1
00:00:05,000 --> 00:00:10,580
Cha saan sana ta Pilatu ntakaꞌncha ra chuun ña nakani kue soldadu ka Jesus.

2
00:00:10,580 --> 00:00:20,360
Sara kue soldadu ka savaꞌa koyi in corona iñu cha nchikaa koyi ña xini Jesus cha skuntsitsi koyi ya in saꞌma ntintuku.

3
00:00:20,360 --> 00:00:23,220
Sara ntanchaa koyi ra kachi koyi:

4
00:00:23,220 --> 00:00:25,940
—¡Nakoo vaꞌa Rey kuena judio!

5
00:00:25,940 --> 00:00:28,220
Sara kani koyi nuu ya.

6
00:00:28,220 --> 00:00:32,940
Sara nikee tuku ta Pilatu cha nikachi ra tsi kuena judio:

7
00:00:32,940 --> 00:00:34,540
—Kunchee koyu,

8
00:00:34,540 --> 00:00:40,720
yoꞌo nchaka̱ ra vatsi takua nakuni koyu ña ni in kuachi kue nintaneꞌe̱ ña nisaꞌa ra.

9
00:00:40,720 --> 00:00:47,420
Sara nikee Jesus cha inkaa corona iñu xini ya cha ntsitsi ya saꞌma ntintuku.

10
00:00:47,420 --> 00:00:50,240
Sara nikachi ta Pilatu nuu kuena:

11
00:00:50,240 --> 00:00:52,460
—¡Yoꞌo inkaa chaa yoꞌo!

12
00:00:52,460 --> 00:00:57,720
Cha kue sutu kuntsaꞌnu tsi kue chaa nchaa veñuꞌu nuu ntsini kuera ya,

13
00:00:57,720 --> 00:00:59,780
nikitsaá koyi kana koyi:

14
00:00:59,780 --> 00:01:01,560
—¡Chinai nuu krusi!

15
00:01:01,560 --> 00:01:03,320
¡Chinai nuu krusi!

16
00:01:03,320 --> 00:01:05,500
Cha Pilatu nikachi ra:

17
00:01:05,500 --> 00:01:09,840
—Kunchaki kuaꞌan cha chinaa kue meekoyu ña nuu krusi,

18
00:01:09,840 --> 00:01:14,140
vari mee koo ni in kuachi kue ntaneꞌe̱ nisaꞌa ra.

19
00:01:14,140 --> 00:01:17,760
Cha kuena kuu xini nuu kuena judio nikachi kuena:

20
00:01:17,760 --> 00:01:21,020
—Meekue tsini kue tuꞌun ña ntsaki Stoꞌo Nchuxi,

21
00:01:21,020 --> 00:01:26,160
cha kaa nchaa ña tsini ñuꞌu kui vari ntasaꞌi mii Seꞌe Stoꞌo Nchuxi.

22
00:01:26,160 --> 00:01:28,580
Nuu ntsini soꞌo ta Pilatu ñoꞌo,

23
00:01:28,580 --> 00:01:30,180
niyuꞌu ka ra.

24
00:01:30,180 --> 00:01:34,020
Sara ntanchiko tuku ra nintiꞌvi ra vechuun ka,

25
00:01:34,020 --> 00:01:36,520
sara nintakatuꞌun ra Jesus:

26
00:01:36,520 --> 00:01:38,300
—¿Ña nchii kuu?

27
00:01:38,300 --> 00:01:41,940
Tia Jesus niñaꞌa kue nintanchiko neꞌe ya.

28
00:01:41,940 --> 00:01:44,460
Sara ta Pilatu nikachi ra:

29
00:01:44,460 --> 00:01:46,500
—¿Chanu vaꞌa kue kaꞌun?

30
00:01:46,500 --> 00:01:52,480
¿A ntsínu ña kumi̱ chuun takua kuu chinaa yo nuu krusi a ña skaku yo?

31
00:01:52,480 --> 00:01:55,020
Sara ntanchiko neꞌe Jesus:

32
00:01:55,020 --> 00:02:00,260
—Koo nchee kumi ni sata̱ tatu nikusani kuaꞌa Stoꞌo Nchuxi ña nuu ni,

33
00:02:00,260 --> 00:02:01,480
tsaꞌa ñaa,

34
00:02:01,480 --> 00:02:06,180
kuena ntakuaꞌa yu nuu ni kumi ka na kuachi susaan meeni.

35
00:02:06,180 --> 00:02:10,820
Tsaꞌa tuꞌun yoꞌo ra ta Pilatu ntuku ra tsio nixi skaku ra Jesus,

36
00:02:10,820 --> 00:02:13,260
tia kuena judio kana kuena:

37
00:02:13,260 --> 00:02:15,180
—¡Tatu nasiaa ni ña,

38
00:02:15,180 --> 00:02:19,840
suu chaa nchaka taꞌan tsi Cesar kuu ni!

39
00:02:19,840 --> 00:02:22,560
¡Ntiꞌi ña ntasaꞌa mii rey kuntasia Cesar!

40
00:02:22,560 --> 00:02:25,840
Nuu ntsini soꞌo ta Pilatu tuꞌun yoꞌo,

41
00:02:25,840 --> 00:02:29,040
ntakaꞌncha ra chuun ña natava na Jesus yuyeꞌe,

42
00:02:29,040 --> 00:02:32,260
sara ntsikuntuꞌu ra nuu chai nuu chaꞌncha ra kuachi,

43
00:02:32,260 --> 00:02:35,120
in nuu nani Nuu Ntoyo Yuú Vii,

44
00:02:35,120 --> 00:02:38,460
cha saꞌan hebreo skunani na ña Gabata.

45
00:02:38,460 --> 00:02:44,340
Cha kui kii ña satuꞌva na kue ñaꞌa ña kunkuachuun na viko Pascua,

46
00:02:44,340 --> 00:02:48,940
cha kuaa kotsuu ta Pilatu nikachi ra nuu kuena judio:

47
00:02:48,940 --> 00:02:51,020
—¡Tsaan inkaa rey koyu!

48
00:02:51,020 --> 00:02:53,080
Tia niꞌi ka kana na:

49
00:02:53,080 --> 00:02:54,140
—¡Tavi!

50
00:02:54,140 --> 00:02:54,800
¡Tavi!

51
00:02:54,800 --> 00:02:56,340
¡Chinai nuu krusi!

52
00:02:56,340 --> 00:02:58,620
Sara nikachi ta Pilatu:

53
00:02:58,620 --> 00:03:02,240
—¿A rey koyu kuni koyu chinaa̱ nuu krusi?

54
00:03:02,240 --> 00:03:05,400
Cha kue sutu kuntsaꞌnu nikachi kuera:

55
00:03:05,400 --> 00:03:08,000
—¡Cesar kuu mituꞌun rey kue!

56
00:03:08,000 --> 00:03:14,320
Sara ta Pilatu ntakaꞌncha ra chuun nuu kue soldadu ña nachinaa koyi ya nuu krusi,

57
00:03:14,320 --> 00:03:16,840
sara nchaka koyi ya kuaꞌin.