨdi piꞌcꞌadam, hueꞌ yajtíjɨpy Dios yꞌung.
\v 36 E cham Elisabet miich mꞌamɨgüg nañ jaduꞌn yajpiꞌcꞌadamy tüg mang ma tɨ ymɨjjäyɨɨyñɨ. Cham mɨdudujc poꞌbɨ maabɨ yꞌung tzɨmɨ̈gy je huɨdibɨ jäy ytijpy caꞌ yꞌungꞌixaanɨ,
\v 37 com mɨɨdɨ Dios caꞌni ti chípɨty.
\p
\v 38 Chi María ymɨnañ:
\p ―Jotcujc nguydunɨpyɨch yɨ Huindzɨn Dios chójcɨn, huen jaduꞌn tuñyii jadyii ma ɨɨch jaduꞌn nej miich mꞌayuc xymöyɨch.
\p Chi je ángel ñɨcxnɨ.
\s María yꞌoy cogapxɨ̈y Elisabet
\p
\v 39 Huinꞌit xɨɨ María choñ, ñɨcxy jottɨgoy ma yugjot, ma tüg cajp jɨm Judea naaxjot.
\v 40 Chi ytɨgɨɨy ma Zacarías ytɨjc, e capxpocxy Elisabet.
\v 41 Chi jaduꞌn yjajty co Elisabet mɨdoohuɨ María ycapxpócxɨn, chi jɨhuɨɨy co yꞌung yücxy ma yjot. E chi je Elisabet ooy yjotcugɨy mɨɨd je Dios yjɨhuɨꞌñ ymɨcꞌajt.
\v 42 Chi ymɨnañ janch mɨc:
\p ―Cömay miich ma tügꞌócɨy töxyjäydɨjc, e cömay yꞌidaꞌñ mꞌung huɨdibɨ piꞌcꞌadamb.
\v 43 ¿Nej ɨɨch jada co jaduꞌn tɨ nꞌahuägɨ̈y co nHuindzɨnɨch ytaj miñ xycoꞌixɨ̈yɨch?
\v 44 Co tɨ nmɨdooyɨch yɨ mgapxpócxɨn, tɨ ɨɨch nꞌung yücxy ma ɨɨch njot co chachjotcújcɨty.
\v 45 Jotcujcꞌadɨp pɨnjaty tɨ ymɨbɨcy, co cuyduñ yꞌidaꞌñ je ayuc mɨɨd je Huindzɨn Dios ycɨxpɨ.
\v 46 Chi María ymɨnañ:
\q Ooy mɨj nꞌojadatyɨch yɨ Huindzɨn Dios.
\q
\v 47 Ooy nxondägyɨch mɨɨd Dios ycɨxpɨ, ɨɨch nnihuambɨ nyajtzoocpɨ,
\q
\v 48 co yɨꞌ tɨ xyñiꞌijxcɨdägyɨch, co ɨɨch ayoobɨ xytumbɨꞌadyíijɨch. Jadachambɨ etz jacnɨcxp xɨɨ tiempo, tügꞌócɨy jäy ajcxy oy mɨnaꞌnɨp co jotcujcꞌájtpɨch.
\q
\v 49 Yɨ Dios tügpajc mɨ́jɨp, tɨɨbɨ tun mɨɨd ɨɨch, ooy yɨꞌ yxɨɨ ymɨ́jɨty.
\q
\v 50 Dios ypaꞌayooyb hueñypɨ́nɨty huɨdibɨ huindzɨgɨɨyɨp jadachambɨ etz jacnɨcxnɨ xɨɨ tiempo.
\q
\v 51 Dios tɨ ooy tuñ mɨjpɨ huinmaꞌñ, tɨ jɨɨbɨcy pɨnjaty amɨj agɨx nayjɨhuɨɨyɨp ma yjot yhuinmaꞌñ.
\q
\v 52 Dios tɨ yajpɨdzɨmy yɨ mɨjpɨ rey ma yꞌaneꞌmy, tɨ mɨjꞌajt möy ayoobɨdɨjc.
\q
\v 53 Pɨnjaty ayuuꞌijtp anajty ymooy ti mɨɨd yjotcujcꞌadɨp, etz yɨ comeeñyjäydɨjc ajcxy tɨ ixmach caꞌ ni ti.
\q
\v 54 Dios tɨ pubety yɨ Israel jäy, yɨꞌ ajcxy ytumbɨ, mɨɨd co anajty tɨ paꞌayogoty jeꞌ ajcxy,
\q
\v 55 jaduꞌn nej jecyꞌajty Dios yajnɨmay jeꞌ nꞌap ndeedy, je Abraham etz jeꞌyꞌap yꞌoc, co tunamb mɨɨd jeꞌ ajcxy huinɨxɨɨ.
\p
\v 56 Chi María tugɨɨg poꞌ jɨm yꞌijty mɨɨd Elisabet, chi yhuimbijtnɨ ma ytɨjc.
\s Juan el Bautista co ypiꞌcꞌajty
\p
\v 57 Co je Elisabet oy yajhuaadꞌajtnɨ xɨɨ tiempo, chi yajpiꞌcꞌajty tüg ymang.
\v 58 Chi ayuc mɨdooy ajcxy je ymɨjɨɨn ymɨdɨjc etz yꞌajugy yꞌamɨgüg jaduꞌn nej Dios mayꞌajt tɨ tuñ mɨɨd Elisabet. Chi ajcxy ooy yjotcugɨy mɨɨd jeꞌ ycɨxpɨ.
\v 59 Chi jaduꞌn yjajty coductujc xɨɨ je ymɨjɨɨn ymɨdɨjc etz yꞌajugy yꞌamɨgüg miñ ma Zacarías ytɨjc co anajty tɨyꞌajttɨ̈huaangɨxy je piꞌcꞌanäg. Chi ajcxy yajxɨɨꞌadaꞌñyii anajty jaduꞌn nej yteedy yxɨɨ Zacarías.
\v 60 Chi ytaj ymɨnañ:
\p ―Caꞌ xɨɨꞌadɨɨyb Zacarías, hueꞌ yɨꞌ huen xɨɨꞌadyii Juan.
\p
\v 61 Chi jeꞌ ymɨgügtɨjc ajcxy ymɨnañ:
\p ―¿Naꞌamy? Ni tüg miich mꞌamɨgüg jaduꞌn caꞌ xɨ́ɨjɨty.
\p
\v 62 Chi ajcxy yꞌamɨdoohuɨ jeꞌ yteedy jaduꞌn aꞌɨxɨ̈yꞌamy, nej yɨꞌ yajxɨɨꞌadaꞌñyii.
\v 63 Chi Zacarías pɨjctzoy tüg necy, e jaay jaduꞌn: “Juan huen xɨɨꞌadyii.” Chi je ymɨgügtɨjc ajcxy nidügꞌócɨy ooy jɨhuɨɨy huinmaay.
\v 64 Chi mɨcꞌamy Zacarías yꞌahuac ahuaꞌcxy e ytoodz yungɨɨy, chi oy ycapxɨ̈gy e jäymejch cömay yɨ Dios.
\v 65 Chi tügꞌócɨy ymɨjɨɨn ymɨdɨjc ooy chɨgɨɨy. Chi ajcxy nimɨydactay nej Zacarías tɨ yjaty ma tügꞌócɨy jäy huɨdibɨ tzɨnaayb Judea yuugjotypɨ tzɨnaaydac.
\v 66 Tügꞌócɨy pɨnjaty anajty mɨdoob je ayuc, chi jäymejtzhuɨꞌm ajcxy ma yjot yhuinmaꞌñ, chi ñayñɨmáayɨgɨxy:
\p ―¿Ti jadaꞌ ytunamyb jada piꞌcꞌanäg?
\p Com je Huindzɨn Dios jeꞌ mɨɨd yꞌity.
\s Je Zacarías yꞌɨy
\p
\v 67 Chi je ungdeedy Zacarías mɨɨd je Dios yjɨhuɨꞌñ ymɨcꞌajt Dios yꞌayuc najtzcapxɨɨyɨ ymɨnañ:
\q
\v 68 Cömay yɨ Israel jäy yHuindzɨn Dios, co tɨ niꞌijxcɨdägy, tɨ cohuaꞌñ yɨꞌ ñaax ycajp,
\q
\v 69 Dios tɨ quexy tüg mɨj nihuaambɨ yajtzoocpɨ, ma yɨꞌ ytumbɨ, David yꞌap yꞌoc ajcxy.
\q
\v 70 Com Dios jaduꞌn ymɨnañ jecyꞌajty mɨɨd yɨꞌ yꞌayuc najtzcapxɨɨyb huɨdibɨ huätzjäyɨp;
\q
\v 71 jeꞌ xyñihuänaanɨm ma ɨɨch ajt nmɨdzip, nañ xypubedaanɨm xypudɨgɨ́huaanɨm caꞌydɨ xycɨ̈gähuɨɨyɨm huɨdibɨ caꞌ xyꞌixaanɨm xychogaanɨm.
\q
\v 72 Jaydëbɨ paꞌayoohuɨpy ɨɨch ajt nmɨjꞌap nmɨjteedy, etz jäymedzɨɨyb jaduꞌn nej ayuc ahuanɨɨy mɨɨd jeꞌ ajcxy.
\q
\v 73 Jaduꞌn nej Dios janch huinɨjot yꞌayuc ahuanɨɨy mɨɨd ɨɨch ajt nmɨjꞌap nmɨjteedy Abraham jecyꞌajty huɨdi anajty xymöhuaanɨm.
\q
\v 74 Co nihuätzɨ̈ctuutɨm ma nmɨdzip, huinꞌit jaydëbɨ mɨyaaxɨm nꞌojadájtɨm caꞌ ma tzɨgɨꞌñ jɨhuɨꞌñ,
\q
\v 75 mɨɨd huätzhuinmaꞌñ etz tudägy huinmaꞌñ ma yɨꞌ yhuinduu jabom jabom ixtɨ mɨbaad ndzɨnaayɨm.
\q
\v 76 Miich maꞌxung, jäy hueꞌ myajtijɨp mɨjpɨ Dios yꞌayucnajtzcapxɨɨybɨ. Miich nɨ́cxɨp cogapxy, nɨcx yajniꞌixɨ̈ jäy mɨɨd Huindzɨn Dios ycɨxpɨ.
\q
\v 77 Yajniꞌixɨꞌ yɨ cajpjäy jaduꞌn nej huaad ajcxy yꞌalma paadɨpy nihuáanɨn yajnïdzoocɨn, etz jaduꞌn nej huaad ajcxy ypocy huinmecxɨɨyb.
\q
\v 78 Jaduꞌn nej Dios ɨɨch ajt tɨ xypaꞌayoohuɨm co tɨ xyñiꞌijxcɨdaacɨm etz xymooyɨm tɨɨcxɨn jájɨn huɨdibɨ tzomb tzajpjoty,
\q
\v 79 jaydëbɨ yajmöhuɨpy jäy ajcxy Dios ytɨyꞌajt huɨdibɨ ajcxy tzɨnaayb agootztuum etz oꞌc jɨjpꞌam, jɨgɨx ajcxy xytümooyɨm ma je tudägypɨ tüꞌaa.
\p
\v 80 Je piꞌcꞌanäg yeeg yjodijy huinmɨc jotmɨc mɨɨd yɨ Dios yjɨhuɨꞌñ ymɨcꞌajt. Chi chɨnaay adügtuum ma caꞌ pɨn, ixtɨ coonɨ xɨɨ tiempo paty mɨna ñɨ́cxɨpy cogapxy ma Israeljäy ajcxy.
\c 2
\s Jesús ymaꞌxungꞌajty
\p
\v 1 Huinꞌit xɨɨ Augusto César pɨdacy yꞌanéꞌmɨn huen tügꞌócɨy jäy nɨcxy necypejttaaygɨxy.
\v 2 Je jayɨjpꞌatypɨ padrón hueꞌ jeꞌyajꞌoyɨɨy Cirenio huɨdibɨ anajty gobernadorꞌajtp jɨm Siria ñaaxjot.
\v 3 Chi jäy ajcxy nidügꞌócɨy ñɨcxtay yajcojayɨɨybɨ nidüg nidüg ma ycɨꞌmgajp.
\v 4 Chi José chooñ jɨm Galilea naaxjot ma je cajp huɨdi yxɨɨ Nazaret, ñɨcxy ajcxy jɨm Judea naaxjot ma je David ycajp, huɨdi yxɨɨ Belén. Yɨ José ñɨcxy jɨm Belén com ymɨjꞌapꞌajtpy ymɨjteedyꞌajtpy je David.
\v 5 Chi José yajcojayɨɨy padrónjoty mɨɨd María, je töxyjäy huɨdibɨ anajty ymɨɨd capxytuñ, huɨdi anajty ung tzɨmꞌijtp.
\v 6 Chi jaduꞌn yjajty co ajcxy anajty yjɨ́mɨty Belén, chi oyhuaadꞌaty co María paadɨpy yꞌung.
\v 7 Chi ymaꞌxungꞌajty je unggoob, e chi nïbeꞌñ nïmüxy mɨɨd ymotz, e chi agögɨɨy ma ɨyujc pëcxɨꞌñ, co caꞌ anajty tɨ paady jättac.
\s Je ángeles ajcxy etz je cöbixycuendꞌajtpɨ ajcxy
\p
\v 8 Chi mɨhuingon je cajp anajty jäy ycöbixycuendꞌaty. Hueꞌ anajty ajcxy yhuinꞌɨñaayb huintzuumnajxyp jeꞌ ycöbixy ajcxy.
\v 9 Chi Huindzɨn Dios tüg yꞌángel ñigɨdaacɨ jeꞌ ajcxy, e yɨ Huindzɨn Dios yꞌoyꞌájtɨn yꞌadɨcxcoody jühuɨdity ma jeꞌ anajty ajcxy ymɨjc, chi ajcxy ooy chɨgɨɨy.
\v 10 Huinꞌit je ángel ymɨnañ:
\p ―Caꞌ mdzɨgɨɨygɨxy, cham ɨɨch miich nyajnɨmaaygɨxy oybɨ ayuc huɨdibɨ yajjotcugɨ̈huɨpy tügꞌócɨy naax cajp.
\v 11 Mɨɨd miich ajcxy ycɨxpɨ tɨ ypiꞌcꞌaty cham ma je David ycajp tüg jäy huɨdibɨ miich ajcxy xyñihuänaam xycohuänaam ma ajcxy mmɨdzip. Hueꞌ jeꞌ je CRISTO, je Huindzɨn Dios.
\v 12 Yɨꞌ jeꞌ ijxpéjtɨp huɨdi mɨɨd mꞌijxcabɨpy. Mbáadɨpy ajcxy je ung maꞌxung ñïmóchɨty mɨɨd ymotz, ycöcnäy ma ɨyujc pëcxɨꞌñ.
\p
\v 13 Chi janch mɨcꞌamy ñayguëxɨ̈cɨ mɨɨd je ángel may yɨ tzajpjotychɨnaaybɨ, chach Dios ojadájtcɨxy ymɨnáangɨxy:
\q
\v 14 ¡Ooy ycömáyɨty ooy ymɨ́jɨty yɨ Dios tzajpjotypɨ, ji naaxhuiñ jotcujcꞌajt mɨɨd jäy ajcxy ycɨxpɨ huɨdibɨ Dios yjäygɨdacpy!
\p
\v 15 Jaduꞌn yjajty co je ángel ajcxy ñɨcxtay tzajpjoty, chi je cöbixy cuendꞌajtpɨ ajcxy ñayñɨmayɨ:
\p ―Tzoc jámɨm jɨm Belén, jaydëbɨ nꞌíjxɨm ti tɨ ytunyii tɨ yjadyii huɨdibɨ nHuindzɨnꞌájtɨm Dios tɨ xyajnɨmáayɨm.
\p
\v 16 Chi ajcxy ñɨcxy jottɨgoy, chi oy pátcɨxy María, José etz je ung maꞌxung yꞌagögɨ̈yɨty ma je ɨyujc pëcxɨꞌñ.
\v 17 Co ajcxy ijxy je María etz je ung maꞌxung, huinꞌit ajcxy nigapxtay nimɨydactay jaduꞌn nej je ángel ajcxy ñɨmayɨ mɨɨd je piꞌcꞌanäg ycɨxpɨ.
\v 18 Tügꞌócɨy jäy huɨdi mɨdou ooy jɨhuɨy huinmay jaduꞌn nej je cöbixycuendꞌajtpɨ ajcxy ymɨnañ.
\v 19 Chi María mɨdoꞌmbɨjctay, e yajhuɨꞌmy ma yjot yhuinmaꞌñ.
\v 20 Chi yhuimbijty je cöbixycuendꞌajtpɨ ajcxy cömay jäymech ajcxy yɨ Dios, etz ooy alabanza ajcxy ɨɨy mɨɨd Dios ycɨxpɨ mɨɨd tügꞌócɨy jaduꞌn nej anajty tɨ íjxcɨxy tɨ mɨdóogɨxy, etz jaduꞌn nej anajty tɨ ñɨmáayɨgɨxy.
\s Piꞌc Jesús yajcapxquëxɨ̈gy ma Dios ytɨjc
\p
\v 21 Coductujc xɨɨ maabɨ anajty ymaꞌxungꞌaty, huinꞌit jeꞌ ajcxy tɨyꞌajttɨy je ung maꞌxung. Chi ajcxy yxɨɨmoy JESUS, jaduꞌn nej je ángel anajty jayɨjp tɨ ymɨnaꞌñ caꞌnɨ anajty chɨmɨ̈gyii ycɨyɨ̈gyii.
\p
\v 22 Co je xɨɨ oypaatnɨ mɨna je María anajty yhuätzpɨdzɨmaamnɨ, jaduꞌn nej Moisés ycötújcɨn je jécyɨp ymɨnañ. Chi ajcxy mɨɨdnɨcxy je ung maꞌxung jɨm Jerusalén capxquëxɨ̈gaangɨxy ma yɨ Huindzɨn Dios yhuinduu.
\v 23 Com jaduꞌn anajty yjaybétyɨty ma Huindzɨn Dios ñecy:
\q Tügꞌócɨy unggoob yëydɨjcpɨ huɨdi maꞌxungꞌajtp, abɨcy yhuɨ́ꞌmɨpy mɨɨd je Huindzɨn Dios ycɨxpɨ.
\m
\v 24 José etz María oy yéjccɨxy huindzɨgɨꞌñ jaduꞌn nej Huindzɨn Dios ñecy ymɨnaꞌñ co jëbɨ yecy metzc jam muuxy o pajctzaꞌm muuxy.
\p
\v 25 Jɨm Jerusalén anajty chɨnäy tüg jäy huɨdi anajty yxɨɨ Simeón, tudägyjäy jeꞌ, etz ooy Dios jäymech. Simeón yꞌahuijxyp anajty mɨna Dios miñ yajjotcujcꞌadaꞌñ Israeljäy ajcxy, e mɨɨd jeꞌ anajty Dios yjɨhuɨꞌñ ymɨcꞌajt.
\v 26 Dios yjɨhuɨꞌñ ymɨcꞌajt tɨ anajty yajnejhuɨ̈yii co caꞌ chojc ögaꞌñ, jayɨjpnɨ ocꞌixɨpy je Huindzɨn Dios yCristo.
\v 27 Je Dios yjɨhuɨꞌñ ymɨcꞌajt yajmin yajmejtzɨ Simeón yhuinmaꞌñ huen nɨcxy ma Dios ytɨjc; huinꞌit Jesús ytaj yteedy ymɨɨdnɨcxɨ ma Dios ytɨjc, cuyduñ ajcxy jaduꞌn nej Dios ñecy yꞌaneꞌmy.
\v 28 Chi Simeón tzendzoy etz capxpaady je ung maꞌxung, e chi Dios mɨbɨjctzoy mɨɨd jeꞌ ycɨxpɨ, chi ymɨnañ:
\q
\v 29 Jadachambɨ capxcɨ́x jotcujc, Huindzɨn Dios, mɨɨd ɨɨch miich mdumbɨ, com tɨ mguyduñ jaduꞌn nej tɨ xyñɨmäyɨch co nꞌixɨpyɨch je Cristo.
\q
\v 30 Cham tɨ nꞌixyɨch je nihuambɨ cohuambɨ,
\q
\v 31 huɨdibɨ tɨ mniꞌixɨ̈y ma tügꞌócɨy jäy ajcxy yhuinduu.
\q
\v 32 Jada ung maꞌxung ytɨyꞌajt yegɨp ma yɨ jäy ajcxy huɨdi caꞌ yjudiojäyɨty. Jaduꞌn yɨꞌ nipaady nej tüg jɨɨn huɨdi codɨɨcxp je jäy. Cömay yꞌidɨpy yɨ Israel jäy mɨɨd yɨꞌ ycɨxpɨ.
\p
\v 33 José etz Jesús ytaj ooy jɨhuɨɨy huinmaay jaduꞌn nej Simeón ñigapxy je piꞌc maꞌxung.
\v 34-35 Chi Simeón conuucx yɨꞌ ajxcy, e nɨmay María, Jesús ytaj:
\p ―Jadayaabɨ piꞌcꞌanäg hueꞌ jada aminɨ̈y co may Israel jäy yjothuinmaꞌñ yajꞌoyɨ̈huɨpy mɨɨd yɨ Dios etz nañ jaduꞌn may Israel jäy yjothuinmaꞌñ caꞌ yajꞌoyɨ̈huɨpy mɨɨd yɨ Dios. Yɨꞌ jeꞌ tüg ijxpejt co caꞌ jäy yꞌixaꞌnɨɨyb chogaꞌnɨɨyb, e jaduꞌn tügꞌócɨy yajnejhuɨ̈huɨpy nej ajcxy nidüg nidüg yjothuinmaꞌñ mɨɨdɨty. E miich mꞌidɨpy jotmaymɨɨd jaduꞌn nejɨhuɨ̈y tüg espada tɨ xyajtzaachɨ̈y.
\p
\v 36-37 Nañ jɨm Jerusalén anajty tüg töxyjäy huɨdibɨ anajty yxɨɨ Ana, Dios jeꞌ anajty yꞌayucnajtzcapxɨɨybɨ. Fanuel anajty yteedyꞌajtpy, hueꞌ jeꞌ Aser yꞌap yꞌoc, mɨj jäy anajty ooy. Janch mutzꞌanägnɨ ypɨjcy e jëyɨ huixtujc jɨmɨjt chɨnay mɨɨd yñaꞌy, madaꞌpx mɨdaax jɨmɨjt anajty cujc coꞌögy chɨnäy, e caꞌ anajty ytɨgoyꞌity ma Dios ytɨjc. Ana ytumb anajty tzajtɨgoty xɨɨm tzuum jopy ayuu anajty ycapxtägy.
\v 38 Chi Ana nimiñ José etz María jiiby ma Dios ytɨjc, e quipxy mɨɨd ajcxy huingapxtacy je Huindzɨn Dios. Chi je Ana nimɨydacy je piꞌc Jesús mɨɨd tügꞌócɨy jäy jɨm Jerusalén huɨdi anajty ajcxy jɨjpꞌijxp mɨna Dios cohuaꞌnaꞌñ Jerusalén ma ymɨdzip.
\s Co ajcxy nɨcxnɨ jɨm Nazaret
\p
\v 39 Co oy yajcuydundäy tügꞌócɨy jaduꞌn nej je Huindzɨn Dios ñecy ymɨnaꞌñ, chi José etz María ñɨ́cxcɨxnɨ jɨm Galilea ma ajcxy ycɨꞌmgajp Nazaret.
\v 40 Je piꞌc Jesús anajty yeegy mɨc ooy mɨɨd huijyꞌajt cujcꞌajt, etz ymɨɨd jeꞌ Dios ymayꞌájtɨn yꞌoyꞌájtɨn.
\s Je piꞌc Jesús yajpaady ma Dios ytɨjc
\p
\v 41 Jɨmɨjt jɨmɨjt yɨ ungdaj ungdeedy ñɨcxy anajty ajcxy jɨm Jerusalén co anajty je Pascua xɨɨ paady.
\v 42 Co Jesús anajty ymajmetzjɨmɨjtꞌajty, chi ajcxy ypättɨgɨɨy jɨm Jerusalén jaduꞌn anajty ajcxy costumbre mɨɨdɨty co xɨɨ paady.
\v 43 Co je xɨɨ ñaxtäy, chi ajcxy huimbíjtcɨxnɨ, e Jesús yhuɨꞌmɨɨy jeꞌ jɨm Jerusalén. Caꞌ José etz ytaj nejhuɨɨy ajcxy co tɨ anajty yhuɨꞌmɨy.
\v 44 Hueꞌ ajcxy anajty tijy jeꞌ ymiñ axaam mɨɨd ymɨgügtɨjc. Co tüg xɨɨ yöygɨxnɨ, chi ajcxy ixtay jeꞌ yꞌung ma yꞌamɨgügtɨjc ajcxy, etz huɨdi mɨɨd ñayꞌixyꞌadyii ñaymɨgügꞌadyii.
\v 45 Co caꞌ ajcxy yꞌung paady, chi yhuimbíjtcɨxnɨ jɨm Jerusalén ung ixtaaybɨ.
\p
\v 46 Chi jaduꞌn yjajty codugɨɨg xɨɨ oypaatcɨxy jɨm ma Dios ytɨjc, Jesús yꞌɨñäy anajty agujcꞌamy ma je huindzɨndɨjc. Yɨꞌ anajty yꞌamɨdoꞌijtyp yɨ huindzɨndɨjc yꞌayuc, e nañ yajꞌamɨdooy anajty tijaty.
\v 47 Tügꞌócɨy je huindzɨndɨjc huɨdibɨ mɨdou Jesús yꞌayuc, chi ooy ajcxy huinmay etz jɨhuɨy jaduꞌn nej je Jesús huinjɨhuɨydäy etz jaduꞌn nej anajty tɨydudägy yꞌadzooy.
\v 48 Co Jesús ytaj yteedy yꞌijxpatɨ, chi ooy ajcxy tzachjɨhuɨɨy. Chi ungdaj ymɨnañ:
\p ―Aay ung, ¿nej co miich jaduꞌn xytúngɨxyɨch? Yɨ mdeedy etz ɨɨch yam tzachjottɨgooyb nayꞌadzɨgɨ̈yiijɨch nꞌixtáaygɨxɨch miich.
\p
\v 49 Chi Jesús yꞌadzooy:
\p ―¿Naꞌamy co miich xyꞌixtáaygɨxyɨch? ¿Caꞌ mnejhuɨɨygɨxy co copɨty nꞌidaꞌñɨch ma nDéedyɨch ytung?
\p
\v 50 Chi ajcxy caꞌ huinjɨhuɨɨyɨ Jesús yꞌayuc huɨdibɨ ycapxy.
\p
\v 51 Chi Jesús mɨɨd nɨcxy jeꞌ ajcxy jɨm Nazaret. Chi Jesús capxymɨdoy ytaj yteedy. Chi yɨꞌ ytaj yajhuɨꞌmday ma yjot yhuinmaꞌñ tügꞌócɨy nej ytunyii yjadyii.
\v 52 Chi Jesús ixpɨjcꞌadɨɨtzp anajty ooy, etz yeegy yjäygojy huijycujc. E yɨ Dios etz jäy ajcxy ooy anajty jäygɨdaaccɨxy.
\c 3
\s Juan el Bautista yꞌayuccapxhuäcxy mɨjtɨgɨ̈duum
\p
\v 1 Ma anajty je Tiberio César yjɨmɨjtjoty, mɨmajmocx jɨmɨjt anajty maabɨ yꞌaneꞌmtɨgɨ̈y, chi je Poncio Pilato anajty gobernadorꞌajtp jɨm Judea, je Herodes anajty reyꞌajtp jɨm Galilea, jeꞌ yꞌuch Felipe anajty reyꞌajtp jɨm Iturea etz jɨm Traconite ñaaxjot. Chi Lisanias anajty reyꞌajtp jɨm Abilina.
\v 2 Chi je Anás etz Caifás jeꞌ ajcxy anajty teedy mɨjtungmɨɨd ma Dios ytɨjc. Je huinꞌit tiempo Dios yꞌayuc yjaꞌty ma je Juan, Zacarías ymang, huɨdibɨ anajty tzɨnaayb mɨjtɨgɨ̈duum.
\v 3 Chi Juan choñ ñɨcxy ma tügꞌócɨy cajp mɨhuingon je Jordán mɨjnɨɨ, capxhuijy je jäy ajcxy, co huen jothuimbijttaaygɨxy etz huen nɨɨbejtcɨxy jɨgɨx ajcxy ypocy yajhuinmeecxɨp.
\v 4 Jada jaduꞌn tunɨ jajtɨ nej je ayucnajtzcapxɨɨybɨ Isaías anajty tɨ cojaay:
\q Jɨm mɨjtɨgɨ̈duum yajmɨdooy tüg jäy mɨnaꞌñ: “Yajꞌoyɨɨygɨx yɨ Dios ytüꞌaa, tɨm jaduꞌn nej jäy ajcxy yajꞌoyɨɨygɨxy yɨ jɨbɨc tüꞌaa co tüg rey minaꞌñ.” Yajtɨ́ɨyɨgɨxy yɨ tüꞌaa huidɨbɨ ooy yꞌadɨjy yꞌaꞌoch.
\q
\v 5 Tügꞌócɨy anɨɨ ahuoc huen joyɨɨydäy, tügꞌócɨy tungop huen nañ jaduꞌn joyɨɨydäy. Tügꞌócɨy nɨɨꞌaa tüꞌaa huɨdibɨ tɨjmin tɨjxɨjp huen tɨɨydäy. Yɨ tüꞌaa huɨdibɨ caꞌ quipxyjátyɨty huen quipxyjaty tɨɨydäy.
\q
\v 6 Tügꞌócɨy yɨ jäy ajcxy ixɨpy ñejhuɨ̈hɨpy nej Dios yegaꞌñ je nihuambɨ cohuambɨ.
\p
\v 7 Chi Juan ojy ajcxy je jäy pɨnjaty anajty miimb nɨɨbejtpɨ, ymɨnañ:
\p ―¡Miich ajcxy tzaꞌñ ajcxy yꞌajugy yꞌamɨgüg! ¿Pɨn miich ajcxy tɨ xynɨmäy quëg ma yɨ ayoꞌn huɨdibɨ Dios yquexaamy?
\v 8 Túngɨx oybɨ, jothuimbíjtcɨx, caꞌ ajcxy mɨnaangɨxy miñ xyipy: “Abraham ɨɨch ajcxy nꞌapꞌajtpy ndeedyꞌajtpy”. Ɨɨch miich ajcxy nɨmaayb co Dios ixtɨ jëbɨ yɨꞌ yajꞌungꞌadyii yajꞌanägꞌadyii Abraham jada tzaa caꞌydɨ miich ajcxy.
\v 9 Dios niꞌixɨ̈ yꞌity jaydëbɨ yajcödɨgoyɨpy jäy ajcxy yꞌalma huɨdibɨ jɨbɨc-huinmaꞌñ mɨɨd. Tɨm jaduꞌn nipaady nej jäy niꞌixɨ̈ yꞌity mɨɨd jacha co pujxɨ̈gaꞌñ tüg quipy huɨdi caꞌ oy ytɨɨmꞌaty, etz yajnögtähuaꞌñ.
\p
\v 10 Chi je mayjäy ajcxy yꞌamɨdooy je Juan:
\p ―¿Ti ɨɨch ajcxy jëbɨ nduñ?
\p
\v 11 Chi je Juan yꞌadzooy, ymɨnañ:
\p ―Pɨnjaty yhuit mɨɨd metz, jaydëbɨ möy pɨn caꞌ mɨɨdɨty ni tüg. Etz pɨnjaty caagy mɨɨd nañ jaduꞌn möhuɨpy pɨnjaty caꞌ mɨɨdɨty.
\p
\v 12 Chi miiñ jadyii yajcogüejtpɨ co anajty ñɨɨbedaangɨxy, ymɨnañ ajcxy:
\p ―¿Ti huaad ɨɨch ajcxy nduñ (jɨgɨx Dios xymɨjotcujcꞌadɨpyɨch)?
\p
\v 13 Chi Juan yꞌadzooy:
\p ―Caꞌ nɨ̈gɨ anaxy myajcogüety jaduꞌn nej je cötújcɨn yꞌaneꞌmy.
\p
\v 14 Chi soldado ajcxy ymɨnañ:
\p ―¿Ti ɨɨch ajcxy ndunɨpy (jɨgɨx Dios xymɨjotcujcꞌadɨpyɨch)?
\p Chi Juan yꞌadzooy:
\p ―Ni pɨn ajcxy ti mgapɨ́jcɨpy, ni mganïhuambedɨpy ajcxy. Nañ jaduꞌn mɨjotcujcꞌájtcɨxy nej myajmujuuygɨxy.
\p
\v 15 Je mayjäy yjɨjpꞌijxyp anajty ajcxy ooy, etz ooy jɨhuɨɨy huinmaay nejhuɨ̈huaangɨxy pen yɨ Juan jeꞌ anajty Cristo.
\v 16 Chi Juan nɨmay ajcxy nidügꞌócɨy:
\p ―Ɨɨch janch nyajnɨɨbéjtypɨch jäy mɨɨd nɨɨ. Miimb jeꞌ axaam huɨdibɨ jacmɨj caꞌydɨ ɨɨch, caꞌ huaad yɨꞌ ycɨ̈ghuin ngejɨch. Jeꞌ miich ajcxy xyajnɨɨbedɨpy mɨɨdɨ Dios yjɨhuɨꞌñ ymɨcꞌajt etz mɨɨdɨ jɨɨn.
\v 17 Je Cristo niꞌixɨꞌ yꞌity co oybɨ möhuaꞌñ je jäy huɨdibɨ ajcxy oyhuinmaꞌñ mɨɨd, etz ymöhuaamy tzaachypɨ je jäy ajcxy huɨdibɨ jɨbɨc-huinmaꞌñ mɨɨd, tzaachypɨ huɨdibɨ nicamɨna ycɨxɨpy. Tɨm jaduꞌn nipaady nej tüg jäy niꞌixɨꞌ yꞌity co ymoc-huimbojaꞌn, e chi je oybɨ mocpajc pɨdägaꞌñ ma cheꞌx, etz je mocjaam ninögɨ̈huaꞌñ, e camɨnaxɨɨ ycapïdzaꞌñ je jɨɨn.
\p
\v 18 Je Juan ooy jäy capxhuijy, etz canaagnax oybɨ ayuc capxhuäcxy.
\v 19 Chi yɨꞌ ojy je rey Herodes, co yꞌuch Felipe ytöxyɨjc Herodías mɨɨd tzɨnaayɨ, etz jacjaydiiybɨ jɨbɨc-huinmaꞌñ tɨɨbɨ Herodes anajty tuñ.
\v 20 Chi je rey Herodes nïgɨ pocytuñ co Juan pɨdacy pujxtɨgoty.
\s Je Jesús ñɨɨbejtɨn
\p
\v 21-22 Chi jaduꞌn yjajty co jaduꞌn tügꞌócɨy jäy ñɨɨbejttay nañ jaduꞌn Jesús ñɨɨbejty. Yam anajty Jesús ycapxtägy co je tzajp yꞌahuaach, etz je Dios yjɨhuɨꞌñ ymɨcꞌajt ymɨnajcy ma Jesús ycöduu mɨɨd ñinïcx jaduꞌn nej muuxy ñinïcx. Nañ jaduꞌn yajmɨdoy tüg ayuc choñ tzajpjoty ymɨnañ:
\p ―Miich nꞌungꞌajtpy, ooy ɨɨch miich ndzocy ooy njɨhuɨ̈y, ooy njotcújcɨdyɨch mɨɨd miich.
\s Jesús ymɨjꞌap ymɨjteedy
\p
\v 23 Jesús hueꞌ anajty yjɨmɨjt oy ni iipxmajc co ytungtɨgɨɨy. Hueꞌ jeꞌ anajty jaduꞌn jäy tijy José ymang, José yteedy hueꞌ jeꞌ Elí,
\v 24 Elí yteedy hueꞌ jeꞌ Matat, Matat yteedy hueꞌ jeꞌ Leví, je Leví yteedy hueꞌ jeꞌ Melqui, je Melqui yteedy hueꞌ jeꞌ Jana, je Jana yteedy hueꞌ jeꞌ José,
\v 25 Je José yteedy hueꞌ jeꞌ Matatías, je Matatías yteedy hueꞌ jeꞌ Amós, je Amós yteedy hueꞌ jeꞌ Nahum, je Nahum yteedy hueꞌ jeꞌ Esli, je Esli yteedy hueꞌ jeꞌ Nagai,
\v 26 je Nagai yteedy hueꞌ jeꞌ Maat, je Maat yteedy hueꞌ jeꞌ Matatías, je Matatías yteedy hueꞌ jeꞌ Semei, je Semei yteedy hueꞌ jeꞌ José, je José yteedy hueꞌ jeꞌ Judá,
\v 27 je Judá yteedy hueꞌ jeꞌ Joana, je Joana yteedy hueꞌ jeꞌ Resa, je Resa yteedy hueꞌ jeꞌ Zorobabel, je Zorobabel yteedy hueꞌ jeꞌ Salatiel, je Salatiel yteedy hueꞌ jeꞌ Neri,
\v 28 je Neri yteedy hueꞌ jeꞌ Melqui, je Melqui yteedy hueꞌ jeꞌAdi, je Adi yteedy hueꞌ jeꞌ Cosam, je Cosam yteedy hueꞌ jeꞌ Elmodam, je Elmodam yteedy hueꞌ jeꞌ Er,
\v 29 je Er yteedy hueꞌ jeꞌ Josué, je Josué yteedy hueꞌ jeꞌEliezer, je Eliezer yteedy hueꞌ jeꞌ Jorim, je Jorim yteedy hueꞌ jeꞌ Matat,
\v 30 je Matat yteedy hueꞌ jeꞌ Leví, je Leví yteedy hueꞌ jeꞌ Simeón, je Simeón yteedy hueꞌ jeꞌ Judá, je Judá yteedy hueꞌ jeꞌ José, je José yteedy hueꞌ jeꞌ Jonán, je Jonán yteedy hueꞌ jeꞌ Eliaquim,
\v 31 je Eliaquim yteedy hueꞌ jeꞌ Melea, je Melea yteedy hueꞌ jeꞌ Mainán, je Mainán yteedy hueꞌ jeꞌ Matata, je Matata yteedy hueꞌ jeꞌ Natán,
\v 32 je Natán yteedy hueꞌ jeꞌ David, je David yteedy hueꞌ jeꞌ Isaí, je Isaí yteedy hueꞌ jeꞌ Obed, je Obed yteedy hueꞌ jeꞌ Booz, je Booz yteedy hueꞌ jeꞌ Salmón, je Salmón yteedy hueꞌ jeꞌ Naasón,
\v 33 je Naasón yteedy hueꞌ jeꞌ Aminadab, je Aminadab yteedy hueꞌ jeꞌ Aram, je Aram yteedy hueꞌ jeꞌ Esrom, je Esrom yteedy hueꞌ jeꞌ Fares, je Fares yteedy hueꞌ jeꞌ Judá,
\v 34 je Judá yteedy hueꞌ jeꞌ Jacob, je Jacob yteedy hueꞌ jeꞌ Isaac, je Isaac yteedy hueꞌ jeꞌ Abraham, je Abraham yteedy hueꞌ jeꞌ Taré, je Taré yteedy hueꞌ jeꞌ Nacor,
\v 35 je Nacor yteedy hueꞌ jeꞌ Serug, je Serug yteedy hueꞌ jeꞌ Ragau, je Ragau yteedy hueꞌ jeꞌ Peleg, je Peleg yteedy hueꞌ jeꞌ Heber, je Heber yteedy hueꞌ jeꞌ Sala,
\v 36 je Sala yteedy hueꞌ jeꞌ Cainán, je Cainán yteedy hueꞌ jeꞌ Arfaxad, je Arfaxad yteedy hueꞌ jeꞌ Sem, je Sem yteedy hueꞌ jeꞌ Noé, je Noé yteedy hueꞌ jeꞌ Lamec,
\v 37 je Lamec yteedy hueꞌ jeꞌ Matusalén, je Matusalén yteedy hueꞌ jeꞌ Enoc, je Enoc yteedy hueꞌ jeꞌ Jared, je Jared yteedy hueꞌ jeꞌ Mahalaleel, je Mahalaleel yteedy hueꞌ jeꞌ Cainán,
\v 38 je Cainán yteedy hueꞌ jeꞌ Enós, je Enós yteedy hueꞌ jeꞌ Set, je Set yteedy hueꞌ jeꞌ Adán, je Adán yteedy hueꞌ jeꞌ Dios.
\c 4
\s Je mujcuꞌ tuñ ijxtaꞌnɨ ma Jesús
\p
\v 1 Jesús ymɨɨdꞌajtpy anajty je Dios yjɨhuɨꞌñ ymɨcꞌajt. Co Jesús jɨm choñ ma Jordán mɨj nɨɨ, chi je Dios yjɨhuɨꞌñ ymɨcꞌajt yajnɨcxɨ mɨjtɨgɨ̈duum.
\v 2 Jesús yꞌijty huixchɨguiꞌpx xɨɨ jɨm mɨjtɨgɨ̈duum. Chi je mujcuꞌ yjotꞌijxɨ huinmaꞌñꞌijxɨ. Jaygay jɨm yꞌijty, e co huixchɨguiꞌpx xɨɨ ñajxnɨ, chi oy yuuböccodyii.
\v 3 Chi je mujcuꞌ nɨmay:
\p
―Penɨ janch miich Dios xyꞌungꞌadyii, nɨmay jada tzaa huen ahuimbity tzajcaagy.
\p
\v 4 Chi Jesús yꞌadzooy:
\p
―Jaybety ity ma Dios ñecy co caꞌnan mɨɨd tzajcaagy tɨꞌajty jäy ajcxy yjugyꞌaty, nañ jaduꞌn tzocy tügꞌócɨy Dios yꞌayuc. 
\p
\v 5 Chi je mujcuꞌ mɨɨdpejty Jesús ma tüg cop janch cɨxpɨ, chi tüg jaxɨ̈gy yajniꞌixɨɨy tügꞌócɨy je naax cajp huɨdi jii naaxhuiñbɨ.
\v 6 Chi je mujcuꞌ ymɨnañ:
\p
―Ɨɨch miich möhuɨpy tügꞌócɨy mɨcꞌájtɨn anéꞌmɨn etz oyꞌájtɨn, com ɨɨch ngɨ̈ꞌam yꞌity tügꞌócɨy, e nmöhuɨbɨch hueñytɨmpɨ̈nɨty.
\v 7 Pen xyhuingoxtɨnaaybɨch xyꞌojadajtpɨch miich, ac miich jada mjeꞌ tügꞌócɨy.
\p
\v 8 Chi Jesús yꞌadzooy, ymɨnañ:
\p
―Huinhuägtuutcɨch miich mujcuꞌ, com jaduꞌn jaybéty yꞌity: “Co yɨ Huindzɨn miich mDios mhuingoxtɨnähuɨpy mꞌojadadɨpy, etz yɨꞌ jeꞌ tüg pajc myajmɨjꞌadɨpy.”
\p
\v 9 Chi je mujcuꞌ mɨɨdnɨcxy Jesús jɨm Jerusalén, chi mɨɨd pejty ma Dios ytɨjc coduu, e nɨmay:
\p
―Pen Dios miich xyꞌungꞌajtp cödɨjpnax naaxcɨ́xy, 
\v 10 com jaybety jaduꞌn yꞌity ma Dios ñecy co quexɨpy Dios yɨꞌ yꞌángeles ajcxy e xycuendꞌadɨpy.
\v 11 Cɨ̈gɨ́xy ajcxy xyhuidzɨpy, caꞌydɨ mdzaachɨ̈y ma tzaajot.
\p
\v 12 Chi Jesús ymɨnañ: 
\p
―Ji Dios yꞌayuc huɨdi jaduꞌn mɨnam co caꞌ mjotꞌixɨpy mhuinmaꞌñꞌixɨpy yɨ mHuindzɨn Dios.
\p
\v 13 Co je mujcuꞌ yajcɨjxy jaduꞌn nej anajty jotꞌixaꞌñ huinmaꞌñꞌixaꞌñ Jesús, chi huinhuägtuuty tüg tiempo.
\s Jesús yajtzondägy jeꞌ ytung jɨm Galilea
\p
\v 14 Chi Jesús nɨcxy jɨm Galilea, e Jesús mɨɨdꞌajtpy je Dios yjɨhuɨꞌñ ymɨcꞌajt. Chi Jesús ooy cömay yꞌijty ma tügꞌócɨy cajp huinduy agonbɨ.
\v 15 Hueꞌ Jesús anajty yajꞌixpɨcy majaty jeꞌ ajcxy naymujctac. Chi je jäy ajcxy tügꞌócɨy ooy cömay Jesús.
\s Jesús yajpaady jɨm  Nazaret
\p
\v 16 Chi Jesús ymiiñ Nazaret ma anajty tɨ yeegy. Chi Jesús ytɨgɨy ma naymujctac, jaduꞌn nej costumbre anajty mɨɨdɨty pocxxɨɨduum. Chi ytɨnaayꞌahuɨy, chi ytɨgɨɨy necycapxpɨ.
\v 17 Chi ajcxy mooy je necy huɨdibɨ je Dios yꞌayucnajtzcapxɨɨybɨ Isaías yjaay. Chi cɨyhuäcxy je necy, paty jiiby tüg it ma anajty yjaybétyɨty jaduꞌn: 
\q
\v 18 Je Huindzɨn Dios yjɨhuɨꞌñ ymɨcꞌajt xymɨɨdꞌajtpɨch, 
co xyajnïbɨcyɨch co nyajnɨmähuɨbɨch ayoobɨtɨjc je oybɨ ayuc. Tɨ xyquexyɨch co nyajjotcugɨ̈huɨbɨch je jäy ajcxy huɨdi jotmay ymɨɨd, etz nhuinméecxɨbɨch huɨdibɨ ajcxy pujxtɨgótyɨp, nañ jaduꞌn ajcxy je huɨdibɨ huiintzɨp nyajhuindɨɨcxɨ̈gɨbɨch, e
nbɨdägɨbɨch ahuätztuum huɨdibɨ yajtzaachytumb. 
\q
\v 19 Tɨ xyquexyɨch co ngapxhuäcxɨbɨch je tiempo mɨna
Huindzɨn Dios mayꞌajt oyꞌajt tunaꞌñ mɨɨd je jäy ajcxy ycɨxpɨ.
\p
\v 20 Chi jadaꞌ Jesús abɨdijty je ñecy, yajcɨ̈dɨgɨɨy je tungmɨɨdpɨ, huinꞌit yꞌixtacy. Chi tügꞌócɨy mayjäy jiiby ma naymujctac ooy ajcxy huindɨcxy je Jesús.
\v 21 Chi Jesús ymɨnandacy:
\p
―Cham yajcuydun jeꞌ huɨdi jaybety ma Dios ñecy jaduꞌn nej miich ajcxy cham tɨ mmɨdooy.
\p
\v 22 Chi nidügꞌócɨy ajcxy ooy jäygɨdacy nej Jesús mɨnaꞌñ, etz huinmay ajcxy ooy je ayuc huɨdibɨ Jesús ycapxy, chi ñayñɨmáayɨgɨxy:
\p
―¿Nej caꞌy José jada jadaꞌ yꞌung?
\p
\v 23 Chi Jesús ymɨnaañ:
\p
―Caꞌ yjécyɨty miich ajcxy xyajnɨmähuɨbɨch jada ayuc: “Tzoydumbɨ naychoyɨ̈huɨɨ cɨꞌm. Tügꞌócɨy jaduꞌn nej ɨɨch ajcxy nmɨdooyɨch tɨ mduñ jɨm Capernaum, nañ jaduꞌn miich octun ma mgɨꞌmgajp.”
\p
\v 24 Chi Jesús yjacmɨnañ:
\p 
―Janch ɨɨch miich ajcxy nnɨmäy co ni tüg jäy huɨdibɨ Dios yꞌayucnajtzcapxɨɨyb caꞌ jäy ajcxy cöbɨcy ma ycɨꞌmgajp.
\v 25 Janch ɨɨch miich ajcxy nɨmäy co ooy anajty may coꞌögy ytöxyjäy ya Israel jecyꞌajty co Elías chɨnaay, co je tzajp adujcy tugɨɨg jɨmɨjt jatudujc poꞌ, co oy yuu miiñ ma tügꞌócɨy naax cajp.
\v 26 E Dios caꞌ quejxy je Elías ma yɨ Israeljäy coꞌögy töxyjäy ajcxy. Hueꞌ janch quejxy huinduum jɨm Sarepta ma Sidón naaxjot ma tüg  coꞌögy töxyjäy huɨdi jɨm.
\v 27 Nañ jaduꞌn anajty ooy mayjäy püdz paꞌm mɨɨdɨty ya Israel jecyꞌajty co je Dios yꞌayucnajtzcapxɨɨybɨ Eliseo chɨnay. Chi ni tüg jäy huinꞌit catzoocy, jëyɨ tügpajc choocy paꞌmjäy huɨdibɨ anajty yxɨɨ Naamán huɨdi tzoon Siria naaxjot.
\p
\v 28 Huinꞌit tügꞌócɨy jäy huɨdi anajty jiiby ma naymujctac ooy yjotmaꞌtcoty co jadayaab ayuc ajcxy mɨdooy.
\v 29 Chi je mayjäy ajcxy nibɨdɨ̈gy Jesús etz yajpɨdzɨmy ma je cajp. Chi ajcxy yajnɨcxy jɨm ma je tzaahuingueetz, co je cajp copcɨ́xy anajty yajpaady, e jɨm anajty cödɨjpnaxaangɨxy.
\v 30 Chi Jesús ñajxy cujcꞌamy ma jeꞌ ajcxy, chi ñɨcxnɨ.
\s Tüg yëydɨjc huɨdibɨ anajty mɨɨd jɨbɨc espíritu
\p
\v 31 Chi Jesús yꞌidacy jɨm Capernaum, tüg cajp jɨm Galilea naaxjot, chi Jesús jäy ajcxy yajꞌixpɨjcy pocxxɨɨduum.
\v 32 Huinmay ooy ajcxy jaduꞌn nej jeꞌ yajꞌixpɨcy. Ñayñɨmáayɨgɨxy co je Jesús yajꞌixpɨcy nejɨhuɨ̈y mɨjtung mɨjꞌanéꞌmɨn mɨ́ɨdɨty.
\p
\v 33 Jiiby ma je naymujctac jiiby anajty tüg yëydɨjc huɨdibɨ mɨɨd tüg caꞌoybɨ, chi je caꞌoybɨ mɨc yaaxqueecy ymɨnañ:
\p
\v 34 ―Ixmajtzcɨch ajcxy, ¿ti mdunamy mɨɨd ɨɨch ajcxy Jesús je nazaretpɨ? ¿Nej tɨ mmiñ co xyajhuindɨgoyáanɨgɨxyɨch? Ɨɨch miich nꞌijxcapy co miich jeꞌ je Huätzpɨ Dios.
\p
\v 35 Chi Jesús je caꞌoybɨ ojy, nɨmay:
\p
―Amon, pɨdzɨm ma yɨ jäy.
\p
Chi je caꞌoybɨ najtztijɨɨy je yëydɨjc agujcꞌamy ma je jäy ajcxy, huinꞌit ypɨdzɨmy, e caꞌ ni nej jactuuñ.
\v 36 Tügꞌócɨy jäy jɨm ooy ajcxy ñayꞌadzɨgɨɨyɨ miñ xyɨpy yjanayñɨmáayɨgɨxy:
\p
―¿Ti ayuc jadaꞌ yɨꞌ? Co mɨɨd yꞌanéꞌmɨn etz mɨcꞌajt aneꞌmy caꞌoybɨ etz yajpɨdzɨmy ma jäy.
\p
\v 37 Chi Jesús capxpaady yꞌijty ma tügꞌócɨy cajp huɨdi huinduy agónɨp.
\s Jesús yajtzoocy Pedro ymɨ̈d töxyjäybɨ
\p
\v 38 Chi Jesús ypɨdɨ̈gy choñ ma naymujctac, ytɨgɨɨy ma Simón ytɨjc. Jaduꞌn anajty Simón ymɨ̈d töxyjäybɨ mɨc ytoyii. Chi ajcxy cohuanɨɨy Jesús mɨɨd jeꞌ ycɨxpɨ.
\v 39 Chi Jesús yhuindacy ma jeꞌ yhuinduu, ixꞌojy je toyɨɨ, e jaduꞌñɨ ñajxy. Chi jeꞌ mɨcꞌamy ypɨdɨ̈gy,
yajcay yajꞌuucy ajcxy.
\s Jesús yajtzoocy maybaꞌmjäy
\p
\v 40 Tzuu tzuu anajty jäy ajcxy yajnɨcxy tügꞌócɨy jäy ajcxy paꞌmmɨɨdpɨ ma Jesús. Chi Jesús cɨ̈nɨ̈xajy nidüg nidüg, e jaduꞌn anajty ajcxy chögy.
\v 41 Chi nañ jaduꞌn jeꞌ caꞌoybɨ yajpɨdzɨmy ma mayjäy, mɨc je caꞌoybɨ anajty yhuaꞌñ yjɨhuɨ̈y, ymɨnaꞌñ:
\p
―Miich jeꞌ Dios xyꞌungꞌajtp.
\p
Chi Jesús nïgɨ ixꞌojy, caꞌ anajty yajhuäcxɨpy nɨcxy yjaccapxy, com tɨ anajty nejhuɨɨygɨxy co yɨꞌ jeꞌ je Cristo.
\s Jesús yꞌayuccapxhuäcxy jɨm Galilea
\p
\v 42 Co yxɨɨmɨɨy, chi chooñ Jesús, ñɨcxy mɨjtɨgɨ̈duum. Ooy jäy yjaꞌixtäyii, chi ajcxy oy paatcɨxy, yajhuäcxɨjpy ajcxy ooy, caꞌ anajty ocꞌixmadzáangɨxnɨ.
\v 43 Chi Jesús ymɨnañ:
\p
―Ooy jada chachcopɨ́cyɨty co canaag agajp ɨɨch jada ngapxhuäcxɨbɨch je oybɨ ayuc jaduꞌn nej Dios yꞌaneꞌmy. Paady Dios tɨ xyquexyɨch ya naaxhuiñ.
\p
\v 44 Jaduꞌn anajty jeꞌ capxhuäcxy majaty jäy ñaymujctac jɨm Galilea.
\c 5
\s Je acxmajtzɨn mɨjhuinmaꞌñybɨ
\p
\v 1 Tügtecy jaduꞌn yjajtɨ, jɨm anajty Jesús ma je Genesaret mejypaꞌ, co jäy ñimiinɨ janch ñayꞌadijɨɨy ñayꞌagodɨ́ɨyɨgɨxy, tzachꞌamɨdohuaangɨxy Dios yꞌayuc.
\v 2 Chi yɨꞌ ijxpaty mejtz barco jahueengɨ mejypaꞌáy. Je acxmajtzpɨdɨjc tɨ anajty ypɨdzɨ́mgɨxy ma je barco, jɨm anajty yꞌacxxuumy pújccɨxy.
\v 3 Chi Jesús yajtɨgɨyɨɨy tüg barco huɨdi Simón anajty jeꞌajtpy. Chi mayꞌajt pɨjctzoy co huen yajjɨhuägy hueenɨ yɨ barco mejypaꞌáy. Chi Jesús yꞌixtacy barcojoty, e jaduꞌn yajꞌixpɨjcy je mayjäy ajcxy.
\v 4 Co ycapxymaayɨ, chi Jesús Simón nɨmay:
\p ―Nɨcx pɨdäg mꞌacxmadzɨꞌñ mejyjoty, jaydëbɨ májtzcɨxɨpy acx.
\p
\v 5 Chi Simón yꞌadzooy:
\p ―Huindzɨn, tɨ ɨɨch ajcxy ooy njatuñ tüg tzuum, ni ti tɨ ngapáatcɨxyɨch. Per mɨɨd miich mꞌayuc ycɨxpɨ yɨ acxmadzɨꞌñ nbɨdägɨbɨch mejyjoty.
\p
\v 6 Co ajcxy pɨdacy je acxmadzɨꞌñ mejyjoty, chi yajcoꞌadujcy ooy may acx, jahueenɨ acxmadzɨꞌñ ycacɨɨch mɨɨd je may acx ycɨxpɨ.
\v 7 Chi Pedro yemɨ ymɨgügtɨjc huɨdi anajty jɨm ma je jadügpɨ barco, huen miñ ajcxy pubedyii. Chi ajcxy ymiñ pubejtp, yajꞌujch ajcxy metzpɨ barco mɨɨd may acx, jagoo jagoo ycaquiiñ je barco mɨɨd may acx ycɨxpɨ.
\v 8 Co Simón Pedro ijxy jaduꞌn, chi ycojxtɨnaayꞌahuɨɨy ma Jesús yhuinduu, nɨmay:
\p ―Huinhuäctúutcɨch, Huindzɨn, com ɨɨch pocyjäy ɨɨch.
\p
\v 9 Com Pedro janch tzɨgɨɨyb anajty, etz nañ tzɨgɨɨyb tügꞌócɨy huɨdi anajty mɨɨd tɨ ytuñ, co anajty ooy may acx tzachyajnïbéjtcɨxy.
\v 10 Nañ jaduꞌn tzɨgɨɨyb anajty je Jacobo etz Juan je Zebedeo ymang ajcxy huɨdibɨ Simón anajty tɨ pubety. Chi Jesús ñɨmay Simón:
\p ―Caꞌ mdzɨgɨ̈y, jadachambɨ etz jacnɨcxnɨ xɨɨ tiempo mdunɨpy jäymadzɨɨ.
\p
\v 11 Co je barco yajmejypɨdzɨmy, chi ajcxy yꞌixmajch tügꞌócɨy, chi ajcxy panɨcxy Jesús.
\s Jesús yajtzögy tüg jäy nïbützpaꞌmmɨɨdpɨ
\p
\v 12 Chi jaduꞌn yjajtɨ co anajty Jesús yjɨ́mɨty ma tüg cajp, co ñimiinɨ tüg yëydɨjc ymɨɨd anajty pützpaꞌm. Co je paꞌmjäy ijxy Jesús, chi nihuindacy ma yhuinduu, mɨnucxtacy, nɨmay:
\p ―Huindzɨn, pen mdzojcpy jëbɨ xyajtzögɨbɨch.
\p
\v 13 Chi Jesús ycɨꞌ najtzxajɨɨy nïdooñ, nɨmay:
\p ―Ndzojcpyɨch, huɨꞌm huädz.
\p Chi mɨcꞌamy je jäy choocy.
\v 14 Chi Jesús aneꞌmy, nɨmay:
\p ―Caꞌ ni pɨn myajnɨmähuɨpy, nɨcx janchtɨy nayguëxɨ̈gɨɨb ma teedy, jaydëbɨ möhuɨpy Dios huindzɨgɨꞌñ, jaduꞌn nej Moisés ycötújcɨn je jécyɨp yꞌaneꞌmy, mɨɨd yɨꞌ ycɨxpɨ co tɨ mhuätzpɨdzɨmy, jaydëbɨ jäy ajcxy nejhuɨ̈huɨpy co tɨ mdzögy.
\p
\v 15 Je capxyꞌayuc nïgɨ yꞌoc-huäcxꞌadɨɨtznɨ, e janch mayjäy yꞌocnimújcɨn, jɨm pɨn ayuc mɨdohuaam, e jɨm huɨdi tzögaam.
\v 16 Jesús ycögueecpy anajty je mayjäy, ñɨcxy anajty mɨjtɨgɨ̈duum Dios ojadajtpɨ.
\s Jesús yajtzögy tüg jäy cɨ̈xuxypɨ tecyxuxypɨ
\p
\v 17 Tüg tecy yjájtɨ, Jesús anajty yajꞌixpɨjcp, e jɨm anajty ajcxy ɨñäy ma Jesús yhuinduu fariseojäy ajcxy, etz huɨdi jäy yajꞌixpɨjcp Dios ñecy huɨdijaty anajty tɨ choongɨxy canaag agajp ma Galilea naaxjot Judea naaxjot, etz cham huɨdijaty anajty tɨ chooñ Jerusalén. E Jesús ymɨɨd anajty Huindzɨn Dios ymɨcꞌajt co jäy yajtzögɨpy.
\v 18 Chi nijëjɨty jäy yajjaꞌty cɨjxꞌam tüg paꞌmjäy yëydɨjcpɨ huɨdi caꞌ anajty ycɨꞌ ytecy yücxy. Chi ajcxy ixtaay ma yajtɨjctɨgɨ̈huɨpy pɨdägaꞌñ anajty ajcxy je paꞌmjäy ma Jesús yhuinduu.
\v 19 Com caꞌ anajty ni ma tɨgɨyɨydac mɨɨd co je tɨjc anajty ooy yꞌújtzɨty mɨɨd mayjäy. Chi ajcxy mɨɨdpejty tɨjc nïgɨ́xy, chi ajcxy tɨjc yajcöhuach, e chi ajcxy cödɨyñajxy cɨjxꞌam je paꞌmjäy ma Jesús yhuinduu.
\v 20 Co Jesús ijxy jaduꞌn nej jeꞌ ajcxy ymɨbɨcy, chi nɨmay:
\p ―Yëydɨjc, yajmeecxp mbocy.
\p
\v 21 Chi jeꞌ ajcxy huɨdi yajꞌixpɨjcpy Dios ñecy etz je judío ixpɨcytɨjc huɨdi naydíjɨgɨxp fariseojäy huinmaygoty, ñayñɨmáayɨgɨxy: “Jada Jesús ooy ycapxtɨgoy mɨɨd Dios. Ni pɨn yëydɨjc huaad caꞌ ti pocymeecxy. Tügpajc nHuindzɨnꞌájtɨm Dios huɨdi pocyhuinmecxp.”
\p
\v 22 Jesús ñejhuɨɨy jeꞌ ajcxy yjot yhuinmaꞌñ, paady ajcxy nɨmay:
\p ―¿Ti mdzachhuinmaayb ajcxy ma mjot mhuinmaꞌñ?
\v 23 ¿Ti jactzip co mɨnaanɨm co tɨ mbocy yajmeecxy o mɨnaanɨm: “Pɨdɨ̈g etz nɨcxnɨ”?
\v 24 Jaydëbɨ miich ajcxy mnejhuɨ̈huɨpy co ɨɨch jeꞌ je jäy huɨdi tzoon tzajpjoty, nmɨ́ɨdɨch anéꞌmɨn etz mɨcꞌajt ya naaxhuiñ jëbɨ jäy nbocyhuinmeecxyɨch, paady cham nnɨmäyɨch yɨ paꞌmjäy: “Pɨdɨ̈g etz yajpɨdɨ̈g mmaabejt, nɨcx ma mdɨjc.”
\p
\v 25 Chi mɨcꞌamy je paꞌmjäy ytɨnayɨ̈gy ma je jäy ajcxy yhuinduu, etz yajpɨdɨ̈gy jeꞌ ymaabejt ma anajty ycögnäy. Chi ñɨcxnɨ ma ytɨjc, chi ooy cömay jäymejch Dios.
\v 26 Huinꞌit nidügꞌócɨy je mayjäy ooy ajcxy jɨhuɨɨy, e chi ajcxy ooy cömay etz jäymejch Dios. Chi ajcxy ooy chɨgɨɨygɨxy, ymɨnaangɨxy:
\p ―Cham janchtɨy nꞌíjxɨm mɨjhuinmaꞌñ.
\s Jesús huodzooñ je Leví
\p
\v 27 Co jaduꞌn ytunɨ yjajtɨ, chi Jesús jɨm choñ, chi ijxy tüg yajcogüejtpɨ huɨdi anajty yxɨɨ Leví. Leví jɨm anajty ɨñäy ma yajgogüejttac. Chi Jesús nɨmay je Leví:
\p ―Pajaamgɨch.
\p
\v 28 Chi je Leví ixmajtztay huɨdi anajty ytuumyb etz padzooñ je Jesús.
\p
\v 29 Chi Leví mayjäy yajcay yajꞌuucy ma ytɨjc, cham may yajcogüejtpɨ ajcxy etz jacjadyii jäy huɨdi ɨñaayb ma yɨ mesa mɨɨd Jesús etz yɨꞌ ydiscípulos ajcxy.
\v 30 Chi jeꞌ ajcxy huɨdibɨ yajꞌixpɨjcp Dios ñecy etz je ixpɨcytɨjc huɨdi naydíjɨgɨxp fariseojäy tzachniꞌameechycápxcɨxy niꞌojɨɨygɨxy je Jesús ydiscípulos ajcxy, ymɨnaangɨxy:
\p ―¿Naꞌamy co mgaaygɨxy mꞌuuccɨxy mɨɨd yajcogüejtpɨ etz mɨɨd pocyjäy ajcxy?
\p
\v 31 Chi Jesús ymɨnañ:
\p ―Caꞌ yajmayjaty tzoydumbɨ huɨdibɨ caꞌ ajcxy ypɨgyii, jëyɨ huɨdi ajcxy pɨ́jcɨp.
\v 32 Caꞌ ɨɨch tɨ nmiñɨch ma je jäy ajcxy huɨdibɨ caꞌ pocy mɨɨdɨty. Ɨɨch tɨ nmiñɨch mɨɨd yɨ pocyjäy ycɨxpɨ co huen jothuimbijttaaygɨxy ma Dios.
\s Yajꞌamɨdooy ajcxy Jesús ti co jäy ajcxy yꞌayunasꞌájtcɨxy
\p
\v 33 Chi je mayjäy ajcxy Jesús nɨmay:
\p ―Nej co yɨꞌ (Juan) ydiscípulos ajcxy janam jadzojc jaygay yꞌíjtcɨxy etz ycapxtáccɨxy, nañ jaduꞌn je fariseojäy ydiscípulos ajcxy janam jadzojc jaygay yꞌíjtcɨxy. Chi miich mdiscípulos ajcxy caꞌ ajcxy jaygay yꞌijtcɨxy, caaby uucp ajcxy jabom jabom.
\p
\v 34 Chi Jesús ymɨnañ:
\p ―¿Nej jëbɨ yajꞌayuuꞌaty jäy ajcxy huɨdi yajpatpɨ ma je pɨjcpɨ yajnixɨɨduñ, pen quipxyɨ yam yajpaady mɨɨd je huɨdibɨ pɨjcp?
\v 35 Minamb je xɨɨ je tiempo mɨna je pɨjcpɨ yajtzonɨɨyb, huinꞌit janchtɨy ajcxy jëbɨ yꞌayuuꞌájtcɨxy.
\p
\v 36 Nañ jaduꞌn ajcxy yajnɨmay tüg jɨhuimbit ayuc:
\p ―Ni pɨn caꞌ huaad agɨyɨ̈y tuc-huit mɨɨd jemyhuit, canaan jëyɨ ycɨ́ɨdzɨp yɨ jemybɨ, nañ jaduꞌn je tucpɨ caꞌ oy yhuɨꞌmaꞌñ mɨɨd je jemyhuit agɨyɨꞌñ.
\v 37 Ni pɨn caꞌ pɨdägy jemy vino ma je tucpɨ cochac, pen janch jaduꞌn octuñ, je vino jemybɨ ycɨ́ɨdzɨp je tucpɨ cochac, chi yꞌixyojctähuɨpy je vino etz je cochac ñitɨgoydähuɨpy.
\v 38 Pɨdägɨpy ajcxy jemy vino ma tüg jemybɨ cochac, chi jaduꞌn caꞌ ytɨgoyɨpy je vino ni je cochac.
\v 39 Caꞌ ni pɨn tzocy vino jemybɨ, pen tɨ anajty ügy vino tɨɨbɨ yjejcnɨ, co jaduꞌn ymɨnaꞌñ co jac oy je tɨɨbɨ yjejcnɨ.
\c 6
\s Je discípulos ajcxy yajmújccɨxy trigo cojc pocxxɨɨduum
\p
\v 1 Chi jaduꞌn yjajtɨ tüg pocxxɨɨduum co Jesús oy ñaxy ma tüg trigo cam, e yɨꞌ ydiscípulos ajcxy oy anajty yajmɨnájccɨxy trigo tɨɨm, chi ajcxy nïxajtztüdy, e chi ajcxy jɨɨcxy.
\v 2 Chi nidügtɨ fariseojäy ymɨnañ:
\p ―¿Ti co ajcxy jaduꞌn mdundɨgooy co mdúngɨxy huɨdi caꞌ ñigodúcyɨty ajcxy mdunɨpy pocxɨn xɨɨduum?
\p
\v 3 Chi Jesús ymɨnañ:
\p ―¿Nej caꞌnɨ miich ajcxy mgapxy Dios ñecy nijaduꞌñyɨ? ¿Nej caꞌ mnejhuɨɨygɨxy ti David ytuun co anajty yuubögyii etz nañ co ymɨgügtɨjc anajty yuubögyii?
\v 4 David ytɨgɨɨy ma Dios ytɨjc, chi conɨ̈gy je tzajcaagy huɨdibɨ anajty jiiby ma Dios yhuinduu, chi caay, nañ jaduꞌn moy je ymɨgügtɨjc ajcxy. Jeꞌ tzajcaagy caꞌ anajty ypadyii nɨcxy jeꞌ ajcxy cay. Teedy jeꞌ anajty ajcxy paatɨp cáaygɨxɨp.
\p
\v 5 Chi Jesús yjacmɨnañ:
\p ―Ɨɨch jeꞌ je jäy huɨdibɨ tzoon tzajpjoty, jëbɨ nnɨmäyɨch je jäy ajcxy ti jëbɨ huaad ytúngɨxy sábado xɨɨ.
\s Je yëydɨjc huɨdibɨ anajty ycɨꞌ tɨ̈dzɨp
\p
\v 6 Chi jadügtecy yjajtɨ tüg pocxxɨɨduum, co Jesús ytɨgɨɨy ma tüg naymujctac, chi jäy yajꞌixpɨjcy. Jiiby anajty tüg yëydɨjc huɨdi yꞌaꞌoygɨꞌ anajty tɨ̈dzɨp.
\v 7 Chi huɨdi ajcxy yajꞌixpɨjcp Dios ñecy etz fariseojäy ajcxy ixꞌijxy paꞌíjxcɨxy Jesús nej pen jäy yajtzögam pocxxɨɨduum, e jeꞌ ajcxy anajty mɨɨd ycɨxpɨ xɨ̈huaꞌñ.
\v 8 Jesús ñejhuɨɨyb jeꞌ anajty ajcxy yjot yhuinmaꞌñ. Chi Jesús nɨmay je yëydɨjc huɨdibɨ anajty ycɨꞌ tɨ̈dzɨp:
\p ―Pɨdɨ̈g, tɨnayɨ̈g mayjäyꞌagujc.
\p Chi jeꞌ ytɨnaayɨ̈gy.
\v 9 Chi Jesús ymɨnañ:
\p ―Nyajꞌamɨdohuaamybɨch miich ajcxy tüg ayuc. ¿Nej Dios ñecy ymɨnaꞌñ, jëbɨ oybɨ nduunɨm pocxxɨɨduum o jëbɨ jɨbɨcpɨ nduunɨm, nyajtzoocɨm jäy o nyajtɨgooyɨm jäy yjugyꞌajt?
\p
\v 10 Chi Jesús ajcxy huindɨcxpejttay nidügꞌócɨy, chi nɨmay je paꞌmjäy:
\p ―Xajtɨu mgɨꞌ.
\p Chi jeꞌ ycɨꞌ xajtɨɨy, huinꞌit jeꞌ ycɨꞌ choocy.
\v 11 Chi jeꞌ ajcxy huɨdi yajꞌixpɨjcp Dios ñecy etz je ixpɨcytɨjc huɨdi ajcxy mɨjpɨdacp judío ycostumbre ooy ajcxy yjotꞌambɨjcy, ñayñɨmáayɨgɨxy miñ xyɨpy:
\p ―¿Nej ajt nꞌoctuunɨm jada Jesús?
\s Jesús huinꞌixy je majmetzpɨ discípulos ajcxy
\p
\v 12 Jaduꞌn yjajtɨ huinꞌit xɨɨ Jesús ñɨcxy mɨjtɨgɨ̈duum Dios ojadajtpɨ. Tüg tzuum ooy Dios mɨbɨjctzooy.
\v 13 Co yxɨɨmɨɨy, chi Jesús huoomiñ yɨꞌ ydiscípulos ajcxy. Chi huinꞌijxy je majmetzpɨ, etz yxɨɨmoy ajcxy, apóstoles.
\v 14-16 Chi Jesús yhuinꞌijxy je Simón huɨdi yxɨɨmoy Pedro; je Andrés, Pedro yꞌuch; Jacobo etz Juan; Felipe etz Bartolomé; Mateo etz Tomás, Jacobo hueꞌ jeꞌ Alfeo ymang; etz Simón huɨdi jäy ytijpy Zelote; Judas, Jacobo yꞌuch; etz Judas Iscariote huɨdibɨ nañ jaduꞌn Jesús cɨ̈yejc ma ymɨdzip.
\s Jesús yajꞌixpɨcy mayjäy
\p
\v 17 Chi Jesús mɨɨdꞌɨdacy je discípulos ajcxy, chi oy yhuäcxɨpy ma tüg ajoy mɨɨd ydiscípulos ajcxy etz mayjäy huɨdi anajty tɨ choongɨxy Judea naaxjot, etz Jerusalén, etz ma mejypaꞌ jɨm Tiro etz Sidón. Ymiñ ajcxy je mayjäy co amɨdooꞌidáanɨ Jesús yꞌayuc etz nañ chögaangɨxy je paꞌm huɨdi ajcxy ymɨɨd.
\v 18 Cham je huɨdi anajty ayoꞌn tzachpaatp mɨɨd caꞌoybɨ, nañ tzoocp jeꞌ anajty ajcxy.
\v 19 Chi tügꞌócɨy je jäy ajcxy janch ñïdonamy anajty ajcxy je Jesús, co ymɨɨd mɨcꞌajt co jäy tügꞌócɨy yajtzög.
\s Je jotcujcꞌajt etz je cajotcujcꞌajt
\p
\v 20 Chi Jesús huindɨcxpejttay je mayjäy huɨdi ajcxy ixpɨgaam yɨꞌ yꞌayuc, e ymɨnañ:
\p ―Jotcujc miich ajcxy ayoobtɨjc, com miich ajcxy cham xypaat Dios yꞌanéꞌmɨn.
\p
\v 21 Jotcujc miich ajcxy huɨdi cham yuubóꞌcɨp, co mgüxɨɨb miich ajcxy. Jotcujc miich ajcxy huɨdi cham jotmay mɨɨd, co ypáadɨp xɨɨ tiempo mɨna mxondáaccɨxɨpy.
\p
\v 22 Jotcujc miich ajcxy mɨna anajty jäy caꞌ xyꞌixáangɨxy, co pɨn xyꞌixtíjcɨxɨpy, e co jäy ajcxy jɨbɨc xyñigapxaꞌñ xyñixïgaꞌñ mɨɨd ɨɨch ycɨxpɨ, je jäy huɨdi tzoon tzajpjoty.
\v 23 Mxondäg miich ajcxy huinꞌit xɨɨ, etz mjotcugɨ́ɨygɨxɨp, com ooy chachmɨ́jjɨty huɨdi ajcxy mbadaamy tzajpjoty. Com jaduꞌn anajty jecyꞌajty miich mmɨjꞌap mmɨjteedy caꞌ ixaangɨxy je huɨdi anajty Dios yꞌayucnajtzcapxɨɨyɨpy.
\p
\v 24 Miich ayoob ajcxy comeeñyjäy, com caꞌ ti jotcujcꞌájtɨn mjacpadaangɨxy huinꞌit xɨɨ (co Dios tɨydunɨp je naaxhuiñyjäy).
\p
\v 25 Miich ayoob ajcxy huɨdi cham ocꞌagujcꞌajtp ocjotcujcꞌajtp, ayoꞌn jotmay ajcxy mbaadɨp, e myajmayjadɨpy miich ajcxy tijaty.
\p
\v 26 Miich ayoob ajcxy co ajcxy myajnigapxɨpy myajnimɨydägɨpy, com jaduꞌn jecyꞌajty miich ajcxy mmɨjꞌap mmɨjteedy nɨmay je jäy ajcxy co ooy yꞌoyjäy huɨdi ajcxy anajty najtzcapxɨɨyb ayuc huɨdibɨ caꞌ ytɨy yjánchɨty.
\s Nej huaad nmɨgüg ndzójcɨm
\p
\v 27 Chi Jesús yjacmɨnañ:
\p ―Miich ajcxy huɨdi cham amɨdoꞌijtp ɨɨch nꞌayuc, ɨɨch miich ajcxy nɨmaayb: Tzójccɨx mmɨdzip, mɨꞌoyjäyꞌájtcɨx huɨdijaty caꞌ xyꞌixaangɨxy.
\v 28 Mɨgapx je jäy ajcxy mɨɨd oyjot oyhuinmaꞌñ huɨdi ajcxy jɨbɨc xyñigapxp xyñiꞌojɨɨyb. Mɨbɨjctzoogɨxy yɨ Dios mɨɨd jeꞌ ajcxy ycɨxpɨ huɨdibɨ xyñigapxp xyñiꞌojɨɨyb.
\v 29 Pen ji pɨn xycojxy ma yɨ mhuinjɨjp, moꞌ jadüg aduꞌmꞌamy ahuin hueñ coxy. Pen ji pɨn xypɨgaanɨ yɨ mjocxhuit, jactɨmmoꞌ mnïjen huen yajnɨcx.
\v 30 Pɨn xypɨjctzohuɨp tijaty, moꞌ. Pɨn xypɨ́jcɨp huɨdi miich mjëꞌajtpy, caꞌ mbɨjctzohuɨpy jadügꞌoc.
\v 31 Nej mdzocy tunɨpy jäy mɨɨd miich ajcxy, nañ jaduꞌn miich ajcxy mdunɨpy mɨɨd yɨꞌ ajcxy.
\p
\v 32 Pen miich ajcxy jëyɨ mdzojccɨxpy pɨnjaty xychojccɨxp, ¿ti oyjäyꞌájtɨn jadaꞌ miich ajcxy mꞌocpaadɨpy? Nañ jaduꞌn je pocyjäy ajcxy chojcpy pɨnjaty yɨꞌ ajcxy tzójcɨp.
\v 33 Pen mdumyb oybɨ huɨdijaty mmɨɨd ooy mnaymɨgügꞌadyii. ¿Ti oyjäyꞌajtɨn jadaꞌ miich ajcxy mꞌocpáadɨp? Nañ jaduꞌn je pocyjäy ajcxy tuñ oybɨ mɨɨd ymɨgügtɨjc.
\v 34 Pen myejcpɨjctzou mɨɨd je jäy huɨdibɨ miich ajcxy mjɨjpꞌijxpy co nañ jaduꞌn xymöhuɨpy tigatii, ¿ti oyjäyꞌájtɨn miich ajcxy mdumyb? Nañ jaduꞌn yɨ jɨbɨc jäydɨjc jayejcpɨ tijaty pɨjctzoy co nañ jaduꞌn jɨjpꞌíjxcɨxy co ymöhuɨpy tigatii.
\v 35 Miich ajcxy, tzójccɨx mmɨdzip, mɨꞌoyjäyꞌájtcɨx mmɨdzip, yajpɨjctzoogɨx tijaty, e caꞌ ni ti mjɨjpꞌíjxcɨxɨpy co ajcxy jac mɨj mbaadɨp. Jaduꞌn miich ajcxy mɨj mbaadɨp oyꞌájtɨn e mnaydijɨɨyb ajcxy je mɨjpɨ Dios yꞌung. Com Dios paꞌayoodaayb tügꞌócɨy yɨ jäy ajcxy huɨdibɨ caꞌ ti jäygɨdägy, etz huɨdi jɨbɨcjäy.
\v 36 Miich ajcxy paꞌayoo mɨgügtɨjc ajcxy, jaduꞌn nej mDios Teedy tzajpjotypɨ ypaꞌayooy huenytɨmpɨ́nɨty.
\s Caꞌ mmɨgüg ni ti myajꞌixꞌixɨpy myajpaꞌixɨpy
\p
\v 37 Caꞌ mmɨgüg ni ti myajꞌixꞌixɨpy myajpaꞌixɨpy, huin ꞌit caꞌ pɨn xyꞌixꞌixɨpy xypaꞌixɨpy. Caꞌ mmɨgüg mbocyꞌixɨpy, e huinꞌit caꞌ pɨn xypocyꞌixɨpy. Huinmecx mmɨgüg, e huinꞌit nañ jaduꞌn Dios myajhuinmeecxɨp.
\v 38 Moꞌ mmɨgüg etz huinꞌit miich ajcxy Dios xymöhuɨpy quipxy ooy tijtäch etz janch yajxon yꞌújtzɨty cödɨnaayb. Com yɨ quipxɨꞌñ tɨɨbɨ myajquipxɨ̈y, nañ yɨꞌ mɨɨd xyquipxhuimbidɨpy.
\p
\v 39 Chi Jesús yajnɨmay je mayjäy tüg jɨhuimbit ayuc:
\p ―¿Nej jëbɨ tüg jäy huintzpɨ ymɨgüg huintzpɨ huijtzyöyñɨ? ¿Nej caꞌ mdijy nimetz yjutcögägɨxɨpy?
\v 40 Caꞌ ji ni tüg ixpɨjcpɨ huɨdi nïgɨ ixpɨ́cyɨp caꞌydɨ yhuindzɨn, pen ji pɨn huädz yjadɨmꞌixpɨcy najtzpadɨ̈huɨpy yhuindzɨn.
\p
\v 41 ¿Naꞌamy co mɨcꞌamy mbocyꞌixy mmɨgüg co hueenɨ ytundɨgoy, e miich jac mɨj ooy mdundɨgoy, e caꞌ mjɨhuɨꞌñybɨcy? Tɨm jaduꞌn nipaady nej jɨhuɨ̈y tɨ mꞌixy piꞌcpüx ma mmɨgüg yhuiin, e ma miich mgɨꞌmhuiin jac jiiby mɨj quipy, e caꞌ mꞌixy je quipy ma mgɨꞌmhuiin.
\v 42 Caꞌ huaad mnɨmähuɨpy mmɨgüg: “Nayyegɨɨ miñɨch püx nꞌocyajpɨdzɨm maabɨ mhuiin”, e miich caꞌ mꞌijxy mɨj quipy ma mgɨꞌmhuiin. Jɨbɨcjäy miich. Jayɨjp miich myajhuädzɨp mjot mhuinmaꞌñ, huinꞌit jëbɨ mmɨgüg mꞌɨɨhuíjɨp mgapxhuíjɨp, jaduꞌn nipaady nej jɨhuɨ̈y tɨ myajpɨdzɨmy je quipy maabɨ mhuiin, jachuädz mꞌíjxɨ̈gɨpy e chi jëbɨ yɨ piꞌcpüx myajpɨdzɨmɨpy maabɨ mmɨgüg yhuiin.
\s Je quipy je ytɨɨm, yɨꞌ mɨɨd ycɨxpɨ yajꞌijxcapy
\p
\v 43 Caꞌ yɨꞌ yꞌoyjäyɨty huɨdi jɨbɨc tuumb, nañ jaduꞌn caꞌ jɨbɨcjäy huɨdi oy tuum, tɨm jaduꞌn nipaady nej tüg quipy. Caꞌ ji yɨꞌ oyguípy huɨdi jɨbɨc tɨɨmꞌajt, nañ jaduꞌn ni caꞌ yjɨbɨcquípyɨty huɨdi oy tɨɨmꞌajtp.
\v 44 Com ni jeꞌ quipy yajꞌijxcajp mɨɨd ytɨɨm ycɨxpɨ. Caꞌ pɨn higuerɨ tɨɨm tucy ma quipy apymɨɨdpɨ. Nañ ni pɨn caꞌ uvas chaꞌm piiy ma aadz apymɨɨdpɨ.
\v 45 Je jäy oyjäybɨ ma yjot yhuinmaꞌñ yajpɨdzɨmy oybɨ. Je jɨbɨcjäybɨ ma yjot yhuinmaꞌñ yajpɨdzɨmy jɨbɨcpɨ. Huɨdibɨ yhuinmaayb jotjoty huinmaꞌñyjoty yɨꞌ ycapxyp.
\s Je mejtznajxpɨ poch yꞌɨjx
\p
\v 46 Chi Jesús yjacmɨnañ:
\p ―¿Nej co nɨgo mɨnaangɨxy: “Huindzɨn, Huindzɨn”, ni caꞌ ajcxy mdúngɨxy huɨdi nyajnɨmaaygɨxpy?
\v 47 Tügꞌócɨy jäy huɨdi xyñimimbɨch etz xymɨdoohuɨ ɨɨch nꞌayuc etz cuyduñ, ɨɨch nyajniꞌixɨ̈huɨpy pɨn jeꞌ ymɨdügnax.
\v 48 Quipxyɨɨyb tüg yëydɨjc huɨdibɨ ytɨjccojp ma tzaa nïcxy, chi nidajɨ̈y ooy cɨɨcy, chi pɨdägy pochꞌɨjx tzaa nïgɨ́xy, co mɨjnɨɨ ycomy nimiñ je tɨjc, mɨɨd tügꞌócɨy ymɨjaa jayajpɨdɨ̈gaꞌñ je tɨjc, e ni caꞌ jaduꞌñyɨ yajyücxy, com tzaagɨ́xy anajty ypojtztzooñɨty.
\v 49 Yɨ jäy huɨdi mɨdoob ɨɨch nꞌayuc e caꞌ cuyduñ, mɨɨdquipxɨɨy jaduꞌn yɨꞌ nej tüg yëydɨjc co tɨ ytɨjccojy. Ni caꞌ poch cɨɨcy ypojtztzooñɨty, jëyɨ naaxhuingɨ́xy nidajɨ̈y hueenɨ. Co je mɨjnɨɨ ymiñ mɨɨd ymɨjaa, chi yajpɨdɨ̈gy je tɨjc, chi oy yhuindɨgoydäy.
\c 7
\s Jesús yajtzögy tüg mɨjtungmɨɨdpɨ Romano ytumbɨ 
\p
\v 1 Co Jesús ycapxtaay ymɨydactaay mɨɨd je mayjäy huɨdi anajty jɨm amɨdoꞌijtp, chi ytɨgɨɨy jɨm Capernaum.
\v 2 Jɨm anajty tüg Capɨtán tüg ytumbɨ hueꞌ anajty pɨ́jcɨp, janch tɨm ögaanɨp anajty, e je soldado huindzɨn ooy anajty tzocy je ytumbɨ.
\v 3 Co je capitán ayuc mɨdooy jaduꞌn nej Jesús ytuñ, chi quejxy judío mɨjjäydɨjc, huen nɨcxy mɨnuucxtaaccɨxy Jesús co jeꞌ yminɨpy ma ytɨjc yajtzögɨɨyb jeꞌ ytumbɨ.
\v 4-5 Chi je mɨjjäydɨjc ajcxy ymiiñ ma Jesús, chi ajcxy cohuanɨɨy ooy, pɨjctzou mayꞌajt, nɨmay:
\p
―Jadayaabɨ capitán ymɨhuaad co mbubedɨpy, com yajmɨjꞌajtpy ɨɨch ajcxy ngajp, tɨ cojy ɨɨch ajt naymujctac.
\p
\v 6 Chi Jesús ñɨcxy mɨɨd jeꞌ ajcxy. Co ajcxy mɨhuingooñ je tɨjc, chi je capitán quejxy ymɨgüg huen nɨcxy jɨjpcobadɨ̈y Jesús, nɨmähuɨpy:
\p
―Huindzɨn, caꞌ nej mnayjɨhuɨ̈yii, caꞌ ɨɨch mɨhuaadɨty co mdɨgɨ̈huɨpy ma ɨɨch ndɨjc.
\v 7 E paady caꞌ ɨɨch njot tɨ mɨctuñ co ɨɨch miich cɨꞌm nɨ́cx nꞌixtäy. Jëdaꞌajty miich nɨgoo capx, e tɨ anajty ndumbɨch chögy.
\v 8 Nañ jaduꞌn ɨɨch nmɨɨdɨch soldados ajcxy huɨdi ajcxy xycapxcöbɨjcpɨch. Nɨmäyɨch tüg: “Nɨcx”, e nɨcxp; nɨmäyɨch jadüg: “Min”, e mimb; nɨmäyɨch ndumbɨ: “Tun jada”, e ytumyb.
\p
\v 9  Co Jesús mɨdoy nej je capitán ymɨnañ, chi jɨhuɨɨy ooy, chi niꞌijxhuimbijty nɨmay ajcxy huɨdi pamiinɨp:
\p 
―Ɨɨch miich yɨm nɨmaaygɨxyp co caꞌ nbaadyɨch Israel jäy huɨdibɨ  xymɨbɨ́jcpɨch jaduꞌn nej jadayaab agatz jäy.
\p
\v 10 Co ajcxy je quexyöybɨ yhuimbíjtcɨxnɨ ma je tɨjc, chi oy páatcɨxnɨ je tumbɨ tɨ anajty yꞌagɨdägy. 
\s Jesús yajjugypɨjcy tüg coꞌögytöxyjäy yꞌung tɨɨbɨ anajty yꞌögy
\p
\v 11 Chi jaduꞌn yjajty huinꞌit xɨɨ co Jesús anajty ñɨcxy ma tüg cajp huɨdi anajty yxɨɨ Naín. Mɨɨd anajty ñɨcxy jadyii ydiscípulos ajcxy etz mayjäy.
\v 12 Co yhuingooñ ma anajty ycajp tɨgɨ̈huaanɨ, chi mɨnaybaatɨ jäy ajcxy, ñɨcxy anajty ajcxy tüg öcpɨ yajnaaxtɨgɨɨygɨxy, huɨdi anajty ungdaj tügpajc yꞌungꞌajtpy. Hueꞌ jeꞌ anajty coꞌögy je töxyjäy, e mɨɨd anajty ñɨcxy maycajpjäy.
\v 13 Co je Huindzɨn Jesús ijxy, chi paꞌayogoty je töxyjäy, chi nɨmay:
\p
―Caꞌ myäxy.
\p
\v 14 Chi Jesús ymɨjhuaꞌcy, nïdoñ je öcpɨ cajón. Chi ajcxy ytɨnayxɨjpy je huɨdi anajty ajcxy öcpɨ cɨyñɨcxp. Chi Jesús ymɨnañ:
\p
―Yëydɨjc, ɨɨch miich yam nɨmaayb, pɨdɨ̈g.
\p
\v 15 Chi je yëydɨjc ɨñayɨ̈gy huɨdi anajty tɨ yꞌögy, e ytɨgɨɨy mɨydaacp. Chi Jesús yajcɨ̈dɨgɨɨyñɨ jeꞌ ytaj.
\v 16 Chi ajcxy nidügꞌócɨy ooy ñayꞌadzɨgɨygotɨ, e Dios jäymejch cömay, ymɨnaangɨxy:
\p
―Tüg mɨjpɨ Dios tɨyꞌajtmɨɨtpɨ cham yajpatp ma ɨɨch ajt.
\p
Nañ jaduꞌn ajcxy ymɨnaangɨxy:
\p
―Tɨ Dios niꞌijxcɨdägy yɨ yñaax ycajp.
\p
\v 17 Ooy Jesús yajcömay ma tügꞌócɨy Judea naaxjot, etz ma tügꞌócɨy jac huinduy agonbɨ naax cajp.
\s Je Juan je Bautista yquexyöybɨ
\p
\v 18-19 Chi je jäy ajcxy huɨdi anajty Juan je Bautista yajꞌixpɨjcpy nimɨydactay jaduꞌn nej mɨɨd ytunɨ yjajtɨ Jesús. Chi Juan huooy metz yɨꞌ ydiscípulos ajcxy, e quejxy ma Jesús yajpaady. Chi Juan nɨmay co huen nɨcxy amɨdoogɨxy Jesús, pen yɨꞌ jeꞌ je Cristo huɨdi anajty miinaam, o pen nꞌahuíjxpy ajcxy huingbɨ.
\v 20 Chi je Juan yquejxyöybɨ miiñ ma Jesús nɨmay:
\p
―Yɨ Juan je Bautista ɨɨch ajcxy tɨ xyquéxyɨch ma miich amɨdohuaꞌñ pen miich jeꞌ je Cristo huɨdi minaamb, o ¿nꞌahuíjxypɨch ajcxy huingbɨ?
\p
\v 21 Tɨm huinꞌítɨy Jesús ooy maybaꞌmjäy yajtzoocy. Yajtzoocy nañ jaduꞌn huɨdi anajty ajcxy ooy mɨj yuu mɨj paꞌm yajꞌayoyii, etz nañ yajtzoocy pɨnjaty anajty caꞌoybɨ mɨɨd ma yjot yhuinmaꞌñ.
\v 22 Chi Jesús je Juan yquejxyöybɨ nɨmaayɨ:
\p
―Nɨcx nɨmaaygɨx je Juan jaduꞌn nej tɨ mꞌíjxcɨxy tɨ mmɨdoogɨxy, co yɨ huintzpɨ tɨ yhuindɨcxɨ̈gy, yɨ tecymaꞌtpɨ tɨ yöyɨ̈gy, yɨ nïbützpaꞌmmɨɨdpɨ tɨ chögy, je cönatpɨ tɨ ymɨdohuɨ̈ccɨxy, je öcpɨ ajcxy tɨ yjugypɨjcy, e ngapxhuäcxyɨch oybɨ ayuc ma ayoobtɨjc. 
\v 23 Jotcujc yɨꞌ ajcxy huɨdi caꞌ huinmaꞌñytɨgooygɨxy mɨɨd ɨɨch ycɨxpɨ. 
\p
\v 24 Co je Juan yquexyyöybɨ yhuimbijttay, chi Jesús nimɨydaccoty je Juan ma je mayjäy ajcxy, ymɨnañ:
\p
―Co ajcxy tɨ mꞌoy mɨjtɨgɨ̈duum, ¿ti tɨ mꞌíjxcɨxy? ¿Nej tɨ mꞌíjxcɨxy tüg jäy ametz jotmetz, jaduꞌn nejhuɨ̈y tüg nähuaax huɨdi pojmiimb pojxɨjp?
\v 25 Chi jadaꞌ, ¿ti oy tɨ mꞌíjxcɨxy? ¿Tüg yëydɨjc huɨdi mɨɨd oy yhuit yxöxyɨty? Yɨ jäy ajcxy oy yxojxypɨ huɨdi agujc jotcujc tzɨnaaygɨxp hueꞌ ajcxy yajpaady ma yɨ rey ytɨjc. 
\v 26 ¿Ti ajcxy tɨ mꞌixy jɨm mɨjtɨgɨ̈duum? ¿Tüg jäy huɨdi Dios ytɨyꞌajt mɨɨd? Janch tɨ mꞌíjxcɨxy tüg Dios ytɨyꞌajtmɨɨdpɨ, etz jacnïgɨ ymɨ́jɨty jeꞌ caꞌydɨ Dios yꞌayucnajtzcapxɨɨybɨ huɨdi jecyꞌajty tzɨnay.
\v 27 Jeꞌ jada je jäy huɨdi Dios ñigapxyp ma ñecy ma Dios jaduꞌn ymɨnañ:
\q Cham nguejxyɨch ɨɨch nguexyöybɨ jayɨjp ma miich, jeꞌ yajꞌoyɨ̈huɨp je jäy ajcxy yjot yhuinmaꞌñ mɨɨd ɨɨch ycɨxp, tɨm jaduꞌn nipaady nej jɨhuɨ̈y jäy tüꞌaa yajꞌoyɨ̈y co rey yminaꞌñ yjädaꞌñ. 
\m 
\v 28 Ɨɨch miich ajcxy yam nɨmaayb co huɨdijaty ajcxy töxyjäydɨjc yajpiꞌcꞌajtpy, caꞌ ji ni tüg Dios yꞌayucnajtzcapxɨɨybɨ huɨdibɨ jacnïgɨ ymɨ́ jɨty caꞌydɨ Juan, je Bautista. Chi jadaꞌ je jac mutzpɨ huɨdi jiiby tzajpjoty yajpaatp ma Dios yꞌaneꞌmy, jacmɨj jeꞌ caꞌydɨ Juan.
\p
\v 29 Co ajcxy je mayjäy jaduꞌn mɨdoy nañ jaduꞌn je yajcogüejtpɨdɨjc ajcxy huɨdi anajty nɨɨbéjtcɨxy ma Juan, chi ajcxy mɨnañ co Dios ytudägyɨty.
\v 30 E je fariseos ajcxy etz je escribas ajcxy huɨdi anajty caꞌ nɨɨbéjtcɨxy ma Juan, caꞌ ajcxy mɨjpɨdacy huɨdi anajty Dios ytunamy mɨɨd jeꞌ ajcxy ycɨxpɨ.
\v 31 Chi je Huindzɨn Jesús ymɨnañ:
\p
―¿Ti mɨɨd nyajquipxɨ̈huɨbɨch jadayaabɨ jäy huɨdi tzɨnayb ma jadachambɨ tiempo? ¿Huɨdi mɨɨd nyajtügɨ̈huɨbɨch?
\v 32 Jaduꞌn nej piꞌctɨjc huɨdi ajcxy ɨyɨɨyb ma jäy yjuygɨxy ytooccɨxy. Mɨjhuan mɨjjɨhuɨɨygɨxy ymɨgügtɨjc: “Tɨ njayajxüxɨch flauta e ni caꞌ tɨ mꞌéjtzcɨxy; tɨ njaꞌɨɨhuɨ ajcxy ɨɨy jotmaymɨɨdpɨ, e caꞌ tɨ myaaxcɨxy.”
\v 33 Chi Juan je Bautista ymiiñ, e jeꞌ caꞌ anajty cay, ni caꞌ vino ügy, chi miich ajcxy mɨnaangɨxy co Juan ymɨɨd caꞌoybɨ.
\v 34 Chi ɨɨch, je jäy huɨdi tzoon tzajpjoty, nmiñɨch, chi caaybɨch uucpɨch, e miich ajcxy mɨnaangɨxy: “Ijxcɨx, cha tüg yëydɨjc janch cax janch vino uucp, huɨdi mɨgügꞌajtpy yajcuëjtpɨdɨjc etz pocyjäydɨjc.”
\v 35 Je tɨyꞌajt ji jeꞌ ñiguëxɨ̈gy ma je pɨnjaty nigapxp nimɨydaacp tɨyꞌajt.
\s Jesús ma Simón je fariseojäy ytɨjc
\p
\v 36 Chi tüg fariseojäy mayꞌajt pɨjctzoy, co Jesús anajty mɨɨd ycayaꞌñ. Chi Jesús ytɨgɨɨy ma je fariseojäy ytɨjc, chi ɨñayꞌahuɨɨy ma mesa.
\v 37 Chi jɨm anajty tüg töxyjäy huɨdibɨ anajty jɨbɨc tzɨnaayb jɨbɨc jugyꞌajtp ma je jɨmbɨ cajp. Co jeꞌ nejhuɨɨy jiiby Jesús ma fariseojäy ytɨjc ɨñäy ma mesa, chi mɨmiiñ tüg quiig aceite huɨdibɨ ooy oy xuugy, chi mɨdɨgɨɨy tɨgoty.
\v 38 Chi ypɨguetzꞌahuɨy ma Jesús ytecy ymɨjc, e chi yajxoocɨ Jesús ytecy mɨɨd huinnɨɨ e yajpöt mɨɨd ycöhuay, chi yajjaaxy je aceite huɨdi ooy oy xuugy.
\v 39 Co jaduꞌn ijxy je fariseojäy, jeꞌ huɨdibɨ anajty tɨ huoy Jesús, chi jotꞌajtɨ ymɨnañ:
\p
―Co ixyipy jada Jesús yꞌocjëjɨty Dios ytɨyꞌajtmɨɨdpɨ, yꞌijxcajpy ixyipy pɨn jäy nejpy jäy yɨ töxyjäy huɨdibɨ nïdoonɨp co yɨꞌ yjɨbɨctzɨnäy yjɨbɨcjugyꞌaty.
\p
\v 40 Chi Jesús ymɨnañ:
\p
―Simón, cham ɨɨch tüg ayuc nmɨ́ɨdɨdyɨch huɨdi nyajnɨmähuamy.
\p
Chi jeꞌ yꞌadzooy:
\p
―Yajnɨmaaygɨch, Huindzɨn.
\p
\v 41 Chi Jesús ymɨnañ:
\p
―Tüg comeeñyjäy ymɨɨd anajty metz jäy huɨdi tɨ ñuucxy. Tüg jäy anuucxy mɨgoox mɨgoꞌpx denario meeñ, e je jadügpɨ anuucxy huixchɨguiꞌpx majc.
\v 42 Com jeꞌ ajcxy caꞌ anajty mɨɨdɨty ti mɨɨd cuedɨp, chi je comeeñyjäy huinmecxy nimetz. Miich ocnɨmaaygɨch, ¿je metzpɨ jäy huɨdi nuucxy, huɨdibɨ jeꞌ nïgɨ chojpy?
\p
\v 43 Chi Simón yꞌadzooy:
\p
―Hueꞌ nꞌaꞌɨxɨɨyɨch je tɨɨbɨ huinmecxy jacꞌanaxy.
\p
Chi Jesús ymɨnañ:
\p
―Tɨ mdɨygapxy.
\p
\v 44 Chi Jesús niꞌijxhuimbijty je töxyjäy, e nɨmay Simón:
\p
―¿Nej mꞌijxyp jadayaabɨ töxyjäyɨ? Co ndɨgɨɨyɨch ma mdɨjc, caꞌ miich nɨɨ xymooyɨch co ndecy nbújɨbɨch. Jadayaabɨ töxyjäy ɨɨch ndecy tɨ xypújɨp mɨɨd yhuinnɨɨ, e tɨ xyméexyɨch ndecy mɨɨd ycöhuay.
\v 45 Caꞌ ɨɨch miich tɨ xychücxy. Jada töxyjäy jaduꞌn nej tɨ ytɨjc tɨgɨ̈y, xychücxtɨɨyb ɨɨch ndecy.
\v 46 Ɨɨch miich caꞌ aceite mbɨdägy ma ɨɨch ngohuajc. Jada töxyjäy tɨ xyajjaaxɨ ndecyɨch aceite huɨdi ooy oy xuugy.
\v 47 Paady ɨɨch miich nyajnɨmäy co jada töxyjäy huinmeecxɨ yɨꞌ ymaybocy, co tɨɨbɨ oyhuinmaꞌñ yajtuñ cɨxyjot huinɨjot. Pɨnjaty hueenɨ ypocy yajhuinmecxɨ, hueenɨ yɨꞌ chójcɨn yajniquëxɨ̈gy.
\p
\v 48 Chi Jesús je töxyjäy nɨmay:
\p
―Tɨ miich mbocy yajhuinmecxtäy.
\p
\v 49 Pɨnjaty anajty ɨñaayb ma je mesa ñayñɨmáayɨgɨxy miñ xyɨpy:
\p
―¿Pɨn jäy jada jadaꞌ co nañ yhuinmeecxɨpy jäy ypocy?
\p
\v 50 Chi Jesús nɨmay je töxyjäy:
\p
―Tɨ mꞌalma ñïdzögy co tɨ xymɨbɨcyɨch. Nɨcx jotcujc.
\c 8
\s Töxyjäydɨjc huɨdibɨ anajty Jesús pubejtp
\p
\v 1 Co jaduꞌn yjajtɨ, chi Jesús ñɨcxy ma tügꞌócɨy je mɨj cajp etz mutz cajp, capxhuäcxy je oybɨ ayuc maabɨ Dios yꞌanéꞌmɨn. Je nimajmetzpɨ ydiscípulos ajcxy mɨɨd ñɨcxy.
\v 2-3 Etz nañ ymɨɨdnɨcx nijëjɨty töxyjäydɨjc huɨdi anajty Jesús tɨ yajtzögy huɨdi caꞌoybɨ anajty ymɨɨd etz jac tijaty paꞌm. Hueꞌ jeꞌ ajcxy anajty je María je töxyjäy huɨdi anajty xɨ́ɨjɨp Magdalena, je huɨdibɨ Jesús yajpɨdzɨmɨ huɨxtujc caꞌoybɨ ma jeꞌ; etz Juana, je huɨdibɨ ñäy anajty xɨɨjɨp Chuza, e je Chuza hueꞌ jeꞌ je rey Herodes ytungmɨɨdpɨ; etz Susana, etz jacjadyii ajcxy huɨdi anajty ajcxy pubejt Jesús mɨɨd tijaty anajty ajcxy ymɨɨd.
\s Je niipɨ yꞌijxpejt
\p
\v 4 Co mayjäy ooy ñayyöymujc ma Jesús yhuinduu huɨdi tzoon ma tüg tüg cajp, chi Jesús nɨmay je mayjäy ajcxy:
\p
\v 5 ―Cha tüg ayuc nyajnɨmähuaangɨxy. Jaduꞌn jäy tüg choñ niipɨ, ñɨcxy trigo tɨɨm huɨjpɨ. Co je trigo tɨɨm huɨjy, chi nijëjɨty ypajc oy ycäy mɨjtügujc, chi je jäy ajcxy yajhuägpejty, e huɨdi caꞌ yajhuägpejty, chi joon piihuɨ̈gy.
\v 6 Chi nijëjɨty trigo pajc oycäy ma tzaa nïcx. Co ymujxy chi jeꞌ ytɨɨch, jeꞌ co anajty naax caꞌ yxoogɨty.
\v 7 Chi nijëjɨty trigo pajc oycäy ma apyjot, chi ymujxy quipxy mɨɨd apyꞌung, chi yꞌujtzꞌoꞌctay.
\v 8 Chi nijëjɨty trigo pajc oycäy ma je naax oybɨ huinnätzcujc, chi ymujxy, chi yeectzooñ, ytɨɨmꞌajty oyjaty, tüg trigo pajc mɨgoꞌpx oycoꞌity.
\p
Co Jesús je mɨydägɨɨ yajmay chi yjactɨmcapxcoty, ymɨnañ:
\p
―Pɨn mɨdohuamb jada ayuc, huen mɨdooy.
\s Nej yhuimbɨdzɨmy je niipɨ yꞌijxpejt
\p
\v 9 Chi je discípulos ajcxy yꞌamɨdooy:
\p
―¿Nej jada jaduꞌmbɨ jɨhuimbit ayuc yhuimbɨdzɨmy?
\p
\v 10 Chi Jesús ymɨnañ:
\p
―Miich ajcxy jaydëbɨ mnejhuɨ̈huɨpy huɨdi Dios ñigapxpy ñimɨydacpy coyüchꞌamy ma yꞌanéꞌmɨn ycötújcɨn. Jacjadyiibɨ jäy jɨhuimbitꞌamy nyajnɨmayɨch, jaydëbɨ pɨnjaty huɨdi ijxp caꞌ ajcxy yꞌixɨpy, etz pɨnjaty mɨdoob, caꞌ ajcxy mɨdoꞌmbɨgɨpy.
\s Jesús capxtɨ̈cxy je niipɨ yꞌijxpejt
\p
\v 11 Jaduꞌn je jɨhuimbit ayuc yhuimbɨdzɨmy: Je trigo pajc Dios jeꞌ yꞌayuc.
\v 12 Je trigo pajc tɨɨbɨ tügujc ycäy, jeꞌ jeꞌ jaduꞌn nej jäy huɨdi mɨdoob Dios yꞌayuc, chi mɨcꞌamy ñiminyii je caꞌoybɨ, e piibɨdzɨmdäy je Dios yꞌayuc ma yjot yhuinmaꞌñ, caꞌydɨ mɨbɨc etz caꞌydɨ yꞌalma yajnïdzögyii. 
\v 13 Je trigopajc huɨdi cähuɨ ma tzaajot, jeꞌ yɨꞌ ajcxy huɨdi je ayuc mɨdoob, chi cöbɨcy jotcujc, chi jeꞌ caꞌ ytictztɨgɨ̈y, tzojccɨ́xy yꞌocmɨbɨcy, co agapxɨɨyb paaty chi ixmajtznɨ.
\v 14 Je trigo pajc huɨdi tɨ cähuɨ apyꞌagujc, jeꞌ jeꞌ ajcxy huɨdibɨ mɨdoob, chi co ñɨcxnɨ jäydɨgooyñɨ Dios yꞌayuc mɨɨd jotcujcꞌájtɨn tzɨnaayɨn etz jugyꞌájtɨn etz comeeñꞌájtɨn, e chi caꞌ Dios yꞌayuc yhuɨꞌmy ma yjot yhuinmaꞌñ.
\v 15 Je trigo pajc huɨdi cähuɨ ma oyñaax huinnätzcujc, jeꞌ ajcxy huɨdi oy etz tudägy yjot yhuinmaꞌñ mɨɨdɨty. Chi je Dios yꞌayuc mɨdohuɨꞌmy, e oñdägyꞌamy Dios yꞌayuc ymayɨ̈y ma yjot yhuinmaꞌñ.
\s Je lámpara ñiꞌijxpejt
\p
\v 16 Co jäy ajcxy jɨɨndɨcxɨꞌñ nöctzoy, chi caꞌ ajcxy cöjupy mɨɨd tuꞌtz, nañ caꞌ huaad pɨdägy cɨjx pätcɨꞌpy, hueꞌ janchtɨy pɨdaaccɨxy ma jɨɨndɨcxpejt, co pɨn ytɨgɨ̈y jëbɨ ixy je jɨɨn.
\v 17 Caꞌ ni pɨn ayüch tunɨpy e nɨcxy ycayajnejhuɨ̈y, caꞌ ni pɨn ti tunɨpy ameech e nɨcxy ycaniquëxɨ̈gy.
\v 18 Paady miich ajcxy mɨdoogɨx yajxon co pɨn tijaty mɨɨd, jacyajmöhuɨp yɨꞌ. Pɨn ti camɨɨd, yajpɨgɨpy jeꞌ huɨdi anajty yjamɨɨd.
\s Jesús ytaj etz je jugymɨgüg
\p
\v 19 Chi Jesús ytaj etz yꞌuch ajcxy ñimiinɨ, caꞌ ajcxy nimejch Jesús yajxon mɨɨd mayjäy ycɨxpɨ. 
\v 20 Chi Jesús yñɨmaayɨ:
\p
―Cheeby mdaj etz mꞌuch ajcxy tɨbaꞌy, miich ajcxy xyjamɨgapxam.
\p
\v 21 Chi Jesús ymɨnañ:
\p
―Yɨ jäy ajcxy huɨdibɨ Dios ayuc mɨdoohuɨpy etz cuyduunɨp, yɨꞌ ɨɨch ndajꞌájtypɨch etz nꞌuchꞌájtypɨch.
\s Jesús yajxemy je poj etz je nɨɨ co anajty chachpɨdɨ̈gy
\p
\v 22 Chi tüg tecy yjajtɨ Jesús ytɨgɨɨy ma tüg barco mɨɨd ydiscípulos ajcxy, chi Jesús ymɨnañ:
\p
―Tzoc jɨmꞌamy ñɨɨnaxy nájxɨm. 
\p
Chi ajcxy chooñ.
\v 23 Chi nɨɨgujc anajty nɨ́cxcɨxy co Jesús ymɨꞌögy. Chi tüg mɨc poj miñ ma je mejy. Chi je barco ñɨɨ yajtɨgɨyɨɨyɨ, janch yinjaty jahueenjaty ycaquiiñ.
\v 24 Chi ajcxy Jesús nimɨjhuägy, tijyücxy ajcxy nɨmaaygɨxy:
\p
―¡Huindzɨn! ¡Huindzɨn! Cham ajt nꞌocquiinɨm. 
\p
Co Jesús oy ymäyhuijy, chi jɨjpcogapxɨɨy je poj etz je mejy co anajty chachmɨjjëtzpety ma barco. Chi je poj yhuäcxɨjptay, yꞌamoonday.
\v 25 Chi Jesús ymɨnañ:
\p
―¿Ma miich ajcxy je mmɨbɨ́jcɨn?
\p
Chi ajcxy yjanchchɨgɨygoty janch yhuinmay ajcxy ñayñɨmáayɨgɨxy miñ xyɨpy:
\p
―Pɨn yëydɨjc jada jadaꞌ co je poj etz nɨɨ jɨɨguexy, etz yajhuäcxɨpy, etz ycapxycöbɨgyii.
\s Je Gadarajäy huɨdibɨ anajty caꞌoybɨ mɨɨd
\p
\v 26 Chi ajcxy ymejch ma je gadarenos naaxjot, huɨdi huɨꞌm jɨmꞌamy ñɨɨnaxy ma je Galilea mɨjlaguunbaꞌ.
\v 27 Co Jesús ñɨɨbɨdzɨmy, chi jɨjpcobadɨy tüg yëydɨjc huɨdi anajty tɨ choñ ma je Gadara cajp. Jeꞌ anajty ymɨɨd caꞌoybɨ, tɨ anajty yjejcnɨ maabɨ ypadyii. Caꞌ jeꞌ anajty huit yajtuñ, nañ ni caꞌ anajty chɨnäy ma ytɨjc, öcpɨjut anajty yajtzɨnähuɨɨyb.
\v 28 Co jeꞌ ixpaty Jesús, chi yaaxqueecy, e ycoxtɨnayꞌahuɨɨy ma Jesús yhuinduu, ymɨnañ janch mɨc:
\p
―¿Ti ɨɨch miich co xyñimiiñɨch, Jesús, tügpajc mɨjpɨ Dios yꞌung? Tun mayꞌajt caꞌ nijot xychachchaachytúñɨch.
\p
\v 29 Jaduꞌn mɨnañ com co anajty Jesús ixquexy je caꞌoybɨ ma je jäy, tɨ anajty yjejcnɨ ma je caꞌoybɨ anajty tzachꞌaneꞌmy je jäy. Coxoch anajty ymɨgügtɨjc ymɨɨdꞌadyii mɨɨd cadena. Janch ypojtpy cadena, chi caꞌoybɨ anajty yajnɨcxyii mɨjtɨgɨ̈duum.
\v 30 Chi Jesús yꞌamɨdooy je locɨjäy:
\p
―¿Ti miich mxɨɨ?
\p
Chi je caꞌoybɨ ymɨnañ:
\p
―Ɨɨch nxɨɨ Legión (hueꞌ yhuimbɨdzɨmy nimay).
\p
Jaduꞌn mɨnañ com nimay anajty caꞌoybɨ tɨ ytɨgɨɨygɨxy ma je jäy.
\v 31 Chi je caꞌoybɨ mayꞌajt pɨjctzoy ma Jesús co caꞌydɨ yquexyii ma ayoodactuuby.
\v 32 Jɨm anajty tüg quepy ɨdzɨm chachjɨɨcxcɨxy ma je ujtzjot. Chi je caꞌoybɨ mayꞌajt pɨjctzoy co huen yajtɨgɨyɨ̈huɨpy jeꞌ ɨdzɨm. Chi Jesús niꞌadzooy.
\v 33 Co je caꞌoybɨ ypɨdzɨmy ma je jäy, chi ytɨgɨɨy ma je mayꞌɨdzɨm.
Huinꞌit je mayꞌɨdzɨm ñayñajtzjɨbibɨydaayɨ ajcxy ma tüg ahuoc, chi oy ajcxy ycädäy nɨɨjoty, chi yꞌögtay.
\p
\v 34 Chi je ɨdzɨm cuendꞌajtpɨ ajcxy co ixy jaduꞌn nej tɨ yjadyii mɨɨd ajcxy yꞌɨdzɨm, chi ajcxy yqueecy, oy nimɨydaaccɨxy cajpjoty etz majaty tundac.
\v 35 Chi mayjäy ajcxy chooñ oy íjxcɨxy jaduꞌn nej anajty tɨ ytunyii tɨ jadyii, oyjaꞌtcɨxy ma Jesús. Chi je mayjäy ajcxy paty je yëydɨjc, tɨɨbɨ anajty caꞌoybɨ ñïbɨdzɨmyii ycöbɨdzɨmyii, ɨñäy ma Jesús yhuinduu, huit mɨɨd etz huijy quejy, chi ooy je jäy ajcxy chɨgɨɨy.
\v 36 Chi pɨnjaty ajcxy ijx mɨɨd mɨydacy jaduꞌn nej yɨꞌ choocy, je jäy huɨdi anajty caꞌoybɨ mɨɨd. 
\v 37 Huinꞌit tügꞌócɨy je mayjäy ma gadarenos naaxjot etz jadyii cajp huinduy agonbɨ, chi ajcxy mayꞌajt pɨjctzoy ma Jesús co huen jɨhuägy ma jeꞌ ajcxy, co anajty ooy chɨgɨɨygɨxy. Chi Jesús ytɨgɨɨyñɨ barcojoty yhuimbijtnɨ. 
\v 38 Chi je jäy tɨɨbɨ anajty caꞌoybɨ ñïbɨdzɨmyii ycöbɨdzɨmyii pɨjctzoy mayꞌajt co mɨɨdꞌidan Jesús. Chi Jesús mɨɨd capxycɨ́jxy, nɨmay:
\p
\v 39 ―Nihuimbit mdɨjc, etz nimɨydäg jada mɨjpɨ tung huɨdibɨ Dios tɨ tuñ mɨɨd miich ycɨxpɨ.
\p
Chi jeꞌ ñɨcxy capxhuäcxy je tɨyꞌajt cajp cajp jaduꞌn nej anajty mɨjhuinmaꞌñ Jesús tɨ tuñ mɨɨd jeꞌ ycɨxpɨ.
\s Je Jairo ñɨɨx etz je töxyjäy huɨdibɨ Jesús yhuitpaꞌ nïdonɨ
\p
\v 40 Jaduꞌn yjajtɨ co Jesús yhuimbijty co chooñ Galilea, chi je jäy ajcxy cöbɨjcy Jesús janch agujc jotcujc, com nidügꞌócɨy anajty ooy jɨjpꞌíjxcɨxy. 
\v 41 Chi tüg yëydɨjc huɨdi anajty yxɨɨ Jairo huɨdibɨ anajty mɨjtungmɨɨd ma judíojäy ñaymujctac ymiiñ ma Jesús, chi mɨnucxtacy Jesús pɨjctzoy mayꞌajt co huen nɨcxy ma jeꞌ ytɨjc.
\v 42 Jairo ymɨɨd anajty tügpajc ñɨɨx, hueꞌ anajty yjɨmɨjt majmetz, janch tɨm ögaanɨp anajty. Co Jesús ñɨcxy mɨɨd jeꞌ, chi janch mayjäy anajty chachꞌadijɨ̈yii chachꞌagodɨ̈yii. 
\p
\v 43 Chi tüg töxyjäy huɨdi anajty yxɨɨ yboꞌ, caꞌ anajty yꞌoc-huäcxɨjpnɨ, mɨmajmetz jɨmɨjt anajty cujc jaduꞌn mɨꞌijtnɨ. Tɨ anajty ymeeñ yajtundäy ma je tzoydumbɨ ajcxy, etz ni pɨn anajty ycayajtzögyii.
\v 44 Chi je töxyjäy nimɨjhuägy je Jesús, chi nïdonɨ yhuitpä. Janch mɨc mɨc je yxɨɨ yboꞌ oy yhuäcxɨpy. 
\p
\v 45 Chi Jesús ymɨnañ:
\p
―¿Pɨn xyñïdoñ ɨɨch nhuit?
\p
Chi ajcxy yꞌadzooy co caꞌ pɨn. Chi Pedro etz tügꞌócɨy mɨɨd jeꞌ ymɨnañ:
\p
―Huindzɨn, jäy tɨ xyꞌadijɨ̈y tɨ xyꞌabodɨ̈y etz miich mɨnaꞌñ: “¿Pɨn tɨ xyñïdoñɨch?”
\p
\v 46 Chi Jesús ymɨnañ:
\p
―Nidügtɨ tɨ xyñïdoñɨch. Nnejhuɨ́ɨybɨch co mɨɨd nmɨcꞌájtɨch tɨ nyajtzögyɨch pɨnjaty.
\p
\v 47 Co je töxyjäy jɨhuɨɨy co caꞌ coyüch yhuɨꞌmaꞌñ, chi nimiiñ janch tzɨyuuyb. Chi yhuindacy ma Jesús yhuinduu, chi capxpɨdzɨmy mayjäyꞌagujc ti ycɨxpɨ anajty co tɨ nïdoonɨ Jesús yhuitpaꞌ, e co anajty mɨcꞌamy tɨ chögy.
\v 48 Chi Jesús nɨmay je töxyjäy:
\p
―Töxyjäy, tɨ mdzögy co tɨ xymɨbɨcyɨch, nɨcx jotcujc.
\p
\v 49 Yam Jesús anajty ycapxpy, co ymiiñ tüg jäy huɨdi anajty tɨ chooñ ma Jairo ytɨjc; je Jairo nihuindzɨnꞌajtp anajty je judiojäy naymujctac, chi nɨmaayɨ:
\p
―Tɨ yꞌögy miich mnɨɨx, caꞌ mjacꞌamayɨ̈y nïgɨ yɨ Huindzɨn Jesús.
\p
\v 50 Co Jesús jaduꞌn mɨdooy, chi ymɨnañ:
\p
―Caꞌ mdzɨgɨ̈y, mɨbɨjcɨch janchtɨy, etz tzögɨp yɨ mnɨɨx.
\p
\v 51 Co Jesús ytɨgɨɨy ma je tɨjc, chi caꞌ aꞌɨxɨɨy nɨcxy ytɨgɨ̈y hueñypɨ́nɨty mɨɨd jeꞌ.  Jëyɨ Pedro, Jacobo, Juan etz je töxyꞌanäg ytaj yteedy ytɨgɨɨy mɨɨd Jesús. 
\v 52 Chi tügꞌócɨy je mayjäy ajcxy janch yaaxp, janch ñéꞌmgɨxy mɨɨd je töxyꞌanäg ycɨxpɨ.  Chi Jesús ymɨnañ: 
\p
―Caꞌ myaaxcɨxy, caꞌ yɨꞌ ögɨty, maab yɨꞌ.
\p
\v 53  Chi nɨgoob ajcxy nɨxiicy com tɨ anajty nejhuɨɨygɨxy co tɨ yꞌögnɨ.  
\v 54  Chi Jesús majch je töxyꞌanäg ma ycɨꞌ, chi mɨgapxy mɨc, ymɨnañ:
\p
―Töxyꞌanäg pɨdɨ̈g.
\p
\v 55  Chi jeꞌ yjugypɨjcy, e mɨcꞌamy ypɨdɨ̈gy.  Chi Jesús ymɨnañ co huen yajcaaygɨxy yajꞌuuccɨxy.
\v 56 Chi ytaj yteedy ajcxy ooy chɨgɨɨy yjɨhuɨɨy.  Chi Jesús nɨmay co caꞌ huaad pɨnjaty mɨɨdmɨydägɨpy jaduꞌn nej tɨ ytuñyii yjadyii.    
\c 9
\s Jesús quejxy ayuccapxhuäcxp je nimajmetzpɨ ydiscípulos ajcxy
\p
\v 1 Co Jesús yajyöymujctay je ni majmetzpɨ ydiscípulos ajcxy, chi moy je mɨcꞌajt jaydëbɨ yajtzögɨpy paꞌmjäy, etz moy ajcxy nañ jaduꞌn cötújcɨn co ajcxy ixquexɨpy je caꞌoybɨ.
\v 2 Chi quejxy jeꞌ ajcxy ñɨcxy capxhuäcxcɨxy jaduꞌn nej Dios yꞌaneꞌmy, etz yajtzooccɨxy paꞌmjäy. 
\v 3 Chi Jesús ymɨnañ:
\p
―Caꞌ ni ti tüꞌamgɨxpɨ mmɨnɨ́cxcɨxy; ni mgamɨnɨ́cxɨp mdajc, ni mmorral, ni mgaagy, ni meeñ, e ni mgamɨnɨ́cxcɨxɨpy ajcxy metz mhuit.
\v 4 Huen tɨm huɨdi tɨjc ma anajty mdɨgɨɨygɨxy, jɨm ajcxy huɨ́ꞌmgɨxɨpy, e jɨm ajcxy nayyöyhuäcxɨɨyb. 
\v 5 Hueñymaꞌamyɨty ma caꞌ jäy xycöbɨ́jccɨxy, co ajcxy mbɨdzɨ́mgɨxɨpy ma jeꞌ cajp mhuinnéjpcɨxɨpy mhuinjáaxcɨxɨpy je naaxjoc ma mdecy. Jada jeꞌ tɨyꞌájtɨp co Dios tzaachytunɨpy yɨ jaduꞌmbɨ jäy ajcxy. 
\p
\v 6 Chi ajcxy ñayyöyhuäcxtaayɨ, ñɨcxy ajcxy cajp cajp capxhuäcxcɨxy je oybɨ ayuc, etz yajtzooccɨxy paꞌmjäy hueñytɨmmaꞌámyɨty.
\s Co Juan el Bautista yꞌögy
\p
\v 7 Je rey Herodes co nejhuɨɨy jaduꞌn nej Jesús anajty mɨjhuinmaꞌñ tuñ, chi ooy anajty tzachnejhuɨ̈huaꞌñ pɨn jeꞌ anajty. Com nijëjɨty jäy anajty ymɨnaangɨxy co tɨ Juan jugypɨcy.
\v 8 Chi jacnaagɨty ymɨnaangɨxy co Elías tɨ ñayguëxɨ̈gyii, e jacnaagɨty ymɨnaangɨxy co tüg Dios yꞌayucnajtzcapxɨɨybɨ jeꞌ tɨ yjugypɨcy huɨdi jecyꞌajty octzɨnaybɨ. 
\v 9 Chi Herodes ymɨnañ: 
\p
―Ɨɨch yɨꞌ niꞌaneꞌmdɨy co huen ajcxy Juan ycohuajc yajmɨnajcɨ. ¿Pɨn jada jadaꞌ huɨdi ɨɨch nmɨdooybɨch co tzachnimɨydaaccɨxy?
\p
Herodes ooy anajty jaꞌixaꞌñ Jesús.
\s Jesús yajcay mɨgoox mil jäy
\p
\v 10 Co je apóstoles ajcxy yhuimbijty, chi yajmɨɨdmɨydactay ajcxy Jesús tügꞌócɨy tɨɨbɨ anajty túngɨxy. Chi ac jëyɨ ydiscípulos mɨɨdꞌajty Jesús mɨjtɨgɨ̈duum huingon ma tüg cajp huɨdi yxɨɨ Betsaida.
\v 11 Co je mayjäy ajcxy nejhuɨɨy, chi ajcxy panɨcxy Jesús. Chi Jesús je mayjäy cöbɨjctay etz yajmɨɨdmɨydacy ajcxy Dios yꞌayuc ytɨyꞌajt nej anéꞌmɨn cötújcɨn mɨɨdɨty. Jesús nañ yajtzöcpy anajty huɨdijaty yajtzoyɨ̈huaam. 
\p
\v 12 Co oy chuꞌɨɨyñɨ, chi ymɨjhuägy je nimajmetzpɨ ydiscípulos ajcxy ma Jesús, chi ajcxy nɨmay:
\p
―Capxycɨjxnɨ mɨɨd jadayaabɨ mayjäy ajcxy, jaydëbɨ ajcxy ñɨcxɨpy ma yɨ cajp huɨdi huinduy agon yajpaatpɨ, huen nɨcxy ixtaaygɨxy jättac etz jɨm ajcxy paadɨpy caayɨn uucɨn.  Com hueꞌ jada it ma ɨɨch ajt yam nyajpaatɨm mɨjtɨgɨ̈duum. 
\p
\v 13 Chi Jesús ymɨnañ: 
\p
―Mooygɨx miich yɨꞌ ajcxy ycaayɨn yꞌuucɨn.
\p
Chi jeꞌ ajcxy yꞌadzooy:
\p
―Jëyɨ ɨɨch ajcxy nmɨɨdɨdyɨch mɨgoox tzajcaagy e mejtz acx, nɨgo co caꞌ ɨɨch ajcxy njuy caayɨn uucɨn mɨɨd jadayaab mayjäy.
\p
\v 14 Hueꞌ anajty oy nimɨgoox mil je jäy. Chi Jesús nɨmay je discípulos: 
\p
―Yajꞌixtaaccɨx ajcxy yɨ mayjäy.
\p
\v 15 Chi ajcxy jaduꞌn cuyduuñ, yajꞌixtactay ajcxy je mayjäy. 
\v 16 Chi Jesús conɨ̈gy je mɨgooxpɨ tzajcaagy, etz je metzpɨ acx, chi ypaꞌtꞌijxy tzajpcɨ́xy conuucxy je tzajcaagy etz acx, huinꞌit tujc-huäcxy moy jeꞌ ydiscípulos ajcxy, huen yajhuäcxcɨxy ma tügꞌócɨy mayjäy. 
\v 17 Chi ajcxy ycay cüxyɨ, huinꞌit ajcxy yajmujcy je tzajcaagy yconaxy etz je acx yconaxy majmetz cach. 
\s Pedro capxypɨdzɨmy co Jesús yɨꞌ jeꞌ je Cristo
\p
\v 18 Chi jaduꞌn yjajtɨ co Jesús anajty ycapxtägy ahuingujc mɨɨd jeꞌ ydiscípulos ajcxy, chi Jesús jeꞌ ajcxy yꞌamɨdoy: 
\p
―¿Pɨn ɨɨch jäy xytijy?
\p
\v 19 Chi ajcxy yꞌadzooy: 
\p
―Nijëjɨty jäy xytijy co miich je Juan je Bautista; nijëjɨty ymɨnaangɨxy co miich jeꞌ Dios yꞌayucnajtzcapxɨɨybɨ huɨdi jecyꞌajty tzɨnay e tɨ yjugypɨcy.
\p
\v 20 Chi Jesús ymɨnañ: 
\p
―¿Miich ajcxy, pɨn  ɨɨch miich ajcxy xytíjcɨxy?
\p
Chi Pedro yꞌadzooy:
\p
―Dios yCristo.
\s Jesús capxypɨdzɨmy co yꞌögaꞌñ
\p
\v 21 Chi Jesús pɨdacy anéꞌmɨn etz cötújcɨn co caꞌ ajcxy ni pɨn yajnɨmähuɨp co yɨꞌ jeꞌ Cristo. 
\v 22 Chi Jesús ymɨnañ:
\p
―Ooy ycopɨ́cyɨty co ɨɨch, je jäy huɨdi tzoon tzajpjoty, canaag nax ayoꞌn nbáadɨbɨch, caꞌ xymɨjpɨdägɨbɨch je mɨjjäydɨjc, je teedy tungmɨɨdpɨ, etz jeꞌ ajcxy huɨdi yajꞌixpɨcy Dios ñecy, e co nꞌögɨp njugypɨgɨ́pyɨch codugɨɨg xɨɨ.
\p
\v 23 Chi Jesús nɨmay ajcxy nidügꞌócɨy:
\p
―Pen ji pɨn xypanɨcxaꞌñɨch, huen jäydɨgoydäy ycɨꞌm tzójcɨn etz huen xypanɨcxyɨch jabom jabom, oy nej ytɨmyjadɨpy ytɨmyꞌayoohuɨpy, tɨm nipaady nej jɨhuɨ̈y tɨ cabɨ̈gy mgruudz jabom jabom etz pajamgɨch.
\v 24 Huen pɨnjäy huɨdibɨ caꞌ yegaꞌñ yɨ yjugyꞌájtɨn ma yɨ oꞌcɨn mɨɨd ɨɨch ycɨxpɨ, hueꞌ jeꞌ yajtɨgoyamy yɨꞌ yjugyꞌájtɨn. E huen pɨnjäy huɨdibɨ yegamy yjugyꞌájtɨn ma yɨ oꞌcɨn mɨɨd ɨɨch ycɨxpɨ hueꞌ jeꞌ ypadamy yɨ jugyꞌájtɨn. 
\v 25 ¿Ti tüg jäy ypatpy, pen tɨ paady tügꞌócɨy cohuitꞌájtɨn comeeñꞌájtɨn ya naaxhuiñ e nayyajtɨgoyii, etz caꞌ yꞌalma yajnïdzögy? 
\v 26 Yɨ jäy ajcxy pɨnjaty xymɨdzöydúnɨbɨch nꞌayuc, ɨɨch jeꞌ je jäy huɨdi tzoon tzajpjoty, nañ nmɨdzöydunɨɨybɨch jeꞌ ajcxy co anajty nhuimbityɨch ya naaxhuiñ, mɨɨd ɨɨch nꞌanéꞌmɨn etz nmɨcꞌajtɨch etz nDéedyɨch yꞌaneꞌmꞌajt, etz ymɨcꞌajt, etz mɨɨd je ángeles ajcxy ymɨcꞌajt huɨdibɨ huädz yjot yhuinmaꞌñ. 
\v 27 Janch ɨɨch miich ajcxy nɨmäy co ji jäy ma miich ajcxy huɨdibɨ ixɨpy Dios yꞌanéꞌmɨn jayɨjp caꞌnɨ anajty yꞌögy. 
\s Jesús yajtɨgach je ñinïcx 
\p
\v 28 Chi mɨductujc xɨɨbɨ maabɨ anajty jada ayuc jaduꞌn capxy, Jesús huodzooñ Pedro, Juan etz Jacobo, chi mɨɨdꞌajtpy jɨm ma tüg copjɨjp Dios mɨbɨjctzoob. 
\v 29 Yam anajty Dios ooy mɨbɨjctzoy, co Jesús yhuiñyjɨjp oytɨgach, e je yhuit yjajty janch poob janch adɨɨcxp. 
\v 30 Chi metz jäy ñayguëxɨ̈cɨ, mɨɨdgapxy mɨɨdmɨydägy Jesús, Moisés jeꞌ anajty etz Elías. 
\v 31 Huɨdi ajcxy naygëxɨ̈cɨ janch jühuɨdityɨ anajty ajcxy je tɨɨcxɨn jájɨn mɨɨdɨty, nigapxcɨxy nimɨydaaccɨxy je oꞌcɨn huɨdi Jesús ypadamy jɨm Jerusalén. 
\v 32 Pedro, Jacobo etz Juan ooy anajty ajcxy chachmähuanɨ, chi ajcxy mɨꞌögtɨgooy.  Co oy ymäyhuijcɨxy, ijxy ajcxy Jesús yꞌadɨɨcxɨn yꞌajajɨn, etz nañ jaduꞌn ijxy ajcxy je nimetzpɨ jäy ajcxy huɨdi anajty Jesús mɨɨdmɨydäcpy.
\v 33 Jaduꞌn yjajty co yɨ jäy ajcxy puyöyduutnɨ Jesús.  Chi Pedro Jesús nɨmay: 
\p
―Huindzɨn, jotcujc ɨɨch ajt ya. Tzoc tugɨɨg tɨjc yajꞌoyɨ́ɨyɨm, tüg miich mjëdɨɨby, jadüg Moisés jëdɨɨby, etz jadüg yɨ Elías jëdɨɨby.
\p
Pedro caꞌ anajty nejhuɨɨy ti ycapxpy.
\v 34 Yam nïgɨ anajty ycapxy co joc ñaaxcɨdacy huɨdi yajnïdɨgoy jeꞌ ajcxy. Chi ajcxy ooy chɨgɨɨy co oy joc yajnïdɨgoydáayɨgɨxy. 
\v 35 Chi tüg ayuc yajmɨdooy ma je joc ymɨnañ: 
\p
―Ɨɨch jada nꞌungꞌajtpy, ooy ndzocyɨch njɨhuɨ̈yɨch. Amɨdoꞌijtɨ miich ajcxy yɨꞌ yꞌayuc.
\p
\v 36 Co je ayuc yꞌamoñ, chi ajcxy ijxy Jesús naydüg yhuɨꞌmy, chi ajcxy nañ jaduꞌn amoñ. Huinꞌit xɨɨ ni caꞌ ajcxy mɨydacy mɨɨd ni pɨn jaduꞌn nej anajty tɨ yꞌijxcɨxy tɨ ymɨdoogɨxy. 
\s Jesús yajtzögy tüg yeegyꞌanäg huɨdibɨ anajty caꞌoybɨ mɨɨd 
\p
\v 37 Com jabom co Jesús, Pedro, Jacobo etz Juan ajcxy ymɨnajcy ma je copjɨjp, chi ooy mayjäy chooñ oyjɨjpcobadɨ̈yii. 
\v 38 Chi nidügtɨ jäy ycapxy janch mɨc, ymɨnañ: 
\p
―Huindzɨn tun mayꞌajt ix ɨɨch nꞌung, yɨꞌ ɨɨch tügpajc nꞌungꞌajtpy.
\v 39 Huen mɨnáajɨty caꞌoybɨ ymachyii, chi tɨmetiinɨ yaaxquëgy yajyachyii yajquïdyii, etz yajpɨdzɨmy oy yhuinꞌopy yꞌaaꞌopy e adzaach yꞌixmachyii. 
\v 40 Tɨ ɨɨch mayꞌajt nbɨjctzooyɨch ma yɨ mdiscípulos ajcxy, co huen yajpɨdzɨmy je caꞌoybɨ, per caꞌ yɨꞌ ajcxy tɨ mɨmadägy. 
\p
\v 41 Chi Jesús ymɨnañ: 
\p
―¡Miich jäy ajcxy huɨdibɨ caꞌ mɨbɨjcp caꞌ ajcxy mmɨjpɨdägaꞌñ yɨ tɨyꞌajt! ¿Naag xɨɨ ɨɨch njacꞌidɨpy ma miich ajcxy nmɨmecxtújccɨxɨpy? Mɨmin mꞌung ya.
\p
\v 42 Co anajty yhuingoñ, chi je caꞌoybɨ yajcɨdaay je yeegꞌanäg, chi ooy yajyatzcootɨ. Chi Jesús ixꞌojy je caꞌoybɨ, e yajtzoocy je yeegꞌanäg, chi yteedy yajcɨ̈dɨgɨɨyñɨ. 
\v 43 Chi tügꞌócɨy je mayjäy ajcxy ooy chɨgɨɨy mɨɨd je mɨjhuinmaꞌñ huɨdi Dios ytuun. 
\s Jesús capxpɨdzɨmy jadügꞌoc co yꞌögaꞌñ 
\p
Jesús ydiscípulos ajcxy ooy jɨhuɨɨygɨxy huinmaaygɨxy co Jesús jaduꞌn ymɨnañ:
\p
\v 44 ―Miich ajcxy yajxon mɨdoꞌmbɨ́jccɨx jada ayuc. Ɨɨch jeꞌ je jäy huɨdi tzoon tzajpjoty, hueꞌ nyajcɨ̈yegaꞌñɨch ma pocyjäydɨjc ajcxy ycɨ̈ꞌam. 
\p
\v 45 Jeꞌ ydiscípulos ajcxy ni caꞌ anajty huinjɨhuɨɨygɨxy, tzɨgɨɨyb anajty ajcxy, paady caꞌ ajcxy jaty nej yajꞌamɨdóogɨxɨpy. 
\s ¿Pɨn jeꞌ nïgɨ jacmɨ́jɨp? 
\p
\v 46 Chi Jesús ydiscípulos ajcxy ytɨgɨɨy huinmayꞌahuɨdijtp, nejhuɨ̈huaangɨxy pɨn jeꞌ jacmɨjꞌidam.
\v 47 Jesús nejhuɨɨy jeꞌ ajcxy yjot yhuinmaꞌñ huɨdi nayyajmɨɨdmɨydáacɨp ajcxy, chi tüg piꞌcꞌanäg huijtzɨ̈gy, ypɨdacy ma ymɨjc. 
\v 48 Chi Jesús ymɨnañ: 
\p
―Pɨnjaty xycöbɨjcpɨch jaduꞌn nej jada piꞌcꞌanäg xycöbɨcyɨch mɨɨd ɨɨch nxɨɨ ycɨxpɨ, ɨɨch yɨꞌ anajty tɨ xycöbɨcyɨch; je huɨdibɨ ɨɨch xycöbɨ́jcpɨch, cöbɨgɨɨb je huɨdi tɨ xyquexyɨch ya naaxhuiñ. Yɨꞌ huɨdibɨ jacmútzɨp ma miich ajcxy, yɨꞌ jeꞌ jacmɨjpɨ.
\s Pɨn ɨɨch ajt caꞌp xymɨjotmaꞌtɨm, jeꞌ ajt xymɨjnɨcxpejtɨm 
\p
\v 49 Chi Juan ymɨnañ: 
\p
―Huindzɨn, tɨ ɨɨch ajcxy nꞌíjxcɨxy co tüg jäy tɨ yajpɨdzɨmy caꞌoybɨ mɨɨd miich mxɨɨ miich mmɨcꞌajt.  Tɨ ɨɨch ajcxy yɨꞌ nyajꞌojyɨch com caꞌ yɨꞌ ɨɨch ajt xypahuɨdijtɨm.
\p
\v 50 Chi Jesús ymɨnañ: 
\p
―Caꞌ myajꞌójcɨxy yɨꞌ; pɨnjaty caꞌ xymɨdzipꞌajtɨm, ɨɨch ajt yɨꞌ nmɨɨd.
\s Jesús jɨjpcogapxɨɨy Jacobo etz Juan
\p
\v 51 Jaduꞌn yjajtɨ co tiempo yhuingonɨ mɨna Jesús ñɨ́cxɨp tzajpjoty, chi yhuinmaꞌñ pɨdacy co nɨcxaꞌñ jɨm Jerusalén. 
\v 52 Chi Jesús quejxy cogapxy jayɨjp jättac pɨjctzoobɨ. Chi je cogapxyꞌajtpɨ ñɨcxy ytɨgɨy ma je samaritano jäy ajcxy ycajp, jättac pɨjctzoobɨ. 
\v 53 Chi jeꞌ samaritano jäy ajcxy caꞌ yegaꞌñ jättac, com ñejhuɨɨygɨxyp co Jesús etz ymɨgügtɨjc ñɨcxy anajty ajcxy jɨm Jerusalén. 
\v 54 Co jaduꞌn Jesús ymɨgüg ajcxy nejhuɨɨy co je samaritano jäy caꞌ jättac yegaꞌñ, chi Jacobo etz Juan nɨmay Jesús: 
\p
―Huindzɨn, ¿nej mꞌaꞌɨxɨɨyb ɨɨch ajcxy nꞌocniꞌaneꞌmdɨ̈yɨch huen jɨɨn cäy huɨdibɨ tzomb tzajpjoty, jɨgɨx yɨ samaritano jäy ajcxy ycɨjxtähuɨpy jaduꞌn nej je profeta Elías ytuuñ jecyꞌajty?
\p
\v 55 Chi Jesús yꞌijxhuimbijty, ojy Jacobo etz Juan, nɨmay: 
\p
―Miich ajcxy caꞌ mnejhuɨɨygɨxy tɨ jot tɨ huinmaꞌñ miich ajcxy mɨɨd.
\v 56 Ɨɨch, je jäy huɨdi tzoon tzajpjoty, caꞌ tɨ nmíñɨch ya naaxhuiñ co jäy yjugyꞌajt miñ nyajtɨgooyɨch, hueꞌ jánchtɨy tɨ nmiñɨch co jäy yjugyꞌajt nyajtzóogɨbɨch. 
\p
Chi ajcxy ñɨcxnɨ huingbɨ cajp jättacp.
\s Je pɨnjaty anajty Jesús panɨcxam 
\p
\v 57 Jaduꞌn yjajtɨ co anajty ñɨ́cxcɨxy ma tüg tüꞌaa, chi tüg jäy Jesús nɨmay: 
\p
―Huindzɨn, ɨɨch miich nbanɨcxaamy oy tɨm maꞌamy miich mnɨcxy.
\p
\v 58 Chi Jesús yꞌadzooy: 
\p
―Yɨ huaax ymɨɨd yɨꞌ ajcxy yjut, etz yɨ joon ajcxy ymɨɨd ajcxy ypeꞌñ, ɨɨch je jäy huɨdi tzoon tzajpjoty caꞌ nmɨ́ɨdɨdyɨch ma nmähuɨbɨch ma nbócxɨbɨch.
\p
\v 59 Chi Jesús nɨmay jadüg jäy: 
\p
―Pajamgɨch.
\p
Chi je jäy yꞌadzooy:
\p
―Huindzɨn, jayɨjp ɨɨch ndeedy nꞌocyajnaaxtɨgɨ̈huɨpy.
\p
\v 60 Chi Jesús ymɨnañ: 
\p
―Jëbɨ yajnaaxtɨgɨ̈huɨpy huɨdibɨ caꞌ xypanɨcxaꞌñɨch. Nɨcx miich capxhuäcxɨ Dios yꞌayuc yꞌanéꞌmɨn.
\p
\v 61 Chi jadüg jäy ymɨnañ: 
\p
―Huindzɨn, nbanɨcxamy yam. Tun mayꞌajt ocnajtzmadzɨɨygɨch nɨcxy nꞌocmɨɨdcapxycɨ́xyɨch njuugy nmɨgügɨch huɨdi jɨm ma ɨɨch ndɨjc.
\p
\v 62 Chi Jesús ymɨnañ: 
\p
―Pɨnjaty yhuinmaꞌñ tɨ pɨdägy co Dios ytung tunaanɨ, caꞌ huaad ixmach je tung, tɨm jaduꞌn nipaady nejɨhuɨɨy tüg jäy tɨ ytɨgɨ̈y naaxjɨdzijtzpɨ mɨɨd arado, e caꞌ huaad yꞌijxhuimbity com co huinduum arado nɨcxɨ̈huɨpy.
\c 10
\s Jesús quejxhuäcxy je nidugɨꞌpxmajcpɨ 
\p
\v 1 Huinꞌit co jada jaduꞌn tɨ ñaxy, chi je Huindzɨn Jesús huinꞌijxy jatugɨꞌpxmajc yꞌixpɨjcpɨdɨjc, chi quejxɨ̈gy cogapxy metz metz ma tüg tüg cajp majaty ñɨcxaꞌñ. 
\v 2  Chi Jesús nɨmay yɨꞌ ajcxy:
\p
―Janch je cosecha ooy tɨ yhuindɨɨy, yɨ mɨdumbɨ janchtɨɨy hueenɨ. Chojcpy co nbɨjctzóohuɨm ma nHuindzɨn Dios co huen quexy ytumbɨdɨjc ma yɨ cosecha.
\v 3 Nɨ́cxcɨx, ɨɨch miich ajcxy nguejxpy jaduꞌn nej cöbixy yꞌung yhuɨdity paꞌuc agujc. 
\v 4 Caꞌ mmɨnɨcxcɨxy mbijty, ni mxäcxuumy, ni mgɨ̈g, e ni pɨn caꞌ mgapxpócxcɨxɨpy tüꞌam. 
\v 5 Co ajcxy mdɨgɨ̈huɨpy huenytɨmtitɨ́jcɨty, jayɨjp ajcxy mɨnáangɨxɨpy: “Ji jotcujcꞌájtɨn ma jada tɨjc.” 
\v 6 Pen yung naxy jeꞌ ajcxy yajpaady, miich ajcxy je mgapxpoocxɨn jotcujcꞌajt myegɨpy ma jeꞌ ajcxy; pen caꞌ ajcxy yjadúꞌnɨty, naadɨgɨ̈ꞌadɨp huɨdi anajty tɨ mgápxcɨxy. 
\v 7 Nañ huɨꞌmgɨx ma je tɨjc, chi ajcxy mgayɨpy mꞌügɨpy huɨdi je jäy anajty ajcxy xymooyb, com je tumbɨ paatɨp jeꞌ je ymujuꞌñ. Caꞌ ajcxy mhuɨdidɨpy jayjɨɨn jaydɨjc. 
\v 8 Huenytɨmyhuɨdi cájpɨty ma anajty mdɨgɨɨygɨxy, pen je jäy ajcxy xycöbɨjcp, caaygɨx uuccɨx huɨdi anajty jäy ajcxy xymooyb. 
\v 9 Yajtzóoccɨx yuujäy paꞌmjäy huɨdijaty jɨm ma jeꞌ ajcxy yajpaady, etz yajnɨmaaygɨx: “Je Dios yꞌanéꞌmɨn huingónɨñ yɨꞌ ma miich ajcxy.” 
\v 10-11 Huenytɨmyhuɨdicájpɨty ma anajty mdɨgɨɨygɨxy, e caꞌ anajty jäy xycöbɨgaangɨxy, co ajcxy mdzonaanɨp, nɨmaaygɨx: “Yɨ mgajp naaxjoc huɨdi tɨ ypety ma ɨɨch ndecy nhuinnebáamyɨch, yɨꞌ jeꞌ ijxpejt co Dios ajcxy xychaachytunɨpy. Chi nejhuɨɨygɨx miich ajcxy jada co je Dios yꞌanéꞌmɨn tɨ ymɨhuingonɨ.” 
\v 12 Ɨɨch miich ajcxy nɨmayb co huinꞌit xɨɨ co anajty yajhuaadꞌaty, Dios nïgɨ tzaachytunaangɨxy je jäy huɨdi ajcxy caꞌ miich ajcxy xycöbɨgaꞌñ, caꞌydɨ Sodoma cajpjäy. 
\s Je cajp huɨdijaty caꞌp ycapxymɨdoy 
\p
\v 13 Chi Jesús yjacmɨnañ:
\p
―¡Miich ayoob ajcxy Corozín jäy! ¡Miich ayoob ajcxy Betsaida jäy! Co jɨm ma je Tiro cajp etz Sidón cajp caytunɨ cayjajtɨ je Dios ymɨjhuinmaꞌñ huɨdi tɨ ytunyii tɨ yjadyii ma miich ajcxy, jécyɨp ixyipy ajcxy yjothuimbijtnɨ, etz tɨ yajniquëxɨ̈ccɨxy ixyipy mɨɨd je yhuit ɨñaaygɨxy sacɨ nïjen nïcuyjam ixcuyjam (jeꞌ je tɨyꞌajt co ooy ytajcɨxy ymaygɨxy mɨɨd ypocy ycɨxpɨ). 
\v 14 Janch jaduꞌn yjadɨpy co anajty Dios yajnigödugɨ̈y, nïgɨ oꞌctɨy miich ajcxy ayoꞌn mbaadɨɨyb caꞌydɨ jaduꞌn nej Tiro jäy etz Sidón jäy. 
\v 15 E miich ajcxy Capernaum jäy ajcxy, ¿nej mmɨnaangɨxy mjätcɨxɨpy tzajpjotyɨ? Hueꞌ mꞌɨdaaccɨxyp miich ajcxy ma yɨ ayoodactuuby. 
\p
\v 16 Je jäy ajcxy huɨdi miich ajcxy mꞌayuc xymɨdoohuɨp, nañ xymɨdoohuɨɨb yɨꞌ ajcxy ɨɨch nꞌayuc. Je jäy ajcxy huɨdibɨ miich ajcxy caꞌ xyꞌixaꞌñ, nañ caꞌ jeꞌ ajcxy xyꞌixaꞌñɨch; e pɨnjaty caꞌ xyꞌixaꞌñɨch, nañ ni caꞌ yɨꞌ ixaangɨxy je Dios je huɨdi tɨ xyquexyɨch ya naaxhuiñ. 
\s Chi ajcxy je nidugɨꞌpxmajcpɨ yhuimbíjtcɨxnɨ 
\p
\v 17 Chi je nidugɨꞌpxmajcpɨ huɨdi Jesús yquejx ayuccapxhuäcxpɨ yhuimbijttay ajcxy janch jotcujc, ymɨnaangɨxy: 
\p
―Ixtɨ je caꞌoybɨ tɨ ɨɨch ajcxy xycapxycöbɨ́jccɨxy mɨɨd miich mxɨɨ.
\p
\v 18 Chi Jesús ymɨnañ: 
\p
―Tɨ nꞌixyɨch nej je caꞌoybɨ yhuindzɨn tɨ ycäy, jaduꞌn nej jɨhuɨ̈y tɨ ycäy tɨ ycödɨgɨɨy tzajpcɨ́xy, jaduꞌn nej tüg huɨdzuc.
\v 19 Ɨɨch miich ajcxy mɨcꞌájtɨn tɨ nmooygɨxy, jaydëbɨ caꞌoybɨ caꞌ xymɨmadáaccɨxɨpy, tɨm jaduꞌn nipaady nej jɨhuɨ̈y tzaꞌñ etz caꞌty myajhuäcpéjtcɨxy e caꞌ nej mjájtcɨxy. 
\v 20 Nïgɨ miich ajcxy jotcujcꞌájtcɨx co ajcxy mxɨɨ yꞌíjtcɨxy cojay jiiby tzajpjoty, caꞌydɨ co ajcxy caꞌoybɨ xycapxymɨdoogɨxy. 
\s Chi ooy Jesús yjotcugɨy 
\p
\v 21 Huinꞌit Jesús yjotcugɨɨy mɨɨd je Dios yjɨhuɨꞌñ ymɨcꞌajt, ymɨnañ: 
\p
―Nyajnajxypɨch Dioscojuyip ma miich, Dios Teedy, tzajpjotypɨ Huindzɨn etz je naaxhuiñybɨ Huindzɨn, co tɨ myüch jada mɨjhuinmaꞌñ ma yɨ cohuinmaꞌñ jäydɨjc, etz tɨ myajnejhuɨ̈y je jäy huɨdi caꞌ yꞌixpɨ́cyɨty. Dios Teedy, jaduꞌn miich tɨ mduñ com jaduꞌn miich tɨ mjäygɨdacy.
\p
\v 22 Ndéedyɨch tɨ xyajcɨ̈dɨgɨydäyɨch tügꞌócɨy tijaty mɨcꞌajt oyꞌajt.  Ni pɨn caꞌ ijxcajp pɨn jeꞌ Dios yꞌungꞌajtpy, jëyɨ nDéedyɨch tügpajcɨ pɨn xyꞌijxcajpɨch.  Ni pɨn caꞌ ijxcapy pɨn jeꞌ nDéedyꞌájtypɨch, jëyɨ je Dios ung tügpajcɨ huɨdi ijxcajp, etz jacjadyii ma je ung yajniguëxɨ̈gaꞌñ. 
\p
\v 23 Chi Jesús niꞌijxhuimbijty yɨꞌ ydiscípulos ajcxy, ahuingujc ajcxy nɨmay: 
\p
―Jotcujc ajcxy je jäy ajcxy huɨdi ijxcɨxp jaduꞌn nej miich ajcxy tɨ mꞌíjxcɨxy.
\v 24 Ɨɨch miich ajcxy nɨmayb co ooy may Dios yꞌayucnajtzcapxɨɨyb etz rey ajcxy jaꞌixaꞌñ huɨdibɨ miich ajcxy mꞌijxpy, e ni caꞌ ajcxy ixy; etz jamɨdooꞌidaꞌñ huɨdi miich ajcxy mɨdooyb, e ni caꞌ ajcxy mɨdooy. 
\s Ijxpejt ma tüg samaritano oyjäybɨ 
\p
\v 25 Chi tüg jäy huɨdi yajꞌixpɨjcp Dios ñecy ytɨnaayꞌahuɨɨy jotꞌixy huinmaꞌñꞌixy Jesús, chi yꞌamɨdooy: 
\p
―Huindzɨn, ¿ti huaad ndunɨpɨch co ɨɨch jugyꞌajtɨn huinɨxɨɨbɨ nbáadɨbɨch?
\p
\v 26 Chi Jesús yꞌadzooy: 
\p
―¿Ti jaybétyɨp ma yɨ Dios ñecy? ¿Nej mhuinjɨhuɨ̈y co mnecycapxy?
\p
\v 27 Chi je ley huindzɨn yꞌadzooy: 
\p
―Mdzogɨpy mjɨhuɨ̈huɨpy mHuindzɨn Dios mɨɨd tügꞌócɨy mꞌaa mjot, mɨɨd tügꞌócɨy mꞌalma, mɨɨd tügꞌócɨy mmɨjaa, etz mɨɨd tügꞌócɨy mjot mhuinmaꞌñ, e mdzogɨpy yɨ mɨjɨɨn mɨdɨjc jaduꞌn nej miich cɨꞌm naychogyii.
\p
\v 28 Chi Jesús yꞌadzooy: 
\p
―Tɨ ooy yajxon mꞌadzooy. Tun yɨꞌ, e mdzɨnähuɨp huinɨxɨɨ.
\p
\v 29 E jeꞌ nañ jaduꞌn tɨm tɨy ñejhuɨ̈huaꞌñ, nɨmay Jesús: 
\p
―¿Pɨn ɨɨch nmɨdɨjcꞌajtpy?
\p
\v 30 Chi Jesús yꞌadzooy: 
\p
―Tüg jäy choñ jɨm Jerusalén ycɨdägy anajty jɨm Jericó, chi oy meetzpɨ mɨnaybadyii. Chi ajcxy tügꞌócɨy yhuit e tijaty yɨꞌ anajty ymɨɨd pɨjctaayɨ. Chi ajcxy ooy huinhuojpy jɨjphuojpy huingojxy jɨjpcojxy, chi ajcxy ixmach jahueengɨ ögy, chi ajcxy ñɨcxnɨ.
\v 31 Tüg judío teedy ymɨnagɨɨy ma je jɨmbɨ tüꞌaa. Co yꞌijxy je tzaachɨ̈jäy, chi jüyöyñajxy. 
\v 32 Nañ jaduꞌn ymɨnagɨɨy ma je jɨmbɨ tüꞌaa tüg levita jäy huɨdi tuumb ma Dios ytɨjc, co jɨm yjäty mɨhuingon je tzaachɨ̈jäy, co oy ixy, nañ chi jüyöyñajxy (caꞌ paꞌayooy). 
\v 33 Chi tüg samaritano jäy anajty jɨm naxɨ̈y, co mɨhuingoñ je tzaachɨ̈jäy, co oy ixy, huinꞌit ooy paꞌayogooty je tzaachɨ̈jäy. 
\v 34 Chi jeꞌ nimɨjhuägy, chi pujɨ e xojtzɨ je chaachɨ̈ꞌau, nañ tzoyɨɨyɨ chaachɨ̈ꞌau mɨɨd aceite etz vino.  Chi yajꞌɨyujcpety, e yajnɨcxy jɨm ma yjättac, e jɨm cuendꞌajty. 
\v 35 Com jabom co anajty ñɨcxaanɨ, chi yajpɨdzɨmy mejtz denario meeñ, moy je codɨjc nɨmay: “Cuendꞌat jadayaabɨ tzaachɨ̈jäy, jaduꞌn nej anajty mjacmeeñyajtuñ, co ɨɨch anajty nhuimbityɨch huinꞌit nmɨgüedɨpy.” 
\v 36  ¿Ma je nidugɨɨgpɨ jäy pɨn je oybɨ tɨ tuñ mɨɨd je jäy huɨdi anajty je meetzpɨ tɨ ymeechyii tɨ yajtzaachɨ̈yii? 
\p
\v 37 Chi je jäy huɨdi Dios ñecy yajꞌijxpɨjcp Jesús yꞌadzooy: 
\p
―Je huɨdi tɨ yajtuñ je paꞌayoꞌñ.
\p
Chi Jesús ymɨnañ:
\p
―Nɨcx miich, e tun nañ jaduꞌn paꞌayoꞌn.
\s Jesús yajpaady ma Marta etz María ytɨjc 
\p
\v 38 Chi jaduꞌn yjajty co Jesús anajty ytüyöy, chi ytɨgɨɨy ma tüg mutz cajp. Jɨm anajty tüg töxyjäy huɨdi anajty yxɨɨ Marta, yɨꞌ yajjättacɨ ma ytɨjc. 
\v 39 Je Marta ymɨɨd anajty tüg yꞌuch töxyjäybɨ huɨdi anajty yxɨɨ María, chi jeꞌ yꞌixtacy ma Jesús ymɨjc, amɨdooꞌijtɨ jeꞌ yꞌayuc. 
\v 40 Chi je Marta ooy anajty jɨm chachjottɨgoy tuñ anajty tigatii ma ytɨjc, chi nimɨjhuaꞌcy je Jesús nɨmay: 
\p
―Huindzɨn, ¿caꞌ nej mnayjɨhuɨ̈yiijɨ co ɨɨch naydüg yam tzach nayyajtuñyiijɨchɨ? Nɨmaꞌ yɨ María co huen xypubétyɨch.
\p
\v 41 Chi Jesús ymɨnañ: 
\p
―Marta, Marta, yɨ maytung miich mdzachmɨjottɨgooyb.
\v 42 Tügpajc ji, huɨdibɨ ooy ycopɨ́cyɨp. Yɨ María tɨ yɨꞌ huinꞌixy je oybɨ huɨdi ni pɨn caꞌ ypɨgɨɨyb. 
\c 11
\s Jesús yajꞌixpɨjc nej jëbɨ mɨbɨjctzoohuɨm Dios 
\p
\v 1 Jaduꞌn yjajtɨ co Jesús anajty Dios mɨbɨjctzoy ma tüg it lugar, co yajmay, chi tüg discípulo ñɨmaayɨ: 
\p
―Huindzɨn, yajniꞌixɨɨygɨch ajcxy tzajcapxycapxɨɨ, jaduꞌn nej Juan yajniꞌixɨɨy yɨꞌ ydiscípulos ajcxy.
\p
\v 2 Chi Jesús ymɨnañ:
\p
―Co ajcxy Dios mmɨbɨjctzohuɨpy, jaduꞌn mɨnáangɨxɨpy: 
\q Dios Teedy, miich huɨdi tzajpjoty tzɨnaayb, huindzɨgɨ̈y miich mxɨɨ yꞌity. Huen miñ ya miich yɨ mꞌanéꞌmɨn. Huen mdzójcɨn yajcuyduñ ma je jäy yjot yhuinmaꞌñ jaduꞌn nej yajcuyduñ jiiby tzajpjoty.
\q 
\v 3 Mooygɨch ajcxy ngaayɨn nꞌuucɨn jabom jabom. 
\q 
\v 4 Méecxɨbɨch ajcxy nbocy ngaydey huɨdibɨ ɨɨch ajcxy ndundɨgooyb, jaduꞌn nej ɨɨch ajcxy nmeecxyɨch huɨdibɨ ajcxy xymɨdundɨgooybɨch. Caꞌ mꞌaꞌɨxɨ̈y co ɨɨch ajcxy huinmaꞌñ tɨgoyɨpɨch. Yajnïhuaatzcɨch ajcxy ma yɨ jɨbɨcpɨ. 
\p
\v 5 Chi Jesús yjacmɨnañ: 
\p
―Pɨnjaty ji ma miich ajcxy huɨdi tüg ymɨgüg mɨɨd, co ninɨ́cxɨpy mɨjcoodz e mnɨmähuɨpy: “Mɨgüg, tun mayꞌajt yajpɨjctzoogɨch tugɨɨg mdzajcaagy.
\v 6 Tüg ɨɨch nmɨgüg tɨ xyñimiñɨch huɨdi tüyöyp, etz caꞌ nmɨ́ɨdɨdyɨch ti nmöhuɨbɨch.” 
\v 7 Chi je jäy yꞌadzooy jiiby tɨgoty, ymɨnañ: “Caꞌ xyꞌamayɨ̈yɨch. Tɨ ɨɨch ndɨjc nꞌagɨɨyñɨ, etz nꞌungɨch yam nmɨɨdɨch cɨjxꞌam; caꞌ njatyɨch nej nbɨdɨ̈gɨbɨch etz nmöhuɨpy huɨdi mbɨjctzooyb.” 
\v 8 Ɨɨch miich nɨmaayb, oy caꞌ tzojc nipɨdɨ̈gaꞌñ ymöhuamy huɨdi pɨjctzou co mɨgügꞌadyii, hueꞌ ymöhuamy jaydëbɨ caꞌydɨ yjacꞌamayɨ̈yii, chi yegɨpy tügꞌócɨy huɨdi yajmayjajtpy. 
\v 9 Ɨɨch miich ajcxy nɨmaayb: Pɨjctzóogɨx, e myajmöhuɨpy ajcxy. Ixtaaygɨx, e mbaadɨpy ajcxy; cogapxɨɨygɨx, ahuädzɨp ajcxy mdɨjcꞌaguu. 
\v 10 Tügꞌócɨy jeꞌ pɨn pɨjctzoob tijaty ma Dios, cɨ̈dɨgɨ̈huɨɨb; pɨn yꞌixtaayb, ypaadɨpy; pɨn cogapxɨɨyb, yajꞌahuatzɨɨb ytɨjcꞌaguu. 
\p
\v 11 ¿Pɨn ungdeedy ji ma miich ajcxy pen yꞌung ypɨjctzoob tzajcaagy, nej mmöhuɨpy tüg tzaajɨ? ¿E pɨn ypɨjctzooyb acx, nej jëbɨ mmöhuɨpy tüg tzaꞌñɨ? 
\v 12 ¿Pen ypɨjctzoyb tzeydüty, nej jëbɨ mmöhuɨpy caꞌty? 
\v 13 Pen miich jɨbɨcjäy ajcxy mnejhuɨɨyb nej oybɨ mꞌung móoygɨxɨpy, ¿nej caꞌ mdijy yjánchɨty co mDios Teedy tzajpjotypɨ xymóoygɨxɨpy je Espíritu Santo, pen miich ajcxy mmɨbɨjctzohuɨpy? 
\s Yajnïbɨjccɨxy Jesús co mɨɨdɨty mujcuꞌ ymɨcꞌajt
\p
\v 14 Chi Jesús anajty yajpɨdzɨmy tüg caꞌoybɨ ma tüg jäy huɨdi anajty uumɨp. Jaduꞌn yjajty co je caꞌoybɨ ypɨdzɨmy, chi je uum ycapxɨ̈gy. Chi je mayjäy ooy jɨhuɨy huinmay. 
\v 15 Nijëjɨty jäy ymɨnaangɨxy: 
\p
―Jesús mɨjhuinmaꞌñ ytumyb mɨɨd je Beelzebú ymɨcꞌajt, je caꞌoybɨ yhuindzɨn, paady caꞌoybɨ yajpɨdzɨmdäy.
\p
\v 16 Jacjaydiibɨ jäy ajcxy co jotꞌixaangɨxy huinmaꞌñꞌixaangɨxy Jesús, pɨjctzooy ajcxy Dios tüg ymɨjhuinmaꞌñ. 
\v 17 Co Jesús nejhuɨɨy nej jeꞌ ajcxy jotꞌadyii huinmaꞌñꞌadyii, chi nɨmay: 
\p
―Co tüg gobierno ñaybɨjc-huäcxyii, chi ñaychiptúnɨgɨxy miñ xyɨpy; ñayyajcɨ́jxɨgɨxy ñayyajtɨgóoyɨgɨxy; co tüg quëx jäy ñaybɨjc-huäcxyii, nañ jaduꞌn jeꞌ ñayyajcɨ́jxɨgɨxy ñayyajtɨgóoyɨgɨxy.
\v 18 Pen je mujcuꞌ ajcxy ñaybɨjc-huäcxɨp, ¿nej jada je mujcuꞌ yꞌanéꞌmɨn yjacꞌidɨpy? Miich ajcxy mɨnamb co ɨɨch mɨɨd ndúñɨch je Beelzebú ymɨcꞌajt co ɨɨch caꞌoybɨ nyajpɨdzɨmy. 
\v 19 Pen jaduꞌn yɨꞌ, ¿pɨn je mɨcꞌajt mooyb huɨdi miich ajcxy xypahuɨdijtp co yajpɨdzɨmy je caꞌoybɨ? Paady yɨꞌ ajcxy cɨꞌm yajniquëxɨ̈cp co miich ajcxy mdundɨgooygɨxy mgapxtɨgooygɨxy. 
\v 20 Pen ɨɨch mɨɨd Dios yꞌanéꞌmɨn nyajpɨdzɨmyɨch caꞌoybɨ, janch jada co Dios yꞌanéꞌmɨn tɨ yjäty ma miich ajcxy. 
\p
\v 21 Co tüg mɨcjäybɨ mɨɨdɨty maydujt, e ñaycuendꞌadyii yajxon, caꞌ jeꞌ ytɨgoyɨpy tijaty ymɨɨd. 
\v 22 Co yjäty jadüg jäy jacmɨcpɨ caꞌydɨ jeꞌ, chi ymɨmadägyii, e ypɨjctäyii tügꞌócɨy ytujt huɨdi anajty ooy jotꞌamɨjꞌadyii, e yajhuäcxɨpy tijaty anajty ymɨɨd. 
\p
\v 23 Pɨnjaty caꞌ xymɨjnɨcxpétyɨch, nmɨdzipɨch yɨꞌ. Pɨnjaty caꞌ ytuñ mɨɨd ɨɨch co jäy nyajꞌixpɨcyɨch Dios ytɨyꞌajt, hueꞌ jeꞌ ajcxy jäy yajhuinmaꞌñydɨgooyb. 
\s Je caꞌoybɨ co jadügꞌoc yhuimbijty 
\p
\v 24 Co je caꞌoybɨ ypɨdzɨmy ma je jäy, chi jeꞌ ñɨcxy jɨm tɨ̈tznaax ijxtägy co ypocxaꞌñ. Co caꞌ paty ypocxtac, huinꞌit ymɨnaꞌñ: “Huimbidaambɨch ma je jäy yjot yhuinmaꞌñ ma ɨɨch tɨ nꞌoctzombɨ.” 
\v 25 Co je caꞌoybɨ yjaꞌty ma anajty tɨ chɨnäy, chi paady je jäy yhuinmaꞌñ janch yhuädzɨty janch ooy jaduꞌn nej tüg tɨjc huɨdi janch huädz pedɨ̈gɨty. 
\v 26 Chi je caꞌoybɨ ñɨcxy, e mɨɨd miñ jahuixtujc caꞌoybɨ jacjɨbɨcpɨ caꞌydɨ jeꞌ; chi ajcxy ytɨgɨɨy ma je jäy yjot yhuinmaꞌñ, e chɨnay ajcxy jiiby; huinꞌit je jäy jacꞌoꞌctɨy oy yjajtnɨ caꞌydɨ jaduꞌn nej anajty jayɨjpꞌaty.  
\s Huɨdi ajcxy janch jotcújcɨp 
\p
\v 27 Co Jesús jaduꞌn anajty ymɨnaꞌñ, chi tüg töxyjäy mayjäy agujc mɨc ymɨnañ: 
\p
―Jotcujc je töxyjäy huɨdi tɨ xyajpiꞌcꞌaty etz huɨdi xyajyeegy.
\p
\v 28 Chi Jesús ymɨnañ: 
\p
―Jeꞌ jacjotcujc pɨnjaty Dios yꞌayuc mɨdoohuɨp etz cuyduunɨp.
\s Jɨbɨcjäydɨjc pɨjctzoogɨxy tüg tɨyꞌajt mɨjhuinmaꞌñybɨ
\p
\v 29 Co je mayjäy ajcxy jübigɨɨy, chi Jesús ymɨnandacy: 
\p
―Jadachambɨ jäy ooy ajcxy yjɨbɨcjäyɨty, ypɨjctzooyb ajcxy mɨjhuinmaꞌñ ijxpejt. Ni camɨna Dios ajcxy ycamöhuɨɨyb ijxpejt, jëyɨ tügpajc Jonás yꞌijxpejt yajmöhuɨp.
\v 30 Com jaduꞌn nej je Jonás jecyꞌajty ijxpejt yejcy ma je Nínive jäy, nañ jaduꞌn ɨɨch, je jäy huɨdi tzoon tzajpjoty, nyegaamyɨch ijxpejt jadachambɨ tiempo mɨɨd jäy ycɨxpɨ.
\v 31 Je töxyjäy reina huɨdi tzɨnay jecyꞌajty ma madzäcruudz ypɨdzɨmy, yɨꞌ jeꞌ xɨ̈dähuam jadachambɨ tiempo jäy co anajty Dios tɨydunaꞌñ mayjäy, etz yajpocycähuɨpy ajcxy. Ixtɨ ma naaxhuiñybɨ ycogɨxɨ̈y jɨm je reina chooñ co anajty amɨdoꞌidanɨ je rey Salomón ycapxy yꞌayuc. Ji naaxhuiñ jadachambɨ tüg Dios ytɨyꞌajtmɨɨdpɨ jacnïgɨ ymɨ́jɨty caꞌydɨ Salomón anajty. 
\v 32 Co anajty Dios tɨydunaꞌñ yɨ may naaxhuiñyjäy, chi je jäy ajcxy huɨdibɨ anajty cogajpɨp jɨm Nínive pɨdɨ̈gaangɨxy etz yajpocycähuaangɨxy jadachambɨ naaxhuiñyjäy. Com je Nínive jäy jothuimbijt jeꞌ ajcxy co Jonás Dios yꞌayucnajtzcapxɨɨyɨ. Ji jadachambɨ tüg Dios yꞌayucnajtzcapxɨɨybɨ jacnïgɨ ymɨ́jɨty caꞌydɨ jaduꞌn nej anajty je Jonás.
\s Je tɨyꞌajt huɨdibɨ nipaady nej lámpara ma ajt nninïcx 
\p
\v 33 Ni pɨn caꞌ yüch je jɨɨn huɨdi tɨ nögpɨty, ni caꞌ pɨdägy jiiby cajón paꞌtcɨꞌpy, jëyɨ janchtɨy pɨdägy je jɨɨn ma jɨɨndɨcxpejt, jaydëbɨ co pɨnjaty ytɨgɨ̈huɨpy tɨgoty, codɨcxɨɨb je jɨɨn. 
\v 34 Je jɨɨn ma miich ajcxy mninïcx jeꞌ yɨꞌ miich ajcxy mhuiin. Pen oy miich ajcxy mhuiin, nañ jaduꞌn tügꞌócɨy miich ajcxy mninïcx ymɨɨd yɨꞌ tɨɨcxɨn. Pen caꞌ yꞌóyɨty mhuiin, nañ jaduꞌn ajcxy yɨ mninïcx yajpaty agootztuum.
\v 35 Cuendꞌájtcɨx yɨ tɨyꞌajt huɨdi miich ajcxy mɨɨd, caꞌ mgoyützcɨxy, com co jaduꞌn nɨcxy yꞌahuimbity nej cootzpɨ. 
\v 36 Pen miich mdɨyꞌajt codɨɨcxy yꞌity mɨɨd Dios ytɨyꞌajt, tügꞌócɨy quëxɨ̈gtähuaꞌñ janch huädz.
\s Jesús caꞌp jäygɨdacɨ je fariseos etz je escribas ajcxy yhuinmaꞌñ 
\p 
\v 37 Co Jesús ycapxtay, chi tüg fariseojäy mayꞌajt pɨjctzoy huen nɨcxy mɨɨd cayii. Co Jesús ytɨjctɨgɨɨy, chi yꞌixtacy ma je caybejt. 
\v 38 Co je fariseojäy ijxy jaduꞌn nej Jesús ytuñ, chi ooy huinmay nej co Jesús caꞌ ñayyajpocyhuächyii mɨɨd nɨɨ jayɨjpnɨ ma anajty caꞌnɨ ycaayñɨ. 
\v 39 Chi je Huindzɨn Jesús ymɨnañ:
\p
―Miich ajcxy fariseojäy, ooy mnaybɨdaaccɨxy tudägyjäy ma jäy ajcxy yhuinduu e caꞌ yjánchɨty; chi jadaꞌ ma mjot mhuinmaꞌñ miich ajcxy ooy mꞌadzocy, etz mɨɨd ajcxy jɨbɨc-huinmaꞌñ; tɨm jaduꞌn nipaady nej myajhuäch ajcxy yɨ tasɨ ninïcx, yɨ texyñinïcx e chi ajcxy yajhuɨ́ꞌmgɨxy jɨbɨcpɨ je tasɨjoty je texyjoty.
\v 40 ¡Miich ajcxy caꞌ Dios yꞌayuc huinjɨhuɨɨybɨ! ¿Caꞌ mnejhuɨɨygɨxy co yɨ pɨn tɨ texyñinïcx yajcojy nañ tɨ yajcojy texyjot? 
\v 41 Tun miich ajcxy oyjäyꞌájtɨn, huinꞌit janchtɨy anajty ajcxy mhuädzɨty ma mjot mhuinmaꞌñ. 
\p
\v 42 ¡Ay miich ayoobɨ ajcxy fariseojäy! Com mbɨdaaccɨxy abɨcy tüg pɨcy je majcpɨ mɨɨd yɨ Dios ycɨxpɨ ixtɨ yɨ tzajnɨmang, yɨ ruda, etz tügꞌócɨy aay ujtz. Chi jadaꞌ caꞌ mduñ je oyjäyꞌájtɨn etz tɨyꞌájtɨn jaduꞌn nej Dios tzocy. Hueꞌ jeꞌ oy mduñ co tijaty abɨcy mbɨdägy mɨɨd Dios ycɨxpɨ, nañ jaduꞌn copɨcy oyjäyꞌájtɨn mdunɨpy etz Dios ytɨyꞌajt mguydunɨpy. 
\p
\v 43 ¡Ay miich ayoobɨ fariseojäy ajcxy! Co ooy mꞌadzójccɨxy je ɨñaybejt huɨdi cöduum ma naymujctac, etz ooy mꞌadzójccɨxy co huen jäy ajcxy xycapxpoocxcɨxy oy huindzɨgɨ̈y mayjäy agujc. 
\p
\v 44 ¡Ay miich ayoobɨ ajcxy huɨdi yajꞌijxpɨjcp Dios yley etz miich fariseojäy ajcxy! Oy mjanaybɨdáacɨgɨxy oyjäy e caꞌ yjánchɨty, caꞌ mguydungɨxy Dios ytɨyꞌajt, jaduꞌn nipaady miich ajcxy nej öcpɨ jut huɨdi caꞌ yquëxɨ̈gy, chi jäy yöy nïgɨx, com co caꞌ ñiguëxɨ̈gy. 
\p
\v 45  Chi tüg jäy huɨdibɨ yajꞌixpɨjcp Dios yꞌayuc ymɨnañ:
\p
―Huindzɨn, co jaduꞌn miich mɨnaꞌñ, nañ jaduꞌn ɨɨch ajcxy ooy jɨbɨc nayjɨhuɨ́ɨyɨgɨxy.
\p
\v 46 Chi Jesús ymɨnañ:
\p
―¡Ay ayoob miich ajcxy Dios yꞌayuc huindzɨn! Miich ajcxy mgójcɨxyp canaag costumbre huɨdi je jäy  ajcxy  caꞌ mɨmadägaꞌñ, e caꞌ ajcxy mbaꞌayoogɨxy, tɨm jaduꞌn nipaady nej jɨhuɨ̈y tüg tzɨmy tɨ mmooygɨxy jemxypɨ huɨdi caꞌ je jäy ajcxy mɨmadägaꞌñ, e miich ajcxy ni caꞌ mgɨ̈huäx jëdaꞌajty mgayajpadaangɨxy je tzɨmy.
\p
\v 47 ¡Ay miich ayoob ajcxy! com myajcojcɨxy je ögpɨ jut ma je Dios ayucnajtzcapxɨɨybɨ naaxtɨgɨy, je huɨdi mꞌap mdeedy ajcxy yajꞌoꞌc.
\v 48 Jaduꞌn yajhuinjɨhuɨ̈y nej jɨhuɨ̈y miich ajcxy ooy mjäygɨdägy jaduꞌn nej ajcxy mꞌap mdeedy ytundɨgoy.  Janch yɨꞌ ajcxy yajꞌögy Dios yꞌayucnajtzcapxɨɨybɨ, e miich ajcxy myajcoj je öcpɨ jut ma ajcxy jeꞌ ñaaxtɨgɨɨy.
\p
\v 49 Paady yɨ Dios jaduꞌn huinmay, e mɨnañ: Nyajniguexɨpyɨch miich ajcxy profetas etz yꞌayuccapxhuäcxpɨ, e miich ajcxy myajꞌögɨp nijëjɨty, etz jacnaagɨty mbahuɨdijttáccɨxɨpy.
\v 50 Dios yajcomɨdohuɨpy jadachambɨ tiempo jäy ajcxy je ypocy huɨdi yꞌap yteedy ajcxy ytuñ, com maabɨ naaxhuiñ chondägy, yɨꞌ ajcxy yajꞌögy Dios ytɨyꞌajtmɨɨdpɨ.
\v 51 Janch nɨmaaybɨch miich ajcxy co Dios yajcomɨdohuɨpy jadachambɨ tiempo jäy ajcxy je yꞌap yteedy ypocy co ajcxy yajꞌoꞌcy Dios ytɨyꞌajtmɨɨdpɨ chondägy ma Abel, ixtɨ Zacarías huɨdi jäy yajꞌoꞌc ma Dios ytɨjc tɨbaꞌgujc.
\p
\v 52 ¡Ay miich ayoob ajcxy Dios yꞌayuc huindzɨn!  Caꞌ miich ajcxy mꞌixpɨgaꞌñ Dios ytɨyꞌajt, nañ caꞌ mdzocy co yɨ jäy ajcxy ixpɨgɨpy; tɨm jaduꞌn nipaady nejjɨhuɨ̈y tɨ mbɨcy je tɨjc ahuaast e caꞌ miich ajcxy mdɨgɨ̈huaꞌñ, e ni mgatzojccɨxy co huingbɨ nɨcxy ytɨgɨ̈y.
\p
\v 53 Co Jesús anajty jadayaab ayuc yajnɨmaaygɨxy, chi je Dios yꞌayuc huindzɨn etz yɨ fariseojäy ajcxy jotmätcooty chi yajꞌamɨdogoty ajcxy may ayuc.
\v 54 Ñayñɨmáayɨgɨxy miñ xyɨpy co huen amɨdoꞌijt Jesús yꞌayuc, jɨgɨx jëb páatcɨxɨpy huɨdi jëb mɨɨd xɨ̈gɨxɨpy.
\c 12
\s Jesús yajꞌixpɨcy co caꞌ huaad pɨnjaty naybɨdaacɨ oyjäy pen caꞌ yjánchɨty
\p
\v 1 Chi je mayjäy ooy nimujcy Jesús, janch jaduꞌn ñayꞌadijɨy ñayꞌagodɨ́ɨyɨgɨxy, chi Jesús nɨmaydacy jeꞌ ydiscípulos jayɨjp:
\p
―Nigüendɨ mɨɨd yɨ  fariseojäy ajcxy nej ajcxy yjäyyajꞌixpɨ́jccɨxy. Yajxon yɨꞌ ajcxy ycapxy ymɨydägy, chi caꞌ cuydungɨxy.
\v 2 Caꞌ ji ti huɨdi ijtp ayüch nɨcxy ycayajnejhuɨ̈y, nañ ni caꞌ ji ti huɨdi ijtp ameech nɨcxy ycaniguëxɨ̈gy.
\v 3 Huen huɨdi ayuc miich ajcxy ameech mgapxy, yajnejhuɨ̈huɨp yɨꞌ. Huen huɨdibɨ ayuc huɨdi tɨ mnayyajnɨmáayɨgɨxy ameech jiiby tɨgoty, mɨc yajcapxhuäcxɨp tɨjc nïgɨ́xy.
\s Pɨn jëbɨ huaad ndzɨgɨɨyɨm
\p
\v 4 Chi Jesús yjacmɨnañ:
\p 
―Miich ajcxy nmɨgügtɨjc,  ɨɨch miich ajcxy nɨmaayb co caꞌ mdzɨgɨɨygɨxy yɨ jäy ajcxy huɨdibɨ ninïcx yajꞌoꞌcp, com caꞌ jac ni ti ajcxy tunɨpy.
\v 5 Ɨɨch miich ajcxy nyajniꞌixɨ̈huɨpy pɨn huaad jëbɨ mdzɨgɨɨygɨxy.  Yɨꞌ janch mdzɨgɨɨygɨxy yɨ Dios huɨdibɨ jugyꞌajt pɨjcp, e huinꞌit mɨɨd jeꞌ ymɨcꞌajt jëbɨ quexɨpy mꞌalma ma je mɨj jɨɨn.  Yɨꞌ janch mdzɨgɨɨygɨxy yɨꞌ.
\p
\v 6 ¿Nej caꞌ jäy ajcxy ytoogyii mɨgoox joon mɨɨd metz piꞌcmeeñ?  Dios ni tüg yɨꞌ ajcxy caꞌ jäydɨgooyɨty.
\v 7 Ixtɨ mgöhuay ajcxy ac mɨchoy Dios mɨɨdɨty.  Caꞌ mdzɨgɨɨygɨxy, jactzou nïgɨ miich ajcxy ma Dios caꞌydɨ piꞌcjoon ajcxy. 
\s Je pɨnjaty caꞌp mɨdzöyduñyii Jesús mayjäyjoty
\p
\v 8 Ɨɨch miich ajcxy nɨmaayb co pɨnjaty ma miich ajcxy huɨdi capxpɨdzɨmp mayjäyjoty co xymɨbɨ́cyɨch xymɨjpɨdägyɨch,  ɨɨch, je jäy huɨdi tzoon tzajpjoty, ngapxpɨdzɨmɨpyɨch co tɨ ngöbɨcyɨch jaduꞌmbɨ jäy ma Dios yꞌángeles ajcxy yhuinduu.
\v 9 Pɨnjaty caꞌ xycöbɨcyɨch mayjäyꞌagujc, nañ jaduꞌn ɨɨch yɨꞌ caꞌ ngöbɨgɨpyɨch jiiby ma Dios yꞌángeles ajcxy yhuinduu.
\p
\v 10 Tügꞌócɨy jäy huɨdi jaduꞌn ɨɨch, je jäy huɨdi tzoon tzajpjoty, xyñigapxp xyñiꞌojɨɨybɨch Dios huinmecxɨɨb.  Chi jadaꞌ pɨnjaty nigapxp niꞌojɨɨyb jeꞌ Dios yjɨhuɨꞌñ (je Espíritu Santo), yɨꞌ janchtɨy Dios caꞌ yhuinmecxɨɨyb.
\p
\v 11 Co mmɨdzip ajcxy xyajnɨ́cxɨp ma naymujctac, ma codungdɨjc, etz tungmɨɨdpɨ yhuinduu, caꞌ mdájɨp mmáyɨp nej mꞌadzóogɨxɨpy, e caꞌ mhuinmayɨpy nej ajcxy mꞌadzohuɨpy.
\v 12 Com je Dios yjɨhuɨꞌñ huinꞌítɨy ajcxy xyajniꞌixɨ̈huɨp nej huaad mꞌadzoogɨxy.
\s Naygüendꞌajtɨgɨxy caꞌp adzojccɨxy comeeñꞌ adɨɨ 
\p
\v 13 Chi nidügtɨ je mayjäy ymɨnañ: 
\p
―Huindzɨn, nɨmaꞌ nꞌajchɨch co huen yajhuäcxy mɨɨd ɨɨch huɨdi ndaj ndeedyɨch ñidungɨy.
\p
\v 14 Chi Jesús ymɨnañ:
\p
―Yëydɨjc, caꞌ ɨɨch ni pɨn tɨ xypɨdägyɨch aneꞌmbɨ ma miich ajcxy etz yajhuäcxpɨ.
\p
\v 15 Chi Jesús nɨmay je jäy ajcxy:
\p
―Ijxcɨx naygüendꞌájtɨgɨx, caꞌ mꞌadzojccɨxy comeeñꞌadɨɨ, com je mꞌalma yjugyꞌájtɨn caꞌ jeꞌ nïdzoocɨnꞌadyii huɨdijaty miich ajcxy mɨɨd.
\p
\v 16 Chi ajcxy yajnɨmay tüg ayuc, ymɨnañ: 
\p
―Jɨm anajty tüg comeeñyjäy huɨdibɨ anajty ooy mɨj ypɨdägy yajpɨdɨ̈gy.
\v 17 Je comeeñyjäy anajty ooy cɨꞌm huinmay ma yjot yhuinmaꞌñ, ymɨnañ: “¿Ti nꞌoctunɨpɨch com caꞌ nmɨ́ɨdɨdyɨch ma nyajnïgɨdägɨbɨch yɨ tɨɨbɨ yꞌity?”
\v 18 Chi ymɨnañ jotjoty huinmaꞌñyjoty: “Nyajpɨdɨ̈cnɨbɨch ndzëx, e ngójɨbɨch jacmɨjpɨ, chi tügꞌócɨy jiiby nbɨdactähuɨbɨch tɨɨbɨ yꞌity.”
\v 19 Co jaduꞌn ndunɨpyɨch, chi jëbɨ jotcujc ndzɨnähuɨbɨch, com ooy anajty nmɨ́ɨdɨdyɨch pɨdägy yujcpɨcy, jëbɨ canaag jɨmɨjt niboocxyɨch etz jëbɨ ngay nꞌügyɨch jotcujc.
\v 20 Chi Dios nɨmay je comeeñyjäy: “Ooy jɨbɨc-huinmaꞌñ miich mɨɨdɨty. Cham coodz ɨɨch miich nibɨjctzohuɨ̈huaanɨy yɨ mꞌalma (mꞌögɨp), e co anajty tɨ mꞌögy yɨ huɨdibɨ tɨ myujcpɨcy, ¿pɨn yɨꞌ jeꞌadɨɨb?”
\v 21 Jaduꞌn yjajty yɨꞌ ajcxy huɨdibɨ ymeeñꞌidɨꞌñ cɨꞌm yujcpɨjcp, caꞌ yɨꞌ ajcxy jiiby ycomeeñyɨty ma Dios yhuinduu.
\s Dios ycuendꞌajtpy yꞌung yꞌanäg
\p
\v 22 Chi Jesús nɨmay je yꞌixpɨjcpɨdɨjc:
\p
―Paady ajcxy nɨmaaygɨxy co caꞌ huaad mjottɨgooygɨxy ma yɨ mdzɨnáayɨn yɨ mjugyꞌájtɨn, huɨdi mjɨ́ɨcxcɨxɨpy mgáaygɨxɨpy, huɨdi mɨɨd mninïcx mxójxcɨxɨpy.
\v 23 Yɨ jugyꞌajt jacnïgɨ tzou yɨꞌ, caꞌydɨ yɨ caayɨn uucɨn, etz je mninïcx jacnïgɨ choohuɨty caꞌydɨ huit.
\v 24 Ijxcɨx yɨ joogy ni caꞌ ñïpy, ni caꞌ chijccɨxy, ni ca mɨɨdɨty ytɨjc ni chëx, e Dios yɨꞌ ajcxy mooyɨpy huɨdi yjɨɨcxcɨxyp, ¿nej cayjacnïgɨ miich ajcxy mdzoohuɨty caꞌydɨ joon ajcxy?
\v 25 Caꞌ ji ni pɨn ma miich ajcxy pɨn jadɨpy nej ñayjɨjptzomɨ̈huɨɨb jadüg cɨ̈nuux.
\v 26 Pen caꞌ mjajtcɨxy nej mdúngɨxɨpy huɨdi hueen huinmaꞌñ, ¿nej co mdzachmɨjottɨgooygɨxy yɨ tzɨnaayɨn yɨ comeeñꞌájtɨn?   
\p
\v 27 Ijxcɨx yɨ aaybɨjy nej xóxyɨty, caꞌ  ytaaccɨxy ni caꞌ yxuuygɨxy.  Ɨɨch miich ajcxy nɨmaayb, co ni je rey Salomón mɨɨd tügꞌócɨy ymeeñ caꞌ ñayxojxɨ jaduꞌn nej jada aaybɨjy ujtzpɨjy.
\v 28 Pen jaduꞌn Dios xoxy yɨ aay yɨ ujtz huɨdibɨ cham jajtɨp ma yɨ tungop, e com jabom tɨ anajty ñiicxnɨ, Dios xypubedɨpy xypudɨgɨ̈huɨpy nïgɨ miich ajcxy huɨdi hueen mɨbɨjcp.
\v 29 Caꞌ miich ajcxy mhuinmayꞌahuɨdíjtcɨxɨpy ajcxy ti mgáaygɨxɨpy mꞌúuccɨxɨpy.
\v 30 Yɨ naaxhuiñyjäy ajcxy ymɨjottɨgoyb anaxy tügꞌócɨy caayɨn uucɨn, huit etz tijaty.  Miich ajcxy huɨdi mɨjpɨdacp Dios, Dios Teedy ñejhuɨɨyb co copɨcy ajcxy mɨɨdꞌadɨpy caayɨn uucɨn etz huit tucxy.
\v 31 Jayɨjp mɨjottɨgooygɨx Dios yꞌayuc ytɨyꞌajt, chi jadaꞌ tügꞌócɨy huɨdi ajcxy myajmayjajty mbáatcɨxɨpy yɨꞌ.
\s Jugyꞌájtɨn mɨjpɨ jiiby tzajpjoty
\p
\v 32 Chi Jesús yjacmɨnaañ:
\p
―Caꞌ miich ajcxy mdzɨgɨɨygɨxy, miich ajcxy mnihueeñɨty, per mDios Teedy yegaꞌñ aneꞌmdac tzajpjoty mɨɨd miich ajcxy ycɨxpɨ.
\v 33 Tooccɨx tijaty miich ajcxy mɨɨd, nimooygɨx ayoobɨtɨjc. Yajꞌoyɨɨygɨx meeñꞌidɨꞌñ huɨdi caꞌ yꞌamɨjɨ̈huɨpy ni camɨna.  Yajꞌoyɨɨygɨx tüg pɨdägy, janch mɨj e janch oy, jiiby tzajpjoty huɨdi caꞌ ycɨxɨpy ytɨgoyɨpy, ma caꞌ meetzpɨ huaad ytɨgɨ̈y, ni ucxytɨng caꞌ yajhuindɨgoyɨpy.
\v 34 Pen miich ajcxy mɨɨd mgomeeñꞌájtɨn ya naaxhuiñ, yaayɨ je mjot mhuinmaꞌñ ajcxy.  Pen mdzojcpy ajcxy je oybɨ huɨdibɨ Dios yegamy, nañ mɨɨdꞌájtcɨxy jɨm jabom jabom mjot mhuinmaꞌñ ajcxy ma Dios.
\s Tzoc íjtɨm niꞌixɨꞌ
\p
\v 35 Chi Jesús yjacmɨnañ:
\p
―Niꞌixɨɨygɨx mjot mhuinmaꞌñ jaduꞌn nej jɨhuɨ̈y mhuit myujcꞌameetcɨxy co mdunaangɨxy, etz jaduꞌn nej jɨhuɨ̈y lámpara mnögpɨjccɨxy co mdzumnaxaangɨxy mꞌahuixaangɨxy je huindzɨn.
\v 36 Niꞌixɨ̈ꞌijtcɨx jaduꞌn nej jäy huɨdi yhuindzɨn ahuijxp, co anajty yhuimbity co anajty tɨ yꞌoy ma jäy tɨ ypɨcy, chi co anajty minɨpy ycogapxɨ̈y, mɨcꞌamy myajꞌahuädzɨty ytɨjc.
\v 37 Jotcujc ajcxy je tumbɨ co je yhuindzɨn anajty yjädy, e paady chumnajx juugy.  Janch nɨmaaybɨch miich ajcxy co je tumbɨ ajcxy yhuindzɨn anajty yjädy, chi yhuit yujcꞌameedɨpy, chi ajcxy yajꞌixtägɨpy ma caybejt, yajcayɨpy yajꞌügɨpy.
\v 38 Oy miinɨpy je huindzɨn mɨjcoodz o moñyɨ, e páadɨp je tumbɨdɨjc ajcxy jɨm chumnájxcɨxy juugy, jotcujc jeꞌ ajcxy je jaduꞌmbɨ tumbɨdɨjc.
\v 39 Nejhuɨɨygɨx jada co je codɨjc ixyipy nejhuɨ̈huɨpy ti hora yminaꞌñ je meetzpɨ, chi juugy ixyipy chuumnaxaꞌñ, e caꞌ cɨ̈yegɨpy ytɨjc nɨcxy jäy tɨgoty ymeech.
\v 40 Miich ajcxy nañ jaduꞌn íjtcɨxy niꞌixɨꞌ, mɨna anajty caꞌ ti mhuinmaaygɨxy, huinꞌit miinaꞌñɨch ɨɨch, je jäy huɨdi tzoon tzajpjoty.
\s Je tumbɨ tudägypɨ etz je tumbɨ caꞌpɨ ytudägyɨty
\p
\v 41 Chi Pedro Jesús nɨmay:
\p ―¿Pɨn jada tɨ myajnɨmaayb jada ayuc huɨdi tɨ mgapxy, ɨɨch ajcxy, o  nidügꞌócɨy jäy?
\p
\v 42 Chi je Huindzɨn Jesús ymɨnañ:
\p
―Huɨdibɨ tumbɨ jeꞌ ya huɨdi tumb mɨɨd yhuindzɨn janch cɨxyjot huinɨjot huɨdi mɨɨd yhuijyꞌajt ycujcꞌajt huɨdi je yhuindzɨn mooyɨp anéꞌmɨn ma ytɨjc, huɨdi yajnigɨdägɨɨyb tumbɨdɨjc nej ypaadyii.
\v 43 Jotcujc je tumbɨ co anajty jeꞌ yhuindzɨn yhuimbity e padɨɨyb tɨ cuyduñ jaduꞌn nej anajty tɨ ñɨmäyii.
\v 44 Janch ɨɨch miich ajcxy nɨmäy co je tumbɨ huindzɨn yajmɨhuɨꞌmdähuɨpy jada ytumbɨ tügꞌócɨy pɨdägy huɨdi ymɨɨd.
\v 45 Pen je tumbɨ yhuinmaayb jotjoty huinmaꞌñyjoty co je yhuindzɨn yhuäcxɨjpnɨ mɨna ymiinaꞌñ, chi mɨdziptzoonɨ jacjadyii tumbɨdɨjc ajcxy, huojpnɨ, cojxnɨ, nañ ytɨgɨɨyñɨ caayb uucp anaxy etz ymügyii.
\v 46 Chi je tumbɨ yhuindzɨn miinɨpy ma je xɨɨ hora anajty caꞌ jɨjpꞌixy e ni canejhuɨy anajty, e huinꞌit ooy tzaachytunɨpy yɨ tumbɨ e chi pɨdägɨpy ma je huɨdi ajcxy caꞌ ytudägyɨty.
\p
\v 47 Je tumbɨ huɨdi nejhuɨɨyb nej yhuindzɨn chójcɨn, e caꞌ cuyduñ, ni caꞌ ycapxymɨdoy, ni caꞌ niꞌixɨꞌ ity co yhuindzɨn anajty yhuimbity, jeꞌ jeꞌ nïgɨ yajtzaachytunɨp.
\v 48 Je tumbɨ huɨdi caꞌ yajxon huinjɨhuɨ̈y nejjɨhuɨ̈y yhuindzɨn chójcɨn, hueenɨ jeꞌ yajtzaachytunɨpy.  Huenpɨ́nɨty huɨdi may yajmooyb, may yɨꞌ yajmɨbɨjctzohuɨɨyb; etz huenpɨ́nɨty huɨdi tɨ mɨhuɨꞌmy ooy, yajmɨbɨjctzohuɨɨb nïgɨ.
\s Jesús ycɨxpɨ ñaybɨjc-huäcxyii jäy
\p
\v 49 Chi Jesús yjacmɨnañ:
\p
―Ɨɨch tɨ nmiiñɨch ya naaxhuiñ co jɨɨn nbɨdägɨbɨch. ¡Ooy njadzocyɨch ji ixyipy ñitooyñɨ!
\v 50 Nyajnaxɨpyɨch tüg tzaachypɨ, e ¡ooy ndajy nmayɨch ixtɨ mabaad yajcuydundäy!
\v 51 ¿Nej miich ajcxy mdijy co tɨ nmiiñɨch ya naaxhuiñ co nyajcɨxɨpyɨch je tzipɨ? Ɨɨch miich ajcxy nɨmaayb co caꞌ. Hueꞌ janchtɨy nyajnaybɨjc-huäcxáanɨbɨch jäy ajcxy.
\v 52 Jadachambɨ etz yjacnɨcxnɨ xɨɨ tiempo ji mɨgoox tüg quëxjäydɨjc huɨdibɨ ajcxy ñaybɨjc-huäcxɨɨb, tugɨɨg mɨɨd je metzpɨ, e metzpɨ mɨɨd je tugɨɨgpɨ.
\v 53 Je ungdeedy tziptunɨp mɨɨd ymang etz je mang mɨɨd yteedy. Nañ je ungdaj tziptunɨp mɨɨd yñɨɨx etz je nɨɨx mɨɨd ytaj.  Nañ jaduꞌn je xecy tziptunɨp mɨɨd yxecy.
\s Je xɨɨ tiempo ytɨyꞌajt
\p
\v 54 Chi Jesús nɨmay je mayjäy ajcxy:
\p
―Co ajcxy mꞌixy je joc ypɨdɨ̈gy ma xɨɨ ycɨdägy, chi mɨnaangɨxy co tühuaam, e janch jaduꞌn yjadyii.
\v 55 Co ymiiñ je  jɨɨnboj, chi miich ajcxy mɨnaangɨxy co ambɨgaamb, chi janch jaduꞌn yjadyii.
\v 56 ¡Miich jɨbɨc jäy ajcxy! Ooy mjajtcɨxy nej myajcapxcɨxy yɨ xɨɨ tiempo huɨdi ajcxy mꞌijxpy tzajpcɨ́xy etz ya naaxhuiñ: ¿Nej co caꞌ mjajtcɨxy nej myajcápxcɨxɨpy xɨɨ tiempo ymiñ ycɨdägy?
\s Naymɨꞌoyɨ̈huɨ mɨɨd mɨdzip  
\p
\v 57 ¿Nej co miich ajcxy caꞌ cɨꞌm mnaydɨydúunɨgɨxy nej ytudägyɨty je tɨyꞌajt?
\v 58 Co mnɨ́cxɨpy ma yɨ codung mɨɨd yɨ mmɨdzip jacꞌoy co mnayyajꞌoyɨ̈huɨpy mɨɨd yɨ mmɨdzip tüꞌam, caꞌydɨ mɨɨd mjädɨp ma yɨ codung, e chi je codung xycɨ̈yegɨpy ma je xueetz, e je xueetz xypɨdägɨp pujxtɨgoty.
\v 59 Ɨɨch miich nɨmaayb co caꞌ jiiby mbɨdzɨmɨpy, ixtɨ coonɨ mgüejttähuɨpy tügꞌócɨy.
\c 13
\s Ooy ycopɨ́cyɨty nyajtɨgajtzɨm nhuinmaꞌñ
\p
\v 1 Huinꞌit jäy mɨɨdmɨydacy Jesús jaduꞌn nej je gobernador Pilato yajꞌögy nijëjɨty jäy jɨm Galilea, chi tem huɨdijtɨ ajcxy ñɨꞌpy mɨɨd ɨyujc ñɨꞌpy huɨdi jeꞌ ajcxy mɨɨd huindzɨgɨꞌñ tuuñ.
\v 2 Chi Jesús yꞌadzooy nɨmay ajcxy:
\p ―¿Nej mdijy, nïgɨ anajty ypocymɨɨdɨty je galileojäy ajcxy huɨdi jaduꞌn ayoꞌn patp, caꞌydɨ nidügꞌócɨy galileojäy?
\v 3 Ɨɨch miich ajcxy nɨmaayb co caꞌ. Pen miich ajcxy caꞌ mjothuimbíjtcɨxy ma Dios etz nayꞌadzɨgɨ́ɨyɨgɨxy ma Dios, nidügꞌocɨy miich ajcxy mgɨjxtähuɨp mdɨgoydähuɨp.
\v 4 E jeꞌ ajcxy je majmocxtugɨɨgpɨ huɨdi je mɨjtɨjc jɨm Siloé nïgɨdaagoottɨ, yajꞌöcɨ ajcxy. ¿Nej mdijy nïgɨ ajcxy ypocymɨɨdɨty, caꞌydɨ nidügꞌócɨy je jäy huɨdi tzɨnayb jɨm Jerusalén?
\v 5 Ɨɨch miich ajcxy nɨmaayb co caꞌ. Pen miich ajcxy caꞌ mjothuimbijtcɨxy, nañ mgɨjxtähuɨp mdɨgoydähuɨp miich ajcxy nidügꞌócɨy, jaduꞌn nej jeꞌ ajcxy.
\s Ijxpejt ma je higuerɨ caꞌpɨ anajty ytɨɨmꞌaty
\p
\v 6 Chi Jesús yajnɨmay ajcxy jada ayuc:
\p ―Tüg jäy anajty mɨɨdɨty higuerɨ cojy ma yꞌaguemy, chi ñɨcxy jiiby ma yꞌaguemy higuerɨ tɨɨm ijxtaaybɨ, ni caꞌ paty.
\v 7 Chi nɨmay jeꞌ ytumbɨ: “Cham mɨdugɨɨg jɨmɨjt miiñɨch ya higuerɨ tɨɨm ijxtayb ma jada higuerɨ cop, ni tüg ngapaadyɨch. Huen yajpujxcɨday jada higuerɨ cop, nej co nɨgoobɨ ñaaxnihuaꞌñ.”
\v 8 Chi jeꞌ ytumbɨ yꞌadzooy: “Huindzɨn, ocꞌixmatz. Huen jadüg jɨmɨjt jëyɨ ocjactɨnäy, octajyɨch jayɨjp yɨ naax jühuɨdityɨ, etz ocꞌabonɨjɨ̈yɨch.
\v 9 Pen tɨɨmꞌajt caꞌ nyajpuxɨpy, pen caꞌ ytɨɨmꞌaty jëbɨ nbújxɨgɨpy.”
\s Jesús yajtzögy pocxxɨɨduum tüg töxyjäy jɨgojojpyɨ
\p
\v 10 Chi Jesús anajty yajꞌixpɨcy ma tüg naymujctac pocxxɨɨduum.
\v 11 Jɨm anajty tüg töxyjäy huɨdi anajty mɨmajmocxtugɨɨg jɨmɨjt cujc mɨꞌijtnɨ yjɨɨbojpaꞌm, agojojy anajty yöy, ni nej anajty ycaꞌoyɨ̈y nej ytɨnaaygugɨ̈huɨpy.
\v 12 Co Jesús ijxy, chi yaaxɨ, e nɨmay:
\p ―Töxyjäy, tɨ mdzögy.
\p
\v 13 Chi ycɨꞌ cɨjxxajy ma je töxyjäy yjɨɨx, e chi jeꞌ yjɨɨx ytɨɨy, huinꞌit ytɨgɨɨy Dios ojadajtpɨ.
\v 14 Huinꞌit je naymujctac huindzɨn ooy yjotmäty mɨɨd co anajty Jesús jäy tɨ tzoyɨ̈y pocxxɨɨduum. Chi je naymujctac huindzɨn nɨmay ajcxy je mayjäy:
\p ―Jëyɨ tudujc xɨɨ jäy huaad ytuñ, huen miñ semaanjoty pɨn yajtzoyɨ̈huam, caꞌ ypocxxɨɨduumɨty.
\p
\v 15 Chi je huindzɨn Jesús ymɨnañ:
\p ―¡Miich ajcxy naybɨdaacɨp nej tudägyjäy, e caꞌ yjanchɨty! ¿Nej caꞌmiich ajcxy mmɨguejɨ̈y mhuajyuubɨ, etz mburro ma ypëcxtac pocxxɨɨduum, e myajnɨcxy ajcxy nɨɨꞌucpɨ?
\v 16 E jada Abraham yꞌap yꞌoc huɨdi Satanás caꞌ yꞌixmachii majmocxtugɨɨg jɨmɨjt, ¿nej caꞌ ypadyii nyajtzögɨbɨch pocxxɨɨduum?
\p
\v 17 Co Jesús jaduꞌn yꞌadzoy, chi yajtzöyduuñ ymɨdzip. Chi tügꞌócɨy cajpjäy oy ajcxy yjotcugɨɨygɨxy mɨɨd je oybɨ huɨdi Jesús ytuun.
\s Ijxpejt ma je mostaza pájc
\p
\v 18 Chi Jesús ymɨnañ:
\p ―¿Nej mꞌocꞌaꞌɨxɨɨygɨxy yɨ Dios yꞌanéꞌmɨn? ¿Huɨdi mɨɨd nꞌocyajquipxɨ̈huɨbɨch?
\v 19 Jaduꞌn Dios yꞌanéꞌmɨn nipaady nej mostaza pajc huɨdibɨ tüg jäy ñiip ma yꞌaguemy, chi ymujxy etz yeegy ooy janch mɨj, chi je joon ajcxy oy ypeꞌñ pɨdaaccɨxy ma je mostaza quipy aacxy.
\s Ijxpejt ma je levadura caꞌp óyɨty
\p
\v 20 Chi Jesús jadügꞌoc ymɨnañ:
\p ―¿Huɨdibɨ mɨɨd nꞌocyajquipxɨ̈huɨbɨch yɨ Dios yꞌanéꞌmɨn?
\v 21 Jaduꞌn Dios yꞌanéꞌmɨn ni paady nej levadura huɨdi tüg töxyjäy ytijhuɨdijt mɨɨd tugɨɨg quipxɨꞌñ harina ixtɨ coonɨ yajxunday je harina.
\s Je tüꞌaa xützpɨ
\p
\v 22 Co Jesús anajty ñɨcxy jɨm Jerusalén, chi yajꞌixpɨcy anajty Dios yꞌayuc ytɨyꞌajt cajp cajp majaty ñaxy.
\v 23 Chi tüg jäy Jesús amɨdoy:
\p ―Huindzɨn, ¿nej hueenɨ yɨ jäy ajcxy huɨdi yꞌalma nïdzögɨp?
\p Chi Jesús yꞌadzooy:
\p
\v 24 ―Mɨjpɨdaaccɨx Dios ytɨyꞌajt amuumdügjot, jëbɨ ajcxy mꞌalma ñïdzögɨpy, jaduꞌn nipaady nej jäy ajcxy ñaymɨcꞌíjxɨgɨxy co ytɨgɨ̈huaangɨxy ma je tɨjc aguu xützpɨ. Jaduꞌn ɨɨch miich nɨmaayb co mayjäy ooy jaꞌaꞌɨxɨ̈y ytɨgɨ̈huaangɨxy ma Dios yꞌaneꞌmy e caꞌ ajcxy jadɨpy nej ytɨgɨ́ɨygɨxɨpy.
\v 25 Co je codɨjc ypɨdɨ̈gɨpy etz agɨɨyñɨp ytɨjc, huinꞌit miich ajcxy pɨnjaty tɨbäy huɨꞌm, chi jiiby tɨbäy miich ajcxy mmɨnandägɨpy: “Huindzɨn, yajꞌahuädz”, e chi je tɨjc huindzɨn miich ajcxy xyꞌadzohuɨpy: “Caꞌ ɨɨch miich ajcxy nejhuɨ̈yɨch ma miich ajcxy mdzoongɨxy.”
\v 26 Chi huinꞌit miich ajcxy mɨnandägɨpy: “Mɨɨd ɨɨch ajcxy miich tɨ nmɨɨdgaaygɨxy tɨ nmɨɨdꞌuuccɨxy, e miich tɨ myajꞌixpɨcy ma ɨɨch ajcxy ngajp.”
\v 27 Chi je Huindzɨn yꞌadzohuɨpy ajcxy: “Ɨɨch miich ajcxy nɨmayb co caꞌ nnejhuɨ̈yɨch ma miich ajcxy mdzoongɨxy. Jɨhuäccɨx ma ɨɨch nhuinduu, miich ajcxy pocy ytumbɨ.”
\v 28 Chi miich ajcxy jɨm ooy mdájcɨxɨpy mmáygɨxɨpy, myáaxcɨxɨpy mdɨɨtzquéetcɨxɨpy, co miich ajcxy mꞌixɨpy Abraham, Isaac, Jacob etz tügꞌócɨy yɨ Dios yꞌayucnajtzcapxɨɨybɨ jiiby ma Dios yꞌaneꞌmy, e miich ajcxy tɨbäy anajty tɨ mhuɨꞌmgɨxy.
\v 29 Minɨp yɨ jäy ajcxy huɨdibɨ tzoomb ma xɨɨ ypɨdzɨmy, ma xɨɨ ycɨdägy, ma jayhuixtujc ypɨdzɨmy, etz cham ma madzäcruudz ytɨnaayꞌahuɨ̈y, chi yꞌixtáaccɨxɨpy ma je caydac jiiby ma Dios yꞌaneꞌmy.
\v 30 Paady ji jäy ajcxy huɨdi cham axamꞌajtp, jeꞌ ajcxy jayɨjpꞌadɨp, etz ji jäy ajcxy huɨdibɨ cham jayɨjpꞌajtp, etz jeꞌ ajcxy axamꞌadɨp.
\s Jesús taj may mɨɨd Jerusalén ycɨxpɨ
\p
\v 31 Chi nijëjɨty fariseojäy nɨmay Jesús:
\p ―Quëg ya com yɨ rey Herodes xyajꞌögaam.
\p
\v 32 Chi Jesús yꞌadzooy:
\p ―Nɨcx nɨmaaygɨx yɨjiibɨ huaax co nyajpɨdzɨmybɨch caꞌoybɨ etz nyajtzoocypɨch jäy cham etz jabom, codugɨɨg xɨɨ tɨ ndung mayíijɨch.
\v 33 Ooy ycopɨcyɨty co ɨɨch njactüyöyɨbɨch cham, jabom etz huixtɨc. Com ypaadyii co Dios yꞌayuccapxhuäcxpɨ yꞌögɨp ajcxy jɨm Jerusalén.
\p Chi Jesús yjacmɨnaañ:
\p
\v 34 ―¡Jerusalén jáy! ¡Jerusalén jäy! huɨdibɨ yajꞌoꞌcp Dios yꞌayucnajtzcapxɨɨyb ajcxy, etz ycögädz ajcxy je jäy huɨdibɨ Dios tɨ xyajniguéjx ajcxy. Janch canaagꞌoc ɨɨch miich ajcxy njahuijtzmugaꞌñ jaduꞌn nej tzeydaj yꞌung yajmucy queecpätcɨ̈py, chi ni caꞌ jaduꞌn tɨ mꞌaꞌɨxɨɨygɨxy.
\v 35 Chi jadaꞌ ijxcɨx cuendɨtungɨx, com jadachambɨ mgajp yhuɨꞌmy najtzꞌixɨꞌ. Ɨɨch miich ajcxy nɨmayb co caꞌ xyꞌixɨpyɨch jadügtecy, ixtɨ coonɨ anajty tiempo paaty mɨna mmɨnáangɨxɨpy: “Capxpaaty jeꞌ huɨdi miimb mɨɨd Huindzɨnꞌájtɨn Dios ycɨxpɨ.”
\c 14
\s Jesús yajtzögy tüg yëydɨjc quïxypaꞌmmɨɨdpɨ
\p
\v 1 Chi jaduꞌn yjajtɨ co tüg pocxxɨɨduum Jesús ytɨgɨy ycayaꞌñ anajty ma tüg fariseojäy ytɨjc, hueꞌ anajty judío tungmɨɨdpɨ. Chi yɨ judío ixpɨcytɨjc ajcxy tzachꞌixꞌijtcɨxy Jesús, amɨdooꞌijtcɨxy Jesús yꞌayuc.
\v 2 Huinꞌit tüg jäy huɨdibɨ ymɨɨd anajty quïxypaꞌm miiñ ma Jesús yhuinduu.
\v 3 Chi Jesús ymɨgapxɨ jeꞌ ajcxy huɨdibɨ yajꞌixpɨjc Dios ñecy etz yɨ fariseojäy ajcxy, nɨmay:
\p
―¿Nej je Dios ytɨyꞌajt ymɨnañ? ¿Huaad o caꞌ huaad chögy jäy pocxxɨɨduum?
\p
\v 4 Chi ajcxy yꞌamonday. Huinꞌit Jesús cɨ̈nïxajɨɨy je paꞌm jäy, chi yajtzoocy.
\v 5 Chi Jesús nɨmay je fariseos ajcxy:
\p
―¿Nej miich ajcxy pen nɨɨjutcögäp ajcxy mhuajyuubɨ o mburro pocxxɨɨduum, nej caꞌ mɨcꞌamy nɨcxy yajpɨdzɨmgɨxy oy ypocxxɨɨduumɨ?
\p
\v 6 Chi caꞌ ajcxy jajty nej yꞌadzohuimbíjtcɨxɨpy.
\s Je pɨnjaty huodzooñyɨp ma je pɨjcpɨ yajnixɨɨduñyɨ
\p
\v 7 Co Jesús ijxy jaduꞌn nej yɨꞌ ajcxy jacꞌoybɨ ɨñaybejt huinꞌijxcɨxy jɨm ma je caybejt, chi ajcxy tüg ayuc yajnɨmaayɨ, je tɨɨbɨ anajty yajhuomiingɨxy: 
\p
\v 8 ―Co miich myajhuoohuɨpy ma pɨjcpɨ yajnixɨɨduñ, caꞌ mꞌixtägɨpy ma je ɨñaybejt cödumbɨ, caꞌ jécyɨty co yajhuoomiñ huɨdi jeꞌ ɨñaaybejt ymɨhuaad.
\v 9 Chi jadaꞌ xyñɨmähuɨpy je huɨdibɨ anajty tɨ xyhuoomiñ: “Moꞌ jada mɨgüg jada ɨñaaybejt cödumbɨ.” Chi miich tzöyduꞌn mɨɨd mnɨcxpy ma jeꞌ ɨñaybejt axambɨ.
\v 10 Co jäy xyhuohuɨpy ma je pɨ́jcɨn yajnixɨɨduñ, jɨm mꞌixtägɨp ma je axambɨ ɨñaybejt, e co yminɨpy je huɨdibɨ anajty tɨ xyhuomiñ, chi xyñɨmähuɨpy: “Mɨgüg, nax ma yɨ ɨñaybejt cödumbɨ.” Huinꞌit capxpaady mꞌidɨpy ma jeꞌ ajcxy huɨdibɨ anajty ɨñayb ma caybejthuinduu mɨɨd miich.
\v 11 Pɨnjaty cɨꞌm naygömáyɨp, tzöyduꞌnbaadɨp jeꞌ. Pɨnjaty naybɨdaacɨp nicy xeemy jeꞌ jeꞌ capxpaady yꞌidɨp.
\p 
\v 12 Chi Jesús nɨmay pɨnjaty huɨdi anajty tɨ yhuoomiñyii: 
\p
―Co miich mxɨɨduunɨpy caꞌ mhuoohuɨpy je jäy ajcxy huɨdibɨ ooy mɨɨd mnaymɨgügꞌájtɨgɨxy, ni mmɨdügquëx, ni mꞌajuugy mꞌamɨgüg, ni mmɨdɨjc comeeñybɨ, caꞌ jécyɨty co nañ jaduꞌn xyhuohuɨpy, e chi anajty jac mɨj yejc-huimbijty.
\v 13 Co mxɨɨdunɨpy, chi huoohuɨpy ayoobɨtɨjc, tzaachɨ̈jäy ajcxy, tecymätpɨ ajcxy, etz jäy huiintzpɨ.
\v 14 Huinꞌit miich mjotcujcꞌadɨpy co yɨꞌ ajcxy caꞌ jadɨpy nej yejc-huimbidɨpy. Jiinɨ Dios xymɨgüedɨpy co anajty yajjugypɨcy je tudägypɨ jäy ajcxy.
\s Je ijxpejt ma tüg adzuuꞌájtɨn mɨjpɨ
\p
\v 15 Tüg jäy huɨdi anajty ɨñaayb mɨɨd Jesús ma caybejt huinduu co mɨdooy nej Jesús ymɨnañ, chi nɨmay Jesús:
\p
―Jotcujc je jäy ajcxy huɨdi cayɨp jiiby ma Dios yꞌaneꞌmy.
\p
\v 16 Chi Jesús yꞌadzooy:
\p
―Tüg jäy may anajty jäy yajꞌadzuꞌadaꞌñ, chi jayɨjpnɨ oy mayjäy nɨmay co anajty yajꞌadzuuꞌadaꞌñ.
\v 17 Co je adzuuꞌɨ̈bɨ paty, chi quejxy tüg cogapxy huen nɨcxy huoogɨxy je tɨɨbɨ anajty ajcxy yajnɨmäy, nɨmay ajcxy: “Jámgɨx, tɨ jɨm yajniꞌixɨ̈y je caayɨn uucɨn.”
\v 18 Chi ajcxy nidügꞌócɨy ymɨnandacy: “Tun mayꞌajt meecxcɨch, caꞌ yꞌoyɨ̈y nej nyajnɨ́cxɨbɨch.” Chi jeꞌ jayɨjp jäy yꞌadzoy: “Tɨ njuyɨch tüg rancho jeꞌ copɨcy jayɨjp nɨcxy nꞌixyɨch, paady caꞌ nɨcxaꞌñɨch; tun mayꞌajt meecxcɨch.”
\v 19 Chi jadüg jäy ymɨnañ: “Tɨ njuyɨch mɨgoox par huaj yuubɨ, nɨcxy nꞌocꞌijxmadzaꞌñɨch jayɨjp, paady caꞌ yꞌoyɨ̈y nej nɨ́cxɨbyɨch, tun mayꞌajt meecxcɨch.”
\v 20 Chi jadüg jäy ymɨnañ: “Tɨm chamnɨ nbɨcyɨch, paady caꞌ oyɨ̈y nej nɨ́cxɨbyɨch.”
\v 21 Co je cogapxy yhuimbijty, chi yajnɨmay jeꞌ yhuindzɨn jaduꞌn nej je jäy ajcxy yꞌadzooy huɨdi anajty oy tɨ huoy. Huinꞌit je huindzɨn ooy yjotmätcoty, chi nɨmay je ytumbɨ: “Nɨcx tzojcyɨ cajpjoty ma yɨ jäy ajcxy yöygɨxy ñajxcɨxy etz ma yɨ mɨj tü, e chi huomiinɨpy pɨn mdɨmypaatyp ayoobɨtɨjc, yɨ tzaachɨ̈jäy etz huiintzpɨ.”
\v 22 Chi jeꞌ ytumbɨ ymɨnañ: “Huindzɨn, tɨ nduñɨch jaduꞌn nej tɨ xyñɨmäyɨch, etz jac chiinɨ ɨñaybejt.”
\v 23 Chi je huindzɨn nɨmay jeꞌ ytumbɨ: “Nɨcx ma yɨ mɨj nɨɨ mɨj tü yajmin je jäy ajcxy adzip, huen ɨɨch ndɨjc uch.
\v 24 Chi ɨɨch miich nɨmäy co ni tüg yɨ jäy ajcxy huɨdi jayɨjp yajnɨmay, caꞌ ajcxy yꞌadzuuꞌadɨpy mɨɨd ɨɨch.”
\s Nej ooy chípɨty co Cristo nbanɨcxɨm
\p
\v 25 Chi may anajty jäy ñɨcxy mɨɨd Jesús, chi Jesús yhuäc-huimbijty, nɨmay ajcxy:
\p
\v 26 ―Pen ji pɨn xypamiiñɨch, e ooy nïgɨ tzocy yɨꞌ ytaj yteedy, yɨꞌ ytöxyɨjc, yɨꞌ yꞌung, yꞌajch o chɨꞌ, etz nañ ooy nïgɨ tzocy yɨꞌ yjugyꞌájtɨn, caꞌ ɨɨch yɨꞌ huaad ndiscípuloꞌadyiijɨch.
\v 27 Yɨ jäy ajcxy huɨdi xypamiimbɨch huɨdi ɨɨch ndiscípuloꞌadaanɨp, copɨcy yajnaxɨpy ajcxy ayoꞌn, jaduꞌn nipaady nejjɨhuɨ̈y ycruudz tɨ cabɨ̈ccɨxy e nɨcxy yajcruudzpedaꞌñyii.
\v 28 Co miich ajcxy mmɨjtɨjc mgojaꞌñ, chi miich ajcxy jayɨjp mꞌixtaaccɨxy e mꞌaꞌɨxɨɨygɨxy jaduꞌñyɨ meeñydunaangɨxy, nej pen mɨɨd ajcxy huɨdi jëbɨ mɨɨd myajmaaygɨxy je mmɨjtɨjc, o penɨ caꞌ.
\v 29 Caꞌ yjécyɨty co anajty je tɨjc tɨ yajpojtzɨ̈gy, chi anajty caꞌ mꞌocjajtnɨ nej myajmayɨpy, e pɨnjaty anajty tɨ xyꞌixy, chi ooy xyñɨxïgɨpy xyajxïgɨpy.
\v 30 Chi jäy ajcxy ymɨnaꞌnɨp: “Jadayaabɨ yëydɨjc nɨgoo tɨ yajtzondägy tɨjc poch, e caꞌ tɨ ocyajmaayñɨ.”
\v 31 O huɨdi rey ji co chonaꞌñ tziptumbɨ mɨɨd huingbɨ rey, 
¿caꞌ jayɨjp huinmayɨpy pen jëbɨ chiptuñ mɨɨd majc mil jäy, pen je ymɨdzip miimb mɨɨd iipx mil jäy? 
\v 32 Caꞌ yjécyɨty co je tügpɨ rey jɨguemnɨ anajty miiñ, chi quexɨpy tüg huingapxpɨ pɨjctzohuɨpy mayꞌajt caꞌydɨ yɨ tzip yjadyii.
\v 33 Hueñypɨ́nɨty ma miich ajcxy pen caꞌ mꞌixmájtzcɨxy tügꞌócɨy tijaty miich ajcxy mmɨɨd, caꞌ ɨɨch yɨꞌ huaad ndiscípuloꞌadyii.
\s Co je caan ytamtzꞌajt ytɨgooyñɨ
\p
\v 34 Yɨ caan ooy yɨꞌ yꞌóyɨty pen ymɨɨd ytamtzꞌájtɨn. Co je caan ytɨgoy ytamtzꞌájtɨn caꞌ ji ni ti xücxꞌájtɨn yegɨpy.
\v 35 Yɨ caan huɨdi tɨ ytɨgoy ytamtzꞌájtɨn ni caꞌ yꞌoybɨdägnɨty ma je naax, ni ma je püx huɨdi aboonꞌajtp. Hueꞌ janchtɨy yajꞌixjɨdejtp tɨbäy. Pɨnjaty ɨɨch nꞌayuc xymɨdohuaanɨp huen mɨdoꞌmbɨcy.
\c 15
\s Ijxpejt ma je cöbixy huɨdibɨ tɨgooy
\p
\v 1 Chi ajcxy je yajcuejtpɨdɨjc etz pocyjäydɨjc nimɨjhuägtay ajcxy Jesús tzachꞌamɨdooꞌidaanɨ ajcxy jeꞌ yꞌayuc. 
\v 2 Chi ajcxy huɨdi ooy tzachmɨjpɨdägy judíojäy ytɨyꞌajt etz huɨdi ajcxy yajꞌixpɨjc Dios ñecy ameech nigapxcɨxy niꞌojɨɨygɨxy je Jesús, chi ajcxy ymɨnañ:
\p
―Yɨ Jesús pocyjäydɨjc ajcxy ymɨgügꞌajtpy, e yɨꞌ mɨɨd ycaaygɨxy.
\p
\v 3-4 Chi Jesús jadayaabɨ ayuc ajcxy yajnɨmay: 
\p
―Huɨdi jäy ji ma miich ajcxy pen ymɨɨd mɨgoꞌpx cöbixy co ytɨgoy nidügtɨ, ¿nej caꞌ yajhuɨꞌmɨpy je madaꞌpx majmocx mɨdaaxpɨ jɨm ma chɨnaaydac, chi nɨcxy ixtäy huɨdi anajty tɨ ytɨgoy ixtɨ coonɨ paadɨp?
\v 5 Co paadɨp, chi mɨcꞌamy pɨdägɨp ma quejycop janch jotcujc.
\v 6 Co yajjädɨp ma ytɨjc, chi huomucy ymɨgügtɨjc etz ymɨjɨɨn ymɨdɨjc, nɨmähuɨpy ajcxy: “Jotcugɨɨygɨx mɨɨd ɨɨch, tɨ ɨɨch ngöbixy nbaady huɨdi anajty tɨ ytɨgooy.”
\v 7 Ɨɨch miich ajcxy nɨmaayb co nañ jaduꞌn tzajpjoty ooy jotcujcꞌájtɨn nïgɨ mɨɨd co tüg pocyjäy yjothuimbity, caꞌydɨ mɨɨd madaꞌpx majmocx madaax tudägypɨ jäy huɨdi caꞌ ytundɨgoy.
\s Ijxpejt ma je meeñ huɨdibɨ tɨgoy
\p
\v 8 Chi Jesús yjacmɨnañ:
\p
―¿Huɨdi töxyjäy ji pen ymɨɨd majc ymeeñ, co ytɨgooy tüg meeñ, nej caꞌ jɨɨn nöctzohuɨpy, e ytɨgɨ̈huɨpy pedɨ̈gpɨ ixtähuɨpy ymeeñ oñydägy ixtɨ coonɨ paadɨpy?
\v 9 Co paady, chi huomucy ymɨgügtɨjc etz ymɨjɨɨn ymɨdɨjc, e chi nɨmähuɨpy: “Xondaaccɨx mɨɨd ɨɨch, tɨ ɨɨch nmeeñ nbaty huɨdibɨ ɨɨch anajty tɨ nyajtɨgoy.”
\v 10 Jaduꞌn ɨɨch miich ajcxy nɨmäy co nañ jaduꞌn Dios yꞌángeles ajcxy ooy yjotcújcɨty co yjothuimbity tüg pocyjäy.
\s Ijxpejt ma je ung huɨdibɨ ymeeñ yajtɨ̈cxtay
\p
\v 11 Nañ jaduꞌn Jesús yjacmɨnañ:
\p
―Tüg yëydɨjc ymɨɨd anajty metz ymang.
\v 12 Chi je jacmutzpɨ nɨmay yteedy: “Tat, mooygɨch yɨ pɨdägy huɨdi xypaatpɨch.” Chi jeꞌ yteedy je pɨdägy yajhuäcxy.
\v 13 Hueenɨ anajty xɨɨ tzuu cujc ñɨcxy, co jeꞌ ymang mutzpɨ yajmujctay tügꞌócɨy huɨdi yɨ yjëꞌajtpy, chi chooñ ñɨcxy huingnaax huinggajp. Chi jɨm mɨcꞌamy yajtunday yajtɨgoyday tügꞌócɨy huɨdi anajty ymɨɨd.
\v 14 Co anajty ymeeñ tügꞌócɨy yajtundäy, chi miiñ tüg mɨj yuu ma je cajp. Chi ooy je mang mutzpɨ caayɨn uucɨn huit meeñ jayajmayjajtnɨ.
\v 15 Chi jeꞌ ninɨcxy tüg jäy ma je jɨmbɨ naaxjot ymɨdunaꞌñ anajty. Chi yquejxɨ ma yrancho ɨdzɨm cuendꞌajtpɨ.
\v 16 Ooy anajty janijotꞌaty ycüxaꞌñyii mɨɨd je pëtztɨɨm huɨdi anajty ɨdzɨm yꞌojcpy. Chi ni pɨn anajty ni ti ycamöyii.
\v 17 Co yhuinmaꞌñ yajmejch, chi ymɨnañ ma yjot yhuinmaꞌñ: “Jɨm janch maytumbɨ ma ɨɨch ndeedy ytɨjc, ymɨɨd ajcxy jɨɨcxy pɨcy janch mayꞌamy. Ɨɨch ya tzachꞌayoob mɨɨd yuu xɨɨ.
\v 18 Tzonaambɨch ya, nɨcxaꞌñɨch ma ɨɨch ndeedy, nɨmähuɨbɨch: Tat, tɨ ndundɨgóyɨch mɨɨd Dios tzajpjotypɨ etz mɨɨd miich.
\v 19 Cham caꞌ ypadyii miich mɨnaꞌnɨp co miich xyꞌungꞌadyíijɨch. Yajtungɨch jaduꞌn nej mdumbɨdɨjc.”
\v 20 Chi jeꞌ choñ, ñɨcxy ma yteedy. Jeguëgyñɨ anajty ymiñ co yteedy yꞌijxpaatɨ. Chi yteedy ypaꞌayogotɨ, e ñɨcxy poyɨ̈gy oy jɨjpcobadɨ̈y. Chi yögmɨnennajxy etz tzücxy.
\v 21 Chi je ung ymɨnañ: “Tat, tɨ ndundɨgooyɨch mɨɨd Dios tzajpjotypɨ etz mɨɨd miich. Cham caꞌ ypadyii nɨcxy miich mɨnaꞌñ co ɨɨch miich xyꞌungꞌadyii.”
\v 22 Chi je ungdeedy nɨmay jeꞌ ytumbɨ: “Yajpɨdzɨm je huit oybɨ, mɨcꞌamy yajnïjenɨɨygɨx jada nꞌungɨch, chi mooygɨx yɨ cɨ̈jiitz etz ycɨ̈g.
\v 23 Nɨcx yajtzoongɨx yɨ huaj mang nïcxpɨ, yajꞌöccɨx, chi ngaayɨm nꞌuucɨm e nxɨɨduunɨm.
\v 24 Jada nꞌungɨch jaduꞌn nipaady nejjɨhuɨ̈y anajty tɨ yꞌögy, e chi tɨ yjugypɨcy. Tɨgooy yɨꞌ anajty e tɨ yjädy.” Chi ajcxy ooy yjotcugɨɨy.
\p
\v 25 Chi je ymang mɨjpɨ camjoty jeꞌ anajty. Co yjaꞌty mɨhuingon je ytɨjc, chi mɨdoy co jäy ooy yxüxy etz yꞌech.
\v 26 Chi yaaxɨ tüg ytumbɨ yꞌamɨdooy: “¿Ti yɨꞌ túnɨp jájtɨp?”
\v 27 Chi je tumbɨ yꞌadzooy: “Tɨ yjädy mꞌuch, tɨ mdeedy yajꞌögy tüg huaj nïcxpɨ, co ymang tɨ huimbity juugy.”
\v 28 Chi je unggoob ooy yjotmäty, caꞌ anajty ytɨgɨ̈huaꞌñ tɨgoty. Huinꞌit je yteedy ñibɨdzɨmɨ, ycohuanɨɨyɨ co huen tɨgɨ̈y tɨgoty.
\v 29 Chi jeꞌ yꞌadzooy, nɨmay yteedy: “Janch mɨcanaag jɨmɨjt ɨɨch miich mɨɨd nduñ, ni caꞌ ngapxhuimbityɨch. Caꞌ chambaad miich ni xycamooyɨch tüg piꞌccöbixy jaydëb njotcujcꞌadɨpyɨch nxɨɨdunɨpyɨch mɨɨd nmɨgügtɨjcɨch.
\v 30 Per co yɨ mmang tɨ yjädy huɨdi oy tɨ yajtundäy yɨ ymeeñ mɨɨd jɨbɨc-huinmaꞌñ mɨɨd jɨbɨc töxyjäydɨjc ajcxy, chi tɨ myajꞌögy huaj mang nïcxpɨ mɨɨd yɨꞌ ycɨxpɨ.”
\v 31 Chi je ungdeedy nɨmay jeꞌ ymang: “Miich ung huinɨxɨɨ ya mɨɨd nꞌity. Tügꞌócɨy huɨdi nmɨɨdɨch miich yɨꞌ mjeꞌ.
\v 32 Ooy ycopɨ́cyɨty co nxɨɨduunɨm etz njotcugɨɨyɨm, co yɨ mꞌuch jaduꞌn anajty nej tɨ yꞌögnɨ, e jadachambɨ tɨ yjugypɨcy, tɨ anajty ytɨgoy, e cham tɨ yajpaady.”
\c 16
\s Je ijxpejt ma je mayordomo huɨdibɨ caꞌ yhuindzɨn mɨduñ tudägy
\p
\v 1 Nañ jaduꞌn Jesús nɨmay yɨꞌ ydiscípulos:
\p
―Jɨm anajty tügjäy comeeñybɨ, ymɨɨd tüg ytumbɨ huɨdi yɨꞌ ypɨdägy cuendꞌájtɨp. Chi oy nɨmäyii co tüg je ytumbɨ nɨgoo anajty tzachyajtuñ je meeñ ma ycapaadyii.
\v 2 Chi je huindzɨn oy yajhuoyii jeꞌ ytumbɨ, chi nɨmay: “¿Nej jada co ɨɨch jaduꞌn nɨmäyiijɨch mɨɨd miich ycɨxpɨ? Ya yɨ cuentɨ cɨ̈moydaaygɨch nej tɨ mduñ, etz caꞌ ɨɨch miich nꞌocjactumbɨꞌadaanɨn.”
\v 3 Chi je pɨdägy cuendꞌajtpɨ jotꞌajtɨ: “¿Ti ndunɨpɨch? co yɨꞌ nhuindzɨn xyajpɨdzɨmaꞌñɨch ma yɨ ytung. Juttajɨɨ caꞌ njatyɨch, co limosna nbɨjctzohuɨpyɨch tzöydúmbɨch.
\v 4 Nejhuɨɨybɨch ti ndunɨpɨch jaydëb jäy ajcxy xycöbɨgɨpyɨch ma ajcxy ytɨjc.”
\v 5 Chi tüg tüg huoy pɨn anajty mɨnuucxꞌajtp jeꞌ yhuindzɨn; chi yꞌamɨdooy je jayɨjpɨ: “¿Jaduꞌñyɨ miich mɨnuucxyꞌadyii ɨɨch nhuindzɨn?”
\v 6 Chi jeꞌ yꞌadzooy: “Mɨgoꞌpx garafón aceite.” Chi nɨmay: “Matz mnecy, ɨñaꞌ mɨcꞌamy, e cojayɨꞌ huixchiguïpxmajc.”
\v 7 Chi jadüg nɨmay: “¿Miich jaduꞌñɨ mmɨnuucxyꞌadyii?” Chi jeꞌ yꞌadzooy: “Mɨgoꞌpx quipxɨꞌñ trigo.” Chi nɨmay: “Matz mnecy, cojayɨꞌ mɨdaꞌpx.”
\v 8 Chi je pɨdägy huindzɨn capxpaaty je jɨbɨcjäybɨ huɨdi cuendꞌajtp yɨꞌ ypɨdägy co oy yhuinmaꞌñybaady mɨj; co jadachambɨ naaxhuiñyjäy huɨdi caꞌ mɨbɨcy Dios, nïgɨ ajcxy ypëgyɨty mɨɨd yhuinmaꞌñ, caꞌydɨ yɨ jäy ajcxy huɨdi huinjɨhuɨɨyb Dios ytɨyꞌajt.
\p
\v 9 Ɨɨch miich ajcxy yam nɨmaayb mɨgügꞌájtɨgɨxy yɨ jäy ajcxy mɨɨd yɨ meeñ huɨdibɨ caꞌ ytɨmytiijyɨty, jɨgɨx co je meeñ anajty myajmayjajtcɨxy ji pɨn miich ajcxy xycöbɨgɨp ma jugyꞌajttac huinɨxɨɨbɨ.
\p
\v 10 Jeꞌ jäy ajcxy huɨdibɨ yajxon cuydunam je anéꞌmɨn huɨdi hueenɨ, nañ ycuydunamy je anéꞌmɨn huɨdibɨ mɨjɨp. Je jäy ajcxy huɨdibɨ caꞌ cuydunaangɨxy je anéꞌmɨn huɨdi hueenɨ, nañ caꞌ cuydunaangɨxy je mɨjpɨ anéꞌmɨn.
\v 11 Pen caꞌ mjajtcɨxy nej mgüendꞌájtcɨxɨpy yɨ jugyꞌájtɨn huɨdibɨ ya naaxhuiñ yajpatp, ¿pɨn miich ajcxy mꞌocyajmɨhuɨꞌmamy je jugyꞌájtɨn je riqueza oybɨ janchypɨ?
\v 12 Pen caꞌ mjájtcɨxy nej mgüendꞌájtcɨxɨpy tɨɨbɨ mɨhuɨ́ꞌmgɨxy huɨdi huingjäy yjeꞌajtpy, ¿pɨn miich ajcxy xymöhuɨp huɨdibɨ ajcxy yjëꞌajtpy?
\p
\v 13 Ni tüg tumbɨ caꞌ jëbɨ ytuñ mɨɨd metz yhuindzɨn; com tüg jeꞌ ixtijɨpy etz jadüg mɨjnɨcxpedɨpy; o tüg huɨdi ycapxycöbɨgɨpy, etz jadüg caꞌ. Miich ajcxy caꞌ huaad mɨjpɨdägɨpy Dios etz nañ jaduꞌn mɨjpɨdägɨpy yɨ comeeñꞌájtɨn.
\p
\v 14 Nañ jaduꞌn mɨdooy jada ayuc yɨ fariseojäy ajcxy, com ooy anajty ajcxy meeñ adzójccɨxy. Chi ajcxy ooy nɨxiicɨ yajxiicɨ Jesús yꞌayuc.
\v 15 Chi Jesús ymɨnañ:
\p
―Miich ajcxy fariseojäy jaduꞌn mnaybɨdáacɨgɨxy ma jäy ajcxy  yhuinduu nejjɨhuɨ̈y ajcxy ooy mꞌoyjäyɨty. Dios ñejhuɨɨydaayb co miich ajcxy mɨɨd jɨbɨcpɨ ma mjot mhuinmaꞌñ. Tijaty huinmaꞌñ huɨdi jäy ya naaxhuiñ yꞌoyꞌijxyp, Dios caꞌ yɨꞌ oyꞌixy.
\s Je Dios ycötújcɨn etz je Dios yꞌaneꞌmdac
\p
\v 16 Chi Jesús yjacmɨnañ:
\p
―Je taabɨ je Juan anajty yjiijɨty, jiiꞌajtp anajty Moisés ycötújcɨn etz je yꞌayucnajtzcapxɨɨybɨ ajcxy yꞌixpɨ́jcɨn. Huinꞌit tiempo etz ixtɨ jadachambɨ jaduꞌn yajnajtzcapxɨ̈y je Dios yꞌanéꞌmɨn, e mayjäy ooy ñaybɨdáacɨgɨxy co ytɨgɨ̈huaangɨxy ma Dios yꞌaneꞌmy.
\p
\v 17 Caꞌchípɨty co je tzajp etz naaxhuiñybɨ ñajxtähuɨpy, pero je Dios ycuydundähuamy tügꞌócɨy jaduꞌn nej ñecy ymɨnaꞌñ. Ni tügɨ letra oy mabaad ymúdzɨty nɨcxy ycayajcuyduñ.
\s Jesús capxtɨ̈cxy nej ypöcyɨty co jäy ytöxyɨjc ixmach
\p
\v 18 Chi Jesús yjacmɨnañ:
\p
―Huenpɨnjäyɨty co ytöxyɨjc ixmach etz ypɨcy mɨɨd huingbɨ töxyjäy, ooy anajty mɨj pocy tuñ. Nañ huenpɨnjäyɨty huɨdibɨ pɨjcp mɨɨd je töxyjäy huɨdi ñäy tɨ yꞌixmachyii, nañ mɨj anajty ypocytuñ.
\s Je comeeñyjäy etz je Lázaro
\p
\v 19 Chi Jesús yjacmɨnañ:
\p
―Ji anajty tüg jäy comeeñybɨ ñayxoxyii anajty janch ooy mɨɨd oyjatypɨ huit, etz janch oy ycay yꞌügy jabom jabom.
\v 20 Nañ ji anajty tüg ayoobɨ jäy huɨdi limosna pɨjctzoob, hueꞌ anajty yxɨɨ Lázaro. Lázaro jabom jabom anajty ycögnäy ma je comeeñyjäy ytɨjcꞌaguu, janch nïbuutzp anajty ooy.
\v 21 Lázaro ooy anajty janiꞌixy cayaꞌñ je cayduc tzütztuc huɨdibɨ cäb ma je comeeñyjäy ycaybejt. Oy uc anajty ymiiñ yhueyii je ñïbüdz.
\v 22 Chi jaduꞌn yjajtɨ co oy yꞌoꞌcnɨ je jäy huɨdi limosna pɨjctzoob, chi je ángeles ajcxy yajnɨcxy Lázaro ma je Abraham yajpaady. Chi je comeeñybɨ nañ jaduꞌn yꞌoꞌcnɨ, e oy yajnaaxtɨgɨ̈yii.
\v 23 Chi je comeeñybɨ jiiby caꞌoydactuuby tzaachypɨ anajty jɨhuɨ̈y, chi mɨjꞌijxy jɨguëgy je Abraham etz je Lázaro.
\v 24 Chi je comeeñybɨ ycapxy janch mɨc, ymɨnañ: “Apteedy Abraham, ɨɨch paꞌayoog. Tun mayꞌajt quex Lázaro, huen yɨꞌ ycɨ̈huäx yajxoogy mɨɨd nɨɨ etz xyajtɨ́jtzɨbɨch ndootz, co ɨɨch ooy ayoꞌn nbaadyɨch ma jada mɨj jɨɨn.”
\v 25 Chi Abraham yꞌadzooy: “Ocꞌungɨch, ajɨhuɨ̈huɨɨ co tɨ mdzɨnäy tɨ mjugyꞌaty mɨɨd mhuit mmeeñ agujc jotcujc, e yɨ Lázaro ooy ayoꞌn paty. Jadachambɨ Lázaro yjotcujcꞌaty, etz miich jiiby mbatpy tzaachypɨ.
\v 26 E jadügnax, ji tüg mɨj huoc ma ɨɨch ajcxy etz miich ajcxy. Pen ɨɨch jɨmꞌamy janaxam ma miich, caꞌ njadɨpyɨch, nañ jaduꞌn miich ajcxy ni pɨn caꞌ jadɨpy nej ñaxɨpy ma ɨɨch nyajpaadyɨch.”
\v 27 Chi je comeeñybɨ jacnɨmay Abraham: “Apteedy Abraham, tun mayꞌajt quex yɨ Lázaro ma ɨɨch ndeedy ytɨjc.
\v 28 Jɨm ma ɨɨch ndeedy ytɨjc jɨm mɨgoox mɨguëx nmɨ́ɨdɨdyɨch, huen nɨcxy yajmɨɨdmɨydaaccɨxy, caꞌydɨ jeꞌ ajcxy nañ jaduꞌn ya minɨpy ma jada ayoodac.”
\v 29 Chi Abraham yꞌadzooy: “Yɨꞌ ajcxy ymɨɨd necy huɨdibɨ Moisés etz Dios yꞌayucnajtzcapxɨɨybɨ ycojaay, huen cuydungɨxy.”
\v 30 Chi je comeeñybɨ ymɨnañ: “Janch jaduꞌn apteedy Abraham. Pen nidüg yɨ ögpɨ ñɨcxy ma jeꞌ ajcxy, jothuimbidɨp yɨ ajcxy.”
\v 31 Chi Abraham ymɨnañ: “Pen caꞌ jeꞌ ajcxy mɨjpɨdägy Moisés yꞌayuc je jécyɨp etz huɨdi ajcxy jecyꞌajt Dios yꞌayucnajtzcapxɨɨy, nañ ni caꞌ mɨbɨ́jccɨxɨpy pen nidüg ögpɨ yjugypɨcy.”
\c 17
\s Huɨdibɨ ooy ycodzɨgɨ̈jɨty co nꞌagänájxɨm ma pocy
\p
\v 1 Chi Jesús nɨmay yɨꞌ ydiscípulos:
\p
―Janch tɨyꞌajt jaduꞌn co yminɨp jäy ajcxy huɨdi yajhuinmaꞌñydɨgoyɨp yɨ mayjäy ajcxy mɨɨd aanɨɨ. ¡Ay yɨꞌ ayoob ajcxy! pɨnjaty jäy ajcxy yajhuinmaꞌñydɨgoyaangɨxy.
\v 2 Nïgɨ yꞌóyɨty co ixyipy yajyoꞌcxodzɨ̈yii tüg tzaa janch mɨjpɨ, e chi yajcöjɨbijpnaxɨpy mejyjoty, caꞌydɨ co yajhuinmaꞌñydɨgoyɨpy jada jäy ajcxy huɨdibɨ ixpɨ́jcɨn hueenɨ mɨɨd ma Dios ytɨyꞌajt.
\v 3 Naygüendꞌájtɨgɨx miich ajcxy co caꞌ mgapxtɨgóoygɨxɨpy.
\p
Co mꞌuch xymɨdundɨgooyɨpy, e chi mgapxhuíjɨp, e pen jothuimbijt, chi mbocymeecxɨpy.
\v 4 Pen mꞌuch huixtujcꞌoc xymɨdundɨgooy tüg xɨɨbɨ, nañ huixtujc oc xyñimiiñ tüg xɨɨbɨ, e ymɨnaꞌnɨpy: “Tɨ njothuimbityɨch”, huinmeecxɨpy miich yɨꞌ, chi jadaꞌ miich huixtujcꞌoc mbocymeecxɨp.
\s Je mɨbɨ́jcɨn ymɨcꞌajt
\p
\v 5 Chi je apóstoles ajcxy nɨmay je Huindzɨn Jesús: 
\p
―Yajyeeg ɨɨch ajcxy nmɨbɨ́jcɨn.
\p
\v 6 Chi je Huindzɨn Jesús yꞌadzooy:
\p
―Co ixyipy miich ajcxy mmɨbɨcy Dios jaduꞌn nej tüg piꞌc mostaza pajc, e mnɨmaꞌ ixyipy jada paadzɨm quipy: “Nayyajpɨdɨ̈gɨɨ, nɨcx tɨnaꞌ mejyjoty, e xycapxymɨdohuɨp yɨꞌ.”
\s Ti huaad tuñ je pɨn yajcaayb yajꞌuuc
\p
\v 7 Pen ji miich ajcxy nidüg pɨn ymɨɨd tüg ytumbɨ huɨdi tumb ñaaxjɨdzitzɨɨ o yhuaj cuendꞌaty, co yjaꞌty ma mdɨjc, ¿nej jëbɨ nɨmay: “Tɨgɨꞌ, ixtäg ma mesa etz adzuꞌat?”
\v 8 Hueꞌ janchtɨy mnɨmähuɨpy: “Yajꞌoyɨ́ɨyɨgɨch nꞌadzuuꞌɨ̈bɨ, coꞌamedɨꞌ mhuit, e xymooygɨch ngaayɨn nꞌuucɨn. E huinꞌit miich mgayɨpy mꞌügɨpy.” 
\v 9 ¿Nej yajnaxɨpy jeꞌ Dioscojuyip mɨɨd co jeꞌ anajty tɨ tuñ huɨdibɨ yajꞌaneꞌmy? Ɨɨch mɨnamb co caꞌ.
\v 10 Nañ jaduꞌn miich ajcxy co tɨ mguydungɨxy tügꞌócɨy tɨɨbɨ Dios xyajꞌaneꞌmgɨxy, chi mmɨnáangɨxɨpy: “Jeꞌ ɨɨch ajcxy je tumbɨ huɨdibɨ caꞌp ycapxpaadyɨty, jëyɨ tɨ ndúngɨxɨch huɨdibɨ ɨɨch ajcxy huaad ndungɨxy.”
\s Jesús yajtzögy majc jäy jɨbɨc pützpaꞌmmɨɨdpɨ
\p
\v 11 Nɨcxp jɨm Jerusalén anajty Jesús, chi ñaxɨy ma Samaria etz Galilea ñaymɨdzɨbaꞌnꞌájtɨgɨxy.
\v 12 Co anajty mɨhuingoñ tüg cajp, chi jɨjpcoyöyɨɨy majc jäy pützpaꞌmmɨɨdpɨ. Chi ajcxy yhuäcxɨjpy jɨguëgyñɨ.
\v 13 Chi ajcxy mɨc ycapxcoody ymɨnaangɨxy:
\p
―Huindzɨn Jesús, paꞌayoog ɨɨch ajcxy.
\p
\v 14 Co Jesús jeꞌ ajcxy ijxy, chi nɨmay ajcxy: 
\p
―Nɨcx nayguëxɨ̈cɨgɨx ma yɨ teedy ajcxy.
\p
Chi jaduꞌn yjajtɨ, co ajcxy ñɨcxy, chi tüyöyjoty oy chooccɨxy.
\v 15 Nidügtɨ jeꞌ ajcxy co ñayꞌijxɨ co tɨ anajty chögy, chi nihuimbijty Jesús, ooy Dios jäymech cömay janch cɨxyjot huinɨjot.
\v 16 Chi jeꞌ ycojxtɨnayꞌahuɨɨy ma Jesús ytecymɨjc, chi pɨdacpy yhuiñyjɨjp naaxcɨ́xy yajnaxy Dioscojuyipy. Samaritanojäy jeꞌ anajty.
\v 17 Chi Jesús ymɨnañ: 
\p
―¿Nej caꞌ nimajc miich ajcxy huɨdi tɨ mdzooccɨxy? ¿Ma ajcxy jeꞌ janidaxtujcpɨ?
\v 18 ¿Nej caꞌ pɨn jac yhuimbijty miiñ jäymedzaꞌñ cömayaꞌñ Dios, jëyɨ tügpajc tɨ yhuimbity jada samaritanojäy?
\p
\v 19 Chi Jesús nɨmay je jäy:
\p
―Pɨdɨ̈g, nɨcxnɨ. Yɨ mmɨbɨ́jcɨn tɨ xyajtzögy.
\s Nej jeꞌ yminɨpy Dios yꞌanéꞌmɨn
\p
\v 20 Chi je fariseojäy ajcxy yꞌamɨdooy Jesús mɨna anajty yɨ Dios ya miñ ya naaxhuiñ yꞌaneꞌmaꞌñ. Chi Jesús yꞌadzooy:
\p
―Je Dios yꞌanéꞌmɨn caꞌ jeꞌ yminɨpy jaduꞌn nej ti yajꞌixy o yajmɨdoy.
\v 21 Ni mgamɨnáangɨxɨpy co cha jeꞌ o jɨmꞌamy jeꞌ. Dios yꞌanéꞌmɨn ya jeꞌ cham ma miich ajcxy.
\p
\v 22 Chi Jesús nɨmay yɨꞌ ydiscípulos ajcxy:
\p
―Miim je xɨɨ je tiempo ma miich ajcxy anajty ooy xyjamɨɨdꞌidáangɨxɨch tüg xɨɨ, e caꞌ ɨɨch miich ajcxy xyꞌixɨpy, ɨɨch je jäy huɨdi tzoon tzajpjoty.
\v 23 Chi jäy ajcxy ymɨnáꞌnɨp: “Chaaꞌamy jeꞌ, je Cristo”, o “Chɨmꞌamy jeꞌ.” Caꞌ miich ajcxy yɨꞌ mninɨ́cxcɨxɨpy, e ni mgabanɨ́cxcɨxɨpy.
\v 24 Co anajty nmiñɨch jadügtecy ya naaxhuiñ, ɨɨch, je jäy huɨdi tzoon tzajpjoty, co ɨɨch anajty nmɨmiñ nꞌanéꞌmɨn, jaduꞌn jeꞌ yjadɨpy nej huɨdzuc co yꞌaaꞌan ma tüg tzajpꞌɨjx e nañ jaduꞌn yꞌaaꞌan jadüg tzajpꞌɨjx.
\v 25 Nañ ooy ycopɨ́cyɨty co jayɨjp ocpáadɨbɨch ayoꞌn, e chi jada xycaꞌixaꞌnɨbɨch xycatzogaꞌnɨbɨch yɨ jäy ajcxy huɨdi tzɨnaayb jugyꞌajtp jadachambɨ tiempo.
\v 26 Com jaduꞌn nej yjajtɨ jecyꞌajty, co je Noé chɨnaay, nañ jaduꞌn yjadɨpy co anajty ɨɨch, je jäy huɨdi tzoon tzajpjoty, co anajty nxɨɨ ndiempo paty mɨna anajty nmiñɨch aneꞌmbɨ.
\v 27 Janch caayb janch uucp anajty je jäy ajcxy agujc jotcujc co je Noé ytɨgɨɨy ma ymɨjcajoon. Chi je ayoꞌnduu ymiñ huɨdi cɨjx yajꞌögtɨgoydäy je mayjäy.
\v 28 Nañ jaduꞌn yjajtɨ jecyꞌajty co Lot chɨnaay. Je jäy ajcxy jɨm Sodoma etz Gomorra ycaaygɨxy yꞌuuccɨxy yjuuygɨxy ytooccɨxy, etz ytɨjccojcɨxy.
\v 29 Huinꞌit xɨɨ co Lot choonɨ jɨm Sodoma, chi ycäy tzajpjoty jɨɨn etz huɨdi jɨndzaa mɨɨd conhuɨdity ytoy, chi cajp ytɨgoyday.
\v 30 Jaduꞌn nej ayoꞌn yjajtɨ taabɨ chɨnaay Noé etz Lot ya naaxhuiñ, nañ jaduꞌn yjadɨɨyb ayoꞌn co anajty nmiiñɨch jadügꞌoc ya naaxhuiñ, ɨɨch je jäy huɨdi tzoon tzajpjoty.
\p
\v 31 Je huinꞌit xɨɨ huinꞌit tiempo pɨn anajty ɨñaayb ma ytɨjccop, e ymɨɨd anajty ypɨdägy jiiby tɨgoty, caꞌ nimɨnagɨpy nɨcxy ti yajpɨdzɨmy, e huɨdi jäy anajty jɨm camjoty nañ ni caꞌ yhuimbidɨpy ma ytɨjc.
\v 32 Ajɨhuɨɨygɨx jaduꞌn nej Lot ytöxyɨjc ayoꞌn paty.
\v 33 Tügꞌócɨy jäy ajcxy pɨnjaty yjugyꞌajt tzögam, tɨgoyɨpy yjugyꞌajt. Tügꞌócɨy jäy ajcxy pɨnjaty yjugyꞌajt tɨgooyb (mɨɨd ɨɨch ycɨxpɨ), hueꞌ jeꞌ yjugyꞌajt ypaadɨpy chögɨpy.
\p
\v 34 Ɨɨch miich ajcxy nɨmaayb co je huinꞌit coodz nimetz jäy anajty ajcxy ma cɨjx, tüg yajnɨcxɨɨyb etz jadüg yajhuɨꞌmɨɨyb.
\v 35 Nimetz töxyjäy anajty yjɨjtzcɨxy, tüg yajnɨcxɨɨyb, etz jadüg yajhuɨꞌmɨɨyb.
\v 36 Nimetz yëydɨjc anajty ytungɨxy camjoty, tüg yajnɨcxɨɨyb etz jadüg yajhuɨꞌmɨɨyb.
\p
\v 37 Chi je jäy ajcxy huɨdi ixpɨjcp Jesús yꞌayuc ymɨnañ ajcxy:
\p
―¿Ma jaduꞌn yjadɨɨyb nej miich tɨ mɨnaꞌñ, Huindzɨn?
\p
Chi Jesús ymɨnañ:
\p
―Ma anajty je ögpɨ yajpaady, jɨm yɨ luud ajcxy ñïmugaꞌñ.
\c 18
\s Je ijxpejt ma je ayoobɨtöxyjäy etz je juez
\p
\v 1 Chi Jesús yajnɨmay ajcxy tüg ayuc huɨdijaty ixpɨjcp ma yɨꞌ co ooy ycopɨ́cyɨty Dios nmɨbɨjctzoohuɨm jabom jabom, ni caꞌ nmɨdzijpɨm.
\v 2 Chi Jesús ymɨnañ:
\p
―Ji anajty tüg juez ma tüg cajp, ni Dios anajty caꞌ tzɨgɨ̈y, etz ni jäy ajcxy anajty caꞌ huindzɨgɨ̈y.
\v 3 Nañ ma je cajp jɨm anajty tüg coꞌögy ytöxyjäy. Jeꞌ anajty yminög janam jadzojc ma je juez, nɨmäy anajty: “Nihuaangɨch ma je nmɨdzipɨch.”
\v 4-5 Chi je codung caꞌ coꞌadzoy caꞌ aꞌɨxɨy tzojc. Chi je juez jotꞌajtɨ, ymɨnañ jotjoty huinmaꞌñyjoty: “Oy Dios caꞌ ndzɨgɨ̈yɨch, ni jäy caꞌ nhuindzɨgɨ̈yɨch, per com jada coꞌögytöxyjäy nïgɨ xychachꞌamayɨ̈yɨch, miñ nꞌocnihuaꞌñɨch, caꞌydɨ jadügꞌoc ymiñ e xyajcɨjxɨch anajty nmecxtújcɨn.”
\p
\v 6 Chi je Huindzɨn Jesús ymɨnañ:
\p
―Mɨdoꞌmbɨc miich ajcxy nej je juez jɨbɨcjäybɨ tɨ nihuañ je töxyjäy co anajty tɨ yajtzibyii.
\v 7 ¿Nej caꞌ Dios ñihuaanɨp yɨ huɨdibɨ tɨ huinꞌixy, huɨdibɨ mɨbɨjctzoob xɨɨm tzuum? ¿Huäcxɨbɨp, nɨcx caꞌ tzojc adzooyɨ?
\v 8 Ɨɨch miich ajcxy nɨmaayb co Dios ñihuänamy mɨcꞌamy yɨꞌ yjäy. Co anajty nhuimbity ya naaxhuiñ, ɨɨch, je jäy huɨdi tzoon tzajpjoty, ¿nej nbáadɨbɨch mɨbɨ́jcɨn ya naaxhuiñ?
\s Je ijxpejt ma je fariseo etz ma je yajcogüejtpɨ
\p
\v 9 Jesús ñimɨydac je jäy ajcxy huɨdi cɨꞌm ooy ñaygömayyii co ooy yꞌoyjäyɨty, etz pejxy yɨ jacjadyiibɨ jäy ajcxy, chi yajnɨmay ajcxy tüg jɨhuimbit ayuc:
\p
\v 10 ―Mejtz jäy ajcxy ytɨgɨɨy ma Dios ytɨjc capxtacpɨ. Tüg hueꞌ jeꞌ fariseojäy, e jadüg yajcogüejtpɨ.
\v 11 Chi je fariseojäy ytɨnayꞌahuɨɨy ycapxtägy, chachmɨnaꞌñ jaduꞌn: “Dios Teedy, Dioscojuyip yajnajxpɨch com co caꞌ ɨɨch nbocytuñɨch jaduꞌn nej jacjadyii jäy ypocytúnngɨxy, caꞌ nmeechɨch, caꞌ njɨbɨcjäyɨdyɨch, caꞌ nmɨgapxɨch huingjäy ytöxyɨjc, caꞌ nbocytuñɨch jaduꞌn nej jada yajcogüejtpɨ.
\v 12 Mejtz xɨɨ nꞌityɨch jaygay tügpɨ semaan. Chi huen ytɨm ti nmɨɨdɨch ngüejtpyɨch ma Dios majcjaty.”
\v 13 Per je yajcogüejtpɨ jɨguem ytɨnayꞌahuɨɨy, ni ycapätꞌixy tzajpcɨjx, jëyɨ ycaachtzachcoxy ymɨnaꞌñ: “Dios Teedy, paꞌayoogɨch, ɨɨch pocyjäyɨch.”
\v 14 Ɨɨch miich ajcxy nɨmaayb co jada yajcogüejtpɨ yꞌidacy ma ytɨjc tɨ anajty yajhuinmecxy ypocy, e je fariseojäy caꞌ yajpocyhuinmecxy. Huenpɨ́nɨty huɨdi cɨꞌm naygömayɨpy, Dios yajtzöydunɨɨb; e pɨnjaty caꞌ ñaygömayyii cɨꞌm, Dios ycömayɨɨb.
\s Jesús conucxy je piꞌctɨjc ajcxy
\p
\v 15 Chi jäy ajcxy mɨɨdmiñ piꞌcꞌanäg ma Jesús huen nïdoñyii. Co jeꞌ ydiscípulos ajcxy ijxy, chi ajcxy ojy ungdaj.
\v 16 Chi Jesús yaaxɨ ymɨgügtɨjc nɨmay ajcxy:
\p
―Ixmatz, huen yɨ piꞌctɨjc xyñimiñɨch, caꞌ ajcxy mjɨjpcogapxɨɨygɨxy, com yɨ jäy ajcxy huɨdibɨ yajpatp ma Dios yꞌanéꞌmɨn, jaduꞌn ajcxy nipaady nej piꞌctɨjc.
\v 17 Janch ɨɨch miich ajcxy nɨmäy co hueñypɨ́nɨty huɨdi caꞌ cöbɨjcɨ yɨ Dios yꞌayuc ytɨyꞌajt jaduꞌn nej yɨ piꞌctɨjc ajcxy cöbɨjcy Dios yꞌayuc ytɨyꞌajt, caꞌ yɨꞌ ajcxy ytɨgɨ̈huɨpy ma Dios yꞌanéꞌmɨn.
\s Tüg comeeñꞌanäg ymɨydägy mɨɨd Jesús
\p
\v 18 Chi tüg mɨcjäy yꞌamɨdooy Jesús, nɨmay: 
\p
―Miich oyjäybɨ Huindzɨn, ¿ti huaad nduñɨch co ɨɨch nꞌalma nïdzoocɨn paadɨpy?
\p
\v 19 Chi Jesús yꞌadzooy:
\p
―¿Nej co xytíjɨch oyjäy? Ni pɨn ya ycaꞌoyjäyɨty, jeꞌyɨ Dios tügpajc yꞌoyjäyɨty.
\v 20 Miich mnejhuɨɨyb yɨ Dios ycötújcɨn. Caꞌ mmɨgapxtɨgoyɨpy huingbɨ töxyjäy, caꞌ jäyyajꞌögɨpy, caꞌ mmeedzɨp, caꞌ mmɨgüg nïhuambedɨpy, yajmɨjꞌat mdaj mdeedy.
\p
\v 21 Chi jeꞌ yꞌadzooy:
\p
―Tɨ tügꞌöcɨy nguydundäyɨch jada cötújcɨn maabɨ nyeecpɨdzɨmyɨch.
\p
\v 22 Co Jesús jaduꞌn mɨdooy, chi nɨmay:
\p
―Tɨgoyꞌijtnɨ ja tüg huɨdi caꞌ mduñɨ. Tooctaꞌ tügꞌócɨy tijaty miich mɨɨd, e moꞌ je meeñ ayoobtɨjc, huinꞌit mgomeeñꞌadɨpy jiiby tzajpjoty; miin, e pajamgɨch.
\p
\v 23 Co je comeeñybɨ jaduꞌn ayuc mɨdoy, chi ooy yjottɨgoygoty com ooy anajty ycomeeñɨty. 
\v 24 Co Jesús ijxy co je comeeñybɨ anajty tɨ yjotmaybɨcy, chi mɨnañ:
\p
―Ooy chachchípɨty ytɨgɨ̈huɨpy tüg comeeñyjäy ma Dios yꞌanéꞌmɨn.
\v 25 Jac caꞌ chípɨty co ñaxɨpy tüg camello ma yɨ xuꞌñ yxútɨty, caꞌydɨ co tüg comeeñyjäy ytɨgɨ̈huɨpy ma Dios yꞌanéꞌmɨn.
\p
\v 26 Chi je jäy ajcxy anajty tɨɨbɨ ajcxy mɨdoogɨxy Jesús yꞌayuc, ymɨnaangɨxy:
\p
―¿Pɨn jadaꞌ jëbɨ yꞌalma paadɨpy nïdzoocɨn?
\p
\v 27 Chi Jesús yꞌadzooy:
\p
―Huɨdibɨ naaxhuiñyjäy ajcxy caꞌ jaty nej yajꞌoyɨ̈huɨpy, Dios jëbɨ yajꞌoyɨ̈y.
\p
\v 28 Chi Pedro ymɨnañ:
\p
―Ɨɨch ajcxy tɨ nbɨdägy nꞌixmajtztaaygɨxy, co nbanɨcxaangɨxy.
\p
\v 29-30 Chi Jesús yꞌadzooy:
\p
―Janch ɨɨch miich ajcxy nnɨmaaygɨxy co yɨ jäy ajcxy huɨdi ytɨjc ixmajtz etz ytaj yteedy, ymɨguëx, etz yꞌung yꞌanäg mɨɨd Dios yꞌanéꞌmɨn ycɨxpɨ, ypáadɨpy ajcxy ya naaxhuiñ nïgɨ oyꞌájtɨn, etz ypaadɨpy ajcxy tzajpjoty tzɨnaayɨn huɨdi caꞌ ycɨxɨpy ytɨgoyɨpy nimɨna.
\s Jesús capxypɨdzɨmy jadügꞌoc co yꞌögaꞌñ
\p
\v 31 Chi Jesús huodzon je nimajmetzpɨ, nɨmay ajcxy:
\p
―Jadachambɨ tzoc jámɨm jɨm Jerusalén. Nguydunaamyɨch tügꞌócɨy jaduꞌn nej yɨ Dios yꞌayucnajtzcapxɨɨybɨ ajcxy jaybejty jecyꞌajty mɨɨd ɨɨch ycɨxpɨ, ɨɨch, je jäy huɨdi tzoon tzajpjoty.
\v 32 Chi nyajcɨ̈yegaꞌñɨch ma je romano gobernador, xycamɨjꞌixɨpy xycamɨjpɨdägɨbɨch ajcxy. Xyꞌójɨbɨch xyhuindzújɨbɨch xyjɨjptzújɨbɨch ajcxy.
\v 33 Xychaachytunɨpyɨch ajcxy, xyajꞌögɨbɨch ajcxy, e codugɨɨg xɨɨ njugypɨgɨpyɨch jadügꞌoc.
\p
\v 34 Chi yɨ majmetzpɨ ajcxy ni jaduꞌñyɨ caꞌ huinjɨhuɨɨy ajcxy nej yhuimbɨdzɨmy Jesús yꞌayuc. Yüch anajty jada ayuc mɨɨd yɨꞌ ajcxy ycɨxpɨ, paady caꞌ huinjɨhuɨɨy nej anajty yajnɨmaaygɨxy.
\s Jesús yajhuindɨcxɨ̈gy tüg huintzpɨ jɨm Jericó
\p
\v 35 Chi jaduꞌn yjajtɨ co Jesús mɨhuingoñ je cajp huɨdi yxɨɨ Jericó, chi tüg huintzpɨ anajty ɨñäy tübaꞌáy pɨjctzoy anajty limosna.
\v 36 Co mɨdooy mayjäy ñaxy, chi jeꞌ yajtɨy:
\p
―¿Pɨn yɨꞌ ñajxp?
\p
\v 37 Chi ajcxy nɨmay co Jesús nazareno najxp.
\v 38 Huinꞌit je huintzpɨ mɨc ymɨnañ:
\p
―Jesús, David yꞌap yꞌoc, ɨɨch paꞌayoog.
\p
\v 39 Je jäy ajcxy huɨdi anajty jayɨjp nɨcxp ooy ojy je huintzpɨ, nɨmay co huen amoñ. E jeꞌ nïgɨ mɨc ymɨnanꞌɨdɨ̈ch:
\p
―David yꞌap yꞌoc, ɨɨch paꞌayoog.
\p
\v 40 Chi Jesús ytɨnayxɨjpy oy yajhuoyii. Co jeꞌ jɨm ymejch, chi amɨdoy, nɨmay:
\p
\v 41 ―¿Ti mdzojcpy ndunɨpyɨch mɨɨd miich?
\p
Chi jeꞌ yꞌadzooy:
\p
―Huindzɨn, yajhuindɨcxɨ̈ccɨch.
\p
\v 42 Chi Jesús mɨnañ:
\p
―Huindɨcxɨ̈g, yɨ mmɨbɨ́jcɨn tɨ xyajtzögy.
\p
\v 43 Chi je huintzpɨ mɨcꞌamy yhuin yꞌijxɨ̈gy, chi panɨcxy Jesús, chi ooy jäymejch cömay yɨ Dios. Cham tügꞌócɨy je cajp jäy co ajcxy jaduꞌn ijxy, nañ ycömay yjäymejtz yɨ ajcxy Dios.
\c 19
\s Jesús mɨɨd Zaqueo
\p
\v 1 Co Jesús ytɨgɨɨy jɨm Jericó, ñajxy cajpcujc anajty.
\v 2 Chi jaduꞌn yjajty jɨm anajty tüg jäy hueꞌ anajty yxɨɨ Zaqueo. Hueꞌ jeꞌ anajty yajcogüejtpɨ huindzɨn, e comeeñ anajty.
\v 3 Ooy yɨꞌ anajty tzachꞌixaꞌñ Jesús, nejhuɨ̈huaꞌñ pɨn jäy jeꞌ, chi caꞌ jajty nej ixɨpy, jeꞌ co anajty ñaxɨty, etz co anajty ooy mayjäy jɨm. 
\v 4 Chi jeꞌ ñɨcxy poyɨ̈gy jayɨjp, chi ypejty ma tüg sicómoro quipy, ycoꞌijxnaxaꞌñ co anajty Jesús jɨm ñaxy.
\v 5 Co Jesús jɨm ymejch, chi pätꞌijxy je Zaqueo, e nɨmay:
\p
―Zaqueo, tzojc mɨnac, com copɨcy co nɨcxy njättägaꞌñɨch ma mdɨjc.
\p
\v 6 Chi jeꞌ ymɨnajty janch jottɨgoy, e jotcujc cöbɨjcy Jesús.
\v 7 Co jaduꞌn ijxy, chi je mayjäy ajcxy nigapxy niꞌojɨɨygɨxy Jesús, ymɨnaangɨxy:
\p 
―Tɨ ñɨcxy jättacpɨ ma tüg pocyjäy ytɨjc.
\p
\v 8 Chi Zaqueo ytɨnayɨ̈gy, nɨmay Jesús:
\p
―Huindzɨn Jesús, cha jeꞌ je njugyꞌajtɨch huɨdi cup nbɨjc-huäcxaamyɨch nmöhuaꞌñɨch ayoobɨtɨjc. Pen tɨ ɨɨch nyajcuejtnaxy, nyajhuimbidɨpyɨch mɨdaax jaduꞌñyɨ.
\p
\v 9 Chi Jesús ymɨnañ:
\p
―Jadachambɨ jada jäy ma jadayaabɨ tɨjc tɨ yꞌalma ñïdzögy, com co yɨꞌ nañ jaduꞌn Abraham yꞌapꞌadyii yꞌocꞌadyii.
\v 10 Ɨɨch, je jäy huɨdi tzoon tzajpjoty, tɨ nmiiñɨch ya naaxhuiñ co nꞌixtähuɨbɨch etz nyajnïdzögɨbɨch tɨɨbɨ anajty ytɨgooy.
\s Je ijxpejt ma je majcɨ meeñ
\p
\v 11 Co je jäy ajcxy mɨdooy jaduꞌn, chi Jesús jacyajnɨmay ajcxy tüg ayuc, com ytɨmymɨhuingónɨp anajty Jerusalén, etz je jäy ajcxy tzachhuinmaaygɨxy co Jesús mɨcꞌamy anajty pɨdägaꞌñ yꞌanéꞌmɨn.
\v 12 Chi Jesús ymɨnañ:
\p
―Tüg mɨcjäy, comeeñyjäy anajty, ñɨcxy ma tüg naaxjot jɨguembɨ, nɨcxy anajty ytungbɨcy co yreyꞌadaꞌñ, e chi anajty yhuimbidaanɨ.
\v 13 Chi je mɨcjäy mɨjhuooy nimajc ytumbɨ, chi moy ajcxy majc meeñ nidüg nidüg, chi ajcxy nɨmay: “Meeñ yajꞌungꞌájtcɨx ji ixtɨ coonɨ ɨɨch anajty nhuimbityɨch.”
\v 14 Chi je ymɨgogajp ajcxy caꞌ anajty ixaꞌñyii ajcxy je comeeñybɨ, chi ajcxy yajpaguejxy huingapxpɨ ma anajty je comeeñybɨ ñɨcxy, chi je huingapxpɨ ymɨnañ: “Caꞌ ɨɨch ajcxy ndzocy co jada comeeñyjäy reyꞌadɨpy ma ɨɨch ajcxy.”
\v 15 Chi jaduꞌn yjajty co je comeeñyjäy yhuimbijty tɨ anajty yreytɨgɨ̈y. Chi oy yajhuoyii je ytumbɨ ajcxy, je huɨdi anajty je meeñ tɨ yajmɨhuɨꞌmgɨxy, nejhuɨ̈huaꞌñ anajty jaduꞌñɨ tɨ yajꞌungꞌajtcɨxy je meeñ nidüg nidüg.
\v 16 Chi tüg jayɨjp ymiñ ymɨnañ: “Huindzɨn, yɨ meeñ majcjaduꞌñɨ tɨ nyajꞌungꞌatyɨch.”
\v 17 Chi je rey yꞌadzooy: “Ooy miich oy mduñ. Jaduꞌn nej tɨ mgapxycöbɨcy mɨɨd huɨdi hueenɨ, cham mꞌanéꞌmɨpy majc ciudad.”
\v 18 Chi je mɨmetzpɨ ymiiñ, ymɨnañ: “Huindzɨn, yɨ mmeeñ mɨgoox jaduꞌñyɨ tɨ nyajꞌungꞌatyɨch.”
\v 19 Chi je rey nɨmay je mɨmetzpɨ: “Cham mꞌaneꞌmɨpy mɨgoox ciudad.”
\v 20-21
Chi je mɨdugɨɨgpɨ ymiñ, ymɨnañ: “Huindzɨn, cha je mmeeñ huɨdi tɨ nmɨꞌityɨch, tɨ nyujcpɨcyɨch ma tüg paayɨ. Ndzɨgɨɨybɨch miich co miich mjäyꞌaty ahuaꞌñ, myajpɨdɨ̈gtäy huɨdi caꞌ mjëꞌadyii, nañ mdzijcpy huɨdi caꞌ tɨ mnïpy.”
\v 22 Chi je rey ymɨnañ: “Miich jɨbɨc tɨ mduñ, cham ndɨydunaꞌñ mɨɨd mgɨꞌmꞌayuc ycɨxpɨ. Miich mnejhuɨyb co nyajpɨdɨ̈gyɨch huɨdi caꞌ njëꞌadyiijɨch, e ndzicyɨch huɨdi caꞌ tɨ nnïbyɨch.
\v 23 ¿Nej co caꞌ tɨ mbɨdägy ɨɨch nmeeñ ma je banco, jɨgɨx co ixyipy nhuimbityɨch, may meeñ ixyipy xycɨ̈dɨgɨ̈yɨch mɨɨd meeñꞌung?”
\v 24 Chi je rey nɨmay huɨdi anajty ajcxy jɨ́mɨp: “Pɨjcɨ ajcxy yɨꞌ ymeeñ, etz mooygɨxy yɨꞌ tɨɨbɨ meeñ yajꞌungꞌaty majc jaduꞌñyɨ.”
\v 25 Chi je jäy ajcxy yꞌadzooy: “Huindzɨn, ymɨɨd yɨꞌ cham majc jaduꞌñyɨ meeñ.”
\v 26 Chi je rey yꞌadzooy: “Ɨɨch mɨnaam co tügꞌócɨy pɨnjaty mɨɨd, jacyajmöhuɨp; e huɨdi caꞌ ti mɨɨdɨty, oy jamɨɨdɨty yajpɨjctähuɨp huɨdi ymɨɨd.
\v 27 Nañ jaduꞌn ajcxy je nmɨdzipɨch huɨdi caꞌ anajty tzojccɨxy co ɨɨch nreyꞌadɨpyɨch ma yɨꞌ ajcxy, yajmiingɨx ya, yoꞌcpujxtutaaygɨx ma ɨɨch nhuinduu.”
\s Jesús ytɨgɨɨy Jerusalén
\p
\v 28 Co Jesús jaduꞌn ymɨnanday, chi choñ jɨm, ñɨcxy Jerusalén. Jesús jayɨjp anajty ytüyöy ma je mayjäy.
\v 29-30 Jaduꞌn yjajty co jɨm yjaꞌty mɨhuingon Betfagé etz Betania ma je cop huɨdi yxɨɨ Olivos, chi Jesús quejxy metz ydiscípulos, nɨmay ajcxy:
\p
―Nɨ́cxcɨx ma yɨjiibɨ cajp huɨdi ji huingon. Co ajcxy mgajptugɨ̈huɨp mbáatcɨxɨpy tüg burro mang ycoxochɨty, huɨdi caꞌ ni pɨn yajꞌɨñaayñɨ. Mgoguejtúutcɨxɨpy, etz mmɨmíingɨxɨpy.
\v 31 Pen jɨm pɨn xyꞌamɨdoogɨxy, ¿nej co yɨ burro mgoguejtüdy?  Chi ajcxy jaduꞌn mꞌadzohuɨpy: “Je nhuindzɨnɨch jɨm tzojcp.”
\p
\v 32 Chi jeꞌ ajcxy ñɨcxy huɨdi Jesús yquejx. Chi ajcxy paty je burro jaduꞌn nej Jesús anajty ajcxy tɨ ñɨmäyii.
\v 33 Jɨm anajty ajcxy je burro mang coguejtuutcɨxy, co ñihuindzɨn ñɨmaayɨ ajcxy:
\p
―¿Nej co yɨ burro mang mgoguejtuutcɨxy?
\p
\v 34 Chi jeꞌ ajcxy yꞌadzooy:
\p
―Je nhuindzɨnɨch jɨm tzojcp.
\p
\v 35 Chi ajcxy huijtz miñ je burro ma Jesús. Chi ajcxy jɨbeꞌñ mɨɨd yhuit, chi ajcxy Jesús yajburrɨpejty.
\v 36 Co Jesús anajty ytüyöy, chi je mayjäy ajcxy yhuit yéꞌpcɨxy tügujc.
\v 37 Co ajcxy mɨhuingoñ je mɨnac ma je cop huɨdi yxɨɨ Olivos, chi tügꞌócɨy je mayjäy yjotcugɨyday, e ytɨgɨɨy ajcxy ooy alabanza ɨɨbɨ Dios ojadajtpɨ mɨɨd je mɨj huinmaꞌñ ycɨxpɨ co anajty tɨ íjxcɨxy huɨdi anajty Jesús tɨ tuñ.
\v 38 Chachmɨnaangɨxy:
\p
―¡Capxpaady je rey huɨdi miimb mɨɨd Huindzɨn Dios yxɨɨ ycɨxpɨ! ¡Jotcujcꞌajt jiiby tzajpjoty etz cömáyɨn ma Dios!
\p
\v 39 Huinꞌit nijëjɨty fariseojäy huɨdi anajty ajcxy jiiby jäy agujc nɨmay ajcxy je Jesús:
\p
―Oj yɨ mjäy ajcxy.
\p
\v 40 Chi Jesús yꞌadzooy:
\p
―Ɨɨch miich ajcxy nɨmaayb pen yɨꞌ ajcxy amomb, yɨ tzaa tɨgɨ̈huɨp mɨc capxp.
\p
\v 41 Co Jesús yjaꞌty jɨm mɨhuingon Jerusalén cajp, e co ijxy, chi yaaxy mɨɨd je cajpjäy ycɨxpɨ.
\v 42 Chi Jesús ymɨnañ:
\p
―¡Pen mhuinjɨhuɨɨyb ixyipy miich ajcxy nej mbáatcɨxɨpy mjotcujcꞌájtɨn jadachambɨ xɨɨ tiempo! Yüch jada tɨyꞌajt cham ity ma miich ajcxy, caꞌ huaad mꞌíjxcɨxy.
\v 43 Minɨp je xɨɨ je tiempo ma miich ajcxy je mmɨdzip ajcxy xyajjüdugɨpy mgajp mɨɨd tzaamacxy, e tziptunɨpy ajcxy mɨɨd miich, yajxon xyajcoꞌadugɨpy ajcxy jühuɨdity ma je mgajp.
\v 44 Xyñigɨdaagoodɨp mdzaaboch niꞌung niꞌanäg, ni caꞌ yhuɨ́ꞌmɨp tzaagop tzaamacxy, jaduꞌn yjadɨpy com miich ajcxy caꞌ mnejhuɨ̈y je tiempo mɨna je Dios xyñigɨdägy.
\s Jesús yajpɨdzɨmy je jɨbɨcjäydɨjc ma Dios ytɨjc
\p
\v 45 Chi Jesús ytɨgɨɨy ma Dios ytɨjc yajpɨdzɨmday tügꞌócɨy jäy huɨdi anajty jiiby ajuuyb adoocp.
\v 46 Chi Jesús nɨmay je jäy ajcxy:
\p
―Jaduꞌn mɨnaꞌñ ma jaybétyɨty: “Ɨɨch ndɨjcɨ tzajpcapxycapxtägɨꞌñ yɨꞌ.” E miich ajcxy hueꞌ mhuaangɨxy jaduꞌn nej meetzpɨ yꞌang.
\p
\v 47 Jesús anajty yajꞌixpɨjc jabom jabom ma Dios ytɨjc, chi je teedy tungmɨɨdpɨ, etz huɨdi ajcxy yajꞌixpɨjcp anajty Dios ñecy, etz mɨjjäydɨjc ajcxy nihuinmayɨɨygɨxy co yajꞌögaangɨxy Jesús.
\v 48 Chi ajcxy caꞌ ni nej mɨhuinmaꞌñybaty nej yajꞌöccɨxy, com tügꞌócɨy jäy anajty ooy tzachꞌamɨdooꞌijt Jesús yꞌayuc. 
\c 20
\s Jesús ycötújcɨn
\p
\v 1 Chi jaduꞌn yjajty tüg xɨɨ anajty Jesús yajꞌixpɨcy je cajpjäy ma Dios ytɨjc, capxhuäcxy anajty oybɨ ayuc. Chi ñimiinɨ je teedy tungmɨɨdpɨ ajcxy etz huɨdi ajcxy yajꞌixpɨjc Dios ñecy etz mɨjjäydɨjc ajcxy.
\v 2 Chi ajcxy mɨgapxy Jesús nɨmay:
\p
―Yajnɨmaaygɨch, ¿ma cötújcɨn tɨ mbaady co jäy myajꞌixpɨcy ya ma Dios ytɨjc? ¿Pɨn jeꞌ tɨɨbɨ xycötujc möy?
\p
\v 3 Chi Jesús yꞌadzooy:
\p
―Ɨɨch nañ jaduꞌn nyajꞌamɨdohuamy ɨɨch miich ajcxy tüg ayuc, e mꞌadzóogɨxɨp.
\v 4 Co Juan (je Bautista) jäy yajnɨɨbejty, ¿pɨn jeꞌ cötújcɨn 
moy, je Dios tzajpjotypɨ o jäy ajcxy?
\p
\v 5 Chi ajcxy ytɨgɨɨy huinmayꞌahuɨdijtpɨ ñayñɨmáayɨgɨxy miñ xyɨpy:
\p
―Pen mɨnaanɨm co tzajpjoty choñ je Juan ycötújcɨn, Jesús xyñɨmaayɨmɨp ya: “¿Nej co caꞌ miich ajcxy mɨjpɨdacy yɨꞌ yꞌayuc?”
\v 6 Pen mɨnaanɨm ajt co jäy cötújcɨn moy je Juan, chi tügꞌócɨy cajpjäy tzojc xycögädzɨm, com ymɨbɨjcpy ajcxy co yɨ Juan, Dios yɨꞌ yꞌayucnajtzcapxɨɨybɨ.
\p
\v 7 Chi ajcxy yꞌadzooy co caꞌ ajcxy nejhuɨɨygɨxy pɨn Juan tɨ quexyii.
\v 8 Chi Jesús nɨmay jeꞌ ajcxy:
\p
―Ɨɨch nañ jaduꞌn caꞌ nigapxaꞌñɨch pɨn tɨ xycötujcmöyɨch.
\s Je ijxpejt ma je tumbɨdɨjc ajcxy jɨbɨcjäybɨ
\p
\v 9 Chi Jesús ymɨnandacy yajnɨmay tügꞌócɨy je jäy ajcxy tüg ayuc, ymɨnañ:
\p
―Tüg jäy pɨdacy tüg camuuxy ycam, chi yajpɨjctzoy ytumbɨdɨjc, co anajty chonaꞌñ ñɨcxaꞌñ jɨguem jecy jecy.
\v 10 Co cosecha paty, chi quejxy tüg ytumbɨ ma je ytumbɨdɨjc, huen cɨ̈möyii huɨdibɨ jeꞌ anajty paatɨp. Chi je ytumbɨdɨjc huinhuojpy jɨjphuojpy je quejxyöybɨ yajhuimbijty caꞌ ni ti mooy. 
\v 11 Chi huingbɨ ytumbɨ quejxy, nañ jaduꞌn ajcxy jeꞌ tuñ, huinꞌojy jɨjpꞌojy ajcxy, yajhuimbijty ajcxy, caꞌ ajcxy ni ti mooy.
\v 12 Chi mɨdugɨɨgpɨ ytumbɨ quejxy, nañ jaduꞌn ajcxy jeꞌ yajtzaachɨɨy etz yajhuimbijty ajcxy.
\p
\v 13 Huinꞌit je camuuxycam huindzɨn ymɨnañ: “¿Ti ndunɨpyɨch? Ocquejxyɨch nmang huɨdibɨ ooy ndzocyɨch. Caꞌ jécyɨty co ajcxy ixɨpy nmangɨch, yajmɨjꞌadɨpy ajcxy.”
\v 14 Chi je ytumbɨdɨjc co ajcxy ijxy jeꞌ yhuindzɨn ymang, chi ajcxy huinmaygoty nayñɨmáayɨgɨxy miñ xyɨpy: “Tɨ ymiñ je cogam ymang, yɨꞌ jeꞌ jada cam jëdaanɨp. Tzoc yajꞌoꞌcɨm jɨgɨx ɨɨch ajt jada cam njëꞌajtɨm.”
\v 15 Chi ajcxy je cogam ymang yajpɨdzɨmɨ camjoty, chi ajcxy yajꞌoꞌcy.
\p
Chi Jesús yꞌamɨdooy:
\p
―¿Ti jadaꞌ ytunɨpy je cam huindzɨn?
\v 16 Minɨp jeꞌ, miñ yajtɨgoydäy je ytumbɨdɨjc ajcxy, e chi jeꞌ je ycam yegɨpy mɨɨd huingbɨ tumbɨ.
\p
Co je jäy ajcxy jaduꞌn mɨdoy, chi ajcxy ymɨnañ:
\p
―Ni catzogɨpy 
Dios, nɨcxy jaduꞌn njajtɨm.
\p
\v 17 Chi Jesús huindɨcxpejty je mayjäy nɨmay ajcxy:
\p
―¿Ti tijamy huɨdi yjaybétyɨp ma Dios ñecy? 
\m Jaduꞌn:
\q Je yëydɨjc huɨdi je jäy ajcxy caꞌ anajty tzocy, tɨ Dios pɨdacy mɨjꞌaneꞌmbɨ. Tɨm jaduꞌn nipaady nejɨhuɨ̈y je tzaa oyjatypɨ huɨdibɨ je pojtzpɨdɨjc ajcxy caꞌ yajtunaꞌñ, jeꞌ oy tɨ yhuɨꞌmnɨ ma anajty yjaccopɨ́cyɨty.
\m 
\v 18 Pɨnjaty caꞌ cöbɨgaꞌñ jada mɨjꞌaneꞌmbɨ, ayoꞌn ypadamy, tɨm jaduꞌn nipaady nej jɨhuɨ̈y jɨm ycɨjxcɨday ma je tzaa nïcx e tɨjhuïtz yjajtähuɨpy; e pen je tzaa nïgɨdagoty, jeꞌ ajcxy janch jaam püx nɨcxy yjajtcɨxy.
\s Yajnidɨɨygɨxy pen jëbɨ cogüéjtɨn yajyecy o pen caꞌ
\p
\v 19 Je teedy tungmɨɨdpɨ etz huɨdi ajcxy yajꞌixpɨjc Dios ñecy ooy anajty nihuinmayɨɨygɨxy madzaangɨxy je Jesús mɨcꞌamy, co ajcxy huinjɨhuɨy co Jesús nimɨydáacɨgɨxy mɨɨd je jɨhuimbit ayuc, e chɨgɨɨyb anajty ajcxy je cajp jäy.
\v 20 Chi ajcxy chachhuinmaꞌñꞌixtaaygɨxy nej huaad xɨ̈gɨxy Jesús, chi quejxy ajcxy ijxꞌijtpɨ ma Jesús yajpaady huɨdi naybɨdaacɨp janch ypaat tudägyjäy; chi amɨdooꞌíjtcɨxy Jesús yꞌayuc huɨdi mɨɨd xɨ̈huaangɨxy, chi cɨ̈yegaangɨxy ma je gobernador.
\v 21 Chi je ijxꞌijtpɨ ajcxy yꞌamɨdooy Jesús nɨmay ajcxy:
\p
―Huindzɨn, nejhuɨɨyb ɨɨch ajcxy co miich mꞌayuc ooy yꞌóyɨty, etz myajꞌixpɨcy yajxon, caꞌ huinꞌixpety jäy myajꞌixpɨcy, etz myajꞌixpɨcy Dios ytɨyꞌajt nej jäy jëbɨ huaad chɨnaaygɨxy.
\v 22 ¿Nej copɨcy ɨɨch ajcxy mɨgüedɨpy je César je romanojäy mɨjꞌaneꞌmbɨ, o caꞌɨjɨ?
\p
\v 23 Chi Jesús huinjɨhuɨɨy yɨꞌ ajcxy yjɨbɨc-huinmaꞌñ, paady ajcxy nɨmay:
\p
―¿Ti co miich ajcxy xyjotꞌixy xyhuinmaꞌñꞌíxyɨch?
\v 24 Yajꞌijxcɨch tüg meeñ. ¿Pɨn yꞌahuɨnax etz pɨn yxɨɨ mimb ma jada meeñ?
\p
Chi ajcxy yꞌadzooy:
\p
―Yɨ César.
\p
\v 25 Chi Jesús nɨmay ajcxy:
\p
―Cuet ma César huɨdi César paatɨp, e ma Dios huɨdi Dios paatɨp.
\p
\v 26 Caꞌ mɨmadacy ajcxy nej tzuꞌíjxcɨxy ma mayjäy yhuinduu. Chi ajcxy ooy huinmaay jaduꞌn nej anajty Jesús tɨ yꞌadzóohuɨgɨxy, chi ajcxy amoñyɨ.
\s Yajnidɨɨygɨxy je jugyꞌájtɨn ycɨxpɨ
\p
\v 27 Chi ñijaꞌttɨ Jesús tüg saduceojäy, e yɨ saduceojäy ajcxy ymɨnañ co jäy ögy caꞌ yꞌocjuyujcnɨ. Chi jeꞌ yajtɨy:
\p
\v 28 ―Huindzɨn, Moisés jaybety ma yɨꞌ ñecy, je jécyɨp, co tüg yëydɨjc ytöxyɨjc yajhuɨꞌmy ixꞌögp, e caꞌ ymang tɨ paatcɨxy. Jëbɨ je yëydɨjc yꞌuch mɨɨdtzɨnäy je töxyjäy jaydëbɨ yajꞌungꞌixɨp mɨɨd yꞌajch ycɨxpɨ.
\v 29 Jaduꞌn anajty tügpɨcy jäy, nihuixtujc ajcxy ytügquëxꞌájtcɨxy, ac yëydɨjc ajcxy. Je mɨjpɨ mɨɨdtzɨnay töxyjäy, chi ixꞌoꞌcy, e caꞌ ymang paty.
\v 30 Chi je mɨmetzpɨ ypɨjcy mɨɨd je töxyjäy, e ni caꞌ ajcxy ung paty.
\v 31 Chi je mɨdugɨɨgpɨ ypɨjcy mɨɨd je töxyjäy, e jaduꞌn je nihuixtujcpɨ mɨɨdtzɨnay ajcxy je töxyjäy, ixꞌoꞌcy ajcxy, ni caꞌ ajcxy ung paty.
\v 32 Chi nañ jaduꞌn je töxyjäy yꞌögnɨ.
\v 33 Co anajty je nihuixtujcpɨ jugypɨjccɨxy, ¿huɨdi jadaꞌ octöxɨjcꞌadɨɨyb je töxyjäy? Com nihuixtujc ajcxy tɨ töxyɨjcꞌájtɨgɨxy.
\p
\v 34 Chi Jesús yꞌadzooy:
\p
―Jadachambɨ jäy pɨ́jccɨxp, ñaymooyɨgɨxy yꞌung huen pɨ́jccɨxy.
\v 35 Je jäy ajcxy huɨdibɨ paatɨp anajty chɨnähuɨp ma je tiempo huɨdi mimb co ögpɨ yjugypɨ́jccɨxɨpy, ni caꞌ ajcxy ypɨgɨpy, ni caꞌ ajcxy ñaymóoyɨgɨxɨpy yꞌung huen pɨ́jccɨxy.
\v 36 Co jäy ajcxy yjugypɨcy, chi caꞌ huaad yꞌögcɨxy jadügꞌoc, quipxyjaty ajcxy mɨɨd je ángeles ajcxy, e Dios yɨꞌ ajcxy ungꞌadɨɨb co yjugypɨgɨpy mɨɨd jemybɨ jugyꞌájtɨn.
\v 37 Janch co yɨ ögpɨ yjugypɨgɨpy, jëbɨ mbaadɨp je tɨyꞌajt ma Moisés ñecy ma jaduꞌn yjaybétyɨty, je taab anajty aayꞌujtz ytoy, co je Huindzɨn Dios mɨgapxy Moisés, nɨmay: “Ɨɨch Abraham yDios, Isaac yDios, Jacob yDios.”
\v 38 Je ögpɨ caꞌ mɨɨdɨty Dios. Je jäy ajcxy huɨdi juugyɨp janchtɨy ajcxy ymɨɨd Dios, com co mɨɨd Dios ycɨxpɨ tügꞌócɨy jäy ajcxy ymɨɨd yjugyꞌajt.
\p
\v 39 Chi jäy ajcxy huɨdi yajꞌixpɨjcp Dios ñecy nɨmay Jesús:
\p
―Oy tɨ mꞌadzoy, Huindzɨn.
\p
\v 40 Caꞌ ajcxy ocjajtnɨ nej jac nɨmáaygɨxɨpy.
\s Pɨn jeꞌ yꞌung je Cristo
\p
\v 41 Chi Jesús jeꞌ ajcxy nɨmay:
\p
―¿Nej co miich ajcxy mɨnaꞌñ co Cristo David yꞌap yꞌoc?
\v 42 David cɨꞌm mɨnaꞌñ ma je Salmo necy:
\q Yɨ Huindzɨn Dios nɨmay ɨɨch nHuindzɨn: “Iñaꞌ ya aꞌoyꞌamy ma ɨɨch.
\q 
\v 43 Ixtɨ coonɨ anajty miich mmɨdzip tɨ nmɨmadactäyɨch, 
jaduꞌn nej jɨhuɨ̈y tɨ nbɨdägyɨch yɨ mmɨdzip ma miich mdecypocxpejt.”
\m 
\v 44 Co David yxɨɨmoy Cristo ɨɨch nHuindzɨn, ¿nejtz yɨꞌ co yꞌapꞌadyii yꞌocꞌadyii?
\s Jesús xɨ̈y je escribas ajcxy
\p
\v 45 Chi tügꞌócɨy cajpjäy jɨm anajty yꞌamɨdoꞌijtcɨxy co Jesús nɨmay jeꞌ ydiscípulos ajcxy:
\p
\v 46 ―Naygüendꞌájtɨgɨx mɨɨd yɨꞌ escribas ajcxy ydiscípulos, co ajcxy ooy tzojccɨxy yhuɨdidaangɨxy mɨɨd yhuit oyjatypɨ, ooy ajcxy tzojccɨxy co huen capxpocxyii ma jäy yꞌamugɨ̈y, e ooy ajcxy tzojccɨxy yɨ cödumbɨ ɨñaybejt ma naymujctac, etz ooy ajcxy tzojccɨxy cödumbɨ ɨñaybejt ma jäy ajcxy yxɨɨdungɨxy. 
\v 47 Chi ajcxy yajcɨjxtayɨ yɨ coꞌögytöxyjäy ypɨdägy, e tungɨxy ooy jecy tzajpcapxycapxɨɨ ma jäy yhuinduu. Yɨ jaduꞌmbɨ jäy ajcxy nïgɨ ajcxy Dios chaachytunɨɨyb mɨɨd ypocy ycɨxpɨ caꞌydɨ jacnipɨn.
\c 21
\s Je ayoobɨtöxyjäy coꞌögypɨ yꞌofrenda
\p
\v 1 Jiiby anajty Jesús ma Dios ytɨjc co ijxy comeeñyjäy mayꞌamy ofrenda pɨdaaccɨxy ma meeñygaax.
\v 2 E nañ ijxy co tüg coꞌögytöxyjäy pɨdägy anajty metz piꞌcmeeñ.
\v 3 Chi Jesús ymɨnañ:
\p
―Janch ɨɨch miich ajcxy nɨmäy co jadayaabɨ coꞌögytöxyjäy ayoob jac anaxy jada, tɨ pɨdägy ofrenda caꞌydɨ jacnipɨn.
\v 4 Tügꞌócɨy comeeñydɨjc ajcxy ypɨdacyp ma ofrenda je meeñ huɨdi conajxp. Jadayaabɨ coꞌögytöxyjäy tɨ pɨdägy huɨdi anajty ñigayamy.
\s Jesús ymɨnañ co je Dios ytɨjc yhuindɨgoyaꞌñ
\p
\v 5 Nijëjɨty jäy co ytɨgɨɨy ma Dios ytɨjc nimɨydacy ajcxy co Dios ytɨjc ooy chachꞌoyꞌoydúñɨty mɨɨd tzaa oyjatpyɨ, e mɨɨd tɨɨbɨ jiiby yojxcɨxy. Chi Jesús ymɨnañ:
\p
\v 6 ―Tügꞌócɨy jada huɨdi ajcxy mꞌijxpy ma Dios ytɨjc, minɨp xɨɨ tiempo mɨna jada nɨcxy yhuɨꞌmy taj xit jada tzaa, caꞌ ma pochycop.
\s Je tɨyꞌajt ma caꞌnɨ naaxhuiñybɨ ycɨxaꞌñɨ ytɨgoyaꞌñɨ
\p
\v 7 Chi ajcxy yꞌamɨdooy Jesús:
\p
―Huindzɨn, ¿mɨna jada jaduꞌn ytunɨɨyb yjadɨɨyb nej miich tɨ mmɨnañ? ¿Ti tɨyꞌajt ji yajꞌixɨp co jada anajty jaduꞌn ytunaꞌñyii yjadaꞌñyii?
\p
\v 8 Chi Jesús yꞌadzooy:
\p
―Ix mgayajhuinꞌɨɨngɨx. Ooy mayjäy yminaꞌñ ñaybɨdägáanɨgɨxy co jeꞌ ajcxy je Cristo, ymɨnaꞌñ ajcxy: “Ɨɨch jeꞌ je Cristo; huingóniñ anajty je xɨɨ je tiempo mɨna je naaxhuiñybɨ ycɨxaꞌñ ytɨgoyaꞌñ.” Caꞌ ajcxy axam mbanɨcxɨpy.
\v 9 Co miich ajcxy ayuc mɨdohuɨpy co jäy chachchiptungɨxy, e ñayñibɨdɨ̈cɨgɨxy, caꞌ mdzɨgɨ́ɨygɨxɨpy, com ooy ycopɨ́cyɨty co jada jaduꞌn jayɨjp ytunɨɨyb yjadɨɨyb, caꞌnan hueꞌ jeꞌ anajty tɨm cɨjxp tɨm tɨgooyb (je naaxhuiñybɨ).
\p
\v 10 Chi Jesús yjacmɨnañ:
\p
―Nayñibɨdägɨɨb naax cajp mɨɨd huingbɨ naax huingbɨ cajp.
\v 11 E minɨp mɨcꞌujx, etz mɨj yuu mɨj paꞌm xɨɨ yaa. E jadɨɨb mɨjꞌadzɨgɨꞌñ, etz ooy ijxpejt huɨdi qüexɨ̈gɨp tzajpcɨ́xy.
\p
\v 12 Ma caꞌnɨ anajty jaduꞌn jadyii, xypahuɨdijtcóotcɨxɨpy jäy, xymájtzcɨxɨpy, xycɨ̈yéjcɨxɨpy ma judíojäy ñaymujctac. Chi jäy ajcxy xypɨdägɨpy pujxtɨgoty, xyajnɨ́cxcɨxɨpy mach ma rey etz ma gobernador ajcxy yhuinduu. Jaduꞌn jäy ajcxy jɨbɨc xytunɨpy mɨɨd miich ajcxy com co anajty tɨ xymɨjpɨdáaccɨxyɨch.
\v 13 Miich ajcxy tɨyꞌajt myegɨpy mɨɨd ɨɨch nxɨɨ ycɨxpɨ.
\v 14 Co jäy ajcxy yxɨ̈huɨpy ma codungdɨjc, caꞌ ni nej ajcxy mjotꞌadɨɨyb, ni caꞌ ajcxy mhuinmayɨpy nej mꞌadzóogɨxɨpy.
\v 15 Nyegɨpyɨch ayuc etz tɨyꞌajt nej huaad mmɨdzip mꞌadzoogɨxy. Caꞌ mmɨdzip ajcxy jadɨpy nej xyꞌadzóogɨxɨpy, e nej xyjacxɨ̈gɨxɨpy.
\v 16 Miich ajcxy mgɨꞌmdeedy, mgɨꞌmꞌuch, mgɨꞌmꞌajch, etz mgɨꞌm ajuugy amɨgüg xycɨ̈yéjcɨxɨpy ma cötujctac. Nijëjɨty miich ajcxy mꞌögɨpy mɨɨd co anajty tɨ mmɨjpɨdaaccɨxy ɨɨch nꞌayuc.
\v 17 Mayjäy ajcxy caꞌ xyꞌixaanɨpy xychogaanɨpy mɨɨd co anajty tɨ mmɨjpɨdaaccɨxy ɨɨch nxɨɨ.
\v 18 Ni tüg miich ajcxy mgöhuay caꞌ ytɨgoyɨpy.
\v 19 Pen ooy ajcxy mmecxtucy, chi mꞌalma ñïdzögɨpy huinɨxɨɨ.
\p
\v 20 Co ajcxy mꞌixɨpy Jerusalén anajty tɨ ñaducy mɨɨd ymɨdzip, huinꞌit ajcxy mnejhuɨ̈huɨpy co huingon jeꞌanajty ma yhuindɨgoyaanɨ.
\v 21 Huinꞌit tiempo je jäy ajcxy huɨdi jɨm Judea naaxjot yquéeccɨxɨpy ñɨ́cxcɨxɨpy ajcxy yuugjoty, etz je jäy ajcxy huɨdi jɨm Jerusalén queegɨpy ajcxy, etz je jäy ajcxy huɨdi camjoty caꞌ huaad yꞌoccajptɨgɨɨyñɨ ma je Jerusalén cajp.
\v 22 Je tiempo mɨna yjadɨɨyb ayoꞌn mɨɨd co anajty judío jäy tɨ ytundɨgooygɨxy, jeꞌ jada yajcuydundaayb jaduꞌn nej yjaaybétyɨty ma Dios ñecy.
\v 23 ¡Ayoob yɨ töxyjäy ajcxy huɨdi anajty ung tzɨmꞌijtp huinꞌit xɨɨ, etz huɨdi anajty mɨɨd yꞌungmaꞌxung! Ooy jadɨɨb mɨj ayoꞌn ya naaxhuin etz tzip éjcɨn ma jada cajp.
\v 24 Nijëjɨty ajcxy yꞌögɨpy tzipjoty, e nijëjɨty yajnɨcxɨp tzumy mach ma huingbɨ cajp huingbɨ naax. E Jerusalén naxmɨhuägɨydähuɨɨb yɨ jäy huɨdi caꞌ yjudiojäyɨty, minɨpy je tiempo mɨna anajty Dios yajcɨxaanɨ yajtɨgoyaanɨ yɨꞌ ajcxy yꞌanéꞌmɨn.
\s Nej jadaꞌ yminɨpy je Dios yꞌung
\p
\v 25 Huinꞌit xɨɨ huinꞌit tiempo quëxɨ̈gɨp ijxpejt ma xɨɨ poꞌ etz ma yɨ madzaꞌ, ya naaxhuiñ ooy jäy ajcxy jotmay mɨɨꞌidɨpy. Je jäy ajcxy ooy chɨgɨ̈huɨpy yjɨhuɨ̈huɨpy yhuinmayꞌahuɨdidɨpy ajcxy ooy, mɨɨd je mejy ycɨxpɨ co anajty chachpɨdɨ̈gy chachnögy chachmɨnaꞌñ.
\v 26 Yɨ jäy ajcxy anucxɨꞌñ yajcɨdahuɨɨb co anajty ajcxy ixy nej yjadyii huinduꞌmybɨ naaxhuiñ; e huɨdijaty mɨcꞌajt yajpatp jiiby tzajpjoty yücxtähuɨpy yɨꞌ.
\v 27 Huinꞌit miich ajcxy xyꞌixɨpyɨch, ɨɨch je jäy huɨdi tzoon tzajpjoty, nmiiñɨch jocjoty mɨɨd je nmɨcꞌajtɨch, nmiiñɨch mɨɨd ɨɨch ngötújcɨn etz ɨɨch nꞌoyꞌájtɨn mɨjpɨ.
\v 28 Co je ayoꞌn tiempo jaduꞌn yjatzondägɨpy, chi mbaꞌtꞌíjxcɨxɨpy com huingoniñ anajty mɨna Dios xyñihuáangɨxɨpy xycohuáangɨxɨpy.
\p
\v 29 Chi Jesús yajnɨmay ajcxy tüg ayuc, ymɨnañ:
\p
―Ijxcɨx yɨ higuerɨ etz tügꞌócɨy quipy,
\v 30 co yhuamɨ̈gy huinꞌit miich ajcxy nejhuɨ̈y co tɨ yhuingonɨ mɨna ypottɨgɨɨyñɨ.
\v 31 Tɨm jaduꞌn nej miich ajcxy ijxpejt mbɨcy ma higuerɨ quipy co pottiempo ytɨgɨɨyñɨ, nañ jaduꞌn co miich ajcxy mꞌixɨpy je ijxpejt tzajpcɨ́xy jaduꞌn nej yam nyajnɨmaaygɨxy, mnejhuɨ̈huɨpy ajcxy co huingónɨp je tiempo mɨna Dios yꞌaneꞌmaꞌñ ya naaxhuiñ.
\p
\v 32 Janch nɨmaaybɨch miich ajcxy co jaduꞌn yjadɨɨyb ytunɨɨyb jayɨjp, caꞌ anajty oꞌctäy je jäy ajcxy huɨdibɨ tzɨnaayb jugyꞌájtcɨxyp jadachambɨ xɨɨ tiempo.
\v 33 Yɨ tzajp etz naaxhuiñybɨ naxɨp tɨgoyɨp yɨꞌ. Ɨɨch nꞌayuc caꞌ ñaxɨpy ytɨgoyɨpy ni camɨna.
\p
\v 34 Naygüendꞌájtɨgɨx miich ajcxy caꞌ mnijotꞌájtcɨxy yɨ jocnɨɨ yɨ mügɨɨ, etz yɨ tzɨnaayɨn jugyꞌájtɨn, jɨgɨx caꞌ ajcxy xyniminɨpy jotcömoñyɨ je ayoꞌn xɨɨ je ayoꞌn tiempo.
\v 35 Tɨmetiinɨ minɨpy je ayoꞌn tiempo mɨɨd jäy ajcxy ycɨxpɨ huɨdi ya tzɨnaayb ma tügꞌócɨy naaxhuiñybɨ. Tɨm jaduꞌn nej tüg ɨyujc ayoꞌnbaady co tɨmetiinɨ yajtüxuuch.
\v 36 Niꞌixɨꞌ ijtcɨx, mɨbɨjctzoogɨx Dios, caꞌydɨ ayoꞌn ajcxy mbaatcɨxy huɨdi jadaanɨp, jɨgɨx jiiby myajpáatcɨxɨpy tzajpjoty ma ɨɨch nhuinduu, ɨɨch, je jäy huɨdi tzoon tzajpjoty.
\p
\v 37 Xɨɨm anajty Jesús yajꞌixpɨcy ma Dios ytɨjc, e coodz anajty chooñ ñɨcxy jɨm ma cögop huɨdi yxɨɨ Olivos.
\v 38 Jabom jabom jopy jopy ñiminyii tügꞌócɨy cajpjäy jiiby ma Dios ytɨjc tɨbäy co yꞌamɨdooꞌidaanɨ ajcxy Jesús yꞌayuc.
\c 22
\s Xiicyöygɨxy capxyöygɨxy nej huaad Jesús májtzcɨxy
\p
\v 1 Huingon anajty je xɨɨ mɨna jäy tzajcaagy caaygɨxy huɨdi caꞌ ylevadura mɨɨdɨty, huɨdi jäy ytijpy pascua xɨɨ.
\v 2 Chi je teedy mɨjtungmɨɨdpɨ etz je escribas yhuinmaꞌñꞌixtaaygɨxy nej ajcxy ocyajꞌögɨpy Jesús. Chɨgɨɨyb anajty ajcxy je cajpjäy.
\p
\v 3 Chi je mujcuꞌ ytɨgɨɨy ma Judas yjot yhuinmaꞌñ. Je Judas hueꞌ anajty ymɨmetz xɨɨ Iscariote, jeꞌ nidügtɨ je majmetzpɨ discípulos.
\v 4 Chi Judas ñɨcxy oy mɨgapxy je teedy mɨjtungmɨɨdpɨ etz tzajptɨjc soldado huindzɨn, e ycapxytuñ mɨɨd jeꞌ ajcxy nej jëbɨ cɨ̈yecy Jesús. 
\v 5 Huinꞌit je Jesús ymɨdzip ooy ajcxy yxoondaccottay. Chi ajcxy ñaygapxɨ co meeñ möhuangɨxy je Judas.
\v 6 Chi Judas cöbɨjcy je meeñ, chi yhuinmaꞌñꞌixtay nej jëbɨ cɨ̈yegɨpy Jesús ma caꞌp mayjäy yꞌixyii yhuindɨɨcxyii.
\s Je huindzɨn Dios yꞌadzuꞌájtɨn
\p
\v 7 Chi paty je xɨɨ mɨna jäy cay je tzajcaagy huɨdi caꞌ ylevadura mɨɨdɨty com huinꞌit anajty ajcxy yajꞌögy cöbixy ymang pascua xɨɨgɨxp.
\v 8 Chi Jesús quejxy Pedro etz Juan, nɨmay: 
\p
―Nɨcx miich ajcxy yajꞌoyɨꞌ je pascua adzuꞌɨ̈bɨ, jaydëbɨ ajt ngaayɨm.
\p
\v 9 Chi ajcxy yꞌamɨdooy:
\p
―¿Ma mdzocy co nyajꞌoyɨ̈huɨbɨch ajcxy?
\p
\v 10 Chi Jesús ymɨnañ:
\p
―Co mdɨgɨ̈huɨpy ajcxy cajpjoty, mbaadɨpy tüg yëydɨjc huɨdi yajnɨcxp tüg majt nɨɨ. Mbanɨcxyp ajcxy je yëydɨjc coonɨ yjädɨpy ma ytɨjc.
\v 11 Co miich ajcxy mjädɨpy ma je jäy ytɨjc, chi ajcxy mnɨmähuɨpy je codɨjc: “Nhuindzɨnɨch jaduꞌn mɨnaam: ¿Ma yajꞌahuädz yajpaady ma ngayɨpyɨch je pascua adzuꞌɨ̈bɨ mɨɨd ɨɨch ndiscípulotɨjcɨ?”
\v 12 Je codɨjc miich ajcxy xyajniꞌixɨ̈huɨp tüg cuarto ma mɨmejtzpɨ piso. Niꞌixɨꞌ jɨm je adzuꞌɨ̈bɨ.
\v 13 Chi Pedro etz Juan ñɨcxy, chi paty jaduꞌn nej anajty tɨ ñɨmäyii, e jɨm ajcxy niꞌixɨɨy je pascua caayɨn uucɨn.
\p
\v 14 Co je hora paty, chi Jesús yꞌixtacy ma je mesa mɨɨd jeꞌ ydiscípulos ajcxy.
\v 15 Chi Jesús ymɨnañ:
\p
―Tɨ ooy nijotꞌatyɨch co nmɨɨdgayaangɨxy jada pascua adzuꞌɨ̈bɨ ma caꞌnɨ nꞌögyñɨch.
\v 16 Ɨɨch miich ajcxy jaduꞌn nɨmaayb co ɨɨch ni mɨna caꞌ njaccayɨpyɨch jadügꞌoc je pascua adzuꞌɨ̈bɨ, ixtɨ coonɨ yajcuydundähuɨpy je pascua xɨɨ ytɨyꞌajt ma Dios yꞌanéꞌmɨn.
\p
\v 17 Chi Jesús conɨ̈gy je ügy co Dioscojúyip yajnaxy, huinꞌit ymɨnañ:
\p
―Uccɨx jada ügy, naymóoyɨgɨxy miich ajcxy.
\v 18 Cham ɨɨch miich ajcxy nɨmäy co jaduꞌn nej yjacnɨcxaꞌñ xɨɨ tiempo caꞌ vino nɨɨ ügaꞌñɨch ixtɨ coonɨ Dios yꞌanéꞌmɨn yminɨpy ya naaxhuiñ.
\p
\v 19 Nañ yconɨ̈gy Jesús tüg tzajcaagy co mɨbɨjctzooy Dios, huinꞌit tujc-huäcxy moy discípulos ajcxy, e chi ajcxy nɨmay:
\p
―Jada tzajcaagy ɨɨch nninïcxꞌajtpyɨch huɨdi ngɨ̈yejcpyɨch ma yɨ oꞌcɨn mɨɨd miich ajcxy mbocy ycɨxpɨ. Jada ijxpejt miich ajcxy mɨɨꞌidɨpy oy jäymech mɨɨd ɨɨch ycɨxpɨ.
\p
\v 20 Co anajty tɨ ycaydaaygɨxy, chi Jesús conɨ̈gy je ügy jadügꞌoc, chi ymɨnañ:
\p
―Jada vino jeꞌ jada Dios yꞌayuc ytɨyꞌajt jemybɨ jaduꞌn yɨꞌ nej ɨɨch nnɨꞌpy huɨdi temam yogam mɨɨd miich ajcxy ycɨxpɨ.
\p
\v 21 Jadachambɨ yɨ jäy huɨdi xycɨ̈yegaambɨch ma nmɨdzipɨch, ya jeꞌ cham mɨɨdꞌɨñäyɨch ma jada mesa.
\v 22 Janch jaduꞌn njadaꞌñ nꞌayoohuaꞌñɨch jaduꞌn nej tɨ nyajnigodugɨ̈yiijɨch. ¡Ayoꞌn padamy je jäy ayoob huɨdi xycɨ̈yegaamyɨch ma nmɨdzipɨch!
\p
\v 23 Chi je nimajmetzpɨ ajcxy ñayñɨmaayɨ miñ xyɨpy:
\p
―¿Pɨn jadaꞌ yɨꞌ ma ɨɨch ajt huɨdi jaduꞌn tundɨgoyam?
\s Yajcapxcójcɨxy pɨn jadaꞌ jacnïgɨ ymɨ́jɨty
\p
\v 24 Chi je nimajmetzpɨ huɨdi Jesús anajty tɨ huinꞌixy caꞌ ajcxy ñayꞌayuc-huinjɨhuɨɨyɨ pɨn jadaꞌ jac mɨjpɨ ocꞌidɨpy.
\v 25 Chi Jesús nɨmay ajcxy:
\p
―Yɨ reyes ajcxy yꞌaneꞌmyb ajcxy naax cajp jaduꞌn nej tüg huindzɨn, yɨꞌ ajcxy huɨdibɨ aneꞌmb yajtíjycɨxy co ooy oytuungɨxy.
\v 26 Mɨɨd miich ajcxy caꞌydɨ yjadúꞌnɨty. Hueꞌ janchtɨy je mɨjpɨ ma miich ajcxy huen ñaybɨdägyii nej jɨhuɨ̈y ymútzɨty. E je huɨdi nigohuajcꞌajtp huen ñaybɨdägyii nej jɨhuɨy jeꞌ jeꞌ je tumbɨ.
\v 27 ¿Pɨn jeꞌ jacmɨ́jɨp? ¿Huɨdi ɨñaybɨ ma mesa, o huɨdi niꞌixɨɨyb aꞌɨxɨɨyb caayɨn uucɨn? Yɨꞌ jeꞌ jacmɨ́jɨp huɨdi ɨñaayb ma mesa. Per ɨɨch ijtpɨch mɨɨd miich ajcxy jaduꞌn nej huɨdi niꞌixɨɨyb aaꞌɨxɨɨyb caayɨn uucɨn.
\p
\v 28 Mɨɨch ajcxy tɨ mꞌíjtcɨxy mɨɨd ɨɨch ma anajty ayoꞌn tɨ nyajnaxyɨch.
\v 29 Paady ɨɨch miich ajcxy tüg anéꞌmɨn nmooyb, jaduꞌn nej ɨɨch ndeedy tɨ xymöyɨch.
\v 30 Jaydëbɨ miich ajcxy mgáaygɨxɨpy mꞌuuccɨxɨpy ma ɨɨch nmesa jiiby ma ɨɨch nꞌanéꞌmɨn e mꞌɨñähuɨpy ajcxy ma je aneꞌmdac, e mdɨydúngɨxɨpy mꞌanéꞌmgɨxɨpy je nimajmetz pɨcy Israel ñaax ycajp.
\s Jesús capxpɨdzɨmy co Pedro ymɨnaꞌnaꞌñ co caꞌp Jesús ixyꞌadyii
\p
\v 31 Nañ jaduꞌn je huindzɨn Jesús ymɨnañ:
\p
―Simón, Simón, jadachambɨ je mujcuꞌ xyjotꞌixaangɨxy xyhuinmaꞌñꞌixaangɨxy jaduꞌn nej jäy trigo huimbojy co yajhuätzaangɨxy.
\v 32 Per ɨɨch Dios nmɨbɨjctzooyɨch mɨɨd miich ycɨxpɨ, jɨgɨx miich caꞌydɨ mmɨbɨ́jcɨn ytɨgoyꞌity. Mɨna anajty miich tɨ mjothuimbity, jotmɨc mɨgápxɨpy yɨ mmɨgügtɨjc ajcxy.
\p
\v 33 Chi Pedro ymɨnañ:
\p
―Huindzɨn, jotcujc ɨɨch nnɨcxaꞌñɨch mɨɨd miich oy pujxtɨgótyɨty, etz oy ndɨmyꞌögɨbɨch mɨɨd miich.
\p
\v 34 Huinꞌit Jesús nɨmay Pedro:
\p
―Ɨɨch miich nɨmaayb co caꞌnɨ anajty tzey yaxɨ̈gy jabom jopy co miich mɨnáꞌnɨp tugɨɨgꞌoc co miich caꞌ xyꞌixꞌadyiijɨch.
\s Huingomb horɨ ma Jesús yꞌocyajꞌijxmadzaꞌñ
\p
\v 35 Chi Jesús nɨmay ydiscípulos ajcxy:
\p
―Co ɨɨch miich ajcxy jayhuin nguejxy, ni mmoral, ni caꞌ mmeeñydɨjc, ni mgɨ̈g tɨ mmɨꞌoygɨxy, ¿nej myajtɨgoyꞌijt ajcxy ti jatyɨ?
\p
Chi ajcxy yꞌadzooy:
\p
―Ni ti.
\p
\v 36 Chi Jesús ymɨnañ:
\p
―Jadachambɨ pɨn ymeeñydɨjc etz ymorral mɨɨd, huen mɨnɨcx; nañ pɨn caꞌ mɨɨdɨty yꞌespada, huen toogy yjocx huit, chi juyɨpy yꞌespada.
\v 37 Ɨɨch miich ajcxy nɨmaayb co copɨcy jada yajcuydunɨpy huɨdibɨ mimb jaybety mɨɨd ɨɨch ycɨxpɨ ma Dios ñecy ma jaduꞌn ymɨnañ: “Yajꞌamɨchomujc (je Cristo) mɨɨd yɨꞌ ajcxy huɨdi jɨbɨcjäyɨp.” Tügꞌócɨy mimb jaybéty ma Dios ñecy mɨɨd ɨɨch ycɨxpɨ, yajcuydunɨpy yɨꞌ.
\p
\v 38 Chi Jesús ydiscípulos ajcxy ymɨnañ:
\p
―Huindzɨn, cha metz espada.
\p
Chi Jesús yꞌadzooy:
\p
―Huen mɨɨd yɨꞌyɨ.
\s Jesús Dios mɨbɨjctzoy jɨm Getsemaní
\p
\v 39 Chi Jesús jɨm choñ ñɨcxy ma je cop huɨdi yxɨɨ Olivos, com jɨm anajty nɨcxy coodz coodz, chi jeꞌ ydiscípulos ajcxy ypanɨcxɨ.
\v 40 Co ajcxy yjaꞌty ma je cop, chi Jesús ymɨnañ:
\p
―Mɨbɨjctzoogɨx Dios huen xypubedɨpy xypudɨgɨ̈huɨpy ajcxy caꞌydɨ mdɨgɨɨygɨxy jɨbɨc tuum.
\p
\v 41 Chi Jesús huinhuäctuty je discípulos ajcxy tüg tzaagäch yjɨguëgyɨty, chi ycoxtɨnayꞌahuɨɨy ytɨgɨɨy Dios mɨbɨjctzoob.
\v 42 Chi Jesús ymɨnañ:
\p
―Dios Teedy, pen miich mꞌaꞌɨxɨɨyb pɨ́jcɨgɨch jada tzaachypɨ, caꞌ ɨɨch huaad nyajnaxyɨch, per caꞌ ɨɨch huaad ngɨꞌmdzójcɨn nguyduñɨch, miich mdzójcɨn huen myajcuyduñ.
\p
\v 43 Chi ñayguëxɨ̈cɨ tüg ángel tzajpjoty chooñ, jotmɨc mɨgapxy je Jesús.
\v 44 Yam anajty Jesús ooy ytaj ymay, chi Dios mɨbɨjctzooyb jacmɨctägy. E je yxɨbitnɨɨ ypɨdzɨmy janch jaduꞌn yɨꞌ anajty nej nɨꞌpy janch mɨjjaty yꞌocnajtztaꞌcxɨɨyñɨ.
\p
\v 45 Co ypɨdɨ̈gy ma anajty Dios mɨbɨjctzoy, chi nihuimbijty jeꞌ ydiscípulos ajcxy, chi oy paatcɨxy maab anajty ajcxy mɨɨd jotmay.
\v 46 Chi Jesús nɨmay ymɨgügtɨjc ajcxy:
\p
―¿Ti co mdzachmaagɨxy? Pɨdɨ̈ccɨx mɨbɨjctzoogɨx Dios, caꞌydɨ jɨbɨc tuum mdɨgɨɨygɨxy.
\s Yajnɨcxcɨxy mach je Jesús
\p
\v 47 Jɨm Jesús anajty ymɨgügtɨjc ajcxy mɨɨdcapxy mɨɨdmɨydägy, co je mayjäy oy yjäty. Jayɨjp anajty ymiñ je huɨdi anajty xɨɨjɨp Judas, yɨꞌ jeꞌanajty nidügtɨ ma je nimajmetzpɨ Jesús ydiscípulos ajcxy. Chi Judas mɨhuingoñ Jesús co anajty tzücxaꞌñ.
\v 48 Chi Jesús ymɨnañ:
\p
―Judas, ¿nej mɨɨd tüg tzücxɨn mgɨ̈yecy ma ymɨdzip, je jäy huɨdi tzoon tzajpjotyɨ?
\p
\v 49 E jeꞌ ajcxy huɨdi anajty Jesús ymɨɨd, co ajcxy ijxy jaduꞌn nej ytuñyii yjadyii, chi ajcxy ymɨnañ:
\p
―Huindzɨn, ¿tzoc ajt mɨhuimbijtɨm?
\p
\v 50 Chi nidüg jeꞌ ajcxy yajtzaachɨɨyɨ je teedy mɨjtungmɨɨdpɨ tüg ytumbɨ, quejtzpujxɨ tüg ytätzꞌac aꞌoyꞌamybɨ.
\v 51 Huinꞌit Jesús ymɨnañ:
\p
―Ixmajtzcɨx, huen jaduꞌñyɨ. 
\p
Chi nïdonɨ je jäy ytätzꞌac, e jaduꞌn yajtzoocy. 
\v 52 Chi Jesús nɨmay ajcxy huɨdi nimiinɨ, yɨ teedy tungmɨɨdpɨ ajcxy, yɨ Dios ytɨjc policía huindzɨn etz mɨjjäydɨjc:
\p
―¿Nej co xyñimíingɨxyɨch mɨɨd pujx etz mguipyjɨjpxuꞌñ jaduꞌn nej jɨhuɨ̈y ɨɨch tüg meetzpɨ?
\v 53 Jiiby ɨɨch anajty jabom jabom ma Dios ytɨjc, e caꞌ miich ajcxy ti tɨ mduñ mɨɨd ɨɨch. Per cham jëduꞌn je tiempo mɨna miich ajcxy xyꞌaneꞌmyɨch etz je jɨbɨcpɨ xymɨmadägyɨch.
\s Pedro ymɨnañ co caꞌ ixyꞌadyii Jesús
\p
\v 54 Chi ajcxy majch je Jesús, yajnɨcxy ajcxy, e pɨdacy ma teedy mɨjtungmɨɨdpɨ ytɨjc. Je Pedro jɨguëgyjɨhuɨꞌ anajty ypanɨcxyii.
\v 55 Jɨm ajcxy jɨɨn yajmɨjɨy tɨbägujc chi ajcxy yꞌixtactay nidügꞌócɨy. Pedro yꞌixtacy nañ jaduꞌn ma je jäy ajcxy.
\v 56 Huinꞌit tüg pödumbɨ ijxy Pedro ɨñäy ma jɨɨmbaꞌ, chi huindɨcxpejty nɨmay:
\p
―Jada yëydɨjc nañ ymɨɨd anajty Jesús.
\p
\v 57 Chi Pedro caꞌ cöbɨjcy, ymɨnañ:
\p
―Töxyjäy, caꞌ ɨɨch yɨꞌ nꞌixyꞌadyii.
\p
\v 58 Nañ jahueengɨ huinꞌit jadüg jäy Pedro yhuindɨcxpejtɨ, ñɨmaayɨ:
\p
―Miich, yɨ Jesús ajcxy anajty mɨɨd mꞌity.
\p
Chi Pedro ymɨnañ:
\p
―Caꞌ nꞌɨɨchɨty.
\p
\v 59 Tɨ anajty tüg horɨ nïnaxnɨ co oy huingbɨ ymɨnandägy:
\p
―Janch co jada yëydɨjc yɨꞌ anajty mɨɨd yꞌity Jesús. Com nañ galileojäy yɨꞌ.
\p
\v 60 Chi Pedro ymɨnañ:
\p
―Caꞌ ɨɨch nhuinjɨhuɨ̈y nej miich mmɨnaꞌñ.
\p
Capxnɨ anajty je Pedro co tzey oy yaaxɨ̈gy.
\v 61 Chi je Huindzɨn Jesús niꞌijxhuimbijty je Pedro. Huinꞌit Pedro jäymetzcoottɨ jeꞌ ayuc nej anajty yHuindzɨn Jesús tɨ ñɨmäyii: “Ni caꞌnɨ anajty tzey yaaxɨ̈gy cham coodz co miich tugɨɨgꞌoc xycoyüdzɨbyɨch.”
\v 62 Chi Pedro ypɨdzɨmy tɨbäy, oy jiiby yäxy mɨɨd tájɨn máyɨn.
\s Nɨxiiccɨxy yajxiiccɨxy yɨ Jesús
\p
\v 63 Je jäy ajcxy huɨdi anajty Jesús cuendꞌajtp, ooy ajcxy nɨxiicy nɨyaaxy, etz nañ ooy ajcxy huingojxy jɨjpcojxy.
\v 64 Chi ajcxy huiingoxodzɨy, e cojxy ajcxy ma yhuiñyjɨjp, nɨmaaygɨxy:
\p
―Octɨygapx, ¿pɨn tɨ xycoxy?
\p
\v 65 E ooy anajty mɨɨd yjɨbɨc ayuc cɨxy cuety nɨmaaygɨxy.
\s Jesús mɨjjuntajoty yajpaady
\p
\v 66 Co yxɨɨmɨɨy, chi yöymujcy yɨ teedy mɨjtungmɨɨdpɨ ajcxy, yɨ mɨjjäydɨjc ajcxy, etz yɨ escribas ajcxy, chi ajcxy yꞌamɨdooy:
\p
\v 67 ―Nɨmaaygɨch ajcxy ¿nej miich jeꞌ je Cristo?
\p
Chi Jesús yꞌadzooy:
\p
―Co ixyipy nnigapxɨch, caꞌ miich ajcxy mɨbɨgɨpy.
\v 68 E pen ɨɨch miich ajcxy nꞌamɨdooyb, caꞌ miich ajcxy xyꞌadzohuɨpyɨch, etz canan huinꞌit xyñajtzmadzɨ̈huɨbɨch miich ajcxy.
\v 69 Jadachambɨ e ñɨcxaꞌñɨ ɨɨch, je jäy huɨdi tzoon tzajpjoty, nꞌixtägaꞌñɨch aꞌoyꞌamy ma Dios mɨcꞌajtmɨɨdpɨ.
\p
\v 70 Chi nidügꞌócɨy jeꞌ ajcxy yꞌamɨdooy:
\p
―¿Nej janch co miich Dios xyꞌungꞌadyii?
\p
Chi Jesús yꞌadzooy:
\p
―Miich ajcxy jaduꞌn mɨnamb co ɨɨch njëjɨty.
\p
\v 71 Chi ajcxy ymɨnañ:
\p
―¿Ti ajt njac-huáanɨm testigo? Tɨ ajt yam cɨꞌm nmɨdoohuɨm nej mɨnaꞌñ.
\c 23
\s Jesús ma Pilato yhuinduu
\p
\v 1 Chi tügꞌócɨy je mayjäy ajcxy ypɨdɨ̈gy, chi yajnɨcxy ajcxy Jesús ma je gobernador Pilato.
\v 2 Chi ajcxy ytɨgɨɨy xɨ̈bɨ ymɨnaangɨxy:
\p
―Jada jäy naax cajp yajꞌixpɨjcp huɨdi caꞌ ytɨyꞌájtɨty. Yɨꞌ adujctähuam co caꞌ huaad nmɨgüéjtɨm César, e ymɨnaꞌñ cɨꞌm co yɨꞌ jeꞌ je Cristo huɨdi reyꞌajtpɨ.
\p
\v 3 Chi Pilato yꞌamɨdooy Jesús:
\p
―¿Nej miich jeꞌ judío jäy xyreyꞌajtp?
\p
Chi Jesús yꞌadzooy:
\p
―Miich jaduꞌn mɨnamb.
\p
\v 4 Chi Pilato nɨmay je teedy tungmɨɨdpɨ ajcxy etz je mayjäy:
\p
―Caꞌ ɨɨch ti pocy nbaadyɨch ma jadayaabɨ yëydɨjc.
\p
\v 5 Chi Jesús ymɨdzip nïgɨ anajty ajcxy ymɨnanꞌadɨɨtzcɨxy:
\p
―Jada Jesús naax cajp tzachyajqueec-huäcxtaayb je judíojäy mɨɨd yɨꞌ yꞌayuc. Yajtzondacy Galilea, e jadachambɨ ya Judea jaduꞌn ɨdɨ̈ch.
\s Jesús ma Herodes yhuinduu
\p
\v 6 Co Pilato mɨdoy Jesús ymɨdzip ajcxy nigapxy Galilea, chi yꞌamɨdooy pen galileojäy je Jesús anajty.
\v 7 Chi mɨcꞌamy huinjɨhuɨy co yɨꞌ jɨm anajty yajpaady ma Herodes yꞌaneꞌmy, chi jɨm quejxy ma Herodes huɨdi nañ jaduꞌn anajty yajpatp jɨm Jerusalén huinꞌit xɨɨ.
\v 8 Co Herodes ijxy Jesús, chi oy jotcugɨɨy com tɨɨyɨp anajty ooy jaꞌixaꞌñ, tɨ anajty may ayuc mɨdoohuɨ, e ahuixy anajty co mɨjhuinmaꞌñ tunɨpy.
\v 9 Janch may ayuc ooy jayajꞌamɨdoy, e Jesús ni tügꞌaa caꞌ yꞌadzooy.
\v 10 Jɨm anajty teedy mɨjtungmɨɨdpɨ etz je escribas ajcxy, tzachnïgɨ̈béjtcɨxy mɨctägy.
\v 11 Chi Herodes mɨɨd yjäy ooy nɨxiicy yajxiicy Jesús, caꞌ mɨjꞌijxy mɨjpɨdacy. Chi xojxy mɨɨd oyhuit etz quejxhuimbijty jɨm ma Pilato.
\v 12 Huinꞌit xɨɨ Herodes etz Pilato ajcxy ñaymɨgügpɨjcɨ, com naymɨjotmaꞌtɨp anajty ajcxy huinꞌit tiempo.
\s Jesús yajmoy ysentencia co yꞌögɨpy
\p
\v 13 Chi Pilato huomujcy yɨ teedy mɨjtungmɨɨdpɨ, yɨ cajptungmɨɨdpɨ, etz yɨ naax cajp.
\v 14 Chi ajcxy nɨmay:
\p
―Tɨ miich ajcxy xyajnimíngɨxyɨch jadayaabɨ yëydɨjc, jaduꞌn miich ajcxy mɨnamb co ooy jäy yajqueec-huäcxtay. Tɨ ɨɨch yɨꞌ jatɨyduñɨch ma miich ajcxy mhuindu, caꞌ ɨɨch yɨꞌ ni ma ypocy tɨ nbaatɨ, jaduꞌn nej miich ajcxy mxɨ̈gɨxy.
\v 15 Nañ ni caꞌ Herodes ti pocy tɨ paady ma jada jäy, com tɨ njayajniquexyɨch, ni ti pocy jada Jesús caꞌ tɨ tuñ huɨdi huaad nyajcoꞌögɨ̈yɨch.
\v 16 Miñ nꞌoctzaachytuñɨch, jaydëbɨ nnajtzmadzɨ̈huɨbɨch.
\p
\v 17 Jaduꞌn je gobernador anajty costumbre mɨɨdɨty co najtzmadzɨ̈y tüg machyjäy mɨjxɨɨjoty.
\v 18 Chi je mayjäy tügmucy ajcxy ymɨnaandacy:
\p
―¡Yajꞌög jadayaab Jesús! ¡Najtzmadzɨꞌ yɨ Barrabás!
\p
\v 19 Je Barrabás anajty pujxtɨgoty tɨ ypɨdägyii co anajty tɨ nibɨdɨ̈gy je gobierno, nañ tɨ anajty yjäyyajꞌögy.
\v 20 Chi Pilato nɨmay ajcxy jadügꞌoc co najtzmadzɨ̈huaꞌñ Jesús.
\v 21 Chi je mayjäy janch mɨc ymɨnañ:
\p
―¡Yajcruudzpet miich yɨꞌ! ¡Yajcruudzpet miich yɨꞌ!
\p
\v 22 Chi Pilato ymɨnañ je mɨdugɨɨgꞌocpɨ:
\p
―¿Ti Jesús tɨ tundɨgoy? Caꞌ yɨꞌ ma ypocy nbaatɨch. Miñ nꞌoctzaachytuñɨch, e najtzmadzɨ̈huɨbɨch.
\p
\v 23 Je jäy ajcxy nïgɨ anajty ymɨnaanꞌadɨɨtzcɨxy janch mɨc, co huen yajcruudzpejty. Chi ajcxy jaduꞌn mɨmadacy Jesús co chachneꞌmgɨxy je teedy tungmɨɨdpɨ, etz je cajpjäy ajcxy.
\v 24 Chi jadaꞌ Pilato cuyduñ jaduꞌn nej je jäy ajcxy anajty pɨjctzoy.
\v 25 Chi Pilato najtzmadzɨɨy je Barrabás huɨdi anajty pujxtɨgótyɨp, co anajty chach jäy yajqueec-huäcxy, etz yjäyyajꞌögy, jeꞌ huɨdi yɨ jäy ajcxy ypɨjctzou. Chi Pilato cɨ̈yejcy Jesús ma yɨꞌ ajcxy huen tungɨxy nej tzojccɨxy.
\s Jesús yajcruudzpejtɨ
\p
\v 26 Chi je judíojäy ajcxy yajnɨcxy Jesús. Jɨm tüꞌam ajcxy mɨnaybaatɨ tüg jäy huɨdi anajty tɨ chooñ camjoty, huɨdi anajty yxɨɨ Simón, e ycogájpɨty anajty Cirene. Chi adzip ajcxy Simón yajquejcycabɨy Jesús ycruudz, e yajpanɨcxy ajcxy Jesús.
\p
\v 27 Jacꞌaxam anajty naax cajp panɨcxcɨxy, etz nañ may töxyjäydɨjc ajcxy chachyaaxcɨxy mɨɨd jotmay mɨɨd yɨꞌ ycɨxpɨ.
\v 28 Chi Jesús niꞌijxhuimbijty je töxyjäydɨjc ajcxy, chi nɨmay ajcxy:
\p
―Miich Jerusalén töxyjäydɨjc ajcxy, caꞌ xyñiyáaxcɨxɨch. Nayñiyaaxɨgɨx miich ajcxy cɨꞌm etz mꞌung ajcxy ycɨxpɨ.
\v 29 Chi ypaadɨpy tiempo co jäy ajcxy ymɨnaꞌnɨpy: “Jotcujc je töxyjäy ajcxy huɨdi caꞌ yꞌung ixy, huɨdi caꞌ tɨ yꞌungtzɨmɨ̈gy, etz huɨdi caꞌ tɨ yꞌung yajtzïtzcɨxy.”
\v 30 Chi je jäy ajcxy nɨmaydägɨpy mɨjtun mɨjcop: “Nïgɨdagótcɨch ajcxy”; etz je mutztun mutzcop: “Yajtɨgooygɨch ajcxy.”
\v 31 Pen jäy ajcxy tzaachypɨ ayoꞌn mooyb Dios yꞌung, nïgɨ ajcxy jacjiinɨ ytundɨgoyaꞌñ mɨɨd Dios yjäy, tɨm jaduꞌn nipaady nej pɨn puxam tzuxy quipy nañ puxamy quipy tɨ̈tzpɨ.
\p
\v 32 Nañ jɨm anajty yajnɨcxcɨxy mɨɨd Jesús jametz pocyjäy. Túꞌcɨy mɨɨd Jesús anajty yajꞌögaangɨxy.
\v 33 Co ajcxy oyjäty jɨm ma tüg it huɨdi jäy ytijpy ögpɨ cohuajc, chi ajcxy jɨm Jesús yajcruudzpejty mɨɨd metz pocyjäy: tüg pocyjäy aꞌoyꞌamy, jadüg anajtyꞌamy.
\v 34 Chi Jesús ymɨnañ:
\p
―Dios Teedy, mecxɨ ajcxy ypocy, com caꞌ nejhuɨɨygɨxy ti ytungɨxyp.
\p
Co je soldados anajty ajcxy yajhuäcxaanɨ ac jeꞌy Jesús yhuit, chi ajcxy ijxy suerte pɨn ocjëdɨɨb.
\v 35 Jɨm je cajpjäy anajty yhuindɨɨcxcɨxy, yam je tungmɨɨdpɨ nɨxïgy yajxïgy Jesús, ymɨnañ ajcxy:
\p
―Jada Jesús huingjäy tɨ yajtzögy, huen cham cɨꞌm nayyajtzögyii, pen yɨꞌ jeꞌ je Cristo, je huɨdi Dios tɨ huinꞌixyɨ.
\p
\v 36 Nañ jaduꞌn je soldados ajcxy nɨxiiccɨxy yajxiiccɨxy Jesús, nimɨjhuägy ajcxy möhuaangɨxy anajty vino taꞌmbɨ.
\v 37 Chi je soldados ajcxy ymɨnañ:
\p
―Pen miich Reyꞌajt ma yɨ judíojäy ajcxy, nayñihuänɨɨ cɨꞌm.
\p
\v 38 Ma Jesús ycödu jɨm anajty yjaayɨty griegoꞌamy, latinꞌamy, etz hebreoꞌamy: JADA JEꞌ YƗ JUDIOJÄY AJCXY YREY.
\p
\v 39 Chi tüg pocyjäy huɨdi anajty cruudzcɨ́xy ooy nɨxiicy yajxiicy Jesús ymɨnañ:
\p
―Pen miich jeꞌ je Cristo, naygohuänɨɨ cɨꞌm, e cohuaangɨch ɨɨch ajcxy nañ jaduꞌn.
\p
\v 40 Chi je jadügpɨ pocyjäy oy yꞌadzooy, ojy ymɨgüg, nɨmay:
\p
―¿Nej caꞌ miich Dios mdzɨgɨ̈y. Caꞌ mꞌixy co túꞌcɨy tɨ nbócycähuɨm?
\v 41 Ɨɨch ajt janch paatɨp jaduꞌn, co jaduꞌn jada ngöbɨ́jcɨm tzaachypɨ je tɨɨbɨ ndundɨgooyɨm. Jadayaabɨ Jesús janch ni ti jɨbɨcpɨ jada tɨ catuñ.
\p
\v 42 Chi je pocyjäy nɨmay Jesús:
\p
―Tun mayꞌajt xyjäymedzɨpɨch co anajty mjäty jiiby ma mꞌaneꞌmdac.
\p
\v 43 Chi Jesús oy yꞌadzooy:
\p
―Janch ɨɨch miich yam nɨmäy co cham ɨɨch miich mɨɨdꞌíjtnɨpy ma je oybɨ it.
\s Jesús yꞌoꞌcnɨ
\p
\v 44 Co cujcxɨɨbɨ paty, chi oy ycoodzɨ̈y tügꞌócɨy naaxhuiñ ixtɨ mɨnacyxɨɨnɨ.
\v 45 Chi xɨɨ caꞌ yꞌocꞌanɨ. Chi je huit oy ycɨɨtzhuäcxy huɨdi anajty adɨɨydujcp je Dios yꞌit jiiby ma Dios ytɨjc.
\v 46 Huinꞌit Jesús mɨc ypätcapxy ymɨnañ:
\p
―Dios Teedy, cham nyajcɨ̈dɨgɨ̈y ɨɨch nꞌalma.
\p
Co Jesús jaduꞌn ymɨnañ chi yꞌögy.
\p
\v 47 Co je soldado huindzɨn ijxy jaduꞌn nej anajty tɨ ytunyii tɨ yjadyii, chi ooy jäymejch yɨ Dios ymɨnañ:
\p
―Janch co jadayaabɨ yëydɨjc anajty tudägy yjäyɨty.
\p
\v 48 Chi je mayjäy tɨɨbɨ anajty jɨm yöymújccɨxy yhuindɨɨcxcɨxy, co ajcxy ijxy jaduꞌn nej ytuunɨ yjajtɨ, chi ajcxy huimbijttaayñɨ cajpjoty yam ycaach tzachcójxcɨxy mɨɨd jotmay ycɨxpɨ.
\v 49 Cham tügꞌócɨy Jesús ymɨgügtɨjc ajcxy huɨdi anajty mɨɨd ñayꞌixyꞌadyii, etz töxyjäydɨjc ajcxy huɨdi anajty Jesús tɨ ypadzonyii jɨm Galilea, jɨguëgy jeꞌ anajty ajcxy yhuindɨɨcxcɨxy.
\s Yajnaaxtɨgɨ̈y ajcxy Jesús
\p
\v 50 Jɨm anajty tüg yëydɨjc huɨdi anajty yxɨɨ José, hueꞌ anajty ycogájpɨty Arimatea ma Judea naaxjot. Jeꞌ anajty judío mɨjtungmɨɨdpɨ, e jeꞌ ooy anajty chachꞌoyjäyɨty etz ytudägyjäyɨty.
\v 51 Jeꞌ nañ yjɨjpꞌijxy anajty co yminɨpy je Dios yꞌanéꞌmɨn, e caꞌ jeꞌ anajty jɨjptɨgɨyɨ̈y mɨɨd jacnaagɨty mɨjtungmɨɨdpɨ co ajcxy yajꞌögy Jesús.
\v 52 Chi José ñɨcxy ma Pilato oy pɨjctzoohuɨ Jesús ñinïcx.
\v 53 Chi yajmɨnajcy ma cruudz, e moꞌñ mɨɨd tüg sábana, chi pɨdacy ma ögpɨ jut, ma tüg tzaahuinguetzmɨjc ma caꞌnɨ anajty ni tüg ögpɨ jiiby yajpɨdägyp.
\v 54 Jeꞌ anajty ajcxy niꞌɨxɨɨyb aꞌɨxɨɨyb je pascua xɨɨ e jeꞌ anajty tɨm tzondägan je pócxɨn xɨɨ.
\p
\v 55 Chi je töxyjäydɨjc huɨdi anajty tɨ ypadzoñyii Jesús jɨm Galilea, panɨcxy ajcxy je José axam. Chi ajcxy nañ jaduꞌn ijxy je ögpɨ jut, etz je ninïcx jaduꞌn nej jiiby yajpɨdacy.
\v 56 Chi ajcxy yhuimbijttay cajpjoty. Chi ajcxy yajꞌoyɨɨy ujtz xuucpɨ, tzoy, etz ungüento, chi amayꞌajty je pocxɨnxɨɨ, jaduꞌn nej anajty cötújcɨn yꞌaneꞌmy.
\c 24
\s Co Jesús yꞌögy chi yjugypɨjcy
\p
\v 1 Co je semaan yꞌixtɨgɨɨy janch tɨm tɨcxɨ̈cp je töxyjäydɨjc ajcxy ymiiñ ma je oꞌcpɨ jut, chi mɨmiiñ ajcxy ujtz xuucpɨ, etz tzoy huɨdibɨ anajty tɨ yajꞌoyɨɨygɨxy. Nañ jaduꞌn mɨɨdjadyii töxyjäydɨjc miiñ.
\v 2 Chi ajcxy paty je tzaa tɨ anajty yjɨdɨguegyii ma je oꞌcpɨ jutꞌaguu.
\v 3 Co ajcxy ytɨgɨɨy jutjoty, chi caꞌ ajcxy paty je Huindzɨn Jesús ñinïcx. 
\v 4 Chi jaduꞌn yjajty, jiiby anajty ajcxy jutjoty huinmaaygɨxy, co ñayguëxɨ̈gɨ ma ajcxy ymɨjc metz yëydɨjc janch adɨcxp anajty yhuit.
\v 5 Chi ajcxy ooy chɨgɨy, chi ajcxy yhuindactay, chi je metzpɨ yëydɨjc ymɨnañ:
\p
―¿Naꞌamy co mꞌixtaaygɨxy yɨ jugypɨ ma yɨ tɨɨbɨ yꞌögy?
\v 6-7 Caꞌ jeꞌ ya, tɨ jeꞌ yjugypɨcy. Jäyméjtzcɨx jaduꞌn nej mɨnaꞌñ jɨm Galilea, co ymɨnañ:
\p
―Ooy ycopɨ́cyɨty co ɨɨch, je jäy huɨdi tzoon tzajpjoty, nyajcɨ̈yegɨpy pocyjäy cɨ̈ꞌam. Yɨꞌ ajcxy xyajcruudzpedɨpyɨch, chi njugypɨgɨpyɨch codugɨɨg xɨɨ.
\p
\v 8 Chi ajcxy oy jäymejtzcooty nej anajty Jesús tɨ ymɨnaꞌñ.
\v 9 Chi je töxyjäydɨjc ajcxy yhuimbijttay ma oꞌcpɨ jut. Chi ajcxy yajmɨɨdmɨydactay jaduꞌn nej anajty tɨ íjxcɨxy tɨ mɨdoogɨxy mɨɨd Jesús ydiscípulos ajcxy je nimajmetzpɨ etz jacjadyii jäy huɨdi yajpaatp ma jeꞌ ajcxy.
\v 10 Je töxyjäy ajcxy huɨdi ooy ma Jesús ñaaxtɨgɨɨy, jeꞌ jeꞌ anajty ajcxy: María Magdalena, Juana, etz María Jacobo ytaj, e cham jacnaagɨty ymɨdöxyjäydɨjc.
\v 11 Chi Jesús ydiscípulos caꞌ ajcxy tɨm mɨjpɨdacy je töxyjäydɨjc ajcxy ayuc, hueꞌ ajcxy tijy nɨgo yꞌoccapxcɨxy yꞌocmɨydaaccɨx, paady caꞌ ajcxy mɨbɨjcy. 
\p
\v 12 Chi Pedro ypɨdɨ̈gy ñɨcxy poyɨ̈gyɨ ma anajty Jesús tɨ ñaaxtɨgɨ̈y. Chi Pedro ycoꞌixɨɨy ma je oꞌcpɨ jut, chi ijxy co caꞌ jiiby ni ti, jëyɨ Jesús yhuit abɨcy yꞌooxnäy. Chi Pedro yhuimbijty ma ytɨjc jɨhuɨɨy ooy jaduꞌn nej tɨ ytuñyii yjadyii.
\s Ma Emaús tüꞌaa
\p
\v 13 Huinꞌit xɨɨ metz Jesús ydiscípulos ajcxy ñɨcxy ma tüg cajp mutzpɨ hueꞌ anajty yxɨɨ je cajp Emaús, hueꞌ yjɨguemyɨty mɨɨd Jerusalén tugɨꞌpx estadios (majmetz kilómetro).
\v 14 Chi amɨydaacɨp anajty ajcxy ñɨcxy. Nigapxcɨxy nimɨydaaccɨxy nej Jesús tɨ yjaty tɨ yꞌayoy.
\v 15 E jaduꞌn yjaty ma anajty ycapxcɨxy ymɨydaaccɨxy je nimetzpɨ, chi Jesús cɨꞌm nimɨjhuaꞌcy je metzpɨ, chi mɨɨd ñɨcxy ajcxy yquipxyɨ.
\v 16 Oy anajty jaꞌijxcɨxy, caꞌ ajcxy tuñcuend pɨn jeꞌ anajty.
\v 17 Chi Jesús yꞌamɨdooy jeꞌ ajcxy:
\p
―¿Ti miich ajcxy mɨydacpy ma yam mdüyöygɨxy? ¿Nej co mdájcɨxy mmáygɨxy?
\p
\v 18 Chi tüg huɨdi anajty yxɨɨ Cleofas yꞌadzooy:
\p
―Janch tügꞌócɨy mayjäy nejhuɨydäy je ayoꞌn tɨ ytunyii tɨ yjadyii. ¿E miich naydüg jɨm jättac Jerusalén, e jaduꞌn tijy caꞌ mnejhuɨ̈y?
\p
\v 19 Chi Jesús jeꞌ ajcxy nɨmay:
\p
―¿Ti tɨ ytuñyii tɨ yjadyii?
\p
Chi jeꞌ ajcxy ymɨnañ:
\p
―Jesús Nazaretpɨ, huɨdi Dios yꞌayucnajtzcapxɨɨyɨp, yɨꞌ anajty mɨj jánchɨp ma yɨ ayuc etz huinmaꞌñ ma Dios yhuinduu, etz cham ma tügꞌócɨy naax cajp.
\v 20 Chi yɨꞌ ajcxy je teedy mɨjtungmɨɨdpɨ etz ɨɨch ajt ndungmɨɨdpɨ Jesús yajcɨ̈dɨgɨɨy je gobernador co huen yajꞌögyii. Chi ajcxy yajcruudzpejty.
\v 21 Hueꞌ ɨɨch ajcxy anajty ndzachꞌahuijxyp co yɨꞌ jeꞌ huɨdi Israeljäy ajcxy cohuänaam ma ymɨdzip. Jadachambɨ jadaꞌ ymɨdugɨɨgxɨɨ ma jaduꞌn tɨ ytunyii tɨ yjadyii.
\v 22 Cham ɨɨch ajcxy ndöxyjäydɨjc ajcxy ooy xyꞌadzɨgɨ́ɨygɨxyɨch. Tɨ yꞌoygɨxy janch tɨcxɨ̈cp ma oꞌcpɨ jut.
\v 23 E com caꞌ ajcxy paaty je ñaaxnïcx, chi ajcxy yhuimbijtnɨ ymɨnaangɨxy co tɨ íjxcɨxy yɨ ángeles ajcxy, hueꞌ je ángeles ajcxy ymɨnañ co Jesús yjuugyɨty.
\v 24 Huinꞌit nijëjɨty nmɨgügtɨjcɨch ooy ma oꞌcpɨ jut, paty ajcxy janch jaduꞌn nej töxyjäydɨjc anajty ymɨnaangɨxy. Caꞌ jeꞌ ajcxy ijxy Jesús.
\p
\v 25 Chi Jesús ymɨnañ:
\p
―¡Miich jäy ajcxy ooy ajcxy mꞌaajuuñɨty mjotjuuñɨty, caꞌ ajcxy tɨ mdzojcmɨbɨjccɨxy co ajcxy mjamɨbɨgáꞌnɨp huɨdibɨ yꞌayuc najtzcapxɨɨybɨ ajcxy ycapxy!
\v 26 ¿Nej caꞌ anajty ycopɨ́cyɨty co je Cristo ayoꞌn paadɨp, e huinꞌit ytɨgɨ̈huɨp tzajpjoty ma yɨꞌ yꞌit oybɨ?
\p
\v 27 Chi Jesús yajnɨmaay ajcxy Dios ytɨyꞌajt, chondägy ma Moisés ñecy, etz tügꞌócɨy jacjadyii necy huɨdi Dios yꞌayucnajtzcapxɨɨybɨ yjaay, yajxon ajcxy yajniꞌixɨyday jaduꞌn nej yjaybétyɨty mɨɨd je Cristo ycɨxpɨ.
\p
\v 28 Chi ajcxy mɨhuingoñ je mutz cajp ma anajty ñɨ́cxcɨxy, je Jesús jaduꞌn ñaybɨdaacɨ jaduꞌn nej jɨhuɨ̈y jacjɨguem ñɨcxy.
\v 29 Huinꞌit ajcxy nɨmay adzip:
\p
―Huɨꞌm miich mɨɨd ɨɨch ajcxy, nïgɨ jada chuuꞌɨɨyꞌadɨ̈ch.
\p
Chi Jesús ytɨgɨɨy cajpjoty yhuɨꞌmy mɨɨd jeꞌ ajcxy.
\v 30 Chi jaduꞌn yjajty co anajty tɨ yꞌixtaaccɨxy caaybɨ, chi Jesús tüg tzajcaagy conɨ̈gy, e yajnajxy Dios cojuyip, huinꞌit tujc-huäcxy moy ajcxy.
\v 31 Huinꞌit ajcxy ijxcajpy Jesús. Chi Jesús mɨc mɨ́cɨy yajꞌijxtɨgoy.
\v 32 Chi ajcxy ñayñɨmaayɨ:
\p
―¿Nej caꞌ yjánchɨty co ɨɨch ajt ooy njɨhuɨɨyɨm jotjoty huinmaꞌñjoty co anajty ajt jɨm xymɨɨdmɨydacɨm tüꞌam, etz co ajt xyñajtzcapxɨɨyɨm je huidi jaybety ma Dios ñecy?
\p
\v 33 E tɨm huinꞌítɨy ajcxy tübɨ́jccɨxy, chi ajcxy nɨ́cxcɨxnɨ jɨm Jerusalén. Niꞌamugɨꞌ ajcxy paty je majctügpɨ Jesús ydiscípulos ajcxy e jacjadyii jäy ajcxy. 
\v 34 Chi ajcxy mɨnaangɨxy:
\p
―Janch yɨꞌ co tɨ yjugypɨcy je Huindzɨn Jesús, com tɨ oy ñayguëxɨ̈gyii ma Simón.
\p
\v 35 Chi Cleofas nimɨydacy jaduꞌn nej tüꞌay anajty ajcxy tɨ ñaybáatɨgɨxy mɨɨd Jesús, etz jaduꞌn nej ajcxy Jesús ijxcajpy co tzajcaagy tɨ tujc-huäcxy.
\s Jesús ñayguëxɨ̈cɨ ma jeꞌ ydiscípulos ajcxy
\p
\v 36 Jiiby anajty ajcxy tzachnimɨydaaccɨxy co Jesús oy ñayguëxɨ̈gyii ma jeꞌ ajcxy. Chi ytɨnayꞌahuɨɨy cujcꞌamy ma jeꞌ ajcxy, chi ymɨnañ:
\p
―Jotcugɨꞌ miich ajcxy.
\p
\v 37 Chi jeꞌ ajcxy ooy ñayꞌadzɨgɨyɨ ooy huinmaaygɨxy, hueꞌ ajcxy tijy ijxmañɨɨyb.
\v 38 Chi Jesús nɨmay jeꞌ ajcxy:
\p
―¿Naꞌamy co mjot mhuinmaꞌñ tɨ ytɨgoydaaygɨxy? ¿Nej co mꞌaaꞌájtɨgɨxy mjotꞌájtɨgɨxy pɨn ɨɨch?
\v 39 Ijxcɨx miich ajcxy ɨɨch ngɨꞌ ɨɨch ndecy, ɨɨch jënɨ ɨɨch. Nïdongɨch etz íjxcɨch ajcxy. Tüg espíritu caꞌ mɨɨdɨty chüch ni ypajc, jaduꞌn nej mꞌijxcɨxy ɨɨch nmɨɨdɨty.
\p
\v 40 Co Jesús jaduꞌn ymɨnañ, chi ajcxy yajꞌijxy ycɨꞌ ytecy.
\v 41 Per caꞌnɨ ajcxy mɨbɨjcy mɨɨd co anajty ajcxy chachjotcújcɨty, chi Jesús ajcxy nɨmaayɨ:
\p
―¿Mɨɨd ajcxy ti ii mgayɨpy?
\p
\v 42 Chi ajcxy moy Jesús acxtzäy, etz tüg jɨɨdy serpäg.
\v 43 Chi cöbɨjcy, chi ycaay yꞌuucy jɨm ma jeꞌ ajcxy yhuinduu.
\v 44 Huinꞌit Jesús ymɨnañ:
\p
―Huɨdi mꞌijxyp cham jeꞌ jeꞌ huɨdi nyajnɨmay jayhuin, co ɨɨch miich ajcxy anajty mɨɨdꞌijtcɨxy, co copɨcy nguydundähuɨbɨch jaduꞌn nej yjaybétyɨty ma je Moisés ñecy je jëcyɨp, etz jacjadyii Dios yꞌayucnajtzcapxɨɨybɨ ñecy, etz yɨ salmo necy.
\p
\v 45 Huinꞌit jeꞌ ajcxy yjot yhuinmaꞌñ ymiiñ ymejch, jaydëbɨ huinjɨhuɨ́ɨygɨxɨpy huɨdi jaybétyɨp.
\v 46 Chi Jesús yjacmɨnañ:
\p
―Jaduꞌn jaybety yꞌity ma Dios ñecy co copɨcy co je Cristo paadɨp ayoꞌn e yjugypɨgɨpy codugɨɨg xɨɨ, maabɨ anajty yꞌögy.
\v 47 Huen ajcxy yajcapxhuäcxy Dios ytɨyꞌajt huinduꞌmy naaxhuiñ, chondägɨp Jerusalén, co ooy ycopɨ́cyɨty huen jäy ajcxy jothuimbijtcɨx jaydëbɨ ajcxy paadɨp pocyhuinmeecxɨn.
\v 48 Miich ajcxy nidɨyꞌajtꞌadɨpy tügꞌócɨy jaduꞌn nej cham tɨ mꞌijxcɨxy tɨ mnejhuɨɨygɨxy.
\v 49 Jadachambɨ nguexɨpyɨch ma miich ajcxy je huɨdi nDeedyɨch tɨ xyajꞌahuanɨɨygɨxy. Huɨꞌmgɨx ya Jerusalén ixtɨ coonɨ ajcxy xyñïdɨgɨ̈huɨp xycödɨgɨ̈huɨp je Dios yjɨhuɨꞌñ ymɨcꞌajt huɨdi tzonam tzajpjoty.
\s Jesús ypaꞌttɨgɨɨyñ tzajpjoty
\p
\v 50 Huinꞌit xɨɨ Jesús mɨɨd tzoñ jeꞌ ydiscípulos ajcxy, chi ajcxy ycajppɨdzɨmy, ñɨcxy ajcxy mɨhuingon je Betania. Chi Jesús xajhuäcxy ycɨꞌ mɨbɨjctzoy Dios mɨɨd je ymɨgügtɨjc ajcxy ycɨxpɨ.
\v 51 Chi jaduꞌn yjajty ma anajty Dios mɨbɨjctzoy mɨɨd yɨꞌ ajcxy ycɨxpɨ, chi abɨcy yajhuɨꞌmnɨ jeꞌ ajcxy e jeꞌ ypättɨgɨɨyñɨ jiiby tzajpjoty.
\v 52 Chi yɨꞌ ajcxy jɨm yjac-huäcxɨjpy Dios ojadajtcɨxy. Chi ajcxy yhuimbijttaayñɨ jɨm Jerusalén janch jotcujc.
\v 53 Chi ajcxy jabom jabom anajty ñɨcxcɨxy ma Dios ytɨjc chajpcapxycapxcɨxy, ojadajtcɨxy jäymejtzcɨxy yɨ Dios, Janch jaduꞌn jada. Amén.