1
00:00:05,000 --> 00:00:13,380
Ijihuni túna'i soha iha Taipiriasi 'wavujino Jesuho Hu ichá'inijaho kú'o Huni tisaiporua najahana.

2
00:00:13,380 --> 00:00:17,060
'Unama ika'ina'e Hu ichá'inijaho najahana.

3
00:00:17,060 --> 00:00:32,060
Saimani Pitane 'ee Tomasi ka'ene Titimasina 'wavujaho 'ee Nataneru ka'ene Kena Karari orijine 'ee Jepeti oni harihija 'ee Huni tisaiporu no'ohe'i ijihi pu'úmo ahuma hijara.

4
00:00:32,060 --> 00:00:38,220
Saimani Pita ijá 'iama Na va'e úa vesa'i va'u 'iamana.

5
00:00:38,220 --> 00:00:44,860
'Ejume pu ijá 'wava nú 'u'o vu'ajivu 'wavara.

6
00:00:44,860 --> 00:00:51,340
'Ejume hu pu pu'úmo va'e sisima 'ahi ajivara kaivo ijí na'ia kajaho pu kija pasiriravara.

7
00:00:51,340 --> 00:00:59,140
Sú'u sú'o vea mai'o ahasio'eju'e Jesuho ora samai naminana kaivo tisaiporua Jesura naminu parojara.

8
00:00:59,140 --> 00:01:04,460
'Ejume Jesu pu ijá 'umena Sesa karijee ja vi kija siriravooo?

9
00:01:04,460 --> 00:01:09,140
'iavume pu eha vene ijá 'wava Pana 'wavara.

10
00:01:09,140 --> 00:01:18,620
'Ejume Hu pu ijá 'iama Joni namea sisima ropuna'i mana'inija'i apúsamareje ja kija siriraha 'iamana.

11
00:01:18,620 --> 00:01:21,980
'Ejume pu namea 'ene ropuna'i apúsavara.

12
00:01:21,980 --> 00:01:26,100
'E'ikaivo pu tairiajaho areri parenana.

13
00:01:26,100 --> 00:01:34,060
Ijihuni maijaho kija mapoka mapoka ijí puni namea vajijaho ani renajihuna'e areria parenaara.

14
00:01:34,060 --> 00:01:49,180
Jesura tisaiporu ka'ene oja mahajara Pita ijá 'wama Ijaho Natohwi jarana 'wamaji Saimani Pita henajaho hu maisu kaukara venonana'omo ateha ape apúsame mwamapi soha vaja kaji vajamana.

15
00:01:49,180 --> 00:01:58,900
'E'eme tisaiporu 'aho'a sisima ma'u'ua 'ahi roe kija ka'ene namea vaji itu'o'unana nama kajaho tairia karohi rori va'ara.

16
00:01:58,900 --> 00:02:05,900
(Ijihuni maijaho rori vahuna mina areri 100 mita.)

17
00:02:05,900 --> 00:02:10,500
Pu roe rori arihi'i kavume vena re'eme kija 'ee puretia ijihuni toi reji'i navara.

18
00:02:10,500 --> 00:02:16,860
'Ejume Jesura ijá 'iama Kija ka'ene iviamaa jara sirirava kajaho 'aho'a 'eka roha 'iamana.

19
00:02:16,860 --> 00:02:30,460
'Ejume Saimani Pitara va'e ajime namea kajaho tairi apene iki samai roi'i kavume kija mapoka mapoka mama'ina (153) ijihuni vaji navara kaivo namea paturamana.

20
00:02:30,460 --> 00:02:32,940
Iji'a Jesu ijá 'iama Roe 'iruma ija 'iamana.

21
00:02:32,940 --> 00:02:38,820
'Ejume pu nihena kavajaho Hu Natohwiji kamareja pu ea pina paapome A Ea irarane?

22
00:02:38,820 --> 00:02:43,500
'wavara.

23
00:02:43,500 --> 00:02:49,700
'Enarena Jesura roe puretia 'eke tuama vajihe 'ee kija 'u'o ijá venana.

24
00:02:49,700 --> 00:02:55,060
Ijaho Jesura kwama 'urinani túna'ijaho Hu 'aha no'opisu Huni tisaiporu najahajina.

25
00:02:55,060 --> 00:03:07,540
Pu 'iruma ijume pa'arejumakavi'i Jesu Saimani Pita ijá 'wama Saimani Joni oni harihe a Na oja mihujara ikija asitahane?

26
00:03:07,540 --> 00:03:14,740
Hu ijá 'wama I'a Natohwe na A oja mahujaho A nihena kimu 'wamana.

27
00:03:14,740 --> 00:03:21,100
'Ejume Hu ija 'wama Nuni sipia 'u'ua piira'amana 'wamana.

28
00:03:21,100 --> 00:03:27,380
Hu kú'o 'aha no'u ijí ijá 'wama Saimani Joni oni harihe A Na oja miho?

29
00:03:27,380 --> 00:03:29,140
'wamana.

30
00:03:29,140 --> 00:03:36,580
'Ejume hu ijá 'wama I'a Natohwe Na A oja mahujaho A nihena kimu 'wamana.

31
00:03:36,580 --> 00:03:42,020
'Ejume Hu ijá 'wama Nuni sipia 'ajoha'amana 'wamana.

32
00:03:42,020 --> 00:03:51,780
'Ene Hu 'aha kú'o no'upisu ijí ijá 'wama Saimani Joni oni harihe a nimaa Na oja miho 'wavume Pitaho temumana.

33
00:03:51,780 --> 00:04:07,460
Ijihuni maijaho Hu 'aha no'opisu ijá 'wama A Na oja miho 'wamajihuna'e hu temuvume ijá 'wama Natohwe uneunecha maho'o A nihena kimuna Na A oja mahujaho A nihenu 'wamana.

34
00:04:07,460 --> 00:04:11,820
'Ejume Jesu ijá 'wama Nuni sipi 'iruma vaji'amana.

35
00:04:11,820 --> 00:04:35,220
Na a nimaa nimaa 'waravu a vea ka'ene kivasa hinajaho a orono vwiha irame a ura ichihichihi va'i 'ahaujaho ijí va'una kaivo a emaa re'amajaho a ichihichihi ura va'i 'aha'amajaho pu iji 'unaramone vwiha iramahe a kwaa ka'ene pava'i 'aha'amaji pu aherame vahuna 'wamana.

36
00:04:35,220 --> 00:04:42,460
Hu ika'ina'e 'warama jihuni maijaho hura ichá'ina'e kwavakame Godoni pinana 'urihuniji rone 'waramana.

37
00:04:42,460 --> 00:04:49,060
Hu ijá 'waramarena iji'a ijá 'wama Na 'ararihia 'wamana.

38
00:04:49,060 --> 00:04:57,300
'Ejume Pita ura ta'arohi'i kamajaho tisaiporu ka'ene Jesura oja mahujaho 'ararihie roana.

39
00:04:57,300 --> 00:05:10,780
Ea kajaho vea ka'ene Jesu pu'úmo 'iruma ijari veijino Huni túra 'ahi mena hinana'omo apoma ijá 'wama Natohwe ea irara A nahama'ena?

40
00:05:10,780 --> 00:05:12,500
'wamajina.

41
00:05:12,500 --> 00:05:17,860
Pitara ea kaji kavi'i Jesu ijá 'wama Natohwe eakaho ichá rehune?

42
00:05:17,860 --> 00:05:18,700
'wamana.

43
00:05:18,700 --> 00:05:31,500
Jesu ijá 'wama Na ura eakaho hina apena va'eje Na kú'o rohuna re'ipisa ijaho oni kaukara panakúne Na 'ararihia roa 'wamana.

44
00:05:31,500 --> 00:05:38,900
Pu vwehwaha ijí henareja 'wama apene oji'i ijá 'wava Ike tisaiporuakaho pakwa'ena 'wavara.

45
00:05:38,900 --> 00:05:41,540
'Enakaivo Jesu hu pakwa'ena pa'iamana.

46
00:05:41,540 --> 00:05:51,220
'Enakaivo Na ura eakaho hina apene va'eje Na kú'o rohuna re'ipisa ijaho Nuni kaukara 'wamana 'iamana.

47
00:05:51,220 --> 00:05:59,140
Ike tisaiporu ka'ene vu'ake venukaho hu hena kimujihuna'e najahe 'ee asurakaho venu.

48
00:05:59,140 --> 00:06:04,540
'Enakaivo nú niheju Hura raka ka'ene 'warumujaho nimaa nimaa.

49
00:06:04,540 --> 00:06:15,620
'Enakaivo uneunecha mapoka ka'ene Jesura venaji maho'o heha 'ahi ve'ipisa mwe'a ikaho puka kajihi irechahuna niho'o areri pareja'a.

50
00:06:15,620 --> 00:06:21,180
Nijina.