\id HEB
\h HEBREOS
\toc1 HEBREOS
\mt1 HEBREOS
\mt2 Yɨ Necy Huɨdi Pɨnjaty Yajniguejx Je Hebreo jäy
\c 1
\p
\v 1 Jecyꞌajty Dios ayuc yejcy ma ajt nmɨjꞌap nmɨjteedy canaagꞌoc etz canaagnax mɨɨd je yprofetas ajcxy, jeꞌ ajcxy huɨdibɨ najtzcapxɨɨy Dios yꞌayuc. 
\v 2 E jadachambɨ ma xɨɨ tiempo yhuingoonɨ co je naaxhuiñybɨ ycɨxanɨ, Dios ayuc yecy ma ɨɨch ajt mɨɨd jeꞌ yꞌung.  Dios mɨɨd yꞌung yajꞌoyɨɨy je naaxhuiñybɨ etz tügꞌócɨy tijaty huɨdibɨ yajpatp. E Dios tɨ yꞌung yajmɨgoꞌixmadzɨydäy tügꞌócɨy.
\v 3 Dios yꞌung ymɨɨd Dios yꞌoyꞌájtɨn, yɨꞌ jeꞌ Dios ytɨɨcxɨnꞌajtpy yjajɨnꞌajtpy.  Yɨꞌ jeꞌ codɨnaayb etz yajniguëxɨ̈gy nej jeꞌ je Dios. Dios yꞌung huijtzꞌijtaayb tügꞌócɨy mɨɨd jeꞌ yꞌayuc etz aneꞌmɨn mɨcꞌajt mɨɨdpɨ.  Co Dios yꞌung tɨ xyajhuaatzɨm ajt nbocy, chi cöbɨjcy je mɨjꞌaneꞌmɨn jiiby tzajpjoty, jaduꞌn nej jɨhuɨ̈y yꞌixtacy aꞌoyꞌamy ma je mɨjpɨ Dios ymɨjc jiiby tzajpjoty.
\s Dios yꞌung jacmɨj yɨꞌcaꞌydɨ ángeles ajcxy
\p
\v 4 Je Dios yꞌung jac mɨj jeꞌ ymɨcꞌajt yꞌaneꞌmɨn mɨɨdɨty, caꞌydɨ je ángeles ajcxy.  Com yɨꞌ jeꞌ Dios yꞌung, paady ycɨxpɨ mɨcꞌajt mɨɨdɨty jaydëbɨ aneꞌmy huɨdibɨ Dios yjeꞌajtpy, e caꞌydɨ yɨ ángeles ajcxy yɨ jaduꞌmbɨ mɨcꞌajt mɨɨd.
\v 5 Com Dios caꞌ yɨꞌ ni tüg ángel nɨmay:
\q Ɨɨch miich nꞌungꞌajtpy.  Ɨɨch miich tɨ nyajpiꞌcꞌaty jadachambɨ xɨɨ.
\m Nañ jaduꞌn caꞌ Dios ni tüg ángel nɨmay:
\q Miich xyteedyꞌadɨɨbɨch, ɨɨch miich nꞌungꞌadɨɨyb.
\m
\v 6 Co Dios yꞌungoob oy quexy ma naaxhuiñyjäy chɨnäy, chi yɨꞌ aneꞌmɨn      pɨdacy:
\q Huen je ángeles ajcxy nidügꞌócɨy huindzɨgɨ̈huɨpy paꞌtjɨhuɨ̈huɨpy jeꞌ yꞌung.
\m
\v 7 E mɨɨd je ángeles ycɨxpɨ, Dios ymɨnaꞌñ:
\q Yɨ ángeles jaduꞌn yɨꞌ ajcxy nej poj. Yɨꞌ ajcxy huɨdibɨ tzajpjoty tzɨnaayb, jaduꞌn  yɨꞌajcxy nej huɨdzuc, nej jɨɨnyeꞌn.
\m
\v 8 Jaduꞌn Dios ymɨnañ mɨɨd yꞌung ycɨxpɨ:
\q Miich, Diosꞌajtp, miich mꞌaneꞌmɨn huinɨxɨɨ huinɨtiempo yɨꞌ yꞌɨdɨpy. Mɨɨd          mdudägyꞌajtɨn miich mꞌaneꞌmɨpy.
\q
\v 9  Tɨ mdzocy je tɨyꞌajt tɨybɨ, e caꞌ tɨ mꞌixaꞌñ je jɨbɨcpɨ. Paady ycɨxpɨ Dios, miich mDios, tɨ xyhuinꞌixy, e tɨ yejctäy nïgɨ ma miich je jotcujcꞌajtɨn je xondaacɨn, caꞌydɨ ma yɨ mmɨꞌaneꞌmbɨdɨjc.
\m
\v 10 Dios nañ jaduꞌn ymɨnaꞌñ:
\q Miich, Huindzɨn Dios, ogaꞌnꞌaty mbɨdac nej naaxhuiñybɨ chondacy, e mɨɨd miich mmɨcꞌajt myajꞌoyɨɨy je tzajp.
\q
\v 11 Cɨjxtähuɨp yɨ naaxhuiñybɨ etz yɨ tzajp, per miich huɨꞌmɨp huinɨxɨɨ huinɨtiempo. Jaduꞌn yɨ naaxhuiñybɨ etz yɨ tzajp yꞌamɨjɨydähuɨpy nej huit.
\q
\v 12 Jaduꞌn miich yɨ naaxhuiñybɨ etz yɨ tzajp mꞌanëgɨpy nej tüg huit yajꞌanëgyɨn. Jaduꞌn miich yɨ naaxhuiñybɨ etz yɨ tzajp myajtɨgadzɨpy nej jäy ajcxy yajtɨgach yhuit. Chi miich jeꞌnɨ mꞌidɨpy, je mxɨɨ mjɨmɨjt ni mɨna ycacɨxɨpy ycatɨgoyɨpy.
\m
\v 13 Ni camɨna Dios canɨmay ni tüg je ángeles ajcxy:
\q Ɨñaꞌ ma ɨɨch nmɨjc aꞌoyꞌamy, ixtɨ mabaad ɨɨch miich je mmɨdzip nmɨmadactäyɨch, jaduꞌn yɨꞌajcxy nipaadɨpy nej yɨꞌ miich mdecypocxpejtꞌadyii.
\m
\v 14 Tügꞌócɨy je ángeles ajcxy ac espíritu yɨꞌ ajcxy, e ytungɨxy ma Dios, yquexyöygɨxy jɨgɨx pubedɨpy je jäy ajcxy huɨdibɨ ajcxy yꞌalma padam ñïdzoocɨn.

\c 2
\s Caꞌ nꞌijxnajx nmɨdonajxɨm nɨgoo yɨ pocyhuinmeecxɨn
\p
\v 1 Mɨɨd jadayaabɨ tɨyꞌajt ycɨxpɨ, oy co yajxon nꞌocjäygugɨɨyɨm Dios ytɨyꞌajt huɨdibɨ tɨ nmɨdoohuɨm, jɨgɨx caꞌ njɨjpyöyduutɨm je Dios ytɨyꞌajt huɨdibɨ jaduꞌn nipatp nej tüꞌaa oybɨ.
\v 2 Pen je ayuc tɨyꞌajt huɨdibɨ ángeles ajcxy yejc jecyꞌajty, huɨꞌm jeꞌ co yjanchɨty. E pɨnjaty pocytumb, e caꞌ cuyduunɨ Dios ytɨyꞌajt, Dios chaachytunɨpy jeꞌ nej padyii mɨɨd ypocy ycɨxpɨ.
\v 3 ¿Nej tijy ɨɨch ajt co Dios ycastigo ngaꞌocpaatɨm, pen jeꞌ jeꞌ yam caꞌ nmɨjpɨdaacɨm je Dios ytɨyꞌajt jaduꞌn nej jëbɨ xyajnïdzoocɨm ajt nꞌalma? Yɨ Huindzɨn Jesús jayɨjpꞌaty cɨꞌm nigapxy Dios ytɨyꞌajt jaduꞌn nej jëbɨ Dios xyajnïdzoocɨm ajt nꞌalma. E jacꞌaxam je discípulos ajcxy nañ jaduꞌn najtzcapxɨ̈y Jesús yꞌayuc, e nïgapxpejty ajcxy co yjanchɨty je Jesús yꞌayuc, e chi capxnajxy ajcxy jada tɨyꞌajt ma ɨɨch ajt.
\v 4 Jaduꞌn anajty capxhuäcxcɨxy Jesús yꞌayuc ma ɨɨch ajt, chi Dios yajniguëxɨ̈cp Jesús yꞌayuc co yjanchɨty co tuñ ijxpejt, mɨjhuinmaꞌñ etz milagro. E co Dios xymooyɨm je yjɨhuɨꞌñ ymɨcꞌajt, chi nijeꞌ nijeꞌ nbaatɨm mɨcꞌajt ma Dios. E jaduꞌn Dios tuñ nej yɨꞌ tzocy.
\s Jesucristo jaduꞌn jeꞌ anajty nej ajcxy yjuugy ymɨgüg
\p
\v 5 Dios caꞌ yɨ ángeles ajcxy ti cötujcɨn möy co yꞌaneꞌmɨty ya naaxhuiñ, jaduꞌn nej xɨɨ tiempo min cɨdägy, je xɨɨ je tiempo huɨdibɨ ɨɨch ajt nnimɨydaacɨm.
\v 6 Hueꞌ janchtɨy ji tügꞌit yjaybetyɨty ma Dios ñecy, ma ymɨnaꞌñ:
\q Miich Dios, ¿ti yɨꞌ je naaxhuiñyjäy, co miich yɨꞌ ajcxy mjäymedzɨɨyb? ¿Ti yɨꞌ je naaxhuiñyjäy, co miich jeꞌ ajcxy mjotmayꞌadyii?
\q 
\v 7 Janch con xɨɨ tiempo miich tɨ mmöy yɨ naaxhuiñyjäy ajcxy e nañ tɨ mmöy jacmɨnacy ymɨcꞌajt yꞌaneꞌmꞌajt caꞌydɨ yɨ ángeles ajcxy. Per jacꞌaxam miich mmöhuaꞌñ naaxhuiñyjäy ajcxy nïgɨ ymɨcꞌajt yꞌaneꞌmꞌajt, caꞌydɨ je ángeles ajcxy. Tügꞌócɨy huidɨjaty miich tɨ myajꞌoyɨ̈y anajty tɨ mbɨdactähuɨp yɨꞌ ma yɨ naaxhuiñyjäy ajcxy aneꞌmɨn.
\q 
\v 8 E co anajty tɨ mbɨdactäy anajty ma yɨꞌ ajcxy yꞌaneꞌmɨn, jaduꞌn nipaady nej jɨhuɨ̈y tügꞌócɨy tijaty huɨdibɨ tɨ myajꞌoyɨ̈y, yꞌidɨpy ma yɨꞌ ajcxy ytecypaꞌt.
\m E jaduꞌn yɨꞌ, co Dios moyday aneꞌmɨn je Cristo. Dios ni ti yɨꞌ caꞌixmach nɨcxy ycaꞌity ma yɨꞌ yꞌaneꞌmɨn. Oy ixyipy caꞌnɨ cham nꞌijxɨm co tügꞌócɨy tijaty ya naaxhuiñ etz tzajpjoty caꞌnɨ amugɨꞌ ycapxycöbɨgyii.
\v 9 Dios tɨ xyajꞌijxɨm co Jesús mɨɨd mɨjꞌajt aneꞌmꞌajt. Je ángeles ajcxy nïgɨ mɨcꞌajt oyꞌajt anajty mɨɨdɨty, caꞌydɨ Jesús co yɨꞌ chɨnay ya naaxhuiñ. Jaduꞌn Dios tuñ jaydëbɨ Jesús yꞌögy mɨɨd jäy ajcxy ypocy ycɨxpɨ. Jadachambɨ Dios tɨ möy Jesús mɨj oyꞌajtɨn, etz mɨj ooy tɨ cömay mɨɨd je tzaachyꞌoꞌcɨn huɨdibɨ ypaat.
\p
\v 10 Tügꞌócɨy huɨdijaty ya yajpatp, jiꞌajtp yɨꞌ mɨɨd Dios ycɨxpɨ etz Dios ymɨcꞌajt yajꞌijtaayb tügꞌócɨy huɨdibɨ jiꞌajtp. Dios tudägy ytuuñ co yajcaꞌpxɨ Jesucristo yꞌoyꞌajtɨn mɨɨd je tzaachypɨ huɨdibɨ tɨ mɨnaxy tɨ yajnaxy.  Mɨɨd co Jesucristo tzaachypɨ tɨ mɨnaxy tɨ yajnaxy, paady ycɨxp jäy ajcxy padaangɨxy Cristo yꞌoyꞌajtɨn.
\v 11 Mɨɨd co Jesucristo, je huɨdibɨ jäy ajcxy yajpocyñïhuaatzp, jiiby mɨcꞌajt tɨ paady ma Dios Teedy, paady ycɨxp yɨꞌ ajcxy huɨdibɨ patcɨxp pocyñïhuaatzɨn nañ jɨm mɨcꞌajt patcɨxy ma Dios Teedy. E mɨɨd co Jesucristo etz yɨꞌ yjäy mɨcꞌajt patcɨxy ma Dios Teedy, paady ycɨxp Dios yꞌung je Jesucristo caꞌ ti tzoꞌyduꞌn jɨhuɨ̈y co yɨꞌ ymɨnaꞌñ co je mɨbɨjcpɨdɨjc jaduꞌn nipaady nej yɨꞌ yjugytɨjc ymɨgügtɨjc.
\v 12 Paady je Cristo ymɨnaꞌñ ma yjaybetyɨty:
\q Miich Dios, ɨɨch miich ngapxpadɨpyɨch ma nmɨgügtɨjcɨch. Nꞌɨɨhuɨpyɨch ɨy mɨɨd miich ycɨxpɨ ma je jäy ajcxy tɨ nayyöymújcɨgɨxy.
\m 
\v 13 Nañ jaduꞌn Cristo ymɨnaꞌñ ma yjaybetyɨty:
\q Nmɨjpɨdägɨbyɨch Dios.
\m E jadügꞌoc ymɨnaanɨp:
\q Cha ɨɨch, mɨɨd je ung anäg ajcxy tɨɨbɨ Dios xymöyɨch.
\p
\v 14 Ma jäy ajcxy ytügquëxꞌajtcɨxy, tügpɨ yxiixy, tügpɨ nɨꞌpy jeꞌ ajcxy. Nañ jaduꞌn Jesús ymɨɨd jeꞌ anajty yxiixy ñɨꞌpy jaduꞌn nej jäy ajcxy ymɨɨdɨty jɨgɨx jëbɨ yꞌögy, e jaduꞌn jeꞌ yajhuindɨgoydähuɨpy je huɨdibɨ anajty jamɨcꞌajtmɨɨd co jäy yajꞌögɨɨyb, jeꞌ jeꞌ je mujcuꞌ.
\v 15 E jaduꞌn je Cristo yajnihuädzɨ̈ctuty tügꞌócɨy pɨnjaty anajty cojuyɨ̈y codoogɨ̈y yꞌijtp ma je mujcuꞌ, mɨɨd co tzɨgɨɨygɨxy yɨ yꞌoꞌcɨn.
\v 16 Janch co Jesús ymiiñ ya naaxhuiñ, caꞌ nmɨnaanɨm co pubedaꞌñ je ángeles ajcxy, jeꞌ janchtɨy ypubedamyb Abraham yꞌap yꞌoc.
\v 17 E mɨɨd jada ycɨxpɨ, Jesucristo jaduꞌn anajty mɨɨdɨty ñinïcx etz yjugyꞌajtɨn túꞌcɨy mɨɨd je jugytɨjc ymɨgügtɨjc ninïcx etz jugyꞌajtɨn, jɨgɨx jëbɨ yɨꞌ naydügpajc codɨnäy naaxhuiñyjäy ajcxy ma Dios yhuinduu mɨɨd tudägyꞌajt etz paꞌayoohuɨn. Etz nañ jaduꞌn jɨgɨx jëbɨ huindzɨgɨ̈y Dios mɨɨd ycɨꞌm ñinïcx mɨɨd jäy ajcxy ypocy ycɨxpɨ, e jaduꞌn yajpocyhuaatztähuɨp yɨ mayjäy ajcxy.
\v 18 Com Jesucristo cɨꞌm tzaachypɨ mɨnajx yajnajx, etz nañ jaduꞌn je mujcuꞌ Jesucristo jotꞌijxy huinmaꞌñꞌijxy, paady ycɨxp Jesucristo jëbɨ pubety pɨnjaty jaduꞌn tzaachypɨ mɨnajxp yajnajxp, etz ma yjotꞌixyii yhuinmaꞌñꞌixyii je mujcuꞌ.
\c 3
\s Jesús jacnïgɨ mɨjɨty yɨꞌ caꞌydɨ Moisés
\p
\v 1 Mɨɨd co Jesucristo jaduꞌn tɨ tuñ, paady ycɨxp miich ajcxy mɨgügtɨjc huɨdibɨ cɨxyjot huinɨjot mɨjpɨdacp Jesucristo, je huɨdibɨ ajcxy Dios tɨ xyhuinꞌijxcɨxy co xyjeꞌadáanɨgɨxy. Pɨdaaccɨx mhuinmaꞌñ yajxon ma je Cristo Jesús, je huɨdibɨ nejhuɨɨyɨm co Dios tɨ quexy ya naaxhuiñ, je huɨdibɨ tügpajc mɨjtungmɨɨd ma Dios, huɨdibɨ tügpajc xycodɨnaayɨm ma Dios.
\v 2 Jesús tudägy yɨꞌ tɨ yꞌity ma Dios yhuinduu, je Dios huɨdibɨ tɨ yajnïbɨgyii je mɨjtung, tɨm jaduꞌn nej Moisés yꞌijty tudägy ma je ytung mɨɨd tügꞌócɨy jäy huɨdibɨ anajty tɨ cöbɨjccɨxy Dios ycötujcɨn ma Moisés.
\v 3 Jesús ymɨhuaad nïgɨ huindzɨgɨꞌñ etz cömayɨn, caꞌydɨ Moisés. Tɨm jaduꞌn nej pɨn tüg tɨjccojpɨ jeꞌ jeꞌ ijtp cömay, caꞌ nmɨnaanɨm je tɨjc ijtp cömay.
\v 4 Tüg tüg tɨjc jɨm jeꞌ pɨn cojp. Per Dios yɨꞌ tɨ yajcojtäy yajꞌoyɨydäy tügꞌócɨy huɨdibɨ jiꞌajtp.
\v 5 E jaduꞌn je Moisés tudägy jeꞌ ytuuñ mɨɨd tügꞌócɨy jäy huɨdibɨ tɨ paady Dios ycötujcɨn ma yɨꞌ. Je Moisés jeꞌ ytungꞌajtɨ yejcy je tɨyꞌajt huɨdibɨ anajty Dios jacꞌaxam yegamyb.
\v 6 Je Cristo tudägy ytuñ mɨɨd tügꞌócɨy ɨɨch ajt huɨdibɨ mɨjpɨdacp Dios, tɨm jaduꞌn nej tüg jäy yꞌung tudägy ytuñ ma yteedy ytɨjc yteedy ypɨdägy. Jaduꞌn ɨɨch ajt nbaady nej Dios ytɨjc, e Cristo tudägy ytuñ mɨɨd ɨɨch ajt, pen tudägy nmɨbɨjcɨm Dios yꞌayuc, caꞌ nꞌixmajtzɨm ajt nmɨbɨjcɨn. Pen nmɨjpɨdaacɨm Dios agujc jotcujc ixtɨ mabaad nꞌoꞌcɨm mɨɨd jeꞌ ycɨxpɨ huɨdibɨ njɨjpꞌijxɨm ma Dios.
\s Dios yjäy ajcxy ypoocxɨn
\p
\v 7 Paady ycɨxp jaduꞌn yjaybetyɨty ma Dios ñecy ma je Espíritu Santo jaduꞌn ymɨnañ:
\q Jadachambɨ pen mɨdooyb miich ajcxy nej Dios ymɨnaꞌñ,
\q 
\v 8 caꞌ ajcxy mꞌijtcɨxy jotjuuñ jaduꞌn nej jeꞌ anajty ajcxy jotjuuñ yꞌity, jeꞌ ajcxy huɨdibɨ mɨbɨdɨ̈gy Dios jecyꞌajt (co ajcxy yꞌijty jɨm mɨjtɨgɨ̈duum). Je xɨɨ je tiempo jecyꞌajty co ajcxy jotꞌijxy huinmaꞌñꞌijxy Dios.
\m
\v 9 Chi Dios ymɨnaꞌñ:
\q Miich ajcxy mmɨjꞌap mmɨjteedy ajcxy jɨm mɨjtɨgɨ̈duum xyjotꞌijx xyhuinmaꞌñyꞌijxɨch ajcxy jecyꞌajty. Caꞌ ajcxy jäymech co ajcxy yꞌijxy anajty canaag mɨjhuinmaꞌñ huɨdibɨ ndumybɨch anajty mɨɨd yɨꞌ ajcxy ycɨxpɨ huixchiguïpx jɨmɨjt.
\q
\v 10 Paady njotmaꞌtyɨch mɨɨd miich ajcxy mmɨjꞌap mmɨjteedy jecyꞌajty, e nmɨnaañɨch: “Nɨɨdɨgoy tüdɨgoy ajcxy jabom jabom ma yjot yhuinmaꞌñ. E caꞌ ajcxy nejhuɨ̈huaangɨxy anajty ɨɨch nnɨɨꞌaa ndüꞌaa.”
\q 
\v 11 Paady yɨꞌ ajcxy nmɨjotmaꞌtyɨch, e janch janch nnɨmaayɨch ajcxy, e caꞌ nꞌɨɨndägyɨch, co caꞌ ajcxy ytɨgɨ̈huɨpy ma ɨɨch nbocxtac.
\p
\v 12 Mɨgügtɨjc, naygüendꞌájtɨgɨx nidüg nidüg co ni tüg miich ajcxy mgamɨɨdꞌadɨp jɨbɨcjot jɨbɨc-huinmaꞌñ, e ni mgaꞌixmájtzcɨxɨpy Dios juugypɨ yꞌayuc, mɨɨd co caꞌ mmɨbɨjccɨxy.
\v 13 Hueꞌ janchtɨy nayjotꞌamɨjmóoyɨgɨxy miñ xyipy jabom jabom namɨ xɨɨ tiempo yjacnɨcxñɨ. Jaduꞌn miich ajcxy mdunɨpy, caꞌydɨ ajcxy yɨ pocytunɨɨ xyhuinꞌɨɨngɨxy, e chi anajty mnaybɨdáacɨgɨxy jotjuuñ.
\v 14 Pen nmɨbɨjcɨm nmɨjpɨdaacɨm Cristo yꞌayuc tɨɨbɨ nbaatɨm ogaꞌnꞌaty, e caꞌ nꞌixtɨgɨ̈huaꞌcɨm mabaad nꞌoꞌcɨm, chi jëbɨ nꞌijtɨm mɨɨd Cristo.
\p
\v 15 Jeꞌ jeꞌ je huɨdibɨ jaybetyɨty ma Dios yꞌayuc:
\q Cham, pen mmɨdooyb miich ajcxy nej Dios ymɨnaꞌñ, caꞌ ajcxy mꞌijtcɨxy jotjuuñ, jaduꞌn nej jeꞌ anajty ajcxy huɨdibɨ Dios mɨjotmaꞌtp anajty mɨɨd co ajcxy mɨbɨdɨ̈gy Dios.
\m
\v 16 ¿Pɨnjaty ajcxy huɨdibɨ jecyꞌajty mɨdou Dios yꞌayuc e mɨbɨdɨ̈gy Dios? Nidügꞌócɨy jeꞌ ajcxy huɨdibɨ tzomb Egipto naaxjot jecyꞌajty mɨɨd Moisés. 
\v 17 ¿Pɨnjaty je Dios ymɨjotmaꞌt jaduꞌn huixchiguɨ̈px jɨmɨjt? Je huɨdijaty ajcxy tundɨgoy mɨɨd Dios ytɨyꞌajt, e jeꞌ ajcxy cɨjx yꞌöctaaygɨxy jɨm mɨjtɨgɨ̈duum.
\v 18 ¿Pɨnjaty Dios ñɨmay co ni camɨna ytɨgɨ̈huɨpy ma je Dios yꞌit ylugar ma jëbɨ ypoocxcɨxy mɨɨd yɨꞌ? Jeꞌ ajcxy huɨdibɨ caꞌ ycapxymɨdoy.
\v 19 Paady nnejhuɨɨyɨm co janch caꞌ ajcxy jajty nej ytɨgɨ́ɨygɨxyɨpy ma Dios yꞌit ylugar mɨɨd co ajcxy caꞌ mɨbɨjcy Dios yꞌayuc.
\c 4
\p
\v 1 Com nmɨɨdnɨ ajt Dios yꞌayuc, jaduꞌn nej tɨ xyajꞌahuanɨɨyɨm co ndɨgɨɨyɨm ma yɨꞌ chɨnaydac yjugyꞌajttac, e nboocxɨm mɨɨd yɨꞌ. Paady ooy tzocy co ndzɨgɨɨyɨm Dios. Caꞌ jecyɨty co nidüg miich ajcxy caꞌ mdɨgɨ̈huɨpy mɨɨd co caꞌ mmɨbɨjccɨxy Dios yꞌayuc. 
\v 2 Nañ jaduꞌn tɨ ɨɨch ajt nmɨdoohuɨm je Dios yꞌayuc oybɨ, tɨm jaduꞌn nej yɨꞌ ajcxy jecyꞌajty tɨ mɨdooy. Per caꞌ Dios yꞌayuc ma tɨ ypubedyii ajcxy co tɨ jamɨdoogɨxy je tɨyꞌajt. Com hueꞌ ajcxy ymɨdou, e caꞌ ajcxy mɨjpɨdacy.
\v 3 Ɨɨch ajt com tɨ nmɨbɨjcɨm je Dios yꞌayuc oybɨ, ɨɨch ajt jeꞌ tɨgɨ́ɨyɨmɨp ma je it huɨdibɨ Dios tɨ tijy ma jëbɨ nboocxɨm mɨɨd yɨꞌ. Com Dios jaduꞌn ymɨnañ:
\q Paady yɨꞌ ajcxy nmɨjotmaꞌtyɨch, e nnɨmäyɨch ajcxy, nꞌɨɨbaadyɨch ngapxpaadyɨch nꞌayuc, co ni camɨna xɨɨ yɨꞌ ajcxy ypocxtac capaadɨpy ma ɨɨch.
\m Tügꞌócɨy huɨdibɨ Dios yajcojy yajꞌoyɨɨy, hueꞌ tɨ yajcojy tɨ yajꞌoyɨɨy jayɨjpnɨ caꞌnɨ anajty naaxhuiñybɨ chondacy.
\v 4 Com ma yjaybetyɨty je tɨyꞌajt jiiby muumɨty nigapxy je mɨhuixtujcxɨɨbɨ ma jaduꞌn ymɨnaꞌñ:
\q Dios ypoocxy je mɨhuixtujcxɨɨbɨ mɨɨd jeꞌ ytung ycɨxpɨ tɨɨbɨ anajty tuñ.
\m
\v 5 E jadüg it yjaybetyɨty ma Dios ñecy ma jaduꞌn ymɨnañ:
\q Caꞌp yɨꞌ ajcxy ytɨgɨ́ɨygɨxɨpy ma ɨɨch nbocxtac.
\m 
\v 6 Hueꞌ janchtɨy Dios yjacmɨɨdꞌajtyñɨ it lugar ma ypocxtac ma jëbɨ pɨnjaty ytɨgɨ̈huɨp. Yɨꞌ ajcxy huɨdibɨ tzɨnay jecyꞌajty huɨdibɨ jayɨjp mɨdou Dios yꞌayuc, caꞌ jeꞌ ajcxy ytɨgɨɨy ma Dios ypocxtac, mɨɨd co ajcxy capxycömɨdoodacy Dios.
\v 7 Paady ycɨxpɨ Dios tɨ pɨdägy tüg xɨɨ tüg tiempo mɨna jëbɨ pɨnjaty tɨgɨ̈huɨpy ma yɨꞌ ypocxtac. Jeꞌ jadachambɨ xɨɨ tiempo Dios tɨ pɨdägy. Dios tɨ xyñɨmaayɨm nej David ymɨnañ tzach com jecy, nej miiñ jaybety huɨdibɨ tɨ yajnigapxy co jaduꞌn ymɨnaꞌñ:
\q Jadachambɨ pen mɨdooyb miich ajcxy nej Dios ymɨnaꞌñ, caꞌ ajcxy mnaybɨdáacɨgɨxy jotjuuñ.
\m 
\v 8 Co Josué je Israel jäy ajcxy camoy je poocxɨn, caꞌ Dios canigapxy huingbɨ xɨɨ mɨna ytɨgɨ̈huaꞌñ ajcxy ma Dios ypocxtac.
\v 9 Paady ycɨxp, jaduꞌn yjac-huɨꞌmyñɨ jadüg xɨɨ tiempo mɨna Dios yjäy ytɨgɨ̈huaꞌñ ma Dios ypocxtac.
\v 10 Com pɨnjaty tɨgɨɨyb ma Dios ypocxtac hueꞌ jeꞌ ypocxy mɨɨd jeꞌ ytung ycɨxpɨ tɨɨbɨ anajty tuñ, tɨm jaduꞌn nej Dios ypoocxy je mɨhuixtujcxɨɨbɨ mɨɨd jeꞌ ytung ycɨxpɨ tɨɨbɨ anajty tuñ.
\v 11 Hueꞌ tzocy co naymɨcꞌijxɨm nej huaad ndɨgɨɨyɨm ma je Dios ypocxtac, caꞌ yjecyɨty co nijëjɨty miich ajcxy mbaduunɨpy nej ajcxy yꞌɨdɨɨch huɨdibɨ ajcxy caꞌ mɨbɨjcy Dios yꞌayuc, e caꞌ mdɨgɨɨygɨxɨpy ma Dios ypocxtac.
\p
\v 12 Com yɨ Dios yꞌayuc ijtp yɨꞌ huinɨxɨɨ huinɨtiempo, e ymɨɨd mɨcꞌajt. Nïgɨ yajtɨgɨyñajxtäy ninïcx, jot almɨ, caꞌydɨ tüg espada huɨdibɨ mejtzꞌaduꞌmꞌamy jɨjpɨp etz yjɨjpxuꞌñɨty. E Dios yꞌayuc nejhuɨydaayb nej jäy ajcxy yjot yhuinmaꞌñ mɨɨdɨty, e tügꞌócɨy tijaty ajcxy ñijotꞌajtcɨxyp.
\v 13 Caꞌ ji ni ti huɨdibɨ Dios tɨ yajcojy nɨcxy ñayyüchyii ma yɨꞌ yhuinduu. Tügꞌócɨy nej ajt njot nhuinmaꞌñ nmɨɨdɨty ñiguëxɨ̈ctähuɨp yɨꞌ ma Dios, je Dios ma ɨɨch ajt nguendɨ ngɨ̈yegaanɨm, yɨꞌ ijxtaayb ajt njot nhuinmaꞌñ.
\s Jesús yɨꞌ jeꞌ je mɨjhuingapxpɨ ma Dios
\p
\v 14 Jesús, je Dios yꞌung, yɨꞌ jeꞌ tügpajc jacmɨjtungmɨɨd huɨdibɨ xycodɨnaayɨm ma Dios mɨɨd ajt nbocy ycɨxpɨ. E Jesús tɨ ytɨgɨ̈y ma Dios yhuinduu, paady ycɨxp tzoc ijtɨm tudägy ma ajt nmɨbɨjcɨn.
\v 15 Pues com Jesucristo, je huɨdibɨ tügpajc mɨjtungmɨɨdɨp ma Dios, je huɨdibɨ xycodɨnaayɨm etz xyhuingapxɨm ma Dios, com Cristo tzaachypɨ etz ijxtaꞌnɨ canaagnax tɨ yajnaxy, tɨm jaduꞌn nej ɨɨch ajt tzaachypɨ etz ijxtaꞌnɨ nyajnajxɨm, per jeꞌ caꞌ ma ti bocy tuuñ. Paady ycɨxpɨ jëbɨ Cristo ajt xypaꞌayoohuɨm co ajt nyajnajxɨm tzaachypɨ etz ijxtaꞌnɨ.
\v 16 Tzoc agujc jotcujc nmɨhuingoonɨm je Dios yꞌaneꞌmdac e nꞌojadajtɨm nmɨbɨjctzoohuɨm Dios, jaydëbɨ co anajty jotmay nmɨɨdꞌajtɨm, chi Dios mayꞌajt oyꞌajt tunɨpy mɨɨd ɨɨch ajt ycɨxpɨ.
\c 5
\p
\v 1 Tüg tüg mɨjtungmɨɨdpɨ huɨdibɨ huingapxp jäy ajcxy ma Dios, hueꞌ jeꞌ yajhuinꞌijxp ma yëydɨjctɨjc, etz yajnïgapxpejty, jaydëbɨ yhuingapx jäy ajcxy ma Dios etz yajnaxɨpy Dioscojuyip mɨɨd jäy ajcxy ma Dios, etz yegɨpy huindzɨgɨꞌñ ma Dios mɨɨd jäy ajcxy ypocy ycɨxpɨ.
\v 2 Je mɨjtungmɨɨdpɨ jäy ajcxy yajnïbɨjc huɨdibɨ huingapxp jäy ajcxy ma Dios, jëbɨ yɨꞌ ajcxy paꞌayooy huenpɨnɨty huɨdibɨ pocy ymɨɨd, com nañ jaduꞌn yɨꞌ ajcxy pocy jɨhuɨ̈y.
\v 3 E mɨɨd ycɨꞌmbocy ycɨxpɨ copɨcy yegɨpy huindzɨgɨꞌñ ma Dios etz mɨɨd jacjadyii jäy ajcxy ypocy ycɨxpɨ.
\p
\v 4 Ni pɨn huaad cɨꞌm ycanaymöyii je jaduꞌmbɨ tung co yhuingapxɨty ma Dios. Dios yhuinꞌijxpy pɨnjaty huingapxɨp ma yɨꞌ mɨɨd jäy ajcxy ycɨxpɨ, tɨm jaduꞌn nej Dios huinꞌijxy Aaron jecyꞌajty etz yajnïbɨjcy yɨ jaduꞌmbɨ tung.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                            
\v 5 Jaduꞌn yjajty mɨɨd je Cristo, caꞌ cɨꞌm nayñibɨjctzoohuɨɨyɨ ma yɨ jaduꞌmbɨ tung. Dios yajnïbɨjcɨ co huingapxɨp mɨɨd jäy ajcxy ycɨxpɨ, e tɨ ymöyii je mɨjꞌajt jaduꞌn nej anajty tɨ nɨmäy:
\q Miich jeꞌ ɨɨch nꞌung. Ɨɨch miich mjugyꞌajt tɨ mmöy cham.
\m 
\v 6 Nañ jaduꞌn ymɨnaꞌñ jadügꞌit ma Dios ñecy:
\q Miich jeꞌ mhuingapxyp je jäy ajcxy ma Dios huinɨxɨɨ huinɨtiempo, tɨm jaduꞌn nej Melquisedec ytuuñ.
\m 
\v 7 Co Cristo chɨnay ya naaxhuiñ, chi ooy mɨjuydägy mɨnucxtägy Dios, chi ooy mɨbɨjctzoy janch mɨc je Dios huɨdibɨ jëbɨ ycohuaꞌñyii ma je oꞌcɨn. Mɨɨd co ooy mɨbɨjcy ooy huindzɨgɨɨy Dios mɨɨd yung naxy yjot yhuinmaꞌñ, paady Dios ymɨdoohuɨ.
\v 8 Je Cristo oy jeꞌ anajty Dios jaꞌungꞌadyii, yjajtɨ nej ycapxymɨdoohuɨpy Dios, mɨɨd jeꞌ ycɨxpɨ nej anajty tɨ yꞌayoy ya naaxhuiñ.
\v 9 Co Cristo yajcaꞌpxy yɨꞌ yꞌoyꞌajtɨn mɨɨd je tzaachypɨ huɨdibɨ ymɨnajxy yajnajxy, chi niꞌixɨꞌ anajty yꞌity jëbɨ copꞌadyii alma nïdzoocɨn huinɨxɨɨ, jaydëbɨ tügꞌócɨy pɨnjaty capxymɨdoob Cristo, ypaadɨp ajcxy yꞌalma nïdzoocɨn.
\v 10 Dios jaduꞌn yajnïbɨjcy Jesús co yajnɨcxɨp je jac mɨjpɨ tung ma yɨꞌ co huingapxɨp jäy ajcxy ma Dios, tɨm jaduꞌn nej Melquisedec ytuñ jecyꞌajty.
\s Je ayoꞌn co njɨjpyöyduutɨm yɨ mɨbɨjcɨn
\p
\v 11 Ooy ɨɨch miich ajcxy mɨj nmɨɨdmɨydägaꞌñ ma jadayaabɨ tɨyꞌajt, per ooy chachchip nimɨydaacnɨty, com caꞌ miich ajcxy mɨcꞌamy mhuinɨjɨhuɨ̈huɨpy Dios ytɨyꞌajt.
\v 12 Jaduꞌn nej jada xɨɨ tiempo tɨ yjejcnɨ ma miich ajcxy ogaꞌn tɨ mmɨbɨcy. Hueꞌ miich ixyipy ajcxy mniyajꞌixpɨjcnɨp Jesucristo ytɨyꞌajt je tzipjatypɨ. Per miich ajcxy mdzojcyñɨ co myajnajtzcapxɨ̈huɨpy huinjemy je Dios yꞌayuc huɨdibɨ caꞌ chipɨty. Tɨ miich ajcxy mꞌahuimbijttaaygɨxy caꞌ mɨc majaa ma mmɨbɨjcɨn. Hueꞌ jëyɨ miich ajcxy jaduꞌn nipaady nej piꞌctɨjc huɨdibɨ leche uucp, e caꞌ jaduꞌn paady nej mɨjꞌanäctɨjc huɨdibɨ caagy caayb.
\v 13 Pɨnjaty yajpatp ma jada ixpɨjcɨn huɨdibɨ caꞌ chipɨty, jaduꞌn yɨꞌ nej maꞌxungdɨjc com caꞌ jajtcɨxy je ayuc tɨyꞌajt tɨybɨ.
\v 14 Jeꞌ tzipjatpyɨ tɨyꞌajt je jeꞌ winjɨhuɨɨygɨxp, jeꞌ huɨdibɨ ymɨbɨjkɨn mɨj may mɨdꞌajtkɨxpɨn, jɨduꞌn nej jeꞌ huɨdibɨ yꞌaa ytɨɨtz jim ajkɨxyɨn jeꞌ tɨ̈tzpɨ jɨch kaagy jeꞌ ykaaygɨxpy, jeꞌ ko yjajtkɨxpy jeꞌ nej winjɨwɨɨygɨxɨchɨn jeꞌ huɨdibɨ oy, etz jeꞌ huɨdibɨ kaꞌoyɨn.
\c 6
\p
\v 1 Paady tzoc nïgɨ yajyujcpejtɨm nꞌixpɨjcɨn ma Dios ytɨyꞌajt, tzoc ajt yajyeecɨm nmɨbɨjcɨn, jɨgɨx jaduꞌn nipaadɨp jaduꞌn nej jäy tɨɨbɨ yhuinmaꞌñ ycaꞌpxtaayñɨ. Caꞌ nꞌagapxɨyoꞌcɨm canaagꞌoc jabom jabom je tɨyꞌajt huɨdibɨ tɨ nbaatɨm co ogaꞌn nmɨbɨjcɨm Cristo. Caꞌ janam jatzojc nꞌixpɨjcoꞌcɨm huɨdibɨ ogaꞌn tɨ nꞌixpɨjcɨm jaduꞌn nej co njothuimbijtɨm nej anajty ndunɨm jɨbɨcpɨ huɨdibɨ xyajnɨcxɨm ma yɨ oꞌcɨn, e jaduꞌn nej nmɨbɨjcɨm Dios ogaꞌn. 
\v 2 Caꞌ jadügꞌoc nꞌixpɨjcoꞌcɨm je ixpɨjcɨn mɨɨd je nɨɨbejtɨn ycɨxpɨ, etz jaduꞌn nej yajcɨ̈nïxajy je mɨbɨjcpɨdɨjc jaydëbɨ paadɨp ajcxy je Dios yjɨhuɨꞌñ ymɨcꞌajt, etz jaduꞌn nej yɨ öcpɨ ajcxy yjugypɨgɨpy co anajty tɨ öccɨxy, etz jaduꞌn nej Dios tzaachytunaꞌñ huinɨxɨɨ pocyjäydɨjc.
\v 3 Chi njacꞌixpɨjcɨm Dios yꞌayuc je tzipjatypɨ, pen Dios jaduꞌn tzojcpy.
\p
\v 4 Com pɨnjaty tɨ huinjɨhuɨ̈y Dios yꞌayuc ytɨyꞌajt, e jäygɨdägy huɨdibɨ Dios yejcpy, etz mɨɨdɨty Dios yjɨhuɨꞌñ ma yꞌay yjot, jaduꞌn jeꞌ nipaady nejjɨhuɨ̈y chɨnay ma jɨɨn ytɨɨcxɨn.
\v 5 Etz tɨ ajcxy jäygɨdägy Dios yꞌayuc ytɨyꞌajt, e tɨ jɨhuɨɨygɨxy Dios yjɨhuɨꞌñ ymɨcꞌajt huɨdibɨ yajtzɨnaayɨp ajcxy yꞌalma ma je xɨɨ je tiempo huɨdibɨ miimb cɨdacp.
\v 6 Yɨ jaduꞌmbɨ jäy, pen tundɨgooyb ajcxy jadügꞌoc mɨɨd Dios ytɨyꞌajt, e ixmach ajcxy nej anajty tɨ mɨbɨjccɨxy Jesucristo, caꞌp jëbɨ jadügꞌoc jothuimbijtcɨxy ma Dios mɨɨd pocy ycɨxpɨ e pɨjctzoogɨxy pocyhuinmeecxɨn jadügꞌoc. Co ixyipy jaduꞌn ajcxy tuñ, chi huimbɨdzɨmy nej ajcxy jadügꞌoc yajcruudzpejtcɨxy je Dios yꞌung mɨɨd ajcxy ypocy ycɨxpɨ, e nɨxiiccɨxy yajxiiccɨxy nej Jesucristo yꞌoꞌcy mɨɨd ajcxy ypocy ycɨxpɨ.
\v 7 Jaduꞌn yɨꞌ ajcxy nej naax nɨɨꞌuuctɨ̈ch naagꞌoc naagꞌoc ytuꞌy. E pen je naax yejcpy ooy cosecha ma pɨn tɨ ñïpy tɨ ytuñ, Dios jeꞌ anajty yconuucxɨn ymɨɨd.
\v 8 Pen actɨm apy etz actɨm jɨbɨc ujtz ypɨdzɨmy ma je naax, caꞌ jeꞌ ti tzoohuɨty, e Dios jeꞌ yajtɨgoyamb etz nöctähuɨp ma je mɨj jɨɨn. (Jada naax jaduꞌn jadaꞌ nipaady jaduꞌn nej jäy huɨdibɨ tɨ ixmach ymɨbɨjcɨn.)
\s Yɨ huɨdibɨ nmɨbɨjcɨm yɨꞌ xyhuijtzꞌijtɨm tudägy
\p
\v 9 Mɨgügtɨjc ajcxy huɨdibɨ ooy ndzocyɨch, oy ɨɨch ajcxy jaduꞌn njamɨɨdmɨydägyɨch miich ajcxy, janch nejhuɨɨybɨch co caꞌ ajcxy tɨ mꞌixmach yɨ mɨbɨjcɨn, etz nejhuɨɨybɨch co oybɨ conuucxɨn mbaadaangɨxyp ma Dios etz mꞌalma ajcxy nïdzoocɨn paadaangɨxy. 
\v 10 Com Dios ooy yɨꞌ ytudägyɨty, e caꞌ yɨꞌ jäydɨgoy huɨdibɨ miich ajcxy mdumyb mɨɨd yɨꞌ ycɨxpɨ, jaduꞌn nej oyjäyꞌajtɨn tɨ mdungɨxy mɨɨd jacjadyii mɨbɨjcpɨdɨjc, e chambaad jaduꞌn mdungɨxy.
\v 11 Hueꞌ ɨɨch ajcxy ndzocyɨch co miich ajcxy nidüg nidüg mnixondaaccɨx tungɨx oyjäyꞌajtɨn ixtɨ mabaad mꞌöccɨxy, jɨgɨx mbaadɨpy ajcxy tügꞌócɨy huɨdibɨ ajcxy mjɨjpꞌijxyp ma Dios.
\v 12 Caꞌ ɨɨch ajcxy ndzojccɨxy co miich ajcxy mꞌahuimbidɨpy nuux. Padungɨx miich ajcxy jaduꞌn nej ajcxy
ytungɨxy huɨdibɨ mɨbɨjcp Jesucristo etz huɨdibɨ yajtungɨxp mecxtujcɨn, jaydëbɨ mbaatcɨxy tɨɨbɨ Dios xyajꞌahuanɨɨygɨxy.
\p
\v 13 Co jecyꞌajty Dios moy Abraham jeꞌ yꞌayuc, cɨꞌm jeꞌ nïgapxpejty yꞌayuc, com caꞌanajty ji jac mɨjpɨ pɨn nïgapxpedɨpy jeꞌ yꞌayuc.
\v 14 Chi Dios Abraham nɨmay:  “Janch co ɨɨch miich ngonucxɨp, e nmöhuɨpy may mꞌapꞌung mꞌapmang.” 
\v 15  E jaduꞌn Abraham yꞌahuijxy mɨɨd mecxtujcɨn, e jaduꞌn ycɨ̈dɨgɨɨyɨ huɨdibɨ anajty Dios tɨ yajꞌahuanɨ̈yii.
\v 16 Co ajcxy jäy ycapxcɨxy co yjanchɨty, jɨm jeꞌ pɨn ñïgapxpejtp je yꞌayuc, je pɨn jacmɨjɨp, jeꞌ nïgapxpejtpy jada ayuc. E co nïgapxpety jeꞌ yꞌayuc, chi je ayuc yꞌity, e caꞌ huaad pɨnjaty ymɨnaꞌñ co caꞌ yjanchɨty.
\v 17 Paady ycɨxpɨ Dios nïgapxpejty ycɨꞌmꞌayuc, mɨɨd co anajty yajnejhuɨ̈huaꞌñ je jäy ajcxy co cuydunaꞌñ yꞌayuc tɨɨbɨ ahuanɨ̈y.
\v 18 Ji yajpaady mejtznax Dios yꞌayuc huɨdibɨ caꞌ huaad capxtɨgach, e Dios caꞌ yꞌanɨɨdägy nimɨna. E co Dios jaduꞌn tuñ, chi xyajjotcugɨɨyɨm mɨj, ɨɨch ajt huɨdibɨ nꞌixtaayɨm e ndzojcɨm yɨꞌ ypubejtɨn. E tɨ nmɨjpɨdaacɨm yɨꞌ yꞌayuc jaduꞌn nej jɨjpꞌijxɨm co xymöhuaanɨm ajt nꞌalma jugyꞌajtɨn huɨdibɨ caꞌ ycɨxɨpy ytɨgoyɨpy ni mɨna.
\v 19 E mɨɨd co njɨjpꞌijxɨm co Dios xymöhuaanɨm ajt nꞌalma jugyꞌajtɨn huɨdibɨ caꞌ ycɨxɨpy ytɨgoyɨpy, paady ajt nꞌalma jotcujc ijtɨm caꞌ ma tzɨgɨꞌñ jɨhuɨꞌñ. Jaduꞌn Dios yꞌayuc nipaady mɨɨd ɨɨch ajt ycɨxpɨ nej tüg pujx huɨdibɨ je barco huonꞌijtp mejyjoty, caꞌydɨ nej yjaty je barco. Ɨɨch ajt njɨjpꞌijxɨm co ndɨgɨ̈huaanɨm ma Dios yꞌit tzajpjoty, tɨm jaduꞌn nej je judío sacerdote mɨjtungmɨɨdpɨ ytɨgɨ̈y anajty jecyꞌajty ma Dios yꞌit ma je Dios ytɨjc, je it huɨdibɨ anajty adɨyducyɨp mɨɨd huit.
\v 20 Tɨgɨ̈huaanɨm ɨɨch ajt ma je Dios yꞌit tzajpjoty ma Jesús ytɨgɨ̈y mɨɨd ɨɨch ajt ycɨxpɨ, Jesús tɨ yajꞌahuäch nej jëbɨ ndɨgɨɨyɨm ma Dios yꞌit. E jaduꞌn Jesús naydügpajc huingapxy etz codɨnäy mayjäy ma Dios yhuinduu huinɨxɨɨ huinɨtiempo. Jesús ytung tɨm jaduꞌn nipaady nej Melquisedec ytuñ jecyꞌajty.
\c 7
\s Yɨ Jesús tɨm jaduꞌn ymɨjɨty nej Melquisedec
\p
\v 1 Je Melquisedec hueꞌ jeꞌ anajty reyꞌajtp ma je cajp huɨdi yxɨɨ Salem, e jeꞌ anajty huingapxp ma je mɨjpɨ janchypɨ Dios tzajpjotypɨ. Co anajty Abraham yhuimbity co anajty oy tɨ chiptuñ, ma anajty je reydɨjc oy tɨ yajqueec-huäcxtäy tɨ mɨmadactäy, chi Melquisedec chooñ oy jɨjpcoyöyɨ̈y Abraham, e chi ooy Dios mɨjuydacy mɨnucxtacy mɨɨd Abraham ycɨxpɨ.
\v 2 Huɨdibɨ anajty Abraham tɨ paady ma anajty oy tɨ chiptuñ, chi jeꞌ pɨjc-huäcxy majcpɨcy, chi pugooñ tüg-pɨcy mooy je Melquisedec. Melquisedec yxɨɨ hueꞌ yhuimbɨdzɨmy “rey tudägypɨ”. E com co anajty yreyꞌaty jɨm Salem, hueꞌ Salem yhuimbɨdzɨmy “jotcujcꞌajtɨn”, paady jëbɨ nmɨnaanɨm jaduꞌn, “je rey huɨdibɨ jotcujcꞌajtɨn yejcp”.
\v 3 Je Melquisedec caꞌp anajty yajnejhuɨ̈y ytaj yteedy, ni yꞌap yteedy. Ni ycayajnimɨydägy nej ypiꞌcꞌajty etz nej yꞌögy. Tɨm jaduꞌn jeꞌ anajty yajpaady nej je Dios yꞌung, tüg huɨdibɨ huingapxp jäy ajcxy ma Dios huinɨxɨɨ huinɨtiempo.
\p
\v 4 Occuendɨtungɨxy miich ajcxy nej je Melquisedec anajty ooy ymɨjɨty. Je Abraham, ɨɨch ajt nmɨjꞌap nmɨjteedy cɨꞌm mooy Melquisedec je tüg pɨcypɨ huɨdibɨ anajty tɨ pɨjcɨ je rey ajcxy ma oy chiptuñ.
\v 5 Nej Moisés ycötujcɨn yꞌaneꞌmy jeꞌ anajty ajcxy yhuingapxy ma Dios ytɨjc je pɨnjaty Leví yꞌungꞌajtpy yꞌanäcꞌajtpy, yꞌapꞌungꞌajtpy yꞌapmangꞌajtpy. Jeꞌ ajcxy cötujc mɨɨd co jäy ajcxy yajcuendꞌadɨpy tügpɨcy je majc-pɨcypɨ huɨdibɨ xɨɨ diezmo. Oy jeꞌ anajty ajcxy jaꞌajugyꞌadyii jaꞌamɨgügꞌadyii, com hueꞌ anajty ajcxy Abraham yꞌap yꞌoc nidügꞌócɨy.
\v 6 Per Melquisedec oy jeꞌ anajty caꞌ Leví apꞌadyii teedyꞌadyii, yajcuejt je Abraham tügpɨcy je majc-pɨcypɨ. Jeꞌ jeꞌ anajty huɨdibɨ cɨ̈dɨgɨɨyɨ tɨɨbɨ anajty Dios yajꞌahuanɨ̈yii. Jaduꞌn Melquisedec yajpuhuanɨɨy Dios je Abraham.
\v 7 Ni pɨn ycamɨnaꞌnɨp co caꞌ yjanchɨty co je pɨn conuucxɨn yejcp, jac mɨj jeꞌ, caꞌydɨ je pɨn yajconuucxp.
\v 8 Ya ma ɨɨch ajt, pɨn cɨ̈dɨgɨɨyɨp tügpɨcy je majcpɨcypɨ (diezmo), hueꞌ jeꞌ ajcxy jäy huɨdibɨ öcp. Per jaduꞌn nej anajty Melquisedec, jaduꞌn ymɨnaꞌñ ma yjaybetyɨty co jeꞌ yjactzɨnaayñɨ.
\v 9 E jëbɨ yajmɨnaꞌñ co je Leví etz jaduꞌñyɨbaad je yꞌap yꞌoc huɨdibɨ ajcxy huingapxp ma Dios, e yajcuejtcɨxy Israel jäy huɨdibɨ Dios patɨp, nañ jaduꞌn nipaady nej jɨhuɨ̈y ymɨgüety jeꞌ ajcxy je Melquisedec huinꞌit co Abraham ymɨgüejtɨ.
\v 10 Jaduꞌn nipaady nej jɨhuɨ̈y Abraham ñïgɨxꞌajtyñɨ yꞌapꞌajtɨn yteedyꞌajtɨn Leví etz jacjadyii je huɨdibɨ anajty ajcxy caꞌnɨ ypiꞌcꞌatyñɨ ymaꞌxungꞌatyñɨ  co oy Melquisedec yjɨjpcobadɨ̈yii.
\p
\v 11 Je Israel cajp yajcɨ̈dɨgɨɨyɨ jeꞌ je Dios yꞌaneꞌmɨn ycötujcɨn je Levita ajcxy huɨdibɨ anajty huingapxp je mayjäy ma Dios, jeꞌ jeꞌ anajty ajcxy Aarón yꞌap yꞌoc. Chi jadaꞌ co jada ajcxy janch caꞌocyajꞌahuimbijttäy tudägy pɨnjaty anajty je Dios ycötujcɨn payöyb, caꞌp tɨm jeꞌ anajty ycopɨcyɨty co ycajacquëxɨ̈gy jadüg huɨdibɨ codɨnähuɨp je mayjäy ma Dios, caꞌ yꞌocjeꞌjɨñ ma ymiiñ Aarón yꞌap yꞌoc. Je jadügpɨ huɨdibɨ codɨnähuamyb je mayjäy ma Dios, hueꞌ copɨcy co túꞌcɨy naybadɨɨyb mɨɨd Melquisedec.
\v 12 Co ytɨgadzɨpy pɨnjaty huingapxp ma Dios, nañ jaduꞌn ytɨgadzip je tɨyꞌajt je cötujcɨn.
\v 13 Ɨɨch ajt nHuindzɨn Jesucristo, je huɨdibɨ ñimɨydacpy ma Dios ñecy co huingapxaꞌñ je mayjäy ma Dios, huingbɨ ap huingbɨ Teedy jeꞌ anajty, caꞌ yꞌocLevíjɨn. E ni tüg yɨꞌ yꞌamɨgüg caꞌ yhuingapxy ma Dios.
\v 14 Huädz yajnejhuɨ̈y co ɨɨch ajt je nHuindzɨn Jesús hueꞌ jeꞌ anajty ymɨjꞌapꞌajty ymɨjteedyꞌajty je Judá. Moisés caꞌ yɨꞌ capxpaty Judá yꞌap yꞌoc co nimɨydacy pɨnjaty anajty huingapxp je mayjäy ma Dios ytɨjc.
\p
\v 15 Jacniguëxɨ̈cp jada ooy co jadüg ytɨgɨɨy huɨdibɨ tumb ma Dios, huɨdibɨ túꞌcɨy naybaatɨp mɨɨd Melquisedec.
\v 16 Caꞌp Jesucristo yajtungbɨjcɨ co huingapxɨp je mayjäy ma Dios mɨɨd je cötujcɨn huɨdibɨ mɨnaamb co yɨꞌ yꞌamɨgügtɨjc pátɨp yɨ jaduꞌmbɨ tung, je huɨdibɨ ajcxy yjugyꞌajtɨn cɨxɨp tɨgoyɨp. Hueꞌ je Jesucristo chɨnaayɨn yjugyꞌajtɨn caꞌ ycɨxɨpy ytɨgoyɨpy ni mɨna, paady ycɨxp Jesucristo yajtungbɨjcɨ huingapxɨp je mayjäy ma Dios.
\v 17 Com mɨɨd jeꞌ ycɨxpɨ jaduꞌn Dios tɨyꞌajt yejcy co jaduꞌn ymɨnaꞌñ: 
\q Miich jeꞌ cham mhuingapxyp je mayjäy ma ɨɨch. Tüg nax miich mhuingapxɨn nej Melquisedec anajty yhuingapxy.
\m 
\v 18 E jaduꞌn je ogaꞌnbɨ je aneꞌmɨn cötujcɨn huɨdibɨ Moisés yejc, caꞌ yꞌoctunɨ cham, caꞌ jac ti mɨcꞌajt mɨɨdɨty co jaydëbɨ yajtzögɨpy jäy ajcxy yꞌalma.
\v 19 Je Dios ycötujcɨn huɨdibɨ Moisés jayhuɨꞌm jecyꞌajty, caꞌp jeꞌ ni ti yajꞌoybɨdzɨmy yajhuätzpɨdzɨmy. Mɨɨd je huingapxpɨ ycɨxpɨ huɨdibɨ nmɨɨdꞌajtɨm cham jacꞌoy yɨꞌ huɨdibɨ njɨjpꞌijxɨm ma Dios.
\p
\v 20 Co Dios Jesucristo yajtungbɨcy, chi nïgapxpejty ycɨꞌm ayuc co yjanchɨty.
\v 21 Jacjadyii ajcxy huɨdibɨ anajty tungɨxp ma Dios ytɨjc, hueꞌ jeꞌ ajcxy tungmooyɨ, e caꞌ Dios nïgapxpejty yɨꞌ ajcxy yꞌayuc. Per co Jesucristo ytungbɨjcy, chi Dios nïgapxpejty ycɨꞌmꞌayuc. Com jaybety jaduꞌn ma Dios ñecy ma jaduꞌn ymɨnaꞌñ:
\q Je Huindzɨn Dios tɨ nïgapxpety ycɨꞌmꞌayuc, e ni mɨna ycajotmetzcɨ̈huɨpy.
\m Jaduꞌn Dios nɨmay yꞌung:
\q Miich mhuingapxamyb etz mgodɨnähuamyb je mayjäy ma ɨɨch huinɨxɨɨ huinɨtiempo. Jaduꞌn miich mdunɨpy nej Melquisedec ytuuñ.
\m
\v 22 Com Dios ñïgapxpejty ycɨꞌmꞌayuc co yjanchɨty co Jesucristo ytungbɨjcy, paady yɨ Jesús yɨꞌ jeꞌ majamoy mɨcꞌajtmoy je jemybɨ ayuc huɨdibɨ yajhuɨꞌm mɨɨd jäy ajcxy ycɨxpɨ, je jacꞌoybɨ cötujcɨn.
\v 23 Jacjadyii huɨdibɨ anajty yhuingapxcɨxy ma Dios ytɨjc, nimay anajty ajcxy ooy. Com co tüg yꞌoꞌcy, chi huingbɨ ytɨgɨ̈y ma jeꞌ ytung.
\v 24 Jesús com caꞌ yɨꞌ yjugyꞌajtɨn ycɨxɨpy ytɨgoyɨpy ni mɨna, paady caꞌ ytung ixmach, etz caꞌ yɨꞌytungmöy ni pɨn.
\v 25 Mɨɨd jeꞌ ycɨxpɨ Jesucristo mɨcꞌajt mɨɨdɨty jaydëbɨ yajnïdzoocɨpy jäy ajcxy yꞌalma huinɨxɨɨ huinɨtiempo, pɨnjaty mɨbɨjctzooyb Dios ma Jesucristo yxɨɨ. Jesucristo jëbɨ tunɨpy jaduꞌn, com yɨꞌ yjugyꞌajtɨn caꞌ ycɨxɨpy ytɨgoyɨpy ni mɨna. E yɨꞌ Dios mɨbɨjctzodɨɨb mɨɨd jäy ajcxy ycɨxpɨ jabom jabom huinɨxɨɨ huinɨtiempo.
\p
\v 26 Je Jesús jeꞌ jeꞌ tügpajc je mɨjtungmɨɨdpɨ ma Dios, huɨdibɨ ɨɨch ajt nyajmayjajtɨm, je huɨdibɨ mɨɨd huädz yjot huädz yhuinmaꞌñ, e caꞌ jeꞌ mɨɨdɨty ni ti jɨbɨcpɨ ni ti pocy. Jeꞌ caꞌ tügnax yꞌity mɨɨd pocytumbɨdɨjc. Nïgɨ jeꞌ ymɨjɨty ycɨxɨty, caꞌydɨ jac ti huɨdibɨ yajpat tzajpjoty.
\v 27 Caꞌ Jesús yjaduꞌnɨty nej ajcxy jacjadyii huɨdibɨ tuun ma Dios ytɨjc jecyꞌajty, co yajꞌöccɨxy ɨyujc, e jeꞌ ajcxy yejcpy huindzɨgɨꞌñ jabom jabom, mɨdüg co jeꞌ ajcxy ñayyajpocyñïhuächyii, e chi jadaꞌ mɨɨd jäy ajcxy ypocy ycɨxpɨ. Jesús tügtecypajc jeꞌ yejc huindzɨgɨꞌñ mɨɨd mayjäy ycɨxpɨ, co jeꞌ cɨꞌm ñayyejcɨ ma yɨ oꞌcɨn jaduꞌn nej tüg huindzɨgɨꞌñ.
\v 28 Je Dios ycötujcɨn huɨdibɨ Moisés yjayhuɨꞌm jecyꞌajty, hueꞌ yꞌaneꞌmy co huen tungmöy jäy ajcxy huɨdibɨ pocy mɨɨd, co mɨjtungmoy ma Dios ytɨjc. Chi jacꞌaxam Dios yajhuɨꞌmy jemybɨ ayuc jemybɨ cötujcɨn, e nïgapxpejty ycɨꞌmꞌayuc co yjanchɨty. E mɨɨd je jemybɨ ayuc Dios tungmoy ycɨꞌmꞌung, huen yajnɨcxɨp je mɨjpɨ tung ma yɨꞌ yꞌit, je Dios yꞌung huɨdibɨ ijtp huinɨxɨɨ caꞌ ti bocy mɨɨdɨty.
\c 8
\s Jesús yɨꞌ jeꞌ je mɨjhuingapxpɨ ma yɨ Dios yꞌayuc jemybɨ
\p
\v 1 Huɨdibɨ ooy nïgɨ ycopɨcyɨty, huɨdibɨ yajnimɨydaacp, co ɨɨch ajt nmɨɨdꞌajtɨm pɨn xycodɨnaayɨm ma Dios, jeꞌ jeꞌ je Cristo, je huɨdibɨ jiiby ijtp mɨjꞌaneꞌmbɨ tzajpjoty, jaduꞌn nipaady nej jɨhuɨ̈y yɨꞌ yꞌɨñäy aꞌoyꞌamy ma Dios ymɨjc.
\v 2 Jiiby jeꞌ ytuñ ma je janchypɨ Dios yꞌit ylugar, je amaaybɨ, huɨdibɨ oyhuindzɨgɨ̈y ijtp. Je it huɨdibɨ Dios yajcoj, e caꞌ nmɨnaanɨm jäy ajcxy yajcoj.
\v 3 Tügꞌócɨy pɨnjaty huingapxp ma Dios, yajnïbɨcy jeꞌ paady, e copɨcyɨty co cɨ̈yegɨpy ofrenda etz tijaty huindzɨgɨꞌñ ma Dios mɨɨd jäy ajcxy ypocy ycɨxpɨ. Paady ooy ycopɨcyɨty nañ jaduꞌn co Jesucristo yegɨpy ofrenda etz huindzɨgɨꞌñ ma Dios mɨɨd jäy ajcxy ypocy ycɨxpɨ.
\v 4 Co Jesucristo ixyipy ya yꞌocyajpaady naaxhuiñ, ni ycahuingapxy ixyipy mayjäy ma Dios. Com jiinɨ ya yajpaady pɨn huingapxɨp ma Dios ytɨjc, pɨn yejcp ofrenda etz huindzɨgɨꞌñ jaduꞌn nej Moisés ycötujcɨn yꞌaneꞌmy.
\v 5 Jadayaabɨ huingapxpɨ ajcxy ytungɨxy ma Dios ytɨjc ya naaxhuiñ. Jeꞌ jeꞌ tüg ijxpejt nej Dios yꞌit jiiby tzajpjoty, jaduꞌn yɨꞌ nipaady nej tüg anecpɨ huɨdibɨ tzomyb jiiby tzajpjoty. Co Moisés jecyꞌajty Dios ytɨjc jeꞌ cojɨ mɨɨd huit, chi Dios ñɨmaayɨ: “Cuendɨtun yajxon co anajty mgojy je tɨjc tügnax jaduꞌn nej je ijxpejt huɨdibɨ nyajꞌijx jɨm copcɨ́xy.”
\v 6 Per je mɨjtung huɨdibɨ Jesús ytumyb ma Dios mɨɨd jäy ajcxy ycɨxpɨ, jacꞌoydung yɨꞌ caꞌydɨ je tung huɨdibɨ je jäy ajcxy ytumyb huɨdibɨ mɨjtung mɨɨd ma Dios ytɨjc ya naaxhuiñ. Com jemybɨ etz jacꞌoy etz jacmɨcꞌajt mɨɨd je cötujcɨn huɨdibɨ Dios ymoy Jesús, caꞌydɨ je cötujcɨn huɨdibɨ Dios ymoy Moisés jecyꞌajt. Com hueꞌ jeꞌ jacꞌoy alma nïdzoocɨn Dios yajꞌahuanɨɨy jäy ajcxy ma je jemybɨ cötujcɨn.
\p
\v 7 Co je jayɨjpꞌatypɨ cötujcɨn huɨdibɨ Moisés ymooyɨ cayajꞌoyɨydaayɨ jäy ajcxy ypocy mɨɨd Dios, caꞌ yɨꞌ ixyipy ycopɨcyɨty je mɨmetzpɨ cötujcɨn huɨdibɨ Dios ymoy jäy huinjemy.
\v 8 Per Dios yꞌijx co je jäy ajcxy caꞌ yajxon cuydungɨxy je cötujcɨn huɨdibɨ Moisés ymoy, jaduꞌn nej ymɨnaꞌñ ma yjaybetyɨty ma Dios ñecy mɨɨd jeꞌ ajcxy ycɨxpɨ, ma jaduꞌn ymɨnaꞌñ:
\q Jaduꞌn je Huindzɨn Dios ymɨnaꞌñ: “Mimb xɨɨ tiempo ma huingbɨ cötujcɨn nmöhuɨbɨch yɨ Israel jäy etz Judá jäy ajcxy.
\q 
\v 9 Caꞌ yꞌocjaduꞌnɨñ nej ɨɨch ngötujcɨn huɨdibɨ nmooyɨch jeꞌ ajcxy yꞌap yteedy jecyꞌajty, je huinꞌit tiempo taabɨ nyajtzooñɨch ajcxy jɨm Egipto naaxjot. Caꞌp jeꞌ ajcxy cuyduñ je cötujcɨn huɨdibɨ ajcxy nmooyɨch, e paady caꞌ nduuñɨch cuendɨ yɨꞌ ajcxy.” Jaduꞌn ymɨnaꞌñ je Huindzɨn Dios. 
\m
\v 10 Jaduꞌn je Huindzɨn Dios ymɨnaꞌñ:
\q Je cötujcɨn huɨdibɨ nyegaamybɨch ma Israel jäy ajcxy co anajty yɨjaduꞌmbɨ xɨɨ tiempo tɨ ñaxy, jaduꞌn jeꞌ. Nbɨdägɨbɨch ngötujcɨn ma yɨꞌ ajcxy yhuinmaꞌñ, e jaduꞌn nipaady nej jɨhuɨ̈y tɨ njayɨch nꞌayuc ma ajcxy yꞌay yjot. E ɨɨch yɨꞌ ajcxy xyDiosꞌadɨɨb, e yɨꞌ ajcxy njäyꞌadɨɨybɨch.
\q 
\v 11 Tügꞌócɨy ajcxy nejhuɨ̈huɨpy pɨn ɨɨch. Ni pɨn ji cayajꞌixpɨgɨpy pɨn jeꞌ je Huindzɨn Dios, ni pɨn, ni ymɨgüg, ni ymɨjɨɨn ymɨdɨjc, ni piꞌctɨjc ni mɨjꞌanäctɨjc. Com nidügꞌócɨy ajcxy nejhuɨ̈huɨpy pɨn ɨɨch; ypiꞌcɨty ymutzɨty, ymɨjjäyɨty, etz ymɨjꞌanäcɨty.
\q 
\v 12 E ɨɨch yɨꞌ ajcxy nmeecxɨp yjɨbɨcjäyꞌajtɨn, ni camɨna ngajacꞌajɨhuɨ̈huɨɨybɨch ajcxy ypocy. Jaduꞌn Dios ymɨnaꞌñ.
\m 
\v 13 Co Dios jeꞌ ycötujcɨn jemybɨ nimɨydägy, jeꞌ jeꞌ co yajꞌamɨjɨɨyñɨ je jayɨjpꞌatpyɨ cötujcɨn. Je huɨdibɨ amɨjɨɨyñɨp caꞌ jeꞌ yꞌoctuunɨp, tzojc yɨꞌ yajꞌijxtɨgoyaanɨ.
\c 9
\s Je Dios ytɨjc huɨdi ya naaxhuiñ etz Dios yꞌit huɨdi tzajpjoty
\p
\v 1 Je Dios ycötujcɨn jayɨjpꞌatypɨ ymɨɨd jeꞌ anajty ñidɨyꞌajt nej huaad ytuñ ma Dios ytɨjc ya naaxhuiñ, ma jäy ajcxy huindzɨgɨ̈huɨpy Dios.
\v 2 Je Dios ytɨjc jaduꞌn jeꞌ ycojɨty. Je jayɨjpɨ cuarto hueꞌ anajty xɨɨjɨty Lugar Santo, jiiby anajty yꞌity je candelero etz je mesa ma tzajcaagy yꞌity ma Dios yhuinduu.
\v 3 Jɨɨxcɨꞌpyꞌamy ma je mɨmetzpɨ huit yꞌagɨyducyɨty jiiby jadügꞌit huɨdibɨ xɨɨjɨp Lugar Santísimo (ma Dios niꞌixcɨdägy je jäy).
\v 4 Jiiby anajty tüg mɨj mesa ac tɨm orɨ jeꞌ anajty ma ajcxy ypoomjojccɨxy, e ma jeꞌ jɨm anajty yꞌity tüg cajoon ac orɨ jeꞌ anajty yñinïcx huɨdityɨ. Jiiby cajoonjoty anajty yꞌity tüg tuꞌtz ac orɨ huɨdibɨ anajty mɨɨd je jɨcxy ijxpejt huɨdibɨ Dios Israel jäy ajcxy ymooy jecyꞌajty. Etz jiiby anajty Aarón ytajc huɨdibɨ huijp huam. Etz jiiby anajty je tzaa yꞌity ma jeꞌ anajty ycɨjxjayɨty Dios yꞌaneꞌmɨn.
\v 5 Ma je cajoonnïcx jɨm anajty je querubines ñïgojtüdyɨty huɨdibɨ Dios yꞌoyꞌajtɨn mɨɨd. Je querubines anajty codɨnaayb Dios, e jeꞌ anajty ajcxy yajnïdɨgooyb mɨɨd yqueec je cajonnïcx ma ajcxy je huɨdzɨgɨꞌñ ñɨꞌpy ypɨdacy mɨɨd jäy ajcxy ypocy ycɨxpɨ. Caꞌ huaad yjacyajnimɨydacy mɨjcajee jadachambɨ tijaty huɨdibɨ anajty yajpatp jiiby ma Dios ytɨjc.
\p
\v 6 Jabom jabom co anajty jaduꞌn yꞌijttäy niꞌixɨꞌ, chi je huingapxpɨ ytɨgɨɨygɨxy ma Dios ytɨjc ma je jayɨjpɨ cuarto, je Lugar Santo, tuñ ajcxy huindzɨgɨꞌñ etz cuydungɨxy yɨꞌ ajcxy ytɨyꞌajt mɨɨd Dios ycɨxpɨ.
\v 7 Jɨmɨjt jɨmɨjt ma je mɨmetzpɨ cuarto huɨdibɨ je huit adɨydujcp, jiiby ytɨgɨ̈y tügtecypajc je huingapxpɨ huɨdibɨ jacmɨjtungmɨɨd ma Dios ytɨjc. E co jiiby ytɨgɨ̈y, chi mɨdɨgɨy huaj ñɨꞌpy, huɨdibɨ mɨɨd huindzɨgɨɨy Dios mɨɨd ycɨꞌmbocy ycɨxpɨ etz mɨɨd tügꞌócɨy jäy ajcxy ypocy ycɨxpɨ etz mɨɨd ajcxy ypocy ycɨxpɨ co caꞌ nejhuɨɨygɨxy co ytundɨgooygɨxy.
\v 8 Mɨɨd jada ycɨxpɨ je Espíritu Santo xyajnejhuɨɨyɨm co je tungmɨɨdpɨ huɨdibɨ huingapxɨ je mayjäy ma Dios, ma ajcxy jacyajtungɨxy anajty je jayɨjp cuarto ma Dios ytɨjc, chi caꞌnɨ jeꞌ anajty yꞌahuächñɨ nej jëbɨ pɨnjaty ytɨgɨ̈y ma je it lugar Santísimo ma Dios yhuinduu.
\v 9 Je Dios ytɨjc huɨdibɨ ijtp anajty ya naaxhuiñ caꞌ jeꞌ yjëjɨty je janchypɨ. Hueꞌ jeꞌ anajty ijxpejtꞌajtp huɨdi Dios yꞌitꞌajtpy tzajpjoty. Jiiby je tungmɨɨdpɨ huindzɨgɨ̈y Dios mɨɨd ofrendas etz mɨɨd huindzɨgɨꞌñ. Per jada huindzɨgɨꞌñ caꞌ yajtɨgoy je pocytunɨɨ ma je jäy ajcxy yjot yhuinmaꞌñ.
\v 10 Je judíojäy ytɨyꞌajt huɨdibɨ tuun ma Dios ytɨjc jecyꞌajty, hueꞌ jeꞌ ñigapxy caayɨn uucɨn, etz jaduꞌn nej ajcxy ñayyajpocyñïhuáatzɨgɨxy mɨɨd nɨɨ etz canaag costumbre huɨdibɨ ajcxy cuydumyb. Jaduꞌn ajcxy ytuñ ixtɨ coonɨ Dios yajtɨgajtztay tügꞌócɨy yɨꞌ ycötujcɨn.
\p
\v 11 Per tɨ yꞌoy ya naaxhuiñ je Cristo, e yɨꞌ jeꞌ cham ijtp jacmɨjtungmɨɨdpɨ ma Dios, yɨꞌ tɨ mɨmiñ jemybɨ cötujcɨn jacꞌoybɨ. E yɨꞌ jeꞌ codɨnaayb je mayjäy ma Dios yꞌit tzajpjoty, je it jacꞌoybɨ jacmɨjpɨ, jaccaꞌpxypɨ, caꞌ nmɨnaanɨm jäy tɨ cojy, e caꞌ yaajɨty naaxhuiñ.
\v 12 Cristo tɨ ytɨgɨ̈y ma je Dios yꞌit, je lugar Santísimo. Caꞌ tɨ ytɨgɨ̈y mɨɨd co jiiby yajquëxɨ̈gaꞌñ piꞌcchivo ñɨꞌpy o toro ñɨꞌpy, hueꞌ ycɨꞌmnɨꞌpy jiiby yejcpy ma Dios. Jaduꞌn tɨ ytɨgɨ̈y tügtecy tɨgɨ̈y huinɨxɨɨ huinɨtiempo, etz xyyajnïdzoocɨm ajt nꞌalma huinɨxɨɨ.
\v 13 Ooy yjanchɨty co yɨ toro ñɨꞌpy etz je chivo ñɨꞌpy etz yɨ cuyjam co ajcxy nöccɨxy huaj nɨɨx ma je Dios ojadajttac, co ajcxy je pocyjäy yajnïhuäxcɨxy je nɨꞌpy etz yajnïxɨdujtcɨxy je cuyjam ymɨɨd mɨcꞌajt co yajpocyhuáatzɨgɨxy ñinïcx, per jotjoty caꞌ yajhuäch.
\v 14 (Je huingapxpɨ huɨdibɨ tumb ma Dios ytɨjc ya naaxhuiñ caꞌ ymadägy co jäy yajpocyhuädzɨpy mɨɨd toro ñɨꞌpy), Jesucristo nïgɨ tɨ ymadägy yajpocyhuäch jäy ajcxy mɨɨd ycɨꞌmnɨꞌpy. Com Jesucristo ymɨɨd je Dios yjɨhuɨꞌñ ymɨcꞌajt huɨdibɨ caꞌ ycɨxɨpy ytɨgoyɨpy ni mɨna, chi ñaygɨ̈yejcɨ cɨꞌm ma Dios mɨɨd Dios yjɨhuɨꞌñ ymɨcꞌajt, jaduꞌn nej tüg huindzɨgɨꞌñ huätzpɨ, com caꞌ ni ma ni ti tundɨgoy. E mɨɨd ycɨꞌmnɨꞌpy Jesucristo xyajhuaatzɨm je jɨbɨcpɨ ma ajt njot nhuinmaꞌñ, caꞌydɨ ndunɨm huɨdibɨ Dios caꞌ jäygɨdägy, e jaduꞌn ajt huaad ndunɨm ma je Dios juugypɨ ytung.
\p
\v 15 Paady yɨ Jesucristo yɨꞌ jeꞌ huingapxꞌajtp ma Dios mɨɨd ɨɨch ajt ycɨxpɨ mɨɨd je jemybɨ ycötujcɨn huɨdibɨ Dios yajhuɨꞌm. Yɨ Jesucristo co yꞌoꞌcy, yɨꞌ ajt jeꞌ nbocy xymeecxɨm tɨɨbɨ ndundɨgooyɨm ma je jayɨjpꞌatyp cötujcɨn huɨdibɨ Moisés jayhuɨꞌm. E jɨgɨx pɨnjaty Dios tɨ yhuinꞌixyii, jëbɨ ajcxy ycɨ̈dɨgɨ̈yii je tzɨnaydac ma jëbɨ nꞌijtɨm huinɨxɨɨ. Je tzɨnaydac huɨdibɨ Dios tɨ xyꞌahuanɨɨyɨm.
\v 16 Co tüg jäy jɨjpꞌixy yꞌoꞌcɨn, e yajcojy tüg testamento, ooy ycopɨcyɨty co yajnejhuɨ̈huɨpy pen janch jeꞌ tɨ yꞌögy je pɨn yajcoj je tɨyꞌajt jɨgɨx jeꞌ ytɨgɨ̈huɨpy tumbɨ je tɨyꞌajt.     
\v 17 Co tüg jäy jɨjpꞌixy yꞌoꞌcɨn e yajcojy tüg testamento, caꞌ jeꞌ ti mɨcꞌajt mɨɨdɨty je testamento pen jugyꞌajtnɨ pɨn jeꞌ anajty tɨ yajcojy. Huinꞌítnɨ janchtɨy co anajty tɨ yꞌögy, huinꞌit je testamento mɨcꞌajt mɨɨdɨty. Je jemybɨ tɨyꞌajt huɨdibɨ Dios xyajhuɨꞌmy jaduꞌn yɨꞌ nipaady nej jäy testamento yajcojy co anajty jɨjpꞌixy je yꞌoꞌcɨn, e co Jesús yꞌoꞌcy, huinꞌit mɨcꞌajt moy je Dios ytɨyꞌajt je jemybɨ.
\v 18 Paady ycɨxpɨ jecyꞌajty co Dios Moisés moy cötujcɨn, yajtzoobaat jeꞌ mɨɨd ɨyujc ñɨꞌpy.
\v 19 Moisés jeꞌ capxhuäcx je Dios ytɨyꞌajt ma tügꞌócɨy mayjäy. Chi jadaꞌ huijtzɨ̈gy tüg lana tzaptzpɨ mɨɨd tüg quipy aacx huɨdibɨ ooy oy yxuugy. Jeꞌ yajxooc ma huaj mang ñɨꞌpy etz chivo ñɨꞌpy teemhuɨdity mɨɨd nɨɨ, chi Moisés yajnïhuɨꞌch je libro mɨɨd je nɨꞌpy, je libro huɨdibɨ anajty tɨ capxy etz nañ jaduꞌn jäy ajcxy yajnïhuɨꞌch je nɨꞌpy.
\v 20 Co Moisés jaduꞌn ytuuñ, chi ymɨnañ: “Jada jeꞌ je nɨꞌpy huɨdibɨ yajtzoobatp je aneꞌmɨn je tɨyꞌajt huɨdibɨ Dios tɨ yecy ma miich ajcxy.”
\v 21 Moisés nañ jaduꞌn ñɨꞌpyñïhuɨꞌch je cochac tɨjc ma anajty yDios ojadajtcɨxy, e tügꞌócɨy tumbejt huɨdijaty jiiby tumb.
\v 22 Dios ycötujcɨn, je jecyɨp, ymɨnaꞌñ co tügꞌócɨy huɨdijaty yajtungɨxyp co Dios ojadajtcɨxy, copɨcy yajhuädzɨpy mɨɨd nɨꞌpy. E pen caꞌ ajcxy teemy yocy nɨꞌpy, Dios caꞌ huinmecxaꞌñ yɨꞌ ajcxy ypocy.
\s Co Cristo yꞌoꞌcy mɨɨd ajt nbocy ycɨxpɨ, yɨꞌ yajnɨcxy ajt nbocy
\p
\v 23 Ooy jada anajty ycopɨcyɨty ɨyujc ñɨꞌpy huindzɨgɨꞌñ, jɨgɨx yhuädzɨp huɨdijaty tumb ma Dios ytɨjc ya naaxhuiñ, je huɨdibɨ ijxpejtꞌajtp anajty nej Dios yꞌit jiiby tzajpjoty. Per je Dios yꞌit huɨdibɨ jiiby tzajpjoty chojcpy jacꞌoybɨ huindzɨgɨꞌñ caꞌydɨ huidɨ ya naaxhuiñ.
\v 24 Com Cristo caꞌ jeꞌ ytɨgɨ̈y ma Dios ytɨjc huɨdibɨ jäy ajcxy tɨ cojy. Je tɨjc huɨdibɨ jäy ajcxy tɨ cojy, jeꞌ jeꞌ ñigojtuutɨn je it lugar janch janchypɨ huɨdi jiiby tzajpjoty. Cristo tɨgɨɨy ma je Dios yꞌit ylugar jiiby tzajpjoty, ma jeꞌ cham xycodɨnaayɨm ma Dios yhuinduu.
\v 25 Je judío mɨjtungmɨɨdpɨ huɨdibɨ huingapxp ma Dios ytɨjc, huinjɨmɨjtɨty ytɨgɨ̈y ma je Dios ytɨjc co yecy nɨꞌpy huɨdibɨ caꞌ cɨꞌmnɨꞌpyꞌadyii. Cristo caꞌ yɨꞌ ñayꞌahuanɨ̈yii yꞌögɨpy canaagꞌoc, jëyɨ tügtecypajc ytɨgɨɨy ma Dios yꞌit mɨɨd ycɨꞌmnɨꞌpy.
\v 26 Co ixyipy caꞌ yjaduꞌnɨty, canaagꞌoc Cristo ixyipy patnɨ chaachyꞌöcɨn maabɨ naaxhuiñybɨ chondagy. Per jadachambɨ ma xɨɨ tiempo ycɨxaanɨ ytɨgoyaanɨ, Cristo tügtecypajc ñayguëxɨ̈cɨ ya naaxhuiñ, jɨgɨx codɨnähuɨpy tügꞌócɨy jäy ma Dios mɨɨd ajcxy ypocy ycɨxpɨ. Jaduꞌn Cristo tuuñ jɨgɨx yajtɨgoyɨpy pocytunɨɨ.
\v 27 Dios aneꞌmɨn pɨdac ya naaxhuiñ co nidüg nidüg jäy paadɨp yɨ oꞌcɨn tügtecypajc. E Dios tɨ pɨdägy je xɨɨ je tiempo mɨna tɨydunaꞌñ nidüg nidüg jäy mɨɨd ypocy ycɨxpɨ.
\v 28 Je Cristo jotcujc tügtecypajc nayyejcɨ ma je oꞌcɨn co yajpocyñïhuaatztäy je mayjäy. Chi jadaꞌ ñayguëxɨ̈gaꞌñyii je mɨmejtzꞌocpɨ ya naaxhuiñ, e caꞌ nmɨnaanɨm co yajpocyñïhuaatzaanɨp jadügꞌoc je mayjäy, hueꞌ jeꞌ nihuaꞌnamyb ycohuaꞌnamyb tügꞌócɨy pɨnjaty jɨjpꞌijxɨp cɨxyjot huinɨjot co jeꞌ miinaꞌñ mɨɨd yɨꞌ ajcxy ycɨxpɨ.
\c 10
\p
\v 1 Je Dios ycötujcɨn huɨdibɨ Moisés jayhuɨꞌmy jecyꞌajty, hueꞌ jeꞌ anajty ñidɨyꞌajt je oybɨ huɨdibɨ miinamb. Caꞌp jeꞌ anajty yjëjɨty je oybɨ. Paady je cötujcɨn huɨdibɨ Moisés yjayhuɨꞌm caꞌ jeꞌ jëbɨ huädz yajꞌahuimbity pɨnjaty pocy ytumb, pɨnjaty mɨjhuäcp anajty ma Dios mɨɨd je ɨyujc huɨdibɨ ajcxy Dios yajhuindzɨgɨɨyb, huɨdibɨ ytunꞌahuimbijtcɨxyp jɨmɨjt jɨmɨjt.
\v 2 Co ixyipy je cötujcɨn yꞌocmadägy huɨdibɨ Moisés yjayhuɨꞌm yajꞌahuimbity ixyipy huädz ajcxy je pocy ytumbɨ, caꞌ ixyipy je jaduꞌmbɨ huindzɨgɨꞌñ yꞌocyajtuunɨ jɨmɨjt jɨmɨjt. Com pɨn je jaduꞌmbɨ huindzɨgɨꞌñ yejcp, co ixyipy jeꞌ ypocy yajnɨcxtäy, caꞌp jeꞌ ma ñayjɨhuɨ̈huɨɨyb ti bocy mɨɨdɨty jadügꞌoc.
\v 3 Co jaduꞌn yajꞌöccɨxy je ɨyujc mɨɨd ypocy ycɨxpɨ, jeꞌ jeꞌ je tɨyꞌajt co ajɨhuɨygóotɨgɨxy ypocy jɨmɨjt jɨmɨjt.
\v 4 Com yɨ huaj mang ñɨꞌpy etz yɨ chivo ñɨꞌpy caꞌ mɨcꞌajt mɨɨdɨty co pocyyajnɨcxtähuɨpy nimɨna.
\p
\v 5 Paady co Cristo ymiiñ ya naaxhuiñ, chi nɨmay je Dios:
\q Caꞌ miich ni ti huindzɨgɨꞌñ mdzojcnɨ ma ymiiñ ɨyujcꞌögy, tɨ miich xyñiꞌixɨɨyɨch tüg ninïcx.
\q 
\v 6 Caꞌ mꞌocjäygɨdaacnɨ huindzɨgɨꞌñ ɨyujc huɨdibɨ yajnoꞌcp. Caꞌ miich mꞌocjäygɨdaacnɨ co jäy xyajhuindzɨgɨy ɨyujc mɨɨd ypocy ycɨxpɨ.
\q 
\v 7 Chi nmɨnaꞌñɨch: “Dios, cha nmiiñɨch jɨgɨx miich mdzojcɨn yajcuydunɨpy, jaduꞌn nej yjaybetyɨty ma miich mnecy mɨɨd ɨɨch ycɨxpɨ.”
\m 
\v 8 Tɨm jayɨjp, Cristo ymɨnaꞌñ co Dios caꞌ octzojcnɨ, ni cajäygɨdägy je ɨyujc ögy huɨdibɨ yajhuindzɨgɨɨyɨp, ni je huɨdibɨ yajnoꞌcp, jɨgɨx je pocyñɨcxtähuɨpy, oy yɨꞌ yjajëjɨty huɨdibɨ ñigapxy yajtunɨpy ma je Dios ycötujcɨn huɨdibɨ Moisés yjayhuɨꞌm.
\v 9 Chi jadaꞌ jadügꞌit yjaybetyɨty co Cristo jaduꞌn ymɨnaꞌñ: “Cha ɨɨch nmiiñ, jɨgɨx miich mdzojcɨn yajcuydunɨpy, miich huɨdibɨ Diosꞌajtp.” Hueꞌ mɨnaanɨm, yajtɨgoy je cötujcɨn huɨdidɨ aneꞌmb co jäy ajcxy huindzɨgɨɨy ɨyujc mɨɨd ypocy ycɨxpɨ, etz mɨcꞌajt moꞌ je jemybɨ cötujcɨn huɨdibɨ Jesucristo xymooyɨm.
\v 10 Dios jaduꞌn tɨ xyajhuaatzɨm ajt nbocy, com Jesucristo tɨ tuunɨ Dios chojcɨn co cɨꞌm ñinïcx tügtecypajc yejcy ma yɨ oꞌcɨn mɨɨd tügꞌócɨy jäy ypocy ycɨxpɨ.
\p
\v 11 Tügꞌócɨy judío sacerdote huɨdibɨ tungmɨɨd ma Dios ytɨjc jabom jabom jaduꞌn tunꞌahuimbijtcɨxy tügpɨ huindzɨgɨꞌñ, huɨdibɨ ni camɨna yajnɨcxtaayɨ jäy ajcxy ypocy.
\v 12 Yɨ Jesucristo tügtecypajc yɨꞌ yejcy ñinïcx ma yɨ oꞌcɨn huinɨxɨɨ huinɨtiempo, chi jadaꞌ yꞌixtacy aꞌoyꞌamy ma Dios ymɨjc ma aneꞌmdäy tügꞌócɨy.
\v 13 Jiiby tzajpjoty Jesucristo cham yꞌahuixy, ixtɨ coonɨ Dios yɨꞌ ymɨdzip mɨmadactaayɨp, e jaduꞌn ajcxy nipaadɨpy nej jɨhuɨ̈y Jesucristo ytecypocxpejt.
\v 14 Mɨɨd tügpajc je huindzɨgɨꞌñ huɨdibɨ Jesucristo yejc, tudägy yajꞌahuimbijttäy huinɨxɨɨ huinɨtiempo pɨnjaty tɨ ypocyhuäch.
\v 15 Yɨ Espíritu Santo nidɨyꞌajtp ma ɨɨch ajt jaduꞌn nej Cristo tɨ tuñ. Com jaybety miiñ ma Dios ñecy ma Dios jaduꞌn ymɨnaꞌñ:
\q 
\v 16 Je huinꞌit xɨɨ je huinꞌit tiempo nyajmɨhuɨꞌmaamybɨch je Israel jäy jemybɨ ayuc jemybɨ tɨyꞌajt. Nbɨdägɨbɨch ngötujcɨn ma ajcxy yjot, e njayamybɨch ngötujcɨn ma ajcxy yhuinmaꞌñ.
\m 
\v 17 Chi jacꞌaxam Dios ymɨnaꞌñ:
\q Ni camɨna njäymedzaanɨch ajcxy ypocy, etz jaduꞌn nej ajcxy ytundɨgooy.
\m 
\v 18 Co je pocy tɨ yajhuinmecxtäy, caꞌp ycopɨcyɨty yjacyajtunɨpy tijaty huindzɨgɨꞌñ mɨɨd pocyhuinmeecxɨn ycɨxpɨ.
\s Chojcpy nmɨhuingoonɨm yɨ Dios
\p
\v 19 Paady miich ajcxy mɨgügtɨjc, jëbɨ ɨɨch ajt ndɨgɨɨyɨm agujc jotcujc ma Dios yajpaady mɨɨd co Jesucristo tɨ temy tɨ yocy ñɨꞌpy mɨɨd ɨɨch ajt nbocy ycɨxpɨ.
\v 20 Cristo tɨ yajꞌahuäch je nɨɨꞌaa je tüꞌaa mɨɨd ɨɨch ajt ycɨxpɨ mɨɨd ycɨꞌm ninïcx, je nɨɨꞌaa tüꞌaa jemybɨ oybɨ huɨdibɨ tɨgɨɨyb ma Dios yꞌit. E jeꞌ yñinïcx jaduꞌn nipaady nej je huit huɨdibɨ anajty adujcp je Lugar Santísimo ma Dios ytɨjc ya naaxhuiñ, je huit huɨdibɨ cɨɨchhuäcx co Cristo yꞌoꞌcy.
\v 21 Jesucristo yɨꞌ jeꞌ je mɨjtungmɨɨdpɨ huɨdibɨ xycodɨnaayɨm ma Dios ytɨjc jiiby tzajpjoty.
\v 22 Paady ycɨxpɨ jëbɨ nmɨhuingoonɨm Dios mɨɨd oyjot oyhuinmaꞌñ, etz mɨɨd je mɨbɨjcɨn janchypɨ. Cristo ajt tɨ xyajhuaatzɨm njot nhuinmaꞌñ co ñɨꞌpy temy yojcy mɨɨd ajt nbocy ycɨxpɨ jɨgɨx caꞌydɨ nayjɨhuɨɨyɨm pocymɨɨd, jaduꞌn nej jɨhuɨ̈y tɨ ndziihuɨm mɨɨd huädz nɨɨ.
\v 23 Tzoc tudägy nꞌijtɨm ma nmɨbɨjcɨn, caꞌ nyajtɨgajtzɨm nmɨbɨjcɨn, com Dios cuydunɨpy yɨꞌ tɨɨbɨ xyajꞌahuanɨɨyɨm.
\v 24 Tzoc nhuinmaꞌñypɨdaacɨm co njotꞌamɨjmooyɨm ajt nmɨgügtɨjc, jaydëbɨ naychojcɨm nayjɨhuɨɨyɨm miñ xyipy, e nduunɨm oyjäyꞌajtɨn.
\v 25 Caꞌ nꞌixmajtzɨm je nayyöymugɨɨ, jaduꞌn nej ajcxy nijëjɨty costumbre mɨɨdɨty co caꞌ ajcxy yöy ma naymujctac. Nïgɨ tzoc nayjotꞌamɨjmooyɨm, e jaduꞌn nej cham yajꞌijxnɨ co yhuingoonɨ ma je Huindzɨn Jesucristo ymiinaanɨ jadügꞌoc ya naaxhuiñ, chonaꞌñ tzajpjoty.
\p
\v 26 Pen ɨɨch ajt jacpocytunɨm tzojcɨngɨ́xy ma anajty tɨ nejhuɨɨyɨm Dios ytɨyꞌajt, caꞌp ji huingbɨ huindzɨgɨꞌñ huɨdibɨ xyajpocyhuaatzɨm.
\v 27 Jeꞌ janchtɨy njacjɨjpꞌijxɨm mɨɨd tzɨgɨꞌñ jɨhuɨꞌñ je tzaachypɨ co anajty Dios xytɨydunɨm, e xypɨdaacɨm mɨjjɨɨnjoty huɨdibɨ yajhuindɨgoydähuamb Dios ymɨdzip.
\v 28 Co pɨn cacuyduun Dios ycötujcɨn huɨdibɨ Moisés yjayhuɨꞌm, e jɨm metz o tugɨɨg testigo co yjaduꞌnɨty, yajmoy jeꞌ yꞌoꞌcɨn caꞌ mɨɨdꞌajty ti paꞌayoohuɨn.
\v 29 ¿Nej miich ajcxy mɨnaangɨxy? ¿Nej cay jacꞌöctɨy je tzaachypɨ mɨhuaadꞌajtcɨxy? Je pɨnjaty caꞌ ixaꞌñ Dios yꞌung etz nɨxiicɨ yajxiicɨ Cristo ñɨꞌpy huɨdibɨ yajpocyñïhuaatzp, jaduꞌn nej je jemybɨ ayuc ymɨnaꞌñ huɨdibɨ Dios yajhuɨꞌm. Etz nañ jaduꞌn ajcxy niꞌojɨɨygɨxy Dios yEspíritu huɨdibɨ mayꞌajt oyꞌajt tumb mɨɨd jeꞌ ajcxy.
\v 30 Nejhuɨɨyɨm co je Huindzɨn Dios ymɨnaꞌñ: “Ɨɨch xypatp ndzaachytunɨpyɨch jäy ajcxy mɨɨd ypocy ycɨxpɨ. Ɨɨch yɨꞌ nyajcomɨdohuɨpy ajcxy ypocy.” Etz nañ jaduꞌn yjaybetyɨty ma Dios ñecy: “Yɨ Huindzɨn Dios yɨꞌ yjäy tɨydunɨpy.”
\v 31 ¡Ooy chach mɨj yꞌayoꞌnɨty pen je Dios juugypɨ xychaachytunɨm mɨɨd ajt nbocy ycɨxpɨ!
\p
\v 32 Per ajɨhuɨ́ɨyɨgɨxy miich ajcxy je xɨɨ je tiempo tɨɨbɨ ñaxy, je taabɨ miich anajty ajcxy tɨ xycɨ̈dɨgɨ́ɨyɨgɨxy je tɨyꞌajt janchypɨ, ñipatyp jeꞌ anajty nej tüg tɨɨcxɨn jajɨn ajcxy mɨɨdɨty. Tɨ ooy mhuindɨnaaygɨxy mjɨjptɨnaaygɨxy tzaachypɨ ayoꞌn mɨɨd yɨ mmɨbɨjcɨn ycɨxpɨ.
\v 33 Nijëjɨty miich ajcxy tɨ myajhuingapxnajxcɨxy, e tɨ myajꞌojcɨxy mayjäyduum. Nañ jaduꞌn jacjadyii tɨ abaatcɨxy tzaachypɨ jaduꞌn nej je tɨɨbɨ ajcxy ooy yajtzaachytungɨxy.
\v 34 Tɨ miich ajcxy myajtungɨxy paꞌayoꞌn ma pɨnjaty anajty pujxtɨgotyɨp, e janch agujc jotcujc ajcxy tɨ myajtungɨxy mecxtujcɨn co ajcxy xypɨjcɨ tijaty anajty ajcxy mɨɨd. Nejhuɨɨyɨm co jiiby tzajpjoty miich ajcxy mɨɨdɨty ti jaty jacꞌoybɨ huɨdibɨ huinɨxɨɨ huinɨtiempo ijtp.
\v 35 Jacmɨjpɨdaaccɨxy Dios, caꞌ mjotmetzcɨɨygɨxy. Co mmɨjpɨdáaccɨxɨpy Dios, huinꞌit ajcxy mbaadɨpy oybɨ mayꞌamy ma Dios.
\v 36 Chojcpy co miich ajcxy myajtúngɨxɨpy mecxtujcɨn co mguydunaangɨxy nej Dios tzocy, e Dios xyajcɨ̈dɨgɨ́ɨygɨxɨp huɨdibɨ yɨꞌ tɨ ahuanɨ̈y.
\v 37 Jaybety jaduꞌn ma Dios ñecy ma jaduꞌn ymɨnañ:
\q Tzojc, janch tzojc ymiinaꞌñ je huɨdibɨ tzonamb tzajpjoty, e caꞌp jeꞌ jecyñɨty.
\m 
\v 38 Jaduꞌn Dios ymɨnaꞌñ:
\q Pɨnjaty ɨɨch tɨ ngöbɨcy co ytudägyjäyɨty, tzɨnähuɨp jeꞌ mɨɨd ymɨbɨjcɨn. E pen ixtɨgɨ̈huaꞌcp ma ymɨbɨjcɨn, caꞌ jaduꞌn njotcujcꞌadɨpyɨch mɨɨd jeꞌ.
\m 
\v 39 Caꞌp ɨɨch ajt njëjɨty huɨdibɨ ixtɨgɨ̈huaꞌcp ma nmɨbɨjcɨn, e ytɨgoy yꞌalma, jeꞌ ɨɨch ajt pɨn mɨbɨjcp, e jaduꞌn nꞌalma paadɨpy nïdzoocɨn.
\c 11
\s Yɨ mɨbɨjcɨn
\p
\v 1 Jotcujc nayjɨhuɨɨyɨm jaduꞌn co huɨdibɨ nmɨbɨjcɨm janch yɨꞌ, oy co caꞌ nꞌijxɨm. Je huɨdibɨ nmɨbɨjcɨm jeꞌ xymooyɨm jotcujcꞌajtɨn mɨɨd huɨdibɨ njɨjpꞌijxɨm ma Dios. Je huɨdibɨ nmɨbɨjcɨm nejhuɨɨyɨm co janch janch jaduꞌn, oy caꞌ nꞌijxɨm.
\v 2 Com mɨɨd co ajt nmɨjꞌap nmɨjteedy ajcxy mɨbɨjcɨ Dios yꞌayuc paady Dios cöbɨjcy ajcxy jaduꞌn nej tudägyjäy.
\p
\v 3 Mɨɨd ajt nmɨbɨjcɨn ycɨxpɨ nejhuɨɨyɨm co Dios oyduñ tügꞌócɨy huɨdibɨ jiiꞌajtp mɨɨd yꞌayuctɨꞌajty, jɨgɨx huɨdibɨ cham nꞌijxɨm jeꞌ yɨꞌ yajꞌoyɨɨy huɨdibɨ caꞌ yajꞌixy.
\p
\v 4 Mɨɨd co Abel mɨbɨjcy Dios, paady Abel ymoy Dios huindzɨgɨꞌñ jacꞌoybɨ caꞌydɨ Caín, e Dios cöbɨjcɨ Abel yhuindzɨgɨꞌñ, e mɨɨd jeꞌ ycɨxpɨ Abel ooy ycömaybɨdzɨmy ma Dios co anajty ytudägyɨty. E jaduꞌn oy Abel tɨ yjaꞌoꞌcɨnɨ, jaduꞌn nipaady nej jɨhuɨ̈y yjacmɨydägyñɨ chambaad. Com mɨɨd je mɨbɨjcɨn huɨdibɨ anajty ymɨɨd yejc ijxpejt ma ɨɨch ajt.
\p
\v 5 Mɨɨd co Enoc mɨbɨjcy Dios paady yajnɨcxɨ jadügpɨ tzɨnaydac ni ycaꞌoꞌcy, ni caꞌ ajcxy paty, com Dios anajty tɨ yajnɨcxyii. Jaduꞌn ymɨnaꞌñ ma yjaybetyɨty ma Dios ñecy, caꞌnɨ anajty yajnɨcxyii: “Dios jäygɨdacpy anajty Enoc chɨnaayɨn.”
\v 6 Pen caꞌ nmɨɨdꞌajtɨm mɨbɨjcɨn ni jaduꞌñyɨ, caꞌ Dios jäygɨdägy ajt ndzɨnaayɨn. Com co nmɨhuingonaanɨm Dios, hueꞌ tzocy co nmɨbɨjcɨm co Dios yjiijɨty, e co yajꞌahuimbidɨpy oybɨ mɨɨd pɨn mɨbɨjcɨp.
\p
\v 7 Mɨɨd co Noé mɨbɨjcy Dios, paady Dios ñɨmaayɨ jayɨjp co ytunaꞌñyii yjadaꞌñyii mɨjnɨɨgom huɨdibɨ anajty caꞌnɨ yajꞌixy. Co Dios ymɨgapxɨ, chi Noé yjotmaybaady e yajꞌoyɨy je barco ma yɨꞌ etz yꞌung yꞌanäg ñɨɨgomdzögɨpy. Mɨɨd co anajty Noé mɨɨdɨty mɨbɨjcɨn, paady yajpocycäy je naaxhuiñyjäy ajcxy caꞌpɨ ymɨbɨcy. Chi Dios cöbɨjcy Noé jaduꞌn nej tudägyjäy mɨɨd co mɨbɨjcɨ Dios yꞌayuc.
\p
\v 8 Mɨɨd co Abraham anajty Dios mɨbɨcy, paady Dios yhuinꞌijxɨ e ycapxymɨdouhuɨ. Chi jeꞌ chooñ ma ñaax ycajpɨn ñɨcxy ma je it lugar huɨdibɨ Dios anajty möhuaanɨp co jeꞌadɨɨyb. Choñ, ni caꞌ anajty nejhuɨ̈y ma ñɨcxy.
\v 9 Mɨɨd co Abraham mɨbɨjcy Dios, paady chɨnaydacpɨjcy nej tüg huingjäy ma je naax huɨdibɨ Dios yajꞌahuanɨɨyɨ, huɨdibɨ caꞌ yjëjɨty. Chɨnay ma huittɨjc, nañ jaduꞌn ajcxy yꞌɨdɨɨch Isaac etz Jacob huɨdibɨ ajcxy nañ jaduꞌn Dios yajꞌahuanɨɨyɨ je naax.
\v 10 Abraham jeꞌ anajty yꞌahuijxyp mɨna jëbɨ chɨnaydacpɨcy ma Dios yꞌit ylugar huɨdibɨ jaduꞌn nipatp nej tüg cajp huɨdibɨ mɨɨd yꞌɨjx taꞌtzpɨcy yꞌoyduñɨty, je huɨdibɨ Dios ñihuinmayɨɨy, je huɨdibɨ Dios yajcojy yajꞌoyɨɨyb.
\p
\v 11 Sara hueꞌ anajty pumäy, tɨ anajty ymɨjäyɨɨyñɨ, tɨ ñajxnɨ tiempo mɨna jëbɨ yꞌungꞌixy. Per mɨɨd co mɨbɨjcy Dios yꞌayuc huɨdibɨ tɨ ñɨmaayɨ co yꞌungꞌixaꞌñ anajty, chi paty mɨjaa co yꞌungdzɨmɨ̈gɨp. E chi yꞌungꞌijxy com ymɨbɨjc co Dios anajty cuydunaꞌñ tɨɨbɨ ahuanɨ̈y.
\v 12 Mɨɨd tügpɨ jäy, je Abraham, tɨ choondacy tügpɨcy yꞌamɨgügtɨjc huɨdibɨ oy tɨ ymayɨ̈y. Abraham, oy anajty jeꞌ tɨ yjahuingonɨ mɨna yꞌögaanɨ, chi ooy yꞌung yꞌanäg, yꞌapꞌung yꞌapmang janchmay paty, jaduꞌn ymayɨty nej madzaꞌ etz ymayɨty nej puꞌ ma mejypaꞌ, janch ni ycamɨchoꞌnɨty.
\p
\v 13 Tügꞌócɨy je jäy ajcxy huɨdibɨ ya yajnimɨydacp, öctay ajcxy ni ycacɨ̈dɨgɨɨyɨ je tzɨnaydac huɨdibɨ anajty Dios tɨ yajꞌahuanɨ̈yii. Mɨɨd co ajcxy mɨbɨjcy Dios, paady nejhuɨɨy ajcxy co jacjiinɨ Dios ymöhuɨɨyb je huɨdibɨ tɨ yajꞌahuanɨ̈yii. Com ymɨbɨjc ajcxy Dios, paady jotcujc ñayjɨhuɨɨyɨ co Dios möhuaꞌñyii jacjiinɨ huɨdibɨ tɨ yajꞌahuanɨ̈yii. Ymɨnañ ajcxy co anajty yꞌadzɨnaaygɨxy ya naaxhuiñ.
\v 14 Pɨnjaty jaduꞌn mɨnamb co adzɨnaaybɨ ajcxy yajpaady, hueꞌ yajhuimbɨdzɨmy co chɨnaydac yjugyꞌajttac ajcxy yꞌixtaayb.
\v 15 Co ixyipy ajcxy jäymejtzóꞌcɨgɨxy je naax ma anajty tɨ choongɨxy, janch ycahuimbijty ajcxy jɨm jadügꞌoc.
\v 16 Per jeꞌ ajcxy nïgɨ anajty nijotꞌajtcɨxy it lugar jacꞌoybɨ, jeꞌ jeꞌ je tzajpjotypɨ. Mɨɨd jada ycɨxpɨ Dios caꞌ yɨꞌ choꞌyduñ co ñaydijyii Dios ma jeꞌ ajcxy. Com tɨ niꞌixɨɨyɨ ajcxy chɨnaydac jiiby tzajpjoty.
\p
\v 17 Abraham mɨbɨjcy Dios, e co Dios Abraham yꞌijxmajtzɨ, chi yajmiiñ Isaac co anajty yajhuindzɨgɨ̈huaꞌñ Dios. E janch cɨxyjot je yꞌung tügpajc anajty yecy, je yꞌung huɨdibɨ Dios tɨ yajꞌahuanɨ̈yii anajty.
\v 18 Dios ñɨmay Abraham co mɨɨd Isaac mɨɨdꞌadaꞌñ may yꞌap yꞌoc.
\v 19 Abraham yhuinmaayb anajty ooy co Dios tügpajc cötujcmɨɨdɨp yajjugypɨgɨpy öcpyɨ. Paady jëbɨ ɨɨch ajt nmɨnaanɨm co Abraham ycɨ̈dɨgɨɨyɨ jadügꞌoc yꞌung co anajty tɨ yjugypɨcy co anajty tɨ yꞌögy.
\p
\v 20 Isaac mɨbɨjcy Dios, paady Isaac Dios mɨbɨjctzoy mɨɨd Jacob etz Esau ycɨxpɨ co huen ajcxy oybɨ paadɨp ma je tiempo huɨdibɨ mim cɨdacnɨ.
\v 21 Jacob ymɨbɨjcy anajty Dios, paady co anajty yꞌögaanɨ, chi ahuanɨɨy conuucxɨn ma nidüg nidüg José yꞌung yꞌanäg. E jaduꞌn Dios ooy huindzɨgɨɨy ojadajty yam ñaygodajcꞌadyii mɨɨd ytajc co anajty ooy tɨ ymɨjjäyɨɨyñɨ.
\v 22 José co anajty Dios mɨbɨcy ma anajty yꞌögaanɨ, ymɨnañ co Israel jäy ajcxy anajty ypɨdzɨmaangɨxy comjecy jɨm Egipto, chi yajhuɨꞌmy tɨyꞌajt nej ypajc ytunɨɨyb co anajty choñ ajcxy jɨm Egipto.
\p
\v 23 Mɨɨd co anajty ajcxy mɨbɨcy Dios, paady co Moisés ymaꞌxungꞌajty, chi ytaj yteedy yützɨ tugɨɨg poꞌ. Com co ajcxy ijxy co anajty ooy yꞌoyɨty je maꞌxung, caꞌ ajcxy anajty tzɨgɨ̈y je rey yꞌaneꞌmɨn co anajty yajꞌöctähuaꞌñ tügꞌócɨy ungmaꞌxung yëydɨjcpɨ.
\v 24 Mɨɨd co Moisés mɨbɨjcy Dios, paady co oy ymɨjꞌanäccojnɨ, caꞌ tzojcy co ñaydijɨɨyb co rey ñɨɨx yꞌungꞌadɨɨb.
\v 25 Hueꞌ janchtɨy Moisés nïgɨ nijotꞌajty co ayoꞌn tzaachypɨ mɨnaxɨpy yajnaxɨpy quipxy mɨɨd Dios yjäy, caꞌydɨ co nixondägɨpy je jugyꞌajtɨn ma je rey ytɨjc huɨdibɨ Dios caꞌ jäygɨdägy.
\v 26 Moisés nïgɨ ñayjɨhuɨɨyɨ jotcujc co tzaachypɨ ayoꞌn anajty mɨnaxy yajnaxy mɨɨd Cristo ycɨxpɨ, caꞌydɨ co mɨɨdꞌajttähuɨpy jugyꞌajt comeeñꞌajt jɨm Egipto. Com Moisés tɨ anajty yhuinmaꞌñypɨdägy co Dios yegaꞌñ je oybɨ.
\v 27 Mɨɨd co Moisés mɨbɨcy anajty Dios paady choñ jɨm Egipto, ni catzɨgɨy co anajty rey yjotmädy, jaduꞌn yꞌijty tudägy nej jɨhuɨ̈y ixy je Dios caꞌpɨ yajꞌixy.
\p
\v 28 Mɨɨd co mɨbɨjcy Dios paady Moisés tuuñ je pascuaxɨɨ, chi niꞌaneꞌmdɨɨy co huen tɨjcꞌaguu tüg tüg yajnɨꞌpyɨ̈y, jɨgɨx co je ángel huɨdibɨ yajꞌöcp, caꞌp jeꞌ je israelitajäy yꞌungoob yajꞌoꞌcɨpy.
\v 29 Mɨɨd co ajcxy mɨbɨjcy Dios paady je israelitas ajcxy yajnajxy je tzaptz mejy jaduꞌn nej jɨhuɨ̈y ñajxcɨxy huindɨ̈tztuuy, e co ajcxy je Egipto jäy nañ jaduꞌn yjanaxañ, cɨjx ajcxy ñɨɨꞌoꞌctäy.
\p
\v 30 Mɨɨd co ajcxy mɨbɨjcy Dios, paady ycɨdäday je poch ma je Jericógajp, taab anajty je israelitas ajcxy tɨ jühuɨdijtcɨxy huixtujc xɨɨ.
\v 31 Mɨɨd co Rahab, je töxyjäy jɨbɨc tzɨnaaybɨ, mɨbɨjcy Dios, paady caꞌ yꞌoꞌcy quipxyɨ mɨɨd je huɨdibɨ anajty caꞌ capxymɨdoogɨxy Dios. Com co jeꞌ yajjättacy ma ytɨjcɨn je huɨdibɨ anajty tɨ choongɨxy ma Israel jäy ajcxy anajty yajpaady, co anajty ayüch ameech yajcɨ̈yöygɨxy yajtecyyöygɨxy Canaán naaxjot.
\p
\v 32 ¿Ti njacmɨydägɨbɨch? Nyajtɨgoyꞌidaamybɨch tiempo co nimɨydägɨbɨch Gedeón, Barac, Sansón, Jefté, David, Samuel, e jacjadyii Dios yꞌayucnajtzcapxɨɨybɨ.
\v 33-34 Mɨɨd co ajcxy mɨbɨjcy Dios, paady ymɨmadac ajcxy ymɨdzip canaag pɨcy, aneꞌmy ajcxy yajxon yɨ cajpjäy, ypaat ajcxy pubejtɨn huɨdibɨ Dios anajty tɨ yajꞌahuanɨ́ɨyɨgɨxy. Yajꞌadujc ajcxy caa yꞌahuac, yajxeem ajcxy jɨɨn huɨdi anajty ooy ymɨjɨty, tzooc ajcxy co anajty yajꞌögaangɨxy mɨɨd espada. Pɨnjaty anajty pumäyɨp ypaat jeꞌ ajcxy ymɨcꞌajt ymɨjaa, mɨj jeꞌ ajcxy ooy yꞌíjtcɨxnɨ ma chiptungɨxy, e ymɨmadactay ajcxy maymɨdzip.
\v 35 Jɨm anajty töxyjäy yjájtɨgɨxy huɨdibɨ ajcxy cɨ̈dɨgɨɨyɨ yꞌung juugy huɨdibɨ anajty tɨ jugypɨcy co anajty tɨ yꞌögy. Jadyii ajcxy yꞌoꞌcy ahuonɨꞌ agɨdzɨꞌ, caꞌp ajcxy paty nïdzoocɨn. Jaduꞌn ajcxy paty oꞌcɨn, jaydëbɨ patcɨxy jugyꞌajtɨn etz tzɨnaayɨm jacꞌoybɨ ma Dios.
\v 36 Jadyii Dios yꞌayucnajtzcapxɨɨybɨ ooy ñɨxiicɨ yajxiicɨ, yajcɨ̈ꞌajty, etz tzumy mach ypujxtɨjcꞌɨñäy.
\v 37 Jadyii Dios yꞌayucnajtzcapxɨɨybɨ yꞌoꞌcy ajcxy tzaagögäch, jadyii yajꞌajɨdɨɨy ajcxy janch tɨm cup yꞌijxmajtzɨ ajcxy, jadyii yajꞌoꞌcɨ mɨɨd espada. Ymiñ xyɨjpy xɨɨ yaa yhuɨdijtcɨxy ymɨɨd ajcxy ñinïcx yüch mɨɨd cöbixyꞌac etz mɨɨd chivoꞌac, ayoob jäy ajcxy, jotmay mɨɨd, yajtzaachytungɨxy yajcaꞌoydungɨxy.
\v 38 Yɨ jaduꞌmbɨ Dios yꞌayucnajtzcapxɨɨybɨ ajcxy ni je naaxhuiñyjäy anajty camɨhuaadɨty. Mɨɨd ymɨdzip pahuɨdijtcɨxy, paady yhuɨdijtcɨxy anajty tɨ̈tznaaxtuum etz yuugjoty, chɨnaaygɨxy naaxpaꞌtcɨꞌpy etz majaty ang.
\v 39 Nidügꞌócɨy jeꞌ ajcxy oy cömay ajcxy yjanajxy mɨɨd co mɨbɨjcy ajcxy Dios, caꞌ ajcxy paty tɨɨbɨ anajty Dios yꞌahuanɨ̈y.
\v 40 Com Dios jacꞌoybɨ jeꞌ anajty yegamyb mɨɨd ɨɨch ajt, paady caꞌ ajcxy paty je oybɨ tɨɨbɨ Dios yꞌahuanɨ̈y. Tɨ anajty Dios nihuinmayɨ̈y co yajcaꞌpxaanɨ yɨꞌ ajcxy ytudägyꞌajtɨn quipxyɨ mɨɨd ɨɨch ajt co Cristo yꞌoꞌcy mɨɨd ɨɨch ajt nbocy ycɨxpɨ.
\c 12
\s Tzoc ɨɨch ajt nhuinmaꞌñybɨdaacɨm ma Jesús
\p
\v 1 Com nmɨɨdꞌajtɨm canaag ijxpejt nej jäy jecyꞌajty mɨbɨjcy Dios, paady ɨɨch ajt jaduꞌn nipaady nej jɨhuɨ̈y huinduy jajɨɨxcɨꞌpy nmɨɨdꞌajtɨm jäy huɨdibɨ tɨ yajniguëxɨ̈gy ymɨbɨjcɨn. Paady ycɨxp tzoc ahuing pɨdaacɨm je huɨdijaty xyꞌadzijpɨm ma ajt nmɨbɨjcɨn, e nañ jaduꞌn tzoc ahuing pɨdaacɨm je pocy huɨdibɨ xyajhuinmaꞌñydɨgooyɨm, e tzoc naymɨcꞌijxɨm cuydunɨm yɨ tɨyꞌajt mɨɨd mecxtujcɨn ma ajt ndzɨnaayɨn, jaduꞌn nej jäy ñaymɨcꞌíjxɨgɨxy co nayboyɨ̈cquípxɨgɨxy.
\v 2 Tzoc nhuinmaꞌñybɨdaacɨm ma Jesús. Jɨm ijxpejt nbaatɨm ma Jesús nej jëbɨ nmɨbɨjcɨm Dios. Jesús yɨꞌ jeꞌ tɨ xyajnejhuɨɨyɨm Dios ytɨyꞌajt. Yɨ Jesús yɨꞌ yꞌayoo anajty ma je cruudz, ni caꞌ yɨꞌ tuñcuendɨ je jaduꞌmbɨ oꞌcɨn oymɨdzoꞌyduunɨp. Com co Jesús ñejhuɨɨyb anajty co jaduꞌn yꞌocꞌayoohuɨpy, chi ypaadɨpy jotcujcꞌajtɨn ma Dios yꞌaneꞌmy. E cham jeꞌ yajpaady ma Dios ymɨjc ma Dios yꞌaneꞌmdac.
\p
\v 3 Huinmaaygɨxy miich ajcxy je Jesús yꞌijxpejt, nej pocyjäydɨjc chaachytuungɨxy etz ñiꞌojɨɨygɨxy, etz caꞌ yꞌixaanɨ, paady caꞌ mdzíjpcɨgɨxy ni mgamɨjotmetzcɨɨygɨxy.
\v 4 Caꞌnɨ miich ajcxy ayoꞌn tzaachypɨ myajnaxy mabaad nɨꞌpy ajcxy mxɨɨbɨdyii jaduꞌn nej Cristo yjajty.
\v 5 ¿Nej tɨ miich ajcxy mjäydɨgooygɨxy je capxhuijɨn huɨdibɨ Dios tɨ xymooygɨxy nej jɨhuɨ̈y ycɨꞌmꞌung? Jaduꞌn ymɨnaꞌñ ma Dios ñecy:
\q Miich nꞌungɨch, caꞌ mbɨdägy nej jɨhuɨ̈y caꞌ ytɨm ytiijɨty je tzaachypɨ huɨdibɨ Dios mɨɨd xycapxhuijy, ni caꞌ mjotmetzcɨ̈huɨpy co xyajꞌójɨpy.
\q
\v 6 Dios ycapxhuijpy yɨꞌ pɨnjaty chojcpy yjɨhuɨɨyb. Dios chaachytumby yɨꞌ ajcxy co ytundɨgooy, pɨnjaty yɨꞌ tɨ cöbɨcy nej jɨhuɨ̈y ycɨꞌmꞌung.
\m
\v 7 Mɨmadaaccɨx miich ajcxy je castigo, com Dios jaduꞌn yɨꞌ xymɨɨdɨty ajcxy nej jɨhuɨ̈y ycɨꞌmꞌung. ¿Nej ji jadaꞌ tüg ung, e caꞌ yteedy chaachytunɨɨyb co ytundɨgooy?
\v 8 Pen caꞌ miich ajcxy Dios ti tzaachypɨ xymooygɨxy, jaduꞌn nej yɨꞌ moy castigo tügꞌócɨy yꞌungdɨjc yꞌanäctɨjc, caꞌ miich ixyipy ajcxy Dios xyꞌungꞌadyii tɨydudägy. Jaduꞌn miich ajcxy mꞌidɨpy nej tüg piꞌcꞌanäg huɨdibɨ yteedy caꞌ yꞌixaꞌñyii.
\v 9 Jadüg nax, taabɨ anajty ajt nbiꞌcnɨty, ɨɨch ajt ndeedy ya naaxhuiñ xyꞌɨɨhuijɨm xycapxhuijɨm anajty, e xychaachytuunɨm co caꞌ ngapxymɨdoohuɨm nhuindzɨgɨɨyɨm ajcxy. ¿Nej co caꞌ huaad nꞌijtɨm aneꞌmy ma ajt ndeedy huɨdibɨ tzajpjoty yajpatp? E jaduꞌn jëbɨ nbaatɨm je jugyꞌajtɨn huɨdibɨ caꞌ ycɨxɨpy ytɨgoyɨpy nimɨna.
\v 10 Ɨɨch ajt ndeedy ya naaxhuiñ xyꞌɨɨhuijɨm xycapxhuijɨm anajty mɨɨd jada conbɨ jugyꞌajt ycɨxpɨ, jaduꞌn nej jeꞌ anajty ajcxy oyꞌixy. Nañ jaduꞌn Dios ɨɨch ajt xychaachytuunɨm mɨɨd ajt nꞌoyꞌajt ycɨxpɨ etz jɨgɨx nmɨɨdꞌajtɨm huädz jot huädz huinmaꞌñ nej Dios ymɨɨdɨty huädz yjot huädz yhuinmaꞌñ.
\v 11 Oy yjanchɨty co caꞌ ti tzaachypɨ ndzojcɨm ma yam nbaatɨm je tzaachypɨ, com ooy ndzachjɨhuɨɨyɨm je tzaachypɨ, e caꞌ jotcujc nayjɨhuɨɨyɨm. Per pɨnjaty ixpɨjcpɨ Dios chojcɨn mɨɨd je tzaachypɨ ycɨxpɨ, chi jeꞌ yhuimbɨdzɨmɨɨygɨxy tüg jugyꞌajtɨn tüdägypɨ etz jotcujcpɨ.
\s Je huɨdibɨ ayoꞌngojp co Dios yꞌayuc ngacöbɨgaanɨm
\p
\v 12 Paady miich ajcxy jotmɨcpɨjccɨx ma mmɨbɨjcɨn, jaduꞌn nipaadɨp nej jɨhuɨ̈y myajpɨdɨ̈ccɨxy mgɨꞌ tɨɨbɨ yꞌanucxɨɨyñɨ, etz mgoxcohuajc mɨcꞌajt paady huɨdibɨ anajty caꞌ mɨcꞌajt mɨɨdɨty.
\v 13 Ixtaaygɨx nɨɨꞌaa tüꞌaa tɨɨybɨ ma mdzɨnaayɨn, jaduꞌn nipaadɨp nej jɨhuɨ̈y yɨ mdecy huɨdibɨ mädɨp tɨ chögy, e camɨna jadügꞌoc yhuiidɨp.
\p
\v 14 Tzɨnaaygɨx mɨɨd oyjot oyhuinmaꞌñ mɨɨd nidügꞌócɨy jäy. Caꞌ mdúngɨxɨpy ti tzip. Mɨɨdꞌajtcɨx tüg tzɨnaayɨn huätzpɨ, pen caꞌ jaduꞌn mdungɨxy, ni pɨn caꞌixɨpy je Huindzɨn Jesucristo.
\v 15 Ooy cuendɨtungɨxp co ni pɨn cajɨjpyöydüdɨpy je pubejtɨn huɨdibɨ Dios tɨ ahuanɨ̈y, jɨgɨx nañ jaduꞌn ni pɨn ycayajpaadɨpy janch mät yjot yhuinmañ, e yajhuindɨgoydäy yajmättäy jacjadyii ymɨgügtɨjc, tɨm jaduꞌn nej tüg ujtz taꞌmbɨ ypaꞌmduñ.
\v 16 Ni tüg miich ajcxy caꞌ huaad ti ayuc mɨɨdꞌaty mɨɨd huingbɨ töxyjäy huɨdibɨ caꞌ miich mdöxyɨjcꞌadyii. Caꞌ nañ jaduꞌn mꞌixtijɨpy je ayuc huɨdibɨ Dios yajhuɨꞌmy mɨɨd miich ajcxy ycɨxpɨ, jaduꞌn nej yꞌɨdɨɨch Esaú. Mɨɨd tüg caayɨn uucɨn Esaú toocnax je huɨdibɨ anajty möhuaanɨp yteedy co yꞌunggoobɨty.
\v 17 Miich ajcxy mnejhuɨɨyb co Esaú tocy huɨdi anajty paatɨp co japadaꞌñ je conuucxɨn huɨdibɨ anajty yteedy möhuaanɨp, caꞌ jaduꞌn Dios cöbɨjcy, chi Esaú ooy yjayaaxnɨ, per caꞌ anajty ñihuinmaꞌñ nej yjothuimbidɨp mɨɨd jeꞌ ycɨxpɨ tɨɨbɨ anajty tuñ.
\p
\v 18 Caꞌ miich ajcxy tɨ mjaty tɨ mꞌixy, nej jecyꞌajty yɨ israelitas ajcxy yjajty etz yꞌixy co ajcxy mɨhuingoñ je cop Sinaí ma anajty Dios tɨ pɨdägy mɨj jɨɨn, ma anajty ooy yhuɨdzucy yjɨdity etz mɨjpoj mɨjtɨgoy ñaxy, ma anajty ooy yꞌagoodzɨ̈y anaxy.
\v 19 Ni mgamɨdoy ajcxy je trompeta ni je Dios yꞌayuc huɨdibɨ anajty ajcxy jeꞌ mɨgapxɨp. Pɨnjaty jeꞌ mɨdou je ayuc ypɨjctzou ajcxy mayꞌajt co caꞌ huaad yjacmɨgápxɨgɨxy com ooy anajty chɨgɨɨygɨxy.
\v 20 Jeꞌ jeꞌ anajty ycɨxpɨ co anajty caꞌ mɨmadägaangɨxy je aneꞌmɨn cötujcɨn huɨdibɨ anajty mɨnamb: “Pɨn anajty ytecy pɨdacp ma yɨ cop, hueꞌ yɨꞌ yꞌoyyajꞌoꞌcnɨty cögäch mɨɨd tzaa o mɨɨd quipyjɨjpxuꞌñ, oy ixyipy yꞌɨyujcɨty.”
\v 21 Oy chɨgɨɨyñɨ huɨdibɨ anajty yajꞌijxp, Moisés cɨꞌm mɨnaan: “Tzɨyuuybɨch yam mɨɨd tzɨgɨꞌñ.”
\p
\v 22 Per miich ajcxy jaduꞌn nipaady nej jɨhuɨ̈y tɨ mmɨhuingoongɨxy yɨ cop huɨdibɨ yxɨɨ Sión etz je Dios juugypɨ ycajp. Jeꞌ jeꞌ je Jerusalén tzajpjotypɨ ma canaag mil je ángeles ajcxy yöymujccɨxy.
\v 23 Tɨ miich ajcxy mmɨhuingoongɨxy ma tɨ yöymujccɨxy je jaccömaaybɨ jäy huɨdibɨ ajcxy yxɨɨ cojaay ma Dios ñecy jiiby tzajpjoty, je huɨdibɨ ajcxy huinꞌɨɨb huingapxtacp Dios. Tɨ miich ajcxy mɨhuingoongɨxy Dios je huɨdibɨ nijuezꞌajtp tügꞌócɨy. Nañ jaduꞌn tɨ miich ajcxy mɨhuingoongɨxy jeꞌ ajcxy je oyjäydɨjc yꞌespíritu huɨdibɨ Dios tɨ yajꞌahuimbijttäy tudägy.
\v 24 Miich ajcxy tɨ mɨhuingoñ yɨ Jesús, yɨ huɨdibɨ xycodɨnaayɨm ma Dios mɨɨd je jemybɨ cötujcɨn huɨdibɨ Dios yajhuɨꞌmy mɨɨd ɨɨch ajt ycɨxpɨ. Yɨ Jesús huɨdibɨ mɨcꞌajtmoy je Dios yꞌayuc jemybɨ, co ñɨꞌpy teemy yojcy mɨɨd ajt nbocy ycɨxpɨ. Yɨ Jesús co cɨꞌm ñɨꞌpy teemy yojcy mɨɨd jäy ajcxy ypocy ycɨxpɨ, nïgɨ oy yɨꞌ caꞌydɨ co Abel ɨyujc ñɨꞌpy teemy yojcy mɨɨd ypocy ycɨxpɨ.
\p
\v 25 Paady ycɨxp ooy cuendɨtungɨx miich ajcxy, caꞌydɨ yajꞌixtijy Dios, je pɨn tɨ xyajmɨhuɨꞌmɨm jemybɨ yꞌayuc. Je jäy ajcxy huɨdibɨ tzɨnay jecyꞌajty, caꞌp jeꞌ ajcxy chocy co ajcxy ixtijy Dios co jecyꞌajty yjamɨgapxɨ ajcxy ya naaxhuiñ. Oꞌctɨ́y ɨɨch ajt caꞌ ndzoocɨm, pen nmooyɨm ajt njɨɨx je Dios, je pɨn yꞌayuc xyajmɨhuɨꞌmɨm huɨdi tzoon tzajpjoty.
\p
\v 26 Co Dios yꞌayuc yejcy jecyꞌajty, chi yajtziyuuy ooy naax. Jadachambɨ Dios ymɨnaꞌñ: “Jadügtecypajc nyajtziyuyaꞌñɨch je naax, e caꞌ nmɨnaanɨm naaxtɨꞌajty, nañ jaduꞌn nyajtziyuyaꞌñɨch je tzajp.”
\v 27 Co jaduꞌn Dios ymɨnaꞌñ: “Jadügtecypajc nyajtziyuyaꞌñɨch je naax.” Hueꞌ yajhuinjɨhuɨ̈y co ytɨgoydähuɨpy huɨdijaty yücxp huɨdibɨ Dios yajꞌoyɨɨy, e jeꞌ huɨꞌmɨp je huɨdijaty caꞌ yuꞌcxy.
\v 28 Paady je Jesucristo ycötujcɨn huɨdibɨ Dios xyajmɨhuɨꞌmɨm, caꞌ yɨꞌ huaad ytɨgoy. Tzoc yajnajxɨm Dioscojuyip mɨɨd Jesús yꞌayuc ycɨxpɨ, e nyajmɨjꞌajtɨm nꞌojadajtɨm Dios mɨɨd tudägyꞌajt etz mɨɨd huindzɨgɨꞌñ nej jeꞌ jäygɨdägyɨn.
\v 29 Ɨɨch ajt nDios jaduꞌn yɨꞌ nej tüg jɨɨn huɨdibɨ nöctaayb tügꞌócɨy.
\c 13
\s Nej jëbɨ nyajjäygɨdaacɨm Dios
\p
\v 1 Miich ajcxy huɨdibɨ mɨbɨjcp Jesucristo, caꞌ mjäydɨgooygɨxy co ajcxy mnaychójcɨgɨxɨpy miñ xyipy nej jɨhuɨ̈y ajcxy mdügquëxyɨty.
\v 2 Caꞌ ajcxy mjäydɨgóoygɨxɨpy co oyjäyꞌajtɨn mdúngɨxɨpy mɨɨd pɨnjaty ajcxy xycojädɨɨyb. Mɨɨd co oyjäyꞌajtɨn ajcxy tuuñ, chi nijëjɨty ajcxy yajjättacy ángeles ajcxy, ni caꞌ ajcxy huinjɨhuɨy co ángeles anajty tɨ yajjättaaccɨxy.
\p
\v 3 Mjäymedzɨp ajcxy pɨnjaty tzumyꞌɨñaayb machꞌɨñaayb jaduꞌn nej jɨhuɨ̈y miich ajcxy nañ jaduꞌn mdzumyꞌɨñaaygɨxy mmachꞌɨñaaygɨxy quipxy mɨɨd jeꞌ ajcxy. Jäymeedzɨp miich ajcxy pɨnjaty tzaachypɨ ayoꞌn mɨnajxp yajnajxp, com nañ jaduꞌn miich ajcxy mɨɨdɨty je ninïcx huɨdibɨ jëbɨ yꞌayoy.
\p
\v 4 Huen nidügꞌócɨy jäy huindzɨgɨɨygɨxy yajmɨjꞌajtcɨxy je pɨjcɨn casadaꞌajtɨn. Huen je yëydɨjc etz je ytöxyɨjc naymɨɨdtzɨnáayɨgɨxy yajxon, com Dios yɨꞌ tzaachytunɨpy pɨnjaty tundɨgooyb mɨɨd huingbɨ töxyjäy.
\p
\v 5 Caꞌ mꞌadzojccɨxy meeñ. Mɨjotcujcꞌájtcɨxy ti ajcxy ii mɨɨd. Dios tɨ jeꞌ ymɨnaꞌñ: “Camɨna xɨɨ ɨɨch miich ajcxy nꞌixmadzɨpy, ni ɨɨch miich ajcxy ngajäydɨgoyɨpy.”
\v 6 Jaduꞌn jëbɨ nmɨnaanɨm agujc jotcujc: “Yɨ Huindzɨn Dios yɨꞌ xypubejtpɨch, caꞌ ndzɨgɨ̈huaꞌñɨch jäy nej xyjatunaꞌñɨch.”
\p
\v 7 Jäymejtzcɨx miich ajcxy je pɨnjaty tɨ xyñigohuajcꞌajtcɨxy, je pɨnjaty tɨ xyajmɨɨdmɨydaaccɨxy Dios yꞌayuc ytɨyꞌajt. Huinmaaygɨx nej jeꞌ ajcxy anajty ytudägyꞌaty, padungɨx nej jeꞌ anajty ajcxy mɨɨdɨty ymɨbɨjcɨn.
\p
\v 8 Jaduꞌn nej Jesucristo oybɨ tuñ jecyꞌajty, nañ tɨm jaduꞌn oybɨ tuñ chambaad, etz oybɨ tunaꞌñ huinɨxɨɨ huinɨtiempo, caꞌ yɨꞌ yajtɨgadzip yɨ yhuinmaꞌñ ni mɨna.
\v 9 Caꞌ miich ajcxy myajhuinꞌɨɨngɨxy mɨɨd canaag ixpɨjcɨn huɨdibɨ caꞌ ytügnaxɨty mɨɨd Jesucristo ytɨyꞌajt. Nïgɨ oy co ajt nbɨdaacɨm nhuinmaꞌñ ma je Dios yꞌayuc, nej yɨꞌ xychojcɨm xyjɨhuɨɨyɨm, nej yɨꞌ mayꞌajt tuñ mɨɨd ɨɨch ajt. Caꞌ mbɨdaacɨm mhuinmaꞌñ ma je cötujcɨn huɨdibɨ adujcp nijëjɨty caayɨn uucɨn. Ni ti jotcujcꞌajt ajcxy capaty pɨnjaty panɨcxp yɨ jaduꞌmbɨ cötujcɨn.
\p
\v 10 Je judío tungmɨɨdpɨ huɨdibɨ huindzɨgɨꞌñ tumb anajty ma Dios yhuittɨjc je jecyɨp, caꞌ yɨꞌ jëbɨ yjactuunɨ ma ɨɨch ajt nmɨbɨjcɨn jaduꞌn nej Jesucristo tuñ huindzɨgɨꞌñ mɨɨd ɨɨch ajt ycɨxpɨ.
\v 11 Je judío mɨjtungmɨɨdpɨ ma Dios ytɨjc ypɨdac ɨyujc ñɨꞌpy ma je Lugar Santísimo nej tüg huindzɨgɨꞌñ huɨdibɨ yajpocyñïhuaatzp je mayjäy. Je ɨyujc ögy ñinïcx jɨguem jeꞌ yajnögy, caꞌ jiibyɨty cajpjoty ma je Dios anajty huindzɨgɨɨygɨxy.
\v 12 Tɨm jaduꞌn nej je judío sacerdote yajnögy je huindzɨgɨꞌñ ɨyujc ñinïcx cajp nïnaxy, nañ tɨm jaduꞌn Jesús paty tzaachyꞌoꞌcɨn cajp nïnaxy jɨgɨx mɨɨd jeꞌ ycɨꞌmnɨꞌpy pocyñïhuädzɨp je mayjäy.
\v 13 Tzoc mɨjpɨdaacɨm je Jesús tɨɨbɨ yꞌögy cajp nïnaxy mɨɨd ɨɨch ajt nbocy ycɨxpɨ. Tzoc mɨnajxɨm yajnajxɨm je canayyajmɨjꞌadɨɨ je canayꞌixaꞌnɨɨ, tɨm jaduꞌn nej Jesús mɨnajx yajnajx je canayyajmɨjꞌadɨɨ je canayꞌixaꞌnɨɨ.
\v 14 Ya naaxhuiñ caꞌ ya ajt nmɨɨdɨty tüg ciudad ma jëbɨ nꞌijtɨm huinɨxɨɨ huinɨtiempo, jeꞌ ɨɨch ajt njɨjpꞌijxɨm je tzɨnaayɨn huɨdibɨ miimb cɨdaacp.
\v 15 Paady ycɨxp chojcpy co Dios nꞌojadajtɨm nmɨbɨjctzoohuɨm jabom jabom huinɨxɨɨ mɨɨd Jesucristo yxɨɨ. Co jaduꞌn nꞌojadajtɨm nmɨbɨjctzoohuɨm Dios jaduꞌn nipaady nej tüg huindzɨgɨꞌñ nmooyɨm. Tzoc ii mɨbɨjctzoohuɨm, tzoc ojadajtɨm mɨɨd ajt ngɨꞌmꞌahuac ngɨꞌmꞌayuc.
\v 16 Caꞌ mjäydɨgóoygɨxɨpy co oybɨ mdúngɨxɨpy etz naybubéjtɨgɨx naybudɨgɨ́ɨyɨgɨx miñ xyipy. Co jaduꞌn mdúngɨxɨpy jaduꞌn nipaady nej tüg huindzɨgɨꞌñ tɨ myejccɨxy ma Dios huɨdibɨ yɨꞌ ooy jäygɨdägy.
\p
\v 17 Capxymɨdoogɨx pɨnjaty xyñigohuajcꞌájtcɨxp etz yajmɨjꞌajtcɨxp, com yɨꞌ miich ajcxy xycuendꞌajtɨp yɨ mꞌalma. Nejhuɨɨyɨm co cɨ̈yegaangɨxy ycuendɨ ma Dios nej ajcxy tɨ xycuendꞌaty. Pen oybɨ miich ajcxy mdumyb mɨɨd yɨꞌ ajcxy, jotcujc ajcxy ñayjɨhuɨ̈huɨɨyb. Pen jɨbɨc miich ajcxy mduñ mɨɨd yɨꞌ ajcxy, tajɨp mayɨp ajcxy. E pen yɨꞌ ajcxy tajp maayb, chi miich ajcxy caꞌ ni ti jotcujcꞌajt mmɨɨdꞌadɨpy.
\p
\v 18 Mɨbɨjctzoogɨx Dios mɨɨd ɨɨch ycɨxpɨ etz je pɨnjaty xymɨɨdhuɨdijtpɨch. Jatytɨm naymɨcꞌíjxɨbɨch tudägy nduuñɨch ma tügꞌócɨy ɨɨch ndung, paady ycɨxp jotcujc nayjɨhuɨ̈yiijɨch.
\v 19 Mayꞌajt nbɨjctzooybɨch ma miich ajcxy co Dios mmɨbɨjctzoogɨx mɨɨd ɨɨch ycɨxpɨ, jɨgɨx Dios aꞌɨxɨ̈huɨpy co nɨ́cxɨbɨch tzojc ma miich ajcxy.
\s Oyꞌajt etz capxpoocxɨn huɨdibɨ cogɨxɨɨyñɨp je necy
\p
\v 20 Dios nmɨbɨjctzooybɨch mɨɨd miich ajcxy ycɨxpɨ. Je Dios huɨdibɨ yajjugypɨjc jadügꞌoc ɨɨch ajt nHuindzɨn Jesucristo co yꞌoꞌcy, je huɨdibɨ cuendꞌajtp je maymɨbɨjcpɨdɨjc. Co Jesucristo ñɨꞌpy teemy yojcy, chi mɨcꞌajt moy je jemybɨ cötujcɨn huɨdibɨ Dios tɨ xyajmɨhuɨꞌmɨm. Dios tɨ pɨdägy Jesucristo jaduꞌn nej je cuendꞌajtpɨ jacꞌoybɨ ma je maymɨbɨjcpɨdɨjc. Jaduꞌn yɨꞌ nipaady nej tüg cöbixy cuendꞌajtpɨ huɨdibɨ cuendꞌajtp may ngöbixy.
\v 21 Je Dios huɨdibɨ xyajjotcujcꞌajtɨm jeꞌ huen xyajꞌahuimbijtcɨxy huädz etz oyjäy ma tügꞌócɨy ajcxy mmɨbɨjcɨn etz ma tügꞌócɨy ajcxy mdzɨnaayɨn, jɨgɨx ajcxy mdunɨpy nej yɨꞌ tzocy. Dios huen tuñ ma ɨɨch ajt njot nhuinmaꞌñ mɨɨd Cristo ymɨcꞌajt nej yɨꞌ tzocy. ¡Huen Cristo yꞌidɨpy mɨj cömay huinɨxɨɨ huinɨtiempo! Amén. Jaduꞌn jada.
\p
\v 22 Nmɨgügtɨjc, nbɨjctzooybɨch mayꞌajt yajtungɨxy mecxtujcɨn ma jada ayuc capxhuijɨn. Tɨ ajcxy ii con nijayɨɨygɨxy.
\v 23 Nejhuɨɨygɨx miich ajcxy co ajt nmɨgüg Timoteo yꞌity ahuätztuum. Pen tzojc yjädy ya ma nyajpaadyɨch, chi yɨꞌ xymɨɨdnɨ́cxɨbɨch co ɨɨch anajty miich ajcxy nɨcxy nꞌijxcɨxy.
\p
\v 24 Nguejxpyɨch ngapxpoocxɨn ma nidügꞌócɨy pɨn ajcxy xyñigohuajcꞌajtp etz je mɨgügtɨjc ajcxy huɨdibɨ mɨbɨjccɨxyp. Je mɨgügtɨjc huɨdibɨ ajcxy yajpatp ya Italia yquejxyp ajcxy capxpoocxɨn ma miich ajcxy.
\p
\v 25 Dios ajcxy xyconuucxɨp nidügꞌócɨy miich ajcxy. Amén. Jaduꞌn jada.