\id 2JN
\h 2 Juan
\mt To̱ʼon yóʼo kía̱n kúú uu̱ ni̱ taa San Juan
\c 1
\s Káʼa̱n Juan ndisáʼán
\p
\v 1 Yuʼu̱ kúú na̱ sáʼano noo̱ ndo̱, ta káʼa̱n yuʼu̱ ndisáʼán xíʼín yoʼó, ki̱ʼo mani̱í, na̱ ni̱ ka̱xi mií Ndios, xíʼín no̱ó de̱ʼón, na̱ kúú kuendá Jesús. Kanaʼá ndó ña̱ miía̱n ndaa̱ kuiti kúʼu̱ ini yuʼu̱ saʼa̱ ndo̱, ta o̱ du̱ú iin tóʼón yuʼu̱ kúʼu̱ ini saʼa̱ ndo̱, chi̱ ndidaá kúú vá na̱ kándísa ña̱ ndaa̱ kúʼu̱ ini saʼa̱ ndo̱.
\v 2 Kúʼu̱ inii̱ saʼa̱ ndo̱ʼó sa̱ʼá ña̱ ió ña̱ ndaa̱ ini nío̱ yo̱, ta ná koo ña̱ ndaa̱ yóʼo xíʼá ndidaá táʼa̱n kuu̱.
\v 3 Ná kee tatá Ndios xíʼín de̱ʼe na Jesucristo, na̱ kúú satoʼo yo̱, ña̱ mani̱ xíʼín ndoʼó, ta ná kuʼu̱ ini na̱ saʼa̱ ndo̱, ta naki̱ʼo na ña̱ koo va̱ʼa ini ndo̱. Ta ná kendisa na dión xíʼín ndó sa̱ʼá ña̱ kúʼu̱ ini na̱ saʼa̱ ndo̱.
\s Kandita toon ndó xíʼín ña̱ ndaa̱ káʼa̱n saʼa̱ Jesús
\p
\v 4 Ta kádii̱ nda̱ʼo inii̱, chi̱ ni̱ na̱níʼi̱ yuʼu̱ dao na̱ kúú kuendá yo̱ʼó ndéi na kée na ña̱ ndaa̱, táto̱ʼon ki̱ʼo ni̱ saʼanda tatá Ndios choon noo̱ yo̱.
\v 5 Ta viti, ki̱ʼo miíi̱, ko̱ táai iin choon sa̱á ko̱saa̱ noo̱ ndo̱, chi̱ ña̱ yóʼo kúú choon ni̱ niʼi̱ yo̱ nda̱ rá mií saʼa̱, sa̱ʼá ño̱ó seí ndaʼávíi̱ noo̱o̱n ña̱ ná kuʼu̱ ini saʼa̱ sátáʼan yó.
\v 6 Chi̱ tá ná kuʼu̱ ini saʼa̱ sátáʼan yó, dá kía̱n kée yó choon saʼándá Ndios. Ta ña̱ yóʼo kúú choon ni̱ niʼi̱ yo̱ nda̱ rá mií saʼa̱ ña̱ ná kandei yó kuʼu̱ ini saʼa̱ sátáʼan yó.
\p
\v 7 Chi̱ kua̱ʼá nda̱ʼo na̱ to̱ʼón xíonoo ñayuú yóʼo, ta kátoó na̱ dándaʼí ñaá ná. No̱ón kúú na̱ ko̱ nákoni ña̱ ni̱ nduu Jesucristo iin ta̱a ñayuú yóʼo. Ta ña̱yuu kée dión kúú na̱ ndúkú dándaʼí ñaá, ta xiní uʼu̱ na̱ Jesucristo.
\v 8 Sa̱ʼá ño̱ó kandaa ndo̱ mií ndó, chi̱ oon ni ví kandeé rá dátu̱ú rá ndo̱ʼó, dá ná o̱ ko̱ní ndo̱ natiin ndó ña̱ va̱ʼa noo̱ Ndios sa̱ʼá choon kée ndó noo̱ mií ná. Sa̱ʼá ño̱ó ndi̱ʼi ini ndo̱, dá natiin ndiʼi ndó ña̱ xíʼo oon Ndios no̱ó ña̱yuu na̱.
\v 9 Ndi ndáa miíó ña̱yuu ni̱ ke̱xoo no̱ó ña̱ ndaa̱ saʼa̱ Cristo Jesús, ta ko̱ ndíta toon na xíʼán, no̱ón kúú na̱ ko̱ ió taʼon Ndios xíʼín ná. Tído na̱ ndíta toon xíʼín ña̱ ndaa̱ saʼa̱ Cristo Jesús, no̱ón kúú na̱ ió tatá Ndios xíʼín, ta ió taʼani de̱ʼe na xíʼín ná.
\v 10 Ta ndi ndáa mií vá na̱ ve̱i dánaʼa̱ noo̱ ndo̱ noo̱ ndéi ndó veʼe ndó, ta ko̱ dánaʼa̱ na̱ ña̱ ndaa̱ saʼa̱ Jesús, o̱ sa̱ chíʼi ndó na̱ veʼe ndó. Ta ná dáʼa ni kaa ndo̱ diʼa xíʼín ná: “Va̱ʼa kúú ni̱ ka̱sáa̱ ní. Koo ní veʼe.”
\v 11 Dá chi̱ tá ná natiin va̱ʼa ndó na̱, dá kía̱n iin ni̱ nduu va ndó xíʼín ná no̱ó ña̱ kini kée na.
\s Ndáti Juan saa̱ na̱ kande̱ʼé ná ña̱yuu ñoó
\p
\v 12 Kua̱ʼá nda̱ʼo ña̱ʼa ió kaʼi̱n xíʼín ndó, tído ko̱ kóni̱ taʼon yuʼu̱ ña̱ kía̱n taai ña̱ noo̱ iin tuti saa̱a̱n noo̱ ndo̱. Dá chi̱ ndátii saa̱i̱ kande̱ʼí ndo̱ʼó, ta kaʼa̱n yúʼí xíʼín ndó, dá ná xi̱nko̱o ña̱ kádii̱ ini yo̱.
\v 13 Ta dao ka̱ na̱ kúú kuendá kuʼu̱ miíón ndéi yóʼo, táʼa̱n na̱ ni̱ ka̱xi mií Ndios, tándaʼá taʼani na ndisáʼán ko̱saa̱ noo̱o̱n. Dión ná koo.