1
00:00:05,000 --> 00:00:06,680
Pues teꞌi.

2
00:00:06,680 --> 00:00:08,600
Yan jun tuul a cꞌojaꞌana,

3
00:00:08,600 --> 00:00:10,320
aj Lazaro u cꞌabaꞌ.

4
00:00:10,320 --> 00:00:12,520
Betania u cꞌabaꞌ u caal.

5
00:00:12,520 --> 00:00:17,080
Teꞌi ilic u caal ix Maria u yetꞌoc u quic ix Martaja.

6
00:00:17,080 --> 00:00:19,480
Leꞌec ilic ix Maria abeꞌe,

7
00:00:19,480 --> 00:00:24,080
leꞌec u toxaj a boc tu yoc a Noochtzil biqꞌuin adoꞌo.

8
00:00:24,080 --> 00:00:25,520
U choꞌaj etel u tzoꞌotzel.

9
00:00:25,520 --> 00:00:28,680
Itzꞌintzil aj Lazaro u men alaꞌooꞌo.

10
00:00:28,680 --> 00:00:31,360
Leꞌecooꞌ ix Maria etel ix Martaja,

11
00:00:31,360 --> 00:00:34,920
u tücaaꞌtajooꞌ u pectzil tiꞌi a Jesusu.

12
00:00:34,920 --> 00:00:36,360
—Noochil,

13
00:00:36,360 --> 00:00:38,680
cꞌojaꞌan a winic a yaj a wuꞌyi,

14
00:00:38,680 --> 00:00:40,800
— cu tꞌanooꞌ tiꞌi.

15
00:00:40,800 --> 00:00:43,000
Leꞌec caꞌ u yubaj abeꞌ a Jesusu,

16
00:00:43,000 --> 00:00:44,440
u yadaj:

17
00:00:44,440 --> 00:00:47,280
—Leꞌec u nuꞌcul a cꞌojaꞌanil abeꞌe,

18
00:00:47,280 --> 00:00:50,440
maꞌ tiꞌi u quimeebal aj Lazaroji.

19
00:00:50,440 --> 00:00:52,760
Chen u men a cꞌojaꞌanil abeꞌe,

20
00:00:52,760 --> 00:00:56,000
chictal u caꞌa u mucꞌ a Dioso.

21
00:00:56,000 --> 00:00:59,560
Bel ilic u caꞌa ti chictal u mucꞌ u Mejen a Dioso,

22
00:00:59,560 --> 00:01:01,720
— cu tꞌan a Jesusu.

23
00:01:01,720 --> 00:01:02,760
Pues teꞌi.

24
00:01:02,760 --> 00:01:03,840
Leꞌec a Jesusu,

25
00:01:03,840 --> 00:01:08,600
yaj u yubooꞌ ix Marta etel ix Maria etel aj Lazarojo.

26
00:01:08,600 --> 00:01:11,800
Leꞌec caꞌ u yubaj a Jesus ti cꞌojaꞌan alaꞌaji,

27
00:01:11,800 --> 00:01:14,840
maꞌ seꞌ bini u yilaꞌi.

28
00:01:14,840 --> 00:01:16,720
Pꞌaati ilic teꞌi ulaacꞌ caꞌ pꞌe qꞌuin.

29
00:01:16,720 --> 00:01:19,160
Mani a caꞌ pꞌe qꞌuini.

30
00:01:19,160 --> 00:01:21,840
—Coꞌneꞌex ich cuenta Judea tucayeꞌil,

31
00:01:21,840 --> 00:01:25,120
— cu tꞌan a Jesus tiꞌijooꞌ u yaj cambala.

32
00:01:25,120 --> 00:01:26,240
—Maestro,

33
00:01:26,240 --> 00:01:27,680
— cu tꞌanooꞌ u yaj cambal tiꞌi.

34
00:01:27,680 --> 00:01:29,080
—Ti a qꞌuin a maniji,

35
00:01:29,080 --> 00:01:31,120
leꞌecooꞌ a nucuch winiqui,

36
00:01:31,120 --> 00:01:36,720
u yaaltajooꞌ u pꞌupꞌuchchꞌinteech etel tunich y ¿tan wa a tuclic a caꞌ beel teꞌi tucayeꞌil?

37
00:01:36,720 --> 00:01:38,480
— cu tꞌanooꞌ tiꞌi.

38
00:01:38,480 --> 00:01:42,880
—Doce hora yan ichil a jujun pꞌe qꞌuini.

39
00:01:42,880 --> 00:01:45,840
Leꞌec ti tan u ximbal a mac ti qꞌuini,

40
00:01:45,840 --> 00:01:49,000
maꞌ tu tꞌochic u yoc u men chicaꞌan u wich u men a qꞌuini,

41
00:01:49,000 --> 00:01:51,120
— cu tꞌan a Jesus ti uchi u nuuc.

42
00:01:51,120 --> 00:01:52,000
—Cꞌuꞌ betiqui,

43
00:01:52,000 --> 00:01:55,560
leꞌec ti tan u ximbal ichil a acꞌüꞌü,

44
00:01:55,560 --> 00:01:59,440
bel u caꞌa u tꞌochoꞌ u yoc u men maꞌ chicaꞌan u wich,

45
00:01:59,440 --> 00:02:01,880
— cu tꞌan a Jesusu.

46
00:02:01,880 --> 00:02:04,240
Leꞌec ti jobi u yadic abeꞌe,

47
00:02:04,240 --> 00:02:06,840
u yadaj tiꞌijooꞌ u yaj cambal:

48
00:02:06,840 --> 00:02:09,440
—Leꞌec ti amigo Lazarojo,

49
00:02:09,440 --> 00:02:11,160
emi tun u wüyül.

50
00:02:11,160 --> 00:02:12,240
Cꞌuꞌ betiqui,

51
00:02:12,240 --> 00:02:13,920
bel in caꞌa in wajes,

52
00:02:13,920 --> 00:02:16,440
— cu tꞌan a Jesus tiꞌijooꞌo.

53
00:02:16,440 --> 00:02:17,600
—Noochil,

54
00:02:17,600 --> 00:02:19,080
wa emi u wüyül,

55
00:02:19,080 --> 00:02:20,360
bel u caꞌa ti chꞌanül,

56
00:02:20,360 --> 00:02:23,720
— cu tꞌanooꞌ u yaj cambal tiꞌi.

57
00:02:23,720 --> 00:02:25,240
Cꞌuꞌ betic a Jesusu,

58
00:02:25,240 --> 00:02:27,080
u yadaj ti quimi,

59
00:02:27,080 --> 00:02:28,640
y alaꞌooꞌo,

60
00:02:28,640 --> 00:02:31,840
u tuclajooꞌ ti chen tan u yadic ti uchi u wüyül.

61
00:02:31,840 --> 00:02:33,000
Pachili,

62
00:02:33,000 --> 00:02:35,480
chiclaji u tꞌan a Jesus tiꞌijooꞌo.

63
00:02:35,480 --> 00:02:37,680
—Quimen aj Lazarojo,

64
00:02:37,680 --> 00:02:38,800
— cu tꞌan tiꞌijooꞌ.

65
00:02:38,800 --> 00:02:40,760
—Quiꞌ in wool ti maꞌ queꞌenen teꞌi,

66
00:02:40,760 --> 00:02:44,000
yocꞌol mas quiꞌ caꞌ jocꞌoc teꞌex tiꞌi a mas tzꞌocsiqueneꞌex.

67
00:02:44,000 --> 00:02:45,840
Coꞌneꞌex teꞌi,

68
00:02:45,840 --> 00:02:49,640
— cu tꞌan a Jesus tiꞌijooꞌ u yaj cambala.

69
00:02:49,640 --> 00:02:51,240
—Coꞌneꞌex tu pach a Jesusu.

70
00:02:51,240 --> 00:02:53,000
Ti wetquimilac teꞌi,

71
00:02:53,000 --> 00:02:57,000
— cu tꞌan aj Tomas tiꞌijooꞌ u chucaan u yaj cambala.

72
00:02:57,000 --> 00:02:58,200
Leꞌec aj Tomasa,

73
00:02:58,200 --> 00:02:58,320
—Cꞌuj,

74
00:02:58,320 --> 00:03:00,040
— cu tꞌanooꞌ tiꞌi.

75
00:03:00,040 --> 00:03:01,000
Pues teꞌi.

76
00:03:01,000 --> 00:03:03,320
Leꞌec ti cꞌochi teꞌi a Jesusu,

77
00:03:03,320 --> 00:03:07,280
u yubaj ti cuatro qꞌuin tun muucuc aj Lazarojo.

78
00:03:07,280 --> 00:03:11,440
Maꞌ naach tzeel Jerusalen queꞌen a caj Betaniaja,

79
00:03:11,440 --> 00:03:12,880
u caal a quimene.

80
00:03:12,880 --> 00:03:16,000
Jabix wal ox pꞌe kilometro u yaam.

81
00:03:16,000 --> 00:03:21,880
Cꞌochooꞌ sutinbil ix Marta etel ix Maria u menooꞌ u yetcaal a talaꞌanooꞌ Jerusalene.

82
00:03:21,880 --> 00:03:26,320
U cꞌatooꞌ u quiꞌcuntooꞌ u yool u men quimooꞌ u yitzꞌin.

83
00:03:26,320 --> 00:03:29,280
Leꞌec caꞌ u yubaj ix Marta ti watac a Jesusu,

84
00:03:29,280 --> 00:03:31,040
bini u cꞌümüꞌ.

85
00:03:31,040 --> 00:03:32,400
Leꞌec ix Mariaja,

86
00:03:32,400 --> 00:03:34,320
tinaꞌan ilic ich naj.

87
00:03:34,320 --> 00:03:35,600
—Noochil,

88
00:03:35,600 --> 00:03:37,440
wa cuchi queꞌenech waꞌyeꞌe,

89
00:03:37,440 --> 00:03:39,400
maꞌ cuchi quimi in witzꞌini,

90
00:03:39,400 --> 00:03:40,960
— cu tꞌan ix Marta tiꞌi a Jesusu.

91
00:03:40,960 --> 00:03:44,720
—In weel ti tulacal cꞌuꞌ a walac a cꞌaatic tiꞌi a Dioso,

92
00:03:44,720 --> 00:03:46,640
walac u tzꞌeec tech,

93
00:03:46,640 --> 00:03:49,120
— cu tꞌan tiꞌi a Jesusu.

94
00:03:49,120 --> 00:03:52,480
—Bel u caꞌa ti caꞌ cuxtal a witzꞌin,

95
00:03:52,480 --> 00:03:54,880
— cu tꞌan a Jesus tiꞌiji.

96
00:03:54,880 --> 00:04:02,120
—In weel ti bel u caꞌa ti liqꞌuil tu qꞌuinil u caꞌ cuxquinbil a quimen tu jobeeb a yocꞌolcaba,

97
00:04:02,120 --> 00:04:04,480
— cu tꞌan ix Marta tiꞌiji.

98
00:04:04,480 --> 00:04:08,520
—Inen ilic bel in quin caꞌ cuxquinte a quimene.

99
00:04:08,520 --> 00:04:11,120
Leꞌec mac a queꞌen u yool tin pacha,

100
00:04:11,120 --> 00:04:14,680
caꞌax quimic bel ilic u caꞌa ti caꞌ cuxtal,

101
00:04:14,680 --> 00:04:14,780
— cu tꞌan a Jesusu.

102
00:04:14,780 --> 00:04:19,480
—Leꞌec boon a cuxaꞌan a queꞌen u yool tin pacha,

103
00:04:19,480 --> 00:04:20,840
maꞌ yan qꞌuin u quimil jumpul.

104
00:04:20,840 --> 00:04:22,640
¿Walac wa a tzꞌocsic abeꞌe?

105
00:04:22,640 --> 00:04:25,360
— cu tꞌan a Jesus tiꞌi ix Martaja.

106
00:04:25,360 --> 00:04:27,040
—Walac Noochil.

107
00:04:27,040 --> 00:04:29,680
Walac in tzꞌocsic ti leꞌec incheche,

108
00:04:29,680 --> 00:04:33,040
leꞌec u yaj Saꞌalil a cristianojo.

109
00:04:33,040 --> 00:04:34,360
Leꞌec incheche,

110
00:04:34,360 --> 00:04:40,280
leꞌec u Mejen Dios a walac u yaalbül ti udel u caꞌa waꞌyeꞌ yocꞌolcaba,

111
00:04:40,280 --> 00:04:42,840
— cu tꞌan ix Marta tiꞌiji.

112
00:04:42,840 --> 00:04:43,960
Pues teꞌi.

113
00:04:43,960 --> 00:04:46,440
Leꞌec ti jobi u yadic abeꞌ ix Martaja,

114
00:04:46,440 --> 00:04:49,160
uscꞌaji tu pach u püyüꞌ ix Mariaja.

115
00:04:49,160 --> 00:04:51,920
—Udi a Maestrojo.

116
00:04:51,920 --> 00:04:53,320
Tan u püyiquech,

117
00:04:53,320 --> 00:04:56,120
— cu tꞌan tiꞌi ich jisiltꞌan.

118
00:04:56,120 --> 00:04:58,360
Leꞌec caꞌ u yubaj abeꞌe,

119
00:04:58,360 --> 00:04:59,760
liqꞌui ti jomol.

120
00:04:59,760 --> 00:05:01,680
Bini u yilaꞌ a Jesusu.

121
00:05:01,680 --> 00:05:04,280
Maꞌax to ococ a Jesus ichil a caja.

122
00:05:04,280 --> 00:05:07,920
Queꞌen to teꞌi tuba pꞌütbi u men ix Marta.

123
00:05:07,920 --> 00:05:11,160
Leꞌecooꞌ u yaj sutil a tanooꞌ u chichcunaj-oolo,

124
00:05:11,160 --> 00:05:16,040
leꞌec caꞌ u yilajooꞌ ti liqꞌui ti jomol y bini pach naj ix Mariaja,

125
00:05:16,040 --> 00:05:17,520
binooꞌ tu pach.

126
00:05:17,520 --> 00:05:21,800
U tuclajooꞌ ti bel u caꞌa u yocꞌte a quimen tuba mucbi.

127
00:05:21,800 --> 00:05:25,080
Leꞌec ti cꞌochi ix Maria tuba queꞌen a Jesusu,

128
00:05:25,080 --> 00:05:27,160
xonlaji tu taan.

129
00:05:27,160 --> 00:05:28,320
—Noochil,

130
00:05:28,320 --> 00:05:30,120
wa cuchi queꞌenech waꞌyeꞌe,

131
00:05:30,120 --> 00:05:32,800
maꞌ cuchi quimi in witzꞌin,

132
00:05:32,800 --> 00:05:34,080
— cu tꞌan tiꞌi.

133
00:05:34,080 --> 00:05:35,320
Leꞌec a Jesusu,

134
00:05:35,320 --> 00:05:37,200
u yilaj ti tan u yocꞌol.

135
00:05:37,200 --> 00:05:41,880
Tanooꞌ ilic u yocꞌol boon aj Israel a queꞌenooꞌ tu pach ix Mariaja.

136
00:05:41,880 --> 00:05:44,520
Yajaji u yool u püsücꞌal a Jesusu.

137
00:05:44,520 --> 00:05:46,360
—¿Tuba mucbi?

138
00:05:46,360 --> 00:05:48,080
— cu tꞌan a Jesusu.

139
00:05:48,080 --> 00:05:48,960
—Noochil,

140
00:05:48,960 --> 00:05:51,520
coꞌon a wilaꞌ,

141
00:05:51,520 --> 00:05:52,600
— cu tꞌanooꞌ tiꞌi.

142
00:05:52,600 --> 00:05:54,600
Uchi u yocꞌol a Jesusu.

143
00:05:54,600 --> 00:05:55,880
—Ileꞌex,

144
00:05:55,880 --> 00:05:57,640
top yaj u yubi a quimene,

145
00:05:57,640 --> 00:06:01,480
— cu tꞌanooꞌ aj sutil a queꞌenooꞌ tu pach ix Mariaja.

146
00:06:01,480 --> 00:06:02,720
—Alaꞌaji,

147
00:06:02,720 --> 00:06:05,320
u sasilcuntaj u wich a chꞌoopo.

148
00:06:05,320 --> 00:06:12,200
¿Maꞌ wa cuchi yan cꞌuꞌ u betaj yocꞌol maꞌ cuchi quimi aj Lazarojo?

149
00:06:12,200 --> 00:06:15,840
— cu tꞌanooꞌ ulaacꞌ aj Israel tu yaamooꞌo.

150
00:06:15,840 --> 00:06:17,000
Pues teꞌi.

151
00:06:17,000 --> 00:06:19,560
Cꞌochi a Jesus tuba mucbi a quimene.

152
00:06:19,560 --> 00:06:22,720
Caꞌ yajaji u yool u püsücꞌal tucayeꞌil.

153
00:06:22,720 --> 00:06:24,960
Naj tunich abeꞌ tuba mucbi.

154
00:06:24,960 --> 00:06:27,760
Cꞌülaꞌan u chiꞌ etel noxiꞌ tunich.

155
00:06:27,760 --> 00:06:30,040
—Joqꞌueseꞌex a tunichi,

156
00:06:30,040 --> 00:06:32,320
— cu tꞌan a Jesusu.

157
00:06:32,320 --> 00:06:33,240
—Noochil,

158
00:06:33,240 --> 00:06:35,200
tuꞌuj tun u boc.

159
00:06:35,200 --> 00:06:37,320
Cuatro qꞌuin tun muucuc,

160
00:06:37,320 --> 00:06:40,920
— cu tꞌan ix Marta leꞌec u quic a quimen tiꞌiji.

161
00:06:40,920 --> 00:06:44,320
—Maꞌ wa in wadaj tech wa queꞌen a wool tin pacha,

162
00:06:44,320 --> 00:06:46,880
bel a caꞌa a wilaꞌ u mucꞌ a Dioso,

163
00:06:46,880 --> 00:06:49,160
— cu tꞌan a Jesus tiꞌiji.

164
00:06:49,160 --> 00:06:51,120
U jocꞌsajooꞌ a tunichi.

165
00:06:51,120 --> 00:06:52,120
Leꞌec a Jesusu,

166
00:06:52,120 --> 00:06:52,480
u chaꞌantaj a caꞌana.

167
00:06:52,480 --> 00:06:53,320
—Boꞌtic Tat.

168
00:06:53,320 --> 00:06:56,000
A wuꞌyaj in tꞌan,

169
00:06:56,000 --> 00:06:57,320
— cu tꞌan a Jesusu.

170
00:06:57,320 --> 00:07:01,560
—In weel ti tulacal qꞌuin walac a wuꞌyic in tꞌan.

171
00:07:01,560 --> 00:07:02,160
Cꞌuꞌ betiqui,

172
00:07:02,160 --> 00:07:05,920
in wadaj abeꞌ u menooꞌ a cristiano a queꞌenooꞌ waꞌyeꞌe,

173
00:07:05,920 --> 00:07:08,840
tiꞌi caꞌ u tzꞌocsooꞌ ti a tücaaꞌtajen,

174
00:07:08,840 --> 00:07:10,800
— cu tꞌan a Jesusu.

175
00:07:10,800 --> 00:07:13,000
Leꞌec ti jobi u yadic abeꞌe,

176
00:07:13,000 --> 00:07:14,440
u yadaj ti chich:

177
00:07:14,440 --> 00:07:16,040
—Lazaro,

178
00:07:16,040 --> 00:07:18,080
liqꞌuen.

179
00:07:18,080 --> 00:07:18,960
Coꞌon,

180
00:07:18,960 --> 00:07:19,720
— cu tꞌan.

181
00:07:19,720 --> 00:07:21,080
Joqꞌui a quimene.

182
00:07:21,080 --> 00:07:23,800
Bülaꞌan u cꞌüꞌ u yoc etel nocꞌ.

183
00:07:23,800 --> 00:07:25,800
Tepaꞌan u wich etel nocꞌ.

184
00:07:25,800 --> 00:07:28,480
—Wüchꞌeꞌex aj Lazarojo,

185
00:07:28,480 --> 00:07:30,920
— cu tꞌan a Jesus tiꞌijooꞌo.

186
00:07:30,920 --> 00:07:31,880
Pues teꞌi.

187
00:07:31,880 --> 00:07:35,600
Leꞌecooꞌ aj Israel a tücünacooꞌ tu pach ix Mariaja,

188
00:07:35,600 --> 00:07:38,360
u yilajooꞌ cꞌuꞌ u betaj a Jesusu.

189
00:07:38,360 --> 00:07:40,480
Yaabooꞌ tu yaam alaꞌooꞌo,

190
00:07:40,480 --> 00:07:43,360
u tzꞌajooꞌ u yool tu pach a Jesusu.

191
00:07:43,360 --> 00:07:44,400
Cꞌuꞌ betiqui,

192
00:07:44,400 --> 00:07:48,840
yan tu yaamooꞌ a binooꞌ etel a fariseo u cꞌabaꞌooꞌ u naꞌata.

193
00:07:48,840 --> 00:07:51,840
U tzolajooꞌ tiꞌi cꞌuꞌ u betaj a Jesusu.

194
00:07:51,840 --> 00:07:53,040
Pues teꞌi.

195
00:07:53,040 --> 00:07:57,280
Leꞌecooꞌ u noochil u yaj mansaj tꞌan a cristiano tiꞌi a Dioso,

196
00:07:57,280 --> 00:08:00,560
u yetꞌocooꞌ a fariseo u cꞌabaꞌooꞌ u naꞌata,

197
00:08:00,560 --> 00:08:03,040
u yadajooꞌ caꞌ muchꞌlacooꞌ.

198
00:08:03,040 --> 00:08:04,920
—¿Cꞌuꞌ a caꞌ ti beteꞌ?

199
00:08:04,920 --> 00:08:08,120
Top walac u betic a milagro a winic abeꞌe,

200
00:08:08,120 --> 00:08:10,440
— cu tꞌanooꞌ tu bajil.

201
00:08:10,440 --> 00:08:13,280
—Wa caꞌ ti chaaꞌ u mas betic ti baaloꞌo,

202
00:08:13,280 --> 00:08:16,680
tulacalooꞌ belooꞌ u cu tzꞌaaꞌ u yool tu pach alaꞌaji.

203
00:08:16,680 --> 00:08:19,240
Jedeꞌec wal u tzꞌeec u bajil jabix rey.

204
00:08:19,240 --> 00:08:20,280
Pachili,

205
00:08:20,280 --> 00:08:22,680
watacooꞌ aj Romanojooꞌ tu cꞌasil.

206
00:08:22,680 --> 00:08:24,920
Belooꞌ u caꞌa u jubuꞌ ti cuuchil,

207
00:08:24,920 --> 00:08:26,840
leꞌec u yotoch a Dioso.

208
00:08:26,840 --> 00:08:29,640
Belooꞌ ilic u caꞌa u cꞌascunte ti caal,

209
00:08:29,640 --> 00:08:31,920
— cu tꞌanooꞌ tu bajil.

210
00:08:31,920 --> 00:08:33,000
Pues teꞌi.

211
00:08:33,000 --> 00:08:34,680
Yan jun tuul tu yaamooꞌ,

212
00:08:34,680 --> 00:08:36,560
aj Caifas u cꞌabaꞌ.

213
00:08:36,560 --> 00:08:37,400
Alaꞌaji,

214
00:08:37,400 --> 00:08:42,840
mas nooch u wichil u meyaj tu yaamooꞌ u yaj mansaj tꞌan a cristiano tiꞌi a Dioso.

215
00:08:42,840 --> 00:08:44,280
—Incheꞌexe,

216
00:08:44,280 --> 00:08:46,480
maꞌax cꞌuꞌ a weeleꞌex,

217
00:08:46,480 --> 00:08:47,120
— cu tꞌan tiꞌijooꞌ.

218
00:08:47,120 --> 00:08:56,400
—Maꞌ wa chicaꞌan teꞌex ti mas quiꞌ toꞌon caꞌ quimsabüc jun tuul a winic ti u jel a caj tiꞌi maꞌ u cꞌascunbul tulacal a caja,

219
00:08:56,400 --> 00:08:59,440
— cu tꞌan aj Caifas tiꞌijooꞌo.

220
00:08:59,440 --> 00:09:02,000
Maꞌ chen tu junal u tuclaj abeꞌi.

221
00:09:02,000 --> 00:09:05,880
Tzꞌabi tiꞌi aj Caifas u men Dios caꞌ u yadüꞌ abeꞌe,

222
00:09:05,880 --> 00:09:13,000
u men leꞌec alaꞌi a mas nooch u wichil u meyaj tu yaamooꞌ u yaj mansaj tꞌan a cristiano tiꞌi a Dioso.

223
00:09:13,000 --> 00:09:15,360
Tanil u yadic abeꞌe,

224
00:09:15,360 --> 00:09:17,640
u yadaj cꞌuꞌ a uchul u caꞌaja.

225
00:09:17,640 --> 00:09:19,160
Leꞌec a Jesusu,

226
00:09:19,160 --> 00:09:21,800
bel u caꞌa ti quimil yocꞌlal a caja.

227
00:09:21,800 --> 00:09:27,520
Maꞌ jadiꞌ yocꞌol a caj bel u caꞌa ti quimil.

228
00:09:27,520 --> 00:09:30,720
Bel u caꞌa ti quimil tiꞌi caꞌ muchꞌquinbic boon a tiꞌi a Dioso,

229
00:09:30,720 --> 00:09:32,960
leꞌec a wecaꞌanooꞌo.

230
00:09:32,960 --> 00:09:34,800
Ti a qꞌuin abeꞌe,

231
00:09:34,800 --> 00:09:36,880
leꞌecooꞌ a nucuch winiqui,

232
00:09:36,880 --> 00:09:40,080
cajooꞌ u tucle biqui caꞌ quimsabüc a Jesusu.

233
00:09:40,080 --> 00:09:41,360
Pues teꞌi.

234
00:09:41,360 --> 00:09:42,280
A Jesusu,

235
00:09:42,280 --> 00:09:44,440
u yeel cꞌuꞌ u cꞌatooꞌ u beteꞌ,

236
00:09:44,440 --> 00:09:45,440
mentücü,

237
00:09:45,440 --> 00:09:49,480
maꞌ u caꞌ yeꞌaj u bajil ti tan u manül ich cuenta Judea.

238
00:09:49,480 --> 00:09:50,720
Joqꞌui teꞌi.

239
00:09:50,720 --> 00:09:52,960
Bini ich caj Efrain.

240
00:09:52,960 --> 00:09:55,280
Tu chiꞌ a pꞌatal luꞌum queꞌen a caj abeꞌe.

241
00:09:55,280 --> 00:09:58,680
Culaji teꞌi u yetꞌocooꞌ u yaj cambal.

242
00:09:58,680 --> 00:10:00,160
Pues teꞌi.

243
00:10:00,160 --> 00:10:08,520
Watac u qꞌuinil u fiestajooꞌ aj Israel leꞌec ti tan u cꞌajsabül biqꞌuin mani u yaj xaꞌnum Dios ti caꞌan yocꞌolooꞌ uchi.

244
00:10:08,520 --> 00:10:10,720
Yaabooꞌ aj aldeajili,

245
00:10:10,720 --> 00:10:16,480
tanooꞌ u payeꞌ beel ich Jerusalen leꞌec ti maꞌax to cꞌochoc u qꞌuinil a fiestaja.

246
00:10:16,480 --> 00:10:23,880
Tanooꞌ u payeꞌ beel tiꞌi caꞌ u yutzquintooꞌ u bajil jabix ti sucooꞌ u beteꞌ tiꞌi caꞌ paatac u yilooꞌ a fiestaja.

247
00:10:23,880 --> 00:10:25,320
Alaꞌooꞌo,

248
00:10:25,320 --> 00:10:29,400
chen tu quiꞌil tanooꞌ ilic u cüxtic tuba queꞌen a Jesusu.

249
00:10:29,400 --> 00:10:33,080
Tanooꞌ u cꞌaatic tu bajil ichil u yotoch a Dioso.

250
00:10:33,080 --> 00:10:35,400
—¿Biquiꞌil a tuculeꞌex?

251
00:10:35,400 --> 00:10:38,600
¿Jedeꞌec wa u talel ti a fiestaja?

252
00:10:38,600 --> 00:10:41,960
— cu tꞌanooꞌ a talooꞌ ich aldea tu bajili.

253
00:10:41,960 --> 00:10:43,320
Pues teꞌi.

254
00:10:43,320 --> 00:10:49,920
Leꞌecooꞌ u noochil u yaj mansaj tꞌan a cristiano tiꞌi Dios u yetꞌocooꞌ a fariseo u cꞌabaꞌooꞌ u naꞌata,

255
00:10:49,920 --> 00:10:52,080
u tzꞌajooꞌ a leye.

256
00:10:52,080 --> 00:10:55,480
—Wa yan mac u yeel tuba queꞌen alaꞌaji,

257
00:10:55,480 --> 00:10:57,200
yan u talel u tzolooꞌ,

258
00:10:57,200 --> 00:10:59,040
— cu tꞌanooꞌ.

259
00:10:59,040 --> 00:11:00,240
Ti baaloꞌo,

260
00:11:00,240 --> 00:11:03,720
bel u caꞌa müchbül.