\id 3JN
\h 3 Juan
\toc1 3 Juan
\mt2 LA TERCERA EPISTOLA DE SAN JUAN APOSTOL
\mt YAꞌA KUU CARTA UNI JA NI CHAA SAN JUAN APOSTOL NUU TAKA ÑAYƗVƗ KAKANDIJA
\c 1
\s Cha̱a kájika jíín túꞌun ndaa̱
\p
\v 1 Máá‑rí kúu máá cháa ñáꞌnu‑ga̱. Te cháa‑ri̱ tutu̱ yáꞌa nuu̱‑ro̱ Gayo máni̱, chi̱ kúndáꞌú ndija ini̱‑ri̱ róó.
\v 2 Ñáni̱ máni̱, kuní‑ri̱ ja̱ bueno ná kíꞌi̱n ta̱ká tiñu sáꞌa‑ró, jíín já ná kéndo̱o ndéé ndánu‑ro, nátu̱ꞌun ni̱ kendo̱o va̱ꞌa añú‑ro̱.
\v 3 Ja̱ndáa̱ ni̱ kusɨɨ̱ xáa̱n iní‑ri̱ kɨvɨ̱ ní cha̱koyo ñani̱‑yo̱, chi ni̱ ka̱nakani‑de tu̱ꞌun‑ró núu̱‑rí, ndasa bueno íó ndaa̱ tu̱ꞌun ñúꞌun ini̱‑ro̱, nátu̱ꞌun jíka ndaa̱‑ro̱.
\v 4 Tuká ɨnga̱ tu̱ꞌun kúsɨɨ̱ iní‑ri̱ sáꞌa ná nuu̱ yáꞌá, ja̱ kúni tu̱ꞌun‑ri̱ ja̱ kájika ndaa̱ se̱ꞌe‑ri̱ jínáꞌan‑i.
\v 5 Ñáni̱ máni̱, bueno sáꞌa‑ró táká tiñu jíku‑ró jián jíín táká ñani̱‑yo̱, va̱sa cha̱a jíká kákuu‑de.
\v 6 Chi cha̱a‑ún, ni̱ ka̱jani‑de tu̱ꞌun‑ró núu̱ tɨ́kuꞌni̱, ja̱ váꞌa kúndáꞌú ini̱‑ro̱. Te va̱ꞌa sáꞌa‑ró te nú chindéé chítuu‑ró‑de chuꞌun íchí‑ró‑de, nátu̱ꞌun kuní Dios.
\v 7 Chi cha̱a‑ún, mani̱‑dé jíín‑yá, te ja̱ yúán ní ka̱kiꞌin‑de ichi kájaꞌa̱n‑de, te tú kákiꞌin‑de ni ɨɨn ndatíñu nuu̱ ñáyɨvɨ sɨ́ɨn nación.
\v 8 Núsáá te yóó, nɨ́nɨ ná kuátáꞌú‑yó cháa‑ún, náva̱ꞌa chindéé táꞌan‑yó jíín‑de sɨkɨ̱ túꞌun ndaa̱.
\s Ja̱ kájasu̱ nuu̱ túꞌun va̱ꞌa
\p
\v 9 A ni̱ chaa‑ri̱ tutu̱ nuu̱ máá tɨ́kuꞌni̱. Ko Diótrefes, tú játáꞌú‑de tu̱ꞌun káꞌa̱n‑ri̱, kua̱chi ja̱ kúñáꞌnu máá‑de nuu̱‑í kuní‑de.
\v 10 Núsáá te nú jaa̱‑ri̱ te naxndáku‑ri̱ nuu̱‑ro̱ tíñu sáꞌa‑de ja̱ kátɨ́lakuá yuꞌu‑dé, ndasa sátúꞌún‑de sɨkɨ̱‑rí. Te va̱sa a káꞌa̱n‑de súan, ko tú kúva̱ꞌa ini̱‑de. Chi̱ tú játáꞌú‑de ñani̱‑yo̱ kátájí‑yó núu̱‑dé, te jasú‑de nuu̱ ñáyɨvɨ kákuni̱‑i kuatáꞌú‑i‑de. Te skúnu‑de‑i ini̱ tɨkuꞌni̱.
\v 11 Ñáni̱ máni̱, ma̱ sáꞌa‑ró nátu̱ꞌun kásáꞌa cha̱a ñáá, chi̱ sua nátu̱ꞌun kásáꞌa cha̱a va̱ꞌa. Cha̱a sáꞌa tiñu va̱ꞌa, se̱ꞌe Dios kúu‑de. Ko cha̱a sáꞌa tiñu ñáá, tú jiní kutɨ‑dé nuu̱ Dios.
\v 12 Ta̱ká ña̱yɨvɨ kájani ndaa̱‑i tu̱ꞌun sɨkɨ̱ Demetrio, te suni máá túꞌun ndaa̱ káꞌa̱n sɨkɨ̱‑dé, te suni súan káꞌa̱n máá‑rí. Te a kájini̱‑ro̱ já túꞌun káꞌa̱n‑ri̱ íó ndaa̱.
\v 13 Ió kuaꞌa̱ túꞌun chaa‑ri̱ nuu̱‑ro̱ kuní‑ri̱, ko tú kuní‑ri̱ chaa‑ri̱ jíín tinta jíín pluma.
\v 14 Chi̱ ñúkuu ini̱‑ri̱ ja̱ yakú‑na̱ kɨvɨ̱ te jaa̱‑ri̱ nuu̱‑ro̱. Yúan‑na te ndatu̱ꞌún jíín yúꞌu‑yo.
\v 15 Ná kóo tu̱ꞌun vindáa̱ vinené jíín‑ró. Sándéé iní‑ro̱, áchí ta̱ká amigo yáꞌa. Te suni kaꞌa̱n‑ro̱ jíín táká amigo jia̱n, ná sándéé iní‑i.