1
00:00:05,000 --> 00:00:30,600
Nkuvi‑i ɨɨn íchí sáá kua̱ꞌa̱nꞌ ránꞌ nu̱u̱nꞌ káꞌánꞌ ránꞌ jín Ndiosíꞌ, jee nke̱táꞌán ránꞌ ɨɨn ñasúchí ya̱ kúvi musúꞌ nkeꞌen ñɨvɨ. Jee nijin iniꞌ ña, chi yɨ́ꞌɨ́ ta̱chi̱ꞌ kíni iniꞌ ña. Nni̱ꞌi̱nꞌ víꞌí rá i̱toꞌoꞌ ña xu̱ꞌún sáꞌá ña, chi nkachiꞌ ña ná kuvi ichinúúnꞌ.

2
00:00:30,600 --> 00:00:51,680
Jee suviña níkɨ́nꞌ ña Pablo jín ránꞌ, jee kánajíín ña: ―Rá te̱e yaꞌá kúvi rá musúꞌ ya̱ jiátíñú Ndiosíꞌ, ya̱ kúñáꞌnú ka̱ꞌ nu̱u̱nꞌ nɨꞌɨ. Stékútu̱ꞌún ráa nu̱u̱nꞌ ránoꞌó na̱ja nanitáꞌvíꞌ rán ―nkachiꞌ ñasúchí vá.

3
00:00:51,680 --> 00:01:13,080
Kue̱ꞌe̱ꞌ ki̱vɨ̱ꞌ nsa̱ꞌá ña yaꞌá, jee nku̱níní víꞌí iniꞌ Pablo. Jee nna̱ikó re̱ꞌ jee nkachiꞌ re̱ꞌ nu̱u̱nꞌ ta̱chi̱ꞌ kíni vá: ―Nu̱u̱nꞌ súví Jesús ya̱ kúvi Cristo, tátúníꞌ ni̱ꞌ nu̱u̱nꞌ nú, kene nú ñasúchí vá. Jee kuísá nkene‑e ña.

4
00:01:13,080 --> 00:01:33,960
Sáá niniꞌ rá i̱toꞌoꞌ ña ya̱ nnɨꞌɨ tu̱neí iniꞌ ráa ya̱ nsáꞌ ni̱ꞌi̱nꞌ ráa ka̱ꞌ xu̱ꞌún saꞌá ña, jee ntɨɨn ráa Pablo jín Silas, jee nsi̱úꞌun ráa rává nu̱yáꞌvi, nu̱u̱nꞌ sánáaꞌ ráa rá kua̱chi ichinúúnꞌ rá te̱e néetiñu.

5
00:01:33,960 --> 00:01:48,500
Jee sáá ña̱na̱ka ráa rává nu̱u̱nꞌ rá te̱e nísotíñú, nkachiꞌ ráa: ―Rá te̱e yaꞌá, sáꞌá ráa tuntíxín jín rá ñɨvɨ ñuunꞌ‑ó, chi te̱e Israel ví ráa.

6
00:01:48,500 --> 00:02:02,440
Jee stékútu̱ꞌún ráa nu̱u̱nꞌ‑ó rá ñujiínꞌ néen ráa, soo ntu yɨ́netuꞌ tɨɨn‑ó maa, ni ya̱ saꞌá‑o maa chi kúvi‑ó ñɨvɨ Roma ―nkachiꞌ rá te̱e vá.

7
00:02:02,440 --> 00:02:16,320
Jee nta̱vi̱ꞌ rá ñɨvɨ si̱kɨ̱ꞌ Pablo jín Silas. Jee rá te̱e néetiñu ntavaꞌ ráa saꞌma rává, jee nta̱túníꞌ ráa ya̱ ku̱ꞌva rá soldado rává jín tu̱xíi.

8
00:02:16,320 --> 00:02:31,680
Jee sáá nkuvi njia̱ꞌa víꞌí rá soldado rává, jee ntu̱ví ráa rává iniꞌ veka̱a. Jee nta̱túníꞌ ráa nu̱u̱nꞌ mayóríꞌ kúmí veka̱a, ya̱ nito kumí re̱ꞌ rává.

9
00:02:31,680 --> 00:02:46,380
Jee sáá nkuvi nta̱túníꞌ ráa nu̱u̱nꞌ re̱ꞌ suꞌva, jee ntu̱ví re̱ꞌ rává ne̱ nu̱u̱nꞌ kúnú ka̱ꞌ iniꞌ veka̱a, jee ntu̱ví kutú re̱ꞌ jie̱ꞌe̱ꞌ rává ma̱ꞌñú rá u̱vi̱ꞌ yutun véi.

10
00:02:46,380 --> 00:03:00,680
Soo yatin kuvi ñuún, Pablo jín Silas káꞌánꞌ ráa jín Ndiosíꞌ jee jíta ráa nákuetúꞌún ráa Ndiosíꞌ. Jee tésóꞌo rá inka ñɨvɨ násɨ́ꞌ iniꞌ veka̱a.

11
00:03:00,680 --> 00:03:18,720
Sa̱naanꞌ jee nta̱an nasɨ́kuitɨꞌ ne̱ nkisɨ nu̱u̱nꞌ nsamaꞌ jie̱ꞌe̱ꞌ veka̱a. Jee va̱ꞌa̱ni jee nine nɨꞌɨ rá yuvékáa, jee nna̱najiꞌ maá rá ka̱a nnuꞌniꞌ ntáká rá yɨ́ꞌɨ́ veka̱a.

12
00:03:18,720 --> 00:03:37,360
Jee sáá nnoto mayóríꞌ, jee niniꞌ re̱ꞌ ya̱ núne rá yuvékáa, jee ntavaꞌ‑a yuchiꞌ espada‑a, jee yakuꞌ ka̱ꞌ kaꞌniꞌ‑i maáa, chi nkaꞌvi iniꞌ‑i ya̱ nka̱ku rá násɨ́ꞌ iniꞌ veka̱a.

13
00:03:37,360 --> 00:03:45,840
Soo ni̱ꞌin nka̱najíín Pablo: ―¡Koto na̱ni saꞌá kini nú maánú! Chi nééꞌ i̱i̱ꞌ ntáká ránꞌ yaꞌá.

14
00:03:45,840 --> 00:03:56,480
Jee ni̱ka̱nꞌ re̱ꞌ ñuꞌunꞌ, jee numíjiꞌíꞌ nki̱vɨ re̱ꞌ. Jee nkisɨ re̱ꞌ jee ña̱kui̱ñɨ̱ꞌ ítɨ́ re̱ꞌ ichinúúnꞌ Pablo jín Silas.

15
00:03:56,480 --> 00:04:08,280
Jee ntavaꞌ re̱ꞌ ráa jee ni̱ka̱tu̱ꞌún re̱ꞌ ráa: ―¿Ná kúvi ya̱ íyó saꞌá ni̱ꞌ sáva natavaꞌ Ndiosíꞌ nuꞌuꞌ nu̱u̱nꞌ kua̱chi ni̱ꞌ nanitáꞌvíꞌ ni̱ꞌ?

16
00:04:08,280 --> 00:04:23,520
Jee nkachiꞌ ráa: ―Kuneí iniꞌ nú I̱toꞌoꞌ‑ó Jesús, jee natavaꞌ Ndiosíꞌ noꞌó nu̱u̱nꞌ kua̱chi nú nanitáꞌvíꞌ nú. Suꞌva nanitáꞌvíꞌ nú jín táꞌán veꞌi nú.

17
00:04:23,520 --> 00:04:31,920
Nste̱kútu̱ꞌún ráa tu̱ꞌun I̱toꞌoꞌ‑ó nu̱u̱nꞌ re̱ꞌ jín nu̱u̱nꞌ nɨꞌɨ rá nééꞌ veꞌi re̱ꞌ.

18
00:04:31,920 --> 00:04:44,920
Maá hora yakuááꞌ yukuán, jee kua̱ꞌa̱nꞌ re̱ꞌ jín ráa, jee nna̱kete re̱ꞌ rá nu̱u̱nꞌ ntúfiꞌ ráa. Jee kuísá ña̱nuté re̱ꞌ jín nɨꞌɨ rá táꞌán veꞌi re̱ꞌ.

19
00:04:44,920 --> 00:04:57,280
Jee nkeꞌen re̱ꞌ ráa kua̱ꞌa̱nꞌ jín re̱ꞌ veꞌi re̱ꞌ. Njia̱ꞌa re̱ꞌ nyajiꞌ ráa. Jee nku̱sɨ̱ɨ̱ꞌ iniꞌ re̱ꞌ jín rá táꞌán veꞌi re̱ꞌ chi ni̱nu̱ꞌ iniꞌ ráa Ndiosíꞌ.

20
00:04:57,280 --> 00:05:07,560
Jee sáá nku̱nijinꞌ, jee nta̱jí rá te̱e néetiñu rá najiáꞌáꞌ ráa, jee nkachiꞌ ráa: ―Siaáꞌ rá te̱e vá.

21
00:05:07,560 --> 00:05:20,760
Nkachiꞌ mayóríꞌ tu̱ꞌun vá nu̱u̱nꞌ Pablo: ―Nkachiꞌ rá te̱e néetiñu ya̱ siaáꞌ ni̱ꞌ ránó. Saájee ntañúꞌún kene rán jee kuáꞌán va̱ꞌa rán.

22
00:05:20,760 --> 00:05:49,800
Soo nkachiꞌ Pablo nu̱u̱nꞌ ráa: ―Njia̱ꞌa nijinꞌ ráa ránuꞌuꞌ, sú ntu nnásanáaꞌ ráa si̱kɨ̱ꞌ ránuꞌuꞌ retáꞌ íyó kua̱chi ránꞌ, súka̱ꞌ kúvi ránꞌ se̱ꞌya ñuunꞌ Roma. Jee ntu̱ví ráa ránuꞌuꞌ veka̱a. Jee ntañúꞌún, ¿á táváꞌ yuꞌuꞌ ráa ránuꞌuꞌ? Ntu̱né íyó saꞌá ráa suꞌva. Nkíji maáráa jee kitavaꞌ ráa ránuꞌuꞌ.

23
00:05:49,800 --> 00:05:59,520
Jee nkachiꞌ rá najiáꞌáꞌ tu̱ꞌun yaꞌá nu̱u̱nꞌ rá te̱e néetiñu. Jee nyu̱ꞌví ráa sáá nku̱káꞌnú iniꞌ ráa ya̱ se̱ꞌya Roma ví rává.

24
00:05:59,520 --> 00:06:12,520
Jee nkiji ráa, jee nna̱kaꞌanꞌ va̱ꞌa ráa jín rává. Ntavaꞌ ráa rává veka̱a, jee ni̱ka̱nꞌ táꞌvíꞌ ráa nu̱u̱nꞌ rává ya̱ kene rává ñuunꞌ.

25
00:06:12,520 --> 00:06:33,320
Sáá nkene Pablo jín Silas veka̱a, jee ña̱ꞌa̱nꞌ ráa veꞌi Lidia. Sáá ni̱yo tútú ráa jín rá ñaniꞌ jín rá ku̱ꞌva yɨ́ꞌɨ́ ñujiínꞌ Jesús, jee nna̱sáneí ráa iniꞌ rává. Jee nkene ráa ñuunꞌ.