1
00:00:05,000 --> 00:00:19,700
Te̱ Simón Pedro xiinꞌ i̱nga̱ te̱ nda̱ꞌaꞌ xaꞌa̱ꞌ Jesús ndii, ndikún ra̱ xata̱ꞌ a̱ kuaꞌa̱n ra̱. Te̱ te̱ nda̱ꞌaꞌ xaꞌa̱ꞌ a̱, te̱ i̱nga̱ ja̱a̱nꞌ ndii, xiní taꞌanꞌ ra̱ xiinꞌ sutu̱ kaꞌnuꞌ ja̱a̱nꞌ, sa̱kanꞌ na ni̱ nda̱ꞌni̱ ra̱ xiinꞌ Jesús nuu̱ꞌ ki̱ꞌe̱ sutu̱ ja̱a̱nꞌ.

2
00:00:19,700 --> 00:00:32,800
Ndisu̱ Pedro ndii, ni̱ ndoo̱ ra̱ iinꞌ ra̱ xata̱ꞌ xti̱ꞌeꞌ, sa̱kanꞌ na ni̱ ke̱ta̱ i̱nga̱ te̱ nda̱ꞌaꞌ xaꞌa̱ꞌ Jesús ja̱a̱nꞌ, te̱ xiní taꞌanꞌ xiinꞌ sutu̱ kaꞌnuꞌ ja̱a̱nꞌ, te̱ ni̱ kaꞌa̱n ra̱ xiinꞌ ñaꞌ xitoꞌ yiꞌeꞌ ja̱a̱nꞌ ña̱ ta̱xi̱ aꞌ xkaꞌndi̱a̱ Pedro.

3
00:00:32,800 --> 00:00:45,900
Sa̱kanꞌ te̱ ni̱ kaꞌa̱n ñaꞌ xitoꞌ yiꞌeꞌ ja̱a̱nꞌ xiinꞌ Pedro ndii: ―¿Tee̱ꞌ te̱ nda̱ꞌaꞌ xaꞌa̱ꞌ te̱ kaa̱ꞌ nduuꞌ tu̱ yoꞌó ni̱? ―ni̱ kachi̱ aꞌ. Te̱ ni̱ kaꞌa̱n ra̱ ndii: ―Sü̱vi̱ i̱ ―ni̱ kachi̱ ra̱.

4
00:00:45,900 --> 00:00:58,360
Te̱ xaꞌa̱ꞌ ña̱ vi̱xi̱n va̱ ndii, itaꞌ ne̱ xikaꞌ nuuꞌ nuu̱ꞌ sutu̱ ja̱a̱nꞌ xiinꞌ te̱ xíinꞌ te̱ xitoꞌ yu̱kunꞌ kaꞌnuꞌ xituni̱ꞌ ni̱a̱ nuu̱ꞌ ñuꞌu̱ ña̱ ndatin i̱kanꞌ, te̱ i̱kanꞌ tu̱ iinꞌ Pedro xiinꞌ ni̱a̱ xituni̱ꞌ ra̱.

5
00:00:58,360 --> 00:01:05,960
Sa̱kanꞌ te̱ ni̱ xa̱ꞌaꞌ sutu̱ kaꞌnuꞌ ndatuꞌúnꞌ ra̱ Jesús xaꞌa̱ꞌ te̱ nda̱ꞌaꞌ xaꞌa̱ꞌ a̱ xiinꞌ xaꞌa̱ꞌ ña̱ saniaꞌá a̱.

6
00:01:05,960 --> 00:01:21,000
Te̱ ni̱ kaꞌa̱n Jesús xiinꞌ ra̱ ndii: ―Yuꞌu̱ ndii, sa̱kuuꞌ i̱chiꞌ kaꞌán i̱ xiinꞌ ne̱ yivi̱ꞌ nuu̱ꞌ chituꞌ, te̱ sa̱kuuꞌ i̱chiꞌ tu̱ ni̱ sa̱niaꞌá i̱ vi̱ꞌe̱ miiꞌ nakayá ne̱ yivi̱ꞌ xiinꞌ nuu̱ꞌ ki̱ꞌe̱ yu̱kunꞌ kaꞌnuꞌ miiꞌ nakayá sa̱kuuꞌ ne̱ ñu̱u̱ e̱ꞌ. Te̱ kö̱o̱ꞌ nde̱e̱ i̱i̱n ña̱ꞌa̱ ni̱ sa̱niaꞌá si̱ꞌe i̱.

7
00:01:21,000 --> 00:01:28,880
¿Ndichun na ndatuꞌúnꞌ u̱nꞌ yuꞌu̱? Va̱ꞌa̱ ka̱ nda̱tuꞌu̱nꞌ u̱nꞌ ne̱ ni̱ xi̱ni̱ so̱ꞌo̱ ña̱ ni̱ kaꞌa̱n i̱, ne̱ ja̱a̱nꞌ xiní ndee ña̱ ni̱ kaꞌa̱n i̱ ―ni̱ kachi̱ a̱.

8
00:01:28,880 --> 00:01:42,180
Te̱ kii̱ꞌ ndi̱ꞌi̱ ni̱ kaꞌa̱n Jesús ña̱ ja̱a̱nꞌ ndii, i̱i̱n te̱ xíinꞌ xitoꞌ yu̱kunꞌ, te̱ iinꞌ ya̱ti̱n i̱kanꞌ ndii, ni̱ sa̱ꞌndiaꞌ ra̱ nuu̱ꞌ a̱ kaꞌán ra̱ ndii: ―¿Ñáá sa̱kanꞌ vi̱ꞌ nakuiinꞌ yoꞌó nuu̱ꞌ sutu̱ kaꞌnuꞌ? ―ni̱ kachi̱ ra̱.

9
00:01:42,180 --> 00:01:51,080
Te̱ ni̱ kaꞌa̱n Jesús xiinꞌ ra̱ ndii: ―Naaꞌ ni̱ ka̱ni̱a̱ꞌa i̱ ndii, kaꞌa̱n u̱nꞌ ndee ña̱ nduuꞌ a̱. Te̱ naaꞌ va̱ꞌa̱ ni̱ kaꞌa̱n i̱ ndii, ¿ndichun na kuunꞌ u̱nꞌ yuꞌu̱? ―ni̱ kachi̱ a̱.

10
00:01:51,080 --> 00:01:59,560
Sa̱kanꞌ te̱ ni̱ ti̱ꞌviꞌ Anás ja̱a̱nꞌ Jesús tiín ka̱ a̱ kuaꞌa̱n a̱ nuu̱ꞌ Caifás, te̱ nduuꞌ sutu̱ kaꞌnuꞌ.

11
00:01:59,560 --> 00:02:15,360
Te̱ kii̱ꞌ xkaꞌndíá sa̱kuuꞌ ña̱ ja̱a̱nꞌ ndii, iinꞌ ndi̱chi̱ Pedro xituni̱ꞌ ra̱. Te̱ ni̱ kaꞌa̱n ne̱ itaꞌ i̱kanꞌ xiinꞌ ra̱ ndii: ―¿Tee̱ꞌ i̱i̱n te̱ nda̱ꞌaꞌ xaꞌa̱ꞌ te̱ kaa̱ꞌ nduuꞌ tu̱ yoꞌó ni̱? ―ni̱ kachi̱ ni̱a̱. Te̱ ni̱ kaꞌa̱n ra̱ ndii: ―Sü̱vi̱ i̱ ―ni̱ kachi̱ ra̱.

12
00:02:15,360 --> 00:02:30,040
I̱kanꞌ te̱ i̱nga̱ te̱ xikaꞌ nuuꞌ nuu̱ꞌ sutu̱ kaꞌnuꞌ ja̱a̱nꞌ ni̱ kaꞌa̱n xiinꞌ Pedro ndii: ―Ni̱ xi̱ni̱ tu̱ yuꞌu̱ yoꞌó xaꞌa̱ꞌ ña̱ ta̱ta̱ xiinꞌ Jesús ―ni̱ kachi̱ ra̱. Te̱ ja̱a̱nꞌ ndii, te̱ i̱i̱n kuuꞌ xiinꞌ te̱ ni̱ xa̱ꞌndi̱a̱ Pedro so̱ꞌo̱ ja̱a̱nꞌ nduuꞌ ra̱.

13
00:02:30,040 --> 00:02:37,640
Te̱ tu̱ku̱ ni̱ ni̱ kaꞌa̱n Pedro ña̱ xïní ra̱ Jesús. Te̱ na ni̱ ña̱ ja̱a̱nꞌ kaꞌán ra̱, te̱ ni̱ ka̱na̱ ndu̱chié.