1
00:00:05,000 --> 00:00:19,220
Te̱ ni̱ xi̱ni̱ te̱ fariseo kuento ña̱ kuaꞌa̱ꞌ ka̱ ne̱ yivi̱ꞌ ndikún i̱chiꞌ Jesús ni̱ xa̱a̱ a̱ te̱ sa̱kanꞌ Juan. Te̱ ni̱ xi̱ni̱ tu̱ ra̱ kuento ña̱ kuaꞌa̱ꞌ ka̱ ne̱ yivi̱ꞌ chichiꞌ kuenta Ndiosí miiꞌ iinꞌ a̱ te̱ sa̱kanꞌ miiꞌ naá Juan ja̱a̱nꞌ.

2
00:00:19,220 --> 00:00:26,310
(Ndisu̱ mi̱iꞌ Jesús ndii, kö̱o̱ꞌ ne̱ yivi̱ꞌ sakuchiꞌ vi̱ꞌ a̱. Te̱ nda̱ꞌaꞌ xaꞌa̱ꞌ a̱ nduuꞌ te̱ sakuchiꞌ ne̱ yivi̱ꞌ kuenta Ndiosí.)

3
00:00:26,310 --> 00:00:39,170
Te̱ kii̱ꞌ ni̱ xi̱ni̱ xto̱ꞌo̱ e̱ꞌ kuento ña̱ ni̱ xi̱ni̱ te̱ fariseo ja̱a̱nꞌ kuento ja̱a̱nꞌ ndii, ni̱ ke̱ta̱ a̱ ñu̱ꞌuꞌ Judea ja̱a̱nꞌ, te̱ ni̱ na̱ndi̱koꞌ a̱ kuaꞌa̱n a̱ ñu̱ꞌuꞌ Galilea. Te̱ kuaꞌa̱n tu̱ te̱ nda̱ꞌaꞌ xaꞌa̱ꞌ a̱ xiinꞌ a̱.

4
00:00:39,170 --> 00:00:43,750
Te̱ ni̱ kuni̱ a̱ ña̱ xkaꞌndi̱a̱ a̱ ñu̱ꞌuꞌ Samaria te̱ xaa̱ a̱ miiꞌ kuaꞌa̱n a̱.

5
00:00:43,750 --> 00:00:55,710
Te̱ ni̱ xaa̱ a̱ nuu̱ꞌ i̱i̱n ñu̱u̱ ña̱ na̱niꞌ Sicar, ña̱ kanduꞌu̱ꞌ nuu̱ꞌ ñu̱ꞌuꞌ Samaria ja̱a̱nꞌ. Kanduꞌu̱ꞌ ñu̱u̱ ja̱a̱nꞌ ya̱ti̱n xiinꞌ ñu̱ꞌuꞌ ña̱ ni̱ ta̱xi̱ Jacob nda̱ꞌaꞌ siꞌe̱ ra̱ José xta̱ꞌanꞌ i̱i̱n yivi̱ꞌ.

6
00:00:55,710 --> 00:01:08,190
Te̱ i̱kanꞌ iinꞌ pozo ña̱ ni̱ xa̱ꞌa̱ Jacob ja̱a̱nꞌ. Te̱ xaꞌa̱ꞌ a̱ ña̱ ni̱ xa̱vi Jesús ni̱ ki̱xi̱n a̱ i̱chiꞌ ja̱a̱nꞌ ndii, ni̱ xi̱ku̱nduꞌu̱ꞌ a̱ ya̱ti̱n yu̱ꞌuꞌ pozo ja̱a̱nꞌ. Ya̱ti̱n sa̱va̱ kivi̱ꞌ nduuꞌ a̱ kii̱ꞌ sa̱kanꞌ.

7
00:01:08,190 --> 00:01:19,810
Sa̱kanꞌ te̱ ni̱ xa̱a̱ i̱i̱n ña̱ꞌaꞌ, ñaꞌ Samaria, te̱ ki̱ꞌi̱n aꞌ ti̱kui, te̱ ni̱ kaꞌa̱n Jesús xiinꞌ aꞌ ndii: ―Sa̱a̱ u̱nꞌ ña̱ va̱ꞌa̱, te̱ sa̱kakán u̱nꞌ sie ti̱kui ko̱ꞌo̱ i̱, na̱a̱ ―ni̱ kachi̱ a̱.

8
00:01:19,810 --> 00:01:25,120
Te̱ te̱ nda̱ꞌaꞌ xaꞌa̱ꞌ a̱ ndii, kö̱o̱ꞌ ra̱ ndieeꞌ xiinꞌ a̱, sa̱kanꞌ ña̱ ña̱ xaxi̱ꞌ kuaꞌa̱n sa̱ta̱ꞌ ra̱ ñu̱u̱ ja̱a̱nꞌ.

9
00:01:25,120 --> 00:01:42,620
Ndisu̱ xaꞌa̱ꞌ a̱ ña̱ nïtaꞌanꞌ va̱ꞌa̱ ne̱ judío xiinꞌ ne̱ Samaria ja̱a̱nꞌ ndii, ni̱ kaꞌa̱n ña̱ꞌaꞌ ja̱a̱nꞌ xiinꞌ Jesús ndii: ―¡Ja̱nꞌ! ¿Ndichun na xikán u̱nꞌ ti̱kui nuu̱ꞌ yuꞌu̱? Yoꞌó ndii, te̱ judío nduuꞌ u̱nꞌ, te̱ yuꞌu̱ ndii, ñaꞌ Samaria nduuꞌ i̱ ―ni̱ kachi̱ aꞌ.

10
00:01:42,620 --> 00:01:58,560
Te̱ ni̱ kaꞌa̱n Jesús xiinꞌ aꞌ ndii: ―Naaꞌ xiní u̱nꞌ ndee ña̱ nduuꞌ ña̱ va̱ꞌa̱, ña̱ xamaníꞌ Ndiosí ne̱ yivi̱ꞌ, te̱ naaꞌ xiní tu̱ u̱nꞌ yo̱o̱ nduuꞌ ña̱ xikán ti̱kui nuu̱ꞌ u̱nꞌ ndii, mi̱iꞌ u̱nꞌ kaka̱n ti̱kui nuu̱ꞌ i̱, te̱ ta̱xi̱ i̱ ti̱kui, teꞌ taxiꞌ kivi̱ꞌ ñu̱u̱ nda̱ꞌaꞌ u̱nꞌ ―ni̱ kachi̱ a̱.

11
00:01:58,560 --> 00:02:14,550
Te̱ ni̱ kaꞌa̱n ñaꞌ ja̱a̱nꞌ xiinꞌ a̱ ndii: ―Tákuiꞌe, kö̱o̱ꞌ nde̱e̱ i̱i̱n ña̱ꞌa̱ niꞌiꞌ u̱nꞌ te̱ ta̱va̱ꞌ u̱nꞌ ti̱kui, te̱ pozo yoꞌoꞌ ndii, kunu xa̱va̱ꞌa̱ a̱. Sa̱kanꞌ na kuiiꞌ, ¿miiꞌ yoo ti̱kui, teꞌ taxiꞌ kivi̱ꞌ ñu̱u̱ ja̱a̱nꞌ xaaꞌ u̱nꞌ?

12
00:02:14,550 --> 00:02:30,020
¿Ñáá xanini yoꞌó ña̱ te̱ kaꞌnuꞌ ka̱ nduuꞌ u̱nꞌ te̱ sa̱kanꞌ xii̱ꞌ ya̱taꞌ ndu̱ Jacob? Ña̱ ja̱a̱nꞌ ni̱ xa̱ꞌa̱ pozo yoꞌoꞌ, te̱ ni̱ ndoo̱ a̱ nda̱ꞌaꞌ ndu̱, te̱ yoꞌoꞌ ni̱ xi̱ꞌi̱ a̱ ti̱kui xiinꞌ siꞌe̱ a̱, xiinꞌ ki̱tiꞌ sana̱ ni̱a̱ ―ni̱ kachi̱ aꞌ.

13
00:02:30,020 --> 00:02:38,320
Te̱ ni̱ kaꞌa̱n Jesús xiinꞌ aꞌ ndii: ―Sa̱kuuꞌ ne̱ xiꞌiꞌ ti̱kui pozo yoꞌoꞌ ndii, nanaꞌaꞌ te̱ ichi̱ ni̱ tu̱ku̱u̱ i̱ni̱ ni̱a̱.

14
00:02:38,320 --> 00:02:53,260
Ndisu̱ yo̱o̱ ka̱ xiꞌiꞌ ti̱kui, teꞌ taxiꞌ yuꞌu̱ ja̱a̱nꞌ ndii, kö̱o̱ꞌ kivi̱ꞌ ka̱ ichi̱ tu̱ku̱u̱ i̱ni̱ ni̱a̱, sa̱kanꞌ ña̱ ti̱kui, teꞌ ta̱xi̱ yuꞌu̱ ko̱ꞌo̱ ni̱a̱ ja̱a̱nꞌ ndii, ka̱nde̱ta̱ vi̱ꞌ raꞌ ti̱xi̱n i̱ni̱ ni̱a̱, te̱ ta̱xi̱ raꞌ kivi̱ꞌ ñu̱u̱ ña̱ kö̱o̱ꞌ kivi̱ꞌ ndiꞌiꞌ nda̱ꞌaꞌ ni̱a̱ ―ni̱ kachi̱ a̱.

15
00:02:53,260 --> 00:03:06,580
Te̱ ni̱ kaꞌa̱n aꞌ xiinꞌ a̱ ndii: ―Tákuiꞌe, ta̱xi̱ ti̱kui, teꞌ kaꞌán u̱nꞌ xaꞌa̱ꞌ ja̱a̱nꞌ, ko̱ꞌo̱ i̱, te̱ ïchi̱ ka̱ i̱ni̱ i̱, te̱ sa̱kanꞌ kï̱xi̱n ka̱ i̱ ta̱va̱ꞌ i̱ raꞌ yoꞌoꞌ ―ni̱ kachi̱ aꞌ.

16
00:03:06,580 --> 00:03:14,240
Te̱ ni̱ kaꞌa̱n Jesús xiinꞌ aꞌ ndii: ―Va̱ꞌa̱, na̱a̱. Kuaꞌan te̱ na̱ka̱ u̱nꞌ i̱i̱ꞌ u̱nꞌ te̱ ki̱xi̱n ndo̱ꞌ yoꞌoꞌ ―ni̱ kachi̱ a̱.

17
00:03:14,240 --> 00:03:25,860
Te̱ ni̱ kaꞌa̱n ñaꞌ ja̱a̱nꞌ xiinꞌ a̱ ndii: ―Kö̱o̱ꞌ i̱i̱ꞌ i̱ ―ni̱ kachi̱ aꞌ. Te̱ ni̱ kaꞌa̱n Jesús xiinꞌ aꞌ ndii: ―Ña̱ nda̱ku kaꞌán u̱nꞌ ña̱ kaꞌán u̱nꞌ ndii, kö̱o̱ꞌ i̱i̱ꞌ u̱nꞌ,

18
00:03:25,860 --> 00:03:37,620
kua̱chi̱ ndii xa̱ uꞌu̱n taꞌan i̱i̱ꞌ u̱nꞌ ni̱ yoo̱, te̱ te̱ nduꞌu̱ꞌ xiinꞌ u̱nꞌ vi̱ti̱n ndii, süu̱ꞌ i̱i̱ꞌ u̱nꞌ nduuꞌ ra̱. Te̱ xiinꞌ ña̱ ja̱a̱nꞌ ni̱ kaꞌa̱n u̱nꞌ ña̱ ndi̱xa̱ ndo̱ꞌ ―ni̱ kachi̱ a̱ xiinꞌ aꞌ.

19
00:03:37,620 --> 00:03:46,500
Te̱ ni̱ kaꞌa̱n ñaꞌ ja̱a̱nꞌ xiinꞌ a̱ ndii: ―Tákuiꞌe, tuu i̱ ndii, i̱i̱n te̱ kaꞌán tiakú tu̱ꞌu̱n Ndiosí nduuꞌ u̱nꞌ.

20
00:03:46,500 --> 00:04:00,660
Te̱ xii̱ꞌ ya̱taꞌ ndu̱ ndii, xíniꞌ i̱kuꞌ kaa̱ꞌ ni̱ xa̱kaꞌnuꞌ ra̱ Ndiosí, ndisu̱ ndoꞌó, ne̱ judío, kaꞌán ndii, ñu̱u̱ Jerusalén nduuꞌ miiꞌ kuní a̱ sa̱kaꞌnuꞌ e̱ꞌ Ndiosí, kachi ndo̱ꞌ ―ni̱ kachi̱ aꞌ.

21
00:04:00,660 --> 00:04:15,080
Te̱ ni̱ kaꞌa̱n Jesús xiinꞌ aꞌ ndii: ―Ka̱ndi̱xaꞌ u̱nꞌ ña̱ kaꞌán i̱ xiinꞌ u̱nꞌ, na̱a̱, ña̱ xa̱ kuyatinꞌ kivi̱ꞌ ña̱ küní a̱ ña̱ kuꞌu̱n ndo̱ꞌ xíniꞌ i̱kuꞌ kaa̱ꞌ, uun ñu̱u̱ Jerusalén te̱ sa̱kaꞌnuꞌ ndo̱ꞌ yu̱vaꞌ e̱ꞌ Ndiosí.

22
00:04:15,080 --> 00:04:25,080
Ndoꞌó ndii, xïní ndo̱ꞌ yo̱o̱ nduuꞌ ña̱ xakaꞌnuꞌ ndo̱ꞌ, ndisu̱ ne̱ judío ndii, xiní ndu̱ yo̱o̱ xakaꞌnuꞌ ndu̱, sa̱kanꞌ ña̱ nda̱ꞌaꞌ ndu̱ ki̱e̱e̱ ña̱ sa̱kakú Ndiosí ne̱ yivi̱ꞌ.

23
00:04:25,080 --> 00:04:41,780
Ndisu̱ xa̱ tondíá kivi̱ꞌ ña̱ sa̱kaꞌnuꞌ xna̱ꞌa̱ ña̱ꞌaꞌ ne̱ yivi̱ꞌ, te̱ xa̱ ni̱ xa̱a̱ a̱ vi̱ti̱n. Ne̱ ja̱a̱nꞌ ndii, sa̱kaꞌnuꞌ ni̱a̱ yu̱vaꞌ Ndiosí xiinꞌ ña̱ ndi̱e̱eꞌ Espíritu a̱, te̱ sa̱kaꞌnuꞌ nda̱ku ña̱ꞌaꞌ ni̱a̱ sa̱a̱ kuní mi̱iꞌ a̱. Kua̱chi̱ ndii sa̱kanꞌ kuní yu̱vaꞌ e̱ꞌ Ndiosí ña̱ sa̱kaꞌnuꞌ ña̱ꞌaꞌ ne̱ yivi̱ꞌ.

24
00:04:41,780 --> 00:04:54,280
Ndiosí ndii, Espíritu nduuꞌ a̱, te̱ ne̱ xakaꞌnuꞌ ña̱ꞌaꞌ ndii, kuní a̱ ña̱ sa̱kaꞌnuꞌ ña̱ꞌaꞌ ni̱a̱ xiinꞌ ña̱ ndi̱e̱eꞌ Espíritu a̱, te̱ xakaꞌnuꞌ nda̱ku ña̱ꞌaꞌ ni̱a̱ sa̱a̱ kuní mi̱iꞌ a̱ ―ni̱ kachi̱ a̱ xiinꞌ aꞌ.

25
00:04:54,280 --> 00:05:12,040
Te̱ ni̱ kaꞌa̱n ña̱ꞌaꞌ ja̱a̱nꞌ xiinꞌ a̱ ndii: ―Xiní i̱ ña̱ ki̱xi̱n Mesías, ña̱ ti̱a̱nu̱ꞌ Ndiosí sa̱kakú yooꞌ, ña̱ kaꞌán tu̱ ne̱ yivi̱ꞌ nduuꞌ Cristo. Te̱ kii̱ꞌ ki̱xi̱n ña̱ ja̱a̱nꞌ ndii, sa̱na̱kuachiꞌ ndiꞌi̱ a̱ sa̱kuuꞌ ña̱ yoo nuu̱ꞌ e̱ꞌ ―ni̱ kachi̱ aꞌ.

26
00:05:12,040 --> 00:05:19,340
Te̱ ni̱ kaꞌa̱n Jesús xiinꞌ aꞌ ndii: ―Ña̱ ja̱a̱nꞌ nduuꞌ yuꞌu̱, ña̱ ndatuꞌunꞌ xiinꞌ u̱nꞌ ―ni̱ kachi̱ a̱.

27
00:05:19,340 --> 00:05:32,440
I̱kanꞌ te̱ ni̱ xa̱a̱ te̱ nda̱ꞌaꞌ xaꞌa̱ꞌ a̱, te̱ ni̱ na̱nda̱ni̱ ra̱ ña̱ ndatuꞌunꞌ a̱ xiinꞌ i̱i̱n ña̱ꞌaꞌ. Ndisu̱ nde̱e̱ i̱i̱n ra̱ nï̱ nda̱tuꞌu̱nꞌ ña̱ꞌaꞌ ndii: “¿Yo̱o̱ nduuꞌ a̱ ni̱ nda̱tuꞌu̱nꞌ ña̱ꞌaꞌ u̱nꞌ, uun ndee xaꞌa̱ꞌ ndatuꞌunꞌ u̱nꞌ xiinꞌ aꞌ?”

28
00:05:32,440 --> 00:05:38,860
Te̱ ñaꞌ ja̱a̱nꞌ ndii, ni̱ na̱ko̱o̱ aꞌ yo̱o̱ aꞌ te̱ kuaꞌa̱n aꞌ ñu̱u̱ aꞌ ja̱a̱nꞌ, te̱ ni̱ kaꞌa̱n aꞌ xiinꞌ ne̱ yivi̱ꞌ ndii:

29
00:05:38,860 --> 00:05:51,060
―Toꞌo̱ꞌ ndo̱ꞌ te̱ ku̱ni̱ ndo̱ꞌ i̱i̱n te̱ yivi̱ꞌ, te̱ ni̱ kaꞌa̱n xiinꞌ i̱ sa̱kuuꞌ ña̱ ni̱ xa̱a̱ i̱. Tee̱ꞌ te̱ ja̱a̱nꞌ nduuꞌ Cristo, ña̱ sa̱kakú yooꞌ, cho̱ꞌ ―ni̱ kachi̱ aꞌ.

30
00:05:51,060 --> 00:05:55,060
Sa̱kanꞌ te̱ ni̱ ki̱e̱e̱ ne̱ yivi̱ꞌ ñu̱u̱ ja̱a̱nꞌ te̱ kuan ko̱to̱ ña̱ꞌaꞌ ni̱a̱.

31
00:05:55,060 --> 00:06:04,160
Te̱ kii̱ꞌ kuaꞌa̱n ñaꞌ ja̱a̱nꞌ ndii, ni̱ kaꞌa̱n ndaꞌvi te̱ nda̱ꞌaꞌ xaꞌa̱ꞌ a̱ xiinꞌ a̱ ndii: ―Ku̱nduꞌu̱ꞌ te̱ ku̱xi̱ u̱nꞌ, Rabí ―ni̱ kachi̱ ra̱.

32
00:06:04,160 --> 00:06:11,460
Ndisu̱ ni̱ kaꞌa̱n Jesús xiinꞌ ra̱ ndii: ―Kumiꞌ yuꞌu̱ i̱i̱n ña̱ xaxi̱ꞌ, ña̱ xïní ndoꞌó ―ni̱ kachi̱ a̱.

33
00:06:11,460 --> 00:06:19,860
Sa̱kanꞌ na kuiiꞌ ni̱ kaꞌa̱n xiinꞌ taꞌanꞌ ra̱ ndii: ―¿Ñáá ni̱ ki̱xi̱n ndi̱a̱ka̱ tu̱ ne̱ yivi̱ꞌ ña̱ ni̱ xi̱xi̱ a̱? ―ni̱ kachi̱ ra̱.

34
00:06:19,860 --> 00:06:28,760
Te̱ ni̱ kaꞌa̱n Jesús xiinꞌ ra̱ ndii: ―Ña̱ xaaꞌ i̱ ña̱ kuní ña̱ ni̱ ti̱ꞌviꞌ yuꞌu̱ te̱ sa̱xinú e̱ ndii, ña̱ ja̱a̱nꞌ nduuꞌ nde̱e̱ naa ña̱ xaxi̱ꞌ nuu̱ꞌ i̱.

35
00:06:28,760 --> 00:06:43,260
Ndoꞌó kaꞌán ndii: “Ku̱miꞌ taꞌan yoo̱ꞌ ka̱ kuní, te̱ na̱ka̱ya̱ e̱ꞌ ña̱ saviꞌ”, kachi ndo̱ꞌ. Ndisu̱ yuꞌu̱ kaꞌán xiinꞌ ndo̱ꞌ ndii, nda̱ni̱ꞌi̱ ndo̱ꞌ nuu̱ꞌ ndo̱ꞌ, te̱ ko̱to̱ ndo̱ꞌ ña̱ savi̱ꞌ ña̱ itaꞌ ndi̱a̱kanꞌ, xa̱ ni̱ chichi̱ ndo̱o̱ a̱.

36
00:06:43,260 --> 00:06:54,250
Te̱ te̱ nakaya a̱ ndii, ña̱ va̱ꞌa̱ kanando ra̱, te̱ ña̱ nakaya ra̱ ja̱a̱nꞌ nduuꞌ ne̱ na̱ti̱i̱n kivi̱ꞌ ñu̱u̱ ña̱ kö̱o̱ꞌ kivi̱ꞌ ndiꞌiꞌ. Sa̱kanꞌ te̱ va̱ꞌa̱ ingaꞌ ku̱ni̱ naa kuuꞌ te̱ ni̱ chi̱ꞌi̱ a̱ xiinꞌ te̱ na̱ka̱ya̱ a̱ ja̱a̱nꞌ.

37
00:06:54,250 --> 00:07:03,250
Sa̱kanꞌ na kuiiꞌ ña̱ nda̱ku kaꞌán ne̱ yivi̱ꞌ kii̱ꞌ kaꞌán ni̱a̱ ndii: “I̱i̱n nda̱a̱ꞌ ra̱ nduuꞌ te̱ chiꞌiꞌ, te̱ i̱nga̱ ra̱ nduuꞌ te̱ nakaya ña̱ savi̱ꞌ”, kachi ni̱a̱.

38
00:07:03,250 --> 00:07:14,600
Yuꞌu̱ ndii, ni̱ ti̱ꞌviꞌ i̱ ndoꞌó te̱ na̱ka̱ya̱ ndo̱ꞌ ña̱ saviꞌ miiꞌ nï̱ chi̱ꞌi̱ ndo̱ꞌ, süu̱ꞌ ja̱a̱nꞌ ndii tu̱ku̱ te̱ yivi̱ꞌ ni̱ sa̱ndoꞌoꞌ xiinꞌ mi̱iꞌ, ndisu̱ ndoꞌó nduuꞌ te̱ ni̱ ki̱e̱e̱ va̱ꞌa̱ nuu̱ꞌ chu̱u̱n ña̱ ni̱ xa̱a̱ te̱ ja̱a̱nꞌ ―ni̱ kachi̱ a̱.

39
00:07:14,600 --> 00:07:25,600
Te̱ kuaꞌa̱ꞌ va̱ ne̱ Samaria, ne̱ ndieeꞌ ñu̱u̱ ja̱a̱nꞌ ndii, ni̱ i̱ni̱ ni̱a̱ ni̱ xi̱ni̱ ni̱a̱ Jesús xaꞌa̱ꞌ ña̱ ni̱ ndi̱e̱e̱ yu̱ꞌuꞌ ña̱ꞌaꞌ ja̱a̱nꞌ kii̱ꞌ ni̱ kaꞌa̱n aꞌ ndii: “Ni̱ kaꞌa̱n te̱ ja̱a̱nꞌ xiinꞌ i̱ sa̱kuuꞌ ña̱ ni̱ xa̱a̱ i̱.”

40
00:07:25,600 --> 00:07:34,260
Xaꞌa̱ꞌ a̱ ja̱a̱nꞌ na kuiiꞌ ni̱ nde̱kui̱e̱ ne̱ ñu̱u̱ ja̱a̱nꞌ nuu̱ꞌ a̱, te̱ ni̱ kaꞌa̱n ni̱a̱ xiinꞌ a̱ ña̱ ndoo̱ a̱ ñu̱u̱ ni̱a̱ ja̱a̱nꞌ. Te̱ ni̱ ndoo̱ a̱ i̱kanꞌ uvi̱ taꞌan kivi̱ꞌ.

41
00:07:34,260 --> 00:07:39,060
Te̱ kuaꞌa̱ꞌ ka̱ ne̱ yivi̱ꞌ ja̱a̱nꞌ ni̱ i̱ni̱ xini ña̱ꞌaꞌ xaꞌa̱ꞌ ña̱ ni̱ kaꞌa̱n a̱ xiinꞌ ni̱a̱.

42
00:07:39,060 --> 00:07:59,260
Te̱ ni̱ kaꞌa̱n ni̱a̱ xiinꞌ ña̱ꞌaꞌ ja̱a̱nꞌ ndii: ―Süu̱ꞌ i̱ni̱ kui̱ti̱ꞌ ndu̱ xini ña̱ꞌaꞌ ndu̱ xaꞌa̱ꞌ ña̱ ni̱ kaꞌa̱n u̱nꞌ ja̱a̱nꞌ. Kua̱chi̱ ndii ni̱ xi̱ni̱ so̱ꞌo̱ tu̱ nduꞌu̱ ña̱ kaꞌán a̱. Te̱ xiní tu̱ ndu̱ ña̱ ña̱ kaa̱ꞌ xna̱ꞌa̱ nduuꞌ Cristo, ña̱ sa̱kakú ne̱ yivi̱ꞌ i̱i̱n yivi̱ꞌ nuu̱ꞌ kua̱chi̱ ni̱a̱ ―ni̱ kachi̱ ni̱a̱.