1
00:00:05,000 --> 00:00:15,710
Te̱ kii̱ꞌ ni̱ xa̱a̱ Jesús xiinꞌ te̱ nda̱ꞌaꞌ xaꞌa̱ꞌ a̱ i̱i̱n xaanꞌ miiꞌ na̱niꞌ Getsemaní, te̱ ni̱ kaꞌa̱n a̱ xiinꞌ ra̱ ndii: ―Ku̱ndi̱e̱e̱ ndo̱ꞌ yoꞌoꞌ, na kuꞌu̱n kaꞌa̱n i̱ xiinꞌ Ndiosí ―ni̱ kachi̱ a̱.

2
00:00:15,710 --> 00:00:23,430
Te̱ ni̱ na̱ka̱ a̱ Pedro xiinꞌ Jacobo xiinꞌ Juan ndo̱so̱ꞌ i̱kanꞌ, te̱ ni̱ xa̱ꞌaꞌ ndiꞌni̱ nimá a̱, te̱ suchiꞌ tu̱ i̱ni̱ a̱.

3
00:00:23,430 --> 00:00:33,680
Te̱ ni̱ kaꞌa̱n a̱ xiinꞌ ra̱ ndii: ―Suchiꞌ xa̱va̱ꞌa̱ i̱ni̱ nimá i̱ nde̱e̱ xa̱ yooꞌ i̱ ku̱vi̱ i̱. Ndoo̱ ndo̱ꞌ yoꞌoꞌ, te̱ ku̱ndi̱to̱ ndo̱ꞌ ―ni̱ kachi̱ a̱.

4
00:00:33,680 --> 00:00:42,280
Sa̱kanꞌ te̱ ni̱ xaꞌa̱n a̱ ndo̱so̱ꞌ ja̱a̱nꞌ, te̱ ni̱ xi̱kuii̱n xitiꞌ a̱ nuu̱ꞌ ñu̱ꞌuꞌ, te̱ ni̱ kaꞌa̱n a̱ xiinꞌ Ndiosí ña̱ naaꞌ ku̱vi̱ te̱ kö̱o̱ꞌ a̱ tu̱ndoꞌo̱ꞌ ja̱a̱nꞌ

5
00:00:42,280 --> 00:00:59,330
kaꞌán a̱ ndii: ―Tata yu̱vaꞌ i̱, sa̱kuuꞌ a̱ ku̱vi̱ nuu̱ꞌ yoꞌó. Tä̱xi̱ u̱nꞌ ku̱ndo̱ꞌo̱ i̱ tu̱ndoꞌo̱ꞌ chie̱ yoꞌoꞌ, ña̱ nduuꞌ nde̱e̱ naa ti̱kui uva̱. Ndisu̱ sä̱a̱ u̱nꞌ ña̱ kuní yuꞌu̱, süu̱ꞌ ja̱a̱nꞌ ndii ña̱ kuní mi̱iꞌ u̱nꞌ ―ni̱ kachi̱ a̱.

6
00:00:59,330 --> 00:01:12,470
I̱kanꞌ te̱ ni̱ na̱ndi̱koꞌ a̱ miiꞌ ndieeꞌ te̱ ja̱a̱nꞌ, te̱ ndieeꞌ ra̱ kixín ra̱. Te̱ ni̱ kaꞌa̱n a̱ xiinꞌ Pedro ndii: ―Simón, ¿ndichun na kixín u̱nꞌ? Sa̱a̱ ka̱ vi̱ꞌ tu̱ nï̱ ku̱vi̱ ku̱ndi̱to̱ u̱nꞌ nde̱e̱ i̱i̱n nda̱a̱ꞌ hora.

7
00:01:12,470 --> 00:01:30,650
Ko̱o̱ ñuꞌuꞌ i̱ni̱ va̱ ndo̱ꞌ te̱ kaꞌa̱n ndo̱ꞌ xiinꞌ Ndiosí, sa̱kanꞌ te̱ köyo̱ ndo̱ꞌ nuu̱ꞌ ña̱ xitoꞌ kuaꞌa ña̱ ki̱ni̱ ndoꞌó. Kuní nimá ndo̱ꞌ sa̱a̱ ndo̱ꞌ ña̱ kuní Ndiosí, ndisu̱ ñu̱ꞌuꞌ ndeꞌi̱ ndo̱ꞌ ndii, kündieni a̱ ―ni̱ kachi̱ a̱ xiinꞌ ra̱.

8
00:01:30,650 --> 00:01:35,490
Te̱ ni̱ xaꞌa̱n ni̱ tu̱ku̱u̱ a̱, te̱ ni̱ kaꞌa̱n a̱ xiinꞌ Ndiosí naa ña̱ xa̱ ni̱ kaꞌa̱n a̱ ña̱ nu̱uꞌ.

9
00:01:35,490 --> 00:01:46,590
Te̱ kii̱ꞌ ni̱ na̱ndi̱koꞌ tu̱ku̱u̱ a̱ miiꞌ ndieeꞌ ra̱ ja̱a̱nꞌ ndii, ni̱ xi̱ni̱ a̱ ndieeꞌ ra̱ kixín ra̱, sa̱kanꞌ ña̱ chituꞌ vi̱ꞌ ndu̱chiꞌ nuu̱ꞌ te̱ ja̱a̱nꞌ ñuꞌuꞌ ma̱ꞌna. Te̱ xïní ra̱ ndee ña̱ na̱kui̱i̱n ra̱ nuu̱ꞌ a̱.

10
00:01:46,590 --> 00:02:03,390
Te̱ kii̱ꞌ ni̱ na̱ndi̱koꞌ ni̱ tu̱ku̱u̱ a̱ i̱chiꞌ ña̱ uni̱, te̱ ni̱ kaꞌa̱n a̱ xiinꞌ ra̱ ndii: ―¿Kixín ka̱ ndoꞌó, te̱ nandiee̱ꞌ ndo̱ꞌ nde̱e̱ vi̱ti̱n uun? Xa̱va̱ꞌa̱ ndo̱koo̱ ndo̱ꞌ vi̱ti̱n. Xa̱ ni̱ xa̱a̱ hora ña̱ sa̱na̱kuaꞌa ra̱ yuꞌu̱, ña̱ nduuꞌ tu̱ te̱ yivi̱ꞌ, nda̱ꞌaꞌ te̱ ndisoꞌ kua̱chi̱.

11
00:02:03,390 --> 00:02:10,410
Ndo̱ndi̱chi̱ ndo̱ꞌ te̱ kuꞌu̱n e̱ꞌ. Ko̱to̱ ndo̱ꞌ, xa̱ kuyatinꞌ te̱ sa̱na̱kuaꞌa yuꞌu̱ nda̱ꞌaꞌ te̱ ja̱a̱nꞌ ―ni̱ kachi̱ a̱.

12
00:02:10,410 --> 00:02:28,800
Te̱ kii̱ꞌ kusaaꞌ iinꞌ ka̱ Jesús kaꞌán a̱, te̱ ni̱ xa̱a̱ Judas, te̱ ni̱ nduu̱ꞌ i̱i̱n te̱ uxi̱ uvi̱ taꞌan te̱ nda̱ꞌaꞌ xaꞌa̱ꞌ a̱, xiinꞌ kuaꞌa̱ꞌ va̱ te̱ yivi̱ꞌ ndisoꞌ ra̱ ichi̱ xiinꞌ i̱tunꞌ. Te̱ te̱ ja̱a̱nꞌ ndii, sutu̱ kuuꞌ nu̱uꞌ xiinꞌ te̱ saniaꞌá tu̱ꞌu̱n nde̱iꞌ Ndiosí xiinꞌ te̱ xi̱xa̱ nuu̱ꞌ ñu̱u̱ ni̱ ti̱a̱nu̱ꞌ ña̱ꞌaꞌ.

13
00:02:28,800 --> 00:02:46,110
Te̱ te̱ sa̱na̱kuaꞌa ña̱ꞌaꞌ ndii, xa̱ ni̱ kaꞌa̱n ra̱ sa̱a̱ niaꞌa̱ ra̱ yo̱o̱ nduuꞌ Jesús kaꞌán ra̱ ndii: ―Te̱ chi̱to i̱ nuu̱ꞌ kii̱ꞌ na̱kua̱tu̱ ña̱ꞌaꞌ i̱ nduuꞌ te̱ ja̱a̱nꞌ, te̱ ja̱a̱nꞌ ti̱i̱n ndo̱ꞌ, te̱ sa̱tiín kutu̱ꞌ va̱ ña̱ꞌaꞌ ndo̱ꞌ, te̱ ku̱ndi̱a̱ka̱ ña̱ꞌaꞌ ndo̱ꞌ kuꞌu̱n ndo̱ꞌ ―ni̱ kachi̱ ra̱.

14
00:02:46,110 --> 00:02:55,570
Sa̱kanꞌ na ni̱ ku̱ya̱ti̱n Judas miiꞌ iinꞌ a̱, te̱ ni̱ kaꞌa̱n ra̱ xiinꞌ a̱ ndii: ―Maestro ―ni̱ kachi̱ ra̱. Te̱ ni̱ chi̱to ra̱ nuu̱ꞌ a̱.

15
00:02:55,570 --> 00:02:58,170
Sa̱kanꞌ te̱ ni̱ ti̱i̱n te̱ yivi̱ꞌ ja̱a̱nꞌ Jesús.

16
00:02:58,170 --> 00:03:06,450
Ndisu̱ i̱i̱n te̱ iinꞌ xiinꞌ a̱ i̱kanꞌ ndii, ni̱ xta̱ꞌniꞌ ra̱ ichi̱ ra̱, te̱ ni̱ xa̱ꞌndi̱a̱ ra̱ so̱ꞌo̱ te̱ xikaꞌ nuuꞌ nuu̱ꞌ sutu̱ kaꞌnuꞌ.

17
00:03:06,450 --> 00:03:16,860
Sa̱kanꞌ te̱ ni̱ nda̱tuꞌu̱nꞌ Jesús te̱ kua̱xi̱ ti̱i̱n ña̱ꞌaꞌ ja̱a̱nꞌ ndii: ―¿Ndichun na kua̱xi̱ ndo̱ꞌ, te̱ ti̱i̱n ndo̱ꞌ yuꞌu̱ xiinꞌ ichi̱ xiinꞌ i̱tunꞌ nde̱e̱ naa i̱i̱n te̱ kuiꞌna̱ꞌ vi̱ꞌ?

18
00:03:16,860 --> 00:03:30,680
Kuaꞌa̱ꞌ kivi̱ꞌ ni̱ ii̱n i̱ te̱i̱n ndo̱ꞌ saniaꞌá i̱ nuu̱ꞌ ki̱ꞌe̱ yu̱kunꞌ kaꞌnuꞌ, te̱ nï̱ tiinꞌ ndo̱ꞌ yuꞌu̱. Ndisu̱ kuní a̱ xkaꞌndi̱a̱ ña̱ yo̱ꞌo̱ꞌ te̱ xinu̱ ña̱ yoso̱ꞌ nuu̱ꞌ tu̱tu̱ Ndiosí ―ni̱ kachi̱ Jesús.

19
00:03:30,680 --> 00:03:35,520
Sa̱kanꞌ te̱ ni̱ na̱ko̱o̱ ña̱ꞌaꞌ sa̱kuuꞌ te̱ nda̱ꞌaꞌ xaꞌa̱ꞌ a̱, te̱ ni̱ xi̱nu̱ ra̱.

20
00:03:35,520 --> 00:03:43,150
Ndisu̱ i̱i̱n te̱ sa̱va̱ ndikún xata̱ꞌ Jesús kuaꞌa̱n a̱ ndisuku̱ꞌ ra̱ i̱i̱n toto̱ kui̱ti̱ꞌ, te̱ ni̱ ti̱i̱n ña̱ꞌaꞌ te̱ xíinꞌ.

21
00:03:43,150 --> 00:03:49,720
Te̱ ndii te̱ sa̱va̱ ja̱a̱nꞌ ndii, ni̱ na̱ko̱o̱ ra̱ toto̱ ja̱a̱nꞌ, te̱ ni̱ xi̱nu̱ i̱i̱nꞌ vichiꞌ ra̱.

22
00:03:49,720 --> 00:04:01,320
Sa̱kanꞌ te̱ ni̱ xan ndi̱a̱ka̱ te̱ yivi̱ꞌ ja̱a̱nꞌ Jesús nuu̱ꞌ sutu̱ kaꞌnuꞌ. Te̱ ni̱ na̱kaya̱ sa̱kuuꞌ sutu̱ kuuꞌ nu̱uꞌ, xiinꞌ te̱ xi̱xa̱ nuu̱ꞌ ñu̱u, ̱ xiinꞌ te̱ saniaꞌá tu̱ꞌu̱n nde̱iꞌ Ndiosí i̱kanꞌ.

23
00:04:01,320 --> 00:04:15,230
Te̱ Pedro ndii, ni̱ xi̱ku̱ndiku̱n na ra̱ xikaꞌ xikaꞌ kuaꞌa̱n ra̱ xiinꞌ te̱ yivi̱ꞌ ja̱a̱nꞌ nde̱e̱ ni̱ nda̱ꞌni̱ ra̱ nuu̱ꞌ ki̱ꞌe̱ sutu̱ kaꞌnuꞌ ja̱a̱nꞌ. Te̱ ni̱ xi̱ku̱nduꞌu̱ꞌ ra̱ i̱kanꞌ xituni̱ꞌ ra̱ nuu̱ꞌ ñuꞌu̱ xiinꞌ te̱ xíinꞌ, te̱ xitoꞌ yu̱kunꞌ.

24
00:04:15,230 --> 00:04:35,490
Te̱ sutu̱ kuuꞌ nu̱uꞌ ja̱a̱nꞌ xiinꞌ sa̱kuuꞌ te̱ kuuꞌ kaꞌnuꞌ, te̱ ni̱ na̱kaya̱ i̱kanꞌ ndii, nandukuꞌ ra̱ kua̱chi̱ Jesús te̱ ku̱vi̱ kaꞌa̱n ra̱ ña̱ xataꞌa̱n ku̱vi̱ a̱ xaꞌa̱ꞌ ña̱ ja̱a̱nꞌ. Ndisu̱ kö̱o̱ꞌ nde̱e̱ i̱i̱n a̱ ni̱ na̱ꞌi̱n ra̱.

25
00:04:35,490 --> 00:04:35,660
Sa̱kanꞌ ña̱, tee̱ꞌ ndee kuaꞌa̱ꞌ ne̱ yivi̱ꞌ ni̱ ti̱i̱n kua̱chi̱ ndii̱ꞌ ña̱ꞌaꞌ, ndisu̱ nï̱ na̱kuita̱ ña̱ kaꞌán i̱ꞌi̱n ni̱a̱.

26
00:04:35,660 --> 00:04:41,190
Sa̱kanꞌ te̱ ni̱ ndo̱ndi̱chi̱ sa̱va̱ ra̱, te̱ ni̱ xa̱ꞌaꞌ tiinꞌ kua̱chi̱ ndii̱ꞌ ña̱ꞌaꞌ ra̱ kaꞌán ra̱ ndii:

27
00:04:41,190 --> 00:04:55,890
―Ni̱ xi̱ni̱ so̱ꞌo̱ nduꞌu̱ kaꞌán ra̱ ndii: “Ta̱ni̱ i̱ yu̱kunꞌ kaꞌnuꞌ yoꞌoꞌ, ña̱ ni̱ kua̱ꞌa̱ xiinꞌ nda̱ꞌaꞌ te̱ yivi̱ꞌ, te̱ kivi̱ꞌ ña̱ uni̱ na̱ka̱ni̱ i̱ i̱nga̱ a̱. Te̱ ña̱ ja̱a̱nꞌ ndii, süu̱ꞌ xiinꞌ nda̱ꞌaꞌ te̱ yivi̱ꞌ kua̱ꞌa̱ a̱”, ni̱ kachi̱ ra̱ ―ni̱ kachi̱ te̱ ja̱a̱nꞌ.

28
00:04:55,890 --> 00:05:01,270
Ndisu̱ ni̱ nde̱e̱ sa̱kanꞌ ndii, nï̱ nakuitá ña̱ ndieeꞌ yu̱ꞌuꞌ ne̱ yivi̱ꞌ ja̱a̱nꞌ xaꞌa̱ꞌ a̱.

29
00:05:01,270 --> 00:05:18,060
Sa̱kanꞌ te̱ ni̱ ndo̱ndi̱chi̱ sutu̱ kaꞌnuꞌ ja̱a̱nꞌ, te̱ ni̱ xi̱kuii̱n ndi̱chi̱ ra̱ ma̱ꞌinꞌ ne̱ yivi̱ꞌ ja̱a̱nꞌ, te̱ ni̱ nda̱tuꞌu̱nꞌ ra̱ Jesús ndii: ―¿Ndichun na kö̱o̱ꞌ a̱ ku̱vi̱ kaꞌa̱n xa̱chiꞌ u̱nꞌ xaꞌa̱ꞌ u̱nꞌ? ¿Ñáá ña̱ ndi̱xa̱ nduuꞌ ña̱ tiinꞌ kua̱chi̱ te̱ yivi̱ꞌ kaa̱ꞌ yoꞌó? ―ni̱ kachi̱ ra̱.

30
00:05:18,060 --> 00:05:33,610
Ndisu̱ Jesús ndii, ni̱ yoo̱ taxi̱nꞌ yu̱ꞌuꞌ a̱, te̱ nï̱ na̱kui̱i̱n xa̱chiꞌ a̱. Sa̱kanꞌ te̱ ni̱ nda̱tuꞌu̱nꞌ tukuuꞌ ña̱ꞌaꞌ sutu̱ ja̱a̱nꞌ kaꞌán ra̱ ndii: ―¿Ñáá yoꞌó nduuꞌ Cristo, siꞌe̱ ña̱ nduuꞌ Ndiosí, ña̱ xataꞌa̱n tiinꞌ kaꞌnuꞌ e̱ꞌ? ―ni̱ kachi̱ ra̱.

31
00:05:33,610 --> 00:05:49,290
Te̱ ni̱ kaꞌa̱n Jesús ndii: ―Uun, su̱vi̱ nduuꞌ i̱. Te̱ ku̱ni̱ ndo̱ꞌ yuꞌu̱, ña̱ nduuꞌ tu̱ te̱ yivi̱ꞌ, kii̱ꞌ ku̱nduꞌu̱ꞌ i̱ xi̱i̱nꞌ kua̱ꞌa̱ Ndiosí kaꞌnuꞌ kooꞌ chukuuꞌ, te̱ ku̱ni̱ tu̱ ndo̱ꞌ kii̱ꞌ ki̱xi̱n i̱ nuu̱ꞌ viko̱ꞌ ndi̱viꞌ ―ni̱ kachi̱ a̱.

32
00:05:49,290 --> 00:05:57,500
Sa̱kanꞌ te̱ ni̱ nda̱taꞌ sutu̱ ja̱a̱nꞌ toto̱ ra̱ xaꞌa̱ꞌ a̱ ña̱ ni̱ na̱saa̱ꞌ ra̱, te̱ ni̱ kaꞌa̱n ra̱ ndii: ―Küní ka̱ ne̱ yivi̱ꞌ ndi̱e̱e̱ yu̱ꞌuꞌ nuu̱ꞌ e̱ꞌ,

33
00:05:57,500 --> 00:06:07,550
sa̱kanꞌ ña̱ sa̱kuuꞌ ndo̱ꞌ ni̱ xi̱ni̱ so̱ꞌo̱ ña̱ kani̱a̱ꞌa ra̱ xaꞌa̱ꞌ Ndiosí. ¿Sa̱a̱ tuu ndo̱ꞌ? ―ni̱ kachi̱ ra̱. Te̱ sa̱kuuꞌ te̱ yivi̱ꞌ ja̱a̱nꞌ ni̱ kaꞌa̱n ña̱ xataꞌa̱n ku̱vi̱ a̱.

34
00:06:07,550 --> 00:06:23,280
Te̱ ni̱ xa̱ꞌaꞌ sa̱va̱ ra̱ kondia tiasi̱ꞌi ña̱ꞌaꞌ ra̱, te̱ ndasi tu̱ ra̱ nuu̱ꞌ a̱, te̱ saꞌndiaꞌ ra̱ nuu̱ꞌ a̱, te̱ ndatuꞌúnꞌ ña̱ꞌaꞌ ra̱ ndii: ―Na̱ku̱ni̱ u̱nꞌ yo̱o̱ ni̱ ka̱ni̱ yoꞌó ―kachi ra̱. Te̱ ni̱ sa̱ꞌndiaꞌ tu̱ te̱ xíinꞌ, te̱ xitoꞌ yu̱kunꞌ, nuu̱ꞌ a̱.

35
00:06:23,280 --> 00:06:29,570
Te̱ kii̱ꞌ nduꞌu̱ꞌ Pedro nuu̱ꞌ ki̱ꞌe̱ ninu̱ ndii, ni̱ ku̱ya̱ti̱n i̱i̱n ñaꞌ xikaꞌ nuuꞌ nuu̱ꞌ sutu̱ kaꞌnuꞌ ja̱a̱nꞌ.

36
00:06:29,570 --> 00:06:43,510
Te̱ kii̱ꞌ ni̱ xi̱ni̱ aꞌ nduꞌu̱ꞌ ra̱ i̱kanꞌ xituni̱ꞌ ra̱, te̱ ni̱ na̱ko̱to̱ ndiꞌe̱ꞌ ña̱ꞌaꞌ aꞌ, te̱ ni̱ kaꞌa̱n aꞌ xiinꞌ ra̱ ndii: ―Ni̱ xika̱ tu̱ yoꞌó xiinꞌ Jesús, te̱ ni̱ ki̱e̱e̱ ñu̱u̱ Nazaret, kaa̱ꞌ ―ni̱ kachi̱ aꞌ.

37
00:06:43,510 --> 00:06:58,190
Ndisu̱ nï̱ ki̱e̱e̱ yu̱ꞌuꞌ ra̱ kaꞌa̱n ra̱ xiinꞌ aꞌ ndii: ―Xïní ña̱ꞌaꞌ i̱, ni̱ nde̱e̱ xïní tu̱ i̱ ndee xaꞌa̱ꞌ kaꞌán u̱nꞌ ―ni̱ kachi̱ ra̱. Sa̱kanꞌ te̱ ni̱ ke̱ta̱ ra̱ yiꞌeꞌ miiꞌ xaá u̱u̱n ne̱ yivi̱ꞌ, te̱ ni̱ ka̱na̱ i̱i̱n ndu̱chié.

38
00:06:58,190 --> 00:07:12,460
Sa̱kanꞌ te̱ ni̱ xi̱ni̱ ni̱ tu̱ku̱u̱ ña̱ꞌaꞌ ñaꞌ xikaꞌ nuuꞌ ja̱a̱nꞌ, te̱ ni̱ xa̱ꞌaꞌ aꞌ kaꞌa̱n aꞌ xiinꞌ ne̱ itaꞌ ya̱ti̱n ja̱a̱nꞌ ndii: ―Te̱ kaa̱ꞌ ndii, i̱i̱n te̱ ndiakaꞌ taꞌanꞌ xiinꞌ Jesús kaa̱ꞌ nduuꞌ ra̱ ―ni̱ kachi̱ aꞌ.

39
00:07:12,460 --> 00:07:31,000
Ndisu̱ tu̱ku̱ ni̱ ni̱ kaꞌa̱n ra̱ ña̱ xïní ña̱ꞌaꞌ ra̱. Te̱ i̱i̱n kani̱ꞌ ni̱ xkaꞌndi̱a̱ te̱ tu̱ku̱ ni̱ ni̱ kaꞌa̱n ne̱ ndi̱e̱e̱ꞌ ya̱ti̱n ja̱a̱nꞌ xiinꞌ ra̱ ndii: ―Ña̱ nda̱ku xna̱ꞌa̱ nduuꞌ a̱ ndii, i̱i̱n te̱ ndiakaꞌ taꞌanꞌ xiinꞌ te̱ kaa̱ꞌ nduuꞌ yoꞌó. Kua̱chi̱ ndii te̱ Galilea nduuꞌ u̱nꞌ, te̱ nakuitá tu̱ ndatuꞌunꞌ ndo̱ꞌ ―ni̱ kachi̱ ni̱a̱.

40
00:07:31,000 --> 00:07:44,850
Sa̱kanꞌ te̱ ni̱ xa̱ꞌaꞌ ra̱ kani̱a̱ꞌa xiinꞌ miiꞌ mi̱iꞌ ra̱, te̱ kaꞌán tu̱ ra̱ kivi̱ꞌ Ndiosí ndii: ―Xiní Ndiosí ña̱ xïní yuꞌu̱ te̱ yivi̱ꞌ, te̱ kaꞌán ndo̱ꞌ xaꞌa̱ꞌ kaa̱ꞌ. Na ka̱ni̱ a̱ yuꞌu̱ naaꞌ xini xaꞌanꞌ i̱ ―ni̱ kachi̱ ra̱.

41
00:07:44,850 --> 00:08:03,720
Te̱ ni̱ ka̱na̱ ndu̱chié i̱chiꞌ ña̱ uvi̱. Sa̱kanꞌ te̱ ni̱ na̱ka̱ꞌanꞌ Pedro ña̱ xa̱ ni̱ kaꞌa̱n Jesús xiinꞌ ra̱ ndii: “Kii̱ꞌ kuní ka̱ ka̱na̱ ndu̱chié uvi̱ i̱chiꞌ ndii, xa̱ uni̱ i̱chiꞌ ni̱ kaꞌa̱n u̱nꞌ ña̱ xïní u̱nꞌ yuꞌu̱”, ni̱ kachi̱ a̱. Te̱ kii̱ꞌ ni̱ na̱ka̱ꞌanꞌ ra̱ ña̱ ja̱a̱nꞌ te̱ ni̱ xa̱ꞌaꞌ xakuꞌ ra̱.